KAN SIR BY Dilbara Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KAN SIR BY Dilbara Khiangte (Completed)

Unread post by Ngaia » December 5th, 2021, 2:50 pm

rxngc138.jpg
KAN SIR 💌 BY SAMMY
(Scroll thla char char la, cha-2 in a azawm ang)

CHAPTER ONE√


Etheli's Pov.



Ka kawchhunga sana nitin kawl en tan tirha min kai harh ziah tu chuan nidang ang bawkin min ti harh leh a. Mahse tukin erawh tuk dang anglo takin thawh ka va phur lo kher em. Nizan ka story chhiar avangin ka meng hrep a, darhnih thleng ka meng hnuah lungawi lo zetin ka mu kha ania. Nizan ka mood fuhlo kha tunkar chhung zawng ka chhawm in ka ring. Ka ngaihtuahna ah chuan Nunengi arawn lang a, awiii ka bulah awm ngat se chuan ka beng hawi sawk sawk anga, a samah kek bu lawpin "zawngi, Lawmzuala hi kalsan rawh. Zaktheilo ropui si, midang tana khuanu ruat mahni tana lo ruat tum ve phet angailo" tiin ka sawisa nek duh ang ka ring. Ka khumah chuan bungbu kutin ka hmai chu lukhamah ka nawr a, ka au nghek. Ninawm lutuk mite hian kei ang em em hian an story chhiar hi an vei zui ve thin angem le, tinge ti em em mai a ka thinlung rilru leh ngaihtuahna zawng zawngah hian an khah bik hlawm ni.





Ka sam chu tham nawk nawk in ka tho chhuak a, khum bula ka slipper dah chu intawlhin bathroom ka lut zui a, wash basin a in en in ka ha ka nawt nawk nawk a. Bathroom atang chuan ka nu min ko thawm ka hria a, "hnathnumhnah hnaawm" ha nawh pah chuan ka ti a. Ka nu lah chuan, "Ha nawh pahin tawng ziah suh" tihpahin ka sam chu arawn tawn khawm nawk nawk a, apawt sawk sawk bawk sia ka chhing ve sawk sawk mai.





School tura ka insiam peih vek hnuah ka bag lain inhnuai lamah ka chhuk thla a, ka û te nupa walk rawn haw chiah chuan min en haw in, "I va han insiam hma ve, dar sarih chiah ala nih hi" an ti a. Dawhkana thutthlak pah chuan, "Ka nu phun ngaihthlak chhung nen dar kua chu ari vat mai ang" ka lo ti a. Ka lu a ri fawk a, ka nu chuan fianpui nen, "Mi hi phun hi min ti khanglang hlawm ziah a, ka tih ai inti thei em....?" A âng chhunzawm buan buan a, a sawi ber pawh ngaihtuah lemlo chuan pianpuia min khawnna chu ka tuai vut vut.





Ka phone chu ka en a, Muanawmi message alo tlar dul. Ka'n en chuan a thinrim zia thu hlir arawn sawi ve a. Kan inhmuh huna a sawi nasat dan tur ka ngaihtuah a, hmuh ka va huhphurh tak. Ka thiannu ni tho mahse ka ning ve thin a, keini pawn story kan chhiar ve tho a, duh pawh kan duh a. Achangin kan luangliam a, achangin kan tap a, achangin kan thinrim ve thin tho a. Mahse ani hi chu over-reactor ani tawp. Kei ang te hian ngawi rengin aduh ve theih reng mawle.




Ka chaw ei lai chuan ka phone chu arawn ri a, mi chaw ei lai lai tiin chhan pawh ka tum lem lo. Ka û chuan, "Mate in sir anih hi" arawn tih chuan ka en a Sir Chamtea anih vang chuan, "A sawi ho leh dawn emai" tiin ka pickup duh chuanglo. Mahse ka nu bawk chuan "La ta che mawle" arawn ti vak a. "Ka ning asawi ho thei si" ka lo ti ve hlar. Ani reng bawk a, asawi tur hre lawklo mah ila a thu rawn sawi tur ah hian thu sawi ho ber of the year apek tlak leh hrim hrim ang.




Ka nu'n min la melh khui khui vang chuan ka chaw bar lohna lam chuan ka pick a, peihlo zet chuan, "aw hello" ka ti tum bar a. "Ethel"

"Enge ?"


"I rawn school dawn em ?"


"Aw ka insiam mek"


"E anih chu, anih leh aw" tiin a cut zui nghal a. Ka sawi reng kha, sawi ho ber of the year chu anih kha. Kan Sir Chamtea hi chu amawl em vang hian zah tur ang pawh hian a zah theihloh bakah zirtirtu hlut ang hian ahlu ve thei hlawl lo.



"Bawihte engtik maw in exam dawn ?" Ka pa chuan sitting room lam atang chuan arawn ti a. Dal chu hawp pawk in, "Ka la hre chianglo, thlahleh ani tawh maithei" ka ti a. Ka nu chu lo chek hlak hlak in, "Tunkum i fail leh chuan i kal tawh lo ang, pass tum reng reng lo" alo ti leh hmanhmawh a. "Pa ka ning ee, anu hian ka pass aduh lo. Min ti hnual zawng ringawtin thil a sawi a. School pawh ka kal peihlo" ti tau âw chuan ka ti a. Ka chaw thleng chu ka dah tau nghal sawk sawk, "Ni e mawle, mi'n pass tumin an zir ve a. Kal tawh lohah lo vo reng ma ta che. Lehkha zir reng ai chuan zirloh chu anuam a afail luih phah mai tur sin. I nu sawi kha engmah nilo i fail pawn i kal dawn tho tho, tihtur ineilo. Fail i tum talh leh fail la, class 10 ah i thu deuh ngar ngar anga nimai" ka pa chuan arawn ti ve chuar chuar a. Ka kut chu silin ka thing per vak a. Ka nu chuan fianpui bawka min tin pahin, "han hau ila inlo tan ve hlur a, awm ngaihna ahriat loh hi" a ti ve leh bawk a. Ka pa chuan, "Aaa ngawi mai mai teh u, kha school akal dawn kha" arawn ti a. Ka nu chuan a chawhmeh chhuan lai chu a chawlh leh nghal mawlh mawlh.




Muanawmi'n min rawn au a, ka bag la in ka tlan chhuak nal nal a, gate ka thleng tep tiin ka nu chu rawn au vakin, "I tiffin i theihnghilh" arawn ti lung lung a. Ka ding a ka let phei hnu hnu. Vawi engzet nge ka hrilh tawh le, "tiffin siam angai lo, kan school canteen ah ka in eipuar thei" ka ti ka tih pawh hian lo siam leh ziah a. Siam sa han ken sakloh tawp lah hi thil tih chi ani silo. Tum barin ka bag hnunglam chu ka ahma zawnah ka dawh a, ka bag a tiffin thun pah chuan, "Zawng ang mai hian i za zek zek a, lehkha kha va zir tha ang che" a ti tel hram a. Ka nu tawng duhthaw thei lutuk hi chu awww...




Muanawmi chuan ka banah min lo kuah chawt a, a thusawi tur ka rui lawk nghal. Mahse ani pawh chuan engdang asawi hma chuan, "Awii tukinah chhung inkhawm tawngtai lai lai in Sir Chamtea'n min rawn call a, a sawi ho leh dawn tih ka hriat avangin ka call let duh lova mahse ka pa in call let rawh min tih tlat vangin ka call let a, a thusawi i hre duh em ?" tia min rawn en chuan ka bu nghut a, "Awii, ka ngei zia chu mi riltam hmanhmawh tawh nen khan, 'i insiam tawh em ?' tih ngawt arawn sawi. Ka bulah khan awm se chuan ka khai ngei ngei ang" ngei hmel zet chuan ati hmuar hmuar a. A thusawi chhunzawm leh pât in ka banah chuan min tham nawk a, "Awiii nizan ka thinrim zia chu! Davida ka ngei lutuk a, awii ka sawi peihlo. David khan a farnu te hlim hmel kha ahmu thei nganglo aniang...." ha sehchilh rap rap chuan arawn ti a. "Eng story nge i chhiar leh tak a...?" Keiin ka lo ti thung. Thawnthu pakhat chauh achhiar emaw tih laiin ani hi chuan pali panga te hi alo chhiar thin a. Min hrilh nasa thei lutuk hi achang chuan keimah ka lo buai a, amah pawn "ee ani lehlo, hei chu chumi te thawnthu zawk chu" tih hi anei leh nawk zel. Mak ka tih deuh chu heng stories vel hi hre rei thei hle si a note by-hreart sa ahre rei theilo hi ani.
School kan thlen thleng chuan a thawnthu chhiar ho chu min hrilh a, asawi buai nuaih avang chuan ka lo um aw ve vel mai mai.




Muanawmi nen hian kumthum ang chu kan inkawm ve tawh a, 10 kumkhat ka zirna ah khan ani chu class 9 ania, 10 kumhnihna ah khan ani arawn up ve chiah a chuan kan fail dun ta a. Tunah keiin class 10 kumthum nan ka bei a, anin a kumhnih nan a bei thung a. Story atchilh viau mah ila pass chu kan tum ve em em tho.




"Huhhh, Ethel S.S note thiam tur kha i thiam em ?" Hrechuak zawk niawm chuan arawn ti a. "Tlem chu ka thiam" ka lo tih chuan, "Hmeli ka thiamlo ti ang che. Engmah ka thiamlo hrem" arawn ti hmak a. "Ka thingthi peihlo sin le, ka ning eee... Nizanah te zir ve ta che" ka tih chuan, "Awi zir tum khan ka insangmar phek kual vel vek tawh a, mahse eng thlarau sual nge ka chhiar apiang khan ka mut hi arawn chhuak zel a. Chuan ka mu ta tawp a, mahse ka mut paha phone ka khawih kha ka lo meng rei lutuk a, ka mut chuan dar 1 alo ni tawh. Zingah pawh khan ka zir hman tawhlo hrim hrim" arawn ti par par a. A lu a kuk pah chuan, "phone khawiha meng rei thei hle si" ka lo ti hlar thung.




Naupang, naupang tihah keimah ni ang thalai lehkha la zir ve ho hi ka hrethiam lo. Lehkha an zir dawn hian an mut hi achhuak em em zel a, mahse phone an khawih hi chuan an tleivar thak thak peih ani a. Hetiang ka ni ve lo hi ka lawm takzet, achhan chu ni ve ngat ila chuan school kal tlak ka awm tawh hauhlo ang.




Lunch break ah chuan ka tiffin chu kei, Muanawmi leh Sangpuia ten kan ei a. Canteen ah eitur eng eng emaw kan lak belh bawk a, a puar theih viau mai. Bell arawn rik leh chuan class ah kan lut sang sang a, tun kan subject teacher rawn lut tur chu huhphurh zetin kawngka lam chu ka lo thlir ngawt a. Saw saw saw arawn kal ta, arawn luh rual chuan lo ding thap in kan lo good afternoon dual a. "Tunge thiamlo" arawn tih nghal tlawng chuan sawi nawn ngailo in Muanawmi nen chuan kan ding vat. Awii keimahni pahnih chiah kan ding, a nuamlo thei e. Muaneki pawh hi zir ve tur nia maw.




"Etheli leh Muanawmi bawk" Sir Reubena chuan arawn ti ban chuap a. A lehkhabu ken chu dawhkanah a dahthla thuai a, kan reh nghal thap mai. "Rawn kal teu" ti a min hui pahin chairah chuan athu thla a, zawi muang in a dawhkan lam chu ka pan thei them them a. Diktak chuan ka kal peih thlawt lo, min en leh kur anga. Sir Reubena bulah hi chuan ka thawk hi asak tlat zel a, engmah pawh hi ka sawi tha thei ngailo. Mi la hi tizam chhe tur hian ala en ang kur zel lehnghal.




A dawhkan hmaah chuan Muanawmi nen chuan kan ding dun ran a, "Tinge i thiamloh?" Muanawmi chu azawt hmasa a. "Sir ihmaw, ka zir a hrem. Mahse ka thluakah hian alut thei hlawllo" a tih chuan "I rilru i pe tawk lo anih chu, hrem i ngai" a ti hmuk a. Ka lam rawn hawi ve in, "Nang ?" a rawn tih phut chuan ba buai leh vek tawh. "Ih ka hrelo, awh ka thiamlo" ka ti buai deuh nawk nawk a. "Nang hi chianlohna inei ani lo maw ?" arawn ti chuan ka en a, min en chian ker kawr em avang chuan kun ngulin ka kut chu ka sik niap niap ringawt. Hei hi lawm ka ngei em em a, a bula awm hnaih hi ka duh miahlo. Midang rilru tur leh midangin a thusawi engtin nge anlo dawnsan ang tih ngaihtuah lek loin a tawng chhuak thin a. Keimah lo pawh hi ngei tu an tam viau ka ring.




"Aw va thu teh u, vawiin chu ka hremlo phawt mai ang cheu" tihpahin a mawlh ken chuan min vai kiang a, rang lutukin kan thutna lam chu kan pan nghal. Sangpuia lah chuan, "Teuh ther ther ve" alo la ti zui a. Muanawmi'n a sam ah akeh buk deuh lawp kha.




Sir Reubena chuan thil asawi mawlh mawlh a, S.S a history part kan lak hian ka mut hi achhuak ngawih ngawih bik zel. Hei tunah pawh ka mutthluk leh chhen tawh hi. Sir Reubena chu ka hmu phe ruai a, ka ham leh bai bai thin. A tawpah ka mutchhuak tawngkhawng chuan lehkhabu chu ka hmaah min hliah thei turin ka tung a. A phenah chuan dawhkana bawkin ka muhil nghal thlawrh thlawrh.




Dawhkan rawn ri thuai vang chuan ka thu tung nghal ut a, rawn chek hlak tu lam chu ka en a, Sir Reubena chuan mawlh nena ding runin min lo e a. Class chu ka en kual a, tumah anlo awmlo mawle. Ka ding hluai a, mahse Sir Reubena rawn kun hniam ve run chu a hnarkâwn ah tak ka han toh sak a, vanvadakin ahnar chu ahup a, "Awi ka tihpalh sir, sir ana em, ana em sir" ka ti nghal char char a, ka chiai vek.




A hnar atanga akut a laksawn chuan thi akai deuh niai a, "a tih nia sir, dak leh rawh" tihpah chuan dawhkanah chuan ka lawn kang a, ka han nawr kuai dak leh thawr a. A sang tha bawk a, dawhkana ka ding chung pawh chuan ka âwm a chen pha tho nia. Chiang zet chuan kan in melh deuh reng a, amak takzet nidang chu nise ka hawisawn rang leh tawh viau ang. Mahse a mit meng sen vek chu nidangah ka la hmuh ngailoh anih vang nge chu chuan ka mit ala ngawih ngawih.




Ka nawr dak ang ang chuan chesawn miahlo chuan a awm a, "Engvangin nge class ah i mutthluk a ?" ati bung nghut a. Na aneih pawn zaidam deuha tawng hi a thiam velo aniang. "Ka muthlu tih ka lo hrelo a" ka tih chuan a chal ka nawrna kut chu arawn beng thla a, "thiam neilo bawk, mut duh bawk si school hi rawn kal ve tawh suh" atih chuan dawhkan atanga chhukin hnuailam ka bih ngur ngur a. Kawngka lamah chuan thawm arawn awm a, midang ho chu an rawn ri lut nak nak. Khawiah tak lo kal hlawm ang maw.




Muanawmi chuan, "Eng nge a ?" arawn ti hmasa ber a. A hmel ka en zawk a, thaw hak chuan hnuailam ka bih leh daih a. Sir Reubena chuan, "Ti khan lo thu ula Teacher cabin ah ka va kal lawk nge. Note kha lo chhiar ru, Ethel min rawn zui rawh" a ti a. Ka en zawk a, kawngka a achhuak chiah chu ka zui vat.




Pen sawm dan velin ahnungah chuan ka kal a, kan school hi chhawng thum lai ani ve a, Nursery section atanga higher section thleng aawm avang hian kan ri ve nuaih nuaih zel. Kan class leh class 12 hi chhawng chung berah kan awm a, teacher cabin thleng tur chuan step 100 vel chhukthlak angai a. Ka peihlo takzet.




"Rawn kal chak ta che" arawn tih chuan ahma ai chuan ka kal chak ve sawt a, ka kalna tur en miah lova ka kal ngawt ngawt avang chuan min pawt ding thut a. Step ah ka lum thla lo chauh, "Thil pangngai tak leh tha taka tih hi i harsat tlatin ka hria" arawn ti a. Nichina min sawi dan ka ngaihtuah lai tak lehnghalin a thusawi leh dan kher kher chuan min ti no a, ka mittui atla leh tawh. Sir Reubena vang hian chawrualin karkhat ah hian vawi nga vel ka tap ang ka ring.




"Rawn kal rawh" tihpah chuan a chhuk thla zut zut a. Step hmawr atang chuan "Sir heta i room ah engmah inei ve lo mi ?" hemi floor ah hian Highschool leh higher bik teacher ten cabin hran vek anneih leh a, a rooma intihfaina tur a awm tak mialin chhawng hnuailama ka chhuk peihloh vang chuan ka ti a. En pawh min rawn en lo chuan, "Engmah a awm ve lo, rawn kal vat mai rawh" ati a. Step ah chuan ka pen thla nghal thauh thauh.




"Ee Sir Reubena chu tinge a ?" Madam Rinmawii chuan alo ti vat a, madam Rinmawii hi nuthlawi mahse fa la neilo ani a. A chhelo vei reuh phian a, amah tak hian Sir Reubena hi a ngaihven deuhin ka hria. "Eng nilo e, Etheli nen khan kan intoh palh a" tihpahin a chair lo hnai berah chuan a thu a. "Ava zialo ve, silfai ila lapua hian kan hnawh dawn nia" tihpahin first aid box chu arawn la chhuak a, an sir ah chuan ngawi rengin ka lo ding. Mahse madam Rinmawiin a han tifai vel tur chu, "aa i buai anga, amah khan ti rawh se. Amah vang ania amah khan rawn ti rawh se" alo ti khauh a. A thusawi dan lah chu hnial angam awmloh em em lehnghal. Ka tihfai a duh a, ka han tifai a. Lapua a thisen kai vel ka hruk lai te chuan, "Sir ana em? Ka hru na em. Ka tihpalh lutuk ania" ka ti deuh mawlh mawlh a. Ka sawi ngun bawka a ning deuh nge ni a hnara lapua hnawh pah chuan, "Nalo" a ti teh hmuk a. Class lam pan chuan kan inzui chho leh hna hna.




Rin loh deuh mai hian, "Bialpa te inei em ?" arawn ti a. Chhan ngaihna ka hre lehlo tawh nghal viau. Awlsam tak 'neilo' timai tur ka nih laiin ka ti ngam tlat pek lo. 'Aw' pawh ka ti chuanglo a. Ka kal kun ngawi reng chu a âwmah ka intauh dat a, "Ka biak che kha" arawn tih chuan hnuailam bih leh ngur in, "aih" ka lo ti mai a. Ka va han ning tak em!! School hi zankhat thil thu ah hian bo thut se hi ka ti ngawih ngawih, awmlo se chuan ani hlau hian ka phe ka phe lo tur nia.




Note: A ngaihnawm dawn leh dawnloh comment lamah rawn sawi ula aw, a ngaihnawm dawn chuan link ngaiah kan zawm dawn nia.


Chuan ads click kha theihnghilh lo ula 💝💝




KAN SIR 💌 by Sammy


Chapter Two√


"I hmu zo velo mi ?" arawn tih chuan ngei zetin ka melh chho a, ka chhang vak leh ngam silo chua kut humruh teuhin, "Sir, ka lo han kal hmasa ang" tihpahin pen mai ka tum a. "Ding rawh, a kal rual theih reng" chiang fek fawka arawn tih vang chuan ka kal zui ngam lova, ka school nun hi ava han chêp tak em.




Kan pahnih chuan kan pen chho dun hna hna a, ka ke kham tawh zia lah chu a. "Taktak in lehkha zirlai chuan ngaihzawng neihloh tur. Nang phei chuan nei reng reng suh ang che" arawn ti a. A thusawi ngai pawimawh ang deuh chuan ka bu nghat nghat a, mahse atakah chuan enga tan mah ka ngai tawp silo.




Room kan luh chuan min lo en kar hlawm a, kan Zualzangai rulpui mitmengneii pawn min melh leh kuau tawh saw. Muanawmi chuan, "Tinge a. ?" Alo tih leh chuan,. " A hnar a thi" ka lo ti ringawt a. Min zawt nawn chak bik vak tawhlo aniang hmalam chu ahawi ve nghal daih.




School kan bang a, ka ngaihtuahnaah chuan lehkha zir aiin story chhiar ngawt chu alut hmasa leh ber tawh. Muanawmi chuan, "awii ka hrilh tawh che em, story sweet deuh kha" atih chuan, "Aih la hrilh lo" ka lo ti a. "Awii ka'n sawi ang, Sammy leh Dindini annia, a story kha maw a ngaihnawm tawp ani tawp. Awii ka sawi thiamlo he story kher hi chu rilru hahna tur a awm bawk silo, mahse ka ui tawp short story ania" atih zawm barh barh a. Engmah phei chu ka sawi zuilo.




"Kan kawmthlangah star deuh mai ka nei thar a" arawn tih chuan, " nakinah sawi mai rawh, in kan thleng tep" ka lo ti a. "Aih, sawi vak tur pawh awmlo. Apa tawp maw, amah pa lian sia zanah hian an inchungah guiter perhin a zai thin a. Ka luangliam tawp" arawn ti a. Kan gate bul kan thlen tawh vang chuan, "Aw a thlalak min rawn thawn ang che" tihpahin ka tlansan nal nal, min rawn au zui vak vak mahse ka hawiler tawh eihlo. A sawi tui laklawh chuan ni tlak thleng thak pawn sawi tur a hre leh dawn a, a ninawm thei si.




"Nu ka ril tam" ka ti lut hmasa ber a, "aw han inthlak la, thil ei la chuan tualzawl saw phiat fai ang che" atih chuan aruk thei ang berin choka plug a ka phone charge chu ka la a. Ka nu in min hmuh chuan engmah a sawi hma in, "aw ka khawih dawnlo" tiin phone chu ka phawi vat a, ka room panin ka tlan chho nal nal.




Zai ngaihthlak pah chuan ka inthlak nghal a, ka inbual leh phawt hnuah inhnuaiah chuan ka chhuk chauh. "Cake kan nei em nu?" Ka tih chuan, "I pa ka chaha lo nghak lawk mai rawh" ati a. "Aw" tihpahin thingpui chu ka in ve ngawt a, rang a rang in ka phuh chhuak leh nghal a. "Nu lo tidai ve ta che" ka tih chuan, "A i va han zaktheilo kha kha tak. Khatia khu vut vut te chu asat tepawh ring ve tache mawle" min ti zui a, ner nawng nawng in ka lei ka chhuah hlawi hlawi tawp.
.
.
.
.
Zanriah eikham chuan lehkha zir turin ka room ah ka chho nghal a, mahse lehkha ber pawh bih hmasa chuanglo chuan fb ah chuan ka lut leh te te a, Story group chu ka check leh te te phawt. Post thar lo awm ho chu ka comment diat diat a, a tawpah ka chhiar mek lai Night Changes chu *a thar lo dah vat vat rawh* tiin ka comment a ka out nghal. Phone ka dah dawn uk tawh ah number hriatloh atangin message ka dawng a *Tha maw* tihte mai. *Aw* tih tawpin ka va chhang a. Ani lah chuan *imm* arawn ti leh tawp bawk a. Ka lut ta sa sa tiin status leh message chu ka clear zung zung a. Ka out tak tak dawn chuan number lawng message chu alo awm leh a, *In Sir Reubena* arawn tih chuan *ani mai lawm* tih ngawt hian ka va chhang pek a. Ani thinchhe ta em em mai khan, "Lalrineng 'e sir nangmah maw? I nb hi ka save dawn em ni ?' te rawn ti ta che" tiin arawn voice a. Ka nuih za deuh reuh bawk si thinrim deuhreuh bawk si chuan, "Nanga thinchchhe awrlawk number hi ka duh bawk lo" tiin ka va voice ve nghat a. Data chu off in phone chu ka dah ta hmak.




Lehkha chu darkua thleng ka chhiar ve a, note panga vel chu ka thiam ve hman in ka hria. Zir rei leh thiam hnem inti zet chuan mu turin ka intintuah a, ka ha ka nawh pah te chuan mut paha ka story chhiar tur ngawt ka ngaihtuah a, an awmdan tur mawlh chu ka ngaihtuah, Zonuni kha a kalbo bawk sia Lawmzuala Nunengi lo awm zel dan tur kha ka hre chak tawh lutuk ringawt mai ni.




Phur lutuk chuan ka mu a, mahse fb ka luh chuan ka mood a uih nghal vek. Mi a thar nghakin ka â lo chauh ani a, mahse athar chu a lo awm hauhlo thung. Ka chhiar chak tawh lutuk chhiar tur awm bawk silo thinrim chu ka ke ka leng vak vak a. Ka phone rawn ri chu number lawng anih vang chuan ngam em em hian, "Eng nge ?" Ka ti pawr hlur a. Lehlam atang chuan "Keimah" arawn ti pawr ve hlur bawk. "Aw i mawl nih kha" tihpah chuan ka cut hmak a, rei vak loah ka whatsapp message tone chu arawn ri ve zat a, number lawng bawk kha anih vangin ka chhang peihlo. Status ka up a, inti thu thiam fahran hian *Ka lawm ti zualtu ka Lawmzuala ngaiin ka kur ruai ruai anih zawng hi maw" ka ti a. Ka nu leh ka pa in anla rawn view hmasa ber zui.





Mutthilh tum chuan ka mu a, mahse rilru ah Lawmzuala leh Zonuni bak an rawn lang theilo. An chanchin hrelo chuan ka awm thei ngang lova, Night Changes Season 1 chu ka chhiar leh ta vek mai. Ka chhiar lai chuan ka muthlu lawp lawp a, ka mut achhuak tawh nih hi tiin mut pangngai han tum ila ka meng leh ang kuau bawk sia. Story ka chhiar khan ka mut a chhuak bik riau mai a, khawvel mihring kan han mak dan hi chu a!




Zingah chuan angai te bawkin ka tho a, tukin erawh ka nu te an reh thuap mai. Choka a AuMercy lo che mawlh mawlh chauh chu ka hmu a, "AumMercy khawnge anu te ?" Ka tih chuan "Damdawiinah an kal anih kha, i û in naute anei dawn a ?" arawn ti a. Chaira thut thlak vat pah chuan, "Avan nei hma, mahse a tha ka ti tho. A hming ka phuah anga, Rainer emaw, Dominic emaw, Raven emaw, Lawmsangzuala tiin ka sa ang" ka tih chuan nui hak in, "Thawt thawt che hian aw, mi enge aneih dawn pawh ihria mi ?" atih chuan awlsam zetin, "Aww hmeichhia alo nei ta anih pawn, Sadie emaw, Kiara emaw aaaa a tam mai, story a changtunute an tam lutuk" ka ti mai a. Ka thusawi nuihzatthlak ka hriat loh nen min en in anui hawk hawk.




"Tih ngaihna ila awm hlawllo ani e, i û naute anei nga kan duh dawn hlawm sia chhungkaw naute pawh ini thei tawh dawnlo nih kha" arawn tih chuan ka ngaihtuah ve nghal a, Ka û in naute aneih chuan chhungkaw naute chu ka ni thei tawh tawp lo ang, hmmm mahse ka û te chu pasal nei tawh ania an naute chu lawm ve dawn tho mah ila hmeichhe chhungte zawk kan nia chuti tehlua in min luahlan bik teuhlo ka rilru chuan ka ti nghal mawlh mawlh.




"Apawilo, a nausen lai a rei dawnlo emai" ngaitha zet chuan ka ti a, min nuih leh hak in, "Aww han insiam rawh, i tlai ang" ati a. Keipawh insiam tur chuan roomah ka chho veleh nghal.




Ka insiam mawlh mawlh lai chuan ka phone arawn ri a, Sir Chamtea bawk anih ka rin avang chuan en pawh ka en buai peihlo. Sir Chamtea han peih dan hi maw,ti hian keimah lo midang pawh nitin deuhthaw a call kual ve vek zel ania. Thu tam leh tangkai asawi ngailo 'i school dawn em', 'i insiam tawh em' 'chaw i ei tawh em' tih vel vek ani asawi thin ni. School a afate chinchin intithei fahran leh chhuang uchuak taka a sawi thin duhtawk lova, in lam lehzel pawha mi call a ching hi chu ka huat takzet bakah mi ang zânlohna pakhatah ka ngai tawp mai ni.




Chaw ka ei lai vel chuan damdawiin atangin arawn phone a, ka û chuan mipa anei anih chu. Awii ka lawm lutuk hi ka lam lo chauh, dawhkan atang chuan au lawng lawng in, "Nu a thlalak min lo thawn teh u" ka ti vak a, "a piang chauh a thlalak ala nei hman lo" ka nu chuan ring fahran chuan arawn ti ve bawk a. Tut atia a tawp daih. "Mipa kan nei, mipa kan nei, mipa kan neiii" tiin ka au chiam chiam a. K chaw eina te chu ti felin phur zet chuan school kal turin ka tlan chhuak a, kawngah te chuan ka zuang theuh theuh a. Mahse Muanawmi ka hrechhuak zawk a, ka ding chawt. Awii kei hi ka ât dan hi, Muanawmi ka theihnghilh daih. Ka hawi let vang vang a, kan in chhak awih kual atanga Muanawmi rawn kal niawm tak chu ka hmu in ka hria. Ka awmna leh Muanawmi'n ahriat phak leh phalloh tur pawh ngaihtuah lo chuan ka au vak a. Awi awi awi ava han hre pha lo chiang, ka au vak hlawh chu ka bul vela kal te en hrek hrek bak chu ka hlawh lo. Pen sawm vel ka pen let leh a, Muanawmi rawn hnai deuh tawh tho chu ka au leh a, phawk zetin min rawn en, min hmuh chuan arawn tlan ve nghal a, rawn thaw hluam hluam in, "Tukin chu i va hma ve ?" atih chuan, "Nia, ka û in naute anei a ?" ka ti ve mai a. Kal chu kan chhunzawm veleh nghal bawk a. "Mi enge aneih a ?" a tih chuan intithei deuha melh in, "Mipaaa" ka ti fan raih a. "Tak tak maw!! A hming ka phuah ve dawn!" atih chuan, "i zak em, ka phuah tur asin" ka lo ti ve lehnghal a. Phuah a chuh ve kha chu ka rindan sa reng ania, ka û naute neih hma pawh khan 'keiman ka phuah ang' tiin kan inhnial fo reng ani.





"Hmm, kan pahnih in phuah ang. Nangin Mizo hming i phuah anga keiin sap hming" arawn tih chuan, "I mawl ami! UZampuia chhungte pawn an phuah ve ngai lawm" ka tih chuan. "Pakhat chauh annei dawn pawh nilo, a dawt lehah phuah mai rawh se" a tih chuan dik ti zetin ka lu ka lo bu nghat nghat. Naute hming kan pahnih a, phuah tum ran in naute hming tur sawiin school pan chuan kan kal dun a. School gate ah chuan Sangpuia alo ding ran a, a la hlauhthawn hmel em em zui, "Awii in va tlai ve ?" tihpah chuan ka darah na lo te in min beng taih a, "Kan hma em hi" ka lo ti thung. Sangpuia nen hi chuan tun kum atang chauh khan kan inkawm tan a, mipa chu ni tho mahse 'she is' deuh chi kha ania. Mahni pianpui gender ang lo a khawsa ho hi ka ngei tehreng nen Sangpuia erawh hi chu ka kawm thei phian mai. A tirah chuan kawm ka tum bik em em lo a, mahse hetiang anih vanga tu vak mah in kawm en a an en loh vangin ka lainat reuh tlat a, kei pawn tiang ho hi chu ka ngei ve tho a, mahse an mahni ang em em in ka ti lang lo. Ngawi rengin ka ngei thu pawh sawilo in an hnaih loh turin ka awm mai a, tawngkam te nen zel a chhaih an chin tak avang khan ka chhan thin a, hei kan inkawm thei zui phian lehnghal a.




"Sir Reubena'n lo nghak rawh, a rawn thlen veleh ka cabin ah rawn luh tir ang che atia" a tih chuan a ngaihna hrelo zetin school building chu ka thlek phei vung vung ringawt a. "Tinge le ?" Ka ti puam tul.




"Kal phawt teh ang u, thiam tur kha inthiam em ?" Muanawmi chuan arawn ti a. Kal pah chuan, "aw thiam ve, mahse panga vel chauh.... Awiiiiiiii" ka rilrua rawn lang thut thil avang chuan ka sawi lai pawh sawi zo lovin ka au nghek a. "Kawngah hian au vak vak zel suh" Sangpuia chuan mi lo ti. "Sir Reubena'n min ko maw! Awi ka th!" Sangpuia bana sawi nawk nawk pah chuan ka ti a. "Tinge ?" Muanawmi leh Sangpuia chuan an rawn ti rual thawt.




"Nizan ah 'nanga thinchhe lutuk number hi ka nei peihlo' ka ti a, chuvang chuan min hauh a tum aniang" ka tih chuan, "In inbia ami ?" Muanawmi chuan arawn ti a. "Kal pahin sawi ang u" Sangzuala'n arawn ti ve thung.




"Aw whatsapp ah min rawn bia a, ka mood fuhlai lai lai in chaltlai deuhin ka chhanga" ka tih leh chuan ka hnungah min ben thum tuk pahin Muanawmi chuan, "aa chutiang, mimal thil leh school chungchang te chu adang alawm. Thil dang aniang" arawn ti a, mahse min thlamuan han tum fe mahse ka hlau laklawh tlat. Nizan khan tha deuh te khan lo chhang ve mai mai ila chuan awww.... Ka va ning tak emmmmm. Reuben Mawizual mawi ve bawk silova thinchhiat zia ka hre ve reng a, khatia lo chhan loh tawp tur kha nia.




Chhoh hreh zetin Sir Reubena cabin zawn chu ka melh chho a, tukverh atang chuan min rawn la en thla run zui a. Sir Reubena cabin pawnah chuan kan ding ran hlawm a, "Lo kal ve ru" tiin ka thiante chu pawh luh ve talh ka tum a, anni lah chuan, "I mawl ami? Keimahni minlo hau tel anga sin" an ti tlat a. "A hau lo ang che intih kha" ka tih chuan "aw khate chu dawt kan sawi ve nih kha" an tia ka ngei dun zia mai chu. "Anih kawngkhar bulah tal khan lo ding ang cheu" ka ti khur khur a, an lu an bu nghat nghat. Thawk la hawkin kawngka chu ka'n kik a, "aw rawn lut rawh" chhunglam atang chuan arawn ti dut. Ka luh hma chuan ka hmui hupin ri lo thei ang ber chuan ka'n au leh phawt a. Ka hmel ka siamchhiat leh vak hnuah ka lut ta hram. Chairah thu chungin thingpui alo in mek a, hepa pawh hi tar ang mai, thingpui a in duh ania aw.




"Sir min ko em mi ?" Ka tih chuan alu a bu nghat nghat a, a thingpui no ken lohna kur chuan mawlh lek in dawhkan a khawng ri keuh keuh a, min la en ngar ngar zui.




"Ti.. tinge min koh a ?" Hlauthawng zet chuan ka ti a. Thingpui in leh pah chuan, "Nizanah lehkha i zir em ?" ati a. Bah nuai in, "Aww aa, aww tlem... tlem chu ka zir ve" ka ti chhuak thei hram. A lu buk nghut nghut pahin, "i kal thei" ati daih mai a. "Kei... Keimah maw" ka tih chuan, "I beng hi a ngawng deuh hlek emaw ni le ?" arawn ti hluk a. "Aih, ka kal" tiin ka chhuak zui hmak. Ka lehkha zir leh zir loh min zawt tur te ringawt khan maw min koh a, hmmm... a ho teih teih e. Ka lo hlau ve em em a.




Ka thiante chuan, "Engtin nge alo tih che ?" anlo ti vat a. Intithei zet chuan, "Engtin mah" ka lo ti liam puat. "Engtin mah ati lo che maw ?" Sangpuia chuan mak tih hmel tawkin arawn ti a, "Aw tilo, min hlap atum ve ringawt a, a mawngah ka pet hlak kha" ka tih chuan Muanawmi awihlo lutuk chuan uak der vakin, "Uakkkk, awihawm deuh hlek sawi ve la" ati a. Sangpuia dara kuah pah chuan, "Kal daih ang Sangpui, ka thusawi pawh awih silo aduh leh Sir Reubena chu lo zawt mai rawh se" ka ti a, kan class lam pan chuan ka kuah phei a, ka kuah pha tha bawk silo a, ka kal chu la che tawng tawng viauin ka ring. Muanawmi chuan kan hnung atangin, "Pangang vak tha theilo i ang" arawn ti ta chiah reng a. A run tur tawk lekin uar zet chuan ka nui a, ka nuih vanvadak lai tak chuan ka chhip arawn ri duk a, ball in min per niin ka hria. Ka chhip tuai vut vut chuan, "Tunge ?" ti pawr hlurin hnunglam chu ka hawi a, mipa sang tha tak hmuh pawh ka la hmuh ngailo hian a ha var rual tha zet lang khawpa then thaw a a tukkhum tuai pah in, "Keimah" arawn ti zawi sup a. Muanawmi lah chuan ka banah min lo sik ngar ngar.



Note: Teh u, story pahnih zankhat a dah rual chu ka tlin lo deuh a, pakhat ka type zawh hian pakhat han type leh dawn ila muthlu lawp lawp ten ani tawh thin a, nangni pawh ka rawn dah dawn ka tih avangin zanah rei deuh te inlo nghah phah ve thin a ka inthiamlo takzet. Ti hian ka tia, tun ami leh ka story kallai pakhat DINERO saw zan karthlak in ka rawn dah ang ka tia. Zaninah ka dah ve ve anga, naktuk ah hei ka rawn dah leh anga chuan DINERO ka awl thung ang. Chuan DINERO ka dah zanah hei ka awl thung anga. Chutiang chuan ka ti maia, in mi hriatthiamna ka ngen e aw 💝






Comment leh ads click kha min lo tihsak leh hram hram ula 💝



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 5th, 2021, 2:51 pm

KAN SIR 💌 BY SAMMY




Mi na tih laia alo nui vur vur chu ka haw ngei mai, "I va mawl ve, building chhungah ball pet tawh suh ang che" ka tih chuan, "Valley ball ania" arawn ti pek a, "aw chupawh nise i mawl tho tho" tihpah chuan ka inher hmak a lo lut thar ani ngei ang a mawl hmel emai. Muanawmi lah chuan ka ban a sik na vek tawh. "min sik tawh suh" tihpah chuan akut chu ka beng a. Class lam ka pan nal nal.





First ah Science kan la nei zui a, ka va han ning tak. Sir Chamtea rawn lut chu kan lo "Good morning" zawi deuh nuai hlawm a, kei ang tho hian an huhphurh vw anih ka ring. Ani mi inti eng emaw tak chuan ngaithei lehlo in, "Ka chhuak leh nga, sawi tha leh ang cheu u" ati mauh mai a. A chhuak leh pauh a, kan lo wish dang erawh mipa hoin âw an chhuah deuh tiloh ah chuan a danglam lemlo.





Zir tur a sawi phawt a, kan chhiar dawn tiin, "In huhphurh
ange, a har miahlo nia Science hi. Ka fapa pawh...." a sawi leh dawn ta.Sir Chamtea hian thle de ât anei anih ka ring hmiah tawh. A thusawi lah hi nitin ala dang ziah zui. A hma in a fapa upa ber class 10 science ah mark 4 a letter ahmuh loh thu asawi a, a chang leh mark 12 ten hei tunah pawh mark 8 in anih hi afapa in science a letter mark a hmuh phak loh leh daih tawh ni.





Muanawmi chuan min rawn kheuh zeuh a, ka en chuan lehkha ah hian, *kan hnung khi en teh* tih hi arawn ziak a. Ka en ve mai bawk a, kan hnung hnung leh lawkah chuan ball min tih per tu kha alo thu ve a, min lo en sa reng nge ka hrelo ka hawilai tak chu min en ve a, min nuih var var a, kei erawh ka nui lem lo. Ka awmthat leh dawnlai tak chuan, "Etheli chu new student kha ilo star ngawt ange" arawn ti a. Ngei zeta melhin, "Nangmah khan i star anih kha" ka ti tum bar a. "Ka lo theihnghilh daih a, khi khilai thu khi lo lut thar aw. Tunge i hming kha ?" atih chhunzawm zat a. Kan hnung ami pa chuan, "Zorintluanga" arawn tih chuan, "Aw Zorintluang, tinge laklawh deuhah irawn in sawn a ?" ati a. Zorintluanga chuan a chhan hma hma chuan, "I sual ami, i school luhna hmasa ah an duh vaklo che niang a ?" arawn ti leh a. Hei pawh hi amawl na pakhat, lehkha zir sang leh inti fing hle si hian thil hrechiang lo leh midangte tawngna hun
pe ve map lova tawng hi a ching a. A dang leh ah chuan thil eng emaw tihsual palh hlek vanga mi tawngkhum bawih bawih a ching bawk.





"Sir, sawi tir ve phawt la" ka lo tih chuan, "Kha alo tawng leh tawh, ka thusawi lai hian alo tawng ve ziah" min tih khum nek a. Keilah chuan ka ngai pawimawh lo rem rem. Kan inhrawn rei tawh bawka, ka chapal khing lehlam ai pawh hian ka ngaipawimawh lo zawk ang. A lehkha min zirtir dan te hi asawi loh dan ang hlir hian kal ila kan ti fuh zawk ang tih tur vel ani thin. "Awle zir char char ru" a ti leh daih a. Rawn lut thar ka hnunglama thu pa rilru chu nuamlo ve ang chu aw, Sir Chamtea zia ala hre ve silo a, school luhna hmasa a misual ah a chhuah ringawt lehnghal a.





Short break anih chuan ka lehkhabu chu khup thakin ka ban ka phar hliai a, ka pharna lamah chuan tu emaw ka han tawk a, hnunglam atangin "Anah!" tih riin arawn zawm zat. Ka en chuan Sangpuia hian ahnar hi alo hup a, min en hraw in, "Pawngi ka hnar i kawm kha" arawn ti a. "Ka kawm ami?" nuihza ve deuh insum tho si a ka kut en pah chuan ka ti a. Ka kawm tih chian nan ka kuttin ah chuan a hnarkaw hmul alo awm!! "Awii ka ten lutuk" tihpahin akawr ah chuan ka va tak nawk nawk a. "Hey hey hey i mawl ami? Min tat suh" alo ti chul. "Hnapsei i hnarkua lehzel te kha chu lo humhim ve ta che" ka tih chuan, "I lukawlh anih chu, ka inrin hmain irawn kawm anih kha" alo la ti ve hlar zui a. A hnarkaw kawm chu a kawmtu leh aneitu chuan kan duhlo khawp mai nileng chuan kan inbiak tak loh thak phah.





Zanah chuan inti awlthawng zetin ka mu a, whatsapp story group ah ka va nawi vel mai mai a, Tluangthlahrangi message nuihzatthlak deuh chhiara ka nuih dawn lai takin notification ah chuan number lawng atang hian, "Lehkha izir em ?" tih arawn lang a, ka nuih tum pawh ka thulh leh nghal. Mawilo leh chaltlai deuha chhan chu ka duh tawh bik bawk silo a, peihlo zet chuan ka seen a, *Aih, friday zan te ni sia ka intiawl ve deuh a* ka ti tha mai a. A seen rang khawp mai. *Ni e, mahse naktuk zan atang chuan zir la. I fail leh a hlauhawm sia* tiin smiley lem hi arawn dah tel kher a. Min nuihsawh nia ka hriat avang chuan ka reply duh talo. Pangngai deuh hian biak theihlo tawngthei kamtam lutuk mai.





Fb lamah ka luh san daih a, story complete sa chhiar tur chu ka zawng vel ta mai mai a. Ke then leuh leuh a, khum tlanga ka mut lai chuan ka nu arawn lut a, "Bawihte ilo kal ve dawn em ?" arawn tih chuan ka ring kân urh in, "Khawiah ?" ka ti zawi sat a. "aww i û te inah, naute i en ve duhlo em ni ?" atih chuan hrechhuak zawkin ka inperh tho nghal a, "aw kal ve dawn e, tinge chaw eilai khan min hrilh lo a, nu enge ka hak ang" tiin ka closet chu ka hawng nghal rawk a. Ka nu chuan chhuah leh pahin, "High-neck vel kha atawk ang, ala vawt lutuk lo a. I duh leh i hoodie te kha ha la" arawn ti a. A sawi loh ber polar lum suit chu ka la chhuak a, ka inha nghal mawlh mawlh. October kan kai tawh a, boruak avawt ve tawh ang reng a, lum deuhah inthuam hi apawi tawhlo reng reng.





Ka hmai wipe a ka hruk mawlh mawlh lai chuan ka phone arawn ri a, en pawh enlo chuan ka chhang a. Lehlam atang chuan, "Tinge ka message i reply loh a ?" arawn ti zawi sup a. "Ee sir, ihmaw ka theihnghilh daih. Naute en turin kan kal dawna insiam ka ngaih vang anih kha" ka ti tha mai a. A thaw ri suai suai a, damdawi rui bia nen hian ka inthekhin ber, phone call ah hian rin ai takin a zaidam phian hi maw ka ti rilru hman pek bawk a.





"Tu naute nge ?" arawn tih chuan, "Ka û Zopui kha ihria em? Kha khan tukin khan naute anei a. Ka ti tha leh mai a, ka mawza bun tur ka zawng pah nghal bawk. "Damdawiin atang an chhuak tawh em ni ?" ati leh chuan, "imm" ka ti ringawt a. "An va chhuak hma ve" ati leh chuan, "Nia, nau a har vak lo aniang" ka ti veleh mai a. Phone chu loudspeaker ah dahin Ka mawza chu ka bun zui mawlh mawlh bawk.





Pheikhawk bun chu ka peihlo vangin crocs ka brush fai sa zawk chu ka bun a, ka lip gloss ka zawng leh chiam bawk. Ka hmu maih loh vang chuan ka phone ah mi ka bia tih theihnghilh thak chuan ka au vak a, "Nu khawnge ka hmui hnawih" ka tih chuan inhnuai atangin, "Ka hre nang, i hmuiah bak i intat ngai hleinem" arawn ti a. "Hmanhmawh tawh nen ka va ning e" tihpah chuan makeup box chu ka bun a. Ka phone biak pa chuan, "Khawi vengah nge i û te chu an awm a ?" arawn ti a, phone ka hmang tih ka inhre veleh chiah. "Ihmaw" ka ti hliai a "immm" arawn ti ve hluai bawk a. Mahse ka û te veng chu ka hrechhuak zo ta tlat lo mai pek a, "ka hrelo" ka ti leh ngawt a. "Hmm, i û te awmna pawh i hrelo amaw ?" arawn tih leh chuan, "Aw hrelo, ngatan nge i tih ve a ?" Ka tih chuan, "Naute chu ka en ve duh thut thei a ?" arawn ti a. "Anih chuan kan rualin lo kal mai la, apa te ka hrilh anga kan lo nghak ang che" ka tih ve pawp ringawt a. Naute en duh atih avang khan a enduh chuan kan rualin lo kal ve mai se tih chu ka rilru ani leh nghal hmiah mai.




Rawn nui hak hak in, "Rawn kal vat mai teh u a, hei naute hming phuah turin kan nghak che nia" arawn ti a. Ka chhan hman hma chuan call ala incut daih zui.




Stepah chuan tlan thla zawt zawt in ka nu chu ka ko a, step tawp berah chuan ka la inchhuih thlu tham zui pek a, "Anaa" ka tih chuan ka nuin, "i chhe tek tawk lutuk anih kha, tho rawh kal ang u" a tihzawm a. Awii mi tlu pawh min kaitho duhlo a, tichung hian chhungkaw naute te kha ka lo inti ve nia. Zahthlak zawk hian a! Kan motor chuan chhung zawng chuan naute hming tur chu ka ngaihtuah a. Ka rilru hi a phir mai pawh anilo a kawkalh kual vel vek mai. A mizo hming phuah duh bawk a sap hming phuah duh bawk, mahse phuah ve ve thei bawk silo. Mizo hming lo phuah dawn pawh ni ila tu hming chawi berin nge ka phuah ang, Lawmzuala ka tih chuan midang kha anlo thinrim anga, sap hming la Jeddah han ti ngawt dawn ila midang anlo thinrim anga. Ka utopia boy te rilru chu dâwn ran chung chuan ka ngaihtuah a. A tawpah chuan an hming chawi ai chuan keimah phuah pangngai ngei chuan ti ila atha ta zawk chuan ka hria. Lungdam zetin Zorinsanga tih chu ka rilru ah ka nem nghet nghal hmak bawk. Ka lo phuahlo palh tak thutin tiin ka nu leh pa chu phuah tura anti anih chuan Zorinsanga tih phuah ngei ngei tur chuan ka ti char char a, ka pa chuan "ka ti dawn nia" atih vangin ka thaw huai.




"Hmm hmmm hmmmm hmm" ka zai ti tih deuh rat rat a, "kan thleng ania" ka nuin arawn tih chuan naupang motor chuan bazar vela thil hmuh vanga hawi vak ang hian glass ah chuan ka hmai nawrin pawn lam chu ka en a. "khatin i hmai nawr ma ta che" tihpahin min rawn pawt a. "Nu ka kut avawt vek" tihpahin a kawrlum ipte chu ka va zen sak a. Car atang chuan ka chhuak zui a. Ka nu kawrlum ipte zen tat chungin ka nu nen chuan kan inchhawm lut a. An thenawm hnai deuh te anlo awm ve ka ring ania, ka û te nupa leh an nu leh pa leh an sira Sir Reubena lo ding ve kur bak chu ka hmulo. "Pi khawnge midang" ka tih chuan, "an rawn la lang hlawmlo anih hi hei" alo ti ve mai a. UZampuia nu hi pi hi ka ti mai thin a. "Pi naute hming engtikah nge kan phuah dawn" ka tih leh chuan, "Kha a phuah tu tur ilo thleng a kan phuah thei mai lawm" arawn tih chuan lawm bawk si mak ti bawk si chuan, "ka phuah tak tak dawn em ?" Ka tih chul a. Nui tha chunga anlu anrawn buk takah chuan, "Yess a hming phuah tur ka thlang fel vek tawh, Zorinsanga amawi ka tia. Inti ve em ?" Ka tih chuan Uzampuia pa chuan, "i va phuah thiam ve, khawng i uzampuia kha han hrilh ve teh" ati a. "I nu te nen khan an inzui lut anih kha" uzampuia nuin arawn tih chuan ka û te roomah chuan ka lut ve nghal a. "AuZampui naute chu ahming sawi tawh ang u, ka phuah tawh nia" tihpahin naute chu ka zuk en ve a, "Awii ka duh e, mahse min chhun lo" ka tih chuan an nui dar dar a, "mahse ka û aiin AuZampuia a chhuna, a pâ ngawt ang" ka tih leh phei chuan ka û te nupa chu an nui nasa. I thutak deuh zawk chuan, "Tak tak in maw, Zorinsanga amawi ka tia" ka tih chuan "Umm amawi alwm, Ricky Zorinsanga tih chu amawi viauin ka hria. Enge in ngaihdan" tiin arawn ve hlawm a. Lungsi zet chuan Ricky Zorinsanga tih chu kan pawm tlang ta hlawm a. Ricky tih chu tu phuah nge ka hrelo a, mahse a Zorinsanga tih nen chuan a inrem fuh viau mai.




Naute ka thlir ngawih ngawih lai chuan ka phone chu arawn ri a, naute en reng pah chuan, "Enge ni ta ?" Ka ti sep a. "Lo chhuak lawk ta che" arawn tih chuan, "Ngatan ?" Ka lo ti tang leh hra nghal a. "Aw lo chhuak lawk la" atih chuan ding hluaiin, "Nu pawnah ka kal lawk dawn ania" ka ti puat a. Min chhan hmain pawnah chuan ka chhuak zui vut.




Khawiah teh hrep nge maw a awm ni, kawngkhar bul atang chuan hla vaklo thleng ka kal a, ka hawikual vut vut a, areh mai sia a. Mawizual mawi silo a, ka hmuh loh vang chuan luh leh mai ka tum a. Ka lut tur chu rawn chhuak lawk teh titu pa nen kan intawk chiah, school ah ka chungah a tuan vak ang tih ka hlauh avangin thinrim pawh thinrim duhlo chuan hmel nelawm thei ang ber chuan ka en a, "Tinge min koh chhuah a ?" ka tih chuan "tah sawn va thu mai mai ang, inleng anrawn kal khawm hlawm tep ang. Thingpui lum a ninawm dawn emai" ati a. "Ka peih ringawlo, avawt si" tiauh mai ka tum a, ka kawr hnungah thamin thutna tur asawi lamah chuan min hnuk phei dawr dawr. "Ka sam i tham tel ana lutuk" tihpah chuan a kut chu paih tumin ka han van ve a, "Thu mai mai ang" arawn tih leh tak hlut ah chuan, "Aw" ka ti ta hram. A hriatphak loh tur a, "Thinchhe awrlawkpa" tiin ka i siamtha a. Thutna tura ansiam thing thutthlengah chuan thuin meizial apak khu nghal hlat hlat.




"Ka ning, ka kal dawn ania" tihpahin tlan phut ka tum a, ka tlan hman hma chuan min la rawn man hman hram. Ka kut pahnih chu akut pakhata vuan betin min thuttir a, a lehlam chuan meizial ala chep va bawk a. "Enge, i duh leh nangmah in thu mai la" ka tih chuan "Thu mai mai rawh" arawn ti leh hmak mai a. Ka thu tum vei bur. A khat tawk chuan, "Naute ka en duh ania" ka ti leh thin a. Ani lah chuan min kaltir tumloh hmel zet hian ka kut chu avuan nghet em em mai si.




Ka phone arawn ri leh a, "khawmaw ka kut hi thlah teh" ka tih chuan pakhat chauh min la thlah phal hram. Number lawng teh tlawng anih vang chuan phur lo zetin ka chhang a, number lawng hi ka dawng thei riau mai ni.




"Hello"


"Hello, Etheli ani em aw ?"


"Aw ni e, tunge ?"


"Zorintluanga" arawn ti zawi sep a, "umm anih chu" ka lo ti mai, "Aa i nb hi Sangpuia ka dil a, ka rawn be buai che em ?" arawn tih chuan, "Buai hran lo e, tinge minlo biak tehmial a ?" Ka ti a. "Aaa ka rawn be mai mai che, enge itih a ?" bah deuh nak chuan arawn ti a, "naute en turin ka kal a, mahse tunah tak chuan pawnah ka thu mek"




"Umm anih chu, avawt em ?".....eng eng emaw ho te te sawiin kan inbe zawm ta zel a, rin ai daihin a tawngduhin a fel phian. Vawiina ball min tih per vel te chu ngaihdam min dil vel a, engmah anihloh thu chuan ka chhang mai a, kan inbiak reng lai chuan ka sir lamah chuan ka âwn phei leh duai thin a, ngaihtuah lemlo chuan ka thu tha leh mai zel a. Kan inbiak zawh chuan ka ham bai bai a, "ka mut achhuak" tihpah chuan Sir Reubena darah chuan ka lu ka va nghat a, ka mit khap fak fak a, Sir Reubena chuan, "Ka number kha i save tawh em ?" arawn tih chuan ka um aw kual vel a, engtin tak nge ka chhan pawh kha ka hre tawhlo. Ka muhil zui chu ani nghal mai.




Note: Duh angin a thuilo tih ka hria mahse comment ads click kha min lo tihsak leh hram hram ula 💝 character singkhat chu atling ve val val ania 😆 chuan naktuk zan chawlh zan kha theihnghilh lo ula aw 🌝

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 5th, 2021, 2:51 pm

KAN SIR💌 BY SAMMY


Chapter Four√


A ngaite bawkin zingah chuan ka harh leh hlawl a, mahse tukin zing erawh engtin nge khumah hian ka mut theih tih chu ka rilruah rawn awm hmasa ber. Intifai hmasa talo chuan inhnuaiah ka tlan thla a, ka nu chu au lawng lawng in, "Nu nizanah ka room ah min mut ami ?" Ka tih chuan, "Mut e mut e, i mu te lah hi mu hlum lo chauh zel ringawt mai. Pawngsual dawn che pawh nise i hre tawp nang" arawn ti buan buan a. Ka zawt ta chu ka inchhiar ngei mai. "School kan kal dawn chuanglo ka mu leh dawn nia" tihpahin ka room lamah ka chho leh a, muthilh pawh tum em em tawhlo chuan khumah mu in phone ka khawih a. Lawmzuala te anla awmlo cheu. "Ka ning e" tihpahin ka phone chu ka'n thing vak ringawt a, awmzia aneih lah chu ka hre der lo.




Whatsapp ah ka lut a, Muanawmi message ka hmu hmasa ber. Nizan ami ani a, a tam leh ngang mai.
*Sawngi i va reh ve*
*Awii bawihtuai bialpa ka nei dawn tlat in ka hria*
*Awii zawng Jordana te an inthen*
*Dam chhan ka nei ve talo in ka inhria....*
*Zawngi induh hlum rawh*
*Muttui ka rilru ana emai ka mu mai ang....*
*I mumangah ramhuai hmu ang che* a tam mai, atlar thla dul ani mai. A tawp berah *zing ani tawh tho sia, muttui tih rual in morning aw* smiley dah tuarin arawn ti a. *Vanneihthlak takin ka mumamgah ka hmu lo che a, ka mutui e* tiin ka va reply ve hram.




Status ka en kual a, Sir Reubena status lo awm ve ka hmuh vang chuan ka en ve vat a, kut pahnih ani a, pakhat zawk chu amah ani ngei ang. Mahse pakhat zawk chu hmuhchian thamloh in a hum bo vek a, a bialnu kut te pawh ani maithei. Caption ah love emoji chiah ahmang a bialnu ani hrim hrim. Ka hmui tipawrhin ka 'hmmm' vak a, a bialnu hi chu ni la ka lawm miahlo ang. In pholan ve tak ro ro a kut langmang lo inhman sak te chu a hah, bakah amah pawh hi zei pet put lo ang a thinchhe ropui si.




Tihtur hrelo lutuk chuan fb ah ka lut leh tawp a, friend request ho chu ka en a. Madam Rinmawii chu min add tute zingah ka hmu fuh a. Confirm duh lawklo chuan a profile ka check phawt a. A wall ah chuan Sir. Reubena statusa ang chiah ka hmu a. Ka thil hmuh vang chuan chhan pawh awmlo in ka phone hmai chu ka nawr sawk sawk a "inti ngaihzawng nei dun lutuk" ti hlukin ka confirm duh talo a, a account chu ka la report hmak zawk zui a. Ka sual pawh ka lo ti mah ula 'A chawh!' tih chu ka rilru ani tlat.




Muanawmi ka û te ina lengpuiah ka sawm a, naute hming ka phuah te chu intithei zetin ka hrilh vai zat zat. "I hmel anih chu, a hmel ka en anga a inhmeh loh chuan adangin ka thlak ang" arawn ti ve hmak reuh a. A thlak thei awm tawp silo. Hnial renglo chuan insiam vat tur leh min rawn sawm thla tur chuan ka ti a. Darkua velah chuan ka tho chhuak ve ta chauh.




"Pa vawiinah ka û te inah kan leng dawn nia aw ?" Ka pa thingpui in bula thut thlak pah chuan ka ti a. "Bawihte vawiin chu tuition i nei emaw ni aw ka tia" atih chuan, "Eng tution maw ?" Ka lo ti tang hru. "Aww maths ka harsat itih kha, i ûZampuia cousin Reubena khan athiam viau a, in inzirtir mai dawn mawni le ka lo tia" atih chuan rang fe hian, "ka duhlo nasa ni" ka lo ti. Ka sawi zawh rual rual in ka lu ari fawk a, "Nuu!!" tih vaka ka chhip dawm ka rual a. Ka pa pawh chuan, "I kut hi aram mah mah lutuk, alian tawh kutthlak rual pawh ani tawhlo. Kha a chhip pawh i khawng pawng tep tawh" arawn ti ve hluk a. Ka nu chuan engah mah ngailo hian, "In va han chhe pafa dun em. Ka peihlo tih sawi lo la ani mai, i zir dawn tho tho a maw" ati vei hmarh a. Ka pa nen chuan kan ngawi tak. Hmeichhia nge nge, kan vawikhat tawng chhuah hian thu alo sawi hnem thei khawp mai.




Titau bur bur in ka room lam ka pan leh a, Muanawmi chu ka call lehnghal. A lak rual rual chuan, "Kan leng leh theilo. Lehkha zir ka ngai anih chu" ka ti a, ka duh ka sawi zo a ka off nghal.




Ka ning lutukk!!! Zawng Reuben Mawizual mawi siloa hi, nge maths lehzel pawh alo thiam ni. A ni ang thinchhe lutukin kei anh thluak bung vek tawh hi min han zirtir dawn ania. Kan zir tak tak hmain vawi 8 vel tak chu kan inthat hman hian ani ka rin ni.




Chhun dar 11 veleh alo kal a, a bul hnaiah pawh awm duhlo in inchung chhohna step atang chuan ding chungin ka lo thlir tum deuh luau a. Min hmuh ve chuan min la nuih sawng zui a, a hmel chhiat zia lah saw a!




Ka roomah kan inzui chho a, a hawi kual vulh vulh chu, "Hawi vak vak suh, mi â ang mai" ka lo ti leh hram pek a. Min hmuh a huphurh rawih tur khawpin azahna tur thil sawi ila min hmuh a peihloh phah anga, a tha animai. Ka dawhkan chu pahnih tan chuan tlema a tet deuh vangin khumah chuan kan insawn a, a thil sawi eng mai pawh chu hriatthiam ka la nei hlawmlo zel lehnghal.




"Instalment tal pawh hi i thiamlo amaw ?" beidawn hmel zeta arawn tih chuan ka lu ka bu nghat nghat a, "Anih time table han sawi teh, pali atangin" arawn tih chuan ka ngawi kar a. "Time table pawh i thiamlo maw ?" arawn tih leh chuan ka lu pawh ka bu peih tawh lo. Mi kan ngawih reng tawh chuan ka thiamlo tih a chiang reng a, inzawh inzawh leh pawh ngai tawhlo.




"Aw instalment hi han khawih chhin phawt teh ang" arawn ti tha ve mai a. Mahse kei erawh ahma ai mah chuan ka rilruah alut leh tawhlo zawk. Kan inhrilh rei tak deuh hnu chuan tawng pangngai pawn min ve tawh lo, a vîn leh khur khur tawh. "Hei hi i hrelo amaw ?" tihpahin lehkhabu chu a kawk sawk sawk a. Ngawi rengin ka lo en tum luau thung. "Lalrineng hetiang em em mai a han thiamloh chu a!" tiin a hui pap a. Keipawh ka mittui tla tur chu dangin ka lo inpet ve tang tang. Tun tum min vin chiam chi chu ka dem hranlo, keipawn heti em em a ka thiamloh hi ka inring lo. Tinge hetiang tak maia ka thluak hi a chawlh duk le? tih chu keimah leh keimah ka inzawhna ani ve tho.




"Aww vawiin atan chuan tawk rih rawh se, a mood ah i awm thei hlawllo anih kha" arawn tichhuak hluai a. Ka mittui ka bianga luang lum pap chu hrufai nghal zauh. "Zan lamah pawh mahni pawhin lo en ve hrim hrim la" atih pawh chhuan chhanglo in ka bawh ngai chuan ka bawk reng a.
Ka tap chhuak mai tur chu ka insum hram hram. Ka thiamlo tho na min vîn vak vak khan ka thiamloh belh zawk tih ahrethian leh awmchai silo a. "Naktukah kan en leh dawn nia" atih chuan tum bar leh âw hnawk deh tual in, "Ka peihlo, i duh leh i bialnu te pawh rim rawh ka zir peih tawh lo" Ka ti hmak a. A sawi leh tur pawh nghaklo chuan bathroomah hmai phih turin ka luhsan hmak.





Ani ang thinchhe awrlawk lutuk zirtir nih hrim hrim ai chuan midang in min zirtir zawk se ka thiam chak zawk ang.
.
.
.
.
Chawlh han reiloh dan hi chu aw Monday ani leh tawh! A ngai te bawkin school kal turin ka insiam mawlh mawlh a, mahse vawiin chu ka va han phur lo chiang kher tak. Muang zet chuan ka insiam a, ka insiam zawh hnu pawn khumah thuin ka la tawi khawmuang hret hret. Status ah 'Ka van peihlo tak' tih ka up a. A viewtu ah chuan Zorintluanga, Sir Chamtea leh Sir Reubena an rawn lang nghal a. Zorintluanga message ka dawng chhunzawm nghal zat.
Ka en chuan, "eng maw ?" tih hi alo ni a. *School kal mawle* tiin ka reply ve mai. Smiley arawn dan tuar a, *irawn kalloh ten le, ka ngai dawn che lawm* arawn ti a. Ka nuih pui ve nghek. Chulai te chu screenshot in ka status leh a, caption ah, "min ngai dawn sia ka'n intiphur hram hram nge* smiley lem dah leh teuhin ka hmang a. A viewtu ngai bawkin an rawn view leh hlawm zat a. Zorintluanga message bawk ka dawng leh. Smiley tam deuh leh *rawn kalloh awihlo ania* tih ani a. *awle* tiin ka reply tha mai a. Ka out hnuah notification bar atangin Sir Reubena message ka hmu a *Tunge ?* tih te mai. Chutiang ang mi inzawt tur awm ang status ka neih ka hrelo a, bakah nei pawh ni ila status a hman apiang alo hriat ve ze tulna awmlo ti zet chuan ka phone chu ka off a. Dingin ka form te chu ka insiammar a, ka bag lain inhnuai ah ka chhuk zui nghal.




Muanawmi'n min rawn sawm a, kan pahnih chuan school panin kan kal dun hnak hnak. School kan thleng tep tiah Sir Reubena chu kan zawnah a car chuan arawn ding a, Muanawmi nen chuan kan lo en haw. "Rawn chuang r'u" a ti hlut a. Muanawmi chuan, "Aa sir kan thleng tep tawh lawm hei, lo va kal hmasa rawh" arawn ti fel thluam a. Mahse keimah zawk min en ran chung chuan, "Minute nga kal vel ala awm alawm, rawn chuang mai mai teh u" arawn ti leh talh a. Min kan duhlo thu sawi mawlh mawlh hnuah pawh enge hriat ni melh kuau chuan, "Kan chuang peihlo" ka ti fak a. Hmalam pan chuan ka kal zui hmak. Mihring midang te ai sang a mahni indah deuh ran chunga midang te thuhnuaia dan tum phet te hi ka ngei.




Rei pawh ka kal hma chuan khawilai emaw tang hian Zorintluanga chu arawn lang hlawl a. Muanawmi pawn ka bul arawn thleng veleh nghal.



ZAWMNA:



"In va inkawmngaih tawh hmel ve a ?" Zorintluangan min vur vur vang nge Muanawmi chuan arawn ti a. "ka hre lo e a, kan inkawm ringawt a chutia han inkawm ngaih tak kan nih pawh ka hrelo" ka lo ti liam puat a, ka sawi zawh rual rual in ka banah hian car chak zeta tlan hian min rawn thawi fua a. Ka en zui nghal haw. Sir Reubena kha ani tih ka chiang a, nge maw khati fako a chaka akhalh kher ni. Ka ban chu kan han en a, engtin mah alo awm hauhlo na tlem chuan min ti hlau ve det.




"Ava mawl ve ?" Zorintluanga chuan kawngpui en zui vung vung pah chuan ati a. "Awi tawng zawi rawh, kan sir anih kha. A hriat leh chuan ahau hrep mai ang a thinchhe turu lutuk" Muanawmi chuan alo ti vat a. Engmah ka sawi zui ve lemlo.




Sangpuia chuan gate bulah min lo nghak leh a, Zorintluanga chu en hrek hrek in min rawn en a, hmel serious tawk hian, "Sir Reubenan a ko leh tawh che" arawn ti a. Muanawmi chuan, "Tinge le? A message i chhang bung leh nghut nghut tawh mi ?" atih chuan ka lu ka thing nar nar a. Keipawn min koh leh chhan tur awm ang chu ka hrelo viau mai. Mood fuh vaklo nen hmuh pawh ka peih vaklo sin le.




"Tunge chu chu ?" Zorintluanga chuan arawn ti a, "Nichina Etheli su thawi fua tu kha" Muanawmi chuan arawn ti leh a,a sawi zawh rualin "Zorintluanga ini em ?" Higher ami hmeichhe pakhat hian Zorintluanga bula rawn din pah chuan ati a. Zorintluanga pawh alu alo bu ve nghut. An inbiak zuina pawh hre ve lemlo chuan ka kalsan a, class ah pawh lut hmasa talo chuan Sir Reubena cabin lam pan chuan ka kal ta zawk a.




Kawngka chu ka kik karh karh a, chhunglam atang chuan hmeichhe aw hian "Come in" arawn ti a. An hna thawk lai ka tibuai emaw ni aw ti rilru chung chuan ka dak lut a. Sir Reubena chu madam Rinmawi nen anlo awm a, lai ve ang reng tak chuan, "aa sir min ko mi ?" ka ti a. Min rawn en vutin, "Aw, rawn lut ta che" alo ti deuh hluk. Ka pen lut a, madam Rinmawii chu enge atih pawh ka hrelo, min hnungchhawn zawng chuan athu a. A hnung deuhah chuan naupang fel deuh ang mai hian kut hma suihin ka ding tut a.




A hmel chu a tak run a, keimah pawh min en tawh lemlo chuan paper eng eng emaw ni hi a en kual a. Min koh chhan zawh duh viau mah ila ka zawm ngam thak lo. Ngawi reng chuan ka ding a, ka ke a kham tawh viau mai.




"Ethel" arawn ti chhuak hliai a, phur zetin ka lo en. Ding reng chu ka ning tawh em a, sawi vat vat se kan class a kal vat vat chu la chak tawh ani ber. Engmah sawilo chuan angawi leh daih a. Madam Rinmawii thu ve kur lah chuan ka awm ati nuamlo viau mai lehnghal.




A tawp a tawpah chuan zawi sap hian, "Sir enge min koh chhan ?" Ka ti ta nge nge a. Min rawn en leh vutin a thaw hawk a, "Ka ko che em ni ?" arawn ti hmak mai. Hrethiam lo lutuk chuan, "Min ko lo mi ?" Ka ti let ha a. "Ka ko lo che" arawn tih leh chuan, "E" tiin ka chhuak a. Kawngka chu ka khar ri thuai. Ka luh tirh pawn min hmu a, min be reng a. Rei ka din hnuah ka hmulo che min han ti nia. Zawngmawizuala mai mai kha, a bialnu inla class deuh leh inlano zet awm vang khan a inti man ve tihna mawni le! Hah, a thing eee ........ Khatiang reng reng maia mi han tihzah ngai chu le, Madam Rinmawii khan min nuihzat ngawt ta ve ang.




Class ah chuan tum bara lutin ka thu tau sawk a. "Engtin nge alo tih che ?" Muanawmi chuan alo ti nghal a. "Rei tawk min din tir hnuah 'ka ko lo che' min ti" ka tih chuan "Sangpui sir khan Etheli hi ako lo mi ?" ati nghal a. Sangpuia lah chuan, "Nge dawt ka sawi inring mi? A hma ang chiahah thinrim hmel tawkin 'Alo thlen veleh ka cabin ah rawn luh tir ang che' tiin asawi lawm" arawn ti hmuar hmuar a, a tawngdan lah chuan 'dawt ka sawi awkawng ka lo' ati ngawih ngawihin ka hria. "I chhe zit zet, dawi isawi pawh ka tihloh kha" Muanawmi chuan ati veleh a, Sangpuia lah chuan ngawi ta nge tilo chuan, "Iti ka tia mi ?" arawn ti leh a. An hnial zel tur chu ning zetin, "Ngawi teh u, min ko ngei lawm. Ka luh tir pawn min bia a, chuan min dintir char
char hnuah min koh loh thu asawi leh daih" ka ti a. "Ani pawh hi amawl deuh mawni le ?" Sangpuia chuan arawn tih zawm a. Thaw hak pahin, "Madam Rinmawii nen an awm a" ka ti a. Engvanga anlo awmdun thu sawi kher nge ka nih ka inhre lo, mahse ka sawichhuah loh chuan adik theilo tlatin ka hria ani.




"In hre ve tawh em ?" Sangpuia chuan rawn kun hnai pah chuan arawn ti su su a, "Eng chu ?" Muanawmi'n alo ti vat. "Ka ringhlel a, sir Reubena status ang chiah kha madam hian a fb wall ah a post a" arawn ti a. Anni kut inkai mai mai kha keilo hmutu dang pawh anlo awm ve anih dawn hi.




"Awii, Sir hian a duh ka ringlo nasa ni" Muanawmi chuan arawn ti vak a. Sangpuia a tawng leh dawn chiah chuan Sir Reubena chu arawn lut a, engmah sawi zui talo chuan kan ding ta nghal vek a.




Thu tura min tih hnuah thutak zet in thu asawi a, "Karthar atangin kan camp dawn a, camp naa mamawh tur ang ho kha chu whatsapp group lamah ka rawn sawi anga mahse a hre lawk duh tan Etheli kha inzawt thei ang" arawn ti kher a. Ka hnar chu ka hmu lian nghal lurh mai. Nidang chu nise engahmah ka ngaih dawn loh tehlul nen vawiin hi ka dik zanlo nge ka zak ngawih ngawih mai.





"Chuan camp naah chuan ka hoin kan ni dawn a, ka thinchhiat leh chhiatloh chu infel leh fel loh ah a innghat ang aw" arawn ti a. Awii a awihawm loh ber, eng ang pawn fel ila ani hi chu a zaidam ve ngai lovang.




Sawi zawm leh in, "Class 12 ho nen kan camp dawn avangin a khawharthlak vakloh ang" ati a. Ka kutkuangkuahin tukverh pawn lam hla tawkah motor tlan nuai nuai chu ka thlir daih.




Ka bek a rik fawk rualin "Ka sawi kha ihria em ?" tih riin arawn zawm a. Ka bek chu tuai vut vut in, "Engmaw ?" Ka ti pawr hra. "Geography kha chhiar rawh u, ka zawt dawn cheu" ati a. Hmel khai khai chung chuan ka S.S guide chu ka la chhuak a. Dawhkanah bawkin rilru pe lo zet chuan ka chhiar nghal mial mial.




Ka hnunglam atang chuan akhat tawkin Sangpuia chuan, "I thiam tawh em ?" arawn ti chhen a, "Thiamlo thiamlo" ka lo bar hlar zel a. Muanawmi chuan, "va inzawh tir mai rawh, kan la thiam ve lo" alo ti ve hlar bawk a. Sangpuia chu tho tau sawk sawk in stage ah lawnin ava inzawh tir a. Sangpuia hi chu a thiam thei reuh a, repeater ni ve lemlo mahse story atchilh ve lo ta na fam chu keini ai chuan a zia ve deuh.




Midang zawng zawng an inzawh tir tawh a, kei leh Muanawmi chiah kan bang tawh. Sir chuan, "Nangni pahnih kha rawn sawi ve tawh rawh u" atih chuan ka ding tharh a. La bel lutuk lo mah ila ka sawi chhuak thei tho a tiin ka va inzawh tir ve a. Mahse maw min zawt tupa kerkawr vang hian ka thiamsa ka theihnghilh vek.




Ka thaw leh hak ringawt zel ringawt a. Dawhkanah ka kut nghah chu ka hmet kual vel in, Sir Reubena hnunga Green Board chu amah nen ka melh pah zauh zauh bawk a.Tinge maw min en reng, note ka sawi a adik leh dikloh en tur ani reng sia, keimah ngawt chu min en a, minti lai chhe zo vek.




"Because..." Ka ti fan raih a, hemi zawha word hi ka hre mai thei tawh lo, ka hma ami lah hian min en reng bawk si. "Because of the.... aaa sir ka hre tawh lo. Ka la thiamlo niang" tihpahin ka guide book chu laksak mai ka'n tum a. Alo vuan bet ve tlat. Min en kal chung chuan, "Lalrineng hetiang em em a thiam loh hun hi ani tawh ami? Kum thum i repeat tawh a...." A sawi zawh hma chuan, "Lehkha bu thlak lo se chuan nikum khan ka chhuak ve daih tawh ang" ka lo ti hmanhmawh a. "Ngawi rawh! Chupawh nise i kum pawh hian hetiang te mai mai chu a chaldelh tawh zawk tur ani. Repeater thiam ber tur leh upa ber entawntlak ber niawm zawk tak i entawn tlak loh ber" arawn ti ve ṭhat a.




Ngei zeta melh khai khai chuan, "Enge duh leh kum sawm pawh ka repeat anga, keimah inih loh chuan lo buai suh!" Ka ti vak a. A ṭawngkam na lutuk vang khan ka mittui arawn hnam leh ringawt tawh a, ka hnar pawh asen leh têk tawh ka ring.




"I va han chhe pir per tak, i lehkhabu te hi iva ziak râng nasa ve... Lawm...zuala, Lawmzual maw chuan enge adang hi Jerome, Jeddah, Rainer, Soreno ..." ka guide blank laia ka story chhiar ṭhin changtupa te hming ka ziah ho chu arawn chhiar chhuak dap a. Min rawn en kuau in, "Eeee, heng hi enge i bialpa te mi. Ngaihzawng i va ngah ve!" Arawn ti a. Sawifiah pawh tumlo chuan ka chhuhsak a. Ka ṭhutna lam chu ka pan tau hmawk hmawk.




Min rawn au zui lova, Muanawmi chu inzawh tir turin a kal chhat chhat a. Kei erawh mittui tling piau a ka lehkhabu hmer ngawt ngawtin hma lam chu ka melh phe ruai ringawt.



Note: Ads click leh comment kha la tih nawn theih vek ania 😆💝

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 5th, 2021, 2:51 pm

KAN SIR 💌 BY SAMMY


Chapter Five√


Karthar kan chuangkaia camp pawh kan tan tawh. Mahse kei chu Sir Reubena min hauh ni atang khan pang nuam vaklo in ka khua asik a, camp chu sawiloh school pangngai takngial pawh ka kal theilo.




Thlasik ni tawh nen khawsik nih chu a nuamlo viau a. Ka nu chuan "boruak inthlak velah khawsik satliah i kai ve niang" min ti a, he khawsik satliah hian min tibuai ve hrep reuh bawk sia. Mahse ka nu min duat viauna chuan damloh reng mai min ti chak zo vek. Ka dam lai pawha dam lutuk treat min treat tu kha ani miau a, ka damlo pawn min duat hliau hliau viau mai. Tunah tak hi chuan chhungkaw naute diktak ah ka inngai leh hmak tawh.




Damdawi ka eia min chhawk chang tihloh chuan ka pang asa deuh reng a, engmah ti theilo a ka awm erawh chu nuamlo ka ti in school ka kal chak a. Ka thiante ka ngai viau mai. Muanawmi leh Sangpuia lah camp an kal tawh bik avangin phone ken theih ani silo a, camp luh vawikhat an rawn kal bak kan inhmu leh tawh lo. Kawm tur neihloh khawhar lutuk chu ka damlo zual belh ten ka inhria. Phone in khawhar han hnem dawn ringawt ila ka lu anat tel ve zel avangin phone ka en rei thei lova, storyfb YouTube channel ah an story post sa ngaihthlak emaw hla ngaihthlak chu ka hna ani deuh ber mai.
.
.
.
.
Zan darsarih vel ari tawh a, khumah chuan story ngaihthlak pahin ka mu hlun a, blanket lum pahnih ka sin thuah chung pawn vawt ka la ti cheu mai. Ka nu chu ring vaklo in ka au a, arawn lut vat. "Nu min lo mutpui te vawt ka ti lutuk" ka tih chuan an room lamah alut leh a, puan dang rawn ken belhin min rawn khuh belh a, arawn mu thla ve nghal. A ban chu min kham tirin ka sam a chul nghal hliau hliau a. Muthilh tum niawm takin a mit a chhing nghal daih bawk. Ka mu lum tawh bawk nen ka story ngaihthlak chuan min awi a, mutthilh tumin ka mit ka chhing suar suar thin a, mahse eng emaw vang hian ka harh leh zawk zel. Ka mit chu ka chhing leh deuh suar suar a, mahse ka room pawn lama ka pa'n, "Anu nen khan a mutpuiin ka hria" ati a, ka meng nghal zawk a. Mahse rinloh tak maia madam Rinmawii âw ka hriat avang chuan ka mit ka chhing lehnghal a. Madam Rinmawii chuan, "Aa chuti kan lut lo mai dawn mi, a mutui lai kan tiharh mai mai anga" ati a. Kan atih vang chuan Sir Reubena atel ngei ngei kha ka ring hmiah bawk. Ka rin ang chiah chuan, "Damlo kan ve lem a damlo ber hmulona let lehna chi pawh va ni suh" ati hluk a, asawi zawh rualin ka room kawngka inhawng thawm chu arawn awm nghal a. Ka khum lam an rawn pan tih hriat takin arawn ri phei sut sut a. Ka khum bulah chuan tu emaw ading a, mahse tunge tih erawh ka hre theilo. "A hmel chu atla ve deuh ani hi" madam Rinmawii chuan arawn ti a. "Nia, chaw te a ei thei lova kha" ka pa chuan alo ti ve thung a. Ka chal chu kut lum thar thar hian arawn dek a, tunge tih erawh ka hrelo. Mahse, "A eng ber nge na a ?" atih chuan Sir Reubena ani tih ka chiang hle thung.




Ka pa chuan in a, "Aa kha han thu phawt teh u, anu kha chuan khawsik satliah akai aniang kha atia. Mahse kha eng kan ang thei silo in entir mai angai tepawh ka ring" ati a. Ahma in inentir lam hi ala sawi ri lo reng reng. "Ni e, tiang ngawt chu a thalo. Khawsik chauh pawh nise alo serious
viau maithei tho a" Madam Rinmawii chuan alo ti ve a. "In inentir dawnah min hrilh ve dawn nia" Sir Reubena ve thung ani.




"Aa inhnuai lamah inkawm zawk teh ang u, an mutui lai kan tiharh palh ange" madam Rinmawii chuan arawn ti a, a thusawi tawh azawng a mawi ka la tih ber ani ang. Achhan cbu anni pahnih awm ve hian ka boruak dawn ati buai tlat a, ka thawk lak leh pek chhuah te thleng hian anti rit zo vek. Madam Rinmawii leh ka pa chu an inbe chhuak sep sep a, an chhuak ta maw tiah chuan ka meng a, mahse ka hmai bul a hnai setsawta min lo en tu vang chuan ka thawk ka ip leh zawk mai. A chhuak ve turah ka ngai kha ani a, hetah enge ala tih bik ni, "S.. si... Sir enge i tih a ?" ka ti a. Ngam leh ngamlo in ka thaw dep dep. A kut arawn lek chhuah vut chuan min beng dawn emaw tiin ka maimitchhing ngawt a, mahse min beng ta lo chuan ka biang arawn dawm a. A chala ka chal rawn sik tirin, "karkhat dawn ka hmu lo che a, ngaihtuahna thalo deuh ka lo nei hman a" a ti sup a, a thusawi erawh awmzia hrelo chuan ka ngaithla liam tawp a, ka biang adawmna kut chu dahthlak sak tumin ka han vawnhnan a, mahse ka dahthlak sak hma chuan ka tawp chat. Ka meng phawk vak a, ka lung hi a phu rang sawt in ka hria. Sir hian min fawp! Ni e, a hmuiin ka hmui arawn tawk chiang alawm. Min fawp!!




A inla hrang leh hlek a, a chal chuan ka chal bawk chu arawn sik tir a. Ka kut chu amah chuan rawn vawn hnan zawkin, "tikhan avawt iti tawh lo ngem ?" ati a. Kei chuan hamhaih zetin, "Tinge min fawh !?" Ka lo ti sep zawk a. Ka hmui zawna nui lum hakin, "Ka ngaih zia che lantirna anih kha" ati sup a. "Ilo damlo reng a" a ti leh sup ringawt a. Chhan erawh ka chhang tawhlo, ka kut a vawn chu laksawn tumin ka pawt a. Chumi rual chuan ka bianga rawn fawp leh in, "Lo dam vat vat rawh aw, ka rawn leng leh ang" ati a. Kawngka lam pan chuan apen nghal vut a, a chhuak lai chu ka thlir liam tawp.




Tun maia thil thleng kha ka mumang ani em tiin ka hmai chu ka beng pawp a, mumang anih loh zia ka hmai ka ben ruala na zawk avang chuan achiang viau mai bawk si. Mahse Sir Reubena khan min fawp chiang alawm. Min fawh bakah min ngaih thu asawi. Engthil nge thleng ta hi? Ka lung hi ahma ai nasa in a phu dup dup a, Sir Reubena hian min lo duh tihna mi !?




Nilo nilo, hetiang thawnthu hi ka chhiar fo a, zirlai emaw zirtirtu emaw in a zirtirtu emaw a zirlai a ruka lo ngaihzawn ang ani tlangpui. Anih chuan Sir Reubena khan min ngaizawng ru reng tihna mi? A ni theilo ngaihzawng anei si. Mahse a chet danah kha chuan thawnthua changtupa ten changtunu damlo duat zeta an en ang mai hi ani si. Arghhh Mawizualawrlawka vang chuan ka buai hrep. Ka duhlo, hriat sual palh mai mai ani. Ngaihzawng nei lai ani a, kei chuan kan sir anih piahlamah tiang zawng hian ka en lo hrim hrim a, en pawh ka dih heklo. 'Hriatsual palh ani' ka rilru chuan ka ti mawlh mawlh mai.
.
.
.
.
Ka nu leh pa nen inentir turin damdawiinah kan kal a, kei chuan karkhat vel inentir kher loa awm leh phawt kha ka duh nen mahse ka pa kha a ngaih a ngam thei thlawtlo aniang. Awm mai mai tuma in tintuah vek tawh ka nu nen min kalpui ta chuk chuk a. Test eng emaw ni neuh neuh min tih tir a, mahse doctor chuan, "Khawsik satliah ani hi" alo ti mai si a. Ka nu leh pa chuan ringhlel deuh tak hian, "I chiang maw Doctor ?" an ti leh zauh thin a. Doctor chuan nui tha chung hian, "Aw, i hlauthawng anih kha. Hlauhthawn tur a awmlo nia, thlasik lai anih vangin ala deuh hrim hrim ani hi. Damdawi hi ei tha se a dam vat mai ang" ati a. Mipa si doctor anih vang nge a zaidam hmelin a hmeltha phian mai. Sir Reubena nen chuan in ang lo tak anni. Aaaa tinge maw ani berkher chu ka tehkhin le.




Damdawiin atanga kan chhuah dawn chuan Sir Reubena leh Madam Rinmawii chu ka hmu a, min hmu ve ang tih ka hlau lutuk chu hmalam hawiin ka nu ban vuan chawtin ka kal mawl tawp a. Mahse Madam Rinmawii chuan min rawn hmu hram aniang, "I inentir em ni ?" arawn ti a. Ka nu chuan, "Aw apa ngaih hi atha thei lova" a ti tha mai a. "Nia, engpawh nise inentir kha atha hrim hrim. Chuan engtin nge anlo tih cheu" atih leh chuan, "Engtin tih pawh awmlo, khawsik satliah ania. Amah hian a la na mai mai a" ka nu chuan ati leh mai a. Chutah Madam Rinmawii chuan, "Etheli awm lova, school pawh areh duk alawm" arawn ti a, lang lo thei ang berin ka hmui ka lo tipawrh. Ka awm loh vanga school arehna chhan tur a awmlo reng reng. Ka nu chuan nui huah huah in, "Nia ani hi chu a harh bawk a, a awmlo hi chuan areh duk zel. Hei damdawi te a'n ei tha a, a rawn school ve leh vat mai ang" ati a. Madam leh Sir hmel awmdan chu la hrelo a, achhan chu a mahni en duhlo a ka hma lam ka hawi tlat vang ani. "Ethel lo dam vat vat rawh aw" madam Rinmawii'n atih chuan alam chu hawi ve hramin ka buk khum nghut a. Sir Reubena erawh ka melh duh eiloh thung. Ka nu nen chuan kan kal zui maia. A awm ve tih min hriatnawn tir a tum nge a âw arawn thian kharh a, mahse ka hawi let lo. A rawn len leh tur thu asawi a mahse vawikhat pawh ala rawn kal leh eihlo. Arghh... Chumi vang chuan ka thinrim tihna mi, kei hi ka â ta ani lo maw. Mahni sir chupawh bialnu nei lai lehnghal laka thikthu lo neih leh lo thinrim ve ngawt kha a awm anglo lutuk. Mahse ka ngaihtuahna lehlam chuan Madam nena ka hmuh dun vang khan min rawn pump ka ti mai, ka awm anuam lo. Ka story chhiat ah chuan a changtupa ten hmeichhia damdawiinah an kalpui fo a, a tlangpuiin an rai leh railoh fiah turin ani tlanhpui. Lalpa!! Anih chuan Madam kha arai tihna ani dawn em ni?




'I story chhiar ang apiang kha tehkhin suh' tih chu ka rilru au arawn lut leh a. Car seat hnungah chuan chuangin kawngkhar chu ka khar ri dawp a, ka thu tum bar. Ka ngaihtuahna inkawkalh kual nuai chu keimah chuan ka thinrim pui leh niber in ka hria.




Mahni in roomah ka mu kar a, ka damdawi eiin min la chhawk silo nen vawt ka ti leh viau tawh mai. Ka nu chu kawngka a rawn dakin, "Bawihte chaw kan ei dawn" arawn ti a. Ka ei chak loh thu a, ka ka chhan avang chuan chaw ei tur chuan min chhuk san leh a. Chutiah reh leh lungmuang deuha ka mut lai chuan ka phone rawn ri thut chuan min ti harh a, phun hluka ka en chuan Calvina alo nia. Calvin chu Sir Chamtea fapa ani a, kei aiin û zawk mahse 'u' hi a duh tlat lova, ka rualpui koh ve hmiah hmiah mai ni.




"Hello" ka tih rual rual chuan, "Ethel i dam lo em ni ?" arawn ti nghal tawng a."Umm, mahse ka tha tawh khawp mai" ka rawn leng ang atih hlau zet chuan ka ti a. "Ei chak te inei rawn, ka rawn ken ang che" ala ti deuh deuh zui. "Neilo e" ka ti kha mai a, rawn kal lo se ka ti takzet a, achhan pawh Calvina hian Sir Chamtea zia hi ala deuh a, a bula awm chuan tang ruk teuh hi a awl thin. "Ei chak inei lo tak tak maw, ka rawn kal dawn a" a tih chuan thaw hakin, "Aih neilo, nangmah kha rawn kal tawp la animai" ka ti tha ve ta mai a. "Umm" atih rualin call ka cut nghal. Ka phone chu ka theh thla tawp a, ka va han ning tak. Tunge maw ka damloh thu lo hrilh ve reng reng ni.




Ka phone chu lakang lehin whatsapp ka lut a, Sir Reubena chu online tih a inziak kulh mai. Status ah lutin ka tuai puat puat a, class 10 leh 12 zirlai naupang ka thiante ho chu an reh duk mai. A hma a status ngah over thin ho kha camp meuh chuan phone pawh anti zang hawkin ka hria. Sir Reubena status lo awm ve va chu ka en a, hnap hru lai lem(🤧) Emoji ang kha arawn hmang a. A dang leh chuan tum hmuk(😒) emoji hi arawn hmang ve thung a. Ka rindan chuan Madam nen an inhau pawh ani maithei. Tinge, an inhauh pawn arawn status kher. An buaina chu social media a tilang kher lova chinfel dan a awm lo em ni?? A status vang mai mai chuan ka inti thinrim leh pek a. Ka phone chu khumah chuan ka theh thal tawp.




Minute nga vel aliam leh hnu chuan ka room pawn lamah chuan thawn arawn awm a, "Ethel ka rawn lut dawn nia aw" Calvina chuan arawn ti deuh dut a. Chhan ngai hran loin kawngka chu arawn inhawng chhunzawm nghal. Arawn nui lut vur vur a, ka puan sin nen chuan ka thu chhuak ve hlun bawk a.




"Eiii, inhmuh khat nen inhmuh chhunah ka va hmu hmelchhe che e" atih chuan ka hnar ka tum dat a, ani nui hak hakin a thil rawn khai bawr luah chu dawhkanah chuan anghat a. Ka bulah chuan arawn thu ve zat bawk a. Ka chal chu rawn dekin, "I dam deuh em ni ?" ati a. Ka lu ka lo bu nghat nghat. "I thianten an zir san hnem dawn si che a, i thiamlo fal bik ang a" ka zirna lam ngaihtuah hmel zet chuan ati a. "Teuhlo" ti hluaiin ka en deuh vang vang.




Ka en reng chu ahria nge ni nui sukin, "Ka hmeltha viau em ni ?" arawn ti a. "Teuh nang, a hma aiin ka hmu dang che a" ka tih chuan, "Engtin nge ka danglam a ?" ati veleh a. "Aa j danglam tawp, khabe hmul te inei tawh a, chuan ahma aiin i lang puitling" ka tih a. Nui hakin, "Ve che hian a, mihring hi chu kan dinhmun leh hun tawn hian min ti danglam thei khawp a" ati a. "Ve zawk che hian, Lucy nen enge in an ?" ka tih chuan anui mai a. Engmah asawi zuilo chu âw thian kharhin ka keuh zeuh a, "Kan inthenna rei tawh lawm" arawn ti a. "Aa ava zialo ve, engtik in nge ?" Ka tih leh chuan, "A rei veleh tawh, taka Ethel in school ah hian duh deuh mai ka nei a" atih chuan "ka ring chhin peihlo, kan school ah chuan naupang kan tam lutuk. Bakah naupang vek kan la lawm a, i va duh naupang ve?" Ka tih chuan nui hawk hawk in, "Kum 22 bak ka la nih bik loh hi" arawn ti a. Thildang ka sawi leh hma chuan, "Inu khan chaw a ei theilo ati che a, apple ka rawn ken hi ei rawh aw" tihpahin athil rawn ken ho chu a phawrh chhuak a. Apple chu la in a vel nghal mawlh mawlh.



"Kha ei rawh le, a fai vek ania" tiin min rawn eitir a, ka kâ arawn dah luh lai tak chuan kawngka chu arawn inhawng a, Sir Reubena chu arawn ding teu mai.



Note: ka sawi loh dan deuhin ka awm a, ka inthiamlo takzet. Tukin website a ka post dawnin ka ziah sa kha a incut vek a. Thawh hun ani tawh si nen rawngbawl pahin ka type leh zuai zuai a, chapter hnih pawh ka rawn dah hman talo. Min lo hrethiam hram hlawm dawn nia 💝

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 5th, 2021, 2:52 pm

KAN SIR 💌 BY SAMMY


Chapter Six √



"Kha ei rawh le, a fai vek ania" tiin min rawn eitir a, ka kâ arawn dah luh lai tak chuan kawngka chu arawn inhawng a, Sir Reubena chu arawn ding teu mai.




Calvina nen chuan kan en phawk hra a, Sir Reubena erawh chuan Calvina kut ngawt chu a en thung. Ka apple ei tur Sir Reubena min rawn hmu bawk si ka kâ ka ang laklawh lutuk bawk si chu biak hma chuan apple chu ka ei hram phawt a. "Ilo leng a" tihzawng ka sawi a. Ani erawh in theihtawpa ruma min melh emaw tih mai tur a ruma min melh in, "Kha i dam khawp kha maw" ati chhum hmuk a. Biak pawh biak zui theih loh in kawngka pawnlam atanga rawn khar ri thuaiin pen thawm a zawm zui nghal a. Enge awmzia, a thinrim leh ringawt tihna mi?




Calvina lah chuan min rawn en in, "I bialpa nimaw ?" arawn ti zui a. 'Awi awm lo' tih melh a melh run chungin, "Ka bialpa...." tihchiah ka sawi hmana kawngka chu rawn ri leh rakin Sir Reubena bawk chu arawn dak lut leh heu mai. Awi tuna ka thil sawi zawh hmanloh kha arawn hriat hmanloh hram ka beisei. Vanneihthlak takin ahrelo ani ngei ang Calvina zawk en run in, "Khalaia naupang thu kha, inhnuai lamah khuan an be duh che" ati hmuk a. Room chhunga rawn pen luh arual nghal. Calvina chu nui hak hian, "Keimah hi em ni naupang itih chu. I hre sual ani deuh lo maw, helai ah hian naupang kan awm áwm ka hrelo" atih ve hmuk a. An pahnih chuan ka entawn zak zak ringawt. "I bula mu chu naupang chu anih kha, tlangval inih chuan naupang bula tâp chawt loh khan nula rim ta che" Sir Reubena lah chuan ati leh hmuk a. Calvinan chhan atum leh chuan a kutah chuan ka lo vuan a, min rawn en chuan, "Zuk kal lawk mai rawh. Ka pa in a be duh che niang" ka ti a. Chutia ka ti anih loh chuan kan thinchhe awrlawka nen hian an inmelh sakhi thei takngial mai ang.




Thaw hakin a tho thurh a, "Fel deuhin awm tur aw, ka rawn let chho tawh kher lo ang. Muttui le" tiin ka chalah arawn fawp a. A chet dan teh thut vang chuan ka en reng ringawt. Min nuih sakin kawngka lam chu apan a, Sir Reubena chuan alo en ngur mai. Calvina lah chu Sir Reubena zawnah ading kher bawk sia, a hmel awmdan ka hmu thei silo. Sir Reubena chu ahmel a siamchhiat khum vel anga Sir Reubena run lutukin a hnek bur mai ang tih ka lo hlau viau a, mahse eng em thlenglo chuan achhuak thei hram. Calvina achhuak fel chiah tiin Sir Reubena chuan min rawn en ngur a, ka puan chu sin thain ka mu thla riai riai. Ka khum lam rawn pan hnaih pahin, "Tunge kha kha ?" ati zawi sap a. Ka mitko ka san khum ak ringawt. "Ka lakah zep inei dawn em ni ?" atih chuan ning zet hian, "Engvangin nge thil engkim chu ka hrilh ang che ?" Ka ti hliai a. Chutah ngeiawm zeta kiai suk hian, "Achhan chu i bialpa ka ni miau a" arawn ti a, ka meng awk mai. Ka thusawi kha ahre hman anih ka ring a, mahse hrelo ang deuh chuan, "I zaktheilo ka ti, i bialnu Rinmawii nen khan arai leh railoh en turin damdawiinah va kal leh daw daw ula nih chu" ka ti nghek a. Madam Rinmawii rai tih vel leh damdawiin chu engvanga sawi chhuak ta kher nge ka nih pawh ka inhre hrep love. Mahse ka thusawi chuan amahah thawh anei ve tih hriat tak hian athaw halh a mahse min en vung vung in, "Nangte hi i thik reuh emaw ni ?" min ti let zek zawk a. A thusawi awihawmlo lutuk chu nuihza lo chung chung chuan ka nuihpui chiam ringawt a, "Engtin.. engtin nge? Sir i â deuh tiraw? Tunge nang ang thinchhe lutuk leh madam Rinmawii te ang...." ka sawi zo hmanlo, a ni deuh thut a ka hmuia thil nem tak che mek avang chuan ka meng kawk mai.




A vawihnih nan Sir hian min fawp leh tawh, mahse tun tum emaw ahma a insi satliah ang kha ani tawhlo. Min fawp deuh ngawng ngawng a, nawr sawn tumin a âwmah chuan nam ve bawk mah ila awmzia ava han nei thuilo ber. Uar zet chuan min fawp sauh sauh a. Ami tihdan lawm loh thlak zet avang chuan ka mittui ka dang zo lo. Ka tap a, ka tap tih ahria nge a inla hrang a. Min en chhuk deuh run.




A tha thlah lai chu chuhin ka nam sawn a, min melh deuh dawr a, ka kâ ka veng hman lo, "Hmela engvangin nge min fawh a, i student ka nih vanga i duh duh huna i fawh a, i duh duh huna i vin phar tur ka nia mi. Bialnu nei reng tlangval hnakhat ngatin engvangin nge naupang mai mai hi min tihbuai reng? Nangmah vangin anih hi ka damlo i hria em ?" ka ti tawn tawn a. Ngawi reng chuan min en reng ringawt.




"Nang hi awm lo la chuan ti em em hian hreawm ka ti lo ang. Ka nun hi iti chep, chuvang chuan khawngaih takin i class a naupang pakhat, lo thu ve mai mai thin angin min ngai ang che" ka ti leh a. Ka tap deuh pur mai. Min tih vak ngaihna ahrelo aniang min en vang vang hnuah min chhuahsan a. Puan a inkhuh thain ka mu zui a, mahse mut erawh achhuaklo kher mai. A khat tawkin ka insut leh thin a. Ka inngaihtuah let neuh neuh a, Sir Reubena ka tihdan kha dikchiahin ka hre leh silo. Insut hraih hraih chung chuan ka phone chu ka zawng a, khum mawng lamah chuan engtik laiin nge ka dah tihpawh hriat lohin alo awm a. Ka lek kang vut a. Sir chu ngaihdam dil leh thain ka hria a, mahse ka text ang nge ka call ang tih ka hre lo. Ka call chuan ka call a pick up duhlo thei a, ka text anih pawn ka message a seen duh kherlo maithei.




Mahse rei nghak loin ka call ta nge nge a, a ring deuh char char a, alak har em avang chuan ala tawh dawnlo emaw ka ti a mahse arawn la ve hram. Thatchhiat hmel zet hian, "Ka ngaithla" arawn ti hniam sut a. Insut ri hruihin, "Aaaa Sir, nichin khan ka tihpalh" ka ti tuau a. Ka sawi zawnga ka tah chhuak tlat chu ka ngei kher mai.




"A pawilo" arawn ti leh sup a. Mahse ka duhkhawp lo, "Ihh, ka damlo nen ka thinchhe lutuk a.... Chuan nangmah vanga damlo ka ni miahlo nia" ka ti leh niah niah a. "Ka hria lawm" a tih teh tawp a. Mahse enge ahriat, amah avanga damlo anga ka insawi nge, amah avanga damlo ka nihloh zia zawk?




Sawi tur hre tawhlo chuan ka insut ka insut ringawt a. Sir Reubena chu rawn thaw hakin, "Chuan ka lo hre reng ang, ka class a naupang pakhat ang leka en che ka lo tum dawn nia" ati a. Chhan tumin ka kâ ka ang hman tawh a, mahse hla ve deuh hlek atang chuan hmeichhe ni ngei hian ka hria arawn ko a, "tut" atia atawp nghal daih. Tinge a dah daih a, engmah pawh ka la sawi ve hman hleinem. Nichin lawkah thinrimin min kalsan a, tunah hmeichhe bulah a awm leh hman tawh ani a. Amah ah hian awmzia ka neilo tih chiang reng. Nilo nilo! Enge ka ngaihtuah hi? Amah ah engvanga awmze thuk tak nei tura lo inngai ve ngawt nge maw ka nih le? Tun lawkah pawh khan min hnaih duhlo in a zirlai pakhat ang leka min en turin ka ti anih kha! Kei hian diklohna eng emaw tak chu ka nei ani ngei mai.
.
.
.
.
Tunah chuan ka dam ve tawh a, camp pawh nithum kalta khan ka kal ve tawh. Sir Reubena chuan ahma ang khan midang aia min hauh bik emaw min en bik ang kha ati tawh ngai lova, ka sawi ang takin a class a naupang pakhat thu ve mai mai ang bakin min ngailo niin ka hria. Ka sawi dang angin a awm a, lawm a rilru pawh ti thawveng hawk tur ka ni. Mahse mak tak maiin khawhar rukna ka nei a, Sir Reubena'n class arawn luh a, ka lam arawn hawi hmasak ber takloh avang chuan ka tah te achhuak rum rum hial zel mai. Amah hi ngaiah ka lo nei tawh nge min ngaihsak map lo chuan min ti lungngui a, lehkha ka zir hleithei derlo. Hmeichhe zaktheilo... Nilo... Naupang zaktheilo ka chu ka ni, mahni zirtirtu te ankhum hnua angaihsakna dawnloh vangin ka lo hnual ve ngawt ani a, zahpuiawm tak chu ka ni chiang alawm.




Tunkarah Science kan khawih dawn a, ka huhphurh lawk viau mai. Achhan chu chhun lamah chuan kan zir aiin Sir Chamtea thusawi ngaithlak hun atam zawk dawn a. Sir Chamtea chu kan hriatsa reng pawh hi vawi li vawi nga vel hi min hrilh thin a, a sawi chhung hian hun hi alo kal leh duai a, zir tak tak hmain bell arawn ri a, break ah na na na chuan lehkha zir bik nih ngawt thu va awm suh, engmah thiamlo hian kan chawl leh dual zel a. Engmah zir kan neu ngailo.





Ka thutna atang chuan school gate lam chu ka thlir thla vung vung a, school a camp kan ni bawk a, class ah hian kan thu hma thei hlawm viau mai. Ka thutna atang hian school gate atanga pawn thleng ahmuh theih a, class nin deuh chang pawn hawi thawvenna tur a awm viau. Mahse tunah chuan Sir Chamtea rawn kal hun mawlh mai chu ni ka lo en ni.




Mahse beiseiloh tak maiin Sir Chamtea aiah Calvina bike nena rawn tlan lut chu ka hmu a, ka lo lawm nghal hle. Ka thutna atang chuan ka ding hluai a, mahse "Enge ?" Stage lam atanga rawn ti ri avang chuan tukverh atang chuan ka hawisawn a, Sir Reubena chuan min lo en ngur mai. "Engmah nilo Sir" ka ti bak nak a. Tha deuha sawi thei tur chu ka ni a, mahse min melh dan run run sawn min ti zam em em bawk si ani.




"Enge 'engmah' chu ?" tiin ka lam chu arawn pan a, kan in en deuh ngar ngar bawk. "aa engmah anilo tak tak sir" ka tih leh lai chuan ka bul arawn thleng ani mai. Pawnlam chu a en ve vut a, Calvina rawn tlan mek chu ahmu nge hmu velo pawh ka hrelo. Mahse a thin tirim tu emaw tak chu ahmu ani ngei ang a tukverh bar vawnna chu ahum nghet sauh a. Rei mawi tawk pawn lam a en vung vung hnuah ka lam arawn hawi thut a, ka lo en chiang ve chiah bawk nen kan hmui chu a insi leh thuak tawh mai. Ka awmsawn vat a, ka âw ka thian ri kherh bawk. Engmah sawi lo chuan a chhuak leh daih a, a hnunglam atang chuan ka en zui tawp.





Muanawmi te an rawn lut a, Zorintluanga ka hmu a ka phu zuk mai. Ka camp tirh atang khan ka la hmu ve miahlo a, a awmlo tih pawh kha ka lo hre ve lem lo a. Min rawn nuih var var a, "Kan dam tawh maw kha ?" atih chuan ka chal ka lo ti chuar a, "I damlo em ni ?" Ka tih chuan a lu abu nghat a. "Awi ava zialo. I damloh thu pawh ka lo hre reng reng hleinem" ka ti a. "A ho emai, ka dam tawh em hi" arawn ti leh a, ala nui var var reng. "Nia, i mood ava fuh ve tinge inuih reng a ?" tiin ka zawt a, ka sawi zawh rual in bell arawn ri chhunzawm zat a. Mahni thutna lam kan pan nghal sang sang.




Rei vak loah Calvina leh Sir Reubena an rawn lut a, an pahnih chuan ka lo e reng a, khami ni atanga avawikhat nan Sir Reubena rawn luh tirha a en hmasak ber ka ni leh ta. Min melh run run a, ka thin apu dep dep mai. Ka ding te chu lir a nghing emaw tih turin ka ding nghet tawhlo in ka hria. Mahse rei min en lo chuan thu asawi mial mial a, reilote min en avang khan kei erawh ka hlim rilru hle thung.




"Sir Chamtea a damloh avangin amah aiah Sir Calvina, Sir Chamtea fapa alo kal aw. Chuan Sir Chamtea ang chiaha ngaiin athu awih tur" ati dap dap a. A sawi zo a, a chhuak leh nghal.




Calvina chu Sir Chamtea angin atawng ve duah lo a, kan zir tawh chin te min zawtin zir tur min hrilh a. Kan zir nghal mawlh mawlh. Nikum lamah ka lo hre ve nual tawh nen ka thiam chak ve viau a. A thiam apiang chuan kan inzawh tir a, ka inzawh tir ve chuan, "I va thiam ve" ati hluai a, ka nuih var var ringawt. Ka thutna lam pan nghal ka tum uk a, mahse Calvina chu, "Zanah i duty ve ngem ?" tiin ka zawt a, a lu abu nghauh nghauh. "Awii please in maw, acid min lo ken teh. Ka ei chak lutuk" midang hriat tham siloh chuan ka ti ta mawlh mawlh a, amah pawh chuan nui hakin, "aw le, aw le, i thutna ah va kal tawh rawh" ati a, nui var var in ka thutna lam ka pan.




"In inhria mi ?" Zorintluanga chuan alo ti a, ka lu ka bu nghauh. Lunch break arawn ri a, hrilh nawn ngai lovin kan lehkhabu kan khup nghal sap sap. "Canteenah kan chhuk dawn em ni ?" Muanawmi chuan arawn ti a, "Aa ka peihlo, chhuk chhoh hi ka ning. Zuk kal ula in ei zawhah eitur min rawn ken chhoh mai dawn nia" ka ti a. Muanawmi lah chuan, "I zak em, kalpeihlo chuan ei lo mai rawh se" tiin akal tau nghawng nghawng a. Zorintluanga leh Sangpuia pawn ahnungah nui tha in anzui chho ve nghal.




Mahni in class ah chuan ka thu kar a, tukverh ah dakin pawn lam ngawt ka en thung. Mi rawn lut leh chhuak an awm zeuh zeuh a, ka ngaihsak hlawm lemlo. Muanawmi te lah chu an rei hi ka ti khawp a, canteena thil awm zawng zawng ei zawh vek an tum ani maithei ni.




Kawngpui ka en lai chuan zawhte pakhat hian kawng hi akan dawn a, a bul chiaha pitar pakhat hi ading a, kawng kan tum niawm tak chuan akal ve chhat chhat a. Mahse a kal lai tak chuan motor arawn tlan a, a zawnah ani bawk si. Motor in pitar asu lai chu ka hmu chiang lutuk a, rat thatin ka tawlhhnung dawrh a, tu emaw hi ka va su dawt. Ka inher nghal nawk a, ka sut pa âwm ah chuan ka bei nghal thlawp.
"Hmulo angah inngai rawh" arawn ti sup a, a âw atang chuan Calvina ani tih ka hre thei. Ka inlahrang a, "A thi angem ?" tia pawnlam ka en leh tur chu min kuai her nawk a, "Hahdam rawh, i mit vai mai mai anih kha. Engmah thil thleng a awmlo ania. I ngaihtuahna la peng thei tur eng emaw ngaihtuah la" atih chuan Sir Reubena ka rilruah arawn lang zat a. Kawngka lamah chuan thawm arawn awm a, Sir Reubena bawk chu tray a eng eng emaw chawi hian alo ding leh vang tawh.



Note: A tawi ka hria, mahse ka fb chhe sia fb telloin ka rawn post theilo. Siamthat leh phawt angai dawn sia heti thleng hi ni rih se aw... Chapter thar tilo in tah ka rawn zawm anga Sir pov. Ziah ve te pawh ka'n tum dawn ania 💌

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 5th, 2021, 2:52 pm

KAN SIR 💌 BY SAMMY

(Sir pov. alang hman lo a min dem lutuk su aw 😆)

Chapter Seven√


Kawngka lamah chuan thawm arawn awm a, Sir Reubena bawk chu tray a eng eng emaw chawi hian alo ding leh vang tawh. A hmel landan pangngai tak chu athlak hlawk a, a thinrim ka ti dawn nge a bek ah te chuan thisen zam arawn pawng tawlh tawlh a, a tray chawi lai chu chhuatah chuan paihthla tawpin kan lam chu arawn pan a. A rawn thlen chuan, "Hmela!!" ti tuarin Calvina chu a pawtsawn a, a hnek zui nghal chawrh. Ka rak deuh that a, hamhaih lutuk in Sir Reubena rawn awmdan chu ka en ringawt. Calvina pawh chuan ahrethiam lo ve ngang aniang rawn thawh tum pah chuan, "Enge...." ati hman chauh a, Sir Reubena'n a hnek leh chawrh a, mipa na na na chu mi kut tawrh bik ngawt awm suh inhnialna tawngkam awm eihlo chuan an insual ri ta bur bur mai a. Ka hlau bawk si tihngaihna hre bawk silo chu a din na hmunah ka lo tap pur ringawt a, a khat tawkin tawp tur chuan ka lo ti ve sek bawk. A insuala te pahnih lah chuan duhtawk tih an tum lo. Midang au mai dawnin Canteenah an chhuk vek mai bawk si. Ka tihngaihna hrelo lutuk chuan, Sir Reubena'n Calvina a bawhbet lai chuan ngam leh ngamlo hian akawr hnunga pawtin, "Insual tawh suh" ka va ti pur a. Ani pawh atawp ve chat mai.




Rawn tho chhuakin min rawn melh vut a, a mitmengah chuan pawisak neihlohna ka hmu in ka inhria. Ka tawlh hung deuh hrat a, a thinrim avanga a khabe ruh kual sawi bawi bawi khawpa ha athial chu rapawm lamah akal.




Engvanga heta rawn kal a, rawn thinrim a tharum rawn thawh chiam nge anih ka hre hauhlo. Mahse arawn chetdan kher hi chuan amah min hlauh tir kumkhua maithei.




Min ban tum niawm tak chuan a ban chu arawn phar zuai a, kei erawh ka tawlh hnung hrat thung. Rum nghukin chhuata Calvina mu chu a chhir pawp a, keimah zawk bawk chu ka lo rak that. "Tinge tiang em em a i suala ?" Calvina bula thutthlak pah chuan ka ti a. A hnar thi phung te chu tihngaihna hrelo zetin ka en mawl tawp. Mahse maw mahni hmasial lutuk mihring hian, "Ani chauh nilo in keipawhin hliam ka neih hi" arawn ti nih chu!! Ka melh chho nghal hra a, hlauhna pawh ka nei tawhlo. A mitah ka en kal a, nichin maia thinrim hmel em em kha alo danglam leh hlak tawh. En reng chung chuan fiah zet hian, "hliam inei anih chuan irawn cho chhuah ania, enkawl dam pawh i hna. Keini niloin nangin kan lakah buaina inei a, eng nge i buaina hi ni a? Engvanga thlamuang taka min awmtir theilo nge inih ?" ka ti fak. "Ka buaina i hre duh maw ?" tihpah chuan ka ban puama hmerin min pawt tho nawk a, "Ka buaina maw? Ka buaina chu nang hi inih hi i inhria em? Engvangin nge ka huata ka thik tur kher a mipa i hnaih harh harh thin ni. Midang bula i awm hian ka thik a, ka thinrimna hi a luang hian aluang liam zawih zawih tih hre ta che" ka hmai zawnah chuan a au in a au ka ti mai. Min thlah hnawkin kawngkhar lam chu apan nghal a. A thusawi chu mak ka ti a, mipa bula ka awm vanga alo thinrim ringawt ta pawh chu ka hrethiamloh piahlamah engvanga lo thik ve ngawt nge anih. A chhuak tur chu hnunglam atang chuan, "Heyy, engvangin nge i bialnu nilo a ka laka thikthu neih phet tum nge inih? Ka kham lutuk che, i hria em. Hmuh pawh ka hmu peih tawhlo che" ka tuar tuar a, arawn hawi let lova Muanawmi te rawn lut mek nen chuan an intawk chiah. Sir chu mak tih hmel zetin an melh a, room an rawn luha Calvina chhuata a mu nuai an hmuh leh ka lo tap pur min hmuh leh phei chuan mak an tih hmel viau mai.




"Tinge a ?" tiin Muanawmi chuan zawhna mitmeng hian min melh a, "Muani" tih chiah ka sawi thei. Sangpuia leh Zorintluanga chuan Calvina chu an buaipui nghal mawlh mawlh a, Muani'n min rawn kuah chuan ka tap zui hlawp hlawp. Heti tak maia nun han indan chep mai hi chu ani lutuk bik lo alawm. Keimah vangin Calvina lahin kut atawrh hrep phah ani a. Ka thiante chuan chanchin min zawt ngei dawn a, engtin nge ka sawi ang. Sir Reubena thu sawi ang kha sawi ta vek ila mahni ka inpawrh leh lutuk dawn in ka inhre bawk si. Ka rilru na leh Calvina lakah inthiamlo lutuk chu Muanawmi kuah chuan ka tap ka tap tawp mai ni.




Principal in min ko a, thil min zawh chuan engmah sawi lo chuan ka ngawi reng a. Chutiang bawkin ka sira ding Sir Reubena pawh a ding ngawi ngul. Engmah kan sawi duh silohah chuan Principal chu a thinrim ta aniang dawhkan chu chum ri burin, "Engmah insawi loh chuan intuar dawn ania" ati khur khur a, ka kun ngul avangin en mitmeng nge aput ka hrelo a. Principal chuan, "Ethel i kal thei" ati chhum hmuk a. An pahniha en tawn zak zak chuan ka chhuak zui vat. Kan room lam pan chho talo chuan principal office bul deuhah chuan ka ding a. Sir Reubena lo chhuah hun chu ka nghak ran mai.




Ka laka Sir Reubena nunchang hi ka chhut neuh neuh a, awmzia ka hrelo. Maths thiamlo na na na chuan a mize tha lai leh thalo lai, min biak that lai leh min vin khur khur lai ka puntir kual thiamlo a. Kei aia thiam deuh chuan puntir mai bakah paih leh sem te, paih puk emaw belh puk te pawn an chhut dik thiam ngei ang. Mahse ka thiam dan dana ka belh khawm ve pawn equal to ah chuan *misual tak ani* tihbak ka belh chhuak thei meuhlo.




Rei fe ka din tawh hnuah pawh ala rawn chhuak maithei lo a, room chhung atang lah chuan dawhkan beng ri thuai thuai ri ala rawn awm zeuh zeuh lehnghal. Lo nghak ta pawh ni ila min biak duh ka rinloh avangin lo nghah ai chuan kan class lam chu ka pan ta zawk a.




Class lak pawh ka tui meuh tawhlo, Sir Reubena arawn lut tawh lo a, Science subject la tu ber lah khati kha ani bawk sia middle section lam atangin Madam Rinmawii arawn lut a. Madam Rinmawii ka hmuh phei hi chuan ka mood hi a off ngawih ngawih a, ka hmuh hian ka thinrim hlur ti ila ka sawisual hauh lo ang. Ani lah chu nidanga min han biak that hliau hliau theih nen min melh deuh run run a, *Ethel* pawh tilo in ka hming pum chuan min han ko ngat a. Chhan awmlo a ka chunga a thinrimna a lantir ringawt chu ka lawmlo viau mai. Madam nena kan inkarah chuan midang hriat ve siloh hian eng emaw boruak hi a awm ka ti mai.




"Le ngaithla vek ru" arawn ti a, kan reh nghal thap. Keimah min en deuh run chuan, "Sir Reubena'n bânna a thehlut a..." atih chuan ari nghal huk a. Dawhkan chu beng ri dat dat in, "Bengchheng su, mahse bânna a thehluh avangin abang dawn kherlo. Term anga thawk vek kan ni a, ani chu tun kum hi a Term tawp hun ani hrim hrim a" atih leh chuan a zi leh mur mur a, mak ka ti viau mai private school ah hian term neiin anthawk tih ka hre miahlo a. Sawrkar zirtirtu te hi chu pension hun nei te anni a, ka hrethiam.




"Chuan a term atawp tep tawh avangin principal hian board ah a thlen kher lo maithei. Boarda a thlen anih pawn board in an pawm saklo chuan abang dawnlo aw. Ka sawi chhan chu, bang thut theih dinhmunh a ding a, nakina inhrilhhai lutuk loh nan ka sawi ani" ati leh dap dap a. A sawi zawh rual deuhthaw in kawngkhar atang chuan, "Excuse me Madam, Etheli kha ahaw thei aw" Sir Reubena'n arawn ti a. Min nghak niawm tak chuan ading ngil put bawk a. Madam chuan tur deuh khaia min en in, "I kal thei Ethel" arawn ti kher a, a chaltlai ka ti viau na kan madam te ani ve bawk sia ka chhanglet ta lemlo.




Sir chu arual pawha kal ngam loin a hnungah ka kal dat dat a, ka dul zawna vel ka kut chu en a khal pah chuan ka kal hnak hnak a. Ka haw theih thu arawn sawi ringawt a, mahse tinge ka haw chhan tur ka hre hauhlo.




"Sir..." ti dek chuan ka ti a. Ka hma lam atang chuan arawn thum dut. "Ihh, ka haw thei tak tak ami ?" Ka tih chuan "umm" tihngawtin min chhang a, biak zui vak ngaihna a awmlo. Stepa kan chhukthlak lai chuan, "Sir..." Ka ti leh dek a, step hmawrah ding dat pah chuan min rawn en chho a, ka zam leh lutuk si chu, ka rah tur en miahloin ka pen ngawt a, ka rah thelh a, ka tum ai thui penin ka tlan thla zawt zawt a, ding tum teh mah ila ka ding theilo, te teng tung chuan ka tlan thla puat puat a, Sir Reubena chu ka zuk bawh ngei dawnin ka inhria a, ding tum sateh mah ila a theih miau bawk silo. A meng phar awk a, ka bawh thla nghal rawk rawk a. A vawithum nan, a vawithum nan kan hmui ain si leh ta. Mahse tun tum emaw tihpalh thilthu tak meuh meuhin ani thung. Ka tho vat a, ani pawh arawn tho chhuak ve vat.




"Ka tihpalh" ka ti sep a, engmah sawilo chuan hmalam apan ve vut mai. Pawn kan chhuah chuan kal hrang mai ka tum a, mahse Sir Reubena chuan, "Khawnge kal i tum" arawn ti thum chhuk a. Khap fak fak in, "Aa, aaa.. ka haw dawn" ka ti ta tawp a. "Tun kar chhung school i chawl thei. Chuan ka thlah haw dawn che" ati thum leh chhak a. A sawi bul met mut lutuk chu chhan zui emaw hnial zui ngam awmloh tak ani.




Bike adahna lamah kan inzui a, bike chuan chu ka huhphurh ngang mai. A changkang lo e pawh lo ti mah ula bike emaw scooty a chuan hi ka hlau tlat reuh a, min phur tu tan pawh phurh ka hreawm viau thin. A ti nung vut vut a, chuang mai lo chuan ka en reng a, "Rawn thu la" atih chuan chil ka lem dawk a. Zeilo zet chuan ka thu ve thei hram. A tlan chhuah hma hma atang chuan tang tungin a kawrhnung chu ka vuan bet tung a. Ka tan a nawmloh bakah atan pawh ahreawm viauiin ka ring. A tlanchhuah hma chuan, "Ke in ka haw mai ang" ka ti sep a. Mahse hnung lama ka kut chu rawn chelhin a kawngah chuan min kuah tir a, "min kuah nghet ang che" tiin a tlan phe nghal vawk. Car pawh anei tho si a, vawiin berkhera bike arawn keng chu ka lo haw hlur ringawt a, achhan pawh ka chuan zeiloh em vang ani.




Ka kuah nghet dan chu 'min kuah nghet ang che' tih asawi laia a duh ai nghet khan ka kuah ka inring. Kan tlan thawt zawnga ka mit mim avang chuan ka mit ka chhing daih a. Kan thlen chin pawh ka hrelo. Motor tlan ri nuai nuai leh bazar thawm areh tial tial a, a reh tak daihah chuan ka hawi chhuak a. Khawchhung pangngai ah kan lo awm tawh reng reng lo. "Khawnge kan kal dawn ?" abeng bulah chuan ka va ti sa sa a, "Tahsawn" tihzawng asawi a, kan hma lam chu ka thlir phei vut a. Leilawn ani a, ahnuaia lui luang chu kan tlan tawh na chin atang pawn ahmuh theih a, lui lian tak si aluang erawh adam viau mai.





Hrethiamlo zet chuan ka chhuk a, Sir chu melh kuau in, "Tinge tah kan kal a, min thlah haw dawn emaw ka ti a" ka ti sep a. Min en zawk a, engmah sawi lemlo chuan a bike ngheng chuan ading kawi sawi nuai a. Ka school bag-ah hrui rawn uai chu ka khal niap niap. Ka be tawh lo a, ngawi renga a ding chu ngawi rengin ka ding ve tawp. Hmun reha awm a mamawh lawk aniang tiin ka ngawi kar a, a duh hunah kal arawt leh mai chu ka ring.




Minute nga dawn vel chu kan ding tawh a, "Aa kan haw tep tawh em ?" Ka tih chuan mit khap miahlo in min en vang vang a, min en avang chuan hmundang ka melh kuai ruai thung. A ding ngil a, kan kal tawh dawnah ngaiin ka lo lawm hman viau a. Mahse ka rinloh deuh chuan min rawn panin min rawn kuah ta daih a. Nghet zeta min kuahin a âwmah ka hmai a inphum bo vek a, aa keimah chu ka bo vek ani mah zawkin ka hria.




Ka chhipah arawn fawp tawk a, zawi fiah deuh si hian, "Nghak leh lawk la, I Sir nihna aia thui hi ka nei vat ang" ati sep a.




Note: Ka sawi ang hian awm thinlo mah ila adds click leh comment min lo tihsak hram hram ula aw 💟

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)