ELEAZER_LALPEKHLUA By Lalremruati Hnialum (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ELEAZER_LALPEKHLUA By Lalremruati Hnialum (Completed)

Unread post by Ngaia » October 24th, 2021, 2:49 pm

ips05a93.jpg
ELEAZER LALPEKHLUA

BY


Nunui Hnialum


Chapter - 1




" Dude harh teh "



Tihpah in ka ṭhianpa Papuia chuan minlo sâwi nawk nawk a, " Class lâk lai hian i muhil ve ziah hei vang anih hi hauh itawh reng a, a tâwp na ber inih ziah ni " tiin Papuia chu a phun zui nghal bawrh bawrh a.


"Hâw ahun tawh em ni?" Meng mang lova ka zawh chuan, " dâwn, tho rawh " tiin atho nghal vut a, class kan lo nei tawh reng reng lo alo ni a, pawi chai lo. Class aṭang kan in zui chhuak a, Papuia nen hian College kan kal ṭantirh phat aṭanga in hria a in kâwm chho kan ni a, kan in kawp deuh chawt a. ṭhian hi ka nei lêmlo khawp mai mahni a tlat hran nuam ti chi ka lo ni bawk nen, ṭhian ti a sawitur ka neilo tluk ani.



Ṭhian kawma ti ti luam emaw tei vut vut ai chuan Library a mahni a lehkhabu chhiar rak rak te hi ka nuam tih zawng ania . Anihloh chuan mahni a fianrial a awm a Country music ngaihthlâk ani deuhtawp mai. Papuia nen erawh kan in kawm thei phian a, kan hun tawn a in an ém vang te pawh ani mahna le.



Papuia te hi Serchhip khua an ni a, ani pawh hi keimah ang chiah a pi leh pu enkawl seilen ani ve a, hei vang te pawh hi ani mahna kan in kawmtheih phian ni; mahse, ani chu kei anglo takin unau pianpui anei a, û hmeichhe pakhat leh nau mipa pakhat anei ani.





Anu leh pa te hi naupang te an nih in an in ṭhen a, apa ahriselna aṭhatloh vâng in engmah thawk thei ani lo va, amah zâwk chu enkawl deuh chawt ngâi ve tho ani si nen, api leh pu, apa nu leh pa ten an enkawl seilian ani. Anu chuan pasal dang anei tawh tiin asawi thâwi thuaka, anu chanchin hi asawi khât khawpmai, sawinuam atihloh avang hian keipawn ka zawt hran ngai lemlo asawi hun ka nghâk mai ṭhin.




Apa erawh in atuar hle tih asawi bawk. Ti chuan apa ber hnathawk thei anih siloh avang in, api leh pu ten an enkawl seilian in, sum leh pâi senna tur ah pawh an mahni vek in an buaipui ani. Tunah hian Aizawl ah college kal in alo awm ani a, a u hmeichhia in HATIM ah BSW azir a, azo ve ṭêp ani. Anau erawh pawl sâwmpahnih kal in api leh pu bul ah ala awm ani.



Nitin class kal reng si hian ka class lâk ah hian rilru pêk ahar ṭhîn khawpmai, class ah ka mutthlûk phah leh nghe nghe. Lehkha pawh ka zir tamloh phah hle a ka lehkha zirloh ngaihtuah phei chuan ka fail ngailo hi amak tih atling hial maithei. Ni e, keipawn mak ka ti.



Thla thar mai hian exam kan nei dawn bawk, class ah muthlu fo ṭhin e ti lo hian engto leh helhkam rûn in exam ka hmachhawn hran ngailo. Ka Sêm pui te ho chu an rilru ahah leh hlawm ngang mai. Class kal ṭha duhlo fâl ho leh class bunk peih ho zawng note hawh tur an zawng leh ruai tawh mai. College aṭanga kan chhuak campus kan pelfel chiah tih ah Hmingmuana kan ṭhutna hnung ami chuan.




" College ah hian muthlu tur in em ni ilo kal ṭhin? muthlu ṭhîn e ti lo hian i fail ngai bîk silo, i lo Vawklallên ve ringawt zel " Tiin min lo au khum a, nernawk hian " i buailoh na tur ah anih chu ibuai, nang anga hmangaih tur zawng reng ka nilo hi ka vannei " ka tihkhum chuan ṭhen ṭhaw hian engmah sawizui tawhlo in akal liam zui ve leh mai a.




Parking ah lût nghâl in ka bike duat em em Dominar 400 ah chuan lâwn in Papuia nen chuan kan tlan chhuak nghâl a. Ka Bike hi pâwl sâwmpahnih ka pass lawmnan leh ka College kal nan a ka pu minlei ani. High school ka kal ṭantirh aṭang in ka ngên tawh; mahse, ka pu mahni lu zo vehvawh lutuk leh 'angailo' ti a vawikhat asawi tawh nawrluih theih miahloh hian aphal tlat lo.



Duh nise asûm leh pâi zâwng chuan atlin lutuk tlat, Contractor hlun anih bâk ah in dingsa huan ram leh ram zau tak tak hlîr anei a, sum ah chuan abuailo hle ani ringawt; mahse, ka tâna ṭhatur chauh sawi ṭhîn tu ka pu hian ka ṭhatna tûr bâk asawi dawnlo tih ka hriat avang in ka nawrlui lêmlo. Pawl sawmpahnih ka chhuah hun ka nghâk tawp mai ani.





Papuia hi amah a inluah anih vang hian api leh pu te hian an ngaihsak khawp a, akhât tâwk in chawhmeh leh eng eng emaw hi anlo thawn reng ṭhîn. Pawisa anlo thawn reng reng ṭhîn na in an rilru anuam zânlo nge chawhmeh leh eng ilo lo thawn hi an bansan chuang hlei lo a. Vawiin tlâi pawh hian Sumo counter lam panin achhungte thil lo thawn chu ka lampui a, thil thawn ngâi leh lam tûr chi anih pawh hian kan in zúi chawt a, ani pawn keibâk ṭhian han kawm anei ngai biklo. In kawp fuh ve tak chu kan ni.





Sumo Counter kan thlen chuan a nghâk tunu nen inbe zung zung in eng emaw an sawi luam a, kei erawh arei ka rinloh vang in Bike ah ṭhu in ka lo nghâk thung. Engvanga in be luam nge maw annih le in hmelhriat ngai pawh anni âwm tawp silo, ka lo ti rilru mawlh mawlh. Minute sâwmpanga aral ang tih âwm vêl ah Percel lian pangai tak lo pawm chhuak in arawn pen thauh thauh a. Ka hawsan daih nâng a, " iva rei ve, eng em em nge in sawi? " ka lo ti hluk a.



" Ka hmelhriat ṭhin alo ni a, kei chuan ka lo hretawh hauhlo a, amah khân minlo la hria a chanchin vêl in zâwt in ka in be luam alawm mawle. Ka rei tiraw?" Atih chuan 'rei' ka lo ti hluk chu nui suk suk duh chauh.




Bike ah rawn lâwnkâi in thudang sawi lêm tawhlo in kan tlanchuak nghâl a. Kan in lam ah kawi lo in a in lam ah ka thlah nghal law law a. Bungraw nei anih vang in atan Taxi han zawn buai leh kha ka khawngaih a bakah ka hman remchâng tho bawk nen.




A in kan thlen chuan a pi leh pu chawhmeh lo thawn te chu adan ngâite bawk in min sem leh a, ka hnial châng pawh hian " keimah ringawt chuan ka ei sênglo" ati deuh tlat zêl a, ka khai haw leh nge nge zêl. Hnial asâwt dawn chuanloh vang in athil min sem chu lo lâksak vat in ka Rucksuck ah chuan ka thun a, haw ve nghâl mai tum in ka dingchhuak a, naktuk lama inhmu leh tur a in thlah in ka chhuahsan zûi a.





In ka thlen chuan ka pi leh pu te'n ka chawhmeh phawrh an hmuh chuan lo hawng vat in " i ṭhianpa in chawhmeh ahawntir leh che ani maw? Nakin ah chaw ei sâwm leh la aw, a in bâwl peihloh chângpawn lo hruai haw mai ṭhin la hrilh kher ngailo hian " ka pi chuan ati zui leh barh barh a. " Naktuk tlaia ei tur in ka lo hruai haw dawn nia " tiin in thlâk tûr in ka room lam ah ka chhohsan nghal a.





"Mampui, class kal i ngaih kha tho tawhrawh i tlái maidawn ania" tiin ka pi ka room a lo lut in ka puan lumsin alo pawt chat chat a "pi dar engzah nge ni tawh? Ala hma viau emaw ka tia" ham bai bai chunga ka tih chuan "atlâitawh" tiin ka puan alo thlep fel nghâl zung zunga.




Tho ṭuih ṭuih chung in Bathroom ah lut in Shower ka nei sawk sawk a. Sana ka en nâk chuan ka tlai hle tawh darkar chanve pawh hun ka nei tawh manglo, ka phone ah chuan Papuia miss call alo awm nuk tawh bawk. Ka insiam peih hun ah ka call ṭha tawh mai ang chu.





Ka rimtui ngainat em em Beardo Godfather body spray a in phuh sang sang in T shirt var thianghlim sar ka ha a, Jugular slim fit track pan in thawlh sawk sawk in Vans pheikhawk ka rawlh lut leh sawk sawk a, Rucksuck ah ka mamawh tur ka khung mawlh mawlh a, ka mamawh tur ka khung zawh ah ka room aṭang in ka tlân chhuak nghâl a, ka bike bul ka thleng a ka kekawr ka indap chu Chabi leh Helmet ka la chhuak hauhlo tih ka hre chhuak a, baklêng in ka room ah ka tlanchho leh a.





Hmanhmawh zet a room aṭanga ka tlân thla chu Ka pu chuan Living room aṭang a minlo en kur in " thawhma zir rawh ka ti ṭhin che a, i zawm duhloh man anih kha " tih melhtak hian min melh a, engmah phei chu asawi chhuak lo " ka kal aw ka pu " tiin min chhanna pawh nghâk hranlo in ka chhuak zui nghâl a, zing lam ah hi zawng tukṭhuan hi ka ei manglo a, ngai ah ka neih ti tih tawh.





Ka tlan chhuah hma in Papuia akal tawh leh tawhloh ka zâwt a, College alo thleng diam tawh alo ni. Keipawh tâwi khawmuang tawh lo in ka tlanchhuak vat, ka vung chak bawk a 10minute âwrh chiah ka tlân Class ka thlen hma in kan semmester ami Aldrin-a chuan minlo ko ding a eng eng emaw asawi luam a, Presentation tur chungchang vel ani, " nakina sawizawm leh ah " tiin ka kalsan a.






Presentation tih angreng hi chu ka huphurh hranlo ; mahse, huphurh rûk riau châng ka nei ṭhîn a. Ka ngaihtuah buai peih rih lo ahun ah kan bawhpelh thei dawn chuang ani mang silo a. Aldrina hi kan class representative ani a, mi ṭawngtam ani lo a, ngâwi reng a tihtur ti mai chi ani. Lehkha pawh thiam tak ani kan Sêm ah chuan a pass ṭhaber ziah.





Note: He story hi ka han ziak ve râwih ani a in ngaihnawm tihzâwng anih hrâm ka beisei. Ngaihnawm intih leh tihloh, a story in hmuhdan hrim hrim comment section ah lo sawi teh u aw.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:50 pm

ELEAZER LALPEKHLUA


BY

Nunui Hnialum

Chapter - 2


Class lam pan in ka kal phei deuh hmawk hmawk a ka hmanhmawh ru deuh tlat first period ka nei bawk nen, first period a class nei tu lah hi Sociology HOD ani tlat. Aservice na arei ve tawh deuh bawk nen strict ṭha tak mai ani, a class ah chuan kan ri deuh ṭhak ṭhak zel, teacher dangte anga namnûl a mutthlûksan mai mai chi ani awkawng lo.


Senior teacher tih tak ah junior ho aiin alêt in hun avawng dik a, ahun leh darkar atiam chin bâk apel ngai lova ahmaih ngâi heklo. Han theihnghilh anei hran ngai silo. A class lah hi first period ah a awm thei em em bawk si, a class ah hian ka ding zing malh malh hle a, amah phei hi chuan min hre lutuk tawh tlat, min hriatdan lah chu thilṭha tih avanga min hria ni lovin ka tlai ṭhin ziah avang leh class lâk laia mutthlûk ka hrât em avanga min zilh ṭhin vanga min hria ani. Min hriatdan a ropui tehchiam lo kher asin.



Kan class zâwn ka thleng phei a ka hlauhrûk ang ngei chuan ka tlai ta! Hming alam lauh lauh hi chu ka ngaithla ran a, ka lût ang nge lût lo ang tih ah ka in khâp buai, class ah attention pe chiam ṭhînlo mah ila class bunk tihvel hi ka ngaihdân ani bau lo; mahse, tunah tak hi chuan luh ka va hreh tak " Eleazer i tlai leh vaih chuan Toilet iti fai tawh ang " tiin aclass tawp ber ni khan min hrilh anih kha, class hi ka tlân bosan mai dawn em ni? Nge Toilet tifai tur in class ah ka lut zâwk dawn?



A eng ave ve mah chu tih ka va phûr lo ve; mahse, a eng amaw zawk zawk chu ka tih ngêi angai si, aṭha e, pa takin ka hma a harsatna awm chu pehhêl lo in ka su tlang aniang chu. Zahpawh sawilo in kawngka hawng in luh ka dîl a kan HOD chuan hming alo la lam zolo ani. Engmah sawilo chuan min melh vung vung a. " Toilet va tifai rawh " mintih ka hlau ru khawpmai.



Engmah sawi lova min melh vung vung hnu ah " lo lut rawh " ati sup a, thaw huai in ka lût ve nghâl a. Papuia'n minlo hui zauh zauh in hmui phunin abul a ṭhu tur in minlo sâwm a, engmah sawibuai lo in ka kal ve nghâl mai a. Abul ah ṭhuthmun rem in ka ṭhu thla nghâl vut a, Parking aṭanga baklênga kal chho ka ni bawk nen ka thaw asa pup pup mai zâwimuang in maimit chhîng in thawk la in ka thaw chhuak leh suai suai a, chutia vawi thum vêl ka tih hnu chuan ka hahdam huai mai.



Ka mit meng a ka hawi chhuak chiah chu ka bân puam ah Papuia'n minlo nghawk zauh a alam ka va hawi chuan amitmei in ahmalam chu min kohhmuh a, ka hawi phei vata HOD chuan khawdang hâwi lêk lo hian minlo melh kur alo ni. Chutia kanin melh ren rawn hnu chuan " i mutthluk leh hma in hetah lo kal teh " tiin keimah chu min en chhuk rûn a, kalloh chi pawh ni nghâl lo chuan.



Tho vat in Leckturn lam Sir dinna lam chu pan in ka kal phei nghâl vat a " hming ka lam bâk kha nang han lam teh le " ti sup in register leh pen min pe in asir ah akal sawn ta nghâl a. Roll no a in dawr dân chuan lam in ka au deuh lauh lauh a. " I au záwi lutuk ringtak in lam rawh. An hming ngei khan lam nghe nghe teh, i class mate te pawh an hming hriatloh i ngah êm kha " ti a ka mit a min en in lehlam ahawi leh nghâl vut a, mai mai chuan leh tuma hriattheih loh tur hian ka lam náng a.




Tum ru bûr chuan an hming ngei a au lauh lauh in ka lam ve zel a. Midang in 'Present' tia minlo chhân mai laiin Hmingchhuanga chuan min rawn 'Sir' deuh lung lung a, a au ring bawk si chu class chhunga awm ho chuan an nuih ta chiam mai a. Kan pahnih chuan min nuih ti tih ta ri ngawt a, mahni lo maha lungâwi loh sa ve tho nen ka thinrim ru ṭeuh mai. Ka melh hrawk a amah lah chuan minla nuih ang vur vur lehnghâl a.




Hming chu ka lamzo thei hrâm a, thaw huai in Sir lam ka va hawi a, alo pên phei mêk a. Thudang sawi hranlo chuan ka lo nghâk tawp a " i ti lawmawm hle mai " ti sup in ka dar ah abeng deuh thuk a. Ka ṭhutna lama kal tuma in her in ka pên dawn chiah " i kalthei ka la ti lo " ati leh nghut mai. " Enge tih melhtak hian ka melh ti tih a " alehkhabu keu vut vut in " vawiin chu nang in kan topic tur hi kaihruai la, i thiam dan dan in i sawifiah dawn nia " ti thâwp sup in alehkhabu chu min pe nghál a.




In enlâwk na hun tal te min pek ve âwm ania ka ti rilru nauh nauh a. Lehkhabu a kan topic berkher lah chu ka tuipui loh ber ani zui, Papuia lam ka va hawi chuan nuihzat hmel deuh nui ṭha ngamlo melhtak hian minlo melh in ka hria. Ka melh run run hnu ah lehkhabu chu ka enleh a, tuipui loh na ná na chu ka rilru a awm ang pawn ka sawichhuak thei dâwn em maw ni le? Zirtirtu hnial lah chu ka hreh ve tumhrang bawk si.



Text book chu chhiar chhuak thuak thuak in ka hriatthiam ang ang chuan Mizo in ka let zel a, ka chhiar deuh puat puat ani ber zawh vat vat a ṭhut ka châk lutuk, ka zo vat reng bawk a Sir lam ka va hawi lah chuan " i ṭhu thei ang " ati duh mai silo. Vawiin zet zawng muthlu hman léklo in min siam ani hawt, Sala.




Min melh vung vung mai, " Sir ka zo " ka ti deuh hmuk a, nui chiah silo ṭhen deuh suk hian " i ṭhu thei ang " ti a lo tho vut in ka bul ah alo ding nghâl a. Keipawh pênsawn ve nghâl vat in ka ṭhutna lam pan in ka kalsawn ve thuai bawk, Papuia bul ah ṭhu thla vut in ka thaw deuh huai a, " Eleazer iti ṭha lutuk KZP " nui deuh suk a tiin akut zungpui alo ti pir va va a, ka nuih lêt thei bau lo ka haw deuh hlur mai in ka hria.



" Tûn achin ah chuan atheih ang ang in explanation in inneih chhâwk tawh ang, inlo in en lâwk ṭhin dawn nia, ka duh duh ka ko chhuak dâwn che u a inlo in ring lâwk vek dawn ania " ala ti ta deuh deuh a. " I pheikhawk alawk theih theih nen " ka lo ti rilru mawlh mawlh a, reilo te sawizau leh in achhuak ta nghâl a first period aṭang phat in ka mood a off nghal vek.



Achhuak fel chiah chu dawhkân bawh thlawp in ka maimit chhing ruai ruai a, ka mut achhuak lutuk tlat, tukin zîng ah pawh thawh hrelo lêk in ka muttui a tun ah ka mut ala chhuak cheu chu keipawh ka nuih aza deuh tlat, maimit chhing reng chung chuan ka nui suk suk a. Ka lo muhil ani ngêi ang ka beng chu aza deuh ner ner a, meng manglo chuan ka va tuai leh thuak ṭhîn reilo te ah angâi ang bawk in alo za lehṭhîn. Chu tho nghâl zet chu ava châk dawnlo rua êm!



Mut khamlo leh thinrim ru ṭeuh chuan " i va châk dâwnlo tak " ti bul vut in ka tho phut a. Karei leh! Ka beng lo zar tu chu tho ani í khawlo mai. Kan English teacher thar alo ni reng a, hnaih zet ah kan in melh dûn siah mai le, ka thinrim na chu chawp leh chilh in abo nghâl vek ka zak chem chem mai. Min melh no lo nasa ropui mai si a.



Khawi ah nge Papuia pawh hi a awm? Class kan neih te chuan min kaihthawh ve âwm ania? Ka mit in ka zawng ru deuh ruai a ka la hmumai silo ka hawi vual vual ngam bîk teuh si lo, ka mit ka vahkual tîr chu fiâk deuh ṭhak hian " Engtia mi tih maw i tum Eleazer?" Chu zawhna berkher chu(h) engtin nge ka chhan dâwn meng mang lova ka thusawi chu ka sawichhuak ṭha vaklo ani.



Kan class ah alo luh ngailoh avang in ka lo en chîk ngailo a, Kameez senno ha in Pencil Skirts dum fit deuh ṭang afêng a, hill sâng vaklo rawng dum abun bawk. Apian lah chu ala nalh hrep lehnghâl a.



" A pawi lutuk " tiin ka phun ri sup a, " eng maw i sawi?" ati leh sap in atarmit phen aṭang chuan min en chho kal bawk a. A Kameez hâk hma mar ṭha zet hnuai a a âwmbawr kawhlah te, a hmui sexy zet sen vâm ham mai te.



Amal zên nalh zet sei thlarh mai te amawng bâwr vâwng lah mai leh a awmbawr te chuan khum laizâwl min ngaihtuah chhuahtir lo ka tih chuan dâwt ani ngêi ang.



" Hett, Eleazer chutiang ngaihtuah thei ini lul lo " ka lu ka lo thing nghut a.




" Miss tho thlâwk ka lo chhiar alawm mawle " ka tih chuan phawk zet hian min en chho a. Ka classmate te lah chu anlo nui huk huk hlawm lehta nghâl a.




Arûk tak chuan vawiin a ka lo tlânbo ta mai lo chu ka in chhir ta viau mai. Chutia an nuihlai chu remchang ah la in Papuia ka zawng ru a ahnung ber ah alo ṭhu vûng a, ka mit in chanchin ka zawt chu alu alo thing vut a, lehlam ala hawi daih zui. Engti a miss hi lo lût nge anih? Class alâk na arei tawh em? Engtin tak min hrem ang maw? Chung vel chu ka ngaihtuah a, ka thin phu a su dup dup mai.




Amit en duhlo in ahmûi leh a âwmbawr ngawt chu ka melh lui a, ahmui chu akhûr ru deuh tlat a ka hriat chu le, min chhân mai tâk loh ah chuan ahmel ka en vat a. Alo sen deuh ap ap mai abiang atâi têk reuh a. Asam dum hlap aṭâwnsân vah nen chuan asexy lutuk tlat. Thaw la deuh hak in " ṭhu rawh " ati lâwi deuh rât a ahmuhloh lam ah ka ṭhen suk mai.


( Reader te min lo hrethiam ula karkhatah vawithum ( 3 ) bak ka rawndah thei dawn lo a , in mi hriatthiamna ka dil a che u )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:50 pm

ELEAZER LALPEKHLUA


BY

Nunui Hnialum



Chapter - 3


" Sir Tluangpuia awmloh chhûng chu Core nen keiman ka la kawp dâwn che u a " thaw la deuh haka atih chuan ka en ngur ngur a, ka lam alo hawi duhtawh ṭhak nâng. " Vawiin chu ka class vawikhat na ani bawk a hming lam na kan nei anga introduction keima lam aṭang leh nangmahni lam aṭang kan nei phawt ang " ti leh in anui seih a. Ava chhelo tak ahmêl leh apianphung zawng zawng te nen lam hian Victoria Secret a an top model ang maia chhelo alawm anih le.




Introduction a neih zawhvek hnu chuan ka hriatduh tak ka hreta ahming chu Michelle Lallawmawmi niin Durtlang ah an khawsa a fanu neihchhun ani kum 28 ani tawh bawk. Ani pawh MA achhuahna ala reilo khawpmai bialpa nei tak ang maw? Mahni zirtirtu ngaihzâwn lah chu thil tih chi niin ka hre chiah silo, ava buaithâk tak e aw.




Kei kum 22 chauh ka la ni si, kei aii kum ruk ngawt in a upa, huizz hun hian hril tehse. Chutiang thil vêl ka ngaihtuah na lam ah miss ala awm tihrêng ka lo hre tawhlo thâwm areh deuh dûk tak ah chuan hmalam ka hawi chhuak a miss chuan minlo en reng tawh alo ni. Amit min kân khum ak ak in " nangve le, Tho thlâwk ilo chhiar leh em ni?" Ati zat reuh a, tho vut in ka hming leh vêng te chu ka sawi luam a.




"Ṭhu rawh" minti mai silo chu ka ding deuh rên râwn a. Amah lah chu min en miahlo in hnuailam melh in anui deuh sak sak Papuia chuan " Dude, exam topic alawm min zawh " ka hnunglam aṭanga alo ti deuh lûng lûng ah chuan ka kut tum ka humruh ṭeuh mai, ava chêtchhiak theih ve mawle. " Introduction kan nei ang " ati khân ka hre si a.




Zak viau mah ila zak angin ka awmdâwn teuhlo mai Miss lam ka va melh phei vat a nui sâng hian " eng hi nge ilo ngaihtuah hman ṭhin ang aw ka ti " ti sap in min nuih deuh a. Ka ṭhen deuh suk a ka nui duh bîk ṭhak nâng. 'Atîr aṭang khan sawiṭhat ve hle hle mai tûr alawm mawle' ka ti rilru nauh nauh a. " In exam ahnâi tawh hle ani Material pêk in ngâi tawhlo a Library ah kal tam rawh u aw, naktuk aṭang class pangngai in kan kal ṭan ang " ti leh sap in achhuak nghâl a.




" Vawiin a mintih zahman ah ka mutthlûksan char char ang che " ti zâwi sup in ka ṭhu ṭha a, miss chhuak chiah chu minlo bawr vut hlawm a, " khai a ṭhiana leh miss i chhaih lâi ringawt ania " tiin ka class mate te chuan min fiam hlawm a, Papuia chuan ka bân puam ah alo hnek a, "i namai lo teh e" ṭhen sûnga atih chuan ka melh hrâwk a. Nui ṭhá chung in "ka ril aṭam Canteen ah kal ila kan sawi ṭha dawn nia" atih chuan lehlam ka hawisan a.




Ka Rucksuck la in a chhuak nul nul lehnghâl a vawiinchu chawlhpui a zûikâwi ka tumloh teh reng nen ka zui lo thei dawnlo tih ahriat vang ani khatia ka Bag alâk ni. Class a ka bula ṭhu lova ahnung bera aṭhut man leh min chhân ṭhat duhloh vâng khân vawiin chu ka thinrim ru deuh ṭûn ania, " ka la rûllêt ve khawp ang mawle " ti nung nung chung in ka umzui leh ta tho a.




Canteen ah ka lût thâwr a hmuhtur ala awm mailo zui a, a awm mai ka rin vanga lût kha ka ni a, khawi ah nge maw alo kal leh hman ni? Mintih thinrim tawh sa nâk alaiin " vawiin chu phur haw lo in ngâwireng in ka hawsan daih ang " ti mual mual in eitur ka chah a, zîng chaw ka eilo nen puar na tur deuh ka chah a, ka eitur chah ka dawhkân ah alo chhawp pawh chuan ahmêl hmuh tur ala awm chuanglo.





Phone mai dâwn in ka phone Rucksuck a ka dah avang in akeng chhuak daih bawk si, pawi hrep lo ka phone chu ak pawh ni ila ka phone kher lo ang, mai mai a.




Ka eitur chah ka ei mual mual hnu ah alo lang ve hlawl mai. " Ground floor ah ka lo nghâk che ka ti mawlh mawlh a minlo kalsan daih a " ka bul alo thlen velah chuan ati sup a chhâng lo chuan ka la ei mual mual a 'ka lo nghâk ang che' atih pawh ka hre bau lo "a eitur chiah ala chah zui" atih leh sup chuan ka en a. " Hmuhtur i awm mai si lova ka eitur chiah ka lo chah mai, in chah ve nghâl mai rawh " ka tih chuan "vawiin chu ka ngâidam ang che" atih sup chuan ka ner nawk.




"Thinrim viau suh note chungchâng ka zawh laiin alo lut thut a, ka ṭhutna lam ah ka lo kal hman tawh si lova ka ṭhu tlang ta law law anih kha, bakah miss kha alo lut chiah i bul arawn pan vata engmah sawina hun pawh a awm lo" nui ṭhaw chung a asawi chuan ka eitur ka ei zo a, engmah sawi zawmlo in ka nghâk ren rawn a, a ei puar hnu ah kan chhuak vat a.




Chawhnu class hmasa ber ah lah chuan English Proffessor pakhat zâwk alo lût a "power point presentation karleh ah kan nei dawn a, lo in enlâwk vek rawh u, pendrive ah inlo thunsa dawn nia" ati deuh hmuk hmuk a " exam hnaih tawh tehreng nen ava han hunlo tak" midang hriatloh tûr in Papuia aphun hluk hluk mai, Proffessor chu aduh asawi zo a achhuak zui daih bawk si.




Vawiin tlai aṭanga kan in puahchah ṭan angai dâwn anihhi, " min zui haw la ka Computer aṭang in kan siam mai dawn nia, pendrive pawh ka kawl in ka hria kan in hman ṭâwm mai anga harsa lo tur ah ngai ang " tiin Papuia ka hrilh a abu nghut nghut mai.




"Vawiin nilai ni anitawh, presentation karleh ati bawk si hun ateptêr e, hmadeuh hlek a in hrilhhriat ve tur ania" alungâwi thei ngang lo aniange aphun aphun mai.




Pêngkawi lo in kan tlân haw nghâl a, ka pi chiah alo awm a ka room lam ah tlang chho nghâl in kan tihtur kan ti ṭan nghâl mawp mawp a, ka pi lo lût in eitur leh juice minlo chhawpsak hnu ah achhuk thla leh vat a.Topic tur kan in thlan te te a, Google lam leh lehkhabu kan en theih ang ang kan en hnu ah presentation tur computer ah kan type lût vat vat a, type chhung arei duh phian bawk si nen Papuia pawh a inlama haw lo in chaw ei nghâl a ka bula riak mai tur in ka sâwm a.




Chaw ei hun ah ka pi in minlo ko a kan chhuk hrâm a, ka pu pawh in "nangmah chauh a awm ini bawk a zanin chauh te zawng riak ve mai rawh in tihtur inla zo chuang lo bawk a" ati chuar chuar a, chaw eikham veleh kan thiltih lai bawk chu tih zawm leh vat vat a zân dar 8:00 pm ah kan zo fel vek a, "naktuk ah aṭhen azâr kan print out ang" tiin kan chawlhsan a.




Zân kan mut na ah chuan miss Michelle chungchâng kan sawi dûn a, " Eleazer try ngar ngar la chuan i chhâi thlu hrim hrim ang, a en uluk thei emmai che" Papuia'n ati sup a ka nuih suk a. "I va hrethei ve? Engtin nge i hriat bîk?" Tiin ka zâwt a, mi a nilêng lo tân hriatloh ngaihna a awmlo amitmeng leh achezia khân sawi leh chuan ngâinlovin ati chiang thawkhat viau" inti hrefe chuan asawi a. Kei ka lo nui mai mai thung.





"nui liam mai mai suh a chhiatloh êm hi; mahse, mahni zirtirtu ngaihzâwn lahchu ani chiah lo deuh ka ti sia" ati bul bul a.





" Enge pawi vak hmeichhia tho alawm " ka tih chuan alâwm hmel ngang mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:50 pm

ELEAZER LALPEKHLUA


BY



Nunui Hnialum


Chapter - 4



Papuia nen ka room ah kan mu dûn mai a atûk zing ka harh lah chuan alo mu tawh reng reng lo lehnghâl a, ka phone sana ka en chuan dar 7:30 am alo ri va va tawh a, anipui hi min kaihthawh hreh in alo haw nulh emaw ni le?. In phihfai hranlo in ka room aṭang chhuak vat in inhnuai lam ah ka chhuk vut a, ka pi in Kitchen Cabinet bulah lo ding in eirawng alo la bâwl mek a, Papuia haw leh haw loh ka zâwt a, ka pu nen an inkawm thu min hrilh zo deuh chiah tih ah choka ah anlo inzui lût nghâl a.






"I lo tho ve thei hrâm maw?" Ka pu in atih sup chuan ṭhen suk in "Papuia ahnâr nasa lutuk a ka tho hma mai" ka tih chuan zalo zet hian aṭhen suk suk a, ka pi erawh alo nui hak hak a. Ka pu strict lutuk hi chu nakin ah athu zawmloh theihloh hun ka la nei ngêi dâwn tih ka hria "College hi chu iduh ang thâla nuam leh thawveng in han hmang zo phawt la, a bâk chu ka kaihhruai na hnuai ah i awm char char tawh ang" tiin min hrilh anih kha.





Ka ngaihtuah chhuah zâwng ringawt pawh hian ka huphurh lâwk ani, kei a tupa vei neilo thawveng lutuk mai hi ka pu hian ka awmdân ahai lo nasa mai si a, keimah chiah an neih chhun ka nih takmeuh avang hian ahnung zûi tûr leh a awmloh hnu pawh a ka kut a engkim adah theih nan a min train aduh ani.





Keimah min ngaihtuah vâng liau liau ani bawk, ka hmakhua ngâilo se chuan kan chhungkua kan pathum ei in ringawt zawng hnathawh hran ngâi lo in apawisa khâwlsa leh ka pa pawisa lo khâwlsa ka hminga account asiam min dahsak te kan in dinglâi luahman lo lût nen hnathawh hran ngailo in kan khawsa thei meuh mai; mahse, "pawisa leh Khawvel rothil te zawng zankhat thil thu, mitkhap kârlek a boral thei vek ani, mihring in kan chin kan hrelo, eng harsat na pawh lo tâwk la nangmaha i in hâi chhuah a, ikut ngêi a i in tundin theihna tûr khawpa thiamna leh theihna ineih ngêi angai"





"I hriat ang in nangmah mai chauh ini a, i hnûng dâwl thei a ka la awm lai hian i tan ṭan nasa tak in la ang che, ipi nen kan awmloh hun ah chuan engkim nangmaha i beih tak meuh meuh angâi dâwn a, tun ang renga i awm chuan i puitling ngâi dawn lo, College zo fel la hmundanga khawsa tur in i rilru siam ang che" ka pi hriatloh hian mi hi afuih nasa thei khawpmai.







Ni e, ka pu sawi ang khân he khawvel ah hian mal lutuk in ka piang a. Ka pi leh pu te hi ka neihchhun tak meuh meuh anni, awmlo chiah se keimah chauh ka ni tawh mai si, keimah chauh a khawsa tûra ka in chan te hian ngaihtuah pawh ka ngaihtuah ṭha ngam ngâilo ṭhîn reng ani.






Hei vang tak reng hian ka pu phei chuan min dimdâwi ngailo, ka naupan deuh lai phei kha chuan keimah chiah antu neihchhun ka ni tih hi achâng chuan ka awihlo fo ṭhîn; mahse, tûn hnu, thil chînchâng ka hriat hnu hian ka pi nen an awmloh hun ah maltak leh belhtûr ka neihloh hun pawha keima ke ngeia ka din theihnan tawrhchhel na nen a hringnun hmandân min zirtir ani tih ka hrethiam. Ka pu bul ah chuan kan ri deuh ṭhak ṭhak mai ṭhìn.






"Mampui thingpui hi in rawh u" ka pi in atih sap chuan thil ka lo ngaihtuah mûk lutuk ani tih ka hre chhuak a, "Kan Eleazera hi zawng kawmtheih pawh ani ngâilo, Papui lo riaklût fo teh" ka pu in ati leh chuar chuar a, "ka pu kan in kâwmngeih dâwn sia, Duatbera hian min thîk lutuk palh ang" nui sûng chunga atih chuan kan nui hawk hawk hlawm a.





"Eleazer i pu te nen kan pathum in râmvak ang u Sava veh in, huan innei zau si Silai a awm tho a" atih chuan ka hawichhuak vat a "khawia silai maw?" Ka tih chuan "ka pu hian SDB model 200 Air Rifle anei alâwm" tiin phûr zet hian min en a. Ka pu in an room Cabinet pakhata Silai adah asawi ve ziah kha ani tih ka hre chiah. Ka va tuipui pha velo ber.






"Ani khazawng chutiang atuipui pha ve lo, sawm sawm duhsuh" ka pu in alo ti hluk a, " ramvah vêl hi ka nuam tih zâwng ania ka châk lutuk tlat" tiin pakhat in alo chhâng veleh a. "Zing chaw ei nghâl la hma deuh ah chaw kan ei anga i in lam ah kan pêng kawi mai anga?" Râwn pah in Papuia chu ka zâwt a" a ei nghâl ang chu mawle, tun ang huna mahni eitur in bâwl chawp leh nan chuan atlai tawh, kan peih dâwn tawh ang chu ti raw ṭhiani?" Tiin ka pu bawk chu alo ṭawng leh a.





Chaw ei ka pi in apeih hma bawk a kan in peihfel hnu ah a ngâite in class kal tur bawk in kan chhuak leh a. Papuia in lam ah a inthlâk chhûng ka nghâk leh te te a, a in peih hnu ah kan dân ngaite bawk in College lam pan in kan in phur phei leh vûk vûk a.




Chutiang chuan ni kan tluan a, mutthlûk erawh ka la bânsan thei lo. Zirtâwpni chuan HOD chuan min hrem ta nge nge a "Eleazer Lalpekhlu in tih harh nan Toilet khi va tifai rawhle" damtluama tiin ka muthlu dawhkân a ka bawk chu ka Beng aṭanga min pawt tho in damdup hian min hrilh a.






Kalloh theih ni heklo le phûrlo zet chuan ka kal ta hnak hnak a. Toilet lam pana kan inzui phei chu min lo en duh hlawm ngang mai ring fân duai duai khawp in minlo en hlawm a, mahni lo maha zahrûk ve tehreng nen.






Toilet kan thleng phei a ti fai tura min tih berkher lah chu hmeichhe Toilet ala ni zui! Pâwn ah chuan Toilet hmang tûr ho leh ahmangzo tawh lo chhuak mêk te nen kan in tâwk hlawm a, mak tih hmêl tak in ding meuh hian minlo en haw hlawm a. Nia, ka dem hranlo hmeichhe inthiar na a mipa kal dûk dûk chu anni tân pawh mak tihloh na tur vang miau hek le.




Hmeichhe ho hmuh lai ber kher a tihfai chu ka hreh ve tumhrang si, "kalsawn ru" ka ti dawt ngam bîk dêr silo. Akil sir deuh ah chuan ka ding zum reng a. Aṭhen chuan min en hrek hrek in eng emaw an in hrilh luam a an kalsawn a "hemite kalsawn hun ah chuan ka lût ve tawh ang" ka tih ve pawn adang anlo kal belh zêl bawk si a, ngâwireng in ka ding zumzût ta ringawt mai.




Darkâr chanve dâwn ka din hnu ah HOD chu lo pên pheiin ka bul ah arawn ding luah a, hmeichhe ho awm lai êm a tihfai chu ka hreh tih ahreru deuh ani ang ka bul alo thlen chuan hmeichhe inthiar zo ho chu kalsawn zêl tur leh lo kal rihlo tûr in ahrilh hlawm a, peihlo sateh mah ila ka tih ngêi ngaih si avang chuan hmeichhe zunin chu ka nawtfai ta tlauh tlauh a.




Uluk mangkhêng in atihfaina sahbawn leh Brush nen ka nawt a, arimchhe hrep lehnghâl a, ka uak lo chauh ani. A zawngchhang thlâkloh khawp mai.




Thlan hluam in ka chhuak a, "Sir, ka zo e" tiin kawngkhar hawng in ka chhuak nghâl a, Zunin bul te ah chuan Miss Michelle leh HOD te anlo ding dûn ran mai le! Tumloh lutuk a ka hmu thut chu ka phu chiang lutuk, Miss paw'n min hmuh aring vaklo tih ahmêl buai nak ah chuan ahriat theih. Ka Bathroom tihfai na lam ah ka kekawr tlâng leh ka Pheikhawk hmawr ahuh vek bawk, chuta kâr ah Brush chu ka keng chhuak va bawk a.




Ka che chhe lehta! Zahthlak mange, 'hetah hian enge ka tih?' Tiin Miss hian min zâwt ta se engtin nge ka chhan tâk ang? Thudik a sawiloh theih dâwn siloh "Bathroom ka tifai" tiin chhâng ta ila min nuihzat angem? "Ka tifai lo ka inthiar" ti ta ila abul lawk a HOD bul ah ka tihtur ka zawh thu ka hrilh zo chiah bawk si.




Mark score tum ve tehreng nen ka Bathroom tihfai chuan ka mark apaih chhe duai alawm mawle. Dinreng thu awm heklo le ṭi dâk hian ka va pan phei a, ngun lutuk tak hian minlo en dûn lehnghâl a, tûn ah tak hi chuan khûk chem chem a khûk ral daih ania ka châk ni.



"Oh. Eleazer, helai hmun ah hian engthil nge itih?" Karei! Ka hlauhthâwn rûk ngêi mai chu min zâwt ta! Eng chhanna nge ka pêk tâk ang? Chhang lovin ka tlânchhiat san mai dawn em ni? Ka en apianglah chuan fiahzet hian ka chhân hun nghâk in min en kal bawk si.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:51 pm

ELEAZER LALPEKHLUA


BY


Nunui Hnialum


Chapter - 5



Chhâng ta mai lo chuan ka ding deuh rênrâwn a "Aa. Hei Tui Pipe vêl kanlo endik lawk anihhi" nui suk chunga Sir chhanna chu awih tak ang maw? Kei erawh ka thawveng deuh huai mai, min zâwt lui ṭâlh ang tih ka hlau "Miss, Staffroom ah kanla sawizawm leh dawn nia, class kala nei si a" tiin hawihhâwm tak chuan abia a, a chhânna pawh nghâk hranlo in ka lam lo hawiin "le, class kanla neih kha ikal tawh ang hmiang" ti sup in min hui zauh a rangzet in ka pan nghâl ruak ruak a.




Dâkchhuak a Miss ka va melh chuan minlo en kal a, amitmei in zawhna min zâwt tih ka hria, hrethiamlo ang deuh chuan ka kalsan ta nul nul a. HOD hnung ah ka zui ve zel a aruala kal pawh ka ngam tawp nâng, class kan thlen hma kan kaldun lai te chuan eng emaw min zâwt ang tih hlauhna ka nei dûk reng a, a enge min zawh a ka hlauhtur lah ka hre dêr silo.




Class kan luh chuan phun mur mur thâwm pawh areh ta dûk a, ka ṭhutna lam pan dâwn in "i ṭhuthei ka tilo" ati bung deuh nghut si ava han suaksual tak e aw; mahse, miss laka min chhanhim mana lâwmthu sawina ang ah ka ngâi mai ang. Exam portion tur deuhreuh te chu asawi luam a, asawi chhung zawng chu ṭhut phal heklo le abul ah chuan ka ding ngâwi ta reng a. Achhuahdâwn ah chuan "i ṭhu thei tawh ang" ti a tho vut in achhuak nghâl nul nul a, "Pheichham-a" ka ti rilru mawlh mawlh a.





"College week kan neih hun chu Award dawng tlâk hial ini" ka ṭhutna lam pana ka kal ka ṭhufel âwrh nui ṭhaw chunga Hmingmuana thusawi chu angeiawm lam lek lek ani. "Dude, kan haw mai dâwn em ni?" Papui'n nuamlo ka tih hlautak chunga athu sawi chu kiau suk in "angai lo ve" ti sup in ka din chhuahpui nghâl a. A ṭhianpa hi hetiang mai mai ah ka zâm in ka nundân akhawihbuai pha ngâilo tihhi ala hre chianglo anih dâwn hi.





Kan kalsawn tûr chu kan hma ah tak Hmingmuan ading tlat a "thiamthil hi chu i ngah ve ngawt mai ti raw?" Nui ṭhaw chunga a thusawi chu ka hnek zui chawrh ang tih ka hlau khermai, mi hnuaichhiah rân a ṭawngkam achhakchhuak fo ṭhîn hi paidaih aharsa lam hret ṭhîn. "Nang ang ka ni ngâi lo ve, i buailoh na tur ah lo buai lutuk tawhsuh i hnunga kal ten an kalpêl palh ang che" kiai suk a tiin ka chhuahsan vut a.




In hnuaiber ka thlengthla fel âwrh a Papuia alo thleng thla ve nghâl mai bawk a, in hnawhpuar tur in kan kal chhuak nghâl a. "Vawiin zet chu a haw tlang daih mai duh boruak ni lûk nen" Papuia'n atih sup chuan "angai kher em ni? Anawm êm hi" nui sûnga ka tih chuan "nang hi zawng ka hrethiam ngâi dawnlo che anihhi" nui suk suk a tiin a Momo ahmawm zauh a.





Ṭhadeuh chuan class pawh kan attend chhunzawm nilêng a, tlai lam ah erawh boruak ani deuh lûk a, haw tur in ka ding hluai a inhnuai lam ah chhuk thla in asir kil deuh ah ṭawng sur sur thâwm ka hria a, ka ngâithla ren rawn a ka piah step kil thim lam aṭanga thâwm lo chhuah na chu ka pan a.




"I nihna hi in hre deuh rawh broken family aṭanga chawrchuak ve mai inih hi, han in chhuanpui tûr vak neih engmah ineilo, tirawh ka tih che chu ngâwireng in ti mai rawh" tiin pakhat apâwr hle a, pakhat erawh chuan achhâng velo kalsan ngawt nithei in ka hre lova ka va kalhnaih a ka thlen chuan Hmingmuana'n Aldrin-a alo dinchilh rân mai a.





"Hmingmuan enge hetah hian intih?" Tia ka en phei chuan aner sâwng a, abula ding Aldrin-a chu a en dân aṭang rêng pawn ahmu hniam hliah hliah tih ahriat. Aldrina erawh ṭawngkam engmah chhakchhuah anei hranlo nâng in akuttum ahûm ruh hle. "Ka kal ange CR, ka sawi kha hre reng ang che" ner sawk sawk chunga aṭawngkam phuhchhuah chu adawngtu nimah suh ila thu dawn nuam ani hauhlo.




"Aldrin enge buaina innei em ni?" Tiin ka zâwt a "ngaihtuahawm ka ni lo ve ka kal ange" ti bung nghut in akalsawn ve ta nghâl a, ahmél lah chu a insehruh nasa mai si a atu ve ve mah chu an lung awiloh hmel hle ani. Engmah an sawi mang si lova buai lo phawt teh ang.





Papuia pawh nghâk hranlo in Parking ah keimah in ngâwireng chuan ka chhuk mual mual a, ka Bike nghêng a Miss Michelle lo ding vâng ka hmuh chuah ka hawi dawrh mai. Vawiin thil thleng ka hrechhuak zawk mai, min zâwt chiang dâwn anih hmel e. Huhh.





"Vawiin chu i rual in ka haw ve thei angem? Haw hma ka ngâi si a" inthlahrun hmêl angreng tak a atih sap chuan ka zirtirtu anihna thihnghilh ṭhak in "nula chhelo phurh te chu ka châk zâwng tak ani" ti sup in chiang zet in amit a melh rûn in ka chhâng a. Nuisang in "ka lawm e" tiin zâm maplo chuan min en chho kal bawk a.





Aṭawngkam hi in thlahrun hmel zet ang in lang mahse amitmeng leh achezia hi chuan min zuam lutuk tlat, apian nalh zet mai Hmeichhia ti Hmeichhia hliah hliah tu hi ka hmuhhmaih lo tih ahreru te pawh ani mahna le. Um, afuh chho dâwn e.





Bike ah lâwn in ka start vut vut a lehlawk "Papuia" ka sawi zawh hma hma chuan "ngaihtuah suh midang rual in ahaw dâwn" atih sep chuan âwihlo zet in ka en run run a, "khatin min en suh min ring tawp teh" ti leh in a in her a "enla" tiin amitko san ak ak in kan chhak kawngpui chu a en chho a, Papuia chu tu emaw hnung ah alo ṭhu vâng a, "ṭha deuh in aw" ti ni ang hrim in Miss hriat thiamloh tur a minlo signal in abân alo vai lauh lauh a, antlan chhuak nghâl vut bawk.





Engtin nge Papuia nen kan kal dûn in kan haw dûn ziah tih ahriat ni? Hrelo nise Papuia ahrana ahaw tir ngawt nachhan tûr awm in ka hrelo, nge ni a Papuia hian midang ruala haw alo tum hrim hrim zâwk? Chu erawh ani theilo kei nen hlir kha lehchen kan haw tlânga vawiin ni ataka midang ruala haw thu a awmlo. Miss hian hriat rûk chu anei chiang ani.





Pencil Skirts akhup khuh ṭawk ṭawk afêng bawk nen Bike a chuanpui atan chuan ahim vaklo maithei; mahse, ani erawh asir zâwng in aṭhu vâng a minlo bawh ti tih pah bawk. Tâwi khawmuang lo in ka tlân chhuahpui vut a "i hmanhmawh hranloh chuan kan in thleng min thlah thei ang ti raw?" Ti sap in min ngheng hnai sauh sauh a "theih loh na tur a awmlo" ti a ka chhân chuan alâwm hle aniang side glass aṭang a ka en pawn anui sânga anuih zâwnga a ha var rual ṭhah chu hmu nuam tak ani.





Kan tlan chhuak chu min hmutu apiang chuan mak tih hmel tak in ding meuh hian min en haw haw hlawm a. Nia, miss chhelo zet ka phur miau a, min en duh viu pawh chu mak ka ti hranlo, Durtlang lam ani bawk a an in awmna lâi lah chu afâl deuhreuh viau mai, ti ila an in hmun hrim hrim azau êm a hmunruak ala tam ngang mai. Afâl ta deuh maw tih vel ah a âwmbawr pawnglah mai in tilui tih hriat fe a min rawn nawr chuan che lo tur ache ṭual ṭual mai dâwn alâwm mawle.





An in thlen hma aṭang a thuife chu Grass hringdup mai a in phah phei duai a, asir zai zai ah Nurserynature innermi plant a ding phei ruak a, Lushgreen hert leaf Oxicardium te leh par mawi deuh deuh arawng pawh ka vawikhat hmuhna aniang tihtur chi leh adang dang atam viau mai, uluk taka enkawl tih an hnah leh kûng hring leh fai nui sârh ah chuan ahriat theih.





An in kawt ah chuan ka ding a an in pawh mihausa in tih hriat tak in ading phei ruah a, en kualfe tham chu ani. Pangpar an ngâina hle tih ahriat, hawina lam apiang ah Pangpar parchi leh parlo chi te arah chi te pawh a awm nawk mai.





"Lo châwl rih ta che ka nu leh pa an awmlo a" atih sap chuan ka ngâwi deuh vung vung a apawilo tur ah ngai ang. Helmet la thla in ka chhuk vut a, ka Bân ah minlo kai nghâl siah bawk. An in chhung luh chiah vei lam ah Choka a awm a, lût kawi hranlo in Living room lam ah min kaiphei a Living room laitak ah Chandelier Ceiling Lamp mawi zet a awm a, vei lam kilsir ah chuan in chung chhohna a awm bawk. An in chhung khawilai mai chu aphui ṭha mup mup khawpmai, engkim mai chu en chian dâwl tak vek anni.





"Enge ang itih kan in chu? Nuam itih zâwng ani em?" Ti sap in min en chho ha a. "Nuam lutuk, râl aṭanga thlir aiin ahmun ngei a en in amawi in thlîr amanhla" ka tihsup chuan anui sak a "lo ṭhu rawh, intur ka lo thli ange" tiin atho vat a reilo te hnu ah Plump-ness Juice darthlalang thianghlim zet pahnih chu Tray a lo chawi pheiin anui pah sâng bawk a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:51 pm

Chapter - 6




Center Table ah Juice chu hung in ka bul chêt ah alo ṭhu thla ve nghâl a, abody deodorizer rim nû zet mai chu hîp luh anuam kher mai. "Kan in hma in ka room ka hmuhtir ang che chu" atih chuan ṭhen suk in alam hawiin ka in her a, ka en phei a ani alo nui sâng thung. "Angai lo ve" ka tih sup hnu chuan intûr achhawp chu châwi kâng in ka lem deuh khawlh khawlh a, haw vat ka duh ani, heta ka awm reng hi diklo tihna riau ka nei tlat.





Ka veilam ban puam ah chuan a vuan deuh ṭang reuh a, ka Denim Jacket chu apawt apawt ni mai hian ka hria. Hetiang reng anih chuan himdam taka ka haw ka ring hauhlo, in nghâk tu dang annei bawk silo nen "Ka hmanhmawh deuh sia ka kal nghâl mai ange" ti sup in ka ding hluai a "iva hmanhmawh teh thut ve tihtur pawimawh inei em ni?" Atih sap chuan ka hmanhmawh deuh thu a chhâng in chhuah nghâl mai ka tum a.





Ka kal maitur chu ka hma ah tak lo ding in "reilo te thil sawidûn lawk ang hmiang" tiin min en chho kal a, eng thil nge sawidun a duh ni, minti bangbo riau lehnghâl. "Engthil nge ni ta? Sawila" ka tih chuan "ṭhu phawt la" ati leh te te a, ṭhut vak pawh ka tum tawhlo asin, bet lo zet chuan ka ṭhu thla leh a. Min hawlo tih hriat ngawih ngawih mitmêng sî deuh sap a min melh ralh ralh chu tawrh zawh ahar lam hret ani.






Amitmeng hian min lém nimai in ka hria. Engkhaw sawi set set lovin abân ah pawt in ka lam ah ka pawt hnai vat in ka fawp chawt a, ani pawn min chhânglêt ṭha kher mai, âm zet chuan kan in fawp mawlh mawlh mai. A âwmbawr in awmze neife a min nêk ṭâlh ṭâlh phei chuan tawrh zawh hartak ani, ka kut pawh a awm mai mai tawhlo tawp, khawihtur lai ahre vei hrep leh nghâl.




Akameez hâk hlimchhohsak in ka dap kualruai a, kan thiltih lai ah chuan ka bûr chawt ani ber, tunah tak hi chuan zahlam alang tawh lova, ka zirtirtu anihlam ka pawisa heklo. Mipa ka nihzia ka hre nawn nimai in ka hria, ani paw'n min dap kual ve ruai tho mai, Mipa thaza rual thisen lum hunlai leh in fit ṭha zet zawt nih bawk chuan insûm hartak ani. ka tâwpsan vatlo anih chuan College ka chhuah hma in fa ka nei hman mai ang tih ka hlau, ka rilru ti fîm hram hram in ka tawpsan thut a ka inla hrang vut bawk.





"Eleazer" aw khur ti tih deuh meng si deuh sap hian min en chho a, akawrhâk a inhlim chho vek bawk nen a âwmbâwr kawhlah mai chu alang chiang ngang mai. Khawdang hawi lêklo chuan ka melh vung vung a, thâwk ati rang phat thei mai ka ti, ani pawn khuh ta nge ati chuang hlei lo a, hetiang reng anih chuan duhlo deuh in atâwp ka thlenpui mai ahlauhawm.




A tâwp thlenpui dâwn pawh ni ila min hnial ka ring hauhlo.




Âwmbâwr lang heu chuan minlo ban phei a ka lo vuan vat bawk, ka nghâwng hnung lam ah akut pahnih suihbet in min rawn fâwp lehnghâl siah bawk. Rei fe duhthawh lutuk tak mai a kan in fawh hnu ah pawh atu ve ve mah chuan inlâk hran tum heklo le, an Sofa ah chuan ka bawh thlu deuh rawk a, minla hnial chhin êiblo bawk. Kan thil tih lai chuan amood ah min chêntir veng veng mai, a kawrhâk ka hlimchhohsak chu alu lam aṭang in ka pawtchhuak a, avun mam hen mai leh atînung sàrh te chuan ati îtawm zual.




Ahmui ah fawp leh chawt in a âwmbawr nalh zet ka kut pahnih a ka hûmsak leh chawt takah chuan athaw halh halh tawh mai. Athaw ri te chu a ngaithlatu kei Eleazer-a tân chuan thlêmna ani hawt, duhthawh lutuk a a âwmbawr ah ka kut ka chêt hnu ah a a puanfen hlimchhohsak tum in ka in bengkânga, Apencil Shirts ka hlim chhohsak hnu ah amal mum nalhzet apawnfen chhanmaia ka lo suangtuah ṭhin pawh ataka ka hmuh meuh chuan suangtuahna aiin analh fe zawk tih ka hmuchhuak.




A panty hâk sen te hlei hlei chu asexy lutuk tlat, ka che zawm leh dawn chiah ka phone rawn ri thut vâng in ka che lai ka tawp chat, hunlo lutuk, mai mai chuan leh.




Ka pu call alo ni.






Ka thin aphu rang kher mai tunmai a kan khawsak dân vâng khan ka lungphu asu deuh dup dup mai, aper chhuak nawlh ang tih ahlauhawm, chu achhap ah ka pu hian thil ṭûl tâwpkhâwk ah lo chuan min phone ngai zen zen lo tlat, in chhungkhur ah buaina emaw harsatna eng emaw tak a awm anih ka ring hmiah.





Ka in dap kual chhung in aring tâwp hman a; mahse, reilote hnu ah call alo lût lehnghal zat. Ka aw thian kharh kharh in ka pick vat a, "lo hawvat teh ipi hi nikhaw hrelo in a tlu thut mai, hei LRM Hospital ka panpui a kan in dahlút chiah, in ah emaw damdawiin lam ah ilo chho vat dawn nia" atih chuan ka ṭhu nghîl nghâl zawt mai, ka hlauthâwng em em lehnghâl, ka pu pawh kha a ṭawngkam chhuak aṭang khân a hlauthâwng ve hle ani tih ka hrethei.






"Ka lo kal nghâl" ti vat in ka Jacket lâkmai ka tum chu ka hmu mailo lehnghâl " harsatna a awm em ni? I va hlauhthâwn hmel ve "tiin Miss Michhelle pawh amutna Sofa aṭanga lo tho chhuak in saruak deuhthaw a amu chu athawmhnaw chhuatlaia ka paihdarh chu la in a inthawlh ṭha ve nghâl sat sat a. "Ka pi a tlusual ani âwm e ka kal nghâl vat angai "tiin ka tho vat a, "ava zialo ve engtia tlu sual nge anih? Ka lo zui ve nghâl ang che" tiin alo tho ve nghâl at a.






"Engtia chesual nge ka hremai bîklo, ka pu khân asawi chiang bawklo nen, adinhmun diktak ka la hrelo bawk nen lo kal buai duhsuh" tihleh kalsawn ka rual a. "Eleazer, i Jacket" tiin minlo pan hnai vat a, hmanhmawh tawh nen ka chiai zo vek. "Rilru fîm pu hrâm rawh, hetiang chuan kalkawng ah i chesual palh mai ang, nakin ah ka lo bia ang che" ti sap in dingdi hlîp ak ak in ka hmui ah alo fawp a.





Ka rilru abuai bawk nen engthil dangmah ka rilru ah alût theilo, chhânglêt lo in ka in her san a "ka kal ange" ti in ka tlan chhuak ti tih nghâl a. "Khalh fîmkhur la, zân ah ka lo bia ang che" Bike a ka lâwn Helmet ka khum chu minla au zui tak ang ṭâwk ṭâwk a, ṭawngka a chhânglo in ka bûk khum zauh a, ka tlân chhuahsan nghâl a.





LRM Hospital lam pan in ka tlân nghâl vat a, ka rilru chiâi nen ka hamhaih viau lehnghâl a, ka ngaihtuah na ah ka pi chiah a awm, ka tlân chhuak pawh ka vung chak kher mai. Baklênga vung chho ka ni bawk a ka thleng har tehchiam lo, damdawiin ah tlan lût vatin emergency room ni âwmtak lam chu ka pan vat a, damdawiin a thawk ka hmuh chhun chu emergency awmna room ka zâwt pah bawk a.





Emergency room kawt ka va thlen phei chuan ka pu rilru buai hmêl zet a lo tei vut vut ka hmu hmasa ber a, pan phei vat in thil awmdan ka zâwt chiang nghâl a, "i Class kaltur i chhuah hnu lawk khan keipawh hna pawimawh ka neih vâng in ka chhuak ve nghâl mai a, angàite bawk in ipi hian in alo nghâk a, ka rawn phone hma lawk che khân anawmloh thu leh haw hma tur in min hrilh a, tâwi khawmuang lovin ka haw nghâl a, ka thlen chuan choka ah alo tlu sawp niai a nikhua erawh ala hria damdawiin kan thlen hma deuh in nikhua ahrelo nghâl ani" ati khur hluk a.






Hetiang hian ka pi ala awm ngâi bawk silo nen rilru atibuai takzet BP sâng anei ngâi bawk silo; mahse, hei Stroke anei ṭan chu ani reng mai si a, fimkhur kan ngâi takzet ani. "Doctor in acheck mêk a thil awmdan leh anatna pawh Doctor lo chhuah hun ah achiang mai tur ah ngai ang" ti in ka pu chu ka hnêm ve ngial a, eng phei chu a ang hlei law.






Doctor lo chhuah hun nghâk in ka ṭhu rân a, ka pu erawh aṭhu hle hle theilo ading a atei kual sek mai. "Lo ṭhu rawh, din khân awmzia anei tamlo emmai" ka tih lah chuan min melh rum nasa thei mai si a, sawi nawn leh ngam pawh ani lo. Minute 15 dâwn kan ṭhut rên râwn hnu ah Doctor alo chhuak a, ka pu nen kanlo pan hnai nghâl vat bawk.





" Enge ka nupui chanchin? Amah aṭha ang chu ti raw?" Hlauthâwng aw khur ru hluk amanganna ka hriat hlau ru tak si a ka pu zawhna chu Doctor chuan "tun ah chuan aṭha tawh e, tun aia tlâi khân lo thleng ula chuan kan in chhan hman kherlo ang" atih chuan kan thaw deuh huai a, "amah aharh em? Enge nikhaw hre lova atlûk ngâwt chhan?" Ti in ka zâwt vat a.






Thu zêp neih hun anilo tih ahrethiam ve pawh ani ngei ang angawih deuh vang vang hnu ah ka mita alo en chuan "thudik tak min hrilh rawh" tih melh a ka melh chu hrethiam in "harhlo, ka Jection a alo harh vat ang, ka pi hi a BP sâng hle a, asânglam ah 200 akai thuak a chu chuan Stroke athlen ani" atih chuan ka pu anghilh deuh dup in ka hria, abân ah vuan in ka chelh vat a.



"Ahma in Thisen sâng anei tih in hrelo ani âwm a, tun hnu ah chuan amah chauh a awmtir vak achi loh ang, in awmpui a in vên a in ngaihven deuh chawt angâi ani" tiin dam dap in min melh a.






"Ni reilo te chu kan admit angâi dâwn a, inlo in puahchah dâwn nia, hlauhthâwnawm erawh anilo" ti in a kalsawn ta nghâl a. Ward pangaia awmchu ahrehawm deuh dâwna ka hriat vâng in Cabin ruak awm leh awmloh zâwt tur in ka kal kual vat vat a, vanneih thlâk lutuk in Cabin ruak pakhat alo awm hlauh a, kan lût nghâl râwih a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)