SWEETHEART BY APUII TLAU (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SWEETHEART BY APUII TLAU (Completed)

Unread post by Ngaia » November 28th, 2021, 1:54 pm

uldne8zd.jpg
Chapter - 1








Zothanpui (POV)







" Ui(Dog) ka duhhhh....mawhhh please please please " in la khawngaihthlak zet chuan ka ti ngher ngher a. Ka dil pa lah chuan melh pawh min melh duh lo in Paper min check san mawlh mawlh thung. Amah hi ui chei bawl in ka chei bawl dawn emaw ni re ru mai.









" Vawiin atang chuan kan chaw hmeh apiang a thak tak tawh ang " ka tih pawh chuan min melh duh hauh lo. Ngam ngawt ila chuan ka nam bu lawp tawh ang mawle. Apa dil dawn ila Anu thu hmu lo chuan min lei dawn bawk silo, Anu lah in phal dawn lo chiang nasa si......









" Mawhhh, Mam an cute teh mai nia, tiang tiat te, a ai te deuh te a chum chi te an awm teuh ania, an hmeltha hlawm si an leih zawh hma in..." zai zir meuh in naupang chhia ang zia zang chuan ka ngeng ngher ngher a. A nui suk duh chauh lehnghal.








" Chaw ei han siam rawh le, a tlai tawh ania" nui suk chunga min rawn en paha tih chuan " Pawnga " ti vak pahin choka lamah ka phei tau nghawng nghawng a. Ka che tau sawk sawk leh thawm dim lo lutuk te chu eng atan mah ngai lo awm ang zia zangin min rawn ngaihven duh miah lo lehnghal.









Chaw ei lai pawh chuan ka tawng duh miah lo a, min be ve luam mahse a rul tawk bakin ka chhang duh tawh der lo. Anu nen hian kan chhungkua ah min duat lo ber, aaaa...ka ning.









Zothanpuii ka ni a, Lunglei government college ah Final sem ni mek in Education subject ka la bawk. Dik tak chuan lehkhazir ka chem kalna ni bau lo a, class - xii thleng pawh tha taka ka pass ve chhan pawh Kimkimi vang chauh ani. Lehkha zir peih deuh kawm chuan lehkha a zir loh theih bik loh a bakah min pui nasa in a pawimawh tura rin min hrilh nasa bawk a amah vang chauh ani ka ti lo thei lo. Byheart lam ah ka chak ve pangngai bawk nen a zia tak ala awm nilo se zawng ka thiannu lakah ka inthlahrung thei ngawt ang, thiam deuh kawm chuan thiam lo bik nih a nawm loh zia chu hrilhfiah pawh ka peih lo.









Lunglei ah hian kan upa ber nen in kan luah a, U Chhantluanga hi kan college ah hian lecturer in a thawk ve mek a, kan subject erawh a inang lo thung. Ka nu leh pa awm lo inlak free tum ve pawh hian ani pui hi a strict re ru reuh sia thawveng over pawn ka awm thei tak tak chuang lo. Bakah enge maw Ui lei chu a duh lo em em le.....an cute theih nen nen.









Thleng ka seng a aniin alo sil leh mawlh mawlh thung. Mipa e ti lo hian inchhung khur ah pawh a chet ngai ngai hi an ti ve mai zel a ka u dang te nen hian an fel ve na ka ti lo thei lo, a hmeichhe awmchhun hi min awl ve tlat zel.









" Miau-pui " Ka room kawngka bul atang chuan a rawn ti dut a. Kan in hi ka pa cousin te inhnuai niin a zim lutuk lo ti ila room hran ve ve kan nei thei a, kan room thlang lamah hian Balcony in zawm kan nei bawk. Choka leh sitting room bathroom pakhat nen a tawk fu ani. College veng a awm niin kawngpui àn ni mahse a reh nuam ruai ruai thei khawp mai.









" Miau-pui, i ti tau ami? " nuih zat hmel zeta a rawn tih leh chuan en duh miah lo in ka lehkha ziah lai chu ka ziak lui ngar ngar a. Miau-pui a tih awmzia tak hi chu kan naupan lai deuh khan zawhte hi ka at chilh thawthang thin kawnglai a ka hmuh te hian ka chawi haw tawp zel a, ka nu hi lo thinrim thei sia mahse kan enkawl ve leh tho zel a rei deuh ah erawh an vak an vak a an bo daih zel. Chung vang te pawh chu niang ka u te hian inchhung lamah hi chuan min miaupui vek zel.









" Thingpui min lo lum la, dawr ah ka kaldawn ania duh te i nei em?" a rawn tih leh chuan ka rilru ah ka ei chak ho zawng zawng an rawn lang leh nghal zawt zawt ka sawi chak bawk si ka lo ti tau ve hman bawk si......aaaa ka ning thei e. Sawi duh viau mahila ka ti tau laklawh tlat ka ngawi ve ran a a ruk erawh chuan sawi chak zek zek tak ka ni.










" Final semester exam inneih tep hi, 1st a i pass chuan ka lei dawn che nia " a rawn ti chiah chu ka en nghal vut a. " I ti tak tak em?" ka tih chuan a hmui hnuai lam pei kawi zauh in alo bu nghat nghat a. Chutah nui var var chuan ka pen chu dah in a thingpui tur tui tawk lum tur chuan ka tho nghal vat bawk.









" Cake kan nei tawh lo nia, chuan waiwai bawl tur ka duh bawk Pepsi nen..." ka ti phei nghal zat zat chu min nuih tawp min hnial lem lo bawk bakah min lei dawn tih ka chiang. An farnu neih chhun hi sual in han ti tau ve bur bur thin mahila min hmangaih zia ka hre ve tho. In a ka awm a ka tawng zat zat pawn ka ute pathum ho chuan an lo ngai thla ve kar a, keima fiamthu thawh ho zet zet ah pawh min nuih pui chiam zel an nui lui hmel lah hi ka hre ve thei riau zel bawk sia.









Kan inchhak lawk dawr ani bawk a , a rei hran lo khawp mai mahse thingpui ka lo peih vek hman tho. Vai cake 2 leh waiwai alo lei nual a pepsi pawh alo lei tho, a vawt ngat lehnghal nuam thei. A thingpui la in kan sitting room ve reuh ah chuan a phei leh thuai a, keipawh waiwai pahnih chu tel leh hmarcha te nen bawl in pepsi nen chuan ka in kengphei ve ur ur a. A thutna bul chhuah ah chuan thu in side table ah chuan ka hung sawk sawk a, a laptop ah chuan hla nalh zet play in kan unau ringawt pawh chuan kan tlei leh hle tawh.











Mut hmun ah chuan ka meng leh kar a, ka u ka room piah chiah a awm erawh a hnar leh suk suk tawh, playwood chauh a kan room hi pindan anih vang te hi niang thawm pawh a inhriat pawh theih viau zel.







Ka rilru a awm leh pa bawk chu ka ngaihtuah leh melh melh a, engtia a hla emaw tlang engzat leh lui engzat pawh in mindang mahse ngaihtuahna erawh dan phak rual ani hauh lo. High school kan kal laia star hre rual kan nih atang ka mit la ve tu ber ani, zep miah loh chuan tun thleng a bialpa nghet ka la neih loh chhan pawh amah vang tho, ka nei ve uk te hian amah nen tul lo pui ah ka tehkhin ziah a, ka kawp rei thei meuh lo. Bialpa 2 bialpa tia sawi tur nge pawh ka hre teh nuai lo chu ka nei ve hman mahse thla 1 pawh kan nih hma in kan tawp leh vat. Chu pawh keimah vang an mahni ah rilru engmah ka pe lo a, min khawih an tum in ka tang tak bawk sia an tan pawn ka hahthlak ve fu ang.










Midang aia a that bik vak na sawi tur ka hre hauh lo, mahse amah hian min hip tlat ani ber ang chu a englai mah hi han duh bik emaw tha han tih bik hliah hliah lai ka nei lo amaherawh chu alakah hian ka hmin zan tho.








A phone no.pawh ka nei ve reng mahse be tur in ka la huaisen tawk lo bakah exam hma chhawn mai tur ka ni bawk a exam zawh lamah erawh ka awmdan tur ka sawi lawk thei lo, ka mizia angah hi chuan phur thut chang nei chulai mood ah erawh chuan engmah hreh hran emaw ka nei ngai lo chumi hun erawh tum loh deuh in alo thleng thut ang tih ka hlau ve tho........
Hmeichhe huaisar tak ka ni lo chuan ka hre nangin ka duhna kawngah erawh rilru nghet tak pu ka ni thung, tum a hma a theih loh tih erawh ka thupui teh chiam lo.











•••••••••••••••••••••••






"Miaupui tho tawh teh, tui ka lum vek tawh nia va inbual rawh i tlai ange" ka dar a rawn sawi paha a rawn tih chuan ka meng diar diar a, ka tukverh pawh ni in a rawn chhun eng leh phut tawh ani pek hi. Ninawm zan hi a rei lo thei si.









"Vat....tho teh le 8:30 a ri tep tawh ania, chaw ka chhum tawh a, chawhmeh thing rin tur ala awm bawk, va inbual vat la che vat vat ang, kan tlai palh hlauh ange" a tih leh vut vut chuan peih lo zetin ka in let thawk a, nitin hi ka tan chuan ni sakei vek ani mai hian ka hria.










Peih lo zet a tho chhuak in Towel leh ka thawhnaw tlem nen chuan bathroom lam ka pan chhat chhat a, tuilum pawh alo awm diam e, fel thei sia keima Ù-a hi chu! Tui vawt a inbual te chu a, tahna ram kawngka ani ringawt dèn emai!










Chaw te eia kan in siam fel zawh meuh chuan 9:30 a.m a pel tep tawh. College lam pan chuan kan inzui chho leh det det a. Bike chu kawl ve mah ila kan in leh college a inhnaih tho avang hian kan keng ngai vak lo, ke in ti hian kan chho dun hnak hnak zel. 3rd sem kan zir kum atang chiah khan u Chhantluanga hi chu lo thawk tan ani a, college kan kal dun te hi kan inngaizawng emaw ti tawk an lo awm thin, hahthlak thei ania, hmeichhe thenkhat lah hian min han melh nghal hrek hrek a, eng atan mah ka ti der silo a. Unau kan ni tih a nawl puiin an hriat hnu ah erawh hmelhriat a mual mual ka ngah phah viau thung chu erawh ka tan ninawm lam lek lek ani.











"I haw dawnah min lo text la aw, chuan pocket money i la nei em?" gate kan thlen dawn tep chuan a ti sup a, a in dap nghal ruk ruk bawk. 500/- chu ka la nei ve, a bak zawng ka pa te min lo thawn ve chu ka khawl bawma ka thlak, chu pawh he pa ber bur a hian min pe leh dawn tih ka hre khiau a. A jacket chhung ipte atang chuan a wallet chu rawn phawrh chhuak in 500/- min pe a, tunkar daih tur. Hmmm, Jeans lei ka ngai asin le kinah engtin tin erawh dil leh dan a awm mai ang.










Lawmthu sawi sap pah chuan gate ah chuan kan inzui lut a, student then khat in an rawn wish sap sap bawk. Kan subject a in ang lo ka tih kha an building lam pan chuan min kalsan ta thuai a keipawh kan room lampan in ka chho ve leh hnek hnek tawh.










Harh viau e tilo hian kawm bul fuk teh chiam ka nei lo a, class ah erawh thut pui than ka nei hrang vek thung, lunch dawn ah pawh ka thut pui te ho hian min sawm ve sap sap zel a ka zui ve tawp zel kan innel tho hlawm bawk nen, Final sem e tilo hian kawm mumal bik hliah hliah han duh bik ka nei lo hi keipawn mak ka inti. Ka thian ve deuh ho zingah chuan Sentei hi thingtlang lam mi ve tho niin mi inthlahrung leh biang biak chian peih chuan fel deuh mai ania, ti ti pui anuam ka ti ber ve teh khiah.










Lo theih loh vang ni hauh lo in sual hnathawh tih hre reng chung pawh a ka do zawh tak tlat si loh ah chuan chawhnu class ka bunk leh ta nge nge e. Ka thiante an fel a ka roll no. erawh engtin tin emaw min lo present sak leh thei mai dawn tih ka hria. Edu subj core hi kan tam hrim hrim a a theih chu ka ring. Mahni chauh a tei ruk ruk aiah tiin Senteii duh vak lo chung ka hruai lui a, kan chhoh paha college lam a hawi tla leh ruk ruk te chuan nuih lam ati za deuh.










"Khawi khua nge i nih kha, ka hriat pawlh ziah lungleng ami kha?" tia kal paha ka en chuan nui chung hian alu thing bak bak a. An khaw hming hi vawi 3 vel zet chu ni mai thei ka zawt tawh amah pawn vawi tam a sawi ve tawh tho, mahse ka hre thei lo, zan 2 emaw 3 aliam chuan a bul tan hawrawp chu ka hre deuh tih chauh hi ka ni tawh thin.









"Lungdai" a rawn tih dat chuan ka hre ve leh deuh si. Khawthlang lamah khuan a awm tlat a ka hriat leh nghal ni, kei mi ropui lo hian.









"A nuam em? Ka lo zin ang" kan ti thla ve nghal rawk a. Hetiang privacy lam deuh a inbiak hi kan nei mang ngai lo nia, neih chhunah hi chuan zawh ve ngei ngei tur, han zin tak tak erawh rilru chuan duh mahse Ralte pa leh chi leh kuang te hian an phal dawn lo ti erawh ka hre ru rauh rauh.










"Ka hre lo le, nuam inti vak lo mai thei ni national highway in a paltlang ni ve lo ta chu khaw han than te pawh a har ve a henglai hmun te nen chuan lung satliah leh lunghlu ang vel aniang...... Amaherawh chu ti leh hluai ve ringawt ila.... kan pianna leh kan seilenna, thil thar tam tak kan zirna hmun chumai nilo kan hmangaihte awmna hmun anih vang te pawh niang ka tan chuan a hahdamthlak a, a nuam ka ti bawk" nui var var chuan min chhanga, an khua a chawisang thiam ka ti, ni mai lo mi dang lakah pawh a zahpui loh zia ka hre bawk. High school atangin tunthleng helamah school ala kal char char a, miin a awm lehnghal a, mihring ropui tak pakhat chu ani ve chiang alawm.










"Enge bazaar ah chuan i tih dawn reng reng a?" tiin kan thu khel lai chu a rawn thlak ta daih a. Amah hrim hrim hi nula lian fa lua lo ti ila kan inchen thuak tho awm e, ft 5'2 vel anih ka ring kei ft 5'3-4 vel bawr ka nia, tlem in kei aiin a tawi deuh, thau lam ai mahin cher lam a pawl mah zawk bawk, a vun chu mam hle mahse a ngo lutuk tia han sawi tur ani lo a, hang chhia erawh ani bik hauh lo, ngaihno bei tawk vel anih duh hmel ang ka ring....Engmah hi ka hre tak tak lo, han ti ve duah thin mahila...










"Second hand vel ka en duh a, a awm tak in" ka ti let var a. Ready made thawmhnaw hi inbel khat ve tak ka ni, second hand tha ve deuh deuh alo tam ve ta bawk nen ready made tlem te lei nan a pawisa tam deuh hman ai chuan second tha si tlawm si lei teuh ka duh daih zawk.










Bazaar kan han chhuah chhoh chuan mi an lo tam lutuk lo, inpho erawh an lo awm ve dul tho. Kawng sir deuh laia sneaker an lo vawm khawm ani mai ang chu, chumi chu en chuan ka din pui ran a, tha deuh deuh hnuai lamah chuan alo awm nual mai. An rawn dah chhuah thar nge rawn en pawh an la awm vak lo, rei fe chu kan hai let kual vel a, addidas superstar tlem a bal ve deuh ka phawrh hlawl mai, va tih chi tak! A khinh ka zawng nghal alo awm ve leh mai bawk. Uk 4.5 chiah chiah aaaaa 450 in an la ti zui, lei khauh teh ang, U ber an pawisa min pek ve tak kha! Senteii chu en ve rawh ka tih pawh chuan a mamawh loh thu alo sawi mai a.Mahse zep loh chuan college kan kal ho chhung khan sneaker 3 bak ala bun lo a inchhawk in, ka va hmusit lam nilo in eng vak ni bik lo mahila ka khawngaih ve em ani.










Kan size chu a inang tih ka hria a hma in a sawi lang ve zauh tawh. Ka han dap kual leh dun dun a, converse dum alo awm leh nawlh mai, a size chu Uk5 ani nangin a bun theih mai ka ring, rin aiin a thar bawk nen hmel hemna a nei bawk silo, a pahnih chuan khai va va in a piah lawka a pho tunu bulah chuan ka va phei a. Lunch leinan 80 vel ka lo hmang ve tawh bawk sia, a pumpui ah a cash in 920 bak ka nei tawh lo, 450 man ve ve ania, chuti nih chuan 900/-. CHENG 20 chauh ka nei dawn tihna. Pawi lo mai, thiante an hlim tal dawn alawm.









A ta tur zawk chu pe mai loin ka khai tir a, kan vak kual dun leh hrep bawk. Feb thla lai hawl tih tak ah ala vawt viau mai bawk nen kawng sir a vainu pakora kan chu kan han ei leh vel a, ka cheng 20/- pawh a zo leh ta.










"Zoi" rawn ti thum dut tu avang chuan kan ding dun chawt a. A aw chu ka hriat hnu a ang, kan kalna footpath kiang maia dawr awm lam kan hawi chhoh chuan zan mut dawn apianga ka tawngtai sak ziah pa hmel chu ka hmu chiang kher mai. Ka mit vai ani hauh lo bawk, a chhan pawh vawikhat mah mit vai in ka la hmu tlat lo.
Chu dawr lah chuan EXIDE tih banner sen lianpui an tar kuau bawk.










"Enge tih ve a?" Ka kalsan phal hauh lo ni e, chu dawr step ah chuan pen chho hlek in mi kawngkal dang lo tur zawng chuan ka han insiam rem a, Sentei pawh ka bulah alo ding ve vat bawk.Tawngkam tlem tal in min be ve se tih hi ka duh ber kha ani bawk reng ani










"Inverter baterry ka lei dawn a, class?" a rawn tih sup chuan ka lo melh ve kal a.A hma aiin a cher tlat in ka hria, a hmai chu adang deuh in a mit khur a thuk hle a, a meng hnim raih bawk.










"Ih...kan bang tawh a, bazaar vel ah kan kal kual mai mai anih hi" ka han ti ve vat a, ka dawt sawi vang nge ka melh tha ngam lo ringawt, ani lah hi mi an zak ve thei tih a hre lo nge mawni a melh kul zel mai bawk si. T.shirt chuanga addidas jacket a dum a dar pawl rawng ha in, cotton jeans dum a ha leh tawp a, sneaker dum nen a chhe lo viau tho. He lai a hmuh ka inrin loh lutuk vang nge engtin emaw tak hian ka awm a ka sawifiah mai thiam lo, phur ru si nuam ti bawk si tilang hreh si vel inpawlh nawk te pawh ani ta ve ang.










Ka thusawi vang nge alo bu deuh nghut nghut a, chutah "Ka zo tep asin, inhman tawh chuan min lo nghak ula in in a rawn kal pawh ka ngai a, i u awm ang tiraw?" a kekawr ipte a kut pahnih a zen hlun paha min melh leh run chuan ka lu ka lo bu tawp.Tawng mai turin ka aw te thleng hian a khur dawnin ka hria, a huhang chu ka tan chuan thlipui ang vel ana ani, na riap riap tak ani ringawt mai.









Rei lo te ah Inverter baterry sen ngei mai lian tha ve zet mai chu tlangval pakhat nen hian an rawn zawn chhuak a, Kawng chhak lama parking area ah chuan kawng cross chho in Scorpio var hnung chu hawngin baterry chu an dah lut te te a. A hmel ang mai a motor chu a fai veng lehnghal.










"Tunge a? A pa ka tih chi?" Sentei'n alo tih ruk sar sar chuan "Bialnu nghet anei,lo hmu tai suh" ka ti nghal vut a.A nei tak tak tawp silo a.Engvanga sawi nghal ringawt nge ka nih pawh ka hre lo, kan Sentei lah chuan ala thlir dauh dauh zui. A mit te chu hup sak mai ania ka duh ni.










"In inbul hnai vel ah motor khi park na rem chang a awm angem?" an rawn chhuk thlak leh hnu a a tih thum dut chuan kan inhnaih bawk a a rim tui ngei mai,kan ngaihtuah let chiam a chutah-









"Kan inchhak kawngkawi bulah zau lai kha chu awm a, midang pawn an park mai zel" ka ngaihtuah chhuah rual rual chuan ka ti ve vat a. Motor chuan kan inphur thla ve ta dat dat a. Kum 30 ral kai tawh mahse a tha tulh tulh zawk in ka hria, a hmai vun uk kharh te, a hmui hmu leh khabe hmu rawn to siar siar te nen chuan an tha vel vek mai. Sawi tur kan hre hlawm lo nge kan ngawi kar hlaem mai, a tawng duh ber kei lah ka lai ru ve tum hrang rih bawk si. Bakah a hmel ka en hian nichin maia tha taka min be tu pawh kha anih duh tawh loh hmel, a meng thim deuh khup sia, misual sual hmu ang maiin hmalam a en run bawk si.









College gate chhak deuh ah chuan din tirin Sentei chu a chhuk tharh a, Venghlun lam ah a awm vang in ani ber ang ang chu. Converse a khai zawk chu bel luiin ti khan lo kawl rih rawh ka ti teh tlat a, hriatthiam loh hmel fe in a inkhai thla ve ta mai bawk.









"I zir nasa tawh em?" Kan tlan chhuah leh hnu a front mirror atanga min rawn melh zawk paha a tih chuan 'A teuh lo' tih chi ni nghal loh chuan, "Aw, tlem chuan" kan ti ve sa sawi a. Hun dang aiin ka la zir nasat pawh ka hre chuang lo, angai reng mai.









"I u in YMA intihsiakna hnuai a a Article ziah ve kha ka mamawh deuh a" a ti ve bauh a.Min hrilh ve chu ni maw! Sawi zawm tur ka hre der lo, thut mawi loh te, ka awmdan engkim mai chu a dik angem? tih ngaihtuah tel ka ngai vek si, ka lum pup tawh in ka hria.









Kan inchhak deuh kawng kual zau lai ah chuan ka din tir ta a. Kan in pana kan chhuk thla te chu mumang atan pawh ka phal hauh lo, a tha hleuh hleuh em asin. A ni erawh a tawng lai chauh hian a hmel hmuh anuam , a rum lam deuh a pe na ve tlat.









"Zobawih, i bang tawh mi? Lo peng lawk teh" Nu Chhuani Patea nupui'n an inchung atanga min rawn auh chuan ka melh chho vah a. A plant khawih lai dah chuan ani pawh inchung zawl atang chuan a rawn chhuk thla nghal bawk. Ka bul a ding pa ka han melh leh vat chuan, a palian khep khup si dah deuh vah angai lehnghal "Lut rawh" ti ang hrim chuan a lu chu alo thle bak a. "Ka rei lo ang" ti sap pah chuan Patea te inah chuan ka chho nghal bawk.











"Suji ka siam mawle, i duh thei si, kha plate sen a ka chhin zawk kha la thla rawh, I pa Changa'n tumbu alo lei haw bawk a tlai ah ka vaipa den anga in rawn suak dawn nia, balhla um pawh kha ahmin tawh tak asin" alo ti nghal siam siam a. Nu tha tak ani ka ti lo thei lo, a fate ang pawn min ngai lo min rual pui kawm bawrh bawrh chang lah angah, a fel si a rilru zau bawk si, a bula awm anuam thei ania, min duhsak thei ropui lehnghal.










"Awii, ka van lawm tak a tui leh dawn si, Balhla chu kan la nei ve in ka hria, Au Mama hi alo haw tawh hrim² em?" Suji lak paha ka tih chuan tap ah chuan kut a sil mawlh mawlh a. Ei siam a thiam leh zel bawk nen a nun hi chu a awh awm bik ka ti lo thei lo, fa 3 nei tawh mahse ala thalai em em a, a fate pawh college hial kal an awm ve tawh, amah ah chuan a vun chauh dik lo a awm ang ka ti ngam sak a bak zawngah chuan tha tawk tak ani.











"Haw tawh in ka hria, tunge i rawn kal pui kha?" Kut hruk mawlh mawlh paha a tih leh chuan "Au Mama thianpa ania, ka chhuk phawt mai ang, tumbu chu a suah theih hunah min lo ko mai rawh" tih pah chuan ka chhuah san leh a. Kawt ah chuan alo la ding vun mai.










Kan in step chhuk thla ve hlek ah chuan chhuk thla in Mama pawh alo haw tawh ngei e, an han ti ti ve nghal luam a. Kei erawh suji chu choka ah dahin sitting room a thu te chu ka va melh leh zauh zauh thin.









"Miaupui, inthlak la thingpui min lo lum rawh aw" Mama'n a rawn tih chuan ka hawi phei lai tak ani bawk nen Dinsanga nui suk chu ka va hmu hman. Lalchhantluanga tih awm ang loh zia hi inleng awm lai lai a, khatia inkoh kher. Nidang a ti ngai tawp silo.....Min ti zak ru chem chem!









Ka u nen chuan an inkawm rei ve fu mai, kei erawh tih tur ber hre lo in choka ah ka awm tawp a va pawh ve rawt chi ah ka ngai silo eirawngbawl dawn lah in ala hma ropui si. Ka phone khawih te chu nidanga nuam ti em em thin kha khawih tur ber pawh hre lo in ka thai kual vel mai mai ani ber tawh.









"A nih ka chho dawn ang, dar 4 a rik hnai tawh sia ka tlai lutuk ange" a sana aban ami bih vut paha a tih chuan ka u pawh chuan "Ni e, tunlai khua a tlai chak si, soft copy in ka lo thawn mai ang che" ti pah chung chuan an inthlah chhuak ta a. Kawngka bul atanga rawn leh hawi paha min rawn melh deuh run a, nui let var var in ka ban ka lo vai thuak a, an chhuak zui chu ani mai. Ka ruak huai hian ka hre ve ringawt, zak thei lo inti rilru deuhin.










"Tu emaw chu a lung a leng em ni?" ka u in lo luh paha chimawm zet a atih chuan ka lo melh rawm rawm a.Hmanah Kimkimi nen phone a kan inbiak a ka sawi lai alo hrefuh palh a, khata tang khan min chhaih ve leh zauh hi aching a, nichin a 'Miaupui' min rawn ti pawh kha ati lui chiang lutuk! Suala hi!










"Leng lo leng lo, leng lo lutuk mah mah" ti chiam pah chuan room ah ka lut daih a, a nui hawk pawh chu ka hre lo der ve leh ta tawp. A taksa khan hun dang a tluk pha tawh lo viau a, a sa tha leh inphut mawi tak thin kha a cher lam ve det tawh, a hun tawn ka ngaihtuah pui hian achang chuan keimah zawk a tuar tu ang hrim in ka inngaihtuah khawl lo a, tap teu a awm chang ka ngah mai.Midang hma ah tilang chiam lo mahse a chhungril takah a tuar tih erawh a mitmeng leh a taksa lam thlengin an ti lang a, ni e zep thu cheng lo Ka khawngaih em asin!











"Pheikhawk hi ka lo su dawn em?" Sentei message chu rilru lak pen tum in ka reply nghal vat a "Aw, i thu thu i ta tur anih kha" ka va ti nghal vat a. Kei chuan zep miah loh chuan ka mamawh ang tawk chu ka nei tawh viau Fanu mal ka nih angin kan neih tawk tawk ah tupawh maiin min duat thiam em em vek a, ani erawh duat duh hle mahse kut hnathawktu mai an lo ni bawk nen ka va hmusitna lam nilo in duat alo har ve thin a,naute alo nei ve duah duah bawk nen hetia tlem tlem a ka lo tih hlim ve theih hi chuan ka lawm. Bakah ka lo hrechhuak har hrim² bawk.








"A to si, angai lo ania" a rawn ti ve tak na in "Inhriat reng na tur atan te pawh" ka ti ve leh tlat a, a tawp a tawp ah lawmthu sawi mawlh mawlh in kan inthlah thei hram. Ka ta tur a ka thil lei ai mahin ka hlim in ka hre hial ani.










"Sakei à! Sakei à!" tia an inchung tukverh atanga Nu Chhuani Fapa Muaneka a rawn au chuan room tukverh a va dak ve vat in
"Enge, Muanek" ka va ti ve chiam a. Sakei à hi min ti ve ringawt zel, ani aiin kum 2 in ka upa, min u hle tur anih lai hian min heti mai mai chu nia.









"Anu in tumbu suahna lo keng la lo chho rawh ati, kimchi pawh i duh chuan" Nui thaw a alo tih chuan "Vawikhat mah khatiang khan min ko tawh suh" ti hlar in tukverh chu ka khar chawrh a. Sakei à pawh ka ni lo!










Room atanga ka chhuah chuan "Muana mai mai hi chu" thingpui no chawi a nui vur vur a Mama'n alo tih chuan "Khipa khi angaihna awm lo" kan ti ve ngial a. Mama lah chu anuih ala zat hmel em em zui.Fa U ber si fing ber tur a dah a à ber daih a, a rilru erawh a tha phian thung, Nu Chhuani sawi dan chuan a tetlai hian natna benvawn a nei ani awm e Doctor ten tih ngaihna an hriat loh kha tawngtai rawngbawlna nei thin pakhat an pan ve rawih a, chuta tang erawh chuan adam ve leh ta chauh ani awm a, mahse an unau ah chuan a à ber thung!








"Tumbu ka suak dawn nia Nu Chhuani'n a vaipa den a a tui leh dawn mai siah, Kimchi pawh min pe dawn" tih mawlh mawlh pah chuan plate chu la in ka chhuak phei nghal a "Lawmthu te kha i sawi theihnghilh leh ange" tia Mama'n min lo auh zui pawh chu ka chhang peih tawh lo.










••••••••••••••••






"Kar tawp haw chhoh i tum em? Pa ropuia te sangha an sah dawn tak kha" Chaw ei paha a tih chuan ka melh vat a. Chutiang te nih chuan haw dawn chiang lutuk, dil kal an phal khat si, a theih ve chhunah hi chuan ka kal dawn chiang.











"Dawn ang, kan haw ang chu" chaw khawrh belh sak paha ka tih chuan "Kei chu ka hman dawn lo nangmah a i chhoh a ngai ang, college lamah meeting neuh neuh a awm dawn a" a ti ve thluam a. A hah ve thin lutuk tih ka hre ve reng chuvang chuan han hau bawrh bawrh ve mahila ei tur tui deuh deuh ka siam tho zel ka thiam tawk in. Chhunah class kan kal a, zanah a tuka an zirtir tur en lawk angai a, test paper leh assignment paper tih vel check tur an ngah thei si, ka puih a rem ti lo ve tlat bawk thin sia theih ang tawk a puih ve dawn hian.Mahse hetia atihna chhan pawh ka tan a tha zawk anih vang tho tih pawh ka chiang.











"Sumo in ka chho mai ang, i lung lo ti leng lo la!" ka ti chuan hmui pet sawi zauh hian min han melh khui vel a, kei in chaw hmuam tun in ka lo nuih thung.










"Sumo ngai lo ang, ka thiante motor a awm dawn a a nuam zawk ang" a tih chuan pawi ka ti lo khawp mai sum safe na ni mai, Ka nu inren tei erawh sumo fair tur ka han dil hram ang, pawisa ka neih tawh teuh silo. Ka pa pawh dil ila phal deuh in min pe nghal mai dawn tih ka hria mahse Ka nu dil hrim hrim hi ka duh ve a inren ve sia, tih buai anuam ve pah bawk ka ti buai khat tawh emai.Hlik hlek reuh hian!










● Muang changin kal bek bek ang u aw, hmanhmawh fal in lo awm pawn kan muang tho ang😂 Tak tak in, Zantin nge Zankhat dan thlang ru? Chuan comment lamah kan inhmu leh dial dial dawn nia.




In fel viau phei chuan kan happy hrim hrim ang😆 Ka ring😂



Chuan Ads khu zanin ah eng story pawh chhiar ula vawikhat tal lo click ve lawk ru aw, second 10 vel lek nghak bawk ula, infel em kha.....😘😘😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:54 pm

Chapter - 2




Kar tawp pawh a lo thleng hma khawp mai, Zirtawp chawhnu chuan ka thawm chu ka pack mawlh mawlh a, dar 3 velah kan chhuak dawn bawk nen hmanhmawh ve deuh ka ngai. Ka u thiante chuan Tlangbung pengah min lo nghak dawn bawk nen tunah 2 : 25 p.m ani duai tawh. Mama lah college ah ala awm daih si, mahni a chan angai dawn sia ka peih lo mange.










Ka bag lian vak lo khai chuan ka chhuak chho hnak hnak a, Ka pi ( Pa Changa nu) ni lum aiin min lo ka chhuak chho min lo hmuh chuan "Zobawih, i kal tawh dawn em ni?" alo ti ve vat a. Kum 80 chho vel tawh mah nise a in enkawl fel fai peih bawk a a rualpui te zingah chuan al nula fu ani.








"Aw nia, Dar 3 vel ah kan chhuak dawn sia, ka han chang tawh nge" ka lo ti ve vat a,
"Ni e, Mama ala bang ve lo niang maw, mahni chauh a chho chu, khawnge maw? Mampui, Muana" ti chuan a au nghal lang lang a. " Pi angai lo...keimah pawn aharsa hleinem" ka ti ve tak nangin a au lui tlat thung.









"Aw, ka lo kal" tih lung lung pah chuan kawngka tang chuan a rawn chhuak a,
"Hei, i u hi han thlah rawh, zin tur mahni chauh in an liam tir ngai lo motor han chan pui rawh hei va insiam vat la, intlai mai ang" Ka pi in atih chuan aner nang nang a mahse ahnial lem lo teh mial. In ah chuan lutin Jumper dum ava ha a, kekawr bul chauh a ha ve tlawng sia thlasik lai lai a, vawt te hi a hre ve lo emaw ni.










Ka bag chu min lak sak vut in a kal pui nal nal a, ka pi chuan mangtha in ka um ve nghal vat bawk. "Inkhua ah saùm a awm em?" a tih chuan ka melh he haw a. Sa ùm ei ve hmel pawh a pu lo. Mak ti a ka en hau chu nui ruh ruh hian " Anu in hmarcha bawl a tui lutuk atia hmarcha pui kan nei sia, ka duh lawm" a tih leh vat a. A ve ngei a.









"Awm ang, neih loh kan nei hleinem" ka ti nghat chuan min rawn melh thlak chiam hnu ah ka lu chu a rawn zak zeh in min kuai hniam chiam a. Ka lo tè tung thung, a rei lem lo nui hawk hawk in min thlah ve leh mai bawk. Mawl thei lutuk, ka sam a thur vek alawm!









"Min lo hawn ang che" Nui sawnga atih leh chuan ka lo chhiat khum zauh a. Ka sam a rawn tuai leh rual chuan a tlan chhe zui a hnung chum ka tum na lamah alo awm sawn hman bawk nen keimah leh keimah ka invai thlu lo chauh zui. Lalmuanawma mai mai hi chu! Tlangval uai tawh si à ve leh chhawng lutuk.











Kawng sir ah chuan ding dun in motor chu kan lo nghak ve khar a. A khat tawk in min tih der kual reng lehnghal 'Saw an lo au che' a tih loh leh 'Khita khi an ding an lo vai che' te ati thul, kei lah ka lo hawi kual ve hman ziah nen min nuih leh ruh ruh a, mi zing zing ah kan inchum leh tawk tawk zel. Kum 20 ni ve uai tawh si, a mangan thlak teh zawng e!









Rei vak lo kan nghah hnu ah kan bul lawk ah chuan Wagon R a grey rawng hi rawn ding in a khalh tu chu arawn dak chhuak nghal zat a. USaka lek!









"Lo kal rawh le, Zothan a hnungah hian pahnih chauh in chuang dawn bawk a i bag kha chu a leng mai ang" a rawn ti nghal var a. Ka awmna lam kawngka zawk chu pawt hawng in ka lut ve vat a, mi pakhat hmai khuh alo thu ve run bawk a muhil emaw ni! Ka bag lian vak lo chu Muanawma chuan min rawn pe lut nghal vat bawk .









"Sa ùm chu aw.." ka bul ami te hriat loh tur ni awm tak chuan a rawn ti leh su su a. Nuih ati za reuh zawk tawh. Anu mizia ala fu tih ka hre bawk.Bu nghat nghat in kan in vai liam ta a, hawn sak ve ngei chu angai ang









"Enge in tih ve a?" tia Usaka ka zawh chuan an nu U Aruati chu in entir tur a ahruai thu a rawn sawi ve luam a, an nu erawh front seat ah thu in amuhil bam thung. Taka ka sawi hmaih loh tur Aruati leh Dinsanga te hi first cousin an nia, a fel in biak anuam hle bawk.









"Muhil ve daih rawh, tlai dai a haw hi anuam ve sia nakinah tlawng ah te kan chawl thla dawn nia" Usaka'n alo tih chuan ka hnial lem lo, nizan ka mu tlem sia, ka mut a chhuak nghal delh delh hial in ka hria. Motor ka rui ngai lem lo bawk a.










Tinge ka hre lo, ka maimichhin hlek tawh hi chuan ka ngaihtuahna ah hian Dinsanga bawk a rawn lut nghal zel tih hi, an sawi ang tak tak in ka vei ve thawkhat te pawh niang, bialpa lo nei ta ila Dinsanga hian min rawn bem ta si se ka bialpa ka then nghal theih hial ka ring, chuvang te pawh chu niang midang tih nat ai ah tiin ngaihzawng neih pawh ka bansan ve deuh tak.








Mahse







Engtik khaw tik ah mah ani hian min bem lul lo nasa dawn si. A nula, nilo a hmangih ber a chan tawh a, kei ni ta ila ani hi chan ve ta ila thih ve deih ka duh hial mai thei ni, a tello a hringnun hmachhawn tur anga inngaih tuah ringawt pawh in lung a zing dawn em asin! A tuar chhel ka ti, a dam ngei pawh ka duhsak bawk.










Nilo.....







'Ngaihtuah tawh lo ang' ka earphone chu la in ka bengah ka hnawh a, ka jacket chu sin daih in ka mangrama lut tur chuan ka chhing leh ta vang vang a.










Ka dara rawn sawi tu an awm avang chuan ka meng diar diar a, thli thaw heuh heuh chuan car tukverh ka up loh vang nge min rawn chhem delh delh bawk. Ka chhing leh siar siar tih chuan a aia na zawng chuan min rawn sawi leh a. Ka thutna lema thu chu ni maw! A lam ka va hawi chiah chu!










"Barakhaih!!!" Ka te tuar a. A va han mawl mai mai tak. Hnai em em ah min lo bih kur anih chu!










"Lalruatfel!!" Ka tih hlar chuan alo nui hawk hawk a. Thu tha pah chuan thinrim zet in ka melh run bawk. Mi pangngai tak hi ka tawng khat ve lutuk hi min ti chau!










"I hnar nasa lutuk a i hnar kua a phe hleuh hleuh alawm" a rawn ti zuah zuah phei chua kan in chum leh dawt dawt tawh. Tlawng kan lo thleng reng tawh alo nia, Usaka te nupa erawh thil ei turin an lo va phei tawh thung. Ka chhuak tau deuh nghat chu min rawn zui in min fiam phei reng a, a tawng thei lutuk te hi ka ngei tlat! Ka beng ana zual.










"Ei mai mai teh tho in an ei zawh khalh dawn che kha" a thil ei lai pawh a ala tawng tawk tawk chu ka ti hlak a. Min melh ve run mai. Ka hlau bik chai silo.









"Ka pe ve anih hi an ril atam ang" alo tih leh zuah zuah chuan ka melh hrawk a. Mahse tho bawm hnu chu a ei tawh bik em lo.A mu tam bawk a, a harh vat vat khawp mai, Tlawng atanga Haulawng thlen hma chu a tawng char char ka ti lo thei lo, a changin Usaka hla play te chu alo zai pui thul, lu ruh ring lutuk mai.










Tlai thim thet thet ah kan khua Haulawng chu kan lut ve ta mai a, in tin mai chu a lo eng tuar tawh bawk nen thlasik thli thaw leh kawl sen phut te nen chuan a mawi tak zet. Lamthuamthum a Lalruatfela'n min chhuk san chu ka thaw huai thei nia, a beng chheng ve leh chhawng em ani, a sual hran lo nangin motor chuan pui ah kher chuan ka duh loh chi tak ani, motor chuan luhai ve chiai bawk nen chauh ati zual.










Kan in kawta motor ading dat chuan insiam rem in ka chhuk ve thuai a, ka chhungte kawngka atangin an rawn chhuak phei ve vat bawk. Usaka te chu lawmthu ka hrilh ve mawlh mawlh a, ka pa pawn a rawn sawi ve chuar chuar bawk. Rei ding lo in an ni pawh an tlan ve leh ta nghal a, Ka u chiah Zela chuan ka bag chu min khai sak in kan inzui lut ve vat bawk.









Ka haw zing bawk a, min lo pak huam lo khawp mai! Ka lu na ut ut leh la hai chiai avang chuan intifai lem lo chuan inthlak sawk sawk in ka mu ta daih a, ka kal dawnin ka inbual tho a, ring tlang mai ang, ka peih tawh ngang lo.









Ka nu chuan na chhawkna min rawn pe a, Tlawnga thil kan ei thu sawiin chaw ei lo chuan ka mu nghal than a. Ka pe erawh in ka peih hun hun a tlem tal ei hram turin min rawn ti mawlh mawlh thung












Ka harh leh meuh chuan zan 11 alo pel thuak tawh ka lu na pawh azia ta deuh. Ka pum a rik ruk ruk avang chuan peih lo zet in ka tho them them a, ka wardrobe chu hawng hmasa in ka kawrlum phiar chu la chhuak in ka ha leh te te a, ka room atanga ka chhuah phei chuan ka chhungte chu an lo mu dial tawh aniang a reh thuap mai, sitting room light chu alo eng va va a, hei erawh zan ah kan off ngai lo thung.










Choka lamah phei in light ka on khep a, mit a vai ruai thei. Eng nge ei tur awm ti chuan chaw hmeh bel chu ka hawng rak rak a, chaw em ei nan chuan tlai ka ti leh deuh si.








"I riltam ami?" rawn ti dut tu avang chuan ka phu chiam a, ka au chhuak thelh bawk. Ka awm dawm vang vang a ka in her chuan kan upa ber dawt tu U valpuia (Ramthansanga) chu alo ding ur a. Ka phu tih a hrethiam ve emaw ni min nuih suk in frige chu hawng in tui a in nghal khawlh khawlh bawk.









"Tam lutuk, ei tur a awm bawk silo" ka ti nang nang chuan a tui bottle chu chhin in frige ah chuan adah lut leh nghal zat a.
Chutah aluminium foil plate pahnih hi rawn la chhuak in dawhkan ah chuan a rawn dah a, rang zet in ka lo ban nghal zat bawk.










"Zanin kan sec YMA commitee ban in Nu lianpuii te dawr an lo la inhawng a, ka lo lak sak che nih kha, ti lum a ei rawh, Paratha leh Alu chop chauh an nei tawh a" a tih leh dap dap chuan lawm zawt hian ka lo bu nghat nghat a. Tui dawn emai....









"Thanks Bro " nui var var a ka tih sap chuan a ner nang a, a mitmeng ah chuan nghal min tih hmel leh tawh khawp mai. Kan unau ah a tawng mawh ber a min duat ber thung.










"Ei teuh lo la, zan rei lam ani tawh sia i pum te na ang" a tih leh zat chuan ka lo bu leh nghauh nghauh a, nui suk pah in mu tur in min luhsan ta bawk.









•••••••






Ka zing tho chu vanranda ah ka chhuak phei a, khua alo thiang ve kuk mai, ni lum lo lut det det te leh boruak thiang vuk mai te chu a hahdamthlak tak zet.








Thingtlang nun nuam ka tih ve na pakhat chu motor thawm bengchheng lutuk awm ve ngai lo te hi ani ber ang, bakah khawpui ang in chep deuh deuh a building inrem te ani lo bawk a, nilenga light eng chhit ngai lo te duh duh huna pawn boruak tha hip tur awm te nen hian nun hi akim bik ka ti.










"Bawihte, bathroom ah tui a awm lo ania va pipe rawh le, i u te an tho har thei si, insiam vat ula nangni pawh dar 8 vel bawr a chhuah an tih kha" Ka pan chanchinbu rawn keng chhuak paha atih chuan bu nghat in bathroom tui pipe tur chuan ka lut a.









"Chaw fun angai an ti em kha?" tia choka tanga ka nu in ka pa a auh pawh chu ka hre ruai ruai bawk. Ka pa chhanna erawh ka hre hman lem lo. Kan leilet kalna tur hi Pa ropuia ka pa thianpa ve ber te ta ani a, Tlawng chhak kan ti mai a, Lunglei lam tlawng nilo in Lalveng tlang lam atanga motor lei kawng awm in chuta tanga pawh tur a siam ani a, a hmun vel atha bawk a leilet leh huan siam te pawh an awm ve nuk mai, rubber hmun mawi deuh a awm bawk, ka kal hnu hnun ber kha chuan an la lian vak lo sia tunah chuan an lo puitlin ve thuau tawh ka ring. Kum dangah chuan ka chhungte hian kal an phal ngai vak lo thin a tun tum erawh engti zia a phal ve ta khauh nge maw an nih ni! A chhan engpawh nise kan kal thei tur ringawt pawh hi ka lawm leilet leh thintlang lo zawh kan tih ang hi chu a nuam em asin.












Chaw ei khamah chuan kan chhungkua chuan kan insiam thuau a, kal vek kan tum ani ngei ang. Pa ropuia te chuan an pick up in min rawn lam chho a, naupang 7 bawr vel leh puitling an lo awm ve leh dul, a chep a chep chuan kan inhnawh lut ve tawl tawl a, Au Valpuia'n bike in min phurh tum teh mahse ka duh bik thak lo, hetia chuan ve hrim hrim hi ka chak. Naupang harh deuh leh tlem a lian deuh tawh te chu a hma lam bangah chuan an bet thap a kan tlan chhuak chiah chu kan in sawi dal dal mai nutling phawk chhuak ho lah khaw chhung pelh hma hma in an ri nghal le lu a, a hlimawm thin teh e.









Lalveng mualah chuan ding leh zawk in mi 3 an rawn chuan belh a, an fanu pakhat zawk erawh U Valpuia'n a phur ta thung leng tawh hek lo. An fanu pakhat erawh ka hmel hriat ani bawk a ka bul a thu tur in ka lo ko lauh lauh a, a chep a chep in a rawn inhnawh ve bawk.










"I lo haw law?" a thutna siam that nawk nawk paha a tih chuan " Umm...nimin ah monday ah ka kal leh ang, nang?" ka lo ti let vat a, kan tlan chhuak tawh bawk nen motor che reng leh kawng tha bawk silo chu kan in nek leh tawl tawl zel.










"Keipawh lawm, a van chep em em! Pu rosanga te motor ah khan kan lo kal ve daih lo ni" thu tha deuh nawk nawk paha a tih leh chuan chiang zet hian ka melh nghal vut a. Pu rosanga Dinsanga pa maw! Khai le!










"Tu pu Rosanga maw?" ka tih let he haw chuan a hma min hnung a in vuan tung chuan "Soil J.E kha, Pa ropuia te nen hian an inri a, kan zo ho dawn alawm" a lo tih he haw chuan motor chu a su buk a, ka lo inring hman lo nen ka hma nutling lian pui thu chu ka zu nek deuh thlawp a "Khaih khaih" tiin a lo indawm tha ve nghal zat bawk. A lian tha bawk a, ka nu zawk chu ni se ka nek thla rawk ang chu, ka thutna ah chuan ka thu tha leh nghal vat a. Ka ngaihtuah na a kal thui leh tawh nasa.......










"I duh ber bul tanna hun tha" tih chu ka hre ru rauh rauh a, mahse akal ve kher dawn ami, a kal ani erawh chuan ka indang seng angem ka hre ta hauh lo!









"Kal an tam ve em?" tih paha Lalmuani lam ka hawi chuan " Aw....ih tam ve tho in ka hria, an Jeep leh bike a kal kha an awm a, bike 2 leh Jeep anih chu mahse Jeep ah chuan 3 bak an chuang lo, Pa Rosanga te nupa leh a khalh tu kha ni mai, an fapa te zawk te leh tu tu te emaw kha chu bike in an kal ve in ka hria" motor ri nen puitling ho bengchheng nen a tawng ring ve lawng lawng khawp mai.Ka zawhna tak erawh ala chhang fuh lo chiah chiah zui! Ka va ngei mai mai tak, zawh dawt ka hreh ve tum hrang si.










"E...Driver te an nei ami?" ka ti leh he haw a, an driver a tih kha ahming a sawi silo a alo ni palh ve thei tlat.











"Aih, nei loooo.....an fapa upa ber khan a khalh a, a hming pawh ka hre ber tawh lo, hmel rum lampang khan" a ti chiah mai chu lawmthu hrilh hnap mai ka chak, chu erawh atih chi der silo. Rilru a hlim zual chiang khawp mai, thian tal ni leh lo a hmelhriat tha tal ka ni theih ngei na tur in hma la phawt ila, a bak erawh kan boruak azir ani tawh mai. Mahse thian emaw tur pawn ani kum 30 pel tawh leh kei 20 pel ve awrh hi.....Pawi lo ngai pawimawh lo phawt ang story ziak tu ho pawn kum te chu number mai mai an tia lawm, ni ve mai mai teh se.









Kan tum ram kan thleng thla zet chuan an khek raih hlawm a, keipawh ka au chhuak lo thei lo ring zetin kan te chiam kha. Hetiang hmun mawi te chu hman hman ah khan lo kal fo tur alawm le....... leilet pharh phei duai te, an hring dul bawk nen mawi hliah hliah tak ani, kawng sir zai zai ako tlang ah lah eng par par emaw an ching tel ani ngei ang an lo vul chuk mai bawk si. kan piah deuh leilet opposite lam ram lah chu a zawl duai a, rubber kung a awm hung bawk nen a fai si, mawi tak hi ani mai.











Leilet lai tak thlam pan chuan kan bungrua vel keng chuan kan phei dul dul a, naupang ho mawlh chu an tlan dawr dawr hlawm mai. Leilet zu pawh hma chiah si a, kawng bul maia thlam ti ila thing in lianzet ani mah ang chu kan lut ta dual a, thing hmang vek a sak ani bawk a adai nuam hliah hliah mai si nuam tak hi ni ringawt.











Naupang ho lah in "Pa lui te kan en dawn" tiin an tlan chhuak nghal sang sang a, pa ho in thingpui sen hang an dawm far bawk. A thleng hmasa ho khan an lo lum ani ngei ang. Ka hawi kual a, chhak lam varanda zau zet leh pharh duai ah chuan tlangval rawl thar chhuak ho chu thu dul in hla ring zetin an play pah dum dum a, pa ho awm khawm lah chu eng eng emaw sawiin an nui huah huah a, ka duh ber erawh ka la hmu hauh lo.










"Kal rawh, engmah tih tur a awm rih chuang lo lui te chu va en ve daih ang, rubber hmun vel te kha a mawi em kha thla ve la kual ang" tih pah chuan Lalmuani chuan min nawr et et a. " Ka kal ve duh nia min lo nghak ru, lukhum kan la lawk" tihpaha Lalmuani u Pari lukhum zawng chu kan nghak leh rih. A tarmit a lian si, a aw erawh analh reuh phian lawi a.











Thlam kawt kawng kan chhuah hnu chuan kan piah ngaw deuh emaw va leilet chin lo deuh a naupang ho inzui thla nawk nawk chu kan va hmu hman. Keini erawh kan motor awmna lamha let phei in rubber hmun lamah chuan kan phei them them a.











"A nawm zia hi, thla min lo lak teh Dp tur" tihpah chuan phone chu min rawn hmeh bel nawk nawk a, Lalmuani nen chuan a u in post vel chu melh kiau in kan laksak ve mawlh mawlh bawk. Keini erawh kan inmelh ru zak zak a, mahni a a ruk a selfie bak ngam ve dun hek lo. Midang hma a in post nghal chiam te chu zahthlak ka tih zawng tak.










Rei vak lo kan awm hnu chuan kan piah deuh khawi lai nge ka hre mai thei lo atang chuan pe ri a rawn awm chho ruk ruk a, kan melh haw hlawm bawk. Chutah kan piah deuh thing ding khup kar eng emaw ber atang chuan Dinsanga chu a rawn chhuak hlawl a nih chu! Mak ti zet chuan kan lo melh haw , ani erawh min hmu ang pawn a awm ve lo. Ding run in a camera ken chu a bih leh ngur ngur rih bawk.Pari lah "he lam zawk ah hian min lo lak leh lawk" tiin anau chu a pawt dawt dawt a. Pakhat lah chuan peih lo hmel zet in a zui ve leh duan duan bawk.









Kei erawh ka hma camera bih a ding run pa chu ka melh reng a. A thawmhnaw te chu ka ngaihtuah phak loh ang nimahse a inhmeh lutuk tlat. Body fit shirt ban tlawn a ha a, sipai kekawr tial ang ha leh in boot sei a dum a bun leh hlun bawk, a nghawngah chuan lukhum pah hrui bat in a lukhum parh chu a hnung lamah a bet ve tai a, a sam a chal pawh silo a a tih chho vang thin kha an tla thla siau bawk, nui phei se chuan tunah la la hian ka bem theih hial ka rinh. A tha thlawt asin.A palian ve khep khup nen.









Rei vak loh ah a rawn phei leh vat a, min rawn hmu aniang a ding ve dat a, chutah mitmeng hniam deuh khui lam pu in kan lam pan chuan a rawn phei bawk. Kan lungphu te hi an chawl duk in ka hria, chhungril ah hian ka zam ru nghal em em ringawt leh nghal. Zothanpui leh! Hetiang nungchang nen chuan hma kan sawn dawn hauh lo.









Ka bul a rawn thlen phei chuan min han melh leh run run hnu ah "In lo tel ve a" a ti sup a, a nui silo a ngaihnat awm hlawl loh! Mahse......vawi tam a nui hmel leh a hlim hmel tak te lo hmu tawh tu tan hi chuan ngainat loh lam ai mahin khawngaih rukna kan neih zawk ka ring, a thinlung natna tam tak khawvel hriat ah thup a tumna lamah hetiang mizia hi a neih angai tlat si a.











"Umm....Ka lo haw a, enge i va tih a?" a zawhna ni miah lo ka sawi tel talh chu ka sawi zawh rual rual in ka in ngei ru nghal. Mahse kha zawhna min zawh kha ka duh em asin, ka dam that leh that loh tw hre duh se? mahse chu erawh nghah rei ala ngai dawn....nghak chhuak tak ang i maw?











"Rubber hmun hi ka en kual mai mai" a tih vek tak sup ah chuan ka thaw tlem a veng deuh. Nichin ai khan a aw a dam ta deuh bawk nen.Sawi leh mai tur erawh avang ta rauh rauh khawp mai.










"In ta mi a?" kan ti ve leh he haw a, helamah hian kan kal khat bawk a, tu tu te ta nge anih ka hre hauh lo. A lu chu alo bu nghut a, a hawi kual thuak hnu ah Lalmuani te unau chu ava hmu ani ngei ang, a melh deuh run run phawt ah chutah min rawn en leh in "Thla ka lak ang che!" a tih sup chuan phawk zet hian ka melh a.
Ka duh teuh lo...nilo midang hma ah pawh ka in post ngam lo ania, ani bulah ngat phei hi chuan ka ngam lo lehzual.Ka lu ka thin na na chuan eng a hria chu ni maw
"A hmun hi a mawi ania, avang lai ani bawk a, hna thel tla an tam hma ani hi a nalh duh asin" dam zet hian ati leh sup a. A fiamthu nge a ti tak tak tih pawh ka hrethiam lo e a.










"A zahthlak e...." ka tih nang nang chuan a vawikhat nan....ni e a vawikhat na liau liau ni tur in a rawn nui suk a, engtin nge ka hnial theih ang! "Ka duh ani, ka duh takzet zrt, a engkim, a thinrim lai emaw a lungngaih lai te ka duh vek, tih theih ka neih phawt chuan i ta nih ngei ka duh, Zodinsang"












"Sawtah sawn va ding rawh le" tia a kawhna lam chu muang chang chuan ka pan phei dat dat a, ka din fel rual chiah chuan a rawn hmet nghal zat bawk.
In post hran em em lo chuan min lak ve mawlh mawlh a ka zam tih ka hria nge min tur eih lo. A hnu deuh ah chuan abuk nghat nghat lai chuan ka pan phei thuai a, a camera chu min hmuh ve vat a, khai! ka rin aiin analh daih, camera vang mai mai erawh ani tih ka chiang.










"Print i duh em?" a tih leh sup chuan rang zet hian ka lo bu nghat nghat a. " Naktuk inkhawm ban ah ilo lam dawn nia" a tih sup chuan ka lo nuih var var a. Bem nghal tawp mai te ka duh, mahse tun a ka tih tut tut erawh chuan min ngai nep dawn bawk si.










"Au Din, zabawh lamah kal in tum em?" Lalmuani u Pari'n rawn phei paha a tih chuan tawngkam pawh a chhang lo chuan alu alo thing mai a. Nichin mawi a nui hmel pu tu erawh abo leh hmak tawh.









"U Din, in motor kha in thawl tho chuan Zothani nen kan lo chuang ve daih ang, pick up chu a chep lutuk a, ka hnung leh ka mawng ana nghal vek" Lalmuani zawk in a rawn tih leh zat zat chuan a camera atanga mit la sawn chuan a melh ve run a, chutah min rawn en leh te te phawt. A che zia hi mak thei!










"Awle, phei ang u" a tih vut chuan hnial pawh hnial lo chuan kan zui phei nghal hlawk hlawk a, a rual erawh in kan kal lo, a hnung deuh ah kan zui ani zawk mah ang chu! Kal pah chuan a hawi kual leh vut vut zel a, a sir zawng te pawh chuan a tha hlei hlei in ka hria.Kan hun hman chu nuam ti viau mahila haw thuai thuai ka chak, in thlen ai mah chuan a motor a chuan mawlh chu ka nghakhlel tawh. Chhungril a phur ru zar zar khawp mai.










Thlam kan luh chuan kawmchar lamah chuan Dinsanga naute ho chuan hla thing zet zet play in an lo lam nghawng nghawng a, an nui thler duai duai bawk si, tlangval an ni ve uai tawh bawk sia an la à ve fu mai. A khat tawk lah in bottle in an in vaw leh chawrh chawrh a an invuak apiang lah chuan an nui tak ang awr awr a. Hmeichhia an mai.












● Dah hma theih pawh nilo net a chhe lutuk a😅Muttui vek ule💙💙 Comment theihnghilh lo ula, Zaninah England an inkhel dawn lehnghal, England fan ruh kawl in lo awm ve tak in.......💙💙💙💙💙🥰

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:55 pm

Chapter ~ 3





Nileng in hun chu kan hmang ta a, Dil an sah bawk nen sangha sen chi te chu kan man teuh bawk. Tlai lam ti ila dar 2 rik dawnah chuan chaw kan fak a, kan kham hnu lawk ah inti fel in hawn zai kan rel ta bawk.










Jeep a chuan kha Lalmuani'n alo dil ve tawh tum hrang sia, kan tawi hrut hrut a, midang lah chuan min ngaihsak lo nasa si an buai buai in an buai vek hlawm ani mai, Dinsanga nen lah vawikhat mah kan inbe leh tawh bawk silo, biak chu duh ve teh mahila amah pui reuh hi biak chak awm loh deuh hian a tum hmuk zel bawk sia.










"U Dinsang kan lo chuang ve tak tak dawn ania aw" Lalmuani chuan an ti thawr a. Tawt deuh a chuan kha a ning ve ngang aniang.









"Engah chuan maw mami?" Muani Pa zawk chuan alo ti vut thung. "Pick up kha kan tawt lutuk a, kawng a tha silo a hrehawm em alawm, chuan U Dinsanga te Jeep hi an thawl tho a tah chuan Zothani nen hian kan chuang ve daih ang chu kan lo tia" alo ti ve leh zat a.










"Ah, a pawi lo ania, chutia chep deuh a chuan ai te chuan kan thawl alawm lo chuang ve ru" Pa Rosanga te nupa chuan an lo ti thuai thuai thung. Ka nu leh pa te erawh in engmah an sawi ve silo an phal aniang.









"Ti ru le, tlangval ho kha bungbel hi han keng phei zung zung ila, a tlai mai dawn e i chhuak phei ang u" Pa ropuia'n a rawn tih tak lauh lauh ah chuan kan insingsa nghal nawk nawk a, theihnghilh neih a hlauhawm bawk nen.










"Bike ah i chuang duh zawk lo mi?" U zela'n a rawn tih sup chuan ka lu ka lo thing nawk nawk a. Duh teuh lo! kap a na duh si, khitiang kawng chhia ah te chuan.








Motor lam ah kan inchinfel nak nak hnu chuan an lawn ta thap a, Bike ho tlan hmasa in Pick up in an zui a, keini in hnung kan dawl dawn ni awm tak ani.










"Ti ru le, lut ang u le" Nu Sawmi'n a rawn tih leh chuan a front seat ah chuan pa Ropuia chu lut in keini hmeichhe pathum chu a hnung ah chuan kan thu ve ta thap a. Zodinsanga in duh hmek.hmuk zia chu vawikhat mah min melh tha leh duh tawh eih silo.










Kan tlan chhuah hnu lawk chuan Muani chuan "Pa Rosang an transfer dawn che mi?" a rawn ti ta phawng mai. Chutiang pawh ka hriat ve si loh. Chuti nih chuan an chhung hian an pem dawn tihna mawni le.










"Nia maw le" alo ti ve thluam a. "Chuti nih chuan in pem dawn tihna mi?" at hmel zet a alo tih leh hu chuan Pa Rosanga te nupa chu an nui dun hak hak a. Chutah Nu Sawmi zawk chuan "Pem kher dawn lo e, khilam an indaih lo deuh ani awm e, kum 2 chhung chauh tur ania chumi hnu ah hetah an post leh ang, i pa Roa nen chauh hian kan han chho ang" alo tih tak ah chuan thawk a nuam ve ta huai mai. Thawk deuh hluai paha hmalam ka en chuan front mirror atang chiang zet hian min lo melh run a, ka en vel leh zawi muang in hmalam a melh leh daih bawk. Keipawh awm nuam zan lo in tukverh lam ah ka dak chhuak daih a, chhungril erawh a za zek zek mai.











Ti ti phung leng sawi chuan kan ri chho ham ham a, kan hma pick up a tlan te lah chuan Bluetooth woofer in hla an la play chho dum dum bawk. Dinsanga bawk chu anu leh pa ten an biak zawk zawk te anih loh chuan a tawng tam lo khawp mai. A ruk in ka melh leh ralh ralh thin thung. A mak teh zawng e, tihian a tawng miah lo chung leh a mitmeng hriam tak leh a thinlung inping dang daih hnu ah pawh hian abula thut ringawt te ka hmu theih a a awm ringawt te pawh ka la hlimpui tawk viau chu ni sia, hetiang khawp hian mahni mihring pui hi alo thlakhleh theih ang tih hi rin harsa ti viau mahila keimah ber a tawngtu ka ni ve miau bawk sia.











Lalveng kan thlen chhoh chuan Lalmuani te inkawt ah chuan a ding dat a, ani awm lo tur chu kan reh ruai ka ring a tawng duh ve ber ani bawk nen. Ban vai lauh lauh in kan inthlah liam ta bawk. Kan hma pick up erawh kan hmu phah tawh lo thung.









Kan tlan tan leh hnu chuan Pa Rosanga te nupa in be vel bawk thawm dang a tam lo khawp mai. A rei loh ah an inpeng kan thleng ta mai bawk a. Mahni a chhuk thlak ka ngai dawn anih hmel, zep miah lo chuan ka peih lo, nilenga tal hah ve bawk nen.









Mahse Pa Rosanga te nupa zawk chu an chhuk ta daih a, "Zothani hi zu thlah phawt rawh, keini chu a hnai tho kan va phei ang" an tih tak ah chuan thawk nuam suai mahila kan pahnih chauh a rei lo te awm tur pawh chu ka zam tan nghal der.











"A hma hian lo insawn rawh" a rawn tih sup chuan ka melh vut a, a nui bawk silo ka hnial ngam lo, a nu leh pa te lah an phei vang vang tawh mai si. Ka insawn thla ve ta tawp bawk. Chet sual palh hlau erawh in ka tang nghal tung thung.











"Engtik nge i kal leh dawn?" a tih sup chuan
"Thawhtanah" ka lo ti tha ve vat a. Midang awmlai a tawng duh mang silo, tlem in ka ngei ru ve deuh mahse ngei lutuk lo chi nilo in.











"Sumo i hauh lawk tawh em?" a stearing vawn lai herh kual paha atih leh chuan lu ka thing nak a, min rawn melh bawk silo chu "Aih" kan ti tha leh. A rawn nuih suk chhan erawh ka hre bau lo, ava tha chiang bal tak.










"Ka rual in i kal duh em?" a tih leh sup chuan ka melh nghal hau a. A tawng mawh teh reng nen engtia chutiang sawi ve nge mawni. Ka melh hau laiin ani erawh chuan min melh duh tawh thak lo.










"I kal dawn ami?" ka tih bah nak chuan, min melh leh zawk in abu nghat a. "Apa te ka lo hrilh ang" ka tih pawh chuan min ngaithla awm pawn a awm leh duh tawp lo.










"Kum engzat chiah nge i nih?" ngawi renga awm aiin kan ti chhuak leh phawng a. Min rawn melh zauh in hma lam a en a, motor gear chu a thlak leh zauh hnu ah "34" atih sup chuan ka melh deuh hau a, mahse min hmuh hma in ka insiam tha leh vat thung.









"Kum 12 lai in kan inthlau dawn" ka ti chhuak sap a, ka thusawi alo hria nge maw ni min rawn melh leh vut lehnghal "Engmah ka sawi lo" min zawt tawp silo a, ka lo sawi nghal zuah zuah chu!










"TKP bial pawn tlawh ah i kal ve dawn em?" ka ti ve leh, Au Zela kha a sawi deuh nual a, thla leh chawlhni hmasa ber ah kan bial chhung nilo bial dang kohhran an tlawh dawn ani awm e, tum khat Bualpui kan tlawh tum in kan kal ve tawh kum tin vawikhat tal kan nei thin a, boruak a tha thei phian lehnghal. Bakah bial dang te nen kan inpawhna that phah bakah kan inhmel hriat phah a, a nuam ve hrim hrim bawk.
Zirlai kan la nih miau avang in keini tan erawh kal zen zen ve theih ani lo thung kan chawlh lai nen a in nang fuh viau te anih loh chuan.











"Kal lo ang" alo ti deuh hmuk leh tawh. Sawi sual ka nei emaw ni a tum leh bur tawh sia, ti dak in ka melh ru leh zauh zauh tawh ringawt.










"Kei chu ka kal chak, mahse exam kan nei dawn bawk sia, exam zawh ah lah tih tur ka ngah lutuk" tlem in boruak ka ngam lui, ka zakthei lo nilo in ka zah loh theihna lai ka chhuah mai chauh ani a ruk tak chuan ka zam ve tho.











"A that viau chu" alo ti leh ringawt tawh. Tawngkam a thiam lo nge a sawi tam duh lo zawk pawhnka hre lo e a. Han exam zo vat vat ila he mihring hi ka ti lum mai ani sawn lo alh pup pup khawp in ka siam dawn.....










Kan inkawt kan thlen thlak chuan a ding ve dat a, kan hma pick up chu a tlan chhuak ve chiah bawk. Ka nu te ho chuan kawngka an lo hawng rawk rawk mek thung.









"Ka lawm e, thingpui te ilo in duh em?" motor pawn atanga ding chunga darthlalang a dah luh deuh paha ka tih chuan, alu alo thing zauh a. Hmm...nakinah chuan duh viau mahla ka peih li lui vel ve dawn chiang alawm.









"Muttui le" te chu an ti tha ve leh lawi sia, motor chu turn in kan invai liam ve ta hram e. A vawikhat na ani bawk a, ka mood chu tha vet vet tak ani.








Zanriah kil lai chuan Dinsanga ruala kal vel chu ka sawi ta ngei a, U zela lo nui ruh ruh mahse au Valpui'n min melh ngur thung. Ka pa te erawh in chutia a pawi viau na tur an hre lo bawk a, a tih zia hlauh e an ti zawk thung.Ka nu erawh in hmeichhia ve tih takah nun uluk tur in min hrilh leh mawlh mawlh tawh, nu te tih tur ani reng bawk a, hetianh chu ngai a neih tur va huat chi ani lo a, kan dai sual mawlh an hlauh vang tih hrethiam ve tur in ka puitling ve tawk tawh bawk.










"Ka thianpa thianpa in a star che sin, ka hnek tep ani" Thleng sil mawlh mawlh paha U zela'n atih chuan gas hru mawlh mawlh pah chuan ka va melh vak a, eng vanga hnek leh tum ringawt nge maw anih ve ngawt ni.










"À lung lung viau suh" dawhkan hruk mawlh mawlh paha Au Valpuia'n alo tih chuan "Misual alawm, kha hmanni pawn YMA ho in a damdawi an man khan a hmunah alo awm ve alawm, khatiang in ka nau a tih buai ka phal teuh lo" alo tih ve erh chuan ka nui hak a. A te ber na na hi chu min duat ve em mahse ka sual ber thung ta in ka hria leh si a.









"I ngaihtuah nasa lutuk anih chu, hmel duh neih te chu thiang alawm, tawh pawh an la tawh em loh hi, biak pawh an la inbe nang khatia lo tih nghal tun tun angai lo, bakah an pawn lam lan dan ah mi an teh ringawt ngai lo, nangpawh pawnlamah chuan chhe lo viau mahse i àt ruk em hi" Au Valpuia'n a tih rual chuan an han in tin nghal uai ringawt a.










"A ho mai mai, Mumang ngah deuh-i nen khan in la ni em?" u zela zawk en pah ka tih chuan Au Valpuia zawk alo nui huk a.









"Zothanpui, tawng thei viau suh" pakhat a lah chuan alo ti hmuk bawk. Nula ang mai thleng te chu an sil tau nghawng nghawng a, a che ri rum rum chu ka nu in a rawn au deuh lang lang bawk.










"Taka anu hrilh lo ula Mama'n ka pass chuan ui min lei dawn asin" ka tih leh sap chuan sitting room lam ka thlek dak a, ka nu ten an hriat vaih chuan an phal leh dawn lo sa, chuvang in ka naupan lai a ka tactic in hawn leh tawp ila kan enkawl ve leh mai thei zawk ang, a an ka erawh a hriam leh hraih hraih viau ka ring keimah ni nu hi chu! A sual erawh a sual hran hauh lo thung, a aw hi ring ve em a.










"Dobermann aw " au Zela zawk in phur zet a rawn tih vut chuan melh hrawk in "GSD" ka ti hlar a. "Dobermann an pa zawk, an fing zawk bawk en kawl an nuam" alo ti nghal zawt zawt thung.









"Enkawl tawh ang zia zang a, bakah an pa zawk te tih hmeichhia ka nih hi hmeichhe ta tur alawm, GSD ka duh fe nih loh chuan Golden retriever" ka lo tih leh vat chu min ngei hmel te sin, chek hluk in zui hawi tau deuh sawk a mawle......Chhe reuh thei sia!











"Tu emaw chu ava den leh fia fia dawn ve" Au Valpuia zawk in tui in khawlh khawlh paha a rawn tih leh chuan ka nui tawi tak mai. Apa'n min chhan leh em ang chu a! tih ani ka beisei ruk rauh rauh ni










Ka nu te zan inkhawm in an kal chhuak a, keini unau thum erawh playing card khel in kan rak tuar tuar mai. A chak lo apiang Cola bottle lian zet chuan kan han in vaw ta thin a, 3 te mah ni ila kan ri ruai mai.









Sawi leh ta lawk ila, Au valpuia hi Kum 28 niin M.A a zawh hnu ah B.Ed ati ve leh a, tunah hian kan khua a higher ah a thawk ve mek bawk, sawrkar an nih loh vang erawh in an hlawh a tha lem lo thung. Zela erawh B.A a zawh hian eng eng emaw ka training dawn e atia a ti tha leh peih silo a, tunah tak hi chuan sipai ah ka tlan dawn e ati leh tawh in ka hria kei aiin kum 3 chauh in a upa bawk. Mahse a vannei a khawl lampang a khawih thiam ve fu nen engtin tin emaw mi bike te hi alo siam sak thin a, ama pocket money tur tawk vel hi a nei ve leh thei mai. Kei erawh chawm hlawm hlang tawp ka la ni thung, sawi mawi dan pawh awm lo, chawm hlawm hi chu chawm hlawm kan ni tawp mai.










•••••••••••••••••••••




"Sunday tuk a sahmeh ava khat ve, tui dawn e" sunday zing dawhkan rawn kil paha au Zela'n a tih kher chuan ka nu in a melh nghal raw raw mai.









"I à lenglung emai, sa lei tur avang anih hi tunlai zawng" ka pa'n alo tih ve dap dap chuan nui thaw in ka nui chu an melh leh a, ani erawh in a melh no viau lem lo.









"Lehkha te hi i zir tha em? Final year in ni ve tawh a, tha deuh khan zu zir ang che, rawn haw zen pawh angai tawh lo ania tunbak hi chu rawn haw pawh tum vak suh zu zir tha hle hle la, helamah i awm chuan i rilru a he heu tlat zel, i u te lah hian an en lem mai mai zel bawk che sia, tha deuh in zu inkhung ve la exam zawhah ninawm khawp in he lamah chuan ila tal em em ang" ka nu in chaw ei laia atih vel dap dap chuan hnial pawh ka hnial peih lo, kan inmelh hrek hrek ringawt, sawi dik loh erawh a nei hauh lo thung.Mahni pian leh murna hmun nge nge chu alo nuam em bawk ani.










Ka kawm ve ber Kimkimi lah Aizawl ah a awm leh deng deng tawh mai sia, inkhawm pui tur pawh ka nei lo, Au Valpuia ka zui ve leh tawp mai ang. Kimkimi awm loh apiang hi chuan abulah ka kal ve hmiah zel, Au zela erawh thian angah si, min hre chang ngai lo a thiante bulah chuan.










Inkhawm pawh kan tha hnem ve leh fu tho mai, khawpui lam chu tluk kher lo mahila keimahni tawkah kan kohhran hi chu lian ve pangngai tak kan ni bawk nen.Ka sawi theihnghilh chu sermon an sawi dawn chiah hian ka mut hi an chhuak nghal em em thin hi ani, zia lo thei ania aw.......











Inkhawm ban chuan pawnah kan ding khaw muang ve lawk a, sunday school erawh kai loh mai ka tum, ka kai kim tawh chuang lo sia, bakah thianneih loh chuan ka peih vak lo bawk nen. Ka phone rawn vibrate ve dar dar chu ka bag atanga phawrh in ka en vat a. Whatsapp message!
Alo thawn tu chu insawi miah lo pawh nise kei hian ka hre chiang lutuk tlat, ka nu no. ai pawn ka vawng zawk hial ang chu.









*Thlalak chu naktukah ka lo keng mai ang, lo lam lo mai rawh*
*Dinsanga*









Hmuh chak viau mahila mahni chauh a va kal tur chuan azia lo ve deuh sia, naktukah kan inhmu dawn tho bawk nen pawm thiam mai ang. Bakah ka sawi hmaih miah lo tur chu Dinsanga hi U Venpuii awm loh atang hian biak in a rap khat khawp mai nilo a inkhawm ngai lo tluk zet ani tawh, he mipa thinlung hliam hi! A hma te chuan inkhawm te a thulh ngai lo tluk ania, TKP lamah OB ani ve mek bawk mahse a tawrh hi keini chuan hriatthiam pui vek lo mahila mihring kan inang lo bawk nen a na ngang ani ang, tihdam erawh ka duh takzet ani. He mipa thinlung vawt tak hi lumna pek leh ka duh takzet.









"Lo zu haw mai ta che, envolve hawn kan ngai dawn bawk nen kei chu bakah sunday school te a awm bawk sia " Au Valpuia'n alo tih chuan bu nghat in gate lamah chuan ka chhuak phei a, a nawlpui in biak in lamah an luh leh tawh avangin mahni te chuan ka chhuk thla hnek hnek a, ka phei khawk phelh thuai thuai ka chak hle bawk.










In ka thlen hnu fe a, Dinsanga kha ka reply miah lo tih ka hre chhuak leh hnu hnawh, rang zetin khum a ka bag dah chu ka ban nghal rawk rawk a. Whatsapp ah chuan ka lut nghal vat bawk.







*Awle, dar engzah vel ah nge naktuk kha kan chhuah ang?* ka han ti ve thawr a. Number kan in nei tawn tawh bawk a, a status en te ka chak tawh nasa.








*Dar 6:30 a.m vel bawr ah aw, i tho hma thei angem?* rei nghah vak pawh ngai lo chuan alo ti ve zat a. A tawp lam athusawi chuan min run deuh, ka thawh tlai thin hria ang zia zang a, hmeichhia te chu e kan duh chuan kan tho hma thei lutuk, Kan thawh tlai chhan pawh kan thatchhiat ruk vang mai mai ani, zan menrei bonus nen, kan thil duh deuh nei dawn ila chuan zing dar 5 ah pawh kan tho thei lutuk tlat.










*Thei ve ang, ka mut a chhuah loh chuan* ka han ti ve zat a. Mut chhuah chuan thawh hma hi har deuh ania. Mahse a chhuak dawn lo chiang sa kan duhna kawngah hi chuan.









*Chhuak lo mai rawh se, duh leh motor ah i mu dawn nia* min chhan pawh ka rin tawh loh laiin min lo reply ve zel chu nia. Ka phur hawr hawr khawp mai.Seen kher lo in a chhiar theih vek avang chuan , seen nghal vat chu duh mahila nghakhlel deuh ka ang awm bawk si, rei lo te ka ngah ve det hnu chuan kan seen leh a, ka nghak rei thei chuang lo.










*Kawng a chhe si mut a har awm emai* ka han ti leh zat a.Chu erawh a seen har ngei mai.Mins 20 chuang ka nghah hnu pawh a ala la seen loh avang chuan ka phur na chanve an bo duak, mahse a buai thut te pawh ani ve thei tho.









Ka nu te an rawn ban leh meuh chuan chhuat ka lo nawt zo ve chiah a thingpui lumah min tir nghal zat bawk. Ka lumsak zawh hnu chuan room ah lut leh in kan inbiakna ho te chu kan chhiar leh vel thul, ho te mahnise ka hmuh tur liau liau a a type anih vangin min ti hlim em em tho.










Kimkimi'n min lo call ve teh mial a, College kan tan leh hnu hi chuan call a inbiak hi kan nei khat amah lehkha zir ngai pawimawh chi lo ni bawk nen va tih buai sek kha ka inthlahrung ve tum hrang sia.









A aw a zuai khawp mai, lehkha azir chau ve deuh nge mawni, bakah Kan Malsawma pui nen lah khan an in break ve rih sia, a awm ve reng mai. An luhlul ve dun em bawk ani, kawng dangah chuan an inmil vek an inmil leh lutuk hi an inmil lohna zawk ani ta daih in ka hria.Bakah Malsawma bet but lah kha Pastor fapa ve si, thin bu tut te han neih! Awii ngaihtuahna tul lo tak ani.










"Zoi, Zothani!" ka nu a rawn au leh ruai tawh, Kimkimi nen kan inbiakna chu titawp in ka va chhuak phei a, inleng kan lo nei chu niin thingpui lum ka hna ani leh bur tawh!









•••••••••••••••••••





*Hma deuh ah lo mu mai rawh aw* a rei a rei ah zanlamah chuan alo ti ve leh lawi a. Biak zui vak chu chak mahila hmeichhia zawk in tih nghal har har chu min nin ve ka ring bawk si *Awle* ti bakin ka reply ta lo law law mai.










Zanah chuan Au Zela nen inkhawm peih lo pahnihin in kan nghak a, mu dawr dawr in games kan khel dun, khulama ka awm chuan Mama'n a phal teuh silo, sual lam kawng nilo tha vak lo lam kawng ti zawk ang ah hi chuan Au Zela nen hian kan in mil ber mai.









Tu emaw sawi vang te pawh niang hma zet ah ka mu a, zan dang ang lo tak in dar 10 pelh awrh ah ani ka mut ni. Mutthlih erawh a har hrep lehnghal suangtuahna ho zet zet hlimawm ru riau bawk si nen chuan kan nui dun lo chauh! Hnung leh pang kham ur a tal tal hnu chuan ka lo in tal muhil ve ta niang, ka dar 6 : 00 am alarm chuan min ti harh zawk a, thawh phan pawh awm hauh lo in kan thu chhuak nghal hlawl a. Thil reng reng ka tih dawn hian a hun hma emaw deuh a lo in hmakhua tih vel hi ka peih vak ngai lo, a hun chiah a, chhuak thei tur a insiam chhung te nen ka chhut vek hnu ah darkar in ka chhin chhiah mai zel a, ka maksak na ka nu in min tih sak thin! Ka mak vak erawh ka hre hran lo khawp mai.










Tho chhuak vat in ka thawmhnaw hak tur ka dah chhuahsa chu la in bathroom lamah ka phei sawk sawk a, ka intih fai zawr zawr hnu chuan inthlak sawk sawk in inchei hran ngai ka ti lo bawk nen ka inpeih chu ani der mai. Shirt var, Mom jeans dum, converse, jacket nen ka ni leh tlawng mai. Ka sam chu car anih leh dawn tho avangin ka tawn buai peih lo, make up pawh zing zingah ka peih teuh lo kan tlan rei tual tual a nga hmelchhia min ti tual tual palh ang.










Ka bag lian vak lo khai a ka chhuak chu ka nu chuan thingpui min lo pe vat a, 6:20 a.m alo ri dawn chauh ala ni. Thingpui ka inlai chuan ka chaw hmeh hawn thlak tur chu dawhkanah chuan lo dah in tihdan tur min hrilh nghal mawlh mawlh bawk. Ka thusawi erawh ka beng kawrawng ah alut pawn ka hre lo.









I crush em em nen darkar 2 chhung vel motor ah in 2 chauh in chuang dun dawn ta ula eng rilru nge i put ve ang? Kei chu ka phur a ka zam ru ve viau bawk ka zam zia erawh ka thup thiam lam tak ani thung. Mahse ka awm chhung erawh che ve det det a awm lo thei lo!










Kan kawt a motor horn a rawn rik chuan thingpui na chu dah in ka ding nghal vut a, ka bag chu khai in ka nu leh pa chuan ka thlai hawn tur chu rawn khai ve bawk in min rawn zui chhuak nghal bawk. Ka u te pahnih erawh an la tho lo aniang, min thlah turin ka phut em em hran lo.









Kan chhuak min lo hmuh chuan a car var nalh zet atang chuan a rawn chhuak ve vat a. Ka ding dat in ka hria, ka thil hmuh hi chu, ka theihnghilh hauh lo ang. Ka thawk thleng chuan abuai zo tep hial ani.








A chhe lo, nilo lutuk tih ka belh lo chuan ka mawl hle niang a chhe lo tak zet zet. A palian in a sang tha bawk si. Zingkar kar a hmuh atan chuan a tha lutuk mah mah ani.
A thuamhnaw chu a thim lam deuh vek mah nise a inhmeh hliah hliah khawp mai, a lang lian leh zual hial in ka hria. Shirt var Leather jacket dum, jeans dum bawk leh Timberland dum. A inhmeh tak zet zet.









Tawng mai na chang pawh ka hre lo, ka bag chu lo ban vat in motor hnungah chuan min dah luh sak a, ka nu te thil khai te nen chuan. Ka pa zawk chuan lawmthu te sawi in fimkhur turin min chah ve luam a. Dinsanga pawh alo bu ve nghut bawk. Min rawn melh vut in "Kan kal mai dawn em ni?" a rawn ti sup a. Bu nghat in ka nu leh pa chu ban vai zauh in ka thutna lam tur chu ka pan phei nghal zat bawk.











● Ti chuan zanin atan a zo leh ta der........Lo muttui leh vek ula, zanin in story chhiar ho zawng zawng zingah vawikhat mah ads ila click lo anih chuan a hnuai ami khu min lo click sak leh zeuh ula aw.....In fel em kha....Vawiin kan buai deuh bawk nen nizan lam comments ka chhiar vek hman lo a, zanin ah ka lo en vek ang....In fel tliar tliar thei si 💙💙💙💙💙

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:55 pm

Chapter - 4








Kan tlan chhuak chu kan ngawi kar mai, han sawi hmasak tur mai lah ka hre bawk si lo, ka zam ru ve em em ringawt tawp. Thil ho te pawh sawi se ka sawi zawm pat theih ka ring mahse ho te pawh a sawi bawk silo.









"I mu tam em?" khua kan chhuah san chiah tih vel ah chuan a rawn ti ve dut a. A motor khalh lah chu a khalh dam vei thlurh bawk si, thli thaw heuh heuh te nen a nuam vel vek mai. Ka bula thu pa lah hi zing zing ah a rimtui vut vut mai bawk sia.











"Umm, 11pm vel ah ka mu lawm chuan dar 6 a.m chiah chiah ah ka tho bawk sia, darkar 7 bawr vel ka mu nih chu! Nang?" Chutia thil a rawn sawi tan tak ah chuan ka ti ve vut a. A hmel dul takah erawh mut mu a hmu tha chiah lo anih hmel ka ti.










"Ka mu lo!" a rawn tih nghut chuan ka melh vut a. "Maw?" ka inrin hma hauh in ka lo sawi fel der tawh.Tinge a mut loh? A mut te rawn chhuak ta se accident ta ila? Nilo, chutiang a thleng bik em lo vang.









Ka aw ki san deuh vang nge min rawn melh vut a, a stearing chu tuai zuk in
"Mu hlek" a rawn ti leh lawi si. Enge maw a sawi awmzia teh nuai ni. Ni dawn tak! ani hi a thil tawn vel vang khan harsat na anei deuh emaw ni le, lo ni ta hlauh se engtin nge niang? A taksa tla duam te heng vel vang te hi ani thei mai ang a?











"I mu lo" ka tih sap chuan min rawn melh zuk a, chiang zet in ka lo melh let ve kal bawk.Min en rei lo in hmalam a en leh vat a, mahse a mirmeng a natna thuk tak inphum ru kha ka hmuh hmaih hauh lo.









"I mu miah lo?" ka tih sep chuan "Ka mamawh hleinem" alo ti deuh hmuk a. Ka rindan chiah, thawk la halh pah chuan tukverh lam chu ka melh ta daih a. Boruak zangkhai tak kan nei dawn emaw ka ti....hah! Teuh lo lutuk tlat. A na lai ka hmuh hian ka thaw a pik ve vek zel chu nih hi!










"Naupangte, tinge i thawk ve hak reuh a?" a tawng danah chuan anui pah tih ka hre mai ka nuih erawh aza miah lo asin, thinlung hliam chunga nun a hmang mek tih hre mahila hetiang khawp hian a pùn ka ring lo asin. Hlim luih tum viau mahila thawk apik zual ting ani mai si.











"I dam mai thei lo ami?" ka ti chhuak deuh phawng a, alam hawi a ka in her avang chuan zawi muang chuan min rawn en ve zawk bawk. Ni dang a ka hmuh chak em em nui hmel pu mahse tun hunah kher hi chuan ka nuih pui thei hauh lo, tun bak hi ka tan change a awm lo mai thei tih ka hria, chu chu hman tangkai ka duh bawk. Ka awmdan vang nge a nui hmel chu a inthlak riai riai a, motor khalh lai ani bawk nen hmalam a en leh ta daih bawk.










"Ka dam that em hi!" a rawn tih sup chuan ka lu ka thing nak a. Dam! ni e, ala thaw ve alawm midang hriat ah chuan a chhungril erawh in chhiat lam an pan mek tih erawh ka chik anga chik ve te chuan an hmu thiam ngei ang. A dam hlawl lo bawk!











"I ngai viau ami?" engvang a ka ngaihtuah chian hma a sawi ringawt thin nge maw ka nih le. Ka thusawi vang erawh chuan hmel danglam apu hauh lo a stearing erawh a hum ngheh hmel tawh hle thung. Tuna ka nihna tak ah hi chuan maw hepa hi ka duh mai anilo ka at chilh hial in ka hria, a engkim! a natin hrehawm ka ti ve a ka thawk lak kham tur khawp in keimah ah awmzia anei tam bawk.











"Liam tawh te chu liam tawh an nia, helai aia hun nuam zawkah an awm tawh lawm, kan hun ala thleng ve lo anih chuan lawm takin kan nun kan hmang mai tur ani, anni vang a......." Ka tih lai chuan "Ngawi rawh" a rawn ti hmuk a. Kei erawh in chuti mai a ngawih ka tum hauh lo thung.











"Khawvel nuam zawkah an cheng tawh, chu chu pawm thiam ve rawh.....tumah an lo kir thei tawh lo ang bawk in anni vanga kan nun ve theih chhun tawi te tih chhiat hi......"









"Ngawi tawh rawh" Rawn tih hrawk pah chuan car chu kawng sir ah chuan a ti ding nghal dawt a, kei in ring hman bawk lo nen car hma lam ka bu dawrh a, ka chal chu khawi lai emaw ah chuan ka tauh ri dawt a, ka lu hai nghal muai muai mai. Car kawng khar ri dawt ah chuan pawn ah a chhuak tih ka hre nghal mai a, ka hawi chhuah chuan motor hma lamah chuan dingin a kawng dawm meuh in thawk alo la hawk hawk a. Min hnung chhawn tlat avang chuan a hmel erawh ka hmu thei lo!











Ka chal chu ana phian leh nghal. Ka lo hmanhmawh lutuk nge? Ka hrethiam lo. A natna zawng zawng hi paih chhuak se hahdam tak in a nun a hmang lai chiah ani ka hmuh ve duh chu. Zantin mu thei lo a a awm tur te a suangtuahna khawvel in anun a tih hrehawm dan tur te a awmdan tur hrang hrang ka ngaihtuah khan ka nat pui em ani.










Vawi leh khat a car ke a tlawh chiam chuan rang zel chuan motor atang chuan ka pe tek chhuak nghal hi ni mai. Hnaih erawh ka hnaih lawk ngam chuang lo.








"Liam tawh chu liam tawh an ti maw..... tinge kha kha achungah a thlen bik, a duh loh zawng in vawikhat pawh kan la awm ngai lo, a ring a a hnenah kan inpumpek thin, mahse enge kan dawn let hi, Misual te pawh malsawmna tam tak in a vut thin tho ani lawm ni, engvangin kha natna kha a pek leh bik si" rilru natna thuk zet mimeng a min rawn en lai a tih chuan ka melh tlawk tlawk ringawt. I awih em? he mipa thinlung hliam mit atanga mittui rawn far hi! Ka mittui vang in keipawh ka hmu fiah thei tawh lo hial. "Bible a a thusawi hi zawm loh kan nei lo asin, malsawmna tam tak aneih zia pawh ka hria a thil tih theih zia thleng in ka hre lo bik lo asin, mahse ani khian min phatsan, ka natna hi chu maw ani vang khi! a hma ah thingthi meuh in ka dil asin, mahse min hawisan, misual te pawh ngaidam duh tu inti si khian mi fel te a hmuhhmaih leh si chu nih hi" a rawn tih leh chuan a rilru natna thuk tak ah chuan Pathian meuh pawh a dem zia ka hmu thiam bawk. Hetiang tur em chu ani lo asin! Ka biang tuai thuak a ka insut chho hraih chuan ani erawh car hma ah a kut pahnih a in nem khalh in akun ngur a.











"Keiman ka ti dam ang che, engkim ah min ring la min chelh rawh, Min ring turin ka duh che" ka tih sap chuan kun ngur a innem khalh tu chu a rawn hawi chhuak a amitmeng te chu an sen rum mai. A hlauhawm ni e midang tan chuan tuna a awmdan hi chu a rapawm hial ta ve ang, mahse kei chuan ka hlau lo, a sual loh zia vawi tam ka hmu in ka hre tawh, tun tum erawh a tawrhna ah hian dem tur a zawng, a nat luat ah heng zawng zawng hi thleng ani tih ka hrethiam bawk.











"Min hnaih lo zawk rawh, ani....." Pathiam dem zawng bawk a thu sawi leh a tum chu ka lo tawng khalh vat a. " Ani ka sawi lo, keimah chauh min en la, keimah ah hahchawlh tum rawh, min ring thei ang eng kawngah pawh" ka tih leh vut chuan a thaw hawk a. Zing kar lam chauh ala ni bawk nen kawngah pawh motor an la vang pharh a, tlem chuan azia deuh.










Rei tawk fang a din a thawk alak leh halh halh hnu chuan " Kal ang" a ti leh hmuk a, motor kawngka lam chu a rawn pan nghal vut bawk. Keipawh rang zet chuan ka bianh huh chuap tuai thuak chuan thawk la vak in ka chuang lut ve leh ta pauh a.










Hepa mamawh ber hi chu hahdamna ni e, a phur rit tak chhawk tu amamawh ber rih. Rinna lam erawh kha chu kei chuan tih theih ka nei tlem khawp mai, Kimkimi emaw rawn mai ala ngai ang.









Motor a ka luh ve hnu chuan nichin a a hmel rum lutuk leh mitmeng dik lo te kha tlem chuan alo reh ve ta deuh a. Biak erawh huphurh awm khawp in a tum thung.
Motor a start chiah tih chuan min rawn melh zawk a, ka lo melh ve run bawk.









"I chal" a tih nghut chuan ka chal thip deuh lai chu ka han khawih a, alo nal ve zuap mai. Ka kut ka en leh chuan thisen alo kai niai mai. Ka chet hma hauh chuan rawn che vut in first aid box khawi atang emaw hian a rawn phawrh nawlh a, hawng rawk rawk in min rawn awm hnaih nghal vut bawk. Lapua ah chuan eng emaw tat mawlh mawlh pah hian ka chal chu a rawn hru nghal vat a, lo ban ka tum chuan "Keiman" alo ti leh hmuk tawh. A pem lian hran lo aniang, band aid pahnih hian a rawn bel nghal vat a.A che zia chu ngun zet in kei in ka lo en bawk. Nichin mai a hmel rum lutuk erawh kha chu a dam leh thluam tawh, hman ami ang chiah khan!










"A na em?" band aid char nghet tur a zut mam paha atih chuan melh kar pah chuan ka lu ka thin zauh a. Ka chal a en na tang chuan zawi muang hian min rawn melh thla ve ta bawk nen kan inhnaih khawp mai. Engkim mai chu a reh duk a, a rim tui zet chu ka hnar chuan ka hip vang vang bawk. Vawi leh khat ah vai truck motor rawn tlan thut in horn a rawn pe chho ruai ruai a, harh chhuak thut ni awm in a inla hrang nghal vut bawk.









Motor chu hnung lama tawlh hrek in kawng ah chuan kual lut hlek in kan tlan leh ta nghal a, boruak erawh a reh vawng vawng ta hle. Ni chin maia a khawsa zia ka ngaihtuah kha chuan dam a harsat tur zia ka hre khiau bawk. Dem tlat nei a, kan hun kal tawh a kan tan tlat hi chuan mahni natna bak kan in siam lo asin, ani pawh hi amah chauh a inti na mai ani, chu chu ka hria a tihdam ka duh reng bawk mahse thil awlsam tak erawh ani lo chiang asin. A bul tan nan ka lu ah band aid a kai nghal vu hi, mahse ka beidawng hauh lo ang.











"Ka thil zawh che kha min la chhang lo " Mausen kan luh dawn chuan ka ti leh sep a, min melh zawk ringawt. "Min chhang dawn em?" ka tih leh chuan a rum deuh dat a.










"Natna bak kan inthlen lovang" alo ti nghut duh chauh. Mahse ni china a thin but tut ang chiam a a awm tawh loh avang erawh in ka ngam pa leh ta deuh thung. Nichin ang khan min awm khum leh se chuan ka tì tawh viau mai thei ni.











"Kan na sa reng ani lawm ni?" ka tih ve zat chuan min rawn melh khui a, ka thutdan siam rem in alamah ka in her rem zat thung.










"I hma ka ngaih vang zawk anih hi, i nat hma in pen luih tal tum suh" alo ti leh hmuk thung. A tawng dan ah erawh min huatna emaw min hnarna aw ka alang lo chuan tlem chuan min ti thawk nuam leh zual a, keimah min ngaihtuah ve deuh tih a tawng danah ka hrethiam ve bawk.











"Pen lo thei lo in ka awm sia lawm" ka ti ve leh chuan min rawn melh leh zawk a,
"I awm loh kha" alo tih leh hmuk chuan ka lo melh deuh ram ram tawh. Ani erawh in min melh leh tawh miah lo in kawng lam a melh leh run tawh thung











"I nu hi tlawng lei atang khua tla dawn ta se engtin nge i tih ang, chhan tur in i pen dawn em?" ka tih alu alo bu nghut a.








"A nih enge i chhan duh kher na chhan? I nu nih vang chauh em ni? Nge Pi Malsawmi anihna ah?" Ka tih chuan min rawn melh leh khui a, Pi Malsawma ka ti kha a run deuh emaw ni. Ka lo nui lui sak ringawt.










"Tinge?" Motor gear thlak pah chuan ati leh vut a, Mausen kan chhuahsan fel chiah bawk, zinglam dai tla ala tam vang nge a vawt var var khawp mai.









"Min chhang mai la?" ka lo ti ve talh a.











"Ka mihringpui anihna mai bakah ka nu anih vang leh ka hmangaih vang in " a rawn tih hmuk chuan ka lo nui var var a. Min run melh run in amit ko a rawn san ralh a, a mitmeng hi chu a dam lo ve chiang e. A hma a pha tawh lo bawk nen a biang cher lam dek te nen phei chuan tlangval rorum deuh a ang. Oh! a rorum rih viau tak e...











"Tinge pen luih ka ngaih chhan chu ti khan i hrethiam tawh mai ang chu..." ka lo tih chuan ka rin loh deuh in alo nui hawk a.A nui hmel hmuh a khat thin bawk nen ka melh ngawih ngawih thung.











"Naupang mai ila nih kha" nuih zat hmel zet a arawn tih leh chuan ka melh ve khai khai a. Ka naupang tawh chai lo!










"Kum 22 ka ni tawh, sawrkar danah phei chuan kum tling ka nihna kum 4 na chiah, kohhranah TKP member ka ni tawh bawk a, June thla a B.A ka graduate tawh mai dawn bawk, Kan kum inthlauhna pawh kum 12 chauh, kum lamah chuan buai viau suh, kum 20 dawn a in thlau an tam ve lutuk, Age is just a number, ok?" ka tih ve tan tan chuan ka tang bawk a ka thutna tang in ka thu tung ut a. Ti hian ka bem ve deuh emaw ni! Ani lah chuan fiamthu ah lek bak min ngaihsak duh silo a.











"Mipa tha ka ni lo!" a rawn tih sup chuan ka melh chiam a. Anihna ka hre lo emaw ati deuh emaw ni! Ka duh a chuan ka hrechiang ve tawk chuan ka hre bawk.










"Mipa tha ah ka chhuah mai ang che" ka tih leh chuan min rawn melh deuh ran ran a, motor a khalh bawk nen kan in melh rei lo thei hle thung. Min melh rei deuh se ti viau mahila alai hmasa tur erawh ka chiang nasa mai si, min melh rei thei lo chu a pawi lo ti zawk mai ang.











"Min duh nge duh lo sawi ve mai la, ih, i thil tawn kha....." ka tih lai tak chuan "Lo ngawi lawk rawh " a ti deuh sup a. A thinrim emaw ka ti leh hman ka en chhauh erawh chuan a hmel alo dam deuh thlap lawi si. Kawi 5 vel kan tlan leh hnu chuan Tlawng kan thleng ve ta mai a, zing lam a sumo chhuak lo pawh thingpui in in an lo in hunh far mai. Lei ah tak chuan motor chu ti ding dat in ka lo melh reng a, engine a off hnu chuan a hmai tuai puak in a seat ngheng chhan chu a rawn ngheng thla leh dawt in a mit a chhing nghal vang vang bawk.











"Eng vangin nge min duh?" a rawn ti chhuak phawng a, a la maimichhing reng thung a chal zawnah a kut ding lam dah chho in thawk ala suai suai a, a hahdam hmel phian leh nghal.











"Thudik nge dawt ka sawi tel hlek dawn?" phur zet a ka tih vat chuan a rawn nui suk a. Ka kà ka veng leh hman lo, min thil min zawh hian he tawngkam hi hman ka hrat lutuk a, tih than ah ka nei zo vek tawh.
"Thudik tak!" a rawn ti sup chuan thawk kan la hmasa ve te te a.











"Class - ix a maths min ziritr hmasak ber ni khan chhe lo ka ti che a, chuan a hnu zel ah pawh, mipa ka hmuh tawh a min hip anj mai ang, min hip ve ber tu inia, chuan i nui mawi ka ti bawk, adang leh ah chuan Miss....." ka tih lai chuan tim leh deuh chuan ka en a, mahse engmah a rawn sawi loh avang chuan "Ih...Miss Venpuii nen inchanchit ka hriat khan ka khawngaih che a, i fel sia, chuan ih....ih....ka hre tawh lo ka duh che ni mai" ka tih bah nak chuan a la che eih lo. A muhil zawk emaw ni!











"Ka hip che maw...?" a rawn tih sup chuan a rawn meng chhuak ve hram a, chiang zet hian min rawn melh bawk, a mit meng chu a phelh phang mai hian ka hria, thinrim mitmeng ani hran lo bawk nen ka lo bu nghat a.










A rawn thut chhuah leh hnu pawh chuan ka lo melh ran bawk. "Bialpa engzat nge i neih tawh?" ka tum loh lam daih a rawn sawi avang chuan ka nur nang a, ani erawh in min melh run thung, dawt ka sawi nge sawi lo hriat tum ang mai.










"Pa 3 vel.....mahse thlakhat pawh kan ni hman ngai lo, min hip ve lo alawm" ka lo ti nghal vat ringawt a. A naupang zawk in ka bem deuh chu ani awm e. A mipa upa zawk lah chuan interview nei ang mai in min zawt chip chiar nasa mai si.











"Zirtawp ah ka lo kal dawn leh dawn, kan sawi tha dawn nia!" engine ti nung pah chuan ati ta daih a, kan ni tawh dawn emaw tih a tia a tih leh daih ni.










"I inngaihtuah dawn tihna mi?" ka tih chuan "Chutiang chuan ngai mai rawh" alo ti lek a. Hmmm....hmeichhia te lawm inngaihtuah thin, hepa hi a à ru deuh emaw ni, aaaa à tur chuan ka phal teuhhhh lo.......










"I riltam em?" Tlawng a thingpui dawn lam min mitmei paha tih chuan aih tih nan ka lu ka lo thing zauh a, Kal dawn khan cake zai lian tawk ka nu in min ei tir a thingpui nen ka la puar viau.











Kan tlan leh hnu chuan motor a music player chu engtin tin emaw ka khawih neuh neuh a, min hau bik em lo, ka phone nen chuan bluetooth in ka thlun zawm a, khua ala vawt ve deuh bawk nen music cool zet play chuan ka jacket chu ka sin hlun a, ka hriat loh kar in ka lo muhil ta daih lehnghal.










Ka harh leh meuh chuan Lunglei khaw chhung kan lo lut der tawh. Meng siar siar a, ka han en chuan hma lam en ran chuan fimkhur zet hian leh hneh sawh ru zet chuan motor chu a tlan tir delh delh a."Lawngtlai thleng kal tur ni ila ka bem tlu hman angem le?" ka thil ngaihtuah tul lo lutuk avang chuan ka ner nak a, zi ar ar a ka thu chhuak chu min rawn melh zawk bawk.











"Dar engzat nge ni tawh?" Kan ti thla ve ngawt a, "8:30 a.m ala ri lo deuh" a tih sup chuan ka rin aiin kan thleng hma ka ti, kan tlan chak hran loh teh reng nen.











"Hnar zai ilo va thiam ve?" nui suk paha a rawn tih chuan , bo deuh chuan ka melh phei a, ka che zia tang ka hrethiam chiah lo tih alo hrethiam ve niang chu " Mut hlan a hnar thawm siam thiam deuh kha" a rawn tih leh chuan ka ngaihtuah neuh neuh a eng a sawi tum na nge ka la man chiah lo. A nui leh suk ka va hmuh chiah chuan ka hre chhuak ve ta chiah.











"Dawt!" ka ti hmuk a. Min rawn melh zauh in nui suk hian alu a thing nak a. "Ka awih lo ka hnar ngai lo!" ka tih hlar pawh chuan min chhang duh tawh hauh lo lehnghal. Ka hnar ngai tawp silo a, ka taksa chau hi ka lo hnar tak tak zawk emaw ni le, alo nih phei chuan avan chi loh ber takkkk.....










Mahse kan kal tirh lam ai ngawt chuan kan boruak pawh a zia ta deuh a, a tha phian e. Kan inkawt thleng min thlah thla thlap a. Mama kawng a vei thauh thauh ka zu hmuh chuan kan motor dah na tang chuan ka zu au chiam a, a rawn hawi rang hle bawk. Kan lam pana rawn chho chu motor atang a ka thawmhnaw vel lakthlak mawlh mawlh pah chuan ka zu melh leh zauh zauh thin chimawm rawn chhuah lo hram teh se!










"Ka rin aiin in lo thleng hma" ka bul arawn thlen chhoh chuan ati nghal dut a, "I rinna ava chak lo ve" ka lo tih zat chuan min rawn tuai nghal nawk nawk chu kei ka lo te tuar bawk, midang awm lai lai a. Tlangval ve si puitling lo lutuk.....









"Dinsang kan va lawm ve aw, chaw ka chhum kep che nia i rawn ei ve nghal ang chu tiraw?" ka u in a tih zat chuan alu alo thing leh tawh.A va induh thiam mai mai tak.










"Office dawr tur ka ni sia, bakah chhungte thil tur ka keng nual sia, pek chhoh kual ka ngai bawk nen" ati deuh tlat a. Ka u nen chuan ka bungrua vel khai chuan kan in zui thla hnek hnek a, ka kal dawn chuan nui chung in ka bye bye ve bawk a, min en run hnu ah nuih pawh nui leh tawh lo in min kal san leh daih tawh. A buaithlak thin teh e.....











Kan inbul kan thlen chuan Patea fapa te ber Awmawma lo chhuak chu ka lo hui vat a, an thil tur ka nu bawk hran bik chu ka pe a, keini erawh college kal ngai bawk nen lut kawi lo in kan inlamah kan chhuk thla thung.









Mama lah chuan min chhaih zuk zuk leh ta nghal ka va ngei tak! Hun te chu an kal muang sawt emaw tih mai tur hian zan te chu ani har ka ti, zing lah alo thleng har zual in ka hre bawk. Zirtawpni ah ka lo kal ang atia alo kal leh loh vaih phei chuan! Min duh lo chiang bal tihna.......












Min duh lo ta se engtin nge ka tih leh chuan ang, va tihbuai leh sek erawh a tlawmthlak ve deuh ka ti ve tawh bawk si.A nunah a beidawng a, Pathianah beisei tur a nei lo bawk, nilo a hnung chhawn hmiah chu ani ringawt si a. Engtia han tih chi nge mawni! Han share ve viau tur lahin tumah han kawm ngheh tak tak ka nei chuang silo, ka best ve ber lah hi ama tawk ah a rilru buai ve bawk si, kar hla awm tawh lai a va tihbuai sek ka inthlahrung ve tho bawk nen! Zothanpuii hi ka chau ve tan in ka hria!











Ka rilru ah lah khami ni a kan awmdan ka awmdan ani zawk mah ang chu alo luh lai te, ka duh chhan ka sawi dan te kha mawlh ka inti bawk si, khatiang lo deuh te khan lo sawi ve tur ania, mi te pawn dawt an sawi nasa thei eeee.....Aaaaaa










Se bo hnu a se kawng khawr ang chauh ani tawh mai bawk si!










Zirtawp ni!









Min lo la be duh miah lo te chuan min ti zam zo vek! Mipa ho hi hmeichhia an bem hian tiang hian an awm ve thin angem le! Han biak vel hmasa sak dawk dawk lah kha hmeichhe zak thei lo deuh min tih ka hlau ve tho bawk si.











Zan lama ka inngaihtuah thui deuh erawh chuan lo ni ta tehreng pawh ni ila U Venpuii theihnghilh thei silo se, ka na mai mai angem? tih te, ka duhthlanna hi a dik chiah em? tih vel ka ngaihtuah nasa ve lutuk, mahse a tawp ah erawh Pachuau lunglian ka nihna bawk a rawn lang leh thin, ka thuthlukna ah inchhir ka tum lo, nilo ka tum ruh zual a, ka pa sawi dan takah "engpawh nangmah in duhthlanna i siam chuan zawm tawp rawh, a tha ber ngaihtuah a i tih ani a, tuar angaih pawn i tuar ve tawh mai ang chu" tiin kan unau in min hrilh vek thin.











Hun dang aiin ka tawngtai tam phah phian a, zanah phei chuan khami ni a, Dinsanga awmdan ka ngaihtuah let khan ka tawngtai sak lo thei lo, rilru fim tak hmang a engkim hi hma chhawn a pawm thiam thei tur in ka dilpui mawlh mawlh mai ani.











Ka beisei ai hma in a rawn call leh si. Ninga zan rei ka lehkha zir zawh lamah chuan a rawn call teh mial a.Thin phu deuh dat dat in ka pick up ve mai bawk.








"Hello!" a reh vang vang avang chuan vawi 3 lai ka sawi nawn hman chumi hnu deuh a delh palh vel emaw ni tia dah mai ka tum lai chuan a rawn ri rawk rawk a.










"Keimah!" a rawn ti ta dut mai. Ka thinphu ran zia chu vai khuang em chu tluk lo mahse Zo khuang tal a tluk ang.......










"Ummm" ka ti leh sap a, sawi vak tur hre bik lo chuan. A lighter nge maw ni talh ri rak rak ka hriat hnu ah mei a zu ani ngei ang a thaw ham ham thawm ka hre leh zat bawk. Zep miah lo chuan mipa in mei an zuk hian an pa ka ti! Zu ai fe chuan...











"Ka dan siam i zawm dawn chuan i duh ang chhanna ka pe ang che" a rawn ti leh sup a. Engdan nge? Nilo inlaichinna siam tur in dan a awm ngai em ni? Hetiang em em chu ani thei lo ang! Rem channa la in a thu hnuai a min dah a tum zawk tihna em ni! Chutiang chu ni ta se! Hah.........










A ti sual khawp ang!









● Chuan.....a story ah kan lut tan ang,😂 Angaihnawm vak lo mai thei ni ka hmanhmawh lutuk a, online class nen, seminar tel ngaihna lo awm thin bawk sia.... Muttui leh suk suk tawh mai u

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:55 pm

Chapter - 5





"A tha lawm, mahse eng dan nge ka zawm ngai dawn ka hriat hmasak a tul thung ang? ta tang chuan thuthlukna ka siam ve ang?" ka tih ve nghat chuan a reh deuh vang vang a. Engdan nge a zam dawn tih hre lo na na na chu ka lungphu in ngai an awh meuh lo.










"Engtik nge in exam dawn kha?" a sawi dawn emaw tih tawh hnu a a rawn tih leh daih chuan ka inseh ruh tawh nasat zia a hrethiam lo emaw ni! A thusawi tur ngawt chuan min ti zam tawh.








"May" ka tih sap chuan a meizuk vang nge a thaw ham ham thawm chu zan reh tak hnuai ah ani bawk a ka hrechiang hle mai.
Kan awmdan vel ka ngaihtuah chuan mawl intihna chen ka nei ve deuh nangin ka ngaihtuah thui duh rih lo. Hei erawh ka chiang mipa pakhat vangin ka nun pumpek ka tum mek chu ani si a.











"In exam zawhah ka rawn hruai ang che, hmaichhana sawi a tha zawk ang" a rawn tih leh chuan ka ngei deuh. Beng ati vir ve ting tang sia, mahse......a tha zawk ka ring ve leh deuh? Ka duh loh thil tawp dan asiam chuan ka hnawl ngam ngei dawn a ka hnawl erawh chuan ka nat phah ngei thung dawn, ka hmabak thlir chuan a tha zawk ngei ang.











"A tha lawm" ka tih sap chuan a reh leh vung vung lawi a. Kan awmdan chu naupang inkhual te lem te pawh kan ang!









"I mu tawh dawn em?" a rawn tih leh ruih chuan ka dawhkan chu thawhdan in ka khumah chuan ka lawn zat a, khum bang nghen chuan ka thu nghal dar dar bawk. Room piah lama Mama mu erawh a hnar leh suk suk tawh thung.










"Aih..nang?" ka ti ve zat a. Zing a kan awmdan ka ngaihtuah in sawifuh lo in ti zet in ka chhing nghal sawk zui. Ani erawh a reh vang vang a,a hnu deuh ah pen thawm ka hre zat a, a kalsawn anih ka ring.











"Dawn lo e" a rawn ti ve ta hram. Tawng kam bungrua lah hi kan nei tha mang silo, inbiak rei ve duh pawn sawi tur avang tlat zel. Ani tawng tlem kei lah an thil sawi atang chauh a tui hnih chiam chi ka lo ni bawk nen hran pa deuh a sawi tur ka van ve deuh tlat zel, thiante bul nen ngawt chuan a inang silo nen.










"Ih..maw....." ka thusawi tur avang chuan ka tim leh deuh hnu hnawh, a hmeichhia zawk in bul tan zel chu ka ti ve leh deuh mahse kei in hma ka lak loh chuan ani pui hian engmah ati dawn lo tih lah hriat reng ani bawk si. Lasi te tal lo ni ve ila chuan kan dawi ve mai tur ania, mahse lasi ni ta ila ani nen hian kan intawng kher lo thei bawk si.










"Sawi phal sak ini!" a rawn tih sup chuan a aw a lawi deuh tlat in ka hria, a nui chiang mai. Bakah min treat dan chu dil te pawh ka ang alawm! Het!










"Ka thu thu" ka ti ve hlar chuan a rawn nui ta hawk a. Kan boruak chu azang ta phian. A duhna ah chuan angeiawm thiam phian hi! Hetiang te hian nuih tam te zir leh tawh tur ania, tum bur zel mai.










"Awle...., i sawi duh chu sawi rawh le" a aw a then kharh kharh hnu ah pawh nuih in sum hmel zet a a rawn tih chuan a nui hmel chu ka hmu chak, keimah vanga mawi zet a anui lai hmel chu ka hmu chak. Keimah vanga a nui hmel! Ka chhungril hlim ta lutuk chu keipawn mak ka ti.











"Ih maw, ih......kan exam hnu ah chauh i sawi dawn chuan thla 3 lai a kar ah ala tla dawn tihna nia, ih.....chumi chhung chu inbe tho ila" ka tih zawh chuan lai zet in ka mit ka chhing nghal daih a, min hmu tawp silo! Aih ti ta se tih ka ngaihtuah chhuak leh hnuhnawh......Zahthlak dawn lutuk.











"I duh mi?" a rawn tih thum dut chuan rang zet in ka lu ka lo bu, awiii! min hmu thei lo tak....









"Duh e, ka duh vang lawm ka sawi" ka lo ti nghal sawk sawk a. Ka zahtheih loh hmel thin mang e, mahse kei chuan zak thei lo ka in ti miah lo, zah loh ka tum zawk, zaklothei tih ang zawngin a sawi theih ang chu. A chang chuan confi hmel viau hian lang ve hawr hawr mahila tha khurh ruk chang ka ngah ve thin. A bik tak in tun hun ang ah te leh assignment presentation class zawng zawng mi 100 chuang hma ah ngat phei chuan!










"Ka lo be dawn che nia" a tih tak sup ah chuan lawm loh in ka nui hauh lo, lawm ka nei a, chhan tha tak vanga nui ka ni mi à erawh a hre ve lo tu tan chuan ka ang tho mai thei ani. Mipa tih tur a la hre ve te chu ka lawm, hmeichhe tan han biak hmasak dawk dawk kha nuam bik viau hek loh, duh ber te mah nise. Bakah kan inbiak ngun chuan a rilru te pawh tlem tlem in ka hneh ve thei deuh anga khang dan te pawh kan ngaihtuah tha mai thei asin.











"A tlai tawh viau ania, mu tawh la tha sin" a rawn tih sup chuan ka phone ka beng bula ka dah chu ka hmalamah keng vat in dar zat ka en nghal a, dar 12 alo ri tep tawh. Lehkha kha ka zir rei ve deuh bawk nen a awm ve tho mai.










"Nangpawh mu rawh aw" ka tih chuan min chhang lawk lo. A reh leh vang vang lawi a. Nawrh luih nghal chiam chi ani dawn lo bakah ka nawr ka nawr chu heng zawng zawng te pawh hi a chhe leh vek mai ang tih ka hlau ve rih deuh bawk si.










"Goodnight" tih sup pah chuan ka chhan letna nghak hauh lo chuan a dah ta daih a. A mize inthlak thut thut hi hriatthiamna chen nei mahila achang chuan nuam lo ka ti thin. A mah ang a insiam rem zung zung thei chi ka lo ni bik chiah lo bawk nen awm pawh achang chuan anuam famkim bik lo.










Mut dawna ka tawngtai chuan ka tawngtai pui ve thlap tho. Sual vìau e ti lo hian tawngtai loh hi chu a chang chuan ka thlamuang lo thin, a chang pawh nilo ka tawngtai loh hi chuan ka awm anuam lo thin, chhungkua a inzirtir na vang te pawh niang.










••••••••••••••






College chu kan han kal leh lawp lawp a, zir tur a tam tawh si, a hahthlak thin khawp mai. A chang chuan ka ti ve mai mai thin a, lo naupang reng ta ila tun a kan rilru hahna te kan natna te heng zawng zawng theihnghilh mai nilo kan la tawng ang tih pawh kan rin thiam hma a kan nun, nun zalen tak enghelh nei miah lo, khawvel changkanna mai nilo ropuina leh duhamna te nen lam in ala tihbuai miah lo nun kha, ka awt leh thin. Khang hun te kha an liam duak duak mai chu ani si a, tunah erawh kan tan chuan kan nun chu intlansiakna ah achang zo a, kawng engkimah a ber ni turin in elna nen hringnun kan hmang ta bawk, rilru kap tu ngaihtuah leh vei zawng duh zawng kan ngah a, kan neih theih miah loh thlakhlehna nen ni kan chhiar thin bawk, changkanna nen kan nun a inzawm tlat tawh avangin tam tak tan rukru bul tanna ani a, a then te rilru natna leh beidawnna siam tu ani bawk. Ni e, thlahlel lo kan awm bik hi ka ring lo alawm khang hun nu leh pa thlazar hnuai a, him taka kan awm lai kha.










Kan lo puitling chho zel a khawvel hi khawvel ala nih miau avangin kan nun chu indona bung hrang hrangah a peng a, hahthlak chang lah tam. Hlinna pawh kan tawng tam tho ni e, hringnun kha ani miau tlat alawm.










"Miaupui, i zo dawn tawh em?" Mama'n bathroom pawn atanga a rawn tih dut dut chuan ka sam chu bawk sawk sawk in ka va hawng nghal thuai a. Nui vur vur in bathroom pawh ah alo ding ka hmuh chuan "I chhe lutuk!" ka ti hlak a, Ka zaka a rawn dek thut chuan ka phu nasa lutuk chu ka te tuar a.Mama erawh alo nui hawk hawk thung










"Lalchhantluang" ka tih hlar chuan "Het!" a rawn ti hluk a, lei chhuah vak in room lamah ka tlan phei hlawk hlawk chuan a rawn nui chhuak leh hawk hawk thung.Tlangval pum pa à thei lutuk.












Kan proffesor zinga ka nin ber pawh ka mood a fuh bawk a nui ver ver in ka ngaithla tluan chhuak parh. Va lo mak thei tak, ka ngaihtuah let hian, hmanni lawk a ka duhthusam kha ka tawng ta mai chu ani si a, amak a, a nuam bawk.










12 : 40 p.m ah class kan zo a, ka kawm ve ber te nen kan inzui chhuak ve leh dat dat bawk. Senteii erawh eng emaw harsa na vangin vawin class a off thung. Canteen ah kal an rawt chuan thil ka hre chhuak zawk. Tukin ah Mama pawisa ka dil reng reng lo. Ka pa pawisa min pek lah angai ang ang in ina ka bag ah ka la dah daih si. Va chi loh theih, Mama han dil mai dawn lah in class te alo nei mai thei bawk nen han tihbuai leh tawh kha ka inthlahrung ve deuh bawk si. Thiante hrilh ila chuan min lei kep mai thei dawn tih hre mahila ka riltam hran vak lo bawk nen ka zui lui ta lo a, mahni a kal hran leh nulh hi ka tih than anih vang nge min han sawm ve miau mahse ka duh lo tlat a hrethiam tak in kan inthlah tha ve leh mai bawk.











Class a la awm an la tam deuh vang nge canteen alamah an awm tam zawk ni pawnlamah chuan mi kan awm tam vak lo. Basketball ground sir a thutna an siam thing hlim hnuaiah chuan ka duh thla dat a, ka piah deuh ah chuan thu an awm bawk. Kei erawh mi awm lohna lai ka chuh deuh thung.









Ka phone ka phawrh a midangin thil an ei dawn tih ka hriat vang nge ka ril chu tam tum ve ang hian a awm ringawt in ka hria. A tam tak viau leh nakinah mama pawisa ka han dil hram tawh mai ang.









Whatsapp ah lut in mi status ka en kual den den a, achang hi chuan ka ti thin mi tamtak status kan lo en ve thin a, thenkhat an rilru a rawn na em em a, thenkhat lah bialpa te emaw tu tu te an rawn hau thul, a then lah 'This is khawvel' lo ti tawk lah bang lo....aaaa ka ngaihtuah leh peih lo, an nun ania an thu vek ani, mahse tha lo ka ti erawh chu social media a kan engkim kan phawrh lang thin hi ani, a thatna lai tam tak awm mahse a that lohna pawh a awm tho sawi vek dawn chuan a tam lutuk hetiang lamah hi chuan insum hi a pawilo lam mah ka ti. Amah erawh chu tarlan ngai ngei ngei thil pawimawh te ala awm ve leh thung bawk, chutiang lamah te chuan va inkhap chi va ni suh!










Ka out dawn lai tak a, tu emaw no. zawna online tih a rawn in ziah kulh chuan ka tum loh deuh in ka che chhuak leh vut tawh, ka ngaihtuah na a fim leh tak deuh erawh chuan alo ring ral ral tawh thung. Sawi tur pawh ka hre tawp silo ka call ve tawp chu nia....










"Hello" rei a rik hma chuan a rawn ti nghat a, a thinrim emaw ni le! Va chi loh theih tak, ka be ve laklawh tawh bawk si.










"Keimah" ka tih sap a, han sawi tur mai ka hre hauh lo lehnghal.








"Ka hria lawm, pawimawh awm em?" a rawn tih leh sup chuan nichin ang em em khan a bul in a ni ve hmuk tawh lo bawk a tlem chu thawk la a zia ve leh ta deuh.









"Aih, ka lo be mai mai che, school in kal em?" ka ti ve thei hram ka aw hrep lah chu ka zam zia apuang lo chauh alawm.











"Kal e, nangni?" a rawn tih tak sup ah chuan lawm miah loh in ka lo nui leh sang tawh. Ka bul vel ka en kual chuan tu vak mahin min lo ngaihsak lo hlauh!











"Kal mahse break ania, thil i ei tawh em?" ka ti leh zat zat a. A aw hriat a hrehawm lo chu biak nuam ka ti tlat pek. Ka awmdan ah ber hi chuan thil thar nei tur phur leh nuam ti deuh ka ang.










"Umm, nang ?" tawngkam lah hi a duh tawi thei si. Mahse tawng thei deuh ni ta se ka duh lo leh zawk daih, a tawk ah ngai mai ang.










"Aih" ka ti fan raih a.Tlem in ka ti hniam deuh bawk. Ka inlak khawngaihthlak hmel ve deuh in ka hria.








"Tinge?" a rawn ti ve leh dut a. Chhan mai ka hreh ve deuh, a chhan aho si.











"Ih....Pawisa ka nei lo a" ka tih chuan a rawn rum nghut a.









"I chhungten an pe lo che mi?" a rawn tih nghut chuan thinrim te pawh a ang ve deuh. Mahse han thinrim emaw lungawi lohna chhan tur a awm vak pawn ka hre bawk silo.










"Umm...Mama ka dil theihnghilh a, apa pawn min pe tho khawlbawma thlak ka duh sia inah ka dah daih alawm" ka tih nang nang chu a rawn thaw hawk ringawt. A thaw ri a tawng ri a engkim mai hian kei chu min ti hlim hrim hrim tawh mai in ka hria.











"I riltam em? Pawisa ka lo thawn dawn che mi?" a rawn ti vut chuan awih loh zet in ka ner sak a. A bialnu nih hma hauh a pawisa min pek te an tum ania bakah ka duh lo hrim hrim.....min ngaihtuah ve deuh tih ka hria erawh, ka lawm.












"Angai lo, ka lawm.....a tam vak chuang lo a, tam tak leh mama ka dil thei alawm" ka tih chuan a thaw deuh halh a. A chang hian a induh hmen hmun thei sia, a chang hian min ngaihtuah ve deuh hian ka hre ve tho bawk nen, rilru a phir ve ta deuh.










"Dar a ri dawn a, thil chu ei ang che! ka lo bia ang che" ti sup pah chuan a dah leh daih tawh. Thu min pe ve deuh emaw ni! Pawi lo, tha vek e..... tha vek ah ngai mai ang.Bakah min lo biak ve dawn kha, a rilrj tha lo sual pui pui hi ka la tih fai sak vek ang mawle.











Rei fe ka thut hnu chuan ka hnung a min rawn beng det det tu awm avang chuan ka hawi chho vut a, ka thiante ho an lo awm heu mai.









"Mi an tam lutuk a, an bengchheng sia kan ning a kan lo chhuak daih" Roi kan zinga chhe lo ve ber ani mai ang chu, ka hmuh danah egg roll ka lama rawn lek phei pah chuan ati a. Midang pawh chuan an keng ve vek bawk, "La teh, pahnih ka ei seng lo ania" a tih leh vut chuan nui var var hian ka lo la ve ta mai a.Lawmthu ka sawi zui sap bawk.










"Ka lo thlen hma khan biak i nei ami? saw ta tang sawn i nui vur vur kan rawn hmu ania" Puii chuan ati vei sawng a. Thau lam deuh ani nangin a te lo a, a zahawm ru khup reuh a a sam boyscut deuh hman te nen hi chuan, a zaidam phian zui.Kawm anuam suam suam hle bawk.










"Aw...apa ka bia lawm, thu ru ding khup su, hmeltha in hliah" ka tih chuan ner nang nangin an rawn thu thla ve a, ka dawt sawi chu an awih ve mai anih hmel. Kan ti ti leh lar lar tawh, thian ho zingah hrim hrim hi chuan ka tawng duh lutuk hi Kimkimi khan min khap nasa thei lutuk, min hauh tam na ber pawh ni, nula tawng theih lutuk amawi lo zu ti teh tlat a.












1 : 30 pm a class kan la neih avang chuan kan in zui chho leh hnak hnak a. Kan zingah chuan Senteii'n lehkha a thiam in a zir peih ber midang erawh hi chu test dawn leh exam dawn ah bak kan zir vak ngai pawh ka hre lo.









"Sir Hriatpuia kha student tu emaw ber nen hian an inngaizawng an ti tak asin, annu nen an inthen phah alawm, ka rin aiin a lerh" Ngaihi'n a tih chuan midang chu kan lo hawi à deuh heu mai. Kan la hre lo tlang hlawm aniang.









"Aaaa....kei chu a mitmeng kha ka mil lo, MIL class kan neih thin lai pawh khan a lerh hmel ka ti reng a, a mitmeng kha a lerh tlat alawm" Roi'n alo tih ve hlak chuan Puii nen chuan kan in melh zak zak a. Hetiang lamah hi chuan ngaihdan ka nei thiam vak lo.










Mahse










Hei erawh ka hriat chian em em chu he khawvel a inbumna zawng zawng ah hian uire na ai tluk a huat ka nei lo, mipa emaw hmeichhia pawh a rapthlak ka tia, hetiang tawng te chanchin an sawi hian keimah hi ka lo tawt ve tun zel. A na dawn hian ka hre lutuk a, an nupa nun mai bakah an fate thleng in a nghawng a, fahrah nu leh pa thisen zawm karah an seilen loh mai phah bakah, an fate nun nghawng nasat dan tur an ngaihtuah chiang lo ka ti thin. Dik tak chuan ka ngaihtuah kual chang pawh hian ka nu emaw ka pa emaw hian tiang thil hi ti ta se, ka damchhung zawng in nu emaw pa angin ka en theih tawh ka ring hauh lo bawk. Hetiang tawng tur hian tumah ka duh lo, fim tak in engkim ngaihtuah hmasa thin nise chu an mahni hlimna chauh um lo in an fate an nupui an chhungte zak ngawih ngawih tur ngaihtuah thleng se.....











••••• 1 month ago








Tlai kan ban chuan ka zawi ngiai mai. Tunlai chho ka meng rim ve bawk nen class lah ka la tam thei mai si, zirtur lah a tam nasa.......









Zan men rei ngai, assigment mai bakah work hrang hrang ziah emaw submit tur kan lo la ngah si, ka mit a na vek thei. Zam lam kan rim bawk nen zinglam lah induhthawh ve deuh bawk nen kan ti tel ve tauh tauh mai si. A chauh loh theih loh, class kal la ngai bawk nen.










Mama hian min hrethiam hlauh a, eirawng pawh aman a bawl vek zel, tlai ban hi chuan mut tawp ani mai! Zodinsanga ren run lah hi kar khat ah vawikhat vel bak min rawn be duh der mai silo. Tunlai phei hi chu a reh leh zual, a engmah la ni hawt lo hian ka ngai em em ringawt leh nghal.











"Mam, mam...." aw tham deuh chhal chuan ka au ve tawk tawk a, ka room kawngkhar ri rak in a rawn lang ve nghal zat bawk.
"Ka khuasik in ka hria, damdawi min lo lak" ka tih leh sap chuan rang zet hian ka pang a rawn dek a. Phun hluk in a room alamah a phei nghal vut bawk.










Rei lo te ah rawn let in na chhawkna leh tui a rawn keng a, lo ban vat in ka lem nghal khawlh a, a vawt bawk nen ka muthla nghal thuai a, blanket te chauh ka sin avang chuan ka wardrobe lian vak lo atang chuan adang phawrh belh in min rawn sin tir nghal hlun a.










"Tunlai i rim ve deuh bawk ani, hritlang i chhar dawn aniang, muthilh tum rawh aw, eichak i nei em? mu sek la, nakinah chaw ei tur in ka lo kai tho ang che" ka pang rawn dek kual paha min ngaihtuah hmel zet a a tih chuan mit chhin ak in ka nui lui sak a. Ka chalah rawn fawp zauh in min chhuahsan ve nghal mai bawk.











A vawt si, ka hrawk a thip bawk nen blanket hnuai ah chuan ka inkuah khawm tat a, ka khur ru beuh beuh bawk.Ka thaw lah chu a sa hiam lehnghal. Ka muhil dawn siar siar tihah chuan ka lukhama ka phone dah chu a rawn ri leh cherh cherh a, lak loh mai ka duh laiin a rik tak reng ah chuan peih lo zet in ka han ban a, eng tih tih in nge maw Dinsanga lek!










"Hello" tham deuh chhal a ka tih chuan a rawn rum deuh nghut a.










"I aw chuh! I dam lo mi? I enge na?" a rawn ti nghal vut chuan min ngaihtuah ve tih ka hre mai, a lawm awm. Chau zet chung pawn ka nui var var thei.










" Ka khuasik deuh a....ka zia tep" ka tih sap chuan a rawn thaw leh hawk a. Motor ah a chuang emaw ni a ri leh ruai ruai thin











" Ka lo kal mek, ka lo tlawh ang che, mu i mamawh anih kha, ka lo thleng har lo ang, muttui aw" a rawn ti dam dap a. A hmahmawh ruk hmel phian. A dah ta daig emaw ni ka na chhawkna eiin min chhawk tan deuh bawk nen ka ngaihtuahna pawh a fim zo rawh lo. Kar loh ah ka muhil ta niang.











Kut lum thur thur in ka pang a rawn deh chuan ka harh deuh riai riai a.Aw thum bul bul a tawng ka hre deuh ruai bawk.








● A hrehawm......zanin hi a mood ah ka cheng thei hlawl lo, engti dan nge ni ngai ni !!! A ngaihnawm loh bakah zan dang aiin a tawi ta hret bawk. Naktuk zan chawlh zan anih kha, monday lamah ngai kan awh thei tawh tur ah ngai ang......Muttui vek ule💙"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2021, 1:55 pm

Chapter - 6






Ka chhin leh vang vang hnu chuan ka lo muhil leh sek nge ka harh leh chuan ka room chhung chu alo thim deuh ruih a. Tukverh atangin midang in light eng vel a rawn lut raih bawk. Ka lo thlan dap mai, ka mut tirh ang lo tak in alum lutuk bawk, na chhawkna khan min chhawk aniang. Ka lukham sir ah chuan ka phone chu alo let bal a, ka ban vat a dar zat ka en chuan
7 : 34 pm alo ni duai tawh. Peih lo zet chuan ka tho chhuak zawi nghiai a. Ka thlan nasa si, hetiang chuan ka muhil thei dawn chuang lo intleuh thuak tal ka mamawh.










Nidang ang lo tak in ka khawsik vang te pawh aniang ka zawi ngiai mai. Khum atang chuan tho chhuak ka thu leh vang vang a. Ka che sawn peih lo leh ka taksa kham ve thum te chuan min ti chau nimai hian ka hria, ka mit lah chu ala thip thum zui.










Ka slipper chu in rawlh that that in ka pen chhet chhet a, taksa fai veng a khum a mut leh char char ka chak ber. Sitting room ka chhuah phei chuan Mama chuan laptop nen paper nen a lo inchhawp rem rum a, a buai hmel kher mai.










"Mam.." ka tih sap chuan rang zet hian a rawn hawi a, chik zet a min en na mit meng ah chuan min ngaihtuah tak zet tih ka hre thei.










"I khawsik ala awm em? I riltam em? Thil tlem tal ei rawh aw" tih vut pah chuan a mal chunga a laptop chu dah thla in a paper ken leh zam rem rum nen chuan a che tla deuh rem rum mai.










"Keimah in ka inbuaipui thei alawm, i thil tih lai kha tih zawm zawk rawh, ka khawsik chu awm tawh lo ka thlan nasa rap" ka tih nang nang chuan a paper tla chhar mawlh mawlh pah chuan min rawn melh zawk a, tlem chuan a hmel chu a hahdam hmel ve ta deuh in ka hria.











"A that nasat chu! Ka nu te pawh ka hrilh a an ngaihtuah khawp che kha be rawh aw....tunlai i rim ve deuh bawk nen chuvang chu ni mai thei ani......Kawl bahra chhum Ka pi in alo pek che kha, choka ka dah chaw pangngai i chak vak loh pawn....." alo tih zat chuan nui paha bu nghat in choka lamah ka phei a, dawhkan a helmet lo awm bal chu ka bo deuh, mama zawh tum a ka an zuau chuan thil a chhut nge mawni a buai hmel sia, a neitu chu alo kal ve leh mai ang chu!










Kan thingpui bel lian vak lo ah chuan thingpui ka chhuang nghal sawk sawk a, kawlbahra dawhkan in chhawp chu pakhat ban in ka kheh nghal mawlh mawlh a, ka keih nghal zat bawk, a va han tui mai mai tak, mood chhe lutuk pawh a zia vek dawn alawm, a thlum dep dep te hi a tui vel vek.












Thingpui chu mahni chuan ka insiam rak rak a, chaw ei dawhkan lian lem lo tak kil a ka thu chiah tih in kan kawngka a rawn ri rak a, inleng kan nei dawn nge mawni?










"Choka ah khan a awm?" ka u in a tih ka hre zawm zat a, Nu chhuani fate tu te emaw ber an nih ka ring ve ringawt.











Mahse











Choka rawn pen lut mek ka hmuh chuan ka hawi phawk hra a, ka thingpui in lai sa zet chu ka hak nghal bawrh bawrh bawk. Ka khuh nghal kharh kharh chuan rawn phei vut in ka hnungah chuan a rawn chum deuh dat dat a, tlem a ka zia deuh chuan phawk hra tho chuan kan melh chho ralh a. Min lo melh ve ngur bawk











"Tinge?" sawi hmasak tur ber ka hre lo bawk nen kan ti chhuak teh tlawng a. Ni e, tinge tah a awm? Haulawnga awm tur ani sia.











"Nichinah ka lo biak che kha" a tih sup chuan engtik laiin nge kan inbiak ka hre chhuak mai lo, ka ngaihtuah ve rauh rauh hnu ah ka hre chhuak ka khawsik lai vel khan min lo be tak!











"Aw...ni tak, i lo thlenna rei tawh em?" ka tih leh zat chuan ka thutna bula chair chu pawt chhuak in a thu ve nghal zat a, a leather jacker buang hak chu a hlip leh te te bawk. A che zia chu hmaih phal miah lo in keiin ka lo thlir dauh dauh thung.











" Dar 5 pelh hret khan, kan thawhpui hlui boral a awm a" a tih ve sup lai chuan ka lo melh ren rawn a, a kut dinglam tang chu dawhkanah chuan a tlir zeuh zeuh bawk.












"Thingpui ka siam ang che aw, chaw i ei tawh em?" tihpaha ka din hluai chuan alo bu nghat a. "I u nen kan ei,hetah" a ti sup a. Mama lah khan engmah a sawi bawk silo! A thingpui tur chu kan siam sak ve nghal rak rak a, siam tui ka tum lutuk te chu ka tum na ringawt pawh chu a tui viau ang tih tur vel ani. Dawhkana helmet pawh kha ata ni ngei ang chuti nih chuan.











"I zia em?" thingpui ka pek paha alo tih leh sup chuan "Tha chiang tawh lutuk" ka lo ti uang chiam a. Min en vang vangin a hawi sawn hma chuan a kiai ve suk bawk.









Thingpui leh ka kawl bahra ei min en vang vang hnu ah polythene dum a a thil khai chu a rawn nawr phei a, ka en hau chuan
a thingpui chu lem zauh pahin "Ei rawh" ati deuh sup a. Ngaihna hre vak lo hian ka hawng ve mai a.A chhungah chuan cake leh eng chhang chhang emaw ni alo awm nual mai.












"A va tui dawn, mahse nakinah aw kawl bahra hi a tui lutuk" ka tih chuan min melh leh vung vung a, ka kawl bahra ken nen a min en zauh zauh hnu ah a bu ta nghat a. Kan awmdan hi ka hrethiam lo, dil thlap thlap thin te pawh ka ang ka ti mahse ka ni miah lo, mi'n thil tha deuh min pek a duhzawng dang kan lo neihsan kan duh lo ni miah silo vanga an rilru kan tihnat hlau ang deuh hi ni ber ang












"Mitthi inah chuan i kal dawn ami?" ka ti leh zat chuan alo bu leh nghat tawh. Zan in hi min hmu duh thar riau nge ka la dam lo nen ka bawr chhawr sia mak min ti le, min en leh vung vung zel sia. Tih vak ngaihna lah ka hre tawh der lo, min hmu vek tawh tho a, zah loh der angai ni mai.











"Nakin deuh ah niang, ka la awm ve rih i phal em?" a tih leh sup chuan ka melh zawk a, a mit ko alo san ralh chuan ka lo bu nghat nghat bawk.











"Na dang i nei lo tiraw? I taksa ah eng emaw harsay na te a awm lo maw?" chik zet a min en paha a tih leh chuan ka lo melh nur nang nang a, na dang ka nei lo, ka rim ve deuh vang mai mai aniang.










"Aih.....nei lo, ka tha tawh lawm, ka thlan nasa si inbual te ka duh" kawlbahra th(r)ial tawlh tawlh chunga ka tih leh chuan min rawn melh vut in "A tul lo" a ti nghut a. A rawn awmdan teh thut vang chuan ka thil th(r)ial lai tawp chungin ka hmuam pawng chung chuan ka en ve vut a, min lo melh run ringawt.











"Ka thlan nasa sia lawm, hetiang chuan ka muhil thei lo ang" ka tih leh nang nang chuan min melh run run a, a chang lam hret ani zawk mai thei ani, a hma ang khan a thin a thawk leh thut ang tih erawh ka hlau ru deuh. A bu tut ru ve tlat a he mihring hi chu!











"I khua sik leh ang, anih loh pawn puan ro in hru hul la, va thu thlan dai la i reh mai ang" alo tih leh nghut chuan ka ner ru nang a.Ban chiap chuap in ka mu duh teuh lo mai. Mahse hnial leh erawh ka duh rih lo a thin thawk leh ta thut se chi dawn loh lutuk! Ti hian fel hmel deuh hian ngawi rauh rauh ila a haw ve leh ka inbual ru tho ang.











"I thil th(r)ial kha lem rawh, i ei rei tawh lutuk" a rawn tih leh sup chuan la hmuam tun chuan ka melh hrep a. Ka thil ei lem hun thleng thleng a hrilh nih bik ka duh teuh lo, ka ka nia ka duh hun hun ah ka lem ve mai ang











Kan thingpui inzawhna no chu la in ka sil rak rak a, a phone alo khawih mial mial thut, biak a nei ve reuh emaw ni lehnghal. Mipa hmelchhe lo tak, a pianphungah lah iai na tur eih awm lo, duhthusam ang thlap alo ni bawk nen midang a be leh mai ang tih chu ka hlau ru ta zek zek nia.











Ka no sil zawh chiah chuan alo ding ve vut a, kut hru mawlh mawlh paha phawk lek lek a ka en chuan "Ka phei mai ang, lan har chu a tih chi vak silo a" a rawn tih tak sup ah chuan la ui ru eng ang mahila chelh chi pawh ni nghal loh chuan bakah kan la ni chiah bawk silo nen. Kan inzui phei chu ka u chuan min lo melh zawk in a phei tur thu chu a sawi ve vut a, a kut in helmet a keng va bawk.













Kawt thleng chu ka han thlah chho a, bang chhak lamah chuan a bike chu alo hung ruau niin ka la hmuh ngai pawh ka hre lo. A pa J.E ani ka tih tawh kha huan leh ram an nei tha bawk a, sum lamah chuan thingtlangah pawh chhungkaw hlun leh nei ve tawk tak ani bawk a, unau an lo tam lo bawk nen an khawsa nuam viau in ka hria.
A ni phei hi chu a hlawh hi a pum bilh ka ring hial.









"Patèa ka cousin ta kha nia, motor ka keng peih silo a ka rawn hman sak a" a helmet khum mawlh mawlh pah chuan a han ti ve bul bul a. A mizia tha zawng zawng ala paih vek lo te pawh khi ka lawm, nilo se zawng.........










Bike ah chuan lawn in a tlan chhuak mai dawn emaw ka tih lai chuan an ding leh rih.A jacket buang thang nalh zet chu dap rak rak in ka lo la en ve kar a. A wallet a rawn phawrh chuan a ngaihna ka hre vak lo.









500/- note pahnih ka lama a rawn lek phei chuan ka lo melh run run phawt a, "La rawh, i u ta tur ania ka pek theihnghilh a" a tih leh takah chuan ka ban ve thuai bawk.
"Dam lo tawh miah suh" tih leh sup pah chuan kan in vai liam ta a. A bike ri ka hriat theih chhung chu ka la ding vang vang a, a reh fel ta maw tih ah chuan kan inlamah chuan ka pen thla ve chhat chhat bawk. Ka lung te chu a leng deuh emaw ni ka ni hui mai, tun lawk a kan awmdan te ka ngaihtuah kir a, ala rei loh nen a zo leh vek tawh sia, khang te kha a awm leh tawh lo. Ka ruak huai ringawt.











Inchhunga ka luh chuan Mama chu pawisa ka va pe leh phawt a. "Enge?" alama pawisa ka ken phei chuan alo la ti he haw zui.Dinsanga'n i u ta ka bat atia, ka tih lah in chutiang engmah ba aneih loh thu a lo sawi bawk si. Nakinah zawt chiang leh mai rawh a tih tlat avangin pawisa keng chuan room lamah bawk ka let phei leh a. A che mak sak ka ti viau bawk.









Ka towel keng chuan ka chhuak leh hna hna a, ka tui lum lai chuan ka u chu choka ah lo phei in inbual ka tum tih a hriat chuan tul lo ati hle nangin a nau hi ka luhlul ve tlat bawk nen rem ti chiah lo chungin ka inbual lui ta hram a. Khua vawt pawh tlem in a zia deuh tan chho tawh nangin zan rei lam ani bawk a, ala vawt var var khawp mai.











Ka sual luat ka tuar leh ka ti mai mutna ah pawh chuan ka khur leh beuh beuh a, ka u ka hrilh ngam tawh loh avangin na chhawkna ka ei leh tawp a, ka blanket sin belh te nen chuan engtin tin emaw ka intal muhil ve leh mai bawk.











Ka dang ro lutuk vangin ka harh zawk a, zing alo ni leh der tawh lehnghal, ka chil ka lem zawng te chuan ka hrawk lah chu ala thop hlur zui. Ka hnar lah a ping tiau bawk.











Inhnit deuh hrat hrat a, ka chhuah phei chuan ka u chuan tur zet hian min lo melh a, kei erawh inthlahrung deuh si hian nuih tlawn ka tum viau mai. Eirawngbawl mawlh mawlh pah chuan min zilh mawlh mawlh a, a awm ve reng a nau hi ka à ve leh zauh thin em ani. Ka hrawk thip hlei hlei chu a hrehawm ka lo inbual lui kha ka inchhir tan viau tawh.










Dinsanga lah kha biak zui theih in a awm bawk silo, tunah be dawn ila zingkar chauh ania, a mut ve rih ka ring bawk si. Mahse khawi ah nge a mut ang? Awwwww.....Chhungte an nei ve lutuk ang, buaithlak he rilru vei nei thluak hi zawng. Ngaihtuah chi leh chi loh hun leh hun ah hi a thliar hrang thiam meuh lo.À tih hlawh chang lah ka ngah.











Hnar ping tat tat chung chuan college pawh ka la kal hram hram a, ka aw te lah chu ala chhang ve tiau leh nghal. Kal peih lo viau mahila final te ni ve tawh nen pawimawh hlang ani lo thei lo a, vawikhat miss pawh hi a uihawm tawh lutuk tlat.
Mahse class lak lai a ka insut leh hraih hraih ngai thin chu ka ning, han khuh sual deuh lah hian a mawl mawl ho hi an lo la nui sawng thin leh nghal sia, ka tih ngai miah loh leh ka duh miah lo thil anih vangin keipawn ka ngei a, hetiang mi chet sualna a lo nuih pawl a tang te mi harsatna eng emaw tawh a, tanpui aia nuih tu te hi a mi puitling hna lo ka ti hle bawk.










"I zia maw?" lunch break laiin min lo call hmasa ve leh teh mial a. Ka aw kan thian hmasak te te hnu ah aw zang khai lui deuh chuan ka that thu ka sawi a var var a. Ka inbual leh tih hre ta se min ngei viau mai thei ani, a ngei nih ka duh teuh lo.










"Takzet?" a tih leh sup chuan ka lo bu nghat a. A va buaithlak thin tak, min hmu thei lo tih ka theihnghilh leh thin.










"Umm...Taka mama khan pawisa kha a ba lo ati sia, enge awmzia?" ka ti nghal zat a. Engmana pek tum ve ngawt nge maw anih le.










" I ta tur, riltam deuh in awm tawh suh" a rawn tih leh sup chuan ka lo thaw hak a. Hetiang pek ngai khawp a pa chhia kan ni lo asin. Eng hmuh in nge maw min hmuh le......










"Kut dawh kan ni lo asin, hetiang ka mamawh lo" ka tih nghat chuan ka thinrim deuh bawk nen ka aw chu a hnawk ve nak mai. Tanpui ngai naupang khawngaihthlak tak te pawh ka ang alawm le....











"Chutiang in ka ngai hauh lo, thil pek angin ngai la, rilru kawi pu a pe che ka ni, ka duh a ka pe che ni mai" a rawn tih ve nghat chuan ka thaw hak a. Ka hràwk za lutuk chu ka khuh leh te te phawt a. Mipa pawisa kan hmanpui hian mi hian min hmu mawh riau te hian ka hre ve mai mai thin sia, hetiang lamah hi chuan ngaihdan emaw ka nei thiam vak lo nangin a mawi ber pawn ka hre chiah lo, bakah sawi tawh angin min khawngaih em ni? tih ka inzawt lo thei bik lo a, ni e, mihring rilru pu mi pangngai tia koh ka nih ve a, mahni a a chhia leh tha thliar hrang thiam ka nih ve vang te pawh hi niang mi khawngaih nih hi ka thil duh loh pawl tak ani, eng emaw harsa hrehawm deuh lo tuar ta ila min min khawngaih pawh ka duh chuanglo, an khawngaih vangin hian ka chak lo ni mai hian ka hria ka rilru ano a, ngaihtuah loh loh ka ngaihtuah a, mahni intih nat nawn fo ka chin phah thin chu chu ka nungchanga ka duh loh ber anih vang pakhat hian hetiang hi ka ngaina hauh lo!










"Huat tur a awm lo, i mamawh vanga pe che ka ni lo duhsak thil pek angin ngai rawh" a rawn tih leh nghut chuan tlem in dawnsawn pawh a nuam deuh tho rum lam viau mahse. "I hritlang tih sawi miah suh?" ka khuh leh kharh kharh laia alo tih chuan ka lo theihnghilh leh daih tawh, zep kha ka tum ve sin le..











"Ka hrawk a za lawm" ka tih zat chuan a awih lo deuh nge a thaw hawk a. chutah a ai chiang leh fiah zawk hian "Dawt ka ngaina lo, i khuh a i aw tham hnawk deuh nuai bawk, i aw chhuak dik chiah lo chhan pawh i hnar aping a dik em? ka haw hnu khan i inbual a?" nghet cherh chawrh a a rawn tih tak chawt ah chuan han phat mai ngaihna lah ka hre tawh lo, ka ngawi kar ringawt. Ka bulah awm ngat se chuan min sawi leh vak anih loh pawn min thing leh hrep ka ring.











"Tlem te chauh alawm..." ti ve teh mahila a thinrim rum ri dut deuh bak chhanna ka dawng lo. A ri leh deuh rawk rawk thin nen a dah dawn emaw tiin ka nghak deuh reuh bawk si.Engtia han tih chi nge mawni?












" Damdawi ka lo thawn ang, a hun takah i ei ngei ani tih hriat ka duh nia, lo ei lo miah suh ang che" tih nghut pah chuan kan inbiakna lah chu ala ti tawp ta daih leh nghal.










Sual ber bur thei si.Ber bur a hi! Hmek hmuk-a te hi ni se a tha ang.Duh tawi thei si, hmeichhia pawh a duh tawi viau ang. Het! Ka sang, nilo hniam ka inti phal lo ani zawk mah ang ft 5'3 ka ni ve det det tho, ka pian a inkhai thli ve phian nen ka lang mawi tawk ve tho chuan ka hre ve thin, mizo society ah bik chuan.












Damdawi te nen chuan exam kan han hmachhawm ho dial dial a, a har hrep lehnghal, ziah tur erawh engtin tin emaw alo awm ve zel, Final anih vang nge kan tang tlang bawk a, kan phe suau suau mai. Paper pawh exam dang zawng aiin kei phei chuan ka heh zawk hial in ka hre ve. Kan miss te reuh te in min invigilate ni chuan a te reuh sia ka melh leh zauh zauh thin a, a inti thu reuh sia, ft 5 vel lek ni awm si, a chhe cute ve mai mai lutuk, a tarmit bial zet te nen chuan. Pawnfen a fen dalh dalh ngei bawk sia.











Last paper kan exam zawh chuan ground ah chuan an au rual thup thup a, kei zawng haw a mut vat vat ka chak ber, kan exam chhung zawng khan darkar 3 bak zanah ka mu ngai lo, exam dawn zanah erawh darkar 5 vel ka mu ve leh lawi a, revise chauh a ni tawh tho bawk nen mahse ka mut thlakhleh zia chu ka lainat awm zawk mai thei ani.












Ka haw vang vang a, ka ti tha nge tha lo pawh in achek chuang lo in khumah ka let thla tawp a, mutthilh lah a har hrep lehnghal, a rei a rei ah ka lo muhil ve leh ta mai aniang, dar 7 velah mama'n min lo sawi dat dat a.Ka harh lah chuan ka la tho a tep leh nghal. Chaw ei tur a min hruai phei chuan alo siam peih vek tawh hi nia, dawhkan a vawksa rep chhum leh noodle chhum pawlh tih hriat tak lo la khu deuh vat vat ka hmuh chuan tho hlim chiah e ti lo chuan ka khek raih a. Lawmthu sawi mawlh mawlh in rang zet chuan dawhkan chu pan thla nghal in ka kil nghal hmiah bawk.









(ZAWMNA)







Pum nuam lo ruih khawp a tam leh thak ka ei hnu chuan ka hnap tui rawn far leh zauh zauh thin chu ning zet hian ka sut hlap hlap a, Mama lah chuan min lo nuih ru leh suk suk thin.









"Engtik nge ka haw ang le....Naktuk ah hian sumo awm angem aw? Pu Mawia sumo no. kha ka nei in ka hria" ka tih leh nang nang chuan alo nuih leh ruh ruh tawh.










"Haw duh riau chhan te hi a awm lo maw! mi ve chu lo haw tawh rawh intih ngai khawp in khawppui hi an thlahlel thin sia" a rawn ri tak sup ah chuan chhan dan tur ngaihtuah pah chuan ka lo ner nang nang a.....Chutiang chhan pawh a nei lo! Ka va dawheh tak!











"Apa te ka ngai alawm, in hmuh lohna rei tawh si!" ngaihtuah chhuak tha fe inti chuan ka sawi nghal lar lar a.Min en pah a a ner lui nang nang leh a awih lo hmel pe chhe lui lutuk te chu ka lo ngei ve leh thung, kan inhnial leh zet hnu ah snack pawm tan tan in room lam ka pan san a, exam zawhni ani bawk a, min duat ve tawh dawn aniang eitur min lo lei ve teuh mai. Taka! Ka room kawngka vawn pah chuan ka hawi let vut a, no chawi paha sitting room lam a pan phei tur chu "Ui kha ka duh tawh" kan ti nghal chiam pek a. Khawhar an hnem lutuk an ti bawk nen ka duh ve.











"In exam zo dek dek chauh anih hi, result chhuah hunah kan tih kha" ngaihsam fe a atih leh chuan vawm dawt mai te ka duh, mahse mahni u te han vawm dawt dawt lah a mawi ber silo.











Room ah chuan ti tau deuh tau em tur atan chuan ho tham ti ru ve tho si chuan ka lut ta daih a. Khum ah chuan thu thla dawt in bang ngheng a ka thut tung fel leh at hnu ah snack chu dah in phone chu ka ban zat bawk. Ka awmdan hi ka ning, lehkha zir tur ang deuh te hian ka in ngai a, ka beih ngawrh ve em vang nge ka ruak huai in ka hria, zir dawn a peih em em silo kha zir loh hun anih leh chiah chuan ruak leh huai tho si ani ber.












Zodinsanga ber bur lah hi a reh vang vang mai sia, biak hmasak leh ngei angai dawn....A duh tu ban a sei an tih ve tak kha, nakinah chuan a ban zawk hi ka la pawt fan ve vak ang ti nia.









*Exam kan zo a* tih chiah ka thawn....A rawn bawh zui ve mai tur ah ka ngai.Bakah mipa tih tur ani ve hrim hrim a hrethiam lo anih phei chuan ka bansan vang vang mai thei ani,lo mai thei bawk.









Ka send chiah tih in Kimkimi call alo kal nghal, ka thawh hlim khan a miss call ka hmu reng nangin ka zawi bawk nen ka call back peih ngang lo kha nia. Anni hi keini aiin an zo hmasa ve teh mial.









"Hello"







"In zo tawh mi? I chhang tha em?" a rawn ti nghal zat a, henu em em hi! Ka nu ang mai.....Ka tih chhiat ahlau thei lutuk te hi ka lawm thin min ngaihsak tih ka hria a, achang chuan kan kal dun laiin ka assignment siam ho min check sak leh lawp lawp chang pawh a awm!











Rei fe kan han in be leh a, inbiak lohna rei ve leh tawh bawk a, lehkha zir nen hun kan insiam ngai vak lo nen. A aw dul ve leh raih thin te chu ka khawngaih, Malsawmdawngkima hming erawh kan lam dun lo chiang asin a rilru tih nat thar sak ka duh lo, hma lam a pan theih chuan pan san vang vang se ka ti.













Kan inbiak fe hnu chuan kan dah ve thei ta hram a, anni biak hi chu keimah tak tak ka engkim ka share ve theihna anih vang hian ka zang huai hian ka hre thin ka ti ti pui hi chuan. Mahse Dinsanga chungchang erawh engmah ka la sawi lo thung.









Whatsapp a ka luh leh chuan a zawn chu alo hring va va a (2) tih alo awm phei chuan rang zet in ka hawng nghal bawk.










*In enkawl tha ang che*
*Lo haw rawh* tih teh tlawng hi alo thawn a, sawi zui ngaihna lah hi vang phian zel si.











*Aih* chimawm zet chuan ka han ti ve zat a. Mi in thu pek ang zawng a min hrilh hian achang chuan ka la na leh thut zel mahse tunah erawh ka lak nat vang ani lo, ka fiam ve chhin chak mai mai










*Naktuk ah ka lo hruai ang che* a rawn tih leh zat chuan ka ner nang a. School kal ngai ania alo kal thei lo hrim hrim, ka rilru tih buai hi a chak ve hrim hrim aniang.









*Aih* ka ti leh zat pek. Ka chimawm chhuah chak thut lai hi chuan ka heti leh tlat zel, ka fiam sual erawh ka hlau ve leh hnu hnawh. Min be duh lo ta se awm nuam lo zawk ka ni leh dawn chiang lutuk ringawt.










*I thu thu* rin ang ngeiin a rawn ti ta hmuk. Aaaaa ka van in haw so bawrh bawrh chiang tak. Min thlem ve ka beisei ve emaw ni? ka ti sual chhia va thung.











*Ka fiam mai mai che nih kha* inthlahrung deuh chuan ka han ti ve leh a, ka type lai te chuan nuam lo ka tih zia chu.*I thu thu* alo ti teh tlawng bawk nen ka phi leh sek tawh.











*Fiamthu kan sawi em ni?* ava han sual mai mai tak, a duhna ah hi chuan.Ka ngei ru deuh bawk si, ngei na ngam chiah lo hian ka awm, ka bialpa han ni thuai thuai se ka thuai nek chak tawh.











*I sual eee, i lo kal dawn em? Class in kal dawn lo ami?* ka han tih leh zat a. Ka mood chhe lutuk hi keima siam tho ani tih ka hria a, nuam pawh ka ti leh tawh lo. Min be peih lo zawk emaw ni a duh tawi thei si?











*Saturday em em te chu kal ngai bik lo ve* a rawn tih leh chuan ka zak leh hnu hnawh.Exam hian ka thluak ati buai vek tawh aniang. Khumah chuan ka tal chiam chiam a, ka zahna erawh a zual ting thung.









*Nia....Mahse bazar te ka duh ve deuh sia, haw hma vak lo ang aw* tha deuh chuan ka han ti ve leh lawi a, chhungril erawh a zak ru chem chem nangin a zaklo der ve leh tawp mai.











*Zingah ka lo kal ang, chawhnu lamah haw thei tur in* te chu a rawn ti tha ve leh lawi a. Hetiang reng reng chuan hma sawn hi har deuh dawn asin. Min ngai ve lo emaw ni kei chu kan exam vang leh rilru buai kar ah pawh ka la hre chhuak tawk tawk zel a, ani ve chu.......













Thil ho mai mai sawi chuan kan inbe ve rak rak nangin kan sawi romantic teh chiam lo ve khawp mai, mahse duh ber te nen chuan a nuam vel vek mai.










•••••••••••••••••






Ka ti thang hman nge dar 4 vel ah ka harh kur mai.Ka va ngei mai mai tak! Ri zai chuan in khuh thak in mut leh tum chuan ka chhing vang vang a, ka nghak rei teh chiam pawn ka hre lo ka lo muhil ve leh mai bawk. Chu erawh a rei a rei lam ani ve leh thung, dar 9 dawn a thawh em em chu ka inthlahrumg ru ve tho, mahse Mama'n min lo hrethiam viau a ka nui leh var var thei leh ta hram.










*Lo insiam rawh, ka lo chhuk tep bazar i ngaih kha* ka chaw ei kham thleng vel kan tih fel hnu ah a message ka chhiar chuan ka nui var var. Min lo be hmasa hrim hrim pawh hi ka lawm.










*Yes, Boss* ha nawt mawlh mawlh pah chuan ka reply zat zat a. A va nuam dawn tak min bazar pui theih phei chuan....aaaa duhthusam ah phei chuan kut inkai rial in kal duh ngei thei ila.....Awiii










Mama chaw ei laiin ka haw tur thu ve ka hrilh nial nual tawh avang in engtin mah min hnialna anei em em hran lo bawk nen ka lawm viau. Ani erawh eng eng emaw tih fel ngai la awm bawk nen kar thar vel ah alo haw thei chauh dawn ani awm e, la awmpui chu duh viau mahila kei mi lerh ni si lo, bialpa hual nei hi min pawt tu ana tlat tawh.










Phur zet chuan ka insiam sawk sawk a, Mama pawh weekend mahnise college ah eng eng emaw tih fel ngai ala awm bawk nen a kal leh ala ngai thung.











Kamis pawl dal raih mai in rin riak riak reuh hi ka ha zat a, Jeans pawl leh converse nen. Ka sam chu thlah tawp aiah tiin a then then hnunglamah ka la kual in ka kilh then daih a, khaw lum chho may thla chho ni bawk nen a lum leh tawh em ani.











Ka laguage ah chuan leh bag nen ka bawr ve phian bawk .Mahse motor pangngai alo kem ka ring ringawt a, a zia ang chu, hman phei ila blanket vel pawh hi hawn vek ka duh deuh ania....mahse a rem bik teu silo.










Mama kal tur chuan 500 min pe ve zeuh a, exam zawh lawm nan ka pa in 2000 lai min lo thawn ve bawk nen second hand lo bag leh sneakers vel ka lei ve dawn.Mama kal hnu rei lo te ah kan kawm chhak a horn ri vang chuan kawngka lam ka pan vat a. Horn ri mai mai pawh hi alo danglam bik theih chhinchhiah dan alo awm ve zel bawk sia.









Kawngchhak lamah lo ding in motor atang alo chhuk mek a, shirt var plan tawp leh cargo buang thak a rawn ha a, a chhe lo leh pek khawp mai.









"Thawmhnaw ka nei nual" ka lam alo pan phei lai chuan ka lo ti satliah ngawt pek a. Ka bul alo thleng chawp chilh nghal zat bawk. A rim tui zia lah chu!









●Muttui u aw🤗 Naktuk zan lamah sei deuh hlek kan dah leh dawn nia






Ads a awm chuan zanin atan vawikhat theuh lo click leh theuh ula umm🥰🥰🥰

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)