Zosangzela By Zualtei Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Zosangzela By Zualtei Hmar (Completed)

Unread post by Ngaia » March 13th, 2022, 12:48 pm

c0r3ql7l.jpg
Zosangzela






CHAPTER 1







By Zualtei Hmar












"vawina interview tur ho kha anlo thleng kim tawh em" dini bulah chuan ka ti a, Kan dawr hian thawk thar pa5 ngawt lak belh kan tum avangin zing atang chuan kan buai em em a











"Aw an nghak tawh che" a tih chuan interview na room lam chu ka pan thuai









Ka phone chu la chhuak vatin lawmzuali chu ka call nghal thuai a, ani nen hian designing school Kan kal dun thina ka bestfriend ani bawk, mi Hausa tak chhungkua an ni a, dawr pangai tak siam loa ka dawra rawn thawh a tum chu mak ka ti hle









"Aw Ruby" a aw atang chuan a hmanhmawh hle tih a hriat








"I la rawn thleng dawn lo mi, Kan tan tep tawh nia aw" ka lo ti nghal thuai a, a rawn tlai ang tih mawlh chu ka hlau ani










"Aw ka rawn thleng tep, dar zat ka lo en sual a" a rawn tih chuan ka nui ta ringawt, hnathawk interview tur ani a engtin nge dar zat chu a en sual theih zawk ni a hahthlak ve ngawt mai










Interview chu tluang takin kan nei a, pa5 ngawt mai chu Kan lak belh a, lawmzuali pawh chu ama thiamna hmang ngein ka dawr ah chuan a rawn thawk dawn a, ka lawmpui viau










Keihi Ruby Malsawmzuali ka ni a, Mizorama designer lar ber pawl ka ni ka pa hi bank manager niin ka nu hi chu house wife kan tih ang kha ani a, ka nu hian puanthui a thiam a ka tet te atanga min zirtir na avangin tunah pawh hian tiang hi ka thleng thei ani















"Bibi" lawmzuali aw ri vang chuan ka hawi let thuai










"Boihi" ti chung chuan ka pan phei vat a, ani nen hian inkoh dan bik hi kan nei a, bibi min ti tlat a; a tir chuan thing ka ti viau na in min koh ngun takah chuan ngaiah ka nei viau tawh









"Ka lawmpui lutuk che" ti pah chuan kan in kuah nghal thuai a










"tunah chuan thawkho kan ni tawh dawna, a nuam ngawt ang" ti pah chuan a nui ver ver a, a lawmna te hi a ho thei tak tak










"I thawh that loh veih chuan aw I boss tur ka nih hi" Ka tih fiamthu chuan a hmui alo ti kawi nasa mai















********

Thla5 dawn kan thawk dun tawha a rawn thawh chinah Kan dawr pawh hian nasa takin hma a sawn ti ila ka sawi sual lo ang, lawmzuali hi chu thil dangah lak tlak vaklo mahse designing lam hi chu a thiam tih hi ka hriat chian em vang hian ka ring ngam bik a









"Enge in duh lo sawi ru" dinin alo tih chuan, "keichu a ngai kha nimai" tiin ka thil ziah lai chu ka ziah zawm a, midang ho pawh chuan an duh an sawi sap sap a, Kan chhuah hmanloh chang hian restaurant ami Kan chah tawp zel thin a









Eitur a lo thlen chuan dawhkanah kan dah a, kan eikhawm mial mial a











"Lawm kawrawh coffee va la ang" ka tih chuan lo tho chhuak vatin kan inzui chhuak a, kal kawngah chuan kan ti ti mawlh mawlh a kan nui dun leh zeuh thin










"E takin naktuk zanah ka u alo haw dawna, a lo haw lawmna Kan chhungkua te in kan siama lo kal ve rawh aw" a tih chuan "u inei alaw" ka lo ti deuh hu a, a u chungchang hi a sawi ngai pawh ka hrelo










"Aw, Dubai a awm kha" a tih chuan lu ka lo bu ringawt, Dubai a awm pawh chu ka hrelo







"In tam dawn em" ka tih chuan an chhungkua chiah an nihtur thu a sawia an chhungkua hi chu kan inhmelhriat sa bawk a, kal ve pawh pawi ka tilo viau









"Ka nu ten lo sawm ve rawh an ti che lawm, ilo leng khat si an tia" a tih leh chuan ka hmui ka lo ti sawi zeuh a, min sawm dan vel chu a hre khawp mai










"Nia ka lo tum ang" tiin kan inzui lut a, coffee chu lei in kan dawr lam kan pan phei a












Ban dawn chuan Kima chuan minlo hruai a, ani hi ka bialpa ani a, min duatin min care em em a ka pa thawhna ah a thawh ve vangin ka pa nen pawn an inhre tha viau









In ka thlen chuan Kima pawh alo lut kawia, reilo te a thut hnuin a haw leh thuai a, ka room ah chho in ka inbual faia inhnuaiah kan nula(awmpui) rawng lo bawl chu ka pui a










Chaw ei lai chuan "naktuk zanah lawmzuali te inah chaw ka ei dawn nia" ka tih chuan ka nu chuan "enge an tih dawn a" alo ti thuai










"A u alo haw dawna,an chhungkua in lawmna an siam a min sawm ve a" ka tih chuan ka nu chuan engmah a sawi zui tawh lem lo











"Dubai ami kha mi" ka pan alo tih chuan "aw a sawi dan ania, keimah tak phei chuan ka hrelo" ka lo ti thuai, ani reng bawka lawmzuali hian u a nei tih hi ka hrelo tak tak reng ani











"Pu Zosangzela anih dawn chu" ka pan a lo tih leh chuan "tlangval emaw ka tia pu maw" mak ti zetin ka lo ti











"Dubai a awm lai khan a bialnu lakah fa anei alawm" ka nu chuan a rawn ti a, ka chhungte sawi dan atang chuan patling hmelchhe tak ang maiin ka hmu













Zingah chuan chaw eiin dawr chu ka kal nghal a, karleh a kan intihsiak na tur vang chuan tu pawh mai chu Kan buai em em a












"Ka chau mange" Remi chuan zi mar ar ar chung chuan a rawn ti a, "keipawh" ti chung chuan an rawn ding chhuak sap sap a





Kan dawra thawk zawng zawng hi keimah nen pa5 kan ni a, Remi, Dini, Lawmzuali leh Ruthi an ni a; buai lai tak tak phei chuan in deih loh a na viau zel










"Lunch ei tawh mai ang u" ka lo tih chuan an phur ngei mai "vawin chu chah loin dawrah ei chhuak ang u aw" ka tih zawm nghal a













Restaurant Kan thlen chuan eitur chu Kan chah nghal a, coffee te chu in kawi in Kan awm khawmuang a, dar2 velah chuan dawr Kan let phei leh a












Tlaiah chuan lawmzuali te ina chaw ka ei dawn vangin dawr phawh kan khar thuai a, lawmzuali nen chuan inzui in an inlam chu Kan pan a











Kan thlen chuan chaw an lo ei dawn meka, ka hnung lam atanga min rawn su dawt tu vang chuan ka hawi let thuai a, mipa naupang hmeltha leh ngo zet mai hi alo ni a; naupang hi ka ngaina hran loa chutia min rawn sutu ka hmuh chuan mak ka ti viau












"Sorry" a tih chuan "it's okay" tiin ka pawm kang a, a hmeltha reuh sia ka duh reuh tak tak












"Oscar boihte" lawmzualin alo tih chuan ka pawmna atang chuan a tal deuha, chhuatah chuan ka dahthla nghal thuai, tlan phei in lawmzuali chu a pan phei a lawmzuali chuan alo pawm nghal thuai bawk













Va kal phei in "tu fa nge a" ka tih chuan "ka u" alo ti zeuh a, "khawnge amah... Tuber hi nge" tihpah chuan ka hawikual deuh hu a "Aizawl alo thlen atang a buai nghal lutuk a nakinah alo haw ang" a tih chuan ka lo aw Liam ve mai a, ka tan a tangkai vak chuanglo a hmuh kher pawh ka tum lem lo












"Nana tunge heihi" naupang chuan min rawn kawk in lawmzuali bulah chuan ati a











"Ka thiannu anih hi auntie Ruby" lawmzuali chuan naupang bulah chuan ati a













"Mizo tawng a thiam alo" ka lo ti sap












"Aw kan zirtir nasa lawm" a rawn tih chuan mak ka lo ti takzet, a hmel en chuan mizo hmel pawh a pu em em siloa










Lawmzuali chuan an chhungkaw thut khawmna lam chu min pan puia, an inah hian ka lo leng lut ngun ve bawka min lo be nghal luam a








Reilote ah chaw ei an rawt a,
Chaw ei kham chuan sitting room lamah kan thu a"boihte auntie Ruby kha I en renga a lai ange" lawmzuali nu Nu siampuiin alo tih chuan Oscar chu ka en zawka, a hmelhriat hmu ang mai hian minlo en duh khawp mai










"A ho lutuk" nui chung chuan ka lo ti thuai a, chutah Oscar chu lo tlan phei in "auntie Ruby min pawm rawh" rawn ti pah chuan ka hma ah a dinga, mak ka ti lutuk chu phawk zet hian ka lo en










"Mi hi a nel mai mai ngailo ania pawm rawh" lawmzualin ka beng bula alo tih chuan ka pawm nghal thuai a, reilo te ah a muhil nghal









A sam chu ka tuai a, a hmel naupang mah nise pa tak chu ka en a ka duh takzet










"Khawi ka lo pawm chhawk ang che, I hah lutuk ang" lawmzualin lo tih paha Oscar chawi sawn a tum chu Oscar chu rawn harh deuhin "no.." alo ti zawi sap a, "a pawilo ka hah hleinem" lawmzuali en chung chuan ka ti thuai












Chutia an chhungkuaa an titi chu ka lo awm ve renga, kan nui ho leh hak thin
Kan chhungkaw chanchin te chu min zawt luam a, rin ai daihin a nuam phian mai











"Bawiha ilo thleng maw" Pu Abraham (lawmzuali pa) chuan ka hnunglam en chung chuan ati a











"Ka u chu khikhi" lawm zualin ka beng bulah chuan a rawn ti a, hnunglam chu ka hawi nghal thuai











A hmelchu pa tak ani, Oscar pawh hian apa hmel pa lutuk ngei anih hi alo chhun, a taksa chu a coat hak phen ah chuan inphut mawi takin a awm tih pawh a hriat, min en deuh ngur vang chuan ka zam lek lek










"Ka u, Oscar hian Ruby pawm a ngen tlat a, a pawm muhil anih hi" lawmzualin alo tih chuan lawmzuali nu nu siampuii chuan "mi fel chu a hre ve nihkha" alo ti nghal thuai a, ka lai ru takzet











"Boiha Ruby kut kha a kham tawh ang, in room ah han mut tir rawh" pu Abraham a chuan alo ti a











"Lo kal rawh" ti nghutin inchunglam chu a pan a, ka hamhaih lutuk chuan kal mai nachang pawh ka hrelo, rawn hawi let in min rawn en leh a, ka tho rang kher mai inchung lam Pan chuan kan kal ta a.








*******

Ka story te minlo chhiar sak avangin ka lawm lutuk e, tuna mi hi enge a an dawn comment lamah minlo sawi sak theuh dawn nia...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:48 pm

Zosangzela








CHAPTER 2







By Zualtei Hmar










Room Kan luh chuan mipa room tih hriat zet hian a chhung chu rawng dum lam atam ngei mai, a felfai in a rimtui em em bawk











"Tah hian lo nghatthla rawh" rawn ti ri vang chuan khum lam chu ka pan phei vat a, ka nghahthlak pah chuan Oscar chu a che hrut a mahse a muhil leh nghal











"Kan kal tawh ange" tih paha chhuah ka tum chu, "Ruby maw inih a" ti ri vang chuan ka hawi thuaia









"Aw ni e" nui lui pah chuan ka han ti a, han tih ngaihna vak ka hrelo viau










Alu a bu nghut a, keipawh ka chhuak zui nghal; a uapna na zet vang khan thawk pawh ka thaw tha ngamlo re re ka chhuak chiah chu ka thaw huai thei










Inhnuai ka chhuk chuan lawmzuali bulah ka haw duh thu chu ka hrilh a, pi siampuii chuan "mama kha inthlah tir ta che, Oscar ilo pawm mut sak vang hrim hrim pawh khan" alo tih chuan a ngaihloh thuin ka lo chhang vat











Lawmzuali chuan a scooty in min thlaha, kal kawngah chuan a u Zosangzela chungchang chu min hrilh duah a, ka tan hlawkna tur em em pawh awmlo mahse ka lo 'aw um' liam ve mai mai










Kan in kan thlen chuan a let leh nghal a keipawh inchhung chu ka lut nghal thuai, ka nu leh pa chuan sitting room ah tv an lo en a









"Ilo haw tawh maw" ka nu chuan alo ti nghal thuai









"Aw lawmzualin minlo thlah a" ka tih chuan "chaw I ei hnem em, mi ina chaw eia ei theuh loh chuan a sawmtute tan a nuamlo duh ania" ka nun a tih chuan ka nuih tawp, "aw pi ber ka ei hnem lutuk a chaw an chhum belh hial" fiamthu chuan ka ti a, ka room lam pan in inchungah chuan ka chho nghal a












Ka inbual zo khuma ka thu chu kima chuan minlo call a, Kan inbiak zawh chuan khumah chuan ka mu thla hnawk a tumloh deuhin Zosangzela ka ngaihtuahna ah a rawn langa; a hmel pa lutuk leh a mitmeng tawrh har zeta min en na kha ka ngaihtuah a ka lu chu thing nawk nawk in "Malsawmzual bialpa I neihkha hre rawh" ka in hau mawlh mawlh a













Zingah chuan hmanhmawh lutuk in ka thoa, intifai in dawr lam chu pan ka tuma; tunlai chu intihsiakna awm dawn bawk nen kam dawr chu Kan buai khawp mai nidanga dar10 a thleng thin kha dar8 hma chuan chhuak turin ka inpeih fel der tawh










Inhnuai ka chhuk chu Kan nula(awmpui) chuan eirawng alo bawl mawlh mawlh a ka nu chuan a sirah alo pui bawk










"Mate I u te vawinah anlo thleng dawn nia" ka nun alo ti a, ka u te nupa leh an fapa hian chawlh hmangin ka nite bulah champhai ah an awma anlo haw tur thu ka hriat chuan ka hlim ngei mai Jerome-a (ka u fapa) pawh ka ngai tawh












"Yess.. ka kal ania" tih pah chuan dawhkan a Apple chu ka ban zeuha ka chhuak ta a, ka nun "chaw tal ei la" atih pawh ka chhang lo










Ka car chu la chhuakin Kan dawr lam chu ka pan thuai a, ka thlen chuan an lo thleng nual tawh morning wish chu Kan in wish sap sap a ka dawhkan lam ka pan nghal












Kar leh hian Zote hoin fashion show an buatsaih dawna tah chuan kan design pho chhuahna hun tha tak kan neia, pa1 na nih ngei pawh ka tum a; thawhrim pawh a ngai nasa hle









"Ruby Oscar kha engtin nge ilo tih hmana zingah pawh ' khawnge auntie Ruby kha' a zing thoin a rawn ti chea" lawmzualin ka bula rawn din pah chuan ati a..
Ka nui ringawt chhan dan tur pawh ka hrelo









"I u khan sawi a nei em" ka ti ta zawka








"Neilo, tinge" a rawn tih chuan "aw...a fapa ka lo pawm mut sak ringawt sia a lo thinrim viau takin ka ti" ka tih chuan lawmzuali chu a nui hawka









"Fa te lo pawm mut sak tu chu tunge thinrim khum ngai" a tih chuan ka zawhna atthlak zia ka hre chiah; ka rilru hian Zosangzela chanchin hriat chakna riau a nei











"I ho, Kan buai em hi I hna va thawk rawh" ka ti ta ringawt, ani pawh chuan engmah sawi buai loin a phei ve mai a











*Tlai lamah chuan design ho chu Kan en khawm a, ka thawhpui tur ka lo thlang fuh tih an design ka hmuh chuan ka hre chiah, minti hlim kher mai








"Tunah chuan thui chiah kan hmabak ta" ka tih chuan anni pawh an thaw hawk thei; an design kha ka tih that tir ngun viau reng ani










"In thawk tha bawka, naktuk zanah dinner ka treat ang cheu" ka tih chuan an lawm kher mai; hnathawk te tih lawm dan hi chu ka thiam ve lawm








"Din big belly restaurant ah khan booking lo siam fel rawh aw" ka tih chuan alu a bu nghut a "ka phur zawng tak" a ti chu kan nui hak a











In ka haw chuan chaw an lo ei dawn chiah a, "nuuuu ka lo hawwww" ka ti chu Jerome a chuan "ateeee" tih pah in minlo kuah nghal chung chung a









Pawm kang vatin "in kalna chu a nuam em" ka tih chuan alu a bu nghut nghut a






"Nakinah apu api Anu leh apa leh nangmah leh keimah kal ang u" a tih chuan "aw kan kal leh Chiang khawp ang Jerome an nuam atih chuan" tipah in a biang chu ka piai sak a; a rak ring ngei mai









Choka ka phei chuan ka nu chuan "mate han inti fai zung zung la rawn chhuk leh nghal rawh aw" a tih chuan inchung ka chho nghal thuai, intifai in ka Inthlak a inhnuai ah chaw ei tur chuan ka chhuk a, anlo thu kim vek tawh









"Ka u enge in chawlh hmang chu, naute thar kan nei leh dawn em" ka tih chuan u sangtei (ka u nupui) pawh alo lai ngei mai











"Sawi awm leh awmloh hi hre rawh, hei sangtei pawh a lai chhe der ania" ka nun alo tih chuan kan nui tawp









"Enge intihsiakna tur chu a an a" ka u in alo tih chuan ka phur ngei mai ka hna chungchang sawi hi chu nuam ka tihber ani reng ani









"Pa1 na ka ni dawn chu chu nimai" confi zet chuan ka ti chhuak a, ka chhungte ho pawh an nui leh tawp tawh










Zanriah ei kham chuan ka room ah ka hna vel chu ka enfel a inhnuai atang ka nu chuan "mate lo chhuk teh hei kima a lo leng ania" a tih chuan ka thil tihlai dah vatin inhnuai lam ka pan a, kima chu Kan sitting room ah alo thu a









"I lo leng tur thu min hrilh loa" a bula thut thlak pah chuan ka ti a, "bialnu te ina leng tur indil thlap thlap a ngai ami" ka beng bula a rawn tih chuan a darah ka lo beng thek ringawt










Kima chu a leng ve renga, thingpui te ka lumsak a, eng eng emaw sawiin Kan titi luam a, dar9 dawn chuan "kan haw ve tawh ange" a rawn ti a "va thlah rawh" ka nu in alo ti ve nghal thuai











Kan inkawt thleng chu ka thlah a, a motor bul kan thlen chuan "naktuk ah ka thawhpui ho dinner ka eipui dawna lo tel ve ta che" tiin ka sawm a "ka buai loh chuan ka lo kal ang" tiin motor kawngkhar chu a hawng a, rawn kun hniam in min rawn fawpa keipawh in ka lo chhanglet thuai, kima nen hi chuan vawitam kan in fawp tawha mahse a aia thui kan kal ngailo, ani pawn min tih luih a tum hranlo hi amah ka duhna pakhat ani











Kan inthlah hnu chuan a motor chhungah chuan lutin a tlan Liam zuia, a tlan Liam chu ka thlir reng, khatiang mipa fel lutuk leh min duat bawksi ka nei kha ka lawm takzet.








Tlai lama Hna ka thawh mawlh mawlh lai chuan ka nu in minlo call a "mate Jerome a lo va hruai mai teh a, sangtei ka in checkup pui a, I u lah a buai sia" a tih chuan a thil sawi chu ka lo la fuh ngei mai










"Tinge , naute thar ami" ka lo ti var a, ka nu pawh phone atang chuan a rawn nui hawk hawk mai












"Aw ni deuh mai, inah kan sawi dawn nia..lo va hruai mai rawh aw" ti chuan phone chu a dah a











Jerome a te pre- school lam chu ka pan a, Jerome a ka hmuh chuan "Jerome hetah" ka ti thuai a, "ate" tih pah chuan minlo pan thuai a, a bulah chuan tu emaw hi a rawn kai a, ka hmuh hnu a ang takzet, Oscar a ani tih ka hriat chuan mak ka ti ngei mai










"Ate ka thianpa hi a chhungten anlo hruai loa, keima bulah haw tir ve mai rawh" a rawn tih chuan Oscar chu ka en reng a











"Oscar boihte tinge I chhungten anlo hruai loh chea" ka tih chuan men purin "ka hrelo" tih pah chuan a mit chu a nuai a, ka khawngaih lutuk chu ka pawm nghal thuai ka darah chuan bei tirin Jerome a kai chung chuan car lam ka pan pui a, car a ka thut tir tur chu alo muhil hman tawha nui sukin "mut duh reuh lutuk" ti chuan ka mut thla a












Lawmzuali ka phone nghal thuai a, Oscar a tuman an hruai loh thu ka sawi chuan mak ati ngei mai, kan dawr a rawn hruai turin min hrilh a ani pawn Anu te a phone nghal tur thu a sawi bawka










Jerome a chu Kan inah ka thlah phawta, ka nute pawh anlo haw tawh "eh eh eh..naute thar nei tur kan awm chiang" sangtei bula ka tih chuan a nui ringawt









"Haw hunah lawm ngei ngei chi anih chu" ti pah chuan ka car lam ka pan a, Oscar a mu ka thlek zeuh chuan ka nui suk ,ani hi naupang dang Anglo takin a fel em em a min nel em em bawk hian amah min pawh tir ni berin ka hria












Dawr ka thlen chuan lawmzuali chuan Oscar chu minlo pawm chhawk thuai a, sofa ah chuan a mutir nghal a, ka shawl chu la in ka sin tir a










"Tinge I chhungte chuan an hruai loh a" ka ti nghal thuai a









"Ka u hna thil vangin nizan khan delhi a kal a, ka nu leh pa lah thenzawl ah ka patea a thi thuta an kal nghal sia, engmah anlo ngaihtuah hmanlo alawm" a tih chuan "Ava pawi ve nangmah pawh lo hrilh tal tur ania, Oscar a pawh khawngaih thlak alawm" ka tih chuan "nia an hamhaih bawk nen an theihnghilh aniang, ka u in a hriat chuan a thinrim khawp ang" ti pah chuan a thaw chhuak hap a











"Aw saw eng em atih loh saw, thinrim na tur a awm hle nem" ka tih chuan "nia" a ti ringawt mahse a rilru hlauhthawn na chu a hmel ah ka hmu thei












Reilo te ah Oscar pawh alo harh a, lawmzuali lah puanthan en Kual in bazaar ah an kal daih bawk sia, a awmna hmun chu a hriat ngai anih loh vang ani ngei ang alo tap nghal a, tho vat in ka pan hnai a, ka pawm nghal thuai a; ka pawm hnu chuan a tap pawh a bang ve mai a









"Tap tawh suh le, naupang fel an tap ngailo" tia a hnung ka chul chu, "auntie apa bulah ka kal duh" a tih chuan ka khawngaih reuh khawp mai











"Apa kha a buai lutuk a, hna a thawk a nakinah Oscar chu alo hruai dawn alawm, chumi hma chu auntie bulah hian awm rawh aw" aw dam zet chuan ka a, a lu chu a bu ve nghut a











"I ril a tam em, eitur ei rawh aw" ka tih chuan "umm" alo ti nghal thuai, ei tur kan dah ho chu a duh ber ka thlan tira, a ei ve nghal maia a thil ei lai ka en chuan a ka te reuh te in a thial ve nuap nuap a, ka duh takzet amah ang hi fa neih ve ka chak takzet.













Oscar chuan thil a ei zawh chuan ka dawhkan bulah ka thut tir a, pen chu pe in lehkha puan awl ah chuan milem ziak tur in ka hrilh a, lawmzuali lo thlen pawh chuan ka bula awm chu a pawi loh thu hrilhin hna Kan thawh chhunzawm a












"An puan rawn lei ho hi lo en fel la" dinin a rawn tih chuan Oscar chu en zuk in, "sawtah ka va kal lawk anga, ka lo let leh thuai ang aw, fel deuhin lo awm la" tiin ka hrilha alu chu a bu ve nghut a, dini nen chuan in zui chhuakin room dangah lutin puanthan vel chu Kan en fel a












Ka dawhkan lam ka pan leh chuan Oscar chuan thil a lo chep mawlh mawlh a, ka pan phei nghal thuai a lalpa leh ka design ho alo chep anih chu, "Oscar heichu khawih suh" tiin a bakcheh ken lai chu ka chhuhsak thuaia










Lawmzuali chu alo kal nghal vat a,"Oscar tinge auntie thil ilo khawiha" ati chang faka, Oscar chuan ani chu hlau in ka kutah min rawn kai nghal thuaia








"A hlau che nia, tikhan ti suh" lawmzuali chu ka lo khap nghal thuai











"A thil cheh chhiat hi kan design sa kha nia engtin nge kan tih tak ang" rilru hah hmel zet chuan a rawn ti a, Oscar thil tih chu keipawh in ka ui takzet mahse naupang engmah hrelo hauh ringawt lah ani bawk silo










"Tihdan a awm ve leh mai ang" ka thaw chhuak hap a









"Oscar boihte a pawi miahlo ania aw" ti chuan a sam chu ka tuai saka ani pawh a nui leh var var tawh











Tlai lamah chuan dinner Kan ei ho dawn bawk nen Oscar chu hruai ve mai ka tum ta a, lawmzuali pawn a hnial hranlo; a u alo haw tawh em tih a hre bawk siloa











Kima alo thlen chuan "kan pa3 in kima carah kan Chuang mai ang" lawmzuali bulah tiin Kan inzui chhuak a, midang ho pawh Kan hnungah an lo kal











Car chhung kan thut luh chuan kima chuan Oscar ka malpuia ka pawm lai chu a en deuh vang vang a









"Tu te naute nge a" a tih chuan lawmzuali u fa tiin ka lo chhang thuaia, engmah min zawt zui ta biklo, mahse a lakah chuan ka Inthlahrung ru takzet












Restaurant Kan thlen chuan kan table hauh sa ah chuan kan thu thuaia, reilo tea lawmzuali te ho pawh anlo thleng a, Oscar chu chaw kan ei rualin ka barh ve zela, lawmzualin ka lo ti ang atih pawhin ka hnial tlat, Oscar hi chu ka duat nghal em em mai ani












Chaw ka hrai zawh chuan Oscar pawh chu a muhil zui a, ka malchungah chuan pawmin ka chul a, hnathawk ho chu Kan ti ti a; kan nui ho leh thin, kima pawh hi a rawn kal zing bawka an in nel tlang khawp mai










Lawmzualin "u enge ilo tiha" mak ti zet chuan ka hnung lam chu a en a, ka hawi nghal thuai; ka hnungah Zosangzela chuan minlo en run chu ka hmu a, hepa hi tinge ka hnunglam atang hian alo kal ziah le










Oscar chu ka pawmna atang a rawn la nghal sawka, lawmzuali chuan "u iti harh ange" alo ti thuai










"Lawmzual naupang pa1 lo en kawl mai mai pawh in thei nange" a ti hluk a, "an thiamloh na a awmlo" ka lo ti thuai










"Lo in rawlh suh" a aw ring silo mahse fiah tha zet chuan minti mur sung sung thei, ka zak ru chem chem mai











Kima chu lo inrawlh vatin "pu sangzel in buaina chu ka hreloa mahse thinrim loin tha takin in sawi dawn nia" alo tih chuan kima biakna chu ngaipawimawh lo zetin "I sawi fiah ngei angai ang" keimah min melh ngur chung chuan ati leh a, tawng ngaihna pawh ka hrelo











"Ka u..." Hahthlak tih hmel zetin lawmzuali chuan alo ti a, Zosangzela mintih dan vang chuan kima chu a lungawi vaklo tih a hmel atang ka hre thei










Engmah sawi tawhlo in thinrim zet chuan Zosangzela chuan Oscar pawm chung chuan a chhuak a, ka en tlawk tlawk ringawt












"Ruby ka tihpalh takzet" lawmzualin alo tih chuan "a ho lutuk" ka ti thuai, "I u kha a lungawi hmel siloa haw thuai rawh" ka tih chuan Inthlahrung zetin min haw sana, midang ho chuan Zosangzela rawn awmdan vang chuan mak an ti khawp mai engmah chu sawi loin kima bulah chuan haw ang ka ti ta zawka











Car kan chuan lai chuan kima chuan minlo melh zeuha, "nuamlo ti duh suh ilo enkawl sak zawka" a tih chuan chulam chu ka rilru hah chhan ber pawh nilo, a thinrim khan lawmzuali te kha a hau hrep ang tih ka hlau zawk











In kan thlen chuan kima chuan min kuah vang vang a, "inneih lam te hi sawi tawh ila" a tih chuan ka harh zawk thei, vawi tam inneih lam hi a sawi thina mahse keimah ka la inpeih loh vang hian a sawi ngailo











"Tinge chu chu tunah I sawia" ka ti ta ringawt a, a thil sawi leh Kan awm dan chu inrem pawh ka tilo









"Khatia naupang I fa pawh nilo duat taka I enkawl ka hmuh khan Kan fa ngei buaipui thei la ka ti" a tih chuan 'i fa pawh nilo' tih chuan ka rilru hi engtin emaw hian a ti nuamlo











"Kan sawi tha leh dawn nia" ka tih chuan hahthlak tih hm zetin min en a, "engtik ah nge kan sawi leh anga" a tih chuan chhan dan tur ka hrelo ngei mai











"Ka chhungte ka lo rawn chhin phawt ange" ka ti ta ringawt, inchhung ka luh chuan ka nu leh pa pawh anlo awma, ka u te nupa erawh an room lamah an awm thung













Engmah pawh sawiloin inchung lam chu ka pan a, Kima thil sawi vang chuan ka rilru a buai takzet pasal neih hun chu ani tawha kima hi ka pasal ni ngei se pawh ka ti mahse ka hmangaih em ka chianglo ani ka duh ngei alawm mahse... Mahse tihi a awm tlat thin hian minti buai













Inbual faiin Inhnuaiah chuan ka chhuka, ka u te nupa pawh anlo awm tawh











"Mate kima nen hian inneih lam te hi inla sawilo ami" kan thil sawi hria ni awm tak chuan ka nu chuan a rawn ti a, mak ka ti takzet











"Sawi tawh e" ka ti ringawt











"Chutia in sawi tawh bera hnu" ka pan alo tih chuan, "kima chu ka khawngaih lawk" ka u in alo ti thuai, rum lutuk chuan ka melh a engatan mah ala ngailo zui













Ka u te nupa naute pai thar chu zan zanah chuan kan chhungkua te chuan kan lawma, Kan hlim ngei mai.











***********

Zanin atan chuan khi zawng khi ni leh phawt mak rawh se aw....in lo in enkawl tha theuh dawn nia
Ka story minlo chhiarsak avang in ka lawm lutuk e... comment kha lo theihnghilh lo ula..in comment chhiarte kha a nuam lutuk ania

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:48 pm

Zosangzela









CHAPTER 3







By Zualtei Hmar








Zinga dawr ka thleng chu lawmzuali ka zawng nghal thuaia, alo la kal lo ani ngei ang a hmel hmuh tur a awmlo, in dah felin Oscar an ka design sa a cheh chhiat chu tih fel dan ka ngaihtuah a












Lawmzuali alo luh chuan ka lo en nghal thuaia, va pan hnai in "enge I u kha a thinrim viau ami" ka tih chuan "in kan haw hnu chuan engmah a sawi tawh chuanglo, Oscar a hauh hi a pe na lutuk a ngatan mah ngai suh" thawveng zet chuan ati a, keipawh ka rilru chu nuam huai






________________________







*Kan intihsiakna turin ni 3 chiah a awm tawha ka zam khawp mai, nilengin hna Kan thawk bawk sia ka damloh phah thei hial dawn in ka hria












Kan ban hnu chuan Kiman min rawn hruai a, car chhungah chuan ka lu na lutuk chu mitchhing chung chuan a seat ka ngheng a, ka hnathawh lai zawngin mut chhuak em em in ka awma mut na hun ka neih veleh hian ka rilru a harh tlat zel











Kima phone chu a rawn ri a, a chhang mai lo chu bengchheng ka ti bawk nen " chhang ta che" ka lo ti vin hlur a "a ngailo, company mai mai alawm" a rawn ti a "khawi ka lo block sak ang che" car a khalh laklawh bawk nen chuan ka lo ti thuai, "ngailo, I lu ana nilawm ni mu rawh" a tih tak vang chuan ka ngaihsak zui ta lo a












In kan thlen chuan nachhawkna ei in ka mu nghal hmak a, ka lu chu a puak thei mai dawn in ka hria, mahse tunah chuan damlo hman ka la ni bawk silo huizzz mi pa5 vel nih ka van chak tak em










Chaw kan ei lai chuan ka nu chuan "mate vawiin chu Jerome a hi an school atang lo hruai lawk mai ta che, sangtei nen kan in checkup hun ani leh mai tawh sia" a rawn ti zung zung a








sangtei chuan "a buai si, checkup zawh ah ka hruai mai ang" alo ti ve vat bawka








"naupang mahni a awmtir ringawt a tha ngailo, bakah kan haw hun tur kan hre silo" ka nun a rawn tih leh chuan keipawh in a pawiloh thu sawin ka lo hruai mai tur thu chu ka sawia














Dawr ka thlen chuan an kawr lo thui sa ho chu ka en fela, a tam bawk nen keilah ka lo kal tlai sia ka duh aiin ka ti rei ta phian a, Jerome a hruai tur chuan dar1 dawnah engmah pawh ei lo chuan ka kal ta zawk a











An pre-school ka va thlen chuan minlo nghak tih hriat zet hian alo thu ve ak a, "bawihte" ka tih chuan rawn tlan vatin min rawn kai nghal a, chhuah mai ka tum chu Oscar ka hmuh vang chuan ka ding chawt a, a chhungten anlo la hruailo ani ngei ang amah chuan alo thu a, Jerome a kai chung chuan ka pan phei a











"Oscar bawihte, apa alo la kal nange" ka tih chuan alu a bu nghut a, "ani ka phone sak dawn che mi, I duh em" ka tih leh chuan "aih apan ka lo kal dawn ati lawm" ati ve tlat bawk sia, Zosangzela mai mai chu eng ang pawn buai se a fapa te chu ngaihsak tur alawm ka ti rilru mawlh mawlh a










"I ril a tam tawh em" ka tih leh chuan a bu nghut a, an zirtir tu te bulah "apa alo kal chuan sawlai restaurant ah sawn Kan awm tih ilo hrilh dawn nia" tiin ka hruai chhuak a, keipawh thil ka la eilo bawk nen Kan pa3 chuan thil ei turin Kan chhuak ta a










Restaurant Kan thlen chuan an duh chu an order a kan pa3 chuan kan ei ta teuh a











"Engthil nge itih kha" rawn ti ri vang chuan ka hawi chhuak thuai a, hepa nelawm loh lutuk hi chu a












"Enge ni vak, thil Kan ei anih hi" ka hlau awm biklo emai, a duh hun huna min tih hmuk hmuk tur pawh ka nilo












"Engvangin nge Oscar hi min dil loin ilo hruai ve ngawta" a rawn tih leh chuan rapthlak ti lutuk in ka melh, a fapa ka hrai puara lawm a hnek in "tinge min dil loh" ala ti zawk ania











"Naupang mahni chauha awm tir ai chuan ka la ti tha fe zawk" ka ti ve ta khauh a









"Oscar lo kal rawh" a tih chuan "thil ala ei hi" ka lo ti vat











"Miss.."










"Ruby" ka tih chuan "miss Ruby ka fapa ania ka tih dan turah chuan lo buai duh suh" a rawn ti let thuai a ka hmui ka lo ti sawi zeuh, min melhrum kher mai











"I fapa ani tih te chu ka hre ve reng" naupang inhnial kan van ang tak











"Hmanzana mi pawh kha ila in sawifiah lo ania" a rawn tih chuan "ka in sawifiah na tur ka hre hauhlo" ka lo ti let vat, ani reng bawka ka chungah hian lawm thu sawi mawlh mawlh tur ani zawk a










"Mi fapa lo hruai ve ringawt kha thil tha ani em ni"











"Hruai lo ila tuman an hruai dawnlo asin" ka ti ve nghal zat, min hnial hneh awmlo emai












Hahthlak minti zet chuan a thaw chhuak a, kei inti thiam fahran chuan ka lo nui thung "nang nena infiam kualna hun ka neilo, Oscar lo kal rawh" a tih chuan a hriat phak loh turin "inla buai vel e, buailo bik ka ni tawp silo" ka lo ti sur sur a










"I buai chuan naupang ang maia tawng lo khan hmanhmawh ta che" a rawn ti hluta, ka thil sawi kha alo hre pha nimaw, a hriatna a tha phian mai ka ti











Oscar pawh chuan apa chu a zui ve mai a, a kal dawn chuan "ka lawm e auntie Ruby" ati ve ngei anih chu , hepa hian a fapa a tluk lo takzet










*********

Vawin hi kan intihsiakni kha ani tawha, a dawn tak tak phei chuan darkar 2 bak ka muloa, ka hmel te hi a pawr vekin ania ka rin










Hyve city hall lam chu pan in kan bungrua nen chuan kan kala, kan model te pawh an phur ngei mai









A hmun Kan thlen chuan mi pawh anlo awm neuh neuh tawh, inremfel thuaiin kan bungrua chu Kan ti fel a, darkar chanve hnu chuan mipui pawh an rawn kal khawm tawha keini pawh model ho chuan kawr an ha mawlh mawlh tawh










Kima chu lo kalin "duhsakna ka hlan a che" tih pah in ka chalah chuan a rawn fawp zeuha, ka thla ati muang takzet












Min10 hnuah show pawh tan tur ania, judge ho chu an rawn lut khawma, backstage atang chuan an thusawi chu ka lo ngaithla renga, a tawp bera Zosangzela hming an lam chuan mak ka ti lutuk chu ka tlu lo chauh












Va phei vatin an mahni hmuh theihna ah chuan ka va en a, awi leh hepa hi Judge ani ve dawn amaw anih chuan keihi...ka ngaihtuah zui ngamlo, engvangin nge hmani khan ka lo hnial vak vak kher le inchhirin awmzia anei silo










A chanchin an han sawi te chu an sawi over bik hian ka hre knawpa, mi zawng zawngin duh se ti niawm fahran in "entertainment Huang ah chuan ani ai ropui an awmlo" te an han tia, a sual sual nen ka lo ti rilru mawlh mawlh a











Lawmzuali a rawn kal chuan "engvangin nge I u hi judge a ni dawn tih I sawi loh a" ka lo ti nghal thuai, henu hi chu aw sawi loh tur a sawi a sawi tur ber a sawi leh ngai silo











"Sawi kher a ngai pawn ka lo hrelo a, tinge lo tham I tum ami" fiamthu in a rawn tih chuan nuih pawh ka nui theilo, a laka ka awmdan mawlh kha aw












*Kan elpui te lam pawh an che tha khawp maia, Inti thei fahran hian backstage anla rawn lut zui, ka pheikhawk hmawr zum hian lo chhuih pawp mai chu ka duh












"Ruby's design studio" an rawn tih chuan kan model ho pawh an chhuak sap sap a, backstage atang chuan ka lo thlir reng, Zosangzela pawn alo en uluk ngei mai; kan model ho pawh an che tha ngei mai Zosangzela hi judge ni kher lo se chuan pa1 na kan nih mai pawh chu ka ring












Backstage an rawn thlen chuan che tha inti zet hian an rawn au lut a, kei erawh in beisei na pawh ka lo nei tawhlo












"Ui Zosangzela min en Dan kha inlo hmu em ka lai chhelo chauh" te an rawn ti anih chu, khapa en vanga nuam lo tih a lo laih vel te chu a ka lo ti rilru mawlh mawlh a











Top5 ho chu an puang a, rinloh tak main ka lang ve hlawl anih chu, stage a va chhuah phei chu ka hreh takzet












Ka va chhuah chuan Zosangzela chu en ngamlo in thil tullo pui pui chu ka melh kual zawk ta hrep a, ani lah chuan hre sa ninawm ang takin engtin mah a hmel ah danglamna a awmlo thung













Mc in "tunah top3 ho kan lo puang ang" a tih chuan ka thin chu a phu dup dup a, pa3 na atang an puang chho a, pa1 na a kan studio hming an rawn lam chuan ka meng pawk kher mai












Kan model ho leh hnathawhpui ho chu stage ah rawn chhuak in an rawn hlim khawp maia, kei erawh ka lo ding ngawi reng, lawmzualin min rawn nghawk chuan lawmman la tur ka ni tih ka inhre chiah, ngawiteh Zosangzelan lawmman min hlan dawn amawww











Ka va kal hnaih chuan lawmman chu min pe a ,Kan inchibai lai chuan ka kut te chu a khur thei, thla kan lak dun dawn chuan ka bul hneih deuhah a rawn dinga "I tawng tam aiin I design te chu an maw" a rawn tih chuan ka ip chawih thei, nuisuk in a thutna lam a let leha ka en zui vawng vawng














Thusawi tura mintih chuan mic chu ka la thuaia, Zosangzelan min en ngur vang chuan sawi tur mai pawh ka hrelo, hawisan in amah chu ngaihtuah lo zet chuan thu chu ka sawi ta a











Ka sawizawh chuan kut an beng dur dur a, ka rin ai ka sawitha phian mai











Banah chuan kan hnathawk ho chu an hlim khawp mai a "naktuk chu lunch min treat thei" an rawn ti nghal luam a, keipawh in ka hnial lo











Kima chu ka zawnga, mahse ka hmu mailo ka phone chu la chhuakin ka call a, voi3 ka try hnu chuan "boihi thil tihfel tur a awma ka thlah hmanlo ang che" engmah ka sawi ve hma chuan ati nghal zung zunga ala dah nghal daih zui, tunlai a awmdan hi a mak tak tak ani














Ka car ka ken loh vang chuan ka inchhir ngei mai, ka u ka phone mai dawn mawnle ka tihlai chuan "naupang tawngthei" rawn ti tu vang chuan ka mit ka chhing sawk, tunge anih ka hrechiang khawp mai









"Tikhan min ko suh" thinrim zet a ka tih chuan a nui suk duh chauh











"I bialpa chuan a thlah haw hman na che nge" a rawn tih leh chuan engtin nge hepa hian kima min thlah haw hmanlo chu a hriat le ka ti rilru a












"Lo buai suh" ngeiawm zeta tiin ka kalsan a, engmah a sawi zui tawh biklo









Kan bungrua chu motor chhungah chuan kan dah hnawk bawk sia, model ho haw na tur nen keichu leng pawh ka leng loa lawmzuali lah bungrua ho chu dawra dahfel tu tur ani bawk sia, ka rilru a buai takzet











Ka u chu Kan phone tawp mai ange ti rilru in ka phone chu ka la chhuak a, ka call dawn chiah tihah ka hma ah chuan car dum nalh zet hi a rawn dinga, a glass chu down in Zosangzela chu alo thu a










"Lo lut rawh" a rawn tih chuan phawk zetin ka lo en










"Min dil loin engvangin nge ka motor ah ilo thut ve ringawt" iti palh ang ka ti ve hmak a, hahthlak ti zet chuan a thaw chhuak a, kei erawh chhang tha inti zetin ka nui var var











"Min hnial min hnial lo khan rawn lut rawh, haw na tur pawh I neih loh kha" a rawn tih chuan haw na tur ka neilo tih ka inhre chuak leh thut a ka lo tawng tam leh hman viau tih pawh ka hre chawpchilh nghal










"A ngailo ka u ka be mai ang" ka tih leh chuan "Oscar min lo hruai sak vanga ka lawm thu sawina ah ngai mai rawh" dam deuh tak chuan a rawn ti a, chutia ti na na na chu tiin a car ah chuan ka lut a.







Car chhung ka luh chuan ka zak leh hnuhnawh, chhuah leh na chi ani tawh bawk silo nah...ka van a tak












"Judge I nih dawn te chuan sawi ve ta che" ka ti ringawt, sawitur ka hrelo chuan











"I tel dawn tih ka hre hleinem" a tih chuan a sawi dik phian sia











"Keimah ka nih vang hrim hrim khan mark min cut sak em" chik zet chuan ka va en a










A nui hawk, tianga a nui hi ka vawikhat hmuhna "heti em em hian ilo â ani maw" atih chuan ka melh rum vaka ngatan mah ala ngai lo zui










"Engvangin nge nangmah inih vangin chutiang ka tih ringawt ang, ka endik ber chu I design alawm nangmah niloin" a tih chuan ka zawhna chu Avan at thlak tak keimah leh keimah chu ka inti a












Kan inkawt kan thlen chuan mak ti zetin ka en a "engtin nge kan in I hriat a" ka ti nghal thuai











"Ka hre ve tawp, I chalah khan a inziak alawm" a tih chuan ka hmui ka lo tihsawih khum zeuh










"I chhuak dawnlo mi, nge min zui haw I tum zawk" a rawn tih chuan ka chhuak nghal thuai lawmthu pawh ka sawi lo









Inchung ka luh chuan ka chhungte chuan tv an lo en thapa, "kha iva ti tha ve" ka pan alo ti nghal thuai









"Tha reng ang chu, kei ang fanu special lutuk I nei hi inchhuang vah rawh" ka tih chuan, an nui tawp










"I thusawi kha I google chawp ami" ka u in alo tih chuan ka melh rum kher mai, min fiam peih lutuk hi chu a










Ka room ah chho vatin ka intifai a, ka phone message chu ka en a min lawmpui tu pawh an tam ngei mai mahse kima minlo be ve miahlo chu mak ka ti takzet, a chungah thil thalo a thleng a mawnle ka ti hial mahse chutiang awmse minlo hrilh ka ring bawk sia










******

Dawr ka thleng chuan Kan dawr chhung chu balloon leh thil chi hrang hrangin anlo chei duah a, minlo surprise ve ngei a ka hnathawh puite fel lutuk hi chu phulo ka initi takzet












Chhunah chuan restaurant ah Kan chak lawmna chu Kan neia, nuam an ti hlawm khawp mai...thil Kan ei lai chuan kawngkhar atang Zosangzela lo lang chu ka hmu a mahse a bulah chuan model chhelo zet remkimi chu a rawn hruai tela











Min rawn hmuh chuan min rawn en vung vunga remkimi chuan a bengah thil hrilh zawkin table dang pan chuan an inzui pheia, an awmdan chu mi mawl ber pawhin an inngaizawng tih an hre thei ang, ka mood chu rawn off ve ringawt anih chu...kei hian enge ka lo beisei vak a, a lawm thu sawinan min thlah haw ani ve maia ka rilru chu ka duhlo takzet










Ka hnathawh pui ho te pawh chuan an sawi nak nak a, lawmzuali erawh in engatan mah a ngaihloh hmel unau an ni tih pawh hi pawn lamah chuan a hriat meuh loh











Kan eina bill ka pek lai chuan tullo zetin Zosangzela lam chu ka va hawi a, remkim in a bianga alo fawh sak lai ka va hmu a ka phu deuh zawk, saw tia ualau taka han awm ka lo ti rilru a keia ngaihdan te chu ngatan mah an ngai dawn mang silo











Kan design zawrh chhuah tur ka lo en fel lai chuan ka hnung lama min rawn kuah tu vang chuan ka phu zawka, "ka tihpalh lawmpui hmasa ber tur che ka nia" kiman a rawn tih chuan ka inthlah dul deuh a










"A pawilo, mahse tinge khatia engmah sawiloa I awm daiha" ka tih chuan "hna thil ania" ati ve maia a thusawi chu ka awih ve mai bawk, a buai theih zia chu hrechiang ber tu ka ni miau a









"Dinner Kan ei dun dawn em ni" a tih chuan "aw" ka lo ti nghal thuai, ka hnarah min piai zeuha ka lo ner nang thung







"Tikhan min ti ziah suh" ka lo ti hlur a ani lah chu a nui duh lek chauh, pawn lamah chuan kan inzui chhuak a, nizan ka lungawi lohna te kha chu a reh leh vek tawh











Dinner Kan ei zawh chuan kan titi dun a, chutah tho thutin ka hma ah chuan a rawn thingthi a, a ipte atang zungbun rawn la chhuak in "Ruby Malsawmzual min nei duh angem" a rawn ti nihchu, ka hamhaih lutuk chuan ka chhang thei mailo











"Aw" ka tih chuan ka kutah zungbun chu a rawn rawlh luta ka chalah fawp zeuhin a thu tha nghal a, la inpeihlo hle mai ila ani hian rei tak min nghak a tunah chuan keipawh in ka pawmsak mai angai tawh ani












In ka haw chu rinloh deuhin Zosangzela alo thu kur a, ka pa chuan "mate hei Pu Zosangzela kha I thiannu lawmzuali u" alo tih chuan ka hriat thuin ka chhang a, ka pa nen chuan hna chungchang an sawi dun ani ngei ang an thutak dun hle..











Kitchen lam chu ka lut phei a, u sangtein thingpui alo lum a, ka kuta zungbun a hmuh chuan min chheih nghal thuai, keipawh chu lai zetin ka lo nui a, Kan nula pawhin min awh thu a sawi char char a tunah tak hi chuan khawvela mi vannei ber ni hialin ka in ngai







Ka Inthlak zo chu inhnuai lamah ka thu thla ve a, Zosangzela pawh alo la awm a.. haw alo tum mek aniang ka pa chuan "I haw mai ang maw" tiin an lo inbe mek a








Ka pa chuan "mate, hei a motor dahna bulah i nu pot in a kalna a dal a lo va thenfai sak mai ta che" a rawn tih chuan 'aw' chu ka ti ve mai a mahse ka rilru tak chuan ani nena awm fal chu ka huphurh takzet






Pawn kan chhuah chuan pot ho chu ka hung sawn thuai a, ka hnungah Zosangzela chu alo ding thung, pot ka rem fel zawh chuan ka kut chu ka beng fai a "a tha tawh ang" tih pah chuan kal mai ka tum a, pakhat pa chuan ka banah vuanin min pawt her thut a










"Enge itih a" ka lo ti vin thak








Ka kut chu la kang in kima zungbun min bun tir chu a thlek deuh vang vang a









"I bialpa hi I hrechiang em" a rawn tih chuan ka lo melh nghal thuai, engthu nge maw a sawi le









"Aw, nang ai chuan ka hre Chiang zawk" ka tih chuan ka chhan na chu a duhlo hle aniang min vawnna chu a hmer nghet sauh a








"Anaaa" tih pah chuan a kut chu lak thlak thumin ka vuan a










"In ngaihtuah Chiang ang che, thil hrechiang loin engmah ti suh ang che" aw thum zet chuan a rawn ti a, a thil sawi chu thupek a ang lam mah ani










A kut chu a la thla vut a, motor chhungah lut in a tlan Liam zui a, a tlan Liam lai chu ka thlir renga a thil sawi awmzia kha ka hrelo takzet mahse kima hi chu ka tan a tha tih hi ka hrechiang ani







******

Kima te pawn palai an rawn tira, man inhlan ni pawh an ruat fel tawha, kar leh mai ani tawh, kima chuan ni telin min duatin min ngaihsak em em a min tih lungawi loh a hlau ni berin ka hria, ka tan a nuamin a hahdam thlak takzet












Vawin chu ka nu leh u sangtei nen damdawiin ah in checkup turin Kan kal a, ultrasound an tih lai a naute ka hmuh chuan naute ka awt ve takzet ka rilru ah Oscar alo lang ringawt bawk









Damdawiin kawt kan chhuah chuan "auntie Ruby" tih ri vang chuan ka hawi let thuai a, Oscar chu rang zeta rawn tlan in min rawn kuah nghal a, ka lo pawm kang thuai a, a hnungah Zosangzelan alo zui bawk










"Oscar enge hetah intih a" ka tih chuan











"Pipi bulah kan kal a" tiin minlo chhang let a, pi siamtei kha doctor ani tak










Zosangzelan kan bul a rawn thlen chuan ka nu in "pu sangzela te chu nireng in inu in tlawh ami" alo ti thuai a








"Aw.. Oscar hian Ruby hi a rawn hmua, a rawn tlan phei nghal anih hi" nui suk chuan ati a, ka bula a awmdan leh ka nute bula a awmdan in Anglo lutuk vang chuan ka lo ner nang thung












"Auntie Ruby lo leng thin ta che" Oscar in atih chuan ka nu in "boihte I auntie hian pasal a nei dawna, lo kal ve ru aw" Oscar bulah chuan ati a, "kan pan a sawm dawn tho cheu na in, ka lo sawilawk anih hi karleh lamah Ruby leh kiman man an inhlan dawna lo kal ngei ngei ru" ka nu chuan thutak zawkin Zosangzela bulah chuan ati leh a











Pa1 pa lah chu ngawi ngul in a bu nghut, "auntie hian pasal anei dawn maw" Oscar an alo tih chuan ka lo umm thuai a









"Mahse auntie chu keima mummy ni se ka van ti" a tih chuan "enga" ka lo ti thuai











Ka nu te chu an nui Liam maia, Zosangzela chuan Oscar chu ka pawm na tang rawn la in "kan kal tawh mai ange, tluang deuhin in haw dawn nia" ti chuan parking lot lam chu an pan a










Oscar thil sawi vang chuan ka rilru a lawm veng veng mai, naupang rilru thianghlim lutuk in 'Anu' ni turin min duh ania....










*******

Man Kan inhlan ni pawh alo thleng der tawh, zing atang chuan kan buai em em a, lawmzuali chu ka thian ah ka hmang a, ka room ah chuan min chei a












"I hmeltha lutuk, makeup hman vak pawh angailo" min tih chuan ka lai ru takzet, fakna te chu tunge lawm lo tehlul ang











Kan thutna turah chuan kima nen chuan kan thu a, Zosangzela te chhung pawh anlo kal a, Oscar leh Zosangzela pawh ka hmu reng, a hmel pa lutuk chu a tum hmuk a, thutna lam chu an pan a








A hmel ka hmuh chuan hmanzan a thil sawi kha ka hrechhuak a mahse ka rilru chu tih buai loh hram hram ka tum











Ka pan thu a sawi lai chuan kawngkhar atang hian hmeichhia nau a pai tih hriat taka a pum puar deuh lah chu a rawn lut a











"Enge ilo tih" kiman atih chuan kima chu ka en nghal thuai,a hriat zawng a mawnle... a hmel chu a buai takzet











"He inhualna hi ka pawm theilo" chu nu chuan a rawn ti lut a, mi ho pawh chu an phun sep sep












"Nula buaina I nei em ni" ka pa chuan dam hlup in a ti a










"Aw..kima fa hi ka pai ani" a tih chuan mak ka ti lutuk chu ka Bing nghal mup mup thei












"Eng..engmaw" ka tih chuan "boihi a thusawi saw ngai pawimawh duh suh" kima chuan alo ti nghal thuai











"Engtin nge I fa ka pai reng lai hian nupui dang neih i tum theih zawk" chunu chuan aw khur der der hian a rawn ti a, ka thinlung chu vih sawk sawk ang mai a na ani, ka thu hriat te chu dawt nise ka ti takzet










"Mawizual I Puma naute kha ka duhlo tih vawi engzat nge ka sawi dawn" kiman vin that a atih chuan a biangah ka beng nghal sawk a, a biang chu dawm vang vangin min rawn en a











"Zaktheilo pa, thil sual iti a chutah mawhphurh na ila ngam lo amaw, eng ang mipa nge I nih a" aw khur der der chuan ka ti a







"Boihi ka thusawi hi ngaithla rawh" a tih chuan









" Ka ten lutuk che, ka ten takzet che mihring pawh ini lo" tiin pawn lam chu ka pan a, ka hnungah chuan tu emaw hian min rawn zui a, ka banah chuan kai in motor park na lamah chuan min hruai a, ka mittui kara a hmel ka en chuan Zosangzela ani











"Min thlah rawh, infiam kual ka peihlo ania" ka tih chuan









"Ka fiam dawn hleinem che" ti hmukin car kawngkhar chu a hawng a










"Min hmusit ani tiraw" ka tih chuan a thaw chhuak hrawk










Car chhungah chuan min thut tira ani pawh a rawn lut nghal thuai, ka rilru nat vang chuan engmah ka sawilo, ka mittui lo tla chu ka hru leh zeuh thin











Rei tak kan tlan hnu chuan ka hawi chhuak a ramhnuai ni awm takah hian min hruai a, ni a tlak tawh vangin khua chu a thim tep tawh










"Khawi hmunah nge min hruaia" ka tih chuan










"Ka inah" ti nghut in car chu a ti dinga











"Min dah let leh vat rawh engvangin nge min hruai ve ngawta" ka tih chuan min en ngura











"Khatiang hnuah khan ila haw duh ami" atih chuan ka mittui chu a luang tih ka biang lum thla pap ah chuan ka hre thei











"Kima khan a tifiam ani tiraw" keimah ngei pawh chuan ka zawhna chu ka awihlo










A thaw chhuak hrawk a , a kut chu nghet takin a hum a











"Kima kha khatiang mi anilo, khanu khan dawt a sawi anih kha, let leh ila kima kha ka hmuh angai" tap chunga ka tih chuan











"Malsawmzual harh chhuak rawh, kha mi tenawm pa khan a bum che anih kha" min sawi nawk nawk chuak ati a









"Aih anilo" tiin ka beng chu ka hupa ka tap zawih zawih a, ka thil hriat leh hmuh te kha ka awih duhlo ani ber











Min rawn kuah in "a tha ve leh vek mai ang, tap tawh suh" a tih chuan ka thinlung chu rilru na viau siin a thlamuang em em a









Reife ka tap min thlem hnu chuan motor atang chhuakin a in lam chu Kan pan phei a, in lian lutuk chu aniloa mahse a nuam takzet kawt zawlah chuan pangpar a tam em em a, naupang infiamna tih hriat tak in a sirah chuan toys hi alo awm bawk a





*********

A hmasa in lawmthu han sawi leh phawt mai ila😂ka lawm thin lutuk ania ka story ho te inlo chhiar duh a chumai bakah comment chhiar nuam tak tak te inlo hnutchhiah thin a....in chhiar zawh ah minlo comment sak leh ru aw story ziah minti phur tu ani ve ania...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:48 pm

Zosangzela





CHAPTER 4






By Zualtei Hmar







Inchhung Kan luh chuan rin ain a nuam a, room pa1 ah chuan min luhpui a, "intifai la kawr haktur ka rawn pe ang che; zanin chu hetah riak mai rawh" a rawn tih chuan ka lo pawm khawp mai, tunah chuan duh thlang thei dinhmun ah pawh ka dinglo miau ani












Room atang chuan a chhuak a, ka chunga thil thleng ka ngaihtuah chuan ka thin zawn hi a rawn na vawng vawng thei, Zosangzela chu rawn lutin t-shirt leh kekawr bul chu min rawn pe a, a chhuak leh nghal











Intifai in khumah chuan ka mu a, "thil tlem a zawng rawn ei la" a rawn tih chuan ka ei peihloh thuin ka chhang a ani pawn minti lui biklo












Zing ka harh chuan ka mutna chu ka room anilo tih ka hre nghal a, nimina thil thleng kha ka hrechhuak leh nghal; rilru hah ten mutna damdawi anlo ei ziah thin pawh hi ka hriatthiam pui khawp mai, Kan mutlai chiah hian Kan thil tawn hrehawm tak kan thleihnghilh thei a












Kitchen lama thawm ka hriat vang chuan Zosangzela pawh a tho tawh anih ringin ka va pan phei thuai a, pi tar ve tawh lampang hian eirawng alo bawl a, min hmuh chuan a lo nui sang a









"Tunge I nih a" ka ti ringawt a









"Helai hmuna hnathawk hi ka nia ,pi than minti mai dawn nia, pu sangzela khan eitur lo siam tur chein min hrilh a ka peih tep aw" alo tih chuan ka lu ka lo bu zeuh









"Coffee intur ka van duh" ka tih chuan min siam nghal thuai a, pawnah chhuakin thutna lo awmah chuan ka thu a










Ka mit ka tahna vanga bui lak mai nen chuan khaw eng hmuh pawh a hrehawm takzet, ka rilru ah chuan kima khan min bum tur khawpin a chungah enge ka tihsual tihte chu ka ngaihtuah a










Hlimna ka lo pe ngai hauhlo ni ngei tur ani hmeichhe dang lakah hlimna a zawn, chumi ka ngaihtuah chuan ka in hua a hmeichhe nep tak angah ka in ngai bawk










"Ilo tho chhuak maw" aw thum zetin a tih chuan hawi pawh ka hawi peihlo










Ka bulah chuan rawn kal hnai in "haw I duh tawh em" a rawn ti a, tunah tak hi chu haw ka la duhlo takzet










"Khawngaih in reilo te ka la awm thei angem" ka tih chuan a ngawi vung vung a, a lu chu a bu nghut; Tawi te chuan ka nuih a










Inchhung lam atang "chaw a ei theih aw"pi thanin a rawn tih vang chuan inchhungah kan inzui lut a, chaw kan ei lai chuan tu mah mah chu tawng kan tumlo bawk nen a reh takzet











"Engtin nge ka hna te kha ka tih tak ang le" keimah chu ka inbia ni zawk mah












"Lawmzuali ka lo lak tir anga, ka rawn Keng mai ang" alo tih chuan ka hnial lo khawp mai











"Ka lawm e" zawite chuan ka ti a










"I chaw kha ei rawh a dai ange" a tih vang chuan ka melh hrep, hepa inla boss thei lutuk hi chu a











"Ka nu te hian hetah ka awm tih an hria em" ka tih leh chuan lu a bu nghut a, ka nu te nen an inhre tha thoa pawi an tilo ani ngei ang









Chaw eikham chuan Zosangzela chu a chhuak leh nghal a, pi Thani nen chiah kan awm vang chuan ka khua a har lek lek; ani lah in tifai in a buai a ka lo pui ang che ka tih lah in a phal der silo, hetia ka awm mai mai chuan ka in ngaihtuah a ka rilru natna ka hrechhuak leh mai mai zawk











"Pi than ka lo pui ang che, tihtur a awm silo ka khua a har" ka tih chuan pi Thani chu a nui ta hawk hawk a, "awle ka inpuih tir mai ang che..pawna pot inhung kha lo rem fel ta che" a tih chuan "awle" tiin pawn lam chu ka pan a, an kawt a zau sia pot rem chhung ringawt pawn chawhma chhung hun ka hmang












"Thingpui rawn in hahchawl rawh" pi thanin a tih chuan inchhung lam chu ka pan thuai a










"Helai hmunah hian I thawna a rei tawh em" pi thani chu ka zawt a











"Rei ve tawh e, he in hi a neih tirh atang tawhin ka la thawk char char" a rawn tih chuan "Zosangzela nen pawh in inel viau ang a chu" ka tih zawm nghal a










"Aw, ka hriat tirh atang nanghi a hmeichhe rawn hruai awmchhun ini" a tih chuan awihloh hmel zet chuan ka lo en a, mahse a hmel ah chuan uang hmel a pu bawk silo









"Oscar a nu pawh alo hruai ngailo amaw"













"Hruai ngailo, a chanchin sawi pawh a duh lo" a rawn ti a










"Ngatinge" ka lo ti hu a, mak ka ti takzet ani









"Ka hre ve vaklo, mahse Oscar hi a duhlo tih chu ka hria" thutak deuh chuan a rawn ti a, mak ka ti ngei mai engtin nge a hrin ngei a fapa chu a duhloh thei zawk mihring te hi an lo mak mange... engmah chu ka zawt zui tawh ta bik lo a










Thingpui kan in zawh chuan inhnung lama pangpar tui chu ka pe a, ka pek zawh chuan pi Thani chuan eirawng alo bawl a









"Ka han inbual anga ka rawn pui ang che" tiin min chhan hma chuan nizana ka riahna room lam chu ka pan a, bathtub a ka inchhiah lai chuan ka lo muhil ani ngei ang ka harh deuh zawka, intleuh fai in towel var thianghlim zet chu ka awmah ka bat a, kawr hak tur ka neilo bawk nen Zosangzela kawr min pek kha hak leh mai ka tuma bathroom atang ka chhuah chuan Zosangzela chu room ah chuan alo ding kur a, ka phu nasa lutuk chu ka thin hi a thlawk chhuak lo chauh












"Enge hetah I rawn tih" ka aw chu a vin lek lek









" I kawr hak tur" tih pah chuan paper bag chu khumah a dah a, min en reng vang chuan nuamlo ka ti takzet, ngawiteh kei hi ka towel hnuaiah hian engmah ka la halo zui











"Kawngkhar tal rawn kik ve ta che, awmdan mawi hrelo lutuk" ka zak bawk si thinrim bawk si chuan ka ti ta zek a










Nui sukin "vawi engzat nge kawngka ka rawn kik I hria em" a rawn tih chuan ka hre der bawk silo










Ka zah zel chuan "kal vat rawh min en reng suh" ka biang sa hat hat nen chuan ka ti ta ringawt a









"Khang I taksa te zet te kha ka it lo e" ti hmukin a chhuak a, a tawngkam ngeiawm lutuk chu sawitur pawh ka hrelo; ka taksa te hi an te thlawtlo keima tawkah a Lian lai tur leh a te tur chu a dik ve thlap










Ka Inthlak zawh chuan chaw ei turin ka chhuk a, pi thani pawhin eirawng lo bawl zo tawhin ei theih turin alo siam fel vek tawh









"Ka lo mu thlu palh a, ka rei ta deuh anih kha" pi thani en chung chuan ka ti a










"Pawilo, vawin min pui nasa bawk sia I chau ve nihkha" alo ti thuai a, Zosangzela erawh a ngawi ngul thung










Chaw kan ei lai chuan "lawmzualin I hnathawh lai kha chu ka lo khawih zo mai ang, lo ngaihtuah duh suh se" ati, min en Chuang silo chuan a rawn ti a, chhangzui lo chuan chaw chu ka ei a







"Helai hmunah hian I awm ziah thin ami" ka ti ta daih a, he lama a rawn kal ziah hi mak ka ti deuh ani








"Kar tawpah Oscar nen Kan kal thin" a rawn ti a








"Tinge tunah I rawn kal si" ka lo ti hu a, a thaw hrawk a min rawn melh ta khauh a




"I awm vangin ka rawn kal, ka inah hian nangmah chauha awm I duh em ni" a rawn tih chuan keimah min ngaihtuah vang ani tih chu ka hria a, ka inthiamlo leh hnuhnawh








Chaw kan ei kham chuan Zosangzela chu a room ah kalin a intifai a, thleng chu ka Seng fel a sil erawh chu pi thanin a phal loh vang chuan ka ti lui biklo "ka hna min thawhsak daih ten enge ka hna in awmzia a neih anga" ati ve tlat a












Pawn thuthleng ah chuan ka thu a, thla a eng tha bawka lung a leng duh khawp mai ka phone ka ken loh vangin kiman min rawn zawng hmu thei dawnlo tih ka hria a chumai bakah ka chhungten ka awmna hi an hrilh dawnlo tih pawh ka Chiang










Thli in min chhem heuh heuh lai chuan rim pa hrak leh fresh zet ka lo hriat than tawh em em chu ka bulah a rawn nam a, tu min hrilh hran ngailo in Zosangzela ani tih ka hria










"I hritlang anga sin tinge pawn ah I awm" a rawn ti thum chhal a, a aw chu zan khaw thiang nuam tak hnuaia hriat atan chuan apa mah mah ani










"Ka lung a leng takzet" ka tih chuan ka bulah a rawn thu thla nghal thuai









"Ka chunga thil thleng ka ngaihtuah chang hian kima kha ka dem ngailo, a tan hmeichhe vawt tak leh amah ti hlim zo lo mi nep tak chauh ka ni" zawite chuan ka ti a









Thaw chhuak hrawkin "khatiang khan in ngai suh, kha mipa nep lutuk thiamloh kha ani" a rawn ti chang fak a, a mah chu ka en nghal thuai







"Nang hian hriat inei tiraw, nilo se tinge thu mak pui pui kha min hrilh" ka thil lo hriat chak thin em em chu ka zawt ta a, mahse a chhanna erawh hriat ka huphurh lawi si







"Hria e" tih zawng chuan min chhang a. A man min hrilh loh chuan zawh zui zel chu ka tum bik lo








"Tinge ka chungah hian I that em em a, helai hmun thleng hian min hruai" ka ti ta daiha, hei pawh hi helai hmun min hruai atang khan ka thil hriat chak tak ani










"Ka hrelo" a ngawi nghal ngul a "ka thinlung in ti tura min hrilh angin ka ti ani" ka mit taka min rawn en chung chuan a rawn ti leh a, tunah tak hian hepa hi ka thlahlel takzet a mitmeng fiah leh mawi zetin min en khian ka thinlung a hahdam thei












En rei ngam loin ka hawisan thuai a "chhun ah tihtur a awmlo thei sia, Oscar hi lo hruai ve daih la" thudang sawi tum tak chuan ka ti a













"Naktuk ah ka rawn hruai ang" a ti hmuk, hepa thil sawi tlem thei lutuk hi chu










"Oscar hian a ngeina che tih I hria em" a rawn tih leh chuan ka thinlung chu a hlim veng veng mai












"Aw keipawh in ka ngeina lutuk alawm" ka ti nghal a










"A nu hian a rawn tlawh thin em" ka tih leh chuan a ngawi vung vung, ka lo zawt chu ka inchhir ru ngei mai










Min chhang tawh dawnlo emaw ka tih hnu in "a pai lai atang tawha duhlo tu chuan a rawn tlawh I ring em ni" a tih chuan ka thinlung a khawih takzet, Oscar nu chu hre ve lo mah ila mi rapthlak tak anih ngei ka ring nghet nghal bur











Zawh zui vak ngaihna ka hriat tawhloh vang chuan ka ngawi ta daih a, "nanghi a nu tluk zetin a ngeina che tih I hria em" a rawn tih leh chuan ka en nghal thuai












"Khawngaih in a tan hian awm reng la ka duh ani" a rawn tih chuan ka la ngawi reng, sawitur ka hrelo takzet











Rawn kun hniamin ka hmuiah chuan a rawn fawp a, ka mak ti lutuk chuan ka lo dawh tawp; hrechhuak thutin a awmah chuan ka namsawn a "min hre thiam rawh" tiin inchhung lam chu ka pan nghal thuaia, ka room ka thlen chuan ka thaw deuh kawk kawk, tuan thil thleng kha enge ni ngai..ka ngaihtuah na te chu Bing mup mup mai












Ka thinlung hian Zosangzela kha a duh tan dawn niin ka hria mahse ka rilru chuan duh thei ka nilo ka inti mawlh mawlh a.









******

Zing ka thawh chuan Zosangzela chu alo awm tawhloa, nizan thilthleng vang chuan ka lai ru takzet, nileng chuan a rawn kal ringin sitting room ah chuan ka lo nghak renga mahse a rawn lang miahlo










ka Inthlak lai chuan Oscar aw ang deuh ka hriat vangin ka chhuak nghal thuai, Oscar chu Zosangzela chuan alo hruai tak tak a ka lawm takzet










"Hi Oscar" ka va ti nghal thuaia, "auntie" ti pah chuan min rawn pan a, a hlim tih a hriat takzet











"Auntie Ruby bulah hian zanin chu riak daih rawh aw" ka tih chuan lawm tih hriat zet hian a nui nghal var var a











"Vawin enge ilo tih a" rawn ti tu vang chuan ka zak thar leh tlat, Kan awmdan chu chhungkua te pawh Kan ang alawm le











"Engmah ka tilo" lai ru zet chuan ka ti a










"I nu ten an ngaihtuah lutuk chea, naktuk chu tlawh la a tha ka ti, hetah ila awm duh anih chuan ka rawn hruai leh che nga" a rawn tih chuan Oscar chuan "papa auntie bulah ka kal ve duh" alo ti nghal thuai a










"Oscar nen hian ka nute bulah chuan kan kal anga, tlaiah min rawn lam mai dawn nia; ka Inthlahrung viau na chu Kima hmel hmu turin ka la inpeih tlatlo"Zosangzela en chung chuan ka ti a, alu a bu nghut











Chaw kan ei lai chuan Oscar chu ka barh ve mawlh mawlh a, ani pawhin nuam ati takzet "pap leh auntie Ruby leh Oscar te hi school a kan zir thin family ang chiah kha ani" a rawn tih chuan Zosangzela nen chuan kan in en thuai a, ka hawisan leh nghal thuai









"Oscar aunty Ruby kha mummy nise iti em" Zosangzelan a rawn tih chuan phawk zetin ka en nghal










"Umm mama tiin ka au chak tawh" pakhat lah chuan alo ti nghal a, Zosangzela chuan min rawn en in a vei nuih suka, hepa hi naupang bula sawi awm leh awmloh pawh hrelo a fapa bulah lehnghal












*Zanah chuan Oscar chu ka bulah a mu a, thawnthu bu ka chhiar saka fel tak chuan a mu ve a, kawngkhar rawn in kik ri ah chuan ka hawi chhuak thuaia Zosangzela chuan kawngkhar bulah chuan dingin minlo en ngur a











"Oscar chu a mu tawh" ka ti ringawt a, sawtia min en saw chuan keimah hi ka buai nghal vek zel










"Ka room lamah ka lo mut dawn ami" a rawn tih chuan ka lo hnial nghal thuai, zanah a bulah ka mu a zinga min hmuhloh chuan mak ati lutuk palh ang










Engmah sawi ta lo chuan a chhuak zui ve mai a, nizan chuchang engmah hrelo ang maia a awm chuan minti hamhaih takzet, ani hian min fiam Kual mai mai mawnle












*****

Ka nute in ah chuan Zosangzela chuan min thlah thlapa, ka ngaihtuah chian pauh leh kan awm dan chu nupa kan ang ka ti zual










In kan thlen chuan ka chhungte chuan min ngaihtuah tih an hmel atang chuan a hriat, ka nu phei chuan "mate, in innei hmanlo kha a tha lawm nilo se chu Kan mualpho thui zawk daih ang" alo ti a, a sawi chu dik ka ti khawp mai Kan innei hmanlo chu keipawh ka lawm takzet












Zosangzela chuan thingpui a rawn in zawka, ka chhungte chuan lawmthu an hrilh mawlh mawlh a, tlai lamah min rawn hruai leh tur thu sawin hna kal turin a chhuak leh nghal a











Chaw kan ei lai chuan ka u chuan Kima kha alo hnek hman hram ani awm e, hepa hi chuan min tibuai peih viau mahse a farnu neihchhun ka ni bawka min ngaihtuah tih hi ka hre Chiang hle











Ka nu bulah chuan kima alo kal em tih chu ka zawta, alo kal thin thu chu a sawia mahse Kan inah erawh a rawn lut ngailo ani awm e, rawn lut ngam tur pawh anilo reng ani












Oscar leh Jerome a chu an infiam Duna ka u leh ka pa erawh office an kal tawh thung, u sangi leh ka nu nen chuan sitting room ah Kan titi mai mai a










U sangtei chuan "hrin loh fa I nei nghal der chu nia" fiamthu hian a rawn ti a










"Ka hrinloh ang pawn ka en ngailo" ka lo ti thuai, ani reng ani Oscar hi ka fa ang tak takin ka en a ka hmangaih bawk










Ka nu chuan "mate eng ang pawn I rilru na mahse mipa ina awm reng chu mi tan pawn sawi tur inti tam mai mai ania" thutak deuh chuan a rawn ti a, keipawh in dik ka ti mahse tunah hrih chuan ka hmun nuam tih ber leh ka hlimna ani miau sia









___________________







Tlaiah chuan Zosangzela pawh alo kal thuaia, ka chhungten chaw ei ve turin an tih tlat vangin chaw chu Kan ei nghal a












Chaw ei khama haw tura Kan chhuak dawn chiah chu kima a rawn lut a, a zaktheilo ka ti lutuk chu sawitur pawh ka hrelo










"Boihi min ngaidam rawh, khanu khan dawt in min puh mai mai ani" a la rawn ti hram anih chu khatiang a Chiang ah khan, rapthlak ti lutuk in ka melh nghal










"I fa ngei a pai a, dawt a sawi ila ti maw" ka thinrim lutuk chuan ka ti a, ka aw chu a ring lam mah mah ani










Boihi tih paha min rawn pan hnaih a tum chu "chhuak rawh" rawn ti tu vang chuan a ding chawt a, Zosangzela chu a en nghal thuai










"Nanghi helai hmunah hian enge itih ve a, boihi hi min laksak itum ami" kima chuan thinrim zet chuan ati a, zaktheilo ka ti takzet









Zosangzela chu a thinrim tih hriat zet hian a kut chu a hum ruh a, a hnek duh dawn mai hian ka hria mahse Oscar a awm ve reng vang chuan ala insum hram hram tih ka hre thei










"Nang ang mipa nep lutuk laka dah leh ai chuan a tha zawk" ka u chuan a rawn ti a, kima chu thinrim zet chuan a chhuak nghal, a rim atang chuan zu a in tih a hriat takzet











"Pu sangzel kal ru, heta in awm reng chuan kima khan matei hi a rawn tibuai leh mai mai ang, zu rim te a nam phut bawk si" ka pa in a rawn tih chuan ka bana min kai in a motor lam chu min pan pui a tum a











"Ka lo haw leh thuai ang, min ngaihtuah duh suh" ka nute bulah chuan ka ti a, an ni pawh Zosangzela bula ka awm chu an thla a muang tih a hriat












Motor kan Chuang chhung zawng chuan tumah mah chu kam tawng loa, Oscar lah a muhil daih bawk si a reh takzet










In kan thlen chuan Oscar chu a rawn pawm chhuak a, a hnungah chuan ka zui ve zel..a room lamah chuan a mut a, puan chu ka sin that tira chhuah leh mai ka tum chu ka hnunglam atang min rawn kuah tu vang chuan ka ding chawt











A kut lak San ka tum chuan "Ruby" a rawn ti thawp salh a, ka thinlung chhungril ber hi a fan nghal










"Ruby ka duh che" a rawn tih leh phei chuan ka thin phu ri chu a hre thei hial in ania ka rin










Ka ngawih reng vang chuan a inla hranga a mah en tur chuan min kuai her a










"Ka duh takzet che, kha mipa tlak tlailo zet lak atang khan venhim che ka duh ani" a rawn ti leh a










"Ka hre thiamlo, mipa hi ka ring leh thei em tih ka hrelo ani" zawi te chuan ka ti a











"I tana mipa rintlak ka ni ang, I rilru nat engtik ah mah ka phal tawh bawk lo ang" a rawn tih chuan ka hlim takzet











Ka hmui chu a hmuin a rawn khar chilh nghal a, keipawh in ka lo chhanglet thuai inla hrang hlek in "min duh ve ani tiraw" a rawn tih chuan ka lu ka lo bu nghut, ka chalah chuan a fawp zeuha min kuah nghal a.










Tuna ka thu tlukna siam hi a dik em chu ka hrelo, mahse ani hi ka duh a tunah chuan ka hlimna hi ka dah pawimawh ber ani









********



Zing ka thoh chuan ka dula min kuah tu vangin ka khi suk, ka beng bulah "goodmorning" a rawn ti a, a zingkar aw phei hi chu apa zual takzet








Oscar chu rawn harh in min rawn en vung vung a "papa leh auntie Ruby bulah ka mu" a rawn tih chuan ka lo nuih a










"Yessss... Avan nuam tak" ti chuan a rak nghal a, Zosangzela nen chuan in en in kan nui dun tawp










Chaw kan ei lai chuan lawmzuali chu a rawn kal a, "nuam in va ti ve" a rawn ti lut nghal ham ham a










Oscar chuan "nana" alo ti nghal thuai a, tumah pawh chuan chaw chu Kan ei chhunzawm ta lo, lawmzuali rawn kal chuan thawm a rawn nei nghal chung bawk nen











*Zosangzelan hna a kal dawn chuan ka chalah alo fawp zeuha lawmzuali mak ti lutuk hmel chu ennawm a tling











Zosangzela chhuah hnu chuan "nangni pahnih kha tinge tikhan in awma" a rawn ti nghal reng a










Oscar chuan "nana papa leh auntie Ruby te bulah hian ka mu a anuam lutuk" a rawn tih chuan lawmzuali chuan a hmui a hup nghal










"In in ngaizawng tiraw" a rawn ti chhuak a ka lo nuih ringawt thung











"Ui ka lawmpui lutuk che, ka u hi chu ka hrechiang a itan a mipa tha ber ani ang tih ka Chiang ngam sak" a rawn ti nghal zung zunga, a u chu a fak ve khawp mai











"Kan hria ang chu" ka lo ti thung











Lawmzuali chuan dawr lam chu ngaihtuah lo tur leh ka duh Chen Chen awm tur chuan min hrilh a, ani hi ka ring bawka ka awmloh chhung chuan dawr chu alo en kawl theih pawh ka ring












Lawmzuali kal hnu chuan Oscar nen kan infiam Duna, naupang harh tha tak mai ani a; a bula awm chuan nuih na tur a tam takzet.







**********

Khazawng kha nileh phawt mai rawh se....ka story chhiar tu te chungah lawmthu ka sawi nawn leh e❤️
Comment kha minlo pe leh ula awwww

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:49 pm

Zosangzela








CHAPTER 5








By Zualtei Hmar









Zosangzela chu tlaiah alo haw a, Oscar nen room ah chuan apa chu Kan inthlak puia, kan nui ho leh hak thin Oscar hlim lutuk chu Kan nuihpui ani ber












Oscar chu pi thanin a auh vangin a tlan chhuak nghal a, chu ve leh Zosangzela chuan ka hnunglam atang min rawn kuah nghal









"Nanghi, ka hnung lam atang hian I rawn ti thut thut zel mai" min vawnna kut Ben sak pah chuan ka ti a










"I hnung lam atang hian ka lo veng che lawm" a tih chuan ka nui hak











"Aw anih chuan tikhan ka guard rinawm tak angin awm ang che" ka tih leh chuan "ka chak ber alawm" a rawn ti thawp salh a











"Ti teh va inbual rawh, room a kan awm reng chuan pi thani khan alo ngai khawlo ange" a kut lak thlak tum pah chuan ka ti a











"I awm tawh ta sa sa, kan ti khawlo law law dawn mi" a rawn tih chuan ka melhrum rang kher mai










"Tawng Liam mai mai lo Khan va inbual mai teh" ti pah chuan room atang chuan ka chhuahsan a, pi thani chaw ei lo siam chu ka pui nghal thuai










Chaw kan ei lai chuan Zosangzela chuan "lawmzualin I inpeih tawh chuan dawr lo kal tawh turin a duh che a" a tih chuan lu ka lo bu zeuh










"Nia, keipawh ka chawl rei tawh mah mah ka ti" ka tih chuan min rawn en vut in











"Kha mi tenawm pa chungchang ah kha chuan hlauthawng duh suh, a khawih che ka rem ti hauhlo ang" a rawn tih chang fak chuan ka lo khap zeuh










Kima kha a hming pangai pawn a ko ngailo, chutah Oscar a hriata chutiang sawi ka duhlo










Zanah chuan pawn a kan thut ziah thinna ah khan Kan pa3 chuan kan thu a, Oscar thusawi chu Kan ngaithla renga










"Auntie hi mama anih chuan Oscar a fel tawh ngawt ang" a rawn ti ve reuh a, Zosangzela nen chuan in enin kan nui tawp










"Oscar te chu good boy ani sa reng alawm" a sam chul pah chuan ka lo ti a










"Daddy engtik ah nge auntie Ruby hi mummy ka tih theih ang" apa en chung chuan ati a, Zosangzela chuan min rawn melh zawkin "tunah pawh iti thei alawm" a tih chuan ka hamhaih lek lek








"Mummy" Oscar in a rawn tih chuan ka thinlung chhung hi a hlim veng veng mai










"Oscar naktuk ah api te apu te nana bulah te khan Kan haw tawh dawn nia aw" ka tih chuan a hlim ngei mai, a chhungte chu alo ngai ve tawh ani ngei ang










"Mummy a fel ber" a rawn tih chuan ka pawm nghal thuai a, ka malchungah chuan reilote ah a muhil nghal, hetiang naupang fel leh duhawm lutuk hi engtin nge anu in a duhloh theihzawk tih chu ngaihtuah tham ani










"Oscar nu hi khawnge a awma" ka tih chuan Zosangzela chu a thaw hrawk a










"Dubai ah ala awm" a rawn ti a









"Ruby khanu chuchang kha sawi ka duh tawhlo, tunah chuan Oscar tan I awm tih ka hre tawha tumah dang ka mamawh lo" ka kut rawn hum vang vang chuan ati a










"Nu hmangaihna a dawn ngailoh zawng zawng kei hian Oscar hi ka pe ang" ka tih chuan min en vang vang in ka chalah chuan a hmui a rawn nawra











"Ka ring che lawm, nanghi hmeichhe chak tak ini tih pawn ka hria" a rawn tih chuan ka chhungril chu a hlim veng veng, tunah hian ka bulah ka hmangaih tak tak te an awma chu aia ka tana nuam a awm dawn em ni










Ni e, ka hmangaih ani tuna ka awm dan ang hian kima chungah ka la awm ngailo, anni hi chu ven him ka duha an tana mi tha ber nih pawh ka duh chu chu tih hlawhtling ngei pawh ka tum ani










*********

Zingah chuan Oscar tap ri chuan minti harh a, ka meng thuai, alo tap uar khawp mai, kuah vatin "Oscar tinge" ka ti nghal thuai a, Zosangzela pawh alo tho thuai, Zosangzela te nen Kan pa3 in khum khatah kan mu ho a, inkuah aia thui kan kal ngailo thung










"Sophie ka hmu, Daddy ka hlau" tih pah chuan a tap leh nghal a, tunge Sofie pawh chu ka hrelo ka bangbo takzet










"Engtin nge Sophie chuan alo tih chea" Zosangzelan atih chuan










"Mummy hi a lo hruai boa, chuan Oscar hi alo hau vak vak a" a tih chuan ka mak tihna a zual











"Tunge Sophie chu" Zosangzela melh pah chuan ka ti a










Min chhang lo chuan "Oscar tap tawh suh le, mipa an tap mai mai ngailo" ti chuan ka pawmna atang a rawn la sawna, ka zawhna a chhanglo chu ka thinrim lek lek mahse keipawh in ka zawt zui biklo












Oscar chu pawnah chhuah puiin infiamna ah chuan a infiam puia, Oscar pawh a nui leh thei tawh, Zosangzelan inchhung alo luh chuan zawhna mitmeng in ka lo melh a









"Sophie chu Oscar nu ania" a rawn tih chuan ka meng phawk ngei mai










"Oscar bulah hian anu chungchang hi sawi ka duhlo" a rawn tih leh nghut chuan keipawh in ka hrethiam ve mai a, khatiang nu sual lutuk chu a tan hre tamlo se a tha ber a mumang thleng in a rawn ti hlau chu ani sia aw












Chaw ei kham chuan Zosangzela chuan min thlah a, ka dawrah ka tlang nghal, Oscar pawh api te inlam ah a dah a api te alo ngai ve tawh nen min ngen hranlo











Dawr ka thlen chuan minlo lawm thiam hlawm khawp mai, ka kal loh chhung chuan thil pawi engmah a thleng loa lawmzuali hi a thiam a ka ring tawk bawk a, ka rin sual loh zia chu ka hre chiah











"Hmanzan fashion show a kan design kha order alo lut hnem em" dini bulah chuan ka ti nghal thuai










"Teh reng mai, size chi hrang hrang in order a tam takzet" a tih chuan ka lawm ngei mai, kan kawr design hi awmze neilo design mai mai ani ngailoa, kan mizo culture nen inrem tur thlapin kan ti thina chu chu mi pawh hian min duhna reng ani











Meeting neiin min rawn sponsored tu te ho kan lo advertise dan tur chu Kan sawi ho a, rawtna tha tak tak an rawn thawh khawma, ti hi chuan kan dawr pawhin hma a sawn ngei ka ring










Meeting Kan neih zawh chuan ka phone rawn ri chu ka chhang nghal thuai a Zosangzela ani










"Aw daddy sawi ta che" ka lo ti thuai, han fiam Kual vel chu ka chak takzet










"Tunah khan engtin nge min koh kha" ka thil tih chu a hlawhtling Chiang hle mai










"Ka fiam che nihkha" ka tih chuan a phun hluk









"Enge tunah minlo call a"









"ka ngai che lawm" a rawn ti nghut a, Oscar an a chhun lutuk thin hi ka nuih a za lek lek









"I nui alaw" a rawn tih chuan "Oscar ang rual vel lek ini tunah kha chuan" nuih insum zet chuan ka lo ti let










"Naupang ngaihzawn chu enge a an a" a rawn ti nihchu, "a nuam lutuk" ti chuan kan nui dun ta a










"Zanah Oscar nen Kan lo leng ang" a tih chuan "in pafa in nula in rim dawn animaw" ka lo ti thuai









"Aw nula han rim vel chu enge a an ka hrechhak alawm" a rawn ti a, ka lo nui hak










Phone kan dah hnu chuan keipawh haw turin ka insiam a, in thlawh hmasa loa dawr ka kal vang chuan ka haw hma deuh









In ka thlen chuan ka nu chuan "kan nula senior pasal nei thelh pawh alo haw tawh anih hi" a rawn ti fiamthu a, ka melhrum kher mai, ka nu fiamthu duh thin lutuk hi chu huat a lak chi pawh anilo










U sangtei pawhin minlo chheih nghal thuaia kei erawh ka nui Liam mai mai thung, ka room ah chhoin ka inbual a ka room ka hmuh chuan ka ngai tawh takzet mahni khum ngeia mut chu a dan a dang deuh












Zanah chuan Zosangzela leh Oscar chu an rawn leng dun a, Oscar in min hmuh rual a "mummy" a rawn tih chuan ka chhungte ho chuan a ngaihna an hriat loh hmel kher mai









Zosangzela chuan "Ruby nen hian Kan inkawp ve tan a, awmlo pawh inti meithei a mahse min pawmpui ve ngei Kan beisei" ka chhungte bulah chuan ati a










Ka nu leh pa chu an lo bu nghut, pathlawi anih vang ngawt hi chuan an iai biklo ni tur ani












"Ka nau hi rilru na taka I siam ve anih chuan ka chhuah dawn miahlo che nia" ka u in fiamthu ti tak deuha a rawn tih chuan kan nui ta huk a, ka u thin hi chu a











Oscar chu ka mal chungah a muhil leh nghal der tawh, ka pawm ve tawh hi chuan mut tur emaw hi ati nghal ngawt a








Zosangzela chuan dar9 dawn chuan "kan va haw tawh ange" a rawn ti hluai a, keipawh ka lo insiam rem nghal thuai










Car chhungah chuan Oscar chu ka mut a ala mutui ngei mai, Zosangzela chuan min kuah vang vang a keipawh in ka lo kuah let nghal thuai nileng in kan inhmu lo a ka ngai tawh takzet








Dim te chuan ka hmuiah a rawn fawpa, a mi fawhna dim zet vang chuan ka chhanglet lo theilo, duhthawh telh telh in ka mawng chu a rawn tham a harhchhuak zawkin kan inkawt ah Kan la awm tih chu ka hrechhuak a ka nam sawn nghal












Vei nuih sukin "ka kham thei dawnlo anih hi" ti pah chuan ka hmui chu a rawn tuai zeuha, ka lo lai leh takzet tawh










"Kal tawh rawh" ka tih chuan engmah sawi tawh biklo in a kal zui ve maia, a hnung atang chuan ka en zui char char, ka rilru nat lai bera ani ka tawng hi ka lawm takzet ani ka rilru chuan ka ti mawlh mawlh a











Inchhung luh mai ka tum chu "khapa vang khan em ni ka bulah I rawn let duh tawhloh" rawn ti tu vang chuan ka hawi nghal thuai, kima bawk ani











"Lo buai suh tenawm pa" ti pah chuan inchhung luh ka tum chu ka ban ah rawn vuan in min theh leng dawta











"I kut bawlhhlawh zet khan min tawk re re suh" ti pah chuan a kut chu ka peih thlak sak nghal










"Kei hi mi tenawm min ti amaw, tunah khan kha pathlawi pa nen a inlo awm dan kha tenawm chu ani zawk lawm ni" min tih el zel chuan ati a, ka ngei lutuk chu ka tawng chhuak thei lawk lo











"Bialnu nei reng chunga hmeichhe dang lo mutpui tu nang ang mi tenawm nen hian min tehkhin hauh suh" ka ti chang fak a, ka thinrim lutuk chu ka tawng ring hranlo












"Kei ai I thlan pa nen chuan hlim takin in awm hauh lo ang chu chu hre rawh" a tih chuan rapthlak ti lutuk in ka en, engtin nge hepa hi ka lo duh theih tih te thleng in ka in ngaihtuah ka lo at zia pawh ka hre chiah











Engmah sawi tawhlo chuan inchhung chu ka lut a, a rawn chet dan vang chuan ka hlauthawng takzet, pawn lam atang chuan hmeichhia mahni inveng zo tak angin lang thin mah ila ka chhungril tak chuan ka hlauthawng takzet.












*Gabriel P.O.V*


Car ka khalh lai chuan Oscar chu alo harh a, "papa khawnge Mummy" a mit nuai chung chuan a rawn ti a, a harh atang Ruby a zawng nghal chu ni sia henu hian ka fapa hi a dawi a tawh takzet, ka fapa chauh niloin keimah ngei pawh hi










"Mummy chu Jerome te bulah khan a awm a" dam hlup chuan ka ti a








"Engtik ah nge mummy hi kan bulah a awm ang" a rawn tih vang chuan chhan dan tur mai ka hrelo, mahse Ruby hi chu neih ngei ka duh ani








"A theih veleh aw, tunah chuan fel deuha mummy lo nghah tur aw" ti pah chuan ka melh zawka, a lu chu a bu ve nghut nghut










Malsawmzuali hi ka hmuhtirh atang tawh khan ka mit a la nghal a, chutah ka fapa in ala duh em em zui; kima ang mihring alo tawng hmasa kher kha a pawi takzet, nilo se chu rilru na takin a awmlo tur ka car khal pah chuan ka ti rilru mawlh mawlh a







In kan thlen chuan ka nu te chu sitting room ah anlo la thu a, Oscar chu kan room lam ah tlan chho in a toys a han khalh nghal a kei erawh ka pa te bulah chuan ka thu a








"Boiha, Len chhan te a awm em" ka nu chuan Ruby nen Kan inkar hriat chak zet chuan a rawn ti a









"I va han ho mai mai tak, mipa ania naupang ani tawhlo a nula ina a leng te chuan enge ni vak ang" ka pa chuan alo ti thuai, kei erawh ka nui suk thung








"Ka u leh Ruby chu an inngaizawng alawm" lawmzualin rang zeta alo tih chuan ka nu leh pa pawh an nui ta hawk a, henu hian a thup rei theih kha ka ringlo reng ani










"In inneih hunah chuan mo thian ka ni dawn ania aw" alo ti zui nghal a, ka nu chuan ngawi turin alo khap nghal thuai










"Bawiha, I naupang chhe tawhloa chutah fapa ila nei zui a, Oscar hmangaih pui thei tak tak tu che chauh hi nei la ka ti ani" thutak deuh zawk chuan ka nu chuan a rawn ti a









"Ka nu, Ruby hian Oscar hi a fa tak ang ngein a hmangaih a chu chu keipawh in ka duh em em chhan pakhat ani" ka tih chuan ka thusawi min pawmpui tih hriat zet hian alu chu a bu a










"Ani kha chu nula fel ani dawn tih ka hria lawm" a rawn tih leh chuan lawmzuali pawh a rawn inrawlh leh nghal thuai, a ngawi rei tawh ka ti renga








"Fel e, thiannu fel tawk a nei alawm" alo tih chuan chhan pawh chhang loin Kan nuih Liam mai mai








"Bialpa te hi nei ve tawh rawh" ka va tih chuan alo meng rum leh hlar tawh







Ka room ka luh chuan Oscar chu ka khumah a lo muhil a, ka fapa fel lutuk hi chu ka khawngaih hial zawk nu tello in a sei lian a, nu duhloh ni tur chuan ala naupang mah mah ani









Oscara nu Sophie nen hian Dubai ah Kan intawng a, vawi tam kan che sual dun tawh keipawh in nupui a neih pawh pawi ka tilo mahse Oscar a pai tih a hriatchhuah khan tihtlak tumin damdawiin a pan a, ka va nang hman hlauh a chuti nilo se chuan Oscar hian khawvel eng a hmu lo ang











Kan fapa chu keiman ka enkawl tur thu ka hrilha chuvang chauh chuan ati tla lo ani










A rai tih a hriat tirha a thil sawi kha ka la hre reng , "nu nih ka duhlo, chuan he naute pawh hi ka duh bawklo" inthiamloh na nei hauhlo in ati nihkha, khami ni atang chiah khan a rilru tenawm lutuk chu ka hre chiah.







Oscar a neih hnu khan a fapa ngei chu voi1 pawh a hmel en loin a kalsan thei anih chu, a duh ang ngei chuan mipa tam tak a kawp Kual a tunah chuan engtin nge a awm pawh ka hre tawhlo hriat pawh ka duh hek lo









Oscar hma ah hian a rawn in lan leh ang tih chu ka thil hlauh ber ani, Oscar tet deuh lai hian vawi1 chu a rawn hmu a, chuta tang chuan Oscar pawh hian 'Sophie' tiin a hria a; anu ani tin erawh a hrelo
Ka fapa hian anu duhloh ani tih hi inhrelo se ka duh ber ani










********

*Ruby P.O.V*




Zing ka harh chuan nizan lam ka mu thalo bawka ka tho tlai Chiang kher mai, hmanhmawh tak chuan intifai in ka insiam nghal a, ka sam pawh ka khuih hman tawhlo












Dawr ka thlen chuan ka tihtur tul ho chu ka ti fel a, lawmzuali fiamthu thawh ah Kan nui ho leh thin, henu hi chu nuih na ti tam tu pakhat ani ve Chiang ani










"Nizanah ka u lo haw kha Ka chhaih a" intithei zeta a rawn tih chuan ka lo melh no lo teh e "engtin nge I chhaih a" ka lo ti nghal thuai










"In inneih hunah mo thian ka ni dawn ka ti, Chute chu chiangsa nia" a rawn tih chuan ka nui tawp, henu bulah hi chuan a thinrim theih tak tak loh










Sophie chungchang hriat belh ka duh vang chuan thil chu ka zawt ta char char a








"I u bialnu hlui Sophie kha in inhre tha ve em" ka tih chuan ka zawhna vangin mak ati tih a hmelah a hriat








"Engtin nge Sophie hming chu I hriat a" ka zawhna nilo chuan min chhang a









"Ka zawhna min chhang phawt rawh" keiin ka lo ti thung







"Aih, voi1 chu Kan inah alo hruai tawha chumi bak chu ka la hmu biklo, ka u nen khan Dubai lamah an awm chawt ani ber" ka zawhna chu tha deuh chuan min chhang ve maia










"I u hian a la duh angem" ka tih leh chuan a nui ta daih









"Ti teh thiani, duh nise ngatan nge nanghi a ngaihzawn ang che bakah ka u tan hian ka duh tawh hlol lo mahni hrin ngei pawh a duhlo ania hmangaihna awmzia pawh a hre tawp nang" ati khur khur a, a sawi chu keipawh in dik ka ti viau.











"Mawh engtin nge a hming chu I hriat a" a rawn tih zawm a









Keiin ka hriat dan ka lo hrilh ve thuai a, a hmel atang chuan Sophie chu a ei loh hmel kher mai, lawmzuali hian a duhloh a pe na bawka ama lamah hi chuan ka lungngai lo khawp mai.







**************



Ka story chhiartu te ka lawm e aw....like leh comment kha minlo pe leh ula...chuan ka tih dikloh te minlo hrilh thina ka lawm lutuk ania

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:49 pm

Zosangzela









CHAPTER 6








By Zualtei Hmar







Zanah Zosangzela leh Oscar chu an rawn leng a, Oscar pawh Jerome nen an inkawm thei a nuam ati hle









Thingpui te in in, ka pa nen chuan an titi luam a, ka u te nupa chu u sangtei nu te in lamah an len vangin an awmlo a Jerome erawh an hruai lo










Ka nu leh pa chuan reilote ah an room lam min pan San a, Jerome leh Oscar erawh infiamin room lamah an awm thung a, Zosangzela nen chiah chuan sitting room ah kan thu a bialpa te mah nise a nuamlo duh viau mai ka khawr ru tlat pek










"Min en ve la" nui lek lek chuan a rawn ti a, hepa hi ka lai tih a hria a min chhaih Chiang lutuk









A mitah chuan ka va en kar a, "enge..enge" ka ti nghal tawn tawn a, anui suk duh chauh







"Khatia I awm khan ka fawp chak che" ka beng bulah chuan a rawn ti thawp salh a, ka chil ka lem dawk; hepa hian minti lai thiam takzet zawng anih hi










"Hmmm" ti pah a ka hmui ka lo ti sawi zeuh chu a hmui in a rawn bawhthuah nghal a, kei erawh in ka chhanglet lo mahse a mi fawhna ngen ngawl zet vang chuan chhanlet ka chak kher mai, ka nu leh pa te room lehlam lawka an awm vang chuan Zosangzela chu a awmah nem sawn tumin ka dawm renga mahse ngatan mah a ngailo











Chutah kawngkhar atang "Jerome bawihte" u sangtein a rawn tih chuan kan inthlah rang dun ngei mai, u sangtei chu a ding chawta min rawn hmu thawi ani ngei ang, ka zak lutuk chuan Zosangzela chu ka sik vak ringawt a ani lah chuan ngatan mah ala ngaihloh hmel em em zui...hepa zahtheihloh na themte tal pawh hi nei ve ila ka ti ngawt mai











"E.. Zosangzela te chu inla awm alaw" u sangtei chuan aw pangai takin a rawn ti a, kei erawh ka lai lutuk chu ka biang a sa hat hat mai









"Anih hi, khawnge Jacob a" tiin ka u awmna chu a zawt a, u sangtei chuan car a hun that thuin alo chhang bawka











Jerome leh Oscar pawh anlo kal nghal thuai a, Jerome chuan anu a bawh nghal chung chung a amut a chhuak tawh ani ngei ang, ka u rawn kal hnu chuan reilote an titi leh a, Zosangzela te chuan haw an tum ta a; inkawt thleng chu ka thlah










"Ava teuh ther ther ve" Zosangzelan ka beng bula a rawn tih chuan a awmah nalo tein ka lo beng a







"Khatiang a tih thut kha chin tawhloh tur tihna nih kha" ka tih chuan a kiai suk








"An hrethiam vek tho alawm" a rawn tih leh chuan kal tawh tura hrilhin car chhungah chuan ka luh tir a











"Jerome bye bye aw, naktuk ah inlo leng leh dawn nia" ka tih chuan "mummy bye bye" alo tive nghal thuai a, 'mummy' min tih hian ngaiah ka la nei thei meuh lo









Inchhung ka lut chu u sangtei chauh alo thu a "ehem" a rawn tih chuan a thil rawn tih dan chu ka hrethiam chiang hle a, ka zak thar leh








"Ka rawn tibuai hmanlo cheu tiraw, in lo ti zo hman em" a rawn tih leh kher chuan ka zak lutuk chuan chhan pawh ka chhanglo











"Engmaw" tih pah a ka u room atang a rawn chhuah chuan "engmah nilo" u sangtei chuan nuih za insum zet chuan a rawn ti a, ka room lamah chuan ka chhoh San daih, ka awm ve reng anih chuan u sangtein a sawi leh anga min chhaih buai leh mai mai.










***********

Dawra design ka en fel lai chuan ka phone message ri vangin ka phone chu ka bih nghal thuai a Zosangzela chuan "tlaiah ka lo lam ang che" tih hi alo thawn a, ka nui ak tawh chu lawmzualin min rawn hmu fuh pek a, ka nui tawp Chiang hle










Lawmzuali pawhin alo man rang kher mai "eh eh eh hnathawh lai em chuan thuthlum infah lo ang u aw" a rawn ti a, kei erawh in ka lo melh rum nghal










*Chhunah chuan kan buai vaklo bawka tiin lunch ei chhuah kan tum a, Kan dawr kawt kan thlen chuan ka mi hmuh vangin ka ding chawt, he mi zaktheilo pa hian enge a rawn tih ni, a hnung bera ka kal vang chuan tuman min hmulo hlauh









"Enge I rawn tih" ka ti chang fak a










"Khawngaihin thil sawidun lawk ang" min melh reng chung chuan ati a, kei erawh ka nui hak thung









"Kha thil thlen hnu atang khan pangai takin kan la inbe leh loa khawngaih takin bawihi" a rawn tih leh chuan keipawh in engvangin nge min bum tih chu hriat ka chak em vangin ka hnar ta lo










Kan dawr bul maia cafe ah chuan kan inbe ta a, a hmel inthiamloh na chu ka ngei hluah hluah, tenawm lutuk










"Sawi ta che hun ka neilo ania" ka ti nghal zat a









"min ngaidam theilo em ni" a rawn tih chuan thaw chhuak hrawk in "ngaihdamna chungchang chu sawi suh, engvangin nge keihi min bum, I pawi sawi ka nei em ni heti em em a tlawma min siam tur hian I chungah enge ka tihsual a" ka aw chu a vin lek lek, ka insum buai peihlo hmeichhe fel tak anga awm pawh ka tum heklo












"Ka hna thil vanga delhi ka zin tum a thil thleng kha ania" a rawn tih chuan rin har ka ti ngei mai, khatih chhung zawngte khan keichuan amah lo mipa dang melh chu sawi loh biak pawh ka be ngailo ti ila a dik ber ang












"Kum4 zet chu kan inzui ve tawh, I rilru ti na thei zawng leh I duhloh zawngin ka awm ngailo mahse ka chunga I thil tih hi" sawi pawh ka sawi chhunzawm thei tawhlo, ka ṭap thei dawn tak ngial











"Boihi kha tih lai khan rilru mumal ka pulo ani, ani khan minlo thlem ve sek bawk a I bulah ka awmlo bawk nen" a rawn tih leh chuan ka in khawngaih zawk takzet









"I rawn haw hnute khan engmah thlenglo angin ila awm thei chu ani sia, mi rapthlak pa" ka ti ta hrep a, a lakah hian tawngkam tha hman a tulna pawh ka hrelo











"I fa lo piang tur tan pa tha tak nih tum tawh zawk rawh, keini chu awmdun tur kan nilo" aw dam deuh zawk chuan ka ti leh a










Rawn nui sukin "Zosangzela nen khan in awmdun ka remti chuanglo ang" ala rawn ti nihchu, chhan pawh chhang loin ka chhuahsan nghal..chuti chu nilo se kha hmunah khan ka an khum hrep palh ka hlau ani










Kan Dawr ka thlen chuan tumah anlo la let lo a, kha mi tenawm pa ka hmuh vang khan ka mood a off phah vek











Lawmzuali chuan minlo call a "khawnge I awm a, Kan hnungah khan I kal ve reng emaw tia" a rawn ti a, an hrilh hai hlawm khawp ang chu "ka phone ka theihnghilh a ka let leh a, ka rawn kal leh peih ta lo law law nihkha" pangai tak chuan ka ti a









"Aw anihchu, eitur ka lo Hawn sak mai ang che" a rawn tih leh chuan aw tiin phone chu Kan dah a










Reilo te ah chuan an rawn thleng phei sap sap a, lawmzuali chu ka bulah rawn kal in "kha leeee" tih pah chuan ka dawhkan ah eitur chu alo dah a "ka lawm e" tawi te a nuih pah chuan ka ti let a










"Tinge khatia I awm a min han hrilh vek teh le engin nge I rilru mawlh a" a rawn ti nghal zung zung a, ka lo nuih tawp henu hi chuan min hrethiam nghal zel zawng chu a nih hi









"Kima nen Kan inhmu a" ka tih chuan "enge in sawi a" pangai takin a rawn ti let a








"A fa paina nu nena an intawn na vel mawle" ka tih chuan a meng phawk kher mai








"Engtik lai khan nge ni a" a rawn ti leh nghal zat









"Delhi a zin tum khan" ka lo tih chuan a hma aiin a meng phawk









"Kan mi tenawm pa chuh! Alo rinawm loh San vel che nimaw" a ti nghal ṭhat a, kei erawh in a ṭawng ring lutuk chu ka lo khap nghal









"Bum tlak lek khawpa hmeichhe â ka nih hi" ka tih chuan a ngaihdan anihloh hmel ngei mai









"Ka u inei alawm, lungai re re suh" te chu a ti ve luam a, ka nuih ati za zawk








*******

Banah chuan Zosangzela chuan a sawi ang ngeiin minlo lam a, car chhunga kan ṭhut dun chuan minlo melh leh zeuh ṭhin









"Thil thleng a awm em ni" a rawn ti a, hepa pawh hian min hre Chiang leh lutuk hi chu..an unau hian thil an man chak mah mah ṭhin










"Awmlo e" ka tih chuan a ngaihdan anihloh hmel hle









"Ruby engkim min hrilh rawh" Chiang zet chuan a rawn ti a









"Vawinah kima nen Kan inhmu a" muang ban chat chuan ka ti ta a









"Enge in sawi" pangai taka a rawn tih chuan keimah ber ber in mak ka ti, a thinrim ka ring ania









"Naute nu nen an intawn dan vel ani ber ang chu" ka lo ti a, alu a bu nghut nghut









"I thinrim miahlo ami, I thinrim ka ring a" ka tih leh chuan thutak zet hian "ka ring tawk che alawm, ka Rinna che ti chhe thei tur hian I awm dawnlo tih pawh ka hria"a rawn ti a, a thil sawi vang chuan ka hlim tak zet, inrin tawnna tello in ngaihzawn na chu a nghet lo in buaina a tam thei reng ani.










"Kha mi tenawm khan a tih nat che ka phal ngai lo ang" a rawn ti leh a, "minti na thei tawh hleinem nangmah ka nei tawh che alawm" ka lo ti thung










"Innei thuai ila ka duh ani" a rawn tih chuan keimah ah hian enge maw danglam na sawifiah theih siloh hi a awm, ka bulah hian inneih chungchang ala sawi ngailo miau a










"Ngati maw" ka lo ti hu a, a rawn sawi teh thut chuan mak min tih tir deuh









"Ka nupui inih chuan kha mi tenawm pa khan a tina thei tawh dawnlo che a, chumai bakah Oscar tana nu inih hun ka nghakhlel ani" a rawn ti deuh duah a











"A tana nu nih chu keipawh in ka chak ber alawm" ka tih chuan ka kut a vawn lai chu la kang in a fawp zeuh a.











In kan thlen chuan "zanah Kan lo leng ang" a rawn ti zeuha.
A Motor tlan Liam lai chu ka thlir renga ani ang mi fel lutuk ka tawng hi vannei ka inti takzet, pasal a neih ngei pawh pawi ka tilo a chhan chu kei hian ka hmangaih tawh miau ani...tu mihring in nge ani ang mipa fel leh man lutuk hi hmangaih lo thei tehlul ang ni.







*************


"vawin chu ei chhuak ila" lawmzuali chuan ka bula rawn thut thlak pah chuan a rawn ti a, nileng in dawr chhungah kan inkhung reng zela chhuna han hawi thawven ve deuh chu keipawh hian ka duh khawp mai










Lawmzuali nen chuan kan inzui chhuak nghal a, restaurant Kan thlen chuan tumloh deuhin kima ka hmu a, hmeichhe pakhat nen hian an lo inbia a chu nu chu ka hmelhriat pawh anilo, kima erawh in min hmulo ani ngei ang an inbe mawlh mawlh a, thil pawimawh tak sawi hmel an pu









Lawmzuali rawn lut tur chiah chu ka chhuahpui leh nghal thuai a "tinge a" zawhna ngah deuh chuan a rawn ti a








"Kima ka hmu a" ka tih chuan min hrethiam ani ngei ang engmah a sawi ta biklo a.











Tlai ban dawn chuan Zosangzelan minlo lam a, a car lam pan chuan kan inzui chhuak a








"Enge vawin te report han pe zung zung la" nui sang chuan a rawn ti a, nileng in hna hahthlak tak tak a thawk a chuti chung pawh a ka bula nui hmel ala pu thei hi chu gentleman anih na ati lang Chiang hle









"A tha vek, I hmel ka hmu har deuh ti mai loh chu" ka tih let chuan a kiai suk mai








"Ka bialnu hot lutuk hian minlo ngai amaw" tih pah in ka hmui a rawn dek zawk a, keiin ka lo hau thuai, motor a khal lai ani bawk nen kan accident ang tih ka hlau lutuk, ani lah chuan ngatan mah ala ngaihloh hmel em em zui.




****************


Ka story hi a boring in ti em? Ngaihnawm intih vak loh hmel ka lo ti.. comment inpe tha vak tawh bawk silo aaaaa...engpawh nise a chhiar zawng zawngte ka lawm lutuk e awwwwww🥰(Zosangzela te chhungkua ai awh in lawm thu ka rawn sawi)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)