Zosangzela By Zualtei Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Zosangzela By Zualtei Hmar (Completed)

Unread post by Ngaia » March 13th, 2022, 12:51 pm

Zosangzela







CHAPTER 13






By Zualtei Hmar





Lawmzuali nen mo kawr en turin Kan ṭhiante dawrah Kan chhuak dun a, mopa ber tur mizia mak lutuk vang chuan mo kawr thlan pawh ka phur lo khawp mai.





"Kan lo ṭhui mai lo ani, hun ngah deuh chu ni ila" lawmzuali chuan mo kawr en pah chuan a ti niah niah a, a duh ala hmu meuh lo




"Mahni mo kawr tur ṭhui a ṭha lo an tih kha" ka lo ti ve zui thuai a, a hmui a pet sawi nang nang mai.





"In design duh inlo sawi lo a, Ruby chu I â emai" Ruatin alo tih chuan keipawh in ka lo hriatchhuah tlai zia ka hre chiah.





"Kan buai lutuk khan ka rilru engmah ati ngaihtuah theilo alawm" ka tih chuan ani pawn min hrethiam khawp mai, hnathawh in ang ṭheuh ṭheuh.




A tawpah chuan an design thar ber, tuma la hak loh chu tlawmte in ṭhian rate in min hawh tir chu atum ta a, lawmzuali pawn a duh tak a hmu ta niang sky blue rawng chu a thlang ve ta a.





Dawra kan la awm lai chuan Zosangzelan minlo call a, "vawin chu in kal ta ami" a rawn ti deuh thawr a, engmah Kan in hrilhlo nen a hria chu mak ka ti lek lek a mahse lawmzualin a hrilh anih chu ka ring chawpchilh leh nghal mai.





"Aw" ka ti ringawt a, a aia thui chhan dan tur a awmlo miau ani.




"Ka lo kal ang, minlo nghhak ru" a rawn ti thawr a, chhan dan tur ka hrelo chuan "aw" ka ti leh ringawt.





Ruati te nen chuan kan inhmu khat bawka sawi tur kan ngah tawh hlawm khawp mai, coffee te în in kan ti ti a, Zosangzela pawh a sawi angin a rawn lang thuai mai.




"Kan mopa tur chu a rawn lang nghal alawm hei" Ruati chuan nuih insum zet hian Zosangzela rawn lut chu an ti a, lawmzuali pawh alo nui ru kerh kerh mai.





"Ilo thleng maw" keiin ka lo ti thung.





"Aw in zawh chuan haw nghal mai ila" pangai tak chuan a rawn ti a, a hmelah chuan engmah pawh a lang lo.






"Ilo thleng ve chiah a, hruai chhuah nghal I tum a, coffee lo in ve phawt rawh" Ruati chuan ati zung zunga, pakhat pa in a chhan hma in coffee chu Ava lak sak sawk sawka, sawibuai na hman pawh a awmlo.





Coffee chu in in kan ṭhu khawmuang leh a, Zosangzela awmdan mak lutuk hi vawin chu zawh chhuah ngei ka tum tawh, inneih dawn aluai ah hetia awm tlat hi ka tan pawh a hrilhhai thlak deuh chu ani.






Lawmzuali te nen Kan pa3 chuan kan inzui chhuak a, lawmzualin kan chhuah hnu chuan "kawr hi dry clean lamah ka lo va dah ang, minlo va haw San mai ru" tiin a kal zui a.





Lawmzuali kal hnu a car chhung kan luh chuan, Car chhung chu a ipik hle hian ka hria, ani ṭawng tum lo, kei chuti bawk, Kan awmdan chu ninawm tak ani.





"Ka chungah hian lungawi lohna I nei ami" zawite chuan kan ti a, ka zawt lo anih chuan hetia a danglam chhan vak hi ka hre dawn silo.






"Tinge" tih te chuan min chhang a





"I mizia hi I thlak deuhin ka hria, lungawi lohna I nei anih chuan tlang takin sawi la"





"Ka neilo" ati leh hmuk a, a lungawi lo tih chu Chiang tawh tak ka ni.






"Puitling innei tawh mai tur kan ni a, lungawi lohna I nei.." ka sawi zawh hma chuan phone hi ka hma zawnah a rawn theh phei lawp mai, ka lo inring lâwk bawklo nen ka phu dawrh nghe nghe.




Phone ka en chuan mak ka ti ngei mai.



Phone ah chuan Rempuia nen kan ṭhu dun lai thlalak leh video hi alo awm a, ka ruih lai ami kha ani ngei ang, Rempuia chuan ka beng bulah thil min hrilh ni awm tak hian hnai fahran in a rawn kun a, Kan awm dan chu hre ngailo tan chuan inngaizawng zaktheilo tak kan ang.






"Heihi khawia mi nge" bah deuh nak chuan ka ti a, min ṭhawng tak zet ani.






"Khawia mi nge tih a pawimawh lo" pakhat chuan ati chang fak a, ka ti lungawi lo hle tih ka hre thei





"I hmuh ang ringawt hi anilo" ka tih chuan car khalh chungin a rawn nui suk a, hlimna vanga nui erawh anilo tih ka hrechiang hle thung, ka thil sawi a awihloh lutuk vang ani.




"Khami zan khan-" ka sawi zawh hma chuan




"A tawk, Ruby reilotê...rei lo tê tak meuh meuh ka zin lawka, chumi chhung lek pawh chuan I lo rinawm thei thlawtlo ami" a aw aṭang chuan a thinrim takzet ani, car a khalh pah bawk nen min rawn en leh zeuh ṭhin.





"Ka thusawi tal hi I ngaithla dawnlo em ni" ka mittui chu a tling leh pam tawh.





"A tawk, sawi leh ka duh tawhlo" ram hmak hian a rawn ti a, ka thusawi a ngaithla duhlo chu ka rilru a na takzet.




"Inneihna hi ṭhulh I duh ami" muang te, ka aw pawh a ri chang chang chuan ka ti a, min neih a duhlo ang tih chu ka la hlau fan.





"Aih, ka nei ang che, mipa dang laka I hlim kha ka duhlo, ka nei che nga mipa dang chu melh pawh I melh tawh hek lo ang" a thil sawi chu mahni hmasial na lam mah ani.





Engmah ka sawi zui tawhlo, ka sawi theilo ani ber, ṭawngkam khat pawh ka chhak chhuak leh anih chuan insum zo loin ka ṭap dawn tih ka inhria a, chu chu ka thil duhloh ber pawh ani.





Kan in kan thlen hnu chuan ngawi rengin motor aṭang ka chhuak a, Zosangzelan ka hnunglam aṭang min thlir reng tih pawh ka hria,mahse ka insawi fiahna a ngaithla duh chuangloa ka tan awmzia a awm chuanglo.




Ka room ka luh chuan tunge Rempuia nena kan thlalak kha lo thawn ang tih chu ka ngaihtuah a, chutiang lo ti duh awm ang ka hre mai lo lehnghal, lawmzuali chu call in zawh chian ka tum ta zawk a





Voi2 na ah chuan a tlang thei hram, "I va la har ve" min chhan hma hma chuan ka lo ti nghal thawr a, ka thin hi a rim ṭun mai lehnghal.





"Aw, ka lo hmu mai loa, enge nita thinrim mai lo Khan han sawi teh" zangkhai zetin a rawn ti let a, ka lo thaw chhuak hawk thung.




"Ni 24 Zana Rempuia nen kan thlalak kha tunge I u lo thawn a, engmah a rawn hre ve kilh kelh tawh siloa ka chungah a thinrim alawm" ka ti nghal zung zung a, ka thinrimna te chu lawmzuali chungah ka hrithla ani ber e.





"Ka van hre biklo, Avan mak" lawmzuali chuan ati hu a, a ngaihna a hriat bik loh hmel takzet.




Kan ngawih tak ren rawn hnu ah chuan "ka u chu ka lo sawi pui dawn ami" a rawn ti leh a, kei pawhin pawi ka ti hranlo, ka insawi fiahna a ngaithla duh siloa lawmzuali tal chu a ngaithla duh mahna.




"Lo sawipui chhin teh, I u hi chu luhlul leh lutuk mai" ka ti hlak a, lehlam ami chu a nui tih a ri ah ka hrethei, mi thinrim lai lai a.





"Lawmzual nui suh aw" ka ti leh ringawt a, keipawh ka awm dan chu ka inhmeh lo ka inti thar leh.




"Chuti khawpa kan mi zaidam nu alo ti thinrim anih chuan ka u chu a thiamlo hle anih dawn hi" nuih insum zeta a rawn tih chuan, min hmu thei der siloin phone chu ka melh rum vak ringawt.





"Ka dah ania, minlo hrilh leh ang che" tiin phone chu ka dah a, ka thinrim viau na in Zosangzela chungah erawh ka thinrim ka hrithla ngham tlatlo thung, a nau in a tuar phah ta hrep anih kha.






Chaw ei kham thleng ka Seng fel lai chuan "sangzel ilo kal ani maw" ka pa tih ri vangin ka thil tih lai ka tawp chat, a rawn Len pawh ka ringlo ania.





"Mate, sangzela lo leng ania hei" ka nu rawn ti lang lang chu chhang zui lem loin ka thil tihlai ka ti chhunzawm mawlh mawlh a.





Kan nula in "khawi ka lo ti ang, va phei rawh" a tih pawhin ka hnial tlat a, Zosangzela hmel hmuh chu ka peihlo ani ber, inneih hma hauh aṭang kan in tihtauh khum hmak hmak dawn chu anih hi.





"Mate" ka nu chuan sitting room atang min rawn au leh a, keilah phei mai loin choka ah tih tur zawngin ka khawtlai hrut hrut thung.





Ka va phei chuan Zosangzela nen Chiang lutuk in kan in melh a, a mit meng ah chuan engmah lungawi lohna nei hmel pawh a pu leh tawhlo, kei erawh in ka lo melh rawm rawm thunga, a thinrim ai ka thinrim ani mah ang chu.





"I va rawn phei har ve" ka nu chuan alo ti leh zat a, "thleng ka Seng alawm" ti pah in Zosangzela bulah chuan ka ṭhu thla a, a la rimtui em em lehnghal.. hrep chuan.





Inneih inpuahchahna chungchang vel chu an sawia, Zosangzela te chhung pawh an lo buai ve tawh khawp mai, an ti ti lai chuan ka lo in ngaihtuah ve a, pasal ka han nei mai dawn chu ni sia.





A haw tur chu duh lo eng ang mah ila kawt thleng ka thlah chu a ngai miau sia, pawn kan inzui chhuah chuan biak pawh ka be lo, ka hmelah ka lungawi lo tih pawh a hriat ang, lo hriat mai mai mahse pawi ka tilo e.





"Ruby, keimah zawk hi thinrim tur ka nilo em ni?" A rawn tih chuan ka nui chhuak lo chauh, mahse ka insum hram hram ani.




"Ka thusawi pawh I ngaithla duh hleinem" keiin ka lo ti hlar thung.




"Han sawi ta che" min en ngur chunga a rawn tih chuan mak ka ti lek lek, a thinrim viau khan ka hre sia tunah lah...





"Aih ka sawi tawh dawnlo" ka lo ti let thung, ka titau ve laklawh tawh.





"Ka hria lawm, I thiamloh anilo" thutak deuh chuan a rawn ti a, lawmzuali khan alo hrilh amawn le ka ti rilru neuh neuh.




"Kan kal ange, naktuk ah Kan inhmu dawn nia" tih pah in ka hmuiah a rawn fawp zeuha, kei erawh engtin mah ka awmlo thung.




A kal hnu chuan keipawh inchhung ah ka lut thuai a, ka pa chuan a bula kal turin min lo vei zeuh a, ka rooma chho ta mai lo chuan ka va phei leh a, ka nu erawh alo awmlo thung.





"Oscar-a nu hi I hmu tawh em" a thil min zawh chu ka beisei loh em vangin ka en deuh hu mai.




"Tinge" ka ti tawl a, mak ka ti em ani.




"I hmu tawh em" ka pa chuan a rawn ti nawn leh a, a hmel ah erawh thinrim emaw lungawi lohna lam a awm chuanglo.





"Hmu tawh e" zawite chuan ka ti a, engatan nge ka pa chuan a tih chu ka hrethiam lo khawp mai.





"Umm" ti pah chuan a bu nghut nghut a, a awmdan chu mak ka ti takzet.




"Tinge min zawh?" Ka ti ta nge nge a.




"I pasal ala ni thuai dawna, a nupui hlui chu I hriat ve ngei angai alawm" ka pa chuan pangai takin ati a, kei erawh in chhanglo in ka lo ngawi reng thung.





"Mate, in innei mai tawh dawn a, heihi hre reng ang che, Oscar hi I hmangaih pui hram hram dawn ania, mipa ani a chutah fa nei tawh ani bawk a, I hmangaih pui theilo anih chuan a tan a nupui hlui belh leh mai pawh a awl dawn ania" ka pa chuan ati sap sap a, kei pawh ka lo bu ve nghat.





"In pafa chuan in va in ṭhut hneih ve" ka nu room aṭanga rawn chhuak chuan a rawn ti chhuak a, ka pa nen in en in kan in nuih tawp.





"Pafa thil Kan lo sawi dun anih kha" ka pa chuan alo ti thuai a.




"Enge ka hriat ve loh tur thil in sawi" tih pah in ka nu chu ka pa bulah a rawn ṭhu thla ve nghal zat a, an awmdan chu a nuihzathlak takzet.




Ka room lamah mu turin ka kal a, lawmzuali chu ka mut hma ka call zawk a, Zosangzela kha alo titi pui vanga lawmthu sawi chu ka tum.




"Hello" a muhil tawh ani ngei ang, a aw chu.



"I mu tawh law?" Ka tih chuan a ham bui bui mai.




"Aw, ka thil chhiâr ka lo muthlu nih dawn hi enge nita" muang ban chat chuan a rawn ti a.




"Ka lawm lutuk ania, I u kha ilo sawipui a" ka ti ta var a, ka lawm tak tak.




"E kha kha maw, engmah ka sawi hleinem" a rawn ti a, a sawi si loh chuan engvangin nge min hriatthiam thu kha a sawi ni.




"Animaw, tinge I sawi dawn emaw ka lo tia" ka ti hu a.




"In biak na hun kan la nei meuh lo alawm, min lo hrethiam teh" zawi zet chuan a rawn ti a, a chau deuh ni ngei tur ani.




"Aw pawilo, sawi a ngai tawhlo ang kan ṭha tawh e" tiin a bulah chuan ka sawi a.




"Um, a ṭhat chu, ka mu leh mai dawn asin anih chuan " ngaihsam zet hian a rawn ti a, kei ka lo nui hak thung



"Mu rawh mu rawh" tiin phone chu ka dah a, engpawh chu nise tunah chuan ṭha takin kan awm tawh bawka engkim chu a felfai thlap tawh in ka hria.




_______________________




Hun pawh a kal ve zel a, Zosangzela nen pawh ṭha takin kan awm dun a, hun in min danglo ta na na na chu kan inneih ni pawh alo thleng der tawh, Kan intawn dan te mitthla ah a lang zuai zuai mai.




Kan inneihna hmunah chuan sawm bik chauh an rawn kal a, tam lutuk a tih nuai nuai kha Kan duh veloa, thlamuang tak leh hun ren hauhlo in kan inneih na hmunah chuan kan awm a.




"Lam dun rawh u" ka u chuan a ṭhutna hmun aṭang a rawn ti lang lang a, midang ho pawh chu an lo phur khawp mai.



Zosangzela nen chuan in en in kan innuih dun tawpa, chutah a kut chu ka vawn turin a rawn la chhuak a, ka va vawn chuan min hruai chhuak nghal.



Music chu cool thei ang ber an play a, kan lam dan nen chuan a inmil takzet bawk, kan chhungte chuan min thlir ṭhap a, phone in kan lâm dun chu min tin fur hlawm bawk.



"I mawi takzet" zawite hian ka beng bulah a rawn ti a, kei ka lo nui thung.




"Ka lawm e, ka pasal" a beng bulah chuan zawite in ka han ti ve a, ani pawh anui suk.



*In kan thlen chuan dar9 alo ri der tawh a, Oscar pawh a mu tawh, Ka room loa ka mu tur chu amak deuh hu hian ka hria.




Room ah chuan Zosangzela nen chauh Kan awm a, khumah keichu ka ṭhu thung, ka ni deuh hâ mai, ani erawh a kamis a phelh mawlh mawlh thung.




"Khawnge Oscar hi" ka ti ta ringawt, a mu tawh tih chu hre tho mah ila, ka zawhna atthlak dan chu.




"Amah in room hran anei alawm, ngaihtuah duh suh" a kawr kilh phelh pah chuan ati a.




"I inbual hmasa duh em?" A mitko San âk chuan min rawn zawt a.




"Awww duhh" rang zet chuan ka lo chhanglet





Engmah sawi tawh loin bathroom lam chu ka pan a, ka lut chiah chu ka thaw chhuak huai mai, a awm chhung zawng khan ka lo thaw lo zawk emaw ni...





Bathroom ah chuan rin ai ka awm rei a, room ami erawh in thawm a neilo thung, chutia min rawn ngaihsak chuanglo chu tiin ka duh ang than in rei tak ka awm a, tui hian rim nei thei ngat se chu tui rim ka nam hum hum in ania ka rin ni.





Bathroom aṭanga ka chhuak chiah chu khuma lo in beng khalh run tu vang chuan ka tim leh hnuhnawh, Zosangzela chuan ka chhuak chiah chu min lo en nghal zat bawk.





"Riah I tum emaw ka ti lom" nuih hauh silo chuan a rawn ti a, a fiamthu nge a thutak pawh ka hre theilo.





"I awm tawhlo emaw ka tia" ka ti ringawt, ka thil sawi mai mai chu ahhh..





"Engvangin nge ka awm loh ang, ka room anih hi" a hmel ah chuan a nuih a za lek lek in ka hria.





"I lut ve thei tawh" ti pahin ka drawer lam chu ka pan a, ani pawh khuma ṭang tho chhuak in bathroom lam chu a lut nghal zat a, shower a inphuh thawmin a zui nghal bawk.




Zosangzela room..ohh kan room ka ti tawh dawn ami, a nuam takzet, an lo chei ṭha ani ngei ang





Ka mut kawr pan te, ka khup khuhlo leh a bahna sin lam chu hain khumah ka mu a, ka mit chu ka chhing zui vang vang bawk, khum dup taka mut chu a hahdam thlak vawng vawng mai ka ti rilru a.




"I muhil lo tih ka hria nia" rawn ti thum dut tu vang chuan ka meng chhuak thuai, engtik lai in nge alo chhuah hman ni, kawngkhar inhawng thawm pawh ka hre hauh siloa.



"Muthilh pawh ka tumlo aw" khum aṭang ṭhu chhuak chung chuan ka lo ti ve thuai a, amah ka hmu chu ka chil ka lem dawk thei, a taksa mawi lutuk saw zanin hian a mawizual takzet.




"Ka awmloh chhunga ilo lerh man kha I hmuh angai" min melh ran chuan a rawn ti a, a thil sawi vangin keiin ka lo en thuai thung.





"Ka lerh thlawtlo aww" ka lo ti hlar a, a nui suk duh chauh lehnghal, rui lo ila chu khami zan khan khatiang thil kha a thleng awm tawp siloa, ka thiamloh pawh nilo.





Ka bulah ron kal hnai in min rawn fawp a, keipawh in ka lo chhanglet thuai, ka hmangaih ber nen chuan zan hlimawm tak kan hmang dun a, a mi duat na leh ngaihsak na te chu ka theihnghilh tawh loh tur leh ka nuna hriat reng tlak thil ani.





*************

Zinga ka thawh chuan kan khum bula sana in hung chu ka en thuai a, dar7 alo ri ṭep tawh, keihi mo thar tirh ah em em te chuan thawh hma ve tur ania, avan zialo tak.



Ka tho chhuak dawn chiah tih ah chuân Zosangzela kut chuan min rawn dang a, ka en chuan a meng hauh bawk silo.



"Khawmaw, dar7 a ri dawn nia" tih pah in ka kut ka kawnga a rawn thawlh chu lak san ka tuma, ala nghet em em zui.




"Mu mai mai rawh, min hrethiam tho ang" la meng chuanglo chuan a rawn ti leh a, kei ka lo thaw chhuak hawk thung.




"Mut hun pawh a ni tawhlo, khawi tehhh..ka tho duh" a kut chu ka tha tawpin ka dah sawn thei hram, ka tho chhuak dawn chiah tih ah ka ban ah a rawn vuan leh chat.




"Ti tehhh..ka tho duh ania" ning zet chuan ka ti chhuak a, a chet dan vel chu naupang nuar a ang ka ti ber.




"Morning kiss min pe phawt la" ka kut vuan reng chung chuan a rawn ti a, a tih dan mai mai chu a..



"A hunlo" ka kut pawh sawn tum chuan ka ti thung.



"Min kiss hma chu ka thlah lo ang che" ati deuh hmuk a, hepa hian min kal tir a tumlo tak tak...dar7 rik nan min10 chauh a awm tawha, a duh chu ka tihsak mai aniang chu....kun hniam in a hmui ah chuan ka kiss zeuh a, alo duh tawk mai lo, ka biang tawn tawn ah chuan vuanin uar zetin min fawp a, kan in thlah chuan ala nui suk zui.




Bathroom ah pheiin ka intifai a, inhnuai a ka chhuk thlak meuh chuan dar7 chu alo ri fel der tawh, Zosangzela vang vek.



Pu Abraham-a chuan excer la zo hlim tih hriat zet hian inchhung alo lut chiah a, nu siampuii pawh an room aṭang alo chhuak ve chiah bawk.




"I tho nuam maw Ruby" ka nu chuan a rawn ti phei a, ka Inthlahrung ru takzet.




"Aw, ka tho tlai viau em" zawite an hriat phak tho si chuan ka ti a.




"A pawilo, awmpui kan nei thoa an ti thei alawm" ka nu chuan sitting room a ṭhu thla pah chuan ati a, keipawh tlem chuan ka zia deuh.




"Ka pa, I va tho hma awm ve" ka hma a pu Abraham a thlan phung chunga chanchinbu lo Keng chu ka ti thuai a




"Nia, kan doctor nu sawn zing tin tlan turin min tia..amah lah sawn min tlan pui paih mang silo hi" nui heu chung chuan ati a, a hmel chu thawh hlima hmuh atan chuan a hahdam thlak kher mai.




"Tukin zing chiah anih kha aw, I Monu bulah khan min rel kher suh" ka nu chuan fiamthu hian a rawn ti a, ka pa nen in en in kan nui dun ta hawk a.




"Tui ka lo lak ang che aw" ka tih leh chuan alu bu nghut in ka nu ṭhutna lam chu a pan a, "Ruby green tea minlo pe ve nghal ta che" ka nu chuan alo ti bawk.



Choka ka luh chuan an awmpui chuan eirawng alo bawl mawlh mawlh a, an ina ka kal fo ṭhin vang hian Kan in nel hle.




"Ka rawn tho tlai deuha" in thiamlo zeta ka va tih luh chuan minlo nuih sen sen a.



"A ho lutuk, ka ti thei alawm" alo ti var a, fridge a tui Bottle chu la chhuak in no ah ka thli a, ka nu in tur green tea pawh chu ka siam nghal bawk.




Ka va pek zawh chuan choka lamah ka let leh thuai a, an awmpui ei siam chu ka pui a, a ṭawng duh reuh bawk a, titi chung chuan kan che dun malh malh a.





Zosangzela chu rawn lut in fridge a tui bottle chu a rawn la chhuak a, a in zui zat bawk. "Ti ve vak duh suh" a tui in zawh chuan a rawn ti a, leh ringawt a; a duh duh hi a rawn sawi mai a.





"Engmah pawh ka ti vaklo" ka tih chuan choka aṭang a chhuak ve leh mai a, "Oscar hi ala tho nang e" a nu te bula ava ti chu ka hre pha thuak.




Reilote ah Oscar chu a rawn lut a, "Mummy" a mit nuai chung hian a rawn ti lut a, ka pan phei thuai.




"Goodmorning Oscar" ka tih chuan a rawn nui heu reuh a, a tho hlim chu a duhawm zual takzet.




"Engtin nge choka ah ka awm tih I hriat a" ka ti leh zat a, "pipi in a sawi a.. Mummy ilo awm char char tawh dawn ami" a mit meng fiah kak a min en chung chuan a rawn ti a.




"Ummm, Oscar bulah hian ka awm tlat tawh dawn alawm" ka tih chuan hlim tih hriat zet hian a khi var var a.




Chutia Oscar nen Kan in biak mek lai chuan lawmzuali tho chiah pawh chu choka ah a rawn lut a.



"I va tho hma awm ve" phawk deuha min en chuan ka nuih tawp.



"I tho har hle mai" keiin ka lo ti thung a.




Dawhkan a tui in chhawp chu Ava in thlit a, "monu thar nih I tlin hle mai" a tui in zawh chuan a rawn ti a, amah lah chu ala nui put put sui.




"Ruata nen innei ve tawh ula I hrethiam mai ang" ka tih chuan a hmui a ti pawrh nasa mai, a lai deuh chu ni in.





Ruata hi u sangtei nau kha ani a, khatia kum hlui thlah zan a lawmzuali rawn kal aṭang khan an in be chho a, tunah chuan an inngaizawng der tawh, lawmzuali aiin kum2 in a naupang zawka mahse an pa2 in pawi an tih loh phawt chuan Kum in thlau mai mai te chu thil pawi pawh va ni suh.





*Chaw kan ei lai chuan nu siampuiin "honeymoon hi khawnge hman in tum a" a rawn ti heu mai a, chutiang engmah Kan sawi siloa.




"Tunah chuan hna ah ka la buai a, nakinah Dubai lamah kan la kal dawn nia" Zosangzela chuan min en chungin ati a, kei erawh in an thu tlukna engpawh chu ka pawm vek tho.





*Chaw eikham chuan Zosangzela pawh hna kal turin a insiam a, kawngkhar thlenga ka thlah thlap te chuan nupa kan ni tih hi a Chiang ngawih ngawih, ka pasal chhelo zet leh pa tak mai thlah liam tu hmeichhia ka ni thei chu ka rilru a lawm veng veng mai.




Ka nu leh pa pawh Zosangzela chhuah hnu lawkah an chhuak ve a, kei erawh January thla chhung ka chawlh vangin Oscar school kal tur ka hruai dawn a, Oscar hi tuman an ngaihsak ṭhin hman loh vangin nau awmna ah an dah mai ṭhina, keipawh dawr lam ka kal regu hun ah Kan dah leh mai angai dawna, ka ngaihtuah ru khawp mai.




Oscar school kal tura ka siam mek lai chuan ka nu in minlo call a, nimin khan ka be leh miahlo a ka van â tak.




"Aw, nu" phone chu ka bengah ka zep a.



"E, enge I an a" ka nu chuan a rawn ti thuai a, a aw ka hriat chuan kan in ka ngai vawng vawng mai.




"Ka ngai lutuk che u" ka tih chuan ka nu chu alo nui hak




"Jerome-a pawn a ngai lutuk che a, engtik ah nge atei alo haw dawn a ti reng mai" ka nun a rawn tih chuan Jerome chu ka ngaihtuah nghal zat a, Nitin chheng hoa in hmu ṭhin ta chu min ngai viau ang.




Ka nu nen kan inbiak zawh chuan Oscar te school lam chu Kan pan thuai a.
Oscar te ban hun chu an school ah chuan ka nghak ve ran a, an bang thuai dawn thoa lo haw san ting tang kha chu kal buai leh a ngai dawn thoa tiin.




Reilote ah anni pawh an rawn bang a, scooty ka dahna lam chu Kan pan dun a, an thil zir min hrilh vel chu nuam ati hle a, kalkawng ah chuan min hrilh phei char char a.




Ka scooty awmna Kan thlen chuan tum loh deuhin Rempuia chu kan hma ah hian alo lang hlawl mai a, chutia ka hmu thut chu ka meng phawk deuh nghe nghe, a hmel hmuh hi ka peih viau lo asin le.




"Ilo dam maw" nui var chung hian a rawn ti a, biak ngailoa in tihbo dan te hi awm se awww



"Aw dam e" nui chung chuan kan ti mawi hnai ve a



"In inneih chu enge an a, min sawm ve bawk siloa" a ti niah niah a, Oscar chuan chutia kan ding reng chu a ning aniang, a che deuh renga pakhat lah hian hrethiam der siloin ala ding zum zut bawk si.




"Nia, Kan chhungkaw tê chauhin kan tia, kan ti pui lem lo" ka tih leh chuan a ner deuh sak a, ka thusawi chu a awih vaklo ni tur ani, ani awih leh awihloh ah hian ka buai der silo.




"Nang chu kha, hrin hah ngailoin fa I nei nghal animaw" nui suk a Oscar en chung chuan ati a, a thil rawn sawi dan mai mai chu Oscar a hriat lai lehnghal.




"Takin, I pasal kha I lak ah a lungawi lo viaulo maw" thil hrechhuak ni awm tak hian a rawn ti leh zat a, engthil nge maw a sawi ni.




"Engah chuan maw" a zawhna ka hriatthiam loh vang chuan ka ti hu a.




"Khami Zana kan thlalak kha ka rui lutuk in ka lo va thawn palh alawm le" nui heu chung chuan ati a, a thil sawi awmzia chu ka hre chiah , kha ka ruih zana mi kha ama lo thawn lek chu niin chutah inthiamloh a hnek in ala sawi chhuak ngam ania, mi tenawm tak ani.




"I zaktheilo hle mai" ka ti chang fak a, ngatan mah ala tih loh hmel em em zui.




"In in kar a chhiat phah lo chu aniang maw hei in innei chu nisia" ngeiawm zet chuan a rawn ti let a, a hmai ah hian ben mai ka duh




"Kan kal tawh ange" a zawhna pawh chhanglo chuan ka ti a, Oscar chu pawm kangin scooty hnungah chuan ka ṭhut tir a, ka in khalh chhuak thuai a, Rempuia min en zui vang vang pawh chu ka hria mahse ani be ṭha tur khan ka felna in a tlin hlawl lo ani.





In kan thlen chuan Oscar chuan min zawt ta reng a, Oscar hi a fing bawk nen a lak a ṭawng sual hi thil awl deuh mai ania.




"Mummy tunge kha kha" min melh kar chung hian a rawn ti a.



"Mummy ṭhianpa anih kha" ka tih let chuan min zawt zui tawh loa, room ah Inthlak turin Kan chho dun a, Inthlak zawh chuan a mu zui nghal bawk.



Ka thawmhnaw ho chu ka rem fel a, chutia ka rem fel lai chuan thil ka ngaihtuah chhuak a, Sophie hi tunah khawnge a awm ang tih ani. Kan inneihna tur ah ka rilru ka lo seng nasa deuh nen ani lam ka lo ngaihtuah thleng pha tawh hauhlo a, engtin nge a awm tak zel ang ni.




Chutia ka lo inngaihtuah lai chuan ka phone ri vangin ka harh chhuak thut, ka en chuan Zosangzela alo ni.




Phone ka la chiah chu "ka nupui chuan enge atih a" a rawn ti thawr a, ka nui tawp, thil pawimawh tak pawh ni silo.




"I va han ho tak" keiin ka lo ti thung a, a nui suk mai.




"Oscar khawnge" a rawn tih chhunzawm a




"Tun lawk khan a mu chiah" thawmhnaw rem fel pah chuan ka lo ti a.





"Awle, ka lo be mai mai che, I lung alo leng takin..ka lo haw har lo ang" a rawn ti zung zung a, phone chu a dah leh mai bawka, ho viau mahse min rawn ngaihtuah chu ka lawm hrim hrim.




Phone ka dah chiah chu a rawn ri leh nghal zat a, lawmzuali ani thung, vawin ah puanthan Kan chah kha alo thleng dawn tak, order la lo mah ila dawr hi chu kan hawng zeuh zeuh a.




"Aw lawm"




"E hei an lo thleng ṭep tawh a, min lo en pui hman angem" a rawn ti a, Oscar a mu bawk sia kal San chu ka hreh ru angreng khawp mai.




"Ka hrelo, ka tello in inlo en fel thei mai angem Oscar a mu a" ka ti leh hap a, kal loh theih dan hram awm se ka ti.





"A man vel ah khan an sawidan nen a in anglo lutuk a, chumi ber chu ania, Oscar te chu ngaihtuah suh awmpui tur an awm tho kha" awlsam zet chuan a rawn ti a, a ngaihsam leh lutuk chu ka rilru ti hah tu pakhat ani lawi si.




"Aw ka lo kal ang" ka tih hnu chuan phone chu Kan dah a, chawlh neih ve pawha la buai hram zel hi chu a ninawm ngawt mai.






*******************







Zosangzela






CHAPTER 14





By Zualtei Hmar






Dawr ka va thlen chuan kan puanthan ho chu inchhung lamah an lo la lut mek a, lawmzuali chu pawisa vel ti felin alo buai khawp mai.




"E ilo thleng maw, hei kan thil chah kha rawn tel loh an nei a" ka lut chiah chu alo ti zung zung a, ka va pan phei thuai.




Rawn deliver tu te kal hnu chuan lawmzuali bulah ka kal a, "enteh, I u lo thawn tu kha Rempuia lek alawm" ka ti chu a meng phawk teh e




"Ui, lalrempuia mai mai chuh, zaklo lutuk" thinrim zet chuan a rawn ti a, keipawh in ka lo thlawp khawp mai.



"Mi inngaizawng inkar a ti chhe ṭhelh alawm kha" a rawn tih zawm leh hlak hlak a, ka sawi tam pui lem lo, tunah chuan Zosangzela nen pawn kan inngaih tawh thoa, hun kal tawha lo in tih buai tir kha ka duh tawhlo.




Kan thil tih Kan tihfel meuh chuan dar4 alo ri thuak tawh, Oscar pawh alo harh tawh ngei ngei ang.




"Ka lo va haw ang aw" lawmzuali thil chhut fel mawlh mawlh bulah chuan ka ti a, alu alo bu nghat nghat.




"Keipawh ka zawh ah ka rawn haw thei ani mai, naktuk hi awl thei tur in kan tifel law law ange" alo ti zat a, "awle" tiin dawr chu ka chhuahsan a, Oscar chu ka ngaihtuah ru khawp mai, hmanhmawh takin ka haw ani ber.




In ka thlen chuan tumah ka hmu mai loa, kan room lamah Inthlak tur in ka chho zawm zat a, ka intih fai hnu chuan inhnuai lamah ka chhuk leh a, Kan awmpui pawh alo awm tawh.



"Khawnge Oscar hi" hawi kual pah chuan ka zawt a.



"Study room lamah, apa nen an awm" alo tih chuan "Zosangzela alo haw tawh maw" ka ti hu a, a lu a bu nghat.



Study room lam chu ka pan phei a, sawi ang nge nge in Zosangzela leh Oscar chuan dawhkan ah lehkhabu inchhawp in thil an lo in zirtir a, an hnung aṭang chuan ka thlir reng, an hmuhnawm dun takzet.




"Hnung lam aṭang khan min en reng dawn ami" Zosangzela chuan lo hawi miah silo hian a rawn ti a, ka phu zawk nghe nghe, hnung lam aṭang mit a nei amawn le, engtin nge min rawn hmuh theih ni, thawm dim tak khan ka lut ve sia.



"Ilo va haw hma ve" ka pan phei a.



"Mummy khawnge ilo kal daih a" Oscar chuan min rawn en in a rawn ti a.




"Nia, mummy hi dawrah a kal lawk alawm" a sam chul pah chuan ka ti let thuai




"Ka lo haw hma dawn ka tih kha, ka hawin ilo awm siloa I tlan bo ta emaw ka ti lawm" Zosangzela chuan thutak deuh hian a rawn ti a, ka nuih aza takzet.



"Reilote min hmuloa, in pafa in inlo mangang nghal chu nisia" fiamthu chuan ka ti a.




"I kal bo loh angai anih chu" tih pahin a lamah min pawt phei a, ka lo ṭe deuh ṭhat.



"Min ti hlau alawm" tih pah in a darah chuan ka beng a, a hmui ala pet sawi duh chauh lehnghal.



"Ka ngai tawh che" min en ngur chuan ati a, naupang titau a ang takzet.



"Oscar a awm ve reng hi" tiin ka lo khap thuai a, eng teh ual ah a ngaih hmel chuangloh.



*An pafa thil inzirtir chu inhnuai lamah ka chhuk san a, ka nu pawh alo haw chiah



"Ilo haw maw" nui var chuan ka nu rawn thleng chiah chu ka lo be thuai



"Aw, vawin Kan chhuak vek sia, I lungte alo leng em" a rawn ti lut sar sar a, keiin a len loh thu sawiin ka lo chhang let thuai.




"Kan hna hi chu, chawlh mai mai theih ani ve mang silo â, mi nunna Kan kutah a awm miau a" ati luam a, keipawh in ka lo thlawp khawp mai, "ka va Inthlak ange, I pa pawh alo haw ṭep ang" tiin an room lam a pan zui nghal a.




Ka pa lo haw hnu chuan chaw ei Kan siam zui a, tlai lam chu ka eirawng bawl hlir a inchhawp ve ṭhap tawh a, a nuam duh veng veng khawp mai.




"Ruby siam vek anih hi, a tui viau ang" Zosangzela chuan an ti hmasa te te a, midang ho chu an nui ṭha mai, a chhungte laka min fak a duh ve si thiam silo chu nuihzathlak tak ani.



"I siam tui hle mai" te chu an han ti ve luam hlawm a, keia lawmna erawh a thlen awlsam hle.



"Naktuk hi mami Birthday" ka nu chuan thil hrechhuak thut ni awm hian chaw ei lai chuan a rawn ti zawk a.



"Animaw" ka pa in lawmzuali a rawn en thung.



"Ni reng e, in hriat loh teuh zia hi, in fanu neih chhun" lawmzuali chuan lungawi lo tih hriat zet hian an ti a, a chhungte bula a awm dan chu ka chhungte bula ka awmdan chiah ani, ka chhungte ka ngai thar ngei mai.



"I upat tawh em kha, 30 I pel tawh dawn" Zosangzela chuan ngaipawimawh lo zet hian a rawn ti a, lawmzuali chu a meng no lo teh e.



"Ka la upa thlawt lo, 26 ka ni dawn chauh, kei ai upa pasal nei har pawh an tam" lawmzualin a rawn ti hlar a.



"Pasal lam ka sawi miahloh kha" Zosangzela chuan nuih insum zet hian a rawn ti a, midang ho chu Kan nui ṭha tawh.



"Misual, ilo kal ve lo ang I nupui chiah a rawn kal ang" lawmzuali chuan a u chu an tih khum vel a, pakhat lah in ngatan mah a ngai bawk silo, naupang ang mai alawm an la nih.



"A tawk e, chaw ei ru, in hau rual pawh in nih tawhloh kha, Ruby leh Oscar pawn mak ti deuhin an en cheu nia..kha" ka pa chuan dam hlup hian a rawn ti a, ka nuih aza ru takzet.



*Dar9 a rik meuh chuan mu turin an room lam an pan hlawm a, hna thawk hah vek an ni bawk sia an chau hlawm khawp ang.



Oscar mut hnu in keini pawh Kan room lam kan pan a, khumah chuan mu in Zosangzela ban chu ka kham a, Kan ngawi dun reng na in kan ngaihtuah na ve ve chu a kal muk tih a hriat takzet.



"Enge I ngaihtuah a" a rawn ti thum dut a, ka thil ngaihtuah lai ka tawp Chiang hle.



"Nangzawk" tiin a zawhna chu ka lo chhanglet ta khauh a.



"Ka nupui hi ka lo ngaihtuah mawle" ti a min rawn en chuan keipawh in ka lo melh thuai a, nuihza hmel a kai lek lek.



"Hmmm.." ka hmui ti sawi nang chuan ka lo ti thung a, minla rawn fawp zeuh zui, hepa ṭhin hi chu a



"Lawmzuali nen hian naupang in ang ṭhin ngawt mai" nui pat pat chunga ka tih chuan a duhlo hle tih a hmelah a lang, a ner sawk mai.




"Ani chu naupang ania keichu ka nilo" ati deuh hmuk a. Hepa ṭhin hi chu a.




**************

Tukṭhuan kan ei lai chuan lawmzualin "lo kal ngei ngei rawh aw, Bi" ala rawn ti hram a, nizan aṭang tawhin a ngen in min ngen ani ber, Zosangzela phalna loa kal erawh ka tum hauhlo.




"In ṭhian ho chu in dine out dawn ta ami?" Ka pa chuan alo ti thuai a




"Awww, pa Ruby hi lo kal ve rawh se aw, ka bestfriend ania ani ber a tel loh te chuan" lawmzuali chuan a tih zawm leh zat a, a thil tih dan mai mai chu, minti zak lek lek.




"Chutiang, I pa thu ani nang, I u nupui ania I u thu lawm" ka nu chuan nui ruh ruh chung hian a rawn ti a, lawmzuali lah chuan a u chu a be duh dawn der silo.




"I nupui hi ka hruai tho ang" Zosangzela melh kar chung chuan ati a, pakhat pa lah chu a ngawi reng thung.




"Rawn haw tlai suh ang che u" a hnu chuan a rawn ti ta hmuk a, a thusawi chu thu tawp a ang mah mah zawk.




*Chaw ei kham chuan lawmzuali chu a ṭhian dangte nen an leng chhuak dawn a, kei erawh pasal nei ka nih tawh miau vangin ka kal ve zel a rem tawhlo thung, Oscar-te chu an chawl a, inah kan pa2 chuan kan awm a, ka nu te in lama Len phei chu ṭha in ka hria, Jerome pawn min ngai tawh viau sia....




Ka nu te in kan thlen chuan naupang pa2 chu an inkawm dun nghal a, Jerome a ber pawh chuan min ngaihsak leh tawh chuanglo.



"Tinge inlo kal teh mial a in nufa chuan" nuih insum zet hian ka nu chuan a rawn ti a.



"Jerome in min ngai tawh sia, bakah kan in lam chu hnathawk in an chhuak vek a, a khawhar thlak lutuk" ka ti zung zung a, ani reng bawk a, Oscar hi awmlo phei se chuan lunglen vangin hla ka phuah thei hial ang.



"Lo kal zeuh zeuh ula ṭhat dawn chu" u sangtei chuan a rawn ti liam mai a, mahse kal reng erawh ka tum chuanglo, pasal neiin in hrangah ka awm tawha ka nu leh pa ina kal reng chu thil mawi pawh anilo.




*Dar2 rik dawn ṭep chuan ka nu in minlo call a, mak ka ti deuh, tun angah enge maw ni.



"Hello"




"E, Ruby khawnge in awm a" ka nu chuan alo ti var a



"Ka nu te in lamah kan phei lawk a, enge nita" zangkhai zet chuan ka lo chhanglet.



"Ka lo haw a, tlai lamah lawmzuali bulah I kal ve duh dawn sia, Oscar ka lo awm ang chu ka ti deuh" a rawn ti zung zung a, ka Inthlahrung ru takzet, ka Len chhuah duh vanga Oscar lo awm tir te chu.




"Angailo asin, ka hruai thei reng alawm" Inthlahrung tak chuan ka ti a, ka tan pawh a nuamlo.




"A ho lutuk, hei ka lo haw tawh alawm, bakah Oscar kha chu tlai lam chhuahpui vak chi pawh anilo, âwm na ala hma lutuk a" a rawn tih chuan keipawh in ka hnial buai ta biklo, keiai in oscar dinhmun chu an hre zawka, ka thua ka kaltlang pui anih chuan thil ṭhalo ka thlen leh mai mai chu ka hlau ani.




"Aw anihchuan, hei thil Kan ei mek a, kan ei kham lamah kan lo haw ang" ka tih hnuin phone chu Kan dah a, ka nu leh nu sangtei chuan zawhna ngah hmel tak hian minlo en a.



"Ka nu" ka ti sap a, an bu ta nghat.





*Thil ei zawh chuan Oscar nen Kan haw dun a, haw kawngah chuan Jerome fel zia te a sawk ve luam a, an inkawm tawk viau e tilo hian an inhau ngai hauhlo hi a mak zawk, anni ang rual te chu thil ken in awhsak rual lek hi anla ni si a.




In kan thlen chuan nu siampuii chu a phone bih hian sofa ah alo ṭhu a, Kan luh chuan alo hawi thuai a.




"Boihte, khawnge in Len a" Oscar bulah chuan nui heu hian alo ti thuai.



"Pipi te inah" Oscar chuan a chhanglet a, api bulah a kal phei nghal bawk.



"I buai awm sia, ka Inthlahrung e" ka nu bula kal phei pah chuan ka ti a



"A ho lutuk, nula ang chiah khan I awm vel ang chu le" nui huah huah chuan ati a, ka tan hi chuan a thlamuan thlak ṭhin ani.




Ka nu thingpui intur ka lumsak lai chuan lawmzuali pawh alo thleng a, a rawn hmanhmawh khawp mai.



"Bi" a rawn ti lut chul a, ka nu in choka lam ah ka awm tih a hrilh chuan alo phei thuai.



"Kal hma ang" a rawn ti chung a, kei ka lo la inpeih bawklo nen min rawn tur hmanhmawh hle.



Ka nu thingpui intur ka pek hnu chuan ka insiam thuai a, Oscar mut lai chuan kan inzui chhuak a, Oscar hian min ngen aching ve ṭan tawh a, a hmuha kal san chi ani hauhlo.




Lawmzuali te chuan hotel room hi anlo book tawpa, dine out satliah mai mai emaw ka tia, a chhung kan lut chu mipa ho pawh anlo awm nual mai, ngawiteh ka thil hmuh saww.. Rempuia pawh maw!



"Rempuia sawn enge a tih vea" lawmzuali bengah chuan ka ti ru ser ser a, haw leh daih mai chu ka duh.



"Midang in anlo hruai alawm, kan ṭhianpa ve tho ani bawk sia, lo in hnar chu a mawi bawk siloa" ati luam a, ka rilru chuan nuamlo ka ti ṭan viau tawh.



Dar5 alo ri deuh thuak tawh a, midang ho chu an rui lo aniang, an la pangai khawp mai.



Chaw ei hma in cake te chu an han zai leh te te a, kei erawh ka rilru hmanhmawh viau tawh, ka lawina ina haw tur ka nia, a mawi pawh a mawilo hrim hrim.



Lawmzuali lah biak hran theih hauhlo in midang in an bawh buai a, ka ṭhian ṭha te pawh an awm mang lo, lawmzuali ṭhian te hlir an nia, kan in nel vaklo nen ka zum ru tlat pek.





Chaw ei kham chuan zu leh beer chi hran hran chu an la khawm a, nula leh tlangval, chhia leh ṭha hre vek an nia rui duh mahse pawi chu ka tilo mahse keimah ber hi ani, haw ka duh viau tawh tlai tak thleng thleng awm ka tan a mawi ve siloa.




Siamin ka beng bula lawmzuali rui chhat thla ṭep min rawn hrilh chuan a awmna ka zawt vata, lallawmzuali pawh hi in ve zeuh a ching a, a chhungten an hau ngei ngei ang, keimah thleng pawhin ka tuar dawn anih hi.



Siami min hrilh na bathroom lam chu ka pan thuai a, bathroom banga alo mu zawi hniang chu ka hmu a, kaih thawh mai ka tum chu ala tho theilo zui.




"Lawmzual I harh em" a biang a sawi nawk nawk chuan ka ti a, ala harh theilo zui, henu hi engtiang a tam chiah nge maw alo in ni.



Tap a tui chu herh haw in a hmai ah ka theh ṭhet ṭhet a, a rawn meng thei hram tawh.



"Lawmzual haw ang, I rui lutuk ania" kaih thawh tum chuan a kawngah ka vuan a, ala che eih lo zui.



"Khawnge siami te kha" hawi vual vual chunga a rawn tih chuan khawn fawk mai chu ka duh.



"Chutiang lam ngaihtuah suh, haw ang" pawh thawh pah chuan ka ti leh a, ani pawh a rawn tho chhuak a, bathroom aṭang chuan kan in zui chhuak a.



"Ngawiteh, ka bag khawnge" in dap ruk ruk a hawi kual pah chuan ati a, ka va han ning tak.



"Khawnge I dah a" ka ṭap thei tak ngial dawn, henu hi.



"Karaoke room ah khan aniang" tia kal a tum chu a tlu ṭhelh lo chauh mai leh nghal, ka va vuan hman hram a.



"Tah hian lo awm la, ka rawn kal leh ang" tiin cough ah chuan ka ṭhut thla a, engmah a sawilo.



Karaoke room lam chu ka pan thuai a, an lo la awm nual bawk nen thawm pawh ala ring ṭha khawp mai, lawmzuali bag leh ka bag chu ka la a, lawmzuali awmna lam chu pan tumin ka chhuak a, ka hnunga min rawn be tu vangin ka ding chawt.




"Zanin chu haw lo mai la" Rempuia ni.




"Enga" hawi let in a thil min zawh chu ka zawt nawn leh a, ka hriatloh vang erawh anilo Chiang hle.



"Inpa chu ka lo hrilh mai ang" nui suk hian a rawn ti a, a zaklo ka ti takzet.



Chhang buai peihlo in lawmzuali awmna lam chu pan ka tum a, ka ban ah ala rawn vuan ngam anih chu, hepa mai mai hi.



"Min thlah vat rawh" tiin a ban min vawnna chu dah thlak ka tuma ala vuan nghet em em zui.



"Zankhat chiah te chu" ka beng bulah a rawn ti zawi sap a, zu rim chu nam nasa tak ani.



"I zaktheilo lutuk" tiin a kut chu ka pawt a, a mitmeng tenawm lutuk a min melh na te chu ka hlau takzet, ngei lamah pawh a kal tawhlo hlauh lamah a kal zawk.



Chutia kan inchei buai lai chuan Rempuia chu tu emaw hian a rawn hnek thal ṭhuai a, ka hma ah chuan a tlu Chiang hle, a hnek tu ka en chuan Zosangzela ani, enge hetah a rawn tih.



"Ka nupui hi engtin nge I khawih ngam zawka" seh chilh deuh rap hian atia, a kawng dawmin a thaw chhuak hrawk bawk.



"I nupui khan min thlem zawk anih kha" lalrempuia chuan a awmna hmun aṭang a rawn ti nihchu, rapthlak hian.



"Zaktheilo pa, kei hian voi1 pawh ka thlem lo che" ka thinrim lutuk chu ka au ṭhat, mipa chu ni ila ka kut ngei hian a hmai ah khuan ka hnek ang.



A kam sir pilh chu tuai vut in, "a ṭha lawm" tiin a ner nang a, enge a sawi awmzia chu ka hrelo hle.



Zosangzela chuan min pawt nawk a, min chhuah pui chu a tum a, a hmel en chuan a thinrim takzet tih ka hre thei, chuan keimah pawh hi min haw hle in ka ring.



"Law.. lawmzuali" zawi te chuan ka ti a, tunah hi chuan keimah zawk pawh hi min hnek thlu tawp duh hmel a pu tlat a, ka sawi ring ngamlo re re.



"Khawnge" a hmel en aiin a aw chu a dam phian.



"Room ah sawn" tiin lawmzuali awmna room lam chu ka kawk a, phun hlukin a lut zui nghal bawk.



Ka lut ve ang nge lut ve lo ang tih ka inngaihtuah chhungin Zosangzela chuan lawmzuali chu a rawn pawm chhuak a, lawmzuali tal eih eih chuan ka rilru alo ti hah hle, a u hi tunah tak chuan a thinrim hle ania.. saw tia alo tal phei saw chuan a sawi nek duh in ania ka rin.



Car awmna Kan thlen chuan kawngkhar ka lo hawn sak thuai a, lawmzuali chu a hnungah a mut tir a, a muhil zui nghal aniang thawm a nei leh tawhlo.



Car chhung kan luh hnu chuan kan tlan chhuak zui a, engtia ṭawng kam han chheh chhuah tur nge ka hre mai lo, ka chungah a thinrim angem nge ni a min hrethiam viau zawk ang.



"Engtin nge I rawn kal theih a" ka ti ta tawp a, tunah chuan a thinrim hmel lutuk pawh a zia tawhin ka hria.



A ngawi vang vang a, min chhang dawnlo aniang ka tih hnu ah "Rempuia khan min hrilh" a rawn tih vang chuan ka meng phawk kher mai, engtin nge?



"Engtin nge a hrilh che" ka mak tihna vang chuan ka hawi phawk hra mai.



"Ka rawn call che a, kha pa khan alo la" ati hmuk a, a thinrim na te chu rawn let leh mai ni awm tak hian a in seh ruh a.



"Engtin nge alo lak thei" keimah chu ka inzawt ani mah.



"Ruby, chu reng chu ka zawhna ani, khapa nen khan eng inzawmna nge in neih" a aw chu chang ṭha tak ani, ka hriat ngailoh phei chu nise ka hlau khur hlawk hlawk thei ang .



"Eng inzawmna mah kan neilo" ka mittui chu a tling leh pam tawh,



"Inah kan sawi ṭha ang" ati leh hmuk a, ka ṭap dawn tih a hria niang, kei erawh in inah pawh sawi leh ka duh tawhlo thung.



In kan thlen chuan lawmzuali chu a pawm lut leh a, a room lamah a mut zui bawk, ka nu leh pa sitting room a minlo nghak reng ka hmuh chuan ka inthiamlo takzet a, ka zak em em bawk.



"A rui ami" nu siampuii chuan Zosangzela, lawmzuali room aṭanga rawn chhuk mek bulah chuan alo zawt thuai a pakhat pa chu a bu nghut, a nau te chu thup mawi ve awm ania.



Nu siampuii chu a hmelah a lungawi vaklo tih ka hrethei a, mo tirh aṭang a lungawi loa ka siam nghal ringawt chu ka zak takzet.



"Han mu ru, Mama" pu Abraham chuan Zosangzela leh keimah min en tawn chung chuan a ti a, keini pawh engmah sawi tawh loin kam room lam chu Kan pan a.



Room kan thlen chuan Inthlak turin bathroom lam pan ka tum a, mahse Zosangzela min pawh herh na vang chuan ka tlu ṭhelh nghe nghe.



"Khatiang hmunah khan I kal tawh lo ang" thu pe aw zet hian a rawn ti a, sawi lo pawh nise kal ka tum tawhlo hrim hrim



"Awww" tiin ka chhang let a, min hmerna lah chu a na lek lek leh nghal.



"Rempuia kha I hmu tawh tur anilo bawk, mi ṭha anilo" thutak run chuan a rawn ti leh a.



"Aw hmuh ka duh tawhlo hrim hrim, keipawh hian kha mihring kha ka mil hauh biklo" ka ti ta a, ani pawh in min thlah tawh, bathroom lam pan in ka inti fai thuai a.



*Zinga chaw kan ei lai chuan 'de' pawh ka ti ngamlo re re, hawi pawh hi ka hawi chhuak lo ani ber awm e, lallawmzuali lah chuan Inthlahrun a hnek in "nizan khan Kan haw lai awm pawh ka hrelo" te chu ala ti ta deuh deuh a.



"Khatiang a I awm leh anih chuan I chhuak tawh lo ang", Zosangzela chuan thu pe tak hian a rawn ti a, lawmzuali chuan a nu leh pa hauhna ai pawhin a u hauhna chu a hmelah hnial chi anilo tih a hria niang engmah a sawi buailo.



Engmah sawilo chuan chaw chu Kan ei a, tunah tak hi chuan awm veloh mai ka duh, ka nu leh pa chuan min be ṭha viau mahse rilru tak tak in nuam ka la ti chiahlo.



************

Kan dawr pawh Kan hawng leh tawh a, mahse Kan buai em em tawhlo, Zosangzela chuan hna thawh chu phal vaklo mahse keiman nuam ka tih tlat vang leh engmah tiloa awm ka duh loh vangin ka hnial tlat.



Tlaia chaw kan ei lai chuan kan Sangha hmeh rim chu ka ti theilo tlat pek, nidang a ei duh hle ṭhin si kha.



Ka pum lam aṭang hian a rawn ni bulh ni ber in ka hria, ka luak a rawn chhuak nghal a, engmah ka sawi hman tawhlo bathroom ah tlan lutin ka va luak nghek, ka pum chu a diklo ni berin ka hriat, Zosangzela chu rawn kal vaktin ka sam min rawn vawn sak a, keichu ka zawi nghal thlawp thei.



"Tinge a, ei sual I nei ami" ka hnung rawn chul heuh heuh chuan a rawn ti a, ka neih awm pawh ka hre siloa.



Kan chhuah leh hnu chuan midang ho chuan mak ti takin min en ṭhap a, "Mummy tinge" Oscar pawhin a rawn ti thuai a, alo mangang ve aniang.



"In test rawh aw" ka nu chuan dam hlup hian a rawn ti a, a thil sawi awmzia chu ka hrethiam vaklo.



"Enga" ka ti deuh hu a, lawmzuali leh ka pa chu an lo nui ṭha tawh mai.



Zosangzela chu ka en thuai a, ani pawh alo nui deuh, enge maw an hriat hlawm ni.


"Naute thar kan nei dawn e" lawmzualin hlim hmel taka a rawn tih chuan ka hrethiam ve chauh, keihi ka rai maithei amaw.



Chaw ei kham chuan test kit chu ka nu in min rawn pe a, midang ho phur lutuk chuan minti hlim zawk takzet.



Bathroom ah chuan kal in test kit chuan ka in test ta a, ka en dawn chuan ka thin hi a phu dut dut ni berin ka hria, lo rai leh lo ta ila ka chhungte hlim hmel saw engtin nge ni ang tih te chu ka ngaihtuah a.



A tawpa tawpah chuan ka en a, rin sen pahnih hi alo awm kulh mai, ka thin chu ahma aiin a phu nasa daih zawk, hlim tur nge engtia awm tur nge pawh ka hrethiam lo.



Ka awm rei ta deuh aniang, pawn lam atang "Ruby" ka nun a rawn tih chuan hmanhmawh takin ka chhuak a, midang ho chuan min en ṭhap a ka chhanna an nghak tih pawh ka hria.



Test kit chu ka nu ka pe a, ani pawn alo la nghal thuai "naute thar kan nei dawn e" ka nun hlim zeta a rawn tih chuan midang ho pawh chu an hlim ngei mai, lawmzuali phei chu Oscar pawm chungin a au chul.



"Naktuk ah in rawn in checkup dawn nia, ka ṭhiannu ka lo bia ang" ka nu chuan ati zung zung a, ka rilru chu ala pangai theilo, ka khur thei hial in ka hria.



"Kan kal dun dawn nia" Zosangzela chuan min en chung hian a rawn ti a, a hmel dam hlup chu a hahdam thlak takzet.



Kan room a mu tura Kan kal te chu kehthei dawm hian min dawm ani ber, ka rai tih kan hre dek dek a min duat nghal em em chu ni sia.



Kan khumah chuan min nghat thla a, ani pawh alo ṭhu thla thuai, "ka lawm e aw" a aw aṭang chuan a lawm tih a hriat.



"Keipawh ka lawm alawm" nui lek lek chuan ka ti a, keipawh hi ka lawm takzet, ka lawm dan te hi ka ti lang thiamlo ani ber.



"Oscar chunga ka tih theihlo zawng zawng kha Kan naute chungah hian ka ti ang" ka kut vuan chunga a rawn tih chuan a sawi awmzia chu ka hrethiam lo lek lek



"Enge I sawi awmzia" ka ti hu a, a nui suk mai.



"Kan naute hi ka duat dawn ka tihna nih kha" a rawn tih hnu chuan kan nui duna, mu turin Kan in siam fel nghal bawk.



A tukah chuan in checkup tur chuan ka nu rualin kan chhuak a, ani in ṭhian ṭha tak tak anei a, ka tan pawn a awlsam khawp mai.



"Nangmah I ṭha tiraw" doctor chuan nui sang hian min zawt a, keipawh in ka chhang thuai.



"In enkawl ṭha hle ang che u, Ruby hi I taksa a chaklo a, naute pai I harsat ania" thutak zet hian a rawn ti leh a, a thil sawi vang chuan ka hlauthawng ve deuh.



"Enge I sawi awmzia" Zosangzela chuan alo ti thuai a



"Ah, thil hlauhthawn awm chu ani em em lo, nau pai a harsat deuh a chuvang chuan in enkawl ṭhat hle in tum dawn nia" doctor chuan a rawn ti leh a, Zosangzela pawh a thutak khawp mai.



Doctor in a sawi hnu aṭang phei chuan min ngaihtuah leh zual a, engmah tih a phallo a ni ber, dawr kal pawh a phal lo bur a, mahse nau pai tir mai ka la nih vangin doctor in a pawi loh thu a sawi vang chauhin ka kal ala phal




Dawrah pawh ka thawhpui te ho chuan min duat thiam khawp mai, thil hahthlak leh rit lam chu min chhawk zela, an chungah pawh ka lawm takzet, Zosangzelan minlo hruai ziah bawka lalnu ang mai ka ni.



*************



In lo dam ṭha hlawm maw😂? Zanin chu ka dah hnem vaklo, Ruby rai lawmnan like lem comments kha han pe chur chur teh u



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:51 pm

Zosangzela







CHAPTER 15






By Zualtei Hmar





Ka nau pai pawh thla5 ani tawha, ka pum pawh a puar ve ak tawh mai, Zosangzela chuan thla2 a tlin khan dawr kal a phallo bur tawh mai a, mahse a chang zeuh zeuhin dawr ah chuan ka la kal ṭhin. Ka nu leh pa, lawmzuali thlengin ka nau pai doctor in in enkawl ṭha turin min hrilh bawk nen, engmah ka tih an phallo hi ani tawp.



*Dawr ka kal ni chuan midang ho chu puanthan en in anlo chhuak fai vek a, lawmzuali chiah alo awm.



"Ka u in a hriat chuan aw..." ati deuh renga, ani pawh hian min ngaihtuah em em a, dawr ka kal hi an remti tlanglo viau zel.




"Ka dil ve thlap alawm, a phal" ka tih chuan min awihloh hmel zetin a ner nang a, kei erawh ka nui liam mai thung.



An thil tih sa ho ka en fel lai chuan "kan va inhmu khat ve" rawn ti tu vangin ka hawi chhuak thuai, Sophie maw, enge a rawn tih?



Lawmzuali pawhin a beisei lo ani ngei ang a meng phawk kher mai.




"Enge ilo tih" ka aw aṭang chuan a rawn kal chu ka lawm vaklo tih a hre ngei ang.




"He lai velah hian ka kal a, ka rawn lut kawi zawk anih hi" a hmel nui sen sen te chu min rap titih.


"Kan lawm vaklo che tih I hriatthiam mai ka ring" lawmzuali chuan ei loh hmel zet hian a rawn ti a, ka dang duh hauhlo.



"Ti teh, lawmzual I u ang tho ka nih hi" nui chunga a rawn tih te chuan a ngeiawm takzet, engtin nge chutiang te chu ala rawn sawi ngam zawk.



Lawmzuali chhan hma chuan "ohh naute thar kan nei dawn animaw" tih pahin ka dul zawn chu a rawn en a, kei dawhkan chhanah ka lo inhliah thuai thung.



"Ka lawmpui che, Ruby" a mitmeng verther lutuk chuan min en reng a, min ti zam lek lek.



"Min chhuahsan mai teh" lawmzuali chuan alo ti thuai a, kei erawh ka ngawi reng thung, chhan dan tur pawh ka hrelo, a zaktheilo lutuk chuan minti dang ani ber mai.


Nui chung chuan a chhuak a, a hmel rapawm lutuk chuan ka thau ah min man a, engtin nge a rawn lan thut theih dan te chu ka ngaihtuah a, rai lai ka ni bawk nen ka rilru a kal kual nasa khawp mai.



"Enge maw a rawn tih ngawt ni" lawmzuali aw aṭang chuan a hrilh hai ve hle tih a hriat.


*In ka haw hnu chuan ka lu nat deuh vangin ka mu a, ka lo muhil ni ngei tur ani Oscar thawm vang chuan ka harh zawk mai, kan room ah apa nen an lo inzui lut mek hi alo ni a, min rawn hmuh chuan anlo nui ver ver mai.



"I damlo ami" Zosangzela chuan alo ti thuai a, a hmelah min ngaihtuah tih ka hrethei.



"Aih, ka mu hahdam mai mai anih hi" ka tih chuan ani pawh a inthlah dul deuh, min ngaihtuah leh lutuk ṭhin hi chu a ninawm lamah a kal mah mah.



Sophie ka hmuh thu chu ka hrilh angem tih ka inngaihtuah a mahse engtin mah min ti pawh ani siloa, sawi ringawt chu a ṭha ber pawn ka hrelo.



Tlai chaw ei dawn chuan lawmzuali pawh alo haw a, Sophie chungchang a rawn sawi mai chu ka hlau deuh a, ka mit meng in ka lo khap thuai a, ani pawn a hre thiam aniang engmah a sawi biklo.




Zana Zosangzela leh Oscar study room ah lehkha an inzir tir lai chuan lawmzuali chu kan room ah a rawn lut a.



"Ka u I hrilh em" a rawn ti thawr a, kei erawh in ka lu ka lo thing thung.



"Hrilh la ka duh Ruby" a tih leh chuan a ngaihna ka hrelo hle, Zosangzela hriat chu enge a ṭangkai na ka hrelo




"A ngai pawn ka lo hreloa" ka tih chuan hahthlak tih hmel zet hian min en a.




"Ka u hian a duh tawhlo tih chu nang leh kei hian Kan hrechiang viau a, chuvang chuan hrilh a pawina ka hrelo" a rawn tih leh chuan keipawh in hrilh chu ka tum ta a.



Lawmzuali chuan a chhuah dawn in "Sophie hi mi rapthlak lutuk anih hi aw, a thusawi awih reng reng suh ang che" ti chuan min chah a, keipawh ka bu nghat.





Zosangzela ron luh chuan bathroom lam pan mai a tum chu "biak lawk che ka duh a" tiin ka lo pawt ding a, a mit ko San ak chuan sawi turin min ti a.




"Va intifai phawt rawh" ka tih hnu chuan a lut zui ve a, sawi dan tur mai ka hrelo, a thinrim angem.




A rawn chhuah hnu chuan ka bulah a rawn ṭhu nghal a, "sawi rawh" a rawn ti thawr a.



"Vawin ah Sophie alo kal a" ka tih chuan a thutak tawh hle.



"Enge a rawn tih" a hmelah chuan a rawn kal chu a lawm vaklo tih a hriat.



"Eng vak mah, a rawn kal zawk" ka tih chuan alu a bu nghut a.



"Nidang ah chuan hmu tawh suh ang che" thupe aw zet hian a rawn ti a, keipawh in hmuh leh chu ka duh tawh bik lo.



*Zan Kan mutna ah chuan kan bulah Oscar in mut a ngen ve tlat a, a ngen khat bawk nen pawi Kan tiloa, Kan pa3 a khum khata mut ho leh chu a nuam duh khawp mai, Oscar chu a ṭawng ve bauh bauh a, keini in a thusawi kan ngaithla reng thung.



"Ka nau tur hi ka hmu chak tawh e" te chu a ti ve a, a thiam ang tawkin min duat ve ṭhina, a nau lo piang tur chu a nghakhleh ve takzet ni tur ani.



************

Vawin hi Oscar school pangai kal hmasak ber ni tur ani a, keimah ngein hruai chu ka duh tlat a, Zosangzela chuan a phallo khawp mai a, Mahse a school luhna hmasa ber tur ani bawk sia ka thlem thlu thei hram.



School Kan thlen chuan Oscar pawh a phur ngei mai, an classroom turah chuan ka dah a, keiin pawn lamah ka lo nghak thung.



Rin aiin an rei phian a, darkar 2 dawn chu ka nghak tawh. Ka phone rawn ri chu ka en thuai a, lawmzuali ani.



Ka lak chuan dawra lo kal thuai turin min tia, a hmanhmawh hmel em em lehnghal, Oscar ka nghah thu ka hrilh pawh chuan an zirtir tu te hnena sawi mai turin ati tlat a, chutia hmanhmawh em em chu enge mawni.



Oscar te miss bulah chuan ka let leh thuai tur thu ka hrilh a, anni pawhin an la ban mai loh tur thu an sawi avang chuan kan dawr lam chu ka pan a.



Dawr ka thlen chuan kan thawmhnaw thawnchhuah tur ho an cancel hi alo ni a, an ti mak ka ti khawp mai, Kan inbe fel vek tawh a chutia an ti mai chu.



Kan thawnchhuah na tur lam kan biak pawh lah in, an thu anih loh thu an sawi zel bawk sia, rin ai takin ka awm rei ta phian, Oscar hruai tur ka nih vangin tifel mang lo chuan dawr chu ka chhuahsan a, hmanhmawh lutuk in oscar te school lam chu ka pan a.



School ka thlen chuan an lo la bang loa ka thaw huai mai, ka ṭhutna ngaiah chuan ka ṭhu leh a, an ban hun chu ka nghak a chumi pah chuan kan dawr lam buaina pawh inbiak fel tumin ka buaipui pah a.



Reilote ah an rawn bang sap sap a, Oscar hmel ka hmuh mai loh vang chuan naupang zawng zawng rawn chhuah hun chu ka nghak a, mahse Oscar hmel hmuh tur reng reng a awmlo.



An zirtir tu rawn chhuak chu ka lo be thuai a, a thil sawi vang chuan ka rilru a hah nghal tup tup mai



"Oscar chu I rawn thlen hma lawk khan hmeichhe pakhat in a rawn hruai alawm" an zirtir tu pawhin a ngaihna a hriatloh hmel ngei mai.



"Engtin nge I hruai tir ringawt theih a" ka aw chu a vin lek lek, mahse tunah chuan ka rilru hah bawk nen engmah ka ngaihtuah theilo ani ber.



"Nangman i I phal thu a sawi a, 'va hruai rawh se' min ti ati tlat alawm" an zirtir tu hmel chu a Inthlahrung khawp mai.



Tunge ni thei ang tih ka ngaihtuah a, ka rilru ah mi pakhat chiah alo lang Sophie ani, ani hian buaina min rawn thlen hi ka ring reng ani.



Zosangzela call tura ka phone ka la chhuak chiah chu number hlang hian minlo call chiah a, ka la thuai.



"Tunah chuan I mangang hle tawh ang chu tiraw" a aw aṭang chuan tunge anih ka hrechiang khawp mai.



"Oscar kha engtin mah ti suh ang che" ka aw chu a ringlo mahse a Chiang khawp ang.



A rawn nui hak a, ka thinrim bawk si ka rilru hah bawk si chu engtia tih tur nge ka hrethiam lo.



"Pawna car lo dingah khan lut ang che, I rawn kal lo anih chuan Oscar hi a thi ngei ngei ang" a aw aṭang chuan engmah pawisak a neilo tih a hriat, chu chuan minti hlau takzet bawk.



Ka chhan hma hma in phone chu a ti tawp a, ka hamhaih bawk nen ka chiai vek ani ber, pawn ka va chhuah chuan a sawi ang ngeiin motor chu alo awm a, a chhungah chuan ka lut thuai, ka rilru chu a chawmawlh vek ni berin ka hria, engtia awm tur nge tih leh enge ka tih tur chu ka hrethiam lo.



Reilote ah Kan thleng a, min hruaina hmun chu hriat pawh ka hre ngailo, mahse ka rilru ah chutiang engmah a lang hman tawhlo ani ber.



A chhung kan luh chuan room pakhat ah min hruai a, room chhung ka luh chuan alo ruak vek, min hruai tu te chuan kawngkhar min kalh hnan a, room chhunga ka awm hnu chuan ka bag car ah khan ka theihnghilh tih ka hre chiah, engtin nge ka theih zawk.



Lawmzuali tal kha lo hrilh ni ila ṭha tur, Sophie hian ka chungah enge a tih ang ka hre der silo, a mizia ngaihtuah phei hi chuan engpawh ti duh hmel a pu bawksi, ka thlan fim te chu an rawn bawl ṭiam ṭiam a, ka Puma naute lam reng reng chu ka lo ngaihtuah tawhlo.



Rei vaklo ah Sophie hi alo lut a, a rawn luh pah chuan min la rawn nuih sak zui, a hmel ah chuan min nuihzat hmel a pu, "I a hle mai, engtin nge tumah hrilh loa I rawn kal duh zawk" a rawn tih chuan keipawh in ka at zia ka inhre chawpchilh.



"Khawnge Oscar" tiin a bul vel chu ka en thuak thuak a, nichin a min hruai tu te bak kha an awmlo.



"A pawi khawp mai Ruby" tih pah in a bul a mipa ding chu a mitmei zeuh a, chupa chu rawn kal hnai in min rawn man bet a, ka pum a rit ve tawh bawk nen ka duh angin ka tal theilo, ka nghawng ah chuan enge maw hi a rawn Chiu lut a, reilote ah ka mit rawn vai riai in ka chhing zui nghal.




Ka harh chuan ka awmna hmun chu alo dang tawha, chair ah hian ka kut chu an phuar bet tlat a, ka tal theilo, ka tha a zawi vek.



Ka awmna hmun thim nen engmah ka hmu theiloa, ka thlan tla zawih zawih bak chu keimah ah danglam engmah a awmlo, ka rilru a hah in ka tawt up up a, ka ṭah te chu a rawn chhuak nghal ani ber.



Kawngkhar rawn in hawng ah chuan ka mit ka chhing sawk a, ka men chhuah riai riai chuan ka thil hmuh vangin ka mit chu a chhuak lo chauh, enge Kima hian a tih.



Sophie nen chuan ka hma zawnah an ding dun a, an pahnih ka hmu dun chu mak ka ti takzet... Ngawiteh, hmana Kima leh hmeichhe pakhat restaurant a lo awmdun ka hmuh khaaaa.... Sophie hi aniii... engtin nge ka lo hriat thuai theihloh zawk, anih chuan hemi te pahnih hi Zosangzela nen Kan inngaihzawn lai aṭang tawhin anlo in hre tawh amaw.




Christmas dawn a, kima fa paina nu in min rawn chhuahchhal te khan, kima a hmuh zawhloh thu a sawia, anih chuan khatah te khan Sophie nen hian thil anlo ruahman dun reng ani maw, ka thil ngaihtuah na avang te chuan ka mak tih na leh hlauhna a inzat reng ang, hemi te pahnih mizia hi ka hrechiang ve tawk a, ka chungah enge an tih duh ang.



"Kan awm dun chu mak iva ti awm ve" Sophie chuan a miko min san ak hian a rawn ti a, keiin phawk zetin an pahnih chuan ka en tawn zak zak thung.



"Ka ta inih loh chuan tuma ta inih hi ka phal re re lo" kima chuan ka sam rawn chul pah hian a rawn ti a, thei ngat ila chu a kut hi lakthlak sak ka duh takzet.



"Kima I hmanhmawh anih kha, hun ala tam alawm, ka tihtur Kan ti hmasa ange" Sophie chuan ngeiawm zeta min nuih chung hian a rawn ti a, a thil sawi awmzia chu ka hrethiam lo takzet.



"A ṭha lawm, mahse ka nghah rei theihloh zia chu I hriat kha" kima chuan Sophie melh ngar chung chuan ati a, an thil sawi vang chuan ka hlauhna a zual takzet tawh.



An pahnih chuan an chhuak leh a, eitur leh intur tak ngial pawh min pelo, ka pumah mihring insiam mek a awm a, intur tal pawh ka inlo anih chuan ka naute hi engtin nge a awm tak ang.



*****************

Zosangzela P.O.V

In ka thlen chuan lawmzuali leh ka chhungte chu rilru hah hmel tak hian an lo awm a, keipawh ka rilru chu buai tak ani. A rualin ka fapa leh ka nupui an bo ani a, ka lut chiah chu lawmzuali chuan "u engtin nge ni ang" a rawn ti thuai a, a aw khur aṭang chuan a ṭah a chhuak tih a hriat.



"Ka ṭhianpa ka hrilh tawh a, rilru ti hah duh su" ka chhungte bulah chuan ka ti tak na a, keimah ber hi ka rilru a buai. Tunge ti tu chu ka hrechiang khawp mai, Sophie lo ti tur an awmlo.



Ina ṭang chhuakin ka ṭhianpa Puia te office lam chu ka pan a, ka thlen chuan minlo pan thuai a, Ruby phone location an lo chhui mek ani awm e, location in a chhui theih hnuhnung ber chu Aizawl pawn hmun hnai te ani a, mahse phone chu a battery thi emaw phone an switch off vang aniang, chu bak engmah a hriat theih tawhloh thu chu min hrilh a, ka thinrim leh nghal ṭun tawh.



"Tunah engtin nge an awm pawh ka hreloa, chutah engmah chhuih tur in hre tawhlo amaw" ka aw chu a vin hran lo, mahse ka thinrim tih chu a Chiang khawp ang.



"Oscar te school bula CCTV kha Kan check a, car chhunga I nupui ṭhu lut lai chiah kan hmu, Oscar chu engtin nge an hruai kan hre biklo" Inthlahrung zet hian puia chuan a rawn ti a, ani hi ka ṭhianpa ka hriatchian em em ani a, min tih beidawn ka ringlo.



"Tunah location in a trace theih hnuhnun ber na hmunah chuan kal nghal ang u" ka tih chuan an lu an bu nghut a, Kan chhuak zui nghal a.



"Tuna kan chhuah chuan, zing khawvar lamah kan thleng ang" Puian a rawn tih chuan chhan pawh ka chhang lo, motor seat hnung ngheng chuan ka thaw chhuak ham ham a, Ruby mawlh chu ka ngaihtuah ani.



Kan thlen chuan khua chu a lo var lek lek tawh a, kan hma zawna in chu bungraw dahna a ang mah mah zawk, hmanhmawh lutuk in kan chhuak a, a chhung chu kan lut nghal a, a thim in a rim chhe em em a, kan lut chiah chu Kan khuh nghal ṭhat ṭhat hlawm mai, mihring awmna chu pawh anilo.



Hmanhmawh lutuk in a chhung chu an zawng Kual a, keipawh ka ding awl lo, ka nupui leh ka fapa ngaihtuah in ka chawmawlh vek ani ber.



"Tumah an awmlo" pakhat in a rawn tih chuan ka lu dawmin ka thaw chhuak hrawk a, khawiah hrep nge maw an awm ni.



"Sangzel, helai hmunah hian an awmlo hrim hrim anih dawn hi" Puian a rawn tih chuan hnek thluk tawp mai ka duh, engkim hian ka thin an ti ur vek tawh.



"Zawng hmu rawh u, ni chhuah hma ngeiin zawng hmu ang che u" ka aw chu a khawk rum rum thei, insum ka tum buai hran lo.



***************

Ruby


Ka mit ka men chuan room nuam takah ka lo awm tawh, ka hnungah chuan khum zau tak a awm a mahse kei erawh a bula chair ah min phuar tlat thung, khuma mut chu ka chak takzet, ka ril a ṭam em em bawka, engtin nge Oscar a awm lah ka hre silo.



Ka lo chhing leh sek aniang, tuia min rawn theh huh ṭhat ṭhat tu vang chuan ka meng chhuak a, ka hma ah Sophie chu nui heu chungin alo ding a, a nui hmel rapawm lutuk chu ka thin a phu zawk thei.



"Eee...ee..enge" ka aw chu a chhuak thei ṭawk ani.



"Thil nuam tak kan ti dawn mawle, tun hun hi ka thil nghahhlelh lutuk pakhat ani" la nui reng chung chuan ati a, a thil ngaihtuah awm ang chu ka hre hauhlo



"Enge ka chungah tih I tum" ka hlauhna avang chuan ka aw pawh a khur thei



"Reilote chiah" a kut zungṭang chu ka hma zawnah a rawn dah a, a kut chuan an teh vel a, "reilote ana ang, a bak chu i thawveng huai ang" a rawn tih chuan ka hlau takzet tawh, ka rilru chuan Zosangzela a au mawlh mawlh a, mahse engtin nge tunah a awm lah ka hre der silo, min zawng ang nge min ngaihtuah hauhlo ang?




Tu emaw hi a au a, mipa pakhat hi a rawn lut a, an chevel chu thinphu dawt dawt chungin ka thlir reng. Sophie kut ah chuan enge maw hi a rawn pe a, min hnungchhawn tlat vang chuan enge a nih erawh ka hre theilo.



"Le, tunah chuan ka hlimna tur thil Kan ti ang" tih pah in min nuih sak a, a kuta a thil ken ka en chuan hriau leh damdawi bur hi alo ni a, min rawn pan phei nghal thuai.



"Eng ka chungah tih I tum" tiin ka tal a, tha ka nei tawh bawklo nen ka talna te chu nep tak ani, mipa pakhat chuan min rawn man bet a.



"He damdawi hian I Puma naute kha a that ang" a mitmeng rapthlak zet chuan min rawn en a, ka thu hriat vang chuan ka thin chu a phu nasa zual, ani hian ka naute chungah enge tih a tum.



"Khawngaih in Sophie" ka mittui chu a tling Pam tawh, tunah chuan mahni induhtawk na pawh ka nei thei meuhlo, ani hian ka naute min thah sak a tum miau ani.



"Nilo e, Ruby hlau duh suh, I pum chungah khan a thi mai dawn alawm, mihring pangai pawh ala ni hleinem" a thusawi rapthlak lutuk vang chua ka melh nghal thuai, engtin nge chutiang chuan a sawi theih zawk.



"Mi rapthlak nu" ka aw chu ring tak ani, ka thinrim na zawng zawng ka au chhuah pui ani ber.



"Shhhhh, Ruby I aw te kha ui rawh" tih pah in ka hmui chu a kut ṭang in a rawn hup a, ka mittui erawh dan zawh rual lohin a luang thung.



"Zosangzela hi ka ta chauh ani, a fa hring tur pawh keimah chauh" a aw chu rapthlak tak ani.



"Ka naute hian thiamloh na a nei lo" ṭap chung chuan ka ti a, engah mah ala ngaih loh hmel em em zui



"Mahse ka tan a hnawk alawm, Oscar chauh hi Zosangzela fa ani tur ani" mahni hmasial na leh thikna hlirin ani a ṭawngkam te chu.



"Mi rapthlak nu, nanghian Oscar hi I hmangaih hlawl lo, Anu ang pawn awm tum suh" ka ti vin leh ṭhak a, ka thil sawi erawh a lawm viaulo ani.



"Engmaw I sawia" tih pah in ka khabe chu a rawn vuan a, min vawnna chu na tak ani, "keimah keimah chauh hi Oscar a nu ka ni, ka ni reng bawk ang" tiin ka biang chu a thlah sawk a, ka chhanglet tawhlo.



"Lo vuan nghet ang che" min vuan tupa bulah chuan ati a, a thil tih tur chu ka hre Chiang tawh khawp mai, ka mittui chu a rawn luang thla nghal zung zung a, ka Puma ka naute in "mummy ka duhlo" ati ni mai awm te hian ka pum chu a rawn ri in ka hria, Sophie hi ka hua ka haw takzet ani.





******************


Zanin chu a tam lo khawp mai, ka en nawn loh vangin tihsual neuh neuh a awm maithei aw.....

Story thar fb lamah ka dah a, like leh comment minlo va pek sak ṭheuh ula.....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:51 pm

Zosangzela











CHAPTER 16(Last Chapter)








By Zualtei Hmar









Sophie chuan zahngaihna leh khawngaih na tel hauhlo in min en a, ka hlau takzet ani, hetiang em em a hlauh na hi ka la nei ngailo.



"Sophie ka ngen a che, khawngaih in.. khawngaih takin" ka mittui te chu a tla satliah mai pawh nilo a luang hian a luang zung zung mai.




"Aih, Ruby kha naute kha a tih a ngai" a lu thing chung chuan ati a, kei ṭahna avanga ka dang ro te chu a na vek tawh.



A hriau ken chu ka ban ah a rawn vit lut a, kei erawh in ṭah bak tih theih ka nei tawhlo, eng ang pawn ngen ila a thil tih tum chhe te pawh ka thlak danglam sak thei dawn silo.



Min chiu zawh chuan a nui sak a, a nui hmel khi tih chhiat sak vek ka duh, "khati zawng kha lawm" tih paha min melh te chuan thih mai ka duh, room aṭang chuan a chhuak a, ka lu rawn hai vang chuan keimah ka zawi vek, a damdawi hnathawh ani tih ka hre thei, ka mittui lah a tla bang lo.



Ka men chhuah riai riai chuan ka taksa aṭanga thil diklo thleng chu ka hrethei, hnuai lam ka en chuan thi alo put chhuak a, ka â vek ani ber, ka tai te chu a na ut ut a, ka naute kha engtin nge a awm....



Ka pum chu dawm a ka naute chu biak ka duh a mahse ka kut an phuar tlat avangin ka che thei bawk silo, ka mittui, ka mittui bawk ani....



Kawngkhar rawn inhawng ah chuan Kima alo lut a, "kima khawngaih in min ṭan pui rawh ka naute hi" ṭap pur chung chuan ka ti, ani hi min hruai bo tu zinga mi ani tih lam ka ngaihtuah lo, a khawngaih na dil chauh lo chu tih theih dang ka neilo ani.



"Kha naute kha enge a hlut viau na, Zosangzela fa mai mai" thinrim zet chuan ati a, kei in ka mit ka chhing sawk thung, mihring kam chhuak atan chuan avan rapthlak tak em, heng ho hi mihring pawh an nilo ramsa an nih hi.



"Tunah chuan ka hun a thleng ve tawh e" a thil sawi vang chuan ka en nghal thuai, enge ka chungah an la tih chau dawn.



"Eng..enge enge I sawi awmzia" ka ti bah nak a, a hmel a pawisak na neilo khian thil rapthlak tak tih a tum tih ka hrethei.


"I note thi kha I ui viau ani lawm ni, a dang ka pe leh ang che" nui suk hian a rawn ti a, a thil sawi tenawm lutuk vang chuan keiin rapthlak ti zetin ka melh thung.



"Eng ang mihring nge in nih a, in chungah hian eng thil sual nge ka tih, heti khawpa na a min tawrh tir tur hian" ka aw tawp lam chu ka ṭap ani mah zawk.



"Ngawi mai mai rawh" tih pah in hmanhmawh zetin ṭhuthleng aṭanga min phuarna chu a phelh a, mahse ka kut erawh hnung lamah ala in suih reng thung.



"Engthil nge tih I tum, mi tenawm pa" ka aw neih zawng zawng chuan ka au ve a mahse ani tan erawh a mitkhap pawh tibuai pha lo ani.



Min pawm phei ani mah, khumah chuan min theh thla ṭhuai a, ka mal leh kawra thisen kai te chu a hmulo emaw tih mai turin ngatan mah angai lo.



Ka chau leh zawi bawk nen ka tha engmah ka hmang theiloa khumah chuan min nghah thlak ang angin ka tla ani tawp mai, ka chungah hian engpawh tise ka tan nun thlakhlelh chhan tur a awm tawh chuangloa ka beidawng tawh ani ber.



"Min dang dawn nange, nangpawh hian I duh ve ani tiraw" ngeiawm zetin min nuih a, dan buai pawh ka tumlo, dan tum mah ila an duh danin an kal tlang pui tho dawn.



"A ṭha e" tih pah in a kawr chu a phelh a, kei erawh in ka mit ka chhing thung, tunah hian he lai hmunah hian thi zawk ila ka tan a nuam zawk in ka ring.


Ka chau tawngkhawng tawh ani ngei ang, ka lu hai a reh bawklo nen ka khawhmuh chu a fiahlo a, ka thawk te chu a tawp mai dawn in ka hria, ka hma ami lah chuan ka awmdan hrelo ni awm tak hian a la inphelh mawlh mawlh a.



Kawngkhar rawn ri bur chu ka hria, ka khawhmuh fiahlo tak kara Zosangzela hmel ka hmuh chu ka thil hriat hnuhnun ber ani.



***************

Zosangzela P.O.V


Sophie te chu khaw thlen hma hotel ah an awm tih min rawn hrilh a, hmanhmawh takin kan tlan chhuak zui nghal, Ruby chungah enge an tih ang tih chu ka ngaihtuah duhlo ani mah zawk, ka ngaihtuah na te hian thil ṭhalo lam hlir min ngaihtuah tir a, chu chu thinrim ah a kal leh a, ka bula mi te hnenah ka ṭuan phah zel bawk.



Kan thlen chuan kan lut thuai a, an sak thar anih angin a hmun pawh ala thar ṭha khawp mai, room awm zawng zawng chu Kan dap a, room pakhat lo ruak chu kan hmu a, mahse Kan thlen hma in an lo chhuak hman ani ngei ang, engmah hnu chhui tur a awmlo.



Ka thinrim lutuk chuan khum sira vase an dah chu ka paih thla nawk a, tunah tak hi chuan ka sa pup pup ani ber, ka thinrimna hrik thlak ka duh a, mahse awmzia a awm chuanglo.



Ka phone rawn ri chu ka en thuai a, lawmzuali ani, ka chhungte chanchin ka la hrilh lo tih ka hre chawpchilh a.


"Hello"


"Ka u, enge chanchin" lawmzuali chuan mangang tak hian a rawn ti a, ka chhungte chu an mulo ani ngei ang.



"Kan kal dawn tih an hria niang, an lo chhuak hman" ka aw chu thunun hram hram ka tum ani.



"Engtin nge ni ang, a tu ve ve pawh kha an ngaihtuah awm ropui si, Ruby phei chu nau ala pai zui" ṭap ti tih hian a rawn ti a, rilru hah nen chutiang thil a rawn sawi chu ka thaw hrawk thei.


"Ka zawng hmu ang, ka nu leh pa kha lo ngaihtuah ang che" tiin phone chu ka dah a, ka rilru chu a tawt up up mai.



"Sangzel, kawmthlang ah khuan VIP room tur an dah hrang a chu chu zuk en fiah ila" Puian alo tih chuan ka melh hrawk.



"Sawi daih tawh ta che" ka aw chu a vin ṭha khawp mai.


Kawmthlang a in lam chu Kan pan thuai a, kawngkhar hawn mai kan tum chu ala in kalh tlat zui, a kawngkhar chu nek in ka sawi a, a inhawn theih mai loh vang chuan tawlh hnung deuhin ka tlawh a, voi2 ka tlawhna ah chuan a kawngkhar chu a chhia a, inchhung a ka thil hmuh vang chuan ka insum zo lo, kal hnai in Kima chu ka hnek nghal ṭhuai a, a hma a ka thinrim na te chu nep tak ani, tuna ka thil hmuh zet hi chuan ka thinrimna hmasa kha a nep zia min hriat tir.



Midang ho chuan minlo dang a, chuti nilo se chu khupa khu a thi Chiang khawp ang, khum lama Ruby lo mu zawi vek ka hmuh chuan min man bet tu te kut chu ka thing thla hnawk a, khuma ka nupui mu chu ka pan phei thuai.



Ka thil hmuh vang chuan ka thin a phu rang takzet, Zosangzela hi alo hlauthawng thei takzet ani tih ka hre chiah, Ruby chu thi hnuang hian zawi zetin alo mu a, chu chuan min ti â thei tak ngial dawn.


"Ruby, Ruby harh teh, ka lo thleng tawh ania" a biang dawm chuan tih harh ka tum a, mahse ani chu a zawi vek.



"Keimah Zosangzela ka lo thleng ania, I pasal ka awm tawh Ruby" a mah khawih kual pah chuan ka ti leh a, mahse chhan na reng ka dawnglo.



"Ambulance ko vat ru" ka aw chu a ring ṭha khawp mai, hmanhmawh zetin ambulance chu an call a, kei erawh in Ruby chu ka pawm tlat thung, "nilo min kal San theilo" keimah chu ka inhrilh mawlh mawlh.



Ambulance rawn thlen hnu chuan kan hlang vat a, ka kawrah let kut zawng zawng ah chuan thisen a kai hnuang a, mahse chutiang lam ka ngaihtuah theilo.



Hospital kan thlen hnu chuan an hlang thla vat a, doctor bulah chuan "thisen a hlauh hnem lutuk" an tih te chu ka hre rei ruai ani ber, "I thi theilo ania" tiin a kut chu ka vuan a, amah lah chu a vawt thlur mai bawk si.



An nawr luh lai chu ka thlir reng, ka mit hian hmun dang a hawi theilo, ka nu leh pate leh Ruby chhungte rawn thlen lai reng reng pawh ka hrelo, hmeichhe ho chu an rawn ṭap nghal ringawt a, an ni hnem tu tur ber ni mah ila kei pawhin hnem dan tur ka hre bik miau lo ani.



"Sangzela kha a biak theih em" Puian alo tih chuan ka hawi chhuak lo, Ruby an rawn hruai chhuah leh hma chu ka kal San theilo ani ber.



Ka chhan mai loh vang chuan "keimah nen inbe mai ila" ka pa in alo ti thuai a, pawn lamah an inzui chhuak ani ngei ang.



Ka nu chu ka bulah rawn kal in "mama, engtin mah a awmlo ang, lungai duh suh" in hnit faih faih hian a rawn ti a, min hnemtu ber lah heti mai hi ani bawk si.



Ruby chhungte lakah pawh ka Inthlahrung zawk takzet ani, keimah vangin an fanu a thi lo chauh ani a.



Ka pa chu darkar chave hnu ah a rawn kal leh a, ka bulah chuan a rawn ding a.



"Oscar chu hotel aṭang a hla vak lo ah khan an va hmu anih chu, ram dangah hruai an lo tum aniang mahse an va nang hman a" a rawn ti a, a tawpa a thaw hak chuan a rilru tawt zia a ti Chiang hle.



"Tunge ti tu ber in hria em" ka nu chuan alo ti thuai a, lawmzuali kei leh ka pa chuan tunge tiang ti duh tur chu kan hre fur hlawm tawh mahse ka nu chuan Sophie kha misual angin a hmu ngai miaulo a.



"Sophie anih kan ring ber a" ka pa chuan an ti ṭha mai a.



"Engtin a, hetiang ti duh tur ani dawn em ni" ka nu chuan a ringlo ani ber.



"Kan rin zawng zawng hi an fel veklo ania" ka pa chuan an ti leh a, ka nu hmelah erawh mak tihna ala lang thung.



"A pawi khawp mai" ka pa in Ruby chhungte lam hawi chuan a ti a, Ruby pa chuan "In thiamloh ani hleinem, kan hma hun hi kan hrelo tlang ania, Oscar pawh a ṭhat chuan a lawmawm e" an ti mawi a, mahse an rilru erawh a hah hmel tlang hle.



Doctor an rawn chhuah chuan kan pan thuai a, ka nu in "enge Ruby chu a an" alo ti thuai, min chhan na tur chu hriat kan huphurh vekin ka ring.



"Thisen a hlauh hnem hman khawp mai, darkar 5 hnu ah a rawn harh chhuak lo anih chuan..." Doctor pawh chuan sawi nuam ati vaklo tih a hmel ah ka hria.



"Mate" Ruby nu chuan ṭap chung hian a rawn ti chhuak a, Ruby pa in alo kuah nghal thuai.



"In theih na te kha engatan nge ni a, tunah hian ti dam nghal rawh" doctor chu ka vo ani mah, ka chhungten min lo dang hram hram a, ka thinrim leh rilru hah chu a inpawlh nawk ani ber.



"Anih leh naute kha" ka nu chuan an ti leh a, "naute chu a chhan theih tawhloh ani, a taksa chhungah damdawi an lo Chiu lut hman a" doctor in a rawn tih chuan lawmzuali chu a ṭap pur tawh, midang ho pawh chu an ngui vek ani ber.



"A van pawi tak em, ka fanu..ka van khawngaih tak che em" Ruby nuin a rawn tih leh chuan kan ngawi ṭhap, nu rilru aṭang chuan fanu te tawrh atan a rapthlak em ani.


"A hmuh theih aw" tiin doctor te chu an kal liam a, Ruby an dahna room lam chu Kan pan thuai.



A bul kan thlen chuan ani chu engmah hrelo tih hriat zet hian alo mu a, a dâng em em bawk, chutia ka hmu chu ka rilru hi ana takzet, a tan tih theih ka nei tlem bawk si.


Hmeichhe ho chuan pan hnai in a khum bulah chuan an ṭhu a, a changin an in hnit leh faih thin chuan thaw a ti ipik takzet, mipa ho chuan a hnungah dingin Kan thlir ṭhap a, Kan khawngaih tlang ani.



Hnung lam aṭang a Jacob(Ruby u) an "inbe lawk ang" a rawn tih vang chuan room aṭang Kan inzui chhuak a.



"Sophie ani tiraw" a rawn ti nghal thawr a, an lakah hian ka Inthlahrung takzet, ka bialnu hlui vanga buaina neih chu thil nuam tak anilo.



"Aw" ka tih chuan a thaw hrawk a, in rual reng mah ila ka nupui u anih vang tal pawhin ka zah ru khawp mai.



"Engtin nge in tih dawn" a rawn tih leh chuan "a tlan bo hman a, Dubai lamah aniang police in a thlen veleh an lo man nghal tur thu an sawi" ka ti zung zung a, ani erawh in min hnek duh hmel a pu, kei pawhin kut min thlak mahse pawi tihna ka neilo, ka hrethiam miau ani.



"Ka nau hian haw min ngen anih chuan ka hruai haw ang, mahse I bula awm ala thlang anih chuan hetiang thil hi a thleng nawn leh tawh tur anilo" in seh ru chung hian a rawn ti a, Ruby awmna room lam chu a pan nghal.



Damdawiin bang chu ka hnek a, voi1 mai nilo ka thaw ipik leh hrehawm na zawng zawng ti reh thei tur khawpin ka hnek nasa, ka kut aṭang a thisen rawn luang chuan min tawp tir chauh mahse ka thinlung ami erawh a tawp thei silo.



*Ruby harh hun chu nghak in kan ṭhu thap a, tumah chu Kan inbe lo, lawmzuali erawh inah Oscar a awm pui a, ani pawhin a khat tawkin alo call reng.



Hnuai lam melh chuan ka lo inngaihtuah run a, chutih laiin ka nu in ka dar ah alo khawih a, ka hawi chhuah chuan Ruby chu alo meng a, heta ka hlimna zia hi sawi fiah theih anilo hial ang.


"Mate, na I nei em, I harh em" Ruby nu chuan alo ti nghal zung zung a, ka nu in "tui a in duh ang" tiin tui chu a thlit sak thuai a, a intir zui bawk.



"Engtin nge hetah ka awm" tiin ka hawi kual a, "mate, Kan bulah I awm tawh aw, a ṭha vek tawh" ṭap ti tih chuan a nuin alo ti thuai bawk.



"I ṭha em" tiin a bul chu ka pan hnai zual a, chutah min rawn en vung vung in "khawnge khawnge ka naute' tiin a pum lam chu thil hrechhuak ni awm tak hian a dap Kual nghal a, en a hrehawm ngei mai.



"Mate, a pawi emai" Ruby nu chu a in hrut nghal a, ka nu in alo hnem thuai bawk.



"Sangzel khawnge ka naute a awm, ka pum chhungah hian a awm tawh miahlo ania" ṭap pur chuan min zawt a, ka tih theih a tlem ngei mai.


"Ruby in ti pachang hram hram rawh, I taksa in a tuar ange" ka nun a rawn tih chuan a inthlah dul deuh mahse a mit aṭang a mittui tam tak rawn luang chu hmuhhmaih theih anilo.



"Khang ramsa ho khan ka note pawi sawilo min thah sak, an chungah khan enge ka tih sual a heti em em a natna hi min pek" a thu sawi chu hriat hrehawm tak ani, a chhungril aṭang a na takzet tih a hriat.



"Khang ho kha ka chhuah dawnlo, an phu tawk hremna ka pe ang" ti pah in a muttui chu a hru huk sawk sawk a rawn thawh mai a tum chu kan lo vuan bet hman.



"Doctor kan au ange" tih pahin ka nu chu a tlan chhuak nghal a, midang chuan Ruby chu bengdaih hram kan tum bawk.



Doctor leh ka nu an rawn luh chuan doctor chuan Ruby chu a rawn Chiu a, reilote ah a mu zui nghal bawk.



"A chunga thil thleng khan a rilru lam a khawih tel a, a buai anih kha" doctor in a tih chuan thawk a zim duh khawp mai, mahse a chunga thil thleng ngaihtuah chuan a awm tho bawksi.


"Engtia rei nge a daih ang" kei chuan ka lo ti thuai a, ka zawhna chu a mawlmang lam lek lek ani.



"Ka hrelo le, a depress phah maithei a, hmangaih taka enkawl a mamawh ang, zanin riak ula naktuk ah in haw dawn nia, a taksa lam chu dam angin lang mahse a rilru ber a khawih a, a pawi khawp mai" ti zung zung in a chhuak a.



Ruby mu lai hmel en chuan a leinat awm takzet, a rai tirh a a hlimna zawng zawng te ngaihtuah phei chuan insum na tel hauhloa Kan misual te chu thah mai a chakawm mahse police in an la tawh a, Sophie pawh an man fel tawh bawka an chungah dan ang ngeiin hremna a thleng dawn a.



Ruby bula riak tur chuan ka nu leh Ruby nu chu an awm a, haw turin min ti tlat mahse ka haw duh miau loh vang chuan minti lui biklo.



Zan lamah chuan kan inah mamawh ka la a, Oscar pawh ka ngaihsak hmanlo ani ber, in ka thlen chuan Oscar alo mu tawh a, a room ah pheiin ka en a, a mah ah danglam leh na engmah a awm loh vangin ka thaw huai, Sophie kha A nu ni mahse mi rapthlak lutuk ania, a chungah hian thil ṭhalo a thlen tir duh hial ang.




Lawmzuali chuan min rawn zui tum mahse ka pa leh keiman a ngaihloh thu kan hrilh vangin rawn kal chu a ṭhulh hram.



Damdawiin ka thlen chuan Ruby chu alo la harh loa, ka nu in "naktuk lamah a harh dawn aniang, mu rih mahse a pawilo, a taksa a chau emai" a tih vang chuan an ni pawh an mu a, kei erawh ka mu theilo thung, Ruby khum bulah chuan ka ṭhu a, a kut vuanin ka ṭhu tlaivar ṭhak ani ber.



Zinga ka sam rawn chul tu vang chuan ka harh zawk mai, ka lo muthlu ni ngei tur ani, ka hawi chhuah chuan Ruby chu alo harh tawh a.



"I ṭha em" ka ti thuai.



"Ka haw duh" tih zawngin min chhang a, a dang engmah a sawilo.



Ina kan haw chuan kan room lamah kan mut tir thuai a, damdawiin aṭang Kan chhuah khan ala ṭawng leh miahlo, midang chuan kan be zeuh ṭhin na in, alu thing in min chhang mai zel.



Oscar pawhin Ruby awmdan chu a hrethiam deuh aniang, "Mummy khawilai nge na" tiin Ruby khuma mu chuna zawt a, Ruby erawh in a en reng thung.



"Oscar bawihte, Mummy kha ala damlo a ti buai rih lo ang aw" ka nu chuan tiin a hruai san thuai a.




**************

Ruby P.O.V



Ka ṭawng peihlo chauh pawh nilo, tu pawh mai hian ka thin an ti ur ani ber, Oscar hmel ka hmuh khan tum loh deuhin keimah ah thinrim na a awma mahse ka tilang chuanglo, achhan chu Anu chhun na pakhat mah a neilo miau a, ani chuan thiamloh na a nei ve silo.

Hun kal mahse, ka thinlung na erawh a dam ve thei siloa.




*Vawin hi kan in chek up ni ani a, kha thil thlen hnu aṭang khan ka rilru lam ah nghawng tam tak a nei a, a khat tawkin damdawiin lamah kan in chek up reng ṭhin.




Zosangzela chu kan room ah a rawn lut a, "kan kal thei tawh em" tiin kawngkhar bulah chuan dingin min rawn zawta, kei ka lu ka lo bu nghat thung. Min rawn kai a, motor a dahna lamah min pan pui a, Zosangzela hian ka chungah a theihtawp a chhuah ṭhin a, a tello chuan tun ai hian ka awmdan a ṭhat loh zawk hial ka ring.




Damdawiin Kan thlen chuan ka nu in min lo chiau au thuai a, ka pasal chhungte hian min duat em em a, ka rilru hrisel na tur lam hlir min tih puiin ka bula an awm pawh in min hmangaih zia an ti lang fo ṭhin.



Ka nu chuan a ṭhiannu ṭhut na room lam chu min pan pui a, a ṭhiannu pawh chuan minlo nuih sang mai.


"Enge I an a" minlo ti thuai a, Zosangzelan "a ṭha tawh viau e" tiin minlo chhang sak a.


"Nau ka pai leh thei angem" doctor bulah chuan ka ti tlawng, chu chu ka hriat duh ber pakhat ani miau ani.


"Ruby chutiang lam ngaihtuah suh, kan dam anga nau chu I pai leh thei em em ang" Zosangzela chuan alo ti thuai a, mahse chu chu ka chhan na hriat duh ani hauhlo.


"Aih, ka hre duh, nau chu ka pai leh thei em" doctor melh kar chung chuan ka ti a, a hmelah chuan min chhan hreh zia ka hre thei chuchuan min ti thinrim em em bawk.




"I taksa ala chak ṭha lo a, tunah chuan la hmanhmawh duh suh" doctor chuan Inthlahrung tak hian a rawn ti a.




"Ka theilo ani tiraw" ka mittui chu a rawn tla leh ringawt tawh, eng ang pawh intih chak tum ṭhin mah ila ka thei thlawtlo ani.




"Kei hian nau ka pai thei tawhlo ani tiraw, min hrilh rawh" ka aw chu a ring hranlo mahse ka zawhna erawh a Chiang viau ang.



"Khati lam zawng khan ngaihtuah suh, I tan a ṭha dawnlo ania" min ngaihtuah zet hian ka nu chuan a rawn ti a, mahse ka rilru na hian chutiang lam a ngaihtuah theilo, keihian nau ka pai thei tawhlo... Sophie Sophie Sophie ka haw lutukkkk ka haw takzet.





*******************


Zosangzela nen chuan Dubai lamah kan pahnih a chawlh hmang tur chuan kan kal dawn a, ka nu leh pa ka chhungte chuan doctor thiam tak an hriat thu leh chu chu pan turin min hrilh a, appointment te pawh an lo ti fel vek tawh ani awm e, mahse kei erawh in beisei ka nei viau tawhlo thung.






"I inpeih tawh em, dar1 ania kan thlawhna kal hun kha" Zosangzela chuan a rawn ti a, kei ka lo bu zeuh thung, hlim hmel put hram hram duh ṭhin mah ila ka thei thlawlo ani.




Kan kal dawn chuan Oscar chuan "Mummy bye bye" tih pah in min rawn kuah a, keipawh in ka lo kuah let thuai, "kan lo haw leh vat ang, fel deuhin lo awm rawh aw" ka tih chuan a bu nghat nghat a, dik taka sawi chuan ka hlim loh lai ber pawh a min ti hlim ṭhin tu leh nuihna min pe tu ber chu Oscar hi ani, ani hi awmlo se chu ka ruak viauin ka in ring.




"Tluang deuhin in kal dawn nia, Ruby nangpawh I rilru ti hnual duh lo la, doctor ṭha tak tak an tam tawh alawm" ka pa chuan ati dap dap a, kei erawh in Tawi te in ka nuih thung.




"Ni e, I rilru kha a pawimawh ber ania, rai thei tawhlo tura I indah ngawt chuan a ṭha lo" ka nu pawh chuan alo ti thuai a, an thusawi chu keipawh in pawm ka tum viau.




"Kan kal tawh ang, anih leh u.. Oscar bye aw" Zosangzela chuan alo ti zung zunga, in aṭang chuan chhuak in airport lam pan chuan car in kan tlan a, tunah tak hi chuan ka phur em pawh ka hrelo, mahse ka rilru ah beisei na tlem tal dah hram hram ka tum.





Airport Kan thlen chuan kan thlawhna tur pawh alo awm fel tawh a.




A hmun Kan thlen chuan Zosangzela awmna hmunah Kan thleng a, ka chauh em vang chuan ka mu nghal ani ber, naktuk lamah in en tir tura Kan chhuah leh nghal a ngai bawk sia.




Zingah dar1 bawr vel chuan damdawiin lamah in checkup tur chuan kan kal a, ka thin chu a hma angin a rawn phu nasa leh tawh hle, beiseina ka neilo emaw ka lo tia mahse ka thin phu aṭang hian beisei na tlem ka la neih zia chu ka inhre thei.




Doctor kan hmuh chuan ṭhat lohna engmah ka neihloh thu an sawi a, ni3 hnu ah kal leh turin min hrilh a, Zosangzela chu a lawm viau mai, keipawh ka lawm tho mahse chu ringawt chuan nau ka pai leh thei tih a nemnghet bawk siloa.




Damdawiin kan kal leh hma zawng chuan Zosangzela chuan hmun hrang hrangah min hruai a, min duat in min ngaihtuah em em bawk, a hnathawh na hmun te leh a kal ziah na ṭhin hmun te chu min tlawh pui a, ka rilru pawh a thawveng phian.



Zana kan mu tur chu ka nu in minlo call a, ka nu hian ka damloh chhung zawng khan Kan in lama haw leh turin min duh viau a, mahse keimah khan Zosangzela te bula awm chu ka duh miau a, a chhan pawh ka hrelo keimah hian kalsan ka duhlo ani ber.




"Aw nu" zangkhai takin ka ti a, an rilru alo hah lutuk ka hlau ani ber.



"Mate, a nuam em" a rawn ti nghal a, a aw ka hriat phei chuan ka thawveng sawt in ka hria.




"Nuam lutuk, keimah pawh ka ṭha lutuk ania min ngaihtuah su aw" ka ti leh a, "I rilru ti hah duh re re suh, doctor te pawh I ṭhat thu an sawi kha, I Kum ala nau bawka nau te chu I pai leh zung zung mai ang" a rawn tih chuan keipawh in ka nu thusawi ka lo pawm ve em em a.




*kan in en tir leh chuan doctor in treatment min pe a, ka rai leh theih an beisei ani mah, chutia doctor te ber pawin an beisei chuan tiin keipawh in ka rilru ka ti hnual duhloa, ka rilru chuan ka theih ka inring tlat ani.




Kar2 dawn kan cham hnuin haw turin Kan in buatsaih leh a, ka chhungte pawhin thu lawmawm an beisei vek ka ring mahse tunah chuan treatment ka la la mek ani a, ka rai nghal em chu ka inring biklo.




Kan in kan thlen chuan min lo welcome ṭha hlawm khawp mai, Kan chhungte chu an lo awm kim vek a, ka nu leh pa te pawh ka ngai tawh takzet.




Kan chhungkaw 2 chuan chaw kan eikhawm a, min tih hlim dan an hria in, thu lawmawm hlir min hrilh min sawipui a, ka rilru pawh a hma ang em em ka ni tawhlo.




Kan thlen aṭang a kar khatna ah chuan ka pum chu a rawn ni bulh bulh mai a, bathroom ah ka tlan lut thuai, Zosangzela chu khumah ṭhu in laptop ah a hna thil a buaipui a, chutia ka awm min hmu chu min rawn pan thuai.



"Dikloh na I nei ami, na I nei ami" mangang zet hian a rawn ti a.




"Ka hre biklo, ka pum hi a nuamlo tlat, ka damdawi hnathawh aniang" ka ti mai a, ani pawhin ka sawi chu anih a ring mai bawk.



Tlai chaw kan ei lai chuan a ngaite in ka awm leh a, ka lu a hai tel bawk nen ka chau vek ani ber.




Bathroom a Zosangzelan min rawn buaipui lai chuan "Ruby in test leh ta che" ka nu chuan a rawn ti var a, a thusawi vang chuan ka hamhaih lek lek




"Ngati maw" ka ti deuh hu a , ka rai chu ka inring lo mai pawh niloin ka awihlo ani ber.




"In test chhin hrim hrim rawh, I ruak emaw ruaklo emaw" alo ti zung zung a, test kit chu min pe a, keipawh in ka la thuai.




Ka rai ka inrin loh vang chuan test kit ka en dawn pawh chuan ka hlauthawng hran lo, mahse ka en chiah chu minti phu ngei mai, keihi ka lo ruak re re lo.



Ka tlan chhuak thuai a, ka chhungte ka hrilh chuan an au chul ani ber, ka nu phei chu a mittui hial a tla



"Ka van lawm tak em, Ruby" tih pah chuan ka nu chuan min kuah vang vang a, ka lung ati chhe takzet.



Ka nu leh pa te pawh Kan va hrilh thuai a, an ni pawh an lo lawm khawp mai, phone aṭang a ka u rak chiam te chu ka hrethei, heti khawp hian ka chhungte an hlim ani a ka hlim takzet.



A tuk chuan damdawiin ah in checkup turin Kan kal thuai a, ultrasound kan tih Laia doctor thu min hrilh vang chuan Zosangzela nen Kan meng phawk dun ngei mai.




Kei hian phir ka lo pai anih chu, engtin nge....ka hlim lutuk chu engtia awm tur nge pawh ka hrethiam lo, doctor in ka nu a hrilh te chuan ka nu chu a ṭap leh lek lek tawh, a hlim takzet tih ka hrethei.




************


Tunah chuan ka nau pai pawh nei thei dinhmun ah ka ding tawh a, ka chhungten min duat hlawm bawk nen keimah hi ka thau ṭun ṭun ani ber, eitur ṭha engkim min pe a, damdawi nise a ṭha ber ber min eitir bawk.




Zan chaw eikham sitting room a kan ṭhut lai chuan ka pum chu a rawn na vak a, a na lutuk chu ka ṭap thei hial dawn.



Ka nu chuan alo hrethiam thuai a, "nau a bei ṭan dawn aniang" tiin Zosangzela chu motor la chhuak turin a hrilh thuai a, pakhat pawhin hmanhmawh lutuk in motor ala chhuak nghal.



Damdawiin kan thlen chuan ka pum na lutuk chu ka thlan fim a rawn tla thei hial tawh, ka nu te chuan an lo tuar tawh anih vang nge min hrethiam tak hian "awi" hi a khat tawkin anlo ti leh ṭhin a, an nuihzathlak zawk takzet.



Dar1 leh minute 45 ah chuan kan phir naute te chuan khawvel eng an rawn hmu ve ta a, mipa leh hmeichhe an la nizui, ka lawmna chu famkim tawh tak ani.




Mipa chu Zorinkima ani a, hmeichhia zawk chu lalmuansangi ani a, Kan nu leh pa ten an phuah ani, naute ṭha leh hrisel dun tak ani a, muansangi phei chu ka chang ngai manglo, apa hian a atchilh ani ber....





_____________________________
*******************************

Ka story ngaihnawm lo leh ho ve tak a tir aṭanga a tawp thleng min chhiar sak tute in chungah ka lawm lutuk e💓 last Chapter ani tawh bawka fb lamah chhiartu zawng zawng ten comment lo pek ṭheuh in tum dawn nia....



Story thar ka rawn dah leh nghal dawn a, 'MARCUS' tih ania, minlo chhiar sak leh ṭheuh dawn nia..ka lawm e💓

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)