ETERNAL LOVE BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ETERNAL LOVE BY Ruati Renthlei (Completed)

Unread post by Ngaia » September 26th, 2021, 2:16 pm

Eternal love




Chapter-7❤





Lucy ka call a, la tho lo tih hriat zetin phak chuapin min lo chhang, in luah tur ka duh thu leh min zawn pui tur a ka duh thu ka sawi chuan a tre that, a nuam tih zawng hi a dangdai ve a...







"Ka lo kal nghal ang i awm na sawi la" a tih chuan ka hrilh mai a, phone chu off in mi dawr kawta thutna lo awmah chuan Lucy chu ka lo nghak tawp.







Minute 10 hnu vel ah a rawn thleng a, ka bula rawn thut pah chuan nizan a a bialpa nen an inbiak dan a rawn sawi nghal chiam a, a nui hak hak bawk.








"Hrim hrim in tinge tun a taka in luah tur chu i zawn a?Tunah khawnge i awm?" a tih chuan Mos-a bula ka awm thu leh ka apartment luah lai midang an lo luah tir daih thu ka hrilh mai a, mak tih hmel zeta min en in "Mos-a i tih chu police kha a ni lawm ni?" a ti chuan ka bu nghut.






Zawhna dang min zawh leh hma in ka kalpui nghal nal nal. Hetianga tei kual leh market a kal vel hi a nuam tih zawng a nia, biak tur pawh a hre phian.








Mahse in luah tur chu chuti maiin hmuh a lo awlsam lo, kan hmuh chhun lah a to thei si.






"Thil ei phawt ang, hna ah kal kan la ngai bawk si" tih pahin kan dinna bula restaurant lian vak lo ah chuan kaluh pui a, ka hruai chhuah a ni bawk Nen a ei man zawng zawng ka tum sak leh a ngai dawn anih hi, a ei hnem leh dawn si, pawisa neih loh nak alaiin.






Thil ei lai pawh chuan a bialpa chungchang bawk a sawi leh tawh, in kawm ngaih viau mah ila a bialpa hi chu ka la hmu miah lo, mahse Lucy zarah a chanchin leh hnathawh chu ka hre nual







"Takin, bialpa neih lam hi i ngaihtuah ve ngailo em ni?" a rawn tih chuan ka melh deuh kawk, pawnlam en pah chuan ka nui hak ringawt, a ni lah chuan hriatchhuah thut nei ni awm takin "A ni tak, Jessie chungchang kha ka lo theihnghilh leh hman tawh a, ka tih palh" in thiam lo hmel zet chuan a rawn ti leh.








"A ho lutuk, e chuan Lucy, thil ka hrilh ang che" ni e, ka thian a nia, ka hrilh ve tur a lawm, kawng eng emaw tal pawn min hnem ve thei mahna.




"Aw sawi la"

"Tuna ka awmna Mos-a hi i hria tiraw?" ka tih chuan a lu a bu nghat nghat, thawk la hak in "Ka duh a" ka ti sup a, a rin loh lam deuh ka sawi vang nge mak tih hmel zetin min en a, mahse pangai deuha rawn nuiin "Ka rin dan vel tho a nih chu, chuan i duh tih a hre tawh em?" hre chak hmel zet chuan min zawt let.




"Hre tawh e"

"Chuan"

"Min duh lo" tih pahin ka hmaa ei tur chu ka hmawm mawlh mawlh a, "I â em ni? Muang changin ei rawh" a rawn tih chuan ka chawl dat a, ka kâ ah rice ka hmuam tun bawk.







Dawhkan a ka kut chu a rawn vuan a, "Ka hrethiam che a nia, a tha leh mai ang" tiin min hnem chu a tum ve nasa, engvangin nge ka hrilh har em em zawk le, ka mittui rawn luang mai tur chu ka khap sawk sawk a, "Ka tha a lawm, bakah a ni te chu police officer a nia, nupui hual tha deuh pawh a lo nei tawh mai thei asin" tih pah chuan ka nui a, mahse ka nuih erawh a za hauhlo.







"I ei zawh chuan kal ila, kan tlai palh ang" ka tih chuan a rawn tho ve vat, restaurant kan thlen atang chuan kan buai leh nghal char char.




"Ka dar nat zia hi, bungrua i sem leh dawn em?" main road kan thleng chiah chu ka ti nghal a, "Aaa kha hna kha chu ka thawk tawh lo ang, an in sawn tawh a" ka lo ti vat a, mahse ka thil hmuh chuan ka kal lai min tawp tir chawt.






Kan ep chiah a thuamhnaw dawr lian zet kawt ah chuan Mos-a car a lo ding va a, engtik lai khan nge ka lo chik em em ka hrelo, motor atang chuan a rawn chhuak a, front seat atang chuan hmeichhe pakhat hmeltha zet a rawn chhuak bawk.




Ngawi rengin ka en a, Lucy chuan ka thil hmuh chu a lo hrethiam a ni chek ang chu, ka dar ah min rawn vuan a, a thaw hak bawk.





Engmah hmu lo ang maiin ka lo nuih hak a, an in a leng kawi tura min tih tlat avangin muangchangin kan in zui haw hnak hnak.






Moses POV



Zep chu tum viau mahse nizan vang kha ani tih ka hria, nizan ah zu kan lo in deuh bawk Nen ei tur a lo siam chu ka lawm ru viau zawk.





Ka û nen hun rei tak kan chhuah duh tawh loh hnu ah naktuk ah a pasal nen London ah an kal dawn avangin ka bazaar pui a, an pa erawh chuan kan chhuak dun tih a hre lemlo.





Thuamhnaw leisak ve ngei ka duh avangin dawr lian ve deuh ah ka luh pui a, a hlim ve viau in ka hria.





Tlai ah zanriah leisak ka tum ngial pawhin a pasal a ngaihtuah thu a sawi tlat, mahse a awm ve tho.





Khaw thim dawn ah ka haw a, mahse Lawmi a lo la haw lo aniang, a lo la thim thap.




Inchhung ka lut chu eng nge ka hriat pawh ka hrelo, a reh ka tiin kim lo a awm tlat in ka hria.






Ka jacket chu phelhin sofa ah chuan ka theh thla a, choka ah kalin fridge a cork ka dah that chu ka lem nghal khawlh khawlh.







Chair ah chuan zawi zetin ka thu thla a, nizan khan ka duh loh thu ka hrilh tak tak, ni e, duh thei ka ni lo a lawm, hriat pawh kan in hrechiang lo a, bakah khanu khan buaina bak engmah min thlen lo, amah vangin hna nei lo in ka awm phah hial ania, chuti chung chuan ka lo ngai zawng vel anga maw, teuh lo.







Kawngkhar in hawng ri ka hriat chuan ka tho zawk a, mahse choka ah a lo kal tho ka rin avangin ka thu leh.






A rawn kal ngei a, min hmuh chuan tlemin a awm dan chu a dang deuhin ka hria, ka lo en reng a, min be lem lovin dawhkana tui chu a in nghal.





"Vawiin chu i va tlai ve" ka ti ta thlawt, eng emaw tal ka sawi loh chuan kan boruak a dik thei dawnlo, "Ka thiannu te in ah ka leng kawi a" a ti ve mai a, chhuar a cookie chu lak tumin a ban ve bawk, mahse a dingdihlip ngial pawhin a height in a pha thlawt lo.







A bulah chuan kal hnaiin cookie chu ka laksak a, min chhoh en ha ringawt. Chutah hrechhuak thut ni awm takin a mit a la sawn vat a, a hawi kual chhen bawk.







Ngawi rengin dawhkan ah ka dah a, bawnghnute la in a siam nghal mawlh mawlh. Ka phone rawn ri chu ka en thuai a, ka nu a lo ni. Boruak chhia dawn belh ka duh loh avangin ka off a, Lawmi chuan min rawn melh zeuh in "I ei ve duh em?" a ti sap a, en pawh min en rei lovin a ei nghal mawlh mawlh.






A hmaah chuan thu in cookie chu ka la a, ka duh a lo ring vak lo nge min en hu, "Ka ril a tam ve tho a lawm" tih pahin ka ei a, sawi loh tur tur kha sawi lo la chuan hetianga kan awm hi a ngai lo tur.







Door bell chu a rawn ri a, Tu phiangsen nge maw ni hawng tura ka kal lai pawh chuan a rawn hmet nawn sek.






"Nang maw?!"

"Engvangin nge ka call i lak duh loh a? Hmeichhia i awm pui tih ka hria a nia, khawnge a awm?" tih pahin a rawn lut nghal.


Pindan lo awm hmasa apiang chu a en nghal zel a, tihngaihna pawh ka hrelo.




Lawmi lah chu choka atang a rawn tlan chhuak vut a, ka nu nen chuan an in hmachhawn ta ran mai.




"Tunge i nih? Engtin chiah nge ka fapa hi i lo thlem a?" a dar tawn tawn a vuan pah chuan a sawi nawk nawk.





"A tawk, eng nge maw i tih le?" tih pahin a kut chu ka vai thlak sak a, Lawmi chu hlauthawng tih hriat zetin ka hnung ah a lo ding vat bawk.





"Henu vang hian em ni nupui neih kha i lo hlauh viau a?" a mit meng tle sawr sawr chu thinrimna in a khat tih ka hria.




"I buaina tur a awm lo, ka duh ber ka nei ang" ti hrawkin Lawmi kut chu ka vuan a, "Awm teh reng e, i nu ka nih hi, i nupui tur chu ka rem tihna chauhin i nei ang"

"Nu maw, nang hian i fapa ka nih na angin eng nge min tih sak tawh?" ka nui hak a, "I pa hriat tir kher hi ka duh lo asin mawle" ti ram hmakin a chhuak zui nghal.






Ngawi rengin ka ding a, ka thaw deuh ham ham bawk, "Mos" a rawn tih chuan in herin a mit ah tak ka en a, "Ka kut hi" a rawn tih leh chuan ka en vat, muangchangin ka thlah riai riai a,


"A pawi ka ti lutuk, ka chhuak nghal mai ang" tih paha kal a tum chu a ban rekah bawk ka lo man leh.





Chiang zetin min rawn en a, a mittui chu a rawn far fap bawk. "I chhuah kher a ngailo ka tih kha" ka ti sup a, kan boruak chu a reh hian a reh ngawih ngawih.




A bianga mittui rawn luang chu a hru tawk a, nui lui tih hriatzetin a khi sak bawk. "Keimah vanga buaina dang i tawh leh hi ka duh tawh lo ani, bakah ka chhuah a la ngai tho tho dawn a" engtinnge ka mit ah tak min en chungin a sawi theih le.







"Ka va insiam ange" tih pahin bedroom lam a pan nghal, ngawi rengin ka dinna ngai ah chuan ka ding a, ni e, ka bula awm hlen tur pawh a ni lo a, engvangin nge kallo tura ka lo tih ve ringawt ang, tuna a kal duh a nih te chuan a tha daih zawk a lawm.







Rei lo te ah a bag nen a rawn chhuak leh thuai a, a hmel pawh a hma ai chuan a pangai zawk.




"I tan buaina chauh ka then hnu ah che pawh i in ah min la awm tir ve duh a, ka lawm takzet a ni, tun atang chuan buaina engmah ka thlen tawh loh che ka beisei" a hmel thutak lutuk chuan tawngngaihna min ti hre dawnlo hial.






Chutah dingdihlip in ka biang ah chuan a rawn fawp zeuh a, ka meng kawk, "Mang tha le" a chhuak nghal a, hmun hla taka kal ang maiin a reh nghal vawng vawng.









Lawmi POV




Ngawi rengin kalna tur pawh hrelo chuan ka pen hlawk hlawk a, mi awm loh na lai deuh ka thlen chuan ding in ka thaw deuh ham ham, ka mittui ka hrukna ka biang vel chu a sa huam a, ka mit a vai deuh riai bawk.






Mos-a nu kha mizo a ni tih ka hria, mizo nu tih a tan chuan a rawn chet dan kha a rapthlak in a hlauhawm ka ti, mahse tumah dem thei ka nilo, a fapa chu kei hian a in ah ka lo awm chilh hmiah a nia, a thinrim pawh kha awm lutuk tlat.






Mahse nupui neih tih vel kha eng nge awmzia, lo nei dawn pawh ni se kei chu ka nilo chiang, a nu khan min duh dawnlo chiang lutuk, aaaa Lawmkim, a nu chu sawi loh Mos-a pawhin min duh lo ania.







Tunah chuan keimaha ka in enkawl a ngai, mi dang puihna ringawt chuan eng tik ah mah ka puitling lovang.






Ka phone ri ka en chuan ka aw ka thian kharh kharh a, pangai thei ang berin ka nu chu ka bia a, phone kan dah hnu chuan thaw hapin ka ding a, riah na tur ka zawn a ngai.






Lucy ka call a, tih buai chu duhlo viau mah ila zanin chauh chu a in ah ka riah mai angai. Amah hi a fel em a, ka awmna ah rawn kalin a scooty in min rawn hruai thlap.






A maha awm ve tho a nih avangin han zah pah vak tur an awm hran lo a, mahse nuam ka ti chuang lo.



"Tinge tun ataka i chhuah leh thut a?" ka bula rawn thu pah chuan thutak fe in a rawn ti a, chhan dan Tur ka hrelo





"Tinge a hnawt chhuak zawk che em ni?" a rawn ti leh hlut, ka lo nuih sak a, thaw deuh hapin "Hnawh chu hnawt chhuak bik em love, ka chhuah a hun tawh in ka hria a, naktuk chu in luah tur min zawn pui leh la, godown mai mai pawh a pawi lo" ka sawi zawh rual chuan "Maw?!" a rawn ti thawt.





"Godown te chu i ti rapthlak emai, hetah pawh i awm rih thei a lawm" a aw pawh chu a ring tha leng lawng khawp mai.






Ka nui a, "Ka thiante puihna ringawt ka beisei te chuan in awm loh hunah engtinnge ka awm ang?ka puitling thei nang" tih pahin a lu ah chuan ka kuk a, ner nungin "Mahse godown em em te kha chu a awm ang lo em alawm" a ti leh bai bai.





"Ka fiam thu a nih kha, chutianga ka awm chu a ngai bik em nang" a darah chuan ka va nek zeuh a, a nui tha duh derlo.






"Mu tawh mai ang, i chauh hmel si" a rawn ti ta daih, mahse pawi ka ti vaklo, a bula mu ve turin min sawm nasa viau naa chu, ka hnial lui tlat, ka mang a chhe rapthlak lutuk, zing ah chuan a sil vek mai ang.







A khum sir ah mutna tur kan phah a, in be tawh lem lovin kan mu tha nghal, ka mut chu a chhuak hauhlo, mahse hetianga hahdam taka mut der der hi ka mamawh.







Nichin thil thleng kha ka ngaihtuah a, engtinnge Mos-a hmel ka hmuh ngam tawh ang, kan inhmuh vawi khat naah khatiang khawp khan a nuin min an khum ania, vawi hnihna ah phei chuan kut min thlak duh hial ang.







A biang no zeta ka fawhna ka hmui chu ka khawih neuh neuh a, khatiang kha ka ti thei leh dawn tawh lo tih ka hriat chian em avangin inchhir na ka nei hran lo, ka hlim ru phian zawk.







Tunah chuan Mos-a ka rawn hma nunah khan ka let leh a ngai tawh a, chanchin sawi duh tur kan ngah lo bawk a, ka theihnghilh thei mai ang.











Ka hmanhmawh thei lutuk a, typing mistake a awm zeuh zeuh mai thei🤭zanin chu a hnuai a ads chu lo click ve zeuh tawh la, i hmeltha leh sawt mai ang👇😍



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:16 pm

Eternal love



Chapter-8❤




Ka harh hlawl a, sana chu en vatin dar 7 a lo pel thui viau tawh, ka tho vat a, Lucy chu ka sawi nawk nawk bawk.








Hmanhmawh zetin kan insiam a, in luah tur zawng chuan kan in zui chhuak leh, a hma ang bawkin a vâng leh viau a, keiphei chu ka beidawng rum rum tawh.







Electronic dawr lian lutuk lovah Lucy chuan min pawt lut tlat a, mahse a neitu putar lam deuh tawh chuan pindan lian vak lo aneih thu a lo sawi.








Kan hlim lutuk chu kan inkuah chung chung a, kan rak chul bawk. Luah man pawh a ti to lutuk lova, a room ngaihtuah chuan a man nen a in awm tawk viau.





Tlai atanga luah lut nghal thei turin kan in be fel a, thil pawh ei hman lovin restaurant ah kan tlang nghal.







Ka lawm lutuk chu riltam pawh ka hre meuhlo, kan buai leh nghal viau a, chhun thil ei hun hi customer kan ngah hun lai tak a ni thin bawk si.








Kan ei chak deuh deuh kan ei theih si loh chu kan sem kual reng a, nidang zawng aiin a hahthlak, Lucy phei chu a phun reng mai.







Dar 1 a pelh hnu chuan mi pawh an rem deuh tawh a, tui ka tih tawp theih loh leh dawra ka thawh tir atanga ka la duh ber beef Stroganoff chu thleng khat thurin ka insiam a, kawngka bula dawhkan awlah chuan Lucy Nen kan thu a, kan tawng hman lo, kan ei nghal char char.







Kan ei zawh chuan "Ka va sil ang" tih pahin ka plate leh Lucy plate chu ka la a, kal mai ka tum chu ka ding chawt, Mos-a chu a rawn lut ve chiah a, min rawn en ve chiah bawk Nen kan mit chu in tawng chiang tak ani.








Mahse ka in control leh thuai a, rei pawh en duh lo in ka kalsan nghal. Thleng chu ka sil mawlh mawlh a, a chhan ka hrelo, ka thinphu chu a rawn chhuak mai dawn emaw tih tur khawp in a rang.










"Police pa khan butter chicken a duh a, lo va pe mai teh" ka bula rawn kal pahin Lucy chuan a rawn ti nghal, ka lo melh nghek a, "I maw ami? Nangman va pe rawh" ka lo ti hmuk a, "Ka hre tho a, mahse bathroom kal phawt ka ngai, midang an buai si, lo va pe mai rawh aw" th pahin bathroom awmna lamah a tlan phei nghal, a va han che thing thei tak.








A dawhkanah ei tur chu ka dah a, melh pawh min melh lovin "Ka lawm e" a ti sup ringawt, eng emaw tal a sawi ka rin nen, ngeiawm lutuk



"Tui deuhim i ei dawn nia" tih pahin ka in her a, thui pawh ka kal hma in "Nizanah khawnge i riah?" a rawn tih chuan chawp leh chilh in ka ring nghal.







Muangchangin a lam chu ka hawi a, chiang lutuk in min lo en, chutah pangai thei ang berin "Riahna tur chu a awm ve mai, mamawh i neih chuan min lo ko mai dawn nia" tiin ka kalsan nghal.






Theihnghilh ka tum ve em em a, kan dawr ah kher a rawn chawl leh si, mahse nuam ka ti tho, aaaa ka van ning tak.





Mamawh chu a nei tawh lem lo a nih hmel, a plate ami pawh a ei zo lo.




"Ana, thu lawmawm lutuk ka hria" Lucy chuan a rawn ti chul a, customer ho pawh an rawn hawi thup.





"Vak vak zel a che, tawng zawi deuh rawh" ka lo ti hluk a, "Ka hriat ang hi chu hria la kei aiin i tawng ring ang" a la ti hram.





"Anih chuan sawi la"

"Boss in kan hlawh 30% in a San a"

"Engmaw? I ti tak tak em ni?" ka in kuah a, bengchhen kan hlau bawk si chu a changin kan hmui kan in hup sak thul.




Restaurant atangin Lucy in ah ka tlang a, scooty a keng hlauh bawk nen a remchang phian.






Ka in thar tur chu min hmuh pui chak viau mahse Goshen ah a pa damlo tlawh a lo ngai bawk nen, a in thiam lo ang reng viau.






"Thil min tih sak nasa tawh a lawm, a ho lutuk, i chungah hian ka lawm tak zet a nia" a kut chu ka vuan a, "Thiante bulah lawmthu an sawi ngailo, hei taxi pawh a lo thlen hi, kan in hmu leh vat dawn nia" tih pahin kan in kuah a, taxi ah lut in kan tlan liam nghal.








Ka bungrua neihchhun chu ka thuamhnaw a ni mai, khum a awm a, sofa hlui ve tawh lam nen, bathroom a awm a, choka zau vaklo nen, mahse bungbel chu lei belh deuh a ngai ang.





Mahnia awm nan chuan tawk teu teu tak a ni. A la tlai lutuk lo bawk a, mamawh zualpui lei turin market ah ka chhuak leh nghal.

Han kal tak ah hi chuan lei tur hi a rawn lang leh zut zut thin.




Ka in khai bawr bawk nen, ka kal chak thei lo, taxi lak leh ringawt lah pawisa ka ui bawk si, khaw thim dawn ah in ka thleng a, thaw hlawp hlawp in sofa ah chuan ka thu thla hnawk.





Sofa tuamna vel chu ka thlak a, ka theih ang ang chu ti fel nghal in ka thuamhnaw ka rem zawh meuh chuan dar 8 a lo ri tawh.






In ti faiin noodles ka ei a, mahse ka khua a har ru riau, TV awm loh vang hi a mawn le, en hman lutuktlo mah ila a lo in hung hnawk ve hian nuam ka ti, neih dan ngaihtuah leh a ngai dawn a nih hi.






Thil dang ti tawh lo chuan ka mu nghal a, Mos-a chu ngaihtuah loh hram ka tum, you tube ah eng eng emaw ka en kual a, art lovers ah bawk chuan ka tawp leh.





Lemziah hi nuam ka ti a, ka naupan lai pawh in artist nih hi ka thil chak ber a ni thin. High school vel ka kal lai kha chuan ziah pawh ka ziak nasa viau, mahse ka dinhmun in a zir thlawt si lo a, tunah chuan suangtuah na chauh a ni tawh.








Engtik laiin nge ka mutthilh ka hrelo, zinga ka harh chaun ka phone battery pawh a lo low lo chauh tawh.




Ka hlawh min san ve tawh bawk a, hna dang thawk lo pawhin ka in enkawl ve thei tawh em ang.






Moses POV





Coffee chu in pahin chair ah chuan ka thu a, a chhan ka hrelo, inchhung chu a reh in a khawhar thlak ka ti a, thil dang engmah ka ngaihtuah theilo, a chet dan nuihzatthlak leh ho tak tak te kha ka ngaiin a tel lo chuan engkim mai hi an nguai ni berin ka hria.






Ka phone ri chuan min ti phu zawk a, ka nu tih ka hriat chuan ka thaw hrawih, hmanni zan a chet dan mawlmang tak vang khan ka thinrim hluah hluah.





A rawn call sek avang chuan ka la a, "Tlai ah dinner ei dun ang" a rawn ti ringawt, ka tawng lo a, amah bawk chuan "Ka chunga i thinrim na kha chu dahtha la, lo kal ngei ang che, a pawimawh ania, i hrethiam tiraw?" chhang lovin ka off a, ka thaw hap.




****





Ka kal lai tawp meuhin ka hmaa mite chu ka en, hei vang hian maw dinner ei pui tur a min lo sawm?! In herin chhuah leh nghal ka tum a, "Bawiha" a thut na atang a ding tih a chair ri rawk atang chuan ka hre thei.








Muangchangin ka in her a, "Bawiha, i lo thleng tawh bawk a, lo thu ve mai la" ka kuta rawn vuan pah chuan a ti leh, hahh tenawm lutuk, tun ataka nu tha leh zaidam ber anga a'n awm chule







Ka nupui tura an tih Nora Watson leh anu chuan min lo en ve reng bawk. Ka kut a vawna chu thing thla in ka hmaa chair ah chuan duhdah zetin ka thu a.







"Hii Moses, tunlai i tha maw?" tih pahin Nora-i chuan a kut a rawn lek kang a, chibai lo in glass a tui chu ka in a, nungchang mawi hrelo leh misual min ti pawh ni se ka chibai chak zawng ani lo tlat.







Ka nu chuan "Ka fapa a lo thleng tawh bawk a, thil ei phawt ila" nui lui tih hriat zetin a thren sawng a, ngawi rengin ka hmaa ei tur chu ka ei nghal mawlh mawlh.







Tissue a a hmui hru in Mrs.Watson (Nora-i nu) chuan "Aw le, hetianga dinner kan ei ho chhan hi sawi a hun tawh in ka hria" ka nu chu a melh zeuh a, a mah bawk chuan "Canada atangin ka fapa a lo haw lai tak ani a, a farnu pasal neih nia awm ve ngei a duh bawk si a, thla tawp lam ah hian innei mai se keini lam chuan kan duh a ni" inring tawk hmel zeta a tih chuan ka thil ei lai tawp in ka spoon ken lai chu ka dah ri chawrh.








Eng emaw ka sawi a hlau a ni chek ang chu, ka nu chuan rang zetin "Ni e, kan lo sawi ho ve ang a, a rang lama inneih chu a tha a lawm" hahhh a nui hmel tenawm zia hi.








Ka ding hluai a, "Min hrethiam rawh u" tih pahin chak zetin ka chhuak nghal. Car a ka lut chiah chu a rawn thleng chawp chilh ve nghal a, "Engtil nge i tih? Rawn let leh vat rawh" thinrim hmel zetin a rawn ti hrawk.








Chhang lem lovin ka tlan chhuak nghal, vawi tam ka neih duh loh thu ka sawi hnu ah pawh engvang a la ti lui zel nge an nih ka hrethiam thei lo.




Kei chuan ka û ang mai mai khan pawisa vanga ka nun tih chhiat ka tum lo, ka phal lo bur.





Thinrim deuha ka in khalh chhuak chu ka ding dawt a, kawngsir a Lawmi lo ding chu ka en reng. A kut kuangkuah than in dawr chhung ami chu a lo thlir vung vung a







Car atanga chhuak in a hnung lam a tang chuan dawr chhunga a thil en chu ka en ve a, lemziak leh a paint na hmanrua an zawrhna dawr lek a lo ni..






"I duh ve em ni?" ka tih chuan phu zawkin ka rawn hawi vat a, a tum loh deuh min hmu nge tawng mai lovin min en reng.





"Aaaa englo, khawnge i kal a?" zawhna hi min zawt let daih zel, "Hna ka nei silo a, ka leng kual mai mai" ka tih chuan ner sak in dawr chhung lam bawk chu a en leh a.







"Engnge hmuhnawm awm a? i duh te chuan a chhungah lutin en mai ta che"ka ti leh a, thaw hapin ka lam chu a rawn hawi a, " Buaina i nei em ni? Min mamawhna i nei te anih loh chuan kal rawh" a aw chu a vin hauhlo, mahse a dawhtheih loh hmel tak zet.







"Aw le, ka kal e" in herin ka car awmna lam pan chuan ka pen hlawk hlawk, hmeichhe pakhat lek hmaah khan ka va tlawm si ve






In ka thlen chuan thil dang ti lovin ka in ti fai nghal a, dar 8 vel ah kawngkhar chu tu emaw hian a rawn kik dat dat a, tute nge an nih chu hria ila ka hawng lek lo tur.









Ka nu chuan min thawng hran lo, mahse ka pa nen hi chuan hmai chhana kan in hmuh lohna chin pawh ka hre tawh lo.







An pahnih chuan pawn ah an lo ding reng a, "Eng nge in duh?" ka lo ti hmuk. Min chhang lem lovin ka pa chu a rawn lut a, inchhung chu a melh kual ralh ralh bawk.








"In duh in hmuh loh chuan in chhuak thei" tih pahin sofa ah chuan ka thu a, chanchin bu ka pharh nghal zat.









Muangchangin ka hmaah chuan a rawn ding a, "Vawi khat chiah chance ka pe leh ang che, nupui neiin ka company ah rawn thawk rawh" chang fek fawkin a rawn ti.








Ka nui hak a, a mit ah tak en chung chuan "Duh lo ta ila" ka ti ve hmiah, "I thu thu ani, ka thu i zawm duh lo anih chuan i zawm theih dan tur in ka ti mai ang" a chhuak nghal a, ka nu chuan hawi kual ralh ralh pahin "Khanu kha vawi khat pawh hmu tawh suh ang che" ka chhan let hmain a chhuak ve nghal, huiham, hna ka thawh loh pawh hian ka hahdam chuanglo anih hi.







Ka thaw hap a, bedroom ah kalin couch ah chuan ka thu a, ka mit ka chhing diar diar.






Ka phone ri chuan min ti harh zawk a, Jimmy a lo ni, ka lak rual chuan "Thil lawmawm lutuk ka hria a nia" a rawn ti nghal. Mood off laia thu lawm awm hriat te chu a chakawm a lawm,
"Sawi la"

"Boss kha an transfer a, naktuk atangin i rawn join leh thei ang"

"Engmaw? I ti tak tak em ni?" Ka thutna atang chuan ka ding hluai a, ka hmui leh khabe dawmin ka teikual sek.





"Ti tak tak e, hma deuh ah lo kal la, ei tur min rawn ken ang che" a tih chuan 'aw' ti vatin ka dah nghal, ka lawm lutuk chu ka lam lo chauh.




Hna mumal thawh tur neilo a awm kha chu a hreawm ve bawk em a tin ni.















A ngaihnawm lohin a va tawp laklawh ve😂feedback min pe tha lo deuh em mawni awwww🤔han comment ve reng reng la, tichuan...... Tichuan a ni mai😂i lo hmeltha leh zual sawt mai dawn ani😍😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:16 pm

Eternal love



Chapter-9❤



"Hi sir" "Chibai sir" huizzz hetiang ri ka hriat loh na pawh karkhat lai a ni tawh. "Awww ei tur chu min rawn ken nange?" Jimmy chuan midangin min wish sup sup laiin a rawn ti lung lung.





"Lo kal teh naua" tih pahin ka kuah a, "Ei tur rawn keng rawh ka tih kha"

"Lunch ka lei sak ang che" ka tih chuan a lungawi leh mai.






Ka office a keima uniform nen ngei mai ka'n thu leh chu ka lai rum rum mai a lawm, kan team lam chuan case buaipui lai kan nei lo bawk a, a leh nawm phian.







Chhun ah chuan Jimmy leh pu Alex-a te lunch ei turin ka chhuah pui a, khawi ah kal pui lovin Lawmi thawhna restaurant ah ngat chuan ka luh pui a, kan station nen a in hlat lo bawk a, a mah hmuhna remchang tak a ni ve tlat.







Mahse amah chu ka hmu mai lo va, customer an tam bawk nen, ring san meuh a ka zawn pawhin ka hmu chuanglo.







Ei tur min rawn pe tu chu ka zawt ta ringawt a, kitchen lama a awm thu min hrilh chuan ka khi suk.




**




Shower pah chuan ka zai rat rat a, tunah chuan ka hlim rih a ni tawp, ka hna tel lo kha chuan zahawmna neilo mai mai kha ka niin ka hria.






Mahnia awm chuan dawhkan kila chaw ei ka peih ngailo, Lawmi kha la awm se chuan, aaaa ka ning.







Ka phone chu ka en a, Lawmi chuan status a lo nei ve khiah, mi status hi ka en vak ngailo a, mahse a ni chu a langsar nalh, a up khât em bawk ani.






Ka en chuan lemziak mawi zet hi a lo ni a, caption ah '4 years ago' tih a dah, ama ziah emaw ni le, ni tak, paint brush leh colour vel zawrh na dawr kawta a lo din reng chhan kha a ni chiang mai.






A va ho tak, lo ni pawh ni se enge, ka buaina tur a awm lo, henu teh hrep hian ngatinge min tihbuai reng le?!!




**






"Sir, dawr pakhat an rawk a, i lo kal nghal a ngai" sana chu ka en nghal a, zing dar 4 chiah.




Phone chu dahin ka insiam mawlh mawlh a, station lam ka pan nghal.





Mita hmutu nia in sawi mi pakhat a lo awm a, a statement pawh an lo la fel diam tawh. Jewels zawrhna dawr a lo ni kher bawk nena buaithlak ru phian a,mi pahnih an nih thu a sawi, dawr rawk tute chuan an hmai an tuam loh thu a sawi chuan ka beng a verh zar.






"Anih chuan lemziak thiam ko ila an hmel awmdan chu i sawi thei angem?" ka tih chuan a theih a in rin thu a sawi a, Jimmy chuan "Anih chuan lemziak thiam chu ka ko dawn em ni"

"Aih, keiman ka hria" ka khi suk a, ka phone chu phawrhin Lawmi hming zawn ah chuan ka tawp chat.







Lawmi POV






Thei leh thei lovin ka phone chu ka dap a, tunge pawh en lo chuan ka chhang nghal tawp, "Lawmi, keimah" ka meng nghal kawk a, ka phone screen chu ka en vat, tinge tun ang hun ah min lo call le?!


"Aw eng nge?"

"Tunah hian ka mamawh che, lem i ziak thiam tiraw" hepa hian eng thu nge maw a sawi le, "Chu chu ngatinge?" ka zawt let hmiah.





"Lem min ziah sak turin ka duh che, tun ah"

"Maw! Tunah maw?!"

"Aw khawi ah nge i awm? Ka lo kal ang" hahhh hepa hian a duh duh a min tih kual a tum em mawni le, "Engnge i buaina chu ka hre lo a, mahse tun ang hun ah chuan khawi ah mah ka chhuak peihlo, min mamawh chuan zingah lo kal mai rawh" ka off hmak.






A rawn call nawn leh tawh eihlo leh nghal, ngeiawm lutuk, ka mut chhuak zawng zawng pawh a ti reh vek, a aw ri ka hriat a piangin ka thin phu a rang ve ziah leh nghal.








Khum ah chuan ka mu meng kar a, message ri ka hriat chuan rang lutuk in ka hawng nghal.



"I address chu" Moses bawk. Min duh loh thu chiang taka min hrilh hnu ah pawh ka be chhe phal mawlh silo.


"A pawimawh a nia" a chat a ka la awm lai reng chuan a rawn ti leh, ka address chu ka hrilh a, a out zui hmak.





Minute 20 vel khum ah chuan ka tal ka tal a, ka ning lutuk chu ka tho ta nge nge, dar 5 a la ri lo deuh, mahse khua chu a eng tan tawh tho.





. Kawngkhar chu an rawn kik dat dat a, tun ang hun ah tunge mawn le?!

Ka va hawng chiah chu, "Nang maw?!"

"Aw kei"

"Mahse engtin.. "

"I address min hrilh kha" ka sawi zawh hma chuan a rawn ti leh, ka kawng dawmin ka thaw hap a, a mah ani ang tih rin ngaihna ka lo hrelo reng reng, "Min luh tir ve dawn lo em ni?"

"Lo lut rawh" tih pahin ka kal a, a rawn luh rual chuan a hawi kual nghal vut bawk.






"Zawn i nei ami?" ka ti hmu a, "Nei hran lo, a hma ai chuan i chet fel deuh hi" ka melh nghek a, a nui suk, hepa hian ka duh tih a hriat avangin min chhaih kual a tum a mawn le, a tum a nih vaih chuan a hlawhchham chiang viau ang.








"Tun ang hun ah a va pawimawh awm ve, ka lo mutui viau asin" muang ban chat in ka ti a, thaw hawkin sofa ah chuan a thu awm duai a, a bawp a khawkherh nghal bawk.






"Lem min ziah sak turin ka duh che"

"Ka ziak ngailo" ka lo ti vut. A piah deuh lawk ah ka thu bawk nen a bana in nem khalhin hnai zetah min rawn bawh a, ka lo ip chawih





Ka mit ah tak min en chungin, "I ziak ngai" a ti zawi sup, ka melh reng a, chutah a awma nam dawrh in ka chil ka lem khalh, ka lungphu ri chu a hriat hlau zetin ka dawm vang vang bawk.






"Ka bula rawn thut tha pah chuan " Min pui dawn em?" a ti leh sup, ka thaw hap a, "Ka ziah lohna a rei tawh lutuk"

"Kum 4 vel ami?"

"Engtinnge i hriat a?"mak ti zetin ka melh a, khi suk in " min pui dawn em sawi mai teh, hlawh pawh atha viau ang" tih pahin chiang zetin min en.



Rum lutuk in ka melh a, "Eng lem nge?" ka ti hmuk, hlawh a sawi lan tak vang te pawh kha ani mahna,
"Mihring"

"Engmaw?"

"Jewels dawr an rawk a, a rawk tute kan man theih nan an lem ziah a ngai a lawm" nahhh eng emaw hmun mawi deuh anih loh pawhin ama lem min ziah tir dawn emaw ka lo tia.





"Lawkin" a nui a, "keima lem ka ziah tir che i lo ring ami?" ka ngaihtuah na hria ni awm tak chuan a rawn ti leh, a nui vak vak lehnghal.





"Thingthiin min ngen ngawih ngawih mah la i lem hi chu ka ziak kher lovang" ka lo ti ve hluk, min ngainep lutuk hi ka haw tlat.






A phone rawn ri chu a chhang vat a, "Ka lo kal" tih pahin a dah leh nghal.




"Tikhan i kal dawn em ni?" tiin ka awm zawn atang chuan a en thla a, zep thu a cheng lo, ka thing a ni tawp, kekawr lian zet leh t shirt lian pui ka ha a, khaw lai ah phei chuan kut dawh emaw min ti hial ang.





Ngawi rengin bedroom ah ka lut a, tum burin ka inthlak mawlh mawlh.




***




"Ehe nangnu chu! Thubuai i nei leh tawh em ni?" station kan lut chiah chu police pakhat en reng reng pawha la upa lo tih hriat ngawih ngawih hian min lo ti vut.





Ka dara rawn beng thak thak pahin Mos-a chuan "Kan Artist rawih tur anih hi" a tia, hrethiam ni awm takin a bu nghut nghut.





"Khawnge a hmutu pa kha" Mos-a chuan a ti leh a, tuman an chhang pawhin ka hrelo, "Lo kal rawh" tih pahin min kai kal dawr dawr a.




Office pakhat ah min luhpuiin tah chuan mipa pahnih an lo awm, pakhat zawk hi chu restaurant ah ka hmu tawh.





"A hmel awm dan a sawi anga, nangin i lo ziak ang" chiang fahranin Mos-a chuan min en, "Ringawt chuan, a ziahna pawh engmah ka ken loh hi" ka lo ti hmuk.






Min en reng chung chuan a kawng dawmin a thaw hap, "Ka ziah lohna a rei tawh ka tih kha, pencil min lo pe rawh, chu chuan ka ziak mai ang" ka ti leh hluk.





Ka ziah tan dawn meuh chuan ka khur titih, ka la hmuh ngai miahlo lem ziak turin min ti a nia, hahthlak.





A hmu Tu pa lahin a sawi thiam lo si, a sawi dan a thlak a thlak a, mi pakhat hmel ringawt pawh darkar 2 dawn ka ziah phah...







An pahniha ka complete meuh chuan zing dar 9 a pel tawh, "Jimmy, hei hi a copy siam la, station dang ah thawn rawh" tih pahin lemziak chu a pe a, a thu hmel vet vet hle mai.






Ka inrin hma in ka pum chu a rawn ri rawk rawk a, ip chawihin ka hup vat, a khi suk a, "Min lo zui rawh" tih pahin a chhuak nghal.







A pen chak bawk si, um hlawk hlawk pahin "Khawnge kan kal dawn?" ka ti vak a, ka thawhna restaurant ah chuan a lut hmiah.








"I duh duh ei rawh" ka thu fel chiah tih ah chuan a ti nghal, "I ti tak tak maw? A man ka pe dawn lo ania" ka tih chuan min melh zeuh a, a hawi sawn leh vat.






Ka mikhual lo bawk a, ei tur chu a tui leh man to to ka chah, zing hma lutuk a min lo kaihthawh man kha chu a ba hrim hrim.






"I ei zawh chuan kal ang"

"Lawk" ka sana chu ka en a, dar 10 a la ri lo deuh, "Hnaah ka tlang mai ang"

"Vawiin chu chawl mai rawh"

"Engvangin?!"

"I lemziak hlawh kha i rawn lam ang chu" thu tak fe in a rawn ti a, "Chungte chu tlai ah pawh a theih, kal tawh rawh" ka thutna atang chuan ka tho a, rang lutuk a rawn tho ve nghal in dawra thawk ve tho pakhat chu manager awmna zawtin a kal nghal.






Ngaihtha lo deuh in ka dinna ngai ah chuan ka ding reng a, reilo te ah rawn let lehin ka ban rek ah a rawn vuan a, min kai chhuak dawr dawr.







"Vawiin chu i chawl thei anih chu"

"Engmaw?!" ka kut chu vai thla in ka ding chawt, "I chawl thei, keimah min pui thung ang" a khi suk, ka nui hak a, "Tinge? Ka lakah hian phuba lak i tum em ni? Buaina ka thlen nasat em vang che khan min tihbuai ve i tum ami? Ka lem ziak kha chu a man a ngai lo, ka pe ang che, Khawngaihin min tibuai tawh suh" A hmaa ka kut suih pah chuan ka ti mawlh mawlh.






Hepa hi engvanga hetianga awm nge anih ka hrethiam lo, "Min pe tak tak ang maw?" hma lam en ngur chuang chuan a rawn ti, "Aw min chhaih buai hi duh tawk la, ka pe khawp ang che"


Min rawn en a, "Mahse ka la chhaih buai duh che sia" tih pahin min pu lawp a, a tlan nghal anih chu!!




Ka tal chiam a, mahse a buai eih lo, a hnungah ka kiu nghatin ka khabe ka dawm tawp, mi lah chuan min la en duh em em leh nghal.






Station thleng min pu lut a, leiah min nghat in "misual zawn ka ngai si a, nakin ah pawisa chu" a kiai suk a, "Nang hi" tih paha ka kut ka lek kang chu lo man vatin "I tet nen nen i va kawlh ve, awm mai mai teh" a ti sup.







Police station a awm ve ho lah chuan min en hu hlawm lehnghal a, engmah sawi lovin ka melh rum vak a, "Tah hian thu rawh" a tih rualin chair ah chuan ka thu hnawk.









Moses POV




"Leng chhuak ang" phone a lak rual chuan ka ti nghal, "Teh tawp a che, keimah chauhin min awm tir leh tho ang" a lo ti hmuk.






Ka nui a, hmannia station a ka hruai luih khan kan buai bawk nen, thildang ka tih san char char a, a lo muthlu hial kha a nia.









"Weekend a nih hi, leng chhuak ang, ei tur ka lei ang che" phone chu dahin ka insiam nghal mawlh mawlh. Ka hmangaih chu ka ti lo, mahse ni khat lek pawh a hmel ka hmuh loh chuan hreawm ka ti.






A in kawt ah dingin horn chu ka hmet vak a, rei lo te ah a rawn phun chhuak lung lung, eng nge a sawi ka hre lo, motor a rawn lut chu ngawi rengin ka en tawp, pink cropped tank-top leh black sweatpants a ha a, khua a vawt lo bawk a, hmuh a nuam teh a sin.








"Heyy" a rawn tih chuan phu zawkin ka in siam tha thuai a, "Nangmah vangin hnaah ka kalloh phah ringawt ania" seat belt siam tha mawlh mawlh pah chuan a ti leh.


"Weekend a nih hi"

"Restaurant ah chuan weekend a awm ve lo"

"Anih chuan hna chu va thawk rawh" rum zetin min rawn melh a, ka dar ka lo san khum ak chuan a thinrim na a chawk tho leh tawh aniang, kawngkhar chu hawngin a chhuak hmak a nih chu!!






Ka umzui thuai a, inchhung a luh hmain a banrek ah ka lo man hman, "I mak ve e ka fiamthu a nih kha" ka tih chuan min chhoh en run a "Lo kal rawh, min ngaih em kha" a hnung lam atang chuan a dar tawn tawna vuanin ka nam phei dawt dawt.
















Awii ka reii🙈thui deuh dah ka tum teh reng nen, zing ka thawhhlim atang current kan nei lo char² a,ka phone battery a low vek a😂net that lai chan a ngai bawk nen, min lo ngaidam mai teh u khai😔😏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:17 pm

Eternal love




Chapter-10❤





Kawng tluanin a tawng duh eihlo, tuipui kam ah ka hruai a, a reh in a nuam phian, motor atangin a chhuak a, motor nghengin a kut a kuangkuah than bawk.








A bulah chuan ka va ding a, "Hetah hian ka la kal miahlo" a ngawih vang vang hnu ah a rawn ti a, "Anih chuan i ngaina vak lo em ni?" a mah chu ka en reng a, mahse ani chuan tuipui lam chu a thlir reng.







A thaw hap a, "Ka ngainat loh thu ka sawi loh kha" a ti sup, tlema a serious deuh hi chuan ka ngaih a tha lo vek zel.






"Lo kal rawh" tih pahin a banah ka kai a, tuipui lam pan chuan ka tlan pui nghal, engmah sawi lovin ka hruaina lam apiangah chuan min zui mai a, mahse ka hre thei, nuam a ti






A kut ah chuan ka kai tlat a, tui fawn lam chu kan thlir dun veng veng, chutah ka pheikhawk chu ka phelh a, min en hu pahin "Eng nge i tih dawn?" a ti sap.







Ngawi rengin a pheikhawk hrui chu ka phelh sak a, a pen hnung hrat, a mah en pah chuan ka nui suk a, "Pheikhawk huh i bun reng thei dawn em ni?" ka ti sap a, min chhang lem lo.






Kan pheikhawk chu motor ah ka va dah a, "Kal ang" tih pahin tui rawn fawnna lamah chuan ka kai phei a, a tang tung ringawt.






"Aih, Mos, tui ka hlau" ka ding dawt a, a lam hawi pah chuan "A ni maw?!" tih pahin tuiin ka theh a, a tre that.





"Nang hi" tiin min rawn theh chhunzawm nghal, fiamthu deuh reuhin min rawn sual nghal titih ringawt, hmeichhia ve si, kawlh reuh lutuk.






Pheikhawk chu sawi loh, kan thuamhnaw zawng zawng nen a huh vek a lawm, mahse henu kianga ka awm hian ka hlim tlat, ni e, ka nu leh pate ngei pawh in min pek ngai loh hlim na kha.








Motor a towel chu la in ka pe a, in thlakna kan keng bawk silo, kawr huh chu tihngaihna vak a awm lo, a sam buang tháng chu a hru mawlh mawlh a, "Nangmah vang vek, ka damloh vaih chuan i chak lo ngawt ang" tih pahin towel chu a rawn theh phei a.







"I damlo ve ngai ami?" ka tih chuan min melh nghek ringawt, ka nui a, "Damlo ve thin hmel pawh i pu lo, i kawlh ropui si" ka tih leh chuan a thaw hap a, "I sawi dik ang, ka hriselna hi a tha ve a" a ti sup, tuipui lam bawk chu a thlir leh.







"Ei tur ka lei ang che i tih kha, ka ril a tam a nia" a thaw hak a, ka khi suk, motor ah lutin restaurant awmna lam kan pan nghal.




***





"Tinge i duh zawng a ni lo em ni?" a hmaa ei tur chu a hawlh nawi nuai tawh, hrechhuak thut ni awm in a rawn hawi a, "Engmaw?" a la rawn ti hu zui.








"I ei tur kha" ka mit ko ka san zeuh a, "Aww ka'n ei ange" tih pah chuan a'n ei ve mai bawk a, en mai pawhin a ei chak lo hmel ngawih ngawih.






"Nang hi i tha chiah maw?" ka ti leh a, a lu bu nghutin a nui suk, "Anih chuan kal duhna i la nei em?" ka tih chuan a ngawih vang vang hnu ah "Brooklyn Bridge" a rawn ti hlawl, min rawn en a, "Ka tet lai chuan ka kal tawh chiang a, mahse tun hnu ah ka kal leh pawh ka la hrelo" a ti chuan ka nui suk.








"Anih chuan kan kal dawn em ni?"


"Tak tak maw?!" nichin lawka a hmel nguai zet kha chu an thlawk bo leh vek tawh, a nui sang a, Brooklyn Bridge lam pan chuan kan in khalh chhuak leh.




Kan thlen chuan a awm hle hle thei lo, thla a la kual sek a,a chang leh kan selfie thul, hetiang mai mai a lawm hi ka hrethiam theilo.





***





"Vawiin chu nangmah vangin ka inseng hnem teh a nia" motor khalh pah chuan ka ti a, khua chu a thim titih tawh.




"I induh lehnghal ringawt dawn ami?" tih pahi ka va melh zeuh a, motor speed chu ka down tulh tulh, ka ding fel chiah tih ah a mah chu ka en reng a, engtik lai khan nge maw alo mutthluk hma le?!




Thuamhnaw pawh kan ha ro thak ang ani, vawt lutuk lo mahse a damloh ka hlauh avangin towel chu ka sin tir a, ka tlan chhuak leh nghal.





A in kawt ka thlen pawh chuan a la harh chuanglo. Ngawi rengin a muhil lai chu ka en a, khi suk in ka in awmna lam ah ka tlan tlang nghal.






A harh hlau zetin motor atang chuan ka pawm chhuak a, inchhungah pawm lutin bedroom ah ka tlang pui nghal zat.





Muangchangin ka muttir a, khua a thim tan chauh ani si a engtinnge a muttui nghal em em theih le?!!




A kawr thlak lo chuan ka muttir ngawt thei lo, a damlo mai ang. Muangchangin a thuamhnaw chu ka phelh a, a privacy lai hmuh luih talh ka tum lo, chutiang lo pawh chuan a tih theih viau, mahse a hahthlak ani.








Ka haktir zawh meuh chuan ka thlan hluam thei, bathroom ah shower turin ka lut ve nghal a, a chhan ka hrelo, ka lo nui leh ringawt thin.








Ka in tih fai zawh hnu pawh chuan tui deuhin a lo la muhil a, a thaw sak sak chu hnai deuhah thut chilhin ka thlir reng.





Tunge maw I nih chiah le Lallawmkim? Ka kâ chuan chapo na avangin a hnar ngei che a, mahse ka thinlung leh rilru hi chuan a hlat thei tlat lo che



Ni e ka duh che, ka duh tak zet che, mahse chu chu tawngkam ni lo in, a takin ka hriattir ang che.








Ka nui suk a, a hnar ah chuan fawp zeuhin lukham nen Living room ah ka phei san nghal.







Lawmi POV





Ka dan pangaiin ka zimar at at a, chutah ka khumah ka mu lo tih ka hrechhuak vat, ka thu nghal ut a, ka kawr hak lai ka en chuan awmzia awmlo in ka in hup nghal ringawt.







Lawkin, hei hi Mos-a room a ni, engtinnge ka awm ringawt theih, nimin khan kan chhuak dun ngei a, mahse, aaa kei hi ka lo muthlu a ni chiang mai, a van zahthlak thei tak, ka thuamhnaw ka thlak lai tak ngial pawh ka hrelo reng reng.









Living room lamah ka phei a, nizanah sofa ah a riak a nih ka ring, lukham leh puan a lo awm.






Choka ah ka tlang a, coffee a lo siam mek, min hmuh rual chuan "I muttui maw?" a lo ti vut, ka lu ka bu nghut a, ka inthlahrung bawk si.






"Englo, nizan khan ka muthlu char char em ni?" ka ti sup a, coffee chu ka hma chiah dawhkana dahin min en run a, a nui suk bawk.





"Muthlu anih ka ring" ngatinge ka zahna tur tawk leka min chhan hi a thiam em em le, "I thuamhnaw kha chu I duh hunah I ha thei ang, a ro vek tawh" ka coffee in lai chu ka phuhchhuak lo chauh.






"Engmaw?!" ka ti vak a, "I kawr hnawm chuap nen a I mut kha chuan I damlo mai dawn a sin" hahhh hepa hian engthu nge a sawi hi??




"Chuan ka phalna la lovin ka kawr I lo phelh a maw?"


"Khatianga au chiam kha a ngai kher lo, engmah ka hmu lo"

"Mos" chhuat chu ka per titih, ka tap lo chauh, min rawn en a, "Zak duh suh, ka it chuang lo che" a kiai suk a, nui vur vur pahin Living room lamah a phei nghal.






Choka ah chuan ka kawng dawmin ka tei kual chhen a, awii ka zak emai keizawng, engtinnge ka hriat miahloh theih zawk a? Hepa hian nimin a ka thil ei ah khan damdawi a pawlh a ni mai lo maw? Chuan engmah hrelo in ka muhil anga, mahse Brooklyn Bridge ah te khan kan kal leh bawk si, aaaa ka ning.





***




"Ana, an hmu duh che" ka thawhpui nu pakhat chuan ei tur a sem zo chu a rawn ti lut nghal a, ka kut sil faiin ka kal nghal.





Dawhkan awlah Mos-a chu a lo thu run a, min hmuh chuan a kut a lo phar zeuh, nizan vang khan ka la zak reng, chu chu a hrelo nge a hre lo der zawk.







Muangchangin a awmna lamah chuan ka kal a, "Lo thu rawh" tih pahin chair chu a melh zeuh, "Hna ka thawk tih I hrelo em ni?" ka lo ti hmuk a, "Hrelo" a la ti zui.






Chair ah chuan ka thu hnawk a, "Sawi tur I neih chuan sawi vat rawh" ka ti leh, "Tun kar chhung chu I in ah ka chen ve a ngai"

"Eng maw?!" ka ding hluai a, ka bana rawn manin min pawt thu leh, "Ri nghal hluai zel suh, ka sawi dawn a lawm" a thaw hap a, ka lo en run.





"Englo, ka nu leh pa te lung ka ti awi chiah lo a, zinbo anga ka awm rih a ngai" a hmel chu chiang zetin ka lo en reng a, ti der hmel lah a pu bawk silo.





"Anih chuan zin bo tak tak la" min rawn melh kawk, ka mit ka lo san khum ak, a ding a, tlai atangin ka lo insawn ang" a khi suk a, a chhuak zui nghal.






Ka remtih thu pawh ka la sawi tawp si lo a, ngei awm lutuk mai.







Moses POV





Awm bo rih ka ngai anih pawhin Lallawmkimi bulah chauh ka awm ang, nupui ka nei dawn anih pawhin a mah chauh.









Ka û kâ atangin Nora-i nen inneih tir thuai min tum tih ka hria, chuvang chuan thla khat chhung zin bo angin ka awm rih dawn ani.







Ka hna pawh chawlh ka la fel diam tawh, Lawmi bulah kar khat ang chauhin sawi mah ila a tla chawp in ka hrilh mai ang, a rem ti ngei bawk ang.








"I thil tih tum dan hi a tha chiah ang maw, kha nula nen khan eng nge in inkarah awm a?" ka bula rawn kal pahin pu Alex-a chuan a rawn ti a, ka lo nui suk.







"Ana nen kan inkar chu nakin ah, tuna I tih tur zawng chu ka nu leh pa te bula ka zin bo thu hrilh a ni mai, chuzawng chu"

"I zin bo dawn maw? Khawi ah? Jimmy a ni, ka sawi ngailo in pu Alex-a chuan kan plan chu a hrilh mawlh mawlh a, " I mawl ve ropui si, I lo sawi chhuak ange" ka tih chu a thinrimna tawk a tling leh viau tawh.


"Min biak that loh vaih chuan ka sawi chhuak a ni mai" a tih chuan a mah nen lam kan nui vek.





***




Kawngkhar chu ka kik dat dat a, ka hrilh lawk lo ang maiin min hmuh chuan a meng kawk, dar san ak in "Ka lo lut thei em?" ka ti sup a,min chhan hma in ka lut tlang nghal.







"Heyyy, hetah I awm ve thei pawh ka tih loh kha" a rawn ti nghal hluk a, sofa ah chuan thu in a tum bur lai chu ka lo en tawp.






"Tun chauh te chu min pui ve mai la" ka ti sap a, tlem a zaidam deuh zawkin,"Anih leh a chhan min hrilh rawh" a ti leh.







"Ka chau lutuk, tui min pe phawt la" ka tih chuan ner sak in dawhkana tui chu a thli a, min pek rual chuan ka in nghal khawlh khawlh.






"Tinge ke a I lo kal reng reng a, motor I nei reng alawm" a ti leh hram,zawhna hi a ngah ve thei si, "Dawr ah ka sawi tawh kha, ka nu leh pa te lak atang ka lo biru a nih hi, I in kawta ka car a din luau te chuan awmzia a awm nang" ka ti ve mai a.







A in chu ka en kual nghal thuak thuak a, a hmel en ang aiin a che fel zek, a hmaa a apartment ah kha chuan hmeichhe tawp leh che fel lo deuh ang khan a lang si a.






TV thar lutuk lo a in hung ve a, a hma zawnah sofa pakhat a awm, ka thutna hi,a piah deuh ah chaw eina dawhkan leh chair pathum a awm bawk, sofa pakhat zawng hi thutna tur awmchhun chu a ni mai.






"Ka ril a tam lutuk, engmah ka la ei lo ania" ka tih chuan min en run a, "Engmah ei tur ka nei lo" ka piah a rawn thu pah chuan a ti hmuk.






"Ka ti tak tak ania, eng emaw tal siam teh" rum zetin min rawn melh a, ka mit ka lo siai zeuh.







A ding hluai a, dawhkana noodles bawm a hun tlar tuarh chu bawm hnih la in choka ah a kal nghal, ka va zui vat a, "I va phakar ve, I lei khawl teuh saw" ka tih chuan ka mit ah tak min en chungin "Nang ni ang te chuan hetiang mai mai hi in ei ngai em ni?" noodles bawm chu a rawn lek kang va va.







"Ei ngai e" dar kan ak a ka tih chuan thaw hak in a siam nghal mawlh mawlh.





***





"Ka puar lutuk, ka vawi khat ei na a nia" tih pahin sofa chu ka ngheng der der a, "Kar tluanin I ei dawn nia" a phone en ngur pah chuan a rawn ti.








"Lawkin, thil dang I ei ngai lo ami?" ka ti deuh hlut a, thaw hapin ka lam a rawn hawi a, "I hrelo nge I hrelo der zawk? Kei chu nang angin hna zahawm leh ropui ka thawk ve lo va, pawisa ka ngah ve lo" thu tak fe in a rawn ti, chutiang lam zawng chuan ka lo ngaihtuah miah lo a sin le.







"Aaaa ka tih palh" ka ti sup a, a thutna atanga tho in bedroom ah a lut nghal hmak, huizz ka va han mawl tak, khatiang te kha chu ngaihtuah thleng tur ka ni a sin le.







Rei vak lovah lukham leh puan nen a rawn chhuak leh a, ka hmai zawn ah tak rawn theh thla in "Tah hian mu ang che" a ti hmuk a, let leh nghal a tum chu ka lo ko vat, a rawn hawi let a, "I thinrim em ni" ka ti sup. "I lak ah hian thinrim in awmzia a nei lo, mu rawh"

"Lawk in" sana chu ka en a, dar 8 pawh a la ri lo, "A la hma em hi, la in kawm ang"

"Ka peih lo, ka mut a chhuak tawh" tih pahin room lam chu a pan leh nghal a, sofa chu zuan kanin a banrek ah ka va man a, bang ah ka nawr bet nghal bawk.








"Eng.. Engnge I tih?" min en kar a, a lungphu ri pawh ka hre thei, hnai zet ah ka en a, " I mut a la chhuak lo" ka ti sup.




A chil chu a lem khalh a, min melh loh tumin a hawi kual chhen bawk, "Lallawmkim, tu chiah nge I nih a? Tinge min tih buai em em?" ka ti leh sap.








Min nam sawn a tum a, mahse a thei lo, a kut pahnih ka vuan bet tlat a, "Nangmah zawkin min ti buai anih hi, keite chuan ka chhuah san daih tawh che" min en tha duh lo chuan a ti sap.





Ka nui a, "Min la duh em?" a tum loh deuh ka sawi vang nge chiang zetin min rawn en a, min chhang lova kal mai a tum chu ka lo dang leh vat.








"Zawhna ka zawh che chu" a hriat tawk tur lekin ka ti leh sup, a hmel awm dan chu a rawn dang thut a, "Aih" a rawn ti a nih chu!!!





"Maw?!" a kut ka vawnna chu ka thlah riai riai a, thil dang sawi lovin bedroom ah a lut nghal a, kawngka a kalh hmak.







Sofa ah chuan ka mu fel than a, a tawngkam khat lek khan ka mood zawng zawng a ti danglam nghal vek.





Dawt a sawi nge a ti tak tak, min duh tawhlo tak tak em ni? Lallawmkim, tinge khatiang khan min chhan a? Ka duh thu hrilh che ka tum asin.






***






Kan boruak chu a hma ai pawhin a chhe zawk, morning tih tak ngial pawh kan sawi chhuak thei lo.





Un be lovin kan in melh tawn zak zak a, "I ei ve dawn em?" noodles chu ka lam hawi zawngin a rawn keng a, ka lu ka bura nghut.







Dining table ah chuan in hma tawnin kan thu a, a ni pawh a hmel a pangai bik lo, thil dang en lovin noodles chu a ei mawlh mawlh a.






Kan ei zo sofa a ka thut lai chuan room atangin a rawn chhuak a, "Hna ah ka kal dawn ania" tih pahin kawngkhar awmna lam a pan nghal.






Biak chu ka duh, mahse sawi tur ka hre thlawt lo ani, engmah sawi lovin ka thlir liam ringawt.






Chawlh ka la bawk si, ka leng chhuak ngam der bawk silo, tih tur awm lo lutuk chuan Lawmi room min hruai thleng ringawt.







A phalna la hmasa lova a room a luh chu ka duh miah lo, mahse chhunglam atangin luh chakna in min tur tlat bawk si.







Kawngka chu hawngin ka lut ta ngeei, a zai lo nain engkim mai chu afel fai thlup a, a bedside table a thlalak chuan ka mit a la nghal.






A naupan lai a nih ngei ka ring, a kiang ah a nu leh pa ni awm tak an awm bawk. A pa chu en mai pawhin mizo tih a hriat, a nu erawh tuna a ma hmel nen danglam na a awm lo ang vel ania nu a chhun vang aniang a hmelthat em em.







Thil dang chu ka en kual leh a, dawhkan tê a lehkha lo darh nuaih chu ka en vat.





Ka awih thei lo, heng zawng zawng hi a ma ziah tak tak maw, khawvela hmun mawi an sawi thin chu a ziak kim deuh vek ang, a tak ang maiin a mawi bawk, hetiang tak hian a thiam ang tih rin ngaihna ka hrelo.








A hnuai ber ah chuan keima lem a lo awm, ka la kang a, pencil maia ziah ni mah se a mawi tak zet, a lemziak dang ho chu mawi taka colour a chei vek an ni a, a sir khawi lai ah emaw a ziah ni (date) a dah tel ngei ngei bawk.








Lemziak dang ho kha chu kum chuang fe tawh an ni a, mahse ka lem erawh nimin piah lawk ami.






Ka khi suk a, room atang a chhuak in casual thei ang betin baggy jeans leh t shirt ka ha a, mask leh lukhum nen Lawmi lemziahna tur hmanrua leiin ka chhuak ringawt.
















Homework zir pahin ka type a😂mistake a awm zeuh² mai thei, khawngaihin a chhiar dan min lo thiam sak mai dawn nia😘😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:17 pm

Eternal love



Chapter-11❤









Min lo hre tawk an awm ka hlauh a vangin ke in ka kal a, hmanni a a lo dinna dawr ah khan lutin an neih that ber ka duh thu ka hrilh. Hetianga a talent tuma hriat loha a riral mai mai tur hi tha ka ti lo.









Lemziah lam hi chu ka tui loh bak ah ka thiam lo ve hrim hrim a, eng nge an hman thin pawh ka hrelo, poster, acrylic, water, fabric colour leh oil paints nen lam ka lei kim vek.








Min duh tawh lo se chuan ka lem kha a ziak hauh lovang, nizan khan min tih hlauhthawn a tum ve khanglang a mawni le...


Ka nui suk a, thil dang ti kawi lovin ka haw leh nghal, dawhkan ah ka thil lei chu dah in ka tei kual sek ringawt, hman leh lutuk chuan ni khat lek pawh rei tak ani.





Lawmi POV





Ka thil tih engmah chu ka tui lo, nizan khan tinge khatiang a ka chhan kher le, ka chhuah dawn pawhin min be miah lo ania, aa tinge ka mawl em em a...






Dar 2 ah kan bang a, in a haw chu thih hreh in ka hreh, min be duh lovin ka chungah lo thintim ta se engtinnge ka tih ang??



Hmmmm a man min duh lo hmasa zawk anih kha, ka in a nia, ka thu zawk, min hua anih chuan chhuak mai rawh se.


Ka thaw hak a, muangchangin in lam pan chuan ka kal.








"Hei hi eng nge?" dawhkana paint brush leh colour lo in hung teuh chu ka en a, sofa atanga rawn tho in ka hma ah tak a rawn ding a, ka mit ah tak min en bawk.






"Englo, i hun awla lem I ziahna tur ka lo lei sak che a" hepa hian eng nge a hriat leh tak?! Tuk in kha chuan min be duh der silo.





"Min lei sak turin ka ti lo che, dah let leh rawh" tih pahin kal mai ka tum a, ka kut a lo vuan hman..



Min pawt let dawr a, a mit meng thuk leh ril zet chuan min en run, "I talent hi I pung ta che" a ti sup a, ngawi rengin ka en ringawt.






Thaw halhin ka kut a vawnna chu a thlah riai riai a, "Thil dang kha chu theihnghilh teh, puih che ka duh, I talent tipung turin ka duh che" a ti leh a, "Engvangin?" ka lo ti sup.





Ka dar tawn tawn ah a rawn vuan a, ka melh chho ha, "Nizan a I thil sawi kha chu I sawi lo angah ka ngai ang" a khi suk a, "Va in thlak la, lem chu I ziak tan ang" tih pahin room ah min nam phei dawt dawt.








Tinge hepa hian a mood a thlak zung zung zel le?! Ka inthlak sawk sawk a, dawhkan tê a ka lemziah tawh ho chuan ka mit a la thut, ka va en vat a, ka dah dan angin a awm lo tih ka hria, hmanhmawh zetin ka chhuak a"Ka room ah I lut a mi?" sofa a a mu lai chu ka va ti tawp.







A rawn tho a, en pawh min en lovin "Lut e" a ti sup, ka thin a ti rim zual sauh, "Engvangin nge ka phalna la hmasa lova I lo luh ringawt a?" ka ti leh a, ka tawng ring viau bawk.







"Engmah ka ru chuanglo, hlauthawng vak duh suh" tih pahin chair ah chuan a thu a, a ma lem te kha ka lo draw ve ting tang bawk si, tinge zahna tur hlir hi ka tawn bik le, ka thinrim bawk si chu chhuat ka per leh ringawt.






"Theihnghilh rawh, lo thu la" tih pahin a bula chair chu a melh zeuh a, tum burin ka thu hnawk.







Ka hmaa paper leh colour ho chu ka en reng a, "Awmzia a awmlo emai, insuk ka ngai" tih paha thawh ka tum chu min pawt thu leh.







"A thaw hak a, " Eng emaw tal ziak teh" a ti leh hram, "Chutianga ziah ngawt theih ani hleinem, lemziah hi thil namai a ni lo, thinlung leh tih takzet a ziah chi a lawm" ka lo ti hluk a, mit khap miah lovin min en.






"Ka tih palh" a ti sup a, kan boruak chu a reh leh ruih tawh, "Anih chuan in su mai ang" a ding hluai a, a piah deuha a thuamhnaw bawm chu a hai nghal rawk rawk.







"Eng nge I tih a?" ka tih chuan "Thuamhnaw suk tur ka nei ve tho a lawm" min rawn en a, a nui suk bawk.









Bathroom lah a zim si, washing machine ka nei bawk silo, kan thuamhnaw ve ve chu kan su a, in be lovin kan in nek kan in nek ringawt, mahse a hlim awm phian tho.







"Ka dar a na lutuk, in suk hi a lo va hahthlak ve" kan insu zo chiah tih ah chuan a ti nghal, "Keipawh a na ve tho, min rawn nek vak zel anih kha" ka ti hluk a, "Bathroom a zim em anih kha" nui tut tut paha a rawn tih chuan lukham la in ka vawm pawp.









"Ka ril a ram lutuk, chhun ah engmah ka la ei lo a nia" sofa a thu awn duai chung chuan a ti a, "Noodles a awm reng saw" a bula thu pah chuan ka ti ve mai.







A ngawi vung vung a, "Aaaa bazaar ang" a rawn tih chuan ka melh deuh kawk, "Engvangin?"


"Chawhmeh va lei ang, noodles ringawt chu ril a tam leh hma emai" a ding hluai a, "A tlai tawh emai" ka tih leh pawh chu hria ang pawhin a awmlo.




"Kawr lum va ha rawh, I damlo ang" a jacket hak pah chuan a ti a, hnialin awmzia a neilo tih ka hria, kawrlum chu ha in kan chhuak nghal.







"Taxi kan la dawn lo em ni?" a kal nal nal chu ka va ti vak a, kut a rawn phar ringawt, a va han ngeiawm chiang tak.






Market kan thleng chiah chu a hmuh apiang a hui thla mawlh mawlh a ni ber, "A tawk tawh" ka tih ve pawhin "Ei I theih em kha" ti zawngin min la chhang zui.







Thil a lei tam bawk si, taxi la mai ang ka tih in a lu a thing tlat a, khai pui ka tum lahin a duh bawk silo, in kan thlen chuan khua a thim tawh.








"Siam nghal rawh" dawhkan a chawhmeh dah pah chuan a ti a, chaw pangai ei ka chak ve tho a vangin hnial lemlo in ka siam nghal.










"A va hmin har" ka bula rawn kal pah chuan a ti nung nung, "A ei theih ani mai, lo thu rawh" ka tih chuan a thu ve mai a, a tam tawh bawk aniang, ngawi rengin kan ei mawlh mawlh.







"Tinge hetianga I nu leh pa te lak atanga I bihruk a?" thleng ka sil zo a bula thu pah chuan ka ti a, "Nupui min neih tur an tum a" a thil sawi chuan min deng dawt, a mah chu ka en a, a phone chu a en ngur..








Ka khuh kherh a, " Chuan... " a hmel chu ka en reng, "Chuan ka tlan bo" a hmel ah dawt nge thu dik tih ka hrethiam lo.





"Bialnu I nei hrim hrim ami?" ka ti leh dak dak a, a phone chu dah in chiang zetin min rawn en, "Bialnu chu ka duh khawp mai, ka bialnu I ni duh mai lo em ni?" a thil sawi vang chuan ka zam a, ka khur titih, ka chil lem khalh in ka ngawi dak.







A rawn nui hak a, "Khatianga cool deuha awm kha I in hmeh ve thlawt lo" tih pahin ka lu ah chuan a rawn kuk fawk.








Ka melh rum vak a, nui vur vur pahin "Ka nupui tur chu keiman ka thlang ang" a ti leh, chhan ngaihna ka hrelo a, a mimal chanchin zawh vak lah ka duh hek lo.







TV chu kan en a, sofa pakhat chiah ka neih avangin a bula thut loh duh ngial mah ila a theih loh, a ni ding lam ah a thu a, kei vei lam ah, a sir ve ve ah thu in ngawi rengin movie kan en.









Minute 30 vel a liam chuan a tawp a, "Ka mu nghal dawn ania" tih pahin ka va melh zeuh a, biak tawng ngaihna a awm lo, dak meuhin a lo muthlu a, en mai pawhin mumang a ngah thaw khat tawh tih a hriat.









Film ah chuan mipa leh hmeichhia in movie an en dun a, a a hmeichhia zawk a muhil thin a ni sia, ka nui suk a, keini pahnih chu kan let thawk anih ber hi.







Sofa ah chuan ka mut that tir a, a harh eihlo, puan ka sin tir a, a thaw sak sak lai chu ka thlir reng, tinge I danglam bik em em le, min ti na a, hmai chhan ah ngei min duh loh thu min hrilh hnu ah ka bula awm turin I rawn kal leh a, kei lahin hnial hauh lovin ka lo awm tir leh mai che a, min ti â zo vek tawh chu a nih hi a.









Mu ve nghal mai tur a ka kal chu dawhkana paint brush leh colour ho chuan ka mit a la leh tlat pek.







Chair ah chuan thu in ka thaw hak a, ka mut a la chhuak lo bawk nen acrylic chu ka la chhuak a, hun rei tak ka paint tawh loh hnu ah waterfalls lem chu ka paint a, ka suangtuah thin anga paint chhuah ngei ka tum a, keimah chuan ka lo nui leh ringawt thin.







Moses POV





Ka harh hlawl a, ka sana bun lai chu en vatin dar 6 chiah, nizan khan ka lo mutthilh san daih ani maw, a van zeiloh thlak thin ve.







Ka harh chian em avanga chuan ka thu chhuak a, dawhkan bawha Lawmi lo muhil ka hmuh chuan tho vatin a lam ka pan nghal.







A hmai khuh Tu sam chu ka hui kiang a, a thaw sak sak chu ka nuih suk a, dawhkana a thil paint chu ka en vat bawk.






Waterfalls lem a lo ni a, a mawi tak zet, a kut ah chuan Filbert brush a lo la keng a, a ban leh dawhkan kawi lai lai ah emaw chuan colour a lo la kai nuai bawk.






Nizan khan a lo ziak anih ngei hi, chuan a lo mutthilh san hmiah bawk a, ka pawm chuan ka tih harh ka hlau bawk si, puan chu ka sin tir a, a sam ah chul in ka khi suk.







Ka phone rawn ri thut chuan a tih harh hlau zetin ka la vat a, ka nu tih ka hriat chuan ka thaw hawk, zing kar atanga mood tih chhiat ka duhlo a sin le.







La tho lo ang deuhin phak chuapin ka chhang a, "Tunah khawi ah nge i awm?" a rawn ti nghal hrawk, "Canada ah" ka lo ti ve hmuk a, ka thil sawi awih awm loh lutuk vang chuan ka nuih te lam lam a za








"Dawt sawi suh, engchen nge hetianga la awm hi i tum a?" a rawn tih leh chuan ka nui chhuak hak a, "Dawt ka sawi reng reng lo, thla khat vel ka cham ka ring, ka nupui tura in tih kha chu midangin lo nei mai rawh se" tih leh phone dah ka rual nghal.








Lawmi chu a lo harh ve chiah a, min hmuh chuan a meng phawk ngang mai, a hawi kual vut a, a kuta brush a ken chu a thlek vung vung bawk.








"Chuan nizan ah hetah hian i lo muthlu a maw?" dawhkana thu kai pah chuan ka ti a, "Aaa engtik laiin nge ka mutthilh ka hrelo reng reng" a ti sap.









"Mahni mutthilh lai hria hi chu an vâng asin" tih pahin ka nui a, a hmel awmdan chu rawn thlak in "Nangpawh i mutthluk ve tho kha" a rawn ti hluk, tlem chuan ka zak ve deuh tho.








"Chuan hei hi nizana i paint maw?" tih pahin a thil paint chu ka melh zeuh a, a lu a bu nghut.






"Dawr siam ang" ka thil sawi chuan a thawng deuh nge min rawn en kar a, dar san ak in "I lemziak te hi I zuar dawn alawm, chuan I khawsak pawh a ziaawm anga" ka ti leh.







A tho thut a, "Theihnghilh rawh" tih pahin bathroom ah a kal daih, tinge thil sawi pui hi a harh em em le?!







"Mawhhh I talent hmangin ei I zawng anga, chu chu nangpawhin I duh thusam a ni lawm ni?" bathroom kawngkhar beng dat dat pah chuan ka ti leh hram.







A rawn chhuak a, ka mitah tak min en in a thaw hap a, "I sawi dik, chu chu ka duhthusam a ni, mahse tun ah chuan duhthusam chauh ani tawh" a rawn ti tawl.



"Engvangin?"


"Moses, tinge engmah hi I hriatthiam duhloh a? Ka tan chuan thil theih ani velo" ka nui hak a, a dar tawn tawn a vuanin "Engvangin? Engvangin nge a theihloh? Ka pui dawn che alawm" a mit meng tle sawr chuan min en reng.







A dar atang chuan tawlh thla zelin a kut ah ka vuan a, "Puih che ka duh, tun ah dawr siam nghal ang ka tilo, I ziak khawl anga, chu chu I zuar dawn alawm, chuan restaurant a hah taka I thawh pawh a ngai tawh lo ang, min ring la, tum chhin reng reng rawh aw, ummmm"

Min en reng a, a lu bu nghut in a rawn nui suk, "Kha kha ni mai lawm, chhun ah restaurant ah i kal anga, zan ah art" ka tih chuan kan nui dun vur vur.




***




Lawmi a hna ah a kal a, kei hetah tih tur neiloin ka awm leh tawp, ni chu a va rei leh dawn ve, ka phone rawn ri chu ka en vat a, Jimmy a lo ni,
"Hello"

"Moses , i nu hi a fing lutuk" a rawn ti nghal, "Tinge a?" ka ti satliah a, "Canada a I kal kha a ringlo tlat a, tunah station atangin a chhuak chiah, thlawhna I ruih nasat zia a hre ve vek a, I in kawt ah I car a in hung reng bawk si, a hrechhuak vak ang che" a ti nghawl mawlh mawlh.








Ka thaw halh a, Jimmy chu lawmthu hrilhin ka off ta ringawt, kei pawh hi ngaihtuah kim viau tur ka ni asin mawle, ka tette atangin thlawhnaa chuan ka hlau ngawih ngawih thin, car chuan heta tangin Canada chu kilometre 700 chuang a nia, motor pawh lo keng ta tehreng ila Canada thlenna hun a la awm lo hrim hrim, aaaaa engpawh chu ni teh se, ka ngaihtuah peih hlawllo.














~~~


Tunlai chu hun ka neilo lehzual lutuk a, in beisei anga a ngaihnawm chiah lo anih pawhin min lo ngaidam hram teh u,ka theihtawp ka chhuah ve zel ania aw❤❤

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:17 pm

Eternal love



Chapter-12❤





"I lo van haw har" in chhung a rawn lut chiah chu ka lo ti nghal, "Nia kan buai deuh a" a ti satliah a, "Eng emaw thil thleng a awm em ni?" ka tih chuan min rawn en hu a, a lu a thing vat bawk.









"In ti fai la, ei rawng ka lo bawl ang" ka tih leh chuan a rawn nui chhuak hak a, "I bawl tak tak ang maw?" min en kuau a, ka lu ka lo bu nghauh, "Anih chuan ka inbual rei deuh mai thei ania" a mit ko san uk chung chuan a rawn ti a, bathroom ah a lut tlang nghal zat.








A rei tak tak phian leh nghal, thleng a sil zo sofa a a rawn thu chiah chuan "Zanin eng nge topic" ka lo ti nghal a, "Ka hrelo" tih pahin a phone chu a kheuh nghal mawlh mawlh.







Ngawi rengin a mah chu ka en reng a, a phone en pah chuan a la nui vur vur zui, "Tunge I biak a?" ka tih chuan min rawn melh zeuh a, "Mi" tih zawngin min chhang anih chu!!







"Lallawmkim" ka ti hrawk a, phawk zetin min rawn en, "Mipa dang be mai mai hman I nilo" tih pahin a phone ken lai chu ka laksak a, sofa ah theh thla in amah chu ka tung tho nawlh a, nam phei dawt dawt in chair ah ka thuttir hnawk.










Min chhoh en hu pah chuan "Eng nge?" a rawn ti vak a, hnai zet ah zuk en in "Hna I neih kha" ka ti sup,dawhkan ah chuan a kiu nghat in a khabe a dawn a, a tum bur leh nghal.







A thil paint na material chu la in dawhkan ah chuan ka dah a, "In la cute ve khanglang suh, I inhmeh ve lo" ka tih chuan rum zetin min rawn melh.









Ka nui a, "Tah chiah hian I rilru pe rawh" tih pahin dawhkan chu ka thlek zeuh a, thaw hakin "Lo va kal sawn la, I awm chuan ka rilru ka pe theilo" a ti sap, a tider lo tih ka hria, ka khi suk a, sofa ah thu in TV chu ka en nghal







Lawmi POV





TV ena a awm mai mai lai chu ka va melh rum leh ringawt zel, 'in la cute ve khanglang suh' te min ti leh nghal a, ka in la cute tawp silo.






Water colour chu ka'n la chhuak leh ringawt a, full moon hian ka lung a ti leng ber thin, paint tum chuan ka in buatsaih a, ka tum ang ngeiin ka paint bawk.







"Mos, ka zo" tih pahin a awmna ah chuan ka tlan phei a, hepa hian eng nge a hriat leh tak a?! A lo muhil leh hman tawh, darkar khat tawk chauh a la ni sia, ka nuih suk a, puan chu la in ka sin tir nghal.






A la hma bawk si, oil paint chu ka la chhuak a, portrait paint tur chuan ka in ruahman leh nghal, bollywood actress a ka duh tawp theihloh Sonam Kapoor thlalak chu ka hmet chhuak a, ka thiam ang ang chuan ka paint a, ka complete meuh chuan keima paint mah nise mawi ka ti tak zet.






***





"Lawmi, Lawmi" min rawn sawi nawk nawk a, men pawh ka meng tha thei lo, "Tho vat teh" a ti leh a, "Eng nge a?" ti nuah nuah in ka tho a, "Nizan a I paint ho saw ka thianpa artist tho ka thawn a,

" Chuan.. "


"Chuan I thiam a ti lutuk a, kawng eng emaw tala puih che a duh thu a sawi"

"Eng maw?" ka meng nghal kawk a, "I ti tak tak em ni?" ka tih chuan a lu a bu nghut, "Aaaa ka van lawm tak" tih pahin ka kuah a, mahse a rei lo, ka in la hrang leh thuai a, "Englo, ka lawm lutuk aw" ka ti leh sap.












Bathroom atanga chhuak pah chuan "I thawhna a rei tawh em ni?" ka ti a, "Sana kha en la" a rawn ti daih, ka en chuan ka awihlo hial zawk, dar 9 a lo ri tawh, "Eheee tinge a?" ka ti vak a, "I tho har" tih pahin a khi suk.







"Chaw a ei theih nghal" a rawn ti leh a, thawhhlim a dining table kil chu a chakawm fahran lo, "Ka ei peih rihlo e" tih pahin sofa ah chuan ka thu hnawk a, ka nghawng vel kham lutuk chu ka hmet ka hmet bawk.







Ka bulah rawn kalin ka dar chu a rawn hmet a, dan buai ka tum lo, a nuam ka ti lutuk chu ka in zahpui rum rum zawk.







"Tuna I ei nghal loh chuan hna ah I tlai ang" a ti sup a, a changin biak ngamloh khawpin a awm a, a changin min ngaihsakin a fel leh viau bawk si, a mizia hi ka hre thiam pha thlawt lo.







After 1 week.





"Engtinnnge a tih?" phone a dah rual chuan ka lo ti nghal vut, "Tun ah chuan NY artist zing a lar ber pawl I ni tawh dawn anih hi" thaw hap chuan a ti a, "Anih chuan a pawm tihna em ni?" ka ti leh a, a lu a bu nghut a, "yess" tih pahin ka kuah leh ringawt.










Kar khat liam ta chhung khan ka theih tawp chhuahin ka hun awl ah art kha ka bei a, Mr. James Wilbert-a hi NY ah chuan artist hlawhtling leh lar ber pawl a ni a, Mos-a zar ah kan in contact thei hlauh a, uluk zawk a Mos-a nen kan ngaihtuah hnu ah keimah a dawr siam rih lovin Mr.Wilbert-a hnena ka art tharlam apiang hralh nghal zel mai chu tha kan ti leh ta ani.








"I lem ziak hi a common loh mai bak ah I portrait paint ho kha a duh zawng tak anih thu a sawi anih chu" sofa a thu thla pahin Mos-a chuan a ti leh, a bulah chuan ka thu ve nghal a, "Ka lawm lutuk aw, awm lo la chuan hetiang hi ka ti thei ngai miah lovang" ka ti sep a, a nui hak.









"Eng nge I nuih ringawt?" tih pahin ka melh ram a, "Engmah, lawmthu sawi nachang I hre tawh dawnlo emaw ka ti hman a" tih pah chuan a nui leh suk, "I van sual tak" ka ti hluk a, a nuih San vel mai mai.







"Zan in chu ka mu hma mai ang" tih pahin ka tho a, "Aw le, muttui le" a tih chuan bu nghutin bedroom ah ka lut nghal.







Kar khat chhung khan kan in hauh ka hrelo reng reng, ngeiawm deuh deuh a ka tawng khum pawhin dam diai in min chhang zel a, ka thil draw tur min phur pui em em a, min ngaihtuah in ei rawng ka bawk ve tak ngial pawh kha a remti lo ania, ka pahnih in kar hi ka hrethiam hlawllo.









Keichuan phat buai ka tum lo, ka la duh tak zet, mahse a rilru hi ka hre ve tlat lo a tinni, min khawngaih vang chauh pawh a lo ni thei a, mahse a chang chuan in ngaizawng tak tak ang maia awm chang lah kan ngah, a mizia hrim hrim pawh lo ni se ka hrethiam chuanglo.







*****




"Lallawmkim" min rawn sawi nawk nawk a, ka meng phe ruai chung pawhin Mos-a hmel chu ka hmuh tha tho, "Dar 8 a ri tawh a nia" a rawn ti leh sar sar a, chhang lem lo chuan ka zimar at at.








Kalsawn mai lovin ka khum ah chuan a rawn thu a, "Min hrilh teh, Jessie lo kha bialpa engzat nge I neih tawh?" ka meng nghal kawk, amah lah chuan thutak fe in a hma zawn chu a melh ngur bawk si.









"Amah kha a ni mai, tinge?" ka ti let hu a, khi suk in min rawn en a, ka thinphu chu a rawn rang leh ringawt tawh








Min rawn hnaih tial tial a, kan insi lo chauh tawh, "Tak tak maw?" a ti sup a, ka lu ka lo bu nghut. A mit a chhing diar diar a, min rawn hnaih zel bawk si, "Mos" ka ti deuh vaka, kan hmui a in deh lohna chu inches khat pawh a tling lovang.









A ding dat a, a thaw lum ham ham chu ka feel thei, chutah ka huaisenna zawng zawng sawm khawmin ka nam sawn a, tawng lovin min en reng.









"Mos ka hrethiam lo che, a changin I hlauhawm em em a, a changin min care leh viau bawk si, I laka ka rilru put dan chu I hre vek a, ka tan a hreawm lutuk, kan pahnih in kar hi ka hrethiam thlawt lo" ka ti nghal mawlh mawlh.










Chutah a nui suk a, a hma ai mah in min rawn hnaih a, ka lo ip chawih, "Kan pahnih in kar maw? In duh tawn,in be lo leh in hmu lova awm thei lo, in ngaizawng te aia in ngaizawng, tichuan I hrethiam tawh em?" thuk leh ril ruih chuan a rawn ti a, tawng ring viau lo mahse ka beng ah chuan a fiah em em tho.










"In duh tawn maw?" ka ti sap a, nui suk in a tho daih, bedroom atanga chhuah pah chuan "Kan in ngaizawng tawh ania" a rawn ti vak, ka awmdan chu ka sawi chhuak thiam lo.








Moses POV





Se bo hnua se kawng khar a sawt lo tih hretu ka ni ve tlat a, kan boruak that laia hrilh mai hi a finthlak tih ka hre tlat.










"Ka bialnu I nih tawh chuan mipa dang I be thianglo ania" a mah melh zeuh pah chuan ka ti a, nichin atang khan a la tawng eihlo.








Min chhang lovin a hmaa ei tur chu a melh ngawt ngawt a, "I bialnu ka ni tan tak maw?" a rawn ti sap a, ka nui suk "I mawl em em na hian engtik lai khan nge min hneh em em ka hre bik lo, tun ah chuan ka ta chauh I nih kha" tih pahin ka spoon ken lai chuan a hnar ah ka khawng zeuh a, a lai hmel mawlh chu a duhawm.











"Restaurant ah pawh thawk tawh lovin art ah hian insawr bing la ka ti" thleng a sil lai chuan a bulah va kalin ka ti a, a thleng sil lai chawl meuh chuan a thaw hak, "Tunah chuan bul ka la tan chang chang chauh a, restaurant chu part time a ni tho a, hun ka nei tho a lawm" a tih chuan ka hnial buai duh lem lo.










Thil dang sawi tawh lo chuan ka lam ah ka pawt her dawr a, chiang lutuk in min en, a kawnga ka vawnna chu ka ti nghet sauh a, ka kiss tep tawh tih ah ka lu chu a rawn ri fawk, ka ding dawt a, ka mit ka chhing sawk bawk.











Ka lu chung zawn a bung bel a rem chu a rawn tla thla chu niin, choka ah kan awm tih ka lo theihnghilh hman lek lek a sin mawle.










A nui suk a, a thleng sil lai chu a sil chhunzawm mawlh mawlh, zei ka lo in ti hman viau a sin..








****




"Hello"

"Moses, i nu in hetah i awm tih a hre tawh ania, Ana-i bulah i awm tih nen lam a hre vek" ka thutna atang chuan ka ding hluai a, "Jimmy, eng nge i sawi awmzia chu? " ka ti nghal hluk.








"Engtinnnge a hriat chhuah ka hrelo, Ana-i thawhna restaurant ah khan i nu chu a kal mek ka ring, a thleng tawh hial mai thei" a rawn tih leh chuan chhan pawh chhang tawhlo in ka off nghal a, hmanhmawh zetin ka tlan chhuak nghal.









Restaurant lam pan chuan ka tlan ngat ngat a, kei leh ka chhungte vanga Lawmi rilru nat ka phal lo, mahse kan duh dan vekin kan awm thei silo a.









Ka thlen chuan hmanhmawh taka tlan e tilo chuan ka ding dawt a, Lawmi leh ka nu chu an lo in hma chhawn ran a, customer ho pawh chuan an thlir thup.











Ka va lang ve thuai a, ka nu in min hmuh chuan tlemin a meng pawk deuh, Lawmi chu ka en a, a muttui tling pam chu hmuh hmaih theih anilo.






"Henu vang hian dawt min hrilh amaw?!" a ti hrawk a, Lawmi kut chu ka vuan vat bawk, "Nora-i kha chu ka nei dawn chuanglo" tih pahin ka kai chhuak nghawl hlawk hlawk.














~~~

Huihamm ka ziah tawh zawng² aiin a tawi😁han comment sap sap ula, engtinnnge ka awm tir zel ang tih te pawh, tichuan next chapter ah tun ai hian chhiar aman hla tawh zawk mai thei a😏

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)