A Tawk Ta by Pek Hirha-i (Completed)

[Ngaia]

A Tawk Ta


Chapter - 12








Kan in kan thlen ve leh ka chhuak a, ka tlan lut nghal. Ka nu leh pa chu sitting room ah ṭhu in Tv an lo en a. Ka nu bulah chuan ka ṭhu a ka ṭap ta zawih zawih mai. Ka nu chuan duat takin min lo chul a ka pa chuan "Bawihi eng a ti nge? Eng a tia hetia i rawn kal a, i rawn ṭah vak mai?" mak tih hmel takin min ti a, ka ṭawng dawn a, ka ṭawng thei lo hnawhtu a awm zel.

"Pa, naktukah bungrua la rawh u, ṭhen ka duh, uire hi ka ring leh thei tawh dawn chuang lo" ka ṭawng chhuah theih ve leh ka ti a, ka nu nen chuan mak an tih hmel ngang mai. "bawihi a uire lai chu i hmu em ni? mit a hmuh a nih loh hi chuan." a sawi zawh hma in "keiman ka hmu, ka mit ngei hian ka hmu" ka ti tuar a, ka room lamah ka chho nghal hmak.


Ka na ngawih ngawih, mahse uire na hi tihpalh thil thu a ni ngai lo, chu chu ka ngaihdan neih ve chhun a ni.

"Bawihi, i chiang a maw" ka nu chuan a rawn ti a, ka bu nghat ringawt, ṭawng mood ah pawh ka cheng lo, ka nu te hian ka nau pai thu an hre lo nia, keipawh nichin deuh mai khan ka hria a. Mahse ka hriat rualin ka pasal uire ka hmu bawk a, a uire lai ngei hmu lo mah ila ka ring thei tawh chuang lo ang.

Ka phone chu a ri char char a, tu nge tih ka en chuan Nu Duhi a ni. "hello" ka tisap a.
"Fiona bawihi eng nge awmzia? eng a ti nge i chhuah tak mai a?" a rawn ti a. Ka thaw hak a. Ka thil hmuh ang te chu ka hrilh ve ta a. "Min ngaidam rawh mahse ka nei leh thei tawh lo ang" tiin min chhan let na pawh ngaichang tawh lo in ka off ta a.


A tuk ah chuan ka nu leh ka pa te chu ka ngen nasat êm vangin an kal ta a, a ni deuh phut mai. Ka pi chu engmah an hrilh lo a,mahse min dem lo, midang te erawh chuan ka chhuah chhan an hre vek a, tuman Timothy thiam an chan tir lo. An bungraw la haw chu July-i a rawn thinrim nasa mai a, "an va han zakthei lo tak, a lo ui der ve hlek lo che a, Joan-i nen an lo awmdun vei ham ham a nih chu, ka ṭawng khum ṭep a ni, mahse min dang hlauh a" a rawn ti bawrh bawrh a, ka ngawi reng.


Ka ṭhiannu hian ka natna tur bak a sawi belh lo, ka room ah ka awm a, tumah ka be peih lo, UTei te chuan min rawn be reng a, mahse ka be ṭha vak duh lo, ka sual vang lam pawh a ni hran lo chhan a awm lo ve tawp.


Kar khat aral leh meuh chuan mipui pawn an hre ta a, mahse ka than dan avang chuan ka na ngawih ngawih FB ah chuan tihian "Damdawi in lian tak neitu fapa Timothy te nupa inthen chungchang ah chuan a nupui naupai lai hi a pasal fa ni lo in midang fa a ni a. A pasal in a hriat chhuah tak avangin a chhuak a, a hmingchhiat thup nan model lar tak Joana-i leh Timothy te in ngaizawng anga sawiin a fihlim dan tur a zawng a ni." tiin.


Ka hmuh tirh chuan ka rap zawk comment phei chu ka chhiar ngam lo, Keimah min demna thu hlir a ni, mahse thudik hretu ka nu leh pa leh ka ṭhiannu te chuan min hnem char char a, UTei te pawn min rawn biak an tum ṭhin a, mahse ka la duh lo, min huat a min rin ve loh ka hlauh vang a ni. Hmeichhe dawihzep tak ang mai ka ni,



"Bawihi, hetiang a awm reng ai chuan ram dangah kal la i duh em? Boruak thar hip te pawh a ṭha lawm." ka pa chuan a ti a, keipawn pawi ka ti hran lo, buaina ṭhenkhat hi chu tlanchhiat san angaih chang a awm ve ṭhin a ni.


"Singapore lamah kal la a ṭha ang" ka nu chuan a ti ve thung a. Tichuan, Singapore lama kal tur chuan min ti ta phawt a, Tuman min kalpui dawn lo emaw ka tih laiin Pekṭhiangi chuan min kalpui a duh a, min kalpui dawn a, Thla eng emaw zat chu min awmpui dawn anih hmel.


Singapore kan thlen chuan ka hahdam huai nimaiin ka hria. Chuti lai hmunah chuan tuman min hriat loh a,ka nun bul ka ṭan theih ka rin tehlul nen, Mizo awm ve te pawh chuan ka than dan chu an lo hre vek tawh a lo ni a, min be ṭha duh lo a, mi tenawm tak hmuhin min hmu vek tawh. Pekṭhiangi lah kha apu a damloh nat zual avangin a haw leh daih si a, keimah chauhin ka awm a. Mahse Pathian pawh hian min la hawisan bik lo a nia nge,, mi fel tak ka tawng a, chu nu chu ka hotel thlenna ah tho a thleng ve a, Fakawmi a ni. A fel em em a, min hmusit angin a awm ngai lo, engkimah min pui nasa em em a, Ani hi chu pasal a nei a, A pasal sumdawnna vanga rawn zin an ni awm e.

Ka ring thei ang em? Ani pawh hian midangin min hmusit ru reng lo ang tih engtin nge ka hriat theih ang? Mi rin hi ti nge ka harsat tak em em le? ka hun tawnin a zir loh vang te pawh a niang.

Faki te chu an haw tawh a, mahse min rawn be zui a, ka ṭhat leh ṭhat loh te eng nge ka an tihte min rawn zawt reng zel, min hriat zui pawh ka rin tawh loh laiin min rawn be zui reng zel tho si a. Mahse ka tan chuan a lawmawmin a hlu si a ni.


Tunah chuan naute nei maithei dinhmunah ka ding ve ta reng mai. Singapore a damdawi in pakhat ah ka thawk a, keimahin flat ka luah bawk. Ka nu leh pa leh ka ṭhiante nen chuan kan inbe reng zel a. Timothy te chhungkaw chungchang ka hre ngai lo a. Ka chhungte nen kan inbiak pawn an sawi ngai lo, ka nat an hlau a ni tih ka hria min ngaihtuah a min hmangaih vang a ni tih ka chiang viau a ni.


Zanah chuan ka pum chu a na riai riai a, a na telh telh a, ka mutna chu a huh a ka tuibawm a keh tih ka hre mai. Ka phone chu la vatin ka ṭhiannu chu ka call a. Ka flat awmna ah tho hian a awm ve a, thil awmdan vel ka hrilh hnu rei lo te ah a rawn lang nghal vat a, damdawi in kan pan ta a. Kan panlai te chuan ka hmui ka pet ngar ngar a, a na em a ni.

"Fiona ṭang rawh tang rawh" doctor chuan a han ti a, keipawh chu kan sang leh vak a, Naute ṭap ri ka hre ta,

"Fiona phir i nei e, Mipa leh hmeichhia" nurse pakhat chuan rawn tihpahin a rawn pawm a, ka lo en vang vang mai. A chhuak hmasa zawk chu mipa a ni a.
An hmingah Drake Lalchhanhima leh Darcy Zorampuii tih ka sa ta a ni. Ka khawvel te an ni ta.


Ka chhungte hrilh hlan mawlh ka nghakhlel a ni, an lawm ve viau ang.


TIMOTHY POV


"Bawiha i awmdan hi a ṭha lo a ni, zawng zawng mah la i hmu chuang lo ang, i thiam loh a nih kha hmu pawh ni la eng nge tih i tum?" tiin ka nu chuan min rawn bia a.

" Ngaihdam dil ka duh, ngaihdam ka dil ang, min ngaidam thei lo a nih pawn dam takin a awm tih tal hriat ka duh" ka ti a, ka chhuak leh nghal.

Kha thil thleng ah khan insawi thiamna tur ka nei lo a, ka thiam loh vek a ni. Ngaihdam tlak ka ni lo mahse Sofie chu a dam em tih tal hriat ka duh a ni.

Party na hmun ka thlen chuan inchung lamah ka chho lehnghal hmak. Ka thianpa chuan min rawn zui chho a.

"Bro, i la hmu lo em ni?" a rawn ti sup a, ka lu ka bu nghut ringawt.

"Bro, engvangin a hmangaihna kha fiah kher i tum? Hmangaihna pawh hian a tawk e, tih chin a nei ve ṭhin a, dawhtheih loh chin a nei ve ṭhin asin, a hmangaihna in a dawhtheih loh chin i nawr thleng a tin ni" a ti vawng vawng a,

Nia, nga ti nge a hmangaihna kha ka lo nawrluih kher le ka thiam loh vek a ni, amah ka hmuhna tur a nih phawt chuan khawvel pawh ka hel chhuak mai ang. Kha zana a thil hmuh pawh kha sawifiahna tur ka nei chuang lo.


Sofiona POV

2 years later


"Darcy chhuak suh ka tih kha" tiin ka au deuh lang lang a, amah awmtu nu Ruatfeli chuan a um chhuk nghal "Mommy, i phakar ee" a rawn ti lut nang nang a.

Kum 2 an ni ve ta reng a, tu nge maw an chhun ni kum 2 chauh si an ṭawng a fiah em em a, mi hnial na tur an hre ropui mai sia ka theih ang tawkin Mizo ṭawng ka zirtir ve a, Mizo ṭawng hlirin ka be bawk. An mahni awmtu ah pawh Mizo lo chu ka duh lo a. Ruatfeli hi anu leh pa Mizo diktak an ni a, Singapore a awm nghet an ni thung chhungkaw awmthei tak an ni a,mahse amah hian thawhchhuah neih a duh vangin nau hi a lo awm ṭhin a, Timothy chu ka hrechhuak zeuh zeuh tih a ni mai. Ka fate pahnih hian min tihlim em em a, an ni hi ka khawvel te chu an ni mai e.


"Mommy, engtikah api te kan biak dawn" Drake chuan a rawn ti a, a fing reuh mah mah a ni. "min rawn be ṭep tawh ang, kan nghak dawn nia" ka sawi zawh rualin ka phone chu a rawn ri a, ka en chuan Faki a lo ni.

"Boy, hei enteh Aunt Tarmit bial-in min rawn bia nih hi" tihpahin Drake chu ka ko a, a rawn en ve vat " Aunty Tarmit" a rawn ti lang lang a, Faki pawn a fapa buaipui chungin a rawn chhawn ve vat. A fapa hi Drake te nen an inrual deuh reng a, a thla in Raven hi a naupang deuh tih mai a ni.


" Ka nu in min rawn call tlat nakinah in inbe leh dawn nia" tihpahin ka nu call chu ka la nghal.

" heyy little boy eng nge i an? khaw nge Darcy?"tiin a tunu a zawng nghal, Darcy pawh a rawn lawr rang hle " Pipi" tiin an in au lang lang a, an inbiak zawh chuan "Mom pipi'n a be duh che" ti in phone chu min rawn pe a.


"Aw nu" ka ti vat, "Bawihi kum a liam tawh a, rawn haw in tum lo em ni? i tlanchhe rei tawh" a rawn ti hap a.

"Nia, nu rawn haw kan tum alawm tun kum ah, ka tlanchhe rei tawh alawm nia. Ka thawhna hospital lamah pawh banna theh luh ka tum mek a" ka ti a.

" A va lawmawm ve, sawi ta tawp ila bawihi ipa hian min ti hlau thawng a ni, a thawk a buai leh thut ṭhin a."
rilru hah hmel zetin a rawn ti a. " nu, lungngai suh, a ṭha leh vat ang, keini pawh a rang lamin rawn haw kan tum dawn nia" ka ti a, " Nia, rawn haw teh u" a ti a. Kan inbiakna kan titawp ta nghal a.

Ka pa chu ka ngaihtuah takzet " mommy hetiang kawr lum ka ha peih lo" tihpahin Darcy chu an room aṭang a rawn tlanchhuak a, kawrlum mi chhun sep sep thei ka tihmai ang chi kha a rawn keng chhuak a.
"Engvang in maw dear" ka lo ti vat.

"Min chhun a na" a ti nghut reuh a, Timothy ka hrechhuak zawk.

"aw le,i hak peih loh chuan i U Ruati va hrilh rawh" ka ti sap a. Ani pawh a phei vat.

Timothy awmdan naupang chhia zet zet te kha a rawn lut nghal zut zut mai. Kan inneih hma pawh a a awmdan te kha, inthing nawkin " Fiona ani chu uire a ni" ka ti a, ka inbeng nawk.



(End of chapter 12)
(Hei ka ngaihtuaha sawifiah ngaiin ka hria, ka story dangah ka sawi fiah tawh tho na chu. Ngaihdam dil duhna ka neia, Timothy hi a uire ka ti ringawta. Ka tihpalh liau liau a ni. Naupang la mawl ve te ka nia, chuvangin in mi ngaihdamna ka rawn dil e. Tunah chuan ka lo upa ve hlek tawha, a nachang te ka hre ve tawha ka lo sawifiah ang.

Sawifiahna: Timothy hi a uire lo aw. Changtunu khan Joan-i kha Adama suit a a hmuh vangin sex hmang turah a ngai ringawta. Mahse an hmang lo. Changtupa erawh kha chu a inthiam loh luatah changtunu'n uire a tihna te kha a pha lo a, amah leh amah a indem lutuk vangin ka thiam loh vek a ti ta a ni. Amah kha a uire miah lo, mahse changtunu a ler san ve tih chu kan pawm ṭheuh kha. Chuti lai te chu comment ka chhiar nawn leh khan sawifiah ngaiin ka hre deuha ka rawn sawifiah a ni e. Khatih lai khan ka la naupang chhia lutuka, tunah tlemin chinchang ka lo hre ve deuh tawha. Ka rawn sawifiah a ni e. In mi ngaihdamna ka rawn dil nghal bawk e.)

Comment lamah engtin nge Timothy hi kan tih ang tih lo sawi r'u, tihdan tur ka hre tawh lo.

[Ngaia]

Chapter 13








"U Fiona, ka haw tawh mai dawn sin, a tlai dan tlat" tiin Ruatfeli chu phir unau te room aṭang a rawn chhuak a, zan a riak ngai lo hrim hrim "Nia, hei a tlai zel si a, naktuk chu lo kal hma tum deuh teh aw, insiam tan ka duh" ka tih chuan mak tih hmel fe in min en a.

"Khaw nge inkal dawn?" a rawn ti sap a, "Mizoram ah ka haw tawh dawn, ka pa aṭha vak lo a."ka tihchuan.

" Anih chu mawle, anih chuan hna dang zawn ka ngai dawn nih chu"

" Nia, kan rawn kal pawn zin zawk ang bak kha a ni tawh dawn lo a" ka lo ti ve bawk a.

" In van ngaihawm dawn ve little boy leh princess te an ngaihawm dawn hle mai, mahse Mizoram hi chu a nuam ang. " a ti leh a.

" i la zin lo mi? " ka ti a, a bu nghat, "nakinah in la zin ve dawn nia, kan in ah in lo thleng ang a" nui vak vak chungin ka ti a,a nui ve sak.

"Tunah rum rum haw chu kan tum chuang lo a, mahse karlehah chuan haw a ngai tawh ang. Ka pa dinhmun en hi chuan" ka ti a. A bu ve nghat.

A haw hnu chuan Chhanchhana te unau chu ka mut tir ta a, keipawh ka mu a ka in ngaihtuah vang vang a. Timothy pawh ka ngaihtuah lo ka pa chu a ni ka ngaihtuah ni. Ka lo in ngaihtuah muhil a nih ka ring, Zingah Darcy'n min sawi nawk nawk avang chuan ka harh a, "Mom tho tawh teh," tiin min sawi a, keipawh chu ka tho ve nghal mai.



"Princess, little boy ngaithla ru, next week ah api te bulah kan kal dawn nia aw, kan haw tawh ang" ka tih chuan an phur hmel hle mai.

"Mommy api te bulah chuan kan awm char char tawh dawn em?" tiin Drake chuan min zawt khauh a. "Awm char char tawh dawn, Singapore hi kan chhuahsan tawh ang" ka tih chuan an phur hmel hle mai.



Ruatfeli rawn thlen veleh chuan " Vawiin chu airport lamah ticket ka tifel dawn a, chuan banna ka thehlut dawn bawk a, ka rawn haw tlai deuh ang. Vawiin chu lo i awm rei deuh a ngai ang"ka tihchuan a bu nghat a, ka naute te hi ka awm khat tawh dawn sia, ka lo awm hrep ang" a ti a, keipawh nui var var chungin ka chhuak ta a.



" Darcy Drake ka ngai ngawt ang cheu, bye bye u aw"tiin Ruatfeli chuan Chhanchhana te unau chu a kuah vawng vawng a, an ni pawh chuan an kuah let ve vat reuh a. " U ka van ngai dawn tak cheu em!" a ti a,a mittui a tling pam mai. " Ṭap mah ta che, kan rawn zin leh ang, nangpawh i rawn zin ang chu tiraw" tiin ka kuah a. Min kuah let ve vat.


Kan invai liam ta vau vau mai.


Mizoram 2:00pm

"Mambawih, khaw nge in awm?" tiin ka nu chuan min zawt a, "Airport ah kan awm tawh, kan rawn haw thei ang, lungngai suh nu" ka ti a, "aw le a ṭhat chu kawnah kan lo hmuak dawn che u nia" a ti a, kan dah ta a.


"awiii bawihte lo kal teh uu" tiin July-i chu a rawn tlan phei a, an inkuah nghal chung chung mai. Ka nu leh pa lam chu ka pan a, ka kuah nghal thlawp.

"nu in van ngaihawm tak, ka ngai tawp cheu" ka ti a, ka inkuah vawng vawng a. "In lamah i haw tawh teh ang u, heti lai chu a ualau riau" ka pa chuan a rawn ti a. In lamah kan haw ta a.



Mahni inlum ngei dai leh chu a dan a dang zar mai, "Zanin chu Darcy te unau hi kan lo mutpui ang e, chuan naktuk lamah khawpui kan fang kual dawn nia" ka nu chuan a ti a. "Aw a pawi loh chu, a nih chuan ka lo tifai hmasa ang, an chau ve dawn sia" ka ti a.

Ka tihfai lai te chuan Darcy chu a ham bai bai reng mai, kum thum a tling ve ṭep tawh a, ka awih thei lo, an thang chak ka ti. Darcy hi tu nge a chhun ni a kawlh hra reuh a, Drake erawh hi chuan thu a awih a tirh pawh a nuam hle.

Darcy te ka tihfai zawhah ka nu te room lamah an kal a, keipawh ka intifai a, ka intihfai zawh chuan khumah mu chungin phone ka khawih mai mai a.

FB ah te chuan ka lut a, en tur em em a awm chuang lo, IG ka lut leh a reels vel ka en mai mai lai chuan Faki hnen aṭangin message ka dawng a, {In lo haw tih ka lo hria a, in rawn thleng tluang em?} tih a lo ni.

{Thleng tluang e} tih zawngin ka chhang let leh.

{A lawmawm a nih chu, naktuk tuk leh velah chaw lo ei ula} a rawn ti leh a, pawi ka ti vak lo khawp mai min pui nasa em em a, ka nun beidawn em em laia min puitu a ni a, ka hnar phal lo. {Nia, kan rawn ei ṭeuh ang}ka ti a. Kan inmangtha hnu chuan ka muhil zui ve nghal a.


Zing ka harh chuan nipawh a lo sang tawh khawp mai dar zat ka en chuan dar 9 a lo dawn tawh chu ni in! Thawh ka tum lai tak chuan ka room kawngka chu an rwn kik a "lo lut rawh" ka tih hnu ah ka nu a rwn lut a, "Nimin lam inchau sia, ka kaitho duh loh che nih kha, mahse chaw ei a theih tawh a" a rawn ti a.

"Khaw nge duatpuia te?" tiin ka lo zawt daih thung "An awm zingah i pa in a lenpui a" a ti leh a, chhan pawh chhang tawh lem lo chuan bathroom lamah ka luhsan ta a, ka in phihfai zawh hnu chuan ka chhuak a, room aṭanga ka chhuah ve leh Darcy chuan.

"mom, zingah apu'n min lenpui a, rawn kaithawh che ka tum a, mahse api hian kaihthawh che a phal lo a" a rawn ti a. Ka pawm a.

"Vawiin chu bazar ang u aw" ka tihchuan an phur unau mai.

Kan bazar ta a, duhte chu an ngah mai sia maw, api leh pute lah chuan an leisak miah miah mai si, dan ka tum lahin "kan tu te tan tho alawm le kan hman le, nangni tan alawm kan thawh" an ti tlat bawk si a, ka dang lui ta bik lo.

Chhungkaw chaw ei khawm an tih avangin tlai lamah pawh chuan kan buai leh char char khawp mai, ka cousin te ho chhungkua te an fate nen an rawn kal phei chuan kan ri nuai nuai mai ni.

~~skip~~( a kal deuh zung zung dawn aw)

"Nu, vawiin chu ṭhiannu Faki te inah chaw ei kan tum deuh a, min sawm nasa sia" chawhmeh chan mawlh mawlh pah chuan ka nu chu ka bia a, "a pawi hleinem, ei rawh u, a pui nasa si che a" ka nu pawh chuan a lo ti ve mai bawk a.

1:30 pm

Darcy te chu kawnah ka chhuk pui a, mahse ke a la kal ve deuh a ngai, kawn aṭang hian Faki te in hi a la hla deuh a, Faki te leh Timothy te hi vengkhat an lo ni reng a! a mak ve khawp mai.

"Darcy tlan tawh suh, ding rawh i tlu ang" ka sawi zawh rual chuan a bawk thlawp mai, ka tlan phei vat a, "ka sawi mawlh mawlh kha, i tlu ang ka tih kha, na i nei lo tiraw" tihpahin ka beng fai sawk sawk a.

Ka din chhuah leh rual chuan "Ka pi he in ah hian incheng em?" a rawn ti a, in lam ka hawi phei chu ka phu zawk, Timothy te in ngei mai chu a ni!.

Ka en reng kai chuan kawngka aṭang chuan Joan-i leh mipa naupang Drake te nena inrual tur vel hi an rawn chhuak a.

"Ka pu eng atan nge i tih?" ka ti a, kei apawh chu eng atan nge ka zawh kher kher ni. "Aaaa driver an duh ka lo hmu a, dil ve ka duh a" a rawn ti a.

"Saw saw in neitu nu chu a nih loh pawn a cheng ve ngei ang" tihpahin ka hawi phei a.

Timothy chu a rawn chhuak a, min hmu chu mak a ti nge a ding chawt mai. Min hmu chu a inchhir a nih ka ring Joan-i chuan ka lam a rawn hawi ve a, naute kha a pawm bawk hnehtu inti hmel ka hmu. Darcy te unau chu kaiin Faki te inlam chu ka panpui ta hlawk hlawk a.

Faki te in kan thlen chuan Raven nen an kawtah ṭhu in min lo nghak a, min hmuh ve leh " in lo kal dawn lo maw kan ti hman alawm" tiin min nuih ver ver a, chutih lai chuan hmeichhe hmelṭha tak hi a rawn chhuak bawk a.


Timothy kha chu ka hmangaih alawm mahe ani chu uire a ni tih chu inhrilh nawn rengin hma lam pan ka tum ṭhin a, tunah chuan ka move on ta in ka hria, kha Joana-i erawh ka huat a reh theih ka ring tawh lo.




(End of chapter 13)

Comment kha lo pe leh vek ru aw, in comment te khan min tiphur thei teh mai nia, in ngaihdan leh duhdan te kha lo sawi pawp pawp ru aww🥰

Chhiar tui vek u

[Ngaia]

"hey,, in rawn lut dawn lo mi? khatia indin reng mai" a rawn ti leh hluk a. "aaww kan rawn lut dawn reng, kan rawn lut lo tawp ang" nui chungin ka ti a.


" Awii lo kal teh u Darcy, Drake lo kal teh u" tiin phir unau te chu a lamah a hui hnai a.

"Aunt Tarmit bial" tiin an pan hnai ve a, Tarmit bial an ti chu a lawm vak hmel loh khawp mai.

"Aunt Tarmit bial min ti tawh suh ka ti nilawm ni?" a ti a.

" I tarmit bial deuh kha i inhmeh an ti nih kha"tihpahin ka phei a.

" Fiona, hei hi Sangsangi a nia, kan pa nau chuan Sang hei hi ka ṭhiannu Sofiona-i nih hi" tiin inhmelhriat tirna a nei zung zunga, a hmeltha khawp mai, a sam a sei hnup bawk sia.


"Lo kal ru, inchhung lamah lut ang u" Sangsangi chuan a rawn ti a.

" Engmah ka rawn eitir lo nia, ka fate hian an ei chhe dawn che" nuichung in ka ti a.

" Eee min rawn ei da vek mahse pawi reng reng lo" a lo ti êt a, Darcy te unau leh Raven chu an inkawm thei a, an harh zia chu e!


"Chaw chu ei vat ang u, haw tlai pui ka duh vak lo a nia, an damsam po palh ang." tiin Faki chu ka va bia a.

"Nia, a pawi lo ei nghal mah ila." a lo ti ve vat bawk a. "I pasal kan nghak dawn lo em ni?" ka ti leh a, "a rawn thleng ṭep ang, lo nghak rawh" a sawi zawh rual deuh thaw in kawngka a rawn inhawnga a pasal chu a rawn lut a min hmuh chuan min rawn nuih ver ver a.


"Kha, Fiona-i chu inlo haw tawh elo?" a rawn ti a, "Haw tawh e, han inthlak vat rawh, kan ril a ṭam tawh nia ka fate nen ei da tur cheu in kan rawn kal vang vang,"ka ti fiamthu a, kan inpawh tawh bawk a, kan infiam bawrh bawrh ngam tawh.

"Ei nghal ila nimai lawm" tiin George chu a rawn chhuk leh a.



"Naupang kan pe hmasa dawn nge? kan rualin an ei dawn?" tiin Faki chu ka bia a.


Sangi chuan fridge aṭanga thil eitur la chhuak pahin " aww kan rual khan ei ve mai rawh se, rilṭam tawh nen a inmil lo" a rawn ti nghat a. Kan nui ta ringawt.




" Darcy lo kal r'u, chaw a ei theih tawh e" tiin ka au lang lang a, an rawn tlan lut vat, Raven te nen chuan an ṭhu lo ṭhap a.

" nu, pawn a kan infiam lai khan maw, kan kal laia hmeichhia leh naupangte kha an lo kal a, min ko a, kan kal a, 'hei hi in nau a nih hi' naupangte kha a tia" Darcy chuan a ti mawlh mawlh a. Ka na zawkin ka hria, Joana-i leh a fapa bak kha mi tawh kan nei lo, chutianga an hriat reng theih turin. Kha naupangte kha Timothy-a fa maw ni a, ka nui hak mahse ka nuih a za miah lo.



" Tu nge inhmuh chu ni a Darcy?"tiin Faki chuan a lo zawt a. " Ihh kan rawn kal lam khan kan tlu a, chuan anu kha mipa khatin a rawn bia a, in in thlen hma ah sawn" a ti a.

Fakin min rawn en vat, ka nui sak a, " Timothy a tihna em ni?" zawhna nei mitmeng deuhin min melh pah bawk. Ka bu nghat a, " Joana-i leh an fapa nen kan rawn hmu a" ka ti mai a.


Chaw kan eikham hnu rei lo te ah chuan kan haw ta a, kan haw tur chu an veng kawn thleng Raven te nufa leh Sangsangi chuan min rawn thlah a, kan invai liam ta a, an mut a chhuak tawh a nih ka ring, taxi ah chuan an muhil ta a.


In kan thlen chuan room ah ka mut nghal a, keipawh chu intifaiin ka mu ve ta a.

Zing ka harh chuan tumah an lo la tho lo, intifaiin choka lamah ka phei a chawhmeh te chu eng nge kan neih tiin kan en zung zung a, mahse chawhmeh siam ngai lo a ka hriat avangin engmah ti lo chuan ka ṭhu ngawi reng a.


Timothy rawn lan hma kha chuan ka nun hi a pangngai vek asin le, hmeichhe nui duh tak, hirha ve tak ka ni ṭhin a mahse Timothy leh a chhungte ka nuna an rawn luh aṭang hian hmeichhe cool tak ka ni zo ta vekin ka hria.

"Bawihi vawiin chu eng nge tih i tum deuh a?" tiin ka nu chuan min rawn bia a, ka harh zawk. "Ka hre lo, thawhna tur ka zawng dawn amawni te ka tia"ka ti ṭha ve mai bawk.

" Nia, a ṭha khawp ang mahse thawhna tur chu zawn kher a ngai em ni? in ah hian awmin fate hi enkawl mai mai zawk la" ka nu chu ka melh zawk, "Zawn ve hrim hrim ka duh, ka fate chuan enkal tu tur pi tha tak an nei che lawm" tiin ka nuih ver ver a. A ner nak, "nu te chu nu te in ni" a ti leh a. Ka nui ringawt ka hnial vak peih lo.



Thawhna tur pawh ka hmu ve mai bawk a, Private hospital pakhatah ka thawk a, ka nu chuan rem ti vak lo mahse a sawisel ngai lo, a buai theih em vangin nau awm tu tur zawn chu ka duh deuh tlat a. Faki chu min lo zawnpui deuh turin ka ti a, a lo zawn tur thu min hrilh ve bawk a.


Ka phone ri vang chuan ka ding leh rih a, " Fiona, hei nau awmtu tur kha ka hmu tawh a i duh zawng a ni em?" a rawn ti a, " awi a va lawmawm ve, zanah ka rawn kal dawn nia tunah chuan parking lot ah ka awm a" ka ti a, " aw le, lo kal rawh u" a ti a, a dah ta a.

Keipawh chhuah mai ka tum laiin " Sofie" rawn ti sup ri ka hria a, ka khawng awtin ka hria zawi muangin ka hawi let a amah ngei a lo ni, Timothy ngei chu ka hma a a ding a.



Ka nuih sak ringawt, biak ka tum lai takin Joana-i chuan a banah rawn kuahin a rawn nui sâwng a, " Hi Fiona inhmuh a va khat ve tiraw, indam em?" a rawn ti a, a nui sáwng reng tho a hmel saw ka va han ngei tak!


" Dam a ni mai e, nangni eg nge in an intluang zel em?" ka ti a. " Dam zel e, eng nge hospital ah te i tih reng reng a?"tiin zawhna min zawt a ka chhang peih thlawt lo. Ka thawhna nia eng vangin nge ka kal loh ang? " hre lo la a ṭha zawk ang" nui sak atiin ka pen sawn ta a.



Mahni lo maha buai a, rilru hah laiin khanu hmelchhe lutuk khan nin tihbuai belhchhah. Ka thaw hawk a, ka room lamah chuan ka lut ta a.

A buai thei char char khawp mai. "Aw Fak ka rawn kawi ang aw" tiin. phone ka dah lehnghal.


Fakawmi te inlam pan chuan ka inkhalh chhuak a, ka thlen veleh ka lut nghal a, "Fak ka lo thleng" ka ti lut nghal tawng a.

Hmeichhe rawlthar kum 16 vel a nih ka ring chu nu nen chuan an rawn inzui phei a, "Fiona hei hi a nia" a rawn ti a, ka en vang vang a, a cher em em a a tri dak bawk. A zahzum hmel em em a, a sam erawh a tawi mat a, a sei a.


"A ṭha e, mami tu nge i hming?" tiin ka zawt a, "Shalomi" a ti sap, "Shalomi maw? a nalh hle mai. Khawi khua a mi nge i nih? ti teh pawnah i va inbe teh ang" ka ti a, pawnah chuan ka chhuak a min rawn zui ve zat. Ṭhutna ah chuan kan ṭhu a, "Chhim lam khaw pakhatah kan awm a, ka pa chuan nikum mai khan min thihsan a, kan tuar na em em a, kan unau hi pathum kan ni a kei hi a upa ber ka ni. Tichuan tunkum kumtir khan ka nu chuan pasal a nei leh a, a pasal chu a sual em em a, zu a heh si a thin a ram a, mi kutthlak mai a hreh lo hle bawk a ruih chang hian min hau a min au khum a kut min thlak vak vak thin ka nu ka hrilh lahin, ka pahrawn chu a tan tlat zel a, chuvang chuan ka tuar thei tawh lo a ka rawn kal ve tawp a. Khawlaia ka awm laiin Nu Faki khan min hmu ta a, nau awm tu tur i duh ni in ka hria a, khawngaihin min la maithei ang em?" a ti a, ka en tlawk tlawk ringawt chu naupang chu ka khawngaih a ni.

In ah chuan kan haw ta a, thuamhnaw tlemte nen chauh a rawn kal a. A pawisa khawl tlemte nen a rawn kal ve tawp hi a ni. A insilfai a, a insilfai zawh hnu chuan a chauh ringin mikhual room ah chuan ka mut tir ta a. Ka nu leh pa te chu a chanchin chu ka hrilh ta vek a. An ni pawn an khawngaih ve hle.

Tichuan a awm ve ta a, zing ka thawh chuan Shalomi leh ka nu chuan eirawng an lo bawl a min hmuh veleh "Tuk chhuah nuam i tho em?" tiin min lo be vat.

"Tho nuam e, nang zawk i tho nuam em?" tiin ka zawt leh ve a, "Nuam lutuk" a lo ti vat.

Drake te unau rawn tho chu Shalomi ka hmelhriat tir a, an in ngaina nghal hle a. A lawmawm a ni mai e.



Tunah chuan thla khat lai a liam leh ta damlo ka en mawlh mawlh lai chuan ka nu in min rawn call a "aw nu" ka tih rualin ka nu tap ri ka hre nghal "Nu ngati nge?" ka ti a. "Bawihi i pa hi a tlu tawp" a sawi zawm thei lo a ṭap ta hlawp hlawp a. "Nu lo mangang suh ka rawn haw ang" tiin phone ka dah a, bag la in ka tlanchhuak nghal ka a vek.


In ka thlen chuan thenawm te ho pawh an lo awm nak nak tawh a inchhung ka luh chuan ka nu in min lo kuah thlawp a, "Bawihi engtin nge ni ang i pa a awm ta lo" tiin a ṭap hawm hawm a, ka mang vek, ka awih thei lo ka pa a thi ang maw? ni lo, ni lo ka nu hian a hresual a ni, mahse ka pa chu a mit a chhing tlat tawh mai si ko vak vak mah ila a eih thei tawh si lo a. Meng tura tihpawhin a meng duh tawh lo, thil chu a ni deuh phut phut mai a ni.



Ka pa kha ka enkawl let ge hma hauhin a thi a nia, ka pa nen khan kan in ngaina em em a, mahse a bulah ka awm hnem hman lo a sin.
Doctor zirin ka awm bosan char char a, chumi hnu ah midang in ah ka awm san leh a, tunah thla khat chiah kan awmdun tihah min kalsan leh ta si a, engkim hi pawm thiam har ka ti.


Kar khat a liam leh hnu chuan damdawi in lamah ka kal ve ta a, parking lot a ka scooty ka park that hnu a kal mai ka tum chu "Sofie" ti a ka bana rawn man tu vang chuan ka hawi let a, Timothy a lo ni "Eng nge i duh?" ka ti hmuk a. "inbe lawk ang" a rawn ti sup a, "Sawi tur ka nei lo"ka ti hmak. "Keiman ka nei alawm" a rawn ti ve thung a.

"I nei a nih pawn ka ngaithla hman lo, damlo tamtakin min nghak a, hun khawhral hman ka ni lo" ti lehin ka kut chu ka thing nawk a min thlah ve mai kal tuma ka pen chiah chu ka hma ah a rawn thingthi hnawk mai!!

"Ka tihpalh min ngaidam rawh, ngaihdam tlak ka ni lo tih ka hria mahse min ngaidam hran rawh" a ti a.

" Ngaihdam dilna ni lo in, insawifiahna ka phut ti ta ila" ka ti ve thung a, a lu a thing ringawt.

" A dik insawifiahna tur i nei lo, insawifiah thiang pawh i ni lo, uire na hi tihpalh a ni ngai lo tih hre rawh, ka thinlungah hian ser lian tak i hnutchhiah a, nangnah vang hian hmingchhiatna, mualphona, natna engzat nge ka tawrh i hria em? I hre lo ang, a chhan chu i ngaihven dawn chuang lo, i nupui leh i fapa bulah kal rawh, in ngaihdam na hi a ropui a mahse mi kan ngaihdam fo chuan an ti nawn zel ṭhin asin, i thil tihsual hria a, ngaihdam dil nachang i hria chu i titha e. Mahse ka thinlung nangmah hmangaih em em tu che pawh hian ngaihdam theih loh chin che a nei ve. KA NGAIDAM THEI LO CHE,. ka thinlung ah hi chuan uire san ka nihna kha a lian zawk tawh a, ka thinlung chhungril berah hian a riak tlat tawh ang" ka ti a, ka tah a chhuak mahse ka tap thei lo.

Kal mai ka tum lai chuan "Joana-i fa kha ka fa a ni lo" a rawn ti a, "I fa a ni lo pawh a ni maithei mahse ka ngaidam thei chuang lo che. Uire na hi tihpalh thilthu a ni ngai lo tih hi ka ngaihdan a ni" ti hmakin ka kalsan ta a..


Cont..

Comment leh vek ru aw, min tiphur thei teh mai nia

[Ngaia]

A Tawk Ta

Chapter 15





Timothy POV


Sofie kal liam chu ka en reng, ni e, keihian ka tidik lo a. Ngaihdam ka phu lo mahse ngaihdam chu ka dil a. A dam tih ka hre hrim hrim pawh kha ka lawm tawk tawh a ni. Ka car ka dahna lam pan chuan ka kal a. In lam panin ka tlan haw leh ta phawt a.

In ka luh rualin Joana-i fapa chuan min lo lawm leh chung chung tawh, he naupang hi ka fapa a ni lo tih hi ka chiang lutuk. A pa diktak pawh ka hria, mahse Joana-i hian engvanga ka fapa anga sawi nge a nih ka hre lo. Joana-i pawh chuan nuisangin min lo lawm a. Henu hi ka hne tawh takzet lo kal lo tura ka tih lahin eng atan mah ngai lo ang mai hian a lo kal lui zel a.


Choka lamah chuan ka lut a, Chelsy leh Teri an lo awm a, ngawi rengin chaw ei dawhkan ah chuan an ṭhu a. An inbe lo a keipawh chuan be chuang lo in fridge a tui chu ka in a.

Ka hawi phei leh chuan Teri chuan min lo en reng. "Eng nge ni ta?" ka ti sup a. "Saw Joana-i saw a rawn kal leh a nih chuan, a fapa pa diktak ka hriat thu hi ka hrilh ang a, chuan he in ka chhuahsan bawk ang." a ti hrawk a,tho thurhin inchung lamah a chho daih.

Ka hrethiam lo hle. Sofie chhuak khan kan chhungkaw hlimna zawng zawng a kengchhuak ta maw tihturin kan chhungkua hi kan nui khat khawp mai. Chuta karah Joana-i a lo kal ve chhen bawk nen.



"Chels, ti nge i nau kha khatia a awm?" tiin ka zawt a.

Ka mitah tak melhin "I bialnu zakthei lo zet nawn sawn an insual alawm, a hneh lo khawp mai. A inti no deuh pawh a ni maithei" nui suka tiin ani pawh a chho ve nghal a.


Sitting room lama ka phei leh chuan "Duat, i fapa hian a ngai tawh che nia" a lo ti no ngher ngher a, ka ngei. Mipa tiha mawi lo ni mahse k ngei lutuk a inti no ngher ngher te hi.


"Joana kha naupang kha ka fapa a ni lo, i fa lehzel pawh i hmang ṭangkai duh amaw" ka ti hrawk a. A nui sak. "I fa ngei a ni sia lawm." ka ten lutuk ka râp deuh zawk e a.

" Aww,, i fapa pa chu i hre lo a nih dawn kha, i fapa pa chu maw Eric-a kha lawm" ka tihchuan a meng kawk. Ka hriat loh a ring reng reng emaw ni.

"Ani lo, Tim hei hi i fapa a nih hi" a ti a, ṭap mai tur hmel a pu. Huh! a zak lo hi ka tia, a peih reng reng e a.

Car ah lutin ka tlanchhuak leh a. Sofie thawhna hospital lam bawk chu ka pan leh ta a.


A thawhna hospital piah deuhah chuan ka ding a, ka en ta a, gate bul velah chuan alut a, a chhuak leh ṭhin a, a buai hmel reuh khawp mai. Ambulance hi rawn tlanin hmeichhe pakhat hi an rawn zawn chhuak a, Sofie chuan a zui vat. A kutah a vuan reng a. An lut ta a.


Sofiona POV


A buai theih char char khawp mai. Hmeichhe naupang pakhat a pahrawnin a sawisak ṭhin chu an rawn hruai a. A hmel leh a hliam vel ka en chu ka au chhuak ṭep a ni. A rapthlak zawk.


In a ka haw chuan dar 10 a ri der tawh, ka nu leh Shalomi an lo la meng a, Duatpuia te unau erawh an mu tawh a nih ka ring. Ka luh veleh Shalomi chuan min rawn be vat.

"U chaw ei ka lo siam nghal dawn che em ni? nge i inbual phawt ang?" tiin min rawn zawt a. "Lo siam nghal mai rawh" tiin ka hrilh a.

Ka nu bulah chuan ka ṭhu a, "Nu eng nge i ngaihtuah vung vung a?" tiin ka nu chu ka zuk bia a.

"Eng ni lo e,i pa ka ngai deuh alawm mawle." tiin a mittui a hru zauh. Ni e,ka nu hian a ngai khawp ang. Nupa in ngai, induh ka pa mei chu ka nu hi a ni ringawt an tih tur khawpa inzui nasa an ni.

"Nu, zin kual la i duh em? I zin kual ang a, khawvel hmun hrang hrang i fang dawn lawm" tiin ka xawt a, ka rilru ah a rawn awm thut a, ka nu hi mi hausa fanu tho a nia aw a nih.

"Ni lo e, ka fanu leh ka tute hi ka kalsan duh lo che u" a ti a, "Nu hetia hreawm ti taka i awm hi hmuh harsa ka tizawk" ka ti ve a. Shalomin chaw ei a peih thu a rawn sawi avangin choka lamah ka phei a, ka va ei ta a.

Ka inbual zawh hnu ah khumah chuan ka mu a, ka chau deuh aniang ka muhil vat. Zing ka harh chuan ni pawh a lo lang tawh, dar zat ka en chuan dar 7 a lo ri tawh a. Ka va mutui awm em em ve mawle aw.


Kawngka an rawn kik a, lo lut tura ka tih hnu ah Shalomi a rawn lut a, "U i lo tho tawh law? Api'n va kaitho rawh a ti che a" a rawn ti a. "Aw ka intihfai zawhah ka lo chhuak ang" tiin ka tho a, bathroom ka pan nghal.


Library room lamah chuan ka kal a. "Nu, min be duh em ni?" ka ti a.

"aw bawihi, lo ṭhu teh, tah khan." a ti a, keipawh ka ṭhu ve mai.

"Nizana i sawi kha zankhua in ka ngaihtuah a, i sawi dik khawp mai. In ah hi chuan i pa nena kan sulhnu a tam em em a. I pa ka hriatrengna leh ka ngaih leh na tur thil a tam si a. I sawi ang khan zin bo pawh chu a ṭhat tho rualin ka tute nen hian ka kalsan phal bawk si lo che u a."tiin a thaw hawk a.

" Nu, lungngai mah ta che, min ngaihtuah lo in, hlim deuhin va awm zawk rawh." ka ti a.

Duatpuia te unau an rawn tlan luh tak avangin kan sawi zawm ta lo. Chaw kan eilai chuan ka nu in " Shalom, vawiin chu i u nen hiam bazar ula a ṭha ang pheikhawk leh thil dang i mamawh tur te lei ula." a ti a, " Nia, kan kal dawn nia, Duatpuia te unau kan hruai bawk ang a" ka ti a.

" Duatpuia te unau chuan an ti buai mai mai lo ang che u maw? In ah ka lo awm zawk dawn em ni?" ka nu'ntih chuan " Tibuai lo ang, in a an awm chuan nangmah chauh chuan i buai lutuk zawk ang" ka ti ve thung a.

" A tibuai mai mai ang che u, in vei nasa dawn sia, chu ai chuan i pi te inah ka lo lenpui ang" ka nu chuan a ti leh a, keipawn ka ngaihtuah chuan a ṭha zawkin ka hria.


"Duata, api te tihbuai loh tur aw, thu awih tur" tiin Drake chu thawmhnaw ka hak tir mawlh mawlh a. " Aw le" ati ve mai bawk.


Ka nu te chu ka pi te driver in a rawn hruai a, keini pawh kan chhuak ve nghal. A awmhmun thawmhnaw tur kan en hmasa a, chumi hnu ah incheina chi, sunday dress kan en leh a, pheikhawk pawh kan en a, a inhmeh thei viau lehnghal. A pian a dik zaih zaih reuh khawp mai.

Dawr pakhata kan awmlai chuan "Fiona i dam em?" min rawn ti hlawl a, ka hawi let chuan Puipuii Timothy cousin a lo ni.

"Dam e, inhmuh a khat hle mai a" ka ti ve hlut a. "Nia, khatia i chhuah tak si ah chuan inhmuh a khat deuh pharh mai." a ti leh a. Sawi thui ka chak vak lo hemi thu lam hi chu.

"Chu lam biahthu chu i sawi rih lo teh ang, chu ai chuan eng nge i tih tak a?" tiin ka zawt let a.

"Eng vak ka ti lo, cosmetic dawr lian lo te ka hawng ve a, chutah chuan ka buai ve ngar ngar mai." a ti a.

"Chu i hlawk dawn chu, nakinah ka la rawn kal ang" tiin ka nuih ver ver mai.

"U, ka ha tawk vek aw" tiin Shalomi chu inthlakna room aṭang chuan a rawn chhuak a. " A ṭhat chu kan la nga nimai" tiin Puipuii lam chu ka hawi a.

" Pui kan kal san mai ang che aw"ka ti a. " aw le" a ti ve mai bawk. Dawr aṭang chuan kan chhuak a.

"I ril a ṭam tawh em? thil ei ila kan haw dawn nia" ka tihchuan "siam tir lei zawk ang, dawrah chuan ei a ninawm an phu nuai nuai a" a ti a, "Pawi chuang hleinem, mahse eng nge kan lei nga?" tiin ka zawt let a.

"Ka hria lawm, min lo nghak ka" tihpahin a tlan sawn a, mak ti deuhin ka en zui vawng vawng ringawt.

A rawn let leh chuan eng emaw a khai bawr ṭun a. "I siamthiam vek a mi?" ka lo ti a. "I siam ang chu ka ti" a rawn tih chuan ka melh vut, mahse a lo nui ka hmuh avang chuan ka nui ve leh a.


In kan thlen chuan ka nu te an lo la haw lo a. Inthlak in Shalomi chuan a thil lei ho chu a siam a, Waiwai mai mai mah ni se a siamtui thiam zek leh nghal. "Thil siam i thiam hi? I talent dawnna lam tak a nih dawn hi" ka tih chuan. " a nuam ka ti lawm. Ka talent dawnna lam chu a nih ka ring, kan khua ah khan eisian thiam deuh fel deuh Nu Marami a awm a, a eisiam lai te a siam dan te ka zawt a, ka siam ve ṭhin lawm" a ti a. Nia, kan tuina lam hi han ti ila engkim hi a lo nuam vek mai.


Ka nu te rawn haw chu an rawn ri lut nak nak mai. Duatpuia te unauin min hmu chu ṭawng an inchuh hi a ni ringawt.

Shalomi chu lo tifai turin ka hrilh a, ka nu in min koh avangin an room ah chuan ka lut a. Ka luh chuan "Bawihi lo ṭhu rawh" tiin khum mawng lama ṭhutna chu a kawk zauh a. Keipawh ka ṭhu ve mai.

"Vawiinah i pi leh pu te leh i cousin te ho bulah ka sawi a, an ni pawn kal turin min duh vek, keipawn pawi ka ti lo ka duh tawh" a tih chuan hlim takzet, ka nu hi hlim takin awm se ka duh a ni.

"Nu, a ṭha lawm, khawiah nge zin chak ber?" tiin ka zawt a, "Khawchhak lam Japan tihvel khi fan ka chak" a lo ti a.


Hun hi a kalchak hle mai, kar leh mai ah khian Drake leh Darcy te pawn kum 3 an tling dawn ta reng mai. Lawm kan tum ve a, Faki leh a ṭhian te ho te ka thawhpui te an ni deuh mai. Chutiang lo a, lawm vak kha chu ka peih lo.


"Mom tho tawh rawh" Darcy chuan ka chunga ṭhu in a tivak a, keipawh ka harh vat. "Dear, ka la muttui" ka ti a. "Aih, mom vawiin hi kam birthday a ni tawh a nia" an rawn ti leh chuan ka harh zawk. Ka ṭhu chhuak nghal a. "I u Shalomi bulah lo va kala ru" ka ti a. Bathroom lam ka pan nghal.

" Shalom vawiin chu kan buai nileng dawn a ang hle mai" ka tihchuan. " Nia, a ang, Raven te an lo kal ang em?" a ti ve a. " Kal dawn e." tiin a bulah ka va ding a. Shalomi kum 15 a ni a, 5'5 a ni. Min chek thuak, tunlai naupang ho ṭhang duh lutuk hi chu a. Shalomi hi class 7 a nih laiin a school a bansan a, lehkha thiam thei tak a nih ka ring, thil zirtir a nuam emai. School kal leh tura ka tih lahin a duh der lo, "Duatpuia te unau ka awm ang a, a tawk mai alawm. Ka hriat duh leh hriat loh chu nangin min hrilh zel bawk ang a" a ti then zel.


" A nute" ti ri ka hriat chuan kawngka lamah ka dak vat. Raven rawn tlan ka hmuh chuan ka nui suk, " Raven khaw nge i nu? in va rawn kal hma ve" ka lo ti a.

" Chaw rawn eitur in kan rawn kal nghal, nilengin inbuai hmel sia" tiin Faki a rawn au lut a. Ka nui hak.

" Chaw kan chhum tawh, kan chhum kep lo cheu" ka ti fiamthu a, " Kan chhum belh nga nimai lawm" a ti mai zui.



" A nute, Chhanchhana te nen hian pawnah kan infiam dawn nia" Raven chuan a rwn ti a. " A ngai lo, inchungah toys nen infiam zawk rawh u, pawnah chuan infiam lo ang" ka lo ti tlat.

Kan kawtzawl hi a nuam em em a, kan in hi thingkungin a hual vek bawk a, chuvangin a boruak pawh hi a dik zar mai ni.

"Raven, Duata, Darcy lo chhuk ru, chaw a eitheih" tiin ka au a, an rawn tlan thla rang hle.

Darcy rawn kal chu a kekawr a rawn pawt thla mawlh mawlh a, a kekawr lah chu a tawlh thla thei lo chi a lo ni nen, "Aisshh ka ninzia hi" tihpahin a kekawr chu a phih vak a. Ka nui hak, a thinchhe tik tek reuh a nia.

"Dear hetah lo kal rawh, ka lo pawt thlak pui ang che" ka ti a. A rawn phei ve mai. Ka pawhthlak sak a. "Khatiang te chuan i thin a chhe vat mai ang" nuichungin ka ti a. A tum hmak. Henu te hian apa zia a la reuh lutuk.


In leh a vel chu kan chei a, a hahthlak hret nau awm pah a ngai bawk si nen, mahse rei vak lo ah July-i rawn kal leh tak avangin kan buai zualpui a reh ta deuh.

Zanah chuan cake te kan zei a tichuan engtin tin emaw kan tlingtla ve mai, ka nu pawh video call in kan bia a, Vietnam ah a awm mek a. Nuam a tih hmel viau mai.



Thla khat a liam leh ta (a kal zung zung dawn ka tih kha) hospital lamah pawh kan buai thei viau mai. Doctor zir zo internship ti mek ho nen kan nih nuaih vangin a hahthlak. Ka office aṭang chhuak chiah chu ka hnunglam aṭang "U" min rawn titu vang chuan ka hawi let a, Chelsy a lo ding reng mai. Ani pawh a lang upa hlek tawh.

"Chels" ka ti hluai a, "Eng nge hetah te i rawn tih a?" tiin ka zawt a. "Nia pate Brandy -a ten naute an nei a" a ti a, "A ni maw, ka va lawmpui ve. Nupui te a lo nei tawh vel a" ka ti a, "Nia, Pekṭhiangi nen khan an innei ta lawm. A bei nasa bawk a" nuichung hian a ti ve a.

"Nia, mipa nge hmeichhia?" ka tihchuan "Hmeichhia" a ti leh a. Chhan ka tum leh lai takin "Mommy" ti ri vangin Chelst hnung lam chu ka hawi a, Draky te unau leh Shalomi rawn phei chu ka hmu a, ka nui sak. Chelsy chu kalpelin "Shalom ti nge i rawn kalpui a?" tiin ka zawt a.

"An ṭap nasa lutuk a, ka tih ngaihna hre lo in ka rawn hruai tawp" a ti a, a inthlahrun hmel ang reng.

"A pawi lo" tiin Draky chu ka pawm a. Chelsy lam chu ka pan leh a, Chelsy chuan mak ti lek lekin min lo en a, ka nuih var var. "Chels hei hi ka fapa Drake a nih hi chuan hei hi Darcy a nau, min 5 a a nau" ka ti a. A mengphawk nasa rap!

"Drake Darcy hei hi in U (a eng tur nge ka hre mai lo, comment lamah khan min lo hrilh ru aw) Chelsy a nih hi" tiin ka inhmelhriat tir a, "ka ru, hospital piaha restaurant ah hian va chawl ang u" tiin ka hrilh a. Kan kal ta dial mai.

Dawhkan hranah kan ṭhu a, kan hnungah Drake te chu Shalomi nen an ṭhu a kei leh Chelsy kan ṭhu dun thung. "Eng nge i tih tak zel a?" tiin ka zawt leh a.

" College ka kal chhunzawm mai"tiin min hrilh a, thil dang sawi leh a tum lai takin Shalomi chu a rawn au a. Ka phei vat Drake chu a lo bawl nasa mai a, a thawk a buai ṭan ta tlat. Damdawi in lamah kan phei pui vat a, an en chian hnu chuan "allergy a nih hi eng nge in pek?" tiin min zawt a, Shalomi lam ka en vat. "Egg roll ka pe" a ti sap a. "Chu chu a nih ngei dawn chu, hlauthawn awm a ni lo, a pangai leh vat mai ang" a ti a, Shalomi chu a inthlahrung takzet.

"I thiam loh a ni hleinem, keipawn ka hre bik lo a" ti a ka hnem mawlh mawlh laiin Chelsy chuan, "Te Tim-a pawn artui hi a allergic a sin" a rawn ti a. A lam ka hawi vat.


Cont...


Comment leh ṭheuh ru aw Darkar khat dawn ka type.

[Ngaia]

A Tawk Ta

Last chapter
(Ka story ziah puitlin hmasak ber chu a tawp kan lo thleng ta der mai, ka thiam lo chung chung pawha min ngaihhlut sak tu te chungah ka lawm em em a. Comment in lo pek ṭhin te khan min ti phurin min ti hlim em em ṭhin a nia. Ka lawm lutuk e. Love you all)





Ani chuan min lo melh kar a, "A pa fapa a nia lawm" ka ti a.


"Kan kalsan ang che," tiin kan hawsan ta a, kha thu kha engvang a sawi nge a nih ka hre lo. Min melh dan aṭang lah khan engmah hriat theih a ni bawk si lo. Min ring lo ve tho em ni ang? Min ring lo a nih chuan a thu a ni e.

A tuk zing ka thawh chuan Faki message a lo awm a, ka en vat. {Naktuk hi Raven birthday, in hi min cheipui rawh} tih zawng, min ngam sak sak a nia. {Ok} tiin a ka chhang let a.

Ka thawh chuan Shalomi a lo tho tawh a, eirawng bawlin a lo buai viau, eirawng bawl lam hi chu a thiam bawk a akutah ka dah tawp tawh. Keipawn ka thiam ang ang leh ka hriat ang ang te ka zirtir a, chu lo ah amah hian thil chi hrang hrang hi a combine kual nasa ve a, a risk huai thei ve hrim hrim.


"Shalom, naktuk hi Raven birthday nia, an in cheipui a ngai dawn a, vawiin ah nau awmturin lo kal ve la" ka ti a, " Lutuk e, nau awm chauh lo pawh kan ti ang chu le" nui chunga tiin min rawn en a, ka lo nui hak.

"Khaw nge Duatpuia te hi?" ti a ka zawh chuan." An la mu nih kha, nizan an meng rei a niang" a lo ti ve mai bawk a. Phone en tih vel hi ka phal lo a, en duh an neih chuan Shalomi te nen thlap ka entir ṭhin, an tet lai aṭang a kan control loh chuan an len hnu chuan control an har tawh, chuvang chuan an tet lai aṭang hian control ila, an len deuh hnu ah erawh an privacy zah sak thiam hun nei ila. Khuahkhirh leh lutuk pawh, an zalen ve hunah awmdan tawk an thiam ṭhin lo, chuvang chuan khuah khirh si, khirh lutuk si lo in enkawl thiam a ngai.

Fa enkawl hi thil har tak a ni a, chuvang chuan mi thiam zawk te râwn a ngaih chang te pawh a awm ang, chutiang hunah chuan tlawma la lo a, zawh tawp mai tur. An ni pawn min lo en hniam tur a ni bik lo. (ka risk fuh viauin ka hria)



Chaw eikham hnu rei lo te ah Faki te in lam chu kan pan leh a, kâwn ah bawk kan chhuk leh, Timothy te inkawt kan thlen chuan engmah kan tawk lo hlauh ka thaw huai theiin ka hria.

Kan lut a, chaw an lo ei kham chiah a nih hmel, Sangthawvengi pawh a lo awm e. Ani leh Faki hi an inngaina tawh khawp a. "Tarmit lian khawi aṭang hian nge kan ṭan dawn?" ka ti a, "chhangban hi ei phawt ang" a rawn ti daih.

Ka melh a "I la puar ve lo mi?" ka ti a, "puar e" a ti leh tho sia, awmzia a nei lo.

" Mumal nei rawh"ka ti hlak, " tak takah photo background a pawimawh hmasa ber a,chu chu saw lamah sawn siam ta ila, chuan balloon hi a chungah khian kan char bet bawk dawn a. Happy birthday tih tar lam leh photo background siam lam kha chu nang leh Thawvengi kutah ka dah a" a ti mawlh mawlh a, a nuam phian ang.

Tichuan in chu kan chei ṭan a, Shalomin naupang ho a lo awm a, a chang changin kan tir leh tho a. Photo background tur chu kan duh uluk bawk a, kan siamtha ngun mawlh mawlh viau mai.

"Ti hian a ṭha thawkhat chuan ka hria, naktuk chu dar 1:00pm tiraw hunserh kha?" tiin Faki chu ka bia a, "Aw ni e, nangni chu dar 10 velah pawh lo kal ula pawi lo" a ti a. " Nia, chaw ei kham velah kan rawn thlawk phei ang" ka ti fiamthu a. Ani pawh a nui ve tho.

In lamah kan haw a, Shalomi chu eirawng pawh bawl lo a, zinga chawhmeh ho tilum mai turin ka hrilh a. Chaw kan ei hnu ah kan mu ta vek a, Duatpuia te unau pawh an infiam chau deuh nge an muhil hma khawp mai. Ka room ah hian an mu vak lo a. Shalomi room ah an mu ṭhin a, mahse a chang changin ka room ah an mu bawk a.


Next morning

"U, chaw ei hi ka siam mai dawn sin" tiin Shalomin min rawn bia a, " Aw siam mai rawh, insiam chhung nen kan rei lutuk palh ang" ka lo ti ve vat bawk.

Chaw kan ei hnu chuan kan insiam nghal mawlh mawlh a, inchei sa takin kan kal a, kan thlen chuan mi pawh an lo la tam hran lo kan lut a, Raven pawh a lo chhe lo hle.

Birthday cake te an zei zawh hnu ah, chaw kan ei a, kan haw ta daih a, a chhan pawh kan haw tlai chuan khaw thim ṭan tirh vel hi a boruak a hrisel lo an tih vang a ni.

In kan thlen chuan kan intifai a kan mu leh hmak.


Damdawi in lamah pawh hian a buai char char theih khawp mai, damlo serious lutuk an awm hran lo, mahse a hahthlak tho a ni, damlo te ka hmuh hian ka khawngaih a, ka vannei zia ka hriat phah fo bawk. Kut ke kim neia ka la awm leh, ri ka la hrethei te. Khaw eng ka la hmu thei ringawt te pawh hi ka lawm nawn awn awn a nimai.


Ka haw chuan an lo intifai vek tawh a, min lo nghak hi a lo ni. TV an lo en a, Frozen an lo en a. Hmuhnawm an tih hmel hlawm viau mai.

Chaw kan ei lai chuan arsa kan chu Darcy chuan a ei ve a "Mom, hei hi i siam ai pawh khan a tui daih zawk" a rawn ti a, Shalomi lo siam a ni.

"Nia tiraw, O Shalomi hi kan siamtir ziah dawn nia" nuichungin ka lo ti a.
" Keichu maw bawkbawn plaster ka ei chak" Drake chuan a rawn ti a, Shalomi nen kan inmelh zawk.

"O Shalomi emaw keimah pawh hian siam thiam lo a" ka ti a, ka tih zawh hnu lawkah door bell ri thawm kan hria a, Shalomi a tho vat. Faki bak a nih ka ring lo, keipawh ka dawhkan aṭang ka tho nghal a, kut ka sil a.

"Shasha tu nge a?" tiin kawngka lam ka pan a, kawngka a mi lo awmte ka hmu chiah chu ka phu zawk.


"Nu Duh, Chelsy nangpawh maw? lo ṭhu ru" ka ti a, sofa lam chu ka kawk a, " Shalom, tui lo laksak la an tui a hal tawh ang" ka ti nghal zat bawk.

Mahse Nu Duhi chuan " A ngai lo, rawn biak lawk che kan duh mai a ni" a ti a.


" A ni maw, sawi ula, mahse tiru i ṭhu phawt ang u" tiin sofa lam pan ka tum chu ka hma ah Nu Duhi a rawn ṭhingṭhi ta mai!!

"Nu Duh eng nge i tih?Tho vat rawh" tiin kaihthawh ka tum a, Chelsy lo kal hnai chu "Chels i pi hi kaitho vat rawh" ka lo ti a, mahse ani pawh a rawn ṭhingṭhi ve leh, eng nge maw an awmzia le?

"Fiona bawihi, khaw ngaihin ka fapa saw pui hram rawh, pawm leh tur chuan ka ti lo ang che, mahse khawngaihin pui hram rawh, bike in a accident a, a ke a hmang thei lo a. Exer lak ṭhat chuan a dam leh thei a, mahse exer lak pawh a duh lo 'Sofie chunga ka thil tih phuba a nih hi, ka tawrh mai tur a ni' a ti tlat a, beisei pawh a duh lo, wheel chair ah a ṭhu a, a room a chhuahsan ngai lo tluk a ni. I chungah a thil tih avang khan ngaihdam a har ang tih ka hria, mahse anu tan chuan a fapa wheel chair a ṭhu chunga a nun a hmangral tur hi en har ka ti ni" a ti ta a. Ka ngawi reng sawi tur ka hre lo.


"Nu Duh ti nge chu tah chuan i ṭhingṭhit duh, thiam lohna i nei ve lo, tho rawh ka chunga thil tisualtu chu i fapa alawm nang ni lo in" tiin kaihthawh ka tum a, "Ni lo, ka fapa kha enkawl ṭha ni ilang chuan hetiang hi a thleng miah lo ang." a ti a.

"Nia, ka chunga a thil tih kha ngaihdam chu a har alawm mahse, chung lamin phuba a la tawh a, keiin lo huat zui viau khan awmzia a nei lo. Ka ngaidam tawh, ka lo hmu dawn nia" ka ti ta a. Ni e, min ti na chiang alawm, mahse chung lamin phuba ala tawh a, ka la hmangaih bawk a, ka ngaidam thei e.

"Ka lawm lutuk e aw, Fiona bawihi ka lawm lutuk" tiin Nu Duhi chuan min kuah a, ka kuah let ve vat. Ni e, min tina eng ang mahse hmangaihna hi chuan a lo ngaidam thei chiang a nih hi.


A tuk Timothy ka hmu tur chu ka zâm deuh hlek, ka sam chu ka bawk a, kawrfual a khup khuh hmuh hahdam thlak tak chu ka ha bawk a, a chungah kawrlum nen, convars ka bun leh a, Drake te unau pawh Shalomin a chei uluk viau.

Timothy te in kan thlen chuan zamna nei miah lo ang maiin ka awm a, mahse ka zam ve tho, ka pi kha Singapore a ka awm lai khan a thi tawh a ni.

Timothy-a room lam chu ka pan a, kawngka chu zawi te in ka hawng a, wheel chair ah ṭhu in pawn lam chu tukverh aṭang a lo en vang vang a. Ka lut a, kawngkhar ka khar ri rak. A rawn hawi chuang lo a chhungte emaw min ti a ni maithei, ka pan phei a, a hnungah chuan dingin.

"Matheilo" ka ti a, a rawn hawi vat, min hmu chu a mengphawk kher mai, mahse a mit a chhing a, a lu a thing bawk, "Ni lo, suangtuahna mai a ni, a tak a ni lo" a ti sup sup a. Ka ṭhu thla a, " heyy, a tak a ni. I bulah ka awm tak tak" ka ti a, a kutah ka vawn sak bawk.

Mit sen rumin a rawn meng a " Min ngaidam vek tawh em ni?" a rawn ti sup, ka bu nghat a " ngaidam vek tawh, ka ngaidam tawh che, tunah chuan i bulah ka awm tlat tawh ang" tih pahin ka kuah a, min rawn kuah let ve a, ka kawng chu ka rin loh deuhin a rawn huh a, Timothy hi a ṭap! Ni e, he mipa in la pa ve tak hi a ṭap.

Ka kuahna chu phelhin "i fate i hmu duh em?" ka ti sap a. A bu nghut. Kawngka chu a rawn ri rak a, Drake te unau chu an rawn tlan lut a. Timothy an hmu chu an ding châwi a, ka hui a, ṭi hra in an rawn phei a.

"Drake, Darcy hei hi in pa a nih hi" ka ti a, Timothy lam chu an melh a, ani lahin a lo melh vawng vawng mai si. " lo kal teh u ka fate u, i nu inchhun a in hmelṭha hle mai" a ti a, " Ni lo e, Darcy phei kha chuan a chhun mah mah che" ka lo ti a, tichuan kan inkuah ta a.(A va disney princess film deuh ve)

A tawpah chuan A Tawk Ta ka ti thei ta.
Ni e, hmangaihna hi chuan eng ang sual pawh ti se a lo ngaidam thei vek a nih hi,mahse a rilru a let hunah erawh an ngaidam thei tawh lo ang che, chuvang chuan i hmangaih chu a tlai hma in i ti na a nih chuan ngaihdam dil rawh.


2 years later

Naute ka pawm chu an pafa in an en vang vang a, "Adriady" Darcy chuan a ti a, Drake chuan "Lalhumhimi" a lo ti thung a, chu chu an nau hming atana an phuah a ni. Adriady Lalhumhimi. A koh duat nan Sungkunuaii apa in a ti mauh mai. Huiham a hahthlak ṭhin mang e.




A tawp ta.



Ka story ziah tling lo tak min ngaihhlut saka min lo chhiarsak tu te chungah thinlung takin lawmthu ka sawi e, i mi fuihna zara he story hi complete thei ka ni a. Comment lamah khan a tawp zan te a ni si a,a story kal laia in rilru lo put te, chutiang chuan awm se intih te kha comment lamah lo sawi ru aw.

Chuan Sungkunuaii khian story a nei leh dawn a, chu chu ka lo dah dawn nge, story dang ka rawn dah dawn lo sawi ru aw. Christmas hmain pakhat tal chu rawn dah leh ka tum ang.🥰

Christmas hman nuam vek u

Silent readers te pawh khan a tawp zan te ni sia comment vek ru aw

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/