SWEETHEART BY APUII TLAU (Completed)

[Ngaia]

Chapter - 7






Min melh ren run leh te te a. Hetia min ngaihtuah ve hmel deuh a min melh te hian nuam ka ti mahse laih loh har tak ani ve tlat thung.










"I cher hle mai!" a tih tak sup ah chuan ka biang chu kan dam nghal ngawt pek a. Ka cher a lan viau pawh ka lo hre lo asin le. Mahse ka awmdan en kha chuan cher chu a awm ve reng mu tha viau silo thil ei tha hman bawk silo ang kha kan ni ber sia.











"Ka thau leh vat dawn" ka tih vat chuan min en run run chung hian a kiai leh suk a. A hmeltha miah lo mahse a pa thlawt a ha nalh si fai si, a nuih mawi em em chhan pawh hi ani hrim hrim ang. A hmui lah hi a sexy tawk chauh in a hnawm chep zel si. Awiiii! ZOTHANPUI LEH! Chutiang te chu mipa zawk in an ngaihtuah thin. Hepa ber bur a lah hian a ngaihtuah hmel loh ropui si.











"I thawnhnaw " a tih leh vut chuan inhnuai lamah chuan in zui thla in ka thawhnaw ho chu kan inkhai bawr chho tun a. A hnung zawkah kal in kawngka ka kalh fel leh te te hnu ah chabi chu inchungah ka dah leh a, ani erawh in ka bungrua ho a lo rem lut mawlh mawlh thung.











"Bazar chu ka ngai tak tak ania aw" motor bula va din phei pah chuan ka ti vut a. Tunah dar 10 : 30 am vel bawr ania, bazar nan hun kan la nei nual in ka hre bawk. Motor hnung a hawn chu a khar ri dawp a. A lu buk nghut pah in "Lut rawh le" a ti sup chuan nui var var in front seat ah chuan ka thu lut a, ani pawh a rawn thu lut ve nghal mai bawk.











Motor ti nungin kan tlan chho ta nghal a, sawi leh mai tur kan van aniang kan ngawi leh hle hle tawh. A ruk tak chuan lawm ve viau mahila hmeichhia ni ta na fam chu mipa hu hang na tak chuan min ti zam lo thei bik der lo. Chhungril a kam leh run tawh.










Bazar lamah chuan kawi chho in motor kan park fel leh te te a,ka kalpui pa tur vang hian bazar pawh ka phur zek zek tawh mai.









Kan inzui ve hnek hnek te chu nuam ka ti, ka hlim zia chu mumang ang mai ani mahse mumang atan ka phal hauh silo.








"Enge i lei dawn?" a rawn tih leh nghut chuan ka melh zawk a. "Sneaker leh bag vel chuan thei vel hawn tur nen ani deuh mai" ka tih niah niah hnu chuan kan chhuk thla leh deuh a. Dawr pakhat darthlalang fai zet chhungah chuan min luh pui ta khauh mai.











"Enge in duh? Lo en ru" Dawr a thawk nula keimah ni ang rual vel tur pakhat zawk chuan alo ti var a. Pakhat erawh in kan piah ah customer dang a buaipui thung.











"Englam nge i duh?" Min rawn melh thlak paha a tih vut chuan sawi tur mai ka hre leh pek lo. "Kan lo en kual phawt ang" ka awmdan a hrethiam nge a ti leh vut a. Dawr nghak tu te chu nui sanga bu nghat in min kawh hmuh nghal zung zung bawk.










"Nike,Puma, Addidas, Lotto,Umbro, Vans,skechers.........."A sawi nual mai, a hrang hrang min en pui a, ka duh aiin a to mah mah thin. Pheikhawk 3000 man em em bun nulh nulh chu keini mi pangngai ve mai tan chuan a zahthlak mai bakah nuam lo ka ti keimah bik ah chuan












"Hei hi i duh em?" tia a rawn lek vu ka hmuh chuan ka lo nui tawi tak mai. Gazelle black and white. Pawilo tih ve chhunah nia, tun tum chauh chu lei ve hram mai ang rual pawl nan an ti in ka hria thin a. Pawisa khawl ka nei ve nual bawk nen, hrim hrim in ka phakar ve na deuh hi nia, pawisa ka dil ve a, khawl bawmah ka thlak leh daih a Mama hian engkim min tum pui leh thung nangin a tawk thei viau khawp ka harsa hran lo bawk a.












"U.K 5 a awm chuan kan lo la ang " Dawr nghal tu bula ka ti chuan phur zet hian a bu nghat nghat a. La tur in a kal nghal vat bawk.










"Adang duh i nei tawh lo mi?" a rawn tih leh chuan ka melh ralh a. Tuna mi pawh 3000 chuang man ania, chutiang man vel deuh bawk dawr chhung ami lah chu ani tih hriat reng bawk nen ka pawisa ka ui rih.











"Aih, a to hlawm si" ka tih ruk hlak chuan a nui suk duh chauh lehnghal. Counter lamah chuan kan inzui phei a, a rei loh ah dawr nghak tunu te pawh dawr hnunglam kil a kawng khar atang chuan bawm pawm hian a rawn chhuak ve ta mai bawk.










"In vannei tawp UK 5 chu 1 chiah lo awm tawh in colour thlan ah hian" a rawn tih sang chuan ka lo nui ve var var a. Lawm thiam zel mai ang. Pheikhawk man to neih ve dawn manah.











"Engzah man nge kha?" tih sup paha a kekawr hnung a a wallet dah a phawrh chiah chu phawk zet hian ka en."Angai lo, keiman ka nei ve reng alawm" tih pahin ka bag ka hai nghal rak rak a.











"Kha le!" a tih sup ri ka hriat chuan ka hawi chhuak vat a, pawisa chu alo pe fel der tawh. 3700/- lai ani bawk nen cheng 200 man lek chu ni se pe ve mahse pawi ka ti miah lo, tun erawh a tam mah deuh ani.











A tana mawi dawn lo a ka hriat vangin ka pawisa chu ka phawrh leh ta lo mai.Mahse motor ah ka pe lui tho ang. Polythene ah pheikhawk bawm a thun mawlh mawlh hnu chuan dawr nghak tu te chuan nui sang hian min rawn pe a, min awh hmel ka hmuh chuan ka awhawm loh zia a hre der silo.











"Tinge i pek ringawt a? Ka nei ve reng alawm, kha" tih pah chuan ka pawisa chu kan pe zat a. Ding meuh a min en hnu ah a lu a thing leh nghat a. Ala la duh miah lo zui.











"Ka pawisa nia ka phal a ka lei che ni mai" a tih vut chuan kawng sir ah chuan kan in melh tur leh tawh ngei mai. Dik tak chuan nula in tlangval pawisa a hman pui te a dil te hian a mawi ka ti lo, ka duh vak loh thil ani kan pahnih ta tur ang law law te anih loh chuan. Mahse tun erawh a dan adang.











"Lei ngai khawp a nei lo kan ni bik hleinem!" ka tih ve nghat chuan ning hmel zet hian a thaw chhuak halh a. Min melh rum ul ta bawk.










"Ngai kawi tei vet suh! Thil pek anih ang in lawm tak in pawm ve mai teh!" tih hluk pah chuan min kalsan daih. A pen zau ropui si. Nge maw min vin kher ni! Ka inthlahrung a ka sawi ve ani mai a.









A hnungah chuan muang chang hian ka zui phei hnalh hnalh a, ka ngei ve deuh bawk min vin vang hrim hrim kha, ka um pha duh lo lui vel mai mai ani. Sabji bazar hnuai ah chuan lut thla in thei ho an zawthna lamah chuan a phei a, muang changin ka zui bawk. In pho pakhat zawnah chuan ding in muang zet a ka pen lui chu tur fe hian min lo melh leh tawh, a va han chhe ren run mai mai tak.










"Apple 300 man leh theibuhfai hi ka lo duh ang" melh duh lo lui ve ngatin lo in pho nu bulah chuan ka ti a. Min en run run mahse ka ngei ve deuh tlat. Mipa ve si, thinchhe leh lutuk.










Min pek zawh chuan ka ban hma alo ban leh vut a, pawisa erawh rang zet in ka lo pe thung. Ngaihsak miah lo chuan chhuah pheina lamah chuan ka phei a, step sir ka chhuak phei chiah tih ah a hma Senteii nen chow satui leih tui deuh kan ei na kha ka hre chhuak zawk a. Ka pan thla nghal vut bawk, ka hnung lam ka en chhoh chuan min lo zui ve hnu hnu mai.










Dawr te reuh te fel it et reuh si a ka luh chuan dawr neitupa chuan min lo chhawn vat a. Pa thau lam fel deuh hi nia biak a nuam thei suam suam hle bawk. Ka thut fel rual chiah in ka hma ah tak ka dawhkan zawm in a rawn thu ve run a, dawr a lian lem lo nen a thu khat hmuk in ka hria.











"Pu, Chow satui leih ka duh aw..." ka bul alo din chuan ka lo ti vat a, "Thingpui nen" ka tih zawm zat bawk.










"Nang le!" tia Dinsanga a en chuan min rawn melh run run a, sawi tur hre lo hmel te apu in ka hria. Ala chawl ve ngai lo emaw ni!











"Thingpui leh bawngsa,Paratha nen" ka tih sak ve hmiah. Sawi tur hre lo in min melh run run miau a. Banga menu in tar te chu a melh kual leh tawh vel lo aniang.











"Nge i tum bur a?" A tum nasa lutuk chu ka zawt lo thei lo. Ber bur mai a!










"Nichina ka thil tih ah khan huat tur a awm miah lo, thinur hmasa i nih kha!" a rawn tih hmuk chuan in hnial buai ka peih lo bawk nen ka lu ka lo buk khum vel mai mai a. Ka tawng leh zat zat hnu chuan a hmel tum liam lutuk pawh hmuh a nuam ve leh ta deuh.











"Kha u le.." tia kan eitur lam a rawn dah chuan lawmthu sawi in ka lo ban vat a. A la lum vat vat bawk nen a rimtui si, ka ei chak tawh lutuk.











"Ei teuh rawh" tih pah chuan chow ah chuan hmarcha rimtui zet leh thak hmel ser sawr chu ka telh lut hmak a, a tui dawn vawt vawt lutuk.










Rin ang ngei in a tui takzet! Ka bula thu run pa pawh chuan bawngsa nen chuan a ei ve tawlh tawlh a, a tui ati niang a tawng lo emai. Si hlarh hlarh a ka ei fai ken hnu chuan tui chu ka in leh khalh khalh a, ti hi chuan thlamuang tak in ka haw thei tawh ang....










"Engzat man nge?" alo ei zo ve vek nia. Ka va ti fuh deuh ve, ei tur a duh zawng tak a ei thei chu ka lawm hlei hlei.











"140 /- " thleng ruak rawn lak pah chuan ati mai a. A wallet phawrh in a pe leh mai a, ka sawisel peih tawh lo, bakah hetiang em em chu a tur ve ang. Hnial leh chiah ila chuan Sapui riltam leh Savawm hliam nei intawng kan ni nghal dawn lah tih hriat reng reng.












"Lei tur ila nei em?" Kawt kan chhuah chhoh hnu chuan ati leh vut a. Kan awmdan hi inngaizawng te pawh kan ang tawh ka ti, a hma ang em em khan min care lo tawh bik lo a, min ngaihsak ve na ho te te pawh in min tih hlim zia hi hria se a lawm ve tho ka ring.











"Nei tawh lo ang, hand bag chu ka duh deuh a mahse ngai leh lo 3 ka nei leh si, KV mart ah kal lawk ila, note bu U valpuia'n min chah a, chu chu ni mai" ka ti leh niah niah hnu chuan kan in zui chho ve leh ral ral a. Keiin ka phei khawk ka khai a, aniin kan thei lei vel a khai thung, a in ha var si a tal na hran lo bawk a ni lo se chuan a ung khuk ang.











"I pass chuan enge an lei dawn che!" a rawn tih khauh chuan hmui hnuai ti pawrh tarh hian ka melh chho a, demand ka uar zia a lo hre ve emaw ni.










"Ui te maw le" ka tih chuan ding meuh hian a mit ko a rawn san uk a, "Tak tak maw" a tihna ni hmiang. "Mama ka dil alawm, anu in phal lo mahse ka hawn luih tho chuan an phal dawn chiang lutuk, mahse result chhuah hunah chiah min lei dawn a" ka tih leh niah niah chuan a nui ve leh suk suk thei tawh. A va pà chiang tak.











"A chaw man te a to reuh sia, ui vulh hi tih mai mai ani lo asin, bakah an hmul a tla a, thutna vel ah te inleng neih phei chuan a zahthlak duh ania" a ti ve leh dup dup chuan kal pah chuan ka melh tawk tawk a, kan motor bul kan lo thleng leh mai tawh bawk.











"Daddy ho sa tawk kan zawng mai dawn alawm mommy in hna a thawh theih hma te chu" Motor a thu lut pah chuan ka ti ve zat a. A motor rawn lawn paha che deuh uk thei thin hi a lawmawm ka ti , a len hmel leh zual.











"Daddy?" motor tih nun paha min rawn melh run paha a tih chuan nui sang hian ka lo bu nghat a. Ran te chu fate angin en ila an fing duh ang ka ring chuvang chuan ka fa hmasa ber anni ve mai.










"GSD ka duh a, Au Zela'n Dobermann a ti ve tlat bawk sia, hmani a ka en ah chuan St.Bernard te kha an cute tawp ka duh zawk dawn emaw ni" ka ti leh niah niah a, kan tlan chhuah ta bawk a mahni ta ang mai chuan Music system chu ban zat in zawi te te in music ka play nghal riai riai bawk.











"St.Bernard chu an tha lo, an fing mawh bakah enkawl an har bawk, GSD chu a tha ang" stearing herh kual mawlh mawlh paha alo tih ve zat chuan pawm zet in ka lo buk pui a. A puitling kha St.Bernard chu an lian mah mah ka ti deuh an at phei chuan à leh à chu kan in enkawl fin hmel bawk siloh, min seh reu reu palh ang.














"An hmul hi chu ka thiannu chuan damdawi a awm atia, chu chu ka pe ve mai ang, neih vat vat ka chak ber" ka lo tih leh lar lar chuan a nui ve leh suk ringawt. Sawi tur a tla chham leh tawh aniang.












Inremna pawm tur lam kha chu rilru pangkhing lehlam chuan hre ve khiau mahse aman sawi a tum loh si chuan ka sawi duh bik lo, buaina mai mai.











Pukpui kan tlan pel chiah atang chuan exam zo ka thawveng ve leh halh halh tawh bawk nen selena gomez hla Who says chu ring tha zet hian ka play a, a mit mei veng deuh chuan ka melh zauh zauh nangin engtin mah min hau lo bawk nen ka phur khawp mai. Ka aw hi nalh lo tih tur ani miah lo a, a dik vei tlup in a tham deuh chi alo ni bawk nen amawi reuh phian an tih chu ka hre zauh zauh. Tum khat biak in a zai tur a min ti zet erawh an beidawng thak, ka duh bau lo. Hetiang a zai mai mai hi ka nuam tih rul ve zawng ania, mahse Kimkimi te bulah leh ka chhungkua ah bak ka zai ngai chuang lo tun tum erawh ka zai chak zek zek.











A aw ring ring chuan kan zawm a, motor mood nen a inrem ka ti viay bawk nen ka zawm tirh chuan min rawn melh zawk a, chubak min rawn melh lo, a nui zui tih erawh darthlalang atangin ka hmu kur.









Hla hrang hrang play chuan kan ri thla bung bung a, engtin mah min hau miah lo thung. Tlawng kan thlen chuan kan han ding ve vang vang a, dar 3 alo ri dawn thuak tawh. Lei ah te chuan thla ka lak san leh lawp lawp a, lo tel ve tur in ka sawm ve nangin min hial nghal bur sia, ka sawm buai vel peih tawh lo hrim hrim.










"I ril a tam em?" motor hunna bula ka thlen phei rual chuan alo ti leh vut a. Nichin a ka thil ei khan min la puar ul mai.









"Tam hran lo, thlai vel saw ka va lei lawk....e, i ril a tam zawk em?" kan ti leh nuai pek a. Alu alo thing nak ringawt.
Thlai lei tur chuan ka phei san a. Mai an leh an tam te pawh an lo la nei ve nual sia, ka lei ve nual mai. Ka inkhai phei luk chuan inkuang kuah than hian min lo melh leh pek tawh, min puih lah chu a tum hmel viau si loh. Motor hnung kawngka alo hawn chuan ka thlai lei vel chu ka dah lut a, a khar leh dawp chuan ka thlan hliam reuh anih chu, may thla chho ani tawh bawk nen khua alum ve em ani.











"Tui vawt lei tur a awm ang i duh em?" a rawmawl dum chu alo lek vut a , ka ban ve mai bawk.








"Angai chuang lo tlan leh vat ila tlan thaw ila a zia deuh ang" ka tih leh zat chuan bu nghat in motor ah kan lu nghal zat a, kan tlan chak ve leh deuh tawh. Ka in zai chau nge pawh ka hre lo ka mu lah chu chhuak em em ka tawng rei peih lo khawp mai.










Kual tam pawh kan la tlan hman lo tih ah chuan ka lo muhil ta ngei aniang, ka harh leh meuh chuan khaw chhung kan lo lut der tawh. Ka thu ngil at a, meng phuai deuh chuan ka hawi kual a, lamthuamthum kan lo thleng thla tep tawh hi alo nia. Dar 4 vel bawr ani ve tawh hial.











"Ka van muttui reuh" ka mutthluk san deih avang chuan nuam ti chiah lo hian kan ti sap pek a. 'Ka hnar a zai loh hram ka beisei a sual si min chhaih ve leh phei chuan, ka ngei ngawt ang'. Mahse eng vak a sawi lem lo.










Kan kawt kan thlen chuan U Zela'n tual ah bike alo siam mawlh mawlh a, kan han ding chho chu min lo au nghal lung lung lehnghal. Ka nu pawh a rawn chhuak thuai a, ka pa pawh an bang hma aniang alo haw ve tawh bawk.











"E....khai, Dina kan va lawm thin ve, in rawn tluang maw" ka pa chuan a rawn ti nghal dap dap a. Pa nih hi a tlin ve thei sia.










"Tluang e, mahni chauh a lo chho tur ka ni tho a a rem hlauh alawm a khawhar thlak loh deuh a" alo ti ve luam chu ka han melh zuk a, min en duh miah lo leh nghal. Inla puitling ve lutuk.









Motor hnung chu hawngin ka bag leh bungrua vel chu an rawn la chhuak a, ka nu leh pa chu khai in min luhsan mai bawk. Seat hnung lama kan thei vel dah ka lak lai chuan ka bulah alo ding leh run a. Ka la chhuak zo motor ka khar dawt thleng chuan min lo melh leh run bawk. Motor chuan laia a hmel ve sang te kha chu a lang de de tur pawh a awm tawh lo in ka hria.











"I cher ka tih kha, thil ei tha la, zanah ka lo bia ang che" tih sup pah chuan a inher a motor chu kal hual in a thu lut leh zat a. Ban vai in kan inthlah hnu chuan a tlan chhuak ve ta zat bawk.











"I chhang tha chiah maw! i cher ve dek mai" in chhung ka luh chuan ka nu in alo ti nghal zat a. Ka thlai hawn vel chu alo dah fel mawlh mawlh bawk. Ka thawhnaw eraw ka pa in room lamah a dah phei nghal aniang.










"Tha ve thawkhat ang, ka pass chuan thil tha deuh ka duh nia" kan han ti nghal tawng a, tun tum ka motor chuang chu ka chau hran lo bawk nen ka lo muthilh sek vang te pawh kha niang, ka harh ve vak mai.











"Khai, kan naute chu i zir nasa tih ka hre mai, kg i loss ve nual dawn anih kha....a hahthlak em? I chhang tha maw?" ka pa ka room atanga rawn chhuah paha atih zat chuan ka lo bu nghat a.









"Chhang tha ve thawkhat chuan ka hria, ka pass chuan thil tha deuh ka duh nia" ka lo ti leh nghal lar lar chu alo nui ve hui a, "Lutuk lutuk" tih pahin abu nghat nghat bawk. Thil ka dil vek ang ka pass chuan kei lo zir dang kan awm tawh bawk lo nen.











"Kan miaupuii pawh alo miauteii dawk tawh anih hi" nui sawng chung a grease kai luai a alo luh chuan ka lo melh deuh rawm rawm a, kut silna lam pan pah in min la fiam zuk zuk tho.










Chaw ei hma in ka inbual fel vek law law a, zan pawh muttui a awl dawn e....Chaw ei dawn chuan Ka pa in lawmthu sawi tawngtai te a nei leh hmasak zet hnu ah kan kil thap a, chhungkaw reh ruih mai kan ni lo bawk nen puitling thiau ni mahila kan inkawm tawk hlawm in kan sawi duh lam a inang hlawm bawk a, kan bengchheng ve thei viau mai. Mama lo haw hun phei chuan U zela nen room kan intawm leh ngai anga ka peih lo sa.












Chaw ei kham chuan Lalua te pahnih in online games rei zet min khelh pui a, rilru tawt tih thawven nan a tha lutuk an ti ve tlat sia, hnial chiam ka peih loh vangin ka khelh pui leh hnu hnu a, an thiam thei si chhan reng ka ngai a, min nin a hnek hian ka tel ve hi chuan nuam an ti thei lutuk te hi chhungril ah nuam ka lo ti ve leh chhawng thin.










Ka room a ka let leh meuh chuan dar 10 a lo hnai vun tawh. Ka phone charge chu la in mu pah chuan whatsapp ah ka lut a, a hming ka pin ngat zawn a de hrinh alo awm nghal vun chuan ka hawng nghal zat bawk.










*I hman tawh em?*
*In remna kha kan sawi dun tawh dawn ami?*







Khaih! Ka lungphu a rang nghal zat mai. Ka duh loh leh ka tih theih miah loh dan siam ta se hnial ngai ta tlat se ani hi ka chan mai dawn si a. Hetiang dan tello hian min pawm ve thei mai lo em ni?












(Zawmna)






Lungphu a rang duh zaih zaih khawp mai. Message chauh a sawi duh lo in ka han call ve zat a. A ring ral ral lai te chuan ka tiam theih miah loh tur thu thlun a siam ang tih mawlh ka hlau!









"Hello!" zan dangah chuan a aw ka hriat rual rual a nui var var thin kha zanin erawh a sak talh tawh mai.










"Tawngka in kan sawi dun dawn ami?" ka ti let sap a, ka aw chu khur mai lo tur in ka inthunun hle bawk. "Lo vuan rawh" tih sup pah in a kalsawn nge pen thawm ka hre ruai ruai a, kawngka in khar ri khap ri te nen lam chuan.











"A tha lawm, ka sawi tan nghal mai dawn em ni!" A tih nghal sup chuan zamna in ka khat nghal ani ber. Ka zawm theih loh tur thutiam tiam ka duh lo a, ka hlen chhuah pui theih loh tur engthilah mah ka inhnuk lut duh ngai lo bawk thin kha nia, ka tum tawh hlen lo mi nih lah ka duh hek lo mahse ka tum ah ka chiang thin thung, a harsa lai ber ah pawh thuthluk na ka siam tawh in min tih nat let chang pawn keima bul tan tho ani tih ka hria a, ka tuar mai thin, chutiang mihring chu ka ni, Pachuau lunglian ka nihna alang thin te pawh nia nge, tuna ka dinhmun ah pawh hian thuthluk na siam tu tur ka ni dawn a, eng chiah nge ka ngaihthlak dawn tih hre lo mahila 'Aih' tih angai anih chuan ka ti hreh miah dawn lo a, amaherawh chu ka zam lo bik thei lo!










"Awle, sawi rawh le" ka tih sap chuan a reh leh vang vang lawi a, ka taksa insang mar lutuk te erawh an reh mai hauh lo, kan nghak thap mai ani.











"A tha e, Fa ka duh!" a rawn tih tak nghut ah chuan ka awmdan adang lam miah lo, ka lungphu a phu rang lo a, ka thawven phah huai hek lo. Enge a sawi kha! Fa maw?












"Enge awmzia!" ka ti ve zat a, ka awmdan chu a pangngai tan a thusawi ka ngaihtuah kir chuan ka thisen kal te chu an vawt raih raih emaw tih mai tur in ka taksa adanglam nghal ti tih.












"Fa min hrin sak rawh, I duh apiang ka pe ang che, Fa ka duh" a aw chhuak chu a khur lek lek ve hial a ka hriat ni. A thawk la halh halh ri te chu ka ngaithla ve reng a, ka ruak vek, nilo....sawi mai tur pakhat mah ka hre lo takzet zet. Enge a sawi awmzia teh thlawt hi!











"Chuan," In hum ruh tung chuan ka ti chhuak halh a, chhung ril ah erawh ka tawt tup tup mai. Ka tan chuan ala hma deuh! ni e, chu thu chu ka rilru a rawn lang hmasa ber ani. Bakah min duh miah lo tu fa hrin sak ngawt chu ani em in ka hre lo, bakah hetiang ngawt chuan adik lo!












"I duh ka tihsak ang che ka tih kha, Fa ka duh, chu chiah chu i duh apiang min dil thei thung ang" a rawn tih chuan thawk ka lo la leh chiam a, ka engmah a dik thei thlawt lo. Ka ruak vek, ngaihtuahna engmah ka hmang thei lo! Hetiang lutuk ni nghal tur hi chu ani lo.











"Ka....ka hrethiam lo, naktuk ah kan sawi leh zawk dawn nia" tiin min chhanna pawh nghak lo in ka dah nghal hmak a. Ka engmah a dik thei lo, ka vai deuh ruai ni mai hian ka hria, a thusawi khan min vilh ngut ngut a, ngaihtuahna engmah a kal dik thei tawh lo....Rilru tih fim hram hram erawh ka tum!










Khang ka chunga a thatna zawng zawng te kha ka thusawi a pawm lo ang tih a hlauh vang ani thei angem! Heng vang hian ka lakah that lo chhuah hram hram chauh ani ang maw! Ka tah chhuak ru nghal tun chu keimah ka inkhawngaih vang chauh ani, khang hun chhung khan ni e, min lo duh ruk ve vang emaw ka ti tak tak, ngaihsak em em tu che mipa nei ta la i duh thu i hrilh vek tawh chung pawn, hmeichhe rilru ah chuan a duh ve emaw a tih loh theih lo ang, keipawn ka tih chiah reng hi mahse Fa vang chauh.












Ka rilru nat apiang a ka tihdan ngai te bawk in engmah ngaihtuah loh tum in earphone ka la chhuak a phone nen a thlun zawm mawlh mawlh in ka mittui rawn luang sek chu inti pachang luih tum zet in ka hru khat tawk reng bawk tah em chu ka duh bik thak lo, ka bengah hnawh lut tawp tawp in ka hla duh em em Magdalene - Open your heart chu ring zet a play in blanket chuan ka inkhuh tawp a, bo vang vang thei ila heng ngaihtuah hi tlan bo san vang vang thei ila ka ti tak zet, ka tum miah loh in ka ngaihtuah chhuak lo thei lo a, ka tawt up up a, ka mittui tla reng chu blanket chuan ka hru leh zauh zauh thin bawk.










Ka lo muhil tlang nge ka harh leh chuan ka mit alo thip thum mai, tukverh a ni lo lut ut chu mit thip zet chuan ka melh a, ka chhing leh nghal sawk bawk. Ka thluak a thu ni lo pui a luh dawn chuan ka tho hluai a, ka lu rih zia lah chu, nimin nen chuan danglam tak ani.











Bathroom choka lam ami nilo hnunglam zawk ami ah chuan phei in ka hmai ka phih nghal bawrh bawrh a, ka thluak zawng zawng hi tih fai theih nise engkim hi paih bo vek hial ka duh ang.











Sitting room alam inti fai zo a ka phei chhet chhet chuan ka nu mai an lo hik mawlh mawlh chuan min lo en run a. Melh pawh melh tha lo in thingpui ka insiam nghal rawk rawk thung. Ka mit bui luk te chu a hmu ang tih mawlh ka hlau!











"I hmel ava dik lo ve? I tho nuam meuh nange!" Rin ang ngeiin alo ti chiah reng bawk a. Thup seng ni hauh lo mahse chhuanlam tal siam ka ngai dawn tih ka chiang. A bul rat atanga anihna dik tak ka sawi anih erawh chuan a thinrim in khua hmu lo in kan tuar ngei bawk ang tih ka chiang.












"Ka motor chuang kha niang, nizan ka lu nuam lo lutuk a, ka zia ve deuh tawh" ka tih sap chuan min melh chik viau mai.









"Damdawi te i ei em? Ei leh rawh, i inkhawm peih dawn em?" a tih zawm leh zat a, inkhawm loh mai pawh ka duh viau nangin ka pa rem a tih chiah ka ring lo bawk nen inkhawm hram erawh ka tum ru ve leh hnuhnawh.











Ka phone pawh chu kan kal dawnah chauh chuan ka khawih ve leh ta hram a, nizan a a message 3 hnut chhiah alo awm vang mai. Hawn erawh ka tum lem lo. Ka hand bag ah chuan bible nen chuan ka dah lut nghal zat a, ka puan bih siam tha mawlh mawlh pah in ka inkhai chhuak a, pawnah Au Valpuia'n min lo nghak in alo ding run bawk. Kimkimi te an awm tawh lo bawk nen mahni te a han tal angai tawh tur chu ka khua har lawk kher mai, kawm tur dang ka hre der mai silo.











Thuchah sawi tu in thiam zet a a sawi mawlh mawlh lai chuan sual bawk ka do zo leh lo. Nizana kan thil sawi chu ka rilru ah alo lang zawt zawt a, ngaihtuahna fim hmang tum in ka inkhap buai hle bawk.











Bul tan pui dawn ta ila a tawp thleng ani chuan a tiam ve thei dawn hauh silo, kei lah in ka bul tan tawh ah tawp rat thleng duh mi ka ni bawk si. Eng chiah nge ka tih dawn pawh ka hrethiam lo. Ani chuan fa chauh a duh a kei ni lo in, keiin ani ka duh viau thung lai hian.










Min duh turin siam tum viau mahila a thinlung a inhawn tlat siloh chuan kei hmeichhe der dep hian engtin nge mipa thinlung sak tak, natna tam tak leh hliam nasa tak tuar lungpui ang maia nghet hian enge ka tih leh chuan ang.











Heng zawng zawng bul tan tur chuan dawhtheihna te tam tak ka neih angai dawn tih pawh ka hmu lawk a harsa dawn em asin.











Inkhawm ban thleng pawh chuan ka rilru la buai ala kal bing ngawt ngawt mai ani. Ka nui lui thei mahse a harsa lam mah bawk.
Au Valpuia TKP lamah bawk tih tur an neih leh vangin UZela nen chuan kan haw dun ve rial rial a.Kan unau zingah a tawng duh fal ani bawk a beng in a mamawh tawk ai tam mah a dawng leh ngei e.











"Zel" ti sap a ka en chhoh chuan a tawng lai tawp chawt in "Het!" alo ti ve hluk a. U loh lah hi a duh ve thak lo, kan naupang dun bawk a kan inkawm tam bik avang hian kan tet deuh lai pawh khan ka u ngai miah lo mahse high school an rah chhoh atang khan U tih tel loh chuan min hau ve khui khui tawh thin sia, a u loh theih lo ve ta bawk.










"Nih, U zel hmeichhia duh deuh tu che hmangaih chawp dawn ta la i theih i ring em?" ka tih sap chuan ka nui lui paha min hriat chhuah mai ka hlauh vang ani pakhat.












"Eng thlir in nge ka thlir ang?" nui sawnga min rawn en paha tih chuan ka hmui hnuai ka lo tih pawrh khum a, ka dar ah a rawn tham thuak chuan rum zet ka lo melh bawk.












"Mipa i nih kha, mipa thlir in" ka ti hlak a ala nui vun vun zui. Zawh tlak loh thei si.
"I à emai, min chhang lo mai rawh" tih deuh nghat pah chuan ka kalsan vut a, nui hawk hawk in min rawn um pha leh mai bawk.












"Min zawt ril sia ril deuh in kan sawi ange...." te chu a rawn la ti hmasa leh te te a. Ngei zetin ka lo melh thung.
"Mipa ka nihna ang chuan hmangaih dang duh deuh te ka nei hran loh anih chuan min duh a, min care a min ngaina thiam leh a tawk chauh a ka lawm zawng anga awm thiam te an awm anih chuan mipa chu kan tlu leh nge nge zel ania" a rawn tih ve tak thluam ah chuan kal pah chuan uluk zet in ka lo ngaithla a, mahse thuthluk na siam mai tur in ka la inpeih chiah lo.













"Zomami khan min bem a, a thiannu bialpa ka ni reng sia" a rawn tih ve leh nui nui chuan phawk zet in ka en a. Ngaihtuah zui loh hmel zet in akal ang vut vut lawi si.











"Bawki thiannu maw!" ka lo tih chuan tur zet in min rawn melh. Ka tawng sual hria in inthlahrung zetin ka lo nuih tlawn nghal bawk. Bialnu no diam kan tih ang kha anei ve ngei a, no tih ah khan han che no lui hluai hluai ang chi nilo in nula dam deuh kan tih chi no nalh zet hi nia, U Zela tih thinrim nan hrim hrim hian Bawki ka ti lui a, a thin hi ur ve em em zel.











"Ti khan ti ziah suh a hre palh reu reu ange, bakah hmeichhia hi in lo mak hi ka tia" a tih leh zat lai chuan "Ka tel ve thlawt lo, hmeichhe pakhat sual avangin a hmeichhiatpui ang zawngin hmer tel kher suh" ka lo ti ve zat chuan ner nung nung in min rawn en a.











"Aw aw aw.....I tel ve lo, mahni thiannu te bialpa ngei ngei pawh han bem sak duh kha amak ka tia , a hma pawn amit mei min hmuh reng zel a, duh ila chuan ka khawih hrep thei ang mahse chutiang ka ni lo, mi pakhat ah ka lungawi.....mahse ka ten ani" a rawn tih tak thlawt ah chuan ka lo bu ve nghat a. Hetiang hmeichhia hi an awm chawk ania.










In kan thlen hnu pawh chuan games khel dun in kan inkawm leh char char a, rilru a thil riak reng erawh in min kam tel run thung.










Zan inkhawm chu rilru nuam zan lo chuan ka pha ta ngawt a, ka lu nawm loh thu ka sawi ve hmiah mai. Ka u te dang erawh an inkhawm dawn ve teh mial thung. Mahni a awm ka hreh lem lo bawk nen biak in dar rik ral ral chuan min chhuahsan ta duak a. Mahni chauh chuan a reh ve ta tlawk tlawk hle mai.











Ka thuthlukna chu hrilh hriat ve ngei a ka ngaih avangin a no. chu ka hmet chhuak leh ta ngei a. Vawiin nileng in ka inngaihtuah tawh bawk a, ni e, hriat ngei aphu alawm. A hun khawhral tak te nen khan.









Rei vak lo a rik hnu ah chuan a rawn pick up ve ta mai a. Thawm erawh a reh vung vung lawi si.








"Hello" ka ti hmasa leh ta nge nge a.









"Thuthlukna i siam tawh ani ngei ang" a rawn tih dam thluam chuan a aw ringawt pawh hian ka lungphu chu a ti rang ngei alawm, biak ka thlahlel a, ka vei a, ka duh viau bawk. Ka thluthlukna vang erawh in na viau dawn mahila ka tuar chhuak ngei ang tih erawh ka hria.










●A va hma theih loh theih ve awwww.......kar leh lamah chuan kan hma leh vur tawh theih beisei ang aw, Chuan naktuk hi hun ka neih loh hmel hle a, Chemo khai ni anih bakah zan lamah lah chhungkaw lamah programme a awm tlat mai bawk sia, ka lo dah hman lo mai thei aw.....Muttui leh vek ule

[Ngaia]

Chapter - 8






Thaw ka la leh te te phawt a, engkim mai hi tinge a dik loh tak vek le! A harsa! Ni e a harsa khawp mai, ka engkim hi a tawt ngawih ngawih.....









"Tinge kei kher?" Ka ti chhuak halh a, ni e ka pawm mai a beisei vang nge ka duh lutuk tih a hriat vanga naute lem ang maia min kaih kual theih a inrin vanga min thlang ani hlauh zawngin a pawi lo ang ka tih chuan dawt ani ngei ang.











"A chhan maw....chhanna min pe zawk mai rawh, sawi duah lo in" a rawn tih leh vut chuan ka lo ner nang a. Thinlung i pik sa nen ka ngei zual sawt thung bawk. A infiamna mai mai ni tur in a kianga awm ngen ka ni hauh lo, nilo ka ngen lo ka hrilh zawk.











"Ka zawhna kha chhang hmasa phawt rawh..." ka ti ve hlak a, aw ka vin hmang lo tur erawh in ka insum nasa kher mai. Ngaihtuahna pawh a tawi leh tup tawh. A duhdan a sawi ka ngaihtuah chian phei chuan keimah ah tlawm intihna ka ngah a, ka lo ti mah mah em ni tih thleng in ka ngaihtuah kual.












"A chhan, ni e....I damlam bik alawm chuvang chu a tawk in, ka zawhna chhang tawh rawh" a rawn tih leh hmuk chuan ka lo thaw halh a. Ka danglam eih lo, ka zang hawk lo a ka nat zual phah lo na chungin ka na erawh a dam chuang lo, ni e sawi tur a ka mamawh chhanna ka dawng miau hek lo.












"Zawhna pakhat leh chiah " In seh ruh teu chungin ka aw khur lo tur thunun hram hram in ka ti sap a, ka aw a tham chhal bawk, chu erawh ka dan hneh rual ani lo.












Nin hmel zet a thawk la hawk in "Sawi rawh" a tih leh hmuk chuan zam zet hian thaw ka la hmasa leh te te a...A thinrim dawn tih hre tho chungin ka zawt lo thei silo











"Miss Venpuii..."ka tih rual rual a rawn rum nghut avang chuan ka tawp leh dat a, "Mitthi tawh chu i kal tir thei mai lo em ni! Ka.....ka, bul tan ang kan pahnihin ka tih kha i duh ang apiang in ka awm ang mahse khawngaih in ani kha theihnghilh rawh...." Ka sawi lai chuan tlawm inti lutuk mahila ka chan phal bawk silo a tawp nan tak tak ani ka la zawh fan ni, ka mittui tla leh ka tawng bah nak te chu ka thunun hman ngang lo bawk. Hmeichhe tan chuan a tlawm thlak em asin mahse tinge ka chan phal miah loh chhan pawh hi ka hre tawh lo, ka duh mai nilo ka at chilh ani ngei ang mahse, kan dinhmun erawh a thuthlukna zir in adanglam tawh ang........












"Ka thei lo..." luhlul zet a a rawn tih leh hmuk chuan ka beidawng leh rilru na lutuk chu ka tap chhuak lo chauh.











"A tha e! Ka tihpalh ani, zawt miah lo tur che ka nia......Mangtha le!" tih sap pah chuan min chhanna pawh nghak lo chuan ka dah daih a. Ka khum bul ah chuan ka thu hnawk a, ka khum tawm chho in ka kut chuan ka inkuah khawm than a, chhuak zet in mahni chuan ka tap chhuak hawk a. Ka na tak! Kan hun hman tawi te hlimawm tak te chuan ka tan rilru natna leh min ti hreawm tur bakin tunah chuan hmun an luah thei tawh lo.











Ka tan alo sang deuh ania nge tiin inhnem tum sa teh mah ila ka na lo thei chuang bawk silo, ka hah ka chau ka engkim hi an tlawm a an na bawk.











Kawngka chu nam hawn theih a dah in ka mu ta daih a, ka tap lai an hmuh chuan ka chhungte hi kei ai mahin an thlabar dawn tih lah ka hre reng. Mut vat ka tan a tha zawk, U Zela text in ka lu nat vanga ka mut hma thu ka sawi ta ngawt a, ka room ah lutin kawngka ka kalh hmak a, ngaihtuah lo duh teh mahila khum ka deh rual chiah in ka tlawm zia ka hre nawn a, hnawl ka nih chian lutuk vang te pawh aniang ka tap tawp hleithei meuh lo.












Ka muhil thei bawk silo, ka rilru harh kur te chuan min vel leh thin bawk si, ngaihtuahna nei miah lo a hun hman ka chak tak zet. Chuzan chu ka tan chuan tahna leh lungngaihna manganna khuar khu rum a ka tlak zan alo ni ta reng mai. Mahse ka tuar chhuak dawn tih erawh Rosangzela Pachuau fanu ka nih avangin ka chiang a, nimahsela a hlim chhawn ala nih vang nge ka hun tawn chu a hrehawm tih hian a sawifiah zo kher lo ang.










Dar 9 rik hma deuh a ka chhungte rawn haw pawh chuan ka la harh kur a, khumah mu kawm ngul in a khat tawk a ka mittui tla sek chu ka tuai zauh zauh bawk.












"Miaupui" U Valpuia'n room kawngka kik paha alo tih pawh chuan ka chhang duh tawh lo, nilo ka thei lo zawk pawh ani tho ang chu. Kawngka ka kalh tlat avangin an lo lut dawn lo tih ka hre bawk.












"Bawihte" Tia a rawn kik leh pawh chuan ka chhang duh lo hrim hrim. Hetianga min hmu anih chuan chhuanlam siam tur ka hre dawn der silo. A bul rat atanga an hriat phei chuan keimah zawk hi hmun dangah min thawn bo duh hial ang tih ka hre bawk.











"A muhil tawh niang, damdawi te kha ei la ka tia a chhawk anga a muhil aniang" U Zela'n alo tih pawh chu ka hre kar. Ka tap ri emaw ka insut ri tak ngial pawh an hria ang ti hlau ka insum nasa lutuk te chuan min ti pik zual a, ka hrehawm ting bawk.












"Kawngka kalh angai lo asin le, a dam loh phei chuan...." Ka nu in alo ti ve zat bawk a.Ngaithla duh tawh lo in ka phone chu on in earphone nen zawm zat in Magdalene hla bawk chu ring zet a play in ngaihtuahna bo thak tur khawp chuan ka insang mar bawk. A har, ni e a har tak zet!











Zing karah chuan rit bur in ka tho chhuak a, nizan chu ka tap muhil leh ngei aniang, ka mit a bui lak a, ka sam a thur bawk nen keimah kha ka ang lo tak zet. Peih lo deuh chuan ka ngaihtuahna tlan bo san tum in ka tho chhuak hnak hnak a, ka sam ka khuih mam thuak thuak hnu ah ka room chhuahsan in hnunglam bathroom ah ka hmai ka va phih leh nawk nawk phawt a, ka mit meng sen rum leh bui deuh lak erawh ala reh thei lo kher mai kan then lui vak vak nangin awmzia erawh a nei thui lem lo.











Zawi zet chuan choka lamah chuan ka phei hnek hnek a, Dar 6 ala pel thui lo nangin ka nu'n chaw chhum tur alo siam mawlh mawlh tawh. Chaw ei dawnkan ah chuan chair pawt chhuak in ka indawm zawi hle ringawt.











"I la nuam thei nange? I khua la sik em? Nizanah room kawngka i kalh daih bawk sia" alo ti nghal sawk sawk a. Chaw chu gas ah chhuang in a kap alh nghal zat bawk.











"Nuam lo satliah mai mai niang, ka tha tawh ang" ka lo ti liam ve satliah ngawt a, thingpui min lo pek pah chuan ka pang a rawn dek vang vang a, nu te kut chu alo dang deuh bik nge min ngaihtuahna aw ringawt pawh hian min ti lawm thin. Ka nu hi han thinchhe ve hlek hlawk viau mahse a chhungril sual loh zia ka hria a, ka thinlung takin ka pawh em em bawk.











"I pang chu sa tawh lo phawt a, Zela nen damdawiin ah va in entir ula tha ang" a ti leh vut a, Alu chu dawhkan ah rawn dah chho in chemte chu lo ban pui zat in kan vel dun nghal mial mial bawk.












"Ka peih lo, ka tho harh riau in ka hria ka tha tawh dawn aniang" ka lo tih liam san daih a. Ka natna ang hi chu damdawi hmang a tihdam chi ni nghal loh chuan. Ngaihtuah miah loh leh hriat rih miah lohna hian tlem in min chhawk zawk ang ka ring. Dam turin ka la inpeih lo a,Mahse khuarei ah erawh ka la dam ve mahna le.











Ka pa zing chhuak chuan hritlang damdawi leh eng eng emaw taksa chakna lam min rawn lei chiam pek a, a va tul teh chiam lo thin tak. Mahse sawisel hran ka tum lo min ngaihsak zia ka hria a ka lawm bawk.












Chaw ei hma hret in U Valpuia alo tho a, choka dawhkan a ka thu hle hle lai chu ka pang a rawn dek nghal vang vang a. Ka damlo tak tak emaw an ti te chu ka inthlahrung zo vek min ngaihsak hlawm ropui si, an rilru ka tih hahsak ani ringawt alawm.











"Vawiin ah damdawiin ah va in entir ta che u, Zela nen" a tih leh sup chuan lu ka thing na na a, a hla ropui si ka peih teuh lo mai. Bakah sawi tawh angin ka natna hi damdawi hmanga tihdam chi pawh ani ber lo.











"Ka tho harh viau tawh, ka tha tep ang, Apa'n damdawi alo lei bawk a" ka tih chuan a bu ve nghat a, min nawr lui ngai miah lo nangin ka thlavang erawh a hauhna thei hle. Mama erawh ka tana tha tur a hriat ah chuan min nawr luih a hreh miah lo thung,mahse vawikhat mah chutiang ala ti lo thung, Au Zela erawh amah vang liau liau in B.A a chhuak ve kan ti lo thei lo ang, tha ni a a hriat lamah chuan kan 2 hian kan luhlul dan a inang vel ang.












Chaw ei kan siam laiin mit nuai nawk nawk in Au Zela a rawn tho ve chiah chu ka nu'n alo khak nghal malh malh a, a la inla young mai sia pubg a khel rei theih vang bak ani lo zinglamah a mu chauh zel nen.











"I room kawngka kalh tawh suh, nizanah kan rawn chum chhe lo chauh alawm.....i khua la sik em?" a rawn ti ve nuah nuah a. Sawi uar ve thei sia! An thusawi ka hre vek tih hre hlei lo.











"Ka tha lutuk....ka dam var var " nui luih vur vur paha ka lo tih chuan min melh ve vang vang hnu ah "Lo kal teh!" tihpah in min han kuah nawk nawk chu min dim lo si ka lo te tuk a, anni erawh alo nui hawk hawk thung.












"Khaih! In inti nà nge?" Ka pa'n alo tih ve dut hnu chuan min thlah ve ta chauh.
"Tlai ah leng vang vang ang hmiang, Zotui ah bike va ensak lawk tur an awm a" a tih pah chuan tap ah chuan kut a va sil mawlh mawlh a. Hru hul thuak thuak in dawhkan kan kil ho ta bawk.











"Eng maw i tih dawn?" ka nu zawk in alo tih chuan " Ka thianpa hmelhriat te bike chiang lo a awm a, va en pui lawk an ngai a" a ti tha ve mai a. Ka sawi tawh angin Au Zela hi chu hetiang thil chhe siam tih lampang hi a chem kalna zawng ani daih a, a kum ngaihtuah in experience pawh a nei nual tawh bawk nen hetiang lamah hian pawisa ala lut ve nual tawh ang.











"A dam loh kha hruai chi pawh ani lo!" Au Valpuia'n alo tih chuan "Ka dam tawh..." ka lo ti vat a. Hawi harh ka mamawh, rilru lak penna ka ngaihtuahna ram mai nilo ka suangtuahna ram atanga min hruai chhuak tu tur eng emaw ka mamawh!











"Nizan pawn i khuasik kha.." alo tih leh lai chuan "Umm...a rei lo, damdawi ka ei a mut duhna awm sia ka lo muhil daih anih kha, ka tha vek tawh" ka lo ti khalh leh zung zung a. Tun bak bak a ka chhungril hliam lai a awm kher lo ang, chuvang reng chuan a dam na tur in ka beih angai anni hi ka nei bawk a.











"Mama pawh vawiin ah tlai ah lo chhoh a tum kha" Ka pa in a rawn tih chuan "T.Shirt min lo chah teh hak tlak pawh ka neu mang tawh lo" Au Zela chuan alo ti leh vat a. Chaw chu a bar nghal mawlh mawlh bawk.










"Engtik nge in result a chhuah dawn?" Au valpuia chuan alo ti leh dut a. June thla tawp lam anih ka rin thu ka lo sawi vat bawk.











Nileng chuan ka nu pui in pot vel kan ti fai dauh dauh a, nidang tih pui ngai hek lo in ka pui chu mak ti viau mahse a lawm zia a tilang tho, Mahni chiah a rilru kawm ka peih lo ve tho bawk nen. Au Zela erawh in kan inthlang kawt zau lai ah chuan Apa Scooty Access grey ngei mai chu a sil hauh hauh a, motor lam ah hi chuan a duh uluk bawk a a sil rei hauh hauh khawp mai.











"Miaupui, dar 2 vel ah kal ang aw... Thingpui te in dawn tawh ang u Dar 1 a pel tawh ania" Au Zela bucket ruak leh scooty silna hmanrua vel rawn ken chhoh pah chuan ati mawlh mawlh a. Ka nu nen pawh chuan kan zawh thuak tawh avangin keimah zawk chu lum tur in ka lut nghal a, Au Valpuia leh Ka pa erawh an office thung.











"Kan kaldawn chuan inha lum rawh aw.....tlai lam ani ve bawk nen thli hi a tha teh chiam tawh lo ani" bathroom atanga a ke sil rawn hruk chhuah mawlh mawlh pah chuan ati leh a, thingpui siam mawlh mawlh pah chuan lei ka va chhuah chiam chu, min han melh rum der vel a, tih lai a awl awl nen min 1 pawh a mengrum hlei thei hlawl silo a.











Thingpui in zawk zawk in kan insiam ta nghal a. Dar 2 ah erawh kan chhuak thei tawh kher lo. Ka shirt chungah Jumper dum ha in Jocker pant dum puan chhah lampang ka ha leh a, tlailam anih tawh vangin sneaker ka bun thlap a, a tha tawk viau chuan ka hria. Au zela pawn ati ve deuh tup tho, a tlai lam tawh nen kawng a khu reuh thin aia kawng an siam lai ni bawk nen mask kan vuah vang a, kei erawh in ka la peih loh vangin ka la thla daih thung. Au Zela erawh in ala vuah run thung.










Au Zela nen chuan scooty chuan kan chhuak ta nghal a, ka khalh thiam ve sawlh sawlh nangin khawchhung a la khalh an phal lo tlat lehnghal, motor a tam an ti deuh tlat, motor awm lohna a tlan bik tlat te chu thiam har deuh tur asin.











Lamthuamthumah chuan kan ding leh rih
"Ei tur ve lei rawh, ka siam chhungin tih tur avang dawn ania" tih paha pawisa min rawn pek ve ngei chuan chhuk vat in ka ban vat a.Dawr lam pan chuan ka phei thauh thauh bawk. Ka phur hmel an ti khawp ang ka ring ka kaldan mai mai chu! Ka ti laklawh bawk si....









Dawr ah chuan lut in ka duh zawng chu ka ban vat vat a, pepsi can kan lak tel hram kha. A man kan inpek fel lai chuan dawr hnunglam dawr neitute in ni nghal atang chuan Dinsanga rawn chhuak hlawl anih chu! Phawk deuh tak hian ka lo melh hru a, ani pawn min hmu nawlh chu a inring chiah bik lo tih a hriat reng.










Ka awmdan chu insiam tha vat in pawisa nawi min kir tur dawr neitunu in pawisa a chhiar mawlh mawlh ngawt mai chu ka melh lui a. Ani erawh dawr neitupa nen an inbe mawlh mawlh thung. Ka pawisa kir min rawn pek chuan ban vat in ka thil lei polythene a khai chuan ka chhuak vat a, ka hnung lama an inthlah ri chu ka hre zawm ve zat bawk.











Au Zela Scooty chunga lo thu run chu ka thil khai chu ka pe vat a, a hma ah chuan engtin tin emaw a khai lai chuan a hnungah ka lo thu kai nghal hmak thung. Ka rilru hmanhmawh tlan vat vat se ka ti, kha mihring kha hmuh rih ka duh miau lo.
Scooty a tih nun lai chuan dawr lam ka va hawi phei chuan dawr kawt ah tak ding hian min lo melh run a, a mitmeng chu a rum lam mah ani. A hma min melhna ang mit meng kha hmuh tur a awm tawh miah lo bawk, a duh ang chhanna ka pek loh vang ani ngei ang. Ni e , tu hmeichhia mahin fa hrin sak tur ringawt in mipa an hnaih duh lo ang!











En pawh en rei duh lo chuan Au Zela kawngah chuan nghet zet a kuah in a hnungah chuan bei than in dawr lo lampang hawi chuan ka ka insiam rem daih a. A tana ka inhuam thuk zia leh ka duh zia a hriat hnu ah pawh fa hrin sak tur ringawt in min duh tih ka hriat na chuan min tina nawn leh a, ka tum ni miah lo in ka mittui a tling leh piau tawh.











"Paul-a te in ah peng lawk ang aw, hmanrua tlem lak tur a awm a!" au Zela'n a tih chuan aw thian kharh in zang khai vah hian ka lo aw a, ka pik zia erawh ka aw nilo in ka mitmeng chhiar tu chuan a hrethiam ngei ang.









Paul-a te inkawt kan thlen chu kan ding leh rih, an inlama ava kal lai chuan scooty bulah chuan ka lo nghak ran a, ka jumper ipte a ka phone rawn nghawr dat dat chu ka phawrh vat bawk, kan tlan lai atang tawh khan ari tawh nangin ka ngaihven lo lui kha nia a rik sek takah chuan ka en ve hram. Ka tum loh lutuk anih vang nge ka nui lui hak a , engtiang a tlawm a awm tur in nge min duh tak zet ni! Ka tlawm tawk tawh viau sin, kalsan ka tum ve leh ti hian amah zawk in min lo biak leh si te chuan ka thei kher dawn em ni.









La lo chuan ka melh ngawt ngawt a, a tawp ve thei hram lak ka chak tluk zet in ka duh lohna pawh a tam tawh. Miss call 7 lai alo awm tawh leh nghal, amah vek ala ni zui. Ka en lai mek chuan a rawn call leh zat a, enge maw hriat ni? Harsatna eng emaw a awm te hi ani lo maw? tiin alo call tam tawh em avang chuan ka la ve ta hram a.








"Hello!"












"Tunge khapa kha!" a rawn tih nghal hrawk chuan ka mit ka chhing sawk a. Beng chheng lutuk, au khum vak vak tur ka ni bik lo. A duhdan in ka awm tawh dawn rih bik lo, tunah chuan engkim ah mangtha ka ti tawh tlat.











"Hrilh che a ngaihna ka va hre lo" a aw ki ang ni hauh lo a ka tih chuan a rawn rum nghut a. Ka duh tawh lo ani miah lo duh tawh lo ka tum mai zawk ani, amah erawh chu a harsa tak zet. A aw ringawt pawn suangtuahna thar min pe thin miau si a.











"Zothanpui sawi mai mai rawh!" a rawn tih leh hmuk chuan ka ner nawng a. Ka hminga vawikhat min kohna ani hial lo maw! A hawrawppui ngat leh nghal in. Nizanah na tawp khawk in min siam a tunah lah ka lakah thu neih a tum leh tlat lawi bawk sia. He thil awmze nei thei chuang lo tue hi ka ning! Min ngaihtuah emaw ka ti mai dawn alawm hmanzana a thusawi kha hre lo ngat ila chuan a thik emaw ka ti hial thei ngei ang. Chu erawh ani hauh silo!











Ka dah ta daih a, Au Zela lo phei leh mek chu ka lo nuih lui sang a, ka phone bawk a rawn rik leh vut chuan ka switch off hmak thung. Ka chhungten min lo biak duh leh Au zela phone ah ni tawh mai. Khapa kha ka be chak rih tlat lo.












● A va tam mawh thin tak......., Tian ti ang, lo comment leh vek ula comment a tam viau chuan naktuk zanah chawl lo in ka dah leh mai dawn nia.....mahse comment vek tur.......Muttui vek ule

[Ngaia]

Chapter - 9






"I mask vuah tawh la aw, khaw pawn saw lei an lai nasa a, a khu viau ania" seat hnuai a a thil lak dah luh mawlh mawlh paha a tih chuan ka jacket ami mask chu la chhuak ve vat in ka vuah nghal sawk sawk a, rawn din ngil paha min rawn nuih ver ver chuan ka lo nui tawi ve tak ringawt. Ka awmdan teh thlawt kha nidang chu nise ka phun ka phun awm sia tun erawh ka ti tha leh lutuk bawk sia chu te pawh chu niang!











"Lo chuang rawh le" Scooty chung a thu a tih nun vut vut paha a tih chuan rang zet hian ka lawn kai leh a, a kawngah nghet zet a kuah in a hnungah ka bei hlan bawk. A taksa che dat ah chuan anui tih ka hre thei mai bawk nangin ka awmdan chu ka siam rem buai vel peih tawh lo, ka kuah hian ka hahdam a tian rei lo te ngaihtuahna zawng zawng bo vek a awm ka duh!












Kan tlan chhuak ta vang vang a, thli thaw in ka sang a rawn chhem leng te chu a nuam phian, a khu lai kan thlen chin ah erawh ka jacket lukhum chu ka khum nghal vang a, Au Zela pawh chu ka khum tir ve nghal bawk.












Kan awmdan leh ka thil tih zawng zawng kha ka u te pahnih Valpuia leh Mama hrilh ta ila chuan Dinsanga nen an inhmelhma hlen mai thei ani tih ka hre ve kar a sawi chhuah chi ah pawh ka ngai lo, Au Zela erawh a uang reng a, a sual miah lo bawk pawn lama that loh hmel deuh hi a rilru that zia leh a puitlin ruk zia amah chik tu te chuan kan hria ang. Ka nu pawh hian vin ve hlak hlak thin mahse an inhau fiam emaw tih tur mai mai anni.












Khaw chhung pawh darkar chanve chuang hlek kan tlan hnu chuan kan lut ve ta mai a, kawng a nuam vak lo nen tlan chak a har ve bawk ani pakhat. A din dat chuan ka hawi chhuak vat a, kan chhak deuh kawng atang hian tlangval pakhat lo chhuk thla in min rawn pan in ka hria.












"I va tlai ve......Tan scooty hi dah la khulai deuh khu nia" kan bul alo thlen chuan alo ti nghal var a, min la melh zuk zuk zui.
Ka chhuk thla nghal vat a, Au Zela pawh chuan scooty chu site stand ah dah in a rawn chhuk ve nghal zat bawk.












"Zothan, ka thianpa Nunmawia nih hi, Nuna ka chhang chiah kan tè ber Zothani" Au Zela chuan alo ti vat a. Chu pa chuan min rawn melh in a nui vur vur a, ka lo nuih let ve mai bawk. Sa pan lam sang pangngai tak ani a, a lu a buk ve hle bawk.












"Chhuk ang u" tiin hma a hruai nghal a au Zela nen chuan a hnungah kan zui thla ve nghal zat bawk. Au Zela nen chuan an ti ti nghal barh barh a, an sawi hmangah a patea bike ani awm e. Nunmawia a tih pa chu phunglung ve chi aniang a tawng zuah zuah a a tawng ring thei phian bawk. Rawlh thawk sliper a bun sia a kezungpui lah chu Zopa takin a bawng tha viau bawk...hehe












In dai reih ruih assam type lian lampang zet tual nei tha deuh lampan chuan kan phei zel a, an inkawt ah chuan an bike siam tur chu niang patling pakhat ka tiat pui vel awm hian a lo bih kual ve dun dun bawk.











"Patea hei an lo thleng" Nunmawia'n a tih leh lung lung chuan thingpui no chawi chuan alo hawi chhuak vat a, pa lian tak ava ni si lo em. A hrim hrim in Mizo hi chu liantak hi kan vang pharh ve hrim hrim a.
Keini unau hi alian pawl chu kan ni ve mai thei ni. Mama leh Valpuia hi an intiat deuh a Ft. 5'10 vel an ni mai thei an than belh te nih loh chuan, Au Zela hi 5'8 vel ani thung a, Kei 5'3 ka ni ve chauh. Hmeichhi hi chu than alo thu hma ani ta ve ang.












Au Zela te nen chuan an inbe nghal luam a, a chhiat dan te an han in hrilh zung zung a, inchhung lam atang chuan naupang pahnih hi chak zet in an rawn in um chhuak vawn vawn bawk. Nunmawia patea chuan an han au leh rih, an tlan liam vang vang tawh sia auh let chu a har ve ang.











"En nghal mawlh mawlh mai ang duh aiin kan lo tlai sia" tihpah chuan bike chu an han thiat vel emaw ni an check nghal zung zung a. Nunmawia zawk chu in chhungah chuan lut vut in chair keng hian a rawn chhuak leh vat a, min rawn pek chuan lo ban zat in lawmthu ka lo hrilh sap a, Au Zela bike siamna sir deuh ah chuan kan lo thu dun ve khar a, a patea zawk nen chuan Au Zela chuan an siam mawlh mawlh thung.











"Bawihte, ka kut ah oil a kai tam sia ka phone a ri" Au Zela a rawn tih chuan phei vat in a jacket ami chu ka phawrh sak vat a
"Mama nih hi" tih leh pick up ka rual nghal zat bawk.












"Hello" ka ti nghal var a, dar 3 a pel tawh sia alo thleng tawh anih ka ring.












"Miaupui, i phone ah biak i va har ve?" a rawn ti nghal vut a. Kan misualpa vangin ka switch off daih sia, biak tlang chu ka har ve viau ang.











"Nia, signal ka nei tha vak lo a, i lo thleng tawh mi?" ka lo ti let ve vat a.










"Aw, thleng chiah in lo haw har dawn em? Tlai deuh ah te khan rawn haw suh u, i dam tha lo lehnghal" a rawn tih nghal tlawng ah chuan ka lo nui tawi tak. Ka damlo der ta kher kher chu ka ti fuh teh chiam lo a ang, ka chhungte ka ti thlabar mai mai chu ani sia.












"Lawks kan zawt ange" tih pah chuan "U kan haw har dawn em? Mama'n ati" ka ti deuh kher a, a rawn rum deuh dat chu ka lo nui sawng thung.












"Tlai lo ang, dar 4 vel ah ti rawh, dar 5 ah kan lo thleng ang ti bawk la" Nuih vur vur paha alo tih leh chuan ka lo nui ve hak a
"Lalthanzel leh! Rawn haw har miah suh u" Mama chuan kan thusawi hria chuan a rawn ti leh hluk a, rei vak lo kan inbiak hnu ah kan dah ve mai bawk. Au Zela nen hi chuan kan chimawm ve ang reng sia, min zirtir ani tel mah ang keipawh hi a chang lahin a bula awm tam an han phal lo vel thul Au Zela lah hian a run luih thiam ang reng sia, a tawp ah kan nui tlang leh nge nge thin.











Darkar 1 chuang mah an khawih hnu chuan an zo ve thei hram a. Au Zela pawh a oil kai vel emaw ni a dum nuau mai.
"A chain pawh hi a dul anih hi, a inkhawng nasa viau lo maw" A kut sil mawlh mawlh paha a tih leh chuan " E...chu chu nih dawn chu a ri chhek chhek zela tlan pah hian a eng nge mawni chu aw ka tia, bike lampang hi ka neihna la rei lo bawk nen ka hre lo riau a" Nunmawia Patea chuan alo ti ve vat a. An tuizem ah chuan kut an sil dun mawlh mawlh bawk.












"Haulawng i rawn phei rem chanah kan inah lo kal la ka pawt mar dawn nia, anih loh chuan a thar ani mai, a sprockets pawh saw thlak angai anih saw..." a ti nghal zung zung a. Hepa hi alo thiam ve reuh viau anih hi, kei in a engmah ka hre der silo.












"Thingpui in ang u aw.." kut hruk mawlh mawlh paha a tih leh chuan "Aaa...kan kal zawk ang duh aiin kan tlai zawk maha dar 4 a pel tam ve tawh sia, ka nau hi a dam ala chiang lo bawk nen" Au Zela chuan alo ti nghal vat a.Kan chhungte chuan kan thlen har vaih chuan keini lo in Au Zela hi an hau nasa dawn tih ka hre reng bawk.












"E...Chuti maw, pawisa kan la ange" tih pahin inchhungah chuan alut nalh a, kan lam pan chuan Au Zela chu alo phei ve vat bawk.











"I motor chu enge ala an?" tiin Nuna zawk chu a rawn be nghal vat a. " A tha aniang sawiselna pawh ka nei leh tawh rih lo" alo ti ve nghal zat a, kan bul rawn thleng phei in a rawn ding ve nghal run bawk.











"A that hlauh chu, chuan pakhati lam ve kha.." Au Zela'n a tih leh chuan alo lai ve tut lehnghal, a hmel chu a nuih zatthlak reuh sia, a lawmawm letling phian. Rei lo te ah a patea chu alo chhuak leh vat a, pawisa te in pe fel in keini pawh chu kan chhuak chho leh ta nghal a.











"Ka kawr hma ah hian engine oil kha ka ti kai deuh a" ti nuah nuah in scooty chu a ti nung nghal zat a. Lawn ve vat in kan in vai liam leh ta vang vang a.











"Engtin nge in inkawm teh daih a?" kan tlan chhuah hnu lawk chuan ka ti lang lang a. Khawchhung pawh ni a tlai lam ve deuh tawh nen a reh ve ruih mai.












"Hlimpuia'n zotui ah hian chhas anei ve deuh a kan va rim pui thin alawm" alo ti tha ve mai a. Mipa ho tak hi chu! Khaw hran ah te hian an han nei ve ngei zel a, amah pawh hian ahma in Mualthuamah a nei ve ngei tawh mahse kan hmuh ve hma hauh in an lo inthen leh daih, an la inla tleirawl thawveng ve lutuk hi a!













Kan tlan leh ta vang vang a, khawthlanglamah ni a uai thla tan tawh bawk a kawl pawh a sen mawi leh tawh viau mahse nipui lai ngang ani bawk a khua erawh ala eng ut tho mai. Kawng pawh an lo laih belh leh viau tawh a kan tlan khu leh rum rum tawh.












Hmuntlang khaw peng kan tlan pel a, ka khal ve chak tawh thu ka sawi sek nangin zu han ding duh thak lo a. Tih buai chak viau mahila kan accident ang tih ka hlau ve bawk si.












Khawchhung luh hma daih Kraws (Cross) an phunna lai bul thutna an siamna bulah chuan a ding ve ta hram a.Rang zetin ka chhuk nghal a, site stand a dah in ani pawh a rawn chhuk ve nghal mai bawk.











"Thu hahchawl lawk ang khua ala thim dawn chuang lo bakah kan hnaih tawh tho" a tih teh tlat avang chuan thing thutphah ngheng chhan awm a an siam ah chuan kan han thu thla dun leh a, kan ei tur pai nichin a kan ei tawh avangin pepsi chauh ka nei tawh chu ka va la vat a. A can chu kheuh hawng in ka in khalh khalh a, a tui leh ngei mai. Ka pe ve vat a, alo ban ve mai bawk.











" Ka kalpui che sia hlawh minpe ve dawn em? " tihpah chuan ka va melh let kal a, phakar min tih hmel zet a min nuih hnu ah, 500 tlang hi min rawn pe ve mai a, lawm zet in ka lo khek raih bawk. Pawisa neih te chu nuam deuh asin.











"Miaupui" a rawn tih dut chuan "Yessi" ka lo ti var a, ka pawisa dawn vang chuan ka nuih pah var var bawk.











"Harsatna i nei em ni?" a rawn tih tak sup ah chuan nui sang chuan ka la melh reng a, ani erawh anui tawh miah lo ngun zetin min lo melh ve run tawh. A mitmeng thu tak lutuk avang chuan ka nui tawp riai riai thung.











"Tinge?" nuih lui sak pah chuan ka melh let ve kal a, ka hawi sawn chuan min ringhlel zual sawt dawn tih ka hre ve kar. Hetiang em em a thutak a Au Zela nen kan inbiak hi ka la hre lo.











"I u ka nih hi, midang i rin loh pawn kei chu min ring thei i bulah a tawp thlengin ka ding dawn alawm, kan lo upa a harsatna tam tak kan tawh hun thleng pawn" tih leh sup pah chuan min ngaihtuah hmel zet hian ka kut chu a rawn hum vang vang a. A mitmeng ah chuan min ngaihtuahna thuk tak ka hmu mek bawk.











"Ka tha lawm" ka la ti fan a, ka mittui erawh a tla lo chauh thung. Hmangaih tak te kiang ah chuan no alo awl duh em asin. Min ngaihtuahna aw ringawt pawh in min vel lo chauh chu ani sia a, ka harsat na zawng zawng ngaihtuah phei chuan!












"Lo kal teh le " tih pah chuan min pawt hnai in a awm lum vang vang ah chuan min kuah ta hlu hlu a, in lak pachan tum hle mahila ka tap lo thei lo ka chhungril atangin manganna thuk tak chuan min hnawh miau alawm. Nghet zet chuan kuah let in ka insut ta hraih a, ka nqtna zawng zawng kha min hneh thar riau bawk ni mai in ka hria.












"A tha vek dawn ania, a tha vek ang" tih pah chuan ka hnungah alo chul ve hlu hlu a, min ngaihtuahna aw te min hmangaihna kut te a engkim mai chuan min ti no zo a, ka u awm ngheng ngei mai chuan ka natna tam tak bun ruah tum ang chuan ka tap ta zawih zawih a!











Rei tawk fang chutianga kan inkuah hnu chuan ka awm hrang ve thei hram a. Ka mittui tla chu ka hru nghal mawlh mawlh bawk.










"Sawi tawh rawh le" tih pah chuan pepsi chu min rawn pe a, tlem lo in khalh khal in thawk kan la hmasa leh te te a, dik tak chuan ka sawi zak ve tho mahse ka u ani a amah lo rin leh tur dang an awm lo tih ka hria a engkim mai chu ka hrilh ta vek law law mai. Ka sawi lai chuan achangin ka thinrim a atangin ka mittui a tla thung, ka kut vuan in ka thusawi ngun zet in min lo ngaihthlak sak ve reng a, a hmelah chuan min ngaihtuahna mitmeng bak ka hmu lo thung.











Ka sawi zawh chuan ka thawl hawk maiin ka hria, ka zang a, mahse a tawp ka kharna erawh in min tina a kan thawnthu tawp nan chuan ka suangtuahna dan ani miah lo asin le!












"I chak tak zet, ka chhuang lutuk che" a lo tih sup chuan tah nuih hak in ka melh a, a sawi awmzia ka hriat miah loh vang ani pakhat. " I duhthusam emaw i thil duh ti tur a i ke i pen hmasa ngam hrim hrim pawh kha i huaisen tawk zia ka hria lawm, tuna i natna emaw harsatna pawh hi i tuar chhuak ngei ang, i u i kiangah ka awm bawk hi i mangan hun apiang ah i kiangah ka ding zel dawn alawm" tih pah chuan ka kut chu a hmui chuan a nawr si vang vang a. Mittui tling piau chuan ka lo nuih ve var var bawk. Kan naupan laia ka tah apiang in tihian ka kut min fawh sak ziah a, ' dam dam ' a ti ziah bawk.











" Thil pakhat ho te aw....... I tawrh hi ana tiraw ka tan lam nilo in i hmangaih ohhh....i duh ber mipa in a hliam che a, ani pawh khi hmangaihna a hliam tho anih khi nang chuan keimah belh tur leh innghahna tur ila nei a, ani chu mipa puitling ani tawh tah pui a in paih thawl chu tlawmah an la tawh a an chhungril in an tuar thung, an hliam anat viau phei chuan pawmlamah tihlan loh sen loh lai a awm thin bawk,a khawvel kha beisei tlak awm miah lo in a chhe miau a,a neih hlu ber 2 a chan bawk, ka sawi tum ber zawk chu in na ve ve a, inrem tak in awmdun thei ula in intih dam tawn theih ngei ka ring, mahse a thil phut erawh kha chu nupa innih hma loh chuan intih a ngai hauh lo" a ti leh dap dap a, a tawp lam erawh a sak talh mai.












Zawi muang chuan kan inkhalh haw ve leh ta dat dat a, khua a thim tan deuh ti tih tawh lehnghal. Kan tum aiin kan awm rei bawk nen kan chhungte chu an thinrim leh teh ang chu. Scooty chu min khalh tir ve hram a, a hnung atangin min lo venpui pah reng thung!











Kan kawt a ka din dat chuan a chhuk vat a, amah zawk chuan hung tha mawlh mawlh in kan inzui lut chho nghal mai bawk. Kawngka kan hawng chiah erawh parthi nen min lo hmuah em em chu beisei viau lo mahila hetiang em em chu kan beisei lo ve ve ang.











"In va rei em em ve!" Mama zawk chuan alo ti hluk a. Ka pa'n alo khap nghal vat bawk. An vai chuan sitting room ah an lo thu deuh thap a, min lo meuh khui hlawm bawk.











"Thanzel, i nau kha adam lo kan ti mawlh mawlh ani lawm ni, hetiang khawp a tlai ah rawn haw pui mah ta che" Min rawn pan paha Au Valpuia'n a tih leh vut chuan ka lo ner nang a. Ka pang a rawn dek nghal zat thung.











"Ka tha reng, scooty khalh ka dil tlat a ka tlan chak ngam leh si loh vang anih kha" ka lo tih chuan ka nu chuan ' chanchin tal min rawn hrilh tur alawm, min ti mangang hman lutuk ' tiin min lo khak dun nghal malh malh a. Ka pa in " inti fai ula chaw ei ang u" tiin alo ti tawp vat thung. Nui sawng in Au Zela'n hnunglam bathroom apan a kei choka bathroom lam ah ka lut bo ve nghal thuai thung. Ka nu in min hauh achang hian ka pa hian min chhan nan engtin tin emaw min tirh bo na tur min lo zawn pui vat zel a, min duat hlawm lutuk te hi chhungkua ti nuam tu ani, a hunah erawh a patling leh fu zel a, aman hmaichhan ngat a min hauh tawh phei chuan zawm loh chi loh reng reng.












Chaw ei lai te chuan ka nu chuan min la hau leh zat zat a, "I thinrimna chu chaw sa in kang dai rawh se" Au Zela'n a khat tawk a alo tih sek chuan a nuih loh theih loh, ka nu lah chuan engah mah a ngai der silo, au Zela lah in a sawi tawp duh bik silo, a tawp ah ka nu zawk in "Chaw dai anih hi kan ei" te chu ala ti kha kha a, ka pa ho in kan nui ta vek ringawt.












"Zela thiam loh tho tho ani chaw thleng kha sil rawh se" Mama'n chaw thleng seng paha alo tih chuan "Hnathawk a kal kan nia a khu si ka hritlang dawn aniang ka hrawk a ro lutuk a hnawng thei lo , ka sil peih bik lo" khuh lui kharh kharh pah chuan alo ti a. Mama te hmuh loh chuan min lo la siai zuk zuk zui.











"Keiman ka lo sil mai ang, va mu duai rawh" ka lo ti var a. "I hritlan kha keiman ka lo sil ang, dawhkan leh gas hi lo ti fai ula" Au Valpuia chuan rawn tiin apron a hreng nghal zat a, ti fuh inti zet in Au Zela chu nui sawngin room lamah a phei nghal hmak thung.










Mama'n dawhkan a hruk chhungin chawhmeh thing chhuanlum leh gas tih fai ka lo ti mawlh mawlh a, kan indaih bawk a, ka nu hian kan tet lai atanga min train vek ani bawk a han peih loh hranpa viau hi kan nei lo, mikhual kan neih erawh chuan a mawi ah tiin keimah hlir in ka sil thin. A tam thei si a ninawm theih lai ber.











Chhung inkhawm te kan hman zawh mahni room lamah theuh kan phei leh a, tih tur vak kan nei leh hlawm lo bawk nen dos patti khel in kan rak leh chul tawh, a changin bottle in kan in vaw leh tawk tawk zel bawk nen kan bengchheng ve leh viau tawh.










"Ka dang a ro vek" thaw halh halh pah chuan tiin ka ding nghal zat a, "Frige ah coke ka dah kha rawn keng phei rawh" Mama'n alo tih vat chuan ka phei nghal vat bawk. Ka nu leh pa chu U.S open en in an lo tang duh nasa leh tawh viau, an thut hnaih dan ah.










"Bawihte, Frige bula i phone dah kha nichin khan alo ri a, lak hman pawh ani lo an dah leh nghal daih a" Ka nu in alo tih chuan thlan hliam chuan ka bu nghat a, coke chu phawrh in a chhin ka hawng rawk rawk a ka in nghal khalh khalh bawk.











Mama thei hawn chu ka nu te eitur chu kan zai hmasa leh te te hnu chuan room lam pan tur chuan ka phei leh vat a, frige bula ka phone charge pawh chu ka ban nghal zat bawk. Room chhung a ka luh leh chuan wai wai hi an lo bawl ve rak rak a, an palian hlawm sia an eitur a te bawk sia a nuih zatthlak tawp.











" Taka Mam, enge min lo hawn?" thil ei tawlh tawlh chung chuan kan ti tha leh a, a zin vel emaw hian thil min lo hawn ziah a chah lo mahila min hawn ka ring ve leh ringawt.











"Thu in awih lo si, ka pe duh dawn che u emaw ni?" alo ti nui nui chuan kan hnaih nghal hrat hrat a, phakar min tih hmel zeta min en pah in an pathum chuan an han nui leh vel a. Min pe lo ang tih ka hlau ve ani mai a.











Kan ei zawh chuan a bag chu a han hai rawk rawk a, Au Zela nen chuan paper bag zawi chi a dum hian eng emaw hi min pe ve ve a. Au Valpuia en a ka en leh chuan ka zawhna a hrethiam nge "A dang ka hawn ka pe tawh " alo tih vut chuan ka lo nui var var a. Rang zet in a thil min pek chu ka phawrh nghal bawk.












"Awiiii" ka tum loh deuh anih vang chuan ka au deuh raih a. "Yesss" Au Zela chuan alo ti chul thung. Ka va en sak chuan England football jersey no.6 chu min lo hmuh lang va va a. Nui chung chuan ka ta chu ka hmuh ve vat a No.9 ngat leh nghal.











"Mam, a ori mi? ka van lawm" kan tih chul chuan alo nui ruh ruh duh chauh lehnghal.
"Nilo, 900 man chauh anih kha...a ori te chu sing chuang alawm, i u te hian chutiang leina man em em kan la thawk chhuak lo" nui sawng a Au Valpuia zawk in alo tih pawh chuan ka lawm tho tho a.
No.9 anih vang hrim hrim pawh hian.












"Naktuk ah thla kan la dawn nia, tlangah" Au Zela'n alo tih leh chuan U a te 2 lah chuan an lo phal lo nasa mai. An naute hi min la hrechiang lo em ni? Pachuau luhlul vek kan nih kha maw...












Dar 9 velah ka room lamah ka phei a, room 3 chauh kan nei bawk sia, mipa ho hi an awm ho vek a, room lian ber an changa kei mahni chauh ka ni thung nen a te ber hi ka chang ve thung.











Ka jersey thar chu ka wardrobe ah chuan ka khai lut nghal vang a, khum ah chuan bawk thlawp in ka phone chu ka khawi ve ta chauh. Hui.....hamm....phone ah lah hian rilru hahna tur bak awm lo, ka unau te bula awm rih hi ka tan atha ber rih ni maiin ka hria.










Ka awih thei lo zawk Zodinsanga miss call 7 ngawt zu awm a!!! Pakhat lah chu nichin mai ala ni zui.Ka nu sawi kha ani ngei ang! Call back pawh tum lo chuan whatsapp ah Kimkimi nen kan inbe ta daih a, ani pawh hi tihbuai chi loh thinlung hliam ve tho, ka nun khua hi a chau ve ta ruih mai.











Ka phone dah chuan a rei loh ah ka mu ta hmak a, ka lo muhil ve mai aniang ka phone ri bawk in min ti harh leh. Meng siar siar chuan ka en a, ka tum loh lutuk hming alan vang erawh chuan ka mit phone eng avanga thip zet chu phone chu khup thawk in ka chhing hmasa leh vang vang bawk. Lak loh mai ka duh laiin a tawp a, a rawn ri nawn leh zat thung.














"A tlai tawh em hi! Ka mu tawh" Hello pawh ti buai peih lo chuan ka ti nghal tawng a. A la rawn rum nghut zui. Mi mu tawh te biak tlat tum mai.











"I la muhil chuang hleinem" a rawn ti ve zat a, ngei zet chuan ka ner nang bawk. Zan rei rei a hetiang in min lo be ngai miah lo bawk, ka hnawl kha ala na nge min tihbuai tlat a tum ni! A ni aiin ka na daih zawk reng sia.











"I hre lo, ka dah dawn" ka ti nghal hmarh hmarh a, dah ka tum lai tak in a rawn tawng leh lawi si.Ninawm! Ruih a nei deuh emaw ni niah nuah chuan!












"Enge! Ka mut a chhuak ania" Zawi fiah zet chuan ka ti leh nghat a. Hriat theih mang silo hian a phun leh nuah nuah bawk. Ruih a nei chiang lutuk hepa hi! A mak e, hetiang ruihtheih thil ti ve em tur chuan ka phal lo asin, a hma a pa tha leh fel khawtlang leh kohran tana mi tangkai leh an ni tan pawh a an kut leh ke ber kha ti hian a hrang ta der mai si a, a thil tawn ka ngaihtuah hian ka khawngaih ve tho bawk si, mahse a thil min dil erawh mi pangngai tan thil awm leh mawi ah ka ngai silo.











"I hre thei em? hello hello" a rawn tih leh bul bul chuan "Aww....sawi vat rawh ka mut a chhuak" ka lo ti ve kha kha a. A nun tla bal , belh tur leh inghah ngamna nei lo lutuk te hi ka khawngaih em ani.











"Tinge min biak leh duh tawh miah loh a? Chuan.....Tunge tlai ami kha?" alo ti leh nuah nuah a, ka hriat miah loh laiin ka mittui alo tla fel der chu niin ka kut chuan ka hru vat vat bawk.











"I rui ami?" ka ti teh tlawng a, a tawng dan ah hian a rui tih chu hre chiang viau mahila ka ring phal lo lam mah ani.











"Aih.....ka rui lo, ka zawhna kha chhang phawt rawh, tunge i kal pui kha? Ka thin a rim bawk ania? Ka mu thei lo alawm" a rawn ti leh vut a. A buaithlak thin mange awwww....... Dah san dawn ringawt ila a tawrhna zo zai ka hria a sawi leh sawi hnu ka khawngaih viau lawi bawk sia ni.












"Ka u chiah Zela kha, Mask a vuah a i hre lo mai mai anih kha Zotui ah kan kal lawk a, a tlai tawh ania mu tawh rawh" ka ti let vat bawk. Han hauh chiam dawn in ruih nei hauh chu a sawt viau dawn in ka hre bawk silo.











"E.....Chuan ka zin dawn a enge ka lo hawn ang che?" aw zang vah hian a rawn ti leh sur sur a, a rui hi eng emaw ti zawng hian biak a nuam riau lehnghal.











"Khawnge i kal dawn a?" ka lo ti let ve zat a. Rui lo se chuan a zin dawn tih pawh ka hre tawp nang!












"Venpuii Birthday ania, kan lawm dawn a, enge ka lo hawn ang che" a tih leh chuan ka ka chih chiang hle. Ka mittui bawk an lo hnam leh tiam tiam bawk, a mak zo zai teh e! Min ti na em em tu hi ka la duh tlat mai chu nia! Nat nawn leh hi ka phu ngawih ngawih te pawh ani ve ta ngei ang.












"Engmah ngai lo ka dah dawn aw....ka mut a chhuak a" Tap teu chuan aw tih zangkhai tum in ka ti sap a. Ka chhungril ah chuan min hnawh leh tup tup tawh bawk. Nat inhuam in ka pan a ka na ta cheng a a hrehawm ka ti leh em em tho sia, inhuam ang ngawt hi ani lo chiang khawp mai.












"Cake ka lo hawn ang che aw" a rawn tih leh pawh chuan "Umm...muttui" tiin ka dah san ta daih a. Ka khumah chuan zangthal a mu in ka tap chhuak ta hak bawk. He mipa hi ka phu lo viau em ni! Ka ta tur a siam ani ve lo nge, kan khawvel hmasa ah ka tih sual te vangin hrehna ka tawk zawk!












Midangin an hriat hlau tak chuan ka tap hlap hlap a, hetiang khawp a chhungril tawt leh hrehawm hian ka la awm ngai lo bawk nen tawrh dan thiam a har ka ti takzet! Ka beidawng dawn tawh tak zet em ni!











● Ka duh aiin keipawn tlai ka inti Comment lamah pawh in fel hlawm si, in la fel zel dawn phei chuan kan induat thiam viau ang Muttui suk suk ule

[Ngaia]

Chapter - 10






Zan hun hrehawm tak ka hma chhawn leh ta chu nia. Ka tap tlai var ti tih ringawt bawk. Tah loh ngial ka tum a, thawk la in boruak te kan hip leh vang vang thin mahse ka mit atang hian tui alo chhuak zel bawk si. A hrehawm! Zinglamah chuan ka lo muhil ve ta hram a, ka room kawngka kik dawt dawt in min ti harh leh vat bawk. Phak chual chuan ka meng a, ka ka lah chu a ro hiam a, ka mit a thip hluar bawk.







Rizai a inkhuh thak chuan "Lo lut rawh" aw then kharh khar hnu chuan ka ti let var a. Kawngka chu an rawn hawng ve nghal zat bawk. A pen ri tang chuan Mama niin ka hria.







"Tinge i nuam lo deuh em ni? I va rawn tho chhuak har ve?" a rawn ti dut a. Ka khum bul ah chuan rawn phei in a rawn thu thla nghal dawt bawk."I khuasik leh mi? I va inkhuh nasa ve?" a rawn tih zawm leh zat bawk.






"Aih.....Nizanah Kimkimi ka ngai lutuk a, ka tap a, ka mit a bui vek a" ka ti let sap a. Ka thusawi chu a awih lo ang tih ka hlau zek zek a, ka lung a phu dat dat bawk.







"Chu i hmelchhe rih ni maw" nuih zat hmel zet alo tih chuan rizai chhanah chuan ka zu tlawh dawt a. Ala nui chhuak ta hawk hawk zui. Chimawm leh lutuk hlawm mai.






"Val senior, nupui te hi nei tawh rawh, anu pawn ati" la inkhuh reng chung chuan aw ka ti zang lui hram hram in ka ti leh zat zat a. A ke a rawn hmer chiam ringawt, ka lo te nghal that bawk. An lian si an kut thlak ana bik, an tiat pui ang hian min fiam a a nat zia chu e, keini ang hmeichhe der dep tan chuan.






"A na nia, Suala......Anu kha hrilh la chaw ka ei peih lo" ka tih chuan a lo rum deuh dat a. Chaw ei loh lah hi an phal ngai mang silo zingah phei chuan balhla mai mai pawh ei ka duh zawk feeeeee......






"Chaw ei loh mai mai loh tur kan tih kha, tho rawh le inti fai la, Zela kan kai tho anga kan ei thei tep ani mai" tih pah chuan a ding aniang khum chu a che dat mai. Ka thawh peih loh zia chu e....Ka nu in nula inni tawh thawh tlai ziah loh tur tih ang reng vel in min lo khak leh bawk anga! Thawh tlai tum hi chuan a hrang nasa ve thei ania.







"Mama tun tum chiah aw...Ka chak lo lutuk a, nakinah au Zela nen thil dang kan lo ei maia thil hrisel, tunah phei chuan ka khawsik ve deuh vang kha niang ka ka tui a reh a, chaw pawh ka chak lo" ka lo ti leh vat a. Mahni te in rizai hnuai ah chuan ka tawng zat zat sia, buaithlak thei. Ka hmelchhe ngawt ang a sawi ang tak in mit an bui tak tak hi chuan.







"Tlem tal pawh ei a tha sin" a phal loh ka rin laiin a rawn tih leh sup chuan ka lo thaw huai mai."Umm...chhun chaw kan lo ei ang thil dang ei lo in, tunah chuan ka chak rih lo rap, Au Zela kha hrilh la amah nen kinah kan ei mai ang" ka ti leh thuai thuai a. Au Zela hi chuan games khel in a mengrei a, zing thawh kan unau ah a hre lo ber. Chaw ei hman in a tho tawk a, a ei peih loh thin zia hria in ka sawi kep ani ringawt. Bakah keimah chauh chuan an phal lo mai thei a.







A chhuah hnu lawk chuan tho chhuak in darthlalang hma ah chuan ka va in en a, ka mit chu a bui lak tak tak mai, ka sam a thur bawk nen ka chhe tak zet. Rilru nuam zan lo chuan khum ah chuan ka let thla leh tawp a. Ngaihtuahna delete theih nei ila engmah hre lo ila tih te thleng chuan ka ngaihtuah leh tawh. Ka chhungte chu eng eng emaw tiin an chhuak bo ta duak in ka hria mama erawh a room lamah a awm thung.







Dar 11 velah Au Zela a lo kal chhut chhut a, chaw ei tura min lo sawm chuan ka tho chhuak ve vat a, chaw ei chu kan siam dun rawk dawk a mama pawh rawn chhuak zawk in min rawn ngaihven a, a lut ve leh thuai mai bawk.






"I muttui vak nange?" Nui sun sun a Au Zela'n a rawn tih chuan nuih let sak in ka thle bak a. Min zawt zui lem lo bawk, a hrethiam ani mai aniang chu. Bawkbawn bai thak tui zet chu a bel fai kel khawp in kan ei zo leh lawi a, sangha chhum te chu kan khawih lo hrim hrim. Kan ei kham chuan kan si dun hluam hluam ringawt.






Ka room ah chuan kan inzui phei hnak hnak a, khumah chuan thluang duai a mu in khum ku lam chu kan ngheng dun rial a, engmah min sawi pui tawh lo mobile legend kan khel dun mawp mawp ringawt. Ani Legend, kei Epic kan in zui dun ve rawl rawl mai.








Ni a ral a, Dinsanga erawh a reh hmak. Ka chhuak ngai lo bawk nen ani school kal baka chhuak ngai ta lo bawk chu inhmuh pawh kan inhmu ngai lo ani ber mai. Ni eng hnuai ah ka nui a, thla eng leh arsi hnuai ah erawh an danglam ang bawk in keipawh ka danglam leh thin.Kan in biak chhung kha a rei miah lo na chungin ka ngai a ka thlahlel ru bawk ka awmdan chu tlawm ka inti a, hneh let erawh harsa ka ti takzet.






Zankhat chu Au Valpuia'n an thawhpui te naute thar en tur in hawi harh nan min chhuahpui a, Bangla veng lam daih ni mahse haw har kan tum hran lo bawk a, ke in kan inzui ve ral ral mai. Kawngpui an mai anih vangin an inzawn kan han thlen chhoh chuan inchhung lam thawm chu alo ri nak nak a, kawng chho kal kan ni bawk a, a hahthlak ve det.







"Rei lo ang!" kan luh dawn chuan ka ti lawk thlap a, ani pawh alo bu ve nghut tho. Kan lut chu rin aiin mi an lo tam phian a, naupang nen an lo ri ve laih laih mai, nu valai deuh te chu choka lam ni awm takah titi khawm in an lo nui hak hak a, upa lam deuh leh pa ho chu sitting room lamah chuan naupang ho te nen chuan an lo awm nuai bawk.







"E, lo kal ru, in va fel ve" Choka tang hian a hmel chu ka hria a hming erawh ka hriat si loh nutling hian alo ti thuai a. Au Valpuia thianpa nu anih ka lo ring ve tawp mai.







"Nu Siam, ka nau anih hi, in va tam ve naute thar vang em ni?" ka u chuan alo ti ve var var a. Nu Siami lah chu a mitmeng zawng zawng nen a hlim hmel chu hmuh a nuam ve em em ringawt bawk.







"Nih hi, cake cut thleng awm ve ru aw, room lamah sawn an awm kha va lut ve mai rawh u" alo ti leh var var a. Nu te lampang fel at mai hi ani bawk nen a nui hmel chu hmuh a hrehawm hauh loh.







"Awle, Va en ve lawk ang hmiang" Au Valpuia'n a rawn tih sup chuan ka lo bu ve nghat a, room awmna lam chu min kawh hmuh in choka lamah bawk chuan a phei ve leh ta mai bawk.







A room min hrilh a kan luh chuan nula tlem leh naute nu leh pa ni awm tak chu an lo awm deuh thap a. Kan lut min hmu chu min lo chiau au vat bawk. Mama chuan naute en nan a kan ken naute kawr tur chu a pe ve vat a, naute chu khum chuan lo mut ve tawp in a muhil siar siar a, a no si a tep ve leh chap chap thin bawk nen a duhawm takzet.







Khum bula chair an dahah chuan Au Valpuia chu thu ve in an ti ti zawm.nghal zat a, kei erawh khum chungah chuan thu ve thawr in naute chu ka melh deuh chhen mai ani. Naute pianghlim hmuh a khat bawk nen a duhawm in a hmeltha tak zet ani.







"A hmeltha viau ami?" ka en deuh vang vang lai chuan naute nu khum lu ngheng a thu ve chuan a rawn ti sar sar a, ka melh chuan alo nui sang bawk. Naute han tal ve deuh leh che ve iak iak ka lo melh rei deuh ani ngei ang, kei tak ngial pawn hmuhnawm ka ti nia nu leh pa mit ah phei chuan hmangaih loh hi an har dawn em asin mahni ril a rah ngei ngei te hi zawng.







"Hmeltha lutuk, a chhun zawk che niang" ka lo tih let var chuan a rawn nui hak hak a, naute rawn che leh tual tual chuan ka melh leh thuai bawk. " Kar 3 chiah ala nia, Jacob anih kha, Lalruatmawia" alo tih leh var chuan nui chungin ka lo bu nghat nghat a, hming mawi tak anei ani.







Ka zun chhuah deuh avang chuan ka ding deuh hluai a, " Haw i duh tawh em ni?" Au Valpuia'n alo ti zat bawk. Ka chhan hma hma in naute pa zawk chuan " Ka la phal lo ania, cate te pawh in ei ve phawt loh te chuan" alo ti nghal vut a. Ka lo nui sun sun ringawt.







"Ka zun a chhuak a, khawnge bathroom hi a awm" Nui sanga ka tih chuan an han nui leh rih. "A ve leh thawr thawr thin che u hian nangni thian dun ve hi, Choka bulah khan a awm a, varanda dinglamah khan a awm bawk kha, i duh zawk zawk kha ni mai" an nu in alo ti ve zat chuan ka u te thian dun leh nula dang lo awm ve ta chu an nui ru tet tet a! Naute nu lah chuan engtin tin emaw a fiam zui reng bawk.







Room atanga ka chhuak phei chiah chu kawngka a lo lut mek te vang chuan ka ding leh rih. Hetah enge an rawn tih ve ringawt dawn? Ding a chet mai nachang hre lo a ka en reng lai chuan ka lam a rawn hawi phei ve zawk a, a hawi let thuai nangin a rawn hawi tha ngat thung! Min hmu chu a in beisei bik vak lo tih a mitmengah chuan alang chiang ve viau bawk. Mit zim sun hian min rawn melh deuh run run a, keipawh ka la ding reng. Nu Siami bawk in alo biak leh takah chuan an lam chu a hawi ve ta zawk a, a nu leh nu siami zawk chu an inbe mawlh mawlh a, keipawh ka pen phei ve ta chhat chhat bawk..







Naute en an rawn tum ve niang room awmna lai vel chu an rawn inkawh hmuh phei ve vat a, min lo melh leh run thin pa leh anu chu rawn phei ve in kan in tawk chu nu Sawmi (Dinsanga nu) chuan min han be khaw mawi ve leh rih a, a fapa hnaih duh loh mah nak alai a, ren run mai. A uap a na ropui si.







Kan in kalsan hnu chuan chak fe in pawn varanda lam ah chuan ka chhuak phei a, Choka lam chu nutling an tam si ka phei peih lo ta mai. Kawngka hawnga ka lut chiah chu tu emaw hian ka hnungah a rawn nam dawt dawt a, ka tlu thleh leh nghal. Bathroom chhungah chuan ka pai lut deuh nawk nawk a, kawngka inkalh ri ka hriat zawm zat chuan rang zet hian ka hawi let nghal a. Zodinsanga lo ding run anih chu!







"I mawl ami? ka tluk tep kha, bakah enge i rawn tih dawn ka zun a chhuak ania" ka ti nghal hlar a. A kekawr ipte zen hlun hian muk fe in min melh run anih chu. Nuam lo ka ti, ka zam ti tih der leh nghal mahse lan chhuah tir emaw ka zam zia hmuh tir ka tum hauh lo.






"Zodinsang!" ka zah duh tawh bik lo, vin deuh taka a hming pum ngat a ka koh hlar chuan alo rum nghut a, mit zim san hian minnla melh run thung! "Chhuak teh ka zun a chhuak ania" ka ti hlar a, a la che duh ik lo lehnghal.






"Va zung rawh, ka en lo ang che" alo tih sup chuan awih lo fe hian ka han melh a, mitmeng tak ngul hian min lo en run takah chuan thaw chhuak hawlh in rum fe hian ka melh chho ve chiam bawk.







"Mipa ka nih loh hi, vat... chhuak teh" ka lo ti leh hlak hlak a, a nui leh suk duh chauh. Ka ngei zia chu pui tak ani, hetiang khawp hian alo ngeiawm thiam ang tih hi ka ngaihtuah pha ngai miah lo. Tunah tak hi chuan ngam ngat ila chuan keh bawrh bawrh ka chak ber.







"Va zung rawh, ka lo en dawn lo che" nuih suk paha a tih zawh chuan min hnung chhawn ve vat a. Rum zet hian a hnung lam chu ka melh khai khai bawk.
Ka va zung awm hlei lo ani awm lai lai in.







"Ka duh bawk lo, chhuak mai rawh ka au vak ani mai" kan ti leh tawng a, a taksa che dat ah chuan a nui ve deuh emaw ni! Kei lah chuan a chezia chu ka lo ngei em em ringawt thung.







"A chhuak rih lo tihna" tih sup pah chuan rawn hawi let in min rawn hnaih deuh hrat a, kei erawh ngaihtuah hman lo in rangzet in ka tawlh hnung ve vat thung nangin ka hnungah thut phah hniam lo awm chu niin ka in pal buai a, ka tlu tur erawh min lo vuan ding hman vat thung. Min pawt ding zat in bathroom kawngka lamah chuan min nawr phei a, tak run in hnai zet ah min melh run bawk.






"Hey....kal teh, i à mi? Enge i hriat a?" ka lo ti leh hlar a, ka aw lah chu a bah deuh ti tih lehnghal.A hu hang na lutuk hi ani ber mai min tibuai vek thin hi.






"Kar 2 leh ni 4 kan inhmu tawh lo" alo tih sup chuan phawk fe hian ka melh chho a, chutiang chen chen chu maw lo ni ve leh der tawh a. Enge a rawn sawi chhuah kher sawi ngai pawh a awm chai silo, a thil phut ka hnawl vang kha em ni?








"Eng ...eng nge chu chu tangkai na?" ka lo ti let bauh a. Ka hmai si lo chauh hian a rawn kun thla deuh duk zui. Hnaih chilh zet a min melh phei chuan ka zam leh zual a, tilang lo hram hram tur erawh chuan ka inhum ruh nasa hle thung.






" Ka ngai deuh che in ka hria?" mit meng dul deuh raih a tih chuan ka lo nui lui hak a. Min rawn melh leh run in a tak tha leh tawh viau thung. Min ngai ang maw? Mipa hmeichhe hlutna hre miah lo tu, midang ngai pawimawh ve ngai miah lo tu hian min ngai anih chu! Ka awih lo! ni e ka awih hlawl lo, mahse he thu hi ni tam tak kalta khan vawikhat chauh pawh min hrilh se chu ka lawmna khan van chu tawng kher lo mahse a lei ai chuan a hniam bik hauh lo ang.







"Dawt sawi ringawt thin suh! Eng ang chiah in nge ka nat pui thin pawh i hriat loh kha!" ka ti nghal tawng a. Ka mittui rawn hnai ringawt chu duh lo in ka lo khap nghal fak fak bawk. Ani erawh in ka che zia chu ngun zet hian min lo melh run a, a mitmeng chu nidang ang lo tak in a dul ve riau in ka hria.








"A hma ka thil sawi vang anih chuan, ka tihpalh ani e, mahse khatiang kher ngai lo khan bul tanpui ah sawm ta che ila i pawm duh angem?" a rawn tih dut chuan awih lo zet hian ka melh a. Tinge ka kalsan dawn apiang hian ka beiseina beidawng duh silo hi a rawn tanpui ziah le, ka nat phah ziah thung si.







"I rui leh em ni? Mi pangngai khawsak hian khawsa ve teh!" ka lo ti nghat chu a run ve deuh aniang a rawn rum dat a. Muk fe hian mit zim san in min melh leh khui bawk.







"Ka rui hauh lo, ka mit hi en rawh ka fim zia i hria ang, ka thusawi kha ka ti mai mai lo bawk" a rawn tih deuh hrawk a. Ka chhungril chu kan inhnaih lutuk vang nge a ip chawih chawih thei hial, a thinrim leh ringawt em ni, pawisak anei bawk thin silo!







"Anih si chuan pawm tur che in min phut tihna em ni? Khang hun chhung zawnga i theihnghilh theih loh nu vang kha min ti na nawn leh bawk anga chumi bawk chu em ni ka hlawh chhuah leh dawn" ka ve ta hrak a. Kawngka bangah chuan min nam chilh deuh nghal rawk rawk mai. A chet dan ab chuan ka hlau lo ka tih chuan dawt hlang hlak ani ngei ang.







"Tawngkam duh tui lo viau thin suh" a ti nghut a, ka ban a hmer na chu a na viau bawk!







"Khanu i theihnghilh theih hunah chiah min lo pan dawn nia, ani a awm chhung chu ka pawm ngai lo ang che...." aw ki hniam deuh tak chang fak sia ka tih chuan rum nghut in ka khabe chu a kut lehlam chuan a rawn hmer chho a, ka na ti ang ziau chu min rawn fawp nghal chawt thung. Min fawh dan chu ka lo suangtuah leh thlakhlelh thin nen chuan lei leh van ang vel ani.Ka lu che kual tur lah chu a vuan bet tlat a, ka duh lo tal vel pawh chu pawisa miah lo in min fawp lui zel thung, tunah tak hi chuan a hma ka natna te kha chu nep te ani tawh, tun ami nen tehkhin hi chuan. Rei tawk fang min fawh luih chiam hnu ah chuan ka hmui chu fet leh fan fan in zawi muang hian min thla ve ta hram a, a maimi chhing nghal vang vang bawk.







Ka khabe a hmer na te chu ana ngut ngut mai, a rawn meng leh chiah pawh chu mittui tling deuh pam hian phe ruai in ka lo melh a, ka hmui dimna nei hauh lo a tih luihna hmanga min hneh lak chu ka kut phah chuan tuai thuak in, ka thaw hak bawk.






"Ka mit hmuh ah rawn inlan tawh suh ang che" tih sap pah chuan rilru na zet hian kawngka chu ka hawng a, ka ban a rawn vawn leh rual chiah chuan na zet hian ka lo phih thla hlawk bawk. Bathroom atang chuan chhuak in in chhungah chuan ka lut nghal hmak a, ka mittui rawn far zauh chu mi hmuh hlau tak chuan hru sawk sawk in thawk la leh te te in Au Valpuia te awmna room lamah chuan ka va phei a, kawng ka ka hawn rual chuan an lo la hawi thap zui.








"U, kan haw mai dawn mi? ka lu nuam chiah lo a" nui lui paha ka tih sap chuan a rawn ding nghal zat a, min ngaihtuah hmel fe in min rawn pan phei nghal zat bawk. Ka khuasik leh sik lo a en nge ka pang a rawn dek nghal thuai a, tap mai lo tur chuan insum tang tangin ka lo nui lui hram hram bawk.







"A va zia lo ve, na chhawkna te awm asin ei ta che" Naute nu chuan alo ti vat a, "A ngai chuang lo kan haw thla zawk ang" ka lo ti nghal vat bawk. Au Valpuia pawh chuan min ngaihtuah ve deuh aniang chhuk mai chu a rawt ta thuai a, naute pa chuan min rawn thla in an zo chhang kan te chu cake kan ei ve hman dawn silo a tiin min han bel lui ve chawt chawt a. Kawngka pui a kan chhuak tur leh Dinsanga rawn lut tur kan la intawk chiah zui, amah chu ding dat mahse kei erawh ka kaltlang vut a, Au Valpuia pawn min rawn um zui ve zat bawk.







In kan thlen chuan kan chhungte chu an lo la meng thap a, ka nu chuan min lo be sawm nghal thuai in kan kalna chanchin vel alo zawt nghal thuai a, Au Valpuia'n a chhan laiin kei erawh room lampanin ka phei nghal daih.






Khumah chuan bawk thlawp in tah insum zet chuan ka ka chuan thawk te kan la leh te te a, rei loh ah ka nu leh ka u te rawn lut in damdawi te min rawn pe leh rih. Ka nu in " I nuam lo viau em ni? Zanin chu ka lo riah pui ang che chu" a tih chuan ka lu ka lo thing vat a. Ka u te 3 an awm ve thup nen ka room a lian silo boruak an ti pik zual.







"Au Zela nen kan riak mai ang, tiraw, nang chu kawngna nei ini sia, ka mangchhe bawk nen a hrehawm lutuk ang" ka lo ti ve zat a, min hnial lutuk lo bawk nen mu tur in min chhuahsan ve leh thuai a, ka u te 3 erawh in min ngaihtuah fal leh viau tawh.






Au Zela chuan a blanket leh lukham va la in room kawngka chu a kalh thlap a, ka bula a rawn mut thlak rual rual chu a kawng ah chua lo kuah thawk in a awmah hmai ka phu zat a, midang hriat hlau zet chuan ka tap khur nghal zawih zawih bawk.Khatiang em em a tih duh ka ring miah lo asin, thu a sawi fel theih hi tinge tharum hmanga min tih thaih kher zel le!






"A na viau ami?" tihpah chuan Au Zela chuan ka lu ah alo chu leh hliau hliau thin a. Tawng pawh ka tawng tha thei lo ka tap hlap hlap ringawt. Ka hnungah te ka lu ah te chuan alo chul leh dalh dalh thin a, ka tah chhung zawng " Na chhawkna khan a chhawk vat ang che, i dam vat dawn ania" tiin min hnem pah reng bawk. Ka thil tawn kha sawi duh viau mahila tih chi ber erawh ani lo tih ka hria, kan unau hi chu thin butut nei kan ni a, Au Zela thinrim khaw hmulo in buaina lian zawk a thlen mai te pawh a hlauhawm.






"U.....a hrehawm e, kan pahnih in hmun hla deuh ah zin daih ang" ka rilru na lutuk zual pui ka tah reh ve deuh hnu chuan ka ti tham tiak a, a awm ka kuah beh mek che dat ah chuan a nui tih ka hre mai.






"Khawnge kan zin ang?" nuih zat hmel deuh hian alo ti ve leh a, " Hla deuh ani mai, anu te khua ah te pawh, putea te tlawh pahin ani mai a, kan chawlh lai ani bawk a" ka lo ti leh sap a, ka tah nasat vang nge ka aw a tham chhal a, ka hnar a ping viau bawk.






"Champhai ah maw.....Nang ber in i duh te chu naktukah kan dil dawn nia" tih sap pahin ka lu chu a hmui chuan a rawn nawr si vang vang a, eng eng emaw ho deuh deuh sawi a ka rilru tih hlim a tum pah reng bawk nen ka boruak hip pawh a zang ve leh ta deuh mai a. Kar lohah hriat loh kar in ka lo muhil ve ta mai a. Ka harh leh pawh chuan Au Zela awm ngheng chuan ka lo la mu reng bawk.






Ka tho chhuak tual tual a, ni engin ka tukverh a chhun ut a, boruak a thiang hmel kher mai. Ka phone chu banin dar zat ka en a, zing lam dar 7 alo ri dawn ruai tawh. Dah leh mai ka tum chu ka noti lang chuan min ti ding leh dat a, ka en chiang leh vat bawk.






Hah! A miss call vawi 3 lai alo awm ve nia! Ka block nghal lo a vannei. Whatsapp ah message alo hnut chhiah pawh chu hawng duh lo in chat list atang chuan ka delete hmak a. Ka be duh rih lo tunah tak hi chuan. Nizan a chet duh danah phei kha chuan ka haw rih ngawih ngawih mai ani.









Ka tho chhuak chu ka nu leh pa leh Mama an lo tho ve leh daih tawh chu niin eng nge ka an min lo zawt nghal thuai a. "Keimah bak tunge ka an vak ang" ka tih chuan an nuih ala za phian zui. Ka chhungte bulah hi chuan ka thlamuangin ka hahdam thin reng ani.







"Nu Au Zela nen hian zin in phal em? In khua ah, boruak dang deuh te hip ve ila ka zia mai ang kan lo tia" Chaw ei lai chuan ka ti chhuak sap a, ka chhungte chuan min melh he haw bawk.






"In chawlh lai ani bawk a, kei chuan ka hnial hran pa lo " Ka pa in alo tih ve sup chuan ka nui suk a. Ka pa in a phal miau chuan kan kal dawn sa tih ka chiang. Boruak thar hip ka mamawh tak zet ani. Hepa hi tlan bosan rih vang vang teh ang!






● Mi fel ho....Muttui leh vek ule, Comment lamah khan lo lang leh vek ula, in fel em kha aw...

[Ngaia]

Chapter - 11







Chhunah chuan ka nu in parda thui in sitting room ah chuan a inzam hnawk nuai a, kei lah pui thiam hek lo phone khawih in a bulah ka lo mu zawl zawl thung. A khawl hriau thil angaih changin ka lo pui ve vat a, a chang in lo pawh pui angai bawk nen. Ka U te ho erawh an chhuak bo leh duak tawh. Eng hna hna emaw hi an lo nei ve hman ziah.







"Nu, Champhai ah chuan Putea ten leilet an la nei ang tiraw" ka ti leh zat zat a. Ani pawh chuan tha deuh chuan an neih thu in min lo chhang ve mai bawk.






"Kar leh ah kan zin dawn sia lo kal ve la, i hmuh khat tawh awm si" ka ti leh zat zat a, alo nui mai mai thung. Ka nu hi Champhai khua daih niin ka pa hnathawk a a han awm laia in tawng an ni ve ngei a, chhungkaw lama harsatna hran a awm lo bawk a inneih thuai in ti hian helamah ka pa te khawlamah engtin tin emaw an rawn in post tir ve leh thei mai a, an khua nen a inhlat sia zin mai mai awlsam hek lo, angai ru ve thei tho in ka ring. A thisen zawmpui a chhungte awmna ani miau a.







"I à reuh mai mai sia maw, nula te i ni ve tawh a, sawi awm leh awm loh te hi thliar thiam la i u te hian an dawm reng thei dawn lo che tih te hi ngaihtuah la nangmaha in tun nun tum ve tlat ang che, nupui a chhia maw tha maw an hmu ve ngei anga tun ang reng hi an ni thei dawn lo ania, puitling tak te hian awm ve tum tawh rawh" a ti leh duah a, alangah ner ru nang nang mahila a dik ka tihna chen a awm tho. Kan tun hun chauh ngaihtuah thei kan ni lo a, kan hma lam hun pawh kan ngaihtuah tel angai tlat ani.







"Au Zela'n nupui ka nei lo ang a, kan pahnih in kan awm dun rak rak reng dawn nia ati" ka ti chiah chu min melh rum teh e....hahthlak min tih hmel deuh hian a thaw hak a, a sawi buai peih lo aniang a thil thui lai chu a thui zawm nghal daih. Ka ti tak tak miah lo ka fiam ve chak vang mai mai ania min han hau leh hlak hlak se han chhang der vel ila boruak ati nuam ve mai mai asin mawle.







"I U mama lah hi hna pangngai tak a nei tawh bawk a, nei ve tawh mai se tha ang" a tih leh zat chuan hmui ti pawrh tarh hian ka lo melh run a. Bialnu pawh nei hawt lo in engtin nge nupui a neih ang ni! An sawi rem sak te anih ngawt lo chuan.






"Bialnu pawh a nei bawk lo, hmeichhe lam hi a thin hrik emaw tih mai tur ani a hlau dui zawk nge mipa pawh ani lo aniang, amah hian dik loh na anei zawk........" ka tih khar khar lai chuan kawngka ah Mama ber chu a rawn lut vut a, ka tawng lai ka tawp chiang asin. Min rawn la melh zuk zui.
"Lalauthanzela em em hi chu..." melh ru deuh zak zak a, ka ti leh nang nang chuan ka nu ber chu alo nui ruh ruh a, Mama lah chuan filter tui in pahin min leh dun zak zak bawk.







"Khawnge i kal daih a? Anu hi lo pui la, ka room chinfel angai lutuk..." ti vut pah chuan ka ding zat a, min chhanna pawh nghak lo chuan room lam pan chuan ka kal phei nghal vang vang bawk. Ka tawng kha a rawn hre hman chiah lo ani ngei anga rawn hre hman se chuan! Min ngei ve viau ang.....






Ka room chu ka khawih ka khawih takah chuan chin tur alo tam phian leh nghal, ka unaute kawr alo awm thliah thluah lehnghal. Engtik laia an rawn dah nge mawni. Ka bed sheet chu thlak in kan su ngawt pek a , ni a chawhnu ruih tawh sia, naktuk ah bak a ro hman tawh awm tawp silo. Ka nu te room ah adang ka va la ve leh ringawt pek kha.






Inrinni zanah chuan ka nu leh pa chu inkhawm tur in an chhuaka, Au Zela leh U Valpuia an chhuak ve vut bawk, Mama nen chauh kan awm leh run tawh. Biak in dar a rik zawh vel chuan thleng kan ti fel ve chiah a, frige a ser chu la chhuak in ka bawl a, Ajino leh hmarcha ka telh teuh sia a tui a tui zia chu e.....Mahni te in choka ah chuan ka si leh hlap hlap thin, Mama rawn chhuak chuan min rawn nuih tet tet a, a tawp lam phei chu ka ui ei ani tawh, ka ei bang chu ka paih phal ngang lo. Ka bawl fuh ve ber tum aniang







"Ulgel emaw kha in rawh aw, i pum a na ang" a rawn ti sut a, si hlarh hlarh in ka lo bu nghat bawk. Ka beng thleng chuan zu han sa vek thei a.






"A tui lutuk ringawt, i ei ve duh lo vel a...." tiin plate ruak chu ka sil leh rak rak a. "Ka inbual lawk dawn ania, room ah tawm daih suh aw mi an lo kal ang" tih pah in room lamah ka phei a, tui ka tum sa chu ka chaw phei nal nal pah bawk. Hnung lamah bathroom ah chuan ka inbual ta rak rak a, inbual lai hian story ngaihthlak ka ching em em bawk. Chhun lamah chuan Pc hras ka ngaithla tlangpui a, zan lamah erawh a thawi pawn ka ngaithla ngam lo leh lawi thung.







Rei tawk fang ka inbuala hmeichhia hi chu neuh neuh kan lo nei bawk nen lu su miah lo chung pawn kan rei thawkhat thei viau. Ka inbual zawh chuan ka room ah rang zet in ka tlan lut rawk rawk a, ka ke chu a hit vek anih chu, vawt reuh lutuk mai. Ka taksa dang zawng zawng lum hma viau thin laiin ka ke ber hi vawt a tuar thei lo lutuk ka ti mai, a na vek thei. Ruah a sur dawn te hian alo hre lawk emaw tih tur hian a rawn zawi a alo na lawk thin hial. Na chhawkna ei ngai hial khawp a nat lai a awm laiin tih lum a a zia ve deuh chang pawh a awm ve thin tho.








Ka inthlak nghal mawlh mawlh a, shirt thawl hnek hnawk ha in kekawr lian lam deuh ka ha leh zar a, ka ke chu a nat mai loh nan hru hul vat vat in Chrismas mawza hmul thep thep chhah tha zet chu ka bun run bawk. Ke nat leh ai chuan ka duh fe zawk





Ka inchin phar mawlh mawlh lau chuan ka room kawngka an rawn kik leh kauh kauh a,
"Lo lut suh" ka lo ti chu Mama nui ri in a zawm nghal zat bawk.






"Inthlak thuai thuai rawh inleng i nei ania" a rawn tih leh dut chuan ka lo ner nang a. Khawi a inleng kawmthlang te emaw kawmchhak putar te bak ani lo ang. Mahse an inkhawm ve ka ring deuh bawk tho sia, mama lah kha a fiamthu hmel loh nasa sia.






Ka lu ka tih huh ve loh nana ka tuam na chu la thla vut in ka sam chu ka chul thuak thuak a, chhuat a fai tho tiin sliper ka bun leh peih lo, mawza nen chuan ka chhuak phei thauh thauh a. Ka nu chuan min hmu se min hau leh nasa ang chu.







"Enge i rawn tih dawn?" sitting room a lo thu run pa ka hmuh rual chuan ding dat in ka ti nghal hmuk a. Eng helh neih loh hmel zet in alo la thu thluang duai zui. Zan zan ah enge maw a rawn tih ve dawn ni.






"Nula ka rawn rim ve che" nui suk paha a rawn tih chuan ngei zet hian ka lo melh ralh a. Hmuh ka chak loh tum ber ani hial ang , hmani a khatianga min chet khum hrep hnu ah phei kha chuan. Kan in a alo kut ngam hrim hrim pawh hi ka ngei.






"Anih vel chu" ka lo tih leh hmak chuan a nui leh suk ringawt. "Lo in kawm ru, naupang paper en tur ka la ngah deuh sia, Dina leng ve reng rawh aw" Mama chuan choka atanga rawn chhuah phei pah hian a rawn ti nghal ngawt pek a. Rum zet a ka lo en chuan nui suk in a room ah min la luh san daih zui.







" Ding reng lo kha lo thu rawh" a rawn tih sup chuan a thutna ep chiah ah chuan amah melh rawm rawm in ka thu thla a. Amah ngaihsak lo anga lang thei ber tur chuan tv lam ka hawi san daih a, ka piah a remote chu la in ka channel duh ka hmet chhuak nghal zat bawk.







Ngawi reng in kan thu dun ve ngawt ngawt a, ka be peih lo a ani pawn sawi tur a hre bik lo ani chek ang chu. A huhang na zet avang chuan ka mit sir ralh ralh tho, ka awmdan chu ani tun mai, chhungril ah ka hah ve em em ringawt mai ani. Ani lah chu a ngawi run mai bawk si.







"Min ngaihsak ve la.." a rawn tih sup chuan ama lam pawh hawi chuang lo chuan ka ner nang a, min en run tih hre mahila ka en let ve duh hauh lo thung. Ka melh let ve chuan ka induhna leh ka chapo na te hian min phatsan mai ang tih ka hlau te pawh ani mahna.






"Bawihte, thingpui in pawh ka phu ve in ka hria" a rawn tih leh dut chuan ka melh rum ve ta ul a, alo la nui suk zui. Tunlai hi nge maw anuih tam thar ta viau ni. A chezia ngen ngul leh induh tawk ve taka awmdan a thiam lutuk te chu ka ngei hle bawk. Shirt var chung ah jumper hma phel a dum a ha a, jokey pant ha leh tawp in sneaker a bun leh thlup lawi a, ho lam viau mahse alang pa khup tho lawi si. Mama nen hian an intiat viau bawk in ka hria.






Mi ina leng ve ta chu tiin ner nang nangin choka ah ka va phei a, a thingpui tur ah chuan sazu tur ka telh zawk dawn emaw ni. Thingpui nen a ka let phei leh vut chuan min lo melh run a, site table te chu pawt chhuak in a bulah ka pawt phei a, thingpui chu ka dah thla vut a. Ka thutna lam bawk pan phei leh ka tum chu min lo pawt let nawk anih chu!






A bul a ka thut thlak dawt chuan rum zet in ka melh a, ngai pawimawh lo fe in min lo en run thung. Ngawi renga thawh leh mai ka tum chu ka kawngah a rawn vuan bet tung a, a malchunga min hlan chhoh nawk rual chuan duh lo in ka lo tal chiam a, min chelh hneh si ka tal chhuak lo chiang khawp mai. Ka u in kan thawm a hria ang tih ka hlau ve leh deuh bawk si nen ka ngei lutuk chu thawk ka la chiam a, chutah rum zet a ka melh thlak leh rual chuan min lo en chho ve run bawk.






"Min thlah teh" ka ti hlak a, nui suk chung a alu a thing chiah chu rum leh zual in ka theih pa tawp chuan ka melh a. Ka ngei lutuk chu tihlan dan pawh ka thiam nek lo, ka thluak a nu vek ti mai ang.






" Min thlah vat rawh, Ka u lo chhuak ange" seh chilh nak chuan ka ti nghat a, ka thinrim lutuk chu ka sa pup pup thei hial ani. Hetiang mai mai a hmeichhe awlsam ber ang maia tih kawi theih a min ngai hrim hrim pawh hi ka haw hluah hluah.






"Sawi duh ka nei a" alo tih dut chuan a dar ah chuan ka lo beng dat a, sawi duh a neih vang mai maia hetia chelh beh ka ngai lo. Bakah a awmdan hi ka duh lo, midang ngaihtuah reng chunga ka kianga hun hmang tur ngat phei chuan.






"Min dah thla rawh , tha deuh in kan sawi thei" ka ti leh hlak chuan muk ngul a min en in alu a thing na na a, ka ngei ngel ngul lutuk thinrim bawk si chu a samah chuan ka tham ta chiam a, a thinrim a kan inhauh chiam ka rin nen a rawn nui dat anih chu. Ka theih pa tawp ana chuan ka kek nawk nawk a, ner leh deuh nang nang thin mahse min tih let a tum hauh lo leh tha deuh a a dawh tawp mai chu ka lo ti thei leh pek lo, a ai a na leh zual a ka keh rual chiah chuan a rawn nui ri suk a, sofa ah chuan min bawhthla rawk a, ka au chhuak tur chiah chu ka hmui a rawn hup hmak bawk. A sam ka keh na chu ka lo thlah daih chu niin ka chunga rawn inbeng kangin a nui leh suk a.






Ka....ka awmdan chu, thinrim tur ka niin ka hre sia mahse ka zam daih! Ka lungphu ri dat dat chu ka tan chuan a ring lutuk lam mah ani. Ka mit a min en run na chu a thim tial tial a, a nui hmel a ral riai riai bawk zawi muangin a mit chuan ka hmai tlang chu a chhui thla zel a, ka hmui a a tawp chat rual chuan ka hmui chu chhung lamah ka tawm lut chawih a, nui leh dat in a rawn awm hniam leh run run lai chuan ka lo thel sawn vat a, a ti lui nge? Ka ngawngah a hmui chuan a rawn si run anih chu.






"Hei tho rawh....Ka... ka u lo chhuak ange" tiin a a dar ah chuan ka nem dat a. Min hanih lutuk vang nge ka khur ru ti tih lehnghal , ka tang teu a, ka thawk a chham mai dawnin ka hria. Ka nghawng zawn a a thawk lum ham ham te chuan ka in sehruh teu a, ka maimichhin chuan ka awmdan a man dawn in ka hre bawk si ka kut ka hum ruh viau ringawt.







Zawi muang chuan a tho chhuak ve ta hram a, a thu chhuak chiah chu rang zet chuan tho chhuak ve nghal in a thutna piah chiah a thut phah ah chuan insawn phei vat in amah pawh en duh tawh lo chuan lukham chu kuah in tv lam ka melh run ringawt.






"Sawi tur a tam ania, he lam lo hawi rawh" a rawn ti leh nghut tawh. Nichin maia a nui hmel kha a reh leh ta niang a aw a chang leh tawh emai. Tv lam ka en tlat chu tlawm thlak ka tih ve leh deuh si vangin alam chu kan hawi ve leh hnu hnawh. A mit ah chuan chiang zet in ka melh let a, a aw hriam leh hle tawh mahse a hmel erawh a dam thlup lawi.







"A tam vak pawh ka hre lo e a....Haw vat rawh" ka lo tih hlak chuan a rum deuh dat a. A thingpui chu min en san in a lang kanga , an in leh te te te chu ngei zet in ka lo melh leh hman tawh.







"Engkim bul tan tha ang, inrem siamna awm lo in, mipangngai angin" a thingpui inlai lem leh hlak pahin dawhkanah a dahthla a chiang zet hian min rawn melh leh nghal zat bawk. Nui lui sak in ka thle bak a, engah mah ngai lo tih hriat lutuk in min lo melh let run thung.






"Chuan" ka lo tih sap chuan min la en run run phawt a. Chutah " Nang leh kei chiah midang an awm lo ang" a rawn tih leh sup chuan chiang zet in ka lo melh kar a. Dawt sawi hmel emaw zam hmel a pu hran hauh lo, a thutak phian lehnghal.






"A nih ani ve kha, engtin nge ni dawn?" nui lui saka ngei awm lam lek lek a ka melh chuan a kut chu a jumper hak chhungah chuan a thun vut a. A thinrim leh ringawt emaw ni. Ka duh na ah chuan ngeiawm thiam ve tak ka ni nangin ka tih dik loh ah erawh tlawm ka thiam leh viau thung, mahse a mihring a zir pawh anih ve chang a awm lo thei lo.







"Sawi lang fo lo la tiraw? Ka duhdan ka hrilh tawh che a, thuthlukna pawh i siam vat ka beisei, ka hneh kher che i phut anih pawh ka hreh hauh lo" a ti leh nghut a. Chhan ka tum lai tak in Au Valpuia kawngka ah a rawn lut hlawl a, sitting room a tlangval ka lo thut pui vang nge a ding ve dat mai.







"Kan nula te i chu...." rawn tih sup pah in a rawn nui sang a. "Khawnge i kal a?" ka lo ti vat chu school lampangah pawimawh awm thu a sawi ve vat a. Dinsanga nen chuan inbe ve zawk in room alamah min phei san ve daih lehnghal.







Au Valpuia a luh rual chuan a rawn ding vut a, ka lo melh haw chu " Haw turin min duhna rei tawh bawk a, kan haw nge, ka thusawi kha theihnghilh lo la" a ti leh thluam a. Thlah pawh ka thlah chhuak peih ta lo. No chu sil in ka rem lut nghal a. A thusawi kha ka ngaihtuah neuh neuh a rin tur nge rin loh tur ka hrethiam hauh lo, rinlohna chu nei deuh thut thut mahila a hmel awmdan ka ngaihtuah in a thutak ve hmel ropui sia.






Ka nu te chu dar 9 velah an rawn haw ve hram a, an thiante in ah thingpui in in an lo peng kawi daih chu niin, Au Zela erawh alo la haw lehpek lo.






Ka mut hnu pawh chuan ka rilru zu kam tun reng a, ngaihtuah loh theih loh a awm dan a thiam lutuk te hi ka ngei zawk. Pawm dawn ila ani kha la theihnghilh miah lo ta se......Thlarau mai ni tawh ka thik tlat hi a awm lo pawh in ti mai thei mahse ka thik tlat na chhan chu maw amah a huhang leh sul hnu te ala ngah lutuk te hi ani ber ani vang ani vang tih a ri tel reng te hian ka induh tawkna a khawih che ve thei tlat. Theihnghilh hmin hmak turin ka beisei lo mahse kei aiin a pawimawh erawh ka phal lo ani ber.








"Nilai ni ah Aizawl phei ula, chuta tang chuan in chho tlang dawn nia, motor in rui hran lo bawk a, i putea te pawh ka hrilh tawh kha sumo vel pawh alo be fel dawn aniang, i pitei han zah thiam ula in biak thiam chuan a sual miah lo ania, han tawng leh phawr phawr lo ula upa te zah thiam hle ang che u" Sunday zing chaw ei lai chuan ka nu chuan ati a. Nizan vang kha nge kal a hma ang em em in ka phur leh tawh miah lo mahse ka lo sawi pawp ve lak lawh sia, ka kal tho erawh angaih hmel.








*Engtik nge min chhan dawn?* chhunah chuan a rawn text teh mial a. A duhna ah chuan a huam hap ve riau in ka hre ringawt pek. A thusawi pawh kha dawt pawh ni rih lo mahse ka la chhang awm lo, inngaihzawng tur chuan kan la inhrechiang lo deuh em? Hmanhmawh lutuk hi? tih lam vel ka ngaihtuah vel ta mai mai.







Rilru atanga paih chhuah dawn ve leh a a hre ve emaw tih mai tur in a hma aiin a rawn huam hap zual sawt a.......Hmelchhe lutuk





"Naktip ah kan zin dawn, ka lo leng hman tawh lo insiam ka ngai" Au Zela chuan ati lang lang a, awih lo zet in ka lo ner khum zui. Naktipa zin turin tuna len loh angaihna chhan ka hre lo, a thawmhnaw lah ama pack tur ala nilo zui.






"Ti tau ringawt suh! Rihdil tui ka lo hawn ang che, i hmai i phih anga i ngo zual sawt sawt dawn alawm" a tih leh chuan Au Valpuia sangha te rawh mek chu a rawn nui huk a. Lalthanzela at ve leh chhawn em em zia hi chu!





"Ninawm, ka lo leng ang dah rawh" a ngawih deuh vang vang hnu ah nin hmel zet a atih chhuah leh hmuk chuan au Valpuia nen chuan kan lo nui ruh ruh a, ani lah chu a ti tau emaw tih tur in a chet deuh hmawk hmawk hnu ah tum bur in a chhuah ve leh tak kha!






"Hepa mawl lutuk hi chu!" lu thing bak bak in Au Valpuia chuan a ti sup a, ka lo nui rah rah bawk. Tu nge maw a chhun bik ni. A bu delh deuh vang aniang ti dawn ila a bu delh ani lo nasa si.







*Nilai zanah ka lo kal dawn* Monday zan chuan a rawn ti leh phawng mai le. Call tak hian min rawn be meuh lo! Min rawn text changin a rul tawk te te in lo chhang mahila min lo be ve zel tho, a luhlul lutuk nge mawni zawk ni.





*Ka awm dawn lo* tih chauh ka thawn a, reh ngial hnu ah a rawn seen ve chauh! Mai mai hian bialpa dang hi neih khauh ila engtin nge min tih ang le? haha






*???* rih te....Hmela mai mai hi!






*Ka zin dawn, thla 2 vel cham in a nawm tak leh ka awm reng mai thei rih bawk* ka han ti teh duah a. A rilru tih buai ka chak vang ani pakhat! A buai phei zawng ka ring lo leh hnu hnawh pek! A va buaithlak tak....






Mahse





A call rawn lut zat avang chuan chhan awm miah lo in ka nui hak a! Really?






● A tawi nge thui pawh ka hre lo......Tak tak in online class nen phone kan en nasa lutuk a tunlai chu mit lam a hah nen lu a rit bur reng a, zawi muangin a sei leh tur ah ngai ang......Muttui leh vek ule....


~ Note ~

Chuan chuan.........Keimah chang ka ti dawn lo story ziak tam tak kan awm a, in story chhiar ho kha comment sak hram hram ula, thil harsa tak ani miah lo ania, reader ten writter tha tak in duh a, chutiang chher chhuak tu chu nangmahni innihna chen a awm ve bawk e.....In fel em kha, a tam thei ang ber comment sak ula an mahni ah phurna tam tak in siam sak anga chu tak chu an mamawh bawk....keipawh ka ni tho nia Like leh comment pek sak hram hram bawk ula like ringawt vanga phur thei viau te pawh an awm ania.....Mi fel ho

[Ngaia]

Chapter - 12




A ring char char nangin ka la duh lawk lo, engtin chiah nge a awm ka hre ve chak hrim hrim pah bawk. A ring tawp a, rei lo te ah a rawn ri leh nghal zat bawk. Ka nui chhuak hak a, engvang tak a nui nge ka nih chu ka hre lo mahse alang miau tlat ani.






"Hello" a ring rei fe hnu chuan ka lak sak ve ta hram a. A tawng mai dawn emaw? min rawn vin nghal tawng dawn emaw ka tia a ngawi leh rauh rauh lawi si?






"Hello, ka tawng i hre thei lo aniang ka dah dawn ka mu dawn" a thaw ri ka hriat tlat avang chuan kan ti nghal zung zung a, lung nih loh hmel zet a a rum ri in a zui nghal zat bawk. Mak thei nghut nghut teh e...





"I dah chuan in inah ka rawn kal ang" a rawn tih sup chuan ka lo ner nang a....Ti awm ang lo emai! Ka hnawh haw nghal loh emae kawngka ka va kalh nghal loh!






"I sawi duh sawi la, mut vat vat ka chak tawh ania" ka ti leh nghat a.Ka aw ka ti nem lo lui kual vel chu a run ve ngang nge a thaw deuh halh ringawt. A aw ka hre thei ringawt pawh hi ka tan a hlut bik zia hi a hre awm chai silo, hmeichhia chu kan no a kan duh tak te lakah phei chuan thlem kan sam thin an lo tih ang tak tak kha ka nei zo emaw ni!






"Kal lo mai rawh!" a rawn tih zawih ruih chuan a thaw pah hawk a, a chet zia tur mithla in ka mit ka chhing nghal vang vang bawk. Ka bialpa chu ni tawh se kal loh mai pawh ka hnial ka ring lo, mahse ka hlauthawng tlat rinna vawikhat a der thawn tawh chuan a ngai awh leh tur in hun tam tak amah thin, Miss Venpuii kha a pum in ala theihnghilh thei dawn miah lo tih ka hria, chuvang tak reng chuan ani aia kei min dah pawimawh zawk theih nan ka hlat san rih ngaiin ka hre mai ani. Ka awm loh chhung in amah ah danglamna a awm lo anih chuan ka thuthlukna tur chu ka chiang ngam hle bawk. Danglam a awm erawh chuan.....






"Chutianh a theih bawk lo e a, Au Zela nen naktip ah kan kal dawn" ka lo ti let nghal hlak a. Ka aw ka ram viau mahse ka chhungril tak erawh ani teuh lo.....





"I va sawi har ve!" te chu a rawn ti leh lawi a, ka hrilh ngaiin hre hek lo i....Bakah amah bawk hi a bul intan na tho ania, khatiang teh hrep khan min sawp chau lo se hetiang lam ka ngaihtuah bik awm tawp silo, a sual em em zia hi!






"Chuan!" a ngei tawk tur te chuan ka lo runluih ve tum hrang, nidang angin a ti hmuk hmuk tawh lo nang in a lawm hran pa hauh lo tih erawh a thaw lak danah chiang reng.





"Engtik nge in lo let dawn?" a rawn ti ta hmuk mai! A va chhe reuh tak.....Ka hrilh lo tawp dawn emaw ni, min tih thaih tum ang hrim a, tha deuh te hian min be ve hle hle se a fel duak thei mai tur! A fel leh lo ang, a sual emai....





"Nichinnnnnn ah ka sawi kha thla 2...." a ti dek dek chu a rawn rum leh nghut a. A thinrim tak tak emaw ni, ramsa ang mai rum dut dut zel mai, a hlauhawm thei phian si. Hetianga ka u te an rum ve nghut nghut ngai pawh ka hre lo e a!






"A tlem ber ah kar 1, i lo haw loh chuan ka rawn hruai ang che.." a rawn ti leh hmuk ringawt anih chu! thu min pe ve ringawt chu ngei zet hian ka benga phone chu la in ka hmai zawnah chuan ka melh hrawk ringawt a. Ka va ngei mai mai tak! A sawi vang hrim hrim hian thla 1 tal chu ka va cham awm eeeeee






"A teuh lo tlawh tur kan ngah lutuk, Zokhawthar ah te pawh kan la kal dawn..." ka lo ti let hlar a. Tha deuh hian kan inbe rei lo ve thei ngawt mai. A luhlul ve si, kei luhlul ve tho bawk, inrem hi a har ani.






"Naktuk zanah ka lo kal ....." a tih lai chuan ngeiawm chhuah in "Ka mut a chhuak, ka mu dawn nia, muttui" tiin ka dah ta daih a. A rum leh nghut ang chu alungawi meng tur khui tur te ngaihtuah chung chuan ka nui suk a. Ka phone chu switch off hmak in ka khum bula plug ah chuan ka charge nghal then bawk.








Zan dan zawng aiin ka la muttui phian zui. Zingah Au Zela ration buhfai la tur a an tir in meng bui lak in min rawn kai tho ve leh chhawng! Kal pui peih lo viau mahila min nghak run si, ka nu choka lam atang a alo au lung lung khat tawk bawk nen ti tau deuh ti tih in ka insiam sawk sawk a, buhfai bag keng ve ve in tum bur in kan in zui chhuak! A ni in anu ten an tirh avang in a ti tau kei amah vang ve thung in.







Step ah chuan inzui thla dat dat in kawng hrang kan pawh leh a, scooty nen chuan kal kual duah angaih vangin ke in a hnai tho bawk a kan kal mai zel. Ration lakna thlang lawk kawt zau tak concrete kawng sir lai kawng lo chin lei tual ah chuan naupang ho chu an lo in ball vawm nasa mai.





Lal Au Zela lah chuan "Lo chhan dawh rawh, kan tel ve lawk" ala ti tlat zui! Naupang ho nen chuan an au zui leng lung a, nichina tum bur pawh kha a reh leh vek tawh. An mau phel an suih hnum hlarh in rem tiang ar chu an vawm darh chhuai rual chuan an a vawm thlu tu lam pawl chu an tlan zui khut khut a, tual a khu si infiam reng reng ah a en tu lama tang tlat duh tih takah ho hi ka lo ti leh pek khawp.






Naupang ho tan erawh an naupan lai hun hlim taka an hmanna lai, inlungrual tak leh enghelh hre miah lo a an tual chai ve na anih vangin an tan chuan ala hlu viau ta ve ang!






Kan ration tur ka dawh lai chuan thlalama Au Zela te infiam chu ka zu au lang lang a, thlan hluam in a rawn chho ve vat bawk.
Kg 45 lai chu a pu nawlh a a kal pui nghal vawk vawk mai, keiin a hnungah ka lo zui chhet chhet thung.






In kan thlen chuan a inbual nghal vut a, kei erawh in ka nu eirawngbawl bulah ka awm a, min tir kat leh dawr dawr mai. Chaw ei lai chuan ka nu bawk chuan thlan tihfai angaih leh tawh rin thu chu a sawi deuh luam a, chrismass a kan tihfai bak kha kan la tifai leh miah ta lo tak, ka pi leh pu thlan hi a mawng lam deuh a awm avang hian tihfai ngun angai zual viau a, hnim zam alo awm ve hman sek bawk nen.






A chheh chhawl pahnih bawk min tir leh ta nghal, Au Zela chuan min rawn melh ruk a, ka pa in engmah a sawi loh vang chuan han hnial thlak dan vak avang bawk si, inah lah tih tur a awm a zeng pawh ani bawk silo nen! Kan thlanmual lah hi khaw pawn deuh lek lek a awm ani bawk nen a hla reuh si ka peih lo asin le!






"Ni e, infel kha va ti leh vat vat ula chhun thil lei na tur ka pe ang che u" ka pa chuan nui sun sun hian a rawn ti a. Ka nu chuan tul a tih hran loh hmel viau nangin engmah a sawi buai lem lo. Pawisa tal kan nei dawn a a tih zia tho mai.





"Mahse pa chawhnu lam angai ang, chaw hma in bike khawihsak lawk tur ka nei a" Au Zela'n a rawn tih chuan ka pa pawh chu abu nghat a!





Chawhma chhung zawng chu ka nu ka ti buai leh hi ani hawt mai, a pangpar min phun sawn tir ho chu ka keng chiah a zu tliak nghal zel a mawle, a then ka kut nal hauh silo in an han tla ringawt a, ka nu chuan min vin khar khar reng mai, ninawm phian lehnghal.





Dar 1 vel bawr ah au Zela te pawh chu rawn in peih in thil kan ei puar zawk zawk a, thlanmual lamah kan inphurh pheih tak vawk vawk kha. Kan thlanmual hi in tawp ber atang hian kawi 3 vel ah Gov't high school a awm a, chumi thlangah chuan tlan thlak leh in bung lian pui pui kar kawng ah chuan rei lo te tlan in alo in pharh duai tawh mai ani. High school nen hian a inhlat lem loh avang te pawh hi niang study camp tih ang pawh hi an nei ve ngai meuh lo. Chuan Zodinsanga thawhna ani ve luah bawk.






Au Zela chuan a bluetooth speaker te reuh te hum bo tham lek ah chuan hla a play ve dup dup a, a nin hnim lian zawk lo thlo thla in keiin thlan chung leh a zawl lai a bawlhlawh ho ka lo thian thung a, school lama naupang thawm pawh a hriat thei vuai vuai mai.






"Au Zel khulai thing lian deuh bulah khuan hmani a pitar thi kha lo ding ta run mai se..!" kan thlang lam miin thing phurh nana an hman thinna lam en thlak paha ka tih chuan "Het!" alo ti hluk a. Ka lo nuih pat pat thung. Kei hian thlahrang ka hlau viau emaw ka intia mahse kei aiin ala hlau ve leh chhawng thung, mipa ve si!






" A va fai chiang tak, apu te chu an lawm ngawt ang" kan tih fai zawh a ka tih leh chuan tur fe hian min rawn melh a, a huat hi ho thei sia.







"Pawisa i ngah tawh ngawt lo maw" ka tih chuan ka thutna bul cement a an zut mam bulah chuan rawn thu ve dat in tui chu a in leh khalh khalh a.






"Ngah mai mai lo" alo ti vut thung. Ve hler hlur hian. Kan inzui chho ve leh hnak hnak a, ni a sa bawk a kan thlan ve hluam mai, a lum nasa si, tlan thawt vawk vawk ka chak, tui sa ver vawr a inbual nen, tui vawt hi chu ka t(r)ih







"I khalh ve duh em?" scooty ti nung paha a tih chuan ka lu ka lo thing nak a. Ka peih rih teuh lo ni in min chhun nasa si ka chau. A hnungah chuan lawn in a dar ka vuan tung a.







High school mual kan thlen chhoh chuan school naupang pa 2 kal thla ngauh ngauh kan hmu hman thuak. High school gate kawt an two wheeler dah na lamah chuan an bike emaw chu a chhia maw ni teachers ni ngei tur ho chuan an lo din chilh ve ran hlawm a , Au Zela pawh chuan a hmu ve ni ngei tur ani "An chhia niang a, va en pui lawk ang hmiang" tih pah in gate lamah chuan a tlan phei hlek bawk.





An zawn kan din chuan min lo melh haw hlawm a, a then chu ka hre ve nial nual hlawm. "A chhia em ni?" Au Zela'n a tih vut chuan bike bula kun mek pakhat chu rawn hawi chhuak thuai in "E...a va tih zia ve, Zela min han en lawk mai teh, a nung hleithei tlat lo" alo ti nghal sawk sawk a. Teacher hmeichhe 3 lo ding ve tham te zinga 1 chu a inhnawih dum ka lo ti hmanhmawh, a hmei lah chu ka ngei chi, kan khua mi ni lo nge amah chiah ka hmelhriat loh an awm.







Scooty atang chuan chhuk in au Zela chuan an en pui thuai a, kei erawh apaih deuh dai hlim La ui (Lamkhuang) bulah thutna an siamah chuan ka va thu daih thung. Teacher thenkhat chuan an hawsan ta mai a, inhnawih dumi chauh chu a awm ve ta thung.






Au Zela chuan eng emaw a khawih rawj rawk reng a, bike neitupa nen chuan eng emaw an inhrilh mawlh mawlh pah bawk. School gate lama motor thawm avang chuan ka hawi phei vut a, Scorpio var fai zet chu a rawn tawlh chhuak ve mek bawk. A chhunga thu erawh ni in a chhun khalh deuh vang in ka hmu chiang thei lo thung.
Mahse tunge anih erahw ka chiang fu mai. Ka awm phu rang dat dat chu ka ngei teh e....ka thunun thei der silo.







Kan zawnah tak chuan ala rawn ding chawt zui.Ka lo melh ve kar lai chuan ķawngka hawngin a rawn pen chhuak nghal zat a, motor hel a a rawn pen phei chu ka lo melh reng bawk, tinge a chhiat loh theih em em le.....




T.shirt nghawng nei a dum leh var ha in kekawr vut buak rawng aha leh thlup a, puan pheikhawk dum nen ringawt pawh hian a nalh em em tho si anih hi.





"A chiang lo em ni?" a rawn tih vut chuan bike chu a melh run a, min la hmu lo nge min hmu lo der zawk hmel a hi!






"A nung thei lo a, hei tlangval hian min lo pui a!" nichina tum bur reng si inhnawih dum-i chuan nui sang in alo ti var a, Dinsanga bulah chuan a ding ve nghal zat bawk. Ka eng emaw ni ber hian a midang an ding chu amil leh ta lo, hmelchhe dun lutuk mai.






"Sir Zir, a siam theih hmel em?" a ti leh vut a, ngei zet in ka lo insiam chhe vel thung. Min la melh duh thak lo hmel a hi.





"Siam thei mai dawn in alang, hei Zela te unau hi an lo kal hlauh a" Bike neitupa chuan alo ti ve vat a. "A rei tawh lo ang" Au Zela chuan alo ti ve sup bawk. Chutah au Zela zawk chu a melh run a, ngaihtuah chhuak ni awm taka a rawn hawi chhuak chiah nen chuan kan min melh fuh ta chat mai. A ti der nge? Min hmu ve chiah angin zu awm thiam a, ngei zet in ka lo ner nak a, bike lam ka en san vut chuan a rum dat a. Ka mit sir in ka lampana a rawn kal chu ka hmu nghal zat bawk.






"Khawnge in kal?" ka bula rawn ding chuan ati sup a, midang lah chuan min ngaihsak lo hlawm si, nilo thip fe in inhnawihdum-i khan min lo la melh, aia upa te nilo se chuan ka melh let ve vak ang mawle!






"Thlan ah " amah ang chiah a bul chuan ka lo chhang ve nghat a. Kan inhnawih dumi lah chuan kan lak atang mit ala sawn duh chai lo zui, zanah hmu ta ila ka hlau ngawt ang , hmelchhe reuh si!







"Ka rual in haw rawh" bike lam en deuh run run a min rawn melh leh rual chuan ati sup a, ka duh teuh lo mai! A fal a kan awm apiangin phu hlum lo chauh in min siam ziah.






"Zela, i nau hi ka rual in a haw dawn ania in la rei hmel emai" ka chhan hma hma chuan ava ti nghal vut anih chuh! Ngei zet hian ka melh rawm rawm a, "A duh phawt chuan, kan la tlai hmel sia hei" Au Zela lah chuan alo la ti then zui.






"Kal ang le" min rawn chhuk melh run hian a ti vut a. Au Zela te lam ka va hawi chuan min lo ngaihsak chai silo, an bulah awm reng ta ila an siam rei phei chuan ka ning dawn nasa si, hepa rual a haw lah ka hreh ve tum hrang bawk si.






"Sir Din, keipawh inrual chuan ka lo haw ve mai ang, eirawngbawl te ka la ngai dawn sia" Inhnawih dum-i chuan alo ti ve vat a. Ve leh thawr a, ka ngei nghal em em ringawt mai bawk si. Bakah khawi venga awm ve ringawt nge maw anih ni!





"Ni e Sir Din, Miss kha phur mai teh min nghah reng chuan kan tlai viau mai thei sia" Bike neitupa chuan alo ti ve zat bawk.




"Ok, kal ang" ti vut in car lam a pan phei chuan chunu chuan rang zet in a zui phei ve vat a, an pahnih chauh a kal dun tur chu ka thik leh deuh emaw ni. Zawi muang chuan ka phei ve leh ta hna hna bawk. Kan mitmudum-i lah chu front seat ah ala thu hmak zui. Ngawi rengin kawngkhar hnung zawk chu ka pawt hawng a, ka khar lam emaw a ring ve dawt dawt khawp mai. Dinsanga lah chuan front mirror atang min rawn melh vut bawk.






Kan tlan chhuah atang chuan Mitmudum-i mawlh chu a tawng char char reng a, Dinsanga rawn thlen hma renga utawk hmuang ang mai a tum vuau si kha a ka pawh zen ila min seh lo ang tih hmel apu ta daih chu ka ei lo mai nilo ka ei lo sawm sarih pasarih!






"Mami pawl engzat nge i nih tawh?" Mitmudumi bawk in a rawn tih leh chuan pawnlam hawi chuan ka ner nanga, Mami pawh ka ni lo, min ngai naupang chhia nge min naupang chhe chei luih teh hrep ni. A hmaitlang hriam dan en reng reng in 3 zawha number kum a nei tawh tih hriat reng reng ani pawh.






"College ka zo chiah" ka chhungril nen inrem lo zet in ka lo ti ve sap a, ala nui har har te chu ka kek nawk chak.






"Naupang emaw ka ti dawn che lawm, rin ai chuan i u ve anih chu" tih pah chuan a nui sawng a."Khawhar in i kal tam hmel tawh khawp mai" tih ve zek chu chak viau mahila thil mawi ani bik bawk silo. Front mirror atangin pakhat lah chuan min rawn melh leh run thin a , rum zeta en in tukverh lamah ka hawi tau leh hmak thin.






Mitmudumi bawk in thil ho te te sawi in a nui ar ar reng a, a khat tawk a Zodinsanga'n a lo nuih pui ve suk suk te chu haw tak ka ni.






Kan inkawt a thlen chuan a dingdat a, pakhati lah chu ala thu vuau sia veng chhak lam ve tho emaw ni, hmelchhe dun lutuk mai. Kawngka hawngin ka chhuak zui zat a, na zet in ka khar lui dawt bawk. Engmah pawh sawi miah loin inah ka chho zui hmak a, kawngka ka hawn rual chiaha motor tlan chhuak ri chuan eng emaw ti tak hi min la ti thinrim em em zui!






"Khawnge i u? In va tlai ve rin aiin" Ka nu chuan choka tanga rawn chhuah phei pah hian a rawn ti vat a. Ka mood fuh lo sa nen tawng peih lo lai lai a.






"Bike chhia a siam pui lawk a, keimahin ka lo haw san mai, kan inbual hmasa lawk tuilum a awm em?" ka ti nghal zat a. A awm thu sawiin Mama a ko ve nghal zat bawk. Ka inbualna tui tur min siamsak tur a a tih lai chu room kawngka ka khar hma chuan ka hre hman zuai mai.






Kan inbual lai te chuan ka insawh tau leh nghawng nghawng zel a, ngaihtuah loh duh viau mahila rilru a alo lang tawh chuan rilru a chawk buai nghal vek zel bawk si.







"Ni in do rei si, va mu mai rawh chaw ei dawnah ka lo kai tho ang che, naktuk ah motor in chuang dawn bawk nen" Ka nu chuan ka inbual zawh chuan alo ti teh mial a. Naktukah dar 5 ngawt motor chuan hnu ah Champhai kan ban tlang leh dawn phei chuan a rei dawn lutuk, a va phur awm leh zawk zawk tawh lo tak.






Khum a ka mutthlak dawt rual chuan ka phone alo ri ve zat a, chawlh hahdam dawn ve leh! Ning zet a ban in screen ah chuan Dinsanga hming alo lang va va mai. Tlaia Mitmudum-i nen an haw dun bawk ka ngaihtuah chhuak leh a ngei zet in ka reject nghal hmak bawk.






Rei lo te ah a rawn ri leh zet a, ka va be awm hleilo tak! Reject leh hmak in ka switch off chhun zawm zat a, rizai chuan inkhuh hlun in mutthilh tum chuan ka chhing nghal daih bawk. Ngaihtuahna ah erawh hnawh bo theih loh ang mai.





Ning zet a ka leh ka leh hnu chuan ka lo muhil ve mai aniang, Au Valpuia'n chaw ei tur in min lo sawi harh a. Khua alo thim ve ruih tawh.





Chhung inkhawm rei lo te kan hman lai te chuan ka lo ham leh bai bai thin , ka nu lam ka va melh lah chuan min lo la melh rum em em zui, mut ala chhuak ve ani mai a.






Chaw ei kham kan inchin fel zawh chuan ka thawmhnaw siam turin room ah ka lut a, ka nu in Au Zela pawh a siam sak ve mek bawk. Hmeichhia hi zawng ka inkeng tam lo ang tih pawh hian laguage hi kar lohah alo khat ve hman ziah, a te ta thut emaw ni thin ni.






Ka insiam zo khuma zang thala ka mut thlak dawt chuan ka room kawngka a rawn ri ve zat bawk. Ka chawlh hun hi an va hre mai mai tak.





"Aww" ka ti let lang lang a, "I phone i off ami, kawngka lo hawng teh" Mama'n a rawn tih ve zat chuan zawi zet in ka tho chhuak phei ve leh hnak hnak bawk.
Kawngka ka hawng chiah chu nui vur vur in min lo la en zui, a phone chu ka lamah alo lek phei vah bawk.






"Enge a" ka tih zat chuan "Dinsanga, a be tlang thei lo che niang?" nuih zat hmel zet a a rawn tih leh chuan rum zet hian ka melh a, min nuih vut vur in amit ko chu chimawm zet hian min san khum auh auh pah bawk.






"I chhe lutuk, ka phone ka off alawm ka on dawn a duh leh ka phone ah min rawn be mai rawh se" tihpah chuan zam loh hmel zetin room lamah in hengin kawngka ka khar dawt a, ka kalh nghal hmak bawk. Mama nuih hawk hawk erawh ka la hre pha reng thung.






Hmela chuh!






Ka phone ka on hnu ah rei pawh rial lo in alo ri zawm zat a.La vat in "Nge ka u ilo phone kher a? Lerh -a" ka tih nghal chiam chuan a run leh ngang aniang lungnih loh hmel zet hian a rawn rum nghal nghut a. Ka ngei tlat!







"I phone off tawh miah suh" a rawn ti ve nghut chu ka run leh ngang mai. Thupek liana hi a!






"Ka thu thu tunah pawh ka ofd nghal loh" ka lo tih let hlar chuan "Zothanpui, naupang chhia viau suh" a rawn ti nghut a. Churingawt pawh chu ka run tawk a tling em em ringawt.






"Naupang alawm ka nih, bakah naktukah kan zin dawn si ka chau lutuk ang, ka dah dawn mut hma ka duh" ka ti nghal pang pang a. Chu erawh min chhang let har leh phian zui.






"Hey...ka tawng i hre thei em? Signal chhia maw ni, hey....i thaw ri ka hria nia, ka mu dawn ania" a thawk la ri ka hriat zawm zat avang chuan ka ti leh nghal zat a. Bakah Miss Mitmudumi a tih that dan teh hawr kha ka la ngei.







"Ka la ngai che sin le" min bia pawh ni ang lo a a rawn tih sup chuan ka ngawi chiang teh e. A aw a zawi in thupek emaw chang lam engmah a awm tawh lo nen ngaihthlak nuam leh dam dap a a rawn tih vang chuan ka ngawi ta rauh rauh ringawt. Sawi leh mai tur ka haih chham der.







● Sawi tur ka hre tawh lo......Muttui leh vek mai ule...E chuan, lehlawk Comment lamah khan information kan inpe thin a, lo chhiar thin ru aw... Chuan Dinsanga POV chu a rem chan hunah aw

Ads click thin in tlem sawt lutuk a, lo click ve leh tawh ula