*GEORGE LALHRUAITLUANGA*
*Because of Accident S2*
by_MrsBabe Khawlhring
Lalruatmawii Pov.
LRM Hospital kan thleng chiah chu George chu ading nghal chawta,ka chhuk nghal vat,damdawiin kawtah chuan hma ni a an in(house)a ka kal ni a,nu pakhat lo awmve reng kha alo dinga
Georgea chuan apan vata,ahnungah chuan ka zuive vat,"Inlo thleng thei maw"alo ti a,"Pi Zam,Ka pa chu aṭha em,ICU-ah chuan ami ala awm"hlauthawng zeta Georgea'n atih chuan,ICU-a awm mek chu pu Jeremy tih ka hreve chiah.
"Hlauhthawng suh Bawiha,cabin-ah an sawn chiah e mahse ala biak theihloha"pi Zamtei chuan adara khawihsak pah chung hian ati a
Engmah sawi tawh set set lo chuan damdawiin chhungah chuan kan lut nghala,cabin lamah kan chhukthla nghala
George chu ka en chuan a hmelah a hlauhthawn zia leh a thlaphan zia ka hmu thei,keipawh ka hlauthawng ve takzet.
Pu Jeremy awmna cabin kan thlen chuan George chu luh nghal mai atuma,nurse pakhat rawn chhuak chiah chuan,"Pu Jeremy chhungte mi innih"arawn ti a,George chuan kannih thuin a chhang vata
"Tunah chuan damlo dinhmun hi aṭhalo lutuka,chimbuai chi ani rihlo,tumah inlut thei rihlo ang,ICU lamah pawh sawn angai leh mai thei"khauh angreng takin nurse chuan ati a
"Engetinnge a awm a,ka pa chu aṭhalo viau em ni"George chuan cabin lam melh ngawt ngawt pah chuan ati a
"Tunah rih chuan azia deuh hlek na chu,oxygen tello chuan athawk abuai nghal zela,mahse aṭha vat mai ang"nurse chuan ati siam siama,George chu apai dawra,kalo dawm vat
Nurse chu cabin chhungah chuan alut leh nghala,ṭhutna awmah chuan George chu ka ṭhutthlakpuia,a kun ngura,amit asen ram bawk
Ngawi renga kan ṭhutlai chuan Georgea Ní kha alo thleng ve chiaha,a phili buai ve zia chu ahmelah alang,"Ngatinge pi Zam ngatinge ka u chu"arawn ti nghala
"Tukin chaw eikham hnu khan a room-ah a inkhung char chara,ka han chho chu alo tlu sawp nuaia"aw khur deuh dar dar chuan Pi Zami chuan ati a
George chuan ka kut chu arawn huma,ahum nghet hlê bawk han hnem vak ngaihna ka hre silo,ka kut lehlam chuan ka hum hnan ta tawpa
"Chuan doctor ten engtinnge an tiha"Georgea ni chuan ati leha,"A bp kha asang vak a ni awm e,thawhah anei bawk nen damdawiin kan thlen hnu, drip an khaisak hnu rei vakloah khan arawn harha mahse athaw kha arawn hah vaka chuan ICU-ah andah ta a ni"pi Zamtei chuan arawn ti leh a,thawhah leh bp sàng vanga ICU hiala dah ngai chu a serious viau anih ka ring
"Ka u chu aw,,,, in enkawl uluk turin ka chah fo asin mawle,a hrim hrimin tunlai damdawi a eiṭha em ihriatpui em"lungawi vaklo chuan Georgea nî chuan ati leha,"Chaw eikhama a eiṭhin a zumthlum damdawi kha chu ka pe ziaha,mahse a eiṭhin leh ṭhin awm chu ka hrelo"inthlahrung deuh chuan pi zamtei chuan arawn ti sepa,pa Jeremy hian zunthlum pawh anei amaw!
Georgea nî chu athawchhuak deuh ham hama,chutah Georgea bulah chuan arawn ṭhu hniama,adara rawn khawih pahin,"Bawiha hlauthawng suh aw,aṭha vek ang"dam dap hian arawn ti a,"Ruati iva felve irawn kalvea"tih pahin minlo en zeuha,kalo bu nghut ringawt
"I pu te pawh anrawn kal meka,zan lamah chuan anrawn thlen mai ka ring,tihian lo awm ula doctor chanchin ka va zawt ange"tiin Georgea ni chu akal ta daiha
George chu ala kun ngar,"I ṭha em"ka ti sepa,minlo melh zeuhin akun lehnghal daiha,ngawireng chuan kan ṭhu reng,pi Zami ka en chuan ahlauhthawn vezia ahmelah ka hmu,ṭhut pawh ṭhulo chuan atei kual seka
Reivakloah Georgea ní kha arawn leta,George chuan ka kut chu thlahin atho vuta,"Engtinnge alo tih"tiin aní lam chu ava pana
A ní chu angawih deuh vang vang hnuah,"A zunthlum kha alo hyper a,thilpawi athleng hman ṭep a ni,amah thawhah nei anih mai bakah a bp a normal thei rihlo ati a"a ti ban charha,"Chuan engtinnge ka pa chu a awm dawn a"George chuan ati chuai raiha
"Amah alo harh hunah chiah adinhmun ahriat ang,mahse Bawiha ipa chu engtinmah a awm dawnlo ania,doctor ten theihtawp an chhuah alawm amah achak ṭha bawk a"tiin George chu a ní chuan hnem atum ngiala,mahse George chu amelh ngai melh rengin a ding ngawi kur thung,a ní hmelah hian enge mawni tak thup nei a ang kati
Georgea Ní chuan pi Zamtei chu inlamah haw turin ati a,alo hnial tak naa,mahse kum upa lam inia haw zawk rawh chanchin kanlo hrilh ang che ti a Georgea nî in a tih ṭal takah chuan ngaih ngam hmel vaklo chuan ahaw ta hrama
Gorge chu akalsawn daiha,a nî in a auh pawn rawn hawilet loin akal daiha,"Ka va umzui ange"tiin ka zuive nghala.
Gorge chu alo pil hman daiha khawiah nge akal ka hriat loh avang chuan ka hawikuala,damdawiin bathroom thim deuh laiah chuan chhuatah chuan aṭhu tawpa
Va pan hnai vatin,"George hawh let ang"ka va ti sepa,minlo melh chho runa,a thim deuh bawknen ahmel ka hmu chiang theilo,ka ṭhu thlaa,"I ṭha em"ka ti sepa,kun ngur pah hian,"Keimah vang vek,engkim hi keimah vang vek,khatiang khan ka pa titur ka nilo a sin"harsa tihhmel zet hian arawn ti.a
A biangah dawmin ahmel ka en chuan George chu a mittui a tla,a vawikhat nan George Lalhruaitluanga mittui tla ka hmu,ka hmusual emaw ka ti hial
"I pa chu aṭha ang aṭha em em ang"ka tih chuan nghet zet hian min rawn kuaha,"Ni e aṭha ang min kalsan theilo hrim hrim"ka nghawnga hmai phum pah chuan arawn ti chhuak supa
Ahnungah chuan ka chulsak pah hliau hliaua,reifé kan inkuah hnu chuan George chu a inla hrang hmasa a,"Kan let tawh dawn mi"ka tih chuan abu nghata,cabin lamah chuan kan inzui pheia
Neihsanga,Christa,Babyi leh Esi chu cabin kawtah chuan anlo awm renga,minlo hmuh chuan khawnge kan kal tiin chanchinte minlo zawt nghal luama
"I pa chu aharh deuh chiaha,tunah khan i ní alut chiah arawn chhuah hunah ilut ve thei ang"tiin Christa chuan George chu a hrilha,George chu phur zetin cabin kawngkhar bulah chuan ava ding nghala
Babyi chuan,"I nu te chanchin kanlo hrilhsak nghal che a"alo ti sar sara,"Engtinnge antih"ka tih vata,"Lo kalve nghal antuma,mahse chanchin kanlo hrilh zawk ang che u kan ti a"arawn tih chuan ka bu nghat
Chutah Georgea ní chu arawn chhuaka,a ṭap ni awm tak a ni ahnar chu asen tai têk a,"Va lut rawh"tiin George chu ahrilha,George chuan minlo melh zeuha,a lut nghal vat.
George Lalhruaitluanga Pov.
Ka pa chu thawk harsa tih hmel deuh hian oxygen vuah chung chuan khumah chuan alo la mu a,a kut pahnihah venflon an vuah ve ve bawk,minlo hmuh chuan minlo hui zeuha,nurse bulah chuan oxygen phawi hrih tur chuan a hrilha.
Amah athawk apangai deuh tawh vang chuan nurse chuan a phawisak ve maia,tung tho tura ahrilh chuan nurse chuan khum chu a adjust vata,ka pa chu ṭhu mu deuh hian a awm a.
Nurse bulah chuan chhuak lawk turin a hrilha,a bp a check sak leh te te hnuah min chhuahsana,kan pafa chauh chuan cabin chhungah chuan kan awm a
Ka pa kuta venflon an vuah chu enrengin ka kun ngura,"Ngatinge i din reng,rawn ṭhu ta che"zawi dap chauh hmel zet hian ka pa chuan arawn ti a,ka va en chuan minlo en ve reng
"Ngatinge i hmelchu i ṭap emni"arawn tih thawp leh sap chuan ka hmai chu ka tuai puata,"Hetah hian rawn ṭhu phei teh"chauh hmel zeta arawn tih leh chuan ka ṭhu phei vata,"Mipa inih kha pa takin awm ta che,tinge i mittui te i tih tlak mai mai"damthluama arawn tih leh chuan
"Ka tihpalh,engkim hi ka thiam loh vek,keimah vanga tianga awm inihhi"ti pahin ka pa kut chu ka huma,a kut chu ka kuah vawng vawng a ni ber,chutah akut lehlam chu rawn ti chein ka lu chungah alo daha.
"Ka fapa tiangin awm mah ta che,tuna ka awm dan hi nangmah vang anilo inthiamlo duh suh"arawn ti dam dapa,"Aih keimah vang vek pa min ngaidam rawh i duh duh danin ka awm tawh ang"ka ti sapa
Harsa tih hmel zet hian ka pa chu anuia,"Min hua em,i chunga ka awmdan vang khan min hua pawh nila ka demlo che"ka tih leh chuan,"Engtinnge ka fapa hi ka huat theih tehlul ang che"arawn ti tham ṭeka,"Bawiha Ruati nu leh pa te ngaidam turin ka in peih tawh asin"ka mitah tak en chunga arawn tih leh chuan ka pa chu ka en tlawk tlawk
"Pathian hminga ngaidam tura min ngen zan khan ka thinlung chuan angaidam daih tawha,ka rilru ka hriatthiam loh vanga ihnena sawilo mai ka ni,ka tlai mah mah lo ang chu tiraw"mitmeng chauh hmel zeta arawn tih leh chuan,ka mittui atlasak
"Ṭap mah ta che,pa takin awm rawh ka tih kha"ka kuta rawn hmer pah chuan alo ti leh sapa,"Ka fapa duat,ka neihchhun leh ka khawvel ini a i hlimna hi ka tan chuan ahlu ber"arawn ti thawp leh sapa,a ṭawng dan aṭang chuan achauh zia ka hre thei.
"Keichuan kalo kalsan tache anih pawhin,ka hmangaih dan che ang chiaha hmangaih tutur che Ruati a awma ka thla hi amuang asin"arawn tih leh chuan,"Chutiang sawi suh,i damṭha leh vat anga,kan pathumin hlim deuhin kan awm ang,khatiang thu kha sawi miah suh"ka ti chang runa
"Mipa chak tak ini tih ka hriaa,lunglenna leh khawharnain a tihbuai theih loh khawpa mipa chak ini tih ka hria ania,nangmah tichak leh zual turin ibulah i hmangaih ber a awm dawna,i hlim ang tiraw"harsa tih hmel zeta arawn tih chuai leh raih chuan
"Ngatinge chu chu min hrilh,min kalsan tur ang maia i ṭawng le,i tello chuan ka hlim theih i ring em ni"tiin ka pa damlo khuma mu reng chu ka vina,"Nangin leiah i hmangaih ber nen hlim takin in awm anga,keipawh inu nen vanah hlim takin kan awmve dawn alawm"arawn tih leh chuan ka tho vut.
"Tinge thi mai tur anga i ṭawnga,Pa min kalsan theilo hrim hrim,intihchak tum la dam leh vat zawk rawh"sehchilh deuh chuan ka ti a,ka mittui tla pawh chu ka ngai pawimawhlo,mi chuan min hmuse pa lo minti maithei,mahse ka pa thusawi hian min ti ná em a ni.
"Bawiha tunah kher ka thi dawn ka tilo,mahse mihring chu he khawvel hi kan chamhlenna tur a niloa,kan khualzinna ram mai a ni,thu tawp sawi hun tur hichu ala awm dawn alawm"arawn ti chuau raiha,"Aih engmah sawi tawh suh,ka ngaihthla duhlo i dam anga,damdawiin aṭang kan chhuak vat ang"ka ti leh hrawka
Ka pa chu anui deuha,"Ka fapa hian apa hi minla thlahlel viau ani maw"arawn ti tham chela,pan hnaiin akutah ka vuana,"Pa ka tan chuan ihlu lutuk,ka nu telloa min chawilennate ,,ka tana ṭhatur i duh vanga thil tamtak min tihsak ṭhin nate avang khan ka lawm takzet asin,chuvang chuan dam vat vatla,min duatna leh min hmangaihna tehi ka rul let ve tawh ang che"ngenngawl zeta ka tih chuan,hlim hmel leh harsa tih hmel zet hian ka pa chuan min en a
"Tunah chuan ka fapa hi a puitling ve ta tak tak ta e"arawn ti sapa,"Kal rawh chhuakla Ruati rawn luh tir rawh"arawn ti sapa,ka mittui chu hru sawk sawkin ka ding chhuak nghala,thaw deuh sek sek hian ka pa chuan,ka kal mai tur chu"Bawiha"tiin min rawn au a,"I pa hian ka hmangaih lutuk che"harsa tihhmel deuh hian arawn ti a
Avawikhat nan tehmeuh ka tette aṭanga minla hrilh ngai miahloh,min hmangaih thu ka pain min hrilh anih chu,a chezia leh a awmdan chauhin min hmangaihna ati lang ṭhina,mahse ṭawngka meuhin min hmangaih thu min hrilh anih chu,tunah hian khawvelah hian ka hlim ber awm e
"Pa keipawhin ka hmangaih che"ka tive sapa,ka pa chu a nuisak.
Lalruatmawii Pov.
George lo chhuak har lutuk chu ka ṭhu hle hle theilo,cabin kawngkhar bulah chuan ka tei seka,kawngkhar arawn rik khep rual chuan ka en vat,George chu alo chhuaka,amitmeng sen ram mahse ahmelah hian hlimna ka hmu thei
Min rawn kuah thut chu achetdan mak ka tih lutuk avang chuan ka khawng at,chutah hlim em em hian,"Ka pa chuan a rem ti tawh"arawn tih sup chuan ka kuah letve thei chiah,"Va lut rawh ka pa chuan ahmu duh che"tiin min kuahna chu ati thawla
A thusawi zawng zawng kha mak ka tih lutuk vangin ka che thei derlo,kan ṭhian teho lah chu an phul hlut hlawma,George chuan lut tura min tih leh chuan cabin chhungah chuan ka lut ta chauha
Pa Jeremya hmel ka hmuh dan chuan min ṭhawng takzet,harsa tih hmel deuh hian a meng ṭawk ṭawka,ka chesawn theilo kawngka bul aṭang chuan ken enreng ringawt,harsa tihhmel zet leh chauh hmel zet hian pu Jeremy chuan alama kal turin minlo huia
Muangchangin ka pan pheia,ka mittui lo tla tur chu ka inpet fan,pa hrisel tak anga ka ngaih nikhat thil thua hetiang maia,a tla kawk ka hmuh hian mak kati,akut chu vuan turin minti nimaiin ka hria arawn phar chhuaka
Kalo vawnsak vat,harsa tihhmel zet chuan a rawn nui luia,"Ruati"a rawn ti tham chiala,chhanget turin ka aw pawh achhuak thei derlo,"Ka fapa hi ihmangaih takzet em"arawn tih leh chuan,"Aw ,,,pa Jeremy ka hmangaih takzet"inpet fan pah chuan ka ti chhuak sepa,ka aw pawh alawiratin ka ring
"Ka lawm e"arawn tih chuan hrethiam lo zetin ka en,"I nu leh pate kha ka ngaidam ani tih lo hrilh ang che,chuan nangpawh"arawn tih thawp sap chuan,"Pa Jeremy enge maw isawi le,chu thu chu nangmah ngeiin ihrilh ang chu"ka ti vata,mahse ka zawhna min chhanglo chuan
"Kalo thi ta anih chuan"a thaw haka,"Ka fapa hi ilo enkawl dawn nia aw"a ti sapa,"Pa Jeremy chutiang sawi suh ithi dawn hleinem,i dam leh vat ang"ka ti vata,a thusawi hian minti hlauthawng tak zet,amitchhingin harsa tihhmel zet hian a thaw ṭawk ṭawka
"George hi itello chuan adam zo lo ang chuvang chuan i intih dam vat vat angai ania"mittui tla pur chuan ka ti leha,arawn meng diar diara,"Ka fapa minlo enkawlsak tutur atan chuan ka rin ber ini,a lungngaih chang leh hrehawm atawrh changin abulah lo awm la,chakna petu lo ni ang che"ati dam thluama
"Enge maw isawi tak maile,George hian kei niloin nangmah alawm amamawh che"insut hlawp hlawp chung chuan ka ti a,"He leia a awm chhungin nu leh pa a neihloh avanga mal riaua inhriatna te anei anih chuan nangin lo hnem la,chak takin awm turin hrilh ṭhinla,anu leh pa ten kan hmangaih zia hi ilo hrilh ṭhin dawnnia"atih leh chuan
"Aih ka duhlo,pa Jeremy,i dam vat angai khatiang thu kha sawi tawh suh"ka ti ṭiaua,"Ka kal ta tak tak anih chuan ka fapa hian atuarthiam dawnlo tih ka hria,chuvangin kei pawhin abulah awm reng thei ila kati mahse ka natna hian min pawt hneh em a,Pathian khian abulah chawl tawh turin min duh tawh ania nge"harsa tih hmel zetin arawn ti sapa
"Pa Jeremy enge i sawi awmzia"ka tih chuan,"Ruati, tunah hian thisen cancer ka vei meka,stage hnuhnung ber ani tawh bawk,in enkawl ngaihna a awm tawhlo"arawn tih chuan akut hum pah reng chuan ka ṭhu thla hnawk,ka mittui chu arawn baw hawk a ni ber
"Anilo ang,bp sàng leh zunthlum chiah inei alawm pa Jeremy i hresual anih chu"in sut hlawp hlawp chung chuan ka ti a,"I mittui hru hulla,bang rawh nakinah Georgea hnem tur zawk inihkha,ala mamawh dawn chauh che"arawn tih pawh chuan ka ṭap bang theilo
Intih pachan tumin"Engtik aṭangin nge"ka ti ṭiaua,"George kum17 anih aṭang tawhin"arawn tih chuan mak tih nain ka khat,"Ka fapa tan chak taka awm ka duha,he natna tuar reng chung khan pa chak tak anga lan ka duh avangin engmah treatment kala duhloa,Ka fapa hian ka nà tuar lai ahmuh ka duhloa,a hmaah khan chak tak angin ka lang lui ṭhin,ka chakna chu ka fapa hi a ni bawk,ani aia hlu ka tan he khawvelah hian tumah an awmlo,mahse tunah chuan ka natna hi thup theih ani tawhlo,ka kalta tak tak anih pawn ka fapa chuan amah hmangaih tu anei tawh che a, thlamuang takin ka kalsan thei tawh ang"arawn ti chuai raiha,enge sawitur pawh ka hrelo
"Minlo enkawl sak ang tiraw"arawn tih leh chuan,mittui nen kalo bu nghat nghat,"George hi mi chuan mipa paukhauh leh thinlung sak tak angin an ngai maithei mahse,a rilru a no in a tuar a zuau em em ania, theihtawpin ka duatin ka hmangaih ve a,ka lo kalsan ta anih pawn tuar dan athiamlo hlé maithei"arawn ti chuai raiha
"Tuarchhel tak leh chak taka awm turin lo hrilhla,Pathian dem lo turin leh a rorel dan hi hrethiam turin lo fuihla,a lunglen chang leh min ngaih chang apiangin van aṭangin anu nen kanlo thlir reng tur thu ilo hrilh ṭhin dawnnia"arawn tih leh chuan,ka ṭah nasat lutuk avangin ka ṭawng theilo
"Ilo ti ang tiraw"arawn tih leh a,"Aw,,,aw ka ti ang"a ri chang chang chuan ka ti a
"Khawpui a rika ṭek atlak apiangin Georgea bulah chuan 'chu chu i nu leh pate annih chu'ilo ti ṭhin dawn nia"a tih chuan athusawi awmzia chu hrethiam lo mah ila,ka tih ṭhin tur thuin ka chhanga
Pa Jeremy chuan ka kut chu arawn huma,"Ka lawm e ka monu"nuilui tih hriat tak hian arawn ti a,"Pa"ka tive sep,nurse arawn luh chuan ,ka mittui chu ka hru nghal vat,Pa Jeremy khum chu a adjust sak nghala,amut ṭhat tir nghal bawk
Nurse chuan,"Thawk hrehawm iti em"tiin pu Jeremy chu azawta,aw tham chial hian "tunah rih chuan thawk ala nuam" tiin achhanga
__________
Zanah chuan George nen chuan cabin chhungah pa Jeremy chu kan awmpuia,pawn lamah Christa teho an awm ve bawk,Georgea ní erawh Georgea pi leh pute anlo thlen ṭep tawh avangin va hmuak turin akal a,pa Jeremy thawhpui ṭhenkhatte pawh pawn lamah an awm bawk.
Pa Jeremy chu amu a,George chuan apa chu a en ngawih ngawiha,apa natna diktak hi ka hrilh duh angem?tih ka ngaihtuaha,amah tih loh a chhungte dang chuan an hrevek tawh ani maithei,pa Jeremy sawidan aṭang khan,a ní pawh khan ahria tih chu a awmdan aṭang khan ka hrethiam bawk,apa hian rei a daih dawn tawhlo tih ahriat hunah engtinnge a awm ang tih chu ka ngaihtuaha
Thlakhlelh hmel takin apa lah chu a melh ngawih ngawiha,ka lung ati chhe tak zet
Pa Jeremy chu arawn thaw kawka,"Pa engtinnge i awm"George chuan hlauhthawn hmel zet chuan ati nghala,Pa Jeremy chuan achhang theilo,a thawk abuai ni berin ka hria,George chuan apa chu atung tho a,rang deuhin ka tlanchhuak nghala,ṭap chungin doctor leh nurse te chu ka au ruaia
Pawn lama lo awm ho pawh chu an tho nghal sap sap,chutah rang zetin doctor leh nurse techu anrawn kala cabin chhungah chuan antlan lut nghala,nurse pahnih hian George chu anrawn kai chhuaka,George chu atal nasa ngang mai,"Ka duhlo ka pa bulah ka awm duh"sehchilh zet chuan ati ram hmaka
"Tunah chuan tumah inlut thei rihlo"nurse chuan ati hlara,George chu kava kai luia,mahse achesawn duh derlo kawngkhar bulah chuan ading tlata,a khur dar dar bawk,chutia tu pawh mai chu kan buai laih laih lai chuan Georgea pi leh pute chu anrawn thlenga,chanchin kan hrilh chuan api chu chhuak zet hian aṭap nghala
Georgea ní pawh ani tho,apu pawh chu cabin lam chu ding chungin a en vawng vawnga,"Awww,,,ka fapa thuawihlo Jeremy"tiin api chu aṭap chhuaka,Georgea ní chuan a khap dai vat,apa natna diktak hi hriattir an duhlo ni maiin ka hria
Reifê kan nghah hnu chuan doctor leh nurse techu anrawn chhuaka,anhmel angui riaiin ka hria,George chuan chanchin azawt vata,"A pawi khawp mai mihring kan inchan ta lo a ni"chuta doctor rawn chhanna vang chuan George chu aṭhu thla hnawk,tu pawh mai chu an ṭap nghal hawm hawma,Georgea pi leh pu,a nì leh midangte chu cabin chhungah chuan anlut nghala
Pa Jeremy min hrilh ang khan hnemtu zawk tur ka nih angin intih pachan hram hram tumin ka inpet fan fana,mahse ka thei biklo,thilthlen dan hi amak em a ni,George bulah chuan ka ṭhu thlaa,George chu a mittui aluang ngi ngiaia,mahse aṭapchhuak lo,a thinlung natdan tur chu ka hriatthiampui phalo,amelh ngai amelh tlawk tlawka,a meng à huih ani ber
"George"ka ti sepa,"A thilo,ka pa chu athilo"mittui tla chung chuan ati hrawka,arum nghuta,athaw hrawk hrawk bawk,ka kuah beta,atal ṭang ṭanga mahse ka kuah lui ṭang ṭang thung.
__________
Pa Jeremy ruang chu Lunglei lamah a zan la la lain anphur phei nghala,anupui ruang an zalhna ah ngei zalh anduh vang ani,Georgea chu ka bulah a awm renga,,,Christa car-ah kan chuanga,Babyi nen ahmaah anṭhua kei leh George ahnungah kan ṭhu thung,Esi leh Neihsanga pawh bike-in anlo kalve bawk
Ka nu leh pa pawhin pa Jeremy ruang chu an zuive dawna,apawi an tih thunansawi nasa hle a ka nu chu amittui atla hial,Aizawl SP lai anih avangin a ruang zuitu chu an ṭhahnem takzet bawk,,,ka bula ṭhu chu akutah ka chelh renga,apa hi ala thilo emaw ati tlata,kuangchhunga an khung dawn thleng pawn,en pawh a en duhloa,a thi tihhi pawm atumlo niberin ka hria
Hnuailam melhin a kun ngura,thil tamtak angaihtuah a ni ngei ang,George hian eng ang pawn ringlo se apa chuan akalsan ngei si a,thiltihtheihna nei ila chuan a tan hian apa hi ka kaihthawh sak leh ngei ang
A changin ka kut chu arawn hmer leh vang vang ṭhina,ka ve en lahin a awm ngaiin alo la awm renga,a tuarthiam kati dawn nge tawrhthiam atum zawk tih ka hrethiamlo
Zing dar5 velah chuan Lunglei chu kan thlenga,kawngtluan khan chhin khat pawh ka chhinglo hrim hrim,George pawh ani tho,kanin be miahlo bawk,Georgea te in kan thlen chuan nizan lamah tlaivar anlo awm tawh bawknen,mi antam ngang mai,motor aṭang chuan ka chhuaka
George chu motor-ah chuan aṭhu ngura,kawngkhar hawngin akutah kava kaia,arawn chhuak ve maia ka tihdan danin a awm a ni tawp,pa Jeremy kuang chu inchhung lamah anzawn chhoa,George chuan a entlawk tlawka
A rilru natzia chu asawi kher angailo ahmelah hian alang vek,aṭaploh avang hian mite chuan atuarlo anti maithei,mahse a chhungril nat dan tur ka ngaihtuah hian ka na ve vawng vawng mai.
Inchhungah chuan kan lutve a,pa Jeremy kuang bulah chuan George chu ka ṭhutpuia,nutling ṭap rì chu ring tak a ni,Georgea pi chu nizan aṭang tawhin aṭap char char tawha,amit pawh abui lapa,mahse a fapa chu ala au ngat ngat tho
George chuan apa chu amelh ngura,mak tihnain akhat niberin ka hria,thilthleng engpawh mai kha a ni tup tup em a ni,Georgea pi chuan"I ngaih ṭhin em em leh ithlakhlel em em ṭhin inupui bulah chuan ikalve ta maw,ka fapa inu hian kala kaltir phallo che asin"tiin ṭah hla a chhama.
"Thlamuang takin chawl ang che aw,i nupui bul ihan thleng tawh awmsi a,ka fapa anuam iti tawh ang tiraw"tiin pa Jeremy ruang dai chu a zùt kuala,George chuan apa biang chu akhawiha,a en tlawk tlawka,a mittui a far sak bawk.
Tu pawh mai chu anhmel adur khup hlawma,keipawh mittui nen kuang bulah chuan ka ṭhuve reng,George chu rawn hawichhuak loin apa chu a enrenga,vuina programme an hman ṭan hma chiah chuan,Georgea pi te(Anu lam)chu Serchhip aṭangin anrawn thleng ve chiaha,a pu Rsa(Anu u) tepawh anchhungin anfapa nupui nei tawh thlengin anrawn kalvek
"Ka makpa,ka makpa"tiin Georga pi(Anu nu) chuan ṭap hawm hawm chungin kuang lam chu arawn pana,"I awm dan hi hriatthiam ava harve,ka van ring phallo em"ṭap hlawp hlawp chung chuan arawn ti a
"Duati kha minlo biak rawh aw,inupui kha minlo biak ang che aw,ngatinge nge maw heti maia fahrah turin in fapa hi inkalsan ve ve tak maile"tiin Georgea chu alo kuaha,George chuan api chu alo kuah letve bawk
"Inupui hnen ithlen hun chuan,chhingmittui far chungin minrawn thlahliam asin tiin hrilh ang che aw"ti lehin pa Jeremy ruang dai chu akuah ngawih ngawiha.
Vuina programme an hman zawh chuan,George chuan apa chu ṭhingṭhi chungin kuang chhunga amu lai chu akuaha,"Ka pa,ka pa thlamuang takin chawl ang che aw"tiin mittui nen athlahliam ve ta hrama
Thlan lama kaltirve an phalloh avangin room lamah Christa leh Neihsanga chuan anhruai ta daiha,kei erawh atawpnan tak tak anih avangin thlan thleng chuan ka zuivea
Thlan khur thuk takah pa Jeremy chu an zalh a,ka mittui ka dang zolo ṭhingṭhi chungin ka thlir ngawih ngawiha,tu mai pawh thlana kalve ho chuan lo let leh turin kan au a,mahse min chhangtu an awm lo.
Ani chu athleng thui tawh lutuk tlat,tunah chuan Georgea nu khan van kulh kawngkharah alo hmuak anga,hlim takin Pa kiangah an chawl tawh ngei ang.
Tlai thim thet thet dawn thleng chuan thlanah chuan kan awma,pa Jeremy chu anupui thlan bulah an phuma,a khua pawh aharin ka ringlo.
Inlamah kan let hnu chuan khua pawh a thim tawh,mikhual an tam a,an zi nuai nuai mai,Pa Jeremy thawhpui teho anrawn kal tam hle a,DGP meuh pawhin arawn thalhliam ve bawk,sipai a ni a,a thihdan pawh aropui takzet
George ka zawnga,hmuhtur alo awmlo,room-ah ala awm anih ka rin avangin a room lamah chuan ka chho a,mahse alo awmlo
Christa teho leh midang ka zawh pawh chuan a awmna an hriatloh thuin min chhanga,min zawnpui nghal bawk,a chhuak lai kan hmuhawm kan hrelo antih avangin inchhung khawi emaw laiah a awm anih kan ringa
Kan zawngkuala mahse hmuhtur a awmlo,anin hi chhawngthum ngawt ani a,achung berah hian khawthlirna nuam deuh turin zawl andah tih thu min hrilh chuan chutah chuan ka han chho a
Ka mi zawn chu ka hmu ta ngei,George chu van lam hawi hian ading renga,tunah tak hichuan hnemtu a mamawh ngeiin ka ring,pan hnai vatin ahnung aṭang chuan ka kuaha vawng vawnga
Ka kut chu alo hum hnana,"George"ka ti sepa,"Tinge Pathian hian ka chungah tihian ro arel bik"a ti thawp sapa,a mah en thei turin ka insiam rema,van lam hawi pah hian,"Ka nu min laksak pawh kha i duhtawk tawhlo emni,ngatinge ka pa lehzel,ngatinge"tiin Pathian a demna chu a au chhuahpuia
"Hetiang em em a mal tura minsiam tur hian engvangin nge khawvel eng min hmuhtir ve kher,enge tihsual ka neih bikk"a ti leh hrawka,"George i mal hleinem,i bulah ka awm reng dawn alawm"ṭap chunga ti pahin va kuah ka tum chu minlo dang vat
"Min kalsan rawn,nangpawn min kalsan leh tho ang"arawn ti chuai raiha,"Aih keichu khawiah mah ka kallo ang ka kalsan lo ang che i pa bulah pawh ka tiam vek tawh,ka kalsan ve ngailo ang che"ti lehin ka kuah luia,George chu akhur deuh dar dar
"Inu leh pa chu hlim takin vanah an awm tawh asin,chuvang chuan nang pawhin an hlimna ṭawmpui tumve rawh"kuah pah reng chunga ka tih chuan,"I ring maw?"arawn ti thawp rata,a mitah tak en chungin,"Aw George anni chu anhlim tawh lutuk nangpawh hlimve turin an duh che"ka tih chuan a mittui atlasak
"Ka hlimve anduh anih chuan ngatinge anbulah min hruai ve mailoh,ngatinge he khawvelah keimah chiahin min hnutchhiah"rilru na zet chuan arawn tileha,"Ṭap rawh,ka demlo che,hringnun hian ṭahna mittui ako chhuak fo ṭhin ania,i tawrhna techu ṭah chhuah pui rawh"ka tih chuan George chuan min rawn kuah nghet sauha
"Ka pa khan min hmangaih thu min hrilh asin"tiin ataksa akhur dar dara,ri meuhvin apa ahmangaihna chu aṭahchhuah pui anih chu.
_________
4YEARS LATER
George Lalhruaitluanga Pov.
"Bawihi hmanhmawh tache,bawihtei amut achhuak mai dawn ania"ka tih chuan,"Aw,ka hman ani mai" bathroom aṭang chuan ka nupui chuan arawn ti lang langa
Ka fanu ka pawm mek chuan minlo melh chho kiaua,abianga ka fawp zeuh chuan,anui sen sen
Tunah hian Lungleiah kan awm meka, Lalruatmawii nen Kum4 ngawt kanin neive tawh bawk,fanu kum3 mi kannei tawh bawka,tunah hian kan fa pahnihna tur thla6 mi lek apum chhungah apai leh mek bawk.
Bathroom kawngkhar arawn rik khep chuan bawihtei pawm chungin ka inher vat,ka hmeichhe hmuh mawi lutuk avang chuan ka mit ka lasawn thei derlo,"Enge"arawn ti hlara,"I nalh lutuk"ka tih chuan,"Hetiang pum nen chuan engmah hi ka nalh pui tak tak theilo"ti hlak hlak pahin,bawihtei chu arawn laa,apaw nghal vat
"Ka thawhrah chu kalo pawm mai ang"ti a ka fiam chuan,"I ninawm tiang khan sawive ziah suh"arawn ti hlara,"Kal vat ang u,kan haw tlai lutuk ang"arawn tih leh chuan motor chahbi chu ban vatin room aṭang chuan kan chhuak nghala,tunah hian ka nu leh pa thlanah kan kaldawn mek a ni
Thlan lam pan chuan kanin khalh chhuak nghala,kan fanu hi api hming ang chiahin Lalchhanchhuahi tiin anu hian ahming aphuahsaka,mahse kan duat em avangin ahming hichuan kan koh ngai meuhlo,ṭawng azir ve ṭan meka,amahtein a phun ve sep sep ṭhin
Tunah pawh awmze nei mangloin arak leh reng tawh,thlanmual kan thlen chuan Bawihtei chu ka pawma,ka nu leh pa thlan awmna lam kan pan vat,kan thlen chuan,"Le Bawihte api leh apu tekha chibai rawh le"ti pahin ka fanu té chu ka nghat thlaa,thlanlung chu apan ve vat
"Tunlai chu kan kal khat lutuk a,alo bal hman khawp mai"tiin kannu chuan hnahthel vel chu achhara
Kei erawh van lam ka hawi vang vang thung,ka pain min kalsan tirh khan ka tuar thiamloa,thih ve daih maite kha ka duh mahse tuna ka nupui nita Lalruatmawii hian chakna thar minpea,ka tawrhna tekha min ṭawmpuiin ka bulah a awm reng ṭhin.
Mihring chu chhum reilotéa rawn langa,ral leh mai ṭhin ang kanni tihte,he khawvel hi kan chamhlenna tur anilo tihte min hrilh ṭhina,mahse atir kha chuan ka hrethiam mailo,hun leh nì te aral zela,ka pain chaktak leh pachang taka awm turin min duh tih ka hriat avangin,khawharnate chu inhneh tir duh loin tun dinhmun hi ka thleng ta a ni.
Ka pa khan a damlai khan ka nu angaithei em em anih kha,mahse tunah chuan an pahnihin vanah hlim takin Pa angchhungah hlim tawp hlau lovin an leng tawh tih ka hriaa,keipawh hlim takin leiah hian awm turin min duh tih ka hre bawk,chuvang chuan ka nu leh pa duhdan ang ngeiim keipawh ka hlim a ni.
Nupui min hmangaih em em tu leh fanu duhawm tak Pathianin minpe a,ka lungawia ka lawm bawk.
"Enge i ngaihtuah vung vunga"rawn titu vang chuan ka ngaihtuahna aṭangin ka harh chhuak thut,ka nupui alo ni,"Nangmah"ka tih chuan,a nernanga,"Ka hmangaih che"ka tih chuan,alai deuh ngei ahmai a sen tek mai,"Min hmangaih thu isawive dawnlo mi"lungawilo angreng taka ka tih chuan
"Ka chhanna techu ihre reng alawm"arawn ti sepa,ka hmui ka tih sawi zeuh chuan,"Nang ai nasain ka hmangaih che"arawn tive a,ka nuisuk,ka kuah nghal vawng vawnga,"Khawimaw min thlah teh bawihtei'n min hmu ange"a tih chuan ahmuiah ka fawp zeuha,minlo nensawn vat, kan fanute chu kan en nghal vata.
A mit hup chung hian a nui chiam reuhva,va pan hnaiin ka pawmkanga,"Papa,thlawhnaah ka chuang duh"fiah lo zeta arawn tih chuan sang deuhah chawiin ka virkual puia,kannu chuan "I ti tla ang"tiin arawn ṭeu hlara,Bawihtei lah chu nuam ti zet hian anui khek tuar tuara,Bawihi pawh chu anuive ta tawp.
Hlim takin ka awm tihhi ka nu leh pate pawh van aṭangin minlo hmuve anga,an hlim ve ngeiin ka ring.
Heihi a ni,hringnun chu achangin kan ṭapa,ahnuah kan hlim leh ṭhin....
(A TAWP TA)
(Jeremy pawh ahmangaih em em anupui Thunderi nen vanah hlim takin an awm tawha,in lawmpui em?Tin,George pawh ahmangaih em em nen chhungkaw dinin hlim takin an awm bawka,hei lo lem a HAPPY ENDING🥰
)
(Atawp thlenga minlo chhiarsak tute in vaia chungah ka lawm em em e
,ngaihnawm tilo leh duhkhawp lo chung chunga lo chhiarve ṭang ṭangte chungah pawh ka lawm em em a ni,ka story tehlul minlo ngaihhlut sakve duha,ka phulo lutuk tlat,Lalpan a let tamtakin malsawm che u rawhse
)
HAPPY ENDING TUR ANIHHI AW🥳)
)
)