STAY BY Emiry B. Vanchhawng (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

STAY BY Emiry B. Vanchhawng (Completed)

Unread post by Ngaia » October 31st, 2021, 2:33 pm

#Prologue
"IN NGAIZAWNNA HRANPA AWM HAUH SI LO HIAN ALO INTHEN THEIH ANIH HI"-LALNUNNEMI.
LALNUNNEMI POV: "Ka thil chah min lo hawn ang em?" tia ka lo thlakhlelh thin em em lai te....Ava dang ta em.
Ka chah loh thil thleng thleng nen anlo haw tawh dawn si.
A hmangaih,a nupui raipuar lo hruaihaw tur chuan ka chah tel ngailo asin. Mahse alo haw meuh chuan lo hmuah dan ava dang tawh dawn em.
Ka mumang mai nise ka ti thin,ni e,ka mu anga,zingah ka harh leh ang tuna ka thil tawn te hi chu chan ka hlauh luat a ka ngaihtuahna kalsual vel mai mai a ni tih ka hre chhawm mai ang.
Mahse,,nichhuak pawh a ngai,nimina lo chhuak bawk a ni tih ka hriat chian tluk zetin,ka thu hriatte pawh danglam chuang heklo.
Kan naupanlai thutiam,a nupui atana min hual lai te,amah chauh ka pasal a ni ang tih kan sawi lai te kha,ani chuan thu takah alo la lo a ni ngei ang,alo la ve anih pawh in a theihnghilh tawh a ni ngei ang.
Hetiang tak hian a theihghilh hma dawn tih hria ila chuan nitin,zantin mai khan ka lo hrilhnawn thin tur....
(Chibai vek u,story ka vawikhat phuahna tur a ni a,fb pawh ka vawikhat khawihna tur tho.Mizo Poetry vel chu mahni enlet atan ka phuah ve thin a,mahse thawnthu hi chu ka nuna a vawikhatna tur takmeuh a ni a.Amaherawhchu inhmelhriatloh pawh ni ila,sawisel ka ngaihna laiah leh,ka diklohna lai te,in mi duh khawploh na te pawh min hrilh pawp pawp turin ka ngen a che u...ka thawnthu ziah te in beng verh zawng anih chuan min lo chhiarsak ve theuh turin ka sawm a che u. Ka theih ang tawk a regular ka lo tum dawn nia)
Naupanlai atanga inkawm ngeih em em,mahse thinlung inpawh hleithei si lo te,eng emaw awm tlat,sawichhuak thei si lo te thawnthu a ni e.


STAY
EPISODE 1

(KA THAWNTHU HMASA BER LEH A KHUH HAWNNA(1ST EPISODE)A NIH ANGIN,KA LA ZEILO LUTUK A,CHUAN A BORING DEUH MAITHEI BAWK A,VAWI 3 A BUL ATANGA KA TIHTHAT VEK HNUAH KA DUHTHU A SAM CHAUH A,A HMASA BERAH HI CHUAN KIMCHANG DEUH A ANMAHNI CHANCHIN TE ZIAH HI AN NGAI THIN SI A,A DAWT ATANG CHUAN A ZIA DEUH TAWH TURAH NGAI ANG.AN NUNHLUI RINGAWT AH KAN KUAL DAWN LOVA,MAHSE TUNA AN AWMDAN LEH ZIA TE HREFIAH TURIN AN NUNHLUI TE SAWI TEL A NGAI TEL BAWK SI.

A HMASA BER TE ANIH ANGIN ADVERTISEMENT TE MIN LO HMEH SAK VE ULA.CHUAN IN NGAIHDAN TE PAWH LO SAWI HREH LO ULA.

CHUAN THIL PAKHAT LEH CHIAH,A CHANGTUPA TE PA LUTUK,AN LAN HMA ATANG PAWH A BORUAK NEI HAK ANG CHI MIZIA KHA CHU KA LA TAWNLOH VANG PAWH ANIANG,TUNAH HI CHUAN KA LA PAWH VE CHIAH LOVA.KHATIANG ANGA ZUN NGHAH DEUH CHAN A INLO CHAN CHUAN A FUH VAKLO MAITHEI A NI)

(☆CHHIAR NUAM VEK U☆)


Lalnunnemi POV

"Aw Nî,kan lo haw țep tawh e. Engtin maw a bengchheng lutuk a i țawng ka hre tha theilo"tih pah chuan pâwn lam ka pan a
"Fimkhur r'u aw,lo thleng har lo ula"
"Aw le,kan lo haw a ni deuh mai. Min lo ngaihtuah suh"

Ka nî,ka nu leh pa aia min enkawl seiliantu,a hringtunu pawhin a thlahthlam,kei hmangaihna nen a min chawiliantu hi ka tan a hlu a,ka hmangaih zah aia tam in min hmangaih ani tih pawh ka hria. Ka tana a thil tih leh paltlangte hi ka theihghilh ngailo ang.

Tunah hiam Heritage lounge ah kan țhiannu birthday lawmin kan party mek a,kan thiannu tih lemah Rinkima thiannu ani zawk mah ang,khawia a chhar thar nge pawh ka hrelo. Ka duhthlanna chu nise ka kal hauh lovang,mahse a ngai miau si.
Light a phe zawr zawr bawk nen,a bengchheng bawk si.

Lalrinkima chu ka zawng deuh a,hepa min tih thinrim thin zia hi chu.
An lâm hut hut na lamah chuan ka mi zawn ngei chu birthday girl nen chuan uluk fahranin an lo lam nasa mai,an in thawkkhum ham ham a,an in ei lo chauh.
Ka en reng lai chuan Rinlukira chu alo hawi a min lo hûi zawk a,ka lo nuih seih ringawt,a lâmpuinu en chuan mit min rawn siai zeuh lehngal.

Heti khawpa ka țhianpa a nungchang a inthlak mai hi rin har ka la ti a,ngai ah ka la nei thei meuh lo.
A ze thenkhat phei hi chu dawnsawm dan pawh ka la thiamlo. Entirnan,hmeichhia zawng zawng angkhat a a en ang te. "Duhawmnu,i hmeltha" mit siai zauh pah a,a ha uingho nalh tak lang a,biang chuar deuh nai a mi a nuih thin te.

FLASHBACK ◇

Mipa naupang ze zawi tak,thuawih thei leh nuih duh em em.
Ka tellova engmah titheilo,engkim ka tihpui thin. Min vêl țap a,a inthiamlo amah leh amah intihnat tuma țap veleh ringawt thin,"Nunkir,Kirbep" ti a ka duhlo chung min au a,ka mutchhuah chang a kei aia a len zawk vanga mi paw thin te,ka țhanharh a ka kut vuan chung a ka khum țawm a min lo mutpui thin te. Ka ngaihsân apiang lo ngaisang ve, ka ei duh leh ka chaw duh pawh min eipui a,ka duhloh lai kei aia a ei thin lai te kha.

Engkim kha kan tidun thin a,ka hlimthla ang maiin ka hnaihah awm thin a. Tuna Rinkima hretu chuan kan nunhlui te kha sawi pawh ni ila an awih kher lovang,lei leh van ang hlauh a ni miau a.

Khati khawpa mipa tihnuam leh fel, khawlai mi lutuk a a chhuak ta mai hi ka na a,ka tihtheih tawk a kalna apianga kal zel mai hi a nun chhe zual tur ven nana ka hmanraw awmchhun a ni ta mai si.

Ni e,Rinkima te nen hian vengkhatah kan awm vek thin a,class 8 kan nih lai khan an chhungkua hian inhauh zeuh zeuh ang chîng a,a u te pahnih hmeichhia kha chu engkim hrethiam rual an ni tawh. Keini kha chuan an inhau tih bak kha engmah kan hre lova mahse an buaina chu a lian deuh a ni ngei ang.
High school kan kal dawn khan an chhungkua chu an pa ber hnathawh avangin Khasi ramah an pêm ta a,an insawn dawn tih kan hriat khan kan lunngai em em a.

Rinkima pawh khan "Keichu Nunkiri leh a nitei bulah ka awm ve mai ang,hmun dangah ka kal ve duhlo" a ti tawp a,mahse naupang ber leh mipa awmchhun ta chu chutia in kalsan ngawt chi ni a ni si lova.
An kal hma zawng chu kan in lamah a rawn awm ve char char a,an haw dawn zan te chuan tleirawl ve dawn uaih tawh ni mah ila,kan mut hmunah mittui tla chungin,inkuah rialin duhthu kan la sâm nasa mai.

Hreh tak chungin mittui tla zawih zawih chungin kan inthlah liam ta kha a ni a,a u hmeichhe pahnih te khan min hrethiam a,min khawngaih thei hle anih kha.
"A rei dawn hleinem,kum 2 vel bak kan awm lovang,chumi zawhah chuan kan lo haw leh anga,in inkawm leh dawn alawm" ti chungin min thlem thin.

An insawn hnu chuan khua chu a har duh thei hle a,ka nitei hian min fuih pahin min tihhlim a tum nasa thin,ka duh apiang min lei a,Rinkima a awmloh avangin sikul pawh nuam ka ti tawh lova,kum laklawh ah te sikul sawn ka ngen tlat lai pawn i hê lovin min sawn rum rum zel anih kha.

Min rawn be khat thin hle a,nithum danah te kan inbia a,kan inbiak chang chuan darkar chuang chuang te kan bei thin. A rei telh telh a,thla thum vel an awm hnu chuan mi rawn biak pawh a tum tawh ngai lova,ka va biak lahin a nuin emaw an awmpui emaw in alo la a,a awmloh thu emaw a mut thu ten min chhang a,a theih veleh min lo call lêt tur thu an sawi mai thin.

Mahse,min lo call chu sawiloh, a reh hian a reh tlawk tlawk zel a. Țhian thar tam deuh a chhar anga min be duh tawhlo aniang te ka ti thin.

Kum a vei meuh chuan ka khawhar pawh tlem chuan a zia deuh a,sikul thar ah te ka kal a,class 10 board exam tur te kan ni bawk a,lehkha zir ngai nen ka lunglen hman lutuk ngailo.

Board exam hma deuh chuan rilru tibuai tawk lekin min rawn be hlawl mai a,min biakloh rei vangin ngaihdam te minrawn dil luam a,mahse kha kha ka duh hauhlo.

Mi a rawn biak dan te lah kha,a danglam tawh lutuk,a âw te pawh chu a dang deuh a,a hmel pawh tlem chuan a dang deuh tawh ngei ang.
Min rawn biak chuan a țawng deuh phawr phawr nimai hian ka hria,khatiang khan a tawng ka vawikhat hriatna a ni hial,mahse ngaihthatloh na ka nei lemlo kha ania.

Țhian satliah reitak hnua inhmu leh thut inbia ang mai hian min rawn bia a,thil ho tê a lawmthu leh ngaihdamna a sawi reng te khan ka țah a tichhuak zawk
Ani leh keia inkarah chuan thil danglam tak,kak thui tak awm ang mai hian ka hria.
Min lo biak ziah a intiam a,mahse vawikhat chu sawiloh thehhmeh ang mai hian a reh leh tlawk tlawk tawh.

Thinrim țun chungin lehkha te chu ka zir thin a,mahse țha taka ka zir a ngai si,nakinah an lo lêt leh anga inchhuang taka min kawmzui theih nan ka theih tawkin ka zir angai tia infuih in ka zir ve tlauh tlauh zel anih kha.

Board exam te kan han zo va,result te pawh a chhuak a,tha tak chuan ka pass ve ngei,mahse ka lawm a kim tlat lo.
Ka result a chhuah apianga intithei taka ka hrilh hmasak ber thin kha a awm si lo.
Ani pawh khan kei aiin a titha emaw a tichhia emaw a result min hrilh turin a rawn tlan vang vang zel anih kha.


Class 11 kan luh țan hma deuh chuan Rinkima chuan min lo be leh hlawl mai a
"Kan rawn kîr tawh dawn asin" tih thu a rawn sawi a,ka awihlo lutuk chuan
"Fapa tlanbo chuan mi rawn fiam a tum anih hmel" te ka va ti vel a
"A ni lawm,dâwt ka sawilo,kan lo thlen hunah i hre mai ang" te a rawn ti leh a.
Ka awihloh em avang leh min biak ngailoh vanga a rawn sawi vel mai mai anih ka ring a,ngaihtuah pawh ka ngaihtuah zawm tawh lo.
Eng eng emaw kan sawi mai mai a,min biakloh leh a reh em avanga ka thinrim ve te kha chu a âw ka hriat khan a bo leh vek a,tha tak chuan thinrim miahlovin ka be thei mai a.
Mahse,ka lung chu a âwi famkim chuanglo.
Bakah amah hrim hrim hi engti kawng emaw zawng tak hian a danglam riau in ka hria.


Zankhat ka nitei nen TV kan a,kan rawngbawltu lo riak zeuh zeuh chuan phone hmang pah in thei a ei a.
Kan kawngka chu tu emaw hian a rawn kik a,ka va hawng a tumah an awm si lo
"Naupang harh ho an niang" tih pah in ka kalh leh a
Nitei chuan "An rawn uang mai mai aniang" alo ti ve bawk a.

Ka țhu fel chiah tih ah chuan a ri nawn leh a
Thinrim deuh a ve en leh tuma ka kal chu kan nula,Upuii chuan alo hawng a
Ka va thlêk ve mipa pakhat nen hian anlo inbia a,a bialpa vel anih ringin kal leh mai ka tum chu
"Lalnunkir" rawn tih avang chuan ka mengphâwk teh e,nitei pawn ka hriat ang chu a hria ni ngei ang,min rawn melh vut a,keichu ka hawilet zawk
"Wow,ehe,,Lalrinkir,ini em?" tih pahin ka va pan hnai rawk rawk a.

"Samkir nih vanga haihawt kher"tih leh rawn luh a rual a.
Ka mak ti lutuk lawm tho bawk si chu min rawn kuah pawh chuan ka lo ding mawl tawp.

"Ilo nula ve tawh hle mai" a tih chuan ka harh zawk a
"Tinge mi rawn biak duh ngai lohva" tih pahin kan tetlaia ka tih dan chuan a kut ka la lawk a ka seh vak a
"Iva â tak,ana nia" tih pahin nitei lamah chuan min phei pui a.

"Rinkima chu ilo va tlangval tawh ve,ka hai dawn che lawm,i dam maw?" tih pah in a han be ve luam a
"Kha,Nenemi kid naupang fel deuh kha chu ini tawh dawnlo a ni maw?" nui deuh paha a tih chuan a inchei dan vel en nachang ka hre ve chiah
Mipa naupang lu meh fel thlap leh kawr hmakilh pawh kilh deuh chût thin kha a ni tawhlo tih ka hmu ve chiah.

Tshirt dum chungah chuan leather jacket eng emawni inziak deuh buai hi a ha a,a kekawr chu a tight țep tih tur,mahse a panggai viau a.
A pheikhawk pawh smartshoe leh pheikhawk pum mai ani tawh lo,sneaker ang deuh lawk deuh hlek hi a bun a.
A hmel ka en leh thin,a lu meh te chu an meh laiin a awmlo emaw tih mai turin a maksak,a zuah buk mai si.
A mithmul lah chu a chep hêk emaw ni tih tur hian a inrîn deuh a. A hmel ka en,min lo melh ve chiah
Ka thaw hawk ringawt.

Hepa hi Rinkima ka bestfriend kha ani takzet em?
Nge,a chhungte hian a phirpui thuhruk anlo nei a,chu chu ka hma ami hi ani zawk?

Tiang te chuan Rangvamual/RV model te pawh a ang dawn dawn alawm.
Amah lah chu a nui hui reng bawk si.

Nitei'n a biak chuan tha deuh chuan a chhang ve zel a,keichu ka ngawi kar a,a chezia leh țawng chu ka en tawp.

Ani hian kan inbiakloh chhung khan eng harsatna emaw tak a tâwk ani thei mai ang em?
Hetiang tur hi anilo asin,lo hmuah ka tum dan nen chuan a inperhsan lutuk mah mah, tleirawl chhungte enkawl hleihtheihloh te pawh a ang.

Zu te hi a in thin ang em?
Zial te hi a zu ve em?
Tunlai rawlthar hawklak ho ang hian bike te chak tak tak a khalh in zan rei tak takah bengchheng a siam ve thin ang em?
A nu leh pa te zan mu hleitheilo khawpa lunngaiin a siam thin ang em?
Kan thutiam te kha ala hre ve reng ang em,nge a theihghilh tawh zawk?
Amah pawh heti khawpa a inthlak anih chuan kan thutiam te pawh kha a hre tawhlo ngei ang?
Chung zawng zawng chu amah ka en chuan ka ngaihtuah kim hman vek.

Ka ngaih ang zawng zawng hi alo ni vek anih ngat chuan a chhungte chu an va lungngai in,an insawn chu an va inchhir dawn em.


"I nundan i thlak anih pawhin ka ngaih ang em em hi chu nilo hram rawh" ti rilru pah mawlh mawlh chung chuan an titi chu ka va melh leh zeuh zeuh thin.

Ka va melh apiang chuan min lo melh lêt in mi lo nuih suk suk zel a.

Ni e,a zia tam tak thlak mah se a hmelțha tak hi chu ala ngai reng alawm.
A hmai tlang zum leh kî lam lek lek te,a ha uingho zum nalh tak a nuih paha lo lang var țhai te.
A pian sang deuh thlarh te,inhmuhloh chhung hian alo țhanbelh leh anih dawn hi.
Tun aia kan têt deuh lai pawh khan a sang thei bik lutuk kha ka titau der vel thin a,min thlem pahin chaw te min barh țeuh țeuh a,min paw vel thin anih kha.

Nitei chuan "Nenem,thingpui emaw theitui intur kha lo la la,i kid pawh hian a duh ang" tih pahin Rinkima chu ava melh a
Ani lah chuan "Nia,in sawi har ka ti reng a,ka lo luh tirh khan ka tui a hal hal nen" alo la ti ham ham zui.
Heng tawngkam leh zahtheihlohna te hi khawia a zirchhuah nge ni ta,hah,kawm dan thiam a har țalh tawh dawn anih hi.

Eng eng emaw kan in zawh chuan nitei chuan "lo inkawm ru,dâwr bungraw chah tur enfel ka ngai" tih pahin pindan lam a pan daih si.

Rinkima nen chauh chuan kan thu a,a boruak rawn kentel hi ka la zo vaklo sin le.
Kumhnih țha zen zawn kan inhmuhloh vang nge,ka zum deuh tlat,han rik pui bawrh bawrh a har.
Min han melh leh zeuh a,chutah nui hak chungin
"Min hlau deuh a mi,ramhuai ka nilo,keimah i Lalrinkira ngei ka la ni" a rawn tih te chuan mak ka ti telh telh ni mai hian ka hria.

Chutah ka bulah chuan rawn insawn pheiin
"Nunkiri chu alo nula ve tawh a,a țawng tlem ve deuh tawh anih hi,mi a rel zawt zawt tawhlo aniang" a rawn tih leh chuan ka nui chhuak hak a
"Iva mak ve" kan ti rawk a
"Eng nge ka mak na,ka inthuam dan vel hi i sawi anih chuan tunlai style anih hi,kan awmna lamah phei chuan an uar lutuk,nangpawh kawr ka lo hawn che nia. Mahse,i thau deuh a i ha tawk ang em aw?" tih pah chuan min han khâp kual vel a. Tlem chuan ka thawveng deuh,a sawi ang anih chuan inthuam dan ringawt hian kan nihna a hrillo an tih kha maw.

"Ni maw,khawi maw ka lo en,khawnge i dah?" tih pah chuan amah chu ka han thlêk kual vel a
"Samkiri diktak alo lang ta" tih pahin ka biangah chuan a han piai vak a.
"Nangpawh i sam a kir ve tho kha,khatin mi ti ziah suh,mi karah phei chuan mi au miah suh ang che,a zahthlak" tih pahin a dul vunah chuan ka han piai pawp a.

A țhen sawk mai,ka tina emaw ni
"Tinge ana mi?"tih paha en ka tum chu
"Aho lutuk,bike a ka accident na anih hi a dam tawh" ngaihsam hmel fe chuan a tia.

Mak ka ti lutuk,bike ten a accident vel a maw.

"Tinge i accident zu te chu i in em lovang chu tiraw,han sawi teh tinge i lu meh dan te hi,i zia a mak sawt bawk si,kumhnih chauh kan inhmu lova heti khawp hian i danglam thei ania. Khawnge i chhungte,tinge nangmah chauha ilo kal. I awmdan hi ka hriat thin Lalrinkima kha chu ani miahlo" țah chhuah hmel deuh a ka tih chuan
"I hriat thin Lalrinkima mi dawihzep kha chu a thi tawh" alo ti deuh hmuk a.

Eng maw,Lalrinkima mi dawihzep a?

Hepa hi eng in nge tidanglam em em a,hetiang a nunrawn hmel lutuk a inthlak thut te hi.


"Chuti ka zawhna che kha țha deuhin min chhang mai la" tih pahin ka hawi sawn deuh hmak a.

"Ka tihpalh ka vin che a" inthlahrun hmel deuh a tih pah chuan min rawn kuah a.
Ni e,he mihring hian vawikhat pawh min la vin lo,vin chu sawiloh midangin min vin a min tih țah pawn min lo chhan a,kan rualpui mipa naupang phei chu a hnek țap ringawt zel anih kha.

"Chuti ka zawhna kha?" ka tih chuan
"Sawi dawn chuan a thui lutuk" tih pahin ka kut chu a sik a sik a.



Tichuan tun dinhmun hi kan lo thleng ta a,a thlêkna apiangah ka thle liam ve vel mai mai a,a hlimna anih phawt chuan tiin hlim ve lo mah ila hlim angin ka lang a,khami zana a thu sawi te kha mak ka ti em em a,a tir chuan a zahzel inthiam chawp sawi kual vel mai mai anih ka ring a,mahse a hnu a a U hmeichhia Esi nen kan inhmuh khan ka awih chiah.

"U Esi eng nge awmzia,tinge Lalrinkima hi hetiang mipa ah hian a chhuah tak a?" tiin ka hmaa thu U Esi chu ka zawt phawng a
"Nenem,ka sawi hi lo ngaithla la,i awihlo maithei bawk a" tiin bul a han tan phawt a.
"Aw,sawi rawh ka ngaithla" tih pahin ka melh lêt kar a.


KA LAWM EM EM E,ILO CHHIAR VE AVANGIN☆



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2021, 2:33 pm

EPISODE 2
STAY

Khami ni khan U Esi nen khan thil tam tak kan sawi dun a,Rinkima hian a zia tha lai tam tak a hlauh a,,chuvang chuan hrawn a hrehawm lai ber pawn lo dawh hram hram a,kâwm tam turin min ngen anih kha.

Ni e,ani naupang tan chuan a thil tawn kha a mak in a rang mah mah a ni.
A nu leh pa te inhau thawm kan hriat thin kha,kha kha thil ho te ni lovin chhungkaw kehdarh vek theihna a ni miau a.

Rinkima nu leh pa te chu in ringhlel tawn reng reng khan kumhnih vel anlo awm tawh a,an inchhung boruak pawh a nawmloh na a rei tawh a ni awm e.
An insawn chhan pawh kha alo ni reng a.
Rinkima pa khan ngaihzawng anga zui deuh an hnathawhna hmunah alo nei ni ngei tur a ni. Chu chu anu beng alo thleng leh a,an inhau a "Dawt mai mai anih chu,kan thawk ho ringawt" ti thin mah se hmuh dun an ni fova,Rinkima nu pawh hian an lengchhuak dun lai a phâwk nghe nghe a. Chuta tang chiah chuan an buaina in zual lam a pan a,Rinkima nu leh pa te chu an fate hmakhua an ngaih avangin inthen si lovin an khawsa ho reng a,mahse anu chuan chutia pasal berin a rinawmloh san si chuan inthen rihlo mah se nuthlawi dinhmun a chang deuh titih a,pathlawi ve tho Khasi nen chuan an inzui thin a.
Khami Rinkima'n alo hriat khan a thinrim bakah a zak em em a,anu chu a pa rinawmloh san a puhin a haw em em a,a pa lah chuan a thiamloh thu engmah a hrilh duh si lo. Midangin sawi mah se a awih duh bawk lo.
An inthen ta reng bawk a.

A nu leh Khasi pathlawi pawh chu an innei nge nge a,Rinkima chu a pa bulah a awm thin a mahse tleirawl chhuak tur tihmawh hunlai a thu tha fah tu neilo leh khuahkhirhtu neilo na na na chu inchhung aiin pawnlam a ngaina ta a,chutah tak chuan a nun chhiatna bul a ni.

A hrehawm titam tur tingin a pa chuan nupui thar a nei a,a hna lam atangin a awmna an sawn bawk si. Delhi lam daih anih vangin zui a duh bik si lo nen a nu bulah chuan loh theihlohvin a awm a ngai ta a,a nu chu huat namênloh hian a hua a. Zilh hleih theihloh chuan a khawsa ta a ni awm e.
(End of flashback)

Heihi a ni,nupa inkar thatloh pawina chu. An mahni pawhin an rinawmloh rah ni tho mah se,an tuar ve thova. Mahse,a tuar nasa tu ber chu an fate,an nu leh pa te a la innghat pumhlum tâwk lek lekte kha anni. "Naupang chu ka hrilhfiah anga an hrethiam mai ang" an ti thin a,naupang khan hrethiam ve mah se,a zavaiin a dawngsawng thiam lova, a thinlungah hmuh theihloh ser tereuhte a inphum a,chu ser chu a țhanlen pui leh a. Puitlin hnu a ser ai chuan kan tetlai atanga kan țhanlen pui te hi a kum pawh a tam nge nge angin a reh har zawk a,chatuan daih alo ni thin.



Hetianga ngaihzawng fumfe pawh nei lova mi hrang hrang a pawt phar a pawt phar mai te hian ka rilru a tina em em a. Han tih vak ngaihna ka hre si lo

Vawikhat tha deuhin a awmdan thalo ka sawi a,mi vin vak atang phei kha chuan ngawih a tha hrih niin ka hre ta a.

Kan thianghlimna tura intiamna chu ala vawng ve reng anih ka ring a,a bun ka la hmu ve tlat.
A nun a tla hawlh ta anih pawhin hmeichhiat mipatnaah tal hi chuan ala fihlim ve rih chu a ni a.

An lâm zo ka bulah a rawn thu a
"Haw tawh mai ila,nitei'n min ngaihtuah deuh tawh a" tha deuh chuan ka lo ti a
"Nia,pawilo" tih pahin nichin a a lampuinu kha a hui zeuh a
"Hei,boss hian haw a duh tawh a,naktukah kan inhmu dawn nia" tih pahin a mit a siai khum zeuh a.
Ka melh hâ ringawt.

"Chak deuhin tlan suh aw,ka hlau ania,i rui deuh emaw ni lehnghal ni" tih pah chuan ka hnim a
"Lo kal ve turin ka sawm che ami,i duh thu in ilo kal anih kha" tih hmuk pahin a helmet a khum a,bike chu a tinung nghal.
"Lo kal suh pawh ti la ka theihna apiangah chuan ka zui zel thovang che" tih deuh hmak pahin a hnungah chuan ka lawn ve nghal a.

A rawn let tirh te kha chuan ka lakah pawh ala fel viau a,vin chu sawiloh ka thu a hnial ngailo kha ania,mahse tunah ve thung chuan ka tawng sual ang tih hlau reng reng a awm angai tawh.
Thusawi tur pawh vawi hnih thum lai ngaihtuah hmasak phawt ngai ang vel a ni.

A bike chu a tirum vut vut a,chutah inrin hma hma in a phit chhuak phut a,hlau tawk in ka kuah bet rawk rawk a,ka melh rum teh e.
Mi tihhlauh te hi nuam a ti zawk emaw tih turin hlau anga kan awm chuan a uar sauh zel.
Ka ngaihtuahna hria niawm takin ala nui suk suk lehnghal.

School a rawn luh tirh te pawh khan kan class inanglo mah se min zui deuh chawt kha ania,mahse an class ami thian thar a nei a,chupawh mifelho tia sawi tur awmlo,zirtirtute hrem tawk ngun deuh deuh anni lehnghal.
A rei deuh hnu phei kha chuan school hun chhunga insual an ching a,zirtirtu te pawhin an hrem zing malh malh hle,karkhat vel an suspend loh leh an chhungte an ko va,a nu hi alo kal thin a,hrehawm a tih theih hmel lutuk. Ani lah hian a nu hrehawm ti hmel kha hmuh nuam a ti emaw ti mai turin sim a tum chuang hauh si lo.

An insual a a pem chang chuan damdawi te ka hnawih sak thin a,ka zilh pah ve mawlh mawlh thin,zawm ta nge pawh a ti chuanglo,ngawi rengin mi melh kur ringawt zel.

A hnu ah phei chuan zilh theih ani tawhlo,a thin hi a rim ani deuh mai zel a,ka hrilh zui peih biklo.
Damdawi hnawih a mamawh chang pawhin ka khawih duhlo lui ngat thin"i duh leh i kawm thin hmeichhe ho kha va inhnawih tir rawh" ka ti ve hmak zel.


Kan inkawtah chuan a ding chat a,a rang a rangin ka chhuk vat a,a tlanchak lutuk ka hlau bawk nen ka thil inngaihtuah lungpuam nen luh nghal mai ka tum chu ka ban ah min pawt ding in"ka tihpalh,i hlau tih ka theihghilh daih,ka khalh chak țhang lutuk a" tih pahin ka biang rawn khawih a tum chu a kut vai sawk pahin
"Engmah hi i hre reng hleinem tiraw,thian kan ni tih pawh a hming mai chauhin anih kha ila hriat. Tinge tianga i tih tlat thin a,midang natna hian hlimna a pe che mi?" țahchhuak deuh chung chuan ka ti a.
Mi melh zawk ringawt,hetia ka mit taka mi en ngamloh hi chuan thil thalo a ti tlangpui,a meng pawh a diklo leh tawh.


"I chhungte leh i nu ngei pawh iti hrehawm tih i hria em,eng hi nge i beisei a hetia i awm hian?" ka tih chuan
"Ka nu leh ka chhungte chungchang lo sawi ve suh,engmah i hrelo" a ti vin leh hlur tawh
"Aw,a ni maw,nia engmah ka hrelo. Nilo engkim ka hria a,nangpawn i hre vek. Thudik awmsa i pawm thiamlo mai anih kha,i nu i huatna kha paihbo la,awm pangngaiin awm rawh"
"A harsa ang tih chu ka hria,mahse hmana ka thian țha ber Lalrinkima samkir min tihlim thei deuh tu kha ka duh leh a ni,tuna mi baw-raw lalrinkima nilovin" tih pah chuan ka tlanluh san hmak.

Ka lut chiah chu nitei chuan min lo hmu a,a hmel ka hmu chiah chu mi hriatthiam hmel lutuk a min lo en nen,ka mittui a baw zawih a
"Bawihte Nenem,a harsat viau chuan duhtawk mai la,ka neihchhun inih hi, hi hetianga hrehawm taka i awm reng hi ka phallo asin. Rinkima nilo se chu hman hmanah khan i zui ka phal tawh lovang" tih pahin ka sam ah a chul hliau hliau a.


"Nite,a na em a ni,heti taka ka lakah lehzel pawh a sual hi. Keichuan ana te hnem ka duh a,hman a kan awm ang khan unau leh thian anga awm leh kha ka duh,mahse tunah chuan ka zui zel te pawh hi hnawk min ti tih a lang reng tawh." hnuailam bih ngar pah chuan ka ti a.

"A rah tha chhuak tura i duh chuan i nghah peih a ngai ve alawm tiraw,nghak hram hram la,a laka i rilru put hmang leh a tana i thil tih te hi ala hrethiam ve mai ang. Tunah chuan a hun tawn khirh nen a boruak hi sualah ala leng laklawh a. Tiang reng hi ani bik nang" tiin thu tha chu min hrilh sep sep a.

Ni e,kei hian Lalrinkima hi thian ang chauh chuan ka en lo a ni,keipawh hian ka ring bik lova,nitei hian a sawi thin a"i duh ni ta ber in ka hria" a ti thin. Ka awihlo em a,ka thian a nihna angin a nun kalsual tur ka hlauthawng niin ka hre thin.
A bula ka awm hian eng emaw riau hi a awm tel tlat tawh a,"kan rilru lo puitlin ve sawt vang te pawh a ni mahna,a zia a thlak a,a hma angin min hnaih tawh lova,ka hlatah a awm ka hlau a,min thlauhthlak mai ka hlauh vang aniang" tiin ka inhnem thin.
Mahse,thinlung zawng a bum theih si loh a le.


A chang hian bo daih hun a nei thin a,nithum te kan hmulova a hnuah a rawn lang leh thut zel. A nu han zawh dawn lah in an inpawh lutuk hmel si lohva.

Class te kan kal leh a,college anih tawh avang hian tlemin kan zalen thei deuh.

Lalrinkima pawh chu nithum vel ka hmu tawh lo,a țhian kawm thin ho chu ka hmu zeuh zeuh ringawt thin.

Ka thiannu ve ber kan khaw țhenawm chiah a mi Sharoni nen chuan kan inzui chawt a,Rinkima nen kan chungchang hi a hre ve deuh a,mahse naupanlai thian tih bak in min hre hlawmlo,a chhan pawh zan lam leh chawlh tihloh hi chuan kawm leh hmuh tur a awm ngai lo a tin ni.


Sharoni chuan cousin Puipuia a nei a,kan junior chiah hi ani a,chu chuan a chang hian min rawn zawm ve thin. Amah te hi a pian a tha reuh a luck pawh a luck fu ang.

Kan pathum a college canteen a thil kan ei lai chuan Rinkima chu khawi atanga lo chhuak nge tih pawh hriat lohvin a thiante nen anlo lang ve hlawl a,an thian zinga hmeichhe pakhat hmelchhe vaklo chuan a banah a kuah deuh hnâp a,an lam ka va hawi phei lai tak chuan Lisa an ti emaw ni chuan Rinkima chu eng emaw hi a hrilhru ser ser a,an nui leh hak hak thin.
Lalrinkima chuan eng emaw hi Lisa chu a hrilh a,ka lam lo hawiin an in nuih leh suk a.

Chutah kan lam pan in an rawn phei a,kan bul chiah dawhkanah chuan an thu a,an ri nghal bawrh bawrh a,mi biak pawh a tum chuanglo. Anlo luh tirha min melh zawk bak min melh leh tawh lo hrim hrim. Hman zan atang khan a bo vang vang a,mi rawn text bawk si lo. A thin a rim anih ka ring ringawt.

Hawihhawm chhuaha va biak ka tum ka kut kan vai khum a,mi melh zawk a,a bula thu Lisa chu a be leh daih. Mai mai chuan mi tih zah zek chu a,ka be hmasa awm lo emai.
A thianpa Sangtea chuan min lo hmu nge,mi be hlauh zawk a."Nunnem,i dam maw,inbiak lohna a rei ta hle mai a,,ka phone ka tichhia a,i number pawh ka hlauh daih a,thianpa hi ka dil lah in min pe duh bawk si lo",tih pah in a phone min rawn pe phei a,kei lah chuan "aw,anih chu ava zialo ve" tih pah in phur hmel fahran chuan ka number chu ka'n type a.
Lalrinkima chuan mi melh nasa ngang mai.

Sangtea nen hian kan inhriatna chu a rei ve tawh Lalrinkima rawn lêt hma atangin kan in hre tawh a,phone ah pawh mi rawn biak zuk zuk hi a hrat a,mahse ka ngai thutak vek lem lo,amah hi naupang feltak tia sawi tur kha ani vak lova. Amah hrim hrim hi chu a fel phian a,thian kawm a thiam bakah,mi a ti nui thiam a,fel vak si lo hian mi ngainat hi a hlawh ve leh lawi si.

Zanah chuan roomah lehkha zir turin ka awm a,U puii chuan inleng ka neih thu a rawn sawi a,tu tak ni ang maw tih pah in ka chhuk a,sitting room a lo țhu te ka hmuh chuan ka nuih a za hle.
Lalrinkima leh Sangte chu an lo țhu a,inmelh run run chungin inhlat mangkhengin anlo țhu anih chu
"Social distancing inva zawm tha ve" tih pah a Sangtea thutna lam ka va pan chuan Lalrinkima chuan "Hei thil ka lo hawn che" tih pah in min lo pawt thu dawrh a.
A awmdan hi mak teh thut thei sia.
Ka thut pah chuan ka bul sêt ah alo thu hnai nghal a.

"Sangte chu i thianpa nen inlo len ve hlawl" ka tih chuan
"Kawtah sawn kan intawk a" tih pah hian a ner deuh sak a.
"I bialnu te inah va leng ta che" Lalrinkima chuan alo ti hluk a
"Nangpawh i bial i fangkual tawh a mi,anlo thinrim ang e" pakhat lah chuan alo ti sam êt a.
An awmdan chu ka nuih an tiza riau lehnghal.
"Chuti zah zah bialnu ka nei love" tih pah chuan Lalrinkima chuan eng emaw ni hi min pe a. Ka han en chu ka earphone deuh deuh chi hi alo ni a.

"Ehe hei ka sawi thin kha anih hi,sound tha deuh kha,khawia mi nge i neih a,i lei to em?" tih pah chuan kan vuah chhin vel a,kan awmdan chu Sangtea chuan mak a tih hmel khawp mai.
"Aizawl atang ka lo hawn ve em em che anih kha,chhaw lutuk,samkir ho hi chu a" min han ti zek a.
"Eee,alo nih tak chu ka lawm e,samkir ve lo pa,Rinlukir" tih pah chuan lei ka chhuah khum vak a.
"Chutiang teh a min tih,ka chhuh leh daih dawn che maw ni" tih pah chuan mi han nek kual vel a.

"Nangni hi inhmelhriat satliah emaw in nih ka tia" Sangtea chuan mak tih hmel deuh hian a rawn ti chhuak phawng a.
"Keini te chu tettê atanga inkawm alawm kan nih,hrethiam em,hei bestfriend leh childhood lovers an tih ang hi" intihtheih hmel fe a tih pah chuan Rinlukira chuan mit min siai keuh keuh a.
Sawtianga mit a siai sawn alawm ka ngei chu.
"Inva inkawm ngai si lo ve"a han ti leh talh a
"Awww,englai pawh a inkawm reng tur ani mi,ani chu kan college ah chuan milar a ni tawh a" Lalrinkima chuan a han ti leh vel a.

Hman deuh khan kan department senior te thlahna picnic kan neih ah loh theihlohvin min zai tir,a tir chuan ka tap țep a,Sharoni khan
"I zai lai ka hre fo i zai thiam alawm" alo ti ve tlat bawk nen,guitar perh chungin Ed Sheeran hla 'photograph' kha ka sa ve thawr anih kha.
Ka sa sual em lova,tha tak chuan ka sa ve thei mai.
Kha pawh kha naupanlai min ngaih tirtu a ni,Lalrinkima nen hian biakinah kan zai dun thin a,ani in guitar emaw keyboard alo tum thin.

Tunah ve chuan biakin kawng pawh a hriat tawh hmel vak loh.

Thil ho te te kan sawi a,an thiandun lah chuan in khak fek fek an hrat si,hemi te pahnih hi an inhau deuh emaw ni.

Nitei inkhawm bang pawh alo haw a
"Rinkima chu ilo leng elaw iva fel ve,kha tunge i thianpa kha ka va hmu ngailo ve?" a rawn ti lut nghal a
"Nia,hei ka thianpa vak pawh ani lo,kan thenawmte mikhual ka rawn vah harhpui mai mai anih hi" thutak fe chuan a han ti ngawt a,Sangtea lah chu thinrim awm pawn a awm chuanglo
"Anih chu khawilam mikhual nge?" Nitei pawh hi hre duh kimchang thei sia,senior pêlin a tar mah mah tawh a ni.
"Myanmar raltlân maw le,thlenna an nei lova,kan thenawm ah khan anlo thleng a"pakhat lah chuan ala ti ta deuh deuh.
Ka nitei lah chuan"aw,anih chu ava zialo ve,kan inah te pawh lo thleng ula hei pathum chauh kan nia,Nautei thianpa i nih hmel thova,in hun tawn a khirh em anih chu. Burma sipai ho khi chu an sual lutuk a a,a pawi tak tak a ni" a pheikhawk phelh mawlh mawlh pah chuan nitei lah chuan khawngaih hmel fe in ala ti ta deuh deuh.
Ka nui chhuak teuh hle mai,Sangtea lah ka neilo ang maiin a ngawi hmak bawk si,a thinrim tawh anih ka ring. Lalrinkima lah hian alo chhan sak zel bawk sia,hahthlak hian a.

"A ngai reng reng lo,hei kan section ho saw an fel a maw,riahna tur tha deuh an hmuh sak alawm,kan veng ho saw an fel a,vehbur te an khawm sak a,lal ang chiah anni mai,an tlai lutuk. Riahna pawh an nei tha,hei en la an hmel te pawh,nghapih leh laphetauh heh hmel pawh an put tawh loh hi" thutak fahran chuan ala ti tak deuh deuh a.
Sangtea chu a ding hluai a,"ka va haw phawt,remchangah ka lo leng leh ang" tih pah in a kal nul nul a.
Lalrinkima lah ta pek chuan"Ginmuanlal,i bo lo ang maw,kawng te kha i hrechiang ami" ala tih khum lung lung zui a,Sangtea chu rawn hawilet thinrim hmel tawh lutuk ringawt
"Ka hria" tih hluk pahin a kal nal nal
Ka nitei chuan "Ginmuanlala chu aw,ava khawngaihtlak ve"tih pahin inthlak turin a lut a.

Zanina a awm dan chu ruih nei pawh a anglo,a phawk ve tawp zanin chu.
"Hmingthansanga nen khan eng nge in inkarah awm?" a rawn ti ve ringawt a
"Eng nge awm vak se itih,nang leh kei kan inkawm ang hi a ni mai lawm" ka ti deuh hmak,a awmdan hi lawmawm viau mah se vawiin a min biak duhloh dan kha ka la ngei riau. Mahse,ka be chhe duh chuanglo,thil ho te te a in thinrim khum reng hi ka tihdan a ni ve lova,duh pawh ka duhlo.
"Ani nen min tehkhin ngawt suh,ani te chu a" sawi zawm lovin a ngawi leh daih a
"Eng nge a ni chu,tehkhin i duhloh te chuan awmtha ta reng che,tunah chuan hmana ka hriat thin Rinkima kha ini em pawh ka hre tawh lo"ka ti deuh hmak a.
"Ni e,ka thi a ka lo tho leh anih hi,mitthi tawh tho leh ka nia,min hlau hle rawh" uang deuh chuan a ti vel a.
"Uang mai mai zel suh,i sual tawh ropui si,mi hmuhloh der lah i thiam narawh e" tih pahin a lu ah chuan ka nen bu lâwp a.
"Ka hmulo der lo che,eng nge mi pawh biak i tumlo anih kha,hmanni ah lah min hau hrep ringawt a,tuna tang chuan ka fel tawh dawn alawm" a ti vei bui bui a.
A awmdan chu a naupangchhia riau lehnghal.
A ruk tak chuan ka hlim angreng hle,hetianga eng rimdang mah nam lova min rawn pan ringawt te pawh hi ka tan chuan a ropui lutuk ringawt. Hmana ka hriat Rinlukira kha ka nei lêt leh ni mai hian ka hria.


"Hauh ngaiin i awm ani mai lawm,bakah eng nge mi vin ziah,i vin tur pawh ka nilo. Mi vin tawh reng rwng suh ang che" ka tih chuan
"Ka vin lo che,ka tawng ring mai mai anih kha"te ati kual leh vel.
"Hahh,alo nih vel tak chu,haw tawh rawh ka mu duh,ka lehkha zir tur pawh min rawn tibuai vek" tih pahin thawh mai ka tum a.
"Hmingthansanga pawh lo len a tum tho kha a" ala ti țalh.
"Nangpawh ilo leng tho alawm,ani pawh alo leng a ni mai a. Len chintawk hriat tur,kha i fiamthu lah kha a sang si,a thinrim vel ang e"ka tih chuan
"Ho lutuk rim lovang, ani te chu a fel alawm" a ti fel thên lehnghal.

"Aw,anih chu va haw tawh rawh,leng leng tawhlo la,inah te awm ve rawh" thinrim hmel deuh a ka tih chuan
"Eng nge ka rawn len khat em hi,hnawk min va ti awm ve,ka rawn riak dawn" tih pahin ka room lam a pan hmak zui.

"Hei,i zak lawm ni,lo riak reng reng suh,tumah ka mutpui thiamlo,nitei ka hrilh mai ang" tih pahin ka umzui a.
"Hrilh rawh,a phal vek,i ît-awm loh loh nen,ka khawih dawn che pawh nilo,eng nge maw ni" tih bul bul pah chuan bathroom lam a pan a.
Ava han zaklo tak,a duh duh hunah min induh khum a,a hnu lawkah engmah thlenglo ang mai hian a rawn awm leh a,ka hrethiam teh nuaih love.

Bathroom atanga alo chhuah chuan"Tinge hanawhna spare i neihloh,ita saw ka hmang ania" ala ti ham ham zui.
"Ngawt ngawt a che,nge ilo hman ve ngawt a,tenawm chutianga inhman țawm te chu,saw saw hmang ang che,ka hman tur chu nitei ka dil mai ang" tih pahin nitei room lamah ka chhuk a.

"Nge ni ta,lo riah a tum ami" alo tih chuan mak ka ti hle,room ah a awm char char emaw tia,nula senior ho tak hi chu,an hriatna thazam tha lutuk hi a.
"Aw,a tum ringawt anih khi,toothbrush ka duh a" ka tih chuan min pek pahin
"Riak ve sela nimai lawm,tikhian thilsual te pawh a tihloh phah anga,hrilh ve thin la" tih pah chuan toothbrush chu min pe a.


Ka han chhoh leh chuan veranda ah zial alo zu khu luih luih lehnghal.
"Nge khatah te zial iva zuk,rimchhe si,thenawm te sawn anlo hmu che nga sin"tih pahin veranda light ka off a,Fan chu ka on nghal bawk a.
"I phunchiar e a,i nî ang mai" tih pah in a zial khu chu min rawn chhem nan a hmang a,
"Rinlukir,iva mawl tak" tih pahin ka kut ka vai vak vak a,chu chu remchangah la in mi man thut a,khum lamah min pawm phei titih a
"I â mi min dahthla rawh,min thlauh ang" tih pahin tâl thlak ka tum a,
"Mu tawh ang zan a rei tawh" tih pahin light eng zâwk chu a off a,darkua bak ala ni tawp silo.
"Ka mutpui peih hleinem che,sawlai sofa ah sawn va mu rawh" tih pahin lukham chuan ka vawm a,"i zial zuk na te kha a rimchhe awm si" ka hriat tawk lek chuan ka ti a
"Iva tihtam reuh e,ha ka va nawt leh anga ka rawn mu dawn nia" tih pahin bathroom ah chuan ava ri sut sut a.

Ka bulah chuan a rawn mu ve mai a,a ban chu min kham tir a,"kan tetlai khan tiang hian kan mu thin a,a ngaihawm e" ka tih chuan engmah a sawilo a ngawi reng a.
"Chuan khang laia nangmah kha ka ngai bawk" awmze nei deuh a ka tih chuan
"Ngai suh" alo ti ringawt.
"Kha maw,a tan leh dawn e,i thinchhe sawt si a" tih pah chuan ka hnungchhawn daih a.
Kan awmdan vel chu nupa inti thiamlo te pawh kan ang e,ka bula mu lah chuan ka ngaihtuah ang hi a ngaihtuah phâk ve awm der si lova.
Ka hnunglam atang chuan ka kawngah rawn kuahin"hetianga kan awmdun leh thei mai hi a mak e" a ti duh lek chauh.


"Nge mak vak,kan thih loh te chuan kan inhmu kan inhmu ang chu" ka tih chuan
"I romantic lo thei sia maw" tih pahin ka sam chu a hmai chuan a rawn nâwk a,"i sam rim pawh ala ngai anih hi,a sweet reng" tih pahin ka tukhum chu a nawr tâwk a. Chutianga a awmdan vel chuan min ti zam thar riau hian ka hria,ka mûr chuai a,ka dul zawna a kut awm te chuan min ti za thar ni mai hian ka hria,ka thiamlo nge hei ka sawifiah thiam si loh hian ka awm.
Ka che sek chu a ngai theilo ani ngei ang
"Che sek lo la,mut iti har" tih pah chuan min kuah nghet sauh a.
Ka awmdan a danglam tih a hre der si lo,"khawimaw a lum alawm" puan tlawh thlak pahin a kut chu ka dahsawn a.
"Phunchiar si,tihtam bawk si" tih pah chuan a earphone min lo hawn kha a ban a,a phone chu a la a.

"Khawiah nge i kal hrim hrim a,i bo leh daih zel a" ka tih chuan
"Aizawl ah ka û te bulah ka han kal zawk" a titha ve mai a,a û te pahnih kha Aizawlah in an luah a,lehkha an la zir zawm a ni awm e.

"Chuti chu i kal apiangin thil min lo hawn ziah rawh aw" inla duhawm deuh a ka tih chuan
"I over vel mai e a,ka lo hawn ziah ang che" tih pahin ka biangah a rawn piai zeuh a.


"Film en ila" ka tih chuan
"Hla ngaithla ila ka tia mahse i duh chuan kan en dawn nia" tih pah in a hmet kual vel a.

Ka film thûlkhung chu kan en a,ka en ngun tawh nen ka en ning theilo,changtupa hmelthat piah lamah a kalphung hi ka duh chi,a chang chuan Rinkima nen kan inkar nen hian ka chan a,a inan lohna awmchhun chu ani chuan thian ang chauh a min en hi a ni.

Keipawn a rawn lêt tirh kha chuan thian ang chauhin ka la en a mahse a zia a thlak a thlak a,ka zui kual reng chhung khan englaiin nge a lakah rilru dang ka put ka hrelo.

Nitei bulah hian engkim ka sawi thin a"Mipa leh hmeichhia chu thian chauh nih reng a har thin alawm,nangpawn i duh tih i inhre har anih kha,ka chik thin che a,i rilru hi kei aia hrechiang an awm lovang. Rinkima pawh hian a duh ve deuh che ni hian ka hre thin a,mipa dang nen in inbiak a a awmdan te pawh hi ka lo chik ve thin. Mahse,mipa nge nge,hriatthiam an har leh thin,nangpawn i hriatthiamloh chang a tam ang. Mahse tun tut tut ah alo duh ve lo che anih pawh in nghak la,hriatthiam hun ala nei ve mai ang. Amaherawh chu a tawp thlenga a hrethiam lova midang a thlang anih chuan i pawm thiam tur a ni ang. A hlim i duh chuan a hlimna te i tawmpui thiam a ngai a,chhe taka a tawp a inchhuah ai chuan a engkim thlen ngamna inih kha ala hlu tho tho ania" tiin min hrilh thin anih kha.


"I muthlu ami" tia min rawn sâwi chuan ka harh zawk a
"Ka mutthuk phal i ring a mi" te chu ka'n ti ve a.


"Changtunu khian a thianpa khi a hmangaih tiraw" ka tih chuan
"Umm,a hmangaih hle a ni" alo ti ve bawk.

"Keichu khitiang dinhmun tawh ah chuan awlsam deuh a ka lo pawm leh theih pawh ka ring lo" ka tih chuan
"A hmangaih te chuan alo nghak reng tur alawm" a ti ve mai a,ngai awlsam thei mai sia.
"Hmangaihna chuan rinawmna a keng tel tur a ni a,mipa khi a rinawmlo em alawm,tiang te chu a,sâwn a thlak ringawt khi" ka tih chuan
"Hmeichhia pawh a khawloh ve tho khi,mipa dang a mutpui a,fa hial a pai thova" ala ti ve țang țang.
Mipa ler ho zia hi chu,an ințan țhâm mai a.

"Keini chu kan kawppui te tan chauh inhlan ang aw,kan thutiam kha ila vawng reng tiraw?" Ka tih chuan a kut veilam chu rawn phar chhuakin zungbun chu a tilang a.
Keipawh chuan a tih ang chiah chuan ka ti ve a.
Heihi thianghlimna vawnna tura kan intiamna zungbun a ni. Alo daisual palh dawn anih pawn,he thil hian a phuar ve ngei ka beisei.

"Chupawh nise keichu ni ila ka theih ka ring tawhlo,pathlawi êm nei tur chuan ka inphallo,a hmangaihna khi kawng tamtakin a tilang a,mahse mipa khian a hrethiam har em alawm" tih pah a ka han melh chhova,
"A pawi ber chu an thinlung ve ve an in ngaihthlak sak tawnloh vang ani,an inbum rei em a" ka mit a min melh reng pah chuan a ti a.
A mitmengah chuan eng emaw hi a lang zawk a,mahse a insiamțha leh vat tho.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2021, 2:34 pm

STAY

CHAPTER 3

(A thui ve tho chuan ka hria,likes leh comments te kha in theih chuan lo pe ve ula,in reh thei hlawm si🤣🤣🤭,ads te pawh kha aw)


Zing ka tho pawh chu tuk dang aiin ka phur surh surh hle,"nizanah khawnge a kal ang,inah a haw ang em?"tih thawh phat a ngaihtuah nen chuan danglam tawh tak a ni.
Bathroom atanga ka chhuah chuan ka mikhuala chu alo la muttui hmel sûk sûk lutuk.
A bul hnaiah chuan ka va kal a,a hmel chu ka'n thlêk a,hmeichhia te duhzawng hi chu ani ve chiang alawm.
Ka kut chuan a hmai tlang leh a hnar ngul sang lam lek lek te chu ka rin thla riak riak a,ani erawh chu engmah hrelovin ala mutui hle.

Inhnuai lamah ka chhuk a
"Kha,va thawh fuh hmel bik ve" nitei chuan mei nei fahran hian alo ti a.
"Loh theih nang"tih pah in tuilum ka thlichhuak a.

Class kal te kan ngaih dawn vangin chawei hma a ngai si a,han kaihthawh tum a ka chhoh chuan khum chu thleh fel thên hian alo awm a,mak ti deuh a ka awmlai chuan bathroom lam atang hian hmaiphih zo tih hriat tak,a sam hmalam la hnawm deuh hlekin alo chhuak a.
"Va tuanțha leh si ve" ka tih chuan
"Ka fel tawh dawn ka tih kha" te chu an ti khawsawi ve a.
Ner nâng chungin "i bialnu te ho an inti thiamlo țhûm mai tur asin"ka tih chuan
"Nang ber i awm alawm,anni te chu a spare an nia"tih ham ham pah chuan kan chhuak a.
Alo in tifel hman vek sia,ka chhuk dawn a ka khawih te kha alo hria ang em le.

College kan thlen chuan a thiante ho chuan anlo nghak țhap a,an piah deuhah chuan Sharoni pawh alo ding ve,min hmuh rual chuan eng emaw sawi pah hian Lisa lam chu melhin a ner sawk sawk a.
Eng tak chu sawi ang maw tih pahin kan pan phei a.
Kan thlen hma deuh si chuan
"Keichu i țhian kawm te hi kawm tam lutuk tawhlo la ka ti e,an sual ka tihna ni lovin,a tha ber lo" ka tih chuan
"Engmah hi a tha ber vek a theih hleinem,țhian kawm te an sual vanga sual kher tur pawh a ni chuang lova" a ti vei sup a.
An bul kan thlen phei tawh avangin ka chhang tawh lem lo.


Lisa chuan alo kuah leh thuak thuak tawh.
Sangtea ka hmuh chuan nizan ka hrechhuak zawk,Rinkima chu a melh leh run run zel a,pakhata lah chuan a hmuduhlo der hmak bawk si.

Ka hun hman chu a nuam chho hle a,nitei pawn a hrethiam ani ngei ang,min lawmpui ve lutuk. Rinkima pawh a hma ang tawp chuan awmthei tawhlo mah se tlem chuan a zia deuh tawh a,zana lenchhuah leh bike intlansiak,rim dang eng eng emaw nei chunga lo lan ang kha a ti tawh vaklo.
Aizawlah a kal zeuh zeuh a,ka thil chah apiang sawisel lovin min lo hawnsak thin.
A chang leh lipstick leh perfume te ka chah a,alo lei ve mai zel. A kal chang hi chuan alo hâwn hun ka nghakhlel thei asin aw.
Thlasik a intan dawn vangin a kal leh hunah chuan scarf ka chah tawh ang ka ti rilru reuh reuh a.

Mahse,an inchhungkhur boruak chu ala tha vaklo anih hmel,a nu pasal khan a nupui hmasa nen fa pahnih anlo nei a,keini ho nen hian kan inrual hlawm maithei a,mahse ka la hmu ve lemlo.

Thlasik chawlh te kan han nei dawn țan a,college kal pawh a rei tawh dawnlo hle mai.
Sangtea hian mi hi rawn biak zuk zuk a ching a,a chang chuan thu ho deuh deuh a rawn sawi a,a chang leh fiamthu titak deuh hian ka hmeltha a tih thu te hi alo sawi ve leh tawl zel.
Leng tura ka sawm pawn duh tawh thak nang,"ka zak tawh,ini kha awm phei chuan ka duhlo" zu ti tlat thin a.

Rinlukira vang vek hi alawm,hepa hi chu tawngtam em em si lo hian a nghal ru phian lehnghal a.

Hun a kal a,Christmas rim a nam chhova,boruak pawh a romantic leh zaih tawh.
Zan boruak thiang leh vawt vûk kara,mi inbul thim chin deuh si,streetlight in a chhun phâk,thingbuk deuh hlek bula chhum zing kara din te hian thlasik hi a ti thlasik ngawih ngawih. Zana kawng leh a bul vela chhum zing hi romantic ka tih ber pâwl a ni.
Chutiang zanah chuan arsi en tur te in inchungah ka lawn a,lum deuh a inthuam in,scarf awrh ngei ila,tawng leh thâwk zawng a kâ atanga boruak thâwk chhuah vet vet te hi a nuam,kut vawt thler khawng deuh urh tawh han chhem lum ham ham te hi thlasik ti nuamtu a ni.

Mahse,Christmas leh kumthar boruak vuakvet hian sualna a kengtel an tih zawng zawng hi alo thleng ni mai hian ka hria.

Lalrinkima chu a tha ve tawh viau dawn emaw ti a kan lo lawm nak alaiin,a nunhlui bawkah a kir leh tih theih turin a awm leh tan tawh a.
Kan inah pawh alo chuangkai leh khât pharh tawh,a hahthlak teh zawng anih hi,engtia han tih chi nge ni pawh ka hre tawhlo.
A hmaa ka zuikual reng ang kha chuan ka duh tawhloh mai bakah ka zuam tawhlo. An kalna hmun kha vengtueh zuitu anga va kalna atan pawh a nasa mah mah a ni.

Kan hnai velah a awm tih pawh ka hriat loh,wine shop an ti nge Bar an ti pawh ka hrelo,chutah chuan zan tumtawi turin an kal khawm thin a ni awm e,a thalo takzet.
Kan Lalrinkima pawh chutah chuan a thiante nen an kal thin a,kei phei chuan Aizawl lamah a kal anih ringin ngaihtha takin ka awm a,mahse Sangtea nen kan inbiak in a rawn sawi a ka hre chiah.
Ka rilru ana em em a,ka haw bawk a. Ngati nge maw kawng dang bawk min zawh san leh mai thin le,tiin ka awm fo.

Hmeichhe hrang hrang a phur ka hmu thin,hetiang reng anih chuan kan thutiam ve te pawh kha ala bawhchhe lo ang tih pawh a sawi theihloh.
A phurhchhuah thin zingah chuan Lisa ka hmu ngun ber a,henu hian engtin nge maw a tih bik ni.
A hmeichhe kawp ve ho pawh a kawp rei ngailo ania,henu zet hi zawng a danglam anih hi.
Vawitam a inzui a,an reh vang vang a, angai te bawkin anlo inzui leh thin. Thik enah pawh hian ka en peihlo On Off pahnih annih hi.

Pawn lama ka hmuhfuh chang lah hian keimah zawk hian hmu hreh a hmulo der tur ka nih zawk laiin,amah zawk zawk hian mi hi a hêl emaw tih turin a awm a.

Zan lamah mi a rawn biak hlawl chang pawhin a awmdan engmah ka sawisel lova,hrelo awm hmiah hmiahin ka awm tawh.
Kha chen vawitam ka hrilh a,mittui tla zawih zawih in vawikhat phei chu ka room ah ngei ka hrilh anih kha,mahse a chhanna chu eng nge.Ruih hi alo nuam viau anih dawn hi ka ti ta.
Rilru thar ka pu ta a,tun atang chuan min rawn biak pawhin thian satliah biak chauhin ka be tawh anga,zilh pawh ka zilh tawh lo anga.
Ka hlat niin a inhre ve anga,a tana pawimawhna ka lo nei ve ngai anih chuan min lo pan hun ala nei ngei ang tiin thuthlukna ka siam ta a.
Hetiang bak a tih ngaihna ka hre tawh hlawllo a ni.

A mei ang mai a a kal naa ka zui kawi lai pawn a tih duh a thulh chuanglo,an intihhlimna hmunah sawn va kal ve thin nghe nghe ila a tha ang.
A awmdan ang hian awm ve ila engtiang chiahin nge mi a ngaih ve ang.

Sangtea nen chuan kan inbe ngun ta hle a,Rinkima chungchang te pawh min rawn hrilh thin.
Zankhat Lisa nen hotel room an book a,inah an haw lo tih a sawi phei kha chuan sawi ve tur pawh kha hrelo "kan thiante chawlh lo hmang tur an awm a kan book sak" tiin midang bulah chuan an sawi a,mahse tunge hria.

Thian kan la nih ve na ang leh,mipa leh hmeichhia kan la nihna ah ka rilru zawng zawng ka tih lan a rem teuh thin si lova.
A chang chuan nitei sawi ang deuhin a laka ka rilru puthmang te hi hrilh ta ila,ka nat a duhloh vang leh min duh ve ta lo anih pawhin min khawngaih vang tal pawhin tlem chuan a insiamtha mahna te ka ti thin.
Mahse,a thlarau sual pai a chhuah chang chuan kei ngei pawh min vin a,min tina hreh hauhlo hmel a pu anih kha.

Nula senior enkawl tih takah insual leh kut inthlak hi ka hmu thei lova,ka khawng deuh titih mai thin.
Rinkima te school kan kal laia an insual pawn,an zawh vek hnuah haw dawnah a pem ka buaipui chauh zel.

Sangtea lah chuan"Zep loh chuan i lakah hian rilru dang deuh ka put na a rei tawh a,higher kan nih laia teachers day a zaitir an tum che khan,khata i duhlo tang nasa lutuk,nula ve uaih tawh zirtirtu leh zirlai thenkhat hmaa i țah titih lai khan ka ngaihven daih tawh che a,mahse nangmah hian mi hi i hlat thei em a,ka ban phakah ka dah ngailo che.
College khatah kan lut leh a,Rinkima nen inlo inthian veleh chiah bawk si nen,i chanchin ka zawt thin a,mahse ka zawh chang hian ngaihzawng deuh reuh i neih thu a sawi mai thin a" a ti a.

Eng vanga Lalrinkima chuan ngaihzawng ka nei anga alo sawi ve ringawt nge anih ni,min duh ve vang chu anilo chiang a. A sual a chhuah hi chuan a sual ve hrim hrim.

Ka number pawh Sangtea chuan alo dil thin a,mahse "number a ngah lutuk" te mi lo ti thul.
Hepa hian eng ngaihtuahna chiah nge a neih ni. A sawi dan atang chuan hmeichhe lepchiah fahran te pawh ka ang alawm.

Sangtea chuan mi hi a rawn be reng a mahse khami zana a rilru a sawichhuah bak kha a sawinawn leh tawh lo.
Tha deuhin kan inbiaa tunah chuan kan inah pawh alo leng ve leh ngam tawh.
"Rinkima chu ava ti anglo tak,thutak emaw ka lo ti a,ka han khawngaih hman che u nen.
Tunah tak phei chuan a che ho leh tawh emawni lehnghal. A zialo em mai" nitei chuan a ti a.

Min lo duh der ve a,min rawn bia pawh an awm ve nawk,mahse tumah chutianga han en theih ka neilo.
Sangtea ngei pawh hi a chang chuan ka chhang ve mai dawn emaw te ka ti rum rum thin,a inthlahrun hmel thei lutuk te hi ka khawngaih letling zawk mahse rilru ka pek theihloh hnenah inpe ta ila,ka hlim ang em,ka hlim dawn hauh lova,midang pawh a tawpa rilru hahna ka siam a ni ringawt ang.

Lalrinkima chuan urlawk zan chuan min rawn be hlawl a,lenchhuah puiah min sawm a,ka rilru te te chuan ka va han kal awm hleilo. A duh duh huna a biaka biakloh tur pawh ka nilo ka ti rauh rauh a. Ami kalpui a tumna lah chu an thilsual tihna hmun a ni lehnghal.
Dar 7 vel bawr chuan kan inkawtah chuan bike rawn ding thawm ka hria a,ka thin chu alo phu ve dut dut mai.
Chutah Rinkhawlova ngei chu a rawn pên lut a,nitei a awm leh awmloh a melh deuh zuk a,a awmdan atang chuan eng emaw ruih nei ni ngei a ang.

"Zanin chu lo kal ve la,hetia urlawk mahni chauha nula senior phan-chang tawh nena han hman tlawng mai chu a" a rawn fiamthu ve ngei anih hi.
Mahse,a rilru diktak ka hriat hma chu ka nem mai mai tawh lovang
"Ka peihlo ka tih tawh kha,a hrim hrim ah i duh hun hunah rawn lang tawh suh,i bo a,ilo lang leh a,'ka fel tawh dawn'ti chung siin a ngai te bawkim hmeichhe chi hran hran phur kualin lam in thai leh a,tiang te chuan engtin nge niang a,i chhungte rilru pawh iti hah nasa lutuk" ka ti duah a.
"I ngai thutak lutuk anih chu,chutiangin ka awmlo,ka phurh te chu ka thiante bak anni lo" ala insawithiam lehnghal.
"Ka awihlo eee,hman zanah pawh Lisa nen room in book a ni lawm ni,khang te kha ka rinphak bak a ni,i kalsual leh palh anih pawhin khatiang lam kha chu ka ring phallo asin" thaw hak pahin amah melh duh chuang miahlo chuan ka ti a.

"Kha te chu midang kan book sak alawm,bakah room book na daih pawisa ka neilo hrim hrim,Lisa te chuan intur min leikep thin a,kan inzui thin alawm,aman a lakna a hriaa" ala ti.
"Chutiang chu ka bulah i sawi a maw,engah nge min ngaih a,i drinksmate emaw min tia mi,vawikhat pawh i thilsual tihdan chungchang ka bulah sawi leh tawh ngai suh.
Chutiang te thian thaber te bulah,chupawh an ruih hmu theilo tu,an ruih hmuh apianga rilru lo na thin hnena sawi awm a ni em" tih pah chuan ka ding zawk a.
"Eng nge ilo nat,keimah alawm awm khawlo" a tih chuan,ka melh haw ringawt,chutiang engtin nge a sawi theih,ka țah te pawh a tichhuak dawn
"Ka tihpalh anih kha,min rinhlelh hmel sia,a vaiin ka hrilh tawp che" tih pah chuan inthlahrun ve hmel deuh hian min melh a.

"Chuti Lisa chuan i ruih na tur a tumsak thin che vangin i zui i tia tiraw,anih keihian zana i vahbo loh nan leh midang rilru hah reng reng a i siamloh nan i ruih duh apiangin pawisa ka pe che anga,tichuan danglamna a awm ang em,hetiang lo deuh hi a ni thei dawn em ni ?" thinrim hmel zet chuan ka ti a. Tunah hian ka thinrim tak tak teuhlo,keipawn thinrim vak ka châk mahse tunah tak hian ka thinrimna te kha vawmbo ang maiin a inthlahrung hmel te hian a tibo vek a,chuti chung chuan hrethiam se ka duh ngawih ngawih a ni.

"Ka ringhlel lo che,thu tha pawh ka hrilh tawh heklo ang che,a tlin pawh ka tlin tawhlo. I duh duh danin i awm dawn nia" ka tih chuan min chhang lova a hnunglam atang chuan eng emaw hi alo phawrh a
"Kha hei, i duh in ka hria a,ka lo hawn vang vang che anih hi" tih pahin scarf sen phiar tih hriat ngawih ngawih,lum hmel em em hi ka hmaah chuan a rawn lek a,kan thusawi nen a inremlo lutuk chu a thil min pek lak nachang pawh chu ka hrelo.

"Wow,Nunnem ilo thinrim ve thei elaw,i țawng thui ber tum aniang" tih pahin Lalsharoni leh Sangtea te chu anlo lut thut a,min ti phu lek lek alawm maw le.
Keipawhin khatiang zah zah sawitur ka hriat ka lo ring bik lova,ka thinrimloh lai lehnghal in.
"Khawi atangin nge in rawn lan thut a?" tih pah chuan Rinkima chu ka melh zeuh a,a ding zuah a,Sangtea chu a melh kur ringawt
"Sangtea hian i khua a har a ring a,i ni lah upa ho zaikhawm naah a kal hmel sia" nui tet tet pah chuan a ti a. Nitei hi chu an hmu chal vah vah teh e.

"Ilo kal duh siloh chuan ka kal mai dawn aw,ka lo text dawn che nia" tih pahin Lalrinkima chuan a scarf min pek chu ka kuta rawn hmehbel pahin a chhuak a. Ngei viau mah ila ka mamawh tak min pe a lawmthu pawh ka la sawilo asin maw le.

"Awii,khawi atangin nge a rawn chhuah hlawl a,a thiante khan a zin an ti sia" Sharoni chuan tih pahin thutthlengah chuan thut an rual a.
Sangtea chu ala tawng ve lo hrim hrim,a thianpa lo awm thut kha mak a ti ani ngei ang,a chungchang hrelovin ka zawt a,chutah kan inah alo awm leh kur sia.

"A rawn kal zawk mai mai anih kha" tih pahin an eitur lo ken vel te chu ka dah sak a.
Zanrei hma si chuan arsa te kan pahin tv ah movie te kan en a,kan ri ve leh bawrh bawrh tho.

Veranda lama intiharh tura ka chhuak chu mi status ka enkual vel mai mai a. Lisa status ka hmu chu ka phu zuk thei,kan Rinlukira nen chuan beer couple shot an neihna leh pakhatah chuan an thu a,Lisa chu Rinkima malchungah chuan a thu a,pakhata lah chuan a kawngah a kuah a,hur hmel zeta in melh pahin an innuih seih a.Rinkhawlova status pawh chu chumi tho chu anih ka ring,ka ensak peih vello,a landan a inang emai,an hman a inang hrim hrim.
Ka thaw hawk a,van lam ka thlir a "ka chanloh tur anih pawhin Lisa kher hi chu nilul suh se" ka ti sep a.

"I duh ani tiraw?" rawn tih ri ah chuan ka vir nawk thei, "Ahh,tu chu,eng maw?" Ka ti bah deuh nawk nawk a.
Min en paha nui suk chung chuan
"Rinkima maw le,tuna i thil lo en leh i thusawi atang kha chuan thlarau i biak hmelloh" nuihza aw lek lek a a tih chuan
"Ka hrelo" thaw hap chung chuan ka ti a,chunglama arsi tle tuar chu en chung chuan
"Ka hrelo takzet a ni,ka duh rêng em,hetiang nun tlahawlh lutuk hi ka duh reng em,ka hrelo" amah bia pawh chu ka ang lo,keimah leh keimah ka inbia a ang zawk mah.
"I duh anih kha,i awmdan ah hian ka hre mai,nghak la,Rinkima tan chuan hmeichhe tak tak chu nangmah bak ini nang,engkim inhre tawn in ni a" a tih chuan
"Ka nghak reng chuan ka hriaa mahse" ka chawl hap a, "ka nghahchhuah zawhloh erawh chu ka hlau a ni,a harhchhuah meuh chuan ka rilru hi a lét hman ang em ka hrelo.
Nitin,nilo darkar tin mai hian ka ngaihtuah thin alawm,hetianga kan awm hi ka rinloh tluk zetin hetiang hian a inthlak ang tih ka ringlo" ka tih chuan
"I duh mai nilovin i hmangaih tawh anih chu,pawm mai rawh" ka dara ben thek thek pah chuan a ti a.


Hmangaih maw,chu thil chu thleng lo lul rawh se,awii,min ti a mai dawn,ka sam te chu kan tuai thur ang nawk nawk a.

"Thiante ho awmkhawm naah kal ve in duh em,an tam deuh a,in peih chuan kal pawi ka tilo ania?" Sangtea chuan min rawn en pah chuan a ti a.

Ni e,ka va kal anga a rilru te pawh ka hrechiang deuh mahna,amah kalpui ka duhloh hnuah a thianpa ka kalpui leh dawn a ni a,a rilru hriat nan a that dawn khawp hi.
Engpawh hmachhawn huamin kan va kal pauh aniang chu.
"Pawi hleinem kal ila" ka tih chuan Sharoni chuan"nichiah va kal ve ang u,hetia pathum teh tlawnga awm ai chuan khawhar pawh a zia mahna" alo ti ve bawk a.

Sangtea chuan min ngaihtuah hmel deuha min en in "i duh chiah maw,sawtah chuan i rin ai daihin nuam an chên nasa ang,thil hmuh nuamlo tak tak pawh alo awm thut maithei ania" a tih chuan ka rilru a buai leh deuh.
Ka natna tur tak va hmu ta ila ka tuarzo ang em? Nge ka kal lehlo mai dawn. Hetiang pawh hian a tha tho lo mi,thian kan ni reng anga,lo sual deuh pawh nise tih te chu ka ngaihtuah leh hnuhnawh a.

"Mahse tuna i kalloh chuan hun hian a rawn țhîng zel dawn che ania,'khami zan khan ka va kal lova' tiin i sawi i sawi anga,tuilairapin i kual i kual mai ang"a rawn tih chuan
"Nia kan kal dawn nia"rilru hmin zânlo chuan ka ti ta nge nge a.

"Ka thiante ve ve inni a,Rinkima phei chu ka kawm tak tak ani,mahse keipawn kan nun thin dan zawng zawng hi a tha ka ti vek lova,ani pawh hi sawi dawt chuan ka duhpui lutuk lo che mahse i rilru hminna kha a pawimawh ber a,nangman i tumloh chhung chu i thei dawn lova" a tih te chuan ka thlauthawng zual deuh deuh.
Min sawițhaih te pawh a ang dawn dawn alawm,eng emaw tak va tawk tur ang mai a.


Ni e, a sawi hi a dik chiah,anih nih kan ni tawh anga a ni mai.

Thil awmdan a zirin thuthlukna ka siam thei tawh ang a,ka rilru pawh a hah lutuk tawh lovang,beisei awmlo leh rilru mak tak pu anga ala awm chuan a laka ka rilru put hmang pawh ka thlak anga,nilo thlak ka tum anga. Mahse,chhetê tal pawh beiseina tur ka la nei ve anih chuan a tawp thlengin ka chelh tlat ang. Nuih te lam lam a za alawm maw le,ka beiseina neih lah a beitham ropui mai si,hetiang khawp hian ka thian țhaber lakah beiseina chhetê tal pawh ûm in ka hun ka hmang ang tih ka inring ngai hauhlo.


Urlawk zan anih vangin veivâk pawh an tam a,keini pathum pawh chu taxi chuan kal phei a. A kawng hi chu ka hre ve ngei a mahse hetiangin awmfâlna hmun a awm ang tih ka hrelo hrim hrim.Kâwithum vel kan tlân leh meuh chuan building pakhat êng deuh kawtah hian kan ding a,chumi hmun chu anih tawh ngei ka ring.
Pawnlam atanga a landan chuan an sawi ang pawh chu a anglo,in panngai a ang ber,mahse a fâl reuh phian sia, building pawn lamah chuan țhalai veivâk pawh hmuh tur an awm ve nawk.

Luh dawn kawngkaah chuan pawisa pek hi a ngai ve a,chu te chu kan han pe leh te te a,kawngka an han hawng chiah chu e,ka beisei piahlam ai pawn ala piah lehchhâwng.

Helai hmunah hian Lei Eden anlo siam vang anih hi kan Rinkhawlova pawh inah a awm hman reng reng loh.

Kan mi zawnte ber pawh chu ka hre lêm hleilova,Rinkima leh Lisa chu ka zawng ve deuh tawp.

Ka mit chu ka lên ruai a,kil khata lo indût ngawng ngawng lah bo lo. Hawi nasa viau mah ila ka hmuh duh hauhlo tur ka hmu thut ang tih hlau reng reng in mi in kiss leh lo inpawm chial ka hmuh te chuan ka lo țang ve em em a,ka kut chu ka hûmna lamah chuan ana vek tawh hial.
Bar tender lo lâmkhum nghawng ngawng leh inpet ngawih ngawih pah a lo lâm dun ngawih ngawih te,kil khata zu no lo tlâk pap pap te,a no mai duhtawk lova a ûm ûma lo inbirh te pawh an awm nawk a.

Ka thakhûr te chu ka hlauh vang nge ka zâm zawk vang tih pawh ka hrelo,Bar velah chuan Lalrinkima zuiin ka kal ve tawh ngei mahse hetiang em em a hmun țawphnawkah hian ka kal ka inring lo. Kan mizoram zimte ah hian a awm pawh ka ring chuanglo.

Inchung lamah chuan kan chhova,room tereuh te te hi alo awm hrang thliah thliah a,room atanga lo chhuak tih hriat reng reng hmeichhe nuam tuar thawm leh mipa rum ri inpawlh te,inhau thawm te pawh chu a inpawh nawk.
Kan kalpelh pah chuan keimah zawk hi ka lo zak a,hetiang hmun a ka awm ringawt pawh hi thilmak a ni.

Sangtea chuan phone hmet mawlh mawlh pah hian room pakhat chu a hawng deuh thuai a,a chhunga awm te chuan an rawn ngaihsak lemlo,thawm bengchheng a tam em vangin an hrelo pawh ani maithei.

Kan lut chiah mipa leh hmeichhe thenkhat chu anlo hawi deuh țhap a,Sangtea chuan a bia a,eng emaw hi an sawi lûng lûng a,a bengchheng bawk si,light a phe nasa nen,hmel pawh a inhmuh that theihloh.

An thiante chuan Sharoni nen chuan min hmuh ngailoh vang nge min en duh hlawm hle a.
Chutia ka hawikual lai vel chuan Sangtea chuan mitmeng danglam deuha mi en pah chuan kan veilam kil deuh hlek chu a hawi phei a.

Ka va en ve chuan mi pahnih hi in dût ngawng ngawng chungin anlo inchûl thuak thuak a,saw ti saw chuan condom an mamawh vat dawn saw ka rilru te te chuan ka ti a,a thim avang leh min hnungchhawn tlat annih avang chuan tute nge annih ka hmu theilo,kan luh khan lo hawi nachang ka hre lova chulaiah chuan mi pahnih leng tawk vel tur khum tereuhte hi alo awm chu niin.

Sangtea chu zawhna nei deuh hian ka melh deuh hâ a,a dar san ûk pahin khum awmna lam bawk chu a melh leh a.
Eng nge mawn le,tih paha ka va hawi phei leh nâk chuan in kiss te a a hmeichhia zawk hmel chu ka hmu thei deuh ta a,a landan chuan Lisa a ang ka ti.

Nilo,ani theilo,ka ngaihtuah ang kha chu nilul suh se,Lisa chuan kawr panggai vak pawh alo ha tawh lova,chutah min hmu thut chu mei nei deuh a min melh sak pah hian a mipa awmpui chu a nem sawn deuh dat a.

Mittui tla tep chung chuan ka rilru in"Aw Lalpa nih tir suh,ni suh se" ka ti mawlh mawlh a.
A mipa zawk alo hawi chiah chu ka thal tawp lo chauh,ka mittui chu a baw zawih a,lehlam hawiin ka hru tâwk a,ka kut na vek khawpa ka hum pawh chu ka thlah riai riai a,a mu deuh chum chum a,ka thisen kallai pawh hian luan dantur mumal a hre meuh tawhlo.
Chutah Lalrinkima chu kap puar deuh ûl hian alo dingchhuak a,min hmu thut chu a hamhaih deuh ani ngei ang. A ding vut a,ka mittui chu a tla em ka hrelo,mahse tunah hian ngati nge bum tawk ang mai a ka nat ni.

Keipawh chu ka harhchhuak zawk a,ka hmel awmdan chu thlak nghal vatin kan Lalrinkima chu ka nuih sen sen a,ka nuih zat vang erawh a ni hauhlo mahse nui hmel ka put a ngai si.
Ka lam pan a alo phei chuan a kap lam chu tumloh deuh hian ka lo en palh leh a,a hrethiam nge inthiamloh hmel deuh hian
"Rinkir,lo kal kha i tum si lova" tih pah chuan a jacket chu banin a kâwngah chuan a vêt a.

Hah,kumhnih hnua kha hminga min koh leh vawikhatna,a hma kha chuan khatianga min koh tawh kha chuan ka lawm a,ngei viau thin mah ila,danglam bik riau ah ka inngai thin anih kha. Mahse,tuna min koh na hmun leh min koh tlawn chhan ngaihtuah hi chuan ava lawmawm tehchiam si lo ve,lawmawm chu sawiloh,a thinrimthlak et et zawk.

Mahse,ka rilru ka siamfel tawh,ka thinrimna ka tilang tur a nilo. Lo nuih sen sen pah chuan
"Nia,kan khua a har a,kan lo kal leh thut" a awmdan enga tan mah a tilo ang deuh a ka tih chuan a thlarau sual alo let ka ti mai,inthiamlohna pawh kha ka hmu tawhlo,zang vah hian
"La awm ve rih ru ka thlah ang che" ala ti thei anih chu.

A chiang e,a chiang e,hepa nunah hian țhian satliah bak nihna ka nei lova,induhna phei chu khawilam,tunah chuan kawng hran zawh a hun ta tak tak aniang e.

"A ngailo mai,kha nuam intih em kha,kan haw leh vat ang" tha taka ka sawi thei chu ka lawm lutuk,ka chhan dan chu mak ati deuh tih pawh ka hre reng,mahse engmah ka lan chhuahtir mai mai tawh dawn lo.

"Sangte hawh kal ila" tih pah chuan kal ka rual nghal a,hawilet leh pah chuan
"E chuan thil pakhat kan lo kal chhan Merry Christmas aw Rinkim,, Lisa,midang pawh,nuam deuhin hmang ru ka han ti dawn a,in hmang nuam tih kan hmu sa tawh sia" an pahnih a mit siai zeuh pah chuan ka ti a.
Chulaia awm te chuan boruak chu kan khamlo tlang tih kan awmdan atangin a lang reng.

Ka duhnaah chuan ka sualthiam ve tho alawm. Lisa hmeli lah kha khatia mi intihtheih khum vel,zaklo lutuk. Inkawp awm reng pawh annih kha.

Kan haw zui nghal. Lemlam kawnga ka ngaihtuah chuan ka zaktheilo ka inti ve reng,ka bialpa pawh ani lova,khatia spy ang maia ka va awm te kha. Mahse,kei leh ka taksa a ka thunun theihloh ber ka thinlung tan hian ka tih a ngai bawk si.
"Ti kha chuan i hrethiam tawh maw"ka âwm zawn dawm vang vang pah chuan ka ti sep a.
Ka thiante pahnih pawh chuan boruak chu an manthiam a,min tibuai lem lo.


Hmana Lalrinkima leh a mizia kha chu piang ve lo leh hre ngailo angin awm ila,tuna a awmdan hi a nihna tur diktak angin ngai zawk ila,a fuh ber dawn ta anih hi. Ka kalsan pawh khan thian anga mi dan chu sawiloh mi enliam tawp alawm. Phurrit lak kian ang maia thawl hawk a,thawveng sawt tur ka nih nen,ka ip-pik hluah hluah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2021, 2:34 pm

STAY
CHAPTER~4


In kan thlen pawh chuan ka țhiante pawh chu ka be lûmlâm peihlo.
Sharoni chuan thil awmdan chu mak ati tih ka hre reng a mahse hrilhfiah turin chakna ka neilo.

Nitei pawh inah alo awm tawh a"inlo haw dêr ani maw,in kalna chu a nuam em?" alo ti vat a,mahse kan ngawih deuh țhap vang chuan ka hmel chu a'n enchianga,thil diklo a awm tih a hrethiam ani ngei ang.

Ka țhiante pahnih pawh chu an haw zui ve nghal mai a,Sharoni pawh chu nakina ka hrilhfiah tur thu ka hrilh ta ringawt anih kha.

Pindanah chuan ka lut a,khumah chuan chau zet hian ka bawk thlawp a,Nitei chuan min lo zui lut nghal a,ka bula rawn țhuthniam pah chuan thil awmdan min zâwt a.
"Nite,engmah pawh ka sawi peih hrihlo,naktukah ka sawi mai ang"tih pahin rizai chuan ka inkhuh nghal hlûn a,a ngawih reng danah chuan a ngaihdan ani vaklo tih pawh ka hre reng,ni e,a ngaihdan a pel ta deuh ania nge,hetiang hian min enkawl seiliantu ka Nitei hi a laka ka thinrim lai ber paw'n ka la awmkhum ngailo a,mahse tunah mipa vangin,chupawh ka țhian țhaber tia ka lo chhâl ve thin vang mai maiin ka awm chu a ni si a.
"Pawilo e,naktukah kan sawi mai dawn ania" hahthlak min tih hmel deuh a tih pah chuan a chhuak a.

Khumah chuan ka mu mengkar a,zanin ang te hi chu hlim taka nuamchen hun ani a,mahse ka hun tawn nen hian chutiang tithei dinhmunah pawh ka ding si lo anih hi.

Light engzual deuh chu off turin ka tho leh a,verandah ah chuan ka va chhuak phei a,helai hmunah te hian dingchungin zial a zu a,ka khap anih kha.
Ka thawmhnaw bawm chu ka hawng a,a scarf min pek ngei mai chu ka lachhuak a,ka hnîm vang vang a,heipawh ama min lo hawn,a rim pawh hi ama min lo hawn hmanga ka tih rimtui,ka rimtui pawh amah nen a inang kan neih,ka hman zen zen phalloh,ka makeup dahna te pawh chu ka enkual a,heta thil awm tamzawk pawh hi Aizawl atanga min lo hawn kha ani a,a thil min lo hawn tamzawk hi chu bawm hranah ka dah a,ka hlut em asin,a to emaw a tlawm emaw,ka tan chuan hlu tak ani.

Keima room ngei pawhin amah min ti hrechhuak chu ani sia maw,ka țah te chu a chhuak ut ut a,khumah chuan lawnkaiin ka phone chu ka en leh a,gallery a kan pahnih thlalak te chu ka enkual a,hlim taka a insiamchhiat na te,a tihtauh deuh bûr bûr a ruka ka lâksak te.

Ka va hmuh laia anlo awmdan mawlh kha ka mitthla a,a tirah inthiamloh ve hmel deuhin a awm a,a hnu lawk a buaina engmah awmlo ang maia min be leh nghal thei te khan a rilru ngehloh leh mumal loh zia a tilang chiang telh telh. Ka lo hrechiang ve viau emaw kha ka ti thin a,kum sawmhnih vel chu kan inhre ve tawh,mahse ka lo la hrechianglo hle ani tih zanin khan ka hrechhuak chiah.

Ni e,'engah nge inngaizawng pawh nilo khatiang vaka ilo thinrim,a duh dan danin awm ang hmiang' in ti pawh ani thei e,mahse chutiang chuan ka ngai ve mawlh si lo.
Ani kha ka duh em asin,sawichhuah rem si lo,duhloh theih bawk si loh kha ani miau a,keichuan kan inkara thilthleng te kha ka ngai thutak hle a,a ve rêng turah ngai lovin,ka duh vang a khatianga awm kha kan nih ka lo beisei a,ani pawn induhna rilru pû in min enlo mah se țhian ai sâng deuha min lo ngaih ve kha ka beisei ania.


Beisei awm tak a ka laka a chêt leh țawngkam dangdai tak tak a min biak te khan ka lawm em em a,hmasawn niin ka inngai thin.Eng emaw ka sawi a 'duhawm' ti a,ka bianga min fawh châng te pawh khan danglam bik riau turah ka ngai a,mahse,ka lo beisei sang deuh ani ngei ang.
A laka ka thlensân theih ber chu ȚHIAN nihna chauh hi a ni.

Ka lo lawm ve na em em te pawh kha a nungchang ka hriatchian hnu chuan hmeichhe tinreng laka a awmdan alo ni reng a,a țawngkam thlum tak tak leh rinloh deuh a ka bianga mi a fawh thut thin ang te khan hmeichhe dang zawng zawng pawh ati thin ngei awm si a,ka lo dawnsawn dan te kha hria se zawng min va hmusit dawn rua em.
Chutah pawh kan la inang leh chuanglo,hmeichhe dang chu nula melhin a melh a,keichu hmeichhe dang a melh dan pawh nilo,thian laka a awmdan tur ni a a ngaih vang leh a chêtphung ngaia a neih vang chauh in ka chungah khati khan a che thin si a.


Hla ngaithlak tumin ka phone chu ka'n hmet a,ka lukham hnuaia earphone chu phawrhin ka ngaithla a,heipawh hian amah bak min ti hrechhuak lo,a thil min pek hmang ngeiin min tina a,chumi tho chuan inhnem ka tum leh si.

Keimah anga țhiante laka rilru danglam pu tlat thin te hian hetiang tak hian an tuarin an kûrpui ve ang em,nge,keimah ai daihin an la na,nge ni,keimah chauh hi heti khawpa tuar awmchhun ka ni zawk?

Ka hla ngaihthlak berkher lah chu mittui ti hnaitu chauh

"I hlutzia te a hre ve em,i lairil i hlan khan
A vanneih zia a chhiar thin em
Kei lungmawl duhsam ber ata a ni.

Hrethiamlo mah la,sawi theilo mah ila
I sakhmel chauh ka zawng fo thin,ami hei zawng zingah
Ka duhsam zawng te,tak ram changlo mah se
I mangan chhawktu tal ni ila"

tih lai phei chuan ka mittui a titla zung zung a. Ni e,a mangan chhâwktu,hun khirh a tawn laia amah hnemtu ka la nih theih chhung chuan chân hlen angah ka inngai ngâi lovang.


Ngaihzâwng pawh ni hleilo laka mittui tihtlak chu nêp nihna pawh ani maithei,mahse neih hma hauh a hloh chu a nat dan a dang em a ni.


Zainin chauh hi amah vangin ka mittui ka sêng ang a,amah vanga ka buai chung chung pawh zanin hi a tawpna tur a ni tawh ang,tiin ka natna zawng zawng chu mittui chuan tihtâwp ka tum ta a ni.


Zingah pawh chuan ka tho hma lo hle,mit thial-urh chungin ka thochhuak ve a.
"Nite,ka inkhawm peihlo e" ka tih chuan
"Vawiin anga inkhawmloh chu a chiloh,duh leh chawhma chauh i tel mai dawn nia" tiin min chhang a.
Peihlo zet chuan ka inkhawm ve ta a,eng nge an sawi pawh ka hre mumal lo,nawmloh nen,mipui kan tam si.
Chawhma inkhawm ban veleh chuan haw ka tum nghal mai a
"Ka rawn haw hunah nizan in awmdan min hrilh ka beisei ania" Nitei chuan hnial theih miahlo hian a ti a,ka bu liam ve vel mai mai.

Keimah chauh chuan ka haw a,Rinkim nen hian vengkhat ni mah ila,anni chu vengthlang anni a,kan biakin pawh a hran. Țhian ti a han chhâl em em tur pawh ka neilo,kum hei chen awm tawh hnu pawhin,a chhan pawh ka mamawh ber ka bulah a awm reng thin vang kha a ni.

Eng nge maw amah bawk chu ka ngaihtuah chhuah leh thin chu ni,kha chen englai pawh a ka ngaihtuah reng thin anih vang pawh a ni mahna,harsa rih mah se theihloh a awmlo an tih kha maw.
Ani chu vawiin te hian a inkhawm tawp nang,nizan pawn khan inah a haw chuan a mak khawp ang,a chatthla hmawk a an hruai haw te anih ngawtloh chuan haw ngaihna a awmlo.


In ka thlen veleh chuan khumah bawk ka awm leh nghal a,nizan mut ka khamlo si a mut leh hlek ka duh.
Mut mai pawh a har,ngaihtuah loh loh ka ngaihtuah reng hi a buaithlak a ni.

Ka mu dawn siar siar tih ah chuan kawngkhar kik thawm ka hriaa,vawikhat chauh a rik avangin a pawimawh ka ring lova,mutthilh ka tum leh nghal mai a.
Ka phone ah chuan message alo thleng ni ngei tur a ni,mahse ka en peih chuanglo ka mit hi a inchâr dawn zel.
Kawngkhar chu a rawn ri nawn leh a,kan ngaithlak chian hian a reh leh daih zel bawk si.
Minute 5 pawh a ral hma chuan ka phone ka beng zawn a ka dah chu ring mangkhengin a rawn ri a,ka phu nasa lutuk chu ka tho zawk thei,a volume ka lo dah full chu niin.

Min call tu ka'n en chu kan Rinkhawlova lek chu niin,eng nge maw tun ang hunah te,mahni chauha hmachhawn tur chuan ka la inpeih chiahlo asin maw le. Sangtea tal awm ve se aw,mangan lai chuan a ngaihawm rum rum mai alawm.

Ka tho ta nge nge a,nidang chu nise ka va vîn hrep ang mahse vawiin chu a dan a dang ta.
Ka va bih dêk dêk a,a sana leh a phone bih tawn chhen pah chuan alo ding a.

Thawk ka la deuh hawk a,ka țap tih a hriatloh ngei ka beisei makeup tlem ka hmang ve bawk a,a hre tur a nilo. Boruak hip vang vang pah chuan kawngkhar chu ka hawng a
"Ila mu mi iva thawhphan hmel ve" engmah thlenglo ang mai chuan a rawn ti nghal thawr a,choka lam chu pan a rual nghal a.

"Nangmah zawk kha i tho thei ami,nizan i awmdan en kha chuan i thawh theihloh hmel riau sia" ka tih chuan thil hrechhuak zawk niawm tak chuan a tui in chu lem khalh in min rawn en a
"Ni tak,nizan khan kan party na hmunah inlo kal ve tiraw,ka rui deuh emaw ni engmah pawh ka hrechiang tawh lo" a tih chuan ka mit ka khap fek fek ringawt.

Nuih te lam lam a za alawm,ka nui chhuak țep a ni.
Keiin a awmdan vanga na em em in zan hun ka hmangral a,ani ve thung chuan a awmdan mumallo zet leh ka va hmuh pawh hre tawh lovin min zâwt lêt zawk chu a ni sia maw. Khua hi chu vâr har dawn tak a ni.

Mahse,ka kawng ka thlang tawh a,nizan a awmdan a hria emaw a hrelo emaw thil thleng kha engmah a danglam phah dawnlo ang chiahin keipawn ka rilru ka thlak mai mai tawh tur anilo. A rilru mil tâwk chiahin kâwm ve ila nimai.

"Kal ve e,iva che nasa awm ve,kan lo kal pawh i hriat fumfe loh" thawven hmel fahran a ka tih chuan
"Nia,beer chiahlo deuh te kan in aniang,Sangtea ka va biak khan a sawi a,ka hrechhuak uar uar alawm" a ti tak deuh deuh.

"Chuti engtin nge in haw,nangmahni chuan in haw ka ring chiahlo" ngaihtuah deuh anga lang duh silo chuan ka ti a
"A hmunah khan riahna a awm nghal alawm,awm man kan pek ah khan a tel vek" han ti ham ham a.
An riahpui pawh zawh ngai lohva chiang,lulam leh mawnglam hre lêk lovin an awm a,chutah hmunkhata an riahho leh phei chuan,,chhi chhi chhi,,ngaihtuah pawh ka duh tawh lo.

"Ka ngaihtuah lêt hian nizan khan thinrimna i nei tlatin ka hria" min melh kur pah chuan a ti a
"Nei love,kan phûr thut rawn kal rawn ri ve mai mai anih kha" nuam tih ve hmel deuh a ka tih chuan
"Thinrimna i neih chuan min hrilh dawn nia aw,engmah a chhan hrelova intih thiamloh hi a tha miahlo ania,ka bulah i sawi anga midang bula tilang lovin" thutak fahrana a tih chuan mak ka ti zawk hle.

Nizan chungchang a hre mumal tawhloh remchangah la in Lisa hian nilo baksakin thu alo fah a nih ka ring deuh,keilah ka va che ve deuh bawk nen. Nge ni a,a awmdan maksak lutuk min hmachhawn dan tur hrelo kual vel pawh ka hre îkhaw love.

Nidang ang chu nise chu a thusawi duh dan atang chuan kan inkar hi sawichhuaklo mah ila a ngai thutak ve a, ka hlat a hlau angah ka ngai ngei ang. Mahse,ka zawhna min chhânna hian a tichiang nawn awn awn mai si .

"Chutiang engmah a awmlo,tunge sawi reng reng a,Lisa-in thil sawi a nei mi?" tîm deuh dai a ka tih chuan
"Chutiang engtin nge Lisa kâ atang hria se min tih,iva ngai sual ve,tuman engman min hrilhlo" min la vîn khur khur lehnghal a.

"An sawilo anih chuan a țha a ni mai lawm,eng nge buaina awm?" tih-el deuh hlek a ka tih chuan
"Tunge awm ti,ka zawt mai mai che nih kha" ngaihdan nihloh hmel deuh chuan a ti leh bawk si.

Chutia kan inkhak deuh fek fek lai chuan Nitei chu alo haw ve ta a,Rinkima a hmu tel chu mak a ti deuh hlek aniang zawhna nei deuh hian min rawn melh a,ka hre biklo tih nan ka dâr ka sân khum ringawt. Nizanah amah vangin biak tawng hleihtheih lohvin ka awm a tunah lêm amah nen bawk chuan kan lo awmdun leh si a.

Tlai deuh tawh mah se vawiin angah chuan tupawh an thawh har thin vangin thingpui in hun pawh a tlai deuh,eng emaw awlsam tur deuh kan siam a,Lalrinkima pawh chu phone khawih mual mual pahin alo awm ve reng tho.
Thil te kan ei a,kan in eipuar hnu chuan Nitei chuan thutak deuh hian
"Nauvi leh Rinkima hi tettê atanga inkâwm in ni a,hriat pawh in inhrechiang dun a,tun hnu deuhah Rinkima ilo che phelh leh hlek thin tihloh chu,hmeichhia leh mipa chu englai pawn țhian ang chauh a inen a har chang pawh a tam ang,mahse engpawh in inkarah thleng se in hriat hmasak a in theihghilh loh tur chu in bulțanna chu țhian inni tih hi a ni. Hetia ka sawi vang hian nulat tlangval kawngah inzui ula ka tihna a nilo,mahse thil awmthei palh ka sawi anih chu. In pahnih hian in hriatthiam tawn a ngai a. In nunah tupawh neiin in damchhung kawppui tur in sengluh hunah pawh,kawppuite vanga inthlauhthlak tih ang te kha țhian karah chuan a awm a thalo ania,in hrereng dawn nia" thutak fahran chuan a ti a.


Rinkima chuan chutiang ka Nitei'n a sawi duah chu a ngaihna a hriatloh hmel hle a,mahse keichuan a sawi chhan ka hrechiang mai si. Ka rilru hretu ani a,nizan ka awmdan vang pawh kha a ni ngei ang. Rinkima vangin khatiang khan ka awm tih min la zâwt hmanlo mah se a hrechiang a,tlang deuh a sawi lovin kan pahnih tana țha tur sawi pahin a rawn sawichhuak tih hriat reng reng.

"Nite,chutiang te chu ka hre lutuk,Samkiri hi chu maw ka thlahthlam dawn hleinem,pasal a neih pawhin biakinah keimah ngei hian a pasal kutah ka hlan dawn alawm. A tina anih chuan a unaupa hi min hmachhawn angai ang"a kuttum han lek vel pah a a rawn tih ham ham chuan ka na zawk thei,na tur ka nih tawhloh vei nen. Kan naupanlai thutiam ve te kha chu khawilam a khawilam.

Amah chu ka va en a,a thusawi lah chu alo tihtak hmel nasa mai si.

Nitei chuan Rinkima thusawi vang chu a ni ngei ang,khawngaih hmel deuh hian min melh a,"tikhan lo inkâwm r'u,ka va intifel ve ang e" min kalpelh paha ka dar a rawn hmer salh pah chuan a ti a.

Bakah Lalrinkima hi engtin nge a awmdan a thlak zung zung theih,Nitei rawn haw hmaa inkhak deuh fek fek kha kan ni sia,Nitei a rawn haw a,engmah thlenglo ang mai chuan alo khawsa leh lawi bawk si.
A inthlâk danglam thut thut dan en hian amah hi han dap chiang ngat ila chu a taksa khawi emaw laiah hian On/Off hmehna hi a awm ka ring tlat. Amak em em lutuk. Hmeichhia kan thlatin hunbi kan neih a,kan awmdan a inthlak reng pawhin hetiang em em chu kan nilo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2021, 2:34 pm

STAY
CHAPTER ~ 5

◇♡◇♡◇

(Zanin chu ka tum angin ka awm theilo,pawi ka ti hle mai. Ka net signal a chhe lutuk a,min hrethiam mai teh u.)

Naupiang chibai bûkna pawh a ropui thei ang berin kan nei a,Mizote hi kan neihin a tlin bak bak a thil ti hnam kan lo ni tih hi hunpui leh hunpui tenau alo thlen hian a hriat leh thin. Kan neih lungkhâwng tak meuh meuhin inchhungkhur mamawh pawh ni hleilo,incheina leh kan tleina tur thil kan chhêkkhawm a,kan lungawina leh hlimna tluka hlu chu a awmlo alawm,mahse a nuam zawng zawng hi a tha vek kher lo,hengte vang hian alawm eirukna alo awm thin. Neih chin a lungawilo leh duh belhna,a hniam ber atang hian engkim hi a ințan thin.
Tuna eiru thin mi challang tak tak te pawh hi a tir chuan tlemte te a tanin an neih ah an lungawilo zel a,rual awhna chuan an mit a tidel thin.


Pang a dam chuan hun pawh a liam ve zung zung a,Lalrinkima pawh a rawn lêng khât viau a chu erawh chu sawisel leh nat nan hman ka tum tawh lem lo,biak erawh chu kan inbe deuh reng a,zana a haw khât lutuk erawh ka la khak fo,ka țhian ala ni miau a.
Ka kawng ka thlang tawh a,thilmak alo thleng te anih ngawt loh chuan ka rilru sawhsawn ka tum tawh lo.

Hmingthansanga nen pawh kan inbe âwl lova,khatiang thil kan tawn hnu phei kha chuan a hmaa min hnaih tum lutuk lo kha beisei nei deuh a mi biak hi a chîng a,ka rilru mumal loh lai a ni nen,ka ûksâk vak em em lo. Ka be chhe chuang lova,mahse ngaihzâwng tur anga en erawh a har lam deuh a ni.

"Khami zana ka hruai luih deuh kher nachhan che pawh kha i rilru i siamfel nan leh nakina i nat loh nan ka ti a,khatia a tak ngei a i va hmuh kha chuan i rilru a danglam deuh ka beisei a" tiin ka laka beidawn mai a tumloh thu leh chumi avanga ka duhlo chung min tihluih a tumloh thu a sawi anih kha.

Duh ve ngat ila chuan a fel dawn tih ka hre reng,Lalrinkima ai thlawt chuan a laktlak zawk bawk ang,mahse tun tut tut ah chuan ka rilru ka la pe theilo mai a ni.

Midang runluih duh vang leh thinrim vanga inphen nana midang hman te,kawppui neih te hi khawvela ka thil duhloh ber anni a,mahse ka duhloh ber pawh chu ka duhber thin vang bawkin ka bawhchhiat mai angai leh dawn a ang ta hle. Hetiang ringawt a ka awm chuan beiseina eng eng emaw ka nei leh anga,beiseina beidawnthlâk takah a chang leh anga,ka na nawn leh ang tih ka hlauh vang a ni. Chuvangin eng emaw tak chu hmasawnna atan leh ka invenna atan pawh tih chu ka mamawh ve ngei dawn a ni.

Nitei pawhin "A thusawi danah a rilru chu a chiang reng a,țhian ang bakin a enlo che tih hriat reng reng,anih loh vêk pawhin țhian piahlam deuh a alo en ve che a,a sawi ngamlo anih ngat chuan a dawihzep hle ah ka ngai ang,khati khawp khan i zui nasa a,tlang takin sawilo mah la hrethiam a mipa anih angin hma te pawh ala ve tur a ni. Chuvangin,hmalam pan tum rawh,chanloh tur nghah reng ai chuan min nghak tute pan mai hi a finthlak chang a tam ania" tiin mi hrilh dap dap anih kha. Nula senior ni si hian thil hi a hre fû a,ngaihzawng a neih ka hre ngai si lova,nge ni alo tawng fê tawh zawk.

December ni 31 ah chuan zana eitur lei pahin vah harh mai mai a tha tiin Sangtea'n chhuah puia min sawmna chu ka lo pawm a. Ka belchiang telh telh a rintlak na pawh ka hmuh belh telh telh ni mai hian ka hria,a bula ka awm chuan ka nui tam a,thil nilo pui pui ngaihtuah na hun ka nei tlem a a tha phian.


Bazarah chuan kan inkhalh chhuak ve a,mi an tam reuh phian a,eitur leh mamawh eng-ilo kan lei a,a tam zawk chu a man a pe zel a,pek ka tum lahin 'zanah ka lo ei ve i phalloh phah ang' fiamthu titak deuh hian a ti mai a,hnial ngaihna a vâng thin si a.
Bazar tâwt deuh laia kan innêk deuh têlh têlh lai chuan ka kutah nghet zet mai hian a rawn hûm thut a,a chêtdan teh thut chu mak ka tih em vangin a chêp a chêpin ka han en chho deuh hâ a,ani lah chuan engmah hrelo ang maiin hmalam ringawt en a,ka kut dahsawn ka tum chu a aia nget lehzual chuan a hûm leh a,chutah ngaihdan nih vakloh hmel hian nui deuh tho siin ka mitah tak mi rawn en a,ka kut chu laklêt ka tum tawh biklo.


Țanpui ka ngaih lai leh ka mamawh hun apiangin sawisel lovin ka bulah a awm reng a,a laka ka rilru puthmang hrereng chungin ka kiangah min hnêm tur tal pawhin a awm reng a,ka inpin danna te hi țhiatin amah hnaih tum ve tawh ila tiin ka ngaihtuah ta zawk a. A kut ka han hûm ngheh tak sauh sauh ah chuan a lawm hmel vur vur lutuk a,a khi deuh reng mai. Lalrinkima'n Ginmuanlala atih lai ka mitthla ah a lo lang a tuna a awmdan,a hlim vanga a khi deuh reng en hi chuan anih duh hmel reuh lutuk a,ka nuichhuak hak a,zawhna mitmeng deuh hian min en a "Ginmuanlal" ka tih chuan ka biangah a rawn piai vak a,kan nui dun hak hak a.


Kan chauh deuh hnu phei chuan infiam deuh titih in kan kal a,kawng zau laiah pawh kawng chêp deuh a kan kal ang mai khan kan han kal sîksawi kual vel a,min hmutu te chuan mawl min han tih hmel mai mai khawp a. Keini lah nuam kan ti nasa mai si,kan nui vak vak a,ani pawh a nuih aza ve hle ni tur a ni.
Lalrinkima nilo mipa bula ka nuih hnem ber leh thinlung taka a der ni hauh lova ka nuih hmasak ber a ni ang. Engah nge maw ani nen chuan ka khaikhin reng mai le aw,buaithlak.

Bazar piah deuhah chuan thil eina dawr hi a awm a,bazar bula awm e tilo chuan a chhung chu a reh in a fai hen reuh a.
"Keima'n hei chu ei man ka pe ve tawh ang aw,kan ei țeuh dawn nia" ka tih chuan
"Chutia i pek dawn te chuan patling ei zât zet kan ei anga nimai lawm" nuih vur vur pah chuan a ti a. A hlim a ni tih hi zawh rual lohvin a hriat a ni.

Kutdawh kan kalpelh apiang mai chu tlemte te in pawisa a pe phei zel a,kan thil leiho lah chu dawnhniam chu sawiloh a man ai tovin kan lei ang tih hlauhawm khawpin, a zuartute nen an inbe țha a,ka lo nui ringawt thin.
Dawr nghaktute lah chuan "i bialnu kha a thâ alo na palh ang,a aia to chuan leilo mai rawh" fiamthu titak deuh hian anlo chhaih a,ani lâi deuh bawk si nen chuan "ka bialnu chu a fel alawm" nuih pût pût pahin alo ti mai a,chu chu midang lâwm alo ni lehzel bawk nen,vawiin zet chu pumna vek khawpin kan nui anih hi.

Heti khawp hian keimah vang mai mai hian a hlim dawn ani tih lo hre ngat ila chu a lakah ka lo fel hma deuh tur ania.

Kan ril a țam tawh bawk a,eitur chu tamdeuh kan chah a,ala lum vet vet bawk nen,a rimtui bawk si,ei țeuh kan tum hi a ni ringawt mai.

Thil kan eilai pawh chuan kan fiamthu chu ala kaltluang a,eitur te chuan kan infiam leh ang bawrh bawrh a,ka inhawng deuh tih a hriat hnu phei chuan mi a han ngaihsak leh mai mai khawp a,ka soup te chu mi han chhemdaih sak ngei a,mi dawrah eitur kan inbarh lo chauh.

"I kamsirah eng emaw a kai" tih leh rawn hrûk a rual nghal a,ka thil ei alo berh deuh chu niin a rûk chuan ka zak hle a,mahse zak angin ka lang duh bik teuhlo.
"Nangpawh" tih pahin Souce chu a kutah ka va tat a,
"Nula nghaltak chu inih ve hi" tih pahin a kut ka souce tahna chuan mi rawn tah a tum ve lehchhâwng a,chutia intah kan lo tum buailai chuan

"Ooopps,Rin enteh hei tute nge ka hmuh hi,in inngaizawng chiang in awmdan atang khan phat tum miah suh u. Ka sawi kha maw Rin,i awihlo vel a" Lisa chuan a rawn ti ham ham a.
Hemi te pahnih hi khawi atanga lo lang ve teh hlawl nge maw annih thin ni,kan boruak nuam tur an tichhe zo vek dawn alawm.

Souce intah tuma kan lo pharbuai lai a ni bawk si nen,țhu chiah silo ding ni silo hian ka kan țhutnaah chuan ka awm a,
Lisa rawn kalpui Lalrinkima ka ve en chu thinrim hmel deuh hian mi lo melh kur a,a ve leh ngawt ngawt chuan a,kawm pawh kawm hman lohvin a vâk a,tunah mipa dang ka bazar pui a hmu a,a thinrim hmel leh em em a.


Nidang ang chu nise Sangtea a thik vangah ka ngai ngei ang,mahse a nilo tih ka chiang tawh mai si. Hei ngei hi anih hi Sangtea'n "Hun hian ala rawn țhîng zel ang che nga,'khami zanah khan ka va kal lova' ila ti mai ang" alo tih ni. Khami zan khan a rilru chiang takin ka va hriaa,ka paltlang ngam kha ka va lâwm leh hnuhnawh tak em. Sangtea chu fakin awm rawh se.

"Nuam inti hle mai maw" ner deuh sak pahin Lalrinkima chuan a rawn ti a.
"Nih ve hi,nuam tilo ila kan lo țhu tûm bûr ang chu" ngeiawm lek lek a ka tih chuan,nichina thinrim hmel te kha chu a tider emaw tih mai turin a vawi lehkhatah abo lehnghal vek nia.

Ka lu a min rawn nam bu lâwp pah chuan
"Nghal viau suh,nula,mipa bazar pui ngam a chhuak ve âwt âwt tawh si,khawimaw kan lo țhu ve" tih pah chuan ka bulah chuan a rawn inhnawh ang sawt sawt a.

A awmdan mak thei lutuk chu lei dan hian hrilhfiah theih pawh va ni suh.

Sangtea ka va en chu nuamlo tih hmel lek lek hian min lo en a,ka nuih sak takah chuan a thaw deuh huai aniang e,a khâwr deuh țûț tawhlo. A âwm ve tho,Rinkima laka ka awmdan hrechiang em em tu kha ani ve miau a.

Lisa chu a ri deuh phawr phawr a,engtin tin emaw hian mi a rawn perh leh zeuh zeuh thin,an pahnih chuan thil an ei a,kan kalpui pawh ni hawtlo hian an țawng vel chu veng pahin kan nghak a ni ringawt,a sir ve ve ah an țhu si,an tho duh bawk si lo. An han ei muang mai mai bawk si.

"Sangte,bialnu i nei ta bawk sia,kan bulah pawh i awm peih vak tawh lovang a,bakah tunlai chu bula mipa te charbeh thiam deuh an awm thin sia" mei nei lek lek chuan a rawn ti a,a thusawi duh dan chu mak ka ti hle mai. Ama nihna a rawn sawi angah ka ngai hmiah.

A sawidan atang lah chuan keimah lo chu mi a tih chhan dawn dêr si lova,kan bula mite pahnih mipa ve ve anni bawk si.
Tu mipa mah hi ka la chârbet ngailo,chutiang tur pawhin mipa ka hnaih ngai heklo. Lalrinkima hi ani mai a,tunah Sangte ani leh a,ani lah vawiin hi țhian ni chiahlo anga ka en țanna a ni chauh sia.
Nge ni,kan Rinkhawlova hian eng emaw a sawi zawk,chutiang chu ani ngai si lova.

"Nangmahni awmdan a zir ani mai lawm,min la kawm duh te chuan ka awm reng anga,min kawm ve peih tâk loh leh tu emaw bulah chuan ka inchârbet anga ni mai lawm" thawven hmel fahran chuan Sangtea chuan a ti a. A chhân dan lah chu ka duhtawk lutuk a,ka han piai nawk nawk dawn emaw ni.

"Nia,ka uang mai mai anih kha. Ti kha chuan țhianpa te riak turin a sawm tawhlo ang a,i awm tawh bawk a" a tih chuan mak ka ti lutuk chu ka thîrkut kenlai chu ka thlauh bawl thei.
Ala tla ring em em zui.

A mak ka ti lutuk chu thinrim nachang pawh ka hre mai lo,Lalrinkima chu ka va melh hrâwk a,engah mah ngailoh hmel fahran hian a thil eilai chu alo la ei mual mual a,chutianga Lisa-i'n thilmak leh țûllo pui pui a rawn sawi pawh chuan khap pawh a tum chuanglo emaw ni. A hmeichhe hruai chu khap ve tur ania.

Hetiang te chu ka zahawmna an tibawrhbâng ah ka ngai hmiah.

"Lalrinkima hi vawikhat pawh riak turin ka la sawm chhin ngailo hrim hrim a,ka sawm ngai bawklo ang. I hriatchianloh chuan engmah sawi tawh suh" tih hmak pahin ka fian ken chu dawhkanah ka dah chawrh a.

Lalrinkima pawh hi ka haw lutuk,engtin nge ngaihdan diklo nei thei tura a bialnu bulah kan riahdun chungchang a sawichhuah theih. Engmah sawifiah tumlo tih hriat lutuk a awm ngaia a awm ngul te chuan ka thin a tirim lehzual.

Sangtea pawh chuan mak ati tih ka hre reng,kan inpawh dan chu a hre vek a mah se kan len hnu leh a laka rilru dang ka put hnu hian kan riahdun a ring biklo ani ngei ang. A ngawi reng a,Lisa zawhna pawh chu chhân a tum hmelloh.

Lisa chu a zak leh deuh emaw ni " I sawm ka ti ringawt a,in riahdun thu pawh ka sawiloh tawp kha" ati ta vel a.

Keilah Lalrinkima ngei tawh sa nen,ka thinrim kaltluang lutuk chuan
"Nge ni a,in nuawmchen laiin sawiloh loh inlo sawichhuak zâwk" ka ti chiah chu
"LALNUNNEM" Lalrinkima chuan a rawn ti țhawt a,a aia ring chuan
"Eng nge,Lalrinkhawlo" ka ti veleh țhat a.
Dawr a chawl ve ho pawh chuan kan thawm chu mak an ti deuh nge an rawn hawi deuh țhap a,kan țhutna hi a kil deuh hlek mai pawh a.

Thinrim hmel fê chuan mi melh khui khui a,keilah ka dikna ah chuan ka tlawm bik dawnlo ka ti tlat bawk si nen a aia rum chuan kan melh ve tehreng a nih kha.

"Hmeichhe kam tam hlawm lutuk" hriat theih chang chang hian phun hluk pahin a ti a.

"In ho emai,lo riakdun bawrh bawrh ang hmiang,țhian inpawh lutuk mai annia. Anni te chu tuma thîk rualloh alawm annih" Sangtea chuan kan boruak rawn thlak tum deuh chuan a ti a.

A hnuah pawh chuan kan ngâwi țhap a,kan inmelh hrek hrek ringawt.
Lisa pawh chu a zak ve deuh emaw tih tur hian hnuailam a bih ngar a,mahse a teuhlo mai ala duhtawklo nasa aniang
"Nunnem,inî hi inî tak tak ani em?" A rawn tichhuak phawng a,
"Lisa,ngâwi tawh rawh. Sawiloh loh hi sawi suh" Lalrinkima chuan a rawn ti hmuk a.

"A engah nge maw anih lovang le,i ngaihtuah mak mai mai e a,țawng tur i hriatloh viau chuan sawlai kutdawh saw pawisa va dawhpui rawh" ka tih chuan a thinrim hmel ngang mai.
Chutiang inzawh âwm pawh ni hawtlo chuan.
Râk tam peih lutuk mai.

Hmanzan kan va kal a,a tûka Lalrinkima rawn thinrim titih chhan pawh kha a fuihpawrh tih hriat reng reng.
He mihring pawh hi bialnu te fuihpawrh hian a awm thei a,alo mak theih ngei mai. A nupui neih hunah phei chuan Lal țhutthleng ala siamsak lovang tih pawh a sawi theihloh hi.

"Aa,ka sawi vel mai mai maw le,in inanglo em a" ala ti țalh a,chhân en ah pawh ka en tawh lo.

Lalrinkima chuan "i puar a i hahdam tawh lutuk anih kha" tih pahin pawisa an pe a,a kaichhuak dawr dawr a.

"Lokal rawh,haw ve tawh ila,kan tlai lutuk palh ang. Zanah menrei kan tum si" Sangtea'n a tih chuan ka lo aw ve mai a.

Ka haw kawngah te chuan ka fuh hleithei tawhlo. Kal lama kan hlim vei nen,min rawn tibuai vek,khami te pahnih khan.
An thusawi lah kha a mak hlawm si.
Vawikhat pawh Lalrinkima hi rawn riah a tum leh pawn ka phal tawh lovang,khatianga a hmeichhe awmpuite bula min lo sawi reng reng ni.


Zanah chuan sikri ai pahin Nitei puakzo kan chu ka ei mai mai a,Nitei chu țhenawmah a kal zawk anih hmel.
Sangtea pawh chu dar 9 vel chuan a rawn thleng chhawm ve mai a.
Nitei rawn haw hnu chuan an titi dun ve bawrh bawrh a. Nitei hian sawilang lo mah se Sangtea hi min duhpui ani tih ka hrereng.

Eitur eng eng emaw kan siam a,khawvawt nen,kan thil in nen,kan zung deuh chhen mai.
Film te kan en a,Sangtea chuan Nitei awm vang emaw ni min rawn hnaih țha ngam vak lova. Heihi a mize lawmawm deuh pakhat a ni. Pakhata ve kha chu a duh aiin boruak a ngam mah mah emaw tih turin a awm thin a.

Sangtea hi chu hetia kan inkawm hnu hian an țhianho bulah hian a tâl tam vak tawh lova.
Ka bula a awmlai rau rau hi chuan eng rim dang mah a pu ngailo,a sim nghal hmak thei lovang tih ka hria mah se keimah vanga a tumna hrim hrim pawh hi ka chelh ve tlatna tur chhan țha tak a tling a ni.

Hlim deuh chuan kan awm,tutu emaw te pawhin an thilsual tihna hmuna kalpui turah min rawn sâwm tawh lova a zia viau,mahse tunah hian kha hmun bawkah khan em ni an awm ang,engtiang chiahin nge nuam an chen leh tawh ang,tih chuan rilru a luah ve reng mai.


Kum a thar țep tihah chuan pawnlamah an thil halmawi te en turin kan chhuak ve a,a vawt sia insin hlûn chungin keipawh chu ka chhuak a.

Chutia kumthar thlamuang deuh a kan lo nghah lai chuan,buaina bawk chuan min rawn nangchîng leh a.

Sangtea phone chu a rawn ri ral ral a,a lachhuak chu wallpaper ah ka thlalak a hmang tih ka zu hmu hman,alo hria ani ngei ang,min melhin a nui vur vur a. Min kuahna bân chu lathla in phone chu a pickup a,a țhiante a bia anih hmel a țawng dan ațang chuan
"In buai viau ami,a chhungte dang te pawh" te ati nuaih in ka hria.

Ka lama alo phei chuan rilru hah hmel deuh hian min en a
"Tunge a,i rilru va hah hmel ve?" Ka tih chuan
"Rinkima'n an inchhungah buaina a siam deuh anih hmel,țhianten min rawn hrilh a" a tih chuan ka lo hlauthawng leh hman hle,mahse a liamtham vak nang tiin hlauthawng vaklo ni âwm tak chuan
"A bialnu nen an awmdun lo mi,a țhiante pawh an awm chuan țhelh se ni mai lawm" ka tih chuan
"Aa,Lisa chu a awm thova mahse Lisa hi a unaunu hrawn ani tih ila hrelo ani maithei,keimah ang bawkin" a rawn tih chuan ka hawi phâwk hle.


"Eng a,ava mak awm ve,unau hrawn a nei tih chu ka hriaa mahse Lisa hi ani tih ka hre hleinem" mak ti deuh a ka tih chuan
"Chu ai pawh a buaina lian chu ala awm a" hlauhthawn hmel deuh a tih leh chuan,hei aia thumak a awm tawh dawn mi,ka rilru chuan ka lo ti hmanhmawh
"Anih enge a dang chu sawi vat teh,min ti hlauthawng ania" ka awm mai mai thei tawhlo,ka za cheng tawh
"Rinkima pa,ka sawi awmzia chu anu pasal,Lisa pa,Rinkima nen an intibuai a,Rinkina'n kut a thlâk a,a hnek ani âwm e" muang ban raih a a tih chuan ka khûpte hi a thlep hnawk ni mai hian ka hria.
☆☆☆☆☆

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2021, 2:34 pm

STAY
CHAPTER 6

◇♡◇♡◇♡



Nitei rawn phei pawh chuan ka awmdan chu rawn hmu in Sangtea chu thu awmzia a rawn zâwt nghal vat a. Ani chuan thil awmzia a sawi zung zung a,
"Phone hmanga rawn sawi annia,an hamhaih bawk nen,chuti vak a ni bik nang" tiin Nitei chuan min țawng thlamuan a.
A taka insual hmuh ngailoh chu thuhran, ani berkher alo ni bawk nen,va kal tehreng pawh ni ila,eng teh ual ka va nih pawh ka ring lo.


Hmanhmawh angreng tak chuan Vengthlang lam pan chuan Sangtea bike chuan kan inkhalh thla a,Rinkima te inkawtah pawh chuan mi anlo awm laih laih a.

Kan luh hma chuan thaw ka han la te te a,Sangtea chuan ka kut a rawn chelh pahin
"A tha vek ang" tih pahin a hmer deuh salh a.

An gate kan lut dawn chiah tih chuan U Esi hmanhmawh deuhin alo tlân chhuak a,min rawn hmu chu thaw huai hmel a pu
"Nenem,inlo thleng thei maw,awi,ka rilru hah lutuk a" thaw deuh dêp dêp chung chuan a ti a.
"Tinge an inhauh a,a nasa viau ami?" Ka tih chuan
"I U Rini leh keimah vang vek hi ania,Aizawl a awm lova heta an bula awm chungchang vel ka nu in a sawi a,i U Rini chu i hriat kha,a duhloh pawn a ngâwi mai mai si lova,khami an inkhak vel kha,pa Rama(a nu pasal) chuan ka nu kha alo țan ve sia,Rini kha alo khak ve a,kan buai chho chu a ni deuh mai" a ti a.

U Rini chu U Esi phirpui hi a ni a,U Esi ai hian a piang tlâi hret a. Ani chu hmeichhe lu zo veh vawh kan tih ang hi ani a,a duhloh naah chuan a ngawi mai mai dawnlo nasa mai si,an buai dan hriatpui veklo mah ila,an kalhmang tur âwm ang chu ka man thiam mai.


Inchhungah chuan kan inzui lût a,U Rini bul hnaihah chuan ka va ding vat a,chutah min hmu chiah chu rilru nat hmel em em hian
"Teh,Nenem,ka nu hi ka nu ala ni em pawh ka hre tawh love,an bula chêng turin min sawm a ka duh si lova,an la na leh bawk si. Pasal dang a nei tawh a,keini chu ngaihtuah kan ngailo,ngaihtuah ngai ber Bawiha a awm a,helai hmun a a fahrawn te nen a inchenchilh ka duh reng reng hleinem. Mi an hmusit ve khanglang leh nghal a" insût deuh hlap hlap chung chuan alo ti ve duah a.
U Rini ka hriattirh ata tawh a țawng tam ngai lova,a țah phei chu ka la hmulo lehzual,hetia ka bula a in bunruak mai pawh hi a rilru ana ve hle ni tur a ni.


A hnunga ben thek thek pah chuan ka țhutpui a,han hnem vak ngaihna ka hre bawk si lo,hetiang inchhungkhur boruak buai hi ka vanduai vang nge ka vanneih vang pawh ka hrelo ka la tawng ve em lova,a chhan pawh inhau tur nu leh pa an awmloh miau vang a ni.

Chutah Lalrinkima te chu Lisa nen inchung atangin an rawn chhuk a,an hmel ka hmuh chuan ka thu hriat kha ka hre leh zawk mai. Unau hrawn an ni tih an inhre reng a mahse an la inzui tho sia eng nge maw an awmzia ni.

"A tawk tawh U Mami,inchhung buaina pawnlam mi hriatah sawi vak vak a tha ber lo" a rawn ti anih chu.
Ka sa phat mai,keihi pawnlam mi maw ka lo nih a,chhân tum a ka phar deuh uaih chu U Rini bawk chuan alo hmu aniang
"I zak lawm ni,tunge pawnlam mi i rawn tih a,hetah tumah chutiang an awmlo,zak hle r'u nangni pawh kha,unau hrawn ni siin ka inkawp ê te in ti a. I hmeichhe kawp khawloh lutuk vang anih kha i țhian țhaber pawh pawnlam mi i tih. In khatah te chuan in la khawsa zui ania" alo ti lêt êrh a.

"Mami" beidawn hmel zet chuan U Esi chuan U Rini chu alo khap vat a.

Keipawh chuan a mi rawn tih dan chu ka ngei hle mai.

"Lalnunnemi ka rawn ti ka tih kherloh kha,pawn lamah te pawh mi an awm tam a,hetah ngei pawh Sangtea a awm ve reng hi. Anni hi pawnlam mi chuan anni thei mai alawm" rawn tih leh pah chuan Hmingthansanga chu a melh deuh kur a.

"Chuti hetah hian pawnlam mi kan leng ve si lo,hawh Sangtea haw daih ang,amah vangin kan kumthar boruak pawh a chhe zo dawn" tih pah a Sangtea inthlahrung deuh tak a lo ding chu ka va pawt deuh chawt a.

"Lalnunnem,eng nge thusawi apiang hi i lâk kawih zel a" Lalrinkima'n a rawn tih deuh vak chuan

"Lâk kawihloh chi pawh ania mi,mî,an bialpa te meuh chhungkaw dang buaina chingfel turin a rawn hruai a,khatia lo tih te chu a tha ber hleinem. Nenem,engahmah ngai s'u amah hi a chiang chiahlo zawk anih khi" U Esi zawk chuan alo ti vat a. U Rini thung chuan Lalrinkima te pahnih ding chu thîp fê mai hian alo melh ve thung a.

"Bialpa" zâwi deuh chang deuh si hian Lalrinkima chuan alo ti deuh hluk a.

Keipawh chu ka țawng tawh lo,khawnge maw nu țhapuii te pawh chu an nupa chuan an lo awm reng reng ni,anni an in tibuai an tih vangin hei chen kan kal a.

Chutia kan ngawih țhep țhawp lai chuan kum chu a thar ta ani ngei ang,ring mangkhêng hian halpuah vel chu a rawn puak dur mai a,kei hlauthawng reng reng a awm tih takah ka han phu nasa mai mai khawp a. Ka bula ding Sangtea hnungah chuan ka pakai lo chauh. In hau e ti lo chuan ka awmdan chuan an nuih a tiza tih hriat reng reng nuihza hmel pu deuh chung hian hnuailam an bih ta daih hlawm a.


Kan boruak a țha dawn tawh emaw tih veleh chuan Lisa ker kawr pawh chuan
"Hawh Rin,a ho emai hetia awm ngawt te chu,kan party naah khan lêt leh daih ang" inla no fahran a Lalrinkima melh pah chuan a ti a.

Chu chu kan û i te pahnih chuan an lo tei thei țhaklo chu niin
"Nangnu pawh kha,i zak lâwm ni,kan buaina pawh hi nangmah vang a chhuak hmasa anih hi i hria em,ipa bulah zualko zawt zawt lo la chu heti hian kan awm lovang. Chuta kara Party te lo la tih Party chu ka'n hmuhtir dawn che mi" thinrim fê a U Rini'n tih pah chuan Lisa lam chu ava pan hnai ta rawk rawk mai.

"A țha dawnlo tawp mai" tih pahin Sangtea chu a che vat a mahse U Rini chuan Lisa samah chuan alo kêk hman chu niin,Lisa sam chu a pheng deuh nuaih nen,a inhnawih sen mai bawk si,a țap deuh pûr nen chuan ka nuih a za tlat pek a,ka lo nui chu ani thinrim chuan min lo hmu fuh chêk ani ang chu.

"Nangkha lo nui suh,hmelchhenu. Nangmah vang anih hi i hria em?" tih pah chuan mi rawn pan a tum ta mai,a engah chuan nge maw keimah vang anih ngawt ang le,ka hlau chai si lova,lo thleng phei mawlh teh se,dâwt a Rinkima bula min lo hêk vang leh a țawngtheih lutuk na pawh saw ka ngei tawh sa hrim hrim.

Sangtea'n U Rini ala chelhbet bawk si,Lalrinkima lah chuan a bialnu chu dan pawh a tum chuanglo ka lam pan pah a a rawn ri phei tuar tuar chu a en mawl tawp. A bialpa ber paw'n a chhan chuang lova,a pa awm bawk lova,zilh deuh hlak ila ni mai lawm tih pah chuan mi rawn ban a tum chu a hmaiah tak chuan ka lo hnek siah mai a. Hah,Lalnunnemi hian tunah khan mi ka hnek nia,ava nuihzatthlak em. Nitei chuan hria se engtin tak min ti ang maw.Mahse a nawmloh hranloh kha. Ka kut na ve det chu ka han chhêm deuh hlak a.


Lisa hnar lah chu a thî emaw ni țah deuh pûr pah chuan a hnâr chu a hupbet a,Rinkima bulah inla no fahranin ava țah vei hnâp kha. Nêp lutuk,kei a a awm mai mai eng nge mi rawn khawih a tum teh ei. Hmeichhia chu a hunah nû tur mahse pâ hunah erawh mipa nen insual ngai pawh nise mipa anga awm ve mai tur tih hi ka thupui a ni.

Ka chêt dan chuan awm ve dang te chu a țhâwng tih ka hre mai,Sangtea pawh tiamin. Lalrinkima chauh chuan mak ati lo,ati thei nang. Heng te chu kan naupan deuh laia ama min zirtir vek alawm. Mahni invenna atan ati a,mi thil rûk dan thlengin min hrilh,mahse kha em kha chu hman ala ngai lo ve.


Tumloh deuhin kumhlui kan thlahliam a,tumloh deuh bawkin mi ka hnek ringawt bawk a,kum lo tharah hian mi hnek hmasa ber ka ni hial ang. Tun kum chu a nawm vak hmelloh anih hi,kan kum bul țanna a fuhlo emai.



LALRINKIMA POV


Kan Lalnunkiri rawn chet dan chuan min țhawng reuh hle mai. Lisa natuar alo nuih pawh kha ka hmu reng mahse eng nge thleng en ka chak vangin engtin mah ka ti duhlo anih kha. Lisa thinchhiai pawn alo hmuh hmaihlo nasa sia,mahse a tum angin a awm dawnlo tih ka hriat vangin ka dang lo ani. Lalnunnemi hi a duh te chuan a nun a nêmlo tih ka hre chiang ve em,kan naupan lai pawh a mipa hnar hnek thî ngam ngat kha ania.


Ni e,henu hian min tibuai a ni,ka țhian țhaber ani a,ka lakah hian rilru dang a put ka ring phal ngai lova mahse hman zana an ina ka va lên țum a a Nitei thusawi khan a tichiang a,bakah a hnu khan ka thil theihnghilh lam tuin ka va lêt leh a,a Nitei'n tu emaw bansan tawh tur a a tih pawh kha ka va hre hman. Keimah ka nih ka ring lova,mahse mipa a hnaih awmchhun chu Sangtea leh kei chauh kan ni a,Hmingthansanga lah chu a kawp a phal hmel em em si a,keimah ka ni tih ka hre ta mai.

Keichuan kumkhua in ka țhian ni reng se ka ti a,ințhian țhatna chu inngaihzâwnna ai chuan a tlo in a daih rei zawk nge nge a,a tawp a awm anih pawhin kumkhaw hmelma ah an inchhuah ve lo tal a,ka thlan tur ah chuan Țhian nihna hi ka thlan reng ka ring. A Nitei pawh khan kei min ngaihtuah tawhlo turin a ti anih kha,bakah ka kianga ka ngaihzawng anga a awm chuan natna bak ka pe dawn lova. Keichuan țhian ang bakin ka en thei dawn chuanglo,amah âtchilh a dawlh lo chauh tu Hmingthansanga a awm a,ani kha ka ring ngam a ni.


Mahse,mipa dang hnena hlim tak a awm ka hmuh hi chuan engtin emaw tak hian ka awm thin,ka hriatthiam si loh hian. Keichuan Lisa hi nasa thei ang ber a hnaih a,a tawp a na thei ang ber,nilo na thei ang ber pawh nilo kehsawm vek khawp a kalsan ka tum ber a ni. Ka hun lo paltlang ve tawh ang te pawh kha ma le.
A pa hian kan nufa inkarah hêm a thlâk nasa hle a,buaina a chhuah ka duhloh vangin ka farnu te bulah engmah ka sawi duhlo kha a ni a,mahse kumhlui thlah zan khan engtianga lo buai țan nge annih ka hre lo,Lisa pa hian U Mami kha kuttlak alo tum a,ka va chelhbeh na lamah keimah zawk khan ka hnek phah ta a ni.


Khatia tih kha ka tum a ni hauhlo,mahse an khawloh vangin kan heichen kan tuar tawh chung pawh a,ka farnu pawisawilo ben alo tum kha chu ka insûm thei ta biklo a ni.

A fanu hi engtiangin nge ka tih dawn lo en rawh se,a fanu rangkachak a hauh phalloh,a fanu hlimna anih chuan kei a fahrawn,a mi huat em em pawh min tlawn der thiam anih hi.

Khami ni khan ka nu leh he mihring hi kan inah,ka nu leh pa te khumah ngei nuam anlo chên lai kha ka va hmu anih kha,a tir chuan ka hrethiamlo hle a.

A hnuah ka nu leh pa te an inthen ta rêng bawk a,an sawi dan chuan ka pa ngaihzawng neih vang leh an ințhen lawk loh chhan pawh keini min ngaihtuah bakah hmingchhiat an hlau a,ka pa an sawn hun law law an nghah vang a ni an ti a. Mahse,keihian ka hrechiang em em lawi si.

Ka nu leh he mihring khuma anlo awmdun ka hmuh hnu daih ah ka pa kha chuan ngaihzawng a nei chauh tih kei tluka hrechiang an awmlo,ka la naupan em vangin ka thusawi an awih ka ring lova engmah kha ka sawi lo a.

Ka pa kha chu a rinawmlo ve kher tur a nilo tih ka hria mahse amah ka la țan em em chhan pawh ama thiamloh ber emaw tiin kan lakah pawh a inthlahrung em em a. Kei khan sawi ka duh thin asin,a thiamloh hmasak anih loh zia te,ka farnu te bulah pawh sawi kha ka duh thin.
Mahse,ka nu hi a tuartu ber ang mai a a khawsa kual vel khan tuma'n min ring dawnlo tih min hriattir a.

Heti hian ka pa bulah leh ka farnu te bulah pawh awm duhlo lui ngatin an nupa bulah kher ka awm anih hi,amah tibuai tur leh ka tawrh leh paltlang ang zah tal kha tuar ve turin ka siam dawn a ni.
Ka farnu te pawh hi hrilh ni ngat ila chuan ka nu hi an thlahtlam hmak duh ang,mahse eng nge dang chuang. Ka nu,min hringtu a nihna ala bo chuang lova,a fanu te'n an ensan chuan a tuar zo lo ngei ang a,chu thil ka hmuh chuan ka hlim dawn bik der si lova.


Kei ngei pawh hi min ngaihtuah tih ka hre reng thin. Mahse,eng nge ka sawi kha
"Nu,khawngaihin apa bulah hian ngaihdam dil la,nangma thiamloh hmasak zawk ani tih hrilh la,ințhenlo mai ula. Kan kalbo pawh angailo mai dawn alawm" tiin mittui tla țeuhin naupang tê ni si khan kan inchhung boruak siamthat tumin ka bei ve alawm.

Mahse ani chuan "ngawi mai mai rawh,i û te leh ipa i hrilh chuan ipa nupui tur sual deuh bulah ka hnutchhiah che anga,ka bulah pawh ka hruai lovang che" tih pahin ka mittui min hrúksak chu sawiloh,min hnungchhawn zawngin a kal hmak anih kha.

Naupang mai tan chuan ka thil hmuh leh hmachhawn te khan min delh rit em a,an sawi angin ka nu te bulah chuan ka awm ngei a mah se min ngaihsakloh leh ka mal em vangin țhian thar ka siam a,pâwn ka ngaina a,a tawpah phei chuan mipa naupang feltak kha tlangval sualtak nih ka lo hlawh ta anih hi.

Eng nge awmzia awm,a tirah min ngaihsak lovin a pasal thar nen nuam an chên a,pasal neih hmasak berna ni ang hrimin honeymoon an ti thûl,chumi hmang chuan India ram pawnah an zinchhuak vel a.
Chumi lai chuan kan awmpui leh driver pakhat nen chauh min kalsam daih anih kha.

Ka nun chhiat vek tawh hnu a min hmangaih ber ang mai a a pasal laka ka'n thlavang alo hauh te hian ka thin a tirim a.

He a pasal lah hian ka nu in kan lam a țan pauh leh keini min huat na a nasa leh bawk si.

Lisa hi a tirah ka unaunu hrawn ani tih ka hre hauhlo,ani chuan hrereng chungin min lo zui reng chu niin. Hetia min thlah theih tak miah siloh ah chuan ngaihdan thar ka nei ta a,he an fanu duat sual em em hi na taka ka kalsan hunah chuan nu leh pa thlazar hnuaia awm la mamawh em em naupangte tawrhna te kha an hrethiam ve ngei anga,ramhuai te annih ngawt loh chuan a zawng a zâ in hre veklo mah se tlemte tal chuan an la in hmuchhuak ve ngei ang. A chhan chu ka nu fanu thuhrûk hi a ni reng lo ang tih pawh a sawi theihloh hi,heti khawpa a hmangaih te leh a țan te,a fahrin ngei te aia a duhsak te pawh hian min ti ringhlel zo vek.
Khatiang taka pasal nei reng chung pawha a che duh anih chuan fa thuhrúk alo nei reng lovang tih tu pafâ hriat mah va ni suh.

☆☆☆☆☆☆

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)