IRRESISTIBLE LOVE BY Maveni Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

IRRESISTIBLE LOVE BY Maveni Hmar (Completed)

Unread post by Ngaia » September 26th, 2021, 2:46 pm

.jpg
"Kha tia min zuan thlu kher lo khan ka autograph min dil duh a nih chuan min dil tha hle hle nila ka pe hreh hauh hleinem che." a ti ril ruih a.
Ka thingthit hnan rap a, "Hmela, celebrity emaw i inti em ni? Eng vangin nge rukru autograph chu ka dil teh lul ang che ni?" tiin a hmaia hnek pawp tum chuan ka kut ka lek uaih lai chuan ka banrekah chuan min man chawt a.
"Hmeichhe naupang, eng thil nge maw i tih le? Cat woman emaw i inti emaw ni le?" a ti nghut a.
"Ka bag i ruk kha min pe nghal rawh." ka ti vi hlar a.
" Eng bag maw?"
Kawng kalho mit chu kan la ngang a ni ang min en hu hu hlawm a, a then lahin film kan chang emaw min ti nge ni dar chhin akin min pel fel mai a.
"Tun minutes reilote kal ta khan thirsakawr chungah chuangin ka hand bag i ruk kha min pe nghal rawh! Khawiah nge i thuhruk?" ka ti chher chher a.
Za tak hian a nui ta hawk hawk a,"Thla thum kal ta a Ireland-a ka zin tuma ka thirsakawr chuan bak kha ka la chuang leh hauh lo. Min hre sual chhiava a nih chu, naupang."
"Mi dawheh! Rukru!"



CHAPTER : ONE

Heathrow Airport-a thlawhna a tum chuan ka thaw deuh huai a, min lo hmuaktu ka hming ziakna placard lian tak keng a ka pa hmel ka hmuh chuan ka nui sak a, ka hlim vanga nui erawh ka ni hauh lo. Ram rethei leh kilkhawr ber Mizoram atanga London khawpuia khawsa tur ka nih avanga hlim viaua phur sarh awm tak ka nih laiin ka hlim hauh lo. Ka hmangaih leh ka mi ngainat ber berte chenna ka ram, ka khua leh veng kha eng anga hnufual pawh nise khawvel ram changkang ber ber aiin ka ngaiin ka thlahlel zawk fe a ni. Ka duhthlanna hi zahsaka ngaih pawimawhsak ni ila chuan London-ah ni loin hmangaih berte lenna Kolasibah ngei ka la awm ngei ang.

Ka hming chu Mariya Zonunkimi a ni a, tunah hian kum 17 mi niin thla li liam lehah chuan kum 18 ka tling ve tawh mai dawn a ni. Nu leh pa innei kara piang leh seilian ka ni lo a. Ka nu hi Delhi-ah lehkha a zir laiin ka pa nen hian intawngin kei hi min pai ta a. Min enkawlnana ka pa pawisa rawn thawn hmang chuan ka nu chuan min enkawl ve tawk tawk a. Thla ruk liam ta khan ka nuin pasal a neih avangin ka pian tirh atanga vawi thum chiah ka la hmuh, 'Pa' tia koh harsa ka tih ngawih ngawih ka pa Richard Grant hnena awm tura tihluih ka ni ta a ni. Ka pa chu ngaina tur khawpin ka hmu tam lo a, a bula awm chu hreh taktein ka hreh a ni. Mahse a fa ka nih miau avangin keimahah thuneitu nihna a rawn hauh avangin kal lo thei ka ni si lo.

Ka pa chuan hlim tak hian min rawn kuah nghal chawt a, a mitmeng dum pawl raihah chuan a hlim tak zet a ni tih ka hmu thei a. Ka pa anga Mediterranean tuipui ang maia mitmeng dumpawl raih ka nei loa ka nu mitmeng dum fiah kal mai ka chhun zawk chu hman atanga tun thlengin pawi ka la ti a ni. Mitmeng dumpawl ram mai hi nalh ka tiin min hipa ka awt hliah hliah a ni.

"Welcome, baby! Ka thinlung takin ka lo lawm a che."

"Ka lawm e, Richard." ka ti sap a. Ni, 'Pa' tia koh ka thiam miau loh avangin 'Richard' tia ko mai tura min tih vanga chutianga ko chu ka ni.

" Hei hi ka nupui Maggie a nih hi." tiin a bula ding hmeichhia mitmeng vut buak rawng, ngo var pap mai leh hmai thuangvuak ngah tak chu min hmelhriattir a.

" Hello, Maggie!"

"Hello, Mariya! London-ah kan lo lawm a che." tia nui sangin min rawn kuah a, ka biangah chuan min fawp zauh a.

Ka bungraw neih ang ang te chu an motor-ah chuan ka pa chuan a dah mawlh mawlh a. Ka pa hi Hotel neia sumdawng a ni a, five stars hotel hi hmun thumah ngawt a nei a, a sumdawnna pawh a kal tluang rih hle a ni.

Ka bungrua a dah fel hnu chuan an chenna lam pan chuan kan tlan ta nghal a. "Khawi vengah nge in awm a?" ka ti a, eng veng pawh sawi se ka tan awmzia a awm dawn chuang lo tih hre reng chungin ka sawi tur hre lo tawng ve mai mai hi a ni a.

" Baker Street."

Ka phu deuh zawk mai a,"Baker Street maw?" tiin ka khi sak a. Sherlock Holmes thawnthu chhiar thin tan chuan 221B Baker street hre lo an awm dawn em ni? Ka nu hian Sherlock Holmes thawnthu a ngainat em vanga kei Sherlock Holmes atanga Sailo Khawma thleng chhiar chhuak vek tawh tan chuan Baker Street-in min deh dan chu a dang zar mai a ni. Sherlock Holmes fans tan museum, hotel leh café te a awm tih ka hre bawka ka phur thar ta riau mai.

Motor-a kan tlan chhung chuan sawi tur tehchiam ka hre lo bawk nen earphone chu vuahin khawvela ka zaithiam ngaihsan ber BTS hla ka duh ber mai 'Untold Truth' chu ka ngaithla ta veng veng mai a. Ka chuanpuite chu zah viau lo ila chuan ring fe fea lo zawmin ka zaipui ve zat zat ngei ang mawle. V-a aw thawp mawi tak, Jimin-a aw sang leh sexy tak mai leh Jungkook-a aw mawi chungchuangte Suga rap nalh lutukte chu ka hmangaih hluah hluah a ni.

Mahni khuaah chuan mahni tawka 'kei ka ni' inti ve chin, boruak ngam halh leh enghelh reng nei loa thawveng halh mai kha London kan thlen meuh chuan kan lo te chem chem mai a nih hi. Sap mitmeng mawi tak tak leh changkang tak tak karah chuan eng kan lo ni lo nasa mai tih ka inhre thar uarh uarh a.

An chenna in lian leh zau tak mai kan han thlen chuan ka room tur a zau nuamin kan khua a kan in ang tiat vel zet hi a la ni zui. Chu mai bakah ka rawng ngainat ber, tuipui dumpawl ruih rawng chuan an chei thar sarin ceiling chu zan thim taka arsi de tuarh ang hian an chei bawk a. Mak ka tiin ka thaw hawk hial a ni. Ka pa hian arsi ka ngainat zia leh rawng dumpawl ka ngainat zia hi a lo la hre reng a nih dawn hi. A fa ka nih vanga a duty tihlawhtling tura min enkawl nge a nih anga a thinlungah min hmangaihna a lo neih ve reng vanga zawk ni ang le?

Ka thawmhnawte ka khai fel lai chuan Maggie chuan puih ka ngaih leh ngaih loh min rawn zawt a."Puih ka ngai lo, ka ti thei e." ka lo ti vat a.

"A nih chuan han inpeih la, i hman hunah living room-ah kan lo nghak dawn che a nia." a ti leh a.

" Aw le." tiin ka thawmhnaw chu thawmhnaw bawmah chuan ka khai tha malh malh a. Ring mangkheng chuan BTS hla 'Boy With Luv' chu ka play a, an zai lo zawm ve pah chuan lam titih hian ka che vel zung zung a, ka che sawt phian.

Ka inkhai fel hnu chuan ka inbual fai sar a living room lamah chuan ka chhuk ta a. Ei leh in tur tuihnai tak takin min lo hmuak a ni tih ka hmuh chuan ka riltam tawh zia ka hre chhuak chiah a, puar lutuk tak maiin ka ei ta ngheng a nih kha.

Richard chuan," Eng tin nge i hmalam hun hi kan ruahman ang le? Ruahmanna i nei em?" tiin min zawt a.

Eng ruahmanna nge kei tehlul hian ka neih ang le? Ruahmanna han nei tur emaw pawhin thiam thil hmachhuan tur ka nei lo. Class- XII ka passed hnu khan thla reilote chu beautician ni turin sam siam leh hmai chei vel ka zir ve zawk a, chu lah ka la thiam lo nasa mai leh nghal a. "Aih, engmah ruahmanna ka nei lo." ka ti sap a.

"Lehkha zir zawm leh la..." Maggie chuan a lo ti a.

Ka melh deuh kawk a, "Khawvela ka thil huat ber leh peih loh ber min zawh chuan 'lehkhazir' tiin ka chhang ngei ngei ang che." ka lo ti ngat a.


Richard chuan, "He lamah chuan engmah thawk loa awm hi thil zahthlak a ni a, lehkhazir chung pawhin part time hna an la thawk hram hram thin a ni. Kum 18 i la tlin loh avangin full time chuan hna i la thawk thiang lo hrim hrim a." a ti chuar chuar a.

" Chu chu eng nge a awmzia?" ka lo ti thuai a.

" Kan ram danah chuan kum sawm pariat tling lo chu full time a chhawr a thiang lo a, kar khatah darkar 40 emaw ni khatah darkar 8 aia tam an thawk thiang lo bawk. Tin hlawh pawh hi puitling hlawh aiin a tlem thin bawk." a ti ta a.

" Kum eng zat chin nge hna thawk thei a?"

" Kum 16 atangin sorkar hian hnathawh a phal a ni."

Maggie chuan," Baby sitter, lifeguard, retail salesperson, tutor, dog walker leh restaurant server heng ho hi i kum rual thawh thiam leh thawh chi tak niin ka hria." a lo ti a.

A sawi zingah chuan han thawh chak engmah ka nei lo. Diktak chuan England ram chhungah hian Richard hian hotel changkang tak tak pathum ngawt a nei a, chu a hotel pakhatah chuan hna sang ve deuh hlek thawh ka inbeisei a ni.

Maggie bawk chuan," I hotel-ah thawh tur kawh hmuh mai zawk rawh." a rawn ti leh a.

A ngawi vung vung a, "Aw le, ni khatah darkar sarih chhung waitress hna i thawk ang a, darkar khatah pound 10 i hlawh ang." a ti ta a.

Waitress aia hna sang deuh la lo inbeisei ruk ve teh reng nen, mahse a tha tho e. Pound khat leh India cheng 103.23 a in hen a, darkar khatah pound 10 ka hlawh chuan India pawisa chuan cheng 1032.30 ka hlawh dawn tihna a ni anga, ni khatah darkar sarih ka thawh chuan cheng 7,226.10 ka hlawh dawn tihna a nih chu. Wow, ka va hausa hma dawn! Nuam hi ka ti veng veng mai a. Pawisa thawk chhuak thei khawp leh puitling ta sawt hian ka inhria a.

"Ka lawm e, Richard." ka ti sap a.

An in chhung zau tak chu Maggie chuan min fan kualpuiin min hrilhfiah nghal zel a, an pindan pakhat pawh kan khuaa kan in ang tiat ngawt a ni hem zel mai a, a pui hi ka ti riap riap khawp mai. He tiang em ema in zau te chu a tulna pawh ka hre lo, an luah seng vek chuang si lo a. A sakna senso leh a enkawlnaah pawisa tam tak khawhralna maiah ka ngai a ni. Nge ni, an chungchuanna lantirna chi khat zawk em ni ang?

Kan fan pah chuan uluk takin ka chhinchhiah thlap thlap a, ka bo tawh bik hauh lo ang.

"Maggie..?"

"Ummm.."

"Eng nga ti nge Richard nen hian fa in neih loh a? Fa tam tak pawh inenkawl zo reng sia..." tiin ka rilru a thil awm chu ka zawt ta phawng a.

Maggie chuan dar a chhin ak a," Ka hna thawh lai hi ka ngainain
nuam ka ti em em a, naupang han enkawlna hun ka nei thlawt lo a ni." tiin a nui san san a.

"Oh,.." ka ti halh a. "Keini hnam danah chuan an inneih hnua fa neih theih loh chu anchhia chikhat ang deuh a ni a, nupa nih tawh chuan fa neih ngei ngei turah kan ngai." ka han ti a.

" Hun rei tak nau pai hah hnu-ah na tak tuarin fa neih a, a enkawlnan hun tam tak sen leh kan ngai bawk a, hun a uihawm lutuk ka ti a ni. Chu chu keima mimal ngaihdan a nih chu. Fa ka duh a nih chuan adopt tur tam tak an awm tho a, fa neih hi ka ngaihsak lo mai a ni.." a ti a.


Chu thu a sawi chuan a rilru chu mak ka lo ti khawp mai a. Anni ang nupa hausa tan chuan fa neih duah awm tak ka lo ti thin a. Eng emaw kawng tak chuan a tha phian lawi chuan ka hria. Mi hausa tak tak ho hian fa nei loin khawvel hmun hrang hranga fahrahte hi adopt teuh teuh mai sela fahrah an vang duak mahna.

"Anih leh in nupa a zalen taka in cheng dun lai ka rawn bawh buai ta che u hi i lawm lo em?"

A nui ta hawk a, " Kan nunah i rawn lut ta hi kan lawm em em asin. Ka thinlung takin ka lo lawm che a ni. I nu hnen atanga la tur che hian Richard nen hian kum tam tak kan lo bei tawh a, tunah kan hlawhtling ta chauh a nih hi. Kan tum ang leh duh danin thil kal ni se kum kua i nih khan kan la daih tawh ang che." tiin ka darah chuan min rawn kuah a.

"Ka lawm e, Maggie."

Ka nuin pasal min neihsan vangin min thlauhthla a, ka duh lo chung ka pa hnenah awm turin min dah niah ngaiin kei min duh loh vang khan ka nu chu ka ngei em em a, biak pawh ka lo be duh lo a. Airport-a min thlah lai te pawh khan tawngkam khat mahin ka be lo, min rawn call pawhin ka pick duh lo lui ngat ngat a nih kha. Kum tam tak ka pain min lak a tum pawha min lo ui bet tang tang zawk a lo nih chu. Ka nu khan min duh loin min thlauhthla lo a ni tih ka hriat chuan ka thinlung chu a hlim veng veng mai a. A hnenah ngaihdam dil ka ba a ni.

International Roaming ka tihnun loh vangin ka Mizoram sim card chu hman theih ni tawh hek lo, Richard chuan a sim card hman loh pakhat chu min pe hlauh a, ka thian thate pawh ka la biak pawh theih phah a, ka lawm leh hle a ni.

Tlai lam dar 7:00 chuan ka nu chu ka be ta a. India ram hi UK aia darkar li leh a chanve ngawta hun a hma zawk avangin kan khuaah chuan zan dar 11:30 vel a ri daih tawh anga ala meng em ang chu maw.

Phone a lak rual rual chuan," Nu, ka ngai lutuk che." ka ti nghal chawt a.

"Awi, bawihte, kei tak hian ka ngai che asin. I tha em? I thleng tluang maw? An lo duat che em?" a rawn ti nghal bawrh bawrh a. A aw atang chuan a tap lo chauh a ni tih ka hre thei a.

" I zawhna zawng zawng chhanna chu 'Aw' tih a ni. Ka lungleng lutuk a, ka ngai em em che tih loh chu hrehawm ka ti miah lo." ka ti a.

"Kan dam anga Pathian kan la inhmu leh em em ang. Khawi hmunah pawh awm la Mizo thinsen kai i ni tih kha inhre reng la, Mizo hnam ti hmingthatu i nih theih loh pawhin a tihmingchhetu chu ni lo hram ang che aw." a rawn ti lawm lawm a.

Ka nui hak hak a," Ka hria alawm,nu. Mi chuan sap sawn pawh min ti eng ang mah se Mizo diktakah ka inngai a ni. Ka ram leh hnam tihmingchhetu chu ka ni hauh lo ang." ka ti ve ngat a.

"Ka bula i awm lai anga pangchang leh naupangchhia khan i awm reng thei dawn lo a, chhel tak leh pachang takin awm ang che aw."

" Aw le, nu, ka hre reng ang. Ka ngai lutuk che. Chuan,i lakah ka thinrima ka biak duh loh vang che khan min ngaidam rawh aw, nu. "

" E, tehreng mai bawihte. Ka hrethiam lutuk che alawm. Ngaihdam min dil hma khan ka ngaidam tawh che a ni."

"Nu, ka lawm e. Ka hmangaih che."

"Kei pawn, ka hmangaih che alawm,bawihte."

Ka Pindan kawngkhar chu a rawn ri dat dat a, Maggie'n min rawn koh a tum a nih ka ring thiam nghal a." Nu, ka dah mai ang aw..hei dinner eiin kan chhuak dawn a." ka ti a.

" Aw le, puar takin i ei dawn nia aw. Chaw ei tui le."

" Nang pawh mangtha le. " ka ti sap a. " E! Nu, la dah teh suh!" ka ti that a.

"Eng nge ni ta?"

"Kan awmna veng hi han ring chhin teh."

A nui hak a," Rin chhin dan tur pawh ka hre lo." a ti a.

"Baker Street-ah kan awm asin!"

" I ti tak tak maw?!"

"Aw, ka hman ve leh Holmes -a fans tana an siam museum leh hotel leh café thlalak ka rawn thawn dawn che a ni a , Pi Sailo Khawm!" tiin ka nuih ar ar a.

" Aih, thlalak chauh ka duh tawk lo ang. I kal hunah min rawn video call loh chuan ka hlap hrim hrim ang che."

"Mariya darling!''

" Aw, Maggie, ka rawn kal dawn e." tiin ka au let a, "Anih aw, nu. Mangtha muttui. Ka hmangaih che." tiin ka phone chu ka dah ta a.

Ka room nuam tak ka chhuahsan hma chuan darthlalangah chuan ka inbih leh zauh a. Ka pian ria chum bat leh vun no nalh lutuk mai thuam mawi zual tura kawr fual senno dal raih khup thleng vela fual ka hak chu ka inhmeh ka ti ve ngang mai. Hmai bial lam, mitmeng dum fiah ke kaw leh hnar ngul sang vah mai ka ni a, ka nuih zawnga ka ha uingho pahnih into thuah lo lang thin chu nalh lo ka ti thin hle a, ka nu chuan, "He i ha ui ngho into thuah hi a nalhin i nui a ti mawi lutuk a nia, ka Vampire note." min ti thin. Ka nuin mawi a tih hnu kha chuan ka hmu mawi ve ta mai a!

Kan chenna Baker Street atanga cara minutes sawmhnih vela rei tlan Straford -a ka pa hotel, Hotel Grant lam pan chuan kan kal ta a. Straford hi ka thawhna hmun tur a nih vangin ka phur ang reng hle a.

Kan va thlen meuh chuan,"Wow!" ka ti chhuak hluai nghe nghe a ni. He ti khawpa hotel lian neitupa fanu ka ni chu ka chapo nghal ar hian ka inhria. "A va lian ve a!" ka ti sap a.

Richard chuan min hrilhfiah nghal zung zung a. Gant hotel-ah hian rooms 1500 , luxury suits 20 leh penthouse 5 lai a awm a, luah man pawh to fer fet tak a ni. Spa, Health Club, Swimming pools, Restaurants pahnih, Bar , night club leh discotheque a awm nghal bawk a ni.

Kan han lut chu a thawkte reng reng chuan Richard chu zah takin an lo be nghal a, kan zanriah kilna tur room-ah chuan waitress hmel tung rut leh nelawm fahran chuan, " Zanin atana in waitress tur ka ni e, Mr Grant. Hotel Grant-ah kan lo lawm a che u." tia nui sang chuan min hruai lut a.


" Eng nge in ei duh zawng ni le?" tiin min zawt hlawm a.Menu chu ka han en a duh ber thlan tur pawh ka hre ve lo a, a lema tui hmel ka tih ang ang kha ka thlang ta mai a.

Kan order chu a rawn thleng har lo hle a, tui ti em em chuan ka ei ve thei mai zel a. He Mizo kaah hian Mizo chaw chhum ngei mai nen lo chuan puar hi a kim tak tak thei lo a, rice ka lo chah tel lo chu ka inchhir hle mai. Kei chu sa te hi hmin taka siam hi a tui ka tiin a hang ka ti zawk thin a, an sa siamte chu ka duh ai chuan a hmin lo lam chu a ni.

"Kar thar atangin he hmunah hian i thawk tan anga, thla khat chhung chu hlawh nei loin inzirnan i kal chhin phawt ang." Richard chuan a ti a.

Hnial chu ka chak hle nain ka ngam bawk si lo a, lunghnur tak chung chuan,"A tha alawm." ka ti liam ta mai a.

Maggie chuan," I huphurh deuh a nih chuan ka dawrah pawh i thawk thei tho a nia." a lo ti zauh a.

" Hotel-ah hian i thawk ve lo em ni?"

"Ah, thawk lo e. Designer ka nia, thawmhnaw dawr ka nei a ni."

"A nih chu. Hotel-a thawh hi ka thlang zawk e." ka ti sap a. Ka pa hotel a nia, a hnen atangin ka rochun ngei pawh ka ring a, chuvangin hotel lampang lo hmelhriat chu a that zawk ka ring a ni.

" Eng pawh ti dawn la i duh thlanna chu kan zahsak chein kan dah hmasa ber zel ang.''

"Ka lawm e. Engkim avang hian ka lawm tak zet a ni. In tan phurrit ka nih loh hram ka beisei."


*****

Ziaktu kamliam:

He thawnthu hi England footballers Declan Rice leh Mason Mount te thian dun hmangaihna zin kawng chungchang fanfic anga ziah niin Säilø Lã Ñü tan liau liau a ziahsak ka ni e. AIH! BL a ni lo aw.🤣


ZAN KHAT DANAH DAH TUM ANG AW.

Chhiar tui vek ule..Purple you all.💜💜💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:47 pm

CHAPTER _ TWO

Hotel-a hnathawk tur chuan ka insiam mawlh mawlh a, ka insiam zawh chuan Richard ruala kal ve tur chuan ka inpeih ta at mai. Ka ni khatna tur a nih vangin ka phur hle e ti lo chuan hlawh ka la nei dawn lo tih ka inhriatna chuan min ti ngui ve deuh.

"Nitinin ka rualin i kal hman reng dawn lo a, chuvangin motor khalh i zir a ngai dawn a ni. Driving licence i neih hma chuan subway atangin rela kal i zir tur a ni bawk. " a ti a.

Ka dar ka san ak a, aman min hruai hman loh pawhin driver min laksak mai ka lo beisei a, nge ka beisei sang mah mah zawk aw. "Kum 18 ka la tling si loa driving licence ka nei thei dawn em ni?" ka ti sap a.

"Kan ramah chuan kum 17 chin tan motor khalh phalsak an ni. Kawng engkimah mahni inbuaipui theih a, mahni kea din zir rual i ni ve tawh a, midang rinchhan loa mahni kea din i tum tur a ni."

"Ka hre reng ang e." ka ti sap a. Ka nu bulah awm ni ila chuan naupang chhe ena min la enin ka hnathawh pawh a la phal awm tawp si lo a. Tuna Richard-a dinhmun hi ka nu dinhmun ni ta zawk se chuan waitress hna hi ka thawk hauh lo ang mawle, lo thawk pawh ni ila ka kalna a min hruaitu turin driver min chhawrsak hrim hrim ang. Richard bulah chuan chhel taka awm a ngai dawn a nih hi.

Kal kawng ka hriat nan leh ka inzirna'n Richard-a te ang pa hausa leh sum hman sen loh nei chuan kein subway min panpui ngat ngat a, leihnuai rel kawng atang chuan hotel chu kan pan ta a, rel chuan minutes 29 vel erh awrh tlan a ni.

Hotel ka thlen chuan manager hnenah min hmelhriattir a, a fanu ang ni loin an hnena thla khat chhung inzir phawta a thla hnihna a min ruai chauh turin a ti a. Hotel neitu fanu ang ni loin mahnia inhai kaw tur chuan min duh hle a ni tih ka hrethiam ta a. Ka thei ang, Mizo ka ni alawm. Hnam chhel leh mahni awmna hmun azira insiam rem zung zung thei hnam ka ni alawm. A mi beisei aia ka laktlak zia leh ka puitlin zia hi ka hmuhtir khawp ang.

Waitress uniform chu ka inthuam a, ka inhmeh em em zel mai hian ka inhria. Hna chu ka zir ve tan ta a, a thawk thangho aia ka zei loh bikna pawh ka hre hran lo, mahse English bak tawng dang thiam thiam ka neih loh avang erawh chuan ka buai ve leh zeuh thin. Hlawh nei lo mahila tips ka hmu tha ve hle chuan min tiphurin thawh zel min tichak sauh a.

Kar khat ka thawhnaah chuan ka kum rualpui tur 'Zahra' tia an koh nen chuan kan intawng fuh ta a, a hmel ka han en thin a, Mizo hi ang ka tiin a hmel tha reuh phian leh nghal a, ka be lawk ngam lo a, a aw phawiah chuan British accent diktak a ni bawk si a, Chinese emaw a nih ka ring leh ta zawk a.

Italian nupa, English thiam bau lo dawhkan ka vil tumin ka tal buai ta deuh a, Zahra chuan min rawn nuih var var a," Puih i ngai em?" hawihhawm tak hian a rawn ti a.

"Aw, khawngaihin...min puih theih chuan ka lawm ngawt ang." tiin ka nuih sak a.

Dawhkan chan chu kan inthleng ta a. A lakah ka lawm em vang chuan kan hnathawh ban chuan coffee ka khilai ta a. " I accent hi a dangdaiin ka nu accent nen a inang ka ti riau a, ka ngaina nghal ngawt mai che." min ti a.

Ka nui hak hak a," I nu chu eng hnam nge a?" ka ti a.

" Mizo...ka sawi awmzia chu Indian."

Ka nui ta hawk hawk a, "Mizo ka ni alawm kei pawh."

" A ni maw!? Oh, wow.." tiin min kuah nghal chuk chuk a. "Ka hming chu Zahra Zoramdinpuii a nia..,ka nu hi Mizo a ni a, ka pa chu hi British a ni thung." a ti ta a.

Mizo tawng thiam lo mah se Mizo thisen kai ka hmu chu ka hlim tak zet a ni, ka lawm lutuk chuan ka kuah chung chung nghal a." I nu chu min hmelhriattir ve ngei ang che." ka ti nghal zat a.

"Tehreng mai. Mahse ka nu chu Liverpool-ah a awm daih sia hun awl kan neih hmasak berah ka tlawhpui ang che."

"I nu leh pa chu ibulah an cheng lo tihna em ni?" ka ti ha a.

" Aih, ka thian pahnih nen flat kan inluah tawm a"

" Mahse kum 18 ila tlin hmel bik si loh a i awm hrang thei tawh tihna em ni?" mak ti tak hian ka ti he haw a.

A nui ar ar a," Kum 16 i tlin tawh chuan i nu leh pa phalna leh phalna tel lo pawhin in hrang i luah a thiang tawh alawm. Chuan kum 18 chunglamin min ho chuan chaw einaah pawh wine leh beer chu kan in ve thiang tawh a ni." a ti a. Ka beng bulah rawn thle pheiin , "Kum 16 i tiin tawh chuan sex hman phalsak i ni tawh bawk." a rawn ti sa sa a, za em em hian a nui ta hawk hawk a.

Mak ti zet hian ka melh phawk hra a,"A ni maw!?" mawl hmel zet hian ka ti deuh hu a.

A nuih a za zual sauh emaw tih tur hian Zahra chu a nui nasa sawt a. "I ngaihdan a va nih loh hmel ve a.." min la ti zui a.

Ka dar ka san khum ak a," Sorkar phalna thlapin sex ka hmang ve thei tawh a nih chu " tiin ka nuih ve sak a.

"Ka flat luahpui ka thiante pahnih chu Mizo diktak leh Mizo tawng hmang an ni asin."

Mizo tih thumal chuan ka lung a ti leng veng veng hian ka hria. Mizo tawng ngei maia biak tur an awm dawn a nih chu...an ni hmu chak chuan ka za et et mai a.

" Mizo ni si engtin nge an chhungten in luah hran an phal zawk le? Keini society-ah chuan hmeichhia chu pasal a neih hma loh chuan a nu leh pa in a chhuahsan ngai lo - khaw hranah hna a thawk emaw lehkha a zir emaw a nih ngawt loh chuan." ka lo ti niah niah a.

" An sawi dan chuan an nu leh pate chu England-a piang leh seilian an ni awm e. English nunzia an chenchilh nasa lutuk a, tihdan phung pangngaiah an nei ve tawh pawh a ni mahna."

" Ni e, chutiang chu a ni ngei ang. An ni chu ka hmu ve chak em mai a." ka ti vang vang a.

" Ka la hmelhriattir mawlh ang che. Giselle Lalmuansangi leh Caroline Lalhriatpuii te an ni a. An ni chu kum sawmhnih an tling tawh a ni. Caroline chu department store-ah sales girl hna a thawk a, Giselle thung chu Madisson Company-ah a thawk thung a ni." tiin a thiante chanchin chu min hrilh malh malh a.

" Ka la hmu miah lo nain Mizo an nihna vang ngawt pawhin ka ngaina nghal a ni ." ka ti sap a.

He tiang ram dangah hi chuan Mizo hnahthlak tawh phawt chu kan Mizonain min phuar khawm tlat avangin ka unau leh ka laichin ang maiin ka nel nghal sarhin ka ring a ni. Hei hian Mizote kan inunauna a tilang hlein ka hria.

Coffee kan in zawh chuan kan inmangtha a mahni chenna lam pan chuan kan kal ta a. He ka chenna foreign ramah hian ka Mizopuite an awm a ni tih ka hriatna chuan min ti ngampa nghal sarh mai a, zangkhai taka pen sau pawk pawkin subway lam pan chuan ka kal ta a. Hna ka thawh zawhah motor khalh zir leh ka ngaih avangin ka hmanhmawh rilru hle a.



Chutia ka kal lai chuan mi pakhat thirsakawra chuang kekawr leh hoodie grey colour ha hian min rawn tlan pel thuak a. Min rawn tlan pelh lai chuan ka hand bag ah(ak) lai chu a rawn phih thla thut a, chak tak hian a thirsakawr chu rapin a tlanpui ta nghal a.


Thinur leh hlauthawng tak chuan ka te thawt a, ka thin chu a su nghal dup dup mai. Hmanhmawh mangkheng hian ka um ta nghal a, ka tlan pah chuan min tawk zawnga rawn kal pa pakhat chu ka su dawt a, ka tlu hlawm nawk mai a.

Min rawn kaih thoh pah chuan, " Sorry, i tha maw?" hawihhawm tak chuan a ti a.

Ka zak bawk si chu ka sen ap ap a, ngaihdam dil nana kun zauh pah chuan" Ka tihpalh lutuk. Ka kalna kawng ka lo en lo a ni. " tiin ka inbeng fai nawk nawk a, ka tlan leh ta nghal a. Ka tluk chhung chuan a lo lang tawh miah lo mai a. Kha ka bag chhungah khan rim taka kar khat chhung ka lo thawhna a tips ka dawn leh ka passport leh phone a awm a, ka hloh thiang lo a ni.

Ka hma a thirsakawr tlan chu ka hmu pha tawh der lo, ka bag kha ka hmu let leh lo a nih chuan ka tan haw ngaihna a awm dawn lo a ni. Man ngei tum chuan ka rin tlan leh ta ngat ngat a, ka hma lamah chuan ka bag latu ngei mai chu ka hmu ta a. Finrawl chhuahin a thirsakawr chu kalsanin ke hian a kal a, a thawmhnaw thlak nachang a hre lo erawh chu a fin a kim ta lo hlauh a. Amah ngei a ni tih ka hriat loh a ring emaw ni le? Ka tha tawpa tlanin hnunglam atang chuan ka va zuan thlu tawp a, a hoodie chu ka pawh tlaksak nghal a. Mask a vuah avangin sam buang leh mitmeng dum ril raih mai nei a ni tih bak ka hre thei hrih lo. A mitmeng dum ril raih maiah chuan mak tihna hi a lang chiang hle mai.

"Kha tia min zuan thlu kher lo khan ka autograph min dil duh a nih chuan min dil tha hle hle ni la ka pe hreh hauh hleinem che." a ti ril ruih a.

Ka thingthit hnan rap a, "Hmela, celebrity emaw i inti em ni? Eng vangin nge rukru autograph chu ka dil teh lul ang che ni?" tiin a hmaia hnek pawp tum chuan ka kut ka lek uaih lai chuan ka banrekah chuan min man chawt a.

"Hmeichhe naupang, eng thil nge maw i tih le? Cat woman emaw i inti emaw ni le?" a ti nghut a.

"Ka bag i ruk kha min pe nghal rawh." ka ti vin hlar a.

" Eng bag maw?"

Kawng kalho mit chu kan la ngang a ni ang min en hu hu hlawm a, a then lahin film kan chang emaw min ti nge ni dar chhin akin min pel fel mai a.

"Tun minutes reilote kal ta khan thirsakawr chungah chuangin ka hand bag i ruk kha min pe nghal rawh! Khawiah nge i thuhruk?" ka ti chher chher a.

Za tak hian a nui ta hawk hawk a,"Thla thum kal ta a Ireland-a ka zin tuma ka thirsakawr chuan bak kha ka la chuang leh hauh lo. Min hre sual chhiava a nih chu, naupang."

"Mi dawheh! Rukru!"

Chutih lai chuan Police patrolling car chu kan bulah a rawn ding chat a. Min hmutute zinga tu emaw ber khan police-ho chu an call a nih ka ring thiam mai a.

" Eng buaina nge in neih a?"

" Officer, he pa hian ka bag min ruksak a ni."

"Thil ngaihhai palh a awm a ni." ka bag rutu chuan a ti dam dup a.

" Khawngaihin Station lamah min zui ula kan sawi fel thei mahna." hawihhawm tak chuan a ti a, police car-ah chuan kan lut ta a.

Station kan thlen chuan ka bag rutu pa sang tak hnenah chuan a mask phelh turin an ngen a. A mask a phelh chuan ka thaw halh a. Mitmeng dum ril raih mai, hnar ngul sang veh vawh leh a tawk chauh a hmui pan leh sexy zet nei hmeltha zet mai hi a lo ni a. Sap ram rukrute hi heti khawp hian an lo hmeltha bik a ni maw ka ti rilru a.

A mask a phelh chuan police-ho chu an lo thaw hawk a, an nui deuh tha hlawm a. "Nang maw, Mr Rice? Eng buaina nge in neih a?" tia a zawhna chu a chhan hma hmain police dang chuan a autograph dilin thla te an lakpui mawlh mawlh hlawm a. A ngaihna hre loin ka hawihai chiang kher mai.



He mipa hmeltha leh dung sang tak hi actor lar tak a lo ni reng tihna a lo ni maw?? Ngaihna hre lo zet chuan ka hawi lawl lawl ta mai a.



"He hmeichhe naupang hian a bag latu-ah min puh deuh a."



Officer chu a nui ta hawk a," Miss, amah hi a ni ngei tih i chiang em?" tiin min zawt ta a.



Aih, ka chiang ngam hlawl tawh lo." He pa hian thirsakawra chuangin min rawn tlan pel a, min tlanpelh pah chuan ka bag ah( ak) lai chu min pawhthlaksak ta a ni. Kha ka bag kha ka hmu leh lo a nih chuan ka buai hle ang. Ka passport, ka phone leh ka pawisa neih zawng zawng a awm vek a ni." ka ti mawlh mawlh a.



"Amah hi chu a nih ka va ring lo ve aw..."



" Mahse, a thawmhnaw hak a la ngai vek si a.."


"Aw le, kan enna dawn nia." tiin officer chuan rawk ka nihna hmun thlera CCTV chu min thlirpui ta a. Ka bag min laksak lai pawh chiang takin a lang a, chupa kalna chu a chhui zel a, chupa chu ka tluk lai vel khan a lo peng kawi daih a lo ni a. Rawk ka nih lai pawh khan he pa hi ka hma lam yard tlemtea hlaah a awm reng tawh tih ka hmuh chuan ka inthiam lo leh ka zak chu ka kut ka hum ngawt ngawt a. Police officer chuan patrolling duty chu a be nghal zung zung a. Chutah ka lam rawn hawiin, " I bag chu kan hmuh leh ngei ka beisei." tiin min nuihsak a." Kan nauten an umzui mek e." a ti ta a.



Ka bag latu nia ka ngaih pa chu a nui ta suk a, a la nui mawi phian zui." Man chhuak ngei ula ka ti ngawt mai." a lo ti zauh a.



Officer chuan,"Miss, he pa hi i hre lo niin a lang.." tiin ka bag latu nia ka puh pa lamah chuan a lu a bu nghut a.



"Hre hau lo mai." inthiam lohna vang chuan ka sen tawn tawn a.



" West Ham United football club hming hi i hre tawh em?"



Football ka ngaihven loh zia leh ka en ngai loh zia chu Pathianin a hria. "Manchester United leh Liverpool bak hriat ka nei lo. Player-ah pawh Messi leh Ronaldo bak ka hre lo." ka ti a.



Station-a awm ho chu an nui ta hak hak hlawm a,"He pa hi Declan Rice a ni a, West Ham United a an defensive midfielder, centre - back niin nakuma UEFA European Championship 2020-ah pawh England tana khel tur list-a tling pha ngat a nih hi."


Ka zak chu ka hmai a sen zual sauh a," Ka tihpalh a ni. An kawr hak a inang vek si a, ka ngaihhai a ni." ka ti sap a. "Mr Rice, ka tihpalh lutuk..min ngaidam rawh." ka tih zawm zat a.

"Engkim a tha vek e. Experience tha tak min daihriatpuia, ka tan chuan thil chhinchhiah tlak tak leh hun danglam tak a ni. Pawi ti reng reng suh." tiin mawi lutuk hian a nui sak a.



Police hmeichhia pakhat chuan nui hak hak chung hian," Kum khatah 40 thousand pounds hlawh pha chin chuan mi bag ah lai a chhuhsak chawt chawt chu a rinawm loh hle a ni." a la rawn ti a.



Ka inthiam lohna chu a nasa tulh tulh a, 40 thousand pound maw?! Karei...Kan ram pawisa chuan ₹40,72,332...ka tah te a chhuak ut utin ka hria.

Darkar chanve hnu-ah chuan ka bag latu ngei mai chu Station-ah an rawn hruai lut ta a, ka bag chu a chhunga thil awm la kim thlapin ka hmu let leh ta. Ka va lawm kher em. Ramchangkang nge nge misual hnu chhui pawh an chak e! Kan ram chu nise siki thlarau pawh ka hmu let tawhin ka ring lo.



" In hna chak tak vangin ka lawm em em e." tiin lawmthu ka hrilh mawlh mawlh a.


Ka bag latu pa chu tleirawl kum 15 mi, ruih hlo khawih thin a ni awm a. Station ka chhuahsan hnu chuan Mr Rice chuan min rawn um zui thuai a."Inhmelhriat nan in tur ka leisak ang che chu.?" a ti a.

A lakah ka inthiam loh em avang chuan ka hnial ngam hlawl lo a. Kawngsira thutthlengah chuan kan thu dun a, "Kha pa kha a la naupang sia engtin nge an tih ang le?" ka ti chhuak halh a.

" Case siamsak theih a la nih loh avangin thla khat emaw a aia tlem emaw chu vantlang hmun tifai turin emaw an chhawr anga naupang sual enkawlna hmunah an dah ka ring." Rice chuan a ti a. " Eng nge i in duh? Ka va lam ang e."

" Orange juice ka lo in ang e."

A bawp sei tak chu penin a kal sawn ta a. Rei vak lo hnu-ah chuan in tur kengin a rawn let leh a, juice um leh straw chu min pe a.

Lo ban thuai pah chuan,"Ka lawm e. " ka ti sap a.

Ka bula rawn thut thlak ve pah chuan, ' I accent hi a mawi danglam riauin hetiang tawng thluk hi ka la hre ngai miah lo." a ti a.

Ka nui hak a,"Mizo accent a nih hi." ka ti mai a.


"Mizo?"


" India rama state pakhata chengte ."


"Oh, ka hrethiam e. Ka hming chu i hriat tawh angin Declan Rice a ni a, nang i hming ve le?"


"Mariya Zonunkimi ka ni e."


"Kan intawn dan leh hmelhriat dan hi a danglam em mai a, hun dangah leh hmun danga intawng chu ni ila thil a danglam deuh mahna. Hmeichhe huaisen tak i niin ka hria. " a ti a.


" Ka lawm e."


"Ni dangah ka hmu leh thei che ang em?"

" Kha ti khawp khan ka tizak chein dawtah ka puh chung che pawh khan min la hmu duh a maw?" ka ti deuh ha a.


Nalh zet chuan a nui sak a," Aw, hmuh leh che ka duh a ni, i remtih chuan." a ti sup a.



" Kan inhmuh leh chuan ngaihdam dil nan ei tur ka leisak ang che." tiin ka nui ve ta sak a.


"Ka hnar hauh lo ang." tiin a nui hak a. " Biak pawh theihna tur che min pe thei ang em?"


Ka phone number chu ka pe nghal thuai a. Juice kan in zawh chuan," Min hriatthiam vang leh in tur min leisak vang khan ka lawm lutuk a nia. Ka haw san tawh phawt ang che." ka ti a.


"Ah, khawiah nge i chen a?"

"Sherlock Holmes-a chenna hmunah." tiin ka nui san san a.


" Baker Street-ah maw? Eng tia haw nge i tum?"

"Subway atangin relin ka haw ang."


" Ka va thlah ang che." tiin a mask chu a vuah tha sawt sawt a, a car dahna lamah chuan kan inzui ta a.


"Ka chunga i thatna hi ka hre reng ang." ka ti sap a. A car nalh tak chuan min va thlah ta a.


A laka ka chetdan kha ka ngaihtuah let hian ka zak tulh tulh mai, titipui tur lah hre loin ka ngawi ran a, ka bengah ear piece chu vuahin Stray Kids hla ' Miroh ' chu ka ngaithla ta daih a. Tunah chuan Stray Kids ho hi la lar lo mah se kum hnih khat hnuah chuan an la lar hle ka beisei tlat a ni.


Ka benga ear piece chu rawn phawiin, "Khawngaihin...min be duh lo a nih pawhin ear phone min vuahsan suh." a ti sup a.


"Ah, tihpalh."


"Ka bula mi ten earphone min vuah san hmak hian min be peih loin engahmah min ngai lo angah ngaihna lian tak ka nei thin."


"Sawi tur a vang em alawm."

A nui suk a.

*****


He thawnthu hi zan khat danah ka dah dawn ka tih kha aw. Ka dah loh zanah FORBIDDEN ABYSS ka rawn dah thin ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:47 pm

CHAPTER _ THREE

DECLAN'S POV :

Ka hming chu Declan Rice niin kum 1999 January ni 14 khan tuna kan chenna Kingston Upon Thames-ah hian lo piangin ka seilian a. Ka pa nu leh pa, ka pi leh pute hi Irish an ni a, Douglas County cork, Ireland-ah an cheng a. Ka pi leh pu chu ka ngainain ka pawh em em a ni.

Ka hriat theih tirh atangin Football hi ka ngaina nghal a, kum 5 mi lek ka nih atangin ka khel tan tawh a; ka first love min zawt ta se 'football' tiin ka chhang ngei ang. Kum 2006 khan kum sarih mi chauh ka nih laiin Academy Of Chelsea-ah Football khelh zirin ka awm ta a, kum riat chhung ka zir hnuin kum 2014 khan ka chhuak ve ta a. Ka chhuah hnu chuan Academy Of West Ham United ka zawm leh ta a. Kum 2015 December ni 16 khan West Ham United Youth level-ah chuan professional contract ka signed ve tain, Ireland National team under 16-ah ka khel tan ta nghal bawk. April 2017 khan West Ham senior squad-ah Sunderland leh Everton hmachhawn tura koh ka ni ve chu ka nuna thil pawimawh tak a ni.Ka jersey number chu 41 a ni.

2017 - 18 Hammer of the year award la tura nominee ka ni a, Mark Arnautovie chuan lawmman dawngin pahnihna ka ni pha ta hial a. 2018 khan FAI Young International Player of the Year-ah min thlang chu ka tap thei hial a ni.Ka dinhmun sawh nghet zelin kum 2024 thlenga West Ham United-a khel turin contract thar ka sign ta a. Kumin 2019 hian England National team a tel ve tura thlan ka nih avangin Ireland national team atanga inhnukdawkin ka pian ka seilenna ram England tan khelh chu ka thlang ta zawk a.

Football thiam leh hmingthang tak tak zinga han khelh chu ka phur em em rualin ka insit ve deuh hlek a ni. Training nan hun kan hmang tam ber a ni mai, ka hun tam ber chu field chhungah ka hmang a. Hmasawn belh zel ka duh vangin ka team mate te aiin ka kal hma a, a haw tlai berah ka tang bawk thin. West Ham-a khelh hi nuam ka tia, players leh staff te pawh kan in pawhna a thain chhungkua ang mai kan ni ti ila ka ti sual tampui lo ang.

Training ka la urhsun thei bawk a kan Manager David Moyes pawhin min fak ve hle nghe nghe a ni. Mahse vanduaithlak takin kan training lai chuan ka ngal rek ka ti ulh ta tlat mai a, na lutuk leh inkhelhpui theih loh khawp tur chu niin ka hre lo nain kan fitness coach Jose Cabello chuan inkhel hrih lo tur leh chawl hahdam turin min ti miau mai si a. Ka chawlh chhungin ka taksa fit-na ka lo hloh phah ka hlauh avangin tlai tin leh zing tin chu ka walk thin a.

Vawiin tlai ka walk pawh chu ka beng lehlam chauha zai ngaithla chungin hmanhmawh lutuk loin ka kal mek a, ka rin loh lutukin ka hnung lam atanga zuan thluk ka ni ta a. Min zuan thlu tu chu hmeichhia a ni tih ka hriat chuan ka fans-te zinga pakhat a nih ka ring nghal mai a.

"Kha tia min zuan thlu kher lo khan ka autograph min dil tha hle hle ni la ka pe hreh hauh hleinem che." tiin ka phun sup a.

Ka tlu lai chu min rawn bawh betin min rawn thingthit hnan rap mai a, a chhan ka hre lo ka lungphu chu a nih tur bak aia chakin a phu ta zawih zawih mai a, ka hlauh vang a ni lo tih erawh ka chiang a ni.

"Hmela, celebrity emaw i inti em ni? " tiin min rawn hnek a tum ta mai a, a kut chu la man behsakin ka nui hak a, a aw phawi nalh danglam tak chuan min hip nghal var mai a.


A hmel chu ka en ta a, a mitmeng lian kel kawl leh fiah kak mai chu thinurna vangin a lang dum muk leh zual hian a lang. A la naupangin a hmel chu a tha a ni satliah lo, vawi khat hmuha theihnghilh leh mai mai tawh lo chi hmel hi a nei a ni. Hmeichhe hmeltha hi ka lo hmu hnem tawh viau nain ani anga ka vawi khat hmuhna a ka lungphu tirang theitu hi ka la tawng ngai lo a ni. He hmeichhia hi eng ti kawng pawhin ka la hmu leh ngei ang.

A bag ka ruksak loh zia a hriat hnu chuan a chenna in thleng ka va thlah a. Ka car atanga a chhuah dawn chuan tul lo deuhah a kut chu ka va khawihsak ta hram a
Ani chuan min rawn melh kawkin a kut chu a la sawn thuai a, "Ka tihpalh." ka ti sup a.

" Bye, Mr Rice."

" Declan zawk mawle." tiin ka nuih sak a

"Okay, Declan." tih pah chuan a nui ve ta a, a nuih zawnga a ha uingho rawn lawrh vah chu a inhmehin a nalh danglam lutuk a ka thaw hawk thei hial a ni. He hmeichhia hi ka ta tur a ni, tumah rengin min neih khalh ka phal ngai lo ang.

A kal liam hnu thleng chuan ka thlir zui ngawih ngawih a, ka lungphu a pangngai deuh hnu chuan ka motor chu tinungin ka tlan haw ta a.

Naupangté ka nih atanga nu leh pa hmel hmu phak lo leh nu leh pa thlahlel reng reng a academy-a hun hmang thin ka nih vangin nu leh pa kalsana mahni a in luah hran chu ka rilruah a la lang chhin ngai lo a ni. Chu loah ka hun tam ber hi pitch (khelmual) ah ka hmang thin bawk nen, hun awl ka neih chu ka chhungkaw bula hman ka duh thin a ni.

Ka naupantet lai atanga ka thian tha ber Mason Mount leh ka chhungkua hi ka tana pawimawh leh engtik lai pawha ka tana awm reng te an ni. Chelsea academy-a kum riat hnu-ah an academy atanga min han hnawl kha ka tuar em em a, tling lo ngawih ngawih leh tlaktlaina nei lo niin ka inngai a, depression ka neih phah hial a nih kha. Kha mi tum khan ka chhungte leh ka thian pa Mason hi awm lo se chuan ka chhe hlen vek anga tun hun thleng tur pawh hi ka awm ka ring lo a ni. Chuvangin ka chhungkua leh ka thian tha ber hi ka tan an hlut dan hi ka sawifiah zo lo.

In ka thlen ve leh ka pindanah lut tlang nghalin shower-ah chuan ka in tleuh a zung zung a, ka thian pa chu ka va text ta a.

"Hey dude, vawiin khan van atanga rawn tla ni awm hrima hmeltha hmeichhe pakhat ka tawng asin." tiin min rawn chhan nghal mai loh danah a la practice a nih ka ring ta a.

Mason nen hian Academy of Chelsea- a kan inzir lai atanga inhre tawh leh inkawm ngeih nghal kan ni a, kan pian kum leh thla pawh a in ang veka kei ni 14- a ka pian laiin a ni chu ni 10-ah a piang thung a, kei aia ni thum leka a upatna chu a chhuang thei teh a nia. Kum 2014 atang khan England National team under 16 ah khelin tun thleng hian national team-ah a la tel zat zat thei a ni. Tunah hian Chelsea Football Club-ah jersey no 19 hain an attacking midfielder,central midfielder a ni mek bawk. Kan inkawm hi chu kan ho dun bawk a, "Dumb and Dumber" tiin min ko fiam thin a ni.

Ka hla ngainat ber mai 'Adventure of a Lifetime' Coldolay hla chu ngaithla chungin ka khum chungah chuan ka phone ka khawih mai mai a. Drake hla 'Passionfruit' leh Robbie Williams hla 'Rock DJ' hi nalh ka ti a, he hla phei hi chu ka nu hla ngainat ber a ni nghe nghe a ni. Ofenbach hla 'Be Mine ' hi ka duh leh hle bawk. He hla hi Joe Hart vanga hria ka ni a, Germany-ah pre-season a kan kalin Bus chhungah he hla hi Joe Hart chuan a ngaithla a, a earpiece lehlam chu ka bengah a rawn vuah a kan ngaithla dun ta a, kha ta tang khan nalh ka ti ta em em a ni. Tunlai hla thar aiin 80s bawr chho vela music te hi ngaihnawm ka ti zawk thin.

Mariya chu va text ngawt ila...kan inkalsan fel chauh a ni sia va text nghal ngawt chu ka hreh deuh bawk si. A number chu ka hmet chhuak deuh sek mai a. Ka mitthlaah chuan a hmel fiah kak kha a rawn lang uai uai reng a. Amah mitthla reng chung chuan Be Mine hla chu ka ngaithla ta a, an music beat nalh lutuk rem chuan ka bu nghat nghat a.

Ni, kha hmeichhe duhawm lutuk kha ka ta ni turin ka duh a ni. Ka taah siam ngei ka tum bawk ang. A la naupang hle tih hre mahila a naupan vang chuan ka rilruah a cham loh phah chuang bawk si lo. A lo berah kum 17-18 vel chu a ni tawh anga, naupang chhia a ni tawh bik hlei nem maw le. A rilru ka neih hma chuan ka tibuai char char zawk mai dawn em ni ang? Tunah hian Mason ang nula mi leh nula zeizia hria thurawn ka mamawh niin ka hria.

Ka phone chu la kangin, "Hi Mariya! Declan Rice ka ni e, vawiina i rukru thian kha. Zanriah min eipui duh ang em?" tiin ka text ta a.

Minutes nga hnu velah chuan min rawn chhang ta chauh a, a chhanna ka nghahhlelh luat vang nge ni ka thin a rim tung hman nia.

"Aw, ka hnial loh zawng tak a ni."

Ka hlim lutuk chu ka khi sak a, ka thin chu a phu rang nghal zaih zaih mai a nih chu. West Ham tan ka goal hmasa ber ka thun tum khan tun ang chiah hian ka lungphu hi a rang tawh bawk.

"7:30-ah ka rawn lam ang che."

"Okay."

And I want you to come
I won't let you go
So if you wanna dance
Let's start the show
'Cause I want you to be mine
Yeah I want you to be mine.

Phur taka ka thawmhnak thlak pah chuan Ofenbach zai chu ka zawm zat zat a.


Mariya's POV :

In ka thlen ve leh thil dang engmah ka tih hma chuan ka khumah ka mu thla thlawrh a, ring mang kheng chuan BTS hla 'Blood Sweat and Tears' chu ka play a Declan Rice chungchang chu internet-ah ka search nghal a.

Aw Lalpa leh! Ka zak thar leh hnuhnawh chu ka sa up up mai a. Kei hian he footballer hming thang hi ka pawisa tlemte ru-ah ka lo puh a nih chu. A chanchin ka chhiar tam tulh tulh a ka zak tulh tulh mai...Kha hun kha her let theih nise engkim kha siam that leh vek ka duh a ni. Ka thil hre tlem leh inchhiar zau lo lutuk vang vek a ni.

Zah vanga mahni inankhum mawlh mawlh chungin bathroom-ah chuan ka lut a. Ka sam chu su phawtin ka suk zawhah ka inbual ta a. Ka inbual zawha ka sam ka chhem ro mek lai chuan Declan hnen atang chuan text message ka dawng ta a.

Zanriah eipuia min rawn sawmna hi a ni a, a hmaa ka chet dan kha chhuikirin ka chhang let ngam lawk lo a, chhan loh lah dikin ka hre bawk si lo, a tawp atawpah chuan ka remtih thu ka thawn ta hram a. Message ka type zawnga ka kut khur nasa lutuk te chu hmu se min nuihsawh ngawt ta ve ang.


Ka lo remti mai pawha diktak chuan hmuh leh ka hreh tak zet a ni. Ka thaw halh a, zanriah ei tur chuan ka insiam ta mawlh mawlh a. Richard chu text-in zanriah ei turin thiante nen kan chhuah tur thu ka hrilh a, " Dar 10:30 hmain i rawn let tur a ni." tiin min rawn text let a.

"Aw le, sir." tia thawn let lehin ka thla darthlalanga rawn lang chu nui sakin ka melh a.

Declan chuan min rawn text leh a," Ka nghak mek che." tiin.

Ka bag chu lain hmanhmawh tak chuan ka tlan chhuak ta nghal a. A car nghenga dingin min lo nuih var var a,"Good evening." a ti zang vah a.

"Oh, hi...good evening." tiin lai zet hian ka kut chu a vai a. A hmel ka hmuh chuan ka chet chhiatna kha a rawn thar leh uar uarin ka zak thar leh a, ka sen nghal awp awp mai.

A car kawngkhar chu min lo hawnsak a thut luh pah chuan lawmthu ka sawi sap a.

French Restaurant La Dame De Pic-ah chuan zanriah chu kan kil ta a. A hmun a nuamin a romantic ruih mai a, ngaihzawngte nen dinner eina tura hmun duhthusam niin ka hria.

Kan order lo thlen hma chuan wine chu a hmingin ka in ve hlak hlak a, zu ka la in ngai loh avangin ka pum a ti sa nghal hat hat thei a ni. " Ih..vawiin thil thleng kha...pawi ka tiin hrehawm ka ti tak zet a ni." tiin wine chu ka lem hlak a.

" Ah, theuhnghilh rawh. Mi tu pawh hian chet fuh loh chang kan nei vek alawm. Chu kan chet fuh lohna chu kan dam chhung nun kan nghawngtir a nih chuan kan à hle tihna a ni mai. Kan hun kal tawhah zah ngawih ngawih na leh i thiam loh ngawih ngawihna kan nei lo a nih chuan hmasawn miah loin a ngaiah kan su kan su kual tihna a ni aw." tiin min nuih sak a, a nui hmel mawi lutuk chuan ka awm a ti nuam veng veng mai.

"Ka lawm e." ka ti leh sap a.

Kan ei tur chahte a lo thleng ta bawk a ngawi rengin ka ei ta malh malh a.

"Infiamna lam hi eng nge i tui zawng?" tia min zawh chuan ka lo melh let ha a.

"Engmah ka tui hran lo. Basketball khel chu ka en ve zeuh zeuh." dar san ak chuan ka ti a.

"Football khel i en ngai lo maw?"

"Aih, en ngai miah lo."

"Kar leh atang khian ka practice leh thei tawh dawn a, min rawn thlir peih ang em? Ka sawi awmzia chu...ka football khel lai."

Chutia a inkhel lai en tura min duh a nih chuan min hmuh leh a duh tihna a ni dawn a, kei pawhin hmuh leh chu ka chak lutuk alawm. Nuih sak pah chuan,"Aw le, tehreng mai." ka ti ta sap a.

"Mahse i footballer hriat Ronaldo leh Messi te chu ka tluk dawn miah lo a nia, ka tluk lo nasa ang. " tiin a nui hak hak a.

"An hming ka hre ringawta an khel ka la en bik lo."

Chutia kan tawng mawlh mawlh lai chuan pa upa lam deuh hi camera nen rawn kal hnaiin kan thla a rawn la ta mawlh mawlh mai a, ngaihna hre lo a ka hawi à ruai lai chuan,"Khawngaihin dawh hram hram rawh aw." Declan chuan a ti sap a.

Thlalatu kal kian hnu chuan, "London chanchinbu pakhat a tabloids and gossips columnist a nih kha." a ti a.

" I thla a la ringawt a, engmah a zawt bawk si lo che a?" ka ti ha a.

"A zawhna ka chhansak ngai loh vangin zawh enah min en peih tawh lo a ni maithei a ni."

"A nih chuan ka thlalak kha a chanchinbuah a tu chhuak dawn tihna em ni?"

"Aw, a pawi ang em? A chanchinbuah chuan ka bialnu angin a ziak ngei bawk ang che. Chu chu a tha lo viau ang em? Entirnan i bialpa nen in chungthu a chhiat phah ang em?" tiin min rawn melh de sawr sawr a.


Ka nui tawi tak a,"Bialpa ka nei lo. Khawvel footballer langsar zinga mi nen sawi zawm ka ni tur chu ka chang sang khawp dawn alawm." tiin ka nui hak hak a.

"Zawhna pawh i dawng hnem fu mai thei a nia..Miss, Rice nen hian in in date em ni? Rice hi i ngaina em? Eng nge in chanchin dik tak? tiin an zawt sup dawn che a nih kha." a ti a.

Uangthuang tak chuan ka fork ken lai chu microphone angin ka lek a, "Aw, Rice hi chu ka ngaina khawp mai. A chhan chu kan hnam chaw pui ber a ni a, Rice tel lo chuan breakfast leh dinner hi kan ei ngai lo. Chuvangin ka nunah hian Rice hian hmun pawimawh tak a chang a ni." ka han tifiam vel a.

Za em em hian a nui ta hawk hawk a " A nih leh he Rice hi i nuna mi pawimawh nih tir i duh em?" tiin amah chu a inkawk a.

"Ka nuna mi pawimawh tak chu a ni nghal alawm. London ka rawn thlen atanga ka mipa len chhuahpui hmasa ber, mipa ka insualpui hmasa ber, ka phone number ka pek hmasa ber leh footballer ka hmelhriat hmasa ber i ni." ka ti a.

"A football khel i en hmasak ber ka la ni dawn bawk.."

Kan thil ei lai chawl meuhin kan nui dun ta hawk hawk a. A nui hmel chu mawi ka va ti teh kher em.

"London i rawn kalna hi a la rei lo em ni a?"

"Thla khat a tling ve tep tawh tih chauh a ni."

"I zin mai mai nge awm hlen tur ang in?"

"Ka awm hlen ka ring."

"Hriat chian leh zual che ka duh a ni - i rem tih chuan."

Ka sen deuh ap ap a,"Hriat chian leh chuang tur ka awm lo. Ka lan ang ang hi ka ni mai." ka ti sap a.

"He hla hi ka hla duh ber a ni a, lo ngaithla ve chhin teh aw. " tiin a earpiece chu ka bengah a rawn vuah a.

"Eng hla nge ni a?"

Chiang zet hian ka mitah min melh vang vang a," Be mine." a ti sap a.

Ka sen nasa zual sauh a,"Declan, kan inhmelhriatna pawh darkar eng emaw zat kalta lek kha a ni a, hetia inbem nan chuan a la hma mah mah lo maw?" ka ti let ha.


Za tak hian a nui hawk hawk a," I hla ngaihthlak tur hming chu maw 'Be Mine' a ni. ." a ti ta a.

Ka zak lutuk chu ka sen nasa zual sauh a. " Ah, ka la hre ngai miah lo a nih chu." ka ti niah niah a. A hla a rawn play chuan ka ngainat zawng a ni lutuk lo nain nalh chu ka ti ve tho mai. " A nalh khawp mai, tute sak nge a?" ka ti a.

" French DJ pahnihin kum 2014 band din Ofenbach a ni. He hla Be Mine phei hi chu Billboard Dance/ Mix Show Airplay-ah chart 35-na a hauh phak hial asin." a ti a.

"Ka hre ngai lo hrim hrim. Kei chu K pop lam hi ka ngaithla tam a, a bikin BTS leh Stray Kids hi ka ngaithla nasa."

"BTS chu ka hria, nikum khan concert an rawn nei alawm. Chuan an album Map Of The Soul: Persona pawh kha April thla khan UK number one album a nih nghe nghe kha. Mahse an zai chu ka la ngaithla miah lo thung."

An zai la ngaithla lo mah se an hming a lo hre ringawt pawh chu nuam ka lo ti ve hle ringawt a. "Ka playlist-ah chuan BTS leh StrayKidz hla chiah a awm. Nakinah ka la ngaihthlaktir ve ang che." ka ti a.

"Aw, min ngaihthlaktir loh vaih. " tiin min siai sak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:47 pm

CHAPTER _ FOUR

Mariya's P.O.V

Kan shift a zawh chuan Zahra chuan kan inthlak zawh rual rualin min kai nghal dawr dawr a,"Eng thil nge ni ta?" mak titak chuan ka ti ha a.

" Coffee in pahin inkawm ang. Ka treat ang che." a ti a, café lamah chuan min kai dar dar a. Thut hmun kan rem fel a, kan thil chah a rawn thlen hnu chuan,"Rice nen khan inthlalak ka hmu a." a ti nghal chawt a.

"Min hai a niang." ka nui hak a.

"He i bracelet bun atang hian ka hai loh zia che ka chiang a ni. In in-date em ni? A ni tiraw?" a ti a.

"Dinner kan ei dun satliah mai a ni e. Engmah kan inkarah a awm lo."

"Rice hi ka star thei lutuk a, amah vang chiah a Hammer ni ka ni asin."

"Hammer i ni i tih awmzia chu tuboh i ni tihna maw?" ka lo ti he haw a.

"Mawl lutuk suh! Hammer chu West Ham United fans-te hi Hammer an ti thin."

Ka nui ta hak a, "Inkhel lam hi chu maw ka hriat loh dan chu pui tak a ni. I duh viau chuan ka lo sawipui dawn che em ni?"

"Tunah chuan a thian tha ber Mason Mount hi ka vei leh bur tawh mai. Awi, ka duh zia chu pui tak a ni, ka mumangah te kan lo hmu vel mawle."

"Wow...Mason Mount pawh chu ka hre ta chuang lo."

"Hei hi a thlalak chu a ni. Tunah hian Chelsea Football Club-ah a khel mek bawk." tiin Mason Mount thlalak chu min hmuhtir a.

"A chhiat hran loh hi." ka ti mai a.

"Chhe hran lo a ni satliah lo, a chhe lo khat tlat a ni. Enteh, Rice nen in inbiak leh chuan a thianpa nen double date lo rawt teh, khawngaihin. Mount hi vawi khat chiah pawh kiss ila thi daih mahila pawi ka ti lo ang." thutak zet hian a ti a.

A hnungzangah chuan ka beng awk a," I ti mah mah aw." ka ti hlak a.

"Ka rilru diktak ka sawi alawm. A hmelthat mai bakah a nui mawi tel bawk...khawvel mipa zawng zawngah ka duh ber ang. Double date mawlh chu theihnghilh miah suh ang che." a ti sarh sarh a.

" Min rawn be tawh kher lo mai thei a..." ka sawi mek lai chuan ka phone chu a rawn ri nghal a, ka en thuai a, ka phone screen-ah chuan "Lalbuhfaia" tih chu a rawn lan takah chuan phat rual lohin Rice-a a ni tih ka hre mai a. " Hi!" ka ti zang vah a.


"Eng nge i tih a? Khawnge i awm?"

"Ah, kan shift kan zo chiah a, ka thiannu nen Hotel Grant café-ah kan thu muang mek. " ka ti thuai a.

"Ka awmna atangin a a hla lo bawk a, ka rawn kal ve dawn aw. A rem ang em?"

"I duh a thu le."

"A nih chuan min lo nghak hram rawh aw, ka rei lo ang."

"Okey." ka phone ka dah rual chuan Zahra chu ka va siai sak a, "Declan Rice a ni. A rawn kal mek." ka ti sap a.

Phur lutuk hian a au ta chul a, kan vela midang awm ve te chu an rawn hawi thap hlawm a. "Oh, my God! A rawn kal tak tak dawn maw? Ka mi ngaihsan chu hmaihma ngeiah a nung chung ngeiin ka hmu thei dawn ta! Mariya, ka hmangaih che." a ti tawr tawr a.

Midangin heti khawpa an lo ngaihsan chu kei lahin rukruah ka lo puh vel kha a ni a, ka nui leh ta sak a. Declan Rice bulah hian ka che hit lo ve thei hrim hrim dawn a niang. Be Mine hla min ngaihthlaktir tuma ka tawng khum dan te kha...awiii...ka zak thar leh chem chem mai.

" A rawn thlen hunah chuan min inhmelhriattir loh vaih chuan aw i chak lo hle ang. Amah atang hian Mason Mount hi ka hmelhriat ve dawn alawm. " tiin Zahra chu a la phul hlut a.

" A rawn thlen rual rualin ka chhuahpui nghal ang mawle." tiin ka lo nui hawk hawk a.

"Thih i duh chuan i chhuahpui dawn nia." tiin a nui vei har har a. "Mason ka hmelhriat theih phah phawt chuan thla thum chhung i thil ei leh in man ka tum char char ang."

"Pinky promise." tiin ka kut zungte chu ka ti pir va a. Ani chuan a kutzungté chu rawn tipir vein kan zungte ve ve chu kan insuihzawm a. "Thla thum chhung ka ei leh in man min tumsak dawn phawt chuan ka theihtawp ka chhuah ang." ka ti a.

Chutih lai chuan Declan Rice ngei mai chu Café chhungah chuan a rawn pen lut ta thauh thauh mai a. A pian nalh tak leh infiammi tih hriat taka inzo leh pian inkhaithli zaih mai chu hmuhnawm ti tak hian ka lo melh dauh dauh a. Kan bul a lo thlen chuan min nuih sak a, " Evening!" a ti zang vah a.

Zahra chu awm ngaihna hre loin a phi cheng tawh mai a, min rawn nghawk leh zauh thin a. " Lo thu ve rawh." ka lo ti a. A thut rual rual chuan,"Ka thiannu Zahra Zoramdinpuii a nih hi. Nangmah ngaisang em em tu leh nangmah vang chauh a Hammer ni ta." ka ti nghal a.

Hlim taka nui var varin "Ka hmu che chu ka lawm hle mai, Miss." tiin a kut pein a chibai ta a.

Zahra lawm lutuk chu a thaw a chham dawn emaw tih mai turin a thaw hlawp hlawp a. "A tak tak a ni! Ka mumang a ni lo! Rice, ka hmu che hi ka lawm lutuk. Awi, i inkhel hi ka en ziah a thiam ka ti lutuk che a nia.Ka ngaisang lutuk che." tiin a dak nghal char char a.

"Ka lawm lutuk e."

"Thianpa Jason Main i nei em ni? Chu pa chu a star lutuk a, hmelhriattir ngei ngei ang che aw." ka lo ti a.

An pahnih chuan an inmelh a, an nui dun hawk hawk a"Mason Mount " an lo ti rual that a.

"Mason Mount." tiin ka lam nawn leh ngat a. "Ka hre renga ka lam sual lui a nih kha." tiin ka nui hak a.

"Ka thian pa chu ka hmelhriattir em em ang che. " tih pah chuan Zahra chu a melh zauh a.

"Min hmelhriattir theih chuan ka lawm ngawt ang...Mi lar ni si i induh lo ka ti. Keimahni level ang maiin i awm a, ka ngaisang zual sauh che." Zahra chuan a ti zung zung a.

"Ka lawm e. Mariya lakah phei chuan rukru ang lek asin ka nih." tiin a nui hak a.

"Rukru a? Eng nge awmzia?" Zahra-in a tih chuan ka zak chu ka lo sen awp awp a.

"A thinlung ka la ruksak dawn vangin mawle." tih pahin min rawn melh ralh a.


In la zei fahran hian Zahra chuan, "Thinlung ruksak tur pawh a nei tawh dawn em ni?" a lo ti hlak a.

"A awmzia chu a nunah mipa dang an awm tawh a ni maw?" a mitmenga tawrhna lo lang zawk chu ka hmu hman a.

"Thinlung pakhat chiah a nei a, chu chu i laksak tawh a . A dang ruksak leh chuang tur a neih ka ring lo deuh teh ngawt a. " inla zei fahran hian a'n ti vel chu chum hnang awl awl ka chak!

Declan Rice mitmenga hlimna leh phurna lo lang chu hmuhnawm tham a ni."Chu chu dawt a ni lo ang tiraw?" a ti nghal chul a.

Ka lo sen deuh ap ap a, "Aih, a sawi awmzia diktak chu kei hi ka pian tirh atangin thinlung nei loin ka piang a. BTS Taeyhyung Oppa leh Jungkook Oppa te chuan min khawngaih lutuk a, an thinlung an zai phel a, ka thinlungah an vuah ta a. Ka thinlung zawng zawng hi BTS ta a nih vang a ni." tiin ka lo nui har har a.

" Football ka atchilhtir dawn che a ni." ti a nui sakin ka kut chu a rawn hmer a.

Zahra chuan, " Football aiin Footballer atchilhtir la a finthlak zawk ang." a lo ti leh zauh a.

" Chu mi tur chuan i puihna ka mamawh hle ang aw, Miss."

"Zahra tiin min ko thei ang."

"Aw le, Zahra, min pui duh ang em?''

" Mason Mount laka min puih theih dawn phawt chuan."


"Tak zet? Ka theihtawp ka chhuah ang, ka tiam a che." Declan chuan a ti nghal zat a.

Phone numberte inpe tawnin thla te an la vel a, ka awm ve tih hre lo ang hrimin an titi dun mawlh mawlh a, an innelin an inngam nghal sarh mai a. Nur deuh nang hian ka melh a, "Hey, ka la awm ve reng a nia aw." ka ti hlak a.


Declan Rice chuan min melh vang vang a, "I hmel hmu lo mahila ka kiang hnaiah i awm chuan ka rader hian a man chak lutuk." tiin a nui sak a.

Chu mi tlai chu Declan chuan kan inthleng min rawn thlah leh a, sawi tur hi vang ka van ti tak. Kan in bul kan thlen chuan a car chu a tiding a, " Rei lote tal min la thutpui ve rawh." tiin ka kut chu a man chawt a.

"Aw le," ka earpiece pakhat zawk chu a bengah ka vuahsak a,"BTS hla ' Truth Untold' aw." tiin ka play nghal a. Kut invuan rial chuan kan ngaithla dun ta veng veng a. Car seat nghenchhan chu nghengin ka chhing vang vang a.

" A nalh lutuk." a ti sup a, ka mit ka han men chuan min lo thlir ngawih ngawih a ni tih ka hre ta a. Nalh a tih chu kan hla ngaihthlak lai nge keimah zawk a sawina tih pawh ka hre lo. Ka nui ta sak ringawt a.

Hla kan ngaihthlak zawh chuan," Ka kal mai ang e." tiin car atang chuan ka chhuak ta a.

"Zanah ka rawn bia ang che."

"Aw le, bye."

"Bye."

In ka thlen chuan ka pindanah lut tlang nghalin ka intleuh fai hnu chuan ka khum dup nuam takah chuan muin ceiling-a arsi lem de sep sep chu ka thlir vang vang a.

Ka pindan kawngkhar kik thawm ka hriat chuan,"Lo lut rawh." tiin ka au a.

Maggie chu a rawn pen lut a, " Music ri engmah hriat tur awm loin a reh ve raih mai a.." a rawn ti lut a. Ka khum tlangah chuan rawn thuin, "Mariya, harsatna i nei emaw titipui tur i duh a nih chuan i tan ka awm reng a ni tih hi hrilh che ka duh a."

"Ka lawm e. Ka lo hre reng ang."

"I mimal nunah ka rawn inrawlhah ngai lo la..tukin khan Declan Rice nen inthlalak chanchinbuah ka hmu tlat mai a.."

"Ah, kha kha maw, dinner kan ei dun satliah mai a ni."

"In inkarah engmah a awm lo i tihna em ni?"

"Aw, engmah a la awm lo, mahse eng emaw chu a awm dawn a ang."

" In pahnih karah thurawn i mamawh a nih chuan inthlahrung miah suh ang che aw."

"Aw le." ka ti sap a "Amah hian min duh chuan ka hria a, kei pawhin ka duh niin ka inhria. Lo date ta ila Richard nen hian in thinrim ang em?" ka ti a.

"Ah..thinrim lo e. Kei pawh mipa ka date hmasak ber chu kum 13 ka nih kumin a sin. Nang chu kum 18 i tling mai dawn tawh a, mipa date rual i ni lutuk tawh alawm. I pa pawhin a hrethiam lutuk ang. " a ti malh malh a.

"Ka lawm lutuk, Maggie."

"Ka hrilh duh ber che chu in lo in-date a nih pawhin fimkhur ang che aw. Ani chu mi lar leh upa zawk an ni tawh a. Sex hmang lo turin ka ti lo che, mihring pangngai tleirawl thisen lum lai in ni a, insum theih loh hun a lo thleng a nih pawhin condom hman hi theihnghilh loh tur a ni tih hre reng ang che aw." a tih chuan ka zak chu ka sen nasa ngei mai. Ka nu nen hian kan inpawh hle nain ngaihzawng lam emaw sex lam ngat phei chu kan sawi dun ngai lo reng reng a nia. Chuvangin Maggie bulah chuan inhawng taka sawi chu har ka ti deuh a ni.

"Condom hian natna lakah leh i hmalam hun zawng zawng nghawng chhe thei lakah a hum thei che tih hre reng ang che."

"Ka hre reng ang, ka lawm e."



ZAHRA Zoramdinpuii's POV :

Ka thiante pahnih nena kan flat inluahtawm ka thlen chuan awm ngaihna pawh ka hre lo, ka hlim lutuk chu darthlalang hmaah ka lam tawr tawr mai a. Khawvela ka mihring duh ber Mason Mount chu ka hmelhriat tep tawh niin ka hria. Ka hlim lutuk chu lawm lohin ka nui ver ver reng mai a ni.


Ka thiante Caroline leh Giselle an rawn haw chuan mak ti zet hian min en dun ha a,ngaihna hriat loh hmel taka inmelhin, "Eng thlarauin nge chenchilh che?" Giselle chuan a ti ha a.


"Mason Mount hmelthatna thlarauin mawle." tiin ka nui har har reng a.

Dar san akin an room lamah chuan min luhsan ta a. Thuttlengah chuan thuin Chelsea leh Tottenham Hotspur khel chu ka en a, Mason Mount an rawn focus changte chuan ka lo za chem chem mai a. Commentator-in a hming a lam te chuan ka bialpa hming min lam hawhsak ni mai hian ka hria a, Mount hi chu ka ta bik hliah hliah a ni.


Ka mit chu ka chhing vang vang a, engtik hunah emaw chuan Mount-a jersey hain a inkhel ka la thlir ve anga, TV-ah te chuan min la rawn tilang ve anga," Hei hi Mount-a bialnu Zahra Zoramdinpuii a ni. Tuna Mount-a goal khung chiah kha Zahra a hmangaih zia lantir nan a hlan." tiin commentator kha a tawng zuah zuah bawk anga...awi...a nuam dawn e! Ka thi dawnin ka hria! Hlim tak chuan ka au chhuak raih a.


A pindan atanga rawn chhuak chiah Caroline chuan min rawn melh hrawk a,"Nang hi eng thlarau emaw chuan a luhchilh chiang mai che a nih hi." tiin ka bulah chuan a rawn thu ve nghal a. Min rawn hnim deuh that that a,"Zu chu i ruilo tiraw? Eng damdawi emaw i rui sual a ni zawk em ni?" a ti he haw a.


" Awi, enteh Mason Mount hi ka atchilh tak tak tawhin ka hria. A hmelthatna bak engmah ruih ka nei lo ka ti ngam sak e. " ka ti chul a.


"I atchilh sa reng a ni lawm ni?" tiin min nuih hak a.


" Declan Rice-an min hmelhriattir dawn asin. " intithei tak chuan ka ti a.


Awih loh hmel tak hian Caroline chu a nui hak a."I suangtuahnaah maw, ka nau?" a ti duh chauh a.


"A ni tak tak alawm. Vawiinah pawh coffe kan inho alawm." tiin kan thlalak dun chu ka hmuhtir ta a.


Mak ti taka thaw hawkin, "Hei hi photoshop a ni chiang." a la ti hram a.


"I awih loh chuan a phone number min pe a, ka'n bia ang.' tiin Rice number chu ka dial a, loudspeaker-ah ka dah nghal bawk a.


" Hi, Zahra!' a rawn ti zang vah a.


Intithei taka Caroline melh pah chuan,"Hi, Declan. Mason Mount kha min hmelhriattir i tiam tiraw? Ka thiannu hian a awih lo a." ka ti nghal tawng a.


"Dawn chiang e. Mariya laka thahnem min lo ngaihpui phei chuan i tan ka thawk rim ngawt ang." tiin a rawn nui hawk hawk a.


Ka kuk rai a,"Ka theihtawp ka chhuah chiang ngawt ang. " ka ti a.


"Chuti a nih chuan naktukah dinner eiho ila ? Mason pawh ka rawn hruai bawk ang, tah chuan ka hmelhriattir dawn che a nia." a rawn tih chuan ka hlim lutuk chu ka te chul a.


" Aw, aw, lutuk..tehreng mai." ka ti chul a.

Caroline chuan," Hello, Mr Rice, Zahra flat mate Caroline ka nia." a lo ti a.


"Hi, Caroline!"


"Ka be thei ringawt che pawh hi ka intihtheih phah a ni. Football i thiamin ka ngaisang tak zet che a ni."


"Ka lawm e, Caroline. Kan la inhmuh ngei ka beisei."


"Tehreng mai."

Kei chuan,"Declan, Mariya chu lo be rawh aw." ka ti a.


"Okay.

Kan inbiak zawh hnu chuan," Tunge Mariya chu?" tiin Caroline chuan min zawt ha a.


"Ka hnathawhpuinu a ni a, Rice hian a duh lutuk a. E! Taka...Mariya chu Mizo a ni asin. In chanchinte ka hrilh a, a hmu ve chak lutuk che u a, nakina la inhmelhriattir che u ka lo tiam a." ka ti zung zung a.


"Nih chuan min la hmelhriattir ngei dawn nia." a ti ta a.


"Mizo tawng a hmang thiam a, a felin a hmeltha bawk si in inkawm nel thei viau ang. Mizo tawnga biak theih thian a duh a, an ram Mizoram a ngai em em bawk a ni." ka ti malh malh a.


"Rang thei ang berin min hmelhriattir dawn nia. Declan Rice meuhin a duh em em chu a hmelchhe lo tawp ang."


"Chhe lo tak a ni." ka lo ti leh sap a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:47 pm

CHAPTER _ FIVE


Mariya's P.O.V:


Double date kan neihna hmun tura Declan Rice-an min hruai chuan ka thaw hawk mai. Mason Mount-a Lawng nalh tak chhungah zanriah kan kil dawn a nih chu, a dangdai tak zet. Thames Lui chunga ding ruau mai Lawng nalh taka chhunga ka pen luh chiah chuan ka danlam deuh huau hian ka inhria. Ka dam chhunga lawng tak tak chhunga ka vawi khat luhna a ni. Tlawng Lui leh Ser Luiah te chuan lawngleng leh mau pûmahte chuan chuan chu ka chuang ve tawh ngei mai, mahse lawnglian nen chuan dang tak a ni.


Zahra pawh chuan min rawn sik ru zauh a,"A nalh kher mai tiraw?" a rawn ti sa sa a.


Lawng chhung kan luh chuan Mason Mount chuan nui sang hian min lo welcome a."Ka lawng tlawm takah hian ka lo lawm a che u, nulate u." tiin.

Declan chuan, " Hei hi Mariya a ni a, hei hi Zahra a ni e. Ani hi Chelsea Football Club-a an attacking midfielder leh central midfielder Mason Mount a ni e." tiin min hmelhriattir hlawm a.


Nui sang hian,"Ka hmu che u hi ka lawm tak zet a ni." tiin a lu a bu nghat a.

Zahra sawi angin a hmelthain a nui mawi khawp mai.

Zahra chu awm ngaihna pawh hre loin Mason chu a melh tlawk tlawk a,"Lalpa, tunah chuan thlamuang takin ka thi thei tawh ang! Khawvela ka mihring hmuh chak ber ka hmu ta." a ti chhuak hluai a.


Mason chu a nui ta hawk hawk a,"I thih mai ka la phal teuh lo a nia aw. Inhriat chianna hun kan la nei ang chu." tiin Zahra mit takah melhin a kut chu a humsak a,"Hawh u, kan zanriah kilna lam i pan ang u." a ti ta a.


Lawng bathlarah chuan zanriah duhthusam chu kan kilho ta a. Thames luipui chunga zanriah han kil chu a dangdaiin a nuam hliah hliah hian ka hria...chuan chuan..a romantic bawk. Muangchangin lawng chu a tawlh zul zul a,tui fawk velin lawng bang a sut rik chhek chhek te chu a ngaihnawmin a dan a dang daih mai hian ka hria.


Ei tur tuhnai chi hrang hrang chu eiin inpawh tlang tak chuan kan titi tlang bawrh bawrh a, football chanchin an sawi te chuan han sawi belh tur ka hriat loh em avang chuan ka lo ngaithla mawl ve tawp mai a. Tun atang chuan football chungchang ka chhiar zau tawh khawp ang chu. Ka hriat zau nan leh Declan bula ka titi ve tur tal pawhin. Mi dang titi ruala titi ve theih loh chu a nuam loin kan mawl hmel bik hliah hliah hian a hriat a. Zahra lah titi tur a hriain thil a hre zau bawk a, a bula awm a nuam takzet.


Puar taka chaw kan ei kham hnu chuan Declan chuan lawng chu min fan kualpui vel a, "I bo loh nan ka kut hi vuan tlat rawh." tia min fiam pah chuan ka kut chu a hum vang vang a.

"I bulah chuan ka bo lo ang tih ka chiang a ni." tiin ka nuih sak a.


"Ni e, ka tibo phal teuh lo mai che. Zan thim hnuaiah i hriat lohna hmunah pawh kal ila ni ila i tan hruaitu arsi ka ni zel ang." tiin ka mitah tak chuan min melh ding ngar a.


"Ka cheng chak tawp." tiin lawng bathlar vawnna bawh chung chuan Thames lui lang dam ruih mai chu ka thlir a, lawng chi hrang hrang tawlh del del chu phur takin ka ban ka vai khum lauh lauh a.


Min si deuh thawa bathlar hungna rawn bawh ve pahin Declan chuan,"A lui kam atanga meters sawm chin bakah lo chuan chen ngam chi pawh a ni lo. Putney Bridge chhak lam phei chu chen loh a him ber." a rawn ti sap a.


"Enga ti?"

"Lawng veivak a tam mai bakah lui luang current chak lutuk vang hian chen a hlauhawm a ni."


" A lang dam ruih mai sia...nelawm tak anga lang chhungril hlauhawm ru riau ang kha a ni maw?" tiin ka nui hak a.


"Aw, chutiang chiah chu." a then sak a.

"A lianin asei hmel kher mai."


"Km 346 a sei a ni a, Teddington-ah chuan metres 76 a zau a ni a, London Bridge-ah chuan metres 229 laia zau niin Nore-ah chuan KM 9 a zau a ni hem mai mawle." tiin Thames lui zau zawng leh sei zawng chu min hrilh malh malh a.


"Wow...a lianin a thui hle mai." ka ti halh a.


Dawhkan kila Zahra leh Mason te khunkhan hmel taka an titi dun lam chu melh zauhin, "Zahra nuam tih zia saw.." ka ti halh a.


"An pahnih sawn titi dunna hun fal pek i duh em?'' ka beng bulah chuan a rawn ti sa sa a.

" Pawi miah lo." ka lo ti sap a.


"Hey dude, thawklakna hun in mamawhin ka hria, chhawng chung zawlah kan chho a nia." tiin Mason chu a au a, ka kut chu kaiin top deck lamah chuan kan chho ta a.

Mason chuan ban rawn vai let pahin, "Ngaihtuahawmin han awm lo ula aw."a rawn ti hram a.


"Nangni inngaihtuahawm loh phawt chuan keini chu ngaihtuahawm lo chiang sa kan ni. Zahra kha lo dimdawi deuh ang che aw." tiin ka au let ve a

Lawng chung chhuat zawlah chuan thu dunin boruak thiang nuam tak hnuaiah chuan kan ngawi dun rauh rauh a. Chhuat zawlah chuan mu zangthalin a tukhuma kut suihin van lam chu a thlir vang vang a.

"Hey, mu tawp ringawt suh..i bal ang e." ka lo ti bauh a.

"Ti hian vana arsite khi a mawiin a lang chiang bik asin. Hawh lo mu ve rawh." tiin ka banah vuanin min pawt mu ta riai riai a. A bulah chuan mu zangthal thla vein van lam chu ka hawi a, van inhawng zau tak leh thiang kuk maiah chuan arsite chu mawi leh fiah em em hian an de chuai mai a, a mawi luluk chuan thawk a tichham thei tep a ni.


"Lalpa! A va mawi tak em!" ka ti chul a. "Duhthlan theih ni tase chuan... vana arsi ah chan ka duh ang. " ka ti sap a.


"Thla engah chan i duh zawk lo em ni?"

"Aih, Pathian thil siam zingah hian arsi tluka nalh hi ka la hmu lo a ni. Van sang takah tumah itsik leh tibuai miah loin an mahni mawina zawng zawng nen an eng de neuh neuh a. Ka rilru a hah changte hian arsi eng de sep sep hi ka thlir thin a, ka thawl hawkin ka hre thin a ni." ka ti a.


" Nangmah pawh hi arsi ang maia nalh i ni. I mitmengte kha arsi ang maiin a de ser ser a, vana arsite khi rawn tlain i mitah khan awmhmun an rawn khuar ni maiin a lang." a ti ril raih a.


A tawngkam leh awki chuan ka lungphu chu a tibai deuh zauh a, mahse ka hre lo der ta ringawt a. " Khiiii ta arsi eng bik em em khi i hmu em? Khi khi keini chuan Hrangchhuana kan ti a...thla eng veilama arsi eng bik khi.."

"Ah, Jupiter khi maw?''


" Hmanlaia kan hnam thawnthuah chuan khua leh khua hi an indo thin a, Chawngmawii chu lalfanu hmeltha em em mai a ni a, an khaw hmelma pasaltha Hrangchhuana nen chuan an inhmangaih ta em em a. Mahse khua leh khua indo reng an nih vangin a ruka an inngaihzawn a ngai ta thin. Vawi khat chu Chawngmawii hmu tura kal Hrangchhuana chu an khaw tlangvalho chuan an lo that ta a ni. Chawngmawii rilru na lutuk chu a thi ve ta a, an thlarau chu arsiah a chang ta a. Hrangchhuana chu Jupiter-ah a chang a, Chawngmawii chu Venus-ah a chang ta a ni. Chawngmawii leh Hrangchhuana an inawm hnaih lai hi 'an in di' an ti thin a, Chawngmawii leh Hrangchhuana in di laia lo inngaizawngte chu an inhmangaihna a nghet bikin an inthen tawh ngai lo an ti thin a ni." tiin ka hrilh malh malh a.


"A ngaihnawm hle mai." a ti sup a.Ka lam hawiin a rawn inher a, "Kei Jupiter ni ta ila ka Venus i ni duh ang em?"

Hnai set sawtah chuan kan inmelh vang vang a, a mitmengah chuan arsi tam tak awm ang mai hian a de neuh neuh a,"Khawngaihin aw ti hram rawh." a ti leh sa sa a.


Ka lungphu chu a rang leh ta sauh mai, ka biangte chu a sa hat hat mai a. " Aw, i chawngmawii chu ka ni ang." ka ti ta sep a.


Min rawn kuah a, ka hmuiah tak chuan min rawn fawp ta vawng vawng a. " I purse ka ruksak che nia i ngaihlai khan nangmah zawk hian ka thinlung min ruksak daih a ni. Kei ni loin nang hi rukru chu i ni." a ti sa sa a.


Zak tak chuan ka nui ar ar a," Kha thil kha sawi chhuak tawh suh..ka zak a nia.." tiin ka chum taih a.


" Rukrua min puhtu zawk kha rukru a lo ni zawk reng si a.." tia nui hakin min kuah nawk nawk a, ka bengkawmte chu a seh nar nar a.


"A za a nia, D...." tiin ka nui ar ar a.

"Ka bialnu nih hi i duh tak tak em?"


A mitah tak melh chung chuan," Aw." ka ti sap a.


"Ka bialnu i nih chuan chanchinbu mite zar buai emaw mi dangin an sawi zui pawh i hlawh nasa dawn a nia, chung zawng zawng chu i tuar thei ang tiraw?" ka khabe chu a kutzungpuia nuai nauh nauh pah chuan a ti a.


"Ka tuar theih tak ngang loh leh i bulah ka rawn tap thin mai ang." tiin ka nui hak a.


"I tah chuan i mittui ka lo hru hul thin ang. I nat leh i tah hi ka phal dawn miah lo a, nangmah sawi chhetu emaw tinatu emaw chu keiman ka hmachhawn zel ang."


"Ka tana pasaltha huaisen angin maw?"


"Pasaltha Hrangchhuana'n a hmangaih Lalfanu Chawngmawii a venghim tlat angin ka venghim tlat ang che." tiin ka hmuiah chuan a rawn fawp leh ta a.

Thames thla eng hnuaia hmangaihna kuhmum rawn par chhuak mek chu mawi takin par vul mawi hle rawh se.


Zahra's P.O.V:

Ka hmaa thu tlangval hmeltha lutuk leh inkhel thiam tak mai, ka thinlung neitu Mason Mount chu ka melh vawng vawng reng a. Ka hlim lutuk chu ka mumang a ni ang tih ka hlau rum rum a, ka han insik ru leh sawk thin a, ka mumang ni loin a tak ngei a ni tih ka chiang ngam ta chauh.


"Naktukah Manchester City nen kan khel dawna min rawn tawiawm duh ang em?" tiin a wine chu a tem zeuh a.


"Aw, duh lutuk." thaw chham lo chauh hian ka ti a.


"Min rawn thlir ve chuan kan chak ngei ang tih ka chiang a ni."

Ka thinphu chuan awm ngaihna pawh a hre tawh lo, a thum hian a thum tlut tlut tawh mai a ni. Ka phur lutuk chu eng tin nge ka awm ka inhre thiam lo, ka phi deuh cheng nge zahpuiawm takin ka awm ang tih pawh ka ngaihtuah thei lo, nuam hi ka tiin ka thawveng halh mai a ni.


Mariya chu dar sawm rik hmaa a haw a ngaih vangin an haw hma a, keini chu Thames boruak thiang kak mai hnuaiah chuan wine in pahin kan titi dun bawrh bawrh a, ni hnuaia thil awm zawng zawng chu kan sawi a ni mai, sawi bik ber pawh nei loin kan titi kual nuaih a.


Dar sawmpakhat leh a chanveah chuan ka in luah lam panin min thlah ta a, "I bula awm a nuamin kham lo hle mahila naktukah inkhelh ka ngai si a meng rei thei ka ni lo a ni." a ti a.


"Ka hrethiam lutuk alawm. Inthiam loh chhan tur a awm lo." ka lo ti zung zung a.


"Ni dangah min chhuahpui leh duh ang em?"


Min hmuh a la duh a nih chu! Ka bengchhe ri pawh a ni bawk hek lo..."Aw, lutuk..tehreng mai." ka ti sawk sawk a.Ka phur luatah ka duh aiin ka aw a lo ring hle leh ta nghal a.


Mawi lutuk chuan a nui hak a," Ka lawm e. " a ti sap a. Ka in luah kan thlen chuan coffee a in duh loh pawhin tuisik tal in turin ka sawm ta a. Min hnial mai ka rin nen min hnial loin min zui ve ta mai a.


Flat chhung kan pen luh chuan Caroline leh Giselle chu an lo la meng a. Mason Mount an hmuh chuan an meng phawk chiang ngei mai. Phur tak chuan ka inhmelhriattir nghal zung zung a.


"Khawvel mi larin keini flat tehlul a rawn lut chu a lawmawm dangdai em mai, beer tal in ho ang u." Giselle chuan a ti chul a.


Mason chuan,"Ka duh aiin alcohol lam ka in hnem tawh tlat. Naktuk inkhelh ka ngai si a, ka hnar phawt mai ang." a ti a. A mitmeng ril raih a min rawn melhin, "Naktukah ka rawn sawm ang che aw." a ti leh sap a.

"Aw, ka lo nghak ang che."


"Mangtha vek ule."


"Mangtha phawt."


A haw tur chu kawngkapui thleng ka va thlah leh a, "Ka rawn ngaihtuah zui nasa dawn che a nia." tiin ka khabe chu a rawn tawk zauh a.


Ka thinphu chu rang tak a ni rang tak, hlim lutuk hian ka nui var var, "Ti khan tawng suh!" ka ti hak a.

"I duh lo em ni?"


"Ka lungphu hi a rang lutuk a ka awm atang hian a rawn pawk chhuak palh ang tih ka hlau!"


Za em em hian a nui ta hawk hawk a," Ka kalsan hleithei dawn lo che...mangtha phawt." a ti ta a.


"kal rawh."

"Zanin atan chuan i phone kha switch off hmak la tumah be tawh suh ang che aw."


"Yes....bossi!"


A lan theih chhung chu kut ka vai lap lap a,"Aw, lalpa, ka mumang nihtir suh ang che aw" tiin ka thaw hawk a, ka thiante fin tur chuan ka lut ta a.


Giselle chuan, "Zahra, engtin nge i hmelhriat theih bik a. Nuam i ti vei lutuk kha ka thik tep." a lo ti lang lang a.


Intithei taka hawi san vah pah chuan, "Mi hi tihtak zeta i hmangaih chuan i hnen a rawn pan mai ang." tiin ka nui har har a.


"A nih chuan Jordan Pickford hi tihtak zetin ka hmangaih anga ka vei ve dawn chiang khawp mai." nui awr awr chung chuan a ti a.


Caroline chuan, " Kei pawh Jadon Sancho ka'n ngaihtuah ve ngut ngut teh ang." a lo tih chuan kan nui hawk hawk hlawm a.


"Ngaihdan tha deuh ka nei!'


Giselle chu ka melh ha a, "Eng ngaihdan maw ?" ka lo ti vat a.


"England team tana khel vek an ni bawk a, Mason hian a hmelhriat tha vek dawn a, chuvangin ani hian min hmelhriattir ve hlawm sela a tha ang." a ti ta a.


"Amah ber hi ka'n kawm nel deuh phawt anga ka hmelhriattir vek ang che u."


"Awii...insawi thei ta vel lutuk mai!"


"Nuam ka ti em a ni. Ka lo intithei deuh a nih pawhin min lo thlir liam mai rawh u. Tuna ka awm dan hi maw dollar sing chuang pawhin ka hralh phal lo."


" I awmdan kha dollar khatin ka lo lei ang chu. Thian tha rate leh hmelhriat loh rate a inang thei hleinem." Caroline chuan a ti a.


"Ka phal teuh lo lutuk mai." kan nui tlang leh dar dar a. "Ka hlim lutuk hi ka muthilh
theih pawh ka ring lo...min tlaivarpui mai teh u." ka la ti leh ham ham a.


Giselle chuan min rawn thut hnaih sauh a,"A fawp che em? Mawh, in infawp em?" tiin min rawn nawk zauh a.


"Aih, ka khabe a piai! Kan vawi khat inhmuhna a kan infawh nghal mai ten...infawh leh thil dang chu kan la hmanhmawh lo alawm." dar san ak chuan ka ti a.


"Kei chu Jordan Pickford hi hmu ta ila chuan ka bawhthlu anga ka fawp nghal nawk nawk ang mawle!" Giselle chuan tiin min melh kal rawlh rawlh a.


"I ti tak tak awm lo em mai a. Zakin i kimki chawih chawih zawk ang mawle. Kan han inhmu chiah kha chu maw a hmaa sawi tur ka lo suangtuah zawng zawng kha a bo vek a, mawl hmel zet zetin ka nui vur vur ringawt mai. A rilru tak chuan mawl min ti ve ngawt maithei a ni." ka ti hak a.


Caroline chuan, " Ka feel pui tawp che. Kan crush te bulah hi chuan sawi tur a vangin kan che lai chhe thei thin alawm. Sawi turte hi a bo duak a, an hma a thu ziak sa chhiar paha titi chi lah a ni si lo." nui ar ar hian a lo ti ve a.

"Chu chiah chu alawm ka buaina! Kan inhmu dawn tih ka hriat khan sawi tur ka ngah bawnra lutuk mawle, mahse a hmeltha lutuk hmaichhana ka han hmachhawn meuh kha chuan ka ruak vek..pencil-a i thu ziak i nawtreh ang mai khan ziak loh lehkhapuan ang maiin ka blank tawp a ni mai."

Caroline chuan,"Mason Mount hi Declan Rice nen a rukin an in date an tih kha...Dubai-ah pawh vacation an hmang dun a, an ni pahnih hian inthup nan an affair neihpui che u an tum a ni mai ang em tih ka lo ngaihtuah vel mai mai a." nui rah rah chung hian a ti a.

"Kiri! Sawww tah va hmelchhe teh! Gay an ni loa, bisexual pawh an ni hek lo. An goal post ai pawhin an straight zawk tih hre rawh aw." Ka ti hlar a.

"An pahnih karah hian sawisep a tam riau alawm."

" Mrs Mason Mount ka nih hunah sawisep chu a reh mai ang. Chutianga lo sawiseptu ho chu inneih certificate nen an mawngah ka la pet ang mawle. Heng fujoshi an ti emaw ni ho hian mipa leh mipa inkawm ngeih deuh tawh chu an lo ship kual a, an hmu gay vek zel alawm. An gayder hi a chak tawk lo a, a daw ta thin a ni." Beer lem khalh pah chuan ka ti a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 26th, 2021, 2:48 pm

CHAPTER _ SIX


Mariya's P.O.V:

Declan Rice chuan an club West Ham United stadium-a an club-in football an practice lai en tura min duh vang chuan chumi chawhnu lam chu chawlin kan thawhpui pakhatin min lo hmui hrih dawn a ni.


Ka pian a hnu lamah school sport vela football khel ka thlir ve zawk zawk tih mai loh chu inkhel hi ka en ngai miah lo a, ka eng emaw phur phian a. Ka hnathawhnaah chuan min rawn lama, an club khelmual lam chu kan pan dun ta a.


Vawi khatmah khelmual chhunga la lut ngai lo ta chuan pui hi ka'n ti deng deng khawp mai ah, "Wow...va lian ve.." ka ti hluai a.


Ka samah chulin min nuih var var a, " Hei hi ka lalna ram ve chu a nih hi. Kan club khelmual London Stadium a nia, mihring 60,000 lai an leng a ni." a ti a.


"He mi khat thap hian entu an awm thin em ni?"

"Eng emaw chang chuan an leng lo zawk thin mawle."

"Wow..."

Field pawn atang chuan a thiante inkhel a zawm ve nghal chu ka lo thlir ta veng veng a. A football khelh thiamna lam ai mah chuan a jersey inhmeh zia leh a pian nalh zia ringawt chuan ka rilru a luah zawk a. Inthazo taka ball chuha a han lim kual vel te chuan eng emaw tak hian danglamna min pe a, football a mik a mak pawh hre hawt lo hian hmuhnawm ka lo ti ve em em a, min ti mur iai iai thei hial a ni. Hei hi a ni ange Football Zunzam an tih chu.

He ti hian mipui tam tak hmaah a inkhel anga nula tam takin an lo thlir thup thin ang a...a then phei chuan an star thin hle awm sia..Ani ang footballer lar leh hmeltha chu duhtu an tam ngawt ang. Chuvangin ka tan hle loh chuan amah ngaisangtu te lakah ka hloh palh mai ang.

Ka bulah chuan hmeichhe hmeltha veng vawng tak hi a rawn thu a, "Hi!" tiin min nuih sak a.


"Hi!"

"Samantha ka nia..nang?"


"Mariya ka ni e."


"Thlir bik i nei em?" tiin a nui ar ar a, "Kei chu Jersey no 22 Saīd Benrahma khu ka thlir bik a.'' a ti a.


" I hmelhriat maw?"

"Ka boyfriend a nia."

"Oh, a nih tak chu."

"Tu rualin nge i rawn kal ve a?"

"Declan Rice."

"Wow...a bialnu chu i ni lo chiang.." a nui hak a.

"A thian ka nia."

"Rice hian bialnu a neih ka ring lo rengah."

"Eng vang ngawt chuan?"

"A best friend Mason Mount nen hian an inngaihzawng ka ring tlat. Mi pawhin an ship sup sup alawm "

Kut beng meuhin ka nui ta hawk hawk a, "Anih chuan Rice leh Mount shipper zingah i tel ve a ni maw ?" ka ti a.


"An inkawm ngeih sia, an in care dun bawk sia ship loh phal chi loh."

" A awm ang lo e..mipa leh mipa han ship te chu a..."

"Tun laiah chuan mipa hriat chian loh chu va star ngawt chi pawh a ni tawh lo, bialpa an lo nei tawt duh."

Ka lu ka thing nak a, Declan hi a hre chiang lo hle a nih hi ka ti rilru a, engmah erawh ka sawi chhuak lem lo. Mason Mount nen inngaizawng anga a ngai chu ka nuih zain Zahra hrilh ka chak et et mai, a nuih a za ve ngawt ang chu.

An inkhelh zawh chuan an inbual nghal a, an inbual chhung chuan chu nu nen chuan eng eng emaw sawia titi pahin kan lo nghak a. Declan leh Mason an inngaizawng tih a ring tih mai lohah chuan a bula awm a nuamin a tawng duh hle mai a, vawi khat hmuhna atanga nel nghal sarh theih ang chi kha a ni.

Ban min rawn vai lauh lauhin ka lamah chuan a rawn tlan thauh thauh a,''Rei min ti em? I lo ning hman em?'' tiin min rawn kuah a, ka hmuiah chuan a rawn fawp zauh a.

"Samantha hi a awm ve hlauh a, ka khawhar tur min hnem khawp mai." nuih sak pah chuan a ti a.

"Hi, Sam, Saïd-a i rawn tawiawm leh a ni maw?" Declan chuan nui sang hian a ti a.

Samantha chuan ka hnungzangah min rawn chum awk a,"Mariya! Declan nen hian thian kan ni i ti a ni lawm ni? Kha kha thian infawh dan a ni ngai lo." a ti lang lang a, a chal chu beng thlapin, "Oh my f**king goish..ka ship a kehdarh ta!" a ti chuai raih a.

Kei lah za em em hian ka lo nui hawk hawk a.

"Eng ship nge in sawi a?"

"Samantha hian Mason nen a lo ship che u alawm."


A nui ta hawk hawk a, "Ka best friend a ni a, kan inngaizawng lo a nia aw." tiin ka banah chuan min kai a London Stadium chu kan chhuahsan ta a.

London Stadium atanga hla vak lo Mash And Flip Restaurant-ah chuan thil eiin kan lut ta a. "Naktukah Sherlock Holmes-a Museum min tlawhpui la." tiin ka sawm a.


Thil ei tawlh tawlh pah chuan,"Holmes fans te zinga mi i ni maw?" min ti a.

Lu buk nghat nghat pah chuan, "Ka nu hian a ngaisang lutuk a, Arthur Conan Doyle lehkhabu ziah tawh phawt chu lei vek a tuma, ka chhiarpui nasa alawm." ka ti a.


"Vawiin monday...Sherlock Holmes Museum hi monday leh tuesday an closed a, wednesday, thursday, friday, saturday leh sunday chu 10AM atanga 5PM thleng an hawng a ni." a ti ta a.

"A nih chuan wednesday-ah tum ila, aw ? I remchang ang em?" ka ti thuai a.

"I tan chuan engtik lai pawhin ka remchang ang.'' mawi lutuk hian min nuih saih a. ''Ka football khel min lo thlir vawi khatna a ni a, eng emaw comment chhete tal ka dawn ka lo inbeisei ve ah..."


Ka nui hak a, "Comment han pe turin i khelh that leh chhiat pawh ka la hrethiam lo a, ka hriatthiam hunah chauh ka pe ang che ka lo ti a. I sport dress kha i inhmehin i lang sexy ka ti a, ball khalh kual oaha i tlan zawnga i malpui sek phiar tawlh tawlh kha a sexy bonra. Chu zawng chu ka comment theih chhun a la ni rih. Chuan field pawnah ai chuan field chhunga i chettlat vel hian i hmeltha zualin ka hria." ka ti ta duah a.


Hlim em em hian a nui a, a mitmeng te chu arsi de neuh neuh ang mai hian a nalh ser sawr hle mai, "Ka hmangaih che niin ka inhria, Mariya." a ti thawp ta sat a.


Ka chil ka lem khawlh a, "Kei pawhin ka hmangaih tan dawn che niin ka hria." ka ti ve sep a.


Ka kut chu rawn hmerin lungrun tak hian min melh ta vawng vawng a, "I hmel hmu loa awm hi hrehawm ka ti thin, chuvangin mangtha tia inthen fo ngai tawh lo turin cheng dun ang." a ti ta a.


"Heyyy...D, in khata chengdun tura thu tlukna siam nghal tut tut tur chuan kan la inzui rei lo lulai em mai." tiin ka nuih hak hak a.


"Inzui rei leh rei loh lam aiin thinlung inpawhna thuk leh thuk loh lam hi a pawimawh zawk asin. Eng tik lai pawha i kianga ka awm reng loh chuan lunglengin ka à thei mai dawnin ka inhria a ni."


"Oh, lover boy, insum teh insum teh..." ka nuih hawk hawk a.


"Ka fiamthu miah lo aw..ka titak tak a nia."


"Inngaihtuahna hun te pawh min pe ve la,D."

"Lo inngaihtuah la, aw tia chhanna dawn ka inbeisei bawk ang." a nui var var a." Chuan 'Declan' ti loa 'D' ti ringawta min koh khan a special riauin ka hre tlat mai nia, midang tumahin min koh ngai loh vang a ni maithei."


"D, D,...D...''

" Aw, a nalh."

"Kan hnam tawng chuan Di hi chu ngaihzawng (mate) sawina asin."


"Wow... a special tak tak a nih chu. I Di ka ni kumkhua duh."


Hlim takin ka nui har har a, " Pathian thu thu." ka ti sap a.

"Tun atanga ka hmalam hun ka suangtuah hian nangmah chiah hi i lo lang thin a ni. Ka hmalam hun hmanpui tur chuan nangmah hi ka thlang ber." thu tak zet chuan a ti a.


Ka phu lo! Kei mi satliah ve mai hi ani ang hmeltha, football thiam leh lar tan chuan ka nep e...model hmeltha leh hausa tak tak pawh a phu zawk daih. MAHSE, chungho tan chuan ka phal teuh si lo, ka phu lo tih inhre mahila ka duhawmna thinlung hian midang tan a phal lo a ni. Ni lo, duhamna a ni leh lo amah ka duhna thinlung zawk mawle.


Wednesday chuan Sherlock Holmes Museum chu kan tlawh dun ta a. Luh man ticket manah mi pakhat tan pound 15 a ni a, India pawisa chuan cheng 1518.11 lai a ni a, naupang kum 16 hnuai lam tan chuan £ 10 a ni a, kum 6 hnuai lam luh man chu a free thung a ni.

Tour Guide chu a polite in a nelawm em em mai a, "Ka nu hi Sherlock Holmes fan ruh kawl a ni a, tunah hian India ram hmar chhak kilah a awm mek a, a hmu ve chak sia ka call thei ang em? A dam chhung pawhin he hmun hi a hmu lo emaw a ni dawn a, video call hmanga ka hmuhtir theih chuan a tan a hlu dawn em asin." tiin ka zawt ta a.


Nelawm taka nui sang hian, "E, thei teh reng mai. Call rawh." min ti ta a.

Ka phur thak! Ka nu chu a rang a rangin ka call nghal a. A pick up rual rual chuan, '' Nu, khawi hmunah nge ka awm han ring chhin teh.." ka ti chul a.


A ngaihna hriat loh hmel tak chuan, "Rin ngaihna pawh ka hre lo." a rawn ti a.

"Sherlock Holmes Museum-ah ka kal mawle!"

"Tak tak maw!!?'

" Ni chiang e." ka tih chuan a au rawih a. "19th century-a England in sak dan hmanga sak niin kum tam tak chhung kha chuan mikhual thlenna hmunah an hmang thin a, kum eng emaw zat kal ta atang khan humhalin Sherlock Holmes museum atan kum 1990 khan an siam ta a ni. " tiin guide-in min hrilh ang chu ka nu ka hrilh chhawng zel a.

Chhawng khatna kan luh chuan guide chuan Holmes-a study room-ah min hruai lut nghal a, " Nu, tuna kan luhna hi Sherlock Holmes-a study room a nih hi aw. Hei hi a chemistry set leh a violin a nih hi. chuan he ta hi a lukhum, a kuaite leh a magnifying glass pawh a awm hi aw.." tiin a thil chhuina a a hmanrua hrang hrangte chu uluk takin ka focus sak zel a, ka nu phur lutuk chuan min tihlim hle a ni. A bedroom leh living room kan fan hnu chuan chhawng hnihnaah kan chuang kai chho leh ta a.


"Tunah Doctor Watson-a room kan lut chiah aw. " tiin Watson-a room fel fai thlar chu kan lut a, a thil ziahna desk leh a damdawi lam hmanraw hrang hrang te, Holmes chanchin a ziahna te chu ka nu ka hmuhtir zel a.

Watson room piah chiah a Holmes-a chhiahhlawh Mrs Hudson room chu kan fang leh bawk a. In chhawng chung ber chu Sherlock Holmes lehkhabu a scene pawimawh deuh deuh te chu milim hmanga entirin an dah thluah bawk.

"A ropui lutuk! Zanin atangin Sherlock Holmes bu hi ka chhiar chhuak nawn leh vek dawn." ka nu chuan a ti chul a.


"In hnung lamah sawn gift shop a awm a, mahse thla lak an phal lo a, ka lei teuh anga ka rawn thawn mai ang che aw." tiin ka nui har har a.

"Sherlock Holmes-a lukhum leh kuaite leh a en lenna kha min rawn thawn ang che." a ti a.

"Awi, lutuk mai."

"Khatah i kal dawn tih hria ila Mizo Sherlock Holmes Sailo Khawma TN Vanlaltana ziah kha dah ve turin lo keng thla ve la tha tur!" a ti hluai pek a.


"Awi, nu, i ti ang lo e a! Sherlock Holmes museum-a Sailo Khawma bu lo dah daih te chu a!"


"Mizo Sherlock Holmes a ni miau a." tiin a nui kar kar a.

Ka nu nen kan inbe lai chu Declan chuan mitmeng de sawr sawr hian min lo thlir reng a, "In hnam tawng i hman khan a nalh danglam lutuk." a lo ti sup a.


"E, nu..hei ka bialpa Declan Rice a nih hi. West Ham Football Club i hre ngai em? Chu ta an midfielder a nih hi." tiin English chuan ka bia a, Declan hmel chu ka tilang nghal a.


"Hi, Rice! Ka fanu kha tha takin min lo enkawlsak ang che aw."

A kut chu vaiin"Hi, Ma'am. Ka be thei che chu ka lawm hle mai. Mariya hi rawn ngaihtuah reng reng suh." tiin a nui var var a.


"Nang kher a tawng che hi ka lawm tak tak a ni. Mi tha tak i nih ngei ka ring tlat a ni. TV atangin i inkhel kan lo thlir thin ang."


"Ka lawm lutuk, ma'am."


Kei chuan "Nu, hmeltha i ti em?" Mizo tawng chuan ka lo ti zauh a.


"A hmeltha khawp mai. Mahse hmel ai hian mizia hi a pawimawh tih hria ang che aw."


"A hmel pawh a tha, a mizia pawh a tha. Perfecto a ni e. Ka dah phawt ang e aw, bye!" tiin ka dah ta a.


"I nu bulah khan eng nge i sawi a?"


"I hmeltha i fel tih ka hrilh a...mahse i best friend nen in in-date tih ka hrilh bawk." fiamthu hlut pah chuan ka nui sak a.

"I nu bulah gay angin min hrilh tak tak thei lo ang."

"Mason kha i boyfriend an ti sia. " ka nui hawr hawr a.

"Nia..ka thian a ni a, mipa a ni bawk a boy friend chu a ni thei ang chu." a nui hawk a. Ka kut chu rawn hmerin, "Nang hi chu ka thinlung neitu i ni."


Kan inmelh ralh a, kut inkai rialin kan chhuak ta a.


Gift shop-ah chuan kalin ka nu thawn turin Holmes-a lukhum, kuaite leh a enlenna chu ka lei ta a. A man ka pek dawn chuan Declan chuan min lo pek khalh vat a. Luhna ticket man a tum vek tawh bawk sia nuam lo hi ka ti ang reng khawp mai a, pek let ka tum lahin a la duh lo nasa mai si.

He mi ni atang hian kan hunawl neih apiangah kan inhmu dun a, a practice-na hmun apiangah min hruai tel bawk a. A khelhpui West Ham leh England Squad lama a team mate te pawh hmelhriat loh a lawi ka nei tawh lo, an ni pawhin min hre fur tawh bawk.


December thla tawp lamah chuan England National team-a an manager Gareth Southgate chuan a team ho tan dinner party ropui tak a buatsaih a, players te chu an nupuite emaw an bialnute emaw hruai vek tura tih an nih angin kei pawh tel ve tur ka ni. Ka rin aia nasain Maggie chuan min phurpui a, ka thawmhnaw hak tur a bikin min designe sak a.

Maggie hi ka fak thlawt a ni. Kawng engkimah ka tan nu chan a chang hnehin fuih leh zilh ka ngaih hunah pawh ka nu diktak ang maiin thahnem a ngai thei. Hmeichhia ve tho a nih vang nge ka pa ai mahin ka pawhin ka ngaina zawk bawk a ni.


A kawr min thuisak chu ka han ha a, a rawng senduk dak hlarh mai chu ka vun rawng nen chuan a inrem hle hian ka hria a, mahse a thui dan chu duh aiin a sexy in taksa a lang tam deuh mah mah a ni. Pian rem zaih a thui niin a hnunglam inhawng zau tak chuan ka hnungzanf chu duh aiin a pholang hnem mah mahin saruak deuh huai hian ka inhria. A fual lam chuan kerek thleng hnalh mah se khel bawr thleng deuh thaw hian lehlam lehlam chu a kak bawk. Hetiang khawpa thawmhnaw sexy hi ka pian a hnu lamah vawi khat mah ka la ha ngai si loa mipui tam tak zingah ka ha ngam dawn em ni?

"I inhmehin i nalh tak zet a ni." uar tak hian Maggie chuan a ti a.


"A sexy mah mah lo em ni?"

"Aih, i nalhpui lutuk. Milar zinga khawsa tur i ni a, nalh thei ang bera i lan a ngai a ni." a ti a, ka sam leh hmai vel chu min cheisak mawlh mawlh a.

Min chei zawha darthlalanga ka han inen chu nalh ka inti ve kher mai. Keimah diktak kha boin ka hlimthla hmeltha tak mai chu a rawn lang ta a."Maggie, ka lawm e. Min chhuah nalh khawp mai." ka ti sarh sarh a.


Declan chuan min rawn call a,"Baby, in kawtah ka nghak mek che." a rawn ti a.


"Aw, ka rawn chhuak nghal a ni mai." ka ti zang vah a.


Maggie "Aw le, i prince charming-a lo nghahna che lam chu pan tawh rawh le.Hun nuam leh hlimawm tak i hmang dawn nia " tiin ka biangah chuan min fawp zauh a.


"Ka lawm e,Maggie. Bye!" tih leh tlan chhuah chu ka rual nghal a.

A car bulah dinga min lo nghak rengtu Declan, suit buang thak mai ha a lo ding ka hmuh chuan a i hmeh hi ka tiin ka nuih sak a. Min lo hmuh chuan mit la sawn lo lek hian min thlir tlawk tlawk a," I nalh lutuk, baby." a ti halh a.

"Ka lawm e, D." ka ti sap a.

'Mumang ram lalfanu anga nalh leh mawi i ni." tiin ka hmuiah chuan min fawp zauh a. Ka dar tawn tawnah vuanin uluk zet hian min han thlir nawn leh ngial a.


"Mumang ram lalfanu ka nih chuan nang chu mumang ram lal ber i ni ngei ang." tiin a necktie sawi chu ka siam thatsak malh malh a.

A car kawngkhar chu min hawnsakin,"Ka lalfanu, he sakawrtawlailir hian ball-ah a hruai thleng ang che." nui var var chung hian a ti a.

Southgate-a dinner ropui chhim tur chuan hlim leh phur takin Mayfair venga Dorchester lam pan chuan kan tawlh chhuak ta zal zal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)