HABIB ALBI BY Misse Prejudice (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HABIB ALBI BY Misse Prejudice (Completed)

Unread post by Ngaia » April 24th, 2022, 2:14 pm

♡Chapter-7♡
By Mrs. Prejudice




Rei fe min kuah a, ka țah ka ban thlengin. Ka hnung a chul heuh heuh reng a, ka chhipah a fawp leh vang vang zel. Chuan tuna ka thlamuanna ang hi ka la nei ngailo tih ka hrechiang hle bawk.




Ka inla hrang a, ka bianga ka mittui chu ka tuaihul nghal thuak thuak. Amah en tura ka hawi chhuah chuan min lo melh reng tawh a, hnuai lam ka bih lehnghal, ka biang chu a sa deuh hat hat a, ka zak thar riau lehnghal.




"A chang chuan kan natna te hi kan sawichhuah ve țhin a ngai ania, up beh reng chu mahni inhremna mai mai. Chuan i harsatna te min hrilh thei ang." Min en reng chung chuan a ti sup a, a sawi ring hran lo, kan inhnaih em vangin ka hre thei mai mai a ni.





"Ka pi hi tidam rawh aw, khawngaih takin ka pi hi tidam rawh, a tello chuan ka mal dawn lutuk." Ka ti chhuak țiau a, ka mittui a hnai leh kuar tawh, engvanga ka rilru hi rawn no thar ta em em nge maw a nih le. "I bang tawh sia i țap țha leh dawn ami?" Nui deuh suk hian a rawn ti a, țah nuih hakin a darah ka beng a, enga tan mah a ngaih hmel loh.




Ka mut hnu thleng pawhin amah ngawt chu ka ngaihtuah a, a pangtilum thlamuanthlak zet khan min zem chiai chiai ni berin ka hria. 'He khawvelah hian buaina awmlohna hmun a awm lo a, chuan buaina hi chinfel theihloh a awm ngailo' a ti anih kha. A sawi dik, khawi hmunah pawh awm ila, buaina chu a te emaw a lian emaw a awm zel tho.




Mahse ka buaina te hi chinfel mai theih a ni tlat lo, ka tih theih phakbak a ni tlat a tin ni, chinfel dan tur ka hriat siloh chuan enge ka tih theih chuan? Ka tuar tawp mai dawn ami? Chinfel dan kan zawng ang nge ka buaina te hi ka tawrhtur rengah ngaiin ka en liam dawn?




Khami zan ațang khan kan inpawh zual sawt a, damdawiin ah ka tal tam bawk nen kan inhmu fo a, chhun chaw ei dun chang kan nei fo mai. Malsawmi lah kha a tukah inthlahrung deuhin ka call a, a ngaih ang kha a nih loh zia te hrilh a, ngaihdam dil tumin ka call a, ani lah chuan minlo nuih uar uar lehnghal. "Ka thinrim tak tak hleinem, kan ințhen daih tawh hrim hrim a, ka thinrim der mai mai anih kha, i kal daih bawk sia" alo ti anih kha, ka thinrim zia kha.




Ka pi pawh a dinhmun a kang hret hret a, ICU ah pawh a awm tawhlo a, thawkkhat chu a veng deuh. Ka ni phalo chungin keiman ka awmpui a, min rawn thlak a tum pawhin ka lo hnial ve tlat.





Rinkimi erawh chu a țha vak lo anih hmel a, a nau chhiat kha a tuar bawk nen chuta karah lung natna a nei tihte ka hre lehzel a, a chang chuan ka ngaihtuah leh rauh rauh zel. Zothana a be duh lo a, nitin hmuh a tum ziah tho. A kal reng takah chuan Rinkimi pawh a rilru a nem ve leh deuh tawh a, an inkar la țha lutuk lo mahse zia tawh tak a ni. Nau ber a chhiat avangin palai erawh an tir ta lo.




Zothana hian a ruala Rinkimi hmu turin min sawm fo a, mahse chhuanlam ka siam zel țhin, ka hmu ngam thlawtlo a ni. Ka la inthiam thei lo a, min haw dawn tih pawh ka hria, chuvang chuan pangai taka ngaihdam dil ka duh a, mahse tunah nilo.



Amah sutu pa kha rui chungin motor a khalh alo nia, police ten an man a ni awm a, pawisa chawi tur ni mahse Rinkimi chhungte lamin an la duhlo thung.




Ka pi roomah awmin apple ka zai sak a, thei lampang hi a ei theih zawng anih avangin ka zai sak khat tawk reng zel. "Bawihte" a tih chuan amah chu ka en vat a, a mitmeng a ngui riauin ka hria. "I nuamlo deuh ami?" Tih paha ka thawh chuan zaizirin țhu turin min ti a, ka țhu thla leh nghal.




"A chang chuan Kal vat ila a țha zawk te hian ka hre țhin, ka hun tawp ka hnaih tawh a, hetia in zinga ka lo awm ve reng hian phurrit angah ka inngai țhin a, ka rilru a kal sual chang phei chuan kal vat vat hi ka duh țhin." A thu sawi chu ka rin loh lam daih anih vang chuan ka melh reng a, a thil ngaihtuah chu ka duhlo takzet ang leh a ngaihtuah ang tih ka hlauh țhin kha a ni a, ka hlauh ang chiahin a ngaihtuah ta reng bawk a.




"Pi, tiang chuan tunge sawi a? Tunge phurrit ang chuan inngaih tir che?" Ka thinrim leh rilru na lutuk chu ka aw ki pawh a sang lam hret a ni.



"Pi, thil ka hrilh ang che." Dam deuh zawk hian ka ti leh a, țhut hnaih sauhin a kut cher riak chu ka vuan nghal bawk. "Chinese ho chuan, 'In Inchhungah tar in kawl anih chuan lunghlu man tam tak in kawl tih hre reng rawh u.' an ti a, Juda ho pawh in, 'Luțuak chu ropuina lallukhum a ni a, felna kawnga ngaih a ni' an ti bawk ania. Chu vang chuan i hlut zia hi in hre reng la, i chakloh ber lai pawhin ka tan tal tuar hram hram rawh aw, i kal mai hi kan phal lo a nia." Ka ti deuh duah.




Lungawi hmel tak hian min melh vung vung a, a mittui a tling pam bawk. A kutin ka biang a rawn dawm a, thlahlel takin ka lo nul let ve bawk.



Kawngkhar a rik rak rualin Josec a rawn lut a, "In va sawi ril hmel ve" ka lo awmdan vang chuan a rawn ti sup. "Sawi ril lo e, lo kal rawh." Ka pi chuan a lo ti nghal thuai a, ka pi chu a rawn en nghal zung zung.



"Iva țha chak ve, i hmel pawh hmuh a nuam khawp mai, i hmeltha hrim hrim bawk a." Ati ve ngei a, ka pi pawh a lawm hmel khawp mai. Chutah kei min rawn en in, "Ipi hi ilo chhun ber anih hi." A rawn ti anih chu. Ka pi hmelțha a tih thu a sawi zo chiah a, ka pi chhun min tih thu a sawi leh a, hmelțha min ti tihna ami!




Lai zetin hnuai lam ka bih a, ka hmui ka seh vak ringawt , a nui suk lehnghal. Tinge hepa bulah hian ka laih zel le, keimah ka ni ta lo emaw ka inti rum rum a ni. Zothanpuii, mipa hmaa zam ngailo kha ka ni ta lo emaw tih turin he pa hmaah hi chuan ka no em em zel a, hmeichhe rilru no tak ang mai ka ni.




"I sawi ho, i buai lo ami? Damlo te va ngaihven rawh." Ka ti hlak a, a rawn nui chhuak hawk anih chu. "Enge....nuihzatthlak ka sawi ami?" Ka tih chuan lu a thing ngut ngut a, "I lai hmel kha a cute lutuk" a tih chuan ka melh hrep ringawt, ka pi awm lai laia chutiang te sawi.




Hawi sawn hmak in ka pi ka va en a, keini pahnih inhnial vel chu hmuhnawm tih hmel deuh hian minlo en. Thlamuang ngawih ngawih hmel te hi a pu lehnghalin ka hria.




"A ngaiah aw" tih pahin a chhuak a, chhan pawh ka chhang hmanlo. Chhunah ka pi chu a in eipuar zawh ah an chiu a, a muhil leh sak sak tawh, Chumi chhungin kei ka lo in eipuar ve thung a.




Gate bul maia thingpui dawrah chuan ka lut a, Josec chuan nidang ang bawkin min lo nghak leh ran tawh a, keipawh a lam panin ka phei ve nghal. Hnawthawk te leh lo chawl.ve hmeichhe ho chuan ka bula țhu chu an enduh hle tih pawh ka hria, amah la chuan hria angin a awm duh derlo lehnghal a, hmeichhe țhenkhatin thik hmel deuha minlo en leh vang vang țhin te chu ka lo hmu ru kar zel.





"Enge i duh ang?" Tia min zawh chuan a ngai ka duh thuin ka chhang a, waiter chu hui zeuhin order chu a pe nghal. "Hriatthiam hi i har reuh ngawt mai" min en vang vang pah hian a rawn ti chhuak phawng a, ka nui hak.




"Engah chuan maw?" Ka mithmul kan ak hian ka ti a, hnuai lam bihin a kiai suk. "Hmeichhe naupang huaibak zet, mahni thuduh zet leh chapo tak, mahni thuhnuaia engkim dah tum țhin." Min rawn melh zeuh a, ka lo ner nang.




"Chu chu i pawnlam landan leh mi tam zawk hmuh dan che anih ka ring. Mahse he hmeichhe naupang huaibak zet phenah hian hmeichhe thinlung thianghlim tak leh nunnem tak, duat mamawh em em, leh hmeichhia dik tak, amah ngaihsakna tu mamawh em em hi ka hmu. Chuan mi nazawng hmuh ve atan ka phal hauhlo bawk."





A thusawi chhung zawng chuan ka melh kar a, sawi tur pawh ka hrelo. He pa hi chuan ka thinphu ti rang thei tura awmdan hi chu a hre ve ngawt mai. Zah zelah ka hmaa tui chu ka in ta ringawt a, ei tur pawh chu an lo chhawp har ka ti riau tawh.




"Ka la sawi zo lo ania." A rawn tih leh chuan, "Sawi la" rang fe hian ka lo ti a, ka chhang rang lutuk chu a nui suk.
"Ka hmeichhia ni rawh" a thusawi vang chuan ka tui in lai ka hak nghal bawrh bawrh. Ka hnungah a rawn chum nghal dawt dawt.




Ka khuh nasa lutuk chu ka hrawk a thip vek a, ka mittui a tla phung thei. Ka zia deuh hnu chuan ka nui lui hak hak a, min en vung vung ringawt. "I fiamthu thawhin min that țep alawm le." Nui lui hak hak a ka tih chuan a rum nghut.





"Fiamthu ka thawh lai ka hrelo." A rawn ti hmuk. A fiamthu lo tihte chu ka hre ve vek, mahse a fiamthu angin ka ngai lui tih te hi a hrethiam lo em mawni.





"Fiamthu thawh hi i inhmel lo reuh e" tih pahin a darah ka beng a, chal tichuar nangin min en. "Zothanpui ka uanglo" a tih deuh hluk chuan ka nui tawp riai riai. "Ka duh che" a rawn ti leh. Mahse ka chhan hmain kan ei tur chah chu a rawn thleng hlauh a, ka lawm tak tak a ni.





Ngawi rengin ka ei nghal mial mial a, vawikhat pawh ka hawi chhuak tawhlo. Ka ei chak bawk a ka ei zo har lo, ka hawichhuah leh chuan Josec chuan minlo en kur, a thleng ka en chuan engtham mah alo la ei ve lo tih ka hmu chiah. "Tinge i ei loh a?" Tim ru deuh hian ka zawt a, kan boruak uap deuh churh chu a hriat ve tho ka ring.





"I ei lai ka hmuh khan ka puar" a tih chuan lei ka chhuah ringawt a, a nui hawk. Keipawh ka awmdan naupang chhia zet vang chuan ka nui tho.




"I ei zawh chuan kal ila" a sana en vut pah chuan a ti a, a ding chhuak nghal zat bawk. "Engmah i ei dawn nange?" A lo ti haw a, a puar ka ring miahlo. "Ka puar ka tih kha" tih pahin min nuih suk a, min mitmei leh zeuh bawk. Keipawh tho ve thuaiin ka bag ka la a, kan inzui chhuak lehnghal.





Kan eiman lah hi ka pek a phal ve ngai miahlo lehnghal a, a chanve tal pek ve ka tum pawn a duhlo bur zel, chutia amah berin a tih tak tlatah chuan keipawh ka inthlahrung duh ta biklo.




Kan ințhen hran hnuin ka pi awmna lamah ka phei nghal thuai a, a ni pawh a office lam a pan ta in ka hria. Ka pi room ka va luh leh lai chuan Zualtei alo awm a, ka va lut minlo hmuh chuan min lo be nghal thuai a, in eipuar sain a lo kal anih hmel. "Inah reilo te tal va hahdam ve rawh, ka lo awmpui rih ang." A tih chuan keipawn ka hnial biklo.





Ka reiloh tur thu sawiin ka thawmhnaw bal țhenkhat chu la in ka chhuak zui leh nghal. Taxi hmangin in lam ka pan a, inbual faiin ka sam te ka su a, ka zang hawk thei mai.




Damdawiin ah khan ka inbual ve mai zel a, ka lu erawh hi chu ka su ngai lo. Shampoo hman bik te ka neih vang hian a buaithlak deuh a, vawikhat pawh an shampoo dah ka hmang ve ringawt a, ka lu a phut vak bawk nen ka sim chiang khawp mai. Bakah damdawiin tui hi damlo te tana dah a ni bawk nen lo hman kha ka inthlahrung ve deuh.





Ka thawmhnaw bal chu suk tur dahna ah dahin thawmhnaw fai pahnih thum vel ka ak leh a, inah awm rei lo in damdawiin lam ka pan leh nghal thuai. Zualtei kha awm tho mahse ka hmanhmawh loh phah chuanglo, inah tihtur ka neilo bawk nen.




Taxi lah chu a vang ta phian lehnghal a, alo tlan te lahin mi phur an nei zel a, thui fe chu ke in ka kal phal a, ni a sa bawk nen ka chau nghulh thei. Dawr pakhat ah lut in tui vawt ka lei a, ka in nghal khawlh khawlh. A man te ka pek fel hnu chuan ka chhuak lehnghal mai. Ka chhuah dawnah mipa pakhat nen kan insu chawrh a, ka tui ken laiin ka kawr ka leih huh lehnghal. Amah lah chuan min kalpel nghal daih a, Ka phun deuh hluk.




"Polite lo lutuk, ngaihdam min dil nachang pawh a hrelo. Mi hawihhawm lo ve tak chu anih kha." Keimah chuan ka phun phei mawlh mawlh a, ka kawr hma chu ka thing deuh nawk nawk.




Kawng pawh en lo a ka kal char char lai chuan ka hmaah bike pakhat a rawn ding thut a, ka rak chhuak țhat mai. Ka hawi chhuah nak chuan nichina min su tu pa kha a lo ni a, ka melh rum nghal hrep. "I a mi?" ka ti vin hlar a, a thle bak.





A bike chu ka hmuh tawh hnu a an em avangin ka en chiang deuh a, ni e....ka hmu tawh chiang alawm, ka chuang tawh nghe nghe zawk mawle. Chutah bike khalh tu chu ka en leh a, a helmet alo phelh ve mek bawk. A hmel ka hmu chu ka nui chhuak hak ringawt, ka nuih chhan ber pawh ka hre chuanglo.





"Kan inhmu leh ta alawm." Nui deuh suk hian a rawn ti a, a inchei dan leh amah en chuan khawi lai emaw a bad boy a ni tih hai theih a ni lo. A mithmul dinglam a kheng a, a hmui sir a pilh bawk a, insualna anih ka ring. A nghawngah chuan tattoo a chhu bawk a, eng emaw a inziak a, mahse ka chhiar theilo.




"Ka va hmuhnawm awm vung vung ve" a rawn tih chuan ka harh chhuak deuh zawk, hahthlak zawk hian a. Amah ka va en chuan minlo en reng tawh a, ka nuihtlawn ta ringawt. "Ka kal phawt mai ang, kan inhmu leh dawn nia" tih paha kalsan mai ka tum chu ka banah a rawn vuan a, a lehhawi leh rih.




"Ka thlah ang che." Atih chuan "Maw?" Ka lo ti hu a, "I kalna tur ah hian ka thlah ang che ka ti anih chu" tih pahin a a thle bak a, ka awm ngaia ka awm reng vang chuan mithmul a kan ak a, inthlah tir ngawt pawh chu ka hreh ve deuh. "A chi ngawt dawn ami?" Ka ti niah niah a, "Chi ngawt e" alo tih vang chuan ka nui suk. Chutia min sawm tlat takah chuan ka hnial biklo, taxi a vang ropui si.




Ka kal chhan tur min zawh chuan ka pi a awm thuin ka chhang a, chu bak kan inbe zui lemlo. Kan thlen chuan lawmthu ka sawi a, bu nghutin a tlanchhuak zui lehnghal a, a hming takngial pawh ka zawt hman lo.




Keipawh ka pi awmna lam ka pan nghal a, ka thlen chuan Zualtei leh Hruaia an lo awm a, an titi tui hmel khawp mai. "Iva lo kal leh hma ve, i hahdam hman ami?" Zualtei chuan a lo ti hluai a, ka nui mai thung.





Room chhunga kan sofa dahah chuan țhu thla in a hnung ka ngheng a, ka ke ka thluang duai bawk, nuam mai mai tak a ni. "Bawihte, doctor nen khan in inngaizawng ta em ni?" Ka piin a tih chuan ka țhu ngil nghal awt. "Enga?" A ti nghek. Ka pi leh chu a mitmeng a de sawr sawr ten ka hria.





Zualtei lam ka va hawi chuan alo nui deuh ruh ruh a, zawhna ngah deuh hian ka pi ka en leh. "Vawiin ah pawh 'I makpa ka ni țep tawh alawm, i makpa ka nih hunah phei chuan ka duat ngawt ang che' atia lawm." Ka piin a tih chuan ka țhutna ațangin ka in perh tho rang asin.





"Hmela mai mai chuh!" Tih pahin ka bag ka dah thla a, ka chhuak zui nghal. In humruh țungin Doctora office lam ka pan a, ka pi bula chutiang alo sawi chu ka thinrim lutuk ringawt. Min duh thu a sawi a, ka sawi ve tawp si lo, ka piin ngaihdan ni lo lo alo neih phah leh anga.





'I va han chak dawnlo tak' ti rilru mawlh mawlh in ka kal hmawk hmawk a, enge tih ka tum pawh ka hre chuanglo, a tlachawpin ka ngaihtuah mai aniang chu.




Kik pawh kik lo in a kawngka chu ka nam hawng țhuai a, "Hmela engvangin nge ka pi bulah khatiang....." ka aw chu a zuih ral a ni ber, amah mai bakah mi dang pahnih an lo țhu ve a, ka zak lutuk. An nui țha hlawm a, Joseca pawn nuihza insum deuhin min en, ava han chhe mai2 tak.




"Tihpalh, ka chhuak lehnghal" tih pahin ka inher a, rang tawkin ka tlan chhuak lehnghal. Ka pi roomah chuan lut mai lo in room pawnah chuan dingin ka ke ka per vak a, ka samah ka țham nghek. Lo kik hmasa tal ila țha tur ania, lo awm ve ho khan zaktheilo min ti ngawt ang, zahthlak thei ee.





To be continue...


(Tawi tek tawk viau mahse ads min lo click sak leh hram dawn nia😂😘)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2022, 2:14 pm

♡Chapter-8♡
By Mrs. Prejudice




Ka pi chu a țawng ve barh barh reng a,ka rinai daihin a tho harh peih. Zualtei nen an titi a, a changin Hruaia alo țawng ve zeuh zel a, kei erawh chu ka țawngtam lo khawp mai.




Tlai lamah an haw chauh a, gate thleng ka va thlah nghe nghe. Let leh mai ka tum laiin ambulance pakhat hi a rawn tlan lut a, chesual an awm anih ka ring. Ambulance hnungah lirthei danga ka țhiante rawn inzui diah diah ka hmuh chuan min țhawng ngei mai, kan țhiante zingah inhliam an awm a nih ka rin vangin ka ngaih a țha ta vak lo.





Malsawmi leh Remtluanga an lo inphur a, an din fel rualin an lamah ka phei nghal. Malsawmi'n min hmuh rual chuan min rawn kuah thlawp a,a țap khur nghal char char. Ambulance ațanga Joela an lo zawn chhuak ka hmuh chuan Malsawmi chu nghet tak hian ka kuah a, ka inhumruh ngawt ngawt. Bike accident anih hmel a, a dinhmun a țhat loh hmel hle bawk.





Emergency room lam an pan pui nghal hlawk hlawk a, țhenkhatin a chhungte an lo be ve mek bawk. Inzaina roomah an nawr lut nghal a, thisen pek a ngai dawn anih hmel. An vai mai chuan an zi nuai nuai maiin ka hria.




"Eng thil chiah nge thleng a?" Tia Malsawmi ka zawh chuan min chhang țha hleithei lo. Rickya chu ka bulah rawn kalin midang awmlohna lam deuh ah chuan min kai phei a, a thaw leh halh țhin.




Rickya sawi dan hmangah chuan Malsawmi hruai turin an kal anih hmel a, Vanlalnghaka khan a duhlo chung khaw pawnah alo hruai a ni awm e, Joela kha amah hruai turin a call a, midang ho zawng zawng nen khan anva kal anih hmel. Kawng kawia an tlan tur kha truck lo tlan ve chiah nen an insu a, truck kha a side lo lamah a tlan vang leh an lo tlanchak ve bawk vangin an inring hmanlo a ni ber. Joela khan phur a nei lo hlauh a, a tihzia zawk khawp mai..





Kan țhianho ațang chuan Remtluanga leh Rsa'n thisen an pe dawn a, an inbuatsaih nghal mawlh mawlh. Nurse zinga ka nel ve ber Zorini ka call a, ka pi minlo ngaihven sak deuh turin ka ngen ta tawp. Haw alo tum chiah hi alo nia, mahse min lo awmpui sak theih tur thu a sawi hlauh a, a lawmawm tak tak a ni. Zualtei kha lo haw hmanlo se țha tur ania.





Joela chhungte pawh anlo thleng thuai a, a nu chu a inhnit faih faih reng a, kan țhian dangte pawh chuti tho. Keipawh ka bang bik chuanglo, Joela phei chu ka țhiante zingah pawh ka kawm tam pawl leh ka ngainat pawl a ni a, hetia a awm hian rilru a ti na ve takzet.






An zai hlawhthling thei hlauh a, mahse ala hmuh theih loh thung. Awm reng thei ka nih loh avangin ka let san rih a, Malsawmi leh Rickya'n min lo zui bawk. Ka pi awmna kan thlen lai chuan a lo muhil a, Zorini chu lawm thu ka hrilh ve luam hnuah min kalsan a, keini pawh sofa awmna lam panin kan țhu thla ve nghal.





Malsawmi chu a indem khawp mai a, Rickya nen kan hnem char char a, a ni erawh chu a rilru a dam thei meuh lo. Mahni indemna rilru a pu tlat chu ka hriattthiampui, a dinhmun a ka lo din ve tawh vang pawh a ni mahna.





Malsawmi chu sofa sei berah chuan a muhil a, kei leh Rickya erawh eng eng emaw sawiin kan titu dun a, bialnu te pawh alo nei tawh anih hmel. A sawi lai chuan a lai ve deuh a, ka nuih aza kher mai. Hetianga a awm vawikhatna a nih avangin a duh ve hle anih ka ring.





"Nakinah min la in hmel hriattir ve ang che." Ka tih chuan a nghal a chhuah lehpek, "Ka duat dawn sia ka duat lai i hmu theilo palh ang" a tih chuan a malah ka chum țawlh a, kan nui dun hak hak.





"Party naah i kal khat tawh sia" a tih chuan ka ngaihtuah rauh rauh a, damdawiin ațanga ka chhuah hnu khan ka la kal leh miahlo tak e, kan boruak hetiang hi a ni nuai bawk nen kalna hun remchang ala awmlo ve em bawk a ni.





Chutia kan lo titi dun lai chuan Joseca a rawn lut a, min hmuh chuan a mitmeng a rum nghal ul a, a hawi sawn hmak. Tun ang hunah alo kal ngai vak si lo a, mak ka ti ve deuh.





Ka pi chu check in a thaw a pangai em tihte a en fel a, a che reng reng chu a ti deuh bur bur hian ka hria. A chhuak dawnah pawh rum ve in min rawn melh hram. A awmdan chu a hretiam lo tih hriat deuh hian Rickya chuan, "A mood ava chhe awm ve" a ti sep. "Nih dawn kha" tih pahin dar ka kan ak.





Joela chu a harh mai loh avangin an awm deuh reng a, ka pi rawn harh lai pawn an lo be ve luam a, kan țhianpa chanchin ka pi an hrilh chuan, "Ava pawi ve aw..." a ti ve vawng vawng mai.





Malsawmi mawlh hi ka khawngaih a, a inthiamlo lutuk hi a rawn țap chhuak leh hawk zel a, tih vak ngaihna a awm si lo nen Rickya nen chuan kan in melh leh zeuh zel.




Zanlai dawnah pawh ala harh takloh avangin an haw rih a, a harh vela hrilh hre turin min chah mawlh mawlh bawk. Ka pi bulah kan rei loh tur thu sawiin kan inzui chhuak hlawm a, gate thleng ka va thlah. Kan țhian dangte pawh in lamah an haw tawh a nih hmel.




An haw dawn thleng chuan Malsawmi chu a thiamloh a nih loh thu ka hrilh mawlh mawlh a, chutiang bawkin Rickya pawn. "Gate pawnah daih sawn bike ka dah, nangchu lo kal ve duh kherlo mai rawh, damlo awmpui lai te ini sia." Rickya'n a tih ka chuan ka lo hnial duh ta bik lo a, gate thleng ka thlah.




An chhuah dawn țepah Rickya chu ka hmaah dingin a rawn kun hniam a, "I hnunga mi sawn min melh thip țha khawp mai, inzeptheinu" a rawn tih chuan hnunglam hawi ka tum a, ka biang leh biangah rawn dawmin min rawn fawp zeuh a, phawk deuhin Rickya chu ka en.




"I bialpa neih min hrilh loh man anih kha, thlem a har viau ang" tih pahin ka sam a tuai thur a, a kal nghal daih. "Hey, lalRicky" ka tih chuan rawn hawi let tawhlo in a ban min vai khum duh lek chauh.




Ka sam tuai mam thuak thuakin ka pi awmna lam ka pan leh hnak hnak. Ka pi awmna ka thlen hma chiah chuan tu emaw hian room pakhatah min pawt lut rawk rawk a, bangah min nam bet nghal thlawp. A hmel ka hmuh chian rualin Joseca mitmeng rum ul nen kan in hmachhawn tih ka hre chiah.





Țawng tuma ka ang zuau chu min rawn fawp nghal hmiah a, min fawh dan lah chu a kohamin thinrim inhrithla hi ka tehkhin ber. Ka hmui te chu ana vek thei. Ka awmah chuan ka nam vak a, a che eih lo, ka tal nawk nawk a, ka tukkhumah a rawn dawmin ka kawngah a vuan tlat bawk a, a chak bik si ka chhe țha theilo, chutah min fawh dan thlakin dam zet leh ngenngawl zet hian min rawn fawp a, ka hmui hnuai lam chu a fawp nghal dek dek.




Chutah zet zawng, ka fawp let lo theilo. Ka fawh let takah chuan min fawp uar zual sauh. Min pawm kang nghal nawlh a, a kawngah ka lo kherh bet ve nghal thuai bawk, dawhkan chungah chuan min țhuttir a, minla fawp reng tho. Thaw chham lo chauha kan infawh hnu chuan a inla hrang thei hram. Ka chalah a chal rawn nghatin a thaw ham ham a, "Vawihnih" a ti chhuak sep.




Chutah min rawn melhin, "Tumah fawh tir ve tawh suh ang che." A rawn ti a, ka hmui hnuai lam a chul nghal zeuh a, "Ka ta" ti supin min rawn fawp leh zeuh. "Ka kal a ngai ania" ka ti chhuak sep a, ka aw te chu a lawi rat a, a chhuak țha theilo vel.




"Kal chu i duh takzet em?" Chimawm zet hian a rawn ti a, ka biang a rawn nul nghal thuak bawk. "Ka....ka duh....ka tih chu" bah neuh hian ka ti a, ka thaw chhuak nghal hak. Ka biang leh hmui chu fawp si lo hian a rawn nul thuak thuak reng a, chu chuan minti zauthauin ka thisen a ti lum rang hle bawk.




"Sawi rawh" atih chuan ka mithmul ka kan uk. "I mitmengah enge i duh ka hria ania, i rilru a thil awm te kha sawi chhuak rawh." A tih chuan ka thaw hak. "Duatte" a rawn tih chuan, "Min fawp rawh" ka ti sep. Rum hrawihin min rawn fawp nghal tawn tawn a, ka lo chhanglet rang kher mai. Ka thisen a lumin ka thaw a rang hle a, ka lungphu te chu lo chhuah a tum ta mai emaw tih turin a phu dup dup bawk a. Ka awmdan hi ka hrechiang hle bawk,enge ka mamawh tih nen.




Ka kawr chhunga a rawn zen luh lai chuan ka lo rum chhuak hak a, chu chuan a ti phur zual tih hriat takin ka awm bawr chu a rawn țham tawk a, ka rum chhuak leh hak țhin. Duhthawh taka kan infawh lai chuan a phone ah lai chu a rawn ri ral ral a, rum nghutin a inla hrang a, a phone chu phawrh chhuakin a en nghal bawk. A phone a en rualin a phun hluk a, a ak țha leh nghal daih.




Min rawn fawh leh a tum chuan nui hakin ka lo indang a, "Kal tawh ang" ka ti sep. Min fawp leh hram tho. "Ka ta i nih hi" ti sepin dawhkan chung ațangin min hlang thla a, ka hmei sa deuh hat hat chu a rawn tawk zeuh. "Duhawmnu" tih pahin ka chalah a rawn toh dat a, a nui nghal suk.




"Ka bialnu ni rawh" a rawn ti leh lai chuan chhan mai dan tur ka hamhaih deuh, kei hian inzawmna ka siam pui duh takzet em tih hi ka hrelo, ngaihzawng pangai ka neih lohna a rei tawh a, engtia chhan tur nge ka hre thiamlo.





"Rilru fim tak pu chunga ngaihtuah turin ka duh che a, ka nawr vang che ni lo a min duh vanga min chhang turin ka duh bawk che. Chuan thu mumal awm lo a inzawmna siam ka duhlo bawk. Naktukah ka office ah ka lo nghak ang che." Tia a sawi chuan a ka thaw huai a, min ngaichang taka chutia a awm chu ka lawm hle bawk.




Ka pi kha amah chauhin a awm dawn sia rei minlo ti tawh viau ang.




Ka let leh chuan ka rin ang chiahin ka pi chuan rei minlo ti khawp mai a, ka riat nawi khawp mai. Kan muthnu pawh chuan ka muhil thei mai lo a, ka lo khi leh vur vur zel. Ngaihzawng nghet hi neih ka duhlo țhin a, mahse ani kha ka hnar thei dawn em ni? Ka hnar anih chuan ka hmaa lunghlu tlang lian tak ka kal pel tihna a ni dawn thalin ka hria. Lunghlu nen ka tehkhin ta chu ania.





He mipa hi ka duhzawng a ni lo emaw ka ti a, ka duh hle zawk anih dawn hi. Mahse, Rinkimi ka ngaihtuah chhuah zawk rualin ka hnual nghal rawih theih. Engtin nge ka theihnghilh theih zawk! Ka thaw hak a, Rinkimi chungchangah khan ka thiamloh a nih loh thu chu a sawi ngei a, mahse chu chuan ka inthiamlohna a ti reh chuanglo.





Khatia ka lo fawh let ve mai vang leh hmeichhe awlsam taka anga a sawmna ka lo pawm kha min ngaihnep phah angem? Tih te ka ngaihtuah chuan khatia ka lo awm mai kha ka inchhir dawn dawn a, mahse....min duh tak tak chuan chutiang a ni lo ang tiin ka inhnem leh rih.





Mahse a ni hi ka phu em tih ka inzawt a, keihian ka phu lo takzet. Mi zahawm tak leh mite chungen a ni a, chuan ka nundan a hrechiang hauh lo bawk. Keichu a ni anglo takin ka chhungte hming ti țha zawngin ka awm ngailo a, keimah vangin an buai fo zawk. Min hrechiang apiangin min sawisel a, min hlat țhin. Ka nundan khawlo zet avangin keimah ang bawka mi khawlo te bulah chiah ka inhawng a, ka kawp bawk țhin. Josec Remruatsanga hi zawng, ka cho loh val a ni e..





Ka ngaihtuahna buai ru zet avang chuan khum ațanga țhu chhuakin ka tho a, boruak thianghlim dawn tumin pawn lam ka pan nghal bawk. Damdawiin sir lama țhutna tur an siamah chuan ka țhu a, ka in ha pan bawk nen a vawt lam mah a ni.





A ngai te bawkin ka ngaihtuahna chu a buai leh nuai nuai tawh a, ka thinlung leh rilru chuan thu tamtak min hrilh a, mahse chung zingah chuan inang pakhat mah a awm lo, ka thinlung leh rilru chuan thurawn hran hlak a ni min pek ni.





Ka thinlungin amah pan tura min hrilh laiin ka rilru chuan hlat san turin min hrilh thung a. Ka thinlungin amah kha ka hahdamna anih thu min hrilh laiin ka rilru chuan ka hah zual mai mai na tur tih min hrilh thung.




Ka thinlungin ka nui hmel siam theitu awmchhun anga a sawi laiin ka rilru chuan nakina ka mittui ti tla tu tur leh min tina tu tur anih thu a sawi bawk a. Ka thinlung leh rilru chu mi pakhat ta ni chungin an indo char2 lawi a.





"Ngaihtuah muk awm ve" rawn ti tu vang chuan ka phu chiam a, thla neilo chung pawhin ka thlawk chhuak țep a ni.





Min rawn be tu chu a hmaa a hming ka zawh hman tak loh kha a ni a, a kamsir a thi ser ser a, a hmai a duk thluah bawk. Ner nangin a hmel chu ka en kual a, a hawi sawn daih. Zanin chu hoodie a ha ve teh khiah a, ti hi chuan a sual hmel loh ve deuh alawm.




"Ka lo kal lai hrelo khawpin enge i lo ngaihtuah a" a tih chuan, "Thil tam tak" tih zawngin ka chhang a, min zawt zui tawh lemlo. "Buaina hi i zawng zawk em mawni, tinge engtik lai pawhin hliam i neih reng a" tih pahin a hmai chu ka kawk kual a, a nui suk.





"Mi hausa fapa duat sual" ka tih chuan a phun hluk. "Mi hausa fapa duat sual chu khawi lam, duatloh sual ka nih hi." A ti a, a sawi tawp lamah chuan a nui chhuak deuh hawk. "Ka awihlo" ka tih chuan, "I thu vek alawm" rang fe hian a lo ti leh a, ka nui hak.





"E...taka, i hming min lo hrilh" ka tih lai chuan kan thlang deuhah hian hmeichhe aw hian, "John, kan kalsan dawn che nge?" A rawn ti a, "John" ka ti ve sep. A bu zeuh a, chu nu pawh chu a kal nghal mai, khawi ațangin nge alo lan hlawl pawh ka hrelo.




"Helai hnaiah hian in awm em ni?" Ka tih chuan, "Khulai deuhah khuan in a awm a, zanah inhmuh khawm nan kan hmang țhin a, ka rawn hmu che a ka rawn kal anih hi." Nui deuh suk hian a ti a, ka bu nghut.





"Chuan...." tih pahin min rawn en a, "Enge?" Ka lo ti ha.




"Johna ka lo nih takah chuan tunge i nih" a rawn tih chuan ka nui hak. Tunge i hming tih țhat ve mai awm hi. "Zothanpuii" ka ti sep. "Kan kawmthlang te vawk pui hming ang anih chu" a tih chuan ka ner sak a, a nui suk thung.





"A vawt iti na nge?" Tih pahin min rawn thlek vut a, zep loh chuan ka ti reng. "Tlem chuan" nui deuh saka ka tih chuan a a hoodie chu a phelh ta mai. "A ngailo, ka lut țep" ka tih pawh chuan a phelh lui ta tho.




"Ha rawh i damlo ang." Tih pahin min rawn pe sawk sawk a, a kuangkuah nghal hlun. T-shirt chauh a ha a, a vawt a ti ve tho ang. "A ngailo tak tak" ka tih lahin, "Ka kawr ania, ha rawh ka tih chuan ha mai rawh. Ka thu thu" a ti bawk si, ka ha ta tawp.




A kawr lah chu kan ha tawk lo mai mai khawp a, a lukhum pawn ka hmai a khuh țep thei ang tih tur vel a ni. Te vaklo mah ila a cher chi ka ni ve a, a kawr nei tu lah hi a pa lian chi a ni bawk si a, ka thawl lutuk chu ka innuih tawp, mahse a lum nuam țha khawp mai.




"I lerh em?" Ka tih chuan a nuih huk a, min chhang lemlo. "Mawh" ka tih leh chuan, "Lerh ve e" a ti ban charh a, min rawn melh vut. "I rawn tlak angem?" Ka tih chuan, "Iva lerh ve" minlo ti let hlauh. "Lerh vang anih loh chu ka rilru a buai anih hi." Ka ti vin hlar.





Hepa hi rei tak ka kawm tawh ang maiin a bulah hian ka tlangnel nghal thei mai hi amak ka ti. Inhawng takin ka titi pui bawrh bawrh thei chu ania.




"Iva thinchhe reuh tak, min zawt la." A tih chuan aw ka thian leh te te. "Entirnan duh i lo nei a, a duh che tih i hre bawk a, chuan i chhanna a nghak mek bawk. I thinlung chuan a duh a, mahse i phulo tih i hre bawk si. Hnawl tur anga i in ngaihtuah in i phal lo a, mahse i tan chuan a sangin i hre bawk sia, i hre thiam em tiang chu? Ka sawi thiam chaihlo. Engtin nge ka awm ang?" Ka ti nawi niai a, ka sawi thiamlo lutuk chu in ngei hle a ni.




" 'Follow your heart' an tih țhin kha. I duh a, i kaltir phallo bawk a, i innghahtir bawk a, chhanna lawmawm a phu iti lo maw, beiseina i siam anih chuan i tih hlawhtlin sak a ngai anih chu. Chuan tumah hian phu loh kan neilo, keimahni tawkah kan hlu vek a, kan hlut dan kawng a inang lo mai zawk a ni.





A chang chuan mahni hma kan sial ve a ngai țhin, midang mitmei i ven vanga i hmangaih i chan chuan i thiamloh a ni. Engtik lai pawhin min sawisel tu chu an awm reng dawn. I rilru in a hrilh zawng zawng che kha chu hrelo der la, i thinlungin a sawi kha ngaithla rawh."





A hma angin uang hmel a pu lo a, a mitmengah chuan a thusawi chu a tih mai mai loh zia ka hmu thei. 'HMANGAIH' tih thumal a lam tel anih kha, kei hian ka hmangaih chu ka ti hauh lo , mahse ka duh takzet tih erawh ka hria.




Amah bawk chuan, "Hmangaihna hi kan inrin loh lai takin a lo thleng țhin a, kan inrin meuh chuan kan lo tlai tawh țhin. I mit kha chhing vang vang la i thinlung thu awih zawk țhin rawh. Tawpna hlimawm kawltu dik tak zawk anih kha." A ti leh a, hetiang thu hi a lak ațanga hriat ka lo inbeisei miah lo a, a thusawi chuan ngaihtuahna a ti kal thui khawp mai.





Ka let leh meuh chuan zanlai a pel tawh a, boruak pawh a vawt țha khawp mai. Ka let hnuah Johna kha a kawrlum ka hak tlang sak daih tih ka hre chhuak a, a vawh tehreng nen a zialo tak tak a ni. Vawt ati ve khawp ang.





Ka zawhna chhanna chu ka hre ta in ka hria. Ka rilru ni lo in ka thinlung sawi zawk chu ka zawm tur dik tak chu a ni. A hma pawhin mi thusawi ah ka buai ngailo a, tunah pawh ka la pangai reng.




Ka chhanna chu 'Aw' a ni a, naktuk ah he thu hi ka hrilh ngei bawk ang.




A tuk zingah chuan ka harh hma khawp mai a, ka pi pawh a tho harh phian. Chhun lamah chuan ka ni alo kal a, chumi chu remchangah la in Joela ka va tlawh a, Malsawmi te pawh an lo awm diam tawh. Zothana pawh reilo teah alo thleng a, kan țhianho kan han inkawm khawm leh ta chu a nuam letling phian mai.




Joela chu a harh tawh a, mahse chim buai vak kha a chi rih loh vangin kan lut vek lem lo.




Ka țhiante bulah chuan ka awm ta reng a, doctora nena kan chungchang erawh chu ka sawi rihlo thung. Ala hma deuh bawk a, an ka hre ve mai turah ngai ang.




Joela a zia tawh tho avangin țhian dang te pawh an haw sap sap a, keipawh ka țhiante mangțha in Joela ka kalsan a, mahse ka pi awmna lam pan loin Joseca office lam ka pan ta zawk. Tlai lam dar 3pm a ri țep tawh a, a buai loh hram ka beisei




A office ka thlen chuan kik lo in ka hawng nghal tawp a, mahse....enge ka hmuh hii!!?




To be continue....



Ads minlo click sak leh dawn nia....like & comment pawh aw😘


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2022, 2:14 pm

♡Chapter-9♡
By Mrs. Prejudice




Joseca leh hmeichhe pakhat hi anlo inkuah a, an inkuah ti ila hmeichhia chuan a kuah a ni zawk mah. Joseca'n min rawn hmuh chuan a mitmeng a buai nak. Mahse a reilo.





Hmeichhia chu a inla hrang a, a biang a tai deuh tek bawk. Min rawn hmuh chuan lai tih hriat deuh hian a nui a, ka nuih let ve lemlo thung.




"Tihpalh, chhunzawm rawh u" tih pahin kawngka ka khar a, ka kal nghal nal nal. Min au ri pawh chu hrelo derin a tlanin ka tlan a ni ber.




Ka pi awmna ah kalin ka ni lo awm hnenah chuan, "Ni, zanin chu riahpui mai la, mut hahdam ka mamawh in ka hria." Tih pahin ka thawmhnaw țhenkhat leh thildang ka dahna bag chu ka la a.




Ka ni chuan alo hnial lo khawp mai a, "Nia, i awm rei tawh emai ka lo awm chhawk ang che" a lo ti ve mai a, engvak sawi tawhlo in ka chhuak zui nghal.




Rang zetin damdawiin ka chhuahsan a, taxi rawn tlan remchang chu hmangin kan inlam ka pan nghal. Traffic jamah kan tan avangin in ka thlen chuan khua a thim thet thet tawh




Inchhung ka luh chuan an lo awm țhap a, "Ilo haw elo? I ril te a țam em?" Nu Hmingpuii'n min hmuh rualin alo ti zung zung a, lu ka thing ringawt. Ka țawng chak thlawt lo.





"Inchungah ka chho tlang nghal aw" tih pahin min chhan letna pawh ngaithla tawhlo in ka chho nghal.




Ka room ka thlen dawn țepah Rinmuani nen kan intawk a, min hmu thut chu a phu zawk. "I...ilo haw der tihna ami?" A tih chuan ka bu nghut a, a mitmeng chu a tim dai hian ka hre lehnghal a, eng a hria chu ni maw.




Ka room ah ka luhsan a, khumah ka bawk thlawp. Ka mittui rawn hnai kuar chu duhlo in ka tho chhuak a, washroom ah in silfai turin ka lut daih.




Ka awmchhung tawt up up leh ka taksa lum pup pup chu a chhan ka hriat chian lutuk avangin ka duhlo kher mai. Mi nep ber angin mipa vangin hetiang hian ka awm tih ka hriat phei chuan ka thinrim ngawih ngawih.





Au vakin ka shampoo bawm chu chuatah ka vawm vak a, ka thaw chhuak halh halh. Ka ipik erawh a reh phah chuang der lo.




Kan inkarah engmah ala awmlo chung pawhin ka thil hmuh vang khan hetiang hian ka awm chu ania, inzawmna ka siampui anih phei chuan hei ai hian keimahah a tla na dawn tih ka hria a, chu chu ka duhlo ber thil a ni. Chaklohna neih hi ka duhlo.





Washroom ațanga ka chhuah chuan ka phone lo eng pap pap chu ka hmu a, ka pan nghal thuai. Number lawng ațangin missed call tam zet hi a lo awm a, a thim chiah tihah a ngai ang bawkin a eng lehnghal.




Chhan loh ka tum zet naa a pawimawh a nih ringin tim dai chuan ka la a, "Hello" ka ti sep. Lehlama mi thaw la ri hawk chu ka hria a, tunge a nih ka hre nghal.





"Enge?" Ka ti hmuk. "Inbiak kan ngai ania" a rawn tih chuan sawi tur ka neiloh thuin ka chhang a. "Tlaia i thil rawn hmuh kha engmah i hmuh ang kha a ni lo, ani kha chu...." a tih lai mek chuan lo pawt chatin, "Tinge i insawifiah a? Insawifiah turin ka engmah i ni lo" ngei awm tak hian ka lo thung.




A thaw hak a, a ngawi vung vung. "Sawi tur i neih loh chuan ka dah aw, tihtur ka nei" ka tih chuan "Dah miah suh" rawn ti mahse ka dah tho. Engtin mah minti thei chuanglo.





Zanin chu Joela kan turin ka țhiante ho chu kal an tum a, min sawm ve tak nain ka chauh deuh thu leh naktuk lama ka kal tur thu ka sawi thung. Tunah rih chuan damdawiin a kal ka peih tlatlo. Joseca a awm dawn tih ka hriat vang vek mawle.





In hru hul sawk sawkin ka wardrobe ka hawng a, ka thawmhnaw hak tur ka la chhuak nghal mawlh mawlh. Mahse thil diklo awm tlat hian ka hria a, ka wardrobe chhung chu chik lehzualin ka en a, chuan diklo chu a awm ngei alawm.




Ka wardrobe chung bera ka handbag ho chu a inrem dan a mumal lo tih ka hmu nghal thuai a, a chhan chu hetiang lamah hi chuan thil ti thlap țhin ka ni a, ka bag ho pawh hawi zawng inang țhapin, a hrui dahna lam inang țhapin ka rem a, a rawng milin ka rem bawk.





Handbag hi ka ngaihnat avangin ka mit la deuh chu ka lei mai zel a, chuan pakhatin a kimlo tih ka hre bawk. A hawizawng a inang lo a, a remna hmun pawh a inang lo nuai mai. Ka nui hak a, ka thinrim vang a ni zawk ang chu.





Ka room ațanga chhuakin inhnuai lam ka pan thla hlawk hlawk a, common room lam ka pan a, ka pa leh a nupui te nufa in T.V an lo enna lam chu ka pan nghal.




"Engtin nge i ngam zawk a" Rinmuani hmaah chuan dingin ka va ti nghal thawr a, a hamhaih hmel te chu ben hrep ka chak. "Engtin nge ka thil ilo khawih ngam zawk?!" Ka ti leh țhawt.




Ka pa chuan, "Enge ni vak vak a, țawngkam vin hmang lo hian sawi tum țhin rawh u." A rawn ti chuar chuar a, kei erawh chuan Rinmuani ka melh ngar thung.



"Enge ka khawih? I thil ka khawih reng reng lo" tim deuh dai hian a rawn ti a, a aw ațang chuan a hlauthawng tih ka hre thei. Ka nui deuh sak, a mitmeng ațang khan ka hre nghal vek.




Rinmuani chu hnungchhawnin inchung lam ka pan a, ka room ah lut lo in Rinmuani roomah zawk ka lut. A room chu melh kual thuakin a wardrobe awmna lam chu panin ka hawng nghal a, mahse a awmlo. A steel almirah chu ka hawng lehnghal zat a, ka zawn chu ka hmu ta e.




"Engthil nge i tih a?" Rawn ti tuar tu lam chu ka hawi a, Rinmuani chu a room kawngka bulah phawk hra in a lo ding chu niin, ka țhen khum sak. "Lo en ve teh, enge ka hmuh hi" tih pahin bag chu ka khai chhuak a, a mitmeng chu a chiai vekin ka hria.




"Hmmm, hei chu ka bag anih hi" tih pahin ka thlek kual vel a, ani erawh chu a ding zum za mai.




"I va uikawm ve, bag ah sen loh i nei a, pakhat lek te chu ah tir ve mai la, a tichhe dawn pawh ni lo, i nau bag hman tir ve pawh chu iva hreh ve" a nu pawh alo chho ve tih ka hre chiah.




"Ka nau" ka ti nawn supin ka hmui ka ti sawi zeuh. "Chutia ka phalna tello a ka roomah a lut tih leh ka thil a lo khawih tih ka hriat takah chuan ka nau a lo ni ta a." Ngeiawm fe a thle bak hian ka ti a, ka nui lui sak.





"Mi thil i hmang dawn anih chuan an phalna i dil hmasa tur a ni dawn lawm ni? In zahlohna ah ka ngai, a hawihhawmloh thlak hle bawk. Nge ni a, in nufa hian hawihhawmna pakhat mah in neilo zawk, inla zak chuang miahlo chu ania" ka sawi zawh rualin ka pa aw vin lutukin "Zothanpui" ati hrawk ri ka hre chhunzawm nghal.





Ka nui ro halh, ani lehzel pawh chu. "Khatiang thil mai mai lak vung vak tham pawh a nih loh kha, i huatthu te hi a chhe lutuk. Unau te chu thil an in hman țawm bawrh bawrh zel alawm, hetiang buaina hi ka hne lutuk tawh" ka pa chuan a ti nghut nghut a, ka meng kual ralh ringawt.





Hetiang buaina kan neih apiang hian tuna ka dinhmun angah hian ka ding ziah. Rinmuani nen kan inkhak deuh apiangin a nu in a thlavang a rawn hauh vat a, chuan ka pa in thu kal lam leh haw lam hre hawt lo in min rawn hau nghal ringawt zel bawk.




Nia, ka pa khan a sawi dik ve tho, duhai ka huatthu a chhe deuh ania nge. Zan dang ang chu nise tiang hi ka ni tawp nang. Remruatsanga vanga ka rilru ipik lutuk hi Rinmuani lakah ka țuan ni berin ka hria.




Mahse ka pa hian a fanu hian rilru hahna leh min kaptu ka nei em tih takngial pawh min hriatsak ngailo, ka landan ang ang hi ka nihna ah ngaiin fanu sual enin min en nghal hmiah bawk.




"Ka thil țawmpui ka duhlo zia in hria a, chuti chunga in khawih a nih chuan ka thinrim chu in tuar ngam tur niin in inhre lo maw? I awt viau anih chuan i nei thei ang" tih pahin a lamah ka vawm a, ka pa chu a rum nghut.





"Chuan, ani hi ka unaunu a ni lo" tih pahin Rinmuani ka kawk a, min melh ram ram mai, nuih sakin room ațangin ka chhuak nghal. "Anu angin min ngai ve thei dawnlo anih hi" ka nu hrawnin a ti țiau ri chu ka hre hman, ka ner sak mai, lem chan thiam lutuk. Ka pa chu awmlo se Rinmuani pawh khan min chhanglet chiang khawp ang.





Ka pa bulah chuan hmeichhe fel ber awmin an awm a, an țawng no duan duan a, khatiang kha ka theih ve loh zawng tak ania, ka lan ang ang hian ka lang tawp a, ka pa ngaihdan pawh chu dem lutuk loh na chin ka nei. Mahse a fanu mizia a hrechiang lo lutuk hi chu ka dem thlawt.




Ka roomah lutin ka inthlak sawk sawk, ka țhiante tel kherlo pawhin party naa kal ka mamawh. Rui chhum hmuk ila, Remruatsanga emaw inchhung boruak emaw pawh ngaihtuah lo a awm ka mamawh takzet.




Ka bike ka lak chhuah laiin Hruaia car alo thleng ve chiah a, hmeichhe pakhat a rawn phur tih ka hmu. Ngaihsak zui tawhlo in chak fe in ka tlanchhuak a, kan țhianho a kan kal fo na țhin bar lam ka pan.




Inchhung ka luh rual chuan music ring zet leh mipui zi nuai nuai chu ka hriat hmasak ber a ni. Țhutthleng awl pakhatah chuan va țhu nghal tharhin zu no lo in chhawp sa chu a tlak nghal pawp, ka khawchhung a sa thla nghal ham ham mai.




No engzat nge ka in hman pawh ka hrelo, pawn lam bathlar pan tumin ka tho a, ka luhai lutuk avang chuan ka pai nghal chawn chawn mai. Ka awmdan chuan ka nuih a ti za tlat lehnghal a, ka nui chhuak hak hak.




Ka ban a rawn vuantu an awm rualin Johna hmel ka hmu nghal zat a, ka nuih nghal ver ver. A banah vuanin thlang lam kawngka lamah chuan ka kai phei dawr dawr a, min zui țha ve mai bawk.




Pawn kan thlen rual chuan, "Van nuam tak" ti hliaiin ban ka phar a, thlifim chuan min rawn chhem nghal heuh heuh. Ka harh sawng sawng theiin ka hria. Chhuatah chuan bang nghengin ka țhu thluang duai.




"Engzat chiah nge i in a?" Ka țhu bu luk luk chu ner nanga min enin a rawn ti sup. "No sawm leh tlem" tih pahin ka kut chu ka dah pharh a, a hmaah chuan a lek va bawk. Mahse ka kut zungțang chu ka en a, a dik theilo.




"Mahse ka kut zungțang hi sawm chauh ania, ka in zat nen a inmil theilo reng reng" ka ti niah niah a, alo chek tlak. "Kut zungțang sawm chiah alom kan neih" a tih chuan, "No sawm chiah ka in anih chu" ka lo ti fan ruih.




"I inzat leh i kut zungțang tih mil phet i tum anih kha" atih chuan ka ner sak.
"Ka rui a reh vek alawm a dang va la leh teh" min melh rum lutuk chu sawi sual ka nei emaw ka ti rum rum. "A reh lo nasa" a ti hluk.




"Ka thlah haw ang che" atih chuan lu ka thing nawk nawk a, "Ka haw dawn bawklo" ka ti țeu hlar. Ka irhfiak awk awk lehnghal.





"Aw le, hetiang ah te tinge nangmahin i kal reng reng a, i rui chhe reuh si, misual te i hlau lo ami?" Mitmeng phi chiaiin a thusawi chu ka en reng a, a aw chu hmun hla deuh ațanga ri a ang.




"Misual ka hlauh i ring a mi? Ka lock a ni mai" tih pahin ka kuttum ka hmuh a, a nui suk. "I inhnem hle anih dawn kha" tih zawng a sawi.




"Tho teh" tih pahin ka banah a rawn vuan a, ka lo thing thla nghal. A thaw hawk, "Khatia i awm reng chuan tuman nupuiah an duhlo ang che" nui suk hian a ti a, ka men nghal phur mai.




"A duh leh min duh suh se, a sual ropui si, a duhleh khanu kha va duh rawh se, a duh duh hunah min duh a, hmeichhe dang kuah leh tho si" keimah leh keimah chu ka inbe mawlh mawlh a, ka ruih viau lai pawn Remruatsanga bawk a ni min tina tu chu.





"Tu chungchang nge maw i sawi niah niah chu le, tho rawh le" tih pahin ka dar tawn tawnah a rawn vuan a, min tung tho nghal nawlh.




Ka pai chawt chawt chu ka kawngah a rawn vuan a, a phun nghal hluk. "Vawikhat mah hetianga tam hi in ve tawh suh" a ti hmuk a, pawi sawiloh hmel deuhin ka lo melh kiau.





Ka pen sawn tur chu ka pum a let but ka ti mai, ka chil a rawn rial a, ka luak dawn ta mai. "Ka" tih bak ka sawi hman lo ka luak nghal bawrh bawrh. Johna chu ka luakkhum in ka hria. Ka chatthla zui ta aniang kha bak kha engmah ka hre zawm lo.





Zinga ka harh leh chuan ka awmna chu ka hre mai lo, mahse intiharh a ka en chian takah chuan Zothana roomah ka awm tih ka hre chiah.




Ka lu chu ka dawm vang vang a, anat dan chu namen lo tak a ni. Nizan khan engtin nge ka awm chhunzawm tak pawh ka hrelo, tunah Zothana roomah ka mu leh daih chu ania.




Ka ngaihtuah let vang vang a, car a ka chuan lai vel ka la mang hriat ruai ruai thei, Zothana te in lam kan pan lai khan vawihnih vel lai chu kan dingin ka hria, ka hrechhiang thei tawhlo.




Room kawngkhar a rik rak rualin Zothana a rawn lut zui nghal a, eng emaw hi tray in a rawn keng bawk. "I lu chu ana viau lo maw" a rawn tih chuan chhan pawh ka chhang lo.




"Ka nu in heihi va pe rawh ati" tih pahin tray chu side table ah a rawn nghat a, "enge a?" Ka tih chuan a hriat bikloh thuin min chhang a, no chu la kangin ka in nghal khawlh khawlh.




Ka in zo chu ka ner nasa viau aniang Zothana chu a nui ruh ruh a, ka melh rum nghek. A tui loh dan chu rapthlak a ni. A thur deuh a, a thlum deuh dep dep bawk a, a kha deuh fek bawk. Ka kâ a ti tuilo vek thei alawm le.




"Tuilo ve" ka ti sep a, "I rui țawng lutuk hremna a nih kha" ka tih chuan, "Chhe ve" ti hmakin ka tho chhuak a, washroom ka luhsan daih. "Ka nu i tlawn fe chu a ngai ang" a ti ri chu ka hre hman hram.




Room ațanga ka va chhuak lai chuan chokaah nu Hruaii, Zothana nu chu alo zai deuh rat rat a, chumi lam chu ka pan. "Nute" tih pahin ka nuih tlawn nghal ver ver a, min melh no lo asin.




"Ka lo pui ang che" tih pahin ka va pan hnai a, "A ngailo" a lo ti deuh nghut. A bulah va kal hnaiin a banah ka va kuah thak a, "Nute, titau lo la" ka tih chuan ka chalah a rawn pen fawk, ka tuai nghal vut vut.





"Nula uai tawh si hi, hetia chet hi ching ziah suh, hmeichhia i ni lehnghal a, nun hi uluk viau tur. Nizan ang te kha ching tawh reng reng suh, mipa țha lo tawn palh te pawh a hlauhawm a, Zothana khan lo be lo che phei se chu engtin nge maw i awm ang ni" a ti deuh duah a, min ngaihtuah vanga sawi anih avangin ka haw lo.





"Ka ching tawhlo ang" min en reng vang chuan ka ti sep a, la lungawi hmel vaklo mahse, "Thingpui ka lo siam ang che" a ti ta tho.





Chaw ei ve nghal tura min sawm tlat avangin ka hnial ta biklo. Salad ka chan pui a, Rinkimi chunga thil thleng pawi a tih zia leh fel a tih ve zia te a sawi luam a, ka awm a nuam leh tawh chiahlo.




Kan tihhnawk tifelin pawn bawlhhlawh bawmah ka va peih a, ka lut leh tur chiah chu eng thil emaw hi ka rap a, ka thil rah ka en chiah chu ka khek nghal tuar a, ka ke ka thing nghak nawk nawk.




Nutei alo tlan chhuak a, "Enga tinge?" Hlauhthawn hmel deuh hian a rawn ti. Ka thil rah chu ka kawk a, "Ka râp lutuk" tih pahin ka ip zui nghal chawih. Ka hmul thi te hi an ding nghal sung sung thei.




"Pangang anih hi, an va tam reuh ve, eng emaw an bawm anih dawn hi" tih pahin a en chiang a, ka mawng aza chuai chuai thei.




"Enge a" ti thum dut ka hriat rualin ka bulah Zothana a rawn ding fel der. Thil hriat chhuah zawk ka neih avangin ka nui vur vur.




"Ring worm ka rap a" nuihza insum deuha ka tih chuan a nu awmna lam a hawi vut a, a hrechhuak ve a ni mahna a tum nghal hmuk. Kei erawh chu za lutukin ka nui chhuak nghal hak hak.





"Nui suh" a tih te chuan ka nuih aza zual, phun hlukin min luhsan ta daih. Hmanah kan naupan lai hian ka chhungten ring worm an sawi hi ka hre fuh a, enge a awmzia hre ta lo khan Zothana hi ka zawt a, inring tawk fe in, 'pangang tam deuh awm khawm' alo ti thlarawk a, ka lo awih ve mai bawk a. A awmzia ka hriat tiraha ka nuih nasat zia mai kha.




Inchhung ka luh hnu pawh chuan ka nui ka nui a, min melh rum leh ringawt zel.




"Enteh" thil ka hriatchhuah zawk avangin ka ti deuh hluai. "Nizan khan engtin nge in inah min hruai a, khawnge ka lo awm?" Tiin mak ti fe hian ka zawt a, a nui suk.




"In inah leh damdawiin ah i awm lo a, i awmna hriat tumin ka lo call che a mipa in a lo chhang a, in awmna te min rawn hrilh a, ka lo kal nghal anih kha. Kha pa kha a fel hlauh a, vanneih tak i ni."



Ka phone lo chhang tu chu Johna kha a nih ka ring a, engtin tak awm zel ang maw, ka luak khum ten ka hre lehnghal.



Tlai lamah Zothana te in ațangin ka chhuak chauh a, ka nu in an in lama phei lawk tura min hrilh avangin ka phei leh rih. Ka nu chu a lo dam sam vak lo hi alo nia, kan inbe khat deuh nen ka lo hre miahlo a, nuamlo duh tak a ni.




Rei fe chu ka awm a, zanriah ei turin min sawm tak naa ka hnial thung. Ruatkima'n damdawiin thleng min thlah leh thlap a, ka nu chanchin pawh ka zawt ve luam.




Ka pi awmnaa ka va luh chuan alo muhil a, midang tumah ka hmu lo. Keipawh chhuak leh rihin thlang lam balcony ka pan leh.




Balcony ah chuan dingin thlifim ka in chhemtir heuh heuh a, helai hmun hi ka hahdamna hmun leh zalen riau a ka inhriat na hmun a ni a, kal pawh ka kal zing viau.




Damdawiin sir lam deuha țhutnaah khan mi pahnih hi an ding dun a, an inhnial niin ka hria. An sir seuha light chuan a chhun pha che che a, Ka awmna ațangin chiang takin an ruangam a hmuh theih a, light hnungchhawn zawnga an din avangin an hmel ka hmu lo thung.




Kan awmna a inhlat deuh avangin an tawng erawh a hriat theih lo a. Mipa leh hmeichhia an ni bawkin ka hria.




Mipa zawk ni awm tak chu kalsan a tum a, light in a chhun phak lai vel a thleng tawh ang tihah hmeichhia zawk chuan a banah a vuan leh a, engin a chhun takah chuan Joseca a ni tih ka hre chiah.




Eng emaw an sawi a, inhnial pawh an ang leh tawhlo.




Chutah hmeichhia chu dingdihlipin Joseca hmuiah chuan a fawp a, Joseca chuan a nam sawn ka rin laiin engtin mah a ti miahlo.




Chuan keimaha che dawt awm chu ka hrechiag viau.




To be continue...


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2022, 2:15 pm

♡Chapter-10♡
By Mrs. Prejudice






Ka phone ri vang chuan ka harh chhuak zawk a, ka biang ka khawih chuan alo huh dup a, ka mittui luan lai reng reng ka hrelo!




Ka phone ka en chuan number hlang hi alo ni a, chhan loh ka tum zet naa ka chhang ta tho. Joseca te chu hnungchhawnin ka pi awmna lam ka pan hnak hnak.




"Hello" lehlam ami chu a reh vung vung a, a rawn țawng tawh dawnlo emaw ka tih hnuah aw a rawn thian kharh. "Tunge?" Vin deuh taka ka tih chuan a rawn phun hluk.




"Rui nawi nu, keimah" a rawn tih chuan Johna tih ka hre ve chiah. "Ka number te engtin nge i neih a?" Ka tih chuan, "Uicho mawngkua ațangin ka chum chhuak" a lo ti then a, ka nui hak.





"I rui nawi ropui si, ka hoodie pawh i luak khum ania aw i rawn suk ngei chu a ngai ang" a tih chuan ka nui tawi tak ringawt. "Ka number kha lo save rawh" pangai deuh chuan ati ve leh mai a, rei inbe lemlo in kan inbiakna kan ti tawp zui nghal.




Ka pi awmna ka thlen chuan ka ni alo awm a, riah ka chuh tlat avangin min hnial lui ta biklo. Tun dinhmunah tak hi chuan kan ina haw ka chaklo em bawk a ni.




Chhin khat mah ka chhing lo, ka thil hmuh khan ka rilru a luah tlat a, thil dang ngaihtuah ka tum ngial pawn ka theilo.



Joseca hi mi chut tak turah ka lo ngai țhin a , mahse a chut loh zia chu kan hriat tawh kha.



Chuan min duh thu min hrilh in ka chhanna a nghak a, mahse hmeichhe dang a infawh tir a, a hnar miahlo lehnghal anih kha. Hmeichhe mi lo tak khan ka lo hria a, ka hriat sual zawk em ni. A rilru lak pen nan leh fiam kual mai mai atan em ni min tih? Tih te ngaihtuah in ka rilru chu a vak ruai a, ka hah leh tawh kher mai.




Hepa ka tawn ațang hian rilru thawveng taka awm loh ka ching ka khawp mai, tun hmain hetiang zawnga rilru hahna hi ka nei ngailo a, hepa ka tawn ațanga ka danglam sawt zia hi.




Chhun lamah chuan Zualtei nen ka pi kan awmpui a, a tho harh peih meuhlo a, Zualtei nen chuan eng eng emaw sawiin kan titi char char a, sawi tur a hre bawk a, ka lo ngaithla char char mai.




Rei vaklo Joela ka hmu leh zuai a, ani pawh alo harh țha tawh khawp mai. Ka țhiante chu nitin deuh thaw an kal a, kei erawh chu ka pi dinhmun an hriat avangin min phut ngai lo thung.




Chhun lamah chuan Rickya, Malsawmi leh Zualtei te nen damdawiin gate bula dawr ah khan kan chawl a, damdawiin ah hian ka tal tam ve bawk nen a thawk tute nen pawh kan inhre țha tawh viau a, ka tlangnel ve viau tawh.




Kan eitur kan chah chhung chuan an titi barh barh hlawm a, kei erawh chuan ka lo zawm ve zeuh zeuh ringawt.




Order alo thlen hnu chuan kan ei nghal mawlh mawlh a, "I sam kha i chiah ange" ka benga ka sam rawn zeh pahin Rickya chuan a ti sup a, ka en deuh haw.




"Ei la" a rawn tih leh takah chuan hawi sawn vutin ka ei chhunzawm leh nghal. An lassi chah chu min rawn chhawp hnaih in , "In rawh" a ti leh sup a, hepa min ngaihsak ta vel lutuk hi, enge maw a hriat ni.




"Enge i hriat a?" Melh deuh haw chung hian ka ti a, dar a kan uk. Chutah ka hmui sir chu a rawn tuai zeuh a, thil ri deuh bur ka hre chhungzawm nghal.




Hmeichhe awm ve țhenkhat chu an rak deuh țhat a, ri chhuahna lam ka hawi rualin Joseca nen kan mit a intawng siah a, a mitmeng chu a rum lam mah a ni.




Rickya lam ka va hawi chuan alo nui vur vur a, ka melhrum hrep. Joseca a hmuh avangin khatiang khan a awm tih hriat reng, țullo lutuk.




Kan lam panin Joseca chu alo phei pawk pawk a, kan bul alo thlen rualin min rawn pawt tho nghal lawp.




Min kalpui mai a tum nghal ringawt chu ka lo țang ve deuh tlat a, zui ka tum reng reng lo. Ka banrekah chuan nghet zet hian a hum a, a mitmeng rum ul ah chuan zui turin min hrilh nawn mawlh2 ni maiin ka hria.




"Min zawng zawng hmaa ka fawh hma che hian kal vat teh ang, bawihi" ka beng bulah chuan a rawn phun sup. Ngei lutukin ka melh vak a, a nui suk duh chauh. Bawihi te min ti lehnghal a, nizanah hmeichhe dang a fawp a, tunah tihian a rawn awm leh a, enge maw a hriat ni.





Dawr chhunga mi ho chuan min melh deuh hrek hrek tawh a, ka țhiante lah in engmah sawi tum hmel an pu silo, lal Rickya lah hi phone a en daih a, min ngaihsak lo reng reng.




Kan inzui chhuak ta nge nge chu ania, ka puar khawp pawh ka ei hman reng reng lo, tlaiah ka ril a țam hma viau maithei a ni.





A car dahna lam kan pan a, "Lut rawh" motor hawngin a ti sup. Ka lut ve nghal mai. Alo luh hnu pawh chuan ka melh eih lo, ani pawh a tlan chhuak ve nghal mai.





"Khawnge kan kal dawn?" Kan ngawih vang vang hnu chuan ka ti a, "Ka ni te inah" a tih chuan ka țhu ngil hluai. "Engvang chuan" ka ti deuh hluai a, "mawh?" Min chhan mai loh vang chuan ka ti leh.




"Thil kan lam lawk dawn" a tih chuan, "Engvangin nge min hruai ve ringawt a, nangmah in la ve mai la" tum deuh bar hian ka ti a, a ho ropui si, puar deuh pawn ka ei hman loh phah.




"Khapa kha ka ngaina lo" a tih nghut chuan Rickya anih ka ring nghal hmiah. "Hnaih tam suh" a tih leh vut chuan ka nui hak a, min melh tur khai mai.




"I ngainat loh avangin enge ka hnaih loh ve ringawt anga" ka ti kha kha a, "Ka bialnu i nih avangin" ka mitah tak min rawn melh chung hian a ti a, kan inmelh ran mai. Motor khalh lai anih avangin hmalam a hawi leh vat.





"Zak teh" ti hlakin ka hawisawn hmak. "Ka bialnu bula ka zah ten" chimawm zeta min rawn melh chuang hian a ti a, "I bialnu ka ni awkawng ka lo" ka ti nghek.




"Ka bialnu i ni tih lo inhre tawh rawh" thutak fe hian a rawn ti a, ka thaw chhuak hak. "Ding rawh" ka ti sep a, hrelo ang hmakin a tlan zawm hmiah hmiah.





"Ding teh ka tih chu" vin hlar hian ka ti a, kawng sirah chuan a ding ve mai. Chhuk ka tum rual chuan a lock hmak anih chu! "hey, hawng nghal rawh" tih pahin kawngkhar chu ka sawi vak vak a, awmzia lah chu chu a neilo em em mai lehnghal.




"Tinge i hriatthiam theih miah loh a" beidawng fe hian ka ti chhuak halh a, car seat ka ngheng dawt, ka tan thil a ti harsa zel tih hi a hre miah lo.





"Enge hriatthiam loh tur awm? Ka duh che a, min duh bawk a, kan inkawp loh chhan tur a awmin ka hrelo." A ti sup sup a, a sawi anga awl hi ni se țha tur.




"Keini pahnih chu kan khawvel a danglam lutuk tih i hria em? Eng ang hmeichhia chiah nge ka tih pawh i hria em ni? Hmeichhe dukdak lo tak, zana mipa hrang hrang hun hman pui țhin hmeichhia ka nih hi" ka sawi zawh rualin min rawn hnaihchilh nghal rawk rawk.





"Sawi tawh suh" sehchilh zet hian a rawn ti a, a bek ruh a pawng țawlh țawlh bawk. Ka nui lui hak.





"Kei ang hmeichhia lakah hi chuan in ham buai duh suh" ka ti chhuak halh.




Thaw hawkin ka nghawngah hmai a rawn phum a, a thaw chhuak nghal ham ham. Min rawn bawh ti tih deuh nen ka thaw țha theilo dawn dawn mai.




"Tho teh i rit" ka tih laiin, "Chu chu maw kan buaina" nui deuh hawk hian a rawn ti a, a țhu ngil nghal bawk, nui mahse a hmel a thutak ran thung.





"Mahni insit kha bansan hmak ang che, midang ngaihdan tur che in tihbuai tir suh. Keimah chauh min en rawh, min ring rawh" thutak fe hian a rawn ti a, chhan dan tur pawh ka hrelo.





Chutah ka lamah rawn awnin ka hmuiah a rawn fawp a, dam ruih leh lungchim takin a ni min fawh. Ka mittui rawn hnai kuar chu ka duhlo hle bawk.




"Ka bialnu" tih supin ka chalah a fawp leh vang vang a, engmah ka sawi lo. Ka biangah a kut pahnih in a dawm a, min fawh leh zet hnuah kan tlan chhuak leh chauh





"Coconut ang mai ini" rei fe kan tlan hnu chuan a rawn ti mauh mai, berkher a, "Berkher a" ner nawng hian ka ti a, a nui suk. Coconut hi ka ngaina lo asin le.




"Coconut pawh a pawn lam lan dan mai ațang chuan thil ei chak awm tak tui hmel tak a ni lo, mahse a pawn lam landan phena a chhung tuihnai leh thlum tui zet kha, a belchiang leh hrechiang apiangin an ngaina țhin." Nui leh sukin min rawn melh a, ka lo en reng thung.




"Chutiang chiah chuan nangpawh, hmeichhe luhlul, mahni hmasial tak emaw hmeichhe huaibak tak. Pawn lam landan mai ațanga chuan hmeichhe tihmawh tak leh belhchian dawllo tak angin lang mah la i chhungril a sual lo tih ka hria, keihian belhchian zel che a, nangmah a thil awm, tumah in an la hmuh ve ngai loh zawng zawng nen hian hmuh vek ka duh." Hma lam en reng chung chuan a ti dap dap a, a thil sawi khan keimahah eng emaw che dawt a awmtir chiang a ni.





Ka thinlung chuan, 'He mipa ngei hi i zawn chu a ni' tiin min hrilh a, ka rilru in a sawi erawh chu ka ngaihsak duhlo thung.





Kan kalna tur kan thlen chuan lut ve tura min tih tlat avangin phur lo deuhin ka zui lut ve a, inchhung chu alo reh deuh țhiap a, choka ah chuan tu emaw a awm tih hriat tak hian a ri ruk ruk a, choka lam chu kan pan nghal.





Nula pakhat hian thleng alo sil a, "Hmingi" ka bula mi in a tih thum dut rual chuan a lo hawi vut a, keini pahnih min hmu thut chu a phul nghal hlut.





"Lo kal ru, teh hlawl che u chuan" tih pahin a kut a hru hul sawk sawk a, nui sangin kan lam a lo pan, "Min hriat tawh pawh ka lo ring lo a, ilo kal khat si" vui aw deuh hian Hmingi chuan a ti a, Joseca banah a kuah țai bawk a, Joseca chu a nui suk mai.





Chutih lai mekin inchung ațangin nu pakhat hmelțha deuh mai hi alo chhuk a, Hmingi nu a ni tih ka hre nghal.




"Mampui, i nu thil chu alo lam dawn em.ni?" Zangkhai deuh hian a rawn ti a, joseca chu a bu nghut.




"I țhiannu em ni?" Nui sanga min en chung hian a rawn ti leh a, "Ka bialnu" ka bula miin a tih chuan an meng deuh awk hian ka hria.




"Awii....a ni maw?" Tih hliai pahin Hmingi chu ka bulah a rawn phei a, ka banah a rawn kuah nghal thak.




"Hmingtei ka nia, chuan khi khi ka nu ania, nu Mami i ti dawn nia, U Mampuia'n bialnu a nei ve hi a mak e" a ti nghal chul a, a nu chu a nui hak hak a, Joseca erawh a phun hluk.




"U Mampuia te nen hi chuan bel khan ban kan nia" a tih chuan an nui huk, keipawh ka ni tho.




"Țawng upa te hi ka hmang ve e hi i tia, hre țhelh thei ropui si" a nu in a tih chuan a ner nawng a, a cute reuh em em mai lehnghal.




"Zem khat zen an ti țhin aw" Joseca chuan nui deuh hawk hian a rawn ti a, Hmingi chuan lei a chhuah tet ringawt.




"Lo chho la" nu Mami'n a tih chuan Joseca chuan, "Ka rei lo ang aw" ti supin a chho nghal. "Țhu ila" tih pahin Hmingi chuan sofa ah chuan min țhut pui a, hmeichhe ngo veng mai, hmelțha deuh mai hi a ni a, kei ai a te deuh hret bawk a, kei ai chuan a nau deuhin ka ring.




"Mak minti viau lo maw? U Mampuia'n bialnu a rawn nei ve ta kha ka phur lutuk a, hmeichhia hi a ngaihsak lo bawk sia, a len tar kan hlau lutuk a" a ti nghal barh barh a, nel awlsam tak tur niin ka hria.




Chutah min rawn en vang vangin, "I van hmelțha" a rawn ti chhuak hliai a, ka lai dawn dawn alawm le, chhang lo chuan ka nui tawi tak ringawt.




Rei rial lovin Joseca te pawh an lo chhuk leh vat a, awm rei lovin damdawiin lam kan pan leh nghal.




Kan tlan lai chuan thil hrechhuak thutin ka țhu ngil hluai a, min vut a, mahse hmalam a hawi leh nghal.




A lam hawiin ka insiam rem a, ka melh nghal ran. "Josec" ka tih chuan min rawn melh vut, a hminga ka koh vawikhatna a ni a, engtin emaw hian ka awm.




"Sawi la, coconut" a tih chuan ka ner nang, "Tinge coconut min tih kher?" Ner nang hian ka ti a, a nui suk. "Ka coconut tereuhte i nia lawm" min melh lem lo hian a ti sup a, a vei nuih nghal suk.




"Tereuhte min ti kher suh" meng rawm chung hian ka ti a, a țhen suk. Tereuhte tih turin ka te lo hrim hrim. 5'7 lai chu ka ni ve a, mizo ah chuan a sang pawl ka ni ve, amah hi a lian em a, ka lang te mai mai.




"Chuan" ka ti leh hluai, ka sawi tum ka theihnghilh țep alawm. "Sawi la" dam dup hian a rawn ti a, ka țhu rem leh sauh sauh.




"Nizanah ka hmu che" ka tih chuan a bu nghut ringawt, "Zanlaiah" ka tih laiin, "Chuan" alo ti sup. "Hmeichhe pakhat nen in infawp" min rawn melh ta vut a, dak vahin ka lo en.




"I thik" tih zawng a sawi anih chu, ka melh rawm a, insawifiah a tum miahlo anih chu. "Aw le, i ngaih ang thil kha eng mah a awm lo." Ka la melh reng avang chuan a ti chhuak halh.




"Enge ka ngaih ang chu" mit hmul kan ak hian ka ti a, hmui a ti sawi zeuh. "Ka inrin loh laiin min fawp anih kha" a ti sup a, "Mahse i dang chuang hleinem" ka la ti hram.




"I hriatsual anih chu." a ti ringawt.




"Anih khanu ka tunge?" la melh reng chung chuan ka ti a, "Emilyi" ka va duhkhawp lo tak.




"A hming ka zawt lo che, i tan tunge anih?" Ka ti leh kher. "Ka țhian hlui, thil dang kan sawi thei tawh em?" Thaw halh hian a ti a, ka la lungawi zan lo deuh chu a ni.





Damdawiin kan thleng a, garage ațanga kan chhuah mek laiin kan lam pana Rickya leh Duhzuala lo inzui phei nen ka intawk a, Joseca ka va melh chuan alo meng rum leh nghal ringawt tawh.




"Bialpa i nei ve dek dek a, min theihnghilh nghal ringawt mai." duhzuala chuan kan intawh rualin alo ti nghal thawr a, lei ka chhuah khum vak ringawt.




Thawveng tih takah Lalduhzuala chuan, "Duhzuala ka nia, chuan heihi Rickya, i hming chu kan lo hre fo tawh a, he nu lah hian min in hmelhhriattum a tum mang si lo a" min rawn melh ralh hian a ti nghal bawrh bawrh a, hmui ka ti pawrh zeuh.




Inhmelhriattir tur pawhin nichin lawkah kan ni ve chauh a, lal Rickya hian thil ni lo lo a lo sawi tih hriat reng.




Joseca te nen chuan an in chibai a, Rickya nen an in chibai lai chuan an in melh deuh run run a, an mitmeng chuan eng emaw an sawi te hian ka hria.




Kan kalsan hnu thleng pawhin Rickya a ngainat loh thu mawlh chu a sawi a, hahthlak zawk hian.


.

"Ka țhian alawm" ka tih pawhin, " A melh dan che kha ka duhlo" a ti nghut. Ka sawi nawi peih tawh vel lo, kan țhianho zingah awm ve se a hre mai ang chu.




Zanlamah chuan Zualtei pawh a rawn lang leh hlawl a, chips leh cold drink vel alo ken chu ei pahin kan titi a, a ngaithla tur zawkah ka țang a ni ber.




"Ee...taka, thil hrilh tur che ka nei a" a rawn ti deuh hluai a, "Keipawn ka nei" ka tih chuan kan nui leh rih. "Sawi la" a tih chuan sawi hmasa turin ka lo ti ve tlat.




Mahse a thusawi chuan sawi tur minti hrelo chiang khawp mai.





To be continue



I chhiar chuan in ngaihdan comment ah in lo sawi ve dawn nia😘


Chuan whatsapp group hi ka siam ve mai mai duh angem ka tia, group dang vela ka share ațangin lo chhiar thin in awm tih te ka lo hria a, whatsapp group ka siam chuan hmun dangah share tawhlo in tah chiah chuan ka share tawh dawn a...in duh leh duh loh comment ah ilo sawi dawn nia....nih loh pawn whatsapp ah aw...duh i tam chuan ka siam ang...


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2022, 2:15 pm

♡Chapter- 11♡
By Mrs. Prejudice






"Tu bulah mah sawi miah suh aw, ih.... doctor Josec hi ka duh lutuk a, a hmelțha bawk sia, a fel bawk si, mahse ka sawi kha aw....tumah i hrilh theilo ania" a hmelah chuan a phur zia a lang thei a, kei erawh chu ka nghilh dupin ka hria.





"Enge i ngaihdan, mak i ti em?" a aw phurnaa khat chuan min zawt a, chhan dan tur ka haihchham chiang hle a ni. Ka ngaihtuahna a chawmawlh a, Zualtei'n Joseca a duh tih chu ka beng chhungah hian a khawk rum rum ni maiin ka hria.





"Tinge a? Diklo a awm ami?" Chhang mai lo a ka en reng vang chuan a rawn ti deuh haw a, mit ka khap fak fak.




"A mak" chu bak sawi tur ka hrelo.





"Nia, enteh ka hmuh hmasak ber ațang khan ka duh tawh a, a mizia ka hriat chian deuh hnu phei hi chuan ka duh zual. Ka pi check tura a lo kal te hian ka lo en leh dauh dauh zel a." A aw ah chuan zamna leh nuam tihna a lang tel a, chu erawh chu thaw ti ipik tu mai a ni.





"In inpawh hmel sia, nakinah min sawi pui la" ala rawn ti tak deuh deuh a.





"Kan....inpawh...vak hleinem" ka ti bah nawk a, ka nui lui hak bawk.





"Ka duh na a rei tawh ang reng sia, ka hrilh tawp dawn em mawni ka ti țhin a, mahse zaktheilo min tih ka hlau a, bakah bialnu pawh a lo nei thei a." Ka ipik tulh tulh maiin ka hria.





"Ee.. enge min hrilh tur chu?" Hrechhuak thut ni awm tak hian a rawn ti hluai a, sawi chi pawh ni nghal lo chuan.





"A...ka sawi tur ka theihnghilh daih" tih pahin ka nui lui sak a, "Ho thei ee" a ti nang nang.




Zan mutnaah thleng chuan Zualtei thusawi chu ka ngaihtuah a, a mipa duh em em nen kan inngaizawng tih hria se engtin tak awm ang maw.





Min haw viau angem? Nge ni a min lawmpui viau zawk ang.




Joseca chungchang a sawi laia a phur hmel te ka ngaihtuah phei chuan kan inkar tih tawp mai te a ni ka ngaihtuah ni. Mahse le, ka tih chu ka tih kan ti tawh mai aniang chu.





Kan inngaihzawn hnuah a duh tih ka hrechhuak chiah a, unaunute ngaihzawng chuhpui pawh ka ni em hleinem tih tein ka inhnem.




Zing ka thawh chuan Zualtei pawh alo tho diam tawh a, nizan khan a riak ve ta ringawt kha ania.




Vawiin chu Sunday a nih avangin ka nii'n in lama chawl ve turin min ti a, ka hnial bik lo, 'Vawiin chu keiman kan awmpui leh phawt anga, naktuk ah i awmpui leh zawk dawn nia' tiin nizana kan inbiak khan a rawn sawi a, tunah pawh hei alo thleng phei leh der tawh.





Chaw ei tur minlo ken chu kan ei a, rei vaklo kan awm leh hnu chuan Zualtei nen kan inzui chhuak.




Pawn kan thleng țep tihah min koh ri kan hriat avangin kan lehhawi a, kan lam pana Joseca lo pen phei pawk pawk kan hmu nghal.





Zualtei chuan a rukin ka ban a rawn țham vak a, ka phu zawk lehnghal. A hmel ka va en chuan alo sen țawn țawn thei nia!




Zualtei hi ka lo chik lo hle niin ka hria, rei tak chhung a duh tawh thu a sawi anih kha, mahse Joseca a hmuh changa amaha danglam hi ka hmuh vawikhat na chiah a ni.




"In haw dawn em ni?" Kan bul alo thlen rualin a rawn ti a, ka chhan hma in Zualtei'n zang vah in, "Kan haw dawn chiah anih hi, i riak em ni?" A lo ti a, kei erawh chu ka ngawi kar.




"Riak lo e, thil pawimawh ka la lawk anih hi, ka va thlah ang che u." A tih chuan, "A ngailo" rang fe hian ka lo ti a, min melh dun haw mai.





"Ih..kan tibuai mai mai ang che" ka ti sup. Nui sukin ka dar a rawn hmer zeuh a, ka lo ip deuh chawih thung, a chhan chu Zualtei ka bulah a awm reng vang a ni.




"Lo kal ru" tih pahin a kal nul nul a, Zualtei lah chuan alo hnial hauh lo lehnghal a, hnial te chu khawilam, a phur lutuk hi aza cheng zawk.




"Awii....a nawm zia hi" tih pahin min kuah ang nawk nawk a, a phur lutuk chu ka inthlahrung zawk.




Garage ah kal ve lovin gate bulah kan lo nghak a, Zualtei mawlh hi a ni, a nui vur vur reng a, a motor a chuan chu alo chak viau a ni mahna.





Kan bul a lo thlen chuan Zualtei chuan min melh ralh a, a beisei chu ka hria in ka hria.




Lo chhuak in car hmalam chu a rawn hawng a, chuang lovin seat hnung lam ka pan thung. "Zualte, chuang zawk rawh." Ka tih chuan a lut zal zal a, Joseca erawh chuan min melh vung vung mai.





Car hnunglamah chuan ka lut nghal a, ani pawh a lut zui ve nghal mai. Kan tlan lai chuan Zualtei chu a țawng barh barh reng a, a changin kan zawm ve zeuh zeuh chauh a ni.




Front glass ațang chuan min rawn melh leh zeuh zeuh țhin tih ka hria a, kei erawh chuan pawn lam ngawt ka en thung..




"Hetah lo chuang la." Zualtei kan thlah hnu chuan ati sup. "A hla tawh chuang hleinem" melh pawh melh loh chuan ka ti liam puat a, a rum nghut.




"Enge i hriat a?" chang lam lek lek hian a rawn ti a, ka thaw chhuak ham ham mai. "Enge ka hriat" mit ko san akin a tih chuan chal chuang nang hian min en a, ka nuih lui sak.




"Engvangin nge tiang hian i awm? Lungawi lohna i nei anih chuan țha deuhin min hrilh la" dam dup hian a ti leh ang lawi a. Zualtei chungchang chu ka hrilh mai dawn em mawni ka ti rum rum a ni.





"Lungawi lohna ka neilo."



A thaw hawk a, car ațanga chhuakin hnung lam chu a rawn pan a, kawngkhar chu a rawn hawng zui nghal. "A hma ah hian lo chuang rawh" a tih chuan ka chhuak ve ta nge nge.




Kan in lam ka pan lai chuan a țawng tamlo hle a, mahse ka kut a hum reng thung. La kangin a fawp leh vang vang zel a, a chezia chuan min thlakhlel zia a ti lang ni maiin ka hria.




A motor khalh lai chu ka melh leh zeuh țhin a, a țha chiang alawm. A khabe ruh kual nalh zet te, a hnarngul sang vak te leh a hmui sexy zet te saw ka thlir nin theih ka ringlo. A nui zawnga a mit sir chuai phei raih țhin te saw a inhmeh bik hliah hliah maiin ka hria. A mah ti lang pa zual turin a bekah hmur a țo siar siar a, tam erawh a ni lo. Amah hi 'perfect' sawi nan ka iai hauh lo.





"Ka lai ve thei tho ania" a thu rawn sawi vang chuan ka hawi sawn vut a, a nui suk mai.




"Inthlahrung suh, i duhtawkin min thlir thei ania" a rawn ti chuan, "I nghal anih mai chu" a lo ti vak a, a nui chhuak hawk.




"Enge?" A nuih hawk vang chuan ka ti hmuk. "Ka coconut duhawm zia hi chu" nui ruh ruh chung hian a ti a, hmui ti sawi zeuhin ka hawi sawn hmak.




In kan thlen chuan lo lut kawi turin ka sawm ve ngei a, mahse inkhawm a duh avangin a lo hnial thung.



Chhuah mai ka tum chu alo phal lo nasa mai, rei ngial min fawh leh hnu chuan lungawi hmel tak hian min en a, a mitmeng ah chuan a hlim hle niin ka hria, chu chuan ka chhungril lam thlengin min ti hlim lo theilo.





Nilengin ka roomah ka awm a, chhun lamah Zothana alo leng a, ka roomah awmin eng eng emaw kan sawi nual a, pangai taka kan inkawm lohna a rei tawh bawk a sawi tur pawh kan ngah khawp mai.




Doctora nen kan chungchang ka hrilh chuan a hriat daih tawh thu in min lo chhang a, 'Rickya'n a sawi a, hria angin ka awm duhlo anih kha, min hrilh hun ka nghak a' alo ti awlsam et a, lal Rickya țawngthei lutuk hi chu a.





"Enge i ngaihdan?" Tia ka zawh chuan, "Nangman i duh a, i hlimna anih dawn phawt chuan țha ka ti, mi fel leh rintlak tak a ni bawk a, mahse i nat ka hlau." Tiin min chhang a, keipawhin chu thil chu ka hlauh ber a ni.





Ni a liam ve bek bek a, Joseca nen kan inzui na pawh kar hnih lai a ni ve tawh. Joela chu a accident khan a nerve lam a khawih deuh avangin damdawiin an pan khat tawk reng a, a zia hleithei meuhlo.




Damdawiin lamah ka tap chawt a, Zualtei pawh a lo kal zeuh zeuh. Kan awmdun tawh hi chuan Joseca chungchang ringawt a sawi a, a mumanga a hmuh thu a sawi țum phei kha chuan awm a nuam duhlo asin aw!





Tlai lamah chuan ka pi chu a thawk a nuamlo deuh atih avangin an jection leh a, a muhil siai siai mai. Zualtei nen bawk kan awmpui leh a, phone ka khawih laiin ani chuan lehkhabu a chhiar thung a, inbe lem lovin kan thiltih lai kan ti mial mial.




Khawngkhar a rik rak rualin Joseca a rawn lang hlawl a, Zualtei pawn a hmu ve tih hriat takin a țhu rem nghal sawt sawt.




"Ka țhianpa te inah thil min lam pui lawk hman a ngem?" A rawn tih chuan chhan mai dan tur ka hrelo. "Ih.." ka tih laiin Zualtei chuan, "Ka hman asin" alo ti var a, Joseca erawg chuan a bengkhawn tehchiam lo.




"Nia...Zualtei nen" ka tih lai mekin, "Nangmah alawm ka mamawh" ti nghutin ka thusawi lai a lo pawt chat. Zualtei'n min melh tawn zak zak tih pawh ka mitsirin ka hmu, "Garage ah ka lo nghak ang che" ti nghutin a chhuak nghal nul nul.




"Tinge tikhan a awm a" hrilhhai hmel fe a Zualtei'n a tih chuan ka hriat bik loh thuin ka chhang a, ka zui chhuak ve nghal.




A sawi ang ngeiin garage ah chuan alo awm a, a car nghengin alo in kuangkuah hlun a, min hmuh rual chuan car chhungah chuan a lut daih lehnghal a, min lo nghah ve tur ania.





"Tinge kanla tlan chhuah loh a?" Ka luh hnu pawha kanla din reng avangin tim dai hian ka zawt a, thinrimna nei ang maiin a meng rum ul a, a nelawm loh hle bawk.




"Zualtei bulah hian eng vanga danglam tlat țhin nge i nih a?" a ti bung nghut a, ka chhang mai lo.




"Ka danglam ngai em ni?" Ti mah ila ka danglam zia hre chiang ber tu ka ni lawi a, "I hrechiang ber ang chu" a rawn ti reng bawk. "Min zahpui tiraw" a rawn ti leh mauh mai, ka zahpui vangah a lo ngai chu a ni phawt anga, engtin nge chutiang zawng chuan a ngaih theih!





"Teuhlo lutuk" ka sawi zawh lamah chuan ka nui chhuak hak. Kei hian ka zahpui lo a, ka chhuangin phulo ka inti hle zawk a, chutiang rilru a pu chu ka duhlo takzet.




"Anih chuan tinge tiang hian i awm țhin? Chhuna kan chawlh ho changin ka bulah i țhu duh ngai lo a, Zualtei bul hnaia kan awm apiangin min pehhel ziah bawk a, chhan chu a awm chiang alawm" a ti nghut nghut a, ka awmdan chu alo chik ru hle anih ka ring.





"A chhan chu Zualtei hian a duh che" zep reng thei dawna ka inhriat loh avangin ka sawi chhuak ta tawp. A ngawi vung vung a, a hnu deuhah chuan ka rinloh deuhin a hriat tawh thuin min chhang a, ka meng zau ngawtin ka ring.




"Kan inngaihzawn hnu lawk kha min duh thu a sawi a, chuan kan inkawp thu ka hrilh" tia a sawi lai chuan ngaihtuahna a kal thui khawp mai. Ka bulah chuan hria angin a awm miahlo a, chu ahnekin Joseca a duh zia min hmuh nawn tir zel zawk chu a nih kha!





"A hria tih min hrilh miahlo" ka ti zawi sep a, ka thusawi chu a hre kher lo maithei.




A țhianpa te in kan thlen thleng chuan kan țawng leh tawhlo, kawtah hmeichhe pahnih hian badminton an lo khel a, an inan danah phir an nih ka ring ve tawp.




A țhianpa chu a office a ka luh tawp ni a lo awm ve pakhat zawk kha a ni a, min la hre ve anih ka ring min nuih ve suk. College professor a nih hmel an țawngkam ațang chuan.




"Hmanni ah Afaka'n a sawi a, buaina a awm deuh elaw?" Joseca'n a tih chuan a țhianpa chu a nui suk. "College kal lai i ngawizawng a ti lehnghal ania aw" nui deuh hak hian Joseca bawk chuan a ti leh a, a țhianpa chu a nui hawk mai.





"E...taka heihi ka bialnu Zothanpuii, puipuii ania, chuan ka țhianpa hi Lucas Lalrinawma, Lucas emaw, Rinawm emaw i ti thei ang." Tiin min inhmelhriattir leh hnuhnawh a, kan in chibai leh hnuhnawh.




Thingpui in tura min tih tlat avangin kan in leh rih a, hna chungchang ngawt an sawi avangin ka hrethiam ve vak lo.




Damdawiin lam kan pan leh lai chuan a phone a ri deuh sek a, a chhang lem hlei lova, "Chhang la" ka tih chuan a pawimawh loh thu a sawi a, ka ngaihsak zui tawh lo.




"Ka haw tlang mai ang aw, zanin ka duty a ni tho a ka rawn kal leh ang" a ti a, ka kut a hmer pah zeuh bawk. Zualtei chungchang kha chu kan sawi tawh lo.




Damdawiin kan thlen chuan gate thleng min thlah a, ka chhuah dawnah ka hmuiah leh ka chalah min fawp zeuh a, a tlan chhuak zui nghal.




Zan lamah chuan a sawi ang tak takin a duty a, ka pi roomah pawh a rawn awm deuh reng nghe nghe a, Zualtei'n a rawn kal hma dawnloh thu a sawi a, ka pi a muhil bawk nen chimbuai tu nei lova hun hman chu a nuam takzet.





A chhuak dawnah chuan ka biang tawn tawnah vuanin duhthawh fe hian min fawp a, keipawn ka lo chhang let nghal thuai bawk. A tawp thei tawh dawnlo emaw tih tur khawpa min fawh hnu chuan a tawp ve ta hram alawm, kan thaw duh halh halh mai.




Mahse kawngka lama ka inher chu Zualtei nen kan mit a intawng nghal chat!



To be continue...


Whatsapp group chu ka siam tawh aw....link pawh ka rawn dah kha...😘


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2022, 2:15 pm

♡Chapter-12♡
By Mrs. Prejudice






Zualtei ka hmu thut chu ka phu nasa kher mai, keini pahnih chu min en reng a, a mitmeng ațangin a rilru tur awm ang ka hre thiamlo.




"Zualte" ka ti hliai ringawt a, sawi tur dang ka hre rih tlatlo. Joseca ka va melh chuan a danglam ve miahlo lehnghal a, a mit keimah ațangin a la sawn miahlo lehnghal.





"Ka kal phawt ang aw, Duati" ka chalah te chuan ala rawn fawp ang deuh deuh a, Zualtei awm laia hetianga awm hi a nuam ka ti lo.





A chhuak deuh chiah tihah Zualtei pawh a chhuak zui nghal daih a, ka umzui nghal. Gate bulah chuan ka umpha hram. A kut ka vawn chuan alo thing thla deuh sawk a, ka pai deuh nawk, ka va vuan țha leh nghat a, chutah lo leh hawiin min rawn kuah thlawp.




A awmdan chu ka rinloh lam daih anih avangin chet mai nachang pawh ka hrelo, min kuah chung chuan a țap khur nghal der der.




"Ih....ka tihpalh" chu ai thu țha sawi tur hriat ka chak takzet, ka inthiamloh zia hi hria se ka duh a, mahse chutiang tur chuan sawi tur ka hrelo.





"Ka rilnu ana a, ka lawmpui tho che bawk sia, ka thik che a, ka ngei bawk che, mahse....ka lawmpui tho che sia." Mumal lo deuh hian a rawn ti țiau a, a nui pah hak bawk.





"A tirah khan aman min hrilh a, mahse min hnawl nan a sawi mai mai emaw ka tia, alo ni tak tak sia" la țap pur chung hian a rawn ti leh a, a țah nuih a ni zawk mah.





Ka inthlahrun rualin thawk erawh a veng ta deuh alawm.




"Mahse, keichu min lungkham duh suh, in inhmeh ka ti, in lam ka țang ania" a kut zungpui ti pir vah hian a rawn ti a, nui lui ngial mahse a mitah chuan thildang daih ka hmu thung.





"Sawi tur pawh ka hrelo" ka ti chhuak halh a, nui hakin ka darah min rawn kuah. "I ngaihtuahna ațang khan dah bi daih rawh, chho leh tawh ang." Tih pahin min nam kal nghal det det a, engmah sawi tawh lovin ka kal ve nghal mai.





Ka rinai a alo pawm thiam chuan min ti hahdam nghal huai huai a, kawlpui kheng thlawn ang mai a ni.





A tuka Joseca ka hrilh chuan engmah a sawi lem lo, ngaihtuah muk hmel deuh hian a ngawi vung vung a, ngaih a ti țhalo lek lek a ni.




Rinkimi lung kha a thlakna tur an hmu hlauh a, Joseca'n a zai dawn nghe nghe a, min rawn hrilh kha chuan thinlung takin ka hlim ve niin ka hria. Mahse Joseca mawhphurhna a sang dawn hle a, sawi dawt lo mahse a huphurh ve hle in ka hria.





Chumi kar chu kan inbe tam lo hle a, Rinkimi chungchang mai bakah buaina neuh neuh a nei reng a, a buai lai tak a ni awm e, zanah kan inbe hman țawk a, inhmuh phei chu kan inhmu tam lo khawp mai.





Naktuk hi Rinkimi an zai hun kha a ni tawh a, zinga kan inbiak bak kha chu kanla inbe miahlo a, a buai anih ringin ka call duh ta lo mai.




In lamah ka haw ngai meuhlo a, damdawiin ah ka tap deuh chawt a ni ber. Haw ka chak vakloh mai bakah damdawiin hi ka ngaina riau tawh. A hiptu a na zawk pawh a ni mahna.





Zualtei a zin daih avangin keimah chauhin ka pi ka awmpui a, ka ni alo kal zeuh zeuh tih loh chu tumah an lo kal ngai lem lo, a changin kan tu hi a nei zeuh zeuh bawk a.




Ka ni alo kal avangin inchungah chho in thlifim te ka han dawng mai mai a, YMA țhutthleng pakhat hi alo inhung a, midang pawh an kal ve țhin anih ka ring.




Rei fe chu ka țhu in ka hria, thli a thaw heuh heuh bawk nen ka hahdam sawng sawng mai.




Ka țhutna ațangin ka tho a, chhuk tuma ka inher chu ka phu zawk, ka hnungah chuan Joseca alo ding reng chu niin, thawm te rawn neih ve tur ania.




"Min ti phu lawm, thawm te nei ve ta che" ka ti hlak a, min chhang lemlo in ka lam a lo pan. Ka bul a lo thlen rualin a awmah min kuah bei nghal thlawp a, ka bekah fawp nghal vang vangin a thaw chhuak suai suai.




Lo kuah let vein a awmah hmai ka phum ve vang vang a, ka bialpa bula ka awm hian ka hahdam țhin. Ni e....ka bialpa.




Min kuahna phelhin ka biangah a dawm a, min melh vang vang. A mitmeng chu a dul ve deuh a, a chau ve hle anih ka ring. "Ka ngai che" ril ruih hian a rawn ti a, ka lo nuih ver ver.




"Min ngai ve em?" A rawn ti thum leh dut a, ka bu nghut nghut a, a rum nghut. "Buk nghut nghut ringawt te chu" a ti bul bul.




Nui hakin a darah ka beng a, "Engtin vak nge ka tih anga" ti a, ka nui vur vur. "I sawi ka hre duh alawm le" a ti leh nghut . "Ka chau tehmai ania min duat viau rawh" a rawn leh chuan ka nui chhuak hawk a, amah lah chu a nui ve duh miahlo lehnghal.




"Engtia duat nge i duh a?"




Ka sawi zawh rualin a rawn kun hniam a, a beisei ka hre nghal, ka ner sak mai. "Vat" tih pahin a mit ko a san ak ak a, chimawm zetin min melh bawk.




Nui vur vurin a biang ah a dawm a, ka va awm hnaih rualin amah zawkin min lo fawp nghal. Nui sakin ka chhang ve nghal thuai. A fawhna chu a dam thlup a, dam dup siin a duhthawh ru em em thung a.



Ka chhehvela boruak chu an reh diak mai hian ka hria, infawh kherah hi chuan a zei thlawt a ni.




"Tinge nangmahin inchungah te i chhoh leh reng reng a, cabin thleng pawm phei i ngai leh mai tur asin" a rawn ti chhuak phawng, a aw ațang chuan a nuih aza tih ka hria, ka va ngei mai mai tak.





"Țawng thei suh aw" ka tih chuan a awm bawr chu a rawn țham vak anih chu, ka rak țhat a, a nui suk thung. "Mawla" tih pahin a nakah ka nghawk sawk a, a nui chhuak hawk hawk.




Inchung hmawr lam deuhah ka ding a, ani erawh chu ka hnungah dingin hnung lam ațangin min kuah a, ka darah a khabe a nghat bawk.



"Ka buai zualpui a reh hunah hmun nuam deuhah kan la kal dun dawn nia, tunah rih chuan hun ka neilo lutuk a" a ti sup sup a, a aw ah chuan a inthlahrung tih ka hria. "A pawi lo ania, i buai tih ka hria a, i hnaah insawrbing la ka duh zawk. Keichu rilru nawm loh phah nan min hmang suh, ka hrethiam lutuk che ania. Bakah keipawh ka pi awmpui ka ngai a, ka hman rih chuang hleinem" tiin a inthlahrun loh nan ka sawi ve luam.




Khatiang țawngkam ka sawi chhuak ve ta mai kha mak ka inti rum rum dawn alawm.



"Enga?" A thu rawn sawi vang chuan ka ti vak. "Ka nui'n chaw lo ei rawh se ati" thutak fea a rawn tih chuan ka zak ringawt.




"Ka duh teuhh lo mai" ka ti chiam a, min nuih suk ringawt. "Naktuk tuk leh tlaiah ka rawn hruai ang che" ta deuh deuh chuan a, "I mawl emai, ka duh lo ania, min lo hruai reng reng suh, bakah damdawiin ah ka awm dawn" ka ti nghal zat zat.





"Chhuk tawh ang" a ti daih lehnghal a, a kal nghal nul nul. "Hey, Remruatsang" ka tih chuan ding chawtin a rawn lehhawi a, "Min lo nghak rawh" ka ti nghut.




Kan chhuk chhung zawng chuan ka duhloh thu ngawt ka sawi char char a, min chhang duh tawh miahlo lehnghal. "Lo kal la" ka din tlat vang chuan a ti sup a, ka ding tlat.




"Aw le, kan sawi țha leh dawn nia, țha em?" A rawn tih chuan ka kal țha ve mai, mahse ka la tum bur tho. "Ka chhungten an hmu ve chak a" dam dup hian a rawn ti leh a, ka huphurh lawk a ni ber mai.




Tlaiah Zualtei a lo kal hlawl a, ka hmu thut chu mak ka ti khawp mai, a lo haw dawn tih a sawi lawk loh avangin ala zin turah ka ngai a, alo lang hlawl bawk nen ka hamhaih vek. Amah lah chuan mak ka ti lutuk chu min nuih ang uar uar a.




Keychain mawi deuh mai leh țhi locket hi min lo hawn a, keychain chu Kei, amah leh Lydiai te nen a inang, mahse a rawng dang a ni a, locket chu kan pahnih ta tur a ni thung. Thla lem ka neih laiin arsi lem a nei thung a, mawi ka tih em avangun ka țhi ah ka vuah nghal bawk.





Zan lama ka ni leh Lydiai lo kal chuan album hi an lo keng a, kan țetlai vel a ni a, damdawiina awm e ti lo chuan kan rak chel chul mai a, kan nui hnem hle bawk.




A tuka Joseca'n Ruatkimi a zai dawn chuan țawngțai pui turin min chah ve thlap a, hun rei rak hnua tih takzet a ka țawngțai lehna hmasa ber a ni awm e.




Pathian hi a awm ka ring a, Christian chu ka inti ve bawk. Mahse ka piangthar chiah em ka hrelo. Ka nundan ka en let apiangin Pathian ka zah a, ka manganna te ka thlen hreh țhin bawk. Ka chunga vanduaina leh harsatna a thlenin Amah ka dem ngailo a, a țanpuina chu ka dil ve țhin, mahse chu pawh chu a chhanna ka beisei ngam lo.




Mi tam tak chuan an chunga vanduaina thlengah Pathian an mawh puh a, 'Awm tak tak se chu ka chungah hetiang a thlen tir lo ang' tih rilru an pu țhin.




Mahse keichuan ka pu ve ngailo. A chang chuan ti hian ka ngaihtuah țhin a, Pathian tana rawngbawl a, țha taka nung țhinte pawn harsatna an tawk a, Pathian lakah an vui ngailo. Chuta kara thil țha pawh ti ngailo, Pathian bia a, fak ngailo hian ka chunga thil thlengah Pathian dem theihna ka neiin ka hrelo tlat a ni. Ka thil tih mil zelin rulh ni dawn ta ila, vui thei ka niin ka hre lo.





Vanneih thlak takin an zai hlawhtling hlauh a, ka lo hlim ve veng veng thei. Rinkimi chhungte pawh an kim țhap a, Joseca lah chuan a chhungte awm laiin min inhmelhriattir a, a hun leh hmun pawh ni nghal lo chuan.




Joseca chuan a pa a chhun zawk a, a nu erawh chu nu te lam, ngo deuh mai hi a ni a, a hmelțha hle bawk. Midang an tam deuh avangin kan inbe vak hlawm lo a, mahse naktuk tlaia an ina chaw ei ngei ngei turin min hrilh a, ka nui tawi tak ringawt.




Zualtei bulah chaw eia min sawm thu te chu ka hrilh a, a phur viau lehnghal. "Naktuk chu keiman ka lo awmpui ang, riah tho i duh pawn chaw ei khamah hetah ilo tlang leh mai anga, nih loh pawn keimah pawh ka riak thei tho a, i kawr hak tur vel pawh keiman ka lo ngaihtuah vek ang." A phur reuh lutuk chu ka nui tawp, amah zawk kal tur te pawh a ang alawm





Zanah pawh chuan thil dang kan sawi dun hleithei meuh lo, min sawi pui nasa lutuk a keipawh hi ka phur vek tawhin ka hria.



Zanlai dawnah kan mu ve thei hram. A tuk zingah chuan ka harh hma hle a, tumah pawh an la harh lo. Mut leh ngial ka tum pawhin ka theih tawh tlat loh avangin ka tho chhuak nge nge.





Zingkar boruak chu a vawt deuh vur a, chuti chung chuan a thiangin a hahdam em em lawi a, inchungah chhoh ka chak thut avangin inchung lam kan nghal.





Puan nuam pan te ka sin a, ka chho hnak hnak. Inchung ka thlen chuan ka hah ve deuh, ka thinphu pawh a rang țha zaih zaih khawp mai.




Țhutthlengah khan mipa pakhat hi min hnungchhawn zawng hian alo țhu a, a ruangam ațang chuan a te zawk zawk lo tih a hriat. Va pawh mai lovin ka tawi hrut hrut a, chhuk leh chu em a ka ti ve deuh sia, mahse ka pawh mai ngam chiah si lo a.




"Rawn kal țha ve hle hle mai la" rawn ti thum dut tu aw ka hriat rualin ka hawi phei vut. "John" ka ti hliai ringawt. Ani berkher chu ka beisei loh lutuk tlat.




A lampan chuan ka kal a, a sirah chuan ka țhu thla ve nghal. "Hetah te enge i tih ve tehmial a" ka tih chuan, "Ka nu ka tlawh a" tiin min lo chhang a, "I riah pui em ni?" puana in khuh țhat mawlh mawlh pah hian ka ti a, "Riah pui lo, ka tlawh zawk a ka la haw peihlo mai mai" a tih chuan ka bu nghut.




"Ee...i hoodie kha ka la kawl asin, ka va laksak lawk dawn che mi" ka tih chuan lu a thing ngut ngut a, chutah chiang zeta min rawn melhin, "Zothana nen khan enge in inzawmna?" A rawn tih chuan, "Maw?" Ka ti deuh haw.





"Zothana nen in inzawmna ka zawt che" ka lama thle deuh bak hian a ti a, min hmul a kan uk bawk. "Țhian, ka țhian țha ber leh ka unaupa ania, ani ai pawimawh ka nunah an awm lo maithei" ka ti deuh duah, Zothana chungchang hi chu sawi nuam ka ti thei reng a ni.





"Țhian chauh maw?" A rawn ti leh hram. "Aw, tinge min zawh tehthut a?" Ka tih chuan "ka hre chak" a ti ringawt.




"In inhre sa em ni Zothana nen chuan"



"Veng khatah kan awm alawm" a tih chuan ka hau in ka lo en, Zothana te nen hian naupan lai ațangin kan in țhenawm tawh ka tih kha, ka nu leh ka pa an ințhen hnu khan veng dangah kan insawi kha ania, kan insawn hma pawhin Johna hi ka hmuh ngai awm ka hrelo.




"In awmna a rei tawh em? Keini pawh kan awm țhin a, Zothana te in bul chiahah khan, mahse kan insawn tawh a" ka tih lai chuan, "Ka hria che alawm, ka hriat na che a rei tawh." Alo ti sup a, mak ka ti tulh tulh mai.




"I țhi ka pawh chah tawh kha, ka hmaiah min ham hrep lehnghal" min rawn melhin a ti deuh hluk. Ka ngaihtuah vang vang a, ka hrechhuak thut. "Lalsangpui, nangmah maw?" Ti vakin ka ding chhuak hluai.



Engtin nge ka hriat lawk loh theih zawk le? Kan inkawm nasa thei lutuk. Kan in khualtelem țhin a, Zothana nen nupa lemah kan chang țhin a, a ni erawh chu Nu-i nen an chang țhin.



Kan infiamnaah ka țhi min pawh chah sak a, ka țah bai bai lai te kha ka mitthla uar uar thei.



"Tun thlengin Zothana chuan ala hauh bur che a ni maw" a tih chuah ka nui mai a, ka chhang lem lo. "Kan inhmuh leh hmasak ber zan kha i hria em? Misualin min tihbuai zan kha" a tih chuan ka lo aw thuai a, kha zan kha chu ka theihnghilh tawhlo ang.




"Khatah pawh khan ka hre tawh che, chuvang ania khatia ka tih" a tih chuan ka nui hak. "Anih chuan khami te kha an hlauhawm loh tihna em ni?" Nui hak hian ka ti a, "Hlauhawm teh nang, sual ve viau mahse hmeichhia chu engtin mah an ti ngailo" nuihza insum deuh hian a ti a, ngei lutukin ka melh hrep.





"Ivan â tak, ka hlauhthawn hman zia kha" tih pahin ka awm te ka dawm leh vel a, nui rah rahin min lo en.




Zing ni chhuah thleng chu kan țhu dun a, mipa ţawngtam tak a ni hran lo a, a ţawngmawh lutuk lo bawk. Kawm nuam ka tih chi tak mihring a ni a, a rilru a chhe lo tih a hriat hle bawk.




Zingah chuan Zualtei chu kan chaw ei tur la turin a haw zawk a, a rawn let leh chuan kawrfual var, simple zeta par hi a rawn keng pek a, "Tlaia i hak tur." ala ti zui.




"Saw tiang ka ha ngailo reng reng, top leh cardi hak ka lo tum deuh a." Ka tih chuan a chek tlak tlak a, hahthlak min tih hmel deuh hian min en.




"I va han kawlo tak, pangai deuha in inhmuh vawikhatna tur ania, nu hnapa i lan a ngai alawm mawle" mi ti zek a, beidawn hmel deuh hian min melh ka ti mai.




Ka pi pawh Zualtei'n a hrilh a, a phur ve hmel lutuk. A hria apiang hian min phur pui a, a kal tur ber lah hian ka huphur nasa mai sia.




Tlaiah chuan min lo hruai ta ngei a, ka inchei dan a hmuh chuan min en vung vung mai. Zualtei kawrfual lo ken kha ka ha a, ka rinai daihin ka inhmeh a, ka khup khuh vel chiah chiah a ni a, a ban bul a ni bawk a, tunlai khua a lum deuh bawk nen hmuh ka hahdam viau chuan ka hria. Ka sam sang deuhah kan bawk a, ka sam rawng hi an ngaimawh viau a, mahse tih vak ngaihna a awm tawhloh avangin kan khawih danglam lo.




Converse ka bun leh tawp a, mahse make up erawh ka hmang vak lo. Ka landan chuan hmeichhe dik tak angin min inngaihtir ni maiin ka hria, ka inringtawk viau bawk.




"Wow, i nalh lutuk bawihi" tih pahin ka chalah a fawp vang vang a, ka lo nuih sen sen.




An in lam pana kan tlan lai chuan ka zam lutuk chu ka kut a tuai sek a, ka kut te chu a thlan vek tawh. Hetiang em em hian ka la zam ngailo.




Ka awmdan chu a hrethiam a ni mahna ka kut chu a rawn hum a, "A țha vek ania, an hmu chak lutuk che." A ti sup a, Ka kut chu a fawp nghal vang vang, tlem chuan minti hahdam ve deuh, mahse a reilo mange.




An in gate chhunga kan tlan luh lai te chuan ka lungphu chu a thlawk chhuak mai ang tih hlauhawm khawpin a phu rang a, haw leh mai te ania ka duh rum rum.




An in chu a var a vek a ni a, a lian in a design pawh a changkang hle bawk. Floor tile a in phah vek a, floor tile an phah lohna chinah chuan hmin a țo vek tawh. Pangpar chi hrang hrang awmze bei zet hian a inrem phei thluah bawk a, enkawl uluk tih a hriat ngawih ngawih.




Inchhung kan luh kai te chuan Joseca ban chu ka kuah țai a, ka awmdan chu min nuih leh ringawt zel, kei erawh chuan rum deuh hian ka melh thung a.




"Mampui, inlo thleng tawh maw. Helamah lo phei ula." Hmeichhe pakhat hian nui sangin min lo chhawn a, a nu leh pa te awmna lam chu kan pan nghal.




"Daisyi ka nia, u Daisy min ti mai rawh." Nui sang hian a ti a, "Puipuii" tih pahin kan in chibai a, nui hmel a pu reng bawk nen hmuh a nuam takzet.




"I hming hi chu ka lo hre fo tawh a, Pa Țhakim min ti dawn nia, Mampuia nu hi Nu Mawii ania" tiin a pa chuan min chibai a, pa hmelțha tak chu a ni. Joseca nu pawh chuan min chibai a, an vai chuan hmuh an nuam em em vek a, ka zam lutuk pawh a zia ta deuh.




Rei lo teah chaw ei an rawt thuai a, puih ve ka tum chu an phal lo nasa mai. "Ti tur an awm alawm" an tih pawhin ka ti lui ve tlat.




"A pawi chuanglo, i chet fo na tur i ni sia" U Daisyi'n a tih chuan ka biang a sa hat hat thei. Nula pahnih an awmpui a, tihtur chu min hrilh țha ve mai bawk a.




Dawhkana plate pakhat ka dah phei leh tur chu a pit thut ka ti mai, ka plate ken lai chu ka thlauh keh ka ta chuai mai!



Chawhmeh lah chu a baw vek lehnghal! Uii....ka van zak tak em!





To be continue.....
Ads minlo click sak leh hram dawn nia😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)