JIMMY BY Dilbara Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

JIMMY BY Dilbara Khiangte (Completed)

Unread post by Ngaia » October 24th, 2021, 3:04 pm

es5o0aqg.jpg
PROLOGUE
"Nu ka tling" ka ti chul in inhnuai ah ka chhuak thla a, ka pa rawn lut mek chu zuk kuah nawk nawk in Jimmy te in lam pan in ka tlan nal nal.
Nidanga a thui ka tih thin nen minute pawh tling lo ah ka thleng a, ka hna dil ka tling tih chu hrilh ka chak zek zek tawh. Gate ka lut dawn tih a a room lam ka hawi chhoh chuan tukverh zawn a Ruatfeli ding chu ka hmu a ka tawp deuh chat.
Ka kal ang nge kal lo ang tih ka inngaihtuah reuh reuh hnu ah Ruatfeli awm lai a kal chi ni a ka hriat loh vang chuan ka let leh ta zawk a. Ruatfeli hi kan college a a rawn luh tirh atangin Jimmy hian a buaipui tawh a, tuna an awmdun thei pawh hi ka lawmpui takzet mahse vanduaithlak takin Ruatfeli hian min thik a, a awm laia han kal kha chu a fuh chiah lo deuh ani.
In ka thlen leh chuan ka pa bulah ka thu thla hnak a. "I va phur ta lo ve" alo tih chuan ka rum nghut ringawt a. Tv chu ka en daih.
Zanah chuan Rintluanga'n ka hna hmuh lawm na ang deuh reuh in zanriah ei chhuak turin min sawm a, ka hnial lem lo. Dar 4 bawr velah min rawn hruai a, an restaurant ah kal ka tih tlat avangin min hnial lemlo chuan kan kal a. Ka tum loh deuh in Jimmy leh Ruatfeli chu ka hmu a, min rawn hmu ang tih hlau chuan Rintluanga ban vuanin a hnungah chuan ka biru deuh ti tih a. Hmuh ka duhloh tehreng nen Jimmy zawk chuan Rintluanga chu a rawn bia a. Nui huah huah a, "Hmeichhe hruai tur te anei ve tawh" a tih chuan, "Sangpui anih hi" tiin Rintluanga'n chhang a, a nui hmel chu a tawp nghal hmak. Rintluanga phen atang te bak chuan ka en chuanglo.
"I hre lo mi hna a tlin thu kha" Rintluanga'n a tih chuan min en ngur in, "Hrilh ka ni ve lem lo a" a ti hmuk a. Ruatfeli'n a rawn auh avang chuan an thutna lam pan chuan a kal ta a. Keini pawh a chung lam panin kan kal nghal mai.
_____________________
Khum a mo kawr chu ka en a, ka nui deuh suk suk. Vawiin hi Jimmy nu leh pa anniversary ani a, a hma tang daih tawh a Jimmy nen kan sawi lawk tawh anih vangin ka phur hle a. Thu dang a rawn neih loh avangin kan thu rel lawk anga kan kal hle hle chu ka ring a. Mo kawr en chuan ka nui leh suk suk thin a.
Tlai anih chuan ka phi cheng tawh a, ka u chu min chei tura tiin ka tur chhen a, ka chhungte chuan min nuih min nuih ringawt.
Jimmy te in kan thlen chuan an lo tam tawh hle a, nutei leh patea te chu ka nu leh pa nen an inbe nghal luam a. Kei erawh in Jimmy ka zawng ru reng thung.
"AuSangsang" ka hnuai lam atanga Jimmy u fanu Estheri chuan a rawn ti a. Ka en chuan min lo en chho kiau.
"Hetiang kawr hi amawi ka ti" tihpah chuan ka kawr chu a pawt a. A biang a piai sak pahin a putea awmna a hriat leh hriatloh ka zawt a, naupang tih takah a ne ne kual vel mai mai.
"Pate khawnge Jimmy, lam a hun tep asin" tiin Jimmy pa chu ka zawt a. Khawi ah emaw a chhuah lawk thu in min chhang.
Light a rawn in off a, kawngkhar lam chu focus bikin light pahnih a rawn eng a, hall lamah kei min en bawk. Jimmy leh Ruatfeli chu inkaiin an rawn lut a, hrilhhai lutuk in ka en reng ringawt.
Jimmy leh Ruatfeli'n min rawn hmuh ve chu mak an ti tih hai rual lohin an hmel ah alang ve a, chutah Ruatfeli chu a tlan chhuak ta daih.
Jimmya'n a umzui a ka tlan chhuak ve nghal bawk. Gate pawnah chuan dingin a hawi kual a, ka thlen phei rual chuan "ka tihpalh" ka ti ngawt a. Mahse ka thusawi chu hriat hmel lem lo tak hian a hmai a tuai puak a. A hmel chu ka en a, hetiang taka hmel serious a put hi ka la hre ngailo.
"Ka.. ka tihpalh, engmah i sawi silo a kan ruahhmanna ang khan...." Ka sawi zawh hma hma chuan ka lam hawiin a rawn inher vut in, "Ni e, i thiamloh ani reng ani" a rawn ti hmuk a.
"Engmah i sawi..."
"Engkim hrilh tur che hian i pawimawhlo tihna ani mai" a rawn tih leh tak hrawk ah chuan tawlh hnung datin ka en a, mitui tling piau a ka en reng hnu ah ka insut hraih a, "Ka... Ka hrethiam e" tiin kan inlam panin ka kal nghal hlawk hlawk.
Ka vawikhat ziahna tur ania comment leh like kha min lo pek sak ve ula chuan comment dam a zir in ka rawn up ang aw. E! Chuan fb account ka neih loh vangin ka thiannu fake account ka rawn hmanga in lo hrethiam mai aniang chu😁



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:04 pm

Jimmy >> By Sammy


Chapter One √



Ka room kawngkhar ri dawp ah chuan ka hawichhuak zawk a, Jimmy chu kawngkhar nghenga dingin a thaw hlawi hlawi a. Ka lo melh deuh hraw vang nge nui hul hak chuan, "Hi!" a ti teh tawp a. Ka mit chet kual ralhin khumah chuan ka lehthla tawp.
"Nula room a luh tawp zel hi i chin tam loh viau aṭha ang" ka tih chuan ner nawng nawng in khum lam chu a rawn pan a, "Nula ini em ni ?" tihpaha khuma a rawn ṭhut thlak chuan chhuatah a let thla nghal tawp.


Timothy room rawn dak chuan "ewww" a rawn ti zuai raih a. Jimmy an thawhkan paha, "Timothy i nau hian min huatna anei tlatin ka hria" a tih chuan Timothy chuan a dar chhin akin, "I hmeichhe buaipui chhen kha a thik pawh ani mahna" a lo ti khauh a. A thusawi chu ṭullo ti zetin ka lo thaw hak thung.


"Khawngaihin Tim, he mihring hi ka hmu reng anih chuan ka sawisa chau vek duh mai ang" ka tih chuan Timothy chuan, "Ti teh Jim kalna tur kan nei ania" a rawn ti zat a. Jimmy chu khum bawka rawn lawn kai leh pah chuan, "Min hrethiam teh, i nau puihna dil hi ka hna ani rih a tin ni" a ti a, puan chu pawtin ka inlukhup hmak.


"A ṭha lawm engtin emaw i awm anih chuan min dem suh ang che" tihpahin kawngka chu a khar ri leh dawp a, Jimmy nui hak thawm in a zui nghal bawk.


"Sangpui i hmingah hian sap hming tel ve se iti em ?" Ka puan pawh pah chuan ati a, chhunglam aṭang chuan ka lo pawt ve ṭung. Eng eng emaw sawiin a rawn pawt a rawn pawt a. A rawn pawh a rawn pawh takah chuan ning zetin ka hlim pawp a, "Ka zawhna chu ?" nui sawng chunga atih chuan "Chhuak rawh" ka lo ti deuh bawl. "Nang hi, i u sawi ang deuh kha ilo nilo maw ?" a rawn tih chuan ka inkhuh leh hlun a. Timothy aw bawk chuan kawngka bul aṭang chuan, "Jim lo kal mai mai zawk teh" a rawn ti dut a. Jimmy pawh chu phun hluk in a tho chhuak a; Kawngka a rik dawp rual chuan chuan ka puan chu hlimin ka thaw chhuak hawk. Tukverh lam chu panin parda chu tlem ka keu kau a, Timothy in car a lakchhuah lai chuan Jimmy erawh in phone a hmang a, tu emaw tak abia ani ngei ang a nui suk suk chu ka zuk hmu a, ka chhunglam hi asa nghal hut hut theiin ka hria.


"Sangpui bialpa thar ka nei" a rawn luh hma hma a rawn ti tu vang chuan ka per nawlh a, parda pawh chu ka vai kiang nawlh thei. Ka posi lai lutuk arawn hmuh chuan min nuih chiam a, "Hei ka bialpa chu" tiin abialpa thlalak chu min hmuh a, zawi zeta khuma lehthlak pah chuan, "Kal teh, ka chau teh mai nia" ka ti a. "Body massage ka thiam asin" tihpahin a kut chu a elh ri kual vel a. Min kuai let nawk nawk a, ka chungah ṭhu tharhin ka dar vel chu a'n hmet nawk nawk a. Thiam tak chu nilo mahse taksa ati nuam ve phian.


"I muhil em ni ?" ti deuh dut dut ri chu chianglo ruaiin ka hria a, "Ka la mu duh ania" tihpahin ka inlet thak a. Engmah ka hre zui tawhlo.


Ka lo mu tlang nge ni ka harh chuan khua a thim vek tawh a, ka room light thim vek chu hmanhmawh zet a thoin switch awmna lam ka pan vat a, light ka on chuan ka thaw huai. Ka pum a rawn rik rawk rawkah chuan thil ei ka mamawh tih hria in choka lamah ka chhuak thla a.


"Ewwww" Timothy room kawta Timothy leh tu emaw lo infawp deuh ngawng ngawng ka hmuh chuan ka tawp chawt a. A infawp a te pahnih pawh tawp lemlo chuan an chhunzawm mial mial a, choka lam chu ka pan phei vat.


"Saw thil saw i hmu lo em ni ?" Mami tui lo in ka hmuh chuan ka hnung lam kawh zeuh pahin ka ti a. "Engah mah ngai suh, i u hi chuan tute mah hi a ngaipawimawh hran lo" a ti liam puat a. "Eng emaw ka siam ang che" tihpahin fridge chu a hawng a, kun kut kut in a hai nghal ri nghal rak rak.


"Mam ka nu ka ngai" chaira ṭhut thlak pah chuan ka ti a. Eng eng emaw dawhkana rawn dah in, "Ka hria lawm, Tim hian chawlh la se kan zin dawn nia" a ti a. "Keimah in ka lo zin anga, Tim nen a hnuah in rawn kal ve nga" ka tih chuan a lu thing mat mat in, "I tello chuan Tim hian ngaihna a hre dawnlo. Tim is the best ti khan ngaihtuah la ka nu leh pa i ngaihna chu a reh mai ang" a rawn ti a. Ka khabe dawmin ka ngawi zui daih.


Ka pa hian ahna hi bansan tawh nise chuan kan awm ho thei tur ania, Timothy lah hian an bula ka awm a phal der silo a, ka tun dinhmun leh lungnen nen phei chuan ka chau ngawih ngawih.
.
.
.
"Tho rawh le biangtai" tihpahin Mami chuan min rawn kaitho a. Choka ah kan inzui thla hnak hnak.


"Morning" Timothy excer la zo rawn lut chiah chuan a rawn ti var a, ka bul a rawn thlen phei in ka bekah a fawp zauh a. Lo nawr sawnin, "Nizan a i hmeichhe fawhna kha ala kai" ka ti a, a chal ti chuar nanga min en chu choka ah ka luhsan a. Mami nen a an inhau bawrh bawrh chu ka hre pha.


"Morning" dawhkan bawha lo ti var tu chu ning zetin ka en a, ka kut kuangkuah thanin, "In inei lo em ni ?" Ka ti thlawt a. Zing, chhun, tlai, zan thleng a a hmel hmuh reng hi ka ning ngawih ngawih.


"Ka ṭhianṭha ber in a ka leng chu i lo haw viau anih chuan ka haw mai ang" tiin ading uai a. Dan pawh ka tum hranlo, fridge a tui bottle la chhuak a ka in khawlh khawlh lai chuan ka hnung aṭang hian min rawn kuah a. Ka darah a khabe nghatin a awm hle hle a. Fridge chu khar dawpin ka inher a, ka nghawnga dawm bet nghal in, ka nghawng chu na zet in a rawn fawp a. Ka nam let nghal dawrh.


"Engthil nge thleng ?" Timothy in a rawn tih chuan Mami chuan, "I nghawng kha!" a rawn ti a. Ka khawih nghal vat, Jimmy ka en chuan a lo nuisawng a. Ka u te pahnih en chuan engmah pawh sawi lemlo in ka room lam panin ka tlan nghal daih a. Ka room kawngka chu nghengin ka awm ka dawm vang vang a, kha thil minute, nilo second leka thil thleng avang khan ka lungphu hi a diklo nghal vek in ka hria.


Full mirror ah ka nghawng chu ka ve en a, a duk kual deuh kalh lai chu khawiin ka nui sak a. Keimah ah lang thei a a chetna awmchhun ani. Ka rilru ngaihtuahna zawng zawng hi amah ah hmang mah ila ka ti lang ngai lem lo a, keimah ah hian a lang lo ani tawp. Mahse he love bite hian min ti lawm viau mahse ka lawm erawh a kim theilo; ka tana love bite hi atan chuan inrunluihna thil mai mai ani leh dawn tlat.


"Sangi kawngka hi minlo hawn teh" thatchhe zeta a rawn tih chuan dawhkantê a box awm chu la in kawngkhar chu ka vawm a, "Thlawk bo rawh" ka ti zui tuar.


Thawm chu a reh zui hmak a, lungawi lo ru tak si chuan inbual turin bathroom ah ka lut zui a. Tui vawt zet a inbual chu ka thluak thleng hian min tleng faiin ka hria. Ka underwere hak tur ka lak chhuah dawn lai tak chuan ka hnunglam tukverh chu a ri rawk a, a lehhawi rang ngang mai.


"Hey nang hi...!" Tihpah chuan ka towel ven lai chu la vuan nghet a, ka kut lehlam in ka drawer pawhdawh sa chu ka dawm ran bawk.


"Nang hi i chiang chiahlo takzet em ni? Nula room a luh tawp tawp hi thilmawi tak ani in i i hria em ni?" Ka tih chuan ka drawer vawnna kut chu a en ran a. "Engthil nge i en a ?" tihpah chuan ka kut chu ka en a. Underwere senno ken chu a en emaw ni.


"Nang hi! Lehlam hawi rawh" tihpahin ka thil ken lai chuan ka vawm a. Keipawh chu rang fahran in ka inthlak nghal sawk sawk.


"Awle engvang tukverh aṭang.... awi" tih pahin a lu a underwere chu ka la a, ka hnungah ka thukru vat. Amah lah chu a nui ang vur vur lehnghal.


"Enge i nuih, nula room a luh ruk chu a nuihzatthlak viau em ni ?" Ka ti fak a.


"Nilo e, i nghawng ami kha i inhmeh lutuk zawk a" a tih chuan ka nghawng chu ka hlaih vat a. Hnuai lam melh in, "Aa, aa... chutiang mai mai sawitur a rawn kal inih chuan chhuak tawh rawh" lai ang reng tak chuan ka ti a. Khuma lehthlak tawp pah chuan, "Kan awmdun lohna a rei tawh em hi, min ngaihna chhe te mah hi inei ve lo em ni ?" a rawn ti a.
"Ka u ṭhianṭha ber chu engvangin nge ka lo ngaih ve ang" a tih chuan a mitko a rawn san zauh a, "He inah hian i u vang ai chuan nangmah vangin ka rawn chuangkai tam zawk a. Chuti chung chuan min ngai ve lo amaw? Kei chuan ka ngai viau che sin" a rawn ti zawih ruih a. Min en ngur bawk nen ka awmdan a ti diklo zo takngial dawn.


"Ummmm...."


"Ka sawi hi pawm mai rawh, min ngai lutuk alawm. Chuan bialnu ka neilo, i hria em ka tana pawimawh ber chu ini leh tawh. Ka laka thinrimna nei ang maia khawsak reng hi bansan teh" a rawn ti hluk a. Kei erawh ka awmdan apangngai lo a, ṭap mai tur ang hian ka awm. Bialnu a neih avang a thinrim turah min ngai a, a laka ka feelings neih avang hlat ka ni tih a inhre hauhlo. Chumai pawh nilo in bialnu aneih takloh vangin ka lakah tlaktlum tumin min rawn hel ania. Nilo, nimin ah pawh khan min puih dilna atih zawk kha mawle. A tan hi chuan a ṭhianpa nau fel em em bak nihna ka nei miahlo.


"Biangtai tukṭhuan ei a hun aw" Timothy in kawngkhar kik dat dat paha a tih chuan ka chhuk thlak vat tur thu in ka chhang a. Ka khuma mu chu melh in, "Jimmy khawngaih takin min ti buai suh" ka ti thlawt. Ani lah chuan ka nghawng chu rawn kawh pahin, "Ka thil vang khan ka tel kherlo pawn a tibuai ang che. Min puih chu remti mai rawh"..... Ka sawi reng kha, a ṭhianpa nau fel tak bak nihna ka neilo.


A awmdan mi palzam lutuk te chu ka ngei thar a, keimah zawk chu inhnuaiah ka chhuk thla daih.


Timothy office kal turin a insiam a, mami pawh hotel lam kal turin a insiam bawk. Ṭhutkhawmna pindan a kan ṭhut ṭhup lai chuan Jimmy bawk chuan, "Tim vawiin chu inau hi ka lo hawh teh ang a" a rawn ti a. Timothy a lehkha remkhawm a buai mek chu rawn hawichhuak in, "Inah awm angai" a rawn ti hmuk a. "Oh! Anih reilo te tal" a rawn tih leh hram chuan a ke ah ka rah sak a. A ṭhen nghal chawk chawk.



Mami a chhuak hmasa a, Timothy a chhuah ve dawn chuan ka beka fawp in "vawiinah fel deuhin lo awm la" a ti thlap a. A ding leh deuh ren rawn hnuah a chhuak thei hram.



Tihtur hrelo in ka thap kual vel mai mai a. Ka nun ram hi a chau ani. Jimmy laka feelings ka nei tih ka hriat hnuin theihtawpin ka hlat a, bialnu a nei bawk a kan hrang hlawk hi ani mai. Mahse hlat tum e tilo hian a bialnu nei avanga min ngaipawimawh lo lutuk chu ka rilru te ka lo tina leh ṭhin a. Ka pangngai chho viau dawn tihah amah hian min hel min hel leh bawk si. Mi chuan duh annei emaw, hmangaih an tawng a nih chuan a hlimpuiin a nung sarh ṭhin ani a. Kei ve chu ka bula a awm hi chuan ka ṭah hi a chhuak nghal run zel a, ka taksa ṭang lutuk ka ban ka hmerna lamah te hian mahni te hi ka lo inhmer na leh vak ṭhin. Ka tan chuan a bula awm ringawt pawh hi natna ani.


Noted: Hemi thleng hi ni rih se, ka type lawk loh vangin a thui vak theilo a min lo hrethiam dawn nia, chuan ka thawnthu ziah khi chhiar ahar maithei a, thawnthu la ziak miahlo leh chhiar ngailo rawn ti ve rawih ka ni a. Ṭawngkam hman diklo deuh ka nei anih leh chhiar a har viau anih chuan comment lamah lo sawi zel ula insiamṭhat ka lo tum zung zung zel dawn nia.


Chuan i chhiar zawh ah ads click leh a chhunzawm zel chi leh chiloh kha comment min lo pe leh dawn nia aw ☺️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:04 pm

Jimmy by>>> Sammy


Chapter two √



Tlai lamah Timothy nen bazar turin kan chhuak a, mak deuh maiin Timothy hian min bazar pui hi a peih em em a, ka chhuah dawn a min chei emaw ka thawmhnaw hak tur thlan te hi nuam ati zek ṭhin. Mahse unaua inpawh taka awm chu anuam ka ti a, ka unau te lakah hi chuan ka thla hi amuang ngawih ngawih mai ni.




"Thlaihnah tlem lei ila kan haw dawn nia" a tih chuan ka bu nghat a. Thlai dawr lam panin kan kal nghal. A thlai duhzawng zawnga kan kalkual lai chuan ka kutah min kai reng a, dawr pakhata awm lai chuan, kan hnung lam aṭang hian Timothy chu a lu ah tu emaw in a rawn beng ri tlawrh a, kan hnung ka en chuan hmeichhe pakhat hian Timothy chu rum mangkhengin a lo en ngur a. Timothy tukkhum tuai vut vut paha arawn hawi chuan hmeichhia chu a meng awk a, "aa aaa, ka tihpalh lutuk. Ka hai che a" a ti nawk nawk a, kal leh mai tuma a inher chuan Timothy chuan a kawr hnunglam chu a ṭham tawk a. Hmeichhe chu rawn let nawkin hnung zawng chuan Timothy a rawn delh nawk nawk a. Hmeichhia chuan, "Min thlah rawh" a ti ṭhat a."Kaltir teh, haw vat ang" ka lo ti hluk.



"Hey hey, nang leh kei hian inzawmna eng emaw tak chu kan nei. I ti ve lo maw ?" Ka hnung aṭanga ka dara rawn kuah liam tu chu ka melh hrek a. Ala nui ang sawng zui a ah.



"Jim ilo va hruai haw mai thei angem ?" Timothy chuan arawn ti a, awihlo zetin ka lo thaw hak.



"Thehreng" Jimmy in a tih chuan thaw hak in, "Hah... keimah in ka haw thei reng" ka ti hlak a, a dara min kuahna chu ka thing thla nghal a ka kal chhunzawm hlawk hlawk.



"Khawiah emaw hruai duhna che ka nei ania" a rawn tih pawh chuan ka kal puat puat ringawt a. Ka duh em tih pawh chianglo tur khawpin a ninawmna hian min ti haw takngial dawn.



Kawng lehlama Ruatfeli ka hmuh chuan ka ding dat a, ka hawi let chuan ani pawn min rawn pan reng chungin Ruatfeli bawk chu a en ve.


"A chhiatloh zia saw" ka bul arawn thlen chuan a ti nghal sur sur a. Kawng lehlam tak chuan ka thik ani, ka mipa duh em em in ka hmaichhanah nula dang a fak ania. Ka thaw hak a, "I duh chuan i pan thei, Rintluanga'n min rawn lam dawn a" ka ti a. Min rawn enthla vut. Min en chiang leh lutuk avang chuan hnuailam ka melh daih a. "Thutak hi sawi ve ṭhin teh, Rintluanga biakna hun inei lo tih chu ka hre vek" a rawn ti nghut a. Ka inrin hma chuan ka hnungah min rawn beng thuk a. Ka eu zui awrh. "I der dep ang reng sia" tihpah chuan min rawn beng leh a, ka tlu sawp nghal nuaih.



"Oh! Ka tihpalh lutuk" nuih za aw zet a min rawn kaithawh chuan ngei zetin ka melh a, ka ṭap dawna ka inhriat avang chuan hnuailam melhin ka kal zui leh nal nal, ka hnung aṭang chuan min rawn ko a ka bengkhawn eih lo. A vawikhat min ben naah derdep min ti a, khati khawpa derdep chu min ben nawn kher pawh kha angai hlawl khan ka hrelo. Ka ngei ngawih ngawih.



In ka thlen chuan mami pawh alo awm tawh a, "Tinge i ban kha" a tih chuan ka en vat a, ka kiu hnuai chu tlem alo pilh hlek chu niin. "Tim khan Jimmy nena inrawn haw thu a sawi si a" chal ti chuar nang chuan arawn ti leh a. "Haw lo, Ruatfeli a hmu a chuan...." sawi zawm lo chuan ka ban chu ka phar hluai a. "aa ka banah hian damdawi min hnawihsak theih ngem ?" Ka ti ta ngawt. "Awle, han intifai la kan hnawih dawn nia" a ti a room ah ka tlan chho nghal.



Ka intihfai chhung zawng chuan min ben dan ngawt chu ka ngaihtuah a, min ben thluk hnua min nuih leh te vang chuan ka hua a, hetiang mipa ka duh hi mahni ka inhaw tel nghal ngawih ngawih bawk.



Mami chu rawn chhoin ka banah damdawi chu a hnawih a, rin aiin a thip zek. "Naktuk ah kan bazar dawn em ni ?" a tih chuan, "sunday alawm" ka lo ti vat. "Awwww, ka haihawt lutuk a" tihpah in anui hak hak a, za vaklo chuan ka nuihpui ve suk.



Mami hi kan upa ber ania, ka nu leh pa awmloh chhungin inchhung engkim aman a enkawl a, kan chhungkaw sumdawnna hotel lam a enkawl pah bawk a, mahse heti chung hian chau hmel leh hlimlo hmel a put hi ka hre ngailo. Kei ve chu ka tluk vang mai mai ten ka ṭap thei a ka chhun lo takzet ani.




Zanriah ei kham chuan sitting room ah kan ṭhu ṭhap a. Tu amah phei chu kan inbe lem chuanglo a. Kan ṭhut ngawih rauh rauh hlawm lai chuan, "Timothy vawiin khan Biangtaii leh Jimmy an rawn haw thu kha i sawi si a" Mami chuan a rawn ti thut a. Ka ṭhutna ṭanga tho chhuakin, "Ka... ka mu tawh mai dawn" ka ti sap a, ka pensawn zui.




"Ṭhu rawh" Timothy aw in a rawn tih hmuk chuan ka hawi zawk zawk ringawt a. "Ka hmuh lai chuan an kal rual ngei alawm" Timothy chuan a ti leh nghut a. Mami chuan engmah sawi tawh lo se ka ti takzet, "Oh! Mahse amah a arawn haw bakah hliam a rawn nei haw" mami'n chiang fek fawk a atih chuan Timothy chu a ding zat a, min rawn dinchilh rual chuan min thlek kual nghal a, "A banah khan" mami'n alo tih leh chuan ka ban chu ka vuan vat a. "Aaaa engmah pawh ana tawh lo..hehe" ka nui lui ngial a. Mahse ava han awmzia lo ber. A kawng dawm ata dingin, "A rawn thlah lo che em ni ?" A tih chuan engtin nge ka chhan ang tih ka ngaihtuah nghal rauh rauh. Jimmy min namthluk vanga mahni a haw ka nih thu ka sawi vaih chuan Jimmy chu a sawisa duh mai dawn a, mahni a haw ka duh vang hrim hrim a Jimmy kalsan ka nih thu ka sawi chuan a tello a ka chhuah mai mai aphal dawn silo a. Mahse a tawp a tawp ah chuan ṭi duiin hauh inhuam zet chuan, "Aaa keimah a kal kha ka duh zawk a, chuan Jimmy kha ka tlanchhiatsan" ka ti ta ngawt a. Timothy chu thaw hawkin, "Han mu phawt teh" a ti a. Min haulo chu mak ti zet in ka en a. "Hauh kher i duh em ni ?" A rawn tih chuan ka lu thing nawk nawk in ka tlan chho nghal a.



Zawi zetin ka mu kar a, mutthilh tumin ka mit han chhing ṭhin mah ila ala hma viau vang nge ka mu thei der lo. Ka phone chu la in ka enkual a, whatsaap message ho chu en in group message ho phei chu ka clear pawp pawp. Instagram leh facebook a ka luh kual leh hnuah ka phone chu ka dahthla leh a, mutthilh in beisei ru deuh tak chuan ka mit ka chhinga mahse ka tukverh ri rawk rawk ah chuan ka meng leh kawk a, ka en chuan Jimmy chu a rawn lut ṭual ṭual a, ka ṭhuchhak vat.



Thawk deuh hawk pahin tukverh chu akhalh ṭha a, lawks engtin nge a rawn luh theih ni tukverh kha ka kalh ve ngei khan ka hre si a.



A hnung aṭang chuan pangpar bawr hi arawn lek chhuak a, ka mit ka lo chetkual ralh thung. "Ka ben thluk vang che khan ka tihpalh lutuk. Chuan a hma zawng zawng pawha ka tihbuai ṭhin che vangin" a rawn ti a, vut tlukah ka ngailo. Naktuk anih chuan ka roomah a rawn lut tih pawh hi a hre tawh kher lo ang.



Ka mu thla leh a, a ṭawng reng te chu engah mah ka tilo lui a. Tuna ka rilru diktak chu Timothy hnena thudik ka lo hrilh mai lo kha ka inchhir ṭan tawh. Lo hrilh ila chuan he mihring hian min tibuai tawhlo nimai tur. Hnunglam aṭanga ka kawnga a rawn kuah vang chuan ka au chhuak dawn a, mahse ka au hmain ka ka a rawn hup hman. "Shhh.... intihbuai reng hi ka peihlo. A hma anga awm leh kha ka duh chu ani mai" a rawn ti su su, a thusawi te chu ngei zetin ka tukkhum chuan a hnungtauh chawrh a. Rak ṭhatin min kuahna aphelh a talchhuakim khum aṭang chuan ka tlawhthla nghal tawp. He mihring hian eng ang chiahin nge min lo hmuh ni; hmana collage kal tir amah zui duan duan ṭhin angah tur khan min la ngaiin ka hria a, chu chu ka haw em em bawk.


A rawn thawhkan chuan ahnar chu a rawn dawm a, a dawmna kut ah chuan thisen akai deuh nian bawk. Ka hlauthawng a ban mai ka tum chuan ka hmulo der ta zawk a, a phu rengah ka ngai ta hmiah. En lo awm tak chuan ka muṭha leh a, phun hluk chungin kawngkhar pangngai aṭang chuan a chhuak tih ka hre thei.


Kawngkhar lam pana ka kal phei ṭhem ṭhem chu kawngka rawn inhawng leh avang chuan ka vir zawk a, khuma ka phone rawn ri chu ka panhnai nghal ruak.



ZAWMNA......


"Eng nge ilo tih kha" Jimmy in a tih chuan ngai pawimawh lo zetin phone ri chu ka la a. "Aw Rintluang" ka tih rualin ka phone ken chu min rawn chhuhsak a. A hnar vela thi kai luau chung chuan, "Ka zawhna chhang phawt teh, kawngkhar bulah khan eng nge ilo tih ?" A rawn tih chuan ning zeta thaw hawkin, "Ka chhuak duh tihna ani mai a" ka lo ti liam puat a, rum nghut pahin ka phone ahmet zui neuh neuh.


"Min pe rawh, mahni thil lo hi khawih chin tamloh a ṭha" ka ti nghut a. Min pe ve mai bawk. "Ka hnar iti thi ringawt ania" a tih chuan "i phu tawk chiah" tiin ka chhang a, ahmui ati sawi duh lek chauh. Khum bula drawer chu hawngin first aid box chu ala chhuak a, phun nuah nuah in amah chuan a inbuaipui zawm malh malh. A zeilo lutuk chu a tawp a tawp ah chuan keimah bawkin ka buaipui leh ta tho a.



"Naktuk zingah i tukverh zawna pangpar khu i chhar dawn nia, ka rawn ti thla ṭhen nual a" a hnara lapua ka hnawh lai chuan a rawn ti zawt zawt a. "Engvanga rawn lawn kher ṭhin nge inih a ?" Ka tih chuan, "Kawngkhar aṭang chuan Timothy ka hlau alawm" a ti ve mai a. Ka nuih aza ru ang reng phian.



"Ka tihpalh ka tih tawh kha aw, ka tum vanga beng thlu che pawh ka nilo" inthiam lo ve hmel zet chuan a ti a. First aid box chu ka chin ri khep ringawt. Chhang lemlo chuan ka dah let a, "I chhuak thei tawh em? Mut ka duh" tihpahin mutmu ka rem a. "Ka sawi chu,min ngaidam dawn em?" A rawn tih chuan ka bu nghat ringawt a. Sawi zui vak ka peih lo a, ani chu ṭawngkam thiam tak ani a, a insawi a insawi chuan kan inhnaih leh tial tial anga. Duhna hi vulh len ka tum loh ro ro avangin a hlat thei ang bera ka awm angai miau a tin ni.




"Ka hrethiam e, naktukah ka rawn kal leh ang. Muttui le" tihpah chuan ka chalah a rawn fawp a, ka mit meng lo mah ila ka biang tuaia a reh vung vung avang chuan min en a nih ka ring a, chuan ka rindan chuan min ti mur uai uai bawk a, ka chala a rawn fawp ringawt pawh kha ka beisei lawkloh ani nen tuna ka awmdan hi chu thlahrang hmu thut ang ho ang hian ani awmni.



Kawngka a inkhar rik rual chuan ka meng a, step chhuk paha a ṭawng pawh chu ka hre pha. Ka chal a fawhna chu ka khawih a ka nui suk. Enga! Nilo kei hi min fawh avang khan thinrim zawk tur ka ni asin. Mahse tun maia a thil tih avang khan ka huatna pawh a reh nghal vek lawi si.



Tho chhuakin tukverh lam chu ka pan a, parda chu zim te a keu kauin hnuailam chu ka en a, Jimmy chu a bike ngheng in thatchhe set hian a ding a, a phone a bih ve ngur bawk. Ka en reng lai chuan room lam chu a rawn hawi chho a, rang zetin parda chu ka thlah nghal. Ka thaw dep dep a, min hmuhman angem tih mawlh chu ka rilru ah a awm a. Minute 1vel ka din ngawih reng hnu chuan ka bih leh dek dek a, phone a lo hmang tawh thung. A bike chu a ti nung vut vut a, a tlan chhuah dawn chuan rawn hawi chho leh in ban a rawn vai anih chu! Vir lek zawkin khumah ka inkhuh leh nghal hlun a. Ka phone chu hla in Kodaline hla All I Want chu ka play a. A hla chuan min hneh bawk a, a mood a cheng em em chuan ka mit ka chinga. Jimmy nena kan hun hman tawh te ka ngaihtuah let phei chuan mut chhuah a hnek in ka mittui a parawl kuang a. Ngaithla chhunzawm theilo in ka off ta tawp.



Hmanah chuan Jimmy nen hian kan inkawmngaih hle ṭhin a, kei ai erawh chuan aupa deuh na min duat in min duhsak em em ṭhin. Higher ka kal lai thil ania, Jimmy chu college akal tawh thung. Higher ka pass chhuah a college ka zawm ve aṭang khan kan inkar hi a fu hleithei tawh lo a. A hma chuan Jimmy nunah hian pawimawh ber niin ka inhre ṭhin a, mahse ka hmuhphak baka a awmdan ṭhin ka hmuh chuan kei chu in a awm chang a a in awm tleina ka ni tih ka inhre ta. Jimmy chu a chhelo a, a hmelṭha in an hausa bawk duhtu a ngah bakah college ah chuan play boy tiin a lar hle a. A chhan pawh ni li chhung aia rei hi tumah affairs a neihpui ngai tlat lo. College ah chuan hmelhriat kan ni ta lova, chuta ṭang chauh chuan ani a lak a feelings nei tih ka inhriat. A tir ah chuan a reh ve mai ka ring ṭhin kha ani a, mahse tunah hei kum li zet ani tawh a reh lam aiin zual lam zel apan ani mai bawk si.
.
.
.
Mami'n hotela min hruai ve atum avangin ka insiam a, ka la zawi em em zui. Ka phone message tone vang chuan ka phone chu ka thlek vut a, Rintluanga message ani tih ka hriat chuan ka en vat *zaninah zanriah kan ei chhuak thei ngem ?* tih hi alo ni a. Ka reply dawn lai tak chuan call a rawn lut nghal a. Ka lak rual chuan, " 'aw' ti a min chhanloh ka hlau em a, ka rawn call tawp che" a rawn ti thawr a. Ka nui hak. "Thutak deuhin zanriah ei chhuah dun chu i hman angem ?" A tih chuan, "Ka hreli,Timothy ka lo dil anga ka rawn hrilh leh dawn che nia" ka ti a. Hrilh ngei ngei tur a min chah mawlh mawlh hnuah a dah a. Keipawh ka bag chu la in ka chhuak thla zui nghal.




Kawngkapui bulah chuan Timothy nena kan bazar ni mi kha alo ding ran a, a inthlahrun hmel viau. "Hii" step a la ding chuan ka ti a. Min en phawk ngang mai, "Khata ding reng lo khan min rawn zui rawh" Timothy chu choka aṭanga rawn chhuakin a room lamah a tlang vut a, chunu chuan min en zak zak in a zui ve nghal.



"Kan kal zawk anga kan haw leh vat dawn nia" Mami'n a tih chuan ka 'Umm' a kan inzui chhuak nghal. A sawi ang tak in reilote kan va awm a, keitak phei chu ka ṭhu mai mai. Kan haw chuan kawng a tawt ngang mai a, kan din lai a kawngsir ka hawite chuan tleirawl te te inngaizawng, school bang niawm tak kut inkai rial a kal ka hmu a, en pawh en rei peih hlawm lo chuan hma lam ka melh ding ngar.



"Jimmy tan surprise tur i ngaihtuah tawh em ?" Mami'n a rawn tih chuan ka en zawk a. Chawp leh chilhin Jimmy birthday kan hnaih tawh hle tih ka hrechhuak nghal a. "Aih, ka theihnghilh daih a" ka tih chuan alu a bu nghat nghat a. "Umm chuan engtin nge itih tak, hmalam pan i tum nge i zep reng ang ?" A rawn ti a, kei ka lo thaw ri hak. Ka u te pahnih hian Jimmy lakah ka feelings neih hi an hria a, Timothy chuan a ngai thutak lemlo niin ka hria a, mami erawh chuan rilru inkhap leh ngaihtuah buai reng ai chuan hrilh mai turin min ti ṭhin a. Nat dawn chuan nat law law a, ka rilru ang alo pu ta hlauh anih leh hlim ani mai a tiin a sawi ṭhin a, mahse chiang taka min hnawl tur chu ka ngaingam ngang lovin risk lak ka ngam thlawt lo.


Kan tlan chhuah leh rual chuan ka phone a rawn ri a, ka nu anih vang chuan phur zetin ka la a, "Aw nu" zangkhai vah ah ka tih chuan, "Khawiah nge i awm a ?" a rawn ti a. "Hotel lamah mami ka zui a, engtin nge inah ka awmlo tih i hriat ?" Ka tih leh chuan, "Kan rawn haw ve em em a, kan fanu duatlai in min lo hmuak silo a. I pa phei chu a ṭhu tum luau mai" a rawn tih chuan ka ṭhu mar awt a. "Maw!! In lo haw maw?" Ti chul in Mami lam chu ka en a, a hmalam en in alo khi ve var var. "I u ten an hrilh lo che em ni ?" a tih chuan min hrilh loh thu chu vui aw lek lek in ka hrilh a. "I u te chu kan hau dawn nia, lo haw vat vat rawh i thil tur tamtawk ka lo hawn ania" a tih chuan ka phur lutuk chu motor seat ah chuan ka su awt awt hi ani mai.



"Mam khalh chak teh, anu te anlo haw. Tinge Timothy nen engmah min hrilh ve loh" vui aw tak chuan ka ti a. Khalh chak deuh pah chuan, "Surprise che kan tum a, mahse anlo haw hma lutuk a" a ti a. Ka phun zui nuah nuah.



Kan inkawt ah chuan Pickup pahnih hi alo ding a, ka nu leh pa ka hmu chak tawh lutuk chu Mami din pawh din fel hma hma chuan kawngkhar chu hawngin ka zuangchhuak a, ka ke la bilh zui! In lam pan chuan ka bai phei a, ka ke lah chu ala na hrep zui. "Nu" luh pawh ka luh hma hma chuan ka ti vak a, ka ke vang chuan ka tumloh deuhin ṭah aw ka la tel zui. Sitting room ah chuan anlo inchap hnawk nuai a. Ka nu lo ding chu ka pan a, ka va kuah nawk nawk. "Ava mak bawrh bawrh ve" ka pa in a rawn tih ve chuan ka thu thla ve a, a biangah te ka zu fawp nawk nawk a. "Kha kha kha, i pa kha a chau te ania" ka nu chuan min rawn khap a, ka pa erawh anui huah huah thung.



"In rawn theng tawh a ?" Timothy chuan hnunglam aṭangin a rawn ti dut a. Amah ka en nghal vat, "Pa, Timothy leh Mami hian inlo haw dawn tih pawh min hrilh ve lo" kawngka lama mami rawn lut mek hmertel chuan ka ti a. "Aww hei kan lo haw tawh tho lawm" ka nu in alo ti a; Ka hnar ka tum dat. Ka ke arawn nat zawk chuan ka ke bilh chu hrechhuakin ka bawp lehlam chu ka dawm a, "Pa ka u te hian min duatlo lutuk a ka ke pawh ka bilh zia" na tih hmel fe chuan ka hmel ka siam vel a. "In duat loh vangin ke a bilh theihloh, Timothy i nau ke chu han ek sak teh" ka nu chuan alo ti zat a. Mami leh ka pa an lo nui char char. Timothy in ka ke a khawih vel lai chuan na tiin ka ṭhen chawk chawk a. Mittui nen ni pur e tilo chuan ka u te pahnih chu min duatlo tiin ka nu leh pa bulah chuan thil ka sawi zawt zawt a. La thutak lo zet hian annui vek a, ni e phuahchawp bak engmah ka sawi miau lova, mami leh Timothy pawn engahmah an ngai lo. A chang leh ṭahnui chungten ka sawi a, ka chhungte chu ka ti hlim ta phian.



Ka nu te chu rawn haw satliah emaw ka tia, mahse ka pa pension kum alo ni tawh reng a. Khua hi ka var lo ṭhin bik khawp mai.



Chaw ei lai in ka pa in, "I nau hi inlo duatlo tak tak ami, ava cher ve" a rawn tih chuan, "Pa min hau lo antia maw hmanah pawh ka tluk vangin Timothy leh Mami'n min hau ṭep. Timothy khan mim vin a ṭap hmasa lo ila chuan min hau vak ang" ka ti vei zar zar a. Ka nu chuan, "I chhe zit zet, u te hek hrat" alo ti ve bawk a. "A cher chhan maw pa..?" Tihpahin Mami chuan min rawn en ralh a. Ka hlauthawng leh nghal vek. Jimmy vanga chaw ka ei theilo leh ka zan mu theilo ka taksa ah a lang chhuak nasa a, mami kerkawr lah hian lo hrethiam vek zel. "Ngawi leh vung vung a, sawi ta che" Ka pa in an-tui hawp puk pah chuan ati a; chaw pawh bar theiloin a thusawi tur chu ka ngaichang ran. "Aww a lung aleng a, zanah pawh amu thei hleinem. Zanin chu in riahhhi pui angai ang" a rawn ti a ka thaw huai deuh huai mai. Ka khamsan nghal a. Room ah ka tlan chho nghal nal nal.



Note: chapter 3 tunah ka type leh dawn chiah a, changlo law law mai ru aw zinglamah ka rawn up ang ☺️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:04 pm

Jimmy>>> by Sammy

Chapter Three √


Room ka luh chuan Jimmy alo ṭhu leh vang tawh, ka mood a fuh viau nge ni khuma alo mu pawh chu hau miahlo in, "Jimmy, ka pa te an rawn haw asin" ka ti var a. An thil min rawn hawn chu la chhuak hlawmin ka hmuhtir ve a, a keimah hi ka phur lutuk nge a hmel te chu ka hmu hlim ve vek.




"Enteh hei, ka teddy bear duh deuh ang pawh kha min rawn hawn" tihpahin ka lek kang a, "hmm thingtlang aṭang an rawn hawn ai chuan nikuma ka lei che kha aṭha fek zawk" a rawn ti a. Ka teddy bear ken lai chu melh vutin, "heipawh amawi tho lawm, zanah mutlumpui tur ka neih belhah a aṭha asin" duh zeta teddy bear en chuan ka ti a. Ei loh hmel fe a min in, "Keipawh ka awm a, naute lem mai mai mutpui rual pawh ini tawh lo" a rawn ti leh hmuk a. A thusawi chu ka'n ngaipawimawh lo khawp a, ka thil chap darh ho chu ka la kiang zung zung.





"Ka rawn riak dawn nia" tihpahin a zangthal hawr a, ka en reng ringawt. He mihring hian a lak aṭangin ka hrang mek tih hi a hmu thiamlo nge, min runluih zawnga chet hi a duh ve hrim hrim zawk. Khum bula ding chuan ka chhuk en run a, "Hetiang hian awm fo lo teh, ka rilru tur te hi ngaihtuah ve la; i awm ve hian ka thla amuang lo anih hi" ka ti a. Rawn tho chhuak in, "ka englai hi nge i huat tak em em a, ka ngaihsak ang che bialnu ka neilo ka tih pawn ṭha taka awm i tum hauhlo" a rawn ti a. "Bialnu inei emaw neilo emaw avanga hlat che ka ni em ni? Tupawh kawp la ka engah vak a thawk lo. Chuan keilo hrechiang chak che an tam a kei a hmu peihlo tu ber che hi min tibuai tlat teh suh" ka ti fiah chiang felfai fak a. A khap zak zak ringawt. "Khami ka thusawi kha ila thutak em ni, ka..." a sawi zawh hma chuan a nawr in ka nawr chhuak a. Khumah chuan ka ṭhu tau sawk sawk.





Khami ni kha ka ngaihtuah let a, Jimmy laka ka beidawn chian em em ni kha!





College a kan inbiak tamloh avangin college ah ro ro chuan achanchin ka hre khat viau. Lehkhabu chhiar a Library a ka ṭhut melh melh lai chuan ka dawhkanah chuan Senior pakhat arawn ṭhu ve a, "Sangi ini em ?" Hmui phuna a rawn tih chuan ka lu ka bu nghat a, "Jimmy an a ko che" tihzawng a sawi a a kal leh daih a. Inkhung ṭha sawk sawkin ka chhuak zui a. A awmna a sawilo nen ka zawng kual hrep a hrechhhuak thutin hall lamah ka kal vat. A ṭhian ṭhenkhat te nen anlo ṭhu a, koh mai ka'n tum chu pakhat hian "Sangsangi hi a chhelo reuh ka ti bialpa a nei em le" a ti a; Jimmy an, "Engatan nge i tih a ?" A tih chuan "ka chhuahpui duh a" a ti veleh a Jimmy chuan uar fe a ding hian, "Engtin nge i duh theih, a pian cher lutuk te hi mawi iti em ni? A hmui lian lam mah leh a hnar tê takte te hi amawi iti em ni? Sawm duh suh, a duh chuang lo ang che" a ti deuh buan buan a. Pakhat in min rawn hmuh chuan, "Umm Jimmy, i sawi kha i inchhir leh vek thei ang" ka awmna lam hawi paha a tih chuan an rawn sawi ṭhap a. Jimmy an "nilooo" a tih sap ri chu ka hria a. In her in ka kal zui mawp mawp a, ka hnung aṭanga min rawn auh pawh chuan ka kal mawp mawp.





"Ding teh" tihpah chuan min pawt her nawk a, ka rak ṭhat thei. "I thu hriat kha engmah a diklo" a ti deuh tawl a. Hah, ka beng ngei a ka hre chung pawn a diklo ala rawn ti ngam ania. "Englai kha nge diklo, a dik vek alawm. Ka cher a, ka hmui a lian ka hnar a te a, beng hlai tak ka nei bawk" ka tih chuan, "La kawi suh, kha chu chhuahpuia asawm che ka hlauh em avangin ka sawi anih kha" a rawn ti a. "Engvangin nge chhuahpuia min sawm leh sawmloh tur chu ilo buai ve ?" Ka ti let fak chuan, "Aaa, umm... ka... ka nau inia" a rawn ti nih chu!





Khata ṭang khan kan rilru put chu hrang hlak tih ka hre ta, ka inla hrang ngar ngar a. Grace-i leh Rintluanga nen kan inkawm tam a. Jimmy ka hmu khat a, min hmuh chuan thinrimna nei ang mai hian a awm ṭhin.





Ani chuan kha thil vanga la thinrim turah khan min ngai a, mahse a ni der silo. Awm bo ila ka duhna hi areh angem tih te ka ngaihtuah a, ka bul hnaia a awm reng hian na min siam a, duhloh phah a hnekin a ni telin ka duh zual zel bawk si.
.
.
.
.
College kan kal a, vawiin hi kan last day ani ve ta. Vawiin tih loh ah chuan Graduation day chiahin min hmuak a, tunah chuan ka chhungte pawn puitling tak angin min hmu ve tawh bawk anga.





Mahse vanduaithlak takin nilengin Jimmy hian min zar buai a, awm ngaihna ka hrelo ṭep tawh. In ka haw chuan Mami hnenah bawk ka sawi leh a. "Min ti buai reng anih chuan engtin nge ka theihnghilh theih ang" ka ti hap a. "Ngaihtuah teh, intihbuai tir mai mai la. Reilote bak ati buai leh peih teuhlo che. Ngaih takin lo awm la, i bula a awm chunga i duhna tih reh i tum anih ngat chuan aṭha viau ang. Party emaw khawi khawi ah emaw te zui la, a nundan i hmuh sak kilhkelh chuan i duhna a reh hmak thei asin" a rawn ti a. Ka inngaihtuah nghal rauh rauh. Intifai turin room ah ka chho a, Mami sawi chu ka ngaihtuah leh neuh neuh a. Ni e, a tal tal hian tal tir ila, arei lovang; mahse chumi chhunga ka inven ve erawh a ngai via dawn thung ani.





Rin lawk ang ngeiin zanah tukverh aṭangin a rawn lawn a, khum aṭang chuan ka lo en kar. "Hey Jimmy" ka lo biak hmasak avang chuan mak tih hmel zetin min en a. "Ahh hey" tihpahin a nui tawk ve tak. "Umm... i room ah games kan khel mai mai dawn em ni ?" ka tih chuan chal ti chuar nangin min en a, "i peihloh pawn a pawilo" ka tih leh chuan "a aw peih e. Kal ang" a ti leh vut a. Kawngkhar lam pana ka kal chu, "Heta ṭang hian kal ang" a rawn ti a. "Kei nilo in nangmah lawm an hauh dawn che. Khata ṭang khan rawn kal la ka nu te ka kalna tur hrilh an ngai alawm" ka ti hmuar hmuar a. tukverha a ṭhu chu a ri thla nghal puat. "LALPA!!" tihpahin atlan phei a. Leiah alo ding fel der tawh. A tla thla ta emaw ka ti hman.





Ka nu te ka kalna tur ka hrilh chuan reilo turin min hrilh a. Gate lam chu a zuan innka zuang phei euh euh. "Perhpawng i ang si, zuang lo teh" a rawn ti hlut a, ka nghawngah min kuahin min kuai nghal nawk nawk. "Ana" ka tih chuan min thlah vat, "ka haw leh daih dawn mawni le" ti nui nui nui in an in lam pan chuan kan kal dun hna hna.




"Ka mut achhuak tawh, min thlah tawh teh" ham bawih bawih pah chuan ka ti a. "Ka laklawh lutuk" arawn ti a. Dawhkan bawh chuan ka mu nghal a. Engmah ka hre zawm lo.




Zing ka harh chuan ka khumah ka lo mu fel diam a, ka sir ah chuan Jimmy pawh amu ve. Mak ka ti hranlo a rawn riak fo a, mahse ka inkar ṭhalo nuai vang khan a rawn riak ta ngailo mai mai a. A muhil hmel chu ka en reng a, a hmel chu a puitling ve sawt tawhin ka hria a, a hrat deuh hi a hmul a tihfai hian a khabe ah hian pahnih khat hi a ti hmaih tir zel a, lucky hair a ti mai ṭhin lehnghal.





Ka en reng lai chuan a rawn meng riai riai a, kei ka mit ka chhing leh nghal vat. A reh vang vang a, a muhil leh daih ani ngei ang. Ka thawk suai suai rual chuan ka hmuiah a rawn fawp a; Ka meng nghal kawk. A dar tawn tawn ah vuanin nam sawn ka tum a, min la fawp uar ta deuh deuh. A rei ngial hnu chuan a inla hrang hram a, a awmah ka chum zui ṭawk a. A ṭhen nghal chawk.





"Lalthlamuansang i bialnu emaw min ti em ni? Ka ti fak a, ngai ho zetin a lu a thing mat mat. "Ka nau inia, mahni nau te hmui taste chu ka hre chak alawm. Hmui lo pawh atheih chuan" a rawn tih chuan rap zetin ka en a. "Bialpa ka nei a, min fawh ka ngailo. Rawn riak tawh suh ang che" tihpahin bathroom lam ka pan a. Bathroom kawnga ka kawng rual chiahin a rawn inkhar leh dup, kawngkhar chu nghengin a ding zui hmak a, "Tunge i bialpa chu ?" In kuangkuah than chuan a rawn ti a. "I hriat ve zel angai lo" tihpah chuan nawr sawn mai ka'n tum a. A ṭang ve tlat zui. Tha tawp a ka nawr chuan a kalsawn thut a ka balance ka hlauh ṭhelh ani. Rum lutuk in ka melh a, ka mawnga beng zui taihin a chhuak nghal nul nul. Hahh!! Engthil nge ni ngai? Ka hmui a min fawh maw, chuan hmui nilo thildang taste!!
.
.
.
.
Jimmy nen kan bazar a, mo kawr dawr ah min luhpui hlawl. "Eng nge kan tih dawn a ?" ka tih chuan, "kan hak tur kan en dawn" ati mai a. Min kaihna kut chu ka thingthla vat. "Ka duhlo reng reng" ka tih chuan anui sup a, "I ngai kawi anih kha, Ka nu leh pa anniversary a thleng ṭep a. Chutah kan hak tur" a rawn ti leh lek phei chuan awihlo fe in ka melh. "An anniversary ah mo thuam a kan inthuam nachhan tur ka hre lo" ka ti bul ngût a. "Kan lam dawn alawm, nang leh kei" tihpahin min kawk a, hmel ner nangin ka lo en. A sawifiah fe hnu chuan ka hrethiam a, keimah zawk zawk chu ka phur leh tawh.





Kawrfual var, a dar liam chi chu ka ha a, mawi inti zetin darthlalang hma ah chuan ka ding a. Jimmy pawh a inthlak ve a, ka hnungah ding ka darah a rawn vuan a. Ka nui var var. "I inhmeh hle mai" arawn tih chuan nuih var var in ani pawn a inhmeh thu ka sawi a.Ka dar chu fawpin a rawn hawi chhuah leh chuan ka nui ka tawp nghal hmak.





"Aaa, inthlak tawh ang" tia kalsawn ka tum chu min pawt nawk nawk a, bangah min nawr betin min fawp zui nghawng nghawng. Ka beisei miahlo thil anih vang chuan chet mai nachang pawh ka hre lo a. Harhchhuakin a darah chuan ka nam a, ka hmuiah seh zauhin a inla hrang hram. "Inthlak rawh" tihpah chuan akal zui nul nul a, ka chu thi chu ka ngei takzet.




Tinge hetia a awm le? Mami sawi anga ka ti hi ka inchhir dawnin ka hria, Jimmy hian ka chunga amizia a thlak thut niin ka hria a. A chang leh min vin chiam ahrat a, a chang leh min duat hliau hliau bawk a. Hetiang reng anih chuan ka inthup rei theih hi ka ring lo.




Zantin deuhthaw rawn riah a tum a,ka bialpa ṭhen turin min ti chhen lehnghal! A chang chuan ka rilru put ang hi a pu ve maw ni aw tih ka ngaihtuah ṭhin a. Mahse a mizia dang leh ṭhin hian chu chu min ngaihtuahlo tir leh ṭhin.
.
.
.
.
Vawiin graduation day ani a, ka phur sur sur viau. Jimmy chu a graduate daih tawh na min rawn ṭawiawm turin arawn kal ve dawna. Nuam hi ka'n ti khawp a.





Jimmy chu a peng bo daih a, SU lamin a hming an lam rik chang chuan hmuh tur alo awmlo hman ngei ngei.





Zanah chuan Jimmy kei leh Grace chuan Rintluanga nen zanriah kan ei chhuak a. Nuam kan ti leh viau mai. Bar ah kal an rawt a, ka phur pui viau lo na kan ruilo ang an tih tlat avang chuan kan kal ta. Kan thleng chu ruih duhlo ber leh peihlo ber kha boruakin a zir deuh nge ni whiskey chu ka tlak deuh pap pap a. Ka rui chhe ber. Kan haw lai pawh ka hrelo.





Khumah hian tu emaw hian min fawp a, nilo keimah zawk hian a kawr nghawnga pawtin ka fawp ngawng ngawng zawk. Ka chunga innemkhalh runin a inlahrang a, a biang dawm in a hmel hmuh chian tum chuan ka'n melh a, ka rui viau nge ka melh vang vang hnuah Jimmy ang riau a hriatna ka nei a. "Jimmy" ka ti deuh sap. Mahse luakchhuak rawn kal chuan min rawn pump a, nam sawn nawkin bathroom ah ka thlan lut nghal. Ka luah zawh hnu chuan ka lu rit but chu tih ziaawm tumin shower ka on a, ka inphuh huh tir nghal sung sung. "I va rei ve ?" Rawn ti tu chu ka en a, kei hi ka rui viau nge mawni le min ro kotu chu tunge anih pawh ka la hre chuanglo ta fo mai. Min rawn panhnaiin ka thawmhnaw chu a rawn hlip nawk nawk a, ṭanna hman pawh awm eihlo in min pawm chhuak a. Ruak ngalngat chuan khumah min nghat thla a, puan chu pawn khawmin ka lo inkhuh ve chaih chaih.





Ka puan chu rawn pawt in tshirt min rawn thlawlh nawk nawk a, ahnu ah underwere min rawn hak tir leh thlap. "Mu rawh" arawn ti hmuk a, thuawih zetin ka mu thla nghal.
.
.
.
.
Jimmy nen kan boruak aṭha viau a, ka chiang ngamlo ka rilru put ang hi a pu ve niin ka hre ṭhin.




Ka nu'n Management lam zir leh turin min duh a, keiin Bangalore a damdawiin pahkhata thawh daih ani ka rilruk ni.




"A duh chu tih tir phawt ila, hei a u te pawh an la awm alawm" tiin min chhan a, ni e ka pa hi chuan ka nu aiin min duat hrim hrim ani mai.




Naktuk Jimmy Birthday ani a, surprise nen ka inring thlap tawh. A birthday ah hian ka feelings hi sawichhuah ka tum a, min hnawl anih chuan ka na anga, ka beisei tawhlo law law nga a ṭha zawkin ka hria.




Zing dar 12 ah ka wish ang ka tih nen ka lo muhil tlang daih a. Zing ka thawhin an inah ka tlan phei a, ka cake siam nen ani ka phei ni.
Door bell chu ka hmet ri ral ral a, Jimmy nu in a rawn hawn chuan, "Khawnge Jimmy ?" Ka ti nghal var a. "An chhuak, nichin lawk khan a ṭhiannu alo kal a" a tih chuan ka hawi a heu. Tunge a ṭhiannu chu??





"E saw anlo thleng" a tih chuan gate lam chu ka hawi ve nghal a. Ruatfeli nen inngaih zetin an rawn kal dun a. Ka awm chhung hi arawn thip zawk a. An rawn kal phei chu ka melh ngawt ngawt.





"Hey.... min wish turin i rawn tho hma em ni ?" Jimmy chuan a rawn ti a. Ka lu ka lo bu deuh nghut. "Happy birthday" tihpah in cake chu ka pe a. Gate lam panin ka kal nal nal. Mahse let leh in cake chu ka la leh a. Pawna an dah hnawkbawm ah chuan ka vawm lut a Jimmy chuan, "Eng nge i hriat a ?" A rawn ti ṭhawt a. Chhang lo in ka kal nal nal. Gate bulah chuan min nghak niawm takin Timothy chu alo ding a, a bul ka thlen chuan ka kuah thlawp in ka ṭap nghal a. "Tinge beiseina min siam a, tinge beisei ngama a awm leh silo" ka ti ṭiau a. Ka chhungril hi ana ngawih ngawih.




Beiseina min siam a, ka tana beisei ngam lek loin a inla hrang leh lawi si. Ka hua, ka haw ngawih ngawih. Natna bak min thlen lo, a tir aṭang khan lo hnaih loh law law tur hi ka nia.





Noted: Next ah chuan Jimmy pov kan ti ve chhin dawn nia. Chuan comment leh ads click kha min lo tihsak hram hram dawn nia ☺️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:04 pm

Jimmy>>> by Sammy

Chapter Four √


Jimmy pov.



"Oooo" Sangi whiskey tlak deuh pap pap chu an lo au luai luai a, ṭullo ti zetin ka thaw hak. "Duhtawk teh" tihpahin ka va chhuhsak a. "Khawimaw ka la khamlo" tiin a pawr ve hlawr a, Rintluanga leh Grace lah chu an bo hmak lehnghal. Mipui kara a zuk lam lut leh hawr hawr chu ka zuk pawt chhuak a, ala ṭang veleh ta lai nghal a.




Car seat hma lamah chuan a theh hian ka theh lut a, desk chu ala tlawh chiam zui. Thei leh theilo in a room tukverh ah ka paw chho a, a cher tehreng nen ala rit phian zui. Khum ah chuan ka nghat thla dawt a; ka thaw hawk. A pheikhawk chu phelh sakin a jacket hak chu ka hlih sak leh a, puan ka sin ṭhat tir lai chuan ka kawr nghawngah a rawn pawt a. A lu kan in min rawn fawp siah! A kut dahthlak ka tum chuan min vuan nghet hrep lehnghal a. Zu rim anam deuh hiam a, ka rin ai takin infawh a zei hrep lehnghal. Infawh duh na na na chu tiin a chungah chuan ka lawn a, ka fawp zui ve hmiah a. A kut chu sawnin ka biang a rawn dawm a, min nawr hla deuhin a ka chuan a thaw chhuak ham ham a, ka mitah tak min en in, "Jimmy" a rawn ti deuh chhal. Kei erawh hnuai lam thunun tumin ṭan ka khawh thung.




Min nam sawn nawkin bathroom lam ah a phei chawn chawn a, thaw hakin khumah chuan ka let bal a. Nichin thil thleng kha ka duh hauh lo, Sangi ah hian feelings ka neilo a. A hma chuan amah hian feelings nei niin ka inngai a, mahse vawikhat ka fawh khan tihdanglam in ka awm tlat lo. Kan duh te kan fawh emaw kan tawk anih chuan eng emaw min ti danglam tak tur boruak hi a awm tur ani a, mahse ka fawh khan boruak a siam hauh silo.





A rei tak em avang chuan ka va lut ve a, shower hnuaiah alo ding dir tluk tluk. Luhchilhin a thawmhnaw chu ka va hlih sak nawk nawk a, a awm pawng ve euh ringawt te chu zah hmel tak hian ala hup ve chaih chaih zui a. Pawm chhuakin Tshirt leh underwere ka hak tir thlap a. Mipa insum thei tak ka ni, ka duh chuan ka khawi thei reng a, mahse amah hian min hip lo hrim hrim nge ka hrethiam lo. Chutiang lam rilru chu ka pu hauhlo.
.
.
.
.

Zingah chuan angai te bawkin ka nu in min rawn kaitho a, peihlo zet in ka tho a. "I ṭhiannu in a nghak che" a tih chuan Sangi anih ka ring deuh. Vawiin ka birthday ani a, dar 12 a min wish loh chuan zing karah min rawn wish ngei ngei ṭhin a. Ka inbual leh vek hnu chuan ka chhuk thla a, ka tum loh deuhin Ruatfeli'n min lo nuih var var a. Step ah chuan ding thutin ka tukkhum ka hiat nauh nauh ringawt a. "Enge khatia i din vung vung" ka nu chuan a rawn ti hlak hlak a, chamchinbu chu ka pa chhiar tur in a keng lut pah a.





"I lo leng a ?" Ka ti chuan alu a bu nghat nghat a. Ka lu ka bu ve nghat nghat ringawt, min rawn nuih leh var var chuan ka hawisawn daih a; kei hi ka lai ringawt reuh emaw ni. "Umm... kan lengkual mai mai dawn em ni ?" a tih chuan ka lu ka bu nghat a. Kan inzui chhuak nghal.




"Umm vawiin i birthday tih ka lo hria a" a rawn ti sap a. Engtin mah ka chhang lemlo, "Present pek che ka duh a" a tih chuan ka en a, nui var var a min melhin a rawn dingdihlip a, ka hmuiah a rawn fawp zauhva, "I bialnu ni tura min sawmna kha ka pawm e" a rawn tih chuan ka lam lo chauh.





"Iti tak tak em ?" Ka tih chuan alu abu nghat nghat a, ka hlim leh lawm lutuk tih ngaihna hrelo chuan ka au vak ringawt a, min lo nuih hak hak. "Ka fawp thei che tihna ani em ?" Ka tih chuan abu leh zauh va. A biangah chuan vuanin lungchim zetin ka fawp a. Hei baka hlim ka neih hi ka ring tawh lo.





In kai rialin kan let leh a, a thil sawi ho te te pawh chu ka nuih pui hak hak a. A ha var mawi zet lang vek khawpa min nuih phei chuan ka tuiral lo chauh ani mai.





Kawngkhar bulah chuan ka nu leh Sangi anlo ding a, Sangi'n akut a cake a keng tih ka hmuh chuan ka phur takzet. "Hey, min wish turin i tho hma em ni ?" Nui var var chuan ka ti a. A lu bu deuh nghat a, "Happy birthday" tihpahin cake chu min pe a, gate lam panin a kal nghal vut. A chet dan teh thut avang chuan han koh emaw mai nachang pawh ka hrelo a, chutah rawn let lehin cake chu min laksak leh a, hnawkbawmah ava vawm lut thawih a. Gate lam pan chuan a kal leh a. Tumah pawh chu ṭawnglo in kan en hlawm tawp. Gate bula Timothy ding chu ava kuah thlawp a, Timothy chuan eng emaw sawi niawm tak hian a beng bulah chuan a kun a, kan lam rawn hawi leh vung vung chuan an inlam panin an inkuah phei hram.




"Nu i lo hau em ni ?" Ka tih chuan Ruatfeli'n ka ban a vawnna chu a rawn en a. Min en leh ralh in chhan pawh min chhanglo chuan a lut zui daih a, ka enzui vung vung ngawt. "Kha kha ami Vansangpui kha" ka ban pawh pah chuan Ruatfeli chuan arawn ti a; ka lu ka bu nghut.




"A thinrim aniang a, i bulah ka lo awm sia" a tih chuan, "Awihawm loh" ka lo ti vat a. A dar a chhin uk. "Ka thlah ang che" ka tih chuan, "Scooty in lawm ka lo kal" a ti var a. A scooty lam chu a thlek zui zeuh. "Anih thingpui in la i haw dawn nia" ka tih chuan alu thing nar nar in, "nidang ah ani mai, nikhatna aṭang chuan ka zahtheihloh hmel emai" a ti a. Keipawh ka nui ve hak.




Chaw ei lai chuan ka pa chuan Ruatfeli chungchang chu min zawt a, ka nu in a sawi ani ngei ang. Kan inngaihzawn thu ka sawi chuan ka pa chuan, "Sangi kha..." a rawn ti a. "Ka.....duh lo aniang! Ka fawh pawn engtin mah ka awm lo" ka ti a. "I fawp a ?" Ka nu chuan arawn ti a, "aw" ka tih chuan, "i fawp a, beiseina i siam a. Chuan hmeichhe dang i ngaizawng a ?" A rawn tih chuan ka en a, "ka fawp ringawt alawm nu. Eng beiseina nge siamtur awm a ?" Ka ti let hluai a. Min chhang loin alu a thing mut mut a, chaw a ei zawm mial mial.




Ka u te chhungkua an rawn leng a, zan party na a rawn kal an theih dawnloh avangin an rawn lang hlawl ani. Vanranda long chair ah chuan ka ṭhu a, "Birthday boy chu ava phur loh hmel ve" U Btea chuan a rawn ti a. Thawk ka lo la hawk thung. "Birthday ah chhas thar nen, i enjoy mah nge aw" tiin min rawn fiam zui a, za vaklo chuan ka ṭhen ve sak.




Zan dar 8 leh chanve velah chuan Ruatfeli ka va hruai a, a chhelo lehpek viau. Kan in kan thlen chuan tlan lut ta mai lo chuan Gate pawnah chuan ka ding reng a; Gate a lut apiang chu motor chhunga an chuang ani emaw hriatreng tum niawm in ka lo en uluk hlawm hle a. Eng nge ka en chhan ber pawh chu ka hre chuanglo a. "Tinge kan din a ?" Ruatfeli'n a rawn tih chuan ka nui suk a, a biangah fawpin kan tlan lut a. Ṭhiante ho pawh anlo kim viau tawh a, Ruatfeli nen min hmuh chuan minlo chhaih nghal sap sap a; a zak nge ni ka ban chu nghet zetin a vuan ngawt.




Cake zei hma in kan lam a, a nui var var reng te hian a hmel an ti ṭha zual ka ti a. Ti em em a ka duh pawh hi ka indem hran lo. Cake zei dawn chuan Sangi ka zawng ru deuh a, ka hmu lo. Timothy han zawh dawt ka hreh si a, ka ngaih erawh a ṭhalo viau. Kum dang ka birthday ni chuan ka bulah a tap deuh chawt ṭhin a. Nge ni a ani pui hian ngaihzawng te hi alo nei ve tak tak anga kei min ngaihsak nan hun anei tawh lo zawk?? Ka thil ngaihtuah avang chuan keimah chu ka lawm loin mawl ka inti hle a, engtin nge ngaihzawng aneih tehlul ang tih chu ka rilruah a rawn lut zawm a. Ni e ka tello chuan ngaihzawng anei theilo hrim hrim, kei aia hrechiangtu an awmlo a, nei nise chuan ka hre ngei tur ani.





Birthday song chu an sa dual dual a, ṭullo ka ti leh viau pek. Sangi chu ka zawng ru reng a, an sak zawh chuan zai mai lo in ka hawi kual leh zel a; ka zei mai loh vang nge Ruatfeli chuan min lo tur sek a. "Guys, Sangi..." ka sawi dawn lai mek mek chuan kawngka aṭanga a rawn lut ka hmuh chuan, "Ee alo thleng alawm" ka ti leh hluai a, anlo nui dar dar. Rintluanga nen chuan an rawn inkai phei a, an inkaihna kut chu ka lo en uluk viau. Ruatfeli nena kan inkarah chuan a rawn ding that a, "Zei rawh" a rawn ti nghal zat. Ka mi hmuh duh ber ka hmuh tak vang chuan phur zetin ka zei a.




Sangi leh Rintluanga chu an kalsawn zui a, an kalna chu ka enzui reng a, choka lamah an lut phei a. Rintluanga hi ami ka bialpa atih kha tiin ka ngaihtuah zui nghal nauh nauh.
.
.
.
.

Sangi nen kan inbe leh ta miah lo, ka pa company lamah ka pui ve tawh bawk nen. Ka hman chang a Ruatfeli duat angai ve si a, hmu tur pawn ka kal hman meuh lo. Bakah a hma khan Ruatfeli hian a thik tlat a, Sangi bulah min hmu tam vaklo tur leh Ruatfeli awm lai phei chuan min hmelhriatlo en hmak turin ka ti a. Chuvang pawh chu ani maithei amah pawh areh hrim hrim a, a changa Rintluanga leh Grace nen a ka hmu zeuh bak hmuh ka nei ngai ta lo.




Ruatfeli nen zanriah kan ei chhuak a, Rintluanga leh hmeichhe te lam pang counter a ding chu ka va bia a, "Nula hruai tur te anei tawh" ka tih chuan,"Sangi anih hi" a rawn tih chuan ka en vut a. Kawrfual sen a ha a, heels bunin makeup tlem a inbel ve a.Ka hmu ṭha viau mai mahse a hma aiin ka hmu cher belh a, Rintluanga ban vuan chuan a hnung aṭang chuan min rawn en chauh ringawt a ka run viau. Pawh lawk a, "Eng nge i hlauh a ?" Tih kha ka chak zek zek. "Hna a tlin thu kha i hre ve lo em ni ?" Rintluanga chuan a rawn ti a. Ka rum nghal ul, a hna tlin thu Rintluanga'n a hria a, kei erawh in engmah ka hrelo. Hna a dil tih takngial pawh ka hrelo. "Hrilh hriat ka ni ve lem lo a" ka ti chang fak a. Min hrilh loh vang mai mai a thinrim chhan nge, engvanga thinrim ringawt nge ka nih pawh ka inhre hrep lo .Ruatfeli'n min rawn koh tak avang chuan k kalsawn san a, dawr chung lama an chho chu ka en zui tawp. "I en nasa lutuk" ti tau aw lek lek a Ruatfeli'n a rawn tih chuan ka ngaihsak vat a mahse ka rilru erawh nichina kal liam ta te ah hlir khan ala awm.





Ka nu leh pa anniversary ani a, Sangi nena kan tihtur ruahmansa chu ka ngaihtuah a, Sangi nena kan lam anih chuan Ruatfeli hian a haw leh ngei dawn si a Ruatfeli nena lam chu ka ti ta maia. Sangi chuan kan inbe vak ngai tawhlo bawk nen ani chuan angai pawimawh tak tak tawh lo ang. Hah, a hna dil chungchang pawh min hrilh eihlo kha mawle!! Ruatfeli ka hrilh chuan a phur viau a, ka nu leh pa chu surprise kan tum ani.





Light duty tihdan tur ka hrilh vek tawh a, kawngkhar pawnah chuan inring tawkin kan ding dun ran tawh kawngka a rawn inhawn chuan kan lut a, hall stage ah chuan Sangi a lo ding vang mai. Ruatfeli chuan a kut ka vawnna chu a a thing thla hmak a. Insut hraihin a tlanchhuak nghal daih. Sangi chuan mak ti fe hian min en a, ka ngaihtuah hman lo Ruatfeli chu ka umzui a. Mahse khawiah nge a tlan hman ni, ka hmu zo lo. Ka hawi kual a, a reh hmak mai.





Ka hnung aṭang chuan Sangi chuan inthiamlo tak hian, "Ka tihpalh" a rawn ti a, ka ngaihsak lo. Ruatfeli tlanna lam tur ngaihtuah chuan ka hawi kual a, ka hnung aṭang bawk chuan "ka tihpalh" a rawn ti leh a. "Ni e, i thiamlo reng ani" Ka ti fak a. "Ka tihpalh engmah i sawi silo a" a rawn tih chuan rum fe a melh in, "Engkim hrilh tur hian i pawimawh tawk lo tihna ani mai" ka ti hrawk a. A hnung tawlh deuh hrat, a hnu deuhah inhrut hraihin, "Ka hrethiam e" a tia an inlam panin a kal nghal nal nal. Rawn hawi let tawh miahlo a a kal chu en in lei chu ka chhir khu nghek a. Kal rawh se a hma zawngin min be lo a, midang a ngaihsak hnuah tikhan a rawn che leh a; Engmah sawilo pawh ni ila mi pangngai anih chuan amah khan rawn sawi zawk tur chu ani.





Note: ti thleng hi ni leh se, a tlai lutuk chuan min approve sak hman loh ka hlau sia (tunah pawh an aprrove lo maithei 😆) ads kha min lo click sak ula comment min lo pe leh bawk dawn nia aw ☺️💨

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:05 pm

Jimmy>>>by Sammy


Chapter Five√


Sangi pov.



"Nu ka tling" ti chul in inhnuai ah ka chhuak thla a, kawngka aṭanga ka pa rawn lut mek chu ka kuah nawk nawk. Ka nu thusawi pawh chu ngaithla chianglo in Jimmy te in lam ka pan in ka tlan chhuak nghal a. Nidanga a thui ka tih thin nen minute pawh tling lo ah ka thleng a, ka hna dil ka tling tih chu hrilh ka chak zek zek tawh. Gate ka lut dawn tih a a room lam ka hawi chhoh chuan tukverh zawn a Ruatfeli ding chu ka hmu a ka tawp deuh chat.




Ka kal ang nge kal lo ang tih ka inngaihtuah reuh reuh hnu ah Ruatfeli awm lai a kal chi ni a ka hriat loh vang chuan ka let leh ta zawk a. Ruatfeli hi kan college a a rawn luh tirh atangin Jimmy hian a buaipui tawh a, ka rilru chu na mahse ka lawmpuia. Mahse Ruatfeli mizia ka hriat chian hnuah erawh chuan nuihsawhna lamah ka rilru hi akal tlar zawk. Jimmy in ka hmaichhan ngeiah Ruatfeli'n min ngaitheih vaklo thu leh amah hmu tamlo turin min ti a min hmu tam rawh pawh ti se ka hmu tam peih teuh silo. A birthday aṭang khan ka rilru ka siamfel a; Jimmy hi ka mamawh lo, ka duhna aiin kan inṭhianṭhatna chauh dah lal pawh hian a ṭhianṭha tak hnena a bialnu vanga inhmuh loh a sawi hian amah min tih ngainep tira, ka duhna te pawh a reh ve tual tual in ka hria.




In ka thlen leh chuan ka pa bulah ka thu thla hnak a. "I va phur ta lo ve" alo tih chuan ka rum nghut ringawt a. Tv chu ka en daih.




Zanah chuan Rintluanga'n ka hna hmuh lawm na ang deuh reuh in zanriah emi ichhuak turin min sawm a, ka hnial lem lo. Dar 4 bawr velah min rawn hruai a, an restaurant ah kal ka tih tlat avangin min hnial lemlo chuan kan kal a. Ka tum loh deuh in Jimmy leh Ruatfeli chu ka hmu a, min rawn hmu ang tih hlau chuan Rintluanga ban vuanin a hnungah chuan ka biru deuh ti tih a. Hmuh ka duhloh tehreng nen Jimmy zawk chuan Rintluanga chu a rawn bia a. Nui huah huah a, "Hmeichhe hruai tur te anei ve tawh" a tih chuan, "Sangpui anih hi" tiin Rintluanga'n chhang a, a nui hmel chu a tawp nghal hmak. Rintluanga phen atang te bak chuan ka en chuanglo.




"I hre lo mi hna a tlin thu kha" Rintluanga'n a tih chuan min en ngur in, "Hrilh ka ni ve lem lo a" a ti hmuk a. Ruatfeli'n a rawn auh avang chuan an thutna lam pan chuan a kal ta a. Keini pawh a chung lam panin kan kal nghal mai.



_____________________




Khum a mo kawr chu ka en a, ka nui deuh suk suk. Vawiin hi Jimmy nu leh pa anniversary ani a, a hma tang daih tawh a Jimmy nen kan sawi lawk tawh anih vangin ka phur hle a. Thu dang a rawn neih loh avangin kan thu rel lawk anga kan kal hle hle chu ka ring a. Mo kawr en chuan ka nui leh suk suk thin a.



Tlai anih chuan ka phi cheng tawh a, ka u chu min chei tura tiin ka tur chhen a, ka chhungte chuan min nuih min nuih ringawt.



Jimmy te in kan thlen chuan an lo tam tawh hle a, nutei leh patea te chu ka nu leh pa nen an inbe nghal luam a. Kei erawh in Jimmy ka zawng ru reng thung.



"AuSangsang" ka hnuai lam atanga Jimmy u fanu Estheri chuan a rawn ti a. Ka en chuan min lo en chho kiau.



"Hetiang kawr hi amawi ka ti" tihpah chuan ka kawr chu a pawt a. A biang a piai sak pahin a putea awmna a hriat leh hriatloh ka zawt a, naupang tih takah a ne ne kual vel mai mai.



"Pate khawnge Jimmy, lam a hun tep asin" tiin Jimmy pa chu ka zawt a. Khawi ah emaw a chhuah lawk thu in min chhang.



Light a rawn in off a, kawngkhar lam chu focus bikin light pahnih a rawn eng a, hall lamah kei min en bawk. Jimmy leh Ruatfeli chu inkaiin an rawn lut a, hrilhhai lutuk in ka en reng ringawt.




Jimmy leh Ruatfeli'n min rawn hmuh ve chu mak an ti tih hai rual lohin an hmel ah alang ve a, chutah Ruatfeli chu a tlan chhuak ta daih.




Jimmya'n a umzui a ka tlan chhuak ve nghal bawk. Gate pawnah chuan dingin a hawi kual a, ka thlen phei rual chuan "ka tihpalh" ka ti ngawt a. Mahse ka thusawi chu hriat hmel lem lo tak hian a hmai a tuai puak a. A hmel chu ka en a, hetiang taka hmel serious a put hi ka la hre ngailo.




"Ka.. ka tihpalh, engmah i sawi silo a kan ruahhmanna ang khan...." Ka sawi zawh hma hma chuan ka lam hawiin a rawn inher vut in, "Ni e, i thiamloh ani reng ani" a rawn ti hmuk a.



"Engmah i sawi..."



"Engkim hrilh tur che hian i pawimawhlo tihna ani mai" a rawn tih leh tak hrawk ah chuan tawlh hnung datin ka en a, mitui tling piau a ka en reng hnu ah ka insut hraih a, "Ka... Ka hrethiam e" tiin kan inlam panin ka kal nghal hlawk hlawk.



In thlen hma si chuan ka ding a, ka thu hriat avang khan ka na! Ni e, kan inla hrang mek ve ve tih ka hria mahse khati em em a ka hrang chiang bik lutuk khan min ti na ani. Duhlo tumin ka rilru ka siam fel vek tawh na Ruatfeli a thinrim vanga ka pawimawh ta lo khan ka rilru hi ati na ngawih ngawih a. Ka lung a phu nasa lutuk te chu tihngaihna pawh ka hrelo. In ka luh chuan Mami leh a ṭhianpa chuan min rawn en vut a, eng sawilo in ka room ah ka tlan chho nghal.




Kawngka chu chhunglamah ka kalh a, ka au nghal vak. Ka pawimawh loh zia thu a sawi lai chu ka bengah a ri reng a, ka mo kawr hak te chu ngei zetin ka taksa aṭanga lak tumin awmze neilo chuan ka pawt vak vak. Ka ṭap ruai ruai bawk. "Sangi" tih vak pahin pawn lam aṭangin kawngkhar an rawn chum a. Ka va hawng a, mami lo ding chu ka kuah thlawp. Duat zetin ka samah chulin ka hnung a chul a. La na viau tur pawh ka nilo, sawi lo mahse atan mi pawimawh ka nilo tih hi chu ka chiang a; mahse ka hmai chhan ngaiah thimrim hmai sena ka pawimawh loh thu min hrilh khan min deng dawt ani mai.




Ṭap hlawp hlawp chung chuan, "Ka hre lawk lo a, Ruatfeli vang khan ka pawimawh loh thu min hrilh a" ka ti chhuak nawk nawk a. Engmah sawi loin kawngkhar bulah chuan inkuah in kan ding reng ringawt. Ka ṭap tlaivar ti ila ka sawisual in ka ring lo. A tuk nileng pawn ka roomah ka tawm a, lo theihloh in ka u te chuan ka nu leh pa an hrilh a. Anni phei chuan ka u te aiin min hnem dan an hrelo zawk in ka hria. Ka rilru ka siam fel a, ka hna hmuh training nan ala hma a, mahse rilru tih thawven nan leh helai boruak hip ka nin avangin a hun hmaa kal ka duh a, ka chhungte pawn min hniallo.




Zanah Grace-i a rawn leng a, Grace-i hian Jimmy ka duh tih a hre lova a hriat erawh chuan min chhaih turin a tlai mah mah tawh.




"I rualin ka lo kal ve mai dawn mi ?" A rawn ti a, "Eng nge i rawn tih ve ang ?" Ka tih chuan, "aww ka rawn inti thawveng ve ang. Mahse kei chu ka thawveng sa tho. I derdep ve sia veng tu tur che an awm angai lawm" a rawn ti a. Chhan en ah pawh ka en lo, mi hi an ngainep hlawm em em ringawt a. Duh deuh te bula awm a zep hi thil awlsam tak leh hahdam tak ani der asilo.




"Kei chu amak ka ti Jimmy pawh chu! Ruatfeli te ang pawh han duh reng reng" a rawn ti leh a. Ngaihtuah muk hmel fe in ahawi vang vang bawk. "Ka hre thar leh tawh a, a bialpa dang kha a cousin lek alo nia" a rawn tih chuan mak ka ti ang reng hle a. "Engtin nge i hriat ?" Ka tih chuan, "a bialpa kha mama nen an inkawm ṭhin lawm" a rawn ti a. Thil sawi tuma ka kâ ka ang zuau tawh chu ka chip leh hmak a, "A ṭullo emai, anduh leh inbum kual mai mai se" ka ti liam puat ta zawk a. Ni e, a duh a keini lo buai angailo. A bikin kei leh lek phei chu atan ka pawimawh lem lo a, ka lo ngaih pawimawh a, mi ṭha a kawp nge kawp lo ah ka lo buai angai teuh lo.




Nithum a liam ta, Jimmy hmel ka hmu ngai lova; a bialnu hnenah khan min hmu tawhlo tawp turin thu a tiam ani mahna. Ngaihsak lo angin lang mah ila a chuan ka ngaihsak leh a hmel loh lan mai te ka ring ṭhin a. Zan ka mut te hian tukverh lam hi ka lo melh leh vung vung ṭhin a. Keimah leh keimah chu ka inhua a, khatiang fako a min ti tawh chung pawh khan amah beiseina thinlung ka la nei chu ka inhaw ngawih ngawih.
.
.
.
.
Grace-i leh Rintluanga nen kan bazar a, an pahnih chuan ka awmbo huna an mahni ka hriatrengna tur thil min tihpui an han tum tlat a,eng ang pawn awm bo ila an ni pahnih kher hi chu ka'n theihnghilh dawn lo tehreng nen aw. Rintluang ban lehlam ve ve vuanin kan kal a, kan kaih pa lah chuan nuam ala tih hmel em em zui. Eng eng emaw kan lei nual a, Rintluanga te restaurant ah thil ei turin ka lut bawr luah a. Keini chu ṭhutna ah kan ṭhu fel tawh a, Grace-i erawh in pawn lamah phone a hmang thung.




"Nangni pahnih hi ṭet ṭet a awm ve ani lo maw ?" Ka hming pui Sangtea he dawr ka kal apianga min vil ṭhin tu chuan order lak pahin a rawn ti a. Ka nel ve tawh bawk a fiamthu tak a Rintluanga ban va vawn pah chuan, "Ṭet ṭet ani tawhlo zawk. Kan ti huk ṭep tawh" intihtheih hmel tak chuan ka ti a. Sangtea hnungah chuan tu emaw hian aw a rawn thian ri kharh a, Sangtea a tawlhsawn deuh chuan Jimmy alo ding deuh run. A tir ah chuan mak tih hmel zetin min melh a, a bana Ruatfeli'n a rawn kuah chuan a en zawk a; Ruatfeli lo lan tak vang nge thinrim hmel em em hian min en leh ta daih a. "Awii, enteh u...E Jimmy in awm ve law?......Sang anu sawtah lam ka ngai a, a hmanhmawh thlak sia ka haw hmasa mai ang" a rawn ti kawp nawk nawk a, chhan pawh chhan hman hma chuan a tlan chhuak nul nul.
"Sir dawhkan dangah nge hetah hian in ṭhu ve dawn ?" Sangtea chuan ding kawi sawi bawi bawi pah hian arawn ti a. "Hetah hian kan lo ṭhu ve mai ang chu, pawi inti em lo ang chu maw ?" Ruatfeli zawk chuan arawn ti a. Rintluanga nen chuan inhmatawna ṭhu kan nih vangin ka bul ṭhutna awl ah chuan rawn ṭhut thlak nghal mai a tum chu ka bag chu dahkhalh in, "A pawi khawp mai, tihbuai kan duh lo. Pawi intih lemloh chuan min va inthiarfihlim san mai ta che u" en deuh kal chuan ka va ti a, Ruatfeli chuan beisei nei zet hian Jimmy chu ava en a, Jimmy lah chuan a rangkadartuiluani ka lo ti nek chu a ngaitheilo nge ni min melh rum ngang mai. Ngai pawimawh lo zet chuan menu chu ka en san a, anni hmelchhe lutuk pahnih hi ka thil ei titui lo tur ka bula an ṭhut kha ka duh lo tlat. Rintluanga pawh rawn lem lo chuan Sangte hnenah kan duhzawng chu ka sawi zung zung a, Rintluang nge nge mipa smart leh puitling tih takah min hrethiam ani ngei ang engmah sawilo in alo ngawi tawp.




"Helai ah hian ding reng in tum emlo ang tiraw ?" an din reng avang chuan peihlo zetin ka ti leh hram a. Ka sawi zawh rual deuhthaw in ka bag chu dawhkanah chuan a dah ri thlawp a Jimmy chu ka bulah a rawn ṭhu tum hmuk. Vin hrep tuma ka ang zuau tawh chu Rintluanga'n dawhkana ka kut dah a rawn vuan a, ka en chuan inbengdai turin min ti niin ka hria. Ka thaw deuh hawk a, iti ṭha e ti niawm takin ka kut chung chu a chul kual a a kut ala sawn hram. Ruatfeli chu melh in ṭhu tur chuan a ti a. Inti innocent zeta a ṭhu te chuan ka luak a ti chhuak, ka hnar ka lo tum dat a Rintluanga chuan a hria nge ni a lo nui put put.




Thil ei lai te chuan an han induat khawp a, Ruatfeli hmuia thil kai miahlo pawh a hru vel a. Ka ten dun hluah hluah, a zawng zawng chuan ka rilru hi a dam lo a mahse ngeina thinlung rilru ka put miau tawh avangin a zawng a za in ka thik lo.




Kan pali chuan kan inzui chhuak a, Rintluanga chuan 'kan inhmu leh dawn nia' ti mahse a hmuh peih hmel kher tawh lo. Ni e tunge mahni ṭhiante rilru ti na tu chu hmuh chak reng bik ang ni. "Sawtah khan ice cream ei leh ang aw" tihpah chuan a car dahna lamah kan inkuah phei a. Car a ka ṭhut luh chuan ka thaw hawk thei. "I va ṭang awm ve" a rawn tih chuan ka en zawk a, ka kut lam a en chuan ka kut chu ka lo hum huh thlan dup tih ka hre ve chiah.



Chau hnep in inah ka haw a, Sitting room sofa a ka mu dawr dawr lai chuan Timothy room ah thawm a rawn awm a, ka tlan phei vat. Ka lo tlan phei ta kher kher chu ka inchhiar, hmeichhe pakhat nen hian uluk fahran hian anlo infawp a. Ka tlanchhuak lehnghal. Ka nu nen kan la insu chawrh zui a, "i kal na en ta che mawle ?" A ti hlak a. Timothy room a aluh ka hlauh vang chuan nuih tlawnin, "Nu vawiin a kan thil lei min lo en pui teh, a mawi hlawm lutuk" tihpahin ka room lamah ka kuah kal chho a. Ka nu hi hmeichhia zawk si tih anuamlo thei ania aw, ti ti pui pawh ka pa aiin a harsa zawk daih.



Phone en in ka khumah ka mu a, video eng eng emaw en in ka nui ka nui leh a. Rintluanga phone call rawn lut chu ka chhang vat, Grace-i aw hian ring fahran hian, "Sangi eitur nen kan lo leng dawn kan lo kal mek" a rawn tia. "Aw khawimaw Rintluanga kha phone pe teh"ka ti zat a. Lehlam ami in, "Hello" a rawn ti dut rual chuan ka hmuiah tu emaw hian a rawn hup a, ka meng nghal kawk. Ka tal nghal phat a, min la vuan nghet em em zui. "Hello, hello" a rawn ti dut dut a. Call chu ka ka hup tu chuan a rawn hmet tawp hmak a, a kut aṭang chuan Jimmy ani tih ka hre thei.




A kut chu ka seh sak vak a, alaksawn vut rual chuan khum aṭangin ka tla hlawm tel. Khum bul dawhkana bottle chu la in ka tin ran a, "Hmela chhuak rawh" ka ti fak. A kut ka sehna chu en in aner sak a, "I pasal neih tur pawh ka hre velo a" a rawn tih chuan ngaihtuah hman miahlo hian, "I tana ṭangkai leh pawimaw lo chu i hriat kher a ṭangkai lem lo" ka ti leh fak a, a kiai suk duh chauh! "Ruatfeli i thik vanga sawi mai mai ini tih ka hria lawm" a rawn tih chuan ka bottle ken chuan ka vawm a, "Ka ngaihzawng neih leh neih loh in i ne pawh a thawk phalo ang chiah khan nangni inkawp hian ka ne a pawh thawk phalo tih hre rawh" fiah zet chuan ka ti fak a. Thawk la hawkin khum aṭang chuan min rawn pan hnai ruak ruak a, a kut chuan ka biangah na zetin a rawn hmer a; ka kut chuan pawh phelh tumin ka vuan veh vata. Min hmer na lutuk chu ka mittui a hnam sawk thei. Bottle a ka vawm na tih hriat takin a hnar a thi a; engah mah angailo emaw ni lehnghal ni. Min en ngur chung chuan, "Nang hian pasal inei anga ? I thei dawn em n? Min hmangaih tih i inhre nange ?!" a ti khur khur a. A ṭawngkama min hmusit lutuk chun ka rilru no a kaichhuak leh a, ami hmerna na bawk nen ka mittui a luangthla pap. Chupawh ngai pawimawh lo zetin a min rawn fawp ngawr ngawr a, awm dan pawh ka thiamlo. Ka taksa chhung zawng zawng hi ana! Hetiang em em a nunrawng anih hi ka ring ngailo. Khawvelah hian hetiang mipa hi an awm pawh ka ring tawh lo tawp!


Note: zanah chauh ka type hman sia approve hmanloh hi ka hlau thei sia duh ang pawn a sei thei lo. Mahse khawngaihin ads click leh comment kha min lo tihsak leh ru aw ☺️💖

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)