ETERNAL LOVE BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ETERNAL LOVE BY Ruati Renthlei (Completed)

Unread post by Ngaia » September 26th, 2021, 2:18 pm

Eternal love



Chapter-19❤





Duhthawh zet chuan kan in fawp a, a kut chu a awm hle hle tur miah lo, ka kawr chu hnuai lam atangin a zen chho rak rak a, ka tal eihlo, mahse ka hnute a khawih thlen hma chuan a tho thut a, lehlam hawiin a sam leh hmai vel chu a tuai puak.









Ka thu tha ve vat a, eng emaw a sawi hun chu ka nghak tawp, min rawn en a, muangchanga ka bula rawn thu thla pah chuan "Ka tihpalh" a ti ringawt.







Ka nui suk a, "Ka hrethiam e" ka ti vat, sofa chu nghengin a thu zawi nguai a, thaw hapin "Ka insum thei dawn lo va i hriat chuan kal sawn rawh ka tih che kha" a ti sup.









A kuta vuanin a dar ah chuan ka bei a, "I insum thei dawn tih ka hria a" ka ti ve leh thung, min rawn en a, kan nui leh ta ringawt.







"Ei tur chu siam rawh, engmah ka la ei lo ania" tih pahin a phone chu a khawih a, "Ka ei tawh sia, noodles ei mai rawh" ka tih chuan min rawn en vat, "Min duat lo ve e" a tih chuan ka nui a, chawhmeh chu ka siam leh ta nge nge.








Thil a ei chhung chuan inneih thu bak a sawi lo, 'kan inneih hunah chuan' tih hlir ani, engtik hun ah nge tih pawh kan hre der si lo.








Khua chu a thim det det tawh, motor a a luh hma chuan ka chal ah a fawp zeuh a, "Tha deuh in i hna thawk ang che, naktuk ah kan in hmu leh dawn nia" tih pahin motor ah a lut a, a tlan liam nghal








Ngawi rengin ka dinna ngai ah chuan ka ding a, ka ngai leh nghal ringawt, ka thaw ham ham a, inchhung ah ka lut ve nghal.









Ka thil ei hun kha a lai bawk nen ka ril a la tam lutuk lo bawk a tiin colour chu ka phawrh a, ka abstract painting kha chuan an rilru a hneh vak lo anih hmel, mahse ka tan chuan a hlu viau tho.








Portrait demand a tam avangin oil paint chu ka la chhuak tel a, ka in buatsaih nghal mawlh mawlh, pakhat chu ka complete thuai a, mahse engtinnge ka lo mutthluk hman ka hrelo, zinga ka harh chuan ka paining pakhat zawk chu ka lo deuh pherh vek.









Ka ban vel ah chuan a lo kai luai a, ka thiamloh liau liau mah nise ka thinrim ru teuh tho, ka nuih lah a za,lung ni vaklo chuan ka lo nui leh thin.








After 1 week





"Naute pawi ka ti lutuk, case bawhzui ngai ka neih avangin zanin chu ka lo kal thei lovang" phone ka lak rual chuan a ti nghal zat, "A pawilo, i hna chiah kha ngaihtuah rawh" ka tih chuan rei pawh in be lem lovin a off nghal.








Ka thaw hap a, kan awm hran atangin zantin a lo kal ziah a, a chang chuan keimah bawkin hreawm ka ti leh thin, keimah vangin a hna a thlahthlam phah lutuk ang tih ka hlau a, tuna a lo kallo pawh hi ka lawm ru deuh tho, mahse ka ngailo tihna erawh a ni lo.









Ka lem ziah chu ka chhun zawm mawlh mawlh a, ka pum rawn ri rawk rawk chu dawm in ka nui suk, fridge a ei tur awm sa chu la in ka ei nghal a, ka project vang hian ka thil ei hun pawh hi a mumal thei meuhlo.







Tunah dar 9 ania, ka awmna veng lam chu a reh leh thap tawh, ka laklawh lo bawk a tiin in khung fel lemlo chuan ka mu ta daih a, ka phone chu ka khawih neuh neuh.








Mos-a chu ka va text a, ka nghah vang vang hnu pawh chuan min chhang theilo, a buai viau anih ringin ka mut san ta ringawt.









Moses POV





Misual um reng reng a hun hman thin chuan a zaidam theih loh, ka duh vang reng nilo in ka hnuaia thawk te chu ka vin leh hrawk thin, tuna kan case buaipui lai zet hi zawngin lu a ti hai tak zet.









An fanu ni 3 chhung a bo tawh a, kidnap anih ringin kan theih ang angin kan chhui a, mahse kidnap tute hnen atangin pawisa leh thil phut engmah a awm bawk silo.








'In fanu hi kidnap ni lovin pasal a um anilo maw?!" han ti dek dek ila a thinrim zawk ah an tang tung bawk si, tihngaihna tak pawh ka hre tawh lo.







Zan khua in in ah pawh haw lovin investigation kan kalpui char char a, team then khat ka tir chhuak bawk, mahse engmah hriat belh kan nei lo.








Zing dar 4 a ni a, office ah Jimmy nen kan thu ngawi reng ka hmaa laptop chu ka melh ngawt ngawt a, thaw hak in ka ding hluai, Jimmy chuan min rawn en vatin "Tinge?" a rawn ti vut.







An fanu bo na hmun CCTV a ka thil hmuh chu ka en tir ve nghal a, kan pahniha in en in kan nui dun hak, engtinnge maw kan lo hmuh har em em theih zawk ni.









Team then khat chu ka ko let leh nghal a, kan zawn lai mek nu leh pa te chu ka koh tir nghal bawk, rei lo te ah an rawn thleng nghal a, laptop chu an hma zawna dah pahin "A chang chuan kan rin loh dan in thil hi a thleng fo ania, hei hi in fanu bo na hmuna CCTV record ani a, uluk takin en ula, in fanu chu ruk bo ni lovin ama duh thua kal ani tih in hmu ang, fiah zet chuan ka ti a, video chu ka play nghal bawk.










An en zawh chuan an nupa in an in melh ralh ralh a, phone rawn rikna lam chu kan melh nghal thup, pa ber chuan a phone chu a phawrh a, min rawn en in " Lucinda " a ti sup, chu chu an fanu kan zawn lai mek hi a ni.








Chhang tura ka tih hnu ah speaker on in a chhang nghal a, ka rin ang ngeiin pasal chu a um ngei bawk, rawn call miah lo pawh ni se CCTV record atangin ruk bo anilo tih chu a chiang thawkhat viau tawh reng reng a, an inbiak zawh chuan in thiam lo hmel zetin min rawn en a, a dara beng thak thak pah chuan a that vek thu sawiin ka haw tir nghal.







Kan chau tlang ani, kan thu nguai hlawm mai, ni a chhuak tawh a, 'vawiin chu ka chawl mai ang' han ti ngawt dawn ila, midang pawh an chau ve tho a, a tha berin ka hre bawk silo.









Ka let leh vat tur thu hrilh in ka in khalh chhuak nghal a, mood dik vak lo nen ka speed pawh chu a sang viau.







In ka thlen chuan ka in ti fai nghal a, mut chhuak nen ril pawh a tam thei meuh tawhlo zawk. In tih harh hram hram ka tum a, ka thuamhnaw ka thlak zawh chuan station lam ka pan leh nghal.








Ka phone ri chu ka ban vat a, Lawmi hming ka hmuh rual chuan a remchang lai ah ka ding tawp.
"Hello"

"I va buai awm ve, i tha em?" a rawn ti nghal zat, a aw ka hriat ringawt pawh hian ka dam nghal sawng sawng theiin ka hria, "Buai deuh a, mahse kan tha tawh e" ka tih chuan a thaw hap ri ka hre thei.






"Nizan ah khan min reply si lova, ka ngaihtuah deuh che a" a tih chuan ka sam chu ka hui thuak ringawt, "Phone ka la en miahlo a, ka tihpalh" ka tih chuan a nui a, in hnu vat tura in tiam in kan in mang tha leh ta rih.







Station ka thlen chuan tlem in ka in dah awl deuh a, couch a thu pahin coffee ka in a, ka dawhkan a file awm nghuk pawh chu ka melh peih rihlo.








Ka phone ri chu ka en vat a, nora-i hming ka hmuh rual chuan ka thaw hawk, ka en vang vang hnu ah ka chhang ta hram, "Moses vawiin chu leng chhuak ila" phur hmel zet chuan a rawn ti nghal a.








"Hna ka nei" ka lo ti hmuk, "Ni tak, nidang ah ani mai, inneih kawr tur en pahin " a rawn tih chuan ka thutna atang ka kâng nghal kawk






"Chiang takin ka hrilh che kha, nang leh kei hi kan innei dawn lo" ka ti hriam hraih, ngai pawimawh lo hmel zetin "Kan in hmu vat dawn nia" tih leh phone off a rual nghal.







Couch chu ngheng in ka thaw hap a, mood off chu a belh chhah chiang hle mai, mahse a in ring tawk leh lutuk te hi ka nuih te lam lam a za, engtikawng pawhin neih ka tum der silo.








"Sir" tih pahin Jimmy chu a rawn lut a, a hnung ah Lawmi'n a rawn zui bawk, ka thutna atang chuan ka ding vat a, "Good morning" tih pahin a thil ken chu dawhkan ah a dah nghal.









Jimmy chu melh in chhuak turin ka signal nghal a, "Ti hian ka lo awm ve mai mai ang" tih pahin bang ngheng chuan a kut a la kuang kuah than zui.








"Nangpa hi" tih pahin ka kut chu ka lek kang uai a, Lawmi nen chuan an lo nui vak, "Chhuak mai teh" tih pahin ka nam chhuak nghal dawt dawt.







Kawngka ka khar rual in Lawmi lam chu ka hawi nghal a, engmah sawi lovin a kawng ah ka kuah nghal chawt.







"Chuan I lo kal dawn tih min hrilh lawk lo maw?!" ka ti sup a, nui suk in ka nghawng ah chuan min kuah ve bawk.






"Ka ngai tawh lutuk che a, ka hrilh hman tawh lo che a lawm" tih pahin a nui sen sen a, a hnar ah chuan ka fawp zeuh.






"Thil i la ei lo tiraw" a tih chuan ka bu nghauh nghauh a, dawhkana a thil dah chu hawngin ei tur a rawn phawrh nual.







Couch ah chuan min nam thu a, "Ei la" tih pahin dawhkana ei tur chu a melh zeuh, "Mahse engtinnge thil ka la eilo tih i hriat a?" ka ti hu a, a nui suk.







Chair pakhat chu pawt pheiin a thu a, "Nizan ah zankhua in i buai a, in a i haw in ei tur aiin shower i ngai pawimawh zawk dawn tih ka hria a, tunah station ah i awm leh tawh ania, thil eina hun a la awm hleinem" a ti zung zung a, min hrechuang lutuk chu ka nuih a za zawk.










Ei tur chu a thlek leh zeuh a, nui vur vur chungin ka ei nghal, "Ei ve la" ka tih chuan a lu a thing vat, "Ka ei tawh, ei zo vek rawh" tih pahin a phone chu a khawih nghal zat.







"Hemi min pe tur ringawt hian a mi i lo kal a?" min chhang lo, a mah chu ka en a, a phone en chung chuan a lo nui vur vur anih chu.








Ka spoon ken lai dawnkana dah chawrh pah chuan "Lallawmkim" ka ti vak, min rawn en vat a, "Eng nge?" a ti ringawt.











A phone ken lai chu laksak in ka en nghal a, naute pahnih cute zet mai insual lai lek chu niin, ka chil lem khalh in a mah chu ka en leh a, a dar a lo san ak.








"Kha" tih pahin a phone chu dawhkan ah ka dah a, ka ei chhunzawm leh nghal mawlh mawlh.







Dawhkana a kiu nghat in a khabe a dawm a, min en kar pah chuan "Midang ka biak i ring ami?" a ti sup, ka en duh miah lo a, mahse a nui tih chu ka hria.









"Mawhhhh" a rawn tih leh chuan ka hawi chhuak leh ta nge nge, "I nui a nih kha" ka ti ta ringawt, a rawn nui zui leh hak a, "An cute em kha, an lawmawm alawm, nangmah ang hian" tih pahin ka biang chu a rawn piai nawk nawk.









A kut chu ka lo man vat a, a nui lai chu a tawp chatin min en reng a, "Ka cute lo" tih pahin ka hawi sawn daih, a kut chu la sawn in dawhkan ah chuan a thu a, "Khatianga i awm phei kha chuan i cute leh zual" tih pahin a nui suk.








"Nangte hi" tih paha kan in chhaih rak chiam lai chuan kawngkhar chu a rawn ri rawk a, kan hawi vat, ka nu chuan phawk zetin min lo en a, a bulah Nora-i a ding bawk.











"Nangni pahnih khan eng thil nge in tih?" a ti hriam hrak a, ka malchung atanga Lawmi tho tur chu ka vuan bet a, min rawn en vat.








"I hmuh ang hi a ni mai" tih pahin ka nu chu ka en run a, "Mos" Lawmi'n a rawn tih pawh chuan ka chhang lo, "In va han zak theilo tak" tih pahin min rawn pan a, Lawmi ban ah vuan in a kai tho lawp.











"Engthil nge i tih a?" ka ti hrawk a, "I tih theih loh ka ti anih hi, he hmaichhia hi i kaltir theilo anih chuan keiman ka kal tir mai ang" Lawmi en chung chuan a ti leh.








Ka chhan hma in Lawmi chuan "Ka kal phawt ange" a ti sup a, biak zui hman lohin a chhuak nghal bawk.









"Kha kha ani mai alawm" tih pahin min rawn en a, nui lui tih hriat zetin a khi suk bawk, ka kut chu ka hum ruh tung a, Nora-i chu en in "Lo va chhuak rawh" ka ti hmak.







"Mahse... "
"Chhuak rawh ka tih chu" ka ti leh thawt a, hawi hai deuhin a chhuak nghal.






Ka nu chu ka en a, "Engthil chiah nge tih i tum a? Ngatinge min tih buai reng?" in sum tum zet chuan ka thaw hawk, "I hriat thiam hma chu, Moses hetianga tih ngaia min siamtu chu i nia lawm" a rawn ti ve hluk.











Ka nui chhuak hak a, chiang zeta en pah chuan "Eng nge ka tih? Ka nei duhlo ka tih kha, tinge i hriat thiam duh miah lo a?" ka ti leh.











Thaw hawk in a chal chu a dawm a, "A tawk, engpawh chu nise i nupui tur chu Nora-i a ni tho tho" a ti hap, couch ah chuan ka thu hnawk a, ka taksa mai nilo, ka rilru thleng hian a chau zo tawh.












Ka hmaaa ding hmangaihna neilo ang maia min en Tu chu ka melh chho ha a,"Hrethiam hram teh, Nora-i ka nei duhlo, tinge tiang hian i tih tlat a?" ka ti sup.









"I hlim nan, ka hmangaih vang che in ka tih a ngai alawm"

"Nora-i hi nei ila ka hlim i ring ami?Nu, Tunge hmangaih miahloh bulah hlim thei ang?" ka mittui chu a tlak hlau zetin couch ngheng chuan ka mit ka chhing vang vang, mipa taka awm hi a harsat chang a awm ve fo thin reng a.









"I la hmangaih dawn alawm" a tih leh chuan chawp leh chilh in ka rilru ka siam fel nghal, in phah hnuai taka ka ngen chung pawh a an rilru an thlak duhlo anih chuan tih theih dang ka nei biklo.










Ka ding a, "Ka hmangaih ngai hauhlo ang, chuan eng tikah mah ka nei bawk hek lovang, ka office atang hian chhuak nghal rawh" ka ti thawt a, min melh ram ram in a chhuak zui nghal.









Ka thaw hawk a, Lawmi ka hrechhuak thuai, khawi lamah nge a kal ka hre der silo, ka phone chu la in ka call nghal a, chhan chu sawi loh, a switch off hmak









Ka hmai chu tuai puak in dawhkan chu ka nem a, tiang ringawt chuan ka awm mai mai theilo, pu Alex-a a rawn lut ve chiah a, file a rawn pawm tun bawk.










A dara vuan pah chuan "Ka chhuah lawk a ngai, helai chu i kut ah ka dah" tih leh tlan chhuah ka rual, pan tur dang ka hrelo, ama in lam ah chuan ka tlan nghal ringawt.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:19 pm

Eternal love





Chapter-20❤







Lawmi POV







Vawi engzat nge khatianga zak taka ka awm kha a la ngaih dawn le, ka mittui rawn luang chu dan tumna ka neilo, in lam pan chuan ka pen hlawk hlawk a, in chhung ka luh rualin khum ah ka bawk nghal thlawp.












Aw rawl chhuah meuhin ka tap a, ka rilru natna chu sawi chhuak dawn pawh ni ila ka sawi chhuak thiam kher.lovang.






Hetiang reng anih chuan engtik ah mah kan innei thei dawn chuanglo, ka bengah Mos-a nu min tawngkhum dan kha a ri nawn tlut tlut a ka mitthla ah Nora-i nui hmel ngeiawm lutuk chiah ka hmu bawk.










Ka mit chhing vakin ka beng ka hup a, mahse ka ngaihtuah na atang chuan an kalbo chuanglo, ka in tah thawl hawk hnu ah dressing table ah chuan thuin dawrthlalang ah chuan ka tahna avanga ka mit bui luk chu ka en a.









Ka thaw hap, ka phone chu la in ka on a, Mos-a miss call a lo awm nual, call back lovin ka nu chu ka call ta zawk a, rei vak lovah a rawn chhang thuai.








Nui ve bawk mahse a hah vanga a thaw deuh hlawp hlawp chu ka hre tho, ka tah chu a rawn chhuak leh ringawt, "Nu, Cortland ah khan ka lo awm ve tawh mai ang" ka ti sup.









A lo phallo nasa, "Helai ah awm la eng nge i thawh ang, tah khan awmin nangmah chiah kha in ngaihtuah rawh" a ti ta daih, ka art atanga pawisa ka hmuh ve nual tawh thu leh a remchan veleh ka thawn theih tur thu ka sawi chuan a hlim tih ka hria, rei fe kan inbiak hnu ah kan in mangtha thei hram.









Bathroom ah kalin ka hmai chu ka phih a, kawngkhar ri rawk ka hriat rual chuan towel nen ka tlan phei nghal.








Mos-a chu a lo ding reng a, ka hmai ka phih hman hlauh chu ka lawm ru viau, "Tinge I lo kal a?" zangkhai thei ang ber chuan ka ti a, rawn kal hnaiin min kuah chawt.









Ka mittui a tlak tawh loh nan chuan ka insum hram hram, "Ka tih palh" a ti sup a, a lak atanga in la hrang pah chuan "A pawi hleinem" ka ti ringawt.








Ka dar rawn tawn ah min vuan a, min en kar pahin "I tha tiraw" a ti leh, nui suk in ka bu nghauh nghauh a, a thaw hap.








"I lo kal duh kher a, i buai awm sia" ka tih chuan "Lo kal teh" tih pahin sofa ah min thut pui a, ka kut vuan pah chuan "I rilru tur chu ka hrethiam, eng ah mah ngailo turin ka duh che a ni" fiah zet chuan a ti a.







Engah mah ngaihloh theih chu ka duh alawm Mos, mahse ka thei tlat lo ani, migring ve tho ka ni a, ka rilru hi a na ve thei tho si a, ka thaw hak a, "I nu sawi kha a dik in ka hria, Nora-i chu nei mai rawh" ka ti sup, min melh kawk.








"Engmaw?" a ti zawi sup a, ka kut la sawn in a mah hnung chhawn zawng chuan ka ding a, "Engtikawng mahin kan in nei thei dawn chuanglo" ka ti leh, ka mittui chu a rawn luang nghal ringawt bawk.










Ka hmaah tak chuan a rawn ding a, hnuai lam ka en tlat, "Engmaw i sawi?" a ti hap a, ka chhang lo, "Lawmi min en rawh" tih pahin ka dar ah chuan a rawn vuan a, thaw hawk in ka chhoh en ha.

A mit meng tle sawr sawr chuan min en reng a, "I ti tak tak miahlo" tih pahin a awm ah min bei tir nghal, ka tap a, thil dang sawi lovin ka sam chu a chul hliau hliau ringawt.










Rei fe engmah sawi lovin kan ding a, ka beng bulah zawi sup in, "Ka hmangaih che" arawn ti a, tawng ring lo mahse ka beng ah chuan a fiah em em tho.








Ka mittui kar atang chuan ka melh chho ha a, chiang zetin min lo en, ka chal ah a fawp a, "Nangmah chiah ka nei dawn che" a ti leh sup.










Sofa ah chuan muangchangin ka thu thla a, "Mahse Nora-i" ka ti chhuak sap, a thaw hak a, ka hma zawna rawn thingthi in ka kut a rawn vuan a, "Innei tawh mai ang" fiah zetin a rawn ti.











Ka melh vat a, "Aih Mos, a theihloh" ka ti ve leh, "Engvangin? Innei vat ila a fel ani mai alawm" thaw hapin a ti a, ka chil ka lem khalh.













"Ka hria, mahse tunah mai chuan innei thei kan la ni lo" ka ti leh, ni e, thu tlukna siam zung zung thei ka ni tlat lo, Cortland ah ka nu a la awm a, ka mawhphurh na a la ni tlawt.










"Aw le, ka hrethiam e, mahse Nora-i nei tur chuan min ti tawh hlek suh" a ti deuh hmuk, ka nui suk a, a kut hum nghet sauh pah chuan ka lu ka bu nghauh nghauh.








A thaw hap a, ka bulah rawn thu chhoin ka mal chung ah a lu a nghat nghal ringawt, "Heyy" ka ti deuh vak a, in siam rem sauh sauh pah chuan "Nizan ah ka mu lo a, ka muhil lawk dawn" tih pahin a mit a chhing nghal hmiah.












Tihngaihna hrelo chuan ka nui ta ringawt, a sam chu ka chul a, a hmel tha zet chu ka en reng, reilo te ah a muhil zui mai leh nghal, a chau viau a niang.









Ka ngaihtuah na ah chuan eng eng emaw a rawn lut leh nuk tawh, Nora-i nei tur khan ti ve bawk mah ila nei vaih se chuan ka dam zo lo hial mai thei, a mah en chung chuan ka nui leh suk, engtik ah emaw chuan heng buaina zawng zawng hi kan la tlan san ve mah na.










Moses POV








Ka harh hlawl a, Lawmi mal chungah ka lo la mu reng, sofa ngheng in a lo la muhil ve tho a, ka tho vat, sana ka en a, dar 3 a lo ri tawh, darkar eng emaw zat chu kan lo muhil anih hmel.








A thaw sak sak chu ka en a, ka nui suk, kaihthawh ka tum zet naa ka thulh leh, ka phone chu ka en a, Jimmy miss call a lo awm hman.






Ka call back nghal a, thil pawimawh sawi tur a hre leh chuang tawp silo, "Khawnge i kal?" tih zawng, station a ka let leh tawh rihloh tur thu ka sawi chuan rang zetin "Ana bulah i awm chiang" a rawn ti nghal zat, ka nui a, thil dang sawi lovin ka off nghal.









Lawmi lah chu a la mutui mai sia, a awm dan chu siam tha in sofa ah chuan dim te in ka muttir a, ka hlauh ang ngeiin a rawn harh daih.










A mit khap sak sak pah chuan min rawn en a, a tahna ah tlem in a bui deuh, ka nui a, "Min veng dawn emaw ka tia, i lo muhil ve daih a" ka tih chuan rawn thu chhuak in "I muhil rei em anih kha" a ti sup.









A bulah chuan ka thu a, "Vawiin chu keimah vangin hna pawh i thawk hmanlo ani maw" tih pahin ka melh zeuh "Ni e, hna ka ngah tehlul nen " a lo la ti zui.








"Hmmm ka haw dawn" tih pahin ka ding hluai a, nui chungin ka kut a lo vuan vat, "Chaw ei nghal la" a tih chuan sawm nawn ka ngai hran lo.








Ei rawng kan bawl dun a, kan hma hun ah eng ang harsat na nge lo la thleng dawn kan hrelo, mahse kan awmdun chuan kan hlim a, eng thik thu mahin kan in kar a ti chhe rei thei lo.








"Vawiin thil thleng kha chu hriat reng atan a tlakloh a nia, i hna leh keimah chiah min ngaihtuah ang che" ka chhuah dawn ah chuan ka ti a, min chhan hma in "Min lo thlah raawh" tiin ka kai chhuak nghal bawk.









"Immm nangpawh hahdam ang che" a ti sup a, zan a ni bawk a, ni lo pawh nise zahna tur vak ka hrelo, a hmui ah chuan ka fawp a, tang deuh mahse ka thlah chuanglo.






"Mangtha" ka ti sup a, motor ah lut in in lam panin ka tlan liam nghal.







In ka thlen chuan ka in ti fai nghal a, chhun ah kan lo muhil bawk nen ka harh chiang teh kawk lutuk, sofa ah thu in coffee in pah chuan news paper chu ka chhiar a.








A phek hma lamah chuan ka pa company chhuan vawr THE MOST thlalak a lo chiang leh kulh tawh, hetiang taka a lar chung hian engvanga la duh am em em nge a nih ka hre thiam lo, sum hian a bual â zo tawh a nih hi.









Mut chu chhuak lo mahse ka taksa chu a kham thum tho,sofa ah chuan ka mu a, Lawmi bawk ka ngaihtuah leh tawh.








Henu te hi chuan min ti â lo chauh tawh anih ber hi, engvanga Nora-i nei tura min min ti mai kha nge a nih ka hrelo, mahse a rilru tak tak a sawi lo tih ka hria.








A mah hian duh se chuan inneih nghal mai ka duh asin, mahse ti lui Tu nih ka duh chuanglo, tuna inneih a duhloh dan ah chhan tha tak chu a awm ka ring a, mahse kei chuan buaina dang kan tawh leh hmaa inneih mai hi tha ka ti viau.









Engtik laiin nge ka lo mutthilh leh hman ka hrelo, zinga ka harh chuan sofa ah ka lo la mu reng a, chhuat ah ka coffee in na no a lo let reng bawk, ka nui suk a, tho vat in bathroom ah ka tlang nghal.








Darthlalang hmaah chuan ding vang vangin ka thaw hap ringawt, ka ha ka nawh lai chuan door bell a rawn ri tlang tlang a, dar 8 chiah a la ni si a, Tu tak ni ang maw...









Ka va hawn chuan tlem in ka meng phar deuh, engmah sawi lovin ka nu leh pa te chu an rawn lut tlang a, an hnung ah bodyguard te ni awm tak, chak hmel zette chuan an rawn zui bawk.









"Engthil nge a?" ka ti hrawk a, an bulah chuan ka kal nghal bawk, ka pa chuan min rawn en in "Tun atang chuan kan bulah i cheng tawh ang" muang ban chat in a ti a, thaw hap in ka nui chhuak hawk.








"Hei hi ka in anih hi" ka sawi zawh rualin a kut a phar nghal a, gourds ni awm tak, sek tung te chu room tin ah an kal darh nghal suau.



"Engthil... "

"I in hi ka pawisa hmanga i lei vek anih hi, luhlul chhuah lovin min rawn zui mai rawh" ati leh hmuk, "Anih chuan pawisa chu ka pe let ang che" tih pahin bedroom ah ka lut a, ka thuamhnaw an lo khung mek chu ka laksak vat.







"Khawi ah mah ka kal dawnlo, chhuak rawh u" ka ti hrawk a, ka nu leh pa te chu an rawn lut ve nghal, ka pa in a signal zeuh ka hmuh rualin ka ban ah min man lawk a, min chhuah pui nghal dawt dawt.








Car ah min nam lut a, an tlan chhuak nghal, ka thinrim tih ngaihna hrelo chu ka thaw leh hawk thin, in kan thlen rualin ka room thin ah chuan min nam lut rawk rawk a, pawn lam atangin kawngka an kalh hmak bawk.








Ka hmai tuai puat chung chuan ka tei kual sek a, kawngkhar ri rawk chu ka melh vat, ka pa chu a dan pangai in thu tak hmel fe in a rawn lut a, pan hnaiin a hmai zawn ah tak chuan "Engnge a chhan? Engvangin nge hetah hian min hruai?" ka ti nghal thawt.






Maimitchhing chung chuan a thaw hap a, "Ka sawi angin hetah i cheng tawh ang,vawiin chu station a kal lovin hetah hian in ngaihtuah ang che" tih paha kal leh nghala tum chu "Eng nge ka ngaihtuah ang" ka ti hul hak.









"Chu chu kei aiin i hriat chian zawk ka ring" tiin a chhuak zui nghal, kawngka a kalh ri rawk pawh chu ka hre thei.







Ni e, ngaihtuah tura min tih chu eng dang ni lovin nupui neih chungchang bawk anih ka ring, ka phone chu phawrhin Lawmi ka call nghal a, a lo chhang vat a aw ka hriat chuan ka thaw leh huai tho.







Rei vaklo kan in biak hnu ah kan dah leh vat, engmah ka hrilh lo a, engpawh nise zan anih hmaa ka chhuah ngei ngei a ngai a ni tawp.









Khum ah chuan ka thu a, ngaihtuah na chu a buai leh map tho, heti tiat lai ni ve tawh, hna pawh nei ve thlap tawh si hi pa te kaih phar mai mai a ka la awm hi a zahthlak ka ti a, mahse ka dinhmun angah hian ding ve ta la i dan zawh ka ring biklo.








Kawngkhar chu rawn in hawng dek dek in ka thil hmuh chuan min ti phu zawk thei, "Ka pi" tih pahin ka thutna atang chuan ka ding hluai a, "Bengchheng suh, i pa ten ka hmu che tih an hriat chuan a tha lo ang" tih pahin kawngka chu dim te in a nem khar a







"Mahse pi, USA ah i awm char char sia" ka ti leh a, "Lo thu teh" tih pahin khum ah bawk chuan min nam thu leh.







Uluk zetin min en a, a kut a rawn phar rual chuan ka kuah nghal thlawp, "Ka ngai tawh lutuk che ka tupa" tih pahin ka hnung chu a chul a, "Keipawn ka ngai che alawm, i lo haw dawn tih pawh min hrilh lo va" tih pahin ka ner nung a, a nui ringawt.









Ka pi hi ka pa nu niin kum 5 kal ta vel atang khan USA ah ka patea te bul ah a awm a, tun hi kan in hmuh lehna hmasa ber ani, ka nu leh pa ang lo tak in ka ngaiin ka hmangaih em em bawk, midang zawng zawngin pawisa leh an hna chauh an ngaihtuah laia min ngaihsak thin Tu kha ani tlat a.









"Min hrilh teh, ngatinge in hranga i lo awm daih a?" a tih chuan ka thaw hap a, thil engkim chu ka hrilh vek.








"Ana-i chu i hmangaih amaw?" ka sawi zawng zawng atangin chu zawng chu min zawt let, "Aw" ka ti sap a,"Anih chuan i neih ngei angai anih chu"

"I ti tak tak ami pi? Min pui rawh aw" ka ti vat a, ka aw chu a ring lam mah mah ani.








"A rem velah Ana-i chu hmuh ka duh ang" a ti leh a, "Mahse pi, ka chhuak thei silo a, hetah chuan kidnap ang mai ka nih hi" ka ti leh nung, a bulah hi chuan pangchang thei tak ka ni.







"Hna i nei ani lawm ni?" min en kal pah chuan a ti a, "I fapa hian chutiang lam a ngaihtuah lo, kawngka a kalh hmak hi" ka ti leh hmuk.








"Naupang i ni tawh hleinem, mipa takin che ta che" a ti a, a sawi dik reng, "Mahse pi.. "
"Ngawi rawh, keimah ka hruai chhuak ang che, in siam la, Ana-i chu hmuh nghal ka duh ang" tih pahin a tho a, a chhuak nghal.









Nichin lawka thinrim puakkeh lo chauh kha ka pi vangin ka nui leh tawh, Lawmi chu ka call a, a la har hrep leh nghal, in hmuh ka duh thu leh a hmun tur ka hrilh hnu chuan ka dah leh nghal a, ka in siam nghal mawlh mawlh.


















~~~
Zanin chu ads kha click in lo comment ve tawh la

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:19 pm

Eternal love




Chapter-21❤







Ka inpeih thlap tawh, ka pi lo let hun chu ka nghak ran a, a rei phian leh nghal, engmah ka la ei loh avangin ka pum chu a ri rawk rawk bawk.











Kawngkhar a rawn hawn rual chuan ka hawi vat a, ka pi ka hmuh chuan ka nui suk, a in chhei deuh chuan a la tar chhe lutuk lo bawk nen a la nalh viau, tuna a thuamhnaw hak lai nen phei hi chuan Royal Family member te pawh a ang rum rum.









A rawn nui lut sanga, "Eng nge ka an?" a tih chuan ka thutna atanga dingin "I nalh lutuk tlat ka pi" ka lo ti vat a, kan in kuah leh rih.









"I hman em?" a tih chuan ka bu nghut a, "Mahse midang hi" ka tih chuan hrethiam vatin "Min zui tawp rawh" a ti leh, in kaiin room atang chuan kan chhuak a.










Ka nu in min hmuh rual chuan "Ehee nu, khawi ah nge in kal dawn?" tiin ka pi chu a lo zawt vat a, "Moses nen hian kan in hmuh lohna a rei tawh si a, kan leng chhuak dawn anih hi" a tih chuan ka nu chu a hrilh hai hmel viau, mahse engmah a sawi tawh lo, ka pi hnial thei a ni tlat lo a.









"Pi, kal ang" tih pahin ka kai chhuak a, ka nu in mit meng thip rama min en pawh chu ka nuih let sak.









Ka car a awm loh avangin motor dangin kan kal a, kawng tluanin Lawmi chungchang hlir a la sawi zui, eng family nge, eng hna nge a thawh, a nungchang engkim min zawt chik viau, zep nei lovin ka hrilh zel bawk.










Restaurant ah kan thu ran tawh, sana chu ka en leh zawk thin a, Lawmi lo thleng har lutuk chu ka ngaih a tha lo hman lek lek.








Ka pi chuan ngawi rengin a hmaa ei tur chu a ei mawlh mawlh a, chutih laiin a piah deuh a Lawmi lo kal ka hmuh chuan ka nui suk, "Ka tihpalh lutuk, ka tlai viau em?" kan bul a rawn thlen rual chuan a ti nghal a, ka pi a hmuh chuan tlem in a hmel a dang deuh.











Introduction an neih hhnu ah thu in ei tur chu kan ei nghal a, ka rin ang chiahin ka pi chuan Lawmi chu a be nghal luam a, nilo lo a zawt ang tih chu ka hlau ru phian.







Mahse chutiang chu a thleng hauhlo, a duhnaah chuan ka pi chu zei tak a ni, hmeichhia ve ve an nih vang te pawh a ni mahna, an titi deuh chuan ka awm ve tih an hre chang lo lek lek.










Lawmi'n project a neih ve tho avangin a hun khawhral sak reng chu ka duh biklo a, a in a kan thlah kual hnu ah kan haw tlang ve nghal.








Inchhung kan luh rualin ka pa chu a lo meng sen ram a, ka lama rawn kalin ka hmai zawn ah tak "Chhuak lo turin ka ti che a ni lawm ni" a ti hrawk.








Ka chhan hma in ka pi chuan "Keiman ka sawm a lawm, nangnin min chhuah pui hman silo a, in ti fai la, ka pindan ah lo kal ang che" tiin ka pi chuan min en a, a room ah a kal nghal.








Ka pa chu hnaih in ka khi suk a, "I duh ang chuan ka awm ngai hauhlo ang" ti ram hmakin ka room ah ka tlang ve nghal.








Ka pi a awm chuan in a awm pawh ka hreh lutuk lemlo, ka pa tih luih theihloh awmchhun a ni miau a, a awm chhung chuan kei chu min tan zel dawn tih ka hre chiang.










Shower zawh chuan ka pi room ah ka kal leh nghal a, a dan pangaiin lehkha bu a lo chhiar leh tawh, min hmuh chuan a nui sang a, "Tinge min koh a?" tih pahin a bulah chuan ka thu a.












"Ana-i chungchang kha" a tih chuan ka meng deuh kawk, "Tinge?" ka ti vat a, min chhang mai lo chuan ka awm a ti nuam lo zual, "Pi, tinge ka tih chu? A tha I tilo em ni?" ka ti leh.










"Chutiang a nilo, a tha ka ti lutuk, engtinnge I chhai thluk theih zawk ni?!" a rawn ti ta daih, "I tupa hi ka zei a lawm" tih pahin ka mit ko ka san zeuh a, kan nui dun hak.










"Anih chuan min puih ngei a ngai ania" thu tak ang reng deuh chuan ka ti a, "Kei pitar tawh hian engmah tih theih ka nei lo, I hmangaih chuan nei tawp rawh"

"Mahse ka pa te hi" ka tih chuan a thaw hap, "I pa chu engnge?" a rawn ti vut a, ka kâ ka ang zuau naa engmah ka sawi leh chuang lo.








Lawmi POV






Noodles siam chung chuan eng eng emaw ka ngaihtuah neuh neuh a, Mos-a pi kha chu a hmel hmuh a nuamin a fel hmel viau ka ti, ka hmuh phat atang khan ka ngai na nghal em em bawk.










Room a ka phone ri ka hriat chuan ka tlan phei nghal a, Mos-a hming ka hmuh rual chuan ka la vat, "Eng nge i tih?" a tawn ti nghal tlawng.








"Engmah, noodles ei ka lo tum mek" ka ti vat a, "Ka pi ka eng nge i hmuh dan?" a tih chuan hrethiam lo zetin "Engtin?" ka ti let hu.







A thaw hawk ringawt, "Eeee a fel ka ti tawp, a hmel pawh a tha" nui pah chuan ka ti a "A ni pawhin a ngaina lutuk che, innei vat turin min duh asin" a tih chuan ka hmui ka chip deuh hmak.









"Engmaw?" ka ti sup, a chhungte zawng zawng in min duhloh laiin a pi in innei turin min duh amaw"I ti tak tak em ni?" ka ti leh a, "Immm a ngaina che ka tih zawh chiah kha" a rawn ti ve leh.











"Mahse I nu te" ka ti leh sup a, "Ka pi berin a duh che chuan an hnial thei teuhlo, bakah nangmah lo chu midang ka nei dawnlo ka tih kha" thutak hmel fe in a rawn ti a, ka chhungrila hlimna chu a lam hian an lam kual mup mup ni berin ka hria.










Kan inbiak zawh chuan nui vur vur chungin noodles chu ka ei a, ti hi chuan tlemin kan kawng pawh a awlsam ve deuh mahna.











Thil ka paint lai chuan ka pum chu eng tin emaw hian a rawn an zuk a, a reh leh mai dawn emaw tiin ka paint zui zel a, mahse a rawn na tulh tulh.










Ka pum dawn chung chuan sofa ah ka mu kawm ngul a, a na tih hian a sawi fiah zo kher lovang.








Ka mu a, ka thu a, a chang leh ka bawkkhup bawk a, mahse engtiang pawhin awm ila a na em em tho, tiang hian ka naupan laiin vawi khat ka awm tawh, damdawi eng eng emaw ka ei a, a nat zawm tawhloh avangin ka buaipui zui lemlo kha a nia.









Ka mittui chu a rawn far leh nghal ringawt bawk, ka hmui hnuai lam ka pet fan fan a, ka nu ka ngai zual tak zet bawk.









Engtik laiin nge ka mutthilh ka hrelo, ka harh chuan zing a ni der, zawi muangin ka tho a, ka pum lam chu na tawh lo mahse ka lu chu a la rit bur tho.










Fridge a tui vawt chu la in ka in a, ka tha chu a tho thlawtlo a ni ber, chair ah chuan ka thu hnawk a, nizana ka paint chhunzawm tak loh kha brush in ka thai kual vel mai mai.









Acrylic leh water colour lei belh ka la ngai zui, ka chhuak chak hlawllo asin, Mos-a call ka tum zuk a, mahse a nu leh pa in a a awm thu nimin khan a sawi si a, nilo lo in an lo lak palh ka hlauh avangin ka thulh leh.









Dar 9 nghah thlen tum chuan ka then kual vel mai mai a, market a kal tur chuan ka insiam leh ta poh.









Ka kal chak ang reng viau bawk, haw leh vata mut hmak ka duh, "Ana" tih ri ka hriat chuan ka hawi let vat a, Lucy-in a ban a lo vai chiam.









Ka bul a rawn thleng chawpchilh nghal bawk, "Eng nge i khai?" tiin ka colour khai chu a melh zawk a, ka chhan hun pawh nghak chuanglo chuan 'Artist ho tak hi chu' a ti sup.







Ka nui a, a kalna turka zawh chuan restaurant an khar rih thu leh a len kual mai mai thu sawiin a ri nghal hluk.







"Tah sawn chawl ang" tih pahin kan dinna piah deuha dawr tê chu a kawk a, "Haw vat ka duh" ka tih pawhin min pawt lui leh tlat tawh.







Dawr kan luh rual chuan coffee a chah nghal bawk, "I dam lo em ni?" a rawn tih chuan ka melh zawk a, ka tawng hma in "Aih pawh ti la i damlo tho tho, i hmel ah a lang reng" a tih zawm zat.









Ka thaw hap a, "Nia nizan atang khan ka nuamsam vaklo" ka ti sup a, ka chal chu rawn khawih nghalin "Damdawiin ah kal ta che" a ti deuh hlur.









"Ka tha mai ang" ka tih rualin coffee chu a rawn thleng a, "Moses I hrilh tawh em?" a rawn ti leh, ka lu thingin "Ka ziaawm tawh tho, a buai sia, ka hrilh duhlo law law" ka lo ti vat.









Kan haw tur ka ding chu ka lu a rawn hai thut a, ka pai deuh nawk, Lucy chuan min rawn dawm vat a, "I tha em?" a ti vut bawk.








"Aw tlem in ka lu a hai deuh a, mahse ka tha e" ka ti sup a, "Ka lo thlah mai ang che" a tih chuan ka hnial deuh naa, min thlah lui leh ta tho.









Inchhung kan luh rualin sofa ah chuan ka thu awn nghal riai a, ka mit ka chhing vang vang bawk.








"I tha tiraw?" a tih chuan ka meng a, hlauthawng hmel fahranin min lo en reng, ka nui suk a, thu tha pah chuan "Tha e, ti daih ila ka in thar ah hian I lo la kal miahlo tiraw" ka ti let ta daih.









A hawi kual nghal ralh ralh a, "Imm a nawm reuh hi, apartment ngawt ai kha chuan a fel fai deuh a lawm" tih pahin min rawn nghawk zauh a, kan nui dun leh hak.










"Ka kal dawn, a tlai tawh" tih pahin a ding hluai a, mangtha pawh ka tih mumal hma in a chhuak nghal daih.








Thaw hawkin sofa chu ka ngheng leh ar ar a, lemziak tur pawhin chakna ka nei thlawt rihlo, ka phone chu la in Mos-a ka call ta nge nge, rei vak lovah a la a, station ah a awm anih ka ring, Jimmy-a tawng ri lawng lawng chu ka hre pha.










"Lo call che ka tum chiah a, zanin chu ka lo kal theih ka ringlo" a tih chuan mood off te chu nep te, a thim hian a thim nghal vek.







Mahse lungawi lo anga lan chu ka duh chuanglo, a hnaah a buai a ni ve mai a, "Immm in buai viau chuan lo kal ziah pawh a ngai kherlo" ka lo ti ve mai a.










"Aaa chulam pawh a ni chuanglo, ka pi lo thlen lawm nan a ma pualin party an buatsaih a, ka chhuah daih chuan ka pi a lungawi dawn silo a" a rawn ti leh a, ka down lehzual, rei pawh be tawh lemlo in ka dah daih.










Ka thaw hap a, pangchang taka a bula awm ka chak asin, mahse a theih loh chu a nih hi, a pi khan min ngaina tih ka hria, mahse tinge zan in ah kher party an buatsaih le, keimah in ka thut naah chuan ka in sawh nghawng nghawng a, ka tum bur bawk.









Zing atangin thil mumal ka la ei loh avangin rawng chu ka bawl a, ka ei thei ngut angem tih phei chu ka hre chuanglo, sana chu ka en zawk a, ka rin aiin hun chu a kal chak.









Kawngkhar chu an rawn kik dat dat a, ka va hawn chuan ka meng phawk viau, Nora-i chu a lo nui sang a, a nui hmel phena a thinlung kha zet chu ka hmuh hmaih lo.










"Eng nge i duh?" ka lo ti hmuk a, "I hmel hmuh ka chak riau a, ka lo lut thei angem?" a tih chuan thaw hap in ka lut a, ka hnung ah min rawn zui nghal bawk.









Inchhung melh kual ralh ralh pah chuan "Ka thu sawi kha I zawm duh tak tak pawh ka lo ringlo a" tih pahin a nui suk a, "Eng thil?" ka lo ti vat.









"Moses-a in chhuah San tura ka tih che kha mawle, khatiang in ropui ai kha chuan helai hi I inhmeh daih zawk" mei nei zet chuan a rawn ti leh a, ka kut ka lo hum ruh tung.








"I thu sawi ka awih vanga chhuak ka ni reng reng lo" ka ti ram hmak a, "A ni maw? Anih chuan a hnawt chhuak zawk che em ni?" a rawn ti keh khanglang a, ka insum zo lo tep ani.










Mahse kan din hmun a in ang lo em a, buaina dang ka duh loh avangin ka chhang zui lem lo, "Thil pawimawh sawi tur I neih loh chuan chhuak rawh" ka ti a.




"Pawimawh em em chu nei lo ve, hetiang hmel i put hian hmuh I nuam em a, taka, zanin chu I lo kal ve ang tiraw" a tih zawm zat a, "Khawi ah?" ka lo ti hmuk.









"Khai aw, Moses-an a hrilh ve lo che em ni? Kei chu zing ah khan min lo hrilh nghal a, zan in ah ka pi lo haw lawmna party an siam dawn alawm, nangte chu a hrilh hmasak ber che ka lo ring asin" a ti nghal zat zat a, tun maia ka thu hriat kha chuan dang Tu awm lovin ka chhungril lam hi a vit tlang zawk.










Chhan ngaihna ka hrelo a, ka mit sulh a ni ber, a thut na atang chuan a ding hluai a, "Ka haw phawt mai ang, zan ah chuan hmuh che ka chak viau asin mawle" nui suk in a ti a, a chhuak zui nghal.










Ka thut na ngaiah chuan ka thu reng a, chhuat chu ka melh ngawt ngawt, dam sam loh nen chuan ka thil hriat kha chu a in mil thlawt lo.







Nora-in khatiang taka min tawng khum lai khan sawi theih ka nei tlat lo, a thil sawi ah khan dawt a tel tlat silo a, ka tlawm vawng vawng mai.








Rilru tih thawl tuma 'Nora-i nen chuan an in hriatna a rei tawhin, a chhungte nen pawh an in hre tha a lawm' tia in hnem ka tum ngial pawhin ka rilru natna leh lungawi lohna chu a so hian an la so bulh bulh tho







Dawhkana ka phone chu la in Mos-a call ka tum zuk a, ka dah leh, party naa kal chak lutuk anga min ngaih ka duh bawk silo, chair ah chuan ka thu hnawk a, ka mittui rawn luang tur chu ka hru tawk bawk.










Aaaa ka va han zak tak, 'Mos, party naa rawn kal kha ka thil chak ber a nilo asin, dik tak chuan min sawm mahla ka nawm samloh avangin ka hnial tlat tho ang che, mahse hnial tur tal che pawhin min sawm tlat silo a' tiin ka phun chhuak sap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:19 pm

Eternal love





Chapter-22❤





Lungawi lo deuh in tlai chaw ka ei a, ka ei kham ah pawh engmah ka ti peih chuang lo, message ri hlek ah Mos-a a nih beiseiin ka en vat zel a, a ni te chu khawi lam, company lek.








Min rawn bia pawh ni se chhang tha duh chuanglo tur hian a message chu ka chang reng lawi a, ka phone ri chu ka en vat a, ka nu a lo ni.








Nu te chu nu nge nge, ka aw atangin ka damsam lo tih chu hrilh ngailo in a man thiam nghal vek, "Damdawiin ah kal la" a tih chuan ka thaw hap, a sawi ka ring sa reng ani.






"Aaa nu, damdawiin rim ka ngaitheilo tih pawh i hriat reng kha, ka noodles ei vang kha a nih ka ring, ka tha mai ang" ka ti nghal zat a, "Aw le, mahse in en kawl tha la, i dam vat loh chuan in entir ngei ngei ang che" a ti leh hram.








Kan in biak zawh chuan sana ka en a, dar 7 tlawng, a la hma lutuk te chu ka thin a rim leh ringawt, tunah chuan party in an hlim viau awm si a.







Call in ka va ti buai tlat dawn a mawn le, mahse min hrilh ve thlap bawk si, ngawi teh, kha Nora-i kha ka thik tihna em ni a, awi a teuh lo rapthlak, ka thik thlawtlo.






Eng ang pawhin rawn in ti thei mahse Mos-a chu ka ta chauh a ni tho, luhlul chhuah in rilru a a lut vak lo chung portrait ka paint ta hram.








Dar 10 vel ah ka phone chu a rawn ri a, Mos-a a lo ni, lak loh ka tum tehreng nen ka kut awm hle hle theilo chuan ka in rin hma in ka lo hmet hman hmawh.







"I la paint a mi?" a rawn ti nghal a, chhang lo chuan ka ner sak ringawt, "Lawmkim, ka biak che chu" a rawn ti leh a, ka lungawi lohna chu a rawn comeback chiang hle, "Ka mu tawh" tih pahin ka off hmak.







Lungawi loh sa nak alaiin 'Lawmkim' te min la rawn ti leh nghal a, ka phone chu ka en char char a, a rawn call nawn tawh eihlo leh nghal, phone chu la kang in 'misual pa' ka ti hluk.








Moses POV







Muhil lai pawh ni se khati teh hluka min chhan kha a ngai a mawn le, thinchhe reuh si, "Moses, ka zawng che alawm" rawn ti tu chu ka melh zawk a, Nora-i chu a lo ding reng.








Ka bula rawn pheiin "Tinge hetah i lo awm daih a?" a tih pawh chuan ka chhang lemlo, tunge maw rawn kal ve tura sawm reng reng ni.







"Ka zawng che asin bawiha" tih paha ka pi lo kal chu ka lo nuih suk, a rawn kal fuh chaih chaih hle mai, "I lo kal ve thei ani maw Nora" tih pahin a nuih sanga, "Ka hmaih phal nang" te chu a la ti ta deuh deuh leh nghal a.








"Kan in be lawk dawn em ni?" ka piin a tih chuan rang lutuk in ka lo 'aw' nghal, "Ei tur saw I duh apiang i ei thei ania, ka tupa hi biak lawk ka duh a" tiin Nora-i chu a thlah a, a chin dan pangaiin a la polite viau a nih hi.








A room ah kan in zui lut a, khum ah min thut puiin "Ngatinge?" a ti nghal ringawt, "Engmaw?" ka ti vat a, "Ana-i hmel hmuh ka lo in beisei asin" a rawn ti daih.








Ka nui a, mahse ka nui reilo, "Tinge Ana-i chu?" tiin ka zawt let a, ka lu ah rawn kuk fawkin "I bialnu a nia, i rawn hruai ve ang chu, Nora-i pawh sawm lohin a rawn kal tawp saw" a ti leh.








"Aaa chulam zawng chuan ka ngaihtuah hleinem ka nu te nen an in ngaina si lo va, sawm pawh ni ila a rawn kal duhlo ang" tiin thiam chu ka la in chan tir deuh tho.








"Anih party kan nei dawn tih i hrilh em?" a ti leh a, "Aw ka hrilh vek a lawm" ka sawi zawh rual chuan "I va han â tak, a lungawi lo tawp ang, hmeichhia te chu thil ho te vang hian kan rilru a na fo ania, i hmuh vel ah ngaihdam dil ang che" min ti hluk.








Ka chhan leh hma chuan "Ka chau deuh a, mut nghal mai ka duh, i pa te kha lo hrilh mai ta che" a tih zawm zat a, ka chhuak nghal nal nal.








Ka pi a mut tawh thu leh keipawh ka mut nghal tur thu hrilhin ka room lam ka pan a, Nora-i min ko ri pawh chu ka beng khawn peih lo, ka pi thil sawi ringawt kha ka rilru ah a awm.






Khum ah chuan ka mu meng kar a, ka thaw leh hap thin, a lungawi loh vang amawn le nichin a phone a dah hmak chhan kha, mahse lungawi lohna vak tur a awm in ka hre chuang silo.










Aaaa ngaihtuah na a buai, lungawi lo pawh nise naktuk ah ka thlem leh mai ang, thlem lungawi a huphurh awm loh emai, ka mu tha sauh sauh a, rei lo te ah ka muhil zui nghal.









****







Zing ka harh rualin ka phone ka ban nghal a, ka rin aiin ka tho tlai daih, dar 9,Lawmi ka call nghal a, a pick lo, ka call nawn leh a, a chhang dawn tawhlo emaw ka tih hnu ah a rawn chhang hram.








"Hello" a rawn ti deuh hmuk a, "I thinrim em ni?" ka lo ti nghal zat, a thaw hap a, "Aih, eng nge ni ta?" a ti hul hak, "Eng nge tih a ngai ami? Ka rawn call che" ka lo ti ve leh.








"Tlem in ka chau deuh a, thil pawimawh lutuk a nih loh chuan ka dah mai ang" tiin a off zui hmak, ka khi suk a, ka pi khan a lo sawi dik chiah a nih hi.







Shower zawh ah station a kal turin ka insiam nghal a, ka chhuak tur chu dining table an lo kil thap, ka nu in ei ve nghal tur a min tih chu chhang buai lovin ka pi thutna lam ka pan nghal a, "Nizana ka sawi kha i la hria em?" a lo ti nghal zat.






"Ka lawm e pi" tih pahin a biang ah ka fawp a, midang ho chu melh pawh melh lovin ka chhuak nghal.






Station ah ka tlang a, keima car ngeiin, Jimmy lahin nimin a ka kalloh chhan min lo zawt sek bawk, chhang buai lemlo chuan ka dawhkana file lo in chhawp nghuk chu ka en nghal thuak thuak a.








"Khangho kha nimin ami ania, a vai khan i signature a ngai vek" tiin pu Alex-a chu a rawn kal a, a pawimawh zual chu min hrilh nghal mawlh mawlh.









Hna chu tam mawlh mawlh tak ani, lunch chu ei tur an chah avangin office ah kan ei a, ka buai loh laiin Lawmi chu ka call leh.






Vawi 3 ka try hnu ah pawh a pick up lo, keimah zawk chu ka thin a rim lek lek tawh, a lungawi loh chhan tak chu min hrilh mai se.







Hna thawh pawh tui thei tawh heklo, ka haw hma leh ringawt,Lawmi in ah ka kal a, kawngkhar pawh kik lovin ka lut tlang hmiah.








Lem a lo ziak mawlh mawlh a, min hmuh rual chuan a meng phawk viau bawk, a bula thu pah chuan "Tinge ka call i lak duh loh?" ka ti deuh hmuk, ka lungawi vak bik tlat lo.







"I lo call ami?" tiin a phone chu a en vel a, ngeiawm hian, "Ka silent a, ka lo hrelo anih hi" melh pawh min melh lo chuan a ti a, a thil tih lai chu a chhunzawn mawlh mawlh.







A kut ah vuan in sofa ah chuan ka bawh tlu a, min melh kawk, "I silent amaw?" ka ti sup a,ka awma min nem pah chuan "Ka nuam sam lo ania" a ti zawi sup, dawt sawi hmel a pu lo.







"I eng nge na? I khua a sik em ni?" tih pahin a chal chu ka dawm vat a, a lo lum thar thar, "Tinge min hrilh loh a?" ka ti hluk.






A mit meng tle sawr sawr chuan min rawn en a, "Engvangin? Nangte chu Nora-i nen party naah in buai viau a ni lawm ni?" a rawn ti hlawl.







A thil sawi vang chuan chhan ngaihna mai pawh ka hrelo, 'tun ataka min ngaihtuah pawh a ngailo' ti hmuk in a tho daih.







Choka a tui a in lai chuan a bulah ka kal a, "Lawkin, engtinnge Nora-i a lo kal ve tih i hriat a?" ka ti a, min rawn en in za lo hmel zetin a nui suk, "Tinge? A ruka i sawm laiin ka lo hre leh si chu a mak i ti em ni?" a ti leh.









Ka bo tukh tulh thung,"Tinge tiang chu i sawi a? Min ti hrilh hai alawm" tiin ka nui a, "Hahhh Nora-i chu nei la kal bol vang vang rawh" a ti leh.








"Lallawmkim" ka ti hrawk a, "Lungawi lohna I neih chuan tha takin sawi mai rawh" ka ti leh, "Eng nge ka sawi ang, kei hetah dam lo in ka vial ngawt ngawt a, Nora-i nen in lo party mai mai anih kha" a ti khur deuh hluk a, a mittui a rawn luang ngiai ngiai bawk.








"I damlo anih chuan tha takin min hrilh zawk ta che" ka ti ve leh a, tiang taka in hauh buai hi kan la nei ngailo







"Haw rawh" tih pahin a kal a, sofa ah thu in a portrait paint lai chu a thai nawk nawk, ka hmai tuai puat in ka dinna ah chuan ka ding reng a, in beng daih ka ngai tih ka hria.








A damloh lai anih avangin a phunchiar zual anih hi tiin chhuara damdawi chu la in tui nen a bulah chuan ka keng phei a, "Damdawi hi ei phawt rawh" ka tih chuan hrelo ang hmakin a awm.








Ka thaw hawk a, a brush ken lai chu lak sakin a kut ah damdawi chu ka dah a, ei chu sawi loh, a vawm in a vawm anih chu mawle, min rawn en a, "Haw rawh ka tih kha, damdawi ka mamawh lo" a ti leh.









Tiang em em a a luhlul hi ka awih theilo, thinrim khum lahin awmzia a nei dawn der silo, a bulah chuan ka thu a, "Lo kal teh" tih paha a dara ka vuan chu a lo sawi nawk.








Ka ti lui duh lemlo, "Tunlai chu portrait demand a tam deuh em ni?" tiin a paint lai mek chu ka en a, min chhang lo, a mah chu ka melh zawk a, tum burin a hma zawn chu a melh ngur.








Ka nui suk ringawt, "Ka tihpalh" tiin a kut chu ka vuan a, a mittui kar atanga min rawn en in "I sual si" a rawn ti tuau, ka kuah hle hle a, a in hnit daih faih bawk.









Ka tho a, damdawi chu la lehin a bulah bawk ka thu leh, "I ei loh chuan i khawsik a zual mai ang" tiin tui nen chuan ka pe a, a ei ve mai.









"Nora-i chungchang i sawi kha a awmzia ka hrelo a, party naah chuan a lo kal ve ngei, mahse a hranpa in ka sawm lo tih hria la ka duh" ka ti sup a, min rawn en kar.







"Mahse tinge I damloh thu hi min hrilh loh a?" lungawi lo deuh chuan ka ti leh a, "Ka damlo chiah pawh anilo, tlem in ka chau deuh" a tih chuan ka thaw hap.









"Tiang ah leh zel chuan luhlul chhuah lo teh, i sa vek alawm" ka tih chuan thaw ham ham in sofa chu a ngheng a, a mit a chhing zui hmak bawk.









"Zingah chaw I ei em?" Ka tih chuan a bu deuh nghut a, a lu a thing leh, "Tinge I ei loh?" ka ti hluk a, min rawn en in "I mood off laiin chaw I ei ngai bik loh kha" a rawn ti hmuk.








"Mahse i damlo a lawm" ka ti leh a, "Damloh te chuan chaw ei a tui thei hleinem" a tih zawm zat, a chimawm dan em em hi ka awih theilo zawk.








Ka tho a, choka ah kalin artui ka kang a, soup ka siam bawk, "Ei tur ka siam sak che" tih pahin a ban ah ka kai a, meng mang hlei lo chuan "Ka ei peih lo" a la ti zui.







"Thiam leh thiam lovin ka siam sak che a, ei ringawt rawh" tih pahin ka pawm lawp a, a rak thawt, a rawn meng chiang viau bawk.








Chair ah chuan ka thut tir a, a bul ah thu thla ve nghal in soup chu ka chhem dai a, barh ka tum ngial pawhin tih ngaihna a awm hlawllo.







"Tinge hetianga i awm tlat a?" ka beidawng rum rum tawh, "Engtinnge ka awm vak a? Ka ei duhlo ani mai alawm" a rawn ti, "Uluk deuhin ka siam sak ve che a" tiin tum burin a mah chu ka en a, min rawn melh zawk in "Ninawm" tih pahin artui chu a hmawm mawlh mawlh.










Rei lo te ah plate pahnih chu a ruak nghal vek, "Tikhan i ei peih lo a maw" tiin ka nui a, min melh ram ram paha tho in "Ka damlo sia, thleng ka sil thei lo ang" tih pahin min nuih suk a, a kal nal nal.






A chimawm lutuk chu ka nuih pawh a za hleithei tawh lo, thleng ka sil zawh chuan a bul ah ka thu a, min be lovin a phone chu a kheuh mawlh mawlh.







Ngawi rengin a mah chu ka en renga, thaw hak in a phone ken lai chu ka lak sak a, min en run.






"Eng nge?" a ti hmuk a, tiang em em a a thinrim rei hi ka ringlo asin "Thinrim tawhlo teh" ka ti hap a, "Ka thinrim lo" alo ti sup.







"I thinrim lo a nih chuan eng nge i induh kual vel a, Nora-i kha chu theihnghilh teh" ka ti leh a, "Kha pui, Nora-i hming i lam leh tawh" tiin a tum bur anih chu mawle, henu awm dan hi ka hrethiam thlawt lo.








"Anih chuan ka sawi tawh lovang, mahse thinrim tawh lo la" ka tih chuan a kut kuangkuah in lehlam a hawi hmak anih chu, ka nui suk a, a puma va dawm pah chuan "Nui tawh rawh le" tiin chhaih nuih tum fe chuan ka ti a, a rawn nui ta nge nge.









"Min kuah la" tiin ka kut chu ka phar a, kan in kuah hle hle, "Ka lak ah hi chuan thinrim tawh suh, ka buai vek zel" ka ti sup a, thu diktak ka sawi bawk.








"Khawi maw" tih pahin a chal chu ka dawm a, a pang sa vur kha chu a reh deuh, "Na dang i nei em?" ka tih chuan a lu a thing a, "I damloh chuan min hrilh vat zel ang che" tih pahin a mah chu ka en a, a nui suk ringawt.








Ka phone ri chu ka ban vat a, ka pi a lo ni, ka chhan rualin "Ana-i nen chuan in tha em?" a rawn ti nghal zat, speaker a ka dah avangin Lawmi chuan min rawn melh zawk a, ka nui ta ringawt, "Pi, a luhlul lutuk a, a lungawi theih nan thleng te ka sil vel mawle" tiin Lawmi chu ka melh zauh a, min rawn nghawk chawrh.






"Tun ah khan in awm tlang em ni?" a rawn tih chuan kan in melh zak zak a, "Aw" ka ti deuh sup, "A that chu, tikhan awm pui rih rawh" a rawn ti ta mai.








"Mahse pi, lo haw ka tum chiah asin" ka tih chuan rang zetin "Helam chu ngaihtuah a ngailo, ka awm hi, tikhan zan in chu riah pui la, mahse ka rin tawk vang che in a nia ka sawi, thil pawi thlen tir suh ang che" a rawn ti nghal zat.








Ka nui tut tut a, "Aw le, pi thil pawi chu a thleng miahlo ang, ka dah phawt dawn" tih leh phone off ka rual a, Lawmi nen chuan in en in kan nui dun rak rak.








Mahse thu tak fe hian "Riah pui ka ngai lo asin, va haw zawk zawh" a rawn ti a, thle nguai chunga amah en pah chuan "Min va ngai lo ve" ka ti hmuk.









"Chulam a nilo, riah pui ka ngai hleinem, i nu te ngaihdan a nilo ang" a rawn ti leh, eng emaw diklo hi chu a awm ani.







"Tinge I awm dan hi i thlak thut le?! Eee ka hre thiam, thil i ngaihtuah nasa lutuk aniang" tih pahin a sketch book leh colour vel chu ka la a, a rem chang lai ah ka dah khawm tawp.








"Eng nge i tih?" a ti vut a, "Zanin chu hna i thawk lovang" ka tih chuan "Zan ala nih loh hi" a rawn ti a, "Mahse ani tep tawh alawm" tih pahin a bulah chuan ka thu a, a hnung lam atanga kuah pahin "Hahdam deuh in awm rawh" ka ti sup.










A thaw hap a, a lungphu ri chu ka hre thei, a khabe ah dawmin ka kuai dak a, a mit meng fiah kel kawl zet chuan min en reng.








Engmah sawi lovin a hmui ah chuan ka fawp a, min lo chhang let vat bawk, ka duh thawh tial tial a, kan awm dan chu siam remin am tak chuan kan han in kiss leh poh a.















~~~
A va tawp laklawh fahran😂

Ads kha click la, lo comment zeuh mai rawh😍

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:19 pm

Eternal love




Chapter-23❤





Sofa ah chuan chep deuhin kan mu a, Lawmi chu reilo te ah a muhil nghal Mai, a sam chu hui kiangin a chal ah chuan ka fawp a, tih theih dang vak awm heklo, ka awmdan chu siam remin sofa tereuh te ah chuan mutthilh ka tum ve ta poh chu a nia..



***




Ka ban rawn mu chum chum leh kham thum chuan min ti harh a, Lawmi chu a lo la thaw sak sak,ka ban a delhna chu zep rual lohin a na tawh, dim te in lak chhuah ka tum a, a rawn meng fiah teh asin.







"I lo harh a law" tih chhuan lamin ka ban chu ka la chhuak a, thu chung chuan a lu chu a dawm vang vang, "I tha em?" tih pahin a chal chu ka khawih a, a lo sa leh vur tawh.








"Dawmdawi ka'n la ang" tih paha ka tho tur chu ka kut a lo vuan a, "Ka pum" tih pahin a pum chu a dawm vang vang, ka thu hniam a, "I pum a na em ni?" ka tih chuan min chhang lo, a mit a chhing a, sawi kherlo mahse a na viau tih ka hre thiam.







"Damdawi in ah kal ang aw" ka tih chuan a lu a thing tlat a, hruai luih ka tum pawhin a duh tlat lo, na chhawkna la in ka ei tir ringawt a, keimah zawk chu ka chiai lek lek.






Sana ka en a, dar 7,"Ei tur ka'n siam ang" tih paha thawh ka tum chu "Aih" a lo ti vut a, ka melh vat, "Coffee khawngaih in" a rawn tih chuan ka nui suk,a kut chu ka vuan a, "I pum a nawm hunah coffee chu, ei tur ka lo siam ang" tih pahin ka tho nghal.







"Ka nau te tan chuan ei rawng te chu ka bawl ziah mai ang" choka atanga chuan ka ti lung lung a, a rawn nui chhuak hak, a in lak pangchang thiam zia chu, ei tur pawh chu ka barh vek, mahse ka hlim zawk hlei hlei.








Lawmi POV




Riltam miahlo kha a kuta a siam ngei anih avangin a hlu zual a, chaw pangai ei chak miahlo kha a kut ngei a min barh avangin a tui bik em em bawk, engang pawh in na ila a bulah chuan ka dam a, a nui hmel hian ka mittui tla tur a ko let fo thin.








Thleng a sil zawh chuan ka bulah a rawn thu a, "A la na viau em?" tih pahin ka pum chu a rawn khawih a, ka lu thing in "Aih" ka lo ti sup..





Chiang zetin min en a, "Naktuk ah damdawi in ah kal ang che" a ti zawi sup, min en reng avang chuan hnuai lam ka bih ta daih, "Ka tha alawm, damdawi in a kal kher a ngailo" ka tih bah nuk, a nihna tak ah chuan dawmdawi in tih thumal hi ka ngai na thlawt lo.








A thaw hawk a, "Na leh ta la engtinnge ni ang" a ti vut, ka melh zawk a, "Damdawi in rim hi ka ngaina lo a lawm" ner nungin ka ti a, ka kut rawn vuan in "Tumah damdawi in rim ngainat vangin an in en tir lo, keimah ka kalpui ang che" hnial theih miahloh turin a ti deuh hmuk.









Tih tur dang awm heklo, mahni phone ve ve khawihin sofa ah chuan kan thu a, chutah a tho thut a, engmah sawi lovin bedroom ah a lut zui nghal, um zui lem lovin ka thil en lai chu ka en zawm a, rei vak lovah a rawn chhuak leh.








Ang phuau chungin ka lo en tawp, "In thlakna tur min pek i tum silo a, ka duh duh ka ha tawp" a tih chuan ka insum hmanlo, ka nui chhuak hak a, a bulah kalin a mah chu ka thlek kual sek bawk.








Ka tshirt zinga a lian ve pawl, a hmaa unicorn lem awm leh ka kekawr bul chu tite deuhin a ha a, en mai chuan a khawngaih thlak hmel ngawih ngawih.







Ka nuih vak vak lai chuan min pawm lawp a, ka hmui ka chip chiang hle, "Mu tawh ang" tih pahin room ah min pawm phei a, engmah ka sawi zui lo.








Khum ah min nghat a, puan min sin tir in a rawn in thawlh lut ve nghal zat, "I mut a chhuak lo tiraw" a rawn ti sup a, "Engtinnge a chhuah ang! Tlai ah kan mut kha" kalo ti vat.








"Anih chuan naute siam ang" ka melh zawk a, min lo en reng, ka tihngaihna hrelo chuan "I mawl" ka ti hluk, a thaw hak a, "Naute pai la, kan innei vat anga" a ti leh, a mah lah chu a nui duh derlo leh nghal.







"Ka muhil dawn" tih pahin leh lam ka hawi a, ka thinphu chu e, rang tak a ni rang tak, "I mut a chhuak lo tih ka hria, Lawmi zanin chauh" ka beng bulah a rawn ti leh sar sar a, ka thu chhuak thut.








"Sofa ah ka mu mai ang" tih paha kal ka tum chu min pawt thu leh hnawk a, nui put put pah chuan "Ka fiamthu anih kha" a rawn ti.








"Fiamthu na chi pawh anilo" tih pahin ka ding leh a, a ngai te bawk in min pawt thu leh, ka chil ka lem khalh a, dik tak chuan fiamthu nan ka duh hlawllo, lo ti tak tak ta se keimah zawk pawh hi ka insum thei hauh lo ang,chu chu a tha lo a, chuvang chuan hetianga in fiam hi ka duhlo bur.






"Tak tak in fiamthu mai mai alawm" a ti leh a, "Fiamthu bawlhhlawh a nih kha" ka ti leh hluk, "Anih chuan ka ti tawh lovang, rawn mu teh" tih pahin min pawt a, ka bawh rawk, ngawi rengin kan in en a, min rawn hnaih zel avang chuan nam sawn in, a sir thei ang ber a tawlh pheiin "Muhil ang" ka ti sup a, ka in khuh phui tlat bawk.










A reh vang vang a, ka thaw lah chu a chham lo chauh tawh, puana in khuh tih vel hi ka tih than loh avangin ka thaw a chham titih mai zel, a mu pangai ve tawh anih ring in ka hawng dek dek a, Mos-a ka hmuh rual chuan ka phu zawk.








Hnai lutuk ah min lo en a, a nui vur vur bawk, "I la muhil nange?" ka ti bah nuk a, "I thaw a chham hman lo maw?" a ti daih, "Aih" ka ti sup a, "I inkhuh tlat a, mu tha ang" tih pahin khum ah chuan a rawn lawn leh a.









"Min lo dek suh" tiin a mah hnungchhawn zawng bawk chuan ka mu leh , "Mahse ka ngai che alawm" tih pahin min rawn kuah leh hram, ka thaw hawk a, a mah en chung chuan "Mos, ka sawi chu ka nuam samlo, min muttir mai mai teh" kati leh.








"Aw le, anih chuan muttui" tiin a tawlh phei hrat hrat a, engmah a sawi zui tawh lo, mut chu chhuak thlawt heklo, ka meng kar reng a, a sirzawnga mut reng chu ka tlin bik lo, mos-a chu ka melh zawk a, a muhil tawh anih ka ring.








In her leh in ka pum chu ka khawih a, ka thaw hap bawk, chutah Mos-a chuan min rawn kuah in ka kawrbzen lutin ka pum chu a chul a, ka melh vat, a meng chuang miahlo.








Ka nui suk a, ka vin vak vang khan a thinrim emaw ka ti hman a, ka tan chuan a va han famkim chiang tak, a kut chu ka lo vuan ve bawk a, nui vur vur chung chuan ka maimit chhing ve leh.








***







Zinga ka harh chuan ka bulah Mos-a a lo awm tawh lo, sana ka en vat a, dar 7 pawh a la ri silo, ka tho tur chu ka mut na sir ah lehkha them a lo awm a, ka en chuan "Station a kal ka ngai thut a, i mu tui sia ka kai tho lo mai che, thinrim lo la, hospital ah chuan kal ngei ngei ang che, ka hmangaih che" tih chu chep deuhin a lo ziak a, ka khi suk.







Phone pawhin a in hrilh thei tho sia, a che cute thei lutuk chuan ka nuih a ti za,"Huiham hospital " ti hap in ka tho a, fridge a tui chu la in ka in nghal khawlh khawlh.








Peih lo viau mah ila in en tir chu tha ka ti tho, mahse ka va han huphurh tak, ka tho hma bawk, Mos-a ka ngai nghal ringawt bawk, ka nawm sam loh avang khan thuamhnaw bal lah ka ngah, ka in su a, ka zawh meuh chuan a lo tlai leh duai tawh.









Ei rawng bawl lovin noodles bawk chu ka ei leh, a awlsam bak ah ka hne lo ve em a, sum ngah lutuk loh chuan a tui vek zel mai, ka nu ka call a, vawiin a pawisa ka thawn theih tur thu ka sawi chuan a hlim viau, keipawh ka hlim, bank ah ka kal anga, chuan hospital ah ka tlang ang.









Ka hmel dâng bal chu darthlalang atanga in en in kei mah leh kei mah pawh chu chhia ka in ti, ka damlo khat viau a, ka nat ve deuh chuan ka tla nghal dawk zel.







Ka insiam zawh ah ke in bankbawmna lam ka pan a, ka thawhchhuah ngei ka nu account ah ka deposit ve chu a ni si a, bank ka chhuah San hnu pawh chuan ka nui vur vur reng mai.








Damdawi in kawt ka thlen chuan ka thaw hap a, rei fe ka din hnu ah ka lut ta nge nge, min chi hrang hrang an lo in pel duau suau a, let leh mai chu ka duh rum rum.








Doctor hmuh ka duh thu ka sawi chuan staff pakhat in min hruai a, ka thin phu a phu rang nghal dawt dawt hle. "Dr.Eric ka nia, lo thu rawh" tih pahin a hmaa chair chu a kawk a, ka thu ve mai.











Ka pum nat thin thu leh ka khawsik thu vel ka sawi chuan ka BP leh thisen vel a test a, ka rin aiin biak a nuam phian leh nghal, Doctor ho biak har zia an sawi thin ka hria a, a vannei ho zingah ka tel ve anih hmel, a tawng duh ang reng viau a, mahse ka thlamuan phah teh chiam chuanglo.









Pindan pakhat ah a lut a, rei vak lo ah rawn let lehin a thu tha leh te te a, "I result ka sawi hma in, eng hna nge I thawh?" a rawn ti daih.








Hna nghet ka neih loh thu leh art contract ka neih thu ka hrilh ve mai a, a thaw hap, "Engpawh nise I pum pui hi a cancer a"
"Engmaw?!" a sawi zawh rual rual chuan ka lo ti nghal.






"Ngawi teh Doctor, ka hrisel viau asin" ka ti leh a, "Ka hre thiam che a lawm, in beng dai la, I stage hi a la en kawl dam theih a, mahse chumi tur chuan I taksa I enkawl dan ah a in nghat thui viau ania" dam thlup in a ti a.







Ka mit sulh a, sawi leh tur ka hre tawh lo, kei hi ka cancer a maw, "Kartin treatment dawng tur a I lo kal a ngai dawn ania, uluk taka I in enkawl loh chuan I taksa in a tuar ang" a ti leh.








"Anih chuan doctor, painting chu ka chhunzawm thei ang tiraw" ka ti sup a, "Theih chu thei e, i ei leh in finkhur la, vitamin leh protein lam ei tam ang che" tih pahin paper ah thil a ziak mawlh mawlh a, "Hei hi lo lei la, damdawi dawr tin ah chuan an kawl vek ang" tiin min pe a.







"I rilru ti hreawm lo la, I dam leh vat mai ang" a tih chuan ka bu nghut a, ka chhuak nal nal.






Muangchangin ka kal bek bek a, 'cancer' tih thumal chu ka beng ah a ri nawn tlut tlut, dawmdawi chu ka lei kawi a, in ka thlen chuan sofa ah ka bawk nghal thlawp.







Ka taksa leh rilru zawng zawng nen hian a chau, sana ka en a, chawhnu dar 2 a lo ni tawh, ka rilru chu a chawmawlh zo vek a, engmah rilru fimin ka ngaihtuah theilo.







A tawp ah ka nu ka call a, ka natna hrilh chu tih hreh in ka hreh, eng eng emaw a sawi luam a, ka lo ngaithla mawl tawp, hrilh tura call ve si kha engmah hrilh lovin kan in mangtha daih.








Ka thaw hawk a, rilru siam fel a ngai tih ka hria, Pathian zar ah ka stage a la sang lo bawk a, ka in enkawl that chuan ka dam leh mai ang.








Ka lo muhil daih ni ngei tur ani, ka phone ri chuan min ti harh zawk a, Mos-a hming ka hmuh rual chuan ka thin a phu nghal dup dup.






Ka chhan rualin "Hospital ah chuan i kal em?" a rawn ti nghal zat, "Aw ka tha e" ka ti sup a, "I tha tak tak maw?" a rawn ti leh, "Imm inbual ka lo tum chiah a, nakin ah ka lo bia ang che" ka tih chuan a dah ve mai.







Ka thaw hak a, ka in ti fai nghal sawk sawk, khua a thim tan tawh a, ka dam leh vat theih nan uluk taka ka in en kawl angai, ei rawng ka bawl a, bawnghnute nen ka ei lui hram.







Damdawi ei tur lah chu a tam mai sia, tun atang chuan damdawi mum khat lek ei turin zing dar 3 ah ka thawh ziah a ngai tawh dawn anih hi.







Ka ziaawm deuh avangin painting chu ka chhunzawm a, naktuk hi kar tawp ani tawh bawk si, ka complete sa tlem te nen hian art colony pan leh vang vang a ngai dawn anih hi, in hnaih deuh tal ila a zia tur.




















~~~
Zan in chu a tawi deuh🙇‍♀️ka type zel chuan min hauh ka hlau a😂

Tak² ah, naktuk zan ah thui tawk ka lo dah ang, khawngaih in comment kha min han uar sak leh hram² ula🙊

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:19 pm

Eternal love



Chapter-24❤





After 2 weeks




Mos-a pawh ka hrilh duhlo, a rilru tih hah vel kha ka duhlo, zana lo kal a tum pawhin ka hnial ta zeuh zeuh a, mahse ka ngaih luat ah a chang chuan in thunun zo lo va ka tah chang a tam.








Kartir ah in check up turin hospital ah ka kal ta ziah a, Dr.Eric hi fel viau lo se chuan hreawm ka ti thei ngawt ang, damdawi chu ei tha viau mah ila a rawn nat tak tak chuan mittui nen ka tlaivar chang a awm fo tho.








Ka paint laiin ka phone chu a rawn ri a, Mos-a hming ka hmuh chuan ka nui suk, "Hello" ka tih rual chuan "Eng nge i tih?" a rawn ti nghal vut leh nghal.







"In ah, painting" ka lo ti mai a, "Lo chhuak suh, ka lo kal dawn" tih pahin a off leh nghal, chhun chhun ah eng nge rawn tih a tum le, ka chhuah lo ni a ni hlauh a, a tha tho e.







Rei vak lovah a rawn thleng a, kawngka pawh kik lovin a rawn lut nghal tawng, sofa ah chuan a thu nghal ar ar a, "Thil thleng a awm em ni?" ka lo ti vut, min chhang mai lo chuan min en run a, ka ngaih a ti tha lo zual.







"Mawhh" ka ti leh vak a, "Lo kal teh" tiin a kut a rawn phar a, a bula min thut tir pah chuan "Thil hrilh tur che ka nei" a ti sup.






"Sawi la" ka lo ti vat a, "Ka ngai lutuk che" tih pahin min kuah bet chiam a nih chu, "I van â tak, min ti hlau alawm" ka ti hluk a, "Min ngai ve lo ami?" tiin tum burin min en.





"Ngai e" ka ti sup a, "Hrim hrim in tunlai hi I cher e" tih pahin ka kut chu a khawih neuh neuh a, ka lungphu a rawn rang nghal ringawt, "I damlo leh a ni lo maw?" tiin ka chal chu rawn khawih a tum a, ka tawlh hnung dawr.






"Ka tha alawm" ka ti sup a, "I tha lo" a rawn ti hmuk, a rawn tawlh phei a, "Khawnge hmana I in entirna lehkha kha?" thu tak fe in a rawn ti.






"Ka tibo a" tih pahin ka nui a, mahse a reilo, min en run a, ka hlau lek lek, "Aaa ka tha ka tih chu, station atangin a mi I lo kal?" ka ti ta daih.





"Aw, ei tur siam teh, ka ril a tam" a tih zawm zat a, choka ah ka kal nghal nal nal, ka awm chu ka dawm vang vang a, a hrechhuak dawn emaw ka ti hman alawm, ei tur chu ka siam a, ei dun in hna chungchang hlir ka sawi pui.








"In en kawl tha rawh aw" a chhuah dawn ah chuan a ti a, ka lu ka bu nghauh nghauh, a tlan Liam hnu chuan rang lutuk a tlan lutin damdawi ka ei nghal.






Ka damdawi ei hun a ni tawh si, a hmuh laia ei ka duh bawk silo, minute 10 laiin ka ei tlai phah ringawt








Ka phone ri chu zawi zetin ka ban a, ka nu a lo ni, mahse "Hello, Ana" rawn ti tu chu ka nu aw a nilo tlat, "Aw pi, tinge ka nu phone atangin min lo call a" ka ti satliah a, chutah hlauthawng leh hah hmel zetin "I nu hi a hna thawh naah a chesual a, a dinhmun a tha vaklo" a rawn ti ta mai.







"Engmaw?!" ka ti thawt a, ka tha chu a khur nghal ringawt, "Damdawi in ah kan phur phei a, a dinhmun hriat chian a la nih loh avangin lo kal la la duh ani" a ti leh a, chhang tawh lovin ka phone chu dawhkan ah ka nghat chawrh








Ka mittui chu a rawn luang nghal ringawt a, 'nu, tinge tiang hian I awm a, fimkhur turin ka chah zing viau che kha'


Engpawh nise Cortland ah ka kal a ngai, mahse engtinnge ni ang, tun ah khua a thim lek lek tawh si a, ka thaw hawk a, ka mittui chu hru tawkin ka phone bawk chu ka ban leh a, Mos-a chu ka call ta nge nge.







A chhan rual chuan "Lo kal rawh" ka ti nghal tawp, hlauthawng leh hrilh hai hmel zetin "Tinge?!" a rawn ti vat a, ka insum hlei thei tawh lo, tap tuau chungin "Cortland ah kal ka ngai," ka ti leh a, zawhna dang min zawt tawhlo, a lo kal nghal tur thu sawiin a dah a.








Chhuat ah chuan ka thu hnawk a, ngaihtuah ber tur pawh ka hrelo, 'nu, lo tuar tang tang rawh aw, ka lo kal dawn ania' ka ti rilru mawlh mawlh a, kar lovah Mos-a chu a rawn thleng vat.








Min hmuh rual chuan ka bulah a rawn tlan phei nghal a, "Engthil nge thleng?" a ti sup, "Cortland ah kal ka ngai, ka nu" ka sawi zawm thei tawhlo, engkim hrethiam vek ni awm tak chuan min kai tho a.

"Cortland ah chuan ka hruai ang che, in thlak rawh aw" a ti sup a, ka lu ka bu nghut ringawt.






Rilru fim pulo ta chu ka che chang lo a ni ber, ka thuamhnaw engkim min thlak Sak a, keichu a tih ang ang in ka awm tawp.





Ka in peih hnu chuan car ah lutin Cortland lam kan pan nghal a, pawn lam ka en a, ka nu bak ka ngaihtuah thei tawhlo, ka mittui chu a rawn luang leh ngiai ngiai a, ka kut chu a rawn hum vang vang a, ka melh zawk.






"A tha leh mai ang, i bul ah ka awm zel dawn ania" ati sup a, a kut chu ka lo vuan nghet ve sauh, tun dinhmun ah chuan ka thlamuan pui em em tho.






Kan thlen dawn tep ah ka phone chu a rawn ri a, number hlang atangin ani, ka chhang vat a, "Ana, i nu chu an chhan hman ta lo"

Ka mit sulh a, ka bing mup mup ni berin ka hria, ka mitthla ah ka nu hmel a rawn lang nghal uar uar a,a nui hmel ngainat awm tak te, ka tana a zai ri mawi tak tak te kha ka beng ah a rawn ri nghal tlut tlut.





Hospital ah kan tlang a, ka nu chu an rawn nawr chhuak mek,a kut ah ka vuan a, a hmel dâng lap chu ka khawih a, khawi ah nge ka awm tih lam ka ngaihtuah lo va, tute nge ka bulah awm tih ka ngaihtuah heklo.






Ka tap a, ka nu chu ka ko a, lo tho leh turin ka ti chiam bawk a, mahse eng nge awmzia awm?? Ka nu chuan khawvel piah lam ram min kai San tawh tlat si a.







Kum khat dawn kan in hmuh tawh loh hnu ah kan in rawn leh dan chu a va duh awm lo ve nu, he khawvel hreawm tak min hmachhawn pui tur hian ka la mamawh che asin.






Hun a ral zel a, ka nu vuina program pawh a zo tawh, ka vanduaina kal tluang lutuk chuan dam min ti chak lo zo a, fahrah ve mai hian tuna ka neih chhun chu Mos-a chiah hi a ni tawh.








"Naute, i tha tiraw" tiin Mos-a chu ka bul ah a rawn thu a, ka mittui chu hru in "Imm" ka ti ringawt, "Lo kal teh" tiin ka dar ah min kuah a, a thaw hap







"Heta i awm duh chhung chu ka awm pui thei che ania" a ti sup a, "Aih, let leh vat ka duh" ka tih chuan mak ti hmel zetin min en.







"Ka nu vuina hun a zo tawh a, ka pi te chu ka be tawh, naktuk ah let ang" ka ti leh a, "Aw le, rilru fim tak i put hram hram a ngai ania aw" tiin ka chal ah chuan a fawp a, ka nu kal atanga a vawi khat nan ka nui suk.







Moses POV.






Motor glass chu a down a, pawn lam hawi chuan a mit a chhing vang vang, a nu thih na chuan keipawh min thawng lutuk, ka bula a nu chanchin a sawi tawh chuan tawngna hun ka chang ngailo, chutiang khawp chuan an in ngaina a, a tuar viau pawhin ka hria.








Mahse a chang chuan puitling takin thu tlukna a siam leh ang lawi a, a nu boral thu a hriat khan 'Cortland ah chuan kan cham deuh vang vang angai dawn anih hi' ka ti rilru a, mahse hetia let leh mai a duh chhan hi ka hrethiam lo.








Darkar khat dawn kan tlan hnu ah ka melh zawk a, a lo muthlu chu niin, motor chu ka ti ding a, ka jacket hak lai chu phelhin dim te in ka sin tir a, a hmel dawl dâng zet leh a taksa cher lutuk chuan ka ngaih a ti tha lo lek lek.








Chawl lovin ka tlan leh char char a, khaw thim hma in in kan thleng hman, Lawmi chu tih harh tum in ka sawi deuh a, mahse nizan lam a mu tlem bawk nen a harh lawk lo.









Ka pawm a, bedroom ah tlang puiin khum ah ka muttir a, a rawn tawng vai nghal, a mutthilh lai pawhin a nu chu a theihnghilh lo anih hi, ka kut a chelh tlat avang chuan a bulah thuin a chal chu ka khawih a, a lo lum thar thar.









Tinge tunlai hian khawsik hi a neih duh em em le, a hma kha chuan hmeichhe hrisel leh harh vang tak a ni thin si a, hahdam taka awm a mamawh a nih hi.








Tui vawtin a chal chu ka dep a, a la harh eihlo, kan chanchin engkim ka pi ka hrilh vek avangin in lam chu ka ngaihtuah hranlo, ti hian Lawmi hi ka awm pui ang a, a tul anih chuan station ah ka kal rihlo mai ang.






***






Ka lu ah chuan a rawn khawih a, ka harh zawk, Lawmi chu a lo harh tawh a, a that leh that loh ka zawt vat, min rawn kuah thut a, a in hnit leh nghal hlawp hlawp.








A hnung ah ka chul a, tihsak theih eng emaw tal neih ka chak, mahse thihna hi chu a dan a dang em a, "I duh tawkin tap rawh, I bulah ka awm reng dawn ania" ka ti sup a, sawi tur dang ka hre bik lo.







"I khaw sik a la awm si a, damdawi ei rawh aw" ka tih chuan "Aih" a rawn ti vut, min hnial kha chu ka ring sa hrim hrim, "Damdawi i ei anga, I zia sawt dawn alawm" ka ti leh a, "Dar engzat nge" a rawn ti daih, "Dar 8 a ri tawh" ka tih chuan rang zetin a tho a, room atang a tlan chhuak nghal.








Ka um zui vat a, choka ah tui a lo in mek,a kut ah chuan damdawi ni awm tak a lo keng a, "Kha kha eng damdawi nge?" ka tih chuan "Aaa englo, hmanni a ka in en tir khan khawsik vela a that thu min hrilh a" a ti sup ringawt.








A damdawi hming ka zawh chuan a sawi duh derlo, kan boruak in a zir lo bawk nen ka zawt lui duh lemlo a, "I ril a tam em?" ka tih chuan a bu nghut a, fridge chu hawngin ei tur ka siam sak a.








"Ka riltam" ti si khan a hmaa ei tur chu ei mai lovin a chawk a chawk a, ka hrethiam viau, a bulah chuan thu in a spoon ken lai chuan ei tur chu ka suak a, barh ka tum chuan min rawn en zawkin a ei ve mai.








Tawngkama a tawrh na hnem dan ka thiam loh avangin insum zo lo va a tah chang chuan ka awm ah bei tir in ka kuah hle hle mai zel.








Chutiang chuan kar khar dawn kan awm a, station ah ka kal lova, a ni pawhin a project a chhunzawm biklo, a harsatna ka hrilh chuan Mr.Wilbert ka hrilh chuan a lo hrethiam viau a, tun ah chuan kan pangai tawh lutuk.









Buaithlak ber chu zan a mu theilo hi a ni, a mutthilh hlekin a tawng vai nghal zel a, awihawm loh khawp in a lan dan a danglam chak bawk.









A cher em em a, hmeichhe naupang te reuh te a ang mah zawk, mahse hun a ral ve zel a, a rilru pawh a fim tawh viau.







Sofa ah thu in TV kan en a, "Mos, vawiin sunday tiraw" a rawn tih chuan ka melh zawk a, "Immm tinge?" ka ti vat, a thaw hap a, "Naktuk ah chuan haw la, i hna chhunzawm rawh aw" a ti sup.







Ka en reng a, tider hmel a pu lo, "Aw, mahse nangmah" ka tih chuan nui suk in min rawn en a, "Ka tha a lawm, keipawh naktuk atang chuan project ka chhunzawm ang"

"Aw le, a nih chuan kan hna ve ve kan zawm thei tawh dawn anih chu, chuan maw naute, i nu vanga i rilru hreawm na kha chu pai dam tawh la ka duh ani" ka ti sup a, ka sawi sual ang tih ka hlau viau.











Min rawn kuah a, ka hmui a rawn fawp zauh in "Immm, ka bula i awm reng vangin ka lawm e aw" a ti sap, ka nui a, a hnar a piai zeuh in "I van â tak, I ta chauh ka nia, I tan ka awm reng dawn a lawm" ka ti ve sup a.









"Ka mut a chhuak tawh e, mu ila" a tih chuan room ah kan tlang nghal a, naktuk zan atang chuan a pang ti lum thar thar hi ka mangtha leh rih a ngai dawn si a, nghet zetin ka kuah a, reilo te ah ka muhil zui nghal.










Lawmi POV






Muhil chung pawh chuan min la kuah nghet charh charh lutuk, a thaw sak sak chu en in ka nui suk, 'awmlo ta la ka nu vanga ka tawrh na hi engtinnge ka tuar zawh ang le'

A nghawng ah ka fawp a, a kawng ah kuah in ka muhil ve nghal.




****




"In en kawl tha rawh aw, ka lo call ang che" tih pahin min kuah a, ka chal ah a fawp vang vang bawk.







"Imm nangpawh finkhur la" ka ti ve sap a, car ah lutin a tlan Liam nghal, ka thaw hap a, inchhungah lut in hospital a kal turin ka insiam nghal mawlh mawlh.








Kar khat chhung teh meuh ka damdawi ka ei mumal loh avanga ka taksa in a tur zia doctor in hmu se la chuan a thinrim hial mai thei ani.







Mahse Mos-a awm ve reng laia cancer damdawi ei thei ka ni silo, engpawh nise tun ah chuan uluk leh zuala ka in en kawl a ngai dawn anih hi.








Ke a kal ka peihloh avangin taxi ka la a, hmanhmawh zetin Dr.Eric-a office lamah chuan ka pen hlawk hlawk, min hmuh chuan ka rin lawk ang chiah in ka taksa chu a melh nghal ralh ralh.







"Lo thu rawh" a tih rualin a hmaa chair ah chuan ka thu nghal a, uluk zeta min en in "Hmanni khan i lo kal lova" a ti sap a, ka thaw nghal hap.







"Englo, Cortland ah ka nu a thi a, chuvang chuan ka.. "

"I taksa hi I duat loh chuan I tla nghal dawk dawk dawn ania" ka sawi zawh hma chuan a rawn ti leh.





"Cancer hian taksa a ei chhe chak em em a, tuna I awm danah khan I hriat chian viau ka ring, I mimal harsatna chu ka hriat pui lo che a, mahse dam taka awm zel ila duh chuan I in en kawl uluk viau angai, lo kal rawh le" tih pahin room ah min hruai lut a, ka stage a la sang lutuk lo a, ka tan chuan darkar 5 a la tawk viau, hetiang a chemotherapy lak ka ngai ta mai hi ka la in awih thei lo.








In ka thlen rualin Mos-a ka call a, rei vak lovah a rawn chhang, "An hau che em?" Ka ti nghal tawng, karkhat dawn min awm pui a, chumai ni lovin a hna ah a kalloh phah tawp bawk a, ka tan chuan a nuam hlawl lo.







A nui a, "Engvangin nge min hauh ang, ka pi a awm hi" a rawn ti a, "Mahse I nu" ka tih mek laiin "Ka tha lutuk, ka piin ka hna avanga Goshen kal angin min lo sawi alawm, tunah station ah ka awm mek" a ti leh a, ka nui chhuak hak.







"I pi hi chu" ka ti sap a, "Het, I pi ti suh, ka pi ti rawh" a rawn ti, phone atang chuan kan nui dun hak a, hna a thawh lai anih avangin rei lutuk kan inbiak hma in ka off a.







Sofa ah chuan thu awn duai in ka thaw ham ham a, 'Mos, ka natna hi hria la min la hmangaih tho angem, nge min kalsan in hmeichhe dang min neih san ang'




Ka ngaihtuah ringawt pawhin ka tawt nghal up up, chuvang chuan ngaihtuah loh ka duh, tha deuh in ka in enkawl anga, ka dam leh mai ang.






Ka phone ri chu ka ban vat a, Mr.Wilbert a lo ni, ka hun tawn in a zir loh avangin kar tluanin an demand ang ka paint sak thei lova, ka be huphurh viau.








Mahse lehkha thiam tih tak ah min hrethiam in tawngkam tak takin min bia a, tunkar chhung atan abstract painting an beisei anih chu, ka abstract painting kha an ngai ho viau emaw ka ti a, kan in biak zawh chuan painting turin ka in buatsaih nghal mawp mawp.








Zan dar 7 a ni a, ka alarm chu a rawn ri ral ral, ka damdawi ka ei theihnghilh ka hlauh avangin alarm set mai hi a finthlak zawkin ka hria, ka tho vat a, damdawi ka ei zawh chuan ei rawng ka bawl nghal.









Vitamin leh protein lam ei tam tura min tih avangin thlai lam hlir ka siam a, ngaina lutuk lo mah ila a tul miau si chuan ka ei leh teuh zel tho.







Hun a ral a, ni pawh a liam zel a, ka dinhmun chuan ngai a la awh ani ber, Mos-a a hnaah a buai em em a, kar khat ah vawi hnih tawk te kan in hmu thin, chu pawh kar tawp ah.






Mahse a pi nen chuan kan in hmu zeuh zeuh reng a, pitar tih tur em em nei lo ta chu ka in a a lo len chang lah a tam, ka painting min en pui in kan hlim tawk viau tho.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)