Atom-i by Lal Fakawmi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Atom-i by Lal Fakawmi (Completed)

Unread post by Ngaia » January 23rd, 2022, 12:30 pm

jr1kbsig.jpg
Story hi ka vawikhat ziah ve na tur ani a,ka thiante hian an ziak nasa lutuk a,ka ziak ve chak a ka lo ziak ve thuai.Thiamlo tawk a ziak ka nih dawn avangin,khawngaih takin ka mizo hman dik loh te leh ka punctuation marks dah dik lo te min lo hrilh dawn ania aw.

Atom-i chapter-i
By Lal Fakawmi
#highschool love#hosteller and warden love story#hostel life#comedy

"Carbon lo spy rawh miss bawptawii in lam kha","Hydrogen nang miss keltari in lam kha lo spy la,Oxygen-i nen hian kan va chhuak dun ang"

Zawi te te a pén tham tham in kan chhuah ruk ziah na atang chuan kan chhuak a,hostel ka pel fel der tih ah chuan hnunglam hawiin zawite hian"Carbon-i leh Hydrogen-i chuan eng eng maw an chah che"ka tih lai chuan,ka zawhna pawh chhang lo hian Oxygen-i chuan"kha I kalna kha en rawh"hi alo ti thuai ,chutah ka hma lam ka han hawi nàk chuan ka hma ah hian mipa ft 6 vel tur a sang hi alo ding kur ah,"ehhh,hmetha biangnó,chhelo pian nalh,duhawmna a khat,I sakhmel leh pian a hmeichhe tin te lungdumtu,ka chhungten ilo pian chhuah atang a second reilote hnu a ka tan a pasal tur,màkpa interview tur atan a no.20 na vel a anhualpa,tuma hnen ah sawi suh ang che aw"ka ti nghal zawt zawt a,ani hrilhhai lutuk tawng tur haihchham chuan a mit khap fukin a bu nghat a,chutah"kan kal phawt ange kan hmanhmawh si a,zanin I mumang ah min lo hmu dawn ania"tiin hmanhmawh takin kan kal san nghal a.

"Awiii,I va chham hnem hman riap riap ve"kal pah a nui kur kur in Oxygen-i chuan ati a,"lalpa malsawmna,amah pawh kha a vannei ve hrim hrim,ka hla do chham khum hmasak ber ani thei kha in chhuang hle rawh se"tiin ka hawi sang vah a.

"Tirawh hmanhmawh ang,miss bawptawii'n kan awm lo tih a hre hman ange,karkhat chhung thleng sil ka paih/peih miah lo ania"tiin dawr chhung ah chuan kan in zui lut nghal a.Kan thil duh zawng te leh kan thianten min chah ho chu lei nghal vat vat in,warden ten kan awmlo tih an hriat hmain,hostel lam chu hmanhmawh tak leh thawm dim tak chuan kan pan a.

Dorm kan va thlen chuan tuman kan awmlo tih an hrechhuak lo tih hria in kan thil lei ho chu kan ta tur theuh kan thlang a,locker ah tha taka kan dah luh hnu chuan kan khum ah theuh kan mu tur in kan kal a.

Ka hming chu Vanlalthlanawmi ani a,ka thiante ho hi chuan Atom tih vekin min ko thin.Pawl 12 zirlai niin science chu ka la ve khiau mai,science ka lak vang erawh in ka chut lo a,Arts subject la ho ai mah hian kan thian ho hian kan thawveng zawk.

Ka thiante ho hi an hming chu Vanlalpeki (Oxygen-i), Lalduhsangi (Hydrogen-i) leh Shalom Lalruathlui(Carbon-i) te an ve diah diah hlawm a,an hming hi chu pu zo hi ka ti ve thlawt lo🤣.



Hemi thleng hi ni rih phawt rawh se aw,a ngaihnawm leh nawm loh te comment lam ah khan min lo hrilh ula.

Like leh comment kha aw chuan ka tih dik loh lai te kha min hrilh hreh lo ula.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2022, 12:30 pm

Zing dar nga ah dar an vaw ri a, ha te nawt faiin leh hmai te phih faiin study room ah kan chho khawm a, lehkha kha chu kan zir leh mawp mawp hlawm a. Chutia lehkha kan zir mawp mawp hnu chuan study hour chu a tawp mai a. Dorm ah chuan chhuk thla in kan duty(dorm tih fai)tur theuh chu kan ti leh sang sang hlawm a. Dar riat ah hmeichhe chaw ei dar an vuak rik chuan dinning hall lam kan pan leh sang sang a, keini thian li ho chu a hnung lam pang lo dawlin muangchang hian titi pahin kan thian dang te chu kan zui ve a.

"Tukin zing hi eng nge kan chawhmeh ni ang le"dinning hall pan pah chuan Oxygen-i chuan ati nui nui a."Dal bawm darh chu ani tih ka chiang sa carbon-i chuan alo ti a,"Alu tui tla hi kan hmeh mai thei ani"tiin ka lo sawipui ve a, Hydrogen-i chuan "Antam fere tawk hi an lo bai leh ang tih ka hlau" lo tive bawk,kan chawhmeh ei duh loh ho chu sawiin dinning hall chu kan thleng thla a,tawngtai turin an lo ding thap tawh a miss keltari alo awm ve tawh bawk nen min lo en thap hlawm a.

Keini titi chung a kal kan ni sia chutia min lo en thap chu khawngkhar tlang ah chuan kan thian ho chuan kan ding thap a, miss keltari chuan a kel mit pawng luah khawp in min la melh kar hlawm zui, awiii a rapawm zia chuteh.

"Nangni thian li kha ngati nge in lo tlai leh ber a, zing dang ah pawh a tlai ber in ni ziah. Tawng te lah hi in thei hlawm ropui si, midang aiawh hian tawng zawh vek hi in tum ang mai, kawngkhar biang a ding zum zuah loh Khan hetah lo kal nghal vat ru" tiin thinrim mitmeng meidil tawk chuan min han melh tel kher a.

Kan thian dang te awmna bul kan pan lai chuan,"shalom, nang lo tawngtai rawh in tlai manah"tiin carbon-i chu a ko ding a,"chuan thlanawmi kha tlai ah I tawngtai bawk ang. Duhsangi leh Vanlalpeki kha naktuk zing leh tlai ah in tawngtai bawk ang, nidang a in lo tlai leh anih chuan boys ho chaw ei laiin a hma ah hian bucket khum chungin in ding ang,kal ru"tiin keini thian dang te chu a mit meidil chuan min melh leh kar a.

Midang ho lo dinna ah chuan kan pathun chuan kan ding thap a, carbon-i chu miss bul ah chuan va ding in, kan kut chu tawngtai tur chuan kan suihzawm nghal a,"Ilo tawngtai ang u,aw lalpa chaw leh thil tin reng min pek avang in kan lawm e,vawiin ah hian dal bawm darh leh bawkbawn bài kan lo hmeh leh dawn ta a, nangin a uih leh tui tla kan pumpui a lut tur hi malsawmin, class lak laklawh lai a kan pum a nat lawh nan min veng ang che. A uih leh tui tla zawng zawng nen hian lawm thu kan lo sawi e,Amen" hi ati a,kan Amen zawh chuan kan nui huk hlawm a, miss keltari chu alo meng meidil leh rapz mahse engtin mah ati tawh lo.

Chaw kan ei zawh chuan inti faiin school kal tur chuan kan in siam nghal a,school tan nan a minutes5 la awm ah chuan kan thian ho chuan hostel atang a pén sawmnga lek a hla kan school chu kan pan tham tham a. Class ah bag te dah in school gate bul a security bawm kan tih mai security riah ve na bul a(h) cement hmang a thutna an siam ah chuan kan thian ho chuan kan thu tlar dul leh hlawm a, heihi kan nitin tih dan ani.

Reilote kan thut hnu ah chuan Assembly dar chu kan chawkidar Piani chuan avaw ri ral ral a. In line tur chuan kan kal khawm sang sang a, tawngtai na te kan neih hnu ah chuan Principal pumpuiliana chuan thil sawi tur a neih avang in classroom a la kal mai lo chuan a thil sawi tur chu kan lo ngaichang a. "Hei hostel boys ho warden in sir Vla hi dam loh na vangin chawlh a la a, a awm loh chhung chu s mah aiawh tur in warden thar in nei dawn ani, sir Stephen hma lam ah hian lo pheiin in hmel hriat tir Na lo nei ta che" tiin Principal pumpuiliana chuan hnunglam hi ava hawi a,kan thian ho a a hnunglam a ding kan nih avang in warden thar chu kan hmu mai thei lo mahse alo kal hnai telh telh a pumpuiliana buk a s han din mruh chuan awii ka rei hi ni tawp mai, nizan a hla do ka chham khumpa ngei kha alo ni. "Karei,Atom I nunna is over"ka beng bul ah chuan Oxygen-i chuan alo ti ru sur sur a, carbon-i leh Hydrogen-i chuan Oxygen-i phunri chu hre lo hria in eng nge tiin min lo zawt thuai a,"nizan kan va spiderman na ah khan saw warden thar saw kan tawk a Atom-i hian a hla do a chhan khum alawm" tiin kan thiante pahnih engmah hreve lo chu a hrilh ru sar sar a, ka thil tih vel an hriat chuan an chek tlak tlak hlawm a, keichu eng dang mah ka ngaituah thei tawh lo.

"Thiante u keimah leh keimah hi sazu thang ah ka va in awk nimai in ka hria, min la hriat chuan aw engkim is over, everything is plastic ni rigawt" tiin boys ho warden thar,kan chhungten màkpa interview tur atan no.20 na vel ah an hual che tiin a hla do ka chham khum pa ngei chu mit khap lo leh ka àng hau chuan ka melh ngawt ngawt a, ka ka àng hau chu ka thiante chuan lo khat in "daidep a luh thelh,tiang khan àng hau suh Tukin zing ah bawkbawn bài kan hmeh kha dangpuithu rim ala nam thei ania I ka kha" an la ti zui.

Mahni mah a rilru hah hah nen, warden thar khapfuka chuan "ka hming chu Stephen Lalruatpuia ania,in sir Vla dam that hma chu hetah boys ho warden hian ka lo awm dawn a, tha tak a kan in lawm ho theih ngei ka beisei" tiin in hmelhriat tirna chu anei a.

Chumi hnu reilo te ah chuan class lam chu kan pan sap sap hlawm a, class a(h) kan luh Kim vek tawh hnu ah chuan boys ho warden pakhat zawk sir Zuala hi alo lut a, ani hian mizo subject min la a thiam pawh a thiam, board exam ah pawh a subject mizo ah hi chuan 100% ah 80% hi chuan letter an hmu ngei ngei mahse amah hi a dangdai ve a, a mah pawh hi paté lam ani a hostellers ho hi chuan zualpaté nih loh leh hitlerzual kan ti vek thin. Mi lah hian hming a koh lo hian sachhia tih vek hian min ko hlawm a,a chang phei hi chuan a ai a chum tawi tuk mai hi ka duh thin.

Sir zuala'n thil a sawi mawlh mawlh lai chuan ka hnung a day scholar chu ka thutna ti awn deuh hian zawite hian "pastor jacoba chu nizan ah an lo dah em?"ka va ti ru su su a, ani pawh chuan a dawhkan a lo bawk deuh pah in zawite hian "an lo dah a maw,awiii changtunu nen khan an in nei a,an in suihzawm reng zel, balcony ah pawh an in suihzawm"alo ti ve su su bawk a.

"Awi,ava sexymantic dawn e,ka van chhiar ve chak,lo update zel rawh aw" tiin la hrilh ruk leh sur sur lai tak chuan ka chaldar ah hian kan zualpatéa chuan chalk hian min lo vawm ri kawlh chu niin, awi anat a anat zia chu ka chal chu ka tuai nghal vut vut a.

"Sir I thil tih dan hi ka pawmlo" tiin sir chu ka chal la tuai vut vut chung chuan ka ti a, zualpatéa lah chuan " I pawm emaw pawmlo emaw, sachhia zirlai hi ngaihtuah rawh, ka rep mai ang che" tiin min la vau let leh zui." Sir I hrawk kha relax tir rawh anih loh chuan hrawkhrui cancer I nei ve hlauh ange, bak ah sachhia hi enge le I tih I tih le I sa kha a tha vak bik lo, a tui loh hmel si i sa kha" ka tih khum ve zat zat a,"heiham, Thlanawm I ka kha chu Pathian hian a malsawm bik ngawih ngawih ani tiraw" tiin ka tawng thei lutuk leh hnial hrat lutuk chu a Ning ve thlawt aniang, amah ang lo takin a heiham ve alawm. Tawngthei ah chuan zualpatéa hi chu ka dah nil ve Chiang ani.

"Thu teh, nakin ah 12 hi I pass veleh music video hi siam in I rap ve dawn nia, a in sengso ma tur zawng zawng ka tum sak dawn che nia" ati ta tawp a. "Thank you sir" tia ka thu tur tukverh lam ka va hawi chuan kan khapfuka chuan min lo melh kur a,a lam ka hawi tih a hmuh chuan a nui suk a a kal nal nal, ehe...,awiiii sir ka rap battle pui lai kha min hmu chiang,awii a dàng chu bawrhsaibel ei hnem ang mai ava nàl pep pep ve min ti hrim hrim ang.






Hemi thleng hi ni phawt rawh se aw., ka story min lo chhiar sak tute zawng zawng chung ah lawmthu ka sawi e chuan ka mizo hman dik loh leh ka punctuation marks hman dik loh te kha min hrilh hreh lo ula😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2022, 12:30 pm

Zualpatéa'n class chu la chhun zawm leh mawp mawp in, reilo te ah chuan dar a ri a zirtirtu dang te pawh lo lut ve zelin an mahni subject theuh chu an explain leh mawlh mawlh a, keipawh chuan khawvel a naupang fel ber ang maiin ngun tak chuan an explanation vel chu ka lo ngaithla ve kar a.

Chutia class kan lak mawlh mawlh lai chuan chhun chawlh dar hi kan chawkidar Piani bawk chuan alo vaw ri leh ral ral a, Chawkidar Piani hi chu a fel ania aw, hun hi a vawng dik em em a bak ah amah hi mi taima tak mi ani bawk.

Zirtirtu te chhuah hnu ah chuan kan chhuak ve sap sap hlawm a, keini thian li pawh dinning hall ah chuan kan chhuk thla hlawm a, chhun ah hian keini hostellers ho tan hian kan cook te hian ei tur min siam thin a day scholar ho kal phal ani ve lo mahse hostellers kan tam avang hian a chang chuan day scholar thian te hi kan hruai ve leh nàwk zel.

An in line sap sap na ah chuan kan thian ho chuan kan va ding ve a, vawiin chhun a kan ei tur chu 'kel ék chana'.

"Awiii kel ék chana leh bawk, a kel sa pawh keini hian phu lo in a ék bak min ei tir dawn lo a maw" carbon-i chuan ati nang nang a, keini pawh kan ngui bur mai.

Pumpuiliana a hausak teh reng nen hostellers ho hi kan ei a ti chhe e, ani pawn a ei duh dawn bik ami le.

Kan cook hotu nu bul ah chuan " Nu malsawm, kel ék lo hi a dang a awm lo ami" Oxygen-i chuan ava ti a, "In pumpuiliana hian a ék chiah hi alo dah a, va ei mai mai rawh u" tiin a nui hawk hawk a.

Nu malsawmi hi chu kan thian kawm hmiah hmiah zel, bawkbawn bài hi tui ati lutuk a amah fiam nan hian nu bawkbawn te kan ti vel a ,a nui uar uar zel, a bul ah te hian pumpuiliana hi kan rel nasa thei ania, ani pawh hian a chang chuan min rel pui ve tawp.

Kan thil ei tur chu tlarhnung lam a thutna ah kan kal pui a, diktak a sawi chuan kel ék chana hi chu piang lo law law se tha tur, ka hmuh hian ka tah a ti chhuak.

"Nizan a I counter attack, tun a kan sir nita hi a chhelo ka ti e" Hydrogen-i chuan ati a, " lo melh love ve suh sir khapfuka kha chu in màkpa tur anih kha" tiin ka lo chhang a, kel ék chana chu fian khat lawih súakin ka ka chhung ah ka'n hnawh lut tawp mai nih kha, ka dam chhung hian ka haw(hua) hlen tawh ang, he kel ék chana nen hian never ending enemy kan ni tawh ang.

Chawhnu class dar a rik leh ral ral chuan tho sap sap in kan class lam theuh chu kan pan leh a, zirtirtu te pawh lo lut chhun zawmin, class chu kan la leh mawp mawp a.

Chawhnu lam hi chu period kan neih tam tawh lo avang hian reilote ah ban dar pawh chu alo ri ve leh mai a.

Day scholar thiante nen in mangtha in, keini hostellers ho chu kan tawmbuk ah theuh chuan kan lawi lut leh ta a.

Dar 4 velah chaw ei dar ri in, dinning hall chu kan pan leh sap sap a. Kan chaw hmeh kan hmuh chuan riltam pawh alo chhuahna ah bawk a kir leh in ka hria, kan chawhmeh tur chu eng dang ni lovin tui t(r)in khat a maipawl pumkhat hi alo ni.

"Riltam chhan ava awmlo ve"Hydrogen-i chuan ati vawng vawng a, keini pawh chu kan bu nghauh nghauh mai.

Nu Malsawmi chaw chhum kan han en leh nàk chuan duh aiin tui alo leih tlem deuh hi niin, a ro hulh mai, hrawk ava ngaihtuah awm em.

"Nu malsawm, ajinomoto, purun sen leh hmaicha min lo khiuriu teh" carbon-i chuan ati ru sur sur a, hmarcha tal kan hmeh tel loh chuan kan hrawk a ulser ang tih pawh a hlauhawm.

"Kha la vat ru,aruk deuh khan ei ru aw, midangin min lo dil leh sup sup palh ang" tiin kan thil dil ho chu a ruk te chuan min lo pass a, "kan lawm e aw, nu bawkbawn" kan ti a, anui huah huah nghal a. Nu malsawmi hi chu kan cook hotu nu nilo se chu, kan thian li hian hunger strike kan va nei zing dawn tak em.

Hmarcha chu a ruk te chuan kan thian li chuan kan in sem diat diat a, purun sen pawh nu malsawmin a awlsam zawk nan a in lep sa vek min pek a vangin kan thleng sir ah chuan ajinomoto te nen chuan kan mix hlawm a, tichuan chawhmeh tui lo lutuk chu, hmarcha vang liau liau in puar tham lek chu tui ti tak in kan ei ve thei ta.

Chaw te kan ei kham hnu chuan boys ho chuan an ei ve leh hlawm a. An chaw ei lai in keini girls ho chu kan lo in phih fai hlawm a, boys ho hi chu chawhmeh tui lo tawk kan hmeh pawh hian an ni hi chuan tui ti takin an ei thei bik hi a chang chuan ka thik thin.

Dar 6 ah chuan study room ah kan kal khawm leh thap hlawm a, tawngtai na te neiin kan lehkha zir tur theuh chu kan zir leh nghal a. Zanin chu kan spiderman dawn lo ani.
................skip...................

A tuk zing ah chuan chaw ei kham ah in siam in school lam chu kan pan leh nghal a, class kan va luh chuan an lo ri leh nuai nuai tawh a, thenkhat in Shikhar an lo hmuam pawng leh luah tawh bawk a, science la tawh zawng zawng ah kan batch hi ala thawveng pawl ber kan ni ang, science la e ti lo hian kan thawveng tàk hlawm a.

Dar te lo ri in, assembly te kan nei a chumi zawh chuan mahni classroom ah theuh chuan kan lut a. Sir te pawh chu lo luh chhunzawm ve nghalin class chu kan la leh nghal mawp mawp hlawm a.

Chutia class kan lak lai tak chuan sir khapfuka chu kan classroom ah chuan lo lut in sir chu thil a hrilh ru sep sep a, sir chu bu nghauh nghauh in kan lam chu alo hawi a, chutah "Thlanawm, sir Stephen hi va zui lawk rawh" lo ti ta mai.

Thil sual tih ka nei ami, eng nge ka tih sual, nge hman zan a kan spiderman na kha a lo report zawk?





Heti zawng hi ni phawt rawh se aw, ka cousin in naute a nei dawn a tun ah in zaina room ah an zai mek a, kan buai ve lutuk a. Tha tak a an zai hlawhtlin nan min lo tawngtai pui ve theuh dawn ania aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2022, 12:30 pm

Sir khapfuka nen classrooom atang chuan kan in zui chhuak a, a hnung ah chuan ka zui kal det det a.

Chutia ngawi reng a ka zui dat dat lai chuan, hnung lam hi alo hawi thut a, ka phu nasa lutuk chu ka awm ka dawm nghal a.

"Nge kha tia I phút zuk a" khapfuka lah chuan ala ti deuh deuh, awiiii a tukhum ah hian bu lawp khawp a ben ka van chak si em.

"Sir mi in ready loh lai chuan thil an ti thut ngai lo, indo na ah I kal te anih ngawt loh chuan, bak ah pitar emaw putar bul ah phei chuan a chi loh leh zual, lungphu chawl in an thi palh anga I tum loh deuhin mi I kill nimai" tiin thu tha chu ka han hrilh ve mawlh mawlh a. Sir khapfuka lah chuan a mit hmul in kar ti chuar dap chuan min en ve khiau a.

Chutah "zirtirtu dang ten Thlanawmi chu hnialpui chi loh, a bul ah chuan ka nei lo ang vel in ni ang" tia an sawi sup sup chu ava nih duh hmel e aw, ati nih chu.

Tu kan zirtirtu in nge chutiang a ka chanchin lo sawi, ka future husband hnen a(h) ka mark an va ti chhe ve, chutiang a fake news lo hrilh tu chu pumpuiliana pawh ni rawh se, in rap battle pui ah ka sawm dawn.

"Awi, sir chutiang chu fake news a nih chu aw, an sawi ang em em in ka ka a sahbawn lo, an sawi uar ve mai mai nih kha, bak ah kei te chuan lalpa malsawmna ka dawn hi khek lo in ka hmang mai ani" ka ti nghal zawt zawt a.

"A hrim hrim in sir ngati nge min koh chhuah a, min mamawhna a awm ami, ka puih theihna thil te anih chuan ka pui hreh hauh lo che ania" in la fel tawk chuan ka ti leh a.

"A...chutiang lam pawh ani lo, I chhungten I thil tur an lo keng a chu chu la tur in ka lo hruai chhuak mai che ani, mahse min puih I duh viau anih chuan puih ka ngaih veleh ka lo ko thin dawn che nia" chu ati ve leh sup a.

Ka chhungten thil min lo ken vang chauhin maw min lo ko ah, keilah chuan in ti samari mitha tawk in ka puih theihna che a nih phawt chuan ka pui ang che te ka lo ti ve a, keimah bawkin ka mark ka ti chhe leh ta.

Gate bul ah chuan ka chhungte ho chu an lo ding thap a, ka nu chuan min lo pan vat in min lo kuah a. Keipawh chuan lo kuah let vatin kan in luahna chu kan thlah a.

"Iva cher ve, tunlai chaw I ei tha lo ami, chaw tha deuh a ei tur che in ka hrilh che kha" ka nu chuan min hau nghal bawrh bawrh a. Ka nu tak hi chu aw, ka bul a ding pa hi a màkpa tur atan a ka hual ani tih a hrelo ani.

"Kan chawhmeh atui lo em alawm, bak ah Oxygen-i te nen a hmarcha kan ken luh kha kan ei zo tawh a, chaw ei pawh a tui tawh lo" ka lo ti ve nàng nàng a.

"In hmarcha ken zawn zawng kha in pumpui ah thun in, in paih chhuak leh tawh a maw, in va rapthlak em em kg3 lai nih kha hmarcha hmúi pawh in ken" tiin a àng phiau a, ka nu tak hi chu aw nge le in paih chhuak leh tawh a maw te a tih, kan chhungkua chauhin kan awmlo tih a hrelo ami le.

"Rapper-i nu duh tawk teh, nang pawh hi a" tiin ka pa chuan ka nu chu alo khap vat a, ka pa pawh chu a, nge le rapper-i pawh chu min la tih ni. Ka chhungte hian an màkpa tur lak ah hian ka mark an ti chhe zo vek dawn.

"Silencer kha I nau rapper-in hmarcha kan nei tawh lo a tih kha, khulai dawr ah khan va lei sak lawk teh" tiin ka pa chuan ka u silencer-a hnen ah chuan ati a, kan silencer-a pawh chu a kal ve mai.

Kan unau hi pathum kan ni a, ka u hi niin, kei leh ka phirpui pa Jerry Lalmuanawma ani. Ka u hi a hming chu Xander Lalrinawma ani a, a ngawih chawi em avang hian koh duat na atan pawh kan chhungkua chuan silencer kan ti vek zel, kei ka tawng thei em avangin rapper-i min ti ve thung a, ka phirpui pa hi a tukhum a pawn(pawng) ve em avangin tukhum mawi kan ti bawk.

Kan nu leh pa te hian hming maksak pui pui a phuah an hrat em avang hian keipawh hian ka hrat ve vek.

U silencer-a chu rei lo te ah rambo polythene nen hian alo cho hnak hnak a, awi hmarcha pawh chu a va lei hnem awm em em.

"Kha, purun sen leh ajinomoto ka lo lei tel ania, chemte kha chu Anu khan I bag peng ah hian a dah" tiin ka u chuan rambo polythene chu min pe a.

Ava ngaituah chikim em, Anu in an lo kal hma in a thluak a brain sak aniang nilo se chuan lei na chang a hre leh miah lo ang.

"Awle, chuan khawi ka bag chu" tiin ka thil tur ho chu ka la a.

"Tukhum mawia pawh naktuk ah kan lo dah lut ang, an hostel tang khan alo tlan chhuak a alut duh leh tawh bawk silo a" ka pa chuan alo tia, kan tukhum mawia tak hi chu aw..

"Nia tah lo dah daih rawh, a nuam a ti piap piap ang chu" tiin ka pa chu ka hrilh a.

"Nang leh tukhum mawia mai nilo, Oxygen-i te nen in la ni leh nghal a, in panga chuan in che tarminator awm hi ka tia, naktuk Zan a in thil tih tur hi ka dàwn peih/paih tawh lo zawk" ka pa chuan a ti vawng vawng a.

Tukhum mawia nen a kan thian ho kan awm dun tur chuan ka pa chu a tih hah lawk nimai hian ka hria. Hah lo thei pawh ani lo, tukhum mawia a awm phei chuan kan che dynamite ve thei em bawk ani.
................skip...................

Ka chhungte an haw hnu chuan, keipawh kan class lam chu ka pan a, sir khapfuka pawh staff room ah a let leh tawh bawk, a hrilhhai hmel tawp leh nghal a, ka phirpui pa lo awm hun a kan chet light it up like dynamite tur kha ka pa khan a sawi chiang bawk sia.

Class ah chuan zirtirtu alo awm tawh loh avangin ka lut tlang nghal a, ka thiante chuan 'eng nge in tih' tih melh hian min lo melh a, an bul a(h) thut thlak pah chuan, an tawng hmasak hma in "ka chhungte anlo kal a, chuan naktuk ah tukhum mawia alo lut dawn" ka tih chiah chuan, an khek nghal tuar a.

"Awi, atom iti tak tak em, hetah hostel ah alo lut ve dawn amaw", "ngati nge hetah alo luh dawn", "zanin chu spiderman lo mai ang u, naktuk zan ah tukhum mawia te nen spiderman law law ang u".

An mak ti leh nuam ti, phur tawh lutuk chu tawng hi an in chuh ni ber mai, ar mawng hawlh te pawh an ang a lawm le.

Zirtirtu te an lo luh tak loh avang chuan chumi period chu kan awl a, keini thian ho chu dawhkan ah bawkin kan mu hnar bawrh bawrh mai. Hostellers nih hi chuan mut hi kham a har a, a chang phei chuan zirtirtu ten class an lak lai pawh hian kan muthlu lawp lawp zel.

Lunch break dar a rik chuan kan thian ho chuan phak chuap hian dinning hall lam pan chuan kan chhuk thla hnak hnak a.

Hydrogen-i(duhsangi) phei chu alo mutui leh bik ngang aniang, a kam sir a chil thli luanna khir nen a chhuk hnak hnak mai.

Dinning hall kan va lut chu an lo in line leh thap tawh a, an bul ah chuan in line in kan mut la kham lo chu kan in ngheng chial mai.

Kan lunch tur Suzi leh bawnghnute, tui an pawlh dà sa chu la in thutna la awl ah chuan kan thu a, kan ei tur te chu tawng miah lo hian kan ei mial mial a.

"Kha nangni thian li chu in battery a low ni maw?" Zualpatéa chuan ati a, a hnung ah sir khapfuka alo ding ve kur.

"Sir pumpui ka tih principal hnen ah hian min mut hmat tir tur in emaw zing tal min thawh tlai tir ve tur in va dil teh" tiin zualpatéa chu ka hrilh a.

"Kan ti lo mai ang" tiin min chhang daih. Ava sual reuh e. "Mawh, sir min dil sak chuan boys ho in an rel na che kan hrilh ang che" tiin carbon-i chuan alo ti ve.

"Engtin nge min lo rel reng reng a sachhe ho chuan" zualpatéa chuan alo ti chiah, "principal hnen a(h) I sawi loh chuan kan hrilh loh ang che" Oxygen-i chuan alo tih khum zat a.

"Ka lo hrilh ang, zanin a mu hma turin" ati ve ta a, sir khapfuka chu a nuih a zat hmel tawp, zualpatéa kan bawl tih a hre chiang lutuk, kan bawl ber pa hian a hre hauh silo a.

"Sir hetah lo kal la, I beng lo dawh rawh boys ho in an hriat chuan min hnek hrep palh ang 'THE DAIDEP FAM' " hi tiin Hydrogen-i chuan zualpatéa chu a hui zeuh a, sir pawh chuan a beng chu alo dawh ve khiau a.

"Ihh maw, zualpatéa hi kei chu ka hnek Tawi chak e te an tia, chuan zualhitlera te an ti che" kan ti ru sur sur a.

Kan thil in hrilh ruk chu kan lo phun ring deuh aniang, sir khapfuka chuan lo hria in a nui dir char char.

Kan thian dang te chuan min lo en thup mai sir khapfuka nui nasa lutuk nui zawi thei tawh lo, lo nui chhuak avang chuan.

Mak tih hmel tawkin kan lam chu an lo hawi thap a, an tawng lai te pawh an tawp hmak. Keini thian li leh zualpatéa kan thu tak bawk si, sir khapfuka zà tawkin lo nui leh bawk sia, an hrilh a hai chhap chhap hmel khawp mai.




Hemi thleng hi ni mai rawh se aw. Ka story ziah te min lo chhiar sak avang in ka lawm a, Atom-i ngaihnawm tia lo hlimpui tute hnen ah pawh ka lawm lutuk e😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2022, 12:30 pm

Dar alo rik chuan kan classroom ah theuh chuan kan kal leh sap sap a. Zualpatéa chuan boys ho chu engtin tak hrem leh ang maw. Underpant nen chauh bucket a khum tir leh hrim hrim ang.

Zirtirtu te lo lutin an zirlai theuh chu an explain mawlh mawlh a, chutia zirtirtu in a explain lai mawlh mawlh chuan ring leng lawng hian kan class a lehkha zir ve peih/paih ber Johana chuan ban lo phar in miss Chhingkhuali hnen ah chuan "miss ka bul ami hi a bun uih lutuk, a uih dan pawh a hmúi in a hmúi vek, khawngaih takin ka thutna hi min lo sawn" a'n ti mai nih kha, kan class chu kan lo nui huk, miss Chhingkhuali pawh a hrilh hai hmel viau.

A bul a thu chu tu dang ni lovin Engmawii kan bun uihi ngei mai hi alo ni a. Engi hi a hming pum chu Lalengmawii Ralte ani a, ani pawh hi hostel ah tho a awm ve, Johana sawi ang tak hian a bun uih thei lutuk hi a hmúi in a hmúi vek zel.

Nizan ah pawh a thaw hah kha inhaler warden ten an hip tir rigawt. A thaw hah chhan kan zawh chuan, "ka school bang kha ka school mawza hi ka lukham bul ah ka dah a, kha kha ka lo theihnghilh a kan mut khan ka mawza chuan min úr a, a uih lutuk khan ka thaw a ti hah a" a'n ti mai nih kha, a thaw hah chhan chu a mawza uih vang vek.

Miss Chhingkhuali chuan Johana chu a thutna a sawn tir a, eng bun uih-i chu a zah ve hmel lutuk, mahse khawvel hi chu a ngam ve em a, a zak rei chuanglo ang.

Miss Chhingkhuali a chhuah hnu chuan sir khapfuka alo lut a, chair ah a han thu te te phawt a chutah " 'THE DAIDEP FAM' kha lo chhuak ula" ati mai nih kha.

Kan thian li chuan kan in en hrek hrek a, chutia kan in en hrek hrek chu "in eye to eye contact lo khan Atom-i te kha lo chhuak ru" hepa hi eng nge a thluak ar ek tiat lek ah khian awm a.

Kan thian ho chuan a bul ah chuan kan va ding a, chutah "Le, in hla duh ber kha han zai teh u" a'n ti mai chu e, kan thian li chuan kan in en thup a.

Chutah in buk khum zauh pah chuan ring leng lawng hian, " zu pawh in reng mai, tiin min sel a; sawi sawi mahsela ka nghei dawn chuanglo" kan ti chiah zawng an phu nasa hlawm mange.

Sir pawh chuan phawk hra hian kan thian li chu min en tawp. Hla zawng zawng a a rin loh ber kha kan sa ve tlat bawk sia.

Chutah in thing harh zawk ni awm hian a mit a khapfuk a, "le, in thutna ah va thu tawh ru" a tih zawm nghal a, kan thian li chuan kan thutna a(h) let pah chuan kan nui ru put put a.
...................skip....................

A tuk zing chu kan thian ho chu kan phur hlawm teh e, a chhan chu kan phitmiau pui tur alo lut dawn tlat a, nimin a ka zuapa in a a sawi dan kha chuan tukhum mawia chu zing ah chaw ei kham ah alo lut anga, chuan class alo tan nghal dawn.

Chaw kan ei kham hnu chuan in ti fai sawk sawk in kan in thlak leh nghal sawk sawk a, kan tukhum mawia chu security bawm bul a(h) thutna ah khan kan nghak dawn ani.

Kan in paih/peih fel hnu chuan security bawm bul ah chuan kan thu tlar leh dul a, kan security Upuipuii sam seni chu kan bul ah lo ding in kan ti ti a. Ti ti tih lem ah a star tur kan sawipui a ni mah zawk.

Chutia kan ti ti lai chuan car var, ka hmuh than em em hi gate ah chuan alo tlan lut a, tukverh ah chuan kan tukhum mawia chu a kawng thleng a lo dak chhuakin min lo bye bye nih chu, awi hepa hian zahna chu a tlachham ve chiang alawm.

Kan bul ah car chu a din rual rualin kan tukhum mawia chu alo phit chhuak nghal a, keiin eng dang sawi loin "where is zahna? " ka lo tih khum nghal.

Ka zawhna pawh chu chhang lo chuan min lo pan in ka hma ah chiah chuan a rawn ding a, ka in rin hma chuan min kuai kun vak in 'vawkte kan lo zuar e' an tih ang khan min phur mai nih chu, chutah "awii, ka rapper, ka atom, ka ngaih zia che hi, zanin chu par chhuak vul chúk ang u aw" tih pah in min han zuan pui mai nih kha. Kei vawkte phurh khan min la phur sia ka lu a hai chhapz mai.

Ka chhungte dang chu lo chhuak in, kan lam an lo pan vat a, chutia tukhum mawia'n zuan pah a min vawkte phurh chu ka pa chuan a tukhum ah tak hian lo beng lawlh in, "Rapper-i kha dah thla rawh alu a hai dawn asin, mawl ah pawh hian mawl u chuak hi tum suh" alo ti nghak hluk a, kan tukhum mawia pawh chuan min dah thla ve mai.

Carbon-i ten "ehem, tukhumz" an lo tih chuan, tukhum mawia chuan carbon-i te lam chu a pan vat a, an chal chu an in tauh diat diat a, heihi kan panga a kan style ve ani.

Ka nu chuan "aw.., tukhum mawi hmanhmawh mai teh, class I kal hman lo ang khang kha chu nakin ah pawh in la ti thei" alo ti bawrh bawrh a.

Ka unaupa thawmhnaw vel chu khai in boys hostel lam chu kan pan pui a, boys dorm kan va luh chuan boys ho chuan min lo en thap a.

Zualpatéa leh khapfuka chuan boys ho chu tukhum mawia thawmhnaw vel min thiar pui vat vat tur chuan an hrilh nghal hlawm a.

A khum tur a an tih ah chuan, a dawnlawp te chu kan phah sak nghal mawp mawp a, a thenin a locker ah a thawmhnaw an lo thlep fel bawk a.

Zualpatéa chuan "Thlanawm, heihi maw I phirpui pa chu, rapper in pun belh dawn a nih hi tiraw" alo ti thén a. Sir khapfuka pawh zualpatéa bul a din pah in alo nui tawp.

Oxygen-i lah chuan "sir nang pawh kha rapper I nih ve tho kha aw" tiin alo a chal dar ah tak chuan alo kap ve leh thuai.

" Ngawi mai mai rawh, ka khawng mai ang che" zualpatéa pawh chuan alo ti leh, chutah kan tukhum mawia chuan Zualpatéa chu " sir I cute e" a han ti chiah chu, zualpatéa'n a tukhum ah a beng ri thlawp mai.

Nge tukhum mawia pawh chuan a sa huat lai ber kher a(h) a kah ni. A tukhum in a tawrh leh phah, tukin zing ringawt ah vawihnih lai a tukhum in na a tuar tawh, mahse a pawi lo e a tukhum a phek ve deuh nga nimai.



Hemi thleng hi ni rawh se aw, min lo comment sak leh theuh ula.
Muttui bik riau ule.

All things work, if we have patience ✨🌈

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2022, 12:32 pm

Kan tukhum mawia te nen chuan class lam kan pan a, ani pawh hi science tho ala ani. Class kan va luh chuan min lo en thup hlawm a te han ti ila kan bul a kal kan tukhum mawia zawk hi ani an en.

Tukhum mawia lah chuan, "Nge khatia mi en thup a, phung pawh ka nih loh hi" tiin a mah te chuan tlar hnung lam ah a kal nal nal a, keini chu min kalsan nal nal. A duh na ber ah ava thu chawt a, a zaktheilo sia e.

Kan thian ho chuan a thutna bul ah chuan kan va phei a, chutia a thutna kan va thlen hma chiah chuan kawngkhar in khar si mahse in kharphui chuanglo chu tu emaw hian alo tlawh hawng thuai a.

Khawngkhar lam chu class pum a phawk hra a kan va hawi chuan hmeichhe pakhat hi kawngkhar pawn lam ah hian alo ding a, kawngkhar lo tlawh hawngtu a ni tih kan hriatna pawh a ke hi alo la theh kak vuah a.

Chutia kan en reng lai chuan sir khapfuka chuan chunu tukhum ah chuan lo beng thuai in, "sifu emaw I in ti leh tawh ami" alo ti hluk a.

'Ehe mithar nu leh sir khapfuka hi an in hre chiang, mithar nu hian ka khapfuka a, ka fate pa atan a ka hualpa hi min chuhpui a tum ami, chutia min chuh pui te a duh chuan kan in pro fight anga nimai lawm ka hlau bik teuhlo mai' tia ka suangtuahna a ka chen lai chuan, "sakuh, ka tukhum ah hian beng leh teh Apa bul ah ek paih/peih ah in hlawh tir rawh" ka tih sak mai ang che ring leng lawng a a han tih chuan ka suangtuahna atang ka phu chhuak chiang lutuk.

Ka va hawikual chuan class ho pawh an lo phu nasa hlawm khawp a. Mithar nu chu a cowboy ve dawn khawp mai, lawk nichin khan Apa bul ah atia mi anih chuan sir khapfuka nau tihna ani maw, awi siamtu'n khawvel ahan duan mawi zia hi.

" Va thu mai mai teh, ka pa hriatloh hlan hian ka khai mai ang che" sir chuan ati leh hluk a, mithar nu chu ka hnung chiah ah kan tukhum mawia bul ah chuan alo thu a.

Hnunglam hawi pah chuan, "hi Thlanawmi atom-i ka nia, enge I hming ni ve" ka va ti a ani chuan, "Hmangaihkimi chawngtinleri ka nia" alo ti ve nghal bawrh bawrh a.

Chutah Oxygen-i te pawh hnunglam lo hawiin, "Vanlalpeki Oxygen-i ka nia, chuan ka bul ami hi Duhsangi Hydrogen-i, atom-i bul a thu kha Shalom Lalruathlui Carbon-i ani bawk a chuan i bul a thu pa kha Jerry Lalmuanawma tukhum mawia ania, Atom-i phirpui anih kha" tiin amah in hmelhriat tir pahin midang pawh chu a hmelhriat tir nghal a.

Chutia kan in hmelhriat tir mawlh mawlh lai chuan kan tukhum mawia chuan a biang a kut pahnih a dawm meuh chung hian chawngtinleri chu a en dauh dauh a.

Ka kiu chuan a kut ah chuan ka nghawk zauh a, chutah " i zún hian kei suihthangvala hi min va phuar nà si em" tiin alo tawng thut a, kan va Phu nasa tak, chawngtinleri pawh chu a phut zuk hnu ah a han lai tha veleh a, a hahthlak emai a.

Chawngtinleri lah pawh chuan, "Keipawn ka hmuh tirh atang che khan ka thinlai che a lawm" lo ti ve leh, awi where is zahna? where, hemi te pahnih ah hian a vawm a ka vawm luh ka duh.
......................skip.....................

Zan lam ah chuan kan ei tur stock sa kan ei zawh vek tawh avang chuan kan chhuah ruk na thin atang chuan kan chhuak them them a, chawngtinleri pawh kan zing ah chuan a tel ve.

Vawiin a lo lut chauh ani a, ei tur pawh alo keng lut hnem lutuk mahse sual in a mawng a hawlhna chu tuar zo ve loin min lo spy pui ve hmiah.

Boys hostel thlang deuh ah chuan tukhum mawia nghah pahin kan thu tung hlawm a, ka unaupa hi tiang ah hi chuan hmaih chi zia zang ani lo, a tel lo a kan chhuak ru a nih chuan a hriat veleh min spin ani mai.

Thawm chu alo awm them them a, keini thian ho pawh theihai kung kan kawng chen vel lek phen ah chuan kan han biru ve ngei, awi min hmu hma ve ngawt ang warden te pawh lo ni se mahse tlan chhiat in ring reng posi chuan kan awm a.

Tlan chhiat posi a kan awm chhan pawh warden te an lo nih thut chuan phit chhuah nghal thei tur a kan lo in ready ve loh chuan min lo man thut anih chuan karkhat chhung thleng sil a ni dawn a, a peih/paih awm teh chiam lo ani.

Thawm chu alo hnai telh telh a, ke pen thawm pawh kan hre thei tawh mahse ke pen thawm chu pakhat mai nilo pahnih ani.

Tukhum mawia an man anih ring chuan chhak lam hawi zawng chuan kan in her vek a, chutia kan phit chhuak tur chu ka kawrlum lukhum ah hian tha chak deuh hian alo man a, a lam ah chuan a hnuh in min hnuk hnai a, ava chak riap riap e ka rilru chuan ka lo ti hmanhmawh.

Ka thiante chu zawi muang hian an lo hawi phei a, chutah min lo khai tu hmel an hmuh chuan an hlauh hmel rapz.

Kei chuan min khai tu hi ka hmuh ve theih loh avangin tu nge a nih tih ka hre mai thei lo mahse zualpatéa chu ani dawn lo sa tih ka chiang. A chhan pawh min khai sang emai.

Min khai tu en tum a ka va hawi chuan alu hi alo thle sawn zauh a, a hmel ka hmu mai theih loh phah mahse a hnung ah chuan kan mi lak tlak loh pa tukhum mawia chu alo ding a.

Min khai tu hmel chu en leh ka han tum chuan alo thle sawn zauh kha ka lam alo hawi thut a,awi ka va phu chiang tak, bak ah kan va in eye to eye contact chiang ve.

Sir khapfuka chuan min lukhum a min khai na chu lei ah min nghat thla a, chutah "red handed" ala ti zui.

Nia min man chiang ve hlawm em alawm. Sir khapfuka chuan "engtia hrem nge in duh" kan thian ho a min en kual den den pah chuan ati a.

Kan thian ho chuan zawi deuh si mahse rual deuh hian "hrem loh" kan ti rual hlawm a, sir pawh a chek tlak tlak mai.

Chutah kan chawngtinleri chuan, "sir sakuh min lo spy pui ve mai rawh, i hostel awm lai pawn a professional mai I nih kha" alo tih chuan sir chu kan nuih nghal vur vur a.

Phun hluk chung hian "kal ru, Zan dang a in chhuah ruk ka hmuh leh chuan in chak lo ang" tia min vau(vo) hlawm pah chuan a mah chuan hma chu a hruai a, a hnung ah kan zui dat dat hlawm a.

Kan thil duh ho kan lei zawh chuan thawm dim tak leh hmanhmawh 5ak si chuan kan kal chho hlawm a, nichin a kan in nghahna ah khan sir te nen chuan in then hrangin keini hmeichhe ho zawng chu kan dorm lam kan pan a.

Dorm kan va thlen chuan an lo mu thiap a, tumah in kan awmlo tih an hrelo tih hriat tak chuan an la hnar pah zui bawk, kan engi pawh a mawza uih tawk nen alo mu uih leh vut vut tawh.

Keini thian ho pawh kan thil lei ho dah fel vat vat in kan ft 2 khum ah chuan thlamuang tak chuan kan mu leh siai siai a.




Hemi thleng hi aw, nizan ah ka type vek hnuah ka submit a mahse min approved lawk theih loh avangin ka lo dah ta lo mai nih kha aw, nizan ka lo dah loh ai ah Sunday Zan ah ka lo dah e.

Min lo comment sak leh theuh bawk ula, muttui bik riau ule😘

You are the cause of my EUPHORIA ✨🌈

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)