NUNCA DEBÍ DEJARTE IR LAST CHAPTER
Thutkhawmna pindanah chuan kan thu ngawi thap hlawm a.
"Kha i va la nula ve U Mathan, eng nge i hriselna lam te a an a?" Nu Siami chuan a rawn ti khauh a.
"Aw ka dam tha a lawm,eng nge Ku Ethana a an a? A thawm leh riva ka hriatlohna chin lah ka hre tawh der lo" Ka nu chuan a lo ti ve bawk a. Ka nu chu a in sangnar nasa hle tih ka kut a vawn ngheh dan atang chuan ka hrethei.
"Aw kan dam tha lutuk keini lam chu" Nu Siami hmela eng ngemaw lang zawk chu ka chhiar thiam chiah lo. "Hei Rafa te nupa hi ka pan a ngai viau tawh a, an ni lah rawn haw tih reng awm thei bawk silo" A tih chhunzawm leh zat a.
"Ni e, a awm tawh bawk a lawm hei kei lah chuti lua a han ngaihtuah ngai pawh ka nih tawh loh hi maw" Ka nu chuan a ti sap a. A mitmengah chuan a lungngaih zia ka hmu thei. "Bawihte, nang ni pawh in haw a hun tawh viau a lawm maw" Min en zawkin Nu Siami chu a en veleh a "Mahse Siami hei i lo kalna lamte a hla tham sia, zankhat tal chu i riak ve ang chu" Ka nu chuan a ti a.
"Ni e, keipawh ka chau khawp mai" Nu Siami chuan a lo ti ve bawk a. Rafaela ka va melh chuan eng nge a ngaihtuah tih hriat har zet hian chhuat lam a bih ngur a. A la tawng lo hrim hrim.
"In chungah khian,Zotei te room ep chiah a mi khi a awl a mahse kan hmanloh rei deuh tawh vangin khum phah khi thlak a ngaih ka ring" Ka nun a tih pah chuan min kheuh zeuh a. Nu Siami chu buaipui tur chuan min signal zeuh a.
"Ka.. Ka nu lo kal rawh, khum ka lo siam ang che" Ka ko ngai bawk silo,ka nu mitmei ka veng bawksi chu ka tim dui mai mahse Rafaela chuan min rawn chet khalhin "Bawihi, ka nu keiman kan tih pui ange, thingpui lo lum ta che Bawihi?" Rafaela chu enin ka bu zeuh a.
Rafaela leh nu Siami te an in zui chhoh hnu chuan ka nu chu lo thu hahdam tura hrilhin chokaah chuan thingpui lum turin ka phei a.
"Nu chhang kan lo nei tawh si lo va, ka va lei lawk ang aw" Tiin ka chhuak zui a. Chhang leia ka let leh hnu chuan ka nu chuan thingpui chu a lo siam rak rak a.
"Nu i lo ti duh kher a nih kha" Tiin ka va pui vat a.
"Nia, ka la ti thei tho a, mahse ka rin aiin an va rei reuh ve mawle?" Ka nu chuan in chung chhohna step melh zeuh pah chuan a ti sap a.
"Nu, thingpui hi in la" Tiin thingpui chu ka pe a. Thingpui kan in zawh thleng pawh chuan an lo la chhuk chuanglo. "Nu, ka han pe mai dawn mi?" Ka tih chuan "nia, han pe mai rawh" A lo ti ve bawk a.
Thingpui leh chhang tlem a zawng chu kengin in chung ah chuan ka chho a. Inchung ka chhuah chhoh chuan kawngkhar chu a lo in hawng deuh a, luh mai ka tum chu ka ding chat "Ka nu Zodini ka hmin theih hma chu lo kal lo tur in ka hrilh chiang hle che kha a ni sia?" Rafaela chuan a ti thum bul bul a.
"Bawiha, i pu hian reitak a tlin dawn hauhlo tih chu i hriat kha, Doctorte pawn karleh hma a, thling pe tur kan hmu zo lo a nih chuan thi maithei reng a nih thu min hrilh tawh bawk, Zodini bak thling pe thei an awm bawk silo" Nu Siami thil sawi vang chuan ka nghing lawih a. A ni theilo! Rafaela hian min lo bum in mi lo hman tangkai a tum mai mai zawk em ni. Ka rilru chu a in sual buai nasa ngei mai. Chutia ka din reng lai chuan Rafaela chu a rawn chhuak a "Bawihi" A ti sap a. Mittui kar atangin ka lo en kar a. Ka mit sulh a "Zodin! " Nu Siami aw te chu ka hre vuai vuai.
Chianglo ruai hian ka harh a, ka nu chuan puan hnuh hian ka chal a lo dep mek a.
Ka harh tih a hriat veleh chuan "Bawihte, eng nge i an? Tinge kha tia i awm a?" Rafaela leh Nu Siami chu ka khum ding lamah chuan an lo awm ve bawk a.
"Eng a nilo nu, ka lu a hai thut a" Rafaela te melh zeuh pah chuan ka ti sap a.
"Hawh U Mathan,kei ni chu i in thiar fihlim ang. Hei Bawiha a awm a lawm" Tiin ka nu chu nu Siami chuan a kal chhuah pui ta daih a. Chu tia ka nu re an chhuak ta tih ah chuan Rafaela chuan khum chu kal hualin ka zawnah chuan a rawn thu hniam a.
"Bawihi, eng nge i an?" Tia ka kut a rawn vawn chuan ngawi rengin hma lam chu ka bih ngur a.
"Min tih nat hian i tan a nuam viau em ni?" Hma lam la en ngar chung chuan ka ti sap a.
"Shhh...kei hian tihnat che ka tum hauh hleinem" Ka mittui chu ka dang zo lo.
"Mahse min tih nat si,nang hian min bum a ni" A mah en chung chuan ka ti tiau a "Ka ât hmel viau em ni? in thilsawi hrethiam lo tur khawpin ka â bik lo a sin" Ka tih zawm zat a.
"Shhhh...tap suh aw, ka bum lo che a tih nat pawh ka tum lo che" Tiin ka mittui chu a rawn tuai zeuh a "ni e,ka pu vanga lo kal chu ka ni ngei a lawm mahse nangmah hi i pawimawhin ka lo kal chhan diktak i ni,ka hmangaih che a. I tel lova awm hi hremhmun tluk zet a ni. Tunah hian ka pu chu ICUah thi chhawngin a mu reng a,thling pek a ngaih vangin nang lo chu thling pe thei tur a milpui an awm lova,mahse i duhloh chuan ka nawr lui lo che. I thuthlukna hi a pawimawh ber, ka hmangaihte hi tumah chan che u hi ka duhlo,ka pu hian hei leh chen min lo enkawlin kan chhungkua a lo khai ding tawh,a chawlh hahdam a hun ve tawh tihna a ni mai, a milpui dang hmu hram se ka ti takzet bawk" A ti sup sup a.
A mitah chuan chiang zet hian ka lo en a,dawt sawi hmel reng a pu lo. A daw lo tih pawh ka mit awmna ka hriatchian tlukin ka hre chiang a ni.
"Mahse tinge min hrilh tlang ve mai loh" Ka la ti hram a.
"Rawn kalin ka pu chu i thling pe turin ka rawn hrilh tawp ang che maw? Ti teh Bawihi chu ti teh tawp te chuan i tan pawh a tlawmthlak lutuk dawn a sin!" A nui hak a,a dik na lai chen a awm.
"Mahse ka pu tan chuan engtik lai pawn ka in peih reng a lawm,min hmangaihtu ka neih awm chhun te zinga mi a ni" Tiin Rafaela chu ka en kal a. A ni reng bawk,ka pu chu awmlo se heti chen ka dam tawh hauh lovang.
........
"Nu lo in enkawl tha rawh aw" Tiin ka nu chu ka kuah vang vang a. Ka in hnit hrai bawk.
"Bawihte, tluang takin han thang ang che u aw" Tiin ka mittui chu min hruk sak a. A ni tar chakvaklo han kalsan chu ka hreh takzet.
"Bawiha,ka fanu hi lo enkawl tha rawh aw" Tiin Rafaela hmaiah chuan a tuai zeuh a. Rafaela chuan nui sangin "Ka nu,kan lo ka hruai vat ang che" A ti ve sup a.Nu Siami nen chuan an in chibai a, ka nu chu a lan theih chhung chu ka thlir vang vang a. Ka zeplo kawngtluan chuan ka tap tluan zak,Rafaela ka bulah awm lo phei se chu ka hreawmna a thuah hnih ve hle ang.
In kan thlen chuan Nununi mawlh chu a lawm lutuk a tap bang theilo. Min hmuh rual rual lah chuan " Tinge min kalsan daih a, ka ngai lutuk che" A ti tiau a.
"Hei, ka awm tawh a lawm" Nui sang chuan ka lo ti sap a.
Room a ka thawmhnaw vel kan rem zawh chuan rei fe chu kan ti ti leh rih a.
"Va mu tawh rawh,naupang mut a hun tawh" Rafaela chuan ka bula thut pah chuan a ti sup a.
"Ha...a teuh lo zanin chu U Zozoi bulah ka mu dawn" Tih pah chuan Nununi chu khumah chuan a mu zangthal huang a.
"Zak ve deuh rawh,naupang mutna tura khum kha siam a nilo" Rafaela tawng hnem ve lutuk chu a mak ka ti zawk. "I sawi a vangin, ka menpui char char dawn che u" Tiin a mu tha sauh sauh a. Kei ka lo nui hak hak a. A tawp, a tawpah chuan Nununi chu mi â nileng ni heklo "I che na lutuk a nge,in nu kha a chau awm si" Tiin nui hak hak chung chuan a room lam chu a pan ve ta nge nge a. Chau zet chuan ka mu a,ka hmai zal ter ter vang chuan ka harh hlawl. Ka lo muhil hman a ni ngei ang.
"Rafaela ka chau a nia" Ka ti sap a. Tawp chu khawilamah, a che uar sauh sauh a. Ka zeplo ka dik tawh bik lo, hepa zei hlawrh hlawrh lutuk hi a pian tirh atangin a zei nghal vek a maw tih mai tur a ni. Round hnih chu kan han zawh leh hram kha.
........
"Rafaela eng ka ti lovang, thling pek chu tihsual vak a awm hleinem bakah ka hrisel a lawm" Vawiin hi ka pu thling ka pek ni tur kha a ni tawh. Ka awmna room a Damdawiin khumah chuan ka thu mu a. Rafaela chuan min ngaihtuah lutuk awmngaihna a hrelo hi a ni ber, a vei sek loh leh a chhuak leh thurh thin.
"Bawihi,ka pu hi ka hmangaihlo tihna ni miah lovin, i pe leh lo mai dawn em ni?" Tiin a thaw leh hak thina. Chu tiang taka min ngaihtuah tih ka hriat ringawt pawh chuan ka hlim.
"Lo kal teh" ti sapin khum awl lai chu ka beng thak thak a. Min en vung vungin a lo kal ve mai. Khumah chuan rawn lawn kaiin ka awmah chuan ka bei tir hle hle a. Mipa naupang ang mai a ni.
"A tha leh vek maiang, min veng Tu turin Pathian ka nei a lawm" A luah chuan chul hauh hauhin ka ti dam thluam a. Room kawngkhar chu rawn innawr tawlhin Doctor leh Ka nu(Nu siami) te chu an rawn in zui lut a. Nu Siami hian a zia a thlak hlawk ka ti dawn nge, a hma a mi nen chuan lei leh van ang an ni. Sarai kha a chanchin ka hre ta miah lo va. Hriat pawh ka duhchuang lo. Thawh mai ka tum a, kan mi tih mawha hian min kuah tlat. Ka zak lutuk chu ka sa pup pup thei. Doctor leh ka nu chu an nui tawp a. Rafaela chu ka sik vak a. Hrelo ang hmiahin a awm thung.
"Bawiha, inzai a hun dawn a. I nupui kha kan lo hruai ve tawh ang chû!" Ka nu chuan nui sang hian a ti a.
"Rafaela a zahthlak a nia" A beng bulah chuan ka ti sa sa a.
"Nu a milpui dang hi kan hmu ngang lovem ni" Mipa naupang ngen ngawl zeta thil dil hi a ang mah.
"Nie, Bawiha chu chu duhthusam chu a nia lawm" Thaw hakin ka nu chuan a ti sap a.
In zaina pindan min nawr luh lai te chuan ka thin chu a phu dup dup a. Doctor hmeltha leh a mitmeng zaawm zet chuan min nuih var var pah hian "Kan chiu muhil dawn che aw" Tiin min chiu a. Ka chhing riai riai a a thim ta mup mai.
Ka harh leh chuan ka awmna ka hai thelh, ka kut vuana khum bawh chunga lo mu bam mai chu hmuhnawm ti zet chuan ka en a. A lu ka chul lai tak chuan a rawn harh a "i harh tawh ni maw, na te i nei em?Doctor ka ko dawn em ni?" Thawhphan pawh awmlo chuan a ti nghal vat a.
"A ngailo,ka hningzang hi a na deuh a, chuan ka sil deuh bawk a, a bak chutiangin na ka nei hranlo" Tiin ka nui sang a.
"An zai sualang tih ka hlau lutuk a" Ti supin ka samah chuan a rawn chul a. Ka lo nui var var.
Damdawiin pawh kar khat zet kan awm hnuah kan chhuak ve thei hram. Hrisel tha pangai ka ni bawka in sawiselna em em ka nei hranlo, mahse min zai na lai vel, ka hnung zang erawh sil deuh ang hian a la awm.
..........
"Raf i hriat vek kha, ka nu a ngaihtuahawm zia chu" Ka nu ka ngaihtuah tawh takzet vang chuan awmpui tura haw ka duh a, mahse Rafaela ker kawr hian a phal tlat lo. Rafaela hi chu ka pu in a kutah thik engkim a dah vek vangin company enkawl a ngai a. A lo kal ve thei dawnlo thung. Ka pu erawh ram dangah chawlh hmangin an farm houseah(ti maiang tuipui kam depa, chawlg hmun an siam a ni zawk mah) chutah chuan a awm thung.
"Ka nu chu keiman hruai ka tum sa tawh hrim hrim, kal a ngailo" A ti deuh hmuk.
"Ka nu hi min ngaihtuah pui tak tak lang chuan ti khan i sawi mai mai hauh lovang"ka nu hi lirthei chuang tur chuan a hriselnain a tlin lovang, kan khua atanga Aizawl ngat phei chu, a hriselna in a tuar dawn hrim hrim.
" Kha ti zawng khan sawi, ziah suh ka ngaihtuah takzet i nu chauh a ni tawh bik lo ka nu pawh a ni ve" A ti ram hmak a.
"A nih chuan min hrethiam tur i nia sin, ka kal tho tho ang" Tiin ka thawnhnaw chu ka pack mawlh mawlh a.
"Ka kianga chen chu i lo hne tawh hle a ni maw?" Ngeiawm zet chuan a kiai suk a. Hetianga a ngai tlat thin hi ka haw tlat.
"Nih te pawh a ni mah na" Ka ti ve nghat chu,eng tik laiin nge a lo thlen hman tih pawh hriat loh khawpa rang a min rawn din chilhin min kuai her nawk a.
"Zodinpui han sawi tha leh teh" Sehchilh rap chuan a ti a. Thinrima nawk luihin awmzia a nei dawnlo tih ka hriat vang chuan dam deuh zawkin ka bia a.
"Raf, ka nu hi lirthei a chuanpui chi a ni tawh lo i hriat kha, a hriselnain a tuar mai ang" Hrethiam ngei se ka ti takzet.
A thaw hak a "I tello in ka awm duh lo, nilo ka thei lo" Ti supin a in thlah dul riai riai a.
"Reilo te, reilo te chiah,nghak leh hret ang aw, i lo kal ve vat dawn a lawm" A hmai chu ka chul hauh hauh a.
"Mipa dangin an melh che chuan an mitmu ka kher chhuak ang" Rapthlak ti zet chuan ka ner nang a. A la nui suk zui.
Naktuk mai ka chhuah a nih tawh vangin, Nununi chu ka bulah a awm chawt a. Lo kal ve mai a duh thu te chu a sawi leh rih thin. Zanah chuan ka chhuah hma a ngaih dawn vangin kan mu hma a, ka hlauh ang ngei ngeiin zan laiah zawng tu emaw chuan min nuih tlawn var varin chet a rawn la leh ngei e,a duhthaw em em mai leh nghalah.
"Zingah ka thawh theihloh vaih" Tiin ka melh rum vei ngial a.
Min en kur a, nui suk suk chungin ka hnute chu duhthaw zet hian a fawp a, lehlam a hum ran bawk. Mipa naupang hi a ang ka ti thin
.
.....
Rafaela chu ngai tak ka ni. Mahse ka nu hmuhah erawh ka ti lang ngai lo thung.Lawma te lah kha, a pa hna vangin an pem leh ta daih si a, kawmtur pawh ka nei lo,a paina a awm hran chuanglo. Ka nu khuma chau tih hriat taka mu bam chu ka siamtha mawlh mawlh a. Damdawiin a awm a duh bawk si lo chu ka rilru hi a ti hah thin.
"Nu, ei chak te i nei em?" Tiin ka zawt a.
"Aih, bawihte engmah ka chak love, hetah hian han thu hnai teh" A bulah chuan ka thu thla a.
"Bawihte, hei kei chuan ka dampui rei hauh dawnlo che a, i pasal nen fanau rilrah chan duawm tak tak neiin hlim takin nung ang che u aw, hlim hi i phu ve tawh e" A aw chu zawi tak a ni.
"Nu,i tu te chu i hmu ve chak lovem ni, khawngaihin ti zawng hi chuan tawng tawh suh" Ka mittui lo hnai chu ka khap per sak sak a.
"Bawihte,i kianga awm a ka tu te chawn chhaih tluk a chak ka neilo mahse ka tlin rei tawh ngang lo a ni" Tiin a bekah chuan mittui a luang ngiai bgiai a.
"Nu, sawi tawh suh" Ka ti tiau a.
"Khi, i nu leh pa te chuan min lo hmuak a nih khi, an kiangah eng nge ka sawi tak ang" A meng pual telh telh a.
"Nu, aih... Ka duh lo, nu khawngaihin... Nu min kalsan suh... " Tiin ka tap rawih rawih a. Mahse min chhang tur reng an awm tawh lo. Ka thawm hriain thenawm te chu an rawn tlan khawm tak tak a.
"Pa Fak, ka nu hian min chhang thei lo a nia" Tiin ka in kan thenawm a mi, Pa Faka ka tih leh a nupui Nu Metei te chu ka en a, an ni hi ka awm loh chhung pawh a, ka nu lo enkawltu an nih vangin ka tan chuan an hlu takzet. Nu Metei chuan min kuah thlawpin a rawn tap ve rawih rawih a. Thenawm thawtlang pawh an rawn pung khawm tak tak a. Ka nu kan vui lai te chu ka mang hriat ruai ruai a. Ka nu(Nu Siami) leh Nununi te an rawn kal a, Rafaela erawh ram danga a awm lai a nih vangin, vuinaah a tel ve lo. A tira ka tah bak kha chu hnawhtu engnge maw ka neih vangin ka tap thei hauh lo. Ka nu leh Nununi chuan min vil chawt a. Ka nu leh Nununi chu ka fak lo thei lo,an ni awm lo se zawng ka mualopho chhe tawh ngei ang.
Khumah chuan ngawirengin ka mu a. Pangti lum thur thurin min ur rual chuan ka peng kawk a. Ka kawng ah min kuahin Rafaela chu ka bulah chuan a lo mu a. Ka hnung lam ka hawi vat, chutia Rafaela ka hmu chiah chu ka lungno lo chhuakin ka tah loh ai zawng zawng kha a baw hawk ka ti mai "Ka.. Ka nu kha.. " Tiin ka in hnit hlawp hlawp a.
"Shhhh... A tha vek, i bulah ka awm tawh a nia" Tiin duat zet chuan ka luah chuan a chul hliau hliau a. A awmah chuan hmai phumin ka tap khur hlak hlak a. Min duatna te chuan ka tah a ti chhuak zual sauh emaw tih turin ka uar sauh sauh a.
Ka ku zawnah chuan a fawp vawng vawng a "ka tihpalh aw, ka lo kal har lutuk a" A ti sup a.
"Ka ngai lutuk che" Ka lo ti tiau a.
"Kei pawh in ka thinlung zawng zawngin" Min kuah hlu hlu a.
.......
Ka nu thih atangin thla a vei leh nual tawh a, ka tuar thiam tawh viau. Vawiinah Rafaela te chuan palai an rawn tir dawn a. A chhan chu tih luihna tello a inneih that kan duh vangin a ni. A hma a ka sawi tak Pa Faka leh Nu Metei te chu ka nu leh pa anga awmin an lo dawng sawng dawn a. Ka nu thih hnu atanga pangai taka ka nuih leh na ni hmasa ber a ni.
Palai chu an rawn kal ta ngei a, Nu Siami pawh a lo kal tel hlauh.
Vawi hnih kal ve khar ngailova sawi fel vek an duh vangin, an sawi fel nghal vek a. A tuk maiah min hruai dawn nghe nghe.
Zanah chuan ka roomah mu turin ka in tingtuah a. Tukverh chu a rawn ri leh karh thin a. A tir chuan ka ngaihven lawk lo. Tukverh hi blar vek a nih vangin pe ruai bakin engmah a hmuh theih lova, tukverh lam ka hawi chu ka te chhuak that! Tuemaw chu a rawn dak ngei a ni. Tukverh chu ka va kawng rawk a "Rafaela!" Hepa hi eng nge a rawn tih le, heta awm tur hi a nilo. Camis dum hain A ban chu a thlep A, a awm kilh pawh a sexy tawk lekin A phelh thawl bawk. Aisss!! Eng nge ka ngaihtuah! A nui ang vur vur leh nghal ah!!!
"Zozo tinge?eng nge thleng a?" Nu Metei chuan a rawn ti lang lang a.
"Engmah nu Metei, sazu ka hmu a" Ka ti daih a.
"Eng nge i rawn tih dawn?ti nge i lo kal?" Tawng rin hlau tak chuan ka ti a.
"In ru ila" Hepa hi uan na hun pawh a nilo.
"I â mi, naktuk maiah min rawn hruai tawh dawn a" Hawi zak zak pah chuan ka ti a "Bakah tunge in neih dawn tukah in ru ngai?" Ka tih chuan "Keimah ni ni mai lawm" Hmui ti sawi zeuh chuan a ti a.
"Ai, ai, ai, ka pasal tur chu i ni sia leh!" Ner nang chuan ka en a.
"In ru ila" A ti leh ta!
"Rafaela uang uang lo khan haw rawh" Ka ti hlak a, tawnh rin erawh ka hlau hle.
"Min va ngai lo ve" A ner nang a, ka nui lo thei lo.
"Ngai e, mahse haw rawh" Ka ti hlar tawh.
"Aw ka hruai aw dawn che, tiin ka kawngah a man thut a, min pawt thla ta mai" Ka au chhuah loh nan ka kâ ka hup tawp. In hi lei behchhana siam a nih vangin tukverh hi a sang lutuk lo a,sang miahlo chu a nilo fit nga vela sang a ni, a ni tan ngat phei hi chuan a dul vel bak a ni pha lo.
Min pawm nawlhin a motor dah rukna ni ngei turah chuan min pawm phei a. Carah chuan min nghatin, seatbelt chu min hren tir mawlh mawlh a.
"Rafael, I â mi min dah let vat rawh" Ka ti hlak a.
"I duh chuan kal la" Motor kawngkhar a chungah chuan a kut nghata rawn kun hniamin a thle bak a. Kan kaltawhna lam ka en a. A thim bawksi, hepa han sual thiam zia hi chuh! Motorah chuan ka thu tum luau a. Motor chu start in, a tlan chhuak zui a.
Min en zawkin a nui suk zui.
"Mutkawr nen hian i lo nalh ber a nih hi" A tih chuan ka han in en chiang chu ka mut kawk pan te, ka mal thleng vel a dar bah sinte mai chauh ka ha tih ka in hre ve chiah. Rafaela chu lei ka chhuah vak ringawt a.
"A vawt a nia, khawnge kan kal dawn?" Ka ti sap a.
"Ka ru che" Tiin car chu a ti ding a, chhuak vutin car hnung atang chuan puankawp sin nuam zet hi a rawn phawrh chhuak a. Hmmm...nichinah sawi daih tawh tur a nia!
"Sin tur i neih reng hi, tinge min hrilh loh?" Puan sin sawk sawk pah chuan ka ti a.
"Ti khan i hmuhnawm a lawm" A kiai suk a. Reilote kan tlan leh hnu chuan hnun zawk nuam ve deuh ah hian a ding a. A mah chu chhukin car chu a tlan hual a, ka awmna lam kawngkhar chu hawngin "Lo chhuak la" A ti sap a.
"Khawi lai hmun nge?" Ka hawi kual a. A reh tawp, car hmaah chuan min kai pheiin a kut chu a beng thak a. Chutah kan awmna chu a eng uar mai. Mak ti zet chuan ka hawi kuala, a mawi takzet. "Hei hi.." Rafaela ka en leh chu ka ngawi chat. Ka hmaah chuan thingthiin bawm tereuhte nalh zetah hian zungbun diamond tle vat vat mai chu a awm a, chu chu ka hma zawnah chuan a leke va a.
"Zodinpui, min nei ta che?" A ti sup a. Eng tik laiin nge ka mittui hi a lo tlak ka hrelo. Ka hmaiah chuan a lum pap a.
"Raf.."ka ti tiau a, ka hlim em a ni. Hetianga propose na hi ka dawn ka ring ngai lo.
" Min nei duh a ngem?" Nui var varin a ti leh a.
"Aw.." Tiin ka kuah thlawp a. Ka nuna ka thil rawn tawh ah chuan ka la hlim ber ang.
Zung bun min bun tir hnu chuan kan in fawp vang vang a.
"Ka hmangaih che" A ti sup a.
"Keipawm ka hmangaih che" Tiin ka nui var var a.
......
*THREE YEAR LATER*
"Ruben khatah kal suh" Ka fapa harh zet,kum thum mi, a pa phawk fu em em mai chu ka um kual hi a ni ber. A harh si, in tih nat lah a ngah. Kan fa pahnih na tur tunah hian ka pai mek a, thla leh maiah ka nei tawh dawn leh nghal! Huiha!
Ka pu kha nikum kum tir lam khan a thi a, a tuchhuan a hmu ve hman erawh ka lawm takzet.
"Mama, papa hi lo haw hai tawh e" Fiah mang lo chuan a ti nang nang a.
"Aw, a lo haw tep tawhang pawnah lo nghak ila" Tiin pawn lam chu ka pan pui a.
"Kha khawnge in kal dawn?" Ka nu chuan choka atangin a rawn ti lang lang a.
"Papa, kan muak dawn" Nui var varin Rubena chuan a pi chu a chhang a. Ka lo nuih var var.
"Hei a pa, kan nghah pui lawk ange" Tiin kan chhuak zui a.
Gate a a pa lo tlan lut mek Reuben an a hmuh rual chuan a khek chul a. Rafaela chu nui varvar hian, kan lam panin a rawn phei a, a fala chu pawmin min fawp zeuh a, ka dul chu a fawp leh bawk. A bag khai chu lak sakin ka nuih zawk a.
In chhungah chuan kan in zui lut dam dam a. Chhungkaw tha tak neiin hlim takin kan awm a, ka hlimna hian a vawrtawp a thleng tak meuh mauh a ni.
'Lalpa ka lawm e'
Pathian chu fakin awm rawh se... 🥰
A TAWP TAAAAA
(Ka story min hlut sak a min chhiar sak Tu zawng ngawng te chungah lawmthu ka thinlung takin ka sawi a, ka regu theih loh naah thupha ka chawi bawk e, buai na neuh neuh kha a tam ang reng a, a pawi ka ti hle mai...
Pathianin vengin, awmpui che u rawh se)
mipa pawh hi mihring 've tho an nia tap thei rilruna thei 've tho an ni* tih hi kan zep tel hram ange....
.
Pathianin vengin, awmpui che u rawh se)