KDB BY Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KDB BY Apuii Tlau (Completed)

Unread post by Ngaia » May 1st, 2022, 9:44 pm

9qtdraip.jpg
Thingtlang a a hna an transfer avanga khawpui chhuahsana awm ve rawih tlangval fel em em tih tur ni lo, sual ni miah lo a țhenkhat tan erawh biak huphurh awm ve țhin tak mipa zaidam zawk zawk lo leh tleirawl tè, a nu leh pa avanga an khua a a school kum tawp ber tur class - xii kal tur a haw te intawn dan leh an kal zel dan te ani dawn a, hmangaihna khur ah nge vanduaina zawng a za an tawn buakna li pui ah an luh zawk dawn? A hmunah thingtlang ka hman dawn avangin a zeh tel theih ang anga thingtlang nun zeh tel ka tum leh dawn a, ngaihnawm leh nawm loh tur erawh a mihring a zir😆
Chhiar ula, chuan feedback min pek sak leh vek bawk dawn nia....



KDB - CHAPTER :- 1


AGNES LALDUHSAKI (POV)



"Dar engzah velah nge rawn chhuah in tum?" lehlam atanga ka nu in a rawn tih lang lang chuan "Hre lo, Au Mapuia hian chaw ei khamah a tia, dar 10 chho vel bawr ah niang" tiin ka rindan vel chu ka sawi a, ka nu pawn alo pawm hle. Rei zet kan inbiak hnu ah fimkhur tur leh kan chhuah dawna be leh tur a min chah mawlh mawlh hnu in phone kan dah thei ta hram a. Kan sitting room ve deuh zau lo te a kan țhut phah ah chuan ka țhu thla nghal duai a.




"I in pack fel tawh ami?" U Mapuia'n bathroom atanga rawn chhuah paha a tih chuan "Umm" ka lo ti thuai a. "Theihnghilh leh lei hmaih palh vel i nei nge nei lo ngaihtuah la aw, kal leh hun ala hla mai thei sia" ti ve leh sup in room lamah inthlak turin alut phei a. Kei erawh vawiin nileng kan che hah buai bawk nen ka mu hle hle rih.




Ka phone rawn ri chu peih lo zet in ka ban leh a. Ka țhiannu Hmangaihkimi



"Aw"


"Teh tawp a, min va biak peih lo hmel Eki" a rawn ti nghal hlar a. Ka nui sak ringawt. A thinchhe ve mai sia.Ka best ve ber ania, mahse kan inhmu khat khawp mai, kan school luhna a inang lo bawk nen, mahse țhianțha tet te atanga kawm tawh hi zawng thinlungin a pawh a kan inthlah thei tak tak chuang lo.



"Peih teh nang!" nui chunga ka lo tih chuan a chek tlak tlak a. A ner nasa leh dawn tih lah hriat reng. Chumi vang te pawh chu niang ka nui ka nui mai.



"Ngawi mai teh! ka tum ka țhulh san leh zawk dawn che emaw ni" a rawn ti leh kha kha a. Engtak tum ve leh ni maw. A rilru lian chi hi ani ve a, an inchhungah pawh a duh apiang chu ti thei tluk ani, a luhlul em a achang hi chuan. Mahse aman sual phahnan a hmang hran chuang lo erawh a lawmawm lam ani. Sual leh vaih phei se chuan a nasa ngawt ang tih theih ani mai thei. Mahse ka tan erawh ka best ani tho tho.



" Sawi la duatpui" țhu chhuak pah chuan nui chungin ka ti a. Ka tui lumna lam ah chuan phei in alo so chiah bawk nen ka off nghal zat bawk.



"Min tlawn vel suh, mahse ka sawi hram ang, kum 1 chu han inhrawn ve leh ila?" a tir lam pawr viau mahse a tawp lam erawh a nui pah deuh a. Kei erawh a sawi awm zia hre lo zet in ka lo hawi hil leh viau tawh.




"Engti hrawn maw, Eki" ka tih leh chuan a rawn pawr leh viau mai.Thinchhe ve hlir hler sia, kan awmdun chuan kan in hau reng a , kan inhlat hian kan inngeih ve deuh mahse kan inngai ve leh em em thung lawi a. Khua a kan haw chang phei chuan kan inkawp chawt zel. Kei min hmu chuan Hmangaihkimi hmuh inring se an ti sual ngai lo chutiang bawk i ani lamah pawh.




"I thluak lo ve thei sia! Ka rawn let ve lo tawp dawn emaw ni!" a rawn tih kha kha chuan ka ngaihtuah thui ve deuh a, hriat chhuah zawk ka nei.




"I ti tak tak em?!!!" duh aiin ka aw ring. Ka thunun hman lek lo miau a, mahse a thusawi khan min țhawng em ani! A dik anih ngat phei chuan ka mood chhe lutuk pawh a zia deuh ang




"Mi zawt nawn tawh suh! Ka nawrh nasat zia chu, nangmah vang hri hre khan, mahse i tel ve dawn tih ka sawi lo ania...." a rawn ti leh lar lar a. Kei erawh ka khek chul tawh. A sawi ang tak tak in a nawrh nasat viau pawh ka ring. Ka hlim lutuk chu tih tur ber pawh hre lo in ka phusa kual ve ta niin ka hria.




"Ka duatpui, ka duat zia che hi......Thil min rawn hawn lo nà teh! Silver bengbeh ka duh nia" a rawn ti leh nghal zat zat a. Ka hnial lo nasa mai.




"I va han fel tak! Ka bulah awm la chu...." ka tih vang vang lai chuan "Tenawm suh, Lalduhsak!" a rawn ti leh hlar a. Kan inbiakna kan ti tawp hnu te pawh chuan ka nui țha reng tho.




"Enge ni vur vur" Au Mapuia'n room atanga rawn chhuak in a rawn ti ta chiah reng a. Ka hma a thil lo thleng tur ka huphurhna zawng zawng te chu Hmangaihkimi vang chuan a reh fel vek ti tih thei hial.




"Akimtei alo haw ve dawn....ka sawi awmzia chu higher kan kal ho thei dawn tihna" phur zet hian ka lo ti lar lar a. Tum bak bak a ka thil phal lai a awm lo ang tih tur ang vel in ka mood a fuh.



"Ka nu te leh Nutei te chhungkaw tan chuan in ring renga awm leh angai dawn ava ang ve!" a rawn tih chuan ngei zet hian ka lo melh nghek a. Choka a tui rawn fill pah chuan ala nui vur vur zui.
"Christmas hmanga in rawn haw dun ringawt țhin pawh an huphurh ania" a rawn tih leh chuan ka bula thil awm hmasa ber chu chuh vat in ka tin nghal uai a, alo indang ve zat bawk. Ka mood a tih chhiat vek hma hian inbual san daih ang.




Agnes Lalduhsaki ka ni a, a țhenin Dus min tia a țhen in AG min ti bawk, Ka rualpui te aiin ka class ahniam hret a, a chhan pawh ka naupan laia ka hriselna țhat loh vang ani ber. Akimtei erawh 18 tho ni mahse keimah vang bawk in class 2 a beinawn, ka tan hian hlu ve deuh mai ania. Class - V ațangin Holy Faith Lunglei ah kal in, Class - ix ka nih in kei Aizawl lamah ka kal ta thung a, Au Mapuia vang deuh hian. Akimtei erawh tun thlengin ala kal thung. Tunah class - xii kan ni dawn a, kan khaw lamah kan awm tam lo bawk nen ka nu leh pa in tunkum chu saw lama zir ve turin min duh deuh a, a chhan pawh hmun dangah kan awmsan deuh reng a, tunkum bak kan khawlamah zirna hun a awm tawh dawn silo, xii zawh chuan college ani maia hmun dangah awm tho angai dawn a, an bulah tun kum lam chu min thlahlel ve deuh bawk nen ka awm mai a țul kha ania, mahse Akimtei awm tel ve thei tur erawh ka lawm. Țhian kawm ngheh vak ka nei silo, țhian chu ka nei del dul ve tho nang hian kawm deuh bik alo awm zel hi tiang deuh hi ani mai.Ka nu leh pa ten Akimtei nen kan awmdun tur hria se Au Mapuia sawi ang tak tak in an phur ve teh chiam erawh ka ring lo. Kan sual lo a mahse kawng engkim a țha zawng emaw a chhe zawngah pawh kan inthurual theih zel avang hian min veng hneh bik țhin silo a, kan ti buai ve rap rap țhin mahse nasa deuh a ni bik lo.




Ka nu leh pa hi zep loh chuan la valai tak ani ve a, kum 45 - 50 inkar an la ni ve ve. Ka pa hian kan khua ah Hardware dawr lian ve pangngai tak anei a,chumai nilo eng eng emaw inchhungkhur bungrua vel pawh kan kawl nual tho, kan khua mai bakah kan khaw chheh vel ho bungraw rawn lakna ber anih avangin kan phui sui viau bawk.
Ka nu erawh Health worker ani. Unau 3 chiah kan ni a, kei leh Rohluzual(U Mapuia) leh kan upa ber Roluahpuia (Apuia) te kan ni tawp a, Apuia hi class Xii a pass hnu ah zir zawm tawh lo in ka pa dawr lamah hian a pui tawp a, keini a naute erawh kan la zir zawm ta thung. U Mapuia hi graduate niin chumi zawhah eng exam emaw pek tum in coaching a kal tawp a, a hau tak ve phian bawk. Kei pawh class xi ka nih kha DCA certificate ka nei tawh, ka pa in a rem lai atia kan khaw mi te tho Aizawl lama computer zirna hawngte hnenah kan unau in min kal tir tawp kha nia.Mahse alo țha zawk daih.







Zing chaw kan ei khamah motor ah kan in thiar lut fel a. Rin aiin bungrua ka ngah zek bawk. Nimin lamah kan khawmi tho ka cousin te rawn zin phei in ka pa motor KUV 100 chu an rawn khalh phei a, sumo a phei ngai lo tur chu a zia viau mai. Au Mapuia hian Scooty secondhand chu anei ve tho nangin long run tur atan chuan kan peih dun chiah bik lo bawk nen kan inluahna te garage ah kan dah ve daih a, amah hi a phei leh vat dawn tho avangin angaihtuah awm loh tur ah kan ngai ve mai.




"Akimtei chu engtik nge rawn chhoh ve atum, Lunglei lamah ala awm ve ani lawm ni?" kan tlan chhuah hnu lawkah Au Mapuia'n a ti a.Nia kan mak ve ma deuh chu school kan chawlh chang pawn kan haw ve zen ngai lo, abik takin kan tum rual te nih loh chuan Christmass bawrah chauh kan haw țhin.




"Vawiinah an zu lam ve dawn tho in ka hria!" ka tih chuan a nui suk suk a. "Ka nu te tan chuan a lungngaihthlak leh dawn ve!" awmze nei zet a min rawn melh zeuh paha atih chuan ngei zet hian ka lo melh let. "Ti ve ziah suh, chutiang kan ni bik lo" ka lo ti hlar a. min sawi dan hi kan sual hmel ka ti, kan sual tawp silo.




"Sual lo e, mahse naughty" a tih leh sup chuan ka lo ter leh at tawh. "I thinchhe ve reuh sia....tun kum christmas te ngaihtuah kir ve ta che, zanlaiah scooty in la chhuak ru a khawpawnah in lo han kal thul, zaikhawm tura chhuak petrol pump ah te inlo zu kal leh daih a, a changlah in ka picnic e intia, khawi khawi ramah emaw inlo vak chhuak ve ringawt zel bawk si, en loh kar hlekin eng emaw ropui deuh inlo ti hman ziah a, thlakhat chhung lek pawh in inhmang thiam thei bik" a rawn tih chuan ka nui tawi tak tawh. A sawi a sawi chhuah a ral ah chuan tlem chuan kan chimawm ve deuh anih hmel.




Sawi pui duh tawh lo in ka ngawi ngal a. Akimtei nen kan in text zauh zauh a, ani pawh an bazar phawt dawn anih hmel. Motot dinna remchangah chuan Au Mapuia chu din tir in bengbeh zawrhna chu kan melh kual ngial a. Kan tlan pelh tawh lam chhak zet kawi ah chuan ka han hmu, ka va chho peih lo tak.




Mahse peih loh pawh sawi thei ka ni bawk silo, ka han kal leh vang vang a, silver bengbeh kual lian lem lo tak chu la in ka tan tlem a cheina awm ve deuh chu ka la tel ve bawk.



Motor ka thlen thlak leh a ka thil lei ka hmuh chuan Au Mapuia chuan ho a tih hmel viau lehnghal. Kan tlan ta vang vang a, chaw ei sa a kal kan ni bawk a kan motor ala fit țha bawk nen chuan pawh a nuam phian. Kan inlama kan khawsak tlem em avang hian kan motor a han chuan ve te hi khat deuh ania.



Thenzawl ah thingpui kan in phei a, khua kan hlat tawh vak lo bawk nen kan tlan leh chu kan hmanhmawh tawh teh chiam lo. Dar 1 a pel awrh chauh ani bawk a. Kan naupan lai thil ho zet zet ka ngaihtuah phei a, mahni chuan ka nui ka nui mai. In marble kan uar ve lai phei kha chuan Akimtei hi a thiam ve thei bawk sia kei erawh tlaw.....Keini aia nau te an khelh pui ngei a, a man apiang a perh chhuah kha keiin ka lo chhar nghauh nghauh a, in rubber miss tih vel erawh kha chu kan peih dun leh miah lo thung. Kan inkhualte lem apiang in keini aia nau ho kan kawm ziah a, a chhan pawh lalnu anih duh vang leh tirh kual vel ah...kei erawh Lal fanu lem ka chang ziah a, kawiàm(Kawlthei) hnah kha pawisa lemah kan han hmang ngei a, kawiàm hnah kan lo nasa thei lutuk kha a kawlh vek lo chauh a, api te kha an thinrim thei ania aw....




School ban apiang in ruah sur tlaiah tui hawk kan dai haw ngei ngei ziah a, ruah sur loh lah in kawngpui ah kan ke in lung kan rap hrual chho a, kawng kha a rang nuai zel mai bakah kan pheikhawk chhuat te kha a va ral duh tak, a chang lah in kaw pangngai a haw duh lo in tlang lam atang ten kan han haw kual vel a, a hlat hlat nen khan kan va han peih tak.




Kar lohah khaw chhung kan lo lut fel der alo nia. Ka sanna ka bih zeuh a. Tlailam dar 3 leh a chanve bawr alo ni der tawh.Kawnah chuan kan dawr kawt ah motor chu a ti ding deuh dat a.Tukverh a ka dah chhuah vat chuan ka pa kan lampana dawr atanga lo chhuak ka va hmu zat bawk. Dawr sir thlanglamah chuan dawr a thawk te ni awm tak in pick up ah tile an lo thiar lut mawlh mawlh bawk.




"In chau em?" motor bula rawn din pah chuan a rawn ti thum dut a. Ka lo nuih var var ringawt.
"Chau em em lo e, in va buai hmel ve?" Au Mapuia chuan alo ti vat a.




"Nia, tlai ah cement alo thleng leh dawn bawk sia, rod lam nen.....Apuia pawh khaw țhenawmah bungraw dahin a kal daih a" a ti dam leh dap a. Pa țawng tam lem lo, dam thlup hi ani rauh a, abul ah hi chuan ka pangchang thei viau bawk.



"I chau awm, kan rual in lo haw ve daih la" ka tih chuan anui hawk hawk a. "I nu in alo nghahhleh em che u kha, han chho tlang nghal mai rawh u....keini chu kan la buai emai" tiin ka sam a rawn tuai zeuh a. Kan inlam panin kan chhoh san lehnghal. Kawn ațangin chhim lam zawh chho in hla vak lo ah,kawng hnuai lamah peng a awm zauh a, chu chu kan inkawng, kan in pawh alo lang nghal ruai mai. A hma kan kalsan hnuah rawng kan hnawih țha an tih kha alo ni tak tak a, Dark brown lampang leh cream white deuh reuh niin ka hria kan tual lam pawh cement in motor kalna lai tur bik an lo zut vek a, adangah lei ala ni ve tawp mai.




Au Mapuia chuan horn an pe thla mawlh mawlh a, chimawm ve siah. Tuala kan din rual chiah in kawngka pui a rawn inhawnga ka nu a rawn chhuak nghal hlawl mai, nui var var in min rawn pan vat a, rang zet in motor atangin kan lo chhuak nghal vat bawk.



"Intluang em? In chau viau lo maw?" tiin min rawn pan thuai a, nui var var in ka lo kuah nghal chial thung. "Chau lem lo, dawrah ka pa kan ranw tlawh chho a an lo la buai viau zui" U a zawk chuan alo ti vat a. Kan bungrua a hnunglam ami chu kan la thla nghal mawlh mawlh bawk.



"Nia, bungrua ho tum aiin an lo thleng hma a, tlailam phei chu kudam lamah nangmah emaw in han kalpui ve peih la, i pa hi a chau ve thei lutuk a Sintext alo thleng dawn ati bawk nen" ka nu chuan lo ti zui mawlh mawlh in inchhunglamah ka thawmhnaw ho chu kan dah lut a, kan in bul vel hi thing kung leh huan thlanglamah a awm dul bawk nen anuam ka ti.
Inchhunglam pawh rawng an lo hnawih thar vek bawk nen alang thar vuk mai.




"Keipawh dawrah ka lo zu pui ve ang" ka tih chuan min nuih tawi tak duh chauh.Țum khat dawr bungrua chhe te in ka lo ti buai palh tawh a, khata țang khan ka nu hian khawih aphal tawh vak lo.




"In inbual duh em? nge thingpui kan in hmasa dawn" A tih leh chuan "Kan inbual tawh, kei chu ka peih tawh lo" ka lo ti vat a.Choka lamah inzui pheiin thingpui a siam rak rak a, stool ah țhu at in ka phone ka phawrh nghal zat a. Akimtei text lo awm ran chu ka hawng nghal zat bawk.Tlawng an lo thlen tawh thu alo sawi a, darkar chanve lai aliam tawh chuti nih chuan an lo thleng har tawh miah lo ang.




Thingpui sà țha ver vawr leh waiwai leh chana,hmarcha purunsen leh eng eng emaw nen a bawl bowl te ah fiante nen min rawn pek tel chuan ka lo țhen țha a, ka sam rawn tuai leh thuak pahin ka nu pawh a nui sak a, U a erawh cake a chhawp thung.




Kan school hlui lam leh ka țhiante chungchang vel ka sawi zui barh barh a, ka nu pawn helama addmision vawiin a last date anih tawh avangin an lo tih fel vek tawh thu alo sawi ve bawk. Akimtei chungchang erawh ka la sawi duh lo, surprise ve ani mai.




Thingpui ina choka kan țhut ho țhap lai chuan *Ka duatpui!!!* a rawn ti ta lang lang mai le! Ka nu in phawk zet in min rawn melh a, kei in tlawn nuih deuh a nui pahin ka tlan chhuak ve nghal.
Kan kawmchhak kawngpui ah chuan an motor alo ding ran a, amah alo chhuak mek bawk. Nutei kan lam site a țhu pawh kawngka ka lang chiah chu alo phawk ve nasa mai.




"Min hawsan ru, tan ka awm rih dawn" an motor bul ka thlen chhauh lai chuan Akimtei chuan alo ti lang lang a. Nutei in hahthlak tih hmel zet in alo melh khai khai bawk. Ka nu te pawh ka bul an raen thleng chho ve vat a.




"Ag(azee), i lo haw ve lawk em ni?" nutei min rawn melh paha dam zet a atih chuan nuih rah rah pahin ka nu ka melh a, a kawng dawm meuh in alo thaw hlial thung.



"Hetah XII zawh tir kan tum a, kan chah haw a vawiinah an rawn thleng ve chiah anih hi" ka nu chuan kan pahnih a min melh dun pah chuan ati hlak hlak a. Nutei chuan rang zet in min rawn melh dun zat a, keini pahnih lah kan lo inkuah leh hlun tawh.




"Kan HMANGAIHKIMI helama rawn kal a ngenna chhan anih dawn chiah chu!! " a rawn ti ve hlak a. Ka nu nen an han sawi dun hrep a, addmission lah an lo la ve ve tawh sia, kan school luhna hlui atang lahin kan lo in drop out ve tawh bawk nen min dan duh si dang thei silo hmel chu an lainat awm țep.



"In fate kan nih hi, sual viau teh suh u....min tluk lo lutuk!" Akimtei'n a tih hlak hnuah kan inlam panin min kuah thla nawk nawk a, ka nu te erawh tih ngaihna hre lo in an nui lui ringawt vel tawh ka ring. Hmeichhia ah chuan a der dep e an tih mai awm em chu ni bik lo mahila ka nalh lem lo, 'A hmelțha mahse a it awm loh!' tia sawi zui ka ni ziah a, kan nui mai mai zel. Nalh loh khawp a cher erawh ka ni bik miah lo, ka induh khawp ve tho. Akimteii erawh a squad peih bawk a, a chaw lak a țha bawk nen a nalh zaih zaih hle thung. A kawlh a, tupawh a kawm thei mahse a mil lo tawh te erawh ti ve bawih bawih ngam khawp a dawihzep lo ani, a rilru sual loh zia erawh a kawm tam apiangin an hria ang.




"Awiii, ka hahdam sawng sawng mai!" kan inchhung a luh rual rual chuan ti chiam in sofa ah a mu thla nghal zawl zawl a.Tet te atanga heta khawsa ve deuh thaw ani bawk a ka unaunu tluk zet ani.



"Chaw ei ve nghal rawh aw, Kim" ka nu chuan a rawn ti lut nghal lang lang a. An bula min ven theih laia awmdun hi chuan an phal lo hran miah lo, min ngaina tawn a nu leh pa pahnih kan nei tih hial khawp vel an ni. Mahse an hlauh ber zawk chu an tello a kan lo hawi pir ve zeuh zeuh hi ani mai. Țum khat sawi leh lawk ila meizial kan lo zu ru ve ngei a, an hre leh sia, beng min han suk tir mai a, Akimteii te inah vawi 50 kan su a, kan inah 50 tho kan sim chiang asin, kan la tet tet nen khan engtia na chang hria nge maw kan lo nih ni.




Zanah chawei kham hnu fe ah ka zu thlah ve leh a, kan in hi inhlat tia sawi tur ni miah lo ani a, kan inthlang kawi hnihna kawng chhak lamah in lianpui nikum hmasa lawkah an sa. An inhmun hlui erawh bangla veng lamah daih ani.





"Engtik nge school țan kha" an sitting room ah thei ei a tv kan en dun ran lai chuan a ti leh a. Ka mal chungah a lu nghat in chhuat ah ka thu a ani erawh amu leh zawl zawl tawh.




"Kar leh Thursday ani in ka hria.." ka lo tih ve niah niah chuan min ngaihsak leh tawh ang pawn a awm lo."Uni form pawh ka la nei lo, naktukah zu inteh ila" ka tih leh chuan tv lam ngawt amelh a, a chalah ka beng thlarh erawh a rawn pawr leh viau mai.Kei lahin ka bia a hriat loh thu ka lo sawi ve ngat bawk. A hnuah kan sawi dun a alo phur ve leh viau lawi sia.




"Hmangaihkim, nula ini ve tawh chhuat ah te mu zawl zawl suh! mi te reu reu an rawn leng ang tih a hlauh awm, kar huau huau bawk suh" Nutei room atanga rawn chhuah paha a rawn tih hlak hlak chuan tum burin a thu țha ve mai a.Patea erawh ngawi rengin kan piah deuh sofa ah a rawn țhu ve. Ani hi zawng ngawi renga fiamthu thawh țhin ka ti mai zel, a nel thiam tan chuan pa țha leh fiamthu duh deuh ania, hrawn vak lo tan erawh pa țawng mawh lam te pawh a ni ve ang.




★ Next Day



"Khawi lai thleng vel nge i duh tawh, khup khuh an ti tlangpui a" Kan form țhui tir tupa in a tih chuan "kum khat chauh alawm ka hak dawn, khup chung hlek kha" awlsam zet hian alo ti leh pek. Nia keipawh khup khuh em em chu ka duh bik lo.



"School in țan hunah chuan in rawn ti fual duh ngei dawn ania, khup khuh deuh hi ti mai ru" ala ti hram a. "Tinge pu, khup khuh kher an tia mi?" ka lo ti he haw thung.



"In zirtirtu te hian an rawn sawi lawk tlangpui a, uni form chu khup khuh hram hram tur hmeichhe tan, mipa pawh an rap thei te anih em loh chuan fual lua a awm lo an tia lawm" alo ti sam et a. An va strict hmel reuh. Akimteii pawn min rawn melh ve zauh zauh mai.



"Khum chen chiah chiah tho kha kan duh chuti" ala ti hram a. Keipawh cher nen fual deuh ka duh bik teuh lo, pitar ka ang awm si.



"Pu Zai" rawn ti sup ri ah chuan rang zetin kawngka lam kan melh vut hlawm. Kawngka ah chuan tlangval sang zet kawngka chung chen dawn khawp hi alo ding a, a hmel a tak ngal mai, a nel awm loh tih a hriat nghal ngawih ngawih bawk.



"E, Pu Daniel lo kal rawh, lawk aw mami" tiin min tehna chu a dahthla sawk sawk a. Chupa pui lah chuan min la melh run run zui. A meng rum lutuk chu kan rel emaw tih mai tur vel ani.




Pu Zaia chuan coat a rawn phawrh hlawl a, a grey lehnghal. Chupa pawh chu rawn lut in a va ban ve vat a, a ha chhin nghal mawlh mawlh bawk. A coat hak zawh darthla langa a in en ve chu amah ai mah chuan nalh ka lo ti hial ta ve ang. A inhmeh ngawih ngawih.



"Dik lo lai ala awm em?" Pu Zaia chuan vir kual vut vut pahin a ti leh a, inhmeh ati ve nge a nui sang mai. "A țha viau e, engzah tur nge" tiin a hlip nghal mawlh mawlh a, pu zaia pawh chuan polythene rawn la in an khung dun leh mawlh mawlh mai.



"250/- ani mai, siam țhat tur a tam lem lo bawk a" tiin pawisa an inpe zui mawlh mawlh a, a chhuah dawn thleng chuan min melh leh tawh eih lo. Induh tawk ve ngal ngal awm hi ka tia.



"Kan khua ah ka hriat ngai pawh ka hre lo e a" Akimteii'n a rawn ti ta chiah reng a. Keipawn ka lo ngaihtuah ve mek, khapa ang kha ka la hmu ngai miah lo tak tak bawk.



"Aw, khawpui lamah in tal rei ve alawm, tak tak a kan khua a soil J.E thar anih kha, nikum december thla khan a rawn join a, mahse a rawn inbenbel(bengbel) tak erawh febuary lam daih kha ania" Pu Zaia chuan a rawn ti ve mai a. Min teh zawh hnu ah muang changin kan haw chho leh a, Hmangaihkimi lah chuan ice cream lei ala ngen tlat zui, pawisa neih loh ve ve nen.



"Khapa kha a chhe miah lo, ka hual nghal!" Akimteii a ice cream liah hliau hliau paha a rawn tih chuan ka melh nghek. J.E meuh te chu kan kum nen pawh a in thlau dawn lu lai lutuk, awm lo thei.



"Min melh vak suh! I tan alawm ka hual" ala ti tak deuh deuh a. Kei erawh ka lo nur nang nang ang. Ngaihzawng à deub pakhat chiah ka la nei, kei ai mahin Akimteii'n a hlimpui zawk a mawl buang buang lutuk kha ka țhen tawp a, thla 2 chhung min la tih buai chiam hnu ah a reh ve ta chauh kha nia.



"Thu lawi lo zet zet hi sawi suh! I nu sawi ang tak tak in i kim lo deuh ani lo maw...." nui chunga tih leh tlan ka rual a. Ka hming pum a ring zet a min rawn koh hrawk rual in lung chhar in min rawn um ve nghal a. A va naupang chhiat theih tak.




In țhuai nawk nawk chunga kan ina kan luh leh chuan kan sitting room a lo țhu te kan hmuh chuan kan ding dun chat.


"Enge in rawn tih dawn?" kei aiin Akimteii chuan alo ti hmasa leh thawr a. Nia, heta an rawn lang thut hi amak ve bawk em ani, kum 3 zet kan inhmu tawh lo hial ta ve ang.



"Hmangaihkim Misualnu.....kan lo haw ve!" tih hlar pahin Feli a rawn ding a, Ateii pawh a rawn tho chhuak ve nghal zat a. An nui dun sang mai sia. A hnu a thu chiang an han sawi erawh kan ri zui hlut mai. Ateii leh Feli te nen hian childhood friend chu kan ni ve tho nangin lehkha zirin an chhuak bo hma bik a, an lo haw khat bawk, inbe ve zeuh zeuh mahila kan inpawh dan erawh tlemin a pawn lang tawh a, mahse hei helamah rawn kal ve an tum takah chuan kan nasa lehkhawp ang.




◆SUNDAY


Sunday anih tawh a chawhnu lam len ngei ngei tur a ruat ang tawp chi kha kan nia, Baptist nih bawk nen chawhnu lam len hi chu a inrem bik.Chhungte'n motor hman phal bik hek lo ke in kan kal țhawng țhawng a, kawnah dawrlian inhawngah ei tur lei khawl țeuh in tlang lamah kan inzui chho leh ral ral a, ho deuh deuh sawi tur an hre tam si kan țhen reng ani mai.




Khawthlirna awmna thlanga tanky thar an siam mek tui an la dah loh an peih vek tawh si chungah kan țhu dal a. Kan piah lawka far kungin alo ti hlim ve bawk nen khuan alang chiang mai si, a boruak nen a nuam thlawt.Sunday ani bawk nen motor thawm bengchheng hriat tur avanga a khat tawk a, biak in dar ri leh, a hnu deuh a khuang ri leh dum du. hriat tur a awm deuh nual tih mai loh chu leng ve dang te thawm nen bak hriat tur avang hle.




"Higher zawhah college kal ho tawh ang u aw" Feli'n a rawn tih chuan "Nia, in te kan luah ho anga" phur hmel zet in Ateiin alo thlawp nghal zat a. "Sawi chu awlsam, ka nu hmel mitthla rawh u" Akimtei'n a rawn ti ve thung. Kan nui ri hak mai. Kan nu leh pa te hian kan rilru puitlin loh zia keini ai daih in an hria a, min hau min hau pawh hi a awm lo hran miah lo.



"Tih dan a awm ve leh mai zel alawm" Feli'n alo ti ve leh a. Nia, anu cheng man ber ani miau a a duh chuan kawng a dap hneh leh dawn lutuk tih lah kan hre vek sia.



"Ehe, khu in khu an luah elaw?" Tia Ateii'n a kawh na lam chu kan hawi nghal țhap a. Kan meng deuh awk hlawm ang. Kan awmna thlang thlang chiah a tlang mual ve deuh tho a in mal din ani a, abul vel ala awl viau nangin a pang velah thingpui kung a awm nual bawk. Kan khua ah chuan inding hmasa pawl ani a, a rei tawh ang aiin an thing hman a țha nge ala rawp in ala chhe lo hle a, a nei tu ten an ti hnum țha peih bawk a a la țha fu in ka hria. Mahse a neitute kha an pem daih sia, tunge maw luah ni.



"A chhung ka hmu chak reuh, a hlui tawh sia hmanlai insaka sak ani dawn sia, adangdai reuh fu ang" Ka lo ti ve vat a. An ni pawn an lo ti ve tliar tliar tho. Inlam en a kan ti ti melh melh lai chuan kawngka pui a rawn inhawng a, tlangval sang zet kekawr bul chauh ha in a rawn chhuak ta mai!



"E he!" Kan awi rual țhawț laiin Akimtei'n alo ti leh bik chuang a. Kan melh țhap bawk.
"Khu khu, Dus-i tan ka hual anih khu, Pu Daniel-a" phur zet hian ala rawn ti tak deuh deuh. Khapa bawk kha maw lo ni. Rum zet a ka va melh lai chuan kan țhiante pahnih lah chuan hriat chak hmel zet in an lo zawt nghal zat zat a, vawikhat chauh kan la inhmu a engvanga sawi zui reng nge maw anih reuh ni.



"Pu te i tia, tlangval ala niang ala chhiat hmel miah lo, a hmel pawh ral atang mah nise a chhe miah lo tih ka hrethiam" Feli'n min ko min rawn san khum zeuh zeuh pah a a rawn tih chuan chuan nà zet in adarah ka beng dawt a, "Ringawt a che u, vawikhat bak kan la inhmu lo Hmangaihkimi hian a * zawk anih kha!" ka lo ti hlar a. An ni ho erawh chuan 'anilo ang, nangmah niang' tia melh ang tak hian nuih rah rah in min melh a. Ngeiawm hlawm lutuk mai.




*************************************


★Notes :- He story hi maw ka duh ber ber te thlan khawm a ka thai kualna ani dawn a, a thupui *KDB* pawh hi țhenkhat tan chuan in rin loh lam daih aniang. Feedback țha tak tak min lo pe leh ula, inzirna tur tam tak te pawh a awm leh nual mai thei a, order tawp tawp a inhrilh lo in hriatnuam deuh hlek turin in hrilh tawn thei bawk ila, in feedback chhiar te hi anuam ve a😅 Țang tlang leh dual dual ang u aw....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:44 pm

KDB


Chapter - 2


Kan leng haw te chu khapa kha min chhaih zui reng vang ni maw ka lo ngaihtuah leh vung vung zel. Ninawm reuh hian, bakah a upa lutuk alo ber ah kum 10 chuangin kan inthlau dawn sa engvanga min chhaih tlat nge maw an nih ni. A hrim hrim in ngaihzawng te pawh a nei ve awm reng sia, ka ning a ka lo inngaih bel ve leh ringawt hi...



★ First day HHSS


First day ah pawh form kan hà nghal țhap a, lehkhabu kan ak nghal vek bawk.Junior ho pawh inthlahrung hmel zet in an lo awm khawm laih a, keini erawh 12 tur ni ve tho mahila kan new comer ve tho sia, kan room tur a min kawh hmuh ah bag kan va dah ve tawp hnuah pawnah kan ding mawl ve tawp mai.



"Kamis ban tlawn kher ania, alum si!" Feli chuan ati hlak hlak a. Kamis ban tlawn mai pawh ani nang, sam kan țawn țhap a a dum vek hman an ti kher bawk, make up hmang ve deuh an awm nual nangin keini ho erawh lipglose bak kan hmang lo.Akimtei pawh țawng haih chham lo tih takah biak theih amual mual anei leh țeuh tawh.



Rei vak lo ah dar a rawn ri a, building hma ah chuan kan in line ta țhap mai. Kan vai chuan 100 dawn kan ni ve ang. Hmeichhe invawng fel fai zet leh induh tawk ve tak tih hriat nghal ngawih ngawih chu office lam atanga rawn chhuk in Palian pui in ahnungah a rawn zui a, a hnungah teacher dang 6 in an rawn zui bawk.



"Stand at ease!" Palian pui in a rawn tih chuan rang zet in kan ding țha nghal a. "Attention!" a aw ring țha phian lehnghal. Vai a ang lek lek ţep bawk.



"Good morning students" Hmeichhia rawn kal hmasa ber in a tih takah chuan kan lo wish let rual dual a. Teacher ho chu ding țhap in min melh vang hlawm mai.



"HHSS ah student thar te kan lo lawm a che u, dan awm sa admision in lak niin in nu leh pa te paper in kan rawn thawn vek a, in lo hmuh ngei pawh kan ring first day chauh ni mahse checking kan nei dawn tho a, bul țan țhat chu a zah ve zo tluk ani an tih ang kha in lehkha zirna leh he school naupang in nih chhung chuan in nunah kan hmu duh ngei bawk ang!" a tih dap dap hnu ah Sir zawk kha amitmei zauh a. Chumi rual chiah chuan "Right about turn!" a rawn ti leh nghut a. Kan in her rual țhap hlawm mai.



Sam țawn sang ho an beng chung hlek che che chauh ah an țawn tir vek a, kut tin sei ho ko chhuak in nailcutter in an hleh tir nghal vek bawk. Make up hmang ho lah chu an han hre thei khawp a, an hmai an phih ta sap sap mai. Hmangaihkimi bawk kuttin sei zingah alo tel ve leh a, a chhuah ve tak hnu hnu kha.Kei erawh ka nu thusawi zawm a rules and regulation ka lo chhiar kha ka ti fuh leh bik khawp mai.



"Tiffin atan engpawh pai kan phal a, u chuak erawh a intih kan beisei lem lo, Kei hi in principal ni tur Vanlaldinpuii Miss Dini ka ni a, midang ho erawh in class a an rawn kal hunah introduction te inla nei zawk dawn nia" a tih leh lai chuan an koh chhuah ho pawh chu an rawn inline zawm leh ta sap sap a.




"Lets pray" Sir in a tih sup rual chuan kut an suih nghal sap sap a, keini pawh kan suih ve zat bawk. Lord's prayer kan sawi rual țhap țhap hnu ah, kan room lamah kan kal a, 11 ho erawh room pakhat ah an dah khawm rih thung.



Kan subject lak Akimtei nen a inang a, Ateii leh Feli Sec - A lamah Pol.sc leh history ah an awm thung. Keini Sec - B niin Economics leh geo kan kawp. "Tan țhu an awm lo ami?" Akimtei'n a zawh chuan awm loh thu an lo sawi vat a, a hmasa ber ah kan pahnih in kan țhu ve ral mai. Mahse kum tel liam hnu a class khat a țhut leh te pawh anuam ve reng reng alawm.




Rei vak lo hnu ah class ah tlangval sang pangngai ve tak ngo pangngai tak a rawn lut a.Kan lo ding nghal vat. Sir Remtluanga niin Geo teacher ani a, a fel phian mai. School thar ka ninna ber introduction kan han pe leh zat zat a, class tin a ngai bawk nen ka ning tlat. Kan class chu a pumpui in 30 bawr ve kan ni a, Sec - A lam erawh 25 an ni awm e. Junior ho erawh an tam phian thung.



Ban dar a rik chuan tumah haw lo a inline leh tur an tih vangin kan in line leh țhap a. Kan sir Palianpui a bawk kha rawn chhuak leh in naktuk lam khawtlang lam a cleanliness day emaw ni hman tur anih vangin kan school pawh hnatlanga a huho a kal ve tur anih thu a rawn sawi dap dap a, hnathawh thawmhnaw nen kawnah innghah khawm tur anih awm chu.



"Enge a an?" in chhung ka luh rual in ka nu in alo ti var a. "A nuam, mahse rin aiin an strict hmel!" ka tih chuan min nuih zui var var ringawt.



"Kum tin cent percent an pass vek ziah a, a tam ber 1st an ni a, Distinction an nei ngei ngei bawk, 3rd an awm ngai miah lo thung, second an awm leh hlek a, 1st an tam ber zel" alo ti ve leh mai a. An țang bawk a a awm reng ang, kan zirtirtu te kha an ti mai mai lo tlat a.



"Naktuk kan hnatlang dawn a, khawtlang huap te atia sir khan" ka tih chuan lehkha khawtlang hruaitute lam atanga an dawn thu leh intin atang mi 1 țheuh angaih thu a rawn sawi a, Au Mapuia a hman ber a kan chhungkaw ai awh in kal mai rawh se. Apa leh Apuia chu an buai thei emai, dawr lam nen.



"Nu, kan sir te strict zia chu min kun tir a kan pawnfen kaihza aia sang over ho an tih fual tir leh vek mipa ho pawh an check vek" tiin vawiin lama kan awmdan ho ka sawi niah niah a, buhthlei mawlh mawlh in alo ngaithla ve kar a, keilah uni form pawh thlak hman lek lo in abul a țhu in ka sawi tui ang reng sia.




★Next day


"Lukhum te kha khum la, ni a sà thei sia tunlai chu i lu te nà ang" ka pa chuan chaw ei laiin a ti ve mawlh mawlh a, min ngaihtuah ve ania te ber tih takah.



"Refreshment a awm dawn an tia, tiffin pai angai dawn lo aniang a" ka tih chuan ka nu chuan alo sawi zawm vat a, khawtlangin faina lam kan ngaihtuah nasa bawk a, tunlai chu in elna ang reng deuh in inleh a vel pawh a fai uar uar hlawm mai, hetiang hi a khaw mi te tan pawh anuam a, ran an khuah khirh bawk nen khawtlang pawh hmuh nuam tawh tak ani.




"Inrinni ah tih tur in nei em?" Apuia'n min rawn melh paha atih chuan in a awm bak tih tur vak kan neih awm ka hriat loh vangin lu ka thing mai a. "Anih chuan cement khu, khu Pu Zathanga te in kawt ah khuan zu thiar ula inhlawh in in duh em? I țhiante sawm la" a rawn tih chuan ka lo rem ti nasa mahse engin nge kan thiar ang, motor kan khalh thiam ve bawk silo.




"Mahse engin nge kan thiar ang?" ka tih chuan "Țhela a awm alawm, In nawr țawk țawk anga, bag 20 vel ania nga 1000 inhlawh dawn nia" a rawn tih chuan phur tak hi ka ni ringawt. Chutiang lek lek kan nawr theih hi kan ring khawp a, ka nu erawh chuan kan intih palh leh mawlh a hlau a, a phal teh chiam lo, mahse ka pa leh Apuia'n an phal miau a a sawi buai ta lem lo.




"A lum lutuk, alum lutuk!" A khat tawkin kan intih chhawk sek a, ni e alum ve bawk em ani, kan awm khawmna lai lah chu ni ala kang țha em em zui. Khawtlang huap ani bawk a kan tam khawp mai, school hrang hrang nen chhungtin a 1 nen. Kan khawtlang hi in 1000 bawr vel kan ni ve tawh bawk nen kan tam viau pawh chu a awm lo hran lo.




Khawtlang hruai tu ten eng eng emaw an sawi leh nual hnu ah hnathawk turin min țhen hranga kan school kawng lam tlanglamah keini kan ni bawk a, garbage bag nen chemkawm nen kan inzui chho ve duah duah mai.



"Kha khalai mi pali te kha hetah rawn kal teh" Sir Remtluanga anlo tihna lam chu kan hawi vat a, kan lam alo hawi reng chu niin rang zet in kan pan ve nghal.cement ip min lo pe in bawlhlawh ho lo thiar turin min lo ruat hi alo nia, tlat mai a.




"Dus,Dus,Dus...." rawn tih ruai pahin bawlhlawh zu paih zo Lalfeli te pahnih chu an lo au chho ruai a, chiam chiam zet a. "Hawi let nghal lo la, I bialpa hual kan hnungah khuan alo kal ve ania!" min rawn hnaih chilh rawk rawk paha a rawn tih rual chuan min rawn hnaih lutuk bawk nen inrin hman hek lo leiah ka la țhu hnawk zui.
"Khawi.." tih leh Hmangaihkimi hawi arual a, chumi rual chiahin a hmaiah Ateii'n a rawn nam nawk a, a teh chiam chiam hian




"A ho, a ho, ka hual pawh anilo Hmangaihkimi hian a duh nih kha nei vek rawh u" ka lo ti hlar a. Nge maw min chhaih sek hlawm ni. "Ngawi țawț rawh, khu ai țha i hmu tawh lo ang ka phal lai hian nei mai mai rawh" ata ang hrim chuan Hmangaihkimi chuan a rawn la ti zui. Vei tak hian!



"Ka duh nghawng nghawng lo" ka tih hlar chuan an nui chiam chiam a, mawl hlawm nasa si. Kei erawh ka tum bur, hawi pawh ka hawi ve peih lo. Ka duh ka ti pawh nilo nge min chhaih ve reng ringawt ni."Hmangaihkim nui chiam chiam lo khan min rawn zawn pui hle hle rawh" an la nuih reng avang chuan ka ti hlar a, nui țha chungin min rawn la zawn pui hram.



"Hetah alaw in paih!" bawlhlawh kan paih laia rawn ti nghut tu lam chu rang zet hian ka hawi rual țhawt a. Hmun tinah enge a awm reng a hepa hi. Hmangaihkimi lah chuan min rawn la signal ve nasa mai.



"Sir ten an tia" ka lo ti ve nghat a. A sawi dan vel kha inla thu hmel si, thu tak tak pha silo ang kha anih duh hmel.



"Hetah chuan paih tawh loh tur, a thlang khu kawng ania chumai bakah helai chu alangsar lutuk" a rawn ti hmuk hmuk a. A thinrim ve ringawt emaw ni. Blue jeans dà lam deub ha in body fit T.Shirt a dum a hà leh tawp a, chumi chungah kamis ha leh tawp in a chilh phui lo thung.Cap dum a khum ran bawk.



"Keimah ni thu a paih kan ni lo ka tih chu, Sir te min paih tir alawm Sir te hrilh la an thu thu" nin hmel zet a ka lo tih leh chuan chiang zet hian min rawn melh run a. A melh nà hrep lehnghal. Ka zam ringawt emaw ni a mit ah tak melh nuam ka ti miah lo chu thil mak ani.



"A nih chu!" ti hmuk in a inher nghat a, akal nal nal. A pen zau bawk a kan sir te awmna lam chu a thleng har lo, eng emaw ava sawi pui niawm takin an inbe nghal mawlh mawlh a, keini pawh kan thawh lai thawh zawm turin kan kal ve nghal zat bawk.



"A mit mengah khan a rawp hmel che!" Hmangaihkimi'n a rawn tih rual rual chuan a hnungzangah ka beng thlawp a, henu em em hi!
"Anà....Lalduhsak! khawlum nen thlan nen a thip zui vawng vawng" a rawn ti hlar a. A awmdan en chuan ka lo beng nà deuh mah mah tih ka hrethiam zui a nuam lo ka ti ve leh deuh si.Kan han intlawn zui leh nghawng nghawng kha.



"Chawl ang u aw....kan zo thawkhat viau e" Sir Palianpuia khan alo ti lauh lauh a. A hming kha Dawnga ni ta in ka hria. Kan school thlang lawk kawngpui an lehlam lehlamah chuan a rem dan dan in kan țhu darh nuai a, helam veng ho nen kan tam ve viau bawk. Kan awmna lai chu a hlim lai ani bawk nen veng sang lai thli tamna lai ani bawk a, anuam reuh phian mai.



"Lalruatfeli te țhian ho kha hetah rawn phei teh u" Sir Remtluanga bawk in a rawn tih leh chuan kan ner ru nasa mai. "Ruatfeli hmelhriat neih țhat man kan hlep anih hi" ti hlak in Ateii'n a mawngah a ben sak zauh a. Chuvang anih chiah chu min lo koh min lo koh bik. Hrim hrim in abula a ding run pa vang sawn ka kal peih lo asin le, rem run mai. Ka țhiante ho ve lah hi an insum zo loh leh nà chuan ka chan tur chu....Ninawm kal loh theih siloh.



"Enge Sir" Feli chuan kan thlen phei rualin a ti nghal zat a, an hnungah kan lo ding ve zat bawk.
"Refreshment tur zù lam angai a, hei nangni ho leh Sir Daniela te nen hian zu kal lawk rawh u" a rawn tih chuan Hmangaihkimi'n te ho chuan min rawn signal zauh zauh hlawm anih chu. Ka inhum ruh țeu ringawt, Sir te pahnih lah chuan min melh kur bawk sia an hriatthiam ve te pawh a hlauhawm zawk.



"Kan kal thei nghal em?" A rawn tih dut chuan an lo bu sap sap a, kei chuan melh pawh ka melh duh lo, a hmelchhe miah lo mahse tia min chhaih reng hian ka ngei phah daih. Nuam pawh ka ti lo.
A kal vut chu kan zui nghal dam dam a, kan piah deuh kan volleyball khelhna mual ah chuan motor alo hung reng chu niin.



A motor ka hmuh chuan ka meng ve awk mai.Hmeichhia e tilo hian motor hi ka lawm em em a, two wheeler ho aiin four wheel ho ka lawm leh zual bawk. Kan hma a motor ding pawh chu Brezza var fai zet ani a, a kekawr atanga a key chu phawrh in a hmet zuah a motor chu a ri zauh a, a unlock ani ve ang.



Motor hnungah chuan ka țhiante chu an lut nghal zat a, luh ve ka tum chiah tih in Hmangaihkimi'n zu phal lo ve ringawt a. Rum zet a ka melh lah chuan hmalama țhu tur a min mitmei pahin a khar hmak lehnghal darthlalang chhan atang chuan rum zet hian ka melh reng a, min la melh ve duh miah lo zui, a duhna ah hi chuan sual thiam ve thei tak hi nia. Tunah erawh chuan ngei ngawih ngawih tak ka ni.




"Kan kal thei em?" rawn ti leh vut tu chu ka melh ve vat a, car kawngkhar dawm ran in min lo melh phei ve run mai. 'theih lo thei lo' ti mawlh mawlh chungin thinrim ru țun in front seat kawngka ka hawng rawp a, na zet a ka khar rual chuan a chek hluk lehnghal.




Kan tlan chhuah hnu pawh chuan ka ngawi ran a, ka țhiante ho lah chu an tim ve nge an țawng bik lo. Kawn ah ding thla in kan ei tur an lo dah ho chu motor ah kan load mawlh mawlh a, frooty leh biscuit cheng 10/- man tam zet ania, ril țam viau mahila ka ei peih miah lo thil an ni ve tlat. Biscuit hi ei ka nei tlem khawp a Good day leh cheese cream hi ani deuh tawp mai, in chi lamah lah duhkhirh hlawm tawp ka nia, a thlum lam chi engmah ka duh lo ti tawp ila a fiah ber ang.




"Class - Xi nge Xii in nih?" kan chho leh lam chuan ati ve ta hram a. Chhan ka tum lem lo, an ngaisang bawk a chhang hlawm teh se. Nge mi duh loh pui min chhaih luih reng ni.



"Class - Xii, Sir helama i awmna a rei tawh em?" Feli chuan alo ti nghal zat a. Hem huam hlawm hian.Front mirror atanga a ka melh zauh chuan an lo la nui sawng zui, chhe chukchu hlawm lutuk.



"Febuary khan ka rawn join ve chiah, helamah in awm lo ami?" a ti zui ve mai a. A motor khalh lah chu a dam vei phian a, min chhaih reng lo se chuan ka nel ve mai thei ni.



"Aw, Middle kan kal lai atangin khawdangah kan awm char char alawm mahse kumin ah Dus-i kha anu ten helama awm tir ve tawh an tum sia kan rawn zui haw ve vek"Hmangaihkimi'n alo ti vei thliam a, inla inno vel lutuk. A dawheh heh nen.



"Anih chu, Aizawl lamah em ni?" ka rin aiin a țawng duh. Nichin a a sual sual nen hetiang awki pawh hian min be tawp silo a, a lerh aniang hmeichhe rual zinga a awm meuh chuan a zia adang daih alawm, midang bulah awm laia a inlak thu tak ve ve nen.



"Keimah hi Lunglei ah nia, ka bula mite pahnih hi Serchhip ah Dus-i i bula ami kha Aizawlah Lalduhsaki nih kha" ngei zet a front mirror atanga ka melh leh nghek chuan melh pawh min lo melh leh duh tawh lo. Ka bula țhu run pa lah chuan Hmangaihkimi thusawi a hrethiam aniang tih turin alo la nui suk zui.Ka hming sawi kha angai bik kher lo, midang a sawi ve vek pawh ni hlei lo.



An țawng leh vak hma chuan kan thleng chho ta mai a. Sir Remtluanga lah chuan min tirh chak zek zek ang maiin alo ding nghal thuai a rin ang ngeiin min han sem kual tir leh vek kha.Hah double.....



"I thinrim ami?" ka țhut ho hnuah pawh ka la țawng miah loh avang chua a rawn ti leh sar sar a. Ka va be awm hlei lo, henu em em hi ka duh ai chuan a over deuh țhin



"I tan țan ka la ve nih kha, midangin an neih khalh che ka hlau alawm..." te chu ala ti tak deuh deuh a.Mawl ti zet hian ka melh hrawk a, min tlawn tum tih hriat zet a anui hmel chu ka ner khum leh nang.



"Ka duh leh duh loh ka sawi hma hauh a hma i lak vak ringawt ni....ka duh lo sawtiang a upa si, min rawn ve ta che!" mi hriat hlau tak chuan ka ti hlar a, rum zet in ka melh bawk. Tlangval pui anih mai bakah a ngaihdanah chuan keiman ka star zawk te pawh a ang dawn dawn, Hmangaihkimi vang vekk...



"Ho teh suh, i la duh dawn alawm hrim hrim in kum te mai mai te chu....ka story chhiar țhin ah pawh number chauh alawm an ti" a rawn tih leh chuan ka bula thing fak chuan ka tin uai lo chauh. Țawng thei nasa si. Ka hawi tau leh hmak a, min la tibuai reng tho em em hian.



Refreshment kan ei zawh chuan a haw theih an tih vangin kan tho ve vat a, kan inbeng fai nghal thak thak hlawm mai. Ka ngap hrup in ka hria kei phei chu leinawi paih tu ah kan țang bawk nen.
"Ka duati'n J.E anei anga, keiin Forest Lalpa.....nangni in dawrkai" Hmangaihkimi'n uang zet a a tih leh zat zat chuan ngei zet a melh hrawk pahin a hnungah ka beng dawt a, an er der nasa mai mai khawp a, ambulance koh ngai hial khawp in alawm a tih der leh thiam ni.




In ka thlen chuan tuilum alo awm nghal bawk nen ka inbual nghal sar sar a, Au Mapuia te erawh an lo la haw lo thung, dawrlamah ka pa apui ani mai thei ni. "Nu, Enge kan siam dawn?" Pawnlama ka nu awm chu ka au lang lang a. I duh duh ani mai rawn ti ve zat in choka lamah ka phei a, ka thiam ang tawk a kan bawl ve nek kha. Bai siam hi nuam ka tih ber ani daih a eng eng emaw thlak pawlh vak hi a tui ka ti viau țhin sarep tlem han thlak sak bawk ila.Ka bai siam so barh barh pawh chu Apuia'n tui ati leh dawn tih ka hrechiang.



"Kan rawn hawn chhoh lam khan Kimtei khan tukverh atang khan min lo au nasa a" Au Mapuia'n chaw ei laia a tih chuan ka lo nui ve sak a, henu em em hi chu a harh lutuk hi vaitamim țha bik ei reng ang chiah ani.



"Enge a sawi tak kha, Makpa in nei țha dawn khawp mai te ti emaw Bawihte ngaihzawng te hi ilo nei ve tawh em ni?" ka pa ber in min rawn melh paha a tih hu chuan ka lo phawk nasa. Midang pawh chuan min melh țhup mai si. Hmangaihkimi tak hi chu!



"Khu mihring khuan uan chin tawk a hre lo! a țawng liam satliah a ngai rawh u ngaihthu tak chi ani lo" ka lo ti hmuk a, ka pa bula a lo sawi leh zel chu ka ngei lutuk. Anu bulah ka la rel ve khawp ang.Apuia leh Au Mapuia an nui zui suk suk reng a, ka nu pawh in nui chungin lu min thin khum ringawt.




"Zawngte, enge ka pa bulah dawt dawt ilo sawi ila hre ve khawp ang" Zanah ka zu ti hlar a, alo la nui uar uar zui ngaithu tak lo sia, midang rilru erawh a chawh buai hneh zia a hre lo zawk emaw ni.



Apuia sawi ang ngeiin cement bag chu țhela chuan kan nawr dun leh ta rawl rawl a, a khat tawk in ka khak sek a a haw lem hlei silo. Bag 8 kan dah hnu chuan kan thaw deuh hliam hliam a, Pu Zathanga te in hi kawng atanga pen chhoh ngai hlek anih vang hian a hahthlak ve em ani.



Kawngah insi rial a țhela kan nawr chhoh leh lai chuan motor horn an rawn pe thut a, kan țe dun tuar lo chauh. Kan phu dun nasa lutuk alawm.
"Nangni chu.." ti sup ri kan hriat rual in kan zawnah car a rawn tlan lang ve zat a, Ka pik leh țun laiin Hmangaihkimi erawh a phur leh sarh mai.



"Sir, khawnge i kal a?" Ei lo zet in ka va melh hrawk a, chimawm zet a amit ti che kual chu ka haw ru leh țun mai. Hrim hrim in nge a 'sir' ve ringawt, kan sir pawh ani bawk lo.



"Office, in va buai hmel ve?" kan thil tih chu a rawn thlek zawk a, ka va melh lai tak ani bawk nen a rawn hawi chhuak nen chuan chiang zet in kan inmelh ta ngur mai. A mitmeng a nà ka ti dawn nge ka hrethiam lo keimah hi ka dik lo zawk ka melh rei ve ngam lo tlat zel. Ka hawi sawn vut rual a a kiai zui suk erawh ka mitsir in ka hmu hman hram.




"Nia, Dus-i u in inhlawhna min siam a kan zo țep tawh" Hmangaihkimi'n alo ti leh thawt thawt a. Amah nen hian ni se an inhmeh daih zawk ang, nge maw min pek a tum țalh ni.



"Inhlawhna in duh ami?" A rawn tih chuan ka melh ve leh zawk a, motor hma lama a phone dah emaw chu a ban vut a, a hmet nghal nauh nauh bawk. "Chawlh lai te chuan a țha ve a, mahni pocket money tur kan duh ve a" pakhat lah chuan alo ti ve mai a. Kei erawh hepa bulah kher hi chuan ka țawng peih lo, min melh kur zel si ka țawng sual palh reu reu ang, ka țawng sual huna nuam ti ber tur lah ka chiang nasa.



"In no. min pe ula, ka nei mai thei" ti sup in min rawn melh leh zawk a, ka hnial hma hauh in Hmangaihkimi'n ka no. alo sawi fel hman der tawh. Thaw hawk a ka va melh rum vak lah chuan mit min rawn la siai zui."Duhsaki no. anih kha, kei chu ka no. ka thlak a ka la vawng lo a tikhan a awlsam mai" Ala ti zuah zuah zui. Khawi lama sim thar dawheh lutuk, kum 3 thum chhung no. ngai reng a hmang a vawng lutuk tlat. A phakar rilru tih hriat reng reng.




"Makpa ka va nei țha dawn tak!" a khat tawk in a ti sek a kan haw lamah te chuan kan in țhuai chhoh leh tak nawk nawk kha.




"Nu, naktuk ah ka lehkhabu chah alo thleng dawn aw, ka awm loh palh takah" Apuia'n a tih chuan "Eng lehkhabu?" ka lo ti zat a. Lehkhabu chhiar nuam ati em em hi mak ve deuh ani, mipa anihna lai ah pawh mahse a tuina ber ani ve tlat, dawr lama a thawh leh zanlama hun awla lehkhabu chhiar hi a hna ber pakhat ani, a hriatna pawh kan unau ah chuan school kal tawh lo ber hi a zau ber.



"Love story ani lo!" alo tih boh chuan ka lo nui sawng a, lei ka chhuah tat bawk.



"I lehkhabu leina te chu ka tum tur ka tih kha aw, i a/c ah duh leh ka lo thun mai ang" Ka pa in a rawn tih ve dap dap chuan Apuia chu a țang sa teh na a, ka pa chuan a ti lui tho.Kan sumdawnna ti mai ang kan dawr kan buaipui țan lai vel hian sum ah mai bakah kawngdang dang ah kan buai em em a, chuvang reng chuan Apuia pawh hi lehkhazir la chak teh mahse kan inchhung khur a thlir khan amah in a țul tiin class - xii a pass hnu khan a bansan hmiah a, ka pa te chuan neih ang ang a nawr luih tum mahse rilru puitling tak pu in a duh bik tlat lo.




Țawngtam lem lo mahse dam thluam mai hi ani a, a chang hi chuan ka khawngaih ve țhin kan unau ah lehkha zir peih leh thiam thei ber ani nangin fa hmasa ber anihna a hlen na lamah a nun nawmna tur a thlah hmiah ngam a, ka tan chuan hero ropui tak ani. A lehkhabu ngainat zia chu a room a lut a piangin an hmu thiam nghal ang.




"Alo be tawh che em?" School kan kal leh hmasa ber niin Hmangaihkim'n a rawn ti su su a. Kei ai mahin a ngaihven a amah hian neih ve zawk mai tur hi nia, nge maw min hmeh bel tlat ni. Ka phone no. a neih hnu khan min lo biak ve mai a ring aniang mahse ni khat țha zet aliam tawh alo la call hek lo, ka pawi ti lo viau thung.



"Tu chuan maw?" ka lo ti hlak thung. A khat tawk hian min rawn zawt reng, ninawm lek lek zel.



"I hre reng, alo la be lo che tih ka hre mai" a ti ve leh mai a. Shed ah țhu in a hawi vut vut a, hawk dak fe in an rik rum rum na lamah chuan a tlan phei ve leh vut tawh.



"Duhsaki" tia ka bula rawn țhu thla chu ka lo melh vut a, Biakhluzuala ni ta in ka hria. Sa țha pangngai ve tak, lu met kawlh ve thei tak inhmeh viau lawi si ani a, a vun sen lam mi ani mah bawk.



"Class chaw ei khawm an tih kha in hre ve tawh em?" atih chuan nui chungin lu ka lo thing mai a.Hmangaihkimi'n a sawi te nih loh chuan thu thar emaw eng eng emaw hrim hrim hi ka bengkhawn lo khawp mai.



"Last period ah kan sawi ho dawn nia an tih kha, in hriatchian nan te pawh a țha ve a" ati ve leh mai a. "Nia, a nuam ve lawm" sawi tur hre lo zet in ka lo ti thla ve ngawt bawk.




Dar a rik hnu ah class room lamah kan lut leh dial a, last period erawh kan bengchheng leh ngang mai. Duhdan a inrual viau emaw tih laiin sawi buai leh hnuhnawh an rawn awm reng a, lo ti tau deuh reuh tawk lah bang lo, a awm lo hran lo ania ze hrang hrang awm khawm mi inang lo vek kan ni miau a.




"Nuam i ti awm bik?" a dar a min rawn nek tawl tawl paha Feli'n a tih chuan bo zet hian ka melh a. Leh ringawt țhin hian, Hmangaihkimi zia a kai tawh ani pek ang.



"Engvang ngawt in maw? Thu lawi lo hi sawi reng suh" ka lo tih kha kha chuan an la nui ang sawng zui. Eng an hria ni chu ni maw.



"Aw, ka duat....enteh kan chaw ei khawmna tur in kha khawi veng nge kha?" Akimtei'n a rawn tih chuan hmui ti pawrh tarh in ka melh nghek phawt a. "Ngaihsak ve ta che!!, Maroa te inah, tlangah" ka tih hlar chuan min lo la melh kawr zui. A mit ko a rawn san ek ek te chu awmzia hre ve hek lo ka ngei lek lek tawh.



"Tlangah chuan in mawi i tih deuh pawh a awm kha" Feli'n a rawn tih chuan ka inrin hma in ka bul lawka awm Hmangaihkimi dar a ri nghal dawp mai. Mai mai chuan, Maroa leh Hlimpuia'n te an in thawh turin an inhuam em em laia Maroa te in zawkah țan tak te a țan an lo khawhna chhan kha ani chiang mai............Ka ning hemi te thluak hi ka chelh phah tawh meuh lo anih pek hi!




*_________________________*



~Notes~☆

A tir lam hi chu a intro lam ani avang hian tlem in ka duham deuh țhin a, a dawt leh ațang chuan tu emaw pawh alo lang tam ve deuh tawh tur ah ngai ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:45 pm

KDB


CHAPTER - 3


*Saturday in hman em?* Ka message dawn chu ka melh run run a, no. hlang tawp anih avang chuan mak ka ti viau, a thawn sual anih ka ring, ka seen nangin ka reply lem lo.



"Inchungah Apuia thawmhnaw bal han khawn rawh" Tlai chaw ei khamah chuan ka nu chuan min tir zat a. Bal bawm nen a ruk a phun ve nuah nuah in inchunglam panin zawi zet in ka chho ve nghal.



Thawmhnaw bal alo nei ve nual nen Au Mapuia'n min lo pek belh bawk a, bawr zet a ka'n in pawm thlak țun țun kha. "Spin sa kha lo phawrh la, ka la tleuh lo a" In hnunglam washing machine kan dahna room leh insukna room hranpa deuh lian vak lo kan siam a ka luhpui rual chuan ka nu chuan alo ti vat a. A dang alo la țhuai zui mawlh mawlh bawk.



Kan zawh fel meuh chuan dar 8 a pel duai tawh. Kawr hma huh phung a tui ka khawih chu ka nu chuan min nuih zat hmel viau, a awm reng naupang chhia pawh ni nghal loh chuan.



*Min chhang rawh!!* Ka phone ka khawih leh lai chuan no. hlang atang ringawt khan message alo awm leh reng tawh a. A ve ringawt hian.



*Tunge aw? I ti sual aniang* tiin ka reply ve mai bawk. Kan țhianho group ah eng vakah a awm lo chu mak ka ti deuh viau nangin kan class group bik a ka luh hnu chuan ka hrethiam ta chiah. Ka țhiani te ho chu an lo bengchheng nasa ngang mai. An chat vel chu ka en ve thuak thuak a, an inhnial ti tih der tawh hmeichhe țhenkhat chu....



*Duhtawk tawh ru, an thu khel a nawi tawh emai* tiin Akimteii ka va khap ta vat zawk a, private in. Ni e, induh tawk deuh chi leh thin butut nei te, rilru zau teh chiam lo te an awm ve nual bawk nen buaina eng eng emaw a awm palh ang.



*Lalnunpuii inti eng emaw lutuk hi ka ngei lek lek* a rawn ti ve mai a. Sawi pui chuan a thinrim vak ang tih ka hlau ve deuh bawk nen thudangah ka pakai pui ta daih.



*Ka tisual hauh lo! Duhsak* no. hlang tawp ațang khan alo awm leh vang tawh. Amah ka hre bawk silo, insawi ve nghal mai awm.



*Tunge inih sawi la? I no. hi ka nei lo a* Ka va ti țha leh. Min lo be ve luk lak sia, han chhan loh ngawt dawn lah in aman min hre ve kur bawk si.



*Hmingmuanpuia, Saturday ah ka lo beisei ang che u* a rawn ti leh tawp a. A hming a sawi hnu pawn ka la hre chuang lo, kan khua a ka țhiante zingah lah chutiang hming pu an awm lo.



*Kim, Hmingmuanpuia i hria em?* ka va ti leh tawp mai. Ani hi kei aiin a vak zau a, a hre daih zawk ang.A la seen lawk lo zui.



Bathroom ah hmai te ka va phih leh zawk zawk hnu ah lehkha zir tur ala tam lo bawk nen mu turin ka inbuatsaih a, khum ka deh fel rual chiah in call a rawn lut. Tudang ni thei nang Hmangaihkimi bawk mawle.



"A lo bia che mi?" ka lak rual rual in a rawn ti nghal chul a. Ka hawi hai lek lek zawk. Ka thil zawh kha a rawn sawi tih ka hre leh hnuhnawh a, tu tak ni ang maw?



"Bia, tunge? Ka hre ve ngai em? Min hre sia" ka tih chuan a nui leh awr awr a. A nun hi nawm hmel thei a thawveng em em a, rilru hahna leh buaina tih ang reng te hi a pal liam mai mai thei in ka hre țhin.



"Awii, i bialpa tur mawle!" nui paha a rawn tih ar ar chuan ka hmui ka ti sawi zauh a, tu chu nge maw alo hual ve ringawt ni. A changin J.E achangin Hmingmuanpuia, tu tu emaw hi min chhaih ve reng ringawt.



"Ngawi mai mai rawh, bialpa min lo hauh sak ve ringawt ziah suh! A chang lahin kha J.E pa kha ninawm khawp in min chhaih a ka la ngei che nia" ka tih hlak hlak chuan alo chek ve tlak tlak a. A teh daih chuan



"I thluak neih ve chhun te hi a! A dap ani lo maw?" a rawn tih leh chuan ka huat tawk a tling leh em em tawh. "Tak tak a, Nuam awm eee....I bialpa hual Sir Daniela nih kha....enge alo sawi?" A rawn ti leh ta lar lar a. Ni dawn tak....A thusawi kal hmangah pawh khan ani bak an ni tawp nang, ka lo chhang ve luk lak bawk si.




"Sturday ah ati, inhlawhna anei aniang Kei chu ka duh ve lo" ka ti nghal thawr a, ka nin ruk zia a hria nge min nawr lui tawh bik lo. Thudang a sawi nual a, kan inbe rei zek bawk.



Engtin tin emaw kar kan tluan ve leh dawn ta reng mai. Friday ni chuan an phur hlawm viau a, chawhnu ah school vel kan ti fai leh hnu ah kan bang phei chu an ri chel chul mai. Kan neih rem chan ang ang pawisa thawh an ti a, 50/- a nawlpuiin an thawh a, tlem a kang ve deuh ho lah an inhuam zau ve leh thung a, 100/- & 200/- thawh pawh kan awm nual. Khawpui nun nen a inang lo a, sum lam pawh kan la inren chem viau hlawm.



Dar 3 bawr velah kim tur an ti a, dar 2 vel a school bang kan ni. Inthlen hnu ah ka inbual zawk zawk a, Hmangaihkimi lah nghal chhuah leh pek in buai lai lai in a rawn la call sek zui.



"Nu, ka kal dawn" ka tih chuan tukverh a puan pho seng mek chu a rawn hawi vut a. "Kawrlum hà ta che, tlang lam ani lehnghal sia tlai lamah a vawt dawn ania" a rawn ti nghal thuai thuai a. Huiham.....ka room lamah phei leh in ka jumper pakhat ka va phawrh leh thuai a.



Shirt eng lianpui hnui ah Kekawr grey colour ka hà a, mawza bun in nikum ka birthday a Apuia min present Transformer crocs a dark blue leh white inpawlh ka bun bawk. Ka sam chu ala hnawm deuh bawk nen ka thlah tawp a, sam țawnna erawh ka pai ve thlap.



"Rawn haw tlai lutuk lo la aw..." ka chhuah dawn a a rawn tih chuan kut ka vai lap lap ringawt tawh. Ka duh aiin ka tlai miau a.



"Hmelchhe inchei ang mai, i va rei ve!" Akimtei an inkawt a min lo nghak reng bul ka thlen rual in alo ti leh nghal zat tawh. Dawhthei lo ve sia!



"Chu ka hmelțha i tihna mi?" la fuh zet a mit ko san paha ka tih chuan a ner lui nasa mai. "Chhe over nang mahse țha tih tur em ni pha silo" henu em em hi chu!



Kawn kan thlen thlak chuan Ateii leh Feli ten min lo nghak ve ran a, eng emaw hi an lo khai bawr viau bawk. "Enge ni teh țeuh? Chawhmeh thawh te intum alaw?" Ka țawng ve hma in Hmangaihkim'n alo sawi fel leh der tawh.



"Ni lo, ni lo......Lalhmuna ten min ken tir anih hi, Mama te an zu sawm lawk dawn a an bulah kan bet chho thei ang ke a kal boh boh lo in " Feli'n alo ti zat zat a. Hmangaihkimi zia ang hi a kai zo tawh a hei pawh hi.



"Kei chu ka bet peih lo....daidep ho bet rawh se kei chu ka chuang dawn" Akimteii'n alo ti leh zat erawh an intin nghal uai uai mai, khawlai lai ah. An mahni ah an zak der mai silo



Rei vak lo ah, Sec 2 Cr leh an țhiante 3 kan classmate tho te an rawn thleng chho a, mahni two wheeler țheuh an rawn keng bawk nen kal hah angai dawn lo hlauh e.



"In lei kim thei em?" kan cr zawk in a rawn tih chuan "Thei e, Ar chu Pi Awmi kawng hnuai peng bula mi khian an nei an tia lam chho mai ang u..... Sa ei thei lo tan lei tur kan hre lo, Tomato, Alu kg 5, Dal kg 1 leh Purunsen, aieng leh masala.....parbawr salad tur nen kan la tel bawk a, Alu, dal, purunsen, leh eng eng maw persal ah hian a awm a, kan ken theih chin kan khai thung" Ateii chuan fel fai thlap in alo ti ve bawk.



"Pawisa bang ala awm em?" Cr bawkin a tih leh chuan "Aw...min pek ațang khan 350 ala bang" alo ti ve leh vat a.



"Tel in lei hmaih a, Chuan Rinsiami khan nutrela te kha a sawi deuh a, ala daih chuan han lei nghal mai rawh u....Chuan a remdan dan in rawn chuang ve mai ula" alo ti leh vat a. Rin ai takin hruaitu nih a tlin dawn riau mai. Thingtlang tlangval ni awm lo deuh in a ngo vei vur a, a sa a țha phian bawk, alu erawh a lian lek lek em aw tih tur ang kha ani.



"Awiii!" tu emaw in min rawn sut chawrh rual chuan Feli thil khai lai ka khaihsak kan chawhmeh ho chu a tla darh nghal vek a.
"Awi le! Tihpalh lutuk " tia hmeichhe aw ka hre zawm zat bawk. Rang zet in kan thil thlauh ho chuan kan chhar nghal mawlh mawlh a, a polythene a țet vek bawk nen dah lehna chi pawh ani tawh lo.



"Awi, ka tihpalh lutuk aw.....ka pheikhawk chhuat hi a nal deuh a" Keini aia u daih nula pakhat hmelțha zet chuan kan chhar zawh rual chuan a thil lo chhar khawm ve min pek pah chuan ati a. Kan khawmi chu ani in ka hre lo, a vun a nalh si, a nui mawi cheu bawk.



"Aw...pawi lo, pawi lo" tih pah chuan tihngaihna dang awm tawh hek lo kan persal lian vak lo ah chuan a rem dan dan in kan hnawh lut ve nawk nawk a, a khat mar țang mai.



"A chhia te awm em? ka lo lei leh mai ang che u chhia awm chuan?" nuam tih loh hmel zet in a rawn ti leh hram a. Mipa ho footpath bula bike chunga țhu ho chuan țawngna chang pawh an hre lo an melh reng ringawt, Mama tih loh! ani hi zawng at leh mawl a fawm a, lehkhathiam viau e tilo hian a uang chi ani bawk nen alo nui ruh ruh leh bik tawh.




"Awm lo, angai lo a țha vek ania.....tihsual palh anih kha!" Akimteii'n alo ti ve vat a. A inthiam loh deuh hmel nur nang te chu a hmelchhe lo chiang asin. "Mate!" rawn ti dut tu aw chu ka hriat hnu ang kher mai. Rang zet in ka hma nula ding chu a hnunglam thlek turin a hawi let zawk a, Hmingmuanpuia ngei mai kan lampana lo kal mek ka hmu zawm zat bawk.



"Enge thleng?" ti hmuk in nula chu a melh vut a, chumi hnuah thilsual kan lo ti ta emaw tih mai tura a mitmeng vawt zet a min rawn melh kual leh chuan chhungril a che dat thei nia. Mahse zam ang erawh chuan ka lang duh tawp nang, thil ka ti sual pawh ni hlei lo.



"Mama, keimah zawk in ka su a an thil khai lai ka tih buak sak vek lehnghal ka pheikhawk hi a chhuat anal a ka inring hman țhin lo" ti nang nangin pakhat chuan a pheikhawk chu a melh zui vang vang a, tunlaia an uar leh nalh tak ani bawk nen a ui hmel viau lehnghal.



"Paih rawh!" Pakhat in tih hmuk chuan kan en dawrh vek ang chu! A teh ringawt chuan, aman a to thei si nula te duh chi leh tunlai an uar ka tih tawh kha nula zawk lah chuan a pheikhawk chu ui hmel zet in melh leh țhin a, pakhat a lah chu a tum nasa mai si.



"Awii?, enge thleng a?" Feli leh Ateii an rawn lang ta hlawl a, boruak pawh a zia ta deuh huai in ka hria, mahse ka țang ru leh țung tawh nia engvanga he mihring thinchhiat hmel lutuk laka chet mawi loh hlau ziah nge maw ka nih ve ringawt ni.



"An insu buai palh mawle, in lei maw....kal vat vat ang u kan tlai dawn ania" Nunhima'n alo tih chuan eng eng emaw chi khai bawr luk in an chuanna tur ah an lawn sap sap a. Keini 2 Akimteii nen erawh Persal lian zet ken tel angai bawk nen engtin nge maw kan han tih dawn ni.



"Ka lawn anga, Mama bulah sawn scooty ania a theih mai ang , ilo hlang dawn nia?" Akimteii chuan alo ti a, a hunah hi chuan a puitling ve leh thei viau sia.




"Khawnge in kal dawn?" A aw ka hriat rual chuan an la awm reng tih ka hre thar leh, ka che a khawr leh țun nghal, ka ni hui vek maiin ka hria.



"In inthlang ah khan class chaw ei khawm kan nei dawn a?" Akimteii'n alo tih vat chuan ka thaw huai mai, va en a be leh tur chuan ka zam ru tlat tawh, ka thaw te a sà hial in ka hria. Mahse engvanga nervous ta viau nge ka nih pawh ka inhre lo e a.



"Kan motor ah rawn chuang rawh u, keini pawh kan chho dawn.." A rawn ti ve mai a. A aw hriat a nuam deuh ta in ka hria, nichin ai ngawt chuan mahse abula kal erawh ka peih lul lo.




"Kan lawm, mahse hei kan țhiante an awm alawm!" Akimtei'n phur hmel ka hmuh rual in ka lo țawng khalh vat a, a sir zawng in ka va meuh ralh a, a hmui pet sawi zauh pawh ka hmu hman. Ka chhanna chuan a ti lungawi teh chiam lo tih alang reng.



"In thu thu le, khatiang bungraw hrawl nen a two wheeler a chuang chu anuam teh chiam lovang" a ti leh kher a. Kan hre ve reng sia.



"Dus,Sir Daniela te bulah chuan kal mai ang Mama te tan pawn anuam zawk ang bakah kawng chho hlir ani sia eng emaw te a thleng palh ang" Akimteiin thu tak zet a alo tih chuan ka melh deuh rawm rawm a. Abula chuan hi ka duh tawh reng reng lo, ka thawk thlengin a hah dawn in ka hria tunah ringawt pawh hian.



"Nangmah lo chuang la, kei Mama rualin ka lo chho ve thung anga" ka tih chuan min melh no lo kher mai. A țawng leh hma hauh chuan ka persal chu a rawn pawm nawlh ringawt anih chu, a car awmna lam panin a kal pui nghal daih a, ngawi rengin kan melh tawp.



"Lo kal ru, in hmanhmawh kha" Nula i bawk khan alo tih leh chuan harh chhuak zawk in ka um zui nghal vat a, a car dahna ka thlen phei rual chiah chua persal chu a hnung seat ah alo dah fel hman der tawh. "La chhuak leh nghal rawh, nge i lak ve ngawt?" ka tih chuan chiang zet hian min rawn melh nghal run a, a palian roh sia ka dak chho uai thung.



"Luh rawh " a ti hmuk a, ka lo ner lui nasa. A chhungte emaw a hmelhriat țha tak a duh hun hun a a thunun theih pawh ka ni tawp lo. "Ka duh lo, kalna tur kan nei ve reng" ti hlar in a motor kawngka chu pawh hawn ka va tum a, alo la lock thlap zui. Rum zet a ka melh chhoh te chuan min ngai pawimawh leh tawh miah lo tih hriat reng hian kekawr ipte zen hlun in a lo hawi kual mai mai a.



"Pu Daniel, mahni thil lo awt tlat țhin em ni i nih a?" Ka tih chuan a hmui sir chuar deuh tap a. Ala nui thei nia, ka van ngei mai mai tak. A țawng ve hm chuan kan bulah Akimteii te 2 an rawn thleng ve der a. "Lut mai rawh, Mama te pawh an kal tawh!" A rawn tih chuan rang zet in hnunglam ka hawi kir vat a, an lo kal tawh tak tak. Hmangaihkimi rum zet a ka en chuan mit min siai zauh in car chu kal hual in a țhu lut thak a, Nula pawh kha min melh dun zak zak hnu ah nui chungin motor a hel ve nghal bawk.



"Kan kal thei em?" a rawn tih nghut chuan a ngal rek a pet lo tur chuan insum ka ngai hial, tum bur in loh theih siloh chu ka țhu lut ve ta hram a, a duh loh zia hre rengin car kawngka pawh ka khar ring țha viau.



Akimteii leh Nula chu an inbe chho nghal mawp mawp thei mai a, a sawi hmangah kan J.E a farnu te ber ani awm e, au ang lo takin a țawng duh a biak pawh anuam khawp mai, kan khua ah chuan a rawn zin pawh nilo in chhim lama an kal a rawn peng phei ani awm a, zanin chauh a riah tur thu te thleng in a sawi.




Kan kalna tur inkawt kan thlen chuan a ding dat a, rang zet in ka chhuk thla nghal.Mawi leh mawi lo pawh ka dawn peih lo, min dem leh chhaih ka nih nasat vang nge ka haw ringawt a, a zia te hi ka ngei zawng tak, a ngen ngul a a induh twk lutuk te hian a ti chopa hial in ka hria a, a che zia hi ka haw ru em em bawk, mahse ngaihtuah zui chiam ka ching erawh a sim ang zawng pawh a sim hmak chi ani.




Mipa ho in kawt ah chuan ar puah in an lo buai lai lai tawh a, hmeichhe ho pawh an theih ang ang tiin an lo che ve vat vat a, hetiang huna thu pe thiam ber ni awm taka tihdan tur lo sawi zawt zawt mahni a ti peih bawk silo ho lah bang lo, famkimna vek ani. "Dal kha chhum han (Hang) tur aw, insir ah sawn thuk an siam a tah chuan lo va ti mai ula" kan Cr bawkin a rawn tih leh chuan ka lo bu nghat a, kan Persal zawn chu dawhkana dah in kan phawrh nghal a, bel ka zawn leh hnu ah pawnlama tui zem ring in ka chhuak a. Engtin tin emaw ka inchhuang ve thei mai e.




Inchhung ka va luh chuan woofer a hla play in a hman hman an lo lam in an lo zai a, kan in hman neitupa Maroa nu leh pa lah rilru zau chi an lo ni bawk nen min lo phur pui hlawm thei viau. Chawhmeh tur chan paha lam ho en a nui uar uar te, uang zet a lam tawk te, sava thlawk thiam lo emaw tih mai tur anga lam te, thiam mang hlei lo a awm lo lutuk a hla chang lo sawi țalh tum te lah bang lo, kan class a hla chang sawi ah kher chuan Rangziki (Țzi) aia thiam an awm lo, mi zawng zawng bro in a ti.




"Agnes, Biakhlua nen khan Sa hi han sem lawk rawh u, chuan salad saw an peih chuan plate ah khan keng bawk ula" Maroa'n a rawn tih chuan ka tho ve vat a. Hetiang huna mawng zang lo, tirh hnial leh inlak eng emaw vel vak hi a țul ber lo ţhin, mawi i duh chuan a hun leh a hmun hria in in chei la chu baka mawi ni i nei chuang lo ang.




Plate ah salad, plate danga chhin phui in ka keng a, Biakhlua sa khai chu ka zui ve nghal bawk. Ka țhiante 3 erawh an tla hrang vek a, Feli leh Akimteii bawk in lam tual an mawi fal leh bik nalh tawh tih erawh ka hria.



"Nuam i ti em?" Biakhlua chuan a rawn ti ve sup a, a țawng tam lo nangin nui hmel a pu tama kawm nuam tak leh a bul a awm nuam lo lutuk ani hran lo. Bakah mipa fel tak niin ka hre bawk.




"Ti ve eee, tiang te chu hman a khat sia thla ka la țeuh ang" ka tih lar lar chuan a lo nui hawk hawk a. "Hmeichhia thlalak nuam ti ve miah lo i hriat hunah min kawh hmuh ang che" a rawn tih chuan nui sawng a melh laih tum in mit ko ka va san khum ak ak a, "Lalduhsak le! Thlalak buaipui lo na nà na chu an lerh lo duh tihna ania" a rawn tih chuan "An lerh loh vang te, an kim chiah loh vang emaw......an inzahpui țhin vang te pawh ani thei, mahse kei ang hi zawng zawk rawh i ti fuh zawk ang, mihring mahni inhmu hniam reng tu leh midang amah aia dah sanga insit reng țhin i tawn loh phah anga, chumi te nun chu keima thlir dan atanga chuan an awhawm loh mai bakah an chaktawk loh zia ka hria a, an mahni leh an mahni inti chhe țhin mai an ni" ka tum ai tam ka la sawi duah zui. Hetiang hunah hian ka țawng hi a kal thei em em a, sawi tur ka ngah ve hu lai tak ani, mahse eng emaw tih ni khua mi hma leh inelna ang chi ah erawh awihawm loh khawp in ka kà a chhih a, sawi tur ka ngaihtuah thiam tawh ngai meuh lo, ka zam țhin ve vang te pawh aniang.




"An inngaihhniam theih nana nasa taka an chhungril hrual sak tu an awm te pawh an awm thei a, pui tu nei lo leh fuih tu emaw kawng tin reng a rawn ngam leh rin tlak an neih loh vang te, chu chuan an mahni ah vek rinna angah tir anga an mahni leh an mahni chu an chak tawk lo mai țhin, mahse kei chuan chutiang pawh chu nise puih ka chak țhin" mipa sual ani lo bawk a a rilru put hmang pawh chu a chhe chuang lo.




"Mahni lu zo veh vawh tak ai chuan keimah rin chhana ka kalpui theih tur, a duhna aia rilru fim a ka thlir pui na lam hrethiam tu ka duh a, mahse kan society angah chuan an vang ve țhin......" a nui leh te te a "A tawk chauh a inrin tawkna nei turin ka duh a, ka tan pawh a rin ngam inghahna tlak tur ang ka duh țhin.......kan society ah chuan sex hi a mikhual lem lo tawh viau a, mipa chu insum theihna nei tlem zawk kan ni hial țhin, chuta mahni thinlung takin a duh ni lem lo rei lo te kawp hnu ah țhen leh mai tur te inkar ah eng pawh thleng thei ani a, inven dan ka hriat ve wm chhun chu chhungkua pawh dinpui ila ani hi chu...tia ngaihngam taka ka pawm thlap theih ka duh...ka khirh viau lo maw" tia uang zawm zat i anui leh a.....A thusawi ah kalhna lai tur ka hre lo, zep loh chun a rilru ang chiah ka put vang zawk hi nge tun thleng a ka la single.




"Kan thleng!" a tih vut ruala kan dinna bul in chu ka melh vat a, ngaihtuah miah lo a zui ka ni bawk a, chu in kan hmu thut zet zawng ka phawk viau.
Kawngka a kik lai te chuan ka plate ken chu thlauh hlau ang hrim a hum nghet tak ka ni






*__________________________________*



*Loh theih loh, tunlai naupang exam lai ania a tam thei sia au hi a buai thei lutuk a puih ve zel angai bawk nen, min lo hrethiam hram ula, kan zawm leh vt dawn nia.....*💙💙💙💙💙



KDB (ZAWMNA)



"Hetah maw?" Phawk zet a ka tih lai chuan alo bu nghut a. Kawngka rawn inhawng rawk rawk chu kan melh vat a, ka mi hmuh peih lo ber nen kan inhma chhawn nghal ran bawk. Kekawrbul leh tawn zau chauh ala hà lehnghal. A taksa lah chu a nalh phian a, mum țul silo in a inphiar ve țung mai.....



"Sir, In sà tur kha ania" Biakhlua'n alo tih chuan țawng tum awm ang pawn a awm leh tawh lo. Min melh dun run run hnu ah kawng a kian(kiang) hlek a, Biakhlua lut vut chu huphurh zet in ka zui lut ve nghal bawk.



A pawnlam landan leh a chhung chu in ang lo tak ani, a in pawnlam kha chu a zo raih a, rangva inchung leh abangah lah dap an la dah bawk anih kha mahse rawn erawh an hnawih chhuak vek. Hmuh loh lam chhunglamah erawh a pawnlam ang nilo in cement bang in an lo thuah vek a, ceiling lam pawh tile nilo cement zut vek ani. Kan luh chiah khan thutkhawmna ani nghal deuh mai a, kawngka veilam ah chuan choka lam awm in dinglam erawh bedroom tih hriat takin kawngka pahnih a awm a, room te te pindanna decoration te chu a pui ru viau mai.
Mahse a in a lian lem lo bawk nen langsar vut erawh ani chuang lo.




"Helamah" kan hnung àțanga rawn ti leh sup in a min rawn kal pel in choka lamah a phei nghal vut a. Kelawnga kal ani bawk a a ke phah sei țhat zia chu! A vun chu khawpui tlangval ang lo takin ngo vut silo in a sen uk deuh kharh a, a taksa leh a hmel rum deuh ul țhin te nen chuan a inrem viau mai, nula tam tak pà tih a hlawh ngei pawh ka ring kei chuan ka hlau deuh.



"A kè in ei ngai em? Maroa khan a belh che u a" tiin Biakhlua'n a zui phei a, a hnungah ngampa lo zet in ka zui ve nghal zat bawk. Pawnah chuan nise hetiang ka ni bik lo ang mahse ka awmna innei tute huat viau emaw hua tih tih lan viau chi mah suh.



"A lawmawm e" lo ti sup in plate a rawn lakah chuan sa chu a dah nghal zat a, tui dehna ah a va dat zat bawk. A rawn inher rual a ka melh nghal vut vang nge chiang zet in kan la inmelh fuh zat zui, rang zet a hawi sawn in dawhkanah ka salad ken chu ka dah a. Thuawih fal deuh a Biakhlua ka lo zui duam duam chu a inchhir nghal der tawh.




"Kha chu?" zawi fiah ru tak si, aw nghet cherh chawrh a nei tih lan tir tum ni awm taka a rawn tih khauh chuan ka thaw hawk thei. Ka dik hlawl lo hepa hian huhang a nei nà zek anih chian hi. Thinrim a ka hmachhawn țhin vang nge ka va hre har si ve, ani vel mai thei ani.



"Salad anih kha, kan siam ania chaw ei ti tui ah kan lo suah ve che u" Biakhlua bawk in ati ve leh a. Lu lo bu nghut in a dahna plate a ruah leh hnu ah a va sil zawm leh zat hnial tur pawn sawi hmanna hun a awm lo hrim hrim.



A chet paha a ti hrawl che leh awk țhin te chu a hnunglam atang chuan ka melh reng a, mipa pa lian leh taksa nalh tak ka vawikhat hmuhna ani bawk a min hip ngai loh ring viau tu hian ka mit ka la sawn thei hauh lo. A lakah chuan a chetna bungrua te chu an lang te dawk maiin ka hria.



"A lawmawm.." plate a thin ro min rawn pek lai chuan ka lo ti sap a, min melh run run in abu nghut ringawt. "In rei dawn em? Inhnunglam tual ah te sawn mei rawn chhem ula" towel tè a kut hruk mual mual paha Biakhlua a biak zawm chuan ka lo ner ru deuh. A inla fel ve reuh lutuk.
"Guitar te pawh a awm ania, in chaw ei khamah rawn chho rawh u meichhemna ka lo buaipui ang" kan hnial hma hauh chuan aman thuthlukna alo siam fel leh nghal der tawh. Biakhlua lahin hnial nuam ati chiah lo nge nui chungin kan chhoh tur thu a sawi a, varanda thleng min rawn thlah ve ngei bawk.




"Hnial ta che, kan chho peih hleinem!" a eng a mah hma chuan kan in kalsan tak lam pawh hawi let lo chuan ka ti nghal tawng a, thinrim a sawi erawh ka ni hran lo nà in ka lung erawh a awi chiah lo. Kha mipa kul muk leh nui hreh lutuk bula zanin kan hun thawl neih ho ve zan a hman ka duh lo bur, hetiang hun tawn khat khat nen.




"A nuam lo alawm, ani teh lul a inhuam te chuan a tihzia zawk alan ang hi ani lo ania, ka u te sr. ani țhin a a țawngtam lo tih leh a luhlul viau thu a sawi rual in mipa dik leh tumruh tak, chhungril țha tak ani tih a sawi tel alawm" nui chunga min pawm tir tum zet a alo tih leh chuan ka lo ner khum vak a, lei ka chhuah khum vak rual chuan a ring ah kuai kun vak in min han zakzeh deuh țungin chak zet in nui chungin min kalpui a, ka kun dà bawk nen ka lungawi lo chu kan inau chul mai bawk.




"Ar ril leh a lu leh a thin eng eng emaw nawi deuh te nen a Maroa pa siam saw va hawp chhin teh a tui kha sek nen a inrem dawn lutuk" intual kan thlen chuan Zomawia'n a rawn ti sur sur a, a țhen țhu bawk mipa si a bawp akual bawk nen a ruk a ka ngei chi tak, harh bawk si.



"Va lut rawh" ti sup in nui sawng in inlamah min nawr phei det det a, chumi hnu ah pawn lama meichhemna lam chu Zomawia nen chuan an inzui phei nghal daih zui. Inchhung ka luh chuan an lo inti fel duak tawh hi lo nia, a țhenin mei vil pahin an lo ti ti a, a țhen in kan hmanraw tih balh ho an lo sil bawk, Ateii pawh alo țangkai ve nasa mai. Kan Hmangaihkimi leh Lalruatfeli erawh music an play rengna karah chuan Maroa nu ho in an lo chheih fiam nasa mai, lu thing na nà in ka țha en liam ve leh tawp.



"Khawi teh ka hah lutuk...." music tawp hnuah chuan an rawn phei ve thei hram a, min si chet a rawn țhu in min ngheng awr awr bawk, Feli pawh thlan hliam in tui alo in ve mek a, ze in ang tih takah an ropui dun thei viau ania.



"A lum te chuan min si chet mah ta che!" ka lo tih chuan "I vawt alawm" alo ti then a, a lu ah ka kut chal a ka nawr nawk chuan ala duh lo ve em em zui.



Chaw kan ei ta a, mipa ho changel hnaha ei an ti tlat a, hmeichhe ho in duh ve hek lo dawhkan kan kil țhap thung mipa ho erawh chhuat ah an in bun khawm țhap a, an kil bial ve pap bawk.
Ruih theih thil in ala chiah pil loh chutia hlim taka kan han awm ho thei te chu kan hlimna a sang bik emaw tih mai turin chhungril amuang a, a boruak a zangin anuam viau bawk . Zu in pawl te chu an awm ve mai thei mahse tun hunah erawh tuman ti an awm tlat lo, fim takin ani kan nuih ho a kan hlim tlan ni, tiang bak bak hi chu a awm tawh bik lo ang.



"In seng fel vat ila, soil tlangah mei kan chhem dawn nia" Sec - A Cr chuan a rawn ti ta lung lung mai. Biakhlua chuan alo sawi ani ngei ang,haw daih mai te ka duh ru nghal tut tut, khapa ren run kha ka hmu hreh tlat.



"Bel vel saw mipa ho khan pawnah lo nawt ila, a țhen in kan bawlhlawh ho kha lo paih ula, thlengsil pawl leh hmunphiah vel pawh a rem dan dan in ti mai ang u aw, hmanhmawh thung ang u aw dar 7 a ri țep tawh si a" Rawn tih zawm leh in phur zet in an au chul a, an tih tur lam an pan nghal sap sap bawk.



"Tui lo khai ang u, țhut ringawt anuam lo" Feli'n atih chuan kan bu nghat nghat hlawm a. Hmeichhe țhenkhatin thleng an lo sil bakah hmun an lo phiat mawlh mawlh tawh a, che tlai bik nih leh chet tum lo ni awm taka lo din bik reng chu anuam miah lo.



"Kan inpeih fel chuan chho ang u" A Cr bawk a rawn au leh lauh lauh chuan mipa ho chuan an zui nghal mai a, hmeichhe tam zawk an kal ve nghal bawk.




"Kei chu haw mai ka duh" ka phone sana en a hmeh en zeuh pah in ka ti a. Ka țhiante chuan min en țhap, an phur hmel leh min ngei hmel a inpawlh nawk mai....tlawn deuh ti tih in ka lo nuih a, a thawk lo chiang asin.




"A țul hlawl lo, kan haw rual ang ka lo riak dawn" Hmangaihkimi'n alo ti fel leh then tawh, ner nangin melh a, ala thu tak hmel phian zui. "A vawt ka tia lawm bakah tih tur te ka nei a" ka hmui hnuai seh nauh nauh paha ka tih niah niah chuan an awih loh hmel nasa mai, an han khuh drr vel vak vak a, ngeiawm hlawm hian.




"Ohhh!" Akimteii'n a tih rual chuan bathroom atang in Biakhlua a rawn chhuak hlawl a, a chho ve daih tawh emaw tih a. "Enge inla tih țhup?" Kan lam pana rawn phei pah chuan a ti a. A sawi zawh rual in kan bul a rawn thleng zawm zat bawk.



"Duhsaki hi haw a tum a, min lo pui teh!" Akimtei'n a tih rual chuan "Lutuk!" nui paha a tih rual in ka kang nghal vawk anih chu! Ka harh chhuah a chet ka lak dawn meuh chuan Biakhluzuala darah ka lo awm fel der tawh.



"I va rem hre tak! Chho ang ule.." Ateii'n alo ti zat a, an la nui țha zui. Rum zet chuan ka melh kual a ka duh lo tal vel lah chu awmzia a nei der silo.



"I kal țhat tawh dawn chuan hetah hian mi hmuh loh deuh ah ka dah thla ang che" a tih chuan a hnung zangah chuan vawikhat ka chum leh dawt a, nui ve dat in min nghat ve mai bawk. Rum zet a ka melh te chu min ngaipawimawh lo thiam si, sual hlawm lutuk. A darah rawn vuan leh chut in kan J.E pa in hnunglamah chuan a insir atang chuan kan phei a, mei lo chhem hluah tawh in thutna sei nen an lo kil bial țhap tawh.




An ri zui hlut ber a, kei erawh Hmingmuanpuia hmuh ka inrin reng vang nge ka insang mar deuh run thung.A nau hmeichhia khan min rawn tel pui zawk a, a țawng duh bakah a zia te leh a hmel hi mipa ho kawm nuam tih chi ania an thusawi ho te pawh an lo pawm dual dual hlawm khawp mai. A khat tawk in an zai reng bawk.




"Ka chhungte chin chang kan hrilh ve lawk" Tiin ka tho vat a, an zai uar bawk nen min ngaihvem chhe tè lo..



Kan awmna piah deuh thei hai buk lian zet din ruah na laiah chuan va phei in kawng thlang kham lam sang zet pal hunga an danna bulah chuan dingin ka nu te ka phone zat a, kan thil tih vel ka sawi chuan an lo phal phian a, mahse haw tlai viau lo tur erawh in min chah ngun kher mai.



"I hnaih lutuk chuan i tla ang!" Pal hung ka khawih dawn lai taka rawn ti thum dut tu avang chuan ka phu chiam lehnghal, rang zet in ka inher zat a, theihai kung ngheng khan zawi hmel zet a lo ding in meizial alo zu khu vat vat lehnghal, a hmel tak erawh thing buk hnuai a awm bawk nen ka hmu chiang thei lo a awm atangin tunge anih erawh ka chiang thung.




"Enge.....?" ka thluaka thu lut hmasa ber ka lo phun chhuahpui lehnghal pang tawh. Adang sawi mai tur ka haih chham tlat, min chhaih ngun lutuk vang nge ka mikhual en teh chiam lo bawk in ka hria.




"I hrechiang viau in ka hria" a rawn ti leh tawp a, a meizial bawk chu fawp kawk kawk in, a thaw khu leh luih luih a, chumi hnu ah nawr hlum in leiah a paih tawp a, a ipte atanga eng emaw phawrh in a kà ah a hmawm zeuh bawk.




"Nia, hria.....Ka va phei ve tawh ange" ti ve zat in ka pen sawn nghal vut a, mahse pen tam ka pen hman miah lo, ka kang nawlh a au emaw chet mai na chang lah ka la hre lo zui, ka hriat leh hmasak ber chuan thei hai kung nghengin ka lo ding fel der tawh a, ka hm ah tak Hmingmuanpuia alo ding run bawk, thingzam kara eng lo lut in a hmai a chhun atang chuan a hmel rum zet pawh chu ka hmuh hmaih lo chiang asin.



"Buaina i nei em ni? Ka kal tawh dawn ka tih kha.." aw khur lo chauh chua ka ti a,a mitmeng a rum si tumah an awm lo bawk nen sual deuh in min khawsak khum ang tih ka hlau ber.



"He khua rawn kir miah lo tur ini asin!" a rawn tih hmuk chuan phawk zet leh angaihna hre lo zet in ka lo melh a. A hmel ah engmah a hriat theih loh a thinrim hmel changrun bak a thusawi nen a inmil awmze dang hmuh tur ka hre lo.




"I thu lo ve eee, kan khua lawm nge ka rawn kir loh ang" ka lo tih kha kha chuan rap awm zet hian a hmui chip in zu nui suk duh lek a. Kei erawh thli vawt deuh raih thaw te nen ka thau ah min man nge ka awm hle hle thei meuh lo.




"Kum 2 a ral chuan ka fa i hring tawh ang!" Phawk zet a ka melh chuan tak run hian min lo melh ve bawk a, engthu lawilo nge a sawi kha. A zak lo ve chiang alawm, val senior ho dan in.




"I thluak a fim lo anih ka ring e, ka kalsan phawt ang che" fiah zet a tih hlak paha kal ka tum chu min kuai her leh nawr a, nà zet a thingkung rin chhana min nek beh rual chuan min rawn hnaih chilh nghal run bawk, vin hrep tur a ka kà ka an rual chiah in a hmui in a rawn khar der. A hmel ang lo deuh in a fawh chu a dam hle a, a ke lian pui in a bawt che tur a dang bet tlat a, a kut lehlama ka kawng chelh in lehlamin ka lu a chelh run bawk a, a duhthawh phian bawk.




Ka tal phut rual chuan min thlah ve vut a, a kal ve mai dawn emaw tih laii a ai chiang zawk in min rawn fawp leh ngat a, a duham ang hu in a zei bawk a, a kà lah chu engrim emaw nam chem chem in ala rimtui phian zui. Ka tal ve viau nangin min thlah duh lawk lo lehnghal.





*__________________________*



*Note* Sawi leh sawi hnu Exam answer paper kan check angai tlat a, buaithlak tawo, chhunah online class nen......Inhrethiam tawn lawk ang u aw




Chuan chuan comment lam ah lang leh dual dual ang u aw😄💙💙💙

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:45 pm

KDB




CHAPTER :- 4



Mumang rapthlak zet zet nei kher lo mahila ka muttui lo chiang asin, ka harh zuk zuk nen ka mu nghet hlawl lo ani ber. Ka zing tho pawh tuk dang ang lo takin ka rit bur thei.



"Vawiin enge i tih dawn?" Chaw ei laiin Apuia'n a rawn ti leh a. Saturday ani tawh tak e, ka lu ka lo thing mai a lu rit nen a inrem hlawl lo, ka lu hai muai muai chu ka dawm nghal vut bawk.



"Tinge ? I lu hai nge anà?" Ka nu in a rawn ti nghal vut a, rang zet in min rawn buaipui a tum nghal ringawt bawk. Nu te nge nge.
"Lawk....nu ka țha, ka lu rit deuh mai...nizan ka mu țha lo a" ka lo ti vat a, thawveng huai hmel apu nghal bawk.




"Phone khawih nasat lutuk te hi a țha lo ania, zirlai in ni tih hria la, i mit mai nilo in i taksa pawn a tuar dawn ania, i hma lam hun te...." Ka nu chuan a ti zui zat a. A dik ve tho mai, phone hi chu en tlem ka ngai deuh chu ni, mahse a tello lo a awm erawh a harsa tawh.



"Inah lo hahdam rawh, ka room a chhuar a ka lehkhabu saw a hnawk tawh deuh a, lo rem fel la, malsawmna te pawh i dawng mai thei asin" Apuia'n nuih suk paha alo tih chuan ka lo nui ve sang a. Ti lawmawm thei.......A thlawn dawn lo tih hriat chian sa a hna han thawh hi zawng.





"Eki"


"Enge? Eka"



"Dar 11 velah lo chhuk rawh aw........ka mamawh che nia" A rawn ti leh tawng tawh. Hman reng tur ah hian min han ngai a, hman lo chung chung pawh ka kal leh dawn tih ahria te pawh aniang.




"Enge ni leh tawh? Ka buai asin" ka tih ve te lah chuan min la ngaihsak duh miah lo zui. Ngei awm ve hlir hler tak ani.




Apuia room ka ti fel ta phawt a, a lehkhabu ho lah chu a indawt dan tur no. alo pe vek a rem a harsa lutuk hran lo. A room en kual chuan mi incheng vawng ve tak ani bawk a, a fel faia a a dik thlup mai. Chhuat te kan nawt fel leh te te hnu ah Akimteii te inah ka chhuk thla ve ta hram a, ka phone khawih lo a che char char ka ni bawk a chet a sawt viau chutih rual in Hmangaihkimi Miss call 3 lai alo awm leh hman tawh.




"Chiam chiam a che, enge hmanhmawh thlak vak awm?" An ina ka luh rual in an choka dawhkana eng emaw alo ei mawlh mawlh ka hmuh rual chuan ka ti nghal zat zat a. Nutei bathroom atangin alo chhuak ve mek bawk.




"I va rei veee!" pawr zet chuan a thil ei ka khat țun a la hmuam chung chuan a rawn ti ve hlar a.Nutei a rawn chek nghal tlak tlak. "Lem ve phawt rawh, i vin ve viau zel bawk si i rawn phuh chhuak anga sin" a rawn ti zui nghal hlak hlak a, a fanu a tum nasa mai.



"Ka țhial hmasak lohin engtin nge ka lem anga?" a la ti hram a, anu in alo hre phah leh si. "I țawng hma khan țhial fel in lem duak ta che, nula pum pa nun pangngai tak te hian awm ve rawh, kum 18 i tling dawn tawh la à chhah lutuk mai" ti zui erh in an room lamah a lut zui nghal a. Ka lo nui hak ringawt. In vin in hau hlak hlak ţhin mahse unau zinga te ber hi zawng an duat dan hi a dang bik em asin.




"Thu țha a fah hlak che elaw.." nui chunga ka lo tih chuan min melh rum ve nasa mai, ka hlauh loh zia chu ka nui hmel chuan alan tir ngei ka ring.




"Hei rawn ei rawh, Laphet tauh leh waiwai mix" tiin a fian chuan a ei zui leh a, keipawh duh ber tih takah abulah țhutna rem in ka ei pui nghal der. Kan duh zawng a inang thei em em a, mahse ice creamah a hrang hlak, chocolate a duh em em laiin milk ka duh ber ve thung a, adang chu kan ti dun naw naw thei.




"Engvanga phusa chung maw inih?" țhial țawl țawl paha ka tih chuan a tui in chhawp chu an lem leh te te a. "Khitah tih tur ka la nei a, kalpui ka ngai" alo ti then a, ho thei asin, mahse keipawh ka mamawh hun apiangah ka koh chuan alo kal ve mai zel a kal pui loh bik chu a nuam lo.




A va inthlak leh zawk zawk hnu ah kan chhuak ta a, an inhnuai dawr atana an luah tir ah chuan min pen kawi pui hmasa leh in 'thil ka lei ang che' ati ve ngei bawk. Ka duh zawng ka hrilh chuan a lo ner nang a "Cheng 10/- manah i duh duh thlang rawh" a ti leh tlat tawh. Uikawm țep zel, Lays hring lian ka thlang a a phal miau loh avangin Lolipop 2 ka la tawp, ani pawn lolipop leh chocolate ala leh tawh.




Ka awm loh hnu a Lunglei a a awmdan te min hrilh chho pah mawlh mawlh a, kal pahin a changin kan nui dun leh nasa țhin, an sneakout țum a an vuak nasat zia min hrilh erawh chuan ka khawngaih ve deuh, a hma awm ngai miah lo a a chawn ah chuan ser alo awm ve nual a, mahse nasa tak erawh ani lo.




"Ka awm loh hriat deuh hian lo khawsa ho thei viau mah ta che" nui chunga en paha ka tih chuan "Awi, i chhia......Kum khat a i awm laia ka inkhawm let kha i awm loh atangin ka inkhawm ziah" a rawn ti ve nasa mai. Ka nuih zui char char. Eng emaw ti a han chhaih buai vel hi a nuam ve reuh sia.




"Kan thleng e " a tih rual chuan ka hawi kual vat a, rang zet a a hmel ka en ve rual chuan tlawn nuih tih hriat lutuk a min lo nuih na mitmeng chu haw tak ka ni.



"Saw inah sawn kan kal dawn tih sawi miah suh" Kawngpui kan dinna atanga kan piah deuh a in ding ran chu kawk phei và in ka ti a. Ka thusawi ah erawh a chhanna chu ka duhdan lo zet ani tih a mitmengah ka hrechiang ngang bawk




"Nangmah lam vang ani lo, a hma inhlawhna a sawi kha nia a bungrua leh inchhung vel tih fel pui angai a" a rawn tih nang nang chuan "Ka duh lo!" ka lo ti nghal hmak. Saw inah sawn ka luh duh tawh lo nasa. Nizan thil thleng ka mit thla ah a rawn lan rual erawh chuan ka sa nghal pup pup thei bawk.




"Duh loh theih tawh lo, Pawisa min pe lawk vek tawh sia.....bakah Maroa leh Hlimpuia an awm ve dawn alawm, eng ber nge kha aw an siam pui dawn a" a rawn tih pawh chuan ka la duh lo. Saw in a luh hrim hrim saw ka duh lo ani tawp mai. Kha mihring zakthei lo deuh pheu kha chu ka hmu duh lo.




"I mak ve eee, nangmah vang ani lo ka tih chu, a hma kan lo insawi luh laklawh vang kha ania, pui angai a keini pawh inhlawhna remchang ani mai a i lawm te ka lo ring ve a" Mei nei zet a a tih chuan ka melh nghek. A bula ka awm tam duh loh zia kawng tam takin ka tarlang a, engvanga ti lui tlat țhin hi nge maw anih reuh ni.



"Inhlawh te chu duh e, mahse sawpa bulah lo sawn a lerh hmel si, ka duh lo ka tih chuan min tih luih tum țhin lo teh" dam dap chuan ka ti let a. Ka hnial vak chuan henu hi chuan thiam zet in min dem letling der thei dawn tih ka hria, chuvang chuan țhat chhuah viau phawt tur.



"I luhlul si Lalduhsak!" in lam en vang vang hnu a rum zet leh beidawn hmel zet a min rawn melh leh paha a tih chuan nui chungin ka lo buk khum a, a thaw chhuak halh. "Anih,kan ti lo ang.....Pawisa tal hi min va pek let pui rawh chuti nih loh chuan.." tia sawi zawm duh lo ngei in min han melh rawm rawm a, saw in a inhlawh ai chuan pawisa pe zawk a va kal pawh ka duh daih zawk.




"Kal rawh, țawng duah lo khan pe tawp la kan kal thei ani mai.....I țawng leh chiam chuan" tiin ka vau phei khar khar a, min ngaipawimawh lo in a kal leh vawk vawk tawh.



Kawngka kik karh karh in vanranda ah kan nghak ran a, alo la hawng har phian zui. A rei a rei ah a rawn hawng ve ta hram a, mahse ka tum loh dan deuh a ka hmuh vang nge ka mak ti hmel ka lo thup hman lo. A kamis hak ah chuan rawng a kai hniang hnuang a, a kut phah pawh ani tho, jeans kekawr hlui lam deuh hà leh in chapal chheh chhawl țha vak lo a bun leh tawp a, a sam nalh zet a a chhim lama phir chho rual vek țhin pawh an tla ve hniang a, cap letlingin a khum thung.




"In va tlai ve!" ti nghut in kan țawng ve hma hma in chhung lamah a lut leh daih a, rang zet a Akimteii lut chu ngaihngam zan lo in ka zui lut ve nghal.




"Bathroom ah sawn thawmhnaw suk tur ka dah a, kamis saw a theih chuan kut in su ula adang chu machine pawn a pawi lo....Chumi hnu ah choka lam darthlalang leh hnawk zualpui lo chin fel hi ani mai" tiin choka lama a lut phei kan zui pah chuan alo ti nghat a. Kan pahnih chuan ngun fe hian min rawn melh tawn nghal run run bawk nen ka tha khur leh ti tih ringawt. Ani erawh nizan lama a awmdan kha hreawm pawn alang lo a, engmah thleng lo ang maia a awm thei te chu ka ngei lek lek ringawt dawn anih chu. Ve ringawt hian.




"Sir, Duhsaki hi a thei ve dawn lo a a buai deuh ni awm ani" Akimteii thusawi dan kher kher chu! Rum zet a ka va melh ruk hrawk lah chuan min la hmu lo der tlat zui.



"I buai em ni?" a rawn ti leh ta nghut a. Ninawm, a aw dam lo ve thei si a țawngkam bul lutuk vang te hi lawm a bulah pawh midang bula pangngai tak a ka awm anga ka awm ve ngam ngai loh! A awm ve tih hriat tawh na ah lah a ruk a chetsual palh ka hlau em em zel bawk nen a hung hang a nà tak zet.




"Bu...buai deuh e!" Ka lo ti teh tawp a. Chhan vak ngaihna hre hek lo. Ka buai lo ti ngat ila thil thleng tur lah chiang reng si.




"A rei lo ang, darkar 2 emaw vel chauh ani mai....i thei angem?" a rawn ti leh daih a. Min ngen emaw ni ve deuh ni, mahse ngen angin lang chiah bawk silo, tak run in min la melh zui, ka kà chhih zo dawn tak ngial.




"Thèi....ka hre lo!" ka ti deuh nuai a, tlawm ah ka la deuh bawk si han theih leh hnuhnawh kha. Mahse a inchhung han luh takah erawh boruak dang a awm ngei alawm. Hmangaihkimi ka va en lah chuan tukverh a thlanglam thlirin alo dak vauh vauh daih chu niin.




"I rem ti ah ka ngai e, in hah man a thlawn lo ang" a ti leh dut a. "Hmangaih" mi koh loh dan deuh a akoh vang nge ka nui nghal hak bawk, chiang zet a min rawn en leh ngur pahin a mit ko a san ak a, lu ka lo thing mai thung.




"Lo che nghal mai rawh u, room lam rawng hnawih alaklawh a, Roa te pawh an awm kha " tiin a thil dahna vel min kawh hmuh leh zung zung hnu ah min kalsan ve leh thuai a, boruak hip ka am nghal teh asin. Kha mihring bulah khan ka engmah a dik tak tak thei lo, min fawh vang kha chu ani lul lo mahse ka khawr riau thung.




Kan che nghal mawlh mawlh a, kamis ho ka lo suk laiin Akimteii'n machine ah jacket leh thawmhnaw dang dang alo nuai tir a, a thawmhnaw erawh a bal teh chiam hlawm pawn ka hre lo a. Thawmhnaw pangngai kan suk zawh ah a pheikhawk ho kan su leh a, pair 5 lai ani nghe nghe. Dar 1 alo hnai ve uar tawh kan zawh fel theih meuh chuan. Choka tukverh ho darthlalang chu kan han nawt ve ngial a, ventilation erawh tih ngaihna vak a awm rih lo. A bungbel dahna vel kan rem fel sak vek hnu ah chuan kan thlan hliam lo nà in a hahdam vak chuang loh.




"In zo maw?" tiin choka ah a rawn lut leh hlawl a, ka tui in lai ka la hak zui. Ka khuh zui bawrh bawrh chu Akimtei'n ka hnungah alo beng det det nghal thuai a, a zia ve leh mai.
"In zawh chuan eitur lo buatsaih leh lawk mai ula" tiin chhuar sang chu hawngin ahan dap nghal ruk ruk a, ka rin loh lutuk a rawn phawrh chhuak.Spicy 3x pali leh arsa fry tui hmel zet mai set a dah țhat thlap a rawn phawrh chhuak a tlangval pum pa a ei ve ngai pawh rin loh laia.
"A tlem angem? 5 kan ni dawn a" a tih sup chuan "Tlem em lovang, sa te a tel nawk dawn sia" Akimteiin alo ti var a.




"Matei siam anih kha" ti nghut in a chhuak phei leh vut.




"A nau chu an ko duat ve rem rem" Thaw veng zet in Hmangaihkim'n a ti leh lar lar a. Nia, a mitmeng mai bakah a che zia ah khan nimin lawka kan hmuh danah pawh a duat tih hriat reng. Mahse ka la hmu leh miah lo, a haw leh tawh emaw ni.




Spicy a hmin chiah tihah chuan an rawn lut hlawm a, Maroa leh Hlimpuia pawh rawng an rawn kai nuau mai. "Nangni pahnih lek maw?" Hlimpuia'n nui vur vur a rawn phei pahin a rawn ti nghal tawng a. Kan class mipa ho ah ka nel ve ber zinga mi ani bawk a ,lei ka lo chhuah chiam.
Ka tum vang em em nilo a Hmingmuanpuia lam ka va hawi erawh tak run in min lo melh leh khui tawh.Ka nui hmel chawp leh chilh in a reh nghal ti tih bawk.




*________________________*




*Zawmna*




Dawhkanah ei tur ho chu chhawp in kan kil bial laiah a, spicy lah ala khu vang vang mai sia, a tui khawp ang. Kan ei zawh meuh chuan puar tak kan ni, puar mai bakah ka a sà vek bawk nen a lum pup pup mai.



"I sèn vek! Chini han bar rawh" si ve hliam hliam paha nui chunga min rawn melh a Akimtei'n a tih chuan ka nui tawi tak a, chini chu ka han in zawn ve nghal ruk ruk bawk. Thil thlum han ei takah chuan thak chu alo hneh ngang mai.




"Tukverh frame ho saw chu angai lo ang tiraw, a pawnlam nen a inmil dawn silo a" Hlimpuia'n a rawn tih lai chuan kan eina vel chu hmeichhe awm pahnih chuan kan ti fel mek a. An ni erawh tukverh bulah thu in meizial an zu hlat hlat hlawm.




"Ngai lo, room bang ho saw ani mai, ceiling saw chu a kaha kah angaih hmel a, kahna nei an awm em?" Hmingmuanpuia'n alo ti ve ngial a. A sawi hnem ber pawl ala ni mai thei ka hriat ah.



"Awm ve kha, Pa Chhunga te pawn an neiin ka hria...." Hlimpuia'n atih lai mek in "Dus-i te pawn an neih reng kha, hmanni ah pawh Sub centre ah pawh an rawih kha" Maroa'n a rawn ti ve zat a.Kan nei tih ka hre lo reng reng, a sawi a ka hre ve chiah.An lam ka va hawi vut chuan min lo melh ve run hlawm lehnghal.



"Duhsak?" Hmingmuanpuia'n a rawn ti ngawt a. Bo zet in ka lo melh let ve, amit ah tak melh erawh ka hreh ve tum hrang."I pa no. min lo thawn theih chuan" a tih leh sup hnu ah thudangah an pakai chho leh a, kan insil fel zawh meuh chuan an ni pawh meizu zo in an lo in buatsaih leh mek tawh.



"Lo va țan ru" A tih leh nghut hnu ah Akimtei'n nen kan țhutna bulah a rawn phei a, dam thlup han tih tur hmel ang apu ve thiam lo nge ngaihtuahna hriat har deuh a awm hi a zir zawk ni.



"Eng zah nge in hlawh țhin?" a rawn ti sup a, a ngaihna hre lo zet a Hmangaihkimi ka va melh chuan alo la nui vawr zui.



"Chutianga rate pawh kan nei hran lo, bakah kan lo puih ve na ah che ngai mai rawh....." alo ti sam et a, mak ti deuh in ka mit mei ru a, a thusawi chu alo la ti tak ve viau zui.Pawisa vang ani lawm ni hetiang khawp a min nawr luih a tawpah kan lo puihna te ati kual leh vel a, henu zet hi chu!




"Min pui turin ka la sawm lo che u, kha hei hi " tiin a kekawr hnung atanga walet rawn phawrh in 500 note a rawn phawrh chhuak nghal zat a, ka lama a rawn lek run avang chuan lak loh ngam ni nghal loh chuan! "Nakinah min rawn la pui zawk dawn nia, buai chung chung a rawn kal in ni bawk nen" Akimteii melh in a ti leh kher a. Min tih chhan ve deuh emaw ni.




"Nia, i tihdan dan le.....remchangah kan la inpui zawk mai dawn nia" Hmangaihkim'n alo ti nem duai a, tenawm lutuk.




"Nuam i ti?" tih paha ka dara rawn nek tawl tawl tu chu ner sawk in ka melh a, ti awm ang lo thei. Khapa vanga hlim viau na chhan tur ka nei lo, mahse eng emaw te hian ka chhungril erawh a che det det thung maiin ka hria.



"Lerh lo mai teh, ngaihzawng te hi nei ve zawk ta che i lerh lerh nen i va luck lo!" ka tum em em vang ni miah lo a ka sawi zuah zuah hnu a ka melh chuan alo ner nasa mai. Ka ngaihtuah chianin ngaihzawng a neih awm ka la hre miah lo.




"Țha deuh ka thuk ru!" a rawn ti vur vur a, ka awih loh zia entir nan ka lo țhen lui sak ringawt. I duh leh awih suh tih melh in min melh zui ni maiin ka hria.





*Sunday*




*Ka rawn sawm thla ang che* Hmangaihkimi dar 7 vela ka zu text na chu dar 8 dawnah pawh min la chhang thei lo. Thawh hi chu a hre lo ve chiang alawm.



*Ka inkhawm dawn lo* Dar 8 pelh hlek ah chuan a rawn ti ve hram a. A kà in ti mahse anu an chhungkaw chairman hian a phal leh dawn lo tih ka hre nasa.



*Nutei kha min lo goodmorning kep rawh aw* ka zu tih chuan emoji lei chhuah vak lai a rawn thawn a, reply tawh lo in Feli leh Atei ka text zawm a. Atei inkhawm a tum laiin Feli alo dang leh bik tawh, hei pawh Hmangaihkimi chiah chiah.




*Ka tai a nà a* zawngte hmai hup lai rawn dah telin a rawn ti a. Awih harsa chi. Taina hi a nei zing bik riau in ka hria.




*Insiam mai teh! kan rawn sawm dawn tho tho che* ka tih hnu ah chaw ei kan siam zawm a, thlasik a zo chho a nipui chuangkai chho țan chiah mahila khawlum zia chu thlasik pawh kha a ngaihawm zawk lek lek lo chauh.




Hmangaihkimi ka sawm thla a, tum bur in kan inzui chhuak, anu sermon tawi angaithla leh tih hriat reng. "Inkhawm te hi hreh viau suh, tih ngei ngei turah ruat tawp la hreh chhan tur a awm lo" ka tih ve ngial pawn a ngawi leh ngal tawh. Luhlul ve asin.




"Pu Zika thusawi ala ni zui, a aw ring thei si" biak in chhunga kan țhut țhap lai chuan kan hnunga țhu te chuan an ti ru ve sap sap a.Peih loh hmel zet a Hmangaihkimi te 2 ner ru sak chu ka lo nuih tawp, tih ngaihna a vang ve em bawk a.




Inkhawm ban biakin tuala kan din lai chuan naupang țap rawng rawng ri chuan kan beng a luh tlang aniang kan hawi nghal țhap a, biakin hma lam inchung chhohna step bulah kum 2/3 inkar hmeichhe naupang alo țap hi alo nia, anu chuan pawm in awih tlei tum in alo bei mek bawk.




"Naute saw en chiang ru, a hmelțha sin!" Feli'n a rawn tih chuan chiang leh zualin ka va melh a, mittui tla kiang chunga anu a melh te chu sawi ang tak takin hmelchhe lo tak mai pawh nilo țha tak ti a fak tlak chu ani ve thlawt e.




"Anu saw ka hria, U Zothani kha Hall chhak lawk ami? Tunge a pasal le?" tiin Hmangaihkimi ber hawk dak zet in a hawi kual vut vut a. Kan khua ah kan awm tlem hlawm bawk a pasal anei tih reng kei tak pawn ka lo hre lo. Khaw khat na nà na chu hmelte chh kan inhre fur a, mahse a bik tak a inhriatna kan nei lem lo.




"A vun nalh tawh zia saw, nu nih a ngeih aniang!" Atei'n alo ti ve khauh a, a sam a dar chen lek nen phei chuan a hmelțha sawr sawr viau, amah zawng zawnga ka mit la tu ber erawh a nui mawi lutuk saw!




"Ehee.." Feli'n a rawn tih chuan kan melh țhap a, U zothani te lam kha alo la en reng chu niin chu lam kan va hawi ve chuan mak ti hmel a put na chhan kan hre ve thuai bawk. Naute chu apa ni ngei tur palian zet mitmeng tak zet chuan alo pawm hlun tawh a, naute lah chu apa ani tih hria ang hrim in a awm a beiin a țap ve hliam hliam bawk mahse ban a tum lam nge a hma ang em em in a ţap ring tawh lem lo.




"Val senior-a saw a pasal maw?" Ateii ber in a rawn ti haw a, anih duh hmel khawp mai.




"Awiii, ka tum loh deuh!" Khi țhaw in Lalruatfeli'n a rawn ti leh a, Hmangaihkimi nen hawk dak zual a ţangin an melh zui reng. "A pasal saw a sual hmel e, kan hrawn lo a kan vannei" te chu an la ti tak deuh deuh a , ve lutuk hian.




"DUHSAK!" Kan hawi rual leh nghal dual tawh. Kan bul lawkah a bible kengin alo ding run a, a dar kan chen hlawm țawk, Atei erawh a zak vel aniang😂



"Sir, i inkhawm ve alaw?" Feli a rawn polite leh hmasa ber, zawt zawt hian. Alo bu nghut a, a hmel erawh biak hrehawm deuh hmel ang kha a pu tawh bik lo.




"Kan kohran alaw i nih ve?" Akimtei'n a rawn ti ve leh a. Ni e, hmar lam ho hi chu hmun ⅔ vel hi chu Presbyterian an ti miau a.




"Ni ve chu nih hi! Tunkar ah chawlh in nei ve leh dawn em?" tiin min rawn melh nghal vut a. Sawi mai tur ka hre lo țhin nge keimah hi min biak chiah hian ka mang duk ringawt zel, ka țawng dawn lah hian ka tum loh lutuk ka sawi ang tih ka hlau nen ngawih leh mai ka duh lek lek zel.




"Tinge? Thursday hi sawrkar chawlh kha chu nia" Atei'n lah chuan alo ti he haw a. An țang tlang leh vek dawn in ka hria.



"In hman chuan? Hlawh pawh a țha ang" alo ti ve leh mai a. Eng hna tak nei leh maw, hepa bula kal zut pawh hi ka duh lo kawngdang dap angai ani.




"Ka hman ka ring lo, midang ho erawh an hman ang!" ka lo tih chuan ka țhiante chuan min rawn melh ťhap a, dawt ka sawi tih hre hek.



"Saturday ala awm alawm!" alo ti awlsam leh mai bawk. Min chhawr chu a tum hmel nasa mai sia. Hrim hrim in hman zana a thil tih duh dan atang khan abula awm tam hi ka duh tawh chiam lo, thil kalsual awm ve thei tlat ani miau a.




"A țha zawk ang, kan theih vek ka ring englam nge ni dawn?" Akimtei'n alo ti ve leh zung zung a hnial hman pawh nilo.



"Rawng kan hnawihna room lam chin fel ani deuh mai, inchhung sek rek tlem a zawng nen" a ti ve mai a. Sunday school kai a hun hnu ah induh tawk hmel zet a a kal sawn ve tak hram kha. Kamis pawl duk leh kekawr dum, loafer nen a inhmeh thei phian mai sia maw.




Zanin khawm hi zawng a nawl pui pawh hi ka peih bik ngang lo ani e. Ka nu leh pa leh Mapuia an inkhawm a, Apuia nen in kan nghak ran, roomah lehkhabu chhiar in a tawm reng a, kan sitting room chhuat ah side table pawt sawn a mu duai in tv ka en thung.Apuia room atang rawn chhuak lah chuan min rawn la nuih vur vur zui, a hnu ah amah pawh rawn chhuak pheiin ka bul lawka țhu ve run in lehkhabu a chhiar a, keiin tv ka phone nen connect in Mr.Bean cartoon new episode ka en dauh dauh thung. A khat tawk in min rawn nuih leh ťhin chu ka ngaihsak duh miah lo a, mahse a nuih loh phah chuang lo.




Dar 8 pelh hlek ah, kawngka pui lamah thawm a rawn awm a, ka pa hmel kan hmu zui zat bawk. Ka nu in a rawn zui a sitting room a ka lo mu duai chuan a lung ati awi leh vak lo aniang min rawn mitmei kual nasa mai, ka mu nuam laklawh si ka tho duh miah lo thung.



"A khai! A va mak duai duai ve" Ka pa in a rawn ti dam thlup a, a rawn nui zui bawk. Ka nu hnung leh a mipa rawn lut vang erawh chuan ka nui hmel a tawp chiang viau asin. Hmingmuanpuia pawh a ding ve chut a, min melh run run hnu ah ka nu leh pa rawn zui in kan awmna lamah an rawn phei a, kei erawh chet mai na chang hre lo in naupang chhia zet in lukham te nen blanket te nen lam chhuah ah ka lo inzam hnawk nasa si, tv ah lah Mr.Bean-a pi a țe ring tawh nasa mai.




"Naupang ber hi chu an la heti tlat zel a, nula ve uai in chhawr țangkai ve viau tawh mahila a naupang chhiatna hi ala kalsan fel hleithei lo" Ka nu chuan alo ti siam siam thung. Apuia țhutna sofa a țhu thla dawt in a piah lawkah ka pa te an țhu a, ka pa in thingpui lum turin min tir zui a, thingpui ka pek lai te chuan min lo la melh run run zui.Engvanga kan in a lo kal ngawt nge maw anih ni?




"Bawihte hei tlangval in an lo rim ve che anih hi!" Ka pa in a thingpui in zauh zawha a tih chuan phawk zel in ka melh a, a hmel a thutak nasa si.




"Tu chu maw?" Ka ti hè haw bawk.




"Aw hei, Daniela hian a rawn rim ve che nih hi, Mr. Bean te ilo la en mai mai sia" Ka nu in a rawn ti zui leh a, Apuia nui ru suk suk nen Hmingmuanpuia min lo melh run te nen ka hawi kual nasa mai.



"Pa rim rual pawh ka la nih loh hi" kan ti thla ngawt a. A bak sawi vak ngaihna ka hre lo, kan zir ve danah hmeichhia chu tupawn an rim thei vek tih ani bawk si.




"I pum rua en te chuan ini ve der tawh alawm, hei an rawn kal hi" ka pa chuan alo ti ve leh a. Dawt a sawi nge sawi lo hriat nan kan melh ngial a, chutiang hmel a pu bawk silo, Hmingmuanpuia lah a ngawi ngul mai si.




"Mr.Bean enrual hi nula an la ni lo, College pawh ka la kal lo, school naupang ka la nih hi" ka tih niah niah lai chuan Apuia a rawn nui hawk hawk a, phawk zet a ka en lai chuan ka nu leh pa an rawn nui ve leh a, hrilh hai zet a Hmingmuanpuia ka melh chuan min melh lo in alo nui ve suk suk a, a mitmengah chuan a insum tih lah hriat reng! He mi te ho hi...?





******************************




NAKTUK ZAN ATANGIN KAN REGU ANG (A thui chi ang tawh khan tih kan tum dawn bawk nia).......
Dam dam vanah kai vang vang tawh rawh se




Muttui ule

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:45 pm

KBD


Chapter - 5


Ka pa ber chuan a ngai ngam ta lo nge alo kal chhan vel min hrilh hnu chuan ka zah zia chu pui tak ani. Ka nu ka melh lah chuan ti fuh a inti chiah lo nge tawi te in alo nui a tum bur in room lamah ka luhsan daih.



Khuma mu meng kur in ka awmdan ka ngaihtuah let a, awm ngaihna hre lo zet a tal leh tawp tawp bak laklet theih engmah ka nei tawh bawk silo. Hmingmuanpuia nui hmel chimawm ru zet te kha!



Min rim tur a rawn kal ani lo chiang a, a rawn kal chhan ber ka pa sawi danah a in ceiling rawng kah bawk kha a tak tak anih pawh ka ring. Kei lah in a hma a awm dan te nen awiiii ka lo inngaihbel ve hmiah kha nia.Zak thei lo min ti ru ve ngawt ang!




"Nge maw khatia i awm bur bur reng a? I pms dawn chu ani em lo maw?" Class ah pawh ka ngaihtuah chhuah apiangin ka la zak ru, awmngaihna pawh ka hre tawh lo e a.




"Chutiang anilo!" ka ti tak nà in min melh leh nasa tawh, sawi loh theih loh chuan zak chung chungin nizana thil thleng vel ka sawi a, min lungawi loh pui chu khawi lam min nuih zui char char, thaw a ti pik zual, henu em em hi chu!




Chhunah tiffin kan ei laiin kan țhiante 2 bulah a sawi leh a, mahse fiamthu angin a sawi lo a hrilh ve ani mah zawk an nuih erawh aza hlawm tih ka hria, mahse ka mood chhiat em vang nge an nui țha vak duh bik lo.




"In va hmeh tui dawn ve, tawlh teh u" tih leh kan bula rawn țhut an rual a, a sir lama țhu ka nih miau avangin ka bulah Lalhlimpuia chu rawn țhu in ka hma lam Atei sir ah Maroa a țhu ve zat bawk.




"Khawnge in ta ve? Min rawn zawm ve ula" țha deuh chuan Feli'n alo ti ve mai a. "Chaw kan pai lo, wai wai hi bawl ru..." tih leh an pai chhun emaw ni an wai wai 1 ve ve chu rawn phawrh in an rawn theh thla a, Kan tiffin chhin ah chaw chu pe ve in kan puar khawp chu kan ei ve leh țheuh mai.




Tiffin ei zawhah zai an rawt leh tlat a, chhun khaw lum lai lai in. Office atanga guiter va hawh in class room ah an zai leh ta chiam a, an uar thiam ang angin an han uar ve nasa hlawm kei erawh a sir a lo nui ah bak ka țang duh lo.




"Eng hla nge kan sak leh ang?" Maroa'n a tih chuan an ri leh nuai nuai mai. Midang an lo kal belh ve zel bawk nen kan pung chak phian.



"Engdang kà....Engdang kà" Zoremi'n alo ti ve sek a, chutiang hla ka la hre miah lo.



"Zoremmawi, 'Engdang kà' tih chu eng hla nge sawi tluan ta che" Kan khuangpu ve deuh Puia'n alo ti zat a. Ni e, keipawh engdang kà tih hla ka la hre lo.



"Aw, Engdang kà.." tiin leh tawp in amah ber chu a nui zui ruh ruh a, hahthlak țhin.



"I her dun ang Tmelody ho sak a sawi ve nà nih kha....'Engdang ka ngai lawng e, ka sir ah nang bei la' tih vel kha" Broi'n alo ti ve nghat a, a țhiannu chu an melh kher bawk. Na han sawi an han sawi takah chuan an sa leh ta mai a, hriat chu ka hria mahse a thu ka thiam lo, changkhatna erawh ka hre ve nial nual.



I sakhmel rawn hawi la,
maw nui hiau in lungrun
Lungchim ten ka tang ah
nang ngei pawm ve ila;
Awm khawhar lunglen leh
nau angtah ni zawngte,
Nghilh zel nang e i kiang ah chuan


Engdang ka ngai long e,
ka sirah nangbei la,
Rimawi tingtang rem leh
biahthu D zai vawr nen;
Chhuat pui rem mam laiah
tluang ten sir sawn dunin
Lungrual ten aw i her dun ang





"Note resite angai ka va peih lo tak, Education chapter 2 kha nia long 2 ala awm zui a thiam hmasa sa ban ati" Feli chuan a ti nang nang a, Teacher kan la indaih miau loh avangin subject combi ah hi chuan class room khatah kan awm dul zel.




"Ka peih lo kei chu ban hma leh anu hmuh hma..." Hmangaihkim'n alo ti leh tlat tawh. Lasr period kan țan a, resite ati ta chiah reng a, rilru chak leh chak lo a hriat teh e! Chak fal ho 4 an awm a, hmeichhe 3 leh mipa 1, chumi bakah thiam chiang mang hlei lo ban hma duh chuhhelh deuh deuh 4/5 an awm nawk bawk.




"Lalnunthara ve ziah khi, a thiam chiang silo kai ve phet a tum reng a, note 1 pawh a sawi rei zia khi" Feli'n a ti ru sar sar a, keini ho erawh hmanhmawh lo zet in kan reside, minutes 20 aliam meuh chuan mi 6 an bang der tawh. Minutes 20 dang ala awm cheu. Shorts ho kan resite ve vek tawh nangin long erawh alo har phian a, points 7 ati tlat bawk nen kan ti hlei thei rih meuh lo ani ber e.




Ban dar a rik meuh chuan mi 10 vel bawr chiah kan awm tawh. An duhna ah chuan anlo chak par par hlawm viau asin.




"Rank neih in tum em?" Haw kawngah Atei'n ati hlawl a, Hmangaihkimi te pahnih erawh an nui vawr ringawt. "Tum leh tum loh a awm hran lo, theih tawp chhuah phawt ila chumi a zir" ka lo tih chuan alo bu zeuh a, Eki te pahnih erawh thawveng zet in an nui reng.




"Tè, Duhsaki kha a nasa ania!" Hmangaihkimi'n a rawn ti leh pek a. "Ve ringawt a che" ka lo ti let ve thuai thung. "Nang bak bak, 1st Examination hi chu atan chuan enchhinna mai mai, midang kaldan leh amah ah eng nge hmasawn ngai a thliar hran vek hunah chuan top alo ni fel leh der tawh mai ang" te chu a rawn la ti tak deuh deuh a, a țawng chuang liam mai mai ani.




"Thu awihawm loh pui pui sawi suh!" Ka lo tih leh a. Khawi atanga a rawn sawi chhuah ve ringawt țhin hi ni maw. "A awihawm, kawng tamtakah chuan nang aiin i bul ami ten an hrechiang zawk ang che" a tih leh hnu ah thudangah an pakai leh ta daih a.Hmeichhe rual awm khawm tih takah sawi tur hi kan van lo khawp mai.




Ala tlai chhe lo bawk a, tiin Akimtei te inah kan peng kawi a, anu alo chhuak dawn chiah bawk nen tih tur a sawi zung zung hnu ah akal a, kan pali te in kan awm ve țhap mai.



"Taka, ka nei asin" Hmangaihkimi'n a rawn tih chuan kan melh nghal țhap a. "Ate, kawngka va kalh la" a ti nghal thuai bawk Atei pawh a kal ve vat a. Rang zet in a room lamah kan in zui lut a, enge kan duh tih chu zawh nawn kan ngai lo hlawm khawp ang.




"Tlawn hnih chauh ania, 1 hi ti mai ang u min màn palh ang" Akimtei chuan ti zung zungin a thawmhnaw bawm a va hawng rawk rawk a, rei lo te ah lehkha a fun a rawn phawrh ta nghal zal zal bawk.



"Ka lo țan ang" Feli'n ati thuai a, Lighter nen chuan ban vat in khuma țhu chuan a țan nghal zat a, a dawhkan bula chair ah ka țhu a, tukverh bulah Akimtei a țhu thung, khumah Feli te pahnih....vawi thum vel a hip hnu ah Atei a pe a, a rimpawh a tui chawk chawk hle tawh. A tawp berah keiin ka zu ve leh, school bang in a haw mai tur kan nih avang erawh chuan ka'n duham lem loh țum tak ani ang.




"Khawi ami nge i neih a?" Khuma mu thla duai in Feli'n a ti a, ka zuk bang chu ti thi in Akimtei ka pe let leh nghal bawk.




"Hmanni ah lei tur ka hmu remchanga" a ti mai nangin ka awih chiah lo, hetiang thil vang lutuk a ruk a ral lo chuan tuman an zuar dawn lo sa. Aaa, engpawh ni teh se. Ka duham nge mawni ka tih khat tawh deuh vang ka kai chiai mai in ka hria.




"Teh u...kei chu ka kai ringawt in ka hria, ka vir țan" Atei chuan zawi zet a țhu nuai paha min rawn nuih kual hlawm paha a tih chuan "Keipawh...ka tih khat vang emaw ni" tiin ka țhu zawi ngial a, inchung lam ka en te chuan a awn delh delh țan hial in ka hria.




"Adang ho aiin a tak alawm, a to deuh bawk a ka lo sawi theihnghilh anih kha.....Muansang in rui ange a chi miah loh ania, bathroom ah va inti harh rawh u..." Hmangaihkimi'n alo ti ve khauh a. Ni e, hetianga kan haw chuan a chi dawn miah lo.




Bathroom lamah phei in engtin tin emaw intih harh chu kan tum a, tui vawt te nen chuan tlemin kan zia deuh chuan ka hria.In kan haw hnu pawh chuan ka che reng reng chu ka buai lek lek zel, achang lahin ka awn leh thut thut zel bawk nen, hahthlak zawk hian.



"I nuam chiah lo ami?" Ka nu chuan chaw ei laiin a ti ta nge nge a. Min lo la melh țhap zui, ka lu ka thing mai a. "Sawi hreh suh, i mit i khap nasa lutuk a i meng buai lek lek in ka hria" ati niah niah a, engmah sawi zawm lo in kan ei leh mai.




Chaw eina kan tih fel hnuah ka intleuh zuai a, ka harh deuh huai ve ta hram mahse eng emaw la rit deuh erawh ala awm.



Vawiin lama kan note reside ho ka en nawn leh hnu ah, subject dang ho ka en kual leh a, dar 10 pelh hlek ah ka indah fel. Ka inphih fai leh zet hnu a khum a phone ka khawih meuh chuan ka țhiante ho pawh an lo online leh vu tawh hlawm.



*Ka lu na ka tia ka mu char char, ka zo tawh lo tawp* dar 7 pelh hlek a, Atei rawn sawi ani.
*Keipawh ka inthup nasa au in min melh nasa tawp mahse engmah a sawi lo* Feli ve thung.
*Anu in a rim kha a hre lek lek zel a, eng rim? a ti deuh vut vut a, ka hre lo der tawp....apa chuan a hre lo aniang* Hmangaihkimi ve thung.



Lehkha an zir miah lo tih hriat reng in chuta țang chuan an intext chho nghal zut a, an la rui deuh emaw tih turin an ri phawng phawng mai siah, naktuk lamah erawh an zak ru ve chem chem mai thei ani.Hmingmuanpuia pawh an lo sawi chhuak leh tawh.



*Laldus-i hi ava reh ve, J.E pa kha a be chiang* Feli'n a rawn ti a.
*Lehkha a zir aniang* Atei ve thung.
*A be chiang lutuk, an ni tawh aniang a mipa melh dan te hi an inzep chiang* Lalruatfeli chuan alo la ti talh a.
*An la ni lo* Akimtei'n alo ti ve thung.
*I hre lo, thup an la tum aniang* Țalh țalh hian.
*An ni lo!* Akimtei bawk....A hnuah pawh abak engmah a sawi zawm tawh lo a, Atei leh Feli an la in chat zui char char a, an thil sawi a ho si.



*Lehkha te zir ve ta che u* ka va tih rual chuan an rawn typing...nghal zat a.
*Thiam leh bik dawn ve* Feli
*Zanin chu ka thei hlawl lo* Atei ve thung. A rimtui hip vang bak kha va ni suh.



Rei vak lo ah Akimtei pawh a rawn tel ve leh zawm zat a. Bialpa nei lo tih hriat ngawih ngawih in chat pakhat lek pawh a awm in kan typing tluk tluk nghal zawm zel.




*A ȚHA THLAWT 🍒 * Ka mut dawn lamah chuan Hmingmuanpuia status chu ka va view leh hram pek. A no. ka neih atanga status a neih vawi 1 na ani hial in ka hria.




*Duhthusam piah lam ami daih ani* status neih chak ve zek zek na fam chu kan ti ve leh hram a. Ka tih chhan ber pawh ka hre lo, mahse ka mitthla ah erawh Hmingmuanpuia a cham ve. Min chhaih nasa lutuk hi ka duh ve ringawt zawk emaw ni, mahse ka ngaihtuah chhuah erawh ka mipa lo dream țhian te aiin a taksa a engkim mai chu duhthusam bak ani miau a, a famkim em asin, han fel deuh phei se chu.



A tuk nilengin Hmangaihkimi a biak țhat theih loh, biak chin chauh min chhang ka ti mai, keimahni chauh min be țha duh lo pawh ani lo a ngawi reng a, ngaihtuah nei ni awm takin a melh ngai a melh leh vung vung zel bawk nen kan bangbo hle. Hetianga a awm ngai awm kan hre miau lo. Nimin lama kan thil tih kha a tih zawm leh em tih kan zawh lahin 'aih' ati ve tlat bawk si, mahse a pms dawn anih ringin a mood inthlakah kan ngaihsak maia , awm erawh anuam famkim thei lo.




"I lo peng dawn em?" An in peng kan thlen chuan ati țha leh mai a. Mahse nimin ka haw tlai tawh bawk nen pen erawh ka tum hran lo. Ka lu ka thin hnu ah "Peng lo mai ang, nimin ka tlai tawh bawk sia" ka ti niah niah a, nidang zawng aia mitmeng takin min melh. Vawiin chu a heti run reng a, hetianga awm ka hriat vawikhatna ani bawk nen ka awm thiam chiah lo.




"I tih dan dan, zanah ka lo bia ang che" tiin kut min vai khum zauh in min luhsan a. Keipawh ngawi rengin kan inlamah ka haw zui. Feli te pahnih short cut ah kan haw e an tia min kalsan daih tawh bawk nen.




"I va bang hma ve" hnathawh thawmhnaw nen huan atanga chemkawm keng a rawn chho in ka nu chuan a rawn ti a, huan a thlo fai ani ngei ang a pawr ve pheng mai.



"Hna i kal lo mi?" ka lo ti thung. "Kan bang hma a" tiin inchhunglamah kan inzui lut a, thingpui lumsak nghal a inbualna tur tui ka lum pah nghal bawk a. "I putea'n kar leh lam chu rawn chhoh lawk a sawi deuh kha lui kal a chak aniang" thingpui kan inlai a ka nu in a tih chuan ka lo nui nghal var var a. Putea nen pawh kan inhmuh lohna rei tawh, Apuia aiin kum 5 vel leka upa ni mahse a inlak puitlin em vang nge kan zah viau a, anin min duat let viau thung.Ka nu te unau ah a pang ber niin tlai khaw hnu a piang ani ve thung.




Chaw kan ei lai mek in tlang au a rawn au a, Pi Zațhuami Damdawiin kawng ami a boral alo nia,
"Tlawmngaih hun ani ngai e" ka pa chuan ati zui sup a, a thusawi awmzia kan hre chiang khawp vek ang.




"I țhiante rualin nge ka rual in i kal duh?" Apuia'n alo ti ve leh a, "I rual in kan lo kal tlang zawk ang" ka tih chuan abu ve nghut. Au Mapuia erawh țhenrual kawm a thiam bawk a, kapui tur a nei leh țeuh ang.




Akimtei ka be nghal a, ani pawh ka saiw takah chuan an tum chawp chilh ve leh a, Feli te 2 pawh an lo tum ve niawm ani, innghah khawmna hmun tur te kan sawi hnu ah ka insiam zawm a, dar 9 velah in atanga chhuak in kan insawm kual ta nghal.




Kàwn atangin Apuia țhianpa in min lo zui ve bawk a, mi 6 lai kan ni. "A thihdan hi ani thut sia a hrang hrim hrim ang" Lalruatfeli'n a rawn ti leh phawng pek. Apuia leh a țhianpa U Zuala te an nuih aza ngei mai. Khawi atanga a hriat nge mawni ve leh phawng phawng hian.




"Mawl viau suh, hlau ber tu te hi an tih țhaih duh ania!" ka lo tih zauh chuan alaia kal an han chuh nghal rawk rawk a, Atei'n angei teh e....




"I dam lo chu ani lo tiraw?" Akimtei bulah chuan ka ti zauh a, anun hi vawiin chu a wow lo riau.
A zia hi vawiin chu 'cool' ve tak ani. A dam sam lo anih ka rin rum rum vang ania ka zawh.




"I chhia! ka dam lutuk.... i dik lo zawk in ka hria?" min lo la ti let zek zui. Mahse a pangngai țan tawh tih ka hriat phaha ka lawm tho, buaina a neih chuan nawr lui lo a min hrilh mai ka ring a inpeih hunah chuan.




Mitthi in kan thlen hma deuh in zun ram kan thiar fel leh hmasa te te a, kan zu thlen thlak chuan an inkawt velah silpaulin an lo zar duai tawh a, an in chhak lam kawng chung lamah thingpui lumna ahan hmuh phak bawk.



Kan lut ve nghal a, an in alian hran lo na in alo nuam reuh phian lehnghal, nula leh tlangval an lo awm nual tawh a, nu leh pa țhenkhat an la țhu ve run bawk. Keini pawh a rem na laiah kan inhnawh ve mai a, kan han zai țan a, zai ala tui viau thung kan khuangpu aw a țha luah luah bawk a, kan mitthi pawh a tu leh fate in an kil ve laih a, a khat tawk in an țap leh chiam țhin. Thihna hi zawng a rapthlak em bawk a.




Darkar chanve awrh kan țhu ang tih hnu ah nu leh pa lam an chhuak ta nual a, țhalai pawn lama țhu ho an rawn in sawn lut ta bawk keini pawh a kil awl lam chuh vat in a kan insawn chho a, tlar khat ah leng hek lo a hnung ber dawt tu ah kan țhian 4 a țhu in kan hnung chiah a, Apuia te țhiandun bakah pa valai 1 ala țhu ve run bawk.




"Awi ha!" a sir ber a țhu tih taka ka lama Feli rawn hawi phei chuan a rawn ti zuk a, nui țhaw in mi hmuh loh a min rawn signal kual nghal char char. A kawhna lam kan va melh ve chuan Kawngka atangin kan țhutna lampanin alo phei mek tawh a, a hnungab vawiin a naute pa niawm tak khan alo zui bawk. Chinese neck kamis pawl duk ha in, jacket dum chhah lo zet a ha bawk a, velvet kekawr dum dak zet ha leh tawp in pheikhawk pum ani leh tawp mai. Engvanga lo chik viau țhin nge maw ka nih! hrim hrim in tinge ka mi la tur deuh hian a inchei țhin le.




Min rawn kal pelh lai chuan min hmu ang pawn a awm lo, ka hnung chiah ah chuan a rawn țhu vut a, an țhutna zawnpui lam awlah a țhianpa kha a țhu ve bawk.Pal zam mai tum viau mahila ka tumna a tam ang tluk in ka che a buai zual a, ka awm thiam lo ka khawr leh țut tawh. Hepa bulah hian ti hian ka awm ve ziah lehnghal.




Ka țhiani te ho lah chuan maksak deuh deuh in ka signal e min rawn tia, a chang lahin kei ai ai in alo ngaihsak emaw tih mai turin an che sek bawk.Kan zai te chuan ka awmdan zu hlauh țhak a, tenawm zawk hian zai paha kut beng ngai hlei lo in kan beng ve vel te chuan ka țhian mi thawveng ho nuih a ti za ngang mai, an khur der der thei.




"Khawhar in kal rual tawh, Mr.Bean en rual bawk nula nge i nih naupang zawk" Ka beng bula a rawn phu sur sur chuan ka che dawt thei nia, a țawng zawnga a thaw lum ham ham te chuan ka hmul thi an ti ding sur sur thei hial bawk.




"Tleirawl!" In thunun zet chuan thle chho ve deuh hret in ka han ti nghat a, alo kiai suk mai. "Tleirawl pawh rim rual an ni tawh" a rawn ti leh hram a, ava chimawm tak. Chhan ka tum leh lai mek in zai a tawp a, sawi zui ta lo chuan ka țhut dan ka siam rem ta ringawt.Kan hnunga țhu ve run pa kha a tho nulh a, a haw dawn aniang a chep a chep in a tawlh chhuak a, kawngka lam apan nghal. Kan piah a Hmingmuanpuia kalpui pa kha rawn che ve vat in Ka u leh Hmingmuanpuia inkarah tak a rawn țhu lut ve leh a, an palian hlawm si an khat țung ang chu.




"Lalduhsak!" hla dang kan sak leh hnu ah a rawn ti leh hram a, ka beng bul lawka rawn phun anih țhin avangin a chiang em em zel, midang mitmei veng ru ve tih hriat tak in ka hriat tur chin a sawi bakah a zai ve dut dut a, ka nuih a zà țep.




"Lehkha zir nge i duh? Zirtirtu nih" tei vet reuh hian. Min tih buai a chak ve hrim hrim anih ka ring nidangah hetiang em em hian a țawng duh ngai lo, a duh hun erawh a fuh lo pawh ani lo ang a fuh a tih ber țum ani hial ang atan chuan.




"Țawng tawh suh! Zai rawh..." ka ti ve salh a, an țhutna atangin a rawn kun hnai deuh aniang a thaw lum ham ham ka feel reng thei tlat a.




"Min chhang rawh!" a tih rual in ka rin loh lutuk in ka nak lam deuh a țhianpa țhutna lam zawk chho chu a rawn chul chho anih duh.Ka phu zuk a, ka țhutna țangin ka la tla țep zui.




"Awm țha rawh!" țhu țha fel a ka insiam rem leh hnu ah ka han ti hlak a. A hmui hnuai a pet sawi lek duh chauh, a țhianpa ve run lah chuan min ngaihsak lo tih hriat takin a zai ve bul bul a, en pawh min en lo.




"Sawi phawt rawh!" teh fan hian.




"Lehkha thiam lo in zirtirtu anih theih ami!" ka ti zui erh a, ka awki a sang țep ka thunun hman zawk mai pawh a, ka bula țhu Akimtei erawh chuan a hria rih hriat takin a nui zui ti tih.




"Theih e, nu leh pa nihna pawh hi zirtirtu nen a inang chiah lo em ni!" a tih leh chuan rum zet a melh in ka hawi tau hmak a, min rawn be zui ta em bik lo. Eng chiah nge maw sawi a tum kual vel ni.




Ka phone rawn nghawr dar dar chu ka bag atang ka phawrh ru zal zal a, whatsapp ah lut nghal in ka message dawn erawh chuan min ti lawm lem lo. Rum zet a ka va melh hlawm lah chuan an lo nui ru var var lehnghal.




"Mitthi in scene hi a hmuhnawm ania, khawhar in pawh kan la duh leh ang" tih hi alo nia, ka țhian mawl deuh deuh ho rawn thawn bawk. An thawveng hlawm lutuk hi ngaih țhat lohna tham ani hial ang. Vei leh i engmah an nei ve ngai miah lo ni mai te hian ka hria....





***********************



Muttui vek ule....Lo hre ve leh mai mai ula Mikhual kan nei leh tawh ania😂 Apa tan lawmna keini ho tan hah leh zualna....Ti ve leh țang țang mai ang u auh!Image

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:45 pm

KDB


Chapter - 6



Han țhut reng a ralah chuan mawng alo kham duh ngei mai, mi hriat loh deuh a țhutna siam țhat sek angai a, kan kum en a khawharin hla thiam ve nual tur ni mahila kan thiam chhun a tlem ang reng si. Zai erawh a tui viau mai a, thiam tam ve deuh phei ila chuan anuam ve viau ang, mawngkham te pawh kan hriat lutuk loh phah mai thei ani.



"Zung ve ang u, ka mawng a sek vek dawn" Feli'n a rawn ti ru leh sar sar a. Ka pawm zawng tak, mawng mai bakah ka kawng te hi a kham. Zinglam dar 2 a ri chho der dawn tawh lehnghal.



"Nghak leh lawk ang u, thingpui an rawn sem saw...Thingpui in zawh law law a chhuah a rem zawk" Akimtei'n alo ti ve thung a, a sawi rual in thingpui sem tlangval ho an rawn lut sap sap a, khawhar inah hian mipa hian lumen zan hi chuan thingpui an lum tlangpui tih ka nu in a sawi zauh tawh tak e. Ar sawhchiar keng a rawn zui zat tu te ah chuan kan class mipa ho an lo tel nual mai, angai te te in, mi hriat si loh in kan in chhaih ruk ve zak zak kha.




"Hmarcha a tel lo ami?" Biakhlua'n sawhchiar min rawn pek lai chuan Akimtei'n alo ti ru sar sar a. "An rawn sem ang kan hnungah alo kal ve reng kha mawle" ti ve sur sur in a hawi kual deuh a, sem tur ala nei bawk nen a sem leh rih.A hnu deuh ah tleirawl tho pakhat hian a rawn keng ta ngei a, an rawp viau emaw tih tur khawp a tam an han lak lehpek kha....hmarcha te hi an ngam buah buah mai sia.




"Ka kà mai nilo ka pum te hi a sà vek" Hmangaihkimi'n a rawn tih hliam hliam chuan rum zet in ka melh a, ka khawngaih tho bawk si mahse amah duh vang ni tho bawk si lai chuan min ti thinrim lo thei lo. Chin tawk hi a awm ve țhin.




"Va zung ila, tihdan kan ngaihtuah dawn nia" Ka ti ve sap a. Han hauh chiamna chi lah ani bawk silo. A hrehawm ti lai erawh hmuh nuam zawk zawk ani bik bawk silo, hahthlak hian.




Kan tho ta țham țham a, pawn lamah kan inzui chhuak ve ta. Pawn boruak erawh nipui boruak kai tawh mahila zanlam boruak vang bik nge ala vawt vur tho mai. "Thil thlum lam in nei em? Eng emaw....aaaa, ka pum te hi anà dawn in ka hria" Mitthi in piah lawk thingpui lum ho awm lohna lam, an țhenawm te insir a kan din lai chuan a ti halh halh a, a pum a dawm a lehlamin min chelh run bawk. Tih ngaihna ka hre bik bawk silo, tui kan in tir vak ringawt a a kà chu a zia țan tih mahse apum erawh ala nuam kim thei lo, Lalruafeli lah a puanven dik theih loh mawlh alo la buaipui.




"Damdawi i ei mai dawn em ni?" Atei'n alo ti ngial a, ala duh lo zui. Angaihna ka hre bik bawk silo haw ang tih lahin a reh țep ang ati ve tlat bawk si. A khat tawk in a pum ka chul pui a, a kun deuh run bawk si thil țha lo ti te pawh kan ang ngawt ang a thim lai ah tak kan la ding zui.




"Ka puanven hi ka ning, ka mal chhunglamah ka pen chiah hian a tawm chho vak zel!" Lalruatfeli'n alo ti ve leh niah niah țhin bawk.




"Mi an lo kal in ka hria" Atei'n a tih chuan ka dak chhuak vat a, pen ri kan hre zawm zat bawk.
Pen thawm awmna lam kan hawi rual țhawt a, chumi rual chiah in light engin kan hmai a rawn chhun nghal zat a, rang zet in ka mit zawn ah ka kut ka phar kang nghal bawk.




"Nangni maw?" Aw thum deuh bul hian a rawn ti hmuk a, lawm lo awki a ang! A aw a țang ringawt lahin ka hre der mai silo midang hian an lo hria te nih loh chuan.




"Enge helai hmunah intih?" a tih leh nghut rual in a light ken chu men nuam tur chuan a keng hniam ve hram a, kan meng chhuak ve ngam ta. Ka tum loh lutuk hmel ka la hmu zui zat zui. Hmingmuanpuia ţhianpa naute pa kha lo ni reng in, min melh kual dan lah chu thil ti ru man te pawh kan ang.




"Akimtei pum hi anà a, hmarcha a eisual deuh a" Atei chuan alo niah niah a, a aw a ring lo viau a zam ve ani mai thei. Hmangaihkimi pawh a thaw hawk hawk a a rawn ding kun deuh dà a, ka ban erawh ala chelh țung thung.




"A nih chu" alo ti tawi turh a, min puih ngaihna a hriat hmel bik viau loh a ding ngawi ngul a, min melh kual leh run run hnu ah a phone chu a hmeh ve neuh neuh a, Lalruatfeli'n min rawn hnaih țawl țawl, a hlau leh ringawt aniang.




"Damdawi ei a duh em?" a rawn ti ve leh a, lu alo thing rang viau. Kan inan na pakhat damdawi ei hi hriau a invih ai pawn kan hreh let feeee zawk.
Minute rei vak lo ah kan lama rawn pen thawm bawk kan hre zawm leh a, kar loh ah Hmingmuanpuia a rawn lang fel der.




"Țhianpa!" a rawn ti nghal nghut ringawt lehnghal. A lungawi lo ve ringawt nge a meng leh khui khui tawh, a mood hi a inthlak zung zung mai a, hmeichhia nise chu a period zing bik emaw tih mai tur ang chi kha ani.




"Alaia ding saw, damdawi ina hruai chi nge mawni" Alo ti ve sup a, an aw a lian țha dun ang reng ri an thusawi a fiah țha dun khawp mai.



"Damdawiin a kal ka duh lo" Akimtei'n alo ti ve leh halh a, a thlanfim a far thei nia. Nghet zet in ka kuah a, damdawi ei tir emaw chiu tir mai ka duh tawh.



"Zothani be chhin teh tihdan a hria ang" Hmingmuanpuia'n a ti leh a, tu tak zothani chu ni maw? Nurse emaw doctor anih ngei ka beisei.




"An mu tawh ang!" Pakhat a lah chuan alo ti hmuk a, zinglam dar 3 ala ri lo nangin tun ang hun chu muttui lai tak ani dawn bawk nen a inthlahrun awm viau.



"Ti mai rawh, tih ngaihna avang si" a ti ve bui bui a, a țhianpa ber bur lah chuan a hreh hmel ropui si. "Naute nen an mu sin" ala ti hram a, a phone chu la kangin a call ta niang a bengah angai thla nghal vang vang.




"Zothan" rei fe hnu ah a rawn ti dam ta thluam a, a hmel nen a inrem lo puiin a aw a dam lutuk tlat. Kan melh țhap bawk, kan melh vek hnu ah min melh kual run run a, chutah min han hnungchhawn ngei a! Patling pui si.




"Buaina chhe te a awm a, pumna tan enge ei țha hmarcha ei sual deuh an awm a?" a ti zui leh dap dap a. Hmingmuanpuia'n min melh run bawk nen ka che khawr leh lek lek lehnghal.



"Aw, awm thei ang...aw, awle, Sweety a mutui em?" a aw țangin a nui pah tih a hriat, tunge sweety, a fanu kha ni chiang! Zothani chu a nupui tihna maw....Wow!




"Awle, lo hahdam rawh muttui le Bawihi" ti zui leh in a ngaihchan leh vang vang hnu ah a dah ta chauh a, thawk la hawk a a rawn hawi let hmel chu hmuh anuam zawk a kan hriat tlat pek a, a hma ai khan.



"Nimbu tui kawl innei em?" a ti sup a, kan hawi à hù mai. Hmingmuanpuia'n a motor lama a awm thu sawi in kan inkuah phei a, chumi hnuah engtin tin emaw Patling pa khan siam kual in bottle a a thin leh nawk nawk hnu ah a in theih tawk a tam a intir a, Akimtei pawn a tum ve bawk a a in ve ta nual mai. A pum erawh ala ti mar thei vak lo, a kun ngal a, a hnuah phei chuan motor ah chuan kan mut tir ta ngawt bawk.Darkar chanve zet zawt a awm hnu ah a zia ta deuh a, a hmai te an tui kawl sa ang ang a a phih hnuah phei chuan ngai a awh leh tawh tih a hriat reng.




"Kan lawm lutuk"Mitthi inlam a kan phei dawn chuan kan ti ve ngial a, țawng tam lo ngel ngul dun si an buk rual vei nghut kha.




"I thi dawn emaw ka ti hman alawm?" Lalruatfeli'n kan phei lamah an ti leh hmanhmawh a. Awm ang lo thei henu zet hi chu.




"Thi ta ila chuan i lo ngaihtuahna vang hrim hrim pawh khan ka tih țhaih nasa ber ang che" Akimtei'n alo ti let erh a, a nui tawp hmak mai. Zing dar 5 : 30 velah tawpna an siam a, khua pawh a eng uar tawh mai. Hmun kan phiah pui leh zawk zawk hnu ah kan haw ta nal nal hlawm a, school kal ala ngai dawn si a peih awm loh ania.




School chu eng ruaiah kan hmang thei lo, a rem dan dan in kan mutthlu ani ber, tlaivar dang ho pawh an ni ve țhup mai, class pawh a ngui ve raiwh thei hial te a ka hriat ni.




"Sir Remtluanga zawt zawt hi chu " tiin kan hnung a țhu te an nui khur dar dar leh țhin a. Zep loh chuan Sir Rema kher hi chu nuih loh a har ve țhin mahse nuih sawh lam nilo in hlimpui lam a kawk zawk ber ang chu. A thil sawi a pawimawh a a hriat deuh lai uar deuh a tumna lamah hian action nen lam hian a bei ta țhin a, ani lah a zei lo chi khawr țut chi ni bawk nen a action pawh a ril bik ti mai ang.....😂



"Melh nghal lo ula, Tetea saw..." Feli'n a tih rual chiah in ka va hawi nghal, ka chal a ri nghal thlawp bawk, Lalruatfeli'n ka chalah alo nawr nawk alo nia, min la melh rum em em zui nia ka thiam loh melh miah lo ula ti na mawlh mawlh he mit hian a sawi hrethiam ve hek lo.




"A chalah i beng ri thlawp dawn emaw ka tia" Nui chungin Atei'n alo ti ve ngiala, ve reuh hian.



"Enge Tetea chu?" Akimtei ve thung.



"Eh! Sawi pun chi loh....a hmelțha ka ti, a sam buk pawh a inhmeh mahse a cher mah mah țep em chu ka tia" mi hriat hlau zet a hawi kual zui hrum hruk pah chuan ati sep sep a, Tetea Ramropuia ni ta in ka hria sawpa saw maw alo duh ve chu, nih tir dan ngaihtuah angai tihna, Tetea pawn ngaihzawng a nei hran lo in ka hria.




"I s-i si tar ve tihna mi?" Nuih zat hmel zet in Akimtei'n alo ti a, alo haw reuh ang reng sia, an in chum zui leh awk awk tawh kha.



*Saturday kha ka lo beisei che u nia* Mut chhuak chung chunga lehkha ka zir zawh ve hnu a phone ka khawih leh hram chuan Hmingmuanpuia hnen atanga ka message dawn chu ka bih nawn leh ngat a. Hepa hian eng nge maw a beisei a rawn inlar zut le.




*Saturday an beisei ngai ami? Saturday te chu seventhday adventist lo zawng inkhawm loh ni alawm* awmze nei lo zet in ka chhang. Ka chhanna chu keipawn a awmzia ka hre nial nual bik lo.



Kan țhian ho group pawh alo lun leh hle a, thupui maksak deuh deuh an rawn sawi a. A chang lahin inkhual te lem angin hla chang te an lo in sawi siak thul a reh lo khawp mai.




*Manuna vawiin ah ka hmu nia Dus* Feli'n a rawn ti zeuh a, sawi zui mai tur ka hre chiah lo.
*A ho e* tih te ka va sawi a. Keimah thi duk awm chu amak lo, a hma thil thleng ngaihtuah chuan ka harh fim ta riau bawk.



*Sawi sawi tlak pawh anih loh kha, khatiang Mihring! * Akimtei'n a rawn ri zat a, min chhan hi a pe nà ve bawk a ka thianțha ber anihna laiah ka lawm țhin. Mahse Lalruatfeli hming rawn lam rik erawh kha chuan keimah ah danglam ala sim thei fo chu nia khatiang khawp a hliam min pek hnu pawn.



*Awii, saiw tlak a nih tawh lul lo, a ngo hleng si ei tlak emaw tih hial tur alawm anih, mipa ve si thau chu ani lo nangin a mum țul sia sweet te pawh a ang lek lek* Atei'n uang zet in alo tih zawm a, chumi bak an sawi ri leh tawh lo. Ka boruak hip nawm lai erawh a hming tawi te khan a ti chhe hman vek tawh. Rei rial lo in ka phone ka dah a, zang thala mu in ka meng kar mai.




Țul lo pui a nunhlui ka chhui kir hma in ka phone ah private chat a awm tih hriat nan a rawn ti tlang a, ka ngaihtuahna la peng thei anih ringin ka phone chu ka ban nghal zat bawk




* A va nawi ve* tih tawp Hmingmuanpuia hnen atangin.Ka rilru lak pen na a hman tum in țul lo pui ah biak zawm ka chak tlat a, keima a phurna awm sa nen hmanrua ni nghal bawk nen ka phone ka kheuh leh țan.




*Thing lo la dah vang vang la, i nghah deuh hunah a mawngah a nawi a tla nga a chung fim chin zawng kha ani mai*




*Engmaw ni mai*



*A nawi lo ani mai*



*Eng emaw sawi dun i duh em?*



*Eng emaw chu enge?* Tinge ka nghal chak em em le.....Ka phurna a sang zual a, nuam ka ti tulh tulh lehnghal




*Țawngkam nangma chham chhuah thlum tak 3 sawi la, i duh duh ka pe ang che?*



*Chiah maw?* A ti tak tak anih vaih chuan ka sawi ngei ang, duh leh mamawh ka ngah lutuk tlat.Chhungte dil reng inthlahrun awm chho lai ve tho ka nia, puitlin ve uai a mamawh ngawr ngawr bakah duh leh zel han dil pawh a nà zawngah chuan inthlahrun na chang ka hre ve tawh.




*Chiah, i țan thei ang Minute 3 i nei* A countdown dawn tih ka hre reng reng lo. Ka ngaihtuahna ka seng ve nghal nasa mai, mihring a zawng a ril lo ber mai mizo subject abu ringawt chhiar hrep hnu ah pawh a zawhna la chhang thiam tlat lo ang kha ka la ni ve deuh a, a nà zawng erawh chuam ka ni tawh bik lo thung.



*Kan inkar zau zia leh tih theih a awm loh zia ringawt i hria a! Tinge he hmangaihna kan inkar ami chak zia leh thuk zia hi i hmuh hmaih tlat le(?)*



*1point*



*Ka vei lutuk che hi natna chi khat ni maiin ka hre tawh! Sum tam tak aiin i bawih a tan ka thlang tawh zawk*



*2 points*



Adang ka ngaihtuah leh ngial a, awi sawi tur pawh ka hre tawh lo. Midang rawn tur lahin an reh țhuap tawb bawk si.



*30 sec* ka rilru a rawn ti buai thiam em em lehnghal.



*15 sec*


*Khawi zu aiin ka hmui a thlum zawk* Ka type zawh rual in chhiar nawn ngam lo in ka thawn nghal hmiah a, ka chhungril a zak ru chem chem thei hial. Ka phone pawh a melh ngam tawh lo ngaihchan ruk erawh ka la nei reng, a hmanhmawh lo bawk si.




*Khawizu vrs Duhsaki hmui* A message ka chhiar rual chuan ka lum pup pup thei nia mawle....Hepa han sualthiam dan em em hi, ka zah ruk ve tawh tehreng nen ani erawh ala chimawm na ngiang si.




*Ka chak tho tho* zak lo awm ang deuh kut khur ru lek lek chuan ka han ti leh hram a. Nia ka chak tho ka tling tla fel tawh.



*Yup! Lo ngaihtuah la, engpawh a rem vek ania, khawizu te pawh* Kher kher zel a. Tlangval pumpa han chimawm em em mai hi engti dan nge. Midang lakah lem a tum bur țhin nen.




*********************



Note~

Ti chuan in, Mikhual 3 kan neih belh leh dawn a, nun hi a va uau lo tak e aw......Lalapu hi a ti ti tui thei sia, kan tlai leh viau țan ta anih hi, mahse an khuahar ve țhin sia kawm ve an ngai bawk sia in hrethiam zel mai ang u auh! Mifel em emmmm ho.... Muttui vek ule💙

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)