ELEAZER_LALPEKHLUA By Lalremruati Hnialum (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ELEAZER_LALPEKHLUA By Lalremruati Hnialum (Completed)

Unread post by Ngaia » October 24th, 2021, 2:52 pm

Chapter - 6




Center Table ah Juice chu hung in ka bul chêt ah alo ṭhu thla ve nghâl a, abody deodorizer rim nû zet mai chu hîp luh anuam kher mai. "Kan in hma in ka room ka hmuhtir ang che chu" atih chuan ṭhen suk in alam hawiin ka in her a, ka en phei a ani alo nui sâng thung. "Angai lo ve" ka tih sup hnu chuan intûr achhawp chu châwi kâng in ka lem deuh khawlh khawlh a, haw vat ka duh ani, heta ka awm reng hi diklo tihna riau ka nei tlat.





Ka veilam ban puam ah chuan a vuan deuh ṭang reuh a, ka Denim Jacket chu apawt apawt ni mai hian ka hria. Hetiang reng anih chuan himdam taka ka haw ka ring hauhlo, in nghâk tu dang annei bawk silo nen "Ka hmanhmawh deuh sia ka kal nghâl mai ange" ti sup in ka ding hluai a "iva hmanhmawh teh thut ve tihtur pawimawh inei em ni?" Atih sap chuan ka hmanhmawh deuh thu a chhâng in chhuah nghâl mai ka tum a.





Ka kal maitur chu ka hma ah tak lo ding in "reilo te thil sawidûn lawk ang hmiang" tiin min en chho kal a, eng thil nge sawidun a duh ni, minti bangbo riau lehnghâl. "Engthil nge ni ta? Sawila" ka tih chuan "ṭhu phawt la" ati leh te te a, ṭhut vak pawh ka tum tawhlo asin, bet lo zet chuan ka ṭhu thla leh a. Min hawlo tih hriat ngawih ngawih mitmêng sî deuh sap a min melh ralh ralh chu tawrh zawh ahar lam hret ani.






Amitmeng hian min lém nimai in ka hria. Engkhaw sawi set set lovin abân ah pawt in ka lam ah ka pawt hnai vat in ka fawp chawt a, ani pawn min chhânglêt ṭha kher mai, âm zet chuan kan in fawp mawlh mawlh mai. A âwmbawr in awmze neife a min nêk ṭâlh ṭâlh phei chuan tawrh zawh hartak ani, ka kut pawh a awm mai mai tawhlo tawp, khawihtur lai ahre vei hrep leh nghâl.




Akameez hâk hlimchhohsak in ka dap kualruai a, kan thiltih lai ah chuan ka bûr chawt ani ber, tunah tak hi chuan zahlam alang tawh lova, ka zirtirtu anihlam ka pawisa heklo. Mipa ka nihzia ka hre nawn nimai in ka hria, ani paw'n min dap kual ve ruai tho mai, Mipa thaza rual thisen lum hunlai leh in fit ṭha zet zawt nih bawk chuan insûm hartak ani. ka tâwpsan vatlo anih chuan College ka chhuah hma in fa ka nei hman mai ang tih ka hlau, ka rilru ti fîm hram hram in ka tawpsan thut a ka inla hrang vut bawk.





"Eleazer" aw khur ti tih deuh meng si deuh sap hian min en chho a, akawrhâk a inhlim chho vek bawk nen a âwmbâwr kawhlah mai chu alang chiang ngang mai. Khawdang hawi lêklo chuan ka melh vung vung a, thâwk ati rang phat thei mai ka ti, ani pawn khuh ta nge ati chuang hlei lo a, hetiang reng anih chuan duhlo deuh in atâwp ka thlenpui mai ahlauhawm.




A tâwp thlenpui dâwn pawh ni ila min hnial ka ring hauhlo.




Âwmbâwr lang heu chuan minlo ban phei a ka lo vuan vat bawk, ka nghâwng hnung lam ah akut pahnih suihbet in min rawn fâwp lehnghâl siah bawk. Rei fe duhthawh lutuk tak mai a kan in fawh hnu ah pawh atu ve ve mah chuan inlâk hran tum heklo le, an Sofa ah chuan ka bawh thlu deuh rawk a, minla hnial chhin êiblo bawk. Kan thil tih lai chuan amood ah min chêntir veng veng mai, a kawrhâk ka hlimchhohsak chu alu lam aṭang in ka pawtchhuak a, avun mam hen mai leh atînung sàrh te chuan ati îtawm zual.




Ahmui ah fawp leh chawt in a âwmbawr nalh zet ka kut pahnih a ka hûmsak leh chawt takah chuan athaw halh halh tawh mai. Athaw ri te chu a ngaithlatu kei Eleazer-a tân chuan thlêmna ani hawt, duhthawh lutuk a a âwmbawr ah ka kut ka chêt hnu ah a a puanfen hlimchhohsak tum in ka in bengkânga, Apencil Shirts ka hlim chhohsak hnu ah amal mum nalhzet apawnfen chhanmaia ka lo suangtuah ṭhin pawh ataka ka hmuh meuh chuan suangtuahna aiin analh fe zawk tih ka hmuchhuak.




A panty hâk sen te hlei hlei chu asexy lutuk tlat, ka che zawm leh dawn chiah ka phone rawn ri thut vâng in ka che lai ka tawp chat, hunlo lutuk, mai mai chuan leh.




Ka pu call alo ni.






Ka thin aphu rang kher mai tunmai a kan khawsak dân vâng khan ka lungphu asu deuh dup dup mai, aper chhuak nawlh ang tih ahlauhawm, chu achhap ah ka pu hian thil ṭûl tâwpkhâwk ah lo chuan min phone ngai zen zen lo tlat, in chhungkhur ah buaina emaw harsatna eng emaw tak a awm anih ka ring hmiah.





Ka in dap kual chhung in aring tâwp hman a; mahse, reilote hnu ah call alo lût lehnghal zat. Ka aw thian kharh kharh in ka pick vat a, "lo hawvat teh ipi hi nikhaw hrelo in a tlu thut mai, hei LRM Hospital ka panpui a kan in dahlút chiah, in ah emaw damdawiin lam ah ilo chho vat dawn nia" atih chuan ka ṭhu nghîl nghâl zawt mai, ka hlauthâwng em em lehnghâl, ka pu pawh kha a ṭawngkam chhuak aṭang khân a hlauthâwng ve hle ani tih ka hrethei.






"Ka lo kal nghâl" ti vat in ka Jacket lâkmai ka tum chu ka hmu mailo lehnghâl " harsatna a awm em ni? I va hlauhthâwn hmel ve "tiin Miss Michhelle pawh amutna Sofa aṭanga lo tho chhuak in saruak deuhthaw a amu chu athawmhnaw chhuatlaia ka paihdarh chu la in a inthawlh ṭha ve nghâl sat sat a. "Ka pi a tlusual ani âwm e ka kal nghâl vat angai "tiin ka tho vat a, "ava zialo ve engtia tlu sual nge anih? Ka lo zui ve nghâl ang che" tiin alo tho ve nghâl at a.






"Engtia chesual nge ka hremai bîklo, ka pu khân asawi chiang bawklo nen, adinhmun diktak ka la hrelo bawk nen lo kal buai duhsuh" tihleh kalsawn ka rual a. "Eleazer, i Jacket" tiin minlo pan hnai vat a, hmanhmawh tawh nen ka chiai zo vek. "Rilru fîm pu hrâm rawh, hetiang chuan kalkawng ah i chesual palh mai ang, nakin ah ka lo bia ang che" ti sap in dingdi hlîp ak ak in ka hmui ah alo fawp a.





Ka rilru abuai bawk nen engthil dangmah ka rilru ah alût theilo, chhânglêt lo in ka in her san a "ka kal ange" ti in ka tlan chhuak ti tih nghâl a. "Khalh fîmkhur la, zân ah ka lo bia ang che" Bike a ka lâwn Helmet ka khum chu minla au zui tak ang ṭâwk ṭâwk a, ṭawngka a chhânglo in ka bûk khum zauh a, ka tlân chhuahsan nghâl a.





LRM Hospital lam pan in ka tlân nghâl vat a, ka rilru chiâi nen ka hamhaih viau lehnghâl a, ka ngaihtuah na ah ka pi chiah a awm, ka tlân chhuak pawh ka vung chak kher mai. Baklênga vung chho ka ni bawk a ka thleng har tehchiam lo, damdawiin ah tlan lût vatin emergency room ni âwmtak lam chu ka pan vat a, damdawiin a thawk ka hmuh chhun chu emergency awmna room ka zâwt pah bawk a.





Emergency room kawt ka va thlen phei chuan ka pu rilru buai hmêl zet a lo tei vut vut ka hmu hmasa ber a, pan phei vat in thil awmdan ka zâwt chiang nghâl a, "i Class kaltur i chhuah hnu lawk khan keipawh hna pawimawh ka neih vâng in ka chhuak ve nghâl mai a, angàite bawk in ipi hian in alo nghâk a, ka rawn phone hma lawk che khân anawmloh thu leh haw hma tur in min hrilh a, tâwi khawmuang lovin ka haw nghâl a, ka thlen chuan choka ah alo tlu sawp niai a nikhua erawh ala hria damdawiin kan thlen hma deuh in nikhua ahrelo nghâl ani" ati khur hluk a.






Hetiang hian ka pi ala awm ngâi bawk silo nen rilru atibuai takzet BP sâng anei ngâi bawk silo; mahse, hei Stroke anei ṭan chu ani reng mai si a, fimkhur kan ngâi takzet ani. "Doctor in acheck mêk a thil awmdan leh anatna pawh Doctor lo chhuah hun ah achiang mai tur ah ngai ang" ti in ka pu chu ka hnêm ve ngial a, eng phei chu a ang hlei law.






Doctor lo chhuah hun nghâk in ka ṭhu rân a, ka pu erawh aṭhu hle hle theilo ading a atei kual sek mai. "Lo ṭhu rawh, din khân awmzia anei tamlo emmai" ka tih lah chuan min melh rum nasa thei mai si a, sawi nawn leh ngam pawh ani lo. Minute 15 dâwn kan ṭhut rên râwn hnu ah Doctor alo chhuak a, ka pu nen kanlo pan hnai nghâl vat bawk.





" Enge ka nupui chanchin? Amah aṭha ang chu ti raw?" Hlauthâwng aw khur ru hluk amanganna ka hriat hlau ru tak si a ka pu zawhna chu Doctor chuan "tun ah chuan aṭha tawh e, tun aia tlâi khân lo thleng ula chuan kan in chhan hman kherlo ang" atih chuan kan thaw deuh huai a, "amah aharh em? Enge nikhaw hre lova atlûk ngâwt chhan?" Ti in ka zâwt vat a.






Thu zêp neih hun anilo tih ahrethiam ve pawh ani ngei ang angawih deuh vang vang hnu ah ka mita alo en chuan "thudik tak min hrilh rawh" tih melh a ka melh chu hrethiam in "harhlo, ka Jection a alo harh vat ang, ka pi hi a BP sâng hle a, asânglam ah 200 akai thuak a chu chuan Stroke athlen ani" atih chuan ka pu anghilh deuh dup in ka hria, abân ah vuan in ka chelh vat a.



"Ahma in Thisen sâng anei tih in hrelo ani âwm a, tun hnu ah chuan amah chauh a awmtir vak achi loh ang, in awmpui a in vên a in ngaihven deuh chawt angâi ani" tiin dam dap in min melh a.






"Ni reilo te chu kan admit angâi dâwn a, inlo in puahchah dâwn nia, hlauhthâwnawm erawh anilo" ti in a kalsawn ta nghâl a. Ward pangaia awmchu ahrehawm deuh dâwna ka hriat vâng in Cabin ruak awm leh awmloh zâwt tur in ka kal kual vat vat a, vanneih thlâk lutuk in Cabin ruak pakhat alo awm hlauh a, kan lût nghâl râwih a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:52 pm

Chapter - 8




Vawiin chawhnu a an ina kan khawsak dân ka hrechhuak uar uar, a áwmbâwr nalh uchuak zet khân min turn on hneh lutuk tlat, mitthla a suangtuah lét in ka nui hawk a. Nia, ka sûlhnu chu a awm ve ngei ang ka duhthawh ve bawk êm ani, "ana viau em? Naktûk ah ka chûl dam sak ang che chu?" Nui hawk in ka ti ta ngawt a han sawi mai tur ka vàn viau ani. Vawiin a kan khawsak dân leh tuna kan in biâk dân ngaihtuah chuan zirtirtu leh zirlai mai kanni hauhlo, engmah kan inkar sawidun nei lo mah ila kan in iailo tawn ve ve tihlah chiangreng. In ngaizawng in duh tak leh inthlahlel tak te pawh kan ang.






"Vawiin ang em em a iduhthawh leh chuan avúng kawhluah mai ang" nui har har chunga atih chuan ka ṭhen khum suk a, vawiin a kan chetsual teuh zia kha ka pu khân minute 5 lek pawn minrawn phone tlâi ngatse, huizzz apawithui dawn lutuk ringwt.





Ngaihtuah tawhlo teh ang amood ah ka chêng dawn tlat "hmeichhe tàn chuan amawi zawk alawm, zanin hian inhmu thei ila vawiin ami ang kha tihleh ka châk" tiin ka chhâng a, ka fiampah duh hrim hrim ani. Nui har har chung in "naktuk ah i hman chuan lo lêng la ka nu leh pa an awm dâwnlo ka free hle ania" ati zui leh a, ka châk lutuk tlat amal mum nalh lutuk te khân khumlâizâwl min ngaihtuah chhuah tír lo theilo.







"Ka pi dinhmun azir in ni rawh se" tiin ka ngaihtuahna khawlo zet chu lu thinkhum in ka chhâng ta zâwk a. "Hmanhrâm la ka van ti tak, i hmanloh chuan keimah ka lo kal ang, ipi lo kan ve pah ani dâwn a afuh zâwk daih in ka ring" ati reuh a, "i thu thu le" tiin ka chhâng vat a, ka hnunglam aṭang ka pu in minlo ko ri ka hriat tâkah chuan nakina in biakleh ah tiin phone ka hmet tâwp vat a, Cabin chhunglam pan in ka lût nghâl vat a.






Cabin chhûng ka luh chuan Papuia alo ṭhu vàng a min hmuh chuan amitko min kân khum in mitmeng ti zîm deuh sun chung hian "sawiril âwmve beirei hle mai" nui ṭhaw chunga atih chuan chhantum in ka ang zuau a ka chhân hma hma in ka pu in "ngaihzâwng te hi anei ve deuhreuh emaw ni le Papui?" Tiin anui vur vur a "ka pu, ila hrevat mai ang, amah pawh chu... ania" tiin asawizawm duhlo lui ngei a.






"Minla hmelhriat tir ve ang chu?" Ka pu ani.





Pakhata chuan tifuh inti zet in ka mit a min en in amit min siai khum sak sak leh ta nghâl a, chupa mai mai chu(h) "i la hre khawp ang" tih melha ka melh chu nuisuk in lehlam ahawi ta daih a. "Khata ding ngawikur lo khân hetah lo ṭhu ta che" ka pu in mintih tâkah chuan ka la dingreng ani tih ka hrechhuak a, pensawn vat in Papuia bulah ka ṭhu vata rum eltianga ka melh chu min hmulo der in min en duh hauhlo hian min nuih suk suk a ka ha châng ka ṭhial ri bap bap mai.







"Eitur te ilo kengduh mai mai alawm, ipi hian thil thlum lam a eithei rih dawn lova, i ei atan i hawnlêt mai dawn em ni?" Tiin ka pu chuan Polythene dum dawhkâna lo in hung rân kawh zauh pah in Papuia lam melh in ati a. "Thisen sang anei tih ka lo hre hauh lova; mahse, Theitui leh Apple te kha chu a eithei tho in ka ring, nangmah ni in inkawl reng ṭhîn tihchu hretho mah ila, ka pi ka lo kan ve na anih kha" ati ve sup sup a.






"Nang leh nanglo angin rem iva hre ve?" Ṭhen ṭha a ka tihsup chuan tum ru bâr nuihza hmêltak si hian min en a. "Nang leh nanglo zâwk che chuan nang ni tala Papuia tih ang hian rem i hreve ngût dâwn em ni?" Kapu in alo tih hluk chuan "ka pu, ka hreve âwm chiang emmai, hetiang hrelo rual ka nilo, hetiang chauhlo pawh ka hria" ner sak sak a ka tih chuan "aṭhat chu" tihte mai hian min chhânga. Tarkhirha anihhi.






Kan ngawih vang vang hnu ah "va hawphei tawh mai rawh u atlâichhiat hma in, Papui kan in lam ah ilo va riakphei hman angem? Damdawiin kan awm avanga buai phili chung tur chu ani hranlo na in kan Eleazer-a ṭet ṭut hi kan awmloh remchâng ah la in zân ah nula alo tawmpui ang tih ka hlau deuh a" ka pu in thutak zet a atih chuan ka hawi dâwrh, ti âwmang lo lutuk. Vawikhat pawh an awmloh lâi remchâng ah la in nula ka la tawmpui chhin eih lo, mai mai a.





Hetia asawi âi ah runluih in nula ka fawrkual pui nek nâng a, takzet chuan ka meng nolo nasa ani. Tum hmuk in ka enphei a "ka pi hi han dam chiang se dawmdawiin aṭang in kan chhuak anga, in a kan haw hun ah ka pi bul ah ngawt ka mu tawh ang, imutna tur awmve eih lovin akhamphei zâwng in ka mu bawk ang" ka tih chuan za lutuk hian ka bul ami leh ka pu annui a, enge nuihzatthlâk awmpawh ka hre ve lo e.







Ka riahpui dawnlo bawk a thudang an sawitui leh hma in haw phei vat teh ang. Ka ding uâi a ka pi muhil bâm chu achal ah ka fawhsak zoh a "muttui le ka pi, naktuk ah ka lo kalleh anga lo damṭha var tawh ang che aw" tiin ka mangṭha zui a. Papuia pawh lo tho ve vat in "kanva hawphei ange ka pu, Duatbera pawh ka lo mutpui thlap ang" tiin anui deuh suk a.






Ka pu paw'n lo mangṭha lêt vat in mangang lo tur leh rilru hahdam taka muhil tur in min chahdùn a, ka um é liamsak, nichin kha a fiamthu tih ka hretho a, han thinrim khum ve hrim hrim hi ka châk tlat, ahunlo viau na in min tilui peih bawka ka'n tilui lêt ve sak ange. Papuia pawh nghâk hran tawhlo in Helmet dawhkàna ka dah chu ban vut in Cabin kawngka namhawng in ka chhuahsan vut a, ka duh chuan ka che ngeiawm thiam ve êm.







Corridor ka thlenphei chuan Papuia pawn minlo umpha ve nghâl mai a, engmah sawizawm lo in ka rual zèl chuan apen a. Bike bul kan thlengphei a ka la be duh chuanglo, ngâwingul in Helmet ka khum mual mual a, Bike-a kan làwn tur chu ṭawngkam vìnzet a in hnial ri, akil sîr thim deuh lai aṭang chuan inhau thâwm ni awmtak hi kan hrezui a, tun ang zanlai ah tu tak ni ang maw. Kal ka tum deuh ûk ûk a; mahse, ahnu lawk ah chuan rilru nat hmèl zet in hmeichhe tleirawl te hi mittui hru fap fap in arawn tlànchhuak a.







Rawn tlanchhuak ani bawk nen ahmel ka hmuchiang thei lo. Damdawiin chhung lama atlan lût chu asìr zâwng in ka hmu zuai a, ahmel chu vawiin tlailama damdawiin kawta ka sutthlùknu Lalno-i kha ani tlat in ka hria, abengbeh pawh ka kawlsak nghe nghe kha mawle. Engvanga chutia zanlai lai a damdawiin kil sìra lo in hau nge maw annih le? Umzui dàwn in tlànlút ani si nen ka hmuh hman ka ring chiah lo a ka umzui duhlo law law.






Alo chhuahna lam ah chuan tu nen nge an inhauh niang tiin endik tum in ka kal pheia, ka thlen hma in nu pakhat nuvalai tak samkir chiat nutè reuhte hi alo penchhuak a, ahmèl aṭang ringawt pawh chuan a thinrim hmèl hle. Athinchhiat hmèlin aphunchhiar hmèl ka ti. Nutè takte nimahse ka hmeichhe hlauh chi tak ani, ṭhâl tuikang nghahlaia in hauhpui atàn ka hlauh tùr chitak ani.






Thinrim hmél taka alo pênchhuah hlak hlak lai chuan akawrlum fual háklai ipte a aphone dah chu alo ri ral ral a, "aw mate, hei ka lût lehdàwn chiah, ipa pawh azia e, he fachuam nu hi zirtirna pêkhlak ala ngai ani" ati deuh hlak hlaka.





Lanoi chungchang asawina ni ngeiin ka hretlat pek, mi thusawi ngaihthlâkrùk duhlo viau mah ila ka ngaithla zo vek tawh, kha hmeichhe tereuhte kha tello nise ka buaipui in ka ngaihven kher in ka ringlo. Engthiltak ni ang maw, an chhungkaw boruak aṭhatvak loh hmèl.







Papuia'n "Dude, kalvat ang zân atlái tak tak hma in" atih chuan chu nuvalai pawh chu damdawiin chhunglam pan in apenlút ve chiah bawk. Lalno-i nu anih hmel a; mahse, nu pakhat ve tak ani ngei ang. Ṭawngkam aduhtui lo angreng si a, ka Denim Jacket ipte chu ka dap rak rak a Lalno-i Silver bengbeh ka dah pawh chu ala awmkhiau, azawng ve nasa viau in ka ring, engtik ah emaw ka la pe ngei ang. Inher in Bike ka start a kan tlàn haw nghal vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:52 pm

Chapter - 9




Kalkawnga kan tlàn laiin Papuia'n "tu te nge nichin a nufa inhau te kha?" Tiin Side glass aṭang chuan mitkhap hauhlo hian min en a. "Ka hrebik hauhlo" ka tih chuan aner nasa mai, a awihloh hmèl hle. "Ahmeichhia kha hmuhtawhna ka neitlat in ka hria" atih chuan ka beng averh zar mai "khawi ah maw?" Tiin ka lo zâwt lêt vat a, keipawn ka ngaihtuah chian hian damdawiin ah nilo hmuh tawhna ka nei tlat in ka hria ani.






"Khawi ah nge kha aw" tiin akhabe a tuai neuh neuh a, angaihtuah lêt ani mahna "Ka hretawh mai mai lo e a", tiin alu atuai vut vut a, khawiah emaw chuan ka hmutawh ani Papuia lo sawi chhuah zâr ah khân keipawn ka hrechhuak leh hnuhnawh, khawi ah tak ni ang maw? "Min riahpui thei dâwn maw?" Tiin in kan thlen dawn aruai ah ka zâwt leh hnuhnawh a "dawn chiang e, i pu in nula i tawmpui ang tih ahlau sia" tiin anuizui huk huk a, "ngawi mai mai teh, nula ka tawmpui ngai lo ve" ti a ka chhàn chuan "chuti maw? Anih vawiin te kha, itawmpui lo chiang meuh maw?" Ati leh he haw a.







Vawiin a Miss Michelle nen an in a kan awmdan ka ngaihtuah lêta ka in thiamleh chiahlo, tawmru chu kanni thawthâng reng si a. Ka pu khân minlo phone lo nise Miss Michelle kha sex ka hmanpui lo ang tih ka sawi chiang ngamlo, "kha maw in sawifiah na tur pawh ineih eih loh hi" tiin Papuia anui hawk hawk a, zâwk zamah chuan "nang zawk hian in sawifiah i mamawh lo maw? Engvanga vawiin chawhnu a ka ruala haw lova midang ruala haw nge inih?" Tiin ka hnunga ṭhu chu Side glass aṭang in ka melh run a.








"Dude, kha chu ka thiamloh ani, Miss khàn an in thlenga thlah tu tur amamawh a, nang iremchâng tho bawk nen Chance ka siamsak che u anih kha" tiin nui lek lek hian min en a. Vawiin ah fa ka siam teuhzia kha ka ṭhianpa hian hria se anui rei hauh in ka ringlo.







Tlàn paha ti ti phei kanni bawk nen kan thleng harlo kher mai, choka ah tui in tura ka luh chuan ka pi in achètsual hma a chawhmeh alo siam alo awm vânga, ka ril aṭâm hle tihleh damdawiin ah khàn engvak mah ka eilo tih ka hrechhuak zawk. Fried Pan ah chuan Kaikung kan alo awm a, ka hmawm nghâl mawlh mawlh, Kaikuang hi zawng atui ka ti chiang asin, luisa ah chuan ka ngainat ber ani. Chakai ala awmlo mah mah a.








Tunah zàn dar 9:00pm ari thuak tawh a, a Kaikuang kanna alo reive deuhtawh nen aram ṭha hmarh hmarh hle, ahàngtui bawk si ka duh ve chiang asin. Ka pi leh pu te hian ka duhzia an hria a, anmahni tak hi chuan ei duh vaklo mahse, azuar an hmuhfuh hi chuan ka ei atân min leisak ngei ngei ṭhîn.









"Chaw mumal damdawiin ah khân i ei âwm si lova, eitur dang kan siam dawn em ni ang?" Tiin ka hnung aṭang in Papuia'n alo ti dût a, nia, damdawiin ah khân ahming chauh tak takin thil kan ei a, eiloh nen thuhmun reng, ka pu pawh khân engtham mah a ei bîklo. Kan hlauthawng a, rilru ah helhkam kannei rûn bawk nen engmah alût tui tak tak meuhlo.







"Angai lo mai, Kaikung kan hi ka eichâk deuh a ka ei deuh mai mai, lo ei ve rawh" tiin ka hui a, "Thingpui ka lo chhuang ange, Kaikuang erawh ka duhlo mai ang" tiin ka dinna bul lawk a Gas ah chuan Thingpui bêl achhuangzui nghâl mual mual a, Fridge hawng rawp in Tobasco red pepper sauce chu la chhuak in bowl ah ka bun chhuak a, Kaikuang in ka zu nawr ṭhîn a, atui ṭhîn khermai.








"Lo ei ve rawh atui ania" ti a Papuia ka koh in min ngaihven duh dér lo. A thingpui chhuanlai chu avil uluk hle ringawt, pawi chai lo, atui tehreng nen keiman ka eizo vek anga nimai lawm, thil tui hrelo lutuk, mai mai a, "Thingpui kha ka duh hranlo ang, Kaikuang hi ka duhtâwk, Sauce athak bawk si, thak leh sa chu a inrem lo emmai, i intur in siam mai rawh" tiin si deuh hluam hluam chuan ka hrilh a.









"Khatiang Sauce chhete ringawt pawh thak tiin i si pui hluam hluam ania, pà lo lutuk" tiin aner nâwng a, ka naupan lai aṭang tawh in Hmarcha ka ei in ka Allergy alo chhuak vak ṭhîn a, ka thak vualvek ṭhîn, hei vânga Hmarcha pangngai ei ngamlo ka ni. Hmarcha thak ka ei ngam loh vânga ka pà lohna ka hreve lo ve. Ka chhang hrep lovang, ani chhimbudâwi mai mai a awm ka tum teuhlo.








Coffee Mug lianṭha zet ah athingpui in tur a chawk ri rak rak ka hmuh chuan ṭhen ṭha in ka en phei a, Pitar leh Putar enkawl seilen tih takah ani pawh hi Thingpui chu hehtak ani, patling pahnih in zân ang hi avawikhat hmiah mai zêl. Aṭawngkam bungrua te lah hi an duailo thei khawp a, 1st semmester kan luh ṭantirh pawh in Hmeichhe pakhat mittui tling vek khawp in a inhnialpui a, tun thleng in an in hmêlmâk phah ro.








Ka hmazâwn a Chair chu pawt chhuak in a Thingpui no lian ṭha zet nen chuan ka hma zawn ah tak a ṭhu a, a Thingpui sa khu vut vut nen ka thil ei thak bawk nen, ka hmu nuam tehchiam lo. Ka Léi akâng mai dâwn, athak uchuak lutuk, tho vut in Fridge a tuivawt chu la chhuak in ka in nghâl khawlh khawlh a, ka in lai chiah in athak areh, minute 1 akîam dêk dêk a ka in lai aimah in athak zual, tuivawt bawk chu ka in leh ṭhîn a, ka in inpuar thei tak ngialdàwn, atawp ah erawh Ice Cube la in ka kachhûng ah ka hnawhlût rûih ringawt.








Ka khat ṭùna Vur ka hmuam chu ka theih ang tâwk in ka ṭhial ri bawp bawp a, ka mittui ahnâmsawk thei nia, mittui nen hnaptui nen chutia ka vur ṭhial min hmu chu Papuia nuih aza hle alo ni. Nuihza insûm tih hriat zet hian Fridge a Bawnghnute chu thli chhuak in "ivur hmuam kha chhakchhuak la Bawnghnute hi in rawh, Hmarcha thak ei ah chuan athak tihreh nan Bawnghnute hi aṭhaber" tiin nuih insûm zet hian min en a.









Note: nizan kha story ka lo dahni tur ani a, zantîr te aṭang in signal abo zankhua ṭhak a, readers te inmi hriatthiam na ka dil e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:52 pm

Chapter - 10




Ka lu ka thinkhum ringawt, Vur hian ka lei kàngmai tur anga sa huam huam hi ati dâi a, awm ati nuam zâwk bawk. "Dude, luhlul tlat lo teh, i vur hmuam kha chhakchhuak la Bawnghnute hi in rawh, i zia phah sawt ang" tiin Tap awmna lamah min kaiphei a, thuawih deuh chuan ka Vur hmuam chu ka chhâk ve mai bawk a. Dawhkan chunga a Bawnghnute dah chu la in min lo pe vat vat bawk a, nichin khàn tuivawt ka in nasa tawh bawk nen ka pum apuar ùl a, ka in ṭha hleithei tawh meuhlo.









Glass no chanve chu ka lem khawlh khawlh a, ka zia phah pawn ka hre lo e; mahse, ka intur min petu hian aṭha ati miau a aṭha tur ah ngai ang, athawh thawh na ah thawk ve tawh mai tehse. "I in ṭha thei meuh nange?" Atih sup chuan "inthei e" ka ti liam mai a, Bawnghnute hi ka ngaina ngailo hrim hrim bawk nen in luih ahar, "no khat kha inzo vek rawh, vawikhatmah khatiang anga thak tileh tur si chuan ei ve tawh miahsuh" tiin an phun lehnghâl ringawt dawn a, ka chhâng buaipeih lo e.








Hnar hupbet chunga ka intur ka in zoh hnu ah luakchhuak hnùr in dawhkàn a ka Kaikuang eina vel ka seng fel sawk sawk a "fel hi chu i fel mawle" Papuia'n alo tihsup chuan ka en zawk a, ka chhâng lo. "Hei vang hi aniang miss Michelle pawh hian aduh bur che" an tileh ringawt a, ve rawk rawk hian. Ka duh aiin min tilui peih dàwn tlat.







"Ka chhohsan dawn che, mut hma in Damdawiin lam biak lawk ka duh, i hman hun ah i lo chho ve nghâl mai dawn nia" tiin ka room lam ka pansan ta daih a. Kan pahnih bâk hi ṭhian kawm kan nei lo ve ve bawk nen a in lamah ani emaw kan in ani emaw pawh nise, akhawi lam lam ah mah hian kan in thlahrung ngai lemlo, aṭha phian ania.








Ka room ah lût in ka Jacket hàklai ka hlîp vat a, ka kekawr ipte dap rak rak in ka phone ka la chhuak vat a, ka pu nambar ah chuan ka dial nghàl a. Reilote hnu ah ka pu in alo chhàng vat a, ka pi chanchin ka zâwt vat a. Chaw a ei theilo bawk nen a chauhmai loh nan tiin Drip bur khat an khai a, ankhai zo deuh chiah a, mut an tum chiah thu leh ngaihtuah ngâi annih loh thu min lo hrilh a, naktuk ah ahma thei ang bera ka kalvat tur thu a chhâng in kan in biakna kan ti tâwp a.








Ka mut hmun ah ka tlaivar ṭhak, Damdawiin hi kan lût ngai lêmlo bawk nen ka pi kha riahpui lo mah ila ka ngaihtuah em em ani, hrehawm ati dâwn êm asin, amuhil thei pawh in ka ringlo. Mutthilh tuma ka mit ka chhin apiang lah chuan vawiin a Lalno-i rilru nat hmêl zet, a mittui tla midang hmuh hlau zet a ahru lai leh vawiin a thinrim engphiara hmai zangthal haw a min en chho chunga min hau lâi te chu ka mitthla lêt a, ka muhil thei bau lo.







Engvanga inhau nge ni ang? Engvanga fa chuam tih hlawh nge anih ang? Keimah angtho a nu leh pa nei tawh lo ve tho em ni ang? Hriatchian ka châk takzet, ka vawikhat hmuhna aṭang phata ka thinlung luahtu leh ka mit latu hmeichhia ka tawn vawikhatna ani a, belhchian a achanchin hriat chian vek ka duh ani. A chanchin hriatchian ka duh anih chuan hmalak ka ngâi ngei e, ka tih mâk mawh ani bawk, 'lo in ring rawh' ka ta ah ka la siam ngei ang che.








Zîng dar 5:00am arik chuan ka inperh tho at tawh, zîngkar ah Damdawiin pan ka tum a, chaw eikham ah kaldawn tho mah ila zîngkar ah engmah tihbuai tur a awm hranlo bawk nen kal ka tum deuh ani. Papuia pawh kaithawh kher ka tumlo, nizan khàn ka muttheihloh aring aniang ameng renga, zîng dar 2:00am vêl ah amuhil chauh ani. Alo harh hma in ka lét leh hman tho ka ring bawk a.








In phihfai sawk sawk in in hnuai ah ka chhukthla a, ala hma tho bawk nen tiin Thingpui intur ka in lum leh te te a, ka in zawh hnu ah Damdawiin lam panin ka tlân ta vang vang a. Zîng ah ka tho hma ngâi lo bawk nen zing boruak athîang bawk a, hîpluh anuam kher mai ka zâng sawt sawt in ka hria. Hei vâng anihhi ka pu hi zîng ah tho a a walkout reng ṭhin ni.








Damdawiin ka thlenphei chuan zîng dar 5:30am apel àwrh chauh a, Main Gate pawh ala in kalh vâng mai. Enge awmzia? Luh an phallo tihna em ni ang? Ka Bike chu Gate sir remchâng lai ah dah in ka lêt leh vat a, ka han sâwi ṭhîn ari ṭuk a azo dêr, takzet chuan, ka au vak nghe nghe dâwn emaw ni zâwk. Chanchin zawh dâwn in veivâk an awm eih si lo, thawhhma ve chhun ah, ka ngeiru kher mai, thinrim ru ṭeuh in ka ding reng ringawt.









Minute 15 dâwn ka din hnu ah Damdawiin a thawk ani ngêi ang Kawr Pawl suit ṭhui mawltawp ha, kum naupang vak tawhlo hi alo pen chhuak thauh thauh , Gate pawn a ka ding ahmuh chuan mak tih hmêl deuh hian ding meuh hian min melh vung vunga, ka thinrim ru bawk si rum deuh hian kan melh ta ngawt a.






Gate a hawng dâwn emaw ka ti a, Damdawiin sîr lam ah apil bo daih mawle, alo hawnmai ka rin avânga engmah zâwt talo ka nia, alo kal leh veleh ka melh rum ngawt ang.






Ka pu ka call ngial pawn a pick up thei hauh silo, nge ka haw lêtleh mai dâwn em ni ang? Kal ve ro ro ah kalthlâwn nih ka duhbîk silo. Dar 6:00am vêl alo rîk chuan nichina ka hmuhpa suit pawl ha kha alo kalleh a, Gate alo hawng ve chiah bawk a, hawn dâwn ro ro te chuan rawn hawng vat mai tûr ania, mi ti khawtlâi thiam lutuk mai.








Hmanhmawh ru zet in Damdawiin chhûnglam ah ka tlânlût vat a, Doctor in ward alo fang zo deuh chiah alo ni, ka pi pawh rinâi takin aharh a, thaw ati veng huai mai ; mahse, Lûng natna anei tel niin Doctor in asawia, aranglama test nei vat tur in min hrilh bawk. Thâw aveng dâwn chauh emaw tih laiin a aia rilru hahna tûr dang alo awm zel si chu anihhi.







Toilet kawngkhar ri rak ka hriat chuan ka hawiphei vata, Miss Michhelle nui sâng chunga lo pên chhuak ka hmuh chuan ka ding ngil zawt, ka mitvâi em niang, enge hetah alo tih ve? Ka pi leh pu te hi ahresa em ni? Nge ka Pi leh Pu tih hria in lo kan atum ve zâwk, tunah ala hma nasa mai si, enge achhan nita ang. Zawhna zâwt tûr pawn ka hmu tehthut lutuk a ka hamhaih zo vek. Ngawireng in ka melh tawp ringawt.








Note : A hmasa in thupha châwi ka duh a, karleh thawhṭanni aṭang hian 1st Internal test kan nei dâwn a, karleh kartluan a test tûr kannih avang in loh theihloh in ka chawlh ngêi angai ani. Keia story tehlul minlo chhiarsak ṭhin vang in lawmthu ka sawi a, karkhat ah vawithum chiah ka dah a, chuti chung in karkhat lai ka chawlh ala ngâi dawn si, ka in thlahrung hle ani. Dawhtheih na nen minlo nghâk hrâm turin ka ngen a che u, test kan zawh veleh regular tak leh seideuh taka dah kan tum dawn nia.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:53 pm

Chapter - 11




Mak ka tihzia chu Phûng hmu an sawi ang chiah ka ni, "mak ti vak tehsuh, i pi damlo ka lo kan anihhi," tiin, ka lam panin alo pên phei nghâl a. A lo kaldâwn anih te chuan kan awmna ward emaw Cabin no vêltal minlo zawh âwm ania, emaw minlo hrilh hmasak ka ring ania, engmah zawhchawp ngailo in kan awmna ahre kêlh si, engtin nge kan awmna Cabin thleng thleng alo hriat hman ni? Mi maktak zawng ani.






"Engtin nge kan awmna lâi i hriatchat theih ni?" Tiin ka zâwt ta ringawt, amak ka ti êm asin, inkâwmngeih kan ni lova, bâkah in ngâizawng ti a sawitur lah kanni heklo. "Ngaihven zâwng te hi chu a hriat dân kawng a awm ve zel mai," tiin nui sâng a mit min siai khum sak hian midang hriat theihloh tûr a lo dâk chho in min hrilh a.








"Hetah lo ṭhu phei ula," tiin ka pu in minlo ko zui vata, mahni luzo vevawh tak in mawngbâwr thên phei lah lah in ani ka bul ami chu a phei leh ni. Hmeichhe hmelṭha leh piannalh tak ani tihhi phat rual ani lo, Roadster slim fit light fade jeans pawdâng ha in Tshirt body fit var thianghlim sar a tug a, Bittle Shoe abun tawp bawk, apianhmang nalh zet ati lang chiang lehpek hle, hmeh pawh a in hmeh lehpek e.








A âwmbâwr pâwnglah mai akal zâwnga inthên phei lah lah te, amawngbâwr mipa mit la tûr tâwk taka poh lah te, amal sei zên thlarh invuahfuh lutuk te hian 'min hîplo' ka tihchuan dâwt chiangtak ka sawi ani ngei ang, hêng asakruang Hmeichhia ti Hmeichhia bîk em em te hian, min hîp in mipa ka nihzia min hrilhnawn awn awn nimai hian ka hria. Hmanni a an in chhung kan khawsak dun dân ka ngaihtuah chhuak a, ka nui suk.








"Vung vung zel che hian, suangtuahna hlimawm ilo din leh tawh bîk emni? Hetah lo kal la, lo ṭhu rawh," tiin ka pu in minlo ko a.







Miss Michhelle lam hawiin "Eleazer-a College luhna ah ilo thawk renga, i pa khân hmanni khân asawi thuak a, kan tupa ṭet ṭut hian engmah sawina châng ahre lehpek lova," tiin nui suk hian a en phei a. "Nia, keipawn i tupa i sawiziah ṭhin kha Eleazer-a hi ani ang tih ngaihna ka lo hre hauh lova, nizan ah ka chhungte hnên ah Eleazer-a pi damdawiin a an awmthu leh kan ve ṭûl ka tih thu ka sawi a, ka pa'n in damdawiin awmna vel alo sawi ve bawk a, chutah chiah chuan putu inni tih ka hre ve chiah ani," tiin minlo en phei a.








A hmadaih tawh in ka pu leh Miss Michelle pa te chu anlo inhre ṭha hle tawh tihna, Miss Michelle pawn ka pu chu hei alo hreṭha khawp a, ti nge kei hian engmah ka hriat ve loh? Hrilh ṭullo min ti nge, ka tan ṭangkaina tur a awmlo tiin min hrilh ve lo zâwk? Hmm duhleh min hrilh malêk rawhse, pawi chai lo.








Ka pi pawh a harh ṭha khawpmai a BP erawh asângreng thunga; mahse amah chuan luhai anei eihlo, mak kan ti viau mai, vên uluk erawh kan ngâi Stroke nei ani si a, Damdawiin a awm hi aning tawh a, bâkah damdawi ei ngai deuh chauh anei tawh bawk nen tiin chhuah kan dîl a, a ṭultâk leh Home Nurse kan ruai tawh mai aniang chu, naktuk ah chuan Doctor in chhuah pawh min phalsak a, adamṭha zel tur ah kan ngâi.









"Sunday te ani si a inkhawm te pawh i duh ang Eleazer, Michelle hi an in ah han thlah phei rawh, nangpawh i haw tlang mai dawn nia," ka pu in atih tâk ah chuan ka pi pawh in "ni e Mampui, han haw rawh u ngaihtuah ngai ka ni miahlo ania, lo kal buai duh tawhsuh u, Michelle hian minlo kan a ka lâwm hle mai," ti sep sep in anui var var a. "Chaw ei kham ah ka lo kal ang" ti in a chal ah ka fawhsak zoh a.









Ka Helmet la in kan in zuichhuak vat a, Cabin kan chhuahsan chiah tihah ka bân ah inti neitu zet in min kuah a. "1st class Contractor tupa Eleazer Lalpekhlua" ti sap in Khabe pohvah hian min en chho a. "Yess, chu chu ka nihna ania lâwm, buaina inei em ni?" Ti sup in ka melh chhuk a, ha var rual ṭhah lang in alo nuisâng thung "engtin nge heileh chen hi kanlo in hriatloh theih ni? I pu leh ka pa chu an hnathawh na avâng a in bêlchawt anni asin" ati leh a, kei erawh in chhânmai dântur ka hrelo. A pa chu tu nge ahming ni a, engang hmel pu nge tih tak ngial pawh ka hre eih silo.








Nula leh tlangval in ngheng riala chhuakdûn ta chu Damdawiin a awm ho, minlo hmutu ho chuan min en duh hlawm nangiang mai, ka bula kal lah hi ka taksa thlâwp zaih in akal thiam roh a. A rûk in Lalno-i kha ka hmuh ka in beisei deuh a, ka zawngru deuh ania; mahse, thehhmeh ang mai in areh vang vang mai, hmuhtur a awm eihlo, Bike ah lâwn in kan tlânchhuak vat a, "kan in ah min thlah suh, in inlam ah ka lo pêng dâwn" atih chuan Side Glass aṭang in ka en vata, ka ṭawng chhuah hma hauh in "Helmet full face i khum hian i lang pa zual, nilo pa thlâwt zâwk," ati mauh mai a.








Thlahhaw aduh miau si lova kan in lamah ka kalpui ta ringawt a, engthil tak nge maw lo tih atum ni, Papui'n engtin tak lo ngâi ang maw, a lâwm ah atla leh mai lo'ng maw? Emaw alâi leh ṭút emaw anih ka ring. Department pakhata Assistant Proffesor kha ani miau a.






Kan in kan thlenphei chuan kawt ah Papuia alo tei vut vut a, ka awm si lova minlo zawng anih ka ring, ka Bike ri ahriat chuan arawn hawiphei vut a ka hmel ahmu chu a thinrim hmel kher mai; mahse ka hnunga ṭhu Michelle hmel ahmu chiah erawh aphu deuh zawk niin ka hria. A thinrimna pawh vawmbo ang duak ani anui suk suk mai.






Papuia lo dinna bulah Michelle ka drop vata, kei erawh Garrage ah Bike ka dahlût a, in inlam panin ka kalphei vat a, hmui ti sâwi a mit min siai khum zoh in "i va thei deuh ve" tih melhtak hian Papuia'n min melh a, engmah phei chu a sawi hranlo; mahse kan pahnih chauha kan awm hun ah a ṭawng leh ṭeuh tho ang.






"Chawhmeh ka siam ang ka ti deuh ania; mahse, chawhmeh ṭhing a awm nual si a paih dâwn in ala ṭha tho bawk a, eirawng ka bawl hranlo," in chhung kan luh hnu ah Papuia'n ati zung zung a, "i tumna hrim hrim kha a ropui, siam kher lo mahla" ka tih chuan anui hawk a. "Ngawi mai mai rawh ka puangzâr mai tur che ania" tiin Miss Michelle hriat ngei tur a ring in amah a en deuh kher bawk a. A ho teih teih.







"Wow, in innei nuam hle mai, ka rindânsa nitho mahse mita hmuh meuh chuan a nawmdân adang, nuam ka tih zâwngtak ani a felfai thlarh bawk si" tiin Miss Michelle anuisâng a, afangkual ve pah zêl bawk a. Common room a Wooden Showcase kan dah a kan chhungkaw thum thlalak lianṭha zet kan dah chu a en vang vang a, ka nu leh pa hmuh a in beisei deuh tepawh ani mahna le, ka nu leh pa aia ka pi leh pu ahmu chu mak ati te pawh aniange.







Chu berkher a enreng chu nuam ka ti fahran lo, nu leh pa ka neilo ani tih lang miah lovin ka pi leh pu ten min enkawl seilian a, min enkawl dân ah lungawi lohna emaw sawisel na tur eih ka hrelo; mahse, nu leh pa nge nge chu ngaih ni leh hriatchhuah ni ka neilo thei bîk lova, an thihna kha rei tawh hle in an hmel awmdân sawifak theilo mah ila, ka ngai ṭhîn. Sawichhuak ngailo mah ila, rilru ah an thi thei mawlh lo.







Enzui duh tawh lovin Choka lam ka pansan ta daih a, Fridge a tuivawt chu la chhuak in ka in khawlh khawlh phawt a, rilru leh thinlung chhumpui ang maia a zîng phuimup leh ka taksa sa chhuak pup pup hi he Tuivawt hian tlênfai kêlh se ka ti. "zing zing ah in inhruai chhuak ta rup mai ania, i va ru chhuak tihna em ni? Ka ring chiah silo; mahse, zingkar dar 8:00am vêla inlên chu ahma ka ti deuh si" tiin zawhna ngah zet hian min en a.






Ka chhân hma in Miss michelle Choka ah lo lût ve in alo phûl hlut a, "i en zo maw? Eleazer-a te in hi belhchian a dâwl teh ania," tiin Papuia'n alo be sawm vata, "nia, engkim mai hi amawiin belhchian adâwl hlawm khawpmai" alo ti lêt ve sap sap a. "Ngawiteh Eleazer, i room te kha va hmuhtîr ve la, ahmuchâk ngawt ang chu ti raw Miss?" Inla zei fahrana ka lam hawia atihsup chuan ka melh kâwk. Eng ahria chu nimaw.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 2:53 pm

Chapter - 12




Papuia'n ka sâwm ai asâwm miau si a, bakah han hmuh phalloh na tur chhan ka nei hranlo bawk a, ka hmuh poh aniang chu. "Aa.. angâi kher hleinem; mahse, min hmuhtîr duh phawt chuan ka en duhreng tho," ti sap in keimah min en kal a, "i hmuhduh phawt chuan ka phal lutuk, lo kalla helam ah," tiin hma ka hruai nghâl zat a, minlo zuichho ve nghâl det det bawk a, lehhawi in "Papui, kan reilo ang minlo nghâk lawk la," tiin ka hrilh puat a. Ani erawh in mitmeng chimawm zet a min melh in hmuiphun in "thâwm kha dîm deuh ula," ati vei sup nia.









"In chhungkua hi pathum chauh inni tiraw?" Tiin inchung chhohna step a kan chhoh laiin min zâwt a, ka lo beisei rûk reng ani, nichin khàn kan chhungkaw thlalak kha a en ngun vung vung si a. Ka beisei rûk vâng erawh chuan chhân ka phûr ta viau e tihna ani lova, he khawvela zawhna ka dawn zinber ṭhin te zînga chhanna ka pêk huphurh ber ala nifan.







Ṭawngka a chhâng lovin ka bu nghut a,. ka hmêl aṭang in ka rilru alo chhiarthiam tepawh ani mahna le, bâkah mi â nilêng ani bîk lova. Thudang ah apakâi zui ta daih a, ka room kan thleng chho a, hnawkzet a a lo in chapdarh nuai mai ka hmuh chuan ka ip châwih mai, ka khum Bedsheet lo chuar nuai te nen lam chuan hmuh anuam lemlo lutuk tlat. Lêt thlâk leh dâwn in room chhûng kan lût fel diam tawh.









Ka room awmdan ahmuh chuan anuisak a, a Bag dârbah chu la thla vat in "mipa room diktak anih hi," ti a nui in ka room hnawk nuai chu aremfel zung zung a, ka in thlahrung ru ngeimai. "Angai hleinem, nakin ah keimah in ka tifel thei," ka tih chuan atawp duhmai bîk silo a, Tukverh thlanglam ami chu pan thla in ka kalsawn ta daih a.








Râl lehlam thlira ka din vang vang lai chuan ka kâwng hnunglam aṭanga akut rawn zenlût in ka hnungzâng ah abei thlarh a, "i va ngaihtuah mûk àwm ve?" A tihsap chuan Michelle ka room ah ala awmve ani tih ka hrechhuak chiah. Engthil chiah nge ka rilru ah hian awma enge ka ngaihtuah tihpawh hi ka hre tawh nek love.








Ka inher tûr ka in siamrem chu a aia ngheta min kuah sauh pah in "reilote ti hian awm lawk ang," ti sap pah hian ka hnungzâng chu a fâwp pah zoh a, ahmai phûm kâk pah chuan athaw deuh ham ham bawk a. "Nga ti nge min bêm itum miahloh? Ka duh rûk ang tho che hian min duh tih ka hria, in duh tawn ve ve chu enga tinge kan in ngaihzâwn mai loh ang?" A tih chuan ka in her vat a.









Chhâng ta mai lo chuan ka melh vung vung ringawt. A thil sawichhuah chuan nghawng keimah ah anei nasa lutuk, Hmeichhia min bêm hmasa bertu ani, hriatreng tlâk ani hial lo maw? A mipa zâwk ka lâi chhe maidawn alawm mawle, a hmêl ka en lah chuan zâmna ni âwm pawh ka hmu eih silo, ava confi chiang ve le. A thil sawichhuah avânga azak hmêl hmuh ka in beisei lutuk leh ka beisei anga a awm silo chuan ka nuih te lam ati za.









Ka chhâng ta mai silo chu ka bul chêt ah ka taksa thlâwp zaiha lo ding in ka kut veilam ka hûmtawm tlat chu ala kânga, engthil nge maw tih atum ni? Ka zâmna avang chu nimah suhse kut ka hûmtawm chu akut dinglam nen amal mal in ka kut zungṭang apawt kau zêl a, ka kut ati parh anihber chu, la kâng a fawh atum deuh emaw ni nghe nghe in.








Ka kut chu la kâng in ka mit ah tak chiangzet in min en chho siah bawk a. "Engthil nge tih itum?" Ti a zawh ka tum ka hmui ka chêt chiah chu akut veilam zungpir chu ahmui ah nghat in ṭawnglo tûr in min ti a, ka bo tulh tulh tawh, a mipa zâwk minti hawihâi dêr alawm mawle. Huhhh.








'A hmeichhia pawh a zahloh chuan engah nge ka zah bîk lêm ang le?' Tih rilru pu in ka inti paukhauh sauh sauh a amit ah tak ka enlêt ve rân. No uluk fahrana kan in melh dun lai chuan ka kut chu a âwmbâwr ah nghat in anembet ta siah mai le! Mak ka ti lutuk a, ka kut anembeh ang ang chuan lâksawn nachâng pawh hre lovin amit ah ka en reng ringawt tawp.








Min duhthu ṭawngka ngeia asawi pawh khân min ṭhâwn tawh nâk alaiin tuna achêtdân hian min ṭhâwng zualin minti hamhaih lutuk tlat. A mitmeng de sar sar mamawh nei tih hriat lutuk a min melh chuan mipa ka nihna min hriatnawn tir nimai in ka hria, min dâwi â maidâwn alawm mawle. Henu hi chu ka duh hun hun ah ka kuaithal thei ang tihhi chiangtak in ka hretel bawk.









Mahse, ka mipatna ati che zo eihlo hi thil mak tak ani, a âwmbâwra ka kut adah lâkthlâk ka tum chu ṭan tak te hian aṭang roh a, "Damdawiin lama kal leh ka duh dâwn si a, inhnuai ah chhuk in chaw eitawh ang u," ti sup in ka kut chu ka phihthla ti tih a, kawngkhar lam ka pansan zui ta daih a. "Eleazer, lo dingteh" a tih chuan hâwilêt chuang lovin ka ding dat a.








"I pi damlohna avâng hian i rilru ala insual niin ka hria, chhânna ka lo beisei reng ang," ti sap in min kalpêl a, ka rual pawh a kal lovin achhuak zui ta daih a. Ka din rênrâwn hnu ah Choka lam panin ka chhukthla ve ta nghâl a, Choka ka luh chuan Cabinet bul ah Michelle chu lo ding in nichin maia a awmdân hriat miah lovin Papuia alo titi pui siam siam alo ni a, henu hian min ṭhâwng dawt dawt mai dâwn anihhi maw.









Reilote ah chaw ei kan siama kan ei ta mial mial a. Papuia leh Michelle te chu an ṭawng duh dûn khawp a, an in ṭawngchhâwk char char mai, nichin maia ka room chhûnga thil thleng kha tunah hian sawichhuak ila tuman va awisuh, thil thlendân hrelo ang hmak in zu awm thei a. Papuia chuan min en leh vung vung zel a, ka ngaihsak a ngâilo tih ka chiang viau.








"Eleazer, i no chhûnga in thil in kha i in zawhna arei tawh ania, enga tinge no ruak kha i dâwt i dâwt?" Papuia'n atih sup chuan ka en kâwk, ka no ka hmui bulah ka chuaktuah chu la thla in ka en vata, Papuia sawi ang tak tak in ka thil in chu alo zo vektawh alo ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)