FALLEN_ANGEL BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FALLEN_ANGEL BY BEARR CHHAKCHHUAK (Completed)

Unread post by Ngaia » September 19th, 2021, 4:26 pm

CHAPTER-19☄️



"In lo haw maw?" In chhung kan luh rualin Pi Thantei chuan nui sâng hian a rawn ti nghal a,a awmdan hi ka nu min ti ngai thin..a dam lai kha chuan ka pa nen kan haw hi chuan tiang hian hlim takin min lo lawm ziah thin kha ania



"Um haw tawh mai Oliver hi inbual ala ngai sia" tiin bag chu ka dah a



"E anihchu in tur te in duh em?" A tih chuan kan chhuah na ah kan ei in nasat zia ka hrilh a, Oliver tui tur geaser a on tur pahin kan chho a a ni pawh a chau ve aniang khum ah a let ve bal mai



Tui lum vel ah muangchang lo in ka inbual pui a,inbual zawh ah pawh a in hlei peih tawh meuh lo..khum ah chuan mu in phone ka en tir a keichuan thil dang daih ka ngaihtuah,chu chu ka pa..ka pa tak ngei kha ani




A la dam angem? Nge a thi tawh zawk ang? La dam ta se min ngaihtuah in min hmuh ve te a chak angem tih te ka ngaihtuah a ka hnuk a rawn ulh ringawt,chumi kar ah ka pa tun a ka pa ngei hmangaih na ngah zia ka hre thar bawk,a fa tak ni miahlo hi a thisen a hrin ang mai in min enkawl in min duat thei ania,vawi tam tak ka to thinur a Rosangi vangin ka runluih chang lah a tam,chuti chung chuan a fa tak ka nih loh zia vawikhat pawh a sawichhuak ngailo anihkha



"Ka nu khan Angel van atang a lo tla thla ka ta tur liau liau, hreawm leh harsat na ka tawh chang pawh a ka.kiang a awm reng tur,min hnem a min ti hlim thin tu tur a awm tiin a sawi thin anihkha..ka nu sawi kha ka pa hi ani thei mai angem?" tiin keimah leh keimah chu ka inbia a



Ka in ngaihtuah muk hman viau tawh laiin Oliver an in let pah a ka âwm zawn ah a kut a rawn kham phei thut vangin ka khap zawk,a lam ka hawi chu alo muhil leh der tawh! A chau ve viau aniang vawiin kan chhuah vangin



"Mut I van awlsam reuh tak!" tiin a lam ah chuan sir zawng in ka in let ve a,a hmel ka en ngun pauh leh hmeltha ka ti zual hi ani mai Zoramsanga chiah chiah hi ani tawp,a hnar a mithmul sei arh te nen zawng zawng hian a pa second ani ringawt



Tih tur em em a awmloh vangin ka chhing ve sek a,ka harh chuan ka haw a lo hun tep Oliver chu ala mu tui ngang mai alo ang pham a a kut hum deuhin a khabe zawn ah in dawm khalh ang deuh hian a lo awm a,nui chung a thawh san ka tum lai takin kawngkhar a rawn ri rak a ka va hawi phei chuan Zoramsanga a rawn lut hlawl



"I van lo haw hma tak tak ve?" tiin ka va pan phei a



"Nia " tih ringawt a min chhang in couch tê ah chuan a thu thla hnawk a dak vang vang phawt,a bul ka thlen dawn chuan zu rim a nam vangin ka ding dawt a



"Tinge zu I in a?" Zu a in tih ka Chiang a I in ami tih zawh a ngai hran lo a in chhan hriat ka mamawh zawk



"Chau tih reh na.." bul lutuk a min chhang in a rawn awm tha a min melh nghal kur, tihsual a ka nei ta emaw ka ti hial mai



"Tihsual ka nei nge tihsual I nei zawk?" Ka ti ta nge nge a,thaw hak in eng emaw ngaihtuah hmel pu zet hian hmalam a melh lehnghal vut a



"Tihsual ka nei.." ti sup in a lam a kal hnai lehzual turin min hui a,zu rui te hi ka ngai na lo ka pa in zu a in ngai miau lo bawk a chuvang chuan zu hi ka ngaina lo a in tu nen lam hian



"I mitmeng a diklo em mai.." ka tih chuan rum nghut in a mah zawk chu a rawn tho zawt a,a thinrim ni a ka hriat vangin chhuahsan daih ka tum chu ka ban ah man in min pawt let sawk a ka te that



"Oliver a mu ania min thlah teh ka ban I ti na dawn!" tiin ka tal nghal vat a rang lutuk 8n min thlah leh si chu ka pai dawt "enge maw I hriat le..?" ti chungin ka ban chu ka tuai a



"Vawiin chu haw hma deuh rawh" ka haw nan darkar chanve pawh a awm tawh chuanglo,mahse haw hma tur a min tih chuan hnial ka tum hran lo,mahse tinge ka haw hma chu a phal tak thut a? Ka haw hma duhlo in nula te kha min zawn sak ani sia



"Awle..I tha chiah maw?" Ka ti leh hram a bu nghut in a fapa awm na lam chu min pan san a,min ngaihsak lo lutuk mah mah chu ka ngei lek lek vangin engmah sawi zui tawhlo chuan ka chhuahsan vang vang





"Ilo haw maw lo lut kawi lawk teh.." ka room a awm in kawngka atang chuan min rawn au a,keipawh ka phei zui ve nghal,mak deuhin vawiin tlai chu Rosangi'n rawng a lo bawl teh mial!!



"Enge a?" room ka luh rualin ka tih chuan khum ah a lo thu tawh a



"Zorama nen nichin tawh khan kan inbia a,kan nula tur min lo zawn sak ani awm a hmuh pawh a hmu tawh ani awm e..I hriatpui em? Keichuan ka lo hnial a bak ah nula neih kan ngai a mawn le..rawng bawl hman a I rawn haw loh pawhin I nu a awm a" Rosangi ka nu ti a min chhal sak chu nuam ka ti viau lo



"Hriatpui ti ila..chawhnu lam khan ka hre ve chiah..keipawn ka hnial a mahse a ti lui tho..a man hlawh pek vek a tum a a fapa a ngaihtuah deuh aniang bak ah hna ban tlai thut a nei thin sia chuta lo la awmpui tur chuan min duh aniang" ka ti ve zaih a



"Hlawh pe tur zawk ni ila chuan a pawi miahlo a mahse hlawh pe thei kan ni silo a bak ah nula chu keini chhung hi chuan kan mamawh em em pawh in ka hrelo,mahse Zorama a zahawm bak an all zawng hmu vek tawh sia naktuk ah a rawn kal tur thu a sawi lehnghal a kha" ka pa pawh chuan a hrethiam bik chiahlo ani



"Engpawh nise Zoramsanga chu ka lo be leh dawn nia.. naktuk mai a rawn kal nghal tur khan alo hrilh tawh sia rawn kal phawt se naktuk ah ka lo sawipui ve dawn nia" eng thawl lo tih hriat tak hian a bu nghat a



Ka pa room chhuahsan in room ah ka chho a Rosangi'n rawng a bawl tho tiin ka chhuk duh miahlo a ka in bual leh te te hnu ah chaw ei dawn awm ah ka chhuk chauh a, rawngbawl lam ti vaklo ni mahse a siam chhun erawh siam tui ve thei riau hi ania chuvang chuan tui lo deuh kan ei lo tur ah ka ngai mai



"Awmdan mawi pawh hrelo!" Kitchen ka luh dawn chuan thlan hru mawlh mawlh pahin a rawn ti chhuak a,ka awm ve reng a ka pui silo chu min haw ngang aniang



"Va in bual rawh I rawngbawl hah I rimchhe tlat" ka lo tih sak chuan thinrim lutuk in a kal nghawng nghawng a ka nuih te lam lam a za



chaw ei muangchang in ka lo siam a ka peih fel vek tawh hnu chawhmeh a dai dawn takngial a ka hriat vangin va koh ka tum chiah an rawn in zui lut a,ti ti em em lo in chaw kan bar mawlh mawlh a Rosangi siam anih vang hrim hrim a ei tlem hrep ka tum nen ka riltam deuh bawk si chuan chawhmeh a tui reuh phian bawk sia ka tum loh deuhin ka ei nghek!



"Tu maw kan nula thar tur chu?" Rosangi'n kham tawh dawn lam ah a rawn ti chhuak a ka pa ka va melh zauh



"Zorama khan Nutei a ti in ka hria,a engpawh nise rawn kal phawt teh se" a ti mai a Rosangi bawk chuan lawm hmel zet hian



"A va han tih zia tak em..Thansangi a che tak tak hman silo ,tun ah chuan in chhung pawh a fai sawt ang Zorama chu a van fel tak em aw" zak map lo hian a rawn ti a ka pa chuan alo khap vat



Nu ber in a awm nileng ania in te chu a mah ngei hian ti fai ve tur ania chutia nula kan neih dawn vang a in bal te rawn sawi lan zawk a mah ber hi a zak lo amaw ni? Tih fai zawng zawng a hna anilo na chungin chutia bal rawn sawi lan kha a mah a in ti mualpho mai mai



"Taima vaklo hi chu an lawm thiam thin ania..a lawm ber a I tan kha ka ring reng ani" tiin ka thleng chawi chuan ka thawh san a,henu bul ah hi chuan ka ngawi thiam thin lo,ka kaw chhung ah hian sual setana them hi a lut zeuh thin hian ka hre ber hnial emaw tih thinrim chak na hian ka khat zek zek zel!



"a mak thin emai.." ka pa'n alo tih chuan kut hruk zawh pahin a dar ah chuan ka kal pah vawn a



"Pa ka fiamthu a nihkha,ani pawn a lak thutak loh hi.." Rosangi thinrim thu muk run chu ka melh zui a ka pa pawhin engmah a sawi zui lo sitting room ah phei in ka thiante group ah ka va bia a zanin chu rawn len an tum ruh ngang aniang rawn thlen khawm hun ah pawh dar 7 an ti deuh thlap




Muangchang in ei na ka ti fel a,min tih oui peih dawnlo tih ka hriat vangin ka phut buai peihlo keimah chuan muang fan deuh hian ka seng a thleng ka sil mek lai in sana tê kitchen a kan dah chu ka han bih zeuh a dar 7 alo hnai uarh tawh ka hmahmawh thar ta chuk chuk



"In awm em? Lalthansangi man tur a lo kal kan ni.." kitchen ka chhuahsan fel chiah ka pa chu a hawi phawk hman..kei erawh Tluanga aw ani tih ka chian em vangin ka hawi phawk ve lo



"Mawl lian ka pa I ti mangang dawn a lawm rawn lut mai mai teh u" tiin pawn a an awm chu ka va au a



"Mi te hi lo hrelo ve thin ta che!" Rawn luh pahin a rawn phun nghal mawlh mawlh



"I a em anihkha " tiin ka lo chhang let a ka pa chuan fiamthu ti tak deuh hian



"Police tak tak emaw ka ti hman dawn a.lawm" alo ti ve a Tluanga chuan ti fuh in ti zet hian a mit ko min san khum zeuh a,a va han chhe tak!



"Nakin ah hrilh tur che ka nei ania aw pawimawh tawp I lungphu ti rang la I rilru ti hah nghal rawh tun atangin" Feli chuan min rawn kaih kuah chawt a



"Heiham!!" Ka lo ti deuh thlawt, puitling ve thuau tawh kan nia,ka thiante hi zawng hmangaih viau lo ila chuan ka kawm tawhlo ang,tunge thiante rilru ti hah tur a hrilh ngai reng reng le? "Kan mawl tual tual a hreawm e..!!" Ka ti thlawt ringawt



Ka pa chuan kan thian ho min thlah fal in room lam ah a in suan phei a Rosangi chu sawi angailo ka thiante awm chuan a rawn chhuak peih ngailo ka tih tawh kha, Tluanga lah chuan "khawi ah nge Ramhuai pitari hi..?" A ti chhen lehnghal, reitawk fan kan ti ti ho hnu chuan mipa pahnih chuan angai te bawk in online games an khel leh tawh



"Hemi te pahnih hi chu aw..!" tiin Feli nen chuan TV kan en ve daih a



"E Than..ka hrilh tawh ang che aw mahse thinrim emaw rilru nat nan hmang lo la..chumi hma in pute Zorama nen in la ni tluang zel em?" a rawn ti deuh thut



"Kan ni ami?" Ti a ka lo fiam daih chu rum lutuk hian min melh a



"Ka fiamthu lo ania aw in la.tluang zel em?" A tih chuan ka bu nghut a,nia kan in ngaizawng tawh miau a thian tha te lak a zep reng kher angailo



"Englo,kan rawn kal hma khan a pa'n Pute Zorama te a chhuak in a rawn tlawh haw a tia.. Pute Zorama a nupui alo awm hlawl.mai atia.." ka nui tawp nghal riai riai "hey rilru ti na suh ka tih lawk kha aw.." min sawi nawk a



"Naaa...a ho emai" tiin TV lam chu ka melh daih a,engtinmah awm tum lo mahila ka chhungril hi a na deuh et et!!



"tu maw lo awm?" Games an khel char char emaw tih laiin an rawn tawlh hnai sawt sawt a



"Tumah.. hmeichhe inkar thuruk anih hi games va khel leh rawh u.." tiin ka lo nem let a mahse a rawn thu hnai tho



"Pute Zorama mawle..apa in a nupui,nupui ti ila nupui hlui alo awm a tia an in ah a va tlawh kawi in ka hmu atia..sap nu hleitling zet mai atia Oliver nen pawh an in ang reuh lutuk ati lehnghal"



"Hey..I rawn ngaithla ve reng tih kan hria TV hmang a I rilru na hnem kha tum buai suh.." Chhandama chuan TV ka melh ngawt ngawt laiin chuan ka ring a kuai her sawk a a nat zia chu!



"A na! In mak..a fapa a rawn tlawh ve pawh ani thei a kan in then Chuang hleinem" ka lo ti liam puat na in ka ngaihtuah na ah an cham nghal vung vung, vawiin tlai a Zoramsanga'n haw hma tur a min tih chhan te kha Oliver nu alo kal dawn vang a mawn le?



"Keichu then daih mahla pawi ka tilo in inthlau bak ah a ni chu mi lian lutuk duh duh thing thei an tih ang chi ania..bak ah an fa vangin an in rem leh lo ang tih pawh a hriat silo a rilru na deuh a kalsan in I awm ang tih a hlauhawm" puitling takin Chhandama chuan a rawn ti a dik ka ti ve thlawt



Zoramsanga ka ngaihtuah hian neih leh duh na nei in ka hre lo,mahse chutih rual chuan Chhandama sawi ang hi a thleng ve thut thei tho bawk si..chuta kar ah zu in chungin alo haw kha ania chuan min haw hma tir mawlh kha a chhan ah Oliver nu alo kal chu ka puh lo theilo a ka tha a na thlawt!



"A chutia inthen lo sawi sak nghal ringawt 0awh a chi hleinem, Scar-a pawh in lalthani a duh em kha hman ni pawn a chian viau kha mawle kan ei man zawng zawng a man a pe vek a a mah vang ani tih a hriat lutuk" tiin Tluanga chuan alo sawi ve bawk



"A ho emai.." tiin ka tawlh hla deuh a ka TV en pawh ka tui thei tawh meuhlo,ka en liam vel mai mai ani enge an sawi takngial pawh ka hrelo



Dar 10 rik hma deuhin an vai chuan an haw a,keipawh in kalh tha in room ah ka chho a phone ka en a Zoramsanga massage emaw calle maw pawh ka dawn miahloh vangin ka lung nilo thar deuh thut,zan dang ah pawh kan in be ngai mang chuanglo a zanin ber kher chuan ka lung awi lo ru tlat tawh Feli thil sawi vang vek ani



"Vawikhat chiah kan call chhin" ka awm a nawm loh phah reng a lungawi lo deuh a zan khua hman ai chuan tiin ka call hmiah a mahse a ring chhung in Oliver nu in min lo chhang angem tih te ka ngaihtuah hnuhnawh a ka tang ru teuh ringawt



"Aw.." ka lungphu rang rawh viau laiin Zoramsanga'n phak zet hian min rawn chhang a ka thaw nghal huai huai



"I muhil tawh ami?" Ka tih chuan a rum a,a ri rak rak bawk,a mu a in let tha kual vel anih ka ring



"Um muhil tawh.." ka haw san hma ang tho in bung zet hian min chhang a ka ngei tawk a tling leh tawh ka off zui daih a,call pawh min rawn call let miahlo! Ka lungawi lo zual sauh in ka in hria



Lung hnur deuh chuan ka mu a Dr Joseph-a massage hmu mahila ka reply chak hlawl loh vangin ka seen lona phone khawih lo chuan ka mu meng ker reuh a, mutthilh vang vang a thinrim lungawi loh tawh miahloh ka tum pawhin ka theilo ka in let ka in let a a tawp ah chuan dar 12 dawn ah ka muhil ve hram!





"E ilo thleng maw..?" Kawngkhar hawng tur ah pawh Pi Thantei nilo in tukin chu Oliver nu ka ring tlat pek a Feli thil sawi vangin nizan atang tawh nilo lo ka ngaihtuah phah



"Pi Thante..nizan ah mi an lo kal em? Ka sawi awmzia chu I haw hma vel in.." ka tih chuan a bu nghat a,tih tawp theih rual loh in ka lungphu a phu rang nghal dawt dawt



"Pu Zorama nupui ani in ka hria mizo tawng a hmang lo a a sawi ka hrethiam vaklo..sap nu alo kal a law Pu Ramzaua pawhin a rawn tlawh a " dining chair ah chuan ka thu a tui chu thli in ka in khawlh khawlh



"A awm rei em?" Tui ka lem fel chiah tih in ka tih chuan lu a thing a



"Awm reilo Pu Zorama khan a be tha duhlo lutuk a, Oliver nen char char khan an in bia a chuan a kal lehnghal deuh mai" atih chuan a ruk in ka lo lawm et et



"Anih zing ah a rawn kal em?" Ka ti na in lei ka chhuah nghal tet, zing dar 5 hma lutuk ah ka chhuak a tun ang ah tumah an leng ngailo ang leng daw pawh nise ka thlen khalh chu ani ber hi a riak lo tih pi Thantei sawi atangin ka hre tawh bawk a



"Kal lo e hei kan pahnih hi kan ni mai" fiamthu zet hian a rawn ti a ka awm nawm tawh dan chu pui tak ani..engpawh chu nise an khum let hrep tu ka ni tih hrelo se a tha ani mai..bak ah engtin nge Zoramsanga te awm na hi a rawn hriat chat theih le?



"An tho tawh em ka han check ange aw.." tih leh thawh ka rual a in chung pan a ka chhoh laiin Alex a rawn tho chhuak ve chiah..nidang ah pawh ka biak ngai lem loh vangin ka tlang chho zel a an pa fa room ka en ve ve hnu ah thlamuang deuh chuan ka chhuk leh mai a Oliver nu hmel vawikhat mah la hmu lo mahila Zoramsanga room ah ka hmu tel ang tih ka hlauh na kha a nasa ngawih ngawih




Tuk dang ang lo deuhin an pafa in an rawn chhuk a ka lo thu mar at..nidang ah chuan min rawn au emaw a pa au in thawm a siam vak thin kha ania tukin chu thawm a nei miahlo bawk nen ka han ngaihven lawk bawk silo ani



"Tinge I van bui ve?" Olivier hmel danglam ta riau chu mak ti deuhin ka lo zawt a



"A tap anihkha.." tiin Zoramsanga chuan min lo chhang a Oliver chu a ngui riau bawk,ni leh si a nu nizan ah a kal sia a haw leh mai bawk nen a ngai a tap aniang



"Hawh..thil ei daih ang aw I tum bur chuan a diklo ania" tiin a pa kut atang chuan ka kai hrang a,tuk dang ang in chaw ei na ah pawh tawng pafa lo mahse a nuam lo ru riau mai a reh lutuk hi a ni tawp pi Thantei a tawng loh phei chuan sana in khawng ri tlek tlek pawh khaw en lai in kan hre thei mai ang tih tur ani



"I haw hma in,chhuak tur chei in q ilo chei dawn nia ka rawn lam ang" a ti ringawt a,a sawi ka man tho avangin ka bu nghat ringawt,tukin chu a hmel hmuh a hreawm takzet biak lah a chakawm hek lo..a nupui lo kal chu a haw viau a mawn le? Chupawh lo ni ta se keini lehzel bul a tih lan chu a!



"Oliver nu alo kal tih ka lo hria a" sawi loh ka tum zet na in ka in sum thei ngang lo,an vai chuan min en thap a Alex mi care ngai hleilo pawhin min en run mai



"Um min rawn tlawh anihkha" ti ringawt in chair a nawr tawl a, a tho zui nghal hmak bawk



"Nizan atang tawhin a diklo ania.." Pi Thantei chuan dim zet hian a rawn ti a Zoramsanga kal na lam ka en zui vung vung



Kan ei kham ah a ngai te in Oliver nen an kal tur kan thlah a " ka tiam tawh che kha aw... vawiin ah I mittui far khat pawh I far tir tur anilo.." hmel dam zet si aw khauh tun hian ati a keimah zawk ka lo mur thei



"I fapa anih hi mi fa ani lo ania " ka tih chuan a khi ta suk,tukin kan in hmuh tirh atangin a nuih vawikhat na ani hial ang



"Ka hria a lawm..ka fapa pawh hian ka awmdan hi a hrethiam khawp ang" tiin a fapa sam ah chuan a chul a



"Nizan khan.." ka tih chuan a rawn hawi leh vut a sawi zawm lo in ka ngawi nghal vung vung



"Ka muhil hman a..chuan phone a dah tauh hnu khan Oliver a tap leh sia rawn call nawn lo in ka va ngaihven anihkha" a ti duah a ka hnen a in sawifiah hi chuan thudik lo pawh nise ani ang mi chapo ve lutuk a in sawifiah ve ringawt pawh hian awm a ti nuam hliah hliah



"Hi Babe.." sir lam atang a hmeichhe aw lo chhuak ka hriat rualin kan hawi nghal vat a, Zoramsanga nupui ani ngei ang a sam a buang thâng mai a chhelo in a nulian si a in chei na nen zawng zawng sawn a chhelo khat tlat!



"Hetah enge I rawn tih?" Zoramsanga chuan bung lutuk hian a ti nghal thah a chumu chuan a sunglass vuah lai phelh in a mitmeng leh rawng nalh lutuk chuan nui chungin an pafa chu a en a



"Hna kal hma in ka fapa ka rawn hmu leh lawk duh a" pawi sawi lo lutuk hian a rawn ti a, Zoramsanga nupui anih tak tak chuan phone a min rawn au khum lai nen kha chuan a dang hliah hliah tawh a aw te chu thinrim ve theilo hi a ang



"Nizan ah I hmu tawh rawn kal fo angailo ang", Thansang luh pui rawh" a fapa hauh zet hain a ti a,nupa in tha then an nilo tih a chian em vangin engmah sawi ve lo chuan Oliver chu hruai luh ka tum a



"Nang hi nizan khan ka va hmu ve lo che.." min rawn ti a



"I ngaihven a tullo.." Zoramsanga bawk chuan min rawn chhan khalh leh



"Oh anihchuan.." tih leh a phone phawrh a thla.min lak a rual a ka hawi sawn hman lo a thla min laks ak chhan pawh hi ka hrelo



"Lana..ka nia I pu office ah hian ka thawk tan dawn a,chuan hei Oliver nu hi ka ni e..nangmah hi em ni hmanni a ka biak kha..?" A rawn tih chuan chil ka lem dawk a, Zoramsanga ka va melh ve zauh a ani pawhin Lana thusawi chu a hriatthiam hmel biklo



"Kal rawh ..." Lana ban ah chuan pawt hrawk in a car awm na lam ah chuan a tawlh phei tir zui a Lana mitmeng a thinrim na leh hlauh na awm in pawlh sawp nuaih chuan awmdan tur min ti hrelo zo vek



Lana chu engmah sawi tawhlo in a kal a Oliver chuan ngen a tum deuh a mahse a pa awm vang nge a ngen ta em lo.. Zoramsanga thinrim in bengdai mek chu ka lo melh ve reng a



"In office ah a thawk dawn maw?"



"Aw..hna leh mimal thil chu a hran hlak thung ang" ka lungawi loh hlau ni awm tak hian a rawn ti a



"A hmelthat kha.." ka ti ve ringawt,nia hmeltha chu ka ti mahse tun hi chu tih luih deuh ani



"Sawi tawhlo teh" ti hluk in car ah a lut a tha deuh pawh a in thlah ta lo chuan min tlan san vang vang



Olivier nen chuan couch a thu in TV bawk kan en a a ni pawh a nguai reuh riau mai,chhun lai thleng chuan TV ngawr ngawr a en vangin thil dang ka tih pui a,play dough kan khawih dun laiin Tluanga'n a rawn call nawlh a thawm atangin Chhandama leh Feli te pawh an awm hnai tih ka hre thei



"News eng emaw ber en teh phone atang khan"a rawn ti nghal hlawk hlawk a enge mawn le tih pahin call off chuanglo chuan kan thian ho in news kan en na ber ah chuan ka lut a Zoramsanga leh Lana te in huat loh hmel tak a an awm thla an la dun lai ka hmuh chuan engtin emaw ka awm zawk



"I hmu em? kha kha ami Scar-a nupui hlui chu?" An rawn tih leh vangin nui pah deuh chuan



"Aw..ngahmah ka ngailo an thawk dun dawn a chuvang aniang" tukin a Zoramsanga sawi ang type deuh chuan ka ti a ka ngaih tih that phet ka tum bawk



"Caption kha chhiar ta che..!!" Vin zet hian Feli aw zawk in a rawn ti a caption reng reng ka lo en lo



*Tun hnai mai a Mizoram a company din thar tu mi hlawhtling tak, Dior company nen pawh a thawk ho mek Mr Zoramsanga leh a kawppui Lana te..an ni pahnih hi kum 5 lai innei tawh in fa pakhat an nei tawh ani..an pahnih hian company hlawk leh than duan zel nan an thawk dun dawn bawk ani.. couples in hmeh tak zawng an va ni em.. hlawhtling chho zel turin duhsak na kan hlan e*



"Kawppui maw?" Ka ti chhuak sap a,an in then sia,thawk ho mahse mipui hma ah dawt an sawi kher tur anilo asin!



"Hetiang a thu an chhuah ngam dan ah an la in kawp reng tih na ani mai angem? Engmah a hrilh lo che ami?" Tluanga bawk chuan a rawn ti leh a

Ads click kha kan tih theuh tur a ni tih i hre thar leh ang u aw, hmeltha ho

Tunlai chu a mood ah ka cheng lo ka tih tawh kha aw hnap sek ho🤦🏻‍♀️ engpawh nise #supportmizorampolice hi a pawimawh rih ber😂



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:26 pm

CHAPTER-20☄️



"Hrilh lo..a mah khan hna leh mimal thil chu a hran hlak ang atia" zawi te chuan ka ti a,ka tha na lutuk hi ka nguai nghal ruih hian ka in hria



"A lo haw hun ah sawi pui chhin la engkim zawt Chiang vek rawh..kan thian ho tih dan ang khan ngawi reng lo in a hunlai hian engkim sawichhuak vek rawh a tul chuan I then mai tur ani..hei ha!"Tluanga ber chuan a rawn ti hluai a



"Um ka dah phawt aw.." tih leh off zui ka rual a, Oliver bul ah chuan ka va thu deuh hnawk



"Aunty I hah ami?" Alo ti ve vat a nui chungin lu ka thing mai..ka hah miau lo alawm mahse ka nun hi a zuai nghal ruih in ka hria



"Olivier..mommy leh Daddy hi innei leh se I duh em?" Zawh na atthlak tak ani.. naupang zawh chi pawh anilo mahse ka sawi zo vek tawh



"Um.." ka beisei lawk tho vangin min ti lung hnur zual hran lo,naupang awm ka nih vangin Zoramsanga te ngawr ngawr ka ngaihtuah theilo a a tha phian zawk



Tlai dawn lam ah Pi Thantei bul ah pangpar pot a thlak vel ka khawih pui ve a Oliver lah chuan a khawih ve chak nasa si,a bal lutuk kan hlau in kan phal silo kan thut na bul ab a tlan kual chhen ringawt apa hmang in vau ber tlat lo ila chuan a rawn khawih lui ve hrim hrim ang



"Tukin khan an in hau ami a?" Pangpar ngawi reng a ka khawih mawlh mawlh laiin Pi Thantei chuan arawn ti thut a



"Ahh aw aih ka hre biklo" min zawt thut a ka ang bo hman lek lek! nui chungin pangpar chu a khawih zui leh mai a



"An in ngeih hmel teh chiamlo emai ka lo tia tukin khan ka rawn hmu ve a lawm,nizan te khan a rawn thleng kha Pu Zorama'n chhuak nghal turin ati a mahse Oliver nu khan court chungchang te kha a sawi in ka hria sap tawng ka thiam ve vak silo a..chuvang a lawm nizan pawn a awm ve deuh reng" a ti ta duah a



"Court ah an in khing a mawn le?" Ka lo ti nghal vat a



"Ka hrelo le..ka fanu hian khawthlang ho chuan inthen dawn hian court kal an uar lutuk ati tak a sin,anih pawh ani mai thei ani"



"Nia eng emaw fel lo a awm aniang" tiin pangpar chu ka khawih zui a,ka rilru ah ka pangpar khawih ai chuan Zoramsanga te nupa ringawt chu an awm leh tawh,a chang leh news vang khan ka haw tha leh a ka thinrim thar thul





"Aunty ka riltam" couch atangin a zuang tho zawk a,ka haw a hun tep tawh Pi Thantei chuan rawng a bawl peih tep thu a rawn sawi vangin a ei tur lek ka va siam a TV en a a ei lai ka thut chilh lai tak chuan kawngkhar a rawn in hawng a ka rin miahlo in Zoramsanga leh Lana te bawk chu an rawn in zui lut



Ka thu mar awt a,ka in hum ruh teuh bawk engahmah ngailo ang a lan ka duh a ka theilo lek lek chu ani! Zoramsanga chu ngawi rengin a room lam ah a chho a Oliver-a'n a nu a hmu chu khek tuarh in a chaw ei lai pawh ngaihsak lo chuan a va pawm chawt a chu lek pawh chuan ka thin a ti ur tep!



"Tunge I hming?" A fapa rawn thu let leh bul a rawn thut ve pahin a ti a



"Thansangi.." eng emaw chik hmel deuh hian a mit a ti zim nghal sun a



"Nang hi..hman ni a ka biak kha I ni Chiang Mai I aw hi ka la hria" a ti ta mai! Tlem in nuam lo ka ti ve deuh,khanglai kha chuan phone ania bak ah ka thinrim em a tun ah chuan ka thinrim teh chiam lo an nupa vang a ka ka rilru zuai lai ani bawk nen a nuam viau lo



"Min hai anih chu" tiin ka tho zui a ka haw a hun ti tih tho tiin ka bag ka la a,ka chhuah dawn lai takin ka ban ah chuan min rawn man chawt engtiklai khan nge a rawn thawh chhuah ka hrelo



"Ka pasal hi I bialpa I ti ami kha? Ka awm tawh bawk a a bialnu chu I ni rei hauhlo ang" Chutih lai mek chuan in chung step ah thawm a rawn awm a,kan pahnih in kan hawi chho rual thawt



"Thlah rawh.." Zoramsanga tum hmuk chung hian a rawn chhuk a Lana pawhin min thlah nghal vat bawk, chuveleh ka chhuak zui ve nghal engmah pawi ka chung ah thlen lo mahse ka na em em ringawt an pahnih rawn in zui haw ringawt pawh kha ka hua



"In be lawk teh ang" min rawn zui thawm pawh ka hriatloh lai in min rawn kuai her thut a ka pai deuh nawk bawk



"Ka be peih hlawl lo che.." tiin ka vai vak a,nia kan in biak chuan ka in ang thinrim zual mai mai dawn ka haw vat hi a tha zawk ang



"Keiin ka be duh che a lawm.." vin zet hian a rawn ti chhuak thawt a min vin ngam ringawt pawh chu ka huat tawk atling em em tawh



"I duh leh I nupui saw bia la ti nia..I bialnu pawh ka ni tawhlo,chuan enge news ah khan kawppui tiin I thai lan tir bawk a tiraw?"



"Kha news kha rintlak anilo ka paih tir vek tawh.. khatiang khan an ziak dawn tih ka hrelo bawk ka hmuh rualin a post darh tu te ka bia a ka paih tir vek tawh...chuvang a thinrim I nihchuan ka sawifiah em?"



"Pawn anih hi au chiam suh.." min vin tak viau vang chuan ka ti zawi sap a ka thinrim loh vang nilo in a zahthlak vang zawk ani



"Ka tum a i awmdan in a zirlo anih hi.." min ti let zawk anihchu!



"A nih tak chu..I nupui bul ah let rawh" tiin ka in her hmak a min man beh leh hma tiin chak lutuk in ka kalsawn zui nal nal,hneh sawh lutuk ka ti thei chu ka in chhuang a ti tha ka in ti ve hle bawk



In ka thlen chuan hmeichhe pakhat kitchen lam a lut phei ka hmu a ka hamhaih tep na in Zoramsanga nula min hmuh sak kha anih ka rin vangin kitchen lam chu ka pan phei ve a,nula la upa vak lo chu lo awm in a lo che sawk sawk a



"Ka lo en mai mai che engmah anilo ania" a rawn hawi min hmu thut bawk si chu a phawk lutuk in min en a



"E nangmah ami u Thansangi chu? Pu Zorama khan nangmah ber a sawi che sia tukin ka lo kal in ka hmu silo che a ka pu kha ka zawt hman silo a chhun ah ka pi kha ka zawt a min chhang tha duh bawk silo a ka kal sual ta emaw ka tia" za vaklo a nui chung hian ati a



"Aw ni e keimah.. Rosangi,oh nilo I pi chuan engmah a hrilh lo che maw? Chhun ah engtin nge in awm? A hau che em?" ka tih chuan lu a thing mai a



"Room ah a awm char char a kan in be lo hrim hrim ani mai tih tur min hrilh leh nangma chungchang ka zawt tih loh chu" a hmel ah chuan in thlahrun na leh hreawm tih ruk na ka hmu thei



"Ka han inbual lawk ang,e chuan tunge I hming ve?" A thil tih lai chawl in ka lam rawn hawi pah chuan



"Sawmtei.." tiin min chhang a min hmu ta chu nuam a ti ta in ka hre mai a hmel dur deuh khup pawh a zia khawp mai



"Um Sawmte,nuam I tih loh pawn sawi hreh lo la I in ang chiah in awm rawh aw ka lo chhuk leh anga ka rawn pui ang che" tiin ka chho a



Ka in bual sawk sawk a khua a thik tawh a rawng pawh kha a bawl peih tawh in ka hria tih pui ka sawi ve tak na in a bawl lam chu ka tih pui hman tak hmel lo,mahse a khawhar zual loh nan zuk awmpui ve hrim hrim kha a tha



"Ilo hah em?" pangngai thei ang ber chuan ka ti a,ka haw hma thil te kha chu in tih buai tir ka tum lo hrim hrim



"Buai lo e chaw ei chiah ani tawh mai ngai..e u Thansang ka riah chilh dawn lo cheu tih ka la sawilo a in hriat loh takin" a tih chuan ka bu nghat a,riak dawn pawh nise couch ah te anihloh chuan room awl kan neilo couch a in riah tir lah ani bawk silo a a riak dawn lo chu a tha phian mai



"Um anihchuan haw I duh hun hun ah I haw dawn nia keiman ka thlah thin ang che zan lam te chu ka free a lawm" ka ti ve luam a mahse Zoramsanga'n zing dar 6 atang a zan dar 7 thleng awm zel turin a hrilh lawk tawh tih min hrilh a



"A ho emai a kan in ah I awm tawh a chaw ei kham te chuan engmah tih angailo I haw zel dawn nia.." Zoramsanga ka ngei lai ani bawk nen midang pawh a thu ang a awm tir ka duhlo



"Mahse Pu Zorama khan a hria anga min ban daih ange! Hetah ka thawh chuan ka thawh na thin ai mah in hlawh a pung sia ban ka hlau" a hmel ah chuan a hlauh tak tak zia a hriat theih



"Naaa.. lungngai suh zanin te chuan duh leh dar 7 ah I haw anga zan dang ah chuan a ngailo a rawn en thli thlak dawn che pawh nill chuan a,dar 7 thleng I awm kan ti mai zel dawn a lawm" ka lo tih liam sak puat a, Zoramsanga duh dan a awm tir ka tum lo hrim hrim



Chaw kan ei a sawmtei awm ve vang nge Rosangi chu a fel vel khawp mai,a tawng vak chuanglo na chungin tawngkam a uluk phian a a che mawi hnai khawp,ka pa pawhin hreawm a tih loh tawk na turin a be ve zauh zauh reng a,ka pa hi mi puitling tak ni mahse tawng suam suam chi anilo a a tul na ah erawh chuan tawng duh tak ani thung..chaw ei na kan tih fel hnu chuan TV en pui ah ka sawm talh vangin inthlahrung deuh chuan a rawn en ve a



Tv en a kan ti ti vel laiin ka thianten min rawn call a TV lo en rih tur a Sawmtei hrilh in pawn ah ka chhuak a,ka ngaihtuah tawhloh nen vawiin chungchang bawk min rawn zawt leh! Min ngaihtuah vang ani tih erawh ka hai lo engvak sawilo a ka haw san daih thu te ka hrilh a,engtin min tih ngaih na an hre chuanglo phone ka off chiah kan in kawt ah buke a rawn ding chawt a tunge ti a ka zu thlek deuh chuan Dr Joseph-a'n ka lam hawi in min lo nuih nghal var var



"Lo len I phal em?" Helmet phelh pahin atih chuan ka hamhaih deuh vangin ka chhang lawk lo a "e I phallo ani maw ka haw leh mai ang"



"Aih phal e lo kal rawh..I rawn lang thut a mak ka tia" tih pahin ka hui a,tun ang ah chuan ani lehnghal chu ka beisei lo hrim hrim a night dawn lo pawh nise in ah a hahdam ve duh ngei ang



"Nia...tak tak in in veng a ka damlo enkawl thin kha zanin ka awl sia ka tia ka rawn tlawh lawk a veranda I awm hi ka haw turin ka rawn hmu che a ka rawn peng mai mai min beisei loh hmel sia" nui chungin a rawn chho a ,chho ti ila kan in lut tur hian step pathum a chhoh angai



"Beisei lo tho mai I night loh pawn in ah I hahdam ang chu ka tia..bak ah vawikhatmah ilo la leng ngai bawk lo nen beisei chi ah pawh ka ruat lo che" ka rilru diktak chu ka sawi hmiah..keima pual hrim hrim hian inleng hi ka nei khat a rawn leng chhun te lah ka biak lum lam peihloh vangin an rawn leng nawn ngai mang lo chuvang chuan tumah hi leng ah ka beisei ngailo hrim hrim



" Ni ve tho mai..I chhungte an awm em?" Kan pahnih chuan kan in zui lut a Dr Joseph-a hnu in Sawmtei chu alo tho vat a



"Sawmte a ho lutuk TV kha en mai mai rawh" a inthlahrun leh tak duk vangin ka khawngaih chuan ka ti ringawt a,ngawi rengin a thu tha ve mai bawk



Dar 7 rik nan a la hma deuh sia haw a hmahmawh tawh hmel bawk si a ruk in a phi cheng ni hian ka hria, Dr Joseph-a lo leng lo se chu ka haw tir tur ania mahse kan pahnih chauh a min haw san tur chuan ka ngam bik chiahlo ka chhuanlam tur pah te pawh ani nghal mai ka pa te pahnih room ah an awm daih si



"Thingpui ka va lum dawn ami?" Kan zing a awm nuam ati chiahlo nge kalsawn dan ngawt a ngaihtuah



"A ngai hleinem a ho lutuk" Dr Joseph-a'n alo ti sia TV chu ngawi rengin a en a mahse a hnu ah Rosangi lo chhuak in a rawn auh vangin a kalsawn a inleng neih lai a mi fel beri chuan Dr Joseph-a pawh a be tha khawp mai ka pa pawh a ko chhuak a mahse hna a ngah deuh vangin a rawn lang zuai ringawt



"Nau awm hi I tum reng nge hna dang zawn leh I tum? Hna ang reng I thawk duh angem?" Atih chuan ka rilru in aw ka ti nghal mai a mahse a tak ah erawh ka chhang lo,hna dang chu ka duh lutuk ringawt nau awm a in hlawh ai chuan



"Eng hna nge a? damdawi lam chu ka thiam miahlo ania " ka ti nghal vat a nui suk chung chuan



"Damdawi lampang chu nilo e..Ka cousin dawr ah ania cosmetic lampang..dawr pakhat zawk nghah sak tur a duh a.. hmelhriat nghah sak tur fel deuh zawn sak turin min tia ka hre viau silo a ka hriatchhun nangmah ka hrilh tawp che"



"Um anih chu thawh a van chakawm" ka ti tha ve vut a,nau awm reng kha ka tum lo hrim hrim a chutia dawr nghah a pawisa thawh chhuah na tur a awm hrim hrim chu thawh daih ka duh



"I thawk duh zawk anihchuan ka lo hrilh sak ang che.." phur hmel tak hian a ti a



"Nia mahse ka thawh na pa hi ka hrilh ve phawt loh chuan ban nghal rum rum kha a chi vaklo a,bang nghal tawp lo in naktuk ah ka lo hrilh anga nula dang te a zawn hman nan"



"Nia chutia tih chu a tha..ka cousin pawh ka lo hrilh anga midang thawh tir lo turin" ka rilru chuan ka lawm takzet, Zoramsanga hnuai a awm reng a a nupui hlui rawn kal lo chhawn reng ai chuan ka chak uchuak fe zawk



"Keiman thingpui ka va lum ange aw in ve hrim hrim rawh" tiin aih ti a min chhan hma chuan ka tho a thingpui chu chhuang in ka pheisan leh rih a ka thu fel chiah



"Ka damlo tlawh te in ah khan ka in tawh tho a sin..mahse I lum tawh anihchuan ka'n in leh mai aniang chu" inthlahrung aw lek lek hian ati a



"A ho lutuk,ilo len vawikhat na ania I in ngei ngei a ngai a lawm" tiin mawi hnai tak chuan ka lo chhang ve a



"U...?" Sawmtei pawn chhuak turin min rawn au a ka hawi nak chuan Zoramsanga a lo ding kur! A ni pawh ka beisei hauhlo vangin ka che deuh dawrh a Dr Joseph-a pawh a hawi nghal vat..tinge zanin hi?!!!



"Enge I rawn tih dawn?" Bul lutuk hian ka ti a ka awmdan min thawng lutuk te chu ka in thup nghal vat bawk



"Ka rawn leng dawn.." ti hmuk in a rawn lut a, Dr Joseph-a lo thu ve a hmuh chuan rum lutuk in ka lam a rawn hawi a ka lo hrelo awm hmak



"I duh na na ah kha thu rawh Pu Zoram" a ngei tur tawk vel lek hian ka ti a rum nghut in Dr Joseph-a hmachhawn zawng tak chuan a thu a,a ruk tak chuan ka tang in ka hamhaih chi ai vek, zankhat ah an ni pahnih in mil lem lo tak rawn len rual thawt chu awmdan thiam a har



"I fapa ilo hruai nange?" Ka ti a, Bialpa pawh nilo inleng satliah treat in ka treat lui ngar ngar tur ani,ka thinrim kha a la reh fel reng reng lo



A mah leh a nupui vang a ka awmdan ka rilru na ka tha na te zawng zawng a reh fel duak anihloh chuan tha takin ka be dawn hauhlo news ka delete tir tih vel mai mai a in hnem lungawi ka tum lo a delete tir tak tak em pawh ka hre hleinem le,bak ah a ma thu tel lo chuan khatiang khan an post lul lo ang



"U I thingpui chhuan a so.." Sawmtei kitchen va lut in a rawn tih lawng lawng vangin hmanhmawh takin ka phei a,ka kaw chhung ah hian setana them a lut ta nge pawh ka hrelo ka thinrim na tih lan nan chuan Dr Joseph-a thingpui tur chiah ka siam sak a



"Ka pu saw I pe ve dawn lo ami?" No khat chauh ka siam vangin Sawmtei chuan mak ti aw lek lek hian a lo ti a



"Um...a in ve duhlo a" ka ti mai a min zawt zui tawhlo,ka va phei leh chuan a tumah in be lo in sir lam ve ve an lo hawi daih a



"Thingpui ka lum laiin I rawn lang hman silo a hei no khat daih chiah ka lo siam a,hman zan ka pa ilo kan khan I in tha peih Chuang silo ka tia ka lum leh buai peih ta lo law law a" Dr Joseph-a thingpui no pek pahin ka ti a chhan pawh min chhang lo,pek loh bik nih chu nuam lo ati ve viau ang, thingpui chang lo ti tau in haw daih se a pawilo



"Aaa.. ka in tawh tho sia in zawk sela.." Dr Joseph-a chuan polite takin a rawn ti a,mahse ka phal reng reng lo Zoramsanga hian a in dawn lo bur ani mai..ka thinrim tawh laklawh



"A ngailo..I tan a bik tak a ka siam ania nangmah khan in ngei ngei rawh anihloh chuan ka lawm lo viau ang" za lo zet chuan ka nuih vel a Zoramsanga chu ka ngaihsak duhlo lui ngar ngar



"Biak lawk che ka duh" Dr Joseph-a lam hawi deuh tut a ka thut laiin a rawn ti thum bul a



"Aaaa... hetah sawi mai rawh hei inleng dang ka nei a,in biak hran chu anuam lo deuh" melh pawh melh lo in ka ti a a rum nghut a engmah a sawi zui tawhlo



Dr Joseph-a chuan kan inbiak dan vel ah thil awmdan man ni awm takin min melh tawn zak zak a nuam a tih hmel viau lo, Zoramsanga chu haw se ka ti hluah hluah a ni lah chu a thu nghet sauh emaw tih mai tur ani Dr Joseph-a zawk mawlh chu Zoramsanga ai hma in a haw ang tih ka hlau bawk



"Leng ve reng rawh aw ilo leng khat emai" a nel ber ang zia zang chuan ka tia,ka awmdan chu atthlak viau mahse Zoramsanga tih thinrim a hnawh haw ka duh em vangin ka ti lui ngar ngar tho



"Nia..zanin chu ka hman ve deuh a mahse a ruk hian min lo ning a nge aw,zan dang ah rawn len te I phal tawhloh phah ange" fiamthu ti tak zet hian a ti a,ka nuih a za miahlo mahse nasa lutuk chuan ka nui vak kher a Zoramsanga lam ka hawi fuh bawk nen Dr Joseph-a nen a kan in be reng bik chu tum hmuk leh rum zet hian min lo en a



"Nuam lo I tih hmel e Pu Zoram..ka pa ka va ko dawn ami I kawm chak zawk hmel sia" ka tih chuan a kut a elh ri rawk a,kei emaw Dr Joseph-a sawi sak chak ninawm fahran chuan a kut a hum ruh tung lehnghal a thinrim tih a ti lang a chu chuan ka awm a ti nuam zual sauh




Tv ah channel hmet kual in a lang a piang chu Dr Joseph-a ka sawipui in ka ti ti pui lui zel a ka rin ai in sawi tur ka hre phian! Zoramsanga chu a thu ngawi ngul a ka va mut sir leh zauh thin.. Dr Joseph-a ka be bik chu duhlo hmel tak hian min en ngar ngar a ka mit sir ringawt pawhin ka ngaihven rei ngam lo a thinrim zia ka hria a,mahse runluih ka chak na hi a rapthlak em ani!




Kan biak mangloh chuan darkar chanve dawn chu a thu ngawi ve reng a,in biak fal a duh tih ka hre vek mahse biak fal ka duh hauhlo a nupui hlui nen an chungchang bak sawi tur a awm lo eng ang pawhin kha news kha delete tir sawmsarih mahse mi tam zawk in an hmu vek tawh ang kei a nupui pawh nilo chuan kan inkar hria se dem bak ka hlawh dawn lo




"I haw dawn mi? Mangtha aw..." A tho vut a ka biak na pawh hrelo ang hmak a awm in a chhuak vang vang a a chhuak chiah chu ka ruak huai hian ka in hria! Haw se ka ti na a mahse a haw erawh chuan eng emaw tak hian ka thawl a ka ruak in ka in hre tlat thung!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:26 pm

CHAPTER-21☄️



"I ti duh dah riau in ka hria" nui pah deuhin Dr Joseph-a chuan Zoramsanga chhuah na lam en pahin a ti a



"Tu duh dah lo e..ka fiam ve anihkha" ka lo ti mai a , kawngka lam chu ka va melh ve bawk,a tau haw ta aniang a reh zui vang vang



Awm nuam tak ang a awm luih talh ka tum a ka chhungril tak erawh nuam lo reuh tak ani mahse tih lan emaw ka tum lo a ka awm nuam lo pawh hi reh vat se ka duh, Zoramsanga vang mai mai a hetia awm tur ka nilo a ni pawhin ngatan mah min ngailo leh engtin nge an nupa vang a ka awm tih hai der in a duh dan dan in a awm a lawm le



"U ka haw tawh mai ang aw dar 7 a pel tawh a " in thlahrung aw deuhin Sawmtei chuan a rawn ti a



"Um awle thlah chu I duh em?" Ka tho kang deuh uai a mahse a ngailo atih vangin ka thu tha leh a, Dr Joseph-a pawh hospital nen chuan a zia a dang ve riau sawi tur a van ni ber in ka hria



"Keipawh ka va haw ange len rei duh viau mahila naktuk ah kal hma deuh ka duh sia..I phal chuan zan dang ah te ka la rawn leng leh anga" tiin a ding uai a



"Phal tehreng mai I buai loh chuan lo leng ziah rawh" ka ti tha ve mai bawk a,awm rih tur a ka duh chhan Zoramsanga ber a kal tawh miau vangin chelh luih ka tum tawh hran lo



"Ka lo thlah ang che.." tiin ka tho zui ve a pawn ah in zui chhuak in a bike a lawn thleng chuan ka en ve reng a "Mangtha aw..tluang deuhin I haw dawn nia" tha tak chuan ka thlah a



"Awle..hna chu ilo ngaihtuah anga min hrilh hma rawh aw a hmahmawh ang reng in ka hria" helmet khum pahin ati a



"Awle naktuk ah ka lo sawi ang thawk thei tur khan min lo sawi tawp rawh" ka tih chuan bu nghat in a in khalh chhuak a



"Huiiii.!! Ka thawh ngei angai " ti sap in kawngka lam hawi chuan ka in her a,ka hnunglam ah pen thawm ka hriat vangin ka in her lehnghal vat a Zoramsanga a lo ding run!



"I haw tawh emaw ka tia..?" tiin a lam chu ka hawi tha deuh a,a khi suk ringawt



"Be tur che in ka lo kal a ka biak hma che chuan ka haw beisei suh" a ti hap a



"Ka be peihlo che tlai ah pawh ka sawi vek tawh kha.." chang deuh ralh chuan ka ti a,beidawn hmel tak a thaw hawk pahin hnuailam a bih zauh a



"Enge la ti tur a min duh? Nge ni a Lana nen a kan chungchang news kha ka la sawifiah lo zawk ami? " rawn hawi chhuah pah chuan a ti a, Lana hming ringawt pawhin ka thin a ti rim hlur thei



"A ngailo ang..e chuan naktuk bak chu ka lo kal tawhlo ang Dr Joseph-a khan hna tha deuh min hmuh sak a ka thawk duh zawk" ka ti tawl a hmel ah chuan Dr Joseph-a huat na bak ka hmu lo



"Rem ka tilo.." a hmel ah chuan hrilhhai hmel te pawh a lang lek lek a lawm mawle! "Olivier I awm peihlo anih pawhin ka company ah ka thawh tir ang che" awlsam zet chuan ati a



"A pawi khawp mai I company ah chuan ka thawk duh hauhlo..I nupui hlui hrawn a thawh ai chuan hmelhriat loh kar a thawh pawh ka thlang fe zawk" ka ti ve salh



"Kan inkar ah eng emaw la awm tur a I ngai tlat hi I diklo ani" a rawn tih chuan ka thinrim vangin ka hmui ka pet vang vang a



"Nia..I sawi dik a lawm eng emaw pawh a la awm ka ring bur bawk khang news siam tu te kha I tawngkam chhuak leh in thu hmu lo chuan engmah an thai lan ka ring hauhlo in inneih tawh kum leh in fa neih zat thleng in nang ni khan hrilh lo ula an hre hauhlo ang" ka tawng tawp lam chu a sak deuh talh mai



"Ok thalak kha chu thawhpui tur anih vang chauhin ania..a dang erawh kha chu ka hrelo Lana sawichhuah pawh ani mahna " in thiamloh na nei hmel pawh pu map lo hian ati a he ze mak lutuk leh ngeng ka tu dawn mi? Ka hua ka mil lo thin



"I thawhpui pawh I thunun hneh lo ania" ka tih chuan a in seh ruh nghek a,tha lo ni a ngaih chu a duhloh hmel kher bawk



"Hria ila an post darh hma in ka ti tawp vek ang.. Lana chu ka lo be dawn nia..a tha em?"thinrim aw lutuk hian a ti a ka in kuangkuah khum hmak thung



"Chutiang vang mai mai in ka lungawi beisei suh..bak ah ani kher lo kha thawhpui tur dang I hrelo ami helai ah pawh hna thiam tak an tam nen"



"Nia ka hria..mahse Lana hi chu a dang a lawm khulam atang tawh a thawk ho kan nia hna leh mimal thil ka chawh pawlh ngai miau loh avangin nupui ang nilo in ka la thawhpui hram hram anih hi ka company tan mi pawimawh lutuk anih hi"



Lana chhuang lutuk ang a a tawng bawk chu kei mi nung hian ka lo la kawi leh tawh ka rilru thinrim na ka sawh nghet sauh, company tan a tangkai sawmsarih pawh ni mahse ka haw tho



"Thawk dun zel rawh u" in her ka tum chuan ka ban ah man in,ka kal a phal tlat lo a



"Naupang chhia viau suh..ka sawifiah tawk ani lawm ni ka in duh tawk na tih chhiat vek kher ila mamawh ami a?" Vin zet chuan a ti khur khur a " khapa hma a I awmdan te kha ka duh dan anih bik I ring ami?" A rawn ti zawm leh zat



"Ka duh dan dan in ka awm thei..nang a in duhtawk na chhiat leh chhiat loh ah ka buai lo I mize mak sak lutuk te hi paih bo zawk rawh..ka lak a dawl zawr a I zawr theih hma chuan min beisei tawh bik suh" min vawn na chu thing nek in min thlah rual chuan ka tlan lut a kawngkhar ka khar hnan hmak



"I ti tha lutuk e..mipa hma a tlawm duai duai q tullo a duh takzet che anihchuan dawl ai pawh in I lak ah zawr tur ani" ti a in fuih chungin room ka pan chho a,ka mu fel chiah kan in hnaih tak a car tlan thawm ka hriat vangin Zoramsanga chu a haw tawh ngei anih ka ring




Mut hmun ah chuan ka thiante nen group ah zanin chungchang ka hrilh a Tluanga chiah jn Zoramsanga hrethiam in a tan a Chhandama leh Feli chu kei leh Dr Joseph-a lam an tang thing, Feli phei chuan Dr Joseph-a lam chauh awn tawh zawk turin min tia a ma Putea ngei pawh min duh pui viau lo chu anih hi..bak ah min duhpui turin a hrechiang bik miau silo a ka hriat ang hian a chungchang pawh a hre kher angem a pa te sawi anihloh chuan tih daih ani





"I rawn thleng maw?" Pi Thantei chuan hmahmawh hmel deuh hian min lo chhawn a a che chu khawl ani ringawt



"Um I van hmahmawh hmel em em?" tiin dining table ah chuan ka thu nghal thak a



"Nia tukin chu thawh ka hai a,ka thlen na pawh a la reilo hei ka hmahmawh khawp mai nizan khan Pu Zorama khan naktuk chhuah hma ka ngai dawn atia min hrilh sa a kei lah a chhuah hma dawn ni ber ah thawh ka hai leh sia" tiin a che sawk sawk a



"A nihchu..I chau ve anih dawn kha lungngai suh ka lo pui ang che..thiam viau lo mahila rawngbawl chu ka thei ve a lawm" tiin ka thiam ang ang chu ka lo tih sak ve a ani pawh a a hmel hmuh a nuam sawt



"Pi Thante..rawng I bawl peih tawh ang chu tiraw?" Kan chet dun sawk sawk laiin Zoramsanga a rawn lut a min hmu chu a ngawi nghal hmak a tun ah dar 6 pawh a la ei chiang lo a suit nen a rawn ri thlap tawh,engmah thleng lo ang maiin melh pawh melh nawn tawh lo chuan ka che mawlh mawlh a



"Min lo zui lawk teh.." a ti a keimah zawk nge Pi Thantei atih ka hriat miau loh vang leh a mah ka melh bawk siloh vangin ka thu ngawi reng a "Thansang.." hahthlak min tih hmel lutuk aw hian a rawn ti chang bal a



"E keimah zawk maw?" Tiin pangngai zet chuan ma tho a,thaw hak in ka awmdan vel duhlo tih hriat lutuk chuan a tun bur chungin min en a



"Aw nangmah, Pi Thantei rawngbawl lai ka tibuai ngai ami?" a tih zek vang chuan ka melh hrep a kitchen a chhuahsan dawn chuan "ka rawn let hun ah a ei theih ang chu maw?" Zawh na ni em em silo in pi Thantei hnen ah chuan ati a a hmanhmawh hmel kher bawk



"Ei lo in kal ta mai la.." lo ti ve sap in min zui rawh ti mahse a mah ai chuan kitchen ka chhuahsan hmasa tho,ka thu in a lehkhabu chhiar na room ah ka lut tlang a



"Hmun dang a thawk tur chuan rilru I siam fel em?" A rawn kal luh ve rual chuan ati a rang lutuk in ka lo bu nghauh nghauh



" anihchuan zanin chu ilo awm rei mai dawn ami? Nula dang zawn zung zung a harsa a naktuk atang a thawk nghal thei tur zawn hmuh chung chung tur chuan hun a duh deuh ang" min ui der na pakhatmah ti lang miahlo a a tawng thei chu ka awk lek lek zawk! Min duh tak tak lo aniang hepa hian!



"Tehreng mai..I hmuh nghal theih nan duhsak na ka hlan a che" ka lo ti nghal pawng a



"I thinrim leh si ami a? Keichuan dan buai che ka tum lo,amaherawh chu ka then lo che tih hria la in ngaizawng kan la ni reng tih theihnghilh lo bawk la ka duh..ka dan loh chhan che hi I duh dan ka zah sak vang ah che ngai rawh" a ti nghal zung zung a sawi ve mai tur pawh ka hre tawhlo,nichin ka tawng dan ah khan ka thinrim tih a hriat theih a mawn le?



"Thinrim chhan tur pakhatmah ka nei hleinem,I hmuh vat chuan a lawm awm dawn em a chuvang mai mai anihchu ka sawi" tiin ka chhuak nal nal a,a tawngkam leh che zia mil lo tak a a mitmeng dam leh dul ruih kha ka en reng theilo, khawngaih na in ka khah leh mai a engmah lo a alak a awlsam te a ka tluk luh mai kha ka hlau ani



In chung lam ah ka chho daih a "Pi Thante..I peih maw?" tih ri ka la hre pha..a aw ah chuan thil fel hlel a awm tih hai theih rual anilo, kan pahnih ka thawh na sawn tak ka tum vang nge Lana vang zawk ni ang?




Oliver room ah chuan ka awm reng a rinai in a tho har phian mai,a hmel chu ka thlir vang vang a hmeltha hi ka van ti si em! Ka ngai reuh ngawt ang thla khat em pawh kan la in awm lo na chungin ti khawp hian kan in nel hman a han chhuahsan teh tawp pawh chu a khawhar thlak dawn khawp mai



"I pa hi ka duh ve takzet asin..mahse a tir atangin a dik lo engtik lai pawh a awlsam tak a in kiang a awm thei,dem ve theiloh tur I nu a awm tlat sia..ka kalsan cheu hi a tha zawk in ka hria" ti sap in ka thaw hawk a



"Chaw lo ei san mai la.."kawngkhar lam ah thawm a rawn awm vangin ka hawi vat a Pi Thantei chuan nui hmel pu deuh sâng chung hian min en a "Pu Zorama'n a nghak tlat che a Bawiha kha chu nakin ah kan ei tir mai dawn nia lo chhuk rawh"



Hreh viau mahila chaw ka nghei thei chuanglo tiin ka zui chhuak a,dawhkan kan kil fel vel ah ani chuan ngawi rengin a ei mai a a hmel muk leh thim ruih chu hmuh a nuam chiah lo Alex pawh chuti tho, Pi Thantei chuan tit hmel deuhin chaw chu a bar mawlh mawlh a ka riltam tho mahse ka ka hian a chak thak lo



"I duh zawng kan siam lo em ni?" Ka chaw ka melh reng laiin Zoramsanga chuan a rawn ti thut a ka phu deuh zawk,chawhmeh chu ka en kual a ka duhzawng chu sawiloh nitin hian ka duhzawng ai a sâng vek ani kan hmeh thin zawk ani ei pawh ka ei tui thin thin ngang bawk a



"Duhzawng e.." tiin chaw chu ka hawp a,a ma tih dan atir atang a ka lak vangin fork leh spoon nen ka ri thlap tawh



"A that chu.." bung zet hian ati a melh pawh min melh lo min biak lai khan "Pi Thante, Thansangi hi naktuk atangin alo kal tawh dawn lo a nula dang zingkar ah an rawn kal anihchuan ilo hre nghal mai dawn nia in hmelhriat tir na hman a awm lo ang" a ti duah a



"Awle..ngati nge Thansang I thawh dawn tawhloh a? Kan va ngai dawn che ve" a hmel ah chuan a lungngai tak tak tih a hriat theih,ani pawh Oliver ang tho kan in hriat na leh kan thawh dun na la reilo mahse nitin in ah kan in awm chilh a nu ang maiin ka en hman bawk a ani pawh hi ka ngai ve ngawt ang helai ah hi chuan lung ti leng tawk tur vel chauhin a ni ka awm hman dawn tak




Chhang turin ka ang zuau tawh " hna dang tha zawk a hmu a,nau awm au chuan a chhungkaw tan leh a ma tan pawh a tha zawk" alo ti leh hmuk a,ka awm tih nawm loh a tum ni ber hian ka hria!



"Aw anihchu I va ngaihawm dawn ve kan awm ho nasa ve tawh sia" tiin a nui sen sen a,ka nuih let ve ringawt engmah ka sawi ve tawhlo



"Ka thawh san ang che u.." tih leh din a rual a kitchen a chhuahsan chu kan en zui thap,a chet phung a leh a hmel ah lawm loh na lian lutuk anei tih kha kei chauh lo pawh hian an hriatthiam ka ring



"Nizan a mu tha lo a mawn le?" Pi Thantei chuan ka deuh hau pahin ati a



"Mu tha ang,a chhuah hma ngai lutuk hi a lungawi lo aniang" ka lo tihsak a a nui hak hak mai, Alex chu a tho thut a



"Nangmah vang anihkha" melh zawk pawh neilo chuan ati a, Pi Thantei nen chuan kan in en ringawt



"Tu zawk..?"kitchen chhuahsan a tun lai chuan ka ti zui a


"Nangmah kha.." tiin a chhuak zui a hei pawh a boss ang chiah ani sual reuh lutuk



"A ni lah tak ang a! I thawh tawh dawn loh vang te hi ani mai lo maw?" Pi Thantei chuan a lo ti veleh a ka ner nawng ringawt "eng hna nge I thawh dawn reng reng a? I ngaihawm dawn emai a"



"Cosmetic dawr ah ka thawk dawn a,thawk ti ila ka nghal dawn ani ber zawk nangpawh I ngaihawm dawn la in hrawn reilo mahila ka chung ah I tha bawk si" ka ti ve luam a



"Oliver pawh a lungleng dawn anih hi.." a ti chuai raih a,ka kal tawhlo tur a lo huphurh ve lutuk chu ka khawngaih letling zawk,tih theih dang awm hek lo le nau awm a ka dam chhung hun hman ka duh bik thai silo a lawm



Oliver chuan infiam pui an min sawm vangin Pi Thantei pui lo bawk chuan ka infiam pui a,mipa naupang ani nang in football lampang hi a ngaihsak miahlo reuh a play dough tih vel hian lem siam nuam ati tawp ani mai

img75587544.jpg
img75587544.jpg (22.97 KiB) Viewed 4463 times


"Hello.." chhung thingpui kan in lai in Dr Joseph-a'n min rawn call a,a bengchheng dan ah hospital mi tam na lai ah a awm tih a hriat mai



"Aw ka tibuai che em? Nizan a ka sawi kha I thawh theih dawn chuan hmuh hmasak che a duh a tlai lam I ban hun ah I hman a ngem?" A tih chuan sana ma bih zauh a



"Ui tun tlai chu..englo ka thawh na pa hian nula dang zawn a ngai dawn a hna ban ah te a la zawn hmel sia vawiin chauh awm rei turin min tia" inthlahrung zet chuan ka ti a



"Dar engzat thleng nge I awm dawn? I awm rei dan tur I hriat theih chuan ka lo sawi fel sak ang che" a rawn ti let a ka in thlahrung zual sauh



"Vawiin tlai ah min hmuh ngei ngei a duh ami?" Ka ti leh a theih chu nise ka kal nghal ang mahse ka awm tawp na tur ania bak ah Zoramsanga'n nula a hmuh theih na tur leh ka ban nghal theih na tur anihchuan ka awm rei angai si



"Ka hrelo le ka lo be leh dawn nia,I thawh hma hrilhfiah duh che a nei aniang,kan bia ange lo ngaihtuah lutuk lo la a hmahmawh thlak viau pawh in ka ringlo anih phawt aw " tiin phone a dah zui a



"I thawh na thar tur chu ami?" Tiin Pi Thantei chuan min lo zawt nghal a ka bu nghat ringawt



Tlai lam an Oliver chu naktuk atangin ka awm theih dawn tawhloh thu te ka hrilh ve a naupang te mah nise min ui der ve in Daddy'n a hau che ami a ti ve reng a,ka awm theih tawh dawn loh thu ka hrilh atang chuan min zui kual char char a a chang leh min pawm tlat thul a a awm dan chuan min in ti thiamlo deuh lehnghal



"Pu Zorama khan ka be tlang theilo che atia I duh chuan I haw hma thei ati che anihchu Oliver a chhuahpui dawn a rawn lam ang" Oliver ka bual zo Pi Thantei chuan room a lo lut in ati a



"Kan lo inbual daih a,ka hrelo zawk aniang anihchuan kan chei ange" tiin a thawmhnaw awm hmun lo deuh hlek chu ka hak tir sawk sawk a ka thlak fel hnu ah Dr Joseph-a text in a cousin chu ka hmuh hman tur thu ka hrilh a



"Civil ah lo kal la ka kal pui dawn che nia damdawi in atangin a hla lo" voice in a rawn ti a ka haw hma theih tho laiin dar 4:30 vel thleng chu ka awm lui ta tho a chumi hnu ah civil lam pan in ka chhuak a ka kal dawn a Oliver min ui hmel mawlh kha hmuh hreawm ka ti ve thlawt



"Dr Joseph ka awm tawh aw " civil luh na bul motor vel an park na ah chuan ka ding ran a



"Aw ka lo chhuak hman ani mai lo awm lawk rawh" hmahmawh hmel tak hian a rawn ti a phone ka dah mek laiin doctor pahnih mipa ve ve hi an lo kal a



"E nangmah alaw? Ka hai tep che a I ni khan ka hre reng ani I nghak ami?"pakhat zawk chuan nui var var chung hian a rawn ti a,tunge an nih ka hrechiah hman ni a Dr Joseph-a resturant a lo awm pui ve tu pahnih kha an ni



"Tu maw e Dr Joseph-a a mi I tih? Aw nghak deuh reuh" ka tih chuan an pahnih a in en in an nui suk suk a



"Kan thianpa hi zawng a thlang thiam ani" a tih chuan ka bo deuh hû a chutih mek laiin Dr Joseph-a alo chhuk hlawk hlawk



"Nilo lo hi sawi su ka cousin dawr ah a thawk dawn ah kan in hruai dawn satliah ani hi" nui chung bawk in a rawn ti a,a hmel hmuh hahdam thlak bik lutuk hi Zoramsanga a tan hian ka lo awt thin



"Eh..ka awih peih lo e a,engpawh nise va in ti thinur lo ula aw" ti fiamthu deuh hian damdawiin lam ah an kal chho a



"An uang thin ania ngahmah ngai suh" ka awm nawm loh a hlau ni ber in ka hria..taxi in kan kal dawn emaw ka tih laiin a hla lutuk lo atih vang chuan a bike in kan in phur chhuak a



A cousin a tih Aremi dawr chu rei vaklo ah kan thleng a a hmel ka lo rin dan sa ai in a lang naupang daih mahse a kum erawh a naupang viau tawhlo,kan in chibai a ka thawh theih dawn chuan naktuk atang a thawk turin min duh thu te leh a thil zawrh midang zawrh dan ang lo deuh a nih vang a min koh chhan te chu a sawifiah mawlh mawlh a



"A tawng ran ang hian hna te hi a thawk chak ania" ka beng bul ah Nu Aremi thusawi mawlh mawlh lai kar lak chuan a rawn ti a ka nui sup ringawt



"Nang lah hi a,hna hi chu tlin hle ka duh a law. le aw" a rawn ti ve a,a duh ang tawk a sawi zawh hnu chuan zing dar 8 a kal a zan dar 6 thleng in hawn angaih thu te min hrilh leh in a dawr chu kan chhuahsan a khua alo tlai ta ruih mai



"I haw tlang dawn em?" Dr Joseph-a helmet khum mek lai chuan ka ti a



"Dawn lo e,ka night leh dawn silo a ka awm rei deuh angai dawn a "a tih chuan bu nghat in a hnung ah ka pakai ve nghal a



"Thil min ei pui lawk la" tlan pahin atih chuan ka chhang lem lo a tlai tawh tih ka hria a Sawmtei awm mahse thil ka ei leh chuan chaw pangngai ka ei theihloh ka hlau laklawh deuhin zan ah te ka tam leh si anga a buaithlak



"Ka lo kalpui ang che haw nghal tawh tur ka ni sia thil chu ka ei ve kher lo mai ang"ka tih chuan a ngawi deuh vang vang a



"Aaaa,I ei ve duh hran loh chuan ei lo mai zawk ang " a tih vangin ka in ngaihtuah neuh neuh a " zing atangin thingpui bak ka la in lo a emergency neuh neuh chawhma lam ah kan ngah bawk nen ei lo in ka tlang zel a ka la haw mai dawn silo nen chhuah tak ah chuan ka ti mai mai mawle"



"A nihchuan ei ila chutiang em em a awm te chu I cher chhe vek anga sin" ka lo ti ve vat a,tlem te chu ka ei ve ngei angaih hmel Nu Aremi bul ah min kalpui leh bawk sia ka ba ani mai



Restuarant kan hmuh hmasak ber ah kan chawl a kan thu fel chiah Dr Joseph-a chuan Nu Aremi chu fel ka ti em tih te min zawt a thawh ka chak leh vaklo anihchuan sawi hreh lo turin min ti ve bawk a mahse a lan dan ah kha chuan thawn a hreawm hmel loh min vil chawt dawn pawh anih hmel loh a nghah pui pakhat ka nei dawn hlauh zawk anihkha Nu Aremi sawi dan chuan



"In hna hi a hahthlak thin awm,zankhua ten men a ngai anga ka theih chi anih ka ringlo reng reng keichu" sawi tur ka hriatloh em vangin an hna chungchang chu ka sawi ve tawp a



"Hahthlak chang chu a awm a mahse tet lai atang a ka nih tum kha ania nuam ka tih chang hi a tam zawk damlo zing ah hian nuihzat thlak deuh deuh te hi an tam ve thin bawk a" tiin min chhang mai a, Feli nen kan in entir lai kha ka hrechhuak min jection dawn khan kan van tap nasa tak! Dr Joseph-a leh a mah pui bawm tu nurse khan min nuih char char anihkha



"Aunty...?" Dr Joseph-a nen kan ti ti laiin khawi atang nge pawh ka hrelo Oliver aw ang chiah ka hre nawlh Aunty min la ti zui!



"Ui chu chu..! Tiin ka hawi kual vut a kan thut na hnunglam VIP room awm na lam atang chuan Oliver a lo ding heu anihchu! Zoramsanga ka zawng nghal vat a ka ein ang chiah in a hnung ah a lo lang ve nghal a ka beisei tel hauh loh Lana pawh an kiang ah a awm



"Aunty..I leng ami?" Ka bul ah rawn tlan phei in a ti a sawi mai tur pawh ka hrelo Zoramsanga te pahnih chu ka melh a ani chuan reilote bak min melh lo, Lana erawh chuan eum lutuk in min en a a fapa in chutia min rawn hnaih chiam chu a hua ni ber in ka hria



"Aw..aih aw hei doctor nen hian kan leng a" ka ti bah hrep a,chutia Zoramsanga te pahnih ding dun chuan ka awm an ti nuam lo ru a diktak chuan ka thik,mahse tih lan loh ka tum hram hram



A chhan chu ka lak ah dawl zawr a zawr tur khan ka duh miau a lawm le a nungchang leh miza chapo lutuk te kha siamtha phawt se ka duh ani mahse tun ah chuan saw,a nupui hlui nen an in kai lo chauh anih saw nizan te kha chuan a nupui duhlo ni awm takin a awm a tun ah an chhung in an chhuak ho leh tho si! dawl zawr a zawr chu a hnai lo, hepa hi chu a thu ang lo chuan a awm duh hian ka ring ta nek lo e



"Oliver Aunty a buai anihkha..kal ang" a rawn phei hlawk hlawk a a rawn kal hnaih pauh leh ka lûng phu hi a rang tual tual ani ber,a rim pa hrak mai ka lo hip ruk vawng vawng lai chuan kan bul a rawn thleng der tawh Lana pawh a rawn kal tel ve nghal



"Kal ang le." Tiin a fapa chu a kai a an chhuak nal nal, vawikhat te pawh min melh lo, Lana chuan



"Couple goals.." ngeiawm lutuk in min kal pelh dawn chuan a rawn ti a,a ruk in ka in hum ruh nghek ringawt

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:27 pm

CHAPTER-22☄️



"Kan va lawm ve.." ngahmah ngailo ang maiin Lana hnen ah chuan ka ti ve hlak a engmah sawi zui lo in a chhuak nghal nal nal



Darthlalang lang tlang thei vek a nih avangin chiang takin kan lang a,Zoramsanga chuan car a lut mai lo in kan lam a rawn hawi reng,ka va hmuh fuh vangin ka thlir ve reng a a hmel ah chuan lungngai a ang hle bawk mahse engvang nge a lungngaih ang?



"A mah saw em ni?" Dr Joseph-a tawng ah chuan ka khap zawk a a ni pawn ka hawi na lam a lo hawi ve reng tih ka hre chiah



"Eng maw? " Ka hrethiam chiahlo chuan ka ti a



"I bialpa I sawi kha.." a tih tak ah chuan Zoramsanga te lam ka va melh zawk a car ah a lut fel chiah an tlan nghal a,ka rin loh deuhin Lana chu an kiang a kal zel lo in motor dang chuan kawng dang ah a kal ta daih a



"Sawi hreh chuan sawi kher angailo a ho lutuk ka zawt mai mai che anihkha,a mitmeng ah khan ka hrethiam vek tho a lawm" a tih chuan ka nui suk ringawt



Ka chhan loh chhan pawh Pathlawi ngaizawng nih ka zah vang lam anilo a,tun kan boruak chhiat lai ber kher a kan pahnih inkar sawi lan ka duhloh vang zawk ani,thil chu a ei mawp mawp a a awm tih nawm nan tlem ka ei ve bawk



Kan ei zawh ah civil lam a pan a min hruai a duh viau na in a la bang silo a kei in taxi la in kan in ka pan a,khua pawh a tlai ve ruih tawh,in ka thlen rual chuan thil rim tui lutuk ka hre nghal zat Sawmtei siam ani ngei ang



"Ilo haw a law chaw ei ka la peihlo deuh a ka peih tep" chet sawk sawk pahin a rawn ti a



"Um.. hmahmawh suh thil ka rawn ei haw leh sia ka tam lo rapthlak ania..ka pa a rawn haw tawh em?" Ka tih chuan a bu nghat a



"Aw nidang ai in a rawn haw hma a" tiin a chet zawm mawlh mawlh a



"Ka han inbual lawk anga ka rawn pui ve ang che" tiin ka chho a,ka hna thar tur pawh ka pa ka la hrilh lo a chaw ei na ah ka hrilh tawh mai ang



Room ka thleng chho chiah call ka dawng a Zoramsanga a nih avang in lak ka tum lem lo..khum ah phone ka dah a ri tawp chiah a rawn ri nawn lehnghal peihlo zet chuan ka pick a



"Zan ah ka lo leng dawn" a rawn ti bul hmuk



"Engatan? Lo leng duh suh ka mu hma dawn a" ka ti ve hmak a



"Aih kan inkar hi hetiang a awm reng ka duh lo,ka lo kal ang..chuan" a ngawi vang vang a dah ka tum tawh laiin "khawngaih in tumah inleng nei suh..kan pahnih a inbiak ka duh" ngen ngawl zet hian a rawn ti a ka hresual zawk emaw ka ti hial Zoramsanga'n khawngaih min dil a maw?



"Ka dah phawt ang" tih leh off ka rual a,a rawn kal tak tak awm lo emai tiin ka ngaihtuah a ka inbual ta hmak



Ka inbual zawh ah Sawmtei pui turin ka chhuk a chaw ei a lo siam tawh si vangin ka thu deuh tawp,chaw ei lai chuan kan ngawi deuh thap a "hna thar ka nei a pa.. naktuk atang in ka thawk ang" ka tih chuan min rawn en nghal vat,ka ril ala tam loh em vangin ka chaw chu ka Chawk let ka Chawk let a



"Um i tih dan dan a tha a lawm..nau awm a in hlawh reng zawng nuam pawh I ti bik nang" a ti mai a min sawisel sak lo bawk a ka thawveng huai



"A nihchuan Sawmi hi a thawk thei dawn tawhlo ami? Zorama hnen a I thawh vangin hetah a rawn tir ani sia" Rosangi chuan alo ti ve vat a,a ni chiah mai Sawmtei chungchang ah pawh hian biak ka ngai



" sawi fel dan a awm mai ang" ka ti mai a Sawmtei chuan engmah a sawi ve lo na in a hmel ah erawh a rilru a buai ve hle tih a hriat theih



"Nia han thawk reng thei se a duhawm,a awm loh chuan in chhung a bal leh chak dawn emai" a tih chuan ka thaw hak a



"Nia..a che tur diktak chet peihloh a Sawmtei a awm tawhloh phei chuan a bal chak viau ang" ka ti ve kher a a tawng zui tawhlo



Chaw ei kham ah Sawmtei nen in pui tawn in kan zawh hnu ah ka sawm tlat vangin film kan en dun a " zanin chu kan va chhuak lawk ange kan pu a dam loh na a rei tawh a kan va kan ve loh chuan, Sawmtei a awm tho bawk a " room atang a ka pa lo chhuak in a rawn ti a



"E anihchu va kal rawh u kan lo awm ang" ka ti mai a,a hnung ah Rosangi pawh a rawn chhuak ve nghal,a la upa zawk zawk lo bawk a chhuah dawn hi chuan a ling ve vut ziah,an nupa a an chhuah hnu chuan Sawmtei pawh a zangkhai sawt hian ka hria a tawng duh ve bawk



"Khi film hmuhnawm zia khi hman ah khan ka en tawh a ka en ning theilo"phur zet hian ati a



"Ni chiah e keipawh hmuhnawm ka ti changtnu hi a hmeltha ka ti tawp a" tiin kan film en mek chu kan sawi dun char char a



"U...?" Blue Lagoon hmuhnawm ti lutuk a ka melh ngat ngat laiin Sawmtei chuan arawn ti a hawi pawh hawi lo in ka eih ringawt "U ka pu a lo kal.." Sawmtei'n a tih tak ah chuan kawngka lam ka hawi a Zoramsanga a lo ding run mai! Alo kal tak tak pawh ka ringlo asin le



"Lo lut rawh.." ka ti thla ve mai a ani pawh ngawi rengin kan ep chiah couch ah chuan a rawn thu ve a



"Naktuk pho tur in ka va in su lawk teh ang pho mai awlsam in lo awm se" Sawmtei thawh tum chu ka vuan bet a Zoramsanga awm vang a kalsawn tum ani tih ka hai lo



"Ngailo a hmahmawh thlak loh khi I en chak em kha en mai mai rawh vawiin nileng in I che tawh a tawk tawh" ka ti tlat a,a ma tan ni mahse Zoramsanga nen chauh kan awm dawn vangin kalsawn lo se ka duh



"Pi khan in suk hmanhmawh thin turin min tia ka va su zuai ang" tiin a tho lui ta tho a ka va ngei tak! Keimah chuan ka thu ngawi ta reng a ka film en lai pawh ka tui tawhlo a ruk in ka tang deuh tung bawk



"Kalo thu phei.." ka chhan na pawh nghak miahlo in ka bul chet ah a rawn in sawn nghal a a rawn thu chiah chu ka te nghal rawih rawih in ka in hria



"Khawi ah nge Oliver? Nizan pawh khan ilo hruai tawh silo a" sawi tur ka hriat chhun chuan ka be mawl tawp a



"Kan nupa thar nen Pa zaua te in ah an leng..nizan ah pawh khan a leng tawh" a ti mai a chhan dan tur vak ka hriat tawhloh vangin ka ngawi reng a,ani pawh a tawng tawh chuanglo rei fe kan ngawih hnu ah a mah zawk chuan



"Engtik thleng nge tiang hian kan awm dawn?" A rawn ti ta nge nge a,a mah chu ka en a TV lam a en tlat thung



"Buai na a awm chhung chu ani mai.." ka ti sam et ringawt a sawi ka man vek a zawh chian kual vel tul in ka hrelo



"Lana nen kan inkar ah engmah a awm tawhlo ka tih kha...thawh pui ang bak in " a tih chuan ka nui huk hak



"I thawh pui ania..in chhung in I chhuak leh tih na ami?" Ka ti chang fak



"Oliver vang chauh anihkha" a tih chuan awihlo lutuk in ka ner sak a



"Lana nen kan inthen hian court ah a zualko a kan buai chho a, Oliver kawl tu nih kan in chuh a ka chang hram..mahse court chuan Lana tan a fapa engtik lai pawh a hmuh a phal sak a chu chu keiin ka lo phallo anihchuan Oliver hi Lana ka enkawl tir angai dawn a ka hmuh ve pawn a thiang tawhlo ang"



"Enge awmzia? " Ka bo deuh vangin ka ti sap a



"Thawnthu sei tak ani.. Lana hian a duh hun hun ah Oliver a hmu thei a,chu chu duhlo a ka phallo emaw Oliver ka thukru anih chuan Lana hian court ah engtin pawn min hek thei a chutiang a thleng anihchuan jail hial pawh ka tang thei..chuvang chuan Lana leh Oliver hi ka awmdun tir ve fo angai"



"Chu chuan nang leh Lana chhuak dun ah hian enge in zawm na a neih?"



"A mah chauh a anu hmuh ka phal hleinem, Lana hi I la hrechiang lo anihkha keichuan kum tam tak ka hre tawh...ka fapa hi ka neihchhun a ni chan ka hlau hle bawk..anu a hmu tur pawn a mah chauh a kal ka phallo a chuvang a an kiang a awm ve zel ka ni.. vawiin tlai ang chiah khan"



"Ka fapa hi chu awm lo se Lana kiang a ka awm chhan tur a awm lo...hna chu thuhran" a ti duah a



"Bak ah helai ah in awm a court chuan engmah a rawn hre zui lo ang" ka la ti hram



"Nilo e Lana hi Oliver nu ani a engpawh sawi se min hek anih phawt chuan court hma ah in lan ngei ka ngai dawn..chu zawk chu ani Lana tawng leh tawng loh ah hian thil a in nghat thui lutuk.." thinrim aw lek lek hian ati a



"Diktak chuan maw.. Lana chu dah tha tawh ila I sawifiah tawk tawh in ka hria..I mi zia I nungchang te hi ka duhlo,I chapo a I chet dan lah a huat thla la awm thin lutuk bawk,min duh ngawih ngawih ang in I awm a a chang leh ngahmah min ngailo ang mai in khawsa leh bawk a!"



"Ka tan chuan hriatthiam a har ve em asin..min duh tih ka Chiang dawn chiah a min duhlo ang hmak in I awm a Lana I in a alo kal hmasak ber zan te khan min haw hma tir anihkha..khang te kha ka tan chuan a rilru nat thlak.. engkim min hrilh thei reng a sin"



"Ka thiamloh anihkha... Lana vangin ka thinrim a zu pawh ka rawn in haw..ka haw hma tir chhan che pawh Lana rawn lan vang a I awm nuam lo tur ka hriat lawk vek vang ania.." a sawi dik chiah Lana kha ka awm laiin rawn kal se chuan nilo lo a ngai in engtin emaw tak ka awm ngei ang



"I bialnu a min ngai anihchuan min hrilh tha thei a,a zan thleng in min be tha lo a I tawng hmuk hmuk bawk khatiang khan tumah an bialnu te bul ah an awm ngailo" ka la ti ve talh thung Lana sawi chuan ka lungawi lo telh telh in ka in hria



"Ka hria..ka hrethiam che ka thiamloh vek anihkha, Lana hian thinrim na tur tam tak min thlen a ka hmuh tawh chuan thinrim na in ka khat a in thunun har ka ti thin"



"A nihchuan I inthiamlo tih na ami? Nge ni a thiam thu sawi tur chauhin ilo kal..?"



"Aw..ka thiamlo tih ka pawm,ka miza hi a tha lo tih ka hai lo mahse ka nun pui hneh tawh lutuk a in thunun har ka ti..I lak ah ngei pawh ka in thu nun zo lo..."



"Kan nun dan in ang lo tak te vang hian I lak ah engtia awm tur nge ka hrelo..mipa tha tak ka nilo a chuan pathlawi fa nei tawh ka nih laiin nang nula la naupang tak in ni a,chu chauh pawh chuan min tibuai a mahse neihloh 0hah che ka tum miahlo"



"I lak ah engtia awm tur nge ka hrelo mai zawk ani..engtia care tur che nge pawh ka hrelo chuta kar ah mipa pangngai ang in ka awm theilo a,a chhan pawh fa ka nei tawh vangin... tlangval ang in ka duh na ah khawi hmun ah pawh ka kal zung zung theilo a,in ngaihzawn na lam hawi in I duh leh chak a piang ka tih pui ve thei vek lo che I pa atang hian pa dinhmun chu I hrethiam ang" atih chuan TV melh reng chungin



"Chutiang chu ka hlim pui in ka kawp reng theih I ring ami?" Ka ti sap a,ka sawi diklo bik lo kan duh hun te kan mamawh hun te a kan kiang ah an awm theihloh chuan kan hlim pui reng theilo in hmuh thiamloh na a thleng anga a tawp ah in then ani mai



"Min care tawk loh zia leh bialnu ang pawh a min treat loh zia chu ka hria a lawm..kan buai na pakhat pawh anih reng hi" ka tih chuan a thaw hawk a



"Pathlawi ka nih avang hian tawn hriat ngah a
leh zei tak..bialnu care tak leh tih dan thiam lutuk ah min ngailo la mipa pangngai tawn hriat la nei manglo ang in min en zawk rawh,nupui ka neih avang hian hmeichhe tih lawm dan thiam tak ka nih phah lo a keimah ngai tho ka ni.."



Mipa nupui nei tawh ani a chutiang peh zel hrelo leh thiamlo tur chuan ka awih hauhlo tiin ka rilru ka ti khauh lui tlat,nupui a nei a fa pawh an nei..a nupui lak a a chet dan thin ang zawng zawng chu ka lak ah a thiam ve lo a maw min ngaihsak te leh ka duh dan ang tur a awm te chu?



"Ka mizia tha lo tam tak a awm..min zilh a min hrilhfiah turin nu leh pa ka chân hma a,ka chapo tih ka in hai lo mahse nu leh pa tello a ka beih na thil te khan min chher hriam mah mah a ni mahna ka tha tawk ah ka in ngaih phah fo a,chu thil chu I duhloh ber alo ni thung a..ti lawm a ti hlim tur che hian hmeichhia ah tawn hriat pakhatmah ka neilo chu chu kan in kar thatloh chhan ani tiraw?"



"Min hrethiam reng rawh ka tilo, ka nih na tak ka hrilh che anihchu,ka in siam tha lo ang ka tilo a mahsela ka in siamthat theih nan hun min pe la ka duh a min thinrim khum lo in keimah a tha lo I tih zawng zawng ka thlak danglam theih nan min nghak la ka duh mai zawk ani"




A rilru tak tak a sawi tih ka Chiang a mitmeng ah fiah kher ka mamawh lo ka thinlung hian a ring tawp,mahse tun ah hian ka pawm thei angem ka hrelo hun pe ila ka nat phah mai mai angem? Lana a awm reng a office khat ah thawk in nitin an in hmu anga,nilo nilo Lana a duhloh thu leh court thu chhuak vang chauh a an kiang a awm mai mai ani tih a sawi anihkha




"Doctor nen khan inlaichin na in nei hman em?" A thil sawi zo zai ka ngaihtuah ngut ngut laiin a rawn ti thut a " Ok min chhang duh kher lo mai rawh." ka chhan miahloh vangin a rawn ti nawn leh zat a



"Ka kal ange mu hahdam rawh..hna thar nei I nihkha" tiin a tho chhuak a,chelh ka duh viau rualin tun tut tut a ngaihdam emaw pawm mai chu tlawm thlak ka ti ve si,a chhuah hnu ah chuan kawngka ah ka va ding a phone alo hmang tawh kan step ah chuan a ding reng a thawmhnaw dum vek in bel in a chhelo takzet



"Nana.. hmeichhe dangdai lutuk ani ka tih tawh kha..ka zar buai fo chuan min haw zual mai mai ang a tan a tha ber tur a a ngaih mipa a thlang ani mai.." a tih ri ah chuan pan ka tum lai chu ka ding chawt a



"Nilo e Nana..keimah zawk a lawm hmeichhia thinlung tak a ka duh hmasak ber ani ka tih tawh kha.. Lana nen bul kan tan chhan I hria a,ka hmangaih ngailoh zia chu a tir atangin I hre vek alawm tiraw? ani hi a hmasa ber zawk ani ka tan chuan"



"Aw..Chuvang chuan tih dan ka thiamlo ka mizia a duhlo a ka awmdan keimah pangngai tawp hian ati lawm ve lo mahse ka duh..ka ta nise ka ti..nilo e fa ka neih tawh vang chuan min hnar lul lo ang..keimah ah hian that tawk loh na tam tak a awm a ani tan chuan hriatthiam a har lutuk mah mah aniang"




Eng zo zai nge a mi biak chuan a rawn sawi ka hrelo Zoramsanga chhan na lah chu ka hrethiam mang bawk lo a mahse keimah min sawi tih chu ka hria



"Aih nilo e..tun a ka awmdan pawh a duhlo a neih ngei tum a ka beih phei chuan min haw lutuk ang ka duh nei tura ka beih na kawng a ka rapthlak thin zia hrechiang tu ber I nihkha..a duhthlan na hi ka zah sak tul in ka hria..kan tan a mi hlu tak te an hlim chuan keini pawh kan hlim ve mai thin I tih fo kha.."



"Kan tan a mi hlu tak te.." ka phun sap chu hria in a rawn hawi nghal vut a biruk na hman a awm tawhlo ka ding khawng zuarh ringawt,rang lutuk in phone chu a dah a



"Kan lo in be tui deuh anihkha" a tih chuan ka bu nghat a



"Englo.. Dr Joseph-a nen kan in ngaizawng lo" ka tih chuan awih loh hmel si hmel nung lutuk chuan min en a chhungril ah a hlim tih a hai theihloh reng reng



"Tak tak ami?" A aw te chu a lawi vek in ka hria,a lawm lutuk vang nge a awih loh lutuk vang lam chu ka hrelo



"Aw.. vawiin tlai pawh khan ka thawh na tur thar a min hruai vang ania kan in zui chhuah" ka tih chuan eng thawl ta huai ang hian a thaw ham ham a muangchang chuan a rawn pen chho a kan in hmachhawn ta ran mai



"Ka lawm zia hi I hre kher lo ang..tih lan dan ka thiam lo mahse ka chhungril ber atang hian ka lawm..ka hlim mah mah zawk" bah zet hian a rawn ti ka nuih let suk



"Tunge Nana I tih kha? Lana chungchang ah khan" ka ngawi leh rih a,an nupa thil a in rawlh chu ka duh viau lo na in hriat ve chu ka chak "ngati nge hmangaih lo in I neih?" Ka ti chhuak tawl a



"Ka pi ania..ka nu leh pa awm loh hnu a min enkawl tu.."



"Sap ami? engtin nge I tawng kha a hriatthiam a?" Ka ti lehnghal vat a



"Aw.. Oliver ang hi ani mai kan tawng a thiamlo na in ka sawi chu a hrethiam vek tho.."



"Chuan Lana chu..?" Ka tih chuan a thaw hawk a veilam a veranda awl tlem te ah chuan a phei a bar chu vuan in min hnungchhawn zawng chuan a ding ngawi vang vang a keipawh in pan in a bul te a chuan ka va ding ve a



"Kan chesual palh a.." inthiamloh na lian tak nei ang mai hian a ti chhuak hrawih a " Nana min enkawl hnu atang a in hria kan nia tleirawl hma atangin kan in kawm a kan len thleng in..mahse kei chuan thiantha lutuk ang bak in ka en lo ani erawh chuan min duh thung"



"School party ah vawikhat ka kal ve a,ka rui lutuk ka in sum theilo leh ani in phal bawk si kha ka mutpui a a rai avangin ka tih tur diktak tiin nupui ah ka nei a"



"In van innei hma ve"ka ti hap ringawt,ani pawh a bu nghat a "mipa I nih ang a I tih tur I hlen ani a mahse I hmangaih lo a I nei tho chu a dik in ka hrelo" hun kal tawh mah nise ka rilru ang ang chu ka sawi ve pawp pawp



"A dik a lawm..mahse ka neihloh chuan hmusit peh nuihzat a hlawh dawn a sin,ka hmangaih lo mahse ka tih sual ve tho ani a chuvang chuan keipawn ka tawrh angai lawm" atih mek laiin a phone a rawn ri a



Caller ID a Lana hming ka hmuh rual chuan ka bar vawn lai chu na zet hian ka hum a,a pick zawk dawn emaw ka tih laiin a off hmak thung..a off rual a a wall ah a mah ni awm tak leh hmeichhe pakhat naupang te mai thalak dun ka hmuh chuan zawh chian chak na in ka khat



"Tute nge I hre duh ami?" Ka lo melh ru reng tih hria ninawm tak hian a rawn ti a



"Aih Lana leh nangmah ani mai lo ami?" Ka lo ti sam et a anui ta suk



"Nangmah leh keimah.." ka ka hau a ka awih lo lutuk bawk si chuan ka melh vak ringawt "ila naupang lutuk a I hre tawhlo anih dawn chu..in Chhungkua leh kan Chhungkua kan in hmuh tum khan kan la dun a lawm a rei tawh lutuk hei I hmuh ang hian ila chum chiap em hi" a sawi tawp lam chu a nui ti tih deuh a



"Ka awihlo e a..thla la dun ila chuan ka nei ve ang chu" ka la tihsak talh



"Ka pa lak ania..I pa te hnen ah a thawn ve lo aniang..unau ka neihloh vangin nau ah ka ngai tawp che a he thlalak hi ka ngai hlu hle bawk ka pa khan min print sak in khulam a kan in ah ka room ah khan lian takin ka tar nghe nghe"



"A mak.." ka ti leh ringawt a, phone chu ak tha in ka kawng ah chuan muangchang hian a rawn kuah a chutah Chiang zet hian ka melh a min kuah nghet mai lo in a kut chu a la sawn leh daih



"Dawl ai in I zawr anihloh chuan min beisei suh ka tih kha" fiamthu lek lek chuan ka ti a ka sawi hmasak kha chuan ka thinrim tun a tun ah chuan fiamthu ah ka la deuh tawh



"Engtia zawr tur nge? Ka zawi viau dawn nge I thu thu in ka awm dawn?" A hmel ah thutak viau mahse tih dan a thiamlo lutuk chu ka nui tawp.. Pathlawi zawng zawng an zeilo tih hi ka Chiang ta viau e



"Ka thu thu in awm la ka ti kher lo I induh tawk na te hi sim la min duh tak tak anihchuan tu hmeichhia mah chhuahpui tawh suh Lana pawh nise.. Oliver chungchang ah chuan ka hrethiam thei che a Oliver tello a ka hmuh cheu chuan.."



"Oliver vang a Lana ka chhuahpui bak tunge ka chhuahpui tawh a?"



"Angely.." ka lo ti nghal vat "in ah te I hruai lut a thawmhnaw te pawh I hak tir vel a..ka mil thlawt lo khanu kha"



"Ok..a thleng nawn tawhlo ang,ka tiam a che" a ban a phar deuh hluai a



"Anih leh..engtik atang khan nge min duh?"


"Ka hmuh hmasak ber atang che khan.."


"A ni maw? Mahse ka awih miahlo e a"


"I awihloh chuan ka fawp mai ang che..I hmui hi ka ngai tawh lutuk" ka phal na pawh nghak hman hauhlo in min pawt hnai lawk a duhthawh lutuk in min fawp nghal tawn tawn

IMG_20210806_195956.jpg
IMG_20210806_195956.jpg (33.01 KiB) Viewed 4773 times

Aih ti a ka chhan dawn bik miau loh avangin keipawn ka chhang let ve hmiah tho,mahse kawngkhar thawm ah ka harh chhuak thut a Zoramsanga nem ka sawn a ka in siamtha nghal mawlh mawlh



"U ka haw aw.." ka in siam tha fel chiah Sawmtei a rawn chhuak a Zoramsanga la awm bawk si chu mak ti deuhin min en a



"A aw awle ka lo thlah dawn che ami?" Ka ti bah hrep a hnunglam ah a ruk in Zoramsanga chuan ka mawng alo chul kual lehnghal!



"Aih angai lo mai kan in hi a hla vaklo a ka ngaihtuah awm lo ang" tiin a kal zui mai a hmanhmawh lutuk in in ah ka tlan lut a Zoramsanga nen chauh a kan awm dawn tawh vangin kawngkhar khar hnan daih a hnawh haw ka duh tawh Sawmtei a awm tawh silo



"I va chak reuh e..!" Khawngkhar chu Hawn a rawn chuh ve a kan in chai miah miah,mipa zawk na na na chu ka hneh ngang lo a rawn lut tlang tho kawngkhar chu khar bur in ka tlan sawn leh tur chu min man bet a ka rak that bawk



Couch ah chuan min bawh bet in ka kawr chu a hlim chho a ka tang leh nghal tung tawh,a dar ah chuan ka hmer deuh salh a,chutah a lei lum ham ham chuan ka kekawr kawng chung chiah taksa ah chuan li*k in a rawn li*k chho zel a ka bra nawr tawm in ka hn**e a rawn hmuam nghal chat



"Nilo..nilo duhtawk rawh! chu an lo haw ania" nawm na ka taksa in a tawng tan mek tih in pawn lam ah thawm ka hria a,ka pa te an lo haw ani ngei ang



"Hrep chuan..!!" Ti bui bui chungin a tho kang a min pawt tho ve nghal bawk,kan in siamthat zawh rual chiah in kawngkhar a rawn in hawng a,engmah thleng lo ang a lan chu ka duhthusam ani



"E Zoram ilo leng a law?" Ka pa chuan a rawn ti a,kan ep chiah ah rawn thu thla in Rosangi chu room ah a lut tlang daih



"Aw leng a mahse hei haw ka lo tum chiah a..I fanu hian in awm lo chu min duat teh chiam lo a" fiamthu ni si hian a ti a



"Ani a mawn le.." nui pah si in ka ngei vang chuan a hnung zâng hlai zet ah ka beng thlawrh



"In leng hi a nei khat lutuk a,awm dan athiamlo anih dawn kha lo hrethiam rawh hei kan pu te kan va tlawh e ka tia..I rawn len leh chuan kan in kawm tawh dawn nia" alo ti let veleh a



"Ka haw phawt ange ka fapa ka kalsan rei tawh mah mah a" tiin a tho hluai a,thlah beisei zet in min en a mahse ka pa zawk a thawh si vangin lawm lo hmel deuh chuan a chhuak nul nul a keipawh room ah ka chho ve nghal,ka in phih fai a night cream ka in hnawih laiin ka phone ah massage ka dawng a,ka en chu mak tih lutuk vangin ka ka hau ringawt



"Singkhat maw? Khawi atangin?" Ka ti chhuak that a,bank lam atang in cheng singkhat lai mai ka account ah a rawn lut tih ka dawn vang ani.. chutih mek laiin massage Zoramsanga hnen atangin ka dawng zui bawk "I hmu em?" tih te zawng hi a rawn thawn a ka call nghal



"Aw ka hmu a nangmah ami rawn thun?" A pick rual chuan ka ti nghal a



"Aw I thawh hlawh.." ka thaw deuh hawk a



"Thla khat em pawh ka thawk hman hleinem a pangngai ah phei chuan sangruk kan tia hetiang em em chu ka duhlo ka pe let leh ang che"



"Ngailo.." a rawn ti deuh hmuk



"Tha deuhin awm I tum ani lawm ni,tiang em em chu ka lawm miahlo ania aw ka thinrim leh vak ang" ka tih chuan a rawn nui hak a



"Ok anihchuan nakin ah min pe let mai dawn nia..thu ber nu I ni tawh bawk a lal hrawt dan pawh I thiam hle mai"



"Ka thawh mil kha ka duh a lawm " ka lo ti veleh nghal vat a



"Ka hria a lawm..I duh dan dan in ti la I lak duh miau loh leh I duh ang zat min pe kir dawn nia" thutak zawk hian a rawn ti a,tum ai in kan in be rei ta hrep khum aj thleng chuan kan la inbia





"Hna I kal dawn lo em ni?" Ka pa aw Chiang lo ruai a ka hriat chuan ka thu chhuak zawk a dar zat ka en a ka thaw nghal huai dar 5 a tho tur ah ka in ngai tlat tawh tun atang chuan darkar 3 ngawt in ka mu rei thei tawh a lawm



"Kal dawn e" tiin ka au let a khum atang a chhuk in bathroom la ka pan a ka inbual sawk sawk a, bathroom ka chhuahsan rual chuan nizan thil ka ngaihtuah chhuak thut "ui ka mutthilh san daih ani maw!!" tiin phone ka ban nghal vat,nizan khan kan in be reng a ka mutchhuak lo emaw ka in tih laiin ka lo mutthluk san daih anih hi



"I tho tawh em?" Tih ka va thawn a,a seen mai loh avangin a la mu ah ngai chuan ka in siam san a ka insiam pah chuan thil ngeiawm zet ka hrechhuak a tih chak na in ka khat nghal chul ringawt



Zingkar hma lutuk a ka thawh thin lai ka hmel tur ka in chei lai chuan ka ngaihtuah a mahni te in ka ner sawng ringawt ka chhe thin dawn sia..mawi hnai thei ang ber a ka in chei lai chuan call ka dawng a ka rilru ah Zoramsanga bak a awm lo



"Nizan ah min mut san a" ka pick rualin phak deuh chial hian a rawn ti a



"Nia sawi vak dan pawh ka hrelo ka muhil ve tawp" ka tih chuan a nui thawm ka hre zawm nghal "I van tho tlai em em ve a?" Ka tih chuan a ri deuh rak rak a



"Thawh hma chhan turin ilo kal dawn tawh silo a ka tho hma peih tawhlo" a rawn ti bui bui a a ruk in ka nui suk,nichin a ka ngaihtuah kha ka hrechhuak



"Hna kal pah in min thlah la.." ka tih chuan a ngawi deuh vang vang a "pawilo I hman loh chuan Dr Joseph-a ka in hruai tir mai ang bak ah rawn kual a buaithlak leh dawn si in ka hria Dr Joseph-a tan chuan a awlsam zawk ang anih phawt aw" khi vur vur chung chuan ka ti a



"Teuhlo lutuk..tumah in hruai tir suh keiman ka rawn hruai ang che" a ti hluk a,a ruk in ka nui char char, sualthiam viau mahila ka duh dan a ka kawih her ve rih angai



"Awle ka lo nghak ang che mahse dar 8 ah chuan dawr ka thlen ngei ngei a ngai dawn a I hman lo ang"



"Ka hman.." ti leh hluk in thawm a nei rak rak a, Dr Joseph-a hi chu a ngai na lo mawle " dar 6:45 tun ah dar 7:30 bawr ah ka rawn thleng phei ang"a tiin phone a dah zui a



Inhnuai ah chhuk in Sawmtei chaw ei lo siam mek chu ka pui a ka in chei tawh vangin tih ve erawh a lo phal viau lo,chaw ei na ah pawh ti ti lem lo in kan ei mawp mawp a ka pa pawh tuk dang ai in a hmahmawh hmel riau



"Ka kal.." ka hman vel ah bag ak in ka chhuak a,dar 7:30 a ri vel chiah ang ka rin em em loh in Zoramsanga alo ding reng mai! A rawn kal hman tak tak pawh ka ringlo a nia



"Ilo kal tak tak elaw min van duat" ka ti deuh ngei a a duhloh hmel viau lehnghal



"Ka Duatbik I ni leh tawh ani lawm ni? bak ah kha doctor hruai che ai chuan hman lo mahila ka hruai zel ang che" a sawi tawp lam chu thinrim a ang lek lek



"I ngaina lo ve sia maw,a fel teh ania" tiin car ah chuan ka lut a ani pawh rawn lut in kan tlanchhuak a,ka ngaihtuah chhuak thut an office leh ka hnathawh na dawr hi a in hnaih rapthlak! Engtin nge Dr Joseph-a nen kan kal lai khan ka hriatloh theih chu le?



"Ngai na lo e..a ngaizawng miau che a lawm" hmalam melh pah reng chuan ati a



"Hmm,min ngaizawng mahse a ho" ka tih sak zel vangin ka mal ah chuan a rawn hmer salh a,vin hrep ka tum laiin call a dawng a caller ID en ka tum in ring ka lo fan ve vak bawk



"Tinge a lo call ziah che a?" Lana call a off rualin ka lo ti ve hmak..nizan pawh khan a rawn call tawh



"Oliver zanin atan riah pui ah min dil a,mahse ka phal lo ka tello chuan khawi ah mah a kal ka remti lo hrim hrim anu kiang ah pawh nise" a ti bul deuh hmuk a



"A lo call phah zel bawk che sia" ka tih chuan a nui suk a,ka kut a ka hum lai ka phone chu la lawk in a ma phone zawk chu min pe hlauh!



"I phone hi ka kawl anga chuan kha kha kawl ang che .." a ha var nalh zet lang thah chuan min nuih a



"A teuhlo ka chat te kha..I kawl dawn pawn ka delete vek duh" tiin ka ban zui a a vei lam ip te ah a ak nghal hmak



"Delete kher ngaiin tunge maw ilo biak bik le? Um a vawiin chu hna kan ngah dawn lo bawk a chawlh a piang a ka chhiar atan ti hian awm rawh se.."



"Ngailo..kan thian ho thuruk te a tam lutuk" beidawng zet chuan ka ti a



"Private chauh ka lo chhiar ang thian ho I tih dan ah group in neih hmel bawk a group chat chu ka en lo ang.." ka va han kek chak tak! Private chat phei chu ka phallo zual Dr Joseph-a nen kan inbiak na te kha a hmuh hi a thianglo ani tawp



Han in chuh chiam nan a hmun lo viau bawk nen kuangkuah chungin ka thu tum hmuk a,ka tau der leh tawp mai dawn mawni ka ti..ka tauh chuan kan boruak chhe tur ah te angai anga chuan phone min pe duh mai ang



"Tinge khatiang khan I awm tak tlat a?" Ka thu ngil at a ka in kuangkuah bawk,sam ka thlah bawk nen a thla chhup a a kun ngul bawk ramhuai ka ang viau mai thei.. a aw ah chuan ngaih that loh na atel ni mai hian ka hria ka tau der hlawhtling dawn aniang



"Ka tau mek.." ka tih chuan nui chungin ka hma ah ka phone chu a rawn keng lang ta nge nge e


"Kha.. thingpui chan loh phah nan te a i tih tauh leh reng ai chuan" a rawn ti duah!

Ads click thin in tlem sawt ee, lo click ve hram tawh u la, in hmetlha hlawm bawk sia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:27 pm

☄️ka charger a chhe daih a maw tunlai chu a buaithlak khawp mai,a thar lei emaw tur in kan veng dawr hawn an phal silo a,midang ban tawm turin ka ta in hman tawm sa kan ni bawk sia..pawn lam ta hman sak dawn in tun ang lai boruak ah a chi bawk silo a..hemi chapter bak ka rawn zawm lawk lo anihchuan hei hi information ang ah lo ngai mai rawh u aw🙏☄️


CHAPTER-23☄️



"A tir ah min pek mai tur a lawm" a ah leh daih ka hlauh vangin la lawm lo ang deuh si chuan ka la vat a



"Ni chiah.." tih ringawt in min chhang a



"I thingpui hlawh lo chu ilo van la na awm ve a?" Chat clear pawp pawp pah chuan ka ti a, Dr Joseph-a nen kan in biak na chu delete hmasak ber ah ka nei



"La na ang chu.. Doctor-a ai khan thingpui kha ka phu fe zawk" lawm lo aw zet hian a rawn ti hraih a ka khi suk, Dr Joseph-a nen a kan chat bak chutia han en pawi em em a awm loh vangin ka thaw deuh huai a chutin thian group ah pawh thuruk kan sawi ngai manglo awm hmun ah kan sawi khawm mai thin



"I duhtawk I delete tawh chuan min pe tawh la..chuan password min hrilh bawk la" a rawn ti duah a nui suk in password chu ka hrilh ve mai bawk..kan in kawl thleng leh hun ah te chuan ka thlak leh mai dawn a a dang in



"Chuan nang chu min chuh ve lo bawk a kan check tak tak ange" tiin a phone chu ka hmet eng a password engmah a dah ve lo nia! Wall a kan pahnih thalak a tih chu ka en peh hamsa te te keimah ka ni ngei si tiang hmel te ka pu ania



"Check tur chutiang a awm lo hna thil a ka thawhpui te file ka thawn na bak I hmu teh chiam lo ang" confi zet hian mi rawn chhang a,ner nang chung a whatsapp ka luh veleh kan thleng hnai tih ka hre leh sia check ta lo chuan ka hmet thim a ka thaw na tur dawr bul ah chuan Alex ka din tir a



"I thawh na nen chuan kan in hnaih dawn hle mai..hun awl ah kan in hmuh ziah theih dawn hi" ka chhuk mek laiin a rawn ti a



"Nia keipawh kan in hnaih tih ka hre chiah..." Tiin ka lo chhang let ve a dar 8 rik nan 13minutes vel a la awm..ka tlai lo hlauh e



"E I phone hi ka kawl daih chuan I hna thil ah I buai lo ang maw..?" tiin ka hawi let a



"Buai lo ang.. office hours ah chuan laptop atangin ka thawk tam zawk tho a.." a ti mai a keipawh ka bu ve nghat,mahse Dr Joseph-a khan a rawn call thut angem le?



"Nangmah ami Thansangi" ka thawh na tur dawr atang chuan mipa pakhat a lo chhuak a,mipa ti ila a aw atang chuan a pa zan lo tih a hriat nghal..Nu Aremi sawi ang khan ka nghah pui tur chu aniang



"Aw ni e..." Zoramsanga theihnghilh thak in a lam ka hawi a,a din dan te chu nuih a za lek lek kei ai pawn a zei dawn dawn zawm a lawm le



"Ruatfela ka nia..I nghah pui tur aw" tiin kut a rawn phar chhuak a ka lo vuan ve nghal vat



"Ka kal.." kan in be bik chu alo thik leh tawh aniang bung deuh churh hian min rawn hrilh a


"Uiii..!! Hei hi hman ni a company rawn din thar Pu Zorama kha ami? Oh goshh ka duh theilo a tak ah ka hmu ringawt" a te chul a,awm ngaih na a hrelo ani ber a awm dan chu k-pop fans ni awm ani



"Um ni e.." ka bialpa ani bawk a chutia ani alo hmu a lawm em em chu mahni tawk ah ka lo hawi ve larh larh



"Ui a nuam lutuk hi a hreawm hial zawk!! min lo chibai?" Zah pawh sawilo in car kawngkhar in hawng zawn ah chuan a va ding a a kut chu phur lutuk in a phar chhuak nghal vat



"Ka hmu che chu ka lawm e..heta thawk ami I nih?" Zoramsanga chuan chibai let ve pahin alo ti a,a mah ngaisang der tu lak a awm dan a thiam khawp mai a chibai mai duh pawh ka ringlo a



"Aw ni e..awi I company a thawh ve kha ka chak asin..ka thawk thei ta lo chu ania mahse eng emaw tal chu ka la lei chhuak ve ang"a lawm lutuk vang nge a biang chu a kut lehlam in a dawm char char a a che sek hi ani mai



"A that hlauh chu..ka bialnu kha I thawh pui tur ani bawk a ilo duat deuh dawn nia.." a tih chuan ka awm hmun ah ka lo nui suk suk



"Sawi loh a Chiang sa" Ruatfela chuan alo ti thuai a, Ruatfela kut thlah pahin keimah chu min rawn en a



"Ka kal aw.." tiin a ha var nalh zet lang thah chuan min nuih a bu nghut in ka lo bye bye nghal.. car kawngkhar khar in an tlan zui a



"Engtin nge I bialpa anih theih a? Awi I vannei ber" in hre hrep tawh ang maiin min kaih kuah a dawr ah chuan min luh pui nghal dawr dawr,a che zia chu a lawm awm phian mai nel luih tum hranpa a ngai tawh in ka hrelo



"Nia ka vannei khawp mai.."tiin chair pakhat zawk ah chuan ka thu thak a "thawk thar ka ni sia min kai hruai deuh rawh aw a nihloh chuan thawh tirh a che buai nghal nih ka hlawh mai ang" ka tih chuan phur lutuk in a bu nghat nghat a



An thil zawrh chhuah dan vel leh nileng a awm dan vel te dawr nghal satliah lo deuh kan nih tur thu te a sawi a kha chu Nu Aremi khan tlem a sawi tawh



Tichuan dawr chu kan nghak ve ta ran a nitin mamawh thil zawrh na anih loh avangin dawr tu kan neilo viau ang chu ka tia mahse rawn kal tawk an awm reng mai a cosmetic bak ah sam colour na tih ang reng te ania sam siam na tih ang reng leh a hming a beautician tih vel dawr nei ho in an rawn dawr nasa



"Office ah an in hmu awm reng sia" phone a caller ID ka hmuh rualin ka phun hlak a,chhan loh ka tum zet na in Zoramsanga a beisei theih tawhloh nan leh kan in kawp nghet a kan in rintawk zia tih lan nan phone kan in kawl thleng tih hre hrim hrim se ka duh leh si vang chuan ka pick a



"Zo..Phone pe kir rawh" ka aw a hriat rualin thinrim hmel tak hian a rawn ti bung churh a



"Nilo e tun ah chuan hna ka thawk a khawi ah mah ka kal theilo" Oliver ang tho ang tho a mizo tawng hrethiam tawng thiam silo niin ka hria Lana pawh hi



"Ka pasal hi engvang a zar buai sek nge I nih a? Fa kan nei dun tawh tih te chen in I hria ang chu a in ah chhiahhlawh ang in ilo khawsa ve khanglang tawh bawk a " ka thut na chair ban chu ka huk hrep q chhiahhlawh min ti kher chu ka ngai thei hauhlo



"Zoramsanga hi ka zar buai lo..chuan chhiahhlawh tih tawngkam kha ka lak ah hmang tawh ngai suh ka duh hauhlo ania..e chuan I pasal a ni tawh hleinem a kum a kum in then tawh In ni tih ka hria a lawm" ka ti ve sak a enge ka tlawm bik mai ang ni



"Nia..ka awmloh chhung nawm chen nan leh khawhar tih reh nan a lo hmang che a nang lah chuan ilo la thutak si.. khawngaih thlak lutuk" phone chu dah mai ka duh,ka dah anih erawh chuan ka tlawm tih na lek ani dawn a



"Oh..I pasal hlui nen hian kan thutak khawp mai inneih lam pawh kan hnaih zel lo ang tih ka sawi theilo" zah na pakhatmah neilo in ka ti ve thawr ringawt,a cho chhuah ani pawi ka sawi in ka in hrelo tlat bawk



"Zaktheilo lutuk!! In inkar kha ka hriatloh ring miah suh in chhe mek.. Zo hian nang nilo in kei min hmangaih" in rintawk hmel zet hian a rawn ti a ka lo nuih sak thung, Zoramsanga sawi te kha ka hre reng a Lana hi hmangaih vang a nei anilo tih chen in



"I va hre hlui ve..ka lo hrilh thar ang che tun ah hian I rin phak bak in kan tha tawh ang..I awihloh chuan I boss I hmuh phak ah a awm reng a va zawt la ti nia" tiin ka off zui hmak a ka piah a thu Ruatfela chuan ka thusawi zo zai vangin ka hau hian min lo en



"Enge a..ka fiamthu vek anihkha lo ngai thutak suh" ka tih chuan a thin zawn dawn in a thaw hawk a



"I ti tak tak emaw ka tia lawm..I biak nen chuan in in mil viau loh hmel e.."a tih chuan ka nui ringawt a



"Keipawh kan thenawm nu nen hian kan in mil hlawl lo a kan in be fuh viau anihloh chuan kan in hau ngei ngei a duhzawng ka sawisel a,ka duhzawng a sawisel ve thung a chutiang chu ani mai" thinrim aw ka pawhin a sawilo lawm hmel pu lek lek hian a sawi ani mah zawk



"Ui leh kel in va ang awm ve" ka tih chuan za deuh hian a nui a,dawr tu kan neih ve deuh reng vangin kan ti ti ta em em lo phone chu khawih ngial ka tum a ka phone anih miau loh avangin khawih tur em em ka hrelo



Chat ho chu ka en a a sawi ang tak tak in chutiang private pawh hna thil vek anih bak ah mizo ai in sap pa upa tawh tak tak vek an ni lehnghal Lana chat te pawh hmuh ka in beisei viau laiin Lana hming reng reng a awm lo..an inneih lai chu thuhran nise an inthen hnu ah a clear vek anih ka ring



"Awi hepa hi..!" Ka thut hmun ah ka au chhuak thawt a Ruatfela thu mai mai lai pawh a che lawih mai a lo phu viau aniang



"Enge a?" a rawn ti hluai a



"A engmah nilo e.." tiin nuihza in sum zet chuan phone chu ka bih lehnghal a group pakhatmah hmuh ka in beisei loh laiin group pakhat ah a lo awm ve vang a a awm na group lah chu * Nula bem zir na rûn* tih ala ni zui



A ruk in ka nui char char a a inhmeh loh mai bak ah a thing ngawih ngawih..tun ang lai ah tiang group te lo la siam member lah chu an la full vek lehnghal,a mah in a joined ti dawn ila a mah ngaihtuah chuan ni thei in ka hre silo mi in an add ti dawn ila chutiang a add duh tur khawp mizo thian aneih ka hre silo,chat ka check chhuak vek a engmah group ah chuan a sawi ve miahlo



"Hepa hi a ruk in mi sawi alo apply ve thin a mawn ni le.." ka ti ta ringawt





"Ei tur ka va lam ange aw,lo nghak mai rawh I nikhat na ani bawk a ka duat ang che.." tih pahin phur fe hian a chhuak a,I nihkhat na tih mai mai chuan ka lûng a ti leng thar thut Zoramsanga khan ka nihkhat ni khan ka lo muhil a min ngaidam anihkha



Phone bawk chu phawrh in Pi Thantei number ka zawng a,mahni phone lo kawl chu a hahthlak ve det ka hmuh veleh ka call a a pick rualin a that leh that loh ka zawt a an nupa thar a fel leh fel loh te pawh ka zawt ve luam bawk,a fel viau na in Oliver hian keimah ang em em khan ala nel lo tih te min hrilh a Oliver biak ka chak thu ka hrilh chuan phone min pek sak a



"Aunty.." phur lutuk a Oliver min auh na aw ka hriat chuan hnuk a ti ulh dawn dawn a lawm le



"Hi..I dam em? Aunty thar chuan a duat che em?" Sak deuh talh hian ka ti a



"Aw duat lutuk, Aunty lo kal tawh la" a tih chuan ka ngawi vang vang a



"A theih veleh ka lo kal dawn nia aw.." ka ti a a reh zui ta vawng vawng mai..a hnu deuh ah ri rak in pi Thantei aw ka hre zawm nghal zat a



"Dah mai ang aw hei tah a tum a men nasa mai " Pi Thantei chuan a rawn ti a ka nuih a zat piah lam a chutia min ngai der a tah a tum hial chu ka khawngaih tawp bawk



"Awle hun ka neih chuan nakin ah ka lo tlawh ang" tiin phone ka dah zui a Ruatfela pawh a lo thleng chiah,a thil rawn lak lah chu a rim atang ringawt pawh a tui dawn tih hi a hriat ngawih ngawih



Ka tam viau lo emaw ka tih laiin ka ei nghek a, Ruatfela'n a zir bawk a nikhat na atangin kan in nel in kan in ngam nghal em em mai,kan la ei zo lo deuh tih in Zoramsanga phone a rawn ri a, Lana a nih ka rin leh em vangin rum tun chuan ka la a mahse Duati ti a ain save vang leh number chu ka number anih vangin Zoramsanga ani tih ka hre nghal, Duati ti a min save chu a ruk in ka lawm viau

IMG_20210808_224905.jpg
IMG_20210808_224905.jpg (17.26 KiB) Viewed 4869 times


"Um.." tiin phone chu ka beng bul ah ka dah nghal a



"I awl em? I hman chuan thil ei in inhmu ila" a tih chuan ka si hlap a



"Englo hei Ruatfela nen kan ei mek a " ka tih chuan a rum deuh hak "naktuk ah kan ei dun dawn nia..bak ah office i kalsan thei ami?" Ka ti zawm zat



"Chhun chawlh hun ka siam thar a,kan ei dun ziah theih nan mahse kha in lo ei tawh chuan nidang ah ni mai rawh se" tiin lawm aw chiahlo hian ati a



"Um awle..tlai ah min lo lam dawn em?" Ka tih chuan Ruatfela a lo nui hak a ka nui ve ringawt



"Dawn e..dar engzat ah nge in inkhar dawn?" A tih lai mek in Ruatfela'n a ma phone elah thil a type a ka lam hawi in a rawn dah chuan ka thu ngil zawt



"E a theih leh loh,dar 6 thlen in hawn angai a tlai ah lo kawi leh lawk la phone hi in thleng rawh ang a buaithlak emai.." ka tih chuan min hnial lo in a aw ve mai a



"E chuan Lana khan alo call a kan inhnial hrep.." ka tih chuan a rawn nui hak



"A nih dawn chu a hmel ah khan lungawi loh na ka hmu reng ani.." a tih chuan office ah an in hmu leh reng tawh tih ka hrethiam a,duh tawhlo mahse Lana zawk in ala beisei miau sia ka thik leh tawh



"Um ..lo kawi rawh aw" tiin phone ka dah a Ruatfela chuan khabe dawm meuhin min lo en "Tinge..?" Ka tih chuan a awm tha vat a



"A nawm hmel e..! Bialpa nei Hausa bawk si a la duat em em lehnghal che a " hmeichhia ang mai a thil a ngaihtuah chu ka nuih a za ru ang reng,ka nui ta ringawt reng a



Dawr tu neuh neuh kan neih vangin a nuam lo hran lo,ka ni hmasa ber ni mahse han chet chhiat leh thiamloh vak ka neilo kan zuar chikim ang reng hian dawr tu min ti ngah ni ber in ka hria,tlai tak tak anih hma deuhin Nu Aremi'n a rawn call a keimah bik chuan thawh hreawm ka ti em tih te pawh min zawt a min care bawk a anuam viau in ka hria



"Ruat..haw hma in I dawr kal na ah khan va kal ila tlai hneh tur lak ka duh a tui emai an siam kha" ka tih chuan I he lo in a bu ve nghat a



"E hei Nu Aremi'n Thansangi ni hmasa ber ania dar 5 ah in Khar ve rawh u a rawn ti anih hi" phone bih reng pah chuan ati a ka lawm ru viau na in Zoramsanga nen kan haw rual thei chuanglo tho



"A van tha ve.." ka ti ringawt,dar 5 chu kan nghak ran a chhun lam ai chuan dawr tu pawh kan nei khat pharh tawh..dar 5 hnaih ah phei chuan kan awm vel mai mai tawh ani ringawt



"Ilo thleng a maw..?" Pawn ah Zoramsanga ka hmuh vangin ka tlan chhuak nghal a



"Aw in la haw theilo maw?" tiin a bun lai sana chu a melh zauh a



"Um dar 5 ah haw rawh u vawiin chu atia mahse kan haw rual thei chuanglo anih hi" ka tih chuan a ban phar hluai in min rawn kuah zauh a a in la hrang lehnghal



"Zan ah hna ka neilo a ka rawn leng ang..mi hna thawh chuan an tih ang ang a awm hi a pawimawh ania..I hah em?" Kan buaina kan sawifel tawk viau tih ka hai lo min care tak em em dan ah hian



"Hah lo e, Ruatfela'n min pui bawk a bak ah hna hi a awl sam a dawr lo nghah a min dawr tu an duh pek ringawt kha ania a hahthlak lo..i hah zawk em?" Ka tih chuan lu a thing mat mat a



"A that chu a hahthlak chuan hna dang ka zawn daih mai ang che" ka nui a a kut ah chuan ka kai ringawt "ka nghak ang che ka ti na in vawiin chu Oliver a tlei viau lo aniang ka haw mai ang.." min ngaihtuah hmel bawk si hian ati a



"Um a pawilo keini pawh kan haw the tep..chhun ah khan ka bia a a lungleng ve deuh aniang Pi Thantei sawi hmang khan..zan ah ilo len dawn chuan lo hruai ve rawh aw.." ka ti a bu nghat in a kal hma chuan ka chal ah a fawp zauh a



"In I thlen ah min call la.." tiin phone min pe keipawn a phone pe in motor ah a lut zui a



"Awle.. bye" tiin ka thlah a,an tlan liam chiah Ruatfela a rawn chhuak a min rawn kuah pah chuan a au thawt a ka phu nasa lutuk!



"In van sweet ngawih ngawih tak" a ti chiam a ka nui ve ringawt.. Zoramsanga min haw san hnu darkar chanve vel ah dar 5 ri ve chiah



"Hawh kal ila sawtah chuan pen kawi te kan la ngai sia" tiin a tho sawk sawk a keipawh tho in ka phone bag ah ka thun a dawr kalh tha in restaurant lam kan pan nghal a



Ka duh ang ka order an pack lai chu kan nghak a Ruatfela chu awm hmun ah ka fak chiam ringawt,fel ka ti ve em ani vawikhat in hmuh na ah ka nel a ama zir em vangin thiantha tak ang maiin ka duh na ah te min kalpui nghal peih bawk nen tiang hi chu fel ka tilo theilo



"In order kan pack zo aw" nghal tu pakhat chuan a rawn ti a thawh ka tum na in Ruatfela'n keimah zawk ka va kal ang atih vangin a man ka ken tir a ka lo thu ta zawk



"Enteh hey tunge kan hmuh hi?" rin loh deuhin Angely ka hmu thut Hmingsangi nen khan an la ni zui



"Tunge..e ka hre leh si a mah vang hian hna atangin min ban phah tep tak kha" in kuangkuah nghal thak pahin Hmingsangi zawk chuan ati a



"Ila theihnghilh bik nange,keipawn a hunlai ang khan engkim ka la chiang a lawm" an pahnih chuan an in biana ngeiawm zet in an nui hul hak bawk



"Kal ila ."Ruatfela a lo thleng phei a thawh mai ka tum chu Hmingsangi zawk chuan min nam thu leh dawt a Ruatfela chuan mak ti deuh in min en nghal bawk



"In tihbuai nan hun ka neilo" ti a thawh leh mai ka tum laiin Hmingsangi chuan



"Keini pawn buaina kan nei duh hleinem mahse nangmah avang a ban kan nih phah tep vang khan ngaihdam min dil la kan duh..ni lawm ni Angel..?" Angely alo bu nghat



"Ngaihdam dil ngai zawk chu nang ni a lawm..min pal tlu lui lo ula chuan khatiang thil kha a thleng miahlo ang" hul hak a nuih pahin ka ti a



"Zawk che chuan!" Ka thusawi pawm lo tih hriat tak hian Angely chuan ka dawhkan chu a chum deuh bur a



"Buaina ka duhlo ka tih tawh kha...nang lek lek phei chu tihbuai ngai ah pawh ka ruat lo che eng emaw kan hre ve ve ani lawm ni..min ti thinrim vak suh anihloh chuan I mualpho mai ang" ka thusawi a man zia chu a hmel ah a lang Chiang vek



"Hmeli.." tiin ka in rin loh lai tak chuan kan dawhkan a tui in chhawp sa chu a la lawk a ka hmai ah min theh thawt!



"E khai..!!!" Kei chauh lo Ruatfela pawh a thawng tih hriat tak hian alo au that a ka thinrim ve lutuk chu ka in hum ruh nghek



"Tawng chin tawk I hriatloh vang anihkha" a la ti zui..dawr ah midang chawl an awm lo hlauh a a vanneih thlak zawk nilo se chuan ka mualpho ve viau ang



"Phu tawk chiah.." Hmingsangi bawk chuan alo ti a, Ruatfela lam a tui in chhawp tho chu lak ve a theh ve ka tum viau na in a mah ang mai a in chhuah ka duhloh vang chuan ka in sum ta hram



"Ruat kal ang..zawhte bengchheng deuh bul ah ka awm reng peihlo" hul hak a nuih pahin ka ti a



"Lawks.." keichu ka pen sawn tawh, Ruatfela chuan a bul a tui in chhawp sa chu la in Angely hmai ah tak chuan a theh thawt mai! A rak chiam a Hmingsangi pawh a huh tel ve deuh vangin a lo buai ve em em bawk chupawh an make-up vangin



"In phu tawk ve chiah anihkha" tiin Ruatfela chuan a tawng khum a a ruk in ka lo nui..kan pahnih chuan buaina a tam zual hma in kan chhuak nal nal a



"Ka lawm e aw.." ka tih chuan a nui vur vur a



" A ho emai..an phu tawk a lawm buaina an rawn siam ringawt che anihkha..an zaktheilo em mai kek hrep la ka tih nen" a ti zui lang lang a



"A lehpek ah ani mai" tiin ka lo fiam zui zat a "min chhan kha I ti tha hrim hrim ka Hero i ni nghal tawp" ka tih chuan a nui awr awr a



" aw chhan ngei ngei I ngai a lawm bialpa I nei cial bawk sia" a ti ngei a ka nui ve ta ringawt "in inthen veleh ka hauh nghal.." a ti thlawt chu ka in sum hman lo a fiamthu ani pah bawk a Angely te vang a thinrim.e tilo chuan ka nui vak vak



Kan haw na tur a in an loh vangin kan un then thuai a ka kawr âwm huh chu taxi chhung ah ka beng ka beng ringawt,in ka thlen chuan khua a thim Chiang tawh a, Sawmtei pawn rawng a lo bawl peih vek tawh



Room ah chho in ka inthlak sawk sawk a, Zoramsanga thu min chah ka hriatchhuah vangin ka call nghal a a lo pick rang khawp mai "ka thleng chiah aw.." ka ti nghal a



"Um a that chu..hei Oliver pawh zan ah ka rawn len pui dawn tih ka hrilh a a phur khawp mai a in siam tan der tawh" a rawn ti a



"Kei hi ka lo ngaihawm viau anih dawn hi a.." ka tih chuan a nui hawk hawk a, sawiloh ka tum zet na in Angely te min tih dan chu ka hrilh leh ta vek



"Naktuk ah ka lo bia ang..ka ban mai dawn ami?" a tih chuan ban tir em chu ka tih deuh vangin naktuk a hna hahthlak zawng zawng thawh tir a chhawr zawi hrep turin ka hrilh hlak



"E chuan maw..I phone ah khan I group awm na kha ka hmu vek ania ka nui nasa lutuk" ka tih chuan ngaihtuah ni awm tak in a ngawi vang vang a "Nula bem zir na rûn tih kha" ka tih chuan a rawn nui tawi tup



"Tunge min add pawh ka hrelo kha thil kha..ka la left lo ani maw a pawimawh viau loh chuan phone hi ka khawih tlem a I hmuh te chuan lo left mai ta che" a rawn ti duah a



"A ngailo a tha ve a lawm " ka tih chuan a nui ri suk



"thil pakhat leh..ka thawhpui pa khan a star che ania aw..bawn e!! Min chhan thu ka hrilh che pawh kha nangmah vang a min chhan ania vanlalluck pa" ka tih chuan thawm neilo in a reh vung vung a



"Luck bik e.. hmeichhia chauh lo pawn an star che ania" a ruk a nui chungin ka tih chuan a thaw hrawk a



"Chutiang an sawi ngailo a tenawm mai mai" a rawn ti hluk,mipa in an star chu a lawm teh chiam lo ani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:28 pm

☄️picture hnuai atangin zawm na aw☄️


CHAPTER-24☄️



"Enge I hmeltha a I luck tih na ania,lawm hle tur zawk a lawm,mahni mipat pui takngial pawh in an ngaizawng thei che anihchuan I tha tawk tih na ani mai a" nuih in sum zet chuan ka ti leh a



"Za ah za in mipa ani hleinem,sawi tawhlo teh ang" a ti hluai a ka nui ru char char thung " vawiin chu a rawn call a a rawn text bawk a" a tih chuan ka bo deuh hû mai



"Tu in maw?" Ka sawi zo chiah phone kan in thleng tih ka hrechhuak a Dr Joseph-a bak a sawi in ka ringlo,bak ah ka nihkhat hna thawh na te ani ve sia min rawn ngaihven ve aniang a,bak ah ka phone ka kawl.leh hnu in Massages emaw call emaw en nachang ka hre miahlo



"Ehe! Chutia law? A ma hna min hmuh sak ania hreawm ka ti em tih te min rawn zawt ve aniang massage chu I seen em?" Ka ti nghal duah a



"Seen Chuang lo..ti ila tlem ka hmu" a tih chuan mak takin ka lungphu a rang nghal dawt dawt,enge a rawn sawi tih zawh tum a ka âng chiah chu " I hnathawh na a nuam.." tih lai zawng ka hmu" a rawn ti zawk a



"Ka ring vel ani a fel em a min rawn ngaihsak ve anih dawn chu"ka tih chuan a rawn thaw zui hawk a



"A ngaizawng che tih hre reng chung a en liam reng ka thei dawn lo ania " dam thlup si ngaihthlak nuam vak lo hian a rawn ti a



"Min ngaizawng mahse ka duh hleinem bialpa ka nei reng che alawm" ka tih chuan a nui ri zui hak a,room pawn lam ah Sawmtei'n chaw ei ka peih a rawn tih vangin Zoramsanga hrilh chuan phone ka dah a



"I thawh na chu enge a an a?" Chaw ei laiin ka pa chuan a ti a



"Um anuam khawp mai nghah pui ka nei a " ka tih chuan bu nghat in chaw a ei zawm mai a



"Cosmetic lampang I tia mi kha(h)? I hlawh ai tur te rawn hawn ve la in ah hmeichhia pahnih kan awm a" zak lek lo a Rosangi rawn tawng chu ning zet in ka thaw hak a



"I duh chuan I lei thei reng a lawm..duh leh kan dawr ah chuan rawn lei la in pek tlawm dan te kan zawng dawn nia" ka ti a Sawmtei a lo nui hawk a Rosangi meng rum lutuk chu a hlau leh si nge a tum hmuk a chaw a ei zawm mial mial



Chaw ei kham thleng a sil laiin Sawmtei chuan " U zanin chu ka haw hma thei mai angem? Ka u naute a dam sam lo deuh a an buai reuh lutuk a maw,a damloh hian anu ai mah hian min ngai thin a" a ti siam siam a



"Aw a van zia lo ve I sil zawh veleh I haw daih dawn nia..damdawi kawl in nei tha maw?" Ka tih chuan a bu nghat a



Thleng a sil zawh ah ka pa te thingpui hâng tur lum sak in a pek zawh ah min haw san a, Sawmtei awm lo chu TV en in couch ah ka mu thluang duai a, group ah ka thiante nen inbia in kan ti ti luam a Tluanga ber chuan



"Scar-a nen in tha leh tawh ami a? Vawiin kha chu zia lo tiraw Chhan?" tiin Chhandama a mention nghal bawk a



"Eng maw?" Tiin ka reply ve nghal vat



"I hre nange? Phone te in inkawl thleng vel a tenawm dun e" Tluanga bawk in mi rawn chhang a



"Chat kha en let le I hre mai ang"Chhandama leh Feli ten an rawn ti rual a, group chat chu ka en let ngat ngat a, Zoramsanga a lo va tawng ve chu ni in ka mu lai ka thu chhuak nghal zawt



* Than..zanin chu kan lo leng dawn ania kan sawi ho vek tawh..eng emaw te te ei tur kan lo keng ang * tih hi Tluanga'n a rawn thawn a,a hnu 20 minutes vel ah daih



* Ka leng dawn * tiin Zoramsanga'n a lo va reply



Tunge tiin an lo reply zel a an sawi thui tulh tulh a Zoramsanga lah chuan engmah zep lo in phone kan in kawl thleng thu te a hrilh a, Tluanga lah chuan



* Scar-a maw I nih? * A la ti zui hram pek a



* Aw..zanin chuan keimah chauh ka leng ang naktuk zan ah leng rawh u * thupe lutuk in alo ti zui!!



A nuam lo ta veng veng mai,a ngai te bawk in ka mu tha leh a..an rawn sawi zui leh nak nak a Zoramsanga tan zawng a ka tawng chuan min haw leh nasa dawn si..an ni ka tan ringawt dawn in Zoramsanga a diklo bik viau bawk silo a..type lo in emoji ka hmang ta zel ringawt



"Ka rawn leng lui tho dawn emaw ni" Tluanga bawk in a rawn ti a midang pahnih pawh rawn pawr thar in



"Kan rawn zui ve ang che..tunge a ngaih pawimawh zawk hriat nan pawh a tha a lawm" Lalfeli bawk in a rawn tih chuan ka ner nang a



"Duh leh rawn leng ula ani mai alawm, thingpui beisei suh ang che u" ka ti nghal hlak a, thingpui lum hi ka thatchhiat ve na tak ania..inleng pangngai tak kan neih erawh chuan ka lum hreh lem lo thiante vel ah hi chuan ka lum ngailo tluk ani an ni pawn an beisei reng peihlo



Thiante nen kan in biak atang a rei vakloh ah kawngka kik thawm ka hria a ka hawi nak chuan Zoramsanga leh Oliver an lo ding kur tawh..chutia kawngka a rawn kik mai mai te chu ka lo ngai cute leh tlat pek a lut tur a sawm mai lo in ka mut hmun ah ka lo nuih vur vur



"Lut ah sawm ta che a va mangan thlak tak" nuih za aw deuh si hian an room lam atangin ka pa chuan a rawn ti a ka kut in ka lo hui nghal vat



"I va mu duh dah ve" couch a an rawn thut ve pahin a tih chuan ka mut dan ka in en a thuthleng tlang an ka ke pakhat ka dah kang suah chu ni in ka thu rang teh a sin aw



"Ka lo in la hahdam" nuih tlawn ti tih chuan ka ti daih a a ruk tak chuan ka zak ve ang reng,bialpa te hmuh a lo mut kak deuh suah chu



"Nangmah elaw Zoram..? E Oliver pawh ani maw.." a aw ah pawh a hlim tih hai rual loh in ka pa rawn chhuak phei chuan a rawn ti deuh lang lang a



"Nia hei..an in ngai tawh sia ka rawn len pui lawk anih hi..in hna lam in tluang em?" Zoramsanga chuan zâng vah hian a lo chhawn let a, Oliver a chhuanlam daih chu phakar ka ti ve thlawt



"Tluang ani mai e...nang ni lam in changtlung chho zel a maw?" Ka pa nen an in biak bik reng tak ah chuan Oliver thuawih zet a thu chu ka ban a



"Olivier lo kal teh..I mut a chhuak tawh ami I van nguai ve?" Ka lo ti ve thung a,an in a mizia lo deuhin a awm a ka lo awm thiam lo daih keimah hi



"A lo muhil sek a..a tho phang deuh anihkha" ka pa nen an in biak kar lak ah chuan a rawn ti a ka bu nghat,kan pahnih te chuan kan in kawm melh melh a, phone hi a lawm ve reuh a ka phone bawk in ani game a khelh leh tawh, Zoramsanga rawn leng ve lah kei min len chhan ni si in ka pa chauh a bia a ka awm ve tih pawh a hre tawh lo ni ber in ka hria



"Thingpui va lum lawk la..keichu ka ngai lo aw Sawmtei khan min lum tawh a Zorama ta tur ani mai"Oliver games khel ka en pui melh melh laiin ka pa chuan a rawn ti a ka tho ve nghal mai bawk



No khat daih lek ka chhuan vangin a so hma khawp mai,ka siam zo kitchen ka chhuahsan rual vel in ka thiante pathum an rawn lut ve chiah Tluanga phei chu a a âwm a rawn ti pauh nasa mai 'ka zam dawn bik lo' ti ni awm tak ani



"In lo leng maw In va fel ve" ka pa bawk chuan a lo chhawn veleh a Zoramsanga thut na couch ah chiah Tluanga a thu a Oliver bul ah Chhandama leh Feli an thu bawk "hei I thiante hi siam kep ve nghal la.." Zoramsanga hma a thingpui no ka dah rualin ka pa chuan ati a



"Ngailo an in chak lo ang thingpui an in vak lo .bak ah hei chu thingpui fe cial a ka siam ania " fiamthu deuh si hian ka ti a Zoramsanga ber alo nui suk a, Tluanga chuan rum lutuk in min melh nghal



"Ka chhawl a hal riau mai in ni ve em?" Chhandama leh Feli te a signal a,an ni pawh an lo bu ve nghut bawk Zoramsanga thingpui ka pe bik chu an duhlo ngang ani



"Thei tui kan la nei ngah alawm a vawt ka lo siam ang cheu" ka tih chuan in kuangkuah chungin a thu tum hmuk a ka nuih a za khawp mai,han chhaih thinrim lah hi an nuam ve bawk sia



Theitui chu ka siam sak hram a pahnih chuan an in mai Tluanga chuan rum lutuk a min melh in a ma hriat tur tawk vel hian a phun bul bul bawk a,a ngei ti zual turin ka nuih suk ringawt zel..kan awm deuh thap vangin ka thiante pawh an ngam pa viau lo a a khat mawi tawk a an tawng ve leh ka pa'n a bia anih lem loh chuan phone an bih deuh tawp




Feli chuan a ruk in Dr Joseph-a chungchang min zawt deuh reng a Zoramsanga nen kan that thu leh kan in ngaihzawn tak tak thu vel keiin ka lo hrilh thung,an lo len atangin darkar chanve pawh a la liam meuhlo tihin



"Hawh u haw hma ang u thingpui in na tur tha deuh ka hria.." Tluanga chu a tho hluai a,a lawm thei ngang lo ani hep hi,a rui zawk emaw ni zanin a zia reng reng hi



"A rui ami?" Chhandama hnen ah ka ti zauh a



"Rui chiahlo..bialnu a neih thelh a a lungawi lo kal laklawh anih hi..kan va haw pui mai ang" a tih chuan ka bu ta nghut a an pathum chuan an chhuak leh dial a



"Tikhan lo inkawm rawh u..keipawh ka va mu hma ange naktuk zing tawngtai inkhawm kal ve ka duh si a " thawh kan pahin a ti a.. Zoramsanga chuan a chelh lo nasa mai..kan pahnih chauh a awm kha a duh dan ani miau a lawm le



"Ilo thu phei dawn nge keimah zawk?" Ka pa'n room kawngkhar a khar fel chiah tih in phur fe hian a rawn ti a nui suk chungin Oliver thut loh na lam ruak chu ka beng thak thak a a rawn in sawn nghal vut



T-shirt dum leh kekawr dum a ha a pheikhawk pum pangngai a bun bawk..ka hmuh tam ber hi chuan suit nen anih zel vangin a inhmeh ka ti tho na a ka lo awm thiam lo keimah hi...ka kawng ah chuan rawn kuah in a ai a hnaih chuan min pawt tawlh a



"Zanin chu kan in ah min rawn riah pui la.." ka beng bul ah ti sup in min kuah na ti nghet sauh a



"Kan in ru ani ringawt dawn asin " fiamthu ti tih deuh hian ka ti let a



"A nuam hlei hlei ang chu..rawn len fo ngailo in nitin zantin ka hmu thei dawn che a.." a tih chuan ka dang der mai "mawh.." ngen ngawl zet a a rawn tih chuan ka nui tawi tup ringawt



"Chuan sawi teh.. nula bem zir na rûn tih group ah chuan engtin maw ilo awm ve theih a? Ka lawm teh ania aw..keimah hma hian nula melh taih I nei Chiang Mai" ka tih chuan duhlo lutuk in a ner nang a



"Number ka hriat ngailoh in min add in ka hria" a ti mai a keipawh anih ka ring ve viau .a thusawi a tak emai



"Thingpui nangmah chauhin I chang ta bawk a I lawm em? FEL MIN TI EM?" ban churh hian ka ti a ka tawng dan chuan a nuih a ti za aniang min chhang mai lo in a nui phawt



"Ti e...ka Duatbik nu chuan min duatbik thiam khawp mai..ti fo mahla keichuan pawi ka ti miahlo" a tih chuan ka nui ve ta suk a



"Daddy ka mut a chhuak.." kan pahnih a kan ti ti melh melh laiin Oliver chuan phak chial hian a rawn ti a



"Ka va haw pui mai ange..a mutchhuak tawng khawng hian mut a harsat zawk sia" a tih chuan ui deuh chungin ka bu nghat a..a fapa pawm a an chhuak tur chu pawn thleng ka zui ve a



"Fimkhur ru aw..." Car ah Oliver a luh laiin ka lo ti a a mutchhuak viau nge hnunglam seat ah chho in a han mu rhen reuh a,ka hawi kual vel pah a mutchhuah chu a hun tawh tih ka hre chawp chilh mai thenawm hnai pawh an mu nual tawh



"Tehreng..naktuk ah lam I ngai a ngem?" A tih chuan ka ngaihtuah vang vang a



"Um I peih chuan ani mai.." ka ti tawp,aw han tih tlawng chu ka in lak thu hmel riau a ka duh bik em em lo



"Ok ka rawn lam ang che a hun ngai ah..chuan" thaw hawk in min sin hnaih sauh a " min fawp la..ka haw ang" a tih chuan eng khaw sawi set set lo in a kawr ah ka pawt a rawn kun hniam rual chuan ka lo fawp nghal vat,a duhthawh hma in ka in la hrang lehnghal



"A tha em? Kal tawh ru khu a muhil der ania" tiin Oliver chu ka zuk kawk a,bu nghat in car a lut chuan an tlan chhuak a keiin an liam hma zawng ka lo thlir ve bawk,an liam vel ah lut in ka in kalh tha sawk sawk a ka mu ve nghal hmak a ka mumang ah Zoramsanga ka la hmu lehnghal zat zui a!

_____________________________

★ 3 Months Later ★


Zoramsanga nen kan in kawp atangin thla 3 ngawt a liam ve ta reng a,in ngaizawng kan nih ang in in hauh deuh chang chu kan nei ve thin mahse a mah hian a tum em bawk a zankhua thak a thinrim in kan awm ngailo..ka in hauh na tam ber chu kan thikthu chhiat na ani mai ang



Lehlam ah Lana leh Angely te vangin kan in hau ve deuh zauh thin a hnathawk ho an ni bawk nen an ni lah in Zoramsanga an beisei fo a lak kawih theih turin thu phuah chawp an thiam si a mahse an lak ah erawh ka lan tir ngailo kan pahnih hriat ah chauh ka sawichhuak thin..chawh rual chuan in hau lo tluk kan ni zawk ang.. Angely ngat phei chu Ruatfela nen thil kan lam lai a min tih dan vangin Zoramsanga'n a kam khat leh deuh a chumi hnu phei chuan a sual zual ka ti mai hna ban ah a vau a ban lo turin a ngen chiam bawk tak kha




Zing tin hna kal turin min lam a haw lam erawh kan ban hun a in an loh vangin kan haw rual ngailo,hun aneih chuan zan zawn pawn alo leng fo a.. hna bak ah pa ani bawk nen Oliver vang a rawn len thulh leh thut te pawh anei ve fo,alo len loh hi chuan ka Kim tawhlo ani ber,ka thiante pawn min pawm pui hmiah tawh kan in duh tawn zia an Chiang ve em tawh bawk ani



"Ka lo haw e.." hna ka bang in ka lut chu tum dang ang lo takin in chhung an in hau thawm ka hria a ka pa leh Rosangi ni mai hian ka hria



"Sawmte..enge a?" Hreawm ti hmel deuh a a lo awm chu ka va zawt a



"Ka hre bik lo..pi hi tlai lam ah a chhuak a ka pu nen an rawn haw rual a room ah an la awm char char an in hau nasa tawh mai" a ti tawi tap a,engmah sawilo in ka pa te room ka pan nghal



An thawm a ring tial tial a ka pa aw ki pawh a sâng vah vah khawp mai..heti anihchuan a thinrim hle tawh tih na ani.. engvang tak chuan in hau ang maw? Room kawngkhar bul te ah chuan ka ding a ka pa thusawi hmang atang chuan Rosangi chuan ngaihzawng a nei a nih hmel khawp mai..min thawng hran lo keichu



"I duh chuan chhuak mai rawh..pasal pawm lai nei reng chung a hetiang a khawsak! min duhlo anihchuan chhuak la I ngaihzawng pa chu va pan mai rawh..." Ka pa chuan ati ta lawl lawl mai



"Ka chhuak khawp ang I nupui min duat a min ngaihsak tawkloh rah anih hi.." Rosangi zawk chuan ala ti mah mah..tun a ka chak et et chu va luh thawr a Rosangi ben sawk ani..ka pa lak a in thiamloh na nei miahlo a ala tawng ngam te hi a mak zawk!



Lut ta em lo chuan room ah ka chho a..engmah sawi ve ka tum lo Rosangi zia ka Chiang a hman zan a lo awm kha a bialpa ka pa'n a hriat chu ani mai angem? Nge ni a midang zawk?



Khum ah chuan ka mu tawp a, vawiin ka chau ve deuh bawk nen ka chauh zual hma tiin ka tho leh thuai a tui sa ver vawr a in bual in Inhnuai ah chaw ei tur chuan ka chhuak thla a ,ka pa chaw ei dawhkan kil a thu ngawi reng ka hmuh chuan ka khawngaih tlat pek a, Rosangi pawh a chhuak ta nghal ani chek ang a thut na a ruak huai bawk a




Ka pa hian ka nu kha thlah thlam hmak lo mahse nupui dang a nei tawh a,a theih leh thiam ang tawkin Rosangi a hmangaih a a enkawl a, a duh tin reng a pe bawk, a hmingchhiat na tur zo zai pawh a man a tuar sak vek..chuti chung a bum nih chu a na viau ang..ka pa hian hetiang hi a phu miahlo




Ngawi rengin chaw kan ei a,eikham ah ka pa chu room ah a lut lehnghal daih a engmah ka la sawipui duhlo a rilru a na tih ka hmu vek a a thar lam lai a sawi pui chi ni in ka hre lo..tih fel zawh ah Sawmtei ka haw tir a Zoramsanga'n a rawn len hman dawn loh thu min hrilh lawk tawh vangin keipawh mu tur chuan room ah ka chho a



Ka mu fel chiah whatsapp ka check a number pakhat ka contact a awm lo ka hmu a,dp pawh aneilo... a massage ka hawng a ka mu lai chu rang lutuk in ka tho chhuak thawt a ka thin phu rang lutuk ti zia awm turin ka thin zawn ka dawm nghal vawng vawng



"I pa diktak I hmu chak em?" tih zawng min rawn thawn.. number chu ka save a ka call ngial pawh in chhan na ka dawng lo!

img2752728826.jpg
img2752728826.jpg (43.57 KiB) Viewed 3527 times


Tunge I nih? Ka pa I hria ami?" tiin ka call a lak miau loh vang chuan massage ka thawn a darkar khat hnu ah pawh a seen loh vangin ngaih ngam lo deuh chuan ka mu a,a chang leh in tih der na emaw ani ang ka ti thul




Min tham ruk tlat vang nge zinglam hnaih tawh a la massage dawn thawm ka hriat ruai ruai ah chuan ka meng nghal kawk a rang lutuk in phone chu ka en nghal a,min rawn be tu kha ani ngei bawk



"Hria e..kan la in be zel dawn nia I pa pawh a dam tha lutuk ania" tiin min chhang a



"Tunge ka pa chu..?" ti a ka reply chuan seen nghal in



"A rem vel ah ila hmu dawn nia..tumah hrilh suh " a rawn ti,ka ngaihtuah vang vang a in bum na thil mai mai ni a ka ngaih avangin chu mi hnen ah chuan ti hian ka reply a



"Ka pa a la dam a min hmu duh anihchuan,a mah ngei kan in ah lo kal rawh se..ka pian hma atang a min duhlo tu ka nu nen a min pawm lo tu ani a chuvang chuan keiin ka pan a ka hmuh hmasak a ngai in ka hrelo..min puih I tum na ah ka lawm e.." tiin ka thawn a ka mu zui ta hmak



Chutia ka reply zawh atang chuan a reh hmak a keipawh ka thawl hawk in ka hria,ka harh hma zawng a tham tu nei ang tlat a ka awm kha hetiang a ka reply loh vang ani em aw ka ti hial mai!





"Thawh a hun e...hna kal nan a hma tawhlo ania" ka pa aw zawi tak ka hria a ka tho nghal tuih tuih bawk a,sana ka en chu tlai tawh tak ani mai khum atangin ka zuang chhuak nghal a ka inbual leh hram



Make-up hmang nasa lo mahila hmang lo a awm thlawt chu ka theilo,tlem chu ka in bel kai ve tho kha.. Inhnuai ah ka chhuk a ka pa'n dawhkan alo kil tawh suit nen a ri tap a a ni pawh a tlai thawkhat tawh hle..nizan ang em em chuan a hmel hmuh a hreawm tawhlo..pa fing ve tawk kha ani miau a lawm le



"Nizan ka harh laklawh lutuk a ka thawh tlai phah vek" chair a thut rem pahin ka ti a,bu nghat in chaw chu a ei chhunzawm leh mai a



"Keipawh nizan chu ka mu tha vaklo.." min hrilh ang pawh a awm chuanglo in a rawn ti hnuhnawh a,nia a mu tui hauhlo ang muttui loh chhan tur tha lutuk a nei miau a lawm



"Enteh pa.." sawipui a hun tho ni a ka hriat vangin ka ti a, Sawmtei pawhin an in hau engkim a hre vek tho a,a awm loh lai chuh ngai in ka hrelo



"Ka tho ange..nakin ah kan la sawi dawn nia" ka sawi chhuah tum a hre nghal tih hriat takin ati a engmah ka sawi zui ta lo



Ei zawh ah ka in siam a,kal dawn ah Sawmtei hnen ah ka pa lo haw hun a lo vil deuh turin ka chah a..tiang hun tawn hi chuan thil fim tak a ngaihtuah hi tu pawn harsa kan ti thin a ka pa phei chu a kum a tam ve tan tawh bawk nen ka ngaihtuah deuh tlat



"Morning.." nidang ang tho in kan kawt ah Zoramsanga a lo ding leh vang tawh a,ka pa chhuak hmasa nen khan an in hmu hman angem aw..hman mahse an vawikhat zing in hmuh na anilo a a pawimawh viau lem lo



"Morning..I hma hle mai" ka tih chuan nui suk chungin car kawngkhar min haw sak a "tikhan ti ve ziah tawh suh..keimah in ka hawng thei a lawm" ka tih chuan engmah sawilo in min nam deuh a ka lut leh ta tho



"Tukin I pa chu a nuam sam vak nange?" rawn thut luh ve pahin atih chuan a hmel ka en vat a,hmalam a melh daih thung



"Aw..aih nuam sam lo ti ila nizan a mu tha vaklo a chuvang mai mai..tinge engtin nge I hriat a?" Ka tih vel ah a mah hnaih lehzual tur a min rawn kuah in ka sam ah chuan a fawp vang vang a



"Ka bialnu pa ania ka ngaihtuah a,a lan dan a rilru engkim ka chik vek a lawm,chuan nangpawh I mu tha vaklo ami?" A ti lehnghal duah a,a âwm bawh lek lek a awm in hahdam zet chuan ka thaw ham ham a.. hetiang a lungphu ngaihthlak pah a hahdam lutuk a awm tluk a nuam hi a tam lo khawp ang,a kiang a ka hahdam zia hi chu ani pawhin a chiang tawh viau bawk



"Um laklawh tawkin ka harh a" ka ti mai a,tlan pah chuan kan ti ti reng a,nizan Oliver nen an haw lam ah Oliver muhil ta kha tawng vai in ' Aunty.. Aunty ' ti chungin ban a lo vai vak vak ani awm e a pa sawi dan hmang hian



"Lo peng ve zuai la.." dawr kan thleng a ka chhuk rualin Ruatfela dawr chhung ah lo lam vei lawh lawh ka hmuh vangin Zoramsanga hnen ah ka ti a,thla 3 liam ta zawng pawh khan nitin deuh thaw ka chhaih ziah a a duhlo lutuk a chang phei chuan dawr thlen hma ten min drop daih zel



Ruatfela erawh chuan kha a thusawi kha a lo ti tak tak em lo a..chhelo chu ati nang in ngaihzawng nghet a neih thu thiantha kan nih ve tawh na atangin min hrilh ve thlap a sawi chhuah sak erawh a duh miahlo thung..thiantha tak a neilo a a thian ti a a sawi ve te pawh thenawm hnai ami eng emaw ni khua a a kal rual pui mai mai thin an nia




Keimah ang hian mi a la kawm ngai meuhlo ati bawk..a thil min hrilh tam zar ah thiantha ah kan chhuak hlauh zawk a...bialpa alo nei kur tawh tih min hrilh chu mak ti viau mahila chu ai chuan a an pui nen an in ngaizawng chu mak ka ti mah mah zawk




Mipa leh mipa in ngaihzawn chu engtin tak ni ve ang maw ka ti rilru nasa thin,a bialpa a tih pawh vawihnih chu dawr ah rawn peng zuai in ka hmu ve tawh a hmel pawh a chhe lem lo.. Ruatfela zawk phei hi chu a hmeltha sia mahni an pui kawp atan chuan a uihawm thlawt



"Nghal viau suh aw ka hreh chhan I hriat vek kha" a tih vang chuan ka then thaw a



"Enge a hmu ve chak dawn che sia I khawngaih ve lo ami?" Ka la ti talh a,a nui tha duh tawh vaklo



"Mu duh dah nu.." bye ka tum chiah chutia a rawn ti kher chu rum lutuk in ka melh nghal kawr,a rawn len lai ka lo mu kak lutuk kha a sawi ve ziah ka ning! a zahthlak zia a hre ve der silo " Kan in rul em?"



Ka chhaih lai zawng pawh a nui tha duh silo kha min chhaih thinrim vel ah hmeltha lutuk in a rawn nui khanglang! "Vawiin nileng in ka be lo ang che..chhun thil pawh Ruatfela bul ah ka ei daih dawn" tiin dawr ah ka lut tau nghawng nghawng a



Min rawn thlem kual nen vel hun a nei tawhlo tih ka hriat ve reng vangin dawr chhung ah chuan ka tau tawh em lo an tlan liam chu dawr atangin a theih thleng ka thlir zui tho..hetia ka tih hian ka awm a nawm ve phah thin



Nileng in dawr kan nghak leh tawp a vawiin chu ka thut deuh hlek chuan ka muthlu tep zel..12 dawn ah in tih harh ka duh vangin leh khua a lum ve deuh hrim hrim vangin thil ei tur leh in tih daih na tur ice cream emaw cold drinks lampang la turin ka chhuak a



Zoramsanga hnen a ka sawi tawh ang in vawiin chuan thil ka ei pui lo ang..bak ah Ruatfela pawh a khawngaih thlak Zoramsanga nen kan ei dun hian ka sawm pawn a duh ngailo a in thlahrung thin aniang,chuvang chuan vawiin chu kan ei pui ve taw thung ange



Ei tur ka lam phawt a,let leh lam in drinks vel chu ka lei kawi a kan dawr ka thleng tep tih in ka tum loh deuh chuan Angely te ka hmu hlawl, Hmingsangi leh hmeichhe pakhat ka la hriat ve ngai lem loh nen an nih vangin ka en reng lai chuan Hmingsangi zawk chuan min rawn hmu fuh a..an thian pakhat leh Angely in be mawlh mawlh chu kheuh in an rawn hawi thap a ka hlauh vang nilo in an mahni kal pelh vel chu ka peih thlawt lo




"Vawiin chu kan vanneih ni ani ringawt a lawm..boss in min duat bawk si tun ah lah saw kan hma ah kan sawi lai mek a ding ran bawk a" Angely chu min hmuh vangin a lawm emaw tih mai tur hian a nui sen sen reuh a a rapawm tep zawk



"An ni ngaihven a hun lo kal teh" mahni leh mahni in hrilh in an ding hmu lo ang mai chuan ka kal char char a



"Min hlau leh si a law..I va melh hniam ve thil.i su palh ange" Hmingsangi chuan a rawn ti a ka ngaihsak duhlo luih tlat vangin ka hnunglam ah pen thawm ka hre zawm nghal



"Ngaihdam min dil lo in vawiin chu ka kal tir miahlo ang che.." Angely zawk in min pawt her dawrh a ka thil ken lai ka thlauh thelh bawk



"Thla a liam tawh I la pai dai thei thlawt nange? I a deuh zawk ani lo maw?" Ka tih chuan thinrim tih hriat zet hian a ring a ti kual a thaw hrawk bawk



"Aw ka theilo..kan boss hnen ah lo zualko zawt zawt zel lo la chuan ka pai dai thei in ka ring..I tawng tam vang vek anih hi" a tih chuan ka ner sak a



"Tunge min pal tlu a,tui a min theh hmasa tu kha..? Nangmah I ni.. ngaihdam dil ngai kan awm chuan nangmah zawk kha I ni" ka tih chuan a nui tawi tap a,chutah a kut a rawn lek chhuak thut a min beng dawn emaw ka ti hman



"Khawlai anih hi..I zahawm na ngaihtuah rawh" a kut lo man tu ka hmuh chuan mak ka ti khawp mai.. Lana ka chung a tha ngai hauhlo in min rawn chhan ti tih der anih hi



"Boss...henu hi I hrelo anihkha a rapthlak lutuk" Angely chuan a kut lak thlak pahin ati a



"Office ah let rawh I in kal bo rei tawh mah mah hna a tam ania" Lana chuan keimah lam engmah sawilo in a ti daih a Angely lawm lo abwk si a boss hlau tho si chuan thinrim deuhin a thiante nen an kalsawn hlawk hlawk a



"Ka pasal nen chuan in hlim zel maw?" Angely te thian ho ka lo en ngawt laiin Lana chuan a rawn ti a chhang lo in ka en char char ringawt a "fimkhur rawh.." lawm awm loh lutuk ki hian a ti a kalsawn nghal bawk



Dawr ah ka let a ka thu nghal hnawk, vawiin chu kan in be lo nileng dawn tak tak aniang Zoramsanga'n min la rawn call miahlo,tlai lam ah chuan kha number nizan a ka pa chungchang rawn sawi tu bawk khan min rawn text leh a



"A hmu duh che..I pa hian hun a nei tam tawhlo ania..khawi ah mah a kal theilo" a rawn tih tak ah chuan ka ngaihtuah na a kal thui khawp mai



Ka huat rualin vawikhat tal chu hmuh ve ka chak ani..min enkawl seilian tu nilo a min hnawl tu mah nise vawikhatmah a hmel hmulo a awm ai chuan a hmel vawikhat tal hmuh ve chu ka chak,eng ang hmel nge a put ang tih te pawh..hmu thei ka ni a ka duh leh duh loh ah a in nghat bawk a vawikhat chauh hmuh chu a pawi dawn em ni?



"Khawi ah nge a awm?" Tiin ka reply tawp a ka tihsual loh hram ka beisei, hotel ah a awm thu leh enkawl na a dawn mek thu min rawn hrilh a a sawi hotel pawh a awm na ka hria



"A lo beisei ang che" ti a min reply chu zan ah ka kal tur thu ka hrilh a min chhang tawhlo,ka thiante ka be nghal a ka best te an nih vangin a hma ang bawk in engkim ka hrilh nghal vek bawk



Ka pa erawh hrilh rihloh ka ti tlu ta zawk mai..in bum na emaw thil ho lam lutuk anih phei chuan a rilru nat lai ani bawk nen a na zual mai mai ang..ka pa tak ka hmu anih pawhin ka zep rih pawh alo tha zawk mai thei a



Ka thiante nen Chuan in thurual in zan ah kal Ho kan rawt a,eng emaw buaina ka tawk thei a chuvang chuan mahni a kal ka duh miahlo..engpawh tawk ila tanpui na dawng mai thei a ka awm ve a ka in ven lawk ve angai



Tlai ban hma deuhin Zoramsanga a rawn peng kawi a,rei a awm lo a haw chiah ka pa tak chungchang kha ka hrechhuak a ka hrilh ve lo tih ka hrechhuak bawk, hrilh ve tha in ka hria a mahse tun ah chuan a laklawh zo tawh, naktuk ah ani tawh mai



"Kan haw thei e.." thiante dar 7 vel a in hmu khawm turin group ah ka va hrilh laiin Ruatfela chuan a rawn ti hluai a



"Aw nia haw ang" tiin ka tho a inkhar fel in kan haw a,in ka thleng a ka pa pawh couch ah mu chungin TV a lo en ve mial mial a,ka khawngaih thar ta riau bawk zan ah ka pa tak hmu tur a kal ka ngaih thu hrilh ka tum zet na in ka khawngaih na vang chuan ka thei ngang lo



Room ah chho in ka tih thin dan ang bawk in ka inbual a,ka in bual fai hnu ah chaw hma khum ah ka let vel mai mai a zanin atan chuan in ven ngawt ka duh vangin leh eng emaw tawk ve thei reng ka nih vangin kan thenawm hnai ami police hna thawk mek chu group atang a a number la chhuak in eng emaw thut a call mai theih tur chuan ka save tha sauh sauh a



"Zanin chu I pi leh pu te kan va tlawh dawn ami?" Chaw ei lai a ka pa thusawi vang chuan ka chawl dat,ka nu awm loh hnu khan ka pi te in a ka awm min raw hruai bak kha ka pi te hi a tlawh ngai miahlo chutia a rawn sawi chhuak teh thut chu mak ka ti ve viau bawk



"Ka thiante nen kal na tur kan nei a..lo va leng la kan haw pahin ka rawn kawi ve ang kan rei dawn chuanglo a" ka tih chuan a bu nghat a,I van sawi chhuak mak em em tih vel lam sawi ka tum lo a kal duh na ringawt pawh hi a lawm awm lutuk ringawt ka pi te pawh a thawng ve viau ang



Chaw ei kham thil tih fel pahin Sawmtei chuan thingpui ka pa tan a lum sak a..nizan a ka thiante ka tih dan keiin ka lo hrilh luam bawk a sualthiam min ti ngang mai kei ka nui hnem zual sauh thung



"A nih ka va kal ange aw..rawn kal har loh tum la.." a tih chua a kal khat tawh em vangin a hreh ru ve tih ka hai ta lo..bu nghat in a thingpui tur chu ka va pe a,in sawk sawk in a chhuak nghal a a kal hma ka ti viau dawn a dar 7 a pel der tawh



Ka thiante ho pawh chu dar 7 ah ka ti ve sia an rawn thleng har khawp mai..an duh na ah an chet rang thin nen hian a! "U..lo kal an awm in ka hria" Sawmtei'n kut hruk pahin atih chuan ka thiante an nih ring in ka va kal nghal a



"Ka nu..!!!" Pawn a ka mi hmuh te vang chuan nasa mangkheng in ka au chiam a Sawmtei pawh a rawn tlan chhuak a ka hmuh a rawn hmu ve pawh a au ve thawt



"Enge I au vak a?" A hmai tuam na a phelh rualin Tluanga'n a ti hluai a ka thin phu nasa lutuk dawn chungin ka kut leh lam chuan ka beng nghal chawrh



"Misual emaw ka ti cheu a lawm tinge khatiang a in rawn in tuam vak a!" Vin lutuk chuan ka ti a,ka pa tak kan hmuh dawn vang leh fimkhur a ngai ka tih vang kha nge an hmai an rawn tuam a a dun lehnghal in



Sap ram ruk ru ho ang maiin an rawn in tuam a a dum vek in an la in thuam zui.. an kâ leh mit chiah a hmuh theih bawk sia ka phu nasa lutuk..ka thiante ho chu aw! An zar ah hian ka la mawl tluang zel in a nia ka rin ni!



"Kal vat ang u apa in programme duan sa a nei a ka nan hman angai ania" Feli chuan ati a, Sawmtei pawh ka chhuah dawn vang leh ka pa a awm chuangloh vangin a haw a keipawh in siam sawk sawk in kan thian ho chuan kan in zui chhuak a



Mi kidnapped tur te pawh kan ang zawk,kal pahin tih dan tur an sawi kawi reng a.. hotel ah erawh keimah chauh luh ka tum thung..pawn ah min lo nghak anga buaina ka tawk anih pawhin phone in call awlsam tur a dah turin min ti bawk



Hotel chu kan thleng ta ngei a,ka zam thar ta riau bawk..ka pa tak chu tunge ni ang tih te in ka ngaihtuah a a hmel awm dan tur ngaih ruat dan pawh ka thiam lo,kawt ah chuan biru deuh hlek ah ka thiante an awm a keimah in hotel ah chuan ka lut a a nghak tu hnen ah vawiin a min lo be tu sawi na room number hrilh in luh ka dil a koh ka nih thu ka hrilh tel nghal bawk, Zoramsanga'n min rawn call a mahse ka eing tal tir ta rih..ka haw hun ah ka call mai ang ka ti a




Room awm na chu min hrilh in muangchang chuan ka kal a, Mizoram hotel te chu ram dang ang a changtlung tak leh lian tak anih loh avangin room a tam lem lo a reilote ah ka kal duh na room pawh ka thleng nghal mai, kawngkhar hma ah chuan ka ding ran a kik pawh ka kik lo 1 2 3 chhiar in vawilehkhat ah ka lut nghal thuai ringawt




Mahsela ka beisei ang ka hmu ta hauhlo,room ah chuan Dr Joseph-a alo awm daih!! min hmu chu ani pawh a thawng aniang mak ti deuh a min en in a ding ngawi reng ringawt



"Hetah..nang tinge I awm a?" bah lutuk in ka ti chhuak ta hram



"Nang zawk? Enge awmzia hetah hian damlo an awm tiin emergency thil ah tu emaw in min rawn bia a ka kal a mahse hei a ruak vek a ka nghak" dawt a sawilo tih a tawngkam leh a che zia ah chuan a hriat vek



"Mi in min ko a.." ka ti tawi tup ringawt a bum ka ni tih ka in hre nghal bawk,ka pa reng reng a awm lo tu emaw in enge maw ka chung a thlen tir tum in min bum chhuak anih hi..mahse tinge Dr Joseph-a hi an call ve ringawt?



"Aw Chhan..tumah an awm lo mi in min bum aniang, Dr Joseph-a a lo awm daih a ani pawh an bum anih hmel.." call pick a ka tih lai chuan a ri rawk rawk a



"Than..lo chhuak vat rawh Scar-a alo kal ania...! a lo lut tawh!" Tluanga'n a rawn ti chu ka thinphu a rang lutuk tawh..hetah enge ani pawh chu a rawn tih a?



"Eng maw? nilo min hmuh dun chuan a tha dawn miahlo" tiin phone ka off zui a, Dr Joseph-a hrilhhai hmel pawh chu ka ngaihtuah tha hman tawhlo chhuah tum in kawngkhar ka hawng a ka hlauh ang ngeiin ka hma ah Zoramsanga a lo ding run mai!



"Hetah enge I tih?" A ni pawh chu a aw a mak tih na a tel,heta min hmuh a beisei bik lo ang keipawn heta a lo kal ka beisei lo lutuk ringawt



"A va mak teh nuaih ve!" Dr Joseph-a chuan hrilhhai aw lutuk in a rawn ti veleh chhawng a, Dr Joseph-a a hmu chu Zoramsanga mak ti hmel a in thlak danglam nghal hlawk



"Saw pa nen sawn enge in tih?" Ka kawngkhar hawn ka ka dawm na lam kut chu a man chawt a na lutuk in a hmer bawk a a thinrim zia a mitmeng ah chuan a hriat a min thah chak ang mai a na chuan min melh bawk..ka hlauthawng lutuk a ka dang a awk vek engmah ka sawi thei tawhlo



"Thansang min chhang rawh" vin lutuk in a ti a ka ban rek chu a hmer na zual sauh




☄️ka sawi khat bawk a ka'n sawi ve leh hrim hrim ange.. story ka ziah bik kher nilo,tu ziah pawh nise in chhiar anihchuan comment leh ads click kha in ti ve hrim hrim dawn nia..in thil tih in story a kal tir hneh sawh zia in hriat vek kha..hnap sek ka duat ho😁☄️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)