TRAITOR BY Emiry B. Vanchhawng (Completed)

[Ngaia]

TRAITOR
CHAPTER 31

☆☆☆☆☆☆☆

NÛPUII POV:

A thusawi chu mak ka tih êm vangin zawh chian nachâng pawh chu ka hre lova. Ka din reng lai chuan ka phone a rawn ri thut a. Ka en chuan ka nu alo ni.
"Aw,ka nu" tih pahin mipui awm deuhna lam chu ka pan phei leh a
"Ilo thleng tawh ami. Ruang kan kîl daih ania" atih chuan an sitting room lampang ka pan a.

"Aw,ka hmu mai ang che u" ka tih leh chuan
"Inpa pawh kha ka hrilh sia,khawnge maw a awm le" ati niah niah a. Chhâng tawhlo chuan ka dah ta daih a.

"Ka pi,min lo hrethiam lawk" tiin ka hmaa upa deuh ho chu ka bia a,min lo en nghal țhap a
"Khawi pindan ah ber nge ruang hi a awm?" Ka tih chuan inhnuai,pindan piah ber,ama pindan lamah a awm thu min hrilh a.

Chumi lam chu ka va pan ve tawp a. Pindan ka thlen hma deuh chuan USarah hi alo chhuak hlawl a.
"E,ilo kal alaw?" Alo ti vat a.
"Nia,keimah in ka rawn kal ve tawp" tih paha ka en chu a mit alo sen deuh râm a. A tuar ve hle anih dawn hi.

"Ka pu chu hemi pindan ah hian an awmpui aw. Va lût tawp mai rawh,inpa pawh a awm kha" min ben thek pahin a kalsawn a.

Pindan ka luh hma chuan thawk ka la ham ham phawt a. Ka sual vang pawh ni lovin,ruang bula awm hi ka thiam chiah lova. Kan chhungte hnai tak an thih pawhin an ruang ka kîl ngai meuhlo.

Kawngkhar chu ka nem hawng țhem țhem a. Tumah phei chu anlo hawi lova.
Rinnungi nu leh pa,ka nu leh pa te leh an chhungte midang ho chuan khuma kan pu nunna nei tawh lova mu bêm chu anlo kîl bial laih a.

Gordon zawng deuh pahin ka hawi kual a,ka hmu mai bawk si lo.
"Ilo kal ve a?" Rinnungi nu in min lo hmuh chuan alo ti vat a.
"Aw,nia,a zialo takzet" ka ti a.
"Kan tihtheih a awm tawhlo anih hi. Khawnge in pa pawh kha. Bawihi pindan lamah an kal a ni maithei" atih chuan chhan awm lovin ka lo hlauthawng ve ringawt.

"Aaa,Bawihi khan a pu kha a hmu hmasa ber a,a tlân na lamah a ke a bilh palh a. Gordon khan a puiin ka hria. Inchung lam han en chhin rawh" atih chuan ka nu te pawh be tawh lêm lo chuan ka chhuak ta daih a.

Inchung lamah chuan ka pên chho chhek chhek a. Inhnuai lam thawm pawh ala hriat theih vek.

Tlêma pindan rawng nû deuh hlek ka hmuh chuan Rinnungi pindan anih ngei ka ring a. Phûr fahran lo chuan ka va pan hnai a. Kawngka chu a inkhar loh vangin chhunglam a hmuh theih deuh a.

Lût ta mai lo chuan a lang thei chin atangin ka bih a,khumah Rinnungi a țhu a,Gordon chuan chhuatah țhingțhi in Rinnungi ke chu alo herh sak a. Mahse,mak deuh chu Rinnungi chuan a ke chu na ti hmel pawh a pu lo.

Khap lêklo chuan Gordon chu a melh char char a. Gordon lah chuan en ve heklo,a thil khawih lai chauh chu a melh ngar a.

Tuna Rinnungi awmdan ka en hian rinhlelhna ka nei deuh tlat nia. Alo ni thei mai ang em? Mapuii pawh khan a thîk thin an ti a,ani kha hmeichhe pangngai chunglam ani a,chhan awmlo chuan a thîk ngawt ka ring si lo.

Mahse,in unau ang maia inen akara lo induh chu thil âwm ah ka ngai bawk si lo. Mahse,kan khawvel hi a chhe tawh em a. Âwmlo pawh hi a awm tawhlo anih hi.

Fimkhur takin ani pawh hi en deuh chu a țha a ni. A bialpa anga min inhmelhriattir te kha alo ni leh si lova. Gordon lam alo ni kherlo anih pawhin ani hian eng thil emaw tak zêp a neih ngei ka ring.

"Ilo kal alaw?" Gordon tho tur lo hawichhuak chuan min hmu thut aniang,min zawh dan pawh mak ti a ang. Chutah Gordon thusawi vang chuan Rinnungi chu a rawn hawi ve a,a awmdan a siam țha vat a.

Ka va lût a,an bulah chuan ka phei a.
"Engmah sawi lovin i kal daih a" tih pahin Gordon chu ka va si deuh kher a.
"Lo awm hahdam la ka duh alawm. Naktuk ah chauh vûi a ni tho a" tih pahin alo tho a. Ka kut chu a rawn chelh zeuh a.

Chutah tak chuan Rinnungi hmel chu ka lo en a,Gordon-an min si a hmuh chiah chuan alo țang deuhin ka hria,ka hmuhsual pawh a ni maithei.

"I ke ilo bilh a ni maw?" Ka tih chuan alo hawi zawk a.
"Nia,hei,Gordon hian min lo hmeh sak a" pangngai angreng tak chuan ati leh lawi a.

"Ka kut ka va sil anga,kan chhuk dawn nia" tih pahin Gordon chuan bathroom lam a pan a.
"Lo țhu ve la" atih chuan a sîr a chair ah chuan ka țhu vat a.

Gordon kut sil kan lo nghah lai chuan Rinnungi phone chu alo ri a. A phone la tur chu ka lo en reng a,lo be tu a hmuh chuan a meng phâwk deuh.

"Ka va be lawk" tih pahin a tho ta mai a.
"I ke kha" ka lo tih chuan an bâi leh rih a.

Ka hre ta e,he kan nauvi hian eng emaw tak tum chu a nei a ni. Mahse,engmah ka sawi ta lova. Gordon lo chhuah chuan Rinnungi alo lêt leh daih tawh a.

"Puih i ngai em?" Gordon-an atih chuan
"Ka hrelo,keimah in kal ka'n tum chhin" ati ve bawk a. A kal rei pawh ka ring ngût love.

Step chu 5 vel chiah kan rap hman tih ah chuan Rinnungi chuan a ke chu a chhep sual leh ta tlat a. Gordon chu ava bawh deuh rawk rawk bawk. Gordon chuan alo chelh vat a. An hnunga kal ka nih vangin an chezia chu ka lo hmuchiang hle.

"Khawi ka pui ang che" tih pahin Gordon chuan Rinnungi chu a kuah thla a. Rinnungi hmel awmdan en ka châk tehlul nen ka hmu thei ta tlatlo.

Reilo tê kan awm leh hnu chuan keini chu kan haw ta a. Naktuk lamah vûi tur a ni thova,tha tharin kan kal leh zawk ang.

Gordon chu ka ngaihbel nge a țawngtlêm tlatin ka hria a.
"Chaw i ei tawh em?" Inchhung kan luh chuan ka ti vat a. Motor kan chuan chhung zawng khan a țawng lo hrim hrim.

"Ei tawh" ati hmuk a. Min kalpêl nal nal nia. A pu tak tak ang maia alo en thin a thih vangin a tuar ve aniang ka ti mai. USarah pawh a țah hial kha maw.

Kan pindan lamah chuan inthlak turin ka chho ve a. Engmah ka la eiloh vangin ka ril chu a țam ve hle.
Ngâwi reng chuan kan inthlak mawlh mawlh a.

"Inbualna tur ka lo siam dawn che em?" Ngawi ngula a țhut lai chuan ka ti a.
"Ka peihlo,ka mu ang" tih pahin khum lam a pan leh daih a.
"Eng nge maw i hriat le" tih niah niah pahin bathroom lamah intleuh zuaih turin ka lût ta daih a.

Tuna thi hi an tetlai atang tawha anlo nêl,anmahni lo enkawl seilian ve tu ani a. A tuar pawh chu âwm ka ti lutuk. Mahse,tuna a awmdan kha chu ka laka thinrimna nei ang mai alawm le anih.

Keimah chuan ka phun ka phun a. Tunlai chu phun hi ka peih thar riau bawk. Mize hrang hrang hrawn chuan mahni mizia ngei pawh hloh a awl duh hle.

Bathroom lam atanga ka chhuah chuan alo awm tawh lova. Inhnuai lamah a chhuk pawh a ni maithei. Hmanhmawh lêmlo tak chuan lotion te chu ka inchulh a. Inhnuai ka chhuk dawn chuan ka phone chu ka charge a,UPuia'n tún deuh lawk khan min lo call tih ka hmu chiah.

Pawilo,nakinah ka be tawh mai ang,ka ril a țam tawh emai. Inhnuai lamah chuan ka chhuk a. Choka ka thlen hma chuan thil kan hmui deuh rim hi ka hria a,chumi rim ringawt pawh chuan ka chil a tipût mai dawn.

Hmanhmawh tak chuan choka chu ka va hawng a. Gordon chu alo che sut sut a. Eng nge maw alo siam le,a rim lah chu a tui em em bawk si.

"Eng nge i tih?" Ka va tih thut chuan alo hawi zawk a,a thil siam a chawk zui leh nghal.
"Engmah ila eilo tih i sawi lova. Min lo nghah angailo asin" lo hawi leh ta chuanglo chuan ati a.

Nuih sak pahin ka va pan hnai a.
"Chuti min lo siam sak tihna ami?" Tih pahin ka va si deuh têlh têlh a.
"Puia khan alo call che a. Lo la lo ila chuan engmah ila eilo tih ka hre hauhlo ang" a ti a.

Ka lo meng awk ringawt. UPuia chuan ka pasal bulah alo sawi ve ngei anih dawn chu. Tunlai chu tu mai pawh hian min ngaihtuah em em reng mai.

"Le,țhu la. A ei theih" tih pahin dawhkan lamah min nawr phei a.
"Eng nge i siam?" Tih pahin chawhmeh ho chu ka hawng a. Ka duh chi hlir ala ni lehnghal.

"Bawngsa kan pawh ka siam ania. Ei zo vek ang che" tih pahin bawngsa chu ka hmaah alo dah a. A rim ka lo hnîm vang vang. Hei ngei hi anih hi rimtui deuh kha.

"Ei ve la,mahni chauh chuan a nuamlo e" ka tih chuan nuih suk pahin ka hnar alo tawk zeuh a.
"I ei țeuhna tur anih te chuan kan ei ve anga nimai lawm" tih pahin a kawr bân a pawt chhova. A kut ava sil nghal bawk.

Kan ei pah chuan tuna mitthi chungchangte ka zawt a. Atan chuan a pu tak tak ang mai kha alo nih vang anih hi alo tuar em em. A sawi dan chuan Rinnungi,Remsanga leh midang an cousin 2 te nen a pu leh Rinnungi pu,tuna boral ta hian an inah an awm nilêng thin alo ni a.

An nu leh pa te hi hnaa buai vek annih vangin an pu te kutah an dah mai thin. An tan chuan ui âwm reng pawh a ni. Kan hriat miahloh chu,țhenkhat tan hian an pi leh pu te hi an nu leh pa te ai daihin an tan an pawimawh zawk thei. Chuvang chu a ni ngei ang a hma pawhin Gordon hi a pu chanchin ka zawh khan
'Ka nu leh pa te ka hmangaihlo ka tihna ni lovin,ka pu kha ka ngâi daih zawk. Ka hmangaih na pawh hi a tam zawk in ka hria' atih thin.

Engmah ti tawh lêmlo chuan mu turin kan insiam a,naktuk mitthi vûina lamah kal kan ngai bawk nen. Zan kan âm ve deuh.

Zingah chuan tumah damdawiin lama lang lovin Rinnungi te in lamah chuan kan tlang nghal a. Kan chhungte pawh anlo awm kim țhap tawh.

Rinnungi pawh a insût hraih hraih a. A mit a sen deuh râm bawk. Gordon pawh kuang bulah chuan țhu in a kun ngal a. USarah pawh a mittui a tla tho.

Mitthi vûi tura kal e tilo chuan kan buaina atan finfiahna lam ngawt a ni ka lo ngaihtuah. Rinnungi hi lo nih theihna chance a awm ve tlat. Chuvang chuan ka enzui lo thei bik tlat lo.

An vûi zawh,thlânmual lam an pan pui dawn meuh chuan a hmaa țaplo te pawh kha an țap ri chuah chuah a. Rinnungi pawh aw chhuah meuhin a pu kuang an chhin tawh chu a țah khum chiam a. A ke na ala ti deuh nge,Gordon chu a vuan țai bawk a.

Thlânmual lamah chuan ka kal ve ta lova. Gordon pawhin
"In lamah lo awm mai rawh,a hla si,i hah lutuk ang" atih kha.

An chhuah dawn chuan Rinnungi phone a bag a a ah lai chu alo ri a. Lachhuakin a bia a,a biak pah pawh chuan ala insût hraih a. A biak dan ah chuan a țhiante annih ka ring deuh.

Mahse,ka duh huna sual ka chhuahna bul,ka chawngkawrh mit in alo hmuh hmaih hauhloh chu,a phone hming leh a cover rawng saw a ni. Nizan a pindan a kan awmlai kha chuan Samsung dum a keng a. Tuna mi hi chu iphone ah pawh man to tak a ni. A cover pawh a var daih. Engvangin nge a phone chu zankhat thil thua thlak ngawt nge anih.

Ngaihtuah tham chu a awm leh ta. An sumdawnna lamah a mamawh aniang,ti dawn ila midang a hriattir awm si a. Engpawh nise an kal chhungin eng emaw ka lo tih angai ang. Tianga thil chhui ru ang maia awm te hi ka duh bik hauhlo mahse kan police rawih te ber pawhin an chhui chhuak theilo ania,kan misual,keini min tibuai thin tu hi a fing ve thawkhat tih chu a hriat mai.

Thlânmual lamah chuan an liam ta duak a. An inah chuan vêngchhung mi tlêmte leh an țhiante tleirawl deuh ho chiah an awm tawh.

Motor-a an kal chuan an rei ka ring lova. Chumi hma chuan eng emaw tak lo zawn ka duh a ni. Police chhui chauh ah kan innghah chuan a pawi thui telh telh thei.

Inchung lamah chuan midang hmuhloh turin ka chho a. Rinnungi pindan lam chu ka pan a,alo kalh lo hlauh. A khum leh bâwm vel chu ka en a. Mahse,nizana a phone emaw thildang han rinhlelh tur pawh ka hmu lo. Ka en zawh hnu chuan engkim ka dah țha leh thlap a. Mahse,a bâwm pakhat a kalh tlat ah khan eng emaw chu a awm ka ring. Ka phone ênga ka chhun khan thlalak ang deuh ka hmu a. Tu emaw thlalak,midang hmuh ve loh tura a thuruk anih ka ring nghet bur.

Inhnuai lama ka chhuk chuan a țhen anlo thleng leh sap sap tawh a. Engmah lah chu ka hmu dêr si lova. Ka beidawng țep a ni.

Gordon leh kan chhungte pawh anlo thleng mai a. Ka ngei lutuk,engmah ka lo hmu si lo. Nge,rinhlelh loh tur ka lo ringhlel ngawt pawh ka hrelo. Mahse,a țhiante sawi dan leh tun hnu ka chîk deuh hnua a awmdan ka en hi chuan rinhlelh na tur ka hmu deuh tho sia.

Choka lamah chuan anlo phei a. Gordon chu lo be vat in
"I hah em?" Tih pahin a bek vek ka lo tawk a. Lawm hmel deuh hian ka mit takah min en a.
"Hah love,hrehawm ilo ti lo maw?" Tih pahin a lamah min pawt hnai a. Chulai tak chuan Rinnungi chu choka lamah alo lût a.

"Gordon,ka pu lehkha vel kha ka pindan ah ka dah daih a. Min lakpui lawk ta che" tih pahin Gordon-an min kuahna chu a en tlat a. Heihi alawm,ka rinhlelh ho list atanga paih ka tum pawha ka theihloh thin chhan chu.

"Chho rawh,ka lokal ang" Gordon chuan ati hmuk a. A ning ve deuh anih ka ring.
"Ka han enpui leh lawk ang e,an tih a tam mai sia" tih pahin ka biangah alo fâwp zeuh a. Ka lo nuih hak ri chu hria in Rinnungi chu alo hawi lêt a,mahse a mitah natna emaw engmah danglam ka hmu chuanglo.

Mahse,choka chair ah hian Rinnungi'n a bag a theihnghilh tlat. Han auh a,pek mai ka tum a. Thil ka ngaihtuah chhuak zawk,a bag ka tawh pah chuan phone ni âwm tak pahnih hi ka tawk fuh a. Chu chu remchângah la in ka phone chu ka lachhuak vat a.

Tun hi ka fiahna hnuhnung ber a ni a. Tunah hian fiahna ka hmulo cheu anih chuan ani hi ka ringhlel tawhlo anga. Mahse,thil pakhat emaw,a themte lek pawh finfiahna tur ka hmu anih ngat chuan ani hi ka chhui char char ang.

Ka phone atang chuan zana min lo vau thin tu number chu ka call a. A reh deuh vang vang a,a hnuah a rawn ring ral ral a. Mahse,bag ami chu anilo anih ka ring,a reh dan ah.

Thaw hakin phone chu ka dahthla a,ani pawh alo nilo anih dawn hi. A bag chu ka lakâng a,ka call chu ka la titawp chuanglo. Mahse,a zipper kau atanga ka zu en chuan phone 1 zawk chu alo êng va va a.

Tunah ka phone atanga ka call pawh hi ala ring char char tho. Alo ni thei mai ang em? A ri chhuaklo turin a dah pawh a ni thei asin.

Ka phone a la call reng chung chuan a bag zipper chu hawn ka tum a.
"Eng nge itih?" Tih pahin tu emaw hian min lo chhuh sak pawp a.

Amah Rinnungi ngei ani. A meng phâwk nasa ngang mai. Tunah chuan ka man chho țan ta.

"Miin anlo call che a,lo lâk ka tum mai alawm" nêm fahran lo chuan ka ti a. Gordon leh midang pawh chuan ka țawng dan ki chu mak an tih hmel ngang mai.

"Ka bag hi tuma khawih ka phal hleinem" tih pahin a zen rak rak a. A chezia chu khap miah lovin ka lo en reng thung.

A phone a en chiah chu a meng phar deuh awk a. Mahse,kan en reng tih a hriat vang a ni chêk ang chu,pangngai deuh hian
"Heichu ka țhiannu phone zawk anih hi" ati leh ta daih a. Ka han âwihlo mai mai khawp a.

"Ka pi,thlâna in kal lai khan kha nu khan i pindan ah eng emaw a zawng" an awmpui nula 1 chuan min kâwk pahin a rawn ti ta mai.
"Eng nge maw i sawi le?" Tih pahin Gordon chuan min lo pan vat a. Ka dâr ah alo kuah nghal bawk.

"Ania lawm,ka hmu reng. A chhova,ka pi pindan kha a han check alawm" ati leh zat zat a.
"Eng nge ka pindan ah chuan itih reng reng a?" Thinrimna neilo ang maiin Rinnungi chuan min zawt a. Ani hi a nunzia man a har emai.

"Nizan khan ka bengbeh ka thlauh daih a,ka han en lawk alawm" ka tih chuan a bu leh nghat nghat a.
"A bengbeh a zawng anih chu,khatin kan mikhual lo ti tawh suh" tiin an nula chu a hau ta hleuh a.

A awmdan chu mak ti lutuk in ka lo en thung. Ka manchhuak vek tawh emaw tih hnu ah pawh tiang hian a awm leh ania. Engtin nge anih theih. Alo nilo tak tak zawk em ni?

"Hrethiam rawh,ka pindan hi midang luhtir lo turin ka hrilh thin a. Nangkha ngaihdam rawn dil ta che" tih pahin an nula lo ding chu a vîn thut a. Ka phu lek lek a ni.

"Chutiang engmah a ngailo,engmah sawilovin ka chho a,a tihtur ati a nimai" ka tih chuan engmah sawi lovin an nula chu a kalsawn a. A thinrim hmel reuh em em lehnghal.

Ahnu deuhah chuan Rinnungi bialpa emaw kan tihte ho kha anlo kal a. Tun hi hun țha a ni leh chiah.

"Rinnungi bialpa te anlo kal anih saw" Gordon bulah chuan ka ti a. Ani pawh a hawi ve vat. Rinnungi pawhin ka aw chu hria in a hawi phei vat a.

"Inlo kal alaw?" Tih pahin hlim hmel deuhin ava pan a. Midang pawh chuan kuah pahin anlo hnêm liam liam a. An awmzia pawh ka hre teh nuaih lo ve.

"Rini,tih huk lam te hi in hnaih tawhlo ami?" USarah chuan kan boruak ip-pik churh mai thlak tum tak chuan alo ti a.
"Ahhh,ka hre lo" tih bah niaih pahin za fahran lo chuan Rinnungi chu a nui a. An țhiante dang pawh chuan nuamlo antih hmel tawh hle.

"A bialpa ani hleinem" an mahni en lêm lova ka lo tih khauh chuan min rawn en hâ hlawm a.
"Eng maw,ani te chu Rini bialpa kumhlun alawm. Anla in extend zel thei" USarah bawk chuan nui pahin alo ti leh a.

"Kha,amah kha zawt ula. A bialnu pawh a awm ve reng kha" ka tih hmak chuan Gordon-an min lo nghawk zeuh a. Ka en peihlo.

"Nia,heihi ka bialnu chu ania lawm" tih pahin tlangvala chuan a bialnu chu a kuah thuak a.
"Ava mak ve,'kan makpa hual' tiin kan lo ngai vek tawh che a" mak tih hmel deuhin USarah chuan ati leh a. Gordon tiamin midang,an inngaizawng emaw ti ho chuan mak an ti vek.

"Nia,kan ințhenna a rei tawh alawm. Mahse,Nû-i,hetia midang hmaa min tihzah kher hi a țul ami. Ilo mak hle mai,min hua tih chu ka hria,mahse inchhûngkhat vek kan nih hi" tih pahin Rinnungi chuan a lukham ken chu a dah tau sawk a. Inchung lamah a tlân chho nal nal.

Midang chuan min en țhup a,a țhiante chuan nuamlo antih hmel lutuk.
"A țhat vakloh lai ber ker a" Gordon chuan alo ti sup a.
"Nia,ka thiamloh anih kha,i duh chuan han thlêm rawh" tih hmak pahin ka thova. Eng nge ka hriat pawh ka hre bik tawhlo,khatia min ti ngawt kha ka haw ve tho.

"Nia,an ințhenna a rei tawh alawm" Rinnungi nu chuan alo ti vat a. Mipa ho chuan engmah an sawi ve tawhlo. Ka nu chuan min melh rum mai mai khawp a.

"An ni ngailo hrim hrim zawk" ka ti leh țalh. Chutah Gordon chu lo dingin
"A tawk,haw ang" tih pahin min kâi chhuak dawt dawt a. Țan pawh ka țang peihlo.

"Haw nghal ang" tih pahin kawngka chu min hawn sak a. Thinrim âwm deuh khan a awm sia tunah a dam leh thlup lawi a.
"Tun ami kha chu hmeichhe buaina ah ka ngai ang,ka thinrim lo" tih pahin min en rûn a.

A thinrim ve hman emaw tia,hetia awm leh daih. Ani pawh hi,mize thlâk thut thut theihna power a nei anih ka ring.

"Haw ang aw" ka chhân lawkloh vang chuan ati leh sup a. Ka sam chhâwl lêng chu ka bengah zep in alo hûi kiang bawk.
"Anih ka bag ka va la lawk" tih pahin ka inher leh a. Thinrim ka duh laiin ani a thinrim leh chuang miah si lova. Chu chuan min ti thinrim lehzual.

Tunah chuan Rinnungi hi ka enthla ber tawh ang. A awmdan hian ka rinna a hlawh chhuak lo tlat.

Inchhung ka luh dawn chuan an thusawi vangin ka luh tum ka țhulh leh. Mak ti deuhin ka lêt leh tawp a. Ka bag chu USarah ka chah tawh mai ang.

Motor ah chuan ngâwi reng ka lût a.
"I la lo ami?" Gordon chuan alo ti vat.
"USarah ka chah mai ang" hmalam en kuau pah chuan ka ti a. Engmah sawi tawh chuanglo chuan motor a tinung a,kan haw ta mai a.

Ina kan luh thleng pawh chuan an thusawi kha ka la ngaihtuah reng. Amak em a ni,tiang hi tun ang hun,21st Century ah hian a awm leh pawh ka lo ringlo asin.

Kan mut dawn pawh chuan ka zia ala mak deuh aniang. Gordon chuan min kuah pah hian
"Tinge,ila thinrim ami?" Ka beng bulah alo ti sup a.
"Rim lo" ka tih chuan ka beng alo seh zeuh a.

"Eng emaw chu vei i nei alawm" atih chuan a lam hawi zâwngin ka inlet thak a.
"In pu te ve ve in hmanah inremna siamin Rinnungi nen hian innei turin anlo ti che u a maw?" Ka tih chuan a meng phâwk deuh a.
"Engtin nge ilo hriat a?" Ati duh lek chauh.

"Ka hriatna lam pawh a pawimawh loh chu" ka ti vak a. Nuih lum hak pah hian
"Ni e,mahse,khawvela thil ho ber ai pawha a hoh vangin kan ti talo anih kha" alo ti mai a.

"Han sawichiang deuh teh" tih pahin ka en kiau a.
"Kan pu te ve ve khan anlo sawi țhin a. Kum 18 ka nih khan ka pu in min hrilh bawk. Mahse,ka duhloh tawp,duhloh chu sawiloh,nau ang maia ka en thin chu nupui ah ka nei duhlo bur tih ka pu kha tlang deuhin ka hrilh a. Ka luhlul zia a hria aniang,min tilui ta lo. Lehlam ho hi eng nge an ngaihdan chu ka hrelo. Mahse,kan sawichhuak tawh lêmlo" ati a.

"Bag la tura ka lêt leh khan an sawi ka hria a. Ka nu khan 'Mami hi ka monu han ni se chuan kan chhungkua pawh ka phuisui sawt tur' atih ri ka lo hria a. Ka nu ka laka a khirh em em chhan pawh hi mak ka ti ta lo" ka tih chuan engmah sawi lovin min en hle hle a.

"E,chuan maw. Thil mak deuh chu,min rawn vau a,min tibuai thin tu phone kha vawiin khan ka call chhin a. Rinnungi bag ah khan alo ri daih a" ka tih chuan alo che dat a.

"Ka nu chungchang i sawi kha chu ka âwih mai. Mahse,Lalrinnungi chungchang kha chu i hriatsual anih ka ring. A phone ring lai chu i hmu ami?" Atih chuan min ring vaklo anih ka ring.

"Hmu chiahlo,mahse ka call khan a bag ami kha alo êng alawm" ka tih chuan min lo kuah nghet sauh pahin
"I hriatsual anih dawn chu,a țhiannu phone atih kha. Bakah i biak lai tak khan midangin anlo call ve thei tho bawk a" mutchhuah hmel tak chuan ati a. Keipawh chu chu a tira ka ngaihdan a ni. Mahse,a hnua Rinnungi'n thinrim deuh taka min hauh khan ka ngaihdan ka thlak leh kha ania.

"Mahse,a room pawh" ka ti chiah
"Sawi tawh lo teh. Chuan,beng i verh lo tih ka hria ania aw. Vawiin i chhuanlam kha ka man vek ania,ti tawh suh" nin hmel deuh chuan alo ti hluk a.

Rinnungi pindan ka luh chhan chhuanlam kha, ani chuan min hrechiang bawk a,alo man leh vek anih chu. Ni e,bengbeh zawng angin insawi mah ila beng ka verh miau si lova.

Atûkah chuan dan pangngai bawkin hna kan kal leh nghal mai a. Kan nupa inkarah pawh nizan vang khan eng buaina mah a awmlo. Zingah pawh rawng kan bawl dun a,kan insiam a,mutna min thlehfel pui vek a,a pangngai vek kan la ni.

Gordon chu damdawiin thil vangin Falkland lamah an kal dawn a. Keichu ka lo duty thung.

Ka duty thil ka ziah mawlh mawlh lai chuan number hlang atang hian message ka dawng a. Thlalak alo ni a.

A lang chinah chuan Falkland khawi emaw intihhlimna chu anih ngei ka ring. Gordon chuan zînga a kawr hâk ngai chiah kha ala ha a. Suit nena inthuam zaih mipa ho bulah chuan a ding bawk. Midang kara a lansarh em vang chuan ka nui ver ver a,tihian ka pasal chu ani ve mai sia.

Engvanga hetiang thil tunge pawh ka hriatloh in min lo thawn chu ni maw. Ka phone dah leh mai ka tum lai chuan thlalak dang alo thleng leh a.

Ka hmu chiah chu ka nui ver ver tawhlo hle. Gordon chu tukverh bulah a ding a,tlêmin light pawh a êng tawhlo deuh.

A sîr ah chuan Rinnungi hi inha chhîng em em maiin alo ding bawk. Gordon chu a si deuh reng a. Midang thusawi en ni âwm takin hma lam an hawi a.

Nimin lawkah a pu kan vûi a. Tûnah lêm,inha chhîng lutuk in Falkland lamah alo va kal leh a maw. Gordon hian ka thusawi a âwih duhlova,eng emaw tak henu hi chuan tih tum ala nei dawn alawm.

"Nurse,ICU lamah an ko che" nurse pakhatin alo tih chuan ka phone chu hûm nghek pahin ka ak țha ta daih a. Lo haw se ka lo zawt fiah ngei ang.

"Tunge min ko aw" duty bula ka va tih chuan ICU pindan lam a kâwk zeuh a. Lalrema chu alo vei vut vut bawk.

"Lalrem" ka va tih chuan alo hawi vat a. Min rawn pan nghal pâwk pâwk bawk. Engkaw sawi set set lo chuan ka bul alo thlen veleh min kuah thlawp a.
"Alo harh tawh" atih chuan a awmzia ka hrelo hle.

"Tu maw?" Ka lo tih hâ chuan
"Ka nupui hual,ka sawi awmzia chu Zualtei alo harh tawh,alo meng" atih chuan ka lawm lutuk, ka thinrimna hre tawh lêklo chuan ka lo kuah lêt chûk chûk a.

"Ka lawmpui lutuk che,țhianpa" tih pahin a hnungah ka bêng thek thek a. A hlimawm em a ni,kum khat dawn mu reng tawh chu alo meng leh ania.

"Ka nupui hi hnaih suh ka tih che kha" tih pahin Gordon ngei chuan min rawn pawt sawn lawp a. A hnungah Rinnungi kha kawr dang,nichin thlalak ami nilo ha in alo ding a. Mak ka ti lutuk chu ka lo en hau ringawt. Anni hi chu tun lawk pawh khan Falkland ah anla awm sia.

"Ilo haw tawh alaw. Enteh,Gordon Lalrema bialnu" ka tih chuan a kut alo vai thuak a. A awmdan chu a mak riau lehnghal.

"Haw ang,hetah tih reng tur a awmlo" tih pahin min pawt deuh sawk a.
"Anih aw,ka lawmpui che" Lalrema lam hawi a ka tih leh chuan
"Rawn kal ta che" Gordon chuan alo ti hrâwk a.

Eng nge maw a rawn hriat haw le,a thinchhe em em mai a. A lam ka pan lai chuan Rinnungi chu ka en thut a. Alo nui sâwng a,ka en chiah chuan a insiam țha vat bawk. Henu hian dâwt thu alo vai vir kual anih ngat chuan a châklo khawp ang.

(CHAWLH TE A NI DAWN SIA,KA RAWN HLUI DEUH HNAWK CHE U THAWHȚANNI ZANAH KAN INHMU LEH DAWN NIA. CHAWLH HMAN NUAM VEK U LE,VULCHÛK HO,FUUUUU🥰🥰🥰)

FAKNA FAKNA FAKNA FAKNA

[Ngaia]

TRAITOR
CHAPTER 32

☆☆☆☆☆☆☆

GORDON POV:

Hna thil vangin Falkland lamah kan hotu țhenkhat nen kan kal a. Engvanga Patea pawh hian helai hmun hi meeting na atana thlang kher nge anih pawh ka hre hrep love. Kan thlen tirh ațangin engmah ala dik theilo.

A hmasa berah kan pindan tur min hrilh sual a. Chumi hnuah kan meeting pui turte'n engmah sawi lawk lovin an rawn țhulh leh bawk a.

Damdawiin lamah hna ka nghah nen,helaia engmah ti lova he hêu kual vel hman ka ni hauhlo. Kan haw dawn ah chuan Lalrinnungi hi ka hmu a,ala inha chhîng em em lehnghal.

"Eng nge itih,i kawr te chu" ka tih chuan
"Ka țhiante nen kan kal a. Ka pa khan inlo kal tih a sawi a,in rualin ka haw dawn" tih ham ham pahin ka bulah a rawn ding nghal a.
"Nula pui si,lên reng tur a ni hleinem" ka melh deuh khui a.
"I ninawm a,ka nu ang mai" tih pahin a ner deuh nâng nâng a.

Kan haw pawh chuan ka motor ah a chuang ve a.
"Hmanni kha,innu lakah khan ka inthiamlo lutuk a. Ihhhh,khapa nen kha chuan kan ințhenna a rei tawh a,min lo kawp a,chuvang chuan kan ințhen" ati sep sep a.
Chhâng mai lo chuan ka bu nghut ringawt a.

"Enteh" a ngawih deuh vang vang hnu chuan a rawn ti deuh hliai a.
"Hmmm" tih pahin a lam ka hawi zeuh a.
"Innu hi chhaih a nawm hmel riau,a roh hmel che bawk sia. Ka la fiam hlak ang" atih chuan ka lo phun hluk a.

"Thil țullo ber anih chu. Hna thawk la,i hlawk zawk ang" tih pahin motor ka tiding a. Damdawiin kan thlen tawh vang a ni. Ka nupui pawh khan min lo thlahlel ta ve ang. Tunlai chu awmdun na hun kan nei mang si lova.

"Ka rawn kâwi ve zuai ang" tih pahin Lalrinnungi chuan min rawn zui nghal a.
"Innu chu ka la fiam khawp ang" ala ti phei țalh a.
"A țullo ka tih chu,a thinrima kut a thlak che anih chuan tuma'n kan chhan dawn lo che nia. Awm mai mai rawh" ka ti hluk a. A chhan pawh kut tawrh hi a hlauh ber anih thin vang a ni.

"Anih,ngaihdam dil tur talin ka lo kal ang e. Amah pawh a inthiamlo ang" atih chuan engtin mah ka chhâng lova. Min zui aniang chu ka ti mai.
Ka nupui duty na lam ka en chuan alo awm lova. A chhuak zawk anih ringin ka office lam ka pan a,ka phone chu ka en a,a message pawh a awm lo.

"Gordon" Lalrinnungi'n a rawn tih chuan ka lo en vat a.
"Enteh,heihi. Innu ani law'm ni. Chuan mipa hi in Doctor kha" atih chuan a phone chu ka lo chhuh vat a. Ka en ve chiah chu min entirtu chawp hian vai pawp mai ka duh tawh.

Ka nupui leh kha Doctor pa kha ICU kawt ah inkuah chungin anlo ding a. Miin an thla anlo la anih ngei ka ring,anlo post darh nasa hman.

Engmah sawilo chuan ka chhuak a,ICU awmna lam chu ka pan phei pawp pawp a. Ka office hnuai chiah Floor ah a awm vang hian thlen nan hun ka mamawh rei vaklo.

"Gordon,miin an en țhup che ania." tih pahin Lalrinnungi chuan ka hnungah min lo zui bawk. Engmah ngaithla tawhlo chuan ICU kawt chu ka thleng a.

An pahnih insi riala lo awm chu ka va pawt țhen hlawk a. Mak antih hmel em em khawp lehnghal. Ka nupui chu ka kâi dawr dawr a. Miin min en țhup tih pawh ka hria,min lo en mai mai teh se,ka pawisa nek tawh lo.

"Ana ania,khawi maw min thlah teh" ka office kan luh veleh chuan ati a. Ala țeu hlar lehnghal. Ka thinrim zel ka hlauh vang chuan thawk ka la ham ham a. Chutah amah chu ka en ngur a.

"Khapa kha hmu tawh suh ka ti em?" Ka tih chuan min melh lêt ve khai a. Ve reuh lutuk hian a,pum hmawm tham lek si hian min cho ve âr thin chu a ni sia.

"Mit ka neih chhung chu ka hmu thei" Thinrimna nei miahlo chuan ati sap a. Sofa ah chuan a țhu thla thak bawk.
"Chutin min chhâng ngawt suh,khapa kha ka duhlo" tih pahin a hmaah tak chuan ka ding a.

"Keipawhin ka duhloh vang alawm nangmah pawh ka neih che" min melh chhoh kiau pah chuan a ti a.
"Khawngaihthang,min ti thinrim ang e aw" ka tih chuan a tho tharh a.

"Huat tur zawnga i men chhung chu fanghmir chaw zawng ringawt pawh i hua ang" atih chuan ka nui hawk a. Amah a inring tawk lutuk chuan ka nuih a tiza.

"A chhan ka sawi vek tawh kha. Abak engmah a awmlo. Chuan,nangmah zawk kha,tinge Falkland ah in kal emaw tia,Lalrinnungi kha i hruai lehghal" tih pahin min melh ve khai a.

"Kal e,kan zo tawh. Lalrinnungi kha ka hruai hauh love" ka tih chuan a âwihloh hmel hle.
"A țha anih chu" tih hap pahin min kalpelh a tum a.

NÛPUII POV:

"I kal thei ka la tih loh kha" tih pahin Gordon chuan ka kutah alo man a. Lehlam hawi pah chuan ka khi sak. A chhan pawh nichin khan a thinrim tak tak ka hlau ve tho,chuvang chuan keimah zawk thinrim angin ka awm daih anih kha. Ani lakah hi chuan indan khalh a țul thin.

"Eng nge,sawi vat teh" ka tih chuan min lo pan hnai in ka hnunglam atang chuan min lo kuah a.
"Ka tihpalh anih kha,ka thinrim em tih pawh ka chianglo. Kan meeting na tur lamah buaina kan tawk a,chutah khapa nena inlo awmdun lai kha ka lo hmu leh sia. Thinrim loh tur aw" dam thlup chuan ati leh lawi a. A țawng nghawr zawngin ka lo nghawr ve der der thei.

"I thiamloh anih loh kha,hriatsual palh anih hi" ka tih chuan a lam hawiin min kuai her a.
"Kan țha vek maw. Kan nui thei tawh em" ka tih kha maw. A thil hriat fuhloh vanga a thinrim chuan amah ai aiin lo thinrim ila,a inthiamlo leh em em zel.

"Ka țha ka tih chu" ka tih vak chuan nuih hawk pahin ka chalah alo fâwp vang vang a.
"Va kal tawh rawh le,tlaiah chaw kan ei chhuak daih dawn nia" tih pahin kawngkhar chu min hawn sak a.

Ka chhuah chuan kawngka bulah Rinnungi hi ngawi rengin alo ding ngal a.
"Eng nge i duh" nêlawm vaklo chuan ka ti a. Henu hi ka ring pumhlûm thei tawhlo.
"Ihh,hmanni kha,ka tihpalh aw. Khatia awm tur kha ka nilo" hlauh nei ang tak chuan ati vel a.

"Nia,ini lo. Mahse,pawilo,a țha vek e" tih pahin a dâr ah ka bêng thek a. Melh pawh melh tawhlo chuan ka kalsan ta a. Ka awm chhung chuan Gordon hian min phatsan mai mai dawnlo tih ka hria a,chulam ah chuan ngaihțhatlohna ka nei lêmlo.

"Awi,eng nge buaina in neih a?" Nuni chuan alo ti vat a. Midang chuan min melh hrek hrek lehnghal.
"Tinge?" Tih pah chuan ka țhutthleng ah ka țhu a.

"Kan pi kha alo kal a,nurse pakhat kha a ko a,chuan nurse kha alo chhuah khan a rawn țap chhuak a. An bân anih ka ring,thlalak alo post kual vang an ti" atih chuan ka man uar uar a. Lalrema nen kan inkuah lai kha tu emaw in thla lo la in anlo post kual a,chunu chu anih ngei ka ring.

Nuni'n 'ka pi' atih chu USarah ani a. Anni unau hi an duhna ah chuan anlo chêt ran hi le. Keimah ber pawhin ka hriat ve hmain alo bân fel dêr ania.

Lalrema pawh chu ka hmu leh tawh chuang lova. Tunah chuan Gordon pawh a ziaawm tawh ngei ang. Zualtei hi lo harhchhuak chiang se,kan buaina neuh neuh te pawh a kiang ve deuh mah na.

Tlaiah chuan motor dahna ah Gordon chu ka lo nghak a. Zanriah ina ei aiin Hotel ah kan ei chhuak dawn a ni. Inah chuan kan pahnih chauh kan ni a,rawng te hi kan inbawl chhawk nawk nawk zel. Rawng bawl te hi alo chuh zawk hial thin.


Zarkawt lam Hotel ah chuan kan kal a. Ka nu te in hnaih viau mah ila,amah hian a sawiloh chuan ka sawi lang duh lêmlo.

"Ei țeuh rawh aw" tih pahin ka hmaah chuan eitur chu a rawn chhawp sauh sauh a.
"Hemi zawh ah hian sawlai deuh ah sawn kal lawk ang aw" ka tih chuan min hnial lovin alo 'aw' ve mai a.

Kan duhtawk kan ei zawk chuan Pudding kan ei leh hrâm kha. Kan chhuah dawna kan inkuah chhuah te chuan mi hian min en duh em em mai a. Awm an ti nuamlo hial.

Chanmari lama ka thil duh zawrhna chu ke in kan pan phei a,kawnga kan kal pah chuan ka dârah a kut a kham ruah a. A sâng bik mai sia,biak dawn pawhin ka han chhoh en hâ angai.

Dawra kan luh chuan ka duh ho ka enkual a. Gordon chu kawngka bulah a kekawr ipte zen pahin alo ding khawng luah a. Dawra lo lût leh chhuak apiang chuan an en zui haw haw hlawm lehnghal. Hmanhmawh deuh chuan ka lei tur ka en zawk zawk a.

Ka thlan zawh chuan a man pêk ka va tum a.
"Hetah hian ami scan tur?" Tih pahin Gordon chuan aman lo pêk a tum ta mai a.
"Aih,scan lovang. Pawisa in keima'n ka pe ang" ka tih chuan dâwr nghaktu te a melh zawk a,chutah nêm fahran lo chuan min han melh leh a.

"Ka ta ah hian aw" tih pahin a scan lui ta thova. Ka thillei lah chu a to hlawm em em bawk si. Silver bân bun(bracelet),bengbeh 1 leh amah nena kan ta tur kawr ka la a,ka leisak ve ang ka ti asin maw le.

"Ka nei ve reng lawm. Aman i pe ngawt a" kal paha ka tih chuan a tihdan bawkin ka dârah alo kuah leh a.
"I tihtheih reng tih phêt hi alawm nuam ka tih. Kan theihloh chauh kan in tihsak te chuan lawmna in siam sak a har awm em asin" tih pahin min nuih suk a. Dik ka ti ve reng tho,tunah hian thinrim chu sawiloh,lawm vangin ka khi ver ver chu anih si hi.


Engmah ti khaw tlâi tawh lêmlo chuan inah kan haw tlang nghal a.
"Hnathawh tur tlêm azâwng ka la nei a,i duh chuan lo han mu la" tih pahin a kawr chung a phelh mawlh mawlh a.
"Aih,ka lo awmpui ang che" ka tih chuan min piai sak a.

TV hma sofa ah chuan ka țhu a,ka lu bulah Gordon a awm bawk. Lehkha eng eng emaw a inchhap hnawk nuaih a.
"Ka lo enpui dawn che mi?" Ka tih lah chuan a nui mai mai a.
'Ka tihchi a ni ve lo ania nge' tiin TV bawk chu ka en leh a.

"Coffee ka va siam ang che aw?" A ham bûi bûi takah chuan ka lo ti vat a.
"Yess" tih pahin a tarmit a phelh a.
"Nupui zuan zâng deuh ka lo nei anih hi" tih pahin ka kal tur chu ka mawngah alo bêng țalh a. Hawilêt pahin rum fe hian ka melh a,a hmai ti chuar tapin min nuih duh lek chauh. Nghal leh lutuk mai.

Coffee a in zawh chuan a thawh zawm leh mai a. Ka korean film en a zawh tawh vangin ka phone ka khawih mai mai a. Keipawh chu ka mut a chhuak țan deuh mai,sana ka en chuan 11:30 alo ni dêr tawh a.

"Lo han mu mai rawh,thawh tur ka la ngah ania" min en chuang hauhlovin Gordon chuan alo ti a.
"Ummhhh,i bulah hian ka awm duh alawm" tih pahin ka va hnaih a.
"Lokal teh" tih pahin min lo ban a.
"Tikhan awm rawh" atih chuan amah nghêng chung deuhin ka mu ta a.

Thil ri rek rek ka hriaa,eng laiin nge ka lo mutthilh ka hre lo. Vawilehkhat ah ka kâng lawp a.
"Luhlul reuh lutuk,i mut a chhuak reng si" Gordon phun sup ri chu ka mang hriat ruai ruai.
"Muttui le,ka nupui" tih pahin khum dûp takah chuan min nghat a. Ka hmuiah a fâwp zeuh bawk.

Zînga ka harh chuan engmah ngaihtuah hmasa lovin ka inperh tho zawt a,ka țawngțai a. Sana ka en chuan dar 8 alo ri daih tawh. Gordon lawh a insâwi zawi zo daih tawh ang.

Hmanhmawh deuhin ka sam ka țawn sawk sawk a. Inhnuai ka chhuk chuan Sofa ah ka nu alo țhu kur a. A dan ngai tê tê in zingah pawh a paw leh pheu tawh,ava han taima thin tak em..

"Ka nu ilo phei a nimaw?" Tih pahin a bul ka va thleng a.
"Pasal nei ngam tawh si,zîng thawh pawh hrelo. Pasal te rawng bawl tir te hi a zahthlak tih hre ta che" ati deuh fak a.
"Ka lo mutui deuh a ni" zâwi sap chuan ka ti a. Heihi chu ka thiamloh a ni,Gordon hi a inhuam êm vangin ka awm âwl leh mai thin pawh a.

"Nidangah chuan chîng tawh suh ang che,hmeichhe hna anih hi" tih fak pahin min kalpêl a. Ka thaw huai thei. Gordon pawh chu khawnge maw a awm daih ni. Choka lam ka en chuan alo awm lova,rawng alo bawl zo vek tawh hi alo nia.

"Inpa chu ka tîr lawk. Mami ava lam dawn,chuan,Mami hi i ngaitheilo anih chuan ngaihtheih tum ang che. Tunthla chu kan inah alo awm dawn lehnghal" ati hlaih hlaih a. Rinnungi chu engvanga ka nu te ina awm tum nge maw anih le.

Ka nu âng thâwm ngaihthlak ai chuan tiin pawnah ka chhuak ta daih a. Ka pangpar awmchhun ve ho chu tui te ka leih mai mai a. Motor ri ka hriat takah chuan ka hawichhuak vat a.

Chutah,motor atang chuan Gordon alo chhuak a,in lam rawn hawi in min hmuh chuan alo nui suk a. Lehlam pang chu panin kawngkhar chu ava hawng a. Motor atang chuan Rinnungi hi bâi auh auh chung hian alo chhuak a. Alo chhuah veleh Gordon chu a kuah nghal deuh titih bawk.

"Ilo țha maw?" Hlim hmel deuh chuan a rawn ti a.
"Țha e,kha tinge?" Pangngai deuh chuan ka lo ti ve a.
"Scooty in khawvel kan nawr deuh alawm. Hei en la" tih pahin a ke chu a hlîm deuh a,alo belkang deuh tuarh a. Ka en pawh chuan ka țhen sawk thei.

"Ava na awm ve" tih pahin Gordon chu ka en daih a. Ani thung chuan khap miah lovin min lo en ngar thung.
"Nia,na ve deuh. Ka chhungte an zin vek a. Ka ke ala na deuh sia,Nutei te inah ka rawn riak dawn anih hi" atih chuan nuih pahin ka lo bu nghat nghat a.

"Nangmahni inah pawh rawn riah zeuh zeuh châng ka nei maithei" atih erawh chuan ka nui tâwp chiang hle.
"Inpa pawh ka rawn țawm maithei che a ni" atih chuan ka chil ka lo hâk thei hial.

"Lalrinnung,sawiloh loh hi sawi ziah suh" tih hluk pahin Gordon chuan ka hnungah alo chûl pah a.
"Hahha,ka ti mai mai anih kha. Ka ke vang hian puih zeuh zeuh chu ka ngai maithei chauh" tih pahin inchhung lamah a bâi phei auh auh a.

"Lût ang" Gordon melh pah chuan ka ti a. Inchhung ah chuan kan inchhawm lût ve ta a.
"Chaw in ei tawh em. Ka lo ei ve nghal mai dawn?" Rinnungi chuan kan hmel a hmuh veleh alo ti vat a. Chhâng ta lo chuan ka en reng a.

Ka nu lah chuan min han melh nasa mai mai khawp a,'a kî a chhuak țep tawh ang' tih tur khawpin a awm leh tawh.

"Ka nu te inah i awm dawn kha" Gordon chuan alo ti a.
"Aw,eng nge. In inah alo ei ve châk a nimai a,eng nge buaina awm?" Ka nu chuan alo ti hlar a.

"Engmah engmah,in duh duh khan lo ei teh u. Hawh chho ang" tih pahin min kâi a.
"Chaw a ei duh chu,Khawnge in kal leh dawn?" Ka nu in alo tih chuan Gordon chuan
"Kan inthlâk dawn,inlo kal ve kher duh ami?" Ati hluk a. Ka lo nuichhuak țep a ni.
"Duh mai mai lo,lo chhuk vat ang che u" ka nu bawk chuan ati leh a.
"Nangpawh,inah ka pa chauh tinge i kalsan. Va haw vat rawh" Tih leh pahin Gordon chuan min chhoh pui daih a.
"Mai mai che chuan,ka fapa chu ini ve sia" ka nu in atih ri pawh chu kan la hre phâk.

"Ka nu hi chu ngaih khatah ngai mai teh,a buaithlak anih hi" pindana kan luh chuan ati hluk a.
"Iho thin emai,hmeichhia te chu kan dân alawm. Keipawh ka upat hunah chuan ka la ni ve maithei asin,min nin vaih chuan aw" tih pahin ka tin uaih a. Ka kut chu lo chelh pahin
"Ka ning hauhlo ang che. I phunchiar vanga min tîr kual reng anih pawhin ka kal zel ang. 'Têl tel lovin Artui kang rawh' ilo ti anih pawhin a kan dan kan zawng zel mai ang" tih pahin min kuah a. Thla hi ava han muang siai siai thin tak em.
"Nangpawh 'ka necktie hi dingdihlîp lovin suih rawh' ilo ti anih pawhin stool dawh chungin ka suih zel ang" ka tih chuan alo nui nghawr dat a.


Rinnungi chuan kan inah chuan tukțhuan chu a ei ve ngei a. Ka nu pawh chuan a vêng emaw tih mai turin a rawn ei ve nghal. Engtin nge ka pa inah alo awm ang tih ka ngaihtuah.
An tih lah chu a han tam mai mai khawp a.
"Ka antui hi ka va khamlo" ka nu in atih chuan ka tho vat a. Uniform nen ka nih tawh vangin ka che zung zung thei si lo.

"Heihi suah belh angai anih hi" ka nu in atih leh chuan ka tho tur Gordon chuan min lo thawh khalh vat a. Ka nu hmel chu ka en peihlo law law zawk.

Rinnungi lah chuan chawei lai lai in
"Awi,ka zun a chhuak emai" ala ti zui. Amahin a kal thei chiah si lo.
"Keichu ka ei laklawh" ka nu chuan ati tlat bawk si. Gordon chu a melh hrel hrek a,a hruai a beisei em maw ni. A hruai teuhlo.
"Khawi,lokal rawh" tih pahin ka va tung tho nawlh a.
"Awi ah" tih țhat pahin alo ding a.
"Fimkhur ta che" ka nu in alo ti vîn țhak bawk.

Chutah Gordon chuan a fian ri țhawk khawpin dawhkan chu a chûm pawp a.
"Lem in chang nge in over" tih pahin a rawn ding hluai a. Insûm tura ka signal na te chu a hre duh țhaklo.

"Eng nge,a zung duh anih kha" ka nu chuan alo ti kha kha a.
"Chawei khamah a zung thei reng. Keini nupa hna kal tur min tihbuai hi nuam inti ve hrim hrim" tih hluk pahin a chair a nawr sawn a.

"Ka tihpalh lutuk,ka tibuai che u a,ka zun a chhuak tawh em a ni" inthlahrun hmel deuha Rinnungi'n Gordon alo melh chuan
"I insûm theilo anih chuan diaper hrêng mai rawh" Gordon chuan alo ti sup a. Chuta Rinnungi hmel awmdan chu ka khawngaih reuh lutuk.

"Inva sual mai mai e aw,va kal daih teh u" tih pahin ka nu chu alo phei a. Min nem sawk in Rinnungi chu a rawn chelh a,pakhati lah che lo châng lovin a melh ngai a melh ngar thung,Gordon tihdan kha nuamlo ati viau aniang.

"A fel kha lo in buaipui ula ti nia" tih pahin Gordon chuan min en a
"Kal ang" tih pahin a kal nul nul a.
"Nakinah ka fapa i control theihna thurûk hi min hrilh ve la a țha ang" ngeiawm takin ka nu chuan alo ti a. Chhâng ta lo chuan ka kalsan daih. Ka chhân ve vêk vêk chuan ka nasa an ti lutuk palh ang.

Chutiang vel chu kan hun hman chhoh dan chu a nimai. Nikâr danah ka nu hi a rawn lawr reng a,kan in zawk ni si ah hian tihtur min rawn tuk sak reng bawk. A tihtur sawi ka tih lahin sawiselna tur hi a âr bo zawn a. A châng chuan ka thinrim ve țep zel. Mahse,ka pasala nu ani miau a.

Rinnungi pawh khami hnu kha chuan kan inah alo kal pawhin engkim amahin a intih vek. A ke pawh la dam chianglo mah se,buaipui awm tak zawng a ni tawhlo.

Gordon pawh hna vangin zân riak si lo hian chhuah zeuh zeuh châng a nei a.
Vawin pawh Pathianni a ni a. Keichu inah ka awm a,Gordon erawh damdawiin lam vangin a chhuak daih thung. USarah leh Upuia te ho hian min rawn tlawh zeuh zeuh a. Khawhar pawh an hnêm viau zel.

Tunlai chu a khât tawkin number hriatloh atang hian eng message emaw hi ka dawng reng zel a. Mahse,ka hriatchian em em erawh chu keimah min bitum a,min rawn bia a nilo tih hi a ni. A chhan chu min vau ngai lova,engmah chutiang lam alo thawn ngailo. Alo thawn ber chu Gordon chhuahna leh a kalna vel a ni.

Atîr chuan a ngaihna ka hrelo khawp a. Țha pawh ka ti lo. Mahse,a hnuah Rinnungi thlalak min lo thawn ve leh zeuh zeuh takah chuan Rinnungi hmelma anih ka ring ta bur a.
'Tinge tiang hi ilo thawn a?' Ka va tih țum kha chuan
'Țanpui che hi kan hna a ni,hmelma kan la ințawm lovang tih pawh a sawi theihloh'a rawn ti anih kha. Khami hnu kha chuan eng message pawh va thawn ila min chhâng duh tawh ngailo.

"Vawiin chu civil lamah ka kal angai dawn nia aw. Zanah ania" Gordon chuan a ngâwng awrh ka suih mawlh mawlh lai chuan ati a.
"Ilo haw tlai dawn tihna ami?" Ka tih chuan
"Tlai ang ka ring,Damdawiin neitute ho board meeting a nia,kumkhatah vawi 2 ngei ngeiin kan nei a" atih chuan ka lo bu nghat nghat a.

"I hlauh chuan midang lo in awmpui tir mai la" ati sup a.
"Hlau teuhlo. Lo haw vat la,a khawhar thlak thin ania" ka tih chuan a bu nghut a. A office atang chuan ka chhuak ta a. Kan haw rual theih dawnloh vangin ka pa Car min pek kha Driver ka laktir a,keimah in ka inkhalh haw ve mai ang. Khalh chhuah te pawh a khât ve alawm maw le.

"Hi" Lalrema pawh chu alo lang leh hlawl a.
"Khawi uicho mawng atangin nge ilo chhuah leh tak hlawl a" nuih paha ka lo tih chuan a pen ken zumlo lam chuan min chhun pawp a.
"Varak rangkachaka tui thin mawng atang ngatin ka lo chhuak" tih ham ham pahin ka bulah alo țhu a. Kan bân a hun țep tawh a,Gordon pawh a kalna turah akal daih tawh.

"Zualtei Chu" ka tih chuan a han thaw deuh ham ham phawt a.
"Angai ala nimai. A mit chu alo meng tawh a. Mahse,engmah ala hrelo" ati mai a. Atan tak pawh hian lo harhchhuak vat vat se ka ti.

"Lungngai suh,alo harh vat mai ang. Haw ila" thawh pah chuan ka ti a.
"Ka motor tlânloh ni ania,min lo thlah mai teh" atih chuan
"Iva ho tak,hmeichhe thlah i duh phawt te chuan ka thlah che anga nimai lawm" ka tih chuan min lo zui ve mai bawk a.

An vêng lamah chuan ka va thlah phawt a.
"Inpa khan min lo hmuh chuan alo thinrim leh ang e" alo ti sur sur a.
"Iva chhe ser sur tak,inthlah mai mai ah ngah nge a thinrim ang. Mipa ania lawm,ni law'm ni?" Tih paha ka va melh zeuh chuan
"Ni lawm lo" alo ti deuh hmak a. Ka nuih hak ringawt.

"Anih ka lawm lutuk e,nakinah,inpa nen in intih thiamloh hunah ka la thlah ve leh ang che" atih chuan
"Kal mai mai teh" ka lo ti a.
"Ka lawm e,Muanêngtheii monu" tih pahin min la rawn ban țalh.

Keimah chuan ka nui ka nui a. Kan damdawiin ah pawh hian 'Muanêngtheii' tih chu lâr tawh tak a ni. A inhmeh ve êm bawk a.

Ina ka haw chuan alo reh ruih a. Pahnih lek chêng mah ila,pakhat awmloh pawh hi lang deuh ania.
Chaw ka ei peihloh vangin Cup Noodles te chu ka siam ta vel mai mai a. Gordon lo haw hunah duh leh a ei rualin ka ei leh mai ang.

Ka inbual a,ka intih fel vek hnu chuan dar 9 alo ri ta mai a. Gordon pawh chu a rei phian a.
Ka ngaihtuah lai takin USarah-in alo call hlauh a. Nonoi piancham an lawm dawn thu vel a rawn sawi duah a..

"In meeting chu in zo chiah ami?" Ka tih chuan
"E,dar 7:30 vel khan kan zo var var tawh. Inpa in alo la be lo che ami?" Ati ta mai a.
"Ka phone ka la en lova,a message alo awm tawh eng. Anih ka dah phawt aw" tiin ka dah ta sawk sawk a.

Eng nge awmzia ni ta ang. Engpawh ni se call phawt ang. Ka call a,vawikhat,vawihnih,vawithum...vawitam ka tih hnu pawhin ala theilo.

'Kawng lakah eng emaw alo ti kawi aniang'ka tih loh leh
'A țhiante a tlawh aniang' tiin ka lo inhnêm ve tawp a. Mahse,dar 10 a pelh daih hnu pawh chuan alo la thleng thei si lo.

Ka lo vei tawn sek lai chuan ka phone alo ri a. Ka en chuan thlalak ka dawn țhin na number atang tho khan a ni. Thil țhalo anih hlau deuhin en pawh ka en ngam lawk lova.
'Han en la,inpa chuan eng nge atih' tih ka dawn takah chuan ka en ta nge nge a.

Thlalak ka hmuh chuan ka sa ve zak thei. Gordon leh Lalrinnungi anni a. Gordon chuan Rinnungi kal țha thei lo ni awm tak chu a kuah a,a țhenah chuan a pawm bawk. Ka enchian phei chuan an inhnaih lutuk chu an in ei lo chauh. An țhian pakhat ni ngei tur ig post hi min lo thawn bawk a. Hmanhmawh fe in chunu ig chu ka va en vat a,a story ah thlalak tamtak alo hmang a.

A hmunah chuan 'Berawtlang' tih a lang kuau bawk. A thlalak ho chu ka en kual vek a,Gordon emaw Rinnungi pawh ka hmulo. Mahse,a tawp ber an selfie na ka en chuan ka han zoom deuh a. An hnungah Gordon ang deuh mipa a ding a,Rinnungi chu a âwm nghêng chialin a ding bawk a,mipa hmel chu hmuh chian theihloh mah se amah ani ngei ang. A chhan pawh tiang kawr rawng chiah chiah khi a ha ngei a ni.

'Gordon,engthil chiah nge maw intih le. Lo haw vat teh' ka rilru chuan ka ti a. Ka lo vei tawh chhên ringawt.

Dar 11 pelh deuh chuan ka lo mutthlu suar suar a,motor thâwm ka hriat takah chuan ka tho zawk a. Pawn lam light te chu ka on êng bawk. Hmanhmawh fê in ka chhuak a. Mahse,eng nge ka hmuh hi.

"Engthil nge thleng?" Nêm fahran lo chuan ka lo ti a.
"A rûi sual deuh anih hi. Hetah riak mai rawh se" tih pahin Rinnungi thle bâwk bâwk chu a rawn luhpui a.
"Kan in hi zurui chatthla mai mai riahna anih loh hi" ka ti chuan alo hawi lêt a.

"Chutiang sawi a hun lo. Lo lût phawt teh" tih pahin pindan lam a pan phei pui a. Ka sam ka tuai thur nawk nawk ringawt. Pindan an luh hma chuan ka va en a,Rinnungi chu a chatthla emaw kan tia,alo nui deuh sak sak nia. Ka hmulo emaw ati a ni ngei ang.

Engmah sawi tawhlo chuan kan pindan lam ka pan a. Gordon lo chhoh pawh ka nghak peihlo. Alo mut hmaa lo mutthilh daih ka duh. Hmanhmawh deuh chuan ka lo che sawk sawk a. Ka mu ta daih a. Gordon pawh chu alo chho vat a.

"Ni țha tak zawng a nilo" tih sup pahin a inphelh ri sut sut a. Engmah ka sawi peihloh ang chiahin ka ngaihsak peih bawk lo.
"Tuilum pawh ka dawng dawnlo a nimaw,pawilo e,tui vawtin ka inbual mai ang" atih pawh chuan ka ngawi reng a. A duh chuan Solar tui pawh a awm a,Geaser ah pawh herh haw tur a awm ve reng. In buaipui mai teh se.

Alo mut chuan ka lo muhil deuh titih tawh a.
"Ka nupui hi alo thinrim deuh em ni?" Tih pahin min rawn kuah a. Mutchhuah tawh nen lo nghawk sawk mai a ni ka duh.
"Thinrim suh aw,naktukah kan sawi dawn nia" tih pahin ka bekah alo fâwp tawk a.

Zanah chuan eng ka hria chu ni maw,dar 3 vel chuan ka harh hlawl a. Ka bul ka en chuan Gordon chu tui deuhin alo hnâr kûk kûk a. Ka tui hâl bawk nen,inhnuai lamah tui la turin ka chhuk a.

Thâwm dîm deuha ka pên chhuk lai chuan
'Aw,an inah ka riak a. Ka rûi emaw an ti' Rinnungi tih ri ka hriat vang chuan thawk pawh thaw ring ngamlo chuan ka va pan dê dê a.
"Aw,nia. Ani hi chu ka ta tur kha ani sa renga,eng emaw vangin midang in anlo chang mai mai alawm" atih lai tak chuan ka kut vei tumin ka bottle ka khâwng ri palh a.

"Tunge awm?" A rawn ti vîn țhat a
Hmanhmawh lutuk in pindan âwl ah chuan ka lût a.
Mapuia te misual zawng ang maia
'Tumah an awmlo' lo tih chi ni ve heklo.

Thâwm a reh deuh hnu chuan pindan lamah ka chho leh ta daih a. Ka ringsual lo tawp e,henu hian eng emaw tum chu a nei ngei a ni. Naktuk hian midang awm laiin ka zawt khawp ang.

[Ngaia]

TRAITOR
CHAPTER 33

☆☆☆☆☆☆☆

NÛPUI POV:

Zîngah chuan hma takah ka thova. Ala hma bawka Gordon pawh alo la tho bîk lo. Thâwm dîm takin ka intifai vel a. Vawiin hian eng emaw tak tih ka ngai ang. Inhnuai lamah chuan Gordon tihharh hlau takin ka chhuk a.

Rinnungi riahna pindan chu ka va bih a,ani pawh alo tho tawh anih hmel. Choka lamah thil ri rek rek ka hriat vang chuan ka phei leh dên dên a. Ka rin ang ngeiin Rinnungi a ril a țam anih ka ring,eng emaw alo chawk rak rak a.

Thil chawh pahin phone alo hmang bawk. A che vel te chu a zâng haih mai a,nizana chatthla tih a hriatloh,ni e,a chatthla tak tak lo miau a.
"Eng nge itih?" Hnunglam atanga ka va tih thut chuan a phu zawk a. A thil ken chu a thlauh darh vek bawk,glass a ni bawk nen a ri a ring țha ngei mai.

"Ihhh,ka ril a țam deuh a. Ka lo insiam tawp" ka mita en țha ngam chiahlo chuan ati a.
"Nizan chu iva che na awm ve" tih pahin a lam chu ka pan a.
"Timaw?" Alo ti hê haw a.
"I chahthlak kha" a mit taka melh pah chuan ka ti a. A tider tih pawh alo hre leh tawhlo anih hmel.

"Eeee,kha kha maw. Nia,nizan kha chu a" tih pahin a bân a vai thuak a. A thil tihkeh chu a chhar nghal bawk.
"I hrelo tak tak nge,i rûi der zawk" ka tih chuan a thiltih a chawl dat a.
"I sawi awmzia ka hre hauhlo" tih pahin glass keh chu a chhar zawm leh a.

"Enteh,i zia hi ka man ve thuak chuan ka hria" ka tih chuan engmah sawi lovin a tih zawm char char a.
"Midang țhian mipa tamtak i neih laia ka pasal kher lo inbuaipui tir kher te khan chhan a neilo maw?" Tih pahin a țhutna hma takah ka ding teu a.

Chutah lo ding chhuak in
"I thusawi khan awmzia a neihloh ang bawkin ka hrelo angah ka ngai mai ang" ati duh lek chauh.
"Zêp duh suh. I țhiante bulah pawh mipa duh i neih thu insawi a ni law'm ni. Chuan nupui dang a neihsan che a?" Ka tih pawh chuan min chhân tum hmel ala pu chuanglo.

"Enteh,min ngeitheilo tih chu ka hria. Mahse,heti zawng hi chuan tilo teh ang. Keichuan Nutei te chhungkua hi ka chhungte tak tak angin ka ngai a,an lakah eng rilru sual mah ka pu ngailo" hmel khawngaihthla la deuh chuan a han ti vel a.

"Chu chu awlsam taka ka awih anih chuan ka pa fanu ka nilo tihna aniang" ka tih chuan a meng kual zek zek a.
"Engah nge tiang rilru sual chu ka put duh ang?" Tiin min zawt lêt hleuh nia.
"A chhan chu i hre zawk daih ang chu" ka ti a.

"Chhan dang vak a awm ami?" Ngeiawm lek lek chuan ati a. Tunah chuan a vun rawng a rawn inthlak lek lek tawh e. A inzêp rei peih ka ti reng a.
"Chuan" ka lo tih leh chuan kal pahin ka beng bulah alo kûn a
"Gordon hi maw le" atih chuan ka kut ka lo hûm ruh nasa mai.

"I dinhmun hre rawh aw" ka lo ti chang fak a.
"Nangai chuan ka siam nuam thei zawk ang,min pe mai rawh" a rawn tih leh chuan ka sîra tui no chu nghet zet hian ka hûm a.
"Ngâwi hmak rawh" ha sehchilh nawka ka tih chuan
"Kan enchhin dawn ami. Sakawr ang maia a chunga chuan te ka châk ve ania. Tichuan,ka hming lamin a vawr**** a thleng anga" atih chuan ka kut ka chêt lai ka hrelo.

Tui chuan a hmaiah ka theh sawk a. Zaklo lutuk,ka bênglo kha a vannei zawk.
"Ka tihpalh,Vawikhat mah inpa ka lo inbuaipui tir tawh lovang" a rawn hawi chhuah leh chuan a țap deuh titih ta mai.
"I lemchan kha duhtawk rawh" tih sap pahin a kutah chuan ka hmer a. Lemchan thiam leh lutuk,Shin Ae Ri diktak chu alo nih hi.

"Engthil nge itih kha?" Ka hnunglama ka nu aw fiak țhak vang chuan kan pahnihin kan hawi dawrh a. Gordon pawh alo ding reng tawh. Kan Shin Ae Ri hian alo hmuh vang anih chiah dawn saw,hetia alo awm. Ka nu alo kal dawn vangin zîng takah kawngkhar alo va hawng bawk a.

"Engvanga khatia ti nge inih?" Tih pahin ka nu chuan min rawn pan phei hlawk hlawk a. Anmahni chu ka en reng ringawt. Engmah ka sawi hauhlo ang.
"Nute,nizanah ka che phelh deuh a. Gordon hi ka inpuih tir a,mahse annu hian min hauh nan a hmang leh a. Gordon ka inpuih tir chhan te chu ka unaupa anih vang ania" tih pahin Shin Ae Ri chuan a mittui a titla ta mai a.

Ka nu chuan va kuah pahin min en a.
"Iva nasa ve,unau te chu in buaipui ve bawk ang hmiang. Nangni unau anga nun țawphnawk an neihloh phawt a hnu" a ti chang fak a.
"Ka nu,duhtawk rawh" tih pahin Gordon chuan ka lam alo pan a.

"Ka duhtawk lovang,hei,a tihțah hi" tih pahin ka nu chuan rum em em mai hian min melh a. A mit atangin Laser a kâp chhuak thei ang tih a hlauhawm zawk.

A sawi awmzia hi chu ka man ve bawk. URuatfela vanga Gordon jail tâng anih kha ani hi chuan a hre kar a. Min khei nan a hmang ta zel anih hi. Ka rin dan vel reng a ni.

"In nupa hian midang pawh theih reng reng lohvin in awm a. Tiang te chuan chhungkua in hnawt ți zo vek dawn asin" ka nu chuan dam deuh zawkin ati leh a. Dam deuh tawh mah se a nasatna chu ala zia chuanglo,a thinrim laia a aw a dam poh leh a hlauhawm.

Engmah sawilo chuan ka inher a. Gordon chu ka kalpêl thuak a.
"Ding rawh,sawiho tur ala awm" ka nu in alo tih chuan ka hawilêt zawk a. Lalrinnungi chu ka nu phên atang chuan alo la insût faih faih bawk. Nêp lutuk,bêng phei ila chuan a thi lo chauh ang.

"A tawk,haw tawh r'u. Nangpawh han chho rawh" tih pahin Gordon chuan min rawn melh a.
"Chho lovang,thil sawi ngai ala awm ka tih chu" ka nu in atih lai tak chuan ka kal hmak a. Eng eng emaw sawiin ala râk kha.

Pindana ka luh chuan thâwk ka la ham ham a. Ka thinrim mai dawn in ka hria. Kan nupa inkâr vel vanga ka u rawn sawichhuah kha a țulna ka hre ve hauhlo.

Ka lo din reng lai chuan Gordon alo lût a. Ka ngaihbel nge pawh ka hrelo,ani deuh dûk mai.
"Insiam rawh,rawng ka lo zu bawl ang" atih sup chuan hmanni ka nu thusawi te kha ka hrechhuak zawk a.
"Keima'n ka bawl mai ang. In meeting chu in zo vel thei em?" Ka ti ta daih a. Ka lungawilohna hi lantir nghal buan buan ka duh ngailo.

"Zo fel theilo. Delhi lam atanga lokal ho kha kan damdawiin țheuh fan puia,report siam leh te ala ngai" ati a.
"In meeting leh anih pawhin nula chatthla chu rawn hruai haw tawhloh i tum dawn nia" thinrimna tel miahlo chuan ka ti a.
"Harsatna a nei a, ka pui mai anih kha" dam thlup chuan ati leh a.
"Nau anga i en chhung hian eng buaina liantham nge alo chawh chhuah hman ang" tih pahin ka melh khai a.

"Lalrinnungi fiamthuna kha ilo la thutak tih sawi miah suh" atih chuan ka nui hak a.
"Fiamthu a,kha kha fiamthu ania maw" ngeiawm lek lek chuan ka ti ve a.
"Hmanni pawhin ka sawi kha,fiam i nuam atih vangin a fiam mai mai che anih kha" atih chuan amah pawh hi va ham pawp mai ka duh.

"In unauho fiamthu na hi ka nuihpui ve thei tlatlo mai. Anih,Lalrema hian fiamthu in min beisei ta se engtin nge i ngaih ang?" Tih pahin a hmaah kut ka kuangkuah than a.
"A sawi pawh sawi suh,a thleng ngai lovang" alo ti hluk lawi si.
"Tiang chiah kha a nimai" ka tih chuan hahthlak min tih hmel deuhin a thaw halh a.

"Khapa kha chu i unaupa ani lova,nangmah duh thin tu che a ni. Kan inang lo" vîn hauhlo chuan ati leh a.
"Engtin nge ila hmuhthiamloh theih zawk. Lalrinnungi hian unau angin a en lo che,a ngaizawng che anih hi" beidawng tak chuan ka ti hap a.

Min chhâng tawhlo chuan min melh rûn rûn a.
"Anih,nizan khan tinge ka call i lâk theihloh,khawnge i kal a?" Dam deuh chuan ka ti a.
"Remsanga te ka tlawh kawi" ka mitah pawh min en lovin ati liam puat a.
"Khawnge Rinnungi kha i rawn tawh?" Ka ti leh a. Min hnungchhawn ta daih. A awmna chu ka hre lutuk tlat,mahse amah ngei hian sawi se ka duh vang a ni. Ho tê tê a dâwt sawi chuan a lehpek a hring zel.

"Min rawn phone a,kawng pêngah ka va lam" ati sup a. Ka nui hak thung,dâwt muhlûm chiang lutuk a'n sawi ngawt a.
"A chatthla kha ania,amah chuan alo kal leh thei si a nimaw?" Tih pahin ka kalpêl a.

"Eng ber nge maw i hriat duh le,sawi mai teh" ati hluk a. A țawng danah pawh chuan a ning tawh tih hriat reng reng.

"Nge dâwt i sawi kher?" Ka tih chuan min melh khui a.
"Eng ber kha maw?" Tih pahin a rawn ding ngîl a.

"Lo en rawh" tih pahin ka phone chu ka hmet a. Nizana an thlalak ka screenshot ho kha ka hmuh a. A tihziah dan anih hi.
"Heihi eng nge?" Tih pahin ka phone chu alo ban thut a.
"In awmna maw le, kawng pêngah chuan an party ka ring chiahlo" ngeiawm tak chuan ka ti ve sak a.

"Min lo enthla a maw?" Tih pahin ka phone chu a hmet kual a. Ka duhlo,thlalak min lo thawn țhintu nen kan inbiakna kha a hmu ta vek.
"Sawi rawh,min enthla ami?" A rawn ti hrâwk a,ka phu nasa lutuk.

"Enthla lo" ka phut nasat êm vang chuan ka aw pawh a lâwi vek thei.
"Engvanga min lo enthla nge inih,midang i ruai lehnghal. I pasal hi min ring zo lo em ni?" Ngaihthlak nuam fahran lo chuan ati leh a.
"Nangmah te chu ka ring zo khawp che. Mahse,i chhehvela awmho hian min ti hlauthawng a ni" tih hap pahin khumah chuan ka țhu a.

"Ti tawh suh ang che. Mi rinawmlo chauhin midang an ringhlel thin" tih pahin ka phone chu min pe a.
"I rinawm chhûng chu ka rinawm tih kha lo hre phawt mai teh" tih pahin ka phone chu ka ban a. Thalak ho kha alo delete vek anih hi.

"Chuti,i țhian Doctor nena inphurh kual vel chu eng nge a an?" Ka kal tur chu ka ding dat a.
"Eng maw?" Ka ti hâ a.
"Ka awmloh ve leh khapa nen khan inlo inphur vel a ni law'm ni?" Nichina ka ngeiawm ang chiah khan ati ve leh a.

"Chu chu engtin nge i hriat zawk?" Ka ti ta hlauh a. Tu emaw in an thawn anih loh chuan amak viau ang.
"Ka hriatna a pawilo" ati daih a.
"Nangpawhin min enthla anih mai chu" ka tih chuan a dang chiang hle.

"Nge,Rinnungi bawkin alo hmuh leh tawh che" ka tih chuan min melh zawk a. Ka rin ang nge nga in maw.
"Enteh,Gordon. Inhau pawh ni si lova,hetia inkhak fo te hi a țhalo. Midang anlo awm ve zel bawk nen. Hrethiam mai teh,Rinnungi hi i ngaih ang ngawt a nilo" hrethiam se ti tak chungin ka hrilh ta tawp a.

"Engvang ber chuan nge i rinhlelh" tih pahin khumah a țhu thla ve a. A bulah chuan ka țhu ve nghal bawk.
"Nizan pawhin a phone hmang ri ka hria alawm. A rûi lo,a tider anih kha" ka tih chuan a ngaihtuah vung vung a.
"Ka sawi theih chu a awm hauhlo. Mahse,amah têreuh ah hian eng emaw inphûm ru chu a awm" ka ti leh a.

"Ka lo enthla deuh dawn nia. Mahse,chu chu keima'n ka ti ang. Nangchuan hna i thawh pawhin thawk tawp la,engmah dangah in hambuai tawh suh. Awm hahdam i mamawh,i hah deuh apiangin kha i thaw pawh a rang sawt sawt zel ania" atih chuan ka ngaihtuah chiang a,a ni teh tak e. Ka thinrim emaw ka hah deuh hian ka thaw hi a hah mai dawn thin.

"Aw nia" ka tih chuan ka samah alo chûl hauh hauh a.
"Nikhaw hre lova min siam te anih ngawt loh chuan ka phatsan lovang che,chuvang chuan hahlohna turah i hah ka hlau alawm. Nangchu awm hahdam hi hna berah nei daih rawh" ati sup sup a. Han inkhak ve deuh thin mah ila,min duat leh lutuk hian a hliah khuh leh vek zel. Bâkah,tiang te kha chu inhau pawh a nilova,nupa a thilsawi ang a nimai.

Hnaah chuan kan kal leh a. Gordon erawh Delhi lam atanga lokal te ho nen kan damdawiin hi an fang dawn anih ka ring,a sawi danah khan.

"ICU lama awm hmeichhia kha i hriat zâwng ami?" Nuni chuan ati a.
"Ni chiahlo,ka hmelhriat țha deuh pakhat nupui hual ania" ka ti mai a.
"Vawiin khan a țawng lek lek tawh asin. Mahse,ala harh chiang chuanglo a" atih chuan ka lo lawm ve em em ringawt.

Chawlh lai chuan ICU lam chu ka va pan a. Nurse lo duty chuan
"I luh duh chuan a theih ania" tih pahin PPE min lo pe a. Engmah ngaihtuah lo chuan ka lo ha ve nghal mai bawk a. Kan Lalrema thinlung lalfanu chu han en dawn chhin ila.

Pindan ka va luh chuan alo vawt sur mai a. Khâwl lian leh ri kîu veng veng nen chuan alo mu bâm a. Va pan hnaiin a kut chu ka va chelh ngawt a. Kut lum in a tawk tih chu a hre ve nge maw ni,a rawn meng deuh siar siar a. Min hmu chu mak ti hmel pawh a pu lo.

Min chhâng dawnlo mah se tiin ka be mawlh mawlh a. A kut te chu tui lum pip pep in ka hrûk sak a. Lalrema'n alo harh hun a nghahhlelh zia leh a riahpui ziah thu ka sawi lai te chuan a kut alo tiche ve deuh a.

A kut chu ka hmer vang vang a. Eng nge a chhan ka hrelo,he nula hi ka khawngaih tlat pek. Fahrah anih vang pawh a ni mah na. Ka nunah hian fahrah dinhmun hrehawm zia ka la hre ve lova,tawng tur pawhin ka indah chhin ngai lova,ka duh heklo. Chuvang pawh chu a ni mah na,ha nula tê hi ka khawngaih em em.

Ka chhuah chuan nurse duty kha alo awm tawh lova. A kalsawn lawk anih ka ring. Nghak tawhlo chuan ka duty na lam ka pan leh ta a.

Tlâia kan ban dawn țep chuan Doctor țhenkhat leh Nurse 2 vel hi ICU lam panin an tlân phei hlawk hlawk a. An hnungah Lalrema pawh hmanhmawh deuhin alo tlân ve bawk.

"Eng nge awmzia le?" Tih pahin keini pawh chu kan va phei ve deuh a. Minute 5 hnu velah chuan an lo chhuak leh diak a.
"Tunah chuan a thaw pawh a pangngai leh ta e" Doctor pakhat chuan tih pahin an kalsawn hlawm a.

"Tunge ICU ah sawn lût hnuhnung ber?" Nurse duty hmaah chuan Lalrema chu a vîn țhak a.
"Ihh ihh" nurse chuan hlau takin alo ti a.
Keipawh kha ka lût ngei a,mahse ka luh hnuah damdawi pe turin an luh leh ngei ka ring.

"Saw nurse saw a lût" tih pahin Nurse duty chuan min rawn kâwk a. Chutah an mit chu keimah ah a fu țhup mai. Lalrema pawh chu rum fe hian a rawn hawi phei a. Kei ka ni tih a rawn hmuh chuan a meng awk a,tlem chuan a thinrim pawh a zia hmel deuh.

"I lût ami?" Khauh deuh tak chuan ka lam pan pahin a ti a. Midang lah chuan min en țhup mai bawk si.
"Aw,ka lût zawk a. Mahse" ka tih lai chuan
"Min rawn zui rawh" tih pahin a kal nul nul a.

Hmanhmawh deuh chuan ka zui phei ve a. Mak chu ka ti,ka hlauthawng ve reng bawk. An sawi anga lût hnuhnung ber ka lo ni anih chuan thilthleng engkima mawhphurtu ka ni tihna aniang.

"Eng nge iva tih?" A office kan thlen chuan ati nghal a.
"Ka lût mai mai. Ka va be vel a,chu zawng chu" ka tih chuan a doctor coat hmawr lam chu a han vai thuak a.
"Eng nge thleng a?" Ka tih chuan alo hawi thut a
"Ventilator alo inphawi" atih chuan ka âng pam thei.

"Ava mak ve,ka luh chuan a kut ka hru a,engmah ka khawih hauhlo ania" insawifiah hi ka thiamna lam a ni hauhlo. Mahse,tun hi chu thih leh dam inkar a ni tlat.

"Min ringlo ami?" Engmah a sawiloh vang chuan ka ti a.
"Ngah nge maw ilo va luh,vawiin ni berkher ah a" tih pahin a chal a dawm deuh vang vang a. A dawhkan ah chuan a țhu chawrh bawk.

A beidawn hmel em em dan ah hian thil pawi tak zawng anih ka ring.
"Eng chaih nge thleng a,min hrilh thei em?" Tih pahin a hmaah chuan ka ding a.

Lo ding hluai in min rawn kuah thut a.
"Tinge?" Tih pahin ka lo nam sawn deuh a.
"Ka chân dawn emaw ka ti hman asin. A nunna kha a awm tawhlova,mahse beidawng lovin a âwmah khan ka nem char char a. Alo kîr leh chauh a ni" sawi harsa tih hmel taka atih chuan ka khawngaih hle. Nurse ka ni ve a,Ventilator ringa nung țawk țawk te,thâwkna dâwt lo dahsawn chu a pawizia ka hre chiang hle.

Lalrema min kuahna ka phelh dawn chiah chuan kawngka alo inhawng thut a. Kan hawi dâwrh a. Gordon leh puitling țhuau 5 vel hi anlo ding khup a.
"In țha maw,Delhi lam mikhual annih hi?" Doctor pakhat chuan ati a.
"Aw,engkim a vel vek tawh e" Lalrema chuan alo ti vat a.

Gordon chuan rum fê mai hian ka bân zawn chu a melh a,ka en chuan ka kut chu Lalrema bânah alo la awm niin. Rang lutuk in ka lasawn nghal a. Ala nui suk zui.

An kalsawn hnu chuan ka chhuak ve nghal a. Lalrema pawh a țha ve mai turah ngai ang.

"Buaina chu eng nge a an. Tualthattu ini țhelh anih kha" message ka dawng a,number hriatloh atang bawk in. Eng em em hi nge ka lakah hian an duh hlawm ni,min tihbuai hi an inchuh hlawm nimai in ka hria.

"Eng nge i duh,i duh chu sawi mai teh. Min tibuai lo hian" tih chu ma voice tawp a. Message type mood ah pawh ka châng love.
He thilah hian kan Shin Ae Ri kha alo inrawlh anih vaih chuan ka ngâwi mai mai tawh hauhlo ang.

"Buaina i neih hi ka duh ber" tih chauh in min lo chhâng a. Chhân pawh ka peih tawhlo. Nun ram an tichau hlawm emai. Tihian a duh hunah a reh veleh mai turah ngai ang. Ahma ami pawh kha ka chhân tawhloh chinah a reh mai kha maw.

Tlâiah chuan Gordon nen kan haw rual leh a. Vawiin chungchang engmah a sawiloh danah a hrethiam anih ka ring ngawt a. Engmah ka sawi hmasa duh bik lo.

Ina kan thlen chuan inbe lêmlo chuan kan inthlak leh mawlh mawlh a. Heihi chu kan tih țhan dan a ni. Min hre chianglo tu tan chuan kan inhau emaw an ti ziah ang.

"Ihh,vawiin kha" chaw kan ei lai chuan ka ti a.
"Ka hrethiam alawm. Chanchin ka lo hria a,a pawi khawp mai" ati ta hlauh a..
"Nia,ka va kal hnuhnung ber sia. A nuamlo duh lutuk" ka tih chuan dawhkan hnuaiah ka ke lo khan sauh sauh pahin
"Kan hrechiang che a,tihchhan tur i neilo. Amah khan a kut a vaina lamah alo tawk fuh pawh a ni thei a" atih chuan ni ve thei thovin ka hria. A kut chêt a tumna lamah a han tawk sawn palh anga,a hnuah a che thei tawhlo pawh alo ni thei a. Mahse,eng emaw diklo chu a awm,vawiina message ka dawn danah te khan.

"Chaw kha ei la,lungngai lo la. Kan enzui mek alawm" tih pahin chawhmeh chu ka lamah alo nawr phei sauh sauh a.
"Zanah chhuahna tur i nei em?" Ka tih chuan
"Neilo,tinge?" A ti a.

"Inchungah arsi en pahin țhu mai mai ila,khua a lum tawh angreng sia" ka tih chuan min nuih suk pahin alo bu nghut nghut a.

Inchungah chuan inkuah rialin kan țhu a,thil fîm dawn pahin arsi kan thlîr vel mai mai a.
"Tunkar chu kan buai deuh ka ring" ka hnunglam atanga alo tih nghawr dût chuan alam ka hawi chho vat a.
"Board meeting ho kha thil enpui tur a tam lutuk a" atih chuan ka lo bu nghat nghat a.

Zanah chuan mu turin kan insiam a. Kan mut hnu rei vak lovah chuan Gordon chu a hnâr nghal sûk sûk a. Dar 11 dawn vel chuan alarm te kam in mut ka in tintuah ve ta a. Mahse,ka mut hmain Lalrema hian min lo text hlawl a.

Ka en chuan mak ka tih êm vangin ka call ta tawp a.
"Eng nge awmzia?" Gordon harh hlau tak chuan ka ti a.
"Keipawh awmzia ka hre biklo. A piah cctv atanga anlo lâk fuh ania. Tunah hian in inkawt ah ka awm" atih chuan Gordon tihharh ka hlau bawk nen ka chhuk ta ngawt a. Alo harh em lovang chu maw.

Ka zu chhuk chuan alo ding kun lap a.
"Henu hian ICU ah eng nge a atih ang?" Ka zu ti thawr a.
"Chutak chu alawm. A hmel hi ka hmuchiang thei lova,enchiang tura ka duh chhan che chu" tih pahin thlalak chu a rawn zoom a. A landan chuan Rinnungi a ang lek lek a,mahse an inchei dan style a dang deuh. Ka chiang ngam chiahlo.

"Ka chianglo. Tinge le?" Ka ti tawp a. A awmzia ka hrelo em atin ni.
"A landan chuan Zualtei tihnat duh em em vang pawh a ang ka tilo" atih chuan
"Eng nge chu chu awmzia?" Ka lo ti vat a.
"Tu emaw awhtir tum a ang ka ti. Cctv a hêl danah hian" atih chuan ka man uar uar mai. Tu emaw chuan min awhtir an tum ngei a ni.

"Heivang hi ania ka lo kal nghal. Chhui chhuah vat ka duh a. Tunah thlalak hi min lo thawn chiah a,ka lo kal nghal" ati a.

Lalrema haw hnu chuan inah ka chho leh a. Mak ka tih em vangin ka la ngaihtuah char char. Message mak tak ka dawng a,tunah ICU lama tu emaw lût ru zâl zâl lai kan hmu leh bawk a. Thil dik tawklo chu awm alawm. Rinnungi ani thei mai ang em. Mahse,a ang chiah bawk si lova. Engpawh nise, a hriatloh hlanin call chhin ila a țha ang.

Pindan ah chuan lût in ka mu leh nghal mai a. Gordon pawh a mut ngaiin alo la mu tui lutuk. Hetiang reng kan nih chuan ani ngei pawh hian min rinloh hun a neih mai ka hlau a ni.

Nilêngin hnaah kan buai a. Kan mawng pawh kan hûng hman meuhlo. Gordon pawh a rawn round zeuh zeuh a. A chhuak reng bawk. Tunlai chu kan buai tlâng a ni. Inah pawh inbe miah lova mut tawp châng kan ngah. Kan duty hi zan lam tlang châng kan nei a,ka lo hah tawh nen. Ani a presentation tur lo buaipui rilru sawr bing lutuk nen khan kan inmelh hman țawk a ni.

Zanin pawh alo haw tlâi leh dawn a. Damdawiin neitu pasala han neih meuh chuan khua a har duh ngei mai. In zau pui pawh a reh ruih mai alawm.

Dar 7 vel chuan a rawn haw a. A hah leh hahloh te ka lo zawt luam a. A hahloh thu chu a sawi ve bawk kha maw. Mahse,a zân mut danah hian a hah thawkhat tih chu ka hre mai. Chuvang chuan rawng min bawl chhâwk a tum pawhin ka hnial tlat a,thlêng sil tal ala chuh țalh thin kha.


A rawn haw a,chaw kan ei kham,a țhut hahchawlh deuh lai chuan phone call a dawng leh a.
"Aw le,tunah ka lokal ang" tih pahin a tho hluai a.
"Eng nge a?" Ka lo tih chuan inchung lam pan pawp pawp pahin
"USarah leh Lalrinnungi scooty in anlo chesual lehpek anih chu" tih hluk pahin a insiam nghal mawlh mawlh a. Keipawh chu ka lo insiam ve nghal.

Inbe vak tawhlo chuan damdawiin lam kan pan a. Kan chhungte pawh anlo awm țhap tawh a. Police thlengin anlo awm kim vek. An awmdan ah chuan an na ve thawkhat anih ka ring.

"Eng nge an an?" Gordon chuan ka nu chu ava zawt vat a.
"Na lutuk chu anni lova,mahse an lu lam kha an sawh deuh a,chu chu an țhui ang. I u pawh a kak ve deuh anih hmel" ka nu in atih chuan ka lo thaw hak a.

"Engtin nge maw anlo chêtsual reng reng le?" Gordon chuan ati hluk a.
"Truck nen an insu anih kha" Rinnungi pa chuan alo ti vat a. Engmah in zâwt tawh lo chuan anlo chhuah hun kan lo châng țhap a.

Anlo chhuah chuan wheelchair in anlo nawr chhuak ve ve a.
"In țha maw?" Kan tih chuan an bu nghat nghat a. Ngaihțhat nan tiin nihnih thum vel chu damdawiin khumah an mu ve dawn anih hmel.

An lû chu an sawh na em lova,ka nu sawi dan kha chuan an lu kak ang khan a sawi a. Mahse,a sawi uar hret. An lu ni lovin an hmûi zawk an sawh kak. Ka hriat tirh phei chuan ka nui tawp.
"In nuih laiin in accident ami?" Ka tih lah chuan amah zawk zawk a nui nasa.
"Lalrinnungi alawm. 'Ka thiam,ka thiam' atia,a thiam tak tak tawp si lo" ati hlak hlak a. Rinnungi ve thung erawh chu ka awmlaiin a țawng ngai manglo.

"Zanah USarah te iva tlawh leh dawn em?" Gordon bula ka tih chuan alo bu nghut a.
"Ka nu kha va hruai angai pah dawn a" ati a. Ka nu pawh hi a damlo ber ang maiin ava kal chhên bawk sia.

Gordon dawmdawiina a kal chhung chuan Korean drama ka lo en mai mai a. A châng leh ka nui a,a châng leh ka țap țep zel bawk a.

Message ka dawn chu tunge pawh en lovin ka hawng a.
'Kan chesual chu ka tan malsawmna a ni ringawt. Inpa hi chuan min ngaihsak em' tih Lalrinnungi hnen atangin alo ni. An thlalak ah chuan Gordon-an fian in eng emaw hi alo barh a. Hepa pawh hi va barh kher kha a țullo,nge ka nu in tilo thei lovin alo siam leh zawk. A fapa hi midang nun tichhe vek turin a duh zawk em maw ni.

Chhân enah pawh ka enlo,chhâng ta lo chuan ka dah daih a. Eng emaw ka ngaihtuah chhuak zawk a. A message hi Gordon hmuhtir ve atan tiin ka va en leh chu,ka nui ringawt. Alo delete leh daih tawh. Ava han ho mai mai tak.

Gordon alo haw pawh chuan engmah ka lo zâwt peih lêm lova,USarah chungchang chu ka zawt a.
"Naktukah alo chhuak ang" atih chuan pawi ka ti hauhlo. Amah pawh hi ava kal chhên angailo anga,a țha daih zawk.

USarah te lo chhuah atangin karkhat a liam leh tawh a. Nimin atangin Rinnungi awmna chin tumah in kan hrelo. A țhiante inah a riak anih ringin a chhungte chu an ngaih alo țha mai a. Mahse,tunah pawh a call tlang theih takloh ah chuan kan buai ta vek anih hi. Ani hian eng nge maw a tum leh tak le,midang buaina siam hi chu a thiam ber a ni.

Rilru nuamlo deuha kan awmlai chuan Rinnungi pa hian min lo call a. Ka la vat a,speaker ah ka dah bawk.
Rinnungi awmna an hriat tawh thu a rawn sawi chuan kan beng kan lo chhi kar a. Mahse,kan rinloh lam daih alo ni. Kan Lalrinnungi chuan pasal alo ûm anih chu. Ava mak dawn ngai ve,Gordon vanga min tihbuai reng laiin.

'Nû-i,inpa chuan min kalpui thei ang tiraw? Ani hi kan thlah a mipa kan rin ber awmchhun ani deuh mai sia. Keini chauh zawngin kan rawn hruaihaw theilo ang tih kan hlau. Ani hi a hlau deuh a,keini chuan tharum hman mai kan hreh lovang' apa in alo tih chuan an rilru buai dan tur ka ngaihtuah.

Fanu ten pasal an ûm pawha rilru hah dawn nen,ani phei chu hnamdang alo ûm a. Hnamdang anih vangin an hua a nilo,mahse a hmingchhe zawng berkher a alo ûm daih kha an duh lova.
'Lo haw phawt se,pangngai deuhin kan sawi dawn nia' anti anih kha.

Keimah ber min râwn der ve a,lo phalloh bur theih ni heklo. Gordon te chu an kal dawn ta a. A mamawh tur ka khungkhawm lai chuan phone call ka dawng a. Ani chu Rinnungi te in lamah ava kal a,an chhuah dan tur vel ro an rel anih ka ring.

"Hello" en pawh enlo chuan ka ti a.
"Keimah vanga in buai hmuh chu a nuam hle mai" ka tih kha maw,henu hian thil tum anei leh tawh anih hi. Pasal a ûm pawh mit ngeia ka hmuhloh chuan ka âwih thlawtlo.

"Eng game nge khelh i tum leh tak" ka tih chuan
"I pasal kha alo kal hmain lo duat rawh aw,a chhan chu ka ta ah ka lo siam dawn si a" a rawn ti ham ham a.
"Pâwt pâwtlo mai teh" tih pahin Gordon kawr chu suitcase ah ka vawm lût chawrh a.
"I thin ka tirim a nimaw. Lungngai suh,inpa chu ka lo enkawl țha ang" ala tih ham ham chuan vin hrep mai ka duh.

"Thlenglo tur pui i suangtuah thin vang hi alawm i natna tur i pan thin" ka tih chuan a nui uar uar a.
"Kan enchhin dawn ami. Kan pahnih baka inman kan awmloh kha" tih pahin a titâwp daih a.

Thinrim tak chuan ka lo vai vut vut a.
"Ila siam zo lo alaw?" Gordon lo haw chuan mak tih hmel deuhin min zawt a.
"Ka suh" ka ti ringawt a.
"Eng nge maw i sawi le?" Tih pahin a suitcase chu a siam mawlh mawlh a.
"Kal suh ka tih chuan kallo mai rawh" ka ti vîn țhat a.

"Eng nge maw i hriat reuh le. Tunah kan chhuah rawh dawn a hetia i awm?" Din hluai pah chuan ati a.
"Kal lo la a nimai" ka tih chuan thaw hawk chung hian min lo ban a.
"Awm iti nuamlo ania" atih chuan
"In mi hruai tur hian pasal a ûm hauhlo. I kal a duh vang mai maiin dawt a sawi anih hi" ka tih chuan za fahran hian alo nui a. Ka lo en hau ringawt.

"Tunah pasal ûm a tlan chhia hian keimah min hmangaih a,dawt sawiin min lo man a tum tih sawi hauh suh" nuihzat hmel tak chuan a ti a.
"Aw,iti dik. Ania lawm" ka tih chuan lokal in min kuah a.
"Lo awm hahdam mai mai la,naktukah kan lo lêt nghal dawn nia,ummm" atih chuan ka lo nem sawk a.
"Ava mak e" ati hluk duh chauh.

"Kal lo mai rawh. Ka sawi kha" ka tih chuan min kalpêl thuak a,a suitcase lâk pahin
"Thil ho mai mai sawina hun a awm tawhlo. Anlo thleng" tih pahin inhnuai lam a pan a.

"Tun chiah ka sawi ang,Gordon. I kal anih chuan thil țhalo zawk pawh a thleng maithei ania. Kal ve lo mai rawh 'ka hman leh lo thut' ti mai rawh" a suitcase chelh beh pah chuan ka ti a.
Luhlul min tih hmel fe chuan min melh vung vung pahin a thaw hawk a.
"I hman em,kan tlai tawh ania" pawnlam atangin anlo ti khanglâng a. A rilru a sût hman țep asin maw le.

A pên leh chiah chuan
"I kal chuan Lalrema bulah ka awm char char ang" naupangchhia tak chuan ka ti ta tawp a. Heilo sawitur dang ka hre tawhlo atin ni.
"Inah lo awm la,lo chhuak suh. Weekend anih hi" nêm fahran lova tih pahin a kal a.

"Ka ti tak tak ania aw. I kal chuan ka pan khawp ang" ka tih leh chuan a ding dat a,beidawn hmel lutuk in min melh a.
"Eng nge i buaina?" Atih chuan pawnah horn alo ri tuar tuar a. Sawinawn ngai lovin pawnlam ho chu an ning tawh tih an horn atang chuan a hriat.

"Ka kal,kan thlen veleh ka lo bia ang che" tih pahin min hnungchhawn a.
"Lalmawizual,ka duhloh danin va awm nâ teh,i duhloh danin ka awm ve khawp ang" a hnunglam atangin ka la aukhum hrâm a. A lu chungah a kut vai pahin salute a ti a. A kal ta.

Ka sawi kha,ka duhloh tawp anga ava awm chuan a duhloh tawp thil a thleng ve ang. Chu chu kei Muanêngtheii monu lunglian hian ka sawi e.

[Ngaia]

TRAITOR
CHAPTER 34

☆☆☆☆☆☆☆


NÛPUI POV:

Tlâi dar 4 vel chuan Gordon chuan min lo bia a. An thlen tawh thu a rawn sawi a. Ka ring ang ngeiin
"Inah i awm em?" A rawn ti a.
"Awmlo,ka fawr" ka tih chuan a nui hawk a.
"Chawlh anih kha,lo awm hahdam la. Naktuk tlaiah kan lo haw ang" a rawn ti dût dût a. Țha tak chuan ka lo be ve mai a.

A kal kha ka thinrim em em vang pawh a nilo. Mahse,eng emaw a hriat ve si loh thil pawi tak ava thleng ang tih ka hlau a ni. Bum tawk tawh a ni a,a natzia pawh a hrechiang ber ang. Chuvang chuan amah ngawr ngawr hi chu keimah ka inrin ai pawhin ka ring zawk. Mipa nghet tak a ni a,vawikhat a rilru pêk tawhna ah chuan a pe tlut a. A thlah mai mai tawhlo tih kan pahnih inkar ah pawh ka hre mai.

Ka harsatna te a hnenah thlen vek ngailo mah ila,a hriat hriatin alo hre ve a. A tîrah hriat fuh tawkloh châng nei mah se a hnuah chuan ka ngen ngai hauhlovin ka buaina te min chinfel sak leh vek thin.

Heng vel vang hian ka rilru hi amah ah a innghat nghet tawp a. Ka che vel leh ka hnathawh ah pûr buai kherlo mah ila ka rilru chuan amah hi innghah nan ka hmang nghet bur. A zia ka hrechiang em em a. Mi thinchhia leh a duhloh chinah chuan jail ah pawh midang kut thlâk mai pawh a hreh ngailo anih kha. Chuvang chuan ka laka alo thinchhiat deuh chang pawhin ka hrethiam em em a. Amah ka hriat țan nena tehkhin phei chuan a fel lutuk zawk.

Keimah chauh ka nih dawn vangin Nuni chu ka bia a,min riahpui turin ka sawm tawp a. Ani lah alo châk em em bawk a. Reilotê ah chuan a rawn thleng nghal mai a.

Țawng pahin rawng te chu a bawl surh surh a,engmah pawh ka chêt ve a ngailo.
Chaw te chu kan ei a. Kan eikham fel chuan kan țhu mai mai a.

"In inpui lamah min va kalpui ve chhin teh,ka hmu ve châk. A ropui zia an sawi nasa thei ania" atih chuan
"Ka nu chauh a awm ang" ka ti sep a. A ni reng bawk a,ka nu chauh alo awm chuan a buaithlak dawn emai.
"Eee,nia. Inu duhtak hi chu ka hrawn peihloh zawng tak a ni" tih pahin TV chu a hmet kual zat zat a.

"In in piahah sawn 'Pani Pûri' an zuar asin. Va lei ila" atih chuan ka lo ei châk ve deuh bawk nen kan phei nghal a.
"A lum sia,eng emaw in tur lei ila" atih chuan
"Inah khan a awm alawm" ka ti a, a leilo ve mai a.

Kan thil leitur an zawrhna hmun kan va thlen chuan tleirawl țhenkhat pawh anlo awm ve a.
"Ka pi,50 man kan lo duh ang" kan tih chuan alo siam vat a. Țhu chungin kan han ei chu,kan ei tu dun leh lutuk a.
"50 man a dang leh" kan ti deuh reng a.

Tleirawl ho lah chuan mak min tih hmel deuhin anlo nui tet tet a. A zahthlak ve det. Nuni chuan alo hmu ni ngei tur a ni.
"Nula kan nilo ania,naute kan pâi a,ei kan thei mai mai anih hi" tih pahin a hmawm leh nghal that a.

A zuartu pawh chuan kan lei hnem sia,50 man vel chu min khilai ngei kha.
"Iva han ei thei em em?" Nuni chuan min ti ve khanglâng a. Nuih pahin
"100 man ve ve anih kha kan ei" ka tih chuan
"Ni ve tho mai. Chhuanlam ka siamloh kha chuan 'nula pahnih ei thei deuh' tiin min lo sawi zui ang tih ka hlau sia. Bakah,chaw kan ei kham deuh chauh sia,nangpawh ilo ei thei phian" atih chuan keipawh eithei ka inti ve reng.

Chaw kan ei na ala rei vak si lova. Nidang chu nise ka ei thei teuhlo.
"I awm vang aniang" tih pahin ka va kuah a. Kan in kan thlen hma deuh chuan kan hmaah hian car alo ding a. Kan mit takah min chhun vû lehnghal.

"Iva mawl ve" Nuni chuan an vîn ringawt a. Ka lo hau vat a.
"A mawl em alawm,tunge khawlaiah mi mita chhun vu vu ngai" a kuta a mit hliah pah chuan ala ti țalh a.

"Nang ai chuan ka fing deuh ang" lo titu vang chuan kan hawi dâwrh a.
"Lalrem" ka ti hliai a.
"Dr-a lek chu niin" Nuni pawh chuan alo ti ve bawk.

"Khawnge i kal a?" Kan tih chuan
"Zualtei thil ka lam a. Sihphîr lamah a awmna thin te inah ania" ati a. Ahma pawh khan a sawi tawh tak e.
"Tinge i kawr kha?" Lalrema kawr hma val kalh kawh pahin Nuni chuan a zâwt a.

"Heihi maw,motor khalh pahin Coffee ka rawn in pek a. Kawng a chhe sia,ka inleih palh alawm" ati a. A kawr hma chu a val kalh bawk.
"Hei,Nûpuii te in a hnai lawm. Lokal rawh" tih pahin Nuni chuan Lalrema chu ava chelh ta nghal ngawt a.

Ka chhânna nghak angreng takin Lalrema chuan min lo melh a. Ka bûk nghat takah chuan an inzui chhova. Pakhatin chelh beh tlat tawh laia lo phalloh bur kha a chî tawh si lo. Gordon awmloh lai berkher hi chuan lokal lo se ka ti asin maw le.

Ina ka luh ve chuan an pahnih in anlo inbuaipui a.
"Thingpui ka chhuang a,a so țep ang" Nuni'n atih vang chuan Lalrema pawh be tawhlo chuan Choka lam ka pan a.

"Khawnge Lalrema chu?" Thingpui pêk ka va tum chuan Nuni chauh alo awm vangin ka zâwt a.
"A kawr kha,bathroom lamah alo va tifai aniang" thawveng zet hian ati a. Henu han thawven dan hi chu,Sawmtei nen an inang chiah. A phone khawih pahin țhelrêt ala țhial tuam tuam zui.

"Hei i thingpui aw" Lalrema lo phei chuan ka lo ti vat a.
"I kawr chu a fai thei maw?" Ka tih chuan a thinpui no ban pahin
"Aw hei,mahse ala huh deuh" ati a. A tihro na chu ka nei reng. Mahse,ka pe lovang. Ka sual vang lam a ni lova,ka pêk chuan Gordon kawr a hâk angai anga,a buaithlak. Kawr inphelh têng tûng te kha a mawilo.

"Tihro na a awm alawm" ka hlauh ang ngei ngeiin kan LalNuni chuan alo ti leh thawt thawt tawh. Rûm fê chuan ka va melh a. Lalrema zawk chuan alo hrethiam.
"Angailo mai,tihian a ro mai ang" ati ta hlauh a.

Mahse,kan țhiani chuan a phone call lâk pah chuan
"Khawi lo la mai mai teh,a reilo. A Doctor ber kawr huh a awm te chu" tih pahin Lalrema kawr phelh hun a rawn nghak ta rân mai. Ava han țullo tak em.

"Angailo ka tih kha" pakhat chuan alo ti a. Ka mitmei alo vêng pah bawk.
"A neitute hi an hausa lutuk,an electric hman chhung a reilo. Inchungah phone hman ka ngai,hmanhmawh teh" tih pahin a kawr chu a rawn pawt a.

"Anih le" tih pahin pakhata lah chuan alo phelh mai a. Ka mit ka lo chhîng țep a. Mahse,tâwmzau alo ha hlauh. Tuma'n min hmu dawnlo mah se a nuamlova,a zialo bawk.

"Khawnge in pa?" Kan pahnih chauha kan awm tak chuan a ti sup a.
"A zin lawk a" tih pahin TV chu ka melh daih a.
"Anih chu" ati a. A thingpui chu lem khawlh pahin TV lam chu alo melh ve vung vung a.

Nuni pawh chu a rei phian a.
"Eee,eng nge ICU a lo lût ru chanchin kha?" Ka hriatchhuah zawk vang chuan ka zawt a.
"Alo nilo tawp alawm. Police nen kan va kal rup a. Alo hlau nasa lutuk,a țap pur mai" nuih sak pahin ati a.
"Eng nge awmzia?" Ka tih chuan

"A nu kha,ICU ah alo awm ve a. A vawikhat rawn kalna a ni bawk sia,alo va lût risk tawp anih kha. Nurse duty te kha an awmloh zawk lai alo ni bawk nen" tih pahin a țhu âwm duai a. A awmdan chuan Gordon min ti hrechhuak zawk.

Amah sawi takah chuan kan la inbe leh miahlo. Ka phone kha kan pindan ah ka charge daih sia.

Nuni lo chhuk hnu rei vaklo chuan Lalrema pawh a haw nghal a. Thlah pawh ka va thlah chhuak ve peihlo. Nuni kha chuan gate thleng ava thlah kha maw.

"Nangmahin i mu ngam ang maw?" Nuni bula ka tih chuan
"Mu mai mai teh,i ninawm" lukham a min vawm pawp pahin ati hlar a. Amah nuih pah chuan kan pindan lam ka pan ta daih a.

Ka phone charge ka en chuan missed call 10 lai alo awm a. Gordon vek a ni. Ka call lêt vat a.
"Min lo call a?" A lâk veleh a ka tih chuan
"Hi" Rinnungi aw ngei chuan alo ti a.
"Eng nge?" Ka ti hlar a.
"Inpa chu zanah chêt nasat kan tum sia,alo mu lâwk" atih ham ham chuan engmah sawi lovin ka off hmak a.

A thusawi ka âwih mai mai lovang. Patea chu ka call vat a.
"Aw,Nûpuii" alo ti nghal a.
Ka zawt tum tak zawt tlang nghal mai lo chuan an kalna chanchin vel ka zâwt a.
"I bulah Gordon a awm hnai mial em?" Ka tih chuan
"Awm e hei,kan chhuak dún lawk a. Hmeichhe thil hlir a ni a lei,thil thar i nei țeuh dawn anih hi" atih chuan Gordon lo nui hawk ri ka hre phâk.

Gordon chuan in an thlen veleh min lo biak nghal tur thu a sawi a. Lalrinnungi hian min bum a tum leh tawh anih hmel.

Dar 10 vel chuan min lo be ngei a. Engmah sawi hmasa lo chuan
"Iva ngaihawm ve" a'n ti nghal a.
"Chutia mi?" Nuih ver ver paha ka tih chuan
"Ka lo haw vat ang. Ka ngai tawh che emai" ati ve duah a. An kalna leh Rinnungi chanchin te a sawi a. Naktukah anlo haw tur thu a sawi bawk. 11 vel chuan kan in mangțha thei ta chauh a. Chutah pawh keimah zawkin dah turin ka nawr char char. A riahpui te hovin anlo nin ka hlauh vang a ni pakhat.

Ka mut hma chuan hmai te ka phih leh a. Ka mu ta thên a.
Ka phone ka'n check leh chuan Lalrinnungi number atang hian message ka dawng a. Save lo mah ila min tihbuai peih êm vangin ka hre tawh lutuk tlat.

Thlalak bawk min lo thawn leh a. En pawh ka en peih chiahlo.
'I en hlau a nimaw. Inpa muhil lai hi a hmuhnawm tawp' tih a rawn thawn chuan a thlalak chu ka en a. Khuma Gordon mulai a ni. Kawr aha lova,hei chu a tihțhan anih vangin engah mah ka ngailo.

'A hnuailam ah hian eng nge a hâk i hre duh em' a rawn ti leh a. Ka chhânglo.
'Nge,a ha tawhlo zawk ang aw' a rawn tih leh chiah chuan ka lo screenshot vat a.

'Vir tawk lek khan lo en ve rawh' tih ka thawn a,ka dah daih. Eng emaw alo tih chu ka hlau ve tho. Mahse,tuna mi kha zanin a Gordon thlalak a nilo tih ka hre ve reng. Ani khan thlalak hlui hmanga min rawn tihțhaih a tum ve ngei anih kha.

Vawiin chu chawlh anih vangin inah Nuni nen chuan kan awm mai mai a. Ani chu a mumang ringawt pawh essay ziahna tham lawih sawi tur a hre thin. A bula awm chuan khua a har theilo.

"Timaw inlo haw theih dawn leh theihloh tur in chianloh?" Gordon chu ka zâwt vat a.
"Vawiinah thlawhna chhuak tur a awmloh bakah buaina kan la nei a" ati sup a.
"Eng buaina nge?" Ka tih chuan
"Kan lo haw hunah ka hrilh ang che" ati ringawt a.

Ka ngaihțhalo chuan ka nu ka va be ta tawp a. Gordon te lo haw theihloh chhan ka va zâwt a.
"Mami khan Depression alo nei deuh a. Doctor an râwn pui dawn anih kha" engmah zêplo chuan alo ti mai a.

Lalrinnungi chuan chutiang natna chu alo nei rêng em ni. Nge,a awmngaihna hrelo tikual leh vel mai mai. Henu hi chu,kei aiin alo naupang vei bawk nen,a buaithlak vek.

"Ka chhuahsan daih dawn che ania aw. Chuan,inpa alo thlen dawn tho chuan zanah ka lo lêt tawhlo maithei" Nuni chuan ati a. A bag a ak mawlh mawlh bawk.
"Aw nia,iti lawmawm e. Min lo riahpui a" ka tih chuan min nêk sawk pahin
"Inpa lo thlen tawh dawn vang mai a,min mamawh tawhlo anih kha" tih pahin a chhuak a. Tihtur a ngah hmel sia,ka chelh duh hrihlo mai. Gordon te anlo thlenloh tak leh ka phone leh zâwk mai ang.

Gordon te anlo thlen ka ring chiah lova,mahse anlo thlen thut takah tiin kan pindan lamah ka chhova,khum khuhna te chu a thar in ka thlâk vek a. Parda te chu a dang zâr in ka lo su fâi bawk a. Hna kan kal nen,kan buai dun theih em vangin Gordon hian min pui turin nula 1 tal neih a rawt a,atîr kha chuan țul ka ti chiah lova. Mahse,pakhat chu lo awm mah se pawi pawh ka ti tawhlo. Gordon chhuah châng pawha min awmpui tur atan a țha ve ang.

Zanriah ei hun pawh chuan min lo la be lova. Nuni erawh chuan min rawn text a
'Ka țhiannu te inah chaw ka ei daih. Inpa te anlo thlenloh chuan min lo be mai rawh aw. Anlo thlen chuan hetah hian ka riak anga,,ka chhungte'n anlo biak che chuan i bula ka awm thu lo sawi mai teh' tih min rawn thawn a. Henu han thawven zia hi chu aw,a chhungte pawh ka hre tawh si lo. An number phei chu ka neilo lehzual.

Keimah chauh chuan chaw ka ei a,ei hnem chu a har ngei mai. Gordon chuan min lo la biakloh vangin ka be hmasa duh lova,an buai anih ka ring. Mahse,Patea chu ka call chhin a
"Pate,Rini chu eng nge a an?" Ka va tih chuan
"A țha e,kan han inbakkaih ve deuh hlek alawm maw le" ati mai a.
"Lo tlang ka tum a. Ka hman tawh nganglo,ka thil lo hawn che chu naktukah a nimai aw" atih chuan mak ka ti hle a.

"Ilo haw tawh bîk ami?" Tih pahin sofa ah chuan ka țhu thla dat a.
"Haw tawh e maw le,eee,taka ka la hrilhlo tak che. Kei leh midang kan lo haw a. Inpa leh Rinnungi chu naktuk lamah anlo thleng chauh ang" ati a.

"Tinge?" Ka'n ti teh ngawt a.
"Bawihi Doctor kha naktukah hian alo thleng dawn chauh a. Kei,i nutei thiltih pui ka ngai sia,ka hman tawh nganglo. Inpa chu kan châr bet ta ngawt anih kha. Min hrethiam mai teh,fanu puitlinglo lutuk neih chu a buaithlak zawng anih hi" ati hap a. A țawng danah pawh chuan a beidawn hmel hle.

Patea nen kan inbiak zawh hnu chuan Gordon ka call vat a. Dar 9 a ri thuak tawh.
"Hello" alo ti sup a.
"Tinge Patea rualin ilo haw ve lohva. Thlawhna thlawk tur a awm reng chu?" Lungawi vaklo chuan ka ti a.
Min chhâng ta mai lo chuan a thaw ham ham a.

"Ka hrilh tlang mai theilo che a ni" ati a.
"Damlohna vang tak tak anih chuan pawi ka tilo. Mahse" tih pahin ka châwl dat a,ka insawi thinrim zo ang tih ka hlau a ni.
"Tûn chauh hi hrethiam mai ang aw. Patea te bulah pawh tun bak hi ka puih theih tawhloh thu ka sawi vek tawh ania. Tun bak hi ka pui tawhlo tak tak ang" atih chuan chhâng lovin ka ngâwi reng a. Patea pawh khan tun bak hi chu Gordon an tihbuai tawhloh tur thu a sawi kha maw.

"Kan chhungkaw tan an pawimawh zia i hriat kha. Ka nu leh pa te bulah an sawi chuan anni'n loh theih lohvin nidangah pawh min tîr liam leh ang tih a hlauhawm a" ati leh sup sup a. Ni e,an chhungkaw tan chuan pawimawh tak an ni. Damdawiin hi Gordon pu din chauh kha a ni lova,Rinnungi pu pawh khan tih tamtak a nei ve a. Chuvang chuan Patea pawh hian thuneihna chanve vel chu a nei ve tho.

"Eng emaw te lo thleng ta se" ka tih chuan
"Come on,khatiang ngaihtuah khan i rilru tibuai tawh suh ka tih kha" ati leh a.
"Ngaihtuah loh theih chiah pawh a nilo. Gordon,ka dinhmunah hian ding la,ka awm ang hian i awm ve tho ang" ka ti ta tawp a.

"Le,han sawi teh. Engin nge i rilru tibuai leh le" atih chuan ka sawi ang nge sawilo ang tih ka hrelo. A chhan chu alo haw hun ngeiah keimah ngeiin Rinnungi nen kan inbiakna kha hmuhtir a,sawi ka duh a. Tuna ka va thawn anih chuan kan Shin Ae Ri khan engtin tin emaw dâwt alo sawi anga,ani mipa rilru tluangtlam,nau te sawi âwih mai thin chuan ka thusawi âwihlo ni chuang lovin Rinnungi thusawi pawh alo âwih leh vek palh ang tih ka hlau a ni.

"Thlalak ka lo thawn che anga,ilo en dawn nia. Ka dah phawt" tih pahin ka dah ta daih a. Alo in sawifiah kual êm lovang chu maw,an riahna hmun hran a ni thova.

Ka phone gallery chu en in,nizana Rinnungi min rawn biak dan chu ka thawn ta tawp a. A seen nghal a. Mahse,
'Signal a chhe lutuk a. A in download mek aw' tih hi a rawn thawn a.
'En phawt la duh leh i rawn romantic zâwk dawn nia' ka rilru chuan ka ti a.

Min lo chhân hun ka nghak reng a. Minute 5 a liam pawh chuan min la chhâng chuanglo. Minute 10,20,darkar chanve hnuah pawh min la chhâng chuang lova.
"Tikhan ila ring thei tho ami" thinrim deuh tak chuan ka va ti pawp a.
'Typing' rei taka a intih hnu chuan
'Chuan eng nge?" Tih tawp hi alo thleng a.

'Lalmawizual leh' tih pahin ka phone chu sofa ah ka vawm pawp a. Awmzia a awmlo tih hria in ka va chhar leh a. Ka call ta a,a mah mah tawh emai. Tianga ka thawn chung pawhin ala ring duh anih chuan a nupui hi ka â tihna aniang.

Ka call a,a ring char char a. Ala dawn emaw ka tih hnu chuan a in off daih a. Ka beidawng dawnlo,ka call nawn leh ngei a.
A in pick veleh chuan
"Gordon,i hrethiam mai lo ami?" Ring deuh tak chuan ka ti thâwr a. Mahse,ka ri hriat chu ri hran daih a ni. Inhau thâwm ka hre ta tlat.

"Duhtawk rawh" Gordon chuan ati tuarh a. Keimah zawk pawh ka lo phu dâwrh thei.
"Ka duhtawk lovang" Rinnungi aw ngei chuan ati ve leh a. Hemi te hi anlo inhau tihna em ni.

"Kha kha dah la,duhtawk rawh" Gordon chuan dam deuh zawkin ati leh a.
Rinnungi chhânna hriat tuma ka ngaihthlak kar lai chuan an awmna nge,phone zawk nge ka hrelo. A ri ruk ruk a,thil tla keh ri te ka hre ta mai. Ka awmhmunah chuan ka lo hlauthawng ve em em ringawt a.

Minute 5 vel hnuah a ri a rawn man ve leh a. An awmna kha signal a chhia an tih tak kha maw.
"Ka hmangaih che alawm" Gordon-an atih ri ka hriat chuan ka phu zawk a. 'Eng maw?'ka awmhmunah chuan ka lo phun sap a.

"Nilo,tumah hian min hmangaih tak tak lo" Rinnungi chuan ati leh a. A ri leh ta rawk rawk a. An signal chhe lutuk pawh chu phone zawk hi vawm chawrh mai ka duh.
"Nilo,ka hmangaih che ka tih kha,engtin nge ka lantir ang. Ka tilang tawklo em ni?" Gordon tawng ri ka hriat leh hmasak ber chuan ka dinna ngaiah chuan ka vir muai muai nimai in ka hria.

"Min hmangaih maw?" Lâwm hmel taka Rinnung-in atih chuan Gordon thla chu ka lo hau a
'I hmangaih a maw,Lalmawizual' ha seh chilh nak chuan ka ti a.

"I ruih in ka buaipui che a,ipa te hovin an hawsan hnuah che pawh ka buaipui che a. I intihnat ka hlau a,ka hmangaih che chu a nimai lo ami?" Gordon-an atih leh chuan ka bula pangpar khawina chu ka vai thlu pawp a.

Phone pawh chu ka titâwp nghal a. Lalmawizuala khan khanu kha a hmangaih a maw. Hah,keihi an pahnih khan min lo bum tihna em ni. Lalmawizual,lo haw rawh ila hre khawp ang.

Hmanhmawh deuhin kan pindan lamah ka tlân chhova,ka kawr lum chu ka ha pawp pawp a. Nuni ka call a,ala theilo. Sawmtei ka call leh a,ani pawhin ala theilo. Tumah hi mamawh laitak hian an awm thei reng reng lo mai. Ning tak chuan ka kawr lum pawh chu ka hlîp leh a.

Lalrema chu ka be ta tawp a.
"Aw eng nge ni ka pi?" Zâng vaha alo tih chuan
"Khawiah emaw min hruai thei em?" Ka ti ringawt a.
"Khawiah nge i kal duh a,tunah chuan Zualtei bulah ka awm a?" Atih chuan
"Theihnghilh rawh" tiin ka dah hmak a.

Tunah chuan engmah hre lova awm tawp ka duh. Mutna damdawi kawl ka nei nual a,mahse ka taksa chaklo nen ka zo leh si lovang tih ka hlau bawk si. Thil ka ngaihtuah chhuak zawk a. Lalmawizuala beer dah țhatna chu ka va hawng a,alo kalh lo hloh.

Ka duh ber,zu tak anglo ber tura ka ngaih chu ka la chhuak tawp a. Hethil hi a awm tih ka hriatna a rei tawh. A in ngai lêmloh vangin ka sawi duh lova. Mahse,tun hi hman țangkai hun tak zawk a ni.

Tiang lam hrim hrim hi vawikhat mah ka la in lova,tun hi ka vawikhat inna tur a ni. Ka hawng a,ka han in pawp chu chhuatah ka chhâk chhuak leh vek. A kha lutuk,a dang chu ka la a,ka in leh a, 'heichu a tuilo' tiin ka dah leh zel a. Bûr nga vel chu ka dah lêt leh vek tawh.

Ka inchhin zel vang chuan in ang chu ka ni ta mai a,ka lu pawh tlêm chuan a hai deuh tawh.
Ka za deuh cheng tawh a. Ka phone lo ri ka en chuan Lalrema tih ka hmu a,ka la lo. Ka la lovang,nge,ka mamawh laiin alo kal duhloh vai.

Ka phone chu alo ri reng a. Khum ban nghengin ka lo mutthlu deuh alo ni. Keihi ka rûi deuh emaw ni,an ruih hian engtin chiah nge maw an awm țhin le. Ka phone ka en chuan Gordon alo ni a.

"Hah,phatsantu" tih pahin ka nui hak a.
"Eng nge maw i sawi leh tak le?" A rawn ti hluk a.
"Changtupa chuan a tihsual a hre tawhlo anih hmel" tih pahin ka nuih khum vak a.
"Eng nge i hriat a?" A rawn ti hrâwk a. Min la vîn lêt zawk nia.

"Engmah,ka hriat zanwg chu phatsan chîng ini?" Tih pahin ka lu na deuh ut ut chu ka dawm a.
"Ka bâwm dahțhat kha ilo hmu tih sawi miah suh?" A rawn ti chang fak a.
"Ka sawi lovang,mahse ka hmu sia. Chuan,iva nei tuilo hlawm ve" ka tih chuan

"Khawngaihthang leh,Tunah tu nen nge in awm?" Hahthlak tih hmel zet chuan ati a. Lemchan chu alo hnehsawh hi le.
"Nichin lawkah hmeichhe dang i hmangaih thu i sawi a,tunah min rawn ngaihsak a ngailo" ka tih chuan
"Ka thusawi hi ngaithla teh" atih lai tak chuan
"I rawn haw hunah i hre khawp ang" ka lo ti tuarh a.
"Ka thusawi ngaithla rawh ka tih chu" a rawn ti lêt ve tuarh a.

"Khatah khan nuam in chên a,keipawh hetah nuam ka lo chên ve ang e. Nuam deuhin aw" tih pahin dah ka tum a.
"Engteh,,Biangno,inah khan awm tlat ang che,tichung khan khawiah mah chhuak suh aw" dam thlupa a rawn tih chuan
"Aih" ka lo ti vak a.
"Ka thusawi ngaithla rawh Lalrinnungi" ati chiah
"A hming pawh sawi suh,anih le"thinrim âwmlo taka tih pahin ka off daih a.

Sual leh lutuk,nichin lawkah tikhawp khan an awm a. Engtin nge an awm zawm ang tih pawh hriat loh. Tunah lêm,min rawn vîn leh vak vak a.

Kan in chu ka kalh a. Tuma'n min kâwm duhlo anih pawhin keimahin ka lêng mai ang,tiin ka car chu lakchhuah ka tum a. Chahbi lah chu ka lo ken theihnghilh daih zui.

Pâwn thli thaw ka han dawn meuh chuan ka harh leh ta kâwk a. Rilru fîm takin thil ka ngaihtuah angai a ni. Amah Gordon ngei pawhin
'Ka mit ngeia i tihsual lai ka hmu che anih pawhin ka âwihlo ang' ati anih kha. Keipawhin chutiang khawpa rinna chu ka mamawh ve a ni. Mahse,lo haw phawt teh se. Tûn dinhmun ah hian rinna pumhlûm neih ka thei hrihlo a ni.

Tihtur ber hrelo chuan kan inkawtah chuan ka țhu tawp a. Ka rilru a insual buai a ni,Khatiang kha ka bengin hre mah se ka mit in ala hmu êm lova. Rinnungi thang lo kam te pawh alo ni maithei bawk a. Eng anga harsatna pawh tawk ila ințhen lam hi chu ka la ngaihtuah chhin ngailo hrim hrim. Tunah pawh thinrim ve mah ila amah in a sawi te anih ngawt loh chuan țhen tumna ka nei hauhlo. Nuthlawi turin pasal ka neilo,chu chu a ni tawp.

Darkar chanve dawn inkawta ka țhut reng lai chuan motor horn a rawn ri a. Ka en chuan Lalrema hi hmanhmawh deuhin ka lam panin alo kal a. Ka bul alo thlen chuan ka bulah lo țhu hniam vatin
"I țha em. Eng nge thleng a?" A ti mawlh mawlh a. Tuna mi hi Gordon ni zawk se,mahse,ani si lo.

"Min lênkual pui teh" tih pahin ka melh hâ a.
"Eng nge maw i tawh chiah le. Lokal phawt teh" tih pahin a motor lam chu min pan pui a.
"Eng nge thleng a?" Motor a kan țhut luh hnu chuan ati sup a. Min zâwt țha ngam chiahlo tih a lang mai.

"Engmah" ka ti tawp a. Ka thil in khan keimah ah eng emaw nghawng ala nei deuh a ni tih motor chhung luma ka awm hian ka hre chiah.
"Engpawh chu nise kal phawt ang" tih pahin motor a khalh mawp mawp a.

Khawiah nge min hruai dawn pawh ka hrelo. Mahse,tunah chuan khawi pawh hi ka kal duhna hmun a ni hrih.
"Kan thleng e,i duh duh danin i awm thei ang" atih chuan ka hawichhuak vat a.
"Falkland lamah maw?" Tih pahin ka hawi hâ a.
"Ni e,tah hian ka lungngaih chuan ka kal țhin. Ka rûi chhum hmawk a,mahse,nangchu rûi chi ini ve lova,pindan ka hauh sak che anga i awm dawn nia" tih pahin a chhuak a.

Keipawh ka chhuak ve nghal. Kan lût a,midang pawh anlo awm nual. Mahse,ka rin aiin an bengchheng lo. A chhungah chuan hla cool raih mai hi anlo play a. Kan phei zel a,Lalrema chuan pindan min hauh sak a.

Ani chu a kal leh nghal mai a. Pindan chhungah chuan ka awm reng a. Zân a rei tawh. Mahse,ka mut erawh a chhuak thei hauhlo. Ka nuna thilthlengte ka ngaihtuah lêt hian,hmalam ka lo pan chak lutuk hi,chawlh nachâng ka hre lova,ka thlen loh tur ka thleng ta mai em ni,tih hi ka ngaihtuah rauh rauh.

Thil semtu alo kal chuan beer chu ka'n lam ve ngawt a. Bûr khat chu ka in zo ve. Mahse,ka awm hnu reilotê ah beer chauh chu ka duhtawk ta hauhlo. Ka awmna pawh chu lum ka tih vangin ka ning thuai a. Pawnlam ah chuan ka chhuak phei a.

Lalrema chu țhutna ah lo țhu in eng emaw hi alo in tlek tlek a.
"Ka duh ve" ka va tih chuan mak tih hmel deuh hian min en a.
"Uanna chi anih loh hi" tih sup pahin a tlâk leh pap a.
"Doctor ve si,i heh lutuk" tih pahin a thlit khah sa chu ka va ban ve ngawt a.
"Khawi" tih chauh a sawi hman,ka lem zo vek. Ka rin aiin a tuilo chuang miahlo.

"Ava tui ve,ka duh leh" ka tih chuan ka kâi deuh tawh. Mahse,tunah hian harhfîm ka châk hauhlo. Engmah hre lova mut hmak ka duh,harhfîm chung chuan ka mu thei dawn hauh bawk si lo.

"A chîloh" tih pahin min kâi chhuak ta dâwr dâwr a.
"Hey,khawimaw ka duh ka tih kha" ka tih chuan hahthlak min tih hmel deuhin min melh a.

"Inhauh thinrim vang ngawtin hetia nunphung hloh ngawt tur a nilo. Nakinah i inchhîr ang" atih chuan ka lo nui hak a.
"Inhauh vang a ni hauhlo. Ka tâwt zia hi i hria em? Ka dinhmunah hian ding ta ula engtin nge in tih ang,lêt theilo,kal pawh kal zawm thei lovin awm ta ula ka awm ang hian in awm ve tho ang. I duh chuan haw rawh,ka la awm dawn" tih pahin ka aukhum deuh țhat a.

"He thil hi i duhthlanna anih hi aw" atih chuan
"Tunge a nilo ti?" Rum deuha melh pah chuan ka ti a.
"Chuti,kal ila a nimai lawm. Mahse,ka vêng ang che" atih chuan ka nui ta ver ver a.

Kan va lût a,a nghaktu chuan mak tih hmel deuhin min lo en reng bawk.
"Eng nge i en reng,khawi?" Ka ti tawp a. A che sawk sawk a,intur chu min lo thit sak a.

No khat ka in chuan ka lu ahai deuh chhap a. No hnihna ka in leh dawn chuan
"A tawk tawh e" Lalrema chuan alo ti a.
"Aw le" tih pahin ka dah ve mai a.
"Ka va chhâng lawk" tih pahin a phone lo ri chu a en a,pâwn lam ava pan a.

"Ka pi,i rilru ana ami?" A nghaktu chuan alo ti a.
"Engtin nge itih chuan ang?" Tih pahin a mit takah ka melh a.
"Ka ka tihpalh" ati bah deuh nuaih a. Ka nuih hak thung. Tiang em em hian ruih hi alo nuam tih ka hre lova. Mahse,tûn bak hi chu ka ti tawh kher lovang,tih pahin ka tlâk leh pawp a.

"Haw ila" Lalrema lo lêt chuan a ti a.
Alo lêt hma khan ka lo lem leh sak hman..
"Ava mak,ilo lem leh hman ami?" Tih pahin nêm fahran lo chuan min melh a.
Chhâng lo chuan ka nuih ringawt a.
"Vawikhatna ve si,iva tithei reuh e" tih pahin ka bânah alo kai a,min chhuahpui a.


LALREMA POV:

Kan kal pah te chuan a pai deuh khat khat a.
"Ava nuam ve" a ti ringawt a,nuam a tih chhan pawh chu ka hre chuanglo.
"Tichuan a țhalo tawp ang" tih pahin motor ah chuan a nemin ka nem lût a.
"Ana min va dîmlo ve" tih pahin ka chalah ala rawn tlawh zui.
Henu hi,ava mak reuh e aw.

An in kan pan chhung zawng chuan a muhîl bawrh bawrh a,ala hnâr ve reuh lehnghal. Eng chiah nge a tawn ka hre lova,mahse,hetiang khawpa chebuai tur hi chuan a rilru ana ve hle anih ka ring. Nichin khan anat thu tlang takin sawilo mah se,ana tih ka hrethiam mai. Khatiang khan ka hmaah engtin mah ala awm ngailo. Țah belh deuh chu nise,a țawng pah khan a țap pûr ang. Mahse,chutiang chu a nilo tlat.

An in kan thlen hma deuh chuan ka lu alo na deuh a. Ka mit te chu a rawn phe leh țhin. Ka khawhmuh a rawn fiahlo thut chuan ka lu ka thing sawk a. Bike lo tlân lai nen chuan kan intâi țep lehnghal. Keipawh chu ka eng nge maw diklo le. Nidanga ka in țhin ai pawhin vawiin chu ka lem tlêm sia. Mahse,ka dik tlatlo. Damdawi rûi ang deuh hian ka awm.

"Ava bengchheng ve" Lalnûi chuan a rawn ti thut a.
"Hey,harh teh. Kan thleng dawn" ka tih chuan a rawn meng thut a.
"Ava thim tawh ve" a ti leh ngawt a.
"I chhuk thei em?" Ka tih chuan
"Lalmawisual,misualpa. Tihian min ti hauh suh" tih pahin țah a tum ta mai.

"Hey hey" tih pahin ka chhuk sawk sawk a. Alam pan tum a ka chhuak chhiah chu ka pai deuh khat khat a,ka lu a hai chhap bawk. Ding ngîl lehin ka kal phei a.
"I harh em,khawnge in in chahbi?" Tih pahin a hmaiah ka bêng thek thek a.

Chulai chuan a phone alo ri a. A en chuan ka lamah alo dah a.
"Kha be rawh" tih pahin a tûm deuh hmak a. A duhawm reuh phian lehnghal.

NÛPUII POV:

Engtin nge ka awm pawh ka hrelo. Ka ni chiai chiai maiin ka hria. Engtik laiin nge in kan thlen pawh ka hre bawk lo.

"I phone chu la ta che" Lalrema chuan alo ti a. Ka melh vang vang a,lâk pawh ka tum chiahlo

Engtin mah țawng lo chuan ka pick a.
"Hello,hello. Ka țawng i hre thei em?" Gordon aw ngei kan hriat leh chuan ka țah a chhuak lek lek.
"Khawnge i awm?" A rawn ti a.
"Ka lêng" ka tih chuan a thaw hawk ri ka hre thei.

"Biangno,tunah khan i location kha on la,driver in alo lam ang che" atih chuan ka chhâng lova,ka on dawn bawklo.
"Ka sawi i hria em?" Atih leh chuan
"Chu chu engvangin nge ka tih ang?" Ka ti hmak a.
"Khawngaihin,tun chauh lo ti teh. Naktukah a theih veleh ka lo haw nghal ang" ati leh a.
"I hmangaih hmeichhia kha buaipui mai mai teh" ka tih chuan
"Engkim sawina hun a awmlo. Ka lo thlen hunah" atih lai chuan ka dah hmak a.

Motor atanga chhuk pahin Lalrema ka va en chu alo thle bûk bûk a.
"I țha maw?" Tih paha ka va khawih chuan alo hawichhuak a,a mit a sen deuh rûm a.
"Țha e,in ka thlen vat angai. Lût vat rawh" atih chuan kal mai ka tum a. Mahse,lei chârah chuan ka tlu sawp niai a.

"I tho theilo ami?" Tih pahin min lo ban vat a.
"Ava buaithlak e aw,eng nge maw ilo in hman le" tih pahin min tung tho nawlh a. Keichu ka che thei tawhlo. Ka thil in ve khan min chênchilh hneh tawh lutuk tlat. A nawm laiin a nuam viau a,zawngchhang chi erawh a nilo anih kha.

Tala chu thei leh theilo chuan ka hawng a. Ka la hawlh fu lawk theilo lehnghal. Ka phone lah chu alo ri ve chhên bawk a. Inchhung kan luh chuan light on na ka dap a,ka dap fuh thei si lo. Ka phone chu ban leh in flashlight chuan ka chhun a. Light ka on hnu chuan ka phone chu tihthim ka tum a. Ka hmet fu theilo chu,ka lo kâi ve tawh nen,ka ning lutuk a,chhuatah chuan ka paih pawp a. A chhiat ngei ka ring.

"A chhia anga sin" tih pahin Lalrema chuan a chhar vat a.
"Duh leh chhe daih rawh se,tuma'n min ngaihtuah chuang hleinem. Ka pasal pawh" ka tih lai chuan chhuat ah ka tlu leh a. Ka ding ngîl thei meuh tawhlo.

Lalrema ka va en chuan keimah ang bawk chuan alo awm ve.
"Kan rûi dun tiraw?" Nuih paha ka tih chuan
"Ngâwi mai mai rawh. Chho tawh teh" alo ti hluk a.
"Ka chho thei tawhlo. Min lo hruai" tih pahin ka bân pahnih chu ka phar a. Mahse,tuna ka awmdan hi nakina ka inchhîrna tur a ni tih ka ngaihtuah thleng hauh si lo.

Lalrema chuan kan pindan lamah min hruai chhova.
"Inpa lo haw hunah țha deuhin sawi ang che u. Chuan,tiang khan vawikhat mah awm tawh suh,hmeichhia ini kha" tih paha min hnungchhawn chiah chu a pai leh nawk a.

"Hey,i țha em,i țhalo ami?" Kal pai deuh chawn chawn chuan ka pan a.
"Ka hrelo,ka chiang bîk tawhlo. Ka haw vat anga,a dik ang" a ti a.

GORDON POV:

Lalrinnungi hi chuan buaina min va han siamsak nasa em. A tleirawl chhuah tirha a sual ang chiah khan a awm leh țan tawh. Ka nupui lakah hian ani hi vawikhat pawh ka la țan lova,țan chhan tur pawh a awm heklo.

Tunah pawh pasal alo ûm anih âwm chu. Patea leh Nutei rilru a hah lutuk a,min lo be tawp a. An fanu neihchhun alo ni ve bawk si.

Patea chuan ka nupui chu a rawn dîl thlap a. Ani pawh chuan alo phal ve mai a. Tunlai hian Lalrinnungi nen hian intei theihlohna deuh an nei tih ka hria. Mahse,ka hre ril biklo. Ka nu pawh hi a telve anih ka ring.

Patea'n min rawn lam tur thu a sawi chuan kan in lam ka pan leh phawt a. Ka nupui khan ka thawmhnaw alo siam tawh a. Kan kal hma chuan kan thleng hma a nimai. Kal ve ngei ka duh chhan chu kan Lalrinnungi hian pasal alo ûm tak tak em hriat ka duh vang a ni pakhat a. Ka nupui sawi ang deuh khan ani hian ka lakah hian rilru danglam eng emaw chu a pu a ni tih ka hriatna a rei tawh. Jail a min rawn fâwp ngawt tu pawh kha amah hi ani miau a.

In ka thlen chuan ka nupui chu alo hel leh tlat mai a. A chhan ka zawh lahin a sawi țha duh si lo. Rinnungi lakah min hlauhthawn pui thu chu a sawi ta nge nge a. Keipawh hian Lalrinnungi hi ka enzui ve reng. A chhan pawh keimah ngei hian hriat ka duh vang a ni. Ka nupui nena an inkar tichhe kher lova thiltih dan awm se ka tih ka vangin alangin ka sawi duh lova. Ka nupui hnenah pawh engmah ka hrilh lêmlo.

Ka kal tur chu min ui bet tlat bawk si. Țhulh te chu ka tum leh rum rum a. Mahse,patea te'n min lo ring ve laklawh tawh bawk nen,a thinrim deuh tih hre reng chungin ka kalsan ta a. Ani chu a rilru a țha a,chuvang chuan midang hian an duh duh sawiin anlo fuihpawrh mai ka hlau a,chuvanga a thusawi țhenkhatte pawh hi sawi zawmpui duhlo thin ka ni.

Midang thusawi mai mai vang te in min lo ringhlel ve ang tih ka hlau a. Chutiang ka duhloh vang chuan amah ka rin zia ka tilang zawk thin. Amah ka rin nasat poh leh ka hmangaihzia alo hria anga. Ka phatsan mai mai dawnlo tih alo hriat ka duh vang a ni.

Kan thleng ta chêng a. Kan mi hruai tur nu pawh chu a țhiante inah alo awm ham ham a. Patea thunrim lutuk in a phih in a phih chhuak a.
"Pasal i ûm amaw tia khawnge i pasal chu?" An tih chuan nuih pah hian
"In duhlo ropui sia,ka dah lêt leh anih kha" ati a.

Patea'n ben tuma kut a lek lai chuan midangin anlo chelh vat a.
"Ka fanu pawh i ang tawhlo,i â vek tawh anih hi" patea chuan thinrim takin ati leh a.
"Aw,ka â tawh. Hmanah khan ka duh kha min neihsak ula chuan tiang hian ka awm lovang" atih chuan eng nge a sawi ka hre ve chiahlo.

Tihluihna hmangin kan haw ta a. Zanah chuan Patea nen pindan hrangah an riak a. Țha deuhin an mu mai dawn maw tih laiin anlo inhau leh a.
Patea beidawng lutuk chuan
"Ka fanu,ka lalfanu,hmeichhe rilru thianghlim kha a ni ka duh lêt leh" tih pahin a chhuak ta tawp a. Pachang meuh pawh a fanu vangin a mittui a tla lo chauh anih kha.

Patea chhuah hnu chuan Lalrinnungi chu ka zilh a.
"Hmalam pan chu ka duh. Mahse,hmalam ka pan zel chuan ka pan chhan hian min hlat telh telh dawn si" ati sep sep a. Ka khawngaih ve reng. A têtlai khan hmundangah dah nghallo se chuan tun ang hi anih ka ring hauhlo. Hnamdang zia hi a rawn țhanlen pui tawh tlat a ni.

"Zêp loh chuan heihi ka ei țhin a" tih pahin ka hmaah damdawi a rawn lek a. Ka en chuan ka meng awk thei.
"Heihi tunge chawh che?" Ka tih chuan
"Sawlai Hospital Doctor saw ania" ati a.

"Depression i neihna a rei tawh em?" Ka tih chuan en pawh min en lovin
"Kum 19 ka nih atang khan" ati leh sep a.
Ngaihtuahna thar ka nei ta a.
"Doctor chu haw hmaa va hmuh leh te i duh em?" Ka tih chuan
"Aw,mahse nangma'n min kalpui la. Ka pa ka kalpui chuan a thin ka tirim leh ang tih ka hlau" ati ta reuh a. Pa te hlau rual lek chung si hian sual nih chu an hlawh ve ta mai sia. Tunlai țhalai ho tak hi chu.

Patea ka hrilh chuan alo lawm zawk khawp mai a. Ani chuan Nutei thiltih pui tur alo neih vangin haw alo ngai sa hrim hrim hi alo nia.
"Tun chauh hi kan tibuai tawh ang che. I nupui lakah pawh inthlahrun ana duh hle mai" a ti a.

Kan kal tak ro ro ah chuan tiin Damdawiin lam thil vangin ka va chhuak leh a. Kan lêt chuan Patea te chu alo haw daih tawh a. Ka va biak chuan
"Innu khan a call tlang theilo che aniang. Kan inbia a,ka lo hrilh ta mai aw" atih chuan hmanhmawh deuhin ka nupui chu ka be vat a. A thinrim ngei tawh ka ring.


Ka rin ang ngei chuan ama tawkah alo thinrim ve khawp mai a. Ka biak pawh min chhâng țha duh meuhlo. A âwm ka ti lutuk.
"Thlalak ka lo thawn ang che" atih chuan kan inbiakna kan titawp ta vat a.

Signal chhiat em vang chuan a in load chhung pawh a rei duh hle mai. Ka en dawn chiah tih chuan bathroom lam atangin Lalrinnungi hian
"Gordon lokal lawk mai teh" a rawn ti lâng lâng a. Ka va pan chuan a kut hi alo zai thi nel nual a.

"Tinge a?" Tih paha ka va luh chuan
"Ka tum pawh a nilo. Ka hmul ziah fai ka tum a" alo ti mai a. Damdawi te kan hnawih hnu chuan ka phone bawk chu ka en a. Ka chhiar chu Lalrinnungi leh ka nupui inbiakna alo ni a. Ka en thuak chuan a awmzia ka hre lova. Mahse,ka ngaihtuah chian chuan keimah min sawina tih ka man thiam ta mai a. A hnuaiah ka reply na ni âwm takin
'Chuan eng nge?' Tih chu alo awm bawk.

"Lalrinnung" ka tih tuarh chuan a rawn chhuak a.
"Eng nge?" Atih chuan ka pan hnai a.
"Heihi engvanga sawi nge inih?" Thirim tak chuan ka ti a.
"Ka tih a nilo. Ka number pawh a nilo" atih chuan
"Kan en ang" tih pahin number chu ka call ngat a,ama phone alo ni chiah.

"Sawi rawh" ka tih hmuk chuan
"Aw ni e,ka tih anih kha. Eng nge pawi" min cho âr hian a rawn ti ta a. Chulai chuan ka nupuiin min lo call ve chiah bawk. Ka la tur chu Lalrinnungi chuan alo ban thut a
"Min pe rawh" ka ti hrâwk a.
"Aih" tih pahin a hnungah a thukru a.
"Min pe lo anih chuan kut ka thlak hreh hauhlo ang che" ka tih chuan a țap titih mai tawh. A chhan pawh kutthlak hi khawvela a hlauh ber a ni thin.

"Pêk ai che chuan ka inzai ang" tih pahin a hrawkah chemte in a tin ta mai.
"Dah nghal rawh" tih tuarh paha ka pan chuan a nghat na sauh tih hriat lutuk in a nghawng chu a rawn sen a.

"Duhtawk rawh" ka tih chuan
"Ka duhtawk lovang" a rawn ti leh vak a.
"Kha kha dah la,duhtawk tawh rawh" dam deuh zawka ka tih leh chuan
"Tumah hian min hmangaih lo. Chuvang chuan ka tan thih hian nawmna a nei zawk" ati tuarh a. A țap nghal bawk. Tuna a awmdan ah chuan thinlung na lutuk,kehsawm tur pawh a ang.

"I chhungte pawhin an hmangaih vek che,an hmangaih lo che anih chuan hruai tur che in kan lo kal lo tawp ang" ka ti a. Ka vîn leh anih vaih chuan a inzai duh tak tak mai ang.

"Ka chhungte hmangaihna chauh hi a tawk hleinem" tih pahin ka phone chu a hûm nghet sauh a.
"I chhungte lo tudang nge ila mamawh cheu a?" Ka tih chuan
"Nangmah" a awrâwl tawpin a rawn ti a.

"Ka hmangaih che alawm" ka tih chuan a kut tha chu a thlah deuh a.
"Nilo,tumah hian min hmangaih tak tak lo" ati leh tuarh a.
"Nilo,ka hmangaih che ka tih kha,engtin nge ka lantir ang. Ka tilang tawklo em ni?"hrethiam se ti tak chuan ka ti leh a.
"Min hmangaih maw?" Mâwl hmel tak chuan ati a.

"I ruih in ka buaipui che a,ipa te hovin an hawsan hnuah che pawh ka buaipui che a. I intihnat ka hlau a,ka hmangaih che chu a nimai lo ami?" Ka tih chuan lawm hmel deuhin min lo pan a,min kuah chiah chuan a chemte ken chu ka la nghal a,phone pawh ka en chuan alo thim daih tawh.

"Ka lawm e,min hmangaih ve avangin" atih chuan
"Ka unaunu inia lawm" ka ti a,a tawlh hla leh nghal dâwrh a,a beisei ang chhânna ka pe lo a ni ngei ang.

"Misual tak ini" tih pahin a mittui chu a hru tâwk a.
"Ni e,ka sual. Ka nunah hian Hmeichhe pakhat bak ka hmangaih lova,a dang an awm tawh bawk lovang. Chuvang chuan i rilru a thil awm kha paihbo rawh" ka tih chuan a insût hliam hliam a.

"Nangchu khawvel tawp thleng pawhin ka nau ini reng ang" ka tih chuan
"Ni hauh lovang. Ka la țhenhrang khawp ang che u. Pakhat zawk zawk hi thi mah ula pawi ka tilo" atih chuan ka inrin hmain a hmaiah ka bêng sawk a. Ka tum a ni bik hauhlo. Mahse,hrehawm ti ang ka awm hauhlo ang.

"Min bêng a maw?" Thinrim lutuk chuan ati a.
"A țul chuan ka ti zel ang" ka tih chuan beidawn hmel lutuk in a țhu a.

"Tinge min hmangaih ve loh?" Mit sen râm chuan ati a.
"Hmangaihna hian chhan sawi tur a mamawhloh ang bawkin,ka hmangaihloh chhan che pawh sawi tur ka neilo. Nangchu ka unaunu inih kha" tih pahin a samah chuan ka va chûl a.

"Mahse,i nupuite khan min hua a,ka duhna ah pawh kan chhuak dun thei tawhlo alawm" ati a. A thu hla lah chu a ho angreng bawk sia.

Ka thlêm ka thlêm takah chuan a lung a âwi ve deuh ta a. Chutah min rawn kuah thut in
"Khawvel pawnah tal chuan i unaunu ka nih tawhloh ngei ka beisei" a ti sap a. Ka lo chêt chuan "reilotê chauh,heihi mipa anga ka enna che tawpna tur a ni. Ka tana ruat anga ka ngaih vang che in nupui i neih pawhin hrehawm ka ti a. Mahse,tunah chuan ka beihna te khan awmzia a neilo tih ka hre ta e. Kut min thlak duhna khawp thilsual tih ka ngam tawhlo ni mai rawh se Ka tlawm e,ka tlawm chiang hle mai" atih chuan ka lo dang duh ta lova.

"I țha tawh maw?" Ka tih chuan a nui leh ver ver a. Nichin khan eng emaw ruih a nei tih ka hria,a damdawi kha ei tur aia tam alo ei pawh a ni maithei.

"In nupa in buaina ka siamsak nasa si che u a,nakinah Nûpuii chu ka lo hmu ang" atih chuan
"I inthiamloh thu tlang takin sawi ta mai la" ka tih chuan a nui hak a.


Ka nupui ka va call leh chuan ala thei lova. Thil dikloh a thlen hlauvin ka tinawn leh a. Alo lak chuan a țawng danah a dik chiahlo tih ka hre mai. Ka zawh chuan a sawi ta rêng a. Ka intur dahțhat kha alo hmu a ni ngei ang. Mahse,tinge hetia a awm.
Ka zawh chian chuan nichin a Lalrinnungi ka hmangaih thu ka sawi kha,khalai chauh kha alo hre hman a ni ngei ang. A buaithlak hle mai. Khapa nena chhuah ah te khan min vau lehnghal a.

Phone a dah tauh chuan ka call leh a. Alâk pawhin a lên tur thu chauh a sawi tawh. A aw atang pawhin a dik tawklo tih ka man mai a,khatiang chunga chhuak tur chuan ka duh hauhlo.

A pawi ka sawi belh hlauvin țha deuha hrilhfiah ka tum a. Ka sawi ngaithla duh reuh si lova. Ka call chhên hnu pawh chuan ala thei chuanglo.

Ka beidawng chuan midang ka call tawp a. A kalloh thu anlo sawi vek bawk si. Ani hi vawikhat mah ala rûi chhin hauh si lova,alo tihsual vak ka hlau a ni.

Dar 11 pelh daih tawh chuan ka be leh a. Alo la ngei,mahse,a lên thu a sawi leh chuan ka sa zak mai. A țawngdan lah chu a rûichhe tawh tih hriat reng reng. A location on tura ka tih lahin a duh lova,a titâwp daih zel bawk a.

Patea te min sawmna pawh hi engvang a lo pawm phiangsen nge ka nih pawh ka hrelo. Mahse,kal lo ila,Lalrinnungi hi tiang hian a awm thei âwm si lova.

A hnua ka call leh phei chuan a switch off daih a. Khapa nen khan anlo awmdun tak tak ka hlau a,khapa assistant kha ka va be vat a.
"Tun lawk khan kan inbia a,Falkland lamah nurse pakhat tunge ka hrelo,chumi nen chuan an kal" atih phei chuan ka thinrim lutuk ka phone chu vawm pawp ka tum a. Min lo biak ka hlau bawk si.

"Khawngaihthang,lo awm mai mai ta che maw le. Min ring turin ka tih che kha" ka ti mawlh mawlh a. Zankhua chuan chhîn khattê mah ka chhîng lova. Ka be thei tawh bawk si lo.

Khaw var rual in Rinnungi chu ka va țhâwng harh a,flight hmasa berah kan chhuak a. Kan thlawh chhung zawngin Lalrinnungi chuan a inthiamloh thu a sawi châmchî a. Chhâng thei mood ah pawh ka awm tawhlo.

Kan in ka thlen chuan kawngka alo inkalh a,chu chuan min ti thlamuang deuh. Chahbi spare ka kawl chuan ka hawng a. Inchhûng ka luh chuan pangpar khawina te chu alo let rem rum a. Ka nupui phone pawh chu chhuatah alo let bal bawk.

Nizan chu alo thinrim ve nasa hle anih dawn hi. Ruih duhna rilru hial alo nei ve a. Thil tla pawh chu rem ta lovin kan pindan lam ka pan a. Chhunglamah alo inkalh a,ka ben vak vak pawh chuan a inhawng theilo. Ani hi a rûi la reh lovin alo chatthla vel anih ka hlau a. Inhnuaiah pindan chahbi ka zu la leh a. Ka hawng chiah,ka thil hmuh chuan min tinui lo chiang hle mai.

NÛPUI POV:

Kawngka inchûm dawt dawt ri chu ka hria a,ka meng dawn a,ka thei dêrlo. Ka lu lah chu a rit em em mai sia. Ka bulah chuan Gordon alo mu reng tawh a.
"Gordon,kawngka chu zu hawng teh. Ka nu aniang" meng manglo chuan kuah pahin ka ti a. Ani pawh an zinna a chau deuh aniang,a che châng peihlo. Min lo kuah nghet sauh sauh ringawt.

Mahse,vawileh khatah kan pindan kawngkhar alo intheh hawng țhuai a. Ka meng kâwk thei. Pindan kawngka bulah chuan Gordon hi thinrim engphiar hian alo ding a. Ka mumang emaw tiin ka mit ka nuai a,mahse a tak a ni.

A thisen zam pawng țawlh țawlh khawpin thâwk ala na a. A kut hûm na lutuk te chuan a thil ken a tiri rawp rawp thei.

Saw saw Gordon anih si chuan min kuah chunga mu ve hi tunge ni ta ang?

{Ka sawi tawh kha,thil hi in rinloh lam daihin a kal leh thin ang ka tih kha maw. A kual inti a,in chhiar peih tawhloh anih chuan ka dem lo che u aw Duhlai. A peih peih Khan lo la chhiar ve ula. Comments lamah te khan lo sawi leh ula. Hmeltha VULCHÛK fel bawm extra pro max ho kha. (Nangni chu bâwl zel in ngai a)ka ti mai² anih kha aw. In fel lutuk,in fel ber🥰☺☺}

[Ngaia]

TRAITOR
CHAPTER 35

☆☆☆☆☆☆☆


NÛPUII POV:

"Eng thil nge in tih kha sawi nghal rawh u" tih tuarh pahin a hmaah a thil ken chu a rawn vawm darh vek a. Rang lutuk in ka thova. Mahse,kawr engmah ka ha lo. Bra leh pantie nen chauh ka awm. Engtin nge anih theih?

"Khawngaihthang,kha kha tunge?" Tih pahin Gordon chuan puan a rawn hlîm phut a. Ka sîra Lalrema Boxer nen chauha lo mu chu a phih tho lawp a,Lalrema pawh a harh chiang teh e. A rawn meng buai ve nak tho.

"Heihi maw,rinawmna ilo sawi chu?" Tih hrâwk pahin Lalrema chu a hnek thal tawp a.
"E,eng nge awmzia?" Lalrema chuan rawn thawh pahin alo ti a. Ni e,kan pahnih hian thil thlen dan kan hrelo ve ve.

Keichu khumah puan nen ka lo la intuam vek a. Ti mai hian ka awm tih Gordon-an a rawn hmuh ve chuan min that duh hial ang.

"Eng nge thleng maw. Eng nge thleng i hre duh maw?" Tih vak pahin Lalrema thei leh thei lova ding chu a hnek ta mawlh mawlh a.
"Tikhani hre duh em. I hre tawh maw?" Tih pahin Lalrema tlu chu a chhir zui leh a.

"Gordon. Gordon,duhtawk rawh. I that mai ang?" Tih pahin ka va kuah bet a. Thaw kâwk kâwk pahin a au vak a.
Ka lamah lo hawiin min thlêk a. Keihi,puan kha alo tla daih tawh anih hi.

"Tikhan he mihring bulah hian i mu a maw?" Tih pahin bangah chuan min nem bet rawk a. Ka hrawk zâwnah a kut a rawh dah bawk,mahse min rêk lo hlauh.

"Gordon,engmah ka hrethiamlo ani" ka țap lek lek tawh. Engmah hi ka hrethiam lo,nizan khan Lalrema chhuak lai ka hmu ngei a. Kawngka pawh ka kalh ngei kha. Mahse,engtin nge kan lo mut dun theih.

"Kan nupa khumah ngei inlo awm a,ka chanvo ilo pe a maw. Chu pawh ka zin hlek chhungin" zâwi tak. Mahse,khauh far si chuan ati a. A kut chuan ka biang a rawn zût kual bawk.
"Ka ka hrelo. Engmah. Enteh" ka tih chuan. Ka beng bula bang chu bêng dawt dawt in
"Ngâwi hmak rawh,i ka kha chîp hmak rawh" tiin min au khum vak a. Ka mit ka lo chhîng tawp.

"I mipa khawi saw va chhuahtir nghal rawh" atih chuan ngam leh ngamlovin ka meng a.
"Tunah" atih leh tuarh chuan Lalrema lam chu ka pan a. Ani pawh alo tho a,mahse a hmâi leh bek veleh thisen a chhuak nual. A taksa dangah pawh pem a nei nual bawk.

Engmah sawifiahna hun a awmlo tih hria in ani pawhin chhuata a kawr tla chu a chhar a. Hrilhhai leh mangang deuh chuan ka lo ding khawng reng ringawt. Lalrema chu hmnhmawh deuhin a chhuak a,ani pawh a hawi â ruai tho. Nizan khan kan pahnih chungah eng nge thleng ni dawn le.

"Gordon" ka va tih chuan a thaw ri kâwk kâwk chauh ka hria. A thâwk lak dan atangin a thinrim hneh hle tih ka hre bawk.
"Engvanga khatia awm nge in nih" bang lam la hawi reng chung chuan ati a.
"Ka hrelo. Ka hrelo takzet,nizan khan a haw ngei alawm. Keipawhin kawngka ka kalh ngei alawm" beidawng lutuk chuan ka ti a. Ka thusawi hi âwih se ka ti,mahse keipawhin ka thusawi ngei pawh âwih tur chin ka hre si lo.

"Chu chu ka âwih i ring a maw. Dawhtheihna tlêm ka la neih lai hian sawi rawh" ati leh hrâwk a. Ka lam alo hawi tawh bawk.
"Nizan khan ihh,Rinnungi nen in inhauh lai vel kha ka hria a. Chuan i hmangaih thu i sawi lai pawh,ka thin a rim a. Chuan i beer dahțhat kha ka in a. Chuan,ihhh,a hnuah Lalrema nen khan kan chhuak a" ka tih chuan
"Falkland" ngeiawm takin alo ti sup a..

"Chuan thil dang ka in a. Min thlah haw a,chuan a haw a. Mahse,ka hre tawhlo" ka tih chuan a hmel awmdan tur chu en pawh ka en ngam tawhlo.
"Chuan,ilo uire ta a" atih chuan
"Aih" ka ti ve ta tuârh a.
"Aih,a nilo. Ka uire hauhlo" ka ti vak a. Ka â mai dawn,engtin nge tiang hi a thlen theih.

"Chu chu ka rawn man hnuah pawh ila sawi a maw?" A ti leh a. A țawng chu vîn lo mah se a hlauhawm em em tho.
"Engtin nge ilo tih theih" tih pah chuan khumah a țhu thla a.
"I mit ngeia min hmuh pawhin i âwihloh tur thu i sawi kha. Damdawiin ah kal ila,kan lo mudun ringawt pawh alo ni maithei a,kan chesual anih chuan keimah ah eng emaw danglam chhetê tal a awm ve dawn lo em ni. Min en la,nuam tawl zo hlim hmel pawh ka put loh hi" ngaihtuah chiang mang lova ka țawng chuan a rawn ding chhuak a. Ka hmaah a kut a rawn vai thuak a. Mahse,a lek vang vang a,kut êm chu min thlak lo.

Thaw hawk pahin a kut chu ala lêt leh a. Ka lo thaw huai thei. Tuna ka awmdan ah hi chuan kut min thlak pawh nise a âwm ka ti hliah hliah.

"Chhuak rawh" atih sup chuan ka en dâwrh a.
"Eng,eng maw?" Ka tih chuan
"Chhuak rawh ka ti che anih chu. I nawmchenna lamah i hriatna i hloh anih loh chuan chhuak rawh" ka hmai zâwnah kûnin a rawn au tuarh a. Ka mittui tla tur chu ka la dang hrâm hrâm.

"Thuthlûkna i siam nghal mai dawn a maw?" Amah en chuan ka ti a. Heti teh tawpa inchhuah tir tum te chu.
"He in atang hian chhuak rawh ka ti rêng rênglo che. Nge i chhuak duh viau zawk?" Ati lawi leh a. Chhânglo chuan ka en reng a.
"Pindan atang hian chhuak vat rawh" a rawn tih leh chuan hmanhnawh lutuk in ka chhuak nghal a.

Nizanah engthil nge thleng tih ka hriat vat angai. Tunah kan pindan atangin min chhuahtir a,nakinah chuan he in ngei atang hian min la chhuahtir lovang tih pawh a sawi theihloh.

Tûn tut tut ah Lalrema kha va biak a chî si loh. Inhnuai pindan ah chuan ka inbual a. Ka inthlak nghal vek bawk. Darthlalang hmaah chuan ka inthlêk vang vang a.
'Lalpa,a langchin aia tam hi ka tihsual loh nan min pui hrâm rawh' tiin ka phun sep sep a.

Ka piana hnulamah vawikhat zû ka lem ve na a ni a. Ka damchhung chuan ka tihnawn leh ka ring tawh lo. A nghawng ana emai. Tunah pawh uire dinhmun chang chu ka ni ringawt mai si a.

Nizana ka paih keh ni ngei tur pangpar khawina te chu ka paih fai a. Ka phone pawh ka hmu tawhlo. Enga tinge engmah ka hriat theih tawhloh. Lalrema ka thlah lai chiah kha ka hriat hnuhnûn ber a ni bawk si.

Chutia ka ingaihtuah ngut ngut lai chuan kan pindan lamah thâwm ring țha tak ka hre ta mai a. Ka ngaihthlak chian chuan thil vaw chhe ri a ni. Gordon kha alo la chhuk miahlo.

Hmanhmawh lutuk in ka tlân chhova,alo la inkalh khum tlat zui.
"Gordon,i țha em. Eng nge thleng?" Tih pahin kawngkhar ka chûm vak vak a. Engtin mah min chhâng lo. A rîk ngaiin ala ri rum rum a.

Thil a vaw chhia anih ka ring. Darthlalang keh ri ang deuh te ka hria.
"Gordon,khawngaihin lo hawng teh" țah chhuak țeuha ka tih pawh chuan alo la hawng chuanglo.

Midang ka pun tawp mai dawn emaw ni. Han pun mai tur lah chu an awm si lova. Kawngkhar nghêng chung chuan ka țhu hnawk a. Ka thiamloh vek a ni. Alo haw hunah ka zawt fiah ang ka ti a. Mahse,ka thil lo in khan midang daihah min lo thlak hman a. Ka awmdan pawh hre lêk lovin ka lo khawsa ta mai anih hi.

"Ka tihpalh,Gordon. Khawngaihin,ka tihpalh ka tih chu. Min ngaidam theilo anih chuan min hrem mai rawh" kawngka bulah chuan ka au vak a. Ka mittui te hian min phatsan ta em ni,ka țap theilo hrim hrim. Ka mittui te hi rawn luang se,ka natna leh inthiamlohna te hi min rawn țawmpui se ka va ti êm.

Kawngkhar chu a rawn inhawng rawp a. Gordon chu hmai sen vek hian a rawn chhuak a. A kut a thi bawk.
"I țha em,Gordon?" Ka lo ti vat a.
"Engmah saw chhar suh ang che. Bawlhhlawh annih saw" tih pahin min kalpêl a.

A hnunglam atanga kuah pah chuan
"Ka tihpalh. Khawngaihin eng emaw tal sawi teh. Hetiang chuan inthiamloh vangin ka â thei mai ang" ka ti țiau a. A ni reng bawk a,hetia min hau si lova min pehhêl reng si chuan awmngaihna ka hre hauhlo ang.

"Mipa dang i kuahna kut khan mi tawk hlek suh" tih pahin ka kuahna chu a paih sawn a.
"Khawiah mah chhuak suh ang che" tih pahin min kalpêl thuak a. A kal chiah chu chhuatah ka țhu hnawk a. Ka mittui a rawn luang thla pap bawk.

'Heihi em ni Rinawmna ka lo sawi ve thin. Keimah zawkin ka bawhchhia a maw. Hmeichhe bawlhhlawh leh tenawm tak ka ni' keimah leh keimah inhau pahin ka inkêk vak ringawt a.

Engtin nge ka tih tak ang. Tuna țang chuan kan nupa inkâr tur chu a hriat uar uar. Inhau si lovin kan inhlat tlat tawh dawn asin. Min ngaihsakna pawh ka dawng khât tawh anga,
'Biangno' tih pawha min au tawh lovin a kâ atangin ka hming pangngai a chhuak tawh anga. Chu chu ka duhlo.

Inngaihtuah harh thutin ka thova,kan pindan ka lût chiah chu ka âng pam mai. Mi zaidam taka siamtu chu keimah ka ni a. Hetianga sakawlh ang maia siamtu pawh keimah tho.

Kan pindana thil tihchhiat theih zawng zawng chu a tichhe vek. Kan khum phei chu a vaw țhiat vek a. Darthlalang pawh a tikeh vek anih hi. Heti khawp hian a thin a rim ania. Mapuii ava manchhuah khan kut a thlak a,kei,khumlaizâwla mipa dang ka lo mutpui lai ngei min lo man pawhin kut vawikhat pawh min thlâk lo a ni a. Chumi tur chuan ava insûm nasa dawn em.


Nilêng chuan engmah ti thei lovin ka awm a. Kan pindan ah pawh ka lût leh ngam tawh lo. Tisawn a awm ang angin awm tawp rawh se. Alam hawia ka men pawhin tûkin zinga Gordon lo luh dan kha ka ngaihtuah chhuak a. Ka theilo a ni,huaisenna ka neilo.

Damdawiin ah duty ka ngai a,mahse chupawh ka kal theilo. Ka phone khawnge a awm ka hre lova. Ka hmuh pawhin a chhiat vek ka ring. Eng emaw tak chu ka tih angai ang. Kan lo mu dûn emaw,mu dûnlo emaw pawh ni se,engkim ka hriat vek angai.

Lalrema biak ka duh a. Mahse,phone ka neilo. Ka chhuak thei si lo,pawn lamah Gordon khan min kalh khum daih a.

Mahni chauha ka lo awm rek rek lai chuan kawngkhar hi alo ri a,lo lût tur an awm anih ka ring.

Lo lût chu mipa 5 vel anni a,kan pindan han singsa tu tur annih ka ring. An hnungah chuan Gordon pawh alo kal a. Mahse,tunah chuan biak châkna ka nei lova,ka ngam bawk heklo. Ka bia anih chuan Meialh ah khawvartui ka leih belh ang chauh a ni ang.

Ani pawh chuan ka lo awm ve chu min hmulo ang maiin a awm a. Inchung lamah an inzui chho diak a. Eng emaw an han chhu ri bur bur a. An țhiat fai ta vek dawn anih ka ring. Ni e,țhiat fai vek rawh se,khiti Chung khi chuan keipawh han luh a,thlamuang taka han mut ka thei bîk reng reng hleinem.

Darkar khat dawn an awm hnu chuan anlo chhuk a,thing bung leh eng emaw hi an rawn keng thla diat diat bawk. Min kalpelh pah chuan min melh hrek hrek hlawm a. Ni e,ka mak dawn em asin,in neitunu ber sofa ah ka lo țhu kun bâr a. Anni tan chuan mak tihloh ngaihna awmlo.

"I chhuak leh dawn ami Gordon?" Alo chhuk chuan ka lo be vat a. Rawn hawi lêtin min melh ngur a,ka hawisawn leh vat. Tunah chuan a mit takah pawh ka en ngamlo.

Min chhâng dawnlo emaw ka tih hnuah chuan
"Chaw ka ei chhuak dawn ania" tih pahin a kal nul nul a. Ni e,ka chan tawk chiah a ni hrih.

Mahse,nizan thilthlengah khan eng emaw diklo chu a awm a ni. Tinge engmah ka hriatloh. Eng emaw tal chu ka thluakah hian la awm tur chu a ni asin. Hetianga thil theihnghilh mai mai chi hi ka nilo. Hemi phênah hian tu emaw anlo inrawlh anih vaih chuan ka awm mai mai hauhlo ang. Rinnungi han ti dawn ila,ani chu Gordon bulah a awm daih sia. Midang han rinhlelh tur âwm ka hre si lo. Lalrema lah kha ka koh vanga lokal chauh kha ani sia.

Engpawh ti dawn ila phone ka mamawh hmasa phawt. Kawngkhar chu ka nem hawng a,alo inkalh tawhlo hlauh. Tunah chuan Gordon lam aiin nizan thilthlen dan kha engpawh lo nise ka hriat chian angai. Chî-ai mai thei ka nilo. Ka lo diklo tluan țhak anih leh ka diklohna pawmin keimah zawk hian ka chhuahsan hreh hauhlo ang. A chhan eng nge kan tih chuan,inngaihna leh duhsakna tello nupa nun chuan khawi ram nuam mah min thlen lo ve ve ang. Lei hremhmun tênau kan insiam tawn a ni ringawt dawn asin.

Ka nu te inlamah chuan ka phei pawr pawr a. Khaw êngte hian min nuihzat ta nimai hian ka hria. Hawi pawh hawichhuak ngamlo chuan ka phei a. An nula 2 anlo awm a.
"In phone ka lo hmang lawk" ka va tih chuan phâwk lutuk in min en a.

"Ka phone ka dahna ka hre lova" tih pahin ka nui lui deuha. Pakhat zawk chu rawn che vatin
"Kha aw,va hmang țeuh rawh" nuih sen sen pahin ati a.

Verandah lamah chuan ka phei a. Sawmtei number ka chhinchhiah hloh chu a vanneih thlak ngei mai. Ka call a,ala la lawklo lehnghal.
"Hello" alak veleh chuan ka ti a.
"Hello,ka țawng i hre thei em. Khawi maw,lo che suh,i kawr a bal ang" a țawng zawm nghal a,a fate a hau anih ka ring.

"Sawmte,ka țawng i hre thei em?" Ka tih chuan
"Tunge a?" Upuia'n alo tih ri chu ka hria a.
"Ka hrelo,an țawng pawh ka hre theilo" tih pahin zu han dah daih a. Ava mak e aw. Ka call nawn leh ngat a.
"Lalmalsawm,keimah" ka tih țhat chuan
"Ehe,an rawn tisual emaw ka lo ti a. Tinge a?" A rawn tih zawm zat a.

"Ka phone ka thlauh bo daih a,phone thar nen kan inah lokal teh. A man chu ka lo pe leh ang che" ka tih chuan
"Ava buaithlak e aw,Naupang pahnihte school ah kumtawp țhutkhawm kan nei dawn asin" ati leh a.

"I hman veleh lokal mai mai teh,ka hmanhmawh teh ania" ka tih chuan
"Aw,ka rawn lei ang. Ahma ami ang brand kha ami niang?" Ati a.
"Aw ni. Chuan midang lo hrilh suh aw" ka ti a. A țawng tam ve reuh sia,alo sawi chuan ka tihbo chhan an vaiin min zawt leh palh ang.
"Aw,hrilh lo ang. Thuruk lah hi ngah si" atih lai chuan ka nu alo kal thut a.
"Aw,anih ka dah" tih pahin ka dah a.

Ka ngaihbel nge ni,ka nu chuan min endan a dang riau hian ka hria a. Ka chhîp atanga ka ke lêr thleng chuan min en thla a.
"Sawtah inbe lawk ang" tih pahin a inher hmak a.
'Muanêngtheii be turin hun ka neilo asin'ka rilru a tih mawlh mawlh pahin ka zui phei a.

Sofa ah chuan alo țhu ngîl auh a.
"Eng nge in awmzia?" A rawn tih chuan ka phu zawk,kan boruak kha anlo hre ve em ni.
"Eng awmzia maw?" Ka tih chuan
"Inpa khan 'nula awmpui tur min lo zawnpui rawh' ati a" atih chuan ka thaw huai thei.

"Nia,kumtawp a hnai leh tawh mai sia. Kan buai thei deuh a" ka ti sep a. Kan boruak alo la hrelo chu ka lawm hle mai. Hria ni ngat se chuan ka sam a pawt kawlh vek duh ang.

Kan ina ka phei hnu chuan ka țah te hi a chhuak ut ut a. Engtin nge ka tih tak ang. Ka in test mai dawn em ni. Sex hman leh hmanloh test na angreng deuh hi kan damdawiin ah sawn a awm a. Mahse,midangin min lo hmuh chuan sawi sep ka hlawh leh mai dawn si.
Tih ngaihna tak pawh ka hre tawhlo. Gordon bula ka sawi ang khan,ka taksa ah hian eng emaw danglam pakhat tal awm ve tur chu ania,mahse chutiang chu engmah a awm si lo.

Keimaha inngaihtuah pahin Sawmtei lokal hun chu ka lo nghak char char a. Tlai dar 4 vel chuan alo thleng chiah a. A thil rawn khâi ka hmuh chuan zîng atangin engmah ka la eilo tih ka hrechhuak.

"Awi awi awi,ka rit reuh lutuk" rawn tihluh pahin a thil rawn ken chu dawhkan ah a nghat a.
"Khawi phone chu" ka lo tih vat chuan
"Kha,kha bak kha chu i duh angah a awm tawhlo" tih pahin min pe a. Tunah chuan a man ah buai hman ka nilo. Nuaih chuang pawh lo ni rawh se,ka mamawh tawh tlat.

"Thil ei phawt ila" atih chuan
"Ei châkna pawh ka neilo" tih sep pahin phone thar ah chuan number ka chhu lût mawlh mawlh a.
"I chêr reng reng. Ka nu in i eiduh zawng tiin min lo thawn țeuh anih hi" atih chuan ka hnuk a ulh lek lek. An fanu neihchhun ka tlâkchham hlauvin thil min rawn thawn a. Chutah kei,nupa kâr țhen theih hialna thil ka lo tisual bawk si.

"Hey,,ka sawi chu i hrelo ami?" Sawmtei'n alo tih chuan ka en vat a.
"Khawnge inpa ka tia lawm" ati a.
"Alo la haw lo,damdawiin ah akal" ka ti a
'Alo haw lo maithei' ka rilru chuan ka tihzawm bawk.

Sawmtei nen chuan ka nu thil min lo thawn chu kan ei a. Mahse,kan boruak vel vangin ei pawh ka ei țha theilo. Ka luak te chu a pawt deuh tlat.
"Ei țeuh ta che" alo tih chuan
"Ka thei tawhlo. Nakinah ka ei mai ang" tih pahin ka kachhunga la awm ho pawh chu ka va chhâk chhuak leh vek a. Ka kam ka țhuah nghal bawk.
"Nanghi i ruaklo a nilo maw?" A rawn tih hluai chuan tui ka lo hâk bawrh bawrh a.

"Ava mak e aw,ka sawi mai mai anih kha" tih pahin ka hnung alo chûm a. Ka tui hâkna vang chuan ka khuh vak vak a. Sawmtei thil lo sawi vang chuan vawiin thilthleng ka ngaihtuah chhuak leh a. Ka theihtawpin ka khuh lui vak vak a,ka hrawk hrui te hi chat vek mah se tunah chuan ka rilru natna ai hi chuan a nêp ta ve ang.

"A tam,a tam. A bêlah pawh ala tam" tih pahin ka hnungah alo chûl a. Ka mittui tla phungin ka uak leh tuarh a. Tunah hian Sawmtei hi awmlo se chuan au chiam chiam mai ka châk.

Sawmtei haw hnu chuan Sofa ah ka bawk thlawp a. Lalrema biak chu ka rilru ah alo lang hlawl bawk. Ka call a.
"Hello" ka mipa aw hriat ngailoh hian a rawn ti a.
"Lalrema,oh ka tih. Dr. Remtluanga kha a biak theih em?" Ka tih chuan
"Tunge inih?" A'n ti leh tê tê a
"A țhiannu" ka chhâng bûl țha ve khawp mai.

"A mu" alo ti leh hmuk a. Ani pawh chu a mood a fuhlo a ni ngei ang.
"Tunah te chuan a duty thin sia" ka tih chuan
"Tu emaw kut a tuar a. Hna pawh a kallo,inah a awm" ati leh hmuk a.
"Ti maw,tu kut nge a tuar?" Ka lo tih vat chuan
"Zîngah khan tu emaw in kut alo thlak aniang. Hliam nei chungin alo haw" ati leh a.

Anih chuan Gordon-an a khawihna kha lo na viau aniang maw.
"In awmna hnun min hrilh thei em?" Ka tih chuan an awmna vel chu min hrilh a. Engpawh thleng dawn se ka va pan angai,nizan thilthleng engkim zawh chian ka duh. Keiin engmah hre tawhlo mah ila ani chuan alo la hre ngei ang.

Hmanhmawh deuh chuan ka insiam a. Tunah chuan he thil chauh hi buaipui ka mamawh. Hna lam kha chu lo awm ve mai mai phawt rawh se.

An in ka va thlen chuan Lalrema chu alo mu a. A unaupa pakhat lo awm nen chuan kan țhu rên râwn a. Rei vaklo hnuah chuan alo harh a. A unaupa chuan min chhuahsan vat a.

"A zialo hle mai" kan ngawih rauh rauh hnu chuan kan tirual ve ve a. Engmah sawilo chuan kan ngâwi leh a.
"Engtin nge kan tih ang?" A țawng hmasa zawkah chuan ka țang ta a.

"Ka thiamloh vek a ni. Lo hruaichhuak lo tawp tur che ka nia" tih pahin a kun lap a. A bek vel chu ala vûng deuh bawk.
"I thiamloh a awmlo,a thiamlo chu keimah zawk ka ni. Min hruailo mah la kalchhuah luih kha ka tum tho tho. Keimah in lo chhuak ta ila hei aia thil țhalo pawh ka tawk maithei asin" ka ti sep sep a. A tu ve ve mah hian nizan thilthleng vel kha sawichhuah hmasak kan duhlo tih kan țawng dan ah chuan a hriat mai.

Mahse,kan hriat ngei chu angai si.
"Ka thlah che sia. Engtin nge" bah niah chuan ka ti a. Thâwk hawk pahin a kut chu a tukhumah a han suih a,kun chhal pah hian
"Ka hrelo. Nêp pawh min ti maithei. Mahse,ka hrelo tak tak a ni" ati hap a.

Bei ava han dawng duh ngawih ngawih tak em. Mahse,eng emaw tal chu hriat ngei ka mamawh si a ni.
"Ihhh,nizan khan,kan pahnih khan" ka tih chuan alo thaw ri hawk a.
"Chupawh ka hrelo" atih chuan ka tho a. Tukverh lam chu ka pan in pâwn lam chu ka thlîr vang vang a. Lalpa,ka thiamlo anih pawhin ka thiamlohna tal min finfiah tir rawh,ka rilru in ka ti mawlh mawlh bawk.

"Amak a ni tiraw. Engtin nge kan chunga thleng pawh engmah kan hriat loh theih" beidawn tak chuan ka ti a. A pawi tih bak sawi theih kan nei tawh si lo. Ka dik emaw,diklo emaw,kan fiahlo anih chuan Mosia dana denhlum tawk thei hial dinhmuna din chu amak dan a rapthlak em mai.
Ka tih chhin ngailoh thil ka in chuan ka la suangtuah ngai hauhloh dinhmun,dinhmun rapthlak leh mi zawng zawng hmuhsit dawnna ah chuan min din tir ta a ni a. Engtin nge ka chhungte ka hmachhawn theih tawh ang,khaw êngah pawh ka chhuak țha ngam ve dawn em ni. Engtin nge pasal hnena Rinawmna chahtu hian ka thu chah thin ngei chu ka lo bawhchhiat hmasak theih.

"Amak a ni,ni e. Ka zêp lo. Nangmah hruai haw i ngaih dawn vang khan ka lem hnemlo. Nidang nen tehkhin phei chuan ka dose pangngai chanve pawh a tlinglo. Mahse" ati leh a. A țawng zawngin a bek a khawih zeuh zeuh bawk ala na anih ka ring.

"Eng emaw diklo awm tlatin ka hria a,mahse engvangin nge,tunge? Tih lam hi a ni zawk" ka tih chuan
"Keipawhin mak ka ti ve reng. Motor ka khalh lai atang tawh khan ka lu hi a rawn hai deuh reng a. Keimah a inkhalh haw huam khawpa ka la harh anih si chuan ka chhuahsan hnu che kha ka hre ngei tur a ni si a" ati a. Keipawh chu chu ka rin dan chiah a ni.

"Chuan,a hnu engmah kan hre tawhlo ve ve a. Keipawh ka kâi ve deuh kha ka thiamlo hul hual. Buaina ah ka hnûk lût ringawt che a" amah hnungchhawn reng pah chuan ka ti a.
"Ni lo" atih sup chuan ka hawi leh vat a.
"Eng maw?" Ka lo tih chuan
"Ruih theihna i in hleinem" a rawn ti ta mai a.

"Eng nge awmzia?" Tih pahin ka va pan vat a.
"Ilo kal a,ka inlai ilo lâk daih kha chu zu pangngai a ni hauhlo,a ruih theihloh" ati a.
"In ngailo ka nia,ka lo rûi palh pawh a ni thei asin" ka tih leh chuan
"Thil theihloh hul hual anih chu. Theitui anih kha,zân anih vangin a rawng i hmu mak aniang" ati leh a.
"Eng maw,thei tui maw. Mahse,nangpawh i kâi thu i sawi kha" ka tih chuan
"I in ve tak tak ka hlauh vangin pawna phone ka va hman khan ruih theihna chi chu ka va lem ve zeuh chauh alawm. Ka ta i rawn ban te kha chu nangpawh in hiar itih miahloh kha" atih chuan ka hrechhuak uar uar.

"Ni chiah,ka rawn in khan tui ka ti em em a. Tikhawp khan zu atui thei ang tih pawh ka ringlo anih kha" tih pahin ka in ngaihtuah vang vang a.
"Anih chuan" ka tih hluai chuan ka lam alo hawi ve chiah bawk.
"Kan ngaihtuah hi a inang em?" Ka tih chuan
"Ang maithei. Mahse,tunge ni ta ang?" Ati a.

Ni e,tu emaw chuan ka intur kha an lo thlak emaw,Lalrema lo va in ah khan damdawi anlo pawlh emaw anih ngei dawn chu. Mahse,tunge tianga min buai tir duh ta ang.

"Rinhlelh i nei em?" Atih chuan
"Pakhat chu ka nei a. Mahse,mizoram ah a awmlo tih ka chiang sia" ka tin seh neuh neuh pah chuan ka ti a. Rilru a buai ta map mai.
"Misual chuan rawih an nei țhin ngei alawm" alo tih leh chuan keipawhin ngaihtuah chhuah ka nei.

"Anih chuan khapa kha,a nghaktu kha. Kan va kalchilh angai ang" ka ti a. Khapa kha anih ka ring nghet ta bur mai.
"Keichu heti mai hi ka ni a. Lo va kal mai ta che,Zualtei pawh ka tlawh thei ta lo anih hi" atih chuan
"Lungngai suh,ka va kal ang" tih pahin a in chu ka chhuahsan nghal a.

Tunah khua a thim tawh a. Engpawh nise Gordon be be hrim hrim teh ang. Ka inkhalh chhuah hma chuan ka call a. Ala thei hauhlo. Message ka hnutchhiah a
'Gordon ilo haw dawn em? Khawngaihin lo haw teh,thil sawi duh ka nei ania' ka ti a. Min lo chhân phei chu ka ring chuanglo. Tuna mi hi hrilh leh hrim hrim ka duh a ni.

Falkland ka thlen chuan luh ka tîm deuh tlat a. Mahse,keima'n ka tih loh chuan tuma'n min tihsak dawn lo. Gordon-an ati dawn lova,ka chhungte'n an rawn ti dawn bawk heklo. Hreh chung chung chuan ka lût a. Kawngka ka pelh chiah chuan tu emaw hi ka su pawp a. A thil ken a thlauh vek lehnghal.

"Ka tihpalh lutuk" en pawh en ta lo chuan ka ti a. Chhuata a thil tla chu ka chhar nghal bawk.
"Wow,tunge ka hmuh hi?" Ka aw hriat țhan takin alo tih chuan ka châwl dat. Mahse,a thil kâra lehkha,damdawi a leina ni ngei tur chuan ka mit ala ta chat mai. A hming ka en thuak a. A thil chu pêk pahin
"I piangthar tawh emaw tia,tiang hmunah te i kal ve" nuih khum sak pahin ka ti a.

"Țhian hlui ka hmu lawk. Anih ka kal,inpa ka hrilh lovang" nuih har har pahin a kal a. Hrilh sawmsarih panga mah se pawi ka tilo emai.

"Nizana duty kha khawnge a awm?" Ka va ti deuh thawr a. Hawihhâwm chhuah hman pawh a ni tawhlo.
"Zanin chu a duty hun a ni lova. I pawi sawi alo nei ami ka pi" dam dapa alo tih chuan
"Maithei" tih pahin ka chhuak lehnghal a.

Beidawng tak chuan ka țhu hnawk a. Ka beiseina neih ve te pawhin min kiansan zel te chuan ava beidawn thlak awm ve.
"Ka pi,zawn i nei ami?" Ka țhut lai chuan nula pakhat hian alo ti a.
Nizana duty pa hmuh ka tum thu leh alo awmloh thu te chu ka hrilh a.

"Ani kha chu Lunglei lam mi saw ania. Anu a damlo aniang,alo kal tawh dawnlo. Alo kal pawhin nakum lam daih aniang" atih phei chuan ka nunram leh thlarau thlengin a râwp nghal rawih rawih in ka hria.

Ka car lam pan chuan ka phei a. Ka lût tur chiah,tlema mi kawng kual lai deuhah chuan mi pahnih ding ka han hmu a. An piah ah chuan midang pawh an awm ve tho. Ngaihtuah zui lova chhuah mai ka tum a. Ka han hawi leh lai chuan mipa chu Duty pa kha ang riaua ka hriat vangin ka seatbelt ka phelh sawk sawk a. A tlânin ka tlân chhova.

Alo biak chu hmeichhia ani. Ka en thuak chuan nichina Rinnungi ka hmuh kha ka hrechhuak leh a,hmu chiang theilo mah ila a ang hle bawk.

Ka tlân chhoh pah chuan hmeichhe hmel chu enchian ka tum a. Shades(sunglass) alo vuah tlat bakah min hnunchhawn zawngin a kal a. Car ah chuan a lût ta daih a. A car ka en chuan Lalrinnungi car ang chiah chiah kha alo ni ve bawk.

Mahse,ka thlen chuan alo tlân liam hman daih. Chupa bulah chuan thlan hluamin ka han ding a.
"Tunge a?" Pangngai deuha ka tih chuan min en miahlo hian
"Ka pi anih kha" ati liam puat a.
"I sualna lam pi maw?" Tih paha a dâr ka chelh thut chuan alo hawi dâwrh a. Mak tih hmel deuhin min en a,min hre tawh chiahlo a ni ngei ang.

"Eng nge i duh?" Hlauh hmel deuh hian ati dui a.
"Hi,nizan i khual țha kha kan nia" ka tih chiah chuan phâwk fe hian min en a. Tlânchhiat a tum nghal mai. Mahse,a kawr ah chuan ka lo man bet vat a.
"Sawi rawh,engvanga ka inturah khan damdawi lo pawlh nge inih?" Ka tih chuan

"Ka tih a nilo" tih pahin a tâl laih laih a.
"Tunge tihtir che?" Ka tih leh chuan
"Ka,ka hrelo" ati bah nawk a.

"Bawihi,buaina in nei ami?" Kan chhak deuha mi ho chuan anlo ti a.
"Nei love,ka țhianpa ania" ka tih takah chuan an hawisawn leh mai a

"I hmu maw,vawikhat pawh i hming lama ka au anih chuan Jail bang i zût nghal ang" tih pah chuan ka thing deuh nawk a.
"Ka hrelo,min tihtir alawm" ati ta a. Mipa ve si,a țap mai dawn alawm le.

"Tunge,tuna mi kha ani em?" Ka tih chuan chil a lem khawlh a.
"Khanu kha Lalrinnungi tih hming pu kha a ni em?" Ka ti tuarh a. Ka insûm thei tawhlo.

"Ka hrelo,ka hriat zawng chu ilo kalpui pa nen khan hemi hmuna hrâi rui tur che khan min ti a. Mahse,ka duh lova" atih chuan
"Tinge itih. Chuan,i pawlh leh tho sia" tih pahin a ke chu ka kherh a.
Kan chhak atang chuan motor alo tlân thla bawk.

"Ka nu vangin. Min ngaidam rawh" tih pahin kawngpui lamah chuan min nem phei nawk a. Motor lo tlân chu kâwi zawkin a brake tuarh a. Kawng laiah chuan ka tlu nghal țhuai bawk.
"Ekhai aw"
"I țha em?"
"Ina em?" Tih te chu a rawn ri nawk a. Mipui awm chhun kha anlo tlân khawm nghal.

"Ka țha e" tih pahin khapa awmna lam kha ka hawi a. Mahse,alo tlânchhe hman daih.
"Pawi lutuk" tih pahin ka kut chuan kawngpui chu ka chûm dawt a. A thîp nghal zawk.

"I kut a pem anih kha. Damdawi kha lo la teh u" antih chuan ka kut chu ka en a. Metal châr a ka sawhna alo pilh sen vek a. Ka kutphah leh kiu velah chuan thisen a chhuak siar siar bawk. Ka khûp lamah pawh tlêmte chu a pem hman bawk.

"Ka lawm e" damdawi min hnawihtu ka en chiah chuan ka meng awk a. Lalrema unaupa,vawiin ami kha alo ni reng.
"I inkhalh haw thei ang maw?" Atih chuan ka kut chu ka en vat a. A ruh ka sawh deuh nge maw ni,a na reuh lutuk.

"Thei ang" tih paha thawh ka tum chu ka țhu leh hnawk. Ka khûp leh bân chu a thlep hnawk a. Tiang chuan motor steering ka hûm theilo tawp ang.

"Nula,kan tihpalh lutuk" motor khalhtu ni ngei tur pavalai lam deuh chuan alo ti a. A hmelah pawh a inthiamlo tih a lang reng.
"A pawilo e" ka tih chuan
"I inkhalh haw theih hmel si lohva. Midang kan ko duh ang em?" Ati a. Pawi ka ti chuang miahlo.

"Ka khalh haw sak mai ang" Lalrema unaupa chuan alo ti vat a. Amah chu ka en hâ a. Eng nge a hriat ve ringawt le.
"Lokal rawh" tih pahin min pawm lawp a.
Motor khalhtu te lah chuan ngaihdam min la dîl châmchî a,an thiamloh a ni miah si lova,khapa khan min nem ringawt lo se chuan ka tlu hauhlo ang.

Lalrema unaupa chuan phone a hmang a. Kan awmna lai te chu a hrilh a.
"Ka bike hi inlo la dawn nia" atih danah mi khawsak harsa zawk zawk chu annih loh hmel.

"Ka lawm e,min puih kher pawh angailo asin" a rawn țhut luh hnu chuan ka lo ti nghal a.
"Zonunmawia" alo tih sup chuan ka va en vat a.
"Ka hming chu Zonunmawia a ni e" kawng en ngar pah chuan ati leh sup a.
"I hming i pu zo hle mai" ka tih chuan a khi suk a. Min chhâng tawh lêmlo. Kan vêng min zawhloh danah a hria aniang chu ka ti mai a.

Ka kut leh ke chuan min tur deuh ut ut a,'accident tênau chu a hnuah ana duh' antih ka hrechhuak a. Kan boruak tawn nen a inmil dawnlo hle.

Kan tlân pah chuan thil ka ngaihtuah a. Lalrinnungi hian eng emaw inrawlhna a neih ka ring tlat. Nichin ami kha ani nge nilo ka hre chianglo. Mahse, Bar chhunga a thil tla ka chhar khan,a damdawi leina lehkha ka hmuh khan keimah ah hian eng emaw a rawn awm tlat. A chhan pawh mutna damdawi,chupawh zu rûi leh damdawi rûi thin,an chi-rî changa an pek thin a ni miau a. Nurse ka ni a,khatiang kha chu ka hre hneh ve em mai.

Depression a nei ang khan an sawi a. Alo nei tak tak anih phei chuan mutna damdawi hran a nei ngei ang. Bakah a damdawi leina lehkha ka en khan Doctor chawhna a nilo tih ka hmu a. Khatiang natna a neih laia Doctor chawh pawh nilo a ei chhan tur kha a awmlo hrim hrim a. Midang tan a lei anih ngawt loh chuan. Kha damdawi vang khan addict leh ngawlvei tamtak engmah hre lovin an mut theih phah bawk thin.

Ani hian midang ruaiin kha damdawi kha min lo pe a nimai lo maw. Kan taksa chhungah damdawi a châmbâng em tih entir dawn pawh ni ila,darkar 20 chuang zet a ral tawh bawk si. Alo inrawlh anih vaih chuan a tuh rah ala hmu khawp ang le.

"I haw duhlo ami" Zonunmawia'n alo tih sup chuan ka hawi dâwrh a. Kan in kawtah kan lo awm reng tawh hi alo nia. Hepa hian a u hnen atangin kan awmna alo hria em maw ni le.

"Engtin nge i haw dawn?" Ka tih chuan
"Nangmahin i chho thei ang maw?" Ati daih a.
"Aw thei ang,ka zawhna che kha" ka tih chuan kawngkhar lock na hawn pahin
"Lo ngaihtuah duh suh" ati duh lek chauh.

"Khawi,lo chhuk la" tih pahin a kut chu min pe a. Keimaha ka theih dawnloh vangin a kut chu ka lo chelh vat a. Ka chhuk vel veleh kan inthlah leh nghal.
"Ka kal ang e" tih pahin a inher thut a.
"Ka lawm lutuk ania,nidangah ka la treat ang che" a hnunglam atang chuan ka au a. A kut a lu chunga vai lauh lauh pahin a kal liam ta a.

Gordon alo haw ka ring hauhlo a. Mahse,kan in chu a éng pam bawk si. Tu emaw anlo kal anih ka ring zawk mah. Kan pindan awmna lam ka hawi chhoh chuan Gordon ang deuh phe vuai hi ka hmu a. Ani hi alo haw tawh em maw ni dawn le. Tuna mi kha alo hmu anih chuan alo ngaisual ka hlau hle mai.

Kan in gate ka hawn dawn pawh chuan ka ban hleithei lova. Ka pén zawng te chuan a sak deuh tlat a. Ka kal țawk țawk ang vel a ni. Kawngkhar ka nem hawn dawn chuan ka kut hman ka tum a. A thîp reuh em vangin ka mawngin ka nawr hawng ta a.

Sitting room chu alo êng iar a. Light te off in kawngka te chu ka kalh a. Kan pindan lam ka chhoh dawn pawh chuan ka tîm leh tlat tho. Hawng ta mai lo chuan ka ding deuh vang vang a,thâwk te ka la leh tê tê a.
"Rawn lût rawh" Gordon aw pâwr chhak ka hriat vang chuan aranga rangin ka lût a. Mahse,pindan chu alo thim vek a. Alan dan chuan anlo siamțha vek tawh anih hmel.

"I customer te chuan an lo pe hneh deuh che ami. I bawp te chu ava nat hmel ve" Gordon aw in alo tih chuan
"Gordon" ka ti țhat a. Eng maw tunah khan a sawi a. Customer maw. Hepa hian a sual a chhuah leh dawn anih hmel.

"Ka sawi diklo em ni?" Atih chuan a aw a diklo tih ka hre mai. Rang deuhin light chu ka on a. Ka thilhmuh chu leh,
"Tah khan zu i in a maw?" Mak ti taka ka tih chuan
"A hmeichhia zawk pawhin ilo in anih chuan eng nge ka theihloh bik ang" tih pahin a lem khalh a, a rawn ding zui bawk. A chezia chu mit khap hauh lovin ka lo en reng a.

A kal dan atang chuan rûi chhe zawk zawk chu a nihloh hmel.
"Gordon,zu hian engmah a siamțha lo ania. Tunah pawh ka lo in ve vangin kan buai anih hi" ka tih chuan
"Tunge buai" ati hmuk a.

Chhânglo chuan rilru na takin ka melh reng a. Hetianga awm tura ka siam ta mai hi ka inhua a,ka inten ngawih ngawih bawk.
"Gordon,a țhalo asin" beidawng tak chuan ka ti leh ringawt a.

"Țhalo chu zana chhuah a,Falkland Bar vela va inzawrh kual vel kha a ni" tih tuarh pahin a thil ken chu a rawn paih pawp a. Ka lo au țhat bawk,a thil paih chu enlo mah ila a rim atangin eng nge ka hre mai..

"Eng nge maw i sawi awmzia le. Ka kal chhan te chu" ka tih chuan a phone hi ka hmaah a rawn vawm thlawp a. "En rawh,tikhan ka hmaah insawifiah tum buai tawh suh" atih chuan a phone chu ka en vat a. Ka awih theilo zawk. Lalrema nau in min puih lai,motor lam pana min pawm phei lai kha alo ni a.

Mak leh zual chu midang tumah an lang ve lova. Kan pahnih chauh kan lang hi a ni.
"Tikhan ila pha a maw. Eng nge ka pêkloh che. Ka zin chhung zawk pawh ilo râwp viau anih chuan anni kherlo,keipawh min rawn be mai la. Phone hmang pawhin i thil duhtak chu kan ti hlawhtling thei alawm" atih chuan a hmaiah ka lo bêng thuai a. Ka mittui a tla teuh hle bawk.

"Thudik chu a kha reng a ni" tih pahin bangah min nawr bet a.
"I duh chuan ka chhuak daih mai ang. Heti zawng hi chuan ti lo ang Gordon" dam dap chuan ka ti leh a.
"Chhuah a" tih pahin a nui hak a.
"I chhuak hauhlo ang. Helai hmun hi i thihna hmun tur a ni anga. I thih thlengin kan awm ang. Ka țhen hauhlo ang che. Hrehawmna awmzia te pawh ila hre ve hleinem" tih pahin ka ngâwng a rawn nûl thuak thuak a.

"Gordon,i rûi anih kha" tih paha ka lo tâl chuan min thing nawkin
"I mamawh a ni tiraw. Niminah midang,vawiinah midang bawk. Chupawh iva pan ania" tih hrâwk pahin khumah min theh thla pawp.

A chezia chuan min tihlau tawh hle.
"Khatin mi hlauh hmel deuhin min en suh hmangaihna mitmeng mawitak khan min en rawh" tih tuarh pahin ka khabe ah a rawn dawm vak a. A dawm na lutuk chu ka mittui a tling sawk thei.

"Gordon,khawngaihin,i harhfim hunah kan sawi dawn nia" țah chhuak țeuh chuan ka ti a. A chhan pawh a kawr a hlîp vang a ni.
"Teuhlo,ka harhfim hunah chuan kha i mitmeng pawisawina neilo ang mai khan min en leh anga. Ka khawngaih leh che anga. Ka thinrim thei hleinem" tih sup pahin a kâwnghrên a phelh leh a.

"Gordon,eng nge tih i tum?" Khuma alo lawn ûr ûr chuan ka ti a.
"I duh ka pe dawn che maw le. I lawm em?" Râpthlak lutuk a nuih pahin ka kawr a rawn hlîm tâwk a.

"Gordon,khawngaihin ti suh. Ka na ania,ka chêtsualna ana alawm" ka aw pawh a ring thei tawhlo.
"Na ang chu,mipa hrang hrang nen awmkual hek che" tih hrâwk pahin ka bra a rawn phelh leh a. Ka âwm a han hmuh chiah chuan a mitmeng ah chuan Sakawlh chiah chiah ka hmu.

A rawn kûn hniam chuan
"Khawngaihin,ti suh. I duh chuan kut min thlak la,min sawisa mai rawh Gordon,ka na ka tih kha" ka ti leh chuan
"Engvangin nge ka tihloh ang?" Tih pahin ka mit takah min melh a. A mitmeng pawh a tîr ai chuan a zia deuh tawh.
"A chhan chu min hmangaih vangin" ka ti a. Ka sawi zawng pawh chuan ka na thei.

"Ni e,ka hmangaih che vangin" mâwl hmel tak chuan ati a. A sam a han țham vak bawk. A pangngai tawh dawn anih ka ring. Ka han tho a,ka ban dê dê a.
"Min hmangaih a,Keipawh in chutiang chiah chuan" ka tih chuan a rawn hawichhuak thut a.

Ka lo tawlh hnung dâwrh thung. A mit chu a sen vek a. A thlan a bawl țak țak bawk.
"Ni e,ka hmangaih vang che in ka tina thei ngailo che a. Mahse,engvangin nge itih. He mitmeng hi ka thlâkhleh thin tluk zetin ka hua asin" tih tuarh pahin ka biang chu a rawn dawm vak a.

"Ana ania" ka mittui pawh a rawn chhuak leh țiam țiam tawh. Mahse,ka titla tur a nilo. A tawp thlengin ka bei ang.

"Zanin hian i duhkhawp chu ka pe khawp ang che. Zanin atan chauh nilo,tunthla chhung chuan mipa dang i pan leh tawhlo ang" ka hmai bul chêta tih pahin min pawt thla dâwrh a. Khumah chuan min delh bet nghal hmiah bawk.

Ka kekawr leh pantie te chu a pawh hian a pawt chhuak a.
"Khawngaihin,Pathian hmingin ka ngên a che. Ti suh" aw khûk hlak hlak chuan ka ti a. A mitmeng thinrimna meialh a khat sen vek tawh chuan min en pahin a boxer a phelh a.
"Nuam itih vang anih loh chuan lo țawng hlek suh. Chuti a nihloh chuan hremna thuah hnih i dawng zel ang" tih pahin a thil tum tak chu a rawn hlen ta chat a.

Ka taksa na nen,min khawihna na nen,ka auchhuak ngam bawk silo chu a chîk hian ka chîk râwih râwih ni berin ka hria. Ka mittui erawh chu a tla thei hauhlo. Ka rilru in ka au a,ka nu ka au a. Mahse,ka pasal ngei chuan min sual zawm mawlh mawlh a.

Lalpa,zanin la la hian kan nunna hi la mai teh. Ka țap chhuak hawk a.
"I mittui kha titla hlek suh" tih pahin a che na sauh a. Lukham seh chung chuan ka aw-rawl tawpin ka au vak a. Ka thaw te chu a rawn hah țan a.

Vawi engzat nge chêt alak nawn ka hre tawhlo. A chêt pah chuan nuam tih hmel tak hian a rûm dur dur a. Chumi ri te chu ka tan chuan khawvela ri rapthlak tak a ni.

Țang tur pawh chu awm tawh lovin ka tha chu a zawi hnawk a. Ka thaw kâwk kâwk bawk. Mahse,ani chuan atih ngai atih zawm chat char.

Vawi eng emaw zah na atan a zawh dawn chuan aw-rawl lian lutuk hian a rûm hawk a. A kut chuan ka khûp na lai alo tawk ve chiah bawk nen,a zawh rual chuan ka lo au chhuak vak a. Ana lutuk,ka khûp sawhna laiah a rawn delh a. Mahse,hemi na ai chuan ka thinlung hi ana daih zawk.

Ka tho tur chu ka zawi leh hnawk a. Ka țhawk pangngailo chu a rawn zual a. Ka thaw kâwk kâwk a. Gordon chunglam hawi paha mu chu ka va tlawh sawk a. Ka awmdan a hmuh chiah chuan a inperh tho zawt a. Ka lam chu a rawn pan vat a.

"I țha em. I eng nge na?" Atih chuan
'Ka engkim' tia lo aukhum vak mai ka duh mahse,țawng chu sawiloh thâwk pawh a harsa.

"I thaw țha theilo ami?" Mangan hmel deuha atih chuan
"Bathroom" thei leh theilo in ka ti a. Hmanhmawh deuhin min pawm lawp a. Bathroom kan luh chiah chuan engmah sawi lovin bathtub ah ka inchiah bâwrh a. A țha em ka hrelo. Mahse,helaia inchiah pawp hi ka duh ber.

Ka thaw a chham dawn lek lek lai chuan Gordon chuan min rawn pawt chhuak a.
"Eng nge maw itih le?" Tih hluk pahin min pawm chhuak nawlh a.

Khuma min nghah chuan min hnaih tur chiah chu ka chakna zawng zawng sawm khawmin ka lo tlawh zawt a. Chhuatah chuan a țhu nghal hnawk a.

Rilru ruah hmel tak chuan ka awmdan chu min en reng a.
"Engthil nge ka tih?" Tih pahin a rawn ding a. Ka lo nui hak thung.
"Engthil nge i chungah ka tih?" Tih vak pahin a bula khâwnvar inhûng chu a vai thlu pawp a. Tui vawtin a han deh chiah khan a harh kâwk anih ka ring.

"I lawm tawh em? Tikhan kan inrul tawk chiah tiraw. Min hmangaih emaw ka lo ti a. Ka lo ring sual hle mai Gordon" rilru na lutuk cbuan ka ti a.
"Nilo,ka ka ka tih a nilo" tih bah nawk pahin min rawn pan chuan ka lo ding zawk a.

"Ka ba ka rul chiah che. I sawi ang ngei khan tun thla chhung chu tu mipa mah ka mamawh tawh lovang,nang ngei pawh" ka tih fak chuan
"Nilo,ka hrelo. Ka hrelo,eng nge ka tih" tih pahin a chhîp sam chu țhâm vak pahin a rûm hrawih a.

"Tihian ba ka rul tawh che. Chuvangin ka lakah sual chhuah tawh lul suh" tih pahin kan pindan chu ka chhuahsan a. Kawngka ka khar rual chiah chuan a ri nghal bur a. Bang a hnek anih ka ring.

Chhuatah chuan ka țhu hnawk a. Tunah khan eng nge ka chungah thleng. Ka pasal,ka hmangaih ngei mai chuan min pawngsual amaw. Engtin nge a tih theih. Min hua ang tih chu ka hria. Mahse,engtin nge.

Ka mittui chu dan rual lohvin alo sûr zung zung a.

(KA TYPE PAHIN KEI NGEI PAWH KA MENG PHAR AWK AWK THEI A THUPUI AH KAN LUT ȚAN CHIAH AW. MAHSE,A TAM LUTUK TAWH LOVANG. EPI 10 VEL BAWR CHU ALA AWM KA RING. GORDON TE NEN KUMHLUI KAN THLAH ANG CHU)

IN THINRIM ANG TIH KA HRIA. MAHSE,KA DUH TAK KA THLEN HMA CHUAN KA TAWPSAN DAWNLO RE² CHUVANGIN ENG NGE THLENG TUR KHA ILO CHÂNG THEUH ZEL ILA.

UIRE NA LEH ZU LEH SA LAM HIAN CHHUNGKAW TAMTAK HLIM TAKA AWM TUR A TICHHE NASA TIH KA HRIA. HEIHI PAWI KA TI EM EM A. ANNI CHANG AN THLÂWI LO,AN FATE NUN THLENGIN A NGHAWNG TEL VEK. CHUTIANG ATANGA LO SEILIAN NAUPANGTE CHUAN RUAL PAWL VE TAWH MAH SE AN RILRU LEH THINLUNG ZAWNG² IN RUAL AN PAWL LOVA,AN HLIM PUMHLUM THEI TAWH ȚHIN LO. CHU CHUAN,MI TAMTAK NUNAH INRINTAWKLOHNA,MAHNI ȚHA TAWKLO TIHNA TE A THLEN A. AN NIH TUR ANG AN NI PHAK LO THIN.

KA STORY CHHIAR ȚHIN FEL TAK TAK,A BÎKIN NU LEH PA NI MEK LEH LA NI TUR TE U. HEIHI LO HRE NAWN LEH HRAM TEH U,NU/PA INIH TAWH CHUAN NANGMAH AH I FATE AN INNGHAT PUMHLUM TAWH TIH HRIA LA. AN DAMCHHUNG SER LEH ZAHNA TUR IN ENGMAH THLEN TIR LUL SUH U. TAKSA DAM MAH SE RILRU BER A DAM SILOH CHUAN NUN HIAN CHHUNGRIL NATNA A PAI KUMKHUA TAWH ANIA. I NUPUI FANAU/PASAL FANAU AIIN HLIMHLAWP THLANG LO LA. I CHHUNGTE BULAH HUN HMANG TAM LA,UIRE NA SUAL LEH CHHUNGKAW NUN TICHHE THEI THIL LAKAH LO FI HLIM HRAM² ANG CHE AW.

ENGMAH LA TAWNG/HRE VE CHUANGLO HIAN. KA AIA U TE KA HAN HRILH VE RINGAWT CHE U ANIH HI.

[Ngaia]

TRAITOR
CHAPTER 36

☆☆☆☆☆☆☆



NÛPUII POV:

Ni a liam a,thla hial alo ve ve ta reng mai. Mahse,kan nupa inkâr țhalo chuan țhat lam reng a pan ve thei mawlh si lo. Kha thil thlen hnu khan kan inhmu khât em em a. Inah a awm ngailo ang a ni. Alo haw pawhin kâr tawpah te alo haw lawk a. Kan mudûn ngai lova. Kan pindana a rawn riah châng pawhin sofa ah a mu mai zel.

Loh theihloh ah lo chuan kan inbe ngai lova. Kan inphêk en vel mai mai a ni ber. A thiltih vang khan ka thin a rimlo a nilo. Mahse,min huatna a pâite tlem tal pawha a paih țhen theihna anih dawn phawt chuan huat zawmloh hrâm ka tum a.

A awmloh lai chuan thildang ngaihtuah in ka theihghilh ve mai thin. Mahse,damdawiin leh inah kan inhmuh châng hian a hmel pha lutuk hian min tina nawn leh awn awn țhin.

Ka mitah tak min en ngam lova. Ka pehhêl ai chuan amah hian min pehhêl nasa zawk a. A thiltih kha thil țha lo hulhual anih vang pawh a ni mah na.

Kan nupa inkâr țhatloh em vangin chaw ei pawh a tui thei meuh lova. Zan ah pawh a mut țhat theih hekloh. Pindan pakhata awm reng siin kan ngaihtuahna ve ve kan kâwm a. Kan rilru in thiam kan inchan chawp theih nan midang ve ve kan inpuh tawn a. Mahse,midang kan dem poh leh kan thiamlohna a awm ve ve tih kan hre nawn awn awn si.

Hmanni khan Zualtei alo harh a. Engkim a hre vek. Mahse,țawng a han tum khan a aw a chhuak thei hauhlova. A țap hial anih kha. Doctor te chuan a țawngloh rei tawh êm vangin harsatna a nei anih an ring a. A chhiat hlen an hlauh vangin a ranga rangin Delhi lamah an refer ta kha ania. Lalrema chhungte zawk kha an hlauthawng a,a nu khan a kalpui tel ve bawk.

Lalrema nen kan thil chhui ve pawh hmasawn a har hle a. Kan inhmuh dawn lahin midangin min lo enthlâk leh a,Gordon anlo hmuh ka hlau bawk si. Kan misual ber hi pawh chhuah ka va han châk tawh tak em. Falkland ah pawh ka va kal ziah a,mahse,khapa khan lo kîr ni reng a neilo. A reh hian a reh tlawk tlawk.

Christmas a hnaih deuh tawh vangin damdawiin lamah pawh kan buai a zual leh a. Ka haw tlai thei hle. Gordon nen kan kalrual lova,a hran bawkin kan haw thin. Ani chu in lo thlen nghalloh chang a ngah bawk.

Kan buaina velah hian Lalrinnungi hi ka rinhlelh ber a ni a. Mahse,'A ni' han tih fak theihna hi ka nei si lo. Tunhnai phei chu a reh zual leh bawk si. 'A fel tawh dawn aniang' tia anlo fak ve lai tak alo ni bawk nen,engmah hian hmalam min pan pui theilo.

Tunlai chu ka pa,Gordon pa hi a hrisello zual deuh hlek a. An zin leh vat pawh a rinawm. Keipawh ka va phei ve deuh reng a. Gordon phei rualpui tur awm ta ngai reng reng lo chu ka nu chuan alo man thiam nasa.

"Khawnge inpa hi?" Alo tih chuan
"Hna lamah an buai deuha" ka ti mai a.
"Mahni pa te damlova,hna tih reng ringawt. In ngawng telh telh hlawm mai" tiin alo phun hlak hlak a.

"Ka lo kal hi" Gordon aw ngeiin alo tih chuan kawngka lam ka hawi vat a. Amah ngei a ni,ka kal tur thu ka hrilh lova,ani pawhin engmah a sawi bawk heklo. Rawn luh pah chuan min melh zawk a,mahse ka sawi tawh ang khan,ka mit takah hian a melh țha ngam tawh meuhlo. Kei min hmuh apianga Lalrema nen kan mudûn lai a ngaihtuah chhuah ang chiah in keipawhin,amah ka hmuh apiang hian ka chunga a chêt dan kha ka hrechhuak zel bawk.

Ka na thar leh thin. Na tur ka nilo,ni e,ka thiamloh hmasa a ni a,ka tuar thei tur a ni ka tih pawhin Gordon hmel ka hmuh hian. Kha zan,ka nat thu ka sawi chung pawha ka duhloh chung min khawih luih zan leh ka hlauh vanga ka țahchhuah pawh phallova min vau beh lai kha ka hrechhuak leh zel a. Ka damchhung chuan ka theihghilh theih tawh ka ring lo.

"Ilo lang ve ta maw. Innu ringawt hi alo kal a,ilo lang har lutuk a" dam angreng takin ka nu chuan alo ti a.
"Lo va kal rawh ka tih vang anih kha. Ka laklawh deuh a" Tih paha Gordon-an min melh chuan ka lo meng awk thung. Ka nu pawh chuan a âwih chiahlo anih hmel min melh deuh hâ a.

"Engpawh chu nise ipa chu va hmu ila" tih pahin Gordon chu a kuah phei a. Ka zui ve duh lêmlo.
"Ka u,tunlai hi iva chêr ve a" nula te chuan anlo ti a.
"Chuti em ni. Ka nalh loh ka hlau a" ka tih chuan
"Pu pawh saw a chêr tho" tih pahin hna an thawh zawm mawlh mawlh a. Ni e,kan chêr dun hle. Mahse,ei erawh ka thei hle thung.

"Eng emaw han hmawm mai mai tur innei em?" Ka tih chuan an dap nghal vat a.
"Kha,ei țeuh rawh. Kan ngah ania,pi leh pu hian an ngaina vak lova,keimahni kan ni mai" tih pahin theitui leh Cake sial deuh mai hi min chhawp sak țeuh a.

Ka nu te lo nghah pah chuan ka lo ei a. Gordon han haw san daih kha a chî chiah si bawk nen.
"Ava tui awm ve?" Ka beng bula lo titu vang chuan ka theitui in ka hâk țhelh a. Gordon chu en hâ pahin
"Nia" ka ti sep ringawt a. Thlakhat chuang hnua sentence khat daiha kan inbiak hmasak ber a ni hial ang.

"Ka lo duh ve ang chu" tih sup pahin min kalpêl a. Ka hma chiahah chuan a rawn țhu ve bawk. A chêtdan chuan awm a tinuamlo lek lek.
"Eng ber nge i duh?" Amah pawh enlova ka tih chuan
"I ei ang kha" tih pahin alo nui suk a.

Hun rei tak ata a nui hmel ka hmuh leh vawikhatna a ni bawk. Râlkhat atang bakin ka en ngam ngai si lo.
"Heichu a awm tawhlo,ka eilai chauh hi a awm" ka tih chuan a rawn che thut a. Ka thil eilai,ka kuta mi chu rawn la in a ei daih a. A chezia chu mak ti lutuk in ka lo en bawk.

"Eng thil nge itih kha?" Ka tih chuan
"Thil ka ei" tih pahin ka thei tui inlai chu a rawn tlâk pawp a. Hepa hi eng nge a hriat thut ni.

"Kan ngah thin nen,kan lo ei duh ve ber inlo duh ve a" nula pakhat chuan kan boruak hre ve lo tak chuan a rawn ti a. Engmah ka sawi tawh lova,ka ei tawh bawk lo.

Ngâwi reng chuan ka țhu a. Gordon thil ei chu ka nghak tawp a. Ka hawichhuak ngam tawh lova,ka kut sik neuh neuh pahin hnuailam chu ka bih ngar a. Gordon erawh chuan min melh reng tih ka chal leh hmâi hriat tha zâm atang hian ka hre mai.

Chu chuan chêt a tihar lehzual a. Ka mawng kham vek tawha ka țhut hnu chuan
"Tihtur i neih tawhloh chuan haw ila" ati sup a. En miahlo chuan
"Nei love,haw ila" tih hap pahin ka tho nghal a. Ka tho chiah chu ka thaw huai thei. A hmaah khan ka thaw pangngai chiah em tih pawh ka hrelo.

Kan in lam kan pan chhung zawng pawh chuan inbe miah lovin kan kal a. Motor lo tlân chu a hlauhawm deuh vangin Gordon chuan min rawn kal hual a.
"Khalamah khan kal rawh" tih pahin kawngpui lam hnaih ah chuan a kal ta zawk a. Chu chuan kan hun tawn tawh min ti hrechhuak a. Ahma te kha chuan min kuah chungin tuna kan kal ang chiah hian kan kal a. Kan hlim hle thin anih kha,tunah chuan a danglam ta vek a,a hma ang kha kan ni thei tawhlo.

"Khumah hian i leng reng ania" Sofa lama mutna a siam mawlh mawlh lai chuan ka ti a.
"Pawilo" tih pahin mut mai a tum a.
"I thu thu le" tih pahin ka mu hmak a.

A duh leh zawk em maw ni,a puan leh lukham chu rawn la in khum lam chu rawn pan pheiin a rawn mu ve a. Mahse,zan in zawng,khum 7ft leka zau pawh kan tan chuan inkâr hlat tak a ni. A sîr thei ang ber ve ve ah chuan kan mu a.

Inbe lo mah ila kan muhîllo tih kan hre ve ve.
"I mu tawh em?" Tih sup pahin ka lam a rawn hawi a,ka lo chhîng nghal hmak a.
"Ka tihpalh" a rawn tih sup chuan ka kut nghet zetin ka lo hûm a. Ka thaw a sak nghal țalh bawk.
"Ka țawng ila hre thei anih chuan ka tihpalh" ati leh a. 'I thiamloh a nilo. Keipawh ka thiamlo ve tho,ka tihpalh a nih kha' ti ve turin ka rilru chuan min duh. Mahse,ka lei hi ka tiche ngamlo,engmah ka sawi theilo.

"Ka tisual tih ka hria. I tihsual te pawh kha tun maiah ka theihnghilh thei ang em ka hrelo. Mahse,hun min pe rawh. Kan pahnih hian hun kan mamawh ve ve. Chu chu tunah hian hmangaihna leh inngaihsakna ai pawhin kan mamawh zawk" a ti leh a.

"Kan lo tihsual tawh te siamțhat ngaihna a awm tawhlo. Mahse hei aia țhalo hi a thlen tawhloh beisei ang" atih zawm sup sup a. A thusawi chu ka lo ngaithla kar a,mahse ka chhânglo.
"Mangtha le" tih pahin ka chalah a rawn fâwp thuak a. Ka kut nghet lutuk a chelhin ka lo thaw hawk thung.

Engmah sawi tawhlo chuan a muhîl nghal mai a. Keichu mu ve thei mai lo chuan ka let ka let a. Mit ka chhîn rual chiahin Lalrema nen kan lo awmdan min rawn phâwk lai kha ka mitthla ah alo lan loh leh,ama'n min tihdan zawng zawngte kha ka mitthla ah hian alo lang uar uar a. Chu chuan min muttir thei lo. Khathil kan tawn hnu khan tiang hian zantin deuh thaw ka awm ziah a. Gordon pawh hi anih ve tho ka ring.

Zîng ka thawh chuan ka form inbel nghal mai lovin inhnuai lamah ka chhuk a.
"Eng nge itih a?" Gordon bula va din pah chuan ka ti a.
"Heihi siam ka lo tum a. Mahse,ka thei lova" ati a. Thiamlo nih chu hreh ve tak a ni. 'Theilo' atih ngei hi.

"Khawi keima'n ka lo ti mai ang. Lo han insiam rawh" ka tih chuan a kalsawn ve mai a. Mahse,chho ta lo chuan ka rawngbawlna bulah alo ding char char a. Ka chevêl chu min en reng a,ka chêt khâwr phah vek.

"Mamawh i nei ami?" Dawhkana chawhmeh va dah pah chuan ka ti a. A chhan pawh sawi duh nei ang deuhin alo âng leh zuau țhin a. Ka en in akâ alo chîp leh daih thin bawk si.
"Dâr engzat ah nge i kal dawn?" Ka mit ah pawh min en ve ngam tawh a,keipawhin ka en țha ngam deuh tawh bawk. Kan buaina la chingfel lo mah ila hmasawnna chhetê chu a awm ve e.

"Chawei khamah hian" ka ti mai a.
"Engin nge ikal dawn?" Ati leh a,a sawi pah chuan lehlam a hawi daih.
"Car in ka kal ang chu ka ti" ka tih chuan alo hawi zawk a.
"Eng car in?" Ati leh a. A ruala kal turin min duh deuh emaw ni.

"Ka car in aniang" ka tih leh chuan
"Nizânah ka car kê kha a thêp deuha i car in kan kal mai dawn nia. Driver-in lo siamtir mai rawh se" atih chuan ka nui chhuak țep a ni.
"Kan kal dawn nia" ka ti ta a. A car hian chhiatna a neih ka hrelo. A ruala kal a duh anih chuan tlang deuhin sawi ta mai se aw. A chêt dan hi a naupangchhia riau.

"Han insiam la,chawei ka lo siam ang" ka tih chuan bûk nghut pahin a chho a. Chawei chu ka lo siam a. Ka zawh chuan a rawn thleng zui ve mai a.

Ngâwi rengin kan ei mial mial a,buaina kan neih hma pawh khan chawei lai hian kan țawng em em ngai chuanglo.

"Thlaleh atangin zan lamah i duty a hun dawn tiraw?" Atih chuan keipawhin ka hrechhuak zawk a.
"Aw,nia. January thleng" ka tih chuan
"I duh chuan i tilo thei tho ania" ati sup a. Ahma pawh khan midang keimah aiin kan dah ringawt tawh a. A pawina chu a awm lova,mahse keima duh dan a ni tawh mai.

"Ka hrelo le,a hun lo thleng phawt se" ka sawi zo hman țawk tih ah chuan ka uak țhawt a.
"Fimkhur" tih pahin a rawn tho nghal zawk a.
"Ka,ka țha" tih pahin thawh ka tum a.
"Kha,bawnghnute hi hâwp rawh" tih pahin bawnghnute chu min rawn tulh a tum a.

Ka hnâr zawn a rawn thleng chiah,a rim ka hriat chuan ka uak leh tuarh a. Ka tho nghal a,kut silna ka va thleng phei hman țawk ka luak nghal bâwrh a.

Gordon chuan ka hnunga lo chûl pahin
"I eng nge maw diklo le" ati hap a. Ka hawichhuak tur chiah kan choka a calendar ka hmuh chuan ka harh zawk a. Hlauhthawnna in min rawn tuam nghal bawk.

A ni theilo,kei hi. Engtin nge? A ni lovang. Period te chu âwl châng ka nei ve țhin tho alawm. Bakah,a hmasa pawh khan engmah huat ka nei lova,luah pawh ka luak ngailo. Ka chawei theiloh leh mu țhaloh vangin ka pum lam a diklo mai mai aniang.

"Ka sawi chu i hria em?" Tih pahin Gordon chuan ka sam chu ka bengah min lo zeh sak a.
"Ka tihpalh,thildang ka lo ngaihtuah a,sawi leh lawk mai" amah en paha ka tih chuan
"Vawiinah Doctor kan hmu dawn nia" atih chuan ka thin alo phu dup dup thei.

"Khawia mi?" Ka aw pawh a khûr lek lek.
"Civil ami ațha ang" tih pahin dawhkan lam min pan pui a.
"I duty laklawh laiin emaw i hman veleh lokal la. Doctor kan hmu dawn nia,keipawh in check ka duh hrim hrim,ka pum lam hi" atih chuan engtin mah chhâng ta lo chuan ka bu nghat a.

Damdawiin chu ka Car chuan kan kal ta ngei a. Mahse,ka rilru erawh a nuam thei thlawtlo.
"Kan thleng" Gordon-an alo tih chuan ka hawichhuak vat a. Damdawiin kawtah kan lo awm reng tawh hi alo ni a.

"Doctor hmuh tur chu aw" tih pahin min kalsan ta a. Ka duty na tur lam ka pan pah te chuan eng dang mah ka ngaihtuah theilo. Ka thil ngaihtuah ang hi chu thleng lul suh se. Duh leh,thlaleh velah emaw te ni zawk se. Tunah chuan malsawmna pawh nise ka duh hrihlo. Ka hlau a ni.

Usarah ka hmuh chuan ka lo âu vat a. "USarah" ka tih chuan ka lam lo hawi zawk in
"Kha,i dam tawh maw?" Alo ti heu a.
"Aw,ahh,dam tawh e. Engtin nge i hriat?" Bangbo tak chuan ka ti a. Ka dam reng sia tinge ka damlo emaw alo tih le.

"Inpa in chawlh a rawn dîlsak che alawm. I han damlo deuh chiah chu amah zawk pawh a tla rawk rawk mai" tih pahin min han bêng taih a. Ka hrethiam chiah,ka kalloh chhung khan Gordon hian chhuanlam min lo siamsak anih ngei dawn hi.

"Thil zawh duh che ka nei a" ka tih chuan țhutna lam chu min pan pui a.
"Eng nge ni ve tehmial?" Atih pah chuan kan țhu a.
"Nonoi i pai lai hian huat i nei em?" Ka ti ta nge nge a,ka sawi zâwng pawh chuan keimah zawk pawh ka mûr chum chum thei.

"Atîr kha chuan nei lova,mahse,thlahnih vel a tlin khan engkim kha ka hua a,ka pasal ngei pawh hi ngei châng ka ngah mai. Ka luak nasa thei hle bawk" ati a. Ka hah zual telh telh nimai hian ka hria.
"Anih chu maw le" ka lo tih chuan
"Ngâwi teh,nanghi" tih pahin min en hâ a
"Aih,ni love. Ka țhiannu pakhat a rai a. A damlo nasa lutuk a,chuvang chu maw le" dâwt muhlûm hlak chuan ka lo pha mar nghal a.

"Ummm,anih chu. La na riau hi kan awm a,la na ve hauhlo te pawh an awm tho. Nangni pawh tiang lam te hi hawi leh tawh ula a țha ang. Ka pa lah a tar zual nasa mai si" tih pahin ka dârah alo bêng thek thek a. Thawh a rual nghal bawk.

"Anih keipawh duty ka ni sia. Ka va kal mai ang e" ka tih chuan ani pawh chu a kal ve nghal mai bawk a.

Nilêng chuan ka rilru chu thil pakhat chauh ah a insâwrbing a. Eng dang reng ka ngaihtuah theilo. Damdawiin canteen ah pawh zun test na chu a awm reng a. Mahse,lo test a,mahni chauh a en tur chuan ka huaisenna neih chhun ve hian a tlinlo a ni.

Loh theihlohvin tlâi bân chu alo hun ta a. Tunah tak hian buai viau ila,zân te hi tlang nghal theih se ka ti ngawih ngawih a. Mahse,rei tak ka tlânchhe thei dawn hauh si lo.

Motor dahna ka thlen chuan Gordon chu ka hlauh ang ngeiin alo ding vung tawh a. A sana bih vut pahin ka chhukna lam tur alo melh sek bawk. Min hmuh chuan ban alo vai a,nuih luih sak pahin ka pan phei a. Ava hunlo êm,tunah kan hlim ve leh țan dawn chauh a,buaina bawk hmachhawn leh tur chuan kan chakna hian a tlin tawhlo ang.

"Kal nghal ila" tih pahin kawngkhar chu min hawn sak a. Rilru khingbâi leh vei nei rûn chuan ka lût a. A tlânchhuah hnu pawh chuan ka țhu ngâwi kar a,ani pawh a hla play a sakpui ve zauh zauh tihloh chu a țawng bîklo.

"Harsatna a awm em?" Kan thlen țep dawn chuan ka lam lo hawi zawk pahin a ti sup a.
"Awm hranlo. Mahse" amah va en paha ka tih chuan lo hawi ve leh in
"Mahseee" alo ti fân ruih a. A țawng danah pawh kan pangngai chho dawn țan tih ka hre thei asin. Mahse,engthil nge kan hmachhawn leh tur hi.

"Inentir loh mai te ka duh" ka tih hap chuan alo nui hawk a.
"I hlau deuh ami. Hriau a hmang lovang" nuih suk pah chuan ati a.
"Hriau ka hlau lo" ka tih chuan ka lam rawn hawi pah hian a ner nûng a.
"Anih khawia nurse kha nge thisen a pek dawn a hlau deuh kha,haw leh mai te a tum kha" ngeiawm lek lek a alo tih chuan amah chu ka en zawk a.

"Ehe,kha kha ilo hria alaw?" Mak ti deuh chuan ka ti hliai a.
"Hria e,in bulah khan ka awm reng. Chuan kha kha i kut ka chelhna hmasa ber a ni bawk" mitmeng danglam taka min melh pah chuan ati leh a.
"Khata min rawn chelhtu kha nangmah maw?" Amah kâwk chuan mawl hmel takin ka ti a.

"Kei lo tunge ni ang" intihtheih hmel deuh chuan a han ti vel a.
"Ava mak ve" nuih hak pahin ka lo ti a. Khatih lai khan ka hlauh em vangin men pawh ka meng ngamlo kha a nia. Ka kut rawn chelhtu khan nasa takin min pui angah ka ngai,a hnua ka men khan tumah ka hmu si lova. Mahse,Gordon hi alo ni reng a.

"Mak vak hleinem. Khuanu samsuih chu pawh phelh țalh pawh tum ila ala insuih tlat thin antih kha" atih chuan kan mit a intawng chat a. Kan hawisawn rang teh e. Ani pawhin a thusawi chu kan boruak nen a inmillo hle tih a hrechhuak aniang.

"Anih timaw inentir chu i hreh a. Kan tilo mai dawn ami?" Aw then kharh pah chuan ati a. Chulai chuan kan kalna tur damdawiin kawt kan thleng vel dêr.

"Ka hrelo,ka chianglo tho a chu. Ihh,ka period hi ka âwl zeuh zeuh a" zâwi sep chuan ka ti a.
"Ava țhalo ve,kal ngei ngei angai zawk anih chu" ka sawi awmzia manlo lutuk chuan alo ti a.

"Chulam chiah pawh a nilo. Ka luak zeuh bawk nen,ka ruaklo anih ka ring deuh" chhîn sawk pah chuan ka ti a. Ka en ngam thlawtlo.
"Eng maw,i ruaklo maw?" Lâwm hmel taka alo tih chuan
"Chutiangin engmah ka chianglo. Mahse,ka hrelo le" ka tih chuan ka lam lo hnaih sauh pah in
"Kal vat vat ang,anih ka ring" ati a.

A aw ah pawh chuan a phûr hle tih a lang thei. Mahse,kha thilthleng khan,kei,thil theihghilh mai mai ngailo hmeichhe hi min rawn țhîng leh ta a ni.

"Gordon" beidawng țah aw lek lek chuan ka ti a.
"Aw,i kal vat teh ang" tih paha chhuah mai a tum lai chuan
"Thilthleng kha,i hre tawhlo ami?" Ka tih chuan a tawp chat a.
"Eng thilthleng maw,kha kha maw. Ka tihpalh thu ka sawi tawh kha" atih chuan kan sawi a inanglo nasa.

"Nilo,kha kha ka ti hauhlo" tih pahin ka lu ka lo thin khum a. Ani chuan mak atih hmel tawh hle. Tunah lo sawi duh lovin hlim nan lo hmang mah se nakinah rinhlelh hun ala nei tho tho anga. Chumi hunah chuan buaina ka nghah zawk ang.

"I hrelo ami,ka ngaihtuah ang hi chu ni lul suh se. Sawi ve teh" tih pahin amah chu ka va chûm ringawt a. Mak ti deuha min lo en chuan
"I zin rawn haw tûk kha i hre tawhlo em ni. Engtin nge,engmah kan hriatchian theihloh hi" beidawng taka ka tih chuan ka kut a chelh chu alo thlah nghal hnawk a. Ka thusawi chuan kan boruak țha ve țan tawh pawh chu a rawn thlâk danglam chiang hle.

A seat chu va nghen chawrh pahin.
"Kha kha" ati sup a.
"Aw,kha kha maw le ka sawi. Engtin nge ka tih ang?" Beidawng taka ka tih chuan ka mittui a tling pam tawh.

A thaw ham ham a,a sam chu hûi pawpin
"Hriselloh vang pawh alo ni maithei bawk a. Kal phawt ang" tih pahin ka chhânna pawh nghaklo chuan a chhuak thurh a. A thusawi ngei pawh a beisei tak taklo tih a aw phawi atangin a hriat vek.

Beidawng lutuk in car chhungah chuan leng vak pahin ka au tuarh a. Engkim ka tichhe leh ta vek e. Kan nun,kan boruak leh kan hlimna ve tur pawh ka thil lo tihsual vang khan ka tichhe leh ta vek. Ava han pawi vawng vawng tak em,hun hi koh kîr leh theih se chuan ka nu Muanêngtheii bula lo awm pawh ka thlang zawk ngei ang. Mahse,theih a ni tawh lul si lo.

Pindan lam ka pan lai chuan ka rilru in
'Beiseina chhetê chu ka la nei ve alawm. Ka intichak hram hram tur a ni' ka ti phei mawlh mawlh a.

Kawngka bulah chuan Gordon hi alo ding kâwi ngul a.
"Gordon" tih pahin a lu ah chuan ka tawk a.
"Kal ang" tih pahin a lût thurh a.

Doctor chuan kan harsatna te min zâwt a. Sawi tur a lawi pawh ka hrelo,ka rilru a mang vek ni berin ka hria. Gordon-an ka luah thu leh ka period ka âwl thu a sawi chiah chu rin ang ngeiin Doctor chuan test kit hi min rawn pe a. Gordon ka en chuan rang deuhin alo hawisawn vut a.

Bathroom ah ka lût a,ka va test chuan en miah lovin ka chhuak a. Țhu ta mailo chuan ka test kit chu Doctor ka pe a. Nuih vur vur pahin ani chuan alo thlêk a.
"A dik ava ang ve" atih ri chu ka bengah a khâwk rum rum ni maiin ka hria.

Gordon chu ka nghêng rawk rawk a.
"Khaih khaih,thu lawmawm lam anih chu. Ala chianglo ania,han mu phawt teh" atih chuan ding tur pawhin chakna ka nei meuhlo.

Gordon chuan min lo pui vatin khumah chuan min muttir a. Ka mut veleh Doctor chuan ultrasound in min han en a,ka Doctor pan lah hi a nui reng bawk sia. A hmel atangin result âwm ang pawh a hriat theihloh.

"Ummm. Naute thlakhat leh karhnih mi i pâi mek anih hi. Ka lawmpui a che u" tih pahin Gordon chu a han bêng thek a. Țahchhuak zeta Gordon awmdan ka han melh chuan ka mutna hi chim in,lei hnuai pilril takah min hnûk lût vawng vawng mah se pawi pawi tihna ka neilo.

Gordon chuan a kut a hûm ruh ngar ngar. A bek thisen zâm a pâwng țawlh țawlh bawk. A thâwk zawngte chuan ka lo hah vek thei.

Doctor in damdawi țhenkhat min chawh bakah hahdam turin min hrilh a. Ka bp leh hb alo hniam vang a ni pakhat bawk.

Ka hmaa Gordon kawng pawh en mumal lova kal chu ka zui hnek hnek a. Tun ang dinhmunah hian ka bia ang em. Engmah sawi lovin a hmaah ka va țhingțhi mai dawn em ni?

"Gordon,min ngaidam rawh" kan chhuah hnu chuan ka ti ta tawp a. Min chhâng lovin motor chu a khalh mawp mawp a.
"Mahse a theih hunah test neih ka duh a ni" ka huaisenna zawng zawng sáwmkhawma ka tih chuan
"Khapa fa kha a ni tih chian nan maw?" Tih pahin Motor a tiding tuar a.

"Ka hrelo,eng nge ka chungah thleng a,thlenglo takngial pawh ka hrelo anih hi. Khawngaihin eng thuthlukna mah siam suh. Ka ngên a che" ka tih chuan steering chu nghet zet maiin a hûm a. A kut chu a var pap thei hial.

Engtin mah min chhânglo chuan chak zet hian a tlânchhuak a. A tlânchak lutuk vangin ka thaw te chu a chham lek lek. Traffic pawh chuan hamrîk alo hâm ri tuar tuar a.
"Hêngho ve sek pawh hi" a steering ben pawp paha tiin a tlân zawm char char tho.

"Gordon,kan chesual mai ang,khalh muang deuh teh" hlauthawng taka ka tih pawh chuan engtin mah a awmlo. Dûrtlang chhukah Truck lo tlânthla nen chuan kan intâi fua a. Truck pawh a chîk tuarh thei.
"Gordon" bûk lâwp paha ka lo tih chuan
"Lo ngâwi hmak rawh" a rawn ti hrâwk a. Chil lem khawlh pahin ka kâ chu ka chîp hmak.

Engtin tin emaw chesual lo chuan kan in kan thleng ve thei ta a. Kan kawtah chuan a ding pawp a.
"Chhuk rawh" a zâingai taka ka va melh chuan alo ti hmuk a.
"Chhuahna tur ila nei ami?" Tîm daia ka zawh chuan
"Chhuk mai rawh" tih hrâwk pahin ka seat nghenchhan hnunglam chu a rawn bêng pawp a.

Hlau lutuk chuan ka seatbelt ka phelh sawk sawk a. A zuan in ka zuangchhuak nghal
"Inah khan awm ang che" tih hmuk pahin chak lutuk in a lim chhuak nghal.

A kal chiah chu bang nghêngin ka țhu rawk rawk a. Eng hremna nge ni leh ta ngai.
'Lalpa kan hlim hi a rem ve thlawtlo ami. Tinge tiang reng hian kan awm bik. Ngaihdam theihloh thilsual tih ka nei anih chuan khawngaihin min ngaidam la. Kan nupa inkâr hi min chinfel sak hrâm teh. Ka pumchhunga naute lo insiam mek hi Gordon fa ngei a ni tih min hrilh hrâm teh Lalpa. Anih loh chuan ahma ami ang khan min lâksak mai rawh,tiang chuan ka nung zo lovang'tih pahin vân lam chu ka hawi a. Ka mittui a rawn luang thla pap bawk.

(KA STORY MIN LO CHHIAR SAK TUTE IN ZAVAIIN

MERRY CHRISTMAS

NUAM DEUH PLUSȚHA DEUHIN HUNPUI HI IN HMANG VEK DAWN NIA. LOVE YOU ALL,FUUUUUUU)