Muansanga *Habibi* By May Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Muansanga *Habibi* By May Renthlei (Completed)

Unread post by Ngaia » February 13th, 2022, 12:55 pm

Muansanga * Habibi *
Chapter -13
May Renthlei

"Nobawih vawin hi nilai tiraw?" Ka ṭhuṭ ngui bam laiin Û Remi chuan a rawn ti a.

"Aw ni e." Calendar lam ka melh pah nghal a. Naktuk hi Muansanga birthday kati rilru nghal.

Ka chawhmeh siam ho te chu a tui leh tui loh pawh ka hre hlawm lo. Ka hriatna a bo rih lawk a. Ka ei liam vel mai mai.

"Nizanah thil thleng a awm em ni? Ka ṭhiante ho in Muansanga doctor in a enkawl lai niawm tak status ah an hmang sup sup hlawm a. Ig lamah Thanthanin a lo dah bawk nen. An hmang darh hlawm aniang." Felpuiin a rawn ti a.

Thalak chu chiang takin ka en ve a. Muansanga enkawl tu Doctor leh Thanthani chu in ang hlein ka hria. Thanthani erawh a lang tel ve chiah lo va, Muansanga leh doctor te in enkawl lai thla lo laksaktu chu anih ka ring.

"Ka enkawl duh lo in Thanthani puihna chu i mamawh leh tho bawk si. A ṭha viau e. Inkawp mawlh rawh u. Hlim ru." Thlalak na tawka melh sawk sawk chung chuan kati a. Han ti deuh chiam mah ila chhunglam ber hi a lo na ru leh tho tho ṭhin.

"Ka neih mai che angai dawn anih hi." Emoji lukham, mu thlu lai leh meng love pawp pawp, A birthday present a tana pek ka tum chu melhin ka ti a.

Ka zawiin ka mut a chhuah reng ṭhin bawk avangin sleepy emoji nen min tehkhin ṭhin.
"I an pui." Tiin thau bial kir ker min present hnap tawh bawk.

"Nobawih i damlo em ni? I landan a dik lo. I meng sen ram bawk si. Damdawi te ei la." Û Remin min en vang vangin a ti a.

"Ka lu hi a na ut ut reng a. Ka hrawk a thip ṭhum bawk nen ka hritlang dawn anih te ka ring." Hahchhiau zui tuarin kati a.

"A nih tepawh aniang. Damdawi tekha ei la, va mu lum rawh. Tih tur engmah a awm chuan loh hi." Thingpui in khu hlat hlat a a tih leh chuan ka lo hnial vak lo.

Ka eng tih tha mah hi a tho lo. Keimah hi ka dik thei meuh lo. Damdawi ei a mut hahdam vang vang chu a tih chi phian ang. Ka khawsik tur rawn inṭham er er reng bawk nen.

Ka zing tho ka harh rual chiah a ka rilru a rawn awm nghal chu vawin hi Muansanga birthday tih a ni. Ka theihngilh lo chiang teh a sin.. Phone ka hmet kual a, status ah an wish na hlir mai a tlar thla dul. Phone thlauh thla hnakin ka let tap a, in chunglam chu che lo chang lo in ka melh reng a. Ka rilru a buai.

"Nobawih i la insiam ve na nge?" Û Kima office kal tum, insiam peih thlap tawh chuan min ti he haw a.

"Ti nge insiam ka ngaih?" Dar san ak in ka lo ti a.

"Muansanga birthday ani lawm ni? I kal loh hlauin a chhung tekhan mi rawn be uluk viau sia kati maw le."

"Ka nuam vak lo e mai. Ka kal lo mai ang." Ka ti niah niah a.

"Nizan lamah i khua a sik leh em?" Û Remin mi lo ti thuai bawk a.

"Sik tawh lo ve. Ka chau deuh mai mai tawh." Phone khawih pah chuan kati a.

Ramdina te ho status aṭang chuan Muansanga birthday lawmna tur lam kawngah an thang mek tih a hriat a. Nuam an tih hmel hlawm khawp mai. An thawveng nasa a ni. An video a ṭang pawh chuan.

"Hruaisanga teh mial chu. In hmuh a va khat ve." Û Kima ṭawng ri ah chuan rang takin ka phone bih lai aṭang chuan ka hawi chhuak a. A chhuak tur leh Û Hruaisanga lo luh tum chu lai takin kawngkhar bulah an lo intawk chu niin.

"Kal i lo tum chiah ani maw? I va inpeih tawh ve."

"Tum anih hi. In hmuh a khat hle na chu ka kalsan tho mai ang che, ka tlai dawn tlat."

"Aw le. Kal rawh, kal rawh." Ni dang ang bawka nelawm tak a nuisangin a ti a.

"Ti nge he tah ka la hmuh che? Muansanga birthday lawmna tur lamah in kal liam vek tawh ang chu tia." Status lamah ka lo hmuh zawh chiah avang chuan kati a.

"Ka kal ve dawn lo. Ka nu a dam ṭha vak lo va. Tunah pawh damdawi in ah a awm mek." Hlim hmel bo rukin a ti a.

"A va zia lo ve. Khawi damdawi in ah nge a awm a?"

"A damdawi in awmna lamah chuan kal ka tum mek a, ka nu chuan hmuh che a chak viau bawk nen i lo kal ve thei a ngem?" Min tih chuan Û Remi ka va rawn vat a. A lo remti nasa.

"Aw le. Ka lo kal ve dawn nia." Damloh na thil anih vang a hnial hreh chuan kati a.
Muansanga pawh chu a ti awm ang lo kati rilru tak zet. Nu te damloh lai laia birthday lo lawm.

"Ka kal lo tih eng tin nge i hriat reng reng a?" Damdawi in pana kan tlan lai chuan ka zawt a.

"Muansangan i kal ve duh a rin loh thu min hrilh a. Chu vang mawle."

"A nih tak chu." Ka ti bu nghat a.

"Kan kalna kawnglam hi ka va hre ngai lo ve. Khawi damdawi in ah nge i nu chu a awm a?" Kan tlan mekna kawng thlir kual chung chuan kati bo ha a.

"I hre vat mai ang." Nui sun sunin min lo ti duh lek a.

"Ka ngaih a ṭha tawh lo." Ka tih chuan a nui chhuak hawk hawk a. Thil dik lo a awm tlata hriatna ka neih ṭan mek lai chuan sign board a thil in ziak ka han chhiar fuh a.

"Û Hruaisang." Ka ko ring ṭha ngang mai.
"Min tih der ani maw?" Kati zui chiam a.

"Ka tihpalh. Mahse eng chhuanlam dang nge ka siam chuan ang. Ka nau birthday a ni miau si a. A thil duh leh present ṭha ber tur, a hriatreng tlak pek ka duh alawm. A û ka nih ang in."

"Muansangan ti turin a hrilh che em ni?"

"Hrilh lo. Mahse a beisei che. A sawi lang ngam lo mai mai. Ka naua awmdan aṭang hian in inkar a ṭha chiah lo tih pawh ka hre thei. Eng vanga in inkar hi ṭha hleithei miah lo nge anih? Siam ṭhaṭ sak cheu ka duh a ni Awmawm." Puitling tak chuan a ti kauh kauh a. Beisei erawh a bo.

"Min hruai tum te chu sawi tur che alawm." Ka ṭhuṭ na hnung ngheng thlu dat in kati a.

"I kal duh dawn em ni?" Car khalh chung a min rawn melh pheiin a ti a, lu ka lo thin khum nak a.

"Kha daih kha asin." Ti fuh inti takin a ti a. Keiin pawi kati hle thung.

"Inthlakna eng mah pawh ka keng lo." Ka rilru a hah nghal.

"Lungngai suh. Ka thawmhnaw ka ken kep che alawm."

"I thawmhnaw maw?" Thinrim lai laiin ka nui lehnghal a.

"Aw ni e."

"Mipa ka nih loh hi." Tin uaiin kati a. A nuih lah chu a za hle a.

"Awii a.. Ka thi.." Kan ti vel thul. Tih ngaina awm tawh mang si lo chuan ka insawh ka insawh ringawt a. Muansanga hmuh ka hreh zia chu.

"Kan thleng tawh ania. Lo chhuk rawh." A tih pawh chuan ka la tawi hrut hrut a. Car aṭang a chhuah chu ka hreh tak zet. Haw leh daih na tur chu awm se, ka phit haw lehnghal vang vang duh ang.

"Lo kal teh." Car aṭang a min kai chhuakin a ti a. Ka nui tawi tak.

Boruak pawh a nuam tawk khawp mai. Muansanga te huan chu a zau in a nawm hmel hle a. Infiamna hrang hrang bakah han fan kual vel tur a tam hle dawnin ka hria. Thlai leh thei hmun zau nuam tak an nei tel bawk nen. A mihring lam ai mah chuan a ram leh a chhunga thil chi hrang hrang awm khep khup chuan ka mit a la zawk.

"Awmawm min lo pui lawk ta che. I thlir tui viau na chu. In chhung lamah dah luh a ngai hlawm sia." Û Hruaisangan car hnung lama a thil dah ho la chhuakin a rawn ti a.

"Lutuk e." Pui nghal thuaiin kati a.

In chhung, kan riakna ni ngei turah chuan kan lut a. Chhawng 2 a sak niin, a lian ṭha hem hawm hle a, mamawh engkim a awm ve vek bawk.

"Mi eng zat vel nge kan nih reng reng dawn a?" Ka thil chawi lai nghah pah chuan kati a.

"He ta riak tur tak hi chu mi 10 vel bak kan ni lo vang. Mahse vawin lamah erawh mi 30 chuang chu kan nih ka ring. Ka chiang bik lo."

"A riak lo tur ho chu an haw dawn tih na em ni?"

"Haw tur pawh an awm tho ang a. Mahse he lai in a kan len vek dawn loh avangin kan kal pelh tak huan lam kha riah nan kan hauh tel a, kan chhungte ta tho ani bawk nen. Mi 20 vel bawr chu cham tur kan ni ang.. I mamawh tur ho chu bag ah hian a awm ang aw." Bag sen khat ṭha tak min pek pah chuan a ti a.

"I ti ṭha e. I thawmhnaw hak ngai khan min siam ni la chuan ka nuihmel i hmu mang mang lo vang." A thil min pek nuih sen sen pah a bih dek dek in kati a.

"Thleng em suh se. Khawngaihin kan room tur lamah kan bungrua hi min lo dahsak ta che u." Hmeiche pa3 lo awm ve te hnenah chuan a ti a. Vawin bik a tan a an rawih te an nih ka lo ring ve nghal tawp.

"I room tur chu nakin lamah ka kawhhmuh ang che. Va fin ve hlawm phawt teh ang. In hnung lam pool ah an awm niin ka hria, an thawm aṭang chuan." Min kal chhuahpui zui nghal in a ti a.

Hmuh ka hlauh, hmuh ka chak tho bawk si ringawtin ka rilru a rawn luah nghal a. An lo rik huai huaina karah chuan a mah hmuh tumin mit ka len a. Hmuh a harsa lo, mahse a kianga lo awm veleh a lo nuih pui mek Thanthani nen ka hmuh dun nghal a vang erawh chuan ka ngui ru nghal nghulh. Ka lung a phu dep dep.

"Ohhoo. Tu te nge lo kal hi." Ramdinan min hmuh rual chuan ring leng lungin a lo au nghal chiam a. Thet thawt mai.

"Kut bensak an phu. I lo beng ang u." Bsa an pawr taka kut beng chungin lo ti ve bawk. Midang lahin an lo zawm ṭha nasa. Ka lai lek lek alawm le.

"Vawin chu nuam deuh a hman tur aw." Ka dar a min bensak thek thekin Û Hruaisanga lah chuan min lo ti ve bawk a.

"Aw le." Nuihmel hmuh chungin ka lo ti a.

"Min lo zawm ve ru." An rawn tihna lamah chuan ka hawi a. Muansanga nen kanin melh chiang ta khawp mai. Min hmu chu awih harsa ti hmel a pu. A lawm nge lawm vak lo tih erawh ka hre mai thei lo. A hmel erawh a nelawm chiam lo.

"Kal i la." Û Hruaisanga lah chuan min nem kal nghal zat a.

"In ve ru." Eng theitui ber nge tih pawh ka hriat lem loh chu min lo pe nghal ve ve a. Ka lo ban ve mai bawk a..

"Hi Awmawm. I lo kal ve dawn lo emaw kan lo ti hman tawh a." Thanthanin min lo be teh mial a. A hmel erawh a ṭhaṭ aiin a ngeiawm. Muansanga hnaih thei ang ber chuan a ding tal tal a.

"Ka ta bik anih hi." Ti niawm takin. A dawlh lo chauh.

"Muansang ka phone chu i bag ah khan ka theihngilh tak tak aniang. Min lak pui lawk rawh. I bag ah kher kher ka lo dah bawk si." Awm ze nei tak chuan a ti ne ne a.

"Mawh. Han la lawk ang." Muansanga kut a kai nghal chawtin a ti a.

"A ṭha alawm." Min rawn melh pah zawkin Muansanga chuan a chhang a. An ni pahnih chu ngai pawimawh awm lo takin ka lang ve ngar thung.

"Han la vat vat ru, chance nei kawi vel lo khan lo let lehnghal thung ula. Zan hun a la tam. Duh tawkin zanlamah kan thlah fal ang che u. Khaw eng em em hi chu zah ve deuh ula." Thanthani ṭhiannu ni ngei tur, ke kawrbul in ang a hak pui thlap nu chuan nui awr awr in a lo ti a.

"Chhun eng pawh kan pawisa zo lo mai thei." Thanthani lah chuan nuamti takin a lo chhang let a. Ka thei tui in mek chu ka lo lem khalh ve thung.

"Awmawm nangmah i ni tak tak nia." Min rawn ti tu hmel ka hmuh rualin ka thei tui in lai ka hak nghal bawrh bawrh.

"I ṭha em? I ṭha em?" A ti nghal thuai a. Ka ṭawng lawk thei lo. Ka khuh zui bawrh bawrh a vangin.

Ka in hruk faina tur tissue paper min lo pe nghal a. Min pe tu pawh theitui ka hak chhanna ngei Lsa, ka higher kal pui ṭhin. Min âtchilh khat tlat tu leh tun thleng pawha ka laka beiseina la neitu, ka duh let ve theih miah loh mihring a ni. Fel erawh a fel. Kawm pawh a nuam.

"Kha hei hmang rawh." Tih leh Muansanga chuan ka kutah tissue paper hmeh bel chawt a rual a. Hman loh theih hi ani tawh lo reng reng. Lsa erawhin a la let zal zal thung.

"I zia tawh em?" Ls an min tih laiin.

"Theitui mai mai te hak. Tlaw lutuk." Muansanga erawhin min lo ti thung a. Ka melh tlu tawp chak.

"Muansang kal tawh ang. Ka chhungte biak vat ka ngai. Min lo ngaihtuah tawh ang." Thanthani chuan Muansanga la kai reng chung chuan a lo ti a. Lak hran a chak viau tawh ani ang.

"Aw le." Muansanga chuan a lo ti ve ngut a.

"Ni a rawn sa ṭan e mai." Tih leh Lsa chuan a lukhum khum lai la thla a min khum tir a rual a. Muansanga kal tum pawh ding leh chawtin a rawn hawi let leh a.

"Kal vat ang." Thanthanin pawt data a lo tih vat a vang chuan rilru nawmhmel zan lo in a kal ve ta hnu hnu a.

"In lo inhre reng ani maw?" Ramdina chuan Lsa nen min melh tawn zakin a ti a.

"Hre tehreng e. Higher kan kal lai aṭang tawh a ka hmeichhe." A tih mek laiin Lsa chu ka lo nghawk zauh a. A nui zui huk huk a.

"In tih dan vel chu ka hrethiam ania aw. In higher kal lai hringnun din tharin vawin aṭang hian inkawp thar leh tur kan va awm hmel ve." Muansanga te kal liam tur hriat ngei ngei turin Bsa lah chuan ring takin a han ti zui lung lung a. Hahthlak hian.

"Kal na chawrh chawrh sawt a sin." Û Hruaisanga lah chuan Muansanga te lam en pah chuan a rawn ti ve bawk a. A nuih lah chu a zat hmel hle a.

"An zinga awm hi i hreh em? Ka ṭhian pakhat rawn thleng a awm tlat. Ka lo ngaihven lo chuan. A hnalam vangin kan rual khan a kal ve thei lo va, tunah a rawn thleng ve thei chauh sia " A phone en chung chuan minti a.

"Aw kal rawh." Ka lo ti thuai a..

"A nih le. Mamawh i neih chuan min hrilh vat dawn nia." Ka dar a khawih thuakin a kal zui a.

"A bialnu bak ani lo vang. A chhelo lutuk. Mahse keini ho chu min naupang chei." Ramdinana a lo tinghal sur sur a.

"Hmeiche vanneih tak anih dawn chu." Nui chung in ka lo ti a. Û Hruaisanga bialnu nih te zawng a nuam khawp ang. A felin, mi ngaihtuah dan a thiam bawk si.

"Fan kual te i duh em?" Lsa an min ti a.

"A pawi hleinem." Ka lo ti ve mai bawk a.

"I va induh thei ve. Biak i har thei si." Vui aw takin a ti a.

"Ka induh loh ten ka inpaih a nga sin."

"Mipa laka chimawm reng hi bansan tawh teh."

"Bansan tur pawhin ka chimawm viau ṭhin lai ka hre tlat lo." Nui tat tatin ka lo ti a.

"Kha tunah tak tekhan." Ka sam min tuai thur sak pah nawk nawkin a ti a.

"Ka sam i ti ther ania. Duh tawh teh." Nui chung a a ban lak sawn sakin ka lo ti a. Chu tih lai chuan Muansanga leh Thanthani rawn in zui chhuak leh mek tawh pawh chu ka han hmu a.

"Nang hi.." Lsa chuan chiang lutuk a min en in a ti teh fahran a.

"Eng nge?" Ka lo bang bo nasa.

"Hmangaihna ah i lo luangliam ve ta em ni?"

"Naa. Teuh lo."

"Yep. A ni chiang lutuk. A va ropui em. Mahni an pui kawp ṭhin emaw kan ti hman dawn tawh che a."

"Eng tin maw min lo ngaih hman?" Kuai kun dawrhin a nghawng ah ka chelh bet zui a. Ka sawisak tuar ṭhang kha ani hrim hrim a. A ni pawn min mipa chei ve ṭhin tho.

"Ka thaw ṭha thei lo, min thlah teh." A rawn ti chul a.

"A teuh lo. Min ngai mak sak thei ropui si. Sawisak deuh i ngai."

"Ka tlawm, ka tlawm. Min duh lo nu." Thei leh thei lo a arawn tih leh chuan za tak in ka nui chhuak a. Nuih za deuh rauh si in ani pawh chuan a nghawng a tuai nauh nauh a.

"Kum 5 chhung ka hre tawh che a, tu mipa lakah mah i la tlawm ngai lo. Kawm i nuamin midang i ngaihsak thiam a. Mahse mi nunah i inrawlh ve chhen in, i lo buai ve sek ngai lo. Chu vangin mi dang tam tak sawisel leh ngei rawn lak a ṭangin i fihlim ṭhin. A reng reng thuah kei ang bawka i hnawl mipa hi eng zat tak awm ve tawh ang maw?" Ka hmai bul mai a kun hniam in a rawn ti sa sa a. A ngai kawi duh tan chuan ngaih kawih a awl duh viau mai thei.

"Tuman min duh loh vang in alawm ka la plural ve theih loh."

"Ka awih thlawt lo." Tih leh tui a min nam thlak tumin min barakhaih thut a. Min dawm bet leh hman na chu ka au ring fu tho mai. Huh ka hlau em asin. A nuih lah zu a la za em em zui a.

"I chak dawn lo." Ka tih mek laiin.

"Thil ei a hun." Rawn ti no vak lo tu aw a vang chuan ka thil tih tum ka ṭhulh leh riai riai a. Muansanga hmel leh khawdur tih hi a in hmeh tawh.

"Nang ni pahnih chu in va inkawmngeih hmel ve a." Thanthani pawh Muansanga mei ang maiin a rawn lang zawm venghal a.

"Loh theih nang. Ka bialnu nih mai bak hmabak nei tawh hek lo." Sir zawng a min kuah pah thakin Lsa lah chuan a lo chhang a.

"Wow. A va ropui ve. Ka lawmpui lawk a che u." Thanthanin nui har har a a tih laiin Muansanga erawh a ip te zen in a ding khawng lah a. Anṭam chhum hmin loh ang maiin a hmel a zawr zan lo. Lung ang maiin a sak ṭalh.

"I ril chu a ṭam tawh reng reng em?" Lsa chuan min la kuah reng chungin a ti a.

"Ṭam tehchiam lo. Mahse ka tui a hal."

"A nih techuan. Kal ila." Muansanga te pahnih lam melhin a ti a. Thil ei tur chuan kanin zui ta ṭham ṭham a. Lsa a ṭawng bawrh bawrh a, kan boruak a zia hlauh.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:56 pm

Muansanga * Habibi *
Chapter - 14
May Renthlei

"Ls lo kal lawk teh. Kan be lawk duh che." Tu te emaw hian ral khat aṭang in an rawn ko lang lang a.

"Min hrethiam lawk ru. Min lo ngai lutuk lo la." Awm ze nei tak a min nuih pah kherin a ti a. He pa ṭhin tak hi chu.

"I hmaiah khan damdawi hnawih a hun leh ṭep tawh lo maw. Û Mamin ni khatah vawi3 tal hnawih ṭhin rawh a tih kha. I tih dam vat a ngai. Ti hi chuan i lansual hmel tlat." Thanthani chuan duat vel takin a ti a.

"Ti khan awm reng se la. A inhmeh alawm." Keiin ngeiawm takin ka lo ti thung.

"Inhmeh vel vek ṭhin mahse na a neih tawh hi chuan keimah zawk hi ka lo na ve ṭhin a. He tiang hmel vel a neih phah na zanah ngat phei kha chuan minti hlauthawng lutuk a, ka â lo chauh maw le. Chu vangin dam vat vat rawh aw." No tak chuan a ti tal tal a. Hman zan thil thleng vel kha mitthla ah a rawn lang thar leh chuai chuai a, za vak lo in ka nui sak a. Ka feeling dik tak hliah khuh nan ani ber ang chu.

"Buaina siama tal ho mai mai thei i nih tawh loh hmel. Nangmah vanga lo nâ ve zel an awm sia, ngaihtuah tel ngai nei i ni tlat tawh." Muansanga hnenah chuan nui sangin ka tih khum ve ta thung a. In chhung kan thleng zui bawk..

"Awmawm, Engpuii nen hian room khatah in awm dawn aw." Û Hruaisangan min hmuh rual chuan a lo ti a.

"I mopui tur nen." Bs an hmui phunin a lo ti a. Ka doritos ken laiin ka vawm nghal a.. A nuih lah chu a za viau.


"Naupangchhia lutuk. Ei tur in an infiam ngai lo." Ka bula rawn ṭhuṭ pahin Muansanga lah chuan a rawn ti hluk a.

"A lo nih tak chu."

"Vawin hi ka birthday tih hria la. Mipa ringawt ngaihtuah lo in." Ka melh nghek lo thei tawh lo. Min zilh reng ringawt mai. A ni lah chuan a thil ei lai ngawt a lo la en zui a. A piah leh chiahah Thanthani a ṭhu ve bawk.

"Ka va ning tak." Ka kawr thingfai nawk nawkin kati a. Kawr thianghlim tak tak ka hak duh loh chhan ania, kawr ka tlo ve lo. Reh thei lo ka thil ei na lamah ka ti kai vat zel.

"Khaw nge kal i tum?" Ka din tak hliai a vangin Muansanga chuan min melh fiah kak chungin a lo ti a.

"Kan room tur lamah. Inthlak ka ngai."

"In room tur awmna pawh i hria em ni?"

"Û Hruaisanga ka zawt thei alawm." Ka tih zawh rualin a rawn ding ve a.

"I puar tawh em ni?" Thanthanin a lo tinghal thuai a. Kei erawh Û Hruaisanga ṭhuṭna lam panin ka pen thung. An in chhanna ka hre tawh lo.

"Û Hruaisang." Ka tih mek laiin.

"Ka rualin lo kal rawh." Ka kawr a min pawt let nawkin Muansanga chuan a rawn ti a. Ka va ngei ṭhin tak. Min dim lo sawt khawp mai.

"Ti khan min pawt ziah suh." Ka lo ti pawr ṭha viau.

"I room awm na ka hrilh dawn che lawm." A ṭawng dam viau thung.

"I in ei puar tawh em ni? Nge i lo kal ve ngawt."

"Ka hmelṭha takah hian damdawi hnawih ka ngai alawm." An ti kher a.

"Hmmpp."

"Tah khan lut rawh." Ti chung siin a man kawngkhar a rawn hawng a. Min nam lut nghal.

Ka bag zawngin ka hawi kual a. Ka bungrua awm ang reng a awm lo. Mipa thawmhnaw niawm tak hlir a awm.

"Hei chu kan room tur a va ang lo ve."

"Kan room anih hi. Bsa, Ramdina leh kei." A bag niawm tak min hawnsan rak rak chungin a lo ti awlsam et a.

"Nge in room ah daih daih min hruai. Ka kawr thlak vat vat ka duh tawh ania."

"Kha hei ha rawh." Tih leh a shirt dum min pek a rual a.

"Ka ha duh lo." Kut ka lo kuangkuah hmak a. A dah let leh a.

"Damdawi hi ka hmaiah ah min hnawihsak phawt la, in room chu ka kawhhmuh dawn che nia." A ṭhuṭna bul a ṭhu tura zaizir a min hrilh pahin a ti a.

"Ka buaipui che kha i duh lo viau ani lawm ni?" Ka din dan ngai reng a dingin kati a.

"Tunah ka duh alawm."

"Buaipuitu tur i neih ṭhaṭ khawp kha." In her zui hmakin chhuah tumin ke ka pen a.
Mahse ka tlai hret. Ka kalna tur dal takin ka hma takah a rawn ding ngur a.

"Kal sawn rawh." Kal sawn tum lo tak a min melh chhuk du chungin lu min thin khum a.

Tih ngaihna awm hek lo, kal chhuah luih tum a ka che hrat chu rang lutukin bangah min nam bet a. Tal chhuah tuma ṭan ka lak rualin hneh sawh lutukin a taksa lian tak chuan min khuap nghal vek a. Ka lang te rawih rawih.

"Awm sawn rawh Muansang." A awm khauh ṭha taka nem ve ṭang ṭangin ka ti a. Awm zia tehchiam a awm lo. Thir ban ang maiin a ding nghet tlut a, keimah zawk chu ka beidawng.

"I lo kal ve avang in ka lawm e." Ka rinloh taka a rawn ṭawng chhuah avang chuan ka che lai pawh tawp hmakin ka han melh chho dai a. Ni dang a ka hmuh fo ṭhin duhna a khat mit meng mawi tak ka han hmu nawn leh. Ka lungphu a rawn rang nghal dat dat. Ka control phak ani lo.

"A nih na takah chuan lo kal pawh ka tum chiah lo va mahse Û Hruaisangan...."

"Ka hria alawm. Ka hmuh dun cheu khan ka hrethiam nghal mai." Thaw hlahin a ti a. A rimtui tak leh a taksa lum ham ham chu chiang takin ka feel thei.


"Ka lo kal chu i ring bik lo ang tiraw?" Awm sawn tur a duh tawh tih hriat takin a awmah chuan ka nem nawn leh dat a. Mahse ka kut chu rang takin a lo man bet a. A taksa in na leh zualin min rawn nawk bawk. Thawk a har ṭalh. Ka zam bawk nen.


"I lo kal ka ring. Chuan ka ring dik bawk." Ka kut a vawn beh chu a hmui si lek lekin a keng kang a. Mit chhinga a thawk a lak rual chiah chuan a rawn lum pap, ka kawchhung pawh tiamin.

"Khaw nge ka birthday present tur?" Muangchanga rawn mengin chimawm leh zûn nei tak si chuan a nui a. Min ti lâi.

"Ka nei lo. Ka lo kal dawn tih ka hre lo va."

"I nei lo tak zet." Tih leh rawn kun hniam a rual a. Kei ka lo awm hniam nghal thuai thung.

"Ka birthday present a tan chuan..." A ṭawnglai tawpin a hmui nem thep, sexy lutuk tak mai chuan ka biangah a rawn kiss a. Ka kut sum ruh vatin, ka lo ṭang ṭung thung.

"I hmai a sen vek. Eng vang nge niang aw." Chimawm lutuk a nuiin min la chhaih zui a.

"Kal sawn vat mai rawh."

"Duh ta lo i la." Ka hmui si deuh thawin a rawn kun hniam nawn leh zui a.

"Ti nge ka ta chauh i nih theih mai loh." Rilru na aw ngawih ngawihin a ti ta daih a. Kan boruak a dang nghal vek.

"Mipa dang bula i hlim ang khan ka bulah hlimin i nui ve thei lo em ni? Ka englai hi nge min duh ve theih miah loh na chhan."

"Muansang."

"Shhh.." Ka hmuiah a kut ṭang nalh tak a rawn dah zui a. Kun hniamin chu mi chhanah chuan a hmui a rawn nghat a. Lungrun em em in mit a chhing chial a.. A chal leh ka chal sik tirin a nawr na na a.

"Ka hmuh laiin mipa dang hnaih vak suh. Insum theih loh chin ka nei dawn ania. Ka hrilh lawk che a nih chu." In vau lawkna a ri tlat.

"Theihngilh suh." Min tauh zui bap in a awm sawn ve ta hram a. Ka thaw ṭha ve thei ta e.

"Ka hmai chu kan hnawih dawn tawh em niang." Zangkhai vah in a ṭawng zawm thei nia.

"Muansang i va rei tawh ve." Kawngkhar rawn hawn nghal rawp pah in Thanthanin a rawn ti a. Ka lo awm ve min hmuh chuan a nuihmel a bo nghal vek.

"Kawngka kik i theihngilh." Muansangan a lo ti a.

"In lo awm dun ang tih rin ngaihna ka hre lo a lawm. I hmai chu damdawi i hnawih tawh em?" Min kal pel a Muansanga, khum a ṭhu mek panin a ti a.

"Kan hnawih tawh" A lo ti et a. A la inhnawih der si lo. Min rawn melh phei a.

"I room tur chu."

"Keiman ka zawng hmu thei mai ang." Kawngkhar hawng a chhuahsan dun nghal thuai thuaiin ka ti a.

"Awmawm kan room lamah chuan i kal tawh em ni?" Engpuii, Û Hruaisanga bialnu ni bawk nen chuan intawk in min lo be hlauh a..

"Kal chiah lo."

"A nih techuan kal i la." Nui sen senin a ti a. A ngainatawm hmel reuh. Hmelṭha vut chu ani lo, mahse zûn a nei riauin ka hria. A ṭawng siam siam a keiin ka lo ngaithla thung. Kei ai kum4/5 vel a a upat ka ring ve tawp bawk.

"I inpeih tawh chuan kan kal chhuak leh tawh dawn em ni ang?" Darthlalanga ka in en mek lai chuan a rawn ti a.

"Min lo kalsan mai dawn em ni ang. Room a hahchawlh rih lawk hi ka duh a."

"Ti nge? I damlo em ni?" Mengphar ak in a ti a.

"Dam e. Ka chau deuh mai mai. Ka rawn zawm leh vat ang che u." Nui chungin kati a.

"Aw le. Lo kal leh vat vat la. Party an ṭan dawn chauh ania. Zanlam phei chu a nuam khawp ang." A ti siam siam a. Kawngkhar a khar rik thlap zawh hnu chuan a reh ta raih mai.

Ka lu ka han khawih a, ka khua chu a sik lo. A dai dak, mahse ka lu a rawn na leh tawh tak zet. Ka khawsik a inṭan leh tawh dawn ani ang. Damdawi lah chu ka keng mang si lo va. Ka hritlang bawk nen. Nimin aṭang khan ka la dik zan thei lo.

"Hello." Ka mu hahdam ṭan dawn chauh tih ah Lsa an min lo call leh bawk si.. Ka khua a sik ṭan tawh a. Vawtin min ṭham er er bawk. Damdawi ei tur mai lah ka nei si lo. A hrehawm ṭan.

"Khaw nge i awm bo daih a?" A rawn ti kang lang vah a.

"Room ah ka awm."

"A hun lo lutuk. Ka rawn hruai chhuak dawn che."

"A ngai lo." Ka chhang rang nasa.

"Ka rawn kal dawn."

"A ngai lo. Keimah zawk ka rawn kal ang. Khawiah nge in awm?" Peih lo tak chung chuan kati a.

"Volleyball court ah kan awm mek. Lo kal vat rawh. Team khatah kan awm dun dawn nia, volleyball khelh i thiam em kha."

"Aw le. Ka rawn kal." Khum a ṭang a tho chhuak ṭaih ṭaihin ka ti a. Ka thaw lum halh halh ṭan. Damdawi ei tur nei an awm leh awm loh tepawh zawh kual ka ngai.

"Awmawm he lamah." Lsa leh Ramdinan kut vai lauh lauhin an rawn ti a. Ring takin zai hot tak tak an lo play dup dup tawh a. An boruak a ṭang ṭha et awt khawp mai, ṭhenkhat lo lam tawk lah bo lo. Ka lu an ti na zual.

"Kan khel nghal dawn a nia." An lo la ti zui a. Hnialna hun awm lo lekin min lo pawt lut nghal nawk nawk a. Mi lo maha nawmloh naklaiin, hnial ṭunga chhuah leh chi nitawh hek lo.

"Birthday boy ber lah chu i inkhel thei mang si lo. Awmawmi hian i ai a awh zo tho turah ngai ang." Ramdinan, Muansanga lo in la ṭhu cool, pa vel lutuk chu a va chhaih a.

A accident na lamah leh hman zana a insual leh bawk avang khan a tuam bur tak alawm. Chet vel erawh a thei tho na chu, dim chu a la ngai ve ang.

"Ṭang ang u aw Awmawm." Ka ṭanpui telah chuan an ti sauh sauh a.

"Tehreng mai." Phur hmel tak chuan ka lo ti a.

Kan han khel ṭan chu rinai takin a tir lam chuan ka khel thei. Mahse ka daih rei lo, ka lu na tlut tlut leh dang ro huam huam chuan min ti hah.

"Awmawm i ṭha em? I chauh hmel lutuk." Ls-an min rawn ti a.

"Tui ka mamawh." Dang ro khuh ang a khuh zuiin kati a. Ka tui in tur la in court chhung aṭangin a chhuak nghal nal nal a.

"Kha in rawh le." A chhin hawnsa thlap a min pe in a ti a.

"Ka lawm e." Nuih sakin ka in nghal a.

"Ka khel zawm tawh lo mai ang."

"Kei pawh." A lo ti rang nasa.

"Nang techuan khel zawm leh rawh." Bur pe letin kati a.

"Khel tur dang an tam alawm. Kha lamah khan ṭhu hahdam ang." Ka dar a a kut nghata min kal pui nghalin a ti a.

"Na chhawkna ei tur i nei em?" Ka ti ta nghe nghe a.

"Ti nge? Na i nei em ni? I chauh hmel kati reng a." Ka zawhna ber pawh min chhang lo in a ti a.

"Ka khua a sik hlek mai mai. Ka hritlan vang hi a niang. Nimin aṭang tawhin."

"A va zia lo ve. Damdawi chu ka nei chiah lo. Mahse in chhunglama che nula tekhan an neiin ka hria. Han zawt ang." Ka chal rawn deh pahin a ti a.

"A sa vur alawm. Khawngaih thlak reuh lutuk." Min ti ngei a.

"Na i nei em ni?" Eng tik laiin nge Muansanga chu kan bulah a rawn din ka hre lo.

"A khua a sik a. Damdawi ei tur ka zawnpui dawn." Lsa zawkin a lo chhang a.

"Keiman ka nei alawm." Lsa rawn din thuah hmakin min kal pui zui nghal hmak a. A hrilhhai thlak thei.

"Min kal pui chak lutuk, ka hah." Min vawnna kut thingthlain kati a.

"Ka tihpalh." A hmelah pawh chuan inthiam lo hmel a lang.

"Car ah damdawi chu ka dah a. Kan thleng ṭep." Ka bianga a kut rawn nghatin muangchangin ka chal lamah a dah chho va.

"A hma khan a sik si lo va. Nga ti teh thut nge?" A aw dam dup leh min ngaihtuah na rawn lang chhuak chuan a mah ka duhna, paih bo ka tum mek chu a rawn chawk tho.

"Ka hritlan vang a niang. Nimin aṭang in a sik tawh alawm."

"A nih techuan in ha lum ta che."

"Kawrlum bag ah awm tel hek lo." Ka lo ti pawr viau.

"Aw le, ka hria e. Thin ṭha reuh lutuk." Min nuih pah sukin a ti a.

"Car ah hian ṭhu lut phawt teh. Tlailam ani tawh a thli a thaw bawk si. Pawn chu a vawt." Car kawngkhar min hawnsakin a ti a. Thu awih tak chuan ka ṭhu lut a, ani pawh a rawn lut zui ve a. Damdawi a dah na niawm tak chu a ban rak rak a.

"Ei rawh le. I zia vat mai ang." Damdawi min pe in a ti a. Ka damdawi ei lai chuan a hnung lama a puan dah niawm tak chu han banin min sin tir mawlh mawlh a.

"Kan room lamah chho in ka mu lum nghal thei alawm." Ka lo ti thung a.

"Tah hian muhil zawk rawh. Room lamah chuan an vei chhen a nga thawm a tam. I muhil thei lo vang." Ka ṭhuṭna rawn ti hniam thla sat in a ti a.

"Tuna ka lo mutthilh daih ten."

"I mut a chhuak tih ka hria alawm. I hmelah a lang vek. He lai hi a reh a, muthhilh nan chuan a ṭha ber." Ka biangah a kut dam tak chuan arawn nul a, a la sawn mai thei lo. A huatthlala awm em em lo bawk.

"Kal tawh rawh. Ka lo muhil ang."

"Muhil rawh." Dam raih a min en in ti a. Kal chu a tum hmel vak lo.

"A ṭha a lawm." Inkuah khawm chialin mit ka chinsin a.

"Vawt i la ti em ni?"

"Umm.." Ka tih zawh rual rualin ka taksa si chatin mi rawn kuah hlu hlu a.

"Kuah ka ngai kher lo, awm sawn rawh." Chet sawn tum nghalin ka lo ti a. Min kuah bet hneh hle thung.

"Muansang." Ka ti chuai raih a. Awm sawn chu sawi loh, a awm lum ham ham a min kuah nghet sauh sauh avang chuan..

"Hahdam rawh. Eng thil dang mah kati dawn lo. Tih lum che ka tum mai alawm." Duat taka min la kuah bo hlu hlu in a ti a.

"Mi dangin an lo zawng che a nga sin."

"Thil dang ngaihtuah suh." Ka lu ah a khabe nghatin a ti che ralh a. Ka hriat hnuhnun ber ni ta erawh ka chala a hmui lum thar tharin a sik chu a ni.

A taksa lakah chuan eng mah tham ka ni lo, naute ang maiin a awm ngheng chuan ka muhil ta chiah chiah a. Tiang hian awm reng thei ila tiin duhthu ka sam hial.

"Ohhh. A va tlai tawh hmel ve." Ka harh rualin ka inkhuh na puan kar a ṭang a in hai hawng nak nakin kati a.

"Dar 7 a ri ṭep tawh. Min zawng huai huai tawhin ka ring." Ka che vel ngun tak a min lo thlirin Muansanga chuan a lo ti a.

"A va zia lo ve. Min kalsan mai lo nia." Nuam ti lo tak in kati a.

"Min kuah bet tlat sia thawchham lek lek khawpin. Eng tin nge ka kalsan theih ang che."

"Ka awih thlawt lo." Ka ti nang nang a. Hriat nuam takin a nui ri hak hak a.

"I khua chu a sik tawh lo. Na dang te i nei em?" Ka sam hnawk niai min siam ṭhaṭ sak pah a ka chal rawn dekin a ti a.

"Nei tawh lo."

"Okay. A nih chuan mi dang kan va pawh tawh mai dawn em ni ang?"

"Tehreng e." Car a ṭang a chhuah khalh nghal thakin ka ti a. Ka ti hrilhhai tawp.

"Muansang."

"Yep."

"Lut rual lo i la." Tawi khaw muang hrat hrat in kati a.

"Eng vangin?" Zam ram ram na tur khawp a chiang leh fiah kak a min melh chhuk run in a ti a.

"Eng lo.." Lei lam melhin ka ke ka thai nak nak a.
"Ngaihdan dik lo deuh tepawh an lo nei thei a. Darkar2 dawn lai kan bo dun bawk sia." A mah pawh en lo chuan kati niah niah a.

"Eng ngaihdan pawh lo nei se eng nge pawi?" A hmelah chhum a zam dûk leh ṭan tawh.

"A ṭha lo alawm."

"Kha pa, Lsa i venthawn vang khan maw?" A rik chhuah dan chu a ngeiawm khawp mai.

"Chu tiang lam ani lo."

"A nih a hnu." Lut tur a min mit mei nghalin a ti a.

A mah leh pel hmakin in chhunglamah chuan hmanhmawh deuh a luh tumin ka che a. Mahse kawngkhar ka vawn rualin ka bulah a lo ding run leh hman tawh tho.

"Eng tin...." Ka ti hman ṭawk. Kawngkhar nam hawngin min luh pui nghal nawk.
Mahse vanneih thlak lutukin dining room lamah zanriah an lo ei mek a, tuman min lo hmu lo hlauh. Ka thawhuai mai.

"Awmawm lo ei venghal rawh." Û Hruaisangan dining room a ṭang a min hmuin a rawn ti a.

"Aw le." Ka bul mai a ding ni a ka hriat, Muansanga biak tuma ka va en leh nak chuan in chunglam step-a a chho, a liam tur chiah hi ka han hmu.

"Va che rang thei ve. Spy ang mai." Ti rilru nauh nauhin kan ṭhiante awm na lamah chuan ka va lut ve a.

Min lo be nak nak hlawm a. Ka chhang seng lo lek lek. An hmelah chuan ka ruala Muansanga hmuh beisei niawm takin an lo thlek deuh hu hlawm a. Nuih a za duh ang reng.

"I nuam deuh tawh em?" Ls-an a bula ṭhuṭ na tur min pawh rem sak pahin min lo ti a.

"Ka ṭha vek tawh e.." Ṭhuṭ pah chuan ka chhang a.

"Awmawm eng tin nge i awm?" Û Hruaisangan min lo tinghal a. An lam ka va hawi phei chuan an thil ei ṭhulh ṭhak khawpin ka chhanna min lo nghak hlawm. Min ngaihtuahna lo lang chhuak nghal chu hlu kati

"Ka nuam lo deuh mai mai. Mahse tunah chuan ka ṭha mah mah tawh." An ngaih ṭhaṭ theih dan ber tura nuihmel pu chungin ka lo chhang a.

"A ṭhaṭ hlauh chu. Ei ṭeuh rawh aw." Ngainatawm tak a min nuihin a ti a.

"Tehreng mai."
Û Hruaisanga nen kanin biak lai chuan hmui phunin Bsa leh Ramdinan min lo chhaih buai chhen bawk. Muansanga awmna min zawt ru vel thul. Ka hrethiam lo der tlat.

"Thanthan ti nge engmah i la ei loh a?" Thanthani ṭhiannu over hmel deuh khan ring deuh tak a a zawh kher a vang chuan a hriat loh theih loh.

"Muansangan ka phone call a la thei lo va, engmah ei pawh ka chak lo. Ka ngaihtuah." Rilru hah hmel takin a lo chhang let a.

"Thanthan ngaihtuah duh mah ta che." Ú Hruaisangan a tih mek laiin Muansanga chu a rawn pen lut ve a. Thawm a awm nghal hak. Lo ngaihven ve chiam duh lo in ka thil ei lai ka ei zawm a, ka lo en duh lo vel.

"I ngainat zawng ani hlawm em?" Lsa chuan hawihhawm takin min zawt a.

"Lutuk. A tui hlawm khawp mai." Ka tih mek laiin ka hnunglam aṭangin Muansangan a hoodie dum, a inhmeh ngawih ngawih mai chu ka hak tura min pek pahin mi rawn khuh hlup a.

"Vawt kati tawh lo." Ka lo ti sa sa a. A rawn chet dan chu aw. An ngaihtuahna dik lo thei lakah kan fihlim tawh dawn emaw tih laiin.

"Vawt ti lo mah la inhak lum tho i ngai alawm." Min hak luih tir mawlh mawlhin a ti a. Ka hakna lama ka sam thur hiang chu min la chul mam sak zui.

Muansanga hoodie ka hak takah chuan kan in thlek vel a, ka tan chuan a len tham em avangin ka nui lo thei lo.

"I in hmeh lutuk." Kal sawn dawn paha a lukhum min khum tir hlup chung chuan a ti a. Ka hai thla lehnghal.

Ka hma maia ṭhu Ramdina leh Bsa nuih lo insum vel leh an lo meng eng emaw kual vel pawp pawp chu hai der a harsa. Eng tia han tih vak dan awm bawk si lo. An chimawm dun thlawt. Mi dang phei chu ka melh buai peih lo law law.

"Tho teh. Ka ṭhu ve duh tawh." Tih leh ka hma taka ṭhu, Bsa chu Muansangan a ṭhuṭna a ṭanga pawh thawh a rual a. Mi dang nuih lah chu a za hlawm khawp lehnghal a.

"I la hre ve khawp ang." Bsa lah chuan a lo ti nung nung a..

"Ka lo ṭhuṭ ve hi pawi in tih loh ka beisei." Thanthani pawh rem leh rem lo in Muansanga bulah a rawn inhnawh ve a. Dinsanga a lân leh phah ta lap e.

"Khaw nge i awm bo char char a? Minti mangang hman dawn alawm. Call i chhang thei bawk si lo." Thanthani chuan ti tau deuh rauh, chhuahchhal nibawk si in Muansanga chu a bia a.

Muansanga erawh in awm ze nei lutuk a mi rawn melh pahin nalh lutuk chuan min khik khum pah sak a. Thil thleng engmah awm lo ang takin ka lo awm hmiah hmiah.

"Ei kham lamah eng emaw tih pui lawk che ka duh aw." Lsa chuan min rawn ti a.

"Aw le." Ka lo ti awlsam et a. Muansanga lo khuk ri kharh chu hre lo der i la a ṭhaṭ zawk ka ring.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:56 pm

Muansanga *Habibti*
Chapter -15
May Renthlei

"Aw le." Ka lo ti awlsam et a. Muansanga lo khuk ri kharh chu hre lo der i la a ṭhaṭ zawk ka ring.

"Habibti." Ka hre duh lo der.. Ka thil ei lai ka ei zawm ngat ngat.

"Habibti." Hriat loh der theih loh turin dawhkan a khawng ri kauh kauh a.

"Eng nge?"

"Zan in kan tih tur thil velah min pui lawk rawh aw." An lo ti ngei ah.

"Kan tum ang chu." Ka lo ti ṭha ve mai bawk a. Mak sak deuha a chet leh dawn ai te chuan.

"Muansang zanin atan techuan eng mah tih ngai a awm tawh hleinem. Engkim kan tifel vek tawh." Thanthanin chu thu a sawi zawh chuan min rawn melh a.
"I duh duh i ti thei ang. Lsa nen hun nuam tak tepawh in hmang dun ngei dawn nia. In inhmeh lutuk. Mahse Ruatsanga erawh ka khawngaih deuh." Thil ṭul lo a sawi tel leh ta ṭeuh e. En liam mai tum pawh hian thil a ti harsa leh ṭhin. Runluih ve mai duhna thinlung ka nei lek lek ṭhin. A nun ah nghawng let nei se ka inthiam leh dawn bawk si lo, hmeiche rilru chhe tak pu ka ni lo hlauh a a vanneih phah ta anih hi.

"Ohh. Ruatsanga chu tu nge ni a? Kei aia chet la hmasa an lo awm loh ngei ka beisei." Lsa lah chuan hrechak takin a lo ti bawk a.

"Kan sawi thui techuan i rilru kan ti na mai mai a nga sin. Ti raw Awmawm?" Min la rawn ti ta deuh deuh a. Nuih luih a har ṭalh. Muansanga hmel phei chu....

"Ka bula ṭhu tereuh hi lo tibuai pha mipa chu chibai hial ka nap. A harsat zia leh a tihmawh zia a mah kawmtam a piang tehian kan hrechiang ngawtin ka ring. Mahse zan in hian a tawp nan tak tak.." Nui chung a lu thingin a sawi zawm duh ta lo va.

"Sawi zawm teh kan hrechak ania. Ka hrethiam thuak tho na chu." Thanthani bawk chuan a lo ti chûl a.

"Sawi lo zawk ang. Hun i nei thei ang tiraw?" Min rawn ti a.

"Ahh. AW.." Ka lo ti bah nawk a. Hun neih loh hram dan erawh zawn ka tum ang. Duh loh chian sa tur te hi chu chance pek buai ka duh lo.

Nelawm lo leh ngaihdan nih loh hmel tak a Muansanga dawhkan thawhsan tur thawm nei ri bur chuan min ti phu.

"Muansang i va tho hma ve. I puar tawh em ni?" Thanthani chuan um zui venghal hlak hlak in a ti a.

"Lungawi loh na nei a ang hle mai." Lsa chuan a ti nung nung a. Zat vang ni hauh lo, a ngaih ṭhaṭ nan nuihmel ka lo hmuh a. Thil ei pawh a tui tawh lo.

A kal liam hnu chuan dining room te chu a thawl ta hawk hian ka hria. A hoodie min hak tir chuan min hnem deuh. Hak nuam ka ti in awm a ti nuam. A rimtui bawk si.

"Inbual fai ka duh a, ka room lamah ka kalsan rih phawt mai ang che." Lsa hnenah chuan kati a.

"Tehreng mai. Zanin chu aw."

"Aw le." Ka hmel a hmuh theih loh veleh ka insiam chhe nak a.

Kan room ka thlen chuan Û Engpuii a lo awm lo va. Û Hruaisanga bag min kensak lam chu panin ka mamawh tur ka la khawm a. A khung kim ve biai. Nachang a hre zawk tawp.

"Lo lut rawh." Room kawngkhar kik ri ka hriat a vang chuan kati a. Bathroom lam pan ka tum lai chiah anih a vang chuan ka inpawm bawr lak lawh tawh viau.

"Thanthan nangmah maw." Ka rinloh lutuk a a rawn lan vang chuan ka lo ti hu a.

"A rei lo vang." Ka thiltih tum hrethiam chuan a ti a.

"Lo ṭhu la."

"Ngai lo mai rawh se." Kut min in kuangkuah khum hmakin a ti a.

"Vawin ni hian i lo lan kan rin loh hnuah eng tin tin emaw i rawn lang hlawl a. Chu vangin thil eng emaw ka ngen thei che a ngem?" A ti hlah hlah a.

"Sawi la." A awm dan vel pal zam thei takin ka ti a.

"Muansanga hi i lo chhaih buai ve chhen lo turin ka ngen a che."

"Eng a?" Ka insum zo hman thlawt lo.
"Ka chhaih buaiin i ngai a maw?" Za vak lo in ka nui zui a. A awihawm lo zawk.

"Kha lam chu i buaina. Eng pawh chu nise Muansanga chauh hi ka la dam ve na chhan a ni.." Thawk leh khatah a chapo hmel chu mi khawngaihthlak leh ṭanpuina mamawh tak hmelin a thlak danglam dawrh a.

" Min kalsan tur emaw midang ta ni tura ka dah chhin ringawt pawh hian ka â lo chauh zel. Ka suangtuah zawng ringawt pawhin ka thawk a tawp mai dawnin ka hre hial ṭhin." A hmel chu lang khawngaih thlak tawh tak a ni. A chapo hmel leh ngeiawm tak tekha hmuh tur a awm tawh lo.

"Awmawm ka ngen a che. Khawngaih takin Muansanga hi min chhuhsak suh. Ka dam zo lo ang." Ka kut rawn vuan meuhin a ti a.

"Mawh.. Khawngaih takin Awmawm." A ti chiam a. Awmdan thiam a ti har.

"Duh tawk rawh. Muansanga chu eng tin mah chhuhsak buai tumna che thinlung ka pu lo. Hahdam rawh." Min vawnna kut aṭang a ka kut laksawn pahin kati a.

"Tak tak. Tak zet em?" A ti mawlh mawlh a.

"Aw ni e."

"Ka lawm. Ka lawm e."

"Ka nun min chhanhim sak tluk ah ngai rawh. Ka kalsan ang che. Inbual tawh rawh." Naupang thil ngen hlawhthling ang maia hlim leh lawmin kan room chu a chhuahsan a. Kei erawh a awmdan let ling chiah chu ka din hmun a ni.

Ka inbual lai chhung zawng pawh chuan ka tawt ap ap. Ka awm a rawn ti nuam lo zo vek. Ngaihtuah loh tum pawn a harsa.

"Zan in chu chhelo hlur i la ani mai. Ka chhelo thlawn tho dawn na chu." Ti chungin darthlalang hmaah chuan ka insiam mawlh mawlh a. Hman nat leh hmannawm an tum hlawm ropui si a ka hawihil bik viau em lo turah ngai ang.

"Û Engpuii i rawn insiam?" Ka tum loh zawk Muansanga zawk arawn lan avang chuan ka ṭawng zawm lo chiang.

"Nangni pahnih hi eng nge maw in hriat le?" Ka ti rilru nghal nauh nauh.

"Eng tin nge i rawn luh ngawt theih a? Ka kalh ve ngei si." Ka in en na darthlalang nalh tak hawisana a mah en in ngaihdan ni lo tak chuan ka lo ti a.

"A har lo." Nuihmel pu chungin a ti a. Hmelṭhaṭ thlak lutuk.

"Ti nge hetah i rawn kal reng reng. Inbuatsaih i ngai lo em ni?"

Ka zawhna chhang lo in mi rawn pan hnai ta thung. Ka chair nghenchhanah kut nghatin a rawn kun hniam a. Mi uap bet nghal churh.

"Darthlalang kha en rawh." Aw ngaihawm tak chuan a ti a. Darthlalang hmaah chuan kan lang dun chiang teh a sin. Duh tih hriat lutuk a min melh na te thleng chuan a lang chiang.

"Zan in hian nangmah nena tih chak tam tak ka nei Habibti." A ti ril ṭuak a.
Kun hniamin ka nghawng si datin a kha be a rawn nghat a. Duh tawk mai lo in a hmui sexy lutuk chuan ka nghawng no nalh tak chu a rawn nûl a. Lungrun lutuk in.

"Muansang." Duh lo va awm sawn thuaiin ka lo hnar a. Lungawi lo takin a thaw ri hak a. A insum hmel chu tawrh a har. Min tih luih vak a hreh bawk si.

"Awm sawn suh." Ti ngutin ka thawh tum chu min nem ṭhu leh a. Ka dar a vawnna lah chu la sawn lo in a vuan zui tlat a. Kan boruak a dik lo ṭan leh tawh.

"Zan in hian ka bulah hun i hmang thei ang tiraw? Ka bulah. Ka bulah chauh....Ummm..." Ngen na mit meng a khat chung chuan a ti a.

"Tih tur tam tak i nei lo em ni?"

"Ka zawhna chauh kha chhang rawh."

"Hmang dawn lo."

"Eng vangin? Kha pa Lsa vang khan maw?" A rik chhuah dan a ngeiawm nghal khawp mai. Min vawnna pawh a na sawt.

"Nagmah lam vang zawkin."

"Ka awih ring suh."

"Chu zawng i thu le." Ka tih leh chiah phei chuan insum harsa a ti ṭan. A ze chhelai cho chhuahsak hi ka duh miah lo. Zan in a tan ngat phei chuan.

"Ka hrilh tawh che kha. Ka mit ti kham thei zawngin mipa dang bulah awm suh. A nih loh chuan ṭawngka in ka sawifel pui lo vang." A ti khu khu a. A sawi ang tak hian eng buaina siam pawh a pawisa lo tak tak ngei bawk ang. Ka chiang.

"Muansang tiang zawng hian awm ziah teh suh. Ka duh dan danin min awm tir rawh. I duh dana min awm tir turin eng thu neihna mah i nei hek lo." Ka ṭawngkam na tak chuan a deng na ngang mai. A hmel sen ṭawn ṭawn leh a bek che ralh ralh techuan a ti chiang. Ka inthiam lo, mahse eng tin nge ka tih chuan ang...

"Ka sawi ang chuan awm tawp rawh. A nih loh chuan i duh ai nasa thil pawi ka thlen tir ang. Theihngilh suh." Luhlul leh tihmawh taka min vau chhek chhekin a ti a. A phone rawn ri hlauh chu ka lawm ngei mai. A ni erawh a phun hluk thung.
Û Hruaisanga a lo ni a. An in be rei lem lo.

"I inpeih chuan kal ang." Ka vawn tur a a kut min pe in a ti a. Hnial lo tura min duh zia chu a ti lang chiang hle bawk.

"Muansang ka..."

"Vuan mai rawh." Warning a tel tlat. Muangchangin ka vuan de de a, a kut ka sik rualin nghet takin a lo hum nghal.

"Thil ṭha lo thleng tur a i duh loh tak zet chuan ka kiangah awm reng ang che." Sawi satliah mai mai ani lo tih hriat taka chu thu min hrilh zawh hnu chuan room aṭangin min hruai chhuak a.

Ka awmdan lak lawh leh nuam lo lutuk chu a hrehawm. Thanthani leh a chhungte rilru ah an awm lo thei si lo. Chu chu ni lo se ka hmangaih pa kiangah hian hun hlimawm leh nuam tak ka hmang thei nimai tur. Helhkham nei miah lo in.

Zan hun hmanna tur mawi leh nalh taka an chei hmun kan thlen chuan an lo awm kim deuh ṭhap tawh a.

"An lo thleng e." Tiin kut bengin an lo au hluah hluah a. An nalh hlawm khawp mai. An hlimin an phur hmel hlawm hle bawk.

"Ka kal hran a hun viauin ka hria." Muansanga hriat phak tawk tur chuan kati ru hlak a. Mi dang hmuh a nuihmel put ngai bawk.

"A ṭul ber lo vang." A ni lahin a lo ti bung churh a. Min thlah mai a tum lo nasa.
Mi dang ho lahin an lo be nasa mai si. Ei leh in tur pawh a hniang hnar khawp mai.

"Hmuh in nuam lutuk." Û Hruaisanga leh Û Engpuii techuan kan kianga inkai rial chunga kalin an rawn ti a.

"Nangni pawh." Ka lo ti thuai a.

"Ka nau, lawmthu min hrilh angaiin ka hria. I kianga awm mek nula hmelṭha leh nalh tak avang hian." Û Hruaisanga chuan ti ṭha inti leh in chhuang takin a ti vel a.

"Ka lawm e.. Birthday present ropui tak min pek avangin." Ka rin loh dan taka chhangin a lo ti a.

"Loh theih nang. I Û ka ni tlat alawm." In man takin kut an in tauh tir zui bap a.

"Eng present nge min pek ve dawn le?" Muansanga chuan Û Engpuii chu nêl takin a bia a.

"Ṭha lutuk pek tur che ka hria. Lo kun hnai la." Zei taka hui pah zauh chuan a ti a.

An thil inhrilh ruk chu Û Hruaisanga nen chuan kan hre ve thei lo. Dar kanin san khum ak ringawt. An inhrilh ruk zawh chuan Û Engpuii za takin a nui a, Muansanga pawh a khi ve suk suk. Û Engpuii thil sawi chu hriat nuam a tih hmel mah mah.

"Eng thu nge in sawi?" Û Hruaisanga chuan kei ai mahin a lo hre chak aniang chu. A zawt khauh mai.


"Sawi chhuah chi loh." Û Engpuiin a lo ti thuai a. Chu tih lai tak chuan kan awm na hmun eng pup mai chu vawi leh khatah a rawn thim ṭhup a.

Kan hawi buai lai vel tak chuan Cake chawi eng va va in Thanthani leh a ṭhiante an rawn lang zui a. Birthday Song an lo sak rualpui nghal ṭhap ṭhap bawk.

"Happy Birthday." Hlim taka nui chungin Muansanga hma takah Thanthani chu cake chawi chungin a rawn ding a.

"Ka lawm e." A lo ti a.

"Dawhkan kan buatsaih lamah lo kal ru." Tih leh Muansanga chu pawh sawn an rual hlawm a. Min veng thawng takin mi rawn melh zui ṭawk ṭawk a. Mawi takin ka lo nuih a. A awm nawm nan.

"Awmawm ka hriatpui miah lo." Û Hruaisangan ka awm nawm loh hlauin a lo ti thuai a.

"Kei pawh." Û Engpuiin a lo ti ve bawk a.

"An tih ṭhaṭ em saw. A hlimawm ve alawm." Ka lo ti a. Thawhuai hmel an pu.

Current an on eng leh pup tawh a. An thil chei tle neuh neuh leh balloon hmun tinreng a darh chei chuai tepawh a hmuh leh theih tawh. Mahse Muansanga erawh ka hmu mai thei tawh lo. An hliah hneh lutuk.

"Muansanga birthday present ṭha deuh pek ka tum chu maw room thlak chungchang vel ania. Awmawmi nen kan room inṭawm aṭang a ka riah chhuah theih thu leh a ṭhiante bula room thlak dan tur ka lo hrilh a. Awmwmi bula zan hun thawl a hman theih nan."

"Û Engpuii!!.."

"A chi loh lutuk." Û Ruatsangan lo ti ve bawk.

"In ngai dik lo anih kha. Thil ṭha lo in ti dawn tihna lam ani lo. Ka sawi tum tak chu."

"Û Hruaisang min lo zawm ve ru." Tih pahin an rawn pawt tak dawr dawr hlawm a. An mahni ringawt en a ka lo hawi veng veng lai chuan tu emaw hian ka kutah vuanin ka in rin hma hma chuan min kai chhuak a, chu lai hmun bengcheng tak chu kan chhuahsan fel der.

"Ls minti hlau dawn alawm." Pawn lam kan thlen hnu chuan awm dawma thaw hliaiin kati a.

"Ka tihpalh." Nuih za deuh chungin a lo ti thung.

"Thawm bengcheng i ngai thei ngai si lo va hrehawm i tih ka ring a."

"I lo la hrereng ani maw?"

"Tehreng mai. Bakah he lai hmun hi a thawveng nuam ve a.. Hawi vel pawh a nuam a sin. En kual vel mah rawh."

"A dik ang." Thlifim thaw heuh heuhin min lo chhem nghal sang sang a, thaw a ti veng. Zan thla eng ruih hnuaiah chuan huan vel te chu a lang mawi zual emaw tih mai tur a ni. A lunglen thlak lek lek zawk.

"Ka sawi chi ani em chu ka hre lo."

"Eng chu?" A ngawih zui daih avang chuan ka lo ti a.

"Muansanga hian a duh che ani tiraw?" A ti ta kawlh a.

"I hresual anih ka ring." Za vak lo a nuiin ka lo chhang a.

"Ka hriat sual ka ring lo. Kum hei leh che ka lo hretawha nangmah ang chiaha lerh lo a ni. A luck viauna chu hmeichhia a ngaihsak ngai lo. Mipa i ngaihsak ngai bik miah loh ang chiah khan. Mahse nang chu Muansanga hian a en dan che a danglam. I bula a awmdan thlengin. Hai der luih pawh tum ila a haider theih loh. A mah zawkin a thup lem lo bawk a. Mahse.."

"Eng nge mahse?" Min chhang ta mai lo in min thlek hmasa te te a. A uang leh tawh dawn aniang.

"I awmdan hi a hma ang tho khan ka hrethiam thei lo che." Min ti ta thlawt a.

"A eng ti kawngah chuan?"

"I duh ve em tih thu velah, ka hmu tlang ve thei lo che. I inthup thiam nge ni a, i in control thei viau zawk." Chek tlak tlakin min ti a.

"I ho mai mai e a. Eng mah kanin karah a awm lo."

"Ka ring chiah lo. Eng pawh chu nise i duh veloh chuan a ṭha ani mai. Thanthani hian a thlah mai mai dawn lo. Vawin lamah pawh hriat ninawm lek lek khawpin an sawi zawm peih. I nat ka duh lo. I buai phah ang tih ka hlau. I zia nen a inmilh dawn lo lutuk a." Ka dar a kut nghatin a ti a.

"Chu min ngaihtuah deuh tih na em ni?" Uang deuh takin ka lo ti a..

"Ngaihtuah lo ve."

"Hmmp."

"Keimah zawkah hian buai mai la, in ngaihzawng ve daih tawh zawk mai ang." A hmel zawng zawng nen chuan ka la thu tak thei lo, ka nui phuh hawk a. A rûn ngang mai. Thu tak rûn a sawi ni lo in ani pawh a uang pah ve tho na chu.

"Eng tin tak nge hmeiche dang ho i biak ve ṭhin ang aw. Hriat a chakawm." Fiamthu chhun zawmin ka lo ti daih a.

"I van sual tak. Hmeiche dang ho chuan zei minti thei lutuk."

"A dik ang, a dik lutuk ang." La uang chhunzawm char char in kati a.

Ka phone a rawn ri a. Muansanga hnen aṭangin a ni. La lo in ka hmet thim a.

"In chhunglama luh vetawh i duh em?"

"Duh chiah pawh ka hre lo." Ka lo ti a.

"In chhunglama awm ho pawh an rawn chhuak darh ṭep tawh ang. Pawn lamah hun hmanna tur a tam zawk. A hmun vel hi a nawm bakah a man hla tham ve a."
Lsa thil sawi ho chu ka hre tho na in ka rilru erawh ka phone ri char char a vang chuan hmun dang daihah a awm.

"Ls kha lamah daih ani maw in lo awm? In chhung lamah rawn lut vetawh ula, a nuam khawp a sin." Ka hriat ngai lemloh pakhat hian meizial zu khu vang vangin a rawn ti a.
"Meizial hi ka zu zo anga kei pawh ka lut lehnghal ang. Ka zu chak tawh lutuk ka rawn inthiarfihlim ringawt." Pak khu talh talhin an ti leh a. Manhla a tih hmel vat vat khawp mai.

"Eng nge i ngaihdan?" Ka lama rawn thle phei bakin a ti a.

"I sawi zawh chiah nen khan a in milh lo deuh lo maw?" Kap zauhin ka lo ti a.

"A la zantir deuha a hu ho a hun hman rih tepawh an duh aniang. An thawm aṭang chuan eng infiamna pui tham tak emaw an neih ngei ka ring bawk. Lut i la."

"A ṭha alawm." Bu nghatin ka ti a. Kanin zui lut leh ta nghe nghe a. Ka phur lem lo khawp mai. Mut hahdam vang vang ka chak tawh.

Kan pen luh rualin an infiam thawm ri luih luih chu a ring zual a. Chu ta karah zai an la play zui bawk nen. Mawi lo taka han khawsa erawh hmuh tur an awm lo.

"Awmawm lo tel ve ru Lsa nen khan, truth or dare kan khel ania." Min lo tinghal hlawm a. Lu ka thing na na.

"Tel loh awih miah lo. A nih loh chuan lam ani mai." Ramdina chuan kan tel loh phal miah lo in lamna hmun lam a kawk va a.

"Dik chiah. Lam duh loh chuan in tel ve ngei angai." An lo ti tliar tliar a.
Lsa nen in en in kan nui tawp.


"Tel ve mai ang. Ngai thu tak vak duh lo la." An ṭhutkhawm laih na lama min kal pui zuiin a ti a.
Naktuk zan ka awl ang aw. A vawi khat nan..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 13th, 2022, 12:56 pm

Muansanga * Habibi *
Chapter -16
May Renthlei

"Tel ve mai ang. Ngai thu tak vak duh lo la." An ṭhutkhawm laih na lama min kal pui zuiin a ti a.


Muansanga ka hmu ve ta chiah. Min melh ral vek tum niawm tak leh nelawm lo mang khengin a lo ṭhu ve khur a. Mahse a landan chu mipa pa dik tak tih sawifiah na ani ringawt. A thinrim poh leh a lang pa, mahse a hlauhawm mah mah ṭhin.

"Eng nge kha pa nen khan in tih?" Tih zawhna a khatin min lo melh ngûr a. Hai der ila a ṭhaṭ ka ring.

"Lo ṭhu ve vat vat ru. Bs, dare maw i thlan?" Ramdinan phur tawh lutukin a ti ṭan lehnghal vat vat a.

"Ni mai rawh se. A nih loh chuan thil pawi pha min zawt leh ang." In hrechiang tih hriat lutukin a lo ti a.

"I phone lo la teh." An ti hmasa te te a. Hreh lutukin a pe hna hna a.

"I muang." Tih leh Ramdina lah chuan lo pawhthlak sak a rual a. Bsa phone ah zawk chuan a phone a mi number en tawnin tu emaw number ni ngei tur hi a type lut mawlh mawlh a.

"I phone a ka number chhut luh hi ka call dawn a, kan call tur hian phone a lo lak veleh heng thu te hi i sawi ang. Bza ka nia i ti anga, chu mi zawhah ka number hi lo save ve la i ti bawk ang. Chu zawng chu."

"Tu nge ka biak tur chu ni reng reng?" Bsa lah chuan a lo ti bo hle a.

"Call a lo chhan hunah i hre mai dawn alawm." Call nghal pahin a ti a. Loudspeaker ah a dah zui a. Tu tak call ang maw tih ngai changin kan lo ngaithla ṭhap.

"Helllo." Hmeiche aw no nalh takin a rawn ti ta ṭalh ṭalh a.

"Hello, tu nge aw?" An ti leh chiah chu an "Ṭik" dial. Tu nge anih tih an hre ta hlawm aniang chu. Ka hre ve pawh ani chuang law.

"Shhh." Ramdinan uar lutukin a lo khap dai nghal hlawm a.

"Hmela." Ṭawng ring ngam si lo in Bsa chuan Ramdina chu sen ṭawn ṭawnin a ṭham a. A zak lutuk hmel chu ka lo khawngaih.

"Be rawh. Bsa ka nia tih hrilh rawh." Ṭawng ring ngam si lo in ṭang lutukin an lo ti ngang ngang hlawm a. Bsa lah chuan thih hreh tak hian a hreh hmel a.

"Ka ṭawng i hre thei lo em ni?" Hmeichhia chuan a rawn ti leh a.

"Ṭawng rawh. Be vat rawh." An lo ti nasa.

"Bsa ka nia." Kun hniam a, a chal dawm ngawih ngawih chungin an ti ṭuak a.

"Bs.. Ohh Bs nangmah maw?"

"Ka number hi lo save ve la." Ngam leh ngam lo va a sawi zawh rual rualin a off a.

"Hmela, i chak dawn lo." A ding chhuak nghal hluai a. Ramdina bawh thluin a sawisa zawm nghal.

"Ka ti ṭha lutuk aw. Ti khan kum4 chhung i lo star tawh nen in inbiak phah tawh dawn a nia. A zirlai naupang pawh kan nitawh hleinem. Date nghal rawh." Ramdina lah chuan a lo ti vethung a.

"Miss Puitei anih kha. Bsa hian a atchilh nasa ṭhin alawm." Lsa chuan min lo hrilhfiah thuai a.

"A nih tak chu." Nui chunga bu nghatin ka lo ti a. Zah viauna tham a lo ni.

"A nih leh in ṭhianho ah hian zirtirtu date tawh in awm em?" A hming ka hriat lem loh nula ngo ving veng tak hian zawh bik pawh nei lem lo in a lo tih zawm a.

"Awm e." An tih rualin Muansanga an melh rawn nghal ṭhap. Ka melh ve nghal. A ni lah chuan an melh rawn ṭhap chu ngatan mah a lo ngaih hmel vak lo.

"Tak tak em ni?" Ka inrin hmain ka ka aṭangin a chhuak.

"Teuh lo." Ka aw a hriat veleh ngai pawimawh ta thut niawm takin lu a thing zui a. Teacher date nei tawh nih chu a duh lo ta hmel khawp mai.

"An in date lo. In miss zawkin a ngaizawng anih kha. Mahse kan bad boy hian chance ah a hmang tih chu a pha thei lo vang." Thanthanin Muansanga chu in ti hrechiang takin a lo ti a.

"A nih kan bad boy hian a hmeiche duh deuh zanin hian a duh thu leh kan zinga kawppui nei lo langsar tak a nih na aṭang hian a fihlim thei tawh dawn em le?" Ramdinan a lo kap nghal zat.

"Kei pawn Miss Khaltei kha ka bawh zui dawn. Muansang nang vethung le?" Bs-an hnung arawn dawl ṭha nasa. Mi dang ho lah thil thleng tur hriatbelh chakin Muansanga lam thaw dep depin an ngaichang ṭhap a.

"A mah chu a inhria alawm. Sawi nawn kher ngai tawh lo in." Fiah taka rawn ṭawng chhuakin mi rawn melh ding ngar a. Ka thaw em pawh ka inhre lo.

"Hnawl i nih loh kan beisei." Bsa nghal lutuk hi chu. Awmdan tur min ti hre hlawm lo.

"I ṭha em?" Lsa chuan ka awmdan lai tak chu a lo hrethiam hlauh.

"Umm. Washroom lam a kal ka ngaiin ka hria." Tlanchhiatdan ka dap ruai ani ber e.

"I tlanchhe mai dawn a maw?" Muansanga aw ngeiin a rawn ti a. En pawh en tawh lo in ka ṭhuṭ hmun aṭangin ka ding a, ka pen zui nghal. Mahse chu tih rual chiah a Muansanga rawn tho venghal erawh in ka lungphu a ti rang dawt dawt.

Washroom kawngkhar hawnga rang taka inkalh khum ka tum lai mekin mi rawn nangching a, min nam lutin kawngkhar chhung lamah a kalh zui hmak bawk.

"Eng nge maw i tih le?" Ka ti ṭhaṭ a.
Bangah min nawr bet zuiin a taksa khauh tak chuan ka tal chhuah theih loh nan min khuap hneh hle bawk. Ka tal nat leh a taksa ka nawk na ting dawn anih avangin chet loh a ṭha zawk.

Ka lu aṭangin ka hmaiah a rawn chûl thla zai zai a. Ka thawk ran ang chiahin a thawk a rang ve hle bawk. Kan boruak chu a sa ṭha ham ham khawp mai.

"Ka kianga i awm a i thawk rang sauh te, mipa dang kianga i awma i neih ve ngai hauh loh danglamna ka pek ṭhin che hi ka hrethiam lo turah ngai suh. Nang pawn i hria, chu vangin ka laka i awmdan hi pawm la. Kei ang bawkin min duh ve tih hi thup bo tum suh. Awm zia a awm lo, natna chiah min thlen ve ve." A ti sa ham ham a.

"Ka thei lo." Thawchham tur ang maiin ka ti a.

"Eng vangin?" Ṭawng ka a chhang lo in Lu ka thing nak.

"Min hrilh rawh." Kun hniamin ka biang lehlam ve ve ah arawn vuan a.
"Khawngaihin Habibti." A ti ṭuak a. A aw aṭang chuan mipa inringtawk tak a nih na kha a hloh vek tih hai rual ani lo. A zâm ve lutuk. Ka pawm leh lo mai ang tih hlauin.

"A chhan chu." Sawi zawm thei lo in ka ngawi dat. Sawi dan tur pawh ka hre lo. Eng tin nge kan hrilhfiah tak ang?

"Min hrethiam rawh."

"Noo. Ka thei lo. Ka thei lo Lalrinawm." Thaw ri halh halhin a taksa lian tak chuan min nek na zual a. Chu mi rual chiah chuan ka hmui si lek lekin a hmui sexy tak mai chu a rawn dah a. Min thawk lum khum ham ham bawk.

"Awm sawn teh." Thei leh thei lo va a awma nam datin kati a.

"Duh lo ta i la."

"Khawngaihin Muansang."

"Khawngaih ka dil che in awm zia a nei bik em ni?" A aw ri a inthlak hlawk.

"Chhan a awm alawm."

"A chhan chu sawi reng ta che Lalrinawm." Bang a ri zui dawt. Kei erawh ka lo tawm chai.

"Muansang.." Ka ṭap aw lek lek.
"Min ti hlau." Ka ti tham chhalh a. Muangchang leh duat tak siin mi kuah bo zui hlu hlu a. Ka kuah let ve thei lo.

Min kuahna aṭang chuan awm thawl hlekin a nghawng a chet a, min zai ngai taka chet la in ka hmui bulah duh nei tih hriat takin arawn thaw lum ham ham a. Kei erawh ka lo hawisawn thung. Beidawng takin ka chal a si dat.

"Mipa dang an awm em ni?"

"Aw.."

"Lalrinawm."

"Ka chhuak duh." A inthlahdul lai a kal sawn ka tum chu rang lutukin min man bet lehnghal a. A na lam mah mah chu a ni.

"Min thlah rawh, kal ka duh." Theih patawpin ka ti a.

"Tu nge chu pa chu? Kei ai pawha i thlan mipa chu Ruatsanga ani lo tih min hrilh rawh." Min sawi che nawkin a ti rum hrawih a.

"Duh tawk rawh min ti na ania?" Ṭap lo chauhin ka lo ti a.

"Min en rawh. Min en teh ka tih chu." En loh ngam ani lo. A hmela natna leh thinrim na inchawhpawlh nawk nawk te chu hmuh loh rual ani lo.

"Ti khan i hlim em?"

"Muansang ka kal duh." Ka ngen tak meuh. Ani erawhin a la duh khawp lo nasa.

"Vawi khat chiah ka zawt leh ang che."

"Aih ka ngaithla duh lo." Lu thing nak nakin kati a.

"Lalrinawm." Ti ṭhawtin Bangah min nek bet rawp a. Ka chet sawn tum chu hneh sawh lutuka min dang betin dim lo leh pawisak reng reng nei tawh lo in chet a la zui a.

"Muansang.."

"Muansang duh tawk rawh." Ka aw khur chu thup rual ani lo. Ka mittui pawh ka hriat miah loh laiin a lo kawi niai tawh.

Awm sawn hlekin thaw a la ri zui sawk sawk a. Kei erawh ka tha a zawi vek. Chhuatah ka ṭhu tawm thla hnak.

A ni erawh a thinrim, rilru na leh beidawng bawk si chuan awm ngaihna a ti hre lo.. In control chu a tum ve lutuk. A thei lo lam chu a ni.

"Ka tihpalh." Dam deuh zawk a tiin a rawn ṭhu hniam a. Kei erawh ka la mumal thei meuh lo. Ka hmui leh nghawng erawh a na vat vat.

"Min kal san rawh." Min khawih a tum chu duh lo in ka lo ti a. Ka lo melh palh chu pawi kati, kei ang bawka a na lutuk hmel chu..

"Room lamah ka hruai ang che." Aw ban cherh chawrh, nat vang a ṭawng ṭha hlei thei lo aw a ni.

"Min kal san rawh."

"Habibti." A ti chuai rawih.
Kei erawh beng hupin ka ṭhuṭ tawm chaina ke ah chuan hmai ka phum bo vek.

Hreh taka min chhuahsan ngei ka ring. Kawngkhar a khar thleng chuan ka awmdan ngai rengin ka awmm. Mahse chu tianga awm reng theih ni hek lo. Tho chhuakin darthlalang hmaa ka biang lo lang sen no chak leh mittuiin a tih hnawng chap, ka hmel landan dik lo tak mai chu tuia tlenfai tumin ka phihfai ta tawp a. Ka hruk ro hnu pawh chuan ka tlengfai zo lo ani ber e.
Muansanga sulhnu hnut chhiah chu arawn langsar dawn chauh emaw tih mai tur a ni.

"Habibti." Kawngkhar ka hawn a ka chuak rual chiahin ka hriat nin ngai loh aw nalh tak, tun a min ti na em em tu nimek bawk si chuan min lo la nghak reng a..

Be lo in ka kalsan a. Mahse pen thawm a ṭang chuan ngawi rengin min lo zui tih ka hrethei. A luhlul a, a duh ang taka kanin kar kan siamṭhaṭ hma chuan minti buai zui leh tho tho dawn.

"Min ngaithla teh.." Ka hma takah arawn ding ta nge nge a. A landan pa leh sawisel bo tak chu ka tan chuan a mah min hlat harsat tir tu mai a ni.

"Ka chetdan vang khan...."

"Muansang kan mamawh che. Thanthani a ṭha lo. A thaw a hah a, a buai leh tawh ania. I hming a lam." Thanthani ṭhiannu chuan hmanhmawh leh hlauhthawng em em in a rawn ti a.

Muansanga rilru buai ta nuai leh awmdan tur hriatthiam har ti lutuk hmel chu ka hrethiam. Kei min ngai pawimawh tho bawk si.

"Muansang hmanhmawh la." A rawn ko tu chuan a tur nawn leh a.

"Lo muhil suh ang che.. Sawifel tur kan la nei." A sam chul thur nakin a ti a. A kal tur chu a hreh khawp mai.

"Ka chhan theih loh na chhan che tikhan i hrethiam tawh mai em?" Ka aw chu a ring lo. Mahse a hre fiah viau thung ang. A pen tur ding leh chat chuan a ti chiang.

"Eng nge i sawi awm zia?"

"Kal tawh tawh. Nagmah chiah ani lawm ni a mamawh ṭhin che." Ka ti ve ta ngat a. A hmelṭha tak lang buai niai leh hrilhhai lek lek hmel nen chuan muangchanga inher inThanthani lam chu a pan a.

A kal liam tihah hah ber ang maia kawng dawm hlia a kun hniamin thaw ka la chiam ringawt.

Ti nge inkawp rem thei lo tur si hi kanin duh tlat ṭhin. Na te tal hi tuar lo ila ṭha tur tiin awm ze nei lo thil ka suangtuah phah chiam.
*****May Renthlei*****
NI 10 HNUAH.....
Kan khua ngeiah thlmuang takin ka awm veng veng tawh a. Chhungte bula awm chu a zia e, ka damdawi mum lian. Min chhawk zangkhai tu te an ni ka ti lo thei lo.

"Nuam lutuk. Khawvel tak tak chu anih hi. Dam man a awm e." Kan in chung bera dingin khawchhung aṭanga hmuh theih ramngaw hring dup chunga chhum paw chei chuai leh chhum paw nalh tak tak te chu ka thlir a.

Ka coffe in tui tak chu thli thawin min chhem zawng chuan a rawn rimtui zual. Boruak anuam bawk si. Phai khaw lum tak, chhum paw nalh tak tak hmuh tur pawh awm lo. Boruak ṭha lo takin a khuh chuai nen kha chuan in ang lo tak a ni.

Kan khaw awmdan chuan lung min len ngawih ngawih. Ni tla tur kawla eng sen phut techuan lung a ti leng bik. Nalh kati in, hmuhnawm kati ngawih ngawih.

"Min ngai tih ka hrethei mai." Thli thaw leng vel karah chuan Muansanga aw ri niawm tak ka hria a. Ka nui sek lo thei lo.

"Ka ngai lutuk mah mah. A hrehawm zawk hial. I ring dik e." Kan piah thlanglam ramngaw hring dup leh chhum nalh em em awm chhuai la thlir vang vang chung chuan kati a.

"A nih si chuan nga ti nge i hnar reng? In ti na tawn tura i inthiarfihlim san khan i hlim phah em ni?"

"Ngawi teh lawk. Ani em em tawh lo." Tih ngaihtuahna a rawn lut zawk chungin ka hnunglam chu rang takin ka hawi let a.

"Muansang." Hrilhhai bawk si, awih ngaihna hre bawk si lo chuan kati hamhaih hle a.

"Keimah ngei ka ni e. Ramhuai hmu ang mai khan awm teh suh." Nalh mah mah ang tih tur khawpa zûn neia nuihmel min lo hmuh chung chuan a ti a.

"Hah.. Ka awih thei lo zawk." Lai ang reng tak, lawm bawk si in ka nui a.

"Eng tin nge kan khuah i lo awm veleh tak ngawt theih a?" Min ṭhawng lutuk chu sawi ngaihna a awm lo zawk. Ka beisei pha lo bawk nen.

Min chhang mai lo in ka bulah arawn ding a, ka coffe in lai min chhuhsakin a in leh te te a. Keiin a khawsa zia chu uluk takin ka lo en kiau thung. A mah ka hmu hrim hrim chuan sawi thiam siloh hlimna nasa tak chhunglamah hian a thlen.

"He lai hmun hi kanin tawnna leh kanin hriat ṭantirhna khaw ngainatawm leh mawi tak ani a. Ka khua ani a, i khua ani bawk." Lungawi hmel taka thaw vang vangin a ti a. A rawn awmdan vel hi a inla puitling vel kati dawn nge, a lo puitling ta sawt ni dawn ni.

"Eng nge a awm zia?" Chibai tura a kut min pek avang chuan kati a. Zaizirin a kut chu vuan turin min ti a. A kut ka vawn rual chuan rang takin a lo hum let a, ka kut a lang te leh ta vek e. A enga pawh chu nise a kut vawn leh theih ringawt pawh chu hlu kati.

"Muansanga ka nia. Ka hmu che hi ka lawm. Ṭha taka bul kan ṭan leh theih ka inbeisei. Hun kal tawh chu kal tawh nise, hnunglama dahin kan hun hman mek leh hma hun duhawm tak kan neih chiah ngaihtuahin bul kan ṭan ṭha leh thei a ngem?" Hmel eng sat sat leh hmuh nuam tak pu chungin a ti a.

"Eng vanga he tianga awm thut hi nge i nih a?" Zawhna ka lo zawt let thung.

"A chhan chu a hmana Muansanga, nun thim taka awm. A ṭha lam leh eng zawnga thil thlir thiam lo. Chhungkua leh nun hlutna pawh hrethiam lo kha phum bo ani tawh. Mahni ka inhmangaih thiam tawh a, ka tana ṭha lo tur tih hriat lawksa ngawih ngawih ti luih duh ṭalh ang kha kani tawh lo. Chu mi rual chiah chuan mi dang te ṭhaṭ zia leh min lo hmangaih zia te, keimah vanga ka chhungte na leh vawi tam ka lo tih ṭah ṭhin tekha ka hrethiam tawh a. Chu vangin khang hun liam ta tekha dah bo in, hma hun eng leh duhawm, mawi tak mai neih a nangmah nena chen dun ka duh a ni." A sawi zawh chuan ka hma takah a rawn ding a. A thil sawi chuan min hneh hle tih hriat takin ka lo dawngsawng thung.

"Lei rual rem ka rah ve theih nan ka engkim leh ka nundan kawng dik leh ṭha min kawhhmuh in, ka kiangah i awm reng thei a ngem?"

"Aw.." Ka bu nghat nghat a. Muansanga thar ka hmu miau alawm.

"Mahse Muansang."

"Shh. Thil dang ngaihtuah suh, eng nge i ngaihtuah ka hria. Ka birthday zan ah khan engkim ka hrechhuak alawm. Pawi kati lutuk. Nula fel leh rilru ṭha lutuk ka hmangaih tih ka lo hrelo a tin ni." Ka hnara piai pah zauhin a ti a.

"A ṭha a ngem?" Thanthani ka sawi na.

"Tehreng mai. Ngaihtuah suh. Nang leh kei chauh kan ni.." Kan invawnna kut ka hmuh tura rawn khai kang pah zauhin a ti a. Ka lo nui sen sen.

"Habibti.."

"Ummm."

"Ka bialnu i ni tak tak tawh tiraw?"

"Yep.." Lai deuh takin ka bu nghat nghat a.

"Yess.. Bialnu ka nei ve dawn ta." A mah nena inhmeh lo zawk khawpa uar chiam chuan a ti a. Za takin ka lo nui thung.

"Ṭawng zawi rawh."

"Khawvel pumpui hriat tur khawpa au chiam ania ka duh zawk ni." A la ti tak ang deuh deuh a.

"Ka phalsak a che."

"Tak tak." Tih leh au tak tak a tum chu rang lutuka dingdihlip ak in a ka ka hup beh sak a.

"Ka fiamthu anih kha." Ka ti chûl a.

"Fiam vak chi kani lo. Ka ti duh tak tak zel." Pa taka nuihmel min hmuhin a ti a. Fiamthu mawi tak pawh a thawh thiam ve ta e. Mi thar tak tak chu a ni tawh ngei e.

"Ka lawm e Habibi." Rei tak hnuah ka ko veleh thei ta.

"Kei pawh le Ka Habibti." Min tauh dat in a ti a.


"Hun rei tak chhung hrehawm taka ka awm tir che avang khan ka tihpalh. Tunah chuan ka ta chauh i ni tawh, theihngilh lo vang che. Ka strict dawn teh ania." A tih chuan ri lo in ka nui che dat.

"Aw le, Boss."

Chu mi ni mawi leh nalh tak, kum khua a kan hriatreng tawh tur nitla tur sen phut, mawi em em mai chu kut inkai rial chungin kan thlir liam dun a.

"Ka hmangaih che." Ka chalah a rawn fawp vang vang a.

"Kei pawn ka hmangaih che."
A TAWP TA.

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)