First love BY Zualtei Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

First love BY Zualtei Hmar (Completed)

Unread post by Ngaia » March 13th, 2022, 12:53 pm

8vlepxh7.jpg
Writer: Zualtei Hmar







Chapter- 1









Ka hming chu lalruatfeli ani a, chhungkaw rethei ve tak atanga lo piang ka ni, ka pa chu taxi driver niin kum14 mi lek ka nih laiin car accident in min thih san a, tunah hian Kan chhungkua a kan in ka pa damlaia kan chen ho na ah ka nu nen Kan Cheng mek ani, ka nu hi nerve thalo niin engmah a thawk thei siloa, ka nutei(ka pa nau nupui)te restaurant ah thawkin chuta tang chuan kan nufa ei tur hi ka thawkchhuak ve thin ani.









***********



"Nu vawin chu kan kal hma deuh ange dawrah kan buai thei sia" ka nu sitting room a lehkha bu lo chhiar bulah chuan ka ti a.








"Awle, inbuai viau pawn thil ei thulh lo la aw" ka nu chuan a rawn ti let a








"Awleee" tiin dawr lam chu taxi in ka pan a.









Dawr chhung ka thleng chu rin ang nge nge in mi pawh anlo tam kher mai, Kan dawr hi hotel bul lawka awm ani a,
A changkanga a hmun a rem bawk nen coustomer hi an awm ve reng zel.









Ka thawhna ah hian chef mipa pahnih an awma Nick leh Jonathan an ni a anni hi ramdang atanga inzir chhuak an ni a an eisiam a tui in, kan dawr an tihmingtha hle, hnathawk ho hi pali Kan awm bawka Thazuali, remsiama leh mami niin Kan inkawm tawk hle a.. chhungkaw harsa an ni ve loa ka sawi tawh ang khan ka thawhna hi restaurant pangai mai mai aniloa heta thawk tur pawh hian beih fe angai a keichu ka nutei vang liau liau in ka thawk thei ani.







****

"Ruat vawin chu Kan haw rual thei, sawma hman dawn loa minlo hruai lo ang" mami chuan dawhkana thil ka remfel lai chuan a rawn ti a.
Sawma hi a bialpa ani a an rethei lo dun bawka inkawp fuh tak an ni







"Yes ka van lawm mahnia haw hi chu a khawhar thlak ve thin sia, sawma bulah hian buai ziah rawh tih tur ani" nui suk pah chuan ka tia.









"Van sual thiam tak.. bialpa te hi nei ve rawh thlah haw tu tur che I mamawh ve anih kha" a rawn tih chuan










"Bialpa nei hman pawh ka nihloh hi bakah keini ang tunge min duh ang" fiamthu ti tak deuh chuan ka let a











"Awi tu mipa in nge duhlo ang che ti zawk rawh" a rawn ti lang lang a










Ni e. Mami hian a sawi dik ani ka hmel hi a chhe hran loa nu lian lutuk tia sawi tur chu nilo mah ila fit 5'6 ka tling a, mizo hmeichhia ah chuan sangpawl tak chu ka ni; keima tawkah ka hmeltha in ka nu hnap a, ka pian lah nise hmeichhia ah chuan a hleitling pawl tak Ka ni bawk....








*Buai tak chuan ni chu Kan hmang zo ve maia. Dar8:30pm ah haw turin Kan in peih ve thei hram a









******

"Kar leh hi ni vat se, hun hi kal muang lutuk mai" mami a rawn tih chuan













"Engeeee.... Anih tep tawh hi tunah Friday ania" ka lo ti deuh hu a











"E ni maw Wednesday emaw ka tia yessss ka van lawm tak" nui deuh var var chuan a rawn ti leh a












"Enge han sawi vat teh chutia I hlim em em"











"Kha Kan thawhna bula Hotel kha maw, khatah khan an CEO alo haw dawna a chhelo lutuk an ti, amah hi ramdangah an company dang a enkawl a tuna kan thawhna bula an hotel saw an duh ain a la tha tawk lo an tia a rawn enkawl dawn alawm....uiii ka van hlim tak, hnathawh pawh a nuam sawt ang" a nui deuh vur vur a












"Nanghi bialpa I nei reng sia lerh lutuk, mipa chhelo tih vel mai mai...... Sawma ka hrilh dawn nia"











"Ngailo..enteh I hmeltha sia I chhai thlu thei ngei ngei ang, a Hausa bawk si tu hmeichhe tan pawh dream boy dik tak" a thil sawi avang chuan ka nui deuh hak












"Ngoi mai mai teh miin an lo hria nge a zahthlak"










"Hmmm, I duhve tho ang I hmuh hunah.Lalthazuali hian a hre ve awm sia uiiii...ani hi lo chhaithluk atum ve ngei ngei ang..." Lungawi lo zet chuan a rawn ti a.
Thazuali hi kan thawh pui mah nise kan in nel vakloa a chhan ber pawh a mizia inla lutuk vang hi ni ber, Rinkimi tan chuan amah tawp hi ngeiawm tham a tling ka ti mai.








"I hmu tawh mi" Ka tih chuan





"La hmu Chuang nang mahse an sawi dan ah a hriat mai lawm"










"Uiii Zorinkim......" Kan nui dun ta hawk hawk a, a bula awm hi chu nuih na tur hlir hi ni ringawt.












*In ka thlen chuan ka nu pawh alo awm a, inbual turin ka room lam ka pan nghal a, inbual fai in ka nu bulah chuan ka va thua , ka nu hi ka ngai tak zet tawh; nileng in kan inhmu loa zan lamah nise ka hah ve thin sia ka lo mu hma duh thina, inkawmna hun tur hi kan nei ngai meuhlo.










"Va mu hah dam ta che zing atang hna I thawka I chau lutuk ange" ka nu chuan ka sam chul pah chuan ati a











"Tun weekend chu kan dawr kan khar hrih dawna , naktuk ka mu rei thei dawn alawm bakah I bula awm ka chak ve tawh lawm"
Ka nu chu ngheng tha sauh sauh pah chuan ka ti a











"Tinge dawr chu in Khar dawna"












"Ka hrelo tihtur tul a awm aniang"










"mambawih ti daih ila Pasal neih lamte hi I ngaihtuah ve tawh em"







"Nuuuu chutiang sawi suh pasal ka neih daih in tunge enkawl che nga"







"I va han â tak em.... kum 26 lai ini ve tawha..pasal neih te chu a hun tawh lawm"







"Aih ka duhlo, sawi tawhlo ang" ka nu chuan hahthlak tih hmel deuh hian min en vang vang a kein ka lo nuih thung.















*Zanah chuan ka nu bulah ka mu a kan inhmu khat thei bawka rei tak khumah chuan thil Kan sawi Duna ka pa damlai a kan chhungkua hlim taka Kan awm ho thin lai te kan sawia Kan nui dun leh thina.

















Zingah chuan ka nu thawh hma in ka thoa nizan lam kan titi nasa bawk sia, a muttui hle niang












Eirawng ka bawl sawk sawk a ka nu pawh chaw ei tur ka siam lain a lo tho a....Tihtur em em kan nei hranlo bawka nileng chuan ka nu nen inah hun kan hmanga, inte Kan tifai a Kan nui dun leh hawk hawk thina. Ka nu bula awm hi chu a nuam takzet, mi tupawh hi a kawm thiama ati hlim thiam em em vek mai ani.














Sunday ah chuan ka nu nen Ka pa thlan Kan tlawha , ka nu in a mitui a ruka a hru leh zeuh thin chuan ka rilru ati na takzet. Ka nu leh pate hi nupa ah pawh inhmangaih lutuk tak mai an ni a, han in kalsan chu ana ngawt hian ania ka rin

















********

Monday ah chuan dar7 ah restaurant ka thlenga mami erawh a la rawn thleng lo tihtur tul ka tih mawlh mawlh lai chuan ka hnung lam kawngkhar atang chuan mipa lian tak, en re re pawha Hausa tih hriat coat suit dum ha, hmeltha leh pa em em mai hi a rawn lut a kan in en deuh vang vang hnu chuan ka harh chhuak zawka.













"Lo lut rawh ka pu" ka lo ti thuai a















Ngawi rengin a rawn pen lut a, a rawn lut chiah chu Kan restaurant lian leh changkang ve tak pawh a ti te rum rum thei hial nia
















VIP table lam chu a pan a, kei erawh ka thil ken dah turin ka dawhkan lam ka pan phei a, ka kal phei mek lai chuan "khawngaihin minlo hrethiam lawk" a aw ri chu mipa aw ni tho mahse a pa mah mah ani.













"Enge nita order I siam fel tawh em ni" aw zangkhai tak chuan ka va ti a, min en deuh reng vang chuan a zamawm lek lek














"Helai ah hian I thawhna a la rei lo aniang maw" ka zawhna loa min chhang chu mak ka ti deuh
















"Enga" ka ti deuh hu a














"Ka duh chu in chef te khan an hria ang" Chiang fiah em em chuan a rawn ti a, keimah zawk hi ka hamhaih lek lek














Kitchen lam chu pan in Nick bulah chuan "sawlai coat dum ha sawn a order duh chu in hre mai ang atia, I hriat zawng ami" ka va ti thuai a














"Aw Pu Gabriel-a nih saw"












"I hria maw, ka van hre velo ve"











"Engtin nge I hriat ang, ilo thawh hma khan Kan regular coustomer ani thin alawm, kan restaurant kawta hotel saw.. sawmi neitu saw lawm anih , ramdangah a awm char char zela alo haw tawh anihsaw" nui deuh lek lek chuan a rawn ti a.
















Anih chuan mami sawi kha anih dawn chu ti rilru in "a duh chu lo tih sak mai rawh aw ka hre ve siloa" ka ti thuai a


















Chutia Nick nen Kan inbiak lai chuan Thazuali chuan Nick bulah chuan "awi saw kan pa Zonunkima lo haw tawh nihsaw, van nuam tak" hlim zet hian a rawn ti a












"Inpa maw engtik lain nge inlo inneih a" Nick chuan nui chung chuan ati a









"Suala kan in ngaihzawn hunah ila hria ang" tiin thinrim deuha a hmuia lipstick hnoih pah chuan a kal sawn nal nal a. Nick nen chuan kan in en a Kan nui dun ta ringawt















******

"Mam I va rawn thleng har ve, Kan buai lai anilo hlauh zawka I vannei" mami rawn thleng chiah bulah chuan ka lo ti thuai a

















"Nia Sawma lawm a bike a chhia a kalkawng lai takah leh nghal zahthlak tak tak"















"Chu Inap chu va che sweet lo ve" nui chung chuan ka lo ti a


















"Lalruatfel....eeee sawlai kawn atang khan Gabriel-a ang deuh kan restaurant atanga chhuak ka hmua amah ni em" phawk hra chuan a rawn ti a
















Henu em em hi engtin nge hla tak atang pawn a hriat ni a takah a la hmu tawp siloa
"Aw ni e, Kan dawrah thil lo ei turin alo kal alawm"

















"Ani mawwwwww tinge min hrilh vat loh aaaaa" au deuh ti tih chuan ati a


















"I rawn thleng ve chiah kha mawle....bakah kha hrilh ngailo che in hla tak atang pawn amah I rawn hriat nghal kha"



















"Nahhh vawin berkher ah ka lo kal tlai ve ber tum in van ho tak.....lalthazuali engtin nge alo awm a over vel em" a rawn ti zung zung a


















"Huizzzz....bialpa nei reng si in mipa dang I hmuh hmanloh vangin I thinrim chu nisia awww" hahthlak tih hmel zel chuan ka ti chhuak hap a.















"Mawh mawh mawh Thazuali chu a melh vel em"













"Ka hrelo amah saw va zawt la"











"Ka zawt awmlo eeeeeee" meng rawm rawm chung chuan atia keiin ka lo nuih tawp...Henu tak hi chu a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:55 pm

Writer: Zualtei Hmar






Chapter- 2










*Tihtur tul ka tih mawlh mawlh lai chuan mami chu ka bul lawka thut thlak pahin "zanin chu lo kal ve la" min melh chho pah chuan a ti a










"Khawiah maw"











"U Jerry-a kha" (Jerrya hi mami bialpa Sawma u ani a, ka zep lo a awmdan leh mitmei ah te hian min duhzia ati lang fo thin mahse ka duh chi anilo bakah an Hausa mah mah keini ang tan chuan.)









"Enge ka lo tih ve ang min sawm ve pawh ni hlei lo"











"U Jerry-an ruatfeli kha lo kal ngei ngei rawh se ati lawm le"














"Ka hrelo le...." Aman min rawn sawm te anihloh chuan kal ka tum hranlo, a zahthlak ka ti.














Chawhnu lam chu customer Kan neih vakloh vangin Kan awl deuha, mami nen dawhkan bawh chunga kan ti ti mawlh mawlh lai chuan Jerry-a rawn lang hlawl maia.












"Ui U Jerry a chu enge ilo tih teh mial a" mami chuan mak ti deuh tak chuan ahan ti a











"Nia ruatfeli hi zanin a rawn kal ve lo ang tih ka hlau lutuk a hei a awmhmun ah ka rawn sawm tawp mai anih hi" nui suk pah chuan ati a















Phawk fe in ka lo ena "min lo call mai tur che lawm helai thleng thleng lo kal angai hleinem"











"A taka in sawm ngei hi a tha lawm tiraw" tih pah chuan mami chu a melh zeuha










"Nia....kal loh alo tum nghet bur maia, I rawn sawm chu tihzia" mami chuan alo ti thuai a











Rum lutuk in ka melh a ala hrelo der tlat zui.. Zorinkimi hi chu awww










"Happy birthday" Jerrya chu ka chibai thuai a












"I rawn kal ang chu tiraw" min chibai let pah chuan ati a












"Nia ka hman chuan ka lo kal ang"











"Hman ngei tum la aw"










"Ummmm..." nui lui pah chuan ka ti a











*A kal hnu chuan Zorinkimi chu ka sik vaka "anaaaa engeee I va lawm awm ve" ala ti zui, henu kam tam thei lutuk hi chu a










"Lawm lo, kal ve ringawt chhan tur ka nei hleinem"










"Aw a thiannu inia bakah a rawn sawm ve vang vang chea kal ngei ngei ang che ka lo sawm ang che" thawveng zet chuan ati a, chhan pawh ka chhang peih tawhlo













********

Vawin chu Kan haw hma a dar5 ah chuan in ka thleng fel diam tawh. Ka nu eirawng bawl chu ka pui a










"Nu vawin Jerry a birthday ania zanah lawmna an nei dawna " ka nu bulah chuan ka ti a










"E chutia law I kal ve dawn em ni"










"Kal loh ka tum a, mahse vawin ah restaurant ah lo kal meuhin minlo sawma, anuam lo"











"Va kal rawh va kal rawh, zanah engmah tihtur a awm ngai Chuanglo intih thawven pah ani mai alawm" ka nu chuan ati zung zung a












*Chaw kan ei kham chuan mamin minlo call a...thil a sawi leh teuh phawt a, min rawn sawm tur thu soi in phone chu a dah zui a.








Inbual turin bathroom ka luta ka inbual zawh chuan ka wardrobe hawngin zanin atana hak zahpui awm loh tur kawrfual zuih ka khup thleng vel a dum chu ka ha a, nipui ani a inthuam lum vak nachi pawh ani hranlo... pheikhok sang vaklo ka ke tang mawi tak tilang Chiang em em ka bun bawka, ka purse gold chu la in sitting room lam ka pan a.









"I mawi hle mai , mipa awm zawng zawng in an rawn zui haw loh hram che ka beisei" ka nu sitting room a lo thu chuan min nuih chungin ati a









"Inchei lohna a rei tawh sia ka inhmeh pawh ka ringlo" in en Kual pah chuan ka ti thuai a









"Engang pawn inchei la I rilru kha a pawimawh ber, I chhungril a that phawt chuan pawnlam chu a tha mai ang" aw dam tak chuan ka nu chuan a rawn ti a











"Ka lawm e ka nu" va kuah chung chung pah chuan ka ti a









Pawn lam atang mami chuan min rawn au lang lang a








"Chu mami pawh alo thleng tawh nih chu kal rawh...nuam deuhin in hmang dawn nia" ka nu chuan ka kuahna la sawn paha min melh zeuh chuan ati a









"Aw anih leh...ka lo haw har lo ang"












Pawn ka chhuak chu mami chuan min en kual pahin "awiiiiii tiang khan inchei parh ve thin rawh, I Inhmeh zia kha I hria em" a lo ti hluai a












"Ka inchei reng te chuan mipa zawng zawngin min duh anga bialpa tur I hmuzo ve nang" fiamthu chuan ka han ti a










"Ee nidawn tak achi loh ang" Kan nui dun ta hak hak a









Car chungah chuan lut in Jerry te in lam pan chuan kan tlanchhuak ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:55 pm

Writers: Zualtei Hmar






Chapter- 3








Birthday lawmna hmun Kan va thlen chuan rin ai daihin mi an lo tam, thalai an tam em em a..lamna hmun a awm hrang bawka an ri deuh mur mur mai, gate atanga Kan luh chuan Sawma pawh alo kal thuai a mami nen chuan inbia in inchhung lam kan pan ho a.













Inchhung kan lut chiah chu Jerrya chu lo kal nghal in "ilo kal a ka lawm lutuk" ka beng bulah chuan a rawn ti a. Zu rim a nam bawk nen min hneih lutuk chu nuam ka ti hranlo











"Minlo sawm vang vang sia lo kal lohna chi ani hleinem" nui lui pah chuan ka ti a












"I mawi hle mai hetianga I inchei ngat phei hi chuan" a mit min siai zeuh pah chuan ati a









"Ka lawm e" tiin ka nuih a, ka chhungril tak chuan ka hlau ru deuh... biak vak ka peihlo ka lakah tlaktlum phah nan a hmang ang tih mawlh ka hlau ani













"Kha kawm tur I nei bawka lamna hmun lamah Kan phei dawn asin" mami chuan min melh pah chuan ati a










An ni inngaizawng lo tihbuai reng kha ka tan pawn a nuamlo a "awle haw dawn ah minlo call la aw" ka ti zui a











"Aw.. U Jerry ruatfeli hi lo enkawl tha rawh aw" Jerry a chu melh pah in ati a












"Lo ngaihtuah duh su... Inthlahrung lo la nuam deuhin I awm dawn nia" Jerry a chuan ati a










An kal hnu chuan Jerry a chuan thutna lam min pan pui a...thil a sawia Kan titi dun mawlh mawlh a birthday boy ber ani sia an lo ko leh zeuh thin tihloh ah chuan ka bulah awm deuh chawt ani ber













Chutia kan thut dun lai chuan kawngkhar atang hmania kan dawra mipa lo kal kha a rawn lang deuh hlawl mai a, Jerry a chuan "Gabriel ilo kal thei maw" ti chungin kawngkhar lam chu a pan phei a, abiak pa lah chuan chhang loin kawngkhar ah chuan a ding run a










"Kan inhmu khat hle mai.....nanghi chu I buai thei sia rawn sawm buai vak che kha ka Inthlahrunga mahse Kan thianten 'ani ber a tel loh ten a nuam nang' an ti deuh tlat sia" Jerry a bawk chuan ava ti a










"Buai hran lo e, ka hman a hei ka rawn kal alawm" Gabriel-a chuan ati a, an in en Dan atang chuan an inngaina viau lo tih ka hrethiam nghal mai









"Lo kal rawh" tiin Jerry a chuan kan thutna lam ah a rawn kal phei puia, ka awm dan chu lai tak ani












"Hei ka thiannu ruatfeli anih hi" tih pah chuan Jerry a chuan ka kawngah a rawn vuan a ka lo phu deuh zawk












"Fel heihi ka thianpa Gabriel Zonunkima nih hi" tiin min rawn ena









"In thawhna bul lawka hotel kha ata lawm inlo inhre sa tawhlo maw" tih pah chuan min en dun a










"Hrelo" Gabriel a chuan alo ti deuh hmuk a, a chhan dan chuh










"Aw nih chu... tunah chuan hei in inhre tawh lawm" nui pah chuan ati a "Brenda lo kal teh u hei alo thleng tawh nia" ti a au in kan sir lam a Jerrya te thianho kan kal tirh a min hmelhriat tir te bulah chuan ati a










"E ilo thleng tawh nimaw kan Hausa pa chu" tiin an rawn phei a, keichu Jerry a min vawn na tang tal chhuak in "intur ka va la lok ange" tih pahin ka kal sawn a










Juice chu la in pool lamah ka pheia mi an awm loa a reh nuam phian, thil ngaihtuah a ka lo thut deuh vang vang hnu chuan ka hnung lam atang "nuam iti vak nange" rawn ti ri chuan minti phu deuh zawka









Ka hawi phei chu Gabriel-a kha ka hnungah a kut; a kekawr iptea Zen hlun chunga lo ding hi ka hmu a, kan inhmelh deuh vang vang a











"Nia tiang huau huau vel hi nuam ka tih zawng ani lo" ka tih chuan, ka bulah rawn kal hnai in ka thutna bul lawkah chuan a ding run a, a khat tawkin a intur ken chu a lem leh zeuh zeuh thin











"Nangzawk engatinge hetah I rawn kal daih a, I thiante nen khan in inhmuh khat hmel sia sawi tur in ngah viau lawm ni" a ngawih reng vang chuan ka ti leh a











"Keipawh tiang hi nuam ka tilo" ati leh hmuk a, "kan va inang ve chu" tiin ka nui lui ringawt












Rei deuh tak chutia kan ngawih reng hnu chuan ding chhuak hluai in "kan haw tawh ange a tlai tawh awmsia" tiin kal pelh mai ka tum chu "ka lo thlah ang che" atih ri vang chuan ka ding deuh chat











Hawi phei pah in " aaa..angailo ka tibuai palh ang che" ka ti bah deuh nak a, "sawm tu che ka nia min tih buai leh buailoh ah kha chu lo ngaihtuah duh su" a rawn ti hmuk a...ka hamhaih lutuk chu chhan dan tur mai pawh ka hrelo









Chhang loa inher leta kal mai ka tum chu ka ban ah vuan in min kai her deuh lawp a chutah ka juice ken lai in a kamis var thianghlim lutuk ah chuan ka tihbuak sak a, ka inthiamlo lutuk chu tihdan tur mai pawh ka hrelo....





*****
Minlo chhiar sak tu te zawng zawng chungah ka thinlung takin ka lawm 🤗 inlo chiar leh zel dawn nia...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:56 pm

Writers: Zualtei Hmar







CHAPTER- 4






"ui engtin nge ni ang ka tihpalh lutuk" inthiamlo zet chuan a kawr chu ka rawmawl in ka hruk sak mawlh mawlh a. Mahse ka thiamloh pawh ani hleinem min rawn pawt thut chu nilo se ka tihbuak miahlo ang.















"Pawilo, ka thlah haw che chu I duh tawh em" ala rawn ti talh anih chu













" Ka thiannu nen Kan lo kal a, ka hawsan ringawt theilo alawm" ka tih rual chuan ka phone chu a rawn ri a, mami ani














"Aw mam haw tawh ila atlai tawh sia" kalo tih khal zung zunga ka bula ding pa lah chuan min melh run a ka thawk lak a buai lek lek ani














"Fel I rualin ka lo haw theih ka ringlo, sawma hi a rui lutuk a an inah thlah angai a"












"Chu te chu midang pawh itih tir thei alawm" vin lek lek chuan ka ti a, ka hma ami hian Kan thusawi alo ngaichang ve reng bawk nen ka thinrim lek lek tawh ani













"Uii min hrethiam mai teh a hmingin a bialnu te ka ni ve sia...aw... Tun chiah chu minlo ngaidam mai teh chuan naktuk ah I ziah luh tur ai zawng zawng keiman ka lo ziak vek ang awww..." Tih pah chuan phone chu a dah hmak a














"Mami heyyyyy heyyyyy zorinkim" tih pah chuan ka au deuh thawt a ka hma a mipa ding pawh a nui suk, a nuih khian ala hmeltha em em zui















"I thiannu chuan a haw pui thei dawnlo che nimaw" a mitko San zeuh pah chuan ati a















Sawi tur ka hrelo leh ka zak lutuk chu khuk bo daih mai hi nia ka duh

















"Minlo zui rawh" ti hmuk in pawn lam chu a pan phei a, a hnungah chuan harsa ti zet hian ka zui phei ve nak nak a





















Car min Hawn sak lai te chuan a nui suka ka en ngam lo chuan hnuai lam ka bih tlat, car chhungah chuan a rawn thu lut a hnunglam thutna chu Ava hai leh rak rak a kamis hi a rawn la chhuak a, mak ti zet in ka lo en thung













"Hakthlak te I Keng thlap zel alaw" ka ti deuh hu a















"inah haw lo in ka rawn tlang sia, ka inthlak na tur ka secretary in alo dah anih hi" a nui suk a, ani hi a nuih ngailoh hmel tehlul nen Kan in hmuh chhung reilo te khan a nui hnem ve hle mai.

















A kawr chu a phelh a kei lah chuan hrelo in ka lo en char char a, a body nalh zet leh a pack lang Chiang zet te chu ka lo hmu hman vek a taksa chu nalh tak ani...harhchhuak zawkin "uiiiii" tih leh ka hmai hup ka rual a, ri meuhin a rawn nui














Hmai hup reng chung chuan "sawi lawk ve ta che" ka ti ta ringawt, engvangin nge hawisan lek loa ka lo en ni













"Hetiang mai mai zahna tur a awm em ni" a rawn ti nih chu rapthlak hian














A in hak zawh chuan ngoi rengin car chu a ti nung a kan tlan chhuak ta a, Kan tlan chhung zawng chuan sawi tur ka hrelo chu ka ngawi renga ani lah chuti bawk mi biak pawh a tumlo aniang












Ka ngaihtuahna ah chuan mami a rawn lang hlawl a, tunah hian a star pa in min thlah tih chu hria se aw a inchhir ve Chiang khawp ang ti rilru mawlh mawlh pah chuan ka nui chhuak hawk a, keimah chiah car chhungah ka thulo tih ka hriat chuan alo tlai tawh lutuk














"I va hlim awm ve mipa taksa ila hmu ngailo mi" ka bula mi chuan nuih zat aw lek lek hian a rawn ti a, hepa hrep hi a taksa ka ngaihtuah vanga nui emaw min ti nimaw












"Chutiang lam ani hauhlo" ti fak in a lamah chuan ka hawi a hmalam chu hawin a kiai suk a.












"In in awmna" a rawn ti leh hmuka hepa mize inthlak chak lutuk hi a, "zarkawt ah" ka tih chuan a ngawi leh ngul tawh , ka be hmasa bik awmlo eee














*Kan inkawt Kan thlen chuan car atang hmanhmawh takin ka chhuak a, ani pawh alo chhuak chiah, "ka lawm lutuk e" ka tih chuan "ka chhanchuak angah che ngai rawh" a rawn ti a , "enga" mak ti zet in ka tih chuan













"Jerry a khan thlah che atum a, zu alo in hnem bawk nen in accident palh a hlauhawm alawm" vei nuih suk pah chuan ati a, lalpa leh Avan hmeltha Chiang tak a pa zia saw....."hah..a..a nihchu mawle" ti bah deuh nawk in kan inchhung ka lut a













Inchhung ka lut chiah chu boruak duhkhawp lo zet hian ka tho deuh kawk kawk a, ami uap kha ana tak zet ani.....ka nu chu alo mu tawh ani ngei ang sitting room ah pawh alo awm loa, ka room ah lut phei in ka inti fai sawk sawka khumah chuan mu thla hnawk in tun maia ka thil tawn zawng zawng kha ka ngaihtuah let a, mumang ang mai ani.



















*Zing ah chuan dar7 ah thoin eirawng ka bawla, ka peih fel hnu chuan ka nu a room a la mu mek chu ka va kaitho a... Chaw eikham chuan kan eina te tifel in ka inbual faia, kan restaurant hian form ang deuh hi kan nei a, kamis var leh pawnfen khup khulo hi ani a, a smart in a zahawm em em a, mi pawn inhmeh min ti fo reng ani













Darthlalang ah chuan in en in make-up tlem a zawng ka inhnawih a, ka bag khuma mi chu ak in ka chhuak zui nghal a....













Taxi atang ka chhuah dawn chuan ka purse a awmlo tih ka hre chauh "khawiah nge maw ka tihbo ang le....nitak nizan khan Gabriel a car chhungah khan ka theihnghilh ani ngei ngei ang awii kei mi haihawt lutuk hi aaa" ti pah chuan mahni ka in hau mawlh mawlh a, ka bank card leh thil pawimawh engkim a awm veka... Kan dawr ah chuan lut in remsiama chu a pawisa puk ka dil ta ringawt a, ani lah chuan min la nuih hram zui ninawm..











Dawr chhung ka lut chiah chu Zorinkimi chuan rin ang nge nge in, mintih sak ang atih kha alo la tilo chu niin; hmanhmawh zet chuan ka ziak fel mawlh mawlh a











Reilo te ah mami chu rawn thleng in "minlo thlen khalh alaw, khawi ka lo ti ang" tih pah chuan ka ziah lai chu a rawn ban sawk sawk a










"Nizan khan ka lo lem hnem ve deuh a, thawh ka hei phah lawm" ati zui nak nak a













"Hetiang huau huau hi chu hmeih I tumlo ve Chiang anih hi" nui pah chuan ka tia












"Lo thei nang, hna Kan thawk renga Kan buai thin bawk nen a nuam ve lawm, engtin nge I haw U Jerry an ami thlah chea"









"Aih" tih pah chuan ka thoh San a, Gabriel an min thlah tih chu hria se chuan zawhna a ngah leh dawn lutuk zing atang intih buai ka peihlo













Tlai lama memo ka ziah fel lai chuan mami chuan hmanhmawh tak hian "fel saww Gabriel an a hmu duh che" a rawn ti hluai a, inzui phei in VIP table lamah chuan ka va kal a











"Theihnghilh I nei tih I inhria em" thum deuh tak hian a rawn ti a








"Nia, ka purse" Inthlahrung tak chuan ka ti let a









"Tunah chuan ka lo Keng lo" hepa hi a rawn ken loh chuan enge min rawn auh tir kher ni, mami bulah in soifiah angaih phah dawn nih hi









Inhera kal mai ka tum chu a thusawi vang chuan ka ding chat, " naktuk zanah party na hmunah min kal pui la, I purse chu I hmu let leh ang" ka hawi let rang kher mai ani lah chuan minlo melh ngur thung









"Keimah maw" ka ti deuh hu a," nangmah lo biak ka neih I hria em ni" ati nghut a, "engvang chuanin nge ka kalpui ngawt ang che" mak ti zet chuan ka ti a, "a chhan chu kal tura ka sawm vang che in" hepa mize ngeng lutuk hi chu awwww.......









"Enteh, party na hmun atang khan min thlah rawh pawh ka ti miahlo a I duh thuin min thlah a, ka purse ka theihnghilh a chutah ka lak let theih nan party na hmunah ka kalpui che ala ngai amaw" thinrim tak chuan ka ti a









"Thil harsa pawh ani hranlo ang, kawppui neih ngei ngei angai sia" a rawn ti leh a









"Ka duhlo, I duh leh hmeichhe dang tam tak an awm alawm" ka thinrim lutuk chuan ka duh ai ringin ka ti that







"Anih chuan I purse chu hmuh let leh lo inbeisei tawh su, a chhunga awm pawh saw I ui lo anih dawn kha" tichung in a ding hluai a kal chhuah leh mai a tum a, a chhunga ka thil dah ka ngaihtuah chuan chan thei ka ni bawk silo.....










"Ding rawh, aw anih ka kalpui ang che dar engzat nge" ka tih chuan a kiai suk mai "khati mai tur kha lawm, luhlul tlat thin suh, dar8 ah ka rawn lam ang che" tih pah in a chhuak zui nghal a, ka thaw huai a.













Ka hnung lam atang chuan mami chuan min rawn beng deuh dawta , "hmeli engtin nge in inhriat a inlo inngaizawng zawk ami" a rawn ti nghal bawrh bawrh a....."a teuhlo" ka lo ti thuai a, "anihchuan engtin nge in inhriat han sawi vat teh"









"Nizan khan min thlah alawm"ka ti chiah chu ka lo sawi kha ka inchir Chiang asin, "engtin a.... Gabriel an a thlah chea, min hrilh miahlo amaw"a rawn ti lang lang a, "sawina hun pawh awmloh kha"... "Chuan enge tunah khan a rawn tih a" hriatchak hmel deuh chuan a ron ti a, "ka purse a car ah ka theihnghilh a chuvel chu mawle" ka ti chiah chu a nui suk a









"Enge" ka ti hu a









"Nanghi I zeilo emaw tia, chelhbeh dan chu I hre hle mai" mitko San pah chuan a rawn ti a









"Teuhlo tihpalh thil liau liau anih kha"








"Anih chuan enge party a sawi kha" thutak deuh zawk chuan a rawn ti a









"Ka purse min pek let dawn chuan party na ah ka kalpui angai atia" ka tih chuan










"A duh che mawnle" chik fe hian ati leh a







"Duh mai mai lo ang, kal pui tur a mamawh vang aniang"









"Kal pui tur chu e, model tam tak an alawm a duh Chiang lutuk che... Naaa ka van thik tak che, mahse nangchu ka bestfriend ini bawka ka pe mai ang che" a tih chuan ka nui chuak top










"Min pe anga maw.... Engtik lain nge I ta lo nih a"









"Ngawi mai mai teh, I kawr hak tur kan en a ngai dawn nih chu" phur zet hian atia







"Ngailo... Chutianga inchei vak pawh ngai ka tilo"








"Enge maw I sawi le...ani ang mi lian lutuk party na a sawmtute chu mi Hausa tak tak anni ang chu.... Ka kawr kan en dawn nia, khatiang a hak tur kha chu ka nei nual alawm" ati zing zunga











"Mi kawr hak te chu aaa"










"Mawli mi ka nia mi, bakah tiang hunah thian kan inpuih tawn lohin" ati leh a, ani hi ka thiannu anilo ang tih ka hlau takzet a tel lo chuan engmah ka ti thei dawn siloa.















******

In ka haw chu ka nuin eirawng alo bawl meka, intifai in ka pui nghal zing zung a, mami chuan minlo call a; chaw ei khamah ka kawr hak tur en tura min rawn hruai tur thu a sawia phone chu a dah nghal a, ka nu bulah chuan engtia han sawi tur nge ka hrethiam mailo ani














Chaw eikham chuan mami pawh alo kal a, room a ka phone la a ka kal lawk hlan chuan Zorinkimi chuan ka nu bulah engkim alo hrilh hman vek anih chu..henu hi chu awwww












An in kan thlen chuan mami te hian hetiang in nuam lutuk anlo nei ani tih ka hre chiah, nidangah pawh ka kal ziah thoa mahse hna kal tur hmanhmawh tak a ka va sawm pah te anihloh chuan ka kal ngai hranlo a, a nuam takzet ani











A room lamah chuan min hruai a kawr chu min thlan puia, ka duh ka hmuh mai loh vang chuan kan thlang rei phian.





********
Zanin atan chuan khazawng kha ni leh mai rawh se aw😂 a tlem hi inti thei sia, a rawn tam chho telh telh dawn lo chhiar zel ru aw..
KA LAWM E

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:56 pm

Writers: Zualtei Hmar







Chapter- 5







A tawpah chuan gown mawi tak silver rawng mermaid cut, ka awm bawr ti lang Chiang em em mai chu min thlan sak ta a, keimah pawn mawi ka tih em vang chuan ka soisel hran loa.














*In ka haw chu ka nu chuan "In va thlang nalh maw" zangkhai tak chuan alo ti a









"Aw, thil nalh a hre bawka min thlan nalh sak khawp mai"













"Mambawih, tinge a chungchang kha min hrilh miahloh a" a lungawi vaklo tih a aw tang chuan a hriat













"Nu.. sawi vak ngaiah ka lo ngailo alawm, min rawn thlah a chuzawng chu ni mai a"











"Chupawh nise, midang kâ atang niloin nangmah ngein engkim min hrilh hre vek thin tawh ang che...I hria em" thutak deuh chuan a han ti a








"Umm nu ka hrilh zel tawh ang che" nui var var chuan ka ti ta a














****
Zing ka tho chu nidang aiin ka tho tlai deuh a, eirawng bawlin ka intifai a, ka insiam zawh chuan ka nu nen chaw kan ei duna, chaw eikham chuan restaurant lam pan in ka kal ta a












"Fel I va rawn thleng har ve" mami chuan ka lut chiah chu alo ti a











"Nia thoh ka hai/hei deuh alawm le...tinge thil thelng a awm mi"












"Gabriel a rawn kal a ; Lalthazuali lo inla fel lutuk vel kha ka ei thlot lo" ati deuh lang lang a, aho thei tak tak ani













"A ho emai, I khin reng te chuan engtik ah mah in in ngeih thei nang" ka tih chuan











"Engtik ah mah ani nen sawn inngeih taka awm ka tum re re lo" ati nihchu henu tak hi chu a











*Remsiama nen chuan memo te chu kan ziak fel dun malh malh a, ani hi kei ai ala rawn thawk hnuhnung zawka, a tawng tam lem loa mahse a felin a bula awm a nuam em em a, keimah bik tak hi helai hmuna thawkah hi chuan min nel zual bawk















"Chhun chawlh a hun der mai a" zimar pah chuan ka ti a










"Nia vawin chu thil eidun ila, ka treat ang che" a rawn ti a









"Yess....inrem fel ila kal vat vat ang ka riltam tawh"














*Chun thil ei tur chuan remsiama nen Kan chhuak dun ta a, kan restaurant bul lawka Gabriel a te hotel ah chuan kan chawl a, Restaurant a thawk e tilo chuan kan dawr ami hi kan ei peih ngailoa hmun dangah mami nen pawh hian Kan ei dun ziah reng ani, vawin chu mami pawh Sawma nen an inzui chhuak ta nihkha


















"Ei teuh roh, a to to kha thlang la I tum tur ani chuanglo" nui paha remsiaman atih chuan "dawn Chiang lutuk, hetiang hun hi a khat lawm" nuih let var var chung chuan ka ti a, chutia kan inbiak lai chuan kan eina hmuna Gabriela rawn lut chu ka hmua; nitak hepa hi he hotel nei tu hi anitak , ani pawh chuan min rawn hmu ni ngei tur ani rum fahran hian Kan awmna lam chu a rawn melh a chutah duty te ho nen chuan an inbia a, a chhuak leh ta a; hnung lam atang pawn hepa hi chu a fuh ani....ka thil ngaihtuah mai mai chu aaaa















Kan eizawh chuan tihtur Kan la nghah vangin dawr lam kan pan phei nghal a, Kan tihtur ang ti zung zung chung chuan kan haw hun alo ni der tawh


















"Mam ka hman haw ila" mami bula va phei pah chuan ka ti a
















"Aw zanin kha aw, tha deuhin awm la party ti khawlo zawngin awm hauh suh ang che"
















A tawng dan mai mai chua...nui pah chuan "awle ka nu ka lo hre reng dawn nia" ka ti let a ani pawh a nui tawp


















"Ka van peihlo tak, hetiang mi hausa ho kal khawmna ah hian ka voikhat kalna tur ani hial ang" pawn kan chhuah pah chuan ka ti zeuha

















"A ho lutuk, I awm ang khan awm tawp la tha nimai, nangmah kha inringtawk rawh bakah I bulah Mizorama chhelo ber a awm dawn lawm" nui pah chuan a han ti a, chhan pawh ka chhang buai peihlo


















*In ka thleng chu ka nuin eirawng alo bawl fel vek tawha chaw chu eiin dar7 chu lo ri der mai, inbual fain ka kawr hak tur leh pheikhok inrem tur vel chu ka en Kual a, pheikhok hi chu keimah hian ka ngah ve hrim hrima ka kawr mil tur ber pawh ka hmu chat mai; a dum a bahna sin tê chu la chhuak in ka kawr nen chuan ka ha ta a, make-up nasa lo te in ka inhnoih a, ka zawh chuan darthlalang ah inen in mahni tawkah chhelo ka inti ngei mai





















"Bawihte, hei I thianpa lo thleng tawh nia" ka nu chuan min lo auh pah chuan a ti a
















"Aw ka lo chhuak" tih pah chuan ka bag chu ka la a, ka va chhuak chu Gabriel a pawh alo fresh leh var tawh, ani hi chu engtik lai pawh hian a smart in a zahawm khup reng mai bik anih hi; min en deuh reng vang chuan ka zam lek lek












"Kal ang" ti deuh hmuk in pawn lam a pan a, ka nu chuan "nuam deuhin I hmang dawn nia, I kalpui tur kha a fel hmel bawk si mipa pangai tak anih dawn kha" ka nu chuan a rawn ti a , engtin nge mipa fel anih leh nihloh ahriat ni; ka room a ka awmlai khan an lo in kawm ni ngei tur ni













*Gabriel P.O.V*




Ka hnunga hmeichhe rawn kal chu a hmeltha in a chhelo takzet ani, a kawr hak lah chu a ta tura siam emaw tih tur hial in a inhmeh em em a, ka bul a rawn thlen chuan car chu ka Hawn sak a; a thu lut dawn chiah tihah chuan "I mawi lutuk" ril zet hian ka zuk ti a, alai ani ngei ang a biang chu a sen tai tek mai, min chhang tawh lem lo a keipawh inher in driver seat lam chu ka pan phei a car chu tinungin ka tlan zui ta a
















"Enge Kan tih dawn, mi an tam dawn em" car ka khalh lai chuan a mita min en kar chuan a ti a
















"Hotel share holder ho leh sponsorship kan hotel tana rawn ti thin te ho an ni mai; an tam vaklo ang, tinge I zam ami" melh zeuh pah chuan ka tia














"Zam lutuk ringawt, mi Hausa ho awmkhawmna hmunah ka la kal ngai loa" nuamlo tih hmelzet hian a rawn ti a













"Zam duh suh I bulah ka awm alawm" ka tih chuan thawveng hawk hmel a pu










*Ruatfeli P.O.V*






Party na hmun Kan thlen chuan a hmun chu rapthlak khawpa mawi ani, a changkang in mi lian tak tak chauh kal theihna tih hi a hriat hliah hliah... inchhung kan lut chu Kum upa lam deuh hlir an ni, an nupui te ni awm tak nu changkang leh hmeltha hlawm em em an awm bawka....tlem chuan ka inthlah dul ve deuh. Kan kal lama Gabriel an mawi min tih vang khan keimah pawh ka inring tawka ka zamna pawh a zia awm pha hial nia....











"Inlo thleng tawh ani maw pu Gabriel" kan sir lam atang chuan pa valai tak hian a rawn ti a, a bulah chuan anupui ni awm tak hian a rawn zui bawk a nupui chu vai leh mizo thlahpawlh ani ngei ang a hmel atang chuan a hriat theih











"Chibai ule, pu Rammawi; pi Suzanne-i pawh Inpa I rawn tel pui animaw, In hmuh lohna a rei tawh hle mai" tih pah chuan an in chibai mawlh mawlh a










"Kha tunge a zanin chu hmeichhia I rawn hruai ani maw" chunu chuan ka lam rawn thlek zeuh pah chuan a ti a









"Nia zanin chu kawppui ka rawn nei ve nih hi" tih pah chuan Gabriel a chuan min rawn melh a, ka lo nui Liam ringot










Gabriel a chu midang nen chuan eng engemaw sawin an titi ho a kei erawh chu ka ke nat tawh em vangin an piah lawk table ah ka lo thu a










ka hnung lam atang chuan "hrehawm iva tih tawh hmel ve" pi Suzanne I khan a rawn ti a, "ti hran lo e, ka ke ana deuha ka lo thu hahchawl anih hi" ka lo ti let a; "Gabriel a nen hian in inhriatna rei tawh em" a zawhna vang chuan ka meng buai deuh nak , engtin nge ka chhan ang "rei vaklo" ka ti ta ringawt a, "tuna a biak mek saw tu pa nge anih I hria em" a rawn ti leh a, "hre miahlo" ka lo ti deuh ha.... "Nakinah ila hre ve mai ang" nui suk pah chuan min kalsan a, athil rawn sawi chu enge awmzia le tia ka in ngaihtuah lai chuan













"Haw tawh ila I duh em" ka beng bulah chuan Gabriel a chuan a rawn ti a ka phu deuh zawk, a nui suk a "inringlo deuh hian awm ziah lo teh" tih pah in ka sam chu ka beng ah min zeh saka; a chet dan mai mai chu











"I haw thei ami, a pawi lo ang maw" a mah melh ralh pah chuan ka ti a











"Haw I duh tawh hmel sia, pawilo mai roh se" a rawn ti leh a, kan haw tur thu chu duty te hrilh in pawn lam chu Kan pan dun ta a, kan chhuah pah chuan kawngkhar bulah Jerry a nen Kan intawk a , ka phu deuh zawk











"Nang nge nge chhelo hi chu I hmeih thei mawlh lo e" nui lui chung chuan Gabriel a bulah ati a








"Enge hetah I rawn tih" pakhat pa lah chuan ati deuh hmuk a










"Ka pa ai ka rawn kal mawle, business lam hi khawih ve tan tawh ila atha ang, elpui che pawh I chakawm lawm tiro" Jerry a chuan tham lo zet chuan ati a











"Khatia pawisa khohral mai mai lo Khan hmanah tum daih toh tah che" a ti chang fak a










"Lo ti hma chu ni ila, tun ang hian I hlawhtling nang" nuihsawh zet chuan a han ti a, Gabriel a chu a thinrim hle tih a bek a thisen zam pawng tawlh tawlh atang chuan a hriat, insum zo loin buaina a thlen phah mai ka hlauh vangin "kal tawh ang" Gabriel a bulah chuan ka ti a









Pakhat pa lah chuan a thinrim tih a hrelo zawk emaw ni " ruatfel zanin chu zandang zawng aiin I chhelo hle mai, kalpui tur thlang uluk deuh phei la chu a fuh ang" a rawn ti leh a, "ka kal pui tur ah chuan lo buai duh suh" ka ti hrawk a, nui suk in "Gabriel I hmeichhia hi lo vengtha hle roh laksak duh tu che an awm reng ania" ala rawn ti nihchu hepa thil sawi mai mai chuh










Gabriel a chuan ka banah rawn kain nget zet chuan min vuan a "han tum chhin la" tih pah chuan pawn ah min kalpui hlawk hlawk a, amah a Lian bawk sia a pen hlawk si a hnungah chuan ka inchhuih phei nawk nawk mai












Car chu min Hawn sak in thinrim zet hian a rawn khar ri bur mai a, ka phu zok, a thinrim hi a hlauhawm phian mai ka ti. Driver seat lamah rawn thu in a ngoi deuh vang vang a chutah " khapa nen khan eng inzawmna nge in neih" a rawn ti hrawk a











"Thian bak engmah Kan nilo" ka lo ti sap a











"Hneih suh ang che" tih pah chuan car chu a ti nung a chak zet hian a tlan chhuak nghal a, Kan inkawt te chu thleng hma tak hi kan ni ringot; ka la thaw em tih pawh ka hre tohlo















Car kawngkhar chu Hawn mai ka tuma ala in lock tlat zui "hawng teh" ka tih chuan ka lamah rawn hnai in ka darah chuan a lu a rawn nghat a, a chezia chu mak ka ti takzet













"Tihian reilo te awm lawk ang" ati a, min3 vel ngawi renga Kan awm hnu chuan "ka hmeichhia ni rawh" a rawn ti nihchu, a sawi sual anih ringin "enga" ka lo ti hu a, "ka bialnu ni rawh, ka ta; keima ta chauh" tih pah chuan a lu chu la kang in ka mit ah Chiang zet hian min en a, hepa Hausa leh chhelo em em, nula a duh duh kawp thei hian a bialnu ni turin min sawm anihchu mamin a hriat hunah chuan a aw rawl tawp in a au ngei ang

















"Ah..I chau lutuk a thil nilo pui pui I sawi" ka sawizawh hma chuan ka hmui chu a hmui in a rawn kharchilh nghal hmak a, ka hamhaih lutuk chuan engtin mah pawh ka tilo, rei fe min fawh hnu chuan inla hrang in "I chhan na ka lo nghak ang" ti sup in a vei nuih a, harhchhuak zawkin hmanhmawh lutuk in kawngkhar ka hawnga inchhung lam ka pan nghal a, ka nu chu alo mu tawh a, nilo se chu ka hmel danglam atang hian engkim a hre vek ang














Kawngkhar atang chuan car tlanchhuak thawm chu ka ngaichang renga rei vaklo hnu chuan a tlanchhuak ve mai a, ka room ah kal vat in inthlak pawh Inthlak loin tuna ka chunga thil thleng zawng zawng kha ka ngaihtuah a, min fawh lai ka ngaihtuah phei chuan ka khawng vek lo chauh.




*************

A tawi inti thei sia ka rawn dah sei ve ania😂
Ka story min chhiarsak tute zawng zawng chungah thinlung takin lawmthu ka sawi e....
In ngaihdan comment lamah inlo sawi dawn nia aw....🤗💖

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:56 pm

Writers: Zualtei Hmar









Chapter- 6









Zing ka tho chu nizan ka hrechhuak a , Gabriel a khan tihtak meuhin a bialnu nitur in min sawm ania "huiz...ngaihtuah zui suhhhh ati tak tak lo ang; a sawi ve mai mai anih kha" mahni inbe mawlh mawlh chuan ka ti a















Eirawng ka bawl lai te chuan kan inkiss lai kha ka hre chhuak leh thut thina, mahni chauha awm e tilo chuan ka nui leh vur vur zel, "ngawiteh keihian ka duh tihna mi....nilo ang bialpa ka nei ngailoa khatia mipa in min tih khan ka awm thiamlo mai mai zawk alawm" keimah leh keimah chu ka inbia ni ringawt

















"Nizan lam chu enge I an a" ka nu chuan dawhkana tui rawn Inthlit pah chuan ati a















"A nuam, mi Hausa tih takah an thil tih engkim a felfai thlap mai a"














"A that chu, khatiang ah khan kal ve zeuh zeuh tur; thil chinchang hriat nan" a rawn ti a. Ka nu hian ka awmdan engmah hi a sawisel ngailo ka upat tawh mai bakah a mualpho na tur engmah ka ti dawnlo tih a hria a, chu chuan mahni inrin tawkna min siam ani.










*Chaw chu ei in , hna pawh ka kal nghal a; mami chuan phur fahran hian enge nizan chu a rawn ti thuai a, "aw party pangai ang hi nimai lawm".... "Lalruatfel sawi tha mai mai teh ka hre chak tawh lutuk hi ka za zek zek toh" hriatchak hmel zet chuan a rawn ti a, "tak tak engmah anilo, Kan thlenga mi hrang hrang nen an inkawm Kuala; chuzawng chu nimai" ka tih chuan "chu lek pawh chu hmeichhe tamtak chak alawm" ala ti talh

















Nileng chuan kan buai a mami nen pawn inbiakna hun kan nei tha meuh lo tlai lam ah chuan coustomer an awm vak tohlo bawka mami nen chuan kan thu hahchawla, chutah ka purse kha nizan khan ka la let miahlo tih ka hre chhuak a, mahse a be hmasa tu zawk nih ka hreh bawk si ; nizana a thil sawi vang vek khan ka be ngamlo anih chu....



















"Nizan chuan I purse chu I la let ta mi" mami chuan ka rilru hria ni awm tak chuan a rawn ti a














"Let lo, ka theihnghilh daih" lungoi lo zet chuan ka ti a
















"Nanghi nuam iti lutuk a I kal chhan ber pawh I theihnghilh ani maw" mit ko San a min nuih pah chuan ati zeuh a














"Teuhlo, a tlai tawh sia ka hmanhmawh lutuk khan ka sawi theihnghilh daih alawm"


















"Ban ah ka va lam pui ang che" awlsam zet chuan a rawn ti a



















"Teuhlo" ring tak chuan ka lo ti that a


















Chik Zeta min en chungin "engvangin maw, nizan khan thil thleng a awm ami chutia I hmuh duhloh"



















"Aih chutiang pawh nilo, kan va ti buai mai mai ang tih ka hlau alawm" ka ti ta ringawt a

















"Ho lutuk, kan la nga kan kal leh nghal mai dawn lawm" ala ti zui, henu hian ka rilru hi engmah min hriatthiam pui der silo huizzzz


















*Tlai ban chuan Gabriel a te hotel lam pan chuan kan phei a, kan restaurant bul lawka awm ani bawka kan kal rei lo; a chhung kan lut chu ka zam lutuk hi ka tha a khur der der thei hial nia....mami chuan duty te awmna lam chu a pan a kei erawh a sir deuha ka lo ding thung, a rawn phei leh chuan "a awmlo" a rawn ti a















"Maw! A awmlo maw" ka lo ti hu; a awm hlau hle mah ila a awmlo pawh chu ka lawm chuanglo















"Aw hna thilah a zin lawk an tia, ni3 hnu velah alo haw ang an ti" atih chuan ka chhungril ah hian nuamlo ka lo ti ve ringawt anih chu...















Hotel chu chhuah sanin kan haw dun ta a, kan haw kawngah te chuan mami min biakna pawh ka lo hre chang tawhloa, Gabriel a awmlo chuan ka rilru a luah tlat pek, "hey ka sawi kha I hria em" min sawi ti tih pah chuan mami chuan a rawn ti a, "aw..aa" ka ti bah nawk nawk a, "nanghi hotel kan chhuahsan atang khan I danglam vek; tinge a awmlo chu nuamlo iti viau ami" min chheih ti tih pah chuan a ti a, "teuhlo...kal vat ang ka chau ania" tih pah chuan a thilsoi chu ngaihtuah loh hmel takin ka kai dawr dawr a












*Zan ka mutna ah te chuan Gabriel a ngawt ka rilru ah a awm, a zin bo dawn anih te chuan min hrilh ve tur ania tih te ka ngaihtuah a engvang in nge min hrilh ngawt ang; a engmah ka nihleinem ka ngaihtuah na pa1 chuan ati bawka, "ninawm lutuk ka ngaihtuah peih tawhlo" ti chhuak hluai in puan chuan ka inkhuh a; reilote ah ka muhil zui nghal a















Zing ka harh chu ka rilru ah Gabriela bawk a rawn lang leh a duhlo in bathroom ah ka lut a inti fain eirawng ka bawla, chaw ei kham chuan ka insiam a, dawr ka pan ta nghal a, dawr chhung ka luh dawn chuan Gabriel a te hotel chu ka va tlek zeuha; enge maw hmuh ka beisei ni lu thing nawk nawk in dawr chhung chu ka lut ta a















Dawr chhung ka lut chu rinloh tak main ka nutei alo awma, alo kal khat tehlul nen ka tlaini berkher ah van fuhlo tak... ka nutei nen hian Kan innel vaklo na a; biakchhiat erawh ka duh lemlo hna min pe tu ber ani miau sia











"I va rawn thleng har ve, coustomer awm vanglai tak anih hi" a rawn ti chang fak a









"Nia, taxi a vang lutuk alawm le" Inthlahrung deuh tak chuan ka ti a









"Inkaihhruaina tha Kan neilo anih hi, dan thar siam angai anih hmel" tih pah chuan pu ruata chu a au a (Pu ruata hi kan thawhna vel enkawl tu ber ani a; thunei tu ber ani ka nutei tih loh ah chuan)









"Tun atang chuan hnathawkte hi zing dar8 ah chuan an kim thap tawh tur ani" min melh zeuh pah chuan a ti a








"Awle ka pi" tiin pu ruata chuan a chhang a; ka nutei pawh chu a chhuak zui nghal a, "thil tihsual I nei em ni" pu ruata chuan zawhna mitmeng in min melh a, "nia taxi ka hmu mai loa" ka tih chuan min khawngaih hmel takzet "I nutei hi chu I hriat kha, a duhloh zawnga awmloh hram hram I tum dawn nia" tih pah chuan a office lamah min luhsan a












Mami chu rawn kal phei vatin "tinge a" a rawn ti thuai a, "min10 chiahin ka tlai sia" thawhak pah chuan ka ti chhuak a, "ho lutuk, I thiamloh a awmlo" tih pah chuan ka dar ah a rawn beng thek thek a















*Tlai lama memo ka ziahfel lai chuan mami leh Thazuali inhau thawm ka hria a, an awmna lam ka va pan phei vata an thinrim dun hle niang; mami chu thinrim tih hriat zet hian a ang tawn tawn a Thazuali erawhin ngai pawimawhlo tih hriat zetin kut a kuangkuah than a, an nuihzathlak letling








"engati nge a" ka va ti thuai a, "henu hian Sawman a kawp che" ati nihchu thinrim zet hian atia, pa khatnu lah chuan "a kawp reng che lawm; nangni ang tawngthei satliah, mipa tihlawm dan pawh thiamlo" mit ti kual ralh pah chuan ati a, mami insum zo loin a khawih duh mai ang tih ka hlau chuan chhuahpui ka tum a ani lah chu a la tang nasa em em zui, remsiama chu au in minlo pui vat turin ka ti a, remsiama nen chuan kan dang dun thei hram
















"Zorinkim, buaina siam I duh mi" ka au thawt a, "fel a thil soi kha I hrelo mi, min hmuhsit zia kha, tunge anih a khatia minti tur khan" tap aw lek lek chuan ati a, "a ho lutuk tihbuai che a duha dawt a sawi mai mai nihkha ngatan mah ngai suh" kuah pah chuan ka ti a, a thinrim pawh ka bengdai ve thei hram



















Tlai ah chuan haw hma Kan dila, kan buai tawhlo bawka mami chu ka haw pui ta a, kalkawng ah te chuan a phun char char a Thazuali a ngei zia te a sawi a, a bula kal chung chuan ka lo nui leh ringawt thin ani hi apa doctor ani a, an rethei hauhlo mahse amah hi sual hauh siloa awmtha duhlo kan tih ang kha ania, chuvang pawha apain restaurant a thawk turin a biaksak rengni, ka bulah hi chuan mi pangai angin a khawsa thina heihi ka kawmngeih chhan em em pakhat ani bawk




















In ka thleng chu ka nu alo awmloa, a thiante nen an inhmu dawn tih a sawi tak kha mawle, ka room ah chuan lut in ka inbual faia, khumah chuan mu thla hnawk in Gabriel a chu ka ngaihtuah a, ka ngai takzet ani; hmuhtur awmloa a awmbo chuan ka ngaihzia min hriatchhuah tir Chiang hle ani.


















*Eirawng ka bawl lai chuan ka nu pawh alo haw a, vawin an inhmuh khawm vel chu sawi nuam ati hle a, chaw kan ei lai te chuan an awmdan sawiin Kan nui dun leh rih thina, zanah chuan ka room ah phei in tun hun reilote chhunga ka chunga thil thleng chu ka ngaihtuah a; kei hian mipa ka hriatchian loh chu ka ngai em em ani sia, tullo zetin kan in fawh lai ka ngaihtuah chhuaka lawm lohin ka khi ver ver mai ngawiteh keihian ka duh ami "nilo anilo, a chheloa, a hmeltha a, chuvang mai mai alawm...ka duhlo" ti mawlh mawlh pah chuan ka mu a

















*******

Zingah chuan keini ho pawh dar8 ah chuan kan kim thap tawh, ka nutein min rawn endik thlap zui; a duhna ah hi chuan a sual thiam ngawt mai
















Tlai lamah chuan pu ruatan a office ah min ko lut veka, naktuk zanah Kan vaia dinner ei ho tura lo inring theuh turin min hrilh a, kan phur hlawm hle, tiang thil tih khawm hi a khata.. kan tan chuan thil phurawm tak pakhat ani reng ani


















*Zanah chuan ka nu bulah Naktuk Zana hnathawkho dinner Kan eikhawm tur thu ka hrilh chuan rem alo ti khawp maia, "in restaurant hian thiang thil tihkhawm hi innei lo thei sia, a nuam phian ang" tiin min hrilh a, ka nu nen zanah chuan thil Kan sawi dun a Gabriel a zan lama ka ngai thei lutuk pawh a zia awm deuh















Zingah chuan thawh ka hei palh hlauh maia hmanhmawh lutuk in dawr lam ka pana, ka nutein minlo tlawh lo hlauha ka lawm zia chu











Tlai lam dinner Kan eikhawm dawn vang chuan chhun dar12 thleng kan In hawng dawna customer pawh an tam hle, kan ban hnu chuan ka chau lutuk chu ka khumah ka mu thla tawpa ka harh leh chuan dar3 alo pel der tawh








Ka inbual faia ka inha mawlh mawlh a..pawnfen par afual ka khup khuh chu ka feng a, kawr var ka ha bawka, shoulder bag chu ak in mami chu ka call a, a inpeih tawh thu sawin minlo lam tur thu a sawia, mamin car a nei hlauh hi chu ka vannei pui ngawt mai.. in atanga ka chhuah chuan dar5 a pel der tawh















Kan eikhawmna tur hmun Kan thlen chuan a hmun pawh a changkang a, a nuam khawp mai, order anlo siamfel vek tawha kan va thlen chuan reilo te hnuah kan eitur an rawn chawp nghal a, chaw kan eikham chuan dessert kan ei leh a, kan dinner eina ah chuan karaoke room alo awm tela kan han intihlim leh te tea, thawk ho chu tlem viau e tilo chuan kan hlim dar dar khawp mai












Mipa ho chuan intur te chu an ina, mami pawn tlem chu a lem a,keichu tiang vel hi ka tive ngailoa in turin min nawr lui lem lo, dar9 ah chuan haw turin Kan inpeih thei hram a, mami chu motor khalh chi ani tohlo hrim hrim; Sawma chu phone sakin a rawn lam thuaia, kei erawh taxi a haw mai ka tum thung













Taxi chu ka changa, ala vang phian lehnghal, Jonathana chuan ka hma ah a car rawn ti dingin Chuang turin min hrilha, zan a tlai tawh angreng bawksia taxi hman tur mai ka hmu bawklo nen a motor ah chuan ka Chuang lut ve a















Kan tlan chhuak chiah tihah chuan kan hma ah car dum nalhzet lo ding vang chuan car chu a ti ding deuh dawta kan bu deuh lawp, "tunge maw nile, Ava â ve kalkawnga motor dah" tih pah chuan Jonathan a chu a chhuak a, car dum nalh zet atang chuan zantin ka mut dawna ka ngaihtuah thin, ka mumang ram thlenga ka hmuh thin ngei mai Gabriel a chu alo chhuak a, mak ka ti lutuk chu ka ang phuau hian ania ka rin














Kan lam rawn pan in Jonathan an "I va dah lakloh ve kan insut phah tep kha" atih na chu ngaipawimawh lo zet hian a rawn kal tlang a, ka awmna lam kawngkhar chu rawn hawngin min rawn kai chhuak a, ka mak ti lutuk chuan lo tawng nachang pawh ka hrelo, Jonathan a chuan "khawnge I hruai dawn" tih pah chuan kan lam a rawn pan a, "keiman ka lo buaipui tawh ang" ti hmukin a car ah chuan min thut luhtir nghal a inher vutin car chhung chu a rawn lut vea, car chu tinung in a tlan chhuak zuia















Ka mak ti lutuk chuan "tinge hetia min tih" ka ti ringawt anih chu, nui suk in " ka ngai tawh che" a rawn ti ril ruih a, ka mak tihna chu hlimna in a rawn thlak nghal, "I zin tur thu pawh min hrilh loa" titau aw zet chuan ka ti a rapthlak hian, "nia hrilhna hman che a awmlo alawm, hei ka lo haw tawh tho hi; min ngai deuh tihna mi" nui pah chuan ati a















"Teuhlo, ka purse kha ka lak theihnghilh daiha chuvang mai mai lawm" ka lo ti vat a, nui sukin min chhang let toh lemlo a

















Kan inkawt kan thlen dawn chuan car chu ati ding dawta, Alam ka hawi nghal thuai min melh run in "ka ngai tawh tak zet che" tih pah in min kuah nghal hlun a, awmdan tur hrelo zet chuan ka lo awma chutah ka hmui ah a voi2 na tan min fawp leh anih chu, ami fawhna chu lo thlahlel ninawm tak hian nuam ka lo ti a, chhanglet lo mah ila min fawhna dam hlup ah chuan min ngaihzia ati lang Chiang hle















Min fawhpah chuan inla hrang hlek in "min chhang let rawh" a rawn ti a ka hmuiah chuan a bur leh nghal zat, keipawhin a fawhna chu rang takin ka lo chhanglet a, Kan duhthawh dun bawka kan in fawp zo chu Kan thaw chhuak ham ham
















"Kha kha I chhanna ah ka ngai" tihpah chuan a vei nuih suk a, phawk zet chuan "hey min chhanglet rawh itih vang anihkha" ka lo ti thuai











"Anih chuan I ka ngeiin han sawi la" tih pah chuan ka mitah tak min melh nghal run a, ka lai bawksi chhan dantur hrelo chuan "ka purse kha min pe let tawh rawh" ka ti ta ringawt a, "bawihi ka zawhna chhang rawh" a rawn ti leh a, "ahhh..aw..ah ka hrelo" ka ti bah naka nui sukin "aw itih na nihkha" tih pah chuan ka hmui chu a rawn si leh zawka, "a fair lo" ka ti chhuak hluai a, "anih chuan nangmah ngein sawi la". min melh Chiang takzet; "ka..aw ka duh che lawm mahse" ka sawizawh hma chuan "naktuk ah dinner Kan eidun hunah I purse kha chu ka pe ang che" a rawn ti nihchu " maw dinner eidun a" ka ti deuh hu a












"I bialpa nena tlai chaw eidun chu thil mak ani mi" mitko San pah chuan ati a, chhang let tawh loin car atang chuan ka chhuak a














Inchhung ka lut chu ka nu in minlo be thuai a " anuam em" alo ti vat a, "aw nuam lutuk, ka va mu hahdam nghal mai ange" tih pah chuan ka room ka luta, khumah chuan thuin ka bialpa hmeltha leh chhelo em em tuna ka hmuh zawh chiah kha ka ngaihtuah a, ka hlim lutuk chu ka au lo chauh. Mami chu biak ka tuma mahse a rui lutuk tih ka hriat chuan naktuk ah hrilh zawk mai ang ka ti ta a












Intifai in khumah chuan ka mu a, ka hlim lutuk chu mu e tilo chuan khumah ka nui vur vur mai.







*******
Khatih zawng kha zanin atan chuan ni leh mai rawh se aw..

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)