First love BY Zualtei Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: First love BY Zualtei Hmar (Completed)

Unread post by Ngaia » March 13th, 2022, 12:56 pm

Writers: Zualtei Hmar









Chapter 7







Zing ah chuan nizan thilthleng ka ngaihtuah a ka hmel ah ka hlim tih a hriat ani ngei ang ka nu chuan "mambawih thil thleng a awm ami, I hmel Ava hlim ve" a rawn ti nghal thuai a












"Aih awmlo e, tukin chu ka tho fuh anih hi" nui pah chuan ka ti a












*Dawr ka thleng chu mami chuan "awi fel nizan kha ka duh aiin ka lo rui a, engtin nge I haw" alo ti a









"Sawi tur a tam mai nakinah hman deuh hunah ka sawi ang" tih pah chuan an thil chah ho chu ka va pe kual a















Chun chawlh lai chuan mami chuan ka bul a rawn pan rang kher mai "enge han sawi vat teh" min rawn ti nghal chuk chuk a










"Thu phawt teh" tih pah chuan thuthleng ah ka thut thlak pui nghal a, "au Miah suh ang che" ka tih chuan "ui sawi vat mai teh" ati vak a, "Zorinkimi I au lo ang tih min tiam phawt la" ka tih leh chuan "aw aw aw mahse ka hrelo" ati nihchu huizzz














"Nizan khan Gabriel an min thlah a" ka tih chuan a hmui a hup nghal, au a hlau ve ningei tur ani "chuan a bialnu ni turin min Sawma" ka tih chuan "in in ngaizawng tihna" phawk fe hian a rawn ti a, ka lu ka lo bu nghut chutah zet zawng ring takin a rawn au thawt a















Thazuali chuan "min ti phu lawm" a rawn ti vak a, "ka thu hriat hi a lawmawm vang chauh in ka chhanglet lo ang che" tih pah chuan washroom lamah min kai phei a










"Sawi rawh" a ron ti leh a, "chuzawng chu" ka tih chuan "uiii lalruatfel a ruk hian ilo zei anih dawn hi" atih chuan kan nui dun ta ringawt

















********

*Gabriel P.O.V*







Thil pawimawh ka ziah mawlh mawlh lai chuan ruatfeli ka hrechhuak zawka ka nui ringawt, tun hun reilo te chhung khan hlimna min thlen tam takzet ani; ka zin chhung zawng khan ngaihtuah loh lai ka neilo ti ila a dik ber ang, ka mitthla ah ka hmu reng zela ataka hmuh hlan mawlh kha ka nghakhlek ani















Nizana kan awmdan te ka ngaihtuah a, min duh ve thu a sawi anih kha, ani nen khan Kan inhriatna la reilo mahse ka hmuhtirh phet atang khan ka ngaihtuahna a luahkhat nghal ani









Ka secretary chu rawn lutin "ka pu, I pa in a hmuh duh thu che min rawn hrilha, engtin nge ka chhan dawn" a rawn tih chuan ka kal tur thuin ka chhang a, Mizoram ka haw atang voi1 bak ka la hmuloa, ka nu pawn min ngai tawh ani ngei ang; an fa mal ka ni a chumai bakah ka tet te atang ramdangah ka awm bo zela an tan chuan min hmu chak pawh a awm ve tho.... keimah in Aizawl ah hian inhmun ka neia; chutah chuan Mizorama ka haw chang chuan ka awm mai thin, anihloh pawn kan hotel ah hian ka riak mai zel















Kan inlam pan chuan ka inkhalh a, in ka thleng chu ka nu chuan minlo be nghal a; "rawn kal ngun ve deuh ta che, Mizoram I rawn kal khat teh lul nen" alo ti nghal thuaia chhanglet tawh lem loin ka pa library room lam chu ka pan phei a, room chung ka lut chu dawhkan ah thu in thil a lo chhiar a








"Ilo thleng tawh maw, tunlai hnate enge an a" alo ti zung zung a






"A tluang ani mai, mahse Dubai ho nena kan project kalpui tur kha chu tihfel a huphurh awm ang reng"







"Aw a that chu, khalam kha chu a awlsam ka ringlo hrim hrim ani.... Kan inlam ah rawn awm phei mai teh; inu in a ngaih thu che a sawi renga" a rawn tih chuan







"Ka nu te chu a dan alawm, he lamah ka awm rei deuh anga a reh ve mai ang" nui pah chuan ka ti a







"Engtia rei nge helama awm I tuma" zawhna mitmeng chuan min melh a






"Ka awm char char tawh ang, tihtur tul a awm te nihloh chuan" ka ti a, ka pa nen hna chungchang Kan sawi mek lai chuan, "ti teh u, inhmuh a khat si room ah tawm reng su lo chhuak ru" ka nu chuan room chung rawn luh pah chuan ati a, Kan inzui chhuak ta hlawm a









"Tlaichaw ei nghal rawh aw" ka nu chuan zangkhai zet chuan ati a






"Nidangah le, zanin chu eipui tur ka lo nei fel tawha" ka tih chuan lungoi lo zetin, "I hna nih chuan cancel mai rawh ka ngai ve tawh che lawm" ka nu thin hi chu a, naupang chhia deuha awm leh zeuh hi a ching, "hna lampang anilo a heichu" ka tih chuan a mitmeng chuan tunge ati a, "nakinah chaw ka la rawn eipui dawn nia" nui suk chuan ka tia, ka nu pawh a hlim teh e.... hmeichhe lampang hi ka nu bulah ka inhmelhriat tir ngailo a, nupui neitur in min tur reng bawka, ka sawi chu a lawm tih a hmel atang a hriat takzet














Inchu chhuahsanin ruatfeli te dawr lam chu ka pan a, ka va thleng chuan a thiannu mami kha alo phur kher mai, mami chuan "ka nu Kan hrilh lawk ange" tiin washroom lam a pan a, min5 hnu ah chuan "kal ang le" tiin dawr chu Kan chuah San a, dinner Kan eina tur lam chu ka pan puia















********
*Ruatfeli P.O.V*




Kan kalna hmun chu rin aiin a nuam phian, kan thil ei lai chuan thil tam tak kan sawi Duna, an chhungkaw chanchin leh kan chhungkaw chanchinte sawin kan titi Duna, Kan inpawh phah sawtin ka hria; ka hriatsa ni tho mahse an chhungkaw chanchin a sawi chuan an hausak zia ka hre Chiang hle















*Kan inkawt thleng chuan min thlah a, ka purse pawh min pe let tawh, a car kal Liam tur ka thlir zui chuba duh vak lo aniang; "lut hmasa rawh" ti mahse ka en Liam duh thuin ka chhanga min hnial biklo







Inchhung ka lut chu ka nu chuan sitting room ah lehkhabu alo chhiar a min hmuh chuan "tu nen nge chaw chu in eidun a" a rawn ti thuai a, "ahhh kha hmanzana min rawn sawm tu kha" hnuailam en chung chuan ka ti a, ka nu chuan a hrethiam ani ngei ang engmah min zawt tawh bik loa, ka room ah kalin ka intifai a khumah chuan mu in Gabriel a message lo awm chu ka reply a; ka reply chiah tihin min rawn call nghal a










"I mu tawh mi" ril ruih chuan a rawn ti a








"Aw, ka mu mai mai"







"Ka ngai che" hepa mai mai chu Kan inthlah zo deuh chiah sia







"Kan inhmuh zawh chiah kha" ka tih chuan







"Chupawh nise, ka ngai tho che lawm" ala rawn ti hram a, hepa rilru naupang chhia thei lutuk hichu a; darkar chave dawn Kan inbiak hnu chuan phone chu Kan dah a keipawh ka muhil nghal a









*******

Zinga dawr ka thleng chu mami chuan tunlai Sawma awmdan mak lutuk vel chu minlo hrilh a, mipa lam hi ka hre vak lo bawka han hnem dan vak pawh ka hrelo "a buai ve deuh aniang chu, rilru ti hah duh suh" ka ti tawpa; hmaniah lah khan Thazuali khan a kawp che alo tive kher bawk nen a awm chu nuam zanlo tih a hmel atang a hriat theih















Dawhkan ka hruk fai mawlh mawlh lai chuan Gabriel a chu a rawn kal hlawl mai a, "enge ilo tih dawn" ka ti thuaia; min en reng pahin "ka ngai che a ka rawn kal, vawinah kan la inhmuh Miah hleinem" a rawn ti a, a thil sawi vang chuan ka nui suk










Chhunchawlh ani dawn chiah bawka Gabriel a nen chuan kan inzui chhuak a, kan eina dawr chhung atang kan chhuak chiah chu rinloh tak mai in Sawma ka hmu thut mai a ani chuan min hmulo ani ngei ang; a bulah chuan hmeichhia a hmel en re re pawh a nasa tak ani tih hriat hi a awma, "boihi kan kal thei" tih pah chuan Gabriel a chuan ka kut a rawn vuan a, engmah sawilo chuan kan chhuak ta a















Mami bulah chuan sawitur anileh nihloh pawh ka hrelo, ka sawi anih chuan an inkar ka tibuai mai mai ang tih ka hlau bawk si










"Gabriel a nen inchhuah atang khan I pangai tawhlo, I bulah thil sawi anei mi" mami chuan ka bula rawn thut thlak pah chuan a rawn ti a, "neiloo...e mam enteh Sawma Chu tunlai engtiang chiahin nge a danglam a" pangai deuh tak chuan ka han ti a












"A hma min ngaihsak na leh min thlakhlelh na ang kha a awm tohlo ka ti mai, amah sawipui ka tum lah hian 'ka buai vang' ati zel bawk sia tinge min zawh"







"Ka hre duh mai mai, taka hmania kawr nalh itih deuh kha an discount asin en rawh" thudang chu ka sawi ta daiha ani lah chu alo phur phian mai...















Zanlam chu an buai hlawm bawk nen dawr ka lo khar mai tur thu hrilhin an haw darh hlawm ta a, dawr ka khar lai chuan dar8 bawr vel ani; dawr ka kalh that mawlh mawlh lai chuan ka hnung lama pen thawm ka hriat vang chuan ka hnung lam chu ka hawi nghal thuaia, jerry a ni enge maw a duh le












"Enge nita" amah en reng chung chuan ka ti nghal thuai a, tun ang zanah ani nen chauha awm dun chu ka thil hlauh pawl tak ani









"Mi Hausa ngaihzawn chu enge an a" min tih el taka a rawn tih chuan ka ngei ve khawp mai, "a nuam lutuk" ka ti chang fak a









"Gabriel a hian a duh tak tak che I ring ami, nang ang engmah chhuan tur neilo" deuh sawh zet chuan min ti a, "ani chuan ka retheihna hi min hmuhsit nan a hmang ve ngailo" ti let hrawka kal ka tum chu a thusawi avang chuan ka ding chawt









"Nanglo hi hmangaih dang a nei" a rawn ti nihchu, "I thusawi chu ka awih I ring ami" ti a ka hawi let chu a mitmeng ngeiawm lutuk chuan minlo melh nghal run








"I thu thu le, a kal San hunah che chuan min rawn pan ngei dawn nia" nui suk pah chuan ati a, "a thleng ngai lo ang" ka ti chiah chu kiai sukin "min thlan loh avang khan ila inchhir ngei ang" tiin a car chhungah lutin a kal zui nghal a, minti hamhaih takzet tinge tu pawh mai hian ka rilru tibuai thei zawng hlira an tawng mai le







********

Ka story inlo chhiar thin vangin ka lawm e...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:56 pm

Writers: Zualtei Hmar










Chapter 8










Dawr ka thleng chu mami hmel ka hmulo chuan minti hamhaih lek lek a, "Nick khawnge mami" ka tih chuan washroom ah a awmin ka hria" a rawn ti a, Washroom lam chu ka pan phei nghal thuai a, mami lo tap ka va hmuh chuan "tinge mam" tiin ka kuah nghal thuaia, in hnit pah chuan "fel Sawma chuan minlo kawp tak tak" a tih chuan Sawma leh hmeichhe pakhat dawra ka hmuh kha ka hre chhuak a, "engtin nge I hriat" ka tih chuan, "min kawpna nu khan min rawn bia lawm" a tih zawh chuan a tap leh nghal a, ka khawngaih lutuk chu Sawma bula va kal a va an khum hrep mai chu ka duh a, mahse ka thiannu rilru na chu ka ngai pawimawh zawk tlat






"I hre chhuak tawh aniang maw" Thazuali chuan deuh sawh zet chuan mami chu a rawn ti a









"Thazual thu tha I sawi dawnlo anih chuan chhuak rawh" ka ti hrawk a








"Nang ve lah hi, Gabriel a ka chhai thlu e itia a duh tak tak lo che, nangai hmangaih a nei tih hria ang che" a rawn tih vang chuan insum zo loin ka va pan phei nghal a, "ka bialpa chuchang ilo sawi ve tur a awmlo, chuan mami chuchang ah pawh" ti in mami lam chu ka pan a, kut thawh chu thil tha ber anilo tih ka hria chuvang a insum hram hram ka ni.








"Kan la hria ang chu" tiin a chuak zui a







Mami chu ka theih tawpin ka hnem a, ani pawh tap tawhlo in customer chu Kan buai pui leh ta a.











******

Gabriel a nen pawn thla6 lai Kan inzui ve tawh, ka chungah a fel em em a, min ngaihsak in ka duhloh zawngin a awm ngailo, Kan inah pawh a rawn leng foa ka nu nen pawn an in nel em em a











Ka phone ri vang chuan ka harh deuh zawk; Gab-a lo ni a phone chu la in ka chhang nghal vat, nui suk in "ka rawn ti harh che nimaw" a rawn ti thum chhal a, a aw pa leh lutuk vang chuan ka tho phang pawh a reh vek













"Nia, tinge zing zingah minlo biak a" ka tih chuan a nui deuh hawk hawk a, mak ti tak chuan "enge" ka ti leh thuai a, "ti teh boihi dar8 a rik tawh dawn hi" a tih chuan dar zat chu ka en nghal thuai a dar7:40 alo ni tawh, thawh ka hai Chiang lutuk; Kan dawr ah a awm tawh thu sawin minlo nghak turin ka ti a phone chu Kan dah ta a















Dawr ka va thleng chu ka thil hmuh vang chuan ka ding deuh chawt, Lalthazualin inla no fahran a Gabriel a alo be vel chu ka va hmu a, mamin ei loh hmel takin a sirah alo en thung, zing ka tho tlai mood fuhlo nen ka thil hmuh vang chuan ka mood a chhe zual















"Fel ilo thleng tawh maw" mami chuan Gabriel a te hriat phak tur chuan a rawn ti khera henu tak hi chu















"Tukin chu thawh ka hai a, minlo hrethiam mai teh u" ka tih chuan , "tu emaw in inla no taka eitur a pe lai I rawn hmu hmanloa lawm zawk rawh" kan sir lama Gabriel a te thu chu va melh zeuh pah chuan a rawn ti a, Thazuali ngei tawk alo tling leh em em
















"Zorinkim enge khatia itih khera" vin zet chuan Thazuali chuan a rawn ti a, "enge nangmah pawh Kan sawi che mi, lo in ngaihbel ve ringawt" hmui tih pawrh zeuh pah chuan ati a, Gabriel a chuan minlo en deuh ngur a; melh pawh ka melh peihlo, Thazuali chu washroom lamah a kal tau nghawng nghawng a, mami erawh in a nuih Liam pui mai mai thung
















"Va phei rawh" mami chuan min nghawk zeuh pah chuan a rawn ti a, engmah sawi set set lo chuan Gabriel a bulah chuan ka va phei a


















"I tho thei maw" a rawn tih te chuan ka lo ner deuh sek a, hrethiam in "I awm siloa, I thiannu lah a buai sia Thazuali khan eitur min rawn pe a" min melh reng pah chuan ati a, tunah khan Thazuali te ti a hming a hria maw..engtin tak loin kawm hman ang maw


















"Engmah pawh ka soiloh kha" sir lam en reng chung chuan ka ti a













"Sawilo mahla I hmel ah hriat vek alawm" nuih insum tak chuan a rawn ti a, ka hmui chu ka lo tih sawih khum zeuh thung














"Tlaiah ka pa te inah chaw kan ei dawn nia" thupek a ang mah mah zawk, "engaaaa" phawk hra chuan ka lo ti, "ka nu in ka bialnu a hmuh duh thu a sawia, tlaiah chaw kan ei dawn nia" pangai tak chuan a rawn ti leh a, "ka duh lo, ka zak" ka lo tih chuan "naupang chhia deuh hian awm thin lo teh, ila hmuh tho tho a ngai alawm" thutak fe chuan a rawn ti a, hnial zui chi anilo tih ka hria; eng ang pawn duhlo ila min hruai dawn tho tho











Tlai banah chuan kan inlam ah ka haw phawta, Gabriel a chuan minlo hruai tur thu a sawia; ka nu bulah chuan sawi ka huphurh khawp mai









Ka nu bulah sitting room a thut pah chuan "nu Gabriela te in lamah tlai chaw ka ei dawn nia" Inthlahrung tak chuan ka ti a, "a tha lawm" atih chuan ka thawveng huai mai, "a mah pawh hi kan in lama chaw ei tur hian la sawm tur ani" atih chuan aw ka lo pawh vat









Gabriel a chuan minlo hruai a, ka nu nen pawn anlo titi dun nasa khawp mai; hepa hi chu a duhna ah hi chuan a nelawm thiam ani, an in kan thlen chuan ka zam ngei mai, an in ropui leh mi hausa in tih hriat zet chu kan in nen te chuan tehkhin chi pawh va nisuh; inchung kan luh chuan anu chuan minlo be nghal thuaia ka zamna pawh a reh deuh, apa erawh mi tawng tamlo tak ani ngei ang










Chaw kan ei lai chuan anu chuan "inneih lam te hi" a rawn tih chuan ka chaw ei lai chu ka hak teuh ngei mai, Gabriel a chu ka en nghal thuai a, awlsam zet hian "a hla tawhlo ang" a rawn ti a, apa pawh alo bu nghut, Gabriel a lah chuan ka mitmei na chu ngatan mah a ngailo tih hriat zet hian a thil eilai chu a ei chhunzawm mial mial a, khawn fawk mai chu ka duh













Kan haw dawn chuan anu chuan rawn leng fo turin min hrilh a, a khua a har thin ngawtin nia ka rin; hetiang in zau lutuk mai a nupa chauha awm chu, in mangthain car chhung chu Kan lut ta a















"Engthil nge chaw ei lai khan I sawi kha, Kan innei dawn amaw" ka tih chuan "a hun tawh lawm, kan naupang chhe dun lo bawk tinge min neih chu I duhlo mi" min melh zawk chuan a rawn ti a, "chutiang lam anilo ka nu hi ka ngaihtuah alawm, amah chauhin ka awmtir thei hleinem"













"Boihi pasal I neih a, ila kalsan tho tho a ngai alawm" dam deuh chuan a rawn ti a, athil sawi chu a dik reng hetiang hian kan awm reng theilo "mahse pasal nei tur chuan ka inpeih em ka hrelo ani" ka ti sap a, "pasal nei tur te hi an inpeih vek bik kher hleinem" ti pah chuan ka kut chu a fawp zawk a

















Kan titi chhung chuan kan inkawt kan lo thleng der tawh, ka kut chu ala vuan renga; min en deuh reng bawk, "kan kal tawh ange" amah nuih zeuh pah chuan ka ti a; chutah rawn hnai hrut in ka hmuiah chuan a rawn fawp thut a keipawh chuan ka lo chhanglet nghal thuai kan inthlah pah chuan "innei vat ang" a rawn ti sup a, nui zeuhin ka chhuak ta a













Inchhung ka lut chu ka nu chuan "enge Gabriel a chhungte chu I hmuh dan" alo ti nghal thuai a, "an fel lutuk" ka tih chuan alu bu nghut a mu turin min hrilh a keipawh room lam panin ka intifai a ka mu nghal thuai










Ka mu fel deuh chiah tih ah Gabriela chuan minlo call a inneih chungchang bawk ani a rawn sawi, phone kan dah hnu chuan mutna ah ka in ngaihtuah deuh veng venga, Gabriel a sawite kha ka ngaihtuaha sawi dikloh a nei lo tih ka hria keimah zawk hi ka rilru thlak a ngai ani tiin ka muhil a















*Gabriel P.O.V*



Feli nen Kan inbiak zawh chuan bathroom lam panin ka intifai a, ka chhuak chu ka number hriat ngailoh atang missed call voi6 lai mai alo awma, ka call let chuan ala thei tawh lo chu tih nawn leh pawh ka tum tawh chuanglo; khumah chuan muthla in ka in ngaihtuah a, feli hi ka duh tak zeta ka hmangaih bawk nupuia neih ngei pawh ka duh ani mahse amah hian ala inpeihlo tlata a inhriat vang hian ka nawr duh lem lo











Mutna ah chuan ka nunhlui te ka ngaihtuah a, tumloh tak mai in Rosalyn-i chu ka hrechhuak a duhlo in ka hmai chu ka tuai puat a, Kum tam tak hnuah pawh ka ngaihtuna ala ti buai reng mai chu nih hi


















********

Hun a kal zela, ruatfeli nen pawn thla leh maiah Kan innei tawh dawna; ala inpeihlo viau emaw ka tih lain ka sawmna a hnarlo chuan minti lawm kher mai












Tuk dang ang bawkin hotel chu ka thleng a, office chhung ka luh chuan ka phone a rawn ri chiah a la thuai in "hello" ka tih chuan "ilo dam tha maw" titu vang chuan ka office kawngkhar bulah chuan ka ding chat, "enge I duh" ka tih bung hmuk chuan a nui deuh hak "I mizia ila thlak lo hle mai" a rawn ti leh nghal zat, "tunah khawnge I awm" ka ti thuaia, a awmna hmun hi hman atang tawha ka hriat duh ber ani














"Mizoram ah ka lo haw mek" a rawn tih leh chuan ka thaw deuh hrawk a, ka rilru a buai tak zet ani, engmah sawi zui tawh lemlo chuan phone chu ka dah a, "alo let leh" ti sup in ka dawhkan lam chu ka pan a, secratary chu au lut thuai in Rosalyn-i chungchang lo chhui tur chuan ka hrilh nghal thuai a















*Ruatfeli P.O.V*


"Thla leh maia pasal neih tur chu enge an a" min rawn nek pah chuan mami chu a rawn ti a, henu hi min chheih a tum Chiang lutuk ... Thazuali chuan "I vannei hle mai, kei niloa nang a thlang che hi chu ka hrethiam theilo" kan piah lawka dawhkan hru mawlh mawlh pah chuan a rawn ti a, "nang ai a chhelo zawk tihna nimai lawm" mami chuan minlo tih khalh thuai








Nui ro hak in "Ruatfeli hi a duh tak tak in ring em ni" a rawn tih chuan mami chuan "duh tak tak lo se a nupui tur atan a sawm dawn em ni" ngeiawm zet chuan a nuih let a, Thazuali chu a rawn kal hnai a, ka beng bulah chuan "ruatfel inpa tur hi veng tha hle rawh anihloh chuan a first love khan a rawn chhuksak mai ang che" ti pah chuan a kal zui nal nal a














"Enge khanu khan a hrilh che a" mami chuan alo ti nghal thuai, "eng nilo e, a thinrimin a duh duh sawi nihkha" ka tih chuan "ka va kek hrep dawn mi, a hnung atang sawn" thutak deuh chuan a rawn ti a, Kan nui dun ta hawk hawk















Gabriel a chu ka call a, mahse ala thei miahlo chuan ka rilru ati buai hle mai ka call hi chu a ngai pawimawh viau thin sia; Thazuali thusawi chu ka ngaihtuah let a tullo lutuk in ka rilru ati nuamlo zo ta vek a
















Tlai banah chuan mami nen dawr atang kan inzui chhuak a kan dawr kawt a Gabriel a lo ding ka hmuh chuan kan va pan phei nghal thuai














"Tinge vawin ka call I chhan miahloh a" amah melh ngur chung chuan ka ti a, "nia meeting Kan neia, ka hmuh chuan alo tlai tawh sia" a rawn tih chuan mami chuan "ti teh I pasal tur hi I hauh na lutuk" min nek pah chuan a rawn ti zeuh a













Car chhung kan luh chuan ka la lungawi thei chuanglo, min rawn call back hmanlo anih pawn text tala min rawn hrilh tur ania, "I lungawi chiahlo em ni" ka kut lak pah chuan a fawp zeuh a, "aw min lo text tal tur alawm" lungawi lo zet chuan ka ti a, "ka tihpalh boihi" thutak zet chuan a rawn ti a, thinrim zui vak ka tum tawh chuanglo ngaihdam min dil tawha a tawk viau in ka hria ni















Kan in kawta car a tih din rual chuan "ilo lut ve dawn em" ka ti nghal thuaia, min thlah haw hi chuan ka nu hmu turin alo lut ziah a, "lut hrih lo mai ang, tihtur kala nei a" atih chuan bu nghut in chhuah mai ka tuma, min pawt let in ka hmui ah chuan a rawn fawp nghal zat a, ka lo chhang let thuai a, duh thawh telh telh in ka mal vel chu a chul kual ruai a; chutah ka hnute a rawn tham vak chuan harh chhuak zawkin "I buai kha" lai ru zet chuan ka ti a, "hemi tan hi chuan buai lo e" tih pah chuan ka hmui chu rawn bawhthuah leh nghal zat










Thawh chham tepa Kan infawh hnun chuan a car atang chhuk in a tlan Liam lai chu ka thlir a, Thazuali sawi kha a diklo ani ani hian keimah lo chu tumah a hmangaih lo ti rilru mawlh mawlh chung chuan inchhung chu ka lut a











*Gabriel P.O.V*


Ruatfeli ka thlah zawh chuan office lam chu ka pan leh nghal thuai a, ka secretary in ka office dawhkan a Rosalyn-i lo chhui Chiang tura ka tihna alo dah chu ban nghal thuai in ka en nghal a, vawin ah Mizoram a rawn pan thu leh a pasal nen an inthen thu ka hmuh chuan ka thaw hrawk a, bawhin ani hi a hria anih chuan a rilru athlak mai ang tih chu ka hlau hle














Hotel ah chuan ka riak nghal a, zingah ka office lam ka pan chuan ka secretary in ka office chhungah min nghah thu a sawi chuan ka lut nghal thuai a, thutkhawmna hmuna Rosalyn-i lo thu ka hmuh chuan ka thaw nghal hrawk












"Alo rei te hle mai" tih pah chuan a rawn ding nghal thuai a, "enge hetah ilo tih" ka tih chuan nui suk in "ka hmu duh che mawle, kum5 dawn ani tawh lo maw" a rawn ti a, "I pasal nen chuan in tluang vak nange" tih pah chuan ka thutna ka pan phei a; "nia kut min thlak thin a, ka tan chuan chenpui reng theih anilo" hnuai lam melh pah chuan a rawn ti a, chuchuan ka thin a tirim takzet











Chaw chhun eipui tura min tih tlat avang chuan restaurant lam pan chuan kan inzui chhuak a, a chungah hian sual vak ka tum hranlo ka duh tawh loa thian anga thil ei dun chu a pawina ka hre hranlo











*Ruatfeli P.O.V*

"I pasal hual chu saw hmeichhe dang a phurh San che nihsaw" Thazuali thil rawn sawi vang chuan ka thil tihlai ka chawl dawt, "engthil nge I sawi" ka tih chuan min nuihzat fe hian "veng tha rawh ka ti che nilawm ni" a rawn tih leh chuan mami chuan "Lalthazual enge I sawi awmzia" a rawn ti ve nghal thuai a











"In awihloh chuan saw en ula" ti pah chuan Gabriel a te hotel lam chu a thlek zeuh a, mami nen chuan kan va en phei thuaia Gabriel a leh hmeichhe hmeltha tak a hmel en re re pawha Hausa tih hriat tak mai chu an chhuak dun a










"Mi rethei chu a duh tak tak ka ringlo reng ani" inkuangkuah paha min hmusit tih hriat zet chuan a rawn ti a, mami chuan "Lalthazual" a rawn ti thawt a kei erawh engmah ka sawi theilo ka Bing deuh mup mup









"Fel a thawhpui mai mai aniang I rilru tihah duh suh" ka hnung rawn chul pah chuan ati a, a thawhpui nise tinge khanu khan duh hmel takin a en tih chu ka rilru ah a rawn lut nghal zut zut a













"Inla hre nange" Thazuali chuan kan lam rawn pan phei pah chuan a rawn ti leh a, "Lalthazual dawt rawn sawi belh tawh suh" mamin atih chuan "a first love anih saw, ka hrilh fo thin cheu kha" tih pah chuan washroom lam apan nghal zat a, mami va phei atum chuan "phei suh a tullo" tiin ka lo khap nghal zat a














Thlaleh maiah Kan innei tawh dawna, ka rilru tih buai loh hram hram chu ka tuma, ka phone chu la in ka va call nghal thuai a "enge nita boihi" a rawn tih chuan "khawiah nge I awm" ka lo ti thuai a, "ka thawhpui te nen lunch kan ei chhuak a" a rawn ti nihchu, ka mittui chu a luang thla nghal zung zunga "enge nita" a rawn tih leh chuan phone chu ka dah nghal hmaka, Gabriel a hian min bum anih chuan ka ngaidam ngailo ang









***********

Kha zawng kha ni leh phawt se, ka story min chhiarsak tute chungah lawmthu ka sawi eeee

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:57 pm

Writers: Zualtei Hmar








Chapter 9










Zing ka tho chu ka lu rit bur mai, pa ruata chu phone in dawr ka kal theihloh tur thu chu ka hrilha phone chu ka dah nghal, ka room atang pawn chhuak peihlo in ka mu leh tawpa ka nu min auh na pawh ka chhang peihlo













"Boihi hna I kal dawnlo mi a" ka nu chuan room kawngkhar rawn Hawn pah chuan a rawn ti lut a khuma ka lo mu a hmuh chuan min rawn pan phei vatin ka chal chu a rawn dek nghal a, "ehe I khua Ava sik nasa ve nachawkna ka va la thuai ange" ti zung zungin room chu a chhuah San a ka chhanglet peih thlawtlo, damdawi min eitir zawh chuan ka muhil zui ta a













Ka phone rawn ri avang chuan peihlo deuhin ka tho chhuak a mami chuan minlo call a phone ka lak rual chuan "pa ruatan ilo kal theihloh thu a sawia ti teh thut nge I soi lawk siloa" a rawn tih chuan "nia zing ka tho kha ka lu hi rawn na vak ringawt a" ka tih chu a lo phi Cheng mai, "lo in enkawl tha la aw, banah ka rawn kal kawi ang" ti chuan phone chu a dah a













Ka nu chu rawn lutin "I tho harh peih maw" a rawn tih chuan "aw damdawi kha ka lo ei leh anga ka zia tawh mai ka ring" ka ti nghal thuai a, damdawiin kal a rawt a mahse damdawiin kal ngai khawpa na ka nilo tih ka inhria a ka duhlo tlat a













Tlai lamah chuan keipawh ka zia tawha tho chhuakin ka in ei puar a, kan door bell alo rik chuan kawngkhar chu ka va hawng vat a, mami chu a rawn in khai bawr tun a











"Henghi enge" a thil lo ken thlek zeuh pah chuan ka ti a










"Thei anih hi, ka rawn kan na che" tih pah chuan dawhkan ah a dah nghal sawk sawk a, ka nu pawh chuan "Ava tam ve mami" alo ti deuh hu a, a tam reng ani henu hi chu a duhna ah hi chuan a in ui lo chiang ani










"Aw feli ei tur chiah ni bik hleinem nute I eitur a tel ve tho lawm" ati zung zunga ka nu nen chuan kan in ena Kan nui tawp, feli chuan tlai chaw a ei nghal a, a hmanhmawh deuh avangin a ei zawh chuan ka va thlah nghal thuai a










"Vawin khan Gabriel a lo kal a" atih chuan chik deuh chuan a sawi tur chu ka lo ngaithla a "hmanni vang khan ka ngei a ka chhang tha peih vaklo a" a rawn tih leh chuan "ka damlo tih I hrilh em" ka ti nghal thuai ka damlo tih hi hrelo se ka duh ani









"Aw dawr I rawn kal bawk siloa" atih chuan "Zorinkimi tinge I hrilh khera" ka ti nghal thawt a, "aw a ngaihtuah hmel em chea, vawin ah rawn kan che em".... "Kan lo, a buai aniang" ka ti chiah chu "mahni nupui hualte damlo pawh a rawn tlawhlo ania engang mihring nge a" ati nghal zung zunga, ka sawi pui chuan a in sawi thinrim mai mai dawna ka hriat vangin ka kal Liam tir ta ringawt a










Inchhung ka luh chuan damdawi ei lehin ka mu nghal thuaia, ka hmai rawn chul kual tu an awm avang chuan ka harh nghal thuai ka khuma Gabriel a lo thu ka hmuh chuan ka tho kang thuai a










"Tinge I damlo tih min hrilh loha" lungawi lo zet chuan a rawn ti a









"Luna mai mai alawm engmah nilo" ka tih chuan a rum deuh nghut, "engkim min hrilh tawh ang che" a tih chuan lu ka lo bu nghut a










Rawn kun hniamin ka hmuiah chuan a rawn fawp nghal thuaia, kei erawh in ka lo chhanglet lo thung mahse min fawhna chu a uar telh telh a, insum zo loin ka lo chhanglet thuai a, duhthawh zet chuan kan infawp a, ka nu min rawn auh na vang chuan kan inthlah rang kher mai ka biang chu dawmin min en vang vang a "ka nupui ni thuai rawh" atih chuan ka nui chhuak hawk "thla leh maiah Kan innei tawh daw lawm" ka tih chuan a vei nuih suk a, ka room atang chhuakin Gabriel a chu a car thleng ka thlah a, min ti lungawi lo viau thin mahse ka hmangaih a ka lungawi lo rei thei tak tak ngailo













Ni 3 dawn chawlh ka lak hnu chuan ka hna chu ka kal leh a, dawr ka thlen chuan mami chuan minlo be thuai a "enteh fel, Gabriel a hi dawr I rawn kal loh chhung khan hmanni a hmeichhia Kan hmuh nen khan lunch an ei dun ziah asin" a rawn tih chuan engah mah ngailoh hram hram ka tum a, chutah Thazuali chuan "Rosalyn-i nih kha a bialnu hlui, lo inhmu thin pawh nise awm ve tho an la inhmangaih em alawm Rosalyn-i nu leh paten pasal an neih tir vangin an inhmuh thei tawhlo mai chauh ania, tunah chuan an inthen tawh bawka an inkawp leh thuai ang" a rawn tih chuan ka thinlung hi vih sawk sawk ang mai ani











"Enge maw I sawi le, feli nen an inhual tawha engvangin nge an inzui leh ngawt ang" mami chuan thinrim zet chuan ava ti let a, "saw en ta cheu, Rosalyn-i pawn Gabriel a hmu turin a kal leh tak saw" atih chuan Gabriel a te hotel lam chu Kan hawi rual nghal vata, Rosalyn-i chuan kawr chhing zet ha chunga hotel chhung a lut chu ka va hmu a











"Ka va kal lawk ange" tih pah chuan restaurant chu ka chhuahsan a, Gabriel a te hotel ka luh chuan a staff te pawn min hre tawha minlo dang lo











A office ka luh dawn chuan a secratary chuan " miss tunah chuan sir chuan mi a hmu lawka" atih chuan ka thin ati rim zual a thusawi chu ngaipawimawh loin office kawngkhar chu ka hawng thuai a, Gabriel a thutna sofa ban a Rosalyn-i thu ka va hmuh chuan ka thaw deuh hrawk, Gabriel a chuan min hmuh a inbeisei lo tih a hmel ah chuan a hriat theih






"Boihi enge ilo tih dawn" a rawn tih chuan "ka pasal hual office ah chuan ka duh huna kal a remlo em ni" ka ti chang fak a, ka aw tang chuan ka lungawi lo tih pawh a lang Chiang viau













"Nanghi maw ruatfeli chu" tih pah chuan Rosalyn-i chu ka bula rawn phei in a kut a rawn phar chhuak a, chibai tumna rilru ka nei hranlo nui sukin a kut chu a la let nghal a chutah Gabriel a chu rawn kal in







"Ani hi Rosalyn-i nih hi College ka kal pui thin" atih chuan ka en zawka, "kan kal tawh mai ange, Gabriel nidangah Kan sawi tha dawn nia" ti chungin min nuihsawh hmel zet chuan office chu a chhuahsan a











"Boihi" min rawn ti tu vang chuan harh zawkin office chu chhuahsan ka tum a, ka ban ah rawn chelh vatin "I ngai diko anih kha" atih chuan "khanu kha I first love ani em" ka ti chu a hmel a buai deuh nak








"Mawh min chhang rawh" ka tih chuan






"Aw mahse kha chu hman lai thil alawm" a rawn ti nihchu, tu hmeichhia in nge a pasal hual leh a ngaihzawng hlui chupawh a first love lehnghal awmdun lai hmuh chuan thinrim lo teh lul ang











"Tinge engmah min hrilh loh" ka tih leh chuan "ka tihpalh ani, ka duh tawh chuangloa sawi lan kher a tulna ka hrelo ani" a rawn ti a, "hmani pawn dawt min hrilh" ka tih chuan mak tih hmel takin min en a "hnathawk ho nen lunch kan ei itia khanu nen khan ani reng" ka tih chuan ka mittui pawh a rawn luang nghal zung zung










"Ka sawi anih chuan buaina a awm ka hlauh vang mai chauh ani min ngaidam hram rawh" a rawn ti a, a aw atang chuan a inthiamlo takzet tih a hriat









"Nangman ani lawmni engkim kan inhrilh thin tur ani titu kha" ka tih chuan "boihi nangmah chiah ka hmangaih che" tiin min kuah nghal thuai a , a awmah chuan bein ka tap ta nghal hawka "I sual lutuk engvangin nge dawt min hrilh" a awma beng chung chuan ka ti chhuak a, engmah sawilo chuan min kuah beta ka hnungah chuan a chul a














*Dawr ka thleng chu mami chuan "enge lo sawia, nileh lo chu chu pawimawh ber lo saw sawta saw kha hmeichhia khan a nghak che nia tinge aaaaa" alo ti nghal thuai a, Rosalyn-i thutna lam ka va hawi chuan minlo nuih sanga va pan hnai in a bulah chuan ka va thu a








"Gabriel a nen min hmu dun chu I Iawm vak nange" mit ko San pah chuan a rawn ti a, henu hi ka rin ai daihin a zaktheilo














"Chuchu kan inkar ani lo buai duh suh" chang fak chuan ka ti let a, nui sukin "tlang takin kan sawi ange, Gabriel a hi ka nei let leh dawn" a rawn tih chuan rapthlak ti lutuk in ka en a, "chuan min hmuh dun fo pawh ka ring; I duh leh inneihna chu I thulh thei ang" a rawn tih chuan "ka thulh lo ang, I sawi vang ngawt hian Kan inneihna tur hi ka thulh hauh lo ang" ka ti hrawk a, tho in ka kalsan nghal thuaia, mamin minlo zui vatin zawhna ngah hle mahse ka chhang dawnlo tih a hriat vang chuan engmah chu min zawt talo a
















******

Gabriel a nen Kan inneihna tur pawh kar1 chiahin min dal ta, ka phur rualin ka zam em em bawka, Rosalyn-i pawh Kan dawra ka hmuh bak kha ka hmu leh tawhlo











Gabriel an hna ka kal a phal loh vangin restaurant pawh ka chawlh San tawh a, min ui hlawm ngei mai mami phei chuan "lal Gabriel a mai mai chu inla pasal tha lutuk mai" ati nghe nghe









Vawin hian ka mo kawr tur vel ka nu leh mami nen Kan en Kual dawna, mami hi ka mo thian ah ka hmang dawn bawka a phur ngei mai, mo kawr zawrhna Kan thlen chuan mami hmelhriat te an ni bawka min lo dawngsawng tha hle a, mo kawr simple zet a pian mermaid cut; a nghawng zau lam mah chu ka ha a ka nu pawn inhmeh min ti tazet...mami chuan a peach rawng simple tak design tho chu a thlang a














Zanah chuan Gabriel a chu a rawn lenga a chhungte ho phur tawh zia vel a rawn sawi chuan ka nu nen kan nui leh zeuh thin, a haw dawn chuan a car thleng ka va thlah a, min kuah in "tunah chuan ka nupui tak tak ini tawh dawn e" a rawn tih chuan lo nui deuh dat in "a lem ka lo ni thin alaw" ka ti chu a rum nghut "uang lo teh" a rawn tih chuan "a mak takzet ani, ka pasal ini dawn ta chu nimai sia, kan intawn ni kha nimin ang lek ah ka ngai" ka tih chuan "khuanu ruat an tih ngei chu kan nih dawn hi" tiin a car chhung chu lutin a tlan Liam lai chu ka thlir a




















*******

Gabriel a nen Kan inneih ni pawh a thleng ta der mai, ka huphurh lutuk chu ka thawk a chham dawn hialin ka hria









Makeup artist ten min chei lai chuan Gabriel a chuan min rawn call a "ka hmu chak tawh che" a rawn tih chuan ka lai ngei mai, mami te chuan "changtupa ber chu Kan monu I rawn ti lai ringawt alawm" an lo ti deuh lang lang a "vawin ah in innei tawh dawna inbiak hun pawh ni tawhlo" ti chungin ka phone ken lai chu an dah nghal hmaka, ka lo nui tawp














Biakin Kan thleng chuan ka zamna te chu a rawn pun belh ni mai hian ka hria, car chhung atang chuan Gabriel a chuan min kai chhuak a, biakin chhung kan lut dawn chiah tihah chuan a phone chu a rawn ri a, phun hluk in "minlo nghak lawk rawh" ti chung chuan kan sir deuha chuan a phei a










A hmelah chuan thil diko a thleng tih ka hre nghal a, ka va pan hnai dawn chiah tihah chuan car ah lut in a tlan zui a, ka mak ti lutuk chu auh zui nachang pawh ka hrelo, kan bul vela mi te chuan mak ti zet hian an hawi Kual a kei erawh a awmdan in min thawng lutuk vang chuan chet sawn nachang pawh ka hrelo, ka mittui chu ka biangah a rawn lum thla pap a, Gabriel a tlan Liam chu ka thlir zui vawng vawng.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2022, 12:57 pm

Writers: Zualtei Hmar








Chapter 10








Mamin min rawn sawi ah chuan ka harh chhuak thut a, "khawnge Gabriel a" ka tih chuan "tinge tikhan a awm thut a, fel a chhan I hria em" a rawn ti let a, "aih ka hrelo" ka lu thing chung a tap zawih zawih pah chuan ka ti a













Gabriela min neihloh hlau em em tu, min hmangaih ang taka awm khan tunah kan inneihna hmun atang engmah sawiloin min kalsan tih ka ngaihtuah chuan ka thinlung na lutuk chu ka tap khur ta char char a, min rawn hruai vatin car dangah chuan min hlang a min tih dan dan chuan ka awm tawp, ka ngaihtuah na ah engmah a lut thei tawhlo, bum ka ni tih chauh lo chu















Kan in kan thlen chuan mami te chuan min hruai thla thuai a, ka room ah lut in ka khuma chuan ka tap ta char char a, darkar chave dawn ka tah hnu chuan mami chu rawn lut in "fel" a rawn tih chuan ka kuah nghal thuai a













"Mami Gabriel a khan min bum" ka tih chuan ani pawh insum zo loin min kuah chung chuan a tap a, min khawngaih tih chu a awmdan atang chuan a hriat vek ani

















*Zing ka tho chu ka khumah chuan ka mo kawr nen ka lo la mu a, nizan khan ka tap muhil ani ngei ang, nimin thil thleng ka ngaihtuah chuan ka mittui chu a rawn luang thla leh nghal zat a, ka zahna leh rilru natna chu engtik ah mah theihnghilh theih tawhloh tur khawpa na ani














Ka room atang ka chuah chuan ka nu chuan "mambawih Gabriel a chhungte nen Kan inbe zo chiaha, nizan pawh khan an rawn kal a khatia Gabriel a awm chhan kha an hre biklo" atih chuan "nu a tawk, kan ineihna kha a duhloa min kalsan anih kha sawi tawhlo ang" ka tih chuan ka nu chuan leinat hmel zet chuan min en a















Chaw pawh ei peihlo in ka room lam chu ka pan phei a, ka phone ka en chu Gabriel a call alo tam ngei mai, ka phone chu switch off in khum sirah chuan ka dah a; khumah chuan muin ka chunga thil thleng chu ka ngaihtuah a ka mittui chu ka hru leh zeuh thin.












Zana kan inkawta thlifim dawng tura ka chhuak chu Gabriel a nen chuan kan inhmu a, a hmel ka hmuh ringawt te sawn ka thinlung hi a na vawng vawng thei hial ani, saw a hmel pa tak leh pawi sawilo tak te sawn ka luak an ti chhuakin ka haw ngawih ngawih










"Boihi" a rawn tih chuan kal sawn mai ka tum a, "min ngaithla teh, ka tihpalh ani khawnga in" a rawn tih chuan insum zo loin ka beng hawi sawka "tihpalh tih hi engzata tam nge sawi I tum a, tihpalh ti lo tur hian I awm thei thlawlo ami" tah insum tak chuan ka ti hrawk a, "ka inthiamloh na hi tihpalh tih aia sawifiah thei an awmlo ani" Inthiamlo mit meng chuan a rawn ti a










"I inthiamloh na mitmeng khan min en hlek suh, inthiamlo ni la khalai hmunah khan mal tak leh zak takin min kalsan lo ang" ka tih chuan "ka thil tihsual te siamtha leh turin enge ka tih ang" beidawng zet chuan a rawn ti a









"A tlai tawh lutuk Gabriel" ka tih chuan ka hnung atang min rawn kuahin "boihi I tel lo chuan ka nung zo lo ang, ka thiamloh ani khawngaih in khawngaih takin" atih chuan ka thinlung chhunga amah ka hmangaihna hian ngaidam turin min hrilha mahse ka thinrimna leh ka zahna chuan a rawn hliahkhuh vek "kan inkar chu kha hmuna min kalsan ni atang khan a tawp tawh" tiin min kuahna chu ka phelh a ka kal Liam ta a, mipa ah pawh pa tak leh induh tawk tak mai chuan ka khawngaihna min ngen in a muttui hial a tla a mahse ka chhungril hian a ngaidam thei miau silo ani
















******

Chawlh hmangin ka nu nen chuan ka nutei(ka nu nau) te bulah champhai lamah kan zin Duna, kum1 dawn chu Kan cham tawh, ka nutei te hian ka chanchin an hre bawk nen Kan duh Chen Chen cham turin min hrilh a, mahse an bulah awm reng erawh ka tum lo, ka rilru pangai hunah haw leh mai chu ka tum











ka nutei te thenawm ah hian Aizawl lam mi chhanhima hi a awma, ani hi helam ah contract thil vangin an rawn awm zawka an rual chhuan Aizawl chu Kan haw dawna, ani hi mi fel tak ani a; min beisei tih pawh ka hre reng mahse mipa dang kawp leh tur hi chuan rilru ka la siam lo a chubakah Gabriel a lo chu mipa dang ka hmangaih theih ka inring lo ani; ni e, hun rei tak hnuah pawh ani kha ka la ngaihtuah reng chu ni sia















Aizawl kan thlen hnu chuan ka nuteite dawr chu Gabriel a te hotel nen a inhneih em vangin thawh leh ka duh lo a, chhanhima bulah chuan hna min zawnpui turin ka ngen ta ringawt a ani chuan a u te hotel ah chuan ka thawh theihnan min sawipui a, ani hi a awmlo ang tih ka hlau ngawt mai













******

Vawin atang hna chu ka tan dawn a, tlem chuan ka zam ve deuh; hotel ka thleng chu rinai daihin alo nuam a, hnathawk ho pawh an felin ka chungah an tha hlawm phian a, keichu hotel floor hnuai ber; room rawn book duhte ho lo ngaihsak chu ka tih ber ani, ziah fel tur a tam in minlo be tu te nui sanga lo chhanlet ngai thin chu a inhmehlo takzet












Thil ka ziah lai chuan ka dawkan rawn kik ri kerh kerh tu vang chuan ka hawi chhuak a, chhanhima chuan lunch eipui turin min rawn sawma, ka hnathawh tur min hmuhsak vang pawn engmah ka la tihsak lo bawk nen thil ei tur chuan kan chhuak dun ta a, ka thawna restaurant hlui lam chu Kan pan phei a..










Kan lut chiah chu mami chuan "ehe fel lo kal ru" alo ti zung zung a dawhkan chu min kawh hmuhin kan thu thla nghal a, "nanghi rin ain mipa kawp tur I hmu thei phian mai a" tih pah chuan Thazuali chuan kan order chu a rawn la a, chhan pawh ka chhang peihlo chhanhima chuan mak tih hmel zet hian Thazuali kal Liam chu a en zui a









"In inhria mi" atih chuan










"Aw tah hian ka thawk thin alawm" ka ti zeuh a, thudang chu sawipuiin Kan nui dun leh zeuh thin a, a bula ka awm chuan min tih nuihna tur hi a hre thei khawp mai









Dawr Kan chhuah dawn chuan mami chuan dawr kawt thleng chu minlo thlah a, Gabriel a te hotel lam ka hawi chu Gabriel a chu hmanhmawh zet hian alo chhuak a, ani hi zawng a buai reng mai ni







Mami chuan minlo nghawk zeuh pah chuan "thil hrilh tur che ka nei..." a rawn tih chuan chhanhima chuan "kal ila" a rawn ti chiah bawka "nidangah nimai" tih pah chuan mami chu ka nuih suk a











*Zanah chuan mami chuan min lo call a "fel vawina I rawn hruai kha I bialpa thar ami" a rawn tih chuan "teuhlo champhai a ka nutei te thenawm ami nihkha" ka lo ti nghal thuai a, "fel thu pawimawh lutuk hrilh tur che ka nei ania" thutak zet chuan a rawn ti a minti hlau lek lek, ani hian thutak deuh hian engmah sawi ngai siloa "sawila" ka tih chuan "phone a sawi chi pawh nilo, naktuk ah nimai" a rawn ti leh bawk sia, zawt zui ta lo chuan phone chu ka dah a ka mu ta a.













Zingah chuan hotel lam chu ka pan thuai a nileng chuan ka buai ti ila ka sawi sual lo ang, tlaiah chuan mami chuan hotel kawtah minlo nghak a, kan haw dun ta a








"Enge I sawi duh chu, pawimawh hmel bawka" ka tih chuan mami chuan thutak fe hian "Fel Gabriel a hi I ngaih ang ngawt kha nilo ania aw" atih chuan Gabriel a hming a sawi vangin ka nui lai ka tawp chat











"Mam Gabriel a chungchang I sawi dawn nih chuan sawilo zawk mak rawh" ka tih chuan "fel ngaithla teh, khami ni khan a duh reng vang anilo" atih leh a "a duh vang renga engkim kha thleng ani" ka aw ah chuan ka lungawi vak tawhlo









"Rosalyn-i khaaaa" a rawn tih leh chuan mami chu ka en nghal thuai






"Enge" ka mit kan uk pah chuan ka ti a








"Thluak tb nia" a rawn tih chuan Rosalyn-i chu ka khawngaih takzet







"In ineih ni khan a zual a, chuan doctor ten a nunna an chhan hman talo anih kha, fel ngaihtuah Chiang rawh Gabriel a thiamloh a awmlo" a rawn ti nghal zung zung a, ka thu hriat vang chuan ka rilru a buai takzet..."a first love ania, an in ngaihzawn lai rengin Rosalyn-i chhung ten pasal an neih luih tira, tunah an inhmu leh a natna ala nei zui ania" mami chuan khawngaih hmel tak chuan a rawn ti a








"Engtin nge I hriat a"








"Rosalyn-i pa leh ka pa hi doctor an zir lain an in hria a, ka pa in a sawi lai ka lo hre fuh a; fel in ngaihtuah chiang ngei ngei ang che" tiin an in lam min pan San a










In ka thleng chu ka room ah ka lut zui a ka inngaihtuah nghal a, tinge engmah min hrilh lo le min hrilh chu nise ka hrethiam tur nia khati khan ka lo tawng khum vak lo tur tihte chu ka ngaihtuah a ka inthiamlo lutuk chuan Gabriel a hmuh leh pawh ka zak ngawih ngawih













*Hna ka thawh lai te chuan mami thil min hrilh kha ka hrechhuak a ka hnathawh pawh ka ngaihtuah theilo Gabriel a chu ka hmu ang nge hmulo ang tih ka ngaihtuah a, ka mamawh lain ka bulah a awm reng thina, min mamawh hunah lah keichuan a thusawi ka lo ngaithla peihlo nia lalruatfel ngaihdam dil tur chu ini ka intih mawlh mawlh lai chuan chhanhima chuan minlo call a











"Aw chhan" ka lo ti thuai a, "zanin chu min kalpui rawh aw" a rawn tih chuan hman Zana an thawhna hoin party an nei dawn a kalpui tura min sawmna kha ka hrechhuak nghal a, "aw..ah aw ka lo tum ang", ka ti bah nak a, "ka ring che nia" tiin phone chu a dah a,mi rilru buai lai nen a inhmeh lo takzet









Tlai chaw kan ei lai chuan ka nu bulah Rosalyn-i chungchang chu ka sawi ta veka, ngun zet chuan a ngaithla a ani pawn a khawngaih takzet tih a hmel atang chuan a hriat










Insiam thuai in ka thawhna hotel lam chu ka pan a, chhanhima nen chuta innghak tur chuan kan inhrilh dun kha nia, reilote ah ani pawh a rawn thleng a, party na hmun chu Kan thleng thuai a ka rin ai daihin a nuam, chhanhima chu mi chuan anlo be buai reng a nuam ka ti vaklo chuan pool lamah ka phei San a









ka hnung atang chuan "I inchhir tan tawh em" rawn ti ri vang chuan ka hawi let thuai a, jerrya chuan no dawm chungin minlo nuih sang a










"Engah chuan maw" ka tih chuan, "I pasal hual chuan in ineih ni ah a bialnu hlui a pan San che nia" za lo zet chuan a rawn nui a









"Engmah I hrelo, I duh duh kha sawi suh" tih pah a kal ka tum chu ka banah chuan a vuan tlat a, "nangnu hi I harsa phian mai a", tih pah chuan min pawt hnai dawrh a, min fawh a tum chu kut tha chak tih hriat zet hian Jerry a chu a rawn pawt leng dawp a, ani zu lo in rui bawk nen a thal Chiang hle,








Ka en chu Gabriel a alo ni, ani chuan min en velo in Jerry a bulah chuan "hmeichhe duhlo chung khawih luih tum tawh suh ang che" ti hrawk in ka ban ah chuan a rawn kai a, pool piah deuh thutna awmah chuan min thut tira











Kal leh mai a tum chu "ka tihpalh" ka tih chuan a rawn hawi let thuai, "ka lawm e ti zaw tur tak ini lawm ni" rawn hawi thlak pah chuan a rawn ti a










"Rosalyn-i chungchang kha engmah hrelo in ka lo thinrim ringawt a" ka tih chuan a thaw deuh hrawk







"Ani kha thian ang bakin ka ngai tawhlo, ka thian thi tur chu ka kalsan ngawt theilo" tia min rawn chhan let chuan ka lu ka lo bu nghut









"Min ngaidam thei angem" ka ti leh







"Ngaihdam na tur che ka nei hleinem, keimah lawm thiamlo" dul raih chuan a rawn ti a








"Ka hriatloh vang ania, ka ngaidam vek tawh che lawm" ka tih leh chuan mak ti takin a rawn meng a, "ka lo va kal ange" tiin chhanhima awmna lam chu ka pan phei a










"Haw tawh ila ka nuam chiahlo a" chhanhima bula ka tih chuan "awle" tiin min hruai chhuak a, car chhung ka lut dawn chiah tihah chuan tu emaw hian min rawn pawt deuh lop a, "Gabriel" ka tih chuan vei nuih sukin "ka hmeichhia hi ka lo hruai haw nge" tia chhanhima chu hrilh in a car awmna lam chu min pan pui a, ka hamhaih tak zet









A car chhung kan thut luh chuan "enge I sawi awmzia kha" mak ti tak chuan ka ti a, ni e chhanhima bulah khan " ka hmeichhia" min ti nihkha









"Ka hmeichhia ini reng alawm" tih pah chuan car chu tinung in a tlan zui a, a thil sawi vang chuan ka thin chu a phu rang kher mai, ani hi ka la duh takzet a mahse min la duh ve erawh ka ring ngailo













Car chu Kan inkawt ah chuan a tiding a, "tinge Kan inngaihzawn leh chu I duh tohlo em ni" a rawn tih chuan "aih" ka lo ti nghal thuaia ka thilsawi mai mai chuh "ka tih awmzia chu, engtin nge bul kan tan that leh theih ang" ka ti leh ta zawk a, "chutiang ngaihtuah buai duh suh" tia ka chala rawn fawp zeuh pah in "engtik ah mah I lungawi lohna turin ka awm tawh ngailo ang" a tih chuan ka thinlung chu a hlim tak zet









"Inchhung chu ka lo lut lo mai ang, ka nuin min hmuh chuan a hamhaih lutuk ang nidangah ka lo kal kawi dawn nia" tiin a haw ta a.







In ka thleng chu ka hamhaih takzet ka nu min biakna pawh ka lo hrelo a "enge maw I ngaihtuah le" a rawn tih chuan "Gabriel a nen Kan inngaizawng leh tawh" ka tih chuan ka nu pawh a lo hlim kher mai... Mami pawh engkim ka hrilh a ani pawn min lawmpui takzet














****

Gabriel a nen chuan inngaizawng leh in tunah chuan ka chungah a let in a tha a, kan inkar ah chuan engmah zep Kan neilo, inneih pawh chu Kan tum tha leh a, naktuk mai hi kan inneih ani tawh







Zingah chuan min chei mawlh mawlh lain mami chuan "tun tum chu a fuh tawh ang chu maw" a rawn tih chuan chulaia awm zawng zawng chu Kan nui tawp a, henu hi chu sawi awm leh awmloh pawh hrelo










Inneihna thu kan chham lai chuan Gabriel a chuan rilru leh tihtak zetin a sawi tih a mit atang chuan ka hmu thei a chuchuan minti hlim takzet









Kan inneih zan chuan Kum tamtak ka lo vawnhim tawh ka thiangnlimna chu ka pasal ka hmangaih em em hnenah chuan ka hlan a, chu zan chu nuam tak leh am takin kan hmang dun ta a












*******
*3years later*


"Joshua I thlan vek tawh ania, inchung lo lut tawh rawh" ka fapa kawta Kan uite nena infiam chu ka va au a "mama bobo hi a tui hal tawh" rawn ti lut lang lang in tui chu a pe a









Kan kawta car thawm vang chuan Joshua chuan boboa tui pek lai pawh ngaihsak loin a tlan chhuak a, apa nen chuan an rawn in pawm lut a, "ka lalfanu kha enge an a" ti pah chuan ka pum chu a rawn tuai a, "hmeichhia ani ngawt dawn mi" ka lo tih chuan "dawn Chiang lutuk, tiraw" tih pah chuan Joshua chu a en a, ani lah chuan "yes yes" alo ti a, an inchhun pafa ngawt mai









*Gabriel P.O.V*

Tuna ka nun hi ka rin phak bak ani, ka hmangaih ber ka nei a fapa duhawm tak leh ka nupui duhtak pum chhungah ka fanu tur a awm bawka, ka tan chuan khawvel hi a nuam takzet ani










*Boihin bathroom atanga min rawn auh chuah hmanhmawh zet in ka tlan lut a, a dul lo dawm in na tih hmel zet hian a lo chhing a, ana tuar lai ka hmuh chuan ka buai vek "tinge boihi" ka tih chuan " ka vei tawh dawnin ka hria, damdawi in min pan pui vat teh" a rawn ti hrawk a, hmanhmawh zet chuan damdawiin chu ka pan pui a











Damdawiin Kan thlen chuan doctor chuan minlo pan nghal vat a, ka nupui chu room ah nawr lutin pawn ah chuan ka lo nghak a, ka nu te chu ka be nghal thuai a; an ni pawh reilote ah an rawn thleng thuai, Joshua pawh an rawn hruai tel a











Rei fe boihi an buaipui hnuah chuan doctor chu alo chhuak a "pu Gabriel fanu in nei e" rawn tih pah chuan naute chu min rawn pawm tira boihi a chhun takzet ka lawm lutuk chu ka mittui a tla hial









"Ka nupui" ka tih chuan "ani pawh a tha e, inhmu thei ang" tiin a awmna room lam ah chuan min hruai a










Boihi chau zeta lo mu chu a chalah ka fawp zeuh a "ka lawm e, lalfanu duhawm tak min pek vangin" tiin naute chu a bulah ka mut a, Joshua chuan "papa ka nau tur chu hmeichhia tiraw" a rawn tih chuan lu ka lo bu nghut









"Yes mama diklo papa nen Kan dik" a tih chuan room chunga awm zawng zawng chu Kan nui hawk












*Boihi pawh damdawiin atang a chhuak tawha, Kan lalfanu te reuh te pawh a fel tawh khawp mai mahse keimah ai Anu a duh mah mah hi chu ka lungawi lem lo, boihi chuan "Anu ka nia min duh zawk loh ten" ti thin mahse "keipawh apa ve tho kha nia" ka tih chuan a nui tawp zel.















Kan nun chu a inthlak hlawk a, harsatna te buaina te tawk thin mah ila boihi nen chuan kan hmachhawn dun zel thin, ka chhungkua hi ka hmangaih a engtik ah mah ka kalsan ngailo ang.








****A tawp ta****







*************

Ka story minlo chhiarsak tute chungah a thar in lawmthu ka sawi nawn mawlh mawlh e....
Ka story ziah hmasak ber anih angin a famkim lo viau ang chuti chung pawha duhsak taka minlo chhiarsak tute ka lawm lutuk ania
Story thar ka rawn nei leh thuai dawna minlo chhiarsak leh theuh dawn nia...

Next ah chuan hei aia Chapter sei hi ka lo dah tawh ang

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)