STAY BY Emiry B. Vanchhawng (Completed)

[Ngaia]

STAY
CHAPTER 7

◇♡◇♡◇♡◇


LALNUNNEMI POV:

Kumthar tûk nichhuak chu mawi tih hian a hrilhfiah kher lovang,tunkum atana nichhuak hmasa ber thlîr turin tlângah kan chhova,a mawi kher mai,kâwl lah chu mawi tawkin ala sen phût a,tlângte chu chhûm chuan a bawh khat hmur mai a. A chung atanga thlîr chuan Vanram hnaih riau ah te pawh a inngaih thei hial dawn dawn mai.

Boruak chu a thiang hle a,nizan lam an thil hâl vel ala chambâng deuh tihloh chu.


Tumloh deuhin kumhlui kan thlah liam a ni a. Sangtea lakah pawh a inthlahrunawm hle a ni.

Nizan khan ka rilru a nalo ka tih chuan dâwt ka sawi tihna a ni ang. A chhan erawh chu Lalrinkima leh Lisa te inkhata an chênho leh unau annih vang lam ni lovin,khati khawpa chhungkaw inhnaih ni si,thisen a inzawm pawh nilo mah se,an nu leh pa te an inneih tawh miau chuan unau ang chu anni tawh mai a.
Chumi hre reng chunga anla inthlah thei miahlo kha a mak ka ti a,kha khan ka rilru pawh a tina ve det a ni.


Anlo induh hlê ni ah ka ngai hmiah tawh a,khati khawp a an unaunute hovin an duhpui loh chung pawh a anla invuan tlat mai te leh a farnu te țanna âw-kâ a chhuah miahlo te kha ka tan chuan nat lohna chi rual a ni lo.

Ni e,ka rilru ka siam tawh a,ka tana țha tur zawk pawh aniang e. Beiseina tur engmah awmlovin kangfâi rât se,ka tan pawh theihghilh a awl phah deuh mah na. Mahse,a hun alo thlen hian huaitak leh engmah thlenglo ang mai a hmachhawn ava har thin si em.


Ni pawh a liam ve zung zung a,College kal te pawh a hun hnai leh tawh nghal mai a.

Zêploh chuan kal ka huphurh a ni. Sharoni kha engkim ka hrilhfiah a ngai dawn si a. Ani phei chuan a hre châk tawh lutuk phone atanga mi sawi tir mai te a tum a,phone hmanga sawi mai chi a ni si lova.

Sangtea nen pawh kan la inzui ve reng a,min hêl deuh reng a khatia ka inhawn ve deuh hnu kha chuan kan inngaizawng chu a ni deuh mai a. Han in bêm țhat leh lampang pawh kha a awm chuanglo. A awlsam angreng phian lawi a. Ka han pawh ve deuh hnu khan mi han bêm a tum tawh si lova,ni awm khan kan awm ve nghal a ni mai a,tunah pawh inngaizawnna lam sawi vaklo mah ila,kan awmdan atang hi chuan inngaizawng kan ni ni hmiang ka ti mai.


Sawițhat leh ngai turah a ruat lo pawh a ni mah na,kha chen min hêl a,a hma zawng a a sawi ho kha a ring ah ka ngai deuh hmiah.


College te pawh chu kan han țan ve leh a,a hma zawng a Lalrinkima nena inphur thin kha tunah Hmingthansanga nen a kan han inphur min lo hmu ho chuan mak an ti tih pawh an awmdan leh an mitmengah a hriat mai. Mahse,hei chu a ni tur ve rengah ka dah hmiah,Lalrinkima leh Sangtea te hi țhian inkâwmngaih tak an lo ni ve bawk nen,min sawi peih fâl pawh an awm nawk.
A țhen in an țhiandun a chhaih angah te min lo ngai a,Lalrinkima nen țhian kan ni tih hre hlawm hek lo le.


Ka huphurh ang nge nge in Sharoni chuan"Tinge Sangtea nen inlo inphurh daih a,chuan Rinkima te nen khan tinge hman zan khan khatia in awm" a rawn ti nghal mawlh mawlh a
"Lokal la,mi awmloh na deuh ah kan sawi dawn nia" tiin inchung lamah chuan kan chho va.


Inchungah chuan kan han țhu te te a,chutah ani hrechâk tawh bawk si chuan tui ka in khawmuang leh te chu a ngai theilo nasa.
Loh theihlohvin ka sawi a ngai dawn ta anih hi.

Lalrinkima nen kan naupan lai atanga inkawm kan nih tawh thu te leh a laka ka rilru puthmang danglam ta te,ani kawngsual zawh ta ka buaipui chungchang te atir tê atangin a bo a bâng awm lovin ka hrilh fai kêlh a,a țhenah chuan mak a tih hmel viau a,a țhenah erawh chuan ka ring reng ah ti ang mai hian a awm a.

"I awmdan atang khan ka ring deuh a,mahse khatiang tak kha chu anih ka lo ring lova" a ti ve leh mai a.

Sangtea nen a kan inkâr pawh ka hrilh ve a,duhsakna te min hlan ve luam a,mahse
"I rilru i bum reng emaw itih lai khan Sangtea rilru pawh i hliam tel daih thei ania" tiin min hrilh ve bawk a.

Keipawh in chu chu ka hlauh a ni. Lalrinkima ka duhna hi ala kiang mai thei si lova,engtin tin emaw beiseina ka chhar leh hlauh ang a,chu chu thil hlu emaw tiin ka vawng leh anga a, mahse chu ka thil vawn,thil hlu emaw ka tih chu khawlai vaivut mai mai ang,thli in a chhem a ral leh mai thin ang hi anih ka hlau a ni.

Engpawh chu nise,kan hma hun tur kan hre lova,,tuna ka nuna thleng ang ang hi pawm thiam mai ila. Alo la thleng tur a țha emaw a chhia emaw hun tawn zel a lungawi hi kan tan vanneihna leh hlimna a ni mai.

Chutia kan pahnih chauh a kan titi melh melh lai chuan kan hnunglam atang hian
"Wow wow wow,tunah khan eng nge ka hriat tâk kha,ka bengchhe ri chu a ni em lo maw aw,țhian țhaber tan a han luanliam mai chuh. Chutah a chan tâk loh vangin a țhianpa ah a țuan leh ta a" tih pahin Lisa chuan kut a rawn bêng chhuak thek thek a.

A rawn lang thut chu ka phu nasa bawk si,a awmdan atang kan thusawi a rawn hre hman tih hriat reng reng,hlauhthawnna chuan min rawn tuam nghal hlup hlup a.

Sharoni pawh chu ka awm ang chiah chuan a awm ve tih ka hrethiam nghal mai. Kan inmelh a,tunah hian țah vak na hmunah awm ila chu ka țap nasa tawh ang. Henu ber kher hian ka thuruk a hriat ka duh hauhlo asin.

"Nge,in thusawi ka rawn hresual" ala rawn ti ham ham a. Ka chhanglêt ngam tawh der si lo.
Ka kâ ka ân vaih chuan ka țawngsual ka hlau ve pakhat bawk si.

"Lalnunnem,hawh sawlaiah sawn va inbe fâl lawk ila" thle bak pah chuan a kal nghal a.

"Awi awi awi,engtin nge kan tih tak ang. A țawngthei sia,a sawi ang tih ka hlau e" Sharoni'n a tih chuan chhân dan tur pawh ka hre bik lo.


Lisa awmna ka va thlen chuan
"Chuan,Rinkima hi ilo duh ve reng a,mahse keimah nen kan ni ta sia" chapo hmel fahran chuan min lo tih khum vel a.

Ka chakna te chu ka'n sawmkhawm a,ka thaw deuh halh a
"I sawi sual deuh lo maw,duh ve reng lo deuh ang. Ka duh țhin tih chu ka pha lo,mahse alo lêt a a inthlâk atang khan keichuan țhian en bakin ka en tawhlo. Chu chu ilo hre ve mai mai dawn nia. I la sawi chhâwn leh nasat hmêl sia,a bak ilo sawi palh takin" tiin a mit takah chuan hlauthawnglo hmel fahran chuan ka melh lêt kal a.

Keipawh in hetiang dinhmun chêp tawh ah engtin nge khatiang ang dâwt awihawm lutuk kha ka phuahchhuah thiam ka hre hauh lo. Mahse,ka va lawm si em. Ka in chhandam thei hram e. Tunah chuan țawng fimkhur a ngai hle tawh ang.

"A enga pawh chu lo ni se,ani chuan țhian ang chauhin a en char char lai che a rilru dang lo put bik kha i zak ve eih lo maw,ka la hrilh ngei chu a ngai dawn anih hi. Hman zana kut min thlak vang tal pawhin phuba ka la la ve ngei ang" a tih chuan

"A hunlai khan ka zak em ka'n ngaihtuah lawk ang e aw" tih pah chuan inngaihtuah mûk hmel fê chuan ka kutțangin ka hmai ka han vaw deuh kerh kerh a. Chu chuan kan thinchhia-i chu a tih thinrim belh a ni chêk ang chu. Țawng tuma a ân zuau lai chuan
"Ngawi teh,ka han ngaihtuah ngial pawh hian ka zaklo ava nih hmel ve,pawi khawp mai." Ka han ti leh vel a.

Chuta a hmel awmdan chuan tlêmin huaisenna min neih tir leh deuh. Rinkima a hrilh ang tih mawlh ka hlau a ni. Ani hi a kam a tam reuh si.

"Nia,nangni ang chu in zak lovang. Thlahtu bul atanga zahna tlachham sa kha in nia" a tih chuan ka ngei reuh hle. Hmanni atang tawh khan eng nge kan chhungkaw nunah a rawn buai em em. An chhungkaw awh-awm bik fahran loh nen.

"Rinkima'n ka duh țhin tih a hriat chu i hlauh ka ring tlat,a chhan chu nang aiin kei min thlang maithei sia" sawi țhaih deuh titih chuan ka ti a.
Rinkima'n henu ai hian min thlang dawnlo tih chu ka hrechiang viau a,mahse hetia ka sawiloh chuan kan buaina a punlun mai ka hlau a ni.

Thinrim deuh a min melh pah chuan
"I zak law'm ni,keihi min thlang reng dawn. Chuvangin,a rûk a hma lo lak vel te i tum anih vaih chuan a lakah rilru țhalo tak i pu thin tih ka hrilh hrim hrim ang. Ka hrilh i duhlo anih chuan tikhan awm mai mai la,hei bak hian hnaih tawh suh ang che. Amah ah beiseina i hmu anih pawn engah mah lo ngailo mai rawh" min tih khum siah siah anih chu.

Ka thuruk a sawichhuah ka hlauh tluk zetin Rinkima'n min duh tih a hria ang tih hi Lisa hian a hlauthawng a ni tih ka hre reng a,chuvang a khatia in vêng pawh kha ka ni rêng a.
Ti kha chuan a sawichhuak dawnlo tih ka hre ta a,tlem chuan ka thaw a veng ve deuh ta.
.
.
.
Zanah chuan Sawmtea te țhianpa piancham lawmnaah kal kan tum a,mi an sawm nasa ve si a,han hnial ngawt a inthlahrunawm ve bawk si nen,Nitei ka dil in alo phal nasa mai si.

Lalrinkima leh Lisa țhianpa pawh anih tho vangin anni pawh an kal dawn tih ka chiang mai si,chu chu ka kal hreh chhan pakhat a ni a.
"Anlo kal anih pawh in keimah i bulah ka awm tawh alawm,kan awmdun tlat dawn nia" tiin Sangtea khan min sawm ve țang țang bawk a.


Dar 8 velah chuan Sangtea chuan min rawn sawm a,an țhianho hi smart em em ti a han sawi tur an awm awmlo ve bawk a,inchei pawh uluk vak a ngai lêm lo. Tshirt,jacket leh jeans kekawr a ni deuh tawp mai.

Sangtea nen chuan intiam rual ang mai hian kan inthuam dan lah chu a inmil phian a,kan pheikhawk rawng tihloh chu a bak zawng rawng a inang vek.
Kan inhmu chu kan nui ve ve tawp.

Bike a rawn ken avangin tlem in a vawt deuh a,a jacket chu phelhin min sin tir a,vawt a tih ve dawn tehlul nen. Mahse,hnial lovin ka la ve mai. An phal a min pe tawh a,vawt ti a ha duh reng chung a lo hnial ve țang țang ang kha ka ti ve lem lo. Kan mamawh a an phal anih chuan kan dawng mai tur a ni.

A hmun kan va thlen chuan anlo ri deuh luih luih tawh a,heipawh hi ka kal peihloh chhan pakhat zingah a tel. Anni chu engpawh lawm se,Party an ti zel a,zû leh ruihna dang a tel zêl bawk nen,nuam pawh ka ti lo.

Thilpêk te kan han pe ve a,midang ho awmna lam chu panin kan phei a. Lalrinkima te pahnih pawh an lo la thleng lo anih hmel.
Engah nge maw anni ringawt pawh chu ka ngaihtuah le aw,mahse ngaihtuah loh a har ve em asin.
Kha leh chen i kianga i hlimthla ang mai a zui thin tu che leh i duh rûk thin kha,vawileh khata theihghilh tum chu sunhlu kunga theihai rah tir tum ang vel a ni.


Sangtea chuan a sawi ang chuan ka bulah a awm tlat a,min chelh tlat bawk. Ka bo ang tih hi a hlauh hmel thei ania.

Bathroom hman lawk ka duh vangin Sangtea chuan min va kalpui a,kan lêt leh chuan ka mi hmuh duh mah se ka hmuh châk em em siloh te pawh anlo thleng tawh anih hmel.

"Inlo thleng a" Sangtea chuan biak bik pawh nei lovin a va ti a,chutah kan lam an rawn hawi phei a,Lalrinkima mit chu Sangtea bân ka vawnna ah chuan a fu chat a,ka hmu sual nge ka hrelo a ner deuh sawk ni mai hian ka hria.

Lisa min melh dan lah chu "ka sawi kha hrereng ang che" tih na ni mai hian ka hria. A meng thîp râm mai. Engtin nge maw Lalrinkima pawh hian a nihpui reng peih ni. Pawilo,ni âwm tawk te te hi an awm ve nia.

An piancham lawm lah chu an han che over khawp a,couple dance te an la rawn ti.
Tunge jeans kekawr nen inthuam țup a lâm suah suah ngai. Hahthlak hlawm lutuk. An mawl ang ang hian an chhaw a.

Sangtea nen chuan khâwr deuh hian kan lâm a,kan piah chiahah Lisa te pawh inngeih hmel fahran in an lâm bawk.

Hetia taksa si chêt a han lâm vel hi Sangtea nen hian kan la khâwr deuh țuț a,ani chu a zah deuh vang pawh a ni maithei a,mahse keichu ka zah vang em em pawh niin ka hrelo.
Lâm zeiloh nen kan piah lawkah mit tikham khawp a lâm lungrun lo awm bawk nen.

An hla play lah chu Ngurthangvela hla ala ni zui,a hot bawk si nen,khawia couple dance nen mah khan a lâm rem theih reng reng loh.

Kawppui thlak tur an la ti ve leh ta lam a,kan hnaih berah Lalrinkima te an awm avangin ani nen chuan kan in man ta chat a,Lisa leh Sangtea pawh.

Lâmpuite kan thlak chiah chu an hla play an rawn sawn ta daih a. Hla ril râih mai Ed Sheeran 'Perfect' ngei mai kha an rawn play a. Ka sak lai te pawh ka hrechhuak rum rum alawm.

Lalrinkima nen a han lâmdun chu ka thiamlo hle a,lâm rem deuh hla ni tawh mah se ani nen berkher chuan ka ti țha thei meuhlo a chha chu a ni.

Ani lah chu engah mah ngailo ang mai hian mi thehvir ang lâwp lâwp a,ka thin a rim țûn tawh. Kan piah a Lisa lâm ve lah chuan mi rawn melhrum nasa tawh mai si.

Ka hmaa ding pa chu rum deuh hian ka han melh a min lo nuih suk duh chauh. Mahse,eng nge thleng hi. A On/Off na ka zu hmeh palh a ni ngei ang.
Lalrinkima chuan a awmdan chu thlâk thut in ka kâwngah chuan nghet fê mai hian a rawn chelh a,a kut pakhat zawk in ka sam ka hmai zar tu chu a rawn tikiang bawk a. A awmdan teh thut chu mak ka tih em vangin ka han en deuh hau a.

Chiang fê mai hian min lo melh a,a mitmeng lah chu 'harhfimlo hmelțha mitmeng a sexy' an tih ang zawng zawng hi ka han hmu. Tawrh har fahran a min melh pahin a kut ka kâwng a chelhna chu tinghet in amah hnaih thei ang berah min pawt hnai a.


Chutah a kut pahkhat chu rawn phar chhuakin ka sam chu ka bengah a rawn zep a.
A lathla leh mai dawn emaw ka tih laiin ka biang chu a chûl thla riak riak a,mak ka ti bawk si,ka hamhaih bawk si chuan chêt nachang pawh ka hre lo,dan pawh ka lo tum chuanglo.

Ka mitah chuan lungrun fahran in min melh a,he mitmeng hi ani lawm ni a lak atanga ka lo beisei thin mahse ka hmuh ngai si loh kha. Tunah tak hian hun hi a ding țhuap ni maiin ka hria.

'I never knew you are the someone waiting for me'
('Min lo nghak rengtu chu nanghi ini tih ka lo hre ngai lova')

tih a in play lai chuan a kut chuan ka heh chu a rawn tuai a,ka beng bulah hian zawitê in
"I hria em,chu chu"ka sam kârah chuan a rawn ti sup a.
Ka mit zâwn a rawn thâwk lum deuh ham ham pah chuan ka heh hnuailam chu a tuai leh a. A thaw lum ham ham leh a thawrim dang lek lek te chu kan awmdan nen chuan a inchawih vel vek ni mai hian ka hria.

Ka lung hi a phu nasa lutuk a pawk chhuak mai dawn. I hria em atih chu eng ber hi nge,a hla thû chu nge ka lungphu hi. Lisa hian thil lo sawi a nei a ni mai ang em.

Engmah ka ti theilo,tunge kan bul hnaiah awm tih leh min en em tih pawh.

A chêtdan chuan min țhawng lutuk chu ka khawng vek ni mai hian ka hria.

Chiang kelh kawlh a min en na chu melh lêt kuau chungin "E e engmaw" ka ti bah nuaih a

Chutah rawn kûnhniam in mi rawn fawh a tum ta mai,tum ti ila,a rawn kûnhniam riai riai a,ka mit takah min melh pah chuan ka hmui a rawn si țep.

Kan dinna chung zâwn light chu a rawn êng phut ,kan piahah chuan Glass a keh ri chuai bawk,ka va hawi phei chu Lisa chuan waiter chu alo vîn hrep bawk a.

Chu chuan tui vawt a theh țhawt ang maiin min ti harh nghal kâwk thei.

Midang mit chu kan pahnih ah chuan a fu țhup a.
Ka thiltih âtthlak zia ka ngaihtuah chhuak zawk a,kan piah lawkah ka bialpa awm reng laiin hetah mipa dang ka lo fâwp țep chu a ni si. Engtin nge ka tih theih,ka chhe vek. Ka zak lutuk chuan Lalrinkima chu melhin
"I thiamloh vek" tiin ka tlanchhuak nghal a. A thiamloh vek ani biklo tih pawh ka hria,mahse tih mai tur ka haihchham em a ni.

☆☆☆☆☆☆☆

[Ngaia]

STAY
CHAPTER 8

◇♡◇♡◇♡◇◇


LALRINKIMA POV:

Engthil pawi nge ka khawih tak kha,kawngkhar lam a Nêmi hmanhmawh deuha a tlânchhuak chu ka hmu hman.
Ka kiang vel a ding ho chu ka enkual a,mi an lo melh țhup hlawm a.
Ka hmaa dawhkan chu ka'n chhir pawp a.
"Thil hriatsual palh a awm anih hmel. Rina leh Nunnemi te chu bestfriend an nia,in lo hrelo anih hmel,kawppui dang ve ve min nei ania" Lisa chuan thil awmdan thlak rawn tum deuh chuan a ti a.
An bu ve nghauh nghauh hlawm a,mahse an awih lutuk hmel em em loh.

Lisa chu ka bulah lo kal in ka bânah a rawn chelh nghal a. Ka thil in vang kha em maw ni dawn le,khatiang a ka awm ringawt chhan.
Ka chhaihkual vel kha chu ka inhrethiam mah se fawh ka tum kha kei ngei pawh hian ka in ringhlel rum rum.

Ka țhiannu lak a khatiang rilru ka put hmasak ber a ni ang,nge ni kei hian ka lo duh ve reng zawk.
Ni lo,a ni thei lovang. Tun hnaiah ka lakah rilru dang a pu tih ka hriaa chumi vang chuan ka ngaihbel mai mai aniang.

Ani pawh khan chuti vakin alâk thutak ka ring chiahlo,ka kalsual tirh vel khan min buaipui nasa lutuk a min duh emaw ati ani ngei ang. Aw,chu chu a ni. A hnuah chuan thinlung takin min hnaihlo tih a hrechhuak leh ang a,țhian ang bakin min en tak tak lo tih a hre nawn leh ang a,tichuan Hmingthansanga nen pawh inzui ta anni ngei ang.

Reilo te rilru danglam kan put thut vangin kan in duh emaw kan ti a ni ang.

Mahse,khatia mipa dang kut a chelh leh hlim hmel tak a mipa dang hmaa a nui a,kei min mamawh tawhlo ang mai a a awm ka hmuh khan sawifiah theih si loh hian ka awm.

Ka thin a rim ka tih dawn chuan a ni chiah si lo,mahse eng emaw tak hian ka chhungril atang hian mi mawlh a,che chhuak lo thei lovin min siam ni hian ka hria.

Light kha rawn êng phut lo se chuan ka thil tih tum kha ka hlen ngei ang.
Nidangah pawh a hmui chu ka hmu in ka khawih fo tawh a,mahse zanin a tak a khatia ka awm,a hmui kha fawh ka châk tlat anih chu. Ka châk satliah pawh ni lovin ka chhungril atang hian mi tur et et ni mai hian ka hria,a hmui fawh nawm hmel tak,vâm ham mai,a mawi tawk a chhah leh zum lam deuh si kha,vawitam ka fawh tawh a zûn a ka uai ang mai hian ka thlahlel nia.

Ka awmdan hi a țhalo tawp mai. A hnaiha ka awm reng chuan ka duh tak tak ang a,ka insûm theilo ang tih a hlauhawm tlat.

Keihian ani kha ka duh tur a nilo,ani chuan hlimna chauh a phu a,an chhungkua hian thurûk tamtak Nemi hriat ve si loh hi an nei a,Lisa hian engtin nge alo hriat ve ka hrelo. Sawichhuah a châk thei hle tih a awmdan atang hian ka hria. Sawichhuak ngat se chuan ka that duh ang,Nemi thinlung no tak hi a kehchhe vek dawn a ni tih ka hria a ni. Chu chu Lisa hian hmuh a chãk ni ber hian ka hria,a chhan pawh Nemi hi a thîk tlat a.


LALNUNNEMI POV:

Ka zak lutuk chu hmalam pan chuan ka kal mawp mawp a,ka kal thui tawh hle a ni ang,kawng pawh a reh in a thim țhap mai.
Nidang ang chu nise ka hlau ngei ang a mah se tunah chuan hlau thei dinhmunah pawh ka dinglo.

Sangtea chuan bike nen chuan min rawn umzui a,a bike ri reh dûk nghal dan ah chuan ka bulah chuan a rawn ding tih ka hrethiam mai. A hmêl pawh ka en ngam tawhlo,ka zah em a ni.

"Lo kal rawh,lo chuang la. I ke a kham tawh ang" ka ban a rawn chelh pah chuan zaidam tak chuan a ti a.
Ka la chhâng chuang lo,a țawng dam leh lutuk te chuan ka țah a tichhuak zawk.

Chutia ka awm reng a,melh pawh ka melh loh vang pawh chu a ni mah na,a bike atang chuan a rawn chhuk a,ka bulah chuan a rawn ding ve a.

"Va haw rawh,keimah in ka rawn kal mai ang. Tunah chuan ka hmachhawn ngam lo che" țahchhuak insûm deuh a ka tih chuan a thaw deuh hawk a.
Tinge maw ka țah hi a chhuah em em mai ni,Lalrinkima chêtdan vang kha nge tuna ka bula ding laka ka zah em vang pawh hi ka hrelo. A hmasa berah chuan ka zak lutuk awm ngaihna hrelo a ni ber a,a dawt leh ah chuan a laka ka rilru puthmang hre lêk lova khatia ka chung a che a mi zawng zawng hmaa min chhaih vel kha a ni.
Sangtea lakah hian ka inthlahrung em em a,engtia hmachhawn tur nge pawh ka hrelo a ni.

"Ka thin a rimlo ania,ka thîklo ka tih chuan dâwt ka sawi tihna a ni dawn a. Mahse,thinrim thei ngawt ka ni hleinem,i rilru ah midang an la awm tih hre chungin ka chelh lui che a. Hetiang te chu ka hmachhawn ve tur alawm" dam tak a a rawn tih chuan ka tum ni miah lovin ka mittui chu a rawn baw zawih a,chu chu alo hmu a ni ngei ang.

Min rawn kuah a rual nghal a,ka hnung a bêng thek thek pah chuan
"I tan pawh theihghilh nghal a har dawn tih ka hria alawm,zanin a awmdan phei kha chu i tan tak phei chuan a mak in hriatthiam a har zual ngawt ang. In thiamlo reng reng suh,keichuan ka bulah i awm chhung chu engpawh ka hmachhawn thei vek" chu chuan ka rilru no ko chhuakin ka țap chhuak hawk a.

A âwmah chuan hmâi phûmin ka mittui chu a luang zung zung a, "tinge ani ka duh hma khan ka lo tawn loh che,tinge ka nunah ilo lan har em em. Tinge nangmah hi amah inih loh a,tinge amah saw nangmah inih mai loh. Ani chuan ka rilru pawh hrethiam lovin ka chungah tiang khan a che ania" ka rilru chuan ka ti mawlh mawlh a.
A beng hriata sawichhuah ka duh mah se ka țawngchhuak thei si lo.

Sangtea chuan ngâwi reng chuan ka hnungah bêng thek thek pahin ka lu ah chuan a fâwp pah bawk a.

Ka rilru natna leh ka zahna te ka bunruah vek hnu chuan
"A zialo hle mai,ka tihpalh lutuk" tih pahin ka inla hrang ve ta a.

Chutia amah rinchhan deuh a ka la awmlai si chuan Bike hian chak mangkhengin min rawn tlân pêl a.

A khalhtu hmu hmanlo mah ila,Lisa a phur tih ka hmuh vangin Rinkima te anni tih ka hre mai.

Inah chuana kan haw thlang nghal a,Sangtea pawh a tlai tawh vangin a haw nghal mai a. Nitei chuan kan kalna a nawm leh nawmloh te min zâwt a,țha tak chuan ka chhâng ve mai a. Mahse,Lalrinkima awmdan vel kha chu ka sawi duhlo,ngaihsak tawhlo turin min ti a,tunah amah vanga ka rilru buai ka țap a ni tih a hriat chuan min ngaihtuah phah ang tih ka hlau a,Rinkima hi a huat phah ka hlau bawk.


Khumah chuan chau hnêp hian ka bawk thlawp a,ka chunga thilthleng te hi eng nge ni neih nuaih,tiang te chuan țhiante hmai zah pawh a na alawm,ka hmachhawn ngam hlawm pawh ka ringlo. Kan college atanga lo kal ve an tam angreng ropui sia.


Lalrinkima chu han hau in chhuahchhâl dawn ta ila,a theihnghilh daih emaw te kha alo ni leh ang a,mi te kha a zâwt lêt zâwk za mah ania ka rin.
Buaithlak,mi rilru pangngailo lutuk duh tur hian engthil nge maw ka tih ni,invênna awm ngat se chuan ka rilru ka pek tak tak hma khan ka invêng daih tawh tur.
Mahse,he khawvel mithiamber ber te pawhin thinlung hliam leh kan duh tur thlan theihna damdawi hi anla hmuchhuak tlat si lova.


College pawh chu a dan ngai chuan kan kal zawm leh mai a,nizan thilthleng hre ho chuan min melh deuh bik ni hian ka hria,mahse ka en duhlo lui ve tlat. Tumah phei chuan min zâwt chuang lêm hlei lova. Ka tlânchhuah hnu khan engtin tin emaw anlo in sawifiah pawh a ni mah na,chutiang anih leh ka tan a thawven thlak hlei hlei a ni mai.

Kan zirlai pawh chu ka rilru ah a lut thei meuhlo,zingah khan Lisa te lo kal hun ka nghak deuh a ni a,mahse a tu ve ve mah ka hmulo.
Bânah pawh chuan ka la hmu chuang lova. Sangtea chuan min thlah leh a,rei vaklo a lo lut zawk a mahse ani pawh a awm reilo.


Zanah chuan kan assignment neuh neuh tih pahin lehkha ka zir ê ka ti a,rilru ah chuan a lut mawh hle.

Ka mu ta daih a,dar 11 vel chuan ka phone ah message alo lut a,thawnthu ka chhiar laklawh em avangin ka en nghal mai lova. Mahse,mi pakhat atangin message țum 10 ngawt alo thleng bawk si chuan ka ngaih a ti țhalo deuh a,ka en chu Lalrinkima lek lo niin.

"I mu tawh em?"

"Ila mu lo tih ka hria ania"

"Lo chhuk teh,kawngpuiah ka awm" tih te a ni hlawm.

Darkar khat a chuan tawh vang chuan a awm pawh ka ring tawh lova,chhân pawh ka chhâng chuanglo.

Mahse,min rawn call zui nghal.
"Eng e" vîn deuh hlar a ka tih chuan

"Ka message i hmuh reng te chuan lo chhuk ve mai ta che" a rawn ti ve hlur a

"Ka hmanlo lawm,haw rawh a vawt si" ka tih chuan

"Lo chhuk vat mai teh,ka nghak rei tawh che nia" a tih chuan

"Kei min tibuai bawk,ka rilru tibuai bawk" phun deuh nang nang pah chuan ka chhuk a.

Pawnah chuan a bike nghêngin alo ding kur a,ka chhuak chu min lo melh ngar ngar lehghal a.

"Eng nge,tun ang zan zanah" engmah thlenglo ang mai chuan ka va ti thâwr a,tunhma a awm dan ang chiah khan awm ve tawh ila nimai.

Min melh deuh rûn rûn a,chutah an khuh deuh kharh kharh a,min biakna tur pawh a neih tawploh hi tih pah chuan
"Sawi tur pawh i hriatloh tawp kha,a vawt si ka lut dawn" tih pah a inher ka tum chu ka banrêkah chuan min rawn phih lêt dâwrh a,ka va bawh deuh rawk rawk chu a bike nghênga ding ani bawk si nen chuan bike chawpin kan let phung țep a ni.

"Min thlah teh,sawi duh i neih chuan sawi vat vat la" ka tih chuan
"Ih englo,englo ania" a ti bah ve nuaih nia,he mihring hi a zâm ve deuh emaw ni.

"Hmân zan kha" hriatthiam har deuh a ka mit taka melh pah chuan a ti a.
"Eng nge hmân zan chu" ngeiawm deuh a ka tih chuan

"Ngeiawm lo mai teh,ka tum em em vang pawh a ni chiahlo ania,ka tum deuh tho a" a tih chuan ka nuih a tiza reuh lutuk,a pha deuh dui bawk nen.

"E,hmân zan kha maw,i sawi a ka hrechhuak leh chiah. Aho lutuk,khatiang te chu tihpalh thil anih kha,engah mah ngai suh,keipawn ka lo theihghilh leh daih tawh hi" thawven hmel fahran a ka tih chuan mak a tih hmel zâwk hle.

Mahse a awmdan chu a thlâk leh vat tho,ka tih kha maw,hepa hian inthlâk zung zung theihna power a nei alawm.
"I ti tak tak maw,ka awm ati nuamlo deuh a,Lisa pawh khan ngaihdam va dil rawh a ti chhên a"
Hah,Lisa vang bawkin maw helai thleng thlenga ngaihdam min dil tura alo kal. A thu chu a awih hle mai.

"Aho,ka theihnghilh tawh ka tih kha,ka hriatrengna hi a țha tawhlo alawm" ka tih chuan min melh vang vang pah in
"Umm,a țha nih chu chutianga i ngaih chuan" a bu deuh nghut ngut a.
"Samkiri pawh alo puitling ve tawh hle a ni" tih zawm zat pah chuan ka sam chu a rawn tuai thur vak a.

"I kut a hlei emai,haw tawh rawh" a kut ben pah a ka tih chuan
"Ka lo riak ve mai dawn emaw ni" ala ti ham ham.

Awi awi,a rawn riahloh dan tur,vân sân kai zia chu maw,a hmeichhe bulah ka sawm ang te khan a lo sawi leh emaw a nia nga.

"Teuh hian a hnailo,hnailo mai pawh a nilo,i thusawi khan sawngsaw hlawtna a neihloh zia chu maw, thlâm banga Nehru-a rêl ang vel a ni" ka tih chuan a duhloh hmel teh e.

"In ina riah sawi lai a thlâm bang,Nehru tih vel lo sawi,inperhsan lutuk. I phalloh chuan sawi țha ve mai la" tûm deuh hmuk a a tih chuan a zaklo hi ka'n ti khawp a.

"Anih leh,ka phallo,i bialnu te bulah riahpui turin ka sawm angah che ilo sawi leh palh ang tiin ka hnial dawn che mi" melh hrep pah a ka tih chuan

"Chu lam pawh ka sawilo,thu ila mak emai a,han mu rawh" tih pah chuan chak fê in a tlânchhuak nghal nia.

Kha kha eng nge,keihi a ni lawm ni thinrim zâwk tur chu. A mak hle mai,hetiang reng anih chuan a hahthlâk telh telh dawn anih hi. Lu thing deuh mât mât pah chuan ka lût ve nghal mai a.
.
.
.
LALRINKIMA POV:

Mak ti deuh a min en reng tu chu ka bike darthlalang atang chuan ka hmu reng. Keipawn eng vanga khatia awm thut nge ka nih pawh ka hre hrep love.

Țha deuhin ka va zâwt anga,ka awmdan khan a lakah danglamna a thlen anga a lan chuan a țhian ang chauhin min la enlo reng a ni tih ka chiang ang a,keipawh in ka awmdan ka hriatthiam hauhloh te hi ka sawifiah vek ang a,ka nu laka phuba ka lâk tum pawh țhulh țhakin ka umzui ang tiin ka in ngaihtuah a,ka huaisenna neih zawng zawng sâwm khawmin ka va pan anih kha. Mahse,ka tum ang chu alo ni hauhlo mai. A tha zawk ania nge.

Engvanga Lisa hming kha lam ve ngawt nge ka nih,a lan dan chuan a lawm vaklo anih kha.
Lisa te chu vawiin nileng pawn ka be lova,ani pawn min rawn be biklo.
Hmân zan ka awmdan vang khan ala lungawi vaklo a,pawi ka ti chai love,ka duh vanga hnaih pawh ka nilo.

Inah chuan ka haw ve ngei a,mahse minlo hmuaktu chu inhauhna bawk a ni.
Lisa chu a pa âwmah chuan beiin alo țap deuh feih feih a,ka nu chuan alo hnêm ve mawlh mawlh bawk,U Mami leh U Esi chuan rilru nat hmel fê chuan ka nu te chetla vel chu an lo melh ngawt ngawt a. U Esi zawhna nei deuh a ka va melh chuan


"Bawiha ilo haw tawh maw,hei Lisa hi a nuam vak lova" ka nu zâwk chuan a rawn ti a.

"Nuamlo a nihna pawh ka hre hauh love,mi chungchang a chhe lai hlir sawi mai" U Mami chuan alo ti hlak hlak a.
"Eng chu nge thleng sawi ula" ka tih chuan Lisa chuan ka va pan beisei deuhin min lo melh a.

"Hmân zan in piancham lawmna a Nemi nen in awmdan a nu leh pa te bulah alo hêk che u anih hi. Thlalak te a hmuh a" thinrim deuh a U Mami'n a tih chuan ka thin a tirim hle. Chutiang chhungte bula sawi chi pawh ni hawtlo chuan.

"Nemi'n a hêl deuh che angin a sawi a,Nemi kan lo țan kha a thin a rim a,ka nu hian alo țan leh bawk nen" U Esi meuh paw'n ka nu ngeina a tichhuak ve ta alawm.
Engtiang chiahin nge a fanu rangkachak chu alo țan a,heti khawp a ka unaunu te rilru lo tina thei chu.

"Chutiang ten eng nge ilo sawi a,Nemi hian min hêl lova,a nundan pawh sawisel ngaiin a awmlo,nangni in piang ve a ni tih ka hriat hma leh kan chhungkua tichhe tur a inlo lang dawn a ni tih ka hriat hma daih tawh atanga ka țhian țhaber anih saw i hria em" tih pah chuan ka nu leh a pasal chu ka melh hrâwk a.
Lisa chu pawt tho lawpin kalpui mai ka tum chu a pa thusawi avang chuan ka ding leh zawk
"Sawtiang a nu ber pawh hriatloh,sâwn fa mai mai vang sawn ka fanu hi i tina anih chuan ka ngawi mai mai lovang. A nî pawh saw a pa farnu ani tak taklo lehnghal. A pa bialnu hlui a hmangaih tak țhin chuan an fanu duhloh kalsan tâk chu a enkawl seilian ania,mumallo hlawm lutuk. Sawtiang an khawlai fa mai mai. A nu leh pa te ang lek ala ni lovang tih pawh a sawi theihloh saw" a rawn tih chua ka farnu te chuan mak an tih hmel hle,hei ngei hi anih hi Lisa in alo hriat chhan.


Lisa pa chu ka va pan phei pawp pawp a,"i sawiloh tur i sawi hnem lua e" tih pah chuan a kawr âwmah chuan ka țhâm tho lawk a,hnek bur ka tum chu thil tla țhuai ri vang chuan ka kut lek lai chu ka titâwp chawt.
[img]

Kawngka lam kan va hawi nâk chuan Nemi leh a nî chu anlo ding reng a,Nemi zawk chu chhuatah alo țhu deuh niai a,a meng hnawm deuh chap a,mak a tih hmel hle.
Hetiang hi a thleng dawn tih ka hriat vanga Lisa kâ pawh hup hram hram ka ni a.Kan thâwm hriat kha a phone thlauh ri a ni bawk.


"Nilo" tih pah chuan ka unaunu te chuan Nêmi te awmna lam chu an va pan phei nghal a. A nî pawh chu chechâng lo chuan a ding khawng reng.
Ka nu ka va en chu inthiamloh hmel deuh hian min lo melh a.
"I kam tam rah saw en rawh,tun atang chuan i hmûi bethlehem kha control tawh ang che" tih deuh hrâwk pah chuan a pasal chu ka nem țhu chawrh a.

☆☆☆☆☆☆☆☆

[Ngaia]

STAY
CHAPTER 9

♡◇♡◇♡◇♡◇♡

LALNUNNEMI POV:

Lalrinkima a haw hnu deuh mut ka tum vel tih ah chuan ka phone hi a ri leh țhin a,zan a rei ve angreng tawh si a,han lâkloh ngawt chu ti deuhin peihlo chung chung chuan ka charge lai chu ka va la a.

"Nêmi i nî nen khan tunah kan inah inlo chhuk thei ang em,Rina leh ka pa te an inhau a,kan buai nasa lutuk a.Kan inkhap hlei theilo. Khawngaihin i nî nen khan lo chhuk mai teh u" Lisa chuan țap deuh pûr mangan hmel deuh chuan a rawn ti a.

Amah ai mah chuan ka mangang zâwk ni mai hian ka hria.
Tun lawkah khan țha tê tê in a haw emaw tia.
Nge ni,ka laka a lungawi lohna inchhûngah ava hrithla zâwk.

"Ava buaithlak ve,zan a rei ve tawh sia,ka ni ka hrilh ang a kan lo tum dawn nia" ka tih chuan
"Aw,lo kal ngei ngei ru aw,kut an inthlâk leh ang tih ka hlau ania" a rawn ti deuh țiau a. Dâwt sawi a thiam viau a,mahse tuna a rawn awmdan ah kha chuan dâwt anih hmel si loh.


Nitei mutna ah ka zu chhuk a,alo la mu biklo aniang,ala êng deuh pap a.
"Nite,Rinkima a nu pasal nen an in tibuai deuh aniang,Lisa khan mangan hmel deuhin an in a kal turin min rawn ngên a" ka tih chuan a mengphâwk hle
"Ava zialo ve,Rinkima hi chu aw, a buaithlak țhin" tih pah chuan kawrlum a ha deuh sawk sawk a.

"Nichin lawk khan hetah alo kal a,a haw deuh chauh kha ania. Ka thusawi ala fuh chiahlo deuh a,a thinrim na ava hrithla deuh emaw ni dawn" ka tih chuan

"Inlo in hmu fâl leh a" mak tih hmel deuh a min melh deuh hâ pah chuan a ti a.

"Nia,hmân zanah a che mawilo deuh a,chumi rawn sawifiah tur a rawn kal chu ania" tih pah chuan ka zui chhuak ve nghal a. A bu liam ve mai.

Hmanhmawh deuh tak chuan taxi phar in kan chhuk a.
Keipawh hian kut anlo inthlâk ka hlau ber a ni. Ka țhianpa hi ramsa ang mai a a chhuah ka phal miahlo.

An inkawt kan thlen chuan rin ai daih in alo reh leh sia,ka nî pawh chuan mak a ti deuh aniang
"Thâwm an va nei si lo ve" tih pah in an step ah chuan kan chho a
"An in beng dâi tawh pawh a ni maithei,kan kal ta sa sa lût lawk mai ang" ka tih chuan alo 'aw' ve leh mai a.

Han en thlî thlai hrim hrim ka duh a ni.
An kawngkhâr ka hawng tur chiah an thusawi ka hriat avang chuan ka tawp chat a
"Khatin a chungchang sawi reng reng suh" Lalrinkima'n a tih chu ka hre hman a,a pawi dawn aniang ti a hawn pawp ka tum chu,a pa thusawi leh vang chuan ka ding khawng reng.

Nitei lam ka va en chuan phâwk fahran hian inchhûng lam chu alo melh ngar ngar a.
A pa chuan a sawi zo chiah chu ka phone ken lai chu an tile chhuat ah chuan ka thlauh țhuai a,keimah pawh ka țhu sawp nghal nuaih. Lalrinkima'n a pa hnek alo tum mêk pawh chu a tâwp chat a.

Inchhunga awm ho chu anlo hawi phei țhap a,min rawn hmu thut chu mak an tih hmel hle. Lisa tih loh chu.

Ka thu hriat kha eng maw ni,kei hi ka nu leh pa duhloh kalsan. Chuan,ka nî hi ka pa hmangaih hlui maw,enkawltu ka neihloh vang mai mai a Nitei hian min enkawl maw alo nih a.

Ka mittui pawh chu a tla in ka hrelo,min țhâwn dan a dang em a,țah nachâng pawh ka hrelo ni mai in ka hria.

Kan bulah chuan anlo tlânphei hlawm a,U Esi chuan min rawn kaihthawh a tum a,ka kut lo pêk nachâng pawh ka hre chuanglo. Ka â chhuih mai.

Lalrinkima chuan a pa kawr a țhâmna chu a paih dâwrh a,a nu chu kâwk sawk pahin eng emaw hi a sawi a,ka lam pan chuan hmanhmawh deuhin alo kal a.

"Eng nge hetah te in rawn tih reng reng le aw" a sam húi deuh pap pah chuan a ti a.


"Lisa hian in buai nasat thu a rawn hrilh a, in ina lokal turin a rawm ngên anih kha" Nitei chuan thinrim aw deuh tak chuan alo ti a.

"Kan hmêli mai mai chuh,a thiltih kual vel mai mai maw lo ni,nasa leh lutuk mai,i thil tih pawizia hi i hmu em. Nuam iti mi?" tih pah in U Rini chuan Lisa chu ava pan a,a nu leh pa te hmaah chuan Lisa dâwih hmel deuh a lo ding hmâiah tak chuan a bêng hawisawk mai a.

A pa chuan "engthil nge ti ni a i inhriat" tih pahin U Rini chu a samah a phih dâwrh a.

"Hmel a ka U kut i thlâk amaw" tih pahin Lalrinkima chuan nichin a ka hnek ai ti ni âwm fahran hian a pa chu ava hnek thal țhuai mai a.

A nu leh hmeichhe dang awm ho chu an lo țê chûl a.
"Ila duh em" tih pah a Lalrinkima'n khawih a tum leh chuan an lo pawt bet a.

Keipawh chu ka tho nghal zawk a,ka va pan ve nghal.

Lalrinkima chu a hnunglam ațang chuan ka va kuahbet a,nghet zetin ka pawm tlat a,a thaw ri hrâwk hrâwk a,a thin a rim hle tih a awmdan ațangin a hriat theih.

Keimah ber rilru buai tur ka nih nen,hepa hi buaipui alo ngai leh bawk si.

Rawn inher in ka mitah tak chuan a en a
"I tha tiraw,he mihring pa thusawi kha chu enga tan mah ti suh" tih pahin a pa lam chu a melh a.

"Lo kal rawh" tih pahin min kâi chhuak a,kawngka kan thlen hma chuan a hawilêt leh a,Lisa chu kawk pahin
"Nangpawh kha,ka rawn kîr hunah ka be duh che nia" tih pah chuan min kalpui hlawk hlawk a.

"Nitei kha" ka tih chuan
"Ka U te'n an thlah mai ang,lungngai suh,chuang rawh" tih pah chuan helmet a khum nghal a.

Bike chuan kan tlân vang vang a,,khawilam nge a pan pawh ka hre lo,tunah hian dar 12 a ri țêp tawh ang.

Ka thu hriat te ka ngaihtuah a,keihi mi chuang mai mai maw ka lo nih. Ka thisen zawm emaw ti a rei tak innghah nan a ka lo hman ve awmchhun pawh mihran daih alo ni a,keihian chhûngkhat laina pawh ka nei ve lo maw. Nu leh pa te pawn an duhloh,chutah enkawltu neilo khawngaih vanga mihran in a tuamhlâwm mai mai maw ka lo nih. Ka mittui te chu a hnai kuar kuar mai.

Bike a tih din chuan ka hawichhuak nghal a,high school field bulah chuan kan lo ding reng chu niin.
Helai hmun hi kan inhmuh hmasak ber na a ni a.
Kan têtlai chuan kan thinrim leh chhungte laka kan lungawiloh apiangin tah hian kan kal a. Țah a ngaih leh kan țap hrep țhin.


"Tah eng nge kan tih,helai te chu țahna hmun chauh alawm,ka țap duh hleinem" țap țeuh tho chung chuan ka ti a.
Chutah a âwmah chuan min kuah bet nghal a,
"Mi chaktak anga awm kha bânsan rawh,mi derdêp tak inih kha. I nat chuan tilang la,ka bulah in bunruak rawh" tih pah chuan ka hnungah a bêng thek thek a.

"Ih,keihi mi chuang leh enkawltu pawh neilo,a hringtu te pawn an ensan leh khawngaih vanga mihran enkawl mai mai ka lo nia,ilo hre ve em? Ka nu leh pa te chu mi khawlo leh mumallo mahni rîla rah pawh endawng thei anni asin" tih pah chuan ka țap zawih zawih a.

"Shhh,chutiang engmah sawi suh,mi chuang ini lova,kan hmangaih vek che. Tuman an enhrang reng reng lo che. Chutiang in ngai tawh reng reng suh" a ti mawlh mawlh a.

Min hmangaih dan kawng kha ka mamawh leh duh a ni hleinem,tunah hian ka țhianpa leh unaupa ang nilovin,ka engkim,ka innghahna leh ka hmangaih,ka ngaihzâwng angin min hnêm la ka mamawh zawk asin,ka rilru chuan ka ti mawlh mawlh a.

Tunah khan ka hmangaih tih ka sawi ngei,ni e,he mihring vawi tamtak ka rilru tur hre hauh lova min tina a,ka muttui vawitam titla thin tu hi ka hmangaih miau a ni.

Eng ang pawn phat in haider tum mah ila,dinhmun hrehawm leh hnem ngai ngawih ngawih a ka awm lai hian ka mamawh zia leh ka la thlâkhlelh zia chu ka hre nawn awn awn mai anih hi. Tinge amah kher hi anih,tinge ka mamawh apianga ka kianga awm thin Sangtea kha anih loh,tiin ka hun tawn nen ka ngaihtuahna nen ka țap uar sauh sauh a.
Ani lah chuan ka țah uar chhan hre heklo,nichina mi hnem ang tho khan min hnêm mawlh mawlh a.


A hnuah chuan field bul phûl awmna chinah chuan kan va phei a,ka lunggaih mangan thimna te rawn tihkian tum ang maiin arsi te lah chu an êng chiangin a mawi em em mai si.

Phûl chungah chuan kan tih țhin dan bawkin kan va mu pharh diai a,vân lam chu kan thlîr mai mai a.

A lam ka va hawi phei chu a bân a innem khalh chungin min lo thlir en veng veng a,rilru hah viau e ti lo chuan ka lai deuh titih mai nia.

Lai ang chuan ka awm duh si lova
"I kamsir kha a pem deuh anih kha" ka va tih chuan,a khawih a.
"Kan inchai buaina ah ka tipalh a ni maithei" a ti liam puat a.

"Khawi lo tho la,ka lo en chhin ang" tih pahin ka țhu a,tho ta mai lo chuan ka mal chungah chuan a lu chu a rawn nghat a,
"Tikhan en mai rawh" a tih chuan ka awmdan a buai vek. Hetianga min melh reng chung te chuan engtin nge ka chêt ngam ang ni.

Ka rawmawl tereuhtê chuan a pem lai chu ka hru a
"Eng ang pawn hua la,i nu pasal,a duhtak a a neih a ni a,khatianga kutthlâk ngawt tur a ni ngailo. Khatiang te chuan in boruak a punlun zel mai dawn sin" thu țha te chu ka hrilh pah mawlh mawlh a,ani lah chuan ka mal chung atang chuan min melh kur ringawt.

A chil lem zâwnga a hrawk bâwk che leh ralh țhin te chu hmuhnawm thlir takin ka lo thlir a.

"Țhian lo nilo ta ila min hmangaih theih i ring em" ka mitah tak en chung chuan a rawn ti deuh thut a. Ka hamhaih bawk nen chhân dan tur pawh ka hre lo.
"Aaa,ka hre nang,ka hrelo. Maithei a lo maithei bawk a mahse tunah" ka sawi zo hman lo,ka hmûiah chuan a rawn fâwp thut anih chu,ka meng deuh kâwk a,chêt nachang pawh ka hrelo.


A rawn inbeng kâng a,a aia uar zawk chuan a hmui chu a rawn tiche leh a,keichuan ka la chîp tlat. A kut chu ka dul zawn atang chuan a rawn hrût chhova,chu chuan min tiharh zawk thei.

"Engthil" tih pahin ka nam sawn dâwrh a,a thaw deuh hap a
"Fawh tham hmûi ilo nei ve tawh anih kha" te chu ala ti tak ang deuh deuh a.

"Haw tawh ang,a tlai tawh" tih leh thawh ka rual a. Inbe tawh lêmlo chuan kan in thleng min thlah a, "muttui le" tih pahin ka tlân lût nghal daih.

Ka mut hmunah chuan ka nui deuh ver ver a,mahse ngaihzâwng nei lai ka ni tih ka ngaihtuah a,ka awmdan kha ka in zahpui leh hnuhnawh. Mahse,a nuam deuh tho bawk sia.
.
.
.
Nitei lakah chuan ka inthlahrung thar riau a,a tûk kan thochhuak chu nidang nen a inang tawhlo hle a.
Nitei chuan hrehawm a tih hmel hle.
"Bawihte,nizana i thu hriat te kha thudik a ni a,mahse duhloh kalsan an tih che kha chu a ni hauhlo ania,i nu kha chuan a kalsan ngei che,chupawh i pa nen a boruak kan lo neih deuh thin vang a ni. Han sawi dawt chuan i nu kha a tha vak lova,i pian hnu rei vaklo ah khan i pa nen inti thiamlo in a chhuahsan ta che u a. Kei khan i pa ka lo hmangaih ve thin na laiah khatia enkawltu mumal nei lova i awm kha ka khawngaih che a,i pa nen intiam in ka enkawl ta che a ni. I pa chu zu ruih a chîng a,a hna vanga phaia a kal naah a accident palh hlauh a,tah chuan a boral ta a. Keichuan i pa farnu anga inchhâlin enkawl che ka chuh ta mai a ni" tiin min hrilh a,a sawi lai khan ka hnuk a ulh țeuh a,kum hei leh chen ka pa thlân pawh hmu lovin ka lo awm a maw. Nitei chungah hian lawmthu sawi sênloh ka ba a ni. A ni hian khatih lai khan min enkawl chuh in dawt sawilo se la chuan keihi tunge ka nih pawh hre lovin,hnuchham inah emaw ka seilian ngei awm si a.
Ka nun dan tur pawh ka dâwn ngamlo. Nitei chu inthiamlo lo tur leh dâwt alo sawi tawh avanga ka nun pum a tha lama inthlak anih zia te hrilh in lawmthu ka hrilh ta zawk a ni.


Kha thil a thlen hnu khan eng teh ual chu a thlen chhunzawm leh tawh chuang lova,keipawh Sangtea nen kan la inzui ve a,"nakinah i natna tur ka ni ang tih ka hlau,i duh chuan min kalsan mai rawh keimah ah hian lungawina i hmuh zawh ka ringlo a ni" ti a ka hrilh pawh in a duhlo a ni hmiang,a ngai te bawk in min la chelh ve tlat a.
Kei ve teh mai hi heti khawpa buaipui tur ka nilo asin maw le,amah hmangaih a duh lêt tur tawng se,ka duhsak ber a ni. Mahse,ani pawn hetia kan awmdan hi a sawisel chuang lo.


Kan inkar ah hian engmah hmuh belh leh neih belh leh chuan tur a awm lova,chutiang chiah chuan chân tur a awmlo bawk.

Zanah chuan Lalrinkima leh Sangtea chu an rawn lêngrual ve teh mial a,mahse engmah buaina awm lovin kan inbe țha ve hlawm. Min fawh ringawt kha keimah ah nghawng nasa tak a nei tih hre lêk lovin ani chuan engmah thlenglo ang maiin a lêngkual leh vel mai mai a. Khua hi chu a vâr lo teh e.

An haw hnu lawk chuan WhatsApp ah min rawn bia a,thil hrang hrang a rawn sawi duah a,a awmdan hi a mak țhin em vangin hmân zan a min fawh kha atan awmzia a nei em tih ka zawt a,mahse min chhânna ka hmuh chuan ka zawh hma ka ngai rum rum mai.

"Khatiang infawh te chu,i hriatloh lai pawhin i khumah kan riah in ka ti fo mai,i țap thlêmna che anih kha" alo ti hmiah.

Ka rilru na tihdam nan,ka ngaihtuahna alo la pêng lek chu niin. Ka tan hi chuan a awm ve ngai dawnlo a ni.

Hun lo la awm turah intawng ni zawk ila,tun ang ngawt hi kan ni biklo ang maw le,inkawp rem tur tak,khuanu samsuih te pawh kan ni mah na,mahse kan tun hunah erawh hi chuan natna bak ka dawng lo a ni.


Ni 23 hi a piancham a ni a,Lisa nen a party buaipui tur an sawi dan ah an la inzui anih hmel. An han induh âwm hliah hliah hi ka tia,khatiang thil pawi a khawih hnu ah pawh ala pawm thei cheu a nia. Khum betin an inngâizawng lo chauh. An inzui peih dan em em hi.


A birthday a pêk tur te chu Sangtea nen chhûnah kan lei a,zanah chuan Car in kan kal a.
An inchung zâwlah party an ti ni ngei tur a ni.

Kan va thlen chuan an lo awm deuh huang huang tawh a,a nu leh pa te pawh anlo awm ve,mahse inhnuaiah an awm thung. U Rini leh U Esi te chuan Lisa inti neitu fahran a alo che vel chu eiloh hmel lutukin an lo melh bawk a.

Lisa leh Rinkima pawh an nalh hle,keini pawh puitling tel tur annih vangin tlêm a zahawm ve deuh chuan kan inthuam a.

Mak deuh maiin Rinkima pa pawh ka hmu ve,fa te hmangaihna hi chu alo na a ni. Kawppui dang an neih hnu pawhin an fapa tan chuan alo kal vang vang ania.

Thilpêk te chu kan pe a,a buai deuh bawk nen a tir a kan inbiak bâk kha chu kan inbe leh hman tawh lo.

Cake te chu an han zai ve bawk a,Lisa pa chuan Lisa chu Rinkima cake zai pui turin a ti a. Lisa chu a phûr hmel hle. Lalrinkima ve thung chu tûm bûr chungin cake an barh pawh alo ei a. Lisa barh ve tur a an tih chuan barh tha hle hle ta mai lo chuan a hmaiah a han tât tlawrh anih kha.
A barhtu ber a nui vur vur bawk si,Lisa tan han thinrim chi ni heklo,za lo chungin a nui ve mai.

Kil khatah a U te pahnih anlo nui khûr char char bawk.
Keichu ka nuih za ve bawk mah se,an inbarh ka hmuh te chuan khawi emaw ah hian na lai hi alo awm leh țhin. Ka țah pawh a chhuak hauhlo mah se,thinlung rûm chungin ka nui lui a ni. Sangtea chuan ka kut a rawn hmer vang vang a. Ani hi ka tan chuan vantirhkoh ang mai a ni.


Kan haw hma deuh chuan inchungah inti thawveng turin Sangtea nen chuan kan inzui chhova
"Ka lawm e aw,i lakah ka rilru zawng zawng ka pe lo chung pawh a ka kianga ka mawmawh lai ber a i awm tlat thin vang in" tih pah chuan a kut chu ka va hmer deuh vang vang a.
Nui ver ver in,"hetia min kâi hmasa a hma ila hmasa zêl dawn anih chuan kan ti zel anga nimai lawm" tiin alo hmer lêt ve salh a.

Chutah vân lam hawi chuan boruak ka hîp vang vang a,ka in rinloh lai chuan ka hnunglam atang min rawn kuah a,ka phu deuh uih chu hrelo der in ka chhîpah chuan a khabe a rawn nghat a.
A lam hawi zâwng a ka han melh chho chu ka mit takah min lo melh vang vang a,keipawh chu hawisawn leh pawh ka tumlo. Remlo deuh a kan in en vang vang hnuah a rawn kûn hniam deuh a ka hmûi chu a rawn tawk deuh dê dê a.

Chutah amah hmachhawm zâwng chuan ka inher a,ka fâwp lêt ve țan chiah tih ah chuan Sangtea chu a hrang hlawk a,chhuatah chuan a thal tawp a,mak ti lutuk in a hnektu ka en, Lalrinkima chuan alh tur ang mai hian min lo en in Sangtea chu a en leh a.

"Engthil nge ti ni a i inhriat a,iva mak ve" tih paha chuan Sangtea chu va pan ka rual nghal a.

Lalrinkima chuan engmah a sawi lo,Sangtea kamsîr chu tlemte hian a thî deuh ser ser a.

Sangtea ka buaipui lai chuan Lisa chu a rawn chho ve hlawl a,
"Awi engthil nge" a rawn ti deuh hluai a. U Esi te pahnih pawh an rawn chho ve bawk.

"Lalrinkima hian Sangtea awmțha hle hle lai a rawn khawih alawm maw le" ka tih chuan Lalrinkima chu a lo thaw deuh hawk a.

"Awi,ka thiamloh vek a ni. I Nitei rual khan i haw nghal emaw ka ti a,Sangtea leh hmeichhe chho kha ka hmu a,i awmloh hnu a hmeichhe dang lo awmpui turah ngaiin Rina hi ka hrilh a,ka lo hresual anih chu" a tih chuan ka thin in a tuar tawh biklo.

"Nangnu hi,engkimah inrawlh suh,duh leh alo awmpui anga,a thu alawm. I buai lohna turah hian i buai hnem mah mah a ni. Lo inrawlh leh teh,nangmah zâwk hi ka khawih ve tawh ang che" kâwk sawk sawk pah a ka tih chuan a ngâwi reng a. Zak hmel pawh a pu ve deuh.

"Khati khawp a țan tur khan i eng nge anih a,vawikhat pawh kei i țhian țhaber hi min chhan tawh em. Tunah hepa i țan vang hian midang kutthlâk ah te i vau ve a maw" rilru nat hmel deuh a Lalrinkima'n a rawn tih chuan engti kawng zâwng a min zâwt nge anih ka hrelo. A bialnu ka vau vang nge,mipa dang ka chhan vang.

"I hrelo maw,iva hre har ve,hepa i tih hi ka bialpa,ka mangan lai leh puih ka ngaih ngawih ngawih lai a min fawr san ve mai lova ka bula awm țhin. Ka rilru tur dâwn miah lova ka chunga a duh duh ti ve ngailo,hmeichhe dang a chhaih ang lek a min chhaih ve ngailo anih hi. Tun atang chuan ilo hre reng dawn nia" rilru na deuh chuan ka ti a. Ka na a ni,khatiang thu te kha sawichhuah ka duh ngailo asin. Keimah hian ka natna te kha pâi mai mai ila ka ti a,mahse he mihring pangngailo lutuk vang hian midang hmuh lai a ka sawichhuah a ngai si.


"Keipawn ka pui ngâilo che a mi,i rilru hah in ka hnêm ngailo che a maw. I țah in i bulah ka awm ngailo a maw. He mihring ai hian eng nge ka țhatloh bikna,eng vanga ani hi engkima thlang vek nge inih" tih hrâwk pah chuan a bula chair chu a chhir zawt a,a duh angin a chhir hla lo a ni ngei ang,a piah a bawlhhlawh bâwm chu darh vek khawpin a chhir zui leh pawp a.


Tah zet zawng ka mittui ka dang thei tawhlo. Ramsa ang maiin a ni a chêt.
"Min tina ngailo maw. Ni e,ka țah in i âwm nghêngin min bei tir a,ka mangang a i hriat châng pawhin ka bulah i awm țhin. Mahse,ngati nge,engvang nge ka țah a,ka mangan i hre ngai em. Ngati nge hmeichhe dang i chhaih ang lek a min chhaih a ka nat țhin i hria em. I hrelo tiraw,khâng ka nat chhan leh ka țah chhan te kha hriat i tum lova,i duh dan in min hnem a,i duhtâwk i nei anga i inhriat hnuah i nun chên turin i kal leh a,i khawloh vâng leh a hnu a ka awmdan tur ka rilru tur dâwn hauh lova ka chunga i chêt thin vang a ni" țap deuh pûr chuan ka ti phiar phiar a. U Esi te pahnih pawh chu an mittui a tla ve hial in ka hria. Lisa chuan mak tih hmel deuh in min lo en bawk a.


Ni e,ka duh che ka duh thei lutuk che,tlang takin tilo mah ila,tuna ka thusawi leh kan awmdan atang chuan ka duh anih loh vêk pawhin atthlâk ngawpin ka ngaihtuah tih mi mâwl tan lo chuan a hriat theih mai. Mahse,a rawn sawi ta sa sa,kan thlen chin chin kan thleng tawh anga nimai. Rilru buai reng a awm hi ka kham tawh takzet.

☆☆☆☆☆☆☆☆☆

[Ngaia]

STAY
CHAPTER 9

♡◇♡◇♡◇♡◇♡

LALNUNNEMI POV:

Lalrinkima a haw hnu deuh mut ka tum vel tih ah chuan ka phone hi a ri leh țhin a,zan a rei ve angreng tawh si a,han lâkloh ngawt chu ti deuhin peihlo chung chung chuan ka charge lai chu ka va la a.

"Nêmi i nî nen khan tunah kan inah inlo chhuk thei ang em,Rina leh ka pa te an inhau a,kan buai nasa lutuk a.Kan inkhap hlei theilo. Khawngaihin i nî nen khan lo chhuk mai teh u" Lisa chuan țap deuh pûr mangan hmel deuh chuan a rawn ti a.

Amah ai mah chuan ka mangang zâwk ni mai hian ka hria.
Tun lawkah khan țha tê tê in a haw emaw tia.
Nge ni,ka laka a lungawi lohna inchhûngah ava hrithla zâwk.

"Ava buaithlak ve,zan a rei ve tawh sia,ka ni ka hrilh ang a kan lo tum dawn nia" ka tih chuan
"Aw,lo kal ngei ngei ru aw,kut an inthlâk leh ang tih ka hlau ania" a rawn ti deuh țiau a. Dâwt sawi a thiam viau a,mahse tuna a rawn awmdan ah kha chuan dâwt anih hmel si loh.


Nitei mutna ah ka zu chhuk a,alo la mu biklo aniang,ala êng deuh pap a.
"Nite,Rinkima a nu pasal nen an in tibuai deuh aniang,Lisa khan mangan hmel deuhin an in a kal turin min rawn ngên a" ka tih chuan a mengphâwk hle
"Ava zialo ve,Rinkima hi chu aw, a buaithlak țhin" tih pah chuan kawrlum a ha deuh sawk sawk a.

"Nichin lawk khan hetah alo kal a,a haw deuh chauh kha ania. Ka thusawi ala fuh chiahlo deuh a,a thinrim na ava hrithla deuh emaw ni dawn" ka tih chuan

"Inlo in hmu fâl leh a" mak tih hmel deuh a min melh deuh hâ pah chuan a ti a.

"Nia,hmân zanah a che mawilo deuh a,chumi rawn sawifiah tur a rawn kal chu ania" tih pah chuan ka zui chhuak ve nghal a. A bu liam ve mai.

Hmanhmawh deuh tak chuan taxi phar in kan chhuk a.
Keipawh hian kut anlo inthlâk ka hlau ber a ni. Ka țhianpa hi ramsa ang mai a a chhuah ka phal miahlo.

An inkawt kan thlen chuan rin ai daih in alo reh leh sia,ka nî pawh chuan mak a ti deuh aniang
"Thâwm an va nei si lo ve" tih pah in an step ah chuan kan chho a
"An in beng dâi tawh pawh a ni maithei,kan kal ta sa sa lût lawk mai ang" ka tih chuan alo 'aw' ve leh mai a.

Han en thlî thlai hrim hrim ka duh a ni.
An kawngkhâr ka hawng tur chiah an thusawi ka hriat avang chuan ka tawp chat a
"Khatin a chungchang sawi reng reng suh" Lalrinkima'n a tih chu ka hre hman a,a pawi dawn aniang ti a hawn pawp ka tum chu,a pa thusawi leh vang chuan ka ding khawng reng.

Nitei lam ka va en chuan phâwk fahran hian inchhûng lam chu alo melh ngar ngar a.
A pa chuan a sawi zo chiah chu ka phone ken lai chu an tile chhuat ah chuan ka thlauh țhuai a,keimah pawh ka țhu sawp nghal nuaih. Lalrinkima'n a pa hnek alo tum mêk pawh chu a tâwp chat a.

Inchhunga awm ho chu anlo hawi phei țhap a,min rawn hmu thut chu mak an tih hmel hle. Lisa tih loh chu.

Ka thu hriat kha eng maw ni,kei hi ka nu leh pa duhloh kalsan. Chuan,ka nî hi ka pa hmangaih hlui maw,enkawltu ka neihloh vang mai mai a Nitei hian min enkawl maw alo nih a.

Ka mittui pawh chu a tla in ka hrelo,min țhâwn dan a dang em a,țah nachâng pawh ka hrelo ni mai in ka hria.

Kan bulah chuan anlo tlânphei hlawm a,U Esi chuan min rawn kaihthawh a tum a,ka kut lo pêk nachâng pawh ka hre chuanglo. Ka â chhuih mai.

Lalrinkima chuan a pa kawr a țhâmna chu a paih dâwrh a,a nu chu kâwk sawk pahin eng emaw hi a sawi a,ka lam pan chuan hmanhmawh deuhin alo kal a.

"Eng nge hetah te in rawn tih reng reng le aw" a sam húi deuh pap pah chuan a ti a.


"Lisa hian in buai nasat thu a rawn hrilh a, in ina lokal turin a rawm ngên anih kha" Nitei chuan thinrim aw deuh tak chuan alo ti a.

"Kan hmêli mai mai chuh,a thiltih kual vel mai mai maw lo ni,nasa leh lutuk mai,i thil tih pawizia hi i hmu em. Nuam iti mi?" tih pah in U Rini chuan Lisa chu ava pan a,a nu leh pa te hmaah chuan Lisa dâwih hmel deuh a lo ding hmâiah tak chuan a bêng hawisawk mai a.

A pa chuan "engthil nge ti ni a i inhriat" tih pahin U Rini chu a samah a phih dâwrh a.

"Hmel a ka U kut i thlâk amaw" tih pahin Lalrinkima chuan nichin a ka hnek ai ti ni âwm fahran hian a pa chu ava hnek thal țhuai mai a.

A nu leh hmeichhe dang awm ho chu an lo țê chûl a.
"Ila duh em" tih pah a Lalrinkima'n khawih a tum leh chuan an lo pawt bet a.

Keipawh chu ka tho nghal zawk a,ka va pan ve nghal.

Lalrinkima chu a hnunglam ațang chuan ka va kuahbet a,nghet zetin ka pawm tlat a,a thaw ri hrâwk hrâwk a,a thin a rim hle tih a awmdan ațangin a hriat theih.

Keimah ber rilru buai tur ka nih nen,hepa hi buaipui alo ngai leh bawk si.

Rawn inher in ka mitah tak chuan a en a
"I tha tiraw,he mihring pa thusawi kha chu enga tan mah ti suh" tih pahin a pa lam chu a melh a.

"Lo kal rawh" tih pahin min kâi chhuak a,kawngka kan thlen hma chuan a hawilêt leh a,Lisa chu kawk pahin
"Nangpawh kha,ka rawn kîr hunah ka be duh che nia" tih pah chuan min kalpui hlawk hlawk a.

"Nitei kha" ka tih chuan
"Ka U te'n an thlah mai ang,lungngai suh,chuang rawh" tih pah chuan helmet a khum nghal a.

Bike chuan kan tlân vang vang a,,khawilam nge a pan pawh ka hre lo,tunah hian dar 12 a ri țêp tawh ang.

Ka thu hriat te ka ngaihtuah a,keihi mi chuang mai mai maw ka lo nih. Ka thisen zawm emaw ti a rei tak innghah nan a ka lo hman ve awmchhun pawh mihran daih alo ni a,keihian chhûngkhat laina pawh ka nei ve lo maw. Nu leh pa te pawn an duhloh,chutah enkawltu neilo khawngaih vanga mihran in a tuamhlâwm mai mai maw ka lo nih. Ka mittui te chu a hnai kuar kuar mai.

Bike a tih din chuan ka hawichhuak nghal a,high school field bulah chuan kan lo ding reng chu niin.
Helai hmun hi kan inhmuh hmasak ber na a ni a.
Kan têtlai chuan kan thinrim leh chhungte laka kan lungawiloh apiangin tah hian kan kal a. Țah a ngaih leh kan țap hrep țhin.


"Tah eng nge kan tih,helai te chu țahna hmun chauh alawm,ka țap duh hleinem" țap țeuh tho chung chuan ka ti a.
Chutah a âwmah chuan min kuah bet nghal a,
"Mi chaktak anga awm kha bânsan rawh,mi derdêp tak inih kha. I nat chuan tilang la,ka bulah in bunruak rawh" tih pah chuan ka hnungah a bêng thek thek a.

"Ih,keihi mi chuang leh enkawltu pawh neilo,a hringtu te pawn an ensan leh khawngaih vanga mihran enkawl mai mai ka lo nia,ilo hre ve em? Ka nu leh pa te chu mi khawlo leh mumallo mahni rîla rah pawh endawng thei anni asin" tih pah chuan ka țap zawih zawih a.

"Shhh,chutiang engmah sawi suh,mi chuang ini lova,kan hmangaih vek che. Tuman an enhrang reng reng lo che. Chutiang in ngai tawh reng reng suh" a ti mawlh mawlh a.

Min hmangaih dan kawng kha ka mamawh leh duh a ni hleinem,tunah hian ka țhianpa leh unaupa ang nilovin,ka engkim,ka innghahna leh ka hmangaih,ka ngaihzâwng angin min hnêm la ka mamawh zawk asin,ka rilru chuan ka ti mawlh mawlh a.

Tunah khan ka hmangaih tih ka sawi ngei,ni e,he mihring vawi tamtak ka rilru tur hre hauh lova min tina a,ka muttui vawitam titla thin tu hi ka hmangaih miau a ni.

Eng ang pawn phat in haider tum mah ila,dinhmun hrehawm leh hnem ngai ngawih ngawih a ka awm lai hian ka mamawh zia leh ka la thlâkhlelh zia chu ka hre nawn awn awn mai anih hi. Tinge amah kher hi anih,tinge ka mamawh apianga ka kianga awm thin Sangtea kha anih loh,tiin ka hun tawn nen ka ngaihtuahna nen ka țap uar sauh sauh a.
Ani lah chuan ka țah uar chhan hre heklo,nichina mi hnem ang tho khan min hnêm mawlh mawlh a.


A hnuah chuan field bul phûl awmna chinah chuan kan va phei a,ka lunggaih mangan thimna te rawn tihkian tum ang maiin arsi te lah chu an êng chiangin a mawi em em mai si.

Phûl chungah chuan kan tih țhin dan bawkin kan va mu pharh diai a,vân lam chu kan thlîr mai mai a.

A lam ka va hawi phei chu a bân a innem khalh chungin min lo thlir en veng veng a,rilru hah viau e ti lo chuan ka lai deuh titih mai nia.

Lai ang chuan ka awm duh si lova
"I kamsir kha a pem deuh anih kha" ka va tih chuan,a khawih a.
"Kan inchai buaina ah ka tipalh a ni maithei" a ti liam puat a.

"Khawi lo tho la,ka lo en chhin ang" tih pahin ka țhu a,tho ta mai lo chuan ka mal chungah chuan a lu chu a rawn nghat a,
"Tikhan en mai rawh" a tih chuan ka awmdan a buai vek. Hetianga min melh reng chung te chuan engtin nge ka chêt ngam ang ni.

Ka rawmawl tereuhtê chuan a pem lai chu ka hru a
"Eng ang pawn hua la,i nu pasal,a duhtak a a neih a ni a,khatianga kutthlâk ngawt tur a ni ngailo. Khatiang te chuan in boruak a punlun zel mai dawn sin" thu țha te chu ka hrilh pah mawlh mawlh a,ani lah chuan ka mal chung atang chuan min melh kur ringawt.

A chil lem zâwnga a hrawk bâwk che leh ralh țhin te chu hmuhnawm thlir takin ka lo thlir a.

"Țhian lo nilo ta ila min hmangaih theih i ring em" ka mitah tak en chung chuan a rawn ti deuh thut a. Ka hamhaih bawk nen chhân dan tur pawh ka hre lo.
"Aaa,ka hre nang,ka hrelo. Maithei a lo maithei bawk a mahse tunah" ka sawi zo hman lo,ka hmûiah chuan a rawn fâwp thut anih chu,ka meng deuh kâwk a,chêt nachang pawh ka hrelo.


A rawn inbeng kâng a,a aia uar zawk chuan a hmui chu a rawn tiche leh a,keichuan ka la chîp tlat. A kut chu ka dul zawn atang chuan a rawn hrût chhova,chu chuan min tiharh zawk thei.

"Engthil" tih pahin ka nam sawn dâwrh a,a thaw deuh hap a
"Fawh tham hmûi ilo nei ve tawh anih kha" te chu ala ti tak ang deuh deuh a.

"Haw tawh ang,a tlai tawh" tih leh thawh ka rual a. Inbe tawh lêmlo chuan kan in thleng min thlah a, "muttui le" tih pahin ka tlân lût nghal daih.

Ka mut hmunah chuan ka nui deuh ver ver a,mahse ngaihzâwng nei lai ka ni tih ka ngaihtuah a,ka awmdan kha ka in zahpui leh hnuhnawh. Mahse,a nuam deuh tho bawk sia.
.
.
.
Nitei lakah chuan ka inthlahrung thar riau a,a tûk kan thochhuak chu nidang nen a inang tawhlo hle a.
Nitei chuan hrehawm a tih hmel hle.
"Bawihte,nizana i thu hriat te kha thudik a ni a,mahse duhloh kalsan an tih che kha chu a ni hauhlo ania,i nu kha chuan a kalsan ngei che,chupawh i pa nen a boruak kan lo neih deuh thin vang a ni. Han sawi dawt chuan i nu kha a tha vak lova,i pian hnu rei vaklo ah khan i pa nen inti thiamlo in a chhuahsan ta che u a. Kei khan i pa ka lo hmangaih ve thin na laiah khatia enkawltu mumal nei lova i awm kha ka khawngaih che a,i pa nen intiam in ka enkawl ta che a ni. I pa chu zu ruih a chîng a,a hna vanga phaia a kal naah a accident palh hlauh a,tah chuan a boral ta a. Keichuan i pa farnu anga inchhâlin enkawl che ka chuh ta mai a ni" tiin min hrilh a,a sawi lai khan ka hnuk a ulh țeuh a,kum hei leh chen ka pa thlân pawh hmu lovin ka lo awm a maw. Nitei chungah hian lawmthu sawi sênloh ka ba a ni. A ni hian khatih lai khan min enkawl chuh in dawt sawilo se la chuan keihi tunge ka nih pawh hre lovin,hnuchham inah emaw ka seilian ngei awm si a.
Ka nun dan tur pawh ka dâwn ngamlo. Nitei chu inthiamlo lo tur leh dâwt alo sawi tawh avanga ka nun pum a tha lama inthlak anih zia te hrilh in lawmthu ka hrilh ta zawk a ni.


Kha thil a thlen hnu khan eng teh ual chu a thlen chhunzawm leh tawh chuang lova,keipawh Sangtea nen kan la inzui ve a,"nakinah i natna tur ka ni ang tih ka hlau,i duh chuan min kalsan mai rawh keimah ah hian lungawina i hmuh zawh ka ringlo a ni" ti a ka hrilh pawh in a duhlo a ni hmiang,a ngai te bawk in min la chelh ve tlat a.
Kei ve teh mai hi heti khawpa buaipui tur ka nilo asin maw le,amah hmangaih a duh lêt tur tawng se,ka duhsak ber a ni. Mahse,ani pawn hetia kan awmdan hi a sawisel chuang lo.


Kan inkar ah hian engmah hmuh belh leh neih belh leh chuan tur a awm lova,chutiang chiah chuan chân tur a awmlo bawk.

Zanah chuan Lalrinkima leh Sangtea chu an rawn lêngrual ve teh mial a,mahse engmah buaina awm lovin kan inbe țha ve hlawm. Min fawh ringawt kha keimah ah nghawng nasa tak a nei tih hre lêk lovin ani chuan engmah thlenglo ang maiin a lêngkual leh vel mai mai a. Khua hi chu a vâr lo teh e.

An haw hnu lawk chuan WhatsApp ah min rawn bia a,thil hrang hrang a rawn sawi duah a,a awmdan hi a mak țhin em vangin hmân zan a min fawh kha atan awmzia a nei em tih ka zawt a,mahse min chhânna ka hmuh chuan ka zawh hma ka ngai rum rum mai.

"Khatiang infawh te chu,i hriatloh lai pawhin i khumah kan riah in ka ti fo mai,i țap thlêmna che anih kha" alo ti hmiah.

Ka rilru na tihdam nan,ka ngaihtuahna alo la pêng lek chu niin. Ka tan hi chuan a awm ve ngai dawnlo a ni.

Hun lo la awm turah intawng ni zawk ila,tun ang ngawt hi kan ni biklo ang maw le,inkawp rem tur tak,khuanu samsuih te pawh kan ni mah na,mahse kan tun hunah erawh hi chuan natna bak ka dawng lo a ni.


Ni 23 hi a piancham a ni a,Lisa nen a party buaipui tur an sawi dan ah an la inzui anih hmel. An han induh âwm hliah hliah hi ka tia,khatiang thil pawi a khawih hnu ah pawh ala pawm thei cheu a nia. Khum betin an inngâizawng lo chauh. An inzui peih dan em em hi.


A birthday a pêk tur te chu Sangtea nen chhûnah kan lei a,zanah chuan Car in kan kal a.
An inchung zâwlah party an ti ni ngei tur a ni.

Kan va thlen chuan an lo awm deuh huang huang tawh a,a nu leh pa te pawh anlo awm ve,mahse inhnuaiah an awm thung. U Rini leh U Esi te chuan Lisa inti neitu fahran a alo che vel chu eiloh hmel lutukin an lo melh bawk a.

Lisa leh Rinkima pawh an nalh hle,keini pawh puitling tel tur annih vangin tlêm a zahawm ve deuh chuan kan inthuam a.

Mak deuh maiin Rinkima pa pawh ka hmu ve,fa te hmangaihna hi chu alo na a ni. Kawppui dang an neih hnu pawhin an fapa tan chuan alo kal vang vang ania.

Thilpêk te chu kan pe a,a buai deuh bawk nen a tir a kan inbiak bâk kha chu kan inbe leh hman tawh lo.

Cake te chu an han zai ve bawk a,Lisa pa chuan Lisa chu Rinkima cake zai pui turin a ti a. Lisa chu a phûr hmel hle. Lalrinkima ve thung chu tûm bûr chungin cake an barh pawh alo ei a. Lisa barh ve tur a an tih chuan barh tha hle hle ta mai lo chuan a hmaiah a han tât tlawrh anih kha.
A barhtu ber a nui vur vur bawk si,Lisa tan han thinrim chi ni heklo,za lo chungin a nui ve mai.

Kil khatah a U te pahnih anlo nui khûr char char bawk.
Keichu ka nuih za ve bawk mah se,an inbarh ka hmuh te chuan khawi emaw ah hian na lai hi alo awm leh țhin. Ka țah pawh a chhuak hauhlo mah se,thinlung rûm chungin ka nui lui a ni. Sangtea chuan ka kut a rawn hmer vang vang a. Ani hi ka tan chuan vantirhkoh ang mai a ni.


Kan haw hma deuh chuan inchungah inti thawveng turin Sangtea nen chuan kan inzui chhova
"Ka lawm e aw,i lakah ka rilru zawng zawng ka pe lo chung pawh a ka kianga ka mawmawh lai ber a i awm tlat thin vang in" tih pah chuan a kut chu ka va hmer deuh vang vang a.
Nui ver ver in,"hetia min kâi hmasa a hma ila hmasa zêl dawn anih chuan kan ti zel anga nimai lawm" tiin alo hmer lêt ve salh a.

Chutah vân lam hawi chuan boruak ka hîp vang vang a,ka in rinloh lai chuan ka hnunglam atang min rawn kuah a,ka phu deuh uih chu hrelo der in ka chhîpah chuan a khabe a rawn nghat a.
A lam hawi zâwng a ka han melh chho chu ka mit takah min lo melh vang vang a,keipawh chu hawisawn leh pawh ka tumlo. Remlo deuh a kan in en vang vang hnuah a rawn kûn hniam deuh a ka hmûi chu a rawn tawk deuh dê dê a.

Chutah amah hmachhawm zâwng chuan ka inher a,ka fâwp lêt ve țan chiah tih ah chuan Sangtea chu a hrang hlawk a,chhuatah chuan a thal tawp a,mak ti lutuk in a hnektu ka en, Lalrinkima chuan alh tur ang mai hian min lo en in Sangtea chu a en leh a.

"Engthil nge ti ni a i inhriat a,iva mak ve" tih paha chuan Sangtea chu va pan ka rual nghal a.

Lalrinkima chuan engmah a sawi lo,Sangtea kamsîr chu tlemte hian a thî deuh ser ser a.

Sangtea ka buaipui lai chuan Lisa chu a rawn chho ve hlawl a,
"Awi engthil nge" a rawn ti deuh hluai a. U Esi te pahnih pawh an rawn chho ve bawk.

"Lalrinkima hian Sangtea awmțha hle hle lai a rawn khawih alawm maw le" ka tih chuan Lalrinkima chu a lo thaw deuh hawk a.

"Awi,ka thiamloh vek a ni. I Nitei rual khan i haw nghal emaw ka ti a,Sangtea leh hmeichhe chho kha ka hmu a,i awmloh hnu a hmeichhe dang lo awmpui turah ngaiin Rina hi ka hrilh a,ka lo hresual anih chu" a tih chuan ka thin in a tuar tawh biklo.

"Nangnu hi,engkimah inrawlh suh,duh leh alo awmpui anga,a thu alawm. I buai lohna turah hian i buai hnem mah mah a ni. Lo inrawlh leh teh,nangmah zâwk hi ka khawih ve tawh ang che" kâwk sawk sawk pah a ka tih chuan a ngâwi reng a. Zak hmel pawh a pu ve deuh.

"Khati khawp a țan tur khan i eng nge anih a,vawikhat pawh kei i țhian țhaber hi min chhan tawh em. Tunah hepa i țan vang hian midang kutthlâk ah te i vau ve a maw" rilru nat hmel deuh a Lalrinkima'n a rawn tih chuan engti kawng zâwng a min zâwt nge anih ka hrelo. A bialnu ka vau vang nge,mipa dang ka chhan vang.

"I hrelo maw,iva hre har ve,hepa i tih hi ka bialpa,ka mangan lai leh puih ka ngaih ngawih ngawih lai a min fawr san ve mai lova ka bula awm țhin. Ka rilru tur dâwn miah lova ka chunga a duh duh ti ve ngailo,hmeichhe dang a chhaih ang lek a min chhaih ve ngailo anih hi. Tun atang chuan ilo hre reng dawn nia" rilru na deuh chuan ka ti a. Ka na a ni,khatiang thu te kha sawichhuah ka duh ngailo asin. Keimah hian ka natna te kha pâi mai mai ila ka ti a,mahse he mihring pangngailo lutuk vang hian midang hmuh lai a ka sawichhuah a ngai si.


"Keipawn ka pui ngâilo che a mi,i rilru hah in ka hnêm ngailo che a maw. I țah in i bulah ka awm ngailo a maw. He mihring ai hian eng nge ka țhatloh bikna,eng vanga ani hi engkima thlang vek nge inih" tih hrâwk pah chuan a bula chair chu a chhir zawt a,a duh angin a chhir hla lo a ni ngei ang,a piah a bawlhhlawh bâwm chu darh vek khawpin a chhir zui leh pawp a.


Tah zet zawng ka mittui ka dang thei tawhlo. Ramsa ang maiin a ni a chêt.
"Min tina ngailo maw. Ni e,ka țah in i âwm nghêngin min bei tir a,ka mangang a i hriat châng pawhin ka bulah i awm țhin. Mahse,ngati nge,engvang nge ka țah a,ka mangan i hre ngai em. Ngati nge hmeichhe dang i chhaih ang lek a min chhaih a ka nat țhin i hria em. I hrelo tiraw,khâng ka nat chhan leh ka țah chhan te kha hriat i tum lova,i duh dan in min hnem a,i duhtâwk i nei anga i inhriat hnuah i nun chên turin i kal leh a,i khawloh vâng leh a hnu a ka awmdan tur ka rilru tur dâwn hauh lova ka chunga i chêt thin vang a ni" țap deuh pûr chuan ka ti phiar phiar a. U Esi te pahnih pawh chu an mittui a tla ve hial in ka hria. Lisa chuan mak tih hmel deuh in min lo en bawk a.


Ni e,ka duh che ka duh thei lutuk che,tlang takin tilo mah ila,tuna ka thusawi leh kan awmdan atang chuan ka duh anih loh vêk pawhin atthlâk ngawpin ka ngaihtuah tih mi mâwl tan lo chuan a hriat theih mai. Mahse,a rawn sawi ta sa sa,kan thlen chin chin kan thleng tawh anga nimai. Rilru buai reng a awm hi ka kham tawh takzet.

☆☆☆☆☆☆☆☆☆

[Ngaia]

STAY
CHAPTER 11

♡◇♡◇♡◇♡◇♡◇♡

(A kual thu inti maithei,mahse a tâwp țep ania aw).


Ka pa thlân chu a vawikhatna atan ka tlawh ve a,a bul hnim vel te chu alo chul deuh rup a.
Kal zâwng pawhin hnahthel ri a ring ve duh hle.
Ka han thlîr vang vang a,a damlai khan keihi min lo hmangaih ve țhin ang em le. A nupui,ka nu ni bawk,min hmangaihna nei hauh lova midang ûm tu chauh kha em ni a ngaihtuah thin ang. A fa ka nih ang tal pawhin ka hriat theih hnu hian min han kuah ve se,ka khawvel hi a kim ni mai tur. Mahse,hun a koh kîr theihloh ang bawk in liam tawh chu an lo lêt thei bawk si lo.

Lalrinkima pawh chu a rawn riak zeuh zeuh chauh a,a rawn riah loh hian khawnge a awm ang ka ti țhin,a haw lo tih ka hre bawk si.
A rawn riah châng hi chuan a harhfîm ngai meuhlo a,mahse a inthlahrung thei hle țhin.

Ka bula mut pawh a chuh tawh ngai lova, ka lo nghah thin vang hian ka mu har thei hle. 12 ah te alo haw a,a mut dawn pawh in ka buaipui vek thin.
Chutiang harhfîmlo buaipui mai mai a ngailo pawh in lo ti a ni thei. Mahse,kei lo chu neih a neilo a ni. Ka țhian a ni si a.

A mut ngheh thlengin a bulah ka țhu thin a,mangchhia neih zeuh zeuh a chîng a,chutah pawh ka buaipui vek a,a khawsik in damdawi ka pe a,a pang te puan in ka dep țhin.

Zîng a harh hi chuan a hre mumal leh tawh ngailo
Chuvang aniang hmân zana thutak ve fahran a a sawiho pawh hre leh tawhlo ang mai a a awm,nge a hrelo der pawh ka hrelo. Pawi ka ti lova,țhian kan nihna a lâwm taka buaipui hi kan inhnaih theih dan ber ni reng rawh se.


Nizan phei chu lu lam leh mawng lam pawh hre lêk lovin a rawn lum lût ka ti mai. A ngaihna tak pawh ka hrelo,heti taka awm tur hian eng nge maw a tawh leh tawh ni. A pheikhawk leh jacket te chu ka phelhsak a,a mutna ah chuan ka mut a,a țawngvâi deuh reng a,eng nge a sawi pawh ka hre theilo.

U Esi thilthleng a hriat leh hriatloh ka va zawh chuan an chhungkua an inhauh thu bawk min rawn hrilh a. Inhauhna bawk maw ni leh,an inrem ve thei ngai dawn lo anih hi. An inhau a,țha takin an haw a,an mu leh a,a tûkah engmah thlenglo ang maiin an awm leh a. Mahse,hetah tuar em em tu a awm si,an inhauh apianga a nundan tidanglam ziah leh a tuartu ber a awm tih an hre ve si lo.


Chhûnah chuan chawlh anih vangin in te ka tifai a,Nitei chuan dâwr a nghak a. Ka rilțam eitur ka siam lai chuan Lalrinkima chu hmanhmawh deuh hian a rawn haw thut a,tun ang hunah hmuh pawh ka lo in beisei chiahloh nen.
"Hmingthansanga nen hian in la inngâizawng em?"a rawn ti thut a
"Aw,ni ve e mahse tinge?" Ka tih chuan
"Anih intih thiamlohna in nei em" a ti leh hlur a
"Neih pawh ka hre chiahlo,mahse tunlai chu kan inbe vaklo" ka tih chuan
"Min lo zui rawh" tih pahin min kai chhuak nghal dâwr dâwr a.


Eng tak chu ni maw,ka awmhmun kawr nen,ka lo che nasa ve nen,ka bâl si.
"Eng nge,ka kawr te hi en ta che" ka tih chuan
"Rawn chuang mai mai rawh,ler hun pawh a nilo" a tih chuan bazar lam pan chuan kan chhuak a.

A hmaa Sangtea nen kan thil eina dâwrah chuan min luh pui a,"saw saw en rawh" a tih chuan ka hawi kual vel a,engmah ka hmu si lo.

"A kil saw en ta che" a tih chuan a sawina lam ka va en chu ka phu deuh zuk mai.
Hmingthansanga leh hmeichhe pakhat min hnungchhawn zâwnga țhu chu in hawlo tih hriat zet hian thil an lo ei dun a,an mahni pawh chu an in ei lo chauh,an inhnaih mai si. An inthâwk khum hnai si a,an thâwk an insem emaw tih mai tur. A mak ka ti lutuk chu ka en reng a.

Tun hnai hian a reh deuh a mahse kan inbiak pawhin a hmaa a awmdan ngai reng khan a awm a,țha deuhin sawi mai se,ka hnial hrehloh nen. Hetia ka hnunglam a midang min kawpsan leh daih te chuan a zah pawh ka zak e. Țha deuh a min kalsan mai tura ka tih pawh a min kalsan duh hleilo.

"A aia mak hmu turin lo inring rawh" Lalrinkima'n ka beng bula a rawn tih sur sur chuan ka thaw deuh halh ringawt.

Chutah a hmeichhe kalpui nen an rawn ding chiah chu ka din na dawhkan bula tui no chu ka va vaithla palh a. Anni pawh chu an rawn hawi nghal. Sharoni chuan phâwk lutuk mai hian min rawn en a. Sangtea pawh chu a rawn hawi phâwk hle,mahse a insiamtha leh vat tho.

Lalrinkima chuan engkhaw sawi set set lo chuan Sangtea chu ava pan a,a kawr nghâwngah chuan țhâm in "min rawn zui rawh" tih pah in dâwr sîr kil lamah chuan a hruai phei a. Sharoni chuan inthiamloh hmel deuh hian min lo en ker a. Engmah ka sawilo,kan mipa te pahnih awmna lam chu ka va pan ve a,ka hnungah Sharoni pawh chu a rawn kal ve.

"Țhen tur a atih lai che in i țhen duh lova,tunah a țhiannu neihchhun nen inlo bum reng amaw,iva nêp ve" tih pah chuan a hnek chawrh a. Sharoni nen chuan kan lo țe țhat a,kan va pan hnai nghal.

"Nêp a,nangmah kha alawm nêp chu. I duh pawh hrethiamlo khawpin i mawl ania,chutah ila tina ziah lehnghal. Ka kawp tih chu ka pha lo,mahse nangni pawh eng nge in nih bik,hmanni a in infawh te kha,eng nge awmzia" rawn thawh pah a atih deuh tuarh chuan Lalrinkima chuan "Ngâwi hmak rawh" tih pah chuan khawih leh a tum a. Ka va dang vat a.

"I duh chuan min hnek leh la,Nêmi laka ka tih dikloh hremna a ni mai. Mahse,min duh lêt hauhlo tu leh ka bula awm reng chung pawh a mipa dang ngaihsak thin hi chelh reng a har ve asin. Ka tum a ni biklo. Alo thleng ve tawp" a tih chuan
"Țha deuhin țhen mai la,hetia a țhian kawm ve awmchhun nen a bum kherlo hian" zâidam deuh zâwk a atih leh chuan
"Engtin nge ka sawi ang,i mi duh,duh ve lo tu che chu lo nghak la,keichuan i țhiannu hi ka lo nihpui mai ang ka ti dawn ami. Nangni pahnih pawh ni si lovin inngaizâwng ang takin in awm a,inhauhna awm si lovin in inhlat leh a,in bula awm ho hian kan lo kham zâwk asin" beidawn hmêl zet a atih chuan


"Keima thiamloh vek zâwk a ni,,tuma thiamloh a awmlo. A bul ber chu keimah ka ni,inthiamlo duh suh u" ka tih chuan Lalrinkima chuan
"I â mi,i thiamloh na ka hrelo. He mihring vang hi anih hi,hmeichhe kawp chîng" tih pahin Sangtea chu a kâwk a
"Nangpawh eng nge inih,i kawp țên țûn a ni lawm ni,anih nang ka zâwt ang che. Nêmi hi i kawp ve nge,kawplo in i duh ringawt" a tih chuan a zawhna chu țûllo ka ti hle. A awmdan vangin ka thin a rimlo,mahse tuna a zawhna vang hian ka haw hle a ni.

"Keichuan hmeichhe hrang hrang ka lo kawp pawh a ni thei,midang ka kawpsan ho kha chu an hlu lo vek,ka tih ang tho khan anni pawhin min kawp tho. Mahse,nang ve chuan midang laka i rinawmloh san,i kawp hi hmeichhe dang ang a nihloh hi hre ta che. Ani chu midang nen a tehkhin chi a nilo,a hlu lutuk i hria em" a tih chuan na lo tur pui ka lo na.

"A hlu itih si chuan engah nge i tihnat reng,i duh anih te chuan pawm mai la,hetia midang nei reng chunga i tâ ang mai a cheibâwl lo hian" thinrim hmel taka a tih chuan
"Chu zawng ilo inrawlhna tur a ni ve lo ve" a tih deuh hmuk chuan Sangtea chuan nui deuh in
"Chuti tûn thleng pawhin i duh tih ila inpawm chuanglo a maw,nge ilo duh ngailo hrim hrim,ka hnaih a ka dah apiangin kei min hua a,lâkhran i tum ziah kha" in rintâwk hmel fê chuan a ti a.

Keichu ka la inrawlh duhlo,Lalrinkima hian engtin nge a chhân ka hre duh a ni.

"Ka țhian a ni a,i bulah emaw ka duh thu ka sawi tawh em,la sawilo tiraw?" Lalrinkima'n a tih chuan keimah zâwk chu Sangtea chuan min rawn melh a,tunah khan min puih a tum tih min en dan ațang sâwn ka hre thei. Mahse,min puihna chuan rah țha a chhuahlo anih hmel e.

"Engtikah mah i duh tih hi i inpawm ngai lovang,i ruih lungpuam lai chauhin em ni i sawi ngam dawn" Sangtea chuan min khawngaih hmel deuha min melh chung chuan a ti a. Ka ngaithla thei tawhlo.

"Aho lutuk,keini te chu țhian vek alawm kan nih tiraw. Nangni pahnih pawh inthiamlo lo ula ka duh. Tihian a hma ang khan țhian ni reng ang u" boruak thlâk tum deuh a ka tih chuan an ngâwi țhap a. Sharoni,hmeichhia a zawng a hmeichhe harhvâng leh țawng duh pawh a ngâwi kar mai.
.
.
.
College ah chuan Sangtea leh Sharoni te pawh chu an inzui ve țan a,chîk deuh tan chuan a hriatthiam theih ang. Sharoni chuan min la be vak lova,min zah deuh ni berin ka hria.

Sangtea chuan min biak a duh thu a sawi a,chhûn chawlh hunah ka hmu ang tih ka hrilh a.

Kan inhmuh chuan a ți deuh dai hian ka hria,keimah zâwk chu ka ri deuh bawrh bawrh a,a inthiamlo tur chu keimah zâwk hi ka ni.

"Englo,hmanni kha,ka sawi tum pawh a ni veklo ania aw. Rinkima kha runluih ka châk ve hrim hrim a. Chuan i laka ka chêtdan mawilo zet vang pawh khan ka tihpalh" atih chuan nui pahin
"Inthiamlo duh reng reng suh,keimah zâwk hian ka chelh rei mah mah che a,inlo inthup thei hle mai" te chu kan ti zâwk a.
Nui deuh hui pah hian
"Inthup lam pawh a nilo,i hmâi zah ana ve a. Bakah ka chhânna ala rei lova" a tih chuan
"Aman a bêm che maw" nuihza deuh a ka tih chuan
"Kan inzui hma daih khan min rawn bêm tawh alawm. Ka lo ngai thutak hran lova,mahse a ti ve tak tak aniang,hei ka la enchhin ve zel e"a tih chuan amah zâwk hi hmeichhe dinhmun a ding a ang ka ti zâwk. A mipa zâwkin a enchhin ania.

Sharoni pawh chu inhmuh puiah ka sawm a,alo kal ve mai a. Sangtea khan kan inbiakna a hrilh anih hmel,tlem chuan a awm a nawm hmel deuh tawh.
Kan inbe rei a,ahma ang chiah kha chu ni hrihlo mah ila,a nui leh vak vak tawk.
"Nangman in va be hmasa a ni maw" ka tih chuan
"A,iti duh in nih hma daih khan ka va bêm a,'ka duh chi ini lo' alo ti nih chu. A hnuah inlo ni leh daih si,mak la ti lutuk. Tuna kan nih hi maw,ka vawi 5 bêm na" alo la ti ham ham zui. Ka nuihpui hnem teh e.

An inbiak dan vel a sawi te chuan a hma kan boruak theihnghilh țhak in mittui tla pûr in kan nui.

Vawikhat Sangtea message ava thawn emaw a tih,thlum fahrana a ziah,a laka a luanliam zia leh hmelțha a tih zia te chu an veng YMA President alo va thawn,Sangtea ve tho alo ni si. An president lah a tûkah an inah a kal leh si,'in fanu chuan thu a thiam hle mai,mahse keichu nupui ka nei tawh a' nui huah huah pahin ava ti a ni âwm e.

Sangtea'n hmeichhe fel deuh ka duh atih vangin ani chawhmeh zuarlo pui chuan Sangtea te in chauh a zawrh tur chawhmeh alo va la,a chhûngte awmkim lai ngeiin alo va zuar țhin hi alo ni a.A han sawi zo chu kan nui nasa bawk,inthiamlohna ka nei bawk.
Khati khawp a lo duh si chuan min hrilh ve tal tur ania.


Kan zavai mai chuan thilthleng tawh sawichhuak lovin kan inkâwm leh dial dial a,Lalrinkima hi a hrang deuh ber a,a chhan pawh a ruih deuh țhin vang a ni.
Keipawm a ruih laia a thusawi kha ka ngaihtuah duh tawh lova,a rawn riah pawhin ka bulah a mu tawh lova.

Mangchhia erawh ala nei zeuh zeuh tih ka hria. Zîng thawh hi a hre țhak lova,ka kaihthawh chawp zêl a ngai thin. A mut theih lohvin ka buaipui a ngai ,a natin damdawi ka pêk a ngai,a mut theihnan ka pui a,a mu thei leh lutuk kaihthawh chawp a ngai leh a. Engkim mai hi ka pui vek a ni mai. "Tun atang chuan Ka Nu min ti tawh ang che" fiamthu deuh a ka tih chuan a khi vur vur ringawt zel.


A mangchhe neih hi zînga a harh hian a hre tawh ngailo hrim hrim a,ka awmpui te hi chu a hre deuh tho țhin. A damdawi ei țhin kha a hriatloh hlân in ka en ru a,mutna damdawi sâng fahran hi alo ni a. Ruih nan a hmang emaw ka ti zâwk a,mahse damdawi thiam ka zawh in doctor chawh ho chauhin an ei in an lei thei an ti si. Mut theihloh chhan chu a nei ve ngei a ni.


Lisa piancham a ni a,U Esi leh U Rini hian Aizawl lamah zirtirtu hna an hmu bawk nen,a ruala lawm an ti a. Keini pawh min sawm ve a. Lisa piancham vâng chauh chu nise chuan ka kallo va va ang chu. Mahse,U Esi te pahnih an lo tel ve bawk si,mi an sâwm ngawrh bawk nen,loh theihloh chuan kal a ngai dawn a ni.

Sangtea leh Sharoni pawh anlo kal ve dawn a ka huphurh em em ta lo. Nitei chu puitling anih vangin a kal hmasa deuh a,keichu Sangtea te pahnihin motor an lo keng dawn a,min rawn lam nghal dawn. Lalrinkima pawh a peihlo chung chung nimin zîngah khan Nitei'n a tîr haw a,Nitei sawi nilo se chuan a haw duh hauh lovang.


Inngaihzâwnna lam tumah mahin kan sawi tawh ngai lova,tihian tuna kan awmdan ah hian kan hlim hrih a ni e. Ani erawh harhfîm loh ala chîng a,a chhungte pawh an buai ve nasa khawp mai.


Ka mi nghah te anlo thleng ta bawk a,dîptu awm lova inzui anni ta bawk nen,an rawn ri ve phawr phawr tawh. Ka hlimpui hle a ni. Anni hi ka chân anih chuan ka nun hian awmzia a neih tlêm belh khawp ang.

STAY
CHAPTER 12

An in kan zu thlen chuan mi an lo chiau-âu vat a,U Esi te pahnih pawh hna an hmu bawk a an hlim ve hmel khawp mai. Lisa pawh chu kawr nalh zet nen a vei then then mai.
Min rawn hmu chu a rawn nui ver ver a, "zanin ah hian eng emaw in zavai hriata puan tur kan nei ania aw" a rawn tih chuan awmze nei lovin ka lo hlauthawng ve ngawt pek.

Chaw te kan ei a,zanah chuan inkawm ho mai mai na atan tiin an inchungah chuan kan awm a. Rinkima pa pawh alo kal ve leh a,a fanu te hlawhtlinna lawmpui tur chuan a nupui pasal te inah ngei pawh a rawn pên lût ve alawm.

Inhnuai a chhuk zawk ka tum chu inchung pindan zâwn ațang hian țawng ser ser ri ka hria a, "Engmah zanin hiam buaina siam hauh suh ang che. I farnu te hi lungngai takin an awm i duhlo tih ka hria" Rinkima nu chuan Rinkima chu alo ti mawlh mawlh a.
Pakhat lah chuan a thusawi hre âwm pawhin a awmlo,a hnungchhawn a,meizial fâwp vang vang pahin a nu thusawi hrelo ang hmak chuan a hmalam chu a en san daih a. Keipawh chuan mi thusawi ngaihthlak a țha lo tiin ka kalsawn ta a.


Inchungah chuan ka chho leh a,Sharoni leh U Esi te ho nen chuan kan awm a,midang ho chu an haw tawh hlawm a. Inhnuaiah Nitei leh Rinkima nu leh pa te ho an awm bawk.
U Esi te pahnih chuan "tikhan in pathum khan lo awm lawk ula,mikhual kan zu thlah lawk ang e,single lo ti khawhar lo ula" mit min siai kual pah chuan an chhuk a.

Kan pathum chuan thil ho mai mai kan sawi a,Lisa khan thil puan tur kan nei atih kha eng tak chu ni ang maw.
U Esi te anlo chho leh har si. Ka bula awm pahnih lah hi mit vên tur awm ta lo chu an han ni leh mai mai khawp a. An bulah chuan ka lo nui ve vel mai mai. Lalrinkima leh Lisa ber pawh an bo hmak mai bawk si.

"Kan chhuk ve tawh dawn mi,haw a hun deuh tawh mai" Sharoni'n a tih chuan Sangtea chuan "kan pi berin itih chuan kan chhuk anga nimai lawm" fiam pahin a biangah chuan a piai vak a. Pakhat lah alo țeu hlar bawk si. Ka bula awm reng tura ka duh pahnih te hetia hlim leh inngeih taka ka bula an awm hi ka hlim hle a ni.


Inhnuaiah chuan kan zu chhuk ve a,mahse an thâwm kan hre chiah chu kan in en hâw hlawm mai. Lalrinkima hian buaina alo thlen leh aniang tiin kan chhuk hlawk hlawk a. Mahse kan zu thleng thla chu Lalrinkima ani hauhlo,U Esi chu alo țap deuh pâr a
"Ka nu engtin nge itih theih,ka pa thiamloh emaw tiin kha leh chen ka pa pawh kan thinrim khum a,kan be țha duh lova,mahse nang erawh chuan tisual hmasa tu nilo ang maiin,tuar ber angin i awm vel a maw. Ka pa inthiamlo tak a kan bula a awm te khan hrehawm tihna i nei ve ngailo ami. Chutah kan lak ațangin Bawiha ila hrang a,honeymoon leh eng moon moon emaw ni hman san in i kalbo san ziah a,ani naupang thim hlau țhin tih i hriat reng kha enkawltu mumal nei lovin i kalsan a maw. Engtin nge i tih theih. Ka ngaidam ngai lovang che" mittui luang zawih zawih a alo tih chuan midang ho pawh chu an ngâwi țhap a.


"Ka thiamloh a ni. Ka tihpalh tih hian a hril sêng lovang,heti khawp hian Bawiha nunah nghawng a neih ka ring ngailo a ni" insût deuh hraih a atih chuan
"Ni e,i hre tawp nâng. Nangin nuam chên a i vahkual lai khan ina i fapa enkawltu neilo mangang a awm,thim pawh hlau kha,current pawh awm mumal loh naah i hnutchhiah țhin a. Tun thlengin Bawiha hian mangchhia ala neih phah tih i hria em,chupawh i hre leh tawp nang tiraw. A kawng dikloh zawh chhan pawh hi nangmah vek hi ini. Tu nau nge amah hringtu nu vanga mangchhia nei a,mutna damdawi ei ngai awm ngâi,a kianga i awm hnu pawhin thim a hlau tih hrereng chungin amahin thimah i riah tir a,a mutțhat theihloh vangin damdawi i pe a,nangmah vang hian tun thlengin mutna damdawi tello chuan a mu thei ngailo asin" a tih deuh phiar phiar chuan a pa chuan


"Bawihi,a tawk tawh e. Khatin mahni nu te an chhuahchhâl tur a nilo. I nu anih kha. Keipawhin a tir chuan ka hre bik lova,mahse Bawiha hruai tura alo kal khan Bawiha nen an thusawi atangin ka hria a,ka dan theih a ni tawhlo tih ka hria a,a hlimna a ûm tiin ka kaltir ta mai a ni. Mahse,a thu awih a Bawiha ka pe kha chu ka tihsual lianber a ni ta anih hi" tiin U Rini te chu alo hnêm a.

Lalrinkima hian heti em em harsatna lian hi alo tâwk ang tih ka hre lo a ni. Keichuan a sual kalsan a tum vang emaw tiin fiam nan tak ka lo hmang a. Naupang tan chuan a tawrh kha alo nasa em a ni.

Tunah chuan ka zirchhuah tâk chu

*AN HARSATNA TAK LEH AN TAWRHNA BUL HRIATPUI SI LOH CHUAN TUMAH HI SAWISEL A,NUIHZAT LOH TUR. I BUL A THAWVENG LEH HLIM TAK A NUI THIN PAWH KHAN SAWICHHUAH THEIHLOH SER ALO PÂI RENG THEI. HMUHTHEIH SER ILA NEIH CHHUNG CHU VANNEI INTI HLE RAWH. A CHHAN CHU MAW,HMUH THEIHLOH CHIN A SER CHUAN REH NI A NEI NGAILO,HRIATNA A AWM CHHUNG CHU A AWM VE RENG ANG*
tih hi a ni.

Tunge khatiang khawpa harsatna kha kan Lalrinkima hian a tawh ring,mahse a tâwk miau si. Rûiin thle ve bâwk bâwk thin mah se,a thawvengin vei neilo ang maiin kan lo ngai a,mahse kan nat lêt a na ser alo nei reng a.


Rinkima pa chu ava han ropui tak em. A nupui leh fa te mualpho hlauvin a thiamlohna awm miahlo ah zahna leh mualpho a tuar ania. A nupui uire naah mawh a phur a,a nupui chu a hlimna nei turin a thlah ta a.

U Rini chuan a tawpna tur ti ang maiin "Ni e,ka pa thiamloh pawh a awm ve thovang. Mahse,khatia inthup lo khan sawi ve mai la,ka pa huatna nen kan țhanglian a,chutah a belhchhah tur tingin Bawiha nun alo ho leh bawk si. En rawh,nangmah vangin i fapa hian a unaunu hrawn lakah sâwn a thlâk hi" a tih tuarh chuan ka phone ken lai chu ka thlauh țhuai a,ka hresual emaw tiin ka hawikual a,mahse Nitei ber pawhin mittui tla chunga min lo en avang chuan ka dinna hmunah chuan ka țhu hnawk a. Sangtea leh Sharoni chuan min rawn chelh nghal vat a.


Heihi maw Lisa khan an thu puan tur a sawi chu,ka awih theilo. Dâwt a ni.
Sangtea chuan Lalrinkima chu ava hnek thal țhuai a,puitling ho chuan engmah inrawlh an tumlo tih hriat zetin an melh țhup ringawt.

Lisa chuan "Hei pawh nangmah vang anih hi,mipa hrang hrang i duh hnem lutuk vang vek" a rawn tih chuan thinrim sa nen ka va pan phei pawp pawp a,a hmâiah tak chuan sen vek khawpin ka bêng hawisawk a. Tumah chuan min dan an tumlo. Mahse,Lalrinkima ber chuan
"Engpawh sawi ula,in fanu hi ka khawihchhe tawh tho tho va,ka neih ngei a ngai dawn anih hi" zahna nei map lova a tih chuan Lisa pa chuan rawn khawih a tum a
"I zak lo maw,ka fanu hi nang hian i phû lo,a tihluih tlat vangin ka pawm mai che a,mahse hetiang zâwng hian i chêt ka ring hauhlo" a tih chuan an thusawi pawh ka ngaithla peih tawhlo.


Pawnah ka tlânchhuak a,ruah chu ala tla ser ser a,ka hnunglam a min auh ri pawh ka hre reng. Mahse,tunah hian mahni chauha awm ka duh a ni.


Ka hmalam a kal mawp mawp pah chuan ka mittui tla lo țawiâwm tur tingin ruah chu atla cherh cherh a. Ka mittui hru tâwk pah chuan
"Lalrinkima,ka haw lutuk che,engvanga ka nuna lo lang nge inih" tiin ka au vak a. Ruah chu a rawn baw hawk ka ti mai,țêk tla ri te chuan ka nat vanga ka au ri min thupsak an tum ni mai hian ka hria.

Tunah tak hi chuan ka hlauh țhin țêk leh kâwlphe te chu ka khawhar loh nan a kawng min zawhpui tu anni.

Lalrinkima chuan min rawn zui a ni ngêi ang,min au vak vak a. Ka hawilêt hauhlo. Ka bul a rawn thlen chuan ka kut a rawn man chawt a "min thlah nghal rawh,mi tenawmpa" tih tuarh pah chuan ka vai sawk a.
"Ngâwi rawh,ka thusawi ngaithla ta che. Eng nge engmah hre lova i kal daih" a rawn tih tuarh chuan ka nuihzat vang ni hauh lovin ka nuih hak a
"Eng nge la hriat belh se min tih,in chêtdan kimchang nge,eng nge hria se min la tih cheu a maw...tinge ka nunah hian ilo lan ve. Kalbo rawh,ka haw lutuk chu" ka tih chuan


"I nuna ka lo lang ve chu i duhlo hle alo ni maw. Ngati nge midang te i ben a,beer rim te i nam lehnghal. Ka hriat țhin Lalnunêmi kha iva ang tawhlo ve" ala rawn ti zâwk za mah. Ni e,kan thil in ah khan beer kan pawlh miau alawm.

"Keihi engtin nge pangngai se mi tih a,ka kianga nangni ang mi rilru pangngailo lutuk virkual reng chung leh ka rilru leh natna te infiam nan a hmang chung hian engtin nge pangngai tura min beisei theih,mawh. Nangpawh kum tamtak liamta khan ka hriat țhin ini tawhlo ve tho alawm,danglam ta ve ve te chu kan in rûltâwk chiah a nimai lawm" nuih uar uar pah a ka tih chuan

"Iva mak ve,pangngai rawh" tih pahin min thing nawk nawk a.
"Ka pangngai lovang,ka pangngai leh ngai lovang,nang mi tenawm hi ka bul hnaihah pawh awm tawh suh. Khawvela ka inchhir ber chu nang ka lo tawng leh che hi a ni. Hun hi her lêt thei ngat ila chuan e,ilo lêt leh hma khan hmun dangah ka lo awmbo daih ang. Nilo,chupawh ka la duhtawk lovang,kan naupan laia inrawn insawn tirh atang khan ka thlâk danglam vek anga,helai hmuna intawng miahlo tur hian ka in siam danglam ang. Chuan ka dinhmun ah khan tumah ka dah lo anga ,a chhan chu maw ka tawrh ang leh ka paltlang ang hi alo paltlang ka duhlo a ni. I hria em,chuvang chuan ka hnaihah rawn inlan tawh suh" a âwma chum chawrh chawrh pah chuan ka ti tuarh tuarh a.



Engmah sawi tum hmel pawh a pu lo,thinrim hmel deuhin ka che vel chu min en ngar ngar a. Ka la duh tawk teuhlo.

"I hria em,he zungbun hi,kan kawppui te tana thianghlim tura kan intiamna anih hi,khami bun reng chung khan engtin nge min la hmachhawn ngam zawk. Tunah khan phelh nghal rawh" tih tuarh pah chuan ka zungbun chu ka lek vâ a.

A thinrim hmel lutuk chu min ei zo mai ang tih a hlauhawm
"He zungbun țhing lutuk hi maw i sawi a,ka lo hre ve tawh hleinem. A ho lutuk a,ka lo theihghilh palh a ni ngei ang. Hetiang zungbun hmanga intiamna tih vel vang hian ka nun ka chen loh phah dawnlo. He zungbun teh hrep hian eng nge ka kutah ala tih" tih pah chuan a kut a zungbun chu a phelh sawk sawk a.

Ka hmaa rawn lek pah chuan
"He zungbun bun chung hian vawi engzat nge nuam ka tâwl i hria em,i hre ve thiam lovang. He zungbun bun reng chung hian vawi engzat nge a vâwrtâwp ka thlen hman i hria em" a sawi leh hma chuan a hmâiah chuan ka theihtawp a na in ka bêng sawk a.

Chutah rawn hawichhuak in,min țhen khum sak pah hian "i kutthlâk ana reuh hle mai" a ti duh lek chauh.

"Heihi kan inkâr tâwpna,țhian ang leh țhianlo ang pawhin,eng ang pawha a tâwpna ah ngai ang che. Kan hun lo hmandun tawh,a hlimawm leh hlimawmloh zawng zawng pawh theihghilh hmak la,i piang ve tih ka theihghilh anga,ka piang ve lo angah ngai bawk ang che. Khawlâia min hmu fuh anih pawhin min biak buai tum suh,mi zinga zah i duhloh chuan hmelhriatloh angin min kalpêl tawh ang che" a zungbun ken chu la sawk in ka kal nghal nal nal.

Kan in chu ka thleng a,Nitei chuan min lo nghak a,ani chu an lo thlah a ni ngei ang. Engmah sawi lovin ka room ah ka lut a,ka inphelh sawk sawk a. Phone ah chuan hla ka play a,ama earphone min lei ngei chuan,chutah amah vangin ka țap tawh lovang ka tih chu vawi eng emaw zât na atan ka bawhchhe leh ta. Ka tumloh tawpin ka mittui chu a sûr zung zung a,țah chhuah ka hlau si,ka rizai chu ka kâ ah hnawhin ka seh bet a,ka chhungril chu a rûm vawng vawng a,a au hian a au bawk,mahse râwl ka chhuah thei bawk si lo. Ka hla ngaihthlak nen chuan ka tun dinhmun chu a inrem em em bawk si.

{'Who's gonna walk you through the dark side of the
morning?
Who's gonna rock you when the sun won't let you
sleep?
Who's waking up,to drive you home when you're
drunk and all alone?
Who's gonna walk you through the dark side of the
morning ?
It ain't me'}

Tunah chuan buaipuitu dang a nei tawh ang a. A buaiin ani'n a buaipui ang a,a damloh châng pawhin a enkawl tawh ang a,mangchhia a neih a zan a mut theihloh chângin a menpui anga,zingah a kaitho thei ziah tawh bawk ang a. Keichu min mamawh tawh dawnlo alawm. Mal tak ni a a inhriat châng pawhin a bulah hnêmtu an awm tawh ang a,mahse chu chu ka ni tawh dawn si lo.



(Ka type laklawh lutuk a,epi 2 ka lo dah tawp.
Ka story thar tur kha eng nge in ngaihdan lo sawi ve ula tiraw).

☆☆☆☆☆☆☆☆☆☆☆☆

[Ngaia]

TAY
CHAPTER 13

♡◇♡◇♡◇♡◇♡◇♡◇♡


LALRINKIMA POV:

Rilru nâ tih hriat lutuk a Samkiri tlânchhuak chu va ûmzui nghal ka tum a. Lisa chuan min lo pawt bet a
"Min thlah nghal rawh,engvanga sawi tur ka tih chin aia tam sawi nge inih" tih hrâwk pah chuan ka chhuak nghal a.
Ruah a tla cherh cherh bawk si,a kal thui tawh hle a ni ang.
A rilru na hmel kha ka theihghilh leh tawh ngai lovang. Mahse,he thil hi chhan țha tak neih vanga ti kan ni. Keihian Lisa lakah sâwn ka thlak ang maw,a teuhlo lutuk. A puan hmâwr pawh ka la dek hauhlo.

Kâwlphe leh ruah nasa taka tla kârah chuan amah hian alo au vak vak a,ka va pan hnai a. Ani chauh hi chu thudik hrilh ila a pawi ka ringlo. Mahse,ka thusawi pawh ngaithla lovin a râk vak vak a. Beer rim a nam phei chuan ka thin a tirim hle. Thil awmdan leh kan ruahmanna te hrilh vek ka tum a,mahse a thu rawn sawi avang chuan ka sawilo chiang hle.

A nuna kei ka lang leh hi a inchhîr thu leh a hnaiha awm tawhlo turin min au khum vak vak a. A thin a rim tih chu ka hria,mahse hetiang thu ka bula a sawi hi chu ka dawnsawng thiamlo,ka tuar theilo,ka bula awm a hne hluah hluah thu a sawi te leh mi tenawm min tih te chuan ka sawi tumloh pui ka sawi phah ta a ni.

Kan intiamna zungbun hmang ngei chuan na lehchuang awm tawhlo turin ka tina a ni ngei ang. Ka hmâiah a bêng sawk a,a kutthlak a na reuh phian lehnghal.

Ka thusawi te kha sût leh theih se ka ti,mahse ka sawi zo vek tawh si. Min nghak turin ka tilo em ni,engkim ka siamțhat tur thu kha ka hrilh si a. Mahse,min ring zo tawhlo anga,min nghâk peih tawhlo a ni ngei ang.

Keipawh hian hun chu ka mamawh ve tho a,ka rilru pawm thiam a,ka thinlung thusawi te ngaithla tur hian hun ka la mamawh ve tho asin.

Ka nu ka chunga a chêtdan leh ka mangchhe neih chhan te ka ngaihtuah lêt châng hian ka thin ala rim țûn thin. Khatih hunlai khan ka mal thei hle a,hnêmtu kha ka mamawh ve thin a,mipa ka nia lawm tiin ka sawi ngawt theilo. A chhan chu naupang ka la ni miau a. Hun hrehawm tak tak ka tawh châng chuan Nêmi hi ka hrechhuak hmasa ber a,ka ngâi thin hle anih kha.


Chuvang chuan tun hnua ka mut theihloh pawhin a kianga awm ka chuh thin. A bula ka mut te khan ka thla kha a muang ve hliah hliah a. Eng teh ual tilo mah se ka thlamuanpui ve reng si.


Zîngkarah chuan an inah ka kal vat a. Ani chu alo la tho lova,Nitei'n min hmu chu min melh no lo teh e. A âwm ve tho,ka phû a ni.

Mahse,Nêmi hrilh theilo mah ila,amah hnêm theitu a Nitei tal hi ka hrilh tur a ni,engkim kan ruahmanna mai mai anih thu ka sawi chuan
"Chutin mahni nu te lakah phuba an la ngai hleinem,ti pawh sawn a inchhir tawh ang chu. Duhtawk mai la,nangmah zawk ila inchhir ka hlau a ni" a tih chuan keimah chauh phuba la duh ka nihloh thu leh Lisa pawhin a nu tawrhna a pa vang anih zia leh a pa hriatthiam tir a tum ve thu te ka sawi chuan țha min tihpui lutuk chuang lovin min pawmpui ve thei ta a.

Samkiri room ka han en chuan alo la mutui hle a,ka va phei țhem țhem a,nizanah a thinrim in thil a paih anih ka ring,a bungraw darh sarh dan ah. A hmel en ai hian a thinchhe ve têk reuh a.

A mu lai hmel chu ka en vang vang a,a țahna a ni ngei ang,a mit chu a bui deuh a. Rei awm hman ka ni si lova,a chala ka fawh zauh hnu chuan ka hâw ve ta a.


LALNUNNEMI POV:

Dar 12 tlângah chuan ka tho ve hram a,inhnuai ka chhuk chu Nitei alo la awm a,dawr a kallo emaw ni.
"Bawihte,Rinkima kha tih chhan a nei aniang,zâwt chhin la. Thil hi a landan ngawt hi alo nilo maithei asin" dam deuha alo tih chuan
"Engmah thupa,thuploh tur a awm tawhlo kha,an chhungte hnena an sawi ngam tawh chuan engmah fiah lehchuan tur a awm tawh hleinem" tih pahin ka chhoh san leh daih. Nitei pawh hi tun ataka a țan țhat leh tâk ni,kan ning a.

Zanah chuan Sharoni te pahnih pawh chu ka khawhar hlauvin an rawn lêng a,an rawn ri bawrh bawrh a,mahse ka rîkpui hluai peihlo.

Ka awmdan chu hria in anni pawh an awm rei lutuk lo,dar 10 velah an haw nghal.

Lalrinkima pawh chu ala rawn lang miah lova,min thlêm tal te chu ka ring ve a,khawilam khawilam. Țîk pawh a rawn ti lo.

Karkhat zên zâwn a han ral leh pawh chuan Lisa emaw Lalrinkima emaw pawh tumah an la rawn lang chuang lova,U Esi te chu Aizawl lamah an hna an țan tawh a.

Chaw kan ei mawlh mawlh lai chuan Lisa hi a rawn lût hlawl a,kan inah a rawn lang ngai miah lova,a rawn lang ve hlawl pawh chu mak kan ti hle.
"In chawei lai takin ka lo kal a ni maw. Nêmi vawiin lam tihtur i neihloh chuan chhuak lawk ila" a rawn ti a.

Ani hnen atang berkher chhuahpui a min sawm ka lo beiseilo lutuk chu chhân nachang pawh ka lo hre peklo a.
"Tihtur nei love,chawhnu lamah in kal dawn nia" Nitei chuan ka ke rawn tlawh pah chuan a ti a.
"Nia ka hman alawm,kan kal dawn nia" ka tih chuan a chhuak ve leh mai a.
Eng tak chu sawi ve ang maw,Lalrinkima hian hmeichhe dang a pansan emaw ni zâwk,fa hial an pâi tawh a,tih âwmloh tak chu a ni si.


Chawhnu lam chu kan inhmuhna tur lamah chuan ka kal ve a. Alo țhu vâng tawh. Pangngai takin awm se chu hmeichhe zahawm ani mai tur. A chhiatloh teh lul nen.

Ka va kal min lo hmuh chuan min lo hûi vat a
"Eitur chah phawt i duh em?" A tih chuan a ngaihloh thu ka hrilh a.


"Ka sawi duh chu,englo ania. Rinkima fa ka pai tak tak lo ania aw" a tih chuan ka tui inlai ka hak nghal bawrh bawrh a. Rawmawl chu min rawn pe vat a.
"Eng nge awmzia,in chhungte bulah pawh in sawi vek kha" mak ti deuha ka tih chuan
"Ka sual viau angin i ngai pawh a ni maithei a,mahse i ngaih ang em em chu ka ni bîklo ania. Ka pa hian ka nu kha Rinkima nu lakah hian a uire san a,ka nu khan a tuar em em a. Natna a nei bawk a,a thaw a hah thin a. Ka pa hi ka haw hlum lo chauh thin. Min ngaihsak em em chhan pawh ka huatzia a hriat vang a ni. Ka nu chuan natna tinreng a tuar emaw tih theih khawpin a chêr a,ka pa hian Rinkima nu a rawn hruai haw zan phei kha chuan a thawhah kha nikhaw hrelovin a tlu tawp a,damdawiin ah tun thleng hian a awm phah ta a ni. A tawi zawngin sawi mai ila,ka pa hian inchhirna pakhat mah a nei lova,chuta chhapah ka nu chu țhen lovin a endawng a,nupui dang a neihsan bawk a" tui chu a han in khawlh a.

"A nu in Rinkima a rawn hruai hmasak ber ni kha chuan ka haw lutuk a,biak pawh ka be ngailo. Ani pawhin kan zavai khan min haw vek a,pâwnah a chhuak reng a,ruih zeuh zeuh chang a nei tih kan hre ta bawk a. Mahse,thisena inzawmna neilo ta chu a lakah ka luangliam ta a,chupawh a tawi zawngin sawi leh ila,hetah kan rawn insawn a,nangnen in inhmu leh chiah kha a hmaa kan inkar ka lo siam ve tawh zawng zawng kha ani chuan enga tan mah a ti ta lova,nangmah inih loh leh ruihna ringawt a buaipui a,ka rilru chu a na ve thei hle a. A chhan chu an rawn awm tirh ata lo ti tlângnêl a,lo kâwm hlimtu kha ka ni ve a. Duhna rilru ka lo pu tawh bawk nen. Ka haw thei em em che a,dâwt a i chungchang hrilh châng pawh ka nei. Mahse,ani chuan duhlo che inti chungin a buaipui che a,a tawpah chuan ka bansan ta a. Mahse, kan nu leh pa te rilru hahna thlen ve hrim hrim hi kan tum ber anih vangin an duhloh ang hlîrin kan khawsa zui ta a ni. Ka rai thu kan sawi te kha a tak a ni hauhlo,an rilru na te khan kan natna te a phuhrûk han beisei a,an nawmna chauh ngaihtuah a kan tawrhna an hmuh ngailoh te kha tawrh tir ve kan duh a. A chhan chu an fate kan ni a,min hmangaih a,Rina nu hian a fanu ang tak takin min en tih pawh ka hria. Chuvanga dâwt sawi kan ni bawk" a sawi chhung zawng chuan keimah zawk hi ka lo țang nasa lutuk a,ka hah vek thei.

"Chuti in duh chu in hmu em,in nu leh pa te tih hrehawm in tum a,a rah in hmu ta em ni,hetia min hrilh" ka tih chuan
"Kan duh ang zawng zawng chu la hmulo,mahse an in hmuchhuak țan tawh alawm. Keichuan ka nu engmah reng hrelo leh chaw pawh ei hlei theilova siamtu ka pa hi natna pêk ve ka duh a ni. A hmangaih ber a fa ka ni a,a duhloh zâwnga ka awm chuan a na dawn tih ka hria. Ka nu natna ang kher kha tuar ve lo mah se an fate hian kan tuar ve nasa tih an hre ve tal tawh alawm" a tih chuan ka khawngaih letling zawk. Mahse,a thusawi zawng zawng hi ka awih duh tawh teuhlo,a bikin Rinkima nen an chungchang hi. Chuti ngawtin a theihghilh ka ringlo.

"Rina pawh a rawn haw tawh kha,mahse a nu nen chuan anla inbe thei vak chuanglo" a tih leh chuan
"Khawnge a kal" ka lo ti deuh hû a.

"Aw ilo hre ve lo a ni maw,U Esi te rual khan Aizawlah a chho ve a,rilru lam thiamte a han râwn dawn anih hmel. Camping êm lut lo mah se ahma ai chuan a țha ve deuh tawh ang" thâwk deuh hak pah chuan a ti a.

Chutiang pawh engmah ka hriat ve si loh,ka hauh hrep hnu khan a rawn lang tawhlo hrim hrim a. Chutiang te chu min hrilh ve tur ania.

A tirin an ruahmanna sawi ve se,khati teh tawp a ințhâwn te chuan tupawh an thinrim ang chu. Chu lovah a thinrim ber berah ala țang a,an chesual lo anih chuan min țawngkhum na te kha thu diklo vek a ni âwm sia,ngah nge khatianga a sawi vak vak kher ni. Kei lah in ka thinrimna zawng zawng kha ka lo leihbaw vek bawk si.
Mahse,tui baw hnu aruh leh theihloh ang chiahin engmah kan siamtha thei tawh lova. Kan awm awmin awm ve tawh mai teh ang. Ngaihdam chu ka dil kher lovang,kha chen min tih hrehawm man a ni mai.

Ina ka haw chuan Nitei chuan min lo nuih vur vur a "ilo hre vek a ni maw" ka tih chuan
"Nangman zâwt rawh ka ti ka tia,i duhlo anih kha" nui vur vur pahin a ti a. Ka ngei reuh hle.
Thinrim laia mahni a tih chi pawh ni hawtlo chuan a.
.
.
Zanah chuan lehkha ka zir a,Nitei chu sitting room ah dawr bungraw thleng tur a enchiang a nih hmel. Dar 10 velah chuan Lalrinkima hian karkhat hnua a vawikhatna atan min rawn call a.
"Eng nge" la thinrim âwm tak chuan ka ti a.
"Lo chhuk rawh,mi kan rawn rîm ve em em che a,room a i tawm tlat" a rawn ti vei ham ham a. A rawn țawng dan velah chuan Lalrinkima tak tak te pawh a ang leh tawh alawm maw le.

Ka zu chhuk chuan fâi sar hian alo awm a,Nitei nen chuan anlo inbe zeuh zeuh bawk a. Ka hmuhdan chu ka lawm ru hle a. Mahse,ka tilang duh lêmlo.

An ep chiahah chuan ka va țhu ve a,en duh miahlo chuan ka phone chu ka bih ngar ngar a. Ka ke te chu a rawn tlawh thin,keilah țhuthlengah ka lo hlâng daih zel bawk sia,ka hma lawka awm si mi rawn call vel a,ka lo reject hmak hmak. WhatsApp ah chuan
"Țawng ve ta che,ka lo kal ve a☹" tih hi alo thawn a. Ka en ringawt a,ka chhâng duh chuanglo.
"" min rawn thawn leh chuan
"" sei thei ang ber hian lei ka chhuahkhum bawk a. A rawn nui chhuak hawk a. A phone chu a ak daih a.

"Ka va mu ang e,tikhan lo inkâwm ru" tih pah chuan Nitei chu a pindanah a lût daih a.

Nitei luh hnu chuan ka bulah a rawn țhu phei sauh sauh a. Tv chu ka en san daih,
"Thudik i hre tawh tih ka hria ania,thinrim tawhlo la" min sâwi det det pah chuan a rawn ti vel a.
"Eng nge thudik,chutiang engmah ka hrelo" ka tih chuan,ka hnungah min bêng sawk a.
"Iva han luhlul reuh tak aw..ka hâw dawn" tih pah chuan a tho thurh a.
"Aw,,la lêng ve la,ala hma alawm" inlêng satliah ang mai a ka tih chuan min melh hrep a,a chhuak zui nghal nul nul.

Kawngka ka kalh chiah chu ka nui vak vak a
"Amak thei vur vur,iti khawngaihthlak rauh e a,a inthlahrun ve em kha" Nitei chuan min ben pah chuan a ti a.

"Ho emai,naktukah zanin thilthleng engmah hrelo ang hmakin alo lang leh tho ang" tih pah chuan mu turin ka chho daih a.


Ka sawi ang tak tak chuan a rawn awm a,nizan ka lo thinrim khum kha hre duh tawh țhak nang. A rawn ri lut ham ham a. Vei thuak thuak pahin mi rawn su deuh dâwrh dâwrh reng a. Nitei rawngbawl te chu ava piai ang nawk nawk a,Nitei lah chuan a bai chawhna fian chuan alo tin deuh uaih uaih a. A sîrah chuan ka lo nui vak vak a.
"Kan u tûm pawh a nui ve ta alawm,nizanah min kâwm duhlo vel a" a tih chuan
"I sual em alawm,misual chu hrem ang ngai thin" a lu a nem bûk lâwp pah chuan ka ti a.


Chaw a rawn ei ve nghal a,kan inchhaih râk leh tuarh tuarh tawh. Amah pawh a hmel a êng a,a thar vur mai.
Hetianga a awm hian a nuam ka ti a,a bula awm a thlamuan thlak bakah a hahdam.

College pawh ama rual zelin ka kal a,tumahin inngaihzâwnna lam kan sawi ri ngai lova,mahse kan mitmengah hi chuan eng emaw chambâng chu ala awm ve a ni. Amah ani ve em chu ka hrelo.Chhingmitin biahthu kan hlan tih ang deuh khan,kan han inkhawih pawp pawp dawn te hian a rem țeuh tawh lova. Kan mit taka kan inmelh fuh châng phei hi chuan,tu hawisawn rang rang ti ang mai hian kan inmelh rei ngailo hrim hrim.

Ka ngaihtuah châng hi chuan tleirawl in star lai vel,inhmuh a han laih hunlai vel min ti hrechhuak. In star ni kherlo mah ila,tlang takin sawi ngailo mah ila,a hmaa kan thinrim thu lo sawichhuah tawh atang kha chuan engmah a awmlo tih theih chiah pawh a ni lo.

Sangtea leh Sharoni te nen kan pali in kan inkâwm thin a,class kan kal hova,kan chhuak hova. Zanah kan inah anlo lêng a,chaw an duh duh hunah an rawn ei bawk a. Heilo liama damlai pialral kan ti chhên mai ni.

Sangtea leh Lalrinkima an inbe țha vak thei tawh lova,mahse kan han awmho nawk nawk a,an in tihbuai chhan ber keima'n inngeih tura ka tih chhen hnu chuan an inpawh ve leh tial tial tawh.

Lalrinkima pawh a nu nen la inpawh lutuk theilo mah se,an inchhung boruak pawh a zia tawh a,a nu in an unau leh a pa hnenah ngaihdam a dil mawlh mawlh a,a pa chuan a ngaihdamna a rei tawh a,buaithlak ber a fate hian an thinlung takin la pawh leh theilo mah se boruak ti nuamlo thei lutuk ang kha chu a awm tawhlo. Chutiang chiah chuan Lisa pa pawhin Lisa leh a nu ngaihdam a dil a,Rinkima lakah pawh.
Lisa nu khum beta mu reng pawh chuan chhâng theilo mah se ngaihdam nasa takin a dil a.


Tunah chuan thil hi a nihdan tur takin a awm tawh ka ti mai. Sangtea leh Sharoni te pawh college zawh,hna te an neih veleh inneih an tum a. Keini pahnih chauh chu inkar sawifel hleih theihloh awmchhun kan la ni.

Nitei ve thung chuan pasal neih a tum bau lova,ka pa kha alo hmangaih ve hle ni tur a ni.

Lalrinkima chu tunkuma college zo tur a ni a,a zawh hunah chuan eng emaw training in sumdâwnna emaw mahni ke a din theihna neih a tum ni ngei tur a ni. Min râwn der ve a,keichuan engpawh ti se,thil țha anih chhung chu ka thlâwp tlat ang tiin ka lo hrilh a.
.
.
.
A zo ta,Lalrinkima chuan college a graduate ta a, engah emaw exam a pe ve ngei a,chuta a tlin chuan kum 1 vel a training anga,a zawh veleh hna a hmu tawh ang.

A pa unaupa,a patea hian Aizawlah Hotel changkang ve tak a nei a,tuna a training tumna hi a theih ngat chuan a patea Hotel ah chuan Manager ani nghal thei dawn a ni.

Kan phûrpui hlawm hle a. Mahse,keichu ka phûr tluantling theilo,tlinglo se te ka ti thin. A tlin chuan Delhi ah a zu awm a ngai anga,a rawn haw thei dawn si lo. Kan inhmu khât duh dawn em a.

Keipawh college te ka zawh chuan Nitei dawr ah hian ka pui daih ang. Zir vak vak a,in zirchhuah leh loh ai chuan kan tihtur takah kal ila,a țha zâwk. Pawisa a hek mai mai. Kan dâwr hi a lian ve a,Nitei sawi hmangah chuan he dawr hi ka pa in Nitei leh kei kan inchâwm ve nana a pêk a ni a,atir chuan Nitei hian a pawm duhlo a,mahse khatia ka pa a boral thut tâkah kha chuan loh theihlohvin dawr hi a enkawl ta a ni.


Lalrinkima chu a exam naah chuan a tling ngei a,ka huphurh ang ngeiin. Tling tawh na na na,kalsuh intih chi ni heklo le. Thlaleh mai hian a kal a ngai dawn si.

A tih țhin dan bawkin a result a hre chiah chu a rang a rangin a rawn kal nghal a,kan lawmpui thu kan lo sawi sap sap a. Nitei pawh chuan lawmpuina thu a hrilh a,
"Fel deuhin i zu inzir chhuak anga,hetah tu emaw te khan an lo nghak dawn che sia,an țah mai loh nan thlem bawk la" nghal zet chuan a ti a.

Rinkima chu a nu te'n lawmna neih an ti a
"Chutia hna hmu pawh ka ni lova,lawm a țullo..tihian a tawk" a ti deuh hmak a. Sawilo mah se a nu hi ala pawh lutuk theilo tih ka hre mai.

A kal hma zawng chu a tam thei ang ber hun kan hmangdun a,kan inah a awm deuh châwt a. Nileng leng hian kan inzui a,a ken tur mamawh te ka leipui thin.

Sangtea leh Sharoni an rawn tel ve țum chuan kan lêngchhuak a.

Lalrinkima pawh naktuk hian a kal a hun mai dawn. A thlahna atan an chhungkua chuan picnic an huaihawt a,keini pawh Nitei nen kan kal anga,Sangtea leh Sharoni pawh anlo kal ang.

Kan picnic na hmun tur chu Sangtea pu te ta alo ni a. A hmun a nawm hmel khawp mai.
Lalrinkima chuan Car-in min lo hruai a. Hlimawm viau mah se naktuk maiah a kal tawh dawn si,ka huphurh lutuk hi sawi ngaihna pawh ka hrelo.

Ani pawh chuan sawilo mah se a huphurh ve tho tih ka hria,a motor darthlalang atang chuan mi rawn melh leh zuk zuk țhin a. Keichuan biak pawh ka be hran lo. Nitei chuan a training na tur chungchangte chu a zawt a.

A hmun kan thlen chuan anlo awm ve sap sap tawh a. U Esi te pahnih pawh kawppui anlo nei ve ngei tawh anih hmel. Aizawl atangin an rawn kal vang vang a.

Motor atanga ka chhuak tur chu Lalrinkima chuan kawngkhar min lo hawnsak a. Ka chhuah hma si chuan min nam lut leh ang rawk rawk a.

"Eng nge maw itih le,chhuak ang. Minlo hmu ang e" hawi deuh zuk zuk pah a ka tih chuan
"Nimin atang khan min be țha duh miahlo in ka hria,eng nge a chhan?" A tih chuan
"Chutiang engmah a awmlo" ka ti a,ka bulah a rawn țhu țha sauh sauh a,ka lu chu a darah chuan min nghahtir a
"I huphurh lêt hian ka huphurh zawk ania,mahse puitlin lam pan nan eng kawng emaw tak ka zawh ve angai a. Ka lo haw leh vat dawn nia. Hetah i awm tih ka hria a,ka lo lêt leh thuai ang. Mi hlawhtling tak ni turin" tih pah chuan ka darah a bêng thek thek a.


STAY
CHAPTER 14

"Nupui te kha i rawn ru haw ngawt ang e" țhu țha deuh pah a ka tih chuan
"Mai mai a che,thil âwm ang ve deuh hi sawi țhin rawh" a tih chuan ka nuih mai mai.

Kan picnic pawh chu nuam an tih hmel hle. Lisa hian kilkhat atang hian min lo en leh veng veng zel a,engvang nge maw ni dawn ni. LalSangtea te pawh an inchhaih râk nasa mai,mi phawk pahnih tih takah.

Tlaiah chuan chaw te kan ei nghal a. A theih chin chinah Lalrinkima nen chuan kan awmdun a,midang hmuhloh lai hian ka kut a rawn chelh hmanhmawh zel. Keilah laksawn ka lo tum bik si lo. Vawiin ni zet zawng,ngaihzâwng nilo tana ramri kan pel thuak thuak a ni.

Zanah chuan tlai deuh takah kan haw a,Lalrinkima chu a chhungte'n
"Naktukah i kal mai dawn a,i U Mami te pawh an lo kal a,inah riak mai rawh" an tih pawhin a duh hauhlo.
"Lalnunnêmi bulah ka riak dawn ka tih chu ma le" alo ti hlur zel. Chu chu U Esi te chuan lo manthiam lutuk in an zâwt nawn chhên a,ani lah chuan an zawh zin poh leh a vin telh telh bawk si. A tâwpah phei chuan nui ngam hek tawh lo,thinrim ang tak chuan an va inthlah ve nge nge a.

Zanah mutna vel ka siam chuan ka bulah hian alo vei thuak thuak a,a châng leh min melh leh rûn rûn a,che phut ila chu a thlâwk lo chauh ang tih tur khawpin mi a chîk.

Khuma kan han mu chiah chu min lo hnaih nghal sat sat a. A bân chu min kham tir a,ama earphone min lei chu la in hla kan ngaithla a
Ed Sheeran 'Photograph' hi a rawn play a. Engmah sawilo mah ila,he hla hmang hian kan inbia ka ti mai. A sawiduh a sawi ngamloh chu he hla hmang hian a rawn tilang angah ka ngai.

'So you can keep me inside the pocket of your ripped jeans
Holding me close until our eyes meet
You won't ever be alone,
Wait for me to come home
Wait for me to come home '

Tun hi ka nuna hla in awmzia a neih thui ber a ni ngei ang. Hla hmangin kan natna kan tilang a,hla hmang bawkin kan inhnêm țhin.

Hla a in play zo chiah chu a lamhawi zâwng chuan ka inlet a,min lo melh ve chiah nen,ka mit taka min melh vang vang pah chuan zawite hian
'Wait for me to come home' a ti sup a. Ka lung lam lam a chhe dawn alawm.

Inngaihzâwnna thu engmah sawilo mah ila kan thinlung chu ava inhmu si em. Hei ngei hi anih hi upa in 'Hlan loh biahthu' anlo tih. Biahthu a thu in kan inhlan hauhlo mah se biahthu aia ril leh thûk zawk kan țawng hmuchhuah ve chuan kan inhlan a ni.

Amah en lêt ve vang vang pah chuan ka lu chu ka bu nghat nghat a,
"Ka lawm e" tih pahin ka hmuiah chuan min rawn fâwp vang vang a. Keipawh chuan ka lo hnial hran lo. Hun hi kan duh khawplo em asin.
A âwm ngheng chial chung chuan ka muhil ta a.

Zing hma takah kan thova,Airport thleng ka thlah ve dawn a. A bungrua chu U Esi te'n an phur a,keini chu Sangtea motor ah kan chuang thung. A hnungah Lalrinkima nen chuan kan țhudun a. Kawng tluan chuan engmah kan sawi lova,kan zavai mai chuan kan ngâwi deuh țhap.

Tluang taka kan tlân avangin Airport pawh kan thleng thuai a.
Dar 11 a chhuak tur ani a. An chhuah hma zawng chu ka bulah a awm a. Ka kut chu a chelh tlat bawk a.

Mahse,mak ka tih deuh chu Lisa hian eng nge a tih ve dawn. A bungrua a ken hnem ve hmel bawk si. Ka zâwt dawt ngam si lo. Anni hi an kaldun dawn chu a ni em lovang chu maw. Lalrinkima nena kan țhudun leh kan kut insi te chu a en duh hle a.

"Lisa saw eng nge a tih ve dawn a" ka insûm thei tawhlo
"A cousin bulah a kal dawn,a inentir dawn a. Tunlai chu a hrisel vaklo anih hmel" a tih chuan min hrilh lawk ve tur hi ania.

A han kal dawn tak tak chuan midang mit pawh veng ta lo chuan min kuah vang vang a,tinge a tâwpna tur ang maia ka ngaih.
Midang hmuh theih si loh chuan,ka beng bulah
"Ka lo kir leh vat ang" a rawn ti sup a.
A kal ta,kha thu kha tawiin ho angreng viau mah se thutiam tamtak nen ka tan chuan a inhen reng.
.
.
.
Thla thum hnuah (zuang deuh dawrh dawrh tawh mai ang aw)

Lalrinkima kalna pawh thla thum lai alo ni ve ta reng mai,nitin kan inbia a,a hun hman dan engkim alo report thlap thlap thin. Zu inlo turin kan inchah ngun hle.

A thlen tirh phei kha chuan a lung a lêng lutuk kha a khawngaihthlak zawk,nikhatah vawi 5 te a rawn call a. A thusawi a ho thei si. Khaw lum leh vawh mai mai te a rawn sawi țhin.

Exam an neih dawn vangin zirțha turin ka ti a,tunlai chu kan inbe khât ve deuh.
Zankhat min rawn call chu exam zawh lawmna nipah fâwmin an țhian Mizo ve tho te nen zana lenchhuah an tum thu min rawn hrilh a,ka phalna te a rawn la vei thlap a,inngaizâwng hi kan ang ve țhin. An exam hah ve sia tiin ka lo phal ve mai a,engmah ngaih țhatlohna ka nei hranlo.

Zu in lo tura ka tih chuan tha takin a awm tur thu chauh a sawi a,kha kha ka ngaih ti țhalo tu awmchhun a ni.

An party boruak a chhiat hlauvin biak pawh ka va be ngam lova,an zawh veleh min lo hrilh turin ka ti si a. Mahse,tunah zanlai a pel tawh si. Ka ngaihtuah chuan ka va call thin,ala thei bawk si lo.

A țhiante number ka nei bawk si lo. Ngaihțha zânlo chuan ka mutsan ta a. A tûkah pawh chuan ka call tlang thei chuang lova,ka text ala hmu bawk si lo.

Ka ngaih chu a țha tawhlo hle a,an chhuahna ah tawhsual an tâwk te anih ka ring ta hial. U Esi chu ka va bia a,a hriatloh thu leh a țhat a rin thu a sawi mai a. A U ber pawh a ngaih a țha em em a,keimah ber hi awmze neilo deuhin ka lo buai zâwk anih hi.

A phone a tibo emaw a tichhia anih ka ring ta a,ka ngaih chu tihțhat ve ka tum nasa lutuk. Phûr fahran lovin Lisa chu ka be ta a,an chhuk tirha an inhmuh bak a hmuloh thu alo sawi mauh mai bawk si. "Lo biak ka lo tum ve dawn nia" a ti a. Mahse,phone a dah dawn chiaha a hminga lo au tu kha Lalrinkima aw ni tlatin ka hria,a hnua text a ka va zawh leh pawh chuan
"Ka phîrpui heta awm kha alo kal alawm" alo ti sam leh êt a.

Karkhat lai a liam tawh a,Lalrinkima chu thehhmeh ang mai hian a reh vang vang mai si. A nu ka biak pawhin "a țha ang" alo ti mai bawk si.

Umm,a chhungte ber pawh an buailoh chuan ngaihțha deuhvin awm ve mai mai teh ang ka ti a. Mahse,ka țawngțainaah chuan
"Lalpa,Lalrinkima khan a nunhlui lam a pan leh loh nan, i duhloh zâwng a tihloh nan khawngaihin lo pui ang che. Tawhsual a tawh loh nan te,țha taka min rawn biak leh mai theih nan,zu te alo ruihloh nan ka rawn dil e" tiin ka chham tel ziah țhin.


Karkhat a liam leh meuh chuan Lisa hian min rawn be hlauh a,phûr tak chuan ka la a
"Aw Lis,thu thar a awm em" bengchhi deuh taka ka tih chuan
"Keimah zawk" Lalrinkima chuan a rawn ti a.
"Engtin nge,khawnge i awmbo daih a. Kan ngaihtuah che asin" ka va ti deuh zung zung a.

A ngâwi deuh vang vang a,a thaw deuh hawk ri chu ka hre phâk
"Kan party zan khan ka phone ka tibo daih a,a thar ka la lei si lova,hei,Lisa te unau Delhi an lo kal a. Min rawn tlawh a,ka lo call che" a tih chuan ka thin a rim zâwk hle.

A awmna hmunah sawn mihring dang an awmlo emaw ni,Lisa kal vâng chauhva min lo biak theih mai chu. Mahse,a țha tih ka hre tawh a,ka hau vak duh lêmlo. A inthlahrung ve thei si a.
"Phone thar vawiinah ka lei dawn a,ka lei veleh ka rawn bia ang che" a tih chuan ka hahdam deuh huai a.

A sawi ang ngei chuan min rawn be ta a.
Mahse,a awmdan hian danglamna a nei tih ka hria,"diklo a awm em?" Ti a ka zawh pawhin
"Khalama a awm anih loh chuan helam chu a dik" alo ti mai zel bawk si.

A țawng dan atang chuan diklo eng emaw chu a awm ngei alawm.
.
.
.
Nitei pawh Lalrinkima chanchin te ka hrilh ve zel a,mahse ka sawi apiang hian a thin a rim ni maiin ka hria
"A va mawl ve" a tihloh leh
"A țhalo alawm" tih ringawt hian min chhâng a. Lalrinkima a țan theih tehlul nen. Ka che lai te hi ka hrelo emaw tiin min lo thlîr a,eng emaw hi a sawi sep sep thin tih ka hria. Tunlai chu a awm dan a mak hle mai,a thî a hul hnai aniang.

Sangtea leh Sharoni chu an rawn lang khât hle a,Sharoni ka va biak chuan
"I țha deuh tawh maw?" A rawn ti ringawt a
"Țhatloh chhan tur awm heklo" ka tih chuan
"Lalrinkima nen in inbe ngai em,eng nge in pahnih hi in chungchang?" A rawn tih leh chuan mak ka ti hle a.

Lalrinkima nen kan inkar te chu sawi pawh ngailo angah ka dah a,kan dinhmun laklawh lutuk min hriatpuitu pawh amah hi ani reng sia.

"Hmasawnna awm lova,kan tawlh hnunglo bawk" ka tih chuan
"A țha nih chu,alo haw anga engkim a fel vek mai ang" a ti a. Fel leh fello tur pawh awmlo chuan.

Hmingthansanga nen kan inbiak lahin chumi bawk chu min rawn zâwt leh a,eng nge ka bula mite ho hian an hriat chu ni. An awmdan a mak si.

Lalrinkima pawh chuan a zirlai zawh nan thla thum bak a nei tawh lova. A nu ka hmuh hian min biak a hlau ka ti dawn nge,ka va biak a hlau pawh ka hrelo. A kalsawn nghal zung zung a. Ka biak pawhin a hma ang kha a ni tawhlo.

Eng chu hria ni hlawm maw.
"Engmah a awm lovang,i ngaih bel mai mai anih chu" Lalrinkima ka va hrilh ve lah hian alo ti mai țhin.


Bazarah mamawh neuh neuh ka neih vangin ka kal zawk a,Sharoni te anlo leng dawn bawk si nen ka hmanhmawh angreng viau. An awm dan mak thei lutuk hi ka la zâwt khawp ang.

Inlam pan chuan ka haw a,kawngkhar hawn paha han au ka tum an thusawi vang chuan ka ding leh dat a
"Nite,kan hrilh hi a țha lo maw,nakinah ala hre dawn tho tho sia. Lalrinkima lahin hrilh a tumlo tih hriat reng reng" Sharoni ani. Nitei hi Nite tiin a ko ve mai thin.
"Ka sawi theilo alawm,a hma ami kha chu a tak a ni lova,tuna mi hi chu ka hrilh theilo a ni. A hmel ka hmuh hian e,a beiseina te ka hmu a,a lungngaihna tur hrilhtu nih ka hlau a ni" Nitei chuan țahchhuah hmel deuh chuan a ti a.


"Engmaw ka hriat tur chu?" Tih pahin ka lût nghal a,an rawn hawi phâwk hrâ a.
Sangtea pawh alo awm tawh. Min hmu chu an phu nasa bawk si.
"Engmah ni love,hei in graduate hun a in awm dan tur kan lo sawiho anih hi" Nitei chuan a ti a.
"Ka awihlo,in zavai hian in awmdan a mak vek,eng nge ka lakah zêp in neih?" Ka tih chuan
"I tana țha tur chin chu kan hrilh vek che,engmah chutiang bak a awmlo" Nitei chuan a ti leh a. Tunlai a thinchhia nen,a thinrim mai dawn a ka hriat vang chuan ngawih ka chuh ta a.


Zanah chuan Lalrinkima nen kan inbia a,a thu rawn sawi vang chuan ka lawm hle
"Karleh ah ka rawn haw thut dawn" a rawn tih chuan ka lawm lutuk ka auchhuak lo chauh. Alo haw chhan ka zawh lah chuan
"Kan zirlai hi a awl lutuk a,ka thiam hma bik alawm" alo ti sam êt bawk si. Ka va hlim em. Tunah chuan ka khawvel a kim lehzual tawh ang.

Zîng ka tho pawh chu ka phûr sârh sârh hle. Inhnuai ka chhuk chu Nitei hi dawhkan a a kut nghat pah hian mûk fê in thil alo ngaihtuah a,a thaw leh hak thin. A awm dan vang chuan ka thu hrilh tur pawh chu ka țhulh leh rih a.

Chhûnah chuan U Rini hian min rawn bia a
"A pawi hle mai tiraw Nêmi,tih theih a awm tawh si lo" a rawn tih chuan a a ngaihna ka hrelo hle a.
"U Rin,eng nge i sawi awmzia. Eng nge pawi chu?" Ka tih chuan
"Awii,ila hrelo ami. An thup a nih ngei dawn chu,zanah thil ka lo thawn che nga i zawhna chhânna chu i nei thei ang" a tih chuan a țha lam anih chu ka ring chiahlo.


Rilru helhkam nei deuh țûn chung chuan ka nileng hun chu ka hmangral ve ta a.
Zanah chuan ka phone message ka châng deuh rân a,a rawn ri deuh tleng a. Mahse, Lalrinkima video call rawn tih a ni a.
Kan han inbe leh phawt a,U Rini'n thil min lo thawn dawn vanga dah ka duh thu ka sawi chuan,aw pawh min pawh hma hmain amah zâwk chuan a dah ta ringawt a. Heipawh chu eng nge maw a hriat ni.

Ka phone ka en chiah chu ka thlauh pawp a,eng maw,eng nge ka thil hmuh kha..
Ka awihlo chuan ka zu enchiang leh a...mahse,vawi engzat a tam pawh en mah ila a tak a ni si.

"Lalrinkima Hnamte weda Lisa Vanlalhruaii"

Tih chu khawvel ka hawrawp inkawp hmuh tawh zawng zawngah ka la hua in mak ka la ti ber.

Mak ka ti lutuk chu ka nuih a za tawh zâwk.
Inhnuaia ka zu chhuk chuan Nitei leh Sangtea te pahnih chuan ka chhuk tur hrelâwk ang maiin ka chhuk chu min lo nghak a.

"E enge thil awmzia hi. Hmingthansang,in tihder na chi anih loh hi" ka va tih chuan
"A der a nih lohzia chu Lisa pum hian a tihchian ka beisei" tih pahin thlalak min rawn hmuh chu ka en a...

Lisa chu a dul hi tlemin alo kiar deuh a,a rai a ni.
Ka awihlo lutuk chu ka nui vak vak a. Ka bula dingte lah chuan min en ringawt bawk.

Ka nuih a za a,mahse lâwm vang chu a ni hauhlo thung.

"Heihi maw ka lak atanga inlo zêp ve char char chu,a ho e. Khawvelah a ho ber" tih a kut ben pah chuan ka nui vak vak a.
"Ngâwi rawh" Nitei chuan a rawn ti țhawt a.
Tun hi ka Nitei'n țawngkam vîna min biak hmasak ber na. Sharoni te pawh chu an lo hawi phâwk hle.

"Ina tih kan hria,khatin awm vak vak suh. I duh leh Rinkhawlova kha va zâwt fiah rawh. Khatiang mipa nêp lutuk. Amah vangin vawi engzat nge i nat tawh. Tunah chuan a tâwp kan thleng ta bawk a. Alam hawi pawhin i nui tawh tur a nilo. Thutiam sût hmang lutuk" Nitei chuan thinrim tak chuan a ti a.

Keichu ka la nui cheu,a chhan chu ka thu hriat hi țahpui chi ni heklo. Ka tan chuan nuihna tur a ni. A chhan chu an thusawi hi a dik anih chuan min bum nalh lutuk a,ka mâwl vangin a bum theihin ka awm a. Chu chuan lungngaih aiin nuihna min siam a ni. Vawi engzat nge tiang dinhmunah hian ka din tawh.

Lalrinkima chu ka phone nghal a,ala theilo. Vawi thum ka tih hnuah pawh ala thei chuanglo.
Lisa phone ila,ka zâwt ang tih pahin Lisa chu ka call a.
"Lisa,eng nge awmzia" ka va ti nghal thâwr ringawt a.
"A tâwpah chuan Rina chu ka ta ani tak tak dawn ta,Nêmi ka tihpalh ka tih dawn chuan tihpalh a ni chiah si lova. Ka thlah theilo,hman zan party naah khan kan chesual palha,vanneihthlak takin ka rai hlauh mai a. Kan nu leh pa ten kan tana țha tura ruahmanna an neih hi kan awihlo phallo a ni" a rawn tih chuan ka thu hriatte kha dâwt a nilo tih ka chiang chiah.

Phone chu ka dah a...nichin ka nuih ai ring khan ka han nui uarh uarh ,mahse tinge ka nuih țhat theihloh. Tinge ka nui sia,ka mittui alo luan daih.

☆☆☆☆☆☆☆☆☆☆☆☆☆☆