ELEAZER_LALPEKHLUA By Lalremruati Hnialum (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ELEAZER_LALPEKHLUA By Lalremruati Hnialum (Completed)

Unread post by Ngaia » October 24th, 2021, 3:01 pm

Chapter - 31




In kan thlen chuan ala hma angreng viau mai, "zanin chu i muhîl tuidâwn bîk mange, bialnu rîm zawhchiah a mut nghâl chu mang nuam deuh an nei duh an ti," Papuia'n ati leh mauh mai a, ṭhut hmun ah kan nui kan nui mai. "Mangnuam ka lo mangkêp mai ang che," ka tih chuan a duhlo ner vêl chu hmuhnawm tak ani.








"Mumang ringawt te zawng aho tham emmai, bâkah keite chu a chi tur ka nihhi," a ti nung nung a, 'a chi túr,' nuihloh hi ahar ṭhìn, ngaihzawng lam hi ka ngaihsak lo hle ania, kei ai mah hian ala ngaihsak lo ve lehchhawng a. A manganthlâk teh tak e.








Mutdâwn ṭêp ah ka phone ka en a Noi mangṭha ka tum ani, message hmang hian kanla inbe miah lo a, biak ve reng reng aṭha ka ti, ṭawng hah chiam ngai lovin ka message a chhiar mai dâwn ani, ka whatsApp ka luh chuan Michelle message alo awmvâng mai, ka hawng duh lawklo; mahse, hnathawh na chungchâng vêl asawi a ka hriat vâng in phûrlo zet in ka hawnga.








*"Kartâwp lamah kan pahnih a chhuah dunna tur kan nei,"*



Tihhi alo ni a, ka reply hranlo. Naktuk ah chiangtaka min hrilh ka beisei.







Noi last seen ka en chuan '1 minute ago,' tih alo awm a, a online te chuan message minlo thawn ve âwm, hmm ka biak hmasat a phût deuh chiang, 'umm, min biakloh man ah message thlum zet kan thawn ange,'







10:30pm
Michelle (Noi)

Harsatna leh manganna hrang hrang kar ah hun leh ni chhiar in tun thleng in ka la kal ve bek bek a, Eleazer-a ka tawng hi he khawvela hmeichhe vannei ber ka ni ka inti lo theilo. Ka hun hmasa engkim, ka nihna thlenga hrevek chunga tun hun ah bul minla ṭanpui hi ka phulo in ka va làwm si êm!






Kan hmalam hun ah eng hun harsa leh thinṭhawng nge kanla tawn ang hremah suh ila, a tan rinawm taka awm ka tum fan. A chhanchu keipawn ka hmangaih miau si a.






Phone hi a khawih tam lo khawpmai a, message pawn kan in be khât viau, zan in erawh a message ka dawng nawlh mai.




*Ka Anṭamparte, i bula mut hlán ka nghâkhlel, ka hawsan chauh na che in ka ngai hle che*





Tih ani, Anṭampar berkher min tehkhin chuan ka nuih ati za viau mai, Aldrin-a nen kan in kawplai zawng zawng te, engkim a hrevek tih ka hria, kan tâwpdân thleng pawh in mawle, min hmusit a min hnualsuat mai lo hian amah ka la hriatchian loh zia leh mi ṭha tâwpkhawk anihzia a tilang.








Hnathawk tura ka kal tur chu ka zâm ru riau pek, nidang anglo tak in ka hmai leh sam pawh Darthlalang hma ah ka in en uluk viau. Eleazer-a nen bul kan ṭan aṭanga hnathawk tur a ka kal hmasak ber tur ani miau alawm, huphurh viau si hian ka va phûr tho si êm!







Kan in chhak kawngkâwi ah Hyundai Creta dum tliang tle hlarh ngheng àwnduai chunga Eleazer-a lo ding ka hmuh chuan ka ding chat, ava chhelo lehpek tak! Spec dum vuah in athawmhnaw inbel pawh adum vek ani. Hnuailam melh in ake in Lungte athai athai a, a chezia ka hmuh chuan naupangchhia ti zet in ka nui hak hak.







Min hmuh veleh kiai suk in a Spec vuah la thla in, ka lam panin alo kal nghâl vut a. Ka chal ah fawp zoh in, "ka Anṭamparte, hmuhhlàn che ka nghâkhlel lutuk," tisup in min en vawng vawng a, a mitmeng ûk kharh ah chuan min hmangaih hluah hluah na bâk engthil mah ka hmulo, hmuh ava nuam si êm!







"Minlo nghák duh a," tisap in ka hawikual vat vat a, khawlai lai ah minfâwp si a, ka zak ani. "Ka bialnu hi ka thêihtâwp atam in ka zuikawi dâwn ani, ka ngaithei che sia," tisup in arawn kùnhniam leh a, min fâwp lehdâwn emaw tiin kei ka lo tawlhnung vat thung. Ka che zia ahmuh chuan nuisuk suk in ka kut ah nghet zeta min chelh in a motor awmna lam ah min kaiphei a, kan hnathawh na lam panin kan tlân ta vang vang a.








"Zanin tlai chu chaw lo ei ta che," tisup in min en rùn a, "keimah maw, vawiin tlai ah maw," tisap a keimah ka inkawh chuan nui hawk hawk in "ka pi leh pu in hmuh che an duh a," a tisup thung. Ka thinphu arang zaih zaih khawpmai.







Chhûn ah nilênga hna kan thawh hnu ah tlai ban ka nghâk a, Michelle'n nui har har chunga alo zuichhuak ka hmuh chuan ka en vang vang a, keinen ni lo in, ani nen hian an in hmeh zâwk mawle. Ka lam panin anlo kal phei a, "Kal ang le," tiin min nuihsuk a, adar parh hlaizet te nen lam hian ava mipa chiangtak.







An rual chuan ka pèn ve zel a, Front seat ah Michelle a ṭhutluh tharh chuan ka hawihil ngei mai, ani hi Elea te in ah chaw alo eive dâwn tihna em ni ang? Ani nen kher a eitlàn chu ka va phûr zar lo tak. Engtin minva ti lo mahse ka ngaina chiamlo ani.









Lunghnùr ru zet in a hnung ah keimah in ka ṭhu a, "Noi i ṭhutna hi vawiin chu ka lo ta chei rih mai asin, inpa nen hi chuan hna vang in kanla inzui tam dâwn chauh a, thîk lamah la duhsuh," nui har har chung a atih chuan ka bu liam vel mai mai. Eleazera'n front mirror aṭang in min enreng tih ka hria, ka thinrim ah angai deuh ani maithei, ka thinrim hranlo; mahse, he aṭhiannu hi chu ka ngaina tehchiam lo ani.









Ka va sual tak! Keipawh hi ka rilru aṭhalo, mi awmṭha ve hle hle lai lo ngaihtheihloh ringawt chu ṭha ka inti hauhlo.






Eleazer-a te in kan thlen chuan api hmelṭha zet leh apu palian thek thuk leh an eirawngbâwl sak tu anlo awm a, an ina ka kal hmasak khàn hawihai deuh in ka tlánhawsan ta si a, tunah lêm an tupa bialnu niin an in ah bawk ka lût leh si a, ka ngaihtuah chian cheuh cheuh hian ka zak a, an hmai ka zahthar em em bawk.








Michelle chu tlangnel tak in kan hma ah alût tharh a, ka kal ve hi diklo tihna riau ka nei thar thut, anmi vawikhat chaw ei sâwm na ah hnial eih lovin ka âw nghâl mai si a. Mak min ti ru viau in ani ka rinni; mahse, ka kal ta sa sa tlânhaw tawpzawng thil nithei pawh anilo, a tâwp ka khâr poh aniang chu.








In chhûng kan luh chuan ka pi in nuisâng hian minlo en a, akut lo phar in minlo banvat bawk. Ka vuan vat a. Eleazer-a chanchin, a naupan lai a anu leh pa in an boralsan thu te, leh khawhar taka an kianga a seilen thu te asawi malh malh a, Eleazer-a ka lainat kher mai.








Mipa chimawm leh thawveng tak, vei neilo angtaka alan na phên ah hian hun harsa tak alo hmachhawn ve reng ani tih ka hriat hian ka beisei loh thil leh ka ngaihtuahloh lam ani. Mi hausa tupa hian hun hrehawm leh hun harsa atawh ve ka lo ring ngai hauhlo, sum anneih ṭèn ṭâwn chuan engkim annei vek tur ah ka ngai; mahse, alo dik hauhlo tih ka hrechiang.









Ka pi nen kan ti ti tui atalàng in Chaw ei kan mangnghilh ṭhelh, chaw ei U Mapuii'n asiam rak rak a, keipawn ka pi phal vaklo chung ka siampui ve a, chawhmeh asiam nasa si a, chumai bakah atui hmel hlawm si ka eiṭeuh ang mawle.







Eleazer-a leh Michelle an awmloh avang in kei amawngzâng ber ko tur in inchung lam ah inthlahtung ru deuh in ka chho ṭham ṭham a, ka thâwm rin hlau lutuk chu rukru tûr te pawh ka in chan hial, tukhaw hriat siloh in ka nui ka nui mai.







"Ani khian ka neihloh engthil nge aneih bîk? I tân hian ka hun leh tha engkim sêng in ka zui che asin, henu i duh tak tak hi ka ring hauhlo," Michelle ṭap hlap hlap chunga athusawi chu duhlo teh mah ila kawkhar inkhar phuilo aṭang chuan ka hrethei vek.





"Hmangaihna chen kawng ah pawh ani khian ati lungawi thei ngût dâwn che em ni? Cher chhe zawr bawk si, mawngpawh aneilo," ati leh sap, ka nuih aza lek lek nia. Eleazera'n engtin nge achhàn ka hre hauhlo, a chhânna ka hrechâk takzet.







Maw(h) ngawingul lo khàn min chhângrawh, i duh pêkloh che ka nei tawh em ni? I tân hian tihloh ka nei em?"



Michelle ṭawng chu ka ngaithla ngam tawhlo, ka hlauthâwng ani, Elea hian Game a play em n? Engvâng nge ni ta ang le.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:01 pm

Chapter - 32




Inhnuai step tâwp ber ka thlen thlâk chuan ka àwm dawm vang vang in ka thawchhuak deuh hap a, ka thin aphu rang zaih zaih khawpmai, chaw eitur a ka lo kalta kher kher chu pawi ka ti hnuhnawh viau. Awmzia lahchu a awmtawh dér silo, Michelle hian tun thleng ala bansan lo tawp tihna ani a, Elea hian engtin nge angaih ve ka hre hauh silo.








Chaw eitur a va koh lehpawh ka inthlahrung tawh, va chho tawh lêmlo chuan ka call ta zâwk a, pangngai tak chuan minlo chhâng a, phone kan dah aṭanga reilo te ah chuan alo chhuk vat a. Ka dingreng ahmuh chuan nuisuk in min ban a, "i ril alo ṭâm tawh em?" A ti zâwisup a, engmah thlenglo ang hmiah a a awm thei chu mak ka ti ru viau, thuchiang la hrelo mah ila ka ngei.









Michhele chu Michelle ani a, dem thei ka nilo, hmán aṭang tawh in azuikâwi in a duh tih ka hria; mahse, tûnhnu kan in ngaihzawn tawh hnu thleng a khatiang thu a sawipui ngam kha mak ka ti. Eleazer-a zâwk hi Michelle lak ah alo in hawng ru viau aniange. Mihrang hian kan mitmei hmu lovin khatianga ngampa khàn an ti dawt ngamlo, Eleazer-a mitmei ahmu tihna ani mai.








Ngei ru zet in ka en a "chaw ei tur in Michelle nen kan ngâkreng che u," ka ti lui ve nghat, mengphar âwk in "a zialo hle mai, hawh kal ang hmiang," tisup in ka dar ah min kuah nghâl thak a, a kut chu dahthlâksak ka duh ngeimai; mahse, tun atàn chuan ka insûm rih phawt ang. 'Thudik chuan lan chhuah ni anei ngai e,' upa in anlo tih ṭhin kha, ala chiangmai tur ah ka ngai.








Chawei dawhkàn ah minlo nghâk ṭhap a, a zahthlak duh ngei mai, kan ṭhutna tur a àwl an dah ah chuan kan ṭhu thla vata, Eleazer-a ka bul chiah ah a ṭhu a, dawhkân hnuai aṭang in midang hmuhloh in ka kut avuan tlat pek a. Ka enphei lah chuan hrelo ang hmiah in a awm nia mawle.







Kan ṭhufel chiah tihah Michelle alo lût ve nghal tharh a, nichin khàn a ṭap titih anih kha, ka lo chík ru viau, a mitmeng leh chezia engmah ah nichina thil thleng kha zuk hriat miahloh a. Game khelh chu alo thiam khawp e, ka bul ami ang chiah in.







Chaw kan eidâwn a, ka duhber Kaikuang leh Chakai kanla hmeh tel dâwn zui, ka en ngawih ngawih tawh, chimawm zeta Elea'n ka kut dinglam achelhbeh tlat avang in ka ei theilo, ka en leh ṭhîn zuk hreduh hauhlo a, anin a eiṭan mual mual a, keiin ka en deuhtawp tawh. Alaka lungawi loh sa nâk alaiin ka kut achelh reng chuan minti thinrim zual.








"Nono, chawhmeh insuah hi chu duhloh in pêkpalh te hi a awmthei si a, inthlahrung hauh lovin i duh chu ban hmiah hmiah rawh aw," tiin ka pi in min be sauh sauh a, "ni e, ei ṭeuh rawh,"nuisuk chunga ka kut avawn hrelo der hmaka Eleazera'n alo tihve sup chuan ngeiru lutuk in ka melh hrep. Engahmah ala ngâilo zui.








Ka chaw eina lam avawn behtlat si avâng in ka kut veilam in thiamlo zet in ka ei ta ringawt, ka pi leh pu lah chuan anlo hmu chat, engmah pheichu min zâwtlo na in hman thiamloh na ná nà chu ka eiṭha hleithei meuhlo.







A tawp atawp ah nuisuk in ka kut chu athlah ve hrâm a, ka kham ṭêptawh zui, kut veilama ei zuah zuah tawh hnu a dinglama han ei ṭhatleh chu thil nithei pawh va nisuh, ka duhber Chakai ka eitheihloh phah. Ka va han ngei tak. Michelle leh ka pi an ṭawng barh barh reng a, kei erawh nichin a room chhûnga an thusawi ka hriatrûk vâng kha nge ni ka ṭawng tuitam lo khawpmai.








Zanriah tuihnai zet kan eikham hnu ah Desert tuizet Nu Mapuii'n a siam leh a, ka eiṭeuh mai, ka pu leh Michhele'n hna chungchang sawiin an ti ti barh barh a. Elea'n alo tui hnih zoh zoh.








Reilo te ah haw ahun mai dâwn, tun atan chuan engthil tihmah ka phûr zarlo khawpmai, in a haw emaw heta la awmpawh nise. Ka rilru adikzàn tawhlo tlat atinni, engtin nge nichina thil thleng kha ni ta ang? Elea hi thudik ka zâwt tawp mai dâwn em ni? Nge ngawireng in rilru nuamlo zet in ka ngawih bopui mai dawn zâwk?








Zan dar 8:00pm a rîk chuan Michelle'n "ka lo haw hmasa ange," tisap in ading a, hawna tur motor alo keng silo a ke in haw atum rilru emaw ni? "Noi ka thlah dâwn tho a, kan thlahpah nghâl dawn che nia," tiin Eleazer-a alo ṭawng vat. Nui var var in "pênkawina tur ka nei si a, ka kal ange," tiin a chhuakzui nghâl nalh a, pawipawh ka ti chiahlo, khatiang chanchin hriattawh hnu a motor khata la chuan tlânleh pawh ka phûr lo.







Reilo te ah keini pawh haw tur in kan in tintuah a, Eleazera'n min thlah dâwn, "i lo la lêngfo ang chu tiraw? Mampuia tello pawn lo leng fo rawh," tisap in ka pi in min thlah a, nu feltak hi chu ani chiang ani.







Hawkawng ah chuan ka ngawi ngal a,ka ṭawngpeih î khaw lo mai, "i puar bawk em?" Tisup in kalam alo hawi a,ka kut chelhbet tlat chung khàn engtin nge eipuar theise mintih reng reng ni? Ka chhâng tawplo ang. "I kut ka man behsak vâng che khân i thinrim tihna ani maw?" Tiin anui hawk hawk a.








"Eleazer, keihi i enge ka nih?" Tisap in hmalam ka melh ngar a, anuitâwp hmuk "ele ka bialnu, ka nupui la ni vattur ni bawk," tisup in min en a, anuipawh bawk. Kei erawh ka nuih aza hauhlo, "buaina a awm em ni? Enge i harsatna?" Ti sup in kawngkual zau lai ah ading a.







"Rilru nuamlo deuh in min siam suh, ngaih ti ngamlo tâwk chauh in min chhâi suh, ka bei tisei túr ting in min lêm hek suh," tisap in ka en a, anuisuk nia! "Chutiang chuan ilo in ngai amaw? Ka lêm ngai lo che a, tin, ka chhái satliah mai mai lah ini heklo, chutiang chuan vawikhatmah in ngai tawhsuh," ti hmuk in min en rùn a.







"Michhele nen room chhûnga in thusawi dun kha ka hre vek," tisap in ka en chho kal a, bum nih emaw kawp nih hi ka duh reng reng lo. "Eng thu chu maw?" Tisup in min hnaih zuak sauh a, huh ahrelo dér vel anih âwm hi. "Hrelo der vel suh, tlangtak in min hrilh mai rawh, kan inkar hi tihtâwp iduh anih pawn kan kalthui hma hian ti tâwp zawk mai rawh, hnunglam aṭanga in phiarrûk hi ka ngaina ve lo," tisap in ka en vang vang a.







"Engthil nge i hriat tehhrep a, kan inkar tih tawp maw? I vawikhat sawina ani bawk a ka ngaidam ang che, sawi ri nawn tawh suh," ti hluk in a thaw hawk a. A thinrim zâwk ah te chuan ala ṭang ta mah mah a, keimah hi thinrim tur zâwk asin ka nih.








"Engvanga Michelle khân ilak ah kha tiang thu kha sawi ngam nge anih? A taksa thlenga itan a uiloh thu kha engvanga ilak sawi ngam nge anih?" Tisap in ka zâwt nawn leh sak. Ka sawizâwng ringawt pawn ka rilru ana, minlo ban vat in akut alo phar chhuak a, lehlam ka hawisan hmak.







Eng thu nge i sawi hi ka hrethiam hauhlo; mahse, hei erawh chiangtak in ka hria, i tân chauh ka awm a ka awmreng fovang, a chhanchu ka hmangaih che Noi, chuan Michelle'n chutiang thil chu ka hriat ah asawi hauhlo," ala pha char char nia, 'ka hmangaih che,' minla ti ngam bawk.







"Hah Eleazer, inchung lâwnchhohna step tâwp ber bula room chhûng a insawi kha i hre tawhlo amaw? Ṭap chunga itan a in huamthu asawi kha i hrelo amaw?" Tisap in ka en nghal, anui hawk zui.






Ka biang a mittui tla chu akut in alo hrufai a, ka mittui atla tih ka hre chiah, "shhh ṭap tawh suh, i ṭaplai hmêl ka hmuh hi chuan thâwk ngaihna ka hre ṭhînlo," tisup in anuisuk a, a kut ka vaithlâksak vat. Thawchhuak hawk in "Bawihte, chu room i sawi ah chuan ka awm reng reng hleinem, ka lehkhabu chhiarna room ah i lehkhabu chhiar tur zawng in ka awm char char alawm, Michhelle chu alo awm ani mahna kei erawh ka awmlo," tisup in anui hawk a.







"Ka awihlo, kha room ah khân nangmah alawm abiak che, in pahnih bâk in chungah in awm em ni?" Ka la ti lêt ve ṭang ṭang. "Anih chu room ah chuan ka hmel i hmu em? Michhele'n chutiang thu a sawilai chuan keihi min hmu em?" A ti changfak mai. Ka hmulo ka hmu miahlo; mahse.







Ka lam ah lo âwn hnaiin "he i lubûr tereuhte hian engthil nge ilo ngaihtuah chiam aw, i lehkhabu tûr zawng in ka buai em em a, nanglah chuan Michhele nen awmdun thawthâwng in min chhuah a. Huhh inneih vat vat angai tawh anihhi, naute nei ila i zia phah deuh ka ring," tisup in anui hawk hawk a, ka va ngei tak.







A hnung ah khian i lehkhabu tur ka dah aw, i rilru lo tihah chiamsuh, Michhelle chuan kei ni lovin phone in mi abia anih kha, minlo phone zawh hnu ah inhnuai lam pana ka lo chhuk khân mikhual room ah aṭawngri ka hria a, phone alo hmang mêk a chaw eitur in ka ko zui bawk. A bâk engmah a awmlo, Michhelle chu duh ni ila hmân hmân ah ka ngaizawng tawh ang," nui ngawr dawt paha atih chuan ka tum vuau tawh.







"Ka hmangaih che Noi,"





Ka lam ah lo âwn hnai vat in ka biang tawn tawn ah vuan in min fâwk vawng vawng a, ka ka chhûng ah zei zet a alei arawn chêt chuan duhthawh zet in ka lo chhânglêt ve tàn tàn bawk. Ka Âwmbawr arawn ṭhamsalh chuan ka phuzawk, "a bâk ka pêl lovang," ka ngaihtuahna hrezet a tisup in a ngai ah bawk arawn ṭhamnawn leh salh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:01 pm

Chapter - 33



Thawchham lek lek a kan in fawh hnu ah minthlah ve hrâm a, "ka kiang ah awmtawh mai rawh, hawtawh lo mairawh," ati khùr hluk a, Motor chhûng light eng phe riai hnuai a a mitmeng tisa châkna avanga phi chiai chu ka hmuh hmaihlo nasa. "Dan thianghlim in le," tisap in ka nuih var var a, a nuizuive suk.









Hnuailam melh vung vung in athawchhuak hawk a, a melhna lam ka va melh ve chuan a kekawr hma alo pâwng ûl chu niin, biangsa hat hat chung in ka hawisawn vat. "Min nghahreitîr loh hrâm ka beisei," tisup in min en leh vung vung a, pasal la nei nghâlmai turchuan kala in ngaihtuah chhin miahlo; mahse, nula pasal neih hun chu ka ni viau tawh.








Ka kut ah vuan in "ka fiamthulo aw, lo in ngaihtuah ang che," tisup in inlam panin kan tlân chhuak nghâl a, in kan thlen chuan TV en in ka nu leh ka naute anlo ṭhukhâwm laih a. "Ala hma tho a, ila lêngve ang chu tiraw?" Tisap in ka en a, bu zoh in "a ṭha alawm," ti zâwisup a, a châng hi chuan aṭawngzâwi thei lutuk hi ka hreṭha thei ṭhînlo, ṭawng vak vak ṭhîn mipa kha anilo miau a.








Kan ṭhut hnu reilo te ah Thingpui lum in ka tho vata, Thingpui pe a ka hanlêt chuan ka naute ho nen an lo ti ti laih laih a. Hmuh anva nuamtak, "U Eleazer, College i kal lai chuan a tâwpna ber ini ṭhîn tiraw?" Tisap a ka nau Jasona'n Eleazer-a en kal chunga a zawhsap chuan ka nui hak.








A ni pawh anui hawk mai, engtin nge a chhàndâwn tih ka hrechâk kher mai, engtin tak chhâng ang maw? 'Teuhlo mai, emaw a tawpna ber ka ni ngailo,' ati dawn emaw ka ti a "Engtin nge i hriat a?" Tiin zuk zâwt lêt a. Nui hak hak in "U Hmingmuana'n min hrilh alawm, ka hrethei iti em?" Tiin pakhata lâwm ah atla a, an nuidûn hawk hawk, an va hahthlâk tak.








A tûk hnathawk tur a ka kal chu Aldrin-a leh Michelle te in kairial chunga anlo kal dûn ka hmu a, anlo in hre ṭhîn ani ngei anga, ṭhian anni ngei ang; mahse, tuna an awm dân khi ṭhian satliah mai an nilo tih ahriat, bul anlo ṭan dûnreng tihna ani ngei anga. Ka lawmpui dûn takzet, ka thîk hauhlo bawk, ka phuloh aṭha Eleazer-a min hmangaih em em tu ka nei a, ka lâwm ani.








3 Months later.


SAVE THE DATE
ELEAZER-A WED'S NOI





Vawiin ka pasal neihni, alo ni reng mai ka hlim a ka hlim rual in ka lung achhe tel hle bawk. Ka pa ka ngai takzet, vawiin ni ka pasal neihi te hi minhan hmuhpui se chuan ava hlimdâwn tehlum êm! Naupangte ka nih laiin ka nu, min hringtu in Cancer natna avang in min boralsan a, kala naupan êm avang in rilru natna châng pawh kala hrelo anih kha, a hmêl pawh sawidawn ila ka sawi fiah thiam ngût lo ang, chuti khawpa min boralsan hma chu vûichâng ka nei ve fo.








Ka pa'n min enkawl chho in ka tleirâwl chhuah ah tûna ka nu nen hian innei leh in, ka nau te ho hi an nei leh ani. Ṭhian ka kawm ngâi meuhloh avâng in kan inneih ni a min dinpui tûr ka vân viau mai; mahse, Eleazer-a thurâwn ang in ka nau, ka chhang chiah ka hmang dâwn a, anin Papuia a hmang dâwn thung.







Kan ni pual liau liau a Dar ri chu ka ngaithla a, ka damchhûng zawnga ka rimawi, mawiber ava ni chiang tehlul êm! Kan inneih min hriatpui tûr a lo kal khâwm mipui zozai ka hmuh te chuan ka hlim lutuk a, ka nui var var reng mai. Mâichâm hma ah Coat suit dum dak hlarh mai ha a, ka thlen hun nghâk a minlo thír rengtu Eleazer-a ka hmu chu ka mittui a hnàm sawk thei, a va hmelṭha chiang tak, a taksa inphut nalhzet, tisa chuangtlâi hmuhtûr awm hauhlo te chu thlîr ava manhla si êm!







Ka mumang mai ani ang tih ka hlau lutuk, mumang, zân ah kan mu a, kan ṭhanharh ruala bo mai ṭhìn ang kha. Inneih thutiam kan chham lai te chuan ka phûr bawk si ka zâm bawk si chu ka tiril a khûr der der thei nia, Elea erawh a confi vuah vuah viau mai.







Thla lâ a kan rîk laih laih chuan kan piah ah min en rengtu an awma ka hriat vâng in ka hawizawk a, Aldrina'n mitkhap hauhlo hian minlo en vung vung chu niin, a bân ah inti neitu fe in Michelle'n akai ràn bawk, ka nuihsak, ka hlim hle ani tihhi thup buai ka tumlo. Ka pasal ka kianga a awm chhûng chu, enrei lovin Elea bàn chelh nghet sauh sauh in ka nui leh var var a.






Nilêng deuhthaw a inkapsâng ta nafam chu ka châwn ana ûrh thei, mipui zi nuai nuai boruak nen ka lu ahai chhawlh tawh, in a lâwiluh vat vat a, mut hahdam ka châk tawh takzet. Hlim hle lo phei ila chu ka tlánhaw daih duh ang.







Mo lawmna ruai tuihnai zet kan ṭheh a, anuam ngei mai Eleazera'n min ngaihtuah em em bawk si a, a nuam hi ani tawp. Chaw kan eilai aṭang tawh in 'zanin chu a,' tiin sawizawm duh mang silo ngaihruat theih tho siin alu tuai vut vut in Papuia'n Eleazer-a afiam zuk zuk zel a, ati zahthlakthei ania.









Ka nu in a theihtâwp a ṭha in ka chhawmtûr pawh min ensak a, ka pawisa lo in khâwl tlem nen ka chhawmlût pangngai ve viau, Eleazer-a leh api leh pu phei chuan "a hâklai nen lo lâwi tawp rawhse, engmah kenluh angailo," an ti takna in, tûnbâk pasal ka neitawh dâwn si lova, ka in kenluh ve ngêi chu angai ani.







Ruai kan ṭheh zawh hnu ah min duhsakna thilpek kan dawn te kan hawng tliar tliar a, a mawi hlawm bawk si, anuam tih hian asawifiah zolo, ka bul chêt ah Elea a awmreng bawk ṭhîn nen.








Gift pakhat ka hawn chu ka en vang vang a hei chu Aldrin-a hnen aṭanga kan dawn alo ni, Elea nen a kan thlalâk frame thlap mawizet hi alo ni a, a hnuai ah card special zet mai ah min lawmpui thu mawizet mai







*Wishing you a great day with lots of wonderful memories that will last forever*







Tih hi alo awm a, ka chunga achêtdan kha mawilo tiin a hunlai khàn natpui viau mah ila, tunah erawh natpui chu khawilam kan inṭhen lovang tih ka hlau hnuhnawh Elea hi ka neihphah si a.







Honeymoon Hotel lama riahchhuah pawh an ti viau na in, Elea leh keiin kan duhlo, ka pi leh pu te chauh anni tawh si a, an pahnih chauh a riah chhuansan chu kan duhlo ani, kan inneih zânmah nise, han chhuahsan daih kha kan duhlo ani. Inlêng te te an haw hnu ah ka pi leh pu mangṭha in keini nupa pawh mutur in kan room lam kan pan chho a.







Room chhûng kan lût chiah kawngka kalh ri khap in bang ah min nawrbet a, min fâwp nghâl tawn tawn, a taksa pawh adanglam nasa sâwt viau, ka taksa chûlkual ruai in "zanin hi kan lâwiṭhat zân anih hi," ti sup in min fawp leh a. "Khum ka panpui hma che in, intleuh hmasa zawk ang," tiin Bathroom lam ah min pawmphei vut a.








"Elea, ihh. Ka in bual hmasa anga, ka zawh hnu ah nang i lût veleh anga," tisap in ka en chho há a, "enga ti maw? Ti hian kan ti tlâng theireng alawm," tiin nuisuk in min en a. "A.. ihh.. nidang ah kan in bualtlâng zawk dawn nia," tiin Darthlalang hlaihlup awmna lam chu ka hawisan ta daih a, "hmm, i zak ani maw?" Tiin chimawm zet a min melh in a nuisuk a "ka chanpual anihhi," ti sup in ka mawng arawn ṭhâm táwk a, nui suk suk in a chhuakzui daih nia mawle.






10:30pm
Eleazer-a



Nupa te chauh in a an tihtûr, nupa nun ka nupui Noi nen kan hmang chu ka lâwm akim hliah hliah, ala thianghlim ang tihchu ringsa tho mah ila a taka han hriat ngei chu a hlimawm ngeimai, min kuah chiàl chung a muhil thaw sâk sâk chu ka thlîr reng a, abiang sen têk te nen lam chuan hmangaih na chên zo hlim tih a hriat hliah hliah, thlîr ava manhla si êm!





"Ka hmangaih che Noi," tisup in kuahlêt in ka maimit chhîng nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:01 pm

Chapter - 34




Zîng ka ṭhanharh chuan ka nupui ka bul ah alo mu tawh hauhlo, tun ang zîng dar 5:00am ah hian engthil nge atih reng reng ni, 'Bathroom ah inthiar tûr in alût aniang,' tiin thâwm ka ngaithla reng a, rei ngial ka ngaihchàn hnu pawn engthàwm mah ka hre hauhlo. A rang arang in ka in perh tho nghâl a.







Bathroom pawh ka en ṭha leh ngat, ka rin ang ngeiin alo awmlo, thawmhnaw inbel sawk sawk in inhnuai ah ka chhukthla nghâl a, Choka ah eirawngbàwl tum in chawhmeh alo in enkual mêk alo ni. Ka nupui ka hmu chu ka hahdam suai suai mai.








"Enge itih?" Tiin ka pan hnai nghàl a, phuzawk in alo inher nghâl vata, a âwm dawm vang vang in "Elea, minti phu alawm, ilo kal te chuan thàwm rawn neih tur alawm," tiin a thawchhuak ham ham a. "Ka tihpalh, ka ṭhanharh in ka bulah i lo mu tawh si lova, ka zawng che a," tisup in ka kuah a.







Thawchhuak hak in "eirawng bâwl ka tum deuh mawle; mahse, siamtur alawi ka hrelo," tisap in min en chho kal a, "eirawngbâwl angai hleinem, nimin tlaia chawhmeh vel pawh kha ala tam ang, bâk ah zîngkar a ka chanpual kha," tisup in ka pawm nghàl nawlh a. Kan nupa room lam panin ka chhohpui ta daih a.








Damlai pialral lei eden, nawmna avànga thlantui luang zawih zawih a, kan chendun hnu ah abul ah let thla tap in ka áwm ah pawmchho in ka muttir nghâl a. Ka che duhthawh bawk nen ani pawh azawi ngiai mai, a taksa ruak kâng, var hiar mai, mamhen bawk si hi chùl ka zawngchhang dàwn ta riau mai.







A bek ah fawp vang vang in "ka ti na che em? Na ineih chuan sawi hreh lo la," tisup in ka en a, ka dar lo fawp zoh in, "ka chau hleinem; mahse, Elea, ka mut a chhuak thar thut," tisap in a hâm bâi bâi a, "Elea, min kuah nghet tlat rawh," tiin a theih tâwk a nghet chuan min kuah sauh sauh a, nghetzet a kuah lêt in "Ka hmangaih che, ka nupui," tisup in a chal ah ka fawhsak vang vang a. Nuihak in "keipawh in le, ka pasal," mutchhuah hmèlzet in alo ti lêt ve sap.








Keipawh ka lo muhil veleh ani ngei ang ka harh chuan khua a êng ut tawh mai, ka nupui min kuahchial chunga muhil thaw sâk sâk chu ka thlîr reng a, ka en ning theilo. A mah ang chiah hmelṭha fanu neih ka châk lutuk tlat, apa hian ka hmangaih dâwn si a.






Thawhsan daih ka hreh avang in a muhîl lai thlîr in ka chechâng lawklo a, darkar chanve zet chutia ka thlîr hnu chuan alo che ṭalh ṭalh a



"Good morning wifey,"



Tisup in a hmui ah ka fawhsak zoh a, mawi ka tih ṭhin dân deuh in biangsûm lang kalh a nuiin




"Good morning hubby,"





Kan in fawp leh mawlh mawlh tawh, "ka kham thei ngailo ang che," tisup in ka en chhuk rùn a. "Keipawn ka ning ngailo ang che," tisap in a zi mar ṭalh ṭalh a, pàwn nichhuak iarh a hmuh chuan "Ehe, dar engzat nge? Awi! Ka duhtheilo," tiin a in perh tho nghâl vat a. "Ngati nge min kaihthawh loh? Thawh kan hai dêr asin," tiin Bathroom lam panin ruak kâng in a tlânphei chawn chawn a.








Inhnuai lam kan pan dâwn chuan a biang leh a hnar a tuai leh ringawt ṭhìn, "ngati nge khatia i awm? I nervous em ni?" Tiin ka zâwt a, "naaa, kan tho tlai lutuk alawm, dar 8:00am ari va va tawh ania, zahthlak e, mothar thotlai tak ka ni," ati niah niah a. "A ho emmai, lawiṭhat zàn kan hmang tih an hre ve vek alawm," nuisuk chunga ka tih chuan rum angreng taka min melh in, "sawi tawh miahsuh iti zahthlâk," ti sap in a hmai a hup thak a.








In hnuai kan chhukthlâk chuan ka pi leh pu in Balcony ah Pangpar anlo thlîrdun dauh dauh a, U Mapuii'n zai rât rât chung in eirawng alo bâwl mêk a, "intho ṭha maw?" Ka pu in nuisuk chunga tiin "chaw ei kan la peih lo bawk a, Common room ah ṭhukhâwm lawk ang u hmiang," tisup in ka pi leh pu anlo lût a.







"In awmdân tur hi chiangtaka sawidun kanla neilo a, sawi chian vat hi aṭha in ka hria," ti sup in Mampui nanghi vawiin pawh chawlh i neithei dawnlo ani a, Noi phei chuan i awmlo tur chu hrehawm alo ti ru viau maithei a, Noi pawh hnathawk lai tho ani a, anipawh hna ala thawh chhunzawm zêl dawn nge tihte pawh hi sawi ila, in thlahrung hauh lovin in duhdan sawi ula, keini chuan eng thutlûk na pawh siam ula kan pawmpui vek dawn che u a," tisup in ka pi a melh salh a. Ka pi alo bu nghauh nghauh bawk.








Heihi sawina hun remchâng kan la nei thei hauh lova, a huntak ani ngei ang Noi ka en phei chuan alo nuisak a "Noi, i duhdan han sawiri ve hrim hrim la, 'ka thawh chhunzawm ang,' itih pawn aṭha vek, inpa nen in hnathawh na a thuhmun tho bawk a," tiin ka pu alo ṭawng leh vat a. Nuisak in "ka duhdàn hi ka pasal duh dàn ani ve tho in ka ring a, pasal neitawh ka ni a, chuvâng in inlama ka lo awm a ka pasal leh ka chhungkaw enkawl hi ka hna pawimawh ber ani tawh, Elea, ka pi ka pu ka thutlûk na chu ṭha inti ang chu tiraw?" Tiin a hawikual a, ka rinloh daih asawi.







"A ṭha e, ipi khawhar areh ve deuh mahna, kan zâi i ngâi a, 'ka thawh chhunzawm ang,' ti pawh nila kan hnial dawn miahlo che a; mahse, tùn i thu tlukna hlei hlei hi kan lawm," tiin ka pu a ding uai a, "ṭhiani, room lam ah i lût lawk ang hmiang," tiin ka pi nen an room lam panin an kal a.






"Elea, ka thusawi kha i sawitûr zâwkmah ania, i nupui ka ni tawh a, ka innghah na leh ka khawvel ini bawk," a tihsap chuan asawi awmzia ka man. 'Ala upa fahranlo nen naute ala pai chuanglo bawk a,' tiin a duhthlanna ka zahsak ani a; mahse, a thutlukna erawh ka duhthusam ani.






"Naute sâwm pawh nei ila Pathian zâr ah ka châwmzo em em dâwn che u, i thutlûk na ka zahsak vang che ani," ka tih chuan anui hak hak a. "i office bâng pàwn ah sáwn ka lo nghâk ṭhin che anga, ava nuam dáwn tak," tiin a nuivar var a, a van hmelṭha chiangtak.






"Mo thar kan lo lâwmdáwn," tisup ri avang chuan kawngka lam kan hawi vata, Papuia alo nuilût sûng mai, chaw kan kìl ṭhap laiin "tih huk hi alo nuam anih dâwn hi, Eleazer-a zîngtho hmêl afuh emmai," tiin anui vur vur a. Ava ngeiawm thiamtak.






Ka office kaltur ka nupui in ka thawmhnaw hâk tûr engkim alo dah chhuaksa vek a, min hâktir thlap bawk, ka kal dáwn ah motor dahna thleng min thlah leh bawk a, heilo liama damlai pialrâl hi a awm thei dawn em ni? Nupui neih tûk ah pawh hnathawk a ka kal chhuah ala ngai fo hi ka hne. A hmui ah lungchim zet a fawhsak in "ka lo haw hun ah enge ka lo hawn ang che," tisup in ka en chhuk rùn a, "nangmah," ahmui seh sak pah zak sen ap ap a a tih chuan ka chawi kâng lâwp.







"Eichi i duhlo em ni?" Tiin ka la zâwt fan, "aw, nangmah hi ka ei zo mai ang che," tiin a nui var var a, hetiang reng anih chuan ka kalsan thei ngût lo ang. "I tlâi dâwn kal ahun e," tiin ka hmui arawn nùl thuak a, ka kham awzâwng lo mai. Kan in fawh leh vang vang hnu ah ui tak chung in ka tlân liamsan ta a.








Dam chuan hun leh ni a kal ve bek bek a, ka nupui nen kan inneih aṭanga thla li aliam meuh chuan ka nupui a uak a uak ṭan ta mai, phili ru zet in "Damdawiin ah ka hruai ang che, i khawsik tûr inṭham aniang thisen kan test tîr dawn nia," tiin khuma amu bâm chu ka en a. A puansin lo thehhlim vat in minlo enchho kal a, a mittui tlingpam ka hmuh chuan pan phei vat in "bawihte, ṭap lo la, damdawiin ah ka hruai dawn che alawm, i damṭha leh vat ang," tiin ka kuah tum in ka kùn hniam a.






A lu lo thing nar nar in "ihhh.. englo," tisap in a mittui a hru zoh a. "I lu ana viau em ni? Chaw eikham nghâk lovin tun ah kan kal mai dawn em ni? Hawh," tiin ka puak theih nan ka hnungzâng ka dawh a. Nui hak in Pregnancy test kid minva lamsak lawk dâwn em ni ang?" A tihsap chuan ka ding ngil nghal zawt.







A lu bu nghauh nghauh in "tunthla kala period lo," a tihsap chuan a hmui ah ka fawhsak leh vawng vawng. "Elea, test kid chu han leila, ka pi leh pu chu result a positive hun ah chauh kan hrilh anga, alo nilo thei sia," tiin min en vang vang a, "ka hmangaih che," tisup in ka fawpleh zoh a, a rang arang in test kid leitur in baklêng in ka tlânchhuak a.







Ka nupui Bathroom a intest chu ka nghâk rân a, 'nau ala pailo anih pawn ka hrehawm ti hmêl ka nupui ka hmuh miahlo ang, alo raita anih hlei hlei chuan ka lâwm khawp ang,' tiin keima hriat tâwk ah ka phun sup a, ka hmanhmawh angreng viau. Min 10 dawn a inkhung hnu ah mittui tlingpam chunga alo pênchhuak ka hmuhchuan 'a pawilo, hunṭha ila ngah lutuk,' tiin ka in fuih ru sauh sauh a.







A mittui hrûksak in ka kuah vang vang a, "mu hahdam la," tisup in ka pawm kâng nawlh a "result min zâwt dawn lo em ni Apa," a tihsap chuan ka en vat. Ṭahnuih hak in "nau ka pai Elea, ka pum chhûng ah hian naute, kanfa, kan pahnih fa a awm," hlimna avanga mittui tla zung zung chunga asawi chu ka mumang mai ani ang tih ka va hlau si êm!







In hnuai lam panin ka pawmthla nghâl nawlh, ka pi leh pu in "enga ti nge ni ngai, khatia in in pawm tâk, thil ṭhalo a awm em ni?" Tiin mangan hmelzet in minlo pan vat. "Elea, mindah thla la," ti a Noi ṭawng chu ka hrelo der hmiah. "Noi'n nau apai, naute apai e," ka tih chuan ka pi thei leh thei lova lo kal sawlh sawlh in "ka va lâwm tak êm!" Tiin Noi alo banvat a.






Ka pu in "a lawmawm emmai lawmthu sawi ang u," tiin ṭawngṭai arawt vat a, ka hamhaih atalâng in ṭawngṭai lam reng reng ka lo hre chang tawhlo, ava âtthlâk theih ve le. Tlai ah Papuia pawh chaw eiin alo kal a, Noi nu leh anau te ho nen kan ri laih laih tawh mai, naupang chiar ri te chu bengchheng ah akal thei lo, rimawi tak vek anni tawh. Ka huntawn hian azir miau si a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:01 pm

Chapter - 35






Thingpui in ho in kan nuitlâng dar dar hlawm a, ka pi leh pu pawh an lâwm hle tih a hmel nung sârh ah chuan a hriat, ka pi phei chuan Noi kut a vuanreng chung in "i pum hi lo lian tawhse, kan chhungkaw naute tur chu ka chùl châktawh," ti sap sap in ka nupui dul thêp zaih chu ava zût leh ṭhìn. Tu amai pawh hi kan lâwm em em vek mai ani.







A tuk ah Damdawiin ah in check up in kan kal dûn a, ultrasound kan tihfel hnu in kan naute chu Doctor in kar 2 a upa anihthu a sawi a, ka hlimzia hi sawi maia fiah chi ani lo, ka hmangaih em em ka nupui in apum chhûng ah ka fa apai mêk ani a, anu thisen ring in a lo la ṭhang chho zel anga, apa hian ka va hmangaih dâwn rua êm!







Kan hawlam ah Papuia office ah 'kan la kal ngailo bawk a,' tiin hrilhlâwk lemlo in kanva lêng kâwi a, a office a ka vawikhat kalna ani hial ang. Minlo lâwm thiam khawpmai, inlêng nula hmel felfai êt alo nei bawk a. Ka nupui in chawlh hahdam aduh ring in ka awmrei pui lo, ka hawpui thuai a. "Zan ah arem chuan kan lo leng ang," tisup in mit min siai khum zoh a.







In kan thlen chuan ka piin Noi alo ban leh chat tawh, Common room ah ṭhutpuiin vawin kan in check up chanchin a zâwt malh malh a, a chauh leh chauhloh te nen lam. "Dawhkàn ah sawn naupai lai tana Damdawi ṭha ipu in alei ania, nimin lam ah Mampuia'n leitawh tho mahse, kan leibelh leh a, thei lam pawh kan leiṭeuh ania," tiin Noi hrilh pah siin keimah min rawn en daih a.







"Ngawiteh nau inneih hun ah in chung a in mutdaih si chuan ka tan chhuk leh chho kal abuaithlâk emmai in hnuai ah hian lo insawn mai teh u," ati ta nang nang a, ka pi tak hi chu(h) "ni e, kan in kalpawh zingthei deuh anga," Noi'n alo ti ve sap bawk a.






Zanriah kan kìl zawh hnu lawk ah Papuia alo lût vut a, "raipuar ka lo kan dâwn," arawn ti lût leh mauh pek a, "D tawnglo val, khatin ka nupui ṭawngkhum miahsuh," tisup in arawn ṭhut luh hma hma aṭang in kan in en ṭan a. Nuihawk in "nupui nei bîk riau a ini tawh," tiin Noi bul ah arawn ṭhu vut a.







"Vawiin ami pawh kha itàn chuan aṭhat viau kha," tiin Noi bul ah bawk ka han ṭhu ve leh a, ka nupui kan kârcheh anih ber chu. "Keizawng ka ngaihtuahawm loh," ati leh bauh mai a. "Riak ve ta che," tiin ka sâwm ngial a, "chináng, nupui neilai bula mut te chu a," tiin a nui huk huk a, mutpui tur nupui pawh neichai silo hian.







Rei aṭhu lèmlo "mut induh ang, nau insiam ṭanlai ani sia," tiin nui suk suk in a chhuakzui ta daih a. Vawiin hnathawk in ka kal lo nen inlam ah ka in khawih ve fe angai dawn e, ka nupui menlaia hnathawhsan ka hreh avâng in reife meng in khum ah kan ti ti a, a mutthilh hnu ah Balcony hnaih ah Laptop nen thâwmdìm tak in ka thawk ṭan a.






A zualpui ka zawh hnu in ka nupui kiang ah mutur in ka phei vata, meng mang lova ka mutna alo dap dan dan ka hmuh chuan rangzeta in perh chho in ka kuah vata, dar 2:00am ari thuak tawh.






Zîng ka thawh chuan ka piin room sawn chungchâng bawk asawi leh a, kan insawn thla poh aniang chu. Ka nupui intûr Thingpui siamsak in ka kengchho a, alo la muttui khawpmai, karleh lam aṭang chuan zing ah excercise lâkpui tûr ani, thui akal peihloh pawn, hnaite te pawh nise atan leh naute hrisel na atan apawimawh tlat.




Naute kan neih dawnhnaih ah ka pi sawi ang in, inhnuai an room dawt chiah thlanglam ah kan insawn thla a, ka nupui raipuar lah hmuh tluka sexy leh hmuhnawm a awm kher lovang. A rai avanga a âwmbâwr lianta sâwt te nen hian ava sexy tak. A nulât lai aimah khân ka hmuṭha zâwk emaw ni.






Zingtin walkout puiin ka theihtâwk in ka duat ve bawk, amah pawh athau ṭèn ṭén khawpmai "Elea, min hmutu apiang in pasal neih i ngeih e, minti zel," tiin nui hak hak in asawi ṭhîn a. Ani lahtak a, a mam hen a, a raipuar lah bawk nen hmuhnawm tak ani.






Zînglam chaw eikham ah amka nupui naunei tûr sehsàm inṭan, a tuibâwm a keh meuh chuan ka hlauthawng ngang mai, ka pi leh pu ka ko chûl mai. Damdawiin lam panin kan kal vata, vanneihthlâk tak in ahar lutuk lo hlauh, chhun dar 12:00pm apelh hlek ah fapa duhawm zet mai kg 3 rènràwn ahring a. Kan chhungkaw lâwmna chuan vân atawng loh pawn a teuh viau ngei ang.






Ka fapa hming ah ka pu in "Vanlalpeka tih sak ka duh viau na in apa hming ah 'pek,' tih atel tawh si a, chuvâng in 'Lawmkima,' tiin ka sa e," ati sup a, Papuia'n Jasper tiin a belh ve bawk a. Ka fapa hming chu Jasper Lawmkima," anih chu. A mitmeng, ahnâr ngûl sângvah mai te, asam dumhlap leh amithmul dumchhah zet te nen lam chuan ka senlai chiah chiah ani. Vun ngo lam ah anu achhùn viau thung, fúke kim a alo piangchhuak hrim hrim hi kan láwm ani.







Ka nupui a inhliam nual nen a chetheu vak lo a, ka khawngaih ru kher mai, ka pi leh pu in kan room ah ka fapa an vil chawt mai a, pawm hleihtheih ala nilo nen ka nupui tei thei ala nilo lehzel nen, kan chhungkua in kan room ah kan awmkhawm vek mai ṭhîn.






Thla thum chhung zet ka fapa zan menpui in kan tlaivar thawthâng zel a, lu ana fuk fuk ṭan mai; mahse, hrehawm tihna ka neilo bakah changkàn lam apan zella, afel chho viau mai, ka pi leh pu in an duat lailêng khawp a hnute pêk chhûng deuh chiah tak tak anu bul ah a awm a, an awmpui chawt mai, kei apa tak tak pawn ka awmṭha hman meuhlo.





Ka fapa thla 5 a tlin hnu ah ka hna ka zawm veleh chauh a, hna thawk é tilo chuan inlam haw thuai thuai ngawt ka rilru ah a awm. Ka nupui leh ka fapa hian ka rilru zawng zawng an luah. Bàn hun pawh nghâkthei lovin bàn hma hret in ka tlànhaw a, kan in Gate sír a ka nupui leh Aldrin-a inbia ka hmuh chuan ka en reng a, Aldrina'n eng emaw fún envlope ni maiin ka hria a hmehbel a, chu chu ka nupuiin duh lovin alo pelêt ve bawk.






Ka motor aṭanga chhuk a kal phei ka tum chu Aldrin-a alo kalsawn hman chiah, enge ka nupui hmutur a helai daih daih ah atih? A duh chuan kan in chhûng apan thei tho sia, ka nupui pawh engvânga Aldrin-a kohchhuah theih a lo awm reng reng anih? ka thinrim ṭûn mai. Ka nupui chuan min hmu hauhlo inlam panin akal phei vat vat a. Ka zawhfiah ngei angai ang.






Lungni zànlo in inlam panin ka inkhalh phei a, inchhûng ka luh chuan ka nupui in adàn ngaite bawk in hlim nuisâng in minlo chhàwn a, nuilêt suk in ka kalsan vat. Ka fapa ka piin alo chaih mêk chu pâwmkâng lâwp in



"My boy, Daddy ka lo haw e,"


Tiin ka fâwp zoh a. "Duatte, apa chu ahna thawk zo lovin alo hawleh ringawt tawh ania," tiin ka oi anui hak hak a. Nuihlêt suk in abul ah ka muttir leh nghâl a, inthlâk tûr kan room lam ka panvat bawk.




"Elea, i nuamsam lo em ni? Vawiin tlai chu i chauh hmêl riau," tiin ka nupuiin ka hnung ah minlo zûilût ve nghâl zat a, ka hmêl ah ka rilru ka lo tilang tam deuh ani mahna, "ka ṭha alawm," tiin Bathroom lam ka pansan nulh a, ka awmdan chu naupangchhia ka in ti hnuhnawh viau mai.





Ka in bual zo chu Bathroom kawngka bul ah Bathrobe nen alo ding vâng a, a hmêl landan ka chîk khawp a; mahse, danglam engmah ka hmulo. Nilo, ka nupui hi ka ring lo tihna em ni? "Nichin khàn Aldrin-a nen ka hmu che u, enge alo tih?" Tiin ka en vang vang a.




"Oh, nitak an inneih sâwmna card minlo o?pe anih kha, Michelle nen an innei dâwn a, pâwna ka awm remchàn lai ania, in chhunga lût ah ka sâwm ngiala aduhlo tlat a, e chuan Bawiha pian lawmnan atia pawisa minpe bawk a," a ti zui sap sap a, "in in hnawn lai kha ka hmu che u alawm," ka la ti hrâm a. Nuihak in "nia, pawisa kha minpe tam èm a, lêklêt ka lo tum lavêl min hmu anih dawn chu a," tiin pawisa fai Rs 2000 leh an inneih card minlo pe nghâl vat a.






"I lung ka tihâwihloh chuan min zilh hreh lo la, i lungâwiloh chuan nuam ka tilo," ti sap sap in a kùn chhal a, ka va inthiamlo tak. "Ka thinrim ṭêp, inchhunga inbe lova pâwn a inlo in bia kha ka hmufuh che u a, tun ah chuan a ṭhavek e, ka thiamlo ani e," tisup in ka bân ka phar a, minlo kuah chial bawk.





"Apa, kan kal ve angem?" Tisap in min en chho kal a, "kal ve ngei chu aṭha alawm, kan inneih ni pawn anlo kal ve kha," tiin ka chhâng vata. Nui sen sen in "nunhlui leh hun liamtawh dahṭha in nunthar nen vek aw niang," tisap in dingdihlîp âk âk in min fâwp a.





Aldrin-a leh Michele inneih ni chuan kan chhungkaw thum in kan kal a, thilpêk pawh ṭha ve tâwktak kan pe bawk. Michelle hlim nuisâng chu hmuh anuam khermai, Aldrin-a erawh a hlim nge hlimlo a hmêl ah ka chhiarthiam meuhlo, nupa hlimtak ni tur in duhsakna ka hlân mawlh mawlh.



5 years later



"My boy, i nu kha iti harh ange, hetah lo kalla," tiin ka fapa Jasper chu ka ko a, Noi'n nau thla sarih mi apai mêk a, zanlam amut theihloh ṭhin avang in tih harh ka hlau khawpmai, ka fapa chu pawmnawlh in Choka lam ka panpui vat a, ka phone nghawr dar dar chu ka en a Papuia alo ni.





"Ṭhiana, nupui ka ru," a rawn ti tâwnga a fiamthu emaw ka ti hial, bialnu aneih ka hre dêr silo. "Noi nen ka office a inlo lèn ṭuma nula lo awmve kha ania," a ti zui leh sup a. "Zîng kar kar a nupui rûk chu a," ka tihsup chuan "a chhungten ala phallo a, an phallo chung ka ru anihhi, ṭhiana, min puih ka ngai," arawn ti nuah nuah a.






"Tu maw nupui ru?" Ti a ka nupui ka bul ah arawn din chuan hmui phun in "Papuia," ka tisup a, a lawm hmel ngang mai. "Khawnge tun ah anaawm zawt la, hetah lo kal rawhse," ati nghal. Chengchung chuan leh. Bathroom ah in tifai tur in zai rât rât in alut a, papuia nen kanla in be mual mual, ka nupui ṭe ṭhat ri leh ka fapa in "Daddy," ti a minko ri ka hriat chuan ka tlanphei vat.






Ka nupui Bathroom chhuat a lo let reng ka hmuh chuan pawm nawlh in ka ko mawlh mawlh a, akap aṭang in thi achhuak nasa lutuk tlat. Damdawiin ah arang arang in kan lut a, tun ah naute zai nghal angaih thu an sawi bawk. Ka va mangang si êm!





Darkar thumzet hnu ah fapa kg 2 leh tlem an zai chhuak a, ka nupui pawh vanneihthlâk tak in aharh ṭha hlauh ka va lâwm si êm! Ka pi leh pu phone a hrilh vat in, chanchin ka sawi zung zunga anni pawh an lâwm viau. Fanu ka awh tehreng nen; mahse, ka vui î khawlo, ka lâwm ani.



Damdawiin khuma ka nupui nuisâng chunga ka fapa hnute lo pe mawlh mawlh tu chu panin "ka hmangaih, ka lawm e," tiin ka kuah thlawp a

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)