Muansanga *Habibi* By May Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Muansanga *Habibi* By May Renthlei (Completed)

Unread post by Ngaia » February 13th, 2022, 12:52 pm

g7efgi08.jpg
g7efgi08.jpg (16.13 KiB) Viewed 11009 times
Ka lo let leh ta e. A kal phung awm ang tur chu a hnuaia an thil sawi tlem a zawng ka lo dah aṭang hian in lo ngaihruat chhin dawn nia.

Sad ending turah lo ngai ngawt tawh lo ula😂. Ka ngaina lo. Ka ziak peih bik lo.
#Muansanga.
Habibti, hlim ka phu ve lo, in kianga nuih tuma ka hlim vedawn pawh hian Muansanga keimah vanga hun lo taka kal ta te, a chhungte nen lam ka ngaihtuah chhuak lo thei ṭhin lo. Chu vangin ka nun hi a chhum dum chhah mup ang mai a ni. Ka chauhpui a, ka hahpui ṭhin. Thih ve mai ka duh chang lah a tam.."

"Habibti nangmah nena lei rem rual rah ve ka duh. Engkim, ka nun hmasalama ṭha lo zawng zawng chu hnunglamah dahin ka hawisan vek thei ang. Ka tiam a che. Chu mi tur chuan ka mamawh bawk che. Ka kianga awm a, ka engkim ni turin." Min nawr na na chuan a ti a. Insum leh tawrh a harh mah mah.

#Lalrinawmi
Tu emaw ka tana ruat, mi dangin min pek theih loh feeling danglam tak hi ka la tawng ve mahna. Ka rilruah Muansanga arawn lang nghal. A danglam bik deuh chu a ni.


Muansanga *Habibi*
Chapter-1
Ka lo let leh ta e. A kal phung awm ang tur chu a hnuaia an thil sawi tlem a zawng ka lo dah aṭang hian in lo ngaihruat chhin dawn nia.

#Muansanga
Habibti, hlim ka phu ve lo, in kianga nuih tuma ka hlim vedawn pawh hian Muansanga keimah vanga hun lo taka kal ta te, a chhungte nen lam ka ngaihtuah chhuak lo thei ṭhin lo. Chu vangin ka nun hi a chhum dum chhah mup ang mai a ni. Ka chauhpui a, ka hahpui ṭhin. Thih ve mai ka duh chang lah a tam.."

"Habibti nangmah nena lei rem rual rah ve ka duh. Engkim, ka nun hmasalama ṭha lo zawng zawng chu hnunglamah dahin ka hawisan vek thei ang. Ka tiam a che. Chu mi tur chuan ka mamawh bawk che. Ka kianga awm a, ka engkim ni turin." Min nawr na na chuan a ti a. Insum leh tawrh a harh mah mah.

#Lalrinawmi
Tu emaw ka tana ruat, mi dangin min pek theih loh feeling danglam tak hi ka la tawng ve mahna. Ka rilruah Muansanga arawn lang nghal. A danglam bik deuh chu a ni.
Sad ending hi ka ngaina lo. Ka ziak peih vak lo bawk. Lo lungngai lo phawt ula..
***** May Renthlei ******
Delhi khawlum lutuk kalsan a Mizoram han thlen leh meuh chu a hahdam thlak huai mai.. Delhi kha chu duhthusamin a lum a, Mizoramah erawh June thla, fur inṭan hun ani tawh a. Rizai sin lum leh kawrlum hak angai zawk mah a. A nuam phian mai..

"Lalrinawm i haw ve dawn elo?" Tih pahin ka hnungah na em em in tu emaw hian arawn beng thawr a. Ka ip zawk thei.. Min rawn be tu hmuh tum chuan ka hnunglam ka hawi pawr chhak a.

"A na lutuk Duhkim."

"Delhi ah ila awm reng emaw tia. Eng tik nge i lo hawn?"

"May thla khan ka lo haw daih tawh. Aizawlah ni 21 chhung ka in quarantine tawh a, vawin hian kan khawlamah chhoh ka tum."

"A nih tak chu. Thil hi ka hre lo lutuk a. I haw ve hlauh tur chu ka van lawm. Kawm tur ka nei dawn a." Thawveng em em in an ti leh a. A zia ala thlak eih lo. Aizawlah hnathawkin a awm a, kan inrual chiah bawk. Tun kum hian kum23 ve ve kan ni.

"Delhi chu a nuam em? A lum ngawt lo maw?"

"Lum lutuk. Mahse nuam kati lak lawh tawh." Nui chungin ka lo ti a.

"Passenger pa5 chiah ka nei dawn bawk a.. Tlan chho vawk vawk mai ang aw. Kanin peih chuan kan tlan chhuak dawn em ni?" Kan driver Rinkima chuan ati lung lung a...

Ka cousin ania, kan motor ho pawh min enkawl sak tu ber a ni. Motor chhe siam tih leh a chhehvel hi chu a hre bel hneh ve tlat.

"Nobawihi chu ka nute khan i quarantine a zawh veleh car kan tir thla dawn nia an ti emaw ka lo ti mai mai a. Seat i rawn hauh leh thut sia." U Rinkima chuan sumo ti nung zui vut vutin a ti a.

"Ah nia, in kan sa bawk nen ka chhungte an buai ve sia inhruai tir kher ngai kati lo va. I lo awm rengchang tho nen." Ka lo ti a.
Nobawih tih hi chu kan chhungte ho min ko dan bik ania. Midangho chuan min ko chuang lo.

"In quarantine chu a ninawm duhawm mang e aw. Chhuah theih dawn bawk si lo. Ka peih loh zawng tak a ni." Nui zui huah huahin a ti leh a.

"Ninawm kati ve vak lo. Phone a awm chuan ka lungawi. Ka mu nileng zan khua ṭhak ṭhak a. Ka ning lo. Ka kham lo zawk." Ka lo ti et a.

Ka tan chuan inkhung nilen tih vel hi harsa ve vak hek lo. Leng chhuak lo va in a inkhung chawt chi ka lo ni bawk nen. Ka tan chuan anuam. Chungte an ngaihawm tawh tih mai lohah chuan.

Aizawlah leh kan khuaah in kan nei ve ve a. Aizawl lamah ka û te nupa an awm a. Min lo buaipui chawt.

Kan khawlam thung erawhah ka û te pahnih leh ka nu leh pate an ni dawn a.. Kan unau hi pa5 kan ni bawk.

Kan unau zinga upa ber hmeichhia leh mipa in nupui pasal an nei tawh a. Aizawla awm ka û te, min lo buaipuitu katih tekhian Aizawla kanin lam an enkawl a.. An nu zirtirtu ani a, ka û lah office a kal nitin bawk a. Kan khawlamah chuan an lo haw hman lo tluk a ni. Tunah ka û nupui, kan monu hian naute a pai mek a, fapa kum4 mi an nei mek bawk. School kal rual an nih hunah phei chuan an buai khawp ang.

A hmeichhia pasal nei tawh erawh kan khawlamah an awm vethung.

Pathum kan la bang a, ka û te pahnih, mipa pakhat kum 28 leh hmeichhia kum 25 na hmang mekte an ni a. Kei erawh kum 22 kani mek.

Delhi ah kum 2 chiah ka awm hman a. A bak kum 9 erawh Aizawl lamah, kan khuaah chuan Primary thleng chiah school ka kal. Kan khuaah chuan awm tam lo tak kani..

"I va ngawi thei ve." Duhkimi chuan mi nghawk zui sawkin arawn ti a.


"Ka lo muhil a." Ka ham zui bai bai a.

"Anih kha.. Kan thleng ṭep tawh muhil tawh suh."

"Awle."
Ka Ear phone vuah mek chu ka tih rin belh a..

Zo thlifim dam dep chuan mi rawn chhem heuh heuh a. A hahdam thlak. Delhi khawlumah kha chuan thliin min chhem khan thin a rim hlur ania, a rawn thaw lum pup zel. Boruak kha aṭha lo em a ni. Ka vun erawhin a ngeih phian thung.

"In lo va thleng hma ve." Kanin bula kan din chiah rualin ka nu in a lo ti chul a.
Ka ngaih tawh zia hi..

"Nu..." Ring fe mai chuan kan ti a..

"I va han ngaihawm hnup hnup tak.." A sir zawnga ka kuah rual chuan mi lo beng thuk thuk a.

Kum 2 lai ka hmuh tawh loh kan in pawh an lo sa zo thuak tawh. A chhawng hnuailam an lo la peih fel lo deuh ringawt tawh.

"Khaw nge midang?"

"I û Mami chuan dawr a nghak a. I û Ruatkima te ramvah an tum a bike nen a an tlan chhuak chiah. I lo haw dawn vangin vah chhuah loh a tum viau kha ania, a ṭhianten an tur lui tlat mai sia. A mah pawh nuam lo tideuh chungin alawm a chhuah.." A ti barh barh a.

Ka nu ṭawng ri a kiang maia awm chunga ka ngaithla leh thei techuan ka awm a ti nuam em em ringawt.

" A pawi hleinem. Lo hlawhtling hlauh se."

"I lo thleng der elo? Khawi maw ka lo chibai teng che. In boruak tawn teh nuai kara dama kanin hmu leh hi a lawmawm e mai." Ka pa chuan a kut chibai tura min lo pe nghal vatin a lo ti phur surh a..

Ka pa hi khawtlang pa raŵn an tih ṭhin ani a. Kohhran upa, YMA ah pawh president vawi tam lo nitawh leh VC secretary tepawh lo nikual zak zak tawh ani a. Mahni tawka pa bright leh lu zo veh vawh tak ani a. Tluk lo ka inti hle ṭhin.

Ka nu pawh hi mi rel ngai lo. Thil phal leh chhungkhat ho hui khawm thiam tak ani a. Kanin hi lûn tak ani reng ṭhin. Thingpui in a rawn leng lut hi an awm deuh reng tih theih ani a. Thingpui te hi englai pawhin siamsa kan nei reng ṭhin. Kanin pawh a fai hman mang lo tih ang vel kha a ni.. Mahse nuam kanti zawk. Chhungte ho lenkhawmna ber nih chu a hlu ve a. Kan sual lem lo tihna ani ber ang chu.

"Nu khaw nge ka room tur?" Ka awm loh laia in lo sa leh engkim tifel an nih avangin eng mah pawh hi ka hre lo.

In pawh an lo sa pui phian a. Thingtlang in ni lo vin, khawilai khawpui emaw a in ding luah tepawh a ang zawk mah. A zahpuiawm bik lo. Khawpui in tam takin an tluk teuh lo.

"Mi khual techuan room neih ve angai hleinem?" Ka pa in a tih fiamthu chuan ka tum der venghal...

"A awm alawm.." Kawmthlang lama dak nghal vahin kati a.

Kan khaw boruak nawm em em zia hi... Huana Theihai lo rah tuar chuan ka chil a ti put nghal zaih zaih.

"In hnuai lam kan la peihfel chiah si lo va i û Mami nen room chu inṭawm rih mai rawh u." Ka nu chuan minti a.

"Aw le..."
Ka bungrua thiarlut nghalin ka ti phur harh a. Room pawh ka duh ang thlap. A felfai a, ni eng a hmuh ṭhaṭ bakah a boruak a thawveng halh..

"Intifai la.. Dawrah i Û Mami bulah i chhuk dawn nia, hmu chak chein a ring a fan a fan tawh ang chu." Ka nu in kan room a dak lutin arawn ti a.

"Ka thawmhnaw ho hi kan dah fel deuh phawt ange."
Ka nu ṭawngna lam ka va hawiphei chuan a lo kalsawn leh daih tawh nia..

"Mak ṭhin..."
Intifel a, ka inbual fai sar hnu chuan rimtui ram ramin room aṭang chuan ka pen chhuak a...

"Awmawm i lo haw ani maw?" Ni Hlimi lo leng lut chuan lu ruh ring tih takah mi lo be lung lung a.

"A nih hi. In dam tlang em?"

"Aw dam e. Dam a i lo thleng chu ka van lawm em. I chanchin hi kan sawi reng zel alawm. Tih theih engmah nei si lo in kan lo ngaihtuah em em che a. Dam tein hri te kai em lovin Pathian zarah i lo thleng a. A lawmawm ngawt mai." A ti teh duah a...

Ka ṭawngkam thiam hian chhang let turin a daih ve ṭhin tawh lo. Ka nu leh pa in an lo sawi zawm pui bawrh bawrh a..

Kei erawh dawr lamah ka tlan thla thung. Kan dawr hi kanin aṭanga hla lo te, hmuh phak deuh rengah a awm a. U Mamin enkawlin, a muk ṭha hle a. A inhralh thei viau bawk. Thil a neih chikim viau vang ania nge. Variety store dik tak a ni...

"Hmm hmm hmm..." Vei nei lem lo deuhin ka kal zai thla rat rat a.

"A chhiat loh zia khu.." Ka hmaa kal tleirawl pahnih, kum 17 vel bawr turte hawina lam pang kan khaw inkhelhna mual lam chu ka hawi ve thawr a..

"A tu chu nge maw an sawi le, kan khuaah chhelo viau an awm pawh ka hre si lo va." Kati rilru mai mai a...

Kan dawr thlang lamah hian football leh volleyball khelhna a awm a. Kan dawr aṭangin a thlir theih. A piah leh deuhah middle school leh high school inhlat lo takin a awm bawk a. Venglun tak chu a ni.

"Û Mami." Dawr kawt aṭang chuan ring leng lawngin kan ti a.

Khi ṭhuin dawrah chuan kan dak lut a. Mi panga vel lai dawra leng leh thil lei an lo awm leh sia, mi lo melh ṭhupa ka lai leh deuh...

"I lo va thleng hma ve.." U Mami chuan alo ti thuai a.

"Nia.."

"I va ngo em em ve, i var vek alawm." Û Mami ṭhiannu kei pawhin a ka nel em em Û Mapuii chuan mi lo ti nghal chul a..

"Chu ti maw.. Kan khuaah karhnih khat vel awmin hna ka thawk a nga keiai in lang ngo lehnghal vek tho ang. Nang ni te chu in vun a nung reng thei zawk alawm le." U Mami kianga ṭhuṭ phei pah chuan kati a..

"A teuh lo mai. Nang te chu i ngo hrim hrim alawm. I bula awm pawh a zahthlak ka hawsan daih dawn che u." Nui uar uar a tiin a ṭhuṭna hmun aṭang chuan a ding zui a. Nula nuih duh leh bula awm nuam tih takah..

"I ho mai mai e.." A chhuah tum chu kati zui a... Eng emaw sawiin a pen chhuak zui a, a ṭawng pawh ka hre zawm thei tawh chuang lo.
Û Mami dawrtu teho pawh an kal kiang hlawm vat a.

"Hrilh tur che ka ngah zia chu." Kanti nghal thawr a.. Inkawmngeih tak kan ni a, kan khuaah hian ṭhian dang ka kawm ngai lo. Û Mami hi ka kawp chawta ni mai. Khuaah ka awm tam lo bawk nen.

"Kei pawh.."

"A..Hai..." Ring tak mai chuan kan han nui dun nghal ṭan phawt a.

"Kum 23 ah pawh bialpa nei lo bawk chuan lam ang i lo let leh a."

"I inti nei mai e. Khua hmunah in awm bik loh kha..." Ka lo ti ve thung.

Delhi ah pawh khan luck chu ka luck mawle, ka lo chhe zawk zawk lem lo bawk a. Hnamdang ngaihzawn kha ka ngam thlawt lo. Chhelo leh hausa fe fe ka tawng nual na chu. Ka lo ler lem lo bawk a. Ngaihzawng neih tih vel hi ka hlau tlat.

"Zanah dawr ka khar hma anga thil kan sawi dun tak tak dawn nia.." Top ramen rem ṭha mawlh mawlhin a ti a.

"Aw le.. " Field lama hawi thla vauh vauhin ka ti a.

Mipa chhelo zet mai ka zu hmu. Kan khaw mi leh sa ani pawn ka hre lo. A ngo a, a sangin a pian a nalh hle bawk. Ral khat aṭang pawn a langsar nalh.. Inkhelh pawh thiam lo zawk zawk chu ani lo..

"Lalrinawm..." Ti ri ah chuan Volleyball khelhna lam chu ka hawi zui leh ta thung a.

"Ruatsang mi luck lo pa.." Au zui let ve in ka zu ti lawng lawng a.

A ṭhiante hnenah a ball kenlai chu pe in kan dawr lamah phur em em in arawn tlan chho nghal a. Ka lo nuih tawp. Mi va han ngai ve chiang em.

Kei ai kum2 in a upa a, higher ka kal laiin in ngaihzawn puiah min sawm vetawh ngei alawm. Ka lo la duh lo zui, dik tak chuan mipa min duh thu min hrilh tawh tute zingah chuan tlema ka la duh vedeuh ber chu ani ang. Kan khuaah chuan a luck ber pawl ani ve nge nge.. An awm theih bakah a mah hi a fel a, kawm nuam tak leh tupawh ṭhiana siam zung zung thei mi ani a. Ṭhian pawh a ngah.

"I lo haw dawn tih pawh min hrilh lo.." Na vak lo vin ka tukhumah mi rawn nem a. Over fe in ka bu lui dawrh.

"Surprise.." Hawi chhuak lehnghalin in la cute fe in ka ti khi ṭha a.. Mi êi loh hmel lutuk chuan ka nuih a ti za.

"Tih duhdah tur ka nei ṭha leh dawn e." A tih chuan ka kut hum ruhin ka tin uai a. A nuih a za ropui.

"Ka kid no 1 i nih kha.."

"I boss alawm ka nih." Ka samah a tuai thur zui a. Sam khawih ka huat zia a hriat vangin.

"Lalruatsang mi harh.." A kut ka vai kiang thuak thuak a..

"Nupui pawh i hmu zo lo vang."

"A pawi a mi? Hmuh loh tawpah techuan nang i awm alawm." Eng tik lai pawhin he pa hi ka hnial dang hlei thei ngai lo. Tlawm lah ka hreh ṭhin si.

"Teuh lo. Pasal ka neihsan dawn che." Ka lo tipawr hlar a.

"I hmu lo. I zia aṭang hian ka hre vek. Tunah pawh hian i single keu kuau." Hnehsawh fe in minti a. A sawi dik lutuk a, ka melh rum tawp.

"Kha maw..." A nui zui a. A ngainatawm ve ngawt mai.. Mahse a chang hi chuan ka ngei deuh ṭhin.

A aw leh a nui ri hi a pa in, a thum hran lo. Mahse a eng emaw nalh riau ka la ti tho. Tleirawl lai tak tak tekha chuan ka duh vedeuh ṭhin kha ania. Tunah chuan ṭhian ṭha ang tak tak chauhin ka en tawh.

"Tun ṭum lockdown kan haw khawm chu kan khaw nula leh tlangval an in kawp fer fur hlawm mai. A in ngaihzawng zawk pawh an langsar lo, a single kan langsar zawk." Nui zui ṭhuin a ti a..A hmel awmdan Nuihzatthlak zia chu... Ben lawlh ka chak.

"Lockdown effect." Nui chungin ka lo ti a.
"A single langsar zual ila ni zui lo maw?" A jersy hak pawh sak detin kan ti êl pah a.

"Ni chiang e. Mahse hei i lo haw tawh alawm single pui tur.." Awm ze nei deuhin mi melh pah ralh a.

"Mi melh lo mai teh. Ka single loh san dawn che.." Thluk zui raihin ka lo tih khum fân riak a.

"Min lo ko leh tawh. Kan chhuk leh phawt a nge. Kan la inkawm leh dawn nia." A ṭhiante ho in an rawn ko chuan a ti a.

"Awle. Kal leh tawh mai rawh.."

"Min lo en dawn nia."

"Ka peih lo." A tlan liam thlir thla zuiin ka ti a. Mi rawn chhiat khum a.

"Hmmp..."

Ka en na lamah a hmaa chhelo katih deuh lo chho ve mek ka zuk hmuh phah. Chiang fe in kanin melh a, eng tin emaw hian ka awm chhuai.. A ni chu a awmdan angai reng.

A ngen hmel bakah, mahni tawka in la pa leh cool tak angin ka hmu.

Ruatsanga nen an in chen velin ka ring. Ft6 an tling thuak ang. Mahse, ani khu chu a ngo a, Ruatsanga ai a hmelṭha zawk bawk. An mizia tur awm ang erawh chhim leh hmar ang vel tur niin ka hria.

"Û Mam shark bur2 min lo pe." Kan dawr chhungah lutin arawn ti a. A hmel ang chiahin a aw pawh a nelawm lo. Mahse a aw chuan mi hip riauna a nei..A hmelṭhaṭ vang ani thei mai a ngem? A âw te chu ka hre mawi bik tlat.

Ka lo en nasa mah mah deuh lo maw aw.. Hawisan teng. Ka duh emaw a ti palh ang.. A ṭha dawn lo tlat.

"Kan khua chu a nuam em? La haw mai suh aw. Ṭhian i la neih belh zel ang a, i la tlangnel chho ve telh telh dawn ania.." Ka û chuan a ti bawrh bawrh a. An inbiak dan aṭang chuan lo inhre ṭhang tawh tak an ang. A va fair lo deuh ve.

"Nia." Pawisa pek pah chuan a ti bung churh a.. Biak chiam a awl dawn lo anih hi..

"Inkhelh chu anuam em?" Û Mami chuan nui sang leh biak nel tum tak chuan ati leh a.

"Nuam a ni mai. Ka vawikhat khelhna chiah ania." A hma ai chuan a chhang thui ta deuh..

"Inkhel ziah rawh. Tlangnel nan leh ṭhian neih nan pawh. Ka nau chiah Awmawmi pawh vawin ah a lo haw a, in inrual vel mai thei. In inkawm ṭhin dawn nia." U Mamin atih chuan ka lam arawn hawi ve ta hram a. Nasa vak lo in an nui a.
Hmelṭha bik deuh ve....

Ahh nia. Hmelṭha hi chuan mi chu an lo hip awl deuh ania nge. A mit meng fim fiah kaka min melh rual chuan a rukin ka lo zam ru veng veng. A hawisawn leh vat chuan minti thaw ru huai. A hmelṭha tak chu hmuh nuam viau mahse.


A hmui sexy zet, mipa hmui atan chuan a sen mah mah ang tih tur khawp chu a pet zauh a, a biangsum a lan phah kalh. Kei ang lo takin a a veilamah chiah biangsum a nei. Keiin dinglamah chiah biangsum ka neih laiin. Khuanu samsuih kan ni tihna ani mai a ngem???

"Huishh. Ka va ho thei tak. Mahse min duh thut se aw.." Ka la ti rilru hram a. Em em hian.

Ka mipa vawikhat hmuhnaah min duh se ka tih awm chhun ala ni ang.. Thleng dik tak ang maw??? A nuam ang reng. Ka nui...

"Eng nge nangmaha i nuih a?" Û Mami chuan arawn ti nghal chat. Chhelo-a erawh kha chu a lo kal daih tawh. Hnunglam aṭang pawh chuan a chhe chhuang lo. Ka uar mah mah em aw..Hmmm.

"Ka nui lo."

"Muansanga kha chhelo i ti chiang." Û te ho thil man chak lutuk hi a chang chuan ka ning ṭhin.

"Ka vawikhat hmuhna chauh alawm. Chu tiang lam pawh ka lo ngaihtuah lo." Te chu kanti kual vel a. Nep thei ve..

"Kei pawn chhelo katia lawm. Kan khuaah chuan hrelo pawh an awm mang tawh lo vang. Nula leh tleirawl ho in an star lutuk. Nuho pawh an infiam laih laih fo mai. An bang bik lo."

"Mak ṭhin ve. Khawilam mi nge?"

"I hre lo a maw?"

"Nge ka hriat ngawt ang?" Ka lo ti thung.

"Ka pa ṭhianpa, Pa Sangkima fapa naupang ber anih kha. A unaupa Hruaisanga te chu i hre ngawt ang chu.." A tih takah chuan ka fiah kuarh mai.

"Hruaisanga lo zin ṭhin laia in star theih zia kha ka la hria.." Ka nui nghal.

"Ni reng e. A pa nen khan an lo zin ngun alawm. Muansanga hi a lo zin vengai miah lo va, chu vang aniang kan hriat hlawm loh. Tun ṭum a lo zin aṭang hian alawm kan hriat chauh. Ka nu leh pa tenen chuan an inhre sa lutuk tho va." An ti a.

Pu Sangkima, Muangsanga pa hi kan khawchhuak. Mizoram pa hausa leh lar ani a. Kan khaw tan pawh hian a ṭangkaiin kan chhawr lutuk. Kan khua arawn ngai hlu zuiin, a hman remchan tih velah chuan arawn zin chho ziah ṭhin.. A fapa upa ber Hruaisanga hi arawn hruai chho fo va, kei pawn ka hre viau. Muansanga hi chu ka hrengai ve miah lo.

"Pu Sangkima hi kan khaw high school headmaster Pu Ṭhuama unaupa ti raw?"

"Ni e."

"A nih chuan Lalruatsanga nen cousin an ni maw?"

"Nih loh ten. An chhungkaw ho hi an hausa hlawm alawm. Aizawla awm vetho an unau zinga mi lah khu contractor lian lutuk a lo ni bawk."

"A lo nih hlawm vel chu... Ka chhohsan dawn che.. Ka nu ei rawngbawl pui angai ang."

"Lo han chho rawh. Chawhmeh tui deuh lo siam ula."

"Aw... Aih.." Chimawm chhuah leh tawhin ka ti a. A ṭawng leh hmain ka tlan chhe haw nghal.
Comment leh like lamah hmuh cheu ka lo inbeisei ang.
KA REGU ANG. IN FEL CHUAN. KA ZIAK ZO DEUH SA TAWH TLAT A.😉



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:52 pm

Muansanga *Habibi*
Chapter - 2
By May Renthlei
CHAWEI KHAM....
"Ruatkima a lo hlawhtling haw bawka naktuk zing chu ṭhianpa Sangkima te pafa chaweiah sawm ila a ṭha ang. Aizawla zin nikhuaah an in tlawh leh chawei lo va kan hawn hlauin, a car nen mi rawn lam ṭawk ṭawk ṭhin ania, an ngaih pawimawhawm riau." Ka pa chuan thingpuisen hang dawmin a ti a.

Pu Sangkima te Aizawl pem hma leh pem hnuah pawh an la inkawm zui zel chu ania.. Muansanga pawh a lo kal veduh em ang chu maw..

"Muansanga arawn tel veduh angem le?" Ka nu chuan arawn ti ta reng a..

"Ka hre lo le. A ni hi a zia a dang khawp a. Accident a a ṭhianṭha ber a chan aṭang phei kha chuan a ngawi chawi leh zual.. A nu leh pa beidawngin kan khawlama rawn zin harh pui an nia. Awm zia awm se kati khawp mai. An khawngaih thlak. Hausak ngawt hi ani lo va, nun hlim hi a pawimawh. Chhungkaw inpawh tlan te." Ka pa chuan a ti teh duah a.

Ka nu leh pa hi chu ka chhuang ṭhin. Chhungkaw hlimna leh inlung rualna an ngai pawimawh a. Kan chhungkua hi kanin pawh tlang a, kan chawei te hi kan nui dar dar reng zel. Mi dang chanchin sawi leh rel na ten hmun an chang ve lo.

Chhungkaw lum nuam tak ai pawn lam kan ngaina ang tih mawlh hi an hlau a. In chhung kan ngaina vek bawk. Khawlai kan ngaina lo a, unauin kanin kawm mai zel.

"Nu, Muansanga ṭhianpa insawi chu hmanni a lar vak. Bike accident a thi kha a ni em?"

"Ni e. Tleirawl chhuak tih takah chin ṭha lo an lo nei vedeuh aniang. A pawi tak tak. Nun fimkhur hun laia dai sual palh hi a pawi ania. Muansanga nun lah a chhe zawngin a nghawng zui nasa ta bawk si." Ka nu chuan pawiti tih hriat leh khawngaih bawk si chuan a ti vawng vawng a..

"Fb leh whatsapp ah ka hmu alawm. Insta ah pawh a lar mai. Muansanga te an ni tih erawh ka lo hre lo. Ka thlir liam satliah lutuk a." Ngaihtuah zui nauh nauhin ka ti a.

Mi hausa awm ṭha duh lo tih ang reng vel ten ṭhenkhat chuan an dem hial anih kha. Ṭhenkhatin pawiti a, an khawngaih hle laiin...
####### A TUK. ########
"Ni zanah kan ṭawng rei bawk a. Ka hrawk te hi a thip ṭhum." Tui lum lem pah khalh khalhin kan ti a.

Û Mami erawh dawr lamah chawhmeh lei duhin an ko thla leh daih tawh. Ka lo ninpui...

Û Mami nen zing dar2 dawn thlengah khumah thil eng emaw sawiin kanin hrilh tawn dun a.

Delhi ah nu leh pa, chhungte tel lovin kan tal a...Kan ṭhian leh hmelhriat zo lo tak tak pawh ka hria. Pawi pawh kati.

Kei chuan nakinah fate kan la nei vethei a, kan fate awmdan tur a nga kan duh bik loh dan tura nun hi ka tum lo bur. Zu far khat pawh hi ka ka ah a la lut lo. Chu mai piah lamah, hmuam chi neih neuhah pawh ka fihlim vek. Ka inchhuan ve na ania.

"Ṭhianten an ti vek sia. Kati lo thei bik lo." Tih chhuanlam leh ṭhiante tih vanga tih ve phaha insawi mawi ṭhin ang hi ka pawm zawng ani ve lo. An mahni in thunun theih loh vang zawkah ka ngai nghet hmiah. Ti khawpa ti nasa ṭhiante ka kawp chho chung pawhin ka ti lo thei. Mahni in control, insum theih te hi angaiin a pawimawh ber kati kei chuan...

Pakhat leh chiah...
Ṭhian zia chi hrang hrang neiin, Delhi ka awm chhung khan ka kawm nual a. Pawi katih ṭhin chu an bialpa tenena an awmdan emaw, an secret life tak tak. Midang share loh tur ang hi duhai an sawi tam ṭhin kati kei chuan..

Min ring chu a lawmawm viau laiin, ṭhiante mai kan ni a. Kei ni ta ila ka chhungte tak tak bulah chiah bak ka sawi ngam teuh lo. Chhungte baka a tawp khawka rin tlak tak tak an awm loh zia hi an hrelo ṭhin kati.. Mi tam takin mualpho leh zahna an tawn fo chhan pawh hi niin ka hria.. Intih thiam loh chang a awmin duhai thui insawi chhuahsak an lo awm leh mai ṭhin a.

Chhungkua hi chu a lo pawimawh a ni. Chhungkaw innghahna leh inhnem hnanna nei lo mihring chuan pawnlamah hlimna a zawng a, a chhiatpui ngei bawk ṭhin. Ka ṭhalaipui nun chhia tam tak pawh hi chhungkaw inhnemna tur nei lo, pawn lama inhnem na tur zawng an ni fo.. Chu chuan rah ṭhalo a chhuah a. An nun chu an mahni ngeiin an ti hrehawm a. An inti na zual ṭhin.

Ngaihzawng tun thlenga ka la neih loh chhan pawh chhungkaw pawimawh zia ka hria a. Ka fate tana innghahna tlak chhungkua siam thei lo nih ka hlau a ni..

"A va mak vung vung ṭhin ve Nobawih.." Ka pa in arawn tih chuan ka bai chhuan lo liam mek chu ka chawk sawk sawk a...

"A va zia lo tak." Kati vang vang a. Ka pa erawh a lo nui huk huk thung.

Kan tihsualah hauin, min vin mai ngai lo. Ṭha takin min hrilhfiah ṭhin. A lehpekah tih sual nawn loh pawh a awl.

"Pa, Û Mami ka chen ve ṭep tawhin i hria em?"

"Tehreng e. Ka lo hmu sang tawh mah zawk che a." A tih chuan a tak tak anih loh zia kan hre ve ve. Mahse kan nui dun tho.

Û Mami hi ft5/5 a sang ani a. Kei erawh ft5/2 chiah. A pawi ṭhin...Ka hmel erawh a ṭha zawk. Pian lamah erawh ka thlau ta deuh.

Kei ka ngawi chawia, ka zia a zawih viau laiin ani erawh nu tling leh pa tling tenen an nui ho duar duar thei a. Naupang ka hriat ngai loh thlenga an hming pum ngata ko lawl lawl thei ani bawk. KṬP leh zai pawlah pawh an chhuanvawr ani a. Kei ve chu.... Sawi tam lo zawk mai ang. Awm hmunah hian ka ṭha vetawp.

Ka nula chho, KṬP a inhmang hman lo in Delhi lamah ka liam ta daih bawk nen.. In hmanna hun te chu ka la nei ve mah na..

Mahse ka nunah hian a tak takin Kristian ka nihna hi ka vawng a. Ring lo mite tana entawn tur, hei hi ani maw Kristian nun chu an tih tur khawpa nun hman leh kawhhmuh hi ka tih ngei turah ka ngai.

"Nobawih tumbu bai hi lo siam rawh aw. Kan Chef i lo thleng ta bawk a, ka in la awl tawh viau ang." Ka nu chuan nuam ti takin a ti a..

Ka awm hi chuan min ring thiam ve ṭhin a. Ei siam thiam tak ka lo ni ve bawk nen, ei siam lam hi ka tuipui a. Nuam pawh kati.. Ka zirlai lam lo nibawk nen.

"Ka awl vek dawn che nia. Va mu leh tawh mai la." Ka lo ti fiamthu venghal a..

"Tunah em em chuan mu bik lo vang. Muansanga te in lamah ka han chho a nge." A tih chuan Ruatsanga te in a sawina tih ka hrethiam.
Ruatsanga te in lo ah chuan an thleng lo tawp ang. Unau an ni sia.

"Ruatsanga nen kanin kawm ve nasa viau ania Muansanga chanchin a sawi awm ka hre ngai miah lo." Ka ngaihtuah let fe hnu pawha a sawiawm ka la hriat miah loh avang chuan ka ti vang vang a.

"Ruatsanga tak hi chu Hruaikima nen an inkawm zawk mahin ka hria. Muansanga te chu Delhi ah ve tho alawm a awm."

"Delhi ah a awm ve ṭhin a maw?" Aw ki hniam fahran lo chuan ka ti a.

"Awm e.. High school aṭangin a awm thla daih tawh alawm."

"Ka lo hre ngai miah lo. Ka awm ve tho zia." Ka ti zuih ral ṭhak.

Zing dar8 rik hmain Muansanga leh a pa pawh an lo thleng thla a..

"Kan Awmawmi chu i lo va nula tawh ve. I hmelṭha telh telh bawk si." Pa Sangkima chuan min hmuhin arawn ti phul hlut a.

"I vanti lawmawm." Nui sen senin ka lo ti a...

"Ka fapa Muansanga hi nang aiin kum1 chiahin a upa a. In inkawm tawk dawn khawp mai. Lo kawm rawh aw. A ṭawngduh lo viauna chu kawm a nuam lo em em bik lo ania." A fapa lam chu ngaihsak tih hriat em em in an melh zui a..

An ngaihtuah dan tur chu ka hriatthiam pui mai. A thil tawn zawng zawngte nen. Muansanga lah chu hmel ngai reng pu in a ṭha awm tawp.. Biak hmasak loh phei chuan a ṭawng mai mai lo vang. A chhelo viauna chu a ngainatawm lo. Kawm ka huphurh chi.

"Nia, min kawm duh dawn techuan." Ka ti mawi hnai ve a.

"Muansang ka room ah lo lut lawk teh." Û Ruatkiman arawn ti lung lung a. A kal zui ve mai a. A pian chu a nalh tawk vekhawp mai...

"Awmawm.." Pa Sangkima chuan arawn ti a. A lamah chuan ka hawi vat a.

"Eng nge ni?"

"Ka fapa kha i lo kawm hlim thei angem? Naktuk lamah hian Aizawl lamah chhuk thlaksan ka ngai dawn mai sia. He lama la awm tur hian kan duh rih bawk nen. Tumah han kawm ṭhaṭ duh a nei bawk si lo va, i kutah ka dah dawn ania." Pa Sangkiman khun khan taka an tih chuan ka huphurh ngang mai. Biak pawh ka be ṭawng zo vedawn em ni?

Û Mami emaw Û Ruatkima hrilh zawk tur ania. Chu bakah Ruatsanga a la awm tel zui bawk. Kei kher min tih.

"Nimin tlai aṭang tephei kha chuan a inkhel ve a. Ka lawm khawp mai. Mahse a mah hi a sual lutuk a, kum 20 a pel awr a kan control zo lo der ta chu ania, nu leh pa nih tlin loh kan inti ṭhin khawp mai.. Rilru hi a hah." An ti hûi pap a..

'Sual leh sual han inkawm dawn chu. Kan nawi dun awm.' Ka lo ti rilru..

"Muansanga hi a zia a dang deuh tih mai alawm. Mi sual te chu ni lo tehreng e. A zia chho ve mai dawn alawm. Rilru tih hahna tur a awm lo ve." Ka pa in a lo ti thung.

"Ni e, ngaihtuah reng reng suh u. He lamah awm rih se a rilru tepawh a thawveng deuh ang a. A thil tawnin a la luah khat hneh lutuk a chu vang mai alawm." Ka nu in a lo ti ve bawk a.

"A nu phei khu chuan a ngaihtuah zual a. A rilru a hahdam hman lo ani ber e. A naupang ber a lo nibawk nen. Muansanga û te pahnih lah mahni tawka inhai kua leh ngaihtuah ngai an lo ni lo bawk nen. A te ber ze dang lutuk hi chuan kan rilru a ti hah tlang ani e."

Û Ruatkima leh Muansanga te room aṭanga an rawn in zui chhuak tak avangin an ngawi ta hlawm a. Chaw kan ei zui a. Muansanga chu vawikhat pawh a ṭawng lo va, a nui bawk hek lo. Chawlah a ei tlem si.. A len nen nen.

"Nobawih dawrah bawnghnute zu la lawk teh." Ka nu in phone khawih a ṭhuṭ ka tum chiah lai chuan mi rawn tirh avangin ka ding zui lehnghal a..

"Aw le." Ka pen zui dawn lai chuan Muansanga phone khawih mawlh mawlh chunga a lo ding zawm ve chu ka mit sirin ka va hmu a.

"Khaw nge kal i tum a Muansang?" Ka nu in a lo ti vat reng a.

"Dawrah."

"Ah aw le. Zu kal dun ru." Ka nu ṭawng pawh chu hre awm lo hmiahin a chhuak a.

A hnungah zaŵi chhe tawkin ka zui ve a. Kan tleirawl rual tawh ho lah chu Muansanga an hmuh rualin an lâi chhe ve em em ringawt a. An la inhrilh ru sep sep zui.

"Ahhh. Ka tlu a nge." Ka hnungah tu emawin mi rawn nem vak avang chuan duh lo teh mah ila kawng chhuk tawite awm ah chuan kan tlan thla dun zawi zawi a.

"Tlan chak rawh..."

"Ruatsang... Mi harh. Ka tlan peih lo." Ka ti lawm lawm chungin dawr lam hawi chuan min nawr tlan dawt dawt a. He pa tak hi chu aw.

"Ka peih lo ka tih kha..." Min thlah rualin ka kuai kun nawk nawk a.

"A mak nawk nawk ṭhin." Û Mamin a lo ti thung.

"Nobawih dawr hi lo nghak lawk la. Chaw ka han ei ve lawk ang."

"Ka nu in bawnghnute min chah a, keng chho thung mai rawh aw." Hah vanga thaw hlap hlapin kati a. Lalruatsanga nen chuan kanin melh ling zui pawp pawp.

"Dawr ka nghahpui ang che. Thil man i hre kawm lo si."

"Ngai lo."
Ka ti chung chu keiai mah mahin a ṭhu rang a.

"I va hman tak." Kati tawp ringawt..

Muansanga ding ngawi ngul ka va hmuh chuan a awm ve tih ka hrechhuak leh chiah. Kan la in be miah lo.

"Muansang i ei tui maw?" Ruatsanga zawk chuan a ti a.

"Ummm." A lo ti ringawt.. A thil duh ngawi rengin a la a. Pawisa dahin a chhuak zui daih..Ka en tawp. Biak tlangnel dan ka hre bik lo.. Chhelo hlur ringawt mai. Nelawm lo si..

"I cousin nen khan in in ang lo." Ruatsanga hnenah chuan ka ti thawr a.

"U Hruaikima(Muansanga û) nen kanin kawm ngeih zawk a, kan zia pawh a in milh."

"U Hruaikima te chu i kawm tawk a mi?"

"Tawk e. Kei ai kum3 chiahin alawm a ûpat. Muansanga hi kei ai kum1 in a naupang leh thung. Hei ka ei ania." Sweet chu khehin a hmawm pah zat a.

"I ba ah ka ziak dawn Lalruatsang."

"A ngai lo Lalrinawm. I uikawm lutuk. Ka duh duh ka ei ang. Kan dawr vetho anih hi." Zam map lo chuan a la ti pawr em em zui a. Tih ngaihna a awm lo ṭhin...Kut ka thlak leh nge nge zel. Ṭawngkamah hneh hek lo.

Thil lei an lo kal a. Kei ai thil man a hre tak tak. Awm lo se chu ka buai viau zawk ang.

"Kha maw. Thil man ka hriat zia chu. Û Mami ka nghah pui zeuh zeuh alawm." Inti thei fe in, mit ko san zeuh zeuhin an ti vel ham ham a..Ka ngei ang reng. Ka huat tur tawka awm a thiam si..

"Û Ruatkiman leiletah ka kal dawn i lo kal ve duh em ati?" Û Mami chawei khamin arawn tih chuan ka ding zawt a.

"Kal ve duh." Tih leh tlan hawn ka rual..

"Lalrinawm.." Ti a Ruatsangan mi rawn ko zui pawh ka hai der hmiah...

"In siam vat la. Kan kal dawn nia." Û Ruatkiman kal inpeih vek tawhin in chhung ka luh chuan a lo ti a.

"Lutuk. . Nu khawnge ka hnathawh thawmhnaw tur?" Ka zawng buai nghal.

"Kha hei ha rawh." Ka nu in thil min tih pui vetawh hi chuan a fel thlap zel.

Ka insiam sawk sawk a, ka hman nghal. Lukhum zawnga ka kal kual ruai laiin Muansanga arawn lang leh hlawl a..

"Kan inpeih ani mai." Û Ruatkiman a lo ti a. A lo kal vedawn tih ka hrethiam mai. Zingah khan an lo insawm hman ani mah na..

"Sangha in rawn hawn ṭeuh dawn nia aw Muansang." Ka pa in atih chuan sangha kan man dawn tih pawh ka hre veleh chiah..

"Kan lo man ṭeuh ang." Tlema khi sekin a ti a.

Û Ruatkiman pick-up a ti nung a. Kan tlan chhuak nghal a. Kal kawngah feh tur ke a kal kan lam thla zauh zauh bawk..

Û Ruatkima leh Muansanga inkarah ka ṭhu kek a. An lian dun si. Minti lang te zual..

"Muansang sangha i man tawh ngai reng reng em?" Û Ruatkima chuan a ti a..

"Vawi hnih khat vel chu man vetawh e." Kawngka te bula ṭhu anih vang chuan a hawi chhuak vauh vauh a.

Thingkung kar aṭangin ni in arawn chhun tle zauh zauh a. Ni in Muansanga hmel ṭha tak mai arawn chhun eng sur chang chuan a lang ṭha zual.. A ni pawn boruak chu hahdam hmel takin a hip lut vang vang a. Ka en mek lai chuan ka lamah arawn hawi ta thut mai... A pawi...

"Û Ruatkim.." kan ti vak ringawt a. A ring ang chu aw.

"Eng nge ni vak vak?" A lo ti dam dup a.

"Chhunah eng nge kan ei dawn?" Kanti ngawt a.

"Sangha ani mai alawm.."

"Ṭhaṭ chu." Lu kati che deuh a. Muansangan ka ṭawnglai chu min lo melh fiah kalh thung..
Engmah a sawi chuang lo. Ngawi rengin a hawisawn leh a. Nel taka kawm bawrh bawrh chu a la hla hle ni.

Kan thleng a, U Ruatkima leh Muansanga chu awlsam takin an chhuak mai a. Ka bag ak in ka chhuak ve dawn a. Hawi ṭha mang lo in kawngkhar ka khar a. Kal ka tum chu ka let zui ṭawk... Ka bag ka lo khar hnan chu niin, tal buai fe in ka bag chu ka la chhuak hnawk hnawk a..

"Ninawm ve." Tih paha ka hawi chhuak chu Muansanga nen kanin melh fuh leh chiah.. A nui tlatin ka hria...

Mahse a nui vethei dawn em ni? Ka hmu sual aniang.. Rilru kawm zui nuah nuahin Û Ruatkima leh Muansanga te thlam lama inzui lut chu ka um dat dat a.

"Nobawih leilet vel hi ka fangkual zuai zuai duh a, thingpui kha lo lum ula duh leh theihai tekha in lo lo pah dawn nia. Muansang i hria maw? Theihai lawh tur a tam khu.." A lukhum khum ṭha zui phawk phawkin thlam kan thleng ve chauh chu a chhuak lehnghal daih lawi a.

A reh nghal tlawk tlawk.. Muansanga ka va melh zuai a, hahdam hmel fe in kan leilet lang chamduai lam chu a lo thlir thla a. Zo thlifim thaw dam diai mai chuan a sam buk lam lek lek leh a kawrhak var thawl lam chu a chhem phe lap lap a. Thla la tura model hmelṭha leh pian thiam tak in pose ang maiin ka hmu.

A phone arawn ri a. Ner nakin a off hmak nia. A ti mak ṭhin.

"Mei kan chhem a nge." Ka hriat tham lek tur chuan kati a.

Lighter ka zawng buai chiam a. Û Mama pawr fe a ko chiam ka tum lai tak chuan ka hmai bul setah lighter chu ka zawng tih hrethiamin mi rawn pe a.

"I ken techuan min pek vat awm che."

"Ka ken ani lo. Thlama awm sa hi lawm." Dam ruiha tiin a ṭhuṭna lam a pan zui leh a.

"Ka hmu mang si lo va."

"A awmna laiah zawng hek lo che." A ti leh mai a. Sawi dik fu bawk si.

"A awmna lai ka hre miau lo alawm." A tawp lamah chuan a hming pum lawla ko tel mai ka duh tawh.

"A lang reng alawm." A phone ri nawn leh melhin a ti a.
A phone ri chhen chu a ning hle tih hai rual lovin a hmel alang nelawm lo zual vek.

"Thingpui hi chu a so ve mai ang. Theihai ka lo dawn ania." Ka ipte bana ding nghal hluaiin kati a.

Ka kal rual chiah chuan ka hnungah pen ri dang a rawn awm venghal.. Dinga ka hawi let chuan Muansangan dar mi lo san khum ak a.. Ṭawng hlei lo in mi lo zui ve chu niin.. Ṭawng lem lo in kan lo dun a. Kung hran a mi ve ve. A kung erawh a in hnaih dun viau tho.

"A hmin i duh zawk elo?" Ka be hmasa ta nge nge a.

"Umm."

"A hel a tui daih zawk. Kei chu thur ka duh a. Thei thur lam hrim hrim in ei siakah chuan tupawh ka cho vek."
Theihai thur fe mai keih zui hmiarin kati a. Theitur tih vel hi chu ka thur lo ei hmiah hmiah thei. Duh tak ka ni. Ka thil ei theih berte zinga mi a ni.

Ka vun nalh chhan leh hmaibawl vel ka neih veloh chhan pawh ka theithur ei nasa lutuk hi anih te an ring ṭhin.

"Chho ila." Thlam lam pana pen zuiin a ti a. Ka duhkhawp pawh ka lawh ve hmain.

Ka hmaa pa lian leh sang zet, in tha zo taka pen zui pawk pawk chu theih pa tawpa chakin ka zui ve dar dar a. A nuih zatthlak ang reng.

"Kan khuaah hian ila awm rei dawn em?" Hah vanga thaw hlapin a bul ka thlen chuan ka ti a. Min chhang dawn ta lo emaw tih mai turin a ngawi ngul a. Ka lo zawt chu ka inchhir hman hial.

"Ka hre lo." Ding zui datin a awm ah a kut a nghat a.
"He lai chhunga thil tawt tak awm hnawk nuai mai hi paih chhuah ka duh a..." Ṭawng zawm tumin a ang hman zuai a. A chip leh ta hmak zawk a. Ka lo nghahhlelh tehreng nen. A pen zui leh pawk pawk a.

"Sangha man turin lo inring ru." U Ruatkiman thlam kan thlen rualin arawn ti ral ral a.

"Aw le, kan lo chhuk ang . Muansang chhuk thla nghal mai ila." Ka theihai ah bun thla rawkin ka ti a.

"Keiman ka lo keng ang." Lên leh ṭin ka la tur chu mi lo ban khalh a. Hnial lovin a kal chu ka zui venghal.

Hun nuam tak kan hmang a. Sangha man hi chu nuam kati ve hrim hrim. A lian deuh kan man phei chuan ka ṭe leh raih ṭhin. Muansanga pawh a nui veleh suk suk ṭhin.

A hlim viau dawn pawh hian eng emaw delh rit tak tu a hmelah chuan a awm a ang kati ṭhin. Chhunglamah a hlim lo. Ka hrethiam chiah lo. Mahse eng emaw a maha dik lo awm chu ka feel thei. Puih duhna thinglung ka nei. Mahse eng tin nge ani ang mipa inla vetawk tak, hausa bawk si. Hmelṭha leh ka duh ang chu ka nei thei tih nun nei ang mihring saw ka puih theih ang. Ani ang lakah techuan engmah kani ve awm der si lo va.

"Ohhh ni lo..." Ka au zui tuar a.
Dil ko tlang nâlah chiang em em in ka tlu thal ṭhuai. Ka tawlh zui leh a. Dil ah ka tla ri bur.. Û Ruatkiman za em em in min lo nuih chiam a.

"I nâ em?" Ral leh lam daiha awm chungin arawn ti khi ṭhu a.

"Na lo." A hriat tham tura ringin ka chhanglet zui a.

"I huh phah vek dawn anih kha." Muansangan ka tlu chu mi kai tho in arawn ti a. A hmelah chuan nuihmel hmuh tur a awm ve lo..

"A pawi lo. Ka huhsa tawh tho." Tluk leh hlau takin dil ko tlangah kan chho a.

Sangha man mai tur an awm tawh rih lo bawk nen dil ko tlang hlim laia ṭhu chungin Û Ruatkima Sangha veh dun dun lai chu kan lo thlir a.

"Chhang la." A phone a rawn rik nawn leh tawh avang chuan ka lo ti a.

"Ummm." Rin loh taka tiin peih loh hmel fe chuan phone ri chu a chhang a..

"Ka buai rih. Min lo call tawh su." Tih zawnga chhangin a dah lehnghal hmak anih chu.

"Ka phone hi lo kawl rawh. Û Ruatkima lamah sawn ka va phei a nge. Lo ṭhu mai mai tawh la, ke pali vawr suauin i tlu leh palh a nge." Minti ve duah a.
Hnunglam min chhawn zawnga Û Hruaikima lam a pan vangin a hmel awmdan erawh ka hmu thei lo.

A kal sawn chauh a a phone bawk chu arawn ri leh a. Kei tak pawh chuan ka ning. Lak ka tum lo zet na chu pawimawh te a awm anih ringin phur vak lo in Muansanga phone chu ka chhansak a.

"Ti nge tu phone call mah i lak duh loh va? I ṭhiante ho hi eng tianga rei nge thlahthlam i tum?" Hmeiche aw no hlaiin arawn ti a.

Phone chu dah hniamin hming lo lang chu ka en nawn leh a.'Thanthani' a lo inti kulh.

"Ka ṭawng chu i hrethei em Muansang?"

"Min hrethiam la, Muansanga ka ni lo va." Kati dek dek a.

"Tu nge i nih? Eng vanga Muansanga phone lo chhang daih thei nge i nih?" Minti ta chiam a. A aw no hlai tekha minute pawh tling lovah an thamral dial.

"Pawimawh a awm anih chuan lo phone let turin ka lo hrilh dawn nia." A awmdan a mawi lem lo bawka ka be no let chiam peih ta bik lo. Muansanga phone ka lo chhang ta kher chu ka inchhir hle bawk.


"Tu pawh chu lo ni ila Muansanga kha..." A tih mek laiin a thin tirim zual turin ka off hmak a. Ka nui zui sak.. Kha kha ani ve mai.

Muansanga wallpaper ah chuan amah leh a ṭhianpa niawm takte jersey var thianghlim tak ha a inkuah chunga an nui dun lai a hmang..

Muansanga chuti taka a hlim nuihmel ka hmu chuan minti nui ve sek. He tiang taka mawi leh nasa hian a lo nui vethei tihna chu ani ngei mai a.


Hahdam taka ṭhuin Muansanga leh U Ruatkima te chetla chu ka thlir zui a. A wallpaper a a nuihmel leh tuna a hmel put hmang chu dang tak a ni.

Ni eng mawi taka rawn eng chhuak leh chhumdum kara ni eng dul ruih a arawn lang ve ṭawk ṭawk ang vel nitawhin ka hria.

"Lawkin. Ka hre chhuak." Muansanga phone chu hmet engin thlalak chu ka en nawn ngat a.

"A mah ngei hi a ni." Kati chhuak sap a.

Hmanni lawka a chan tak a ṭhianpa ngei kha a ni. He lai thlalak a lo lang ve hi. A nun zawng zawng a chawhnu phah ta ruih chu ania.. A tuarin a hlim lo hle bawk..

A ṭhianpa thihna vang hi ani thei a ngem? A nungchang heti taka a inthlak tak chhan. A pa khan a sawi thawi fua tak alawm..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:53 pm

Muansanga * Habibi *
Chapter-3
By May Renthlei
A ṭhianpa thihna vang hi ani thei a ngem? A nungchang heti taka a inthlak tak chhan. A pa khan a sawi thawi fua tak alawm..

"I va in ngaihtuah muk awm ve?" Ti ri ah chuan ka phu zuk a.

"I lo kal phei lai ka hre miah lo. Kha i phone. Thinrim deuh an awmin ka hria." Nui zui sengin a phone chu ka lo pe a..

"I lo chhang a."

"Ka tihpalh."

"A pawi lo."

"Pawimawh a awm anih ka ring a. A thleng nawn tawh lo vang. Be lungawi vat la aṭha ang."

"A ṭul lo." A ti bul hmuk a. A biang rawn pawn dat danah chuan a inseh ruh deuh ani tih ka hrethiam. Nuam lo kati er er. Inthiam lo taka ka lo melh lai chuan a phone hmet thimin mi rawn melh ve chiah a. A thaw chhuak hawk.

"Kha tiang khan min melh teh suh."

"Hmm.."

Mi rawn melh nawn leh a.
"Ka ṭhiannu mai anih kha. Eng dang mah a awm lo."

"A awm kati em ni?" Ka lo ti khauh.

"Ahh nia.. I ngai dik lo deuhin ka hria a."

"Ti nge min hrilhfiah kher?" Eng vanga chu tiangte zawt ta kher nge maw ka nih le? Ka inrin hmain ka sawi chhuak thut.

"Ka hrilhfiah kher chhan che chu maw."

"Umm." Ka lo bu nghat.

"Ka hrilhfiah duh che." Zawitein ka lu ah mi nam bu pah ngat a.
U Hruaikima lamah kan sangha mante khaipui turin a pen zui nal nal. A hnung lam aṭangin ka ner khum nak.

"Bialnu a nei ve ngei awm sia." En zui chung chuan kati rilru nauh nauh a. Ka ui ru deuh. A chiloh hle a ni.

Kanin hnawh puar hnuah thlai hnah leh thei eng emaw te kan la kual leh a. Chumi hnu chuan kan tlan haw ta vang vang a. Vawin chu rau eng emaw, nuamtih ruk riauna rau tepawh aniang, min man a, a hlimawm ru riau.

"Muansang kan thlah haw hmasa ang che aw. I bawr dawn e mai." Û Hruaikima chuan tiin kan in peng lama tlan lovin Muansanga te in han ti dawn ila, Ruatsanga te in lam zawk aniang chu, chu mi lamah chuan kan tlan kawi hmasa leh rih a.

"In lo va haw har ve." Ruatsanga chuan mi lo tinghal lawng lawng a.

"I thu lo." Ngam zetin ka lo tilet nghal a.

"Lalrinawm.." Aw ti pawr lui hluaiin ka lamah arawn phei a.
"Vawikhat tal ka sik loh che chuan ka awm anuam thei dawn lo." A tih chuan ka lo huphurh nghal ṭung Kan ri dun nghal hlut a. He pa tak hi chu aw..

"Ruatsang va lut rawh. I unaupa puih i ngaih saw." Kut thlak ba lama ṭang nih duh lo in ka beng let zui thawr a..

Muansangan kan khawsa zia mi lo thlir reng tih ka hmu tel bawk. Mi lo melh dan chu a dang riau. Ka sawifiah thiam lo na chu, ka hrethiam thung.

"Muansang sangha kha chu ka lo khai lut ang. In lo va pe hnem ve." Ruatsanga chuan Muansanga sangha kan pek chu a thlek zui vut vut a..

"Awmawm.." A vawikhat nan Muansangan min ko ve.. Ka hminglam chu a aw nen zawng zawng chuan a in milh bik thlap. A mawi bik riau. In chhunga lut mai lo in motor lamah chuan a rawn let leh a.

"Kha.." A phone min pe a..

"Eng nge?"

"I number." A sawi lai chuan a pa viau emaw tia min melh ngam lo vel. A lai deuh nia. A duhawm..

"Kha le. Ka type zo." Ka tih rualin rang fe in a phone a la let a. In chhunglamah rawn hawi let tawh miah lo in a lut tlang nghal daih..

"Ehmmm." Û Hruaikiman arawn tih chuan ka phu nasa lutuk.
Muansanga ngawt ka lo en zui tih ka hrechhuak. Ka sa hat hat. Min chhaih zui lo hlauh chu ka lawm..

KAR ALIAM A, Muansanga nen pawh kanin nel chho ve ṭan viau. A mah hi mi ti zawk zawk lo, cool ruih mai ania. A ṭawng tam vak lo bawk. A hmelhriat vak lo leh a nel deuhte bulah lo phei chuan ka nei lo ang hmak ani mai.

"Nobawih, Muansanga hian Vengchhaka kal puiah arawn sawm che anih hi." Ka nu in ka inbual zo chu a lo ti var a.

"Ka peih lo."

Muansanga hmel inthlak nghal dawrh chuan minti nui chhuak nghal hawk lo thei lo. Ka nu pawn kanin biak duh dan a hre tawh a, a lo nui liam ve vel mai mai.

"Eng nge Vengchhakah daih daih tih i ngaih a?"

"Pawimawh a awm ani mai. Ṭhu suh." Ka ṭhuṭ tum uai chu lak lawh zetin ding ngil si lo, ṭhu bawk si lo in ka awm a. Muansanga lam ka melh phei dawrh a.

"Thingpui sen hang min lo thlit phawt teh. Ka in zawhah kan kal ang." In la boss zetin an ti a...

"Lo nih vel chu. Nangmahin inthlit ve mai ta che."

"Ka peih lo."

"In lo mai rawh."

"Min thlit vat mai rawh." A phone min khawihsan zuiin a ti a.
Meng kual vel pawp pawpin peih lo lutukin ka tho zui a. Ka thingpui in tur pawh hi ka inthlit peih ṭawk ṭhin ania.

"Kha tia ner kual vel lo khan min lo thlit vat mai teh." Mi melh chuang miah lo leh phone khawih chung chuan minla ti zui a.. Den thei. Ka thlitsak nghal.

"In vat rawh. Ka kal pui peih lo tak tak hma che hian."

"Aw le Boss.." Ka thingpui pek chawi kang zauhin rûn awm deuhin min nuih pah kher a. A hmel hi chu aṭha vethlawt alawm..

Kan Vengchhak kal chhan lah chu a uite en duh lek lo niin, amah pawn kal ve mai tur ania. Ui ka ngainat vak loh nen. Ka haw chuang hauh lo na in..

"Minti hah." Kati nang nang a.

"A hla lo e mai."

"Hla reng."

"I hah tak tak a mi?" Min ngaihtuahna arawn lang zawk.

"Ka sawi peih lo." Tleirawl rual khat kan kal pelh teho chuan eng emaw an sawi zui nghal sup sup. Ka engah mah a thawk pha lo. Eng emaw hleka buai chhe chung mi ka ni lo hi ka vanneih.

"Eng eng i duh sawi rawh, ka lei ang che."

"Engmah ka duh lo. Kan dawrah ka duh ho chu a awm." Zawi chhe tawkin ka lo ti a.

"I van zawi tak." Ka dar leh lam ve ve a manin mi nem kal nghal dawt dawt a.

"Mi nem tawh suh." Ka tih pawh chuan ka sawi a zawm chuang lo.

"Muansang."

"I talent hi aṭha lo. Zawi leh mut ringawt mai."

"Eng nge mi talent ve te. Sawisel lo mai teh."

"Ṭha hek lo."

"Ka taima tho alawm. Tih tur engmah ka tih loh phah ve chuang lo. Kanu pawn che fel minti lutuk."

"Fak chawp ngai lo. Lolipop heh."

"I ni vetho."

"No."

"Yes.. Ka pek che pawn i la ve ziah." Ka lo ti pawr chhak a. Hriat nuam takin a nui zui.

A hnu lawka in ka thlen hnuah ka lolipop pek tawh ho chu status ah nalh taka thla lain arawn hmang anih chu. A lo dah ṭha vek ṭhin tih na. Ka nui chhuak var var. Caption ah Habibti tih ala hmang zui. Candy lem nen.

"Nu.."

"Eng nge ni vak vak?" Choka lam aṭangin arawn ti a.

"Mi thil kan peka an lo ngaih hlut viau hian awm zia a nei em?"

"Nei e. Kan tana mi hlu takte thil pekte chu kan hlut vek alawm." Tia min chhan chuan sofa ah ka tlu zui tawp.

"Yaeeyy.." Ka ke ka ti che zui vak. A nuam hi ani tawp mai.. Mr. Crush... Ka khawvel chu smiley vekin a khat. Minti lawmtu leh minti lawm lo tu hi hote a lo ni.

"Chaw i ei vetawh em?" Duhkimi leh a hmel chiah ka hriat, a hming erawh ka hriat loh nu chu kan dawrah an rawn pen lut a.

"Aw ei tawh. Û Mami chawei turin ka rawn thlak chiah. Eng nge in duh a?" Ka lo ti var a.

"Kan lo ṭhu dawn. Kanin hmu khat si. I ngaihawm ve alawm." Duhkimi chuan nui huah huahin a ti a.

"Lo ṭhu ru. Nangni pawh in ngaihawm alawm." Ka lo ti sawk sawk a..
Aizawla ṭanga kan haw chho dun tih loh kha chu Duhkim nen hian mu malin kan la inhmu leh lo. Khuaah thla khat kan awm tling leh tawh ania..

Ho mai mai sawiin kan nui leh hak ṭhin..Muansanga kan khaw nula leh tleirawl rual ho in an star ruk hlawm ziate ka hriat phah a...an ni pawh an bang chuang lo.

"Awii ha. Hei en teh u. Muansanga leh Thanthani hi an ni nge? Eng nge awm zia le?" Duhkimi ṭhian rawn hruainu chuan insta lama Thanthani thlalak post chu min hmuh a..

A caption telah chu.. Love chhuai chhuai. A hma pawn Muansanga a lo phone tawk tak alawm. Ka chhunglamah hian che dat a awm. Muansanga hi ṭhian ang chauha ngaih luih tlat ka tum a. Mahse maw ka feeling hi ka duh dan danin ka control thei lo nasa. Duh ang ang pawh hian a lo awm theih loh.

"A hmeichhia kha ka van hre ngai lo." Ka lo ti a. Ka hre lo tak tak. Muansanga a lo phone kha ani deuh mai ka hriat.

"I hre lo maw?" An pahnih chuan awih thei hmel reng an pu lo.

"Hre lo tak tak e."

"Hei en la, followers pawh a ngah em hi. Hei Muansanga te ṭhianho thlalak pawh." Tih pah chuan min hmuh kual hlawm a..

Thanthani chu tu nge a nih leh eng ang chhungkua nge annih ka hrechiang ta khawp mai. Muansanga te ang bawka sum dawng chhungkua an ni a, a pa phei hi chu kan politicians neihte zingah pawh a challang pawl tak an ni.

Thanthani chauh lo an ṭhian dangte ho pawh mi hausa inkawm khawm niawm tak an ni. An landan aṭang mai pawhin.. An ni vek bik kher lo mai thei bawk. Mahse Thanthani post chin aṭang hi chuan mi pangngai chunglam hret chu an nih hmel.

"Muansanga hian a account activate leh tawh se aw. A ṭhianpa nen accident an tawh aṭang khan a la deactivate char char." Duhkimi chuan stalk ṭhin tih hriat takin a ti a.

"Eng mah hriat pawh ka nei ve lo anih hi." Kati rilru kawi sawi vel ta mai mai.

Duhkimi leh a ṭhiannu chhuah hnu chuan insta ah lutin ka stalk ve ṭan ta hlawm a. Thanthani leh Muansanga mawlh mai hi. Ṭhian chauh chu an ni thei lo. Enga maha ngaih loh chu ka tum alawm. Mahse chhunglamah hian minti chuai ruih. Tlaia ka hlim vei nen. An kiang duak. Lawmna leh lungngaihna hi hote. Hmangaihna ah chuan..

"Eng nga? Hmangaihna te ka ngaihtuah velta em mi? Ni lo, ni lo. A awm ang lo e mai." Ka lu ka thing zui nawk a. Dawhkan bawh hniangin zawi zetin phone ka khawih pah a.. Lungawina tur reng ka hmu lo.a

"A lo zawi leh ta." Muangsanga aw ri in arawn tih chuan ka awm ngai rengin ka la awm. A mah vang hian alawm ka zawi. Hawi pawh ka hawi chhuak peih lo.

Ka bulah arawn ṭhu zui ve a. A rimtui zia chu. Ka awmdan chu tihlan ka duh loh vangin thatchhe zetin nuihmel ka hmuh a.

"Ka ṭhian chauh a ni." Tih rilru ka hmachhuan bawk.

"Phone i khawih reng sia, whatsapp a ka lo biakna che i chhang miah lo." Atih chuan rang fe in a message chu ka en vat a.

"Ka en chiah alawm. Lo chhan che ka tum lai takin i rawn lang anih kha." Ka tih zawm zat.
Awih lo leh lungawi pha lo fe in min melh rum ṭhah a. Thinrim tak tak chu ani chuang lo.

"I sam i tan elo?" Ka samah a kut dam thep chuan arawn khawih zawm a. A nuam lo hran lo.

"Aw. Tlaiah khan keimahin ka intan alawm. Ka inhmeh viau lo maw?" Ka mit ka khap rang pah zauh a.

"Hmeh lo nasa." Tih pahin min nam bu dat a.

"Ka inhmeh reng." A sam buk laiah ka ṭham sak let ve nghal a.

"I duh tawkin kek rawh." A lo la ti mai mai zui. He tia a tih tak hian ka tha a ti za lo zawk ziah. A ni pawn a hria.

"Muansang mi sual."

"Nang i fel."

"Nia... Muansang ngaihzawng..."
Ka zawt ngam leh thlawt lo. Ka ngawi zui. Ka ṭawng zawm beiseiin a hmelṭha tak mai chuan min melh kar a.

"Eng nge sawi i tum?"

"Eng mah.." Chhuanlamah Kopiko bur la in ka hmawm zui zat a.

"Sweet lak ruk i ching riau." Mawi taka nui chungin min ti a. Ka nui tawp.

Û Mami lo kal thlengin dawr min nghahpui a. Û Mami lo kal hnuah ka mut chhuak chhuanlamin ka haw chho nghal a.

"Dar 9 hnulamah tal mu ve ṭhin rawh." Tih khum ka thlen rualin Muansangan min lo thawn nghal a. Ka hawsan daih kha a lungawi chiah lo in ka hria.

"A chhuak miau alawm."

"Dar 11 hnulamah pawh i la online ziah." Arawn tih leh chuan min stalk ṭhin amawn le tih ka ngaihtuah phah.

"Ka mu hma a, ka meng rei." Tih ka thawn leh a.. Zanriah ei kham dek dekah hi chuan ka mu nghal mai zel..Inleng neih tehi ka hlau hlur.. Hahthlak ṭhin ania.

"I mut hma na chhan?"

"Mut leh zawi te chu ka talent alawm. I hriat kha."

"Ka hria. Mahse."

"Eng nge mahse?"

"Eng mah."

"Hmmpp....Muttui... "

"Muttui Habibti."

"Nighty Habibi." Tih ka thawn let a.

Ka mut hma chhan te hi chu netflix, viki, wetv tih vel vang mai hi ania. Mipa biak tur neih lam vang ani lo. Bialpa chu nei ila a ngaihṭhaṭ thlak duh ngawt ang.

A nihna takah chuan hmel te a lo ṭha ve a. Chhungkaw pangngai tak aṭanga seiliante lo nih ve bawk chuan min duh dertu leh hmelṭha ti tu hi ka tawng nasa ve lutuk. Mahse ka rilru ka pe thei hlawm lo. Tu emaw ka tana ruat, mi dangin min pek theih loh feeling danglam tak hi ka la tawng ve mahna.

Ka rilruah Muansanga arawn lang nghal. A danglam bik deuh chu a ni. Muttui ka tih hnua va online leh te chu ka inthlahrung ru deuh duk tawh.. Ka online leh tih a hriat chuan a lawm lo leh viau ang..

"Nobawih bungrua a lo thleng thar a min lo rempui lawk rawh." Û Mamin min tih chuan dawra kal ka peih loh zia chu...

"Aw le."

Kanin zui thla a. Ka zing chawei kha ka puar pawn ka hre lo. Ka period leh dawn tawh aniang engkim ka hne leh ṭan tawh. Ei theih lam pangin a thawk dawn lo ania nge. Theithur erawh eng tik lai pawn ka ei chak.

"Muansangan ngaihzawng i la nei ngai miah lo tih nizan i haw hnua ka sawilaia a hmel kha chu hmu ve la.." Û Mami chu a nui zui a...

"Nge i hrilh. Min ngai luck lo ngawt ang." Kati nang nang a. Hmuh loh vanga ngaihzawng nei lo ka ni der si lo. Ka nei peih thlawt lo. Heartbroken vel ka tawng peih lo.

Pasal atana neih tlak tawp tur lakah bak ka inhnamhnawih peih lo.

"Ka hrilh lo vang tih ka hlau zawk. Nobawih eng lo..." A ngawi zui dat a.

"Muansanga hi i duh em?" Lalpa lehh.... Ka thil kenlai ka thlauh darh nuai lo chauh.

"Teuh lo mai. Ka ṭhian alawm." Theih tawp chuan kanti a.

"A duh che.."

"Naa. Awiawm lo." Mahse ka lungphu erawh arawn rang zaih zaih.

Hei chu ka rinhlelh chang a tam ṭhin. Ka laka a awmdan ṭhin vangin. Û Mami leh ka chhungte lakah hian zep neih ka duh miah lo, mahse Muansanga nena kanin karah ṭhian nihna bak awm rih hek suh.

"A duh tak tak che alawm. A hrilh ngam rih lo che a. Mahse eng tik emaw hun ṭha ka neih hun hunah ka la hrilh ang a ti che." Fiamthu hauh lo chuan a la ti tak deuh deuh a.. Ka zam a ni. A lawmawm viau rualin.

"Hun ka pe miah lo vang."

"Ti maw? Ngaihzawng neih hun i ni vetawh alawm. Nih pui vetawh la."

"Aih.. Ka duh lo. Ka la inring lo. Min duhthu pawh chu min hrilh rih suh se. Hmabak ka la ngah lutuk. Keimah leh keimah pawh kala inchawm zawh loh hi. Ka hausak hma chu pasal neih ka duh lo."

"Pasalah i nei dawn tihna ani kher hleinem."

"Chu phei phei. Ka nihpui chuan ka duh dawn lutuk. Kanin ṭhen hun tur ngaihtuahin ka nihpui duh lo.. Ka na dawn lutuk asin. Tuna kan awmdan ang hi anuam tawk chiah."

"I thu thu le. Ngaihzawng i neih chuan i la na dawn lutuk. Tuna i awm ang ang hian awm rih mai mai rawh." Minti leh ta zawk a.

Muansanga lah chu kan la sawi chhuak em em zui. Chawhmeh leh noodles, artui, energy drink leh thil dang dang lei turin arawn kal a. Min dawr ṭeuh mai. Car arawn keng hlauh zawk a. A bawr ve khawp. Hawng nghal mai lo chuan a ṭhu ve rih a.

"Khawi keiman." Pha leh pha lo va Noodles chi hrang hrang ka rem kual vel chu mi rawn pui a. A sang ṭha bawka ani chuan awlsam zung zung tak a ni.

"Ding tawp lo khan ka rem tur min lo pe rawh." Ka hahchawl nghal tawp chu minti a.

"Awle boss..." Ti êl deuh tak chuan kati a.

"I va meng rei ve." Minti ta reng a...

"Biak tur ka nei ṭha alawm." Ka tih chuan a nuihmel a bo hmak..A hmel alang chang bal.

"Chu vang ami hma deuh deuhah muttui mintih vat ṭhin." Chiang lutuka min melh chhuk du in ati ta khur khur a. Kanin len hleih nasa mai sia..

"Ni lo."

"Min biak i peih lo viau tihna."

"Ka fiamthu anih kha. Ka film en duh vang mai mai zawk alawm. Û Mami pawh zawt la." Ka tih chuan a thaw huai a. Lungawi hmel erawh a la pu chuang lo. Noodles ho chu kan rem zawh tak bawk avangin kan che sawn a..

"Muansang i va lei nasa ve." Û Mami chuan Muansanga thil lei ho pack pah a en nawn leh chuan a ti a.

"Aizawl lama ka ṭhiante pahnih rawn zin tum an awm a. Chu vang mawle."

"A nih tak chu. Chamrei te an tum angem?"

"Tum lo. Ni hnih vel aniang. Zanah ka rawn len pui ang." Chhuak zui nghalin ati a.

"A mak thut thut ṭhin." U Mamin nui chungin a ti zui lang lang a.

Tu a ṭhiante ho tak chu rawn zin tum nimaw? Thanthani a tel ve em lo ang chu maw. Ka hmu chak lo vetawp. Kei mi hring sual leh khirh tak mai hian..

U Mami dawr lama ka puih zawhin kanin hnuai zawk. luah luh mai peih tumin kan buai nileng zak....
Û Mami KṬP committe tura a kal daih avangin zanriah ei kham veleh dawr lamah ka kal lehnghal a. Dar10 dawn thleng kan hawng tlangpui, kei chuan dawr awm hi ka nin em avangin zan dar 8 velah chuan khar mai ka tum.

"Lo kal ru. Eng nge in duh?" Kei aia û deuh emaw ka rualpui vel pawh an ni mai thei tih ang vel rual kan dawra rawn lut khup khup ho chu ka lo chhawn vat a.

"Awmawm hmuh i va khat ve." Ka hmelhriat awm chhun Valpuia chuan a thil lei duh lak pah chuan mi bia a.. A ṭhiante pa4 hi chu rawn zin emaw an nih ka ring vetawp..

"Nang alawm." Hawihhawm taka nui sangin ka lo chhang let a.

"Valpuia chu kan khaw nula ah hmelṭha in hmu lo vang lo zin duh su tikha minti vel a, min lo huphurh vang lek anih dawn hi." An zinga hot hmel ber, hmel pawh chhe lem lo in an tih chuan an nui ham ham a.

"In khuaah chuan a hmelṭha pawl i ni chiang ang. Khawpuiah pawh nangmah ang hi chu hmuh tur an vang." Sam ti kir chhap pa chuan a lo ti ve bawk a. Min fak zui chiam hlawm a, ka tawn hnu fo nimah se kei mi zei lo chi tak mai hian han nuih deuh tawp mai loh chu an lawmna tur han siam let sak hi ka thiam ṭha thei der lo.

Fakna han tawn te hi lawmawm viau mahse, ka zei loh luatah hian hrehawm tih mah chang ka nei fo. A hahthlak ṭhin ania. An ṭawng duh hlawm a, kei pawh ka nui ka nui ve mai. Chhuah leh mai lah chu an hreh hlawm der vel bawk sia.

"Valpui, Muansanga in khuaah a awm tih hi thu dik a mi?" An boss hmel deuh ber, a tir aṭang a nuih pawh nui ve vak lem lo chuan nelawm lo leh hriat nuam lem lo takin arawn ti chhuak chhek chhek a..

"Awm mahse eng nge pawi?" Valpuia chuan a lo ti mai a. Mahse a ṭawng awlsam ang aiin a hmelah chuan eng emaw hlauh thawnna ka hmu. Midang ho pawh Muansanga hming an ṭhianpa in a lam rik rual khan an hawi phawk hra hlawm.

"A ṭhaṭ chu. A tawpah chuan kanin tawng leh thei dawn ta." Chu pa lah chuan a la ti tak deuh deuh zui a.

Eng nge thil awm zia ni ta ang?

"Ngaihsang inbengdai rawh. Thil liam tawh alawm."

"Ni e, thil thleng kha kan siam ṭhaṭ theih phah tawh dawn chuang lo. Ṭha te te in awm ang u." Valpuia thil sawi chu Sam kir bap pa chuan a lo tuihnih zui a.

"Siam ṭha thei dawn lo pawh ni ila Muansanga nen hi chuan sawi fel tur kan la nei." A hmel te chu a âlh phat a. Muansanga chu a haw hle tih a thup lem lo. Ka awm a ti nuam lo.

"Min hrethiam ula Muansanga chung changah chuan eng nge dik lo a awm em ni?" Ngawih mai ka tumna chu, ka awm a nuam lo em a ka zawt ta tawp.

"I hria em ni? Yesss. I hre tak ang chu. Mipa chhelo tak ania lawm. Nang ang nula hmelṭha leh fel tan erawh ka duh pui chiah lo che." Ngaihsanga bawk chuan aw ngeiawm tak leh ner zui nakin minti a.

"Ka ṭhian alawm." Kati ngat a.

"Thi turin a hnut chhiah ve mai tur che asin."

"Eng maw i sawi?" Ka lo ti ve deuh ta ṭhak. A ṭawng duh dan chu mak kati em a.

"Kal ang u.. A dik dawn lo tlat." Tiin an ding zui hlawm a.

"Awmawm min hrethiam rawh. Kan ṭhianpa khan beer ah thil dang pawlh a lo nei aniang a dik chiah lo anih kha. A pawi khawp mai." Valpuia chuan a ṭhiante chhuah hnu chuan thupha a chawi a. Chhuah ve mai a tum zui chu ka be ding leh rih a.

"Muansanga kha eng vanga haw em em nge anih a?"

"Ka hre chiang bik lo." A nuih dan aṭang chuan a hria tih ka chiang. A sawi duh lo mai mai.

"Hmanni accident chungchang vel vang kha ani chiang?"

"Mai thei. Accident a thi ta kha Ngaihsangan tet te aṭanga a kawm leh a ṭhianpa ve tho ania. In ṭhenawm mai an nih bakah unaupa ang hiala a en ni bawkin hun lo taka a kalsan hi a tuar thiam lo ani ber ang chu. Muansanga nen tak hi chuan an inkawm leh thung vak pawh ani chuang lo. Mipa hi chu games khelh pui leh nula rim lama ṭhian hrang leh daih kan nei ṭhin ang hi ani mai."

"Anih tak chu.."

"Ka kal dawn. Anih phawt."

"Aw le."

"Va indawm bawih nasa deuh ve." Ruatsanga lah chuan thawveng fe in arawn ti lut a. Valpuia te an kal liam awrh tih ah.

"Muansanga te ṭhianho kha dawrah an rawn tlang lo ani maw? Ni tak, ui naute en kual an tum hmasa tak e." Tiin a mah leh a mah chu a inchhang tak mual mual a.

"Vengchhakah maw?"

"Ni e."

"A va ṭha lo ṭhin." Pawi ti fe chuan ka ti a.

"I va hmu chak tawhawm bawk ve." Khi ṭhu in min chhaih nghal hawt a.

"Chu tiang ani lo. Valpuia ṭhiante ho nen khan an intawk ang tih ka hlau."

"Chuan eng nge?"

"Muansanga haw deuhte an awm a?"

"Ngaituah suh. Muansanga techuan hmun tinah amah duh leh hawtu te chu a hung ther fer fur alawm." A lo la ti awlsam em em zui.

"Chu tiang ngawt ani lo."

"Ni e. Insual a hrat ang bawkin insual pawh a thiam alawm. Mahse a bansan vek tawh. Khawlai len, zan rei tak taka nula khal nalh tak tak tenena len chhuah leh bike intlan siakna hlauhawm tak taka tel te chu a bansan vek tawh alawm. Bike phei chu a khalh ngai tawh lo hrim hrim."

"Eng tik aṭangin?"

"Kum liam ta, bike accident a a ṭhianpa leh a hmingpui ni bawk Muansanga ve tho a chan aṭang khan."

Chu vang chu ani ngei ang Û Hruaikiman bike khalh min zirtir ṭum pawha min zirtir ve tura ka sawm ngial pawhin ka lo sawm chhhuah theih miah loh. Bike khalh a lo bansan tawh vang ani ngei ang. Kha accident khan a nunah rin phak bakin nghawng a lo nei lian anih hi.

"Thil ṭha lo tih a sim phah chuan a ṭhat chu."

"A ṭha lo."

"Eng vangin?"

"Muansanga kan hloh leh zual. A sual lai ai khan a nu leh pa a ti ṭap ngun zawk. I bula a awm hian a hmel hmuh a nuam vedeuh ṭhin. Chu vang ania i lak a ṭanga ka inthiar fihlim." Ruatsanga ka melh deuh kawk.. Ani erawhin hmun dang min hawisan thung hlauh..

"Muansanga te chu an ngaihtuahawm lo ang maw?" A thil sawi tawp lam hai derin ka zawt leh daih a.

"Umm. Ngaihtuah awm lo."

"Valpuia ṭhianpa hming chu Ngaihsanga ania i hriat ngai ani reng reng em?" Ka tih rualin a ṭhuṭ hmun aṭangin a tho nghal zawt.

"Teh thut a che. Dik lo a awm a em ni?"

"Awm e. Ahh a ṭha vek.." A ti bak nawk a. Za vak lovin a nui sawi nak a.

"Anih chuan ṭhu leh rawh."

"Ka kal phawt zawk ang."

"Engkim aṭha vek i tih kha."

"Dawr ṭha deuhin lo nghak la."
Hmanhmawh takin a chhuak zui a. Ka awm a nuam lo. Chuta karah thli arawn thaw vawt zui sung sung a...Khaw awmdan reng reng tepawh chu anuam lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:53 pm

Muansang *Habibi*
Chapter -4
May Renthlei

Hmanhmawh takin a chhuak zui a. Ka awm a nuam lo. Chuta karah thli arawn thaw vawt zui sung sung a...Khaw awmdan reng reng tepawh chu anuam lo.

Phone kan khawih kual a. Rin loh takin Muansangan insta account a lo activate leh tawh. Ka thlalak ka hmel lang chiah si lo vin a lo up a, a caption chhiar ho chuan tu emaw a hmangaih tak laka luang liam mek, chhan letna dawng ve si lo ang maiin an ngai ngei ang. Comment chhiar pawh anuam e. Min thik tu leh hmeichhe vanneih tak kanih thu an sawi sup sup.

Ka stalk zawm a, a thlalak ho hmuh leh en kual vel a man hla khawp mai. Ka duhai ai in alang ṭha hlawm. Muansanga, boral ta zawk nena an thlalak tepawh ka en kual a. Kan Muansanga zawk chu bike ngaina tak ani tih hai rual ani lo. A bansan ta mai sia.

A thawmhnaw hak leh a thlalak ho en kual reng reng pawh chuan mi pangngai chung lam a leng tih hai rual ani lo. A luck na rawh e.

"Awii ka hlauh thawn zia chu. Ka lungphu ala dik lo." Tleirawl pahnih dawra rawn lut chuan an rawnti bawrh bawrh a.

"Eng nge ni?" Nui sengin ka lo bia a.

"Inti buai an awm a?" Ka lungphu hi a dik lo zawm nghal vek. Ka hlauhthawn ang ngei ngeiin.

"Tu.. tu te nge in hria em?" Ka aw hrep chu.

"Muansanga kha ka hrechiang a. Midang ho kha chu ka hmelhriat pawhan ni vak lo." An tih zui leh phei chuan ka tirilah min ṭham er er. Ka ngaihtuahna leh ka hlauhthawnna chu a in zat vel ang.

"Ruah chu a la sur ṭan zui a. Min lo kir mai a bak chu." An tih techuan pawisa te chu ka pe sual deuh nawk nawkin ka hria..

Ruah arawn sur ṭan avangin lung a zîng leh zual. Ruah tal te chu sur lo se ṭha tur. Ka ṭhu mai mai thei lo. Ka vei chhen a, phone ka bih leh ṭhin.

"Dawr khar phawt ang." Tiin chahbi te chu ka ban rawk rawk a...
Ka kalh fel, nihliap kaih parh a kal mai ka tum lai chuan kan dawr kawtah pu Ṭhuama car arawn tlan eng phei zuai a.

Ruah sur leh nihliap hnuai aṭang chuan slow motion ang mai hian ka in feel, chiang takin Muansanga leh a ṭhiante car a an chuang chu ka hmu. Muansanga hmelṭha tak, mi sual leh nungchang chhe ber ang maia thi nuaih leh a sam buk chhap hup deuh kara a hmel thim vek, pawisak reng nei lo leh hrehawmna nasa takin a a bawm khah luk kha ka hmu hman.

"A va zia lo ve aw." In chhung ka pen luh rualin ka nu aw chu ka hre hmasa ber..

Pu Ṭhuama car kha kanin kawtah a ding a, ka pa hi healh worker pension mai tawh tur ani a, a enkawl turin an rawn hruai lut ani khawp ang..

"A hmanrua ang tur chu ka kawl a. Sub- Centre luh kher a ngai lo vang." Ka pa in Muansanga hmel pem nuai mai chu lo en sakin a lo ti ve thung a.

Tim daia ka lut chu melh pawh min lo melh eih lo. Lungtum ang maiin a ṭhu ngawi ngul a. A landan chu a tawrh hlelhawm hliah hliah.

"Bawihi tuilum min lo pe ta che." Ka pa in a tih chuan ka bu nghat a. Ka awm ve tih Muansangan a hre chung pawh chuan a danglam phah eih lo..

"Lo ṭhu rawh." Ruatsangan a bula ṭhuṭna awl beng theka a tih chuan ka ṭhu zui venghal a..

Muansanga chiahin hliam a nei, midang chu an him pial. Muansanga ṭhian, lo zinte pahnih erawh hliam an nei ve lo na chu thinrimna nasa takin a tuam tih erawh hai rual ani lo.. An boruak chu a la ṭang ṭha at..

"Muansang, û Hruaisangan a be duh che." A ṭhianpa in Muangsanga lama phone lek chunga atih pawh chuan a bengkhawn duh eih lo. A va han luhlulh ber em...

A ṭhu ngawi ngul a, khawvel dang daihah min chen san. Mahse saw tiang phenah sawn natna ruk tak inphum a awm a ni. A awmdan chu ngeiawm viau mahse ka khawngaih ru tlat nia.. Mi ten eng anga misual leh awm khawlohah nge an ngaih ang chu ka hre lo, mahse keimahah chuan amah lainatna leh ka thinlung chhungril ber aṭang hian aṭha ber leh hlimna ka duhsak a ni. Chu chu ka chiang.

"Muansanga pa anih hi.." Phone ri ral ral en in ka pa chu Pu Ṭhuama chuan an mit mei zauh a, phone ri chu la in a pen sawn zui a.

"Patea te lam pawh chuan eng tin nge an chanchin an lo hriat hman ni." Ruatsanga pawhin a lo ti ve hluk a.
An rawn ngaituah hle tih a hriat reng. Muansanga lahin a û Hruaikima tak ngial pawh a be duh lo chu ania.

Û Hruaikima chu kei pawhin ka hre ve lutuk. Muansanga ang bawka palian leh hmelṭha ani a. Ani erawh Muansanga ze let ling chiah neiin, Ruatsanga zia nen hian ka tehkhin ber. Mi biak thiam leh nelawm tak, puitling bawk si. Chhungte ti mangang fo ṭhin chu ani ve lo tawp ang. Tlangval fel leh pasal tlak tak tur a ni.

"Hahdam deuh khan awm tum rawh u aw." Muansanga hliam a en enkawl zo ka pa rawn hawi chhuak chuan dam duamin, an mahni en kual chuan arawn ti a. An awmdan hlawm teh ṭung chu a hahthlak hmel hlawm reng a ni

"In tur te induh hlawm em? Kan tlangval ho chu." Nelawm takin an zawt leh hlawm a.

"Aw hei ka peih alawm. In hlawm rawh se." Ka nu in coffe rim tui chek arawn chawi phei der. Kei techuan chu tiang lam ka lo ngaihtuah thleng leh der tawh lo.

"Nangman min pe zawk ta che. Nula ve si." Ruatsanga lah chuan min la ti zui a.

"Ngawi mai mai rawh." Mi dang hriat hlau takin ka lo ti hluk a.
Ka sam hmawrah a kek a. A ke ka rahsak zui ve bawk.. Ke inrah sak kan ṭan zui nghal..

"Muansang.." An ti ri ah chuan rang takin kan hawi chhuak dun a.. Kal mai a lo inpeih at tawh.

"Rs Khaw nge i bike chahbi i dah?" A ti ta chheu mai le. A ṭhiante hmelah chuan hlauhthawnna a lang nghal vek. Kei chuan bike a lam ri chu mak ka lo ti. A khalh ngai tawh si lo va.

"Muansang inngaihtuah ṭha leh rawh." Aizawl lam aṭanga lo kal a ṭhianpain a tih pawh chuan a rilru a tih danglam phah eih lo.

Chhan pawh chhanglet lovin kanin aṭang chuan luhlul leh inring tawk takin a pen chhuak a. Mi dang ngaihven vetawh miah lo in. A ngeng vethlawt.

"Min hrethiam ru. Coffe tui tak avang leh kan ṭhianpa min enkawlsak avangin kan lawm e." Hawihhawm taka tiin a ṭhiante pahnih chuan Muansanga an zui ve a.
Pu Ṭhuama leh Ruatsanga erawh an la ṭhu. An rilru a nuam zan lo. Kei ang bawkin.

"Pa, Muansanga chu a ngaihtuahawm loh hahdam deuhin awm rawh u. Dawrah min lo
kal pui leh lawk teh." Tih pahin Ruatsanga chuan ka peih lo chung min kai chhuak hnawk hnawk a..

"Muansanga hian a duh che tiraw? Ka hria ania." Pawn kan thlen chuan a ti nghal tawng a.

"Teuh lo. Min duh nise chu tunah tekhan min be ngei ang. Ka awm ve tih pawh a hriat loh kha." Ka aw tawp lam chu duhai a chang. Min duh tih hi tunah tak kha chuan rin a harsa ve em alawm.

"A duh che. Min ring rawh." Ka darah arawn vuan zui a. Dawrah ka kal duh a tih kha chu chhuanlam mai tih ka hrethiam tawh.

"Muansangan bike a khalh ngai tawh lo tih kan hre ve ve." A tih chuan ka lo bu nghat a...

"Zanin hian bike intlansiakna nei turin Ngaihsanga khan a cho. Muansanga hian a têl pui thei lo. A tel anih chuan...." Sawi zawm thei lo in a ngawi zui a. A bek erawh a pawng ṭalh ṭalh. A sawi tum erawh ka man thiam.

"Chuan eng nge ka tih theih ve awm chuang?"

"I tih tur chu Muansanga kha be rawh khawngaihin. Bike intlansiakna a tel lo turin be hram rawh.." tiin tih tak zetin min ngen anih chu.

"Awm zia a awm dawn em ni? Nang leh a ṭhiante ho khan in dang mai thei lo em ni? Ka thu sawi te chu.."

"Ni lo, Awmawm.. A ngaithla ang che. Muansanga tan chuan i danglam alawm. Tu bulah mah nui duh lo va mi dang a biak duh miah loh lai pawn, i bulah chuan ho te te ah pawh nuiin a ṭawng duh viau tih kan hre ve ve.."

"Mahse.." Inrin tawkna tlachham dêmin kati nang a.

"Tu thu mah a awih dawn lo. Muansanga hi kum tam ka lo hre vetawh. A tih chu a ti ani tawp. A rilru a thlak ve mai mai ngai lo. A nu leh pa mittui tla lai leh ani vanga an lungngai hmuh nawn leh ka duh tawh lo. Zanin hian bike intlansiakna ah a tel anih chuan a ṭhianpa chan ang chiah kha pek ngei an tum ang. Muansanga hian chu chu thleng se a duh bawk. Thih hi a chak ngawih ngawih."

"Ahh eng vangin?" Ka ti chhuak ro hawk. Min ṭhawng em a.

"A mah, Muansanga nen in la sawi dun dawn nia. Zanin atan chuan Muansanga be phawt mai rawh." Mintih chuan hreh lutuk vangin ka thaw lum hap hap.

Vawikhat pawh ka la be hmasa ngai lo. Chu chu sawi loh eng ang pawn duhin ngai mah ila kanin tihthiam vak loh chang pawn a reh chen chen ka reh thei. Engmah thleng lo ang maia awm hmak hmak thei, mahni tawka chapo leh tlawm duh miah lo ang kha kani tawp.

A tawpah a mah zawk hian min be leh nghe nghe ṭhin. Mahse zanin atan chuan ka tih ngai loh tawp thil amah vangin a vawikhat nan tih ka ngai dawn ania. Thleng nawn tawh lo hram rawh se.

"A tlang em?'" A tih chuan ka bu nghat a.
Ka phone call chu a chhang tih hriat nan a ring tawp a, mahse 'Hello' han tih emaw a awm lo. A reh vung vung.

"Muansang."

"Muansang ka ṭawng i hre thei em?"
A aia ring deuh chuan kan ti leh a.

"Umm." Chu zawng chuan min chhang zawi ruih.

"Khaw nge i awm?"
Ka tih mek laiin Ruatsangan ' inhmu ang tirawh?' Hmui phun leh ṭang fe in mi lo ti a.

"Ka ngaihtuah lutuk che, tepawh ti la." Thei leh thei lo in, ṭang fe mai chuan theihtawpin zei lo min ti lutuk tak mai chuan a lo ti nasa mai.

"Muansang ka ṭawng chu i hre thei em? Ṭha deuhin min chhang rawh." Kei mi dawhthei lo chuan nem hlai lem lo chuan kati leh ta nghe nghe a.

"Field ah kan awm." Arawn tih chuan eng nge an tih tum ka hrechiang lutuk.

Football field hi kan dawr aṭanga lang theiin a piah lam chu ram hnuai ani mai a, kawngpui nuam tak, feh nana hman ṭhin a awm phei ruah avangin intlansiak nan chuan duhthusam tur hmun a ni. Zanah phei chuan a reh phei vek dawn si a.

"In hmu ila, eng emaw sawi dun teh ang."

"Tunah lo.."

"No. Tunah khawngaihin Habibi." Ngenngawl leh no tak chuan kanti a. A thaw ri hawk. Awm zia a awm ani chek ang..

"Ruah a sur reng hi pawnah awm suh i dam lo vang." Katih mek laiin Ruatsanga chu a lo kalsawn mek a. Ka zahzum zia a hria a. Ka bula a awm reng chuan ka duh ang ka sawi theih loh a hlau tepawh aniang.

"Ka damlo ve ngai lo. Nangmah zawk kha mu lum tawh rawh. I mut hun a pel nasa tawh." Aw zuai ruihin arawn ti a. Bike ri thum tak ka hre zui a. A bul vela maia mi tih hriat tak.

"Muansang tel lo hram la." Tih tak zetin ka ngen.

"Tel lo ta ila." Za lo deuhin a nui zui hak.

"I duh duh ani mai." Ka lo ti thuai. Chhan dan dang mai ka hre lo.

"Lo thi ta ila, i ṭap angem? I rilru kati na pha a ngem?"

"I â em ni? Chu tiangte in zawh ngai pawh ani lo." Ka sam ka ṭam hnawk zui nawk..

Field lam kan dawr kawt aṭang chuan ka hawi thla a, bike pakhat aia tam daih eng tih hriat tak chu chiang takin ka zuk hmu..

"I tel lui anih chuan vawikhat mah ka be tawh ngai lo vang che. Ka hmelhriat aṭangin ka ban bawk ang che." Ka theihtawp chhuahin hlauthawng aw bawk si chuan kan vau thul.

"Muttui Habibti." Zawi fiah tak a tiin Phone a off zui hmak..
Field lam pana ke vawihnih vel ka pen rualin bike chak lutuka tlan thaw fua ri chu ka hre zawm a.. Ka khawvel chu a chawl ṭhupin ka hria.

Mittui tling pam leh hlauthawnna hlira khatin field lam chu hrilhhai em em in ka thlir tlawk tlawk a. Field chu a thim chhhah nghal mup. An tlan chhuak ta diak tih hriat takin eng engmah hmuh tur a awm tawh lo.

"Muansang mi sual pa." Ka hmui phunin kati chhuak sap a.
"Thi suh aw." Kati zui leh ṭiak. Eng ti kawng maha a nat ka phal lo. Kan misual leh thu duh pa kha.

"Lalpa khawngaih takin min lo venhim sak hram rawh. A kianga hun tam tak hman ka la duh a ni.."

Ruah sur nen, ka huh zawr hniang.. Nihliapte chu ka keng tak na in, awm zia vak a nei lo. Nihliap keng kang tur tak ngial pawhin tha ka nei lo...

Chu tia ka din reng lai chuan chak takin kan dawr lam panin bike arawn tlan chho va. Beiseina, hlauhthawnna te nen zawng zawng ka lo thlir... Ka thaw em pawh ka inhre lo.

"Muansang." A mah ka hmuh rualin ka mittui a tla vethei ta chiah.

Ka hmaah dim lo taka bike ti ding dawt a rawn chhuk mek chu lungrun fahran leh lungchhe deuh bawk siin ka lo melh ṭiau a. Ka thin a rim tel deuh bawk. Minti hlauthawng lutuk a.

Bike arawn khalh dan hmang en kha chuan a khalh leh chiah rual khan hlauhthawnna leh chiai na nasa takin in a man tih hai rual ani lo.

"Habibti." Tih chiah sawiin nghet em em in chu ruah sur bur bur karah chuan mi rawn kuah thlawp a.

A taksa lum hiam, lian leh chak ṭha em em mai ka sik rual chuan ka thla a muang suai. Ka kiangah a awm tih ati chiang lutuk. A laka ka lungawi lohna leh thinrimna tepawh an thlawk bo zui chhuai chhuai. A mah chiah chu ka ngaihtuah.

"Muansanga kha..." Tih chiah sawiin harsa ti em em in thaw a la zui hrawk hrawk a, na tuar leh thinglung hliama rum tih hriat ngawih ngawihin. Ka lo nat pui ve vawng vawng. Ka khawngaih lutuk bawk si.

Chu zan reh leh ruah sur buan buan hnuaiah chuan kan tlangval hmelṭha leh a thil tawn ṭha lo takin a nuna lungngaihna leh hrehawmna nasa tak a lo thlen tawhte chu a sual let mek a ni..Min kuahna pawh a na thei hial..

"Engkim a ṭha vek." Hnem tum takin kan ti a. A taksa khaw vawt kar pawha sa vek leh ṭang ṭung mai chu arawn thlahdul ṭan a. Min kuahna pawh a thlah thawl ta hret. Muangchangin a inbengdai hret hret a. Dawhthei takin ka lo nghak thung..

"I ti ṭha lutuk." A samah ka tuai zui hauh hauh a. Ka thu a awih chuan minti lawm. Chan ka duh lo a ni. Minti hlauhthawng lutuk mah mah.

"Ka tihpalh.." Tlemin a awm sawn hlek a.
"Dawrah hian lut ang. Ti hi chuan i damlo mai ang." Nasa lo te in a ṭhen zui sak a. Min la ngaihtuah hmasa leh tal e.

Dawra kan puan dah chuan kanin hru hul a. Heater ka on zui bawk. A la vawt viau mai. Kawr huh hak zet chu..

"I inthlak duh em?" Ka ti a..A lu a thing ringawt.
Kei chuan Û Mami kawrzawrh laia mi ka ha ṭhuai. Pawi lutuk lo turah ngai ang.

"Eng emaw min hrilh duh te i nei em?" A ṭhu ngawi ngul mai chu a sam la huh chhap tih pawrh sak pah zauhin ka bia a.

"A vawt sia, i mu lum duh tawh em?" Min lo zawt let daih.. A mit meng mawi taka hnem ngai ngawih ngawih anih na zuk hmu thiam tan chuan mut san mai chi ah ka ruat lo. A natna tlem tal pawha chhawk sak ka duh a ni.

"Duh lo ve."

"Umm. A ṭhat chu." Sawi duh nei tih hriat takin a thaw zui hawk a...

"I ngaithla peih a ngem?" Chiang taka mi rawn melh pah chuan minti a. A mita natna leh lungngaihna awm chu chiang takin ka lo hmu. Min chhun vat vat.

"Ngaithla peih tehreng mai." Ka nuih pah sek a...

A sawi ṭan ta a...
*Vawikhat atan chauh tih pawh hian thil ṭha lo, nun zawng zawng nghawng thei thil a thlen thei ṭhin. Chu vangin thil ṭha lo hi chu tih chhin tum loh law law hi a finthlak*

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:53 pm

Muansanga * Habibi *
Chapter - 5
May Renthlei
"I ngaithla peih a ngem?" Chiang taka mi rawn melh pah chuan minti a. A mita natna leh lungngaihna awm chu chiang takin ka lo hmu. Min chhun vat vat.

"Ngaithla peih tehreng mai." Ka nuih pah sek a...
A sawi ṭan ta a...
"Sum lama buai lo ṭhah leh chhungte duat rawn inkawm ho ta chu kan game pawh a sang ṭha thei khawp mai. Nula lamah nise.." A ngawi zui daih. Mahse ka hrethiam hman tho.

"Hmeichhia hi ka be hmasa ngai lo, mahse duhai tam chu ka hmu tho in ka hria. Ka lerh lo va, hmeichhia ka ngaihsak loh tehreng nen hmeiche ho lah hian min duhin, ka zuna uai hi a na viau ṭhin anih ka ring." A nui zui suk a. Ka lo ner nang thung..

"Bialnu chhiarsen loh hial i lo neih phah ta a."

"Teuh lo. Mu mal taka kawp ka la nei lo, ka rilru ka pe thei lo. Tu emaw danglam tak, mi dangin min pek theih miah loh feeling danglam tak min pe thei ka nghak. Ka nun zawng zawng thlak theitu tur leh ka nuna tel ve a, keimaha bet tel tlat tur hmeichhia." Chu thu a sawi lai chuan min sawi chhan tih hriat lutukin tawrh har khawp a mawi leh nalhin min melh phi chiai a.. Ka dang a ro halh halh.

Muansanga ang chiah hi ka ni. Mi danglam tak ka nghak ve mek. A mah ngei hi ani thei a ngem? Ka chiang ngam lo.

"Kan unau dangte leh ka chhungte zawng zawng ang lo takin a ṭha lo lamin kum17 kanih aṭangin nun ka hmang ṭan a. Ka chhungte keimah vanga an rilru hah theih zia pawh ka hria. Mahse ka haider vek. A naupang ber ka ni a, ka unaute ho lah nun entawn tlak leh puitling tak vek. Kei lo ang taka ngaihtuah ngai lo ṭhah an ni. Kei chu problem child dik tak ani telin ka ni a. Zan rei tak takah bike lak chhuah a intlansiakna hlauhawm taka tel te, in chhung aia khawlai nuam tihna nun ang zawng zawng kha ka neikim vek. Eng ramhuai sualin nge min luhchilh ka hre bik lo. Mahse ka chhungte chuan min ngaihsakin min duat zual sauh, kha kha nuam kati pawh ani mahna."

"Ka dang a ro. In tur ka duh." A tih chuan shark a ngaina tih ka hriat vangin ka pe vat a. Keiin maaza ka in thung..

"Ka ṭhian hmasa te ho ka thlah a, ka ṭhian tharte ho nen chuan nuam kantih dan danin nun kan hmang chho ṭan a. Ka hmingpui Muansanga erawhin min thlahthlam ve lo. A chang chuan ka ngei phah hial ṭhin, ka awm anga min en liam ve mai mai ngai loh avangin.." A nui lui sawk a. A aw ri aṭang pawhin sawi chhuah ringawt pawhin a la deng na tih ka hai lo..

"Ka awmdan ṭha lovah min zilh chang lah a tam. Kut thlak ngai hial khawpa kanin tih buai ṭum pawh a awm. A thinrim rei ve duh chuang lo. Eng vanga puitling bik em em nge maw anih le? Kei ang ṭhian sual te chu min thlahthlam ve mai tur ania." A hmui sen tak raih chu ṭang ṭeuh a pet zui nawkin a thu sawi chu a tawp leh rih a..A awmdan chu ka hrethiam lutuk...

"A ni chu a fel a, a puitling a. A nunna leh a engkim chu a chhungte an ni tawp. Chhungkaw hlut zia a hre chiang a, ka chhungte ka ti lungngai leh rilru hahna ka siam sak fo mai chu ṭha ti lovin min zilh nasa hle ṭhin.. Ka ṭhian dangte ho vin ruihtheihthil an ti tih a hriat chhuah ṭum phei chuan a thinrim lutuk. Kei erawhin a changa beer ka inpui zeuh tih lohah chuan ruihhlo lamah chuan ka fihlim viau. Mahse Muansanga run luih nan a hmuh tur khera meizial zuk tekha ka hrat a, a hmuh loh lai chuan ka zu pawh ani chuang lo.." Inthiam lohna a khatin a ṭhu kun zui tlawk tlawk a..Han hnem dan vak ka hre si lo.

"Kha zan...Muansanga ka chan zan kha." Hawi chhuakin a sam a tuai thur bam a. A mit, a ṭah insum nasat vanga sen ram chu a lang zim san bawk.. Kawng lehlam taka ngaihtuah chuan tuna a landan hi a sexy ru viau.

"Hahdam deuh phawt la i sawi leh dawn nia. Hmanhmawh suh." A tawt hmel em avang chuan ka lo ti a. A kut lian leh sei nalh takin ka kut lian lem lo tak, nidangah pawh i kut tet reuh zia hi tia min hrilh fo ṭhin chu arawn hum vang vang a.. Ngaia neih a har, a dang leh zar tawh. Mi dang taksa va sik mai leh ani nena taksa tlema insik mai pawh hi a dang bik tlat ṭhin. Ka hre lutuk mah mah.

"Keimah vang a ni. Keimah vang liau liauin Muansanga khan a nun a chan a ni." Harsa ti em em in arawn ti chhuak hrawih a. Inthiam lohna leh hrehawm tihna in a bual hneh em avangin ka tan pawh hrehawm duh tak a ni.

"Thil liam tawh alawm. Indelh beh tir reng suh." Ka tih chuan lu a thing nawk a. A mittui arawn tla hnawng chap bawk. Ka lo nat pui ve ngawih ngawih.

"Kha mi zan khan Ngaihsanga birthday kan lawm a, Muansanga run luih na ni pah fawmin beer leh zu a vawikhat nan ka inpawlh.." A thaw khur zui hlat a. Kha zan ṭihbaiawm tak khan arawn chenchilh leh mek a ni.

"Habibti vawikhat, vawikhat chiah asin zu ka in. Mahse vawikhat ka tih sual lek khan ka ṭhianpa leh a chhungte nun hlimna ka tih chhiatsak vek. Ti nge keimah hi ka lo thih zawk loh? Eng vangin nge Muansanga zawk kha a boral tiin Pathian hi ka chhuahchhal fo ṭhin."

"Shh.. Chu tiangin an ngaihtuah ngai lo." A ṭap khur zui dat dat chu ka kuah vat a. Ka mittui arawn tla ve tawp. Ka dang zo lo. Ka khawngaih bawk si. A lo hlim ngai miah loh na chhan chu inthiam lohna nen hlir nun a lo hman vang tih a chiang reng.

"Ni lo, keimah hi thi zawk tur ka nia sin. Muansanga kha ni lo vin." Harsa ti takin an ti a.. A lungawi mawlh lo. Kha thil thleng khan a delh rit lutuk mah mah.

"Chhan a awm ani ngei ang. Muansanga ni lo va nang ila dam zawk hian chhan ṭha tak anei ngei ang." Hnem tum tak chuan kan ti a. A pawm lo kher mai.

"Zu ka in tih a hriat vang khan bike khalh tur khan min ring zo thlawt lo va min ngaihtuah bawk si nen. Car aṭanga chhuakin ka phal lo chung ka bike min khalh luih sak a. Kawng lakah a hma daih tawha ka lo intih buai pui leh bike intlansiakah tepawh ka lo in el pui zak zak tawh, ka hmelma lian ho ten min lo chang chu niin. Engkim kha a ṭha lo vel vek. Kawng lakah a hu ho in bike hmangin min rawn chhaih buai a, kei chuan chhuka nidang ang bawka insualpui leh mai ka duh tawh. Mahse ka ruih em avang khan kut thlak ka tuar hrep dawn tih Muansanga khan a hmu lawk vek. Chu vangin min tlan luih pui a, mi ka tibuai fo leh insual bansan turin min zilh nasa pah teh asin aw.."
Mittui kar aṭangin nasa lo te in arawn nui sek a.. A lainatawm zual ting.

"I bansan ta chuang lo va."

"Bansan tehreng mai. Kha accident thlen zan khan ruilo ni ilang chuan bike kha keiman khalhin Muansanga a chuan tel ve a ngai lo tur. Kan kiangah hlim takin a chhungte nen an awm ho ngeiawm si a. Khang ka hmelma lian tak teho kha chu nidang intlansiakna ah pawh a min hneh ngai lo tu te an ni a. Ka tlan bosan thei em em ang. Engkim kha keima thiamloh leh nun khawloh vang veka thleng a ni.."

"Chu tiang..."

"A dik alawm Habibti. Hlim ka phu lo, in kianga nuih tuma ka hlim vedawn pawh hian Muansanga keimah vang hun lo taka kal ta te, a chhungte nen lam ka ngaihtuah chhuak lo thei ṭhin lo. Chu vangin ka nun hi a chhum dum chhah mup ang mai a ni. Ka chauhpui a, ka hahpui ṭhin. Thih ve mai ka duh chang lah a tam.."

"I rilru tur awm ang chu ka hrethiam ruak. Mahse hlim phu lo mihring an awm thei dawn em ni? Muansanga pawh khan a ngaihtuah che in i ṭhaṭna tur engkim a duh tih i sawi chiang viau bawk a, hlim lo taka nun i hman vang hian a hlim bik ka ring lo."

"Mahse hlim ka phu si lo alawm. Keimah vangin, keimah vang liau liauin a hun lo takah ani kha a kal asin. Kei ang ṭhian tlaktlai lo tak aneih vang hian."

"I ngaih dan i thlak angai a ni Muansang." Lungchim taka melh ngui riai chuan kati a.. Lungngai tih hriat takin min lo melh let ve bawk. Kan boruak chu anuam mawlh lo.

"A hrehawm ang tih chu ka hria alawm.. I inthiamlo pawh kha a awm lutuk. Mahse nang ni lo va Muansanga kal ta khan chhan anei ngei ang. A ṭha lo lam leh mahni indem zawng nitawh lo vin tilam zawk hian ngaihtuah tum chhin teh. I tana nun hial hlan ngamtu ṭhian ṭha tak i nei a, mi tam takin ṭhian ṭha lo tawnga an nun ṭha an hloh vek laiin. I vanneih tak zet. A tana i pek let theih amah a nga nun ṭha neih kha vawikhat tal tum ve chhin la."

"Eng tin?"

"A ni ang nun ṭha tak nei kha chuan Khawvela a tih tur a hlen tawh bikte pawh ani mahna. Chu vanga i tana nun hlan a kal hmasa pawh ani mah na. Kan kianga i la awm tak zawk chhan hi ngaihtuah la, chhan ṭha tak a awm a ni. Muansanga tih ṭhin an chhungkaw hlimna thlen te. Mi dang hmangaiha ngaihsak te. Ti ve tura a duh ṭhin che kha han ngaihtuah teh. Kan kianga i la awm chhan hi inthiam lo tak leh hlim lo taka nun hmang turin ani reng reng lo." Theihtawp chhuah chuan ka ngaihdan dik tak chu hrethiam tur a duh em em in ka hrilh a..
Awm zia nei tak ang maw? Ka hre thiam mai bik lo.

"I ṭhian ṭha tak chunga thleng ni ve ta se, ka dinhmun ang chiaha ding ni ve bawk ta la mahni i indem lo thei bik dawn em ni?"

"Ka indem ve tho ang. Hrehawm pawh kati ang."

"Kha reng."

"Ni lo, ka la sawi zo lo hleinem." Ka lo ti thuai a. Sawi zawm turin min signal a.

"Ka indawm kun reng lo vang. Nundan ṭha lo tak ka neih vangin ka tana hlu tak ka chan anih phawt chuan a thlen nawn tawh loh nan theih tawp ka chhuah a nga. Ka la neih angte ka chan nawn a, ka tih lungngaih zual tawh loh nan theihtawp chhuaha ka nun dana ṭha lo laite sim a bansan nan hun ka hmang zui ang.."

"A harsa Habibti.." A ti chhuak hawp a.

"A dik ang. Vawilehkhata inthlak tawp chu a harsa ngei ang. Muangchangin i ngaituah dawn nia. I tan ka awm reng ang. I lungngaiha harsatna i tawh hun a piangah, eng hun pawh nise i tan ka awm reng ang." Harsa ti takin a hmelṭha tak aṭang chuan nuihmel arawn ti lang hram hram a.

"Ka lawm e." Ngam leh ngam lo in mi kuah de de a. Rang taka kuah letin a hnungah ka ṭhian ṭha tak ang chauha en in ka lo beng thek thek a.

"Hlim i phu. A ṭha ber i phu." Kan boruak tih zangkhai tumin aw ki sang laha kuah let chung chuan ka lo ti a.

"Muansanga chhungte nen chuan in in be zui em?"

"Aih. Ka hmu ngam lo, min hmuh a pianga an na nawn tur ka ngaihtuah hian ka hlauthawng ṭhin a ni."

"Ni lo ve, i va hmu ngei tur a ni. Muansanga bak fapa an neih loh phei chuan Muansanga dang nangmah ila awm a. A ai i awh zo kher lo anih pawhin hnem theitu ber i ni ngei zawk ang, ka chiang."

"Tak zet. Min haw viau dawn lo em ni?"

"Chu tiang mi chu an ni dawm em ni?"

"Mi ṭha tak chhungkua an ni. Hmeiche pathum leh Muansang kha an fa neihte chu an nia."

"A nih phei chuan i ngaihdan thlaka va pawh ngei i ngai anih chu. A tirah harsa mahse in ṭha chho ve zel mai ang."

"Ummm"

"Good boy.."

"Habibti."
Ti a min ko hnuah eng emaw a sawi zawm leh mai dawn emaw tih laia a ngawih zui tak daih avangin a hmel hmu thei turin ka hawi a.. Chiang takin kanin melh a, min melh dan chu a pangngai lo tih ka hre thei. Eng emaw sawi duh dang ala nei tih ka man thiam.

"Sawi la. I tan ka awm reng ang ka tih kha." A muk leh tak viau avang chuan ka nek pah lui nak a.

"Habibti ."

"Umm."

"Ka duh che." Ka hlauhthawn ang chiahin a ti ta reng a. He thu hre tur hian ka la inpeih lo.

"Ka duh che. Ka ṭhian ang chauh ni lo vin..."

"Muansang nang chu ka ṭhian i ni."

"Ka hria mahse.."

"Relationship a awm turin ka la inpeih lo tih i hriat kha. Hmabak kan la ngah lutuk. Keimah tak ngial pawh ka la in enkawl zo mang lo ania. Nang pawh hmabak tam tak ila nei a, chu vangin.."

"Kan hmabak chu eng pawh nise ka pawisa lo. Ka duh che, tun hunah ngei hian ka tana danglam tak i nihna te. Tuma min pek vetheih loh feeling danglam tak min pe tu i nih vangte hian ka bialnu, ka kianga awm tlat ṭhin. Ka hma hun thim taka min kaihruaitu ni hram rawh." Aw khur ti tih chuan tih tak zet leh lungkuai takin min sawm a. A zam lutuk chuan Muansanga, mipa luhlul, ngheng leh inringtawk lah kha ani ta lo emaw tih mai awl a ni.

"I tana ṭhian, lungngaih leh harsatna tawh changa i tana awm reng, hnem theitu nih che chu ka duh. Mahse.." Ka sawi zawm mai thei tawh lo.

"Eng nge mahse?" Dam lem lo tak chuan a ti thlawt a. A hmela hlauhthawnna lang chu a thup zo lo tak zet. Ka awm anuam bik lo. A thleng teh thut lutuk a..

"Muansang hriatthiam tum la. Tuna kan awmdan ang hi kei chuan ka duh tawk rih." Ka aw hrep chu.. Ka control zo lo, a lawi rut mai.

"A awm zia chu.." A nui sawi nawk a. Awm ngaihna hriat loh vang ani zawk mah ang chu. Ka lainat tho. Mahse hmahun tih tur hmachhawp kan la ngah lutuk.

Rilru kal bing phut chi ka ni a. Muansanga nen hian kan lo inngaihzawng palh anih vaih chuan ka duhin ka la na dawn lutuk. Kan la naupanga, kanin karah eng pawh thleng thei a ni. Chutih hunah chuan ka tuar zo dawn em ni?

"Muansang ka.."

"Eng mah sawi suh." A ṭhuṭna aṭang a dingin dawr chu a ke sei tak hmanga pen pawk pawkin a chhuahsan hmawk hmawk a. A lungawi mawlh lo. A tun nundan nen phei chuan a ṭha lo zawngin a lo va che leh vak ang tih hlauhawm tak a ni.

"Muansang." Ka um zui ta nghe nghe a. A luhlul ropui si, a mah leh a mah a inbengdai zo lo leh mai ang tih chu ka hlau a ni.

"Inbengdai phawt la."

"Eng tin? Eng tin chuan?" Keipui hliam tuar ang mai chuan mi lo ngur chhur chhur a. Awm ngaihna hre lo in a sam buk laih chu a ṭham thul..

"Thil ṭha lo i ti lo ang tiraw?" Ka zawhna avang chuan ngeiawm lutukin mi nuih luih sawk a.. Mi hnek thlu tawp mai duh hmel a pu bawk. A thisen zam a pawng ṭalh ṭalh a. Kawl phe rawn eng zawk karah chuan a lang hlauawm zual.

Ruah lah chuan rawn tlak ṭan a tum leh tawh tih thli rawn thaw vuk vuk leh khawpui ri rum rum chuan a ti chiang. Kawl lah a phe zawk zawk bawk.

"Muansang.."Aw tham lawi ṭiak chuan ka ko a. Inbengdai deuh se ka duh em a ni. A hnai rih si lo.

"Muansang hetah ani maw in lo awm?" Ruatsanga aw ri chu ka tan lawm na. A ṭhian dangte pawh an rawn lang zui a.

"Eng kim aṭha em?" Aizawl lama a ṭhian pakhat chuan arawn ti a.

"Engkim hi ka hua. Ka hne vek." Ti ṭhawṭin A bike rawn khalh chu a nam tlu zui dawt a. A ṭhianten rang takin an dawm bet zui vat a. Ka lungphu hi a chhuak mai dawnin ka hria. Eng tin tin emaw an hawpui thei hram a. Zan dangdai tak ani e. A rei duh hle bawk.

Ka zing tho tepawh chu ka rit bur a. ‌A hrehawm.. Nidanga Muansanga message lo awm ziah pawh hmuh tur a awm lo.

Ka ngaihdan a hrethiam lo a ni. Kan tun hun hmandan hi kei chuan ka duh tawk rih mai ania. Ka duh vetho tih te chu a hrethiam ve bawk lo em mawni?

A ke pen ruala pen ve a, a lungngaih leh harsatna te laka ta chhawktu nih reng ka duh vang zawk a ni.. Nupui pasal nei thei leh hun kan la ni lo ve ve a, inngaihzawnna ringawt chuan ṭhian nihna aiin a daih rei theih ka rin tlat loh na hi paih bo thei ila chu a zia mahna..

"Nobawih ka ṭawng chu i hria em?"

"Maw?" Ka ti hu mai. Ka nu in min bia tih reng ka lo hre lo.

"I Û Mamin min lo thlak tawh rawh ati che. Hnatlan angai dawn bawk sia, dawr nghah chhawk mai i ngai dawn a ni. Hnadang chu i tel lo pawn kanti thei tho turah ngai ila."

"Dawr nghah hi chu a ninawm e.." ka ti nai nai a. Ka hnial ngam chuang der si lo. Bakah vawin chu ka tha hi a za hlawl lo. Ka chau.

"In lo dam maw?" Tlangval sa pan lam leh sang thlerh thlawrh kan kawngkhara rawn lut chiah chu tuna ka landan nen chuan inpersan nasa tak a ni.

A faiin, a lang thar sar a. Kei ang lo takin a zawi ve lo, thahrui angah hmel. Ka ngui bur laiin nelawm takin arawn nui lut sang thung a. Ka ther bam laiin a fel fai bik em em bawk.

"Aw... Dam e." Kati ban chalh. Mi zei taka lo chhawn harh hi ti nge ka thiam theih miah loh.

"Khaw nge i nu leh pa? Awmawm." A tih chuan ka hmingte a la hre zui kati rilru ṭhuai ṭhuai. Ka hre ve der si lo.


"Khaw nge i nu leh pa? Awmawm." A tih chuan ka hmingte a la hre zui kati rilru ṭhuai ṭhuai. Ka hre ve der si lo.


"Awii lehhh. Hruaisanga ni rengin. Tehhlawl che chuan. Kan tlangval fel leh hmelṭha hi i va ngaihawm ṭhin tak em." Ka nu lah chuan arawn ti chul a.

Hruaisanga anih chuan Muansanga û tihna maw? Ka reii. Ka hrechhuak leh chiah. Hmana a hmel ka hriat ṭhin ang kha a lo nitawh lo lutuk a, ka haiphah. Zia lo hle mai.

"Eng tik khan nge i lo thlen? Lo ṭhu teh, lo ṭhu teh." Ka nu lah chu Hruaisanga a hmu chuan a ti hlim ngang mai...

"Zing dar7 vel khan kan lo thleng."

Ka lo chhut zui nghal. Aizawl aṭang a kan khua hi darkar 5 kal vel ania. Anih chuan zing dar3 vela an lo chhuak ngei angai ang...

"Eng a ti teh thut thut nge?" Ka rilru a zawhna awm tak kanu in a zawt hlauh e. Dawr lama la kal mai chi ani lo. Muansanga vanga a zan a zan deuh thaw a lo kal an nih ka ring deuh tlat.

"Muansanga lam turin ka pa in min rawn tir a. Vawin lama rawn chhuak tur kan nih laiin nizan lam ka muhil thei chuang si lo va ka rawn kal hma ta ringawt. Ka nau ṭhiannu Thanthanin kal ve angen tlat bawk nen, ka rawn hruai ve bawk a. Kei ang bawkin a ṭhianpa hi a ngaihtuah ve a."

Thanthani tih a sawi lan zeuh chuan ka beng a lo verh zar. Tunah kan khuaah a awm ve mek. Hmmpp.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:53 pm

Muansanga * Habibi*
Chapter -6
May Renthlei
Thanthani tih a sawi lan zeuh chuan ka beng a lo verh zar. Tunah kan khuaah a awm ve mek. Hmmpp

"Hmeiche fel tak anih dawn chu. Muansanga chu a ṭha chho viau a sin mawle. A nuihmel tepawh kan hmu ṭan ania. Thil a kal pangngai chho dawn emaw tih laiin kha tiang thil kha a thleng leh ta thut sia, a pawi khawp mai."

"In chhungkaw chungah kan lawm tak meuh meuh. Ka nau in lo ngaihsak lutuk tih Pate Ṭhuama te chhungkaw ṭawngka a ṭang ten kan lo hria a. Awmawm kan lawm lutuk ania." Min rawn ti bik deuh kher a.
Eng emaw hriat a nei em mawni chu aw? Ka ti rilru.

"Kanin kawm mai alawm." Ka nui sek a.

Ka pa leh Û Hruaikima thingzai dah fel an rawn lut a. An lo in hre ṭha nasa bawk a an phul zui hlut. Kei erawh dawr lamah Û Mami a hnatlan dawn avangin thlak turin ka chhuk thung.

"Awmawm..." Min rawn ko na lamah ka hawi chho vat a. Ruatsangan nui sangin car kianga dingin kut mi lo vai khum lauh lauh a..

"Ti nge i lo luh ve loh?" Hruaisanga arawn hruai anih ka rin vang chuan ka ti a...

"Phone ka hmang lak lawh a. Dawr i nghak dawn a mi?"

"Nghak dawn e."

"I peih lo leh awm." A tih chuan hmui ti sawi nakin ka bu nghat a.

"Nangni ho pawh chu." Ruatsangan, Aizawl lama Muansanga ṭhiante rawn lang zui chu a lo be ding hlawm a. Thanthani ni ngei tur pawh arawn tel a. Muansanga erawh a tel ve lo.

Thanthani chu keiai chuan a sang ang. Kan vun ngo dan erawh a inrual vel hle ang. A hmel pawh aṭha. En mai chuan hmeiche ngawi chawi leh zahzum hmel tak angin ka hmu. Dik tak ang maw?
Mi hi ka ring chhe mawh ve hrim hrim bawk a. Fel em em turah hian ka ngai hmasa phawt vek zel.

"Awmawm dawrah lo kal kan tum a." Muansanga ṭhianpa, a hming pawh ka la hriat veloh chuan mi ko nalh thei.

"Wow....Ramdin leh.. He khuaah hian ni2 em pawh ila chamtling lo va nula hmelṭha tak hmelhriat i lo nei nghal der ania. Insum vedeuh rawh." Thanthanin nui chungin a fiam nghal bawrh bawrh a..

"Chu tianglam ani lo. Ani te hi chu kan Muansanga special girl ania a hriat loh theih nang tiraw? Bs." An ti nghal zauh a.

"A dik alawm, ani ber kan hriat loh vin aṭha nang. Nizan lamte i muttui loh phah em lo vang chu." Hawihhawm takin min zawt zui a. A fel khawp ang he pa zet hi chu. A puitling thlarh mai a.

"Mutui tehreng mai. Kal ila." Dawr lam ka melh pah zauh a. An pen zui nghal mai a.
Kei chu Ruatsangan la ding turin min signal ru zauh tlat.

"Thanthani khu Muansanga hmingpui, boral ta farnu anih khu." A tih chuan mak tih vangin ka meng phar ak. Rin ngaihna reng ka hre lo.

"Muansanga khan a ṭhianpa boral aṭangin va be pawp zui tawh lo niin min hrilh sia."

"A dik alawm. Mahse Thanthani khu chu a dang alawm. Muansanga hi..." Sawi zawm lohin angawi daih a.
"Kal tawh rawh." Min la ti zui. Ka ngei tawp.

"Sawi zo rawh." Ka melh tûr khai a.

"Ni dangah le."

"Muansanga eng nge a an?"

"A mah i zawt dawn nia." Chimawm lutuk. Ka tin zuai a, a lo nui duh lek a. Lungawi lo deuhin ka kalsan.

Muansanga ṭhiante ho pawh dawrah an lo la awm a. Û Mamin in lamah min chhohsan zui bawk..

"Muansanga ṭhian i lo ni ve tho a. Ka hmu thei che chu ka lawm hle mai." Thanthani chuan rinloh takin min ti a.

"Kei pawh le."

"Khua in nei nuam hle mai. Kan Muansanga pawn nuam lo ti hle awm anih hi."

"Nuam atih chhan te chu thildang daih." Dinsangan awm ze nei ril lutukin mit mi rawn san khum ak a.
Thanthani a nui hleithei meuh tawh lo. Ka rin ruk dan hi a dik angem?

"Vawin lamah Muansanga ho va haw nghal mai tum kan nia. Mahse nizan lam kan mu ṭha lo nen, vawin a Aizawl lam kal lehnghal tur chuan Muansangan min ngaihtuah tlat sia. Cham mai kan ngai dawn ta anih hi." Thanthani ṭawng chhuah dan aw ki chu Muansanga tana mi eng emaw tak a nih zia tih lan a tum tlatin ka lo hria.

"Cham a la chakawm alawm. Awmawmi kawm kan la kham lo." Bsa lah chuan a lo ti awlsam et a. Kanin kawm viau pawh ani si lo va. Min ngaina der thiam dun viau Dinsanga nen chuan.

"An ni hi chu hrethiam rawh hmeichhia an lawm ve hrim hrim a."Thanthani chuan a ti kha deuh fak a.
Min melh na mit chhunga eng emaw riau rawn lang chhuak sar sar chu hmuh hmaih a har. A ṭha lam chu ani lo phawt a.

"Muansang ei duh te i nei em? Eng nge ka lo lei dawn che?" Thanthani chuan Muansanga chu phone a ṭangin a bia tih hriat takin a ṭawng lang lang a..

"Awm e. Ruatsanga bialnu te dawrah kan awm." Ti a chhanna a pek chuan ka melh dawrh lo thei lo..

Ka vawikhat hmuhna hmeichhia hian eng nge a sawi zawh chiah kha. A ti mah mah deuh lo maw.

"Ruatsanga bialnu a?" Dinsangan a ti nghal ha. Bsa pawh a hawi buai nawk.

"Awmawm tih hi ka hrechhuak tawh alawm. Ruatsanga higher kal laia a duh theih deuh hmeichhia kha i ni tih ka hrechhuak zawk alawm. Min hrilh nasa ṭhin alawm. Khatih lai khan Muansanga te ho ai khan kanin kawm nasa ṭhin a. Kum tam a liam a, hmuh theih che pawh ka inrin loh hnuah ka hmu leh thei ta che ania." A ti ta duah a. Khawvel hi chu a lo zim teh e.

"Ruatsanga chu ka ṭhianṭha tak ania lawm. Engmah thil dang a awm lo." Ka lawm lohna chu ti lang lohin ṭha takin ka chhang mai a...

"In inneih dawn hial ka lo ring tawh a." A tih leh chuan nuih luih a harsa ṭalh tawh..

"Muansanga nen kan la inneih khalh khawp ang che u." Nghakhelh awm fe leh in la pawisawi lo zet lah chuan a la ti tak ang deuh deuh a.

"Thanthan.." BS an a tih deuh hrawk laiin Dinsangan a lo khap thung. Ka hrethiam teh nuai hlawm lo ve.

"Kan lei zawh chuan kal mai ang u." Bsa chuan a ti vut a.

"Remchang a awm veleh kan rawn leng leh ang." Ṭha tak leh nui sangin kei chu min be thung.

"Tehreng mai."

An thil lei ho ka chhutfel sak a. An chhuak dawn chiah tihah Û Hruaisanga arawn lang veleh thung a. Ruatsangan arawn zui bawk. Thanthani te erawh an chhuak tlang ta tho a. Ka lawm.

"I lo lian tawh hle mai Awmawm." Û Hruaisangan hlim hmel pu sangin arawn ti a. Ka lo theihngilh nasa tawh lutuk mawlh mai kha.. Vawikhat mah la hmu ngai lo pawh kani tawp si lo va

"Pasal neih a tum uai uai tawh. A hmu zo lo mai pawh a." Ruatsangan a lo ti hmanhmawh. Vawm ṭawk mai ka duh.
Thanthani thil hlui lutuk tawh rawn phawrh chhuah mawlh mai tekha. Muansangan eng tin tak lo ngai ang maw?

"Muansanga eng kawngah pawh i tlawm ṭhak ṭhak thei tih te ka lo hria a. Kuna chibai buk mai che ka duh." Fiamthu ang reng deuh bawk si chuan a ti a. Unau si hi a lo in an loh theih mang e. A nui hmel leh hriat nuam taka a ṭawng chiah hmuh tur a la awm char char. A ngainatawm.

"Kanin kawm satliah mai alawm."

"Ehh... ehem.." Ruatsanga kher kher ṭhin hi chu. Ṭul lo lutuk..

"Ka dang a rawn ro thut." Ka melh rum em avang chuan an ti kual vel a.

"Khawi maw tui chu Awmawm. Mi fel nu. Hmelṭha bawk si." Bahlah miah lo in a tih zawm zat..

Ka chak chu Ruatsanga hian bialnu nei ve se chhaih laih ve vak vak ka chak tawh lutuk. Ka chhuah chhe thei viau ang..

Û Hruaisanga chuan ka chanchin te min zawt nual a. Muansanga chu a vei na ngang aniang a chanchinah bawkah a lut leh ṭhin. Keimahah chuan beiseina an chhungkuain an neihsan thu pawh zep lo in min hrilh tlang rawng. Ka insit rawih rawih. Eng ka ni lul si lo.

"Min lo hrethiam lawk ru, ka pa ani tlat." A phone ri chu chhangin Û Hruaisanga chu dawr kawt lamah a chhuak a

"Thanthani te nen khan in inkawm ṭhin a?" No lo taka melh khaiin Ruatsanga chu ka zawt a.

"Kawm ṭhin e."

"A lo nih vel tak chu."

"Ti nge? Ka lo kawm ṭhin chu a pawi viau em ni?" Ka melh dan vanga ka hmai bula kut vai thuak chung chuan a ti a.

"Muansanga a duh tiraw? A dik em?"

"Hmeiche ho thil man chak dan em em hi. In hlauhawm." A tih vel avang chuan a ban puamah ka beng thawr a..A tuai zui hauh hauh a.

"A ṭawngkam aṭangin ka hrethiam alawm."

"I thik ta viau a? Nge ni a i hlauhthawng ta viau zawk? I dinhmun a derthawng ta viau te'n i hria em?"

"I ninawm Lalruatsang. I ṭawngthei leh lutuk. Eng tin mah ka awm phah lo."

"Nia, awm phah duh duh. Kha leh chen Thanthani leh Muansanga te hi an lo inhre tawha, eng rilru dang mah a pek loh zia ka hria alawm. Nau ang bakin a en lo."

"Chu tiang ngawt ani lo. Mipa leh hmeichhia te chu.."
Ka tih mek laiin Û Hruaisanga a rawn lan leh tak avangin ka sawi zawm tawh lo..

"Naktuk lamah kan haw lehnghal mai dawn sia. Aizawl lamah lo zinthla ve la, kan ruala i lo zin theih phei chuan a lawmawm ngawt ang." Tiin Û Hruaisanga chuan min sawm a.

"A chakawm tho na chu kan khuaah hian tih tur leh hna ka ngah zawk a. Eng thil pawimawh te ah lo chuan Aizawl chu ka zin mai mai ngai lo."

"I lo puitling vetawh hle mai. Muansanga pawn a lo ngaina viau che hi a awm lutuk e." Nui var varin min ti a. A nelawm thlawt.

"I number min pe thei angem?"

"Tehreng mai."
Iphone 12 chu min pe in ka number ka type lut a..
A ze nelawm leh puitling thlap te, Muansanga a ngaihtuah em em dan te leh a nuihmel pu sang reng tehian a ti ngainatawm.. Muansanga a tluk chiah lo na chu a chhelo ve viau tho.

"Kan kal phawt mai ang. Hawn hmain lo len leh hram kan tum dawn nia." Dawr aṭanga an chhuah dawn chuan a ti a.

"Lutuk. Lo leng leh ngei ngei ru." Ka tih chuan lawmawm min tih hmel takin kut min vai khum a, an tlan liam thlengin ka en zui.

Ka phone ka en a. Muansanga text engmah ka dawng lo. Ka la hmu ve lo bawk a. Ka dik zan thei lo.
He tiang thil a thlen ka hlauh vang hian alawm min duh thu kha min hrilh lo tura ka duh chhan. A hma a kan awm dan ang khan awm reng ka duh tawk viau.
##### May Renthlei #####.
"Muansanga te chu Aizawl lamah chuan an chhuk thla ta em ni?" Ka nu chuan kan chawei laiin zawh bik pawh nei chuang lo in a ti a.

"Chhuk ta anih kha. A ngaihawm dawn khawp mai." Ka pa chuan a lo ti ban churh a.

Min hmu miah lo leh vawikhat mah min be lo in min chhuk san. Ka be hmasa dawn bik teuh lo. A tlawm hmasa zawk kani duh lo. Min lo biak leh hun hun kanin biak leh hun tur. Min lo biak har leh kanin be har deuh dawn ani mai.

Kar a liam a, Muansanga nen pawh kar1 chuang kanin be tawh lo. Status a neih ve pawhin a hman awm chhun chu keimah mintih chhan na hlir a ni mai. Ka hriatthiam dan tur ngeiin, mi dang chuan an hrethiam ve teuh lo.

Keimah ang bawka ho te te status a hmang zut chi ani bik lo va.. A chang zauh a kan neih hi ani mai.

"Aizawl lamah tu emaw ber chhuk kan ngai dawn ava ang ve." Ka pa phone hmang rawn lut chuan arawn ti a.. Kan lo hawi phawk hra.

"Eng vangin?" Ka lo ti a.

"I û Malin nau a vei thut ani awm e. Thla 7 in naute an nei dawn a ang khawp mai. Tluang takin nei thei tak ang maw." Rilru nuam lo tak chuan a ti a.

"A va mak teh thut ve mawle. Thla 7 a piang nau an tam tawh a, eng em kan ti bik lo vang. Lockdown phelh ani tawh bawk a Mami emaw Nobawihi emaw zawk in chhuk ngei ngei angai dawn anih chu. An khawngaih thlak e mai. Zanin tehian an buai dawn lutuk. Bawiha lah a la nausen bawk. In lama lo awmpui tepawh angai ang. Ka ngaihtuah mang e aw." Ka nu in a lo ti ve hlah hlah bawk a. Kan ngaihtuah tlang hle a ni.

"Nobawih i inhuam mai em? Kei chu dawr nen ka va buai awm ve. KṬP lamin tih tur kan lo nei vedeuh reng bawk sia. Delhi lamah lah i la chhuk mai theih hmel bawk si lo va." Û Mamin min ti a.

"In in siam rem dan dan kha ani mai." Ka nu leh pa lahin an lo ti a.

Keimah ah a tla ta ber anih chu. Aizawl lamah chhuk ngei ka ngai dawn a ang takhawp mai. Ka huphurh ngei mai. Aizawlah hian kum9 vel teh meuh lehkhazirin ka awm na chu ka ngaina thei meuh lo. Nu leh pate awmna, kan khua hi nuam kati hlur a. Delhi kha nuam kati em em bawk.
******** AIZAWL *********
"I motor rui chu i zia deuh tawh em?" Ka inbual zo ka ṭhu ngui bam chu Û Kiman theihai zailep min pek pahin a rawn ti a.

"Aw ka zia tawh. Ka rui nasa vak lo."

Naute pawh tluang takin kan nei thei a. Mipa niin thla kim lo va piang tih takah kg 2 pawh a tling lo va. Damdawi in lamah an awm a la ngai rih dawn.


"Damdawi in lamah a inriahpui thei bawk si lo va, Bawihtea awm leh in lama min chetpui kha ani deuh mai.. Keilah hna ka lo zawm ṭan chiah bawk nen.. Chawlh ka la rei thei bawk si lo. I lo buai nawk nawk mai angai dawn anih hi. Damdawi in lamah eng tia rei nge awm ngai dawn tih lah kan hre mang si lo va."

"Bawihtea awm harsa ani tawh lo va a zia ang."

"Nia, in chhung sek rek khawih leh ei siam lamah i ngaihtuah awm lo bawk a thla i ti muang huai. Tlailam a ṭangin damdawi in a chaw han pek tur kha i lo siam tel bawk dawn nia. Keiin a pek lam ka hna ang a." Mipa zaidam tih takah a ṭawng deuh chuar chuar a. Û Hruaikima ai mahin a hmelṭha. A te deuh zawk mai pawh a.

"A ni, hei ka ei duh. Min lo kheh." Bawihtea chuan a chocolate ken lai ka kheh tura min pek pahin arawn ti a.

"I lo lian leh tawh hle mai. Û i ni tawh dawn bawk si, fel deuha awm tur aw. Kha le. Ka kheh zo tawh." A sam buk laih a tuai thur pahin kati a.

A nu leh pa an hmelṭha bawk a. Bawihtea pawh hi khawlai chhuah pui vel anuam ṭhin. Hmelṭha tih leh lawm a hlawh a. Kan naute thar hi eng nge arawn an ve dawn ni. Pathian zarah kan unau leh ka pa lama kan chhungte hrim hrim hi hmelṭha thlah ti a hriat an ni ve a. A rawn zia ve tho turah ngai phawt ang.

"Bawihte naktuk aṭang a ni Awmawmi nen in in lo nghak ṭhin dawn a. Chu vangin a ni thu lo awih tur aw. Thu i lo awih phawt chuan ei tur tui deuh deuh ka lo hawn ṭhin ang che."

"A pa thu ka awih alawm." Duhawm taka ner nangin a lo tinghal a.

"Aw le. A ṭha anih chu." Tih pahin Bawihtea chu a pawm nawlh a. An inchhaih zui a. An bengcheng dun nasa.

"Hello Felpui." Ka ṭhuṭna hmun thawhsanin ka phone ri chu ka chhang a.

"Aizawlah i lo kal tih pawh min hrilh lo. A awm alawm." A rawn ti hmuk hmuk a.

"Niminah ka rawn thleng ve chiah alawm."

"Chu pawh nise min hrilh lawk ve tal tur che." La lungawi thei chuang lo in a ti leh a.

"Tihpalh. Tum lawk lohin ka rawn kal thuta."

"Ahhh. Aw le. Ka hrethiam mai ang che. In hmu vat ang. Lockdown an phelh tawh bawk a, lo leng la." Ka rindan tawk.

"Nau awm ka ngai. Chhuak thei ka ni lo. Lo leng zawk rawh."

"Ka lo ngaihtuah ang. Ka chhungten an phal chuan naktukah ka rawn leng ang."

"Lo leng ngei ngei rawh."

"Ka lo be ṭha leh dawn che nia. Hrilh tur che ka ngah tawh lutuk. Bakah ka ngai che." Ka ṭawng veleh hman hma hma in phone a la off zui. A mak puat puat ṭhin.

Delhi ka awm laia ka kawm ber, ṭhian piah lamah unau ang tak takin kanin en. Kan khua a ka haw chhoh aṭangin kan la in hmu leh lo. Min hrilh tur a ngah u chhuak leh tawh ngawt ang. Chu bakah Muansanga nena kan chungchang ka hrilh thawi tawh a. Hriat belh chakin a chiri lo chauh tawh ang.

Room khata awm dun, zia pawh in hrechiang dun tak kan ni a. Bialpa a nei deuh reng a, kei erawhin mipa lam ka ngaihven lo hle thung. Chu vangin mipa chungchang tlem ka sawi ve hlek tawh chuan a phur thak u chuak thei hle.


"Fel deuhin Ani Awmawmi bulah lo awm rawh aw."

"Aw le, a pa. Lo haw vat vat rawh aw." U Kima leh Bawihtea inthlah chu nuisangin ka lo en a.

A pa chu kut vai lauh lauhin a thlah liam a. Fel reuh lutuk mai. A nu lah damdawi in ah hri vel vanga tlawh phal loh in a awm daih bawk si. Ka lainat reuh. Kan naute thar pawh hmuh ka chak tawh tak zet.

"Awmawm." Rawn au thla ruai chu tu nge tih a hai theih loh.

"I va ngaihawm tak." In chhung arawn luh rual rualin min rawn kuah nawk nawk a. Kei tak pawh hian ka ngai tawh. Ze in ang lo tak pawh hi a lo inkawm theih khawp mai.


"I va lo thleng hma ve. I chau em?" A rawn kang lang viuana chu kei erawh in ka lo be dam thlup.

"Chau lo ve. Ih maw. Kan veng ka rawn chhuahsan dawn lai vel khan Muansanga ka rawn hmu." A tih zawng ringawt pawn ka lung a ti phu nghal dup dup.

"Chuan eng tin?"

"Hmeichhia nen." A sawi tim dûi a. Ka hnual ruih. Chu tianga awm chu ka duh lo. Theihngilh vek ka duh. Mahse a awlsam vak dawn in ka hre ta lo.

"Thanthani an tia hmeichhia chu. Ka bula awm ho sawi ania ka hriat. An ngaihven hlawm tawp a. Muansanga duhtu te an ni hlawmin ka hria. Chu bakah Thanthani te nen veng khatah kan lo awm reng a lawm. Muansanga nau a lo ni reng a. Muansanga kha chu ka hria ka tih tawh kha maw. Thanthani hi ka lo hre tel ve lo va."

"Ni tak. A hma khan kei pawn lo ngaihtuah chhuah awm tak. Muansanga boral vel lai khan i sawi tawh tak kha."

"Nia. Ka hriat belh danin Muansanga maw. I Muansanga zawk." Mit ko min san khum pah ak a. Ka lo ner khum zauh.

"I Muansanga kha a hmingpui Muansanga thihna a mawh phurhtu ah kan vengho chuan an ngai fur tak tak a sin. Mahse Muansanga chhungte saw mifel chhungkua an nia, an mawhpuh ve duh lo. An inṭhian ṭhaṭna kha an hrechiang a. A boralsan chhungte berin an puh duh miau si loh ah chuan mite pawn an ngai dik lo zui vak tawh bik lo."

"A lo nih tak chu."

"Chuan Thanthani hian Muansanga hi a atchilh lutuk bawk an ti. Muansanga hian a ṭhianpa boralna ah khan mawhphurhtu a a inngaih miau avangin Thanthani hi... Ahh. Eng lo. I hrethiam mai em? A duh emaw duh lo pawh nise a thlahthlam thei lo. Thanthani hian chu chu chance ah a la an tia kan veng hmeiche ho chuan. Thanthani zawk hi an ei vak lo. Muansanga an lo star hlawm bawk nen." Taksa ti che na na pah chuan a sawi buai nawk nawk a.


"I va hre hnem hman ve, Pi Reporter. Mi bon i lo ni." Ka dar a va nek nakin nui chung chuan kati a. Pawnlamah chuan ka ngaih ho hmel viau nangin ka chhunglam erawh Felpuii thil sawi vang chuan a su dulh dulh.

"Hriat loh theih pawh ani lo. An sawi peih em alawm . Hriat tum loh pawn ka hre zel. Muansanga vang vek a lawm. Hmelṭha lar hek." A la ti ham ham zui a. Ka lo nui suk suk.

"Le. I chanchin sawi ve hun."

"Hmm. Thingpui lum phawt rawh. In pah in sawi ang."

"A ṭha lawm." Ka tho zui ve mai a. Bawihtea erawh toys a khalh ri ve rak rak a. A tui lutuk a, biak buai inthlahrun awm khawp zawk a ni.

"Kha le." Ka thingpui lum zo chu Felpuii bulah thingpui pek pahin ka ṭhu thla zui leh a.
Ṭhuṭ hmun rem ṭha sauh sauhin kan han ṭawng zui dun tak tak mai chu darkar khat te chu kan dawlh liam zo zung zung.

"Ka tlai lutuk dawn min thlah tawh rawh." A vawi thum nan a ti leh tawh. Hawn a tum ngun tawh zia hi. Tun ṭum chu ka thlah haw tak tak tawh aniang chu.

"Bawihte i chapal bun rawh le. Ka ṭhiannu hi a scooty hunna thleng han thlah ang. Noodles kan lei haw pah dawn nia." Ka tih chuan a phur ngang mai. Chhuah sawi tawh hrim hrim hi chuan a inpeih at zel.

"Kanin hmu leh vat dawn nia. Muansanga kha chhuah lo bawk la. Hmun dang chu sawi loh, kan veng tleirawl ka ngei tak tak ho sawn an atchilh hlawm si. Chu vangin chhuah thei i ni lo. Bakah kum 30 i tlin hma tal hian ngaihzawng pakhat tal te chu nei ve teh aw. Muansanga te ang a vawikhat nan i nei thei anih phei chuan lo single ṭang ṭang manah i tel ṭha awk awk dawn asin. Ka van awh dawn tak che em. Ka ṭhiannu phei chu ni lo la aw..."

"Kal vat vat mai teh a." Keiin ka lo ti thung. A ṭawng tui nasa hman leh tawh lutuk tlat.

"Aw. Ka kal dawn. Bawihte bye bye."

"Bye." A lo ti let ve.

"Lo leng leh vat la." Tiin ka au zui a. A tlan liam tak tak tur thlir chuan ka ngai nghal. A reh vek.

"Noodles lei tawh ang le."

"A ni min kai. Motor tehian min su mai palh ang tih te ka hlau." Bawihtea ṭawngkam hman duh dan ṭhin hi chu aw. Nuih a ti za.

Noodles kan lei zo, kan let tur chu kan hma takah Bike arawn ding su zalh a.

"Bs ka hmuh teh thut che chu. I dam em?" A helmet a lak thlak hnu chuan ka lo ti thuai a.
Kan khua an chhuahsan aṭang khan thla 2 dawn a liam tawh.

"Dam e. Aizawlah i awm tih ka lo hre miah lo va. Muansanga pawh hi min hrilh tur ania. Ngawi reng ringawt." A tih chuan ka nui ringawt. Muansangan Aizawlah ka awm mek tih a hre bik tlat lo. Min lo be lo bawk a, ka hrilh peih lo.

"Tlangval i va duhawm ve." Bawihtea lu a khawih pahin a ti a.

"I bike hi a va pa em em. Ka awt ve e." Bawihtea lah chuan a lo ti a. Nuih a ti za ṭhin.

"Ka lo pe daih dawn che em ni?" Bsa chuan a ti fiamthu a.

"Aih. A pa in a dang min lei dawn."

"A pa hi chu a ngaihsang ṭhin ania." Ka lo tih zawm vat a.

"Naupang dan alawm. Eng tikah nge kan chhuah ho theih ang? Zanriah ei ho emaw. Khawi hmunah emaw a intihlim tura zin chhuah. Kan tih ngei chu angai ang."
Bsa sawi zawh chiah ho chu an lo tih ṭhan tawh ani ngei ang. Kei erawh in mipa ho nen phei chuan vawikhat mah ka la tih ngai loh vek a ni.

"Ka hman chuan aw. Kan buai rih lutuk a." Pangngai tak chuan ka lo ti ṭha ve mai a. Kal erawh ka tum lo nasa.

"I hman hun hunah kanti ang." A ti deuh hmiah a.

"In in kan hresa tawh bawk a remchangah kan lo la leng dawn nia. Tun atan chuan ka kalsan phawt mai ang che u." A bike ti nung zui vung vungin a ti a

"Eng tin chuan nge kan in te chu an lo hriat hman le aw." Ka ti rilru rauh rauh.

Bsa min hmu chu a zia lo ngei mai. Aizawlah ka awm tih an hriat phah vek dawn ta chu ania. A pawi.

"I lo va haw hma ve." Û Kima rawn lut chu ka lo be thuai a.

"Nia. Hna a tam vak lo va.." A ṭawng lak lawh lai lai chuan Bawihtean ngai em em in a lo bawh chang chang a. Hah pawh sawi thei lo in an inchai zui a. An hmuhnawm phian.

Zanriah kan ei zo, thei kan ei mek laiin ka phone a rawn ri a. Muansanga hming ka hmuh chuan phone ka thlauh dawrh ṭep a ni. Lak mai nachang pawh ka hre lo. Bsa an min hmuh thu a hrilh tawh ani ngei ang. A rang mah mah.

"A tawp hman." Ka la har lutuk chu a tawp hman a. Ka lak hreh rual khan ka la hman lo erawh pawi kati leh lawi a. Hringnun tak hi chu aw.

"In in bulah ka awm." Tih message ka dawng zawm a. Ka meng phar ak.

"Lo chhuak teh. Hmuh che ka duh."
"Aizawlah i awm tih min hrilh lo."

"Hmuh che ka duh ka tih chu." Ka chhan mai loh avangin dawhthei lo lutukin arawn ti leh a.

"Ka buai. Ka lo chhuak hman lo." Tih ka thawn a. A duh hun huna a ko chhuah tur pawh ka ni lo. Pawimawh bik thil te chu thu hran..

"I buai lo. Ka nghak che." Ka chhang let tawh lo. Ka rilru erawh a mu mal thei tawh lo. Min ti phawk lek.

Min rawn phone leh a. Ka la ta nge nge.
"Kawngkhar rawn hawng rawh." Pa takin a rawn ti a. Kan kawngkhar a rawn ri zui.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)