Ka Hmangaih kha BY Essy V Onyl (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Ka Hmangaih kha BY Essy V Onyl (Completed)

Unread post by Ngaia » March 20th, 2022, 12:12 pm

Chapter 18 (last chapter)




(buaina neuh neuh karah story chu atawp kan thleng ta der mai,a then lai hi chu buai deuh lai leh hmanhmawha ka han ziah leh nawk nawk te kha a nia inlo hrethiam dawn nia😁chhiartu zawng zawngte chungah lawmthu ka sawi nawn leh e,,ziah sual emaw tih dik lo lai a awm zeuh zeuh a nihpawn min lo hrethiam dawn nia)


<<<>>>>>><<<<<<<>>>>>>>><><<><<>>>>>><<<<<>>>>>





Damdawiin atang kan chhuah hnu chuan tlem ka lo inhliam ve deuh vangin ka la che lutuk thei lova,,hlûm na ka nei bawk nen ka mu leh deuh chawt a ni ber...Nilengin a fanu mu lai chu en in a nui leh var var thin a,,a trah deuh hlek chuan pawm kang vatin hnute pe turin min ti chhen bawk,a fanu chu a vil hian a vil hmiah ni mai..




An bual laia a trah te hian mit tla lek lek hian alo en a,"a trah loh hunah bual mai ru" te a han ti leh lawp lawp zel kan chhungte pawn a awmdan chu tihngaihna anhre ngang lo niang an nui leh tawp thin...A hming atan ka pa(James apa) chuan kan pahnih hming chawiin ' Isabelle Lalhmangaihi' tih a phuaha hmangaihna ropui zia leh mawi zia ti chiangtu a ni ngei ang..



Bawihtei pawh alian ve zel a tu mai pawh chuan an duat em em vek a,duat sual a ni ang tih erawh ka hlau thei hle,apa lah chuan a fanu in atih ang apiang leh a duh ang apiang chu a tihsak zel mai bawk si,zanlaiah a mut duh loh te hian common room lamah te an va infiam leh thin a,a kawngah chuan tirin bawk vakin akalkual pui a afanu lah chuan nuam ti em em hian a nui leh hak hak thin..





Hun akal ve zel a keini pawh eng harsatna mah tawk lovin kan chhungkua chu kan hlim em em a,Bawihtei pawh kum khat(1) a tling ve dawn ta der mai,a lawmna pawh an duh sial khawp a ani Mawimawii'n engkim a duhdan angin a buaipui vek thung..




Bawihtei chu kawr sen no puk laih ka hak tir a headband sen no par ka band tir leh bawk a,a ngo in a chum lap bawk nen a inhmeh takzet,a mit meng lian leh fiah kalh erawh min chhunna pakhat a ni a,,hmelah chuan apa hmelthatna a chhun a,,a nui sen sen reng a apa angin a nui hmel pawh a hahdam thlak takzet..



Kan chhungte hnai vai deuh leh thenrual tha te kan sawm ve a kan tam thawkhat ang reng,,an Hotel thar hmanni lawka an hawnah kan lawm a,ka vawikhat kalna chiah a ni achangkangin a hmun a rem a Mizo style a chei an ni bawk nen Mizo hmanrua leh thil eng engemaw hmuh tur awm zeuh zeuh chuan tourist ho pawh a hip ngei ang..



Ka pa in tawngtaina te a neih zawh hnu chuan Cake cut na kan nei a kan hlimin kan nui dar dar reng mai,,naupang ho chuan cake chu tui an ti bawk a an ei nasa lutuk chu an nute'n an khak leh thin,duh lo em em anei lo bawk nen an chawikual deuh reng a ka chang ve hman meuh lo,,a lawmwm lamah ngai ang...


"keima hmangaihte haw tawh ang aw" pawm kang lah chuan a kalpui a..

"aappaa" nui sang chuan a han ti ve a,,atawng fiah thiam awm chhun kha a ni miau a...

chu ringawt pawh chu apa hlimna tham lawih kha a ni reng a,,a afanu in ahmai a bensak pah a anui leh hak hak chu apa chuan a hâ hni lang vek khawp a khi sung hian a dawh kuau zel..


"Bawihte lo kal rawh le,apa khan bun bunn akhalh dawn a", chawi ka tum chu lehlam ahawi daih,,James pui roh lah chuan afanu in kei aia aduhzawk chu a hlimpui em em zel a,,a nui leh ruah ruah tawh..

"ka hmangaih tereuhte amma kha inpawm tir la haw velah apa chungah i chuang leh dwn nia aw" a fanu bekah chuan a fawp zauh a,,a fanu chu a nui ver ver,ka va chawi leh chuan min lo ban ve mai bawk a..

"sual reuh lutuk mai,,amma hian ka duat tawh lo mai ang che" thutak deuh hian ka ti a,,James chu a nui leh hawk hawk a afanu pawh chuan hrethiam ve ang mai hian anui ve hak a.



Motor chuan lai te chuan a pa nen inchhaih in,,rhymes te kan han sa leh lawp lawp a tawng ala thiam loh vangin kutbengin arawn nui leh ver ver zel,,hnute a hne lai chu arawn hak thut a a khuh chu atawp thei mai lo arawn luak zui bawk nen,a âwmah ka lo dawm vat..

"tinge bawihte" a chhipah chuan ka chhem sak a,a hnung ka chulsak bawk...

"engatinge", hlauthawng deuh chuan a kut pakhat chuan alo dawm ve vat a,,

mahse kan hmaah horn arawn ri nghal tuar a kan hawi chhuah leh meuh chuan arawn eng pup,

"James" rak thrat in bawihtei chu ka pawm nghet vat a,,a ri nghal chawrh..






James Lalhmangaihzuala Pov :


"i harh em,,hey,,,harh teh" chiang lo riai chuan ka meng diar diar a,,ka la hmufiah theilo ka beng chu a kiu vawng vawng hian ka hria...Ka fanu tap ri chu a hla telh telh a engkim chu a reh duk...




Ka harh leh chuan damdawiin khumah ka lo mu tawh, thawh thut ka tum chu ka awm ana zawk mai,,ka lu anlo tuam bawk a,,thil thlengte chu ngaihtuah letin Bawihtei luak thut ka hlauthawng khan hmalam ka lo en tawh lova truck lo tlan kha side hman lovin kan in su ta kha nia..


'Bawihtei leh anu kha' khum atang chuan thei leh thei lovin ka tho chhuak a,ka taksa chu a na threm thrum lehnghal a pen pawh a harsa lam.chu a ni...Kawngkhar ka hawng tur chu Mama rawn lut nen kan in hmachhawn ti tih..


"ehee,,tinge i rawn thawh chhuah,," arawn ti nghal zat..

"khawnge ka nupui leh Bawihtei" ka lo ti thawr..

"an buaipui mek,nangpawh in enkawl i ngai,an ni chu buaipui rih suh" ka dara rawn chelh pah chuan hahdam hmel fe hian a ti leh a,,

"ka hmuh an ngai" tih leh kal ka rual a,,ka kal pah chuan ka then leh sak thin..



Ka rilru a hriaa min chelh buai duh ta bik lo ka hnungah chuan min lo zui ve mai a,,ICU bul kan thlen chuan midang chuan min lo en thap,,an hlauthawng hle tih an hmelah chuan alang,,hmeihchhe ho chu an mittui a tling pam bawk..


"U,," tap pur chungin Mawimawii chuan min lo kuah nghal vat a..


" hlauthawng suh keichu ka tha" ka ti sap,,ka nu chuan Bawihtei chu Room pakhat atang arawn pawm chhuak a,a kut an tuam var han a,a tap nasa lutuk chu a mit sen ham in abek velah asam chu a thlanin a ti bet vek bawk..



Bawihtei lamah chuan ka va kal phei a,,min hmuh chuan tap pur chungin min lo ban ve nghal zat a keipawn ka lo chawi vat bawk,ka nâ kha chu ka ngaihtuah hman tawh lo,,ka fanu na ti leh hlau thlabar hmel hian min ti nâ mah zawk,,,a thlan nasa lutuk chu a huh deuh dap mai


"ka hmangaihtee apa ka awm tawh hi bang rawh le," a lu ah chuan ka fawp vang vang a..


"a ban ruh kha a âuh a,mahse an siam rem sak tawh,naupang ruh insiam lai ania a tha leh vat mai ang,hliam lutuk anei lo hlauh a alawmwm" ka nu chuan mittui tling ran hian arawn ti a..


Bawihtei tap nasa pawh a zia ve tial tial a,âwm sepin a in hnit leh feih feih thin, nghet zet chuan ka kuah bet a ka darah a bei a ahnungah ka zut heuh heuh bawk,a chhipah chuan ka vawh sak leh vang vang thin...



Sarahi khan alo kuah bet tlat vangin hliam em em a nei lova amah erawh a dinhmun a tha vak lo thung,,a fanu himna tan a nunna chan pawh pawi ati lo chu nia,,keimah vang vek a ni,,,ka fimkhur loh luat vangin ka nupui leh fanu dinhmun hlauhawm ah ka dah a...Ka inhuatna chu a nasa telh telh bawk..



Bawihtei muthilh hnu chuan Mawimawii ten an haw pui a,,thenkhat erawh kan la awm thung..Sarahi nu leh Jeni chuan an mittui an hru leh zauh zel,,rilru a tawngtai lo kan awm pawh ka ring lo.Rei deuh hnu chuan doctor arawn chhuak a


"a lu a sawhna lamah thisen tlem alo tling hman a kan zai nghal a tunah chuan atha tawh e,,a kut ruh a tliak bawk a abak chu hlauhthawn tur a awm lo,naktuk arawn harh hunah test dang chu kan ti leh dawn nia" dam thlap hian a ti a...A tha tih kan hriat chuan kan thaw deuh huai mai..Keipawh Xray leh test neuh neuh tih ka la ngaih vang chuan damdawiinah ka riak ta law law a..





Zing ka harh chuan Sarahi an dahna Cabin ah ka va kal nghal vat a,,mahse alo la harh lo,,a lu leh ban chu an tuam bur a,,a hmel dâng lap ka hmuh chuan min ti nâ takzet,,a kut chu chelhin ka vawp a,,


"lo harh vat rawh w,,ka hmangaih che" a chala fawp leh vang vang chuan ka ti zawi sap..




Test vel ka tih zawh chuan Doctor ka hmu leh a ka kawchhung vel pawh a tha vek e,,ka in sawhna lamah khan ka insawh nat deuh vangin thawk leh chet vel kha a harsa deuh mai nia,mipa tan chuan a nâ vak tawh lo ti tawh mai ang,ka fanu leh nupui enkawl ka ngai a hetiangte chu ka tuar dam thei ang...




Chhunah chuan Cabin lamah ka let leh a,,inchhungah Bawihtei tap ri vak vak ka hriat chuan ka lut ve nghal zat,,a chhungah chuan an lo awm ve nual a Sarahi pawh arawn harh tawh mahse Bawihtei'n a ban nâ tuamna var nen trap chunga aban lawm lawm chu mak tih hmel deuh hian alo en ngar ngar..


"ka naute i fanu anih hi" anu chuan âw lawi deuh rat hian a ti a,,Sarahi chuan angaihna hriat loh hmel fe hian anu chu a en thung..


Midang chuan min lo en vat a,Mawimawii leh Jeni chu an mittui alo tling pam mai,enge thil thleng awmzia ka hrethiam lo hle,va kal hnaihin Bawihtei chu ka va pawm a atahnaah a hmai a sen vek tawh,, Sarahi chuan mak tih hmel zet hian min lo en reng..


"duhtak,,i tha em", nui lui deuh hian ka ti a,mahse min en reng ringawt hmelhriat ngailoh hmu ang mai hian min en a ni ber,bawihtei tap lah abang thei mai bik lo anu chu a ban leh thin a..


"ka naute a hma ang khan mumang tha lo i nei leh mi" mittui tling ran in a nu chuan ati leh a,a hlauthawng tawh hle tih a hmelah leh a áw ah ahriat..Keipawn ahma ang khan a awm leh angah ka ngai hman rum rum mahse..


"nu,,enge awmzia,,tunge saw saw" arawn ti thawp suih,,,room a awm ho chu min thrawng takzet...Sawi tur ka hre tawh lo,ka bing mup mai..


"naute i pasal leh fanu an nih saw,i hre tawh lo mi" anu chuan tap ti tih hian a ti a..

"pasal ka nei maw" mak tih hmel deuh hian min lo en leh a..Mit khapna chang pawh ka hre tawh lo,enge thleng hi ka hrethiam lo takzet...




Bawihtei tap reng chu pawnah chuan ka chhuahpui nghal vat a,a nu a hmuh loh rei vangin angai tawh a mahse anu khan alo hre tawh lova,alo la mai silo kha Bawihtei tahna chhan a ni,a nu ahmuh chuan a ngen reng dawn a chuvang chuan ahmuh rih lo hi a tha ber...



"keima hmanngaihte anu kha adam lova,a dam velah apawm ang che aw" ka fanu la tap laih laih chu a chhipah ka fawp vang vang a,ka kuah nghet sauh,,,ka fanu hi khawngaih tak zet..


" a u,,,uSarahi chungah hian enge thleng,," mit sen ram hian Mawimawii chuan alo ti a..Chhan ngaihna mai ka hre bik lo...




Room ah lut tawh lovin Bawihtei chu pawnlamah ka chhuahpui ta zawk a,,a kut na nen a nu ngai bawk si chu atap deuh reng mai,,keia tan tak pawh tihngaihna avang takzet,,thil thleng hi a ni teh thut lutuk a engtia dawn sawn tur nge ka hrethiam rih lo...





Doctor ten test vel antih hnu chuan a lu a sawhna lamah khan a hriatna thenkhat a hloh anih an ring a,engtiknge a that leh dawn tih erawh an sawithei lo...Bawihtei pawh a kut na nen a chingchuai a tam phah a,a nu awm silo ahma aiin a tahbelh a midang chuan an la thei tawh der lo keimah chiah min duh vangin kan pafa chuan kan in awm deuh chawt a ni ber...



Sarahi khan a thiante ngei pawh a hre tawh lo,awmzia berah chuan Mizoram arawn awm hnu thil thleng a theihnghilh vek nih ber chu,,,ni khat chu a uJeni'n Bawihtei a khawngaih lutuk vangin Sarahi chu thil zawng zawng ava hrilh vek a mahse awmzia anei thui teh chiam lo,buaina azual phah deuh deuh zawk emww tih mai tur..



Sarahi'n thil thleng ngaihtuah let a tum vak khan amahin a tawrh phah a,alu na vakin ahnar atang thisen arawn chhuak a nikhawhrelovin a awm zui nghal a,,khata chin kha doctor ten hun kal tawh ngaihtuah chhuahtir tum kha a nunna tan harsatna athlen theih vangin amahin a hrechhuak te nih ngawt loh chuan a ngaihtuahna ti buai thei zawnga engmah sawi lo turin an ti bawk..




Ka hman changin damdawiinah keimahin ka va kal thin a,mahse a u Mama thianpa ang bakin min hre lo keipawn rilru na treuh chungin engmah ka sawi duh bik lo,ka ngaih theih em vangin a hmel hmu tur chauh pawn ka va kal leh thin,,.Hetiang kan nih takah chuan kan chhungkaw hnih pawh inhmukhawmin kan awmdan tur chu kan sawi a...


Damdawiin atang an chhuah hnu chuan an inlamah ahma ang bawk khan engmah thleng lo angin a awm leh a,,inthen kan nih loh vangin a thawmhnaw vel engmah lak kan phallo thung,a hriatna anei let emaw nei let lo pawh nise ka nu leh pa te chuan an fanu anih reng tur thu sawiin engtiklai pawn alo let reng thei tih an sawi a.Bawihtei erawh a nu berin a hre tawh silova keimah chiah min duh bawk nen ka kutah atla ta a,,keipawn ka hnial lem lo ka fanu tal hi chu ka bulah awm se ka duh...



Sarahi chhungte nen pawh chhungkhat ang vekin kan la in en a,achangin Bawihtei an ngai lutuk chu an inlamah leng turin an hruai leh thin,,atirah chuan Bawihtei'n Sarahi ngen a atap thin kha a hrethiam lo hle a mahse Mama'n athianpa fanu anga sawiin a nu in aboralsan thu vel chu dawtin a hrilh ta ringawt a,Sarahi pawn alo awi ve mai,ama fa ngei chu midang fa angin alo awm tlei ve thin a,,Bawihtei pawh a hlim thei viau,,,,mahse ral khat atanga lo entu tan erawh chhungril ana veng veng thin..



Zanah Bawihtei'n tap chunga anu azawn kual chang te hian mipa mah ni ila inseh ruh treuhin mittui hi atla lo chauh chu nia tih theih hi atlem em a ni...Ka fanu chauh hian a nu chu ngai a nilo kei ngei pawh hian ka ngaiin ka thlahlel ngawih ngawih thin,,min ti chak turin ka mamawh a mahse ka hrilh thei silo,,ka hmangaih ber kha hmu thei mah ila ka hnaih thei tawh lova,,ka ban phak rengah awm mahse ka khawih thei tawh lo...



Sarahi chu Delhi lamah in enkawl turin akal dawn a,a lu lam ani bawk nen hmunpui lama in enkawl chu a tha meuh mai mahse Bawihtei'n a nu a hmu thei tawh dawn lo engtiknge arawn haw leh dawn lah hriat a nilo,ngaiin chelh duh viau mah ila tunah chuan mi hrang ang kan ni tawh a,atan chuan mi pangai ang mai kan ni...



Bawihtei pawh anu a hmuh lo rei takah chuan ngaiin atap vak tawh lova,mahse a nu chu theihnghilh turin ka duh lo a tet laia kan thlalak leh video te chu ka enpui thin a anu anih thu chu ka hrilh reng bawk,a lo len hunah anu chuan a kalsan angin ngailo se ka duh..









Kum 6 meuh aliam hnu pawn hlimna aiin lungngaihna chuan min la chen chhunzawm zel a,thluak cancer ka ni tih ka hriat ai chuan ka hmangaih berin pasal dang a neih tur thu chuan min nghawng na takzet,,ka natna do let turin chakna ka nei tawh lo,,alo let leh ka beisei thin na khan chakna min pe hram hram a mahse tunah chuan ka chakna te an bo zo tawh...



"apa "kawngkhar rawn nam hawng pah chuan arawn ti laih a,ahnungah Mawimawiin alo zui lut bawk..

"keima hmangaihte school inbang tawh mi" ka khumah chuan lo lawn nghal tharhin min kuah a ka awmah a bei leh hnu hnu tawh..

"in a haw tlang lovin damdawiinah ka kal duh a ti tlat a" mawimawii chuan alo ti ve vat..

"apa lo haw tawh rawh,ka ngai tawh che" ka awm a bei chung chuan min lo melh chho hâ a ahmel a ti nguai riai bawk,a nu ang chiah a ni..ka lo nuih suk

"mmm..ka lo haw thei tep tawh,,api te anitei thu lo awi rawh aw" a biang puar lah chu ka nul sak a..

"apa ka hmangaih che" zawi sap hian a ti tham tiak,,nui sangin ka khabe hmul chu alo khawih leh neuh neuh a..

"ka hmangaih tereuhte apa hian a thinlung leh rilru zawng zawngin a hmangaih che" a chhipah chuan ka fawp leh vang vang.


"U,,naktuk chu i kal dawn em" zawi sap hian arawn ti a.

"ka hre lo,heti hi ka ni sia,,nangni tal chu inkal ang chu Bawihtei erawh hetah ka lo awmpui mai ang" en zauh pah chuan ka ti ve mai a

"ka kal chak vak bik lo" a ti chuai raih

"i u ala ni reng alawm,,thildang vang chauh a ni tih kan hriat kha,enhran tur anilo" dam deuh zawk hian ka han ti ve leh a,,a hmelah erawh a phur loh zia alang..





Bawihtei nen an haw hnu chuan ka diary chu la chhuak lehin ka keu a, "Ka Hmangaih kha," tih chu lo lang hmasa ber a ni,,ka fanu alo upat a thil ahriatthiam huna a chhiar tur chuan ka ziah chhunzawm leh malh malh a...

.Ni e hun ka nei rei tawh lova ka awm loh hunah a nu alo huat mai ka hlau a ni,,a nu hi lo hmangaih reng se ka duh,,Pa in a thu tha leh zirtirna tha a pek thin chu ka pe hman tawh dawn lova chuvang chuan atan hei chauh hi ka tih theih awmchhun a ni tawh...A lungaih leh a tah changin a mittui ka hruksak thei tawh dawn lova chutih hunah chuan a nu hi alo dem mai ka hlau leh thin,,a nu in ahmangaih thin zia hre reng se,a nunna hial pawh hlan huama ahmangaih zia hi ahriat loh ka duh lo,,,a nu in hre tawh lo mahse lo duat a lo hmangaih tlat turin ka duh..A thran len lai leh a nulat hun ka hmu hman velo tur erawh ka ngai ngam meuh lo a ni..



"Bawihte i nu leh pa te hian kan hmangaih lutuk che tih hria la,,vanduai bik angah lo inngai reng reng suh aw,, nu leh pa inhmangaih tak kara piang i ni tih hre reng la,,i pa duhthusam te kha lo ti puitling hram ang che,,,ka hmangaih lutuk che tih hi lo hre reng rawh aw,,,ka hmangaih tereuhte i bulah ka awm reng ang"










(an fanu story khi ziah chhunzawm a ni leh dawn a min lo chhiarsak leh theuh dawn nia😘)


whatsapp group join duh tan👇🏻
https://chat.whatsapp.com/C9OTIm8XvfLHr9zYGrpOxN



(Story abul tanga chhiar duh tan link ah hian aw👇)
https://m.facebook.com/groups/991354610 ... 581768295/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)