*Because of Acccident*
Chapter-5🤍
by_MrsBabe Khawlhring
Jeremy Laldinpuia Pov.
Thunderi'n minrawn chhan let hun chu ka nghak renga,mahse chhanna reng ka dawnglo,darkar chanve aia rei daih a chat chu chhuahsan loin ka luhchilh renga,ka en reng bawk typing tih pawh a inziaklo hrim hrima,online tih a inziak bawk heklo,mahse a hmu ngei a ni blue tick pahnih lai a awma,amu tawh emawni ti dawn ila dar7:30pm chauh ala ni a,a last seen lah ala hide ve khanglang zui reuha
Vawiina Lawmi ka hmuh khan mak kati hlê a,vawiin zingah minrawn call chauh anih kha,engtinnge Aizawl alo thlen hman daih ni,mak deuh mai chu amah ka hmuh khan ahmaa Lawmi ka hmuh apianga keimaha danglamna awm ṭhin ang kha a awm tawhlo a,a chhan erawh ka hrelo
Thunder-i lah chu areh hmak bawksi,tunah tak hichuan ka rilru a buai takzet a ni,eng vang nge chu ka hrelo mahse ka rilruah hmeichhe pahnih an awm tlat vang pawh a ni mahna
Tlaiah chaw eilaiin ka nuin vawiin khan kan inah Lawmi lokal thu asawia,"alo let leh tawh bawka,nupui nei turin i upa ve tawk tawha,kha Lawmi sawidan phei chuan helamah a awm tawh dawn anih hmela,inneih lam tehi induh tawh chuan palai pawh kan tir mai dawnnia,ilo sawi hrehte ania nge"fiamthu thutak zet hian ka pain minti nghe nghe bawk
Ka chhang let lemlo,a chhan chu ka chhungte hian ka farnu duat em em tihloh chuan Lawmi nen kanin ṭhen tih an hre miaulo,Lawmi lahin alo be ṭha reng hlawma,thil eng eng emaw ka nu leh pate hi alo thawn reng zel bawk,chumai nilovin ka pi leh pu te thlengin tihdan a thiam em em lehnghala
Keichuan min kalsan ni aṭang khan kan inkar kati tawp nghala,mahse a ni ngaihdanah erawh kan inkar ala ṭha reng emaw ati thung.
Chutiang thil ka ngaihtuah chhuah leh avang chuan ka tawt mup mupin ka hria,ka phone lain screen ka ti eng chiah tihah Lawmi hming arawn lang nghal zat
Amah vanga in ngaihtuah thinrim lai mek chuan,ka hmet thim hmaka,a ring tawp thleng ka nghaka,atawp hnu pawn vawithum ngawt alo call nawn leh tho,ahnu fé ah chuan atawp ve thei ta hrama
Phone chu la kangin Thunder-i number chu ka dial nghal zata,a ring tawp ṭhak thlengin ala lo a,ka call nawn duh tawh lemlo,a tlai ve tawh deuh bawknen
Zíngah chuan ka tih dan ṭhin ngaite bawkin ka walk leh a,in lam pana ka haw lamah chuan kanin pengah Lawmi chu walk dress hian alo ding renga
Minlo hmu chiah chu minlo pan nghal vat,"Nu Muani thingpui lum vawihnih ngawt ka inzawh hnuah ilo thleng chauha"nui deuh sâng hian ati siam siam a,ahmel chu ahma ang bawkin ala ṭhareng,mahse ka sawitawh kha ahma angin he hmeichhia ka hmuh hian keimahah danglamna a awm thei tawh lo
Ka chhan lawk loh avang chuan"Vawiin chu leng ila,kan len dun khat em hi,engtia rei nge nita thla5 ngawt a ni tain ka hria"a tih chuan"Thla6"ka tisup
Min enkara a mitmengah chuan inthiamlohna ka hmu thei,"Lo kal fo tawh suh,kan inkar pawhhi ka chhungte hnenah ka hrilh ang "ka tih chuan a nuih suk a
"Tinge min ngaihdam mai loh,itan kalo kir leh tawhhi engkim kalsanin"ka mita chiang zeta min min en chung chuan a ti sepa
"A chhan min zawt suh chiang takin i hria,ka dang che ani lawmni kallo turin,mahse i duh thlanna ngeiin min kalsan,i duh duh huna ikalsana i duh duh huna i pan leh tur ka nilo"tia ka sawi lai chuan amittui parawl chu ka hmu,rapthlak hian
"Hmeichhe ṭap ka thlem thiamlo tih ihriat kha"tih pahin vanlam hawi meuhin hahthlak tizetin ka thaw chhuaka,a mittui chu a hru nghal vat bawk,ṭawng leh a tum chiah chu
"Hre rawh min hmu tur pawn lokal tawh suh ang che,hmuh fo che hi ka duh tawhlo,chuan ka chhungte lo hmuh pawhhi sim ang che"ka ti leh nghal zat
"Anih atawp nan heihi min hrilh teh min hmangaih tawhlo tak tak em ni"ṭah insum zeta a tih leh chuan
Ka chhang lawk theilo,"Min chhan theih miah loh kha,minla hmangaih alawm"a ti leh nghal zata,chiang zetin"Ka hmangaih tawh lo che"a mita enkar chung chuan ka ti a,ṭawng tumin a ka a ang leh chiah chu"Nangmah hmangaih em em ṭhintu Jeremy Laldinpuia chu a thi tawh"ka tih chuan chhuak zetin aṭap nghal vaka
Tuna ka thusawi zawh chiah kha Lawmi bulah hian ka sawi theih ka inring ngailo,hmaichhanah phei chuan ka hmangaih em avangin ka sawitheih ka inring ngailo,mahse tunah khan ka ngaihdan dik tak ka sawi a ni,ka inchhir lo bawk
A mittui tla chu hru tawk pah hian"Nimina hmeichhia vang kha a ni tiraw"chang zet hian a ti a
"Kan inkar vangin tumah puh chhiat tum suh,engkim hi nangmah vang vek a ni,haw tawh rawh"chang zeta ka tih chuan min melh char char,kal mai tum chu min kuah bet tlat
Zingkar hma tak a ni tawhloa,taivak pawh an tam tawh hlē bawk,akut chu ka dahthlak sak nghal vata
Engmah sawi tawh loin ka kalsan nal nal bawk,"I la inchhir ang Jeremy ka beidawng dawnlo"ring vaklo mahse ka hriat phak si chuan ka hnung lamah alo tileh hram
Hawilet tawhlo chuan inlam pan chuan ka kal zela,ka thlen vel leh ka nu minlo biakna pawh chhanglo chuan room lamah ka chho nghala
Ka intihfai zawh hnuah ka nu'n "chaw a ei theih tawh ' ti a minlo auh hnuah in hnuai lamah chuan ka chhuka,chaw chu kan ei nghal mawlh mawlh
Ka pa'n"Lawmi alo lenga,kan veng lamah alo walk ve ni awm e,minrawn tlawhna changte ahre ṭhina a fel ṭhin khawp mai"awmze nei zet hian ati a,Ka nu pawhin alo thlawp khawp mai
Ni e,hmeichhe fing leh rem hre tak kha ani miaua,"Lawmi nen kan inkar atawp tawh,thla6 lai a ni tawh,chuvangin monu treat chuan lo treat tawh suh u"ka tih chuan ka nu leh ka pa chu an meng phawk khawp mai,ka nu phei chuan min dem ngawtin ka ring engmah ka hrilh loh avang hian
Chaw thleng chawiin tab lam ka pan nghala,mak deuh maiin zawhna min zawt lo teh miala,a ṭhawng ve hlê pawh a ni tak ang,ka nu leh pate pawhin an monu ang tak taka anlo enve tawh kha ani miaua
Hna kal tur chuan ka chhuak nghala,Thunderi te inlam ka pan leh phawta,kava thlen chuan anin kawtah phone khawih chung hian alo ding reng tawha,vawin chu kawrfual a khup khuh thlap a haa,achungah jeans jacket aha bawk a sam chu ahnuaiah hnawk niai hian a ṭawna,a ti lang sexy tak zet,enge maw kalo ngaihtuah leh tak ni
Phone akhawih tui lutuk chu min hmu lawklo lehnghala horn ka pek vak chuan,a phu deuh zawka,kei kalo nui suk,min melh hrep hnuah minrawn pana"Ka nghak rei lutuk che u Mama rualin ka kal hman ṭep"motor-a rawn luh pah chuan ati deuh tan tana
"Kalo thlenna reitawh,phone ibih nasa lutuka min hmulo mai mai anih kha"ka tih chuan awih loh hmel zet hian min en
Kan tlan chhuak dawn chiah tihah hmeichhe pakhat hi Thunder-i ṭhutna lam tukverhah chuan arawn dak luta,hnaih zetah hian min rawn en
"U Chhan class ka tlai dawn,kal phawt rawh tlaiah Pi Rami kuva thlum kalo hawn ang che"Thunderi chuan ring vaklo hian a ti a
U Chhani a tihnu chu a biakdan aṭang chuan akim zanlo tih ka hre thei,"My name i bialpa chu va chhelo ve a"a lo ti leh chu Thunderi chuan a hmuiah hup sak vatin"Ka bialpa pawh nilo pa zuala ka hrilh dawn ania aw min tihbuai i tum chuan"a tih chuan U Chhani chu car tukverhah chuan alo dak lut tawh biklo a
Motor tinung ṭha leha kal mai ka tum leh chu"Kuva thlum chu aw"tih pahin Thunder-i chu alo melh leh a,ani pawh chu a bu nghut"I bul ami kha i bialpa nihloh chuan minlo biak"a tih zawm zat chu kava melh ve chuan mit minlo la siai nge zui lehnghal, ka rap reuh tak tak a ni
Aha lah chu sen ṭha ropui Calendar chu nise Holiday vek a ni ang,Thunder-i lah chu za zet hian anuia,ka tlan chhuah pui nghal zat,Side glass aṭanga Ha sen deuhnu ka en chu akut pahnih rawn veiin ala zuang deuh auh auh zui
Ka bula mi lah chu ala nui char chara,chutia anui lai hmuhnawm tizeta kalo enreng avang chuan,achhan ka zawh aring deuh aniang"U Chhani hian star anei khat asin ṭha ative hlê che aniang"a tih chuan duh lo zetin ka kiai suk
Ahnuah U Chhani atihnu chungchang chu min hrilh chiang taa,ahma chuan tiang anih bikloh thute,a pasal thih aṭanga hetianga lo awmta anih thute thleng chuan min hrilha,a chanchin ka hriat chian hnu chuan ka khawngaih reuh hlê,a thusawi chu hmuhnawm tizet hian ka melh pah zeuh zeuha,atiti siam siam chu a hmelṭha zual tak zet bawk.
Kawngtluan chuan U Chhani chungchang chu min hrilha,ngaihnawm kalo ti phian bawk,tukin zinga ka thinrimna leh ka tawp up up nate khan min thlawh bosan nita maiin ka hria henu tereuh hi dawi a thiam tak tak anih dawn hi
Nizana ka va biakna chungchang sawipuia hrilh chian ka duh teh lul nen a sawilang duh miahlo leh nghala,a ngaihven zawng anilo pawh ania nge,mahse hun remchang dang ala awm leh turah ngai ang,a titi kalo ngaithla tui bawk nen vawiin chu college kan thleng hma riauin ka hre leh nghala
Motor ka ti ding chiah chu a chhuak nghala,ka sawi hma hauhin "Kalo call ang che"ati tehmiala,ka lo lawm ru veng veng ka bu nghuta,akal liam hnu thleng chuan ka thlir reng
Hmeichhe ṭhenkhat lahchu ka hmuhtheih phet tura ka motor rawn kalpel sek tawk lah anlo awmve leh hman,hahthlak hian motor tinungin Office lam ka pana
Diktak chuan Thunder-i Scooty kha atukah khan a siam zo nghala,minlo hrilh khan'Anlo zawh che u chuan inla siam zawh loh thu lo sawi ang che u'tiin ka chah a nih kha,a steering fork pakhat kha alo bunga chuan a hmelhem lai tlem awm chauh kha siam tur laichu a ni maia,a ṭhat thu ka hrilh duh loh chhan kha chu amah te hian min hip reuh em a,a scooty chhia chu rem changah lain ka hriatchian phah thei ta chu ania
Hriatchian leh zel ka duh,amahhi ka duh em chu ka hrelo mahse ka thinlunga hmun pakhat hichu a chang tih ka hria
Lalchhanchhuahi Pov.
Vawiin chu sipai form ngei mai alo haa,a inhmeh tak zet bawk,amah hrilh kherlo mah ila ka thinlung chhungril ber pawn inhmeh ka tihzia ahria,nizan khan a message kha ka chhang duh talo a,minlo call pawh khan ka la meng renga,mahse ka chhang duh lo azawhna ngai bawk min zawt ang tih ka hlau a ni
Kalkawngah min zawt ang tih hlau reng rengin ka nghak dawn nge dawnlo tiin ka in khap buai renga,mahse U Chhani lo lan hlauh zarah sawitur dang a awm ta hlauh zawka,ka lawm tak tak a ni
Thingbuk hnuaiah Kimi chu alo ṭhu tum bar reuha,min hmu chiah chu alo ding chhuak nghala,"Vawiin chu ka hmu ṭha riau che ka hai ṭep che lawm"ka tih chuan inti thei zet hian
"A ni daih ang,keimaha awm chhelo is rawm chhuak riai riai"uar zet hian a tia,kalo fak kher kher kha ka inchhir leh hnuhnawh
Jeremy ka tana aṭhat zia chungchang ngawt chu min sawipui leh char chara,mahse Jeremy thusawi min kaptu lian tak chu hmangaih hmasa ber chungchang asawi kha a ni,chunu chu alola hmangaih reng anih chuan keichu min hmangaih ve ngai dawnlo hrim hrim tihna ania,lo duh ru ve em em mah ila,kalo beisei thlawn emaw kha ania nga
Class lam pana kan kal lai chuan Vallalhuma te ṭhianho chu kan classroom bul corridor tê ah hian anlo ṭhukhawma,mak deuh maiin Kimi chuan hrelo ang hmak hian melh pawh a melh lo hrim hrim,a tih tak tak ka ringlo ania,mahse a duh naah chuan alo theive khawp mai
Nidang techu nise ava pan leh vat anga,ava be leh chiam tawh emaw kha ania nga Vallalhuma lahin peihlo deuhin achhang dawnlo emaw tih hnuah achhang leh zeuh zeuh kha ania nga
Vanlalhuma pawn mak ati deuh nge,alo melh deuh char chara,kava lehhawi zeuh laipawn Kimi chu mak tih hmel zetin alo en char char
Vanlalhuma Pov.(Request awm nual vangin kan zep ve zeuh ang aw
)
Ka piah lawk aṭanga Lalfamkimi leh a ṭhiannu a zui reng ṭhin an class lam pana lo kalchu kalo mit sir zeuh zeuh paha,vawiin chu nidang aimahin ka hmu ṭha hlê bawk,kan zawn anrawn thlen chuan min hmulo ang hmakin a kal tlang nal nal anih chu nidang techu nise arawn rak leh chel chul tawh emaw kha ania nga eng rau nge maw amahah sawn thawk ta ni
Lalfamkimi hian min duh hlê tih ka hriaa a,mahse ka haider lui tlat thung,ka hmuh hmasak ber ni chuan College canteen a ka ṭhiante ka nghah lai a ni a,ṭhutna dang awl atam tehlul nen ka bulah kher chuan alo ṭhua,zak theilo ka tih em avangin a chevel chu kalo enrenga,a phone chu a bag aṭang chuan ala chhuaka,ka hma zawnah rawn lekin min selfie pui ringawt anih chu,chutah engmah ka sawi hmain canteen aṭang chuan rang lutukin atlan chhuak ta daih lengnghala
Hmeichhe mak tak leh zaktheilo tak angin ka ngai nghal hmiah,nitin mai hian ka hmuh phakah leh ka hmuh theih turah hian alo awm deuh reng zela,min zui kual reng zel hi a ni tawp,ka kawng kallai ka lehhawi apiangin hmuh tur alo awmve hman ziah ṭhin,break laipawn ka chhuah loh chang chuan kan room bul velah a vai kual sek ṭhin bawk
Basketball kan khelh apiang hian a hmel hmuhtur alo awmve ziah lehnghala,tui intur leh ka inhrukna tur puan thianghlim alo keng ziah bawka,a tih dan ziah anih avangin ngaiah ka nei hmiah tawh,mahse mak deuh maiin nimina kan basketball khelh laikha chuan hmuh tur a awmlo ka zawng kual deuh renga atawp thleng khan ka hmulo
Kan khelh zawh hnuah thingbuk hnuaia alo ṭhulai chu ka hmua,ka be duh lemlo,bike side glass ṭang chuan ka en renga,Hlimi(Ka nî fanu)ka phura,chu pawh min thlah rawh atih deuh ṭal avangin a ni nghe nghe,ka tlan tlang pui daih bawk
Lalfamkimi mai mai chu,vawiinah lah min beloin a kal tlang hmaka, khatia a awm khan ka awm alo nuamlo ve ringawt,a mi duhna hi ka chhang let ngailoa a beidawng vetawh pawh ani maithei,mak deuh maiin nidangah minti buaiin min zui kual reng ṭhin vang nge khatia a awm ka hmuh khan,ka ruak huai hian kain hria
Break lai pawh chuan ahmel hmuh tur a awmlo a ka melh kual deuh reng,"Bathroom-ah kan kal lawk"ti a ka ṭhiante ka hrilh hnuah bathroom lam pan chuan ka kal nghala,ka zun pawh achhuaklo,Lalfamkim'n minlo zui thut takah ka tih vang a ni mah zawk,enge maw ka hriat ni,ka hnungah pen thawm alo awm chuan Lalfamkimi anih ringin va lehhawi pahhian"i theih rei ka ringlo rengah"ka ti a,mahse ka mihmuh chu Lalfamkimi a ni awzawnglo
Ka khuh deuh kharha,zun chhuak hleilo chuan bathroom lam chu ka pan lui hrama
Banah chuan gate pawnah alo chhuah hun ka lo chang renga,a ṭhiannu nen bawk chuan anlo chhuaka,a ti ti leh siam siam tawh,ka dinna zawn anlo thlen chuan"Lalfamkim"ka ti sup a,min kalpel mai tawh tur chu ading chawt,lo hawi letin amitko a kan uk ringawta,
Enge maw ka hriatni nidangah chuan ka be hmasa ngailo,mahse a awmdan athlak thut vang nge keimah hi ka awm anuamlo ve ringawt a,ka be hmasa ta chu ania
Sawitur dang ka hre leh mai silo a,"Kalo thlah ang che"ka tih chuan,nui suk pahhian"Ngailo mai rawh se"tiin a chawl data" Nimin ami kha thlah leh zawk mairawh"ti leh zatin a ṭhiannu chu kaiin akal pui nghal daiha
Ka thlir zui reng Bolero grey lo ding rengah chuan,a hnungah alut nghal zata,aṭhiannu erawh ahmaah aṭhu lut thung
An tlan chhuah thleng chuan ka en renga,vawikhat tê pawh a mitsir pawn minlo en lo hrim hrim
A beidawng ve tak tak tawh pawh a ni mahna,khang hun chhung zawng khan a mi duhna kha kha ka chhang let ngai siloa,a ṭha a lawm,mahse ka ruak huai hian ka inhriaa,ka awm anuam thei derlo
Min bansan turin ka duh ṭhin,min zui reng tekha ka ning mahse nikhat minti buai lo va min zui lova a awm ta mai chu,ka thinlung chhungril ber aṭang hian hrehawm tihna ka nei
Keihian Lalfamkimi hi kalo duh vereng a ni thei mai angem?
Lalchhanchhuahi Pov.
Kimi chu kan rualin alo haw ve ta ringawta,anuam ti lutuk hmel bawk chu ka va lehhawi leh zeuh ṭhin
"Awi nuamlo a ti vedeuh chiang alawm a awmdante kha"nui vur vur chunga atih chuan,kalo thlawp ve vat,"Ahma daih tawh khan tianga lo tih nachang hi kalo hrelo a ni,chuti nilo se kanni daih tawh ang"a tih zawm leh zata,a la hlim em em zui
Kimi'n Huma ahan induh khum tak tak chuan nikhat em pawh ral hmain Huma zawkin alo be hmasa ve ngeia,Lalkimi lawm lutuk mawlh chu a ni
Kawngtluan chuan a awm dan tur chu phur zet hian asawi char chara,Jeremy nen chuan kanlo ngaithla ve tawp,Kimi lah chu sawi tur ahre em em mai leh nghala,ka bula mi pawh chu a ṭawngthei atih em vang nge alo khi ve leh suk ṭhin
"U Jeremy Huma hian min bem tase ka chhang nghal duh angem?nge ka induh khum ve rih anga ka innghah tir rih zawk dawn"tiin Kimi chuan Jeremy chu zawhna alo zawta,azak theilo tak tak ani,bem pawh abem hma hmain
Jeremy chuan"I hmangaiha i duh tak tak anih chuan,in nghah tir lo in i duhve thu hrilh rawh,a chhan chu nghaktu thinlung hian in lamlet hun anei ṭhina,vawikhat iti beidawng tawh a nih chuan alo kir leh tawh lo ang"tak zetin damthlup bawk si hian a ti a
A thusawi chuan min hneh hlê ka hmuhdan a ti dang leh ta vekin ka hria,Kimi pawh chu a ṭawng tawh loa,Jeremy thusawi chu angaihtuah zui emaw ni a ngawi reng tawh
Kimi te in ahnaih zawk avangin kan drop hmasaa,a chhuah pah chuan"Ka lawm lutuk e chuan i advice kha kalo hre reng ang"a ti a,Jeremy pawh chu abu nghut,tlan chhuah leh mai kan tum Kimi chu alut tawh emaw katia alo tlan let leh chu niin"U Jeremy Chhani hian a sawi asawi ṭhin che ania"alo tih nihchu hmeli mai mai chuh
Ka kâ ka ang zuau hmana Lalfamkimi lah chu chak mangkheng hian anin lamah chuan a patek nghala,ka zat lutuk chu ka sa pup pup,amah hlirin min sawipui hmasa ṭhina minla puh daih zui
Ka bula ṭhu pa lah chuan a aw athian kharha,a khi suk bawk alo ngaikawi ani hrim hrim ang mahse engmah asawi taloa ka lawm tak tak a ni
Kan in kan thlen chuan lo leng lut turin ka sawm ve ngei a,office lamah let leh angaih avangin min hnial thung
Ni chu a ral ve zela,Vawiin hi sunday ani leh der tawh,ka scooty pawh aṭha tawha,nimin tlai khan Workshop ami pakhat hi Jeremy'n alo dah tira,naktuk ṭang chuan ka scooty ngeiin class ka kal veleh thei dawn tawha,ka phur rual rualin keimahah hian engtin emaw nitak min mawlhtu a awm tlat thung
Kar tluan khan Jeremy khan min thlahin min hruai char chara,ka ngaina takzet hman bawk min care thei em em a,achang pheichuan amahhian ahre kherlo maitheia,a bialnu treat-in min treat hial hian ka hre ṭhin
Midang bulah chuan a ṭawng tlem tehlul nen,ka bulah chuan a ṭawng nasa vethei hle a,ka zawhna apiang achhanga,a mah pawhin zawhna min zawh hmasak chang lah angah, a awm danah min duh ve ni a rinna ka nei ṭhina,mahse ka hriatthiam theih turin atilang ngailo thung kei erawhin ka duh takzet tawh tih ka hria
Angaite bawkin Kimi leh U Chhani'n minlo sawm leh a,kanin zui leh ṭhem ṭhem tawh,U Chhani chu a kal leh deuh hah hah tawha,Kimi nen ahnungah kan zui leh bawk,mak deuh pakhat chu U Chhani hian Jeremy ahmuh ni aṭang khan a chanchin hi min zawt deuh renga,henu pui hi alo star ve tak tak emawni
U Chhani chu atih dan ṭhin ang nge in thawhlawm ankhawn dawn vel ah chuan zung turin a chhuak leh ta nge nge a,banah chuan Kimi nen chauh chuan kan haw leh tawh
Kimi'n Huma abiak duhlo ni aṭang khan,Huma hian Kimi hi alo be hmasa fo a,wasssap lamah pawh alo text a ni awm e,anni chiah em chu ka hrelo mahse ni deuh reuh ang hian an awmin ka hria
Vawiin chu Kimi alo peng lo a,in ka thlen chuan mak deuh maiin U Mama leh U Amy chu room lamah an lo inhaua an ṭawng ring hlé,anin hauh ngai loh teh lul nen amak khawp mai
Mathew leh Mathias chu api te inlama kal inn paih at tawh hian anlo insiam diam tawh a,minlo nghak reng tawh anih hmel,an nu leh pate inhau chu mak anti ve deuh aniang ngawi rengin common room-ah chuan anlo ṭhu a,ka khawngaih dun reuh tak tak ani
A chhan Methew-a ka zawh chuan ahriat loh thuin minlo chhanga,inthlak turin room lamah chuan ka lut ta phawta,ka chhuk thla chiah chu U Mama chu an room aṭang chuan lu tuai vut vut chungin phun deuh bul bul pahhian alo chhuaka,min hmuh chuan akhuh kharha,zawhna mit menga ka en chu ahria aniang
"I u hichu abuaithlak ṭhin ania,hna lamah kan buai tih mawlh mawlh pawhhian"a ti a,"Enge in in hauh chhan ni reng renga"chik zet chuan ka ti a,anin hau khat si a,anin hau ngailo pawh atih theih ang,kei ngei pawhin hetia an hanin hau hi mak ka ti ania,Mathew leh Mathias phei chu an hrilh ahai ve viau ang
"Hna chiah i ngaihtuah atia,chuvang mai mai chu mawle,thil dang vak pawh awmlo,a in ang thinrim laklawh mai mai anih saw"a ti a
"A sawi chu adik ve reng alawm nupa innia hun inhman dun tlem ṭhin zia hi hna chiahhi i ngaihtuaha i nupui fanau tehi i dah pawimawh lo mah mah ṭhin alawm,i thiam loh zawk anih chu ngaihdam dil rawh"ka tih chuan a inngaihtuah deuh vung vunga dik atih hmel hlê bawk,min chhanglo chuan bathroom lamah alut daiha
U Amy phun bul bulin arawn chhuak ve chiah bawk,"Duati ilo haw tawh elaw"min hmuh chuan ati nghala,kalo bu ve nghut bawk
"I u hichu ka thin ati rim ṭhin tlat alawm,ahna adah pawimawh leh lutuk hi chhungkua pawn hun hi kan hmang ho theilo reng reng,duh leh a hna hi nupui atan nei law law rawhse"u Mama bathroom lama awm hriatphak kher tur chuan ati a
"Naktukah class10 ka nihlaia ka classmate tenen re-union neih pahin park lamah hun hman kan tuma,chhungkuain kalve ngei ka duhsia,chu chu ka hrilha,hna pawimawh a awm ati leh tlata"a ti leh nghal zat,a hmelah chuan a thinrim vezia pawh ka hrethei
"Kalo hauh hrep tawh kha"ka tih chuan a nui deuh seiha"dik tak chuan ka support thei em em a,ka thusawi erawh hi min tihhlawhtlin pui aneive ngailo,hna chiahhi a ngaihtuah"a ti leh sepa ahmel pawh hmuh anuam deuh tawh
U Mama pawh bathroom ṭang alo chhuak vechiah bawka,kan thusawi chu ahriat phak vek ka ring
Hun thawl an mamawh tih ka hriat avangin Mathew leh Mathias chu hruaiin,api te inlam pan chuan Scooty-in kanin khalh chhuaka,kan thlen chuan va lut ve zawkin rei pawh ṭhuloin ka haw leh nghala
Inchhung ka lut chiah chu alo reh ṭhiapa U mama te nupa chun an room lamah anlo inchhaih thawm ka hrethei a in ti thiam leh tawh a ni nge ang,anva naupang chhia thei tak,ka thawm anrawn hria nge U Amy chu alo chhuaka
"Duati eirawng bawl duhsuh aw,kan pathumin dine out ang u"alo ti a ,ahmelah chuan ahlim hmel hlê bawk nichin lawka ahmel nen chuan lei leh van
Kalo hnial tlat thunga,"in pahnihin va kal mairu va in date rawh u inchhuak dun khat si"ka ti deuh ṭala,a tir chuan min sawm lui ṭang ṭanga mahse ahnuah chuan an pahnih chauha kal tur chuan thu an ti tlu taa
An chhuak tur chu pawn thleng kava enliama,U Amy hlim lutuk mawlh chu anaupang chhia reuh tak tak a ni
Keimah chiah ka nih avangin eirawng pawh ka bawl lemloa,a ṭhing vek ka ring
Dar6:30 velah chauh chaw ka eia,thleng ka sil mek lai chuan kawngka chu anlo kik a,ka va hawn chuan Jeremy chu alo ding runa,ve teh mial chuan kalo melh deuh renga,"Lut turin min sawm dawnlo ami"a tih nghut chuan mit tla lek loin kalo en reng tih ka hre chiah
"Lo..... lut rawh"ti bah niah pah chuan ka tawlhsawna alo lut ve mai bawk,common room lam chu apan tlang nghala,ka thlengsil lai ka va tleuh zawh hnuah ka va ṭhu phei ve a
Min lo melh leh run tawh,inbe lo chuan kan ṭhu renga,khuh deuh kharh paha"Enge ilo tih dawna"ka tih chuan minlo en nghal vat pahin"Tlangval nula in a alenin enge atih ṭhin?"tiin ka zawhna chhanglo chuan min zawt let ta daiha"ka hre nang"ka la ti hrâm
A thaw deuh halha,ka bul chêtah alo ṭhu hnaia,kalo zam ve em em ringawt"Ka ṭhut rei tawh em hi thingpui no khat tal chu ka phu ve iti lo maw"a tih leh phei chuan ka zak chem chem,ka van â tak
Tho vutin Choka lam ka pana thingpui chu ka chhuang vata,ka va ken phei leh chuan thingpui no nghah pahin"In vatla haw ang che"ka ti deuh khera,chek hlak hlak pahhian thingpui no chu aban vata
A in zawh vel ah chuan a ding hluaia,a haw tak tak dawn emawni,"Nangmah chiahin i awm ngam ang maw"minlo melh chhuk run pahhian thu tak zet hian ati a
"Enge ka hlauh ringawt anga"ka tih tih chuan"Tun hnai hian Krismass boruak inṭham chho vel nen hian misual awm tih thawm hi kan hriaa,duty pawh kanin dah nasa alawm,misual lahhian mahni chauha awm hi anhre thei phian leh nghala"ka mita min enkar chung thu tak zet hian ati a
"Min tih ṭhaih ve tihna a mi"ka tih leh chuan a mitko asan uk ringawt,dik tak chuan a thusawi kha adik anih phei chuan a ruk tak chuan ka hlau,ramhuai hlau lonmah ila mihring damlai chu ka hlau minti na thei tlat
"Anih leh i hlauh loh chuan ka haw mai ang"a ti leh hrama,hmela mai mai chu minti ṭhaih hrep hnuah haw daih atum chule,ka ngaihtuah reuh reuha ka hlau lehsi chu ka zui vata,lo hawi letin"Haw chu i phal leh chiah si na nge"nui suk pahhian ati a,ka melhrum hrep ringawt
"Kimi ka phone phawt anga lo phei turin ka hrilh anga,chuan alo phei hunah i haw dawnnia"ka tih chuan avei nuih leh suka,ka ngei tak tak a ni,Choka lama long chair kan dahah chuan a bawp khawkherh deuh zarh chung hian a ṭhu thlaa
Kimi chu ka call tlang thei derlo leh nghal,henu lahhi mamawh lai laia biak theih lohin a awm le
"I ṭhiannu chuan ala thei na nge"inring tawk zeta atih chuan,ka melh rum leh hrep,abulah chuan ka va ṭhu thla ve a,amah en pah chung chuan tlawn deuh ti tih hian"U Mama te lo haw hma chu leng ve rih maila"ka tih chuan za zet hian anuia
Ka en tawp ringawt,"min tih ṭhaiha min tih hlauh hnuah haw itum daiha isual ve hrim hrim"ka tih chuan nuih insum zet hian min en a
Kan ngawih deuh vang vang hnuah"Ahmaa message ka lo thawn che kha ila hria em"alo tih daih takah chuan ka lungphu lo rang ve ringawt,"Aih"tiin ka chhanga,mahse kala hrechiang lutuk tlat
"Kha mi zan ka rawn text zan che a ka thilsawi kha ka hmangaih hmasa ber chungchang ania"a tih sup chuan,ka en kara"Chunu chu kha mi ni a kan hmuhnu Lawmi kha ania"a tih leh chuan,ka hrechhuak zawka hmeichhe hmelṭha deuh kha a ni,ṭhian satliah annih kha ka ringlo renga
"I bialnu tihna a mi"ka tih chuan a lu a thinga"bialnu hlui zawk"damthlupin ka mita enkar chungin a ti a
"I la hmangaih em"ka tih chuan,min chhan hun nghakin a mitah tak chuan ka en a,minlo enve reng bawk mahse min chhang miahlo
Ala hmangaih reng tihna em ni ang,chhanna ka dawn loh avangin kalo nâ ve em em ringawta,a chhan chu Chapoa hi ka duh vang a ni,ka rilru chuan ala hmangaih a nih ka ringa,mahse ka thinlung chhungril ber aṭang chuan a hmangaih tawh loh thuin min chhang se ka ti tak zet.
END OF CHAPTER
(12noon-ah chiah chiah lo dah ka tuk tehlul nen mistake vel intan chhiar anawm nan ka ennawn leh veka,kalo tlai phah deuh a ni)
(TUMAN AVA TAWIVE LO TISU A SEI KA TI TEH MAI ANIA,ZANINAH CHAPTER-6 KA RAWN LA DAH NGHAL DAWN ZUI
🤍)
In duhthu sam loh laite inlo sawi ṭhin dawn ania aw,tun hi ka vawikhat story ziahna a nia,in duh thu pawh asam lo viau ṭhin ang ka tih dik loh laite ka mizo ṭawng hman dik loh velte leh mistake vel pawh minlo hrilh zel ṭhin dawnnia,ka tan inzirna zel
(Ads click leh ṭheuh ila,comment ṭheuh bawk ang u inrawn comment tam hian lo dah zung zung tehi a chakawm ṭhina,lo comment chur chur ṭhinru🥰)
https://www.storyfb.com/viewtopic.php?p=47085#p470
Wassap group join ṭheuh ang u aw,story ka dah hun tur leh akalhmang tur vel information ka dahna ber ania inlo join ṭheuh dawn ania
muah fû
Show post links
Top
chapter-1-ah chuan engmah kala sawi lang duh rihlo..hmmm
)
)
)
)
ads click leh ṭheuh ang u aw chuan comment theihnghilh lo ila,in ngaihdante inlo sawi ṭheuh dawn ania aw,in vaiin muah fû
)
