SWEETHEART BY APUII TLAU (Completed)

[Ngaia]

Chapter - 19




"Naupang ang mai" nuih vur vur a țhu țha paha min rawn en chuan ka lo ti hlak a, a awmdan engkim mai chu chik zet in ka melh lui ngar a, țhen lui leh sak in, a kut a a red bull ken chu a in zauh bawk. Ka chik tak viau hnu chuan hriat chhuah ka nei bawk, tlem in a hma ai khan chuan a thau ve leh ta deuh nge hmuh a nuam leh tawh ka ti, midang bulah chuan ani vek em chu ka hre lo a in hmuam up reng emaw tih tur a ni a, mahse ka bulah chuan a nui tam in a hma simeikhu awm hun ang lek a nui thin kha a nui hmel ka hmu tam in a hma kha la pha chiah lo mahse tlem chuan akang ve leh ta deuh chuan ka hria. Mahse kan ni reng chung pawh hian a zawng zawng in miss Venpuii kha a theihnghilh erawh ka la ring bik lo, ni e ani chu kei ang lo tak in a hmangaih tlat a, mahse chuvang erawh in thinrim emaw ka tum tawh hran lo, ka nawr lutuk leh kan inhlat tual tual thei tlat a, ani hlat a awm hi tunah chuan a harsa rih tak zet tawh dawn tlat si a.




"A mak! Ngit nget nu, i bialpa hi mahni a inbe reng turin min duh ami?" ka piaha țhu pa in a rawn tih nghut chuan ka ngaihtuahna ho zet atang chuan ka harh zawk a, min lo la en run zui. "Ei vat vat rawh tih tur țha tawk ka hria ania" a rawn tih leh sup a ka lo ner nang nang chu min nuih suk duh lek chauh lehnghal.



"Khatiang ngaihtuahna țha lo i neih reng vang aniang, i chimawm em em" a rawn nui chhuak hawk chu ka lo nuih ve tawp.
A bawp pakhat chu thluang duai in pakhat a tawm thung a, hnunglang a kut in a inbeng khalh run a lehlam in intur chu ala keng vang bawk. "Ngaihtuahna țha lo maw, huh? I țha tawk viau in ka lo hria che sin?" nui suk pah a min rawn en a tih chuan ngei zet hian ka lo melh. A thusawi teh daih kha a hrethiam reng sia, min chhaih laih a tum ve deuh emaw ni.




" Thim a khaw luh nge i duh? En laiin?" a rawn tih leh sup chuan "Thim ah pawh pawi lo tlan chak tawh lo ang, tlai boruak hi nuam ka ti, ni leh thli thaw te hi a inrem bik ngawih ngawih" arsa la țhial niap niap chung chuan ka ti sup a. Arsa ka khel zawhna ruh chu garbage bag atana kan hman polythene dumah chuan ka dah lut zeuh bawk. "Ka puar lutuk......ka ei peih tawh rih lo" Pepsi ka in leh khawlh khawlh hnu chuan ka ti sap a, rawn țhu țha vut in a thil in chu vawi khat ah a lem zo duak a, a bawm chu hmet khawr tawp in polythene ah bawk chuan a dah lut nghal zat bawk.




"A thaw si, i hritlang ang? motor ah tal țhu ila?" tih sup pah chuan a ding nghal vut a, dar 3 a ri țep tawh bawk. Midang awm ve erawh an tam vak tawh lem lo. Ding ve vat in kan ei bang la awm nual chu la in motor hnungah bawk chuan ka dah lut a, aniin polythene kha tel țha in motor hma lamah a dah a, paih nghal awlsam tur in aniang.




Motor hnung lam zawk a a lut leh vut chu ka en haw a, a țhut fel rual in min rawn hui nghal zauh a, hmui hnuai ti pawrh tarh in ka lo en thung "Vat, a tlai zel ania" a rawn tih leh nghut chuan ner nawng nawng in ka pan ve mai a. A va chhe mai mai tak. A awm lohna lamah chuan lawn lut in eitur lo awm ho chu alo dah fel leh kher bawk.
"Ka bulah hian lo phei rawh"



"A ho, a chep si" ka lo ti nghat a. Chep erawh a chep hran miah lo.



"Thuawih la, ka duat dawn teh mai che nia" rawn nuih suk paha atih chuan ka lo ner khum lui vak a. Mit min la siai zauh zui.



"Ei tur kan inkar ah a awm hi țhutna tur pawh a awm lo?" ka ti leh nang nang chuan a thin in a tuar leh tawh lo aniang, motor aţang chuan a chhuk vut a, hnunglamah rawn hel phei in ka bul kawngka chu a rawn pawt hawng nghal hmiah bawk. "Dawhtheilo pa" ka lo ti nghal sup a. Nuih suk pah chuan min rawn awm hnaih nghal vut a, ka dan hma hauh in kan hmui a insi der tawh, am fe mai chuan min fawp nghal mawlh mawlh a, ka ti ril te an mur leh er er tawh thung. Zawi muangin a nghawng ah ka kut pakhat chuan ka dawm a, lehlama a dar vuan in a tih ang chiah chuan ka fawp let ve ta bawk. Ka chhan let rual erawh in a tawp thut a, ka kà chhung a rawn lum nghal hak a, a taksa a chet dawt rual in uar fe mai hian min kiss zawm leh nghal bawk. Val senior! Ni e, Val senior chu ani chiang lutuk, a zei dan em em hi.





Ka kawr hmawr atanga a rawn zen luh chiah chuan thaw hak in a kut ka kawr chhung ami chu ka man bet chat a, min fawhna thlah in a chal in ka chal a rawn nawr si nghal run bawk. "Ih...Mi, mi in min hmu ang?" thawk la hawk paha min rawn melh chuan ka lo ti sap a. A ni erawh a rum nghut thung.



Ka hmui chu rawn fawp leh zawk in a inla hrang leh nghal vut a, " Mi an awm tawh lo an chhuk vek tawh alawm" a rawn tih leh sup chuan ka hawi kual nghal thuak a, ka hmuh theih chinah chuan tumah an lo awm tawh lo tak tak , a duhna ah chuan a mit alo chak khawp mai. Ka ngaihtuahna ho zet avang chuan ka nui hak a Zodinsanga ka han en chuan tak ngul in min lo melh thla ve thung. A hmui lah chu a hnawm vel chap a, a ti lang sexy phian thin.
"Mit chak pa" ka tih sup chuan ka thusawi awmzia a man mai lo, a mit a rawn ti zim leh sun a chik zel a zawhna nei ni awm taka min melh leh chuan ka mit hmang bawk chuan kan chheh vel chu ka signal a, a hawi kual ve vut hnu ah a rawn nui chhuak leh hak a. Keipawn nui sangin ka lo melh bawk.




"Ngit nget nu, lawmman ka dawng duh tawh, min lo ti buai miah suh" nui pah chuan a rawn ti nangin a fiamthu hran lo tih erawh ka hria. Ka khel leh lam a rawn vuan in a kut pakhat chuan ka kawngah a rawn rawlh phei bawk a, ka tawng dawn chiah tihah chuan ka kang zat thung. Ka bawp a chelh na lam chuan a kawngah min kherh tir in kei in a nghawngah ka lo uai nghal vat a. A nui nghawr leh dat hnu ah ka țhutna ah chuan amah zawk chu țhu chho vut in amah hma chhawn zawng tak in a mal chungah kei erawh ka țhu vang thung.



"Lo che miah suh" a ti hluk hnu ah, zawi muangin ka kawr chhungah bawk a kut a vah chhoh tir leh a! Hepa em em hi....
"A mak!" ka lo tih hlak chuan min nuih leh suk ringawt. "Ka ta tho alawm, bakah lawmman" chu bawk chu. Ka bra nawr tawm chho in a rawn hrawm nghal deuh nawk a, ka lo țeu hlar chu ka hmui ah a rawn fawp leh hmak a, zei zet in ka awmbawr erawh a khawih tawh thung. A hmui zun nei zet in min fawh ngawr ngawr a, ka thluak a ti nu leh bulh bulh tawh. Ka awmbawr chu a zut kual loh leh a țham salh salh reng a, ka hlauh ang ngei in rei lo te ah a thaw a rawn dik lo ta țan reng bawk. Ka awmbawr la khawih reng chuan min fawhna chu a inla hrang riai riai a, a thaw halh halh bawk. Kan awmdan in a zir loh vang nge hnuai lamah lah min la kam run zui......Hetiang chu ka hrethiam ve tawh lutuk, hepa bula awm hi chu a den tlat...



"Ka fawp dawn" hnawk țuau a a rawn tih nghut rual chuan ka mitah tak min rawn melh chho a, a mit meng chu a dik bik lo, nilo a nù bulh ve tho mai in ka hria. Ka chhan hma hauh in ka kawr chu nawr tawm chho in ka bar nen a nawr tawm nghal zat a, "Mah...." min ngaichang miah lo a ka hn*te a rawn hmuam nghal zat rual chuan a samah ka lo țham nghal salh a, a kut leh lama ka kawng dawm in pakhat a a fawh mai duh tawk lo in lehlam a la hum țung reuh bawk. Duh thawh reuh lutuk mai!
A lei a hman leh rual chiah chuan a samah bawk ka țham leh salh a, a kà hmangin a rawn thaw chhuak nghal halh a, ka taksa chu a thaw lum ham ham in a rawn ti mur thar leh vek tawh.




"A tawp thlenpui mai che ka duh" tham țuak a ka hn*te hmur seh zeuh paha a rawn tih chuan ka lu ka lo thing vat a, a nui leh halh thung. "Hn*te mawi nu" a rawn tih leh sup chuan a dar ah ka beng dawt a, nui hawk chungin seat nghen chhang nghen chuan a thu awn ta duai a, rang zet in ka kawr ka lo pawt thla vat bawk. Ka kawng ala dawm ran a, a kut lehlam a ka hn*te ala hup tlat avang erawh in ka beng dat a, ala la sawn duh miah lo zui! An sual zia hi.




"Kan inneih mai dawn em ni?" thawk alak deuh halh halh hnu ah a rawn tih sup chuan rang zet hian ka melh vak a, min lo en ve ngur bawk fiamthu hmel lah chu zu pu țhak lo a! A hmel awmdan chu ka chhiar thiam lo a hlim nge hlim lo tih tak ngial pawh. "Ka la naupang emai" ka lo ti tak na in ka hrethiam lo, neih chu ka chak a ka chak lo bawk. Ngaihtuah tur a tam mah mah!




"Naupang an infawp ngai lo" khi suk pah a rawn tih chuan ngei zet hian ka lo melh ram ram a, ka awmdan chu ngai pawimawh lo tih hriat zet in lo nuih leh suk pahin ka kawng avawn na chuan ka mawng a rawn hrawm nawk anih chu "Zodinsang!!!" Ka aw ki asang leh vah vah tawh khawp mai. Ani erawh alo la nui hawk hawk a. A rawn tih nawn leh zet chu ka thin ter tek in a tuar leh ta lo, a dah ah kan seh sak leh chiam kha!



"Min ei i tum em mi?" Ner nawk paha ka sehna ka thlah rual chuan alo ti sup a, a dar ka sehna ka ha thla lang kulh chu en in a ner ve nang bawk. "I tiat pui fiam hian min fiam suh, kan intiat lo nasa nia, i tha pek ana bik si" ka lo ti hlar chu a nuih a zat hmel khawp mai, chimawm zet a a hmui pet sawi zauh in nuih erawh a nui ta lem lo.



"I tawk ve tiu teu sia maw" a rawn ti teh daih a, a va chhe mai mai tak.


"I tawk lo nasa sia maw" ka lo ti ve zat chu nghal min tih hmel zet hian min rawn melh leh run a, ka lo țhen khum sawng chu "I nuih leh chuan ka phelh ruak ang che" a rawn ti nghut a. Ka nui tawp chiang asin. Ava sual mai mai tak.




"Thil te te ka zawt ang che? Mahse thinrim awih loh?" rei fe kan ngawih hnu chuan kan ti chhuak leh phawng a, ka zawhna vanga a thinrim hlau zet in ka ințawng khalh nghal zat bawk. Min en lem lo chuan a bu ve nghat a, ka kawng hnunglam ah a kut pahnih a vuan in min zut delh delh thung mahse han huat tur ang zawng eraeh ani lo.




"Miss Venpuii kha?" tiin a hmel landan kan en leh hmasa te te a, tunah ka rilru a awm lai hian zawh ngei ka duh bawk si, mahse han zawt ila thinrim vak ta si se kan pahnih chauh in kan awm bawk nen a thin butut a chhuah vaih chuan a chi dawn loh nasa mai sia. Mahse ka lo rin lawk dan ang lo tak in a hmel erawh a dam thluam a, a inthunun thei ka ti, a chhan maw? A theihnghilh chu ka hnung zang a chulna a tawp daih tawh alawm, ka sawi rual khan.Mahse ka haw lem hran lo lui ta vel mai mai.




"Ka sawi dawn em?" ka ti hmasa leh te te a, a mitmenga thuk zet a min en hnu ah zai zir chuan sawi turin min ti zauh a, thawk la hmasa leh te te in ngun zet in ka en bawk.



"I theihnghilh tawh em? Nilo i theihnghilh dawn lo tih chu ka hria mahse ih ka hriat duh chu......amah nen min tehkhin țhin em?" ka tih sap chuan alo chek hluk a, a mitmeng chu tlem in a rawn rum deuh nangin a insiam tha leh vut thung.


"Tehkhin hauh lo" a rawn ti nghut a, a aw ah chuan ka zawhna ber kher avang chuan a lawm chiah lo tih alang reng bawk..


"Vawikhat tal pawh maw?" kan ti leh hram a, a mitmeng hriam hraih a min rawn melh erawh chuan a chhanna hmu ang hrim in ka lo bu nghal vat thung. Aih a tihna ni hmiang chu ka ti.


"In nih lai khan, ka awt thei lutuk a" ka ti chhuak phawng a, nichin a amitmeng hriam hraih avang khan rilru a buai hek! Ka sawi tum ngaihtuah chiang miah in ka lo sawi pek chu niin!



"Ka.....ka sawi tum anih miah lo" ka tawng buai laklawh leh tlat tawh. A kawr hmalamah chuan ka kut pahniha țham vatin a awm ah chuan ka hmai in ka nawr ta tawp a, a hunlai khan maw! Miss Venpuii anga ka hmeltha ve lo te kha ka insit phah vek a, ka thikna anasa viau nangin ka er ngai lo thung. Ka hnungah bawk dam zet in a rawn chul leh a. "Amah nih kha ka chak thei lutuk" ka ti leh hram a, nichina ka mood erawh kha chu a bo chiang hle, nuih luih a harsa leh țalh tawh.




"Ka lo haw ve chhun ah pawh biakin a in kal dun leh in nui dun ka hmuh te khan ih, i engmah la ni ve miah lo na chung khan ka awm a tawt vek zel a, a chang chuan lo haw loh tawp te ka duh thin a, mahse......amak tawp i hmel hmu miah lo a kar khat awm kha ka harsat tlat mawle......rawn haw dan ngawt kawng ka zawng reng a, ka hmuh theih chhun che lah inkhawm lai chauh ani sia, chutah pawh Miss Venpuii kha a tel ve zel sia, duh lo teh mahila ka hlim na ni chung reng khan ka natna pawh i ni tho si" Nui lui hak pah chuan ka ti leh a, khang hunlai ah khan cheng leh ang maiin ka rilru ano thar a, ka țah a chhuak ringawt lehnghal.




"Mahse" tiin ka dak chhuak a, a mitah tak ka melh bawk, a mitmeng chu a dam dap a a rilru tur erawh ka chhiar thiam miah lo thung, ka mit phe ruai chuan mittui apai ringawt tih ka hre leh vat bawk. "Tunah chuan keimah ta chauh i ni tawh a! Amak tiraw? Ka mumang ani ang tih mawlh hlau in zantin ka țawngtai uluk thei rap, min hau miah lo la engtia rei nge ka ta chauh i nih dawn ka hre miah lo mahse ka lawm e aw, ka duhthusam ramah min hruai avang ringawt pawh hian" nui lui sak paha tiin keimah zawk chuan ahmui ah ka fawp zauh a, ani erawh in uluk fe hian min lo melh thung. "Miss Venpuii kha i la theihnghilh lo tih ka hria? Mahse thlarau em em ka thik tawh dawn lo, ka fel tawh dawn....." Ka'n tih leh te te a, ka nui a ani erawh in min en ngur ringawt. "Zodinsang Val senior pa, theihnghilh awih miah lo thil ka hrilh ang che aw?" ka ti leh sap a. Nui ver ver in ka en bawk. Ka awmdan vang nge ani erawh a tak țha ngul ngul viau mai.
Ka mit ko ka san khum ak chuan a rawn bu zauh a, ka lo nuih sak bawk.





"Zothanpuii hian a hmangaih che" a bianga
zu fawp zauh paha ka tih chuan ka nui leh sak a. Kha thu kha a hriat ngei angai in ka hre ve tlat, ka chhungril lamah min nawr tu a awm tlat atin ni. Engpawh tawk thei kan ni a, he a chunga ka rilru put hmang hi ka hrilh hman lo ang tih ka hlau em asin




Tlem a min nawr hla hlek in chik fe hian min en leh pek a, chutah amah zawk chu rawn awm hnai thut in ka hmui ah a rawn fawp zui zat bawk. Ka tih tur ka hai miah lo, duhthawh zet chuan ka lo chhang let ve vat a, ka bek ding lama a kut a rawn vuan in ka sam kar ah a kut tang chu a rawlh lut nghal zat bawk. Ka hmui hnuai chu pet leh zauh in min fawhna a thlah a, ka nghawngah a hmui bawk chuan rawn nawr leh in "Sawi leh rawh?" a rawn ti nghut bawk. A thaw lum ham ham in ka taksa a chhem chuan ka tiril thleng in a khur ru hial thei.




"Bawihte.....Sawi leh rawh le?" a rawn tih leh nghut chuan ka mit chu meng in thawk kan la leh halh a, ka nghawng atang chuan rawn dak chhuak in ka mit ah tak min rawn melh chiang viau bawk. "Zodinsang i bialnu Zothanpuii Pachuau Rosangzela fanu duat lai, hmeltha leh zei, fel bawk si hian ka hmangaih lutuk che, Thikthu chhe pa" Ka ti ta țiau a, ka hlim vang nge ka nui nghal sak bawk. Ka tukhum ah dawm min kuai kun a ril fe in min fawp leh vawng vawng a, ka zang huai leh nghal in ka hria, a chhan maw ka inpuan hnu ah min kalsan miah lo a, chuan chumai bakah min la fawp hial alawm.




"Ka lawm e aw" a rawn ti leh sup a, ka chhanna dawn chu beisei ang nilo mahse ka hlim loh phahna a awm hauh lo. I mipa duh ber hma ah inpuang ta la a hnawl nghal bur lo che kha i hlim ve tho mai thei asin. Kei chu a bula awm min la phal sak ral pawh hi ka hlim. "Zodinsanga hian a ta ah a siam vat ang che" thuk zet leh nghet charh a rawn ti in min fawp zui leh nghawng nghawng a. Engkim mai chu kan pahnih tana siam kan pahnih chauh ni mai in tunah hian ka ngai hial asin.






________*_______





Zan dar 8 rik hma hret in in kan thleng a, ka u te pahnih in min lo hmuak bawk. Ka nu leh pa an awm lo hlauh chu a tih zia phian. Zawhna mak deuh deuh min zawt palh ang. Saturday zan ania an inkhawm daih miau a.



"Khai! I va hlim ver ver ve" Mama'n alo tih chuan lei ka chhuah zauh a, min rawn kuah nghal nawk nawk thung. "Congratulation.....Kan naute bik bik nu" a rawn ti a, keiin min kuah nghet lutuk chu ka lo tal bat bat thung ani lah chu anui hawk hawk a min la kuah nghet telh telh in ka hria. Au Valpuia leh Dinsanga erawh in ka thawmhnaw bag vel motor atangin an lo hlang thla bawk.




" U Dinsang lo lut la, thingpui te pawh a awm asin?" Au Valpuia'n a tih chuan alu alo thing mai a. "Ka chho zawk ang, motor kan chuang rei sia ka chau ve deuh mut vat ka mamawh ve tlat " alo ti ve dut a, Mama lah chuan ka nghawng ala zak zeh tung a, Dinsanga pawn min nuih suk suk ringawt.





"Ni tak e, kan lawm lutuk ania aw......i fel thin emai, naktuk lamah te pawh lo leng la?" Mama zawk chuan ati leh zat a, a bu ve mai bawk. Motor ah lut in rei lo te ah a tlan chhuak ve leh nghal mai a. Ka ngai nghal nge mawni? Ka ruak huai leh ta nghal.





"Kaikuang leh Bawngsa chèk kan lo lei a" ka thawmhnaw khai a ka room lama dah paha Mama bawk in atih leh chuan lawm vangin ka nui ver ver asin! Au Valpuia zawk in ka inbualna tui tur an lo lum sa chu min siam sak pah nghal zung zung a. An fel thei ania.



"Lalthanzela mai mai chu, bialnu te a han nei ani lo maw" Mama zawk in a rawn tih leh chuan ka lo nui mai a. An ngai ve tawh ani tih ka hre mai. Mipa e ti lo hian an inngai thei phian a.




Tui sa ver vawr a han inbual chuan ka harh sawng sawng in ka hria, taksa na te pawh an zang ve huai thei hial ani. Vawiin a kan awmdan kha tul lo lutuk in ka ngaihtuah chhuak a mahni a awm e tilo chuan kan lai tlat pek lehnghal a, a va ho mai mai tak!
Ka nu te pawh dar 9 rik hma deuh in an rawn haw thla ve ta a, ka graduate bawk ani kan sawi ho leh hmasak ber ni, ka nu lah chu a fanu hi lehkha zir peih lo min ti thei sia kan pass ve meuh chuan a hlim em asin. Ka thil hawn ho chu ka pe diat diat a, an lawm thiam sia anuam thin. Ka pi te ho han video call leh in rei zet kan inbe khawm leh a, Lalthanzela dawr dawr lah chu a rawn lang ve duh bau lo, kan han koh ngial pawn langlo chin atang in min rawn chhang duh lek a. Ka nu in angei leh teh kha!


*Tu emaw hi a lung aleng ania* Ka mut dawn chuan a message lo awm va va chu ka hawng a. Ka khi nghal țhaw bawk, mahse vawin bawk ka ngaihtuah leh a, ka lai zel ringawt leh nghal.


*Tu emaw ang chiah anih chu* tia ka chhan let chuan a seen ve vat a. Min rawn reply mai dawn emaw ka tih laiin a call a rawn lut daih thung.



"Tu emaw chu ka va hre chak ve" ka pick up rual rual chuan a rawn ti nghal tawng a, lai zet in a hmuh loh lamah ka lo țhen chak chak thung.



"Ka hre hmasa duh zawk?" ka ti let ve nghat a, a eng a hria chu ni maw a rawn nui suk a, a hmeltha leh viau ngei ang.



"Ka awmchhung ami hi" thuk raih thum deuh sup a a rawn tih chuan ka nui hak a a lawmawm thei phian lehnghal hepa hi chu!



"Keipawh ka awmchhung ami hi" ka ti let ve leh sap bawk.


"A nei tu hming ka hre tel duh" leh mauh mai zel a.


"A neitu i dil thiam dan azir ani mai" nui hak pah chuan ka ti leh a, a rawn nui leh suk bawk.


"Zodinsanga bialnu thikthu chhe nu, min ngai em?" zawi fiah zet a a rawn tih chuan ka nui dat a. "Zodinsanga bialnu hian Zodinsanga angai" ka chhan let rual in a thawk la ham ham ri ka hre nghal bawk.







● Insawifiah ngaihna awm lo, ka type ve mek laiin family problem a awm thut a engmah ka rawn sawi thei ta lo bawk nen......Min lo hrethiam vek mai ru, comment lamah ka lo lang ik bawk silo a , Sorry vek u aw

[Ngaia]

Chapter - 20


"Naktuk chu?" a rawn tih chuan "Enge?" ka lo ti var a, naktuk ah tih tur a nei emaw ni! Motor kan chuang nasa bawk nen kan chau viau ang, kei phei chu nachhawkna ei lawk leh loh chuan ka taksa sil leh țhum dawn a ka peih lo sa. Mahse sumo kan chuan ang em em erawh in ka rawl hran lo tunah rih chuan.


"Lo leng rawh, ka lo hruai ang che" a rawn ti leh sup a. A sawi lawk ve thlap nia. Mahse ka chhuak peih angem pawh ka hre lo a hun a thlen phawt loh te chuan. Bakah vawiin a kan awmdan vang nge ka chhungril hi a za tlat, ka lai deuh bawk si min ti awm nuam lo vek lehnghal.



"A hun lo thleng phawt se, vawiin lam motor kan chuang nasa bawk nen " ka tih niah niah chuan alo pawm ve leh thluam a. A awmdan hi nuam ka ti, min bia a min ngaih phei hi chuan nuam ka ti leh zual. He khawvel ah hian a tan hlimna tam tak siam sak ka duh a, a natna lo tawrh tawh te tihdam sak a hmalam hun eng tak pek ka duh bawk. Mahse chu hun erawh engtik ah nge kan thlen ve ang tih a hriat bik si loh.



Zing ka harh chu rin ang ngeiin ka taksa a kham ve țhum mai, sunday ala ni zui, mut nilen chak chak nen. Zing kar in good morning te lah hi pakhata hian a ti ve ngai der silo. Ngaihthiam mai mai na lai tur hi a tam ve thei ania.



"Pi Nuntluangi, Pu Zika nupui kha a zing inkhawm bang a inbul step ah a lum ani awm a, a pawi tak tak ani.....Inkhawm ban lam chu Mam tu emaw zawk zawk in damdawiin lamah min va hruai ang che u" Chaw ei lai chuan ka pa chuan a ti dap dap a. Ka u te pawh chu an lo bu ve nghat bawk.


"Engtin nge lum a?" ka lo ti vat chuan "A sir zawng in tiang deuh hian aniang!" Mama chuan zaizir deuh hian engtin tin emaw chaw ei lai lai chuan a rawn ti a. Kan unau thum chuan kan nui thu mai.


"Țawngkam uluk thin rawh! Khatiang in tumah zawt tawh reng reng suh 'engtin nge a lum theih a?' 'Engvanga lum nge?' tih a țha zawk ang....Chhantluang nangpawh puitling ini tawh mi chhiat tawh lai laia khatia lo awm angai lo" Ka pa chuan khauh fe hian a rawn ti leh dup dup a. Kan ngawi chiang asin. A sawi dik chiah mai, mi chhiat tawh laia lo fiamthu kha thil mawi ani miah lo kan at luat ah ka pa awka țha kan dawn hlak kha.



"Mi bulah te khatin in lo awm vel ange? A mawi miah lo ania, sim hmiah ang che u! Thiante nen emaw midang nen awm ho ni khua a tlangval a pumpa lehkhathiam lehnghal țawngkam tla hawlh a rak mai mai te hi thil mawi ani lo ania, miin an tih avanga tui hnih luam pawh angai lo, inrawlh lo ula a tha ber mai......Tlangval țawngtam lutuk nih te hi thil mawi ani lo" ka nu chuan ka pa chu a lo tui hnih zat bak. Kan unau erawh kan ti dak mai. Unau inpawh tih takah kan ri leh phawng phawng țhin a a tha teh chiam lo khawp mai.



"In nulat tlangval lai hian fimkhur ula nun uluk hle bawk rawh u" ka pa chuan alo ti ve leh sup a, chaw kan ei chak hlawm ngei mai. Inthlahrun ana bawk nen.



"Lalthanzela lah khi min rawn be duh bawk silo, khi mihring khi chu a hahthlak bik emai!" tiin ka nu chuan kan thu sawi chu a rawn thlak ta daih a, a zia phian, au Zela lo awm chu! Kan boruak pawh tlem chuan a zia chho ve leh ta mai a. Ka nu nen hian Au Zela hi chu an inngai bik ka ti mai, in hauh pawh an in hau nasa mahse an inngai ber thung, au Zela a reh chuan a ti tau emaw eng emaw chhan a awm ve leh mai ang.



Inkhawm tur a kan insiam dawn lai takin information mike atangin chhiat tawh thu an rawn puang ta mai! Pi Nuntluangi chu alo chahthla ta alo ania, inkhawm pawh kan țhulh der! Dar 9 a pelh tawh avangin tlai var pui a, naktuk lama phum tur ani awm e. Ka pa leh ka u te an tlan phei ve nghal a, ka nu pawh a țhiamte nen nakin deuh a kal ve an tum.



"A pawi emai, Pi nuntluangi han awm lo ta mai chu Pu Zika ava khawhar dawn em aw" ka nu chuan ati vang vang a. Kan kohhran an ni bawk a, nupa inngai leh inngeih tak anni kan ti loh theih loh tur ang chi hi an ni. An pa hi Kohhran upa ani nghe nghe a, inkhawm an kal dun a, zing chhum zan in, khawlai ah lah an chhuak dun ve fo bawk, an lainatawm kei tak pawn ka lo ti.


"Mitthi thing khawn tur te an awm em? Ham ngaihtuah ve la tleirawl ho an awm loh chuan nangni pawn inkhawn ve lawp lawp ang chu, nula khawn tur anih kha kum bithliah a awm hran lo" ka nu chuan alo ti leh zat a. Kan khua ah ka awm tam vak tah lo bawk nen chutia han sawm ve mai tur ka hre bawk silo bakah an hmel chu hre mahila ka be zak ve deuh uk uk ringawt lehnghal. Pawnah chuan min tur leh sek hma in ka chhuak ve ta ringawt a, ka hawi kual a kawng an mai awm tih takah mitthi inlama kal tur te pawn motor leh ke ten an rawn kal khat tawk reng bawk.


Rei vak lo ka din a ka hawi kual leh hnu chuan kan chhak lam atanga Èm leh bag nen hian kan kawmchhak nula leh a thiannu te rawn kal ka hmu hlauh a, ava tih zia tak, kei aiin an la nau a high school emaw higher vel an kal ve tawh ka ring.


"Zamzam, mitthi thing in khawn dawn ami?" tiin ka lo ko vat a, an rawn hawi vat bawk "Aw...khawn hma angai thin a, thingpui lum te an duh dawn sia" alo ti ve thuai a. Khawpui lam chuan in inhrethiam chiah lo mai thei, thingtlang lamah chuan chhiat tawk kan awm in thing leh buhfai te kan khawn khawm thin a, pawisa pe hi chu kan la awm mang lo thung.



"Khawnpui inngai angem?" ka lo ti ve zat a, min nuih ver ver pah hian "Aih, ngai lo mai Au Zothan, kan bial a lian lo a Tluangtei nen hian kan zo lutuk" alo ti ve zat a. Ka lo bu nghat a, miin ah an luh hnu chuan keipawh ka lut ve nghal thuai bawk.



"Zamzami leh a thiannu in an khawn a, bial a zim lutuk an tia khawnpui an ngai dawn lo aniang" tiin ka nu chu ka hrilh nghal zat a, ani pawh kal ve a tum aniang a insiam ve mawlh mawlh tawh. Kei erawh zan lamah tlaivar angai awm sia ka kal ta lo mai.Chhun lam hi chu nu leh pa chanpual kha ani hrim a....





*________*_________*__________*




*Zan in tlai var i tum em?* tiin Dinsanga ka han text a, a online lo. *Ka tum deuh aw, lo kal ve la?* ti a sawi zawm leh in a online hnu a a hmuh tur in ka hnut chhiah ta hram bawk.



Bathroom ah lut in ka inbual leh ta daih a, tuilum bawk ani ka hman leh hram ni, tui sa hi zawng ka ti thei bau lo. Hostel awm hrehawm ka tihna chhan ber zinga mi ani bawk.


Ka inbual zawh dawn lamah chuan ka phone a rawn ri det a, message ka dawng tih ka hre nghal mai. kut huh viau e ti lo chuan ka han ban hram a, amah bak anih ka ring lo bawk nen amah alo ni chiah reng bawk mahse min chhanna erawh ka duh khawp meuh lo. *Tih tur pawimawh ka nei* tih te mai. A va han induh thiam vet vawt tak! Reply paha ka dinna ka sawn chuan chhuat nal ah chuan ka tleng deuh ti tih a, ka phone ken lai tlauh bawl in rang zetin ka invuan ding hman hram bawk. Tlu teuh ther ther tak ka ni, ka phone chu rang zet chuan ka zu chhar nghal a, floor tile char a tla ani bawk a a hmai alo keh nual a, a on theih miah loh bawk. Ka va ngei mai mai tak!



Intleuh thuak thuak in bathroom chu ka chhuah san a ka phone chu tihnun tum eng ang mahila ala nung thei miah lo zui. Mangang zet in ka nu ka va hrilh a, ani lah chuam bathroom a ken ken angaih loh teh reng nen tiin min lo sermon khum leh chiam a, mi lo mahse ui ve nen nen. Thil pawimawh tamtak ka dah ve țeuh asin le!



Ka mood a off vek ka ti lo thei lo, Zodinsanga lah a no. ka vawng bawk silo, ka nu lahin a nei dawn tawp lo nei pah nise ani phone kher a in biak chu a dil chhut leh dawn sia buaina a tam mai mai dawn bawk si. Tinge bathroom ah khan ka lo ken luh kher? te chu kan ti leh ringawt thin a awmzia erawh a awm tawh der silo.



Tih tur awm bawk silo chu țhut phah ah chuan ka mu zal mai mai a, TV ka en ve bawk nangin en tur hlawl ka hre lo, a tawp ah Fox life leh TLC chu ka hmeh chhawk reng ta ringawt advertisement lah hi a awm zing si. Ka nu mitthi in kal tur chuan kawngka kalh tur in min ti a, kei lah blanket te nen ka mu hlun tawh si, 'Min lo kalh khum mai la, Au te an lo haw dawnah chahbi pe mai rawh' ka lo ti then chu min hnial bik lo in a kal ve mai bawk.




Rei pawh ka en hman lo aniang ka lo muhil der a, mumang pawh ka nei chuang lo, thawm neuh neuh avang in ka harh hlawl a, ka chhungte ho an lo awm leh țhup tawh light an lo chhi eng va va tawh a, tukverh lam ka en chuan khua alo thim tawh lek chu niin dar 5 alo pel duai tawh tak alawm. Ka mutna lo lam thutphah ah chuan ka pa chu lo thu ve in zawi te hian sunday tlai inkhel chu alo en ve ngei a, Mama'n eirawng a bawl aniang choka lamah a ri rak rak reng mai. Inthlahrung ru deuh chuam ka tho chhuak a, a nula ber ka mu zawl zawl zel sia ka inthlahrumg ve em em tawh.



"I muttui maw? Nimin in tal hah sia i taksa ala chau anih dawn kha" ka pa chuan ka tho chhuak min hmuh ve leh alo ti var a, nuih sak pahin ka lo bu ve mai bawk.
"Min lo kaih thawh tur ania, in lo haw na a rei tawh em?" ka ti ve zat bawk.


"Rei lo keini chu nichin deuh mai khan, i u te erawh dar 3 vel khan aniang" alo ti ve leh mai a. Tho chhuak ve vat in ka blanket sin lai chu room lamah ka va dah leh te te a, chumi hnu ah choka lam ka pan phei ve leh mai bawk.



"In va buai awm?" ka va ti nghal tawng a, Au Valpuia'n hmarcha alo rawt mek a, Mama erawh gas ah thil rimtui deuh a chhuang so berh berh a eng eng emaw telh in a chawk a chawk bawk.


"Buai lo ve, i muttui em?" Au Valpuia zawk chuan alo ti ve vat a, "Muttui rap, ka harh miah silo a, in lo haw lai pawh ka hre lo lawm" ka ti deuh bai bai a, Mama lamah phei in a thil chhuan lai chu a rim ka va hip vang vang bawk.


"A rimtui em?" alo tih sup chuan rang zet in ka lo bu nghauh nghauh a, a rimtui tak tak bawk "Vawksa rep leh bawkbawn ka vaipa den a, a tui viau ang" alo ti ve sup a, a hmin aniang a off nghal a, hmarcha zawtna pakhat chu ban leh vut in a rawt nghal bawk.


"Miaupui, purun var leh purunsen hi lo chan rawh, sangha ril kawmthlang ten min rawn pe a, kan kang dawn nia" Au Valpuia'n alo tih leh chuan rang zet in dawhkan lamah chuan phei in purun var leh purun sen alo lak chhuah sa chu ka kheh sak mial mial a, eng eng emaw alo sawi ve sup sup bawk.



Chaw ei laiin ka phone ka tih chhiat thu ka nu in a rawn sawi a, ka va inthlahrung reuh tak, kum 1 pawh ka la hmang tling silo a.
"Palh te chu awm thei alawm, hman rem chan ah in zu lei leh mai dawn nia mahse fimkhur tawh tur ho lam taka sum khawhral theihna ani a, phone tello in tumah kan awm hleithei tawh bawk silo nen fimkhur viau tawh rawh" ka pa chuan alo ti leh thluam a, lawmthu ka hrilh sap bawk.


Zan dar 9 vel ah khawhar in kal turin kan unau 3 in kan inzui chhuak rawl rawl a, Zodinsanga lah ka be thei tawh der silo, Mama phone han dil lah ka inthlahrung ve bawk sia, mitthi in kal lah kha a hman lo ve nasa si. Hmek hmuk a khi.



Mitthi in kan thlen hnu lawk ah kan section ani bawk nen Au Valpuia zawk chu OB ani ve bawk sia thingpui lumna lamah min awmsam ta daih a, Mama nen kan inzui lut ta a. Țhalai pawh an lo awm ve nual tawh, thlanglam tukverh bul deuh awl lai lam chu pan thla in kan zu țhu ve a, rei kan thut hma chuan tlangval rual ti ila keini ang rual tur vel an rawn in zui lut țham țham a kan bul awl leh hmalam ah chuan an rawn inhnawh khat va ta mai bawk.


Zai chu ala kal lo hle nangin khuangpu a tui ngang mai sia, kan zai tlauh tlauh mai.
"I va fel ve" ka bul ami in a rawn tih sup chuan ka en vat a, min en reng avang chuan keimah min bia tih hria in "Kan tih tur alawm" tiin ka chhang ve vat a. A hmel chu ka hriat hnu a ang phian leh nghal. Min en in zai pawh zai lo chuan a nui leh sun sun zel a, a hmelchhe hran miah lo bawk.


"Min va hriat tawh lo hmel ve?" a rawn tih leh sup chuan ka melh he haw a! Ka hriat hnu emaw ni? Ka han en chik viau nangin tunge anih ka hre thei mai lo. Ka tar ve tawh emaw ni?



"Nia, ka thluak hi a chak lo lutuk a, tunge inih ka hre mai tawh lo?" ka ti let ve sap a, tum lui chiam in min han melh deuh khui khui a, ka lo nuih ringawt. Hre miau hek lo!



"Kima, Remsangkima" ner nang paha a rawn tih hmuk chuan ka lo melh nghal haw a! A hmel mai ka en lo a thuam hnaw a engkim chu a mawi leh mawi lo ka ngaihtuah hma in ka melh chhuak hman vek tawh. "I va inti eng emaw ve?" nuih paha a rawn tih chuan "Ka hai chiang lutuk che" ka lo ti hlak a, Mama ka bula țhu pawn min rawn en ve vut bawk.



"I lo haw tihna mi?" ka lo ti țha leh pek a. Kg - middle kan kal ho a, high school atang in khawpui lamah a awm ta daih kha nia, a pa fa bik alo ni bawk nen, high school kal atang hian Aizawl lamah a nu bula a awm ani awm e, alo haw ngai lo nge kan innang fuh ngai lo zawk ni? Inhmuh lohna a rei tawh bawk a alo danglam ve nasa tawh mai. A tarmit bial lian zet kha a awm tawh lo a, a thau tawh lo bawk, a pian pawh țhu chauh ni mahse a inphut mawi tawk vel in ka ring, naupang bal leh harh tak kha a ang tawh lo reng reng. Kan class a insual zing ber kan ni bawk tak e!


"Haw ni mai ang chu! College chawlh lai, i pass țha khawp mai!" tih sup pah chuan a kut chu min rawn pe a, ka lo vuan ve mai bawk rei erawh ani lo. "Engtin nge i hriat a?" ka tih chuan "YMA chanchinbu ah leh TKP ah an tar alawm" alo ti ve leh mai a. A fel ta phian lehnghal.


"Zai tawh ang" a tih sup chuan ka zak ringawt, zai theihnghilh țhak in ka lo be tak e pawi thei. Zai kar lakah chuan kan inbe ve reng a, ani pawh HBC atangin Economics alo graduate ve reng a, 1st ah ve tho bawk.Hman ang lo tak in a mawl ve hui tawh lo a, kan lo puitling ve ta pawh ania nge? Zan a rei telh telh a țhalai pawh kan tam tawh mai, nu leh pa ho chhung khat hnai vai lo chu an țin ta duak bawk.
Kima chu a țhiante kan hma țhu te chuan an rawn bek bawrh leh sar sar țhin a, tlangval 5 lai anni. An zingah chuan ka hmelhriat hnai deuh chu Abela ni mai Lalrinfela nau, a u ang lo takin ani hi a zia a zawi em em a, a dam dap ani mai, kawm anuam fu ang eng ti tih a han inkawm khawm ve nge maw an nih ni.


Dar 1 velah thingpui an rawn siam a, Mama lah chu sem pui turin min la chhuahsan daih zui, Kima nen kan inkawm ve sia a thla amuang ve aniang. A hnung ber a țhu tih takah thingpui leh sawhchiar chu hmalama țhu a țhian te chuan min lo ban sak vat a, ngawi reng chuan kan ei ve mai bawk.


"Thingpui kha a sa reuh ania, ka ta nen hian ka lo thli dai ang chu" Kima'n a rawn tih chuan nui chungin ka lo bu nghat a, rawn ban in a ta nen chuan a thli nghal mai bawk. Kan hma mite chu zung turin an chhuak dawn aniang an tho sang sang a, an chhuak leh diak lehnghal!


Thingpui min rawn pek let leh chuan ka lo ban ve vat a, nuih var var in ka țhu rem a, ka țhutna hmalam ka va hawi chuan Zodinsanga nen chiang zet in kan inmelh ta run mai!


A mitmeng chu a thip hle a, rum tak hi ani ringawt! Bang bo deuh chuan ka lo melh let ve , zinga ka biak khan ka kal dawn lo ka buai te kha ati vel sia! Min melh rum mai si, ka awmdan a ti khaih lak vek leh nghal. A bula mite ka va en chiah erawh ka lum ve nghal pup mai. Ramluahi bawk!


Saw nu vang saw ani chek ang chu a rawn kal ve leh duan duan ni! Ka rual a kal peih chai lo ani in a sawm erawh in a hnial zo leh der silo! Rum zeta min melh tu chu zam miah lo a melh ve hrawk in a hnuah Kima te țhian ho lam hawi chuan ka saisir leh ta daih , ka mitsir erawh in min melh reng ti erawh ka hmu tho.


"Zothan i duh tawh loh chuan ka lo ei ang chu" Kima piah deuh a an țhian zinga pakhat in nui ver ver a rawn tih chuan ka lo pe ve vat a. Ka hma a min melh run tu hmel ka hmuh chiah sawn ka thil ei chakna abo vek tawh.


Ka melh ru ve zuk zuk a , Ramluahi chuan eng emaw hrilh hian a nui ver ver reng a, a hnaih lutuk te chu keimah ka lo țang țung thei.


"Zung lawk ila? Nakinah chuan a chhuah leh mai mai theih dawn silo a" Kima min rawn melh paha a tih chuan rang zet hian ka lo bu nghat nghat a. Saw mite pahnih hmuh theih a awm reng saw ka peih lo.
Kima țhiante chu an ding vut a, keini pawh chu ding ve nghal in kan inzui chhuak ta țhem țhem bawk. Zodinsanga erawh in min la melh run tih ka hria, ka melh lo lui ve ngat thung. Ka bula hman hlei lo khanu bula țhu leh dawr dawr hman reng si.


Mitthi in atanga kawng chhak lam step tlema chhoh deuh ah chuan zun in a awm a, chulam pan chuan kan chho nghal bawk. Ka kalpui te ka hrechianga mipa rual ni mahse ka hlau hran lo, bakah a eng veka mi an awm ve nual bawk nen.


"Dawr an kal lawk dawn a? Duh te i nei em?" Kima'n a rawn tih leh sup chuan ka lo melh vat a. Tun ang zan lai lai ah dawr kal te chu? Hawng pawh an in awm tawh nang? Ka rilru hria ni awm tak in Kima bawk chuan "Thantea te dawr ah hian" alo ti ve leh vat a. Duh em em ka nei hran lo bawk nen chah pawh ka nei ta lo. Thantea leh Papuia, Zira te an kal a. Kei leh Kima Abela te kan lo awm thung. Abela zun lai chuan a sir deuh ah chuan kan ding dun a, kan thlang mitthi in tual ah pawh an tei suau suau mai.


"Kimkimi ka va hmu lo teh phian ve?" a rawn tih sup chuan an pem tawh thu ka lo sawi ve mai a, a hmel chu a ngui ve deuh in ka hria, a hmu ve chak aniang! Kan class awmna ah reng reng Kimkimi haw tu ka la hre lo tupawn kan ngaina a kan kawm vek thei, kan sawi duh zawng kan ti ti zawm thei tawk vel in engkim hi a hre del dul ka ti mai, chutiang alo ni bawk nen ngaihnat a hlawh a, lehkha ah lah tumah puih hreh anei lo a thiam thei bawk nen note min siam sak nasa thin a class pui te pawh kha tupawn kan ngaina ti hian a sawisual tam ka ring lo.


Kan hma lam stepa rawn pen chho khup khup chu ka lo melh reng a a eng lai a kal lai khan ka lo hmu hman lo a pian zia ah erawh Dinsanga ang ka ti, a rawn hnai tulh tulh a, kan hma a arawn din khup rual in a eng ve ta deuh bawk nen tunge ka chiang ta khawp mai. A mitmeng ah chuan a thinrim tih hai rual pawh ani lo, hetiang mitmeng a put a apiang in eng emaw tak buaina a siam ziah bawk inbengdaih tir hmasak angaih ka ring ngei bawk.


"A va nuam awm ve?" Ngei awm zet a a rawn tih chuan zam hauh lo hian a mitmengah ka melh ve ngar a, a mitmeng hriam hraih chu meuh nuam zawk zawk erawh ani hauh lo.
"Amah hi maw?" ro zet a a rawn tih leh halh lai chuan ka sir deuha meizial țan mek Kima chu alo hawi phei vat a , kan indin chilh ran min rawn hmuh chuan rang zet hian a rawn phei ve nghal mai bawk.


"Amah vang hian maw ka biak che pawh i duh leh tak loh a?" a rawn tih hrawk chuan ring lo mahse a hlauhawm thaw khat viau, Kima lah angaihna hre lo lutuk in min melh tawn dun chhen bawk.


"Hremna i hmu ngei ang?" Zawi sup leh chang zet a a rawn tih leh chuan thawk la hawk in ka melh chho ve ngar a. A kut a hum ruh țalh țalh chu a leather jacket dum hakah chuan a zen lut hmak thung lawi si.
A chhe ber angin min rawn puh nghal ngawt thei nia! Amah hi ni lawm ni ka sawm laia min hnar zawk kha tunah lah kha mitmudum-i bawk kha a rawn kal pui leh dawk dawk a. Inthlahrunna emaw zamna pakhat mah ala nei lo zui. A zaktheilo zawk chu a hriat reng alawm





● Nizan dar 09 :10 pm vel atangin data a hman theih lo reng reng a, signal chu a țha reng Youtube a en theih a, whatsapp, fb leh social media țhen khat te erawh a khawih theih miah loh a, engmah alo sawi theih loh a.....A pawi khawp mai......

[Ngaia]

Chapter - 21



Chiang fe hian ka melh chho lui ve ngar a, ani pawn min melh no lo khawp mai. Engkim a țha vek dawn chauh a amah bawk in a ti chhe leh vek a, hepa hi ka hrethiam hlawl lo, nula dang tumah ngaithei miah lo khan awlsam takin khanu kha a pawh bik em em a, kei tak ngial pawh in harsa taka ka beih chhuah ngei kha. Ka thikna a nasat ang bawk in țhinrimna leh tlawm in tihna ka nei ve tho bawk si. Nimina ka inpuan fai kel vang khan min lo zuam ringawt anih erawh chuan a tisual zia ka hriat tir ngei ang, na dawn mahila tlawm ka duh ngai lo.



"Hremna? Hah! i phu fe zawk lo maw?" ngeiawm zet chuan ka ti ve sak a. A mitmeng rum tak leh tih hreh neilo hmel lutuk te chuan min ti zam ve alawm mahse tun țum erawh ka dik ve bawk a tlawm ka tum miah lo. "Engkim a țha vek em?" ka daa rawn vawn paha Kima'n a rawn tih sup chuan ka kiang maia rawn ding chu ka lo melh zauh a, Dinsanga nen chuan min melh tawn zak zak bawk. Chhan pawh chhang lo chuan Dinsanga chu ka han en hmasa leh kher a, uluk leh chik zet in min lo melh dun run thung. Ka dar a vawnna a mit in a thlen chuan a ner sawk a, a hmel erawh a chang zual mah tih theih ani.



"Țha vek, lut leh tawh ang u" melh chho leh zeuh paha ka tih chuan ka hma ding run pa chu a rawn run nghut a, ka thusawi avanga alawm lo mit meng a ti lang nghal run bawk. A awmdan teh chai hi, khawi ah nge a mei pawh kha, khanu kha a thlang vel alawm duh leh a bulah zu țhu vung se ti nia. Ka sawmna hnar meuh a a thlannu chu zui ve mai tur alawm.


"Abela nghak leh lawk ila" alo ti ve sup a. A sawi zawh rual chiah in kan hma ding run pa chu a rawn thaw chhuak nghal hrawk bawk.Rang zet in ka melh a, kut a thawh leh mai ka hlauh vang te pawh aniang, a thin a ram ve ropui si a.


"Motor ah zu lut rawh!" rawn tih nghut pahin a mit meiin a motor awmna mitthi in atanga chhak deuh hlek ami chu min kawh hmuh a, ka lo ner nang thung. Ka va awm awm hlei lo chiang tak. Duh leh amah hi zu lut se zu țhu vun se ti nia.


"Teuh lo mai, Kima ka lo zu lut ang aw, lo lut har lo ula" tia ka melh chhoh leh lai chuan na zet hian ka dar ah a rawn kuai her sawk a, hnai zet ah min rawn bih nghal run bawk. Ka dar lehlam lehlama dawm in a hmer na thawkhat viau lehnghal, ka na ti deuh ner sak chu hmu mahse a engah mah a thawk leh tawh lo aniang, a inseh ruh țeu a, a thawk lak pawh a na thawkhat hle bawk.


"Thianpa,i ti na nge?" Kima zawk in ti vut paha min rawn ban a tum chuan rum zet hian a melh chho ve leh hrawk a, "Lo inrawlh miah suh" a tih chang leh khawl a, chutah chiang fe mai hian kei min rawn melh thla leh in ka dar a hmerna avanga na zet chu tal chhuah tumin ka lo tal fat fat bawk.


"Awm țha rawh!" ka hmai zawna a rawn tih nghut chuan rum zet hian ka melh ve kal a
"Keiman ka bia che, ani nilo in keimah! Keimah hian! Min palzam hauh suh" tih hrawk pah chuan min sawi deuh nawk a. Engpawh sawi ve ila a sawt dawn lo tih hrechiang ber tu ka ni ang, a thinrim a chhuak leh ta ngei e! Kut ala thawh em em lo erawh a zia phian, mahse ka ngei ngawih ngawih rih thung tunah zet hi chuan. A ti sual hmasa tu ang maia ngai in min han dem vel chu nia, zam lo tak ani!



"Min thlah teh!" tal leh deuh paha ka tih hlak chuan ro zet hian alo nui hul hak a, min thlah mai erawh a tum loh hmel khawp mai. "Ngawi hmak la car ah zu lut rawh" ti paha min thlah vut chuan ka tlu țep hial ani, Kima chuan min lo dawm nghal vat lo se chuan ka tlu ngei ngei ang.


"NAUPANG LEH!" Zodinsanga'n a rawn tih leh hrawk rual chiah in ka ka bula ding Kima chu a rawn hnek nghal bur anih chu! Ka au chhuah loh nan rang zet in ka kà ka lo hup hman hram a, a hnek na thaw khat aniang Kima pawh a tlu tawp mai. Zodinsanga erawh in la duh tawk lo niawm fahranin a kawr awmah a zu țham leh zat a hetiang hmun ual au lehnghalah.



"ZODINSANG, Misualpa thlah nghal rawh, nge i hnek ve ringawt a?" tiin a dar ah lo nam rawn tum in ka lo inrawlh vat a. Rum zet in Kima kawr nghawng lo țham chungin min rawn la melh zui, a mitmeng a sen vek sia nidang ai mahin a hlauhawm zawk in ka hria, mahse hlau thei dinhmun ah pawh ka ding lo. Kima lah a hnekna kha a lu a hai nge ala che chang zawi viau mai, a hnek tu lah pa te zawk zawk alo ni lo bawk nen a kut thlak phei chu ana viau ang.


"ZOTHANPUI MOTOR AH ZU LUT NGHAL RAWH! Nge hepa hi ka la khawih zal hmasa deuh zawk dawn" rapawm zet a nui chunga thinrim mit sen veka a rawn tih chuan ka tha a khur ti tih ringawt lehnghal! Kima lah chu a zawi ngiai mai bawk si, tih ngaihna a awm hlawl lo. Ka zui mai loh chuan a khawih leh duh tak tak dawn tih lah a awmdan ah a chiang vek lawi si.


"Thlah la, kan.....kan pahnih in chhuk ang!" ka duh loh dan deuh in ka aw a khur ti tih a, a tham chhal lehnghal, hetiang khawpa hnaih a mi kut an inthlak lai ka la hmu ngai lo bawk nen ka awm chu nuam lo tak ani, Zodinsanga lah a hlauhawm tih hian a sawifiah kim pawn ka hre tawh lo, chu aia nasa leh uar a sawi zawk dan awm se ka hman ngei ka ring.


Kima kawr awm chu a thlah ve ta hram a, an nam sawk pah kha! A va han thinchhe chiang tak! Rawn ding chhuak in thawk ala leh hawlh hawlh phawt a chutah " Chhuk rawh!" rum zet a min rawn en paha a tih leh chuam Kima zawk chu ka melh leh vut a, keimah vangin kut a tuar ringawt chu ani si a, ka la buaipui thei lo zui! Zu buaipui chiah ila chuan eng ang chiah in nge a khawih leh duh ang tih pawh hriat nghal loh chuan! Mahse chutia kalsan ngawt lah chu dik in ka hre bik silo, Pakhata lah hian min melh rum leh tawh nasa mai si.


"He tia kalsan ringawt te chu?" tim dai hiam ka lo ti leh lawi a, ka sawi hma ka ngai zawk! A hnu ti tih in min hnuk thla nghal dawr dawr anih chu! Mi in min en nge en lo tih eng mah a ngaihtuah leh tawh bawk silo. Hnunglam chu ka han hawi tawk tawk a, chhak lam deuh atanga Abela rawn chhuk ka hmuh chuan ka thaw huai mai, a enkawl thei mai ang.


Motor ah chuan a hnawh in min hnawh lut hi ni mai, tuman min ran hmu lo nge min rawn ngaihven awm an awm lo hrim hrim. A rawn țhu lut ve vut a, motor chu ti nungin chak zet in a dawk chhuak nghal zawt bawk. Tu a mah mah țawng kan tum lo ve ve a, a motor chiah a khalh ngur a, stearinh erawh a chelh nghet thawkhat hle aniang a kut chang pawh an var ti tih thei hial.



Rei lo te ah an inkawt ah motor chu a ti ding dat a, ramg zet a chhuk thla in ka lam kawngka chu a rawn hawng vut a, min pawt chhuak leh dawr dawr bawk! Kawngka lo inkalh bam ka hmuh chuan ka hlauthawng nghal ti tih, ka ti ril an khur ru hial bawk! Kan pahnih chauh in hetiang khawpa a thinrim laia awm dun ka duh miah lo. Kawngka a hawn lai chu tawlh let hrat hrat in tlan thut tuma ka inher chiah chu hnung lam atang bawk in hneh zet in ka kawng ah min rawn chawi nawlh a, duh lo in lo tal ve phat mahila min hneh lutuk ringawt. In chhungah chuan min nghat chawrh in kawngka a kalh nghal ringawt te chuan ka țah lam lam ati chhuak!


"Ding reng lo khan, Sitting room ah sawn va phei rawh" min rawn melh khui khui in ati leh hmuk a, a chang hi chuan a sual thiam lutuk thin te hi ka haw ngawih ngawih! "Min en reng suh, va phei rawh" a ti leh hmuk a. A thinrim leh țan in ka hria, rang zet chuan sitting room nia ka rin lamah chuan ka phei ve vut bawk. An in ka vawikhat luhna ani bawk ne a zau in a fai nuam a, a changkang ru phian lehnghal.


Rei lo te ah amah pawh Beer can keng hian a rawn phei leh a, rawn phei pah chuan ain nghal khalh bawk. Mak ti zet in ka lo en thung, zu....aw zu chikhat ani ve tho ang chu, hetiang lam a tih ngai awm ka hre miah lo! Tim zeta ka lo țhutna hma ah tak a rawn ding run a, min rawn melh thla run bawk.


"Khapa kha tunge?" a rawn ti leh ta hmuk mai. Nge maw Kima ah chuan a buai em em le? Amah hi buaina lian zawk ani feeee Ramluahi a zui hnuang hnuang tak kha! Ka sawi leh ang ka sawmna aiin ani sawmna chu a ngaihlu zawk te pawh ania nge....


"Remsangkima" sawi belh tum lo zet chuan ka lo ti ve hmak a, a thaw lak hriam hraih a chuan a thinrim leh tan tih ka hre mai, mahse ka ngei ve deuh bawk nen ka sawifiah peih bik lo bakah ama thiam loh zawk zawk ania.


"Zothanpui!" a rawn ti leh khawl a! Rum zet in ka lo melh let ve kal bawk. Mi inang chu ni ngat ila chuan kan insual tawh ngei ang mahse kan inang silo, bakah ka hmeichhe tha nen ka hneh dawn lo nasa! "Kha mihring lawi lo zet kha engvanga zui nge i nih?" a rawn ti hriam leh hraih a. A inseh ruh țeu in ka hria. Anni ai hian ka thinrim nasat loh bikna ka hre lo mahse mipa ani miau a alang sawr leh bik tawh. Kei erawh chhungril lamah ka tawt viau thung!

"Ka duh a ka zui, ka thu in" ka ti let ve sak erawh a beer in lai chhuah ah zu vawm chiam a. Ka țhu tawm nghal vut a, mipa thinrim inhro sa ka la tawng ngai lo bawk nen awmdan ka thiam lo. A tei sek a thawk a la leh halh halh thin bawk.Kei erawh ka thu ngawi kar a tha ah ka hneh dawn lo lutuk tih ka hre bawk nen ka tiril a khur a ka zam bawk, min sawisak te tum ta se an ťhen awm te nen lah in auh phak chang chang vel anni anga, zan mi muthilh hnu ah phei chuan an harh zo kher ange maw?


"Khapa kha i bialpa hlui em ni? Ani lo let dawn vang em ni ka call leh message engmah i chhan duh lo a i switch off vel...huh?" a rawn tih leh chuan "Ngawi hmak rawh!" ka lo ti ve hlak a. Ngeiawm zet a min nuih khum chuan rum zet in ka lo melh bawk.


"I eng pawh lo ni rawh se, tunah chuan engmah tih theih a nei tawh dawn chuang lo.....ka ta chauh i ni tawh" a rawn ti leh sak a. A awmdan leh a che zia hi a mumal hlawl lo, a hlauhawm bawk.

"Nang chu Ramhluni ta!" ka lo ti ve salh chuan rum zet hian min rawn melh leh khui khui a. Kei in ngeiawm zet in ka lo nuih ve thung. " Ngawi chip cham rawh" a rawn ti leh hrawk a. Ka thin ter tek a chhuak leh țan run luih chak na hlir in ka chhunglamah min tur leh ut ut tawh bawk. Ka thil tih sual chauh hmu a a thil tih dik lo a hmu lo der tlat te hi ka ngei hluah hluah!


"Engvang in maw ka ngawih bik ang? Keimah chauh dik lo ang a min chhal bik? Enge i nih ve? Ka tihsual engmah ka hre lo Remsangkima kha ka thianpa, i hrethiam em ka thian a nih kha, nang ve.." tiin ka melh ling ve hlar a, mit zim sun in min lo melh run bawk. " Ramluahi ka thian ka thian i tia....a rawn be zing hle bawk che ani lawm ni? Chuan i call ka chhang duh lo maw? Huh! ka phone a chhiat miau chuan engtin nge min rawn biak pawh reng ang?" za lo fe a nuih paha ka tih chuan ka awmdan ngeiawm zet vang nge min țhuai nek chak hmel a pu in ka hria!


"Awih tur in min beisei em ni? Tukin zingah ka lo biak hma lawk che pawn i online ka lo call erawh in ilo switch off hman der kha?" a rawn ti ve leh khur khur a.


"A chhiat miau chuan tinge a in switch off loh te lul ang? Bakah tunge tlaivar puia ka sawm a *Tih tur pawimawh ka nei* ti zuah zuah tu kha? Tunah nula dang nen an rawn kal leh zan zan tho ani lawm ni?" ka lo ti ve leh salh a. Tlem in a hmel chang lutuk chu a zia ve hret a, bang bo hmel apu deuh bawk.


"Chutiang ka sawi hauh lo?" a rawn tih leh hmuk chuan ngei zet a melh in ka lo ner khum a, chhan ngaihna a hriat loh vang ani chek ang chu?


"Dawt sawi ah min puh tina maw? Dawt vawikhat ka pawh ka hrilh tawh che em? Khatiang mize hniam lutuk ka nei ve lo" ka lo tih leh nghat chuan thip zet in min melh ka ti mai, a mitmeng a hriam hle bawk.
Sofa ah chuan a phone a jacket a mi chu rawn theh thla nawlh in "En ta che?" a rawn ti leh hmuk a. Ka ban ve mai bawk. A whatsapp message chu ka en sak vat a, ka awih thei lo! A hmai bula ka han lek chuan keimah min melh ren run leh hmasa te te hnu ah ban in a en ve nghal zat a. Rum zet in ka thutna ngaia thu run chuan ka lo melh bawk!


"Hetiang ka hmu hauh lo!" a rawn tih nghut chuan ka lo en run a, mitmeng inthlahrung deuh thinrim deuh tho bawk si hian min rawn melh ve leh bawk. Ka lo nui hak erawh a ngaihna a hriat loh hmel ka ti.


"I hriatna i hlauh then aniang a?" ka lo ti ve salh chuan a thaw hawk a! A phone chu a hum ngawt ngawt bawk. Ni e, tukina kan inbiakna kha chiang zetin ala awm miau alawm! An pha der vel kha ka ngei zawk bawk.


"Keimah ka ni lo!" a rawn ti leh hmuk a, ka awih lo lutuk chu ka lo ner khum sak a. A run hmel khawp mai!


"Tih tur pawimawh ka nei hauh lo bawk, keimah ka ni lo!" rilru buai hmel zet chuan a ti leh hmuk a. A thinrim deuh emaw ni? A thil tih sual ka hai lan sak chu a la na ve deuh aniang!


"I nei lo tih te chu zanin khan a hriat reng alawm!" ka lo ti chuan a mitmeng buai zet chuan min rawn melh ve thung! "Khanu bulah khan awm reng rawh! Kan sawi fel in ka hria, ka haw dawn....." tih pah chuan ka ding hluai a "Leh lawk....Ka phone kha awih lo mahse a chhe tho tho, a thar ka mamawh rilru thar nen" ka ti leh salh a. Kawngka lampan in ka kal nghal zat bawk.


Kawngka ka hawng tur chiah chu ka dar ah a rawn kuai her leh pawp a, kawngka ngheng tur chuan min nam bet nghal rawk rawk bawk " Zodinsang!!" ka lo ti hlar a ani erawh a mitmeng a buai nuai mai hian ka hria. A awmdan chu amak!


"Engmah ka hre lo tak tak! I message rawn thlen hun kha kha mi hnu chiah khan ka tho ve chiah nizan kan tlan chau bawk nen, ka phone pawh ka bulah ka dah mahse tumah khawih awm an awm lo?" rilru buai hmel zet hian ati leh a. A mangan hmel phian bawk si, thinrim deuh bawk si ni ber in ka hria!


"I phone a hrang anih chu!" Ka lo tih chuan min melh no teh chiam lo, ani ai fe in ka melh no lo bawk, beer a in tak kha! A rui rilru at laiin a khawih ani pek ang.


"Tuman ka phone khawih tur an awm lo! Ramluahi chu alo riak mahse....." a thusawi a sawi zawh hma hma chuan a awm ah na zet hian ka lo nem a! Bang bo zet in tlema tawlh hla deuh in min en ve bawk. Ka inrin hma in ka mittui a tla fel der bawk! Mak tih hmel zet in min melh te hlei hlei chuan min ti na zual! Nimin lawkah hlim deuh in motor kan chuang duna ka engkim ka hlan bawk mahse a zanah hmeichhe dang a awmpui lehnghal thei ania!


"Tu chu maw lo riak a?" Ka bianga mittui hruk thuak pah chuan ka ti hul hak a, ka rilru tawt leh thawpik a ti zual sawt bawk. Engtiang a rei nge min lo bum hepa hian! Puppet ang maiah min ngai em ni?


"Bawihte...Enge maw?" ti vut pah chuan a hmai chu a tuai thuak a, a tukhum ah a kut pahnih a dawm in a thaw halh halh bawk.
"Chuan in riak duna, nimin maia thil thleng zawng zawng te kha itan chuan infiamna mai mai chauh aniang tiraw? Ka awih thei lo Zodinsang....." ka mittui bawk a rawn luang leh! Ka chhungril pik zia chu maw nasa tak ani.



" Chutiang a huat tur engmah a awm lo...... ka thlen tlai avangin ka chhungte tumah an awm lo bawk nen rawng min lo bawl sak a, kan thleng tlai deuh bawk nen ka thlah peih ta lo in riak turin ka sawm!....." A thusawi lai chuan rilru na zet in ka lo melh reng ringawt! A bialnu hma ah hmeichhe dang nen a riak dun tih a sawi khum ngam ania!


"I inti thei em ni? Zodinsang In duh chen chen riak dun mawlh rawh u" ti hrawk pah chuan ka in her vut a, rang zet in ka kawngah a rawn dawm nghal thung.


"Ngai kawih tur pakhat mah awm loh chu!" alo la ti hram anih chu! He mipa hi a à zo tawh zawk nge?


"Tak tak maw? Eirawngbawl sak te i phut vel a....chance in zawng bak va ni suh! Eiranwg te hrim hrim chu kan inah pawh ei tur in ka sawm che ni lawm ni....mahse min hnial ve tlat a, hmuak tu ilo nei tha khawp anih hi!" ti let ve salh in min kuahna ata chu ka tal chhuak nalh a Kawngka pui chu hawng in ka chhuak nghal vut bawk.


Kawngka ka kal lai te chuan mahni inkhawngaihna leh rilru natna nen ka mittui a tla reng a, tuai hul eng ang mahila a thar an rawn awm zel bawk si. Min tina em em tu chu theihnghilh tum pauh leh a fiah tual tual emaw tih mai tur in ka na zual tawlh tawlh bawk.



Min um zui lo a, ka beisei hek lo nilo ka beisei tlem chuan mahse min um zui pawh ni se engmah a tha kher tawh rih lo ang. Kan in chu engtin tin emaw ka thleng ve mai a. Thingtlang khaw lian pangngai ve tak ni mahila tlangval sual leh awmtha duh lo ang chi kan awm lem lo bawk nen kawt thler te a hlauhawm vak lo bawk. Kawngka chu nam hawn theih in an lo dah a, zawi zet chuan ka lut. Ka u ten min hmusi lo an lo chi ai loh nan ka nu te room ah dak kawi zawk in ka haw tawh thu ka va hrilh a, ka pa alo la meng teh mial. Ka u te min lo hrilh sak tur in ka ti a phone ka nei lo bawk nen abuaithlak zek. Ka haw hma chhan min zawh chuan ka pum nawm vak lo thu ka sawi ve mai a, ka room ka lut chiah erawh khumah ka bawk thlawp a, ka kehchhia ani ringawt mai. Ka zuam awm lutuk em ni? ti ang ten ka inngaihtuah kual a a chang leh mahni ka indem thul? Ka na vel vek mai!




*______*_______*_______*________*


Zing ka thawh chuan dar 8 alo pel der tawh, darthlalanga ka in en chuan ka mit ala bui lak zui! Inhnunglam bathroom hmang tur in ka phei a, ka hman zawh sitting room lam ka phei leh chuan tawng bul bul thawm ka hria, ka u te ho an ni nangin pakhat erawh Zodinsanga tawng ni tlat in ka hre bawk.




Sitting room ka va chhuah phei chuan min lo en deuh țhup a, Zodinsang pawh thil ti sual lo ang maiin alo awm ve teh mial. Enge maw a rawn tih ve dawn ni? Mama nen chuan an lo inkawm a, an piah ah ka pa a țhu bawk ka nu erawh choka lamah a awm aniang.



"Miaupui, i va nawm loh hmel ve?" Ka u in alo ti nghal zat a, Zodinsanga melh duh lo in ka u zawk chu en ngar in ka nui lui sak ringawt. "I pum bawk chu mi? Damdawi te i ei em? Hei Dinsanga hian thlan kal pui ah min lo sawm a, i kal ve peih dawn em? Thingpui lumah te pawh?" a lo ti zawm leh zat a, Zodinsanga chu ka melh vut nangin min lo melh let ve lur avang chuan rang zet in ka mit ka la sawn nghal thung.


"Ka peih lo mai! Ka la dam chiang lo" tiin min biak lehna pawh ngaithla duh tawh lo in choka lam ka pan a, tui ka va ințeuh ringawt. Nizan thil thleng te ka ngaihtuah kir a, ka pik leh țun tawh.


"Nu, Chaw ka chak rih lo aw....nakinah keimah in ka ei mai ang, ka pum ala nuam chiah lo, damdawi chu ka ei tawh tho a" tiin mahni ka intawng khalh nghal zung zung a. Mahse nu te hi zawng sawi belh tur hi an hre ve zel mai.


Choka țanga ka chhuak phei leh Dinsanga haw tur ka u in a rawn zui nen chuam ka in tawk leh chiah a, a mit ah ka melh kal bawk. Nuam tih lohna niawm tak ka hmuh chuan min ti hrehawm leh zual! Khatiang thil a tih hnu ah engtin nge nuam atih reng ang! Biak pawh be lo in ka kal pel ve leh nghat a, a thaw halh ri erawh ka hre pha thung. Ka room ah lut in khumah ka let thla leh tawp a, ka earphone ban in ka mp3 player te reuh te chuan ring zet in hla ka ngaithla! Ka ngaihtuahna zawng zawng ti reh vek turin mahse a fiah tulh tulh emaw tih zawk turin ka mitthla ah an rawn lang leh lawi si!



Chhunah nileng in room ah ka tawm bo a, ka nu in ei tur min rawn pek tlem ka ei bawk. Ka pa laptop ah Movie rapthlak deuh deuh ka en lui chiam a, ka ngaihtuahna la peng thei eng pawh ka mamawh vek!


Engkim hi mumang nise a bul kha lo țan lo law law ila hetiang teh hrep hian ka buai awm silo a! ZOTHANPUII hi ka inchhiar țan der em ni?


Engtin nge ka hmaichhanah an riak dun tih a sawi theih? Kha khan min ti na ber? A chhungte tuma awm loh laiin ala ni zui! Mi lerh tak ini Zodinsang!



*____*____*____*____*


ZAWMNA



*______*______*_____*


Chapter - 22



Tlai ah ka u te rawn pen haw leh lai pawh chuan room ah ka tawm tlat a, an țawng chu hre vuai vuai mahila chiang kuangin engmah ka hre thei lo thung. Laptop ah bawk chuan mukbang ka en leh ta daih *Hamzy* henu video hi chu ka en hmaih phal lo. Sitting room a awm te vang nge vawiin tlai erawh ka tui em em thei miah lo lehnghal, a tawp ah Mastea te video ka en leh a, ka nui lui peih țawk!


Chaw ei khamah chhung inkhawm kan neih zawh ah ka pa bulah chuan țhu ve in rei loh ah a mal chungah ka lu ka nghat fel der, nizana kan en hman loh premire league kan en a, ka nu pawh eng eng emaw khawih in kan ep țhut phah ah a țhu ve run bawk.


Au Valpuia chuan blanket zan te min rawn pe a, lo la vat in ka sin nghal hlan a, ka pa mal chungah naupang ang maiin ka mu ta reng bawk. Tu pawh hian kan chak ve ka ring? Naupan țhat leh te, nu leh pa thla zar hnuaia hlim taka lungkham nei lo taka kan awm lai te kha, khanghun kha ka ngai thin a bik takin hun harsa tak ka paltlang a ngaih chang hian. Hetiang hun chu tawn loh theih loh ani nangin inbuatsaih lawk emaw lo in rinlawk teh chiam chi ani bawk silo, a hun takah alo thleng a i paltlang vat mai ang i tha leh vat dawn? ti mahse khang țhat leh vat tura hun leh th a heh zia an hre der silo, natna leh tawrhna nen chuan minute tin hi kum sang chuang ang hial te pawh ani thei si a. Chuvang chiah chuan țawngkama min hnem tu aiin ataka min dinpui tu ani a harsa lai ber ah pawh ka mamawh thin zawk chu!

"Kha, Zela" tia room atanga mama lo chhuak in a phone min rawn pek chuan ka lo ban ve zat a, ka nu chuan a rawn call khat thu sawiin alo phun nghal zat bawk, mama pawh in min kalsan lehnghal.

"Hello" ka ti zat a.
"Biak harnu, min hawsan dek dek a min rawn be ve ta che" a rawn ti nghal lung lung zui zat bawk. A va hahthlak amah zawk hi ani reng sia kan biak dawn pawh a duh tlat lo kha..

"Het! Tunge hman zana kan biak dawn pawh a lo lang ve duh lo tlat kha" ka ti zat chuan a ner hmel tur ka mitthla lawk thei! A ngaihdan ani leh lo teh ang chu....

"Ka lung a leng alawm, ngawi mai mai teh" a rawn ti leh hmuk a, nuam ati rei teh vak lo aniang chhungte chu fel lutuk mahse hetah a ruala inkawm khawm țham țham thin kan ni bawk nen a reh ve viau mai thei ani.

"Ka la cham dawn i ti vei dawk dawk anih kha!" ka lo tih chuan min ngei leh teh ang chu! " Tak tak in, lo haw ve daih mai la?" kan ti țha leh a, tunkar tawpa lo haw a tum tho nangin chu ai hma a lo haw a duh zawk ka ring, a khua har ve ruk ruk anih ngei hi!
"Nia, A pu te ka lo bia ang, i phone chu a chhe chiang viau alaw? Mama khan alo sawi a!"

"Umm....chhe nasa ve, a lcd a chhe vek a, a part a to phian awm sia bakah siam tawh chu a tlo vak lo thin bawk nen a thar apa'n min lei dawn a" lei chhuah zeuh paha apa ka en chho chuan alo nui deuh hak a, inla khawngaihthla la zet chuan kan melh tha leh vel! A nuih a za bawk sia a insum ve deuh bawk si hmel chu ka nuih leh fa vel ringawt!

"A țha law law lei rawh, i pass man ah ti la, apa thawh bak Au Valpuia nen kan lo thawh belh ve a nga" a rawn ti chuan hlim zet chuan ka lo nui hak a. Ti lawmawm thei!

Kan kawngka kik tu chu ka nu chuan alo chhawn vat a, nui chunga kawngka lam ka en chuan Zodinsanga rawn pen lut mek nen kan inmelh chiang ngang mai. Enge a rawn tih dawn? Mama nen an inkawm leh dawn aniang? Ni tak! Kei chuan biak ka mamawh miah lo! Duh in thlahlel hle mahila a awmdan hi ka kham rih!


" Mama ac ah pawisa ka lo thun ang aw, chuan ka mommy bik bik kha a fapa hi amah ngaiin ka zai kur duam duam e lo ti rawh" a rawn ti leh pek! He mihring em em hi chu! Mahse ka nui hleithei tawh lo, ni lo ka chhungril taka ka hlimna kha a reh kan ti zawk thei ang. Kan ep chiah a ka nu bulah chuan rawn țhu in ka nu chuan ka u a ko vat a, ka pa in alo be ve thuai bawk, an fanu min tihdan kha hria se an be țha kher ange maw?


"Vawiin ah ka pu hà charna kha ka lo hre silo a J.kima te unuau lehkha chaih siam nan ka lo hman sak a, kan hmang zo vek sia, tlaiah kha a ruak kan paih kha hmu nianh min zawt a ka sawi a.....inthlahrun awm tak tak ani" a rawn tih ve nuah nuah chuan ka lo nui leh hak a. A ta mai mai thin a, eng ti tih a mi ha charna! A chhiar chianh lo ani leh pek ang, an hau dawn lo tih hre mahila anuam lo ang tih chu ka hre thiam ve deuh mipa mahnise!


"An lei leh mai dawn alawm, nangmah i dam hrim hrim em?" ka ti leh zat a, Mama room atang in a rawn chhuak a, Dinsanga a rawn be nghal zat bawk an inchei dan en chuan khawhar in kal an tum ani ngei ang. Chuti nih chuan mama phone ka hmang sia a keng leh duh awm bawk nen Au Zela nen chuan rei vak lo kan inbiak hnu ah kan dah ve ta hram a. Mama ka pek chhoh chuan alo ban ve mai bawk. Dinsanga chu kan melh leh hram pek a, mihring hi ka ti kan mit hi lo dan a har ber anih dawn hi, a dawt ah lei! Dinsanga lah chuan min lo la melh ve run zui, hmek hmuk zel a. A sual sual nen!


"Miaupui, thingpui han lum lawk la, kal hma hian" Mama'n alo tih leh chuan peih lo viau mahila tilang lo in ka tho ve mai bawk. Zodinsanga thingpui tur chu tùr ka telh nghal loh. Ka thli zo chu ka rilru a kal sual leh tlat tawh! Dinsanga ta tur bik chu chini telh in kan thlum chiam bik a, ha na vek in in teh se! Tray a ka chawi chiah ka nu in min rawn au leh rih a hmanhmawh thei si a thil rawn order leh ringawt chu kan pe leh rih. Choka lamah chuan phei leh vat in tray chuan ka chawi phei leh a, an hma ah chuan an ra tur țheuh chu side table ah chuan ka dah sak vek a, ka pa malchungah ka mu lehnghal hlan chu ka nu in min rawn khak nghal bawk. Ninawm thei si!


"Nula an mu zawn zawn ngai lo, inleng neih lai phei chuan ti miah loh tur Dinsanga chu kan chhungkua mi ang ania ka sawi ngam anih hi, i duh leh i room ah va mu rawh" a rawn tih hlak hlak chuan ner nang nangin ka pa ka en a, min lo nuih ringawt lehnghal.


"E khai, a pe thinlung ang chiah aniang ka ti, ka thingpui chu ava thlum tha em em bik ve min duhsak hle mai" Mama'n a rawn tih chuan phawk zet hian ka melh a, no keng run chuan nui sun sun in min lo en ve mek bawk, Dinsanga thingpui inlai ka va en chuan engtin mah adang lam ve miah lo! A nih chuan a thlum zawk kha ka u ka pe tihna!!!!!! Awiii ava hahthlak thei tak.....
Mama lah chu alo nui ruh ruh zui....En rei duh lo chuan room lamah rang zet hian ka phei daih a, au Mama nui ri erawh ka la hre phah tho. Au Valpuia erawh nichin khan a chhuak leh daih tawh.


Khumah chuan ti tur hre lo in ka let kual sek a, phone nei lo a mut hrehawm zia ka hre thar, kan thluak a harh si men rei tih țhan phei chuan ka za vek thei in ka hria kut a hlei a khawih tur a dap chuk mai. A tawpah ka mp3 player tw bawk chu hla play in ka ngaithla leh ta tawp a, suangtuahna mai in min chenchilh tawh lo! Nizana hmaichhan ngei a a thil min sawi khum te, mi kawpsan thin ang zia zanga min veng khur te, keimah a rinna chhe te tal pawh a nghat ve thei miah lo te hi ka hua! Nia mi rinawm lo chuan an mahni ang ni ve turin min lo ngai te pawh ani mahna le, duh leh khanu pawh kha riah pui leh se.....


Mahse

Chu thil ka ngaihtuah erawh chuan sawifiah hleihtheih khawp lo a na in chhungril atangin min hnawh a ka awm anuam lo mai nilo ka tah hial a chhuak! Mahse a vawi 2 emaw vawi 3 na tan pawh han țah pui leh tur chuan ka inphal tawh bik lo, duh leh a hrehawm viau tak leh ka tuar ve tawh mai aniang chu! He khawvel ah hian ka sawi tawh em ka hre lo mahse uirena leh inbumna aia huat ka nei lo!!
A chhan eng vang pawh nise mi a uire chuan ka mit hmuhah chuan thiam ka chan tir thei ngai lo ang! In bumna erawh ka ngaidam thei mai thei mahse min bumtu te lakah erawh a hma ang ka ni thei tawh lo thung ang.


Ka room kawngka kik ri ah ka harh hlawl a, dar zat ka en chuan dar 10 alo pel hlek tawh, kawngka hawng tur chuan ka phei ve nghal zat bawk. Kawngka ka hawn chuan Mama bawk alo ding vang mai, ala inthlak loh danah alo hawna ala rei vak lo aniang.


"I mu tawh law?" nui chunga alo tih chuan "Chhing sek hman" ham deuh bai bai chuan ka lo tia min nuih leh suk ringawt.
"Naktukah lunglei ka kal dawn, zing karah ka chhuak ang phone chu duh zawng deuh te i nei em? Ka lo en nghal ang" alo ti leh hmiah a. A va rang ve! Mahse phone nei lo a awm erawh a hrehawm tak zet.....

"Nei em em hran lo, Samsung ka duh a, a țha chu i hre zawk ang?" ka lo ti ve leh zat a, nia mipa ani bawk a kei ai daih chuan hetiang lamah hian a hriatna a zau zawk ka ring.

"Thanzela pawn i phone man tum ve a tum emaw ni 2000/- a rawn thawn ve kha" atih leh chuan ka lo nuih var var a. Ka lu a tuai zauh in a room lamah min pheisan ve ta mai bawk!

"Bawihi, ka phone hi kawl ta che a hrehawm takah hmanna tur ka nei chuang rih lo bawk a, mut ka tum tawh mai sia" ka pa in a rawn tih chuan hnial phal lo in sitting room lamah ka phei vat a, a phone a rawn phawrh chhuah chu ka lo ban sak ve thuai bawk.

Room lamah chuan phei puiin tlem chuan ka mood chhe lutuk pawh azia ve ta deuh.
Biak tur a zeng pawh nei lo chuan! Mahse hun khawhral nan tal ka duh ve rih tlat.Rei pawh ka khawih hma chuan phone call a rawn lut leh kawi si! No. save loh anih avang chuan ka la duh mai lo a, mahse vawi 3 zet alo call hnu chuan ka pa te mu turin an kut tawh bawk nen ka pick ra ringawt.

"Hello" Ka lo ti nghal var a.


"Hello" a tawng ri ka hriat mai loh avang chuan ka ti nawn lehnghal zat bawk.


"Keimah!" zawi fiah zet a rawn ti tu avang chuan ka mu chu ka țhu chhuak hlawl a, phone chu ka beng buk atang chuan la in ka hmai bulah chuan ka melh he haw a! Engtin nge ka pa phone ka kawl tih a hriat? Ahh! Mama'n a hrilh ani ngei ang, Lalauchhantluanga mai mai chu!

"Ka be peih lo che, ka dah"

"Dah miah suh! I dah vaih chuan ka rawn kal ang" a rawn ti let nghut a, ka va han ngei ngawt ngawt rih tak em! Min thunun dan tur a hre bel lutuk te hi ka hua, khanu aneih reng chuan tinge kei min rawn la tih buai hram, a rui sual leh emaw ni hial ni.

"Engeee" Pawr zet leh chang khal chuan ka lo ti let hrak a. Thawk ala hawk ri ka hre zawm zat bawk.

"I ngaihdan kha a dik lo?" a rawn ti nghal tawng ringawt a, a bula atang bawk in kan țan leh dawn anih hmel. A hun tawh lo takzet

"Eng ang pawn dik lo mahse nangman hetiang a ring lo thei lo in min siam chu anih si hi!" ka ti let hlar a, ni e, kha mihrinh kha lo riah pui vel dawk dawk lo se chuan engmah abuai lo ni mai tur! Mipa ho lerh lutuk hi chu, mipkhat hi an kham ve mai lo em ni? Kawp za nghal loh!

"Puitling takin thil hi ngaihtuah hmasa thin rawh! Khatia naupang chhia ang maiin sawi pui harsa thin viau suh" a rawn ti leh nghut a. He mihring tak zet hi!

"Puitling ka la nih loh hi chutiang ngaihtuahna pu thei khawp in ka la upa ve tawk lo, i duh leh hetiang rilru pu thei nen va inhnial rawh u" ka tih chuan lawm lo deuh hian a rawn rum nghut a, lawm lo ve mai mai teh se, ama thiam loh zawk alawm le! Mipa dang riah pui ve ta chiah ila kei ai hian anasa daih ang? I awih em?

"La kawi tei vet suh!" a rawn ti leh hrawk a, ka mit ka chhing sawk ringawt! Chhungkua ah pawh awka vin hmang lo pawl ber kan ni kut phei chu kan thawh ka la hre lo, chutiang kara seilian ni mahila hepa ka tawn atang hian awka vin, tha rum leh bumna te ka tawk vek a, a hma khatiang tawng ngai lo tan phei chuan dawn sawn a harsat tur zia leh hrilh hai thlak zia in ngaihtuah thiam pha ve em? Mi pangngai fanu ve maj mai mahni ila midang angin nei țen țawn ve lo mahila hmangaih takin ka awm ho a engkim hi anuam hepa nen zet erawh hi chuan hmanni lawkah kan intawnga hmangaihna hian natna te pawh a keng tel aniang hetiang khawp a nun hahthlak hian ka la awm ngai tlat lo.

"A tawk viau e! Ka dah ania, i duh duh i riah pui thei tawh ang....nilo ka sawi theih a awm miah lo tak e" awki san hauh lo chuan ka ti vei thluam a, min chhan leh hma in phone chu hmet tawp in ka hmu ta daih bawk. Mahse rilru erawh a vak thui lo thei lo, ințhen tih kan inkarah thu an sawi zawmna ani tawh anga a hma a bialnu hming chawi thin kha ex tih nen sawi zawm angai tawh thung ang, ka tuar a ka chhungril a tawt bawk. A tan chuan ka mizia engkim hi pal zam aharsa ani mai thei mahse ka kum zat min ngaihtuah pui miah lo a khatiang teh chiam a min ti kha ka lawm lo ve bawk em ani.


"Suangtuahna, ni e.....engkim hi suangtuahna ah lo tham ral mai mai se tuna heng natna zawng zawng te hi ka ta an ni lo mai tur"


*________*_______*________*



Ka harh leh chuan dar 8 alo ri dawn ruai tawh, Mama pawh lunglei lamah alo kal leh daih tawh a, Au Valpuia lah in alo la zui ve daih zui, school thil pawimawh tih tur a nei tel tih ka nu in a sawi a, ni hman a reh leh vawng vawng dawn hle mai.


"Tunlai hi țhat lohna i nei ami? I va tho harh tha peih lo ve?" ka nu in chaw ei lai chuan ati ta chiah reng a. Nu te hi zawng! a sawifiah thiam ber pawn nu chu nu tih bak in sawi ngaihna ahre bik lo ang, nu tih thumalah hian naupang chuan thlamuanna leh innghahna hmangaihna tam tak an hmu a, khawngaihna in ala belh tlat bawk. Chutiang chiah chuan nu leh fa kar hi zawng adang lam bik lo thei lo ani.


"Ka tha reng, Au Zela ka ngai aniang, kha atum ai hma lo haw atum anih hmel" ka lo tih chuan ka nu zawk chu a lawm ber ber ah zu țabg daih a sawi dawt lo mahse a fapa te ber hi chu angai ve hliau hliau em asin.


Nileng mai chuan kan nufa chuan kan in awm leh ta hnak hnak a, ka pa hna ah a kal bawk nen ka nu lah tih tur a hre si nileng in min tir kual hi ani ringawt! Mahse mahni chauha ngaihtuahna kawm melh melhna hun min siam lo a a tha tho mai ti mai teh ang!


Tlai dar 4 pelh hlek a kan jnkawt abike ding dat ah chuan ka nui var var a , ka u te an lo haw tawh ani ngei ang, maian ka la hik laklawh bawk nen ka va hmuak ta lo thung. Ka nu erawh varanda awmsa ni bawk a, alo ri leh hluai tawh. Kawngka ah chuan nui vur vur in an rawn lut a, phone thar ka nei dawn bawk a keipawn nui sangin ka lo en ve bawk.

"I va buai awm ve?" Au Valpuia zawk in lo tih sup pah chuan dawhkanah bag a rawn nghat dat a, nui var var in "buai lutuk" tiin ka lo chhang zat min nuih leh tawp. Rei lo te ah bag atang chuan phone chu a rawn phawrh ta hlawl a , rang zet chuan kut hru sawk sawk in ka lo ban a, ka rin ai daih in min lo la lei țha zui, Samsung Galaxy A52s, a to awm ropui sia, keini ang neih ah phei chuan a mawi vak lo ka ti. Violet colour niin a nu a analh viau bawk.


"Mama thlan anih kha, apa te ho nen kan in thawh ťawm vek anih kha" Au Valpuia'n nui var var a alo tih leh chuan hlim zet hian lawmthu ka lo hrilh a, "Chuan hei hi Valpuia thlan ve thung" tih pah hian eng emaw hi bag ah hian a rawn chawi phei in dawhkanah bawk chuan a rawn nghat chho dawt a, ka lo melh haw a, bag lah chu ala che rawk rawk zui!

"Enge a?" phawk zet a ka tih chuan min nuih hawk hawk pahin an han phelh a, Lalpa leh!

GSD a dum leh eng in pawlh a naute chum leh buk zet a rawn dah chhuah kiau chuan ka lo khek raih a, ka phone pawh ngaihsak tawh lo chuan ka pawng nghal chuk chuk a, ka chhungte lah chu an lo chiau ve chul bawk.Awii....a mitmeng a fiah in a cute si, a hmeltha mai bawk si....ka duh lutuk ringawt......


"I duh zawng ani ang chu maw?" Mama'n alo tih rang zet hian "Duh lutuk" ka lo ti chul a, uite lah chu ala fel phian zui. Eirawng pawh ka bawl zui thei tawh mang lo, ui te awmna tur te puang te ka phaha ka insingsa kual nasa mai. Ka pa hna bang rawn haw in ahmuh chuan keimah angin lawm in khek chul lo mahse a duh ve viau aniang a khat tawk in alo en ve vung vung zel a, a bul ah a rawn tawlh ve hrut hrut mai.


A chaw tur nen lam an rawn lei lawk vek avang chuan kan chaw ei lai chuan kan pe ve a, tha deuh in a ei ve barh barh thei te chu ka en a ka nuih pui ka nuih pui mai.


Chaw ei kham ah pawh chuan sitting room ah chuan puan phah in ka la tal pui reng a , ka nu lahin 'em em a'? alo ti ve sek bawk.....Kei lahin ka kalsan phal tawh der bawk silo. Ka phone thar te chuan thla kan laksak a, a chum reuh sia a kal țuang țuang ka ti mai, a nuih zatthlak si a cute bawk si!



Kawngka an rawn kik leh a, keini erawh ball te reuh te chhaih in kan la infiam reng thung. "E...Dinsanga chu lo țhu rawh, Mama pawh awm kha" tia ka nu țawng thawm ah chuan dang zet in kawngka lam ka en a, Zodinsanga pui chu alo ding leh khup tawh. Ngun fe mai hian min thlek a, ka ui te lah chu a bih tel ngur bawk.


Ngaihsak duh lo in ui bawk chu ka chhaih zawm san daih a. Duh leh lo țhu sawi ve mai mai teh se......"Mama.." tia ka nu in Au mama a koh lai chuan alo pawt chat vat a.


"Mama vanga lo kal ka ni hleinem...Ahh, hei Zothani hi ka lo rim dawn a" chu thu ka benga a luh rual rual chuan phawk zet hian ka han melh a, min lk la melh ve run bawk. Hamhaih zet a ka nu ka en lah chuan hrethiam lo ni awm fe in min lo melh tawn dun leh thung.





*_____*____*_____*



A chhuak ngawih ngawih lutuk, type na hun atlem bawk nen a thui thei ngang lo.....Comment loh awih loh naktukah in comment ho ka lo reply vek ang che u...muttui vek ule


Ads mawlh khu.....lo click leh vek ru aw

[Ngaia]

Chapter - 22


Ka pa chu harh chhuak hmasa ber ah țang in Dinsanga chu țhu tur chuan alo hrilh vat a. Chutah rum zet in keiin ka lo melh hrep thung. A duh duh a min kaih kawi a tum emaw ni? Duh leh Ramluahi te kha han rim se ti nia!

"Mampui, chhuatah țhu nuai tawh teh suh" ka pa in a rawn tih leh sup chuan thaw halh in ka ui thar Rex chu ka pawm kang a, pawm hian a tal duh miah lo te hi ka duh zual, pang ti lum a hre ve emaw tih mai tur in awm ah hian zu bei ve nghal thlap thei a...

"I van fel tak em....ka fapa tereuh te" tih pah chuan ka chul hliau hliau a, "Va mut tir rawh a mut a chhuak anih kha, kha a chhing duar duar mai" ka nu in a rawn tih chuan kan bih zui vut a, a mit meng a dul riau in kei pawn ka hria, motor a chuang rei ve sia a chau ve deuh emaw ni?

"A chau aniang, mu daih ang aw" tihpaha ka room panpui ka tum chu rawn khuh kharh thawm ah chuan ka harh leh zawk! Ni tak, Zodinsanga a rawn leng ve run tak alawm, dingin kan hawi let leh rih! Min lo melh run a, ka nu leh pa hma a han hauh chiam lah a mawi bik bawk silo. Awmdan pawh min ti thiam lo he mihringpa ber bur hi!

"Va mut la, thingpui han lum nghal rawh" ka pa chuan a rawn ti ta hlauh a, rang zet in choka lamah ka phei bawk.Thingpui chu ka lum ve rak rak a, han tih thlum chiam erawh ka duh bik tawh lo, in sual an lo awm leh vel anga keimah bawk ka zak leh palh ang.Rex lah chu mut ta mai lo chuan chhuat ah ka dahthla a, ka ke bulah alo vir ve thet thet a, min ngaihna nghal lutuk chu ka lawm!

Thingpui chawia ka phei leh pawh chuan ka ke bulah a rawn tlan ve țuang țuang a, ka pa lah chuan alo ko ve thuai a, a tlan zui ve mai bawk. "In school hi Principal thar in nei dawn em ni? Sawi a awm deuh in ka hria?" Tia ka nu in Dinsanga a zawh chuan ho ti zet hian ka lo ner nang a, Dinsanga'n min lo la hmu zui, a meng no leh chiam tawh lo, ho emai!

"Nia, tun ami hi hmundangah an sawn dawn a" alo ti ve mai a. Tawngkam a thiam lo si, sawi zui ngaihna awm hauh lo in alawm tawp a khar lehnghal hmiah ni!

"I pa te hi an lo haw thla ngai vak lo em ni?" ka nu bawk chuan ati leh a, ka ke phut dat dat ka phone thar chu ban in ka theme hman tur ka zawng kual a, a nalh hlawm si thlan tur pawh ka hre leh pek lo.

"Umm, thla tawp lamah an lo chhuk zawk a chu chu ani deuh mai" thingpui in zauh pah chuan alo ti ve sup a, "Ngaihtuah ngai in awm tawh hleinem puitling vek in nia an thlamuang ve tawh ni kha, eng maw i rawn len chhan chu?" ka pa chuan ahan tih zawm zat a, nichina a rawn sawi kha a awih vak bik lo aniang. Ka pa lam hawi chuan "Zothani hi " a tih sup chuan ngei zet hian ka lo melh! Tawngkam lah chu a duh tawi nasa thei si, ka nu pawh a ti hamhaih zo.

"E...chutiang lam chu maw" tih pah chuan ka pa chu anui suk suk a, ui te chu ka lama rawn phei tur chuan a rawn nawr deuh a rang zetin Rex lah chu a rawn tlan ve nghal a, ka lo pawm zat thung.

"Lian vat vat la seh tir tur che ka ngah te mai nia" Mei nei zet a Rex chul hliau hliau paha ka tih chuan ka nu chuan min lo khap leh vat, nge maw ni le? Ka ngei zawng apiang chu ka seh tir tho tho ang!

"Inchhung ah chuan kan lo la naupang chei viau asin, pawnlamah alo nula ve deuh tawh tihna em ni?" ka pa in nui chunga a rawn tih chuan "Teuh loh mai, naupang alawm ka la nih" ka lo ti ve zat a, Pakhata lah chuan min la melh khui zui!

Ka pa nen chuan eng eng emaw an sawi dun reng a kan chungchang erawh a ni hran lo, Mama chu room atangin alo chhuak zawk a, mahse zoom meeting an neih avangin min luhsan leh vat thung. A rawn luh tirh a a țawng tlem tlem nei ka pa in a biak tak reng ah chuan a țawng ve leh duah țhin a, ka nu alo tel zeuh zeuh bawk. Kei erawh ka ui te cute lutuk tak mai pa a chu ka phone a thla laksakin ka buai hle a, kan inkawm tawk viau mai.

"A nih vawiin lam kan țhu nileng a, kawng a kham ve ut mai, ka mutsan mai ang che u" ka pa in a rawn tih chuan phawk zet hian ka melh a, ka nu lah chu a thil khawih lai a dah fel mawlh mawlh a, min mutsan ve ve an tum emaw ni.

"Keipawh ka mu ve tawh dawn" ka ui pawm chunga din ka tum chu "A khai! Mampui" tiin ka pa chuan min han nuih leh rih. Enge maw! Zodinsanga nen chiah helaia awm fal ka duh bik teuh lo! A sual sual nen....

"In leng an mutsan ngai lo ti khan lo inkawm ru, Dinsanga haw hunah kawngka kha țha deuh in khar ang che, i u Valpuia alo la haw lo ania" Ka nu chuan a rawn ti ve leh thung. An va sual dun tak! Ka mitmeng atang te hian ani nen awmfal ka duh loh zia an hrethiam ve lo emaw ni! An room kawngka an khar rik dawt chuan ka țhu tau bur a, rum zet hian ka piah a țhu pa chu ka melh bawk. A ni lah chuan engah vak ala ngaih loh hmel em em zui!

"Haw tawh rawh, keipawh ka mut a chhuak" ka ti vut a, min nuih suk paha lu a thin chuan ka bula lukham chuan vawm pawp ania ka duh!

"Lo leng tawh miah suh ang che" kan ti leh tawng a, lu min thin khum leh tho. "Zodinsang" ka tih khawl chuan min melh vung vung a, ka lungawi loh zia hriat tir tur in rum eltiang in ka lo melh ve bawk.

"Nang aiin kum 12 dawn in ka upa" a rawn tih sup chuan ka tum loh lutuk a rawn sawi vang nge ka lo thaw halh ringawt. "Pangngai takin kan sawi dun thei" a rawn tih zawm leh zat a, ka melh reng ringawt! Amah hi lawm pangngai taka sawi hma a tharum hmang hmasa ziah chu! Tunah a thil tihsual ah ve lem pangngai tak ala ti bik thei ania, duh leh pangngai takin amah hian sawi se, keiin pangngai tak in ka beng ka lo hup ang!

"Kan mamawh tawh pawn ka hre lo! A tawp vek tawh" ka lo ti leh khawl a, min melh zui ngur ringawt! A ding deuh vut a ahaw dawn emaw tia ka melh haw lai chuan ka lampanin a rawn kal teh daih! Ka lo melh let ngar lai chuan ka bulah chuan a rawn țhu țhla dat a, keimah țangin mit ala la sawn miah lo bawk.

"Keiin tawp ka la ti ve hleinem" a ti nghut a, tlem in a hmel pawh a dam lutuk tawh bik lo, mahse ka hlauhna dahtha in zam ka tum bik der silo.Kan in ania, room lamah ka nu leh pa an awm bawk ka huaisenna an belh ve chiang alawm.

"Ti lo mahla kei ka tawp si lawm"

"Tha deuh in sawi ang? Enge i thinrim chiam chhan sawi la.....Engkim? Hetia naupang chhia zet a inhnial reng hi ka ning" alo ti leh nghut tawh. A va han dawhthei lo berrrr tak! Bakah ka thinrim chhan a hre lo maw? Hah ani baka hrechiang an awm lovang....

"Țha taka i sawi lai kha a țhat lai ber, kei chuan ka peih tawh lo, a țha em?" Ka tih chuan rum fe mai hian min rawn melh khui khui a. Min runluih zawk nge Ramluahi ka ngaihtheih loh zia hre chungin a inah ahruai lut mai nilo a riah pui hial a, chutiang taka min pamzam hnu ah țha deuh in kan sawi anga chuan a fel leh vek mai anga maw? Hetiang rilru pu a min lo kawp anih phei chuan!....


"Sual bak viau thin lo teh" alo ti leh nghut tawh!

"Sual bak rual lek alawm ka la nih" min melh dan chu min hnuh hrep a chak hmel ka ti! Ka duhna ah chuan ka sual ve thei emai! Hmuh tir ve hlak angai ani.

"Nula pangngai ah ka siam thei thung che lawm" a rawn tih rual chuan rum zet hian ka melh a, ani erawh ti fuh intih hmel zet in min lo melh thung.

"Ka duh bawk lo, nang aia min siam thiam ka hmuh hunah zawk ka insiam tir ang" ka tih ve zat chuan alai a dek leh tawh chuan ngei hmel zeta min melh hnu ah thawk ala halh a, a inseh ruh țeu bawk.

"Tinge Ramluahi vang kha em ni?" a rawn ti ta khauh! A hre ve awm reng sia! Chhan pawh chhang duh lo chuan ka mal chunga rex-a mu chu ka chul heuh heuh a, "Zothan" a rawn tih leh pawh chuan ka sawi buai peih. Khanu hmel leh khawsa zia zawng zawng kha ka ngei vel vek!

Vawilehkhat ah Rex-a ka mal chunga mu chu a kut pakhat chauh chuan a rawn dawm tho lawk anih chu, "Zodinsang" ka ti hlar chuan a hnunglamah rex-a chu adah fel der lehnghal. A muttui tawh reuh nen a va han sual mai mai tak! Thinrim zet chuan ka chut dawt a, rex-a bawk ban ka tum chu min lo la dang daih zui.

"Min thlah teh! Kha a mut a chhuah em kha" tawng ring ngam chuang silo chuan ka ti hlak hlak a, min thlah mai erawh a tum lem lo khawp mai.

"Zawhna ka zawt che?" a rawn ti ve hmuk bawk. Rex-a lah chu a hram nge mawni a ri ve raih raih reng a, ui țap an ti ang hi niin ka hria. Ban luih ka tum lah chuan Zodinsang ber bur lah chuan min thlah duh bawk silo.

"Misualpa, a țah saw, i va sual ve......Chhanna i duh maw? Ni e Ramluahi vang, a tawk em! A dang ila duh belh in mipa ka nuih tak ngial pawh nang chuan i duh lo tiraw i awmdan kha inzir nan hmang ta che khatiang mize nei kha nangmah chauh i ni hleinem! Ramluahi'n alo biak che pawn ti tau mahila engmah ka sawi buai ngai lo, mahse nang ve tharum i hmang nghal zel a, Ramluahi ka ngei tluk zet in tunah hi chuan ka haw tawh che, mipa dang free taka ka awm laiin ka riahpui ve anga chumi hnu ah chuan kan inkar chu kan la sawi țha zawk dawn nia" ka ti hlar a, min vawnna chu ka tal chiam hnu ah a thlah ve mai bawk, rexa lo hram ve raih raih chu pawm in ka malh chungah bawk ka mut tir leh a, Zodinsanga vang vek!

"Kan riak dun tih chu ka pawm, mahse tawh pawh ka tawk hauh lo!" a rawn ti nghut chuan ka lo thaw halh thung. Ka sawi hne tawh. "Bakah Ramluahi chu ka thian ania, thian nihna bak engmah a awm lo" a rawn ti leh tawh. Khanu mitmei hrethiam lo khawp a mimawl ani lo tih ka hriat vang nge ngei awm zetin ka lo nui a.

"Thian nihna, a mitmei hrethiam lo khawp a mawl i ni lo tih ka hria, chuti chung pawn ila kawm tho ania, alaka beisei i neih vang bak ani lo ang" ka lo tih leh salh chuan rilru buai si, thinrim bawk si mitmeng chuan min melh a, min thin nek a chak hmel in ka hria.

"Engtin pawn lo awm se ka duh ve chuang hleinem!" alo ti hriam hraih a, ka lo ner nang thung. Thil engkim thlen hnu ah erawh engmah nilo kha an lo dang lam thei tih ka chiang ve em.

"Engmah lo mai atang hian engkim alo piang chhuak thei, a awmdan hrethiam chung pawn i la kawm char char a, in inhnaih a in inpawh zia pawh ka hria.....chuvang tak chuan tihpalh thil a thlen a ka nat viau hma hian ani leh kei ah duh thlang mai rawh, tunah paltlang thei tur khawp a ka chak lai hian thuthlukna siam ang che" thinrim zet a tih tum kha ka aw an zuih ral ti tih. Ni e, mi tamtak chuan an ngaihzawng te aiin an thlang thin tih ka hria a ka hlau a ka zam bawk.

"Naupang chhia zet hian awm thin suh! Ka thian ka tih mawlh mawlh chu" ala ti hram a. A hmel a chang ve bul tawh bawk nen min ti hrehawm zual vek.

" Kei chu naupang alawm ka nih, nula i nei tawh bawk a kei naupang à zet hian ka àt pui tur midang ka lo zawng ve ange" ka tih chuan a ding hluai a. Van va dak a thaw hawk in " CHAWLH KAN MAMAWH NIH HI " a tih nghut a, min mangtha lo chuan a chhuak nghal vut bawk. Engmah hi a dik thei hlawl lo. Tinge ka thil sawi hi a pawm loh bik tlat zel le? Min hrethiam ve tur anih laiin ka thusawi ve apiang ah naupang chhia min tih khum ziah a min hriat thiam a hnek in! A tawk viau rih e.


*______*_______*_______*


Ka hun hman dan angai ti ila ka khawhar lutuk tur chu Rex-an min hnem ber mai. Midang erawh engmah ka sawi pui lo thung. Zodinsanga a reh hmak a, alo len zan atang khan zan khat a liam leh tawh! Beisei anga lan hreh si a ka beisei ru tlat tho si hi keimah pawh ka inhrethiam lo!
Miss Ramluahi kalsan chu alo harsat viau ani ve tak ang.

"A va nuam awm bawrh bawrh ve" kan in kawt kai sang laia rexa ni sa den chhan a ka bual lai chuan a rawn ti a. Kawng lam ka en thlak chuan Kima alo ding ran mai. Zodinsanga'n a hnek ve ringawt hnu khan ka chhuak ta vak lo bawk nen biak pawh ngaihna vak ka hre lo kha nia. A pem vel erawh hmuh tur a awm tawh lo thung.

"Nia, hei a awm țha duh lo lutuk , lo chho ve rawh" rexa duh lo tal vel chelh pah chuan ka ti a, a tal ve fat fat reuh sia, inbual chu hreh ve ngit nget tak ani.

"Ramhuai palian pui te an awm leh lo maw?" nui chunga a rawn tih chuan ka melh vat a, a mit ko min lo san khum ak chuan ka nui tawi tak ringawt. Ka inthiam chiah lo bawk nen han chhan vak ngaihna ka hre lo.

"Khai aw! khai khai khai" tihpah chuan Rexa chu min lo vawn pui a, keipawn sahbawn chuan lo chulh thuak thuak in ka nuai nawk nawk a, a phuan lah chu a per duh viau lehnghal, kan kai deuh nual mai a sahbawn a phuan duh nasa si.

"Khawi le a zo tep e" tih pah chuan tuiin ka tleuh nghal thuak thuak a, chumi hnu ah towel chuan ka hru sawk sawk bawk, a duh lo reuh sia a hahthlak reuh tham lutuk. Kan tifai zo chhuat a kan nghat thla chiah erawh inchhung lam pangin a tlan nghal dawr dawr a, kan nuih zui rah rah thung, inbual hreh ve lutuk mai.

"Ih...hman zan kha i tha em? Chinchang engmah kan in hriat tawn ka si lo a , keimah vang vek ani bawk nen ka tih palh lutuk" tiin Kima bulah chuan ka sawi mawlh mawlh a , ani erawh a nui mai mai thung.

"A ho lutuk, si sen seh ai pawn ana lo" a rawn tih ve chuan ka nui chhuak hak a , a tluk zawi nasat sat nen ve bei bui a.

"I thawh theih tawh loh kha" ka lo ti zeuh erawh a nui leh mai mai bawk. "Thil dang vak zawk alawm" a tih chuan ka melh zuk a, alo la nui mai mai zui. Zawh zui erawh ka duh tawh bik lo. A man a sawi te nih loh chuan.

"I no. min lo pe ve la, chuan Kimkimi pawh kha" a tih chuan ka melh leh ralh a. Kimkimi hi hepa hian a star deuh emaw ni? A sawi tel ve ziah lehnghal. The deuh chuan ka no. chu ka pe a, Kimkimi nen chuan tlai nilum ani bawk a, varanda ah chuan țhu in kan naupan lai hun kan sawi leh mai mai a, a chimawm theih zia ka sawi uar viau laiin ka chanchin sawi tur alo hre ve zek bawk nen nui chungin kan han inhnial leh thing.

Motor a tam vak lo bawk a, tunah tlai dar 3 a ri țep bawk nen, ni e, motor ri ka hriat kha amah ani ngei ang, alo hnai tulh tulh a, kawng pui lam ka hawi thlak chuan Zodinsanga motor ngei chu a rawn tlan chho mek, mahse Ramluahi nen bawk!
Duh leh lo inphur vel mai mai teh se! ti mahila ka chhungril erawh a tawt ru nghal țun mai. Min tlan pelh lai pawh chuan hawi pawh a rawn hawi lo teh hrep hian engvanga la beisei tlat nge maw ka nih le! kei aiin ani kha a thlang tawh alawm!

"Ka chhuk thla phawt ang, zanah hman hunah ka lo la leng ve ang" Tia Kima țawng thawm ah chuan ka harh chhuak thut. Ngaihtuahna kawm veng veng hi ka hrat mah mah tawh ani.
"Nia....lo la leng rawh, thingoui tui tawk ka lo lum ang che" ka tih chuan a bu nghat a,
"Saw i uite saw len a tum ania" a tih chuan a melhna lam chu ka hawi vat a, step lama Rex-a chhuk mek ka hmu zat bawk.


Kima chu mangtha sawk sawk in rang zet hian Rexa chu ka um a, a la tlan ve țuang țuang zui, chhe reuh lutuk. Hall kawt vela rei fe kan in um hnu ah ka um peih tawh lo ka hah lutuk chu ka țhu hnawk a, rang zet hian min rawn pan leh lawi sia, min ti hah hah nen, ka ngei reuh țep ani.



*______*_______*_______*



"Zela pawh naktukah a rawn haw dawn kha" ka pa in chaw ei laia a tih chuan ka bu nghat a. A lungleng ve reuh sia lo haw ve mai mai teh se, a bengchheng ber a zin daih a in pawh a ruak huai in ka hria, rawn haw se mood chhe lutuk pawh a zia deuh ang.


"Rex-a mutna tur hi kha ui khum ang kha a to vak lo, ka pawisa hian ka chah dawn Aizawlah lei tur a awm ang" ka tih chuan ka nu chuan "ho mai mai, chhuat puan phah ila a mu ve thei reng" alo ti leh tlat tawh. Ui neih a duh lohna ber țhutphah vel ah kan lawn tir lo bawk a a phun nasa lo phian. An hmul a tla ve reuh sia damdawi la ngaihtuah sak angai ani. Ui vulh chu taimak a ngai ve emai!


"Harh viau mahse a lawmawm reuh a a zia phian mai" ka pa chuan alo ti ve leh a. "A ek te hi han paih ve la, a zia leh zual asin" ka nu in alo tih chuan Mama te nen in melh in kan nui ruh ruh a, ka pa lah chu ala kham daih zui!


Zanah chhung inkhawm kan neih zawh hnu lawkah kawngka an rawn kik a, phawk hra hian ka lo melh, tu emaw ka beisei ruk deuh vang ani mai thei ani. Mahse Kima te thian ho an rawn luh tak țham țham ah chuan ka lo nuih ve sak a, sitting room ah chuan an rawn țhu ve khup mai. Kan lo kim țhen țhawh bawk nen an zah hmel viau chuan ka hre lehnghal. Ka pa ber chuan alo be leh nghal vat a, ka u te pahnih in erawh room lamah min luhsan ta daih bawk.


Ka u te an awm tawh lo bawk nen ka pa ho a an ti ti an ti ti tak ah chuan tlem in an inthlahrung lutuk pawh a zia ta deuh a an nui ve leh hawk hawk thei tawh. Abela ber chu ka lo chik, A u Rinfela nen chuan ze hran hlawk an ni ka ti lo thei lo, a ngawi chawi a, a sir a lo nuih ve mai mai bak ati ve vak lo, a tawng mawh ve hmel viau mai.


Ti ti a kan nuih ho dar dar laiin kawngka a rawn ri leh a, ka nu in lut tur a alo chhawn chuan Zodinsanga a rawn pen lut leh ta hem mai! Sitting room lama kan lo țhu dul chuan min la melh kual an khui khui lehnghal. Ka pa chuan țhu ve turin alo au thuai a, muang changa sitting room lamah chuan rawn phei in ka pa bulah chuan ațhu deuh khauh a. Ka hma zawn tak ani bawk nen min melh rum em em ringawt bawk si, ve nger ngur zel a. Ka awm pawh ati nuam lo zo leh vek tawh.





*______*______*______*_______*




(Zawmna)



"Bawihi thingpui han lum ta che, hei i thiante pawh hian an duh ang" ka nu'n a rawn tih chuan ka melh kual a, tuman an lo hnial loh avang chuan an duh vek ah ngaiin ka tho chhuak a, Rex-a bawk in min lo zui leh vat tawh. Choka ah chuan thingpui chu ka chhuang mawlh mawlh a, sitting room lamah Au Mama a rawn chhuak phei ve niang a rawn ri ve bul bul a, choka bang sir deuh atang chuan sitting room lam chu ka melh ru khat tawk renga, Dinsanga leh ka u an inbiak laiin ka pa in Kima te thian ho lui kal lam vel alo sawi hmuh mek bawk. Mama leh Dinsanga sawi erawh a thum bul bul si hriat ahar.


A hnu deuh ah chuan mama nen chuan mama room lam pan chuan an kal daih a, ka thaw huai mai. Min melh nasa si min ti khawr vek zel a, anuam lo. Thingpui chawi a ka phei leh chuan an lo nui leh sang hlawm tawh, ka pa chuan an lui kalna chanchin nuih zatthlak deuh deuh kha a sawi leh ani pek ang, an keh hui mai alawm.


"I u te chuan room ah min lo pe mai rawh se an tih kha" ka nu in alo ti zat bawk. "E taka, Zothan U rinfela'n Zothani te chu ka ex alawm, min duh huam huam lutuk a ka ninga ka țhen daih a tia, kan rawn kal dawn khan a sawi a" Zira'n alo tih chuan ka lo ner nang a, hepa zah hre lo lutuk hi ka ngei zawk, LALRINFEL LEH!


" A ka kua a a sawi mai mai anih chu" ka tih chuan an nui vur vur hlawm a, Abela pawh alo nui ve suk tho. Hepa lah hi a u letling thawk-a tih hming te hi nei se a tha ang.


Choka lamah chuan phei leh in Mama leh Dinsanga thingpui tur chu ka siam leh a, a rawn kal ve leh nulh sia min ti awm nuam lo vek eng emaw ti hian ka țang ru țung a ka hahdam mawlh lo ni maiin ka hria.


Mama te room kawngka chu ka kik dawn chiah a chhunglam atangin a rawn inhawng ve chiah lehnghal, Mama alo nui nghal sawng chu ka ner khum chiam ringawt. "Lo va dah rawh, kan inthiar lawk ange" tih sup pah chuan a pen chhuak nghal daih a, Au Valpuia aleng leh daih tawh sia, Zodinsanga chiah a awm lehnghal! Ka lut hreh leh tlat pek, mahse min seh bik nang tiin inti huai chawp in ka pen lut ve thei hram a, Mama te computer dawhkan bulah chuan alo țhu run a, ka lut lai chu hre awm pawn a awm lo, computer chu a bih ve run a, dawhkanah chuan thingpui chu ka va dah a, min rawn en ve vut bawk. "A hang" min melh run avang chuan kan ti leh ringawt a, a va hahthlak thin! Min zawt tawp silo a.


"Nakinah no ka lo la leh a.." tia ka in her rual chiah chuan min lo pawt leh nawk tawh. Min pawt na bawk nen ka duh loh dan ber in a mal chungah ka țhu nghal dawt a, ka tal phat chu a bawp lehlam in min kherh nghal hmak a, ka kawngah a kut pahnih suih zawm in min melh run bawk.


"Ti hian awm ziah suh, Zodinsanga" tih hlar pah chuan ka tal fat fat a, min chelh hneh nasa si tal chhuah mai mai chu kei a tha tlem te ne chuan har ve tak ani. "I mak lutuk!" Min thlah duh bawk silo ka tal chhuak thei bik bawk silo chuan ning zet hian ka ti ta thlawt a, kei a lungawi lo te chu eng ah mah angai lo ani chek ang chu min nuih suk duh lek chauh lehnghal.


"Min ngai nu" a rawn tih sup chuan ngei zet hian ka melh nawn leh ngat a, a mitmeng chu nichin ami ang kha ani tawh lo, ka hmu hahdam vei phian bawk. Nge maw a mizia hi a thlak thut thut zel le!


"I daw thei e a, min thlah teh mi an lo kal ange?" ka kawnga a kut pahnih suih phelh sak tum chuan ka zu ban leh a, a kut phah alian si phelh a harsa lutuk ringawt. Nge maw a sual thiam em em le, a duh a thlang tawh reng sia! Tinge rilru hrehawm tur zawng hian min tih buai reng le...


"Duh i thlan tawh kha! min ti buai tawh lo teh" ka tih leh chuan ka nak chu a rawn țham zauh a, ka la phu zuk zui. "Ni e" tih sup pah chuan ka dar chu a hmui chuan a rawn nawr leh vang vang a, ka țang nghal teu thung. Ni e , duh a thlang alawm mahse tinge kei min la tih buai tlat si, min tih hrehawm hi nuam ati zawk emaw ni!


Ka dar a hmui lum thar thar a a nawr na chu tlem a inla hrang hlek in mim rawn melh chho a, a mitmeng chu ka hrethiam lo, min la hnaih bawk nen a thaw lum ham ham in ka nghawng a rawn thawk khum chuan ka ti ril thleng in a khur ru dar dar thei nia.... "Ka....ih....awm, awmsawn tawh teh, ka chhuah angai" ka tih bah nak chuan min nuih leh suk a, min thlah ve mai dawn emaw tih laiin ka nghawngah chuan a hmui lum hiam chuan a rawn nawr leh pek anih chu! Ka țim sung sung thei hial. Dan vak ngaihna pawh ka hre lo, ka thluak thleng in ati chaw mawlh vek ani ber, ka kut pahnih chu ka hmer ngawt ngawt a.


"Engkim ka hrethiam?" rawn dak chhuak paha atih chuan mitmeng vai riai hian ka lo melh a, a hmui huh hlap chuan a thusawi aiin ka mit ala leh daih tawh. "Kan sawi fel dawn nge? Practical tih ngai chi lam tih i duh zawk?" nuih leh suk paha a rawn tih chuan a hmui ngawt ka lo melh tih ka hre chhuak! Ka zak lutuk takzet! A mal atanga rang zet a thawh ka tum chu min lo la chelh țung zui!

"Min thlah teh" a mit ah pawh ka melh ngam rih lo. Ka inzahpui rual in nep ka inti eng atan mah min ngai ve lo tu hi ka la inkhawih tir thei cheu ania! Mi nep tak ka ni, ka nep ngawih ngawih! Vawiin tlai lawkah nula danga phurh kual lai pawh vawikhat pawh min melh duh miah lo tupa kha ti hian kan in chhungah ngei alakah ka tlawm leh ta tho chu nia, tinge hetiang ka nih bik le!

"Ramluahi ka duh lo, Nangmah ka duh" ka tal fat fat lai a arawn leh sup chuan ka tawp deuh dat a. Mahse ka awih lo vawiin tlai lawkah pawh an inphur kual reng alawm. Eng lemchan nge rawn chan atum ni! Bakah tunah pawh a inah alo nghak reng lo ang tih a hriat hleihnem! 1

"Ka bula i awm chuan keimah chiah mim duh, a bula i awm pawn amah chiah i duh ve tho bawk, Lerh-a, ka duh tawh dawn lo che" tih hlar pah chuan a darah chuan ka chum dawt a, awm ngaihna pawh min ti hre lo! Ka rilru na bawk, thawk apik bawk, min la chelh țung bawk nen a hahthlak emai!!!

"Khawiah pawh nangmah chauh ka duh che" a rawn ti nghet charh a, awih lo fe a ka melh chuan thutak zet hian min lo melh thung. Lemchan an thiam zia hi, best actor award pek hial ka duh.

"Khawiah pawh nangmah chauh ka duh lo" a ti ang chiah a letling chiah si chuan ngeiawm zet hian ka lo ti let a, a thinrim leh viau ang chu tih nak alaiin min nuih suk duh chauh zui.

"Naupang chhia deuh in thil sawi dun ang" a rawn tih chuan phawk lek lek hian ka melh a, ani erawh a nuih zat hmel phian thung. Naupang chhia min tih ka huat vang kha nge mawni! Ve ber bur a. "Min ngaithla la, chuan zanin ah thu thluka i siam anga naktukah min hrilh dawn nia, lo ngaithla uluk la tun bak ka sawi nawn lo mai thei ania" a ti leh sup a, eng tak sawi dawn ni maw? Bakah min thlah duh miau silo a ngaihthlak ve mai loh chuan.

"Ramluahi nen kan inkar ah engmah a awm lo, kan thawk dun, țhian pangngai angin ka en bawk, mahse hmeichhia chuan hmeichhe rilru in hmuh tlang nghal vek zel kha" nui chunga a tih chuan ka lo ner khum nang a, chutah " A ni chu ka thawhpui satliah mai ani! Kan zin haw eirawng min lo bawl na chhan kha chu, kan teacher te dang tlema naupang deuh inpawh deuh bik te nen chaw rawn ei an tum thu a sawi a, chuan lo hnial ringawr chu mawi ka tih loh vangin ka chahbi dahna lai ka hrikh bawk. Mahse in ka thlen chuan amah chiah in alo awm a, mi dangin an țhulh san thu alo sawi bawk...." a tih lai chuan "Dawt a sawi anih chu a" ka lo ti hlak a, ni e, khanu khan remchang amelh chiang alawm. "A nih te pawh niang!" alo ti duh lek chauh lehnghal.

"Chuan i inphal rai ta ami?" ka tih chuan ngei hmel zet hian min rawn melh a! Ka mit ka lo ti che kual ralh thung.

"Chaw ei kham khan a haw mai dawn emaw ka tia mahse eng eng emaw kha ati sek a, hnar haw kha amawi chiah bik lo nen ka en liam tawp! A duh ang ngeiin a riak ta reng a, mahse ka khawih hauh lo nilo ka room ah ka inkalh khum ti ila i awih angem?" nui suk paha min rawn en a tih chuan rum zet hian ka lo melh lui chiam thung.

"Min neih hunah engkim ila hre vek mai ang" ati leh sup a, ka khabe ah a rawn fawh zauh chuan ka phu deuh nangin eng ah mah ngaih loh hmel zet chuan ka awm lui tlat thung.

"Ka nei duh lo che...i lerh emai!" ka tih chuan ka kawngah bawk a rawn țham leh chiam a ana thei si, an kutthlak ana bik tih hi an hre lo emaw ni! Chiam chiam zel a.

"A na nia" ka ti leh hlar a, min nuih suk ringawt. Tlemin a insawifiah ve tak avang chuan boruak pawh a zia awm ve leh deuh e, mahse thuthlukna erawh ka kut ah a dah ve thlap tak kha, engtiang chiah in nge kan tih buai ve ang ni! Rilru chau leh tawt reng reng in min siam bawk a.

" Vawiin ah pawh in la inphurh dawr dawr kha" ka tih chuan a nui leh ringawt. Sawi a tum tawh lo emaw ni! "Zanina question i chhan țhat dan azir in naktukah result i nei dawn ania?" tih paha ka melh chuan anuih azat hmel leh tawh khawp mai.


"Sir Zira amah thlah thin tu kha alo kal lo a, an veng a hla bawk nen ka thlah" ati ve leh ta mai a. Mahse kei erawh in ke in haw tir bauh bauh tur ania ti in rilru chhe zet ka lo pu leh hman tawh!


"E"


"I ti tau dawn ami?"


"Ti tau rual ka ni tawh lo"


"Ti tau rawh....ka thlem chak che" mawl tih hmel zet a ka melh chuan a mit ko min lo san khum uk ringawt.


"Tunge mahni bialnu te ti tau rawh ti ngai?" ka ti hlar a, a awmdan hi mak sak thei leh lutuk mai.Chutah min nuih leh suk pah hian "Nia, ka bialnu" a rawn ti ve sup a, ka țawngsual ka hre ve chiah. Ka țhen tawh tak e....
Rang zet chuan ka tal leh phat a, min lo thlah ve teh mial, ka ding vut chu nui zat hmel zet hian min lo melh run bawk.


"Kan ințhen tawh, ka ţawngsual anih kha" ka tih chuan a hmui a ti pawrh ve zeuh a, chhe reuh mai mai e a!


"Ka kaldawn, Ka bialpa ten min nghak" tih leh a tlan a tlan chhuah ka rual, mim man ka hlau te pawh niang, min man hman ta lo chu nia!


Sitting room a ka phei leh chuan ka nu chuan "Enge i tih chen chen?" alo ti leh mauh mai le! Inleng te room ah ka tawm san daih sia min hau pawh nise a awm ve reng mai e. Mahse phatna mai tur erawh ka hre leh lawk pek lo.


"Nia....ahh...ka pui lawk a" kan ti thla ve ringawt a, enge an tih pawh ka hre tawp silo a, thingpui an lo la in zo vek tawh zui, no ruak chu sengin ka han sil leh zawk zawk hnu chuan an bulah chuan ka țhu phei ve leh a, lui kal an la sawi dawn emaw tih a, college kal stage ah an lo chuang kai duai tawh.


"Papuia pawh hi a che chhe thei teh mai nia" Thantea'n ka pa in a college kal lai a chet chhiatna țhen khat a hrilh lai chuan alo tih ve vut a, midang an lo nui țha thung.


"Țum khat GAC English lecturer hi kan college ah thil pawimawh ti turin alo kal a, hepa hian an lo bem hman pek a, a hnu ah kan lecturer dang te nen khan an kal hrang leh ta sia, a zak asin aw" Thantea bawk in atih leh chuan Papuia ber lah chu at hmel zet hiam alu alo tuai alo tuai ringawt.



"Zirdula pawh hian kan principal alo barakhaih ve tawh tho alawm" alo ti ve nuah nuah a, a va hahthlak hlawm tak. An sawi hmangah an principal a washroom tui lakna chhiat avangin common washroom lam alo hmang ve ni awm a, chu chu hepa hian a thiante emaw tiin alo ti buai sek ani awm e washroom a hman lai chuan , ahnu ah washroom atanga alo chhuak chu alo barakhaih leh bawk nen, an principal lah a rum chi alo ni ve bawk,midang haw hnu ah corridor a phiat tlauh tlauh anih pek chu!


Sawi tur apui an ngah ve nasa si ka pa lah pa ti ti thiam alo ni ve bawk nen an inkawm thei phian mai. Dar 10 rik hma hret in min hawn san ta a, an fel sang sang mai si, ka pa te nen pawh leng leh turin an han insawm vei ngial kha!


Au Mama te pahnih rawn chhuah leh hma chuan mu turin room lam ka pan daih a, Rex-a pawh ka khum sir a mutna ka siam sak ah a mu kawm ve ngal bawk. A khat tawk in ka chhaih leh zauh zauh zel a, mei vai lauh lauh in alo bauh ve chiam zel.

Dinsanga insawifiahna kha ka pawm angem? Ni e, a sawi ah kha chuan dik lo a awm ka rinh hauh lo! Mahse.......khanu khan a atchilh ve bawk sia mipa hi chu zar zar chuan inven seng loh hun te an lo nei ve thin bawk nen ka natna tur kawng ani mai angem? tiin ka inngaihtuah ve nasa...

A tawpah erawh tinge mitmudumi kha kan khua ah kher alo thawh ve tiin ka insawh tau leh nghawng nghawng zel ringawt.
*I mu tawh mi? Ka haw dawn a* tia Dinsanga'n min lo text chuan ka seen a, ka la induh dawn emaw ni! Amah pawn ti tau rawh te ti vel a, nasa mangkheng in ka tih tauh khum zawk dawn amaw ni!


*Min lo thlah ve lawk la..* a rawn ti leh zat a. Ve bei bui a.


*Ke i neih kha, nangmah pawn i kal thei! Val senior pui in thlah an phut dut dut ngai lo, Lulian* ka va ti kher a, engvanga Lulian ti nge ka nih ka hre lo! Mahse ka rilru ah zu lang tlat a, a haw leh ang chu!



*Whatt??*


*Ka mu tawh* tih te in ka va chhang a, pawnlama pen thawm ka hre nghal, Mama nen an inthlah dawn aniang.


*Ok...Muttui* rei fe hnu a a rawn tih ve leh mai chuan ka lo ngei leh si, ka rilru khirh zia hi!



*____*____*_____*


Au Zela rawn thleng thla ta chu kan ri leh chul mai, ani lah mahni inlum na na na chu khawia lungleng hmel aw zawng apu tawh lo, a harh ngaiin ala harh reng hi ni ringawt mai. Mahse chhungkua kan kim a kan hlim leh fu tawh.


Zan riah ei kham chhung inkhawm kan neih zawh chuan ka uite Rexa mawlh chu an um leh hrep mai a, Rexa lah atlan ve țuang țuang sia, a chum bawk nen kan ri rum rum hi ni mai. Ka nu in Au Zela lo khak ve sek bawk.


*Ka lo leng hman lo aw* Dinsanga messagw chu en in ka nui ringawt a, kan awmdan hi engmah pawh ka hrethiam tawh lo. Min la bialnu chei sia, kei lah in ka hanr bik lo mahse han sawi dawt ala awm leh loh vang hian ka la inthlahrung ve deuh emaw....Bakah a zawhna pawh ka la chhang lo hrim hrim.


*Ok* tih te mai ka thawn a, a sa leh teh ang chu!


*Min ve ngai lo ve* a rawn ti ve leh....ka ngaih ka hre lo a ka ngaih loh viau lah ka hre hek lo....ka bulah awm se chu nuam ka tih tho chu ka ring.


*Rex-a ka nei lawm* ka han ti teh daih a.


*Ui cho maw?* a teh bawl zel a....Misualpa hi!


*Ui.....cho a tello*


*Kei aiin a pawimawh zawk ami*


*Ka duh ber rih tunah chuan*


*Hremna ka pe ngei ang che* Hepa ve ziah lah hi!


*Nge??? Rexa te chu a fel lutuk * Ka han ti let vat a.


*Kei mahnilo thildang duh suh* A thikthu chhe berrrrr.....


"Kan mu mai teh ang" au Zela'n tui in khawlh khawlh hnu a arawn tih chuan "Va mu teh i harh si" ka lo ti let thuai a, min melh rum tha khawp mai. Ka nu leh pa room lamah an awm tawh bawk. Au Valpuia erawh leng reng a, Bialnu nei niang!


"I uite hi asa tui ngawt ang, lian vat var se" a rawn tih chuan ka thutna bula lukham te chuan ka vawm dawta, alo la nui heu zui. A tar thih thleng ka vulh dawn.....


"Negro pa leh Sap nu chan dunna movie thar ka en phawt anga, mut atui sawt ang"a tih zui chuan "Movie thar mawi
? En tur ka hre tawh lo rap a....a hmuhnawm em?" ka lo ti leh vat a. Min melh khui khui in a chek hlak ringawt.



"Min lo pe ve teh, ka room ah khan ka pendrive a awm kha" room lama a phei tur chu ka ti zui leh a. A sual sia min pe duh kher ange maw.Chutia ka au leh hnu chuan a rawn leh hawi vut a "Hmeichhia in hmuhnawm an ti ve lo, mipa leh hmeichhe in kungfu lawm, i à sia" a rawn tih leh chuan ka lo melh rum hrep ringawt. Action lam te chu a hmuhnawm ka ti ve reng.



Min pek ve phal tak siloh ah chuan Dinsanga hian anei mial ang tiin ka han dil ve leh....Movie en tur ka van tawh em ani...khawhar ahnem ve sia.



*Negro leh sap nu chan dunna movie hriat i nei em?* ka han ti teh tlawng a, rei vak lo hnu ah a rawn seen ve mai bawk.



*Ka hre lo le...englam nge?* a rawn ti ve leh mai a...



*Action lam.aniang, au Zela'n min pe ve phal lo a, kungfu lam ati* ka han tih chuan a seen a , mahse min rawn reply mai lo. A hnu deuh a call a rawn lut leh ta thung.



"En ve miah suh ang che, khatiang" ka lak rual rual in a rawn ti nghal tawng a, a aw ah erawh a nuih azat hmel ka ti.



"Ti maw? Movie en tur ka duh ve lawm?" ka lo ti ve leh hlar thung.



"Awww....a en lo la ni mai" a rawn ti leh nghut mai. A va ho mai mai tak ka en awm tho emai.


"Ka en ve chak alawm le a thar te chu!!! Ka en dawn tho tho" ka lo ti let ve leh hlar chuan au Zela ang mai a rawn chek hlak a!



"A va mak tak! Puitling film a sawina nih kha" a rawn tih tak bawl ah chuan ka ngaihtuah chiang ve ren ren hnu ah ka inrin hma hauh in ka țe chhuak chiam ringawt!
"Zodinsang!" tih hlar pahin ka dah daih a.Rang zet in Au Zela room kawngka lamah tlan phei in ka va chum dawt dawt a, kar lo ah a rawn hawng ve zat bawk



"I va sual ve....min ti zak lutukkkkk mawla leh! Ka zak lutuk" tih pah chuan ka chum chawrh chawrh a angaihna hriat loh hmel zet a min lo en chuan vawi khat na deuh a chum leh chawh in ka room lamah ka kal tau nghawng nghawng a. Rizai hnuai ah mahni in ka au thul, ka țhen leh chawk chawk thin bawk.


Puitling film en chak in ka lo nuar ania!!!!!
Lalthanzela vang vekkkkkkkk......Ka awmdan hrehawm zia hi, ka zak bawk si, ka mawl ka inti bawm si.....Zak tak ka nj ringawt mai!




●A tawp!!!!!! Ka mut a chhuak ve tawh lutukkkkk....in hrethiam tlang leh mai ang u

[Ngaia]

Chapter ~ 23


Saturday chu nilengin in kan ti fai leh a, Au Zela'n a khat tawk in min ti buai reng bawk, a ninawm......Rex-a lah tukverh a thlak te a tum a, kan in vaw lo chauh tawh. Ka nu in a rawn hauh lah chuan a sawi lai chiah in a ninhlei/inhlei lo tih theih ani.

"Sapnu leh negro pa movie chu ila duh em?" darthlalang ka nawh laia ka beng bula a rawn tih su su chuan ka puan chhe ken lai chuan ka lo vaw pawp a, a tlan chhe zui chu ka hmuh remchan ber cola bur ruak chuan ka vawm zui pawp a, a rawn la nui sawng te chu ngei zet hian ka lo melh.

"I ui te hi ka vawm ve dawn?" a rawn tih leh pek chuan "Nu...Lalthanzela hi!!!" tiin ka nu bawk ka au leh ta chul a, ka ning thawkhat lutuk mai. Ka nu in a vawi engzah nan emaw a rawn hauh leh tak ah chuan "Fapa fel ka nia lawm" an lo ti leh thluam lawi a,
a va chhe mai mai tak!

"Hla ngaithla ang aw....chhuat hi kan nawt ve turh turh ange! In awmpuipa hian" ti leh kher in bathroom lam apan a, ka nu pawn a melh no teh chiam lo! Che over thei lutuk....


Chhuat nawt pah chuan a zai ang lung lung a, tv bula woofer kan dah ah chuan Kimkima hla chi hrang hrang chu play in a sak pui vei lung lung a, a chhuat nawh lai tawp meuh a a zai phei chuañ ka nui chhuak tawp ringawt. A za thlawt.....a awmdan zawng zawng nen sawn, kan nuih a za tih a hriat vang nge rum deuh a min rawn en in an zai lui leh chiam pek a, ka nu pawn khak mahse a nuih ru ve tho.

Kimkima zaithiam hi a duh ve ngang ngang bawk a mipa mahnise a sak pui leh ruah ruah mai. Sarah i zunzam tih asak lai phei chuan sarah ai ah Lydia an ti ngei a, tunge maw alo lydia ve leh ngawt ni. Kimkimi thiannu a star ve deuh nu kha chu Ruatfeli ani bawk sia, Champhai lamah alo han hung ve leh luau tawh aniang.

Sarah i zunzam chu a sak pui zawh chuan an play nawn leh ngat a, "Rex-a api tan zai ang aw....I pi em em i tan" a rawn tih chuan rum zet in ka va melh leh a.Engah mah ala ngai lo zui.


*Fam Țanpuia'n hmun tlang veng ah khian
hmangaihna zunzam a awm lawm ni? tiin
*A awm ngei e, mual tin kil tin thleng in
*Rex-a pi pawh zun a mawi an phuar si...

*Din**** i zunzam ani....


A rawn ti chiah chu ka va tlan phei nghal, inchhungah chuan kan in um kual char char ani mai, ani aia nghal mihring hi ka.la hre lo......

*____*____*_____*


Tlai chaw ei lai tak ngial pawn hmm hmm hmm hmangin min rawn la sak khum hram a, kan insual lo chauh tawh, Mama te pahnih lah chu min chhan ve a hnek in an lo nuih pui ru țuț ringawt, ka va ngei hlawm thin tak!

Chhung inkhawm zawha Dinsanga nen kan inbiak chuan a khawsak dan vel chu ka hrilh ve a, ka ang bawrh bawrh ani mai, ani lah chu alo nui ve tho, nge maw an nuih reng le!

"Nui rawh, nui rawh.....nui zo vek rawh, ka dah dawn ania" ka tih hlak hlak chuan ala nui tho. Ngei zet in ka dah san hmak a, alo call back zat nangin ka la dawn tawh teuh lo....a nui reng si ka ning!


*I ti tau ami?* a rawn ti ve ngial, chat ah.

*Aw*

*Ti tau suh, kan awmdun lai chauh in ti tau rawh* a rawn ti leh thawr. Ka thu thu....

*Ka thu ber* enga mah hma a phone rum zet a melh pah chuan kan ti a, ka ngei leh thut zel, inngaizawng dang te hi an ni ve nge maw? A chang hian hei, ka sawi thiam lo ka pms dawn vang te pawh hi a ni mai thei! Ka mood in thlak kual nasa lutuk thin hi. Țum khat kan mikhualpa ka ngei tlat kha hrehawm ka la ti ber, a zaidam ve sia a țawng duh ve tho bawk sia mahse ka hne tlat bawk a țha deuh deuh khan min be mahse amak lutuk ka haw vel vek ani mai, khami țum kha chuan keimah tak pawn hrehawm ka ti....

*Inleng i nei em?* a rawn ti teh daih a, ka sual a chhuak leh tlat tawh.....

*Nei lo mahse keimah ka leng* a in blue tick hnu lawkah a call a rawn lut nghal, a awmdan tur ngaihtuah in call lah chh ka chhang chak zek zek zui .

"Aw" ka lak rual rual chuan ka ti nghal tawng a.

"Khawnge in kal? Zan zanah hmeichhia an chhuak ngai lo, haw rawh" a rawn ve nghal bur bawk! Tih der te lah hi anuam ve thin sia..

"Mi kawm karah kan vak mai mai" ka ti let erawh a rawn rum deuh nghut mai.

"Khawnge in awm? Ka lo hruai ang che?" a rawn ti nghal nghut a a che deuh vut vut ri ah chuan a in siam anih ka ring thiam nghal. A va han hahthlak thin tak!

"Ka tih der che.....inah ka awm reng" nui hak paha ka han tih chuan a pen thawm chu a tawp chawt a, a thaw hakh ri ka hre zawm bawk. Kei erawh ka tih der awlsam thei lutuk chu mahni in ka nui ver ver mai.
A rilru tur erawh ka hre miah lo, a thinrim leh ngawt ang chu....min vin hrep in ring chuan nui ru deuh tho siin ka lo ngaichang leh ran bawk.


"Min ti hlauthawng alawm" thaw chhuak deuh halh paha dam zet a rawn tih leh chuan a aw ah chuan a tih tak zia ka hre thei hial in ka hria. Min ngaihtuah tak zet hman tih hrethiam lo tur in ka à bik lo bawk.


"Khatiang zawng chu fiamthu tawh lo la" a rawn tih zawm leh zat a, a zaidam ta lutuk chu ka lo nui var var ringawt! Hetiang hi ka beisei chu ani teh meuh mahse a thinchhiat pawh khan ka duh, a thikthu a chhiat ngat phei kha chuan a pawi lo chin tur ah ka duh tho tho. Bakah mipa mahnise zep leh i vel anei ve ngai miah lo a, a phone a lock lo a, ka duh hun hunah ka check sak reng thei a, ka ngaitha viau bawk.


"I lo leng dawn em?" nui paha ka lo tih chuan a thaw ham ham a, "Hna tlem ka la nei a, naktuk ah leng dun zawk ila" a rawn ti leh daih a. Tun lawkah pawh lo kal a tum reng sia, mahse pawilo ka hman lo atih te chuan a fel deub tawh bawk a ngaidam ve leh hnap mai ang.


"Min ngai lo ve siah!" ka lo ti fiam leh hlak a, "Chu lam ani lo, naktukah hun thawl nuam deuh hman ka duh vang zawk alawm" a tih chuan ka lo nui leh ta ngawt a, fiam anuam dawn riau in ka hre lehnghal!


"Dah rih la, hna chu thawk rawh, nakin ah mut dawnah min lo bia la" ka tih chuan kan inbiakna chu kan ti tawp ve nghal a. A mizia tlem a dang ve deuh nangin a la țha famkim tho keima mit hmuh ah chuan, midang in an rawn judge ve angai ka ti lo bawk, ka ta , keima tehna ah a tlin phawt chuan midang tehna chu engzat a tam emaw tlem pawh lo ni mahse kei aia rin ka nei lo ve teh tlat! Pathian tih loh ah!


"Mate...." ka room kawngka a rawn dak dek dek paha au Zela a rawn tih chuan ka melh ve vat a, a lu chauh a rawn rawlh lang ngei lehnghal! "Enge?" ka lo ti ve mai a, nichina min fiam laia ka mood chhe lutuk ang em em kha ka nei tawh lo.


"Kungfu film i en ve duh em?" a rawn ti leh pek, rang zet in lu kham chuan kawngka lam chu ka vawm dawt a, ani erawh alo chhuak fel der tawh ka room kawngka bulah ala nui chiam zui! Hepa mihring nih tlin lutuk bik hi chu ka haw thin!


*_____*_____*______*


Biak in dar a rik tlang tlang chuan Mama leh Au Valpuia te nen chuan kan inzui ve leh țham țham a, Au Zela erawh nichinah a țhian te sawm tur in a kal vang vang tawh! Ka nu leh pa lah kohhranah hruaitu leh eng enh emaw nihna nei ve an nih thin avang hian an kal hma thei fu bawk.


"Mate Dina hi inkhawmpui ah rawn la sawm rawh aw?" Mama'n a rawn tih chuan kal pah chuan ka melh zauh a.Ni e, Miss Vempuii boral hnu lawk atang in hepa hia. kohhran thil reng reng a thlah vek tih theih ani, hruaitu te'n han sawm chhuah tum teh thin mahse an hlawh chham zel tih pawh ka hre ve! Pathian a dem tlat ani ber ang chu Miss Venpuii atang khan! Mahse kei Pathian beram te zingah pawh a var nilo a dum pawh ni chuang lo a țial ani hial ang tih tur hian engtin nge ka hruai ve thiam ang ni!


"Aahh! A luhlul emai, hruaitute pawh an beidawn tlawk tlawk na kha ani ve a, ka thusawi chu angaithla bik awm teuh lo e" ka ti sap a, ni e, Miss Venpuii hming sawi lan hrim hrim hian amahah nghawng ala neih nasat zia ka hria, chuvang reng chuan helam amah telna lam ka sawipui chuan a thinrim leh mai ka ring ani.


"I tum hma in i beidawng nghal dawn tihna maw?" Au Valpuia zawk in a rawn tih chuan ka lu ka lo thing na na a, " Chutiang mi ka ni lo, mahse amah a inpeih hun a dam fel hun nghah ala ngai in ka hria, tunah chuan damlam apan mek tih chauh ania, hmanhmawh vak angai ka ti lo" ka lo ti ve leh mai a. Hei ai hian tlem in min hnaih leh zuak deuh se chumi hunah chuan engkim a thleng ang!


"Nia, khua tlai tak tak a awm em lo ang chu! Mahse tur ang zawng nilo in sawi lang ve zeuh zeuh la, amah pawh zawi muanga alo in buatsaih ve theih nan" Mama zawkin a rawn tih leh chuan ka lo bu ve mai a, Biakin kan thleng nghal mai bawk nen kan sawi zawm ta lo!


Kan inkhawm ban hnu lawkah Dinsanga'n min lo call teh vat a, amah chauh in ala awm bawk nen a khua har ve deuh aniang! A naute an chawlh lai ni ve tho mahse sawi tawh angin apa hnathawhna lamah an chho dual a, ani erawh ti hian an hnutchhiah anih tak ber hi!


"Hi" ka lo ti var a, ka sunday kawr chu phelh sawk sawk in ka t.shirt chu ka in thawlh pah zat bawk!


"In ban tawh chuan ka lo hruai ang che aw" a rawn ti nghal thawr a, mahse ka hnial hran lo, ka nu leh pa kohhran thil ah an chhuak leh daih anga, ka unau te lah sunday ah hi chuan an bo ve leh duak zel bawk nen mahni chauh a awm rek rek ka peih bik lo e a!


"Umm, mahse thingpui pawh ka la in lo, in ka thleng chiah a" ka ti let ve zat a, ka pheikhawk chu ka hlip leh pah mual mual a.


"Pawilo, nakinah i in mai dawn nia, ka lo chhuak dawn chiah" a rawn ti leh tawp tawh! A duhna ah hi chuan a nghak ve melh melh thin lo khawp mai.


Kan in alo thlen lai chuan rex-a nen bawk kan lo infiam leh mek a, nur nanga chhuat a ui nen kan in bawh min rawn melh chuan ka lo nuih tlawm ringawt a, mahni bialnu te chhuata ui nen an lo inbawh uai uai chu hmuh anuam vak lo aniang!


Ka pa te nen chuan an inbe luam a, kan inzui ve tih hi chu ka chhungte hian an hre ve bawk tak na in engmah an sawi loh avang chuan an duh ve niang ka ti ve mai bawk, an be țha ve tho bawk nen!


"Khawnge kan kal dawn? Rex-a pawh hruai i phal silo" motora kan țhut luh hnu chuan ka ti nang nang a, mit ti hniam khui in min lo melh thung! Rex-a hi a haw ve em em ringawt hian ka hre deuh thin, a ve leh ringawt thin hian ui te mai mai ani sia!


"Ui mai mai!" alo ti duh lek tak tak bawk! Ka fapa ti fiam leh ngat ila chuan min duat leh hlak dawn tih ka hre sia ka hmui ka veng rih ta mai! "Khawi ah maw kan kal dawn?" kan ti tha leh a!


"Kan inah" alo ti ve sup mai bawk. An in hi tlem in khua ava fal deuh ka tih tawh kha, ramngaw lam hnaih ani bawk tak nangin a thaw venga a nuam em em thung. A chhungte tumah an awm lo tih ka hre ve tho a, ka zam hran lo, pawi pawh ka ti hran lo in ka hria, Ka bual awm hi Dinsanga luhlul si, thu duh bawk thikthu chhe bawk kha ani miau a, chuan hmeltha leh pa bawk


"A fal a kan awm tur chu i va hlim awm ve" ka ngaihtuahna vang chuan ka lo nui pek chu niin ava zia lo thin tak! Han tum tha leh eng ang pawh ni ila min nuih dawn tih ka hria vang in Rexa bawk ka pub leh a, ka ui te sawi tawh hi chuan zu țawngtha duh lo ve ringawt zel a, a buaithlak thei ania! Ka thawmhnaw ka kawr ka pheikhawk ka bula awm tawh phawt hi chu thik vek atum aniang! Che over thei lutuk mai.


An in kan thleng a kan kut chiah chu alo dai dap sia anuam leh heuh heuh khawp mai thlang lam tukverh alo hawng lawk bawk nen thlifim alo thaw lut heuh heuh a.
"Ka ril țam eee" ka hnunga ding run pa melh let zauh paha ka tih sap chuan a nui suk a, min pawm kang lawp in choka lamah min phei pui nghal mai bawk a, lawmthu sawina ni pah fawm in abiangah ka lo fawp zauh a, chute mai pawh chu ati hlim tih hriat tak in anui ve reng mai.


"Enge i ei duh? Mahse siam thiam ka nei tlem ania" dawhkan chunga min nghat dat paha atih chuan ka lo nui hak a. Gentleman deuh in ka ei chak apianh asiam thei dawn emaw ka ti hman asin le!


"Ka hre lo le, enge i neih reng reng" ka tih chuan bo hmel deuh hian a hawi vut vut a, an chhuar ahan hawng thawr a, mahse eng eng emaw a awm ve in ka hria,ka hmu thei vak lo nangin!


"Didiki ta aniang Cup noodles a awm nual, a pack pangngai nen, chhang lam eng eng emaw biscuit vel a awm bawk a" tiin min rawn en a, "Cup chu ei ang" ka lo tih vat chuan bu zauh in a ban ve mai bawk a, pahnih keng in dawhkanah a rawn dah deuh dat a.


"Artui i nei em?" ka tih leh chuan fridge chu ava hawng leh a, artui pum hnih alo lek va va chu nui chungin ka lo buk khum ngat bawk.


"Tukin ah enge i hmeh ? "Dawhkan atanga chhuk paha ka tih chuan a ngawih deuh vang vang avang chuan ka va melha , sawi tur mai hre lo hmel apu in ka hria,
"Chaw ka la ei hleinem" a rawn rih chuan phawk zet hian ka melh a, min nuih lui suk ringawt!


"I pum a tha lo anga sin! Chaw chhum i thiam lo mi? a harsat loh loh nen, chaw chhum la artui kang la, purun sen emaw var te tomato te zai la ei pah mai mai la , a tawk reng alawm ei loh ringawt loh tur" a tawp lam chu ka ngaihtuah zia hrethiam ngei se ka duh vangin ka sawi uluk zual khawp mai! Thil a ei that loh vang ani chek ang chu alo zawi ngiai zel ni, ka sawi awmzia chu a dul, amitmeng adul ang hi!


"Chaw ka chhum hlek anga eirawng tlem ka bawl lawk sak ang che ei ngei ngei tawh ang che" tih pah chuan ka hawi vut vut a,
"Khawnge cooker?" ka tih chuan a awmna lai chu min lo kawhhmuh vat a, eng awmna mah la hrelo ta chu min rawn hrikh ve zel bawk. Chaw chhum dan te chu uluk zet hian ka hrilh ve leh a, angaithla pawn ka hre lo min en reng ringawt!


"Zodinsang! Min en reng suh, hei i thiam tawh mi?" ka tih chuan anui ringawt sia, ka va ngei thin tak! Mahse ngei na lo chi in



Chaw chu ka chhuang rawk rawk a, an fridge te chu ka va en a, chawhmeh lah chu a nei ve ruih sia, siam lah atum der silo! Dal chu ka kan sak hram a, frozen food alo nei ve nual nen ka siam sak lawk ve chiam tlai ah leh naktuk vela ala rin theih nan, a chhungte reng reng pawh amah chauha an kalsan te chu ka ngei lek lek tep! Ti hian riltam deuh in a awm reng awm sia, sunday phei chu dawr inhawng an awm tha ngai mang silo! Chaw hmin hnu chuan cup noodles zawk chu ka siam leh a, artui chu noodles nen ei pawh tur chuan ka chhum leh bawk!


Ka che vel ngun zet in min lo en a, nichin khan siamsak min tum ve ngei sia, mahni ta tur pawh siam thiam lo pa hiam! A mahte a akhawsak dan ka ngaihtuah chuan ka lainat ringawt! A naute tal chuan awmpui ve tur ania!


"Ka lawm e aw" ka dula akut pahniha hnunglam atanga min lo kuah paha atih chuan kalo bu nghat ringawt! A hma zawng khan engtin nge a awm ang tih ka ngaihtuah a, ka lo ngaihsak lo lutuk te chu ka han in hau leh rih!


"Chaw ei ngei ngei tawh rawh aw....a chhum dan pawh ka hrikh tawh che kha, ila thiam loh chuan min lo zawt la ka lo hrilh zel ang che, pum tha lo neih a awl sia, anih loh pawn kan inah te i lo ei daih dawn nia" ka tih deuh halh a, ka aw te chu a lawi lek lek ringawt! Tinge maw ka rilru hi ano em em ve ringawt ni! Ka thusawi vang nge a rawn nui suk a, ka nghawngah a hmui a rawn fawp zauh in ka biangah a rawn fawp leh zeuh a, "Duhawm lutuk nu" a tih zui sap chuan ka lo ner der ringawt!



Cup noodles ei tho mahila a hang sia chaw chu kan hmeh tel leh tho a, ril a tam vawt vawt bawk a, ká ah eitur a awm rei hmam meuh lo an liam duak duak mai


Kan ei kham chuan kan ei zawhna ruak chu en in kan innuih tawp! Chaw kha no.1 leh tlem kan chhum ania kan ei zo thelh, kei tak chuan ka ei tam lo Dinsanga zawk hi mipa ani bawk a a chawlak ana ve khawp mai! Riltama awm phei kha chu a hrehawm bik ngawt ang!


"I puar em?" a rawn tih sup chuan rang zet in ka lo bu nghat nghat a, kan thil eina kan chinfel hnu chuan sitting room ah ka thu dun leh ren rawn a, awm fal hlek tawh chuan mipa kut aia ninhlei/inhlei hi a awm thin lo, ani kan tv en chu alungkham lo khawp mai. Min fawo khat tawk renga , nghet zet in min kuah leh thul!


"Lo hawi teh!" a rawn tih sup chuan ka va melh vat a, chiang zet hian min lo melh let ve mai bawk. "Ka fawp chak tawh che" a rawn tih sup chuan ka lo ner nang nang a.... "Ka movie en a hmuhnawm rih, kinahhh" ka lo ti ve ngial nangin min fawp zui leh ta tho. A hmui lah chu a hmang thiam leh nasa tawh. A dam viau emaw tih laiin a duhthawh leh viau a, a kut a hlei tel bawk nen ka awm chu a thleng rang viau mai! Ka hai chial tawh nilo nuam tihna mak tak ka nei ti mai ang, nidang ai mahin ka phur zawk hial!


Ka thiam da tawk a ka chhan let phei chuan kan duhthawh dun ta lutuk chu boruak kham lo ang mai kan ni, enge thil tha nia tha lo, engmah ka ngaihtuah thei lo, ka kawr chu a rawn hnawl tawm chho leh hrawk a, ka awmbawr a fawh a tang phei chuan awmngaihna ka hre lo, awmdan ka hre lo ani mah bawk mai thei.


Vawi lehkhat ah min pawm tho nawlh a, a hmel chu a sen vek thei hial, min fawp zui leh mawlh mawlh pahin room pakhat ah min hruai lut a. Chutah ngei chuan dai ngai loh te dai a , fan ngai loh te ram kan fan tak ni! Hmeichhia ka nihna a ka neih ro hlu ber miin zahawmna an tih thin ngei mai, pasal te hnenah chauh hlan tur a siamtu Pathianin a duan lawk ngei chu ka hlan tak ni!

Engkim a thlen vek hnu a ka mittui chuan engmah a ko kir thei lo a, a sawt hek lo! Ka nu leh pa ka unau te ka hriat chhuah meuh chuan khua a tlai mah mah tawh ani!
"I tap ami?" hnunglam atanga ka taksa ruak kang rawn kuah lum tu in a tih chuan ka chhang thei lo! A hrehawm ka tia mahni bak indem tur ka awm lo bawk!


"Ka tihpalh aw, keimah zawk ka insum zo lo anih kha, mahse min ring rawh aw, ka kalsan miah lo ang che" nghet zeta min rawn kuah leh zual in ka dar ruak kangah chuan a hmui lum thar thar chuan a rawn fawp zauh a, ka lo thaw chhuak halh thung.


"Ka inchhir dawn lo, nilo ka inchhir lo ang, engmah ka siamtha thei tawh dawn chuang lo, chuvang chuan a ai tha a nun ka zir angai ani" tiin ka infuih ru mawlh mawlh a, Dinsanga pawh chuan kalsan hlau ang maiin ka hnunglam atangin min kuah nghet hle bawk!


"Ti hian inru mai ang aw!" a rawn tih nghut chuan ka che dawt thei!




•~~~~•~~~~~•


Duh leh lo che vel mai mai teh se Story mood pakhat mah nei lo a type harsat zia hi aw.....Hla nalh deuh a mood a chen veng veng paha ziah theihna tur inhriat chuan min lo hrikh teh u aw

[Ngaia]

Chapter ~ 24



"Ti hian inru mai ang aw!" a rawn tih nghut chuan ka che dawt thei!


Chutiang em tur chuan ka la inpeih em silo, amah ro ro a hi ka duh lo pawh ani lo mahse keimah ah hian eng emaw ala awm! Pasal nei tur ang maia ka inngaih ringawt pawh chuan ka la zuam hlawl lo! Ka mittui rawn tlak ringawt lai ka hre lo, ka chhungte ka ngaihtuah chhuak tlai lutuk te hian min tina, an rilru tur ka ngaihtuah ngat phei chuan mahni inthiam lohna nasa lutuk in min tuam a, ka țap chhuak ta ngawt! Nghet zet chuan ka hnung lam atang chuan min rawn kuah bet nghal run a, engmah sawi lo mahse min hnem tum tak in min kuah nghet hle thung!


"A nà mi?" a rawn tih sup chuan ka lu ka thing ringawt a, ka taksa lam ai mah chuan ka chhungte'n ka thaw an ti pik zawk! Kohhran rawngbawltu nilo Upa meuh fanu ka ni a, ka chhungte zahna ka thlen theih dan zawng zawng ka mitthla ah a rawn lang a, hmangaihna leh duatna engkim min pe tute ka rulh let dan tur ka ngaihtuah hian ka chhung ril hi ana tak zet!


"Țap tawh suh le! Shhh" tih pah chuan ka samah a rawn fawp leh vang vang ringawt thin. Keima thiam loh anihna chen a awm ve tih ka hria! Ni e, ka dang thei miau lo a, nilo phur tak in ka lo pui zawk anih kha! Khang hma khan ka chhungte engvanga lo ngaihtuahna chang hre miah lo nge ka nih?
Hetiang hian ka tawn ang tawng ve te hi an na ve kher ngai angem le? Ka na a hlauhna leh manganna in min chim mek bawk chu ani si a.


"A țha vek ang! Ka kalsan dawn lo che nia" rawn ti leh sup in ka sam karah chuan a hmai a rawn phum vang vang a. Kei erawh ngaihtuahna buai tak in ka rilru a vak kual ruai mai, kil tin a dap lo thei lo a, a chhe ber tur thleng a ka ngaihtuah phei chuan a hrehawm ka ti.


"Dinsang" ti țiau in ka insut leh hlap hlap a, a lam hawi tur chuan zawi muangin min kuai her a, mit phe ruai a mit ah tak ka melh takah chuan a mitmenga min ngaihtuahna leh min lainatna ka hmu zat a ka rilru no a chhuak leh pek. Ka mittui dir zung zung avang chuan a kut lum thar thar chuan ka hmai chu rawn khuap in min tuai hul sak thuak thuak a, "Min en rawh le! Țap tawh lo la" dam zet hian a rawn ti leh sup a, insum ka tum na lamah te chuan ka hrawk a thip hlur thei!


"Tun bak kha ka nupui i nih hma in a thleng tawh lo ang" a rawn ti nghet charh a, "Keima thiam loh na chen pawh awm ka insum phal ngang lo ani, mahse ka hmuhsit phah lo che ka ta chauh i ni tawh tihna anih kha! Ka inchhir lo ania, nangpawh inchhir miah suh, amaherawh chu kan thil tihsual man erawh kan tuar ve angai dawn a, i kiangah ka ding reng dawn ania" a ti leh sup a. A thil sawi chu ati mai mai lo tih chu a hmel hmu ve tu chuan in hrethiam ve ngei ang, "Min ring em?" a rawn tih leh sup chuan la memg phe ruai chung chuan ka lo en reng a, a mitmengah chuan amah ring tur a min duh zia chu ka hmuthiam ve chuan ka hria.


"Min ring tirawh?" ka bianga rawn chul zauh paha a tih leh sup chuan thawk lak halh pah hian ka lu chu ka ti che zauh a, thaw chhuak halh in ka biangah zawk chuan a rawn fawp vang vang a, a awmah chuan min hnuk hnai in nghet zet in min kuah vang vang a. Sawi tur ka hre lo, engkim hi amak, mit khap kar vek a thleng vek atan chuan! Hepa lakah hi chuan hmeichhe sih hnip leh zuam awm tak pawh ka lo ni thei, mahse ka chhungril hi ka dang thei miau si lo alawm, a chang chuan maw, ka huat dan em em a awm te hian kalsan vang vang te ka duh ve lutuk, ka kir tawh lo ang ka ti fo mahse a harsa tih hian ka sawifiah thei lo, hepa kalsan tur hi chuan a chhan ho te avang chuan ka thei lo ka kalsan thung erawh chuan thil ho mai mai erawh ani lo thung ang, chu thil chu thleng lo se keipawn ka ti! Ka tan chuan mipa zawng zawng zinga he thinlunga hmasa ber kha ani tlat a, ho te vanga kalsan harsat tur zia chu a tawng te bakin min hriatthiam pui kher lo mai thei.



*______*______*______*_______*



"Bawihte" tia rawn tawng chu ka hre vuai vuai a, mahse ka mut chhuak lutuk vang chuan ka meng thei hlawl lo. "A tlai tawh ania" a rawn tih leh pawh chu ka hre mumal vek anngin ka tho peih lo lutuk chuan mutthilh chu ka la tum fan a.


"Dar 5 a ri tawh ania" tia thil lum ther ther in ka nghawng a rawn sik chuan lo namsawn tum in ka kut chu mengmang hlei lo in ka lo phar chhuak a, kut bawk in a rawn hum hnan leh chiah chuan ka thaw halh a, zawi muangin ka meng ve ta hram!
"Thawh a hun tawh takzet ania" rawn ti leh dut tu aw lo chhuahna chu ka melh vat a, ka hnung chhawn lam ah ka inher chuan Dinsanga nen hnai zet ah kan inmelh nghal kal mai! Phawk deuh fe a ka melh haw reng lai chuan hre chhuak thut hian tukverh lam ka en phei vat a, khai!


Khua chu alo hnim ruih tawh a, ka țhu chhuak nghal hlawl bawk! Haw ka ngai tak alawm. "Tinge min kai tho vat ta che?" rizaia in tel hlun chung chuan ka ti hlak a, ani erawh kekawr bul leh shirt alo ha diam tawh. Ka thawmhnaw zawng chuan ka hawi kual nghal vut vut a.


"Hmanhmawh vak angai lo, i nu te bulah heta chaw i ei tur thu ka sawi tawh alawm?" a rawn tih sup chuan ka melh vut a, dawt sawi hmel ala pu hauh lo lehnghal. A va à thin tak! Ka chhungte chuan lo phal mahse an lungni zan erawh ka ring lo khawp mai! A buaithlak thei eeee....


"Lo va chhuak rawh ka inthlak duh ania" Ka tih leh vut chuan ner nung nung hian khum atang chuan a ding chhuak ve mai a. "Min zah vak duh suh, ka ta tur vek anih kha" rawn ti leh hram in a nui vei suk lehnghal! Ngei zet a ka melh ram ram chuan "Ti chiah khan i sexy ka ti" a khabe tuai rauh rauh paha a rawn tih leh chuan "Chhuak vat teh!" ka lo ti hlak a.Nui hak in a chhuak ve leh mai bawk. Min chhaih fiam hneh sawh thei lutuk te hi ka ngei lek lek thin!


Ka thawmhnaw ho chu thlanglam tukverh bul dawhkanah chuan alo in thlep țhap a, zu ban vat in ka ha nghal sawk sawk bawk. Mipa mahni chauh a awm hnen a chaw hial ka ei chu min zilh deuh pawh ka ring! Ni e, kan thil tih ka ngaihtuah phei kha chuan mahni ah inthlahrunna a awm lo thei silo ka thaw leh hliai thin a, a bak tih vak ngaihna ka hre silo.


"Lo phei la, chaw ei ang!" Choka luhna bul atanga a room atanga ka pen chhuak ngun zet a min ko melh hrep hnu chuan a rawn ti leh sup a. A mitmeng chu a dam phian lawi!


Choka chhung ah kan inzui luh chuan dawhkanah ei tur alo chhawp ve dul a, a tam zawk chu chhunlama kan siam dun ho kha an ni bawk. Chumi lo erawh chu artui kan, artui chhum....Hah! Ka nuih aza ringawt lehnghal, a siam thiam ve chhun chu ani ngei ang. Chaw pawh a chhum dik ve fu, mahse eng emaw hian min kam run bawk nen ka ei tam thei lo khawp mai. Ka chaw chu tlem chu ka ti lui thei abak erawh ka thai deuh mai mai tawh!


"I chaw ei a tui lo em ni?" a rawn tih leh sup chuan ka lo melh ve vat a, a hmelah chuan eng emaw alang mahse ka hrethiam mai lo, min ngaihtuah hmel fu bawk.


"Tui e....ka ei țeuh a, ka puar deuh tawh a" nuih lui sak paha ka tih chuan min nuih let hran lo, ka chaw chu a melh leh run run thin bawk, a sawi ang tak tak in ka ei tui hlawl lo, rilru kam run tu nei chunga ei luih chu har tak ani.


"Artui hi ka lo kheh ang che" tih vut pah chuan a chhum zawk chu a ban nghal zat a, hnial pawh ka hnial duh lo min ngaihtuah vang tih ka hria a, lawm tak a lo pawm mai chu kan pahnih tan a tha ber bawk. Anih loh erawh in kan inhnial leh chiam anga, a tawpna erawh a chhe leh viau lo ang tih pawh sawi theih loh.


"Ei rawh le" tih paha a kheh fai sa min rawn pek chu ka lo ban ve mai a, "I rai ani lo maw....chaw i ei tha thei silo a" a rawn tih chuan ring zet hian "Zodinsang!" ka lo ti nghal chiam a, alo nui suk duh chauh zui. Ti awm ang lo thei lutuk!


Kan inthleng min thlah leh thlap a, kan inngeia luh te chu ka hreh thar, ka nu leh pa te hiam min hre chhuak nghal mai angem? tih te eng eng emaw ka ngaihtuah kual a. Ka kut vawt thar mai kut lum thur thur in a rawn hum hmiah chuan ka melh chho vat a, ka bulah chuan alo ding fel nghal der bawk.


"Ka thlah dawn miah lo che nia" fiamthu deuh tak a a rawn tih chuan ka lo nui ve sak a. A mit meng ah erawh a thusawia a din nghet tur zia ka hmu tlang viau thung.
"Lut ang le, harsatna i neih chuan min lo hrilh hmasa ber la" a ti leh sup sup hnu chuan ka lo bu nghat a, ka hnara rawn tawk leh zeuh in kan lut chho ve ta hram bawk.


Inchhung chu alo reh țhiap a, Sunday zan ani bawk nen ka nu leh pa chu ka hre thiam mai a. Ka u te erawh ka hmu mai lo.Sitting roomah chuan țhu in ka ute room alamah an awm em? tih en tur in ka thawhsan leh rih! Room ah chuan Mama zawk in computer alo khawih leh mawlh mawllh a,a hna lam leh bawk anih ka ring
"Mam!" ka tih sap chuan ramg zet in a rawn hawi a. "Tinge roomah i awm daih a? Midang an inkhawm vek ami? a rwh țhiap a" ka ti nghal niah niah bawk...Tun țum zet chu ka u bulah chuan ka zam ru hle a, thil aman chak bik thei si mihriat chhuah vat ka ring.


"Zela a awm kha? Khawnge alo kal leh tak? tiin a ding vut a, kawngka lam chu a rawn pan nghal bawk. Sitting room lama kan inzui phei lai te chuan sawi hmasak tur mai ka hre lo , amak takzet! Ka zam thar em ani!


"E, ilo leng alaw?"tiin dingsanga bul thutphah hranah chuan a țhu ve thurh a "Zobawih thingpui han lum ta che" Mama bawk chuan a rawn tih zawm zat bawk, buk khum zauh in choka lamah chuan ka phei a, thingpui ka chhuang chiah tih in bathroom kawngka chu rawn inhawngin AuZela rawn chhuak hlawl mai! Ani pawh chuan min hmuthut chu a beisei vak lo nge a meng phawk ve hman


"A va nuam awm bik bik ve" rawn nui ver ver paha a rawn tih chuan ka lo ner khum nang nang a.

"Kal teh! Thingpui i duh ve chuan lo va țhu hle hle rawh" ka ti hlak a, nui sun sun a min rawn en leh chuan chik fahran hian ka lo en thung. A awmdan hi ka hrethiam hlawl lo e a! A mood a fuh nge a chimawm leh dawn zawk ni?


"I thingpui a so (A dik loh chuan lo sawi ru)" a rawn ti leh vut a, chumi rual chiah chuan a phone dawhkana adah chu a ri tleng a, rang zet a aban takah chuan eng emaw tak a tawng tih ka hrethiam mai.....Min tibuai lo a azia phian!


Thingpui chawi a ka phei leh chuan an lo ti ti dun leh mawlh mawlh tawh! Polytics an sawi ve ngei a, Dinsanga'n sawrkar kaldan dik lo vel a sawi te chu kan lo pawm ve nghal em em ringawt zel pek a!


"Zampuii chanchin i hria em?" Mama'n a rawn tih sup chuan ka melh vat a, a thingpui inpahin Dinsanga alo melh daih chu ka hrethiam chiah lo. Ka han melh vut na chhan pawh hmeichhe hming a sawi ve tlem te zinga mi ani miau a, Mama'n nula hming a sawi tawh hi chu a emg emaw bik riau zel! A lerh loh lutuk vang te hi niang.


"Pasal a nei tih bak ka hre lo!" Dinsanga chuan a thingpui in pah chuan alo ti ve hmuk a. A tawng chhum bung lutuk vang chuan sawi vak a duh chiah lo a ang ka ti!


"Nia, kha an pa a uire san ani awm e!" Mama chuan tawi tek tawk tak hian alo ti ve zat a.A hmel ah lah chuan thil ngaihtuah thui deuh hmel an pu.... An sawi zawm leh tawh mang silo a, hre chiang chak zet in an bulah chuan ka lo țhu ve reng ringawt! Han zawh dawt lah ka inthlahrung ve deuh reuh sia.


"I nau hi min neih tir tawh mai ula?" Dinsanga zawk in arawn tih tak sup ah chuan phawk zet hian ka melh a, ani erawh in Mama alo en daih thung! Mama hmel ka han en ve chuan keimah ang tho in a phawk ve deuh nangin a insiam tha leh rang viau thung!


"Pasal nei rual te alo ni ve tawh emaw ni?" Mama zawk in min nuih suk paha a tih chuan Dinsanga chu rum deuh chuan ka han en a! Thu sawi hun a hre lo lutuk hi a buaithlak....Khatiang te chu ka awm loh laia sawi tur ania, min ti zak letling!


"A fiamthu mai mai anih kha" ka lo tih chuan Mama chuan mim en tawn in nuih leh suk suk thin a, Dinsanga lah chu a thusawi ngaihven leh hmel pawh apu leh tawh lo.


"Tak tak a, kan duh lo che nilo in ala nau deuh emai, kum te han liam leh phawt sela kei chuan ka va ti ve" Mama chuan alo ti ve dap dap a. Palai ang maiin chutiang te an han sawi dun vel chu nia. A ve lutuk hian!


"Ka enkawl puitling thei alawm" pakhata lah chuan alo la ti sup zui.Kei chu awm.ve ang pawn min ngailo ni maiin ka hria



"Nia...mahse ka nu leh pa pawh hian an la thlahlel ve rih deuh a, han nghal ve fan fan teh u" tia Mama'n alo chhan chuan keimah ah chuan eng emaw ni a rawn damglam zawk a, inthlahrunna leh nuam tih lohna nasa lutuk in min tlakbuak nghal maii ka hria, ka ke ka phut dat dat a, Mama hmel pawh ka en ngam tawh rih lo.Kan chanchin an hriat phei chuan an nat tur zia ka hrethiam deuh ruak a, mahse siam țhat thei engmah a awm tawh silo.

Ka nu leh pa an rawn haw hnu rei vak lo ah a haw ve nghal mai bawk a, mut hmunah rei fe kan inbiak hnu ah kan mu ve ta hram bawk. A inah khan ka intleuh zuai bawk a hetah chuan ka peih tawh rih lo mai, ka taksa lah chu ana ve țhem reuh lehnghal.


Zing chaw kan ei lai chuan min hau tawh dawn lo emaw ka tih laiin min hau chiang ta khawp mai."In inkawp a inlen chhuah chu kan phal, mahse mipa mahni chauh a awm inah chuan rei tak leng tawh miah lo la ka duh, nula inni a in tan chuan vawikhat hmingchhiatna hian kumkhua a daih bik ania chuvang tak chuan i nun uluk em em ang che! Amaha a ei tui lo ani leh hetah pawh rawn ei se hetah pawh inkawm ula, a pawi lo zawk hmun fal ngainat loh tur anih chu, nangni ho țhiau țhuau pawh kha, bialnu innei ve te anih chuan in inngaihzawn lai chuan infarnu angin en tel ngei ngei ang che u, infarnu chunga thlenga induh loh chu an chungah pawh ti miah lo ang che u" tiin ka pa chuan a sawi leh dap dap a, chhungril erawh ava inthlahrung si em! Vawikhat tihsual pawi zia ka la hre chho tulh tulh mai dawn in ka hria, Chhungte hmaizah reng renga awm chu thil nuam ani miah lo bawk.


"Auh auh ruam ah pawh ka tluk pui ve thei dawn lo ani maw" thleng sel fel mawlh mawlh paha Au Zela ta pek in a rawn ti leh chuan Mama'n alo beng deuh thuk a. Hepa bik thin hi chu a!


*_________*_________*_________*



Hun te chu a ral ve bek bek a, Dinsanga lah chuan a phak tawk in min ngaihsak ve bawk! Zanah a tam zawk alo leng a, a then erawh eng eng emaw hna thil vangin alo lang thei lo thung, alo sawi ve thlap zel bawk.

Ka Graduate ve chu tih tur mai ka hre lo, ka pa chuan M.A zawm turin min ti a, ka nu erawh in B.Ed lam ti hmasa turin min ti thung, Ka u te erawh in awm mai mai rawh tih chauh an sawi! An buaithlak ve hlawm ania.

Ka pa duh ang ngeiin M.A chu ka zawm dawn anih hmel e....Dinsanga ka hrikh erawh in a lawm teh chiam lo thung. Aizawlah MZU ah daih ani dawn a, ani erawh hetah a awm saih sia a awm ve reng, keipawn ka pa hnial ngam ila chuan ka hnial ve duh tho mahse hmangaih taka min lo enkawl tu duh ang zawm loh hi a haraa ka ti tawh, kha thil a thken hnu ohei kha chuan, ka chhungril ah hiam a ruk takin ka nu leh pa lawm lohna thlen ka hlau ru țun tawh bawk.

"Kar leh lamah admission an hawn dawn kha, Zela nen hian a maw ni inva kal ve dawn ni?" Ka pa chuan chhung inkhawm neih zawh kan ťhut ho dial laia a rawn tih chuan ka ner ru sak.


"School thil țhen khat lam paha phei ka ngai alawm, kan pahnih in kan phei mai dawn ami?" Au Valpuia chuan a rawn ti ta hlauh a, Au Zela chu țha viau tho mahse a induh thiam leh hleu hleu dawn sia, min ti buai leh reng nen ka peih vak lo deuh ani.


"A pawi loh chu....i va sawi har ve chungte chu" ka nu chuan alo ti ve nghal zat a.
"Sawina hun ala awm lo lawm, vawiin tlai ah khan ban hnu ah principal im a sawi chiah sia" Au Valpuia pawh chuan alo ti the ve leh mai a.


"Ka kal ve duh tho alawm" Au Zela'n alo ti leh pek. Tuman chhan en ah an en lo nge thil dang an tih san nghal dual a, ka nui lam lam aza, ka'n u te pahnih room lamah an phei a, ka nu choka lamah aphei nghal zat a, ka pa chuan rex achu a chhaih san nghal daih bawk. Au Zela pawh a hawi hai deuh nge ni a melh kual vut vut ringawt.


"In sual ber bur hlawm mang e.....ka kal tho tho dawn" a ti deuh nui nui a, zawi zeta thutphaha thu thluang duai in a phone a khawih leh ta daih bawk.


Ka phone a rawn rik chuan ka tho vat a, pick up chung in room lamah ka luh phei pui a, "A fal a biak te tum vel...haha, a sawi thlum vel dawn" Lalthanzela chuan a rawn la ti hram a, ngei zeta melh let in ka kut zung chal ka hmuh zauh a, a lo ner nung mai.



"Ummm"


"Ka lo kal hman loh hmel ve" a rawn ti nghal sup a, vawiin friday ani sia, a awlzan ve thin ber kha.


"Tinge?" ka ti nghat a, tlem in ka lawm chiah lo, zan hun bak hi kan inhmu ngai meuh lo tlat a. Nizan alo kal tawh lo bawk nen! Ka lungawi bik vak tawh lo ringawt.


"Ka buai deuh" a rawn ti ban chhap a.Zep anei riau a hriatna ka nei nghal zat thung.


"Kar leh Aizawl kan kal dawn asin" ka ti leh ta zawk.Ka bialpa ani vang ringawt a a thil tih engkim ah ka inrawlhpui chuan min nin vat ka hlau ve deuh.


" M.A chu maw?"


"Umm...Au valpuia nen aniang" ka lo ti leh sap a.


"Tih chu i tum lui tlat amaw?" lungawi vak lo awki hian a rawn ti nghut a. Awm hran aduh miah lo, keipawn ka duh lo mahse ka pa hnial tur erawh in awm a awm tawh tlat bawk si, ka chhungril a eng emaw vang hiam ka hnial ngam bik tawh silo anih ber hi!


"Ka pa ka hnial thei lo tih i hriat kha, keimah te chua ka duh bik hran lo" ka ti leh nghal vat bawk.


"Ti lo mai rawh! Keiman ka chawm ang che" thawk alak halh hnu ah chuan arawn ti bung chhurh ringawt. A tawng chu a nawi ve deuh bawk nen eng emaw in anei chiang alawm hepa hi.


"Zu i in ami?" ka ti ve nghat a. Nichina kan inbiak tirh kha chuan a tawng buai miah lo asin! Mahse a awki dang ta daih kha ka man lo bik hauh lo!


"In lo!" a rawn ve hmuk nangin a tawp lam chu a nawi leh tlat thung.


"Ka dah ania, zu rui ka be peih lo" ka ti ve hmak a. A zu in chu ka haw nghal em em ringawt bawk. A inzen zen miah lo tih ka hre nangin zanin erawh ka hrethiam peih vel lo.


● (Zawmna)


Ka nguai bur mai, ka engtih mah zu tui thei hek lo a, Zodinsanga ber bur a lah chuan min lo la call back miah lo zui! Ninawm....
Min lo call se ka la duh angem tih pawh ka hre lo mahse a hming tal a min lo thlem ve ka ring ania!


Zing karah chuan tuk dang ang lo tak in min rawn wish na ka hmu leh lawi sia! Nidangah chuan inngaizawng e tilo hian in wish vel hi kan peih vak chi ani ve lo aniang kan ti ngai meuh lo tun ataka a a rawn ti chu chhan a awm ngei pawh ka ring! A chhan tur pawh ka rin zawn thiam tho bawk.Mahse ka reply duh miah lo ka seen reng nangin!


Saturday ani bawka tiin chaw ei hma in ka pa in rawng a zu lei a, kan inhnuai chiah hi kan siam pum ve vek nangin eng vak dah nan kan hmang lo bawk nen, rawng te hnawih țhat a luah tur anga siam kan rilruk deuh a. Hlawh fa chhawk ngailo in kan pafa za in kan thawk leh țau țau dawn anih hmel viau mai.


"Tui khawihna lam khu kar thar lamah mistiry pangngai deuh in siam se, sintex 2000 ltr. khuta hman tur khu la bawk ila, pindan bang vel erawh Mama leh keiman a rem dan dan in kan khawih ve thei mai ang chu a" tiim ka pa chuan chaw ei lai chuan a sawi ve luam a.


"Thei ang, bakah Zela awm alawm ani pawn min pui thei anga i tel kher pawh angai lo ang, i inti sil awng palh ang" Mama chuan alo ti ve leh vat a, Au Zela lo ner ru leh nasa mai.


"Zela tlai lam chu Horti lamah lei țha min va lak pui angai dawn nia, pangpar chin belh ila a tha ang" ka nu in alo tih leh chuan ka pa la awm bawk nen hnial ngam chiah silo in a tum bur tawh!


"Tunlai thil i va ei tlem ve.....i dam sam lo em ni?" tia ka nu in min rawn biak zawm zat chuan za vak lo hian ka lo nui tawi tak a.

"Ka țha reng, ka mit a kham a ka luhai muai zel bawk sia ka rit deuh luk mai" ka lo tih chuan a chek tlak tlak a "I phone en nasa lutuk anih chiah chu! in dim ang che phone aiin lehkhabu te hi bih ngun la chet tur te hi dap ve zung zung la hunawl apianga phone bih nghal thuai thuai te hi angai lo ania, tih tur a awm lo tih chhuan lamin i mit i ti chhe mek pawh alo ni mai thei asin" alo ti ve leh luam tawh. A dik na chen a awm ve reng! Phone vang tih hre tho mahila khawih lo a awm hi a har ve em asin! Hrim hrim in phone siamtu te pawh hi an phone siam in kan mit a ti chhe thei tih an hriat reng te chuan in venna tur in tarmit te hi min free gift ve tur ania!

Chaw ei kham țhut muan thingpui sen hang inzawh vel ah chuan inhnuai lampan chuan kan in zui chhuak leh ţham țham a, zing kar lamah ka nu in alo ti fai zawr zawr tawh avang chuan chet a hrehawm lem loh! Rawng te chu siam in a țhen in bungraw hnawk kan lo dah chhuak țhen a, chhungkua a han thawk chhuak ta chu kan hlim ta phian mai.

"Kan hah bawk a chhunah thil tui deuh ei tur ka duh nia" kan țhut phah hlui dah ka nu nen an zawn chhuah pah chuan Au Zela bawk chuan ati leh pek a. "Hah dan in ang reng ah thil tui deuh angai kher lo, chaw țhing khi her lum ila thingpui sen nen a țha ber, a puar theih ber bawk" Ka nu'n alo ti ve zat chu ka pa ho a mama te rawng hnawih pawh an lo nui ve suk suk mai. Kei erawh room deuh reuh lam tur chu rawng an hnawih hma in ka lo hawl fai thuak thuak thung.

"Ui kawm si" pakhata lah chuan ati nui nui a, chhan vak ngaihna ahriat loh vang nilo in aia upa te a nihna angah a hnial let chiam lo ani zawk. Ka nu nen hi chuan han in hrawk kual dawt dawt thin mahse au Zela hian tih tak zet a ka nu awka vin a a chhan ka la hre hauh lo, fiamthu lampang erawh chuan an inhnial tawk hle nangin thil pangngai chinah erawh au Zela hian a chhang ngai meuh lo awka vin ngat phei chuan!


Chawhma chhungzawng kan han buaipui ve tak ah chuan room hmalam chu kan peih ve duak mai, alian hran lo bawk a, mahse tui khawihna leh tukverh vel chu tlem a la siam leh deuh ala ngai dawn thung. "Zela room ah ka wallet ka dah kha, chhun ei tur chu zu lei rawh" ka pa in kut sil mawlh mawlh paha a tih chuan Au Zela pek chu ka nu chu ava siai zeuh a, ka nu pawh anui tawp!


"Miaupui, i phone saw ari reng ania" Au Zela bawk in a rawn tih leh chuan rang zet in ka charge na lamah chuan ka phei vat a, Rex-a'n mei vai lap lap in min lo um bawk.
Min lo call tu ka hmuh chuan sitting room a chhang mai lo chuan room lamah ka phei pui leh ta vat a.




"Aw" ka lak rual chuan ka ti nghal tawng a. Nizan a awmdan avang khan ka la lawm miah lo bawk! Bakah kha thil kha sim se ka duh!


"Enge i tih? Ka message i chhang bawk silo" a rawn ti nghal sup a. Ka ngei em avang chuan kan ner khum nang nang a, min hmu thei se chuan min ngei ve viau ang!


"Ka room ah ka ding a, ka be mek che!" lungawi vak lo awki chuan ka ti leh nghat a. Ka awmdan chu a hrethiam nge hrethiam lo tih pawh ka hre lo mahse hre ngei se ka duh thung!


"Ti teh! Bawihte, lawm lohna i nei em ni?" a rawn ti ta chat a. A zawhna avang chuan ka lo thaw hak thung.


"Nei e....ka sawi dawn ami? tunge mahni bialpa te zu rui chunga an rawn biak a lawm vak anga, a ho iti pawh ani mai thei mahse kei chuan ka duh lo" ka ti leh nghat a. Dik tak chuan ka u te sawi ang khan tun atanga kan țan loh chuan engmah kan ni thei lo ang!


"Ka thiam loh anih chu" a rawn ti awlsam leh then chuan min ti hawi hai leh hman!


"Ni reng e!" ka ti ve nghat bawk. Han sawi leh mak tur min ti haih chham miau alawm!


"Umm....ka tihpalh aw, a țha em?" a rawn ti dam leh thluam tawh! Ninawm thinrim ve duh țum pawn thinrimna chhan tur berah lah hian awlsam deuh in ngaihdam min dil leh zel thei bik a, min ti awm thiam lo zo vek lehnghal! Min thinrim let khum se han inhau ve bawrh bawrh ila te ka ti ve asin! Mahse a pawilo chin in...


"Țha famkim lo, ka sawi theih chu a awm miah lo mahse zu i in tawh lo thei angem?" tlem te chuan ka inthlahrung ve deuh tho, kan in tawn hma daiha alo tih ve tawh kha ani miau a, chutia ka ti ringawt chu min lo haw viau emaw alo duh lo viau ve thei tlat bawk. "Ka sawi awmzia chu tunah chuan i nghei thut thei lo mai thei mahse ti tlem deuh la, zawi muangin " ka ti leh zat a. Ka aw ah chuan ka inthlahrun ruk ve zia a hriat thiam ka ring. Ani erawh a reh leh deuh vang vang tawh!


"Min nei tawh mai la, chutah chuan ka thei ang" a rawn ti leh sup a. Tinge inneih hi tunlai tak hi a sawi ve reng ni! Kan chetsual vang kha em maw ni zawk? Pasal nei tur in kei erawh ka inpeih em tih pawh ka la hre lo...


"Kan inneih hma in tum la, chuan kan ngaihtuah țha zawk dawn alawm" ka ti leh sap a. Inneih a sawi a hnial reng te hi ka inthlahrung ru ve tho a kum en in a naupang tawh lo miau a!


"Nakinah kan sawi țha dawn nia! Engmaw in tih?" tiin kan topic chu a rawn thlak leh ta daih a. Nizan mut dawna ka ngei ngei nen tunah erawh an aw te hian an chhem bo zo aniang.


"Inhnuai kan siam a, kan chawl chiah nang?" ka ti ve leh mai bawk!


"Motor engine oil vel thlak angai a, ka ti ve lawk a" a rawn ti ve leh mai bawk. A chang hi chuan a fel ve duam duam thin ania, a daih rei lutuk vak lo nangin. "Taka, ka naute pawh an lo chhuk dawn ka nu leh pa tello in" a rawn ti leh vat a. Ka lu ka lo buk nghat chuan ka buk rual rual chuan ka thil tih atthlak zia ka hre chhuak lehnghal a, ka nui hak ringawt!


"Bawihte!" a rawn tih leh dut pawh chuan ka lo la nui a "Umm...ka hria, chaw țha deuh in ei rawh aw" nuih za deuh chuan ka ti leh a. Kan chetsual atang khan an inah ka kal leh tawh miah lo, eirawngbawl sak chu duh viau mahila keimah ah hian eng emaw a awm tlat tawh, bakah ka pa ka hmaizah ve bawk! Phone atang erawh in siamdan kan inhrilh nasa thei khawp mai.


"Miaupui thingpui a intheih " kawngka rawn kik dawt dawt pahin Mama chuan a rawn tih deuh lang lang a. "Aw ka lo kal" tiin ka chhawn let nghal zat bawk.


"Thingpui kan indawn ka dah rih aw" ka ti leh vat a. Min rawn chhan let ve dut chuan ka dah ve vut a. Ka room chu ka chhuahsan nghal mai bawk.


"Egg roll leh rice a awm? Eng zawk nge i duh?" Au Valpuia chuan alo ti vat a. Egg roll zawk chu ka ban vut a, rice chu ka a puar ana thei emai!


"Kimkimi pawh bia la enge tih ve a tum reng reng? MZU te chu ti rual ula" ka nu chuan a thingpui a lem zawh chuan a rawn ti vat a. B.Ed vel kha a tum tlat in ka hria.


"Anu khan MZU tih tir a tum a mahse B.Ed zawk kha a duh zawk in ka hria khalam kha kal a tum a a tui zawk a teaching lam hi" eitur țhial niap niap pah chuan ka ti vei barh barh a. "Tui na te hi nei ve la aw" min en vang vang hnu a ka nu in beidawn hmel fahran a arawn tih chuan Lalthanzela pek a rawn nui chhuak hawk a, mindang ho pawh an lo nui suk tho. Hepa hi chu a over ve thin hrim hrim


"Ka nei ve thuai mai ang" ka lo ti ve hlak a, mahse ka tuina hi ka hre chhuak har tawh keipawn ka ti ve tho, eng emaw mim ti phur riau thei tu tuina ka nei ve thei lo reng reng te hi amak! Tun thlengin ka ngaihtuah pawh hian ka hrethiam tawh bik lo....


"Tui na nei lo mahse a hmelțha tho a lawm" Ka pa ber in a rawn tih chuan ka kut zungpui ti pir in ka lo hmuh vat a, mit min rawn siai ve sak bawk. Ka nu erawh in hahthlak min tih hmel deuh a min en rulh rulh hnu ah engmah sawi belh chuang hlei lo chuan a thingpui chu a inzawm ve mai a.Ka u te pawh chu an lo nui leh hui hlawm tawh.



Chawhnu pum chu inhnuai room hnunglam zawk buaipuiin hun kan hmang leh a, tlai thim thet thet ah kan zo ve thei hram,Au Zeka leh ka nu oawh Horti lamah an kal hman leh ta lo. Inchunga kan chhoh chuan ka nu in rawng alo bawl peih diam tawh a, tui alo lum sa bawk nen kan inbual nghal zung zung a, chaw ei a kan intih fel meuh chuan dar 7 a pel fel der tawh. Ka pa pawh a chau ve deuh nge a inkhawm peih ta lo, bakah kan hman tawh chiah lo bawk kha nia, duh aiin kan tlai deuh atin ni! Chhung inkhawm kan neih zawh chuan ka u te ho chu room ah an lut leh dual a, an chau aniang Au Zela lah chu Rex-a haw em em kha a pawm lut leh daih tawh, ka hmuh lai chiah in ati duhdah chu pawh ka huat tur in ka hmuh loh a te chuan a duat lutuk hmani ah pawh a room ah alo tal pui chiam a, ka nu in a hau nghe nghe!


Țhut phah ah chuan mu ve duai in ka phone chu ka khawih leh melh melh a, Dinsanga ka text na erawh ala online lo a ala seen thei rih lo. A naute an lo haw ve sia a buai ve deuh anih ka ring!


Dar 8 rik dawn țep ah chuan Kima te țhian ho bawk chu an rawn lut leh țham țham a, vawi 3/4 vel an lo leng ve tawh a, ka pa pawh an nei tawh viau mai, keimah nen tak hian kan inkawm hlawm ngai lo ka pa titi an rawn ngaithla hi ani ringawt țhin.


"Tunlai in va rawn lang khat țhiau țhuau ve a" ka pa chu alo ti vat a, a rawn țhu khat ve leh mup tawh, tlangval pangngai an ni ve tawh bawk a Zira leh Abela tak hi chu keini aiin an la nau ve leh chhawng deuh a,mahse an inkawm thei hlawm fu mai.


"Papuia te leilet ah kan riak vek alawm, buh an seng thei țep tawh sia kan veng a" Thantea'n alo tih chuan ka nu leh pa chu an nui ruh ruh a, tlangval uai e tilo hian an rilru erawh ala naupang chhia ve hle ani e... ve leh chhawng a.


"Khawi lamah ve thung nge kha?" tiin ka pa chuan alo zawt ve vat a.


"Chìte ah khan, anuam teh ania lo la kal ve ru aw" Thantea ber chuan phur deuh hian alo ti ve leh vat a.


"Chìte te chu zanah a reh lo țhin khawp an tih kha, tawn te innei ve em?" Ka pa chuan alo ti ve zat bawk.


"Ni maw? Chutiang an sawi pawh kan la hre lo asin, mahse hmanzanah kan thlam piah a tui chu a ri bawrh bawrh a, Papuia'n sangha tui tla anih chu atia, chutiang ah chuan kan lo ngai a" Zira'n a rawn tih chuan ka inrin hma in ka lo nui chhuak hak a! A va hahthlak tak! Sangha tui tla.....


Ka pa pawh chuan nui hawk hawk chuan "Sangha te hi tui an tla nasa thei ve bawk a, in va chhan lo ami?" a tih leh chuan Zira lah chu angaihna hriat loh hmel zet hian a hawi vut vut a, a țhiante erawh chuan an hrethiam tih hriat tak in an lo nuih ru tat tat thung. Țhian za ho ah hi chuan a à bik hi chu a awm loh theih loh!


"Zobawih thingpui han lum la, a sen ngei khan aw tlangval te an nih ve tawh hi" ka pa in nui vur vur a arawn tih chuan ka tho ve vat a. Choka a ka lum rak rak lai pawh chuan an rawn nui chhuak leh hawk hawk ţhin a, an inbawl kual leh vel tawh aniang!


Thingpui chawi a ka phei lai chuan țhut phaha ka kalsan ka phone chu alo ri ve chiah a, caller id pawh a rawn lang chiang khawp mai. Center table ah chuan dah vat vat in kurtai nen chuan ka dah nghal a, an sawi fuh deuh hlawm nge an lo nui țha hlawm mai.


Ka nui ve tawp a, ka phone chu ban vat in tray dah tur pah chuan choka lamah ka phei ta rih daih thung.


"I va la har ve!" ka lak rual rual chuan a rawn ti nghal tawng a.ka nui heu ringawt!


"Nia....tinge? I lo leng dawn lo ami? I va lo kal har?" tiin topic dang ka siam nghal daih a. Mipa dang lo leng hi angai thei lo ve thei sia, ka țhiante tih hre tho mahse palh a awm thei tiin a en liam mai mai lo țhin miau a.


"Umm...ka naute chhuah san nghal daih chu ka ti sia " a rawn ti ve leh mai a. A dik ka ti ve reng nangin ka hmu chak tawh viau thung kan inhmu lo rei ve leh deuh tawh miau a.


"Va pawi tak, ka ngai tawh che" ka ti deuh nang nang a, midangin an hriat hlau in ka sawi zawi viau thung. Engtia rei nge hetiang hun hi kan tawn a kan hman dun dawn ka hre lo mahse kan theih laia infak leh duh zawng sawi aia hlu a awm lo, min kalsan hnu emaw eng emaw thlen hnu a inchhir leh ai chuan tuna a rem dan dan a tihlan hi a pawina ka hre ve tlat lo, a tlawm thlak ka ti hek lo!


"Naktukah kan leng dawn em ni?" a aw rik danah chuan anui tih ka hre ve thei mai! Keipawh a nuih vang chu niang ka nui ve tawp ringawt!


"Mahse naktuk chu chawlhni alawm? Inkhawm hmasa ila kan inah kan chhuk nghal anga?" ka tih zat chuan min chhang lo in angawi leh vang vang tawh! Kum 1 zen zawn a inkhawm tawh lo miau a, khang a chunga thil thlengah te khan Pathian ala dem tih pawh ka hria mahse chung zawng zawng chu siam țhat sak ka duh ve thung.


"In inkhawm banah lo sawi la, ka lo kal ang" a rawn ti sup chuan ka lo thaw halh a. A vawikhatna ani bawka arilru ala siam thiam mai lo anih ka ring ka nawr nghal tet tet duh bik miah lo thung. Zawi muang a hruai angai tih ka hria dawhthei angai dawn tih nen...


"Ummm...nakinah mut dawnah ka lo be leh ang che" ka tih lai chuan sitting room lama mite chu an rawn nui leh dar dar a. Pawi lutuk, ka phone chu hup vut mahila a hriat hman vek ka ring ka maimichhing vang vang ringawt!


"Ihh..." tia ka phone ka beng a nawr bet a ka tawng leh dawn lai chuan "ZOTHANPUI" a rawn ti leh hmuk tawh! A va buaithlak thin tak.


"Kima te țhian hoin ka pa an lo kawm a" ka ti ringawt pek! A awih erawh ka ring lo nasa ve viau tho...


"Sawi i tum miah lo em ni? A tir te khan?" a rawn ti leh nghut tawh. A thinchhe ve țhin si a!


"An lo leng ve mai mai alawm, i rilru a buai leh chiam ka hlau a ka hrilh lo mai mai che, engmah kan inkar ah a awm chuang lo a, țhian chauh kan ni ka tih kha aw....tak tak ania țhian ang bakin an lo leng ngai lo" Ka tih zat zat mek laiin ka nu in min rawn au!
"Ka kal angai ania, thinrim suh aw...an lo leng ve mai mai, bye rih" ti leh sawk sawk in min hauh leh chiam hma chuan ka dah daih a. A thinrim leh teh ang chu! Thawk la leh hmasa te te in sitting room lamah chuan ka phei ve ta chauh bawk.


"Zothan ila hria em? Remsangkima chhiat theih zia kha a tet lai khan tun ami nen chuan plastic surgery ti ang vel ani" Papuia'n nui hawk hawk paha alo tih chuan ka nui ve var var a chutah "Hre rapthlak, a tarmit alian thei si, a dul pawh....thlasik lai te kha midang ai mah khan a chat rang bik thei sia" tiin țhut pah chuan ka nui ve a, midang ho pawh chu an lo nui khur ve dat dat hlawm...


"In ho e a, Mipa te chu kan heti daih zel asin, naupan lai pawh a țha lo puitlin hnu a pawh hma sawn chuang bawk silo, Lalhruaitluanga(Papuia) te ai hi chuan ka la induh fee" rawn nui ve vur vur paha Kima'n alo tih chuan Papuia ber chu alo ner nasa, midang erawh an lo nui leh sar dar tawh.


"Papuia te chu kha a in tih pa nan a mawza pawh a hlum thlak țhin ngei kha, a țhing eee" tih pah chuan Thantea chu a rawn nui leh hak hak a, Abela pawh a sir atangin a lo țhen ve nasa mai!


Ka nu leh pa an rawn kawm ka ti mai, ka nu te an mut dawn hian an tho ve vut a an haw ve dual zel! Zanin pawh 9 : 30pm velah an haw leh ta diak a, min han kawm fal te lah chu an tum lo ve nasa sia an fel țhiau țhuau hlawm!


Ka hmai te phih in kawngka te chu kan kalh fel a, mut tur a ka inpeih hnu chuan khum lu ngheng a țhu in awn diai in ka phone chu ka ban zat bawk. Rex-a lah chu Au Zela te room ah ala riak ve daih zui......


"An haw tawh mi?" ka call a chhan rual rual chuan a rawn ti nghal hmuk a, em em hian!


"Umm....chaw i ei tam em?" sawi zawm duh lo zet chuan ka lo ti daih a, sawi tur ka hriat hmasak ber ani ve bawk nen! Ka thiante bula sawi tur ka hriat ang em em khan hepa bulah hi chuan ka hre ngai lo reng reng, an bo duak zel, ka mamawh ber lai lai hian!


"Ei tam e" a rawn ti tha ve leh lawi a. "Vawiin chu i chau em?" a rawn tih zawm zat bawk!


"Chau ve tho e, bungrua rem that leh tihfai vel ania, alian ho a tam ve sia hah ve tho mai" ka lo ti ve nghal niah niah bawk.


"Mut tam i mamawh nih chu, chuan engtia awm nge i tum tak?" a rawn ti teh daih a, a sawi awmzia hre lo zet in "Engtia awm maw?" ka lo ti let hu bawk.


"MZU vel kha, zawm țalh chu i duh mi?" a rawn ti leh a. Ni tak e!


"Ka zawm angai alawm, ka nu leh pa te duhdan ania, an thu ka hnial thei lo" thawk la halh pah chuan ka lo ti ve sap a. Ka inthlahrung viau bawk mahse min pawmpui ve angai miau ani tun țum chu!


"Ka chawm thei che ka tih kha! Palai ka lo tir mai ang, awm hran kher angai lo" a rawn ti leh hmuk tawh! Ka la inpeih loh bakah ka nu leh pa hian palai meuh chu an la beisei lo tih pawh ka hria chuvang chuan an duh thusam tlem te hi tihsak theih hram chuan tihsak ka la duh fan!


"Ka nu leh pa hi ngaihtuah ve la, pasal nei mai tur chuan an mit hmuh ah ka la naupang a, tunah chuan rem an la ti dawn chuang lo nghak rih deuh lawk ang" ka la ti ve fan a. Aw ka vin ka hmang hran lo bawk.


"Awm hran chu ka la duh lo fan, MZU pawh ti lo la, pasal neih ila inpeih loh pawn ti khan awm mai rawh i duh leh pawisa chu i mamawh chuan ka pe ang che" a rawn ti leh nghut nghut a, pawisa ka mamawh hauh lo! An ni ang em em in hausa lo mahila kan ei khawp tur te chu kan thawk chhuak ve lutuk tlat.


"Pawisa ah ka buai ther te lo, kal lo pawh ni ila i pawisa ka mamawh lo, ka duhthlanna ani bik hleinem, ka nu leh pa thu ka zawm angai tih hre ve ta che, nang chuan engkim awlsam tak in iti vek tawh a keipawh in inu leh pa in i laka beiseina an neih ang chiah khan an nei ve chu chu tih hlawhtlin sak ve chu ka duh mai chauh ani" ka țah a chhuak leh țun tawh. A rilru hi ka hrethiam lo min hrethiam duh lo lui ni maiin ka hria!


"Inhnial ka peih lo, naktuk ah kan sawi țha ang!" tiin adah leh hmak tawh! He mihring rilru bu tut lutuk hi ka hrethiam thei hlawl lo!



*______*_____*_______*


Lungdam ten zan mu i chhing ho leh dial dial ang u....mahse England leh Hungary an inkhel dawn sia ka en san mai ang che u aw Lo mu siai siai rawh u🥰