ONLY YOU BY Zorini Cloudy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ONLY YOU BY Zorini Cloudy (Completed)

Unread post by Ngaia » December 12th, 2021, 2:00 pm

5pz555q8.jpg
Nuam ti deuh chuan kan ṭhian ho chuan kan lam ang bâwk bâwk hlawm a. Club a kan vawikhat kalna ni bawk a kan han inthehṭil ve tak tak a nih hi

Ahma tang a kan ṭhianho a kan lo plan lawk tawh a ni hrim hrim bawk a kan hlim tlang viau in ka hria. Beer te pawh kan ti ve ṭah nghe nghe, mahse beer chauh a ni adang chu kan duh lo ve tlat. Sual ve viau mah ila kan fel ve lutuk tho a nia.

Kan ṭhianho hi Panga kan ni a, class 8 ṭang a inkawm ho in tun thleng in kan kan la inphatsan lo tlang zêl a ni Class ah pawh thiam thei pawl kan ni hrim hrim bawk a, kan inkawmngaih hlawm em em bawk chhungkaw khawsa ve thei tak kan ni hlawm bawk a ṭhianho ni tur rêng te pawh kan ang kan ti thin.

Mahse kan chimawm tlang viau thung, thil kan ngaizam em em bawk a School ah pawh hauh zin ber te kan ni. Hmeichhe dang ai chuan mipa kawm te kan thlang tlangpui thin.


Nimin mai khan kan HSSLC result a chhuak a, beisei ang tak in kan pass ṭha hlawm takzet. Distinction ah vek kan pass a chumai bakah kan ṭhiannu Zeli phei chu top 10 ah a lang nghe nghe. Inkawm ho vek ni mah ila Zeli hi ka kawm ngaih ve ber, A fel em em bawk a mi perfect ka ti tawp mai...



Ka hah deuh chu ka ṭhutthlêng ah chuan ka thu hnawk a,. Ka ṭhiante hlim taka an lam lai chu ka lo en vang vang, duhthusam chuan college te pawh kal tlang vek thei ila mahse a theih tawh ngawt bawk si loh.

Zeli nen chauh hian Mizoramah kan awm hmel, Jenny Rinzuali leh Kimi te chu phai lamah an awm dâwn thung. Phai lama han zir zawm chu ka duh ve viau na in ka nu in a phal ṭhak lo,
"i subject lâk duh a awmlo pawh nilo hetah i kal tûr ni" tiin thu min pe rup mai bawk si. Zeli kal ve dawn hlauh chu ka lawm viau nghe nghe.




Ka bulah chuan tu emaw hi rawn thu a


"Kha i va riang ve a" ka beng bulah chuan rawn ti a


"Riang lul lo e a" ka lo ti let hmiah a,. A hmel ka en chu a hmelṭha phian mai, a ler hmel viau bawk


"I in ve duh em" ti in a thil in lai chu rawn nawr phei a


"Duh lo mai, ka duhtawk chu ka in tawh lawm" tiin a lam ah chuan ka dah phei leh a. A nui suk mai, no chu la in a tlak nghal pap a


"I la naupan hmel sia tinge club ah te i kal a" zawhna a ngah zek mai a


"Naupan hmel pawh min ti maithei mahse kum chu ka tling ve tawh chiang nia aw" ka chhânna chuan a ti nui leh suk a


"Helai hi i hrechiang lo nge ni a he club ah hi chuan kum 20 tlin ngei ngei a ngai sin an man chhuah che chuan a pawi thui thei viau maithei nia" a thusawi vang chuan phawk zet in ka meng a

Kum 20 tlin ngai tih ka lo hre reng reng lo, a va buai thin tak


Ka phone rawn ri ral ral a, chupa chu chhan pawh chhang tawh lem lo chuan ka chhang nghal zat


"Aw Nu"


"Bawihi dar 9 a ri tawh nia rawn haw lam te hnaih tawh la" ka nu in a rawn tih chuan ka ner nang a


"Nu zanin te chu ka duh ang in min awm tir ve rawh thilsual ti pawh kan ni hleinem. Bâkah zanin chu kan riak khawm dawn min nghak lo mai rawh" ka ti nghal mawlh mawlh a


"Amak ṭhin, riah chhuah leh chawt zel mai. Mengrei lutuk suh ang che u khawnge in awm reng reng a a va bengchheng em em ve"


"Kan party ve lawm mawle, ka dah nia" ka hmet tawp nghal hmak

Ka thaw hak a, ka nu hi chuan min ngaihtuah ve mah mah ni. Chutih rualin pa min ngaihtuah hauh lo tu ka nei bawk a. Huh mak ve ngawt mai





Kan sawi zêl hma in kan han insawi ve hrim hrim nge. Ka hming chu Zorinpuii a ni a Zorin min ti mai thin, ka ṭhian te leh ka zirlai chungchang chu ka sawi sa khi ring mai ta ila. Ka nu leh pa hi arrange marriage a innei an ni a, heivang hi ni mahna kan chhungkua hi kan hlim tlân ve theih ngai loh chhan.

Ka nu in theihtawp a chhuah hnu pawh in danglam na em em a awm hran lo. Ka pa hi sumdâwng mi lian ve tak a ni a, mite hriat hlawh tak a ni bawk.

Ka pi min hrilh dan chuan

Ka pa in a hmangaih leh duh em em kalsan in a chhûngte vangin ka nu nên hian an in nei a. A hmangaih tak a chan nachhan ah puh in ka pa hian ka nu hi a haw hle thin nghe nghe
Mahse a vawikhat nana ka nu rai khan ka pa chu inthlak ve deuh a, a hnuah a awh em em fapa a hrin sak chuan chhungkua pawh a vawikhat nan an hlim hle bawk mahse thlanga mi vel lek a nih in an fapa hmasa ber ka u ni bawk chu khawsikpui vangin a boral leh si a. Ka pa chu a rilru a na em em a, zu a in nasat phah em em bawk

A hnu kumkhat hnuah ka nu chuan nau pai leh in kei hi min hring ta a. Mahse ka pian na chuan ka pa chu ti hlim zo ve ngang lo a ni.
Ka nu hrisel lo nen Doctor ten naupai leh chu a tan a theihloh thu an hrilh chuan kan chhungkua chu chhe hlen tluk a lo ni ta a


Ka pa chuan a fa ang pawh hian min en ngaiin ka hrelo. Ka naupan têt lai chuan ka nu ang chiah in ka ngaina ve ṭhin. Khang hun lai kha chuan min ngaina ngai lo tih kha ka la hrethiam miau lo a.

Ka rilru na in ka ṭap ve fo thin, mahse tûnah chuan engkim hi ngaiah ka nei tawh in ka rilru pawh ti na pha tawh eih lo.

Pa chu ka nei ve ngei a lawm mahse a hming mai chauh in a ni. Fa atân min duh lo nih chuan keipawh in pa tân ka duh bik lo. Cheng ho mah ila hmelhriat loh ang vel kan ni, chuan thil pakhat ka pa ka chhun lutuk hi ka duh lo hmel ah leh nungchang thleng pawh in Huisszz


Ka nu hi awmlo se chu ka tlanbo daih tawh ang ka ti rum rum thin. Ka tan chuan ka nu hi he khawvel ah hian a pawimawh ber ka neihchhun liau liau a ni si a...
Chutih rualin zalen taka ka nun min hman tir tûr chuan ka duh hle thung. Min thlah zalen loh chuan a sual ve chi ka ni bawk nen, inhauh chang pawh kan ngah ve hle nia.




"Club ah kal in i nu dawt i hrilh bawk a, naupang sual reuh tak chu I nih ngei dâwn hi" ka bula mi bawk chuan rawn ti leh a, ka melh rum ngang mai


"En teh Pu a Ka nun a ni a ka duh dan dan in ka hmang ang i lo inrawlh na tur a awm lo aw." Tih hmak pah chuan ka tho a, ka thiante lam ka pan ta daih.


Khapa khan ka mood ti chhe vek dâwn lâwm le.



"Khawnge i kal daih a" ka beng bulah chuan Rinzuali chu rawn au a,. Ni e music a ring ve bawk em a lamtual ah phei hi chuan au lawng lawng a ngai


"Ka hah deuh mawle,. Keini hi kan kal tawh a ṭha viau ang" ka ti a


"Engvang chuan maw a nawm em hi. Mipa chhelo an tam bawk si" kan zînga ler ber Kimi chuan rawn ri pawr hle a kan nuih tawp.


An duh vak lo chung chu ka hruaichhuak ta hlawm a


"Zorini chu ti nuam lo e, zanin ang te chu kan neih zen zen loh hi" Kimi chuan a ti bar a



"Ni e ka hria mahse helai hi kum 20 tling te tan chauh lawm. Tumah kum 20 tling kan la awm loh hi" ka ti nâng a


"Maw!! Chu chu tunge sawi"


"Min hrilh tu pawimawh lo, man nih ai chuan chhuah vat hi ṭha mai lawm" ka tih chuan Kimi leh Jenny chu an nui vak vak a


"Aww Zorin chuthu hrilh tu che chuan a bum che nih chu. En ta che saw" tiin Zeli hawi na lam chu ka hawi a 18 chin tan tih chiang tak in a lang


Chupa chu ka ngei ngei mai, engvanga lo awih nge maw ka nih hrim hrim ni. Chak lo ang, hriat pawh hre hauh silo hian kan ti thla rawk a

A hmel kha ka hria lawm, kan la inhmuh leh tak hlauh chuan a hre ve khawp ang. Ka ti rilru mawlh mawlh a


Kan chhuak laklawh tawh sia tiin kan leng kual ta zawk a.



***********



A tuk dar 10 bawr vel ah chuan ka haw thei ta hram. Zan kan mengrei nen thawhhma hi har ve em asin

Tukṭhuan kan ei khawm lehnghâl hmak mai bawk sia




Inchhung ka lut chu choka lam ka pan nghal a, rin ang ngei in ka nu lo awm bawk


"Nu enge i tih a"


"I va rawn haw tlai ve a, han inthlak vat rawh i pa in inlêng a nei a nia" a tih chuan ka ner nang


"He in hi inleng neih nan ber hian a hmang a, hlim deuh anga lem chan kual leh vel kha ka peih miah lo nia ka rawn chhuk lo law law ang" ti hmak in ka room lam ka pan nghal nal nal


Hetia a sumdawn pui te emaw a ṭhiante hmuh ah hian chhungkaw hlim hmel takin kan in lan ve thin a. Chu chu ka ning takzet bawk, he chhungkua a hlim lo ber chu amah ni a hetia lem min chan tir lo tur hian tha taka chhungkua enkawl mai tur a ni a. Hlim tlang taka kan awm theih na tur tichhe vek tu a ni a, amah vanga hlim der a ngai leh si te hian min ti haw zual ngawih ngawih.

Engtin nge a ni ang pa sawn ka nu ang mi zaidam leh fel lutuk hi a neih theih zawk le. Mi dang chu ni se heti chen chen hi an dawh hauh lo ang, ka nu hi hlim takin awm ve se tih hi ka duhthusam a ni....





*Episode 1 chu kha zawng kha ni a Enge in ngaihdan le, ka phur thut in ka ziak ve ringawt a ngaihnawm nge nawm loh lam pawh ka hre bik lo*


Zorini Cloudy



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:00 pm

Chapter 2





Zeli nen chuan Mizorama college ṭha ve ber PUC ah chuan luh ve mai chu kan rilrûk a.

Luh chu kan tân chuan a har viau lo Direct admission hmuah pawh kan hming a lo chuang ve kalh lawm...


Kan ṭhian dang te pawn an duh na teuh ah admission an ti thei vek bawk. Hlim takin kan hun hmanho theih tawp lam chu kan hmang ho a, awm ho nasa kan ni bawk nen kan inngai nghal hlawm em em...


An kal dawn ni chuan Zeli nen chuan Airport ah kan thlah ve thlap a. Inkuah khawm tham tham in kan ṭap titih hlawm mai.

"Ka ngai dawn lutuk che u" ti chung in kan inthlah liam ve ta a. Tunah chuan Zeli nen chiah kan ni ta lel mai, ka kawmngaih viau ni mahse mi dang zawng aia a ṭawng tlêm vang hi chuan a hma ang bâwk bâwk chu kan ni thei tawh lo ang. Mahse kan pahnih in kan la ni tal a ka hlim em em tho



Sawi duah tawh lo mai ila, kar lo ah kan college ṭan ni pawh lo inher chhuak vat a. College kal te chu kan lo suangtuah ve nasat thin kha ni a phur pawh ka phur viau. Tawnthardi ka tawng lo ang tih tunge hria 🤭🤭

Darthlalang ah chuan ka in en vang vang a, nikhat na te ni sia tiin chhelo ve deuh chuan ka inthuam a. Makeup pawh nasa lutuk lo chuan ka hmang ve bawk, chutia han ngaina teh viau ka nilo bawk nen.


Ka peih loh em em bawk chu car a ka kal tûr hi, Ka Pa pawh hi tinge maw ka mamawh loh hun takah a rawt teh tlat ni. A fanu hi a lainat in bus-a a chuan chu rem tilo pawh nilo in mi in an sawi sep sep a hlauh vâng zawka hetia ti a ni tih hi ka hrechiang ve em. Mai mai salah


Ramhluna awm kan ni a, kan awmna ṭang chuan hlat pawh hla ve reng a mahse ka duh chuang lo. Taxi pawh lâk ka thlang mah zawk, a fanu ang in min en tak tak si lo hian pa anga khawsak a tum hi ka tei thei lo...



Lungawi lo teh mah ila, ka nu in ka pa thu zâwm turin min ti leh tlat mai bawk si a. An duhdan chuan ka awm leh ta nge nge chu nia, mood hi off nghal ngawih ngawih


Ka thlen hmasak zawk vang in Zeli chu ka lo nghak ran a

Ani pawh a rawn ve vat tho


"Ka pa hi chu ka van ngei chiang tak" tiin ka lung nih loh na te chu ka thiannu chu ka hrilh hliam hliam a


"Lungngai mah ta che, i duh chuan min lo sâwm thei reng nia ka u ka tibuailo zawk nga. Ṭha i ti em" a tih chuan ka lawm leh mai mai, ka kuah nawk nawk a


"Ka van hmangaih chiang tak che em"


Hun la awm tho vangin college campus vel chu kan fang kual vel a. A hmun hi chu nuam ve thlawt lawm, thla te pawh kan lâk hrep kha maw


Keiin English ka core laiin Zeli erawh chuan Biology a core thung. Doctor ṭhian ka la neih ngei hi ka ring nghet tlat a ni.


Kan subject core in ang lo em a kan in hmu khat dawn tih chiang reng. Kan elective ah Alt. English ve ve kan la a chu zawng ni mai.

Ṭhian thar siam vel hi ka tihmi a ni chiah pawh in ka hrelo mahse ka mamawh ve tho chu ka ring bawk sia...

Lawkin tinge ka lungngaih ang Chutia han chhe em em ka ni hran hleinem,,,. ṭhian chu ka hmu ve em em ang tiin in la confi zet in ka first class neihna lam chu ka pan a.


An lo ṭhu ve nual tawh mai, a hnung lutuk chu ka duhloh vangin a hma lam deuh mahse langsar lo laiah chuan ka ṭhu a.


Class pawh kan ṭan mawp mawp a, ka ning viau leh ta nghal a. Heihi ka nih dan ve nia class lecture hi ka ngaithla ṭha peih ngai lo ka thiamloh tawp te nih loh chuan. Tunah pawh ka muthlu lo chauh tawh ka nu ka puh lo theilo college i kal dawn kha tiin hma zetah min kaitho vel khanglang a nih kha.



Ka muhil dawn vel chiah tih chuan an ding suau a, class kan la zo der chu ni in

Sana ka en a, min 20 chiah a la ral.


Ka hnung a ṭhu te sawi ṭang in first day nih man ah class a la rei lo mai chauh a lo ni. A ngaihsak loh thlâk thin teh e



Zeli'n a la zo ve si lo a, keimah chauh chuan ka thu a ka ning takzet ṭhian neilo midang te hi an awm ve lo mawni. Nuam an tih hmel hlawm bawk si


Ka phone chu ka khal niap niap a, ka bulah chuan ṭhenkhat an rawn ṭhu ve a mahse ka ngaihsak em em hran lo.



'U ka next class hi Block C ah nia a awmna pawh ka hrelo'

Ka bula mi chuan phone hmang chuan a ti nâng nâng a


'Maw tinge min hrilh mai loh ang, sual suh aw' a ti leh a, ka lo nui suk chauh


'Lalrindak Hmela' ti in a phone chu a off hmak a, ka nuih a za ru ngei mai.



"Min lo hrethiam lawk" a tih chuan ka hawi ve vat a "Enge ni ta"


"I next class hi English te ni ve mial lo maw" a tih chuan ka phone a routine chu ka en a


"Aw a nih hi" lawm hmel zet hian min en a, min rawn ṭhut hnaih sauh
Nichin khan ka lo en miah lo a, a hmelṭha in a chhelo takzet a ni. Mizo hmeichhia ah chuan chhelo ka tih ve pawl tak a ni thei hial ang ka ring


"Awii ka van lawm tak, Block C awmna hi i lo hre bik mial em"


"Ka hre bik lo mahse lungngai suh tûnah hian ka ṭhiannu in chutah chuan class a nei mek a. An zawh hunah kan lo zawt mai dawn nia"


"A van tha lehzêl em... Chuan Remremi ka nia" a ngainat awm reuh phian a


"Zorini ka nia" ka ti ve sep a


Remremi chu a ṭawng duh ve angreng a bula awm pawh a nuam lo hranlo.

Min 10 dawn velah Zeli chuan min rawn call a, class an zawh tawh thu te a rawn sawi a kan awm na ka hrilh chuan lo kal ve ta nghal a


"Class vawikhat na chu enge a an a" Zeli rawn thleng chuan min zâwt nghal a

"Engmah pawh ka hrelo, ka mutchhuak lutuk a"

"Amak ṭhin, hei next class pawh ṭan a hun leh ṭêp tawh nia"


"Taka khawnge Block C hi kan next class lakna tur nia kan bo dun khawp mai" ka lo ti leh vat a




Remremi nen chuan Zeli sawina lam chu kan pan a. A lo in ziak kuau mai

Zeli pawh ṭhian a nei nghal nual mai, kawm sup sup teh u a lehkha a thiam nia in ti sual lo ang ka ti rilru a.



Class chu kan ṭan leh ta a, ka subject core ber te chu ka ngaithla ṭha ve lutuk nia. Remremi erawh first class a keimah ang mai a muthlu miah miah mai. Class zawhah ka kaitho leh ringawt a ni mai, awmzia chu awmlo thei.



Zeli nen chuan awmdun lam pawh theih loh, kan chawlh neih hun te in ang lo zel bawk si College khata kan kal duh ka lawmna chhan te pawh an bo zo vek. Remremi ka kawm ta hlauh chu ka vânneih phah ta nih hi


A sawi dan hmangin phai lamah hlir lehkha zirin a awm thin ni awm e. A nu in a ngaih ve tawh em vang chauh a Mizoram a zirzawm ta a ni. A sawi dan ah a nun chu nuam a ti ve hle a ang

Kan chhungkaw chanchin te pawh tlêm azawng chu ka hrilh ve bawk a. Min nel nghal em em ringawt te chu ka tan pawh nuam letling zawk.


Ṭhian nei hrang lo ta ve ve chu kan subject lâk te in ang tlang bawka kan inkawm dun chawt ni mai. Achangin Zeli pawh lo tel ve leh zauh thin



_____________________




Karhnih dawn chu college pawh kan kal ve leh tawh, a pangngai viau zel e



Dar 7 velah chuan ka tho ve chha chha a, inhnuai lamah chhuk thla in choka lam ka pan nghal zat. Coffee chu ka in siam mial mial a, awmpui te pawh nei mah ila ka coffee siam baka duh hi ka neilo.



Chair ah chuan ṭhu in ka in zeuh zeuh a.


'Lo lungngai lo phawt la tihdan ka lo ngaihtuah ange' ka pa ṭawng chu ka hre zawk a

'I account ah enge maw zat ka rawn thawn kha tunah chuan kha kha lo hmang phawt hrih rawh' a tih leh phei chuan ka ngaihtuah na a ti thui ngei mai

Ahma ṭang tawh in ka pa hian ngaihzawng a neih hi ka lo ring fo tawh thin a, chiang tak in hre lo mah ila ka ring tlat a ni. Tuna a biak hi ni thei mai a ngem pawisa te a pe thin a maw huh va tenawm tak. Ka nu hi tinge a fin theih miah loh le hetiang pasal te chu neih reng tlak va ni suh....

Ninawm ka ngaihtuah peih lo.


Ka coffee chu ka in khawlh khawlh a, ka room lam ka pan leh ta nghal

Ka pa nen kan la in tawk zui, be lem lo chuan ka kalpel hmak a


Dar 8:30 dawn ah ka nu nên chauh chuan tukṭhuan kan han ei a. Chhungkaw kima tukṭhuan ei hi kan thiam ve vak lo ka ti mai, ka pa tel chuan ka rilṭam loh thu ka sawi mai zel.

Tlaiah chuan a rawn haw har thin vangin kan ei ho ngai lo hrim hrim.



First class ka nei tûr chu ka peih lo takzet. Zeli'n la nei ve lo zui keimah a ka kal mai ngah hmel ta riau



Remremi nghak lo chuan ka lo ṭhu ran a, min 5 chiah awm tawh ka luh san mai dawn mawni ka tih lai chuan min rawn au vak a. Bike ṭang chuan chhuk in min rawn pan a


"Awii motor a chhia lawm mawle, ka rawn tlai ṭêp nih hi" a ti nghal thuai thuai a


"Nia kal vat ang, chuan tunge a rawn thlah tu che chu I bialpa ni chiang mai" tiin ka lo fiam ve nghal zat bawk


"Teuh lo mai, kha chu ka u nih kha" a tih chuan awih loh hmel zet chuan ka melh a.

"I la hre mai ang" ti duh lek chauh

Class room ah chuan kan lut a.


Mi pahnih an rawn luh chuan mak kan lo ti angreng


Sir Sanga a ni pakhat saw chu mask a vuah bik daih a


"Min lo ngaithla vek rawh u le, ka bula mi hi in Sir thar tur a ni a ka ai a rawn awh hrih dâwn a ni. Mi bawn tak a nia ka college ṭanga lo zir chhuak tawh leh kan college lo ti hmingtha hle tu a ni a. A thil zir lai a zo fel chiah a a thu in lo awih nga a la naupan deuh vang hian in lo zuam mai tur a ni lo bawk" tiin a fiamthu ve zuai a kan lo nui dar dar mai


Remremi erawh a phur hmel tehchiam lo khawp mai


"I tho fu vak nange" ka ti sup a


"Chulam pawh nilo, tinge hetah kher hian a thawh le ka van ngei tak" a tih chuan ka hrethiam ve chiah lo



"In zavaiin chibai u le" tih ri ah chuan ka hawi chhuak leh a


Kan Sir thar chuan a mask pawh a lo phelh tawh lawm mahse a hmel ka hmu chiang chu
Ka meng phawk hle mai


Huh, sawpa saw maw kan zirtirtu thar tur chu. A va awihawmloh zawk ve


Ni e khapa hman a club-a ka hmuh pa ngei kha. A hmel ka hmu leh chu ka hrechhuak leh nghal chiang khawp mai


A inchei na te chu a inthlak hlawk ni mai, min bum tu ngei kha chu ni sia. Mahse khami zan ai kha chuan a hmelṭha in a smart zeih tawh mai. A sang viau lehnghâl, hmeichhe ṭhenkhat ho pawh chuan a hmelṭhat thu an sawi ve luam mai


"Nathan Lalrindika ka ni a, Sir Rindik min ti dâwn nia. Ṭha taka inzirtir kan tum dawn nia ka theihtawp ka chhuah pui che u nga nang ni pawh in ṭhahnemngai tak a in beih ka beisei. In thiamloh te pawh min zâwt zel thei ang. A hmasa in roll call na nei ang aw" a ti a


Sap hming a neih chuan tinge a Mizo hming a hman kher ni. In la sial em mai a



"Zorin, ka unaupa a ni tih i hre miah lo mi" a rawn tih chuan mak tih hmel zet in ka melh leh


"Maw saw pa saw i unaupa maw. I ti tak tak mi" a lu a bu nghauh a


"Ka zalenna a rawn ti chhe vek mai in ka hria" a ti leh hmuk a. Hei vang hi ni maw a mood a lo off em em ni


"234 Zorinpuii" tih ka hriat chuan ka ding vat a


"Present Sir" ka tih chuan an nui dar dar hlawm mai

Sir lam ka en chu a ni pawh lo nui ve, nui hmel mawi tak pawh nei mah la ka ngei tho tho che ka la ti rilru leh hman hram


"Thil sawi ngaithla ṭha rawh aw, i thu thei e" a tih chuan ka thu ve mai a


Ka dawt mi te roll no a lam chuan ban an phar zauh zêl a. Ka hrethiam chiah hei vang hi nih hi min lo nuih ni, ka va zak tak

Saw pa vang bawk a zahna kan tawn leh tak chu.


Class chu a la ṭan nghal mawp mawp a


A class lak a nuam phian lehnghâl, a English hman a mawi si a explain thiam hle bawk, a ngaihnawm ti ila a sual lo ang.



Class a lâk zawh chuan kan chhuak ṭhem ṭhem a.


"Lalremruat" ti ri ah chuan Remremi chu a chawl dat a


"Ka lo va kal ang" a beng bula ka ti chu rang zet hian ka bânah a vuan a

"Ngailo, min hauh loh phah maithei sin min kalpui rawh" a tia min kai phei nghal zat



Saw pa hmuh saw ka duh lem lo sin, min hrechhuak ang tih te ka hlauh hnuhnawh viau. Tunah chuan kan Sir ni tawh sia, ka nu ka bum tih te kha la hria ngem le.

Min hre tawh lo em ang chu maw


"Enge ni ta U"


"Class i ngaithla ṭha lo khawp mai, ahma ang mai mai a i awm chu inring hauh suh ang che. Ka class ah ngat phei chuan a hmasa ber ah i ṭhu ziah tawh tur a ni" thupe aw zet chuan a ṭawng a, Remremi chu a ner nang mai ka peihloh pui takzet


"Chuan nang hi Zorinpuii kha tiraw" a tih chuan ka bu zeuh a "Remremi hi lo kawm sual miah suh ang che, in pahnih hian a tlar hma ber ah zêl in thu thin ang ka class piang ah a chiang em"


"U i ti mah mah lo maw, college zir lai kan nih tawh hi chubâkah khatiang khan zirlai dang i ti thei miah lo nia. Keichuan ka hnial lo ang che mahse Zorini hi chu thu i pe ve ngawt thei lo" tiin Remremi chuan min lo chhan vat a



Kan zirtirtu ni mahse college chin tawhah hetiang a zirlai an tih ka hre ngailo. Zalen taka awm phalsak kan ni kan duh leh lam kal lo nga kan duh leh kan kal ang kan thu thu a ni tawh
Chutih lai kâra a ni in a hetia min ti chu ka haw so bawrh bawrh maiin ka hria.



____________________



💐🌹🥀🌷🌺🌸🏵️🌻🌼💮🍂🍁

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:00 pm

Chapter 3



Kan zirtirtu ni mahse college chin tawhah hetiang a zirlai an tih ka hre ngailo. Zalen taka awm phalsak kan ni kan duh leh lam kal lo nga kan duh leh kan kal ang kan thu thu a ni tawh
Chutih lai kâra a ni in a hetia min ti chu ka haw so bawrh bawrh maiin ka hria.



"In tana tha tur zawk in ni ka sawi, mahse a ṭha e i ṭhiannu hi chu a thu thu in a awm thei ang mahse nangchu ka sawi ang khan a tlar hma ber ah i thu thin tur a ni chiang em. Kal tawh rawh u" a ti leh hmak a, ngaihawm na reng a nei lo. A class la nen chuan min biak dan chu dang hle mai.

Eng zawk hi nge a mizia dik tak ni ang. Inthup ve theih hle chu ngai dawn nih hi



"Zorin pawi khawp mai keimah vangin ka u in a hauh ve phah che si a. Ka thiamloh vek a ni a hmuh ang ang hi thil nih dan emaw hi ti thin a buaithlak nia. Awwii tlar hmasa ber thut thin chu ka va peih teh chiam lo ve aw" a ti nâng nâng a


"Lungngai suh, ka thutpui dâwn che nia"


"I ti tak tak em"


"Tehreng mai ka ṭhian neih awmchhun i nia kan thu dun zêl ang chu"


"I van fel tak, ka u chu kan runluih ve dâwn nia. Lalrindaka mai mai saw ka hlau lo ve chiang em mai" a tih chuan kan nui dun har har a



Kan break in an vangin Zeli te nen pawh kan inkawm ho. An class ṭang in a ni chuan ṭhian a ngah tawh mai keichu pakhat chauh ka nei. Mahse ka hlim pui viau tho

Kan phai lam thian te nên pawh kan la in be zêl a. Nuam in ti si tiin an vui ve ziah lehnghâl nuam ti chu an mahni kha ni reng si.



Library thlang lama Nauban huan awm ah chuan kan ṭhu khawm a.

Zeli ṭhian mipa te chu fiamthu an duh bawk a kan nuih pui dar dar hlawm mai.. Remremi pawh in nuam a ti viau rualpawl thiam tak a ni miau a, khawi hmunah pawh awm se nuam a ti thei em em vek mai.



Inkawm vak theilo mah ila lunch hi chu kan ei khawm ziah thin a, sawi tur kan ngah thei bawk a ṭawng kan inchuh hi ni ringawt thin. A hlimawm angreng ṭhin phian



Atûk ah chuan Sir Rindika thu ang ngei chuan Remremi nen chuan tlar hmasa ber ah chuan kan ṭhu ran a. Class pakhat lek a a tlar hma a han ṭhut te chu pawi viau hleinem, ka subject core ber a nih bakah ka thiam ve ber thin nia.

A pawi ta ber mai chu, duh ang in nuam a tih theih tak tak tawh dâwn loh hi a ni. Tu in nge engtik lai pawh a zirlai ngaihtuah reng peih ang ni



Sir Rindika chu rawn lut a, a hmaa ka lo ṭhu ve chu min en deuh a ka hriat chu mahse ka hrelo der hmiah thung

Arûka han titi te theih tawh loh lai hi ninawm na lai tak a ni bawk.


A la naupang in a lehkha zir chhuah na pawh a la rei loh tehlul nen tinge heti taka a nau hi a hrên beh ni. College life lo chen ve tawh a ni awm sia


Kan Sir Rindika hi kum 26 chauh a la ni a, MA a zawh hnu a a thil zir a zir zo hlim hlawl Mizoram a rawn haw in hetah PUC ah hian Asst. Prof angin a rawn thawk nghal zat a ni.

Remremi min hrilh zarah ka rawn share ve leh mai mai che u ni e...



Remremi min nghawk zeuh chuan ka en vat a


"Zorin class a i awm chhung chuan i ngaihtuah na kha hmun dangah ni lo in classroom chhûngah dah rawh aw" Sir Rindika'n a tih chuan ka zak takzet ka ngaihtuah pawh amah la ni zui. Enge maw ka hriat ni

Zawi te hian "Yes Sir" ka ti a



A thil sawi lai a ni pawn a sawi chhunzawm ve nghal.


Ka van ning tak nimin ṭang a rawn thawk ṭan chiah a ka chêtchhiat a in ṭan ve chiah zui


A thusawi lai a ka en zawk chu min lo melh ve chiah a. Engtin mawni ka awm zawk hian ka hria a mitmeng mawi lutuk te saw aaa ka ning keihi zirlai dang te ang in ka awm ve tûr ka ni miah lo. Zirtirtu lehnghâl chuta kârah ka ngei em em mai bawk a nia a theihloh, Nilo ka duh ve tûr a ni lo hrim hrim

Mahse amah sawn min hip tlat mai bawk si, ka â thei mai dawn. Nizânah ka mumangah te ka la hmu ta deuh deuh, ka duh deuh a ni tih hi pawm harsa ti viau mah ila ka in hrechiang ve viau lawi si. Mahni inbum ngawt theih pawh hi nilo ka hre kur tho, ngaihtuah loh te pawh ka tum ve ngei lawm a thawk hleithei lo mai pawh a.

A ṭha ve em bawk a min dem thei pawh an awm bîk lo ang, Tunah pawh hian duh tu an kat nawk mai amah vanga English class a rawn ṭhu ve pawh an awm tih ka hre ve reng. An peih mai mai ngawt mai



Kan class zawh chuan Library lama kal kan rel a, lehkhabu atam bawk a ên tûr ber pawh ka hrelo. Kan kal kual kan kual ringawt a engmah chhiar ta lem lo chuan kalchhuah kan rawt leh ta a


Bag vel kan lak lai chuan ka phone rawn ri ta thut mai. Ka bag dap rak rak pah chuan Remremi chu ka zui chhuak a kawng ka lo en lo nen tu emaw nen hian kan insu chawrh a ka tlu dawn emaw ka ti a mahse ka hnung lamah chuan nghen dat ka nei


"Kalna kawng hi en hram hram tur a nia" ka hnung mi in a tih chuan rang zetin a mi vawn na ṭang chuan ka tal chhuak a.

Lalpa a ni bawk hi maw, tinge min tawh tîr reng mai le


"Ka tihpalh a ni" min su tu pa chuan a ti a, ka inthiamlo angreng

"Kalna tur ka lo en lo zawk a, ka thiamloh nih kha" ka lo ti vat a

Nui suk in min kalsan ta nghal


"E hee Rindak chuan Zorin nangpawh maw enge ni a. Min lo zui ve reng emaw ka tia" Remremi chuan lassi rawn in pah chuan a ti a


"I ṭhiannu ve hi a thluak hi khawnge a awm thin ni a tlu tur ka lo dang a lawmthu min hrilh pawh a hre miah lo nia. Chuan in Lalremruat college ah hi chuan i zirtirtu ka ni tih hre reng ang che khatiang khan min han ko leh teh" a ti chang fak a


"Zorin i ṭha maw" tiin min zâwt nghal zat a ka lo bu nghat, min tih dan kha ka zak tawh em a hnuai lam ka bih ngawt ngawt. Lawmthu sawi te chu ka tum lo bik pawh nilo a

"Nangpawh in ka hming pum in min ko ve ziah tho ni lâwm ni. Lo kal rawh Zorin kal daih ang lawmthu hrilh hrilh pawh ngai lo" tih pah in min kai sawn nghal daih



"Rindaka ve kha engah mah ngai duh suh" a ti hlak a


"Mahse a sawi dik ve tho lawm. Lo awm lo se chu ka tlu dawn chiang lutuk, lawmthu sawi pawh ka tum ve reng alawm" ka ti sap a


"A nghal ve hrim hrim a nih kha. Mahse mak tih deuh chu ka nei"


"Engmaw??"


"aaa ka hrelo ka rindik leh ka la hrilh zawk ang che." A ti ta daih engtak ring ang chu maw



Last ka neih loh vangin Zeli nghah ka rilrûk a, Remremi erawh tihtur a neih thu sawiin min haw san thung


Keimah te chuan ka ṭhu a, ka piah deuhah chuan ṭhianho thu pawh an awm. Nuam an tih hmel hlawm tak zet, kan ṭhian ho ten han kal ve thei ila chu a nuam leh zual viau ang tih vel ka ngaihtuah mai mai a ka lung rawn leng viau mai.

Ka ṭhian mawl ve phet phut te pawh an ngaihawm vawng vawng hle mai, in video call vel ringawt hi chu atak nen a in ang thei lo



"Enge i ngaihtuah vung vung a" rawn ti tu vang chuan ka harh zawk Amah bawk a ni


"Engmah ni lo e, ka ṭhian te ka ngai mawle" ka ti let a, ka bulah chuan rawn ṭhu a


"Ka awih duh ngem" a tih chuan ka melh vat a, ka hrethiam lo deuh



"Ti..tinge i awih loh ang"


"Hman zanah khan i nu pawh dawt i hrilh mai sia ka ti deuh mawle" nui deuh titih chuan a ti a


Lawkin hepa hi min lo la hre ve reng tihna mi.


"Min hre tawh lo zawk em ni" a rawn ri leh a

Keichuan rang fahran hian "Min bum tu i nia ka la hre ve kar che lawm" ka ti chu a nui leh suk mai


"Khami zan khan ka thusawi kha i awih tak tak ka ring miah lo sin mahse mak tak maiin i lo awih reng bawk sia. I ṭhian te i hruai chhuak ka hmuh khan ka nuih lo za viau a sin" a tih chuan rum zetin ka en a


"Chuvang mi tûn thleng pawh a ka chunga i la chimawm reng" ka ti ve ta hmak a


"Tikha chuan kha zâna mi hmeichhe nunnem lo zet kha i ang leh tawh lawm" A thusawi vang chuan ka ner nang a


Zeli text ka hmu chiah chu ka tho hluai a

"Ka kal tawh nge, chuan vawiin vang khan ka lawm lutuk e" tih zawng ka sawi a, hmanhmawh zetin ka kal nghal hmawk hmawk


______________




Whatsapp ah chuan tunhnai a min rawn be tu ti mai ila amah tak chu ka hrelo chupa chuan min rawn be ve ṭhin a

'Vawiin i hmang nuam em' a tih dan ziah chuan rawn ti leh a

Biak a nawm phian vang hian ṭha deuh tak chuan ka lo chhang ve thin. Kan inbiak na pawh kar 2 lai chu ni ve tawh.


A sawi danah kan college ah chuan a kal ve in ka hria, amah tak a in sawi duh lo mai pawh ni lo in Dp pawh anei ngai lo,. A status neih ve chhun lah thu emaw van thlalak lam te ni tlangpui a. Nature lam duh ve chi tak a nih ka ring, kan in mil viau tihna mahse chutiang lam hawizawng chuan ka be lem lo. A in thup hneh ve ropui sia



'Nuam ni mai' tih zawng in ka chhang


Vawiin ni ka ngaihtuah chhuak a, Sir Rindika ka rilru ah rawn lang nghal ringawt.

Hmanni ṭang khan a hnaih a awm hi nuam ka tilo vel ngawih ngawih mahse mak tak maiin kan in tawng fu nawlh nawlh mai bawk si. Ka lakah pawh a fel ti mai ila a sualthiam a chhuah tawh lem lo


Thlakhat dawn kan kal tak ah chuan class ho pawh kan in hre ve tawh viau mai, Remremi pawh bem tu a nei nual a "A tu amah hi ka duhlo mahse luck hi nuam ve a" a ti ham ham zel.
Chuan keipawn be tu ka nei ve zeuh zeuh reng bawk


Sir Rindika theihnghilh nan tiin biak ṭhat ve deuh te ka tia mahse ka tihleithei meuh lo. Ka laka a ṭhat deuh hnu phei hi chuan a harsa ni tawp mai, min care viau anga ka hriat na te hi peih bo daih ka duh.


A hma kha chuan Zirtirtu ka duh ang tih reng reng ka ngaihtuah ngai lo. Mahse he Lalrindika hian min thlâk tir ta daih mai zawng nih hi

Kan Sir ka duh ru tih hi tumah ka la hrilh lo. Zeli takngial pawh ka zak deuh tlat, suh satliah mai a ni si lo.

Student dang a buaipui viau te hian ka lo thik vel thin mawle ka van zahpuiawm reuh tak....


A ni ang mipa chhelo leh hmelṭha sawn bialnu a neih loh chu ka ringlo. Remremi lah ka zawt ngam der mai silo mahse bialnu a nei tih lam chu sawi a nei lo ngei mai a....



"Zorinpui harh rawh a ni kha i bansan ngai nia, duh leh bialnu pawh chu nei se enge ni vak. Engah mah i ngai lo tih hre reng rawh" tiin keimah leh keimah chu ka in hrilh mawlh mawlh a


____________



Ziak mawp mawp a ka rawn post ve leh tawp mai,, nuam ka ti ve a ngaihnawm hran lo mah se. Hun khawhral nan ka rawn ti ve leh hram nih hi...

Chhiar nawn hi ka ti vak lo a,. Dik vak lo pawh awm thin ka ring. Min lo hrethiam dawn nia




💮🌼🌻🏵️🌸🌺🌷🥀🌹💐


Zorini Cloudy

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:01 pm

Chapter 4

________________




Assignment tih tur ṭhahnem tak ka neih vangin zan lam chu han men viau ka tum rilru a. Eitur ka lei lawk ṭawk bawk, assignment reng reng hi hun tawp dawn lama submit thin mi hi ka ni hrim hrim mai a.

Mahse tunṭum chu ka tisual deuh, hrim hrim in min pe rual ṭhup kher a ni. Subject tinah kan nei a kan neih hmasak ho ka la ti mai silo a, ka inhnawh tawngkhawng ta ringawt mai zawng nih hi...

Zanin chu in han bei tak tak ila. Mark ṭha te ka duh ve leh ngei awm si a


Zir ṭha peih lo a tihchhiat hlau leh em em hi awmzia awm thlawt lo. Mi dang kan ring kual in buaina kan siam sak vel mai mai a ni. Pass that duh chuan han zir ve mai thin ila midang zara tiṭha ve mai mai nih hi keichu zahthlâk ka tih zawng tak mai a ni.


Zir ṭha peih em em ni lo mah ila midang chu ka ring ngai miah lo ka thiamloh chu ka thiamlo a ni mai. Ka dik ve viau nia,. Ka nu ka chhun ve na lai te pawh ni mahna



"Bawihi i ṭhiannu a lo kal nia" ka nu chuan kawngkhar chhan ṭang chuan mi rawn hrilh a


"Aw ka lo kal" ka ti let a. Ka chhuak zui nghal tu tak niang maw tunah dar 7:30 a ri tawh a



Sitting room lam ka pan chu Remremi leh ka pa lo inbe mawlh mawlh chu ka hmu a.


"Remrem enge tunah te i lo tih dawn a" an inbiak lai chuan ka va ṭawng zat a

"Engvak mah ka lo lut kawi mai mai, ka text te kha chhiar ve ta che"


"Ka charge daih lawm, lo kal la ka room ah" mitmei zauh chuan ka ti leh a, a ni pawh a ding ve that mai



Ka room ah chuan ka hruai a



"I room chu ka duh chi tak nuam tawp, nang hi lehkha i lo zir em ni"


"Teuh lo assignment tih ka lo tum nih hi. Engmah ka la ti ve hleinem le, English phei chu naktuk tuk leh last date ni tawh lehnghâl"


"A ho e naktuk la awm chu"


"Hmm in enlawk ngai ve lawm. Nang te chu I thiamloh pawn kan Sir hi i u nia i zawt thei mai dawn a"


"Rindaka hian engmah min hrilh peih hleinem, kei ai chuan nang hi a dah pawimawh fe che" a tih chuan mak tih hmel zetin ka melh a


"Engmaw i sawi"



"Ka sawi ang kha ni mai"



"Hmm i daw peih nih chu, hrim hrim in enge tun ang zanah te"


"Ricky-a ka hmu lawm mawle, hmeichhe dang nen an la awm zui ka rilru hi na veng veng mai. Tinge theihnghilh ka tum laia ka hmuh fuh leh kher kher ni, chubakah a pawi ta ber mai chu min hmu ve kha ni. Inbiak a rawn rawt a mahse tih tur pawimawh ka neih thu sawiin chhuanlam ah in in ka rawn lut ta hlawl mai nih hi. In veng lamah ka lo kal hlauh chu ka lawm letling ka tlânchhiat san thei hram a" a ti mawlh mawlh a.


Henu hi chu aw Ricky-a hi a bialpa hlui a nia, Phai a an awm lai ṭang a inngaizawng tawh an ni inngaizawng nghet ve tak an nia mahse hmeichhe nang nen a an awmdun lai ti ila an in fawp lai a hmu ni awm tak a ni... A insawifiah na pawh ngaithla duh lo in a ṭhen nghal hmak a, Mizoram haw a tum mek lai ni bawk nen thuchiang tak hrelo in a kalbo san ta a.

Ka rindan mai mai chuan an in kar thu ah hian thil hriatsual a awm ngei ka ring. Remremi pawh hi a la duh in run thleng pawn a la theihnghilh thei lo a a in sawifiah na te chu ngaihthlak sak ve tur nia.
Ngaihthlak a hnek in a tlânchhiat san zawk chu ni si a. La fel ve vat turah ngai ila tihtheih ka nei chuang der silo.



Ka ngaihdan te chu ka hrilh a, a la ṭang na em em zui. Hahthlâk ṭhin em mai



Thil dang a sawi ta daih a


"Bialpa thar hi ka nei mai dawn mawni,. Tuna min bem tu te zîngah hian ṭha tih deuh pakhat chu ka nei tho a"


"I duh tak tak te nih loh chuan ti lo law law rawh eng ram ropui mah in thleng chuang lo ang." Tiin ka lo chhang vat
A hlim dâwn chuang lo tih chiang reng


"Anih leh nang bialpa te hi neih i tum ve lo mi" min melh kar pah chuan a ti a


"Ka hre mai hrih lo, duh deuh chu ka nei a mahse.."


"Tunge chupa chu,. Tinge engmah min hrilh lo a a hmelṭha em, kan class a mi ni em min hrilh vek rawh" phur hmel zet hian a ti a


"Kan class ah chuan a lo kal ve thin" ka ti sup a, a unaupa hi ka duh tih ka hrilh duh hrih lo. A lo sawichhuah palh chuan college ka kal ngam tawh dâwn lo tih ka chiang



"I phakar e chuchauh chu maw nuam dawn e"



"Engchu maw nuam dawn"


"Thil te te mawle. Chuan han sawi zêl teh"


"Aiihh nangpawh i sawi duh chuang lo" ka ti let daih a



A phone a rawn ri rang rang a


"Ninawm" tia phun pah sup in a chhang a ka lo nui tawp


"Enge Rindak" Speaker ah chuan a dah a


"Khawnge i awm a, hmeichhia si hi leng leng suh" a rawn ti hmuk a


"I sawi tur awm lo,. Ka duh leh ka leng ang"


"Lalremruat i u hi mi zahlo viau zel suh"


"Ho em mai,. Ka dah dawn nia zanin chu Zorini te in ah ka riak mai ang. Kan rel dawn che byee" a tia a hmet tawp hmak




"I u hi chu I ngam ve ngawt mai. College lamah i tuar leh nge aw"


"Ka pa bulah ka zualko leh zawt zawt mai dawn a ni. Ka pa naute duat ka ni ka tih tawh kha, ka pa te chuan a fanu hi mi ṭan em mai" a ti ham ham a , Coke chu a in zui nghal khawlh khawlh bawk...

Apa nen a an in pawh dan a sawi hian a rûk tak chuan ka thin in ka awt takzet. Ka pa nen hi chuan kan in hmelhriat loh en vel mai mai si a, a mizia ang chiah ka nih vangin a mit han tlun zawnga tan lâk lam a lang lo chu ai chuan a duhloh zawnga han awm deuh ngat te hi nuam ka ti zawk.


Ka pa pa ka pu hian nang hi chu I pa chiah chiah hi i ni mai bawk sia in hahthlâk em mai tiin min zilh ve ziah thin. Ka engah mah hian a thawk lo zo vel vek tawh.



Ka phone rawn rik chuan ka va en a, number chauh a ni


"Hello"


"Zorin" rawn ti sup a,. Phone ṭang pawn tunge nih ka hre em em engtin nge ka number te neih zawk ni


"Aww" ka ti mawl tawp a


"Remremi hnênah kha riah chhuah ka rem tih loh thu leh ka rawn lam tur thu lo hrilh ang che."


"Ahh awlee" ka tia ka dah daih



Khum lamah chuan ka kal phei leh a


"I u nia, a rawn lam dawn che nih chu" ka tih chuan a nui suk a

"Chupa han phakar reuh dan hi a, chhuanlam tur in ka lo awm leh chiah a hmm" amah chuan a phun ang bul bul a



Dar 8:30 a rik meuh chuan Sir Rindika pawh rawn thleng tawh. Remremi rawn phone a thlah tur chuan ka chhuak ve leh a



"Kha khawnge in kal dawn a" ka nu chuan lo ti a

"Nu Dik kan haw phawt nge ka u min lam turin rawn kal a"


"A ni maw a zia hlauh nih chu, zâna hmeichhe mahni a chhuah te hi a ṭha lo a nia" a ti zui kher lehnghâl



"Remremi chu I la rawn leng ziah dawn nia" ka pa ṭawng nem tak ka hria chu ka beng chhe ri mawni ka ti dâwn lâwm mawle. A fanu zawk pawh khatiang tawngkam khan a be ngai tawp si loh a


"Tehreng mai, mangṭha u aw" tiin nui var var ka nu leh pa te chu a thlah a



Kan chhuah hnu ah "I nu leh pa te kha ngainat awm ka tih chi tak" a ti chu chhan dan tur pawh ka hrelo ka nu chauh chu ti se ka sawi duah ang mahse ka pa berkher chu ka sawi lo ang in hre vek ......



Sir Rindika chu Car rinchhan pah in chhelo zet hian a lo ding vang a. Thawmhnaw pangngai a hak lai ka vawikhat hmuh na a in hmeh hliah hliah zel tho a nih hi. Tinge a pian fuh em em bik le.



"Hey enge i ngaihtuah tak daih a" Remremi ṭawng chuan min ti harh zawk, ka ning e sawpa ka hmuh piang sawn ka pangngai thei lo ziah mai



"Engmah ni lo, in car saw a mawi ka tih chi tak. Car hi ka awt ve thei lutuk a" ka ti ta daih a


"Lungngai suh,. Kan graduate hunah kan la lei dun dawn nia"



Sir Rindika awmna chu kan thleng ta a. Min en reng vang chuan ka lai titih ringawt zui a, ka rilru in ka in hau pah mawlh mawlh bawk


"Rindak phakar pa, i awm reng ka phal bik dawn miah lo. Kal nghal ang" tiin a ṭhu lût nghal at a



"Zorin bye phawt aw. Chuan zanin kan sawi kha theihnghilh miah suh,. I duh deuh pawh chu nakinah min la hrilh ang che" a sawi zawh hma hma chuan Car chu tinung in a tlân nghal daih a

Ka lo bye tawp


An in hnial leh nasa ang chu aw. Nge maw ka duh deuh chungchang pawh chu a sawi lan leh hram chu ni...



Assignment tih tur in min la hmuak ṭeuh mai si a, Remremi zarah darkar khat dawn chu engmah ti lo in ka la khawhral ta zui a.


Inchhung ah chuan ka lut leh vat a, ka room lam ka pan chat. Ṭha taka min be tu tur pawh ka neih ve loh hi a huiszzz



__________________




*Spelling mistake leh tihsual dang a lo awm chuan min lo hrethiam hram hram dawn nia. Phone a type hi chuan dik famkim hi har ve a... Min lo chhiar sak ve vang in ka lawm lutuk bawk e, ka vawikhat na nia in duhthusam tawk lo viau chu ka ring a theihtawp ka lo chhuah ve zel dâwn nia*





💐🌹🥀🌷🌺🌸🏵️🌻🌼💮


Zorini Cloudy

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:01 pm

Chapter 5




Rindika p.o.v

(A rilru te pawh hriat ve chakawm lawm tiru🤭)





"Rindak Phakar pa ka riahchhuah leh chhuah loh ah hian sawi theih i nei miah lo. I chhuanlam mai mai tih ka hria nia, mahse maw i chang chuang lo ani chuan kan class ah duh deuh a nei reng tawh." Remremi chuan a ti tan tan a,. Henu han ṭawng theih dan hi chu aw ben lawl tlak a ni

Tunge Zorini chuan a lo duh ang ni, hmalak ṭan a ngaih hmel dâwn ta riau mai.


Khami zan Club-a ka bum tak hmeichhia kha ka college thawh na ah ka zirlai angin ka hmu ang tih ka ring pha reng reng lo...

Khami zan an ṭhian ho a Club a an rawn luh ṭan tawh khan amah ah hian ka mit a fu tawh. Club-a ka hmuh hi ka vei ngawih ngawih ka ring ngai lo mahse ka vei tlat mai bawk si a. A lam lai te kha ka la mitthla thei a hlim lutuk te khan min ti nui ve suk suk a.


Lam na ṭang a a kalsawn hnu khân a bulah ka va thu chat nih kha. A khirh hmel vel phian min chhan dan te chuan min ti nui suk suk bawk. A nu dawt a hrilh khan mi khawlo ve tak turah ka ngai hman a chuvanga tihder ka ni reng a. A awih kha ka ring miah lo
A â reuh hle mai, a ṭhiante a hruai chhuak dam dam lai te kha ka lo thlir reng....



Class ka ṭan tirh kha chuan a lakah khan ka chimawm lui ve hrim hrim a,. A hmel te hi lawmawm ka ti thei em mai bawk a, class a ngaithla ṭha reuh phian lehnghâl

Tlar hmasa bera ka ṭhut tîr nachhan pawh chiang deuh a ka en theih dawn vang a ni pakhat. A tîr kha chuan min hre tawh lo mawni ka ti hman a mahse a mah ka biak ni khan min la hre ve reng tih ka hria. Ka bum na kha a la sawi chhuak zui



Amah han biak vel ka chakna chuan midang angin WhatsApp ah ka be ta tawp a. Min chhang ve zel thin vang chuan kan in be chho ve ta reng mahse tam a sawi ngailo zawhna ka zawh chuan min chhang tawp a ni mai.


Remremi hian a ṭhiannu laka ka awmdan hi lo hrethiam tlat mai a, min vau nan la hmang ve khanglang zui.



Kan thlen chuan a chhuak nghal vat a, keipawh car te dahfel in ka lut ve ta nghal a. Ka roomah lut in ka mu zal vang vang a a hnu ah pawhdawh a ka dah ka phone pakhat zawk chu la chhuak in. Ka number save awmchhun Zorini chu whatsapp kaltlang chuan ka han be leh a


'Enge i tih a' tih zawng chu ka thawn a, college student ang in ka in sawi miau vangin zirlai lam te ka sawi pui chang atam

Enge ka hriat a henu zûna ka uai tak tlat chhan hi ni, a mizia ah han luanliam na em em tur ka hmu lo. Amah te hian mi hip ve em em a ni mai



'Hei Assignment ka ti mek a, ka ning nia aw kan zirtirtu te hi ka ning min pe rual vek kher a. Assignment te in nei ve lo mi' tih a rawn thawn a, a thil rawn thawn a la sei ve pawl tak aniang



'Keichu pêk rual hian ka theih ang ang hi chu ka ti mai thin a, ka buai lem lo'


'Entawn tlak bik hle mai mahse hetia tih hi ka tihdan ve hrim hrim nia😁🤭'



'College kal lai te i ni tawh a, tihdan ṭhin te chu thlâk a pawi hleinem'


'Nih chu ni viau, kan ti ve leh phawt nge aw muttui le'


'Muttui 😘' tih ka thawn let a, ka emoji hman chuan min ti nuihza tlat pek zui a
A seen a min chhang let tawh lem lo


Ka phone chu a awmna ah dah let in, ka mu leh vang vang a

Mahse ka la muhil tak tak theilo chutia duh te a lo nei a nih chuan hma ka lak ve tawh chu ngaih hmel hle mai a.

"Lo inring rawh Zorin i Prince Charming hian i hnên ka rawn pan dawn e" ti rilru in muthilh zai ka rel ta a


______________




Zorini p.o.v



Ka alarm ri ral ral ah chuan ka harh hlawl a, ka zak nghal chem chem mai

Ka mumang ah Sir Rindika ka lo hmu nih chu chumai pawh ni lo kan lo inngaizawng a hmun nuam deuhah min lo hruai a, kan lo infawp nasa em em zui. Ka hmui chu ka khawih zeuh a


"Zorinpui khatiang te engtin nge i man theih zawk a, i â tak tak tawh nih kha" ka lu beng zeuh pah chuan ka ti a

Mahse ka mumang vang nge ka mood hi a ṭha lutuk ringawt. Ka bialpa han ni tak tak mai se tih te thleng thleng in ka ngaihtuah a



Sandwich siam tir in breakfast tân ka ei mial mial a, chaw han ei teh duah ai chuan tiang te hi tui ka ti mah mah zawk.

Heivang hian ka nu pawn min hau ziah ṭhin. Ka tih loh phah chuang lem lo a, keini ang hi chuan han hauh te hi engah vak mah hian kan ngai ngai meuh lo. Ka duh dan ang in kan ti leh nge nge tho, hetiang thu han i hrilh te hi chu ngai ah kan nei ti ila dik mai awm e


Ka mumang in min chiah hneh deuh nge vawiin chu chhiatloh ve hle ka tum a ni tawp mai. Ka hak tur pawh ka thlang rei ngat ngat khawp e

Ka in hak fel hnu chuan ka in chei ve ngei bawk a.
Ka sam pawh ka pawt kawi ve deuh ka inhmeh phian mai tihzia chi nih hi


Nidang ai chuan ka inpeih har hret mahse chutia tlai lutuk pawh ni hran lo.

Pa Hlima chuan min lo nghak leh reng tawh, a ni hi ka pa assistant a nia ka chungah pawh a fel khawp mai fanu ang takin min en ka ti mai. An ni nupa hian fa an nei thei lo a ka khawngaih thin hle a chang chuan tinge Pathian hian an fanu zawk ah tal min pian tîr loh ka ti thin. Nu mai nilo in pa hmangaina ka dawng tel thei ang a

Suangtuah na mai a ni e


Car ah chuan ka ṭhu lût a


"Vawiin kha i va chhelo ve a" a ti a


"Tak tak maw, awihawmloh loh" Ka chhan na chuan a ti nui suk a


Eng eng emaw min sawi pui a, reilo ah kan college pawh kan thleng ve leh ta. Vawiin chu Zeli a chawl dawn a a cousin te inneih na ah a kal ve ni awm tak a ni.

Nidang anglo takin Sir Rindika hmuh mawlh ka phur tawh


Remremi ka call a an lo thlen ṭêp tawh thu a sawi a, ka ṭhut ziah na hmun ah chuan ka lo ṭhu leh ran a

"Vawiin kha i va chhelo ve a" ka bula rawn ṭhu pah chuan tu emaw hian rawn ti a


"Tunge i nih a"


"Min hre lo maithei Timothy ka nia 3 sem ka zir mek a" a tih chuan ka bu nghauh ringawt


"Helaia i ṭhu ziah hi ka lo hmu thin che a, vawiin chu enge maw ka hriat ni rawn biak che ka chak tlat a ka rawn kal tawp mai nih hi" ka chhan lem loh vang chuan a ti leh malh malh a han chhan mai dân tûr ka hre lem lo khawp mai


"Ka ṭhiannu ka lo nghak thin a" ka ti ta ngawt pek a nui suk a


"I hming min hrilh thei ngem"


"Aww Zorini ka nia"


"Hming nalh tak a nih chu, umm chuan I phone number min pe thei ngem nula chhelo tak number neih te hi khat a chubakah I zirlaiah thiamloh te I neih chuan min rawn zawt thin nga ṭha em"


"Min hrethiam mai ta che nakinah ka number chu ka la pe dâwn che nia" ka ti let ta daih a, mak tih hmel chu pu deuh mahse a nui ta hak hak a


"I va duhawm reuh tak, ṭha lawm i number nei thei tur chuan ṭan lâk nasat deuh la ngai ni maw. Ka duh zâwng tak i ni" a rawn la ti deuh deuh, kalsawn ta lem lo chuan ka bulah thu in zawhna min zâwt neuh neuh a, ṭha deuh chuan ka chhang ve zel


Car nalh zet rawn tlân lut chu ka lo en zui a, ka hmuh tawh hnu ang tih ka ngaihtuah lai chuan nizâna Sir Rindika car rawn khalh kha ni tih ka hre chhuak zawk

Ka zam thar ta em em mai


Remremi chu rawn chhukin min rawn pan vat a


"Ehh tunge heihi" a rawn ti nghal phawng


"Timothy ka nia, Zorini ṭhiannu i niang maw"

"Aw Remremi ka nia, Zorini nen hian in inhmeh tawp kan lo tlân luh khan ka lo thlir dun tawh che u a" a tih chuan ka melh vak a, hrelo der hmak ka ngei lek lek zawk mai



"Remrem" rawn ti tu vang chuan ka diklo nghal vek thei


"Sir chu i car kha nalh khawp mai" Timothy bawk chuan a lo be hmasa leh a


"Timo nang maw i junior bulah te enge i tih a" a ti hmuk a a mood fuh lo mawni ka lo ti rilru leh hman


"Engmah ti lo e, junior te belhchianna ka nei ve a nih hi" a ti let a


"Ka nau te hi biak lawk ka duh a" Sir Rindika chuan ti leh sup a


"Aw ni maw ṭha lawm keipawh ka ṭhian te ka va pan nge Zorin kan in hmu leh dawn nia aw" min en pah chuan a ti a. A kal ta nghal nal nal

A hmel a ṭha chhiat pawh a chhe lo mahse ka engah mah a thawk lem lo. Ka hmaa mipa hleitling zet hian min hip bet hneh tawh nasa si a


"Zorin khapa kha mi a" Min rawn nek zeuh in Remremi chuan a ti a enge ka hriat a Sir Rindika ka melh ve rikngawt chu. A ni lah chuan min la melh ang khui zui a


"Teuh lo mai ka hriat ngai pawh ni reng reng lo" ka lo ti thuai a Sir hian min ngai diklo lo se ka ti ni tawp mai



"Taka U enge i sawi duh chu"


"Engmah a ni leh lo, ka kal nge zirlai ngaihsak ang che" a tia in her in a kal ve ta nghal


"Hmm phakar leh mai mai, Zorin keini pawh kal ang"



_______________




🌸🌺🌷🥀🌹💐🏵️🌼💮

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:01 pm

Chapter 6



"Zorin tah hian min lo nghak lawk rawh, dawr ah thil ka va lei lawk ang" ti in class zawh rual rual chuan a tlanchhuak a. A mak ka ti angreng a lehkhabu te la dah chhuak vek bakah a bag pawh a ak lo reng reng


Ka lehkhabu ka dah luh hnu chuan Remremi lehkhabu ho chu a bag ah chuan ka dah a



"Zorin" min rawn koh chuan ka hawi vat a


"Lo kal teh" Sir Rindika chuan min ko a, tinge ni leh ta le min hau leh dawn zawk nge


A bul ka va thlen chuan "Enge Timothy nên khân in inkar ah awm" a thusawi chuan min ti mengphawk letling zawk


"Mawww" ka ti huu a


"Remremi khan duh i nei ni in a sawi a, khapa kha em ni ngaihzawng i nei tih min hrilh miah suh" a thusawi mal tin chuan min ṭhawng ti ila a sual lo ang, a thu min zawh te reng reng mai chu


"Chu...chutiang a awm lo" ka ti ta tawp a


"A awm lo tak tak nih chuan a ṭha e, chuan i duh pa pawh kha a theih chuan bansan ang che."


"Engvangin maw" tiin ka zâwt let ve ta a,. Hetia min tih ngawt dan hi ka hrethiam lo, ka mi duh leh duh loh ah sawi theih a nei in ka hre hek lo


"Achhan maw i hrelo tak tak em ni" a tih chuan ka melh kar a, ka zam na te kha an bo duak mai nih chu mahse a thu rawn sawi leh chu ka tan chuan khawvêla thil mak hrang hrang te an sawi anga mak a tling


Sir Rindika chuan min duh thu a sawi nih chu. Ka mumang nge ni a ka suangtuah na ah ka leng zawk


Engmah sawi nachang pawh ka hrelo, mak ka la ti em a ni. Min fiam mai mai te hi lo ni lek lo maw


"Khatiang lam kha chuan min fiam miah suh" ka ti ta tawp a


Min rawn hnaih deuh a tunah chuan midang an awm tawh lo an kan pahnih chauh in kan ni "Chu I awih lo tihna em ni"


"Engvangin nge ka awih anga" ka ti let ve a a nui suk mai


"Awih phawt mai la a tihchi ang, chuan mipa dang lo melh kual tawh lo phawt la i Prince Charming hian ka ta mi in min chuhpui hi ka tithei vak lo nia" tiin hmelṭha lutuk hian min nuih seih a, chhan let ngaihna pawh ka hre tawh lo. Engtin maw a in sawi kha Prince Charming a khatiang te han sawi a inhmeh lo e



"Sir kan lo lût thei ngem" Hmeichhe ṭhenkhat te hian an rawn ti a, ka thin rawn phu deuh dawt dawt mai


"Lo lût ru" a lo ti ve mai a



"Midang an lo kal tawh sia ka kal tawh phawt ang aw. Zanah ka rawn bia ang che" tih sup pah in min kalsan nghal

Kei erawh ka thil tawn te vang chuan ka la ding reng.


"Zorin enge i tih a, lo kal rawh" Remremi chuan a rawn ti a, a rawn luh lai pawh ka hre miah lo




Kan chhuah chhoh hnu chuan Remremi chuan "Chuan engtin nge ka u chu I lo chhan a" a tih chuan ka ding dat a ka en kalh mai. A lo hre ve reng tihna mi


Zawhna mitmeng tak chuan ka melh a


"Titeh kalpah in kan sawi dawn nia. Keipawh karhmasa ṭang chauh khan ka hria amah ngeiin hrilh che a duh a tih vangin ka thup sak mai nih kha mahse hint chu ka pe tho thin che lawm ni lâwm ni i hrethiam lo thei lutuk a. " a ti nâng nâng a



"Engtin nge i chhan tak min hrilh ve la ka hre chak nia" a ti leh a


"Ka awih loh thu in ka chhang, mak em lawm min tihder turah ka ngai bawk a" ka tih chuan a nui vak vak a, ka nuih erawh za ve hauh lo


"I va â reuh tak e aw, nih enge Rindaka chu I ngaih ve dan ni hrim hrim, mipa dang i duh tih ka hrilh chiah a hma a rawn la nghal nia i duh ve deuh reng reng em"


"Remrem chutiang lam chu sawi lo ang, ka rilru hi buai nia ka la dik thei lo." Ka tih chuan min hrethiam niang ngawi ve mai a




Kan kal lai chuan a ding thut a, ka en chu hma lam lo en deuh ngur a. Ka hawi ve chu mipa pakhat lo ding hi ka hmu ve chiah


"Zorin tihtur ka nei a ka kal mai ang" tih pah chuan rang zetin a tlan nghal daih enge a che zia awmzia ni ngai


Mipa lo ding leh chu ka melh leh a, ka hrethiam chiah lo


Chupa chuan min rawn pan a


"Remremi ṭhiannu i niang maw, min hrelo maithei Ricky ka nia" a tih chuan ka hrechhuak chiah heivang hi ni maw a tlanchiat leh tak


"Aw Ricky maw ka hria che lawm Zorini ka nia" ṭha tak chuan ka ti ve a. A hmelṭha takzet a ni


"Min hria chu mak ka ti hle mai mahse a ṭha lam a nih chu ka ring chiah lo" tih sup in a nui suk a, ka lo nui ve tawp


"A rilru a na ve lutuk a mahse enge maw hriatsual a awm hi ka ring ve tlat, a insawifiahna te pawh ngaihthlak sak la ka ti ve thin a mahse a la inpeih lo a nih ka ring. Lawkin nang hi engtin nge Mizoramah te i awm theih a"


"Zorin ka lawm lutuk e chuan khawngaih takin Remremi chu lo hrilhfiah tum hram teh min biak duh loh dan chu I hmuh ang kha nia min ngaihdan hi thil nih na diktak a nilo hemi hrilhfiah tum hian nia Mizoram ah pawh ka rawn let ni" a tih chuan


"Amah vang chauh in maw?" tiin ka lo zawt thuai a


"Aw ni e, in hriatsual na vang mai mai a ka hmangaih chan hi ka tum lo, mahse ka thusawi a awih lo a inṭhen a duh tho nih chuan ka tilui lo ang" a ti leh dap dap a, ka lo ngaisang ru nghal fe in ka hria. Hetiang mipa min hmangaih em em tu hi ka tawng ve ngem le Remremi hian a vânneih zia hi a hrelo a nih hi.


"Zorin min pui rawh aw khawngaih in tumah han hmelhriat em em ka nei silo a, ka hria che hi ka lawm takzet a ni" a ti leh sup a


"Ni e, in ṭhat leh theih nân chuan ka theihtawp ka lo chhuah ve ang. Kan inhmu chu a lawmawm e, class ka nei leh dawn sia ka kal phawt nge aw" ka ti a, kal ka tum chu min lo ko ding leh a ka number min dil a ka pe ve mai bawk.



Remremi pawh hi class pawh a la ta miah lo, khawnge maw a kal ni a haw daih mawni le. Ka text lah chhang let lo bawk sia, nin changa titi pui tur nei ta lo chu ka mal ngawih ngawih hian ka in hria


Tun hi ka class tawp na ber ni hlauh zawk a.


Kan class la kan zawh chuan kan chhuak sang sang a, Remremi awm hi chuan an Car hian ka haw ve mai zel a mahse awm silo a taxi ka lâk mai ngaih hmel.



Gate lam pana ka kal chu mi pahnih rawn lut dun te chuan ka mit an la zar mai. Miss Jane leh Sir Rindika ngei mai an ni, ka zêp lo ang an in hmeh thlawt a ni. An hmelṭha in an chhelo dun si an inphun hliah hliah hian a hriat. Thenkhat thla lo lâksak tawk lah an awm, keihi ka thik ngawt mawni zingah min duh thu sawiin tlaiah hmeichhe dang a awmpui leh vel a.

Min bum hauh lo ang ka ti rilru a ngaih pawimawh loh hmel zet chuan an lam ah chuan ka pen hmawk hmawk a. Melh pawh ka melh eih lo, ani erawh chuan min melh deuh tlat in ka hria

Ho mai mai em mai... Lêr a nih kha



______________



Ka nu nen chuan chaw ei kan siam mawlh mawlh a, chutih lai tak chuan ka pa rawn haw hlawl mai mak kan ti chu kan in en dun haw. A piangthar thut emaw ni


Ka nu chuan "Zanin chu I va hma ve, kan lo siam ve nghal dawn che em ni" a ti vat a, engmah sawilo chuan a lu bu nghat a room lam a pan nghal. Enge awmzia kan ruala ei a tum tihna mi


"Muante thleng lo lak belh ta che" tiin ka nu chuan kan awmpuinu chu a hrilh nghal zat a


"Nu kan ruala ei a tum chuan ka ei dawn miah lo nia" ka lo ti nghal vat a


Ka hnung ah min rawn beng zawk a

"A a suh, i riltam thu i sawi nasa hle ni lâwm ni. Sual chhuah hun pawh nih loh hi ṭha deuhin ei ang che" min tih khum zek ka ner khum nang a



Dawhkan chu kan han kil ho ve thap a, tui lo zet chuan ka ei a kan ngawi hlawm thap mai.


"Hna lam te in tluang maw" ka nu chuan a ti a


"Tluang chu ni mai, tunlai chu kan buai zual a karleh ah hian ka zin maithei bawk" a ti ve duah a


"Aw a nih chuan engtik ah nge i lo haw ang"


"Thla thar lamah nih ka ring, kan hlawhtlin chuan ka kaisang maithei bawk a ni" a ti a, ka nu pawh chuan a hlim pui ve hmel khawp mai


Tui lo zet in chaw chu ei mah ila ka ril lo ṭâm ve tawh tho nen chuan ka ei ṭeuh tho.


Ka kham chuan ka room lam ka pan nghal daih. Ka tih ṭhin dan ni hrim hrim a


Ha te ka nâwt a, hmai te ka phih fai hnu chuan khum ah ka mu vang vang a. Ig ah lût in eng eng emaw ka en kual vel mai mai a


Noti ṭanga whatsapp message rawn thlen ka hmuh chuan ka ṭhu hlawl a

Inthuppa a thil rawn thawn chu ka chhiar a

'Zanin chu tunge ka nih hrilh che ka tum deuh a, enge i ngaihdan' tih hi a ni rang zetin ka chhang let a


'Atawp a tawp ah chuan, tunge i nih a han in sawi vat teh' tih ka thawn let a


'Mi han ring chhin phawt teh, nitin kan in hmu in kan in be ve thin bawk' a rawn tih chuan ka han ngaihtuah vang vang a, kan in hmu ziah a kan in be ṭhin bawk maw a van mak tunge niang le??


"Tunge i nih a,, hmeichhia a mi" ka tih chuan nui lai emoji chauh a rawn thawn a


'Min hrilh ve mai la'



'Ṭha e keihi i Prince Charming kha ka nia' a tih chuan ka meng kawk mai


Sir Rindika thusawi te kha ka hrechhuak nghal uaih uaih mai. Anih chuan a ni hi amah kha maw enge awmzia ni ta


'Anih chuan nang hi...' tih zawng ka thawn a


'I ring dik e, enge i tih a' a rawn ti leh a


'Engmah pawh ka tilo' tih ka thawn a, ka data ka off hmak


Hepa hi enge a hriat le, min ti rilru buai zo vek. Min bum ang tih ka hlauh na a lian ber ta in ka hria, ka lo duh ve em em in min duh thu a sawi a ka tan chuan chubaka lawmawm a awm chuang lo mahse tih hian min ti buai a ni....



____________



💐🌹🥀🌷🌺🌸🏵️🏵️🏵️


Zorini Cloudy

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)