FALLEN_ANGEL BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FALLEN_ANGEL BY BEARR CHHAKCHHUAK (Completed)

Unread post by Ngaia » September 19th, 2021, 4:28 pm

CHAPTER-25☄️



"Ih..englo mi..mi hmu turin ka..ka kal a" bah zet chuan ka ti nawk nawk a,ka thusawi chu a ring em ringlo em tuh a hmel ka en pawh in ka hrethiam lo a buai nuaih hi ani mai



"Saw..I hmuh duh chu" min thlah deuh nawk in a kalsawn nghal a, Dr Joseph-a lam beidawng lutuk in ka va hawi a ani pawhin tih ngaih na hrelo zet in min lo en ve tawp bawk



Ka tlan chhuak a ka rin aiin Zoramsanga chu a kal chak phian lehnghal ka um pha mai lo..pawn ah ka tlan chhuak a car a lut tur chu dan hman ngei ka duh avangin ka thiante min lo nghak a ding khawm thap pawh chu ka ngaihsak lo ka tlan pel a



"Min ngaithla teh.." ka va pawt deuh sawk a,lut lui lo in ani pawh a rawn in her ve nghal na zet in car kawngkhar a khar chawrh bawk



"Tun ah chuan ka thinrim lutuk engmah sawi rihlo ang.." dam zet si ngaihthlak nuam miah silo hian a ti bung churh a



"I ngaih ang kha ani miahlo ania..hetah hian tu emaw hmu turin ka kal a Dr Joseph-a kha ka.kal na room ah khan mi in an lo ko a alo awm ve tawp anihkha in hmuh tum kan nilo"a kawr tlang ah a kalsawn hlau takin ka pawt tlat a



"In hmuh tum in nilo anihchuan tunge hmuh I tum?" bung deuh hian ati nawn leh tawp a



"Tu..tu emaw vawikhatmah ka la hmuh ngailoh" ka tih chuan awihloh hmel takin a nui tawi tup a,ka sawi mai loh chhan pawh ka pa tak chhuanlam tur a awm Chuang miau loh vang ani



"A nihchu.. naktuk ah kan la sawi tha leh dawn nia" Dr Joseph-a engmah sawilo a kan pahnih min rawn kal pel lai chu rum lutuk in a melh pah a



"A ni pawh khan min hmu kha mak ati lutuk..hmuh ka tum loh zia chu ka thiante pawh saw zawt rawh an sawi thei vek ang..keichuan midang hmuh ka tum" ka thusawi ngaihsak miahlo a car kawngkhar a ban chu a kawr ka pawh lai ka pawt leh pawp a



"Tunge I hmuh tum pawh min hrilh lo.. chutiang chung a nangmah ngaizawng tu che nen room khat a ka hmuh dun cheu chungchang ah zep then I la nei a..! I bialpa ka nih hi Thansangi..a zawng zawng min hrilh theilo mahla mipa dang nen ka hmuh cheu chungchang ah hi chuan then nei suh" vin lut a atih vang chuan ka hlauh vangin a kawr ka pawh na pawh ka thlah nghal




"Ka tha tawk lo ami? I ngaihzawng atan ka tha tawk lo em ni? Enge ka tlin tawk loh na? I duh ang tawkin ka la ngaihsak lo che a ka la hmangaih tawk lo che em ni?" A aw rawl hlauhawm lutuk vang chuan ka ding khawr tawp



Zoramsanga hian min lo hmangaih daih tawh maw? tun a a sawi zawh chiah ah khan min hmangaih thu a sawi tel a lawm! Tawng na chang ka hrelo a ka thiante chuan min khawngaih nge min rawn kuah in Zoramsanga awm loh na ah min kalsawn pui hmak a Tluanga alo in hrosa chiam bawk



"Then vang vang rawh,a ring miahlo che anihkha" a tih lai pawhin ka kal na kawng en miahlo in Zoramsanga la ding reng chu ka la en tawk tawk a



"Than.. naktuk ah engkim a tha leh vek mai ang,a la thinrim rih em a nih saw tun ah in sawifiah tum mahla a ring chuanglo ang che..khua var se in sawi dun leh zawk dawn nia" Chhandama'n a lo ti ve bawk a



"Nia.. Chhana sawi chu keipawh ka pawm" Feli chuan zawi sap in alo ti ve bawk a



"Chhan.. i a tawh ami? A tawng khum dan te kha! biak leh a ngai in ka hre miahlo keichu" Tluanga lo thinrim ve bawk chuan ati hlawk hlawk a.



"Ngai e.. tihsual neilo ve ve hriatsual nei chauh an nia .thil an hriatsual vang a an in then ringawt hi a tha lo daih zawk" puitling takin Chhandama chuan alo ti let a



"Tinge I pa ang an bum che kha I hrilh mai loh a?" Feli chuan a lo ti a Chhandama'n engmah min zawt a sawi rih tawhlo turin Tluanga nen alo hrilh nghal vat..kan vaiin taxi la chuan kan haw a ka pi te in ah pawh ka peng ta lo



In ah ka room ah mu in ka ngawi reng a Tluanga peh Chhandama ten min awmpui a Feli erawh a pa in a lo call reng tawh vangin leh Chhandama ten min awmpui tho vangin hreh deuh si in min haw san a



"Lungngai suh,khua a var te chuan a thinrim pawh a reh ve tawh em em ang.." ka rilru mangan zia hria ni awm takin Chhandama bawk chuan ati a, Tluanga la thinrim erawh a thu ngawi reng thung



"Engtin nge alo kal theih le..?" Ka ti chhuak sap a kan vaiin kan ngawi leh duak,a lo kal ngawt dan kha ka ngaihtuah thiam lo ka awm na room ah ber kher lehnghal



"Nangmah bum tu hian a call ve tho anih ka ring..I pa pawh nilo a ani a call daih dan ah Dr Joseph-a te nen in boruak hre ru ran in Scar-a nen in inthen theih nan plan a siam aniang..chu bak rin dan pawh ka neilo" a ti sup a



"Nia..keipawh ka ring,in inthen duh an awm Chiang lutuk!"Tluanga ngawi reng bik pawh chuan a rawn to ta hluai a



"Ni e..mahse tunge ni ang kan pathum a boruak kual tha lo hria chu nangni bak in awm hleinem..min mil lo tu Lana emaw Angely nise Dr Joseph-a an hrelo a..chubak tunge ni ang?"



"Hrim hrim in khawi ah nge I pa te nupa hi?" Tluanga chuan alo ti pek a, Rosangi ka hrechhuak ta zawk..ka pa nen in hau in an inthen kha ania,a mah hi ani thei mai angem? Dr Joseph-a hre ve tu awmchhun peh Zoramsanga nen kan in kawp tih hre ve tu ania



"Rosangi ani angem?" Tiin ka thu chhuak nawlh a, Chhandama chuan ngaih na hrelo zet in min lo en mawl tawp a " ka pa nen an inthen a.." ti hnuhnawh in kan Chhungkaw boruak duhawm lo zet chu ka sawi zau hnuhnawh a



"Khai...!! A awm tho mai a la naupang a a lerh ruk kha ka ring deuh hrim hrim" milo la sa bawk nen Tluanga chuan a rawn ti nak nak a.



"A mah pawh chu lo ni ta se enge a tan hlawk na awm tur? Scar-a nen in inthen na ah hian" Chhandama kan thian zing a rilru zauh leh ngaihtuah thui thin tak chuan a ti leh sap a.



"Zoramsanga hi pawisa a dil thin a..chulo ah chuan a beisei deuhin ka hria" ka tih tak ah chuan a bu nghat nghat a..ka phone min en sak in min bum tu number chu a la a a call ve ta ngat a mahse switch off alo in ti tawh



"Police ah report ila.." Tluanga chuan alo ti hluai a,keipawn ka chak a mahse police a han eik pui hluai tur chuan a mimal thil mah mah bawk si..bak ah eng harsat na mah ka tawk silo a zuaklo dan tur mai ka hrelo ka harsat na tawh chhun chu Zoramsanga nen kan in kar chhe mek chauh hi ani



Ka pa leng a rawn haw a ka kawi tak loh vang nge room ah min rawn thli thlai a Tluanga chuan chhuanlam eng eng emaw hmang in ka pen loh chhan a sawi bo thei ta hram..a tlai tawh vangin min haw san a



Khum ah chuan ka la mu meng kar mai.. Zoramsanga'n min rawn call thut beisei in phone ka hum reng a mahse dar11 rik hnu pawhin a reh tlawk tlawk,thil tam tak ka ngaihtuah a hotel a ka lo va kal kher kher te chu ka in dem hnuhnawh a ka in haw tuk ringawt tawh





"Bawihte..a va tlai tawh ve? " Ka pa aw hria a ka men rualin room a lo eng ut tawh



"Ka tho e.." tiin ka pa ka chhawn a nizan khan ka mut dawn lai pawh ka hrelo chhuak miah silo khan ka lo muhil ani ngei ang,ka tho a khun tlang a thut pahin phone ka check a



Zoramsanga reng reng in thawm a la rawn neilo Dr Joseph-a massage erawh alo awm thung,nizan thil bawk kha mak atih thu te a rawn sawi a a mah ko tu number pawh a call nawn ve thu leh a in switch off char char thu a rawn sawi ve a chutah chiah chuan keimah buk tu tho khan a call a ni tih ka Chiang ta chiah



"He thil ti tu hi ka zawng chhuak dawn" tih chiah in ka reply a, inbual turin ka luh san nghal




Phur lo deuhin chaw ei dawhkan ka kil a ka pa chuan nidang aiin hmel hmuh nuam tak a pu tawh a, chhungril hlim lo tak ni mahila a hmuh ah chuan pangngai tak ang in ka awm hram hram thung,hna kal turin ka in siam a ka pa a chhuah tlai deuh vangin a ai hma in ka chhuak a




Pawn ka chhuak a ka beisei miahloh in Zoramsanga min nghak in alo ding reng,nizan kan boruak ngaihtuah chuan min rawn hruai hi ka ring miahlo chuvang a taxi lak tum rilru pawh ka ni a mahse hei ka mumang ni miahlo in alo awm tho chu anih hi



"Min lo hruai duh pawh ka ringlo a" a bul ka va thlen rualin ka tih chuan a ngawi ngul a ka luh na turin kawngkhar a hawng nghal



"Naktuk ah kan sawi dun dawn nia ka tih kha" bung deuh hian ati a thaw hak in huphurh ru deuh chuan ka thu lut a ani pawh a rawn out zui ve nghal



Thui fe ngawi reng a kan tlan hnu ah a mah zawk chuan a rawn sawi chhuak hmasa ta nge nge a "Tunge khatah khan kal turin ko che?" hmalam melh reng chungin ati sup a



"Ka hriat ngailoh mi ania ka pa..ka sawi awmzia chu ka pa tak hmuh tur a awm thu min hrilh a vawikhatmah ka la hmuh ngailoh vangin a hmel tal hre ve hrim hrim turin ka kal a"



Kan inkar siamthat nan a tha ber ka duh vangin engkim chu ka hrilh ta vek a.. sâwn ka ni tih a hnen ah khan vawikhat chu ka sawi tawh bawk a min awih mahna le



"Dawt ka sawi miahlo..ka pa a rawn sawi tak thut ah hun rei a nei tawh dawn lo atih vang khan hmu turin ka kal deuh tawp..hmuh tum sa hrim hrim ka nilo hun a nei tam tawhlo a rawn tih khan ka pa tak hmel hmu lo a awm ngawt chu ka tia.." ka ti nawn leh a



"Ok theihnghilh rawh..chuan I phone lo la teh" tiin a kut a rawn dawh nghal a,keipawn ka phawrh a a kut ah ka dah ve nghal,a hmet mual mual a chutah



"Nizan ah khan kha hotel a kal tur khan he number hian min rawn call a" tiin a phone zawk a rawn phawrh a " thil dang chu nise ka kal mai lo ang..mahse buaina tawk a I awm thu a rawn sawi a..ka rawn call che lah in ila silo in in ah ka rawn kal a tumah in awm lo bawk nen hotel ah khan ka rawn kal tawp anihkha" a tih chuan ka thaw hawk a,a sawi chhung zawng khan ka lo tang em em ringawt



"A nihchuan hotel a ilo kal chhan chu mi in an lo call ve tho vang che maw? Min bum tu tho kha ami?" Ka tih chuan lu a thing vat a



"Aih.. number hi a in ang tlat lo, mipakhat emaw pahnih ruahman kha lai a min ko kha ani mai thei..keiman ka lo ngaihven zui dawn nia..a rawn be leh che anihchuan kei emaw police I hriattir vat dawn nia" a tih chuan ka bu nghat a ka phone chu min pe let a kan thu ngawi leh ta ran mai



"Kan inkar a tha tiraw?" Tukverh lam hawi daih chung chuan ka ti a,ka rinloh lutuk a ka hn**e a rawn tham thut vangin phawk lutuk chuan ka en zui nghal



"Tha e.." min en ve duh lo lui tlat a,a kut la kang in a zung chal ah chuan ka seh vak a a rawn hawi rang ngei mai



"I ril atam em ni? " na tih hmel zet a ner sawng pah chuan ati a



"Ka ti a za thut anihkha.." ka tih chuan awih loh hmel lutuk in a nui suk a,kan boruak tha leh ta chu ka lawm ru takzet



Chuan ka ngaihtuah daih pakhat chu kha min bum tu khan Zoramsanga nen inthen se min ti tih ka chiang a..Mahse hei a duh ang in thil a thleng lo a,a awm hmun ah alo lung hnur ve viau ngei ang!



Ka thut dan chu siam rem in ka nui deuh suk suk reng a,mahse ka thut dan hi a nuam thei thlawt lo ka kawng te hi a na zawk in ka hria ka period dawn ani mai thei..ka period dawn hian ka kawng a rawn na hmasa ve ziah



Dawr kan thleng a,tukin chu a tlai deuh vangin in be khawmuang lo chuan an kal lehnghal a,nitin in be khawmuang in chhaih ve deuh ziah kan nih thin vangin dawr a ka lut pawh Ruatfela'n kan in hau ami alo ti ve var var mai



Nileng chuan dawr kan nghak leh a..kha number khan min rawn biak leh ka rin viau laiin thawm a rawn nei tawh miahlo,ka kawng lah chu a kham tual tual lehnghal a! Period rihlo hram ila ka ti..ka nu ka chhun a ka period lah hian ka tai a na ngei ngei lehnghal a ka huphurh sa tawp



Chhun thil kan ei zo deuh chiah Zoramsanga'n ei pui ah min rawn sawm veleh,kan lo ei tawh si vangin lawm lo deuh chuan a dah zui a a thinrim rei dawn Chuang in ka hrelo,chumi hnu ah Nu Aremi'n a rawn call veleh thung a kan hnathawh dan vel ah



Dar 4 a ri vel chiah..kan customer pakhat min dawr zo a chhuak chiah Ruatfela thu lai chu a ding zawt a mak tih hmel lutuk in phone a bih ngawt ngawt bawk, engmah sawilo a phone a melh reng vang chuan ka ngaih tha lo in ka tho a,a lam ka pan chu ka ban ah alo vuan nghal chawt



"Uiii..! Than ka kal chhuah lawk angai ka bialpa a accident a bike in hospital ah a awm mek? Ka mangang lutuk Ui engtin nge ka tih ang a hreawm e,a thi angem?" A ti nghal zawt zawt a a mangang ve ngang ani a meng buai vek tawh



"Hahdam rawh,engtin a awm lo ang va kal la dawr chu ka lo nghak mai ang" ka ti a engmah a sawi tawhlo a tlan chhuak nghal



Ruatfela awmloh phei chuan reh tawh tak ani..khua a tlai ran nen dawr tu kan nei teh chiam tawhlo bawk a,ka kawng kham lah chu zual tawlh tawlh emaw tih tur ani



"Aw hello..." Zoramsanga call ka pick rualin zawi sap hian ka ti a



"Vawiin chu ka rawn peng lo mai ang.. Oliver a pangchang leh tlat ani awm a ka haw tlang loh chuan..." A rawn ti ban churh a a in thiamlo ve deuh in ka hre bawk "kan nula thar hian nangmah ang in a chei bawl thiam viau lo aniang" a rawn ti zawm leh zat a



"Min fak pah tih na ami?" Ka tih chuan a rawn nui zui hak a " awle lo kawi lo mai rawh " ka tih zawm zat a, phone dah in a ngai te bawk chuan mahni in dawr ka nghak leh ta ran a Ruatfela a awm bawk silo dar 6 chu ri har ka ti tawh takzet



Sana chu ka melh chhen a ka en zing lutuk vang nge sana te chu an kal muang lui vek hian ka hre ta mai..en tawh rihloh ka tum lah in ka hriatloh chhungin ka lo melh peh kur zel



A tawp a tawp ah chuan dar 6 a ri ve ta hram..phur zet in ka in khar sawk sawk a..rei pawh ka kal hman lo Dr Joseph-a nen kan in tawk hlawl mai..nizan vang khan min rawn hmuh a tum ah ka ngai mai a tha takin a bike a hung rem lai chu ka lo nghak a



"Nizan kha..call ka dawng sual a a zia lo khawp mai..in in hauh phah chiam lo maw? Thil awmzia rawn sawi ka duh viau na in ka rawn in rawlh kha I duh ka ring chiah lo deuh bawk sia ka tlang ta mai anihkha..awm a nuam lo khawp mai" a nui tawi tup a



"Boruak chhia kan neih phah hleinem,a ho lutuk I thiamloh pawh anihloh kha,engtin nge call chu I dawn sual theih hrim hrim a?" Ka ti zawm zat a



"Nia min rawn call tu khan ka kal har deuh vangin an mahni thu in hospital dang an lo pan daih a an phili buai tawh khan min rawn hrilh leh nachang an hrelo a, chutiang vel nuaih chu ani mai tukin ah min rawn hrilh peh chauh a" a ti zung zung a



"A ni maw? An van ti awm lo ve" ka lo ti deuh tawp,tlem chuan rinhlelh na ka nei deuh tho.. emergency thil anih te chuan Dr Joseph-a kher call lo hian hospital chu an mahni thu in an pan mai ang chu mawle



"Ahh..I phal chuan lo call tu number chu min en tir thei angem?" Ka ti a a phone phawrh in a call tu number chu min hmuh a ka phone ami nen ka en mil a mahse a in ang Chuang miahlo! Ka rilru a buai ta deuh,he thil ti tu hi pakhat chauh an nilo amaw ni? Nge ni a number hran hran a hmang zawk?



"Min rawn be tu chu a aw a mak khawp mai, pitar aw ni mai hian ka hria" ka.lo ngaihtuah ngut ngut laiin a rawn ti leh a sawi zel dan tur pawh ka hre tawhlo ka bang bo deuh tlat tawh



"Um anihchu..I haw ve dawn chiah ami?" Ka tih chuan a bu nghat a,kan in hmu remchang tho tiin min thlah theih thu a sawi zawm zeuh vang chuan taxi la lo in a bul ah chuan ka Chuang ve ta zawk a



Kal pahin a damlo khawih deuh bik chungchang vel te leh a damdawi ei tur ai a tam vawikhat ah alo ei vang a an chân teuh zia te a sawi a luam bawk a..thawk chu a sak ve duh khawp ang mahni enkawl lai chutia an awm chuan



Kan in kawt thleng min thlah a,lut kawi turin ka sawm na a in lam ah an lo nghah si vangin peng lo chuan a haw tlang lehnghal a,in chhung ka.lut chu ril a tam nghal rawih rawih mai.. Sawmtei thil siam rimtui lutuk chu ka hnar ah a cham nghal vung vung,bual pawh inbual hmasa lo in ka thlen veleh chaw kan ei nghal a dar 6 a bang ka nih vang hian thlen vel a chaw ei pawh in a hma lutuk thin tawhlo





"U I period ami a?" Thleng ka seng fel ve laiin Sawmtei chuan a rawn ti a,chaw ei lai atang khan ka m**ng lam hi chianglo riau khan ka hre tawh hrim hrim a mahse tiang em em a rang chuan ka period ka in beisei lo



"Ui ngati nge?" Ka ti deuh hluai,ka kekawr mawng ah a sen deuh tih min hrilh vangin thleng pawh seng zawm tawhlo chuan room ah ka chho a ka kekawr a var lam hret anih vangin alo chiang viau lehnghal



"Stayfree lei sa ka la nei em aw" tiin ka dah thin na bawm ka hawng a vanneih thlak lutuk in pakhat alo la awm hlauh..ka inbual a ka in thlak nghal vek bawk,ka huphurh lawk ang ngei in ka tai a rawn na tan riai riai mai,bak ah ka period hian ka thinchhe thei lutuk a a buaithlak thin



Inhnuai ah pawh chhuak thla peih tawhlo in khum ah ka mu tawp a,ka tai lah chu a na zual tawlh tawlh lehnghal! Ka nu ka chhun na ngawr ngawr a ka huat ber ani tai na lak nat lutuk hi..a nat over phei chuan ka khuasik lo chauh zel thin, damdawi ei tur hi ka lei thin na in ka period hnuhnung ber khan ka ei zo tawh tih ka chiang bawk sia Sawmtei tir tur pawhin ka tho peih tawhlo



Ka mu thlan ta dup a ka tai na vang chuan zun chhuak ang ten ka awm reng bawk sia ka tho peih ngang bawk silo.. kawngkhar lam ah thawm a rawn awm chuan ka lo melh vat a ka pa anihchuan ka tap tawp ang ka tih lai mek in Zoramsanga te pa fa hmel ka hmu daih!



"Na I nei em ni?" Lungchhe lutuk chuan ka lo en a hmahmawh deuhin ka mut na lam ah a rawn kal nghal



"Ka period a ka tai a na lutuk" tah aw tuau chuan ka ti a, Oliver chuan min khawngaih hmel deuhin min lo en ve bawk a min khawngaih hmel ringawt pawh chuan ka tah a ti chhuak hlûi tawh



"Engtin nge tih tur? Hospital ah kan kal dawn ami? Lana khan period lak nat a nei ve ngailo a ka hrethiam vaklo"



"Tun ah Lana sawi a hun ami Zoramsang..?" Ka ti vin hluk a,a mangang viau tih chu ka hria mahse tun ang nat lai lai a Lana alo la sawichhuak chu ka period thinchhiat na in alo ngai thei der lo!



"Ok..in nula a haw chiah sia engtin nge ni ang? I pa kal chhuak kan rawn tawk bawk a " a rilru a buai ve hmel khawp mai..



"I haw tir ani maw? Nge I haw tir a?" vin deuh si tap pah deuh chuan ka ti a ka tawng ring zawng lah chuan ka tai a zu fan zel hian ka hre lehnghal



"Lo awm phawt teh..tiin ka sam ah a chul a ka tai na lutuk leh ka th* chhuak deuh char char bawk si chu ka mangang ani ber tawh,ka kawr chu hlim deuhin ka kekawr chu a pawt thla deuh a " Oliver Aunty helai hi lo chul sak rawh aw" tiin a fapa chu a ko a



Oliver pawhin a pa sawi ang ang chuan ka tai zawn chu a rawn chul a,a na zia awm viau lo mahse min tihdam sak a tum ve hrim hrim na chuan a hreawm pawh min sawi that tir theilo, Zoramsanga a tlan chhuak a enge a tih dawn pawh ka hre tawhlo..a rei a Oliver chuan min chul reng mahse awmzia a nei manglo



Rei vaklo ah Zoramsanga a rawn lut a bottle tha chi ka roh ve deuh nen towel nen.. khawi ami nge a zuk lak ve ngawt pawh ka hrelo bottle chu towel a tuam in a fapa chu a awm sawn tir a.. bottle towel a in tuam chu ka tai zawn ah rawn dah in a sa chu ka phu deuh zawk a ka vin tep ani mahse chumi hnu chuan ka tai na pawh a zia ta deuh



Ka pi khan a sawi ve fo thin a ani pawh period tai na la na ve chi tho ania..tui lum ip hian a tai na a delh thin a zia a ti ve thin lutuk tih min hrilh a ka tai nat hian a na thin em a chulam ka lo ngaihtuah tawh thin lo..a reng reng in Zoramsanga hian hetiang te engtin nge nachang a rawn hriat ve ngawt theih le?



"bathroom luh ka ngai.." ka tih vangin min pawm tho leh a bathroom ah min dah lut in pawn ah min lo nghak a,ka inbual zawh a ka in thlak na chauh kha ania thlak alo ngai hman der tawh! Stayfree lei sa dang ka nei tawh silo



"A la na viau em?" Pawn lam atangin a rawn ti a,min ngaihtuah na aw ringawt pawh chu ka tan chuan hriat nuam tak ani



"Stayfree min lo lei.." zak leh in thlahrung chung chung chuan ka ti tawp, emergency thil ani tawh mahni ai a upa tir kual tur ka nilo na in tun tum zet zawng a ngai ngei si a nih hi



"Ok.. Oliver hi kawngkhar bul ah ka lo awm tir dawn nia.." tiin a kalsawn a niang thawm a reh zui a, Oliver chuan a lo hlau angem tih te ka ngaihtuah a biak ka duh viau na in ka tai vangin ka then tlawk tlawk thei tawk a chu zawng chu ani



Theih ang ang in ka lo in phelh ve a,ka in thlak na pawh paih mai theih turin ka siam fel nghal vek a, toilet ah ka thu deuh tawp ringawt che sawn chi zia zâng ka nilo..tiang em em a hian ka period in th* ka neih ngai ka la hrelo bawk



"Ka hmuh hmuh ka rawn lei tawp ania" pawn lam ah a rawn ti a stayfree chu a rawn theh lut a ka thaw hawk ringawt,ka la hawng mai theilo lehnghal chu ka thinrim hlur tawh



"Min lo Hawn teh ka hawng theilo.. ka che tha ngam tawh silo" ti a kawngkhar in hawng zim te a stayfree vawm chhuah leh ka tum lai takin



"khawi.." a ti a kawngkhar a rawn hawng ta mai! In phelh in ka lo thu luau si! Oliver takngial pawhin min hmu vek! Ka bing mup a ka zak lutuk hi ka khuasik dawn hial in ka hria!

A hnuaia ads khu click theihnghilh lo hram ang u aw, ads in click hian writer ten hlawh an neih ve phah zel a, kan ngai pawimawh hram hram daw nia



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:28 pm

CHAPTER-26☄️



"A va zia lo ve.." a in thiamlo ve tho tih a aw atangin a hriat,zawi sup hian a sawi a..mahse ka zak tawh laklawh tinge alo Hawn ringawt kher?



"Ngati nge ilo hawn ringawt..!" Ka zah em vang chuan stayfree in ka vawm a ka tap vak ringawt,ka tah zawng lah in ka tai a mar a na em em bawk si ka ding hluai thei silo nikhaw hrelo in ka awm hial dawn hian ka in hre tawh



Naute tap ang maiin uar lutuk chuan ka tap a na ka neih hi chu thuhran ka tah chhan ber chu ka zah vang ani.. stayfree ka vawm na chu la in kawngkhar a khar zui a bang chu ka lu in ka va ngheng a ka thaw hawk hawk ringawt



"Ka lang vek tawh! "Ka ti chhuak sup sup a ka tai la dawm ve ran bawk



"Ka hawng ania engtin nge ni dawn?" A rawn tih tak avangin ka thu rem sauh sauh a, kawngkhar a rawn hawn mawl leh tawp chu ka hlau ani



"Ti khan lo zep lutuk rawh" ka tih chuan hriat theih tawk lek in a rawn nui hawk a



"Ka rawn zep lut ang maw?" a tih chuan enge a sawi kual vel dan ka hre vek,mi mah nat nak laiin ka thinrim leh tun tawh



"Zoramsang!! Ka a dawn nia" vin lutuk in ka ti nghek a, stayfree pawh chu a rawn zep ve nghal mai "rilru hmul lutuk mai mi nat lai lai a " ka tih bui bui vang chuan pawn lam ah a nui hawk hawk



Ka in thlak sawk sawk a,ka thinrim a reh hma bawk nen nichin vang khan ka zak thar a ka chhuak ngam ta der lo! Oliver naupang mai mai pawh ka zah em em tawh ani mai.. khatiang teh hrep a in hmuh kha chu



"I ti theilo ami? Puih I ngai em?" Ka thawm ngaichang ang deuhin a reh zui vang vang a,din pawh ding ngil theilo in ka pen thei tawih tawih a kawngkhar chu va kalh daih ani ka tum ni



"Min haw san tawh mai ru ka tai na pawh a zia tawh" tih leh kawngkhar khar pin ka rual a, diktak chuan an pafa hmel ka hmu ngam tawh rihlo naktuk ah pawh ka la ngam ka ring chuanglo, vawi 2/3 vel lai chu ruak thaw thâng in awm dun tawh mahila tun chu a dan a dang tlat ani



"I pa rawn thleng phawt se..ila zo lo ami a va rei ve?" tih leh kawngkhar rawn kik a rual a keiin ka nem bet a ka kalh tha sauh sauh



"Aih a ngailo..na ka nei tawh chuanglo a haw tawh rawh u in mu tlai lutuk ang" chhuanlam tur chi hrang hrang ka ngaihtuah a hnar haw phet chu ka tum ruh tlat, khatiang thil a thlen tawh hnu ah tu hmeichhia mahin an bialpa te pawh nise pangngai takin an hmuh ngam ka ring bik lo



" Aunty engmah ka hmu lo" Oliver-a'n min rawn au ve thung, hahdam a hnek in ka zak zual sauh..bak ah Zoramsanga sawi tir bak ani miahlo ang..hrep hian a!



"Ka tai ana" mahni hriat tawk lek in ka ti a ka phun sep sep ringawt,thut mai na tur remchang a awm bawk silo nen ka thu tung a,a nuam miahlo lehnghal Zoramsanga te chu haw se khum ah nuam deuh zawk in ka mu thei mai tur ania an haw duh bawk silo ka hmu zak tawh si



"I phone chu ka lo chhang dawn ami?" Zoramsanga rawn tih rualin ka phone ringtone ka hre zui a,tu tak ni maw? ka tih lai takin " Dr-a anih hi..ka lo chhang mai dawn aniia" a rawn tih rual chuan na hre lek lo in ka ding a kawngkhar ka hawng nghal rawk rawk



"Chhang suh.." a pick chiah thei leh theilo a tlan phei in ka va chhuh sak a caller ID ka en nak chuan Dr Joseph-a aw zawng ani lo, company lek! Company number hi chu ka hre ve viau thin a hei pawh hi ani Chiang lutuk



"Dr-a sawi chuan na pawh I hrelo anihkha" phone thinrim tun a ka bih ngur ngur laiin a rawn ti sup. Chhan pawh ka chhang peihlo,min tih der chu ka haw hluah hluah



Khum ah ka lawn a ka mu leh tawp..ka tai na lah chu a zia thei reng reng lo.. Oliver rawn kal hnai chu ka lo melh tha vak duhlo,ka ngei lam nilo in chhungril ah hian ka zak deuh tlat tawh..ka lu zawn ah chuan rawn thu in ka sam a rawn chul a a khat tawkin ka chal ah a fawp ve zauh zauh reng



"Fapa cial.." chhuan hmel takin Zoramsanga chuan alo ti a



"Zah vak angailo..I pum in ka hmuh vek tawh tho kha.." ka kawr bawk hlim chhoh pahin a tih chuan ka lo tang deuh tung tawh



"Mahse ka zak a lawm khati kher kher khan ka lo awm bawk si" ka sawi zawng ringawt pawhin ka biang a la sa hat hat thei



"A ho lutuk.." a ti ringawt a,ani chu mipa ania a tawng tu anilo bawk a ho ti ringawt mahse a awm..mahse hmeichhia ka nih bak ah aaa a zahthlak a ni tawp mai..ka kekawr a hma ang bawk in a kawng a pawt hniam deuh a bottle in tuam sa chu ka tai ah bawk a dah leh a reilote ah a nuam leh riai riai tawh



"I pa hnen ah eng emaw sawi pui tum deuh a lo kal ka nia..mahse chhuah na tur a neih thu a sawi ta sia zan dang ah ani mai ka ti anihkha,kan rawn lang lo ang tih pawh a hlauhawm a lawm I na a hrelo ni in a lang bawk si" a ti duah a



"Eng thil..?" An pa fa min buaipui leh ngaihsak lutuk chuan awm dan min ti thiamlo lek lek..a patling zawk chu sawiloh a te zawk pawhin a thiam ang tawkin min duat ve a hnuk an ti ulh dawn dawn mai



"Inneih chungchang ah mawle.." tlem in a thu rem sauh sauh a ka tai na ti zia awm turin ka tai chhak deuh chu min chul sak a a kut lehlam in bottle chu a lum lai lai a her rem zung zung bawk



"Pasal I nei ngam tawh em? " a tih chuan ngawi rengin ka en tawp a..ka hrelo chhan dan tur ka vai,pasal neih lam ka la ngaihtuah ngailo hrim hrim a nei ngam pawh ni ila tun ah kan chhungkua heti mai kan nia Rosangi a chhuak bawk nen ka pa a mal dawn em mai



"Ka..ka hrelo pasal neih ka la ngaihtuah ngailo" ka rilru diktak ang ang chuan ka chhang mawl tawp



"Um..ka hrethiam tho mai..mahse keichuan ngam la ka ti..neih vat che ka duh" a ti ban churh a " Thla 4 dawn kan in zui tawh a inneih nan chuan a la hma pawh I ti mai thei a mahse keichuan thla 4 lek pawh hi tawk ka ti lutuk ka duh ang in ka chiang che a, hmeichhe rilru tha..rilru khauh tak,dik,,hmangaih na ngah leh nghal em em" tiin min nuih suk a



"Ka hmangaih che tih ka sawi chhuah loh avang hian ngaihzawng satliah ah ka ngai reng che anilo ania..ka hmangaih na chu ka in a I thawh lai khan a in tan daih tawh" bottle a her rem na kut chuan a lûng zawn a dawm vang vang a



"Min hmangaih maw?" Ka tih chuan a bu nghat a,tun boruak zet zawng in ka tai na leh zah na te an thlawh bo tir vek ni in ka hria, chhungril hi a hlim ngawih ngawih ani tawp mai



"I hriat ang in hetah hian ka pian na tlawh pah a hun zalen deuh hlek hman pahin company din ka tum kha ...tun ah ka duhthusam ka ti hlawhtling bawk a kan pa fa hian kan let leh vat a ngai dawn bawk a chumi hma a neih che ka duh.." atih tak ah chuan ka nui tawp riai riai,hetah an awm hlen dawn emaw ka lo tia



"Engtik nge let I tum rilruk a?" Ka tih chuan ala hre mai lo tih tihlan nan a lu a thing zauh a



"Kan inneih theih hma chuan in chelh khawmuan dan ka zawng mai ang..ka din chhuah na ber ka kalsan reng theilo a,a hmun a ka awm loh chuan enge emaw company in tawk ve thut thei reng ania chuvang chuan let leh ngei ka ngai a Oliver vang pawh hian.. court in a rawn ngaihven leh zauh thin a heta ka awmpui reng chuan tlan bo pui ah min ngai mai ang" a ti ta duah a a thusawi chu uluk takin ka lo ngaithla ve thung



"Innei ta lo ila min let san dawn tih na ami?" mangang ru deuh tak chuan ka han ti an,ka tai chung deuh a chul lai chu a tawp riai riai a



"Ka let chu a ngai ngei dawn a, chutiang in let san vang vang che ka tum chuang hleinem helam pawh ka ngaihven ve reng tho angai a ka rawn kal zeuh zeuh dawn a..bak ah pasal nei tur a I in peih hun nghah pah nan a ni mai a lawm" hahdam hmel tak hian ati a..kei erawh ka hahdam lo..an let leh tur thu vangin ka awm a nuam lo nghal ruih tawh!



"In let chuan engtin nge ka lo awm ve anga..khaw hran satliah nilo ram dang daih ani si.." na nei lai ka ni nen ka pangchang a chhuak thut a ka tap dawn ta mai! a mah pawh chuan mangan hmel deuhin min thut daih sauh a



"Shhh..nula I nih tawh kha tah loh tur hei nangai a naupang a awm ve reng a I ti hrilh hai ang.." dam thlup hian ati a,keipawh tah em chu ka duhlo mahse a rawn chhuak zel ka tah hi "period tawh miahlo la a that dawn hi a I la na emai" a tih chuan ka tah nuih tawp

IMG 637626626.jpg
IMG 637626626.jpg (42.08 KiB) Viewed 3967 times


An pafa in min buaipui melh melh reng laiin ka na a zia chu ka chhing sek a..ka harh leh chuan keimah chiah in ka lo awm tawh dar 2 bawr ania a reh duk tawh..ka in thlahrung hnuhnawh a ka awmdan vel ka ngaihtuah let chuan pangchang ka in ti in ka no kual vel tawp ani mai a awm lo lutuk period vang mai mai a khatiang a awm..mahse an pafa min duat lutuk khan min pangchang a ka thiamloh vek ani biklo




Sai sir a mu ka nih vangin ka dul zawn vel a bottle lo la awm chu ka taksa in a si a,engtik nge an pafa chuan an haw ang aw tih te ka ngaihtuah leh hnuhnawh an awm rei chuan ka mutsan char char sia hreawm an lo ti viau ang a! Bottle chu la in a lo dai duak tawh a ka kuah vawng vawng ringawt a Zoramsanga awmze neilo lutuk in ka ngai ta em em ringawt!



"Ka hmangaih che Zoramsang" ti a phun sap in ka chhing zui leh vang vang a





Ka tai na in mi tham harh leh meuh chuan khua a lo var fel tawh a,tlai tak erawh a la nilo motor thawm pawh a la khat pharh hlawm, muangchang in ka tho chhuak a ka tai pawh ka harh Chiang tih hria ni awm takin a na leh zawk zawk tawh



Kawng na ang maiin bathroom ah ka lut a,ka luh pah lah chuan nizan lam thil kha loh theihloh in ka la hrechhuak zui..ka zak leh chem chem tawh,kha thil zet kha chu ka theihnghilh mai mai in ka ring tawh nek lo ka period a piang hian ka hriatchhuah ka in ring tlat tawh! Ka pads chu thlak in khum ah bawk ka let leh a



"Vawiin chu chawlh ka dil mai dawn a mawn le" ka tih rilruk nauh nauh laiin ka pa a rawn lut hlawl a,tho hma ka ti ang reng



"I tai na chu enge a an a? " Khum ah rawn thu kai pahin ati a



"A zia deuh a mahse a nuam tak tak lo.. vawiin chu ka chawl mai dawn mawn le ka tia.. va kal lui pawh ni ila ka thawh that theih Chuang ka ringlo" ka ti siam siam a



"Um I tih dan dan ani mai..I nu I chhun na lai hi a zia lo khawp mai..ani pawh kha nu tling pui te khan a tap nasa thin ania" tih pahin ka nu chanchin a sawi vang a anui ve chu hmuhnawm ti tak in ka lo thlir a



Ka nu boral hnu a a chanchin a sawi in ka pa hian nui hmel a pu ngailo,tun hi a nuih tel hmasak ber na ani..ka tan chuan hun chhinchhiah tlak tak ani bawk



"Ti daih ila pa.. Rosangi'n a lo be tawh che em? Tun ah khawi ah nge a awm ang?" Ka tih chuan a nui hmel a tawp riai riai a,ka in thiamlo leh hnuhnawh



"An khua ah a haw in ka hria..ngaihven vak duh suh in thiamloh na nei a a lo kir te anihloh chuan ka ko lo ang" a ti hmuk a,a sawi ang chuan awm a tum hmel hle bawk..ka ngaihsak chu ani miahlo mahse ka pa hi a hlim famkim lo tih ka hre ve reng si ani




"A lo haw leh duh anih pawhin lo hnar suh aw..I hlim hi ka duh ania" ka ti ve ngei a..ka pa hlim chu ka duh Rosangi rawn let leh tak tak se chuan tha takin kan cheng ho leh dawn lo tih chu keibak a Chiang an awm lo




"Hun in hril rawh se...a zia a sim chuangloh chuan a buaithlak chhungkua kan mualpho zual mai mai ang,ka zu chhuk thla ange Sawmtei a rawn thleng hnai tawh ang" tiin min thawh san a



Ka mu leh deuh tawp..tho a che turin ka dinhmun in a zir lo a na ti a rum rum bak tih theih ka neilo,ka tai erawh nizan ai chuan a nat dan a zia deuh..tlem a a tlai deuh hnu ah Nu Aremi ka call a ka awmdan vel te hrilh in chawlh a phal leh phal loh ka zawt a a chhan na ka ngaih chan lai phei chuan ka thaw lo in ka hria




Vanneih thlak lutuk in min hrethiam ta hlauh a ani pawh period tai na la na lutuk chi alo ni ve a min hrethiam mah mah zawk ani..rilru nuam deuhin ka mu ta siai siai a,dar 7 vel ah Zoramsanga'n min rawn call veleh thung



"I tho nuam em? Zanlai ah na in a ti harh lo che maw?" Morning tih ai pawh a a rawn sawi chhuah chuan min ti lawm takzet min ngaihtuah zia ka hriat chian phah bawk,mahse nizan kha!



"Um nuam ani mai a na hi a reh tak tak lo a mahse nizan ai chuan a zia tawh" tiin ban deuh churh chuan ka chhang a,hmel pawh in hmu lo mahila nizan vang bawk in ka zak a ka biang a sa hat hat bawk



"A that chu hna I kal thei angem? Ka hman tep a ka rawn lam ang che " a ti zung zung a



"Aih dawn lo vawiin chu chawlh ka la dawn khum pawh ka thawh san peihlo ka la mu ngar ngar" ka tih chuan a reh deuh vang vang a


"Ok..in enkawl tha la i duh chuan,a na ti zia deuh tur, in in ah damdawi ka rawn dah tir dawn ami?" a ti leh zel a



"Aih ngailo.. damdawi eilo a awm ve te ka duh zawk bak ah damdawi ei ka harsat lutuk" ka tih chuan a rawn nui ri hak a "tak a nizan khan ka mutthilh san daih cheu sia engtin nge in awm? In haw har em?" Ka ti zawm zat a



"Har vaklo e I pa rawn haw rual in kan haw ve nghal..I mutui lutuk a ka kai tho kher duh tawhlo che anihkha.. Oliver pawhin I hmui ah a fawp char char a I harh lo reng reng" a tih tak ah chuan ka hmui ka khawih nghal zat



"Ui tinge!!?" Ka ti deuh hluai a,chutia ka biang leh chal pawh nilo ka hmui ah kher min fawp chu mak ka ti riau



"I mut laiin fawh che ka tum thin a,a phallo min dang zel a a man a fawp char char che anihchu" nuih za aw deuh chung chuan a rawn ti a ka khi ve suk..a pa min fawp tur chu alo thik emaw ni reuh le?



"Ok kan in siam ange vawiin chu khulam pang nen meeting neuh neuh ka ngah a,ka rawn be hman lo mai thei che a ilo hrethiam mai aniang chu tiraw? zan lam ah ka hman tak leh ka rawn leng ang" tiin phone a dah zui a



Vawiin ka chawl thei tur chu ka taksa lam tan nuam viau dawn mahse rilru dam tha kur bawk si nen chuan a lunglen thlak zawk dawn riau hian ka hria Zoramsanga a biak theih awm silo a thiante lah college an kal daih si Sawmtei a kawm buai hman reng awm silo a a va ninawm letling dawn tak



Chaw ei tur in ka chhuak thla peih hram a, room a mut reng ai tiin TV en rem tur chuan ka mu a blue lagoon a lo chhuak leh nawlh zui..vannei in ti zet in ka en nghal mial mial a ka pa pawhin min ngaihtuah deuh chungin hna ah min kalsan a Sawmtei pawn dam lo na lutuk ang maiin min ngaihtuah khawp mai duh ka neih leh neihloh te min zawt cham chi reng a



"Sawmte..bialpa I nei em?" Ka tih chuan a pangpar hnah hru fai lai chu a tawp deuh chawt a "eee I nei a ni maw I sawi mai loh dan ah" ka tih chuan a nui suk a



"Nei ti ila nei chiah pawh ka nilo..nikum hamsa khan ka thawh na in a an fapa nen khan ni ang deuhin kan awm a,nuam lo chu ka ti ve lutuk mahse a mah khan min duh ve lutuk a keipawn ka duh ve tho..ni ang khan kan awm ve char char a mahse" a tawp daih a keiin a ai a hrechiang turin beng ka lo chhi kar thung



"Midang a neih san che ami?" Ka lo tih nghal thawr vangin a lu a thing nak nak a



" A farnu nen khan kan in mil vaklo a,an Hausa sia min hmusit thei lutuk a..a u nen kan in hnim hnai tih kha a lo hrethiam a anu leh pa te hnen ah a lo sawi vek a..Remzuala ( a u ni bawk ka bialpa ni ve bawk ) chu Shillong a a hlan ani bawk sia ka pu te chuan min ti ti pui a,an fapa tan nula an hual tawh tih te min hrilh chiam a chuta tang chuan min duh loh zia ka hrechiang a Remzuala pawh ka be ngai tawhlo..ka thawh na ah pawh min ban nilo in keimah ka bang ta daih a..kan in tha then ani deuh mai" a ti siam siam a,a rilru a la na ve tih a sawi lai a hmel lan dan ah chuan ka hre thiam thei




"A van pawi ve, Remzuala chuan a rawn be ngai tawhlo che tih na ami?" Ka la ti hram a



"Be ngai e..keimah zawk hian ka be tha duh tawhlo tun thleng in a chhungte nula hual pawh chu ala neilo an ti upa ve tawh viau a,mahse nupui neih ka mamawh rihlo ati tlat aniang a la single char char" a ti sap sap a



"A mah ber in a la biak fo che chuan nih pui leh mai la..hna a nei lo ami? A neih phei chuan in nei ula in hrang in luah mai dawn a lawm..in neih hma in duhloh tih te chu mo an fel phawt chuan engtik ah emaw pawm hun che an la nei em em ang" ka ti ve dap dap a, Remzuala chhungte chu ka hriat ngai nilo mahse Sawmtei sawi hmang atangin ka lo mil lo ve em em ringawt



"Aaa.. Chhungkaw keh chhiat na te ka thlen mai mai ang.. Remzuala chu college ah a thawk a.." a ti leh dap dap a, Sawmtei tawng hmang atang chuan ala duh ve zia ka hria a chutih rualin a a dinhmun vangin a in thlahrung tih ka hmuthiam bawk ka khawngaih reuh tak tak



"Be tha leh rawh..a man ala rawn biak fo che chuan a ho emai" ka chan a nih ngawt loh vangin ka nguai ho lam viau ani mahna mahse Sawmtei hi tih takzet in ka khawngaih a amah Remzuala ber in a duh si chuan in thlah lo se ka lo ti ve mai mai



"Nizan hmasa ah pawh khan alo leng a,ka haw phei hma atangin a lo awm tawh zawk aniang" a hmel ah chuan a hlim tih a ka hrethiam tlat



"Lo hnar miah suh..ka tan tlat che ania" ka tih chuan a nui suk a "khua hi vawiin chu zingkar a tangin a dur riau mai a sur lo ang tih pawh a sawi theihloh thawmhnaw pho ka han check lawk ange" tiin a tho zui a



Keipawh in tv ka en leh mial mial a..nuam lo lutuk chu ani bik lo e.. chawhma chhung TV ka en a ka hriatloh kar in ka tai na pawh a zia ta hawk mai th* erawh ka ngah reng a a khat tawk in inthlak reng angai..chawhnu lam ah pawh ka mu deuh tawp a Sawmtei a che nasa si mahni in ngei mah nise a nuam viau lo,lo mut deuh zuar reng chu



Tlai ah ka pa a rawn haw hma mial a,nidang ang lo tak a box te nalh deuh a in tuam a rawn hum haw vangin ka lo melh nghal chat ka piah chiah couch ah rawn thu in a thaw ham ham a,box chu ka zawt dawn chiah tih in a mah zawk chuan



"Hei Zorama hnen atangin ka dawng nawlh mai.. vawiin pa te ni ania atia office ah a rawn thawn vang vang anih hi a ti lawm awm khawp mai"a tih chuan vawiin hi father's day ani tih ka hre chiah! Zoramsanga chu na chang a van hre ve le



"A ni maw a van fel em em,enge a I hawng tawh em?" Ka tih chuan nui chungin lu a thing nak nak a



"Nia fel khawp mai .kan hawng ange" ti in a phelh nghal sawk sawk a,enge a chhung ah awm tih hriat chak in keipawh ka mit a bur nghal chawt



A hawng fel chu Rolex sana gold ngat man to hmel u uchuak lutuk a rawn phawrh hlawl mai! Ka ang phuau a chutiang a thil.man to lutuk ka pa a pe mai chu awih a har mah mah..ka pa hian sana ( sana hrim hrim) hi a ngai na em em lehnghal a a hre ru a mawn le ka ti hial mai



"Khai leh! A va han changkang bawn" tiin ka pa kut atang chuan ka lak sak a ka en chiang vel a a lem anih te ka ring rum rum mai..ka pa phei chuan ka en laiin tiang ang a man to a dawng mai chu a lawm bak ah a phu loh zia a sawi ve nak nak bawk



"Zorama lawmthu hrilh ka ngei ngei angai anih hi,a man a to si a zahthlak zawk a lawm" a ti ve char char a



"Nia hrilh ngei ngei chi anih hi" ka lo ti ve vat bawk



"Ti daih ila mate.. Zorama nen hian engtia rei nge in lo in kawp ve tawh a? Nizan khan Chhungkhat a in siam chungchang te min sawipui a duh thu kha a sawi tak asin" a tih chuan chil ka lem nghal khawlh



"Thla 4 dawn chu ani ve tawh.." ka ti mawl tawp a..ka pa chuan inneih sawi nan thla 4 lek chu hma a ti viau ang duh ang pawhin kan in hrechiang hman lo ati anga mahse kan pahnih erawh chuan khang thla 4 lek ah khan kan in hrechiang thawkhat viau chuan ka hria



"A nihchu rawn leng veleh hrim hrim sela..nangpawh pasal nei turin ilo in tin tuah ve deuh tawh hrim hrim ami?" A sawi tawp lam chu a nuih a za deuhin ka hria..a awm ve tho in leng ka neih ve zeuh te hian ka hne a ka kawm tha peih ngailo a mah hlir hian min kawm sak thin,bialpa sawi tur mumal ka nei ngailo bawk nen chutiang vel kar a pasal nei tur a lo in tin tuah ve chu ka in hmeh viau lo ati ve aniang




"A ka hre nang" pa te nen a chutiang lam sawi tak ah chuan ka lai dawn dawn a lawm mawle a!



"Neih duh mahla a hun lo tawh Chuang hleinem..ka va in thlak phawt ange vawiin tlai chu chaw ei hma ila a tha ang " ti nuap nuap pahin a kalsawn a



A sawi ang tak tak in chaw kan ei hma khawp mai...khua a thim fel awrh chauh ani kan chaw ei chuan.. khawpui a ri reng a ruah a sur anihchuan a sur tam viau in ka ring a in tham dan ah hi chuan



Chaw ei kham ah ka pa ho in TV kan en a ka pa chauh mipa awm mahse a hmeichhe pahnih pawh in hmuhnawm kan tih tho vangin wrestling kan en a,a in khawih lai mek ah ka pa leh Sawmtei ten undertaker an tan em em a keiin Roman Reigns ka tan si..hmun leh hmun ah fiamthu in kan in sel sak chiam chiam ringawt



"Awi current mai mai chuh..!!" Riah a sur chiam rualin current a thi hmak a tan lai tak ani bawk nen a hun viau lo.. Sawmtei'n inveter a on nghal a kan vai In kan thu ngawi deuh thap.. TV en tur pawh awm ta lo chu Sawmtei thingpui lum turin kitchen lam ah a phei a ka pa'n phone a en a keipawh chutiang tho in



"Zanin chu ka makpa hual a rawn leng thei dawn lo ani maw?" Fiamthu hrat lo tak ka pa chuan a rawn ti ve khauh a ka nui vak vak ringawt



Vawilehkhat ah pawn lam ah ri deuh rup a awm vangin ka pa nen chuan kan in melh deuh ralh a..va en pawh kan tum lem chuanglo..a hnu ah pot hun kan vel thli thaw in a chhem tla aniang tiin ka tho chhuak a kawngkhar ka hawng a pawn lam hi inverter kan pawh tir ve tawhloh vangin a thim deuh mup a thli lah chu a thaw nasa em em lehnghal



"Kan veranda ah chuan tu emaw alo thu kur a ka hlau hman lutuk ka pa auh mai ka tum hial a ka phone flashlight chu on in ka en chu ruah do tawk vel si hian Zoramsanga a lo thu kur chu ni in! Chutia ruah do a alo thu deuh tawp chu ka bang bo khawp mai..ka chhuak a a bul ka thlen chuan a ni pawh lungawi loh hmel deuhin a rawn hawi chhuak a



"Tinge ruah I do a? Enge awmzia I rui ami?" Ka rilru a awm hmasa ber zawh na chu ka zawt nghal pang a



"Rui mai mai lo" a ti deuh hluk



"Ngati nge I thut si..?" Ka tih chuan a thaw hawk a



"In veranda ah hian ka tawlh thlu" thinrim hmel deuh aw a a tih tak ah chuan ka in sum hman lo ka nui chhuak hawk



"I tawlh tlu a maw? ri deuh rup kha nangmah elaw" Ka tih chuan a bu nghat a,ka khawngaih viau na in ka in sum theilo ka nuih vak vak ringawt,a van in hmeh si em!



"Mate enge a?" In chhung lam atangin ka pa a rawn au a



"Pa..lo en teh I makpa hual hi kan veranda ah a tawlh thlu ania" ka ti chul a, veranda hi carpet kan phah tel vek vangin a nal mah mah aniang..ka van khawngaih reuh tak ka nuih a za bawk si



"Min nuih vak vak lo teh ka kawng ka herh phah tep ania" a rawn tih phei chuan ka nuih a za zual sauh,a bul ah ka thu hniam a a dar dawm meuh in ka nui char char



"A van hreawm ngar ngar tak!" Ka tih chuan a rum hawk a


"A mak e aw..! Min khawngaih ve em em lo ami?" Lungawi lo aw lutuk a a rawn bak hlak hlak a,nuih tawh chu ka duh bik lo mahse a za em a ni!



☄️Ads click leh cmt kha ti ve hram hram ula aw..hnap sek ho😁☄️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:28 pm

CHAPTER-27☄️



"Khawngaih ropui che hei min en teh ka tah nuih tawp anih hi" keimah chu min en turin ka ti a,ka nuih nasat vang a ka mittui tla phung chu hmu se ka duh,in sum har hi ka ti ngawih ngawih a pa lian si han tawlh thluk vel chu a in hmeh hluah hluah



"A tha a lawm.." tih ngaih na min hre tawhlo ang maiin a thaw hawk a " I nuih zawh ka lo nghak ang che" thutak fe a a tih tak ah chuan nuih chiam a hun tawhlo tih ka hrethiam



"Ok.. sorry a za zualpui a reh tawh.." ka aw te chu ka thian kharh kharh a "mahse I tlu tur ka mitthla hian nuih loh a har ka ti..nangmah I ni tih ngaihtuah chuan nichin a I tlu ri kan hriat kha a la ri ring lo mah man ka ti e" ka la ti talh a



"Min kuah tho teh..ka huh zo vek dawn ania" tiin ban a phar hluai a keipawn ka kuah ve nghal "min dim rawh min dim rawh" min kuah loh na zawk in a kawng a dawm a,a kawng chu a ti na tak tak amawn le?



"I tar ve tawh anihkha..I kawng a na hma tawh emai" uang miah silo ka tawng theih zar ah ka ti hram a a nui chhuak ve ta hawk hawk mai



"Ka seh vak dawn che a mawn le..nghal lutuk mai" a ti nui huah huah a



Inchhung kan lut a ka pa a rawn ding nghal zawk.. current a la awm lo na in inverter vangin a eng pap a ka pa'n Zoramsanga a hmuh dan chu a beisei teh chiam lo aniang zawh na mitmeng in keimah bik chu min melh vung vung a



"Ka rawn au kha I hre nange? I makpa hual a tawlh thlu ka tih kha" ka sawi zawng te chuan ka nuih za a rawn in tan tha leh tawh.. Zoramsanga zawk a rawn rum hawk vangin ka in sum nghal char char



"Aw ani maw a van zia lo ve aw.. carpet hi a huh chuan rah fimkhur a ngai thin ania a va zialo em! " Ka pa chu a nui ve dawn emaw ka tia a rawn thutak ta viau zawk mai



"Thu ta che ding reng suh.." ka pa chuan a thut na tur kawh hmuh pahin atih chuan Zoramsanga thu tur chu ka lo dang nghal vat



"Pa a huh deuh vek a lawm couch hi a huh vek anga sin a thut te chuan..." Room a in tih ro tir ka duh rilru a mahse ka pa awm vangin ka kal tlang pui ngawt ngam lo



"E ani maw..ka thawmhnaw I ha tawk awm silo a " ka pa chuan ati niah niah a



"Kha hman tawh a I thawhpui pa in kekawr a present che lian pui mai kha hak tir ila t shirt chu ka ta lian lutuk tak mai hak tur a awm a lawm" ka tih chuan hrechhuak ni awm hmel hi a pu a



"E ani tak maw..hman ni a Sawmtei hmuh chhuah leh ka dah that thar tir kha ani tak.. Sawmte hman ni tawh a kekawr I hmuh chhuah ka dah that tir che kha a awm na i hre leh mai thei angem?" Ka pa'n a ti zawm nghal zat a



"Room ah ka han kalpui lawk mai ang.. Sawmtei chuan zawng se room ah lo dah chho mai rawh se aw.." chhuanlam tur a awm lai chuh in Zoramsanga chu ka room lam ah ka kai chho a



"I kawng chu a la na em?" Kan luh rualin ka ti a



"Na e..ka thawmhnaw pawh hi ka phelh theih ka ringlo" ka tih chuan ka ner sak a lei ka chhuah ringawt



"Khawi anih ka phelh sak ang che..mahse I kekawr chu nangman I phelh ang" tiin a t-shirt chu ka pawh hlim sak a,a san em vangin khum ah ka lawn kang ta ringawt



"Oliver ilo kal san daih sia in nula in ami awmpui?" Ka tih chuan lu a thing mat mat a



"I thiannu Feli ten leng turin an rawn sawm anihkha..a awm chuanglo ka tia ka rawn leng ve thung anih hi ka hlawh chhuah erawh a tha viau lo" a ti bul bul a ka lo nuih leh phut tawh



"Nia a fuh viau lo anih hi..ruah a sur sia I rawn len peih pawh ka ringlo a.." ka ti a ka tawng pah chuan ka tai na a dam tih ka hrechhuak chiah.. hetiang reng reng hian ka dam ka beisei lo..nuih vak vak te kha ka ngeih zawk emaw ni ka ti hial mai!



"Ka rawn thlen dawn hnaih ah ruah a sur chauh a lawm let chi ni tawhlo chuan" tih pahin ka kawng ah a rawn kuah nghal thak a



"Um anihchu..khawi min thlah la ka kawr chu ka va la ange.. thawmhnaw hi ka tawk te lo in lian pui pui hak hi ka hrat a..hak theih I nei mai ang" min kuah na phelh sak ka tum rualin min kuah nghet leh sauh a ka thin zawn ah chuan rawn bei nghal thak in a ngawi hle hle a



"Ka nu leh pa te kha la dam se chuan kan inneih hun ah pawh min tel pui thei ngei awm sia.." lungleng thar ta ang maiin a awm a,ka ngawi daih thung,a nu leh pa te accident vangin an boral takl kha mawle



"I lungleng a mi a?" Ka tih chuan a nui ri hak a



"Um..kum tam tak a liam tawh chung pawhin an ni kha ka la theihnghilh theilo..ka lung ti leng tu an ni a ka ngaihtuah tam poh leh ka mamawh zia ka hre zual zel a ka lungngai thin..ka.pa laih hruai na hnuai ah te khan eng emaw tak lo thawk ve hman ila a thlarau pawh a hahdam ve deuh ang mawle" a ti siam siam a,a tawp ah chuan ka kuah ve ta nge nge a



"An boral laiin engmah ti hman lo mahla hei tun ah chuan mi ropui,sumdawng hlawhtling lutuk ah I chhuak tawh a lawm..van atangin an hmu ve reng che anga..kan fapa chuan hna tha tak a nei a,mahni in enkawl in chhuanawm takin a nun a hmang anih khu rawn ti ngei ngei ang" a sam ah chuan ka fawp pah zauh a



"Ka nu ang chiah I ni..tiang hian an kal hun ah pawh an rawn ti thin ang tih min hrilh fo thin a lawm" ka tih leh chuan ka nui tawp tap a



"U ka lo lut aw.." pawn lam ah Sawmtei a rawn au rualin ka per sawn dawrh a Zoramsanga a lo rum hawk thung..khum ah chuan engmah rinhlelh theih a awm loh nan tiin ka thu fel then a



"Lo lut rawh.." ka in peih fel hnu veleh lut turin ka sawm chauh



"Hei kekawr chu aw" tiin thleh fel thlap a awm kekawr chu khum an a rawn dah a . Zoramsanga a en zuai a a kal lehnghal mai



"Kha le..hei hi ka pa hian lian a ti lutuk a ka dam chhung pawhin ka hak tawk ka ringlo atia a dah tha char char a..a mah ai pawhin I ha hmasa dawn aniih hi" tiin ka theh phei veleh chhawng a



Hak hreh hmel pu mahse engmah sawilo in bathroom lam ah a kal veleh mai a..a luh dawn ah keimah pek chuan nizan thil bawk kha ka hrechhuak a ka zak leh chiam tawh Zoramsanga pawhin a hrechhuak ve awm e!



"Tiang hi ka ha ngai viau lo a ka awm a nuam lo" inthlak ka ngai em ka thu tlang em tih darthlalang a ka lo in en laiin a rawn ti chhuak nuah nuah a



"Nia nang chuan engtik lai pawhin suit I ha reng a I awm chu anuam dawn lo sa tih ka hre reng a lawm..mahse I hak a ngai sia..I van inhmeh hrim hrim ve?" Ka tih chuan ka bawl emaw ati aniang awih loh hmel deuhin a nui tawi tap a



Inhnuai lam ah kan in zui thla leh a ka tai na leh na lo te min zawt deuh reng bawk..mak takin ka tai chu ana tawh rih miahlo ka damdawi ei ka ngeih ta viau zawk emaw ni? Nakin ah a rawn na huk ang tih chu ka hlau ang reng



Ka pa awm ve si vangin kan pahnih ai chuan ka pa nen bawk an ti ti duh leh tawh a..ka pa chuan rinloh deuh in inneih chungchang vel chu a sawi chhuak thut a ka thu mu deuh pawh ka thu ngil nghal vat




Zoramsanga chuan in nawr luih a duh loh thu leh ka la in peihloh chuan min nghah theih reng thu a sawi a..chutin anih dan tur takin ka pa phal na a hmuh hma chuan mumal lo tak a min inneih pui a tum loh thu a sawi bawk..lehlam ah hetah a awm reng theih dawn loh vangin inneih sawichhuak hma viau anih thu a sawi a inneih a khulam a min hruai thlak tel ve a duh tih a sawi tel hram bawk




Ka pa chuan la nghah deuh a duh thu leh keimah zawk mi nupui a tan ka tlak tawk em tih te chian zual a duh vangin a theih chuan min la nghak deuh turin a hrilh a Rosangi nen an in then chungchang te a sawi luam bawk a Zoramsanga a nih vang nge sawi hreh viau na a nei in ka hrelo..a Chhungkhat hnen ah an nupa kar a sawichhuak ve nimai hian a lang zawk



"Ti deuh nuaih kha kan la ni rih a..api leh pu te an la dam ve bawk a an ni te pawh rawn ve hrim hrim a tha ang..bak ah tun a I neih mai chuan I rethei lutuk ang.. enkawl a hautak ania a luhlul ve thin si" ka pa chuan ati ngei a hmui ka lo ti pawrh vak ringawt



"Chutiang ten alo luhlul thin a law..? Hriat chian hle ka la ngai dawn anihchu" fiamthu ti tak deuh hian ati a lei ka chhuah vak ringawt,kei chauh ka nei hleinem a ni pawh hi luhlul tih mawh lutuk ang chi kha a ni ve tho




A awm ve reng hnu ah dar 9 hma deuhin a haw a rawt a pawn ah ka thlah dawn a kan in zui chhuah pah chuan "kawr hi chu ha haw la..i huh khi chu nidang ah I la mai dawn nia" ka ti a a bu ve nghat bawk..a kal hma chiah in ka kut ah zungbun min pe a



"Hei enge?" Ka ti deuh hluai



"Ka nu ta ania..inneih lam la hla deuh mahse ka hual nan che lo bun tawh rawh tun atangin..a pawimawh ber ah chuan Dr-a khan a lo hmuh hmaih thin hlauh ange" ala ti zui hram a,tinge maw Dr Joseph-a hi a mil thak loh mai ni?



"Min bun tir la..chuan kan lo inhual ani mai a lawm" ka tih vangin ka kut a zungbun chu a la a ka kut tang ah chuan muangchang in a rawlh lut a,tun a ka hlim dan hi sawifiah thiam a har ka ti



"Ka hmangaih che tih hi ringhlel ngailo la.. engkim a tha vek thin ang" tiin ka mit ah tak chuan min en a



"Ka hmangaih che tawlh thlu Chiang pa" ka tih chuan a ner sak a.. veranda a la thim tho ati nge ka hnar ah rawn piai in a vuan pah a,ka hmui ah a rawn fawp nghal zauh



"Ka sawi ve lo mai ang I tûm leh nasa dawn emai" a sawi tum ka hre sa vek..a sawilo chung pawh hian zah na namen lo in min tuam leh hlup tawh anih hi! "Ka kal aw.." tiin kan in chhuahsan a



A haw chu current in a ngeih emaw tih mai turin current a awm nghal thak,couch ah pawh bet tawhlo in room ka pan a..ka tai na a reh zui zel theih nan tiin tawngtai na ah pawh Pathian hnen ah ka dil thlap bawk..harsat hreawm tawk zui tawhlo a min tih dam zui vawng vawng pawh ka ring tlat ani





Zing ah hma deuh ah ka tho a,tai na nei zui lo tak tak a ka awm tak vangin Pathian hnen ab lawmthu sawi tawngtai na te ka nei leh rih.. Kristian tha tak ka ni e chu ka tilo mahse tawngtai hi ka ngai pawimawh ve tlat..nitin pawh ka tawngtai lo mahse ka tih ve chhun ah erawh rilru leh tih takzet in ka tawngtai thin



"Enge ka hak ang le? Vawiin chu thar deuh sar a awm a ngai nidang ai in ka lang danglam ve deuh tur ani " tiin darthlalang a in en pah nen inbual hma chuan thawmhnaw ka in teh kual hmasa vel a,mahse ka period lai hian ka lang thu (dum) deuh tlat thin a hei hi ka haw thin inchei hi a phurawm loh zo vek zel



"Um..vawiin chu ka tho hma a" phur deuhin Zoramsanga call ka pick rual chuan ka ti a



"Vawiin chu ka rawn hruai hman lo mai thei che a a pawi em? A nihloh pawhin Alex ka rawn tir thei tho a keimah tak chu hei office pan in ka chhuak der tawh khulam ah buaina neuh neuh a awm thut a vawiin pawh ka buai nileng khawp ang ka ring" a ti nghal zung zung a



Chutia min rawn hruai theilo tur chu awm hmun ah ka tum nasa mai,mahse a hman lo miau a a sumdawn na ber anih vangin kei a lo kaih kawi ve chiam kha a chi loh hrim hrim "nge hun ka in siam anga ka rawn hruai ang che" a tih chuan lu ka thing zawk zawk a



"A ngailo...taxi ka la mai ang I buai a ka hrethiam che a lawm ka fel em kha" ka tih chuan a rawn nui zui hak a



"Nia ka Duati chu a fel ber a lawm..a nihchuan ka dah ang aw " a ti zawm zat a



"Um awle..e chuan ka pa thilpek I pek vang khan kan lawm lutuk aw..nizan khan lawmthu a hrilh tho na che in keimah pawn hrilh ve hrim hrim che ka duh..." Ka ti zawi sap a



"A ho lutuk..ka tih ngei ngei tur ania, Pa zaua pawh ka pe tho a lawm I pa nen pa ang a en theih ka neih chhun te an nia.." ka hnuk a lo ulh deuh reuh,pa nei tawhlo chungin pa te ni ala ngai pawimawh thiam em em a



"Makpa cial-a.." a lungchhe zawng a lak sak loh hram ka duh vangin uang hmel deuhin ka va ti leh a a nui hak hak mai



"Nizan vang khan ka rawl hrep mai" a tih chuan ka nui ve hawk,nizan chuan eng posi in nge a tluk ang aw tih ka ngaihtuah lai mek in ka thianten zing zing ah min rawn call tak si vangin Zoramsanga chuan a dah a



"Enge a..?" Group voice call a nih vangin tu tawng mah ka hre thei lo,a ri nawk nawk hi ani ber ang



"Zan ah leng ang u..kan leng khat tawh e" an rawn ti hluai,an bengchheng nen an rawn sawi ho phian



Bak ah kei hi.. Zoramsanga vang hian nge pawh ka hrelo zan len ka ti ngai ta meuhlo a ka pa runluih zawng in ka khawsa ngai tawhlo bawk



"Ka peih vaklo..tunlai chu Scar-a lo len a ching a ka awmloh chuan a chiloh ang " an rawn 'hmm' rual dual a ka lo nuih mai mai thung



"Chhe lutuk suh.." Feli chuan a rawn ti bak deuh hlar a



"Tha min tih em kha aw.." tiin ka lo fiam let ve nghal "ka dah dawn hna kal ka ngai ania" tiin min chhan hma chuan ka dah sawt sawt a



Chaw kan ei lai a ka pa ban a sana Zoramsanga pek ngei ka hmuh vang chuan ka nui suk..kham vel ah muangchang in ka chhuak a,ka tai na leh thut thei anih vangin stayfree leh damdawi ka in ring sa thlap..tun dinhmun ah erawh na leh mai tur awm pawhin a awm lo



"Nimin ilo kal lo a..ka lunglen zia chu" dawr ka thlen rualin Ruatfela chuan alo ti sawt sawt a



"Nia ka tai a na lutuk a.. period la na deuh mai ka nia..ti daih ila in pa enge a an?" In pa ka han tih sak ve ngawt a keimah zawk hi ka zak deuh



"A zia tawh a ma tlan chak vang vek a lawm.. ngaihtuah viau e tilo chuan ka hau hrep anihchu" hmeichhe rilru hah ve hi chu an nui vak vak zel an tih ang maiin a nui huah huah reng a



"A that hlauh chu..." Ka ti mai a,ka tai na a chhuak leh ang tih mawlh ka hlau a ka thu mai mai pawh pilh hlau ang mai a over in ka in dim tih tur ani



Nileng in Zoramsanga hnen atangin engmah ka dawng lo a,an buai dawn tih a sawi ka hriat ve reng vangin va biak erawh ka tum lo mahse ka be chak.. vawikhat lek in biak ka duh ka ngai tan der tawh mai,zing kan inbiak bak kha a reh vung vung bawk si



"Nula kan rawn rim dawn e" tih pah a lo lut te chu ka lo thlek ve thuai a, Dr Joseph-a leh a thiante ho ka hmuh chuan mak ka tih deuh vangin sana ka melh nghal zauh a dar 3 a lo ri ve reng tawh mai



"Lo lut rawh u" tha takin ka lo bia a, Ruatfela ka mitmei zauh bawk,a chhan pawh a hmelhriat ve chiam an ni dawn silo ka tih vang ani nuam lo te alo tih takin



"Awi Doctor hmeltha an rawn kal leh ta pakhat theuh min dawr ve ang che u nangpawh I mamawh,kha I hmel te kha a chhe leh tan tawh kan thil zawrh I hmang khat leh tawh anihkha" a lo ti luam a ka lo ang deuh pham ringawt,in nel lutuk tawh an ni tih ka hrethiam chiah



"Nang chu I single tawhlo bawk a kan rim dawn lo che a kil ah lo va in sawn la" fiamthu deuhin pakhat chuan alo ti a an in beng fiam nghal chawrh chawrh mai,in nel satliah pawh an nilo tih ka hre nawn leh



"Na nei I va ang ve?" Ka bul chiah ah Dr Joseph-a'n thut hmun a rawn rem a, Doctor tih tak ah a hre thei khawp mai



"Nia.." ka lo ti tawi deuh tup ringawt,midang pahnih lai an awm ve sia period thu hrilh chi ani viau lo in ka hria



"Kha..chhuah pahin kan rawn len pui anihkha mahni te hian bialnu zawn ve hi a tum thin silo a" pakhat in alo tih chuan tawi zet in ka lo nui a,a lan dan chuan Dr Joseph-a hian bialpa ka nei tih a thiante hnen ah a hrilh ve kher lo anih hmel



"Ka tih pui vang chauh che a single lo I nihkhat aw " Dr Joseph-a'n alo ti ve bawk "zungbun I va nei nalh ve..?" a rawn tih zui tak ah chuan Zoramsanga zungbun min pek chu ka khawih zauh a



"I van ti lawm awm ve " ka ti tawp..kan in hual na ania han tih deuh thlawt chu ka zak ve deuh inneih in rem na pawh engmah sawi a la awm silo, Zoramsanga duh ang in Dr Joseph-a ber in a hmu a a tha hrim hrim e



Rei vaklo an awm a, hospital lam ah an kir lehnghal mai a Ruatfela zar ah eng emaw an lei chhuah ve hlauh kha..haw hun dawn ah chuan nileng a in biak loh ngawt chu tiin Zoramsanga ka text a,a seen mai pawh ka rin loh nen a pawl nghal va mai



"Ka buai lutuk a" tih te chauh min rawn thawn a nileng a in be tawhlo inbiak chhun a chutiang lek ka dawng let chu ka lawm viau lo, reply tawh pawh ka tum loh laiin massage bawk a rawn thleng leh a



"Hun ka neih veleh ka rawn call dawn nia..ka hmangaih che" ka chhiar lai chuan ka nui sen sen a,min hmangaih thu a sawi chuan ka awm ati nuam ta ani ber



"Awle " ti a reply in dawr lam ah bawk chuan rilru ka pe leh a,tlai ban dawn tawh ah buangrua dawr pakhat zawk atangin an rawn dah belh nual a kan rem fel leh ang lawl lawp a haw dawn a ruai ah kan buai ta phian mai



"Dah ang.. naktuk ah kal hma deuh ila kan rem chhunzawm mai dawn nia I period bawk si in dim angai ania" Ruatfela'n atih chuan hnial lo in ka in ti fai thuak thuak a



Dawr kalh in kan haw a dar 6 pelh ah kan haw chauh,in ka thlen chuan ka pa'n rawng alo bawl a Sawmtei'n a lo pui ve bawk,ka pa rawngbawl ka hmuh chuan ka duh ai tam chaw ka ei leh ngei ngei dawn tih ka hre nghal



Inbual in room ah ka awm deuh char char a, Zoramsanga massage ka chang ru deuh reng a mahse engmah a rawn thawn lo..a la buai tluang viau anih ka ring



Chaw kan ei pahin nizan Zoramsanga tawlh thlu vel chu kan zel din a ka pa pawh a in puang ani ber, Zoramsanga tawlh thlu inhmeh lo lutuk te chu a sawi chhuak ve a,nizan khan a ni pawh a nuih a za reng mahse alo in sum char char lek alo ni



"Khawi ah nge Than ek-i a awm?" Ti a Tluanga rawn au deuh lang lang chu Sawmtei nen kitchen ah kan lo in nuih ringawt



"Choka lam ah a awm anihkha lo thu ta che u.." a tih vangin an vaiin an rawn kal tih ka hre nghal mai.. tukin khan zanin len chhuah an rawn rawt anihkha min rawn sawm aniang



"Tluang..ka leng peihlo ka tih kha" kitchen atang bawk chuan ka au lang lang a



"I leng dawn.." tih leh kitchen a rawn luh a rual a min pawt nghal dawr dawr "thiannu lo hrethiam mai rawh aw" tijn Sawmtei thleng sil lai chu a au zui a



"Pa ka va len pui lawk mai ang tukin ah an sawi tawh a" ka pa hnen ah chuan ka ti a.. Zoramsanga a buai bawk a a rawn leng hman chuang in ka ringlo len pui ve mai teh ang



"Um nia mahse rawn haw har lo ula aw" a tih chuan bu nghat in ka room ah kan in zui chho dial a,ka in thlak pah pawn ka period te pawh ka la chhuanlam ve fan tho a min lak thutak sak duh thak lo



In atangin kan in zui chhuak leh a,khawi ah nge kan kal dawn tih ka zawh lah in kal hual na pawh an lo nei hauhlo kan tei raw lai leh mai mai dawn ni in a lang, Scooty keng lo phei se chu ka kal pui tluan peihlo ang



"Zanin chu Than ek-i bialpa va rim ang u" Chhandama ber in atih chuan pahnih a te pawh an lo phur ngang mai



"A ngai lo khawp ang aw.." ka ti nghal hlar a,mahse hnial theih an nilo Tluanga'n min pawm bet tlat a Chhandama'n min phur lui bawk Scooty pakhat ah pathum kan in phurh phah



An in awm na min zawt a ka sawi duhlo mahse Lalfeli hian alo hre kiau si tih ngaih na a awm tawhlo, Feli an tlan hmasak tir a keini pathum chuang in a hnung ah an zui ve bawk



"In la chaklo dawn a lawm" che theilo chung chuan ka la ti ve ngar ngar a min ngai pawimawh lo khawp mai.. Zoramsanga va thawn an chak ni ber in ka hria..a hma zawng a an han hlauh nen a



"Thei ila chu ka beng ang cheu" ka ti vin hlak hlak tawh,Zoramsanga te in kawt ah kan ding ta ran a,a buai bawk nen thiante nen a va chim huk chu ka in thlahrung takzet



"Chhana nen kan lut hmasa anga kan hnung ah rawn lut ang cheu..kik hranpa lo ang a bialnu kan kawl tho a lawm in ven na tur" phur zet in Tluanga chuan a rawn ti a



"Awi ka ning e..hmun dang ah kal zawk ang" ka tih pawh an ngaihthla lo an kal hmasa nghal a Feli nen pen sawm vel a hla ah kan lo ding thung



"Va kal hnai ve ang" Feli chuan tiin min kaih kuah phei hlawk hlawk a Chhandama kawngkhar hawng de de chu ka melh ve ran a..Zoramsanga hian lo melh kur se ka ti mange



"Ding rawh.." Chhandama'n rang kut a kawngkhar khar in min rawn tih thut vang chuan ka ding nghal chawt a



"Enge.. ramhuai I hmu ami?' nui pah a ka tih chuan a hmel lan dan danglam vek chu ka hmu thiam nghal, Tluanga a dak ve lo zawk chuan a lo nghawk a



"Uiiii..!!" Ka tih rualin Chhandama'n a kut pahnih in ka beng a hup nghal,mahse..mahse kha thawm ka thianpa in hrelo tur a min duh kha ka hre hman!



Ka beng ah a lut Chiang hman lutuk! Zoramsanga zungbun min bun tir chu na lutuk in ka hmer a, Chhandama chu ka melh tlawk tlawk ringawt! A hmel a min khawngaih na ka hmuh te chuan ka hnuk an ti ulh ta tlat bawk



Ni e kei hi ka khawngaih thlak khawngaih loh theih ka nilo reng bawk ani.. engvang in nge ka thianpa hian min khawngaih hmel a put loh teh lul ang..thawm chauh nilo kha thawm awm chhan kha a hmu miau alawm!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:29 pm

CHAPTER-28☄️



"Engtin nge ni ang?" Chhandama en pah reng chuan zawi sap in ka ti a,min chhang mai lo a rilru a buai ve nak anga sawi mai tur a hre biklo aniang



"Chhan enge a? thawm kha in hre ve em?" Tluanga'n Chhandama dar ah vuan in a sawi dat dat a,keini pahnih erawh in khawngaih in kan in en ngat ngat tawp,a kut a lak dawn rual chuan ka in hum ruh vak a,kha thawm.kha hriat nawn leh ka hlau ani



"Ka hria.." Feli'n alo ti chuai raih a Tluanga luh tum chu Chhandama'n a pawt bet nghal vat a



"Tun a luh chi anilo..haw phawt ang u" a puitling ber Chhandama'n a tih vangin Tluanga pawh chu a lut ta lo a..keichu ka thawm hriat in min thawn em vangin chet ngaih na pawh ka hrelo va en chian chak na pawh ka neilo hul hual



Mi a na lai leng ka nilo a enge thleng kha kha thawm atang khan ka hrethiam ve vek,va en a enge an tih tak va chian a nga tawh Chuang in ka hrelo,kan in lam pan turin kan in phur haw leh a..ka in khawngaih lutuk na vang chuan Chhandama hnung ngheng in ka thaw leh hawk ringawt thin..ka tah lah chu chhuak viau si in ka mit a hul tap a mittui luang tur pawh ka nei chuanglo



"Nakin ah be rawh aw,ngawih nghal duk a tha chuanglo ania" tlan pah a atih chuan chhang lo in ka lu ka ti che ringawt a,chutih mek laiin call ka dawng a,lak pawh ka tum hran lo lem na a



"A mah ani mai thei a sin" tih pah a Chhandama'n Scooty kawng sir ah atih din vangin pick tum chuan ka la chhuak a kan hnung chiah ah Feli leh Tluanga te in phur pawh an rawn ding ve nghal a,ka rin ang chiah in Zoramsanga call ani a an zo tawh emaw ni tih ka rilru ah a awm hmasa ber an in kan tlan san na a la reilo si



"Enge...?" Ka thianten hun min pe a min kal hlat san deuh vangin ka ti bak nghal hlar a



"Chauh nen a va in rem lo ve" a rawn tih vang chuan ten lutuk in ka ner sak,engtin nge chutiang te a rawn sawi chhuah ngam a tenawm lutuk hian!



"Nia I chau ngawt ang chu.." bul lutuk in ka chhang zel a,ka biak that viau chhan tur hi ka hre miahlo reng ani



"Diklo a awm em ni? Tinge I pasal hual hnathawk chau te khatia bul lutuk a I chhan bul bul.." thil chik ve tak ani bawk a ka awmdan leh tawngkam ah ka ti lang bawk nen a hrethiam rang khawp mai,chu ai chuan engmah hrelo ang a ala awm hian min ti thinur



"Dik lo maw? Nangmah kha I dik lo " ka ti chhuak tawl a..nia ani pawhin midang s*x a hman pui hreh loh chuan engvang in nge ka sawichhuah hreh bik ngawt ang? hrep hian a!



"Enge ka dik loh na..? sawi chiang law law la" za lo lutuk in ka nui chhuak hawk a, phone chu ka off nghal hmak bawk..ka tah a rawn chhuak thar ta deuh deuh! Engtin nge min biak te khan pangngai takin a awm theih le?



"In sawi fel thei em?" ti a Chhandama rawn phei chu ka lo en a ka lu ka thing ringawt "a mipa kha ka hmu chianglo ania..mahse Scar-a lo chu ni thei in ka hre silo a chuvang ania"



"A ni ang..a in ah ani lo mipa an awm dawn lo Alex nise in ah chuan room ah chauh a awm thin a.. hmeichhia khatiang a chet pui thei chi anilo" ka lo ti nghal var a



"Be tha leh teh..ka Chiang fak e ka ti ngam lo ania mahse a mah a ang ka ti light an on vek bawk silo nen ka hmu thut bawk sia" Zoramsanga'n min rawn call nawn leh vangin ati a mahse ka luhlul chhuah in ka la duh ta lo



In lam ah kan in khalh haw a..in kan thlen thleng pawhin a khat tawkin min rawn call reng a mahse vawikhatmah ka pick lo..in chhung ami kha a mah anih ka ring lutuk te pawh ani mahna,zanin mai a biak a va lungawi loh nghal kha ka tha ana tlat zawk



"In va lo haw hma si ve" kan in zui luh tham tham laiin ka pa chuan a rawn ti a



"Nia len na tur vak an hre leh silo a" pangngai ang deuhin ka awm a..ka chhungril tak erawh a pangngai lo..ka rit deuh luk a,nichin vang khan tun ah phei chuan rilru nat ai in ka thinrim tawh zawk



"Kan tlang mai ang.. rilru siam zung zung suh aw" Chhandama'n ka dar a vuan in ati a a chhuak a Feli leh Tluanga ten an zui chhuak ve nghal bawk



"I rawn haw tawh bawk a ka va mu zal teh ang vawiin chu chhun lam atangin ka mutchhuak reng mai..ka makpa hual a rawn leng bawk silo a" a tawp lam chu fiamthu tak hian a sawi a



Ka pa kal zui chu ka en reng a, Zoramsanga a rin ang anilo hi ka lo khawngaih daih thung..ka tan a tha ber anih a ring ngei anga keipawn ka rin ang chiah hian..mahse hei zanin ah kan rin dan dikloh zia chu a ti chiang mai a lawm



Veranda light off in kawngkhar ka kalh tha thlap a in chhung pawh light pakhat chiah ka on..sana ka en a ka rin ai daih in alo tlai tawh,tui ka in leh te te a mut mai tum in ka in tam a



"Aw tunge..?" In chung ah chho a mut ka tum tawh laiin kawngkhar an rawn kik a step atangin kawngkhar hawng tur chuan ka kal thla leh hlawk hlawk a



"ka mu tawh dawn" pawn lam a Zoramsanga ka hmuh rualin kawngkhar khar chip lehnghal ka tum a, kawngkhar alo pawt bet ve tlat "thlah teh.." vin zet chuan ka ti hlar a



"In be teh ang..enge buaina awm?" A la rawn ti nia! E ni tak an thawm kan hria tih pawh hre lek lo in nuam a tawl anihkha mawle



"Naktuk ah.." bul zet in ka chhang a



"Aih.." ka chhan ai a bul leh chhawng in min chhang ve thung,tha a ka hneh ngang siloh vangin beidawng zet chuan ka thaw hak a



"Min luh tir rawh" a tih pahin a pawt deuh sawk a ka tang hman ta lo pawn lam ah keimah zawk ka dawk chhuak zawk



"Ka be peihlo che.." ka la ti ve talh a,mahse biak chu ka duh tho engkim sawifiah vek se ka duh,midang hnar theilo khawp a awm chhan te pawh ka rilru na ngei dawn mahse hriat ka duh tlat



"Keiin ka peih a lawm..enge I lungawi loh na?" Tih leh kawngkhar khar a rual a pawn lam veranda thim hnuai ah chuan kan in din chilh ta ran mai



"Min phatsan.." ka ti chhuak tawl ringawt,a dang sawi tur awm miau hek lo..chutia ka ti chhuak ta erawh a hunlai ang khan ka rilru a na a ka tah a rawn chhuak et et



"Enga? Ka phatsan che maw kei hian?" A hma ai a vin hlek hian a ti ta chiah mai..keiin ka hua a chhan pawh engmah hrelo a tun thleng thleng lem a la chan peih vang ani



"Aw phatsan e..ka thiante nen zanin ah in in ah kan rawn kal a chuan hmeichhia nen in awmdun" ka tih chuan awihloh hmel lutuk in a nui chhuak hawk a "nui mahla in awmdun tho" ka la tih sak hram



"Tu in nge ti a? I thianten maw?" A aw chu a zawi na in a chang fak mai



"Chhandama'n a hmu cheu.." ka tih chuan hah dam loh hmel zet in a thaw chhuak hawk a



"Ka chau takzet a sin..hna ka ngah a tukin ah pawh ka hrilh che..ka buai nileng a zanin ah pawh midang haw hnu ah hna ka la thawk char char..ka rawn call khan haw turin ka office ka chhuahsan chiah"



Dam thlup si hian fiah zet leh chang bal maiin ati a..keichu ka ding ngawi reng a ka rilru erawh in Zoramsanga thusawi chu ka ngaihtuah zawm char char thung,tun ah suit nen a la awm a,lem chang a suit nen rawn ri leh tap tur chuan a chapo na hian atlin ka ringlo



"Anihchuan in in ami te kha tu te nge?" Ka aw ah pawh mak ka tih zia a lang thei ang.. Alex ti dawn ila Zoramsanga a la haw miau loh chuan a driver ber Alex pawh a haw lo ang tih ka chiang..mahse mipa leh hmeichhia chu an awm sia chuan s*x an hmang ngei bawk



"Ka hre hauhlo.." tiin veranda atang chuan car lam pan in a kal nghal a,enge a ngaihtuah ka hria in ka hria.. Oliver!



"Min lo nghak rawh" tih leh um zui ka rual a..in zui chhuah hun ni tawhlo mahse Oliver ka ngaihtuah na vangin ka kal mawl ve tawp



Ani pawh in min hnial lo..an in lam pan chuan kan tlan nghal thuai a Oliver a ngaihtuah tih chu hmuh theih khawp in a lang, Alex hnen ah tlan chak turin a tur chhen a keipawh ka awm chu anuam chiah lo ve tho



An kawt kan thleng a..min ngaichang miahlo in a tlan chhuak a in ah a tlan lut nghal a keipawh chuti tho..ka tlan chak bawk nen kawngkhar ka hawng a ka speed sang tawh bawk si Zoramsanga a lo ding mai bawk sia ka va su chawrh a ka lu a hai chhawlh mai



"Tu phal na in nge he pa hi I hruai luh" ka lu hai ka in buaipui laiin Zoramsanga'n ati ta chhur chhur mai,ka hawi chhuah chuan mipa palian ve deuh tak leh hmeichhia an lo awm aka rin dan chuan nula thar Oliver awm tu chu anih ka ring



"Ka pu..ka..ka..ka tih palh lutuk! Englo." Nula chuan a kut a hmer sawk sawk a,a zam a a chi ai tih a hriatthiam theih vek



An pahnih ka hmuh tak ah chuan thil awm dan ka man ta chiah, Chhandama hmuh te kha an mahni ngei hi an nih dawn hi..mahse engtin nge an ngam zawk le? A hnathawh na in ah lehnghal room ah pawh nilo in s*x an hmang a chutah kawngkhar pawh an la kalh eih lo ania!



"Chhuak nghal rawh u.. naktuk atang chuan rawn kal tawh suh ang che, hmeichhe tawp lutuk hnathawk atan ka mamawh lo" a thusawi dan chu ka tan chuan nise na ka ti in ka thinrim viau ngei ang



"Ka pu min ban suh khawngaih in..ka hruai lut tawh miahlo ang ka tiam a che.. khawngaih in hna dang thawh tur ka neilo ania" tiin a tap nghal pur a



"I tan pawh a pawi thei thil i thlen tir hma in ngaihtuah chiang hmasa rawh.." a tih sak duh lek chauh a..mipa chuan a jacket ha in zak hmel pu map lo a hawi sâng vah chung hian Zoramsanga chu pen li vel in a rawn din hnaih a



"Ka bialnu hian I hnen ah kher lo pawh thawh na tur a hmu lutuk tlat..I chapo khawp mai " tiin a melh ta ran a



"A nihchuan chhuah pui ta che..thawh na tur dang a hmu anihchuan engvang in nge a kal mai loh?" Alo ti ve leh chhawng a



"Hey..kal ang" a bialnu chu a au a,nula erawh kal mai a la tum hmel loh,a in hnit faih faih reng a..ka khawngaih viau dawn a a thil tih kha a zahthlak bak ah a in dah tlawm ka tih em vangin ka tan tha thei der lo



Zoramsanga sawi ang deuhin kan tan a pawi leh viau tur kan thlen tir hma a in ngaihtuah chian hmasak kha lo ti ve se chuan tun ang boruak chu a tawng lo ang..bak ah tinge nupa pawh an nih hma in s*x te an hman reng reng ni?



"Kal rawh.." tiin mipa chuan nula chu a pawt dawrh a, Zoramsanga pawn in chung lam pan tumin step lam ah a kal phei a, room ah Oliver a awm a niang



"Dim deuh rawh" ka lo tih vangin rum lutuk chuan min rawn melh nghal vut a,a mitmeng leh hmel atang chuan ka rap chi tak ani..ruih anei tih a Chiang hle bawk



"Lo ngawi rawh z**ngi.." min ti anihchu! A tawngkam duh tui lo lutuk chu ben hawi sawk ka chak takzet,rui lo pawh nise khatiang tawngkam hmang duh tur hmel kha a pu tho



"I tawngkam..." ka ti chiah kut a rawn lang fua a a ri chawrh bawk..ka rak that a chupa chu chhuat ah a bawk rawk rawk mai! Ka kâ hup in a rawn hnek tu Zoramsanga chu ka en a ka tha a khur dawn dawn mai!



"Engtin maw i koh a? sawi nawn leh teh" vawt ruih a Zoramsanga'n a tih chuan ka kut tha khur tan tih reh tum in thawk ka la a,ka kut chu ka phar a ka hum leh thin awmzia erawh a nei tam lo



Zoramsanga hi chu a zaidam teh chiam lo tih ka hre tawh a mahse kut a thawh erawh vawikhat te mah ka la hrelo..hei vang pawh hi aniang ka lo hlauh ve em em ringawt ni! Min chhan ni eng ang mahse ka hlau hluah hluah a kut thawh vang hian



"Kal rawh..buaina ka duhlo" tiin nula chuan a bialpa chu a pawt lawp lawp a,mipa zawk chhuah tum uk pawh chu a chhuak duh leh ta lo!



"Shallla..!! sumdawng hausa satliah ve mai mai in mi hnek chu le! " Chhuat ah chuan chil a chhak thawt a,min rawn bi tum hlau in zawi te te in Zoramsanga ka din hnaih nghal zal zal



"Ka bialnu hi z**ngi a nilo tih I hriatthiam nan a hnek mai che ka nihkha.." a lo tih sam sak et a mipa lah chuan khawih ve a chak hmel ropui si..buaina a lian tham a chhuak dawn takngial!

IMG 63662727.jpg


"Anih tak chu..min thlah teh" nula in chhuak tur a alo pawh ve reng vangin vin hrep pah chuan nula kut chu a thing thla pawp a kei ka lo phu deuh dawrh



"Kal ang...!" Zawi si vin deuh takin nula bawk chuan a ti leh a



"Hepa hian min hnek! " Zoramsanga chu a kawk deuh sak sak a " vawikhat te pawh ka hnek ve lo anihchuan ka pa fapa ka nilo ang" tiin a bialnu bawk chu a vin leh vak a, hetiang em em a thinchhiat mai chuh! engtin nge nupa hian a ngaihzawn duh zawk le? Zoramsanga ai pawhin a let thawk in a thinchhe zawk




"Kalsawn nghal rawh..nilo chhuak rawh u" chupa jacket phelh that leh tum chu Zoramsanga hma a ding in phone ka phawrh a,eng emaw ka tih ve loh chuan an in sual chiam duh mai ang



"Kalsawn mai teh..!" ti a rawn pen leh a tum chu phone ka hmet eng a



"In chhuah vat loh chuan police ka call dawn ania" tiin ka rilru a awm hmasa ber Dr Joseph-a chu ka call tawp..engmah a hre ve silo a nilo pui pui in a rawn tawng ka hlau takzet



"Phiangsen che chuan..!!" tiin a bialnu a kai a, Dr Joseph-a'n call a pick rualin an chhuak nghal vut vut a ka thaw nghal huai



"Min lo zui rawh" Zoramsanga chuan min nghak lem chuanglo in inchung lam ah min chhoh san a keichuan Dr Joseph-a call pick tawh si chu ka call chhan ka hrilhfiah te te phawt



Ka sawi lai chuan a nui hak hak reng a idea nei tha min ti khawp mai,chu ai mah chuan kal chhuak ta te pahnih khan ka biak na tur an ngaichang a nga an la awm reng ang tih a hlauhawm zawk..awm se zawng fake call tih an hre nghal vek dawn a



Dr Joseph-a nen kan inbiak na kan tih tawp rualin inchung lam ah chuan ka chho ve a,sana ka en pah bawk..a tlai tawh ngang mai ka pa arawn tho leh anih phei chuan min lo zawng ngei ngei ang



"A tha maw?" Oliver room ka luh ruahman zawi sap hian ka ti a



"Aw..a mut na a rei tawh aniang.." chauh hmel takin min chhang ban churh a,a fapa muhil lai chu en reng in a kut a dawm sak char char bawk "ka inthiamlo..a tan a hun ka neilo thin lutuk hi" a tih chuan ka va pan hnai nghal vat a



"A nawm sak nan hna I thawk tho a lawm" tiin a dar ah chuan ka vuan a,rawn in her deuh in a dar ka dawm na kut chu a rawn fawp zauh a



"Zanin chu min riah pui mai la..ka chau lutuk mahni pawhin ka in thlak peihlo ang" a ti zawi sup..riah chi ni in ka hrelo mahse a chauh zia chu hmuh theih khawp ania ka khawngaih ve bawk si..riak ngawt dawn ila a chi siloh naktuk hna kal ka ngai bawk sia



"Lo kal la..ka lo inthlak pui ang che,riah em chu ka theilo naktuk hna kal nen" ka tih chuan muangchang in a rawn tho chhuak ve mai a



A room lam ah in zui phei in a suit chu keiman ka phelh sak a,ka tih ang ang chuan a awm ani mai a chau satliah nilo in a chau takzet anih hi..a kawr ka phelh sak hnu in khum ah ka thut hahdam tir phawt a



"I inbual dawn nge I mu nghal dawn?" Ka tih chuan a ngawi ren rawn a



"Zing ah ka inbual mai ang..tha pawh ka nei tawhlo" tiin khum ah chuan a let tawp a kawr lak sak ka tum lai chuan min rawn vuan thut a ka phu deuh zawk



"Min mutpui lawk rawh reilote..chuan ka thlah haw ang che" ngen ngawl tak a min tih chuan tang zo lo in a bul ah chuan ka mu ve nghal a ka kuah a rawn sai sir in hnai tak ah min en a ka lai tep lehnghal



"Muhil la..I mutthilh hun ah ka haw mai ang thlah ka ngai lo" ka tih chuan a nui suk a a chhing nghal vang vang



"Ka tihpalh aw..engmah hrechiang lo a ka lo thinrim khum vang che in..I chau si ka khawngaih che" tiin a hmui ah chuan ka fawp zauh a



"A tha vek a lawm" tiin ka kawr chhung a rawn zen lut a ka hn**e a rawn hum nghal chat a a khawih nghal mual mual bawk



"I chak em?" Ka tih chuan rang zet in a rawn meng a,ka nuih nghal var bawk enge ka sawi a hrechiang tih a hmel ah a hriat theih



"Chak e..mahse kan inneih hun nghah hram hram ka duh I zahawm na atan" a tih chuan min ti lawm ngang mai



Min khawih chhe duh nise chuan tun ah hian ka in ven theih ka ringlo,mahse min ngaihtuah a thui tak thleng thil a ngaihtuah bawk hei hian a ein tlak zia a lan tir a ka lo ngaih dan kha a dik loh zia a ti Chiang hle bawk in ka hria



"Ka hmangaih pa.." tiin a biang hmul to deuh sar ah chuan ka chul sak a



"Vawi tam min hmangaih thu hi min hrilh thin teh..ka ning lo ang ka fapa nen a in mi hmangaih na tluk a chak na hnar ka neih that hi a awm lo ania" tiin ka hn**e chu a tham vak a


"I duh phawt chuan.." ka tih rualin duhthawh zet in min fawp nghal tawn tawn a,rum hawk in a in la hrang lehnghal



"Ka ning...engtik ah nge I pi leh pu te chu in sawipui dawn? Thil tha ber mah nise in sum reng hi a hreawm ania" a tih chuan ka nui hawk hawk



"Anihchuan I insum theih loh hma in min thlah haw la.." ka tih chuan a tho nghal thurh a,a chau tih hre mahila tun anga mahni a haw chu ka hreh deuh tawh taxi a vang dawn tawh si



In zui chhuak in Inhnuai a Alex lo awm chu Oliver ko ngaihven turin a ti a,kan in lam pan chuan kan in zui chhuak nghal a



"Engtin nge I tih tak ang nula dang I zawng dawn em?" Tlan lai chuan ka ti a



"Ka hrelo le.. Pi Thantei a awm tho a muangchang in ka zawng tawh zawk ang..Ruati kha chu hmahmawh tawh lam a ka hmuh ka chhawr mai kha ania belh chian na hun ka neilo a" a ti siam siam a



"Keimah a lawm ka bang thut anihkha" a hunlai kha chuan in thiamlo miahlo mahila tun thil awmdan atang hi chuan ka in thiamlo hnuhnawh,khami te awmdan kha Oliver khan lo hmu phei se chu Zoramsanga hi a sa ngawt ang



" A ho emai..thil tha lo lutuk a thleng lo hlauh a" a ti leh sup



"I hnek mai ka ring lo a ka hlau hman che a lawm nangmah pawh kha..kut I thawh ngai silo" ka tih chuan steering a kut tang a khawng keuh keuh pahin a nui suk suk a



"Khatiang a a koh che kha ka duh reng reng hleinem..." A aw a tang leh hluk tih ka hriat vangin engmah ka sawi chhunzawm tawhlo..a ni ve chiah z**ngi ti a koh tur ka nilo hrim hrim, keipawn a hun lai chuan ben sawk ka chak ve tho kha maw



"Um anih ka kal aw.. Mangtha phawt um" tih pahin kawngkhar ka nem hawng a



"Naktuk ah chuan a hun ngai ah ka rawn kal leh tawh ang,tuk khat lek in hruai loh pawn awm thiam a har dawn rum rum tawh mai a lawm" a rawn tih lehzel vangin ka ner nang a ka awih loh lam nilo ka zah vang lek



"Ka zak reuh e.." ka tih chuan a nui suk a veranda ka thlen rualin a in turn a a haw ve ta nghal,thaw chhuak hawk in dim te chuan kawngkhar ka pawt hawng a ka pa a rawn tho tawh lem lo aniang ka kal hma ang ang in light pawh pakhat chauh a la eng reng



Fuh ti zet in ka room ah ka chho a,ka mu nghal tharh..awmze awm lo in ka lung a rawn leng chiam ringawt a Zoramsanga riah pui lo a mahni te a ka mu leh ta si te chu ka in haw dawn dawn mai! Ka bul chiah chu ka en ka en a Zoramsanga mu ve tur ah ka ngai tlat



"Mut a hun mut a hun" tiin ka phone ah sana ka en a a tlai tawh lutuk hna kal tur ka nih nen phei chuan hnar bur bur a hun tawh zawk, phone dah in ka chhing fel chiah mi in min rawn call leh!



" aw hello..pa zau enge ni ta tun ang zan zan ah te min lo call tak?" Pa Ramzaua hnen atang daih a call ka dawng chu tun ang hun ah phei chuan mak tih loh na chi pawh anilo



"Pa zau.." ka ti nawn leh min chhang silo a phone a off chuang bawk silo,a muhil in phone a delh a nga a rawn call emaw ni ka ti ta rum rum



"Eng..engtin nge ka hriatloh theih che le?" Tah aw zet a rawn tih tak thut ah chuan phone chu la sawn hlek in a ka melh vung vung a,a tho a emaw ni le? Enge a rawn sawi hi ka hrethiam lo reng reng!



"Pa zau..I tha em? I thusawi hi ka van man lo ve" phone chu ka beng bul ah bawk ka dah leh a



" I pa ka nih hi.." a rawn ti ta mai!! A reh duk a ka lungphu pawh an chawl vek in ka hria! Pa zaua lehnghal in tun ang hun ah min rawn fiam ka ring silo



"Eng..enge I sawi awmzia?" bah lutuk chuan ka ti chhuak tawk a,ka tha an khur nghal chiam ringawt!



"Ka fanu...I pa hi min hua em?" a tap nu ber in ka hre tawh,keichu tah chu sawiloh ka chhungril ah hian hlauh na a rawn in siam nghal tup tup thung, Pa zaua kher ka pa tak anih ka ring theilo!



"Nang hi ka pa tak maw I nih? Engtin nge a nih theih ka awih lo!!" Ka la ti hram..ni e awih a har ani vawi tam in hmu in an in ah ka kal fo a chutiang in in hriat na leh rin chhin theih na tur ka nei ngailo



"Aw I pa tak tak ka ni a lawm..I nu khan a thukru rei lutuk che a,mahse ka zawng hmu ta che anih hi" ka thaw tawh pawh in ka in hrelo..zanin chu rilru hah na tur hlir a siam ani ringawt!



"Ka nu in min thukru lo..min duhlo anihkha" tiin ka thinrim thar a phone chu ka off nghal hmak bawk,thil nih na zo zai chuan ka tah an ti chhuak hluah hluah!



Mut tum a in tam kha ka nia mahse ka thu hriat teh thut in min thawng lutuk a mut chu sawiloh ka mutchhuak pawh a reh vek tawh,ka thu ngawi reng a dar zat lam reng ngaihsak lo in ka meng a Pa zaua thusawi chu ngun takin ka ngaihtuah thin..ka ngaihtuah nasat poh leh ka tah a chhuak zual a a chang leh ka nu chu ka dem thin



Pa zaua khan engvang a ka nu in min thukru ang a sawi nge anih? Ka nu hian a rai chungchang ah khan dawt a sawi tih na em ni? mahse ka pa pawhin engkim hria ang in a hma khan thil nih na min hrilh vek si a,ka nu hian ka pa pawh dawt a hrilh zawk tih na ani angem?



Ka nu..nu tha tak ang a ka lo ngaih na te chu an chhe tial tial a,ka nu hian thuruk tam tak anei ah ka ngai lo theilo! Pa zaua ka ring nghal e chu ka tilo mahse ka nu kha a zawng zawng in a rintlak loh zia ka thinlung hian a hrethiam ringawt tawh!



"Nu..." Ka ti thlawt a tap chhuak ngam silo in ka in sut hlawp hlawp... Pa zaua sawi ang in ani chu ka pa tak anihchuan Feli nen pa hmun kan lo ni reng a! An chhung hian an hre ve tawh angem? Hre ta se engtin nge min ngaih ang Feli hian ka lak ah eng rilru nge a put fak ang?





Mu miahlo in ka meng tlaivar thak a ka lu leh mit pawh an na bur tawh..ka mut men ai in ka thut a tam zawk a ka kawng a na hle bawk, Feli chauh ka ngaihtuah a pa thuhmun vang a unau kan nih a hriat chuan engtin tak ngai ve ang maw ka ti reng mai



A pa a chhuang ve viau thin kha ania hetia a pa in fa bik min nei tih a hriat chuan thian tha tak mah ni ila a rilru chu a na ve viau ngei ang,an chhungkua mualpho viau thei dinhmun ah an ding a,ka tihsual chu anilo Pa zaua leh ka nu tihsual liau liau ani..mahse a tuar tur zing ah erawh ka tel chiang hle thung..Feli nu te thleng in min haw lo ang tih pawh ka hre silo



Inhnuai ah muangchang in ka chhuk a dar 5 vel chauh a la ni,ka tha a zawi q engtih chak na mah ka nei lo..Pa zaua thusawi ringawt in min luah khat.. sâwn ka nih chu ka in hre daih tawh,mahse Pa zaua ber kher ka pa anih ka ring lo awih har ka ti mahse a rawn awmdan zawng zawng ah khan rinhlelh a har si



"Morning..tukin chu ka tho hma lutuk a ka rawn kal hma anih hi" Sawmtei lo che siam siam chuan phur takin ati a chhang lo in ka kal pel ringawt "U I tha em?" Ni dang a ka awm dan anilo tih a hrethiam aniang chu



"Aw..ka mu tha lo deuh a" tawi zet in ka nuih a couch ah chuan ka mu leh ringawt,dar 5 chauh ania hna thawh ka ngai bawk nen tlem tal mut theih ka in beisei ani



Mahse ka theilo Chiang lutuk! Ka mit ka chhing a eng dang mah ngaihtuah tawhloh ka tum rual in pa zaua aw ngei mai in nizan min rawn biak dan kha Chiang lutuk in ka beng ah a rawn ri nghal tluk tluk a, mangang lutuk in ka meng leh tawp..ka tah a chhuak thar a ka room ah ka tlan chho ringawt



Ka pa chu zawh chian mai ka duh a..mahse ani pawhin a hriat bik ka ring silo.. Pa zaua hi ka pa tak ani tih hre ta se chuan sâwn ka nih dan min hrilh lai khan min hrilh tel vek ka ring thung si.. rilru buai lutuk a ka awm laiin tu emaw in min rawn call



Feli hming caller ID a ka hmuh chuan lak ka tum lo ka ring ral tir a vawi tam a rawn call nawn tluk tluk tak ah chuan engmah thleng lo ang a awm in ka pick ta ringawt,vawi duai lo min rawn call na te chuan engkim a hria aniang tih min rin tir a,ka rilru a buai engkim hria in min huat mawlh chu ka hlau ani



"Aw Fel..I van tho hma ve" zangkhai thei tur ber chuan ka ti a a ruk erawh in ka tang tung thung



"Nizan ka mu lo hrim hrim a" ban churh in a rawn ti a,ka ngaih bel vang nge pawh ka hrelo hriat a nei tih hi ka ring tawp tawh..keimah ka nih hria in a rawn call ah ka ngai bawk



"Nia keipawh" ka ti bung churh a,ka unau thar ka vawikhat biak na ang maiin ka zam thar a nitin deuh thaw in bia a in hmu thin kan nih na zawng zawng kha an bo vek hian ka hre tawh "Fel..!"



A rawn in sut tak hlawp hlawp ah chuan engkim a hria tih ka chiang ta..ka awm a nuam bik lo ka tah a chhuak ve tho..hnem turin chak na ka nei biklo keipawh hi hnem ka ngai takzet



"A pa'n fa hmasa a lo nei a,nizan ah ka hre chauh" a rawn ti a,ka kut in ka hmui ka hup a tah ka in sum char char,ka in sut a ka thawm a hriat erawh ka hlau hle thung



"Tunge anih pawh ka hrelo mahse kan Chhungkua zankhat lek ah a ti keh chhe vek..anu thinrim in a chhuak bawk si" a rawn ti leh zel phei chu hriat hreawm tak ani..keimah vangin Feli nu a chhuak anihchu! sâwn nih a chhungkua chan ve loh hi a lo van rapthlak em!



"I pa chuan a sawi em?" Ka ti chhuak tawk tawk a



"Aih.." a ti tawi tap..tah in sum ve ve bawk si chu biak pawh kan in be mumal theilo



Keimah ka ni tih a hrelo hian a thiantha zing a hmeichhe awmchhun hi in bun ruah nan min rawn hmang ani ngei ang, chutiang tlak ka ni der silo!



"A nih vawikhat tal I hmu chak em?" beidawng tak chuan ka ti a



"Aih..ka pa fa pawh ni ve mahse kan chhungkua min ti keh chhe mek a ka hua..ka hmu duhlo a hmel ka hmuh hma atangin ka hua" a ti ta thlawt mai..tawng ngaih na ka hre ta lo!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:29 pm

CHAPTER-29☄️



Ka ngawi reng a sawi mai tur ka hre tawhlo, chutiang khawp a a hmuh pawh min hmuh,nilo atan chuan hriat a ni mah zawk ang..a hreh leh min haw nghal ringawt chu ka dem ve lek lek mai,kei ni ila ka hua anih pawhin vawikhat tal a hmel hmuh ka duh ka ring



"Than..engtin nge ka tih ang? Mi in an hre chak leh dawn si ka zak lawk emai" lungchhe tak chuan a rawn ti zawm a



Thaw hawk in boruak ka hip vang vang phawt a,ka aw te thian in pangngai tak a tawng chhuak tur chuan ka in puah chah ani ber..ka nui lui vel a awmzia a nei angem chu ka hrelo le



"Ti khan awm tawp mai rawh..mi tawng chhuah leh hriat ah chuan tih theih kan neilo a..an lo sawi luai luai anih pawhin rei a awh leh chuanglo ang,I pa fa chu I hmu duhlo a ani pawhin a rawn zawng chhuak kher bik nang che u.." ka tih chuan thawveng lo tih hriat takin a rawn thaw deuh hawk a



"Ka pa hian fa hmasa a neih hi ka nu hnen ah pawh tun thleng thleng a alo zep thei hi a mak ka ti..ka nu thinrim chhan pawh a ni reng asin" awm hmun ah ka.lung a chhe em em a,chutia an lung nihloh viau na tur awm in ka hrelo



Kei ni ila thinrim chu ka thinrim ang mahse tupawn tihsual leh zep chu kan nei a Feli nu pawhin Pa zaua thil tam tak hrilh loh a nei ve tho in ka ring chutiang chiah chuan Pa zaua pawhin a zep a..chhuah phah na tur khawp ni in ka hrelo..bak ah an rilru tur ka hre tawh bawk a Pa zaua pawh ka pa tak ni mahse va in hriat thar tir ka duhlo an chhungkua ka ti keh chhe zual mai mai ang



"Nakin ah kan sawi leh dawn nia aw..hna kal ka ngai sia muangchang in ka'n insiam ange" tiin min chhan hma hauh in phone chu ka dah nghal a



Room ah ka awm deuh ren rawn a ka tah chhuak zual an reh fel hnu ah ka pa be turin Inhnuai ah ka chhuk a..engpawh ni teh se ka pa hian min la hmangaih a min la chenpui duh chhung chuan lungngaih na tur ka neilo,ka hnual phah tur ani hek lo mahse engkim thudik fun fe hriat ve erawh ka duh thung



"E..nula pawh a va tho hma ve" ka pa biak ka tum zet na in thenawm pa lo leng lut nen hlim zet an lo in kawm si vangin ka thulh leh ta rih a



"Ka mu hma ang reng a ka harh hma ve mial anih hi" tawi tap a nuih in kitchen lam ah ka luh san a



Sawmtei rawngbawl ka pui ve ren rawn a ka che erawh muang ban tak ani.. Zoramsanga hi engkim ka hrilh ve angem tih ka ngaihtuah a hrilh chu a tha in ka hria mahse Pa zaua pawh pa ang leh an chhungkua Chhungkhat tak tak ang in a en si a chuta kar a hetiang lo hrilh hriat chu a ni em in ka hre leh bawk silo



"U..kha I in zai dawn ani" chaw ei na a ei tel tur fanghma ka vel lai chuan Sawmtei a rawn au tuarh a chemte min pawh thlak sak nghal,ka thil ngaihtuah nasat luat ah ka in ti na lo chauh anih hi mawle!



"Enge ni ta chiam chiam?" Sitting room atangin ka pa arawn au lauh lauh a Sawmtei'n a sawifiah nghal zung zung bawk



"I tha em? I rawn chhuk hmasak atang tawhin I awmdan a diklo riau hian ka hria I dam that loh hmel e"Sawmtei'n fanghma vek chhunzawm pahin a ti a



"Tha e..ka tho hma lutuk hi ka a chhuih mai" tiin ka sawi ve bawk a awih hmel a pu lem lo..dar 7 hma deuhin inbual turin ka chho a



Ka chhuk leh veleh chaw kan ei a,kan ei na pawh seng fel pui ta lo in ka chhuak a kawt ka thleng chiah Zoramsanga car a rawn ding ve nghal,ngawi rengin ka lut a ani pawhin engmah min zawt lo..mahse min chik ru tih chu ka hre thei



"Diklo a awm em ni?" Ka tukhum zawn vel ah ban rawn kham in a rawn tawlh hnai deuh a keiin ka lo ngheng ve vat bawk



"Um dik fum fe lo thil chu a awm..mahse ka sawk chak tawh rihlo " ka tih nghal vangin engmah a sawi zui a,ka dik loh chhan hrelo mahse min thlamuan tumin min kuah deuh chial a ka kut a khawih niap niap bawk



Dawr kan thleng a..biak pawh be lo a ka chhuak tur chu a duh ta vaklo nge min pawt let dawrh a ka la ngawi deuh reng tho,,ka buaina ah tel ve miahlo mahse ani lak ah pawh hian ka in thlahrung zo takngial dawn



"Bawihte...ka awm I ti nuam lo ania" a tih tak ah chuan chhuak mai lo in ka thu tha leh te te a


"Ka pa tak ka hre tawh a" zawi sap chuan ka ti a


"Ani maw? Tunge min hrilh phal em?" Ka bu nghat nghut,ani bul ber ah pawh ka in bun ruah ve loh zawng in tu hnen ah nge ka in bun ruah chuang ang?



Ka thiante ti dawn ila Feli a tel ve reng a ka unaunu ani tawh bawk si a hre tur a ka duhloh ber zing ami ani tawh bawk nen,ka thusawi tur ngaichang ran in min en a



"Pa zaua hi ania" ka sawi tawp lam phei chu a ri chhuak pawhin ka hre lo



"A va mak ve!" rei mawk tawk a ngawih vang vang hnu in a rawn ti hluai a,ani pawhin Pa zaua ber kher chu a ring biklo tih a hmel ah a lang thei



"Nia..mak tih piah lam ani..ka best friend nen unau kan lo ni reng a.." rilru nat vangin ka nui chhuak hak, Feli min haw nghal ringawt kha a thian ka nih na nilo a unau ve tho ka nih ve tak na atangin na ka ti ta ani ber mai



"A hre tawh che ami?" A tih chuan lu ka thing nak nak a " I hrilh dawn lo ami,nge a theih chhung zep I tum?" a tih chuan rilru buai takin ka thaw leh hak thin



"Ka hrelo..tukin ah kan inbia a,I pa fa chu hmuh ve I chak em? Tiin ka zawt a mahse chak lo .ka hmuh hma atangin ka hua ati nghal a.. hrilh a in hriat tir chi ah ka ngai tawhlo anu phei chu a chhuah phah ani awm e"



"Come.." tiin min pawt hnai a min kuah ta hle hle..ka Mangan rilru hah na hrethiam a min hnem atum chuan min vel dawn ani zawk mah..ka lûng a no thut a ka tah loh nan ma hmui ka pet fan fan ringawt



"A tha leh vek mai ang..I thiantha ani a a hmangaih bawk ang che..unau in nih hre mahsela in in thianthat na vang tal pawh in a haw lul lo ang che.." ka sam ah chul in a kut lehlam chuan ka hnung ah a beng thak thak a



"Awm lo ta la tunge tiang te hi ka hrilh ang? Ka pa hnen ah ka sawichhuak ngam rih silo" ka ti chhuak thei tawk.. engvang a tah belh ta em em nge maw ka nih le? a hma zawng pawhin tah ka in sum thei viau thin kha ani a ka pa leh Rosangi hmuh ah phei chuan mittui tling a awm pawh kha ka duh ngailo hrim hrim ania tun ah chuan ka dang hlak tawh



"I hmangaih ka nih vang ani ngei ang Bawihi,I tan a ka awm zel theih chhung chuan tlan chhiat san che ka tum ngai hauhlo ang.. engkim I rilru hah na emaw hreawm na emaw hlim na pawh nise a hriatpui hmasa ber tu che nih zel ka duh aw..." Tiin a in la hrang hlek a ka biang ah chuan a fawp nghal vawng vawng



"Ka hmangaih che.." tiin ka in la hrang hlek a..theih ngat se chuan vawiin chu a bul ah nileng a hun hman ka chak



"Keipawn ka hmangaih che a lawm...chuan zanin ah I pi leh pu te in ah chuan kal ka duh deuh a inneih lampang sawipui turin mahse I boruak tawn in a zir lo em mai zan dang ah ni mai rawh se"



"Aih..heng thil mai mai hi in tihbuai tir ka duhlo Pa zaua te lam pawhin tuman min rawn ngaihven duhlo ang..ani chu thuhran nise...ka awm ngai hian awm mawp mawp ka duh zawk..mi Chhungkua tih keh chhiat ka duhlo" ka ti dap dap a



"Ok.. anihchuan zan ah ka rawn kal anga I pa te nen kan leng dawn em ni ang? I hriat ang in Chhungkaw mumal ka neilo ka neih chhun pawh Pa zaua leh I pa hi a ni mai a palai tir tur pawhin an ni lo pun tur vak ka hre dawn lo ania" inthlahrun hmel deuh hian ati a



"A pawi lo ka sawifiah mai ang" ka tih chuan bu nghat in a nui zeuh a,tichuan chhuk in dawr lam ka pan san a



"Damdawi I taksa chak na tur ka rawn pek tir leh ang che I lang dik lo tlat" ka mu tha lo tih chu a hai lo Chiang ani..dawr a ka lut tur min rawn au zui a ka bu ve nghut nghut



Nileng in dawr kan nghak a customer neih lem loh chuan thut deuh tawp ani bawk nen..thlen tirh ah Ruatfela'n kan bungraw rem zawh loh kha alo rem fel diam tawh bawk sia tih tur a awm lo..awm pawh nise ka tha a zawi zankhua in ka mu lo lehnghal a ka chau ngawih ngawih



Dar 11 vel ah Alex a rawn lut hlawl a Ruatfela chuan alo tih ngang mai..a hmel hi a rum ve reuh em ani,ka damdawi tur leh taksa ti chak thei thil eng emaw min rawn pe nual a a kal lehnghal mai, Zoramsanga call em chu ka tih vangin massage in lawmthu ka va hrilh a a buai deuh nge a seen mai lo



Thut deuh ngar ngar chuan ka mut a chhuak zel bawk sia,phone ka khawih lah in nizan ka meng bawk nen ka lu a na ut ut bawk si hreh deuh in Zoramsanga damdawi min lei sak chu ka ei a dawhkan ka bawh a ka mut ka chhin chuan ka muthlu ani nghal zel Ruatfela pawhin vawi li ngawt min kai tho tawh


"Nizan I mu tha lo ami a?" Min rawn sawi nawk nawk pahin ati a


"Um..ka tlaivar " zawi lutuk chuan ka ti a ka lu pawh ka kan peih eih tawhlo


"A nihchuan haw mai rawh dar 3 chauh ala nia mahse khatiang chuan a chi loh Nu Aremi a lo kal thut leh I dam lo ka lo ti mai dawn nia" a tih chuan aih tiin ka chhang phal lo ka tho tuih tuih a taxi la in ka haw ta hmak



In ka thlen veleh eng dang sawi lo in ka mu tawp ka khum pawh ka pan theilo ka pa room ah ani ka va mut daih ni, Sawmtei min be zui lang lang pawh ka hria chhang tur ka awm tawhlo ka muhil nghal bawrh bawrh





"A va mu nasa em em ve mawle! A dam lo te hi alo nia nge chutia a ma room ah pawh chho peih tawhlo khawp te chu" ka pa aw lo hnai zel ka hria a muangchang a meng in ka mit ka nuai nawk nawk a ka lu lah chu ka mut rei viau vang nge a na ut ut



"I dam sam nange chutia I room pawh I pan peihloh" a ma room ah ka pa a rawn lut a ka pang a rawn dek nghal zat



"Dam e nizan ka mu tha lo ka mutchhuak lutuk a hna pawh ka bang hma lutuk" tiin sana ka melh a pawn lam ka thlir nghal bawk,khua a thim a dar 7a ri tep tawh ka mu rei ngat ngat hle mai



"Sawmtei khan a rawn haw hma lutuk a damlo aniang ati che a,kai tho lo che in chaw kan ei san che anihkha" atih chuan bu nghat in kan in zui chhuak a ka nuam huai mai ka mu hnem bawk a



Sawmtei'n chaw ei min lo siam sawk sawk a ka bar ve nghal mawlh mawlh,kham veleh phone ka check a Zoramsanga massage leh call a lo awm nuk mai..ka muhil daih sia chhang duhlo emaw min ti mai thei ani



Thian ho group ah Chhandama'n nizan thil vel min rawn zawt a kan that thu a ka chhang a Feli erawh zing lam atangin a reh tawh..thiante ka reply hnu ah Zoramsanga call back ka tum a mahse kawngkhar ah an pa fa ka hmuh tak si ah chuan phone ka ak a an awm na lam ka pan ve nghal




"Pa zanin ah ka pi te nen sawi ho a duh a,ih inneih vel kha" zawi sap chuan ka hrilh a,ka pa pawh bu nghat in Zoramsanga te pa fa thu fel at chu a en zauh a



"A tha a lawm..zanin chu tih tur vak ka nei chuanglo a" ka hrilh hreh ang ai in ka pa chuan alo aw awlsam mai sia



"Chu Zoram.. Matei chu neih tlak ah I ngai a maw a la naupang chhia si a " ka pa'n Zoramsanga a zawh chuan keimah min rawn en in a nui suk a



"Ngai e..in ah hian a la pangchang viau anihchuan thuhran nise pawn lam ah chuan a nula khawp mai..ka fapa pawh a ngaihtuah a nupui tha tak ani ang tih ka chiang,a nih na tak ah chuan I hriat ang in heti hi ka ni a,nupui then in fa ka kawl a heng vang te hian I fanu neih min phal sak ka ring lo mah zawk"



"Mahse lawm tak a I fanu min hlan chhawng phal anihchuan,tha takin ka enkawl ang tih ka tiam thei che.. naupan chhiat na te chu nupui pasal kan neih hian zawi zawi in a in thlak danglam mai a lawm" a ti duah a,ka thut hmun ah k lo zak em em ringawt



"Um anihchu.. nang in a I neih hnial loh te chuan in pahnih in hmangaih tawn na lo dal tur ka ni hleinem..a pi te in ah chuan kan kal dawn nia " tiin ka pa a tho chhuak a, room ah insiam in a phei zuai a ka lungphu hi a dik thei tawhlo pasal neih tum in ka in tih tuah ve ta ringawt chu ania!



"I hlauthawng leh si ami a?" Ka hma zawn a thu in a rawn tih chuan ka bu nghat,ka hlauthawng ve tho bawk a lawm le



Ka pi leh pu te putea phei chuan pasal uluk tak a thlang tur leh rei tak ka kawp leh duh thal a ka hriatchian loh chu nei lo turin min hrilh ve fo thin ania,tun ah Zoramsanga nen thla li nga vel chauh kan in kawp hnu ah inneih mai kan tum sia an lungawi viau lo ang tih ka hlau,mahse keimah ber hian hrechiang tawk leh pasal tha leh in ngah na tlak ani dawn tih hi ka ring nghet bur a tun a neih hi ka hnial miahlo



"Kan kal leh lo mai dawn ami?" A tih hluai tak ah chuan ka melh vak ringawt


"Ngailo..ka hlauthawn chhan chu thil dang daih a lawm" ka tih mek laiin ka pa a rawn kal a kan sawi zui ta lo



Sawmtei pawh in nghah tir rih lo in kan chhuah pui a an in ah kan va thlah thlap bawk, chutah chuan tlangval hmel fai veng vawng pa len ve hmel tak fresh zet hi a lo awm ve a Sawmtei'n a ruk in Remzuala anih thu min hrilh a alo nghak leh tawh anih ngei dawn hi an va cute reuh tak



"Thlah miah suh...a mitmeng atang sawn a duh zia che ka chhiar thei vek a nia I thlah chuan I chan nasa viau ang" kan kalsan dawn in ka tih sak hram a



"Um..nang ni pawh va in sawifel vek ru aw" tiin min thlah a, motor a kal theih siloh in an in a peng thla deuh a,motor awm na kan pan laiin Zoramsanga'n Remzuala ka melh deuh reng chu a duhloh thu min hrilh ru leh tawh!



"Thikthu ti chhe nghal hlut suh aw.. Sawmtei bialpa anihkha " tiin a kut ah ka hmer ve vak a na erawh a tih phak hmel loh,kan hma a kal ka pa leh Oliver pu tu tak tak ang mai a in kai deuh raih chu en in ka sawi zui nak nak a Zoramsanga phei chuan a thim a thim in thla a lak sak nghe nghe



Ka pi te in kan thlen dawn hnaih ah ka duhloh ber maiin Pa zaua'n min lo call leh a,ka chhang lo mahse ka mood tha ve tawh zawng zawng ka rilru kal kawi nasa reh tawh si te chu a ngai ang ang in an rawn kir lehnghal vek



Feli ka rilru ah a awm leh reng tawh a ka khawngaih thar hle bawk..ka thiantha ber anih rualin ka unaunu ve tho ani tawh a a hriat ve hun ah engtin tak shock ang maw?



"Kan thleng e" ka pa aw ah ka phu deuh zawk a Zoramsanga'n ka kut a rawn vuan vat bawk,a tha vek ang ti niawm takin min nuih a



In ah chuan kan lut a ka pi ten min hmu chu an lawm khawp mai,ka pa a mah a a va len bak kha tumah mah kan va lang leh tawh bawk silo, Zoramsanga te pafa an hmu tel ve erawh an hmel ah mak tih na lian tak a hmuh theih



Ka pa chuan thut hmun rem fel sauh sauh in thil awmdan..heti deuh hup a kan tlawh chhan te chu kim chang takin a hrilh niap niap a,ka kut a khur tan der mai ka pa thusawi ngaithla reng chung a ka pu in min rawn en leh thut phei chuan ka hit mup thei ka beng phei chu sa hat hat tak ani



Ka pan a duhtawk a sawi zawh chuan ka pi leh pu,putea te ho chu an ngawi thap hlawm a ka lungphu ri te hi ka hre thei hial in ka hria! Mahse Pa zaua vang a ka mood te min thai bo sak thei tu an nih chuan pawi ka la tilo zawk



"Kan tunu hi neih I duh maw?" Ka pu chuan muang ban charh a ti chungin Zoramsanga thu ngawi reng chu a en a



"Aw..in tunu hi ka hmangaih a nupui a neih ngei ka duh, Thansangi pa sawi ang khan nupui hmasa ka nei a hei fapa in hmuh ang in ka nei bawk,heng vang hi chuan min iai lo hram ula ka duh..in tunu hi ka hmangaih a, neih min phal sak anih phawt chuan ka nun na tluk in ka ngai hlu anga hlim takin ka siam ang tih ka tiam che u"



"A nih leh engtia rei nge in in kawp tawh a? A hma in kan la hmu ngailo che a.. TV ah chuan kan lo hmu tawh che vawikhat chu.. Thansangi hian bialpa a nei tih pawh kan hrelo a tun ah pasal neih chungchang ah min rawn rawn leh deuh tawp mai a" Putea'n alo ti ve thung



"Thla 4 bawr chu ani tawh" Zoramsanga chuan tha takin a lo chhang a,inneih an remti lo ang tih ka hlau chu ka thu pawh ka che sek tawh



"Inneih nan chuan a la hma mange ka ti keichu..nangmah ngawr ngawr kan iai lam che nilo in hriat pawh in in hrechiang hman dawn em ni? Nupui nei tawh I ni a inneih na chu ngun tak a ngaihtuah a thu tluk na siam chi anih zia I hria anga" Putea bawk chuan a ti leh a zanin zet chu Putea pawh ka ngei dawn rum rum mai



"Nghah in tih pawhin in tih dan dan ni rawh se..in tunu in ngaihtuah na ah ka ngai anga ka lam ah chuan harsat na a awm lo" tha takin chhang let mahse a aw chhuak erawh a dam viau lo tih ka hria



Ka pa chuan alo tawng khalh a Zoramsanga kut hum deuh reng chu a ruk in ka nek deuh a min ngaihsak duh der lo! A thinrim a mawn le? Kan kal chhan kan sawi zo thawkhat tawh Oliver an haw a ngen tak reng vangin Zoramsanga chuan haw pui a tum a pawn thleng ka va thlah



"Thinrim suh aw..kan sawi lawk silo a,kan thawng ve deuh aniang" dim zet in ka ti a



"Nia chutiang ah chuan ngai phawt ang" a ti bung deuh churh a,a nuam lo ka ti ru takzet..kan in atang tawhin a hmel a phur na leh beisei na sâng tak a neih kha ka hmu reng tawh zawk a hetia a awm pawh hi ka dem hran lo



"Naktuk ah ka rawn lam ang che" tiin veranda eng pup hnuai ah chuan min fawp zauh a, lung dam em em silo hian ka thlah a



"Mate lo thu teh..." Ka pi chuan alo ti vat a keipawh ka thu thla ve nghal



"Pasal neih I van duh hma ve? Chubak ah nupui nei tawh lehnghal chu neih a chi dawn em ni ila naupang ang reng si a,a sawi hmang phei chuan thla 4 vel chauh in la in hre lehnghal,pasal neih hi tih na mai a nilo ania in ngaihzawn lai leh inneih hnu hi a dang viau ania" ka pi bawk chuan ati zung zung a



"Aaa..pi ka hrechiang thawkhat a lawm a rin tlak tih pawh ka chiang,pasal a tan a that loh na a awm lo..keipawh ka naupang viau tawh hleinem" ka tih mek laiin ka pa chuan a kut in min lo khap vat a



"Nupui then..fa kawl lehnghal nen a in inneih chu rem ka ti fahran lo keichu,hausa mahse ani ai chuan tlangval pangngai hna tha tak nei nakin zel a fa lam pawh a buaina thlen lo tur a dinhmun in ang khat neih kha a tha zawk ka ti" Putea chuan lo ti deuh hluai



"Pathlawi anih vangin iai nghal ringawt lo ula..!" Vin zet chuan ka ti a ka pa bawk in min lo khap leh tawh!



"Nangmah leh I hmalam hun zel tur kan ngaihtuah vang zawk a lawm..pathlawi ai chuan tlangval neih a tha zawk..bak ah a nupui nen an in then chhan te I hria em? A lerh san vang a in then te pawh an ni thei a khatiang a fa kawl zawk ni chung a nang ang nula nau lam a la ngaizawng thei che te hi ngaihtuah tham a sin"



"In va sual ve...!" Ka in sum hman lo chuan ka ti ta hrep.. kawngka lam ah thawm rawn nei an awm a ka hawi nak chuan Zoramsanga a lo ding reng mai! A kal daih tawh emaw ka tia?



"Phone ka theihnghilh a min lo hrethiam rawh u" tiin a thut na hnu a phone lo awm reng chu a la a chhuak nghal nal nal..kan tawng zawng zawng kha a hre hman ni a ka rin vang chuan rang lutuk in ka tlan chhuak veleh nghal



"Lawk in...ding teh " car kawngkhar a hawng mek chu ka va pawt a a ni pawh ka lam hawiin a rawn in her nghal a "I hre vek em?" A hmel muk run ah chuan Chiang takin ka en a



"Aw...min duhlo a nihchuan sawi tlang mai rawh se peh hel tak a thusawi vel hi ka ngai na ve lo..." A ti bul hmuk a "keimah leh inneih na chauh ka lo ngaihtuah bing bik lutuk zawk ani mahna I chhungte khan an hrethiam lo em mai"



"Ih englo..."



"Naktuk ah kan in be dawn nia..ka rilru tur I hrethiam anihchuan keimah chauh a awm rih ka duh..." tiin car ah a lut hmak a,chelh tur pawhin ka huaisen rihlo..a rilru na hmel kha khatiang tak a chiang khan ka la hmu ngailo!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:29 pm

CHAPTER-30☄️



Ka let leh a ka pa bul ka thut na a phone ban pahin ka pi leh pu leh Putea te chu ka melh kual dan dan a "Pa haw ang" ka ti chhuak sap a


"Um nia I haw phawt teh ang" ka pa rawn tho pahin a ti a,nghah pawh nghak lem tawhlo in ka chhuak daih,ka pa'n scooty khalh in kei a hnung ah ka Chuang a kan in be lo hrim hrim



"Zorama chu a thinrim viau em?" Room a chhoh tlang ka tum chuan ka pa'n a rawn ti zui a ka bu nghat ringawt, thinrim viau ang in lang lo mahse a rilru a nat chuan a thin pawh a rim tel dawn tih a Chiang



"Ngati maw pathlawi anih vang a an iai ringawt le? A fel a,min ngaihsak bawk a min hmangaih a chu chu a tawk viau lo emaw ni?" Kawngkhar lam chu rum deuhin ka melh nghal zat bawk



"Tu an neih chhun I nia hrethiam ve ta che..hun pe deuh ila an zia mai ang bak ah engmah hrilh lawk lem pawh kan neilo a,an lo dawng sawng thiam vak lo anihkha" a tih chuan tur zet a melh in in chung ah ka chho hnak hnak



Call ka tum a ka ngam leh chiah silo ka ngaihtuah ve tho bawk si..kam tu nei tun in ka mu ngawi reng a,sawlai vel boruak tawng tu Zoramsanga ang a ka in chan phei chuan na ka lo ti ve hliah hliah,a beisei ang in thil a fel mai bawk silo ani tan chuan hriatthiam a har ve viau ngei ang



Phone ka la kang a 'keimah chauh a awm eih ka duh' a tih lai ka hriatchhuah vangin ka dah thla leh phawt a,a tawp ah erawh ka ngaihtuah tih a hriat nan tal tiin a that leh that loh massage in ka va zawt ta hram a mahse ka men chhung zawng chuan chhan let na ka dawng lo





Zing ah hma ve tak ah ka tho a ka mut hnem nen khan nizan pawh ka mengrei viau lo ka mut a chhuak leh tho mai, Inhnuai ah ka chhuk hma in phone ka check a ka duh ber reply na ka bialpa hnen atangin ka la dawng lo cheu! A la mu aniang tiin ngaih ti tha lui chuan room ka chhuahsan a



"Morning..." Sawmtei'n nidang a hmel ang lo takin khi vur vur hian min lo wish a,tuk dang ah pawh tûm ngai chuanglo mahse tukin chu a dang zual deuh



"Nizan I inleng pa nen in tha viau ani maw?" Tiin a dar a vuan kual in a mah chu ka kal hual a fridge a tui bottle la in ka in nghal khawlh khawlh,tui vawt in hi ka tih than ania thlasik khaw vawh ber lai pawhin tui vawt lo chu ka in peih thak lo



"Um tha ani mai,ih maw u thu lawm awm deuh ania ka hrilh ve chak lutuk che a..ih Remzuala chhungten min duh ve tawh a" a hmel a reaction atang pawhin a hlim,hlim satliah pawh anilo a za deuh cheng mai



"A ni maw a van lawm awm ve.." ka ti ve hluai..ka lawmpui tak tak,chutih rualin ka awt bawk..ani chu a ma lam atangin Remzuala duhloh na a awm lo tih a Chiang a a thusawi ah pawh a chhungten Remzuala an duhloh thu an sawi tih a la sawi tel ngai miahlo



Remzuala chhungten an lo duh veleh phei chuan a nuam awm bik..ka thik ngawih ngawih tawp ani mai,kei ve chu Zoramsanga Remzuala a ai pawh a hna thawh sâng lehnghal pawh Pathlawi anih vangin an iai ringawt ania



"Nia nizan khan a sawi a a tir phei chuan ka awihlo zawk a kum a kum min zui chung pawhin an phal ngai miahlo ania in kawp kha..mahse hei tun ah chuan Remzuala luhlul vang ka ti mai min duh ve ta a lawm" a ti siam siam a



"Innei nghal daih ula.. buaina a kian rual hian pum khat ah in siam nghal daih rawh u..a nihloh chuan nakin in nghak anga buaina rinloh deuh te hi a thleng ve duh ania" ka lo tih sak a..ka sawi thaih lam nilo in thil awm ve thei ani tlat



"Nia Remzuala pawhin a sawi a mahse ka chhungte hi keimah ber in hna ka thawh log chuan sum hmuh na kan nei chau sia ka ngaihtuah a,ka la hnial rih.. dinhmun pangngai chu ni ila ka hnial bik lo ang a ma kum ngaihtuah phei chuan nupui nei a fa kai duah duah khawp ani ve tawh,a rual pui zawng zawng pawh in fa 2/3 te an neih san tawh ania" a sawi tawp lam chu a nui deuh suk suk a



"Chu lehnghal a tar vuai hma in nei hmak rawh" ka tih chuan a nui hawk hawk a



"A nihleh nang ni..Engtik nge inneih in tum,In sawifel thei em?" A tih chuan lu ka thing vat a ,ka pa kitchen ah a rawn luh ve vangin kan sawi zui ta lo



Massage nghak reng a awm ka nih vangin room ah ka chho leh vat a, phone ka en mahse reply na ka la dawng lo..ka ngaihdan a pelh ve hlek tawh vangin ka call hmiah a ala ring rei em em zui! Ka dah leh mai dawn emaw ni chu aw ka tih laiin a pick ta hram



"Hello .." tawng ka tum tawh ka beisei loh deuh a hmeichhe aw ka hriat vangin ka tawp chawt,chu aw lah chu ka hriat hnu a ang phian lehnghal



"Phone neitu hi ka be duh" ka ti ve thawr ringawt,ka rilru a thil awm ang hian thil a thlen loh hram ka beisei khawp mai



"Lana ka nia..Zo chu a muhil rih nizan a mengrei a" Lana ber kher! Ka ke tha zawi nghal ringawt vang chuan khum ah ka thu hnawk a



"A that chu,a lo harh hun ah ka call tih min lo hrilh sak dawn nia" tiin phone ka off a, Zoramsanga haw hnu awmdan leh Lana kiang daih daih a a mu tur ka mitthla chuan ka lûng a zing a ka tawt nghal up thei!



Ka inbual a makeup tlem tlem ka inhnawih laiin call ka dawng a Zoramsanga ani..chhan loh ka tum zet na in Lana nen an awmdun dan vel hriat ka duh chuan ka pick ta nge nge a mahse ka chhang lo ka pick a ngawi rengin ka ngaithla ringawt



"Morning..nizan ka mu har lutuk a " phak chuap hian a rawn ti a,a tho chiah tih a aw ah pawh a la hriat chian viau theih



"Office I kal dawn lo ami?" Ka ti teh tawp a



"Um chawhnu lam ah ka kal mai ang vawiin chu a laklawh tlat tawh" ati mai a, Lana nen an awmdun thu vel a la sawi tel miahlo chu ka thinrim ru hlur tawh "lawk..lam I ngaih chuan ka rawn kal tho ang" a rawn ti zawm leh zat a



"A ngailo mai,I thawh chauh phei chuan a buaithlak..e chuan I riak chhuak ami?" Ka ti nghal vara,ka sawichhuah hmasak loh chuan sawi a tum in ka hrelo



"Riak chhuak lo e tinge?" A ti leh mai a,a nihchuan a in ah Lana a riak ve tih na anih ngei chu a,a eng a pawh chu nise engvang a a in a Lana riak ve nge anih hi hriat ka chak zek zek



"Nichin ka lo call in Lana nen kan in bia a" hul hap ka ti deuh pawp,peh hel deuh a sawi na. hun ka nei tam tawhlo



"Um a riak a,engmah ngaih tih that loh na tura awm lo a thlen na hotel ah nikhaw hrelo in alo awm a nizan ka haw lai mek khan a phone atangin a mah hmu tu in min rawn call a,helai ah a hmelhriat neih chhun ka nia ka va ngaihven ta mai anihkha" a ti duah a



"Um anihchu a tha tawh em?" Ka ti ve na in a ruk tak chuan ka rilru tur dawn lo a sawi a ang ka tih em vangin ka lawm viau chuanglo,bak ah tinge a ngaihven a a in ah te a riah tir kher ni?



"Aw tha tawh..nizan a harh hnu ah mahni a awmtir chi anilo an ti sia doctor in..ka in ah ka hruai haw mai anihkha..khum kan in tawm lo nasa ania" hrethiam tur a min duh ang maiin a ti nghal zung zung zel a,Lana ka ngainat loh zia chu thla 4 liam ta ah khan a Chiang ve thawkhat a lawm le



"Um anihchu,nizan a riak tawh a zanin a riah belh leh kher lo tur ah ngai ang" ka lawm vaklo tih hre tur a ka duh vangin awmze nei deuh chuan ka ti ve kher a



"Hnam dang ania kei lo ngaihsak tu tur a nei hleinem,nei nise nizan pawh ka riah tir nang a dam tha anihchuan riah nawn tir ka tum lo" a rawn ti bak hlur ringawt chu ka thinrim ve leh ringawt!



"A nihchu I thu vek a lawm duhleh kar khat chuang pawh riak sela" tih leh phone off ka rual a,khatia min vin nghal ringawt kha Lana a tan ah ka ngai tlat a ka thinrim tawlh tawlh



"I nupui hlui chu nilo se chuan I riah tir awm lo emai" tiin darthlalang nun na nei lek lo chu ka be vei ringawt a awmzia a nei tam teh chiam lo



Min rawn call back ka rin laiin q reh zui vung vung a ka ngaih a tha leh silo a chang leh ka thinrim a Lana awm vang mai a min call nawn duh tawhlo ang a ka ngaih na a lian tawlh tawlh lehnghal



Chaw ei in tam pawh ei lo chuan ka chhuak a,kal hma a ka pa sawi 'i pi leh pu te pawhin kan lo bel Chiang ve phawt ange an tih kha' a tih chu ka beng ah a cham reng a beisei na ka neih phah sawt mai,dawr ka thleng tep tawh call ka dawng a ka beisei ang in Zoramsanga ani



"Enge...?" Ka ti bul deuh hmuk a a ngawi vung vung,a dah leh daih si ang tih chu ka hlauhl ru teuh mai



"Tinge I thinrim leh ngawt thin a? Lana dinhmun ah hian in dah teh.."



"Lana kan sawi dawn chuan ka peihlo" tiin a sawi zawh hma chuan ka lo pawt chat hmak,nizan a ka khawngaih na leh ka ngaihtuah na te kha Lana vangin an bo ve tawh



"A ngai sia lawm.." hahthlak min tih hmel deuh hian a thaw hawk a "Thinrim nan I hmang miau a sawiloh theih pawh ani hleinem mawle.." a tih chuan dawr chhung a luh pahin za lo zet chuan ka nui hul hak a



"Chuan..." Ka toli leh ringawt,ka awmdan pawh hi a lutuk mah mah tawh,mahse ka laklawh.. lungawi mai tur ka ni tawhlo



"Ok..a nihchuan ka sawilo ang" a ti ve hmuk a off silo in kan in ngaichang dun reng tho



"Ka dah.." ka ti hluai a, Ruatfela'n min ngaihsak lem lo bawk a kan tau hrep teh ang



"A ngailo.." a rawn ti veleh lawi bawk si



"Ka dah tho tho" ka ti leh hram pek a ka off nghal Chuang lem hlei lo,thawm neilo a a reh deuh vang vang hnu ah aw thian kharh kharh in a rawn tawng zawm a



"Inneih kan sawi kai tawh a Lana vang mai mai a la in thinrim khum chu a ho I ti ve deuh lo maw?" a aw zangkhai dan ah a nuih a za tih ka hre thei mai..a hrethiam miahlo anih hi tiang hian Dr Joseph-a chu awm pui ila chuan a teu dawn dawn nen a!



"I nupui hlui anihkha" vin deuh tak a ka tih chuan Ruatfela pawh a rawn hawi zawk


"Chupawh ni sela tun ah kan innei tawh Chuang hleinem" a ti sam leh mai


"Ka ning thinrim loh phet I tum a ka hne ka thinrim duh si keimah" ka tih chuan a rawn nui ri hak hak a



"Ok...hna I kal tawh ani lawm ni thinrim deuhin awm loh tur..chuan nizan kha duhai in ka in control lo a a pawi khawp mai..khami chungchang ah khan harsat na ka nei hran lo ania..min iai anih pawhin a awm tho a min pawm hun nghah deuh ka ngai ani mai..ka tlawn luam thiamlo ania" ati nghal zung zung a



"A pi te chu tlawn vak an ngai lo..I awm awm in awm la I that zia an hre mai ang" thil dang sawi kai ta na na na chu ka sawi zui ve lo theilo



"A nih leh min neih hi engtiang chiah in nge I duh? Ka sawi hmasak thin vang chauh a pawm nge I nih nangman I thinlung tak tak in min neih I duh?" a zawh na kher kher chu a tha viau a chhan dan ka thiam chiahlo



"Sawi la...ka nawr vang che ami?" A tih chuan Ruatfela melh zauh in chil ka lem dak a



"Nilo e..ka hmangaih che a neih che ka duh a lawm..chuan min nawr lo hrim hrim,la nei duh rihlo che ni ila chuan k sawitlang ang " ka ti hmiah a ka rilru tak tak pawh ka sawi reng bawk



"Min hmangaih maw.. anihchuan Ka hmangaih che ti la" phur hmel fe hian arawn ti let nghal zat a



"Aih tun ah rih chuan ka theilo dawr ah ka awm tawh a lawm" ka ti ve tlat a



"Sawi la" a tih mek laiin



"Zo..." Ti a Lana lo tawng ka hre zawm a keimah hi ka tawp deuh hmuk, Lana a duh tawhloh zia leh a tanpui vang chauh a a kiang a awm mah nise ka thinlung hi a hahdam theilo ani ber mai



"Enge I duh" hriat nuam lo takin Zoramsanga chuan a chhang let a enge an sawi dawn tih ngaihthlak ka duh tehreng nen Zoramsanga chuan " ka dah mai aw..nakin ah I buai loh chuan kan in be leh dawn nia" tiin a off daih a ka ui khawp mai



Chawhma zawng chu buai em em lo in kan awm a chawhnu lam chu dawr tu kan ngah deuh zut vangin kan buai ve ta phian an mamawh ang lah a zawn a zawn deuh ngai alo ni zel bawk nen.. Zoramsanga call pawh ka hre reng a ka chhang hman lo hna a kal ve chauh tih massage in min rawn hrilh a chupawh ka chhang lem chuanglo



"In lo tha maw?" Ruatfela nen buangrua kan rem that laiin Nu Aremi a rawn lut nawlh a



"Um tha e.. vawiin chu chawhma lam kan in hralh lem lo a chawhnu lam chu a zia phian mai" Ruatfela chuan alo ti zat a



"Um,a that chu in hralh theihloh riau lai te hi a awm ve ania..e chuan ka rawn kal chhan chu zanin ka piancham ania ka fa ten lawm an ti tlat a kan lawm ve dawn ta ania in pahnih in rawn kal ve ang che u aw" a ti nghal siam siam a



"Ui ani maw a va nuam leh dawn em" Ruatfela pawh a phur lehnghal surh tawh,Nu Aremi chuan keimah zawk nui chungin min en a



"Thansang nangpawh rawn tel ve ngei ngei ang che aw..dawr pakhat a thawk te pawh ka sawm a in hmu ve hrim hrim rawh u thawk ho..in hre mumal lo a awm te hi anuam lo ania" a tih chuan ka in ngaihtuah deuh rauh rauh



"Nia ka lo tum dawn nia" ka ti thla ve ringawt,zan lam ah chuan tih tur em em ka neilo bawk a hman tur ah in dah phawt teh ang



"Lo kal ngei ngei rawh u.." tiin rei vaklo a awm a a haw lehnghal deuh mai,a haw hma in a birthday lawm na a kan kal ngei theih nan min haw hma tir a dar 6 vel a haw chauh thin kha dar 5 ah kan haw thei daih





"I va rawn haw hma teh phian ve?" Ka pa chuan TV melh reng chungin a lo ti a zan ka programme ho chu ka hrilh nghal mial mial a



Chaw ei kham ah chauh ka in bual a birthday a kal tur ka nih vangin muangchang lo in ka in siam mial mial a a khat tawkin Ruatfela nen kan in text a kal na tur in ang tho kan nih vangin kal rual kan rawt tawp



Dar 7 ah min lo lam dawn vangin leh dar 7 a riak tep tawh tho vangin pawn ah ka lo awm a ani pawhin a rawn tlan mek thu a sawi ve bawk "Enge I tih? Ka rawn leng dawn nia tumah dang lo len tir suh" call ka pick rualin Zoramsanga'n a rawn tih nghal hmiah a



"Ahh..,zan in chu chhuah ka ngai a kan pi birthday lawm na ah min sawm ve a " a ngawi deuh vang vang a


"Um,a nihchu kan kal dawn nia" a rawn ti ringawt!


"A theihloh! A sawm ve hleinem che" ka ti nghal hmiah a ning hmel deuhin a rawn rum hawk


"Mipa an awm dawn phei chuan ka kal ve loh in..min lo nghak rawh" a ti tlat a keiin ka hnial ve tang tang,chutia dawn pawh ni lem lo hruai ve ngawt chu thil tih chi ni in ka hrelo



"Zanin chu keimah chiah in ka va kal anga hun dang ah kan la kal dun dawn nia" ka tih mek laiin Ruatfela a rawn thleng vel chiah "ka dah aw..haw vel ah ka lo bia ang che..lung nilo mahla zanin chu keimah in ka kal mai ang" tiin phone k dah nghal a



"In pa ani maw,kal a phal nange" ner nang nang chungin a ti a ka nui ringawt,kan pahnih chuan Nu Aremi te in lam pan in kan in phur chhuak a,kan kal dun chu a zia phian Nu Aremi te in pawh ka la hre velo a mahni in kal ngawt dawn ila chu ka buai viau ang



"In lo thleng thei maw?" Kawngkhar bul ah kan ding a an in chu a lian reuh khawp mai a chhung pawh a changkang bawk,mi an lo zi deuh hat hat bawk a naupang nen puitling nen ka rin ai daih in an in buatsaih nasa



"Um..cake chan hmanloh kan hlau lutuk a kan rawn hma hluai" Ruatfela bawk chuan tla ti fiamthu a



"E in chan loh ten a dik nang.. naupang an tam deuh a an mut hma in kan zai dawn nia" tiin kan pathum chuan kan in zui lut a



"Ilo kal ve a law?" Ka piah lawk a mipa rawn ding ka hmuh chuan ka nui tawi tap, Dr Joseph-a lek lo ni in..kan in biak khat zia ka hrechhuak peh chiah kan dawr a an rawn kal bak kha phone ah takngial pawh kan in be leh tawhlo



"Nula chhelo lah hi I hre thei mai sia aw" Nu Aremi chuan alo ti a,lai hmel deuh si hian a nui hak hak



"Lo awm rawh aw..." tiin Ruatfela a kalsawn a Nu Aremi pawh a kalsawn nghal daih, Dr Joseph-a nen chuan kan ding deuh reng a, engvang nge pawh ka hrelo sawi tur ka tla chham em em ringawt



"Thu ila.." a mah zawk in a tih chuan kan bul mai a couch awl ah chuan kan thu dun a naupang an tlan kual deuh reng a hla ring lutuk lo in an play bawk "inbiak a khat hle mai" a ti leh tawp a ka nui tawi tap ringawt a ni pawh hi keimah ang tho in sawi tur a tla chham ve hian ka hria



"I duty loh zan ami? Hetah daih ka hmuh che a" ka sawi tur hriat ve chhun chu phur deuhin ka sawi pawp a



"Um Nu Aremi hian min sawm nasa sia duty loh zan ami bawk a ka kal mai mai anih hi" a ti a k sawi tur a zo der,sawi zui theih turin engmah sawi bawk silo kan ngawi leh ta reng ringawt



"In ngaizawng in ti thiamlo te pawh in ang a lawm mawle" Nu Aremi drinks chawi a rawn kal phei in a tih chuan lai zet in ka thut dan ka lo siam tha ringawt



"Leh tawp thin a,ka chan loh nula anih hi" Dr Joseph-a mi fiam nuam ti ve tak in atih chuan chhungril ah ka in thiamlo veng veng,min bem ti tih khan bialpa ka neih thu ka hrilh tawp kha ania a la hre ve reng anih dawn hi..hei vang hi aniang min rawn biak ngai tak vakloh



"Aw a va pawi em,in inhmeh sia ni zawk daih rawh u Thansang a ni ai a mipa tha hi chu an vang ania.." tih pui type deuh a Nu Aremi min fiam chu za lo deuhin ka lo nuih a



"Ka phu lo emai" ka lo ti ve ngei..nia Zoramsanga ka hmangaih na chu dah tha ta ila Dr Joseph-a te ang mipa hi chu ka phu lo in ka in hria, mah ngat phei hi chu mi rilru tha lutuk mai ania mi dang a care bak ah a in ngaitlawm a mi zawng zawng pawh in an ngaina..a hmeltha in hna zahawm tak a nei bawk a kei ang mai mai chuan ka phu lo lutuk



Nu Aremi te nen chuan kan thu ho deuh reng a Ruatfela kha khawi ah nge a bik bo tak pawh ka hrelo,ka bul ami te pahnih chu an ti ti deuh reng a a khat tawk a ka zawm bak chu ka tawng manglo..cake an zai a chumi hnu pawhin kan la awm ve reng tho



"Veranda lam ah va chhuak ila... naupang an tam bawk sia a thawveng lo emai" a tih chuan nuam ka tih zawk ka rin vangin a tho chu ka zui chhuak ve mai a sawi tur a vang leh ang chu âw



"Chuan..." A ti dek dek a



"Pawn boruak chu anuam hle mai" ka lo tih khalh daih,enge a sawi dawn pawh ka hrelo na in zam na thlarau in min man ani ber tawh



"Hah..nia tiraw?" A ti ve mai a " I bialpa nen chuan in la ni em?" A ti zawm zat,ka dang a a char nghal ni mai in ka hria ka hrawk a ro nghal vek ani nen ber kher a ka ngaihzawn chungchang sawi dun chu ka chak viau lo mawle



"Um..la ni ve e" ka ti zawi hap a,a rilru tih nawm loh sak a ka in ngaih tlat vangin nuam ka tilo takzet,bar ah chuan a ban pahnih nghat in hmalam a thlir dauh dauh a



"Ngaihzawng I neih ka hria a, tihbuai che ka duhlo viau na in ka rilru put hmang hi thlak danglam a harsa khawp mai" min bia chu ni mahse a thusawi chhung zawng in min en lo,tang teuh in bar chu ka vuan a ka hum na mah mah bawk



"enge I sawi awmzia?" bah zet in ka ti a,enge a sawi ka hrethiam mahse thil dang sawi tur ka hre miau silo ani



"Ka duh lutuk che hi ka a lo chauh tawh..nitin zan tin ka ngaihtuah che a.." a tawp a anui leh rih thin "a atthlak I ti em? Keipawh hetiang a awm hi ka in beisei bik lo" a ti thawp sat a



"A pawi ka ti.." ka lo tihsak leh ringawt



"Nia a pawi khawp mai..hma lak hi ka thiam ve vak lo aniang" mahni in sit ang mai chuan a tawng a,nuam ka tihloh tawh dawn chu pui tak ani..ka luh san leh mai dawn mawni ka ti rum rum tawh



"Kei ai a tha duh tu che an tam ang" ka ti leh ringawt a chutah ka lam hawi in a rawn ding a,a palian reuh bawk nen ka kut ka hner vak..ka zam ve nasa lutuk



"Min duh tu kha nang I nih loh vangin ka duh ve lo..." Tih pahin ka ban rek ah chuan a rawn vuan a ka phu deuh zawk bawk "engtik ah emaw chance vawikhat tal ka la neih ve theih ka beisei..." A tih chu ka hrethiam lo khawp mai..mahse ka lak ah tlawm mai a tum lo tih chu a chiang ta kuarh



"Dr Joseph-a..ih maw" ka ti chiah a thik nghal mup mai..thla a eng te chiam lo bawk nen a thim chhah viau bawk..in chhung lam ah naupang an rak chul a current thim chu an lawm zawk emaw tih mai tur ani,a thim lutuk chu Dr Joseph-a ka vuan let a ka hawi hrek hrek bawk




Chutah a rawn eng pup rualin ka hmui a rawn lum nghal vung vung! Dr Joseph-a'n min fawp tih ka hriat rual in a taksa min si lo chauh a awm hnai feel theih khawp chu ka nem a a in la hrang ve mai bawk,ka lungphu a rang lutuk bawk a ka thaw kawk kawk ringawt,mak takin hlauthawn na keimah ah a lo lut a min vawn na pawh ka thing thla nghal



"Ka..ka tihpalh khatiang a chet kha ka tum lawk lo a lo thleng thut Thansang...!!" A aw a chi ai a,a in thiamlo hle tih a hai theihloh mahse keimah zawk hian hreawm ka ti Zoramsanga phatsan ang mai ah ka in ngai



Kawngkhar lam ah ka tlan chhuak a min rawn la um zui tho, Ruatfela pawh ngaihsak lo in taxi ka hmuh hmasak ber chu ka phar a "Lawk in ka tih palh lutuk...fawh ngei ngei che ka tum lo a lo thleng ve tawp!" Ka ban ah a rawn man a rang deuhin ka lo phih thla nghal



"Kha... khatiang kha chu I tih atan ka beisei miahlo Dr Joseph!!" Ka ti hap a ka a mah te hi ka hlau zo dawn dawn mai! "Bialpa ka nei a hre ta se kan inkar a chhiat phah vek dawn a sin" a thil tih zawh chiah chu ka duhloh zia tih lan nan ka hmui ka tuai fai tawk a



"I chin than thil chu I la sim lo ani maw Doctor..?" Hrechiang hmel tak a rawn ti tu lam ka hawi chuan Zoramsanga alo ding ding run mai! Ka chhuah tirh khan ka hmu miahlo engtin nge heng lai ah te a rawn lan nawlh theih



"Maw..?" Dr Joseph-a chuan thinrim aw lek lek hian a lo chhang let a



"Mi ngaihzawng lo ngaihzawn ve a neih sak phet tum kha mawle...nikum lam ah chuan I hrat viau a kum in chuan I sim tawh ka lo ring deuh a sin" a la ti lehzel a Dr Joseph-a mipa lerh lutuk ang a a sawi ta hmiah hmiah mai chu mak ka ti,hrechiang deuh ang mai a a rawn puh na chu mak ka ti zual bik bawk



"Tu ngaihzawng mah neih sak ka tum lo e...a hmeichhia te zawk zel in a nia min hel thin" Dr Joseph-a chhan dan chuan Zoramsanga thusawi chu thil tak tak ani tih a ti chiang a Dr Joseph-a chu mak ka ti ta riau bawk,mi ngaihzawng lo ngaizawng veleh thin tak tak mi ani a mawn le?



"Nikum lawk a I thianpa bialnu I kiss te kha enge awmzia ni ta ang? Min kiss rawh a ti a ilo pawm mai tih na ami? Nge ni a ka bialnu lak a I chet dan ang deuh khan a in rin hma in I kiss ve ringawt zawk?" Fiah leh Chiang tak a Zoramsanga'n a sawi lai chuan Dr Joseph-a ka en a a hmel buai ta lutuk chu a, Zoramsanga sawi ang hian mi bialnu ni lai ngaihzawn ve hrat mipa lerh lutuk ang kha ani emaw ni le?

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)