SUANGTUAHNA BY Pekhlui Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SUANGTUAHNA BY Pekhlui Fanai (Completed)

Unread post by Ngaia » February 20th, 2022, 12:03 pm

CHAPTER-30(Last chapter)

Zanah kan chaw eikham dar 7:00 bawr velah U Hruaia a rawn lang hlawl a,inneih sawmna min rawn pe dawn anih ka ring nghal hmiah

"Ekhai, Hruaia lo thu rawh lo thu rawh,kapa chuan alo ti nghal zung zung a. Ka lo tum bar mai.

"Enge ilo lan teh hlawl?" Ka pa in alo tih chuan U Hruaia lam chu ka en zawk a, min lo en ve chiah bawk. Mahse ka mit ka la sawn duh bik thaklo thung .

"Aaa ni e,inneih kha inlo tel ve ngei kan beisei ania aw" a tih chuan ka hawisawn chauh ,ka thaw hawk

"Ni e,kan lo tum ve dawnnia" kapa chuan tha tak chuan a chhang zel. Thianah ka U ala hmang dawn zui

"Chutia Mama i hman dawn te chuan rawn tel kim vek kan tum dawnnia" ahaw hma chuan ka pa in ati leh dap dap a

Ka pa leh ka u an in tawng chhawk a,ka nu nen erawh engmah kan sawi ve lemlo

Mut naah te chuan engmah thildang ka ngaihtuah hleithei lo. Mumang mai nise ka ti vawng vawng ringawt.

1 week later(U Hruaia te inneih kar)

A hnai zel a,ni e hun hian min nghak mawlh silo alawm. Ka U pawn U Hruaia te puiin a buai ve reng a,keimah dawrah ka awm phah fo

A chang hian Matthew leh Amy an rawn lang ve leh nawlh zel bawka, Hannah erawh an chhungkua ah damlo leh na neuh neuh nei an awm vang ten kan inhmu khat viau

"Engtin nge i awm?" Amy'n arawn tih chuan "Ka na" ka ti ringawt a,min khawngaih hmel kher mai. "Min khawngaih suh, mahni pawh in khawngaih tawh teh reng nen" ka tih chuan thawk ala hluai.

"Chhing,i mak eee" atih chuan "Engvang" ka lo ti hmuk. "Matthew hi be tam teh" atih chuan ka en haw

"Tuna i thil tawn ang hi a tawng ve tawg asin" atih chuan mit ko ka lo ti sang ak

"A bialnu Sawmtei khan nau alo pai a, Matthew hi Mizoramah a awm tam ngailo. Delhi ah a awm tam ber, Delhi a lehkha zira a awm naah ania Sawmtei nen hian an intawn. Chuan an inkawp ve char char a. Kum 5 dawn an in kawp a, Mizoramah an lo haw a, kum 2 vel an awm a,khatah khan Matthew pawh khan anu leh pa te pawh a hmelhriat tir vek tawh a.

Palai te pawh tirh pawi anti tawh lemlo,mahse Sawmtei khan Nau apai thu a hrilh a,chuan Matthew kha a duh tak tak loh thu te a hrilh tel kher bawk. Chuan Sawmtei chuan pasal a nei a, Matthew kha pangai takin rei tak chhung a awm lo" atih chuan ka lo ngaihthla uluk kher mai

"Mahse kan in an lohna a tam zawk chu" ka tih chuan "Ni e,ka hria lawm. Matthew hian a tuar nasa zawk. Mahse tuna i awm dan leh Matthew awm dan kha a danglam vaklo" atih chuan a sawi tum ka la hrethiam thei lo

"I sawi tum chiang deuhin sawi rawh" ka tih chuan a thaw haka "Matthew hian aduh chea, a Hmangaih che pawh ka ring ania aw,Abi Matthew hi bia la. Tuna i thil tawn chungchang hi ka hrilh nel nual tawh. Nangman i awm dan te hrilh ka a puih theih che ka ring tlat" atih chuan ka hrethiam hleithei lo

Mahse hnial emaw ka tum tawh lemlo

Dar 5 bawr ah dawr kan khara, Amy' n min khar pui thlap

Kan veng lamah kan in phur phei a,Amy te in hi kan in thlen hma deuh ani a,a rem khawp mai

Naktuk tuk leh mai hi U Hruaia te inneih ni ani tawh. Kalloh ka tum viau nain ka nu leh pa leh ka thianten min tih luih vangin kal ve ka tum ta tawp

"Bawihi chhung inkhawm hmang lawk ang u aw,i chhoh hmain" kapa in inchunga ka chho tur chu min ko let a

Ka u bulah ka thu a, bible chhiar leh tawngtai na a hmang a. A tawk mai dawn emaw ka tih laiin

"Bawihi i awm dan ka hriatthiam pui che. Mahse tunah chuan Hruaia chu mi pasal ani tawh dawna, theihnghilh daih itum dawnnia aw. Theihnghilh i lo thei kherlo anih pawhin thian ang emaw,hmana mi ang in i U thian angin en i tum hram dawnnia" dam dap hian ati a. Ka lo bu nghat nghat

Ka room ah ka chho a,ka phone pawh khawih lo in ka rilru ka kawm ani leh ringawt tawh

U Hruaia nen kan hma hun ka lo ngaihtuah ve vak thin te khan ka rilru anti nak tawh zawk

Ka phone ri ah chuan ka phu zawk a,caller id ka en chuan Matthew alo ni.

La ta mai lo Chuan ka en reng a,a ring ral dawn tepah ka ka ve chauh.

"Hello" ka tih chuan "Hello" a rawn ti thum dut a. "Aw hello" ka tih leh chuan "Hello" a rawn tih leh. Ka lo chek tlak

"Abigail" atih chuan "enge?" Alo ti vat mood fuhloh lai lai a ninawm. "I dam maw?" Atih chuan "Dam" ka ti leh hmuk

"Chuan" a rawn tih chuan "i rui mi?" Ka lo ti ringawt. A nawi riau

"Zu ka in ngailo,ka fiam che nih kha" atih chuan ka lo thaw huai. "Enge,min lo biak teh hlawl a?" Ka tih chuan a nui suk a.

"I ngaihnawm ve mai mai a" atih chuan ka lo khi ve sak mai. "Min va ngai awm ve a" nui hak hak paha ka tih chuan "Ngai e" a rawn ti ve mai

Minutes 10 vel lai chu thu ho deuh deuh sawiin kan inbia a. Ka mood pawh a rawn thlak ve deuh

Hun a kala, a hun a hnai telh telh a,a inneih tur te ai pawn ka lo huphurh tih theih tur ani

Naktuk mai an inneih ni alo ni reng mai. Ka thianten "puan in ang bih ang u" antih tlat vangin tha tho lo zetin bazar ah ka zui ve a. Ka mood an hrethiam aniang chu min be lemlo

Puan chu kan hmu a,mahse a rawng a in ang theilo a, rawng chi hrang vek design in ang vek si chu kan la a rin ai a to phian leh nghal

kan dawrah kan let a,nilengin dawr min ngah pui a,an titi siam siam renga sawi ve tur vak pawh ka hrelo.

Tlaiah kan haw a,kan in mangtha sap sap hnuah kan in lamah ka in khalh phei a, U Hruaia kan in atanga alo chhuak chiah nen kan intawk a,ka scooty ka hun that lai te chu step atangin min lo en reng tih ka hria. Mahse hria ang pawhin ka awmlo

Step ah ka chho a,ka hmulo der hmak. Kal pelh mai ka tum chu ka kutah a rawn man chawt a, ka lo thaw hak.

"Enge?" Ka tih chuan "Neilo turin min duh em?" Ati nih chu. Naktuk mai an inneih ni ani tawh. A â anih ka ring hial.

"I â mi" ka tih chuan "neilo turin min duh em?" Ati leh a "Nei rawh" ka lo ti fak. Keimah vanga an inbuatsaihna te an thulh theilo.

Bakah inngaihzawng pawh kan ni tawhlo. Kei a thianpa nau ve maiin a,an inneih lo thulh tir theihna dan ka nei tlatlo alawm.

"I chiang maw?" Atih chuan "Chiang,nei ang che" tih pahin ka kut a thing thlaa. Inchhung ah ka lut nghal.

Hepa hian ka rilru a chawl buai zo vek

Chaw kan ei a,eina te kan tihfel zawhah inchungah ka chho a, ka thiante engkim ka hrilh leh vek

"Enge a Lalhruaitluanga vel chu, azaklo mi a?" Hannah chuan ati deuh hlak hlak a,Amy nen kan lo nuih kur kur

An bula emaw an mahni biak hi chuan mood uih lutuk pawh hi a zia ve thin reng ani

Mut hmunah te chuan ka ngaihtuah a,ka inchhir tep thin mahse ka mualpho lohna leh amah U Hruaia mualpho loh na tur ani tih chu ka in hnemna ani

Zing ka harh chuan ka rilru ah U Hruaia te inneih ni ani tih a rawn lang nghala, ka thaw halh

Ka pa in "dawr hawnglo mai rawh" atih vangin ka kallo law law a,inneih inkhawm dar 10 ani a dar 9 leh chanve velah kan insiam tan

Ka thiante ka sawm pheia an ni pawh anlo inpeih tawh. Inneih turte aia lo huphurh kha ka duh bim silo a, pangai thei ang bera awm ka tum hram hram

Ka thiante chuan min hnem deuh char char a,ka lo nuih san mai

Biakin kawtah te chuan mi an lo la tam ang reng a,a tam zawk chu biakin chhungah an thu lut tawh.
.
.
Monu a rawn lut a, mipuite ding turin pastor in min ti khera, peihlo tawk in ka ding

Zungbun an inbun tir a,thu an tiam ta.

Tunah chuan hmana ka U Hruaia kha midang ta ani tawh a,ka mittui dan ka tum hram hram reng. Ka thaw te chu a pik tup mai

Inneih inkhawm azo a,inhnuaiah hall ah kan chhuk a,cake zaina hun te an hmanga cake an inbarh lai te chuan kalo na vawng vawng thei

Thla te kan la a,kan chhungkua in kan lakpui a ngai bawksi te chu ka ning

Ruaitheh naah pawh peihlo deuhin ka kal a,chaw pawh ka ei tlem nang mai

Zan dar 9 velah kan haw a,ka room ah ka awm nghal chawt

Ka mittui a luang zung zung a,dan pawh ka tum lemlo.

Tunah chuan mi pasal ani tawha kapa sawi ang tak khan hmana ka lo en dan thin ka U thianpa ang khan ka en angai leh dawn ani

Engtik ah emaw chuan min hmangaih leh min duh em em tu ka la tawng ve ngei ang. Mahse chu mipa chu Professor Lalhruaitluanga aia tha anih ngei angai ang

-Piang nawn leh dawn ila,i thai ni ngei turin khuanu ka dil ngei tur. Mahse tunah zawng i sang ta lua e,a riang tawnah hian. Chanloh di aw ka lei rohlu-

TAWP VE TA RUP MAI💓

Ka va lawm eemmm. SUANGTUAHNA min lo chhiar sak tute zawng zawng chungah ka thinlung takin lawmthu ka sawi a, sawi dan tur pawh ka hrelo ka lawm lutuk tih bak chu.
A bikin Remkimi(Chhingi)😆chungah ka lawm leh zual a,he story idea min pek vangin a chungah a bik takin lawm thu ka sawi bawk
Chuan Readers te in zavai chungah ka lawm tak zet zet e😩💗🥰
KA LAWM LUTUK EE.

(Chuan thil pakhat😆 SUANGTUAHNA ka ziah dawn hian A tam berah CHAPTER-10 emaw 15 chauh tih ka tum a,mahse readers te zarah chapter 30 hial kan kai a,ka lawm tak zet💗)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)