FALLEN_ANGEL BY BEARR CHHAKCHHUAK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: FALLEN_ANGEL BY BEARR CHHAKCHHUAK (Completed)

Unread post by Ngaia » September 19th, 2021, 4:31 pm

☄️CHAPTER-37


"Lo kal phawt teh..." Zoramsanga chuan thawh pahin ati a,ka ban ah min rawn vuan in "Nana hrethiam rawh hnathawk chau ania" a ti zawm zat a Nana pawn bu nghat in min rawn nuih te ver ver, Mahse ka awm a nawm phah chuanglo ni chin ang khan ka rap leh deuh!



"Nang ang rual ka nih pawh hian I chet dan ang hian ka che sual ngun a lawm" a ti a,a thinrim miahlo mahse ka tah a chhuak zual sauh



"A room ah ka han kalpui lawk ange Sawmte artui chu lo kan chhunzawm la" *Zoramsanga chuan ati mawlh mawlh a



Kitchen atang a min kai chhuak in step ah chuanin chhoh pui dawt dawt a,ka tah a chhuak,ka zak bawk si nen ka ding chawt a ka in ngaihtuah lungpuam zual deuh deuh



"Hey..hey pasal nei tep tawh I nihkha,tah miahloh tur Nana pawh a thinrim loh kha" a ti a mahse ka mittui ka dang seng tawhlo,ani pawh nise a zak ve viau ang



"Ka ti lui emaw a ti hrim hrim ang,lukham in ka vawm dak awrh tawh a chuan artui ka chhip chhuan tir leh bawk a" tiin ka mittui luang thla zung zung chu ka tuai fai nawk nawk



"Lo kal phawt teh..I tah a chhuak em mai" tiin ka kut chu a la a,a nghawng a min kuah tir in naute an pawm dan ang chiah in min pawm a room lam ah muangchang in a chho a,naute tap an thlem te pawh ka ang lek lek a kawng ah kherh in a dar ah chuan ka bei hle hle



"Chuan,i zak viau ami? I la tap dawn em?" Ka room khum ah thut dawt pahin ati a ka thu ngil a ka mittui leh sam in chiah piah nuaih chu min hui kian sak mawlh mawlh



"Nana khan, inneih a phal miahlo ang ka che khur si khatiang chu mo ah a duh dawn lo..mahse tinge ka hnaih ber kher ah khan a thut a? Ka zam lutuk?" Pangchang zet a ma tih chuan nuih za in sum zet hian min en char char



"Eng ah nge a phalloh ang,a hua che pawh ani hleinem,bak ah inneih hmang lawk tur a lo kal ania Oliver chu awm se rei tak a cham tur ania, Oliver awm lo hreawm ati deuh aniang inneih zawh veleh kir lehnghal a duh a,chuvang chuan inneih lam hi sawi hmahmawh kan ngai,bak ah kan naute hi a len tak tak hma a in suih kha a tha zawk ania" a ti zung zung a



"A lo kal tur tal hi min hrilh tur che a lawm ka lo in puah chah ve tur ania a rawn lang hlawl a ka lo vawm dak awrh lehnghal,ka awmdan hreawm zia hi I hrethiam phak lo ang" ka thinrim tep tawh



"Nia nia... hrilh che ka tum a mahse Nana hian surprise che a duh vangin engmah sawilo turin min ti a" tiin a in sawifiah nghal zung zung vang chuan a dar ah ka chum ringawt



"Ka chhuk ngam tawhlo,mahse ka riltam sia" tiin a mal chung atang chuan tawlh sawn ka tum a,rang tawk a min lo vuan bet in hnai zet ah chuan min en a



"Engmah chhuk ngam loh chhan tur a awm lo bak ah nangmah chauh I ni tawhlo a kan naute pawh a tel tawh a chuvang chuan I riltam piang in leh a hun tak ah thil tha ei tur" tiin ka hmui ah chuan a fawp zauh a



"Min kai tlat ang che" tiin min thlah rual chuan ka tho chhuak a,a kut ah chuan ka chelh tlat a Inhnuai kan thlen thlak dawn te chuan ka tha a khur thei hial, Nana hmuh chu ka hreh tawh takzet ani



Mahse ka hreh ang em em chuan Nana hmel hmuh a nuam lo hran lo, Zoramsanga ka in thutpui tir tlat a a khat tawkin Nana chuan min en leh reng zel,min haw hmel a pu lo na in ka chet chhiat na a man a lo tawrh ve zel na vang chuan ka awm a nuam lo ru veng veng



Tar ani a damdawi tam tak ei ngai a neih avangin chaw ei kham chuan muangchang lo in an pi tu chuan an in zui chhuak a, Nana hi hnam dang ani, Zoramsanga nen thisen a in zawm na an nei miahlo chung a an in Chhungkua ang a Zoramsanga a hmangaih na hi mak ka ti a helai thleng thleng te a rawn lan peih pawh ka ringlo zawk a



"Tupawh in chetsual chang kan nei ania,I that viau chang a awm anga,I chhiat ber chang pawh a awm ang..nangmah in ringtawk la engkim a tha vek ani mai" tiin a kal dawn chuan ka biang a min fawh sak pahin a ti a ka thâ a muang ta huai mai



"Nana ka lawm lutuk" tiin a kut chu ka dawm sak a



"Mahse lukham a in vawm em em kha chu a chi tawhlo ang,ka tar tawh hi ring char theilo a min vawm dak leh awrh chuan.."fiamthu deuh hian a ti a ka in thiamlo tha leh,ka nui a a za miahlo ka la zak ru veng veng



"Um tehreng mai ka vawm tawh ngai miahlo ang che" tiin than sak pah chuan ka ti a tichuan an pi tu in an in lam ah min haw san a



Ni a liam a,Nana rawn kal chhan deuh anih avangin inneih lam pawh kan sawi ta fo a kar 2 tha zen zawn a liam leh meuh chuan innei turin kan jn puah chah nasa tawh a hna daih atang a lo duh tawh kan nih vangin awlsam te in kan sawifel kha ania



"Fel...khawi zawk nge ka inhmeh ang?" Inneih na a ka hak tur Mo kawr kan en ho chu nalh ka ti hlawm lutuk bawk nen thlan tur ber pawh ka hrelo



"Aaaa,la hrelo a nalh vel vek,I inhmeh tho bawk a zangkhai deuh kha thlang rawh" alo ti a ka bu ve nghat bawk



"Khawi maw? " Tiin Zoramsanga chuan ka ken lai chu ala a min teh nghal sawk sawk



"A that hi,mahse I thiannu sawi ang in zangkhai deuh hlek ha rawh,inneih hun ah a boruak nen kan zi hup hup lo ang tih a sawi theihloh ania,naute nen a hreawm in tih loh na tur hak nuam tak kha thlang rawh" tiin dawr chhung pawh sawilo chuan min fawp a



"Hey!! Dawr ah kan awm hi..ka lawm e a dang kan en ange"ka ti nghal zung zung a



"Tumah min hmu thei an awm Chuang hleinem, Feli tih loh" tih pahin kan in fawh vang a mit lo hup Feli lam chu a hawi a ka nui ve suk,keipawh ni ila ka mit hup chu sawiloh ka tlan sawn daih ang



Kan duh ang tak kan en fel zawh chuan in ei puar turin kan chhuak a,mo thuam a bik a thui tir kha Zoramsanga duh dan a nia mahse nikhat lek hak tur chutia thui tir mai ai chuan hawh theih a awm kha tha ka ti zawk, vawikhat bak kan innei dawn pawh ani silo a sum a hek mai mai



"Pute,tunge thian ah I hman dawn?" Restuarant kawt a kan awm laiin Sawmtei chuan a ti a,ani teh chiah mai a thian tur hi a la ngaihtuah fel ve lo reng reng inneih a hnaih ve tawh nen,keichu Feli hi ka hmang dawn a thian atan chuan



"Thian atan a han hman awm pawh ka hrelo,helai ah i pa leh Thansangi pa tih loh hriat ka nei silo a,thian ang zawng phei chuan" a ti zung zung a,a mah pawh hi a thiam lo ve hrim hrim heti chen a rei an awm tawh a thian emaw hmelhriat tha nei ve nual thei tawh tur chu ani mawle,mu biak lum lam hi a mizia ani leh bau silo!



"Tluanga hmang mai la I duh em?" Ka tih chuan a ngawi vang vang a



"A man a duh te chuan a pawi hleinem" ati mai a buai na a awm ta lo



Restaurant ah chuan duhtawk in kan in ei puar a,kei phei chu naute ka in ngaih bel leh tawh vang nge pawh ka hrelo ka ei hi a tui hliam hliam bik tawp,chhuah na ah phei chuan a nuam lo lek lek zawk Zoramsanga lah chuan ei belh zel turin min tia naute vang ani tih ka hre reng,midang tumah kan la hrilh loh vangin sawi em em a la rem chiah lo



Mak deuh mai in ka nu ka chhun leh hlauh a,rai no huat tih ang reng ka neilo reng reng,hei vang pawh hi ani pakhat a tuman min rinhlelh a min zawh rih ngailoh,ka nu pawh khan min pai lai a sawi chhuah hma zawng kha chuan rai no luak chhuak leh huat anei ngailo a khavang khan ka pi leh pu te pawn an ringhlel ngailo



"Hetah in kal ve ani maw?" Kan ei zawh kan thut khawmuan lai a rawn kal avang chuan ka ngawi daih a, Oliver awm loh atangin a reh em a a let ta emaw ka ti zawk



"Enge I tih dawn?" Tum dang ang lo deuh a Zoramsanga'n a biak vang chuan lawm lo deuhin a mah chu ka en a a mit ko a san zuk duh ringawt!



"Aw ka kal remchang em a tah hian ka chawl hahdam lawk ang ka tia,inneih chu ka âwm ve hman dawn silo a kha hei hi ka lawmpui na che ah I pawm mai dawn nia, naktuk ah in ram hi ka chhuahsan tawh dawn a" tih zung zung pahin a bag atang chuan lukhum phiar nalh deuh tetakte hi a rawn la chhuak a



Mizo kutchhuak te pawh a ang reuh in ka hria,ka lam ah a rawn lek kan vang chuan tha deuhin ka lo la ve mai a,tumah ka rai chungchang kan hrilh lo a hetiang naute khum tawk lek tur min pe thut hi Zoramsanga atang hian ka rai tih a hria emaw ni ka ti hial mai



" Zo...naupan lai ami tawh anihkha" a tih chuan Zoramsanga ka en deuh hâ a alo bu nghat ringawt,mak deuhin lawm ai chuan ka thik na a rawn sang zawk tlat,a nupan lai thil thleng thleng a a kawl a ala vawn that sak chu eng emaw in zawm na bik riau nei tlat in ka hria a ka thik ru takzet



"Ka nu khan min dah that sak a,fa ka neih hun a a chhawm chhoh zel turin,tichuan Oliver hian a khum ve ta chiah a mahse a khum.lai hmuh chu sawiloh a piang ve ang tih pawh an rin thiam hma hauh in min boral san a" a tih chuan ka var ta uar mai, Oliver-a'n a sen lai a khum thin anih vang anih dawn chu Lana hian ala kawl that ni



"Ka lawm e..fa ka neih hun ah ka lo khum tir thin dawn nia" tiin Lana chu ka en a,a pasal hlui ka nei tur chu min huat na a nei tawh in ka hrelo,a beidawng ve tawh pawh ani mahna, Zoramsanga hian beisei na a siam tawh ngailo a kha thil an pahnih inkar ami kha chu Chhandama vang liau liau chauh ani



"Ka kal ange.." chawl hahdam tur in tu mahse a chhuak lehnghal mai, lukhum chu ka al tha vat a Oliver ta anih vang hrim hrim pawhin ka ngai hlu takzet,ti hi chuan naute a pian hun ah pawh a nau te kiang ah a awm ve ang in kan ngai zel tawh dawn a Lana hian thil tha tak pawisa ai pawh a hlu min pe ani



Lana kal hnu lawk ah kan haw ve nghal a,kan tei zau bawk nen ka chau takzet, Zoramsanga nen Feli kan thlah haw hnu ah kan in lam ah kan in zui haw leh phawt a, Nana a mah chauh a in a awm tir a duhloh vangin kan in lam ah Sawmtei nen a lo awm turin a rawn hruai ve kha ania,rawn lam haw a ngai hrim hrim



"Lana kha misual zawk zawk chu anilo tiraw? A hmangaih em mai che" tlan pahin ka ti a nui suk in a bu zauh



"Nia..a dik a lawm hmeichhe pangngai ve tak chu ani" a ti mai a sawi zui vak a duhlo a ka hriat vangin ka ngawi ren rawn a



"I nu leh pa te la dam se tiraw? Kan inneih na ah te min lawmpui ve se a tha dawn sin..* ka tih chuan a thaw deuh hawk a



"Ni e ka duhthusam,l lian ber ani,mahse duhthusam chu duhthusam" chhungril a na tuar hmel tak hian zat loh hmel deuh a nui in a rawn hawi zauh a



"Enge an hming ni hrim hrim a,ka tet lai khan engmah ka hre silo a nangpawh hman ni lawk ah anihkha ka hriat che,I sawi phal chuan" ka ti a ka kut ka mal chung a ka dah chu rawn la in a hum vang vang a



"Lalramsanga leh Zorammawii te an nia,ka hming hi an pahnih hming kaih kawp a phuah ani bawk aw..." Inneih dawn a ruai ah in hriatchian na kan nei tha leh ani ringawt



"Nana nen hian engtia in pi tu nge in nih kha?" Ka ti leh hram,zawh na ngah min ti ru ngawt ang



"Nu leh pa ka neihloh hria a min enkawl tu ania, chutiang bak a sawi vak ngaih na ka hrelo ka zawt ngailo na in Lana nu leh pa te nen khan Chhungkua ang a in zawm na chu an nei in ka hria"



"A fel hle mai,anih leh I nu leh pa te accident chhan chu police in an chhui miahlo tih na ami?" Ka tih chuan kawng sir rem lai ah car a ti ding thut a hmalam ah ka bu dawrh "ka tihpalh khatiang a I rilru tihbuai ka tum lo ania" ka ti nghal zung zung



"Lana pa ania" a tih chuan in thiamlo tak in ka en a a thusawi chu ka hrethiam lo hle bawk "Lana pa leh ka pa hi sumdawn na lam ah khan an thawk dun thin a,mahse Lana 0a duham vang khan ka pa chuan a thawhpui duh tawhlo,ti chuan chu an thawh dun na tawp na chuan ka nu leh pa nun na pawh a lak phah ta ani"



"Lana pa chuan I nu leh pa a thah sak che a maw?" Mak ka tih em vangin ka awihlo lek lek zawk



"Aw,ka nu leh pa chu sawiloh kei ngei pawh min thah a tum,ka lu a hliam dam tak tak theilo pawh hi a ma thil tih vang vek anih hi...khatih lai khan dam chhuak tawk tawk lo ila chuan jail ah damchhung in ka tan tir thei hauhlo ang,amah avangin ka nupui Lana pawh ka then phah a ka na lutuk,an chhung zing ah khan rei tak tal in fapa ang chiah khan ka khawsa a,ka dam chhung a ka neih let tawh ngailoh tur ka nu leh pa min lak sak tu ani tih ka hriat meuh chuan engkim a danglam vek tawh"



A bek a thisen zam te chu a pawng tawlh tawlh a,a thusawi zawng a a thinrim zia chu a hai theihloh hrim hrim,hnem tumin ka pawt hnai a rem leh rem lo chuan ka kuah vawng vawng a thaw pawh a rang khawp mai



"Ka hmangaih che..." Tiin nghet lehzual chuan ka kuah a



"Keipawn,I pum chhung ami nen hian ka hmangaih lutuk che u" tiin ka nghawng ah chuan a fawp zauh a



"Ni 3 chauh nupa kan nih na in a dal tawh a ka zam tawlh tawlh a hreawm" tiin boruak chu thlak ka tum khawp mai



"Keipawh,zep lo chuan ka zam alawm, Lana nen kha chuan kan innei ti ila an in ah khan kan innei tawp a kan cheng dun leh tawp ani mai,tun ah chuan khang nilo Mizo dan takin ka nei dawn che ania..mahse kan thei ve mai ang" ati ve niah niah a



"Nia..e kha zam loh na ei rawh" tiin kan chhuah tirh lam a ka thei den lei chu ka phawrh a alo ang ve mai bawk,ka barh chiah chu a mit a chhing sawk a thur ati viau aniang a a meng tawhlo a ner sawng sawng mai



Car chhung ah chuan ka nuih tiah tiah,a biang a kut pahnih in a dawm a a biang a teh nasa niang,a kut pakhat in a mit a hup leh vang vang,a lem ta hram aniang ka nui nasa lutuk chu ka chau vek thei,tui ka pe a lo la vat in a in nghal khawlh khawlh



"Min thah I tum ami?" Thur la tih hmel deuh hian min en a ka nuih a za lutuk a ka bu ringawt "a thur lutuk a ka lungphu a chawl tep a lawm,thei ka ngainat loh nen" a ti niah niah chu ka khawngaih hnuhnawh



"Kha hei ei la..." Tiin a dang pek ka tum a a la duh lo,a thur leh mawlh chu a hlau a


"I ei hmasak phawt loh chuan ka ei duh tawhlo" a ti mauh mai,ei hmasa pawh ni ila thur ka ngam a engtin vak ka awm dawn silo ka tih der leh dawn emaw ni?

______________________________


Ni a liam zung zung a,ka dam chhung a ka hun hlu leh pawimawh ber ka hriatreng na a cham hlen tawh tur ka pasal neih ni chu kan thleng ta! Ka phur rualin ka zam bawk ka nu a awm ve lo a ka pi leh Nana te chauh chu inneih boruak min hrilhfiah tu ka neih chhun ani deuh mai



"Wow mawi rapthlak lutuk" tiin kan in chei mek lai chuan Nana a rawn lut a,ka zam lutuk vang nge ka zun te hi a chhuak reng in ka hria!



"Ka lawm e...nangpawh I nalh lutuk" ka lo ti let var a



"Ramhuai chu ka ang em tawhlo ang chu tiraw? Ka lipstick pawh a dal tawh ania,in vawm dak awrh kha chu ka zuam tawhlo" a tih chuan ka nuih a zat rualin ka zak thar leh



"Ka vawm phal tawh teuhlo mai che" ka ti ve niah niah a,chutia in chei pah a kan ti ti vel lai chuan Tluanga'n min rawn call a tun ang hun ah te a a ti awm ang lo thin ania



Kan rel lawk sa ang in kan in lam ah keini chu kan insiam a, Zoramsanga chu Tluanga leh mipa dang Pa zaua te tih ang reng nen an in lam ah an in chei thung,Biakin thlen hma chuan in hmuh an phallo vel tlat anihchu



"Nana ka zam e..!! thutiam kan sawi lai ten ka chesual leh ang tih ka hlau,ka che chhe thei si" tih chhin na nei hmasa thlap mahila ka zam takzet,bak ah ka damchhung atan a ka ni pawimawh bka tih tawh ang in a tha ber a tih ka duh a ka tang bawk si nen ka tang ulh leh zam hi ka ni ber mai



"Eee..ka hrethiam lutuk che,I ti thei mai ang tiang te chu a awm ve a lawm I la naupang a,Maicham hma ah chuan ding la I zia zawk mai thei a sin" a ti a,kan in biak a kan in fuih chhung zawng pawhin Tluanga chuan min rawn call char char!



"Mawl muk-a hi enge a hriat a!" Feli ning lutuk chuan ka phone chu min rawn lak sak in a pick nghal thuai a "rawn call tawh suh,kan in chei mek in siam ve vat vat rawh" a ti vin pung pung a midang ho chu kan lo nui dar dar



"Enga!...Than..ka duh theilo" tiin min rawn vuan thut a ka phu lek lek,a hmel a hlauhthawn na awm te avang chuan ka lungphu hi a rang nghal dawt dawt a thil tha lo a thleng tih ka chiang lutuk!



"Enge sawi rawh" ka ti nghal that a ka kut a khur ti tih nghal!



"Pu.. Putea damdawiin ah an hruai.." a ti chiah chu ka kaih za tha a rawn thlep hnawk a chhuat ah ka thu tawp



Midang in thil awmdan an zawt zung zung a, Tluanga te lam buai lutuk in thu Chiang a hrilh hman bikloh thu a sawi a ka pa an koh chhoh lai te chuan,ka âwm tawt lutuk chu ka chum dat dat a,tah ka chak a mahse ka tap thei miahlo!



"Kal vat ang u..midang in ah hian lo awm ula" tiin ka pa chuan a rel zung zung a,kei, Feli ka pa leh Nana chu motor khat ah kan chuang a Putea'n scooty in hnung lam ah min lo zui ve bawk



"Engtin..engtin nge a nih theih a? Nana nizan ah a dam lo ami? Ngati nge hospital a hruai ngai in a awm a? " Nana hnen ah chuan mangang lutuk in ka ti a



"Na hranpa a neilo a lu a nuam lo deuh ati ringawt a, damdawi ka pe a a muhil a zing lam ah pawh engmah na a sawilo" a ti pawh a hrilh a hai hle tih a hriat theih



"A tha leh mai ang" ka pa chuan a rawn ti a,chu ringawt chu in hnem na tham a tling lo,tha leh mai lo in THA se ka duh



Hospital kan thleng a mo kawr nen chuan ka lut tawp,in thlak na hman awm hek lo, Zoramsanga awm na lam kan zawt a chumi lam ah chuan hmahmawh takin ka tlan a,tun a ka hlauh ber chu kumkhua a tan ka chân ang tih hi ani



"Than helam ah" Tluanga aw ka hria chumi lam ah chuan ka tlan leh char char, Pa zaua te nen an lo awm a an hmel ngui lutuk ka hmuh te chuan ka tah a chhuak zual lutuk ringawt



"Engtin nge a awm a? A dam leh mai dawn em?" Tiin Tluanga kawr ah chuan ka vuan chawt a



"Ka hrelo an check mek a,ih kan insiam mawlh mawlh lai ania a lu kha na a ti lutuk a thuthleng ah khan a thu vang vang a,a zia em tih zawh kan tum kha kan be tawng zo tawhlo a chuan damdawiin ah kan tlanpui nghal a" a tih chuan ka theihloh chu ka thei ta!



Damdawiin anih ka pawi sa tawhlo ka tap chhuak hawm hawm a Tluanga chauh chu ka en,ani pawhin min hnem nan min kuah ve bawk,rei tak kan nghah hnu ah doctor a lo chhuak chauh a ka mo thuam nen a min hmuh chuan a hrilh a hai hmel takzet



"Dam lo hi zai angai dawn a,a lu lam ah hian harsat na a nei a,a thisen kal zam te hian a nih dan tur takin hna an thawk theilo a ,kan zai vat lih chuan a nunna hian a tuar p"



"Doctor,damlo nupui tur kha ka nia..ih kan innei tep tawh a sin... khawngaih takin min tih dam sak hram rawh" a hma ah chuan thingthit ka tum a min lo dawm nghal vat



"Theihtawp kan chhuah dawn a lawm,tlang deuhin ka sawi anga lû lampang hi chu a risk a sâng em a kan zai hlawhtling ngei angem tih chu ka sawi lawk theilo,tihsual pakhat lek pawhin a thih leh dam a hril tlat a pawi ka ti,theihtawp erawh kan chhuah ang..." A tih te chuan ka beidawng dawn dawn mai!



"Tun ah in zai nghal dawn ami?" Ka pa chuan alo ti vat a



"Aih,dam lo hi a zia deuh hun kan nghak phawt ang,tih ngai neuh neuh a awm bawk a..in tawngtai na ah in tel theuh dawn nia" tun ang reng reng a ka thil tawn ah beisei na ka neih chauh nghal hi ka la hrelo hial ang,eng emaw palh hlek a awm anih chuan kumkhua in ka chân dawn a ni si a



Kan boruak anih tak nuaih avangin Pa pahnih chuan in lam leh Biakin lampang programme thulh tur te, pastor hriatthiam na dil tur te chuan phone an hmang a Feli leh Nana chuan min thut pui a,ka mo thuam ka en ringawt te chu ka tah hi a chhuak em em tawh!



"Dam lo saw a zia deuh a, I hmu duh em?" Nurse la upa vaklo tak hian ka hma a ding in a rawn ti a, chuveleh ka ding chawt a nurse chu ka zui nghal,nichin a doctor kha lo awm in ka thawmhnaw te chu min thlak tir vek a surgical gown min in bel tir in room ah chuan min hruai a hnaih lutuk erawh an phal lo pen hnih thum vel a hla ah ka awm



"Enteh ka lo kal ania...meng hram teh" tiin ka tawng tham chhal tawh,ka tawng a hrelo nge a zia an tih kha a zia leh tawhlo hman zawk pawh ka hrelo "Innei turin ka lo la nghak dawn che ania.." ka ti leh hram a



"Ti khan in zai hma zawng chu I awmpui thei ang,a mah pawh a rawn harh tep tawh ang a tuarchhel khawp mai" doctor chuan alo ti a Zoramsanga kut chu vawn a engtiang chiah in nge tun ah hian na a tawrh ang tih hriat ka chak ani



Rei vaklo ah chuan a ban chu tlem in ati che a chuveleh pen khat in ka awm hnaih ve nghal,a mit chu muangchang in a rawn meng a



"I tha em? A la na em?" Ka ti a min chhang lo,a ring a chet sawn theilo a chuti chung chuan ka lam rawn melh a tum tang tang tho "Ka pu.. khawngaih takin reilote chiah a kut hi ka vawn sak thei angem?" Tiin doctor min vil reng chu ka ngen tawp a



"Awle..." Tiin min phal sak hlauh a chuveleh rang lutuk in ka vuan nghal



"Reilote nghak leh ang aw,chuan an zai che anga I tha leh vat mai ang" ka tih chuan a a mit a chhing leh vang vang a chumi hnu ah beisei neilo hmel tak a rawn meng in



"Ka damchhuah loh chuan..naute kha.." zawi lutuk chuan ati chhuak tawk tawk a,ka mittui ka dang seng zo zai tawhlo! Kan hlim ve dawn chauh a harsat na bawk in min tlak buak leh si!





Ads click kha theinghilh awih miah loh aw, kan chhiar chuan click hi kan tih ve ngei2 tur a nih kha



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:31 pm

🍓A tawi tawp..ka thluak a ro vek type tur hlawl ka hrelo hnap sek ho😩 dah loh ai ang vel ani😬🍓


☄️CHAPTER-38


"I dam chhuak dawn hrim hrim,naute vang tal pawh hian I dam chhuah angai risk sâng viau mahse I dam dawn tih ka hria" ka in hnit hlawp hlawp reng a a meng ve ngailo a lu na a tih lai ang khan a ner sawk sawk thin



"Tuar hram hram rawh aw.. " tiin a lu na ka chhawk zangkhai theih beisei chuan a lu ah ka dawm sak a,ka khawngaih lutuk leh chan ka hlau lutuk hi keimah zawk pawh ka in khawngaih hial tawh! Tih sak theih ka nei der silo!



A tawng that theihloh vang leh a lu lam in na a tawrh tir reng vang chuan a ngawi a kan awmdun reng tho,ka biak vak vak chuan a chauh ka hlau a,chutih rualin ka biak a chhan loh chuan ka ngaih a tha lo zual bawk si..ka awm dan hi a hreawm ngawih ngawih



Sana a kal zung zung a chutiang bawk in khua a tlai ve zel bawk, vawiin hi nupa a kan insiam hun ni mahse tun ah chuan khatiang boruak khan min chiah pha tawhlo,ka pasal tur chan lek lek in ka awm a,a kal anihchuan ka dam zawh ka ringlo



"Ka hmangaih lutuk che ania,hre reng rawh aw.." tiin zai tur a an hruai hran hma chuan ka hrilh mawlh mawlh,engmah hrelo ang mai a a mit a chhing tlat te chuan ka mang an ti ang takzet



In zai na room lam ah an nawr chhuah vangin ka zui ve a kan pastor min insuih tir tu tur kha alo awm ve nawlh mai,engtianrei nge a chhung ah khan ka va awm hman ka hrelo keichuan rei ka tilo mahse khua hi a rei thawkhat zia chu a ti lang vek



"Ka lo tawngtai sak lawk ang chu..dam na te a chan theih nan" a tih avangin rem leh rem lo chuan a tawngtai a kan za vai in kan lo chhing bawk,ka kut awm hle hle theilo leh khur nasa lutuk chu ka dawm tawn a ka lûng hi a chhe ngawih ngawih



Tichuan tawngtai a zo fel a muangchang tawhlo in inzai tur chuan an kalpui a ka duhloh em em chungin Zoramsanga'n nichin a a sawi 'ka damchhuah loh chuan naute kha..' tih ringawt chu ka beng ah a ri nawn tluk tluk!





Darkar tam tak kan nghak a khua pawh a tlai dawn tan ta,zing lam a kal kha kan ni na chung in in zai chhung bak ah in zai hma khan hun kan paih duai bawk nen tlai boruak in min nang tan der tawh ani



"Aunty ka hruai dawn.." ti a Oliver aw ngei ka hriat rual chuan ka phu zawk a ka meng chiang ngang mai



"Engtin nge a awm?" Ka nghen ber Tluanga hnen ah chuan ka ti, Oliver aw in min rawn biak na khan ka awm a ti nuam lo,a pa hi rawn hruai a tum ani hrim hrim!



"Engtinmah a awm lo aniang engmah rawn sawi a la awm lo" a ti a ka thla a muang huai mai,ka kut chu ka sik ka sik a, rilru nuam lo tak a nghak kan ni bawk nen chanchin tha lo lam kan dawng ang tih mawlh chu ka hlau



Nana pawh a tar a tar in a awm hle hle theilo,a mittui a hru leh zauh thin,a chang leh kawngkhar bul ah te a va ding a a tar tawh sia a khawngaih thlak bik takzet



"Engtik ah nge an zai zawh ang le? A rei tawh e.." ka tih chuan midang chuan min en deuh thap a,a rei tawh em bawk in a rei poh leh ka ngaih a tha lo zual tawlh tawlh bawk si



"An zo ve tep tawh ang,risk a sâng sia a hmanhmawh chung chung chi dawn lo a" Ka pa chuan alo ti a



"Nurse...?" Nurse rawn tlan chhuak chu ka lo au a hmahmawh lutuk nge a tlan tlang daih! Ka ngaih a tha lo zual zel a midang pawh an phili hluk tawh



"Lo chi ai vak lo ang u...in bengdai hram hram ila" Pa zaua leh ka pa chuan an rawn ti a Mahse tumah tha pangngai tak a awm thei kan awm tawhlo,ka tah a chhuak bawk si ka hawi kual a tumah beisei na sâng tak nei hmel pu an awm lo te chuan min ti tap tak tak !



"Nurse..." Pa zaua chuan nurse rawn let lam chu a.lo au a eng emaw a keng tun bawk



"Ka pu..damlo tan sawn nasa takin lo tawngtai rawh u " tih ringawt sawi in mangan hmel lutuk chuan a tlan lut lehnghal



"Pa...a tha lo tih na ami? Nurse kha.." tiin ka pa chu ka kuah a,ka nun hi ka haw takzet heti em em a harsat leh mangan na kawng bum boh ka zawh mai hi tihsual lian tak ka nei zawk em ni?



"A tha leh mai ang..hawh u Zorama tan I tawngtai teh ang u" tiin ka pa chuan tawngtai a rawt a, ka thiam leh theih ang tawk chuan ka tawngtai ve bawk a mahse Zoramsanga na tuar tur ka ngaihtuah tel zel a a hreawm lutuk



Ka tawngtai zo chiah chu thawm a rawn awm a rang takin ka in her nghal, doctor hmel beidawng lutuk ka hmuh rual chuan ka ding a lam ka pan nghal vat



"A pawi ka ti khawp mai... theihtawp chu kan chhuah a..."



"Aih...dawt sawi I tum? In zai hlawhtling tiraw? A kal tih min hrilh miah suh doctor khatiang lam kha chu khawngaih in min hrilh lo hram rawh..." Mangang lutuk chuan ka ti a



Zoramsanga ka chân tih min hrilh tum ni a ka hriat na chuan min ti na ngawih ngawih! Ka a thei takngial dawn in ka hria ka thawk na dâwt ah chuan hnawh tu awm ang mai in ka thaw tha theilo! Oliver khan ka hruai dawn a ti a a hruai tak tak em ni?



"Doctor...a mar kan hmu ania" ti a nurse lo tlan chhuak chu doctor chuan


"Engtin nge anih theih?" tiin a tlan lut lehnghal


"Lalpa min tih dam sak hram rawh"

________________________________

★ 5 MONTH'S LATER ★


"Kha I va puar lian chak ve thla 4 vel chauh ni in ka hre sia..phir I pai a ni lo maw?" Ka pa tlawh kawi a ka kal chu thenawm nu Nu Zuii chuan an veranda a pangpar khawih chungin alo ti lang lang a



"Nia...kan pa pawh hian phir aniang a lian em mai ati thin a,in dam maw?" tiin ka chhawn ve nghal zat



"Aw dam ani mai e..I pa pawh I awm loh atang chuan a rawn leng lut fo mai kha..I awmloh chuan a hmel kan hmu zing ve deuh a a zia zawk phian mai" a ti luam a



"A that hlauh chu,nakin ah rawn lut phei la" ka tih chuan aw min pawh ve mai in kan in ah chuan ka lut a



Kha thil a thlen atang khan thla 5 a liam tawh,Ka pasal ni ta Zoramsanga ka chân lo a tun ah hian dam takin nupa ni in in khat ah kan cheng dun tawh,a lu lam ah harsat na a nei ngai tawhlo,in check up fo angai a a a hun ah chuan tha takin a in check-up mai thin



Khatia nurse leh doctor ten a mar an hmuh hnu khan thil mak thleng in a nunna chham him ani a, doctor beidawn na hmuh kha chuan awih a har zawk,chuta kar ah a dam chal em em bawk, doctor khan an zai lai te khan a hriat na thenkhat a hloh phah a lo hlau ru em em mahse chupawh Pathian vang chauhin a thleng lo bawk..doctor beidawn na te ka psal in min kalsan ka hlauh na te engkim khatih lai hun kha nimin ang maiin ka la chiang


Ka pasal dam chhuah leh na ah hian a bul ber chu Pathian ani ka ti lo theilo


Kan Mangan leh rilru hah thlabar vang khan lo tawngtai thei miahlo ila chuan ka pasal hi ka nei let leh kher angem tih ani



"Pa..." tiin a ka pa chu ka au zet na in a haw a la hun chiah lo deuhin ka hria,in chung ah ka lut a "Zote..I awm em?" Tiin ka au ta zawk a



"E aw..U ilo kal a law ka pu chu a lo la thleng lo deuh a " Zotei chuan buai hmel tak hian a rawn ti sawk sawk a a berh dan ah pangpar a a sawngbawl leh vak tawh aniang



"Um ka in check-up a ka lo kal kawi mai mai,a awm loh chuan zan lam ah kan rawn phei mi dawn nia ka va haw ange keipawh kan pa a rawn haw tep tawh ang" tiin ka chhuak lehnghal mai a,ka nau hi a thla ngaihtuah in a lian ang reng a duhtawk a chet chu a har ve hret



Zotei hi ka pa in a nula thar ania Sawmtei'n Remzuala a neih dawn tawh vangin heta thawh an phal tawh bawk silo a, Zoramsanga'n a zawng leh chung chung a kan hmu peh hram,ka pa pawh awm ho vek kan ti nang in a mah kan ngaihtuah vang tih a hre duhlo tlat a awm khawm leh ngaihsak chu tlawm ah a la ve deuh aniang


"I in check-up chu enge I an a?" Pi Thantei chuan alo ti var a


"A tha ani mai, doctor thu hi zawm tha thawkhat hian ka in hria a,ka in check-up pawh hian min fak ve thei khawp mai..." Ka ti teh duah



"A that hlauh chu in pa khan a rawn call che em? A rawn haw tlai leh dawn a,tunlai chu a thawkrim sia a khawngaih thlak letling zawk a lu te hi a na leh vak ang tih a hlauhawm" a tih chuan ka lo nui suk a



"Na mai mai tawhlo ang,an zai hlawhtling a law..a hmasa ang lo in enkawl na a dawng zui zel a kan in check-up zel bawk a,dam lam a pan zel mai ang,a hma te khan in enkawl zui chu nise dam hlen tur mawle a luhlul ve si ka pasal lah hi" ka tih chuan a nui hawk hawk a



"A patling in entir tur a kal te chu ani ang tan chuan a ninawm ve duh dawn ania" a ti a,a sawidik ve tho na in dam na hi a pawimawh zawk



Muangchang in ka in ti fai a chaw kan ei dawn tep ah min lo call ve hram,a rawn haw tlai viau dawn thu leh chaw ei a nghah a ngaih loh thu a rawn sawi a ri deuh hat hat ka hriat vang chuan office ah a awm tawhlo ni in ka hria



"Enge in la tih? Khawi ah nge I awm a office anilo tih chu ka Chiang a" ka ti nghal zung zung



"Nia..awm lo ka thawhpui te leh ka hnuai a thawk te nen zanriah kan kil dawn a chuvang ania.. company hlawhtlin na ka hrilh tawh che kha maw vawiin lam ah khulam atangin ka thawhpui lian tak tak an rawn kal thut a ei khawm an ti tlat sia ka hnial viau na in an zahawm ang reng sia..lo haw vat ka tum dawn nia lo thinrim hman lo la aw" ati nghal zung zung



"Dar 10 ah ilo haw hman angem?" Ka ti a, diktak chuan a tul ka ti lem lo,nupui nei ani tawh a a nupui in in lam ah ei dun pui pawh ka chak ve reng a nia



"Hman dawn lutuk e,ei zawh vel ah hna chungchang tlem kan sawi leh anga ka rawn haw thei ani mai..I lawm vak nange? Ka rawn haw zawk mai dawn ami?"



"Ngailo..ilo haw har dawn chuangloh chuan.." tiin phone ka dah a,a ruk tak chuan ka lawm viau lo mahse pasal te hna thil a lo khirh leh lawm loh viau lah nupui sual nih na mai mai a ni bawk sia " ka ning a!"



"Ka haw aw... kawngka hi chhunglam ah I kalh dawn nge?" Pi Thantei chuan TV ka en lai chuan ati a,chutia atih chhan pawh keimah chauh a ka awm dawn vang ania koh haw mai turin Alex a awm bawk silo chawlh pe in kan haw tir rih bawk sia Zoramsanga a la rawn haw hman dawn der silo



"Ngailo mai ka lo mutthilh tak thut in a rawn lut theilo ang" ka ti a tichuan min chhuahsan a,a chhuah hnu phei chuan ka khua a har thar a ka pa te in ah ka phei rih mai dawn emaw ni ka ti hial



Dar 8 vel ah a rawn thlen tawh mai ka ring a,a hmel erawh hmuh tur a awm lo ka in ngaihtuah hlau chawp bawk nen eng emaw ri ka hriatsual mai mai ah pawh ka phu leh chiam zel!



Zoramsanga ka call tawp a a pick loh chu sawiloh a hmet tawp zel a,a tawp ah phei chuan hlauh ruk nen ka thinrim tun tawh!



Phone chu dah hmak in couch ah chuan ka mu a khua a vawh vangin ka kawrlum lian pui chuan ka hmai chin zawng ka khuh a,eng emaw hlauhawm deuh ka hmuh theihloh nan a in khuh ka ni ber zawk





"Duatlai...?" ti a hnai tak a min au tu ka hriat chuan muangchang in ka meng a,couch ah khan ka lo muhil daih aniang ka harh chian rualin zu rim in ka hnar a verh nghal zat "khum ah lo mut tur che a lawm" ati a hnai tak ah min bawh lo chauh hian a rawn awm hniam a,zu rim lah chu rapthlak tak ani



"Zu I in a law?" Phak chuap a thu chungin ka ti a a nui ri nghal suk



"In lo e..." A ti mai a ka awihlo lutuk leh a rim ka hre Chiang bawk si chu ka ner sawk ringawt



"I in Chiang em mai,I lo haw tlai hrim hrim bawk ka rawn call che a tinge I lak duh miahloh, Pi Thantei a haw hma thin tih I hre ve reng a Alex a awm lo a ka hlau dawn tih te ngaihtuah ve ta che" ka ti chhuak pung pung a



"Oh sorry lutuk,min lo call ka hre miahlo duhai in hna thil kha kan sawi rei leh deuh sia.. tihpalh em em aw" tiin min kuah nghal hlun a ka lo nek nghal salh



"Min kuah suh..hna thil mai mai vang a in lam a I nupui I theihnghilh thei hi I mak aw Zoramsang" tiin rem lo deuh chuan ka tho chhuak a



"A mak e aw...enge ka theihnghilh na che? Lo thu teh tinge maw chau deuhin ka rawn haw a min lo thinrim khur char char a!" tiin ka ban ah a vuan a ka tang ve tlat thung



"Thinrim loh theihloh a lawm..ka call tal te kha off zel lo in lo la ta che!!" Ka ti vin hrep



"I rawn call ka va hre lo ve?" Tiin a phone a phawrh a "ka off a nilo reng reng" tiin a phone a bih ngur ngur a



"A nihchuan tu off nge? Tunge I phone lo off ngam khawp a hnaih che a..ka thuai sawm dawn" ka ti vin vak chu thutak a hnek in a nui chhuak thut "nuih na tur ka sawi ami?" Ka ti leh nghek



"Duatlai..nau pai lai I nihkha kan naute hi a rawn pian chhuah hun ah a kawlh lutuk ange a tha dawn lo ania" a ti nui sen sen a



"Ka ning ,ka mu daih dawn ka buaipui dawn miahlo che zanin chu nangmah in inthlak vek rawh...zu rim nam ka buaipui peih lo" ti hlak hlak in in chung chhoh na step lam ka pan a



"Ngah nge zu in min tih ziah a? Ka in lo" a rawn ti lawng lawng,tunkar chho chu zan thum vel a zawn kher lo deuhin zu rim a rawn nam haw tawh a ka ning tlat tawh



"I in reng sia lawm.." tiin ka in her leh " zanin chu ka riak hrang dawn..zu in I hrat tlat ka duh miahlo ania Zoramsang" lung hnur tak chuan ka ti a,kan inneih hma te pawhin leh Oliver ka awm lai pawh khan a nam ve zeuh thin tih ka hria mahse in ngainhlek tawhlo se ka duh,pasal zu in nei Nu hlim tak hi an vang bawk si.. chutiang nih ve chu ka duhlo




"Aw!! Zan dang ah chuan ka chauh thin vang ania no hnih khat bak ka in ngai chuanglo,zanin ber kher chuan ka in miahlo aw.. chianglo in I duh duh hi sawi tawp thin suh" a rawn vin ve ta lek lek,kei a thinrim rilru na no tawh bawk si chuan a tawngkam 'chianglo in I duh duh sawi tawp thin suh' a tih chu ka la na tlat pek a!



"Zu rim 100% in ka hria...I nam rum rum a lawm le enge ka chian loh na?" Ka hnuk te a ulh dawn dawn tawh! Tum dang ah Khatiang khan min ti ngai miahlo a ka la na takzet hi ani mai



"Min tih buak palh a lawm..ka in lo hrim hrim" ati leh ringawt



"Ka ning"



"Keipawh ka ning,thil ho mai mai ah hi chuan in hau lo teh ang,naute pawhin a ngeih lo ang" thu dang a pakai a tum ni a ka hriat vang chuan ka ner sak a


"A nih tunge phone kha lo off zel?"



"Ka hre nang! Hria ila ka sawifiah nghal vek ang chu,zanriah ei khawm kan nia staff te nen kan tam a lawm ka phone dawhkan a ka dah kha washroom ah ka kalsan lawk a an lo khawih aniang naktuk ah ka lo zawt kual dawn nia" awlsam zet chuan ati a



"Nu ni mai tawh tur I nia, naupang chhia deuh a awm chu a chi tawhlo ania..."



"I chhe ber e in la patling si,I bul ah lo khawi ah nge ka pangchang Chuang a nga ka ngei tlat che" tiin step ah chuan ka chho hlawk hlawk a ka nau hian ka duh ang tak pawhin min ti kal chak theilo



Room ah lut in ka bag te chu ka la a phone thun in ka ak rem sauh sauh a chutih lai mek in a rawn put veleh



"Enge I tih dawn?" Bang bo hmel deuh hian a rawn ti a



"Ka tlan dawn anih hi..I nupui hi ka tlan dawn" ka ti bul hmuk



"A eng kha nge kan sawi lai ah khan tlan chhan tur awm a? Ka phone lo off zel tu ka hrelo a naktuk ah ka lo zawt ang ka tia,zu pawh min tih buak vang chauh ania a rim ka nam,ka rui pawh ani lo a enge tlan chhan tur awm?" A ti teh duah



"A awm a ni mai.." ka ti ringawt, kawngkhar a a ding reng chu kal pelh mai ka tum a,ka ban ah chuan alo man chawt a thaw hawk in ka melh hrep



"Ka va thlah ang che chutia tlan I duh tlat chuan" a ti hem mai! A kut chu thin thlak ka tum a min man nghet sauh a a la nui ang mai mai lehnghal



"I mak eeee..!! I rui tak tak zawk a mi a? Tu ge mahni nupui tlan tur te thlah ngai a?" beidawng lek lek chuan ka ti a



"Keimah ani mai a lawm,zan rei dawn tawh a nupui te mahni a pawn a kal tir ka tum lo hrim hrim naute nen in chung ah thil tha lo a thlen ka duh hleinem..kal ila" a ti leh si



"Ka ning! Ka peihlo keimah in ka tlan dawn tuman nupui te tlan tur an hruai ngailo.." ka ti a


Ka thinrim nen a ni a nui suk suk reng bawk sia ka tah te lam lam a chhuak tawh,mi thinrim lai a in runluih ang hrim a lo thinrim ve duh miahlo an awm hian tih ngaih na vak a awm silo nen a thinrim thlak in tah a chhuak duh zual bik



"Kal ila..keipawh ka rawn tlan ve nghal mai ang in ah mahni a riah ka peih bik lo" tiin room ah min pawt lut leh,a kawr a hlip sawk sawk a a in thlak fel veleh min kai lehnghal chat!



"Ui ka bei I ti dawng!! Ka tlan leh lo mai ang ninawm!" Ka ti hlak hlak a,a awmdan min runluih tih dawn a ni thei chiah bawk silo chu ka haw tak tak ani



"A ho em mai,I pa pawh kan riah pui khât tawh a lawm, kan pahnih in va riak phei ila tlan type pawn..zing ah kan haw leh mai dawn a lawm" ala ti awlsam et zui! Thinrim hi a ti zual mang e!

#Ads i la click ve lo, a hnuai chiah a milem khu aw ads click tur chu, thanks

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:31 pm

☄️CHAPTER-39



"Ka peih bawk lo" tiin khum ah chuan ka va thu tau nghawng nghawng a,nui ri hak chungin min rawn pan veleh nghal



"I tau ami?" A la ti duh chauh nia! Hepa hi min tih thinrim zual a tum tak tak anih hi!



"Tau tau tau,ka tau tih pawh I hre reng a min thlenlm pawh I tum lo min tih thinrim belh char char!" Aw rawl tawp tawp chuan ka ti a,ka tang lutuk chu ka hrawk a phiar tawn tawn thei hial zawk



"Aw..tlan I duh a kal ang ka ti mai a lawm,ngailo tiin dang tlat che ila tun ai hian kan boruak a chhe zual zawk dawn a sin,naute kan nei tep tawh a boruak chhe lutuk hnuai a pian tir ka duh reng reng hleinem" a ti teh duah,ka lungawi loh laklawh vangin ka ngaihtuah that sak peihlo engmah



"Nangmah tel in ka tlan duh hleinem! Pasal te tel a in lam a haw te tlan pawh ani ngai hleinem" min tih thinrim a thiam lutuk hi ka ngei tawp



"Ka tello chuan tlan ka phallo..tho rawh va tlan chiah ila" phur hmel fe a nui chungin min kai leh a min chhuah pui dawr dawr!



"Ka peihlo.." ka tih pawhin min kal luih pui zel a car bul kan thlen veleh min thut luh tir a lo tan viau lah nau ka ngaihtuah vangin ka ti theilo "ka mu duh tawh..!" Ka tap lek lek tawh min ti thinrim char char a,a nin nui hmel a pu vei reng bawk si



"I duhlo tak tak maw?" Hmel thutak zet chuan a ti chhum hmuk a



"Aw ka mu chak tawh" ka rin ai hma in ka mittui a rawn luang thla hma



"Tlan sawi tawh miah suh,nupa kan ni tawh thil lian tham anihloh phei chuan tih tauh fo loh tur a theih ang ang a in sawi rem zel tur aw..." Ka hnar ah chuan a rawn piai hlak a



"I sual lutuk..ka pasal I nia ka tauh khum ve chak che ani mai a lawm Lalzoramsang" ka ti a ka tah chhuah loh nan ka hmui ka pet nghal fan fan



"I tah chu a chhuak viau elaw?" A ti thawp sat a ka bu nghat ringawt "100% in tah a chhuak em?" A la ti kher zui car kawngkhar chu pawh khar daih ka tum a lo man bet in a kut lehlam a phar hluai



"Ka kuah duhlo che" ka tih chuan a nui suk a



"Lo kal la..tah belh nu" tih leh min pawh a rual a tlem a ka tawlh hma rual chuan min kuah nghal thlawp,duat deuhin min chul a ka pum in min dan duham ve deuh tawh vangin duh ang thal a nuam a in kuah chu a har deuh tawh



"Ka kiang a pangchang te,tih tauh te hi ka phal tawhlo anilo ania..I pasal ka nia keimah ah lo chuan tih tauh leh pangchang ka phallo zawk,mahse thil hriatchian thin tur " a ti charh charh a



"Keimah in ka awm sia ka hlau a,ka call I off zel sia boruak a fuh lo chho anihkha ilo haw har si" ka ti a ka in hnit deuh hlap hlap reng



"Sorry lutuk..ka sawi tawh ang khan"



"Ka hria lawm, naktuk ah zawng chhuak vek rawh" ka ti nghal pang chu a nui nghawr dat a,awm hla deuhin nui pah chuan min en vang vang



"Hmeltha te,ka hmangaih che" tiin ka hmui ah chuan a fawp nghal zauh a "chuan vawiin chu I in check-up em?" a ti zui zat a



"Aw ka tha vek e..exer theih ang ang a la turin min tia..ka nau hi a lian ang reng sia nakin ah neih dawn hnaih ah te ka buai loh nan leh ka fit zawk nan atia" peihlo ru deuh chung a ner sâng pahin ka ti a



"Um a that chu,tun atang chuan zing ah kan tho hma anga exer kan la thin tawh ang,a hma atangin ka hrilh che a thu I awih duhlo a doctor in a rawn tak tho che hi maw?" a ti ngei a ka ner vak ringawt



A hma khan thla 3 bawr atangin exer la zeuh zeuh rawh nangmah I in fit anga a ti thin a ka peih ngailo zing mut duh sa ka ni bawk nen ka tho hma phallo hrim hrim



"Engpawh nise..chutia tlan dun I duh leh siloh ah chuan lut ila I han mu teh ang ka chau tawng khawng dawn tlat" tiin motor atang chuan min kai chhuak a



In lam ah in zui lut in engmah ti khawmuang tawhlo chuan kan mu a,khua a vawt bawk nen ka mu lum tha thei meuh lo chu a mah ka nek reng a ka nek harh nge min kuah ve nghal zat zel



Zing ah nizan a a sawi ang tak tak in khaw vawt pawh sawilo chuan min kai tho lui a. Ka tap lo chauh kawt ah chuan exer min lakpui a,in chhung ah pawh lak theih reng a pawn vawt a exer min lak tir.kher chu ka tah hi a chhuak et et mai ani



Kan tawp dawn lam ah phei chuan ka tum bar reng tawh a chhan pawh ka chhang tha peih tawhlo min biak pawn a rul tawk chauhin ka chhang zel, hrethiam reng mahse min notice duhlo lui tlat!



Kan inbual a ka tha hi a zawi ngawih ngawih tawh mut kham loh nen,Chaw kan ei mawlh mawlh lai chuan zawi leh muang fe in ka chaw ka ei a



"I ti thang anga I nguai lo mai ang, bak ah naute tan chauh pawh anilo a nangmah tan pawh ania lawm" ka lung nih loh ruk na hre kar ta chuan ati zung zung mai



"Ka mut a chhuak" tih ringawt in ka chhang thung



"Um ka hria a lawm, chaw ei kham ah han thu deuh la chuan I mu leh vang vang dawn nia tih tur I nei Chuang hleinem" a ti a,a sawi dik ve tho nileng in duh chuan ka mu thei



Kan inneih atang khan ka hna ka bansan a chupawh ka naute a rawn lian dawn tan bawk nen kan in dim ru ve hrim hrim,chuvang chuan nileng chu mut nan hun ka nei ,chutia ka lo ngaihtuah lai chuan a phone a rawn ri a,hello ti a a chhan bak chu engmah a sawi tawhlo



"Kha be lawk rawh" ti a phone min rawn pek vangin bang bo deuh chuan ka lo la mawl ve tawp "bia la..." A tih leh vangin phone chu ka beng bul ah ngaih tha teh chiam lo chuan ka dah a



"Hello" ka tih rual chuan mipa aw hian min lo chhang let nghal vat



Zoramsanga hnathawk te zing ami anih thu sawi in nizan ah a rui nawi deuh in Zoramsanga phone kalsan lawk kha a ma ta emaw tiin alo vil deuh chawt a,khatih lai tak a ka call pawh kha ruih nawi vangin fiamthu deuh si hian alo cut zel alo ni!



Ngaihdam min dil in an boss nen a kn in hauh phah a hlau in zing a harh veleh ngaihdam dil turin min rawn call anih thu te a sawi a thupha a rawn chawi nasa khawp mai,keipawh peh hel kual vel lo in thil awmdan ka lo hrilh a rilru nuam deuh a awm turin ka hrilh nghe nghe kha



"Kha maw..? Buaina a fel tawh em?" Phone ka dah veleh a rawn ti ngei a ka then sak ringawt


"Tawlh thlu Chiang pa" ka tih khum ringawt a duhlo ngang mai a tawlh thlu lai sawichhuah kha chu


"Mu kak nu.." rawn ti veleh! Hnial khan te lah hi a hre reuh sia!

_____________________________


Ni a liam ve zung zung a,kar eng emaw zah a vei hnu atang chuan Zoramsanga zia a mak chho tan riau a,eng emaw ka lak a zep nei tlat ang hian ka hre tawh! Phone a hman te hian ka hriat hlau hi a ang thei tawp



Kan nupa inkar erawh a chhe lo,in hauh kan nei ngailo,min ngaihsak a min duat a min hmangaih em em bawk..mahse,a famkim tlat lo eng emaw zep awm a ka hriat na hian ka rilru a tih nawm loh piah lam ah a lak atangin min pawt hla ka ti mai



"Zanin chu ka pa va tlawh ve ila,tunkar kan la kal miahlo " chaw kan ei lai chuan ka ti a



"Kan kal dawn nia" ngaihsam hmel zet a min chhan vang chuan fian ka dah deuh chawrh



"Ka kal leh peihlo..ka pum a nuam lo" ka ti hmak a chutah tur zet a min rawn en in a ngawi deuh vang vang a



"Kan kal ang" a ti bul hmuk a ka tau tih a hrethiam pawh ani mahna



"Kal lo ang..." Tiin ka tho nghal daih a, Pi Thantei pawn nuam a tilo nge a kham ve nghal daih



"Duatlai...Lo thu teh..." atih pawh chuan ka kal lui ngar ngar tho,in chung ah chho in kan thawmhnaw te chu ka thlep fel mai mai a



"Ka ning tlat!!" Ka ti leh hap thin..eng emaw kam tun tu awm ang hian ka awm a Zoramsanga ze thlak hi kei a nupui tan chuan awm nawm loh na tham a tling ve lutuk



"Ho te te ah thinrim thin lo la,kan kal dawn nia ka tih kha in siam rawh" tiin a rawn lut tlang a,a Jacket ha in min nghak ran a keichuan thawmhnaw ka la thlep mawlh mawlh



"Ka sawi kha I hre miahlo ami?" Dam dap hian a rawn ti nawn leh a



"Hria e..ka kal peih chuanglo" ka ti leh ringawt,rawn tawng a tum leh chiah "I awmdan hi sawifiah zawk teh..ka lak ah hian zep I nei ami? I nupui ka nia thutak hre silo in I awmdan thlak hret hret hi ka hrethiam ve tho ania,ka awm a nuam lo ka hlim famkim theilo ania" ka ti nghal bawrh bawrh



"Chutiang engmah a awm lo" a ti ringawt a couch ah thu in min en vauh vauh ringawt, tunlai ka thinrim a a thutak duh ngailo leh a nui suk suk reng hian ka thin a khei thin



"A awm reng, phone hmang la ka hriat ve hlau ni awm hrim in I kalsawn kher zel bawk a !" Tiin ka lungawi loh sa tawh na zawk chu ka sawichhuak vek a



" thil pawimawh a nia chuvang mawle..bak ah I hriat duhlo na na na ka hrilh che in" a ti anih chu! ka thinrim lutuk ka kawr thleh lai ka dah pawp a ka thinrim lutuk tih ngaih na vak ka hre bawk silo tah chhuak zawk et et chungin ka melh nghek



Ka thinrim lutuk chu tawng ka harsat tawh zawk, thinrim hnuk ulh teuh chungin ka en char char a ani lah nuih za in sum hmel pu teuh chung in uluk fe hian min en duh chauh,ka pasal hi an zai na lam ah khan tih sual tlem an nei anga a â ta anih ka ring ta rum rum!



"Duatlai..." tih pahin a kut chuan a lam a kal turin min hui a ka va han kal awm lo ka ti ru nghal mawlh mawlh "Duat..." A tih leh tak ah chuan ka tho vut a ka bag te ka bag zawng zawng a ka duh ber chu la in a chhung ah phone ka thun a,ka thawmhnaw thleh zing a ka kawr lum awm chu la in ka chhuak nal nal



"A va mak thin tak!" ti hlak hlak ka hriat rualin ka ban ah a rawn kai chawt a min um zui ngam ka ti!



"Min thlah rawh..ka tlan tak tak tawh dawn! Tiang a zep I neih reng chuan chen dun ka peihlo" tiin min vawn na chu thin thlak ka tum a alo man nghet nasa mai



"Ok..a hmasa ah tlan kan thulh tawh bawk a zanin chu I tlan tak tak tawh ila.." phur hmel fe a min tih sak chu ka haw lutuk a ka au vak ringawt



"Zoramsang ka uang miahlo ania,ka thinrim tak tak tih hre rawh.." ti tuarh in min vawn na phelh ka tum ngar ngar



"Keipawh ka uang hleinem,I rualin ka tlan ve duh a lawm,pasal tlan ve theihloh tih in ziak a awm chuang lo a, enge I rual a ka tlan pawh chu I duhloh viau?"



"Engkim hi fiamthu in la vek suh! Thutak rawh.. zep awm lo a engkim min hrilh theih hun ah chiah ka lo haw tawh ang" tiin a kut zawi lai tak chuan ka tal pit a ,ka pum vang a kal chak thei silo in step ah chuan ka kal pheuh pheuh a rilru hmahmawh nen chuan a in mil lo khawp mai! bag a ka phone ah lai chu la chhuak in kal pah chuan ka hmet mawlh mawlh



"Tluang,I buai em? Min lo hruai lawk teh" tiin Tluanga ka text a,ka chhuak tur chu ka ban ah min rawn man leh! Ka ning lutuk min pawt chhuak dawt dawt a nau nen ka kal chak tha theilo



"Hey..!" Tih bak ka sawi hman lo car ah min thut luh tir in a rawn Chuang ve nghal a a tlan chhuak nghal nal nal,a hma a sawi ang deuh khan ka tlan tur min thlah hrim hrim a duh ah ka ngai a min ti lui tawh a chhuk thei ka ni tawh bawk lo,a duh miau chuan min hruai rawh se,mahsela ka lungawi mai mai dawn lo



"Naute hi I ngaihtuah lo mah mah thin,I ang tawn tawn zel a khatiang chuan alo pian chhuah hun ah an pung pung ala ching lo ang tih pawh a sawi theihloh ania" hmalam melh chungin a ti a,nichin a hmel nen chuan in ang tawhlo tak ani



"Ka ngaihtuah khawp e,chu naute chauh ani maw ila ngaihtuah?" Ka ti kher chu rum nghut chungin a rawn hawi zauh a hrelo ang hmak in hmalam ka melh ve tlat



"A atthlak em mai a!" Ti hluk in chak deuh chuan a tlan a,a tlan chak bawk ani kan thleng hma khawp mai



"Let leh rawh..!!" Luh veleh zel a tum vangin ka vin ti tih



"A mak e aw! Ka tlan ve duh ka tih ka tih kha" ning hmel pu deuh chung hian ati a,a khi leh suk suk tawh! Ka pasal hi a â ru chiang a lawm!



"Ka bei I ti dawng tak tak tawh ania Zoramsang! Keimah in ka tlan duh lo tlan ve angailo" tiin thei leh theilo chuan kan in step ah ka kal a ka hmahmawh bawk a ka tlan ani mah mai



"I phakar e a,I pasal hi mahni tlawng a mu turin I phal ami? Ka tlan ve chak tho a lawm" tih leh min rawn um a rual,kan nupa zet zawng tlan te kan in chuh mai mai ania kan tha chhuak tawhlo ang!



"Ehe..!! In va rawn kal lai ve?" Mut tum tawh ni awm takin ka pa chuan kan nupa min hmuh rualin a ati a a hmel pawh a phawk hra mai



"Ka rawn riak dawn.." ti ringawt in ka room lam pan in ka chho a,kal tak ah chuan lung a leng ve rum rum mai,ka nulat sulhnu zawng zawng hetah hian a awm vek



"Kan a tih na anihkha ka pa,zanin chu rawn riah kan rilruk thut a,tlan type ani mah zawk..kan nupa hian kan rawn tlan tau ve anih hi..naktuk ah kim chang in ka hrilh dawn che nia" a ti lang lang chu ka room ka luh dawn ah ka la hre pha a ka ner nghal sawk



Ka room ah a rawn lut ve ringawt a kuangkuah chungin ka lo melh nghal ralh,a nui a nui hi tunlai chu ka haw tlat nia! Mi hi a runluih ni ber in ka hria engmah sawilo in ka tho a bathroom ah lut in ka hmai te ka phih a ka pa chauh awm ta chu ka bathroom pawh hman ngailoh tih hriat takin a hul hneh khawp mai



Ka in phih zawh ah ka chhuak a,haw tum miau hek lo chu khum ah eng helh neilo zet hian a lo mu der der a,chutah online games ala khel zui,tunlai te hi a zia a thlak nasa ka tih kha..in lak tlangval leh thar a tum tel nge pawh ka hrelo tleirawl leh thalai ho uar zet mai games te kha kaka khel thar e a tia..a thiam lo rapthlak lehnghal



"Va in ti fai ve rawh" ka tih vang chuan phone dah in towel ka pek nen chuan a lut mai a



A lut fel deuh chauh tihin khum a a phone kalsan a rawn ri zui nghal,a hriat ve hlau in lukham chuan ka khuh vat a,lo biak ka chak tlat vangin call chu ka pick a ka rinloh deuhin Zodini lek alo ni



"Ka pu..." A ti chiah



"A nupui zawk ka nia.." ka tih khalh vat a,tun ang tawh a Zodini ber kher lehnghal in a rawn call chu mak ka ti riau,nge ni a a mah hi Zoramsanga'n a biak lai a ka hriat a hlauh thin em em kha ani zawk?



"Ui sorry lutuk,nakin ah ka lo call leh mai ang" bah zet a tiin phone chu a dah nghal daih a,ka ringhlel na peng pakhat a buai em vangin ka call nawn leh ngat



"Zodin engkim min lo hrilh teh ka pasal nen hian in lo" ka ti a hriatthiam nghal hmel tal hian



"Aih khatiang lam anilo thil dang ania,pawi ka ti ka sawi theilo a" ati nghal zung zung



"Sawi rawh... Zodin ka pasal nen hian kan in hauh phah fo ania..a chhan ah nangmah puh che k duh rum rum tawh,hetia ilo bia phei hi chu ka ngaihdan a pel deuh tawh ania...mi nupa pawt then tu nih chu I duhlo ang tiraw?" tiin ka thluak ka vawrh ve zauh



"Chutiang anilo,ih..ka pu khan sawi chhuak lo turin min tia..mahse keimah vang a in nupa.kar a chhiat dawn chuan.." ati a a chawl leh vang vang,kei erawh ka za cheng tawh



"Ih,ka pu khan I birthday bawr a hospital a awm vang khan an lawm hman silo a tia..I birthday lawm na ai ah thil tih sak che a duh a chung vel chu plan pui turin min tia" ka rin ruk ang lo tak a Zodini sawi chu hmui hup chungin ka ngaithla ringawt



"Ka pu khan a ruk a plan a surprise che kha a duh a,I ta turin car pawh a book fel vek tawh..chung chu ka lo buaipui sak a chung vel lo sawipui leh tur chuan ania ka lo call engmah thil dang a awm lo ania" a ti zung zung a,a ruk in ka nui vur vur tawh,ka thinlung hneh in a awm Chiang lutuk!



Ka rinhlelh na a dik a ka rin dan erawh a dik lo,ka hliklm takzet ka pasal hian ka tan chung zawng zawng chu alo ngaihtuah a,chuvang chu ani ngei ang a zia te a lo thlak kual vel,ka rinhlelh a ka man chhuah a hlau chu ani ve anga,a va han cute tak!



Chutia ka lo in ngaihtuah hlim rilru nawm vel lai chuan bathroom lam ah thawm ri dup a rawn awm a ka ngaihtuah na atangin ka harh zawk



"Ui ka dah phawt aw...!" Tiin hmahmawh deuh chuan ka phei a kawngkhar in kalh lo ka va hawng chu ka beisei loh deuhin bathroom chhuat an Zoramsanga alo mu hem mai!



"Tinge I mut a? Khum ah rawn mu ta che" ka tih chuan a mit chhing lai chu rawn meng in tur zet hian min rawn en a



"Duh vang reng a mu ka nih I ring em?" Ati bul hmuk



"Duh lo la I mu dawn ami?" Ka tih chuan a thaw hrawk a



"Ka tawlh thlu leh tawh anih hi,i va in sil khan chhuat I va ti huh zau awm ve...ka in sawh khaw lo tep a lawm!" Lawm lo aw tak hian a ti bul bul a ka in sum hman lo ka nui chhuak phut



"A nui leh dawn tan ta!"



"A nih ti khan I tawlh thlu a I mu tual tih na ami?" Za zet a nuih pahin ka tih chuan a then suk ringawt "Tawlh thluk hi chu I inhmeh ve e" ka ti leh hram



"Min nuih lo te hian I pasal tawlh thlu hi min khawngaih ve thin la" ti hmuk in a che hrut a "khaw maw min rawn kai tho teh" tiin a kut a rawn la kang a,keipawh ka lut ve mai bawk



"Ka nu..!!" bathroom chhuat chu rin ai daih in alo nal tawh,ka thleng tep chu tluk ka hlauh vang in ka tlan ti tih a leh! Ka zawn tak a mu mek tan ka in control hman tawh silo a pum ah tak rap in ka tlan lawt zut a bang ah ka va kn nem ding thei hram!



"Ui,ka duh theilo I na em? Ka rap na che em?" Tiin in thiamlo deuh chuan ka buaipui lehnghal



"Rit lutuk!!" ati thei tawk,pum a in rah chu a na viau ang keimah lawng ka nilo a nau pai la ni bawk nen ka rih na pun lai tak ania awi ka khawngaih e! A na ngang ani a hmai a sen tawn tawn



"Awi sorry lutuk! Ka in control hman tawhlo anihkha" In thiamlo lutuk chu a pum zawn chu ka dawm sak a



"Ka pum I rap kaw lo chauh a lawm! Min rap hlum dawn emaw ka tia" Ala ti zui! Ka khawngaih sia,nuih a za tel bawk si a van hreawm ngar ngar tak!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:31 pm

☄️CHAPTER-40 (Last)



"Rah che kha ka tum lo hrim hrim,a nal lutuk a tluk ka hlau sia ka rawn rap pawp ringawt che anihkha" mangang deuh chuan ka ti a



"I rit tha nelh nawlh khawp mai" tih pahin a rawn thu chhuak a chuveleh rang deuhin ka lo kuah nghal,tun ah hi chuan ka kuah nghet bawk a tal chhuah pawh tum se awlsam tak chuan a chhuak thei dawn lo hrim hrim



"Ka hmangaih che..chuan ka tihpalh bawk,I lak ah ka thinrim reng a" ka tih chuan engmah sawilo in min kuah let a " min hua em? Ka thinrim khum reng che sia?" Ka tih chuan a nui chhuak hawk



"Ka nupui hi huat chhan tur ka neilo hrim hrim,min ringhlel turin ka siam miau che a lawm..chuan ka surprise tur chungchang kha I hre vek tih ka hria ania" a tih chuan la kuah reng chungin ka then sak ringawt



"I plan a flop vek chu pawi ka ti..mahse hriat ka duh na khan min tur nasa lutuk a..mahse ka hre lawk pawh hi a tha tho tiraw? Nilo se chu min thawng lutuk anga ni khaw hrelo ten ka awm palh ka hlau" kan nui dun hawk hawk a,a chang leh a kawng a dawm thul a sawh na tel aniang



In kaih kuah in bathroom kan chhuahsan thei hram a khum a ka thut tir te chu ka dim lo lutuk nge pawh ka hrelo na a tih hmel tawp,ka pa koh ka sawi lah in ngailo ati bawk si,a thawmhnaw thlak sak dawn ila engmah hak thlak kan ken loh vangin kawr hlip in a mu a vawt dawn hian ka hria rizai sin tur ka lak belh teuh..rilru nuam lo deuh chuan ka mutpui a



"Chuan,I pasal hian ngaihzawng dang neiin a ngaihsak duh tawhlo che ah ilo ngai hman ani maw? Zodini ilo zawh chik dan ah" tiin muangchang chuan harsa tih hmel zet in a rawn in her a



"A awm ve tho a lawm,I awmdan khan a zir ropui sia" ka tih chuan ti awm ang lo ti niawm takin min melh hraw mai



"I pasal hi ka tar tan mek tih hre ta che..nula chhai kual turin ka kum a tam tawh" a ti ngei a!



"Duh ni la chuan kawppui tur chu I hmu tho ang,I upa tawh chung pawhin I la chhelo e" mut hmun ah chuan ka hmuh dan ka hrilh char char,ani hi chu ka pasal a nih vang em em pawh nilo hian a kum ngaihtuah in ala thalai bak ah amah hrim hrim hi a lang pa ruih chuanglo tlangval pangngai hi a la rual pha vel ang tih tur ani a lan dan hi chuan



"Pasal fak chu I thiam hi a" ka hnar ah chuan piai zeuh in min kuah nghal hluk a "ka kawng chu a mat loh hram ka beisei.."



"Na lo hram se..I pum pawh" ka tih chuan ka dul lian ve tawh zet chu a chul a



"Ni chiah e..kan naute pian hma atang a kawng tha lo nei nih chu ka duh miahlo" a ti a ka nui suk, a taksa lum na chuan min ur ham ham,ka kawr chhung ah zen lut in ka bra a nawr tawm chho vek a ka hn**e a khawih nghal zat



"A hun lo emai I kut a vawt ania" naute khalh ang mai ka hn**e a khalh vel vang chuan ka ti a


"Lo tuar ve mai mai rih rawh,naute kan neih hun chuan ka khawih ka khawih a rem tawh dawn lo ania..chuvang chuan ka theih hunlai hi chuan min lo khap tum suh" pangchang aw lek lek hian a ti a



"E tak a,naute hi dam a tha pangngai tak a kan neih a mipa anih bawk chuan Oliver hriat reng nan a hming ang chiah in a hming sak sak ila,tha I ti em?"



"Um.. ngaihtuah na tha tak ani hmangaih loh har nu, Oliver pawh I chung ah a lawm viau ang" ka hn**e khal nuap nuap pah chuan ngihsam hmel zet in ati a, Oliver sawi hi chuan pangngai deuh ang a awm a tum pawh hian ka lo hrethiam thin,a na thin lutuk hi a awmdan a buai zo vek zel a,in control a tum lah hian a hlawhchham Chiang thin si ka khawngaih thin



Zing kan tho chu leh! Nizan a ka hriat tawh ang ngei khan ka car bik tur ka pasal min present ngei mai in min lo hmuak anih chu! Ka lawm bawk si ka tap tep ringawt,la khalh thiam lo mahila nakin lawk ah nau te ka nei fel anga ka zir thiam ve mai ang,ka pasal tawlh thlu chiang thei a han fel zia em em hi chu aw! Hmangaih loh hi a har thin





Hun a liam zung zung a,nupa kan nih ang in hun khirh lai tawn chang kan ngah ve thin,mahse kan sawi dun fo tawh ang in kan inkar ah hi chuan in rin tawn na hmangaih na te lo chu awm tir kan tum lo,chuvang chuan thinrim leh in hauh pung pung,inthen phah duh hial khawp a in hauh tih vel pawh kan nei ngailo



Bak ah ka pasal hian a zir em a,nilo se chu chutiang em em kan ni thei biklo ang, engkim ah min dawm thiam a ka tih tauh pawhin ka lungawi hun te a nghak ve ngailo,min tih lungawi a min tih hlim phet a tum thin..a ma zar liau liau hi ani,a ngaih te hi a ngaihawm hial zawk thin a office kal chhung lek te hian



Thla hnih thum chhung min zin san tum phei kha chuan ka tap nasa thei lutuk,an zai vel vang khan khulam a chhuk kha kan thulh hmin ta ania,nau ka pai bawk nen kan neih fel law law a chhuk kha kan ruahman a ani erawh a pawimawh em vangin thla hnih thum vel a zu kal lawk kha ania,chupawh lungleng in ka thi hman lo chauh ani



Kan nau neih pawh a hnai tawh lutuk,a theih ang ang in kan in buatsaih ve tan tawh,nu ka neilo a ka pa nupui hlui Rosangi lah rawn kir tik aneilo, Pi Thantei chu nu ang in ka en tawp a ani pawhin engkim min buaipui sak thin naute tan a mamawh ang te min hrilh a,fa ka neih vawikhat na tur anih bak ah nu hetiang lam min hrilh thin ka neih miau loh vangin ka bo ve takzet



"E kha I va puar tawh ve I nei hnai ami?" Civil bul lawk a ka din lai in rin loh deuhin Dr Joseph-a leh a thiante ka tawk a



Kan inbiak leh in hmuh loh na thla eng emaw zat a liam tawh,a nih na tak ah phei chuan khami zan Zoramsanga'n a hun kal tawh a rawn sawi chhuah sak atang khan kan in be leh tawhlo hrim hrim zawk



"Aw ni 27 ah hian ka nei dawn a, doctor sawi dan in" min be hmasa tu ber chu ka en a



"E anihchu ni 27 chu,e I va hnaih tawh ve kar 3 pawh a awm tling tawh hleinem" tiin phur hmel tak hian ati a



"Nia hnai tawh khawp mai, Dr Joseph I dam em?" hmachhawn a ding mek na na na chu be lo a kal tawp ai ah puitling takin ka ti ve a,a hma daih tawh ah pawh in nel leh in pawh takin kan awm thin tawh a kal tlang mawl tawp kha ka tih tur anilo hrim hrim



"Um dam e..phir ami?" tiin ka dul lam chu a en a,nui chungin ka dul chu ka chul a



"Ka hrelo le..mi hian phir ringawt hi min sawi hmuh a ka hrethiam lo,ka pum len vang hian phir pai tur ah min ngai tlat a ka pai tak tak a nge maw" ka ti tha ve mai a,rei pawh in be lo chuan kan in kalsan leh mai a vawiin chu Zoramsanga hrilh lawk lo a va tlawh ka duh tlat



Company ka thlen dawn tep ah Sawmtei'n min rawn call a nau a pai thu min rawn hrilh,a aw atang pawhin a hlim zia a hriat theih,An in suih na a la rei viau lo na in a pai hma reuh khawp mai an inneih na pawh thla 3 awrh a liam chauh ania tel pawh kan va telpui ve nghe nghe kha kan nupa in..alo pai lawk zawk emaw ni nau chu



"Kan pa office ka tlawh dawn a,nakin ah sawi tha leh ang aw..e lo leng zawk rawh u a hranpa tak pawhin Remzuala leh kan pa pawh in hmu ve sela" keini chu unau ang mai a kan awm tawh vangin kan pasal te ve ve hi in pawh in In kawm tlangnel se ka duh



"Awle kan lo la leng ang" tiin phone a dah a, company ah chuan ka lut a,kan inneih na rei tawh nen hian a staff te ah hian han hriat a bar hi ka neilo, Zodini leh Angely te thian dun ka hre deuh bur a ani mai



"Ma'am ilo kal alaw?" An buai lutuk ka thlek kual lai vel chuan mipa pakhat hian min lo bia a, Ma'am min ti chu eng emaw ti hian ka zak deuh tlat anihchu!



"Aw in pu ka rawn tlawh dawn mai mai a" za lo zet chuan ka nuih pah a



"Zo-a ka nia Lo kal rawh.. naute chu a lian tawh hle mai" nelawm tak a ti in ka pum lam chu A melh pah zauh a



"Nia lian ve tawh" ka ti mawl deuh tawp



"Lalzo..kan lo hruai ang" thuhnuai zet in ka bul a mi chu Hmingsangi hian a rawn ti a lehlam hawi zauh in ka lo thaw deuh hak



"A pawilo,kal rawh" tiin Zo-a hnen ah chuan ka hrilh a, Hmingsangi chuan a taksa peng hrang zing ami ni awm tak Angely ko in kan pathum chuan kan in zui a



"I kherh nasa bawk a I nei ta hram maw? " Lift kan chuan laiin hnunglam atang chuan ka beng bul chet ah an rawn ti a



"Um anih hi...ka kherh hneh man pawh kan hmu thei tep tawh ania" tiin ka dul chu ka khawih ve kher,ka va han zam dawn bik lo tak!



"Zah na khawnge?" An han ti rual ngei a,zahna chu zawng duk duk tur zawk an lawm an nih an pahnih hian "teh Hming,hman tawh a staff tan a party Boss siam ah khan maw..I haw hma lutuk a boss kha a rui ve deuh a hra em,ka mal te kha rawn tham vel a mawle"



"Ui ani maw? Boss chuan a duh ru deuh che anilo maw..rui nasa ani awm silo a chutia a ti che anihchuan a duh deuh che anih dawn Chiang chu..tu emaw chu a va khawngaih thlak ve" ka hnaih kher tur chuan a rawn ti a



"Nia..mahse ka mal chauh ka khawih tir..a chhan chu midang an awm ve vek sia,nilo se chu ka taksa dang pawh a khawih duh ang chu,kei lah chuan ka hnar lo nasa mai dawn sia..ih e a nupui lak ah hian a kham tawk lo aniang ka ring" an thusawi zawng zawng chu ka beng lehlam a chhuah tir vek ka tum a ka tawn ve tun mai!



Zoramsanga'n a ti dawn lo tih hre chiang mahila ka rilru hi zu han na tlat pek a! An pahnih ka khawngaih dawn vang zawk pawh hi a ni mahna



"Chawp leh chilh a dawt sawi zung zung thei ho hi khawvel a min khawngaih thlak ber ber te zing ami an ni in ka hria" lift atang a ka chhuah rual chuan ka ti ve sak



Chutah ka pheikhawk hnunglam ah rawn rap in a dawk zawk a ka pheikhawk a in hlip chhuak lo chauh a chutah ka tlu thleh nghe nghe! Zodini ding lai tak in min lo vuan hman hram lo se chu a,ka naute ka ngaihtuah a ka thinrim thar thut bawk nen Zodini dawhkan tui in chhawp chu ka la lawk a



"I lo kal ani maw?" Zoramsanga office lam atangin aw ka hria a in beng daih ka tum hram hram



"Aw kal anih hi duhtak,mahse hei lift a ka chuan pui te nen hian buaina kan rawn nei chho deuh a" engkim sawi vek silo in buaina kan nei tih hriatthiam tur tawk lek hian ka ti a Hmingsangi hmel ah chuan hlauhthawn na a rawn lang nghal zawk zawk



"Zo fel la..." Tiin keimah chu min en a,nui suk in tui chu ka zen pawp a Angely make-up chhah zet ah chuan ka pen per chhawk chhawk"a tawk e..lo lut la,chuan in pahnih khan naktuk atang chuan lo kal angai tawhlo ang" ti hmuk in office ah chuan a lut a



"Ka make-up!!" Tiin a make-up chhiat hlauh lutuk vang a buai tak chuan a hmai chu a khawih lep lep a "nang..I va zak theilo ve" min tih khum leh nghek



"Kha hei hmang rawh..ka pasal company a ka hmuh tawp na tur che ani bawk sia ka lo khawngaih ve ang che,e chuan maw zaklo tak a ka pasal hma a I in kap parh chung pawh a I neih theih loh ka pasal vang hian ka lak ah sual chhuah zel duh tawh suh...ka duh chuan ka rapthlak ve thei tho ania" tiin office ah chuan ka lut ve hmak



"Min lo hrilh hmasak tur ania..." Office chhung ka lut chu min lo chang ru ni awm takin hnunglam atang chuan min rawn kuah thak a



"Surprise che ka duh a chuvang mawle.. Angely te vang vek khan ka surprise chak na che mood a chhe vek tawh" ka tih chuan nui suk in min kuah nghet sauh a



"Chung vang a I hlim nui hmel ka hmu theilo tur chu a va pawi dawn ve" ti sap in thut na lam ah chuan min phei pui a,nau neih ka hnaih viau tawh na in ka la in fit khawp mai, Zoramsanga'n ka peihlo chung zing tin hma tawk tawk a min kai tho in exer min lak pui ziah vang te pawh kha ani mai thei



Office ah chuan ka awm ve reng a,mahse duh tawk a inkawm thei kan nihloh vang leh staff ho in hna an rawn luh pui zel vangin ka tihbuai ka hlau chuan ka haw san a,in ka thleng vel chiah ang tih in ka pa'n Massage min rawn thawn a Rosangi alo haw thu a rawn sawi ta mai!



Ka call nghal vat a thil awmdan ani pawh in min hrilh nghal zung zung, vawiin hna a haw hma phah thu te a sawi a,a sawi zel dan chuan Rosangi'n ngaihdam dil in pawm leh hram turin a lo ngen ani awm e..a in siamthat vek tawh thu pawh a sawi tel nghe nghe



"Enge I ngaih dan?" Ti a ka pa min rawn na chuan lung a ti chhe dawn dawn mai!



"Pa,I nupui thin ani a nangman thu tluk na siam rawh,I thu tluk na ang ang ka pawmpui che, khatah ka awm tawhlo a, nangmah chauh a I awm pawh ka ngaihtuah che a..mahse Rosangi chu a in siamtha ngei em tih chian hmasa la ka duh" ka ti ta hram



Ni e kan pafa tan chuan a ngai a lawm,lo in siamtha lo sela thil pawi a thlen ka hlau ani, Rosangi zia ka hre chiang a tun a ka pa rawn sawi te kha a tam zawk chu ka awih lo,mahse ka pa'n a pawm a la chen pui duh te anihchuan ka hnial lo ang,ka pa pawh a khawhar ve thin tho tih ka hria



"Ni e,I sawi dik reng,aaa zan ah rawn leng ula in nupa in..in pa a buai loh chuan " a ti a,kan hman chuan ti a chhang in phone ka dah a



Tlai thim ah ka pasal pawh chau deuh a rawn haw in ka lo inthlak pui sawk sawk a,hetia a hnathawk rawn haw ka lo buaipui mai mai te hi nuam ati in a hmel hmuh te hi a nuam sur sur thin ania aw



Ka pa nen kan inbiak na vel hrilh in chaw ei kham ah muangmar in a leng peih angem tih ka zawt a,ka thil duh leh rawn ang sawi sel ngailo tu chuan a hnathawh chauh pawh sawilo in a aw leh hmak tawh mai..mi a duat leh lutuk hi ka pangchang lo thei thin lo



Zan ah chuan kan va leng ta ngei a Rosangi ka hmu chu ka phu zawk,a mah anilo emaw ka ti hman..a hma te kha chuan make-up nen a thar bur zel kha ania,tun ah chuan lui kawr atang a zu rui pawh chhuah hlim ang mai ani..ka ti mah mah mai thei zawk



A mah tak phei chu ka be lem lo mahse ka chik ru ve reng thung,keimah vang emaw kan pawm leh beisei vang emaw a ti lui ani nge nilo ka hrelo na chu a mah chu a danglam hi ka ti ve tawp mai..a mah hre thang tu tan chuan a danglam ve tak tak hi awih a har viau a mahse keimah hian chhungril atangin a tih tak zia hriat na ka nei tlat!



Haw dawn lam ah chuan vawikhat chu ka be ve zauh,a bak chu ka be lem lo ngaih thaa deuh chuan kan haw san a engkim a that tluan zel tawh ka beisei..engpawh nise ka nu tak ah ngai kumkhua thei dawn lo mahila ka nau neih hun ah nu ang a min awmpui thei tur a awm tal a lawm le..





Kâr a liam leh meuh chuan ka pum lam pawh in na a rawn siam a rawn siam ve tawh mai, hospital a kan tlan thlawn lah a tam tawh, Zoramsanga phei chuan office kal thulh a min vil a ching tan tawh a eng emaw thut atan hian in chhung ah pawh pheikhawk pum hi a in bun sa thlap thin



"Kha I van nawm loh hmel ve,kan kal leh mai dawn ami?" Ka pum nuam.l lutuk vang a couch a ka mu zal chu pi Thantei chuan min rawn ti a



"Nia,keipawh kal leh mai ka duh deuh,mahse nau neih nan hian ni 5 lai ala awm a, damdawi in han tlan chhen lah a ni bawk silo" ka tih chuan min rawn thut chilh a



"Aaa,neih neih hun hi chu maw a sawi tak tak theihloh,keipawh ka fa upa ber saw ka pai lai khan doctor ten March 23 a nei tur khan min hrilh a mahse ni 19 ah ka nei daih a lawm,chhut sual hi a awl ve thin lutuk ania" a ti nauh nauh a



"A ni ve tho mai..ti hian kan mu phawt ange ka nawm loh em em pawh hi ka hre rihlo bawk a..." Tiin sai sir lek lek chuan ka mu a



Min kalsan ta mai lo chuan min awm pui ve reng a,chutia ka mut lai chuan Rosangi a rawn lang hlawl, pi Thantei chu a kalsawn ka hlau ang reng ka be vak dawn silo a nuam lo te a tih phah ngei dawn, Pi Thantei nen chuan an ti ti a,kei chu ka nuam lo ta tawlh tawlh! Thlan fim ten min bual tan!



"Ui Thante..!" Chiang lo ruai hian Pi Thantei aw chu ka hria ka pum lam na over nghal ringawt vang chuan tawng pawh ka tawng tha theilo



Rosangi nen chuan min buaipui nghal a vawiin ber kher ah Zoramsanga hna kal tur a ka tih luih ni ani kher bawk nen,mamawh ang ang la khawm in pi Thantei a buai a ahma a ka hrilh tawh ang in Zoramsanga tet lai lukhum Oliver-a'n a chan veleh chhawng, Lana min pek chu a mamawh zing ah a telh bawk.. Rosangi'n kei mi buaipui a ka thlan te min hruk sak thul,ka pum na tawh chu ka tap ti tih der tawh! A na lutuk a in sum a har ngawih ngawih



Tichuan harsa takin kan chhuak thei hram a hospital kan thlen chin ah phei chuan a na lutuk a ka thawk a tawp mai dawn in ka hre hial tawh, pi Thantei chuan lungngai lo tur a min hrilh in Zoramsanga a phone nghal tur thu min hrilh a,min nawr luh hnu phei chuan na nen,ka vawikhat na ni bawk chu ka tap vak vak ringawt Pi Thantei emaw Rosangi tal kha awm ve phal se ka ti takzet



"A tui bawm a keh tawh...a vei ti tih der anih hi!" An tih te chu beng ngawng ni silo hian fiah lo zet in ka hria a ka lu te hi a hai mup mup,tun ah hian khawvel a thil hreawm ber ber te zing ami ka tuar mek ani



Nurse te chuan min buaipui sawk sawk a darkar fe aniang kan in buaipui,ka la nei thei silo ka mangang leh hlauthawng chu ka tap hmiah hmiah a,an ni pawh in in sum miahlo turin min ti ve bawk,ka chau telh telh hian ka in hria a ka khaw hmuh leh ka thil hriat a Chiang lo tawlh tawlh a nau chu ka thih pui ka hlau ber tawh!



Nurse te chuan theihtawp chhuah turin min fuih hram hram a keipawh in theihtawp chhuah in ka han bei leh mauh mai,ka tha zawng zawng hi a zo chiang lutuk! Aw rawl chhuah meuh a ka han tan chuan leh! Aw Lalpa! tun ah chuan nu ka ni ve tak tak ta e!



Ka naute ka hrin ngei aw rawl te chu a mawi hluah hluah!


"Phir a pai ania.. pakhat kan la hma bak,a tawp nan vawikhat chauh aw.."

IMG_6252627.jpg
IMG_6252627.jpg (46.75 KiB) Viewed 2457 times

★ 4 month's Later ★



"Lo mu tawh la..I fapa te hian an ngai tawh che" tiin dar 11 dawn pawh a ka pasal hna rum lutuk a la thawk ngat ngat chu khum atangin zawi te hian ka ko a



"Min ko har ka ti tawh reng a" tiin a tarmit a men rei chang a vuah ziah chu la thla mu tur chuan a rawn phei a,kan chhungkua pali ngawt kan nih vang leh tumah riah hran vel kan duhloh vangin kan nupa khum kan siamthat tir a tun ah chuan paruk pawh a rualin mu ila kan thawl ang tih tur vel ani tawh



Khum ah chuan rawn mu in min rawn kuah nghal zat a " ka hmangaih che.." a zan tin tih dan,a zan tin sawi anih vang a danglam Chuang miahlo leh a hlut na dang ngai reng reng lo thu a min thlah in ka sam ah a fawp vawng vawng a



"Ka duatlai en chim loh te pahnih pawh muttui u aw..zanlai ah Anu tih harh miahloh tur" tiin an pahnih lu ah a fawp ve ve a,kan fa phur te hi kan sawi lawk dun tawh ang in a upa zawk hi Oliver hriat reng nan a hming ah Oliver kan sa a a nau zawk hi phir an lo ni ve bawk nen Olav kan ti ve thung..kan fapa mut heh zet pahnih te nen kan chhung chuan kan mu ta thap



"Eh eh..fapa fel bengchhen loh tur,Anu a harh ange" tih ri ka hre ruai ruai a, peihlo deuh a ka meng chu Zoramsanga'n Oliver zawk harh alo buaipui chu ni in dar 2 a ri thuak tawh lehnghal



"Min kai tho ta che" tiin phak pawh sawilo chuan ka thu tho ve nghal vat a "uak..ui enge a ? a e ami?" Tiin pum ruak nen ka uak that



"E ang chu...chuvang a lawm an harh ni..hei lungngai suh I pasal engkim thiam-a hian ka thlak vek tawh a lawm" a ti ngei a a mah chu ka kuai her vak



"Nia..I van thlak thiam zawk ve" tiin ka fapa te pahnih puan a in tuam tha leh vek tawh chu ka en a mahse ek rim a la nam tho! "Naaa,I in tih zei ve tehreng nen! I kawr hma kha en teh ek a kai ania" ka fapa la hmu hil chianglo hnute pek pah chuan ka ti a, phir neih chu an sen zual lai chuan a buaithlak tep ani tun ah pawh Oliver harh tal vel in a nau atih harh tel leh tawh hi



"Ka Lunghlu duhawm pa.. muhil rawh le I nau kan hrai ve vat angai ania" tiin hn**e chu ka pe a,ka zei vaklo bawk nen pahnih a han hrai hi ka thiam vak thin lo



"Khai leh..luak chhuah tawh sa nak lai a a!!" ti vawng vawng in a tho chhuak nghal vat a bathroom ah lut phei in a va uak tuarh tuarh a ka khawngaih reuh ani..lehlam ah pasal tha anih zia a show ka ti mai duh chuan min kai tho in engmah buaipui lo in a mu mai mai thei zawk a mahse a tilo, ten chung chung pawhin alo ti ve tih hriat reng reng, hmangaih loh hi chu a va han har thin tak...



"I tha em?" Tiin kawr hlip a a lo chhuak leh chu ka lo zawt vat a


"Um..Pa sign anihkha.." ner nang chuan ati a ka nui hawk,a fa te ek a kai chu pa anih zia lantir na ah a ngai ve hmiah


"Min kai tho mai lo a" ka ti mawi leh hnuhnawh


"I mutui em a lawm,bak an an hrin nan na i tuar hrep tawh a heng te mai mai chu ka tih ve tur ani,ka thiam viau lo anih pawhin heng kawng zawng tal a ka puih ve che angai a lawm le..." A ti chu ka hnuk a ulh tep,heti khawp a pasal min hmangaih a min ngaihsak tu ka nei hi khawvel hmeichhe vannei ber ber te zing ah hi chuan ka tel chiang a lawm!



"Ka hmangaih che..." tiin a kawr ha mek chu ka va ti sup a



"Keipawn ka hmangaih che.." tiin khum ah chuan min kuah rial in a rawn mu lehnghal a "Chuan.. Chhungkua duhawm tak min din pui a heng Lunghlu pahnih min pek a vang pawh hian ka lawm e.." ti a kan fapa te pahnih chu en in phun sap a





Kum tam tak a liam hnu pawhin chhungkaw hlim ni in hrisel takin kan la dam ve zel a ka fapa te pahnih pawh in kum 4 lai an tling ve tawh! An sen kha hahthlak tam mahse tun ah chuan lung an ti leng rum rum tawh zawk,an fel a naupang tha tak an ni chho ve zel bawk..mahse hauh hi an ngai leh thin! ka hauh na ber chu an pa vang hi ani fuih pawrh hi a hrat reuh si a




An ni lah hian an pa an ngaihsan em em thu a kawk a ngil in an zawm vek si..a pa Tawngkam an hriat fuh pakhat phei hi chu ka ngei thin ania..kan in ngaihzawn lai a ka mut kak lai kha a lo hrilh ru thin chu ni in 'lal anu mu kak nu' min ti ziah a keimah te a tang in ' tawlh thlu chian pa ' tiin Zoramsanga ka melh hrep zel



A chang leh an pa fa ho in in chung step chhoh na ah an pu (ka pa) thing phek phel siam sak in zan dar 2 ah te an tleng thla thin mai anihkha! An thawm a na si a ei bup bup zel a an chetsual ka hlau thin si Zoramsanga lah hi a nuam ti ber ber ah hian a tang a fa te lah hian a tawp hma chu tawp an tum lo a ani lah fa te hmangaih tih tak ah an sawi apiang alo aw vek zel bawk si!



"An tleng thla leh tawh ani maw?" tiin dar2 bawr ah chuan ka harh a an thawm an sum thun silo, Mizoram ah kan awm tawh rihloh vangin inthlahrun a na duh thin si thenawm hnai te lak ah,an ni pa fa ho lah in an care ve der bawk silo



Va tho chhuak lo in ka mu meng ve reng a,va tho in va hau pawh ni ila mut na chang hrelo pa fa ho sawn ngahmah an ngainleh dawn chuanglo, phone chu ka bih kual mai mai a Feli leh Tluanga te nen kan in chat na ka en a ka lungleng thar thut, status en tum a ka luh chuan ka pasal status update ka hmu hlawl mai!



Khang kum chhung kan in ngaihzawn atang a nimin thleng khan status hi a updated ngailo hrim hrim a mak tih loh chi pawh anilo,chutia sawi tak ah chuan kan in ngaihzawn lai a ' Nula bem zir na rûn ' tih a joined ve pawn kha tun thleng in a la joined ve reng alut ngai lem hlei silo ,lung te pawh a ti leng rum rum mai



"Engtak status ve che maw" tiin view hmasak ber ah ka nei a, engdang anilo,nau ka neih tirh hospital chhuahsan a kan in a kan let zan kha ani ta in ka hria kei leh ka fa phir te nen tui tak a kan mut lai chu alo hmang a,chumi ka hriat theih deuh chhan pawh a date a dah tel vang ani



Caption ah chuan " She means the world to me and nothing will ever change that...FALLEN ANGEL " tih hi alo hmang a!



☄️ A tawp ho khawp mai ti raw u?😁a tir atang a tawp rak thleng a ka thawnthu ho lam tak min chhiar chhuah sak a,a tawp thleng thei tur a min ti phur tur a comment te min pek thin avangin ka lawm em em e..hri lak ah lo him ula..story thar nen in hmuh leh thuai kan tum dawn nia 😘hnap sek ho ka hmangaih em em che u❤️☄️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)