KEIMI By Irene H muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KEIMI By Irene H muankimi (Completed)

Unread post by Ngaia » December 5th, 2021, 7:06 pm

Chapter 7(last chapter)




Ambrose pov





"Tunah chuan I phuba chu I hlen chhuak thei tawh ang" chu thu ka hriat chuan engvanga lawm lo nge ka nih."Kha pasaltha veng him tu lasi kha a ni a,kan lalnu phatsan tu chu.Chuvang chuan kan lalnu chuan puih I ngaihna apianga pui tur che in min ti a ni".





"In la hmu lo em ni?" Ka lo tih sup chuan a meng dul ruih a.




"Tunah chuan heng huai ho nen hian kan in do ngei a ngai tawh dawn a,nang nen pawh hian tun bak chu kan in hmu leh tawh kher lo ang le" a rawn nuih suk chuan ka lo then ve suk a.





Ka harhchhuah leh hnu ah Joel-a hnen atang Rotluangi ruang bo thu ka hria a.Chu chu Lasi ho pawh hian tunah hian an zawng mek a ni.Khaw lamah lah Sorkar in a mi leh sa Rotluangi zawng turin mi tam tak a rawn tir a.Apa in a nunna a chan miau avangin Rotluangi tal chu zawn hmuh ngei an tum a ni.





A chanchin Joel-a nen chauh kan hria a mahse,chu chu kan sawi chhuak thei si lo.A ruang tal kha chu in thlen pui thei ila chuan a zia deuh tur a ni a.A nunna a chan ruala a ruang leh zel he tia huai ho in an sawisa duh chu lung a damlo tak zet.





"Ka kal a hun leh ta e.Ambrose kan in hmu leh ngai te a nih chuan thian tha tak kan nih thei ngei tawh ka beisei" tia thlanglam boruaka liam thlak chu a rual a.





"Khawnge I awm,ka thinlung au rawl hi I hre ve thei a nih chuan vawikhat chauh ka mit hmuhah I rawn in lan leh thei lawm ni? Ka lak atang tuman an lak hran loh tur thu ka tiam che a.Mahse I laka ka thutiam hmasa ber chu ka hlen chhuak thei silo.Chumi avanga min hremna hi a mah mah deuh tawh chu I ti lo maw? Enteh Lalrotluang hetiang maia awlsam hian min kalsan chu I tum tak tak em ni" mual thlanglam chunga ni eng sen phut tawh tawlh liam mek chu thlir liamin in lamah chuan phurlo zet hian ka haw ta a.





Kawng lakah te chuan Rotluangi zawng ve midangte nen pawn kan in tawk a.Kha tiang khan an accident na kha tuar lo in Rotluangi pa chu Hospital thlenpui a nih hnu lawkah a boral a.Amah Rotluangi ber a hnu chhui zui tur awm lova a khuangcher bo avangin kan khua leh a chhevel ram ngaw chu Rotluangi zawngtu ten an daidar loh aram pawh a awm tawh lo.





In ka thlen chuan Joel-a pawh a haw na ala reilo tih hriat takin in thlak pawh alo la in thlak bik lova.Ani hian Tluangtei ruang bo chhanah khan mawh a in phur tir a.Chuvang chuan vawiin ni thleng hian Rotluangi ruang zawngin nitin ala vak chhuak thin a ni.





"Kha Lasi kha ka hmu leh a" ka tih chuan beisei nei hmel zet hian min rawn en vat. "An ni pawn hmasawnna an nei lo,in do an tum thu an sawi a.Chuan tunah chuan ka phuba ka hlen thei thu min hrilh bawk" ka tih chuan lu tuai vut hian a thaw hawk mai.





"Ka thiam loh vek a ni.Kha tianga I tluk khan ka ngaihtuahna ah nanglo kha chu eng thilmah a awm lova.Mahse Ambrose kha hun reilo te chhung khan khang huai ho kha an lo che leh hman ang tih ka ring bik miah lo a sin".





"Ka hria alawm,zanin ah hian kan hmela chu ka dahtha phawt a nga,chuan Rotluangi chu mual daih thleng zawn pawh ngai dawn mahse,ka hmuh hma chu ka beidawng dawn lo" ti charh charhin in chunglamah chuan ka chhoh san ta a.
...........



"Lo kal rawh ka lo nghak reng tawh che alawm" thawm dim zeta ka kal chu chutia min lo chhawn takah chuan pangngai takin a thutna lam pan chuan ka kal ta zawk a.





"Chu thih chu ilo nghakhlel hle tawh a ni maw?" Deu sawh zeta tiin a ep chiaha thutna ah chuan bawp khawkherhin ka thu ve nghal a.





"Kei min thah theih nan hmeichhe pawisawilo eng zat nge I tih nat?"





"Ngawi hmak rawh" ka Pistol ken chu alu ah ka va chuktuaha, "nang leh kha I Lasi zawl laktlak loh zet avang hian hmeichhe pakhat chuan a nunna a chan asin" ka ti hrawk a.





"Ka lo hria a,kan lalfanu tlan bo ta fanu kha huai ho in an that tih.." a ti chiah chu ka insum hmanlo ka pistol chu ka hmen puaka kan hmela thisen ka hmaia rawn per chu tuai pawkin a hriam dahna lam ka pan nghal.





Chu lai hmunah chuan Lasi ten huai ho thahna tur bika an duan,mi nazawngin a an neih theih loh mi lu lak chem dangdai zet chu ka hum chhuak a.He tiang hriam Lasi ho in a bik taka an siam ang chi hi a kawl tu tur diktak ten an kawl loh chuan thil pawi tak a thleng thei tih ka hria.Mahse chu thil chu tunah hian ka ngaipawimawh thei tlatlo.





Tuna ka duh ber chu heng huai ho tawm buk luh chhuaha huai la dam zawng zawngte thah mang vek hi a ni.Thenawm khawvengte rawn tlenkhawm hma in kan hmela in chu ka chhuahsan ta thuai.




"He thil hi I hmang dawn tih I Chiang a maw" in ka thlena ka chem hum a hmuh rualin Joel-a chuan alo ti nghal a.




"Khang huai ho kha ka thah rem hma chu he thil hi ka tawpsan lovang.Ka chungah eng thil nge thleng dawn ka ngai pawimawh lova,he chem ka hum avang hian ka nunna in a tuar dawn a nih pawhin Rotluangi phuba ka lak theih na a nih phawt chuan ka thih thlengin ka hum mai tur a ni" ka tih charh charh takah chuan eng pawh sawi se awmzia a awm dawnlo tih a hria a ni chek ang chu lungdam zanlo hmel pu hian a ngawi ta reng a.





Chumi tuk atang chuan ka tumram lam panin ka thawk chhuaka Joel-a'n min zui chu duh hle mahse,ka rem tih tlat loh avangin kei mahin pa Ngenngaw lam pan chuan ka chhuak leh ta a ni.
..............



Rotluangi pov




"Engtia rei nge hetianga ka in zir dawn" ka thal mu ka kah chhuah rual chiahin thinchhe zet hian ka ti nghal hluk.





"I taksa in ral beih a in huam hun thleng" awlsam zeta lo ti tu Ramchuani chu rum zet hian ka melh a.




"Ka that tawh thu vawi sangsawm ka sawi tawh chung pawn kan la practice reng chu a nih hi" ti bul bulin thalmu dang ka kap chhuak leh nghal.




Eng tin nge he thil hi a thlen theih ka hre lova.Ambrose-a tawngri kha ka hriat hnuhnun ber a ni a.Chuan ka harh leh meuh chuan Lasi ho bulah ka awm tawh a ni.Ka chanchin chu Lasi ho chuan an zep vek a.Lasi zingah pawh a tir chuan hria an awm manglo.





Chutia ka that chhuah leh ni atang chuan ka pi(ka nu nu) chuan Ramchuani hnuai ah hian thal kah min zirtir nghal char char a.He ta ka awm hnu ah hian ka pa nena kan accident chhan chu huai ho an ni tih pawh ka hria thar a.Chuvang chuan phuba lak pawh ka tum nghet hle a ni.




Kan hun hma deuhah khan vawikhat chu an lo in bei tawh ngei a.Mahse tah chuan an huai lalpa leh a nau te chu dam chhuaka tlan chhe zingah an tel a.Chung ho um zui tur chuan tunah hian ka in puahchah mek a ni.





"Ka Lalnu tunah chuan Phuba la tura ka thawhchhuah min phal sak tawh rawh" Lasi ho khawi zinga lian ber nghalchang lo chul heuh heuh tu chuan chik em em mai hian min rawn en a.




"Kan zinga lo awm ve chu I duhlo takzet em ni?" A tih chuan a kutah chuan ka chelh sak a.




"Hun rei tak mihring ka lo niin Lasi nena in zawmna ka neih ka ring ngailo.Ka tan chuan heng thil mak tak takte hi thawnthu anga hriat reng an tha zawk.Heng thil khawvel mi tena awm ve lo tura kan ngaihte avang hian ka nuna ka neih ro hlu ber ber ka chan a.Chuvang chuan kei chuan heng thil zawng zawng hi kalsana heng thilin a tih buai phak loh va awma mihring pangngai anga nun hman ka duh a ni."





"A tha e,ipi hian ka hmangaih takzet che tih hi hre reng la.Hringmi te kianga I let leh a nih pawhin I hun awlah min rawn tlawh ve thin ang che" tap lek lek chunga a tih chuan kan han in kuah leh rih a.





Ti chuan ka pi hnen atang rem tihna ka hmuh takah chuan Huai ho tawmbuk lam pan tur chuan ka in buatsaih tan ta a.Ramchuani'n min zui ve dawn avangin midang chu hruai ka tum lo.Tuna ka thil tih tur hi ka zawh hunah chuan ka pa nena kan in ah ngei khan ka let tawh ang.





Atir khan he khua ah hian lo kallo ila chuan ka pa min hmangaih em em tu,he khawvela ka neih chhun kha ka chan miah lo tur a nia.'Biakin ah I makpa kuta ka kut I hlan kai hma leh I tu te zawng zawng hming I sak kima in in fiam ho hma chu min kalsan ngailoh tur thu kha min tiam si a' tiin ka pa ka suangtuahna ami chu ka lungawi lohna te chu ka hrilh mawlh mawlh a.





"Bawihte" nu Parmawii chu ka lo en vat.Ani hian hai thei khawpin ka nu kha a ang a,ani hi ka hmuh tawh chuan ka nu kha hmu leh ang ah ka in ngai thin.Tunah chuan ani hi keiin ka duh tak tlat loh ah chuan Lasi lalnu ah a tang dawn ta a ni.





"Hei hi la rawh.A veng him ang che" tiin ka ban rekah eng hrui emaw,a hring leh orange colour in pawlh hi min suih sak a.




"Ka lawm e" nget zetin a awmah min kuah bet nghal.




"Va fimkhur ang che aw" a ti sup sup a.Kei pawn lo kuah let ve in min ngaihtuah lo tur chuan ka hrilh ve luam bawk.




A tukah khaw var rual velin Huai ho tawmbuk thar ni a,kan hriatna lam chu Ramchuani nen chuan kan pan ta a.




"Nangni huai rimchhe ho" tia au thawm chu kan kal tumna ruam kan thlen hma hlam sawm vel atang chuan kan hre ta a.




"Ambrose" tia tlan chhuah thut ka tum chu Ramchuani'n min lo chelh vat a.




"Kan chet fimkhur loh chuan kan ti fuh lo ve thei tho ania" alo tih takah chuan in bengdaiin muangchang chuan chu ruam chu kan pan hnai leh ta hret hret a.




Chu ruam thim laiah chuan huai panga vel hian Ambrose-a chu an lo din huala,an lo in bei hrep tawh tih hriat takin Ambrose-a chu a thi neng nung tawh a.Chu lai hmun pawh chu a thang huam huam a Ambrose-a hian amah chauhin Huai tamtak a that tawh tih pawh ka hre nghal zat.





"Nang keimi anchhe dawng chem hum tu,he hmun hi damin I chhuahsan dawn lo" Chher chhuaia tiin huai chu ramawm zet hian a nui uar uara.Chem anchhe dawng a tih avang chuan Ambrose-a kuta mi lu lak chem chu ka en nghal vat.





"Thih hlau ni ila chuan helai ah hian ka lo kal nang" elsen zeta tiin amah din hual tu huai te chu a nuih sawh a.




Chutia an in biak laia huai pakhatin Ambrose-a khawih a tum chu ka zuk hmu fuh ta.Rang zetin ka thal mu chu ka kap chhuak nghal a.Chu ta huai pakhat a te thawt rual chuan Ambrose-a leh a bula huai ho chu an in bei nghala a chhak lam ruam atang pawh chuan huai chu an rawn kal belha Ramchuani nen chungho chu alo thleng hmasa sa kan lo bitum ve zel bawk.





"Rotluang"alam chu ka hawi vata kei min hmu chu a hmelah mak tihna leh lawmna ka hmu thei.Huai ho kha an lo tam tawh loh avangin kar lohah kan that fai veka rinaiin kan thil tum chu kan zo hma.A chhan bul ber pawh Ambrose-a a ni.Ani hian huai tamzawk chu kan va thlen hma khan alo thah tawh vang a ni.





"I ni tak tak em?" Tia chau zeta ka lam a rawn pan tur chiah chu kan sir lamah a per nghal dawr a.Chutah chuan huai lalpa lian leh rapawm em em mai chu a rawn lang ta.Ramchuani chuan rang zet zet hian a thal mu a chhuaha,keipawn tiang chuan ka thal ka thlah nghal zung zung bawk.





Huai lalpa pawh ring leh rapawm zet zeta te ruah ruah chungin kan lamah chuan a rawn hnai zel a.Mahse kan bul alo thlen phei hma in a rualin kan thal fang chu kan han thlah rual leh thawta chu huai pawh chuan a thiante hnung a zui ve ta a ni.





"Ambrose" rang zetin a lamah chuan ka tlan pheia nikhaw hrelo in alo mu bam a.





"Tunah kan haw pui nghal a ngai ang,kha chem anchhe dawng kha a hum bawk si a,kan lalnu bulah kan hruai vat a ngai a ni" Ramchuani'n alo tih avangin Ambrose-a chu boruakah thlawh puiin Lasi ho tlang lam chu kan pan ta nghal.





Lasi ho awmna kan thlen chuan Ambrose-a hliam pawh an lo buaipui nghal zung zung a.Kha chem alo hman avang khan chhunglamah nasa taka hliamin a awm a,chu chuan thi mai thei dinhmunah a din tir bawk.





Mahse kha chem siamtu kha Lasi te tho hi an nih avangin Ambrose-a chu a that leh mai lo ring tawk pawh an awm ta tho.Tiang chuan karkhat enkawlna a dawn hnu ah pawh Ambrose-a chuan nikhua ala hre lo reng a.Ka mang hi a ang tawh takzet a ni.





"Rotluang" Ambrose-a lam chu ka hawi vuta,chauh hmel zeta rawn meng hian a sira ka lo thu chu min rawn melh tawk tawk.




"I..I tha em" ka lo ti nghal vat.




"Tui" ka bula tui chu ka tulh nghal thuai a,a duh khawp a lem hnu ah chiang em em mai hian min rawn en leh.




"I Thlarau ka hmu chu a ni lo tiraw" alo tih chuan ka lo nuih suk a.




"Thlarau ni tur chuan min duh viau em ni?"




"Lalrotluang hetiang hian vawikhatmah kalbo tawh suh ang che" rum ul a a rawn tih thum dup chuan,ka chhan danah khan a lungawi vaklo tih ka hre nghal mai.
.............




"Tunah I kal tawh dawn em ni?" Nu Parmawii'n a tih chuan ka lu ka lo buk khum zeuh. "Khapa kha I kalsan dawn em ni?" A rawn tih leh chuan ka che lai chu ka tawp chawt a.





"Ani saw he khua ka pa nen kan lo kal chhan a ni a.Ani saw awmlo se chuan ka pa khan tunah hian min la kalsan hauhlo ang.Kan in kara hmangaihna hi a danglam lutuk,Khuanu hian kan awm dun a rem ti a nih chuan kan la in tawng leh ngei ang" ti supin ka kal ta nghal.





Ramhnuaia ka khawsak chhung kha a rei berah thla 3 vel lai a nih ka ring a.Hetia khua a ka lang thut pawh hi miten engtin nge min lo ngaih ang chu ka hre lo mahse,ka pa avang tal pawn let ngei ka duh si.





Vartiana chhuak ka ni a,tlai lam lo sul haw hun vela luite kam ka thlen chuan ka hnuk a ulh lek lek.Chu lai luia ka pa nena kan kal dun lai te chu mitthla ah a rawn lang a.Kan kal hnuhnun ber khan ka thinrim khum a nih kha.Kha tiang khan ka pa khan min kalsan thut dawn tih hria ila chuan a hun tawp lamah kha chuan ka duat theih dan chikima duat tur kha ka ni asin.





Lui ah chuan awm rei duh lo in,ka kal leh ta vata,zawl ka chhuah chho a in lam ka pan chuan ka pi leh Lalrema te unau in hau lawng lawng ri pawh ka hre thei ta a.Hlim bawk si mahse lungchhe tak chuan ka nui leh suk thin.





"Rotuibur" Remsanga'n ring lenglawnga a rawn tih chuan ka hawi chhuak ve vat a.A au thawm avang chuan ka pu leh ka pi,Remruata te chu an rawn ding lang leh nghal a.





"Lalpa ka rei le" tia ka pi tlu tur chu Remruata'n alo dawm vata,an vaia hmelah chuan kei min hnu thut chu mak an tih ziah leh an hamhaih zia ka hmu thei.





Muang changin an lamah chuan ka kala,An bul ka thleng tep tihah ka pu chuan min rawn pan hnai a.Ka bul alo thlen chuan uluk em em mai hian min han thlek a.Keiin mittui tling pamin ka lo melh reng thung.





"Ka rei,mambawih ilo la dam reng a ni maw.Ava mak ngai em" rawn ti chhuakin min kuaha kei pawn lungchhe zeta tapin ka lo kuah ve vat.Ka pu nen duh tawka kan in kuah hnu ah midang awmna lamah chuan kan kal hnai a.




"Rotuibur min hran khum turin ilo let em ni" an bul kan thlen phei dawna a u te hnunga va ding daih Remsanga chuan a rawn ti dui dui a.




"Eng tin nge a nih theih" pakhat pawn alo ti sapa ka pi chuan sawi tur hre lo in min en reng thung a.




"Hei kan beisei loh thil kan chungah alo thleng a ni a,in chhung lamah sawn lutin bawihi hian thil awmdan te han sawi se la" ka pu in a rawn tih chuan ka pa nena kan lo chen dunna thin ngei in chhungah chuan kan vai chuan kan lut ta a.




Ka bulah ka pu chu thu in thutna awl dangah Remruata leh ka pi an thu a,min hlat ber thutna ah zum zutin Remsanga a thu ve thung.





"Han sawi vat teh,la dam reng si te chu engvanga tunah chauh rawn let nge I nih" Remruata'n a rawn tih chuan an vai chuan hriat chak hmel em em hian min melh thap a.




"A..diktak chuan ka pu,ka pi,Remruat chuan nangpawh Lalremsang" tiin an vai chuan ka melh kuala Lalremsanga lah chuan a hming lama amah ka en lai chuan melh pawh min melh tha ngam ve lo.





"Ka pa nen khan in lakah..ni lo... pa Bm-a leh pa Thanga ka pa nu leh pa chuan putea te tih chauhin a kan hriat thuruk lian tak a awm a" tia bul tanin ka pa leh ka nu in tawn dan atang chuan a vaiin vawiin,tun tlenga ka chanchin chu hmaih awmlo thei ang ber turin ka sawi ta a.Mahse Ambrose-a leh sir Joel-a chungchang erawh engmah ka sawi tello thung.




"Ka awi thei lo" lo ti hap tu chu tudang nilo in Lalremsanga bawk a ni.Chu tah "Rotuibur thlahrang I ni lo takzet a maw" a rawn ti chhuak leh phawng a.





"Lalremsang hran khum chu iva duh awm ve" ka lo tih hluk chuan min ei loh hmel zet hian a hmui chu a rawn ti pawrh vak a.




"Amak hle mai,heng Lasi leh huai tih vel hi an chanchin chu lo hre ve fo tawh mahila hetiang in atak takah a awm ang tih ka lo ring ngai hauhlo ka pu pawn alo ti hluai a." Ka chanchinte an hriat takah chuan muang changin an in lamah kan haw chho a.Zanah pawh thenawm khawveng ka chanchin hria te an rawn leng khawma mahse ka pu chuan zep then takin khawmu chawibo ah min chan tir a ni ber.





Aizawl lama ka chhungte pawh ka chanchin kan hrilh a.Putea leh pa Bm-a te chu tunah hian kei min rawn ngaihven turin an rawn chhuak ve nghal bawk a ni.




Ka putea te an rawn thlen atanga a ni hnihna ah Aizawl lamah chuan kan let ta a.Kawnga kan tlana ka pa nen kan tlan liamna zawn kan tlan thlen lai te chuan khami tuka ka pa nena Aizawl lam pana kan chhuah lai te kha ka mitthla leta ka mit a rawn hnam sawk thei.




Aizawla kan thlen chuan kar khat vel putea te bulah ka khawsa ve rih a.A chhan pawh ka pa nena hlim taka kan lo chen dun tawhna in ngeia mahni chauha va khawsak kha ka thisen in a ngam thawt loh vang a ni.Ka thian Aizawla awm chhun chhun ten ka chanchin hria in an rawn lang chhen a.Hospital lama ka in check-up na ah pawh eng thil mah diklohna ka nei lo bawk nen.A tira putea te nupa Mangan na pawh kha tunah chuan a zia tawh khawp mai.
................



"Rama I bo na ah khan eng emaw thleng a awm ti raw?" Chik zeta min en vung vungin Agnes-i chuan a rawn ti chhuak phawng a.




Tunah chuan Aizawl ka let atang pawn hun a kal leh hrep tawh a.Vawiin hi kum hlui thlah ni a ni bawk.Kan in ah ka let leh tawh a mahse,ka thiante hian min riah pui awl lo.Ka tan hi chuan thian tha ber hi chu an va han ni Chiang tak em aw.




"Chu tiang engmah a awmlo,ka pa boralna hian min la nghawng na em a ni" ka tih chuan min hriatthiam hmel takin a lu alo bu nghauh nghauh a.




"Anih leh kha mipa I rawn sawi zuai kha" in ti hre zeta a rawn tih chuan ka lo nui suk nangin rilru ah Ambrose-a a lang leh nghal veng veng.Ani kha tunah hian eng tin nge a awm ve tak ang.Engmah hrilh lova ka kalsan avang hian ka chungah a lungawilo viau a ngem.Tunah hian kha khua ah khan ala awm nge ni a,a chipui te kiangah letin ram lamah a awm tawh thung ang.




Khua sawi takah chuan tunah chuan khaw pangngai tak an ni leh tawh a.Tualthihna leh in ruk bo na a thleng tawh ngai lo.Khatianga thil a thlen chhan bul ber pawh Ambrose-a vang kha a ni a.Ani berin a hna a chhunzawm tawh loh avangin in ruk bo na a thleng thei tawh lo a ni.




Dominic-a te pawl ho lah kha Ambrose-a leh Sir Joel-a ten an dahtha vek tawh a.A hnu a keimi rawn lut anga kan hriat te pawh khan buaina an siam ngailo thung.




"Eng nge I ngaihtuah vung vung a" Agnes-i'n a rawn tih chuan ka ngaihtuahna ka lo kawm leh veng veng tih ka hre chiah."I mak vung vung thei em mai.Chaw ei vat ila Thakima ten min rawn lam dawn ania" ti hlak hlakin choka lamah a phei a.




Zanin hian thian ho a len chhuah kan tum ve a.Agnes-i hian Christmas kar atang khan min rawn la riah pui char char a.A chhungten ram dangah Christmas an hman daih avangin ka bulah a awm ve hmiah a ni.





Kan in peih meuh chuan kan thian dangte pawh an rawn thleng khawm vek tawh.Kan thian ho hi kan tam hran lo mi pasarih kan ni a.A tam zawk hi chu Nursery atanga in kawm tawh kan ni hlawm.




Kawn an chei hrang hrangte chu fang kualin 12:30am rik hma ngeia in thlen hman leh kan duh avangin hmun khatah kan awm rei lutuk ngailo.Tah sawn eitur lei lawk ang u.An tih avangin kawng pengthuam lian lai chhak lama dawrah chuan in fiam bawk bawkin kan lut a.





"Awi! Saw pa han hmelthat zia saw" tia ka thiante phun leh sur sur thin chu ngaihsak lovin Thakima nen kan thil lei tur ho chu dawra thawk pakhat hnenah chuan kan sawi malh malha kan duh a in an loh changin kan han in hnial leh bap bap thin a.





"Lalrotluang" ka hnunglam atanga aw pa leh thum dutin a rawn tih chuan ka ngawi chiang takzet.Chu aw chu ka hre Chiang lutuk mahse,eng tin nge he tah te a awm theih.




Ka thiante pawh kei ang tho in an ngawi diak a.Muang changa in hera ka hnunga ding mipa,rum zeta min lo melh reng tu chu ti zeta en in ka han nuih lui sunga mahse ka in siam tha rang leh khawp. He a hmel tak run hi a hlauhawm takzet.




"Ilo kal a..hehe" lai zeta tiin ka thiante chu ka en kuala kei aiin ka hma a mipa ding hian an lakah nghawng a nei na daih zawkin ka hria.




"Min zui rawh" ka banah chelin dawr pawnah chuan min kai chhuak a.




"Ka zawn nasat zia che hi I hria em" dawr piah thim deuh lai ah chuan min din pui a.




"Min zawng amaw?" Ka lo ti leh he haw a.Dik tak chuan he tia ka hmu thut pawh hian min thawng lutuk tawha chu tah min zawn thu han hriat leh chu mak tak a ni.




"Mawli leh" ti hrawkin a awmah chuan min kuah bet a, "ka hmangaih che tih sawi tur hian eng tia rei nge ka nghah I hre lo a nih kha" thawp sapa a rawn tih chuan ka lungphu mai nilo ka taksa thlengin a nghawng che dawt thei.





"Min hmangaih tak tak em?" A awm atanga ka lo tih chuan rawn nui suk hian, "I ring em?" A rawn ti ti leh khauh a.




"Ka rin leh rin loh che chu ka hre lo mahse,ka hmangaih che tih ka Chiang" ka tih chuan min kuahna ti thawlin tlem min nam hla deuh a.




"Sawi leh rawh" a ti sup a.




"Sawi phawt rawh" ka lo tih chuan mawi zeta rawn nuiin ka chalah a rawn fawp a.




"Thawnthu a misualpa ni thin hian thawnthu a Kungawrhi aia hmeltha zawk Rotluangpuii hi a atchilhin a hmangaih takzet" rawn ti leh duahin ka hmui ah chuan a rawn fawp ta a.




A TAWP TA....



(He story nuih zatthlak na chhan deuh ka hrilh ang che u aw😁he story hi a tira ka suangtuahna ang lo deuh hlirin ka ziak daih a😂Chuan thil dang leh He story ka ziah chhunga ka harsatna te min hrethiama,ka story ziah dawhthei taka min chhiar sak tu te zawng zawng in vai a chungah thinlung takin ka lawm e)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)