MY ANGEL BY Pekpeki Tochhawng (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MY ANGEL BY Pekpeki Tochhawng (Completed)

Unread post by Ngaia » April 3rd, 2022, 2:19 pm

lpqo8qkg.jpg
#PROLOGUE

Lalpa i awm em ? ka nu kha chuan i awm aring a , i hnung azui thin
I awm anih chuan ngatinge mangang tak a ka awm lai te, tanpui tu mamawh
taka ka awm lai te hian min tanpui loh , Lalpa thil pakhat chiah ka dil ang che
ka nunna hi ti tawp rawh , ka nu hnena ka thutiam vangin ka nunna ka la
thei si lo , he khawvel nunrawng ta a nunkawng zawh leh tur chuan ka chak tawk
tawh lo , ka chau tawh .



CHAPTER - 1


ANGELA VANLALNEIHPUII POV :



Hringnun hi thenkhat tan Chuan awl ai viau mahse ka tan Chuan a harsa lutuk ringawt , he khawvel ah lo piang chhuak ve in , pa hmangaihna ka dawng ngailo , mahse nu hmangaih tu tal ka la nei mahse Chupawh Chu laksak ka ni leh si , he khawvel ah hian hetiang tur bik hian ngati nge kalo pian ve le piang ve lo ila a nuam zawk ang



Ka hming Chu Angela Vanlalneihpuii ni in Kum 20 na ka hmang mek , Vanlalnghaka leh Lalnunpari te fanu neih chhun ni in ka nu hian Kum 14 ka nih in cancer in min boral san a , ka pa hi Chuan ka awmve tih hi ahre lo ni ber in ka hria, ka nu kha fahrah a ni a ka pa chhungten an duhlo Chung an in nei lui a , tun thleng hian ka pi leh pu pawh hi ka la hmu lo



Ka nu kha ka chhun vangin ka hleitling in ka hmel pawh a chhe vak bik lo , tunah hian collage ka kal ve mek bawk , thian pawh mipa vek ka kawm thin , ahma Chuan hmeichhe nuih duh leh fel , kohhran ah pawh inhmang ka ni thin mahse ka chungah thil duh awm loh deuh athlen atang kha chuan in khawm Chu sawi loh Pathian hming hi ka lam chhuak tawh ngailo , ka mangang lai a ka koh mawlh mawlh lai pawh a mi chhang lo Khan min chhan hi ka ring tawhlo Ani




Ka phone vibrate Chuan ka ngaihtuahna atangin min hruai chhuak zawk a , Kan hawi chhuah Chuan khua alo thim chhalh tawh, ngaihtuahna ka lo kawm nasa lutuk a , khua thim leh thim loh pawh ka lo hrechang leh tawh lo


". Hello" ka tih Chuan leh lam ami Chuan " Lupita zanin Chu mithar an lo tel ve dawn nia ,"arawn ti zang vah a " engzahnge an thap " kalo ti thung
" Nang tak hi Chu aw...6000 vel aniang ka la Chiang biklo " atih Chuan " ok " ti in ka hang up. nghal a ahaw leh ang Chu..




Khua atlai tawh em vang Chuan thlan ah Chuan awm rei duh tawhlo in ka ding vat a" nu ka lo tlawh leh vat ang che " ti in ka bike dahna lam ka pan nghal



" Pi nun Chaw ka ei peihlo aw, pawn lam ah ka ei mai ang" ti in inchhung luh pah Chuan Kan eirawng bawl tu Chu ka au a " Chaw ei loh mai mai hi atha miahlo ania , in a i ei loh pawn pawn lam ah ei ngei ngei ang che" alo ti vei bawrh bawrh a





Room ah lut in ka intifai a , ka thawmhnaw hak tur Chu Kan en diat diat a a tawp ah jeans kekawr dum tight deuh a khup leh malpui vel tet nasa deuh , tshirt dum , leather jacket , timberland nen ka hman Chu Ani der





Room atanga ka chhuah Chuan ka pa Chu sitting room ah alo thua ka chhuak Chu min en zawk bak Chu eng mah asawi lem lo , ka pawh Chuan be tang e ka ti bik Chuang lo pawn ah chhuak in Kan thianho awmkhawmna thin hming ka pan hmasa phawt a





Ka va thlen Chuan an lo Kim leh thap tawh , an hma thei hlawm bik ania




" I va rei ve , satel Tuan hi inei hi Chu apawi Ani" Jeremy - an lu dawm vang vang pah a alo tih Chuan ka chum nghal pawp a" ui ....ka nu thih ka la inpeihlo asin, ka la piangthar lo...." atih zawt zawt Chuan melh hrep in ka ner khum nang a








"Zanin Chu ka tel ve lo mai ang" ti tu Chu Kan en nghal thap " han ti vel mai ila.." arawn tih leh Chuan abula thu Rohlua Chuan a hnungah a hnek nghal pawp a Ani lah chu na ti awm em em hian an awm a , Kan ei lo lutuk Chu Kan ner nang nang hlawm mai



Ka thian te hi he khawvel a ka tan a pawimawh awm ve chhun te an ni , an ni hi awmlo se lang Chuan engtin nge ka awm ve ang , ka bulah Chuan fiamthu duh leh nui peih tak an ni , mahse midang bulah Chuan sual leh ngeng lutuk an ni thung , an hmel a chhiat loh leh an hausak hlawm em vang hian duh tu hi an Tam ve a , mahse an mahni hian tumah hi an la thutak ngai lem lo









Race na hmun kan thlen Chuan tan alo hun tep tawh a , bike Chu line ve nghal in , Kan hma ami in apuan keng a veithlak rual in kan dawk chhuak zawk zawk hlawm a , kei Chu a hma ah fal deuh in ka tlan ka hnungah chun John leh mithar pa Chu an lo tlan ve bawk finish line ka thlen tep tih Chuan ka hnung lamah ri deuh bur ka hriat Chuan ka leh hawi zeuh a , bike pakhat hi alo tlu Chu ni in tunge anih ka hriat loh vangin ka tlan leh a , line ka thlen Chuan anlo au dual dual hlawm a , Ka hnungah Chuan midang pawh anlo thlen sap sap mahse ka thiante hmel ka hmu mai lo , Rinfela lo thleng Chuan hmanhmawh tak a minlo pan in " Lupita John a accident " arawn tih Chuan ka hlauthawng nghal em em ringawt







John te awmna kan va thleng chuan John Chu leiah anlo mut a thisen a Kai nasa bawk si , a bula thut thlak pah in ka ko mawlh mawlh a Ani lah chu nikawhrelo in a awm bawk si



" Hmanhmawh in damdawiin ah kal nghal ang u , ti chuan atha miah lo ang" Rohluan atih chuan kan pawmpui tlang hle , mahse bike kan keng vek sia engtin nge maw Kan hruai ang le ...

Ka ngaihtuanna hria ni awm tak in Jeremy Chuan " sawlai ah sawn ka hmelhriat pakhat a awm a car a rawn keng ka ring ka va be chhin Ange"tih leh bike a lawn in tlan a rual nghal





Jeremy lo let leh chuan car arawn khal tawha mipa ho Chuan John chu car chhungah Chuan mut in Rohlua chu chuang ve in an tlan chhuak nghala, keini pawh hmanhmawh tak a kan bike theuh ah lawn in kan tlan chhuak ve nghal







Kan speed a hniam fahran lo bawk a damdawiin pawh kan thleng har vak lo , damdawiin kawt ah chuan dingin hmanhmawh tak in John Chu Ricky chuan pua in midang chuan ahnung lam ah atla tur an veng a , damdawiin chhung ah Chuan kan tlan lut a , kei a kalna tur kawng en mumal lo Chuan pitar ka su chawrh a ka sut pawh chhuatah a tlu sawp nuai mai,



" Ka pi ka hmanhmawh lutuk a a tihpalh lutuk " ti in ka Kai tho nghal thuai a



" A pawilo e mami keipawn kawng ka lo en fimkhur lo deuh Ani " ati ve luam a


" Nu eng nge ni a , ka hmu lo che a hetah ilo awm daih vang anih hi" ka hnung lam pang atang Chuan aw thum leh zaidam hmel tak in alo tih Chuan ka in her let a, mipa khat sang tak leh Lian tak , mitmeng mawi Tak mai , a hmel erawh mask a vuah vangin ka hmu theihloh hi alo ding a keipawh engmah sawi tawh lem lo chuan ka kal ve nghal daih a






Ka thiante bul ka va thlen chuan John that leh that loh ka zawt vat a , doctor in a en mek thu leh achhungte pawh an lo kal mek thu minlo hrilh a , keipawh an bulah chuan ka thu ve nghal




John chungah chuan thil thalo athleng ang tih hlauhna in ka khat , mite chuan mihausa fapa awm tha duh lo , insual hrat , zu leh damdawi ti , vengchhung a buaina thlen thin ti chuan an sawi thin , mahse ka tan chuan ka unaupa leh ka thian ka mamawh lai a awm reng thin , ka thlavang hauh tlat thin tu kha Ani miau




Doctor alo chhuah Chuan chanchin kan lo zawt vat a mahse athu rawn sawi chuan min va thawng em , engmah sawi lo chuan chhuatah ka thu sawp nghal nuai a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 3rd, 2022, 2:19 pm

CHAPTER - 2







John cabin a an sawn hnu pawh Chuan ka la lut lo , nilo ka lut ngam lo ani zawk ahmel ka hmu hreh ani , engtin nge a awm ang atuar thiam lo viau angem nilo he thil hi mumang mai ni se ka va ti em mahse hun kal zel te hian mumang ani lo tih min hriattir si





"Lupita lo lut tawh la , nutei te ho pawh anlo thleng tawh ania ," tia min be tu Ricky chu en in " Ric engtin nge Kan hrilh ang ,i kal thei tawhlo mai thei Kan ti dawn nge engtin nge Kan tih dawn, tih tur tam tak ala nei asin , ani nilo in kei hi tiang a awm zawk tur kani " ka tih Chuan a awm ah min kuah bei in


"Shhhh mawli heng hi tu thiam loh mah ani lo a vanduai vang mai alawm , mipa ani a atuar thiam em em ang lungngai lo la , Chuan i chungah hian thilthalo athleng Kan phal lo tih hre reng rawh " alo ti zung zung a taksa che ve dawt dawt ah chuan tah a in sum tih ka hre thei , ni e doctor lo chhuak khan John hi a kawng achin hnuailam a zeng maithei tih a sawi a , akal leh theih na chu za ah sawm vek chiah tih a sawi tel bawk




" Nutei te engkim in hrilh vek tawh em " tia ka zawh chuan alu abu a , an tuar thiam lo ngawt ang chu an fapa neih chhun leh naupang ber , hauh pawh an hauh phal loh , duat chi tin reng a an duat chu a kal theih tawhlo maithei tih an hriat chuan






" Hetah in lo awm daih ani maw " ti in Kan bulah Rohlua chu alo thu ve a , keichu min en bik in



" Lupita John alo harh tawh a , mahse engmah kan la hrilhlo nutei ten nangmah hian hrilh tur in an duh che , nang inih chuan a pawm thiam deuh mahna , chuan i hming alam alam tawh ania" min tih Chuan chhing sawk in




" Engtin nge ka hrilh theih ang a hmel pawh ka hmu thei dawn em ni , ka thei lo ang arilru na hmel ka hmu thei lo" ka lo ti vat a chutah Rohlua chuan ka dar leh lam leh lam a min vuan in




" I thei ang hmeichhia mai mai anih loh kha , harsatna tam tak paltlang tawh , mi luhlul leh chak anih kha , ithei ngei ang , John chu arilru ana ngei ang chutah chuan amah hnem tur in Kan awm reng angai reng ani ihre thiam tiraw" ti in beisei nei zet in min en a thaw hak in ka bu ta nghat nghat









Cabin hma ah chuan ding in ka thaw hak hak a nui lui sang a kawngkhar chu hawngin khuma John mu chu ka va hmu a , thutthleng velah chuan achhungte pawh an lo thu thap a an hmel ah chuan na tuar hmel leh lungngai hmel bak hmuh tur a awm lo



" Lupita ngati nge ka lo harh in ka bulah i awm loh a , Rei lo te ka mu a ka lo pawimawh lo dawt khawp mai , lo thi pawh ni Ila eng ah mah ingaih ka ring lo e" ti tu John chu melh in a bulah chuan ka phei vat a a kut chu chelh sak vat in ka fawp zeuh a





" Mawla i awm loh te chuan engtin nge ka awm ang , min venghim tur leh ka bula awm reng tur in ka duh che a , i awm loh daih ten tunge he khawvelah hian hmangaih tu ka neih ve Anga , ka thiante hi ka engkim in ni , ka taksa peng pawimawh tak pakhat lek pawh a Kim loh Chuan ka dam theih iring em ni chuvangin thin chungchang hi sawi tawh Suh ang che" ka tih Chuan nui ver ver in





" Sawi tawh lo ang ka Lupita hi ka venghim reng ang , a bulah ka awm reng bawk dawn alawm " ti in ka Sam atuai tur zeuh a



" John thil hrilh tur che ka nei a ka tawnglaiin eng mah lo sawi Suh aw " ka tih Chuan alo bu nghat a ". I accident khan kawng hnuai lam hi bike khan alo delh na deuh a , Ike ihman thei rih dawnlo a , maha i hmang thei lo hlen dawn tihna chu ani chuanglo ania , Adam lehna chance chu a awm doctor pawn atia lungngai maih suh aw" ka tih Chuan a nui deuh vur vur a mahse Amit a hlauhthawngna awm chu ka hmuh hmaih lo , ka hmel an en a ka hang lo tih ahriat chuan midang chu amelh kual leh an an lo ngui deuh riai ahmuh chuan



" Lupita min tihder tum Suh a awih awm loh lutuk , midang pawh kha ngati nge kha tiang hmel kha in put vek a ti in a hawi kual vak vak a





( ZAN REI LAM AH A CHHUNZAWMNA KA LO DAH ANG)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 3rd, 2022, 2:19 pm

CHAPTER - 3



John awm dan chuan ka rilru ati na , achhungte phei Chuan an hmu thei lo aniang chhuanlam Siam in min chhuahsan vek tawh





John chu mi a ang mai in ake te chu a chum a ,achang leh a nui thul mahse amit a natna chu kan hmuh hmaih lo tlang hle thung , tumah chuan tawngzai chhah kan tum lo , a awm ang chuan kan en tawp ani Ber mai




" min chhuahsan rih ru keimah a awm ka duh rih " atih chuan tawng tum in ka ang zuau tawh a mahse Ric in mit mei a minlo khap chuan ka ngawi leh ta zawk a




Cabin pawn ah chuan kan ding thap a , " amah a awm tir chu atih chi dawn em ni" ka tih chuan Ric chuan " amah a in nghaihtuah na hun kan pek angai ngaihtuah lutuk duh suh u apawm thiam ve vat mai ang" alo ti vat a



" haw ila in tifai hlawm phawt ila , hei zan arei tawh si , naktuk lamah kan kal leh dawn nia " Rohluan atih chuan bu sap sap hlawm a







In ka thlen chuan khua avar tep tawh , kawngkhar pawh chu alo in kalh lo a , pi Nunin kalh loh in alo dah leh tih ka hrethiam nghal




Eng dang mah ti khawtlai tawh lo in ka room lam ka pan nghal a , intifai in khumah thu in ka mut achhuah loh em avang chuan phone ka khawih mai mai a WhatsApp.ah message ka en chuan ka number hriat loh atangin message ka dawng a , kan en chuan

Sam 46 : 1
Pathian chu kan in humhimna leh kan chakna , Mangan lai a tanpui vartu hnai reng ani


tih ringawt hi alo ni Tunge maw ni , a rawn thawn sual ani Chiang ang ti rilru nuah nuah in YouTube ah ka lut a Jt production hla ka ngaihthla a aninhi chu a aw hi a sial ka ti mai bak ah ahla thu hi ka duh hlawm em vang in ngaihthlak pawh ka ngaithla nasa






Ka phone ri chuan min ti harh zawk a sana kan en chuan dar 9 alo ti va tawh , hla ka ngaithla kha kalo muhil chu ni in phone battery pawh alo low vek alawm



Phone chu charge in bathroom lamah ka luh San a , John tlawh tur pawn kal ka ngai dawn tak engmah tih tur ka nei pawh ani chuang lo a nileng in ka awmpui hman turah ngai ang




Ka in tihfai zawh chuan bathroom atangin ka chhuaka ka phone Eng tawp chiah ka hmuh chuan ka pan vat a , Ric hnen atangin missed called vawi 10 vel hi alo awm a ngati nge maw ni ti rilru nuah nuah in ka call back a , a pick thei bawk silo , ninawm damdawiin ah kan in hmu tho ang ti nuah nuah in WhatsApp ah chuan kalut a nimina message ka dawngna number tho atang khan message alo awm leh a bible Chang leh bawk

Thuhriltu 12:1

I vanglai hian i siamtu hre reng rawh ni tha lote a lo thlen hma leh lawmna reng reng ka nei lo ve ," I tihna tûr kumte alo hnaih hma hian


tih alo ni eng ahria ni maw hetiang pawh chu Milo thawn reng ni adp ka en a engmah a hmang silo van buaithlak thei tak e aw..



In hnuai ah chuan in Siam peih vek in ka chhuk a pi Nunin minlo hmuh chuan " I lo tho chhuak har lutuk a idam samlo amaw ka ti hman alawm " alo tih chuan Chiang lem lo in " chaw ka nei dawnlo pawn lamah ka ei ang " ti in ka chhuak nghal a









Damdawiin kawt ka thlen chuan ka bike chu park tha in ka lut nghal a , John cabin kawt ah chuan ka thiante chu anlo awm thap a ,





" enge nge in tih teh thap a , tinge inchhungah in luh loh " ka va tih chuan



" John in tumah min hmu duh lo , eng mah aei duh silo a tih ngaihna pawh kan hre tawh lo aban phak phak bungrua ati chhia a damdawi lah engmah a ei duh silo , nang lah in phone ila thei silo " Ric in a tih chuan ka melh ngai ka melh reng a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 3rd, 2022, 2:20 pm

CHAPTER - 4



Chutia pawna kan lo awm khawm reng lai chuan nutei te ho leh mipa panga vel hi an lo kal a, pakhat chu amit meng chu ka hriat hnu a ang riau



" In lo kal leh Ani maw in van fel hlawm ve mawle hei in thianpa lah hi heti mai hi Ani tawh si a , nangni tal in in awmpui loh chuan " nutei in atih chuan kan lo bu tliar tliar a , chutah nutei bawk chuan " e hei hi kan pastor leh upa te ho an nih hi minlo kan ve anih hi an fel hlawm ania " ati leh zung zung a




" Engmah ala ei lo reng em ni " patean alo tih Chuan Ric chuan " la ei lo , damdawi vel tak ngial pawh aei duh lo a , drip khai aduh bawk silo a , an chiu muhil ta ringawt anih kha " ti in alo chhang thuai a




" Ti ru pawn a awm ringawt te chu in ke te kha akham ang lut teh ang u " tih pah in nutei chu a lut nghal a, midang pawh Chuan zui nghal in an hnungah Chuan kan thian ho pawh chu kan lut ve nghal a




Kan pastor atih ber kha lo tawng chhuak in " hei tawhsual in tawh thu te leh anat dan vel kan lo hria a , a pawi ka tih pui khawp mai che u mahse engkim ti thei Pathian kan nei a , amah ah Rinna hi nghat pawt ila , Ani chuan tih theih loh anei lo , mihring lam ram atanga thlir a thil tih theih loh a ngaihte pawh hi Pathian chuan ati thei a , hla Siam tu in 'kei nin vanduaina a kan ruat ahmangaihna lan tir tu' atih ang Khan kan thatna tur a ro min rel sak tu hian Kan tan a tha lo tur aduh ngailo , chuvangin nangni pawh lungngai leh in dawm kun mai lo in Pathian dawr Tam Ula , chuan hei kan lo kal chhan ber leh min sawm ang in Pathian hma ah a khawngaihna dil in lo kun ang ila " ti in a ipte atang Chuan olive oil hi a rawn phawrh a a kutah bun chhuak a nuai in John bulah chuan a kal hnai a alu ah chuan hnawih in eng emaw sawi in a phun sep sep a , kan awm hnawih loh avangin athusawi erawh ka hre theilo




" Lo kal hnai ula, Pathian hnenah kan mangangna hi thlen ila Ani chuan tihtheiloh aneilo ka tih tawh kha , kan phurrit leh mangangna te hi a hnehah thlen in a tanpuina idil tlang ang u " atih chuan alo kal pui te pawh Chu tho chhuak in John lu chungah chuan an kut an nghat hlawm a






An tawngtai rei reuh phian leh nghal a, a tawngtai zawh chuan patea chuan

" Kan lawm khawp mai kan ngenna ngai pawimawh in , hei in hre tawh tho Anga kan fapa chu a nun dan hi aho in Pathian belh na Chang reng reng hre lo in , changpat cheh chhum ang mai mai in a duhna lem hawi hawi in atala , keini hian zilh in thu tha hrilh ve mah ila zawm atum bawk silo , anun ah hian Pathian reng reng a awmlo ti ila adik ber ang , hei tawhsual a Han tawk a , a vanduai thlak in apawi hle Ani mahse amah hian Pathian hnaih phah Nan hmangin Pathian lam hawi Nan hian hmang se ka ti khawp mai a , keini chuan Pathian thu hrilh turin kan hriatna te atlem in sawi pawh kan sawi thiam lo ang , chutah chuan nangni hian khawngaihin Pathian thu nen kawm in Pathian thu hi rawn hrilh thin Ula ka duh khawp mai , kan fapa mai ni lo in athiante pawh hian an mamawh vek , an zavai hian Kan fate vek an ni a Anni hi an thlarau hi abo hlen ka hlau hle Ani " atih dap dap chuan Kan lo ngawi thap a



Chumu hnu. chuan puitlingho chuan Pathian thu te sawiin an in kawm reng a darkar khat vel an awm hnu chuan an zinga upat hmel ber chuan
"Haw zai kan han rel ve tawh dawn mi niang hei kan Evan phei hi Chu niminah alo thleng chiah a , kan chhuah pui leh nghal si a a chau lutuk dah Ange"
ti in an thina atang Chuan an ding sap sap hlawm a nutei te chuan lo ui der viau mahse nakin lamah tlawh leh tura in ti in an chhuak tham tham a nutei pawh Chuan " nih leh in tih tlat chuan kalo thlah ang che u " tiin a tho ve nghal thuai a a hnung ber a chhuak. In minlo melh lai tak chuan kalo melh fu ve chat a , amitmengah chuan eng emaw ka hmu .mahse ka chhiar thiam chuanglo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 3rd, 2022, 2:20 pm

CHAPTER - 5




John pawh kar khat chhung damdawiin ah a awm tawh , mahse ahma a thian te zingah pawh uang peih ber leh tawng duh ber mai ni thin kha tunah chuan a tawng ngai mang lo , nuih pawh a nui ngai meuh lo nilo a nui lui mai mai Ani , a thinlung tak in a nui ngai lo





Kha mi ni an pastor te lo kal atang Khan an zinga mi pakhat tunge a hming an tih kha ..e... Emmanuel - a an ti kha alo kal thin an tia an sawi leh zauh zauh thin mahse ka awm lai chuan alo la kal fu ngai lo





Chuan zingtin Bible Chang tawi te te number ngai atang Khan ka la dawng ziah bawk , mak tak in atir a chhiar Liam ve mai mai Khan ka lo ngaihtuah zui leh vung vung zel mahse ..ni e mahse tih hian thil hi anih tur ang anih tir thei lo , ka rilru Kil khat chuan a thu awmzia leh ka rilru kam reng tu hi zawh ka duh thin mahse ka rilru apakhat leh chuan i mangang ni ah atanpui leh chuanglo ang che , i auh pawh in a chhang leh chuanglo ang che , tuna inun dan hi nuam iti Ani lawm ni , eng nge la ngai chuang ati ve thung thin







Khum a mu Chung chuan ka message chu ka check a, a lo awm leh vang tawh atho hma thei awm hi ka tia

Joba 14 : 1 - 2

Hmeichhe hrin tawh mihring phawt chu
Rei lo te dam, buainaa khat a ni .
Pangpar angin a thlak bo va , a awm hlen lo



Ka phone a call alo luh chuan Ric alo ni eng chu ni maw " hello " ka ti vat a chutah " Lupita John athalo lutuk tunah ICU ah a awm mek adang chu ilo thlen hunah ka hrilh leh ang che lo thleng vat rawh kan chhan thei lo mai thei Ani " arawn tih Chuan ka Bing chuk chuk ni ber in ka hria , engnge thil awm zia





Hmanhmawh zet in damdawiin lam ka pan nghal , ka tlan chak bawk a reilo te ah damdawiin kawt ah ka ding der mai , bike pawh dah tha ta lo chuan ka tlan lut nghal a , corridor ah ka tlan lai chuan ka rilru ah tawngtai alo lang mahse chham tur thlawt ka hre lo , min chhang ka ring lo Ani pakhat bawk




ICU kawtah chuan John chhungte ho leh ka thiante ho pawh an an awm thap a ka va thlang min hmuh chuan nutei chu a tap chhuak hawk a mahse a insum leh nghal vat Ric bulah phei nghal in



" Ric engnge a awmzia atha tawh hle Ani lawm ni , engvangin nge ti hian a awm " ka tih Chuan Ric chuan min en in a Hui deuh pap a " Lupita John Khan tûr alo ei a , keini kan hmu lawk silo a , azia tho ti in canteen lamah kan kal lai ania , kan let leh mai lo nen kan va thlen chuan a biak theih tawh loh Ani". atih chuan ka a chhuih mai



Ka thiante hi pakhat te mah Chan ka duhlo , tumah hi ka Chan theilo , ka hlimna leh lungngaihna te ka thlen na hmun , ka thinrim leh rilru natna pawh ka sawi chhuah na , ka tan a awmreng an ni , abikin John phei hi Chuan min care em em a , zanlai pawh nise khawi hmunah pawh ko ila alo kal zat zat zel , ngati nge ka tan a mipawimawh ve te apiang hian min kal bo san zel hi an tum , ka hnaiha awmte apiang chungah thilthalo a thleng zel a , keihi anchhia dik tak ka ni







Ka nu ka Chan a , ka thian leh zel hi Chu Chan ka duhlo




Doctor alo chhuah Chuan kan pan nghal thuai a patea chuan " eng nge ka fapa chu a an a tha em " alo ti vat a chutah doctor pa chuan " pawi ka ti khawp mai kan theih tawp chu Kan chhuah mahse a tur Kha achak em Ani , tunah hian a thawk chiah Kan en tawh Ani , tun dunhmun ah hi Chuan Pathian kutah in nghah tawp Ani mai , mihring tan chuan tih theih a awm tawh lo" ati chuai raih a



Nutei chu a rawn tap chhuak nghal hawk a , midang pawh chu an in sut tliar tliar hlawm a keichu ka mittui far khat pawh atla lo




Ni e doctor Khan John kha athi ati lo , ala thi lo a thih hma hma a mithi ang mai a lo tah nghal chiam angaihna chhan pawh a awmlo




An pastor te ka hmuh chuan tumah dang en tawh lo a an hma ah VA dingin ka en vang vang a



"In Pathian sawi , engkim ti thei hnenah chuan dil ta che u , John hi ti dam leh turin , ngati nge ka tana mipawimawh apiang hi min laksak a tum a , ka nu min lak sak tawh a tunah ka thian min laksak a tum leh a , ngati nge mawh ngati nge , engkim a ti thei in ti mahse ngati nge ka nu min chhanhim sak tur a ka dil lai Khan min chhang loh mawh sawi teh u...Sawi ru...eng pawh ka chungah ti rawh se eng pawh , ka nunna pawh hi la mai rawh se mahse khawngaihin dil rawh u ..John hi ti dam tur in , ni e in hria keichu misual mai ka ni Ani khi rin pawh ka ring lo mahse nangni chuan in ringa in be bawk ka dilna ai chuan nangmahni dilna chu achhang duh zawk ngei ang " ka ti mawlh mawlh a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 3rd, 2022, 2:20 pm

CHAPTER - 6


Tu mah chuan min chhang an tum pawn ka hre lo ,
" Pathian hi I ring lo Ani thei , i dil achhanglo che Ani thei , mahse Pathian hian Kan dil zawng zawng ah hian chhan na minpe vek kherlo , kan tan atha turin ro arel kan tih rual rual hian , kan tah na tur leh rum vawng vawng na tur pawh hian ro hi arel ve thin ania, thihna te , nunna ah te hian thu pakhat mah kan nei lo , kan vawikhat thawk ringawt pawh hi khawvel sum hian a lei zo kher lo ang , Pathian hnena tang hian thiltha kan hmuh rualin thilthalo kan hmu a , lungngaihna kan tawk mahse hlimna pawh kan tawk tho , he khawvel hi kan khualzinna ram Ani , cham hlen tur Kan ni lo , mikhual te chu reilo te awm a , kir leh thin an ni , tiang chiah chuan khawvelah hian khualzin mai kan ni , mahse chu kan khualzinna ah chuan kan in tak ah kan haw theihna turin kalkawng a awm , chu kawng chu kan zawh diklo anih vaih chuan , kan in ni lo hmun dangah kan lut ang , chu kan in kalkawng chu a zim in a hreawm em em , tluk Chang pawh a awm mahse kan tho leh tur Ani , hnung tawlh a thiang tawh lo bawk Ani,......." tia sawi zawm leh atum lai chuan nurse lo tlan chhuak in



" Damlo saw adinhmun athalo khawp mai a , engpawh tleng thei reng Ani" arawn ti a atlan lut leh nghal vat a






Anu rei vak lo ah chuan doctor leh nurse lo chhuak in " pawi kan ti khawp mai kan theih tawp kan chhuah a mahse mihring kan in Chan ta lo Ani" atih chuan ka nui lui hak a





Engkim hi dawt Ani , dawt vek , nun pawh hi dawt a ni , kei misual tak ka dam lai in ngati nge,





" Lupita in lam kan pan dawn em ni , tih theih a awm tawh lo , tuna kan tih theih chu Kan thianpa hi tha thei ang ber a kan thlah Ani" tah insum tih hriat tak a Rohluan atih chuan amah chu ka en vat a amit chu a sen ram a , athisen zam a pawng tawlh tawlh bawk , An ni chu mipa nang an ni a , an tap ve chuan lo Ani thei mahse an hmelah an thianpa an Chan chu an tuar Ani tih ahriat reng







John te in lam pan a kan tlan lai chuan tumah chu tawng zai chhat thei reng kan awm lo , kan tuar tlang em Ani , engvanga. John Khan tûr kha in nge anih ka la hrethiam theilo , a thil tih tur kha angaihtuah Chiang hmasa lo Ani , keini hi engtin nge kan awm ang , atel lo in nun kan hmang thei dawn em ni ? A hmun rusk hi tumah hian an luah thei tawh dawn lo , thianho in hmuh khawm ni khua ah Ani atel ve loh chuan kan Kim thei tak Tak tawh dawnlo mahse keini chelh din theih rual Ani tawh si lo...😭








John te in kawt kan thlen chuan nula leh tlangval nu leh pa te an lo Tam tawh khawp mai , an in chhung kan luh chiah chuan John nu chuan tap chunga John chu en in " ka fapa duat , hei ithian te an lo kal ania, lo chhawn ta che , an hrilh a hai lutuk ang e , hetia nang ber imut ten , keini chuan kan kawm hlim thiam ve lo , lo tho la hei rawn en ta che i thian ten ilo chhawn hun nghak in an la ding reng hi , keizawng ka duhtheilo ana e mai , ka fapa , ka naute engtin nge inu hi heti mai a min kalsan itum theih , i chunnu hi nang ngai lo a luaithli nul tir hian min phal em ni , i tel lo chuan kan in chhung hi a ruak in a hreawm awm e mai ,lo harh leh hram teh ...i nu hian ka hau tawh lo ang che , i duh min dil pawh ka leisak zel ang che , bike thar i duh Ani lawm ni , ngati nge Khang te kha kalo tih sak loh che le , itan hian ka engkim pawh hi ka hlan phal sin ..." ti in tah hla alo chham a keipawh chu eng ruai ka ang biklo John an mutna bulah chuan thu in a hmai dang Bel mai chu ka chul hliau hliau a





" Hei misualpa lo harh tawh teh , engtia rei nge mut itum a , i Lupita hi itel lo hian awmdan ka thiamlo ania , engtin nge ithiante hi itel lo a awmthei TURAH min ngaih a , itel lo te chuan kan awm thei hlei hnem , lo harh la Ric in min chhaih pawh in min chhan tu tur ka nei dawnlo ania , hetiang a in then hi ka duh miahlo ania, nang phei chuan zanah pawh mangtha tia in thlah iphal ngai loh kha , mangtha kan tih Chuan in hmu leh ngailo tur kan ang tih thin kha , mahse ngati nge mangtha tia kan thlah che ngai tur a min Siam , a fair lo e mai aw ... heng mi zozai te hian ithi amaw an ti a , lo tho la ithi lo Ani tih hi rawn hrilh teh mawh...." ti in ka mittui a luang zung zung a , John hi min kalsan tur chuan ka la phal ngang lo Ani , min kalsan tur ang hian ka dah phal ngang lo Ani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)