SWEETHEART BY APUII TLAU (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SWEETHEART BY APUII TLAU (Completed)

Unread post by Ngaia » November 28th, 2021, 1:59 pm

Chapter - 25


Ka zing tho chu ka rit bur mai! Phone khawih tam loh deuh ka ngai ani, ka mit a thip hlur bawk nen, ka lu rit bawk awm ngaihna pawh min ti hre dawn lo.

Room ka chhuahsan phei chuan ka nu leh pa te pawh an lo tho leh diam tawh, tui lum an lo in mek a, kei erawh in țhingpui ka insiam leh hram, zing ka tui lo nen tui lum ringawt hi chu țha viau mahse ka peih meuh lo. Ka vannei asiam nge ruih theih thil lam emaw zuk leh hmuam lam hi ka ti lo tluk ani a, a hmingin Dildar ka ei ve mahse chu pawh ka nu hian dededeidei atia a ruk a ei deuh tho angai leh țhin a chang hi chuan!


"I pu in min lo bia a, Kumthar lam chu Champhai lamah kan han hmang ve dawn em maw ni dawn ni? In hmuh lohna te pawh a rei ve tawh a" Ka pa chuan chanchinbu dah thlak pah chuan a ti a. A hma a ka pu in a sawisa deuh avang in kei chuan mak ka ti lutuk hran lo. Tunah September thla tawp lam ani tawh a, la hla viau mahse eng emaw palh a awm loh nan alo sawi hma ve aniang


"Nia, a pawi pawh ka ti hran lo, an upa ve tawh deuh sia Mama te nen an inhmuh lohna te pawh a rei ve leh deuh tawh sia an ngai ve aniang" Ka nu pawh chuan alo ti ve a. Kei erawh in engmah lo sawi buai lem lo in thingpui ka lo in mial mial thung.


"Sachèk an siam tak kha kan la ve duh angem?" Ka pa chuan a rawn ti teh daih a. Min rawn melh pah bawk Sachèk hi chu ka duh ve hliam hliam bawk em ani, mahse țum khat ka ei sual deuh nge ka ei nasa lutuk ka pum in a zo leh silo a ka luak chiam tawh khata tang khan tlem in ka duh lutuk kha a zia ta deuh a, mahse ka la ei tho a awm tawk vel in ani ber ang chu.
Mahse tun țum erawh ka ei chak lo ve tawp ringawt ka ngaihtuah zawng te hian ka chhunglamah inhnawh a awm ka luak a chhuak ut ut zawk ni mah in ka hria,Sachèk ai chuan thil mawm leh thang lo lui lam ka ei chak daih zawk.


"Kei chu ka chak hran lo, sangha chhum kan nei tiraw kha kha tawk ka ti reng mahse AuZela ten an duh leh tho mai thei bawk a" ka ti niah niah a. A lo bu ve nghut mai bawk.


"Ka zu ngaihven ve lawk ange, no.2 vel tal chu Mama te unau in an duh leh dawn sia" tiin ka pa chuan a tuilum inruahna no chu tui dehna lamah a dah a, scooty chahbi ban in a chhuak ve nghal zat bawk.


"Va inphih harh la, kawngthlangah bahkhawr leh hmarcha te zu lo rawh, rawt tur pawh kan nei tawh lo" Ka nu chuan alo ti leh zung zung a. Mi tirh la hi nuam ati ve siah! A thu lo zawk ni ta fam chu kal leh hna hna ila ani mai alawm. "I u Zela pawh kha han kai tho nghal rawh, bathroom tui hi a haw țha thei tlat lo han en teh se" Room lam pana ka phei tur chu a lo ti leh zat a, Au Zela a tum leh nasa dawn mange.


An room pawn atang chuan kan au a, tuman min la chhang lo zui auh paha ka kik leh dawt dawt takah chuan au Valpuia'n min lo chhawm ve ta hram "Au Zela kha pipe check angai ati anu in lo tho rawh u" ka ti leh lang lang a. An rawn thawh tur thu sawiin keipawn ka hmai phih turin hnunglam bathroom ka pan phei leh hnak hnak bawk.


Kan inhnung lam huanah chuan ka chhuk leh hnak hnak a. Nula nih hi chuan kan la thu lo ve thei chiang e....ka nin ber erawh thingpui lum.........Ning ah pawh ning em em ber ka ni ang, hei kher hi chu ka hne ve vet vet lutuk. Kan inhi kawng an anih vang hian Sunday chhun lamah te eng eng emaw tih ni khua te hian an rawn len luhna ve ber ani sia thingpui te hi an hne ve hlwm lo emaw ni! Aaa mahse han sawi vak pawh a mawi lo leh si! Sawi leh lo mai ang....


Hmarcha chu ka pawt thla rual țhawt țhawt a, a zar a te reuh si ka ti tliak leh rem rum tawh, ka nu asa leh teh ang chu! A hriat loh tur chuan huan pal lamah chuan ka theh phei ve vat a, mahse a tliahna hnu hi thup ngaihna awm chuang silo, min hau leh ngei dawn anih hi a hriat hnu ah phei chuan! A bahkhawr hling nghah zet zet chu ka la leh a, zo purun kan tih mai hnah nei ang chi kha alo awm nual sia kan lak leh hram kha a tui em asin!


In ka han thlen chhoh leh chuan Au Zela pawh chawei dawhkan kil in alo țhu tum leh bur tawh, zingkara hmuh atan chuan a tum hmel hi chu a chhe ve emai, mood a ti chhe zual.Ka thil lak ho dawhkan a ka dah chuan "Va sil fai law law rawh" ka nu in alo ti leh zat a, hnial ngam hek lo i kan sil leh tak delh delh kha.


*In inkhawm banah min lo text rawh, ka lo kal ang* Dinsanga'n chaw ei hma a ka phone ka en leh chuan alo ti a, *Ok* tih zawngin ka reply.Ka pa Sachèk lei rawn haw hnu deuh lawkah chaw kan ei a, sachèk chu ka hmuh phat atangin ka luak ati chhuak ka ning! Luhai ruk nen...
Chaw ei kan siam pawh chuan ka lam hnaih lo ah ber chuan ka hung a, ka u te chuan an duh leh tliar tliar khawp mai kei erawh ka ban ik lo hrim hrim, ka hmuh ringawt pawh hian ka chaw ei ati tui lo, chhungril ah min hnawh țun mai.


"I pa Ruattea pa a hniam leh deuh ani awm e, nangni pawh tlangval te innih tawh kha beng var ula han leng ve ang che u, i nu nen pawn chawhnu lam programme hran kan nei lutuk lo bawk a kan han awm ve ang, mangan lai hi chuan eng ti thei lo mahila han lan ve te hian an thlate a muang ve thin ania, nangni pawh țhalai vengva zawk in nia na chang hriat tur ani ngai e" Ka pa chuan chaw ei lai chuan ati leh dap dap a. Pa Ruattea atih hi ka pu(Ka pa pa) unaupa fapa ani a, ka pa cousin anih ber chu kum 60 chho vel niin nikum kum tawp lam vel kha aniang an huanah alo lum hlauh mai a, khami hnu atang khan alo insawhna bawk nen ti hian khum bet in ana ta reng mai ani, pakhat in vil chawt angai reng a an buai ve thei hle bawk. Kan exam hma kha chuan azia ve deuh tawh kha an tia tunah erawh chuan an lo buai leh deuh anih dawn chu.


"Chhunlamah keimah ka han lang ve anga, zanlam hi hna khawih tur tlem azawng ka la nei a, Zela leh Valpuia hi han kal ve thung se, Ka zawh hunah keipawh a rem dan dan in ka han chho leh dawn nia" Mama pawh chuan alo ti ve thluam a. Ka pa pawh a bu ve nghat nghat bawk. Ka pa hian pianpui unau mipa dang aneih loh avang hian Pa Ruattea nen phei hi chuan an in unau zual em em a, a chhungril a mangang ve ru ang tih pawh ka hrethiam ve mai.


"Miaupuii chu tunlai a taksa a chak lo emai, hahdam deuh se naktuk zanlamah kan han lang ve zawk mai dawn nia" Mama chuan atih zawm leh zat a. Ni ve tho mai, ka mit leh ka lu nuam lo reng bawk nen ka peih meuh lo a ruk chuan.



Biak in dar a rawng rik tlang tlang chuan Inkhawm tur chuan kan in zui chhuak leh det det , Au Zela pawh a dan ngai te in a kal leh nal nal tawh, Ka nu leh pa an kal hma thei bawk nen kan unau thum in kan inzui chho ve leh det det mai. Inkhawm pawh kan pangngai leh fu mai, varanda lamah nau nawi pawm ho an awm bawk a an ri nasa rum rum thin khawp a, mahse a tha vek zel mai e.


Inkhawm ban hnu ah Au Valpuia ȚKP OB te inhmuh khawm an ngaih avangin a kal hrag leh a. Mama nen kan inzui haw, rei lo te ah ka nu leh pa pawh an rawn haw ve mai a tun țum chu tuman an rawn zui haw lo teh mial. "Zobawih, thingpui lo siam rawh kan in zawk zawk anga keini pawh i pa Ruattea te inlamah chuan kan chho mai ang" Ka pa chuan ati zung zung a, inthlak turin room lamah an lut phei nghal bawk. Keipawh inthlak hmasa lo chuan ka pheikhawk chu phelh vat vat in an thingpui tur chu ka chhuang ve vat a.Ka pa awmdan hmangah hian Pa Ruattea chu a țha vak lo tih ka hrethiam ve ruak mai, a nupui fanau te ka lainat lawk, pawisa lamah chuan an harsa lutuk hran lo nangin chhungkua a pa ber hmun ruak tawh tur chu a hrehawm ve ngawt ang. Keini ni ta ila ngaihtuahna ringawt pawh a ka ngaihtuah duh loh lam ber ani.


Thingpui an in leh zawk zawk hnu chuan an chhuak ve ta nghal a, a hnu lawkah mama pawh a rawn chhuak ve leh, min kalsan vek dawn anih hmel. Kal ve chu duh ru viau mahila Zodinsanga khan ka lo leng ang ati ve sia, bakah sawi fel loh kan ngah lutuk sawi fel vek rih angai. Mama chhuah hnu lawk chuan inkhawm kan ban tawh thu in ka han text leh a, sunday hi chu alum bik em em hian ka hre thin, a rawn thlen hma in ka intleuh leh zuai zuai a, dar 1 pelh hlek ah a rawn thleng ve mai bawk. Sitting room ah chuan inhnaih lem lo tak in kan han țhu nghal ngawt pek a.


"Khawnge midang?" ti sup in chiang zet hian min rawn melh a, a khabe hmul vel țo siar siar chuan atilang upa ve deuh in ka hria, a patling bik ka ti dawn nge mahse ati pa tho bawk si.


"Pa Ruattea apa unaupa kha a zual deuh a an kal, Au Zela chu ka hre lo,Au Valpuia ȚKP OB meeting an nei bawk a" Ka ti ve leh vat mai a. Ka țawnglai chuan min lo melh ve run bawk nen min ti awm nuam lo leh ringawt.


"Lo tawlh hnai rawh" a rawn ti dut a, ka melh khui a, a mit ko min san khum uk ringawt.


"Ti pawh hian kan inbe thei reng alawm" ka tih rual chuan amah zawk chuan min rawn hnaih nghal vut a, phawk lek lek a ka en chuan ani erawh hmel danglam apu hran lo.


"A lum ania, tlem in tawlh phei hlek teh" ka ti nàng nàng nangin tawlh sawn peih hmel pawh apu lo, a mitmeng a dul reuh sia, chau hmel te pawh apu. Chutah ka kawngah rawn dawm in amalchungah a sir zawnga thu tur in min hlang chho a, a chauh hmel em avang chuan ka tal buai hran lo mahse mi an lo kal thut ang tih chu ka hlau ru ve tho bawk si. Thutphah ngheng chhan chu ngheng dawtin a awmah min kuab bet nghal run a.


"Hey, mi an lo kal ange!" ka ti ve tak na in ka thusawi pawh hre hmel zu pu lova, a maimichhing daih bawk nen ava buaithlak thin tak!


"I dam lo mi? Damdawi i ei em?" ti nghal vut in a pang ka han dek a, alo dai diak lawi si. A taksa ah na dang anei zawk emaw ni?
"Dinsang, na i nei em ni? Damdawi ka lo lak ang che i eng nge na?" a awm atanga in la hrangin a hmel en tur chuan ka insiam rem a, ani pawh a rawn meng ve ruai bawk


"Na ka nei lo, ka chau deuh ani mai" a ti sup a, a thaw hle hle bawk. Na a neih siloh chuan chau damdawi a awm pawn ka hre silo engtia tih chi nge mawni?


"Ka lo hmet dawn che mi? Chau damdawi a awm silo a i zia mai ang a?" te chu kan ti ve sa sawi a chauh hmel zet hian min nuih suk ringawt.


"Ti hian reilo te awm hahdam lawk ila ka zia mai ang" a rawn ti leh sup a. A awmah min kuab bei lehnghal a, mi lo kal thur ka hlau bawk nen ka țang ru țun reng mai, ani erawh a thaw leh siai siai tawh thung.


Chutia rei vak lo kan awm hnu chuan a rawn harh leh peih ta deuh a, a hmelhmuh pawh anuam leh ta deuh, a mit erawh a sen deuh rum mai. Inti harh luih erawh a tum ve viau thung.


"I zia deuh ami?" ka lo tih vat chuan a nui lui deuh suk a, "Ka zia tawh viau" alo ti ve mai bawk.


"Zirlai chungchang kha mi kan sawi dawn?" ka tih chuan min en run run a, a lawm nge lawm lo tih ka hrethiam lo, a awmdan hi amak ngel ngul thei si!


"I duhthlanna ka zah sak ang che" a rawn tih tak sup ah chuan ka meng deuh uk a a mitmeng ah chuan dawt sawi hmel pawh ka hmu lo, "I ti tak tak tiraw?" ka aw a ka lawm zia chu a hriat theih ngei ka ring, a lu alo buk nghat chuan hlim zet hian ka nui var var a, rilru thlamuang deuh in tunah chuan ka nu leh pa duhdan ka zawm thei tawh dawn tihna. Lawmthu hrilh nan a biangah chuan ka han fawp vang vang a, alo nui ve suk bawk.


"Lalfel em em pa" inlak hranpa a ka tih leh kher chu ho a tih hmel viau nur nanga min lo en chuan ka lo nuih let sang thung. Ka rilru hahna ve zawng zawng min lak kiansak ani ringawt alawm.


"Mahse" a rawn tih leh vut chuan ka lo melh vat a, mitko ka lo san ak bawk. Ka hlim viau bawk a ka nui reng mai.


"Kei leh i zirlai lo ngaihsak dang i neih chuan ka lo hruai haw nghal ang che" a ti leh nghut tawh. A va hahthlak thin tak! Mahse pawi lo zirlai leh ani bak ngaihsak tur dang ka nei chuang lo. Ka lo bu nghat nghat chu ka nghawng hnunglamah rawn dawm in min kuai kun deuh a, am fahrana min han fawh leh tak kha! A duhthawh ve nasa thei sia, a zei bawk si ka thawk ati danglam vek zel hepa hi chu!
"Luh khung che pawh ka hreh dawn lo ania" min fawhna thlah ruala țhen lui sak paha a tih chuan ner nang nang in hnunglah ka eu vak a, ti mak thei emai!


"Engtia va awm nge in tum reng reng?" a rawn tih leh chuan "Ka pa chuan Au Zela nen inluah turin min tia, Au Zela hian machanic lam hi apangngai in zir se a duh deuh a, lehkha lam a tui fahran lo bawk nen chutiang vel chu niang" ka ti ve leh mai bawk.


"Thla tin ka lo tlawh che i duh em?" a rawn tih leh chuan ka nui chhuak hak a! Ani pawh anui ve tho, hna a nei bawk nen a thei lo sa miau alawm! "Ka duhdan ringawt kaltlang pui dawn ila chuan zir zawm tawh lo a inneih mai ka duh a" a rawn ti leh a, tlem in a thutak ve leh deuh tawh. "Mahse chutiang ani ngawt thei bik silo a, hna zawn erawh ka rem ti hran dawn lo ania, kan inneih nghal tawh ang" a ti leh dap dap a. Hnial pawh hnial lo in ka lo bu ve nghat nghat bawk. Inti tau rau lo a kan inrem thei pawh chu ka lawm hrim hrim e.


"Yess boss" salute pe zeuh a uang deuh tak a ka tih chuan a rawn nui chhuak ve hawk a, ka awm bawr a rawn țham tel hram pek kha!


Kan inrem thei chu a lawm ber ka ni hial ang ka nui hui reng mai ani.


*_______*_______*_______*_______*


Zanah chuan Kima te țhian ho pawh an dan ngai te in an rawn lang leh țham țham a, ka nu leh pa erawh an inkhawm a, Au Zela leh Au Valpuia Pa Ruattea te inlamah an han kal ve thung, an tlaivar mai thei ani.
Mama nen chauh kan awm bawk nangin room ah hna en tur in a awm bo leh daih a kan pa 6 chuan kan inkawm ve țham țham ta mai.


"MZU lam ah kal i tum ami?" Kima'n a rawn tih chuan ka lo bu ve mai a. Mahse Admission pawh kha Pa Ruattea hetiang ani ta sia tiin ka pa in Aizawl lama kan cousin te ho bia in min lo tihsak thei mai dawn a kan kal kher angai dawn lo thung.


"Kei chu Sipai ah ka tlan ve daih dawn emaw ni ka ti? Lehkha zir ve vak vak pawh tih thawh tur ka hre lo e a, bakah ka tui lo, Kan ram angah hi chuan teaching line bak kalna tur vak kan nei bawk silo" Papuia chuan alo ti ve nuah nuah a. A sawi dik ve tho mai.


"Journalist nih ka duh kei chu, Mizoram angah hi chuan politician ho an challang si a, Police ho lah an thuhnuai hneh mai sia Jounalist nih a mipui ho hriat a thudik tak puang chhuak tu nih ka duh" Zira'n alo tih ve leh thung chuan kan melh țhup a. Chutiang rilru ka thluak te reuh te ah hian a awm pha ve teuh lo mai.


"Abela police ani bawk anga, a ruk in min pui char char anga a țha dawn asin" kan melh țhup vang nge a rawn ti leh a. Abela pawh alo khi ve leh suk mai.


"Kei politician mifel ka lo ni ve thung ang" Thantea lah chuan alo ti ve hlut a inkhual te lem te pawh kan ang e a!


"A va țha hlawm kei misual" ka lo ti chuan kan nui vek tawp. Kan kum phu lo hian kan ngaihtuahna te hi ala ho ve mai sia maw!


"Thingpui te in ang u, Zira leh Thana kha ei tur zu lei ru, bawl hluai tur" tiin Kima chuan pawisa a pe a, lo ban vat in phur deuh in an inkuah chhuak ve leh ral ral mai.


Playing card an lo ken chu khel ho in kan ri leh lai lai tho, an nawi ve thei em a! Chutia kan lo nuih dar dar lai chuan kawngka lam a rawn ri rak a, Zodinsanga ngei mai chu a rawn pen lut ta mai! Chaw ei khama kan inbiak khan ka inkhawm dawn ka lo ti vel sia, ka mood chhiat thut vang in mahse tunah a rawn lut leh ta mai sia! Min melh no teh chiam lo, chhuat laia țhu in card kan lo hual tuau chu a en a a ner sak bawk.


Ka bula bawk hle hle Rex-a lah chuan engmah a hre ve leh der mai silo!


"I lo kal alaw?" bah deuh niai hian ka ti a. Min melh rum viau mai. Kima te țhian ho lah chuan Dinsanga mitmeng chu an hrethiam ve niang an tim ve dai hlawm.


"Nang hmu tur nilo in, Khawnge i u?" a ti hmuk a, nuam lo ka ti zual sawt!


"Ih...room ah" ka ti leh tawp a sawi mai tur pawh ka hre lo. Ka chiai vek ani ber e.


"Inkhawm leh rawh!" ti hmuk in Mama te room lampan chuan akal nghal vut a, min duatna mitmeng hmuh tur pakhatmah a mit ah khan a lang lo, a thinrim hle aniang! A hrehawm! Ka chhungril hi a tawt vek ni mai hian ka hria, va um zui duh viau mahila midang an awm ve țhup si thil tih chi lah ani bawk silo.


Tunlai ka mood inthlak nasat lutuk vang vek! Engvang a khatia lo sawi nge maw ka nih hrep ni!



*____* Ka mit ana ve lutuk a, luna ka nei reng bawk nen tunlai chu a sei hleithei lo, han chawlh tawp hi ka hreh ve leh deuh țhin sia, kan zawm leh mai dawn nia aw....Muttui suk suk vek u

#Ads i la click loh chuan lo click ve lawk la, a hnuaia milem khu aw, click zeuh a ni mai



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:59 pm

Chapter ~ 26



Bet lo zet in Kima te bulah chuan ka la țhu ve ran a, a khat tawk in room lam ka melh deuh sek bawk, anni lah chuan lo chhuah tik reng an nei dun bawk silo. Kima te ho lah chuan nuam an ti chiah tawh lo nge an țawng tam lua tawh bik lo, kei lah room chhunga lut mipa tum bur a ngawt kha ka la ngaihtuah.Han biaka han thlem dan ma ka hre lo lutuk te chu thawk te kan la halh ringawt thin a, engmah lah chu a sawt emaw a bo duak phah bawk silo.


"Inkhawm hi an va bang har em em?" Papuia'n a rawn tih takah chuan bang laia sana intar chu ka melh vata, dar 8 alo pel der tawh, an ban chu a hun ve reng tawh.


"Nia, an induhthawh deuh aniang" nui ruh ruha Thantea'n a tih chuan nuih na chhan tur ka hre ve miah lo nangin a țhiante dang ho chu an han nuipui ve țha hlawm a, țhi țhe hlawm hian.


"I u te kha thingpui te va pe ve la" Kima'n alo tih chuan chhuanlam țha tak aniin ka hria. Ka tho nghal vat chu min nui țha hlawm.Zah zel ah "In duh ve em?" te chu ka han ti khaw mawi leh a, nichin deuh lawk ah an in tawh reng sia.


Choka ah chuan lut phei in ka chhuang nghal rak rak a, dawhkana ka phone dah alo ri ve chiah bawk. Ka pa ani tih caller id ah chuan ka hre nghal a, rang zet in ka pick nghal bawk. "Aw...Pa"


"Hei, i pu Hminga motor in i pa Ruattea te in ah kan tlang lawk aw, kan lo haw har lo ang, kan han men pu ve zawk ange, i pu Hminga ho in kan rawn haw leh ang" a rawn ti nghal zung zung a, an bang har kha ka ti reng a, inkhawm țan hun ngaihtuah khan. Mahse a tha mai e, a unaupa neihchhun ve deuh kha ani miau a a ngaihtuah viau pawh hi a awm lo hran lo e.


"Imm pa, Lo chhoh(Chhauh) ve ngai em?" ka ti let nghal var a. Mipa hi zawng an harsatna tawrh te tilang ve nghal emaw hmeichhia te anga sawi nghal zung zung chi an ni lo a, ka pa pawh hi tiang chiah chuan a ruk tak hian a thlabar ru viau ang tih ka ring bawk, ka ni te ho lah kan khua ah an awm tawh bawk lo nen, Pa Ruattea nen hian an ni tlawng tawh mai sia, ka khawngaih ve leh chhawng hial ani.


"Ah! Angai hran lo e, mahse in kha lo enkawl fel la aw" a rawn ti ve a. A aw pawh a hniam ruih mai.Zantir lamah khan tlem khan a hniam leh deuh an ti bawk nen an rilru a chawl miah dawn silo a.


"Awle pa" ka tih hnu chuan a dah ta a. Han hnem chu duh viau mahila tiang hunah rak hian ka àt a chhuak leh tlat thin nge sawi mai tur ka hre ngai miah lo.


Thingpui sen hang ngei chawi chuan Mama te room lam chu ka pan a, kawngka zam zet a ka kik chuan Mama zawk in min lo chhawn nghal vat bawk. Kawngka hawnga ka luh chuan computer hma ah Dinsanga alo țhu a, a bul lawkah Mama'n paper ah thil alo ziak mawlh mawlh bawk.
Min hmuh chuan min lo hui vat a, Zodinsanga luhlula erawh in vawikhat min melh zawk bak min melh duh leh tawh miah lo.


"Thingpui" ka tih sap chuan Mama chuan ka dahna tur chu min lo kawh hmuh vat a, ka dah lai chuan Mama pawn a thil ziah lai chu a ziak leh mawlh mawlh a, Dinsanga chuan computer en chung chuan eng emaw alo sawi zauh zauh bawk. Kal nghal mai lo chuan Dinsanga hnungah chuan ka va dinga abul lawkah Mama a țhu bawk a a thil ziah pawh ka hmu nghal, a exam pek leh tur ami ani leh ngei ang, ka hrethiam ve teh chiam lo.


"Apa te Pa Ruattea te inah an tlang a, a zual leh deuh aniang" ka tih sap chuan Mama chuan min lo melh zawk a. "A va zia lo țhin, keini pawh kan ti zawk zawk anga kan chho ve nghal mai dawn nia" a ti nghal zung zung a, Paper ah chuan a ziah zawm leh nghal zat zat bawk. Room chhung ka luh tirh a min la melh tha duh miah lo pa chu engtia han thlem tur nge ka hrethiam lo tak zet. Han be nghal tawp dawn ila Mama ala awm ve kur nen kan in bak kah palh chuan a chi dawn loh lutuk bawk si.


Nghet zet chuan a dar lehlam ah chuan ka dawm a, hre awm ang pawn a awm lo! Min biak duh miau loh avang chuan ka chhuak leh hna hna a, nakinah ani tawh mai.


Kima te țhian ho nen bawk chuan kan inkawm leh ta vel mai mai a, fiamthu bak hi sawi tur an hre bik silo a, khawilama thik tlak mah an ni lo tih te hi hriat ve tur ania.Dar 10 rik hma deuh in anhaw ta dual a, Dinsanga erawh Mama room ah ala awm khar aniang, alo chhuak lai awm ka la hre lo.


Tukverh vel chu kalh fel zung zung in keipawh mu tur chuan ka insiam ta ngawt a, nakinah tlema a boruak hip a zia deuh hunah ka sawi fel pui leh thei mai ang, a ho emai a thinrim chhan, mahse a thinrimlai hmel ka mitthlah hian
ka chhungril ah hian nuam tih lohna erawh a bet ta reng thung.


"Mama, ka mutsan mai dawn che u aw" tiin luh pawh lut tawh lo chuan kawngka kik dat dat in ka au nghal a. "Awle, Muttui" tia mama'n min lo chhawn let takah chuan wish ve zauh in ka room lam ka pan san nghal ta bawk.


Mut dawn chuan rei ngial ka țawngtai ve a, tunlai tak hi țawngtai hi ka tui ve thar aniang sawi tur ka ngah thei khawp mai, mahse ka ning lo teh mial thung. Dinsanga min thlem sak tur a Pathian ka dil erawh ho ka ti leh hnuhnawh, ka zak ru chem chem bawk, ngaihtuah chiang mang lo a ka chham ngawt pek kha nia, ka sut leh tih theih ani tawh bawk silo, mahni in kan zak ru chem chem mai.


Khum ka deh rual in ka muhil nghal mai emaw ni, engmah ka hre zui lo. Ka hmai za mer mer chu ka kut chuan kan tuai thin a reh hleithei lo rei lo te ah a rawn za leh thin bawk nen muttui lai lai in, ka kut chuan ning zet a ka han tuai leh tur chiah chu eng emaw hi ka chelh fuh chat a, ka harh deuh ti tih nghal der hrethiam lo zet a ka thil chelh chu enge tia ka ham khawih kual chiam chuan! Lalpa,KUT!


Ka țe chhuak tur chiah chu ka ka kut tho hian a rawn hup leh thawk a, room chhung a thim vek bawk nen ka khur ti tih nghal,
Ka kut che thei lam zawk chuan ka han pawt nghal hrawk a, ani erawh a lo ru nghut thung. Ka kut a humna a thlah rual chiah in light a rawn eng khap a, khum atanga ka țhu chhuak hlawl leh Zodinsanga hmel rum eltiang kan inhma chhawn nghal zat. Ka tha khur an la reh mai silo, ka ngei bawk si chu ka inpet ruh țeu ringawt.


"E....e....enge i hriat a?" a tir lam bah deuh mahse a tawp lam erawh ka tawng ring thawkhat viau thung. Min ner khum sawk duh chauh te chu a hmaia ham nawk nawk ania ka duh ni! Bakah tun ang zan rei lamah enge ka room ah a rawn tih reng reng ni? A haw daih tawh tur hial ani tawh ang. Ka lukham bula ka dah ka phone chu ka ban nghal zat a, zinglam dar 2 lai alo ni tawh!


"Tinge i la awm? Haw rawh" ka ti leh nghal tawng chu duh loh hmel zet hian min rum khum nghut a, min melh nghal khui bawk.


"A țul ani mai, tho teh" a ti leh nghut a, ka khum atang chuan a ding chhuak nghal vut a, ka room lian lem lo tak chu a ti chep vek lehnghal in ka hria.


"Zanin kha min ngaidam tawh mi?" tia ka zawh chuan ami meng rum tak avang chuan ala hnai lo tih ka hrethiam nghal. Ka room ah te alo kal sia min ngaidam ve tawh mai emaw ka tia lawm."Tho vat rawh" ati leh nghut a, ning zet in ka thu chhuak ve mai bawk. Ka khum ah ka thu tum deuh bar a, ani pawh ka hm ah lungawilo hmel min hmuh run in ading ve mek bawk.


"Dawt i sawi a?" a rawn ti ta khauh a, kha thil ah kher kha chuan ka thiam loh hlawm tawp tih ka hria, chuvang chuan nuam lo ka ti leh hnuhnawh.


"Ih...kha chu...." ti dek dek paha ka han en lai chuan rum zet hian min lo la melh run a, ka sawi tur an bo nghal vek!


"Mipa dang i nuih pui hawr hawr ani lawm ni! Khawiah mah i inkhawm lul lo e" a rawn ti hmuk a, a ve teh duah chuan! A tawngkam nem lo zet vang nge ka ngei a ka inthiam lohna pawh a bo țhen nghal.


"Nuih pui hawr hawr e" a awki ang chiaha ka lo tih ve chuan min thin hrep a chak hmel kher mai.Min thinghrep na teh se nikhaw hre lo in ka tlu hmak ang!


"Ramluahi pawh hnaih i phallo a ka theih ang a nasa in keipawn ka peh hel, nang ve chu..." a tihlai chuan thildang a sawi ai zawngin chunu hming a rawn lam chuan min ti thin ur nasa zual, keimah ah hian fel lo a awm nge ka mood hi tunlai chu a chhe hlur bawk a hepa vang vek hi aniang.


"Chu a bula awm i va chak hmel ve?" ka tih let sak chuan min ei zo vek duh hmel a pu!
"Sawi harh che i ngai em ni? Ruih te hi i nei zawk ani lo maw?" tih nghut pahin ka hmai zawnah a rawn kun hniam zui zat a, min melh nghal khui khui leh hnu ah chiang zet in min melh leh vung vung bawk.


"Thaw teh!" rei vak lo hnu ah arawn ti leh nghut a, a va thu lo ber tak! "Ka thu thu!" ka tih hlar chuan a nui ta suk zanin a a vawikhat nan aniang. "Anih! thawtawh suh le" a rawn tihleh chuan ka hawi tau hmak a,.a nui zui tih erawh ka hria.



"Vanlalthuber, i thu sawi a kawi angil a zawm tur ka ni e, kei i chhiah hlawh, khatia ka sawi i ring em ni? a teuh lo mai thu min pe tawh suh!" ka ti nghat chuan min melh leh run run tawh.


"Engvanga dawt min hrilh maw i nih a?" a rawn tih leh hmuk tak ah chuan sawi tur a lawi ka nei lo.Ni e kha ka mood chhe lutuk vang vek kha.


"Ka hre bik nang" ka tih chuan awih loh hmel zet hian a meng leh khui a, "A ni tak tak! Ka ngei thut che" ka tih chuan a lawm loh hmel na ngiang mai.


"Engvang chuan maw min ngei ngawt? Naupang chhia deuh in awm tawh suh" a ti leh hmuk a, a va hahthlak thei ber bur thin tak.


"Hmeichhia te chuan kan period dawn te lai te hian mood swing kan nei nasa lawm, lo tuar dai ve mai rawh"


"A hahthlak emai! Mi lo maha chauh nak alaiin" a ti leh nghut nghut a, a thinrim lutuk tawh lo nangin ka be tha duh lo kha ka mood swing kha a haw ta ber maiin ka hria.


"Va insiam rawh" a rawn ti leh hmuk a, tun ang zing dar 2 vel ah hian! Awih lo zet a kamelh chu min lo melh thu tak fu. "Ti maw?" ka ti hau a. Chutah tlem a dam deuh zawk hian " I pa Ruattea kha a zual deuh a ani awm e, i chhungte pawh an awm vek , i u pawh a chho tawh" a tih zawm leh zat a, ka khur ti tih ringawt lehnghal, hetianh hian an zualko thin ani lawm ni. Khur ru deuh dar dar a hmanhmawh ru sia ka insiam lai chuan information mike atangin kan khawtlangin chhiat kan tawh thu an rawn puang leh zat a, ka che lai pawh ka tawp chat mai. Chutah ka pa hmel ka mitthla ah a rawn lang nghal, Pa Ruattea nupui leh fate pawh ka khawngaih takzet!


"Insiam thuai thuai rawh le" tihpaha ka hnunga duat zeta rawn chul tu chu ka melh zauh a, ka mittui a hnai kuar bawk. Pa Ruattea hi ka pa mizia nen an dang lo ang tluk vel ani a, mahse ka pa aiin a tawng tlem thung, tawng tlem viah e tilo hian mi hian an ngaina thei em em a, a tlawmngai thei em em bawk si.


"Le, insiam vat vat la, i chhungte kianga i din ve angai ania" Dinsanga bawk in a rawn tihleh chuan thaw ka la hak hak a, ka mittui rawn luang chu tuai thuak in ka nui lui sak a, ka insiam nghal zung zung bawk.


Mitthi in kan thlen chuan thalai ho an lo awm leh fer fur tawh a , an inchhung chu lo ti ruak vek in thutna an hung luh ho chu alo khat deuh ti tih der tawh bawk.Mizo te tlawmngaihna tak ani thin ani ngei e lusunna kawng hi zawng. Pa Ruattea nupui țap rawih rawih chuan ka benga luh hle chhunlam kan chan tawh miau loh avangin varanda ah chuan kan țhu ve khar a, thawk a zing khawp mai, a fate lah sawi tur ber hre lo in an tap tlawk tlawk mai si.


Dinsanga lah chuan mipa dang tih ang lo takin ka bulah athu ve run a, tu mitmei mah veng hran lo in ka kut vawt ther chu a vuan run a, a maimichhing tlat thung." I tha em?" ka va ti sap a. A mitmeng a dul em atin ni zanin kha. Au Mama nen he tah an lo kal ve daih a, in ah khan mahni chauh a min hnut chhiah hnu ah Pa Ruattea a zual leh tak thut avangin Mama lah buaipui tur neuh neuh alo awm bawk nen min hruai turin all tir tawp mai anih awm chu!


"Tha, mahse ka mut a chhuak" alo ti nghut a, a mitmeng mawlh chu mut a thlahlel ngawih ngawih tih a hriat.Chutih lai tak chuan inchhunglam chu a ri dup a, minpui an thum nghal hak bawk. En chian tuma ka ding ve chiah chu tlangval ho chuan min rawn tlan pel in an rawn lut huk huk a, phawk deuh fe a ka thutna ngaia thu leh tawp paha kawngka lam ka lo en vung vung lai chuan ! Nilo!


Ka Pa, Min hringtupa ngei mai chu an rawn zawn chhuak anih chu!, a hnung ah ka nu chu Au Zela'n dawm in tap hlawp hlawp in a rawn zui bawk! Engthil nge thleng hi????..


"Pa!" ti nghal ruai a ka ding tur chu Dinsanga bawk chuan min lo chelh nghal vut a, ka tal zui nghal chiam bawk. Ka pa kan neih chhun teh meuh mai hmel dang vur mai leh taksa zawi nghiai an rawn zawn chhuak ka hmuh chuan ka inthunun thei ngang lo.


"Zodinsang, min thlah rawh" kan bula w tu te mah ka ngaihtuah si se thei tawh lo, aw khur hlak hlak chuan ka ti chhuak hrawk a, ka pa an zawm phei mek chu melh in ka mittui a luang nghal zung zung bawk.


"In beng dai hmasa rawh, a tha leh vek dawn ania" ka hriattham leka ka beng a a rawn phun sup sup lai pawh chuan ka pa motor a an dah luh lai mawlh chuka melh reng , ka mittui a luang zawih zawih bawk.


"Pa, Pa, Min kalsan miah suh aw" tiin chhungril in ka au zui lawm lawm a ni ber e.


"Dinsang, Ka pa bulah min hruai rawh" tiin zah pawh dawn lo in ahmaah chuan ka tap nghal hlap hlap a, khawngaih hmel zeta min lo melh te chuan ka tah a chhuak zual sawt bawk. Ka nu te pawn min ngaihsak hman lo, tu motor ah ber nge an zui ve daih a, keiin kal ve duh si in mangang zet in Dinsanga ka melh pah bawk.


"A tha e, bang phawt la" a tih sup chuan ka pa kianga ka awm theihna tur in rang zet chuan ka mittui ka tuai hul sawk sawk a, min rawn kai vut in a scorpio var ah ngei mai chuan min țhut luh luih tir ta nghal a...


Haulawng PHC lamah an lo va tlanpui chu niin hlauthawng zet in ka khut chu ka hmer ngawt ngawt a, thil tha lo a thlen mawlh ka hlau, ngaihtuahna lah chuan ni ta se emaw thleng ta se tih lampang ngawt a hawi a, tah duh viau lo mahila mahni hringtupa ngei engmah hre lo a tlu reng ka mitthla a rawn lan hian ka mittui ka dang zo ngang lo ani.


PHC kawt kan thlen chuan rang zet in ka chhuk vat a, Damdawiin lamah chuan hmanhmawh zet in ka pen phei nghal hlawk hlawk bawk.


Dawmdawiin chhung ka tlan luh phei chuan ka pa an dahna lam ni awm tak an ri huk na lamah chuan ka phei vat a, khumah chuan lo mut in nurse chuan alo chiu mawlh mawlh bawk. Mangang zet a ka pem luh ve lai chuan Mama chuan min rawn hmu vat in ka darah min rawn kuah nghal vat a, ka insut nghal hraih bawk, mahni pa te ngei damdawiin khum a engmah hre lo tih hriat taka mu han hmuh chuan ka na a, ka hlauthawng bawk. A bula ka nu ka pa hnaih taka țhu ka hmuh te chuan ka hnuk te a ti ulh zual sauh bawk. Ka nu erawh Au Zela leh au Valpuia'n an dawm ran thung.


"A taksa chau thut a tlu nih kha, a hlauhawm tawh hran lo ania, a bp sang lo chhuak ve deuh aniang" a ti sup a.Tlem in ka hlauthawng lutukpawh ka zia ve ta deuh. Ka mittui erawh alo tla leh hman der tawh thung.


"Mamawh te in nei angem?" kan dinna hnunglam atanga Dinsanga'n a rawn tih dut chuan alu alo thing vat a. "Kan riah ka ring hran lo, ti hian damdawi te an pe a tlem chuan a rawn zia chho mai ang, bakah Pa Ruattea thlah loh kha a duh dawn lo a" tiin Mama chuan alo sawi nghal zung zung a, Zodinsanga chuan alu a buk khum leh ngawt pek aniang a tawng ri hriat tur a awm lo.


"Mama midang nen hian lo ve phei hmasa ula, mitthi inlamah an mamawh zawk ang che u, keini lam chu hei kan that hi a zia chho dawn tawh ang" Au Valpuia'n patling tak a alo tih ve takah chuan Mama pawh chu a ngawi rauh rauh a, chumi hnu chuan min kuahna chu phelh in midang ho nen chuan zawi muangin min pheisan leh ta a, Zodinsanga erawh ka hnunglawkah min si deuh chet in a rawn ding leh khup tawh.


"In tur eng emaw kan la ange?" tia Au Zela a thawh chhuah takah chuan ka lo thaw huai a, zinglam pang mah ani tawh bawk nen ka ril a tam leh ruk ruk tawh. In tur lei chhang tlem a rawn keng phei a, chhang chu a tam loh avangin a hmeichhe pahnih chu min han khek a, midang tumah ward ah chuan an awm lo bawk.


"A sa em?" ka chhungte mitmei lam hi a care ve teh chiam silo a, Ka u te pahnih in min rawn melh nghal zawk aniang an hawisawn lai ka hmu hman.


"Sa lo, thingpui te chu a sa lo te chua tui hleinem" ka tih chuan a hnar a tum dat ringawt. Rei mawi tawk zinglam khawvar lek lek ah chuan Ka pa pawh chu a rawn harh ve ta mai a, a mitmeng a dul ve ruih mai.


Dr. Sawidan hmangah a taksa lo chak vak lo bawk nen khatiang hun harsa lo tawk bawk a chhungril lamin alo zo meuh lo ani awm e, a hmel ka en te chuan ka lainat ru tun mai, Pa Ruattea angai thin bawk nen a han awm lo ringawt tur te chu hrehawm a ti dawn emai!


"Kan phei mai dawn em ni?" tia ka pa ber in a rawn rawt takah chuan ama lam ngawt ngaihtuah ila damdawiin a awm tir chu ka la duh fan ang, mahse a thianpa leh a unaupa ni bawk hun tawp pawh a hmanpui thei lo tur ka khawngaih tho bawk nen ka sawi lo ta mai....


"In class kha online in inkal rih dawn ani awm e?" Au Valpuia'n a rawn tih chuan ka lo zawt chiang vat a, Covid a rawn tel ve tak avangin Ram zawng zawng kawmkara mizoram kan ram pawh a kan phal bik meuh lo chu anih hi! Au Valpuia thil sawi laia Zodinsanga lawm ru hmel kha kei chuan ka lo ner khum nang thung.



"Tawrh thiam dan tawk thiam tum la aw, i fate leh kei pawh kan la awm ania, dam tha deuh a i awm hian kan lawm ania, kan ngaihtuah hlawm em che hi chak tak in awm tum hram hram rawh" tiin ring vak lo chuan ka nu chuan ka pa a hrilh mawlh mawlh a, a kut a vawn sak ran bawk nizan atang kha ala thlah leh meuh lo.


Pa Ruattea te inpawh chu kan thleng vat a,mi chaw ei reh lai ani bawk nen awm an lo tam lo khawp mak. Ka pa chuan a țhu chilh leh run țhin a, a khat tawk a amelh leh vung vung thinte, a kut engmah ni tawh lo an vuan leh ringawt thin te chuan min ti hrehawm tel ve tlat.


Pa Ruattea vui liam ani a, keini lam pawh kan la buai ve viau e, ka pa khawhar ru lutuk erawh hmuh a hrehawm lek lek thin.
"Naktuk chu ka lo hruai dawn che" rawn ti hmuk tu chu ni 3 lai kan inbe tawh lo tih ka hria! Tinge mawni keimah hian fel lo a awm ta niang ka be thei hlawl lo, ka ngei ru deuh tlat zel chu kei tak pawn hrehawm ka ti mahse ka ti reh thei miau bik silo.



"Ka chau viau asin" tiin nidang ang bawk in ka chhang leh a. Zan danga alo len dawn hian khawhar in kal chhuanlam in ka peh hel zel bawk nen a thin a rim ru viau ang tih hre mahila ka dik thei chuang lo.


"I ti takzet em?" a rawn ti vut a, a aw a engemaw in phum ru chu enge ka hrethiam mai lo.


"Aw, tinge? mut hahdam te ka duh ve lawm" ka ti let ve mai a, ka awm mai mai te hi ka chau em em ringawt thin mai sia.


"A tul em em tawh lo ka lo kal dawn, lo awm la ni mai" nin hmel zet a a rawn tih hmuk chuan ka lo ngei leh em em tawh.



"Aih, ka chau ka tih ka tih chu min hrethiam ve mai rawh, ka chawl hahdam dawn" ka ti ve hlar a. A thawk la hawk ri pawh ka la hre thei.


"Tunlai hi min pehhel reng tih i hria em?" a rawn ti ta hmuk a, tlem chuan nuam lo ka ti ve deuh.


"In hmuhna hun kan nei tam silo a i in ngaihbel mai mai aniang" ka tih sap chuan a awih angem tih pawh ka hre lo. Kei tak pawn nuam chu ka ti bik lo.


"Hmaichhanah engkim kan sawi hma chj a fel lo ang, ka rawn kal ang?" a ti nghet charh a, biak zawm hma in a tawp nghal daih bawk. A va han sual thin tak!


A tuk zingah ka phone ri in min ti harh a, ka han en chuan Lalrinfela lek alo la ni zui tun ang zing kar hma takah lehnghal enge maw ahriat ni!



Pick up lo ka tum zet nangin kan la ta hram a, kan inbiak tirh in pawr viau e tilo chuan a thusawi avang erawh in ka ngawi chiang hle. Tunah Kimkimi bialpa ve thin Malsawma kha Serkawn ah Thin cancer in a awm mek chu niin Kimkimi rawn hnem tur min rawn chah ve tawp mai ani.


Keipawh chu rang zet tho chhuak in ka nu leh pa thil awmzia ka hrilh nghal vat vat a, an rem tih chuan chaw ei kham lama lunglei kal ka duh thu ka sawi zat bawk. Ka pa pawn min lo hrethiam vat in sumo min biak sak ta vat reng a.


Lunglei kan thleng a, ka chhungte bak tumah ka zin thu pawh ka hrilh hman lo, Kimkimi ka hmuh takah chuan ka kal chu ka ti sual inka hre ta lo! A hmel thlabar leh khawngaih la zet manganna in phum ru țun chu alainat awm takzet. Malsawma angin natna em nei ve lo mahse a chhungril erawh in tawrh tam tak anei ve miau a, a taksa dawl dang zet te chu ka khawngaih ve leh chhawng.




~ He hmunah ngei hian thuruk hailanin a awm dawn si a, chu chuan hmalam hun tam tak min kawh hmuh in ka tana engkim intanna hmun ani~



●Kan chawl lawk mai ang, a buaithlak emai! Sunday~Tuesday vel chawl lawk ila kan buai zualpui alo reh anga chuan thui tawk tawk in kan dah lehthei tawh ang....good morning vek u, kan mu ve tawh ange😪

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 2:00 pm

Chapter - 27



Malsawma damdawiin a awm chhung chu Apa Pastor Chama chuan engtin tin emaw hruaitu te lam bia in kan riahpui dual thei hlauh a, dual tih ah a thiante pathum hian ani mai. A taksa cher leh tla dak te chu ka khawngaih ve reuh, a hnu a Kimkimi'n an ințhen chhan leh an buaina vel a sawi chuan thawk khat a veng mahse a pik zual sauh si, an hma khua tur chu Pathian kut a hlan tawp mai angai takzet tih an hrechiang a, keipawn ka ti. Mahse hrehawm ka tih deuhka sawi ngam siloh chu țawngțai hi nia, mahni tihsual hrereng chunga țawngțai te hi ka zak a, ka inthlahrung ru duk a, a hma keimah kha ka ni the tawh tlat lo, zahpui ngawih ngawih tlak thil sual ka ti a, mahse ka thup miau a, chhungril a pai reng chung si a, pawnlama hlim taka nun hman hi a famkim tawh lo.


"I va ngui bur bur ve?" Kan chaw ei kham room chhunga kan țhut țhap lai chuan Kimkimi chuan alo ti sap a. Malsawma ka han en vut chuan alo muhil leh der tawh. Damdawi an hman a sang bawk a a awm ve reng mai. Rinfela pawh phone alo sik ve nuap nuap bawk.


"Ka lu hai deuh chiai a, ka phone khawih nasa lutuk hi niang" tiin ka lo sawi fel nghal zung zung a, nih pawh ani reng bawk. Phone melh hlek tawh hi chuan rei vak lo pawh nise ka mit a kham a, ka luak a chhuak nghal hlui ringawt zel bawk nen, ka taksa hi tunlai chu hah ngawih ngawih.


"Damdawi te i ei em? Ka zu lak ang che aw, mut tam i mamawh anih pah chu,phone te khawih tlem la" ati leh zung zung a, hnial sa teh mahila eng damdawi emaw chu a rawn la leh ta tho. Min ei fel tir hnu chuan kan mutna chu a phah zung zung a, ka hnial peih lo zanin zawng! Ka mu ta daih a.


Ka harh leh meuh chuan zing dar 3 dawn alo ni leh der tawh. Kimkimi pawh ka bulah alo muhil ve bam a, țhutphah pakhat ah chuan Rinfela amuhil ve bawrh bawrh bawk. Ka phone chu hmeh neuh neuh in Whatsapp ah ka lut a, a no. ka pin ngei pa chu alo la online vu anih chu! Tunge abiak? chu zawhna chu ka rilru a rawn lang leh hmasa ber ani. Hrechiang mang hlei lo hiam ka awm chhung a tawt nghal pup pup bawk.


Ka be dawn nge dawn lo tih vaw tam ka ngaihtuah hnu chuan ama hnen atang zawk chuan ka dawng hmasa leh nawlh a, inthunun hman miah lo in ka seen nghal bawk, ka awmdan ka ngaihtuah chian chuan ka zak leh hnuhnawh, nghakhlel deuh te pawh ka ang, mahse anihna tak ani bawk si, siam that theih lah ani tawh hek lo.


*Min ngai em?* tih tawp hi! A thu rawn sawi chu ka tum loh lam daih anih vang nge rilru pawh a harh chiang vah vah hle. Hetiang min zawh hi ka beisei hauh lo kan inbiak hnuhnun ber dan ka ngaihtuah phei chuan zan 2 lai chanchin engmah ka hrilh leh ta lo kha nia, min vin leh hrep ka ring zawk viau asin.


*Tunge i biak? Ka online hma khan* keimah ah hian enge dik lo ka hrethiam lo, ka pms dawn vang nge? Mahse ka inthunun hleithei bawk silo.


*Ka lo call ang?* kan thusawi ho lah chu a in zawm lo thei hlawm khawp mai.


*Aih, kan mu vek tawh, tian sawi rawh* ka han ti leh thuai a, ka thiante ho chu an muttui hlawm viau in ka hria.


*Thudik tak maw?* a pehhel rei lutuk chu ka lo ning leh hman tawh!


*Yeah! Thudik, dawt tello in*


*Ka lo nghak che!* a message chu ka chhiar nawn ngat a, vawi 2 mai pawh nilo vawi tam ka chhiar nawn, ka hriat theih chinah hepa hian dawt min la hrilh awm ka hrelo, Ramluahi chungchang ah pawh tlang rat in min sawi khum thin anih kha! anih chuan....a thusawi hi!


*Tinge?* hei bak han sawi vak tur ka hre lo, a thil tih chu ho te anga lang siin keimah ah erawh a thawhdan a ho tlat silo.


*Ka ngai che* ka lungphu rang nghal dat chu ka chiang hle, ka boruak hip an dang nghal hlak a, eng emaw keimahah danglam a awm nghal bawk. Ti hian ani hian keimaha huhang angah zia in hre mai ang. A țawngkam khat lek pawh hian min siam danglam hneh em ani.


*Keipawn* ka ti ve vat a, ka ngai tak tak bawk! A chang hian ning leh thut thin mahila amizia dam deuh thlap hi chu a ngaihawm vawng vawng em asin, min duat te hian pangchan nuam ka ti zual a, a kiangah chuan eng ang pawh in awm mahila min tina dawn lo tih ka hriat vang nge ka thla amuang thei viau bawk.


*Dawt sawi kher angai lo ania, mahse a hming chauh pawh nise ka lawm e, in enkawl țha la* a rawn ti teh duah a. Dawt sawi a ti kher chu ka helh ve leh deuh, dawt ka sawi lo asin!


*Dawt ka sawi awm ka hre lo*


*I chiang maw?* he thu a sawi lai a a aw ki hniam ruih leh dam thlap tur te, a mitmeng hniam deuh khui tur ka ngaihtuah hian a inhmeh dawn riau in ka hria.


*Chiang, Zodinsang Zothanpuii hian a ngai che* hetia fiah taka ka sawi hian a chiang ber ang.


*Ka hria e, Muttui aw mu leh tawh rawh i chau ang* a rawn ti let ve leh thung a, wsh let in a seen hnu chuan ka mutsan ve leh ta mai bawk. Ka mut theih ka rin miahloh laiin ka lo muhil ve leh der aniang khawvar hnu fe ah Kimkimi'n min rawn kai tho a, dar 7 alo ri dawn thuak tawh, Malsawma pawh alo țhu chhuak ve ruau tawh, Fela erawh ala hnar vei suk suk mai, damlo riahpui ve si a thlamuan hmel khawp mai, kei tak pawh ka ni ve tho!



"I muttui em?" Kimkimi chuan alo ti var a, ka mutna chu siam mawlh mawlh in ka muttui viau thu in ka lo chhang pah mawlh mawlh bawk.


"Zo, tunlai hi i cher riau, nà i nei em lo tiraw" Kimkimi bawk chuan chik fe a mim rawn melh pahin ati leh a, ka lu ka lo thing mai thung.


"Anih chuan i taksa chak lo vel aniang, vitamin eng emaw ei rawh, i cher ania" a rawn tih leh takah chuan nuih luih pahinka lo bu nghat nghat a, ani pawh in Malsawma chu eng eng ah emaw bia in an țawng chhun zawm zat bawk.


Chhunah chuan Rinfela nen intihfai kan duh avangin kan chhuak thla a, Kimkimi bakah Malsawma u te an lo kal bawk a, an khawhar lutuk lo ang bakah an pahnih pawh khan nuam an ti tho ang, mahse harsatna eng emaw awm thei ania, Mala u te awm lo se chuan kan kal chhuahsan erawh ka ring lo thung.


"Chhungte innei em? Lunglei ah" Hospital thlanglam kawngpui sir kan thlen thlak chuan Rinfela chuan a rawn ti a.


"Nei ve e, mahse a hnai ber pawh college vengah daih ania" ka lo ti niah niah a. Auto ricksaw laka chhuk vang vang mai angai ang.


"A hla emai, ka pu te awmna a hla lo tah chuan kal zawk ang, chaw ei zawk leh intihfai thuak ani mai a, a hnai bawk a zia zawk" tih pahin Ricksaw rawn tlan chu a phar nghal vut a, College venga chhuk vang vang ai chuan tiin ka sawisel ta bik lo.


Serkawnah tho chuan a pu a tihte in chu alo awm a, khawsak pangngai tak an lo ni bawk. Puitling ho erawh hnathawk in an lo chhuak vek a, an fate kei aia naupang deuh tur ni awm chuan kan chaw ei tur te min siam zung zung a, Damdawiinah kha chuan kan ei hlei thei lo bawk nen tah ei nawn țeuh mai ang.


"Zak miah suh, kei mah chauh min zah rawh chaw kan bar puk puk zawhah kan inbual leh zuai dawn nia" kut sil paha nui țhaw chunga a rawn tih leh pek chuan vawm dawt ka chak viau nangin ka ti em ta bik lo. Lalrinfela kha ani miau a, hriat thiamna chin neih angai.


Chaw lah chu ka ei tui phian lehnghal, an bawkbawn bai mawlh chu tui tak ani, a thak si tui bawk si ani ringawt. Kan ei zawh dawn lam chuan choka ah chuan tleirawl mipa hi rawn lut in dawhkanah chuan eng sa emaw hi a rawn dah a, in rin lawkna awm miah lo in ka uak nghal țhawț a, ka hmui chu hup vat in mak tih hmel fe a, Rinfela nen min en dun lai pawh chuan dawhkan chu thawhsan rawk rawk in tui deh na lam ka pan a, ka hnar ah ala cham deuh bawk nen ka uak leh chiam a, ka pum let but but chu thil tawrh nuam ani hauh lo bawk.


"Op, fridge ah dah lut rawh, a pum in a rem vak lo aniang" Rinfela chuan a ti nghal zung zung a, rawn tho chhuak ve vat in ka sam chu ka hnunglamah alo chelh khawm a, ka hnung ah chuan alo beng det det bawk.


"A va zia lo ve, sa hi a uih emaw ni le" tiin kan luh tirh a chaw ei min siam sak tu kha choka a rawn lut in a rawn ti nghal zat a, sa chu a hnim nghal vut bawk. "A uih pawn ka va hre lo, engti zia nge mawni? " a rawn tih leh chuan an sa lei chu melh pawh ka melh duh lo, bawng ani hial in ka hria, a thin hlang vel ani mai thei ani, chau zet chuan ka ding ngil a, zawhna mitmeng deuh in min melh deuh in ka hria.


"A pum a țha lo reuh lutuk a, anih dan sa ani ve reng, sa lam hi angaina teh chiam lo" tiin Rinfela chuan alo chhang nghal thuai a, tuna ka nihna anga a saw te kha ka vawikhat hriatna chauh ala ni. Engvanga dawt sawi ringawt nge maw anih le?


Thleng an seng fel lai pawh chuan ka luhai bur nen pum nuam lo bawk nen ka zawi ngawih ngawih a, Rinfela bawk chuan tu room ah nge mawni min pawt phei vut bawk.


"I dam sam meuh lo nge? I pum a țha lo sa em?" tiin min zawt leh lawi a, amah ber in ka pum a țha lo ati sia tunah minzawt leh tho a, eng rilru nge maw a put ber ni?


"Ka țha reng, pum țha lo pawh ka nei hran lo, bakah an sa rawn lei kha a țhang em anih kha" zawi zet a ka ti ve hlak chung pawh chuan zawhna mitmeng deuh in min melh run ringawt.


"Lu hai i nei em? Ei theih loh thil te? I mood lam te?" a rawn ti ve teh duah a, a mitmeng erawh nidang zawng aiin a thutak viau thung.


"Nei lutuk e mawle, ka mit vang hi emaw ni ka tia tunlai phone ka khawih nasa lutuk a, bakah tunlai tak chu ka pum pawh a țha em em lo aniang ei theih loh ka ngah emai" tiin khum tlangah chuan ka țhu thla deuh dat a, ka luak deuh vang nge ka zawi em em ringawt.


"Zawhna ka zawt ang che, Dawt sawi miah lo in dik taka min chhang turin ka duh bawk che" a rawn ti leh hmuk a. A inla thu tak vel lutuk te chu eng a hria chu ni maw?


"A tha lawm" ka lo ti ve mai bawk. Dawt sawi ka thiam hran lo bawk nen dawt nge thudik ka sawi tih chu chik zeta min melh chuan a hriatthiam theih mai ka ring bawk.


"Sex i hmang tawh em?" a rawn tih nghal bawl a, a sawi zawh rual rual chuan phawk lek lek hian ka melh nghal a, ka mitmeng tal nghal rawk rawk leh pha nghal dui ka thunun hman loh chu a hrethiam ani chek ang chu "Shitt!" ti vak in khum ke chu a rawn tlawh dawt a "Lo kal sawn miah suh" tiin a chhuak nghal vut bawk. A mitmeng ah khan a thinrim ve tih erawh ka hmu chiang hle bawk.


A awmdan ațang khan enge a tih dawn tih rin ngaihna pawh ka hre lo.


"Hello" tiin a chhuah chhung chuan Dinsanga call lo lut chu ka lo chhang vat a, ka aw lah chu ala hnawk țuak zui.


"I dam lo nge i țap? Na i nei ami?" a rawn ti nghal vut reng bawk.


"Aih, nilo ve ve, a hnawk satliah ve mai mai anih kha" ka ti let sap bawk.


"In thianpa chu enge a an?" a rawn ti ve teh daih a, ka hrilh miah silo a Mama'n alo sawi ani ngei ang.


"Tlem chuan akang ve leh deuh tawh, ih....ka hrilh lo che kha ka tihpalh aw" kan ti nghal ngawt a, engtia han țan a, han sawi mawi thlum vak kha ka thiam ve miau lo alawm.


"Nangmah i țha deuh tawh em ni?" A ngawih vang vang hnu ah a rawn ti ve leh thung a.


"Ka țha chuan ka hria" ni e, tlem chuan ka zia deuh Dinsangaka hne thut pawh kha ka zia leh tawh in ka hria, nuam lo ka tia alakah pawh inthlahrung hle mahila ka be chak mawlh silo anih kha.


"A țhat chu, rawn haw te i tum em?" a rawn ti leh dut a, a lighter in talh ri chhek chhek in a zawm nghal zat bawk.


"Ka hrethiam rih lo, kan damlo a ber hi a awmdan ani mai, Kimkimi hi amah maia kalsan chu ka thei bik lo" tiin dik tak in ka chhang, Kimkimi hi ka thiannu mai nilo ka laizawn tluk ani a, harsatna a tawh a rilru hrehawm tak a tawrh laia amah maia tuar chhuak turin ka kalsan thei tlat lo.


"Awle, kar tawp lamah lo chhuk ka ngai dawn a" a tawp lam chu anui pah deuh emaw ni, a thawp sup mai. Kar tawp maw?


"Enge ilo tih leh dawn? Zirtirth ka hriat ve tawh ah ila zin nasa ber ang" fiamthu a ka tih hlak chuan a rawn rum dat thung.


"A pawt tu ana te pawh aniang" mei nei zet a a rawn tih leh chuan min hmu thei miahlo chungin ka ner khum nang tho a, a ve ngei hian!


"Class lak ka ngai dawn a, zanah ka lo bia ang che" tiin kan inbiakna kan ti tawp a, ka mamawh tak ka biak vang nge tlem chuan ka taksa te pawh a zang ve leh ta deuh in ka hria! Lalrinfela lah chu ala rei teh phian zui.


Darkar em chu tling lo mahse a chanve vel tal aniang chutiang hun zet a chhuah hnu chuan alo let ve hran a, polythene dum a rawn ken luh chu minpe nghal vut bawk.Zawhna mitmeng deuh a melh pahin ka bam ve mai a, a chhunga awm ka hmuh erawh chuan phawk zet hian ka han melh kawk thung


"Engmah sawi suh! Va ti tawp rawh, chance awm miahlo an tih ah pawh palh chu a awm tho ania,i inngaihtuah buai chiam hma khan va ti rawh le" dam thluama rawn tin bathroom ni awm tak lamah chuan min nawr phei in min luh tir a ani erawh a chhuak leh vut thung.


A thil rawn lei pregnancy test kit chu kut khur deuh ti tih chuan ka keng ran a, ka hlauthawng leh rilru hah lawk nge ka hnuk a ulh dawn ti tih tawp bawk!



*________*________*_________*


(Zawmna)


Minute 5 chhung deuh thaw ka awm tling ngei ang, ka en ngam lo a ka lungphu ru Dinsanga vang niloin ka chhungte vang tak meuh meuh in a phu rang hle tawh, a mal te te a ka ngaihtuah phei chuan kan thil tih rah chhuah hi kan rindan ang hi anih ngat phei chuan an zah dan tur ka ngaihtuah a an ni aiin ka nat loh bik ka ring hauh lo.


"Zothan" tia min rawn au chunga kawngka an rawn kik takah chuan khur dat dat chuan kawngka ka va hawng a, Rinfela chuan hriat thiam theih miah lo mitmengin min lo melh run thung.


"I țha em? Enge chhanna chu?" a rawn ti dam thlup a, ka hnuk an ulh ringawt lehnghal.


"Ka la en ngam lo" ti tham chhal in test kit awmna lam chu ka kawk a, ka dar ah rawn chul zauh in a mitmengah chuan min lainatna ni awm tak ka hmu ve ta bawk. Test kit chu pan hnai in a melh vang vang a, muang chang hian min rawn melh zui ruai ruai a.


"A pawi" tih zawng rawn sawi mahse chu chhanna in a ken tel chhanna dang chu ka tan a fiah em em thung si. Ka mittui aluang chhuak nghal ngiai ngiai a, ka insut nghal hlap chu min rawn pan hnaiin a awmah chuan min kuah bet nghal vat bawk. Ka hnungah chuan a chul hauh hauh a, kei erawh ka țap ani thaw thang tawh mai.


"Vawi....vawi khat chiah asin!" tiin a kawr awm țham chuan ka insut hlap hlap a, Dinsanga chu ka duh alawm, ka duh tak zet mahse hetiang lo deuh hian nise ka va ti si em! He kan thil tihsual vanga ka chhungte zahna tur mawlh in ani min tina ni, an fanu an chhuan leh an duat em em mai kha sawnpai ka lo ni ta mai dawn si a, Ka pa tan mualphona leh zahna nasa tak ka thlen ta mai dawn chu ani si a, duat taka min chawisei len dan te, thu țha tin reng min hrilh lai te ka ngaihtuah hian ka inthiam hlawl lo tun atang chuan mahni fate pawh enkawl țha thei lo tia a hnunglam ațanga an sawi ru tawh tur te a rawngbawlna thlenga hmer tel anih dan tur te ka ngaihtuah chhuah belh zel a, ka à mai dawn hian ka hria!


Rei fe ka țah khum ti tih hnu chuan khumah chuan țhu dun in sawi mai tur pawh hre lo chuan kan ngawi deuh vang vang a , ani erawh in zawhna mitmeng zet in min melh reng thung.


"Tunge apa?" a tih sup chuan thawk ka la leh hmasa te te a, ka biang huh nuap chu ka tuai puak a, lung a zing mup mup mai.


"Dinsanga" ka tih sap chuan awih chiah lo hmel hian min rawn melh nghal, ni e, a awm ve reng Haulawng aiin helamah a awm tam zawk a, Dinsanga mizia en ngat phei chuan a awih lo chu ka dem lutuk hran lo!


"Dinsanga dang anih ngei ka beisei" a rawn ti bauh a, kan Dinsanga hi a ring lo tih ka hrethiam mai bawk


"Zodinsanga" ka ti nghat a, min melh vung vung a dawt ka sawi nge saw lo hriat a tum te pawh ani mahna, mahse min en a min belh chian poh leh thudik ka sawi zia a hrethiam ngei ang.


"Engtin?" re fe min melh hnu chuan ati ve thei hram a, a thaw chhuak hawk bawk. "I duhna remchangah la in a nawr lui che em ni? Engtin chiah nge atih che?" Seh chilh naka a rawn tih zawm zat chuan chiang zet hiam ka melh a, a mitmeng thim khup ah chuan ka chunga thil thleng chu ka duhdan nilo angin a ring tih ka hrethiam bawk, chutiang chuan sawi ngat ila chuan eng emaw chu a thleng ngei bawk ang tih hrethiam lo tur khawp in ka à bik lo.


"Chutiang anilo ania, kan induh tawn vang alawm" tiin ka lo chhang chu a awih hmel teh chiam loh.


"Engvanga țap nge i nih chuti? zep miah suh, Khapa khan ati na che tiraw?" tiin ka unaupa te ang mai chuan ka thlavang hauh chu alo ti na ve khawp mai.


"Nilo e, ka țah chhan chu ka....ka chhungte hi, zahna khur leh mualphona tin reng an fanu vangin an tuar dawn chu ani si a, a chhungril tawt zia hi i hrethiam pha kher lovang" ti hap in ka țhutna țanga tho chhuak in thawk kan la leh hak hak thin a.


"I ti tla lo ang tiraw?" a rawn tih leh sup chuan ka lu ka lo thing mai a. Ka thil tihsual hi sual bawk a thuruk ka tum anih chuan mahni lu chunga meiling chhek khawl mek nen danglamna ka nei lo ang, engtik ah emaw chuan chu mei chuan min la kang ral ngei dawn si a.


"Ni e, mawhphurhna ala duh lo anih chuan min rawn hrilh ngei ngei ang che! Thisen mai la ni mahse nunna nei anih tawh kha tual that nen danglamna a awm chuang lo, vawikhat iti sual tawh a adang tihsual nawn tum tawh suh, a harsa anih pawn i kiangah Kimkimi te, kei te Mala chenin kan awm vek hi" a rawn ti ve leh sup chu ka lo melh tawp. Mipa ani a țawngkam thiam han tih tur lah ani hek lo, mahse a thiam ang tawk a min hnem a tum chu tunah chuan ka tan hian a hlu ngawih ngawih.



"Ka lawm e" mittui tling piau a ka lo tih lai chuan, rawn ding vut in ka darah a rawn kuah thuak a. Min thlamuan tum zet in a hmer leh deuh vang vang bawk.



Zanah pawh chuan engmah thleng lo ang maiin Mala room ah chuan kan awm leh țhap a, dar 9 rik hma deuh in amah a zia deuh bawk nen anu te'n an chhuk thlak san ta bawk.


"Nge i pum i chul reng a? a na mi?" Kimkimi a rawn tih vut chuan ka phu deuh zuk a, ka in en chian chuan ka pum chu ka lo chul reng chu niin! Ka inngaihtuah nasa lutuk ani!


"Na hran lo bathroom hman ka ngai dawn aniang" nuih lui sak paha ka tih chuan a nur nang a, Mala pawh alo nui ve suk bawk. Rinfela erawhin a phone a kheuh neuh neuh thung.


"I tla dak sia, eng emaw fel lohna nei te pawh i ang? Vaitamin chu eng emaw ber ei ngei ngei ang che" Kimkimi bawk in a tih leh zat chuan ka lo țhen lui sang a, ka nu pakhat zawk i kha ani miau a.


Eng eng emaw kan sawi hnu chuan ka chhungte biak chhuanlam in pawn lamah ka chhuah san a, corridor a ka din laia thli thaw in min rawn chhem tak dalh dalh chuan duhthawh zet in ka lo hip vang vang thung! Ka phone chu hmet engin a no. chu ka dial nghal zat a. Ka huphurh ru hle bawk! Mahse ka tih ngei a țul si.



"Aw, Bawihte" a rawn ti tak dut ah chuan boruakin chhem tir a ka maimichhing vang vang chu ka meng riai riai a, a aw ka hre ta chu ka țah te an chhuak leh ngawt pek a.


"Um" tih bak ka sawi thei lo, ka hnuk a ulh ringawt!


"I va duh tawi ve" nui suk paha a rawn ti dut dut phei chuan kan insum lutuk na lamah ka hrawk te lam a tawt vek thei. "Harsatna i nei em ni? Bawihte" ka chhan mai loh avang chuan thu tak zet hian a rawn ti ta vut a, a aw ah chuan min ngaihtuah zia ka hrenghal zat bawk.


"Dinsang, ka rai" tiin ka țap chhuak hak a, ka hmui chu hup leh vat in ka inhnit zui hlap hlap tho.Phone ami erawh in sawi zawm tur a hre mai lo nge a reh vung vung lawi a, chu chuan ka ngaih ati țha miah lo bawk


"Zothanpui" hniam ruih leh ril raih si hian a rawn ti ta hram, chutah " Sawi nawn leh teh" a rawn ti leh vut bawk. A aw ah danglam hran a awm ve miah lo leh la dam dap mai te chu mak ka ti hle bawk.


"Ka rai, i fa ka pai" sawi mawi emaw sawi dan dang vak ka hre lo.Ka chhanna a dawn hnu chuan a reh leh vang vang a, mi'n rilru hah zet in kan bia a, chutia min reh san reng te chu ka thin a rim dawn dawn ringawt, rilru hah nen.


"Pa ka ni dawn maw?" a rawn tih leh sup a, a aw chu a nghet charh charh khawp mai.


"Zodinsang, ka pum chhunga naute hi ka fa ani lo i ti dawn em ni? Nang lo midang ka mutpui lo tih hrechiang ber ini bawk ang" thinrim si țah chhuak bawk nen ka han ti leh hlak hlak a, ka aw lah chu a khur deuh ti tih bawk.


"Chutiang in ka ti hauh lo" a rawn ti ve vut thung.


"Anih enge?" ka lo ti leh hap a , awmngaihna ka hre meuhlo!


"Pa ka ni dawn, Naute pa, i pumchhunga naute kha ka ta anih ang ngei in apa ka ni dawn, nang pawh a nu" a rawn ti leh dap dap takah chuan keimah hian eng emaw veng deuh hawk chu a awm chiang ani.


"Mahse engtin nge niang?" ka ti leh sap a, ka hrawk chu thian in boruak ka hip leh vang vang a, ka biang lo huh leh hlap hman chu ka tuai hul thuak bawk.


"Apa hi engkim ka ti vek dawn alawm, naktuk ah ka lo chhuk ang" a rawn ti leh tawp tawh. A hna lam hi chu a care lo ve chianv asin.


"I hna kha zo phawt rawh" ka han ti leh hram a, lung dam viau lo mahse thaw pik lutuk erawh akiang deuh huai ve thung.


"Afternoon class ka nei lo, Friday ani bawk a, ka lo chhuk ang " a rawn ti leh ta mai bawk, a aw ah chuan a phur hmel ta viau a ka hriat lehnghal ni.


"Hetiang lo deuh hian ni thei se ka van ti tak" tiin ka ngaihtuahna chu ka sawi chhuak phawng a. Dinsanga chuan a hre ve dawn tih ka hriat leh hnuhnawh chuan ka thusawi ah chuan ka inthiam loh leh hnuhnawh!


"Ni e" tih bak in min chhang miah lo. Hrehawm ka ti leh ru țun nghal.


"Ka tihpalh" ka ti leh sap a, ka sawi loh tur ka sawi miau a, amah thiam loh chauh ang hrim a țawngka ka chheh vang chuan ka inthiam bik lo.


"A țha e, mahse ka naute kha min biak tir la ka ngaidam ang che" a rawn ti ve dut a, a aw ah chuan eng emaw alang tlat bawk. Nidang aiin a danglam tlat ani, chu chuan nui hmel a ken tel ngei ka ring tlat.


"Thisen hlawm mai bak ala ni lo" ka ti nangin biak nge aduh tlat tak si ah chuan ka pum zawna ka dah hma chuan vouce record chu ka on hram a, loud a dah chuan midangin an lo hriat ve ka hlau bawk nen ka hre ve chak si chh ka record tawp mai.


Rei vak lo chu ka dah vang vang a, ka phona a rawn rik tak țut ah chuan ka en vat a, line alo cut daih chu niin. Mahse massage in a rawn chhun zawm zat thung.


*Zothanpui, ka lawm e, tu takin mu la, naktukah Apa hi inbulah ka lo kal dawn nia* a rawn ti zat a, nau ka pai tih a hre ve chauh a Apa ahan inti nghal zat chu ka nuih lam lam aza deuh.


Room chhunga ka luh leh hma chuan a voice record chu kan ngaithla leh hram a, ka chet dan chu thil mawi tak ani lo tih ka hria mahse ka hriat ve chakna hian min ur thlu ngang ania nge.



Zodinsanga:-

*Ka naute Daddy ka nia, mommy pum chhungah ilo awm reng tih kan hre chiah a, Apa hi i tih hlim zia lo hre rawh aw,Apa tan anu ang chiah a ars mawi deuh lo ni la, chak deuh in awm bawk la Apa hian ilo chhuah hunah chuan ka lo duat viau ang che, ka hmangaih che* tiin a ngawi leh vang vang a, *Ka hmangaih lutuk che, mommy pawh* tia a tawp a rawn khar lehna chuan ka che lai min ti tawp chawt a, mak ti fe hian phone chu ka melh! A sawi ve mai mai nge? A ti tak tak?



Zan hun chu mutthilh a har ve tawh viau thung, Au Zela leh Mama'n min lo bia engmah ka la sawi ngam silo a hrehawm takzet, min hauh a kut min thlak pawh nise ka sawisel miah lo chu ai zawng chuan an rilru ka tihnat tur zia ka hria a chu chuan min tina chhawng zawk.


Ka lo muhil ani ngei ang ka harh leh chuan khua alo var leh der tawh, Kimkimi pawh alo tho leh daih tawh chu niin, engtin tin emaw zingkar chu kan tling tla ve mai a, Mala te inlam atanga kan chaw ei tur an rawn ken kan siam mawlh mawlh lai chuan Bawngsa bawk chu a rawn tel leh chu niin ka hmui ka hup vat a, tuman min lo en lo hlauh bawk. Mahse Rinfela bawk in alo hrethiam leh pek aniang, ka hma taka an rawn chhawp chu la in ka awmna lo lam sir ah chuan a hung daih a, tlem chuan a zia ta deuh, ka chaw ei erawh a tuilo vek thung, tih tham ka ei meuh lo.


Chawhnu lamah chuan Mala chu a zia awm ta deuh bawk nen inlama enkawl zawm turin an discharge leh ta rih phawt a, thawk pawh a veng ta deuh e. Amah a cher ve deuh tih loh chu a lang pangngai leh fu tawh in ka hria.



Tih tur ka neih chhuan lamin Mala te inlama lut phei hmasa lo chuan damdawiin atang chuan ka kal hrang nghal a, kan sawi lawk ang ngeiin Venglai lamah chhuk thla in a dawr rawn sawiah chuan ka lo nghak ran thung.


A rawn chhuah hun a sawi tawh ngaihtuah in alo thleng thuai ka ring bawk darkar 2 dawn a thang tawh miau a. Ka phone a rawn rik chu ka ban vat a, Dinsanga tih ka hmuh chuan ka chhang rang viau mai.


"Ka awm tawh! Khawnge ilo thlen tawh?" ka lo ti nghal zat bawk.


"Ka lo thleng chu ani mai, petrol ka la kawi hmasa lawk a" a ti ve ta mai bawk a, dawr kawngka lam ka melh vut chuan Zodinsanga ngei chu a pen lut ta khup khup mai. A hawi kual deuh vut vut a, a kil deuh a ka țhut vang nge min hmu mai lo,
"A kil ah" ka tih sap chuan a rawn hawi kual leh vut a, min hmuh rual chuan a phone chu dah vut in min rawn pan nghal vut bawk.


"I țha lo?" tih hmuk paha min melh vung vung nghal ringawt chuan nui lui sak in ka hma a țhu tur chuan abanah ka han pawt deuh a min melh run in a țhu ve ta hram bawk.


"I cher lutuk alawm, a na ami naupai chu?" a rawn ti leh pek chuan ka tui in chu ka hak deuh ti tih! A ti lui nge hepa hi? Chiang zet a ka va melh chuan a rawmawl hi ka lamah a rawn lek ve zat a, a thusawi kha a ti tak tak em? Fiamthu hmel lah a pu mang silo.


"I thusawi kha i hrechiang em?" ka tih hlak chuan chal chuar tap chuan min melh khui a, chutah hre chhuak thut niawm in a nui suk anih chu! ka va ngei tak! Nau pai ana ngai lo!


"Rilru pangngai ka pu thei tawh lo" a tih sup chuan phawk lek lek hian ka en a, a mitmeng de sawr sawr chu a hlim vang tih ka hre reng! "Eng emaw tal ei ang aw, i cher lutuk mah mah ani!" ti vut in waitress chu a ko nghal zat a, menu chu a melh vut bawk. Amah chuan ka ei theih tur nia a rin chu a order hmiah hmiah bawk, ala chah tam em em zui.


"Ti țeuh țeuh nge?" tiin waitress kal hnu chuan ka zawt ta reng a, keimah chauh a mim ei zawh tir a tum vaih chuan aw! Khatiang te chu patling pangngai pawn an ei zo seng lo ang!


"Zing chaw ka la ei bik lo a" a ti ve sup a, a thusawi paha ka pum lam a rawn melh kher zel chu ka tim deuh țhin. A mitmenga lawmna erawh hmuh thiam loh chi pawh ani lo.


A thil chah chu a tam viau na in kan ei zo vek anih chu! Tak tak in, Dinsanga aiin ka ei tam daih bawk. Kan ei zawhna ka en phei chuan tlem chuan ka zak deuh bawk.
Bill te an pe fel leh te te a, dawr chu kan chhuahsan nghal bawk.


Dawr thlang lawkah chuan a car var fai zet, bawlhlawh kai phalloh emaw tih mai tur a fai chu alo park chu niin chulam chu pan ve tawp in ka țhu lut zat a, ani pawh a rawn lut ve vat bawk.


"Chuan engtin nge kan chhungte kan hrilh ang?" ti hap in ka va en chuan motor start pah chuan min rawn melh ve vut a!


"A har hleinem! Kan inru kan ti mai ang chu!" a rawn tih chuan phawk zet hian ka melh nghal kawk a!




*________*________*__________*

*Chutin ka pa, ka pa duh tak hian😂Nilo ve thungin Au in mut tawh tur ati bur, thawh ka hai ziah sia, kan mu ve mai ange......Naktuk zanah chuan zawm ngailo in sei tawk kan dah tawh ang....(Tiam thlap chiang e)💙💛💖💜💞💝💗🤎💜💙


●Muttui leh vek u....😘😘😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 2:00 pm

Chapter - 28




"Chutiang te chu a!" ka ti hap a.Motor chu tlan chhuah tir nghal in ka thusawi lah chu a eng he hu a thawk lo ang mai chuan a awmdan adang lam lo chiang asin! Ka rilru buaina min hriatthiam pui hlawl lo chu anih phawt a, nilo a ngaihtuah pha ve miah lo tih a chiang reng.


"Khawnge kan kal dawn?" Chanmari lama atlan takah chuan ka ti leh zat a, helamah tihtur a nei zawk emaw ni?


"Ka țhianpa clinic a awm a, kan incheck up lawk dawn nia?" a rawn ti ve mai bawk. A hmel lan dan hahdam leh hlim hmel bik lutuk te chu thinlung tawt deuh lo a dawhsawn atan ka duh ve viau asin, mahse ka thei mang tlat lo, a ruk in ka na a, ka natna tihlan ala rem meuh si lo, a hlim em asin.


*Dr.H.Rohmingliana* tih emaw ni clinic ah chuan kan lut rawih a, receptionist dawhkan ah chuan kan hming vel chu a sawi mawlh mawlh a, chunu pawh chuan min hruai nghal vat bawk.


"E..in lo thleng der elaw?" cabin pakhata kan luh chuan Dr. coat fual ha hmai fai ving veng hian alo ti vat a, cher lam deuh mahse sang țha tak ani.


"I buai lai ani lo ang chu maw?" Dinsanga pawh chuan ati ve vut a, receptionist nu erawh kha chuan min chhuahsan leh tawh.Doctor dawhkan hma ah chuan kan țhu thla ve zat a, kei erawh ka tim ru ve ang reng viau.


"Nang ber in min biak te c⅘44ew3qqqq hman reng" tiin alo nui zui a, Dinsanga erawh in a ner khum sak thung. "Zothan ka țhianpa Dr.Rohmingliana Rohan-a , Rohan Zothanpuii" tiin Dinsanga chuan min han inhmel hriat tir leh hmasa te te a. A koh dan teh daih chu vai te pawh ati ang alawm le.


"Lo in chibai ve ila, Zothani maw" tiin a kut chu ka lamah a rawn lek a, keipawn ka lo vuan ve mai bawk. Doctor anih vang nge a fresh vang reuh bawk nen hmuh anuam phian.


"I cher hle mai, naupai i la na ve dawn anih hmel" ka kut a thlah rual chuan ati leh sup a.Ka lo nui tawi tak ringawt.


"A tlai zel ania, ti zung zung teh ang" a ti leh vut a, nurse pakhat ko in min check nghal zung zung a, Dinsanga pawh kan bulah alo ding ve run bawk.


"Naute chu a țha viau e, thla 1 leh kar 1 vel anih hi, naute nu dinhmun pawh a țha viau mai mahse tlem chuan a inenkawl țhat angai ve deuh dawn a, vitamin leh damdawi lei tur ka ziah hi inchungah khian lei nghal mai ula, chuan Chaw leh thei lam ei tam bawk la, chaw pawh thlah tum miah loh tur ka a tui loh pawn" a ti zung zung a. Dinsanga chuan alo pawm hmel khawp mai.


"Lu hai leh luak chhuak hi engtik nge a reh ang?" tia ka zawh chuan a nui suk a.


"Thla 3 vel a tlin ve hnu chuan i zia chhoh mai ka ring, in enkawl țha hle ang che" tiin paper ah chuan damdawi lei tur vel chu a ziak leh mawlh mawlh a.


"Vitamin kha a mamawh ang nia i hriat apiang ziak ang che, duh aiin naupai ala na dawn tlat in ka hria" Dinsanga pawh chuan alo ti ve vut a. Damdawi ei hi ka taimak na lam ani viau lo asin le.


"Taka, Lalchhantluanga nau i ni mial lo maw? In khua mi tho ani ta in ka hria....in in ang lutuk a" tih pah in paper chu kan lamah chuan a rawn lek phei a, ka ban hma hauh in Zodinsanga chuan min lo ban khalh leh vut tawh.


"Kan upa ber ania" ka tih ve sap chuan a rawn nui leh ruh ruh a, Dinsanga melh in a mit ko a san zui ak ak chu nur nangin ka lo en a, Dinsanga lah chuan a ngei hmel kher mai.


"Chuvang chiah anih chu!" nui chunga alo tih leh pek chuan bo deuh in ka lo melh tawn chhen a , Dinsanga hmel ah chuan a fiam vel dan chu lawm teh chiam lo tih ka hre thiam mai bawk. "School kan kal ho thin alawm i u te nen chuan, in nneih hunah chuan sawm ngai lo in ka lo kal dawn ania" nui vur vur chung hian ati leh a. Au Mama țhiante emaw ni ve a.


"Ngawi mai mai rawh! Kan rei dawn kan kal mai ang" tiin Dinsanga chu ading vut ka ding ve nghal mai bawk.


"In check up kha thla tin intih theih chhan duhthusam aw, naute leh anu tan pawn a țha nia" Doctor pa bawk in a rawn tihleh chuan alo bu nghut a.


"A lawmawm e" ti sup in ka dar ah a rawn vuan a, min chhuahpui nghal mai bawk.
A clinic chung chiah kawngpui an ah chuan damdawi dawr lian pangngai tak alo awm a, damdawi vel chu kan lei nasa viau mai, vitamin leh chu chi 3 ngawt ania, ala to em em zui, pakhata lah chuan a lei hmiah hmiah mai si. Sum ren tih ang reng hi chu a hrethiam ve hlawl lo aniang.


"In ruk ka la duh lo ania!" motor a kan chuan leh hnu chuan ka ti sek sek a, min melh zawk duh chauh! " Dinsang, mawh...." tiin ka ngen leh ngher ngher a. A ngaih pawimawh hmel loh ropui si.


"Ih...tun chu ala hun lo deuh alawm, kan hre chhuak ve chiah a, dik tak chuan damlo enkawl tur a kal ka nia mipa ka um daih angin ka thang dawn asin, chu chuan kei ai mahin ka nu leh pa rilru ati na zawk dawn, rei lo te chauh nghak leh lawk ang" tiin ka thiam ang tawk chuan ka dil a, min la melh duh țhak lo.


"Kan tihsual a kan chhungte na ve leh zel tur hian ka chhungril hi ati hrehawm tak zet a, chuvangin rei lo te tal an kiangah hlim taka awmna hun min pe rawh, chumi zawhah chuan engmah sawi buai loin ka pawm vek tawh ang, kan thil tihsual avangin kan chhungkua leh keima lakah engtiang in nge nghawng a awm dawnka hre tlat silo a, chuvang chuan rei lo te tal an kiangah hian hlim taka la awm ka duh ni" tiin ka sawi leh sap sap a. A ngawi run a, motor hma lam a en ngur bawk.


"Kar 1 a tawk em?" a rawn tih sup chuan ka melh vat a, min en ve miah lo motor hma lam hlir a en.


"Ka hrethiam lo" ka ti ve sap a. Kan țawng zawm tawh miah lo bawk.


Building pakhat kawt ah hian a ding dat a,
"Ka țhiante in ania, peng lawk ang" a tih sup chuan ka chhuk ve mai a. Kawng àn atanga chhawng hnihna ah chuan chho leh in kawngka chu tala hian alo in kalh bam a. Kawngka sir a pot an hun chu chawi sawn a chahbi a rawn phawrh nawlh chuan phawk lek lek hian ka lo melh! Mahse engmah ka zawt ta lo.



"In tur eng emaw i duh em?" inchhunga kan luh chuan ati leh sup a. A hmel ah chuan nui hmel a pu lo a lungawi lo hmel pawh a pu chuang lo, mahse nuam ka ti miah lo thung.


"Tui vawt a awm chuan" ka tih chuan bu nghat in choka lam emaw chu a pan vut a, kei in inchhung chu chik fe in ka lo melh kual thung. In lian ani lo a, mi pakhat chauh chenna awm vel ani, mahse a nei tu chu a rethei lo tih hriat tak in a chei changkang viau thung. Lian lo mahse a kim ve biai hian ka hria ka hmuh theih chinah.


Sofa in hunga ka țhut thlak hnu lawkah chuan Dinsanga pawh chu a rawn lang ve leh hlawl a, tui min rawn pek chu ka lo ban vat a, min pek pahin ka bulah chuan a rawn țhu thla ve dawt bawk.


"I lungawi lo ami?" tiin ngawi renga kan țhut hnu chuan ka zawt ta chiah reng a. A lu lo thing mai mahse lungawi lohna emaw rilru kap deuh tu nei a ang ka ti.


"Sawi rawh, a pawi lo ania" ka lo tih leh chuan min melh hmasa leh run run a, min zir chianh a ang te pawh ka ti.


"Naute hi i duh ve tak tak em?" a rawn ti ta chiah reng a. Eng rilru pu a chutiang min zawt nge anih ka hrethiam miah lo thung.


"Duh lo ni ila ka paih daih tawh ang, mahse tinge chutiang min zawh?" ka lo ti let haw a. Duh lo ang hrim a min chhuah a tum chu ka run hle bawk.


"A chhan maw....naute vang hian ila nui miah lo tlat a, ka sawi awmzia i hria ang i hlim hmel ka la hmu hauh lo" a rawn ti ve zat bawk. "Nizana min lo biak pawn i țap hial anih kha, engvang nge? Naute chung changah hian i lawm ve theih miah lo a, a thim zawng hlir hian thil thlir țhin suh" a rawn ti ta nghut a.


"Zodinsang!" ka lo ti hlar thung. Naute hi ka duh lo ani lo, ka chhungkua ka ngaihtuah mai chauh ani, duh lo ni ila hepa ka hrilh hma hian ka pah thei reng mahse ka ti lo!
"Thil i ngai kawi kual mai mai anih kha!" ka tih pawh chuan tak run hian min melh ngur a, ka melh let ve ngal bawk.


"Anih si chuan tinge i hlim ve miah si loh! I duh lo anih chuan sawi rawh keimah pawn ka enkawl thei em em ang" engvanga la kawi vak nge maw anih le!


"I mak! Ka duh lo ka tih loh chu......Ka duh lutuk tlat mahse hemi vanga ka chhungte na lai tur ka ngaihtuah hian keimah ah ka inthiam loh a chuvang chuan ka hlimna a kim thei lo mai chauh ani... rei lo te pawh an kiangah hlim taka nun hman kha ka duh rih anih chu....." ka ti leh hlak a, ka mit a he nghal ruai ringawt! Hmeichhia hi chu kan lo zuau hma țhin.


"Kar 1 a tawk em?" a tih tak sup ah chuan ka lo bu nghat a, chu ai a rei anih chuan ka chhungten min hre chhuak mai thei tlat, kar 1 pawh hi ka in veng zo ange maw? Mahse engkim adang lama hma a an bula ka awmdan anga awm kha ka la thlahlel em ani.


"Ka rual in i haw dawn nge i la cham deuh dawn?" a rawn tih leh takah chuan ka bo deuh, Malsawma kha apu te khan a thla hual an tum kha nia, ka la awm ve rih angaih hmel leh deuh sia.


"La awm ang, engtik nge haw chhoh i tum?" ka lo ti ve zat a, a lu a thing mai a. Ala chiang lo tih ka hrethiam.


"Hei tu in maw ni reng reng?" ka tih leh chuan ka tui bottle ken chu rawn la in a in leh te te a, tum bar in ka lo melh nghal khui thung.


"Rohan-a" a tih sup chuan nichina Doctor pa kha lo ni rengin kan en kual țha leh a, sitting room kil lam Tv a hunna hnuai ah chuan a certificate țhenkhat pawh alo tar reng tih ka hmuh chuan ka nui tawi tak ringawt.


"Khawnge a chhungte?" tiin ka zawt leh zat a, "Vanlaia tla kan tih kha i hrethiam em?" a rawn tih chuan phawk zet hian ka melh a, dawt sawi hmel a pu miah lo, alo thu tak ve run mai.


"A nu leh pa leh a unaute kum 15 mi anihin accident in a rual in a chan vek a, an motor leh truck lian an insu ani awm e" a tih leh chuan ka melh deuh ngawih ngawih a, ka mitthla ah kha Rohana hmel kha a rawn lang nghal bawk, kum pawh ala tling dawn silo a ka khawngaih ta kher mai.


"Engtin zel?" tiin la hre chak zet chuan ka lo zawt leh a.


"An motor kha kawngthlang lamah a hnawl liam a, anu leh pa leh a ù tleirawl 2 a chan, amah kha vanneih thlak deuh in an lumna lamah motor khan a vawrh chhuak a, a ni chu a inhliamna hran lo mahse an motor kha puak zui leh in a chhungte chu chhan tlak an awm tawh lo ani" ngaihtuah zui vang vang hian ati a, a mitmeng atang ringawt pawn pawi atih ve hmel tak zet, a țhianpa chu a khawngaih ve viau ngei ang.


"A nu lamah belh tur anei lo a, apa lamah lah tuman an enkawl duh silo, ti chuan ka pa hian lo hria in a khawngaih ta em em a, class-xii kan nih atangin kan awmdun ta chawt mai ani, ka pa in ka school kalna ah a kal tir ve zel a, ka sawi hmaih pakhat Rohana pa kha ka pa te hnuai a security guard hna thawk ve ania chuta țang vel chu ani ber. Ram dang a ka awm pawn kan inrual khai bawk nen ka pa in ka awmna apiangah a dah ve a, keini lahin nuam kan lo ti bawk ani Doctor line ah a kal laiin kei erawh ka heti vel mai mai anih hi" tiin a nui suk a, an tun hma hun ngaihtuah ni awm tak in a melh ngai melh in anui suk suk a, chutah kei min rawn melh ve leh.


"Rohan-a kha ka unaupa anih ber chu....mahse" tiin ka chal si zat chuan a rawn kun hniam leh a " Ka thik tho ania, ngaihtuah tam vak suh ang che" tih zui sup in ka hmui a rawn fawp zawm zat a, a va mak țhin mai mai tak. Mahni unaupa te leh zel pawh!


"Thil dang ngaihtuah vung vung lo khan min chhang let rawh" ka hmui fawhna thlah zauh in a rawn ti leh nghut a, ka hmui ah bawk a bur zawm leh zat bawk. Thil dang ngaihtuah hleithei miah lo khawp a duhthawh a min fawh takah chuan àm zet hian ka lo chhang let ve thuai a. A zei leh pek khawp mai Pathlawi leh Val senior ho aia zei an awm lo an lo tih țhin kha adik aniang, mahse pathlawi pawh ka la fawp ve bawk silo.



A kut a hlei leh țan tawh, lo dang dawn ila anih tur ang ang kan ni zo vek tawh bawk si, ka hmui a fawhna thlah vut in a ding chhuak nghal vut a, mit meng phi riai a ka lo en chuan nu suk in kawngka pui lam chu apan ta daih a. Mak ti leh hrilh hai zet a ka lo en lai chuan kawngka chu vuanin a kalh nghal rawk rawk anih chu! A thil tum mai mai chu!



Dar 4 vel ah Rohana pawh chu lo haw in, kan lo awm dun ral a hmuh chuan min nuih suk suk in min fiam zauh zauh bawk, Zodinsanga nen an mizia in ang phian leh nghal.


Dar 5 dawnah Dinsanga'n College vengah min thlah thla a, inchungah zawk ka riah dawn avangin alo lut ve ta kher lo mai, mahse car chhungah duhàm zet in min fawh leh chiam tho kha.


A tuk ah chuan chaw hma lam Patea te inah chuan ka awm a, Dinsanga pawn a khat tawk in min lo be reng a, bazar ah te chhungkaw mamawh eng eng emaw an chah lei tur in a chhuak dawn ani awm e.


Tlai dar 4 velah Fela'n min lo call leh teh mial.

"Lunglei ah ila awm tiraw?" a rawn ti nghal vut a.


"La awm e" ka lo ti ve mai bawk.


"I awmna lo sawi la, Mala thla hual kha vawiin ania, ka rawn lam ang che" a rawn ti ve nghal vut bawk.


"Eh! Mi an tam awm si a zahthlak e, Kimkimi a kal dawn em?" ka ti ve zat a.


"Dawn e, a kal tawh hial ang Mala ten an sawm a, nangmah lam kawi turin kei min ti thung" a rawn ti nghal lung lung a.Ka rai thu vel kha engmah a rawn sawi lo bawk nilo hria ang pawn a awm leh tawh lo ani zawk mah ang. " I țhiannu pawn a beisei ang che, lo insiam ve vat mai rawh dar 5 velah ka lo sawm ang che a rawn ti leh mai a. Ka chhan hma in a dah zui daih bawk.


Patea te ka hrilh chuan kal ve tur in min lo ti ve vat a, vawiin pangpar pot vel ka khawihpui nasa nen ka bal vek bawk si, kan inbual hmasa leh zawk zawk a. Dinsanga chu call kher tawh lo in ka text tawp a, ala online lo zui, a hrethiam ve mai ang chu maw!



Dar 5 velah kan chho a kan tum ang in thil a kal leh ta lo, Mala a tlu a rang taka damdawiin panpui ani. Kimkimi mangang leh thlabar lutuk chu nikhaw hrelo in a tlukphah hial a, an va lainat awm dun tak, ti em em tuar tur hian tihsual an nei lo asin.


Mahse Siamtu Pathian ropui zia chu hemi țum hian ani chiang taka ka hmuh ve tak ni. Khawngaihna leh lainatna Pathian chauh ani lo Hmangaihtu nilo Hmangaihna Pathian ani miau a, kan nun zawng zawnga thunei tu kha.


Chumi tuk a keimaha ka țawngtai ve na thu chu Dinsanga tan ani ve tlat, vawi tam dil sak ve mahila khami țum ang renga urh sun khan ka la dil sak ngai hauh lo thung.



*___Cut_____*



Tuesday tlai chuan Haulawng ah ka haw chho ta hram a. Ka chhungte pawh chuan chinchang min lo zawt ve luam a, ka pa hnen ah bik kan thil tawn dan ka hrilh chuan a nui suk a, a mitmenga lawmna chu Pathian vang ani tih ka hria, midang in thil țha leh hlimawm tak an tawn a lawmpui thei em em pa kha ka pa ani miau a, tunah pawh a bik taka ka hrilh chhan hi ani reng ani.


Zanah Dinsanga leh Kima te țhian ho an rawn lang leh zat a. Ka pa te nen chuan an inkawm khawm leh liam liam a, Dinsanga hmek hmuk erawh in ka nu leh pa biakna bak a țawng țha leh duh tawh vak lo, a va sual thiam țhin mai mai tak.


"Damdawi i ei țha em? Vitamin te kha" tiin ka beng bulah a rawn phu ru sup a, Football en a an au leh ruah ruah lai ani bawk a midang chuan a thusawi chu an hre ve lo in ka hria. Ka lu ka buk nghat chuan nui suk in naupang chhia zet hian ka sam a rawn tuai zauh a, naupang chhia ang maia min chei bawl chu hmui ka lo tih pawrh khum tarh ringawt.



Dar 9 pelh hlek ah inkhel zawh hnu deuh in Kima te țhian ho an haw ta dial a, kawngka thleng ka va thlah ve thlap bawk. Dinsanga hriat loh tur chuan min han chhaih ru vel a, chhe reuh hlawm lutuk mai! Nui vur vur a sitting room lama ka va phei leh chun min lo melh rum leh ul tawh. Ka nu leh pa kha an lo mu ve leh daih tawh aniang, an țhutna alo ruak hiai tawh.


"Enge khati chiama min en?" ka tih chuan a rum deuh nghat a. A ner pah sawk bawk. Enge maw a hriat ve reuh leh tawh ni!


"Va nuih hawr hawr angai lo" zawi thum sup hian alo ti a, a ngaiah bawk kan kual kan kual leh dawn anih hi. Thikthu reh thei lo pa hi!


"An fel zia chu a, tunlai tleirawl ah chuan ruitheihthil an t ve bawk silo" ka tih leh chuan min melh rum chiam ringawt.
Ka sawi chhan emaw a inti niang ka sawi chhan tawp silo a.


"Naute pawn a phal lo" a rawn tih chuan ka beng nghal pawp a, ka hawi kual nghal kan thusawi hre phah tur tumah an awm lo in ka hria. Naute sawi lanna hun ani lo lutuk.


"Ka ngai tawh ania" ti leh sup in ka pum ah a rawn kuah nghal thuk a, ka darah khabe rawn nghat nghal in ka nghawngah a hmui a rawn nawr si zat a, a thaw chhuak nghal ham ham bawk. "Min ngai ve em?" Ti leh sup in ka pum chu a chul deuh ringawt leh nghal.


"I sawi pawh ala hrethiam lo" ka lo tih chuan ka dar ah a rawn seh zuah a, ka lo tal phut bawk, dar khawih th vel ka huat zia a hre reng sia tuna ka dar a nghen pawh hian ka awm thiam hleithei lo anih hi.


"A hre vek, min ngai lutuk ati" a tih chuan ka nui chhuak hak a, rang zet in ka hmui ka hup leh. Ani pawh anui ve tho. Val senior pui hi a chhaw ve leh tlat zel.


"E heh e heh.... ehemmmmm"tia aw rawn thian chiam tu lam chu ka melh vat a, Lalthanzela bawk in inla thutak zet hian sitting room leh room lam pheina bulah lo ding in min lo melh run anih chu. Dinsanga lah chu min la kuah run a, mahse ka dar ngheng lo in a țhu rem ve ta thung.


"A va vawt awm ve in si rial a inlo awm vel" a rawn tih chuan rum zet hian ka melh a, Dinsanga erawh anu mai thung.


"Va mu hle hle teh" ka tih chuan a hmui ti pawrh in min melh khui a.


"Blanket a tam mai, vawt i tih hmel sia ka lo khuh dawn che mi" a rawn ti leh zat a.


"Kal teh!" ka ti hlak chuan ka bula mi chu alo nui leh ruh ruh tawh.


"Nichina i nuih ang khan nui tawh suh ang che, kan kawm thlanga ar khuang thei lo khuan tum ve si khu i ang lutuk ka hlau ťep che" a rawn tih leh pek chuan ka bul lawk a tv remote chu banin ka tin nghal uai a, vawm fuh hlau lutuk in posi alo la nghal at bawk.


"Dah nghal rawh, i à si i ti leh tak tak ange, anu te an mu tawh nia" ati nghal zuah zuah a, rum zet a melh leh in ka vawm ta em bik lo.


"I awm dan hi U Dinsang i lo chik ve em? a mizia leh a che phut phut te a thin chhe em em te hi" a tih leh pek chuan Dinsanga pawh chu alo nui mai a, kei erawh in Lalthanzela rawn uang reng chu ka lo ning viau tawh.


"Enge? Hmeichhia ang mai ziah zuah a" ka lo ti hlar chuan min han chek khum tlak tlak ngei a!


"Kha maw!" a rawn ti leh.


"Engeeeeee"


"Chhul țha lo i ang?" tih leh tlan chhiat a rual a, lukham te chuan ka vawm zui nghal zat nangin a fuh hma ta lo. Ka bialpa awm lai lai in chhul țha lo ka an thu min sawi khum ania! Zodinsanga lah chuan min chhan a hneh in alo la nui suk suk zui!



*_________*_________*__________*


● Naktuk zan hi parents teachers meeting kan core teacher hian neih ati deuh a, mahse thuchiang ala awm lo, kan neih palh chuan ka lo dah hman dawn lo a, online meeting anih dawn avangin a rei leh hmel sia, mahse a chiang lo aw......Thu chiang comment lamah kan sawi leh dawn nia, Muttui em em ule😍💝💜💙💗💞💛🌹🌺💖💞💕💌

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 2:00 pm

Chapter ~ 29


Zodinsanga haw hnu ah Kimkimi nen kan inbe leh zuai a, ani pawh Lunglei lamah ala awm ani awm e, a sawi danah naktuk emaw tukleh lamah haw phei a tum ve aniang. Dinsanga ve ren run erawh in text hi a that chhe ve țhin nalam tak ani bawk a, min haw san chauh e tilo chuan min lo call leh nghal zat tawh.


A tuk zingah chuan chaw ei laiin au Valpuia leh ka pa chu an ti ti mawlh mawlh a, mama'n alo zawm zeuh zeuh bawk. Au Zela erawh in ka nu ati buai leh sek thung.


"A țha lawm, mahse khawi vengah vel te nge niang?" tia ka pa in Au Valpuia a zawh leh chuan a zawh chhan hre miah lo mahila ka va melh ve haw mai.


"Chhinga veng ah sawn ka țhianpa hian an pahnih te a luah tur chu hriat a nei a, a țha ve pangngai viau ati mahse anni 2 hi chu an ngaihtuah awm ve viau mai han tla fal tur chuan" Au Valpuia chuan Au zela nen min melh tawn paha atih leh chuan kei ai daih in au Zela bawk in alo run leh tawh.


"I sawi ho e a, puitling ve ve kan ni tawh" alo ti deuh hmuk a, "I u khatin chhang țhin suh" ka nu in alo tih zat chuan hmeichhia ang mai an meng rum kual vel.


"Ni e puitling an ni ve tawh lawm, an in enkawl thei em em ang, in chu engzat in nge an chhiar reng reng thla bi in" Ka pa chuan a rawn ti leh dap dap a.


"Thlatin chuan 6000/- vel ani awm e, mahse tui bill leh electric bill a free thung a, tui haw loh țum pawh awm thei ania, an in atanga kawng hnuai lamah tui khur a awm bawk nakinah a thlalak ka hmuh ang che" alo ti ve leh zat a.


"A veng a him maw? Eng eng emaw te tawng thei an nia a inneitu te pawh biak hmasak a chinchang te pawh hriat a țha mi țha vak lo an lo nih te phei chuan ka rem ti dawn miah lo ani" Mama chuan a rawn ti ve bauh a. Ka nu in alo tui hnih vat bawk.


"Mahse tinge tun angah te chutiang in sawi online class kan la kal dawn alawm" ka lo tih ve leh chuan " MZU lam chu inla kal thei dawn anih hmel sorkar order la awm chiah lo mahse thuthang chu a awm deuh tawh, a dawn te a tih chung chung aiin lo inbuatsaih lawk hi a țha ngai ania" tiin Au Valpuia chuan a sawi ve dap dap a. An puitling țhiau tawh bawk a an thu khel pawh an la thutak ve thiam tawh viau, Au Zela nen erawh kan la puitling hlei thei lo anih ber hi.


" Kan la kal awmlo emai, hetiang hri leng karah" ka lo tih chuan ka nu in min lo zilh leh erh tawh. Hmalam hun a hriat loh te tia eng eng emaw min sawi khum hrep mai.


Nileng in ka pa in kan inhnuaia tui khawihna siamtu te lo vil tur in Au Zela nen min tia, a vil a han invil ral ah meuh chuan aninawm ka ti, an tih ang ang kha ka pawm vek mai sawisel turin ka thiam ve pawh ni hlei lo.


"Zothan, Zothanpui i phone a ri!" tiin ka nu chuan min rawn ko leh lawng lawng a. Min ko no lo ve thei sia, midang zawng zawng zingah hian.


"Zothanpui i phone ari" au Zela anu tihdan zir a a bike siam ke vuah mawlh mawlh paha alo tih ve leh chuan a tukhumah chuan ka nam bu lawp a, "Zothanpu..." ti rum ul a a rawn in her dawn lai chuan chak zet in inchhungah ka tlan chhoh san ta daih a. Min la rawn melh khui khui tho.


"Be vat vat la, hei thingpui in a hun dawn" inchhung ka luh rual rual chuan alo ti leh sawk sawk a, chhang hran lo in ka phone awmna lam chu ka pan thuai a. Ka lak hma chiah in a tawp hman daih lehnghal. Dinsanga anih avang chuan ka room lamah phei puiin ka call back zat a, alo la ve vut bawk.


"I bua ami?" a rawn tih sup chuan a aw a dam leh dap dap hle.


"Aih, buai em em lo e, inhnuai ah ka awm a ka nu in min lo ko a, ka lak hma chiah in a tawp hman anih kha" tiin ka lo sawifiah nghal zung zung bawk.


"Thil i ei tawh em?" a rawn ti leh daih a. Tu hà lo țhin ania.


"Aih, kan ei țep ang, ka nu in thinhpui a lum mek in ka hria hnathawk ho inhnuai ah min vil tir a" ka ti leh nang nang a. Ka vui ve deuh reuh, patling hnathawk bula hrethiam mang hlei lo a lo țhut ve ran te chuan anuam em em hran lo.


"A va pawi ve, ei chak i nei em? In ril a țam tawh awm sia?" a rawn ti leh dut a. Eitur chu ka rilru ah a rawn lang tam nghal na ngiang mai.


"Rice, momo, egg roll leh thingpui sa ver vawr hmarcha thak tui tawk nen chana leh paratha pawh ka ei chak tho " ka lo ti var a, ka mitthla ringawt pawh chuan ka ril a ti țam rawih rawih theih.


"Awle, Ka lo peng kawi ang" a rawn tih chuan sana ka melh vat a, dar 12 alo pel leh hlek tawh, an luch break lai ani aniang.


"Kan kawt ah lo ding suh aw" ka ti leh vut a. Inkawp deuh reuh kan ni tih chu ka chhungte hian hre mahse langsar lutuk a an hma a inzui erawh nuam ka la ti meuh lo. An hmai zah ana emai.


"Um...naute khan min ngai em?" a rawn ti leh daiha. Inla pa deuh hian naute ati ve durh durh hian min ti hlim deuh tlat anih chu. A lawmawm phian asin.


"Ngai lutuk, a ril a țam tawh a" ka tih chuan a nui suk a, "Ka lo mal thuai dawn aw, anih leh" tiin phur hmel zet hian adah nghal daih a. Ka nui ta tawp mai. A phur lutuk hian kei tak pawh min ti hlim ve zo vek tawh ni hial in ka hria.


"I va rei ve Zoi" ka nu in a rawn tih leh lang lang ah chuan phone chu dah in ka phei ve leh ta hnak hnak a.


"Chhang kha lo phawrh rawh an ril a țam tawh ang, i che muang thei ve din den si a, hmanhmawh ve rawh" a rawn ti leh hlak hlak a. Em em hian a!


Thingpui leh chhang keng chuan kan inkhai thla luk luk a, Pa Nuna leh Pa rama te pawh chu au in ka rem fel nghal zung zung bawk. Mi taima dun lutuk ni mahse a țawng tlem chi an ni bawk nen an zaidam viau nangin an bula awm a boring ka ti, mahni a ti ti te pawh ka ang in ka hria an bula thil ka sawi ve hlut pawh khan.


"A va mawi dawn ve" tia an thil siam ka en laia ka sawi chuan nui chungin an lo bu leh maia a va buaithlak thin.


Au Zela a rawn phei ve takah chuan tiin inchunglamah ka chhoh san ta daih a. Kan step ka rap chiah tiha motor horn rawn ri avang chuan rang zet hian ka inher nawk a, Dinsanga motor in min tlan pel nghal vut bawk. Rang zet hian a tlanna lamka en zui a, kan inchhak kawngkawi zua laia ading tih ka hmuh chuan lawm zet hian inah pawh lut ta lo chuan ka han chho nghal nal nal a.


Car tukverh darthlalang ka kik dat dat chuan a rawn down ve vat bawk.
"I lo lut dawn lo em ni?" alo ti vut reng a. A kawr lum hak chu a hlip nghal vut bawk.


"Ka nu in min lo zawng leh ruai palh ang" ka ti vat a, a kawr lum a dah fel rual rual chuan "Thil chuuu" ka lo ti nghal sek sek a ngun zet a min melh lai chuan a hmel ah chuan nuih za hmel alang in ka hria.


"Tu zawk nge rilțam zawk?" a rawn ti leh vut a, stearing ah a kut pahnih nghat a bawk thla run in ka lam a rawn hawi thung.


"Naute" ka lo tih vat chuan anui chhuak hawk a, ava sual thiam mai mai tak.


"Mommy pawh a țam ve em?" a ti leh sup a.


"Țam e, mahse tuman ei tur min pe duh silo a" ka tih chuan anui leh suk a. Rawn țhu kang țha leh in hnunglam chu a ban ruk ruk a, polythene dum a fun ve țat chu a rawn khai chhuak ta mai bawk. Ka lo ban vat a.


"Kan lawm e" ka tih chuan akhi leh suk suk a. "Naute pawn ati nih chu" kan buk velah mi an awm lo tih ka hriat hnu chuan ka ti leh vat a. A mitmenga hlimna leh phurna lawmna rawn lang chhuak tup tup avang chuan ka sawi sual miah lo tih ka inhre bawk.


"Keipawh le, nì a sa sia, zu let tawh rawh u" ati leh sup a. A mitmenga min la thlakhleh zia chu ka hmuh hmaihmiah lo, mahse rei lo te chauh angai tawh kan hun tiam thlen nan khan, kan nghah leh hlek angai ani.


"Kan lawm e Apa" nui chunga ka tih chuan alo nui ve leh suk a. Inlampan chuan inher in kan chhuk thla ta bawk. In kan luh hma chu a dinna ngaiah a motor nen chuan an la ding reng a, kawngka kan luh hnu lawkah a motor thawm ka hre zat bawk.


"Enge i khai ruk țut țut kha" tiin ka room lam ka pan lai chuan ka nu in alo ti a. A ruk a ei tum ve mahnak laia.


"Rex-a hmawmsawm ve tur" ka tih chuan min melh no lo teh e.... "Ui tan hmawmsawm lei lei angai lo" ati deuh pang pang a. Chutih lai chuan room ah ka luhsan daih thung.


Room kawngka chu chhunglama in kalh khum in ka dawhkan lian vak lo hma ah chuan ka țhu khar a, a thil rawn lei vel chu pawrh in ka hawng rak rak a, ka sawi ang kha a rawn lei vek a.


" Tui deuh inkan ei dawn, Kan lawm e" tiin a thik rawn lei ho thlalak chu ka thawn leh a.
Egg roll 2 ,rice 1, momo 6, channa plate khat nen , a lawm awm thei ania.


"Ei zo vek ang che, i duh leh pawn ala awm aw" a rawn ti deuh thlap a. Reply tawh lem lo chuan ka ei zui mial mial bawk.


*______*_______*_______*


"Naktuk ah hian chawhma lamah ka țhianpa alo chho dawn a a ruak in Aizawl an phei ve mai dawn emaw ni? Sumo ngawt ai chuan a chuan te pawh anuam anga " tiin chaw ei lai chuan Mama'n alo sawi keh pek.


"Ala hma si ka duh rih lo" ka lo t vat a, Au Zeka erawh a ngawi ve run mai.


"Hma lo e, notice a chhuak dawn MZU lam chu in kak thei dawn anih hmek tunkar zirtawpni ah hostela awm tur te pawh luh vek tawh tur an tih kha" alo ti leh dap dap a.


"A va ni teh thut ve, kan la inbuatsaih hman meuh silo a" ka nu in alo ti ve chiah reng bawk.


"Nia, mahse naktukah chuan phei se inluah tur leh eng ilo vel pawh a en pui hman dawn aniang hei bak chu a awmlo, va phei phawt ula helam atangin keini pawn abuaipui theih na lai lai ah kan lo buaipu dawn nia" ati leh dap dap bawk. Midang chuan hnial tum hmel an pu pawn ka hre lo. Mahse keimah hian ka hnial duh chu erawh a țha ber em ka hrethiam lo.


"Mahse in te pawh en fel lawk vek angai ang kan tih kha" ka nu in alo tileh a.


"Vawiin lamah an va en alawm, a țha thaw khat viau ani awm e, room pawh a hrang ve ve in an nei thei dawn a, mahse alian thei dawn lem lo , va phei ve phawt teh se" Au Valpuia zawk in alo ti leh a. An tihdan mai mai chu min dah bo chak deuh te pawh an ang.


"Kar leh lam class tan anih tho chuan kar leh lamah ka phei duh zawk" ka tihpawh chuan ka nu chuan min ko thlawp ve teh mial a mahse midang erawh in an sawi ve lem lo khawp mai.


"Kal angai ani mai, peh hel peh hel chuan kan hreh tulh tulh a chuvang chuan tih a hun kan tihah chuan tih tawp mai tur, zanah insiam lawk vek ang che u" Mama chuan ti leh vut in a tho zui daih a. Angaihna hre lo zet a ka melh kual pawh chuan midang hmelah chuan danglamna alang teh chiam lo ka nu leh kei chauh kan ni mai.


" I u ten a țha an tih chuan zawm phawt mai la, alo haw leh theih vat mai ang" tiin ka pa chuan a rawn belh leh vat bawk.Engvanga chutia an rilru danglam ta thut nge anih chu ka hrethiam lo kher mai. An mahni thlahlel em em in inruk pawh ka la duh lo kha nia, chutia rilru dang pu thut a min thawn bo tum ang hrim a hma an han la nghal zat chu ka run tak zet. Chaw eina thleng kan seng fel lai chuan kan unaute pawh chuan kan inbe khat hle a, mahni chet chet in kan che sawk sawk ani mai e.


Ka chunga an thu tih tluk dan mawlh mai chu ka pawm thei lo chiang em asin.Duhthlan tur dang neiin ka inhre lo. Zan ah chuan an mut vek hnu nia ka rin ah chuan Dinsanga chu ka call ta vat reng a, chu ka thuthlukna chuan ka chhungte chu a hliam ngei dawn tih hre mahila ka ti lo thei silo.



*_____^______^_______^______*



(Zawmna)



Ka beng a ka phone ka nawr beh chu ka ngaithla vang vang a, a tawp lamah a rawn la ve hram a ka thaw huai bawk.


"Hello" a rawn tih dut chuan thawk kan la leh hmasa te te phawt a.


"I buai ami? I la har sia" ka ti vat reng a. Han sawi mai dan tur ka hre lo.


"Buai lo e, ka inbual zuai a" a rawn ti ve leh mai a, ka thil sawi tur chu ka inngahtuah chiang leh a, ka zam a ka hlauthawng bawk. "Tinge ni ve teh mial, naute in min ngai ami?" nui suk pah hian ati leh vut a. Naute lawma hi a!


"Aih, anu zawk hian angai che" ka lo tih chuan a rawn nui leh suk a. A boruak hip a zan hmel bik lutuk thin hi a nuam awm hi ka ti.


"Okay, momma chu duat angai ami?" a rawn ti leh sup a. A aw a nuih zat hmel hle, ka rilru ala peng daih lo chuah ani.


"Aih, min lo hruai rawh naute nen" ka tih chuan a nui leh hawk a.


"Khai leh! Bawihte min va ngai awm ve" a rawn tih zawm zat bawk. Kan rilru lah hi a inang silo a, ka ngaihtuahna ang hi angaihtuah thleng pha miah lo tih ka hre bawk. Mahse tuna ka kal tlang pui loh chuan ka ti thei dawn lo tih ka hria. Mama hi eng chiah in nge a rilru ti buai ka hre lo mahse ke ang chiaha luhlul ani tih ka hria a, hetia chet ka lak khalh mai loh chuan kawng dang a awm rih lo miau ani.


"Zodinsang, min lo hruai dawn em?" ka tih leh hlak a. Mama leh ka chhungte'n ka rilru an ti buai hetiang rilru ka put theih lai hian min lo hruai tur in ka duh anih loh chuan eng eng emaw vangin a theih loh leh mai ka hlau ani.


"Ok ok insum la, tlai deuh tawh mahse Anu in min ngaih te chuan ka lo kal ang" nuih za aw zet hian a rawn ti leh a. Kei erawh thawpik zet in thawk ka lo la leh halh tawh.


"Ka fiamthu lo nia, tunah min lo hruai rawh naktukah Aizawl ah min dah phei an tum ania, tunah naute nen min la hmuh duh chuan lo kal rawh" ka tih leh hap a. A reh zui ti tih nghal hmak bawk.


"I duh lo mi?" ka ti tham chhal a, ka la inpeih lo atih mai ka hlau tak zet ani.


"Lo insiam la, in ha lum țha rawh aw a vawt dawn sia Lunglei ah kan chhuk mai dawn nia, thawmhnaw pawh ken tam angai lo" a rawn ti dam ta dap a. A aw ah erawh atih tak zia a lang tawh bawk. "Bawihte, i hre thei em?" ka chhan lawk loh avang chuan a rawn ti leh zat bawk.


"Umm, kan inthlangah khan lo tlan thla mai la, ka lo nghak ang che" ka tih let sap lai chuan ka chhungte bawk ani ka mitthla a lo lang leh ni, zahna leh hrehawmna nasa tak ka thlen dawn si a, mahse he erawh tuna siam țhat theih ani tawh bawk silo, a kawng țha ber nia ka hriat hi tihtawp angai ani.


"Ka rawn thleng har lo ang, inthuam lum țha la ka tih chu aw" a rawn ti leh sup a. Ka inthuam lum tur thu sawiin kan dah ve ta mai bawk.


Ka thawmhnaw hak lai chu thawm dim tak siin ka thlak nghal mawlh mawlh a, ka thawmhnaw tlem leh ka underware vel chu ka bag lian lem lo takah chuan ka khung bawk a, ka inpeih chu ani deuh der.


Thawmdim tak in ka room kawngka chu ka hawng a, sitting room lam leh bedroom ho light chu a lo thim vek tawh. Dar 11 a pel vel tawh bawk a. Au Zela erawh ala men ka ring mahse games khel a earphone vuah reng anih vangin ka thawm erawh a hriat ka ring hran lo.


Sitting room a ka phei leh hnu chuan Choka light eng dul raih rawn chhun na ah chuan banga kan chhungkaw thlalak intar lian pui chu ka melh vang vang a, nikum chrismas a kan lak kha ani bawk a kan la hlim tlang hle bawk. Mahse khing kan nui hmel te khi thim in a hliah ta mai dawn si a.



Ka mittui hnam sawk chu ka tuai thuak a, kawngka pui lam panin dim zet a hawngin ka chhuak ta zal zal bawk. Pawn thli vawt var in min rawn chhem takah chuan ka harh hawk mai hian ka hria, thawk la leh halh in kan inthlanglam kawng zawk pawh tur chuan step ah ka chhuk thla ta a.


Kawngpui ka thlen hnu lawk ah Dinsanga phone tum a ka phone ka phawrh lai tak in ka bul lawkah a motor ngei mai chuan a rawn ding hlawl mai.


Rang zet in a rawn chhuk hma chuan ka lut vat a, car chhung light chu lo on in ka bag chu alo ban ve vat bawk.


"An hau che em? Nangmah i țha tiraw?" hnunglama bag a theh phei nawlh hnu chuan a rawn ti leh vut a, a mitmeng thu zet a min melh ngur lai chuan lu ka lo thing vat bawk.


"Engtin mah min ti lo, kal vat zawk ang" ka lo tih sap chuan ka biangah a kut phah lehlam chuan a rawn dawm vut a, lehlamin ka kut pakhat chu la kang in a hmui chuan a nawr si vang vang bawk.


"Min ring tawk a, ka lawm " a rawn ti leh sup a. Lo nuih luih sak pah in "Naute pawn a duh ve" tiin ka lo fiam leh zauh a. A hmel thutak deuh run ah chuan nui hmel a rawn lang zawm zat bawk. Min nuih leh suk pahin "Naute ta tur" ti sup in ka kut bawk chu a fawp leh vang vang a. Hun hrehawm tak kar ah pawh kan la nui thei chu nia, akiangah hian zep thu a cheng lo ka thlamuang miau ani.


Motor atanga kan tlan chhuah dawn chuan kan inlam chu ka han hawi leh a. Choka thlanglam tukverha kan lam hawia au Zela lo ding reng ka hmuh chuan ka phu zawk mai. Phawk zet hian ka han melh lai chuan Dinsanga chuan motor chu a tlan tir ta mai bawk nen ka han hawi let leh țawk țawk a, tukverh chhana ban a rawn vai zauh chu ka hmu hman ta tho. Dinsanga chu hrilh duh deuh mahse a rilru a buai ang tih hlau deuh bawk si chuan ka rilru a inkhap a, ka sawi ta lo law law mai.



" A vawt i ti em? hnunglamah khian blanket a awm ania" Haulawng kan chhuahsan hnu lawka a rawn tih sup chuan hnunglam chu ka han hawi vat a, seat hnunglama lukham nen emaw ni alo dah chu engtin tin emaw ka han ban a, seat chu ti awn leh deuh in Dinsanga lam hawi chuan sai sir in kan inkhuh hlan bawk.


"Chuan engtin nge kan awm ang?" ka ti leh sap a.


"Rohana inah duh leh kan awm rih mai dawn nia, min rawn koh hun te kan nghah ve angai a, engkim a țha vek mai ang" alo ti dam dap ve mai bawk.


"Mama nen in inhau ami?" ka tih sap chuan min rawn melh zawk a, ka zawhna chu hrethiam lo hmel a pu deuh bawk.


"Hauh awm ka va hre lo ve" alo ti sup bawk.Anih si chuan engvanga Mama kha khatia awm thut nge maw anih ni! A hma zawnga engmah sawi silo tuna rawn buaipui thar vuk ni.


"Mama'n ania Aizawla phei tur ti, chuan ka pa pawn a hnial hran lo a an ti teh thut lutuk kha mak ka tia mawle" alo ti leh hap a.


"Engpawh chu nise tunah ka nupui i nih theih phaha kei chu ka lawm tho mai" a rawn tih leh sup chuan rum zet hian ka lo melh a. A ngaihtuahna teh daih țhin hi a!


"Min melh no vel suh aw ngaihtuah ngai loh tur tur ka ngaihtuah palh ange" nui suk paha a rawn tih leh pek chuan ka lo ner khum chiam ringawt. Mi thutak ve lai lai a.


"Mama chu maw a luhlul lutuk a, tunah pawh hian kan lakah a hel deuh mai the ani mahse a rilru chhiat vang lam nilo in min ngaihtuah vang zawk ania hriatthiam hram hram angai dawn aw, a zaidam lutuk nang hian a duh lohna chinah erawh luhlul ve the tak ania, hun kal deuh se a rilru te pawh a thlak ve mai ang" tiin ka hrilh leh mawlh mawlh a. Mama hi a duh lohna chinah eng ang chiah in nge a luhlul theih ka hria a chuvang tak reng chuan Dinsanga thin bu tut ve bawk nen nilo lo a kan buai hrep ka hlau ani.


"Ka hria lawm, Chhantluanga luhlul zia te chu" alo ti awlsam ve leh thluam lawi sia. Lehkha zirdun ve tawh kha an ni bawk a an hre ve tak ang.


"Amah enge i hmuh dan?" tiin ka lo be leh zat bawk. Țawng reng ka mamawh hrim hrim ka mut a chhuak țan tlat a khawkar kawngah ka mutsan daih phei chuan a khawhar lutuk palh ang.


"Țha nia a hriat lam ah chuan a rilru zaeng zawng a pe țhin, a duh loh tawh erawh a rilru thlak tir a har hle thung, Pachuau lunglian dik tak" a rawn ti ve leh a. A dik ang, luhlul hle mahila Mama ang em em in ka huaisen tawk lo nge ani ka la tluk phah hauh lo.


Ka be ve reng emaw ka tih laiin ka lo muthlu daih aniang motor ding che deuh laih ah ka harh a, khua ala thim vek nangin Lunglei khaw chhungah kan awm tawh tih erawh ka hre ve vuai vuai.


"Ka lo muhil a" tia inthiam vak lo chunga ka tho chhuak chu min lo melh zawk in alo nui suk a, "Naute vang vek" ka tih ringawt chuan a ri meuh in min rawn nuih leh.


"Ni e naute kha a mut a chhuak aniang" a rawn tih leh chuan ka nui ve ta tawp.


A rei lo ah Rohana in pawh chu kan thleng leh mai a, kawng ațanga ka melh chhoh chuan Dinsanga'n a sawi lawk nge alo la eng uar mai. In kan han thlen chhoh chuan min lo nuih vur vur a, ka zak ve det.


"In lo tluang maw? in ril te a țam em?" alo ti ve luam a. Dinsanga'n min rawn melh vut chuan ka lu ka lo thing nghal vat a, engmah ei pawh ka chak rih lo.


"Tluang mai e" alo ti sup a. Ka bag a khai lai nen chuan a pen leh vut a ka zui ve dat dat bawk.


Room pakhat kawngka hi hawngin alut zui leh vut a, ka luh ve lai chuan bag chu room kil sir lamah alo hung fel chiah.
"Kan room hman rih tur anih hi ni 3 vel awm ila kan haw theih mai ka ring" a ti sup a. Ka lo bu ve nghal mai bawk.



"Chhuak phei leh lawk ang hmiang" a rawn tih leh sup chuan ka lu bawk ka lo bu leh a ka lampana rawn phei in ka kut ah a rawn vuan zat a ngun fe a min melh hnu ah ka chal ah fawp leh vang vangin room chu kan chhuahsan phei ve ta a.


"Ni 3 vel bawr kan awm angaih hmel" tiin sofa ah chuan kan țhu thla dun a, "Kan ti buai viau dawn che nih hi" a th zawm leh zat bawk.


"Zodinsang uang uang lo teh, kum khat pawh awm ula i ta ve tho alawm" nuih hawk hawk paha alo tih leh chuan ka nui ve sak a, a mitmenga ah erawh a ti mai mai lo tih ka hmu thiam bawk.


"Chutiang em em angai lo ang" alo ti ve leh țalh a, a va à țalh țalh reuh tak.


"In lo thleng tluang bawk a kei chu ka mu mai ang, duh leh mamawh inneih chuan lo indap chawp ve chuk chuk mai rawh u, Damdawi lam anih chuan fridge sir a drawar ah khian a awm ang" tiin a țhutna bula a meizial leh lighter, kuva leh phone te nen lam chuan ban in a tho țual țual a
"Muttui u aw" tia min rawn siai zeuh in a room lam panin a kal ta mai bawk.


"I ril a țam lo tak tak maw, tlai chaw i ei tam ka ring vak silo" a rawn ti leh hram a, chik zet in min melh pah khui bawk.


"Țam lo, thil ei chakna pawh ka nei hran lo" ka lo ti awlsam then mai sia, a nur nang ringawt.


"Naute tal a țam ang" a rawn la tih țawk chuan hahthlak ti zet hian lu thing na na chungin ka melh a, a awmdan a dang lo chuang lo.


"Apple a awm ang, lo va inti fai rawh room ah khan bathroom lian vak lo a awm kha" tiin min pawt tho ve vut a, keipawn sawisel lo in room lam ka pan ve thuai bawk.


Ka insil fai zo ka chhuah leh lai chuan khum ah chuan plate ah apple zai sa vek nen hian alo țhu run a, a ta țalh țalh hian.


"Ka rilțam lo" ti eng ang mahila naute ina ei chak mai thei asin tih țan in a ťang ve țung reuh sia kan ei sak tak pauh kha. Ka la ei tui phian zui. Mu tur a kan inpeih meuh chuan dar 3 a ri dawn tawh. Kan thlen khan dar 2 ala ri lo hlek kha nia.


"I chau em?" rawn ti dam thlap in ka hnunglam atang chuan min rawn kuah khawm vek a, ka la awm thiam chiah lo, nuam chu ka tia mahse ka khawr dwuh țut mai.


"Chau ve vak lo ka mut char char kha" ka lo ti let sap a.


"Kan inru ve sia" tih pah chuan ka pum chu a chul leh hauh hauh a "Kan ti ve dawn em?" a rawn tih leh chuan eng a sawina nge ka hre mai lo.


"Eng chu?" ka ti he haw a! A rawn rum nghut ringawt.


"Inruk zan te chu lawițhat zan tihna ni mai alawm" rawn tih leh nghut pahin ka nghawng vel a rawn nul thuak thuak a. Aaa...ka hre ve reng sia, mahse ka nghilh zo dup ta vel aniang, chutiang thil ka ngaihtuah pha tawh teuh lo mai.


"Naute nen kan chau sia Apa" tiin chhuanlam ka siam ta tawp a, ka zak ve e a.


"A țha lawm, kan chhungkua in tui deuh in kan mu mai dawn tihna ani mai" rawn ti leh dut in nghet deuh chuan min rawn kuah leh a. A thusawi chuan eng emaw ti riau hian min fan deuh bawk. Chhungkua, ni e, ti hian chhungkua kan ni țan dawn chu ani mai sia.



Ka phone ri in min ti harh a, dar zat ka en chuan dar 8 alo ri țep tawh. Screen a hming lang avang erawh chuan ka zam hle thung, Dinsanga mutna lam ka en a, ani erawh alo tho daih tawh nge alo ruak hiau mai. Lak tur nge lak loh tur tia ka inngaihtuah hlek hnu chuan ka la ta hram a.


"U" ka tih rual chuan a rawn thaw chhuak hak bawk.


"In tluang em?" a rawn ti ve leh mai a. Nizan khan min hmu tawh bawk nen ani hi chu kan lamťang aniang.


"Tluang e, ka nu leh pa..." ka tih lai chuan min lo pawt chat vat a.


"An thin chu a rim hran rih lo an chhungril ala tawt em aniang, ka nu phei chu awm ngaihna a hre lo hial a mahse lungngai suh an pawm em em ang che u, nakinah i rawn la be dawn nia an mangang ve lutuk a" a rawn tih chuan ka lo thaw hak ringawt.


"Mama te?" ka ti leh sap lai chuan a rawn thaw ve hawk a.


"Mama chu a thin a rim lutuk a, mahse engmah ala sawi lo, mahse a țha leh vat mai ang, au Valpuia chu a zing chhuak alo la haw lo thung, ka nu'n min ko ka va kal lawk ange ka lo ve leh ang che" tiin kan inbiakna kan ti tawp zui a. Awmdan tur mai ka hrethiam lo! Mama chuan min huat ngei ka ring bawk si, thaw a pik ngawih ngawih.



*__________*_________*__________*



● Ads kha lo click leh vek ula maw😁 In fel kha, ka charger a chhe lehnghal a hei nu leh pa pur buai miah lo in nangmahni vang liah liau in ka la nei thei dawn zui niin alang a, ka lawm em em ania🥰🥰🥰 Lo muttui leh suk suk rawh u😘



Chuan ads khu lo click leh hram ula tiraw in fel em kha😘

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 2:00 pm

Chapter - 30


Khuma ka țhut ngawih reng lai chuan Dinsanga a rawn lut hlawl a, min rawn nuih sak mahse ka nuih let thei meuh lo. Awm hmun dress nen ani ve teh mial a, kekawr bul leh shirt nen chauh pawh a țhat loh phah hauh lo.


"I tho nuam chiah lo em ni?" rawn ti supin ka bulah a rawn țhu zawm zat bawk.


"Nuam e, Au Zela'n min lo bia a" ka lo ti sap a. A mitmengah chuan min ngaihtuahna ka hmu chawp chilh nghal in ka hria. Dim te hian ka darah rawn kuah in ka lu ah a hmui chuan a rawn nawr nghal vang vang a.


"Engmah ngaihtuah buai suh, keiman ka siam țha vek dawn alawm, min ring rawh aw" a ti dam leh dap a.


"Ka nu leh pa chu an rilru na ka tidam leh thei mai ang mahse hnunglam atanga mite sawi ruk an ni tawh dawn a , chu tak chuan ka rilru a la ti nuam hlawl lo alawm bakah Mama hi engtia tih tur nge ka hrethiam lo" ka ti leh hap a.


"A țha vek ang ka tih kha,min ring tawp la nang leh naute hi ka ti beidawng miah lo ang che u tih hre bawk rawh, lo kal rawh le inngaihtuah buai lo hian naute pawh a ril a țam tawh ang" tiin kan thupui a rawn thlak ta daih a. Ka kawng ah leh ka kaihza ah a kut rawn rawlh lut in min pawm tho nghal lawp bawk.


"A mak thei, min dah thla rawh ka kal ve thei bakah Rohana" ka lo ti leh vat a, mi bul a hetia han inpawm chuk chuk ka duh teuh lo mai.


"Naute hian apa pawm a chak alawm" alo ti ve leh thung. Engkimah naute a chhuanlam zel chu ani sia ava han buaithlak thei tak!


"Naute pawh ala țawng thei lo bakah Rohana te ngaihtuah ve la, a mawi lo min dahthla teh" tiin ka ke ka leng leh vak nangin min dawm nghet tulh tulh thung.


"Clinic ah akal daih tawh, awmțha mai mai teh" a ti hluk a, min pen pui nghal pawk pawk bawk. Chutia a sawi takah erawh chuan ka hmin ve leh mai bawk.


"I zang mah mah deuh ani" dinning table a min țhut thlak tir paha a tih leh sup chuan ka lo nui tawi tak ringawt.


"Ka ka la tui lo lawm, ka zia țep ang" ka ti ve nang nang chuan a hmui a lo pet sawi zauh duh lek a.


"I damdawi i keng tiraw?" a rawn tih zui sup chuan ka lo bu nghat bawk. "A țhat chu, vitamin bakah chaw ei tuina lam chi i mamawh bawk Rohana kan chah dawn nia" a tih zawm leh zat chu ka lo țeu hlar ve leh thung.


"Damdawi ka ei belh duh tawh lo ka neih sa pawh saw ka ei ning ania" ka tih hlak hlak chuan "Naute leh nangman in mamawh alawm" alo ti ve vut a.


"Mahse keiman ka duhtawh kher hleinem, nakinah ka dam deuh anga ka ei tui ve mai ang, bakah mi nawl pui ang ka ni lo damdawi ei ka harsat, a mum ka dawlh țha hlei thei lo a, a tui lah saw ka luak a pawt deuh zel bawk si, ka ei duh tawh lo" tiin ka ngen deuh ngher ngher a, tlawn thiam angai tlat Dinsanga hi chu, thinrima inhauhpui vak ai chuan a thlema thlem deuh chi mizia hi anei ve hrim hrim bawk a, bakah damdawi ei hi chu thei lo ve țiah țiah tak ka ni.


"I dam lo mai anga sin" ka bianga rawn chul zauh paha dam zet a a rawn tih leh sup takah chuan "Dam em em ang, tunlai chu naupai țan lai ania, chaw ka la ei țha thei lo mai mai alawm" ti leh nang nang in ka melh no ve ngial a. Min en run run ringawt. Rei vak lo min en run run hnu ah nuih suk pah a "In van duhawm em em" a rawn tih sup chuan lai zet hian ka nui ve tawp a. "Nau te a awm atang chiah hian i duhawm leh zual" tih leh sup pahin ka hmui a rawn fawp nghal chawt bawk.
Sawi hmaih theih lo a senior vang chiah hi ania lawm a zei hrawt hrawt em em ni.


"Chaw pangngai ka ei duh lo, chhang vel a awm chuan ka duh zawk" ka lo tih leh vat chuan min melh no vak lo, hmuh hrehawm khawp erawh ani lo.


"Ei luih angai, in mamawh ve ve" ti sup pah in gas ah hian eng emaw hi a chhuak ve ruk ruk a. Hnial pawh ni ila a barh pawha min barh luih tum hmel ka hmuh tel vang nge ka sawi buai ta lo law law mai.


"Sangha rep chhum ami?" tiin a thil chawh mawlh mawlh lai chu ka va bih dak dak a, a rim tui zia mai chu. Ka pa tan khan zunthlum anei bawk nen a ei țha ngam silo a a ei theih ve ber anih vangin kan siam sak nasa a ka hai lo kher mai.


"Ni e, a lian tha a a tui viau ang" ati ve sup a."Anthur a awm chuan tlem thlak ila" tih leh sap pah in a thil chawh chu ka bih leh dak dak a, a nui suk ri pawh ka hre reng.


"Ei chak i nei em?" a ti leh sup chuan
"Anțam chhum hàn(hang) tui thak leh hei hi ani mai" tiin a thil chhuan chu ka kawk zauh a, abu vei nghut nghut bawk.


"Chaw lo khawrh la, chawhmeh ka rawn suak ang" a tih vut chuan "Awle" ti ve vat in thleng remna an dahna lam chu ka pan a. Dawhkana ka chaw khawrh a hmuh chuan a nuih a zat hmel kher mai. A thleng vung thur in chaw ka dah miau a, U mipa chaw duh rual ka nei bawk a, ani pawh hi anih ve ka ring kha nia, a lam ngam loh hlau in ka khawrh nghal țeuh ringawt.


"Min hrai puar i va tum awm ve" a rawn tih sup chuan "Ka dul ang tiat zel i nei ve tur ani" ka lo ti let var a, ari meuh in a nui nghal hawk hawk bawk.


Chawhmeh lah chu kan nei țha phian a, kan mawm lam ai mahin bai leh chhum lam ka hawp nasa a, ka puar pui bawk. Mawm hmui erawh in mi ngei deuh tlat.


Chhunah Dinsanga pa in Dinsanga a rawn call a, room lama an inbiak daih avangin an thusawi erawh ka hre ve thei ta lo. Chhungkaw khawsak pangngai tak anni bawk sia kei lah hna pawh nei lo la naupang em em ka ni bawk nen min iai mai ang tih ka lo hlau ru ve zek zek bawk.


"Enge sawi a?" tiin a rawn chhuah phei leh chuan ka lo zawt vat a. A hmel hmuh erawh a hahdam phian lawi a.


"Eng vak nilo e, Lunglei ah i kal pui daih a, inah khan awmpui zawk tur che nia ati vel mai mai" alo ti awlsam then a,min si chet a rawn țhu in min kuah leh hlu hlu tawh.


"Ka awih lo" ka tih ve lah chuan a nui mai a min chhan zui a tum hmel tawh loh nasa si.


"Tlai lam chu kan bazar ve dawn nia, sangha leh Anțam te pawh chu" ati leh daih a. Sawi luih tir lah hi a har thei mai sia.


"Ka duh lo e a, kan hmelhriat te kan hmu reu reu ang a zahthlak" ka lo ti nghal vut thung. Ka chhungten min lo la be ve miah lo nilo au Zela'n min rawn biak bak kha chu chanchin engmah ka hre zui ta lo zawk. Au Valpuia leh Mama hian eng ang takin an dawnsawn ang tih hre kil kelh lo mahila an lungni dawn hauh loh tih erawh ka chiang. Ka nu leh pa zahna ka thlen vang rngawt pawh in min haw ngei ngei ang.


"Inhnuai ah khuan ice cream dawr a awm asin, zu lei ila i ei chak em?" Dinsanga'n a rawn tih vut chuan ka melh vat a, chik hmelnzet hian min lo melh run bawk.


"Duh tho e" ka tih chuan abu ngut a min pawt tho in ka awmhmun thawmhnaw lutuk chu va thlak ve sawk sawk in kan chhuak zui ve ta nghal mai bawk a.


*______*_______*_______*



Ka nghak thei tawh ngang lo chuan tlai ah Dinsanga inbual chhungin Au Zela ka han cakk ta ringawt.Rei zet a ring hnu ala dawn lo emaw tih hnu chuan a rawn chhang ve ta hram a.


"Hello" a rawn tih dam ve dap chuan ka lo nui lui sak thung.


"U, keimah" ka tih sap chuan "Aw ka hria lawm enge ni ta?" a rawn ti var a.


Thawk la leh hmasa te te in "Enge chanchin?" ka ti a. Ka aw pawh azam ve hle mai.


"Monu kan nei dawn emaw tiha makpa tur i rawn hmu ta daih sia" tiin a rawn nui zui kur kur a. Nidang ang chu nise chutia min chhaih chu ka haw leh ngawt ang mahse tun chu tun ani tlat.Ka nuih luih pui ta vel mai mai a.


"Tak tak a, Chaw ei kham hnu lawk kha Dinsanga Papuia(Dinsanga pa u) a rawn lang vat a, ka pa te nen khan an inbia a an sawi tak hre lo mahila zanlamah rawn len an tum anni awm e, Dinsanga pa pawn ka pa a rawn biak tak kha khua ah an awm bik bawk silo a, an buai ru ve viau ang" a rawn ti ve thluam a, "Ka pa ten engtin nge an tih?" tiin ka zawt let nangin a chhanna erawh ka hre ngam lo țep hial ani.


"An lung ala dam bik lo, a awm ve reng alawm kan neih chhun kha i ni ve miau a, mahse ka pa te chuan inrem chu an pawm lo thei dawn lo a chuvang tak chuan ilo haw hunah pawh a hma ang kha ani tawh lo mai thei a, i thiam loh zawk anih angin a dawh thei zawk ni zel ang che" a rawn ti ve leh luam bawk. A chang hian han uang ve reng țhin mahse a hunah tak erawh apuitling rilru a phawrh leh thiam riau thin a ka tan hian a țha bik em em bawk nen ka unaupa ani lo ang tih hi ka hlau țhin.


" Um....nia nakinah a chhan ila hre vek mai ang, Mama leh Au Valpuia ten enge an sawi ve?" ka tih leh chuan a thaw chhuak ve halh a.


"Mama chu alungawi teh chiam lo, a duh lohna lama alunglen zia i hriat kha, thinrima tih let aiin tlawm zawka țan kha i tan a tha ber dawn ani mai, Au Valpuia erawh chu a pangngai viau a hrethiam ve viau che u chuan ka hria" a ti ve leh a. Mama hmachhawn chu tunah tak chuan a palh pawn ka chak hlawl lo ani ber rih e.


"U, ka lawm e aw nang tal ka lam ila țang duh a" ti a ka sawilai chuan ka mittui a rawn hnai ringawt anih chu! Ni e, ani hi zawng ka u bik tak zet kha ani.


"Het! Kimkimi hnenah a țhiannu kha min lo tih pui turin hrilh la ka lawm daih zawk ang" tiin a rawn uang zui leh zat a. Hepa em em hi chu! "Mama chu a sual emai, nupui pasal neih khalh vek ang u" te chu a rawn la ti tak deuh deuh a, a nuih loh theih loh!


"Anih aw, ka dah mai dawn inhnuai hnathawk ho min vil tir a" a rawn tih leh nang nang chuan ka lo nui leh hak hak a. A peih lo ve thei sia, a thil tih tum reng pawh an lo tirh kher te hian a ti tau deuh ringawt zel!


"Umm, nuam deuh khan lo siam ru" ka ti zui ve zat bawk.


"Kan naute thar hming tur chu keiman ka hre hmasa ber bawk a ka phuah duh ania, chaw ei tui aw pasal nei bik bik nu" tiin ka chhan letna nghak hauh lo in zu dah daih a. Chuan naute ka pai tih ala hre zui, engtin nge a hriat! Dinsanga tak ngial pawn nichinah khan apa kha ahrilh a chu bak chu ala sawi bik lo tih ka hria. Lalthanzela zet chu le!


Bazar tura kan kal dawn hma in Kimkimi'n min lo be leh hlawl a, ka nu'n alo zu hrilh leh vek tawh chu niin kan inbe tui bawk nen Dinsanga chuan min kalsan ta ringawt bawk. Kan chanchin ka la hrilh miah lo a a țhawn zia a sawi cham chi a, eng eng emaw ah min zilh tel pah nawk nawk bawk.
Kan inbe rei thaw khat bawk aniang, Dinsanga lo let leh lai pawh chuan ka lo la inbia a, ka țawngtui lutuk chu min lo nuih ve suk tawp.


Kan inbiakna kan tih tawp meuh chuan alo tlai ve ruih tawh a. Rohana lah chu zanlamah a clinic chu alo la hawng tel niin dar 9 velah chauh alo haw dawn ani awm e.
"Sangha chu ava tui dawn ve, anțam pawh" tiin dawhkana a thil rawn lei a dah ho chu ka en kual a.


"Naute nen induh sia, ka duat dawn che u lawm" tia ka hnunglam atanga min rawn kuah hlun hlun in a nghawng a rawn nul pah bawk.


"Apa chu fel ve, ati nih chu" tiin ka pum a chulna ka dawm hnan pah chuan ka ti sap a, a rawn nui nghal suk suk a, a hmel chu hmu thei lo mahila alawm na tham erawh ka thusawiah khan ahmu leh tawh tih ka chiang. Kei tak pawh ahlim chuan nuam ka lo ti ve zel bawk.




*__________*__________*


(Zawmna)


Sawi ang tak tak in dar 9 velah Rohana a rawn haw a, a chau ve bawk aniang a zawi ve nguai mai. A thawk rim bawk a hlawkna pawh ala chan ngei ka beisei pui viau.


Zan kan mu chu ka muhil theih lo teh mial a, zandanga muttui em em țhin khan ka rilru kal kual nasat lutuk vang nge ka harh tulh tulh mai si. Ka nu leh pa in vawikhatmah min lo la be miah lo te chuan min ti nà viau mahse a bul țan tu ka nih miau avangin ka vui ngam der silo. Chu te hlei hlei te chuan min ti tawt up up thei hial ani.


"Zanin chu muthilh i harsat tlat" tia a rawn țawng hnu lawk chuan min rawn kuah khawm leh ta vek a. Ka chhip ah bawk a hmui anawr leh vang vang bawk.


Chutia min kuah leh hlu hlu takah chuan ka muhil ve leh ta mai bawk aniang ka harh leh chuan room chhung chu ni in alo en eng leh uar tawh. Dinsanga pawh alo tho leh daih tawh chu niin, kan mutn room chhunga bathroom lian vak lo an dah ah chuan lut in ka insil fai zawk zawk a, ka lu na rit lutuk erawh akian phah lem lo.


"I pa in lo biak che a tum a" tiin bathroom ka chhuah lai chuan alo ti vut a. Khum bulah chuan alo ding leh run tawh. Ka pa in thilsawi anei nge a hmel hmuh anuam teh chiam lo.


"Ka lo bia ang" tiin ka ban ve thuai a, ka benga ka nawr bet tur erawh ka la zam viau thung.


"Pawnah ka lo va awm ang" ti sup in min chhuahsan nghal vut a, a ngaihna hre lo zet hian ka melh deuh haw nangin ani erawh in min hmu ve tawh lo.


"Hello" tia zam zet a ka phone ka chhan lai chuan ka kut te chu an khur ti tih thei. Ka pa chuan huhang alo nei na ve khawp mai.
Kum 22 ka damchhunga ka pa bula ka la zam ber țum ani hial ta ve ang.


"Zothanpui" a rawn ti bawl a. A aw erawh hriat a nuam lo teh chiam lo nangin kan awmdan nen chuan nuam ka tih phah chuang lo bawk.


"Umm, Pa"


"Min va ti tlawm chiang ve" thawk hawlh paha a rawn tih dam thluam chuan ka inseh ruh chiam a,ka mittui chu tih tlak loh ka tum fan fan bawk, a thusawiah khan min huatna lang miah lo mahse anat zia erawh kei aia hrefiah an awm kher lo ang.


"Pa...." chubak ka sawi thei lo ka hnuk a ulh deuh tlat a, a lakah ber hian ani ka inthlahrun ni.


"Engpawh chu nise rawn haw phawt ula kan sawi zawm dawn nia" a rawn ti leh vut a. Aw thian niawm takin a khuh zui khurh khurh bawk.


"Pa, min hrethiam hram rawh aw" tiin ka ngen tawp a, adang sawi leh tur chuang engmah ka hre tlat lo ani.


"Sual in bu a khuar hma khan vawikhatchiah tal pawh ipa thusawi hi lo hrechhuak la țha tur hi nia, mahse tunah erawh engmah tih danglam theih ani tawh lo anih ber hi, rawn haw phawt ula chhungkua in kan ngaihtuah țha dawn nia" a rawn ti dap dap a. Ka zak a ka inthlahrung bawk, a sawi ang khan vawikhat chuah lo ngaihtuah thui deuh ila kan heti kher angem?


"Awle" ti chauha ka chhan hnu ah min mangtha in adah zui a, tawt zet hian khumah ka țhu thla hnawk thung.
Ka tawt em ani, ka thil tih ah hian inchhir na ka nei hran miah lo mahse ka nu leh pa ka tihnat zia ka hriatna hian min tina em em thung si. Ka tana an suangtuahna leh an hmangaihna zawng zawng kha mi te'n hnunglam atanga min nuihsawh theihna turin keiin ka ti mualpho let der chu ani si a! Engtia siam țhat tur nge ka hre miah bawk silo te chuan min ti na leh zual.


"Enge sawi?" room atanga ka chhuah hnu ah choka ah pheiin ani pawh alo awm run a, Rohana erawh akal leh daih tawh aniang.


"Engvak mah lo haw ula atia" dinning chair pawh chhuah a țhu paha ka tih liam puat chuan ngun fe hian min lo melh zui zat a, ka mitmeng chhiar a tum nge mawni, mahse tunah tak hi chuan melh let ka duh lo min en chiang lo se ka ti, ka țap tih a hriat chuan a rilru anawm loh mai ka hlau ani.


" Chuan haw chu i duh em?" a rawn ti leh sup a, dawhkana tuina chu melh ngar in ka tuai ka tuai pah bawk.


"Hetiang chuan kan awm reng thei lo alawm, bakah i hna te pawh" ka ti ve zat a. A hna lah hi a khat tawk hian a chawl ve deuh reng mai hian ka hria.


"Kha lam chu a țha vek, kan haw chho phawt dawn nia, thla leh ah kan innei ang" ati leh bur a. He lam zawng kan chhungte thu thu ani tawh ang chu.


Khaw en laia khawchhung luh ka duh miau loh avangin tlai lamah haw tur in kan inbuatsaih a. Ka țhut emaw ka din hlek chuan min melh nghal run run zel bawk si, min veng tu te pawh a ang hial ta ve ang.


"I u nen kan inbia a" Chawhnu lamah chuan tih tur a awm lo bawk nen sofa ah inngheng rial in kan țhu a. Blanket lian vak lo kan sin bawk nen anuam phian bawk.


"Enge sawi?" phawk lek lek a melh pah hian ka ti a, Mama hian a rawn hauh ringawt te ka ring deuh bawk ani pah fawm.


" Min ngaina ta vak lo aniang" nuih suk paha ka biang lo piai zauh a atih chuan nuam ti lo deuh leh inthlahrung ru si hian ka melh a. Ni e, ka kum ngaihtuahin keimah ni lam atang chuan an dem ka ring viau mahse ka sawi duh erawh amah chauh a duhthlang thei ani lo a kan pahnih duh vang anih ang takin kan pahnih in kan ni zel ang tih hi ani tawp mai.


"A va pawi, mahse dawh hram hram angai ve a, nakinah a rilru dam hunah in țha leh vat mai ang" tiin mama ahuat mai loh nan veng pah fawm in ka lo ti ve zat a. Mama ka va țan hlur vang nilo in chhungkua kan ni tawh dawn a eng eng emaw a awm loh nan mai ani.


"Keima lamah chuan harsatna awm hran lo" alo ti leh sup chuan abiangah ka han fawp zauh a. Hepa hi chu a fel ţhin em asin.


"A ti sual hmasa tu zawk kan nia kan dawhtheih angai viau ang aw, engthil pawh thleng se" ka tih ve sap chuan abu ve nghut ringawt.


"Va insiam la, dar 4 velah chuan chhuak thei tur in, khaw thima tlan chu fimkhur zual angai bik si khaw thim hma tak tak a thleng chho deuh hman tur in duh leh thimah pawh luh erawh kan lut mai anga" a rawn ti leh sup chuan ka bu ve ta nghat a. Zanlam chu motor lian a tam bik sia eng emaw palh a awm thei a chu mi vel laka kan him zawknan ati pawh ani mahna.


*__________*_________*_________*



Kan in kan thlen chuan zan dar 6 : 37 pm vel chiah chiah ani a. Mahni maia luh ka hreh vangin min luhpui deuh thlap bawk. Vawiin hun ang baka mahni ina luh ka hreh ni hi a awm leh tawh pawh ka ring lo, tun țum erawh hreh takte in ka hreh ani.


Zam zet a kan luh lai chuan ka chhungte ho lah chu an lo la țhu țhap zui. Ka pa ka en hmasa ber a, a nelawm teh chiam loh hran lo a awmdan ngai reng ani atih theih ang mahse chik taka en tu tan erawh a kim lo erawh hmuhthiam a harsa lo.


"Helamah rawn țhuphei rawh u" Ka pa chuan alo ti nghal dut bawk. Chhung inkhawm an hmang zo chiah anih hmel khawp mai."Mama nu thingpui han lum ta che" a tih zawm leh zat a, ka nu min endan erawh a ho leh viau thung.À min tih hmel em em ringawt mai hian ka hria


"Naupang chhia pawh inni lo a, chhungte tana mualpho lohna tur zawk in thinghlim takin in inkawp dawn emaw tia, in nu leh pa te tan hian ava zahthlak ngai ve" ka pa chuan min melh tawn pah hian min tih khum ta thlawt a.


"Ka pu, Zothani thiam loh ani lo ania keimah zawk vang ani, mawhphurhna pawh lak ka inhuam tak zet ani" Tiin Dinsanga chuan alo chhang leh khauh a.
Kei erawh angaihna hre lo rilru tal buai deuh bawk nen kun ngal in ka țhu tawp.


"Ni e, ani chu naupang mai ani, naupang à" tia au Mama rawn ţawng chhuah ve tak vut ah chuan ka hawi chhuak rang hle thung. Kei min en lo in Dinsanga alo melh ngur bawk.


"Chutiang ani lo" ka lo tih ve sap ah phei chuan rum zet hian min rawn melh ve khui a, ka hlau ru ve deuh.


"Ni lo se ka sawi nang, mipa puitling pangngai ania nang lah kum 22 chauh, in inkawp thu ah buaina kan nei hran lo mahse nupa a insiam tur em chuan ala hma lutuk ani, bakah nang phei chu i la nula dawn chauh asin " a rawn ti leh hmuk a.


"A khai, Mama insum rih teh" tia ka pa in a rawn khap zui takah chuang engmah a sawi leh tawh lo.


Ka chhungte'n min zilh deuh reuh hrep hnu chuan dar 9 vel ah a haw ve thei dawn hram a. Mahse kei erawh in huphurh tak te in ka la huphurh tho, mahni inchhung ngei ah pawh inthlahrung lutuk in ka awm miau a abul ber pawh keimahni dik loh vang tho.


"A vawt sia, blanket tam deuh sin la, lum nuam deuh in lo mu ru aw" naupang chhia zet hian amotor bula kan indin chilh lai chuan ati leh sup a. Tlangvala pumpa ve hi a.


"Umm, haw lo thei la tiraw?" ti a ngen ngawl zet a ka han en chuan min ngaihtuah hmel zet in min lo melh chhuk ve run a, khang kan awmdun hun kha hun rei lo te nimahse kan tan chuan ahlu em a, kan la thlahlel bawk.


"A rei tawh lo ang, naktuk zanah palai an lo kal leh anga, ka nupui i nih thuai dawn kha" tiin ka kut bawk chu la kangin a fawp leh vang vang a. "Zothanpuii tih leh Zodinsanga hi ka kal kawp tir zel dawn alawm" ti leh sup in tawi te hian min nuih suk bawk.


"Tui deuh in lo mu ru aw, ka thlen chhoh ve hunah ka lo bia ang che u" ti leh sup in min melh ve ren rawn a, min fawp chak tih ka hria mahse khawlai anih bakah kan inlam ala eng țhup bawk nen anuam chiah lo ve deuh ani.


"Phone atangin in muah mai ang aw" min rawn nuih paha atih leh tak sup ah chuan ka nui ve leh ta tawp, a mizia lo ang puia a khawsak țhin hian ka nuih aza deuh tlat zel.


*_______*________*_______*


Inchhung ka luh chuan ka nu leh pa te chu an room lamah mu tur in an lo lut tawh a, Au Valpuia'n inkhel alo en bawk midang erawh an room ah an kal leh tawh niang.


"Mate, thingpui min lo pe lawk la" au Valpuia'n a rawn tih sup chuan choka lam ka pan vat a, a sen hang chu thli in a hmeh tur nen ka keng phei nghal bawk.


"Lo țhu ve lawk teh" atih leh tak zel ah chuan nuam ti chiah lo hian a țhutna sofa ah chuan ka ţhu zum ve dak a.


" Kei chuan țha i tiha i hlimna tur ber anih chuan ka pawm thei vek a, i u ka nih angin duhthlanna sual i siam palh pawn i hnung ka rawn dawl zel dawn tih hria la, a hma i u tho kha ka la ni reng bawk" a rawn ti ve dap dap a. Tim daia ka en chuan ngainat awm zet hian min lo nuih bawk.


"Ka lawm e aw" tiin ka kuah tawp a. Ani pawn min lo kuah let nghal run bawk.


" Ka nu leh pa rilru hliam hi tihdam sak la, hmangaih takin enkawl ang che, fanu hmangaih theihna leh fapa hmangaih theihna an thlakhlelh dan adang a, chuvangin i theihna piangah an tan la awm zel la, nangbak an neih loh che vangin hetia in awm mai pawh an la hrethiam lo deuh anih kha" tiin ka hnung a chul hauh hauh a, a hnuk a ti ulh mai dawn alawm le.
"I thuthlukna siam hi adik lo anih pawn i chhungte lakah hian inthlahrung miah lo la, abik in ka bulah phei chuan....i thlavang ka hauh zel dawn sia" tiin fiamthu deuh ti tih hian a rawn ti ve leh vut a, ka nui mai nangin a aw erawh a thutak viau.


Ka room ka luh hnu lawk ah Au mama a rawn lut ve leh hlawl a, ani erawh hlauh tak te in ka hlau ve leh thung.


"Engvanga Dinsanga hi lo kawp tir phal che nge maw ka nih le" tiin bul a rawn țan nghal pang a. A hmel pawh a thim khui mai.


"Țhen leh zawk mai rawh, i na mai mai ang, ka nau inia i tana țha lo tur ka ngaihtuah ngai lo tih i hriat kha" a hmai tuai thla puak in a kawng dawm hian ati leh hmuk a. A teh ringawt thin hian a.


"Mam, a mak thei emai i țhianpa nia, a sual miah lo" ka ti ve ngial nangin ka thusawi ah erawh a rilru a pek teh chiam loh hmel khawp mai.


"Engtiang chiah a nasa in nge ka hmangaih che alo tih ve a" ngei awm rwng kai lek lek a a rawn tih leh chuan "Ù" ka lo ti halh a. A sual thiam lutuk chu ka ngei zawk.


"Bawihte thlah leh mai rawh, engmah a dik thei chuang lo ang" a rawn ti leh thluam lawi a. A rilru a buai hmel tak zet ka room chhungah chuan a vei kual chhen bawk. Engvanga tuna taka a thianpa duh lo ta em em nge maw anih hrep ni.


"A theih tawh eingawt hleinem" ka lo ti ve leh halh a.


"A theih dan ka hria lawm, Lehkha zir in hmundangah ka dah ang che" te chu a rawn la ti tak deuh deuh a.


" Chutiang ka duh lo ka hmangaih alawm" ka lo ti hlar thung. Ka insum peih tawh lo.


"A hmangaih ve theih chuan si loh che chuan" a rawn ti ve țhawt a, eng chiah nge maw ahriat ni.


"Min hmangaih ve reng" ka lo tih ve lai chuan awih loh hmel zet hian alo ner sak a.


"Chiang takin lo ngaithla rawh, Zodinsanga khian nga tan mah ati lo che, Venpuii leh a fapa vanga a khawhar inhrik thlakna mai mai inih hi" a ti lam khauh viau mahse a tawp lam erawh a seh chilh nak mai. A thusawi erawh in min ti che dawt thei thung.


"Fapa maw?" bo zet chuan ka ti halh a.


"Aw ni e, ala hrilh hrep na che nge? A fapa Venpuii nena an fapa khaw mawle!" a rawn tih leh hmuk chuan ka khumah chua ka țhu thla dawt a. Engnge a awm zia? Ka va hrethiam ta lo ve? Hepa hian min lo bum tak tak em ni!



*________*_________*________*



* Nizanah ka lo muthlu daih a🤭🤭🤭🤭, zingah apa țawngtai kal tur thawm ah ka harh leh a, ka type ve nasat nen alo tam thei miah lo.Ka baterry 5% chiah ani tawh bawk sia a tawk leh rih mai aw...... Good morning vek mai u😂😘😘😘


Ads mawlh khu mifel ho lo click ve leh diat diat ru aw 😘😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)