FORBIDDEN ABYSS BY Maveni Hmar (Completed)

[Ngaia]

CHAPTER _ SEVEN


Brandon's P.O.V


Privilege Bar ka thlen chuan 'CLOSE' tih hi hawrawp lian tawk hian a lo intar kulh mai a. Shin Bi chuan min prank a nih ringin kir leh mai hi ka rilruk lai tak chuan bar neitu birthday a nih vana a close thu Shin Bi min hrilh kha ka hre chhuak leh zawk a, bar chhungah chuan ka lut leh ta zawk a. Music ring taka play-in an lo lam suau suau tawh mai a.


Chungho zingah chuan Kai-a chuan ka mit a la nalh a, hmeichhe pakhat nen nui bawk bawk chunga an kal dun lai kha ka mitthlaah rawn langin ka thin a rim thar leh thut a, amah chu hmu lo derin ka kal pel a, Iren-i chu ka pan ta nghal a. Ka rose par bawr tam tak ka ken chu pein,"Saeng il chukha hamnida,Irene." tiin a biangah chuan ka fawp zauh a.


Hlim taka nui var varin min rawn melh a,"Gamsa hamnida, oppa." a ti a. Pangpar dah tha tura a kal sawn rual chuan Kai-a chuan paper bag uk khai hian min rawn pan phei thuai a. "Hyung, hmanni a i thawmhnaw kha ka su fai a, ka rawn ken che a." tih pah chuan a bag ken chu min pe a.


"Ka lawm e. I rawn kal dawn tih hria ila chuan i thawmhnaw ka hak haw pawh kha ka rawn keng tur a nia." ka ti a.


"Min pek let leh kher a ngai tawh lo ang." tiin a nui sak a.


A nui hmel mawi lutuk chuan ka thawk a tichham lo chauh, a hmel ka han en thin a hmeltha hi ka va ti chiang tak. A hmui lah chu fawh hlawih hlawih chakawm khawp hian a sexy a ni. Nie, kha hmeichhia khan a fawp em em ang. Thinrimna leh thikthu vang chuan ka sa pup pup mai a, a hmaiah chuan hnek chawrh mai ka duh ut ut mai. Iren-i banah chuan kaiin,"Hawh lam ang le." tiin lamtual lamah chuan ka kai phei ta nghal a.


Midang lam karah chuan kan va inthawlh lut ve nghal a. Kai chu ka va melh leh ngat a. A bula zu no chu lain a tlak pawp a, hmun dangah a kal sawn ta nghal a. Khawiah nge a kal ang?


Music tawp hma hma chuan,"Irene, zu in ka mamawh tlatin ka hria.'' ka ti a, lam tual chu ka chhuahsan ta a. Bar lamah pheiin zu chu ka in pawp a. Kai pawh chu a rawn let leh a ka bulah rawn dingin zu no khat chu a rawn tlak leh pawp a, zu chu in ruih ngei a tum niin a lang.


Hmeichhe te lam leh pian fuh zet mai chu kan awmna lamah rawn pheiin "Kai, lam i duh em?'' a rawn ti a.


Kai chuan min rawn melh hriam hrak a,"Tehreng mai, baby." tiin zu no khat dang chu a tlak leh pawp a. Hmeichhe banah chuan vuanin lamna hmun lamah chuan a kai phei ta a. Music rem chuan inkuah chialin an lam dun ta a.


Ka thin chu a so bulh bulh mai. Saw hmeichhia sawn Kai saw a khawih tur a ni lo. Thikna nasa tak chuan min rawn tuamin, ka thik lutuk chu ka alh lo chauh a ni. A taksa nalh tak saw keimah chiah lo chuan an tawk tur a ni lo, ka hmaah chiah lo chuan a i phelh ruak tur lah a ni hek lo. Thinrim zet chuan zu chu ka in leh pawp a.


Ka melh reng lai chuan pawn lamah an inkuah chhuak ta a. Thikna meipui chuan min kang alh pup pup mai a. Zu chu tlak leh pawpin ka zui chhuak ve ta nghal a, motor park-na lama an chhuk ka hmuh phei chuan ka kal chak sauh a, a car hunna an thlen dawn chuan," Kai, lo ding teh." ka ti thawt a.


An pahnih chuan an rawn hawi rual thawt a, Kai mitmeng atang chuan a rui thawkhat tawh tih hriat tak hian a meng phi chiai a, a lang sexy kher leh nghal. Ka pan hnai a, a hmaiah chuan ka va hnek ta pawp a. Hmeichhia chu a te thawt a. Ka tha tawpa hnek ka ni lo, ka hnek na vak lo hrim hrim, ka hnek nat phal loh vang a ni ber ang chu.


Rum tawk hian min rawn melh a, hmeichhia chu melhin a nuih sak a,"Baby, engmah hlauh tur a awm lo. Lo va lut leh la hyung hi ka'n be fal lawk ang e aw. Thil sawi fel tur kan nei a." a tih rual rual chuan hmeichhia chu bar lam panin a tlan ta nghal a.


"Kai hian tu kut thlawn mah a ba ngai lo." tiin a kut tum chu a rawn vai phei fua a, lo bum a lo thleksawnsan chu ka hman reng nain ka hnek vanga kut thlawn baah a inngaih ka hlauh avangin ka inhnek fuhtir a. Ka biang ki ruhah tak rawn hnek a ni bawk a, a na thawkhat hle.


Min rawn hnek nawn leh a tum mek lai chuan lo inher zauhin a banrekah chuan ka man a ka lamah phih hnaiin ka kuah bet ta ran a. "Min thlah nghal rawh."


A car bang ngheng chuan ka nam bet rawk a, "Kha hmeichhia kha mutpui tumin i chhuahpui a maw?" ka ti chang fak a.


"Ka duh leh ka mutpui anga i buaina tur a awm em ni? I bialnu a ni em ni?" tiin min melh thip khai mai a.


"Ka buaina tur a awm lo maw?''

" Aw, i buaina tur a awm lo. Lo buai ve suh."

A inrin hman hma chuan a hmui sexy zetah chuan ka fawp ta chawt a. Ka lungphu chu a tlan hian a tlan zawih zawih ni maiin ka hria. A hmui fawh nuam lutuk leh lum hiam mai chuan nasa takin min tiphur a ni. Chintawk awm lek lo hian ka fawp hlawih hlawih a, min lo dan emaw tal chhuah tumna pawh nei loin a lo indawh tawp mai a. Chutah ka beisei loh leh rin loh ang takin min fawp let ve ta a nih chu.


Ka rum halh a, dimdawi zawk chuan thawk dan raih thleng chuan ka fawh chhunzawm ta mawlh mawlh a. Kan inthlah meuh chuan boruak mamawhin thawk kan la dun halh halh a. Ka awm chhungah kuah bei chialin,"Ka buaina tur a awm loin i la hria em?" ka ti sap a.


"Ka hmuh lai ngeiin hmeichhe dang i fawpin i lampui a nih kha. Hmeichhe pakhat i fawh chuan pathum ka fawp ang."


A khabeah chuan chawi dakin "Mi tu pawh hmeichhia emaw mipa pawh nise i taksa hmawr pawh an tawk tur a ni lo." ka ti rum ul a, a hmui inkau hiauah chuan ka lei chu rawlh lutin a ka chhung hnawng chap leh lum hiam mai chu hawl kualin ka liak kual vel a, sexy zet hian a rum hak a.


Min tizauthau hneh kher mai, a kap bawr chu ka mal chuan ka han nawk a, a mipatna khawng luah chu ka hre thei. " I car kawngkhar hi hawng rawh." ka ti sa sa a.


A car a hawn chuan kan thu lut dun nghal a, a biang tawn tawnah ka kut chuan ka khuap a, ka fawp leh nghal mawlh mawlh a, "Nang hian midang i kuah leh ang em?" ka ti hak a.


"Midang i fawh loh phawt chuan..."


Ka awmdan hi ka inhrethiam tawh bik lo, he pa hi eng vanga duh ngawih ngawih nge ka nih le? Hmeichhia tam tak an awm laiin eng vanga mipa ber kher thlang nge ka nih? Mipa ka vawi khat fawhna hian hmeichhia ka fawh aia let tam takin phurna min pe hi a dangdai vang leh ka tihngai loh thil a nih vang a ni thei ang em?


A kut zungtang sei sal mai chuan ka dul leh awm bawr chu a rawn dap riai a, min timur ar ar thei a ni. Ka kawr chu hlimin ka hnute hmur leh awm bawr chu a liak ne ne a,ka lo thaw halh a. Ka dul ser chu a kut zungtanga tawkin a fawp zauh a."Hei hi eng vang nge?"


"Kan insualna lamah min vihna a nih kha."

A ser lai chu a liak zei zei a,"Bad boy ve thei hle a ni maw?" tiin a nui hak a.

"Eng ang taka bad boy nge ka nih ka hmuhtir dawn che alawm." tiin ka kekawr zipper chu phelhin ka khupah ka pawtthla a, "A bul i tan bawk a, a tawp i thlenpui ngei a ngai ang." tiin ka mipatna khawng kawh luah chu phawrhin a lu chu ka kuai kun ta nghal a. " Fawp rawh." ka ti halh a.


A rawn hum chat a, a hmawr huh hlap chu a lei hmawr chuan a liak ner ner a, chutah a ka chhungah chuan a hmuam tlum ta vek a. Ka rum hak a. Ka kut chuan a kekawr kap pawng ul chu ka dap a, a kekawr zipper chu ka pawt phelh a, a kekawrte chhungah chuan ka zen lut ta a. A mipatna khawng lah chu humin ka sum ta zawt zawt a. Sexy lutuk a rum hak pah chuan ka thil a fawh lai chu a fawp rang sauh a.

"Oh, my f**king god...baby, i thiam lutuk." tiin ka rum ham ham a, a ka chhung sa hiam chuan nawmna nasa tak min pe a, ka mawng chu tikangin a ka chhung thuk zawkah ka dep lut a, a uak mai dawn a vang chuan ka phawi leh ta a. Amah bawk chuan rawn hmuam lehin nuam lutuk hian min fawhsak leh ta..ka insum zo tawh lo, ka tawp a hnai. Rang lutuka ka kut chu chettirin a thil chu ka hrawtsak a.


A rum ham ham a, "Ka tawp dawn, hyung..." a ti tham tiak a.

" Tawp rual ang aw..inring rawh.." tiin a ka chhung thuk takah chuan ka dep zawt zawt a, ka kut chettir reng pah chuan. Ka baw chu a ka chhunga ka chik luhtir rual chuan ka kut bawr vel chu a baw lum piat chuan a rawn phuh huh ta vek a.


"Lem vek rawh,baby." ka ti sa sa a. A lem ta vek a," Eng nge a taste?''


Meng de ser ser hian min rawn melh a," A lum al puat." tiin ka awmah hmai phumin a thaw hlat hlat a. A sam fai siau leh rimtui tak chu ka fawp a romol chu la chhuakin ka kut bawr vela a baw kai chu ka hru fai a, a kekawr kap vel pawh chu a huh phang a, ka hruk ngial pawhin a fai zo lo val a la awm tlat.


"Tun hmain mipa i kawp tawh thin em ni?" tiin ka zawt tawp a.

Rawn hawi chhuakin min rawn melh thuai a," A teuh lo mai. Tunah pawh hian bialnu ka nei reng asin. Mipa hian ka mit an la ngai lo a, ka mipatpui hi blowjob ka tihsak ang tih pawh ka ring ngai hek lo - nang ka tawn hma che kha chuan." a ti ta a.


A mipa fawh hmasak ber ka ni tih ka hriata ka lawm rual rual chuan a bialnu chu thik tak tein ka thik a ni. He mipa nalh chungchuang tak hi keimah chauh a pumbilh ka duh a ni.

"Tunah bialnu i nei maw?"

"Aw."

"A nih...kei hi i eng nge ka nih ve tak?" ka thik zia chu tihlan loh hram hram ka tum a.

A kekawr zipper zip that mawlh mawlh pah chuan min rawn melh ralh a, "Ka hre lo...ka hre lo tak zet. " a ti halh a.


A thu sawi chuan min ti na zawk mai a. A tan chuan engmah ka lo ni lo tihna a nih chu. Thinlung na tak chuan ka nui hak a, "Aw le, a that chu. I bialnu chu hlim takin i siam ka beisei." tiin ka kekawr chu ka ha tha mawlh mawlh a, car atang chuan ka chhuak a, bar lam pan chuan ka kal leh ta nghal a.


An rui tlang tawhin ka awm leh awm loh pawh an lo hre chang tawh lo tih hriat tak hian min lo ngaihsak hran lo. Zu chu ka inthlit leh a ka pum ruak lutuk tur vennan chuan fried chicken chu ka ei pah mawlh mawlh a. Zu chu ka in pawp a. A bialnu aia min dah chungnung zawk lo chuan min tina khawp mai.

Irene chuan min rawn pan hnai a, rui tih hriat tak hian a meng phi chiai a min rawn melhin min rawn ngheng talh talh a, ka lo nuih sak a. "Tlem chuan i kai tawh deuh niin a lang." ka lo ti sap a.


" Aih, ka rui miah lo. I hmelthatna chiah ka rui." tiin ka nghawngah a rawn kuah a, ka fawh rem tur chuan a hmui chu rawn dawhin a ang deuh phiau a. Namsawn mai ka tum lai chuan gay ka ni nge mipa dik tak ka la ni reng em tih finfiah duhna chu ka ngaihtuahnaah a rawn lut zawk a. Ka kuah lawk a, a heh sen vam hamah chuan ka fawp ta chawt a.


A hmui leh ka hmui a insik chuan keimahah eng danglamna mah min siam lo. Tuisik kan in dawna kan hmuiin tui suahna no a si nen hian danglamna pakhat mah a nei lo. Ka nam sawna ka tawlh hlatsan rual chuan keimahni min lo thlir rengtu kawngka bula ding Kai ka hmuh chuan ka thinlung chu a tek nghal chhawk mai.


A mitmeng mawi takah chuan tawrhna hi ka hmu a, chu tawrhna chu huatnain a rawn thlak leh a. Inher hmakin pawn lamah chuan a tlan chhuak leh ta nghal a. Ka um zui nghal zat a, a motor bul a thlen hma chuan ka va um pha mai,a darah chuan vuanin kuai her lawp mai hi ka tum a. Rawn inher nghal zawk pah chuan a kuttum chu a rawn thlawk nghal fua a, ka hnarah tak chuan a rawn hnek a, thisen hi a baw nghal zawi a. "F**k!" tiin ka au thawt a.



" Midang thinlung hi infiamna tualzawlah hmang tawh suh ang che." a ti vawt raih a.


Ka hnar thi chu ka kut hnunglama hruin a tukhum samah chuan thamin ka kuai dak nghal lawp a," Tuin maw tu emaw thinlung chu infiamna tualzawla lo hmang chu?" tiin a nghawng leh ir velah chuan ka seh fawhsak ta nawk nawk a. "Tikhan hickey tam tak i nei ngei ang. I bialnu duhtaki chuan he hickey i neihna hi hriat a duh ngei bawk ang. Ka ta, ka chhinchhiahna pu ngat tawh i ni tih hria ang che." tiin ka rum nghut a.


"I chhinchhiahna putu mi tam tak rual zinga pakhat nih hi ka duh lo. " a ti vawt raih a


"Kei hi play boy-ah min ngai em ni? Bialnu nei reng chunga midang tang chhunga beia zei fahran maia blow job thei kha nangmah i ni lawm ni?" ka ti hriam hrak a. He nau hian min fiam kual tur a ni lo, tu bungrua mah hi tawm ka duh ngai loa, ka thawmhnaw tak ngial pawh midang khawih ka duh loh laiin midang nena ngaihzawng intawm tih phei chu hnai lo tak a ni.

He nau hian a bialnu a kalsan a nih loh chuan ka hnim hnai tawh lo ang. Chu chu ka thu tlukna a ni. A nghawng no taka ka hickey siamsak chu hmun thum ngawtah a lang senduk raih a, a bialnu nen an inhauh phah ve ngei ang tih ka ngaihtuahna chuan nunrawn hmel tak hian min ti nui suk a. Nam sawn dawrhin ka bike-ah chuan ka lawna hawi kir tawh hlek lo chuan ka tlansan ta nghal a.


Kai's P.O.V

Bronson hyung tlan liam tur chu ka thlir zui tlawk tlawk a, mahni intenna, phatsan nia inhriatna leh phatsantu nia inhriatna chuan ka inpawlh nuai mai a. Ka motor chhungah chuan lutin steering wheel bawh chuan ka tap ta hial a. Ka mittui tlak chhan ber pawh chu ka hre lo, ka thinlung chu chhum zin hnan mup ang mai hian a tawtin a ipik ngawih ngawih mai a.

Bronson ka hmuh hmasak ber tum kha ka ngaihtuah let leh a, airport-ah Shin Bi hmuak tura ka kal tuma hmu kha ka ni a. A jeans kekawr tetin a phuar mar tang a bawp sei leh tihrawl phiar nalh tak chuan ka mit a la hmasa ber a, a hmel pà hliah hliah leh a biang dinglam a khuavang fiah taka awm kalhte chuan min hip nghal var mai. Mipa ka ni a, mipaah pawh luck tak leh duh duh hmeichhia kawp kual thei ka ni, chuti chunga ka rilrua chu mipa hmeltha pà tak itna lo awm tlat chu mak ka tiin ka thin a rim zawk a ni.

Kha mi ni atang kha chuan ka bialnu Mira-i ai pawhin ka rilru a luah hnem zawk a, Shin Bi hnenah a phone number dil emaw a chanchin zawh emaw chu ka chak thin, mahse ka ngam ngang lo a ni. A rukin ka vei ngut ngut a, a ruk bawkin ka theihnghilh leh mai ka ring a ni.

Bukchon Hanok kawnga misual zurui nen kan intihbuai tuma a lo lang kha Pathian ruatah ka ngai hmiah a ni. Amah ngeng chiala ka mut khan ka na zawng zawng a dam sawng sawngin ka hria. Kha mi zan khan chhin khat pawh ka chhing lo, a hmeltha lutuk kha ka en kham thei lo a, a muthilh hlan chuan ka thlir veng veng renga ka muhil phal thlawt lo a nih kha.

A thawmhnaw huh a phelh zawnga a taksa nalh lutuk, a dul thep zaih leh tihrawl phiar nalh lutuk te kha ka mithlaah a cham reng a, a lakah hian ka tuiral vek a ni. Amah si cheta ka mutte chuan ka kawchhung atangin ka lum pup pup a, ka lungphu lah chu anih tur baka rangin a phu zawih zawih reng a.

Mahni anpui inkawpa inngaizawng emaw innei te hi ka va haw em em hran lo a, ka laka thleng tur erawh chuan ka suangtuah ngai lo a ni. Mahse, chu thil chu keimahah a rawn thleng mek chu a ni ta si. Ka mipatpui chu nasa takin ka vei a, ka thinlung hi ka thunun zo thlawt lo. Amah ka duh rukna leh ka suangtuah rukna chuan ka inawi tlei zo lo, amah ngei chu neih a hmangaih ka duh a ni. Hmangaih ka ti em ni? Mahse Brandon ka duhna hi duhna satliah leh itna satliah mai a ni nge hmangaihna tih chu ka chiang ngam chuang lo. Duhna leh itna satliah atan chuan a chak mah mahin ka hria.

Steering wheel-ah chuan ka lu chu ka tauh chawrh chawrh a,"Kai, mipa, mipa diktak i nih kha Brandon hi theihnghilh rawh. Ani hian enga tan mah a ti lo che." tiin ka phun mawlh mawlh a.


A thawmhnaw ka sukfai ka kensak pawh kha hawn loin a tlan haw a ni sia, a thawmhnaw va la tur chuan bar lamah ka lut leh a, dawhkana a thawmhnaw ka khung khawmna paper bag uk chu lain ka car lamah ka let leh ta a. Thinlung tawt leh hním ruih chuan kan in lam panin ka inkhalh haw ta a.

Heart transplant nei ta ila ka theihnghilh theih phah ang em? Amah ka theihnghilh nan chuan thinlung thar hlak ka mamawh dawn a ni. Heti em em a mihring zún ngah leh ngaih nâ hi ka la tawng ngai lo a ka tawn leh tawh pawh ka ring hek lo.

Brandon.

Brandon.

Ni, chu hming chu ka thluakah a intuh nghet tlat tawh, theihnghilh leh rual a ni tawh lo.

[Ngaia]

CHAPTER _ 𝙀𝙄𝙂𝙃𝙏 & 𝙉𝙄𝙉𝙀

Kevin's P.O.V

Korean traditiinal chaw hrisel tak tak an siamna, resraurant changkang leh romantic ruih mai Jihwaja-ah chuan Haeju nen chuan zanriah kan kil dun dawna ka phur lutuk chu ka phi deuh chung hian a hriat. Ka inchei pawh ka inulukin darthlalang hmaah chuan hun ka hmang rei kher mai. Naupang chhe thil thar nei ang maiin ka phur surh mai a nih hi.


Ka va thlen chuan a hmel chu a eng phet a, hlim vanga mitmeng de neuh neuh chuan min melh a, "I lo thleng thei maw?" tiin min lo nuih ver ver a.


Darthlalang hmaa nuih dan tur ka zir lawk zinga nalh thei ang ber chuan ka han nuih let sak a," Min lo nghak rei tawh em?" ka ti thuai a.


"Hmuh che ka nghahhlelh vang nge ka hre lo darkar sawm chuang vel ka thu tawhin ka hria." tiin nalh tak hian min rawn sir melh ralh a.


Amah hmachhawn zawnga thuthmun rem pah chuan ka melh vang vang a. A hmel chu a pangngaiin a mitmeng pawh a fim kak a, engmah a rui lo tih ka hriat chuan ka lawm lutuk chu ka nui sak a."I hmel hmuh a nuam khawp mai. Rui chung ai chuan i harhfim hian i hmeltha zawk daih a nia." ka han ti a.


A zak chu a sen deuh tan tan a, "Kan inhmelhriat dan kha a zia lo ka ti em mai..." a ti niah niah a, a zak hmelte hlei hlei chu a thain ka hria.


Menu melh vang vang pah chuan,"Kei chu kan inhmelhriat dan kha a special riau ka lo ti asin." tiin ka nui hak a. Kan duh zawngte kan chah hnu chuan a mitah tak melh ran chungin,"Damdawi i khawih loh pawhin i buai chuang miah lo a, i nghei hlen thei ang tiraw? I thei ngei ang." ka ti a.


"Ka duh hun hunah ka nghei thei ka tih kha. Kan inhmuh tirh a i thusawi HIV hrik ka pai leh pai loh in test tir a, ka pasal tur tan tha taka nung tura min chah hnu khan ka in test tir nghal a. Ka thisen a la thianghlim ngeei a ni tih ka hriat hnu chuan ka khawih chhunzawm tawh lo nghal a ni. Ka pa hremnan chauh a khawih kha ka ni ve hrim hrim a."


"Ka ring che a ni. I sim hlen theih chuan a lawmawm ngawt ang."


"Sungjae, ka pasal tur chu putar ni loa nangmah i lo ni tih ka hriat tirh a ka lawm zia kha i hrethiam lo ang. Diktak chuan maw, ka pain ka pasal tur min hmelhriattir hnua ka nu bula kal ve turin Han Lui a zuanthlak ka lo tum asin. Mahse nangmah i ni tih ka hriat khan ka thil tum chu ka thlak leh ta a ni.


A kut no nalh tak chu ka humsak vang vang a, "Mahni intihnat duhna rilru i put hi bansan tawh ang che. Tun chinah chuan khawhar leh rilru nain ka siam ngai lo ang che." ka tu malh malh a.


"Ka pasal tur chu nangmah i ni tih ka hriat chiah khan ka rilru put hmang chu ka thlak nghal alawm. Nang hian ka nunah danglamna nasa tak i rawn thlen a ni." a tih chuan hlim luat vangin a hmel chu a eng phet mai a.


"Tun chinah chuan eng rilru hahna emaw hrehawmna emaw i nei a nih phawt chuan min hrilh zel la, kan pahnihin kan ching fel zel tawh ang. I nat hi ka duh lo, i nat leh ka phal ngai tawh lo ang." tiin ka thinlung tak chu ka sawi chhuak a.


Kan ei tur chahte a lo thlen takah chuan puar takin kan ei dun ta mawlh mawlh a. Thil kan ei kham chuan kut invuana insi rialin Han Lui kamah chuan boruak thiang dawngin kan chhuak dun ta a.

Zan boruak thiang kak leh ka bula nula rimtui tak leh lasi nula ang maia hmeltha chuan boruak chu a tinuam zual ngei mai.

"Ka nuin min boralsan atanga ka hlim ber tum a la ni ngei ang. Tunah chuan damchhan tur leh he khawvel thlakhlelh chhan tur ka nei ta che a ni." tiin ka ban chu a kuah a, min ngheng talh talh a.


Ka ke pen chu tawp chawtin ka awmah chuan ka kuah bet thlawp a, kan thinlung chu hmun khatah a rualin a phu dun hlawp hlawp a. A heh sen vam ham mai inkau tiarah chuan ka fawp ta chawt a. Ka taksa chu electric current man ang mai hian a tek chhuak vek a.


Ka kalsan ang tih hlau ang hrim hian min kuah bet nghal chial a, ka fawhna chu duhthawh takin min chhang let ve nghal. Hmangaihna hian hmuh theihin rawng chhuah thei nise chuan Han Lui kamah chuan hmangaihna rawng chuan a eng de chuai chuai ngei ang.


Ka thin chu a phu zawih zawih a, ka haeju hi ka kiangah ka awmtir reng anga, ka hlatah ka awmtir lo ang. Ruihtheih thil mamawh lo turin leh a nu a ngaih em em pawh chhawk zangkhai ka tum tawh ang.


Luikama thutthlengah chuan ka kuai thu a, ka fawp mawlh mawlh a, fawh mai ka duh tawk lo, ei zawh vek mai ka duh rum rum hial a ni. A nghawng leh awm bawrah chuan ka fawp kual dan dan a, a rum hak a. "Kan inhmuh hmasak ber tuma min sawmna kha a la nung reng em?" ka ti halh a.


"Eng sawmna maw?" a ti khur der der a.


"Mutpui tura min sawmna kha..."

"Aw, tehreng mai..."

Ka fawp uar sauh a, a hnute kawh lah chu thamin ka hrawm kual vela a rum tiah tiah a. A rum rite chuan min tiphur tak zet a ni. A kawr chu hlimin a hnute hmur pir lah chu hmuamin ka liak kual na na a.


"He lai hmunah hi chuan kan ti thei lo ang..."


Ka pawm nawlh a, car kan hunna lamah chuan ka pawm phei ta vaw vaw a. Ka nuna a vawi khatnan car chhungah chuan hmangaihna kan chen dun ta a. Nie, Han Luikamah chuan car lam thei kan siam hi a ni ngawt mai. Ka nupui la ni mai tur nulat thianghlimna chu thliakin hmangaihna par zu chu tuiti takin kan dawn dun ta a.


Car chhung chep zet karah pawh nawmna vawr tawp kan thleng dun thei a nia, hmun fianrial leh thawlnuam taka duh tawka chintawk awm lek loa sawngbawl chu ka thlahlel ngawih ngawih a ni.


Brandon's P.O.V


Monday a lo thleng a ka hna zawm tur chuan ka insiam mawlh mawlh a. Suits leh tie hi ka ngainat loh em avang chuan dan pangngaiin jeans leh T-shirt a ni leh tawp mai.



Kal pah chuan AncestryDNA Laboratory-ah chuan ka nu leh keima DNA chu khaikhin turin ka pe a. Ni sawmpahnih hnu-ah result chu rawn lam turin min ti a, emergency thilah chuan ni hnih hnu leka chhuak tur pawhin a tih theih nain ka case a emergency lem loh avang chuan ka nawr hmanhmawh duh ta lem lo.


Company building ka thlen chuan ka pu office ka pan ding nghal a. A office ka pen luh rual chuan chibai buk nan a hmaah chuan ka kun zauh a, " Hna tan turin ka rawn in- report a ni e." ka ti a.


Ka hawi chhuah chuan ka pu bula chairman Min-a lo thu reng chu ka hmu ta a. Min lo hmuh chuan," Nang maw, Brandon?" a lo ti hu a.


Ka pu chuan," I hria a maw?" a lo ti hu a.


" Ka tupa nunna chhanhimtu ka tih kha a nih hi."


" Lawmman pek i tum pawha hnartu i tih kha maw?"


"Aw, ni chiang e. Hna zawnga interview tur a nih chuan la nghal tawp ang che."


Ka pu chuan kut a beng thuk thuk a, nui huah huah chungin min rawn pana min kuah nghal a," Ka chhuang lutuk che, ka tupa." a ti a.


"Ka tupa a!?"


"Mi soon-i fapa a nih hi."


"Sungjae-a phirpui maw? Phir ka hmuh tawhah chuan an la inang lo ber awm e. Mahse ani hian engkimah a chhun ber che a nih hi."


Hlim takin ka pu chu a nui huah huah a, a nuih zawng chuan a khuh ta nghal bawrh bawrh mai a. Dawkkana tui chu noah thliin pe tura ka va pan chuan a khuh zawnga a hmui hupna romol-ah chuan thisen a kai thawt tih ka hmuh chuan ngaihthat lohna a khatin tui chu ka pe thuai a, "Thisen! Ka pu, thisen i khuh chhuak a nia. Doctor-ah ka hruai ang che." ka ti chul a.


A hmui chu hruin tui chu a in ta khawlh khawlh a," Ka tha alawm, min ngaihtuah suh." tiin a kut chuan min zap a.


" I tha miah lo."

Sofa-ah chuan min kuai thu nghal,"Ka natna hi ka hria alawm. Doctor-in min enkawl mek a ni. Ngaihtuahawm ka ni lo." tiin a nui leh huah huah a.


"Tu doctor-in nge enkawl che a?" ka ti a, ka dilchhut mah mah em aw chu ka ti ve tho.


"Doctor Kim Shin Woo"


A doctor hming sawi chu ka thluakah ka chhinchhiah ta nghal a. Amah bawk chuan,"Ka dam lohna hi Chairman Min, ka doctor leh nangmah chiah hi hria awm chhun kan ni a, midang lakah pawh lo zep tlat ang che." a ti ta a.



''I dam loh chuan ngaihsak leh duat i mamawh zual zawk a ni sia, enga tinge zep i duh zawk tlat a?" ka ti ha a.


A nui suk a," Keimah vanga rilru haha an awm ka duh loh bakah buaipui ngaia awm kha ka duh lo a ni. Chu loah natna serious em em a ni hran lo bawk a " tiin min chhang a.



Ka lu chu ka thing na na a, ka pu hi a landan aiin a tha lo a ni tih ka hria a, pa luhlul a ni a, natna leh tawrhnate hi chaklo thawmhnawah ngaiin a tu leh a fate lakah a chak lohna nia a ngaih chu a pho lang duh lo tihna em ni zawk ang? Chairman Min chuan mak ti leh han chiai hmel a put loh danah a natna chu a hriatpui ve tih ka chiang bawk. Upat lamah lehnghal natna a ruka tawrh ngai leh han pangchanna tur neih loh chu hrehawm hle dawn hian ka ring. Amah duattu nupui emaw tal nei se chuan thil awmdan a danglam phah mahna.



Pawnlam landanah chuan putar chak leh thil tithei tak niin lang mah se rilru chhungrilah chuan nun khawhar leh duat mamawh ngawih ngawih a lo ni dawn a nih hi.



"Ka pu, i tha tak zet maw?" tiin ka zawt nawn leh ngata min chhah dan tur chu hresa mahila ka zawt ta tho a.



"Ka tha ka tih kha mipa buaina tham a awm lo. Ka khuh nasa thin lutuk hian ka hrawk hi ka khuh pema chuta tanga thisen lo chhuak mai chu a ni e."



Ka dar ka chhin ak a,"Thaah i inngaih tlat chuan i tha turah ngai ang." ka ti a. Chairman chu melhin a hmaah chuan ka kun zauh a,"Chibai, chairman. Kai a tha maw? He tah hian a thawk ve em?" ka ti a.


"Thawk se ka duh nen a zirlai hi zawh phawt a tum a, a zirlai a zir that zawk chhuanlamin dorm-ah a awm daih a, kan inhmu khat ang reng khawp mai. A zir zawh nan chuan kum hnih a la ngai a, a zo ve thuai mai ang." tiin min chhang a.


"Eng hna pawh thawk dawn ila thiamna hi a pawimawh hmasa ber phawt a ni." ka ti a.


Ka pu chuan, "I sawi dik khawp mai." a lo ti zauh a.


Research and Development (R&D) lamah Chief Technology Officer (CTO) hna chu chelh nghalin kum khatah $175K hlawh turin kan inberem ta nghal bawk a. India pawisa a chhut chuan ₹1,28,61,940 kum khatah ka hlawh chhuak dawn tihna a nih chu. Kum nga he hnaa experiences ka lo neih tawhna vang leh President leh Chairman min duhsakna vanga hlawh chu min san a ni tih ka hria. Midang chuan $126K te chauh an hlawh a ni. Ka hlawh phu ang ngeia thawh pawh ka tum ruh hle.


R&D lama ka thawhpui turte chu mi nelawm leh thiam tak tak an nih hmel hlawm a. President tupa anga min hmelhriattir avangin min chung en nghal hle mai ti ila ka ti sual lo ang.


Zan lamah chuan tihtur em em ka nei lo bawk a, ka laptop chu lain Doctor Kim Shin Woo hming chu ka search a, Seoul National University, Cancer Hospital-a Oncologist thiam ber a lo ni a. Seoul National University, Cancer Hospital site-ah chuan ka lut a, an database chu ka hack ta a. Hospital security system-in min chhui chhuah theih loh nan code chu ka siksawi zung zung a, undetected leh untraceable-in ka siam ta a.

An cyber security leh firewalls te chu awlsam taka nuai boin Doctor Kim Shin Woo files chu ka hai chhuak a, a damlo zinga ka pu hming chu ka thlur bing ta a. Chuap cancer niin chemotherapy lak ngam tawh loh khawp a stage sang a lo ni tawh a, chu chang a ni lo a nervous system pawh a buai tan a la tih leh zel a. Kar li kar nga vel bak damna hun a neih tawh hmel loh a lo nih chu. Chuti khawpa natna khirh tawk chung pawha engkim thup thei khawpa mahni in control-na nei tha ka pu chu ka chhuang tak zet a ni. Chu thu ka chhiar chuan pawi ka tiin min nghawng ve hle mai.


Ka pu a boral chuan Kim chhungkua hian a buai phah ngawt ang. A tu mai pawh hian a rosum duhin an inchuh ru fur mai a ni si a. A natna hi a tu leh fate bula a hrilh duh loh chhan pawh a rosum chuha an intihbuai a hlauh vang pawh a ni mahna.


Ka phone a rawn rik chuan ka en thuai a, ka number hriat ngai loh a nih vang chuan decline mai ka tum uk nain ka pick leh ta zawk a, "Hello?'' laptop bih ran chung chuan ka ti a.



" Hyung...."


Kai-a aw ka hriat chuan ka lungphu chu a rang nghal hle mai. "Kai?" ka ti sap a. Ka laptop chu hawisanin ka pindan balcony-ah chuan ka chhuak a, Seoul khawpui de chuai mai chu ka thlir vawng vawng a.


"I phone number hi Shin Bia ka dil a..Phone che ka duh lo a, mahse ka call lo thei lo che a ni." a ti bah nuai a, a tawng zawng chuan a irhfiak awk awk a.


"Zu i rui a ni maw? Khaw nge i awm a?" ka ti thawt a.


"Mix & Malt Bar-ah."


"Chu chu khawi laiah nge a awm a?''


" Jongno-gu-ah."


"Lo kalsawn miah suh. Ka rawn hruai ang che. I hria em?" ka ti bung nghut a. Zu a rui a nih chuan a taksa nalh tak leh hmeltha tak vang khan zu rui awm ve mipa hruanghrau zet zet khan an lo khawih ka hlau a ni.


"Aw. Hyung, ka ngai che."


Chu tawngkam chuan min khei hit var mai a, ka rilruah a cham reng thu leh ka ngaih zia sawi lo tur chuan ka heh ka pet fan fan a. Ka thaw hawk a, "I bul hnaiah khan bartender a awm em? " ka ti a.


"Aw."


"A awm chuan i phone kha pe nghal teh."


"Aw le, hyung." a ti sap a. "Hyung, ka hyung-in a be duh che." a tih thawm chu ka hria a.


Mipa aw hian,"Hello, Mix&Malt bartender Shangmin ka ni e." a rawn ti a.



"Khawngaihin Kai kha min lo mitmei reng rawh aw. Amah hruai turin ka rawn kal dawn a, hmun dangah a kal dawn pawhin min lo dansak thei ang em?" ka ti ta chawt a.


"I duh ang chuan ka lo ti ang e."


"Ka lawm e. A thiante nen an lo kal lo em ni a?"


"Kal a, an hawsan tawh a nih kha."


"Aw le, aw le, ka rawn kal nghal e."


Kevin chu ka text a,"Thiante nen kan chhuak dawn a, ka rawn haw lo mai thei. Madam hnenah lo hrilh mai rawh." tiin. Ka inha nghal sawk sawk a, bike chabi chu lain ka tlanchhuak ta nghal a.




CHAPTER_ NINE


Brandon's P.O.V


Mix&Malt ka thlen chuan Kai chu bar dawhkan bawhin a lo mu kawi hle mai a. Bartender chu nuih sakin "Rawn call tu che kha ka nia. Ka'n hruai haw tawh ang e." tiin ka kuah chhuak ta a.

"Hyung, i rawn kal ka ring reng ah." rui aw tak hian a tibuh nuai a.


Ka bike dahna kan thlen chuan helmet spare ka ken loh avangin ka khum lai chu khumtirin bike-ah chuan ka hlang nghal a, "Nghet taka min kuah loh chuan i tla a ni mai aw." tiin a ban pahnih chuan ka inkuahtir a. Tlanpui ta ila a inkuah nghet zo dawn lo tih ka chian em avang chuan ka romol chu ka phawrh a, a kut pahnih chu nghet takin ka tawn zawm ta a. Ka hnungah chuan bei thlawpin, "Hyung, ka hlim zia hi ka hrilh tawh che em kha?" a ti lang lang a.


"Khawiah nge ka hruai dawn che?"


"Dorm-ah."


"Khawi dorm-ah nge ni a?"


"Sungkyukwan University-ah."


Sungkyukwan chu kan awmna atanga hla lo tea awm a ni a, a hming a thangin a hming hi chu ka hriatna a rei tawh khawp mai. Kum 1398 daih a din tawh kha niin kum I895 khan modern university anga thuam thar leh a ni. Khawvel university tha thlan chhuahah 88-na ni pha a nih mai bakah kum za chuang lo teh meuh lo ding tawh a nih vang hian a hmingthang zual a ni. Zirlai pawh 25,951 ngawt an nei nghe nghe a ni.


University campus kan luh dawn chuan security chuan min lo tidingin kan id min lo dil a, Kai chuan pawr tawk hian, "Ka hmel hi rawn en la id chu a ni mai." a ti lung lung a.


Chupa chuan Kai chu a melh thuai a, chutah zah takin a kun nghal zauh a, "In kal thei e." a ti a, kan tlan lut ta nghal a.


"School of business dorm lamah aw." Kai chuan a lo ti zauh a. An dorm kan thlen chuan a kut ka phuarna chu ka phelhsak ta nghal thuai a, a dorm room chu room hmasa ber a nih thu min hrilh hnu chuan kan inkuah lut leh ta nghal a.


Intifai loa muttir mai ka tum uk nain zu rim nam huam chunga muttir chu dikin ka hre leh ta lo a, a thawmhnaw chu phelhsakin bual in lamah chuan ka kai lut ta a. A taksa a zu nam chu ka tleuh puat puat a, a ha chu ka nawhsak leh hnu chuan bathrobe ka haktir mawlh mawlh a, mut pindan lamah chuan ka pawm lut a, khumah chuan ka muttir ta nghal a.


Rui mitmeng phi chiai chuan min rawn melh a, "Min kalsan miah suh aw. " a ti nuai a.


Ka nui hak a," Eng vanga heti khawpa rui nge i nih a?" ka ti fak a.


"Nangmah vang mawle."


" Keimah vang a?" tiin a sam chu ka chhemrotir hnu-ah a mut kawr ka haktir leh a. Buaipui ngaia a awm chu hne a hnekin nuam ka ti phian lawi.


"Biak che ka duh a...ka be ngam lo che a...'


A chalah chuan fawp zauhin," Muthilh tum rawh,Kai." ka tisap a.


Ka nghawngah chuan min rawn kuahin ka hmui chu a lei chuan a rawn liak kual vel a. "Min fawp let rawh.." a ti hak a.


Insum chu har ka ti ngang mai, a hmui nem thepah chuan ka fawp let ta bawrh bawrh a. Chutah ka hmui chu phawiin," I harhfim hun atan khek ang aw. Tunah ka fawp leh che a nih chuan tawp chin ka nei dawn miah lo a nia." ka ti sa sa a.


"Tawp turin ka duh lo che alawm."


"Chuti a nih chuan i muthilh phawt a ngai a nih chu." ka ti hak a.

Min rawn ngheng talh talh a, " Ka muthilh hlanin min kalsan lo ang tih min tiam phawt rawh." a ti a.


" Aw le, ka kalsan lo ang che. I kiangah ka awm reng ang." tiin ka kuah bei ta hle hle a.


" Hyung, ka lawm e..." ti sepin a mitmeng mawi tak chu a chhing ta chial a. Kar loah a muhil chu a ni ta mai a.


A muhil lai hmeltha tak chu ka en vawng vawng a, a lakah hian insum har chu ka ti thin. Mahse chhia leh tha hriatna hmang thei lo khawpa rui mutpui tur khawp chuan ka la tuah lo a ni e. A lungphu dap dap ngaithla chung chuan ka muhil ve ta mai a.


Zing ka than harh chuan ka zi mar ar ar a, Kai-a mutui lai hmuiah chuan ka fawp zauh a, "Tho rawh le, ka naute. Hna ka kal a ngaia ka kal a hun tawh." ka ti sa sa a.


A mit chu rawn mengin min rawn melh zeuh a,"Vawiin chu chawl mai rawh." a ti a.


"Hna thar ka tan rual ruala chawlh ka lak mai ten le." ka tih chuan zi mar ar arin a thu chhuak nghal a. "A nih leh zanah i rawn kal leh ang em?" ka awma hmai phum kak chuan a ti a.


"Ka hre lo le...rawn kal leh turin min duh em?"


"Aw, aw..duh lutuk!''

" A nih chuan ka rawn kal leh ang." ka ti ta a.


Chumi zan atang chuan zan tin deuh thaw chu Kai-a kianga riak turin ka kal ta ziah a. Pawn lam mi dorm-a riah fo chu dan phal loh a nih vangin a ruk a kal fo ngai chu a buaithlak ve deuh ka ti. Mahse Kai chuan kan pahnih a in luah dun mai a rawt chu thla thar lama ngaihtuah atan ka ti ta a.

****
Ka office ban pah chuan ka DNA test result chu ka va lam ta a. In ka thlen ve leh ka pindanah lut tlangin ka result lam chu ka phawrh a, ka en ta a. Kim Mi Soon leh Brandon Zomuansanga chuan inlaichinna pakhatmah an lo nei lo tih DNA result chuan min hrilh ta a. A mak lo e. A fa ka nih loh vangin min lo en hrang hle pawh kha a lo mak lo. An fa lak ka ni tihna em ni ang? Eng vanga Kevin nen phir anga kan birth certificate siam nge an nih? Thisena inzawmna nei miah si lo kha ka pa khan eng vanga an bula awm tura min ti nge a nih le? Ka rilrua zawhna awmte chu ka pa ka zawt thei tawh si lo a, min chhang theitu awm chhun chu Kim Mi Soon chiah a ni ta.


A pindan lamah pheiin kawngkhar chu ka kik kauh kauh a, chhung lam atang chuan "Rawn lut rawh." a rawn ti dam diai a. Kevin emaw min tih vanga awka nelawm hmang a nih ka ring thiam nghal.


Pindan chhunga pen luh pah chuan,"He thil hi min hrilhfiah ngei a ngai ang." tiin DNA test result chu a hmaah chuan ka va pharh a. Lehkha chu a chhiar a, a hmelah chuan engmah danglamna a awm lo.


"A tawpah chuan thudik chu i hre chhuak ta alawm.'


" Aw le, heti khawpa min haw leh tur si chuan engvanga min lo adopted nge i nih? Ka nausen lai khan engah nge min paih bo mai loh?" ka ti sak sak a.


"Sungjae-a a pian hma ni thum khan i pa chuan nausen piang hlim hi a rawn hawn a, a thian pakhat fa a thihsan niin a rawn sawi a. Ka lainat lutuk che a, fa angin ka pawm ve ta che a. Sungjae lo pian chuan phir angin in birth certificate kan siamtir ta law law a. I rawn thang lian chho zel chuan i pa i ang ta tulh tulh mai si a. A thiante fa a nih chuan eng vangin nge i pa kha i chhun tak em em? Eng vanga tamil hmel pu lo nge i nih? Ka ringhlel a ka ngaih a tha thei ta lo a. I pa nen in DNA chu ka test ta a, pafa in lo ni reng tih ka hriat rual rual khan kei chu phatsanin ka awm tih ka hre chhuak ta a ni. I pa khan Asian College of Journalism-a zirlai a hnampui nula laka a fa i lo ni reng tih ka hriatchhuah rual rual khan ka then ta a nih kha." a mitmeng ah chuan huatna hi a langsar hle mai a.


"Ka pa khan a hmangaih em em che a, a tum reng vanga phatsan che a nih ka ring thei lo."



"Nang hi a uirena rah chhuah chu i ni a, i hmel ka hmuh hian phatsan ka nih zia kha hre chhuak thar lehin ka tlawm thar ngawih ngawih hian ka hre thin. Chuvangin hmangaih che hi ka thei lo a ni. Nang hian natna nasa tak min thlen a ni."


Min lo haw ngawih ngawih pawh chu mak ka ti ta lo a, eng emaw kawng zawng tak chuan ka khawngaih hle a ni. Ka pa khan a hmangaih hle si a, engtin nge a phatsan theih ni? A ruih sual vang emaw a ni tal ang tih ka chiang a ni. Ka pa vang khan rilru hrehawmna tam tak a lo paltlang tawh a, keiin ka tawrhtir ve leh zel hi a tul ber em ni?


Ka pa duhthusam angin ka nau bulah chuan ka kal tawh tho alawm. India ram lamah kir lehin Mizoramah awmhmun ka beng bel ang. "I mi lo enkawlna zawng zawngah lawmthu ka hrilh che a. I nun atang hian ka inthiarfihlim ang e. Naktuk atangin ka inthiar chhuak anga in dang ka luah ang e. Thla hnih khat hnuah India ram lamah ka let leh ang." ka ti ta a.


"Sungjae hian a ngaina chein a hmangaih em em che a, chutia i insawn chhuah chuk chuk chuan a rilru a nain zawhna a ngah ngawt ang. A phirpui i ni loa a pa min phatsanna kar atang a lo piang i ni tih hi hriattir i duh a nih loh chuan a nupui neih hma chu he inah hian awm rih ang che. A nupui neih hunah chaun chhuanlam a tha dawn a, in suan chhuah pawh a rem tawh dawn a ni."


"I thu angin le."


"Phatsan nih tlawmthlak zia leh mualphothlak zia hi i hria em? He thu hi tumah i hriattir tur a ni lo ang." tiin DNA test result chu a pawtthler ta vek a.


Mahni indahsanna leh a chapona vanga mi khawngaih leh en hniam hlauh vangin a fapa anga min la chhiar zui zel chauh a ni.


"Ka nu chu i hria em?"


"Hria e, amah nen pawh kan inhmu dun nghe nghe a ni. Ka laka inthiam lo taka ngaihdam min dil ka lo beisei laiin zam map lo hian ka pasal ka tihlawm zawh loh vangah min puh let erh a nih kha."


"Pawi ka ti khawp mai."

Ka pindan ka kir leh hnu chuan tukhuma kut suihin ka mu thal duai a. Nu leh pa kara piang emaw ka intih laiin uirena bawlhhlawh tak vanga lo piang ka lo ni reng a ni tih hriatna chuan min nghawng ve deuh hlek a. Ka pianna nu chungchang chu hriat chakna pawh ka nei lo, ka pa nuna a thil tihsual lian ber leh a thih dawn thleng pawha nun khawhar taka awmtir tu a ni tlat a ni.


Kevin's P.O.V


Haeju chu ka pu hnena ka hmelhriattir hnu chuan ka pu chuan inneihna chu hmanhmawh taka buatsaih nghal a ti ta chuk chuk chu ka duhthusam ni mah se mak ka ti deuh hlek a. A mo atan a duh ve hle a nih dawn hi ka ti mai a.


Ka pu ka hmelhriattir atanga ni nga hnu-ah chuan ropui thei ang berin kan innei ta a. Ka nuna ka hlim ber ni a ni ngat mai. A hmelthain a duhawm em em mai si nen ka chhuang tak zet a ni. Ka hmeichhe hmangaih ber chu ka nupui a lo ni ta , mi vannei ber chu ka va ni em.


Jeju Island-a Golden Daisy Hotel-ah chuan Honeymoon hmang turin kan chhuak ta a. Hei hi a ni ka lo nghahhlelh em em thin chu tuma chimbuai loha ka hmeichhe hmangaih nen hun thawl hman chu.

Tunah chuan ka nu duhthusam hmeichhia ka hmangaih ni bawk chu nupuiah ka nei ta a, ka pu lungdum zan lo ni bawk nen company leh ka pu lakah chuan ka dinhmun a thain ka sang larh ngei ang, ka cousins-te nena khaikhin ralah chuan. Haeju hi ka tana vanneihna hnar a nih ngei pawh ka ring a ni.

Khumah chuan chhe zawi tawkin ka mu thlawr a, Jeju Island kan thlen atangin darkar 24 em pawh a la ral lo nachungin vawi eng zat chiah nge ka nupui hmeltha tak hi hmangaihna ka chenpui hman ka chhiar seng lo. A bulah hi chuan ka inpeih nghal sprangz reng zel a nih hi, Lawng khawl thar tha ang maiin ka nung nghal phat thei zel.


A inbual zo bual in atanga a rawn chhuak chu a fai thianghlim ser mai a, duhdah zet hian a bathrobe chu a suih a, a pen zawng te chuan a mal no var haih chu a pen lang zeuh zeuh a, ka it atan leh ka mit lak nan a rawn tilui a ni chiang mai.

Khumah chuan rawn thuin ka hnungzang leh dar kar vel chu a zut riak riak a, " I thawk rim bawrh bawrh bawk a, i chau chhe hle tawh a ni maw? " tiin a nui ker ker a.


"I kiangah hi chuan awm hle hle hi a har thin a ni." tihpahin a bathrobe kara a mal rawn lang chu ka chulin ka zen chho a.


A thaw halh a, "Sungjae, sex hi tukthuana min rinpui i tum a nih loh chuan tukthuan ei tura chhuak turin insiam rawh." ka beng rawn pawh pah chuan a ti a.


"Chaw ka chak lo..nangmah hi ka chak a ni. Chawah ka ring mai ang che." tih pah chuan ka kiangah chuan ka kuai mu ta nghal a.

Nui ar ar chung hian, "Chin tawk nei rawh aw. Ei tam i duh chuan ei tlem rawh an tih kha. Che thei lo lekin i kulcho phah ang e aw." a ti lang lang a.


''Kham chin hi ka nei lo ang che." tiin a ir no chu ka fawp a, a awm bawrah fawp thla zelin a hnute kawh lah chu ka keu lang ta a.


Chutih lai tak chuan ka phone chu a rawn ri ta vawr vawr a. " Hreptak chuan!" ka ti hluk a.


"Call pawimawh tak pawh a ni thei asin "

"Nang aia pawimawh hi eng thil mah a awm lo." tiin ka fawh chhunzawm mawlh mawlh a. Phone pawh chu a ri a tawp ve ta mai a. A hnu lawkah chuan a rawn ri nawn leh nghal zat a.


" Honeymoon lai leh zela intihbuai mai chuh. Ka phone hi ka switch off tawh ang." ka ti nghat a.


"Khatia phun phun kawi lo khan chhang lawk mai la mawle." tiin min piai zauh. Ka phone chu lain min rawn pe a. "Ka nu a nih hi." a ti sap a.


Tun ang hunah han in call chu eng thil pawimawh tak chu ni maw ti rilru chungin ka chhang ta a. "Aw, nu...eng thil nge ni ta?" ka ti dam duai a.


"Sungjae...Sungjae..." ka nu chu a rawn tap hlawp hlawp mai a.


Ka thu chhuak nghal awt a, ngaihtha lo tak chuan,"Nu, eng thil nge thleng? Eng nge thil dik lo awm a?" ka ti nghal zung zung a.

"I pu...i pu kha..tun mai khan a khumah thi a hmuh a ni!" a tap leh ta nghal a.

Ka nu ang nu chhel tak mai lungchhe em em a tap hlawp hlawp ta mai chuan ka pu thihna ai mah chuan min tina zawkin ka hria. "Lalpa!" tiin ka thaw kawk a.

A thi dawn hnai tih a inhriat vang em ang kha ti em em a ka nupui neih min hmanhmawhpui chhan kha? Amah hian inhriat lawkna a nei a ni chiang ang. Ka pu kha ngaina em em lo mahila a thihna chuan min thawng ve hle a ni. Kim chhungkua chu kan pherh nuai tawh dawn a nih hi.Kan chhungkaw hmalam hun chu a chiang ta lo, eng indona nge kan hmachhawn dawn tih pawh a hriat ta loh.


"Nu, khawngaihin intipachang hram rawh aw. Kan rawn thlawk haw nghal ang." tiin phone chu ka dah ta a.


Haeju chuan ngauhna hriat loh hmel tak hian min melh phawk hra a, "Eng thil nge thleng a?" a ti thuai a.


'' Ka pu a boral a ni."

"A boral a?"

"Aw.'

" A va mak ve a. A la hrisel hmelin a la chak that hmel hle si a...Accident em ni?"

"Aih, a mu hlum a ni ber ang chu. A chhiahhlawh pain a room a han en chuan thiin a han hmu ringawt a." ka ti chuai raih a.

"A mak hle mai a. Kum tam tak la dam tur ang maiin a hrisel that hmel hle si a." mak ti takin Haeju chuan a ti a.


"Eng emaw natna ruk a nei anga amah pawhin a boral hnai tih a inhriat vang a nih ka ring kan inneih pawh hma thei ang bera a rawt chuk chuk kha ka ti ta deuh rum rum mai."

Min rawn kuah a, "A pawi ka tiin ka tawrhpui lutuk che. Ka puin min thihsan laia ka thinlung nat zia kha ...i tawrhna hi ka hriatthiampui lutuk che a nia aw. I duh phawt chuan tap mahla a pawi miah lo a nia." tia min hnem malh malhin ka hnungzangah chuan a beng thep thep a.

"Kan Honeymoon pawh kan pawh tawi mai a ngai dawn a nih hi. Kan thlawk haw phawt anga ni dangah honeymoon chu kan nei tha leh mai dawn nia aw."

Kan thawmhnawte kan pack fel hnu chuan Seoul lamah kan thlawk haw leh ta nghal a.


Dingdongi

[Ngaia]

𝘾𝙃𝘼𝙋𝙏𝙀𝙍 _ 𝙏𝙀𝙉 & 𝙀𝙇𝙀𝙑𝙀𝙉(𝙇𝘼𝙎𝙏 𝘾𝙃𝘼𝙋𝙏𝙀𝙍)

Brandon's P.O.V :

President Kim thih atanga ni thumnaah chuan Kim chhungkaw thlan mualah phum a ni ta a. Tu pawh mai chuan ui ber leh ngai ber angin an langa an tah khum rawih rawih mai a. Ka pu hmun ruak hi a zau dawn hlein ka hria, tumahin an awh zo tawh dawn si lo a.


Kai-a pawh chu a ruang thlahtute zingah rawn kal vein President Kim tupa ka ni tih a hriat chuan mak a ti hle kha a ni a. Exam lai anih vangin a awm rei loa, a kal leh nghal mai vang leh mi zinga han inbiak vak a rem chiah loh avangin biak pawh kan inbe hman lo.



Thlana kan zalh atanga ni sawm hnuah chuan Lawyer Jang Woo Seok chuan Kim chhungkua zawng zawng chu President Kim-a thurochhiah hre turin a office -ah a ko vek a.


Ka pindanah awmin he in atanga insawn chhuah dan ka lo ngaihtuah mek a, ka room-ah chuan ka nu chu a rawn lut a," I la insiam na nge? Dar 9:00-ah kal tur kan nih kha." a rawn ti a.


" Khawiah maw?"

" Ka pa thurochhiah chhiar chhuahnaah."


"Ah, Kim chhungkua a tel pawh ka ni loa, rawn kal ve a tulna ka hre lo."

"I rawn kal loh chuan ka unaute'n eng ti ngaihin nge an ngaih ang? Insiam la rawn tel ang che. Mi zawng zawng ngaihah chuan Kim chhungkaw tupa i ni tih inhre rawh."


"Aw le."

A chhuah hnu chuan ka insiam ve ta mai bawk a. Ka insiam zo in hnuai lama ka chhuk chuan Kevin-a te nupa pawh inpeih diamin an lo awm tawh a. Nupa inhmeh leh hmeltha dun tak chu an ni.

"Hyung, ka nupui neih hnu hian ka lakah i inla hrang tlatin ka hria." Kevin chuan a lo ti a.

" I ngaihdan mai anih chu." ka nuih sak a. "Tak taka insawn chhuah ka lo tum deuh a, in luah tur ka en kual mek a ni." ka ti a.


"Nga tinge in sawn chhuah i duh tak? " a ti hu a, ka insawn chhuak tur chu a lawm lo tih ka hria. " Nupui i neih ve hunah pawh kan tu leh fate nen kan la awmho zel turah ka lo ngai a."


"In hranga awm a, mahni a mawhphurhna lak hian puitlin a awl zawk dawnin ka hria a ni." ka ti a.


"Ka nuin in hranga awm turin a ti che em ni?"


"Ah, teuh lo mai. Ka rawn thlen tirh pawh khan awm hran nghal kha ka duh a, mahse ka nuin i nupui neih hun tal nghak thleng tura min tih vang chauha la awm ka ni alawm."

Min melh vang vanga dawt ka sawi lo tih a hriat hnu chuan a lu a bu ta nghat a,"Nupui neih i tum hnai deuh em ni?" tiin min nuih hak a.


"Mai thei..."


"I bialnu chu ka hriat mi a ni em?"


A beng bulah chuan kun hnaiin, "Bialpa zawk mawle." ka tih chuan mak ti lutuk hian min melh ta reng a.


"I fiamthu a ni ang.."


"Nakinah ka hmelhriattir ang che."

"Aw le. Mahse ka nuin a hria em?"


Lu ka thing a, sawi lo tura hrilh nan ka hmui bulah chuan ka kut zungchal ka lek chho a.

Hrethiam takin ani pawh chuan a hmui chu a kutin a lo zip phui hmak a.

Lawyer Jang office zau hek hawk kan thlen chuan a secretary nula hmai tung ruau mai chuan,"Khawngaihin Hall lamah min rawn zui rawh u." a ti a. Hall lamah chuan min hruai ta a.


Hall-ah chuan Kim chhungkua chu an lo kim thap tawh hlawm a.

Lawyer Jang chuan,"Kan kim tawh chuan i chhiar tan mai ang u aw. " tiin aw a thian khuk khuk a.

"M&K company-a in share neih sa ang ang kha chu in ta a ni hlen vek anga, in chenna in theuh pawh in ta a ni pumhlum vek tawh dawn bawk a ni. Kim chhungkaw hminga hmunhma awm zawng zawng leh President kal ta mimal thil leh company-a a share zawng zawng chu a tupa Brandon Zomuansanga kutah a dah vek a ni."

Chu thu ka hriat chuan ka bengchhe ri emaw ka ti hial a, mak ka tiin ka awih lo hial a ni. Kim thisen kai lo hian Kim chhungkaw ro ka khawm chu a dik dawn em ni??

"Thusawi duh nei te in awm em?"

An ngawi thap a, an rochanah chuan tumah an lungawi lo tih ka hmu thiam vek a, Kevin-a tiam loin. Aman ro chu chang lo mahse keiin ka chan chuan a lungawi tawk niin ka hria, nie a lungawi ang : ka pa thisen a tel tlat alawm. Ka nu phei chu puak keh mai tur hmel hi puin ka hria.

Lungawi loin lawm lo eng ang mah se ka pu thurochhiah leh a duh dan ngeia a tih a ni a, sawisel thei an awm tlat lo. Thinlung thleng phak si lo chuan lawmpuina thu min hlan liam liam hlawm a. Tunah chuan Kim chhungkaw lu ber ka nihna a awm tawh tlat.


"Aw le, Brandon, lehkha tihfel tur a awm nual avangin lo la awm hnufual ang che aw, khawngaihin. He meeting zawhah hian ka office-ah kan chingfel dawn nia." a ti a.


Kevin chuan min rawn kuah chawt a,"Hyung, ka lawmpui lutuk che." a ti mawlh mawlh a.

Midang zawng an tin hnu chuan Lawyer Jang office-ah chuan kan kal a, ka nu pawh chuan min rawn zui ve ta nghal bawk. A office kan thlen hnu chuan, "He thu rochhiah a siam lai hian ka pa chu a rilru a fim chiah a maw, Lawyer Jang? A natna vangin rilru lamah fel hlel a nei lo tih i chiang em?" a ti fak a.

"Chiang teh reng mai. A video pawhin i thlir duh chuan ka kawl asin."


"A tul lem lo e."

*****

Ka pu chenna Kim chhungkaw inpui berah chuan ka insuan lut ta a, ka pu hmun ruak chu ka awh a lo ngai ta : a in leh lo, a company leh a chhungkuaah. He dinhmun pawimawh tak hi ka tlin kher ang em? He dinhmun hu ka nu vang chauh pawhin hnar ka duh lo a ni.


Ka insuan luh ni chuan a rawn leng lut ve zuai a, "He in chhungah hian ka piangin ka seilian thin a...Kim chhungkaw ro hi i phu rengin i inhria em?" a ti a.

Ka nui suk a, "Aih, phu chu ka inti lo, mahse ka pu khan phu ber min ti a ni." ka ti nghut a.


"Nang hian Sungjae chanpual i ruksak a ni."


"Ah, a neitu phalna thlapa thil lak hi ru a la nih cheu chuan rukru ka ni mai ang e."


"Ka pa hnen atanga i thil rochun zawng zawng hi Sungjae kutah hlan let leh vek la ka duh a ni. Kim chhungkaw thisen kai i ni bawk si lo a."


"Ka puin Kim chhungkaw zingah ka hming hi sorkar hriatpuina thlapin a registered asin. A hrechiangtu ber pawh nangmah i ni alawm. Kevin hi ka thisen kai a ni a, ka pa zia kha amahah a bet tel bawk. Ka pu laka ka ro hi pe dawn chiah ila a lak duh i ring em? A la hauh lo ang. A chhan chu Mizo zia a nei tel tlat a ni." ka ti kha fak a.

Ka thusawi dik zia chu a hria ni ngei tur a ni a ngawi ta hmak a. Ni, Kevin hian a la duh dawn lo chiang sa, ama chan a share neihchhun pawh min pek a hnial loh kha. Eng pawh tawkin ka chungah thil eng pawh lo thleng se ka ro khawmtu pakhatnaah chuan Kevin-a ka dah a, a dawtah Nute Nara-i ka dah thung a ni.


"Thingpui nge theitui i in ang?" tiin ka zawt a.


"Ka duh lo ve ve."


"Tur ka pawlh i hlau em ni?" ka nuih hul huk a. "Ka nausen tet atanga min lo chawi tleitu i nih vang leh Kevin-a nu i nih vang tal pawh hian ka tihnat duh che chu ring suh. I thinlung leh rilru ang ka pu ve lo."


Thip tak hian min melh hrawk a, "Ka hmu tui hrep lo a che." tia inher hmakin a chhuak ta nghal a.


Amahin inpeihin ka tan inhawng nise kan inkar hi chinfel chu ka duh -- ka pa hmeichhe hmangaih a nih vang leh ka nausen laia min chawi liantu a nih vang tal pawh khan. Min haw hle pawh nise hriatthiamna chin chu ka nei ve tho nain he ka thinlung sual leh luhlul hian runluih ka chak ta tlat thin a ni.


Ka khum thar zau leh lian takah chuan ka bawk thlawp a, he khum hi keimah chauha luah atan chuan a zau mah mah dawn a ni.

Kai chu ka call a, min chhang hauh lo. Ka call nawn leh a hmeichhe pakhat hian a rawn chhang ta a, "Khawiah nge Kai-a a awm?" nelawm lo tak chuan ka ti a.

"A bialnu nen an lam mek."

"Eng tin maw?"


"Exam zawh kan lawm a...music a ring lutuka i tawng ka hre tha thei lo. An lam zawh hunah ka rawn call back tir ang che."

Phone chu dahin ka thaw hawk a, ka thinlung chu a na nghal vawng vawng mai. Kai hian a bialnu kha a la then lo a, an exam lai chhuanlamin min be ngai bawk lo. A tha alawm a duh chen chen chu min han pehhel rawh se. Ka kut humruhin ka in seh ruh teuh a.


Bronson Zomuansanga hian tumah a zarin a um buai ngai lo, chuvangin Kai-a pawh hi ka um lo ang. Nat leh ka na mai ang. Kei aia a bialnu a thlang zawk a nih chuan a tha alawm. A tel lo hian ka thi bik lo ang.


Company-a ka pu ai President dinhmun ka chelh takah leh ka pu ro ka khawmnaah chuan lawmpuitu pawh ka ngah ngial mai. Chung zingah chuan Kai-a pu Chairman Min hi a lawm ber chuan ka hria.


An exam zawh atangin ni hnih a rala Kai hnen atangin phone call ka la dawng lo.


A ni thumnaah pawh min rawn la call chuang lo.

Ni lina. Call chuang lo.


Kar khat a ral. A la reh hmak mai. A tawk! Engah nge ka la beisei cheu reng ni?

Chairman Min chuan an inah zanriah ei turin min sawm a, hnial chu duh hle mahila han hnial chhan tur chhuanlam tling engmah ka nei si loa hreh tak chungin ka remti ve ta mai bawk a. Chaw ei tur ni ringawt loin eng thil emaw min titipui a duh a nih ka ring thiam mai a, eng lam thil nge ni ang tih erawh ka ring thiam lo. Company chungchang ti dawn ila tun ni thum kalta mai khan meeting kan nei zo chiah a ni si a.


Ka tih ngai loh ang takin coat suit ka ha ve a, darthlalang hmaah chuan ka han inbih ve ngial a. Wow! Ka inhmeh phian mai.


An in ka thlen chuan min lo nuih vur vur a, Madam Min-i pawhin hlim takin min lo kuah chung chung a,"Sawm ngawt loh hi chuan min rawn tlawh lah hi i tum reng reng lo mai a." a lo ti chul a.


"Ah, Madam, ka buai ve em a ni."


"In lam buaipuitu tur i mamawh a nih kha."


"Awmpui fel tak ka nei alawm."


"Awmpui ni loin nupui mawle."


Ka nui hawk a, " Ka la hmanhmawh hran hleinem." ka ti mai a.


Chaw ei hmain Chairman nen chuan a drawing room-ah zu kan lem dun a, chaw eia min sawm chhan diktak chu a sawi chhuak ta a.


"Bronson, kawppui nei loa mahni a awm reng chu thil tihchi pawh a ni lo. Chuvangin nupui neih hi tum ve tawh la ka ti a ni." a ti a.


Zu lem khalh pah chuan,"Ka hmanhmawh lo ka tih tawh kha. Chu mai bakah han neih mai tur pawh ka la hual rih lo." ka ti a.


"I neih atan itpui deuh mai che ka nei a, ka thianpa tunu fel leh hmeltha tak mai ka lo hualsak che asin."


"Ve leh chawt thin a.!" ka nui hawk a.

."Ka fiamthu lo a nia."


"A mak awm thin!"


Thlalak hi min pe a, "Hei hi a nia i nupui atan ka lo hual ruk chu. A hming chu Ahn Minji a ni a, journalist tha tak a ni. I duh zawng mi anih chuan an chhungkua kan va hmu dawn nia." a ti ta a.


Thlalak chu ka thlir vang vang a, hmeichhe hmeltha tak chu a ni ngei mai, mahse nupui neih ka la duh loh mai bakah zawnpui ngai khawpa hmu zo lo chu niin ka inhre lo. Chhan let ka tum lai tak chuan Kai-a rawn lutin ka thlalak ken lai chu a rawn phih thla sawk a.


" Nona Minji hi Bronson te ang mi lerh lutuk neih a tan ka phal lo." a rawn ti thawt a.


Mak ti zet hian ka melh hu a,"Lerh a? Keimah maw?" ka ti hu a.


"Aw."


Ka nui ta huk a.


"Engtik lai pawhin Irene nen in inkawp reng a, phat tum buai suh. Irene berin a pha lo, sawi nuam a ti em mai."


Chu vang chu em ni ang min be duh loa min lo pumpelh char char le? Ka tan a inhawng teh hawrh bawk a Irene chu tum hnih ka mutpui tawh ngei mai, mahse kan inkarah engmah serious a awm lo. Ruih phur thil mai a ni.


"Irene chi ka thian alawm..."


"Mipa KS i nih kha! Ke pahniha kal tawh phawt chu i flirt pui thei zel a ni lawm ni? Flirt-pui chang ni loin khumpui i kaipui thei zel a ni lo'm ni?"


A pu chuan, "Huen Kai!" a lo ti tuarh a.


"Thudik alawm ka sawi."


"Thupha chawi rawh,Kai."


A pu chu melhin,"Aw le." a ti sup a. "Hyung, mipa KS ka ti che kha ka tihpalh a ni." tih pahin ka hmaiah chuan min rawn hnek ta pawp mai a. "Kan in chhungah emaw ka hmuh phakah emaw hian i hmel rawn lan tawh suh."


Chairman Min chu ding chhuakin a tupa chu ben a tum uaih chuan ka lo dang thuai a, "Khawngaihin Chairman." tiin a thutnaah chuan ka nam thu leh ta a.


" Aw le, Kai, mipa KS tia sawi tur chu nangmah hi i ni mai lo maw?" tiin ka melh vawt raih a.


Thinrim mitmeng de sawr sawr hian min melh ran mai a, a kut chu a hum ruh ngat ngat a,min hnek chak chuan a za et et ni hian a hriat a.


A kut min thlakna aiin a mitmenga huatna leh tenna rawn lang chuan min tawk na zawk daih a ni.


" Huen Kai, i nunna chhanhimtu leh a nih mai bakah nang aia upa a ni a, kan inleng a la ni zui. Khatianga kut thlak tur khan dikna i nei em?" a ti khur khur a.

A pu chu a chhang lo. Mit khap lo lek hian min melh ding ngar mai a. Thinrimna mitmeng phenah chuan tawrhna nasa tak ka hmu chiang ta hle mai. Eng vanga thinlung na nge a nih ang le? Mira nen hian an inthen em ni ang? Nie, a bialnu nen chuan an intithiam lo anga a thinurna chu ka lakah a leih baw ta a ni ngei ang.


"Hetiang rinawmna awmzia hre lo mihring hian tu pawh nei se a rinawm loh san zel tho ang. A nunah hian rinawm lohna hi a bet tel tlat tawh a, lerh leh KS kual hi a sim mai mai tawh lo ang. Nupui sawm pawh nei se a duhtawk ngai chuang lo ang. A dik a ni lawm ni, Bronson hyung?" tiin min rawn nuih sawng a.


A tawngkam chhuak tin chuan chemte a vih tlang hrawih ang maiin min tina a ni. Ka kut chu ka hum ruh ngawt ngawt a. "Kai, Mira hian midang nen i kawp tih a hria em? Mira ngaizawng reng chungin midang i kawp tho a ni lawm ni? Min sawisel thei bik i ni em?" ka ti vawt raih a.


"Ha! Mira hi tu nen mah ka kawp lo tlat a ni. Ka thinlungah hian Mira bak hian hmun a chang ngai hek lo."


Chu thu chuan min tina tak zet a ni, ka na ngawih ngawih mai. Thinlung na hian thawm chhuah thei nise chuan ka thinlung keh ri chu a ring rum rum khawp ang. A bialnu pawh then phal lo a min kawptu zawk hian maw mipa lerh tia min sawi, huh?

A pu chu awm lo tase emaw zah viau lo ila chuan a hmui sexy takah sawn ka seh fawh chiam ang -- thi zawih zawih khawpin.


Chairman hmaah chuan ka kun zauh a," Chairman, ka chhuahsan phawt mai ang che. Ni dangah chawhlui chu kan kil dun leh zawk dawn nia." tiin a mi chhanna pawh nghak tawh lo chuan ka chhuak ta nal nal a.


Ka chhuah mai loh chuan ka insum zo dawn tlat lo. Kai kha kuah a fawh bawrh bawrh kha ka duh a, ka awm reng chuan ka ti duh tak tak dawn sia kan mualpho chhe vek ngei ang.


Ka car-ah lutin ka in lam pana tlan ta lo chuan bar lam ka pan ta zawk a. Soju hi a thianghlim mai bakah alcohol content a san avangin ruih ngei duh chuan in chi bera ka hriat avangi ka lam ta a.


Ka thinlung natna leh Kai ka thlakhlelhnate chu soju a tleng fai tum ang hrimin ka in ta miah miah mai a. He thinlung vawt tak hian lumna a mawmawh a, he thinlung na hian damna a mamawh a ni. Zu hian ka mamawh chu a phuhruk dawn lo tih ka hria amaherawhchu ruih hi ka mamawh thung si.



LAST CHAPTER


KAI'S P.O.V :

Ka pu chuan thinrim lutuk chuan min melh run mai a, "Kai, eng thil nge i tih i hria em? Aia upate hmaa khatianga awm tur khan ka zirtir lo che asin." a ti chang fal a.

Eng vangin nge khatia ka tih loh ang? Kut ka thlak na lo mah mah zawk a ni. Amah vangin ka bialnu Mira pawh ka then fel hmak a. Kei mipa, intimipa ve kheng khawng ve thin tak hian ama tan chauha nung turin ka thinlung ka siam fel vek tawh a, chutih laiin a ni chuan ka thinlung chu infiam nan mai a lo hmang si a nih kha. Ka tlawmin ka na vawng vawng mai a ni.


Irene-in Brandon nen an mut dun thu a sawi laia ka nat zia kha thu mai chuan ka sawi fiah thiam lo, na ngat ngat tak a ni.


Ka thian tha ber leh ka dorm room lehlama awm Sammy kha awm lo se chuan engtin nge ka awm ang pawh ka hrethiam lo. Ani khan theih tawpin min hnem a, mahni intihnat duhna rilru tha lo ka puta hlauin min veng char char a.

Ka pu chuan chik zet hian min rawn melh a,"Kai, i tha em?" a ti sup a.


Ka inthing harh thuai a,"That loh chhan tur ka nei hleinem." ka ti mai a.


"Nang hian Brandon kha i hmangaih a ni tiraw?"


Chu thu chuan min ti phu zawk mai a, mak ti em em in ka pu chu ka melh hau mai a. Chhang let turin ka aw a chhuak zo tlat lo.


"Ah, chhan harsa a nih chuan min chhang buai lo mai rawh. I hmel, i mitmeng leh i chetzia khan min chhang vek tawh a ni." amah vek chuan a ti a.


Ka thaw hawk a, "Pu, ka..." sawi tur ber pawh ka hre lo, ka ne ne ral ta vel mai mai a.


"I lo hmangaih a nih pawhin ka dem hran lo a che."


"Pu, pawi i ti lo em ni? Ka lakah i thin a rim lo em ni?" ka ti ta a.


"Pawi ka tih leh ka thinrim vang khan i hmangaih loh phah dawn tihna em ni? Hmangaihna hi kan duh duha kan tihtawp theih a ni ngawt hleinem. I thinlungin a duh chu i rilru khan a hnar ngawt thei si lo."


Ka pu min hriatthiamna chuan ka lung a ti chhe ta tlat pek a." Pu, ka tihpalh a ni. Hmangaih hi ka tum lo asin...theihnghilh hmaka ka nuna awm ve lo ang maia awm hi ka duh ve tho asin." ka ti ngui raih a.


"A inah va kal la kut i thlak vang khan ngaihdam va dil la, engkim a fel vek mai ang."


"Aih, pu...chuti maia engkim fel vek thei a ni tawh lo. Hmeichhe dang min kawpsan alawm."


"Brandon-a melh dan che kha chuan thu dang daih a sawi kha le. Hmeichhe dang a kawpsan che ka ring thei lo. A mitah khan tawrhna leh hmangaihna chiah ka hmu a ni."


"I ti tak tak thei lo ang. I hmu sual a ni ngei ang. Irene nen an inkawp a ni." thinrim leh rilru na tak chuan ka ti a..


"Chu zawng inpahniha in sawifel chi niin ka hria. I hmangaih tak taka chan hlen i duh a nih loh chuan tunah va hmu nghal rawh."


Ka pu thurawn chu zawmin Brandon-a chenna in lamah chuan ka inkhalh chhuak ta nghal a.

A in ka thlen chuan a awmpuipa chu lo awmin Brandon-a rawn la haw loh thu min lo hrilh a. Tun chen chena a la haw lo a nih chuan Irene hnenah a awm a ni ngat ang. Thinlung na taka haw ka tum mek lai chuan kawngkharah a rawn pen lut ve chiah a.


"Eng nge hetah i rawn tih?" a ti vawt ruih a. A mitmeng chu a ruih hmel ang reng khawp mai.


"Tun thleng thlengin khawiah nge i bo a?" ka lo ti hriam hrak a.


"Chu chu i buaina tur niin ka hre lo. I bialnu Mira chiah kha ngaihtuah rawh." a ti chang fak a.


"Ka bialnu nia i sawi Mira chi i bialnu Irene-i birthday kan lawm zan atang khan ka then fel tawh tih chu Shin Bi pawhin a hre chiang khawp ang." tiin ka va pan hnai sauh a.


" I then maw, huh? Chuti si tum thum ngawt ka hmu dun che u a ni."


"Thian ang bakin ka chhuahpui ngai tawh lo. Ka duh loha ka then tawhte lam hi ka hawi let ngai tawh lo."


Ka banah chuan vuanin a room lamah chuan min kai ta dawr dawr a. "Eng thil nge tih i tum?" ka ti ruai a.


Min chhang hauh loin min kai dawr dawra, a room kan thlen chuan dimna tel hauh loin a khumah chuan min nam thu hnawk a, " Mira chu i then tawh tak zet a ni tih hi chhechhamin i sawi ngam em?" ka mitah tak min melh phi chuai hian a ti a.


" Ngam chiang e.."


Ka bulah rawn thu thlain ka khabeah chuan a chawi daka ka hmuiah chuan min fawp ta vawng vawng a," Ka hmangaih che, Kai. Khawngaihin min tina tawh suh ang che." a ti sup a.


"Kei pawhin ka hmangaih che alawm...min ring rawh Mira chu ka then tawh tak tak a ni. ." tiin a awmah chuan ka bei chial a. "A nih Irene nen in chungchang ve thung hi..?" ka ti sap a.


A nui hul haka," Mira nen min kawp emaw ka tih vangin leh ka lakah a inphal em vangin ruih sulah ka mutpui mai chauh a ni. Kan inkarah eng thil mah a awm lo. Ka nuna awmze nei awmchhun chu nangmah chiah i ni, Kai."


A hmuiah chuan ka fawp zauh a." Ka hmangaih che." ka ti zui sap a.


Chutih lai chuan ka phone a rawn ri a, Mira a ni tih ka hriat chuan lak loh mai ka tum deuh rum rum lai chuan min rawn phih thlaksak thuai a, "Hello? " tiin a chhang bung nghut a.


Loudspeaker-a a dah vang chuan Mira-in, "Hello...Kai-a a awm lo em ni a? Ka lo be lawk ang chu?" a tih ri chu ka hre thei a.


"Tu nge i nih a? Eng vanga biak duh nge i nih?" nelawm lo tak hian a ti vawt ruih a.


Ka phone-a hming reng reng chu Korean hawrawpa ka save vek avangin a chhiar thiam lo a ni tih ka hrethiam nghal mai a.


Mira chuan, "Ah, a bialnu ka nia." nui har har hian a ti a.


Brandon chuan min rawn melh hriam hrak a,"A bialnu a? Kei hi a bialpa ka ni. Vawi khatmah rawn be tawh suh." tiin phone chu a dah ta hmak a. Min rawn melh run chung chuan," I bialnu niin a la inchhal ngam a nih kha. Eng nge sawi tur i neih?" a ti nghut a.


" A rawn fiamthu a nih kha."


"I la kawp tih a chiang mai alawm."


A kawngah chuan kuah chialin a awmah ka bei thlawp a, " Brandon, min ring rawh..ka hmangaih awm chhun i ni." ka ti sap a.


"Eng tin nge ka rin ang che?"


"Ka hmangaih che."


"A nih pasal atan min nei duh ang em?"


" Korea-ah hian mahni anpui neih phalna dan a la awm si lo a..."


" Thailand ram hian mahni anpui neih phalna an ti chhuak thar alawm. Thailand-ah zinin an ram danin kan innei mai dawn lawm." ka mitah tak min melh chung chuan a ti a.


Nalh a ti em em thin ang chuan ka nui sak a," Awle, ka nei ang che,Brandon." ka ti ta a.


Thla thum hnu chuan Thailand-ah zinin an ram dan chuan kan innei ta a. Tunah chuan ka thinlung chu a hlim famkim ta. Ka mihring hmangaih ber chu pasalah neiin in khatah kan awm thei ta alawm.


Kan inneih atanga kum khat hnu-ah chuan Vietnamese fahrah naupang mipa leh hmeichhia phir chu fa atan kan la ta a. Chhungkaw hlim tak niin ka pasal leh fate tan ka nun chu ka chhiar chho tan ta.


𝘼 𝙏𝘼𝙒𝙋 𝙏𝘼 𝘼 𝙏𝘼𝙒𝙋 𝙏𝘼.


𝘽𝙐𝙃 𝙇𝘼𝙄𝙉 𝙆𝘼𝙉 𝙍𝙄𝘼𝙆 𝘿𝘼𝙒𝙉, 𝙆𝘼 𝙕𝙄𝘼𝙆 𝙃𝙈𝘼𝙉 𝙏𝘼𝙒𝙃 𝙇𝙊𝘼 𝙆𝘼 𝙍𝘼𝙒𝙉 𝙋𝘼𝙒𝙏 𝙏𝘼𝙒𝙄 𝙏𝘼 𝙈𝘼𝙄.𝙆𝘼𝙉 𝙍𝘼𝙈𝘼𝙃 𝙎𝙄𝙂𝙉𝘼𝙇 𝘼 𝙈𝙐𝙈𝘼𝙇 𝘽𝘼𝙒𝙆 𝙎𝙄 𝙇𝙊.........

𝙎𝘼𝙍𝙍𝙔