SWEETHEART BY APUII TLAU (Completed)

[Ngaia]

Chapter - 37





"A mak thei" ka lo tih sap chuan min melh duh eih chuang lo.



"E, tehreng mai ahma pawn kan lo sawi tawh kha inlo ei loh te chuan kan lawm lo viau zawk ang, sa pawh rawn lei angai lo ar kan nei bawk a kan talh dawn nia" ka nu chuan alo ti nghal zung zung a. Dinsanga awmdan a hrethiam thei em em chu ka lo lawm ve ta mai.



"Nu, Ka pa te hi an lo bang dawn hnai taeh angem?" ka tih chuan sana lam a melh ve vut a, Dar 3 ala ri lo deuh. "Ka hre lo le, tunlai tak hi kum tawp lam ani bawk nen an buai ve deuh a, dar 4 velah an rawn haw tlangpui" alo ti ve leh mai a.



"Anih chu, nghah chi pawh an ni lo anih chu, eirawngbawl kan la ngai ve bawk sia, chuti anih ro ro chuan kan chho mai dawn emaw ni?" ka rih nang nang chuan alo bu ve mai a.



"Ni e, zanlamah te pawh rawn leng ula, ipa pawn a hmu chak ang che" alo tih ve chuan ka lo bu nghat nghat a. " Bawihpui, lo leng leh thuai rawh aw, Apu nen ilo len leh hunah frooti tam tawk kan lo lei ang che" ka malchung atanga ka hlan thlak rual chuan ka nu chuan alo tih zawm leh zat a. Johana pawh alo bu ve nghat nghat bawk.



"Chaw ei chu inrawn theihnghilh ange aw" tiin ka nu chuan kan motor hunna bul thleng chu min rawn thlah a. Kan tlan lian hnu pawh chuan min lo la thlir reng, ahnung deuhah bike neitupa pawh kha alo hawi ve vung vung tho.



In kan thlen hnuah kan inbual fai leh hmasa te te a, nu ber chanchang ang mai ka ni tawh ber ang chu, Didiki te TKP thil khawn an lo ngai bawk nen, Mali'n Johana alo awm thei hlauh a, Rohluaerawh a vawk thar leh a in vel ala buaipui turh turh mai.



"Chawhmeh han siam tur bik ka hre vak lo, ei duh riau ang hi an nei em? Sa kan hmeh char char sia ka nu te awmlaiin tunah a țhing chauh han hmehpui chu..." tiin Zodinsanga dining table a laptop nen a lo țhu ve rem rum pa chu ka va melh a. Min lo melh ve vut bawk.



"Nei hran lo ang, Mali chuan a ei thei vek thak angam vak lo a ani mai, Rohlua leh Didiki hian ngainat an nei tlem thung mahse dal leh eng emaw kan a awm a, hmarcha rawt tui deuha awm chuan an ei thei vek" alo ti ve mai a. Chuti nih chuan tlem in azia deuh...



"Nang?" tia ka melh chuan "Ka thei vek, mahse hel ei chi ka ngaina hran lo" alo ti ve mai a. Dal ka kang ve hluai a, hmarchapui ka bai bawk, ka nu khan pelhhnah min hawn tir bawk a, tam lem lo viau nangin buh nen a bai chuan a tam ve hmel mai. A bak erawh siam vak ngaihna ka hre lo, Johana tan erawh bawnghnute in tur a awm a, artui kan nen a tawk der, purunsen a seh tel ve ngei zel bawk a, chhe noooo tu emaw tihdan takah a chhe reuh lo a țha reuh ania.



"A va rimtui ve" ti dut tu ka hriat rual in ka darah a khabe a rawn nghat zui zat a, gas stove bula ka ding chu a kutin ka sir tawn tawnah a rawn innem khalh nghal run bawk.



"Enge i thlak?" a hnar a hip leh vang vangin nui suk hian a rawn ti leh a. Min rawn melh thla run a, keiin thle deuh ha in nui pah deuh in ka melh thung.



"Pu Zoramthanga nen chauha kan thuruk" zawi sapa ka tih chuan a rawn nui hawk a, a lu a thing nghal buk buk paha bawk. "Hey...a nia lawm" nuih paha ka lo la tih hram chuan "Miaupui" tih paha nui leh vur vur i ka khabe sir lam deuh chu a rawn seh nia! A na hran lo nangin a za!



"Hey, kal teh, an lo kal ange a za ania" tia nuih paha ka nawr chuan a uar zual sauh a, ava han sual thiam mai mai tak.



"ZOTHANPUI" inla hranga a rawn tih leh vut chuan nuih nasat luat avanga mittui tling piau hian ka melh chho a. "Ka hmangaih che, naute tello pawn naute tel pawn ka hmangaih che" rawn ti sup in ka nghawngah a hmui chuan a rawn nawr leh hram a. Ka lo nuih var var tawp. Sawi sek lo mahse zun nei tawk a ngaihthlak hi a tawk lek ani.



"Eng chu maw a ti rimtui tu hi" tiin ka chawhna fian chu la in a tem hlek a. Ka lo țhen țha nangin thak ti hmel zu pu duh eih lo a. Hmarcha pui bai te tem chi emaw ni.



"Sa rep " a rawn tih sup chuan ka lo nui țha a. Min hauh mai hlau in ka nuih tlawn anih mah zawk ang chu...hehe....



"A tui lutuk" ti sup in a hmui chuan ka hmui a rawn nawr chilh nghal zat anih chu. A darah ka lo chum nghal țawk nangin ka hmui chu a pet kau nghal der a, duhthawh fe in min fawh leh tak kha. Lak sak hlau ang hrim hian duhthawh em em zel ringawt mai.



"Zodinsang, hmarcha i ei kha ka hmui a thak vek anga sin" min thlah rual ruala ka tih nghal hlar chuan alo nui ruh ruh ringawt. Pawn lamah Johana te an inkawm daih bawk nen kan thawm an hre phak em lo ang chu.



"Ka fawp dai leh mai dawn alawm" awlsam zeta nuih paha alo tih et chuan a awmah ka chum leh dawt a. A nuih a za ting emaw tih mai tur ani.


A kut min khuapna hnuaiah chuan lut in ka pen chhuak zui zat a, min nuih ruh ruh nangin ka melh duh tawh eih lo. Dawhkanah chuan amah hnung chhawn zawng chuan ka ding ngààt a, Pelh hnah chu ka thian malh malh bawk.



Zodinsanga'n ka mawng a rawn ben leh thlup chuan ka lo țeu hlar a, a rawn nui chhuk leh nghal hawk bawk. "I kut thlak ana si, min beng dawp dawp zel suh" ka lo tih ve hlar chuan anui leh ruh ruh a.



"Mipa in kan hmeichhe it te chu an mawng alawm kan en hmasak ber țhin, kan khawih ngat phei chuan" tiin a rawn beng leh ngat a, kut tum nen meuh tin a ka hawi phei chu nuih zat hmel zet hian aban alo phar a, ka va ngei mai mai tak.



"Sangha rep kan nei em?" ka tih tak daih chuan nui chung hian chhuar sang chu a han hawng a, kei chuan stool dawh bakin ka hawng phak der silo.



"A lian nge a te?" a rawn tih sup chuan "a lian" ka lo ti var a. Sangha rep a rawn dahthlak chu lo ban vat in pathum chu la in ka va sil rawk rawk a.



Chawchhum sa tlem chu la chhuak in ka rawt hlek a, tui leih in ka chhuan leh hnuah a rawn so ka nghak leh te te a. Ka che zia chu hmaih neih tum lo ang hrima chiang zeta min lo melh run avang chuan kan han inchhiat khum leh nawk nawk a, ho tih hmel deuha a nui suk suk te chuan mìn ti hlim em em si.


Sangha rep buh nen hang tui zet a ka chhum chu ka tem tir ve hlak a, "Ka va thau sawt dawn ve" tih chauh a sawi. Lalzei em em a hi !



Chaw kan ei lai chuan ka ei siam chu an thiam ang tawk chuan min han fak ve nak nak hlawm a, Rohlua thleng chuan, hmarchapui bai phei chu an hawp zo țhelh ani, ka nu khan min chhawr thiam khawp a ka unaute khan min chhawk viau emaw ka tih lai pawn eirawngbawl erawh ka lo la thiam ve fe chu anih hi.



"U Zothani hian eirawngbawl vek sela a dang zawngah awl vek ila a țha ang, Au Didiki'n a siam ve chuan bai al deuh leh dal leh artui bak kan hmeh ngai lo, hmarcha rawt nen" Mali'n alo tih zat zat chuan ka lo nui var var a.



"Mawina ani phei chu chawchhum bak athiam lo" pakhatin alo ti ve bawk. An han inhnial leh bap bap țhin te chuan inchhung an ti reh lo a, kan ri ve nak nak mai.



Chaw ei khamah erawh nimbu tui an insek hlawm mai...hehe



Chaw ei kham hnu lawkah Johana zawk chu api in a rawn call a, vawi 2 emaw vel chauh an lo la bia in ka hria, chu pawh api ani zel, midang hian an lo biak ngai pawh ka hre lo.Api chuan angai ve hle a, Johana lahin api chu fel deuh deuh hian a be ve bawk a, țawngțhat duh hun a hre khawp mai.



"Apa, api kha kan bulah hruai ve mai ila" tv kan en laia a rawn ti ve phawng phei chuan ka melh nghal vang vang a. A rilru erawh ka chhiar thiam hran lo mahse angai nge a khawngaih ni ta ang ni.



"Api chu apu tello in a awm duh lo a, apu pawh api tello in a awm duh lo bawk sia, khutah an awm angai alawm" Dinsanga chuan alo ti dam ve dap a, a fapa tukhum lamah dawm chuan a tuai ve nauh nauh bawk.



"Keimah hi ka haw leh țep tawh em?" a rawn ti ve leh a. Dinsanga chuan chhan mai nan chang a hre lo, a hamhaih deuh nge mawni.



"Haw leh i duh em?" a rawn ti ta daih a. Johana chuan rang fe hian lu alo thing bawk.



"Ih apa, Api leh Apa mama chu an fel lutuk a, mahse apu ka hlau" a ti zawi sap a, a mit meng zawng zawng nen a hlau tak zet tih lah alang reng.



" A hau țhin che em ni?" Dinsanga chuan ati ta nghut a. A mitmeng chu tidanglam teh chiam lo mahse a hlauhawm ru tlat tho.



"Ih, min vaw țhin a, mahse tuman bula sawi a phallo, api leh apa mama chauh in an hria" ati zawi leh sap bawk. Lainat zet hian ka lo ban thuai a, ka awma ka pawm beh chuan ka awmdan chu hrethiam em em lo mahse min kuah let ve tawp tho.



"Mai mai chuan!" Dinsanga zawk chuan ati hluk a.



"Mam, naupang te chu thil anti sual ve fo a, a hrem ve aniang chu" Kan piaha mu Didiki'n alo tih chuan a ding vut a, a thaw halh halh ringawt.



"Ani lul lo ang, Bawihi Johana kha lo va mutpui rawh ka lo phei ve vat ang" tiin a phone a phawrh zui zat a. Ka la dinpui mai loh vang nge min rawn melh leh vut bawk. Keipawh chuan Johana chu thawhpuiin room lam ka pan pui ve vat a, a mut kawr ka hak tir lai te chuan min melh kiau a mahse a țawng miah lo thung.



"Tui deuh in muhil la, naktukah hma tawk ah kan tho anga exer kan la dawn nia aw, tlangah" khuma mutthlak paha ka tih sap chuan alo bu ve nghat a.



"Min kalsan miah suh aw, hma tawkah ka lo tho ang" alo ti ve var var a. Nichina a thusawi kha chu hre hmel a pu tawh lo.
Johana ka tih mut hnu lawkah Dinsanga pawh a rawn lut ve mai a. Thawh tuma ka inbeng kang uai chu akut a min lo zap in amah zawk chu kan bulah chuan a rawn muthla ta zawk.



"Enge a sawi?" ka lo tih sap chuan ka hnunglam atanga min lo kuah chuan a thaw leh halh phawt a, chutah " Johana hi enkawl dawn ta ila i rem ti angem?" a rawn ti ta daih. A hmel ka en chhoh ha chuan athu tak hle tih ka hre nghal mai bawk.



"Ka hrethiam lo, tunah mai chuan" ni e, ka hrethiam lo, ka fate nen ang khatin ka en thei angem? a rilru ka hliam sak zawk mai mai dawn ai chuan enkawl loh ka duh zawk ngei ang, anun pum hremhmun ah ka chan tir thei tih ka hria a, ka inring tawk meuh lo ani.



"Enge alo sawi?" ka tih nawn leh sap chuan ka dar ah rawn fawp zauh in " A enkawl nan sum a nei lo anih chu !" a rawn ti thla rawk a. A thaw hawk bawk.



"Sawrkar hna chelh lai ala nia, a fapa lah J.E lai ani ve bawk, chuti chung chuan! A chhan i hrethiam mai em? A enkawl duh tawh lo tihna nih chu, a fanu thisen ngei hi" ati leh nghut nghut a. Khumah chuan zangthal diai a inlet thawk in chung lam enin thawk ala leh halh halh țhin bawk.



"Ka fa chu ani lo, mahse naupang rilru thianghlim tak ani a, a na tuar lai ka hmu thei lo ang" ti leh halh in a mit chu a ban chuan a kham hnan hmiah bawk. A awm che dat dat khawp chuan thawk ala leh halh halh țhin a, a rilru a buai ve hle ang tih ka hrethiam lehlamah ka thu lo a thil kaltlangpui a hreh ve dawn bawk nen.



"Nghak deuh phawt ila, a hun alo thlen chuan a țha ber nia kan hriat kan ti mai dawn nia" tiin a awmah ka va kuah tawp a, ani pawh chuan min lo kuah let vat in ka chhip ah a hmui chuan a rawn nawr zawm vang vang bawk.



"Ka tihpalh aw" a rawn ti leh sup a. Hawi hai zet a ka en chhoh chuan "Tunlai chu ka nulate-i nen hian ka duat hman silo che u a" inthlahrung hmel a pu deuh in ka hria. " Naktuk atang chuan ka duat ber vek ang che u" a rawn ti leh sup a. Nui ver ver in a hmui a ka han fawh zauh a.



"Muttui" ka tih sap chuan nui ve suk in min her rem a, Johana rem zeta min kuah tir hnuah aniin ka pum dawmin min rawn kuah ve leh run a, apangti lum ngheng chuan ka mit ka chhing ta ani ngei ang, engmah hriat zui ka nei tawh lo.




"Apa, Mama chuuu" tia Johana tawng thawm ah chuan ka harh hlawl a, zing alo ni leh der tawh, dar zat ka han en ve vat a, dar 7 alo pel hlek. Awii khawi lama exer lak chu!



"Bawihpui" tham zet chuan kan ko a, ka aw ahria ani ngei ang rang zet a rawn hawiin ka lam pan chuan a rawn tlan ti tih nghal,



"Mama, ih ih, ui alo kal a, apa nen tukverh atangin kan en, alian rappp, pahnih two an nia" tiin a kuttang nen min han hrilhfiah ve ngial a. Pahnih two chu 22 tihna emaw ni.....ni lul lo a sawi thiam dan dan in a sawipui ve ani mai.



"I va mu rei love" A ha! Mi mo te chu dar 6 pelh dek dek a an thawh chuan 'thawh i hai ani maw' an intia, keini ve chu! A lawmawm lamah ngai mai ang



"Naute hian mu aning , inchungah Johana nen hian exer kan han la ve ang" ka tih chuan anuih a zat hmel phian . Dar zat chu a mit chuan min han signal ralh ralh a, ka hre duh der silo.


Bathroom ah inti fai tur ak luh lai chuan an pafa chuan an lo inkhawih rak leh tung tawh. Zinglam hi chu Mami'n chaw alo chhum ve diam zel a, eirawngbawl erawh tumah chhuah hmanhmawh thlak kan la awm loh avang hian kan hmahmawh teh chiam lo.



Inchunga chuan zawi te te hian ka tlan kual a, ka sir ah Johana alo tlan ve dat dat bawk. Track suit a inthuam ve ngei bawk nen a cute thei ania. Darkar chan ve vel zet nikang țha at hnuai a tlan chuan chauh pawh alo chauh theih ngei mai. Ka hah tawh ka țhu zawi hniang chu tui min lo pe ve vat a, nui pahin ka bul a țhu turin ka ti zauh bawk.



"Bawihpui, kan bulah awm reng mai ta che, api kan dil anga" ka tih chuan hriathiam loh hmel zet hian min lo melh a.



"Api ka ngai dawn asin" alo ti ve sap thung.



"Api chu kan tlawh țhin anga, api bula i awm chuan kan inhmu thei tawh dawn silo a, hetah hian maw...." tiin ka pum chu ka khawih tir a " nangma nau tur naute kha a awm mek a, api bula i awm daih chuan kawm tur anei dawn lo asin" tiin ka thlem ani ber ang chu.



He naupang hi ka ngaihtuah ngial pawhin atan Lunglei lama awm a him ber lo tlat ani. Api chuan ahmangaih lutuk ang mahse apasal angam bin silo a, a tupa tan hremhmun mai ani an in khu. Dinsanga sawi hmangah apa pawh pa zahawm tak tih tur ani hauh lo, sum hre lutuk mihring hi chu an hlauhawm zek bawk nen Johana tan chuan kan bula awm hi a țha ta ber in ka hria. Ka thisen nilo mahse ka thinlungin a pawm miau chuan ka fa ani mai, chutiang ni reng tur chuan ka dil bawk ang.



*_____________*_____________*



Next Chapter ah Misual kan pawrh anga, chuan a dawt leh ah a tawp kan bawk ang Rilru in aduan a tak erawh a awm angem aw.....Muttui ule


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

[Ngaia]

Chapter - 38


"Kan bula awm chu i duh mai em? Api bulah pawh naute te nen hian kan zin țhin dawn alawm?" tia ka thlem leh takah chuan naupang tih takah a lu abu lehnghat nghat a. Nuisanga inhnuai kan chhuk leh hnu chuan intifai zawk zawk in rawng kan bawl țan nghal malh malh bawk.



"Enteh, Au Zothan tuma bulah sawi miah lo la ih" tiin a hawi deuh zak zak chumi hnu ah ka beng bulah zawi te hian "I u Zela kha ka țhiannu in a star a, a no. min lo dil atia" Mali'n a rawn tih su su chuan ka nui hak a. LalZela teivet lah hi!




"Ah! Bialnu nei alawm" kan ti thla ve rawk a, a nei than in ka hria ni! Bialnu nei reng chunga hmeichhe dangin an biak ka lo phal miah lo thung, aman alo ti anih phei chuan ka zilh ve zek angai ani mai. Mipa ințawm neih ka duh lo ang bawkin ka unaupa te ngeiin midang chunga an tih pawh ka duh lo.



"Naa, van pawi, ka țhiannu chuan bem a tum a?" te chu ala ti tak deuh deuh a. A ve ngei hian



"Bialnu nei tak tak ania, tibuai lo se a țha zawk ang, i țhiannu pawh chu țha deuh in hrilhfiah la" tiin nui sang hian ka melh a, anui hak hak ringawt.



"Malsawmi kha lo vil tir lawk rawh, lo kal teh" Choka rawn lut a a rawn tih nghal tawp chuan ka lo melh haw a, anau lah chu alo țeu hlar thung.



"Chiau chiau suh, vil chauh anih kha siam angai pawh nilo" alo tih nghut chuan a ngawi ve leh dak a. Ka kuta vuanin min pawt chhuak nghal ani mai, eng chu hria ni țhin maw!



"Enge ni teh chung a?" tiin min pawh kal dawt dawt lai chuan ka lo ti kha kha a, insir lamah chuan hel in step tlem te chhuk lo awmah chuan min chhuk pui leh a, inhnuai kawngka room lam nilo zawk an siam kawtah chuan min dinpui leh te te phawt.



"Hetah enge kan tih dawn?" tia ka melh chhoh kha kha chuan "Ngawi mai mai la, naute in i țawng dan a zir phei chuan a tih chi dawn loh ania" a rawn ti leh sup duh lek a. Kawngka tala chu a hawng nghal ruk ruk bawk.


Kawngka a hawn chiah chu a thim ruih a, eng pakhatmah a awm lo aniang. Zawhna mitmeng deuh a Dinsanga ka melh chhoh chuan "Hlau suh" ti sup in ka kut a rawn vuan a, min kaih luh lai pawh chuan ka la bo hle bawk.


Room thim tak nguih mai ah chuan kawngka atanga eng rawn lut in a chhun phak bak chu hmuh theih pawh ka nei ruai lo.



"Dinsanga eng nge heta min hruai a thim vek hi" ka tih lai chuan a rawn ri khek a. Room chu a rawn eng nghal kuar bawk. Mak ti zet a ka hawi kual chu banga thlalak leh video rawn in play avang chuan ka tawp chawt a, ka hmui ka hup nghal chawt bawk. Mak tih vang in ka àu chhuak țhelh hial ani.



"Ka hmangaih lutuk che" ti sup in ka hnunglam atangin min rawn kuah nghal run a, nghet zet hian min dawm nghal ka ti lo thei lo, ni e, ka chet sawn hlau ang maiin nghet zet hian min dawm.



"Ka...Enge awmzia?" ti bahnak in banga thlalak intar leh video chu phawk zet hian ka melh a, angaihna ka hre lo tak zet! Engtin nge khitiang khi anih theih! Siam chawp mai em ni?



"Ka hmangaih țhin anih khi " ti salh in nghet leh zual a min kuah tum ang maiin tha a rawn pe na zual sauh a, kei erawh in banga thlalak leh video ngawt mai chu ka melh kawp thung.
"Mi hlui" ti nghut in a thaw chhuak hawk a, min dawmna chu a thlah nghal vut a, min la chelh reng mahse ahma ang em em khan a țang tawh lo. Ka sam kar a a hmai a rawn phum leh vang vang chuan ka lo thaw halh a. Ka rilru erawh a vak nghal ruai mai. Ka hma a thla lak chu ka melh ngawt ngawt tawp. Ka mittui chu adang let thei hram hram ani ber.



"Engtin?" ka tih sap chuan a nui suk a, awihawm loh khawp in ka lungphu a rang nghal bawk, heng zawng zawng hi enge awmzia!



"Bumtu vanga nat leh ka duh tawh lo, mahse kha hmangaihna țhin avang khan a dikna erawh pek ngei ka tum" ati nghut bawk. Eng chiah nge ka hma thlalak leh video a mi pahnih lang ten an thil kaih kual dan tur pawh chu ka suangtuah phak mai nilo ka ngaihtuah thiam lo tak zet.



"Engkim hi lemchanna mual vek ani, kei hi antan chuan hnathawk pakhat ve mai chauh ka ni tihna anih chu" ti nghut in alamah zawi muang hian min kuai her a, "Nang hi tawng lo phei ila chuan " tiin natna tam tak kar atang chuan min nuih lui hram hram a, chubanga thlalak intar vang chuan kei chu ka la à ruai vek ti ila ka sawi sual lo ang. Ka awm tawt zet chu thaw har lam mah ani.



"Khawngaihin" engvanga chu thu chu ka kà atanga lo chhuak nge ka hre lo, mahse ka awm chhung verh ngat ngat tu chuan ani min ti hrehawm em em ni.



"Chutiang sawi suh, ngaihdamna engmah ka lantir thei lo hi min hrethiam zawk rawh" ti sup in dam zet hian ka chal a rawn nawr leh a. Venpuii tawrhna ka ngaihtuah chuan ka natpui ve lo thei lo. Abik in khi banga thil engkim lang vang khian, mahse ati tu erawh?



"A harsa viau dawn mahse ka bul a ding tlat tur in ka duh che, Johana tan tal pawh kei chuan tih ngei ka duh ani" ti sup in a awmah min kuah leh vang vang a. Insum hman miah lo in ka mittui a hnam sak thung.



"A hrehawm em?" tia tham zet a ka phun sup chuan a rawn thaw leh halh halh phawt a, chutah "Ka na zawng zawng chu nangman iti dam tawh alawm, tun erawh Johana tan chauh ani" ti sup in a hmui in ka bek a rawn nawr zawm zat a. Tunah tak hi chuan awm ngaihna ka hre miah lo ti ila ka sawi sual lovang.



In a min chhohpui hnu pawh chuan Choka lam aiin room ka pan nghal a, min dang bik hek lo. Khumah mu hnawk in ka mitthla a thil rawn lang vang chuan ka mittui ka dang thei meuh lo bawk.



"Duati i țah ka duh miah lo ania" tia hnunglam atanga min rawn kuah khawm vek chuan ka la mu kawm ngal a, ka țah chhuah a ka tih mangan lutuk hlau in ka chhungril natna te chu ka tuar pui tlawk tlawk a, ka inseh ruh nasa lutuk chu ka hah vek thei hial ani.



"Khatiang i hmuh khan i na ve lo em ni? Tinge min hmuh kher?" tia tham chhal a ka zawh laia țap lo tur a ka insum nasat zia chu ka thaek thlengin a tawp vek hial dawn in ka hria, ka hnar a ping nghal țun vek bawk.



"Kha thil kha tuma chunga thleng tur in ka duh ngai lo, ka thah chak zia i hrethiam pha kher lo ang! Nang leh ka naute hi awm lo ula chuan a dam hmel hmuh tur a awm lo ang" a aw a natna leh thinrimna nasa tak inpawlh in a rawn tih chuan nghet zet hian min kuahna kut țang nghal tawlh tawlh chu ka lo vuan vat a. A thawk lak dan thlengin adik hlawl lo.



"Zodinsang, ka hmangaih che" tiin alama inher in a awmah ka bei thlawp a, thaw chhuak halh in nghet zet hian min lo kuah let ve nghal vat bawk. Engtin nge? Nilo, hetiang em ti duh tur in ka ruat ngai lo asin? Eng thil chiah nge i tih tak?



"Zaninah Police an lo thleng chho dawn, vawiinah alo haw dawn a an hruai thei nghal turah ngai ang, inti chak rawh aw" tiin a thaw chhuak leh halh a. Mahni awmdan tur pawh hre lo hian engtin nge chak tak in ka awm theih ang.




"A hrehawm" tih tawp sawiin ka țap chhuak leh hak a. Nghet zeta min lo kuah bet in min tihnat a hlau emaw tih mai turin min dimdawi viau thung. Au chhuahpuia ka kawchhunga nasa taka min hnawh ngawt ngawt tu hi au chhuahpuia țah puia intih thawl ka duh, mahse ka tha hian a tlin meuh silo, Lalpa, tinge ani kher????




"A rei lo ang, engkim ka siamțha leh vek ang" tiin min hnem eng ang mahse kha video vang a ka awm chhung nat zia hi a hrefiah phak kher lo ang.




*__________*___________*



Zan dar 7 rik hma deuh chuan Lunglei ASP Sanghmingliana leh a naute 3 chu kan inchhungah an awm fel der tawh. Johana leh naupang ho erawh inhnuai lamah Dinsanga'n a awm tir vek a, Rohlua erawh mipa ani bawk a, kan bulaha a awm ve reng thung.



"I mittui aia ka thinlung tina tu an awm thei lo ania, chak taka i awm ngei ka beisei" rawn ti sup in ka kut nghet zet a a vawn beh chu la kangin a hmui chuan a nawr vang vang a. Ka mittui hnam sak chu hru thuak in ka nuih lui sak ringawt.



"Phone ka'n hmang lawk ang aw" ka tih sap chuan min melh vang vang a, "ka ring tawk che" tih leh sup in min vawnna a thlah dul zui hmiah a.



Midang nen ruahmanna an sawi lai vel chuan thawhsan in choka lamah ka phei a, ka phone la chhuak in ka no. duh chu ka diak zui hmiah bawk.



Rei ring lova a rawn chhan vat chuan pik zet hian ka thaw chhuak leh hmasa te te a, a khat tawk a ka mittui tla sek chu ning zet hian ka tuai hul leh țawk zel bawk.




"Nu" ka duh aiin ka aw a tham a, ka thian zui kharh kharh bawk.



"Enge nita? Ințha maw? I aw te chu?" alo ti ve zat a. Nu hmangaihna hi chuan an fate hi eng anga thil sual pawh ti ila min kalsan thei ngai tak tak lo, khawvelah hian Pathianna hmangaihna hi hmangaihna hlu ber ni ta se, a dawt leh a sawifiah thiam phak baka hmangaihna chu nu keh fa inkar bak hi ani thei lo ang. Nu hmangaihna sawifiah tur hi chuan țawngtin thumal in a daih seng thei in ka ring lo a, sawifiah hleihtheih loh leh tarlan thiam phakbak ani. Fate natna pawh nu tan natna ani ve lo thei lo bawk......




"Țha e, ka hnar aping deuh a, khaw vawh vang aniang" ka ti ve leh mai a. Ka sawi duh tak hi zawh erawh ka inthlahrung ru hle thung. Damdawi eitur vel alo sawi leh ta vat a, mittui hnam sakin ka nui ringawt. Venpuii khan hetiang khawpa nasa hian Johana hi angaihtuah in a ngai ve awm sia.... Khang anatna zawng zawng te a hneh theihna hial a fa kha chu !




"Nnn..nu, Mama awm em?" ka tih sap chuan a thaw hluai a "Tunlai hi i u hi enge maw ahriat ni, inah a awm tlem si? a zia adang tlat?" alo tih takah phei chuan sawi tur leh ngaihtuah theih pakhatmah ka nei tawh lo.Ka ngaihtuahna a tawi duk ani ber mai.



" Aa...au Valpuia leh au Zela?" tia ka zawh leh chuan an ni chu an awm thu in min chhang leh mai a. Choka kawngka a Dinsanga rawn lut mek chu ka benga phone la dawm reng chuan ka lo melh tlawk tlawk ringawt.



"Nu, nakinah ka lo be leh ang che, kan buai lawk a" ti ban ve chhalh in ka phone chu ka dah nghal zat a. Ka bula rawn dingin ngun zet hian min melh reng bawk.



"Mittui tlak a hun tawh lo" ti sup in a kut chuan ka biang hnawm chap chu a rawn hru thuak thuak a.




"Kan kal tawh dawn? Inah ilo awm dawn nge?" atih lai chuan rang zet hian ka lu ka lo thing a " A hlauhawm asin, bakah...." ti sup in min ngaihtuah hmel zet a min melh vang vang in ka biang a rawn tuai leh thuak a. Luhlul zet hian ka lo melh ve kal thung.




"Tun țum chu a theih loh tak tak? Rohlua nen lo awm ru? Kan rei hran lo ang naute pawh ngaihtuah tel la, Rohlu" tiin a nau a au nghal vut a. Choka a rawn lang ve rual chuan kan awmdan tur alo hrilh nghal zung zung a, a kut ah nghet zet in kei erawh in ka lo chelh reng thung.




"Sual bak chhuah miah loh tur, rilru fim tak put tum la, inti chak rawh le, i thei tih ka hria, nu chak tak inih dawn kha" ti leh sup in min rawn melh chhuk run a. Ka lu ah dawm in ka chal ah a hmui chuan a rawn nawr nghal vang vang bawk.



An chhuah atanga darkar liam hnu lawkah ka nu call a rawn lut a mahse tumah ka be thei lo, ka pa call leh au zela, au Valpuia thlengin an lo call mahse tumah ka chhang thei lo. Rohlua leh Didiki'n min awmpui chawt a, Johana erawh inhnuaiah Malin a mutpui thung.



"Mama hian a hresual aniang a" Didiki chuan tiin min han hnem ve ngial dawn mahse kha video kha an hmu ve miau lo a, an hrethiam ve kher lo ang. Khathil kha tuma hmuh loh a paih bo ka mihring thinlung chuan a chak na meuh mai, mahse min siamtu Pathian hma ah hian ka thei ngang lo ani.



"An Man fel anih chu ! Police lam chuan Lunglei lamah an hruai thla nghal anga, Mama erawh alo haw phawt dawn" tia Rohlua'n alo sawi chuan ka thaw chhuak hak a, Didiki chuan rang zet hian min rawn dawm nghal bawk.





*___________*___________*



(Zawmna)


Rei vak loh ah kan inkawta motor ding thawmah chuan kan phawk hra a, mahse tunge kan hriat chian em avangin kan lo nghak tawp, an rawn thlah ani chek ang chu an inthlah fel hnu lawk chuan kawngka a rawn ri zawm zat a.


Kawngka a rawn luhlai chu ka țhutna atang chuan chiang takin ka hmu thei, kawngka khar phui in sitting room eng lam chu a rawn pan vat a, a rawn thlen phei rual in min rawn hmu chu ading dat a, thaw chhuak hawk in min rawn pan nghal vut bawk.



"I țha em?" ti sup in ka bulah a rawn țhu thla nghal vut a. Tunah tak hi chuan kei aiin ani hi angaihtuah awm daih zawk asin. Kha video vang phei kha chuan atan chuan ana zual bik ngawih ngawih ang. Kei a hmeichhiat pui hmuh ah pawh nasa tak ani si a.



"Umm, nang?" ti let sap in a kut chu phah hrawl lam mah lum vung vung chu ka vawn sak a, nghet zet in min lo vuan let nghal vat bawk.



"A hma in ka țha tawh zawk" ti sup in min nuih lui sak a. Mahse a nat tak eng emaw ala tuar tih erawh amitmengah chuan ka hmuh hmaih mawlh silo.



"Bawiha nangni pawh mu tawh ru, an man tawh a naktuk lamah chinchang kan hre mai ang, keini pawh Lunglei lamah kan kal ang thawh hma a ngai dawn ania" ati zui leh sup a. A hah hmel ngawih ngawih bawk. A naute pawh chuan biak zui chi ah an ngai lo aniang kan in mangțha fel nghal thuai mai. Johana pawh Mali bulah a riak daih bawk.



"I nu te'n an lo bia che em?" arawn tih sup chuan ka lo bu nghat a. "Naktuk lamah thu chiang an hre mai ang" ti ve sap in a mitmeng dul zet vang chuan alam hawi chuan sofa chungah chuan ke hlang chho in dim deuh hian ka pang dep chuan ka kuah ta tawp a. Ka kawng hnunglama a kut rawn suih in nghet zet in min rawn kuah let nghal vat bawk.



"A pawi takzet" chu bak engmah sawi tur ka hre lo. Ka chanah ka dah a khatiang thil kha! Ka tuar chhuah theih pawh ka ring lo keimah mai chuan!



"A țha vek tawh dawn alawm" chu thu bak chu min chhanna dang anei lo.A thaw leh halh halh ringawt tawp mai ani.



Khuma kan mut hnu pawh chuan min kuah khawm vek a, ka kalsan hlau ang mai ani. "Dinsang" rei fe kan mut hnu chuan ka ti leh sap a. Thlamuana hnem ka duh mahse ka ti zuau mai mai ka hlau bawk si.



"Umm" rawn ti ve sup mahse a che ik lo.Thlasik khawvawh țan chhoh lai ni mahse a pangti lum ngah lutuk chuan min ti lum ve vek thei tho.



"Hlauthawng suh aw" ka tih sap chuan a tal deuh a ka melh chhoh chuan angaihna hriat loh hmel zet hian min lo melh thla run bawk. "Awihawm loh khawp in i zunah ka uai ka tih kha, nang kalsan che ai chuan min kalsan ka hlau fe zawk tih hria la min ring tawk bawk rawh, mahse ka rinna ti chhe thei thil iti ani erawh chuan ka hmangaih zia che leh i thuthlukna i siam sual zia ka hmuh tir ang che, he khawvel ah hian la cheng dun mahila kan awmna erawh a hrang kumkhua tawh ang! Mahse hre reng rawh aw, kan hmangaih che naute pawn" ti leh sap in ka nuih a. Thu tak zet hian min lo melh run thung.



"Keipawn ka hmangaih che u" ti ve sup in min hnukhnai hrat a, a awm lum vung vungah chuan min bei tir leh in min kuah khawm leh nghal vek bawk. A lungphu dup dup ri te chuan ka hming lam kher lo mahse ka ta an ni vek si.



*______*______*________ *_______*_______*



Zing hma takah chaw kan ei zuai zuai ani ber ang chu, chaw ei kham vel leh insiam sawk sawk in Lunglei lam pan tur chuan kan inbuatsaih a, Dinsanga pa in chanchin zawt a min lo biak leh lawk hnu ah kan chhuak nghal mai bawk. Ka nu te in ah kan peng kawi thla leh zawk a. Ka nu hmel a zawhna tam tak chu chhanna pek theih ka chak mahse engmah sawi ala rem țeu silo.



"Nizanah Dinsanga Police in an phur lai i u in alo hmu a kan mangang lutuk alawm, nang lahin phone lah in i chhang thei silo, i u te rawn kal an tum ut ut hman a, Dinsanga'n rawn hrilh vat lo phei se chu an rawn kal hman hial ang chu" alo ti nghal zung zung a. Ngawi renga zawhna mitmenga Dinsanga ka melh chuan a mit ko a lo san ak duh chauh. "Kha....khawnge in kal dawn reng reng?" ati hnuhnawh leh hram bawk. Ka pa leh Au Valpuia hna ah an kal leh tawh bawk a, au Zela erawh hmuh mai tur a awm leh tawh lo.



"Lungleiah kan chhuk lawk dawn a, in entir pahin naute a țha em tih te pawh check up angai a" ka chhan hma hauh a min lo chhan khalh leh si avang chuan ka melh haw ringawt. Ka nu pawh chuan eng eng emaw alo sawi belh hrep hnu ah min thlah ve thei hram a "I u pawh nizan lamah hna thil ah eng emaw buaina awm aniang Lunglei lamah a chhuk leh tak kha" atih zui leh chuan Dinsanga ka melh zawk a ani pawn min lo melh ve vat bawk.



"College hna hi chu a hahthlak a, a la junior deuh tan phei hi chuan tih tur alo tam ve thei sia nih dawn chu" Dinsanga bawkin alo ti ve nghal vat a. A rei lohah kan invai liam thei ta hram bawk.



"Engtin nge ka chhungte hrilh nachang i hriat?" tiin motor a kan tlan chhuah hnu lawk chuan ka zawt zui zat a. " Kawngah Zela kan tawk a kan rawn haw lam khan a front seat ah ka țhu bawk nen min hmu a keipawn ka hmu, palh a awm thei tih thil thu ah ka rawn haw hnu in ka zu hrilh țha anih kha" alo ti ve leh dap dap a. Ka lo bu ve nghat bawk.



"Naute hming tur hi enge kan phuah ang?" tiin a ngaihtuahna kal bing tur lak pen nan chuan ka zawt zui sap a, a rawn nui nghal suk bawk.



"Kan hming kan la dun dawn ami?" a rawn tih ve sup hnu chuan kan hming lak dun a hming awm thei ho kan sawi thla pah char char a, ka sawi ani zawk mah ang chu ani erawh alo nui leh suk suk țhin ringawt. Chaw hma lamah Lunglei kan thleng a, kan in eipuar leh zet hnu ah Venglai police station lam kan pan ve ta nghal bawk.


Police station kawt a kan ding chu ka zam chhe lo chauh, a hma zawnga ka neih loh hlauhna in min tuam a ka huaisenna te kha khawiah nge an awm pawh ka hre mai thei tawh lo.



"A țha vek dawn?" ti sup in ka kut a rawn vawn hnan hmiah a. La kangin a hmui a a rawn zet hnu ah chhunglamah chuan min luhpui ta bawk. Police constable pakhat hnehah chuan kan kal duhna te kan sawi zet hnuah kawng min kawh hmuh a, chulam kan pan mek lai te chuan ka lung chu a chhuak mai dawn emaw tih tur hiala la phu nasa tak ani.



SP Pu Hmingliana kan va hmuh zet hnuah chanchin te min lo hrilh a, kan țhut atanga rei loh a nupa tih hriat tak la valai tak si rawn lut chu ka lo melh reng a, kan bul lawkah chuan an rawn țhu thla ve nghal mai bawk.



"In fanu chunga pawikhawih tu te hi an inpuang tawh a, finfiahna ťha tak kan nei bawk, tunah chuan induh dan ang ngeiin hremna na tak kan pe thei tawh dawn ani" tiin Pu Hmingliana'n alo sawi dap dap lai chuan nu zawk chu a rawn țap chhuak ta raih a, apasal ni ngei tur chuan alo dawm vat bawk. Ka rin sual loh chuan Venpuii nu leh pa an nih ngei ka ring. Chu thu erawh chuan min va ti lawm si em! Natna tam tak awm tawh lohna ramah awm mahse a dikna hi hailan sak ngei a phu miau ani.



"Kan lawm tak zet" Pa zawkin a tih sup lai chuan ani chu mipa ani bawk a, a rorum chi ani ngei ang a meng dur hle ringawt.



"Keima chungah nilo in hei Pu Dinsanga hrilh zawk rawh u, amah vang chauh hi ani e" tiin zahawm takin a lo chhang let a, pa fel tak leh dawhthei tak ani ngei ang.



"Kan lawm e" kan lam hawi a rawn ti ve sup in, "Heng thil ti tu te hi ka hmu thei angem?" Chang rat a a tih leh chuan ka lo thaw halh a. Dinsanga kut chu ka va vuan nghal chawt bawk.



"Min lo zui ta che u" ti sup in Pu Hmingliana chu a ding vut a, keini pawh chuan zam zet in kan zui ve nghal mai bawk.


Custody lamah min hruai thla in thir kawngka pakhat chu constable chu a hawn tir nghal rawk rawk a, kan luh hnu a a chhunga chair a kut phuar sak vek chunga lo țhu te pahnih chu ka melh ngawt ngawt tawp.



"Nang hi maw ka fanu Pawngsualtu chu" țap țiau a tih paha Venpuii nu in chair a an phuar beh mek pa pan a tum chu apasal leh constable pakhat chuan an lo vuan vat a. Lungrun zet a a țah rawih rawih phei chuan awm ngaihna pawh min ti hre lo. Chair a an phuar beh mek pa erawh in kan luh atang khan ka lak aťangin mit ala sawn miah lo thung.



"Engtin nge in tih theih? In rapthlak lutuk, Nangni..." tiin a țap khur leh ngawt ngawt a, Dinsanga erawh chair ami te lam a en ve ngur thung. Vawi leh khat ah Venpuii nu chu a rawn zawi hnawk a, a pasal chuan a buaipui nghal vat bawk.



"Constable ka room ah khan han paw chho rawh u, amar check ula a awmdan a zirin damdawiin inpan dawn nia" Pu Hminga'n alo tih chuan Constable awm ve alian zawk chuan a rawn paw nghal thuai a, an chhuah pui hnu chuan a reh leh ta tlawk tlawk mai. Venpuii pa erawh ala che sawn leh ta miah lo bawk.



"Naui" Chair a țhu mek in a rawn tih sup chuan ka melh vang vang a. A mitmeng chu a dul ve nghiai mai. A țah a chhuah hmel zawk mah . A bula țhu erawh ala meng ling hlar thung.



"Ka fapa kha lo enkawl țha rawh aw" a rawn tih leh sup rual chuan Dinsanga chu a che hrut a, mahse amah aia rang mahin Venpuii pa chuan chiang zet a a rawn hnek nghal țhuai chuan ka lo țe țhat thung. Rang zet hian Pu hminga chuan ava dawm thuai a. Ala tal ve fat fat bawk. "Nang Zawnga, Ka fanu pawisawi lo kha engvanga khatianga ti nge i nih! A nun khaw tawi sa nen a hringnun itih hreawm zia kha hre rawh !!!! Chunglam khian rem ti se ka that ve nghal tur che" a ti khur hlak hlak a, Dinsanga inhum ruh ngar a ding chu a kut ka lo vawn sak vat thung.



"Ka pu insum teh, an phutawk hremna chu keiman ka pe ngei dawn alawm" tiin Pu Hminga chuan a hnem ve nghal mawlh mawlh bawk.



"Engtin nge khatiang kha a chungah in tih theih! Nangpawh a țhianțha berah a chhal che ani lawm ni! Khawnge in ințhianțhatna chu ! Hmeichhe rapthlak tak ini" tia a au khum leh lai pawh chuan Ramluahi chu zam hmel pawh zu pu duh eih lova. Engtin nge a țhianțha ber chungah lehnghal hetiang thil hi a tih duh ni?



"Kan chhuak phawt mai dawn em ni? A dik dawn lo tlat" tia Pu Hminga'n min rawn rawn chuan Dinsanga melh chuan ka lo bu nghat a, ani erawh in chair a țhu te ngawt chu a melh. "Dinsang kal ang le" tia akut ka vawnna ka sawi chet hnu chuan zawi muang hian min rawn melh a, a mitmenga huatna leh natna inphu chu tutan pawh a hmuh nuam ani hauh lo ang.



"Chhuak tawh ang" ka tih leh sap chuan min la chhang chuang lo Pu Hminga te chhuak ta zui tur a ka kaih chiah chuan a che dat a, ka kut nghet zet a rawn vuan let in a kal ve mai bawk.



"Zothanpui, nangpawh kha ka chhuah dawn lo che, Zodinsanga kha ka ta anih kha! Hmeli, Dinsang min kalsan suh, kan pahnih tan veka ka tih anih hi" tiin Ramluahi chu a rawn au ruai a. Ding dat in ka melh tawp ringawt. A bula ťhu mek Johana pa ni ngei kan inah ngei pawh rawn kal tawh pa erawh kha chu a ngawi leh ngul tawh thung.



"Zodinsang, ka hmangaih che, Venpuii ai pawn Zothanpuii ai pawh khan, i bulah ka awmduh, Dinsang" a rawn ti leh ruai a, a țap zui ti tih ringawt bawk.



"Mahni țhianțha ber pawh i duham luat avanga anun pum i tih chhiat sak duh a, nang ang hmeichhia eng atan mah ka ti hrep lo ve" Hawi let miah loa Dinsanga chuan ti hrawk in amah zawk chuan min rawn kaia min chhuah pui zui hmiah bawk.



Chak zet a min kaih dawr dawr chuan ka kal ve hlawk hlawk mai a, engmah sawi ngam rih hek lo. Pu Hminga room kawt kan thlen chuan a ding leh vut a, a thaw nghal kawk kawk bawk. Kei erawh in a awmdan chu lainat zet in ka lo en thung.



"Kha ramhuainu kha" kha zet hian a rawn ti thla hrawk a, bang chu a chhuih nghal bur bawk. "Dinsang, i inti na nge?" tiin ka lo dawm nghal vat a, a thinrim lutuk vang nge a awm sep dawrh dawrh khawp in thawk ala lo chauh tawh.



"Insum hram hram rawh aw, naute in a hlau palh ang" ti leh sap in lainat zet hian ka melh chho bawk. Naute ka sawi rik vang nge a thawk leh hawk hawk hnu ah a maimichhing leh vang vang a, chuta a rawn meng leh chu tlem in hmuh anuam ve leh deuh tawh nichin maia meng à ruai ai kha chuan.



"Ka tihpalh" ti hniam sup in ka tukhuma rawn dawm in min pawt hnai a, a hmui leh ka chal chu a nawr si zawm zat bawk. "Lut leh lawk in kan chhuk thla leh rih mai dawn nia" ti sup in min rawn vuan leh a. Hrilh hai zet a ka lo melh chu min nuih lui thei hram thung.



Room chhunga kan luh chuan an lo țhu țhap a, Venpuii nu pawh kha an țhutphah sei hunah chuan alo la mu bam mai. A pasal pawh a piah maiah rilru buai hmel zet hian alo țhu ve bawk.



"Pu Hming, dan ang thlapa an phu tawk pe turin ka duh che" a ti thla nghal rawk a. A aw chu a thunun hman lo nge thupek ani deuh tawp mai. SP ve meuh chutia ati bawl mai chu nuam lo ka lo ti deuh , inthlahrung lam maha Pu Hminga ka va melh chuan ani erawh pawm tih hriat zet hian alo bu nghut nghut a, " A nuam sa lovang" tih bak a sawi lo thung.



"Media lam beng thleng lo se ka duh bawk" ati leh vut a. Alo bu liam ve mai zel bawk. Mahse a rintlak fu erawh ka ring.



"Zonunmawia leh Ramluahpuii nu leh pa te hi biak mai na tur kan hre tlat lo a, in hre mial em?" Pu Hminga'n alo tih sup chuan Dinsanga ka melh ringawt a, mahse a hriat hmel bik vak loh.



"Zonuna hi Lawngtlai lamah sawn apa ala awm a, anu erawh in a tleirawl chhuah hlimin a boral san tawh, Ramluahpuii hi chu apa zu seh vanga boral in anu in thingtlangah pasal a neihsan ta bawk. Ka hriat dan chuan an unau hian an khawsa dun in ka hria" Venpuii pa zawk chuan fel fai deuh hian alo ti leh lawi a. "Biak pawhna tur number emaw i nei em?" alo tih nghal thuai chuan a neih mai loh thu leh mahse a hriat theih tur thu a sawi a, thawk khat aveng e.



Kan motor parkna lama kan kal lai te chuan Dinsanga chu a ngawi leh run tawh. Biak mai ngaihna ka hre bik lo bawk nen ka zui ve tawp tawp mai ani. Ka rilru ah zawhna tam tak alo lut a, engvang nge Zonunmawia khan Venpuii kher kha a pawngsual? Ramluahi'n a zep pui bawk, nge an ruahmanna? Ka hrethiam hrep lo, a hre tu ber lah hi a ngawi run mai si.



Motor ka luh dawn chiah in Mama'n min lo call, kan chhuk thu ka nu in alo hrilh ani ngei ang, in lama peng thla turin min rawn hrilh a, chumi hnuah a dah ve leh mai bawk. Din tak chuan a tir kha chuan Johana leh Mama naupan lai hi an inang deuh nia ka hriat vanh khan kan ringhlel deuh kha nia, mahse kha video ka en atang erawh kha chuan tunge ka hrefiah ta thung. Mahse kha video ka en erawh ka inchhir i hmeichhiat pui tihluihna hmanga duh tawk a an sual lai en ta la, eng rilru nge i put ve ang? Chiang takin kei chu ka natpui tak zet!



"Eng hi nge inbumna?" Motor atih nun laia ka lo tih sap chuan min rawn en vut a.
"Nghak rawh, ka hrilhfiah vek ang che" ti sup in kan tlan chhuak ta nghal bawk.



*_______________*________________*



Tunge ka u mama rawn ringhlel hmasa ber tu kha????? Nangmah vangin ka duh aiin ka phuah sei phah Natuk zana a tawp khar duh loh zawngin nizan aia nasa in comment lamah rawn sawi ula, a tam dan a zir in kan bonus ang, Dinsanga nau paw lai leh a nui har har lai te in hre chak em???? Muttui u

[Ngaia]

Chapter - 39



Mama ina kan pen thlak chuan alo awm hnawk rem rum khawp mai, paper nen a thawmhnaw pawh a dah fel țha hman lo nge alo hnawk ve teh mial khawp mai.


"Lo țhu ru" kan lut min hmuh chuan alo ti ve vut a. Kan sitting room ah chuan laptop nen alo țhu ve run bawk.


"I va buai awm? I hnawk rem rum sia?" ka ti ve nghal thuai a. A hma ang erawh kha chuan abulah hian ka ngam pa sarh thei tawh lo, ka inthlahrung ani ber bawk ang.



"A țha maw?" Kan țhut thlak rual chuan alo ti ve sup a, ka melh chhoh chuan ka pum lam a melh zauh avangin naute chungchang a sawi tih ka hrethiam mai, ka nu khan alo sawi ngei anih dawn hi!



"Țha e, thla 2 a pum tawh " ka lo tih ve sap chuan pasal ka neih hnu a avawi khat nan teh meuh min nuih ve sak a, a nui hmel chuan min ti hahdam a, ka thla ati muang suai suai in ka hria. Dinsanga erawh ala pangngai chiah lo nge alo ngawi run thung.



"Thingpui te in ula" A tih leh chuan ka bu nghat a, chhuang tur a ka tho nghal chu min nuih leh suk bawk.



Choka erawh sitting room tereuh te ang lo takin alo fel ve than a, thingpui chu lum nghal rak rak in tui lum alo awm sa lo bawk nen a so har phian lehnghal. Ka u te pahnih lah chu an țawng thawm hriat tur a awm der mai silo. An lo insual mai loh nan țawngtai hial mai ka duh.



Thingpui kenga ka phei leh lai chuan Mama chuan laptop alo khawih daih a, Dinsanga nen chuan an lo inbiak loh hmel khawp mai. Dinsanga mood ang ah phei hi chuan țawng rih lo se a țha zawk mai thei bawk ani.



"Chhuar ah khan chhang a awm?" Thingpui ka hun thlak lai chuan Mama chuan alo ti leh sup a, bu nghat in Choka lam ah phei leh in a chhang dah chu ka va la a, ka phei leh lai pawh chuan an lo la ngawi dun kar mai.



"Tunlai in va buai awm ve?" tiin Dinsanga bulah bawk chuan ka țhu thla leh a, Mama ka melh chuan alo bu ve nghat bawk.



"Nangmah kha i va cher ve" a laptop chu khup thawk in a țhutna sirah a dah a, min ngaihtuah hmel zet hian min rawn melh zui bawk. Lo țhen sak pah hian ka nghawng bawr chu kan dawm ringawt a, ka cher em em pawh ka hre lo asin.



"Chutia mi?" ka ti liam ve satliah a, alo bu ve nghut nghut thung.



"Zodinsang" Mama'n ati vei sup chuan Dinsanga lam ka hawi vat a, Mama lam chu zawi muang leh ngeng zet hian a rawn hawi ve a, a awm dan chu nuam lo ka lo ti. Mama lakah pawh ka inthlahrung.



"I fapa i hruai haw nghal tih ka lo hria a" a tih hmuk chuan Dinsanga chu alo bu ve nghut a, țawng tum a ka àng ziau chu mama țawng chuan min ti tawp leh rih.
"Mipa hnai sai lo zet ilo nih ngei hi, ka farnu ngaihtuah miah lo in i fapa i hruai haw bawk a, ani hi chu ngaihtuahna pakhat te mah i nei lo, nang leh i fapa nawm na chiah i ngaihtuah ! " a tih tak khawl khawl ah chuan nuam ti lo lutuk in mama chu ka melh tawp. Tuna a thusawi kha min ngaihtuah vang ani tih ka hria ka pawm bawk mahse sawi hun ani lo tak zet, bakah Dinsanga hian min ngaihtuah ve lutuk, ala hmu thiam lo mai mai ani.



"Kan nupa inkar niin ka hria" Dinsanga chuan alo ti ve hmuk bawk a. Buaina a chhuak ang tih ka lo hlau ngawih ngawih thung tu zawk hi nge khap daih chi ka hre thiam bawk silo.


" I nupui anih hma in ka farnu ani, atana țha tur a ka hriat chu ka ti bawk ang, nang ang mipa hi ka farnu tan ka duh hauh lo che" Mama chuan alo ti leh hmuk a.



"Mam !" ka lo tih hlak chuan ngeng dun zet in min ngaihsak miah lo in an in en ngur thung.



"I farnu pawh lo nise tunah chuan ka nupui leh ka fate nu ani tawh, i lo hriat hmaih palh in ka hmangaih hle bawk" Dinsanga chuan ngei awm rawng kai lek lek hian a ti ve leh zel bawk nen. Keimah ber chu ka thaw alo ipik.



"I ze dik tak a hriat huna akalsan hunah che chuan i hnaih leh hi ka phal tawh dawn lo !" Mama chuan alo ti chang leh khawl a. Dinsanga alo nui ro hawk thung.



"Mam, enge maw i sawi le?" ka lo ti ve zat chuan thinrim tih hriat zet hian a inseh ruh țun a, a meng tur viau bawk.



"A fa pawh a zahawmna humhim nan leh midang hmuh a lan mawi nana pawm duh lo tu anih hi, mahni bialnu natna khum a a awm reng lai pawh a uire san thei, khatiang kha i chunga a thlen ve ka hlauh vang anih hi, Zothanpui harh chhuak rawh" a rawn ti nghal țhawt a, phawk zet a ka lo melh na chu melh kan in Dinsanga chu rum zet hian a rawn melh thung. Dinsanga lam mak ti zet a ka en lai chuan ani erawh a awmdan danglam eih lo hian rum zet hian Mama alo melh let ve thung. Enge Mama sawi kha a awm zia...? Tu chu maw..?



"He i pasal ni ta hian a bialnu natna khum a a mut ngawih ngawih lai khan a uire san" Mama'n alo tih leh salh chuan "NGAWI HMAK RAWH !!" Dinsanga zawk chuan a rawn ti ve țhawt a. A ding nghal vut a, Mama pawh chuti tho. An in khawih buai mai hlau in Dinsanga chu ka lo vuan bet nghal vat bawk.



"Mama khawi atanga i hriat nge? " tiin Dinsanga țawng leh tur chu ka lo țawng khalh a, keimah ka țawng loh chuan an insual duh mai dawn in ka hria. Bakah Dinsanga hian Mama sawi ang hi a tih theih ka ring miah lo bawk.



"Ka hriatna sawi kher angai lo, ka chiang tawk a, chuvang chuan hepa hi kalsan hmak mai rawh, naupang pakhat lek lek te chu ka enkawlpui thei lutuk che" alo ti leh hmak a.



"LALCHHANTLUANG" Dinsanga'n a tih hrawk lai chuan a kawngah nghet zet hian ka tha neih tawp in ka lo dawm hnan hmiah a, a taksa țang zia chu nasa tak ani.



"Ka fa hi i enkawl lul lo ang, apa ka nih hi, i farnu pasal ka ni mek bawk, nanga dawt sawi chhe te kha rak pui ve vak vak suh" alo ti thla ve rawk a, a thawk lak zawng te chuan a taksa a che dawt dawt thei nia. Ka tiril a khur ve dar dar nangin an insual mai ang tih ka hlau bawk nen keimah chauh țhelh thei tu ka awm bawk si huaisen luih chu har tak ani.



"Mama, Dinsang inbeng dai rawh u, naupang anga insual rual pawh in ni tawh lo, thu ula țha deuh in sawifel ang u" ka ti ve ta hmak a. Anih loh zawngin buaina apunlun dawn tlat.



"Dinsang nangpawh, țhu rawh, i dik emaw dik lo emaw naute i ti hlau ania" ti ang zawngin ka thlem deuh ti tih ta tawp a. Thawk la leh hawk in ka kut a rawn chelh vut a, a țhut thlak rual in a bula țhu tur in min pawt ve hmiah a, Mama ka melh chuan a meng dur khup khup mai.



"Mam, țhu rawh țawng ka in thil sawifel tum țhin ang u, hetia tih nghal buan buan te chuan a fel thei nang" tiin ka han melh a. Mawl min tih hmel zet a min lo en chuan ka lo nuih san ringawt bawk. A thil sawi erawh in min kam ru ve det tho.



"Tinge i àt em em mai le" a rawn ti chhuak ta thlawt a. Thawk la leh hawk in a țhutna ngai ah chuan a țhu thla ve leh dawt bawk.



"Sawi rawh le, tu in nge kha thu kha hrilh che?" tiin ka lo zawt a, Dinsanga kut phah hrawl lam mah chu ka vuan ran bawk.



"A uirena nu ngei in mawle!" alo ti kha ve fak a. Dinsanga alo nui ro hak chu ka lo nghawk dawt bawk.



"Tunge? Tu lakah nge ka lo uire a" Dinsanga bawk chuan ngei awm lek lek hian a rawn ti a, khap sen ni mawlh hek lo.



"Tunge ni vak ang, Ramluahi ka nau nen in inzui lai ngei pawh a i pan fo kha mawle" Mama alo ti hmuk chuan Dinsanga ai pawn ka nuih a za zawk ang! Chunu teh hrep chu le!



"Naupang chungchang pawh kha ama sawi tho em ni?" ka tih leh chuan alu alo bu nghat a . Dinsanga ka melh chuan thinrim ai mahin thawveng hmel a pu zawk in ka hria.....




"Mama hriat kim loh i neiin ka hria!" ka tih chuan kan hmel awmdanah a man nge amit meng adang riau a, Ramluahi te unau in Miss Venpuii chunga an thil tih dan te ka sawi takah phei chuan a hmel awmdan ka chhiar thiam tawh lo, mak ati tih erawh hai theih chi ani lo thung.



"Ani tak tak em?" ka sawi zawh fe hnu a a rawn tih chhuah hmuk chuan ka lo bu nghat a. A hmai tuai pawk in thawk ala hawk bawk.



"Ramluahi te chu Venpuii țhianțha ber ani lawm ni? Engtin nge chutiang khawp a rapthlak pawi a khawih theih !" ati hriam hraih a. Mama hian engtin nge maw alo hriat ve daih daih ni.



"I uire thu pawh kha..." Mama'n alo tih lai mek in "Dawt vek anih kha...." Dinsanga'n alo ti hmuk a. Ka kut vuan chuan a meng rum ul bawk.



"In inruk hma ni khan Ramluahi khan min rawn be teh nawlh a , In inkawp tih a hria aniang i fa neih chungchang te i mualpho hlau a i thup thu te, ka nau pawh i fapa nu tur i duh vang chauh a ngaihven ini tih alo sawi bawk, naupang thlalak mai bakah eng eng emaw min lo thawn țeuh a, i hria anga kan farnu kan hmangaih zia pawh khatiang mipa kha nang pawh nila i neih tir phal ka ring lo, a tlai tak tak hma in tiin ti khan Aizawl lamah phei tir ka tum ta a, mahse kei aiin in lo che rang leh zawk sia......Nangpawh farnu i nei anga i hriatthiam ka ring, kan tan chuan kan neih chhun kan tet te atanga keh thei dawm tak meuh a kan enkawl seilen ve kha ania, kan hmangaih em em bawk sawi leh sawi hnu khatiang boruakah kha chuan ka rilru tur pawh i hrethiam ang, venhim ka tum mai chauh ani. Ka thil tih ah khan natna leh rilru hrehawmna ka thlen che u chuan in mi hriatthiamna ka dil e" tiin Mama chuan a sawi dap dap a. A thusawi tawp lamah phei chuan a mitmeng de sawr sawr ah min hmangaih zia leh min ngaihsak zia ka hmuh chuan ka țah a chhuak tak zet. Min venhim alo tum ve chu ania......Na taka ka tluk theihna ka kawngah chuan a awm tih hria in min lo lak sawn a tum ve tak zet maw!



"U" tia țah insum zet a ka melh chuan alo nui suk a "Min ngaidam thei em?" amah zawk chuan alo ti daih bawk. Ngaihdam ngai te chu keimah ni zawk kan ni reng sia.
Ka țhutna atanga tho in ka van pan a ka kuah nghal chawt bawk, nghet zet a min lo kuah let pahin anui nghawr dat a, ani ang u ka nei lo ang tih hi ka hlau ngawih ngawih, ka nat hlau tak siin a ruk a min venhim lo tum reng tu hi.....



"I thu ka awih tawh viau ang" tiin ka țah nuih a, ani pawh alo nui ve tho. Kawng engkimah a perfect bik lo mahse unaupa tuh tur ang chu ka laka hlen loh pakhat te mah a nei lo, a nei lo takzet.



"Țhiana" ka kuahna ka thlah hnu chuan ati leh sup a. "Ngaihdam i ngaihna ka hre lo, i mawhphurhna i hlen tak zet" Dinsanga chuan alo ti ve sup a, Mama a endan chu nichina mi nen chuan lei leh van ang vel hial ani leh tawh.



"Ka lawm e" Mama chuan ati ve sup a, ka lam lo hawiin ka hnar ah a rawn la piai vak zui. "Thinchhe viau si hian a țah belh a, a pang ber leh duat rawn hmeichhe awmchhun alo ni bawk nen engkimah mi fate a tluk vek thei rih lo mai thei, lo hrethiam hram hram la, hmeichhe chak tak ani a a kum ang aiin a puitling thei fu bawk i duhthusam ang ngei nupui i fate nu a ni thei ngei ang tih ka ring a tunah erawh a hnu i dawl pui rih angai dawn a, a puitlin tawk lohna ah te pawh nang upa zawk inih angin rin ngamin i kutah ka dah tih min lo hriat reng sak dawn nia" tiin a sawi leh dap dap a. Au Mama nge nge! Upa ber nih a tlin thei ania.



"Ka ti țap lo ang tih ka tiam thei lo che mahse natna erawh ka pe ngai lo ang" tiin Dinsanga lah chuan thutak zet hian alo ti ve a. Family hug neih pui mai te ka duh.




*___________*___________*___________*



"U Venpuii pa chu a pangngai hmel fu kha" ka tih sap chuan "A fate lakah chuan mi pangngai tak ania lawm mahse Johana erawh anu thihna leh natna ah khan a dem tlat a, pa rorum sa alo ni bawk a fuh hleithei lo anih kha" alo ti ve mai a. Anu kha chu Miss Venpuii ang maia dam chi ani veiin ka hria.



"Ramluahi khan a duh che tih i hria em?" ka tih leh sap chuan a motor khalh lai ngawt ngaihtuah ang hrim chuan hma lam ngawt chu an melh run a, min chhang dawn lo emaw tih hnu ah a rawn țawng ve leh thei hram bawk.




"Hria e, Venpuii nen kan inngaihzawn lai atangin ka hre tawh, ka rilru mim lak pen sak pawh a tum nasa mahse pakhat ah ka lungawi tawk! Mahse....Bumtu bawk ani, a țhianțha ber chungah khatiang thil tenawm kha ati duh ania, khatiang hmeichhia zet kha chu...." ti hmuk in a tawp daih a. A mit meng a dur leh vek tawh.



"Naute chu hmeichhia nise i duh em?" tiin a rilru lak pen sak ka tum ta daih a. Anih loh zawngin kan tum tluan thei mai ang.



"Eng mi pawh nise kan fa chu ka duh vek mahse tunah erawh hmeichhia nise ka duh zawk mai thei" tiin a rawn phun ve sup a. A nui pahin ka hria.



"Oh! A va thlum em" ti hluai a ka nuih chuan a rawn nui ve ta hawk hawk a. A lai nui zawk emaw ni.



"Apa lawmman kan pe ang" tiin a motor khalh lai chuan abiangah ka va fawp zauh a, a nui zui suk bawk. A mitmeng pawh a eng ve leh sarh tawh mai.



"Apa, pukpui ah ding lawk ang aw, Jelebi lei ang lungleiah khan lei tur ania ka lo theihnghilh a Johana khan a duh teh mai ania" ka tih zawm niah niah chuan min rawn melh leh zawk zawk țhin a, a mitmeng a eng emaw awm chu ka hrethiam hran lo na in a hlim hle tih erawh ka hria.



" Hmangaih loh theih loh nu" a rawn tih sup chuan ka lo nui hak a, ka lai ru hle bawk. Ka tihlan erawh chuan min chhaih zawm ka hlau sia ka insum nasa!



"Bawihi" a rawn tih leh dut chuan ka melh vat a, ka lemon juice hip lai chu ala zo daih lehnghal.



"Duat deuh te hian min ko ve la" a hmel nen a inhmeh lo lutuk in pangchang lam inthlahrung ru deuh zak nge lai ka tih ang chutiang deuh sia a rawn tih chuan ka lo nui hak a, ani pawh a nui ve tho.



"Apa tih i duh lo ami?" tia alam hawi paha ka sawi chuan alu alo thing a.




"Duh e mi awm lai chuan, mahse midang tuma awm lohna ah erawh duat deuh tal in min ko ve rawh" a rawn ti ve leh dut a. A hmel lai lutuk chuan ka nuih ati za bawk si ka nuih chuan nuam lo ati ang tih ka hlau ve deuh tho bawk si.....ka insum na lamah ka hmai pawh a sen vek thei hial ang.




" Chutiang ka hre ve lo alawm, engtiang anga koh nge i duh?" tiin ka la zawt fan a.
A lai lutuk hmel chu thup a tum ve reuh nasa sia.



"Duata, Love, emaw Babe tih te ohhh...Sweetheart pawh" a rawn ti leh dut a.Inkhual te lem pawh kan ang alawm le.....



"Okay, i thu vek alawm, sweetheart" ka sawi laia ka laih ruk zia a hre der silo, a hmel erawh anung sarh mai. "A țha lutuk, Sweetheart min ti zel tawh rawh mahse vanram kawtchhuah kan fan leh hunah chuan ka hming ngeia min koh ka duh zawk ania, tumah dang hming nilo i pasal Zodinsanga hming chauh hi" alo ti leh dap dap a. Ava duhkhirh tak.



"I duhkhirh eee" ka lo tih nang nang chuan "Sweetheart" alo ti deuh dut a......
"E, i duhkhirh eee sweetheart" ka han tih țhat leh chuan naupang ang maiin zu nui (har har) a.



*______________*_______________*

6 months later


"Naute ta tur, hei pawh, hei pawh, ala te dawn sia vawt ati hma dawn saw pawh saw" tiin dawr chhunga thawmhnaw ho chu zu ban kual nghal zung zung a. A dawr nei tu te lah chuan an lo sawi pui nghal hlut mai si.



"A ngai țeuh țeuh lo, pheikhawk kan la lei lo a, chu te chu angai rih bakah thawmhnaw angai tam vak lo kan dawng nasa si, kan lei țeuh tawh bawk" tiin midang awm lohna deuh ah kai hrangin ka hrilh nghal mawlh mawlh a. Țul lo puia insen vak vak hi a ngai ber lo, kan mamawh tawk kan neih baka hlu a awm lo. A chuang liam chuan min hruai khaw lo mai mai.



"Ka leisak chak alawm" alo ti leh daih bawk si. A va buaithlak thei tak.



"Chak lo mai rawh, i leisak tam tawh alawm alawm tawh viau zawk ang Sweetheart" tiin meng de sawr sawr chunga ka melh chuan ka biang alo piai zauh a.



"Coconut tui no. hnih tal in i in tiam dawn chuan" alo ti ve hmak bawk. Coconut tui kher hi chh a tui ka ti thei hlawl lo, a tak erawh ka ei lui thei mai a tui hi chu ka in ťha thei thlawt lo mahse zanin erawh ințhat theih angaih hmel khawp mai.



"In ang, in ang" ka lo tih ve nghat nghat chuan anui leh suk a.



"Pheikhawk 3 tal lei rawh" ala ti hram tho.



OH! SWEETHEART.......



A TAWP DAWN NGE DAWN LO



*_____________*_____________*____________*


Muttui vek ule

Ads i la click ve miah lo a ni maw, a hnuaia milem khu lo click ve la aw

[Ngaia]

Chapter - 40



"Ka hmangaihpui" a vawi 12 nan a rawn ti leh dut dut a, mahni a inbual thiam lo rual pawh ani tawh lo, duat tulh tulh ila hmeichhia ang mai ano tulh tulh emaw tih mai tur hi ania, mahse ka hriatchian tak em em erawh mipa te hi pa reng tur an lo ni bik lo, duat leh hmangaihtaka enkawl hi nuam an ti ve tho, nupa nih hnu ah ngei pawh hian inthlahlel taka kan awm theihnan kan inpawh a kan inngainat zel ala ngai ani.



"Ka hmangaihte" ala rawn ti hram nia, a naute an chhuak vek bawk nen a ngampa ve sih sah khawp mai, a unau te awmlai erawh chuan inhmuam up ve thei tak ani.



"Ka lo chhuak mai dawn!" a rawn ti ta thlawt nia, a va han buaithlak ner nur țhin tak. Ka insuk thleh lai chu dah in towel ro chu ka ban sak nghal a, bathroom lam pana ka kal chu alu chauh rawn dak hian alo kiai deuh suk nia, ka va han ngei țhin tak.



"Naupangchhia thei viau suh, mi kan buai buai nen" tihpaha bathroom hawng zau a ka lut chu khi sawng hian min lo melh a,
lu khing chunga a taksa ka melh chuan "ZODINSANG !!!!" Ka ti nghal țhawt ani lahin "A mak!" alo ti ve hluk a. Mahse thinrim vang lam erawh ani lo.



"Thawmhnaw pakhat tal lo la inbel ta che" ti hlar in a awmah towel chu ka nam bet a, ka kut veilam a ka mit ka hup nghal daih vang nge alo la nui ri suk suk zui.



"La vat ta che! Veng rawh" alak mai loh avang chuan ka lo ti ve leh hlur a, nui hawk hawkin a rawn la ve ta hram a. Țul lo lutuk a ka ban a rawn zut hram avang erawh chuan rum zet hian ka melh a, thil ti sual awm ang lo zet a min lo nui ruh ruh te chu ka run tawk a tling tak zet.



"Kan naute hian chhun lo che sela ka ti" Ka lo tih hmak chuan nui leh suk in "Ti maw?" a rawn ti leh ruih a. A kiai tel suk bawk.



"Apa ang mai hian a hne awm ve palh ka hlau mawle" tia ngeiawm rawng kai lek lek a ka melh chuan huat ah ala bik lo nge alo nui leh mai bawk.



"Kei pawn chhun lo che sela ka ti" a kawnga towel bilh lut in a kut pahnih chuan ka kawng a rawn dawm dun zat a, ka melh chhoh ha chuan min lo melh thla ve run chung hian a vawi za tam nan a nui ve leh ta.



"Mipa chu a pawi lo mahse hmeichhia anih chuan..." ti ruih in alamah min pawt hnai det a, kan awm a insi lo chauh tawh. Zawi muanga rawn kun hniam in ka beng kawm chu a hmui chuan a rawn nul thuak thuak a, ka thawk ka lo ip leh ngar ngar thung. Nupa niin inpawh hle tawh mahila a hung hang erawh in min kiansan thei dawn lo anih hi. "Bawihi" a rawn ti leh sup a, ka beng bul maia țawng anih vang chuan zawiin thum deuh mahse ka hrechiang em em thung.



"Hmeichhia anih chuan..." a tih leh lai chuan nghet zet hian aban chu ka lo vawn hnan a, "Nangmah ang maia a zei ka hlau" chu thu a rawn sawi rual rual chuan hrui phuarna a phelh ang huai mai ka ni phelh mai pawh ani nang tawn chat vek ang vel ka ni ang. Rum zet a ka melh chhoh chuan awm hla hlek hian tak run in min lo melh a, a nuih erawh ala zat hmel tho in ka hria.




"ZODINSANGA!" Ka tih hmak chuan zu han nui leh suk nia. Mahni fate! Bakah keimah ang maw!!!!




"Alo la nula dawn sia, a nulat ka phal miah lo ang" te chu a rawn la ti tak deuh deuh a.




"Pangngai ve teh!" ti hlar in min vawnna chu ka nam kianga bathroom ațang chuan ka chhuak nghal hmak bawk.



Mahse



Hnunglam ațangin min rawn pawm kang vawk anih chu, ka lo chiau chul te chu ngah mah ngailo tih hriat reng hian kan nupa khum dup zet ah chuan min nghat thla dawt a, min rawn bawh zawm zat bawk.




"Ka pangngai angaih luat vangin min hmu pangngai lo vek tawh em ni? Ka hmangaihpui, ka fanu ka hmu chak viau ani" tiin ka hmai bul chet ah min en chhuk run a, inrinna hun min pe hauh lo in ka hmui a rawn bawhthuah nghal zat bawk.



Duhthawh zet hian min fawp nghal nangin a dam dap thung a, thil dang ngaihtuah thei miah lo in ka thluak an chawmawlh nghal vek bawk. Ka lo chhan let ve zat phei chuan a uar zual sauh emaw tih mai tur ani. Rei lo te ah ka kawr a dap nghal ruai a, ka hriat leh hmasak ber chuan ka thawmhnaw alo phelh fel diam tawh.



"Dinsang" ti sapa mit meng phelh chiaia ka melh chhoh chhan ani pawh a mitmenga tisa chak na nasa lutuk chu a thup buai eih lo. A towel venlai alo phelh diam tawh bawk. "Naute tan a țha lo ange?" ti sapa ka melh leh chuan a thaw hawk a, a chak bawk si min tihnat hlau tho bawk si rilru buai hmel chu kan lainat ngawt pek a.



"Ti mai ang, a pawi lovang" ka tih leh hnu hnawh chuan a rilru erawh ka tihbuai sak hmasa tawh tho tho tih erawh alang reng.
Hetiang ringawt chu tiin zahna hun ani lo tih hria in keimah zawk chuan ka kuai kun a, am zet a ka fawh zawm nghal chuan ka kà chhungah a rawn thaw hawk a, a insum seng lo nge min rawn fawh zawm nghal zat bawk.



Duhthawh zet in nupa kar a an chen țhin vanram kawtchhuah ti hiala an lo sawi kan chen zawh hnu chuan ka awmah a rawn bei thla hnawk a. Thla hnih chhung zet kha chu kan insum ve thei asin le......
Min dim tum eng ang mahse min dim țha thei hlawl lo bawk nen ka sil ve fe chu ka ring.



"Khavang ringawt pawh khan i zunah ka uai" nui nghawr dat paha ka awm ruak kang thlan avanga huh hliam rawn fawp zauh paha alo la tih sup chuan ngei zet hian ka lo ner a. Inla zei vel emai.




"Engtik aťangin maw ilo uai ve a!" nui paha ka tih chuan ka chunga la bawk reng chung chuan a nui leh suk suk a




"A hmasa ber chuan i tisa hi ka it ka zep lo ang, ka hmeichhe it leh awh ngawih ngawih i ni" a rawn tih sup chuan phawk zet hian ka en thla a, ka awma ala bei hlun avang chuan a hmel ka hmu thei lo thung...



"Zodinsang" ka lo tih hluai chuan a rawn nui nghawr leh dat a.



"I hmui sen vam ham leh i mitmeng fiah kil kelh nalh zet si te, nula lian ni miah lo mahla nangma tawka i kim ve biai na te hian min hip a, a bik in i mawng bawr" ti leh sup hian zei zet hian min rawn melh chho a, kei erawh in chutiang thu frank lutuk ka la hriat ngai loh vang erawh in ka lo hawi hai nasa . A mit meng pawh a thusawiin a zir nge a h*r hmel ngawih ngawih.



"Ka nupui ini tawh a ka sawi mai mai anih chu, tunah ngat phei chuan keimah zawng zawng neitu ini tawh, i bawih nilo mahila kei aia bawih leh chuang tur i tawng tawh lo ang" ngei zet hian a darah ka chum dawt a. Chumi rual in a rawn nui chhuak nghal hawk hawk bawk. A nuihdan leh a mitmengah chuan a thusawi kha a fiamthu ve ani tih ka hrethiam chiah bawk.




"In la khiangawia vel vak suh"



"Khiang ka awi ve mai dawn em ni?" nuih zat hmel zet hian a rawn ti leh a. Tu pa mah khiangawi ngai a zeng pawh nilo.



"Mipa in khiang an awi ngai lo"




"Chu pawh nise i zunah ka uai tho tho" A rawn tih leh hram chuan inmelh tawnin kan nui dun ta tawp a, a va han chimawm reuh tak.




"Bawihte" rei vak lo kan mut hahdam hnu a a rawn tih leh sup chuan ka lo nui sak a.
"Enge?" ka lo ti nghal sap bawk.




"A khawng leh vek tawh" rawn tih sup pahin ka chungah a rawn inbeng kang zat a. Phawk lek lek hian ka lo en bawk. A mitmenga hnuailam min kawh hmuh chuan ka melh thla ve vat a, Awiiii....a khawng tak tak.




"Zodinsang tinge i tih khawng leh ngawt! Ka peih tawh lo, i naute pawh an lo haw leh tep tawh ang" ti hlar in a awmah ka chum dawt a. Nuam chu ti ve viau tho mahila ka rit ve tawh bawk nen ka tan chuan a hahthlak lam mah ani.




"Ka tih ani lo" hnuailam angaihna hriat loh zet a melh run run pah chuan ati nui nui a. Naupang dawt a puh ni nghal loh chuan.



"Tinge a khawng ngawt si? Ka chau tawh alawm?" ka lo ti leh hram a. Inthlahrun hmel deuh a min rawn nuih tlawn deuh te chu ka lo ngei hlur tawh.




"A la lungawikim ve hman lo aniang nichin khan" a rawn tih chuan na zet zet hian a awmah ka chum nghal dawt dawt a. Nui hawk hawk in alo indang ve ngial bawk.




"Ka hmangaihte, Ka hmangaihpui lo tuar leh lawk ru aw, a rei lo ang" tia kan naute leh kei chu min tlawn nuih pah hian ka chungah chuan alo awm khar a. Uluk fe leh min control tum taka min fawh leh hmasa zet hnu chuan keipawh ka meng phelh leh phang tawh ang.



"Bawihte, a tawt deuh thin chu ani" thaw deuh halh pah chuan a ti leh sup a. Thaw leh hawk in thun an tum ve leh ngial bawk.




"Nu.." Ring leng lawnga Johana'n min rawn ko chiah chu phu nasa tak hi kan ni.




"Hun lo lutuk!" Apa ber bur lah chuan ati hluk a, a hmel chu a chak hmel bawk sia a ui hmel ngawih ngawih kan tih tur ang chi hi ani.



"In ha vat rawh, a lo lut hman ange?" tiin kei chu tho chhuak vat vat in ka thawmhnaw tla darh nuai chu chhar in ka in bel sawk sawk a. Zodinsanga erawh alo la mu ngat tho "In ha rawh" an hriat hlau zet hian ka ti leh hlar a.




"A la khawng vek hi" alo tih ve hluk chuan, ka nuih a za bawk si, ani a tum nasa bawk si han nuih ngat phei ila chuan Johana min hmuh lohna chin turah min pawt lut duh mai ang.




"Bathroom a awl saw" ka lo tih lai tak chuan "Nu" tih leh kan room kawngka rawn ben a rual a. Zodinsanga ka melh hrawk hnu ah ka thawmhnaw siam țha mwlh mawlh in kawngka lam ka pan bawk.




Kawngka ka hawn dawn lai chuan a tho ve ta hram a, phun nui nui chungin a towel bawk chu vengin bathroom lam apan leh tak hnak hnak kha!




"țha em? hei pawh? a patea lei anih hi" tiin a toys car ho chu min hmuh kual dan dan a, a te chi mahnise a thir quality țha ve deuh anih avang erawh in a to ve viau ang.




"A pute Mama leh, apute Zela ka hmu a, Apute Zela'n 'anu chu vawk a ang tawh awm ei a duh si atia"' a motor te ho khuma khalh paha atih ve nui nui chuan ka lo tum hmuk a. He mihring han chimawm dan em em hi.




Choka ka chhuah phei lai chuan Mali leh Didiki chuan an chawhmeh rawn hawn te chu an lo dah fel sawk sawk a "Lo zu inbual rawh u, chaw ka lo chhum ange, bazar te hi thil na mai ani silo a" tiin ka lo chhawk ve nghal zung zung bawk. An intihfai zawhah inngeihtlang deuhin eirawng kan bawl ho leh a, hei hi kan tun hun hman dan chu ani deuh ber mai.




"U Ramluahi te kha engtin nge?" Tia Didiki'n min zawh chuan ka nui tawitak a.



"Cheng 30000 chawi ve ve tur leh Zonunmawia zawk kha kum 13 a tang dawn a, Ramluahi pawh a zep pui avang in kum 3 chhung chumi hnuah a bail theih ang" ka lo tih chuan an ner ve nasa. Media lamah engmah thuthang darh lo in case kan chingfel thei a, kan lawm tawk rih bawk.




"Johana hi..." Mali'n alo tih ve sap chuan "Ka fapa chu enge?" tiin nui chung hian ka lo chhang let a. Lawm tih hriat taka an mitmenga hlimna chu ka hmuhhmaih lo.




"Mama fa nilo mahse naupang mai tawrh atan chuan a hrehawm dawn mah mah ani, keini pawn kan en hrang tur ani lo, i u hnam a chhawm tawh tih hria ula, in vahpa anih angin en hranna nei lo hram ang che u" tiin nui pah chung hian tih tak zetin ka hrilh tho a. An fel dun bawk a an lo pawm leh thluam mai, Johana hi a u fahrin ani lo tih an hriat hnu ah pawh an en hran awm ka la hre lo bawk.




"Bawihi, inzawh hunah ka kamis saw min lo nawh lawk la" tia Choka chhuahna buk atanga Dinsanga'n min rawn koh chuan nui chung hian ka lo bu nghat nghat a. A nun khawhar lutuk kalsan in kohhran a bel leh țan tawh a, hetia a inkhawm tur kamis nawh sak te hi nuam hi ka ti em asin.




"A pawl ati leh ta, i common thei e nang chu, a buang hmani a ka lei che kha rawn la zawk la" tiin a kamis pawl dal riai a rawn phawrh chu ka en a, mipa tih takah kamis pawl leh dum a ngah khawp mai. A pawl ngat phei chu a dal deuh, a thim lam, a englam deuh, a tak ţha deuh tih ang zawng zawng hi a fawm khawm ani mai ang chu!



"A thim mah mah lo em ni?" alo tih sup chuan "Thim lo, a nalh zawk bakah zan ania, a țha reng' ka lo ti ve leh zat a. Bu ve nghat in a rawn la chhuak ve leh mai bawk.




Ka nawh sak mawlh mawlh lai chuan ka bulah alo ding ve run a, engti lo mahil heti hian min din chilh run peih anih țhin chu.




"Message i dawng?" ti vut in ka ban hma hauhin ka kiang maia ka phone dah chu min rawn ban khalh nghal vut a. Nui vur vur in hneh tu chan in ti chang deuh hian mit min rawn siai leh zauh in phone chu a khawihnghal mual mual bawk.




"Enge zan?" a rawn tih hmuk chuan ka thil nawh lai reng chuan ka melh zawk a, ka lam hawiin min lo melh tur khui mai.



"Enge i sawi awm zia?" tia ka melh let zawk chuan a rum dat a.




"Rinsangkima nen inhmuh in lo tum em ni? Ka awm loh hlan in maw?" a rawn tih hmuk takah chuan ka Istiri hman chu dahin alam chu ka hawi ve nghal thuai a. Ka naupai arit tawh lam nen chet a harsa thei phian mai.




"En la ti ni" ti hmuk in khumah chuan ka phone chu a theh thla hmak a. A tum leh bur bur lian tawh khawp mai.



Ka phone chu banin ka message dawn chu ka en a *Zanin chu ka ring che ania, cake pawh min lampui nghal angai ang" tih hi alo nia. Ka hre chhuak zawk, a pi birthday anih tak kha ! Uluk fe in kal turin min sawm ve a, keilah in min rawn remind lo se chuan ka lo theihnghilh hmin der dawn tihna nia.




Tu emaw lah chuan min la melh rum ang reng bawk si......





*____________*____________*

(Zawmna)


Rei fe kan han inhrilhfiah leh phawt a, inkhawm dar a rawn rik ral ral hnu ah lungsi zan lo in min kalsan tak kha. Kima inlamah a rawn tlang nghal tur thu a sawi ve sup a, mipa hnaih tam lo tur pawn min chah ngun leh khawp mai.


"Tu emaw chu a thinrim lo maw?" Cake kan ur tir kan lamna kawngah chuan Kima chuan a rawn ti sup a, ka lo nui mai ringawt. Ngaihkhat ah an nei ve deuh tawh a hlauh en ah pawh an en hran tawh lo in ka hria.



"Kan naute hmelțha tur chh engtik maw in neih dawn?" a rawn tih zawm leh zat a. Aizawl lamah phei leh in a rawn hawna ala rei teh chiam lo. Nau ka pai erawh min lawmpui thiam na ngiang mai.



"Thla leh lai hawl vel anih kan beisei" ka tih chuan alo nui leh suk a.



"Kan nulatei tur nge Tlangval ber bur puia tur ni ang" nui paha a rawn tih chuan ka lo nuih pui ve vur vur a. Mipa anih a apa zia alak fuh phei chuan a luhlul rapthlak khawp ang le.



"Hmeichhia nei ila ka ti rih mahse mipa ka duh lohna lam nilo in Johana kan nei tawh tho a, min awl ve vat thei tur nu chuan kan mamawh alawm" ka tih lai chuan alo nui chhuak hawk hawk a. Nuih za ru ve tho si nui duh bik silo chuan ka ve melh ram ram a. A ni anuih a za tulh tulh mai si.



"An thil tur lo hawn tur pawh ka hrethiam lo a...." a tih lai chuan "A ngai teuh lo mai, an thil tur chu kan ngah lutuk Apa em em a khian lei nuam ati em em lutuk a, inthlahrung suh duat em em la kan lawm ani mai" ka lo ti nghal thuai thuai a, car khalh pah chuan anui zui vur vur bawk.



"Min sawi zawh tir ve phawt la" alo tih ve takah chuan ka hre chhuak leh hnuhnawh a, kan in en a kan nui dun leh ta tawp. A bula awm a hahdam in anuam phian zel hepa hi chu!



"Baby Walker ka lo lei a, i hawn nghal dawn nia, thawmhnaw lam ka lei chuan leisual ka hlau ve tho bawk sia" a rawn tih chuan "Angai kher lo asin" ka lo ti khawmawi ve a, kan la lei lo ber ani hial ang.



"Ka naute ani ve dawn tho alawm, ka tih tur ve ah ka dah hmiah mamawh aneih chuan ka theih zawng anih chuan min lo hrilh tawp rawh, Pute Hmelțha-a nih ka tum ania" a rawn tih leh chuan ka va chum dat a. Ho reuh mai mai lutuk.




Cake lakna kan han thlen chuan dar 8 a pel ve hlek tawh. Cake an rawn phawrh mawlh mawlh lai chuan ka phone ah chu a rawn ri ral ral a, tunge anih ka chian lutuk vangin ka phawrh nghal zat a, alo ni chiah reng bawk.



"Cake kan lam mek a" a rawn țawng hma hma chuan ka lo ti var a, a nui suk ri ka hre zawm zat bawk.



"Ok, rei su in kawt ah ka lo nghak ang che u, ka ngai tawh che u nia" a rawn ti thum dut a, ka nui nghal var var bawk. Kan awmdun loh hlek hian kan inngai hman thei tak tak aniang kan inbiak ringawt pawh hian eng emaw riau hi a awm tlat zel.




"Rei lo ang, a vawt ang inchhungah lo awm rawh" ka ti zui ve zat bawk.



"Rei lo ula ka lo hmuak ang che u" ati tlat a. Kan rei loh tur thu sawiin ka thlah hnuah chuan kan dah thei hram.



Motor a kan tlan let thlak leh hnu chuan kan ti ti ve char char a, sawi tur a hre si vitamin liana hi ani ve ringawt mai.



"Thil thlum ei nasa suh aw, naute hian a rawn chhuah hunah pawh a zawng chhang palh ang" a rawn ri leh pek. Ka nui hak a, ani erawh anui țha duh miah lo thung.



"I faten ka fate an ngam dawn lo sih sah hle mai" ka tih vur vur chuan a hnar a tum dat a, a run hmel hle bawk. Kei erawh in ka lo la nuih var var bawk.



"Zothan...." tia ka lam a rawn hawi phei chiah tih ah motor head light engzet hian min rawn chhun fuh chiah a, horn ring zet a rawn pe nghal tuar tuar bawk, mahse a rei lo kan car chuanna a rik dawt rual in Kima chuan min rawn dawm ti tih nghal a, kan motor chu chak zet a vir nghal nawk nawk in vawi leh khat ah a ri leh dawt a, ka taksa eng emaw lai ber nge ka hre mai thei lo na zawk chu ka hre zawk a, kan motor khu ruai ruai chu ka hmu zawm zat a, ka lu ana nghal ut ut bawk .



Ka taksa na lutuk chu che sawn mai lo in ka maimichhing leh vang vang a. Tlem chuan ka zia deuh in ka hria. Ka mit ka men leh ruai chuan engmah ka hmufiah thei tawh lo a phe ruai ani mai. Thawm ri nak nak ka hre vuai vuai a, ka tai bawr na zet leh ka dar thip hlur te ka lu hai ruai te chu thil nuam ani hauh lo.



Engkim chu a thim a, ka mithla ah erawh fiah zet in Zodinsanga hmel a lang thung. Chu ka mitthla a tak ram nia ka hriat si loh vang chuan mittui a tla hial in ka hria. Ka ngaihtuahna chu thim in zawimuanin a hliah riai riai a, mangang taka auh ka tum lahin ka ko let zo thei bawk silo, ka țap a......Engkim chu a tawp ta vek mai hian ka hria, hei hi em ni a tawpna ni a an lo sawi țhin chu!



Dinsang! Ka taksa na leh hrehawmna a khat chung pawh hian ka la ngai fan che, Daddy....kalsan che ka la duh lo!




Engkim chu zawi zawi in a reh a, ni e, a reh fel ta!




*_____________*_______________*



ZODINSANGA (POV)



Rinsangpuia te inkawt ah chuan țhu in mei ka zu vang vang vang a, a khat tawk in ka phone ka tuai let sek bawk. Ka rin ai daih in an lo la thleng thla har zui. Ka phone wallpaper a Zothanpuii he khawvela ka nupui awm chhun leh ka fa lo piang tur mek thlalak chu ka thlir leh vang vang a. Hei bak baka thinlung hlimna hi chu ka nei tawh kher lovang, akiangah hian he thinlung vakvai tak hian hahdamna a hmu țhin miau alawm.



Thuruk pakhat ka nupui ngei pawhin al hriat loh chu maw Zothanpuii hian min atchilh emaw a intia, a hmasa zawkah a inngai.....mahse a hriat loh erawh Kum 14 mi anih ațangin he thinlungah hian bu a khuar daih tawh.



Ka hmuh vawikhatna chu college kan kal lai ania, Chhantluanga phone ah an unau thlalak ka hmu kha, anui a ala naupang in a duhawm tak zet. Ka tum loh zet in chumi zan ațang chuan anui hmel kha ngaihtuah ka ching thar a , Chhantluanga hnenah pawh a hriatthiam tur chiah nisi lo in vawi tam a chanchin ka zawt hial. Ani lah anau atchilh ve ta reng reng sawi nuam atih ber pawl ani a, a chet chhiatna te a țahna ho tham te te te, a chanchin tam tak ka hre chho a hriat belh leh chakna in ka khat liam zel bawk.....A thlalak hial ka lak ruk sak hnuah ka hriat chhuah tak chu kei Zodinsanga hian ka lo vei em em tawh lek chu niin, kum 25 mipa, tlangval pangngai kha tleirawl tuai tir zunah ka uai fel der tawh. Kan khua a kan haw chang te hian hmuh ka chak țhin mahse hmuhna change vang tak ani.



High school an kal lai in engtin tin emaw zirtirtu angin ka lut thei ta hlauh a, ka class ah rei lo te chu an awm ve hman, kha mi chhung ringawt pawh khan belchiang hman tak ka ni. Mahni lu zo ve vawh tak ani a, a rilru a chhe lo bawk a ngainat pawh a hlawh liam liam khawp mai, an class ami ho te ngam lo anei lo emaw tih mai turin a hunah a kawlh hrak a, tuna a țhianțha ber Lawmsangkimi hi awm lo phei se chu hmeichhe naupang insual zing ber ani hial mai thei ani.



Mahse a hunah a nem in a rilru a țha em em a, a chezia ringawt pawn min hip hliah hliah, mipa ka ni, ka zep lovang tlangval pangngai leh chakna nei ve tho ka ni amah ka suangtuah nasa ti pawh ka pha hek lo. A tisa ka it a, ka ta nise ka ti țhin, chu ngaihtuahna ka neih apiang erawh in kan inkar zau zia ka hre thar a, kan tan hmun awl a awm ve lo ah ngaiin ka kiansan ta mai kha nia. Venpuii vang chauh in.



Kan khua ah aiin school țha um in khawpui lam ka bel tam a, BHSS kan kal lai ațang daih tawh in Venpuii nen pawh hian kan inhria a hmeichhe nungchang ka ngainat chi tak alo ni bawk nen ani lahin min haw bik hek lo kan inzui ve ta rawih a, a fel a min care thiam em em bawk ka duhthusam ang chiah in awm mahse kim lo erawh ala awm tlat si.



College kan kal hnuah erawh enge kim lo ka hre ta chiah Zothanpuii, mahse ani nen erawh kawng aping ngawih ngawih thung. Awmna hmun inang lo ta na fam chu Venpuii aiin ka vei a ka ngaihtuah tam hial, mahse Haulawngah a rawn thawh ve tak hnu ah erawh engkim kha ka nawr lui ani.



Tual vawt takah chuan țhu in ka nupui hial lo ni ta hmel chu ka melh leh țhin, ka thinlung a hmangaihna leh lungawina, hlimna te hi a hrethiam ve pha kher awm lo ve.



Ka piah deuh a in ațang chuan tlangval ho an rawn chhuak deuh rum rum a, kawt kai maia an bike dah chu la in an tlan nghal vawk vawk bawk, eng emaw buaina an nei ani ang tiin ka en liam mai a, a hnu deuh ah Rinsangkima te inchhunglam chu an rawn ri ve leh ta rum rum a, hlimna lam ani lo tih erawh mi pangngai tan hriat loh chi ani lo.



"A va pawi tak em? An mahni an țha em?"
"Tu te nge awm? Khawi damdawiinah nge?"
"Enge an an?"
"Tu nen maw an insut?" tih vel chu ka hriat theih awm chhun ani, a ri nuai nuai a, ka ngaihtuah chian fe hnu ah ka rilru a ngaihtuahna rawn lut chu duh loh zet hian ka lu ka thing nawk a, ka phone chu phawrh chhuak in a no. ka dial zui zat bawk


A ring ral țhak nia.


Vawi 2
Vawi 3
Vawi 4
Vawi 5


Engmah a chhang thei lo ! Ka sam chu tuai chho țawk in rang zet hian ka car hunna lamah ka tlan phei a, ka motor chahbi ka vuah lai te chuan ka che phelh phang mai. Eng engmaw thleng tur anga ka chhungril lama min țham tu chu ka duh lo, ka ngaina lo.......



Chak zet hian Cake dawr awmna lam pan chuan ka tlan chhuak nghal zawt a, ka speed pawh a hniam teh chiam lo. Thui pawh ka la tlan hman lo kawngkawi kual thuk ve deuh lai kan tih țhin motor pawh an accident fo na hmunah ngei mai chuan motor leh mihring an lo zi nuai nuai a, kawng sir rem laiah chuan hmanhmawh zet a in park rem ve vat in motor chu ka chhuahsan vut bawk.



Mipui zi nuai nuai karah chuan light eng rinchhanin kawng sir thlanglama thingkung bula car insawh chhe nasa ti hriat taka kawi sawi chhe nuai ka zu hmuh chuan ka ding dat a. Tih mai tur pawh hre lo in ka en ngawih ngawih tawp ani ber.



"E khai aw, Dinsanga tinge hetah i awm?" tia min rawn ko tu avang chuan ka harh zawk a, rang zet hian alam ah hawi in a kawr awmah ka țham nghal nawk a,
"Enge thleng hi? Khawnge ka nupui?" ti hrawk in ka thing nghal nawk nawk bawk.



Tlangval țhenkhatin min rawn chelh nghal vut a, mahse heng ho hian khawnge an dah ka hmuh hma loh chuan ka thlah dawn hauh lo. "Khawnge ka nupui a awm?" ti leh hrawk in ka thing leh nawk a. Engtin tin emaw min dawm khalh in ka kut atang an la chhuak thei hram a, mahse kei erawh ka thisen lum lutuk chu ka thunun thei hlek lo.



"Khawnge ka nupui a awm ka tih chu?" ti hrawk in min vawnna chu ka thing nawk a, hrep hian!



"Inbeng dai rawh Dina, PHC lamah an phei pui phawt anih kha, nangpawh buaina siam lo hian va phei ve vat zawk rawh" Pa pakhat in a rawn tih dam thluam chuan chupa chu ka melh vut a, ka thinrim inseh ruh nasa bawk nen tunge an nih ber tih pawh ka hre hlawm nek tawh lo e.



"Min thlah rawh u" tia min vawnna ka thing leh nawk chuan min thlah ve hram a. Rang zet hian ka motor dahna lam pan thla vut in chak zet in ka dawk chhuak nghal zat bawk.



Ka nupui hmel ak mitthla ah a rawn lang nghal ruai a, a nui hmel te nichin lawk mai pawh khan kan la inbe reng asin. Manganna in min tuam but but ka ti lo thei lo. Ka hlauthawnga ka nupui bak ka rilru ah a awm thei thlawt lo bawk.



Kan hlim ve dawn chauh asin.




&____________$____________&


Muttui suk suk vek ule




🤍🤍🤍🤍🤍🤍🤍





Ads hi han click leh zeuh bawk ula maw

[Ngaia]

Chapter - 41




Damdawiin ka han thlen chhoh meuh chuan ka thlan a tla hial thei. Ka awm a min hnawh tup tup tu chuan zamna mak tak min pe bawk.


Damdawiin chu alo eng uar a, mi tlem a zawng pawn lamah chuan phone hmang leh eng eng emaw tiin an lo tei suau suau a, motor pawh park rem lem lo chuan kawngah chuan hung tawp in chak zet chuan damdawiin lam pan chuan ka kal nghal dawr dawr bawk.


Kawngkhar lianpui ka nem hawng chiah chu a chhungah chuan nurse leh hnathawk dang ho chu biak hman pawh awm lo chuan an lo buai ve nasa mai. Female ward lam pan nghal vut in kawngka hawnga luh mai ka tum chu nurse pakhat hian min lo dang vut a, puanzar hlai zet an zar chu va hmu in a hnunglama awm tur pawh ka ngaihruat thiam mai bawk.



"Ka pu, emergency ania, i lut thei lo" Chu nurse in alo tih ve vat chuan ka pen lui țalh a, saw mi hnungah chuan ka nupui a awm tih ka kawchhunga phu dup dup hian min hrilh alawm, a țhat leh țhat loh ka hre duh!



"Ka pu, a luh theih loh ka tih chu" Chu nurse bawk chuan ti ve țawngin ka kawngah chuan a rawn vuan bet ve țai a. Hrep hian! Ka thing hrep dawn zawk emaw ni!



"Min thlah rawh, ka nupui ka rawn hruai dawn" ti hrawk in ka phih nawk a, a petek dawrh chu ngaihsak zui ka tum lem lo. Ka nupui leh kan naute mawlh mai kha.



"Dinsanga, i kal thei lo tlat, pawnah lova awm angai, hetah chuan a thawk te lo chu luh theih ani lo" tiin mipa khat in ka dar ah min rawn vuan leh a, "Ni e, a țha leh em em ang, pawnah lova awm zawk ang u" tiin mipa dang tho in ka dar leh lamah a rawn vawn zawm zat bawk.



"Tu te nge innih hrep a! Ka nupui ka hmu dawn, min dang tum hauh suh u" ti hmuk in pen zawm ka tum chu nghet zet hian min rawn dawm dun nghal chawt a, ka tal viah nangin hrep hian! Min chelh nghet dun hrep nia.



"Min thlah vat rawh u" ka tih hrawk chuan "Min hrethiam rawh, luh phalsak kan ni ve tlat lo" Pakhat zawk chuan dam zet hian alo ti sup a. Ka dawhtheihna in a tlin tawh lo.



Ka bul lawka an țhut phah hun chu ka tlawh chawrh a, min chelh dul laia ka tal phut chu min rawn chhangtupa lak atang chu ka tal chhuak hman mahse pakhatin min lo la dawm zui zat chu ka hnek nghal chawrh a, nurse nge mawni kha a rawn țe nghal chul chu ka va melh hrawk a, a hmelthla bar lutuk ai sawn ka nupui ka ngaihtuahna anasa daih zawk.



Pakhat zawkin min rawn dawm leh zat chuan vir vut a ka hnek tur chu ka hnek zawk khan min rawn dawm leh vut a, midang au in min hnuk chhuak lui ta bawk.
Tunah hian thei in, ni thei dawn ngat se chuan ka nupui hmuhna tur anih chuan an vai pawh hian ka insualpui duh ngei ang.



Rei fe kan pawnah min țhut tir a, damdawiin chheh vel chu a eng ut mai, thingbuk zar leh damdawiin compound zawl zau tak te nen chuan ka nupui kha hruai ila chuan a hmun ngainat tur ani ngei mai mahse tunah erawh heng eng an chhit ut te hian enna min pe tel ve thei tawh lo, ka nun chu bawm kawrawng ang chauh ni mai hian ka hria. Chan tur a ka inngaihtuah phei hi chuan ka thisen alum vek thei hial ani. Kan naute pawh kha ni e, kha kan pahnih thlazar hnuai chak lo tak chunga thaw ve țak țak kha, engtin nge a awm ang?



"Aw lalpa, Khawngaihin" he thu hi ka thinlungin tih tak zet in alam mawlh mawlh a adang sawi belh tur reng ka hre lo. Ka mangang tak meuh meuh si a. Anni ka chan anih chuan engtin nge ka awm ve tak ang.



"Dinsang" rawn ti sup tu avang chuan ka dak chhuak vat a. Kan lampanin Zothani nu leh pa, a unau te rawn kal chu ngawi reng hian ka lo melh tawp bawk.



"A țha em? Bawihtei chu enge a an? Khawiah nge a awm?" Zothani nu ka pi zawn chuan a rawn ti nghal țuau a, Ka pu zawnin alo dawm vat bawk. Chhanna beisei takin min en hlawm a, kei erawh in chhan ngaihna ka hre lo, a chanchin a them pawh ka la hre silo a.



"Balu phur Truck nen ania, Truck driver te lam hian hliam te nau an nei bawk, Zothani te car hian insa seng an tumna lamah a sir lamah an tawlh a, kha kha truck khan a tai leh hman bawk nen accident hi a thleng ta ani. Driver Pu Siamkima fapa zawk hi a insawh na hle a, Lunglei lama phurh thlak nghal ani bawk Zothani erawh naupai lai alo ni bawk nen nikhaw hre lo in a awm mek a, doctorin a kaw chhunglamah thiput a awm leh awm loh te, a hliam neih dan a enfel mek a, chumi hnuah Lunglei lam panpui a ngai ang" tia pa pakhatin a rawn sawi chuan ka ding vut a, awmngaihna pawh ka hre lo, engvanga lo kaltir teh hrep nge maw ka nih le? Keimah vang vek ani, inah lo awm tir mai mai ila a țha vek mai tur asin.



"Tu te nge thiam lo reng reng, wrong side ah ka fatw hi an lo tlan palh em ni?" tia Ka pu zawnin a zawh leh rual chuan "Ni lo e, Truck lam hi an nih hmel alo hmutu te sawi danin bakah Truck driver leh handyman te hi an lo kam nam ve deuh bawk nen, a vanduai thlak khawp mai" a tih lai chuan ka inseh ruh țun a, ka hnaih ah awm ngat se chuan ka that duh hial mai thei ani, ka nupui leh ka fa dinhmun derthawnga dah tu chu haw tak ka ni.



"An mahni hliam an nei lo maw?" Valpuia'n a rawn tih chuan " Nei ve hlek e, a hming chuan an dressing mek a, an lo chhuak țep ang" alo ti ve leh mai a. "Țhenkhat hlimna leh lungawina zawnna vangin țhenkhatin an nunna hlu tak an chan loh chauh chu ani sia! Hrep tak hian! he thilah hian case ka file ngei dawn ania, tuman min dang hauh suh ang che u.......Țhenkhat hlim hlawp bawlna vang mai mai a, midangin an tawrh hi ka duh der lo" Mama chuan a rawn ti ve hmuk hmuk a. Kei erawh ngawi rengin ka țang țung thung. Sawn invar lianpui chhunga mangang taka ka nupui natna tuar a awm mek saw chelh a a hliam tihdam sak tluk a duh ka nei lo.



"Sawn an ni pawh an lo chhuak alawm" tia kan bula pa in damdawiin lam a kawh phei chuan ka hawi vut a, pa lian lem lo tak a ban an tuam var ve hlek leh a handyman tlangvak ria lam mah a chal var ve det rawn chhuak mek chu ka va hmu zawm zat a. Va tlana kut thlak mai lo tur a ka insum nasat zia an hrethiam pha kher lo ang.



Mahse


Zela zawk chu a tlan phei vut a, a u te pahnih in an um zui nghal bawk. Kei erawh ka din ngaiah ka la ding saw mite pahnih saw ka hnaih anih vaih chuan chin tawk awm lo khawp in ka sawisa duh ngei dawn bawk sia, chu thil ka tih erawh ka nupui in a duh loh tur zia ka hre lawk bawk.



Zela chuan Driver zawk chu a hnek thal tawp a, a bul lawka a handyman ding ve chu a tlawh thlu zawm zat a, Driver zawk țhulh chilh a tum chu a u te chuan an pawt hrang nghal hrawk a, midang awm ve te chuan Driver leh handyman chu an lo la hrang ve bawk.



"Min thlah rawh u, Zawng ho, nangni vang phiangsen hian ka nau in thih a sual mek tih in hria em? Naupai lai thla leh lawk a hring mai tawh tur ani asin, Hmel ho! Min thlah teh u, ka nau an tih ang hian ka ti ve dawn! Nangni a zu rui thle kual mai mai vang vek hian ka nau hi ka chan anih ngat chuan Lalthanzela natna khuma nangni vang a tuar mek Zothanpuii u hian nun chakna pawh awm lo khawp in ka la tuar tir ve ang che u, in hria em? Zawng ho" tiin a au tuar tuar a, mipa anihna hrechang lek lo in a mittui a tla hial bawk.



Apa in ava țhelh hnu chuan Damdawiin hnunglamah Mama leh Valpuia chuan an hnuk phei dawt dawt a. YMA lam in chumi te pahnih chu an rawn hruai ta bawk.



"Mam" rawn ti sap tu chu ka melh zauh a, ka nau Rohluzuala chu ka bulah a rawn ding ve chiah bawk. Ka pa lam kan kal bawk a kan lian zuah a, ani pawn min chen lek lek tawh hial ani.



"An țha em? Didiki te chu Johana lo hruai ve a chi si loha an lo awmpuia" a tih chuan ka lo bu nghat a. Ka thaw hawk bawk.



"Ka hre lo, a țha angem?" tiin damdawiin lam bawk chu ka melh leh a, Rohlua ka melh leh chuan amitmenga min khawngaihna ni awm tak ka hmuh nghal zat bawk.



"ka nu leh pa pawn an rawn call a, naktuk lamah an lo chhuk nghal dawn anih chu zan tlanah chuan kawng a chhe bawk nen a tih chi si loh a" a tih ve sup sup chuan ka thaw leh halh a, ka kut pahnih ka tukhuma suih chho in boruak chu ka hip leh kawk a. Ka hah vek thei hial ani. "Bawihi i țha em? ka naute kha a țha em?" tia ka thinlungin zawhna a siam pawh chhang tu reng a nei silo.



"Lungngai lutuk suh, ka pa pawn 'i rinna lo ti nghet sauh sauh la, a dam leh em em ang, i chak țhat laiin i vawn tlat kha i chak loh hunah hian a vuan ve tlat ang che, lo mangang suh aw' a rawn tih kha Mama naute leh anu in chak takin an mamawh che ania, țawngțai la an tan, kan tan te pawh a dam leh em em ang" tia ka nau in a rawn tih ve dap dap chuan ka maimichhing vang vang a. Awmzia a nei meuh angem? Kei hi țanpui tlak ka ni ve dawn em ni? Kha leh chen atana ka rawngbawl khan Venpuii min laksak tho a, tun rei lo te chhung ah hian Zothani tan hian a tawk bik dawn em ni?.



"Liam tawh chu liam tawh ani, tun hun atan nung la, beiseina nen hmalam thlir in ke pen rawh le" chu thu ka beng a arawn rik rual chuan ka thaw hap a. Zah ka sawi thei lo ka țhu a, ka theihna zawng zawng in ka țawngtai ta tawp mai. Midang angin ţawngkam ka thiam lo a, han chham kur duah a ngen turin ka țawngkam thiam in a daih hek lo, mahse hei erawh amah Pathian khian a hria ang, keimah zawng zawng ka thinlung zawng zawng tak meuh meuh in ani a vawikhat nan ka dil ni. Hetiang taka tih taka ka țawngțai vawikhatna ani ta hial ang. Mahse ka țawngțai zo chu ka zang hawk thung, eng emaw ven hian ka veng deuh hawk a, thawk lak pawh anuam ta viau mai, rilru lam erawh in chhunglam ani ala kap run tho ni mahse ka chhungrilah hian ka heiat theih si loh min thlamuan tlat tu awm chu ka beisei a ka ring tawp mai ani.



Darkar a teh dawn chuan a darkar zat awm ang tur tak ngial pawh ka chhut thiam lo. Damdawiin kawngka lian zet chu rawn in hawngin nurse in ka nupui hming lama min rawn koh chuan rang zet hian ka tlan phei nghal ti tih a. Buaina a thleng em? Eng chiah nge hriat vat ka duh ani.



"Dr. in a be duh che u a" alo ti ve vat a, Zothani nu leh pa leh a unaute nen Doctor cabin lam ah chuan min hruai phei nghal ta bawk.



Doctor cabin kan luh chuan ani pawh chu alo țhu fel chiah a, a chauh hmel kher mai.



"An țha em?" kan țhut fel hma hma chuan ka ti nghal tawng a, min rawn melh nghal vut bawk. "Nichina buaina siam kha i ni tiraw?" a rawn ti khauh a. Ka lu ka lo bu nghat thung. "Ka nupui chu?" ka tih leh chuan a thaw halh a.



"Hliam nasa anei hran lo e, a lu a tauh na saw a thi duh ve deuh a, a ban veilam erawh therapy te inla anih loh chuan a chet lawk thei lo ang nilo a hmang thei tawh lo zawk ang. Pem te nau erawh a nei nual a, nichin lam khan a kawchhung lamah internal bleeding a awm leh awm loh kan check a a pangngai vek e, chuan naute pawh Pathian zarah a him e" a tih chuan ka thaw hawk a, ka hmai ka tuai nghal puak bawk. Lalpa ka lawm takzet e....



"Khatianga accident na ah khan chutiang te chu maw aneih, țha lo se ka va tih lam nilo in eng emaw fel lo te pawh alo awm lo maw?" tia valpuia'n a lo zawh ve sup chuan alu alo thing bak bak a.




"Khalam kha chu intih dan dan ani mai, khawpui lama full check up neih leh theih pawh duhthusam ania, duh ang thal in khawl kan lo kawl ve lo bawk nen kan theih chin chin ah chuan a him tawk in ka hre rih e" alo ti ve leh dap dap a. "Leh lawk, ka rindan hi a dik anih chuan a țhianpa a chuanpui pa hnenah khan lawmthu sawi in ba in ka hria, ani phei kha chu a insawhna hle a, rual kan ban angem tih pawh a hriat loh? In fanu tan hian a in pumpek niin alang, an accident khan in fanu zawk hi motorin a tai lam leh thing a an nek chilh lam kha ania, mahse khapa khan a tawrh ai a tuar sak ani, a hma ah khan ava indawh ani ngei ang " tiin chiang zet a min melh kual pah chuan ati a, ka lo thaw hak thung. Zothani nu chu a rawn țap nghal hak a, a lawm si a lungchhe bawk si, ani ber ang, kei tak pawn Rinsangkima laka lawmthusawi ka ba nasa ani.



"Kan hmu thei angem?" tia kan doctor-i ka melh leh chuan "Ala harh lo ang, na chhawkna in kan jection a, ala muttui viau ang,mahse inhmuh duh țalh chuan a theih tho" a ti ve sap a.



"A theih tho chuan ka lo hmu ange" tiin ka inher nghal vut a, Female ward lam chu ka pan nghal bawk. Tunah tak chuan ka nupui kiangah a him ngei ani tih hriat nan a thaw ri chauh pawh nise hriat ka duh ani.




Damdawiin khum a amu han hmuh meuh chuan engtin emaw tak hian min vilh a, ka pik țun mak. Nula hrisel leh zuan zang tak kha ani țhin a tunah natna khumah an mu ve ta der chu ani.




"Ka hmangaihpui" ti sup in abulah ka țhu thla a, a kut na lo lam drip an lo khaina lam chu ka dawm sak nghal vut bawk. A kut te chu a pilh ve rum a, a tuar chhel tak zet ani.




"Bawihte, ka duat te u, Apa hi mutthilh san rei miah suh u, intel lo chuan nuam ka ti lo ania aw, lo harh vat vat rawh u " ti sup in a kut ah chuan ka hmui ka nawr si vang vang a.




A kut an tuam var luk lam chu chul in a hrehawm tur zia ka ngaihtuah sak a, ka inthiam bik lo, lo kal tir loh tawp tur ania.



"Apa i bulah a awm aw sweetheart, tui deuh in mu ula mahse apa tan lo tho leh vat ru aw, ka veng reng che u nia" ti leh sup in kan naute awmna chu ka dawm vang vang a.



Ka pu zawnte nupa leh a unaute an rawn luh takah chuan țhutna ka lo kian vat bawk.






Ni thum lai kan nghah hnu ah a rawn harh chhuak ve ta hram a, khami ni tluka he thinlung lawmna ni kha a awm chuang lo ang. A taksa chak lo tak che kuam ka hmuh chang te chuan tih dam tluk a chak ka nei lo




"Dinsang" a rawn ti tham chhal a, anu leh pa leh a unaute haw tawh in ka nu leh pa pawh an rawn chhuk a, zanlam ani tawh miau avangin damdawiin ațang chuan min haw san ta bawk.



"Mamawh i nei em ni?" Dam zet a ti sup in alu bulah ka zu kun hniam a.A taksa la chak lo zet chu ti che zauh in min rawn nuih lui sak bawk.



"Nei lo e, mahse kan ngai tawh che a" a rawn ti ve sap a, a nui seih hian a hmel a ti țha leh zual.




"Keipawn, sweetheart te chi nen hian ka ngai ve ve che u" ti sup in a hmui ah ka zu fawp zauh a, ward ah damlo dang tumah an awm lo teh mial bawk nen thla amuang deuh.



"Apa chu ava fel tawh ve, i biang lo dawh rawh" a rawn tih ve leh sap chuan ka nui leh suk a, phur zet hian a hmui bula ka biang ka va dawh chuan alu chet zauh in a rawn fawp ve zauh a. Ka hmangaihpuii hi!




"Kima kha engtin nge a awm? " tia min rawn zawh chuan chhan harsa ka va ti em? Dawt sawi ta ngawt ila ka hmelah engkim a hre leh vek dawn si!




"A la harh chhuak ve lo, coma in tunah civil hospitala enkawl mek ani" abianga dawm paha ka tih sup chuan a bo deuh a mahse a mittui a rawn hnai ta kuar mai. A rawn țap chhuak hawk chu ka lo dawm vat a, amah thiam loh vekah angai hmiah bawk. A țap zankhua lo chauh a, zinglamah a muhil ve thei hram thung.



Rinsangkima enkawlna man pawh tamtak an phal lo chung kan tum ve char char a, tunthleng in ala harh chhuak zo lo. Zothani lah inthiam lo reng reng in hun a hmang a, naupai lai ama taksa chak lo pah bawk nen tunah chuan cher tawh tak ani.




"Tlem tal ei belh leh rawh heti chuan a zia dawn hauh lo ania" tiin a chaw ei chu ka vil rana, a kut lehlam a hmang thei lo bawk nen midang kham vek hnuah tihian kan in chhawm dawl țhin chu nia.




Thla pawh entin tin emaw alo kal ve leh duai a, naute pawh hmeichhia kan nei ta. Kan naute neihni a ka hlim zia chu anu adam ka hriat ni ang zat zet kha ani ang.A pu in Grace Lawmsangpuii tiin a phuah ta hial a. Anu tan Malsawmna dik tak ani. Tlem in anun pawh a ti pangngai chho a, Kima lamah erawh hmasawnna em em hriat tur avang hle thung.Hei tak hian hmalam pansan bik hi a rilru ala ti nuam lo niin ka hria.


Fanu a zawnga duhawm ber min hrin sak ka ti lo phal ngang lo, Grace.....naupang dang ang lo takin a zaidam em em a, a harh vang lo hle te hi anu in angaihtuah phah hial zawk bawk. Min bel chawt a, anu ani leh a, midang erawh angen ngai lo tluk ani.




"Grace i hian tunge a chhun le?" ti sapa kan fanu khuma naute lam khalh a chiau leh țhat țhat țhin en dun paha ka tih chuan anui ri hak a.



"Keimah" a rawn tih chuan han nuih ka chak mahse kan ti tau leh dawn sia insum rih angai.



"Kan khawvel anih saw" ti sup in kan naute chu ka melh leh a. Ni e, kan ta, kan sweetheart.....kan pahniha kan chhinchhiahna neih chhun kha.....




"Johana alo haw hunah phei chuan, a buaithlak khawp ang" a rawn ti leh halh chuan ka nui hawk a. A buaithlak ania, anua kum la tling silo hi puak ve teh a tum sia kan buai zel anih hi.




"Lungngai mah ta che, Zodinsanga i neih hi a țha vek mai ang" ka tih sup chuan a rawn nui leh hak hak a. "Zothanpuii i nei hi lamw zawk rawh " a rawn tih chuan ka hmai chuan a nghawng ka nawr vak a, a za ti deuh alo tal ve chiam bawk.




A la tawp lo asin Zodinsanga leh zothanpuii te hi, bul kan la țan dawn dek dek chauh ala ni.




*________________*______________*


A tawp lo mahse a tawp



*_________________________*




Notes hnut chhiah vek tum ang aw, last te anih manah...



Nau awm dan erawh sunday bonus ah aw comments a tam chuan 🥰🥰🥰🥰🥰🥰🥰
Story dangah kan inhmu leh țheuh dawn nia..

[Ngaia]

Chapter - 42 (BONUS)



"Apa" aw zawi te, ngaihno bei tak ri chu ka hriat hmaih lo kher mai. Ka meng siar siar a, ka fanu te reuh te hmelțha em em mai chuan a kut toys keng chungin hnai te ah hian min lo bih ve reuh a, nuih suk in anu lam ka va melh chuan alo la muttui khawp mai.



"I va tho hma ve, Sweetheart" ti sup in ka țhu chhuak a, anu melh zawk in min lo melh chho ve leh kiau a, a hmaifang leh a hmui vel hi chu a nu chiah chiah ani ringawt, a mitmeng erawh keimah lam ve deuh a tak deuh ran a, a nalh hle bawk.



"Ka....ka...a zun a chhuak a" bah ve niai a alo tih chuan nui suk in a zak ah dawm in ka chawi kang lawp a, ring si lo hian alo khek ve raih te chuan apa thinlung hlimna hi a belh chhah zel asin.



Ka va zun tir zawh chuan anu muttui lai chu ti harh lo in a thawmhnaw chu ka thlak sak a, zing boruak kan hip pui ange! Kum 1 a tling ve der tawh a, ngawi chawi viau si hian afingin thil aman chak hle bawk mahse sual bak a chhuah erawh chuan kan lung ati zing ve thei reuh ania.



A track suit te reuh te a eng chu hak tirin keipawn a dum suit tho ka ha ve a, running shoe ka bun tir lai te chuan phur hmel zet hian a ke lehlam alo then lauh lauh a, Au lah chu a patea bulah amu ve daih tawh bawk nen kan pafa in kan in zui dun anga ani mai.



"Kal ang le" ti sup in a lukhum tereuh te a var chu ka khum tir a, alo nui ve sen sen chu khawvela hmuhnuam ka tih ber pawl ani hial asin. Ka kut ka pek chuan lo vuan ve zat in ading ve zat a, kawngka a ka chhuahpui tur chu tawp leh chat in anu lamah rang zet hian ava tlan leh rih. Dim te hian anu biangah va fawp zauh in nui var var hian a rawn tlan phei leh det det a, Lawmsangpui leh! I pa lawmna i siam nasat zia hi han hrethiam ve tawh la ka va ti si em?



Kawngpui a kan kal dun ral ral lai te chuan a in then lauh lauh a, nidang ang lo takin zawhna a ngah thar em em bawk a țhen erawh a sawi ka la hriatthiam mang loh pawh a awm nual.




Zokhuma memorial field tia a hming an phuah kan khel mual chhak kawnga kan kal lai chuan ka melh leh zauh zauh țhin a, "Sweatheart" ka tih sup chuan a rawn dak chho ve hà bawk.




"I hah em? ka lo koki chhuan ang che" dam zet a ka tih sup chuan a ngawi ve vang vang a. "Khitah maw?" tih pah a rawn dak chho hà a ka koki a rawn kawh chuan ka nui chhuak hawk hawk a, Zothanpuii fanu em em anih hi!




"Ni e, hetah hian i țhu duh em?" ka tih sup chuan alo bu ve nghat nghat a, nui sang chung chuan chawi lawp in ka koki ah chuan ka hlang chho nawlh a, "Daddy chu " ti tungin a nui hak hak reuh a. Țawngțai inkhawm bang ho te an rawn chhuak thla ve mek bawk.




"Daddy keima Pi" ti leh tungin a kut a vaina lam chu ka melh vat a, Ka pi zawn te biakin ațanga a țhiante nen ti ti paha an rawn chhuak thla mek chu ka hmu zat bawk.
"Api" tiin a au ve nghal chul a, Bawihi nu pawn a hre rang fu mai rang zet a rawn hawi pheiin an tunu a hmu chiah chuan a rawn au nghal chul a, a țhiante kalsan meuh in a rawn kal nghal bawk.




"Awii, bawihte in va tho hma ve, exer in la mi?" tia api in ka bul arawn thlen a a zawh tak chuan alai leh si nge a chhang leh thei rih lo. A taksa te reuh te a rawn chet det det takah chuan alu a bu ve ani mai thei ani.



"A va nuam awm ve, chhangtui tawk kan nei ania lo peng thla ru aw, Dinsang" a rawn ti zat a, ka lo bu ve nghat bawk. Mahse kan Lawmsangpuii tereuhin "Daddy 'Aw' ti rawh" alo ti chuan api nen chuan in en in kan nui dun tawp a. Kan lalfanu em em hi.



"Saw i pu saw au rawh, a kal leh vut tawh saw" Tia Ka pu zawn step a a țhiante nen a pen thla mek va melh pah chuan ka pi chuan ati leh sup a. Thuawih zet hian ringzet hian an au nghal lang lang a, apu tak pawn a tunu aw chu a hai lo nasa kher mai, a rawn inher vut danah.



An inlama kan chhuk thlak hnu chuan a pi leh pu in an biak an biak takah chuan a tlangnel ve leh ta mai a. Naupang ti takah a hmuh ngun vak loh emaw ho lakah hi chuan a ți nghal ringawt zel. A nu ze letling thawk anei in ka hria hmel ah erawh a chhun ngang thung sia.



A putea te zawng zawng a kaih thawh kim vek hnuah kawm leh hman tawp silo in haw angen reng a, a putea te ho lahin an han thlem viau nangin a duh bik der lo. Kum khat leh tlem chauh ala ni bawk nen anu angai leh tawh aniang.



Kan haw lam chu ka chelh pawh duh lo in amah in a theih chin chinah a pen ve det det a, step tawi te a achhoh hmasak țum a, inti thei mitmeng zet a min lo melh thlak ve te chuan ka nui hak bawk.




Kan inpeng phei ah chuan ka koki chhuan leh daih a, khawlai naupang ho lah chuan a hmingin an lo au ve leh lauh lauh zel a, an bye bye ve ngial țhin kha. A changin a zai ve rat rat a, a hla duh ber sak pui chuan phur tak ani.



You're my Honeybunch Sugarplum
Pumpy-umpy-umpkin
You're my Sweetie Pie
You're my Cuppycake
Gumdrop Snoogums-Boogums
You're the Apple of my Eye
And I love you so and I want you to know
That I'll always be right here
And I love to sing sweet songs to you
Because you are so dear




A snoogums - boogums mawlh mai hi ka nui lo thei țhin lo. Zawi te te a a hriattham lek a ka sak sak chuan ka rual in a thiam ang tawkin alo sa ve a, a hriat lai bik te chu uar ve thei tak ani.




Kan inkawt alan theih chinah chuan a au deuh raih a, tualah chuan ka nupui bik em em mai chuan insuk lo zar kual in clip bag te reuh te ak in Johana chuan anu kiangah zel chuan alo zui ve hret hret bawk.




"Patea a hnar ring thei lutuk a, ka mumang a bo vek zel alawm....." Johana'n a ti ve nuah nuah chu ka hre deuh hman a, kan lam erawh an rawn la hawi lem lo.




"Chuti kan bulah lo mu leh tawh mai la, i nau nen alaiah in mu dawn alawm" Anu chuan insuk zar mawlh mawlh pah chuan ati leh zat a, ka fapa ner nasa zet chu ka zu hmu hman.




"Ka duh lawm, mahse nau ka nei tawh sia tlangval i ni tawh min tih kha tlangval chu khum hranah an mu țhin" te chu ala ti ve tak deuh deuh a. Nau a neih hnu hian a inla u thiam in a puitling leh zual a, fapa ťha tak ani.




"Tlangval nute bula mu pawh an la awm tho alawm, tuman an hre dawn hleinem" anu in a tih leh lai chuan "Pute Zela'n min chhaih zel, ih....bakah i nute zanah chuan an in sual duh țhin atia, an hau palh ang che hmun dangah mu daih rawh ati sia lawm" ati ve leh nui nui a. Ka nupui in phawk zet a kan fapa a en lai ka hmu zawm zat bawk. Hemi te unau han inchhaih buai thiam dan em em hi. Zela lah a nau ti buai reng peih.




"Lalthanzela'n a ti maw?" a tih vut chuan alo bu ve nghat nghat a. " i putea bulah leng tawh reng reng suh ang che, a thusawi pawh awih tawh suh, mawl thei lutuk mai" a tih hlak hlak chuan "Lui kan kal dawn asin" pakhat lah chuan alo ti leh mauh mai si.




"AMÀ" tia ka koki chunga chuangin a auh tak ruaiah chuan kan inhnaih chilh ve ta bawk nen an rawn hawi phei vut a. " Grace lo kal ve rawh" tiin a u zawk chu alo phusa nghal chung bawk.




Tualah chuan an unau chuan an infiam nghal chunga Johana ball lirh kual chu a um ve chawng chawng bawk.




"In va tho hma awm?" a rawn ti chuan ka melh vat a, insuk pho zar zo in min lo melh ve kal mai. A chhe mawlh lo țhin. A mitmeng fiah zeta min melh hian alakah ka intlu lut a dawt hrilh emaw alawm loh zawnga awm hi ka inthlahrung duk ani mai ang chu.



"Hma ve, Grace-in min lo kai tho alawm" tih sup chuan abulah phei in a chalah ka fawp zauh a, a țang leh țung hman tho. A va buaithlak țhin tak, mi hmuh a lai rual pawh kan ni tawh lo.



"Min an lo kal anga sin" alo ti ve sa sa a, ka lo rum nghut chuan a inthlahrung ve leh deuh aniang min nuih tlawn leh vel a. A va naupang chhia țhin e aw...mahse a duhawm tho si.




"Zak duh mah ta che, i hmui ah ka fawp hial zawk dawn em ni" nuih suk paha ka lo tih chuan a duh lo lutuk chu an insiam chhe vak a. Keiin ka lo nuih bawk.



*___________*__________*




ZOTHANPUII (POV)



Sitting room ah hah hnem a an pafa a an infiam leh hrep hnu chuan chaw ei hma in an va inbual leh te te a, pakhati pawh a inbual tih takah chuan a țap leh nasa tawh ngang mai. Apa in aw thum deuh a a thlem ri ve dut dut te chu kei chang lo a naute chuan an hre pha tih hriat takin an nui ru tet tet a, Zodinsanga han hahthlak zia hi.....



A fanu țap chu a thlem ve nangin a zei hlawl lo. "Sweetheart, i țah chuan i hmelchhia ania" a tih loh leh "Kan țap dun mai dawn ami? Keipawh ka inbual peih bik lo alawm, mahse a ngai sia kan bal alawm" a ti thul "Apa tui khan vawikhat leih tawp la, a fai kan ti mai dawn alawm" Johana a ti ve bawk, hemi te pafa thum em em hi....




"An fai pawh ka ring lo e a" Mali'n a rawn tih tak thlawt ah chuan "Lo vil pah lawk mai ru aw" ti in ka thil chhuan chu ka kalsan a, bathroom lam pan chuan ka phei nghal bawk. Kawngka an lo la kalh ve leh ta nghal.



"Dinsang, lo hawng mai rawh" tiin kawngka chu ka kik ta tawp a, a tihngaihna tak pawh ka hre hlawm tawh lo e.



Rei lo te ah kawngka chu a rawn ri rak a, ka fanu ţap ri ring zet ka hre zawm zat bawk, Johana chuan ți deuh hian min lo melh ve ran a, bathroom chhungah chuan lutin ka va en chuan Zodinsanga mai mai chu!
A fanu chu thawmhnaw huh vek in alo la awmpui anih chu!




Pan phei vat in ka laksak vat a, a țap ring em em bawk nen lung ati zing zual, inbual an hreh em em zia hi chu! A thawmhnaw chu phelh sak zung zungin machine chhungah chuan ka hnawh lut nghal nawk nawk a.




"Inbual rawh u" ti hmak in Lawmsangpuii țap ring zet pawm chuan ka chhuahpui nghal bawk. A țah khat nen nen hian a țah chhunah a bei uar thiam nasa ania.




Choka ah chuan phei puiin dawhkanah chuan ka țhut tir zawm zat a, ka phone chu la in Cuppycake song chu ka play sak a, țap țuau chung chuan alo la ban hram a, ka pek hnu lawkah chuan a bang ve leh mai bawk. Tui dehna ah chuan a inbualna tur chu siam sawk sawk in ani te pahnih chuan an lo zai pui bawk a, a tlei ve leh hle tawh.



Ka bual tur chu an nuar leh deuh nangin anu te pahnih in abula din pui a an lo zai sak takah chuan amelh leh kiau lawi a, a inbual chhung zawn an lo zai sak tak kha.




Room a a kawr thlak tur a ka pawm phei hnu lawkah Dinsanga te pafa pawh an rawn lut a, Johana chu lo hru hul nghal sawk sawk in thawmhnaw ka hak tir a, Grace-i erawh towel bat hlun in kan bulah alo ding ve reng thung. Johana ka thlak zo chu rang zet hian a tlan chhuak leh nhhal daih a, a patea bulah a kal leh nghal dawn aniang.




Grace-i ka thlak lai chuan kan bulah pakhata lah chuan alo awm ve run run a, ka be peih rih hlawl bawk silo. Mahni fanu te pawh bual fai thei em silo hi amak ka ti, a hun lo hle bawk. Nupui te kan buai lai ber a pa in min lo chhawk țhen ve hian kan tan an hlu zual bik tih a hre thiam ve leh pek lo aniang.




"Zo tam" a kawr ka hak fel tir rual rual chuan Grace-i chuan alo ti ve raih a, ka hnung lawka ding pa nui ri suk chu ka hre nghal bawk. Ka din pui rual chuan a rawn la vut a, chelh ngheh hman pawh ni nghal hawt loh chuan.




"I va rimtui ve, sweetheart" ti sup in a hnim deuh vang vang a, pakhat lahin alo nuih deuh hak hak bawk. "Țah tawh loh tur aw, apa iti mangang alawm, Amà a thinrim phah bawk sia" a tih leh lai chuan min melh duh der lo a, ka melh run run thung.



"Ka...ta...ta...vawt alawm" alo ti ve leh reuh a, a kum ngaihtuah in țawng thei reuh tak ani.




"A lum reng kha" apa lah hi!



A fanu lah chuan nuih sen sen pah hian a awmah a bei thak a, phakar reuh lutuk mai.




Room ka chhuahsan hnu lawkah chaw ei kan siam zawm a, ka nu leh pa te an hnathawna lamah tun thla chauh an awm tawh dawn bawk nen rilru a nuam ru ve suai suai tawh. Nu leh pa uap loha awm chu nuam viau mahse an tel ve hrim hrim hian kei chuan inchhung ati zahawm a, a kim ber maiin ka hria.




"I la lungawi lo em ni?" ti sup in ka hnungah a rawn ding nghal zat a, lungawi lo tawh hran lo na in lungawi anga awm erawh ka tum lem lo, patling takin han awm ve teh se.



"Ka biak i hlau emaw tih tur a min tum khum a min peh hel reng hian nuam ka ti lo ania, awm ngaihna ka hre lo" ti leh dut in ka kawngah a rawn dawm zat a, ka nghawngah a hmui a rawn nawr in ka sam karah a hmai a rawn phum nghal daih bawk.




"Ka chau ve alawm" ka tih halh chuan a pum a rawn tuai nauh nauh a, ni e, ka chau ve tak zet.




"Hnathawk tawh lo la" a rawn ti leh tawp a. Kan va han nawi tak, kan inhrawn rei tulh tulh a kan nawi tulh tulh zawng ani mai e.



"Nangmahni hian min ti chau" ka tih nghat chuan a rum deuh dat a, ka taksa atanga inla hrangin alam hawi tur chuan min kuai let nghal bawk.



"Tinge?" a ti leh tawp a. Ka thaw leh halh thung.




"Ngaihtuah chiang ve la, ka rilru mai nilo ka taksa thleng hian, Rinsangkima keimah avangin damdawiin ah thihna sual in a awm reng a, ka ngaihtuah lutuk tak zet, chumi avang chuan zanah ka muhil țha thei ngai lo, zan tam mangchhia ka nei a ka inthiam thei hlawl lo bawk, chumi hnu ah nang leh inchhung enkawl in ngai bawk a, Dinsang, a harsa miah lo mahse tlem tala min chhawk ve hi ka phut nileng in class i kal tih ka hria i chau ve tho ang tih nen mahse keipawh ka chau ve tho, inah i rawn haw a, naupang i infiam pui hrep a, intih hnawk zawng zawng ka chin fel hnu ah adang inlo ti buai leh zel a, bual tak ngial pawh i bual fai thei lo ania, inchhung khur chu hmeichhe enkawl tur ani tih ka hria hun dang chu nise ka phun bik lo ang mahse min en la min chik ve ta che, ka chau ve tak zet anih hi" ka tum leh tum chiah loh te ka sawi tel nual mai. Hah leh thinrim bawk si hi chu alo rem em em lo anih hi, mahse ka thil sawiah khan inchhirna tur neih ka tum lo, ka hah hluah hluah miau a. Lehlamah Kima lah țhat lam apam thei reng reng lo bawk nen min sawp chau tak zet.




Min en run run a, a thinrim emaw tih theih mai tur hian a meng khui bawk, kut a thawh leh erawh tlem in ka hlau ve deuh hmeichhia ka ni miau a. Mahse a rei lo thaw halh in min pawt hnai a dim zet a a awma min kuah bet in a kut lehlam in ka tukkhum a dawm in a chul dalh dalh a, nghet zet a kuah let in ka pangchanna lo chhuak bawk nen ka țap țeu mai.




"Ka lo hre lo alawm, Grace-i hian min tibuai ve deuh bawk nen, ka tihpalh aw" ti thawp sup in ka chhip ah chuan a hmui a rawn nawr leh vang vang a, ngher zet hian ka lo kuah let tlat ringawt.




"Țap lo hram rawh, i țah ka phal miah lo kha, ka ngaihsak tawk lo che tih ka hria mahse tun atang chuan ka ngaihsak ber tawh ang che" a ti zui mawlh mawlh a.




"Nang chuan naute chauh i duh alawm, kei chu min duh tawh lo" ka ti leh nghat a.Vawi leh khat ah min pawm kang lawp in kan khumah chuan min nghat dat a, khum tlangah chuan țhu in ani erawh chhuat ah a khup pakhat in a țhințhi run thung. Ka mittui chu tuai hul in ka melh ve ran a, a mitmeng thutak zet chuan min lo melh ve run bawk.




"Ka hmangaih che, he khawvel ah hian ka penruala pen a ka bula awm reng tur a ka thlan leh ka duh ber ini, i harsatna ka hriat pui lo che erawh ka thiam loh hul hual ani, țap tawh lo la..." ti sup in ka biang mittui tla reng chu a rawn tuai hul nghal thuak a. Ka kut chu la in a fawp leh vang vang bawk. A che zia chu a cool ruih a, min ti hahdam sawng sawng thei hial in ka hria.




"I țah chuan awmngaihna ka hre țhin lo, i lung ka duh pawh ti la ka pe phal ang che tih khawp in i țah ka phal lo, ka neih hlu ber ini a, Grace-i te unau erawh nangmah atanga ka dawn, ka hlut em em leh ka hmangaih em em an ni bawk, i hmasa ber a i hmasa ber zel ang" tih leh sup in dim zet hian ka hmui a rawn pet zauh a. Ka lo țah nuih ti tih thung.




"He khawvelah ka duat ber che, Grace-i te unau nen nangmah nen a kan rochan an ni miau a, fate thik tawh awih loh aw.....an ni chu an naupang an nih chhung a rei lo a an puitling zung zung mai țhin nu leh pa in kan thlakhleh angin an ko puitlin hnu chuan min thlahlel ve thiam tawh lo a, chuvangin kan duat theih hun tlem te hi chu hmangaihna tawp lo pek ka duh ani, kum 15 aliam anga anni chu an puitling chho mai dawn hmangaih taka kuahna hun kan neih tlem zia hi....chuvangin thik zawng chuan thik loh tur aw, ka duat ve ve tawh ang che u" ti leh dap dap in ka biangah a rawn chul zauh a, a sawi dik lutuk chu ka inthlahrung leh lawi si.



"Ka thik kher lo" kan ti ve leh ngial na in awih chiah lo hmel min la hmuh tho avang chuan ka chum dat a a nui chhuak hawk thung.




"In tuaifai vat vat rawh, i fate'n țah belh an ti palh ang che" alo tih sup chuan ka ner khum nang nang a, alo nui hawk hawk bawk.




Zan chaw ei kan siam lai chuan Baby carrier ah chuan grace i chu hmalama pua in chaw alo hrai ve ta thung a, a chhaih pah reng bawk nen an nui dun nasa mai.




"Apu Valpuia ka hmu a" Choka a tui rawn in khalh khalh in a in zawh chuan Johana chuan a rawn ti zat a. Ka melh vat a, dawhkan tlang a kut pahniha chelh in țai chuan min lo melh chho kiau bawk.



"Khawi ah maw?" ka lo ti vat a.




"Tlai ah khan ania, kawngpui ah sawn ball kan pet laiin ih, khi lam ațang khan an lo tlan thla a" tih ve nuah nuah pah chuan Lal veng lam chu a kawk chho ve vang a "Mahse min hmu ve miah lo, bike ah ania, ih maw nu, kha a hma a nangmah vit vak tu che hmelțha deuh kha a phur" a tih leh chuan ka melh hà a, Didiki pawh chuan mak tih hmel zet in alo melh ve bawk.




"Tunge min vit vak tu chu?" tiin chiang zawk hriat tum chuan kan zawt leh a.




"Ih, kha, khaw maw....enge kha, Grace-i lo pian dawn a, vit țhin tu che kha, damdawi tam tawk a pek bawk che kha" a rawn ti leh bai bai a, ka ngaihtuah ngial hnu ah rindan ka nei thiam chiah. Khai leh!




"Doctor kha maw?" ka ti vat a, "Aw, ka theihnghilh zel alawm, ka hre tawh lo" alo ti ve leh bawk si, a va buaithlak ve reuh tak. Mahse rindan chu ka nei thiam mai, a sawi hmangah kan khua a Medical Officer Dr. Ramdinsangi (Dindini) anih ka ring ve hmiah bawk. Mahse chutia han inzuina chhan tur an neih awm ka hre der silo.




"Bawihpui" tia apa in a rawn auh lauh lauh takah chuan a phei ve leh vat a, "Toys ho kha a bawmah khan i khalh duh tawh loh chu thun vek rawh le, i kawr thut phah ami kha va a balh chuan bal bawmah va dah bawk la" atih ri ka hre zawm zat a. Eng emaw ti hian min ti hlim hle bawk.




"Dinsang" tia chaw ei tur a ka va koh lai chuan bengchheng lo tur in min lo signal zauh a. Kan fanu ka en chuan alo muhil siar siar tawh chu niin. Ka lama bawihtei chaw plate a rawn lek chu va kal hnai vat in ka lo la vat a, "min lo eisan mai ru, mu law law mai rawh se" alo tih su su chuan ka nuih sak a, alo nui ve tho. A naute choka lamah an awm vek hre ran in abiangah ka han fawp zauh a, a phu ve em ani. A hmui alo dawh zawm zat erawh kan in nuih liam ta ringawt.




Zanah chuan chanchin zawt in Kima nu te ka zu call leh a, nau pawn ka ni bawk nen awmpui ve duh viau mahila an mahni lamin an lo rem ti lo nasa mai bawk sia, an fapa hetiang a siamtu ka ni na chung in min ngaihsak em em hi ka inthlahrung zawk.




Zantin angai thu kan hre ziah a, kan beisei erawh ala thleng zo meuh lo. Zantin atan ka țawngțai a, rilru kap nei rana mut lah a tui thei hlawl silo, kan chan mai ang tih ka ngaihtuah chang te chuan ka pik zual bik hluah hluah, keimah kha min veng in naute kha ngaihtuah em lo sela chu hetiang em em hian a awm bik awm tawp silo a, mangchhia nen ka tawt ngawih ngawih ani ber e. Ka pasal leh ka fate hi ka kiangah awm reng lo sela chu engtiang chiah in nge ka awm ang ka hre bik lo.




"Enge i ngaihtuah?" rawn ti sup tu chu tukverh atanga thla rawn eng riai hnuai ah chuan ka melh nghal vat a, fiah zet hian min lo melh let bawk.



"Engmah nilo e, ka ti harh che nge?" tia ka melh ve chuan alu alo thinga, tlem a insiam rem deuh in ka lamah a rawn sai sira min rawn kuah nghal hlu hlu bawk.



"Pathian hnenah kan thlen alawm, a kutah kan nghah dim diam tawh kha, aman hun atih ah chuan min pe let mai ang, inthiam loh miah suh aw, kha thil kha thleng lo mahse Pathian khian țul atih miau chu ati tho tho ang" tiin a thiam ang tawk chuan min han hnem ve a. Mipa dang te angin țawngkam a thluai thlum ve thiam teh nuai țhin lo, a sawi ngai vawi tam sawi nawn mahse a nghet zual tulh tulh emaw tih mai turin keimah ah nghawng anei zel bawk.




"Sam-ah kan hmuh kha 'i awmdan tur chu lalpa chungah nghat la amah chu ring la aman ati vek ang' tiin thu lar tak ani tak kha, ngaihtuah chiam chiam lo la i hmabaka tih tur awm hlen tawp mai rawh, abak zawng erawh akut ani ve thung tawh dawn alawm" a ti leh sup a. Nghet zet hian arim fresh zet hnim pahin ka lo kuah let vang vang bawk.




"Ka lawm e" ka tih sap chuan a rawn nui ri leh suk a. Nghet zet a min kuah let pahin ka hnung a chul pah dalh dalh bawk.



"Zanin chu" a rawn tih sup chuan ka nui nghawr ve dat a. Ani pawh ani tho.



"Grace-i a harh ang" ka tih sap chuan "Harh lo a tihdan ka thiam alawm" alo ti leh sup a. Mipa ho tak hi chu! An duhna ah hi chuan thiam thil an lo ngah ania.



"Fapa siam ve thung ila tiraw?" a rawn tih leh pek chuan a awmah ka chum dawt a, a rawn nui khur ve dat dat bawk.



"I duh duh hi ti thei emaw inti zel suh" ka ti ve hlak a. Alo nui mai mai tawh.



"Nangnen anih dawn phawt te chuan engmah thiam loh neih ka duh hleinem" tiin min lehthal in ka chungah a rawn lawn kai zat a. "I tana zahpui awm leh belh tlak loh mipa nih ka tum lo, i innghahna, i rinngam leh i hmangaih ber nih ka duh a, i tana mipa perfect nih tluk a ka duh hi chu a tlem viau ang" inla zei zet a a rawn tih ruih chuan a nghawnga ka kut suih pah chuan ka nui leh hak hak a, nuih rin erawh a chi loh nasa mai si.




"Hmanhmawh ang, kan lalfanu tè reuh hian min ti țhuan awp leh palh ang" ti sup in ka hmui a rawn si zawm zat a, nui chung hian ka lo chhang let ve vat bawk.




Kan Zodinsanga nge nge naute tih harh loh pawh alo thiam leh na ngiang mai.




*******************************

Lunglenna thuk takin min cham chilh a, ni e, he kan thawnthu ani nen a tia ka duhthusam mai mai ka ziahna paper ah hian a tawpna ka siam angai ta mai sia. Heng te hi a tak vek ni thei se, ka ta ni la i ta ni bawk ila, mahse dream chu kan tih hlawhtlin ten dream ani nang an lo ti ve leh zel bawk si nen. Tu hriat mah va ni suh, Christmas ah lo haw la, kan khawvel he ka duhthusam khawvela ka suangtuah pa, thinlung hmun khat ni si lo pawh ni mahila intawng leh tal ang aw........


*________________*_______________*


Duh ruk deuh nei ve te tan aw........., mahse a hrehawm țhin daih zawk ania
Comments lamah kan inhmuh hlawm ngei ka lo beisei bawk aw....
Mangțha (C.RRK)


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/