ETERNAL LOVE BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ETERNAL LOVE BY Ruati Renthlei (Completed)

Unread post by Ngaia » September 26th, 2021, 2:14 pm

n5v4sxxg.jpg
Eternal love


Chapter--1❤




Ka story thar ah ka lo lawm leh vek a che u🤭a thupui a tang hi chuan happy ending turah ngai phawt ang aw, chuan chuan in chhiar duh zawng a ni em tih phei chu ka hrelo a, mahse in duh zawng chu nise ka ti😌like and comment ah khan tan min lo lak pui leh ula, comment min rawn pek that phei hi chuan nasa lutuk in min tiphur thin bawk ania😍😍











"Hmela, i va tenawm ve" kawngka kan pel chiah tih ah chuan ka tal nghal chiam a, min thlah ve mai bawk. Ka sam thur zet chu hui chho pahin rum zetin ka melh a, ngeiawm lutuk a nui hak pahin "Ka mutpui duh tak tak che i ring ami?"
"Mawww" ka ti hu ringawt, "Anih chuan tinge nichin khan.. " ka sawi zawh hma in a kal daih, ka dinna lei chu ka per/thum deuh chawrh, mai mai chuan a.







"Ana" tih ri ka hriat chuan tunge a nih hrilh hran ka ngai lo, chak zetin ka kal a, "Khawngaih in tun chiah min lo pui leh" car chhunga thu ran tawh, ka hmelhriat pawh ni miahlo nichin lawka mut pui tura ka sawm kha ka va nuih tlawn vel ta ringawt, min lo en run a, Jessie-a awmna lam thlek zeuh pah chuan ka thren tha mai, a thaw hawk a, car a hawn rual chuan rang zetin ka thu lut nghal a, kan tlan chhuak nghal.







Eng nge ka sawi tak ang, ani lah chuan ngawi rengin a hma lam chu a en run mai bawk si,kan boruak hi chu a nuam hranlo, "Aaa sawilai ah sawn ding mai rawh" ka ti sap a, engmah sawi lovin a ding ve mai bawk, ka chhuah dawn ah chuan "Ka tihpalh, chuan ka lawm e" ka ti leh sap a, ka chhuak zui nghal bawk.






A tlan liam lai chu ka thlir vang vang a, nidangah ka hmuh ngai pawh ka hrelo,mahse mizo a ang khawp mai, min ngai khawlo ngawt ang, kha Jessie vang phiangsen khan, ka kut chu ka'n hum ruh leh ringawt ahh







Ka chau bawk si, muang chang chuan ka kal hnak hnak a, ka inrin loh laiin ka khup chu a rawn nghing deuh dawt, ka thu hnawk a, ka ke lam ka en chuan ka pheikhawk sang bun chu a hill a lo tla daih chu niin, zan a rei tawh a vangin tuvak mah khawlai ah an awm tawh lo a, mahse ka thinrim tung tho.







Ka pheikhawk chu ka phelh sawk sawk a, ka awmna piah deuha hnawm bawmah chuan thlak pahin "Chhe lutuk" ka ti hluk a, ka mittui chu a rawn hnai nghal bawk.





Bar ah khan tlem ka lo in ve deuh bawk nen ka inngaihtuah lungpuam chuan ka pheikhawk chhia chu ka tah chiam a,a chang leh 'tinge i chhiat' te ka ti thul, minute sawm vel ka tah chiam hnu chuan ka thaw hawk a, ka apartment luah lam pan chuan ka kal hnak hnak ringawt.









Khum ah chuan ka bawk nghal thlawp a, ka phone ri chu thei leh thei lovin ka en, Jessie bawk a lo ni, ka lak hma chuan a lo call tlak tlak dawn tih ka hria, ka ning lutuk chuan ka phone chu paih tumin ka tin uaih a, mahse a thar leina tur ka nei dawnlo tih ka hre chhuak leh si, 'ninawm' tih pahin ka chhang a, "Sawi tur ka neilo, min lo be tawh suh" ka dah leh hmak.



A lo call leh hmain ka inbual daih.








Moses Lalruatdika POV




"Lo haw tawh mai rawh, i pa hi i ti thinrim tawk tawh viau a lawm" phone ka lak rual in ka nu chuan a rawn ti nghal a, "Chutiang lam chu ka ngaithla peih lo" tih paha dah leh mai ka tum chu "La dah suh" a rawn ti vut a, ka thulh leh.







"Naktuk hi i û pasal neih ni tur a nia, i lo kal thei ang tiraw" a tih chuan ka thaw hak a, "Aih, case pawimawh buaipui lai ka nei" ka phone chu ka off zui hmiah.






Couch a thu der der pah chuan coffee chu ka in a, hahdam tuma bar a ka kal ve tum hian thil thleng hi a awm ve ziah, khanu teh hrep khan ka mood a tihchhiat belh, a tet ang ai khan a thinchhe zek ang, mizo a ang viau lehnghal a.




Tunah hian New York ah kan awm a, ka pa hi sap a nia, ka nu erawh mizo, ka tet te a tangin NY ah hian kan awm a, mizo hmelhriat pawh ka nei ve nual.





Ka pa hian police hna thawk lovin kan company THE MOST enkawl turin min duh a, keilahin police hna hi ka tui chilh tlat bawk si, chuzawng ai chuan company thatna tura nupui min neih tir a tum lehzel hi ka buaina leh thinrimna chu a ni. Chuvang chuan in a haw lovin keimah in in ka lei phah reng bawk a.







Ka nupui tura an tih lah kha mi hausa fanu duat sual tih hriat ngawih ngawih, huizzzz ka ning.








Ka phone rawn ri leh chu ka nu a nih ring in ka pick duhlo a, mahse ka en chuan kan senior pu Alex-a a lo ni.


"Hello"
"I va la har em em ve, mi pakhatin buaina a siam a, balley bar kawt ah khan lo kal mai teh" an buai viau a niang, ka tawng leh hmain a dah daih.









Tun ang zan rei tawh ah lehnghal Tu phiangsen in nge maw buaina lo siam ni, phurlo zet chuan ka jacket la in ka in khalh chhuak leh ta nge nge.







Bar kawt ka thlen chuan mipa pakhat hi a lo au deuh vak vak a, "Min kalsan suh" te a tiin ka hria, car atanga ka chhuak chiah chu pu Alex-a chuan ka bula rawn phei pahin "A buaithlak khawp mai, a bialnu nen an in ti thiam lo ni ngei tur ani" a rawn ti sar sar a, ka lo nui tawp.









Hetianga ngaihzawngte then avanga mi zawng zawng hriat tura au chiam chiam hi a mipa loh thlak ka ti keichuan.






"Eng nge I buaina chu ni a thianpa?" a dara vuan pah chuan ka tia, ruih hmel zetin a rawn hawi chhuak, "Khawnge Ana? Zawnga khawnge ka tih chu" tih pahin ka kawr awm chu a rawn tham nghal ringawt a, midang chuan an lo dang vat.








Ka kawr zut mam pah chuan "I hriat duh chuan call la ni mai lawm" ka lo ti mai.







"Kha I phone atang call rawh, ka call a pick duhlo" tih leh a phone min pek chu a rual a, call sak mai loh chu tih theih nei hek lo, haw leh vat ka duh chuan ka call sak mai a ngai.







Number chu ka dial a, a la dawn tawh lo emaw ka tih hnuah phak chuapin 'Hello a rawn ti, "I bialpa hian balley bar kawt ah buaina a siam a, I rawn kal nghal a ngai" thil dang sawi lo chuan ka off lehnghal a.








Chupa mai mai chu'h, a tap a mawni le, a phone pek pah chuan "I bialnu chu a lo kal mai ang, buaina siam tawh lo in tikhan lo nghak rawh" ka tia, pu Alex-a chuan "Mos-a kan nu in min lo call a, a rai puar ve tawh bawk nen ka ngaihtuah deuh sia, nang chu I la thalai bawk a, tikhan lo nghahpui mai rawh" "Pu Alexxx" ka ner nung a, "I tha em em ang" tih pahin a kal nghal nal nal.







Keimah chauh pawha buaina tham ka neih ve tehlul nen....





Bar kawta min lo en thup tute chu ka hnawt darh a, 'hawkdak hlawm lutuk mai' tih pahin chupa bulah chuan ka thu thla ve a.








A ni lah rui tawh bawk si chu a thle leh lawp thin.





Be lem lovin ka phone chu ka hmet kual mai mai a, darkar chanve kan thut hnu pawh chu a la rawn thleng lo, ka thin chu a rim tung tawh.






Hawsan mai tuma ka din zuau lai chuan hmeichhe pakhat hi a rawn tlan hlawk hlawk a, a bialnu a nih tawh ngei ka beisei.








Mahse min hmuh rual chuan a ding nghal chawt, a thuamhnaw chu thlak vek tawh mahse tunge a nih ka hailo, "Nang bawk maw?! I bialpa hi ka veng peih tawh lo, lo buaipui tawh rawh" tih pahin ka car awmna lam ka pan nghal a.







Kawngkhar ka hawng chiah chu "Heyyy" a rawn ti tuarh a, ka phu zawk lehnghal.




"Engtinge keimah chauhin ka buaipui theih ang?"

"I bialpa ania, ka buaina tur a awmin ka hrelo"

"Ka bialpa a ni tawh lo, ka inthen tawh"

"Anih chuan tinge I lo kal?" a ngawi vang vang a, ka lo ner sak, hmeichhe ho tak hi chu a.





A dinna bula va let lehin ka thaw hak a, "Lo kal rawh" tih pahin a bialpa nge bialpa hlui zawk banah chuan ka vuan a, min rawn pui vat.






"Hetiang em em hian a rui ngailo a sin le" a ti sap a, engtinmah ka chhanglo.





Car ah chuan kan dah lut a, a hahthlak hrep lehnghal.





"I address sawi rawh" tih pahin ka thu lut ve nghal a, a sawi zawh rual chuan ka tlan chhuak nghal.





A tawng lo a, keipawn ka be bik lo. A khât tawkin rear view mirror atang chuan ka va melh leh zeuh thin a, a bialpa chuan a malchungah a lu a nghat a, mahse a ni chuan pawn lam a melh daih.







Apartment ah chuan lutin sofa ah kan muttir a, men pawh a meng thei tawh lo.





Thawk la hawkin pindan chu ka melh kual a, hmeichhe awmna atan chuan a hnawk mah mah.






Ka hmaah dingin tui a rawn keng a, in sak lem lo chuan "Kan inhmuh tawh loh ka beisei" tih pahin ka chhuak nghal.






Car ah lutin chak zetin ka tlan nghal a, engkim mai hian ka mood an ti chhia.






In ka thlen leh chuan zing dar 2 a ri tawh, khum ah chuan ka bawk thlawp a, reilo te ah ka muhil zui nghal.



****






Zing ka harh chuan dar 9 a lo pel tawh, ka phone ka en a, miss call a lo awm tuar, ka rin ang ngeiin ka nu a ni bawk.






Call back lemlo chuan bathroom ah ka luh san a, engmah ei lovin station lam ka pan leh nghal.





Ka thlen chuan pu Alex-a'n min lo nuih vur vur pahin "Nizan lam boruak a tha maw?" "Aaaa sawilo zawk teh, ka muttlem phah lutuk" tih pahin ka mit ka khap sawk sawk a, midang ho chu an lo nui huk.




Pu Alex-a hian a boss ka nih angin min zahder thiam viau a, chutih rual chuan a fapa ang maia min en in keipawn ka ngai na viau, kan insawisa nasa thei khawp mai.






"Tak tak a, nizan ami kha Bella CEO fapa a lo nia" pu Alex-a chuan a rawn ti leh a, a mah bawk chuan "Mi hausa fapa tih atan chuan a thing ee" a tih zawm zat a, a nui suk bawk.






"Ti daih ila, eng nge kan case kalpui lai kha, evidence in hmuh belh tawh em?" nizan lam kha chu ka ngaithla peih tawh hlawllo.








Kan thawhpui tho Nicky chuan harsa lo deuha a chinfel tawh thu leh ka dawhkana file a dah thu a sawi chuan ka bu nghut a, ka office lam ka pan nghal.









Lawmi POV



Zing dar 10 a ri tawh, ka kuttum lek zuau pah chuan "Chupa mai mai chu'h" ka hmaa mipa tui zeta muhil bawrh bawrh chu ka ner khum sak a.








Hetia a muhil lai ka awmpui reng chuan hna ka thawk hman lo ang, 'hmmm kan inthen tawh a lawm' tih pah in dawhkana tui chu ka la a, Jessie-a hmaiah chuan ka theh pawp.








A harh chiang teh a sin, rawn thu chhuakin a lu chu a dawm vang vang a, a ner sak bawk.






Chutah min rawn en a, "Ka van lawm tak, min kalsan tawh suh aw" ka kut chu a rawn vuan a, ka lo thing thla vat.







"A tawp ka tih chuan a tawp, chhuak vat mai teh" ka ti ram hmak a





"Aihh a la tawp lo, Ana khawngaihin" a va mak e awww"A tawp ka tih chu engngatan mah ka ti tawh lo che,chhuak rawh" kawngkhar awmna zawn chu ka kawk va a, ka tawng ring viau bawk.









"Awle, ka chhuak ang, mahse hre rawh i la inchhir khawp ang" tih pahin kawngka awmna lam chu a pan a, "Chhuak mai teh" ka la tih hram kha.









A chhuak fel chiah tihah sofa ah chuan ka thu thla hnawk a, ka mit ka chhing vang vang bawk.








Ka phone ri ah chuan ka harh zawk a, ka lo muhil lek lek hman a lawm


"Hello nu.. "

"Bawihte, tunlai i dam em?"

"Aw dam e, tinge nu, i damlo zawk ami?" a aw hi nidang a ang lo,

"Dam e, ka tha lutuk"

"Awle, nih chuan ka dah phawt mai ang, lo in enkawl tha viau ang che" phone ka dah hnu chuan hmanhmawh zetin ka chhuak a, mamawh hun ah lah hian taxi hi a vâng ziah lehnghal.




Ka la sawi lo in ka hria, ka hming chu Lallawmkimi a nia, mahse ka thiante chuan Ana tih hlirin min ko, ka nu hi sap a nia, ka pa mizo niin nikum khan cancer vangin a thi a, ka nu hian Cortland ah farm neiin ka pute nen an awm a, kei chu hetah, fanu lak tlak loh leh hna mumal pawh nei lovin ka then mai mai zawng a nih hi...




Ke in ka thawhna restaurant lam chu ka pan hlawk hlawk a, ka thlen chuan nidang ang bawkin an lo phe leh suau suau tawh.









Part time a ka thawh avangin hlawh chu a tam lutuk hran lo a, mahse a neitupa hi a fel bakah restaurant a thawh hi nuam ka tia, ka hlim viau tho.







Zing dar 10:30 atang 2:30 thleng ka thawk a, tlai dar 4 atang 7 thleng bungrua ka sem kual leh thin.








"Tukin chu i va tlai ve?" ka thawhpui Lucy-in a tih chuan ka buai deuh thu hrilh in ka inthlak nghal mawlh mawlh a.






Nidang ang tho in kan buai leh viau a, thleng ka sil mawlh mawlh laiin Lucy chuan "kawngka luhna zawna dawhkanah sawn pizza leh milkshake an duh a, lo va pe lawk mai teh" a thil siam lai ti mawlh mawlh pah chuan a rawn tia, ka lo bu nghat.








Pizza leh milkshake pahnih keng pahin ka va kal a, "Hei lee, tui deuhin in ei dawn nia" dawhkana dah paha an hmel ka en chuan ka phu deuh zawk.








Min melh run a, ngawi rengin a hma ah chuan ka ding a, awmdan tur pawh ka hrelo.






Nizan ami bawk kha a ni, 'in hmu tawh lo ang' a tih hnu hian tinge kan inhmuh theih em em le....






"Aaa mamawh in neih chuan min lo hrilh leh mai dawn nia" tih pahin ka phei nal nal. Rei pawh a la ni lo, chupa chuan a rawn phar zeuh a, ka lo hawi lai a ni kher kher bawk nen, ka va kal ta nge nge.






"Eng nge ni ta?" ka ti ban chat a, a thianpa nge a pa emaw ni zawk chuan "Coffee kan lo in leh ang" a rawn tia, let lehin coffee chu ka siam leh nghal mawlh mawlh.





An dawhkana ka dah tur chu eng nge a chhan pawh ka hrelo, ka khup chu a rawn inthlep deuh thut a, chupa kawr/kamis var thianghlim lutuk ah chuan ka leih baw vek.







A sa tha bawk a, a tre that, rum zetin min melh a, mizo tawng ngei maiin "Mawl lutuk" a la ti hluk zui.




Ngaihdam dil mawlh mawlh pahin tissue chu ka pe a,, lak pawh la lo chuan bathroom ah a kal nghal.







Kan hotupa in va umzui tura min tih avangin ka va zui vat a, kawngka chu a lo kalh lo hlauh.






Ka va hawng deuh thut bawk nen a rawn hawi zawk a, a kawr a phelh avangin a taksa inphiar nalh zet chu chiang lutuk in ka hmu.







Chutah a awm bawr vel chu a kuta hup pahin "I mawl ami?" a ti vak a, ka mit chu hupin lehlam chu ka'n hawi leh vel a, ka hmu vek tawh tho sia.








"I na viau em? ka tih palh lutuk" ka ti sap a, a ngawi reng.






Ka hre chhuak thut, "Nitak, mizo tiraw I nih?" mizo tawng ngat chuan ka tia, a lam ka hawi nghal bawk.







"I ni ve tho maw?" a rawn ti ve a, ka lu bu nghut in ka nui vur vur.





A awm chu a sen deuh hlar a, a thip phian ang, "A zia lo hle mai, khawi ka lo pui ang che" tihpaha ka pan hnai chu "A ngailo" a lo ti vak a, "Keiman ka ti mai ang, chhuak rawh" ngawi rengin ka melh a, ka chhuahsan nghal.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:14 pm

Eternal love


Chapter-2❤



Moses POV




Darthlalang hmaah chuan dingin ka awma coffee a tih buakna sen deuh hlar chu tuiin ka theh that that a, a thip bawk si chu ka mit ka chhing leh sawk thin.








Ka rin ang ngeiin mizo a ni, mahse a mitmeng fiah kel kawl kha chu a sap ruih bawk si, aaaa tinge kan inhmuh fuh theih em em le?!








Kan inhmuh apiangin buaina min la siamsak ziah lehnghal.






Ka kawr lah chu a chhe vek bawk si, tihnghaihna hrelo a bathroom a ka tei kual sek laiin kawgkhar chu a rawn ri rawk a, khanu bawk kha a lo ni.








A rawn luh rual chuan "I kawr kha keimah vangin a chhe vek sia, khawngaihin hei hi lo ha mai la" tih pahin T shirt dum lian ve lam pang hi a rawn keng a.






Ka thinrim viau naa, la lo thei dinhmun ah ka dingin ka hre bawk silo.






Kawr chu la in ka ha nghal a, "Khawi, i kawr chu ka lo ti fai ang" tih paha ka kamis a rawn ban lai chuan ka lo dang vat, "A ngailo, a dang ka nei tho, ka paih mai ang" tih pahin ka keng tawm nawk nawk.








A ngawih vang vang hnu ah "Kan intawn dan kha a fuh chiah lo a, mahse mizo ve ve kan ni tho bawk a, thian ni ila" a kut chu a rawn lek kang a, ka lo melh run ringawt.








Muangchanga a kut lak thlak leh pahin "Lallawmkimi ka nia, mahse hetah chuan Ana tih hlirin min ko thin" a tih zawm zat.







Kamis chu Dustbin ah paihin kawngka hawng pah chuan 'Moses' ka ti sap a, ka chhuak zui nghal.








Pu Alex-a chuan min lo la nghak a "I va rei ve, kha tu kawr nge I rawn hak ringawt?" min hmuh rual chuan a ti nghal a.







Tu ta nge pawh sawi lo chuan ka chhuah pui nghal dawt dawt a, station kan thlen chuan Nicky-an "Tinge I kawr chu?" a lo ti nghal zat. Kan pathum hi chuan team khat kan nia, engkim kan inhriatpui a ni ber.










Ka chhan hmain pu Alex-a chuan "Restaurant ah nula pakhatin coffee a rawn leih palh a, khanu te kha a hmeltha phian lehnghal" min lo en a, ka lo ner sak.








Nicky chuan "Chu,, ka va chan ropui ve, I meng phar tur leh thinrim hmel ka hmu chak a sin" tih pahin a nui chiam a, an boss ber si hi min ngam leh lutuk mai.




"Ngawi mai teh" tih pahin a nghawngah ka kuai lawp a, kan insual leh ti tih nghal.





Lawmi POV




"Police hrilh mai rawh" hlauthawng tih hriat zeta Lucy-in a tih chuan leiah ka thu hnawk a, ka melh ngai chu ka melh reng ringawt.







Restaurant atanga haw tura kan chhuak, Lucy nen main road kan kal chiah chu mi pakhat hian cycle khalh pahin ka bag ah lai chu rawn pawt vakin a tlan liam lehnghal a.






Hmeichhe kawlh leh luhlul tih tak ah ka va um zui chiam a, mahse ka um pha chuanglo.






Pawisa tam tak chu a awm miahlo, mahse ka lehkha pawimawh zawng zawng kha bag ah khan ka dah vek bawk si, bo thei a ni lo.







"Lo kal rawh, station ah chuan ka kal pui ang che" tih pahin ka ban ah a rawn kai a, ka tap deuh pur bawk.






Police station ka vawi khat kalna a nia, Lucy chu ka zui tawp.






Police pakhat hian "Tah khan lo nghak lawk rawh u, sir chuan a kawr a thlak lawk a" tih pahin thutthleng chu a kawk a, "Hmanhmawh nak alaiin, police ve si tun anga lo inthlak" ti rilru nuah nuah in thutthleng ah chuan ka thu hnawk a, ka kut ka kuangkuah nghal hmak.







Rei vak lo ah rawn thlengin couch a thut pah chuan "Eng nge ni ta?" a rawn ti nghal a, a zawhna pawh chhanglo chuan amah chu ka en char char.








Lalpa, ngatinge ka kalna apiang ah he mihring hi ka hmuh a ngaih tak mai le.







Mahse a ni chuan mak ti hmel pawh a pu lo, a mit meng buang fiah kel kawl chuan min en run a, Lucy-in min rawn nghawk zeuh chuan ka phu zawk.








"Aaaa ka bag min ruk sak a" ka ti tham chal a, a thaw hak.



"Engtinnge an ruk theih?"


"Kawnga kan kal laiin cycle a khalh a, a rawn pawt vak a"


"A cycle chu eng ang che i hria em?"


"Eng ang vek nge ni ang, cycle dang ang tho in ke pahnih a nei a" ka tih chuan dawhkanah a kiu nghatin a mit pahnih chu a nuai a.





Lucy chuan "I mawl ami? A cycle hming a tih na a nih kha" a rawn tih chuan zah vangin ka sen up up thei hial in ka hria.






"Awle, engpawh nise kan lo ngaihven dawn nia, i bag chu eng ang nge?" a tih chuan tha deuh in ka hrilh mai a, "Khawngaihin a rang lamin min zawn sak thei a ngem? A chhungah khan ka lehkha pawimawh ho a awm vek a" ka'n ti leh hram pek ahh







"Awle,, kan lo hrilh leh ang che, i phone number drop la" tih paha ka hmaa pen leh paper a rawn dah ah chuan ka phone number chu ka ziak nghal mawlh mawlh a, station kan chhuahsan chiah chu ka thaw huai ringawt.









Lucy chuan ka darah rawn vuanin tih tur dang a la neih thu a sawi a, kal tur a ka tih hnuah a kal nghal.





Muangchangin ka apartment lam chu ka pan a, chutah ka nu ka hrechhuak zawk.







Call tuma ka phone ka dap chuan a lo awm lo, ni tak, ka bag ah khan a awm vek a lawm.







Hmanhmawh zetin station lam chu ka pan leh a, mak tih hmel zeta min lo en in "Eng nge ni leh ta?" a ti thuk raih a, min hmuh nin hmel, mahse ka thiamloh a ni chuanglo.







"Ihhh englo, ka phone kha bag ah khan ka dah sia" ka ti sap a,"A va buaithlak leh zel ve, ka'n call hrim hrim ange" tih pahin a hmaa ka phone number ka ziah chu a type mawlh mawlh a.








'Switch off' tih leh phone dah chu a rual, "Engpawh nise kan hmu vat turah ngai phawt ila, lo va haw la, chanchin kan inhrilh leh dawn nia"
"Mahse phone ka neih loh chu" ka ti vak a, chiang zetin min rawn melh.




Tinge hetianga min en hian ka thinphu hi a ran em em thin le, zawi te in "I number min hrilh la, biak dan che ka lo ngaihtuah ang" ka ti leh sup a.








A dawhkan a file rem fel mawlh mawlh pah chuan "Kawngka chhuah dawn ah sawn kan station number hi a in inziak a, i chhinchhiah dawn nia" a la ti zui, min va ti zak mai mai ee








Ka bag bo nen ka rin aiin a lo tlai tawh, nimin ah ka tlai tawh a, tlai chi ka ni tawh lo a ni tawp.






Hmanhmawh deuhin police station atang chuan ka chhuak a, in ah pawh haw tawh lovin mi bungrua sem chuan ka kal kual nghal char char.






Dar 7:30pm ah in ka thleng ve chiah, chau tih piah lamin ka chau bawk.








Ka inbual zo bathroom atanga ka chhuak chiah chu kawngka an rawn kik chiah a, min lo nghak lawk tura ka tih pawh chuan nasa mangkhengin kawngkhar chu a rawn beng leh a.









Thinrim deuh tungin ka va hawng, mahse police kha a lo ni, ni e, Mos-a ngei kha.






Towel tih loh chu ka taksa ah engmah ka inbel lo, a ni pawh chuan min en mawl tawp.





"Aa.. Aw.. Lo lut rawh, ka va inthlak lawk ang" ka ti bah nuai a, inthlak turin ka kal nghal.






Ka let leh chuan ngawi rengin sofa ah a lo thu a, min en kuau bawk.






"Ngatinge tun angah te i lo kal a?" ka tih chuan rang zetin ka thut naah ka bag bo ta ngei mai kha a rawn theh phei a, "A kim em en chiang rawh" a tih chuan a chhung chu ka en vat a, vanneih thlak takin engmah bo a awm lo, ka pawisa neih chhun pawh a lo la kim biai e.








"Ka lawm lutuk, mahse engtinnge i hmuh vat theih a?" ka tih chuan "Police ka nih hi, chuan midang awm laiin mizo tawngin min be tawh suh ang che" a tih zawm zat, station a ka kal nawn leh khan mizo tawngin ka tawng zuah zuah tak kha mawle.









"Anih kan pahnih chauha kan awm lai chuan ka be thei che a ni maw?" ka ti leh hram a, min melh zawkin hmun dang a en leh daih.







"Ka lawmthu sawi nan thingpui tal in ve la" ka tih chuan ka rin loh deuhin a lu a lo bu vei nghut a, rang lutuk in choka ah ka phei nghal.







Thingpui ka pek laiin a ban rek veilama thisen chu ka hmu a, "Ngatinge i kut kha" ka tih chuan hrechhuak thut ni awm takin a en vat.









"Engmah" tih leh a hoodie ban hmawra khuh chu a rual a, "Mahse thisen a chhuah kha" tih pahin a kut chu ka va ban a, a lo tang bik lo.






Bathroom a ka first aid box dah that chu va la in damdawi ka hnawih nghal mawlh mawlh a, a thip deuh a niang, a ip leh chawih thin.








Ka tuam zo deuh chiah tih ah kawngkhar chu a rawn ri rawk a, pawn lam atang chuan "Ana" tih thawm ka hre bawk, tunge anih hrilh ka ngai lo a, ka hrechiag mah mah zawk ani.








Tukin khan ka code ka thlak nghal vek a, mahse he mihring hi chuan a ât hi a sim dawnlo anih hi.








Kawngka ka hawng chiah chu!!!
Karei!!!
Jessie chu huh hnuangin a lo ding reng a, a kut ding lamin chemte a keng bawk, a mit meng sen vek chuan keimah nilo in ka hnung lam sofa a thu Mos-a chu a en run bawk.





"I mawl a mi? Haw rawh" ka ti hmuk a, nui hak pahin "Saw pa vang sawn maw min kalsan" "Aw chuan eng nge?" ka chhan na vang hian eng buaina nge ka tawh dawn ka hre lo, mahse......

Min nam vak a, hnung lama ka kat dawt dawt laiin Mos-a chu a rawn thleng chawpchilh ve nghal bawk.








"I tha em?" a tih chuan ka lu ka bu nghut a.

"Hmela ka that dawn che" tih pahin Jessie chuan a chemte ken chu a rawn lek kang a, ka thaw nghal hrawih, ka dul zawn atang chuan thisen a rawn lum thla piap piap bawk.






Ni e, keimah vanga midangin an tawrh hi ka duh reng reng lo, Jessie chuan a tum loh zawk min vit ta anih hi.






'Ding rawh' tih chu ka hriat hnu hnung ber ani, a thim nghal vek.





Moses POV


Ngawi rengin hospital khuma mu dâng bal chu ka thlir reng a, engtinnge ka tih zel dawn pawh ka hrelo.





Khatia a bialpa, nilo, a bialpa hlui zawkin min vih a tum lai khan engtinnge ka hmaah a lo din hman ka hrelo, amah kalsan a mipa kha ka um chuan a nunna in a tuar phah thei bawk si, ka tlan chhuah tir ta ringawt a nih kha.






Ana, nilo, Lawmi a ni tak e, a kut chu rawn chetin a rawn meng diar diar a, ka lo ding hluai, chauh hmel zetin min rawn en a.

"Na i nei em?" ka ti mawl deuh tawp.



Doctor chu a rawn thleng chawp chilh ve nghal a, a BP leh HB vel a check zawh chuan hospital a hruaitu leh awmpui reng Tu ni ta chu a office a kal turin min tia, ka zui ve mai bawk.






"Tinge doctor, a tha vaklo ami?"

"Hlauhthawn awm lutuk chu a ni miahlo a, mahse hna hahthlak leh rit chawi lam chu a chi vaklo ang, a hliam hi a la tharlam lutuk a, mahse naktuk zingah chuan in chhuak thei nghal mai ang, hetah hian damdawi hming ka ziak a, i lo ei tir ngei ngei dawn nia" tih pahin paper them hi min pe a, ka chhuak zui nghal.






Lawmi awmna cabin ka thlen chuan a lo muhil leh der tawh.





A mutna khum bula chair ah chuan thu in ka sana bun lai chu ka melh zeuh a, zing dar 1 a lo ni tawh, hawsan ngawt thei ka nih loh avangin a muhil lai chu ka en tawp ringawt.







Henu vang huan buaina engzat chiah nge maw ka la tawh dawn le....












Ka sam rawn khawihtu avanga chuan ka phu zawk a, Lawmi chuan chiang fahranin min lo en reng, nizan khan a khum bawhin ka lo muhil ve daih a nih dawn hi.







"I tha em?" tih pahin ka tho a, min chhanglo, "Doctor ka va ko ang" tih paha kal mai ka tum chu ka kut a lo man vat a, "Jessie kha" a ti sap, a tawng ri chu ka hre chang chang chauh ani.







A bula thut thlak leh pah chuan "Ka umzui anih chuan i nunna in a tuar dawn a sin" ka ti ve sap.

"Chuan a tlan bo maw?"

"Ani deuh ber" a thaw deuh hrawih a "Doctor chu ka va ko lawk ang" tih pahin ka chhuak nghal.








Motor ah chuan dim deuhin ka thuttir a, a ma thiam loh chu ni tho mahse ka nunna chhan Tu a ni ve tlat bawk si, amaha awm tur chuan ka ti ringawt thei lo.









Ngawi rengin ka in awmna lamah chuan ka kual pui a,
"Tinge helamah kan kal a?"

"Ka bulah i awm rih ang"

"Engtin maw?"

"Doctor in hna thawk chi i la nih loh thu a sawi a, i dam chian hma chu ka bulah i awm rih thei ang" henu hian eng nge maw a hriat le,,, mak ti hmel pawh a pu lo, ka mit sir chuan ka va melh leh thin a, a nui vur vur zawk a nih chu mawle.....













'Station' khi ka ti mawl deuh tawp thin a, police station ka sawina a ni tih min lo hriat sak tawp mai dawn nia, station dang anih chuan a hming ka rawn sawi thlap zel ang☺

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:15 pm

Eternal love


Chapter-3❤






Sofa ah chuan muangchangin ka thuttir a, dawhkana tui chu ka pe vat bawk, a tui a lo hal tawh viau a niang a in nghal khawlh khawlh.








"NY ah hian i awmna a rei tawh em?" dawhkana a tui inna no dah pah chuan a tia,
"Ka pian tirh a tang"

"Anih chuan i hrechiang viau anga, keichu nikum a tang chiahin, a bak chu Mizoram ah hlir"

"Engti turin nge hetah i rawn kal?"

"Ka nu hi sap a nia, ka pa mizo, Mizoram ah chuan ka pa hi ukil a ni thin" a thil sawi lai chu a tawp chawt a, a mit ah chuan mittui a tling pam bawk.







Kei chuan a sawi leh tur nghakin ka lo thlir reng a, "Nikum khan cancer vangin ka pa chu a thi a, ka nu nen helam ah kan lo kal ta a ni"

"Lawk in,, chhungte i la nei maw?"

"Aww, mahse ka nu chu Cortland ah a awm"

"Anih chu"

"Mahse ka tawng che hi ka vannei ee, mizo hmelhriat pawh ka la nei lo a" kei chuan ka tawn a tang hian vanduaina hlir ka la tawk.






"Engpawh nise hnaah ka kal a ngai a, eitur chu ka lo dah tir mai ang" tih pahin bedroom lam ah ka phei san a, ka insiam nghal mawlh mawlh.








Ka inthlak zo ka chhuak tur leh a rawn lut tur chu kan in tawk a, "Tinge I lo thawh" ka lo ti hluk.






"Mos, inbual ka duh e" inthlahrung hmel deuhin a rawn ti sap a, ka chhan hma in "Mahse a pawilo, keimah pawn ka ti thei tho ang" tih pahin a let leh nal nal.







Ka thaw deuh halh a, ka phone chu la in pu Alex-a ka call ta nge nge, "Vawiin chu ka chau deuh a, ka lo kal thei lo ang" ka tih chuan min hrethiam takin a lo 'aw' vat.











"Lo kal rawh" tih pahin bathroom ah ka kai phei a, a kawr a phelh lai chuan hnung lam ka lo hawi, bathtub ah chuan a lut a, "Hetia nghah reng hi i ngai ami?" lehlam la hawi reng chung chuan ka tia, min chhang lo







Ngawi reng in ka ding tlawk tlawk a, "Ka zo e" a rawn tih chuan ka thaw huai thei. Bath drop chu la in hmuh hlau zetin ka va pe a, "Ka tho thei lo" a la rawn ti leh zel chu ka thinrim hman lek lek.






A kut chu ka vuan a, ka kai tho tur chu a tre that a, ruak ngal ngat a a awm lai chu ka zuk bawh rawk, a meng kawk a, ngawi rengin kan in en.








Chutah ka tho a, ka thuanhmaw far tlawk tlawk thei khawp a huh zawr vek nen chuan rang zetin ka tlan chhuak nghal.







Ka inthlak zawh pawh chuan bathroom atang a lo la chhuak lo, ni tak, a mahin a tho theilo tak.







Maimitchhing chungin kawngkhar chu ka va hawng dek dek a, ka hnung lam atang a "Eng nge i tih?" a rawn tih chuan ka phu zawk a, bang ah ka lu ka tauh chawrh lehnghal.







"Nangte hi, ka tho theilo i ti ani lawm ni?"

"Aaaa nia, tum chuan theihloh a awm lo" a la nui vur vur zui, a tet tet nen chimawm reuh lutuk.


"Anih chu" tih pahin Living room lam ah ka phei nghal a, min rawn zui pahin "Ei tur engmah i neilo a mi? " a rawn ti nung nung.







Dawhkana chanchinbu la pah chuan "A rawn thleng mai ang" ka ti satliah a, "Anih bathrobe hi ka ha reng dawn ami?" a kut kuangkuah hlun chung chuan a ti leh, henu hian engtik ah tak min tih buai hi sim ang maw...








"Lo kal rawh" tih pahin bedroom ah ka lut a, ka wardrobe a tshirt var chu thehthla in ka chhuahsan lehnghal.









Ngawi rengin ka hmaa hmeichhe ding chu ka en reng ringawt, pangai deuha ka hak thin tshirt chuan a khup a thleng lo chauh, kawngka rawn kik ri chuan min ti phu zawk a, va hawngin ei tur an rawn ken chu a man pe in ka la nghal






Dawhkan ah chuan chhawp in inhma tawnin kan thu ta ran mai, min en kiau pah chaun "A ei theih tiraw" a ti sap a, 'aw' ka tih rual chuan a ei nghal char char.







"I tet tet nen i va ei thei reuh e, kha tui in rawh" tih pahin tui ka pe a, a ei lai ringawt pawh hi hmuhnawm tham a tling.









Tam pawh ka ei ve hma in plate a mi zawng zawng chu a ei zo hman vek, a thil ei ngaihtuah hi chuan Goliatha tiat ngawt kha ni awm ani.








"Khawnge i kal dawn" ka car chabi ka la chiah chu a rawn ti nghal.






"I apartment code number min hrilh la, i thuamhnaw ka va la ang"

"Ka lo kal ve dawn"

"Angai lo, i dam that loh kha" ka tih chuan a tum bur mai, naupang chhia lutuk.






"Nangma tan a nih chu, ka thlen hun ah ka lo call mai ang che" tih pahin ka chhuak nghal.












Mizoram a a awm tam vang nge bialpa hausa deuh a neih vang, ka rin aiin thuamhmaw a nei chang kang, a dam leh thuai ka rin avangin tam pawh ka la duhlo a, ka chhuak leh vat.











Ka in ah tlang lovin hun rei tak ka kal tawhloh na keimah ni in ngei ah ka û vang chauhin ka kal a, min hmuh rual chuan min kuah chawt.








Ka pa chu a lo awm lo hlauh a, ka lawm ru viau, ka hmuh peih hlawllo..






Ka û chu a fala biak ka duh thu hrilh in a pasal mit mei pawh veng lem lovin choka ah ka phei pui a.




"I â tawh a mi? Ngatinge i neih a?" ka ti nghal tawp.




A thaw hawk a, ka dar tawn tawn a vuanin "Ka hria a lawm, mahse ka nei lo a nih chuan ka nu leh paten engtinnge min tih ang? Keichuan ka pa company tan ka nun ka hlan a, nang chu i nun chen in i hmangaih ber nupui ah nei ang che" ni e, khawvelah ka thil hlauh ber dawttu chu ka hmangaih miahloh nupui a neih hi a nia, ka hlauh ber chu nupui nei lo va thih.



"Ka û.. " a kut ah ka vuan a, a mittui tling pam chu ka hmuh hlau zetin a khap leh sawk thin.





Ka nu a rawn lan ve tak ah chuan engmah ka sawi zawm thei ta lova, rei pawh awm tawh lovin ka chhuak lehnghal.






Motor a ka lut chiah chu ka phone ka en zawk a, Lawmi call a lo awm hman, ka haw tlang tawh dawn tho tiin call back lem lovin hotel lam chu ka pan nghal a.







Ka thlen chuan Living room ah a lo awm lo, bedroom lamah a mu a nih ringin ka va en leh a, a lo awm chuanglo.







A chhuak a nih ringin ka call ta ringawt a, mahse a phone rawn rikna lam chu bathroom a ni daih, hmanhmawh zetin ka tlan phei a, ka thil hmuh vang chuan ka ding chawt, Lallawmkimi chu thisen nen bathroom chhuatah a lo let reng anih chu!!







Tih harh tumin ka ko chiam a, mahse a sawtlo, living room lamah pawm pheiin ka phone chu ka dap ruai a, ka thian pakhat Dr.John chu ka call ta ringawt.









Rei vak lovah a rawn thleng a, hetiang em em a hlauh thawn hi ka la nei ngailo, a dul tuamna chu a lo inphelh a, thisen a lo lik chu niin, John'an a tuam that hnu chuan kawngka thleng ka va thlah a, ka let leh nghal.








Ngawi rengin a muhil lai chu ka thlir a, ngatinge henu vang hian buaina ka tawh tak ziak mai le, a dam that hun ah chuan ka hmu tawh lo chiang viau ang.







A muttui em avanga chuan ka inbual San a, thisen lah chuan bathroom ah chuan a pherh nuaih mai bawk si, police ve lem si hi thisen ka hmuh hian ka diklo tlat thin lehnghal.










Lawmi POV


Ka harh chuan ka piah deuhah thu in laptop a lo khawih a, ka sana bun lai chu ka en a, dar 6 a lo ri leh tawh, khua pawh ka thiam tawh in ka hria.

"Ka ril a tam e" tih pahin sofa ah chuan ka thu a, hrelo ang hmakin a laptop chu a la bih ngur tho.





"Ka sawi chu ka ril a tam" hepa hian eng nge maw a hriat le, lukham chu la in a lu ah tak ka va vawm a, "Eng nge i hriat a?" a rawn ti hrawk anih chu..


"Ka ril a tam ka tih kha" ka lo ti ve hlar a, a thaw hrawih.




A phone chu la in Tu emaw a call nghal a, ei tur rawn dah tura a tih hnu ah ka bulah rawn kalin hnai set sawt ah min rawn en a, "Ngawi rengin lo nghak rawh" ti supin a thutna lam ah a let leh a, a laptop chu a en leh nghal zat.







A duhna ah chuan a hlauhawm thiam zek mai, mahse a thin rim hian a pa ka ti tlat.



Nilo nilo, Lallawmkim, chutiang ngaihtuah thei i nilo, i va han mawl chhah tak.





Kawngka an rawn kik chuan Mos-a ka va melh zeuh a, min lo en ve chiah, rang lutukin kawngka chu ka va hawng a, ei tur chu lain dawhkan ah ka dah a, biak pawh be lovin ka ei nghal mawlh mawlh.








"I ei ve duh em?" min chhang lo, "Anih chuan ka ei zo dawn ania" min la chhang duh chuanglo, ngeiawm leh lutuk.






Ka ei zawh meuh chuan dar 7 a lo pel tawh, a bula ka va thu chiah chu a ding hluai a, "Ka chhuak lawk dawn ania"

"Mahse khawi ah?"

"Tihtur ka nei, i duh chuan khum ah sawn i mu thei ang"

" Chhun ah pawh i chhuah tawh kha, mahnia awm reng te chu a ninawm alawm"

"I in ah pawh nangmah in i awm a lawm"

"Ka damloh hi" athaw hawk a, min en chhuk run mai, "Tun ah chuan i dam that rih viau kha" tih pahin dawhkana a car chabi chu a la a, a kal nghal.






Kawngka a hawng dawn chiah tih ah chuan ka au vak a, a rawn hawi rang teh e. Ka pum chu dawm in sofa single ah chuan ka vial ngawt ngawt a, ka lian lo bawk a, single ah pawh hian ka inhnawh deuh chuan ka mu leng ti tih mai zel.







Min rawn buaipui vat ka rin avangin ka mit chu ka chhing tlat a, mahse ka nat der chiam hnu pawh chuan thawm a nei eih lo.






Ka mit leh lam chuan thei leh thei lovin ka meng a, ka phu nasa lutuk chu ka kat dawrh thei, chiang lutuk in hnai fahranah min lo en reng a, sawi tur pawh ka hrelo.


"Ihh englo.. "

"Na i nei ami?" ka pum zawn chu a melh a, ka'n na der leh chiam a nih kha, a chhuahloh phah ta ngei bawk.




"Khum ah khan mu la, living room lam ah ka mu mai ang"

"A ngai kherlo a sin, mahse i tih tlat chuan ka'n mu mai ange" tih pahin khum ah chuan ka lawn nghal a, tlawmngaia sofa a mut talh ka tum lo, khum dup nuam deuha mutbak thlakhlelh ka nei rihlo.





"Anih chuan muttui" ka chhan hma ina chhuak nghal daih.




***




Ka phone ri chuan min ti harh a, theih leh thei lovin ka va ban, number hlang a lo nia, tun ang zan rei tawh ah lehnghal.


"Hello"

"Jessie Smith thihna ah rinhlelh i ni a, tun ah khawnge i awm?"

"Engtinmaw?"

Ka thu nghal at, Jessie a thi a maw, awihawm loh lutuk. A ngawi vang vang a, Tu emaw nen an inbia tih ka hria.


"Tuna i awmna ah kha lo awm reng ang che" tih leh phone dah a rual nghal.





Hmanhmawh deuhin living room lamah ka tlan phei a, tap pur chungin Mos-a chu ka sawi nawk nawk.





Min hmuh rual chuan "Ngatinge?" a rawn ti nghal a, a bulah min thuttir bawk.





Ka chhang thei lo, a awm ah min bei tir a, ka tah khum chiam ringawt, Jessie-a lakah engmah feeling ka nei tawh lo, mahse a thihna chuan min thawng a, chuzawng ai chuan tinge a thihnaah hian mawh ka phurh daih.






"I tha tawh em? Ngatinge?"

"Jessie kha a thi"

"Jessie a?!"

"Aww ka bialpa hlui kha"

"Chuan I tap a maw?"

"A thih chhan ah min puh?" ka sawi zawh rual chuan kawngka chu an rawn kik a, Mos-a kut chu ka vuan vat.




"A tha mai ang, ka va hawng ange?" tih pahin a tho a, kawngka a va hawn chuan police pahnih leh Jessie-a pa ngei chu an lo ding reng a.



Mos-a chuan "Ehee sir tun ang hunah eng thil nge a?" a ti nghal a, Jessie-a pa lah chuan rum zetin min rawn melh run mai bawk si.





"Englo a nia, Moses, i hmeichhe awmpui hi tualthah thubuai ah rinhlelh a nia, " a boss ni awm tak, thutak run chuan min rawn melh zeuh pahin a tia, ka lo thaw hawk.






"Mahse sir, chutiang ngawtin in man thei lo ang"

"Kan man dawn hleinem, thu zawhfiah turin kan hruai ringawt dawn a lawm" tih pahin a rawn lut a, ka thutna atang ka lo ding hluai bawk.






Ka banah police pakhat zawk chuan min vuan a, Mos-a chu ka en vat. A lu bu nghatin "A tha leh mai ang, lo hlauthawng lo la, naktuk zingah ka lo tlawh ang che"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:15 pm

Eternal love

Chapter-4❤




Moses POV



Ka khabe dawmin an hruai chhuak lai chu ka thilr liam ringawt, ka chhan beiseia min en lai te kha tih theih eng emaw tal neih ka chak, mahse engmah ka ti thei lo..









Tunah zing dar 2 ania, mut leh pawh ka chak tawhlo.


Lawmi chu a hliam vangin ka bulah a awm reng sia, engtinnge an ringlelh daih theih le, aa.. A va buaithlak tak.







Zing dar 6 rik hma chuan station lam panin ka inkhalh chhuak a, Lawmi chu ka ngaihtuah deuh a vangin kan senior (boss) hnen atangin a fala hmuh theihna ka nei hlauh.









Ngawi rengin kan pahnih inkara dawhkan chu a en reng a, ka awm ve tih hre awm pawn a lang lo.


Ka khuh kherha a, a mit meng dul riak chuan min rawn en,
"Aw le, engpawh nise.. "

"Ka thah a ni miahlo" ka sawi zawh hma chuan a rawn ti nghal, "Ka hria a lawm"

"Anih chuan tinge tah hian min hruai?"

"Tumah i that lo, mahse ringlelh i ni, chuvang chuan rilru fim tak i put a ngai a nia, i hrethiam em?" a mittui chu a rawn far fap fap a, "Min pui ang tiraw, nang lo chu tumah min pui thei an awm lo ania" beisei nei tih hriat zet, mitmeng dul raih chuan min en reng.







"Ka pui dawn che a lawm, mahse zawhna an zawh a piang che dik takin chhang zel ang che, i hrethiam tiraw" a lu chu a bu nghauh nghauh.





Sir leh Jessie-a pa an lo luh ve takah chuan engmah kan sawi zui tawh lo.


"Moses, i lo va chhuak lawk dawn em ni?" sir in a tih chuan Lawmi chu "i ti thei ang" tih mit menga en chungin ka chhuak nghal.







"Ngatinge a?" Jimmy-a leh pu Alex-a chu pawnah an lo ding reng.





"Aaaa min ti phu a lawm, office ah phei phawt ang u" ka tih chuan min rawn zui ve mai.











Pu Alex-a chuan "Tinge khanu case kha i khawih dawn emaw ka tia" thut pawh ka thut fel hma chuan a rawn ti nghal, "Case kha chu ka kut ah an dah lo, mahse ka buaipui tho a ngaih hmel"


"Tinge, i bialnu a mi?" Jimmy chu ka melh a, a dan pangaiin ât hmel deuhin a lo thren leh thra tawh.



"I mawl a mi?" tih pahin ka hmaa lehkhabu chuan ka vawm pawp a, a tlan chhe zaw zaw mai.





"I bialnu a nih loh chuan ngatinge I buaipui a ngaih kher?" Pu Alex-a chuan tlema thutak deuh zawkin a rawn ti leh a, "Aaaa sawi dawn chuan a thui lutuk, ka thian a nih vang ni mai rawh se"





Peon chuan sir in min koh thu a rawn sawi a, hmanhmawh zetin ka kal nghal.





"Sir, min ko ami?"

'Aww lo lut rawh, englo a nia, Ana case ah hian inhmanhnawih lo law law la ka duh ani"


"Eng nge i sawi awmzia"

"A case hi murder case a nih bakah Jessie Smith hi Bella CEO fapa a nia, engtikawng pawh chakna chance a awm lo"




"Mahse sir, finfiahna eng mah a la awm hleinem"

"Engpawh nise nangma tana tha tur ka hrilh mai che a nia, i chhuak thei tawh e" a tih chuan ka chhuak nghal.





Lawmi awmna cell ah lutin min hmu chiah chu a thutna atang a lo ding hluai a, a hmaa chair ah chuan ka thu nghal.








"I case hi a khirh dawn a nia, I thah a nilo tih prove na kan neih angai"

"Mahse engtin?"

"A that Tu dik tak kan hriat a ngai, mahse chuchu tunah chuan thil theihloh tawp a ni rih"

"Ngatinge a theih loh?"

Huizzzz a va buaithlak ve, "Ka hrelo, i case hi ka kut ah an dah duh bawk silo a, mahse tihdan ka lo ngaihtuah tho ang"

"Anih chuan Jail ah ka tang dawn ami?"

"Maithei" a thaw hawk ringawt, "Tih theih eng emaw tal nei ila ka ti"

"I nei a lawm, khawngaihin tualthattu chu min zawn sak rawh" ngenngawl zetin min en ran mai.





"Aw le, engpawh nise ka kal a ngai, ka lo tlawh leh ang che".







Ka chhuak chiah chu ka thaw huai thei, case khawih lai leh buaipui tur em em a awm loh avangin Jessie-a ruang an chharna bawr vel chu en tumin ka in khalh chhuak a, a hla zek lehnghal.






Ka thlen chuan a lo reh ruih mai, eng emaw hnuhma hmuh tur a awm ringin uluk zetin ka en kual a, mahse ke hniak takngial pawh chu vâng tak ani.






Khaw thim dawn tep ah haw in Lawmi pawh chu ka tlawh leh ta lova, ka in tih fai zawh chuan khum ah ka mu nghal thlawp, nizan ka mut tlem bakah vawiin ah ka tei kual hrep bawk a, ka chau lutuk.







Lawmi POV




Ka â vek ni mai hian ka hria, engtinnge kei hian mi ka thah theih tehlul ang, chupawh ka bialpa hlui lehnghal maw.




Ka nu in hria se eng tiangin nge a rilru a nat ang, nilo, a hre tur a ni lo.




Tunah chuan Mos-a bak innghahna ka nei tawh lo. Engpawh nise Jessie-a thattu kha ka hriat chhuah ngei ngei angai.



Kawngkhar chu a rawn ri rawk a, Jessie-a pa chu muangchangin a rawn lut, ngawi rengin ka lo en a, ka hmaa chair ah thut pah chuan "In puang mai rawh, nang hian ka fapa i that tih hi" muang ban chat hian a rawn tia, "Ka thah a ni reng reng lo"

"Ka fapa khan engtinnge a lo duh theih zawk che, tenawm lutuk, i thiltih man hi i hmu khawp ang" tih pahin a ding hluai a, a chhuah pah in kawngkhar chu a khar ri thuai bawk.





Jessie, i thi duh a nih chuan thi mai la, ngatinge i thih hnu thleng hian buaina min la siam zel a.. ka muttui rawn luang chu dan buai ka tum lo, a peih chen chen luang rawh se.







Police pakhat hi a rawn lut leh a, "Naktuk ah court ah i in lan ang, lo kal rawh" tih pahin min kai chhuak a, Jail tak tak ah min khung a nih chu!!




Ka hlau a, ka khur a, ka tap bawk a, mahse tuman min ngaihsak lo, ni e, ka in tih chak hram hram a ngai. Lallawmkim, hetiang mai mai hian i tlawm thei lo, chak deuha i awm a ngai a nia, mahni in fuih mawlh mawlh pah chuan ka mu a, ka mit ka chhin luih tak tlat ah chuan ka muhil ve mai.









Tui a min theh avang chuan chiang zetin ka harh a, Jessie-a pa chu ka hmaah a lo ding reng, a hnung ah police pahnih an awm bawk.







Engmah sawi lovin a chhuak leh nghal a, police pakhat chuan ka ban ah kaiin min chhuah pui dawr dawr bawk.






A hmaa min dahna pindan reh zet ah bawk chuan min dah leh a, nimin ai khan a thim in ka hria, engmah sawi lovin min chhuah San leh nghal a, rei vak lovah Mos-a chu a rawn lut.


"Eng nge chanchin" ka lo ti nghal vat a, thawk la hawk in "A thihna hmun ah khan ka va kal a, mahse eng mah ka hmu lo, dar 10 ah hian court ah i in lan a ngai dawn a, eng pawh ni se an rinhlelh zualna tur che in awm miah suh ang che"


"Anih chuan engtinnge kan tih tak ang?"

"Hlauthawng lutuk lo la, hma ka lo la ve zel a nia, i ril a tam em?" a tih chuan ka ril tam zia ka hrechhuak thut, ka lu ka bu nghauh a, "Ei tur ka rawn dah tir ang" tih pahin a tho a, "I lo kal leh dawn em?" ka lo ti vat, a rawn hawi a, "Court ah kan in hmu dawn nia" tih pahin a chhuak nghal.








Moses POV




Court atanga ka chhuak chiah chu ka thaw huai thei, a vawi khat naah chuan engmah a thleng lo va, mahse finfiahna ka hmu vat a nih loh chuan jail ah a tang tho tho ang,
"Moses" tih rik na lamah chuan ka hawi vat a, "Aw sir, eng nge ni ta?"

"He case ah hian in hnamhnawih lo tur in ka hrilh che kha"

"Mahse sir.."

"A duh chuan ukil pawh a ruai thei a, he thil vanga buaina i tawh chuan eng mah tih theih ka nei dawn lo ania" tih pahin a kal nghal.






Ni e, ukil ruai thei a nih reng laiin ngatinge a rawih mai loh?!









Lawmi an dahna hmun ah chuan kalin "Ukil ruai la, i tan pawh a awlsam zawk dawn alawm" ka hmuh rual chuan ka ti nghal.




"Mos, i hrethiam lo a mi? Tun dinhmun ah chuan tuman ka ring theilo, nangmah tih loh" ka mit ah tak min en a, a thil sawi ah a chiang tih a hriat.




"Aw le, a tha e, theihtawp ka chhuah anga, mahse pachang taka i lo awm hram hram a ngai dawn ania, karleh ah court ah i inlan leh a nga, chumi hma chuan tihdan ka lo ngaihtuah ang" hmuh rei an phalloh avangin ka chhuak leh vat a.









Office ah tlangin pu Alex-a leh Jimmy-a te chu ka ko nghal a,"Finfiahna engpawh, Lawmi nilo Ana thiam chan theihna tur hi kan zawn angai" ka ti nghal thawr.






Jimmy chuan "Mahse tinge, ukil ruai se a ni mai, keichu ka peih lo" a lo ti nghal ringawt bawk.





Pu Alex-a chu ka melh a, "A tha e, keichuan ka pui ang che"

"Ehee i va phakar ve a, tuman pui lo ang ka tih vek kha" kan Jimmy-a ve hi a.


"Min pui khawp ang" tih pahin a beng ah ka pawt a, pawn ah ka chhuah pui dawr dawr.




Ni e, Lawmi thah a nih loh chuan Tu emaw thah chu a ni phawt, ka hriat chhuah ngei a ngai.





After 1 week




Ka thian pahnih te min puihna zarah ka hlawhtling thawkhat chuan ka hria, Tu thah nge tih chu ka hre hauhlo, mahse Lawmi thah anilo tih proved na chu ka nei tlat.






Jimmy-a thih darkar ah khan Lawmi chu hospital ah a la awm a, chupawh Jimmy-a vang in.Anih chuan Lawmi thah a nih theih dan a awm lo hrim hrim.Damdawiin lehkha chu la in hmanhmawh zetin station lam chu ka pan leh a, Lawmi ka hmuh an phal tawhloh avangin office ah ka tlang a, lehkha pawimawh ho chu ka ti fel nghal mawlh mawlh.




"Vawiin chu kan va hlim deuh ve" pu Alex-a chuan ka bula rawn kal pahin a rawn tia, "Hlim ang chu" ka lo ti ve mai.






"Dar 11 ah hian court ah thlen hman a ngai dawn sia, in ah ka va haw ve lawk ang" tih pahin ka chhuak leh nghal.





***




"Ka lawm lutuk" tih pahin min kuah nghal chuk chuk a, a chang leh a zuang thul.

"Tikhan ti vak vak suh, I la dam chian loh kha"

"Mahse ka hlim em a lawm, jail ah khan ka tang dawn emaw ka ti hman a, ka lawm lutuk aw Mos" tih pahin min rawn kuah leh, "Aw le, a tawk e, haw phawt ang"

"Moses, sir in a ko che" motor a ka lut tur chu Jimmy-a'n a rawn tia, Lawmi hnenah chuan ka let leh thuai tur thu hrilhin ka kal nghal.



Office ka thlen chuan min hnungchhawn zawngin a lo ding a, "Sir, min ko em ni?"

"Aw, ko e lo lut rawh"

"Englo a nia, a hma pawh khan ka hrilh tawh che a, Ana case vanga buaina i tawk a nih chuan ka pui thei dawnlo che tih kha"

"Aw chuan.."

"Tun atanga thla hnih chhung suspend i ni"

"Engmaw?"

"I hriat angin Mr.Smith hi mi thil ti thei tak a ni a, i case ni miah lo i lo buaipui avang in chawlh tir rih tur che in thupek ka dawng a ni" hahhh ka awih thei lo







Ngawi rengin ka chhuak a, Lawmi pawh ngaihtuah tawh lo chuan keimahni office lamah ka tlang nghal, "Eng nge a lo sawi a?" Jimmy chuan a lo ti nghal a, chhang lem lovin dawhkan a tui chu ka in nghal khawlh khawlh.







"Thla hnih chhung ka chawlh a ngai dawn a nih chu"

"Engmaw?!" pu Alex-a chuan ka bula rawn kal pah chuan a rawn ti nghal.


"Ana case vang kha em ni?" Jimmy chuan a rawn ti leh a, ka lu ka lo bu nghut.

"Kha a tir ah pawh pui lo ang kan ti mawlh mawlh a, i tel lo te chuan engtinnge kan awm ang" a tum nghal bur ringawt.



"Naupang chhia deuh hian awm thin lo teh, reilo te ah thla hnih chu a ral mai ang, khatah khan thla hmasa lama file pawimawh ho kha ka dah a, in lo en mai dawn nia" tih pahin kan piah deuha locker chu ka kawk a, "Pawnah min nghak reng sia, ka kal phawt mai ang, kan in hmu leh dawn nia" tih pahin ka chhuak nghal.













A ngaihnawm tulh tulh turah ka ngai ania kei chuan 😂tunah chuan a la Boring deuh anih hi🤭khawngaihin like leh comment lamah khan tan min lo lak pui leh ula, thu tawi te pawh, Feedback hi kan mamawh ve thin lutuk a😁

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:15 pm

Eternal love

Chapter-5❤




Lawmi POV



Eng nge a ngaihtuah le, motor a khalh chhung pawh khan min be miahlo, "Tinge a? Thil diklo a awm em ni?" in kan thlen chuan ka tia, min rawn melh zeuhin a lut nghal.



"Zawhna ka zawh che chu" tih pahin ka zui a, sofa ah a lo thu than tawh.

"Tinge min biak duh miahloh a?"

"I pum kha a la na viau em?" a rawn ti daih, "Na viau tawh lo, a dam ang tluk a ni mai" ka lo ti vat a,
"Anih chuan chhuak tawh rawh"

"Engmaw? Mahse ngati teh thut nge a?"

"I dam tawh chuan chhuak tawh rawh, ka bula awm hlen i tum a mi?" min melh kawk a, ka lo ip chawih.

"Aw le, ka chhuak ang" tih pahin ka tho a, ka thuamhnaw tlem chu pawmin ka chhuak nghal.






Muang changin ka kal bek bek a, ngaihtuah tur ber pawh hrelo in ka ngaihtuah na ah chuan eng eng emaw a rawn lut zawt zawt.


Tunah chuan case kha an khar tawh a,suicide angin. Chuan keipawh ka zalen, mahse ngatinge chhuak tura min tih thut le, court atanga kan chhuah tirh kha chuan a pangai viau sia, Lallawmkim, eng nge maw i hriat le, ka tah a chhuak ringawt a nih chu...!








Rei vak lovah ka Apartment awmna zawn chu ka thleng a, mahse ka light a lo eng. Mi an lut ru a nih ringin thawm dim zetin ka lut a, mahse Apartment neitu leh nu pakhat an lo ding reng.







Min hmuh rual chuan "Ana, min hrethiam la hetah hian i awm thei tawh lo ang"

"Eng a?Mahse ka pu"

"Engmah sawi lovin i awmbo San daih bawk si a, min hrethiam la, i bungrua la in chhuak mai rawh"

A va buaithlak leh zel ve, ngatinge buaina hian min kiansan theih thlawt loh le...






Tihngaihna ka hre chuang silo a, ka thuamhnaw chu pack in hun rei tak ka lo chen ve tawhna pindan chu ka chhuah San a, khawnge ka kal tak ang?








Bus stand ah chuan ka ding reng a, ka nu ka call mai dawn em ni? Chuan Cortland ah kal ve mai ila, ni lo, ka nu rilru tihah Tu ka ni thei lo.







Aw le, Lallawmkim, a thleng tur ang ang chu thleng rawh se.




Khua a thim tawh a, hmanhmawh zetin Mos-a in lam pan chuan ka kal hlawk hlawk.








A chhuak a mawni le, gate a lo inkhar thap. Kalna tur dang ka nei chuanglo, ka thuamhnaw chu leiah dahin ka thu hnawk a, a lo haw hmachu ka nghak anga ni mai.

Ruah lah chu nasa mangkhengin a rawn sur leh ta nghal a, signal a bo hmak mai bawk si.






Ruah sur hnu rei vak lovah motor light chuan min rawn chhun va va a, ka thaw huai thei. Ka ding a, motor atanga rawn chhuakin ka lamah a rawn pen hlawk hlawk, min hmu chu mak a tih hmel kher mai.




"Eng nge hetah i tih?"

"Ihhh englo" ka bag leia ka dah chu a en a, a hrethiam a ni chek ang chu, "Lut phawt ang" tih pahin a lut a, ka bag chu khaiin ka zui lut ve nghal.





"Sawi fiah rawh" tih pahin towel min pe a, in hru mawlh mawlh pah chuan "Khawngaihin reilo te chiah i bulah ka awm leh thei angem?" min melh kawk a, thawk la hawkin sofa ah chuan a thu hnawk.

"Engvangin?"

"Ka Apartment kha midang an lo luah tir tawh a"

"Anih chuan i nu bulah Cortland ah kal ve la ni mai lawm?"

"Khawngaihin tun chiah min pui leh la, tun dinhmun ah chuan ka nu bulah ka kal ringawt theilo"




"Va inthlak phawt teh" tih pahin bathroom ah a lut nghal, a remti ah ka ngai hmiah.






Bedroom ah kalin ka thuamhnaw chu ka thlak mawlh mawlh a, kawngka chu rawn kik in "A rawn luh theih em?"
"Aw lo lut rawh" khum ah chuan a thu a, "Vawiin khan ka hna atang min suspend a" a thaw hak a, ka en reng ringawt.


"Mahse tinge?"

"I case vang khan" awiii nilo, keimah vangin an suspend a maw!!

"Aa a van zia lo tak, keimah vang a ani sia"

"Eng ang pawn in thiam lo la, a thleng tur ang chu a thleng tawh tho"

"Anih engtia rei nge"

"Thla hnih hnu ah chuan ka join leh mai ang, thil i ei tawh em?"

"Aih"

"Ei tur i siam peih chuan choka ah siam tur a awm"

"Tak tak maw?Mahse in tur bak i kawl ngai silo a"

"I duh leh duh loh"

"Aw ka va siam ang" tih pahin ka chhuak nghal. A piang thar thut a mawn le, a hma kha chuan a fridge khat tlatin cork a dah thin kha a nia.



"Anih eng nge tih i tum?" thil ei mawlh mawlh pah chuan ka tia, "Hna ka nei rih si lova, ka awm mai mai ang" ka awm nawm lohna tur thil sawi hi nuam a ti ve hrim hrim a niang.




Bedroom ah lut in darthlalang hmaah chuan ka ding vang vang a, ka kawr chu hlim in ka dul a Jessie-a vihna la sen deuh hlar chu ka en vang vang ringawt.


Khawngkhar chu a rawn ri rawk a, rang zetin ka hawi. Mos-a chu a lo ding reng a, "Aaa i mu duh tawh ami?" tih pahin a bulah chuan ka kal phei a, "Zanin chu khum ah hian mu leh mai rawh" tih pahin a chhuak leh nal nal, min ngaihtuah lo anga lan chu tum mahse a zia chu a thup thei bik lo a nih hi a, ni e, a mah ka chhan vanga hliam kha ka ni ve miau a.












Ka zun chhuak lutuk chu ka harh hlawl a, sana ka en chuan dar 3 a lo ri tawh, ka ip tluan thei dawn ngang lova ka hriat avangin ka tho a, thawm dim zetin bathroom lam ka pan a, bedroom a ka lut leh tur chu sofa a lo mu Mos-a chuan ka mit a la tlat pek, tih harh hlau zetin ka kal hnai a, chiang zetin a muhil lai chu ka thil reng.







Tiang em em hian a lo hmeltha tih pawh ka lo hrelo,chhuat ah chuan thu in ka sir a centre table ah chuan ka kiu ka nghat a, a Adam's apple chu ka khawih chak tlat pek, mahse a harh ka hlau bawk si, huizzz nileng pawn a hmeltha tak hi chu ka thlir reng peih ang mawle.








Thil tla ri rawk chuan min ti phu zawk a, ka lo dream nasa lutuk nge dawhkana a phone dah chu ka lo hui thla chu niin, a rawn tal a, lehlam a hawi ta daih, dim zetin a phone chu ka dahtha a, nui vur vur chungin bedroom ah ka lut nghal.









Moses POV



"Hei eng nge?" tih pahin dawhkana ei tur lo inchhawp teuh chu ka melh a, "Ka lawmthu sawi nan breakfast ka lo siam che anih hi, thu la"
"Engvangin?"

"Awww keimah vanga i hna i chanhnu ah pawh i in ah min la awm tir duh a"

"Ka in a i awm ve vang mai hian i duh duh danin i awm thei tihna a ni lo a nia" ka ti deuh hmuk a, "Aaa ka hria e, mahse ei ve hrim hrim la" a tih leh chuan min melh zeuhin chair ah chuan ka thu thla nghal.

"I va siam tam reng reng ve, pahnih chauh kan nih hi"

"Lungngai suh, a zo vek tho ang" tih pahin a plate ami chu a ei nghal mawlh mawlh, ei leh in lamah hi chuan a pro ve chiang eee








"Ka hnaah ka kal a ngai sia, a nih phawt aw" tih pahin kawngkhar chu a hawng nghal a, "Lo ding lawk teh" ka tih chuan rang zetin a rawn hawi, "Restaurant ah khan ami?"

"Aww"

"Heta tang te chuan a hla asin"

"Taxi ka la mai ang, a nih phawt" tih pahin a tlan chhuak nghal.



Huizzz hna ah ka kal thei bawk silo, eng nge ka tih ang aww
Tih tur hrelo chuan ka tei ka tei a, chutah ka û ka hrechhuak thut, ka phone chu la in ka call nghal a, a pick up lo, ka call nawn leh a, a la tawh dawn lo emaw ka tih hnu ah "Hello" a rawn ti thei hram.

"I va la har em em ve, eng nge i tih a?" ka lo ti nghal tawng a, "Nia meeting kan nei a, thil pawimawh a awm em ni?"
"Aihh awm hranlo, i hman hunah kan in be leh dawn nia" tih pahin phone chu ka off zui a, huiham.. Ka ni deuh huih hian ka hre mai. Lawmi hnathawhna ah te khan lo va kal ve ta mai mai ila a nuam zawk ang mawle, nilo nilo, min zuam theihna tur thil engmah ka ti tur a ni lo.











Vawiin chu ka hahdam ve deuh a ni mai, sofa ah chuan mu in TV chu ka on a, ka en khat lutuk vang nge hmuhnawm pawh ka hmu lo e a.
Ka ding hluai a, TV pawh off leh tawh lemlo chuan ka car chabi la in ka chhuak nghal. Kalna tur ber pawh hrelo chuan ka tlan kual vel mai mai a, Street market broadway ka thlen chuan pu Alex-a ka hmu fuh hlauh, zah pawh dawn lovin motor atang chuan ka ko vak a, a upat deuh tawh vang nge koh pawh chu a hre thei lo hrep lehnghal.







A bul hnaiah tlanin horn chu ka hmen vak a, min hmu chu a zuang lo chauh. Kan piah deuha restaurant lian vak lovah chuan kan chawl a, "Tinge station lam ah i awm loh a?" ka tih chuan awlsam zetin "Kan nu a nuam sam lo a, vawiin chu ka chawl a nih hi, aaaa ka hmu che chu ka thawl huai mai" tih pahin min rawn kuah a tum titih, "Aaaa i va han mawl tak, patling ve si, nimin ah pawh kan inhmuh reng kha" ka lo ti hlar a, a tap der vel a nih chu.






"Eng nge tih i tum rere?" a tih chuan sawi tur hre lovin ka ngawi reng ringawt, "Aaa hna ka nei si lova, tihian thla hnih chhung chu nuam ka lo tawl mai mai dawn a nih hi" tih pahin ka thutna chu ka ngheng der der a, ka kut ka kuangkuah than bawk.


"I va han ngeiawm ve tak, Jimmy phei chu nimin tlai kan haw lamah a tap vel a nia" a tih chuan ka lo nui hak, "A ni te chu naupang a lawm" ka lo ti mai a.



"Anih chuan Moses, ka kalsan phawt mai ang che, in lamah kan nu in min lo nghak reng sia, a damdawi te lei ka la ngai bawk nen" tih pahin a ding hluai a, kan inzui chhuak nghal.








Ka tum reng vang pawh ni lovin Lawmi thawhna restaurant awmna lamah chuan ka tlan a, thian ka kawm tam vak lo bawk nen, han lenna tur hi ka hre lo em ani.









An dawr kawt ah chuan ka ding a, chutah Lawmi chu a thiannu pakhat nen an rawn nui chhuak hak hak, in hmuh tir chu ka duh miahlo, mahse ka tlan liam hma in min rawn hmu ta tho.

"Ehee Mos, eng nge hetah i rawn tih a?" ka bula rawn kal hnai pah chuan a rawn tia, "Aa engmah, ka thian pakhat ka hmu a, in bang tawh a mi?"

"Aih, bang chiahlo, market ah chawhmeh lei kan tum a, i hman tho chuan min hruai la" henu te hian Tu ah nge maw a in ngaih le...



Ka kalna tur lam a lo ni chiah bawk nen 'aih' han tih tlat chu a polite loh thlak ka ti bawk si "Lo chuang ula" ka ti sup a, a thiannu nen chuan an rawn thu lut nghal.








Kawng tluanin a tawng char char.Kan thlen chuan lawmthu pawh sawi lovin an kal nal nal a nih chu....!!







In ah haw in ka in ti fai nghal a, ka zawh chuan dar 2 a lo ti tawh, ka ril a tam deuh avangin choka ah ka kal a, ei tur ka siam nghal mawlh mawlh.






Ngawi rengin ka ei a, "A van rimtui" tih pahin Lawmi chu a rawn lang nghal zat, "Ehee in ah thil i ei ve thin a law?! " tih leh ka hmaa chair a thut chu a rual nghal. "Aaa a van rimtui tak, i siam a mi?"

"I ei ve duh em?" a zawhna pawh chhang lemlo chuan ka lo ti mai a. Nui vur vur chungin a lu a bu nghauh nghauh.
"Ei rawh" tih pahin ka tho a, living room lamah ka phei nghal. Ka lo siam tam hlauh a, tikhan thleng sil ka ngailo a ni mai hehee









Laptop chu en in a hmaa ka case lo buaipui tawhna thenkhat ka lo en kual mai mai a, "Ka van puar tak, i siam a ni tak tak a mi?" tih pahin ka piaha sofa ah chuan a rawn mu thlawp a, "Aww" tih zawngin ka lo chhang.


"Restaurant hawng daih la, Manager ah min chhawr bawk ang a, ka in hralh thei ngawt ang" a sawi zawng chuan a nui duh der lo lehnghal, a rawn sawi mak teh daih lutuk chu keimah zawk ka nuih a za,"Ehee kha i nui" mak tih hmel zetin min en a, ka chip hmak.

"I nui hmel ka la hmu lo a, i nuih phei chuan i hmeltha lehzual anih kha" a mah lah chu a nui sen sen leh nghal a.





"I chhuak tawh dawn lo ami?" tih pahin ka laptop chu ka en lehnghal zat a, "Dawn ee, bungrua sem kual leh ka ngai, aaa ka tlai dawn, anih phawt" tih pahin a tho thut a, a chhuak nghal.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:15 pm

Eternal love



Chapter-6❤




Lawmi POV






Aaaaa a nui hmel han that zia kha aw, a mit meng nalh zeta min en te khan ka thinphu a rangin ka lai chhe lo chauh, nilo, kei hian ka duh tihna em ni?!




"Va mak vung vung thin ve"

"Ehe Lucy, khawnge i kal dawn?"

"Ka pa damdawi lei ka tum a, hrim hrim in kawnga i kal laiin thil ngaihtuah vak vak zel suh ka tih kha, motor in a su tawp mai ang che" tih pah chuan a nui uar uar a, damdawi zawrhna kawt kan thlen chuan min mangtha in a lut nghal.






Rei vak lovah ka thawhna tur chu ka thleng a, mahse kawngka chu lo in kalh in 'closed' tih a lo in tar kulh.A ngaihna hrelo zet chuan ka thlek ka thlek a, ka phone chu phawrhin a neitu nu chu ka call a, mahse a tlang lo.








Ka dinna piah deuha dawr tê ah chuan kalin a chhan ka zawt a, dawr nghak tupa chuan hmanhmawh zeta an bungrua nen an chhuah thu min lo hrilh.








Ka hrilh hai ang reng viau a, chutianga hmanhmawh taka an chhuah chhan chu ka hrelo a, bungrua zawng zawng nen an chhuak anih phei chuan a chhan tal min hrilh ve tur ania, hei chen hi an hnuai ah ka thawk ve tawh a, vui hmui pu chung chuan ka let leh hnak hnak a, tiang ringawt chu a in ngaih pawimawh loh thlak ka ti a, mahse hetia an chhuah ngawt danah chhan tha tak chu a awm ka ring tho.








"Theihnghilh i nei em ni?" inchhung ka lut chiah chu a lo ti nghal vut, sofa ah chuan thu in ka thaw nghal hawk.



"Ka hre bik lo, ka thawk tawh dawn lo aniang"

"An ban che ami?" a tih chuan ka lu ka lo thing vat, "Anih chuan a va mak ve" tih pahin a tho a, choka lama kal pah chuan "Ei rawng min lo bawl pui mai rawh" a ti sup.


Tunah khan eng maw a sawi? Hmanhmawh zetin ka tlan phei a, alu(potato) a lo la chhuak chiah. "Hei hi lo zai rawh, thil dang ka lo siam ang" tih pahin broccoli leh thlai dang chu a sil fai nghal mawlh mawlh bawk.







"Lawk in" ka ti hluai a, a rawn hawi vat. "Lawk aw" tih pahin ka piah deuha apron chu ka la a, mahnia awm tih tak ah pakhat chiah a lo nei, a hmang khat viau ani tih lah en thuak pawh in a hriat.








"Eng nge i tih a?" a tih pawh chu chhang lem lovin ka beng fai thak thak a, a bula kalin hak tir ka tum chu a tawlh dawrh.






"Engnge tih i tum?" a ti deuh hrawih a, "Engnge ka tih vak ang, ka hak tir dawn che" ka tih chuan tha deuh in a ding ve leh mai.







Huizzz a rim han tui zia kha, theih se pawm vawng vawng ka'n chak khawp a, "Hengte chu hmeichhe hak chi a nih hi" ti nuah nuah in chair ah chuan a thu a, "Kei ai chuan i mamawh zawk ang" tih pahin ka nuih a, a khi ve sak in ka hria.






"Tui lum kha lo la lawk teh" a tih chuan phurk zetin gas stove awmna lam chu ka pan a, engnge ka ngaihtuah pawh ka hrelo, mittens tello in kut lawngin lak ka'n tum mai anih kha, a sa lutuk chu ka thlauh nghal, ka ke ah tak a la baw zui.








Ka au thawt a, ka thu nghal tawp bawk. Rang zetin a rawn kal a, engmah sawi lova min pawmin bathroom lamah min phei pui a, ka kawngah dawmin ka ke chu shower in a phuh nghal seng seng bawk.








"I va fimkhur lo ve, engtinnge i tih buak theih a?" tih pahin chiang zetin min en a, ka chhang theilo, a hmel that zia mawlh hi....!






Ka hnaih zel a, kan chal chu a in dek tawh tih ah a hawi sawn hmak a nih chu, a chil lem ri khalh pawh ka hre thei, a khai awww kan police pa chu a lo zak ve thei a nih hi.








Living room ah min pawm pheiin sofa ah min thuttir a, bedroom ah lutin rei lo te ah first aid box nen a rawn chhuak leh a, lei ah a khup nghat in ka ke chu muangchangin a la kang a, damdawi hnawih mawlh mawlh pah chuan "A na viau em?" a ti sap, ka chimawm hi ka chhuah chak leh tlat thin. "A na lutuk, dim deuh rawh" tih pahin ka chhing sawk a, mahse a na over chuang lo hehee min rawn en zeuhin ka ke chu a chhem anih chu!! A nawm zia kha.











"Tikhan lo awm la, ka va siam chhunzawm mai ang" tih pahin a ding hluai a, "Mos" ka lo ti hlut, a rawn hawi a, a mit ah tak en chuangin "Ka lawm e aw" ka ti sup a, min chhang lem lovin a kal nghal.








Tiang em em a mihring in la value hi ka la hrelo, mahse ka ngai na tho bawk si.








Moses POV





Kut lawnga tui so hlim lak han tum reng reng, engnge maw a ngaihtuah thin ni? A thil tih buak chu ka tifai mawlh mawlh a, ei rawng chu kan bawl zo titih tawh thodi mai.



"Mos, i phone a ri" a rawn tih chuan rang zetin ka phei nghal a, nui tut tut pahin "Tunge queen of company chu?" a lo la ti zui, ka nu tih hria se chuan a nui bik miahlo ang mawle.








"Hello" tih pahin sofa ah chuan ka thu thla hnawk a, "I luhlul kha bansan la, lo haw tawh mai rawh" a rawn ti nghal tawp. "Engvangin?" ka ti hmuk a, Lawmi chu ka melh zeuh bawk.






"Engchen nge hetianga awm hi i tum reng reng a? Nangmah in dahsan kha duh tawkin lo haw mai rawh"

"In dahsan maw?!" Ka nui hak a,, "Hna ka nei a, in pawisa tel lo pawh khan kan in enkawl thei em em ang"


"I hna sawi kha eng hna nge? Tunah pawh an suspend mek che tih ka hria a nia, nupui neiin company hi enkawl la i tan a tha zawk" engmah sawi lovin ka off nghal hmiah.






Lawmi chuan min lo en kuau a, "Diklo a awm em ni?" in thiam lo hmel zetin a rawn ti, ka lo nuih suk a, "Aih, ka va in tifai anga, chuan thil kan ei dawn nia" ka tih chuan a lu a but nghauh nghauh.









"Zanin chu chhuah ka ngai a, i duh hunah i lo mu mai dawn nia" chaw ei lai chuan ka ti a, a thil ei lai tawp meuhin min rawn en, "Khawnge i kal dawn?" a ti deuh hmuk a nih chu!!






"Privacy deuh, i hrethiam mai em?" tih pahin ka kiai suk a, a nui duh derlo lehnghal.






"Sawi tha teh, khawnge i kal dawn?" a ti leh a, "Ka thian pakhat ka hmu dawn" tih paha tho in bedroom ah ka lut nghal.







Rei lo te ah a rawn thleng chawpchilh ve nghal a, "Chhuak lo mai rawh" a rawn ti leh hram, "Nangmahin i cheng reng thin a ni lawm ni? Engmah hlauh tur a awm lo" ka lo ti hlut.






"Mahse i bula awm ka duh a lawm" ka melh kawk a, a thil sawi chu a mah pawhin a awih chiah lo aniang, a meng lian emai.








A tum loh deuh a sawi nia ngaiin engmah sawi lovin ka jacket chu ka ha mawlh mawlh a, bedside table a ka car chabi ka la chiah chu "Kal suh ka tih chu" a rawn ti leh thawt.








Ka va melh zeuh a, min rawn pan hnaiin chiang zetin min en, "Mos, ka duh tak zet che a ni" ngawi rengin ka melh tlawk tlawk ringawt, henu hi a â zo tawh emaw ni le..!



"Zakthei lo min ti ani mai thei, mahse ka duh takzet che a ni" a sawi danah chuan a inring tawk hmel fu bawk si.





Ka tih ngaihna hrelo chu ka nui hawk a, mahse ka kâ chu ka chip leh vat.





Chutah a mah chu a rawn nui hak a, thawk la hawkin a pen hnung hret bawk, "Min ngaihdan tur ngaihtuah miah lo va hetianga ka tawng chhan hi ka hre bik lo, engpawh nise min huat loh hram ka beisei, i tlai ang, kal tawh rawh" tih pahin Living room lamah a phei nghal a, a mit meng tle sawr sawr kha mittui tih ka hai lo.






Ngawi rengin ka chhuak a, sofa ah puana inkhuh in a lo mu than tawh, a tan a nawmloh ka hlauh avangin be lemlo in ka chhuak zui nghal.








Motor khalh lai pawh chuan thil dang ka ngaihtuah thei lo, ni e, Lallawmkimi thil sawi khan min thawng takzet a lawm, a thil sawi kha a tih tak tak ka ring lo, mahse lo ti tak tak ta se.....







Aih, a theih loh, a theih loh a ni tawp, a ni te chuan buaina bak engmah min thlen lo, a mah vangin ka hna atang ka chawlh a ngaih phah hial a nia.







Jimmy te in ka thlen chuan thawk la hawk in car atang ka chhuak a, inchhung ka lut chiah chu min lo kuah nghal chuk chuk ringawt.







Pu Alex-a pawh a lo awm a, a bula thut pah chuan "In nu i ngaihtuah chuan va haw rawh" ka ti nghal zat a, "Nang hi ngei awm viau zel suh, tinge i in a kan rawn kal chu i phal loh tak tlat?" tih pahin a thut dan chu a siam rem sauh sauh a.








"Aaa zawhna min zawt rih lo teh, ka chau ania" tih pahin sofa ah chuan ka thu awn duai a, "Anih chuan lem sak ila" tih pahin Jimmy chuan wine a rawn lek kang va va a, kan phurkan hlawm viau.







Lawmi POV




Eng rilru puri in nge kha thu kha ka sawi ka hrelo,, mahse ka sawi chhuah avang khan ka thawveng phah chuang derlo.





Min huat phahin a in a awm ve min phalsak tawh lo ta se, tunah pawh min be lovin a chhuak hmak a nia, engtinnge a hmel ka hmuh ngam tawh ang?! Dar 11 a ri tawh, Mos-a a lo la haw lova, ka call ngam der bawk silo.






Puana inkhuha mutthilh ka tum ngial pawhin ka harh tulh tulh mai bawk si, chutah kawngkhar chu a rawn ri rawk a, ka thu chhuak nghal vat, muangchangin Mos-a chu a rawn lut a, chiang zetin min en.






Ka be lo a, eng emaw tal a sawi hun chu ka nghak ani ber. Min rawn pan hnai a, sofa atang chuan ka melh chho ha, a chil chu a lem khalh a, ka mit ah tak min en chungin "I hria em? Nangmah vanga ka buai zia hi, ka tihpalh, kei chuan i lakah eng rilru mah ka pu ve lo" a sawi zawh rual chuan bedroom ah a lut a, kawngkhar a khar zui hmak bawk.






Sofa ah chuan thu mu titih in ka awm a, ka thinphu rang lutuk chu ka dawm vang vang.








Engvangin nge ka duh thu kha ka sawi ringawt le? hetiang hi kan ni dawn tih hre sa tho tur ka ni si a.






Beiseina ka nei sang hran lo, mahse min duh loh thu min hrilh meuh chaun vih sawk angin ka na vawng vawng tho.






Mu leh tawh lovin choka ah chuan ka kal a, dawhkana tui chu la in ka in nghal khawlh khawlh a, Chair ah chuan ka thu hnawk.









A tha e, rilru fim tak ka put hram hram a ngai, ka duh tih ka hrilh a, a nin min duh lo thung a, tunah chuan ngai awh a ni mai.





Engtinnge a ni ang police officer lehnghal ka lo duh ve ringawt ngam zawk le, bialnu a nei em tih pawh ka hre tawp silo.







Ka mittui rawn luang chu duh lo zetin ka hru tawk tawk a, tunah chuan rilru thar ka put a ngai tawh, hmeichhe nep tak anga tap mai mai thei ka ni lo.







Choka a rei fe ka thut hnu ah sana chu ka en zeuh a, dar 12 a lo ri tawh, naktuk ah hna ka thawh a ngai dawn si a, tlem tal ka mut loh chuan a tha lo ang.



***




Ka alarm chuan min ti harh zawk a, nizan khan ka lo chhing ve sek a nih dawn hi.





Tho vatin ka hmai ka phih a, Mos-a lo thawh hmaa chhuah ka duh avangin chawhmeh chu ka siam nghal mawlh mawlh.




Ei theih sa diama dahin chhuah ka tum a, awi nilo, tuna ka thuamhnaw hak lai nen hi chuan chhuak chi ka nilo.






Dim zetin bedroom Kawngkhar chu ka hawng a, ka thuamhnaw hak tur chu la in bedside table a ka bag chu ka va ban dek dek a, a rawn tal deuh chuan ka phu zawk, mahse a harh lo hlauh.







Awi a hmel han that zia hi aw, a hnar, a hmui, a engkim hi a tha, nilo nilo, Lawmkim, theihnghilh teh, ka bag chu la in ka chhuak nghal vat.





Tumah an awm chuanglo tiin Living room ah chuan ka inthlak mawlh mawlh a, pheikhawk ka bun laiin bedroom atang chuan a rawn chhuak hlawl, dar 7 chiah a la ni si a, tinge tuk in ah ber kher a thawh hma le...





"Tun angah khawnge i kal dawn?!"

"In luah tur zawn ka duh a, hna ah ka tlang ang" ngaih pawimawh loh tum zetin ka bag ah na hrui chu ka siam tha mawlh mawlh a, "Nizan vang kha a nih chuan theihnghilh rawh, i chhuah kher a ngai chuanglo a nia" a rawn ti sap a, ding hluai pah in "Ni lo e, midang min puih na atang ringawt a dam khawchhuah ka tum chuan a tha lo ang,in luah tur ka hmu hun hun ah ka chhuak ang, choka ah ei tur ka dah a, i lo ei mai dawn nia" ka nuih seih a, ka bag chu la in ka chhuak zui nghal.












Huiham😂a ngaihnawm leh ngaihnawm loh te kha min lo comment sak ve ula 🤭 tichuan in comment chu eng ang pawh ni se a ziah lam hi ka lo phur leh sawt mai ang, a ngaihnawm phah deuh mai thei bawk a,😂🤭😘😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)