ONLY YOU BY Zorini Cloudy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ONLY YOU BY Zorini Cloudy (Completed)

Unread post by Ngaia » December 12th, 2021, 2:04 pm

Chapter 19




Ka ke ka tih ulh deuh vangin atûk college pawh ka kal ta lo. Min rawn be ve nak nak mai, group activity tih vel te kan lo tih ve nawk nawk tawh vangin hmelhriat leh ṭhian tia sawi tur te pawh ka nei ve nual tawh a.





A hlimawm ve tawh takzet





Ka room pawh ka chhuahsan meuh lo, step kal ber hi ka ti hleithei lo a. Tukṭhuan te pawh ka room ah min rawn pe thlap lalfanu ah ka inchan deuh mai. A nuam ka ti ru phian zui a




Tihtur a tam loh deuh chuan U Makimi pawn min rawn kawm ve leh bawk bawk ṭhin... Ka nu chu zia lam a pan dawn emaw tih hnuah a lu a na leh tawh ka hlauthawng lek lek. In entir chu ka la sawipui leh tho ang, natna enge maw te a lo nei nih chuan in enkawl vat baka thil ṭha a awm chuang lo...





Tlaiah chuan Zeli leh Remremi an rawn kal a,, an awm rei bawk a anuam khawp mai. Mi chawh hlim hi chu an thiam ve hrim hrim a, ka ke tih pawh ka theihnghilh ṭep lawm le





Thim deuh hlek hnu chuan an haw ve ta hram a, thlah pawh ka thlah thei lo





Ka phone ka en chu Missed call a lo awm nual mai, ka lo ṭawng tui vel lutuk kha ka lo hre mai lo nih hi mawle. Ka lo silent kher bawk sia




Ka call let ta vat a





"Hello" hmeichhe aw no zet hian a rawn ti a, ka teu nghal hlar mai. Tunge niang le tunang ah te chuan inah a awm awm ngei si a





"Rindika a awm em" kan ti sup a





"Aw awm e, mahse tûnah chuan a chhuak lawk a. Enge ni ta"




"Engmah nilo e biak lawk ka duh a mahse tunge i nih a" ka ti ta nge nge rin chu ka nei ngei alawm





"Nunui ka nia hei a rawn lut lawm.... Nathan kha an be duh che nia" Nathan a ti maw



"Tunge ni a" Rda aw chu ka hre chiang ngei mai




"Zorini ni in ka hria" hmeichhe zâwk chuan a ti leh a




Ka off ta hmak, nge tun angah an tih dun ang le. Ka ngaihtuah nghal char char





Ka phone rawn rik chuan ka en reng ringawt, ka thik em a ni. Ṭhian kan ni pawh ti mah se a bialnu lo ni tawh thin a nia an awmdun reng chuan engvângin nge ka thik loh tehlul ang ni.




Ka ke hi a dam vat a ngai dawn nih hi
.........






'Bawihi i off leh daih a, zanah ka rawn leng dawn nia ka ngai lutuk che' tih chu min rawn thawn a, ka seen ringawt. Ka biak chakna te kha chhembo ang hloh a ni, kiang duak mai





Rawn kal duh suh khanu bulah khan awm kumkhua rawh tih khum mai nia ka duh ni






Zanah chuan rawn kal ta ngei mahse ka be lumlam peih thlawt lo, ka mood a off ngawih ngawih a bialnu hlui rawn inlan chiah a min hlat nghal em em ka ti lo theilo. Ka ngaihbel te pawh ni ve thei tho na a, ka la na tlat




"Thinrim na deuhte i nei mi, i hlim hmel loh e"




"Chutiang awmlo" a zawhna min zawh reng reng chu ka chhang bung nghut nghut




Hnai setsawt hian min rawn melh a "Enge diklo awm, keimah vang nge ni a thil dang a awm zawk." A ti chang fak a




"Tawlh sawn teh ka ke na lai i ti fu nia" ka ti ve nghal hlak a, a awmsawn ve mai mahse insiamrem in ka bulah a rawn ṭhu zat a. Ka lu chu kuai kûn in a awmah chuan min bei tîr a ka kut a khal niap niap bawk




"Sawi rawh le, ka ngaithla che nia."





"Engmah a nilo, ka nu vangin ka rilru a hah mai lawm. Chuan ka kal ṭha thei lo pawh hi ka ning lutuk, engmah pawh ka ti ṭha theilo chubakah mahnia room-a awm reng hi ka hne hluah hluah, vawiin pawh ka khua a har viau nia ka bialpa ve lah chuan min ngaihtuah lo awm ang mai hian mi biak pawh a tum hran silo a" ka thinrim na tak sawi silo chuan ka ṭawng duah a,, atawpah ka hmer tel hram





Min kuah nghet sauh a, ka lu ah a fawp sap bawk. Nuam ka lo ti leh tawh nasa





"Ka tihpalh aw ka naute, naktuk chu i khua a har ka phal tawh miah lo ang. Chuan i ke pawh i hmang thei ṭêp ang, i bialpa laktlak loh zet chu ban in keihi min pawm thei mai lawm ni"




"Ni e tiraw mahse ka bialpa ka hmangaih ve tho bawk sia min la nghak leh deuh rawh" kan ti let zui ve nghal a, kan nui dun hak hak





Dar 10 dawnah a haw ta chauh a len rei ve tum tak a ni...




***********





Kawngkhâr rawn ri dawt dawt vang chuan ka harh zawk a, ka ner nghal nawng. Tun ang zingkar hma takah tunge maw ni le




"Tunge" ka ti ṭiak a,, mumang nen ka la inchiahpiah nasa lutuk ringawt




A rawn ti ri leh dawt dawt a





"Rawn lut rawh" thinrim zet chuan ka ti ta hlawih




Kawngkhâr chu a rawn in hawng da da a, ka mi hmuh vang chuan ka mengphawk teh e Lalrindika maw




"Tunang zingkarah te enge i rawn tih dawn a"




"Zingkar a tûnah hian dar engzat nge a nih i hre miah lo a ang. Chuan hêng parda chhah tak te hi enge awmzia ni rawn lut tûr pawh a dang vek alawm" a ti nghal bul bul a, parda a hlim sawn nghal sawk sawk bawk. A en em vang chuan ka mit ka hum vat a




Ni chu a lo sang tawh nasa,. Ka phone ka en a dar 8:30 lo ri vang tawh. Ehee ka rin aia ka muttui daih chu ka damdawi ei vang kha ni ngei ngei ang...




Ka ham bai bai a, Rda lam chu ka en leh zat




"Tinge tunah te i rawn kal a, insiam la college kal i ngai lo mi"





Ka khum sir lamah chuan rawn kal in




"Vawiin chu chawlh ka la a, chuan ka bialnu hmelṭha tak tan hian vawiin chu a personal assistant ah ka ṭang dawn emaw chu te ka ti deuh a. I remtih chuan Miss" a kut chu a rawn lek chhuak vang bawk a, a ti tak tak maw ni le.




Ka kut chu pe vat in "I â thut a mi" kan ti ringawt a





"I tello chuan nuam ka ti bik lo a, i khawhar tawh loh nan ka rawn kal nih hi. Vawiin tan chuan i chhiahhlawh ka ni e, i duhtawk in min tîr kual vel thei ang" ka lo bu nghut nghut a, ka phur tawh takzet bawk. Min surprise takzet, tihi chuan Miss Nunui bulah pawh a awm loh ve phah nga




"Anih chuan chhiahhlawh pa ka ke hi ka rap ṭha ngam lo tih hria la ka room hi ka chhuahsan chak tawh em em bawka min pawm chhuak ta che" inlak hmel zet chuan ka ti a, ka nui hauh lo bawk




Ka sawi ang chuan min rawn pawm kang lawp a ka lo vuan ve vat...



Min zo khawp mai, step ah te chuan min kalpui hmiah hmiah




UMakimin min hmuh chuan a lo nui var var a ka nuih let ringawt




Chair ah chuan dim deuh chuan min nghat a, U Makimi lam hawi in ka nu ṭhat leh ṭhat loh ka zawt nghal.




"A pangngai ni mai, damdawi ka pe tawh a chuan hei buhhawp te ka siam sak nih hi... I pa pawh naktuk ah a rawn haw ang a ngaihtuah ve deuh aniang" a tih chuan ka lo ner nang thung,. Ngaihtuah a,, ka thil awihzawng a ni lo e.




Ngaihtuah ni se hman hman ah a rawn haw tawh ang, atân chuan a hna bak a pawimaw a awmlo. A nupui damloh laiin kha a bialnu kha a hmu ru a niang nge. Hmmmmm





"Het Zingkar ṭanga mood fuhloh chu ṭha lo nia chuan Makim vawiin chu Zorini hi ka kut ah i dah tawp thei ang aw" a ti zui malh malh a U Makimi lah chuan min nuih vur vur




"Awle ka hria e, vawiin chu keipawh awmlo angin min ngai thei ang. Zorin nuam deuhin aw naktuk ah chuan i dam ṭhat var tawh ka ring" tih zung zung pah chuan ka nu eitur nen chuan a in chawi chhuak ta nghal a





Rda apron ha mawlh mawlh lai chu ka lo thlir tawp hepa hi chu inhmeh loh tih te hi nei ve lo nih hi...





"Ka hmel hi chu ṭha i ti chiang a ni tiraw" mawi zet a nui pah chuan a ti a




"Tehreng mai khatiang a i nuih phei kha chuan ka â vek thei" uar theihpatawp chuan kan sawi a a nui ri ve hak hak mai lawm




Min rawn pan hnai a "Duhawmnu" min tih pah chuan ka biang a piai zeuh a




"Min piai ziah suh" rum deuh a melh pah chuan ka ti nghal hlak




Ka hmazawn dawhkan lehlam ṭang chuan rawn hawi a




"I chhiahhlawh hot zet hi siamtir duh te i nei em le Miss" in la polite zet chuan min zawt vel a




"Ka duh duh mi" ka ti chuan a bu nghauh a, dawhkan ah chuan ka kut nghatin ka biang ka dawm vang vang a





"Ummm Spicy noodles " phur zet chuan ka ti a




"Bawihi zingkara Spicy han ei te chu I ti ang lo em mai, noodles pangngai deuh zawk te pawh i duh lo mi"




"No, ka sawi i hriat chuan siam vat la ni mai. Chhiahhlawh te chuan thu an hnial ngai lo hre reng ang che" inkuangkuah than chung chuan ka ti a




"Min siam sak vat mai teh ka ban leh daih zawk mai ang che" thildang a sawi hma hma chuan ka lo ṭawng khalh zung zung a




Phur lo zet chuan min siam sak ta nge nge, tui ti zet a ka ei a hmuh chuan tlêm chuan a lungawi in ka hria...





"A tui zia hi, spicy hi chu ka hne thei mawlh lo" ka ṭawng lai te chuan ka ei pah mawlh mawlh a




"Thil ei laiin ṭawng vak vak ṭhin suh, i hak nge. Chuan tukṭhuan an hetiang hi ei leh tawh ngai suh ang che a thak mah mah a nia, ka rin aiin thak i la ngam zui" a ti nâng nâng a





"Ka bialpa hian thak ka ngam tih tunah a hre chiah maw a va lungawi thlâk loh deuh ve aw"






"Ka hria lawm mahse 3x a nia ka leisak che hi, i nasa lutuk" a ti leh hluk a ka lo nuih vel mai mai tawh





Ka ei zawh chuan min sil sak leh vek a, nuam hi ka va han ti tak em




Rda chu nilengin ka chhawr kual, ka ko kual reng a phone pawh ka khawih tîr hman meuh lo. Vawikhat chu Nunuin a rawn call a, ka hmu reng chungin ka chhang lo a ka hrilh lo bawk. Vawiin chu tuman min tihbuai ka remti lo hrim hrim a ni tawp...




Duh ang ngeiin nilengin hun kan hmang dun...




Chhawr reng mah ila ning hmel a pu ngai hauh lo zui. Ka tîr kual hrep a ka inthlahrung leh deuh hi ti lo mai rawh kan ti leh ngawt zêl bawk a
"Pasal tlak ka nih zia ka en tir che nih hi" an ti ve bawk a




A nu leh pa ten Hetiang hian an fapa duat ka chhawr tih hria se chu min ngei ve ngawt ang le. Mahse amah a rawn in sawi lut miau a, a thu a ti vek lawm a nih tho




A thla ka lak ruk sak zeuh zeuh bawk...





An che vel hi chu a inhmehlo ve ngawt lawm.... Smart zaihin awm se inhmeh ta ber mai.....





_______________



💮💐🌸🌼🌺🥀


Zorini Cloudy



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:04 pm

Chapter 20








Damdawi mumlian in min rawn enkawl takah chuan ka ṭha ta khawp mai, kal nasa vak theilo mah ila ka kal ve thei pangngai tawh viau a. Chuvang chuan college pawh kal ka tum ruh hle a ni





UMakimi leh ka nu chuan ngai la ti lutuk lo mahse ka kal duh miau sia, min ti lui lem lo.




Pa Hlima awm loh vangin taxi lâk mai ka rilrûk a mahse Rda'n min rawn lam dawn hlauh.





Min 5 vel ka ding tawh tih chuan a car rawn tlân chu ka hmu a, ka nui nghal ver ver.






Mahse ka hlimna te chu a mi phurh ka hmuh rual chuan chhembo ang duak a ni leh ta nghal. Tinge henu hi Rda bulah hian hmuh tur a awm reng mai le. Car te chu a nei awm sia Remremi sawi danah an hausa tih ka hre ve reng





Ka zâwnah chuan rawn ding a, ka lo nghak ve laklawh tawh vangin ka chuang ta hram. A hnung lamah ka chuang leh ta chu nia, ka lawmlo khawp mai.





"Hi Zorin kan in hmu leh mai lawm tiraw chuan Nathana bialnu i lo ni reng a. Mak ka ti khawp mai I zirlai naupang i duh ka ring ngai miah lo" nui har har pah chuan a ti a





"Duh loh theih pawh hi nilo" a ti ve sup a, an inbe chhunzawm ta daih... Min dah hrang ang riau te hian ka hria, biak pawh min la be miah lo nia van sual tak. Tunah tak hi chuan a bialnu chu Nunui hi a ang zawk mah in ka hria





Darthlalang ṭanga min rawn melh chu ka hmu zawk a, rang fe in ka hawi sawn nghal. Taxi a ka lo kal daih lo chu inchhîr tawh tak ka ni





College kan thlen chuan chhuk mai ka tum a mahse Nunui chuan min rawn pui vat





Ka kut ah chuan a dawm a, a mah rinchhan chuan ka ding ve bawk




"Car hi saw lai ah sawn ka va park ṭha lawk ang" tih sup pah chuan a khalh sawn ta nghal a




A tlan liam chiah tihah chuan Nunui chu awm sawn in min vawnna pawh chu a thlah nghal hmak a





"Zorin Nathana kha ṭhen ang che" ka hmaa ding pah chuan a ti a, ka en hau ringawt. Chutiang thu min hrilh tur chuan tu chiah nge maw a nih tehhrep ni




"Engvang chuan maw" ka tih chuan nui deuh hak hak a, min melh rum tawh takzet bawk.





"Achhan chu a ni kha ka ta a nih kha, i nat hma hian inthiarfihlim zawk rawh. Keihi min hmangaih tih i lo hre dâwn nia, ni e tûnah chuan a bialnu i ni maithei mahse khachu ka awm loh lai a ni ka rawn let leh tawh a, ka kiangah a rawn let leh dawn tih ka hrilh lawk nghal che. Ṭhen vat i tum dawn nia"


huh!! a mize tak tak chu heihi ni maw, ka lo rin rilrûk ang chiah Rda hi neih let a tum a ni. Mahse keihian ka kal tîr mai lo ang a hmangaih thin mai thei tunah chuan keimah min hmangaih tawh tlat





Chhan let pawh ka tum em em hran lo kal mai ka tum a. Mahse min rawn vuan leh vat a "Ka thusawi kha hrereng ang che, ka ta hi tu mah nen a inṭawm ka duh hauh lo a nia" ti leh fak a, min vawnna chu ka thehthla sawk a




"Kan inang keipawn thil inṭawm hi ka duh bik lo" ka ti let ve khalh a a ni ang lakah hian ka zam mai bik tur a nilo. Zorinpuii ka nih hi, mi zuam sual khawp ang




Lalrindika min chuhpui a tum a nih chuan min hmachhawn phawt a ngai ang. Chuan keihian tu lakah mah ka chan dawn hauh lo bawk...





"Zorin heyy" Remremi chu a rawn kal ta hlauh a



"Remrem i lo dam thin maw" Nunui chuan a lo ti leh hmanhmawh tawh, tun lawka min biak dan nen a awki chu in ang lo nasa tak a ni




"Ṭha lawm, Zorin class kan ṭan ṭep nia i ke la dam chiang silo a muangchang in kal ila tiraw" min be leh nghal daih a, ka lo bu nghut a kan kalsan nghal





"Khanu khan enge a sawi a, ka hrilh ang che ṭhat chhuah vak mahse keichu ka ring tawh lo hrim hrim ka u a kalsan ṭang khan miṭha zawk zawk chu a ni hauh lo ang. Ka rilru ti buai tu chu engvanga rawn let leh nge tih leh ka u a rawn bêl chat te hi mak ka ti thlawt. Hnaih vak miah suh" A ti nghal mawlh mawlh a, Remremi thawveng viau mahse a lo fing ru zek nih hi ka ti ta.
Nunui thil sawi te erawh ka hrilh ta lem lo





Class kan lak zawh chuan hmeichhe ṭhenkhat te chu ka bulah an rawn kal a, engtak chu ni ang maw ti a ka ngaihtuah rauh rauh lai chuan an mi zawhna te chuan min ti thinrim ṭun thei




"Enge Sir Rindika leh Miss Nunui te inkar ah khan awm??"




"An inhmeh bawk sia an nih te kan lo ring deuh a, an awmdan velah a nih hmel em???"





"Enge an inbiak dan vel te, engtin nge in rawn chuan ho theih??"
Tih vel mai mai min zâwt vak hlawm, keimah hi lawm a bialnu chu tih mai ka nap




Tukin zînga a motor aṭanga ka chhuak kha an lo hmu ni ngei ang. Nge maw





"Taka Remrem enge an inkar hi i hria em a nau i ni lâwm ni" tiin Remremi melh deuh ṭhap pah chuan an han ti leh a




"In suangtuah na anih chu, ka U chuan bialnu a nei chuan Nunui kha a nilo bawk. Chu chu ka hrilh ve mai mai ang che u, tawk em" tih hmak pah chuan min kai lawp a min kal pui a tum ta mai, ka lo inring lo nen ka ke la na deuh bawk sia ka tlu lek lek mai. Min lo vuan ta hlauh zawk a




"Aww Zorin ka tihpalh lutuk ka lo theihnghilh daih lawm" Min buaipui nghal sawk sawk a




"I ho em mai mahse min dim deuh tawh la" tih pah chuan ka nuih var var a




Muangchang zawk chuan min kalpui a





"Aa tunge niang le Sir Rindika bialnu chu, Miss Nunui hi a hmelṭha sia an inhmeh viau sin mawle chubâkah an in hriatthat hmel si a Kan sir chu ti ang lo e" kan kalsan tak te chuan an ti chhunzawm mawlh mawlh, enge maw khanu in la fel deuh ah khan an hmuh chu ni hmeltha tih mai mai nungchang hi ni pawimawh zawk chu maw





"Lungngai su hetia Miss Nunui'n a zar buai reng chuan engtik ah emaw chuan a la duh let ve khawpin ka ring. Mipa tan chuan a ni ang chhelo lutuk chu hnar phal chi rual a ni hleinem" chuthu chuan min ti buai leh ta, mi thusawi mai mai vanga buai mi ka ni tehchiam lo sin mahse eng ka ti ta nge pawh ka in hre lo. Lalrindika vang vek a nih hi hetia ka awm tak ni.




Sawi sep sep tur hian a awm bîk reng mai hi ka kham takzet a ni





"Hii Zorin, ngati chhet chhet nge a" Timothy chu ka hmaah hian rawn ding ran a




Tunah chuan ani pawh 5 sem a ni ve tawh, a puitling ve sawt te chuan ka hria. Min beidawn san tawh tih kan sawi lang ve leh hrim hrim nge, mahse a tihdan ngai bawk fresher chhelo zawng du du a a mah lo chhe zawk zawk lo nen, fresher lam ṭangin bialnu a nei an ti in ka hria...





"Ka tlu lawm mawle, tinge kha nangmah chauh a i awm a khawnge i Duati"





"Class a la lawm mawle ka khawhar hian ka rawn zawng leh ta che nih hi." Fiamthu deuh chuan a ti a, a mizia a chhuah leh ṭhin tih loh ah hi chuan ka a nuam khawp mai chubakah senior te hmelhriat ṭha neih te hi ṭha ve hrim hrim a, hman ṭangkai na lai ka ngah ve nia. Mahse Rda hriatloh zêlin a thik si a, buaina awm vak loh nan ka hrilh hrelo mai thin




***†*†******






Haw tur chuan kan chhuak dam dam a, min kalpel zung zung mai.




Gate kan thlen vel dawn chuan ka phone rawn ri a, Rda a ni




"Hello"





"Gate pawn ah khan min lo nghak rawh, ka rawn chhuak ang" tih zawng sawiin a dah lehnghal




"Nangchu thlah tu i nei bik dawn a nuam awm mange" Remremi chuan a lo ti nghal zat




"Lungngai suh karleh ah a rawn chho i ti ni lâwm ni"




"Dâwn mahse a haw leh vat zel ngai hian min ti hlimlo zêl tho. Ka kiangah awm ve reng thei se ka tih zia hi"




"Han zir phawt la kumkhua tan pumkhat in ni ṭêp tawh lawm" kan ti ve duah a




"Ni e, ka nghakhlel college te hi kal tawh loh mai ka duh pasal hausa ka nei dâwn tho a" a ti ṭan leh nghal ringawt





"Ka kal dawn nih chuan, ka hrilh che kha theihnghilh suh aw. Nunui khan chet a lak hmain lo lak khalh zêl ang che. Anih loh chuan a fing a nia" ka beng bul te a min hrilh pah chuan a ti a, a kal zui nghal




Rda pawh rawn chhuak vat a, ka zâwnah chuan a ding dat bawk. A hmaa chuan ka tum zet na in a hnung lam kawngkhar chu hawng in ka lut daih a. Pawn lam ka hawi nghal hmak bawk




Diktak chuan ka ngei ve em a ni, tukin zingah te pawh a car park ṭhat chhungin ka lo kal daih a vawikhat te pawh min rawn biak a tum eih lo.





"Enge i hriat, a hmaah rawn ṭhu rawh" a ti nghut a, ka va ṭhu awm lo tak




"Midang ṭhu tur te an lo awm leh takin hetah ka ṭhu law law mai ang" ka ti kher, a ngai haw viau dawn tih pawh ka hre reng




A rum nghut a "Lo ṭhu phawt la kan sawi dawn nia"




"Ka duh lo, min thlah dawn chuan tlan chhuak tawh rawh. Ka pheikhawk bun hian ka ke a ti fu thei a a na tawh riau nia" ka ti leh zeih zeih. Ka chhing nghal daih bawk




A tlan ve ta mai bawk a




Engmah kan sawi chhunzawm tawh lo, motor a ti ding a ka hriat chuan ka meng a. Kan dinna lai chu ka hre hauh lo




"Khawi lai nge, ka haw duh ka tih kha"





Ka thusawi chu hrelo der hmak a, a seatbelt phelh in a chhuak nghal nalh a. Ka lo en ha ringawt restaurant chu ang ka ti




A phone ri ri ka hriat chuan ka lak sak a,. Nunui bawk




"Hello" tunṭum chu chhan ngei ka duh tlat


.

"Khawnge Nathan"




"Ka bulah a awm, enge ni ta" ka ti let ve kher a




"Phone kha pe teh" a va zaklo siah siah e aw, a hmaa ka biak aw no zaidam hmel zet chu a bo chiang vang vang khawp e





"A bialnu ka nia ka bulah sawi mai rawh" ka tih chuan a nui hak hak mai




"I ṭawng danah chuan min cho a ang khawp mai, atân hian i tling tawk in i in hre reng reng a mi. Naupang mai chauh i la nih kha, in inkar kha a la thutak hauh lo tih kha hre rawh. Chuan lo ngai reng rawh nang aia min dah pawimawh zawk zia hi kan hmuh tir ang che i lo thlir dawn nia" ti leh zat zat in a dah hmak.





Phone chu ka hum ngawt ngawt a, tih thinrim ka tum nen keimah zawk bawk thinrim in ka awm leh chu nia.... A call log ka en chu Nunui tih a tam khawp mai, kei mah ai pawn an in be hnem daih zawk a nih hi mawle





Darthlalang ṭanga a lo kal ka hmuh chuan phone chu ka dah let vat a, Engthil tak chu rawn ti ang maw in en ila, tu zâwk nge a ngaih pawimawh chu a hriat mai ang...





Ka awmna lam chu a rawn hawng a, ka lo en tawp




Min chhuk melh run a "Rawn chhuak la a hmaah rawn ṭhu leh" a ti hmuk a




Inkuangkuah at chung chuan "ka duh lo ka tih kha, enge ni vak tukin zing pawn engmah i sawi lo ni lâwm ni nge tunah min ṭhut tîr phet chu i tum a" zam hmel pu duh miah si lo chuan ka ti let ve ngat a





Rawn kun hniam deuh a ka bânah vuan in min pawt hnawk a, hnai set sawt hian min melh leh a "I thinrim na hi a ho mah mah nia aw,. A naupang chhiatthlak em mai aw, chuan nangmah a i rawn chhuah loh chuan ka pawm chhuak dawn che nia"





A thusawi chuan min ti thinrim zual sauh, nichin lawkah Nunui hnên ṭangin naupang tih ṭawngkam ka hriat hnu ah tûnah che naupang chhia te chu min la ti zui a. Ka laka Nunui chet dan hre tawp si lo hian




Ka thinrim lutuk insehruh vel chu ka kang lawp mai.... Lawkin hepa hi min pawm chhuak tak tak mawle, ka van ngei tak




Tal fat fat chung chuan "Heyy Hmela min thlah nghal vat rawh i mawl mi a" ṭawng ring lutuk ngam silo chuan ka ti , min kalpui hmiah hmiah a min zo bawk a a kut lehlam in kawngkhar chu hawngin a hmaah chuan min ṭhut tîr ta nge nge




Ka tum nghal hmak, ka ngei dan hi ni ringawt min ti zak bawk si. Thenkhat lo awm ve khan min en tih ka hre ve vek, ka zak lutuk ringawt




A rawn ṭhu lût ve nghal a "thu i awih loh vang a nih kha, chuan kha heihi ei rawh" tih pah chuan bawm tê fel reuh tak pakhat hi min pe a.





A lum vang vang mai, nichina a thil lei kha ni ngei ngei ang. A rim chu a tui hmel viau bawk, mahse tûnah chuan thil ei mood ah pawh ka cheng hlawl lo a ni. Khawih pawh ka khawih chhin eih lo, ka thinrim a kaltluang em a ni





__________________




🥀🌺🌼🌸💐💮🌹🌷

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:05 pm

Chapter 21






"Engmah i thinrim chhan chu ni ber a, Nunui ka lo phurh vang khan a ni em enteh Bawihi ka hrilh vek tawh che kha kan inkârah engmah a awm lo chubakah thik duh suh ka engah mah a thawk pha lo tukin zing kha chuan a car a lo chhiat vangin min lo phar ding mai lawm" a ti zui malh malh a, ka la tum hmak tho. Nunui hian neih let leh a tum tih a hrelo chu ni phawt nga





"Enge maw te chu sawi ve la, chuan kha kha ei rawh a tui i ti ngawt ang a daih hma khan ei vat vat rawh" ka malchunga a thil dah rawn en zauh pah chuan a ti a, ka rilṭam ve deuh tho sia ka hawng ta rak rak a




Ka ei nghal mawlh mawlh mai, a tui lutuk lehnghâl. Ka thil ei lai a hmuh chuan a nui suk a




Kan in kawtah chuan a ding dat a




"Kan ṭha ni tiraw , i ngawih rêng hi chuan nuam ka ti miah lo nia." Ahma ang em em kha chuan ka thinrim tawh lo mahse ka la lungawi chuang lo. Nunui confi lutuk vang te pawh ni mah na





Ka chhan hma chuan a phone a rawn ri a, ka lo en ve zawk Nunui a ni. Min en kar a ka hawi sawn hmak thung




"Aw Nunu enge ni ta"





"Awle ka lo kal nghal dawn nia, min lo nghak rawh" chuthu a sawi ka hriat chuan min ti na lutuk ringawt. Heihi ni maw a ngaih pawimawh zawk min en tir a tum dan chu, nilo ka kal tîr thei lo ang chak zâwk ka nih tir thei lo.. Min ngaihtuah zawk tih hi ka van hmuh tir awm tak




Phone chu a dah a "Bawihi kalna tur hmanhmawh thlâk thil ka nei a, zan lamah ka rawn kal leh zawk ang aw" a ti nghal mawlh mawlh a, vawikhat phone call vangin min kalsan a tum nghal a nia.





"Chutiang khawpa a pawimawh chuan kal ta pauh che" tih pah chuan ka chhuak nghal a, lo en rawh Nunu ka rawn kaltîr dâwn lo hrim hrim. Ka khi suk a




A la tlan chhuah loh danah inchhung ka luh hun a nghak tih ka hria.




Kawngkhâr thlen dawn hian step tlêm a la awm ve a, ka ke na sa nen ka plan chu fuh phian ka ring

.

Ka tlu der ta ringawt mai, ka au deuh ṭhat bawk ka mit sir chuan ka en ve reng bawk a. Car kawngkhar a rawn hawng a a rawn tlân vat a min buaipui nghal mawlh mawlh


.
"Ana em, i kal na tur en ta che mawle" a rawn ti nghal hluk a, engmah sawi chuanglo chuan ka ke ka dawm ve ṭai a




"Helai hi mi na" A tih chuan ka bu nghut ringawt



Min siam rem in min pawm leh nawlh a,, nghet zetin ka lo vuan nghal


Inchhung min luh pui a UMakimi lah chu a lo la khi ang vur zui a. Ka tluk vang tih a hriat loh vang mai mai niang



Ka room ah min hruaiin khumah zawite hian min dah thla a



"A la na em" ka ke vel chu a en nghal a, min ngaihtuah zia ka hmuh hian ka inthiamlo leh deuh mahse khanu bulah khan kallo se ka ti em a ni




"Makimi kha kan ko dawn mi" a tih leh chuan kal a tum tih ka hre mai ka ke na pawn a dang dâwn lo a ang khawp mai



"A ngai lo ka ṭha mai ang, chuti fakau a thil hmanhmawh thlâk a awm chuan i kal thei ang. Ka ngaihtuah awmloh" ka ti ta nge nge, ni e ka tlawm a ni tih hi ka in pawm mai angaih hmel




Ka pawhdawh ṭang chuan ke ulh damdawi min lei chu ka phawrh a, muangchang chuan ka che a Rda pawh chu la kal ta mai lo chuan a la ding ve reng a mahse ka hrelo der hmak tawh.... Engmah pawh a sawi tawh chuang hauh lo, a hmanhmawh viau emaw tia



Ka pheikhawk chu ka tlawh phelh thawk a, khumah hlâng in damdawi hnawih chu ka tum a. Ka ban da da a ka kut rawn vuan ta chawih mai

Khumah chuan ṭhu in ka ke chu a malah chuan a thluang a, ka damdawi ken lai chu min lak sak nghal zat bawk...



A kut ah damdawi chu hmetchhuak in ka ke chu a hnawih a



"Keimah pawn ka ti thei ka tih kha, kal tawh zâwk rawh. An lo nghak ang che" ka ti leh hmak a, an khum hrep ka chak lutuk ringawt




"Kal tura min duh loh viau chuan sawi ṭhat mai tur lawm, i in ti thinrim chawp mai mai nih kha chuan min ring thei miah lo hi mak ka ti, ka hmangaih che ni tih i hria ni lâwm ni ka nunhlui ami chu tinge i ngaimawh em em a. Thik na tur pawh awm miah lo, tunah pawh kal ka tum nachhan chu a unaupa vang chauh a ni. Cancer a nih thu ka hrilh tawh che kha, a zual a rawn tia ka ṭhianpa a nih vang chauh a ni." Ka ke nuai chung pah chuan a ti malh malh a, vin hauh lo mahse a lungawi chiah bik lo tih ka hre thei.





"Neih let leh che a tum lawm vawiin khan ka bulah ngei hian a sawi. Ṭhian angin ngai mah la a ngai ve hauh lo che nia chubakah i lakah a confi em em bawk a. Neih leh ngei che a tum tih thu pawh min hrilh vek bawk, a lo in lan ṭangin i lakah lungawilohna tur ka hmu ziah vang te hian ka hlauthawng lawm. A ni chu a hmelṭha in a chhelo em em a tu mai pawh hian in inhmeh zia leh khuanu ruat ni ngei ang ten an sawi bawk che u a ka tan hian ngaihthlak a nuam in i ring mi. Chuan thik lam kha chu ka bialpa hlui bulah hun hmang ta char char ila engtin nge i ngaih ang. Naupang chhia emaw thinrim na ho ang pawn min ngai rawh mahse i bialnu ka nia mi pawh ka dinhmun angah hian an thinrim ve vek tho ang" ka ti ve ta duah, ni e engmah ka zêp peih tawh lo. Ka na mai mai zawk



Min rawn kuah vang vang a, chuchuan ka hnuk a ti ulh tlat pek a. Ka mittui tling pam mai



"Ka tihpalh a ni ka naute, hetiang a i ngaih tawh lo nan hian theihtawp ka chhuah ang mahse nangpawn min rin ve ka duh dâwn nia. Nunui chuan engpawh i bulah lo sawi se engah mah ngai suh, a ni kha chu ka engah mah hian a thawk tawh miah lo nia. Tunah chuan ka thinlung ah hian nangmah Zorinpuii chauh hi a awm a ka hmangaih lutuk bawk che."




"Keipawn ka hmangaih che" ka ti let ve sup a, ka mittui tling chu ka hru zauh bawk. Ka ṭap tih hi hrelo se ka ti tawp min chhaih dawn tih ka chiang



Min kuahna thlah a tum chuan ka kuah nghet zual sauh a


"Lawkin reilo te chiah" Ka ti ta ringawt



"Min ngai viau a mi"



"Ngai lo i sual sual nen, a nih leh tlu der ta lo ila i kal daih dawn a ni em" ka sawi zawh rual rual chuan ka inchhir lehnghal. Lalpa ka thi!!!



Min kuah na chu a thlah a, min melh ta kar mai. Hnuai lam ka en daih tinge maw ka mawl em em le, ka tluk der thu ka hrilh ringawt nia Kei mimâwl hian



"Han sawi leh teh engmaw tlu der a, nichina i tlu kha i tihder maw" mak tih hmel deuh hian a ti a


Ni e ka sawi tawh laklawh bawk a inpuang tawp mai ang.




Nui der var var chuan ka en a "Surprise ihh a ang ve tho tiraw, lemchan ka zir e ka tia nangmah ah ka enchhin nih kha. Ka ti ang ve tho ni tiraw" ka ti malh malh a, ani ve thung chuan min melh run ringawt




Engmah a sawi tak loh ah chuan nuamlo ka ti deuh





"Ka tihpalh, khanu bula i kal kha ka duh lo em a. Ka ti ta mai nih kha, ka dang ngawt duh bik si lo che a." Inthlahrung zet chuan ka ti a



Hahahaha...


A rawn nui ta huah huah mai, enge a hriat a a inthlak thut thut le



Ka biang tawn tawn chu rawn vuan a, a la nui var var a hmelṭha zet pawh a ṭha belh leh zual sauh mai



"I va chimawm tak e aw, nghal bawk si thikthu chhe em em lehnghâl i duhawm zia hi" rinloh lam tak thil a ni a sawi ni, ka nui ve seih ringawt




"I thinrim lo tihna mi" zawi zet hian ka ti a



"Thinrim lo e, ka bialnu duhawm lutuk hi ka thinrim khum phal reng reng lo. Mahse min tih mangan em vangin hremna chu a phu viau in ka hria" tih pah chuan min rawn ṭhut hnaih a



Ka ka ka ang zuau chu min rawn fawp nghal nawk mai. Min la dim lo em em zui min kaih bawrh bawrh a tâl chhuah pawh theih loh min dawm nghet em a ni



Min bawh awn riai riai a, dim zet chuan khumah chuan min nghat a. Ka chunga rawn bawh a rual ve nghal


Min fawp leh mawlh mawlh a



"Heyyy tho teh i rit si an rawn lut nge" Ka ti zawi sut a


"Hremna a ni ka tih kha engmah rawn sawi ve suh, ka thu thu in i awm hrih tur a ni hria maw" min fawp zauh a, ka biangah a fawp leh a min fawp kual vel den den a ka la feel em em zui. Nuam ka ti takzet a chu chu ka duhlo viau bawk.


Ka nghawng a fawh te chuan rem zet hian ka lo thle ve zel a, a ngaihna pawh ka in hrelo. Ka lo kuah bet ve chial bawk tûnah hian min rawn hmu se chu min ngai tenawm ngawtin ka ring



"Ouch heyy a na nia nang hi mark i siam leh tawh mi, i ti zahthlâk thei em mai aw" ka ti sap a, ka nawr tan tan bawk



"Nuam i ti tih ka hria nia, min dang suh ka la kham lo nia aw" a tin chuan ka mengphawk hra mai


Khamkhawp lo a, a ni hi enge maw tih a tum chiah ni




Tlai chaw chu ka nu room ah ka nu rualin ka ei a, a ṭawng peih tha mang lo. Eng eng emaw chu ka sawi ve mawlh mawlh a, ngaithla em em hmel pawh a pu lem lo. Ka nu awmdan hian ka rilru ti nuam lo telh telh mai, ka ke hi han dam vervawr se chawlh hun ah damdawiin lam chu ka hruai ang.



"Bawihi" a rawn tih sup chuan ka melh vat a



"I Pa hi...." a ti chiah chu "Nu ka sawiduh tih i hriat kha" ka ti nghal hlak



"I ngaih ang em em a sual hi chu ni lo nia chubâkah a hmangaih lutuk che" chuthu chuan min ti nui chiang teh e




"Pa ka nei tih pawh ka in hre tawh lo sin chumi chung chuan min hmangaih i ti maw. Hetiang hi em ni fate hmangaih dan ni a" ka ti fak a





"Hun thawl deuh lamah kan la sawi dawn nia. Ka puar e keng chhuak nghal mai rawh, chuan naktuk ah i pa pawh a rawn haw dawn naktuk ah" a ti leh malh malh a engmah pawh sawi tawh lo in kan thil eina te chu ka keng a ka chhuak nghal nal nal






________________




🌹💮💐🌸🥰🥰

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:05 pm

Chapter 22







Whatsapp ah chuan number ringawt ṭang hian thlalak hi rawn thleng a Rda leh Nunui ni, min rawn thawn tu hi Nunui nih ngei pawh ka ring. A va han peih mai mai tak e aw




Like (👍) zawng chuan ka reply a, engah mah ka ngailo tih hi hre miah lo mawni.... Diktak chuan Rda hian engti kawng pawn min thlang tih a en tir tawh hnu pawn tlawm a la tum lo chu nia, ka khawngaih zawk e a





Engkim ka hrilh ni tuk khan nia college kal tûr pawh min rawn lam leh a, mahse Nunui bawk a phur nih chu ka thinrim nghal em em a ka rilru a na em em bawk. Inṭhen thlengin ka ngaihtuah kim vek hial a ni, mahse rin loh deuhin a che ta daih thung. A hmaah chuan min ṭhut tir hnap mai Nunui chu a inhnungah a in sawn tîr bawk a tir chuan ka hamhaih nasa lutuk ringawt.




Chu ai mak thil a ti leh "Nunu Zorini hi i lo tibuai tawh lo thei angem, inngaizawng te inkara inrawlh hi ṭha i ti ngailo ni lâwm ni. Chuan chiang takin kan pahnih hian kan hria kan inkârah engmah a awm tawh lo tih chu, mahse ka bialnu hlui i lo nih tawh na ah i thusawi diklo tak tak te vang khan ka naute hian min thinrim khum fo mai a, a thinrim chuan awmngaihna ka hre thin si lo ka thusawi tum i hriat ka ring. College lamah pawh min hnaih vak lo turin ka duh che, chuan Zorini nena kan inkar ah hian rawn in rawlh tum hauh suh ang che nih loh chuan i chan a chhe khawp ang tih ka hrilh lawk che nih chu. Chiang takin heihi kan sawi bawk ange keihian mi pakhat chiah hmangaih ka nei a chu chu Zorinpuii hi a ni" Ka awm lai ngei chuan Nunui chu a be mawlh mawlh a, a la vau titih zui nia. A thusawi ṭhenkhat te phei kha chuan min ti lai lek lek zawk thei, Nunui tan kha chuan ngaihthlak a nuam lo khawp ang.





Tunthleng hian kha thu a sawi ka ngaihtuah chhuah hian ka la lai in ka hlim ver ver mai...






Rda hian ka tan theihtawp a chhuah tih ka hria, amah ring turin min duh zia ka hre bawk keite chuan ka ring lutuk a kha Nunui zawk kha nia ka rinloh chu...





Hmaichhanah chuan kan la inbe leh miah lo Nunui nen chuan, mahse achang hian phone lamah hian min rawn be thin amah a ni tih insawi lo mahse ka hre tho. Rda erawh ka hrilh tawh lem lo thung, tunah chuan kan inkar a ṭha lutuk hrih tlat. College lamah pawh Nunui nen an sawi vak tawh lo te chuan min ti hahdam ka ti mai






A chanchin sawi lai lai in min rawn call ve chiah , ka la nghal vat a






"Ka naute hian enge a tih le aw, lehkha te a zir nge a bialpa sexy zet hi a lo dream vang vang zawk"





"Sap mipa chhelo deuh deuh ka dream mek a i rawn ti chhe vek" ka ti chuan a rum nghut a





"Keimah chiah dream phalsak i ni tih hre reng rawh." A ti nghal hlak





"Ka hria e chuan i haw tawh mi a"





"Imm haw dawn hei car ah ka ṭhu chiah, ka ngai che a ka rawn be vat che nih hi"





"Enge i ṭhianpa chu a an tawh a. Ziaawm lam te a pan em" mawiah kan zawt ve a





"Imm zia lutuk thei lo a, mahse lungngaihna tur awm lo an tia"




"Imm a ṭhat chu"





"Anih nang, khapa khan a rawn be leh tawh che em" a tih chuan a mi sawi chu ka hre chiang ngang mai.. Jason a ni, thik thu chhia hi mi ti reng a amah baka chhe leh chhawng hi chu an van han awm lo chiang tak.... Min be mai mai tu pawh a thik thei nia keia thik te kha chu tihawm tak zawk a ni






Jason hi kan class a mi nia ler tak a ni, kan class ah ringawt hian ex pahnih a nei tawh nih chu zahthlak hian. Sem tina bialnu thar neih a a tawp a ṭhen leh zêl a tum te pawh ni mahna






Ka be ṭha ngai miah lo a mahse a ninawm tawh takzet, bialpa ka neih thu thlengin ka hrilh vek tawh chung pawn ka beidawng lo ang la ti ve ṭang ṭang. Khawilam ah hian nge maw ka duh a a rin ngawt ni... A hausak thu hi sawi chamchi lehnghâl a, mahse a hriatloh chu amah aia let a hausa bialpa ka nei tih hi.... Hetiang a min rawn be buai zêl dâwn nih chuan ka la block daih lo ang tih pawh ka sawi thei lo. Ka hne tawh tlat





Tunlai te hi tleirawl deuh tak inngaihzawng ang mai a awm hi nuam a ti riau a ka Price Charming hian. Zan rei tak tak thlenga in text te, sticker han in thawn te hi nuam zu ti tlat pek a mawle.






Dar 12 vêl chuan kan in Goodnight fel a,, ka muhil zui nghal bawrh bawrh nia a chhuak tawh em a ni





_____________







Zingah chaw ei lo in college ka pan nghal tunlai chu in a awm chakna pawh ka nei thlawt lo. Bialpa nen kan ṭhat veleh in lamah kan ṭha lo leh a a vân ninawm tak. Ka nu pawh ka pehhêl hrih, ka pa chungchang min sawi pui a tum tih ka hria chu chu ka duh miah lo. Ka huat zia a hre reng sia.




Doctor chu a rawn ve ngei tawh bawk ka nawr nasa ve em a. Amah chuan a ṭhat vek thu chu sawi a rin tur nge tur loh pawh ka hrethiam bik chiah lo , rin loh ngawt lah in tihtheih ka nei tam pui lo mai sia



Ka pa rawn haw tawh vangin Pa Hlima pawn min thlah leh thei tawh a. Zeli nen college kan kal dûn leh zat zat tawh... Ka ṭhiante pawh ka ngai takzet mai an ni pawn Rda hi an hmelhriat vek tawh nghe nghe a min duh pui em em lehnghal. Kei aiin an ṭan emaw tih tur vel an ni. Atak a hmuh an chak tawh thu pawh an sawi chamchi hlawm, enga mah hmain an ṭan nghal ringawt zel bawk



*******




Min 5 vel chiah a awm tawh a Remremi nghak in ka la ṭhu vang henu hi chu aw tlai lah hian an tlai thei mai mai bawk sia


Min rawn call chuan ka la vat a



"Heyyy i rawn thleng har lutuk ka luh san dâwn che nia" kan ti nghal thawr a




"Pawi lutuk Zorin ka rawn be har che a,, ka rawn kal lo mai ang Ricky rawn thleng ṭêp tawh a. Ka ngaih zia i hriat kha min hrethiam mai rawh thil tui tawk ka lei dawn che nia kinah" ti nghal zung zung a, ka ngei teh e





"Chutiang te chu rawn sawi vat tur lawm. Ka dah ka tlai ṭêp nia" ka ti nghal mawlh mawlh a, ka dah a classroom lam ka pan nghal nal nal





Education kan hun hmasa ber a, ka tlai tawh sia an lo ṭhu ṭhap hlawm tawh mai, tlar hma pawh ka chang tawh reng reng hleinem.





Ṭhut na tur ka en vauh vauh a, tinge a va vang ve mawle





Ban rawn phar chu ka en vat a, Jason lek chu ni in. Min nuih var var in min mitmei a a bul a ṭhutna ruak chu a beng thek thek bawk. Ṭhutna awl dang ka hmu mai tawh si lo chu thlan tur dang awm hek lo Jason bulah chuan ka thu ta hram a. Nuam pawh ka ti chiah lo, min en chungin a nui pah awr awr zêl lehnghal. A perfume rim na zet chuan ka hnar a verh hle bawk, ka ngainat zawng a ni hauh lo.






A bialnu hlui a ṭhen hnuhnung ber nu chuan min melh rum ngang mai. Kan sir a thu a nih vang in ka hmu ve kar mai sia, nuamlo ka ti. Engmah hrelo min ngei rilrûk ka ring ringawt





Miss Zamtei chu rawn lut a, class a rawn la malh malh. A class hi ngaihthlak a nuam thin takzet, a explain chiang in a hriatthiam zung zung a awl. A zaidam bawk sia zirlai han tih kual vel dan a thiam bawk nen ka ngaina ve em em mai.





Class a lâk zawh dawn chuan assignment a sawi a, a pair a tihtur a sawi a




"In ṭhiante nên khân in pair in in rawn ti ang chuan vawiin ah kallo pali an awm a, chumi te chu ka lo ṭhen hrang anga. In partner tur in lo zawng dawn nia aw Thank you class" tiin a chhuak zui nghal





"Hey Zorin ka partner ni ta che, i ṭhiannu a rawn kal si lo a" a kut lek va chuan a ti a





"Ka duh mai mai lo, thiam i nei ve ngawt mi" ka tih khum sak a, a nui suk mai





"Tehreng mai, ka thiam zia ka hmuhtir ang che chubâkah partner tur i zawn buai ngai dawn lo tihna nia" a ti leh zung zung a, ka lehkhabu vel chu ka khung ṭha mawlh mawlh thung





A sawi dik ve tho, ka hmelhriat ve te chu ṭhian inkawm ho ṭham ṭham ang kha an nia, an in partner tlang dawn tih lah hriat sia nia. Partner tur zawn chu buaithlak ve mai thei ni, mahse hepa kher hi chu ka ti deuh





"Ka partner chu nih duh mai rawh, presentation pek ngai velah min ring thei ang mipui hmaa ka zam loh zia chu I hriat ve tho ka ring. Chuan chutiang a rintlak loh lutuk pawh ka ni lo nia,. Duh mai rawh"





"Aṭha lawm, mahse chimawm suh ang che... Ka kal nia" ka bag ka ak a kal nghal chu ka tum mahse min rawn vuan bet chat a




Rum zet chuan kan melh kalh a




"Lawkin min lo nghak rawh i class neih tur ang tho lawm ka neih" a bag chu a ban vat a, ka rual chuan a rawn chhuak ve nghal zat.




Kan next class room turah chuan kan kal nghal vat vat a, Hall ah a nih vangin step kan kal hrep a chung ber ah ni bawk sia




Tlar hmasa ber chu ka pan nghal vat a, Jason erawh ka ngaihsak lem lo





Ka ṭhu tur ka pan chu min rawn vuan ding leh a "Enge ni leh ta"





"Tlar hmasa ber lo ah hian ṭhu ila" ka beng bulah chuan rawn ti a





"I duh leh hmun dang ah ṭhu la ni mai lawm, keichuan zirlai ngaihsak ka duh i hria maw. Min zui reng suh" ka ti leh nghal hlak a, ṭawngkam nem hi chu abulah hi chuan ka phuh chhuak lo ve chiang sin aw




Ka kalsan hmak a, ka ṭhut thinna ah chuan ka ṭhu nghal hnak.




"Hman ṭangin mak ka ti tawh, tlar hmasa a ṭhut hi chu an peih lo tlangpui thin si a nang ve chu a chuh in i chuh a. I mak ve e, nge ni a kan Sir Rindika hi i lo atchilh ve zawk te hi ni lo maw" ka bula rawn ṭhut pah chuan a ti a, hepa hi ka bula rawn ṭhut ve tum ngawt mawni





"Hey i ṭhutna tur ah va ṭhu rawh"





"Hei ka ṭhut rêng hi mawle, i bulah ka ṭhu chak lawm tlar hma pawh nise pawi ka ti lo. Chubâkah partner kan nih kha" a ti leh mial mial a, dawhkan bawh chuan a mu lehnghâl a mu renga nih hi. Min la melh ang khui zui a




"Min melh reng suh"



"Tinge i lai mi" a tih chuan za lo zetin ka nui hak a




"I mumang nih chu" tih pah in ka phone ka en nghal daih...





Min 10 dawn ah chuan kan ṭhu khat leh hnur tawh. Phone pawh bag ah ka dah lût a ka silent theihnghilh lo bawk.



Rda chu chhelo zet hian a lo lût a, a tih dan ngai bawk in min rawn en leh hmasa ber tawh. Ka lo nuih sen sen a, min nuih ve suk, ṭhen chuan an mahni emaw tiin an lo lai ve nasa thei em em zui. Nuih hi an tiza lek lek zawk thin



Hming a lam leh te te phawt a, Jason a hming a lam chuan ka bulah a ṭhu tih a hmu chiah chu a hmel a inthlak chiang lutuk ringawt... Min melh dân pawh a dang nghal vek thei mawle, a tak run tawh mai



Ka hming a lam ve te chuan en pawh min en tawh lo. A thinrim ringawt mawni ka lo hlauhthawn ang ngei ngei in, nuam lo ka ti ngei mai


A class la pawh a tak run mai bawk sia midang pawn a hma a ang lo chu an ti ve tho ang ka ring



Ka rilru a hah angreng Jason hi ka lo in partner pui khanglang mai bawk si a, engtin nge ka hrilh ngam tawh ang ka bula thut ringawt pawn khatiang khan min melh nia...



Class chu nidang aiin a la rei lo deuh, an chhuak sap sap a a la ṭhut danah min be duh ni tih ka hre mai.



"Hey enge i la tih a, chhuah ve i tum lo mi" Jason chuan rawn ti su su a



"I ninawm va chhuak hmasa rawh tihtur ka nei" ka ti sup a




"Awihawmloh i hlat a min dah i tum tih ka hria mahse partner kan nih chhung chu ka zui zêl dâwn che a nia" a tih chuan ka melh hrep a, mahse ka en rei lo Rda hian min en reng in ka hre tlat. Awmdan mai tur pawh ka thiam lo



"Kal phawt rawh ka tih chu, min tibuai reng suh. Partner ka thlak leh mai ngai dawn nih hi" ka tih chuan



"I thei tawh teuh lo, CR ka hrilh vek tawh hria maw. Karleh chhûng zawng chu I partner ka ni tih hre reng rawh. Chuan kal ang i hman tawh reng kha" ben fawk ka chak si zia hi



Min nghak ran mai bawk si kalna tur zawk pawh ka hrelo. Rda bula ka kal chuan zawhna min zâwt nasa dawn bawk si, a bula ka kal chuan Rda a thinrim zual dawn tih ka hre kar bawk a. A van buai chuar tak e aw, tinge kan inkar ṭhat em em laia Jason hi rawn in rawlh leh kher le. Ka van ning tak




Jason chu lungdam zan lo chuan ka zui chhuak a. Phone phawrh in Rda message ka thawn nghal zat bawk.




Ka ngaichang deuh a mahse eng tin mah a rawn chhang let hauh lo



"Enge ni leh ta kal ang" min rawn kai ngawt nih chu



"Hey I zak......" ka ti hman



"Zorin" ka hnung lam ṭanga min rawn auh vang chuan ka ngawi ta daih a, Jason nen chuan kan hawi nghal vat




Rda chu rum deuh meng chung hian a rawn kal phei hret a, Jason min kaihna chu a en zuk a hmanhmawh zetin Jason kut chu ka thing thla nghal. Lalpa leh eng dinhmunah nge min din tîr tak mai hi le


Jason nen chuan kan ding ngawi dun reng a, keiphei chu ka hawi chhuak ngam tawh lo reng reng. A mi melhna nel awm loh zet kha ka ṭih rilru tlat tawh



"Zorin kan inbe lawk dawn mi niang" a ti hmuk a, kei ai chuan Jason hian mak a tih hmel daih zawk



Classroom ah chuan a lut zui lehnghâl a



"Kal tawh rawh" tih sup pah chuan class room lam bawk chu ka pan ve leh a, tunṭum zet chu ka hmu hreh ram mai


Ka thinphu te rang deuh hial thei....


A hlauhawm êm alâwm, a palian ropui si



Chair ah chuan lo ṭhu ngul hian min lo melh run run a




"Ihh Jason kha chu ka bulah a rawn ṭhu ringawt nih kha" a enga mah hma chuan kan ti ngawt pek a




A rawn ding hluai a, ka melh ṭha ngam ngang lo a ni.



Min rawn kuah thut mai, mak ka ti vel lutuk chu ka meng kawk thei nia.




Tinge hepa hi a thinrim tura ka rin hian hetiang zawnga a chet daih thin le. Min ti âwm nuamlo zawk daih ten nia ka hriat ni, a hmel ṭang khan a thinrim tih ka hre ve kar tho sia. A mi kuah pawh hi a nawm dan a nuam lo, min hau bawrh bawrh se a nuam te pawh ka ti mai zâwk ang






_________________





🌸💐💮🌹😝🌺🥀🌷🌷

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:05 pm

Chapter 23






"Enge i tih hi mi an lo kal nga sin" min kuah rei deuh vang chuan kan ti vat a, hlauhthawn awm ve em lawm. Zirtirtu leh zirlai classroom khata inkuah ran an hmuh chuan an ngai diklo thei tlat a ni



"Ka fawp nghal loh ah che, ngawi mai mai rawh ka thinrim tih i hriat kha." Ai nghet zawka min kuah pah chuan a ti sap a. Ka nghawng a a thaw lum ham ham te chu ka feel vang vang thei




Ngawi tura min tih takah chuan engmah ka sawi tawh lem lo, mahse ka hlauthawng reng tho ka mit ka len reng ni mai.




A inbengdai thei ta nge min thlah riai riai a, min en chiang kawk kawk khawp mai.




"Engvângin nge khatiang thil kha ka hmuh a" a ti ta nge nge

.

"Ka sawi tawh ang khân ka bulah a rawn ṭhu lawm. Engtin nge ka tih vak chuan ang" ka insawifiah zaih zaih a


Min rawn din hnaih leh vut in, ka ban ah vuan a "Kha kha ka sawi lo, nichina in lo in vawn kha ni ka sawi"




"Ihh kha chu amah tho nih kha"



"Tinge i peih thlak sak loh"



"Aaw min lo ko thut sia, chubakah ka peih thlak reng kha"



"Hnaih tawh miah suh ang che, anih loh chuan i chak lo ang" ka ṭawngkam hman zauh pah chuan a ti a, ka lo nui tawp


A nghawng ah ka kut ka suih a, ka dingdihlip deuh hlek bawk sang ve em a ni. Nui var var chung chuan ka awm hnaih telh telh a ka fawp ta ngawt mai. Ka kawng chu a kut lian zet chuan rawn dawm nghal zat a duhthawh zetin min fawp nghal tawn tawn.



Ṭan hmasa zâwk tu mah ni ila, ka tâwp tîr leh tho a ngai. Infawh tawh hi chuan chintawk hi a nei hleithei lo a, buai riau mai ni



"Ka hmangaih che" a ti sup a



"Keipawh in"



_________________




Assignment buaipui chuan Jason nen chuan library ah kan awm a, kan mamawh te kan en dun in a pawimawh tur awma kan hriat te chu kan copy mawlh mawlh bawk. Ka rinloh lam daih in a lo thiam ngang mai, lehkha zir thatchhe ve hrim hrim a ni tih ka hre thei mai...


Lehlam tak chuan kan la inmil viau zui a, landan ngawt chu a ni bik lo tih ka hmu ve chuan ka hria. Fiamthu te hi a lawm ve in a nui huah huah reng a mahse a chimawm a chhuah tawh chuan ka ngaithei ṭhak lo


Tunlai chu kan in be hnem ve mawlh mawlh khawp mai mahse zirlai lam a nih loh chuan ka be em em chuang lo..... Remremi pawh assignment ah a buai ve tho mai, an in kal pawh ve zat zat


Chuan Remremi hnên aṭangin Rda pawn Jason nen kan in pair tih lo hre leh a, a thinrim ngang mai. Ka lo hrilh nghal mai lo te kha ka inthiamlo leh hnuhnawh. Ka thiamloh tih ka hriat vangin ka theih ang tawk in thlem ka tum ve ṭang ṭang a mahse hma ka sawn hleithei lo....



Ka nu dam ṭhat theih loh vangin ka buai thar em em mai bawk si, atân a hun insiam ka tum viau pawn ka ti hleithei lo. A buai viau mai


Jason lah hi min ti buai rêng a, assignment a chhuanlam ve reng vangin ka be ve lo thei bawk silo. He assignment hi chuan min ti buai hle nih hi mahse lehlamah chuan Jason pawh a fel lutuk tho. Ka buai ka tih chuan min ti lui lo a aman a lo ti ve zung zung mai thin.



Rda ka bialpa sualthiam zet khan assignment turu zet min pe a, chu ta kârah education assignment a in partner ang a in pair leh tûr a ti kher nih chu. A tilui tih ka hre vek, enge maw a ngaihtuah ni



Lawm viau lo mah ila Jason erawh a lawm var var khawp mai. Assignment ti phur ber a ni hial ang




Library tukverh ṭang chuan Rda leh Nunui te lo kal thla dun chu ka hmu a,. Ka inhum ruh nghal ṭun, hepa hi min runluih a tum emaw ni chu le. Amah vângin rilru mangang takin ka awm tih te hre miah lo mawni



Ni e, min pehhêl nasa tawh bawk a vawiin chuan kan in biak ngei a ngai tawh ang. Ka ngai tawh takzet bawk, upa zâwk si hi min tih tauh khum reng a, ka thlêm lah in a sawt lo em em mai bawk si.




"Jason kha heihi lo en rawh tihtur pawimawh ka nei a, ka kal dawn nia" zawi deuh tak chuan ka ti a, ka kalsan nghal nal nal



Rda te awmna lam chu ka pan vat a



An hmaah ka ding ran mai, Nunui chuan intithei fe hian min melh a ka engah mah a thawk lo



"Kan in be lawk thei ngem" Rda en kalh pah chuan ka ti sap a, kan inngaizawng tih a hre tho a ka zak lêm lo



"Nathan kan kal a ngai a nia" no zet hian Rda ban a vawn pah ngei chuan an ti a. Rda chu ka melh ve reng



Nunui lam chu hawiin "Ni e, a hmanhmawh thlak si a, kal ang" a tia min kalpel hmak nih chu, ka awih thei lo zawk. Ka in humruh ngawt ngawt mai



Enge awmzia khanu bulah khan a kal maw ni a. Enge a hriat le





Ka phone rawn rik chuan ka dinna ngaiah ka la ding reng tih ka hrechhuak. Min ṭhawng em a ni



"Aw Remrem"



"In la ti zo lo mi rawn kal rawh ka lo nghak che nia" a ti nghal zat zat a



"Aw ka lo kal" ka tia ka dah nghal a, ka kal sawn ta hram



*********




"Tunlai hi ka u nen hian in ṭha vak lo mi. In nguai dun si inah pawh a zia a zawi lutuk"



"Nia Jason vang kha la nia"



"Maw chupa mai mai chu, avan nasa tak amah nia in pair tir leh tu che u. In inkar ṭha vak lo hi a hriat vang a ni ngei ang Nunui pawh ka hmu leh deuh ṭan tawh in lamah pawh. Enteh ṭhen daih mai rawh ka ngaihtuah a Jason nen hian in in hmeh thlawt lawm duh daih la" a ti chu mak tih hmel takin ka en hawl, a unaupa ṭhen turin min ti nih chu



"Ngaihloh lamah ngai suh, i rilru nat ka hlauh vâng zawk lawm. Chubakah ka unaupa mah ni se Jason hi ka duhpui zawk che."




"Kan inkar hi ka hrethiam tawh chiah bik lo, Jason kha lo partner pui miah lo tur ka ni sin mawle. I hria em tun hi ka lakah hetia a awm vawikhat na a sin, nichin lawk khan biak ka tum a mahse Nunui kha a kalpui daih zawk a. Ka rilru a na lutuk ringawt Remrem engtin nge ka tih ang, hetiang ringawt chuan kan awm thei lo. Ka biak theih nan min pui teh aw, vawikhat chiah biak ka duh chuan ka sawifel pui vek ang" ṭah aw ṭuau chuan ka ti a, Remremi pawh chuan min khawngaih hmel khawp mai



"Awle awle, ruahman na ka lo siam dâwn nia. Rindaka chu ka ngei khawp ang, kal phawt ang"



"Ka lo kal ang, tui ka in lawk" tiin cooler awmna lam chu ka pan a



Tui ka thli a ka in nghal khawlh khawlh, a vawt ṭha bawk a tui khawp mai.



Kalchhuah ka tum chu Nunui rawn lut ve chiah nem chuan kan in tawk chat a, a khi nghal vur vur ngeiawm chiang mai sia



"Aw Zorin i rilru nat hmel hle mai a, a pawi ka tih pui khawp mai che mahse lungngai suh hel tu che ṭha deuh i nei tho lawm tiraw. I bialpa chu ṭha deuh in ka lo enkawl ve tawh thung dawn nia chubakah a ni tihhlim te chu ka thiam zawng tak a ni hrim hrim bawk a" min tih el na ṭawng kam chuan ka beng a ti kham takzet, ka kal chhuak a min rawn au leh ta hram



"Leh lawkin Zorin" a lam bawk chu ka hawi a



"I lo la hriat loh takin Nathan nen hian kan inkawp leh tawh nia vawiin khan a ti chiang thawkhat viau in ka hria. Chuan naktuk ah hian min zin pui dawn bawk a sin, a nuam dawn lutuk tlat. Nang ang lo takin keichuan a hlim na thlen hi ka thiam lutuk tlat chuvang chuan lo zarbuai tawh lo la abik in vawiin a i thil tih ang te kha ti leh tawh ngai suh ang che. I hriat miah loh tur thil dang leh chu maw Jason nen khan a thik che u emaw i lo ti nge, Jason nena in awmdun hi ka hnêna a lo lêt leh nan a hmang tangkai zawk lawm. A plan nalh i ti viau lo maw, hei hi a ti dâwn tih a sawi vang nia keipawh ka lo inthiar fihlim tak daih ni. Pawi ka tih pui che mahse Nathan hian chuan keimah chauh hi min hmangaih a ni.
Ka bialpa bula hmeichhe dang awm hi ka hmu thei vak lo a lo inthiar fihlim tawh la aw byee" nui har har chungin a kal sawn a, keichu ka zawi vek maiin ka hria.


Enge awmzia kan inkawp leh tawh a ti nih kha, heivang hi em ni min biak tawh ngai loh na chhan. Huh!!! ka thin rawn na chu ka dawm vang vang mai ka thil hriat khan min ti â dâwn takngial in ka hria....

Keichuan Jason nena kan awm hi a duhloh in a thinrim a, a titau emaw kha ka lo ti chu ni si a haha ka lo van mawl tak em, engkim kha a plan vek maw ni a. Tinge heti zawng kher a ka rilru a tihnat, ṭha deuhin min hrilh se chu ka tuar na lo deuh thei tur nia, tinge hetia mi tih.



Ka mittui rawn far fap chu ka hru zawk a, ka kal nghal mawlh mawlh. Class lâk mood ah pawh ka cheng lo,. Taxi rawn tlân ka hmuh chu phar vatin kan awmna hmun ka hrilh a, tunah chuan haw phawt ka duh rih


Remremi min lo call pawh ka chhang lo mahse whatsapp ah ka haw thu ka hrilh thung



Ka awmdan chiah pawh hi ka hrethiam bik lo, heihi em ni an sawi rilru nat na chu. Kan pahnih a kan hun hman dun te chu mal te te in ka ngaihtuah chhuak zung zung a, intih pachang ka tum hram hram bawk
Min bum a ni tih zawng ka hria, chuan Lalrindika kha ka haw em em bawk, ka haw lutuk. Chutih rualin a awm a bei hle hle ka chak em em lawi bawk si.


Engkim Nunui sawi kha dawt ni se ka ti takzet mahse a awmdan ah chuan engkim hi a tak vek a ang bawk si. Min be duh lo a, min ngaihsak na a ti lang miah lo bawk a.


Enge a sawi khah naktuk ah an zin dun dawn bawk. Chupawh chuan a ti chiang khawp in ka hria, hetiang hi ka la suangtuah chhin ngai lo. Ka hmangaih tak chuan min bum a nia mawle, min hmangaih ve maw ka lo ti chu ni si a.




In ka thlen chuan ka room ah lût tlang nghal in kawng ka kalh a, kawngkhar ngheng chung chuan chhuat ah ka ṭhu thla hnawk a. Ka mittui ka dang zo lo, ka ṭap ri an hriat loh nan tiin ka hmui ka hup bet bawk


Ka nunah a vawikhat nan thinlung kehchhia an lo sawi thin ngei chu ka tawng ve ta. Ni e thinlung kehchhia a hming hi a pu zo ngei mai....




Khumah chuan zawi zet in ka mu a, ka phone pawh ka swich off hmak. Tunah chuan mahni chauh a awm ka duh rih ni, chuan tûn bak hi min bum tu vangin ka mittui ka seng bawk hek lo ang.


Min duhlo a min bum tu chu ka hmangaih ber pawh nise amah ka theihnghilh theih nân ka theihtawp ka chhuah dawn a ni....



*******††***†**




Zanriah pawh ei peih lo in ka room ah ka inkalh khum char char a. Ka rilru ka ti paukhauh a keimah leh keimah ka in fuih char char bawk.



Rilru natna leh thinrim na in min hual vela mut pawh ka muhil thei lo.



A chang leh ka hriatloh in ka mittui lo luang leh ngiah ngiah thin, engang pawn infuih mah ila ka na ve em a ni. Ka tlawm ngawih ngawih bawk, hetiang em em a mipa pakhat vanga ka na hi mak ka ti. Ka rinphak bakin ka lo hmangaih tawh ni ngei ang, tinge min kalsan leh tûr si chuan min hmangaih thu te kha lo sawi thin le.





Ka tlaivar ta ṭhak mai, mitkham urh chuan ka tho a. Darthlalang a ka in en chu ramhuai te pawh ka ang lek lek mai. Ka mit bui chuk bawk a, damlo thi mai tur te pawh ka ang rum rum mai. Ka lu lah chu a na lutuk lehnghal, rilru na hian kentel a lo va ngah ve mawle.




________________





College kal ka peih loh ṭum tak a nih ka ring, ka peih thlawt lo mahse min bum tu vang mai mai a ka zirna hlamchhiah chu ka duh ṭhak lo, tlawm ah ka la tlat.




Ka kal ta nge nge a, Remremi chuan zawhna a ngah ṭha khawp mai. Chhan mai dân tûr pawh ka hrelo,min zâwt mawlh mawlh a





"Kal ang vawiin chu nuam deuhin ka hmang dawn Rindaka awm chuang lo bawk a. Tlar hma ah pawh kan ṭhut ngai dawn lo Principal chungah hian lawmthu sawi hial ka duh mahse maw mak ka tih deuh chu tinge Nunui hian chawlh a lak nghal ringawt ni. Zui a tum ni mai lawng maw" a ti malh malh a, ka ding dat mai. Anih chuan a sawi dik ni maw ni e enge ka la beisei cheu ni ka bulah rawn kala min hmangaih thu a sawi maw. Awihawmloh lutuk tûnah chuan Nunui nen an in kawp leh tawh a, min hre chang lo tih hriat reng lawm



"Remrem" ka tih chuan a kal lai chu ding in min rawn en a



"Enge ni"




"Kan inṭhen" ka ti sup a, ka kalsan nghal daih. Min rawn ûm zui rang khawp mai




"Enge i thusawi awmzia in inthen maw, dawt sawi lo mai teh awihawmloh lutuk" a ti a, a nui hak hak mai engmah pawh ka sawi lo


A nui tawp riai riai a, ka thutak hmel a hmuh vang te pawh niang "I ti tak tak maw, mahse tinge Jason vang khan mi" a ti nghal zat zat



"Chutiang pawh nilo, ihh Nunui nen an inkawp leh tawh a" mak tih hmel takzet



"Chuvang chu mi nimina i haw daih nachhan kha, enteh Zorin ka awih miah lo nia ka U hian Nunui chu a duh tawh hleinem"



"Ka sawi peih vak lo nia, Nunui vawiin a rawn kal loh chhan chu I u zui lawm. An ruahman na hrim hrim lawm, chubakah then turin min tih kha ka ṭhen thei hi i lawm lo mi" nui lui fe chung chuan ka ti a



"Mahse.."



"A ho lutuk, sawi tawh lo ang nakinah ka la hrilh tho ang che. Min zâwt hrih suh aw hriatchhuah loh hram ka duh nia" ka thusawi chu ka ti thei dâwn lo tih ka hria engkim mai hian Rda lam a hawi vek mai zawk. Classroom tinah kan sulhnu a awm thluah thluah bawk a




An zin hun chhûng tur hi kâr hnih lai a ni, thil training tur leh college tana kal ang chu ni mahse kha chu a cover ang chauh a ni tih ka hria





Nileng in Remremi chu ka bulah awm in min tih hlim a tum reng a, mahse ka nui hmel lem tak tak chuan a ti beidawng thin hle a ang. Khawngaih hmel taka min en te chu ka hmu ve reng a mahse engmah ka sawi lo tunah hi chuan keimah leh keimah pawh hi ka in khawngaih letling zawk miau a


Jason pawh ka ngaihsak ṭha lo, vawiin tân chuan chawl rih ang ka ti ringawt a. Ka awmdan ah diklo a awm tih a hria niang min tibuai lemlo




Karhnih chhûng a khanu nen a an awm dûn tur ka ngaihtuah hian ka thik in ka na vawng vawng thei. Ni e ka ta ni tawh lo mahse ka la thik tho a ni, ka hmangaih na kha a nep phah hauh si lo a. Atân chuan engmah ka ni tawh lo tih ka hre reng mai si, a hreawm lutuk ringawt. Ka ngai em em mai bawk a




Kan inṭhen na hian thil tamtak min hrilhhria a nih hi, ka tawng ve ang tih ka la ngaihtuah loh te ka tawng a. Bum in ka bawk a engah mah pawha min ngai lo chu ka thinlungah hian a cham in ka ngai em em a. Ka huat em em rualin ka hmangaih na dai si lo, a awma bei chunga kuah vawng vawng chu ka la thlahlel fan a nih chu mawle. Intipachang tum mah ila hmeichhe rilru no ve tak ka nihna a lang chhuak lo thei bîk silo.


Pathian in ka hlimna ve tûr tana a rawn tîr a ni ka tih thin te chu nuihza ah a chang tawh zâwk. Ka pa in min duh lo a, tûnah he khawvela ka mipa hmangaih berin min duhlo in midang bulah min kalsan a. Hetiang hi ka tuar tur hrim hrim a khuanu duan hi a ni bik a mawni le, tinge ka chungah hian zah a ngaih ve loh.



"Ka hmangaih che" a tih ri chu ka bengah hian a cham reng bawk.



________________





🌸💐💮🌹🌹🌺🥀🥀🌷


Zorini Cloudy
Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 12th, 2021, 2:06 pm

Chapter 24





(Thla khat hnu ah ti daih teh ang)





Zorini p.o.v






U Makimi min rawn phone hnu chuan engmah pawh ka ngaihtuah thei tawh lo college ṭang kal chhuak in ka taxi hmuh hmasak berah ka chuang a. Civil Hospital lam chu ka pan nghal




"I nu hi a rawn zual thut mai a lo kal vat rawh" a tih khan min ti mangang takzet





Ni e ka nu khan a cancer thu a lo zep reng nih chu mawle, keiphei chu kar hmasa khan ka hre chauh chupawh a natna vanga a buai deuh hnu khân....





Engmah min hrilh loh vangin ka thinrim em em mai bawk , biak pawh ka be duh lawk lo reng ani. Tinge buaina hi a rawn in chhâwng diat diat mai le





Nimin piah lam khan damdawiin ah kan admit tawp tawh a, ṭha lutuk lo mahse a zia deuh hlek a mahse tûnah. Ka rilru a hah takzet, ka rilru chuan ka ṭawngṭai mawlh mawlh a. Ka nu lehzel chu ka chan duh lo, ka neih chhun liau liau a ni si a.




Damdawiin ka thlen chuan ka khur nasa lutuk ringawt, UMakimi ka phone pah zêl a, room kawtah chuan min lo nghak ran mai..




"U Makim ka nu chu...." Thaw deuh hlawp hlawp chung chuan ka ti a




"Hun a ngah tawh lo Zorin, khawngaih in intihpa chang tum hram rawh aw. I hmu thei ang i lo thlen vela hmuh che a duh thu a sawi a" ka ni dup mai hun a ngah tawh lo maw nilo anitheilo




Ka nu awmna room ah chuan hreh zetin ka lut a, khuma dâwl dang zeta a lo hmu ka hmuh chuan ṭap chhuak lo turin ka insum nasa lutuk. Ka mittui erawh ka danrual loh in a tla nasa





A bulah chuan ṭhu thla in a kut chu ka vuan a




"N..nu" ka tih chuan a rawn meng diar diar a, min rawn melh ve a a chauh hmel takzet




"Baw..bawihi ka tihpalh a ni, tunah chuan he khawvelah hian ka awm rei tawh dâwn silo a. I nun ṭha takin hmang ang che aw chuan i pa..."






"Nu chutiang sawi suh ka ngaithla duh lo, khawiah mah i kal dawn lo. Ka kaltîr dâwn lo che min kalsan thei lo ang. I dam leh dawn lawm khatiang zawng khan ngaihtuah suh" inhnit faih faih pah chuan ka sawi a, ka na takzet he nia ka nu ka hmu hi





"Nilo e vawiin chu min pawt chat suh ka thusawi hi ngaithla rawh aw" zawi deuh tak chuan a rawn ti leh a





"Ka duhlo" ka la ti leh ṭiau





"Ka fanu duat em em te i pa hi haw tawh suh aw a hmangaih che nia. A ti lang lo mai chauh a ni, a ngaihsak lutuk bawk che chuan a thu zâwm la. Hriatthiam i tum ṭhin dâwn nia a landan ang hi a nihna a ni lo nia"





Kawngkhâr a rawn inhawng a,. Ka pa a rawn lut ve chiah





"In enkawl ṭha ang che u, ka fanu ka hmangaih che" a tih hnu chuan a mit a chhing leh riai riai a, a kut pawh a rawn zawi nghal hnawk bawk......
A ni theilo nilo ka nu ti mai hi chuan min kalsan theilo. A ni theilo





Kha thu sawi tur khan min lo nghak ang mai in ka nu chuan a thil sawi zawh hnuin min kalsan ta nghal a Engmah pawh ka la hrilh ve hman lo sin. Tinge ka dinhmun chhiat lai bera ka nu hi min laksak, he khawvel a ka neih chhun liau liau a ni tawh sin. Tinge ka mi hmangaih te min laksak bik tiin Pathian chu ka dem takzet






Rda min kalsan na pawh ka la tuar chhuak em lo a, chutih laiin ai a tuar nasa tur in min duh nge ka nu min laksak leh a. Engthil chiah nge ka tihsual a heti taka min hrem nasat bik




________





Ka nu vui liam a nih ṭang chuan ka room ah inkhung in ka tawm ngawt ngawt tawp. Chaw pawh ka ei thei lo, ka nu tello chuan he in a awm chakna pawh ka nei lo. Ka ngai lutuk hi ka â thei mai dawn in ka hria, tunah chuan Nu tia koh tur pawh ka nei tawh si lo.







Ka ṭhian te pawh an rawn haw ve vek a, min tuarpui takzet tih ka hria... Mahse exam hmabak an nih vangin an awm rei thei lo, a tuk ah an chhuk thla lehnghâl. Remremi leh Zeli chu kan inah an tal ve deuh tawp hrih a, keimah vangin college pawh nihnih ngawt an kal tawh lo. Chaw ei tûrin min ti rêng a mahse ei chakna pakhat mah ka neilo. Ka nun hi a ruak ngawih ngawih a ni mai





Tun ang hunah hian ka Prince Charming kha ka mamawh sin mahse a ni chuan vawikhat pawh mi ngaihven chhin tawh ngai hauh si lo.




Chuan ka sawi lan emaw ka duhlo viau na in chhiar tu lam ten in hriat ngai in ka hria a kan sawi hram ange





A hmasa berah chuan Official-in kan inṭhen tak tak tawh, amah ngeiin message in min rawn hrilh a, Nunui thil min hrilh zawng zawng kha a dik thu a sawi bawk..chuan karhnih chhûng chauh cham tur kha thlakhat lai an cham tawh bawk. Nuam an ti hle tih a hriat a lawm engtik lai pawn status ah hian a hmang a, thu thlum tak tak nen mawle. Hmuh chu a nuam zawk zawk lo khawp mai en loh pawh ka tum ve thin mahse whatsapp ka luh tawh hi chuan ka lo zawng leh hmasaber thin...







Ka ngaih deuh chang chuan kan in text na hlui te ka chhiar leh mial mial thin, a changin ka nui a ka ṭap bawk a.




Hetiang anga min kalsan tawp hi awih har ka la ti reng mai hi mak ka in ti zawk. Engkim a chian zia ka hmu reng chung pawh in





Tunah chuan ka nu in min kalsan tawh a, ka hma lam hun hi engmah ka sawi lawk thei tawh lo. He inah hian ka awm reng thei angem tih pawh ka hre hek lo, ka nun hi a chhe vek mai te hian ka hria. Mahse ka nu thuchah hnuhnûng khan min la chenchilh ve tlat a, mahse ka pa chungchang a sawi kha chu ka awih thei chuang lo.





Ka nu thih ni takngial pawh khan a fanu hi min hnem thei lo nia,. Engtin nge min hmangaih anga a sawi theih zawk ni..





Thla eng ut mai chuan ka khua a ti har takzet, ka nu nena kan hun hman te ka ngaihtuah kîr a ka ngai takzet a ni.





A fanu hi mahni ke pen tûrin he khawvel ah hian a hnutchhiah chu ni si a





"Nu min lo hmu em, ka nat zia hi i hmu em kha Pathian i rin em em ai kha chuan ka la mamawh daih zawk che sin. I lo na viau zawk em ni, ka bulah pawh awm thei tawh lo a min kalsan mai ni. I tello chuan engmah ka nilo sin Nu" tiin thla eng kulh mai en pah chuan ka ti malh malh a





Ka thaw pik em vangin pawnah boruak thiang dawng turin ka chhuak a, thil thaw deuh seng seng in min rawn chhêm chuan ka feel vang vang thei. Ka thaw chhuak ham ham a, hahdamna maktak mai ka nei bawk.





Car pakhat hi chak zet hian a rawn tlân a, min rawn tlân pêl fua mai. Ka en zui zat khatiang em em a chak a tlân te chu mi te su nga sin mawle ka lo ti rilru hmanhmawh





Kan in kawt ah chuan a ding a, tunge ni tih hriat tum chuan ka thlek a ka pan phei hret bawk. Car kawngkhar chu hawng in a rawn chhuak a, tunge ni tih ka hmu chiah chu ka lung a phu zawih zawih nghal mai. Ka ding chawt a ka lo en tawp





Ni e min bum ngei tu kha chuan ka ngaih em em bawk. Ka Prince Charming ngei mai kha tunah hian ka hmaah a ding nih chu mawle, ka ṭah rawn chhuak ut ut mai. Ka ngaih zia hi ka sawifiah thiam lo, mahse va kal in ka kuah thei tlat silo. Engvanga rawn kal nge maw a nih reng reng le





A hawi kual deuh hnu chuan min rawn hmu ni ngei ang ka lam a rawn hawi a chak zet a rawn kalin ka hma ah a rawn ding a. Ka rilru buai vek maiin ka hria ngaihtuah ber tur pawh ka hrelo, ka mittui a tling pam tih chu ka hria. Ka hmangaih ka hmu leh miau lawm tiraw min bum pawh nise ka hlim tho tho, mahse ka na tho bawk si a





Min en vang vang hnu ah rin loh leh beisei loh takin min kuah chawt nih chu, min kuah nghet em em bawk.




Ka vai nghal ruai mai, ka mumang a ni nge nilo pawh ka hre tawh lo mahse Rda taksa ngei ka tawk mek bawk si a. Lawm tur nge pawh ka hrethiam lo





"Ka...ka tihpalh Bawihi ka tihpalh takzet ka rawn thlen har vangin min ngaidam rawh. Ka hriat khan ka rawn haw nghal a ka hma thei ngang lo a ni" a ti nghal mawlh mawlh a





Ka mittui chu tla ta nge nge e, min ṭawng khum na chuan min ti ṭap titih nghal der mai. Ka inhnit deuh faih a, ka sam ah chuan rawn tuai in "aṭha vek e i duh tawk in ṭap rawh ka awm tawh lawm" a tih te chuan min ti ṭap nasa zual ngang mai





Duat hmel tak chuan min chûl hliau a, nuam ka ti takzet a ni. Kan inthen tawh tih pawh ka ngaihtuah chhuak tawh lo. Ka â zo vek a ni mai




Min 10 dawn vel chu ka ṭap a tih theih ang, ka in bengdai ve tial tial a. Min la kuah reng bawk





Lawkin keini enge maw ka tih le, tinge hetia ka awm nilo ka thil tih a dik miah lo. Harh chhuak zawk ang hian ka awm





Ka in la hrang nghal vat a, mitsen ram chung chuan ka en a. Ka thinrim na leh ka huat na te kha an rawn lut lehnghâl zut zut tawh





"Engvângin nge i rawn kal" ka ti chang fak a




"Bawihi ka ngaihtuah che lawm"




"Atawk Bawihi min ti suh, chuan i ngaihtuah ka ngailo let leh rawh" ka tih chuan min rawn pan hnai leh a mahse ka lo tawlh hnung ve dat thung. Hetiang mai hian ka inhneh tir lo ang




"Min ngai ve miah lo mi" a tih chuan ka nui chhuak ṭêp zawk a ni





"Engmah ka ngaithla peih lo, chuan ka hmu peih lo bawk che chuvang chuan let leh rawh. Ka mamawh lo che" ka thinrim em vang chuan ka ti chhuak hrawih a,. A mitmeng ah khan Rilru natna ka hmu in ka hria mahse ka en rei duh lo, ka inbum tir tawh dawn lo a ni tawp mai.





"Hetiang khawp hian maw min lo huat a" a ti thawp sap a





Engtin nge maw hetiang hian a awm theih zawk le. Keima'n bum zâwk ang maiin a khawsa nih chu zaklo hian




"Aw ka haw lutuk che. Kalbo rawh" a mit ah tak en in ka ti leh fak chu a ni pawh a thinrim hmel khawp mai. Mahse zam mai ka tum hauh lo





"Aṭha lawm, min hmu tawh lo ang tih ka tiam a che" tih hmuk pahin a car lam a pan a





Kawngkhâr a hawng dawn vel tak chuan ka bulah hian bike hi rawn ding a. A helmet a phelh chuan Jason lek chu lo ni in hepa hi a rawn kal ve reng mai tunlai chu, a fel ve khawp mai.





Min nuih var var nghal a, ka lo nui ve tawp. Hepa bulah hi chuan hlim em em loh pawh hian nuih ve reng theih mai.




"I hmelchhe lutuk, ṭap zo hlim i ang si" min tih khum nghal zat. Mi hi nel bawrh bawrh tawh sia maw chuan ṭha ve deuh chu ṭhian nih ka duh zawk ka tia min pawmpui ve mai





"I ninawm haw leh rawh" ka lo ve bawk a





Chak fe hian Rda chu rawn tlân leh a, tunṭum chu Jason zawkin a sawisel ve. A mah hi nia khalh chak thei chu ni zaklo teh e.





Jason rawn kal chu lehlam takah chuan ka lawm ru phian mai. A thik te emaw ka la ring fan mawni Zorinpui inngaihtuah harh vat rawh... Khatiang mipa kha ngaihtuah zui viau a ngai lo ang tiin ka in hrilh zui leh mawlh mawlh




_______________






Ka room ah chuan ka lut leh a, ka ṭhu vang vang. Tih ber tur pawh ka hrelo



Rei vak lo ah chuan Ka room kawngkhar chu an rawn kik rak rak a




"Lo lut rawh" ka tih chuan U Makimi, Remremi leh Zeli an rawn lut a





"Zorin hetiang hian awm reng a ṭha lo nia, kan vai hian kan ngaihtuah lutuk che chubakah i tan kan awm tlat nia aw" ka bulah chuan an rawn ṭhu thla hlawm a





"Ka hria lawm chuvang chuan lawmthu sawi sên loh ka ba ni tih pawh ka hria"





"Het mai mai chuan, engvângin nge lawmthu i sawi ang kan tih tur diktak lawm. Mahse lawmthu i sawi duh tak tak a kan ngaihtuah lutuk loh che i duh chuan kan tan tal pawn chaw hi ei ang che" ka rin dan vel a ni, thil min ei tîr hi an la tum char char






"Ka ei chak hlawl lo lawm chubakah ka ril pawh ṭam lo"




"I ei chak lo ang tih chu kan hria lawm mahse in en teh i cher in i dâwl dan zia hi. Ei chak lo mahse i taka hian a mamawh lawm, chhel taka i awm reng ngai nia ni lawm ni. Hetia i awm chuan tumah kan hlim lo abikin i nu pawh a hlim miah dâwn lo nia."




Ka nu an rawn sawi tel tak ah chuan ka hnuk ulh deuh nghal, ni e ka nu tello a chaw ei hi ka thei thlawt lo a ni.




Ka ṭap chhuak hawk a, Zeli chuan min lo hnem nghal vat a chutiang in Remremi pawh in. UMakimi pawh in lainat hmel takin min en vang vang ringawt, chutia ka ṭah tak hawm hawm ah chuan an ni pawh an ṭap zui ve deuh chu ni mai.





"Nuuu ka la kaltir phal lo che sin, ka la mamawh lutuk che tinge hma takah min kalsan bik. A fair thlawt lo, hetiang hi tinge ka chungah a thlen. Bum ka ni a ka nat tawh tehreng nen tunah ka neih chhun tak meuh meuh ka nu in min kalsan leh a... Ka thinlung hi a na lutuk" ka rilru a ka pai reng thin chu ka ṭhiante bulah chuan phawrh chhuak in ka ṭap hawm hawm a...





Min 30 dawn chu kan han ṭah leh tak rih kha, chaw chu ka ei ve ta hram bawk. Min nawr nasa bawk sia an tan tal ka ei ngaiin ka hria.



_________________





Karkhat a liam a, keipawh college kal ve ka tum tawh... Chubâkah he in hi ka nu hriatrengna in chu ni mahse tûnah chuan amah ber a awm tawh lo a, ka pa awm lo bawk a keimah leh U Makimi chauh kan awm. A khawhar thlâk ngawih ngawih, awm chakna pawh ka nei tawh hek lo. Ka thawpik hluah hluah mai




Zeli nen chuan kan in hmu a, a thil min hrilh chuan min ṭhawng takzet




"Maw a bang maw mahse tinge kan 3 sem zawhah hian ni lâwm ni a ban chauh dawn"




"An sawi dan chu nia a ban thut chhan hi ka hre bik lo" ka thu sawi vang kha ni ngem le nilo engvangin nge anih ang




"Chuan Miss Nunui pawh kha a thawk tawh lo bawk" a tih leh chuan ka nui suk tawp. Ka ring a ni, awmdun an duh tawh vangin an bang ve ve nih dawn chu....




Ngaihtuah chhunzawm duh lo chuan "kal ang Remremi chu first a la dawn lo" ka ti a kan kal nghal nal nal...




Ngun takin class ka ngaithla a, Lehkha zira chauh a ka rilru sen ka duh hrih engdang mah ngaihtuah ka duhlo...






____________





🥀🌺🌷💮💐🌸🌹💜❤️


Zorini Cloudy
Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)