KDB BY Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KDB BY Apuii Tlau (Completed)

Unread post by Ngaia » May 1st, 2022, 9:48 pm

KDB


CHAPTER - 19



Hun liam chak zia hi!


2nd Term kan exam zo der a, Study camp nei turin kan inbuatsaih chho țan a, thla 5 awrh exam nan a awm tawh a, lung ala phu rang lo nangin a boruak erawh a awm chho der tawh. Kan teacher te an țang bawk a, thiam loh leh kal kan neih an phallo ani ber. Zir tur min pek chin ang ang chu thiam vek turin min duh a, kan țang tlang a, in er nilo in in elna tak tak nen hun kan hmang chho a, a nuam a a hlimawm ru viau bawk hah erawh a hahthlak ve țhin lutuk.




Hmingmuanpuia erawh hna lamah an buai ve bawk nen kum tawp lam chho ani a, report leh eng eng emaw department lian lama siam ngai anei nual a a buai ve mawp mawp khawp mai. Buai viau e tilo chuan ani tel in a thik thu a chhe zual emaw tih mai tur ani a, han rik leh hluai chang a awm leh nge nge țhin.





Tunah pawh "I zui kha!" a ti leh tlat tawh. Kan school bang Biakhlua ho a kan haw kha min lo hmu leh pek chu niin mipa an tel tawh hrim hrim hi chuan kan bula ka thiante dang tumah hi a hrechang tawh ngai lo reng reng. Ka țhiante pawh an awm ve țeuh reng sia.





"Zui lo bawk!"



"Mi hnial suh!" a ti leh lawi sia. Va chhe ber bur tak. A hah ve deuh bawk nen han hnial buai leh chiam lah ka khawngaih ve deuh bawk si ti hian țul lo pui a an inti hah thlawn leh mai mai bawk sia.




"Ka hnial lo che ka hrilh che lawm, Akimtei te pawh an awm țeuh kha" Ka tih chuan a phone min khawih san leh deuh tlat tawh. Ka nu leh pa an mu tawh a, a hma ang em em in ka nu in a haw tawh hran lo mahse han inti țha hurh erawh an la ni meuh lo.




"I mak eee, enge tunlai hi i hriat a?" ka ti ta thlawt a. Tunlai tak hi a nasa zual bik ka ti mai, a hma zawng a a tih dan loh deuh in ka phone min check sak thul, min ringhlel reng hi a ang ti mai ang."Sawi rawh, tinge hetia i awm tlat a?" ka ti leh halh a. A phone hmet thim in a țhutna sir ah a dah thla a, nghen chhan bawk chu ngheng thal leh dawt in peih loh hmel zet hian min rawn melh a, sofa chung a țhingțhi ran in ka lo melh ve ngat bawk.




"Ka mal chungah khan rawn țhu rawh le" a tih sup chuan ka melh ran a, a nui suk bawk. Mahse kei erawh ka zawhna ala chhang bawk silo nen ka la lungawi teuh lo. Hetia phakar deuh a ka thinrim ve leh a dam leh thluam zel si te hi amak ka ti vek tawh.




"Hmingmuanpuia sawi phawt rawh" ka la tih hram lai chuan a kut in min rawn ban a, duh lo eng ang mahila a malchungah ka țhu fel leh vek tawh.Thatchhiat hmel zet a țhutphah ngheng dawr dawr a a ťhu mu chu a awm ngheng tur a min kuab a tum a, chu erawh ka lo ţang ve țak tawh. A nuih zà insum chu ka ngei lek lek hial.





"Ka zawhna chhanna ka hmuh hma chu ka kuah tawh dawn lo che" ka tih hmak chuan a nui che leh dawt a, thaw chhuak ham ham in a țhen leh suk suk țhin.




"Thlasik a inţan dawn !" a tih sup chuan ka nur nang a, ka zawhna chhanna ani lo lutuk, nilo mah mah zawk. "Min chhang vat vat mai teh" tiin a awmah ka beng dawt a, a țhen leh suk hmel chu a țha ta thlawt alawm. A hmai fang a țha em bawk a mahse tunlai a khabel hmul vel buk zuah deuh chu ka duh chiah lo.





"Ka nihna sa lawm!" tiin a nui leh suk a, awih lo deuh a ka melh chuan a thutak hmel riau lawi a, hetiang khawpin a thikthu a chhia tih ka hre ngai miah lo tak tak.




"Mahse hetiangin a hma pawn i awm ngailo!" ka tih sap chuan ka kawngah rawn dawn in ka hnunglamah a a chelh kawp leh a, a awm lum
nuam deuh ah chuan min pawt bei leh ta hle hle thung.




"Ka insum nasat theih zia i hre lo mai mai anih kha!" ti nghut in ka chhip ah a hmui lum vung vungin a rawn nawr si leh vang vang a, keipaeh ka inthlah dul ve thei tawh. "Mipa i duh miah lo i hnaih pawh hi ka hmu thei chuang lo, chan che ka hlauh zia a țang hian i teh thiam mai em! Zun i ngah zia hi!" a rawn ti ta daih a, a aw hniam leh thum ve dut dut chu hriat a hahdam phian bawk, a thawk lak zawngah a awm insep chet rual chuan ka che ve leh dat zel a, a hlimawm dangdai.




"Zun ka ngah lo, nangmah zawk kha i tang ve laklawh mai mai aniang, nangman i ngaha fe zawk" tia insiam remin a khabe hmul chul sak pah chuan ka ti a. Lu thing chungin a nui a a pawm ve teh chiam lo anih hmel.




"I khabe hmul hi ziat fai tawh rawh aw" ka tih leh chuan "Ti hian a nalh zawk iti lo em ni?" alo ti leh sup a, ner sak in ka lu ka thing nghal vat.




"Hmai phih te a hrehawm zawk loh ami? Bakah i meh fai vang khang i lang naupang alawm" ka ti leh a. Atthlak tih hmel zet in min nuih zui suk suk.





"Nimin piah ah i inlengpa pawh Aizawlah a phei tam kha" a ti leh a. Inleng pa? Manuna maw....A sawi miah silo a. Ho emai, a hahdam thlak huai zawk.





"Khapa lakah khan i awmdan a danglam ziah tih i hria em?" a tih nghut chuan ka melh vat a, a mitmeng chu alo tak leh deuh tawh. Lu ka thing vat a, awih loh hmel zet in a ner sak thung.





"Duhna emaw ni chuan ka hre chuang lo, mahse awm a awm?" Ala ti fan a. Thawk ka lak hak hnu ah hrilh ve hrim hrim țha a ka hriat avangin ka hrilh ve ta mai.




"Class 7 kan nih lai khan christmas laiin kan haw a, Manuna te hi an lo haw ve bawk zep loh chuan tleirawl tirh te ani na viau na chungin hmelțha ka tih em avangin kawm ka chak viau țhin, a hnu ah phei chuan kohhran khat kan ni bawk a kan inkawm ve ta zeuh zeuh a, ka țhiante nen pawh fel kan ti thei lutuk mahse khanglai atang daih tawh khan ruihtheih thil ani chuan alo khawih tawh a, Broken family atanga chawr chhuak ve ani ve bawk a țhenkhat chuan an dem lutuk hran lo mahse ala naupan ngaihtuah chuan kei chuan a hma deuh chu ka ti, keini ai khan an u awrh chauh miau a. Chuan țumkhat kan inkhawm bang kha zaikhawm hma in tlanga kalpui ah min sawm a, kan țhian ho lah a harh rual lek kan lo ni bawk nen kan zui ve ta mai a, tlangah chuan boruak anuam in a hahdam thlak bawk a nuam pawh kan ti viau, a hnu deuh a Manuna kha kal hrangin kan piah thim lai chinah tu nen emaw ni an inbia a, a lo let leh kha polythene dum in lian vat silo hian thil a rawn khai phei bawk. Ah na ipte a neih loh chhuanlamin min ah tir ta a, kan awm rei lo kan haw zui ani mai, mahse kawnah YMA duty ho in keini rual kal kha min lo au khawtlai a, kan kalna te min zawt, an ngaih a țha vak lo nge Manuna kha an dap ta mai a, keinin lo hre vak lo mahila khawtlang hriat khan alo tal ngap ve reuh tawh alo nia, ahnu ah engmah an hmuh loh hnu in keini min dap leh a ka thawmhnaw atangin polythene dum Manuna min ah tir kha an phawrh ta chiah a, an hawng nghal. A chhunga awm an hmuh chuan YMA duty ho mitmeng kha a rap awm asin aw.... Damdawi alo nia keini pawh khan mak kan ti, eng ang chi ber nge pawh ka hre tawh lo, tah chiah khan Manuna khan keimahni ta angin min puh ta tlat a, khawpui lama awm nun inthlahdah ru tak kan nih thu te hial a sawi" Khang hunlaia kan hrilh hai zia leh mangan ruk zia ka ngaihtuah khan ka la na thei, "kan la à ve bawk nen țan ngaihna ik kan hre silo, chuan YMA ho in an rùn ah min hruai thla a, Mahse Manuna pawh an ringhlel ve tho aniang an hruai ve, khang hunlaia kan hlauhthawn zia kha Atei a țap lek lek hian Akimtei a pachang ber a mahse ani pawn sawi ngaihna ala hre bik lo, kan nu leh pa te min hauh nasat dan tur kan ngaihtuah nasa ber ang. Kan chhungte an ko ta ngei a, Ka pa rawn thkeng kha amit ah pawh ka en ngam lo kan ta ani lo tih pawh ka pa aw dam zet in min zawh zet hnu ah bak ka sawi ngam lo, Manuna vangin kan mualpho lo chauh a ka pa in a hua pawh hi a awm tiraw...keini naupang te kha amah inchhan nan min puh let vek thei ania, khami hnu khan YMA lamin an zilh hau nek a, ngaihdam te min la rawn dil ngam bawk mahse ka chhang thei lo....ti chuan anu in a thawn bo ta vang vang a, chuan hei kumin hin kan inhmuh leh na hmasa ber ani! huat chu ka haw tawh hran lo mahse ka la theihnghilh tak tak thei lo thung, kan ngainat derna a hmang ţangkai te kha ka hua" ka ti leh nghat nghat a. Fel fai zet a ka sawi kim thei chu ka lawm.Bakah ti kha chuan thik enah pawh a en tawh loh hram ka beisei.





"I hlau awm reuh" ti sup in ka chhip ah a rawn fawp leh vang vang a. Tunah chuan hlau tawh lo amah ka nei tawh miau a.




Study camp kan țan a, a țan zan phei chuan awm ngaihna ka hre lo der. An chhiar nasa lutuk a, bakah hei a huho a class pangngai ang nilo a el a han inel meuh chuan chhiar ve ngaihna pawh ka hre lo. A hnu ah phei chuan school compound eng chinlaia awm an phal avangin țhutphah leh dawhkan kan zawn chhuak a, school hnung light eng awmna lai tho ah chuan kan zir ta daih a, tlem chuan a zia ta deuh.





Kan han ti tak tak chu zirtirtu te an phur thiam si min fuih phur an thiam bawk si theihpa tawp a kan han zir a, zing dar 8 rik hma a in kan han thlen meuh hi chuan kan chu rawih rawih thei, mahse angai ang tein tlai dar 6 ah kan lut leh a, kan han ti leh ngat ngat a, hah tih a sawi theih bik loh hi ani tawp mai midangin an chhiar miau chuan tiin kan in fuih tawn zel a kan thiam pawh a inrual tlang rilru chak fal deuh erawh an hrang nalh a, reside pawh an reside tam bik.





"I cher ve riau, lehkha i zir nasa tih alang țan" Kan chhungkaw chaw ei kim laia ka pa in a tih chuan ka nui hak a, Apuia leh ka nu an lo nui ve tho.




"A lawmman tur a hlu vet vet em ani" Apuia'n alo ti zauh a, ka lei ka chhuah khum vak ringawt.




"Midang phak tum reng reng a awm angai hran lo ania i theih tawkah khan keini pawh kan lungawi" ka nu in alo ti ve leh a, ka lo bu nghat nghat. Kan chaw ei khamah ka insiam a, ka tai na deuh ngut ngut leh țhin leh ka kawng kham nasa lutuk avang chuan pads ka hreng ta ringawt a, inven nan pawn a țha hrim hrim.




Rin ang chiah in chhun chawlh laia kan zun chuan ka lo period tak tak a, ka tai nà ru zet leh ka kawng kham lutuk nen lehkha zir ngai bawk si chu inhremna ang hial ani. Ka bawk zawi deuh reng a, Miss te an rawn round leh zeuh zeuh zel bawk nen chhiar loh ngawt a theih bik bawk si loh. Class - xi ho class room a an awm țhup laiin keini lehkha zir lehzual ho erawh schook compound khawi laiah pawh zir an phal a, mahse class dang erawh tihbuai an phal lo thung. Hahdam taka tam tak min thiam tir an tum a ang ber.





Tlai kan bang chu ka nuam lo bawk nen ka inkawng chhuk thla te chu thui hi ka ti lutuk ringawt. Inchhung ka thlen meuh chuan ka bag paih thla hnawk in sofa ah ka bawk nghal thlawp a. Țah mai te ka duh. Thla hmasa ka period țhat loh vang vek ani chiang tun țum a nat em em chhan hi.




"I dam lo em ni?" Hmingmuanpuia aw ka hriat rual rual in ka meng nghal zawk a, ka țhutna bul chhuat a lo țhu hniam in min ngaihtuah hmel zet in min lo melh reng, ka pang a rawn dek a, a dik a tih hmel bawk si chu a nur nanh mai.





"Ka tai anà lutuk, ka kawng a kham bawk" ka ti țiak a, ka mittui chu tla mahse țap erawh ka la inti phal lo.




"Na chhawkna i duh em? Nge damdawi bik a awm zawk" a ti nghal vut a, ka bawk lai chu ding chhuak vut in ka hnung zang leh ka kaih za a dawm in min pawm tho lawp a, amah zawk chu țhutna a țhu thla leh in a mal chungah min pawm bet leh ta hlu hlu mai.




"Enga tinge? A dam lo em ni?" Ka nu aw ka hre zawm leh zat a, a ke pen danah kan bul a rawn thleng chawp chilh tih ka hre nghal.




"A tai anà, a kawng nen!" alo ti nghut a, min ngaihtuah zia a aw ah a lang thei.




"A va zia lo, Bawihte i period tawh em?" A rawn ti leh a.



"Umm, vawiin atangin....ka...ka...ka chau bawk sia, a nà bawk sia" ka ti țiau a, min ngaihtuah deuh deuh tu ho kianga awm hi chuan alo pangchang theih zia ka hre nawn awn awn mai.




"Tai na damdawi nge na chhawkna i ei zawk duh?" a tih lai chuan Hmingmuanpuia kut lum thur thur chuan ka kawng hnunglam a rawn chul deuh thuak thuak a, a chhungril a nà anih avang in a reh phah lo viau mahse a theih tawk ani miau a ka sawisel hran lo.




"A eng pawh" ka tih hnu ah ka nu chuan ava la leh a, min ei tir in ka khum lama min hruai mai turin Hmingmuanpuia a hrilh ve seuh seuh a, ka zia tawh mai ka ring, damdawi ka ei ve tawh bawk nen.





"Tui lum ip a deh hian a nuam deuh duh" tiin ka nu in tuilum ip min rawn pe leh a, Hmingmuanpuia'n alo dawm vat. Ka nu chhuah hnu ah pawh a țhu ve reng a, ka awmdan engkim chu min melh reng ani mai.




"Enge i ngaihtuah leh tawh?" min melh ngur ngur avang chuan nuam ti chiah lo hian ka ti liam puat a, a hmel erawh a thu tak deuh run thung.




"Camp ve tawh lo mai rawh!" a ti leh tawp a, a sawi liam satliah erawh ani lo a nghet churh mai. Min ngaihtuah vang ani tih ka hria mahse hetiang reng ani ngai bik lo, bakah in leh school chu hah chu a inhahdam hleih na meuh mai mahse tum aiin inlam chu thiam alo tlem duh zawk ka ti ve tlat.




"A nà rei dawn lo zanin aliam anga ka thi a chhuak mumal anga a zia mai dawn alawm" tiin ka hrilh ve leh a. Ani erawh a rum nghut duh lek.




"Zankhat tawrh pawh a hrehawm tur zia hi, vawiin pawh i tuar hrep tawh zawk ania" a ti leh a. Ni ve tho mai...mahse damdawi ei ila ka zia leh mai ka ring.




"Damdawi ka ei leh mai dawn alawm bakah hmeichhe dang ho pawh an ni ve vek zel an chawl bik lo!" chauh nen inhnial ngai bawk a hahthlak zual.




"Midang i ni hleinem! I danglam bik alawm" a rawn ti leh a, ka nuih ta tawp, ani erawh tum bur in rem lo zet a min kuah hlu hlu in ka tai a ka tuilum ip dah chu a vuan ve pah run a, a inhmeh leh pek ber bur ania.





Thianghlim taka inel na kan neih phawt chuan maw midang te nen kan inzawmna te hi alo inpawh theih bik ania aw....kan han camp ta chu khawsa ho tam ta reng reng kan in pawh hlawm em em a, thil chhin chhiah tlak tak tak kan tawng nual bawk. Kan khua a higher awm chhun anih avang hian khawtlangin an chhawm dawl in an duhsak em em a, NGO pawl hrang hrangin a khat tawk in kan ei leh in tur min lo pe leh țhin bawk. Tiger/Goodday Biscuit leh Thingpui tlawng tih loh ah chuan alawmawm thei ania. Chana ei zan erawh in an kua a puar nasa thei hlawm hle, nuih na tur a tam zan ber ani ziah bawk.





Țumkhat erawh kan tea break laiin kan class ami tho Rini'n a țhiannu tho Chhuani alo barakhaih pek a, vanduaithlak takin Chhuani lah lungțha lo lo nei ni bawk nen a buai ta chiam a, a zan a zan in damdawiin lamah an tlan phei pui a, Rini pawh a inthiam loh ve tak zet zet bawk. Mahse Pathian zarah eng em tilo in an lo let pui leh thei a, Rini pawh alo țap deuh par ti tih.





Țawngkam maksak tak tak a chhuak tam a, thu lawilo deuh deuh a pawt an tam bawk, a țhenlah infiam inti a ri dawt dawt khawp a in ti chiau an awm bawk a, kan ni nuai nuai ve ani ber.





"Engtik thleng nge in camp dawn kha?" a ti sup a. Ka melh vat. A tlai ban hian a khat tawk in alo peng ve țhin a, kan in hmuh theih ve chhun ani bawk nen kan lawm ve dun viau zel. A hmui hmul pawh a ziat ve leh vek tawh a thar vuk hial in ka hria. December kan chuangkai tawh a, boruak a vawt ruih tawh bakah christmas rim a nam țan tawh bawk nen keini camp lam pawh a tir ang em em in kan tih tak hlei thei tawh meuh lo.





"Ni 16 thleng, 16 hi kan advance christmas hman ni tur kha ania" ka ti leh siam siam a. A nui ve suk.




"Ni 17 ah keipawh Aizawlah ka phei angai tawh dawn a" a ti leh sup a, hrilh hai zet a ka melh chhoh chuan nui sukin ka biangah alo piai zauh a "Aizawl khua ka nih i theihnghilh in ka hria" a tih sup chuan ka harh chhuak zawk. Ni tak e, tinge maw a haw ve dawn ani tih ngaihtuah na chang ka hriat miah lo, mahse ka hre ta cheng ka hlim der bawk silo, alo ber ah thla 1 vel a cham ve anga a rei a rei tak zet, chumi chhungin kei ka camp leh hman bawk anga, nakkum lam phei chu a urhsun tawh dawn bawk nen! Buaina vek....






"I thluak te reuh te ah hian ka awm tih ka hre mai" a rawn tih leh sup takah chuan ka melh vat a, a mit mengah chuan ani pawn a phur teh chiam lo tih ka hre ve nghal.




"Haw lo mai la!" ka ti thla ngawt a, a nui hawk hawk. "Ka ngai dawn che sin" ka ti leh a, ka thu tak viau kei chu.Chutah ani pawh chuan min hrethiam ve ta deuh nge "Tun țum chu ka pi leh pu aniversary lawm pah tur a awm a, alo theih loh alawm....mahse kumthar rual rual in ka lo let vang vang a" tih tak zet a tiin ka biangah a rawn tawk zauh a, kei erawh ka țawng peih tawh lo. A thil saiw reng reng a rul tawk bakin ka chhang duh lo a, ama duh vang reng ani lo tih hre tho mahila min kalsan tur ka huphurh lawk eng avang chuan ani ka la lungawi thiam miah loh.





"Nangmah ang tho ka nih hi hre ta che! Rei lo te ka mit hmuh theih lohna a i awm pawh hian ka ngaihtuah zui reng tho che a, nikhat a minutes tlem te tal pawh ka hmuh loh che chuan ka awm theih loh zia i hriat kha....a kawi zawng chuan ka suh ka huphurh ve tak zet asin" ti dam thlup in min kuah hlu hlu a, ka ngawi reng. ka țah te lam lam a chhuak zawk.





*********************

Zawmna)



"I va tum ber bur ve!"


"Tum lo!"


"Tum Tum!"


"Hmangaihkim... sawtah va kal teh!" ka tih hmuk chuan min melh rum teh e. Period bawk mood fuh lo bawk ka haw vel vek engkim hi.




"I sawi vang hrim hrim in ka kal lo ang, buaina in nei leh tawh zawk em ni?" a ti leh a, dawhkan a ka note bawh a ka bawk reng chu hnai zet a min rawn la bih zui.




"I thaw rim ka hre thei ania!" ka lo ti leh a, ner vak in a țhu ngil leh a, "Sawi teh, buai reng mai a, fa innei ve teh mial anih chuan Lalbuaia emaw Lalbuaii tiin ahming ka sà ang" an ti leh kher a, Hmangaihkimi nih thlak lutuk.




"Chutiang aniloooooo" ti vak in ka thu kang a, "Anih si loh chuan khatiang khan awm ber bur suh! Hrim hrim i i thingtlang awm hi a hriat lutuk i hàng vek tawh" a rawn ti ve hlar a, nà zet in a hnungah ka chum dawt. Mi mood fuh loh lai lai a! Ka hàng bik thlawt lo!





"Hmelțha deuh han danglam deuh hi chu alang hma bik alawm nangni ang chu phek en tawp in nia a hriat lem loh!" tia ka chhanna zet chu ka inchhir ram ram. Vai khuang chu nep te, min beng tla lo chauh alawm ka țhutna atangin.





"Nanga mood fuh lo suah sual tukhum pawng hi ka buaipui peih lo che!" ti hlar in a tho a, a kal nal nal. Um zui pawh ka peih lo, ka dawhkanah chuan ka bawk leh thlawp a, chawhma chhungin short 2 bak ka la reside lo bawk midang chuan 5/6 vel an reside leh vek tawh ang. Vawiin zawng ka rilru ah alut hlawl lo ani ber.





"Lalduhsak! Tiffin kan ei dawn rawn phei rawh!" Lunch break ah a rawn ti leh lang lang a,ka mood fuh lo zia a hria aniang thlem pawh a phut lo tun țum chu. Mipa ho nen kan kil luih a, chaw ei lah chu ala tui phian a, a rual a thil tih ei hrim hrim hi chuan alo tui hma bik te pawh anih dawn hi.




"E he! Sa ka seh!" a thil țhial mawlh mawlh lai chu tawp chawt in Lalruatfeli'n a rawn ti vak a.



"Daw daw suh!" Hmangaihkimi'n rang zetin alo ti leh bawk. Pakhat lah chuan "Ani tak tak!" tih leh a kà atanga a sa ti lian lem lo tak chu rawn phawrh a rual a, kan țeh hak mai.





"Hmeli, thun leh vat rawh!" Hmangaihkimi'n a ti pawr nghal hlar a. Nui sawngin Lalruatfeli'n a ei leh, a hmelah chuan a sà nei chu an inti thei mai mai khawp a, rapthlak hian.




"Khawi ami nge? Ka duh ve" Hlimpuia'n alo ti nghal vut a. "Ka hre ber lo, Ka ei rual țeuh a" alo ti mai si. Hmangaihkimi nen kan chawhmeh chhawp ho chu an in hawlh kual chhawk sek lehnghal.




"Hmarcha pui ah khan aniang, Sanghal sà anu in a thlak țhin a, a ti hang tui duh atia" Maroa'n alo ti a, an nui țha mai. A rimtui ka lo ti reng a, an sà telh vang lek alo nih chu.





"Zai ila.." Phur hmel fe in Nunhima'n a rawn ti a.



"Ni e, guitar ka va la ang" tih leh Hlimpuia tlan chhuah a rual. Office atangin guitar hi hawh chhuah ve mai theih ania, thil pawi chinah lo hi chuan naupang hi zalen ve tak kan ni, dan dinglai zawm loh erawh chuan an khauh thiam leh hle thung a, a awm zia berah chuan kan fel tlan chuan min duat kan sual erawh chuan min vaw hreh lo chutiang chu ani mai.





An zai țial hlawm leh nasa mai, mahse han tih ho ve reng reng chuan alo nuam ve mai a, thawk a ti veng huai thei leh nghal. Dar a ri țep tih ah hla pakhat an thlang leh țalh a. Mizo hla ah pawh kan lo zir ve ngei tawh P.s Chawngthu hla "Chhingkhual lenmawii" tih ngei mai kha. Nuam an ti si, an thiam tlang țha bawk si kan sa nawn tluk tluk ani mai. A hnu ah Miss Mafeli alo phei hnu ah dar a ri tih kan hre ve leh chiah. I hriat reng tur chu țhenrual țha leh țhianțha tak tak te hian mumang nilo in i chhui let tur hun hlu tak tak an hnutchhiah fo ang che a, khang hunlaia i lo duh lo țhin thil te kha i ngaihtuah let theih hunah chuan i lo àt rei zia i inhre thar țhin ang, nun hi anuam a kan hlim theih chhunah hi chuan nasa takin han hlim phawt mai ila engtik ah nge harsatna alo kal dawn kan hriat miah loh kha, i hun tawn nuam leh hlim awm tak tak i chhui kir hunah chuan heng hun hi i thinlungah an ri ring hle anga, khang hunlaia inzia leh innun thawveng leh hahdamthlak si, sualna in hmun ala chan lohna ni ang hial a kan ngaih khan i lung an la ti leng ve vawng vawng ngei ang.






"Sawi tawh rawh, i hà alang ve țha tawh" a rawn ti leh pek a. Chuti fa ko te chu tiin Hmingmuanpuia haw tur chungchang vel chu kan sawi dun ta a, ani pawh chuan heta hmang ve turah alo ngai nghet ve hmiah tih ka hre nghal.




"Ka lerh viau ang ti tlat la, a haw lo mai ang" ka thlakhleh zia min hriatpuiin an ti ve ngial a. Christmas hmang tur ngawr ngawr a phei tum te chu nise ka dan luih ka ring mahse Api leh Pu te kha an awm ve kur bawk sia, anuam bik bawk silo. Bakah a chhungten keimah vang tih hre ta se min dem viau palh ang.





"Ka ning! Kan khua ah te pian ve mai tur ania" ka tih chuan zà zet in a nui chhuak a, keipawh anuih tak rengah chuan ka nui ve ta tawp. Dar a ri a kan haw leh dam dam......Mipa ho an ri thla hlut a, sawi tur te hi an ngah ve thei ania mahse sport lam leh mobile games vel bak ani leh chuang miah lo.





"I u pawh kar leh a ka rawn haw ang a tih kha" In ka thlen hnh lawkah ka nu in alo ti a, taka Mapuia hi a hma khan exam a pe ve ta ngei a vanduaithlak deuhin a tling zo lo a, mahse a ai ngawrh zawk a zir leh in ala inbuatsaih leh mek chu ania, March thla ah an exam dawn ni ta in ka hria.





"Coat leh boot ka mal te thleng vel ka duh, min lo chah teh!" ka ti leh zat a, a an hnah then mawlh mawlh lai chu rawn hawi chhuak in a ner nang mai. Nui țha chungin ka room ah ka va inthlak leh te te a, chumi hnuah a thingpui min siam in pahin a an hnah ka va thenpui ve leh.





"Mal te thleng boot te zawng coat i hak leh phei chuan kè tawi te bak inei lo emaw an tia nga sin!" alo ti leh hram a, a fiamthu mai mai ani tih alo man leh pek lo aniang





"Fashion alawm, taka nu mi hi an mak e" ka tih chuan "Ve leh ringawt țhin che hian" alo ti ve leh zat a. Ani reng sia.





"Kan class ami Siamtei te țhian ho in nizana ka jacket hak te kha an lo sawisel leh hman a, inchei/nalh tum ti ang zawngin chutiang ani tawp silo a, bakah thla a sik tawh a wind proof ania a lum țha bawk nen ka hà ve ani reng sia, bakah ka incheina san thu an sawi ru ve sek zel a ka hre ve leh vek zel sia...ka pheikhawk tih loh 500 man ai to lei pawh ka la nei lo, bakah nizana ka hak pawh kha Apa Valtea nupui hawn second han min thinsak 150/- man lek kha ani sia, an țawng tam mai mai tiraw?" ka ti ve deuh hlak hlak a, hetiang incheina sang ti ang zawnga min sawi ve sek hi ka ning. Bakah ka thil neih hi a țha ber chi emaw an ti vek a, kan chhungkua nen a inphu lo te an lo ti thul, thil man tlawm si țha si a tam tawh lutuk bakah man tlawm/to ai chuan kan inhmeh leh kan duh zawng a hlu ber ka ti keimahah chuan.





" Thinrim pui mah ta che, i inhmeh thei em a kan inhmeh na nà na chu a mawi tihna ania, thil mawi chu to turah kan dah nghal ringawt zel a, chuvang mai mai alawm, anni ngaihdan ai chuan i lungawina tawk a zahawm tak nia i hriat anga i inchei kha nu leh pa mitah chuan a hlu in a mawi ber. Midang aia nei lo leh tla chhia nila nang aiin i nu leh pa te hian hrehawm kan ti zawk ang, kan neih tawka mawi taka i lan ve thei hi a hlu tih hre tawp rawh, i kawng thlanah reng reng inring tawk taka ke i pen ngamna turah chuan negative lam deuh thu tam tak te pawh i dawng ang, khang kha chu enliam tawp rawh ni 2/3 vel bak a daih tak tak ngai lo ania" a ti leh siam siam a. Nu chu nu nge nge an tih hi alo nu nge nge anih hi😂





"Bakah mawilo pawh ni ila, pasal hual ka nei tawh tho aman mawi min ti ber" ka tih lar lar lai chuan min rawn melh hrawk a, ka thusawi lawi lo lutuk ka hre chhuak nghal zawk bawk. Pasal hual!





"I țawngkam thladah miah suh! Khatiang thu kha sawi leh tawh bawk suh ang che, a hunah chuan i nei mai ang a thlen tak tak hma chu engmah a chiang lo tih hre tel ve reng bawk ang che" a ti leh nghat nghat a, a anhnah baina tur chhuang turin a tho nghal zat a. Nuam lo duh asin! Ka room ah ka luhsan ta daih a, zanlama kan reside tur tlem azawng en ka duh pah bawk nen vawiin chawhma lam ka lo inthlah dah ve sia midang in min kalsan thui dawn lutuk tlat.





Vawiin ni 12 ani tawh a....hnai tawh vet vet tak ani, keini lam erawh camp tawp dawn lam boruak ani bawk a an phusa ru cheng tawh.




"16 zanah i duh ber ka leisak ang!" min thlem ti tih in a ti sup a, kei erawh ka la lungawi thei meuh lo ani e, a thiam loh anilo tih chu ka hria mahse han in kalsan tur em chuan ka la thlahleh viau lawi sia. A naupang chhe rilru inti mai thei mahse ka tel ve lohna ah engtiang chiahin nge a khawsak ang tih te, nula dang nen ka ngaihtuah ringawt pawn ka țangmar vek thei. Min hel nasa tu na na nà chu hnar zawh loh te pawh a awm thei a, a kiangah ka awm reng thei dawn bawk silo nen ka hlauthawng ti ila a fiah ber.





"Motor khat soft toy ka lo hawn ang che" a ti leh a, rum zet in ka melh. A chang hi chuan min naupang chhe treat lutuk hi ka haw hlur zel. "Anih i duh duh? hetiang a kalsan che hi ka duh dawn miah lo ania" a ti leh a, min ngaihtuah zia ka hmu thei.





Dim tein a awm ngheng tura insiam remin a zakah ka kut ka zen lut a, a awm lum nuam zet ka deh rual in ka țah a chhuak țun ringawt. Min kalsan hlen ka hlau ber miau a.




"Kalsan che ka tum lo ania aw, hlauthawng miah suh, a rei dawn hleinem kar 3 chauh ani mai a, hma takah ka rawn let leh ngei ngei dawn alawm" ti leh sup in a hmui in ka chhip a rawn sì vang vang a, ka hnung a chul heuh heuh pah bawk.





"Nula dang i melh ang?" aw țial ruai in ka ti a, țap ni lo in ka mittui erawh a far fap hman. A heiat hlau zet in țang vek in ka inhnit ru a, nghet zet in min kuah vawng vawng tawp a, tih vak ngaihna a hriat loh tluk zet in keipawh in a awmdan tur ka hriatthiam pui lo a, kei ang tho in a huphurh erawh ka ring ve. A khat tawkin a thaw leh hawk zel a, a huphurh ve sa nen a rilru ka ti buai zual dawn tih ka hre ve reng mahse insun a har ka ti ve tho.






"Ka nei tawh mai ang che chu!" a ti leh tawp zel a, chhanna fumfe kan nei hleithei meuh lo.





"kha pui chu ngati leh per pur nge?" Ka pa inbual zo room atanga rawn chhuak chuan a rawn ti a, rang zet a ka mittui hru sawk sawk in ka țhu țha nghal a, ka nu in rawn zuiin, an ni pawh kan bulah an rawn țhu thla ve nghal.




"Thil alo ngeng leh tawh che em ni? Lei sak duh loh hian an ţap ringawt zel a, naute anihna lai hi alang leh țhin a!" Ka pa chuan a rawn ti nghal bawrh bawrh a. A thusawi erawh a fiamthu leh kan boruak tih zangkhai tum a sawi ani tih ka hria, a chhan pawh thil ngen anga nuarin vawikhatmah ka la țap ngailo miau a.





"Hei, rawn phei leh hun chu thir kawr rawn hak haw angai lo ang tih pawh a hriat loh!" a lo ti ve vat a, Ka chhungte nen an nui ho hawk hawk. Ka pa in a phei hma tiin chaw ei ah a sawm ve a, ti hian a rawn ei ve ngei ti tawh mai ang.




Kan chaw ei pawh kan ri ve nak nak a, ka nu pawn pangngai deuh in a be ve thei ta alawm, Ka pa zunthlum leh bp sang nei țan ve ani tawh avangin dil sangha kan lei nual a, chumi leh vawksa thau deuh chhum ani ve mai. Mahae tlangval țhankin ani ve tawh a, a zak lo turah ka ngai ve hmiah.





"Kha sangha te kha ei ve bawrh bawrh rawh, Ag Pa Valtea te dil ami anih kha" ka pa chuan a rawn ti deuh kher a, ner nanga ka melh chuan alo nui hawk hawk. Pa Valtea hi kan inthlang chiah a awm niin ka pa te aiin kum 10 dawn a naupang ani ve thung a, ka tet laiin min awm pha zar zar anih chu, ka nghak lian dawn che tiin min fiam zuk zuk zel a, chu chu ka pa hian hre rengin min la chhaih fiam khat tawk reng țhin. Mahse tunah te chu anupui nen fa 2 lai an nei daih tawh.





"Ag?!" Hmingmuanpuia'n angaihna hriat vak loh hmel hian alo ti ve sup a. Ka hmingpum ala hre miah lo emaw ni hepa pui hi! Rum zet a ka melh chuan min lo melh ve vut a, a mitmengah chuan ka chhanna duh chu ka hmu nghal. Chaw ei lai nilo se chu a chak lo ang mawle!





"Kan naute hmingpum ila hre lo em ni?" Apuia'n alo tih chuan a melh leh vut a. Hrethiam takin Apuia'n "A hming hmasa hi a lar tehchiam lo a, ko zeuh an awm ve chauh alawm Lalduhsaki Dus tih hi a larpui ber a, Agnes Lalduhsaki Khawlhring ve ngat anih hi, a kawlh ania!" a ti zui leh vat a. Rum zet a ka lo melh chuan Apuia'n min lo nuih ruh ruh.




"I sawi takah chuan hre ve leh deuh e, mahse a hman tam loh em avangin ka lo chhinchhiah chiah lo a " alo ti ve mai a. Ka birthday pawh a hriat ka ring ta hauh lo hepa hi.




"I chaw ei rawh, dar 6 ah chuan chhuah hman var var i ngaih kha" tihpahin ka nu in a sangha then sa min rawn pe a, nui chungin lawmthu ka lo hrilh zui sap. Sangha hi ka thianthiam lo chu nilo in ka peih neuh neuh loh avang hian ei aiin ei loh ah ka tlak fo a, ka chak em em hran lo bawk nen ka thei viau mahse ka nu erawh in ka phut miah lo in a chang hian min thensak vek hnu ah min pe țhin a, keima tih awm zakw tak hi, a lawmawm thei viau.





Chaw ei khamah muangmar a thingpui an in leh hnu ah Hmingmuanpuia'n min thlah a tum deuh tlat a, keipawn ka hnial bik lo kan awmdun theih hun chhung a rei rih lo em a.Ka țhiante hrilh kual in min kalsan mai turin ka hrilh a, dar ruk rik hma hlek in kan chhuak.





A car alo ken avangin a motorin kan tlan chho a, bangla veng kawna a motor hungin ke a kal a rawt tlat a, keipawn hnial lo in ka chhuk ve mai. Ka kut alo dawn vat a, mi chaw ei rehlai tak anih bakah thlasik boruak ani bawk nen pawnlama awm an vang pharh a, a zia phian mai.




"Ka hmangaih lutuk che hi ka lawm!" a rawn tih tak thlawt ah chuan ka melh rang viau, I.B inlian pui thlang a kallai kan ni bawk a ka ding nghal dat. Kan awmna boruak in a zir vang nge ka mur ar ar nia, kan kal chhohna kawng lah thlanglamah april kung lianpui pui a ding chho pheuh pheuh a, romantic an tih ang ah khan ka chan ve thiam deuh ruai.




"Min hmangaih maw?" ka tih sap chuan min melh leh vang vang a, a mitmeng thutak zet chu chhiar turin min duh nimai in ka hria, ni e amitah chuan a thutak zia ka hmu chiang miau a. A lu bu nghat in "Nasa takin!" a ti leh sup a, ka kut a vawn reng lai chu la kangin a hmui vawt ther chuan a nawr si vang vang a, ka țah nuih ti tih. Ka khawvel neih chhun Lalpa in a khawvel min pe dawn miau a, hmangaihna tam tak awmna ngei kha.




Min kai leh deuh in kan chhak a April kung pahnih inkar a shed ah chuan min țhut thlak pui a, han inkuah chiam chi ni bawk silo chu nghet zet in kan inhum tawn vang vang ani ber mai.




"Mipa in an hnaih che chuan bialpa hlauhawm deuh i neih thu sawi zel ang che, an awih duh loh chuan min lo hrilh la keiman ka lo chingfel ang" a ti leh dap dap a, a thikthu pawh ala chhe ve chiang alawm, kan inang reng.





"Nangpawh bialnu nghak rengtu che i nei tih hre reng la, i nun han thlahdah vaih teh! Mipa dang an ni nghal mai..." ka tih ve chuan lawm loh hmel zet in min rawn hmel nghal a, mahse engmah a sawi tawh lem lo. Țan hun hma minute 5 ala awm tih ah ka kal ve ta chauh a, a jacket ipte zenin kan school kawi a ka pil hma chu min lo thlir zui reng a, ka țah a chhuak lek lek hial ani.





School ka thleng chu an lo zi ve leh nak nak tawh a, ka țhiante pawh an lo awm vang tawh Feli leh Tetea chep zetin an lo inpawm deuh hlun a, țhutna dang lo awl rih hek lo, sir te an lo la thleng lo bawk nen school pawnah kan lo nghak țhap ringawt.Rei vak lo ah Sir te an lo thleng zui a, an tlai chhan an sawi nual hnu ah devotion kan nei leh a, lehkha kan zir leh nghal ani mai.






"Le! Lo kal ru meichhem ang u le" sir a rawn au lauh lauh chuan rang zetin kan chhuak khawm nak nak a, school tual shed an siamna bulah chuan țhut phah zawn khawm in kan țhu bial laih a, school guitar 2 va phawrh in sir ho chuan kan awm ta țhap mai.





"Batch zawng zawngah inla fel ber tih hria ula, fek chhunzawm zel ang che u, Miss leh sir dang te pawn an ti vek ania a tawplam hi chu in chau ve tawh tih kan hria a, hahdam deuh a zir tawh tur aw....zanin chu zai phawt ang u" a ti zui luam a, amah chuan guitar 1 chu perh in Pakhat Maroa'n a perh ve a, Christmas hla atangin kan sa kual nasa mai. Kan school awmna hi hmun laili lai ani hran lo bawk nen hmai zah tur vak an awm lo bawk a, bakah tiang hunah hi chuan khawtlang mite an fel a an sawisel ngai hran lo.





"Di hlui kha sa ve reng reng ang u" Hmeichhe țhenkhatin an lo ti a, kan han sa leh a, lunglen hmek tak taka zai an awm nuk mai. Lalruatfeli leh Hmangaihkimi erawh an uang reng.




"Pasal te zin san tur ang mai!" tiin min la fiam ru chhen zui, Nghali te pahnih hi. "Hemi te pahnih hi kar hla di an nei dawn a, an hmel hi ka lainat!" Kan zunlaiin Lalruatfeli'n an ti fahran a, Atei a beng nghal dawt dawt.




"An inhmeh deuh tur hla ka hria?" Tiin hmangaihkimi a rawn nui țhaw a. Chhe deuh bak a sawi leh tawp nang. Rum zet a ka lo melh lai chuan Feli a hrilh ru sa sa a, kan lo melh dun rawm rawm.




"Awii, ni dawn tak in inhmeh dawn lutuk nangni pahnih hi" tiin min nuih zui reng a, an va sual thiam dun mai mai tak. Midangin an lo zawh ve lah chuan min chhan leh ar tho sia, thil siam mak deuh an ni ve mai hemi te 2 hi chu.




"Eng nge kan inhmeh tur chu, nui reng mai! In bialpa te nge kan bialpa te la test ila a țha ang" kan tih chuan an han tum ve bar a, "Tak tak a, in inhmeh deuh tur chu maw...." Feli'n alo tih lai chuan kan lo melh zui ram ram a, Akimtei an melh leh daih kher a.




"KDB ni mai lawm!" Hmangaihkimi'n a rawn ti! Enge KDB pawh ka hriat ve si loh.




"KDB footballer kha maw? A thiam ania..." Atei'n alo ti zui chu an han chek khum tlak tlak a. Atei pawh a ngawi leh hmak.




"Khatiang KDB ani lo, Rebecca-i KDB zawk mawle" Feli'n alo ti zauh a. Enge maw an sawi awmzia ni?




"Chutiang kan hre lo, pehhel reng lo khan sawi țha ve mai mai rawh u!" ka lo ti hlar a. An in melh zauh hnu ah an rawn sà ta lawm. An hla sak lai a an hmel leh mitmeng min chhaih tih hriat lutuk zawng zawng nen khan ka va han ngei ber tak.




*Van khua leng zawng te an hlim ngei e, Bawihte
*Nang ngaih lai reng ka bang theilo
*I zun ngaih reng a nà asin!




"Țap pur chunga in sak hlawrh hlawrh duh hmel" ring zet a an sak hnu ah an han ti zui a. Ngeiawm ve duh tak an ni. Atei'n min rawn kai a, min kal tauh pui nghawng nghawng laiin hnunglam atanga ring zet a nui chungin an rawn la zai țawk țawk nia, ka thin pawh a rim lo ka nuih a zà ve vek leh tawh si.




*Lunglai khamtu ka lungdi
*Muangten zan mu lo chhing ta la
*Intawn leh ni a her chhuak leh ngei ang

*Ka dì Bawihtei te u* an rawn ti zui leh lawm lawm a. Midang pawn an che zia chu an nuih ta țha hlawm mai, hrethiam ve awm ang hrim in.





Zan aliam a aliam leh ta, kan camp chhuah ni ani tawh, kan mut bu kan tel sà at tawh chu kan chhungte'n an rawn thiar ta țak țak a, two wheeler nei remchang lo te pawh a nei ten an dah sak mai a, an tlawm ngai hlawm viau mai.





Apuia alo kal dawn emaw tih laiin Hmingmuanpuia zawk arawn lang leh nulh a, kekawr bul leh tshirt nghawng nei chi nen chuan chapal a bun leh tawp bawk, la awm chhun ho chuan an lo en duh khawp mai.




"Khawnge?" kan bul a rawn thlen rual a ti sup in ka bianh a rawn piai zauh a, "Apuia alo kal dawn emaw ka tia" tiin a zawhna chhang lo deuh in ka lo ti let a. Nuih suk pah in "Bungrua pek tur a nei leh thut sia, Zotui lamah a kal ta mai" a ti leh mai a, ka kawh hmuh ta vat, Kan țhian ho chuan min phurh sak ta vek a, bawr erawh kan bawr ve khawp mai. A hla ber Atei te inah kan dah hmasa ber a, Feli te, Akimtei chuan Kei.




"I țhiannu chuan a zai sak leh tawh che em?" motor atanga ka bedding hlan thlak pah chuan a ti leh a, nui chungin ka lu ka lo thing.




"A sak a țang khan ka lunglen chanve a hnawt bo in ka hria!" ka tih leh phei chuan a nui ta hawk hawk a, Hmangaihkimi thil tih țhat ve pawl tak ani ngei ang.





"I țah loh phah zel dawn chuan ka lo sak sak ve zel tawh ang che!" nui chung in a ti leh a. A hnungah ka ben san dawt pawh chu nà ti awmin a awm lo a nui vur vur ringawt.




"KA DÌ BAWIHTE!" a khat tawkin a ti sek a, kan inchum leh țawk țawk lo thei țhin lo.





*********************




Mut a chhuakkkkkkkk..........KDB risk dik teuh deuh deuh an awm khiau a😂 KEVIN DE BRUYNE pawh a dik tho, Daniela hi nia🤣🤣🤣



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:48 pm

KDB



CHAPTER - 20 (LAST)



************************




"Vawiin chu dar engzat ah nge in ban ang?" Inchhunga ka bedding pawm luh pah chuan ati a, a hnungah ka zui lut ve va bawk.



"Ban hun pangngai aniang, nih loh pawn dar 4 chho vel" ka ti ve sap a, choka atanga ka nu lo chhuak chuan min rawn chiau au vat bawk.



"A lawmawm teh e aw.... Apuia hman lo leh thut bawk sia, Apa lah hi tunlai a buai leh a taksa hah bawk nen motor han khalh hi a ngam meuh rih bawk silo a" ka nu chuan alo i ve mawlh mawlh a. A hauh hrep hnu atang khan thui deuha a biak ve leh vawikhatna chauh ani in ka hria.




Lu buk nghut pahin "Engmah anih loh hi, bakah ka hman lai ania" alo ti ve mai a. Ka bedding vel kan dah fel hnu ah thingpui dawm in choka ah kan țhu ho leh a. Ka nu pawh a țawng tam ve leh tawh khawp mai.




"Ka mu nasa ang chu awwwwww.....ka mit te hi a dik thei tawh lo reng reng zanah pawh a sen vek zel, țumkhat pawh sir Remtluanga'n 'i mi a nà mi?' min tia lawm" ka tih ve nang nang chuan min melh nghal vut a, an mimeng chu a inang lek lek bawk. "Ti vak vak in an in en ngai lo" ka lo tih hlak chuan ka nu a ner sak.





"Lu hai leh lu na vel i nei em? Engtin chiah nge a awm?" Alo ti nghal vat reng a. Min ngaihtuah dun hmel viau bawk. Mahse ka nuih te lam a zà deuh, an thutak dun lutuk chu.




"Lu hai te chu ka nei ve deuh reng, kan mut tam loh vang te pawh ani thei a, ka zia mai ang" ka tih chuan an pawm chiah lo tih an mitmengah ka hmu thei.




"Kumthar lamah rawn phei ve zawk la, kan check up law law dawn nia" Hmingmuanpuia'n a lo tih sup chuan ner vak in ka melh a, in entir te chuan tarmit te kha min lo chawh anga ka bun/vuah peih dawn der silo. Bakah tunlai angah tarmit te chu inchei nan an hmang, a bun/vuah ve lo hian an ti zel mai sia a inthlahrun awm tawh zawk lek lek alawm. Bakah ka mamawh teh chiam lo emai.




"Ka peih lo e a, bakah ka free ve lai tur ania a nuam thei ang ber a hman ka duh" mit mu che kual ralh paha ka tih chuan a chal tuar tap in, mit melh nghal khui a, ka nu awm lo se chuan min hrem leh mai thei ani.




"I à mai mai siah, in entir kha a țha ve hrim hrim Mapuia hruai pahin kan 2 in kan va kal dawn nia Pathian zara dam chuan, Lunglei lama kal buangbar ai chuan Aizawl law law ah a țha zawk" tiin ka nu lah chuan alo la thlawp em em zui. An inmil dawn phian emaw ni hemi te pahnih hi. "Hminga, chaw ei ve nghal rawh aw ka thlak kep vek che nia, I zingkar hun kan pawt buai vek bawk nen" ka nu chuan a tih zawm leh zat a. Hmingmuanpuia erawh chuan a mawi ah nge mawni alo hnial ve deug nangin "Sanghal thau deuh hmanzanah Dus-i Pa Thara'n a kap a a rep ka lo chhum hluah alawm, i ei ve loh ten" ka nu bawk in ati leh mawlh mawlh a, hnial reng chi pawh anilo a eitir lui dawn tho tho tih pawh a hriat reng.





"Kan inbual lawk aw, chaw kan la ei dawn loh chuan chaw eikhamah chuan ka inti fel hman lo palh ang" tiin ka tho nghal a. An pahnih hian lo inkawm ve mai mai teh se, an lo insual em lo turah ngai ang.




Darkar chanve chuang mah aniang ka inbual a, thlasik lai ngang ani bawk a, tui lum lo chuan ka inbual tei thlawt lo. Bathroom darthlalang ka tuilum hu in a ti pawt chuk e chu kan ziak rang kual leh rih a, kan naupanlai kha chuan darthlalang te khan kan han thawk khum a love sign kan han siam ngei a, a changin chumi love chumi tih vel kan han ziak a, a boruak vawt nen inbual lai lai in lung a leng mai dawn alawm.





Bathroom ah ka thawmhnaw ka thlak nghal vek a, kekawr bul ka khup chung hlek a chhing hà in, Tshirt eng lianpui ka hà leh a, ka sam huh hnuang chu towel in ka bawk tawm hmiah bawk.
Ka inbual zawha choka ka phei chuan Hmingmuanpuia amah chauh in alo țhu run a, a phone alo bih ngur bawk.




"Khawnge ka nu?" ka ti lut nghal a, a rawn hawi rang viau. Min chhang lawk lo in min melh run run a, ka kawr ka kekawr ala nur deuh nung zui.
"Enge?" tih sap paha ka mitko ka san khum chuan a hmui a ti sawi zauh a, a awmdan ah chuan lawm chiah lo a ang.




"Khatiang hak hun pawh ani lo!" a ti hmuk a, ava ho țhin tak. Mahse a sawi dik ve tho vawt chu ka ti ve reng mahse kan in ni a kang țha ve ho bawk nen vawt lutuk erawh ani lo.




"A rei dawn lo" tih pahin chawhmeh ka va ti lum zung zung a, keimah a hriatna awm ah chuan min la melh zui reng tih pawh ka hria, ka che khawr lek lek zo vek țep ani.




"Inleng inneih lai phei chuan hà miah suh ang che!" a rawn ti leh hmuk a, ner ru chiam chungin ka lu ka bu zauh zauh."Zanah ka inah kal turin lo inbuatsaih ula, i țhiante pawh sawm rawh chaw ei khamah ka rawn lam ang che" ati leh mawlh mawlh a, nur nanga ka va melh chuan a mit ko a lo ti sang ve uk a.





"Apa ten an phal lo ange?" ka lo tih chuan "I nu ka hrilh tàwh kha" alo ti awlsam mai a. A phal ani chek aniang chu maw.




Rei vak loah ka pa pawh a rawn haw a, Apuia erawh chaw eisan angai, Chaw ei kan siam chuan dar 8 : 30 am ala ri lo deuh a, Sanghal sà chu alo duh ve ngang lehnghal nen sawm a man hla khawp mai, ka pa lahin a duhsak thiam bawk si, a tlangnel ve tawh khawp chuan ka hria.




Chaw eina kan tih fel hnu ah ka pa nen thingpui sen hang ka pe leh a, ala țhu muang nasa mai sia, hna a kal dawn lo ani tawh aniang. Room ah luhsanin ka uniform ka inbel zawm mawlh mawlh a, ka inpeih chuan dar 9 : 15 chiah ani. Ka nu rawn lut leh zawk in kan teacher te present tur bawm lian vak lo polythene in a rawn khai lut a, enge a thun ka lo zawt va bawk.





"Mawza lum leh lukhum, hmeichhe ho kha kut kawr leh mawza ani thung a" alo ti ve mai a, kut phah tiat lek a tuam mawi tawp anih avang chuan a chhunga awm chu rin thiam a harsa ve viau ang.




"Mahse an size khi?" ka tih chuan "An mahni ka hmuh tawh ang ah khan ka lo risk ve tawp, an hming hawrawp țan tir hriat hran nan ka dah zel kha" a ti leh a. Lawm zet in ka lo bu nghat nghat. Sam țawn dum tawp nilo in a mawi hnai ve deuh leh bakkilh nalh ve deuh ka inbel tel a, hetiang hunah hi chuan min hrethiam ve mai ang chu maw, make up erawh school form nen chuan a mawi ka ti lem lo bawk a țul in ka hre hran lo.





"Thlah i ngai em?" Ka room atanga ka chhuah hnu lawk ah Hmingmuanpuia'n a rawn ti sup a, ka va melh vut a, ani erawh in min lo en uluk leh viau tawh.




"Ngai lo ang, Akimtei sawm thlak ka ngai bawk sia, Atei te pahnih nghah nen kan la rei ang" ka ti ve niah niah a, filter lam panin tui ka innghal khawlh khawlh bawk.



"In rei angem? Bawihte" Ka pa in a rawn ti ve leh a. "Rei ve deuh ang, tiang hunah hi chuan rin aiin hun te hi alo kal chak duh ve sia" ka ti leh a. Ka tui bottle ah tui dah in ka bag khai laiah ka thun nghal zat bawk. Mangțha zawm in ka chhuak nghal vut a, Akimtei ka sawm leh zet hnu ah Lalfeli te 2 kan nghak leh a, ka chhuah hma teh reng nen school kan thlen chuan kan tlai lek lek ani.





Nilengin boruak anuam a, sound system leh music chikim in YMA ta kan hawh bawk a, mimal ta hawh pawh a awm nual ang, mahse chulam ai mah chuan boruak a ti nuam ber chu ni. Zirtirtu lah present an dawng tam viau bawk. Ka sawi hmaih leh țhin chu kan school chowkidar hi Sir Mathana niin tlangval fel deuh ani bawk a, Kan zirtirtu te nen naupangin kan en dan a danglam lo, kan teacher ten min thunun thiamna lam tak ani bawk a, kan zirtirtu te ang lo a kan zah lohna sawi tur a awm in ka ring lo, Teaching class nilo kawng dang zawng zawngah min ho tir vek a, school leh a vel vawn fai ah te pawh Sir Mathana vek min kai hruai tu ani tih theih ani.





"Sir Remtluanga khu sava thlawk thei lo thlawh tum ve si a ang" Ring zet in ka beng bulah a rawn au lauh lauh a, music play a ring bawk nen dawhsan lamah an lam nasa tawh bawk si, Sir Remtluanga ka melh ve vat a, nasa zet in kan nui dun nghal. Sawi ngaihna pawh a hriat loh theih ta ve ang, a khawng țut a midang karah an pawt phar ve nasa sia a hmuhnawm hran pa ve tawp.





Kan ban meuh chuan tlai dar 4 a pel tawh hial, a chauh thlak viau nangin a nuam ve em em bawk nen kan inti chau phal meuh lo zawng ani.




"A nuam em? In pawr ve pheng alawm" Kan ina kan lut chu ka nu in alo ti nghal vat a, fridge pan in tui an va in nghal khawlh khawlh hlawm.




"Nuam lutuk, Lalduhsaki a lam nasa" Hmangaihkimi'n a tih chuan ka ner nasa ang, Lam ai chuan beng hup a țhut pawh ka thlang daih zawk. Ka nu pawn hrethiam takin a nuih pui hak hak a, kan chet nuih zatthlakna chi hramg hramg hrilh in ka nu an be sawm leh nasa tawh mai.





"Ka inthlak dawn ania" ka tih ve pawh chu min ngaihsak leh tawh miah lo a, fridge atanga ser phawrh in bawl tum in an inbuatsaih nasa mai.




Ka room a ka luh chiah chuan ka chauh zia ka hre thar a, khumah ka bag dah tawp in ka bawk nghal thlawp a, Camp zo chiah bawk nen ka taksa te chu an kham țhum thei hial in ka hria.
Ka rilru ah Hmingmuanpuia alo lan rual in ka luhkham ka zen nghal a, ka phone chu la in a no. ka call zawm zat bawk.




"In bang tawh mi?" a rawn chhan rual rual in a ti nghal tawp a, zawi zet a khuma la bawk reng chung chuan ka nui tawp. A aw hian min thlamuan chu mai ani nang min ti hahdam thei hialin ka hria.




"Bang chiah, ka chau a" Pangchang zetin ka ti nghal a, a rawn nui nghal suk. Min duat ka thlahlel a, amah tawp kha ka mamawh ani ber mai. Min kuah hlu hlu se min awi mu hial se te ka ti.





"Tunlai chu i rim ve em anih kha, Apa hian ka lo duat ang che aw" nuih dat pah a a tih chuan nui chungin ka ner nanga, 'Apa' han tih kher. Inla upa vel lutuk.




"Engtin nge min duat dawn Lalapa chuan" Ka che peih thlawt lo, ka phone pawh loud ah dahin ka bawk hle hle a, ka thusawi a hre chiang thei angem tih pawh ka ngaihtuah vak lem chuang lo.





"Engtia duat nge i duh? Ka paw mu dawn che mi? Nge ni a ka awi mu dawn che" nui chungin a rawn ti leh a. A aw zangkhai ze ah chuan a hahdam ve tih a hriat hle a, kan boruak nuam tak chuan a ti hahdam ve te pawh aniang.




"I awm nghenga tui deuh a mut ka chak!" ka tih sap chuan a reh deuh vang vang a. A dah emaw ka ti hial, mahse rei vak lo ah a rawn ri leh sat sat țhin a, a pen thawm te ka hre nawk mai."I la awm em?" ka ti leh sat a, inbeng kang deuh in ka phone chu ka bengah ka nawr bet leh a, a reh deuh vung vung.




"Signal a chhia emaw ni" ti niah niah a dah ka tum chuan "Phone a inbiak reng ai chuan ka tia" a rawn ti leh sup lawi sia.Phone ah tho a rawn sawi tho sia....lawk...rang zet a inlet in ka room kawngka lam ka va hawi a, kanwgka biang nghengin kawi sawi zet in a kekawr bul ipte zen in alo ding ran a, a lo nui ve var var bawk.




"Engtin? I motor ri pawh ka hre miah lo" tiin ka tho kang vat a, ani pawh rang zet a ka lama rawn pen phei in a ban a phar duai a, nui hak hak in a zak ah ka kut pahnih zen lut in ka kuah nghal hlu hlu a, a awm lum nuam taka bei chu a hahdam a, ka thla amuang ngawih ngawih ani ber. Ani pawn chuan min lo kuah let vat in a hmuiin ka bek a rawn nawr vang vang a, a thaw ve ham ham bawk.





"I rawn call khan in inpeng ka rawn thleng tawh a, khitah motor ka dah alawm" ti sup in a nui chet dawt a, a hnungah zawi te in ka lo beng dat thung.



"Ti hian muthilh mai ka duh" nuih sak pahin ka ti leh a, ka hnung alo chul hauh hauh thung.




"La muhil lo e, inthlak rawh le....chaw rawn ei ula i țhiante pawh ka hrilh tawh kha" a tih sup chuan a awm atang chuan dak in ka melh chho hà a, ka sam ka hmai zar tu chu ka bengah alo zep vat thung.




"A chi dawn ami? Mi in min sawi duh viau palh ang" ka ti sap a. A lu alo thing mai a, midang hi a care ve lem silo a, midang hian an tana țangkai lo tak ngial pawh an han care nasat theih theih nen.




"Dinsanga te chhung leh Maroa te țhian dun pawn an rawn ei dawn alawm, insiam rawh le" a ti leh mai a. Kan va hautak hmel.




"Kan va tam dawn, i in seng nasa awm?" ka tih chuan anui che leh dat a. "Nutling ni tawh ang mai, sum i va ren thiam țan dawn ve" tiin a nui zui var var a, lai zet in lei ka lo chhuah vak thung. Ka inthlak dawn avangin chhuah a tum vut a, kawngka ala thleng lo deuh tihah a rawn inher leh vut a, angaihna hre lo zet a ka lo melh chuan nui suk in ka biangah a rawn dawm a, duhthawh fahranin min rawn fawp zui ngawng ngawng a, a duham viau vang chuan chhan mai dan pawh ka hre lo.




"Kha chu Apa i present ani ve mai, zanah ka duat mai ang che aw" ti sup in min rawn fawp leh zeuh a, ka sam tuai leh zauh in a chhuak zui nul nul. Va ho sit set țhin tak, ka biang ati sà vek alawm mawle.




Polar suit a dum a var a țial chu hà in, mawza lum bun leh tawp in chapal ka inthawlh leh thawk a, ka sam țawn chu ka thlah ta thung bawk a, a sei em em tawh lo bawk a thlah a han put pawh a nuam tawh viau. Sam țawn erawh ka keng tel tho.





Ka țhiante in ah kan kal kual leh a, an ni pawh an chhungte a dil sak thlap a, an lo phal ve mai zel bawk. A in kan han thlen chhoh meuh chuan ni pawh alo hniam viau tawh. Tual sir deuh ah chuan Maroa leh Hlimpuia bawk in ar an puah mawlh mawlh a, min hmu chu an rawn nui sung mai.




"Angai te te in maw" Nui chungin Akimtei'n alo ti a, "Ni leh mai, hei rawn tel ve ru a hmul hi rawn pawt ve nghal ru" an ti zui zat a, ka țhiante 3 an kal dual a, zui ve ka tum erawh ka kawnga kut rawn rawlh in "Keini chu kan han commitee lawk ange aw" mi va siai suk in Hmingmuanpuia'n a ti sup a, ngei zet a ka melh lai chuan ka țhiante lah chuan min lo au zui nasa mai.




"Mi bulah khatin awm vak zel suh, a inthlahrun awm" a room chhunga min hruai luh rual rual chuan ka ti nghal tawng a, alu a thing mai mai thung. A shirt hak lai chu hlip lawk in bal bawm ah a vawm lut nghal zat a, ka dar a rawn dawm leh in ni tla lan theihna a room tukverh bul single chair buk thei lian zet bulah chuan min hruai phei leh in, chair chunga blanket tè emaw ni lo awm chu ala kang nulh a, amah chu a țhu thla nghal hmiah bawk.




"Lo kal rawh le" ti sup in a mal chung chu a beng thek thek a, angaihna hre vak lo a ka en lai chuan ka banah rawn pawt in a mal chungah min pawt țhu der.




"Enge?" ka ti he haw chuan a nui leh suk suk a.
"Apa awmah beiin i muhil dawn mawle" a tih takah chuan ka țhen ve sak. Insiam remin a awmah ka bei thla ve nghal zat a, a blanket te ken khan min rawn khuh nghal zat bawk.




A awm ruak kanga bei ka ni bawk a, a lum nuam em em bawk nen ka hahdam sawng sawng in ka hria. Tlai ni thla tur kawl a awm mek chuan a rawn chhun eng sen phut chu an min rawn chhun siar siar a, chutah hmeh a nei nge room chhung ah chuan music a rawn ri ve leh a, ka nui chhuak hak a, a ni pawh a rawn nui ve dat tho.





"I van ila romantic vel" ka tih hà chuan "I hàh bawk sia ka duat ve ngawih ngawih chak che, pangchang rawh aw" an ti nghal ngawt a, ava ho teh ngawt țhin tak.




Music nalh zet cool tak si atang chuan eng hla nge ka hre mai thei lo, thli thaw leh ni eng siar siar nen erawh in rem tak ani. A hla thu ka hre ta, "Tu sak nge?" zawi te in ka ti leh sap a. "Rammawia" alo ti nghut. A cover nalh thlawt alawm....



*Nang chauh ka vei,
Ka vei țhin che.



*Engtin ngai ve ang che maw
Hlan che ila hmangaih biahthu
Min dem lo'ng che aw lungrun
Ka hmangaih che

*Thinlai rukah
Engdang ka dawn ngailo
Nang chauh ka vei
Ka vei țhin che



Kan țhutna chair chu a ti che dalh dalh bawk nen min awih ka ti lo thei lo, chuta karah amah chuan zawi te te thum deuh deuh siin alo sak pui ve zeuh zeuh a, a awm a bei a maimichhing tlat chung chuan ka nui leh sak țhin.





"Ka hmangaih lutuk che" ka beng bulah a rawn phun su su a, ka bek a rawn fawh leh zauh chu ka hriat hnu hnung ber ani der.




Naupang țap ri ah ka harh hlawl a, ka awmna room ah chuan light dim tak pakhat chiah alo inchhi bawk ka room nia ka hriat mai loh avang chuan ka hawi hai hman deuh mahse ka hre chhuak leh thuai a, Hmingmuanpuia room ani tak e. Ani erawh hmuh tur a awm tawh lo a, keipawh a khumah ka lo mu daih tawh min sawnlai ka hre lo reng reng.




Nuam ti lo deuh in ka tho chhuak a, ka țhiante ka muthilh san daih bawk nen ka inthlahrung viau, a room a bathroom ah chuan lut in ka hmai ka phih sawk sawk a, a towel tar chu ka hmang ve hmiah bawk. Ka inchul mam thuak thuak lai chuan kawngka a rawn ri rak a, naupang țap ri a ring sawt bawk. Hmingmuanpupia a rawn lut hlawl a, ka lo tho tawh min hmu chu a mitmemg a dang ve zawk.




"I harhna rei tawh em? Ka lo hre lo a " ti sup in min rawn pan hnai vut a, chumi pah chuan room light chu a on nghal khap a, a eng nghal uar mai, mit a vai lek lek lo chauh.




"Rei lo, ka hmai ka phih nghal a tunge ţap chu?" ka lo ti ve leh mai a. ka samah a rawn fawp leh vawng vawng ringawt leh tawh.



"Johana mawle...inhnunglamah alo va chhuak phei a step tawite ah sawn alo tla leh pek ani awm e, a hmai a khem nuai mai" a tih chuan phawk zet in ka melh a. Mit chhuar tap in min lo melh thla ve thung.




"Chutianga khem nuai te chu damdawiin a kalpui angai anih chu" ka ti nghal chul a, kal chhuah mai ka tum chu min lo dawm vut lawi sia, ava buaithlak thei tak.




"A khem tih ah, a pil satliah a hrutna mawle" ati leh lawi a, ava chiang nial lo tak.



Kan inzui chhuah lai chuan a sitting room lian vak lo ah chuan an lo ri nak nak a, Johana ber chu a nu kapkara dingin alo țah țawng zuah zuah a, a bul lawkah Apa lah anau hmeichhe naupang te kha an lo inpawm hlun bawk. Midang pawn an lo kil țhap mai.




"Au a nà ami a?" anau chuan alo ti tham chhal reuh a, a mitmeng mawi zet chuan au chh khawngaih hmel zetin alo en ve ran bawk, a aw a mawi phian leh nghal henu tè hi.



Johana chuan a mittui hru chawt chawt in "Aih, nà lo mahse Aputea'n thisen a chhuah chuan țah vak tur, thisen chhuahna kha a phui thei atia" a ti leh a. Anu alo chek hlak hlak.




"I putea bulah kal tawh suh ka tih kha, a thusawi pawh awih loh tur, le damdawi ka hnawih tawh a țawngțai la a dam nghal ani mai" a tirlam pawr deuh mahse a tawp lam erawb nu in a fapa duat a biak dan ang chiah ani leh lawi a, Johana pawh abu nghat nghat mai.




"Mahse mà, Aputea'n hmelțha min ti a, ka awih dawn lo mi?" Naute khan alo ti leh a, Anu in angaihna hre lo zet a an pa a melh chuan alo nui suk suk daih.




"Khawvelah i hmelțha ber sweetheart" Dinsanga chuan tiin a fanu chu a melh a, a fanu in anu alo melh kiau thung, chutah hre chhuak thut niawm takin "Mà tih lohah khawvelah i hmelțha ber" a ti nawn leh a, a fanu pawh anui ta var var.




Ka țhiante chuan ka mutsan daih chuan min fiam leh nasa mai a, mahse Hmingmuanpuia hriat em em chi siloh in a ruk in ani ber mai.




"A changtupa bula awm nuam ti si, a țhiante min han theihnghilh nghal hmiah thei ania" Hmangaihkimi'n ati leh su su a, Ruatfeli lahin a thlawp zawng a țawng kau chheh alo thiam nasa sia, min chhaih leh hlut zel.



Dar 7 velah chaw kan ei a, Sà chi 3 lai an lo la siam zui, "Dinsang, Grace-i chaw tur lo rawt lawk mai, zun a cheh lehpek a" Naute nu khan sitting room lam atangin a rawn ti leh lang lang a, chaw ei kan peih ve chiah bawk. U Dinsanga a tho nulh a, tihsak kan tum lah chuan ala phal der lo lehnghal, naute chaw rawt chu nuam ati zawm emaw ni tih mai tur ani.




"Kum 3 a tling dawn tawh nangin a pumpui a chak lutuk lo a, chaw pangngai hi ala ei thei meuh lo" tiin a sawi ve bul bul a, bawnghnute a achawm sak leh thlap hnu ah, a fiante nen a chawi phei ve vat mai.




Kan ti nek nek a, inthlahna hun ang reng deuh ani bawk nen dar zat pawn en vak lo ta na nà na chu alo tlai hma khawp mai. Grace-i muthlu leh lawp lawp țhin chu apa chuan apawm ta hlu hlu a, Johana erawh in anu bawh in a chhing ve siar siar.




"College ah kan senior ania, ka cousin te ne an inkawm ho a, hetia nau i han awih durh durh ta hi chu mak an ti ve viau ang, i ngeng ve thei sia" Hmingmuanpuia'n ati sup a. Dinsanga erawh a ner nasa, a nupui U Zothani erawh alo nui var var.






"I fa, i thisen ngei han nei ve chhin la, hmangaih ngawih ngawih loh a harsat zia i hre mai ang, la tè viau na chung si hian Apa thinlung hi ati famkim em em asin" ti sup in a fanu sam chu a chul heuh heuh a. Kan melh țhap tawp, Hmingmuanpuia erawh min min rawn melh ve zauh zauh țhin.




Dar 10 pelh ah an haw ve ta a, keini ho pawh haw turin kan inbuatsaih. "Roa, scooty in keng ve ve tho a, Kimi te ho kha han thlah lawk mai ta che u, thil tih tur kan la nei lawk a" Hmingmuanpuia'n a tih chuan a ngaihna hre lo zet in ka melh a, ka țhiante ho erawh chuan min hrethiam inti takin an inzui chhuak ve zat.





"Enge kan la tih dawn?" An tlan liamhnu chuan ka ti nghal thawr a, ka banah lo kai in a room lamah bawk min hruai phei leh a, thil țha vak lo tih a tum ang tih hlau in ka lo țang ru deuh țeu thung.




"Hei, a tlai ve tawh sia ka haw ve angai ania" ka tih lai chuan a khumah min nam țhu a, ani erawh a closet lam panin a kal nulh, "Hmingmuanpui, ka sawi chu" ka tih leh a.




"Ka hria! I nu leh pa ka hrilh tawh kan lo haw lai deuh tur thu!" a rawn ti hmuk. Naktuk maiah a haw phei tawh dawn a min thlahlel ve aniang tia ka ngaihtuah leh hnu chuan ka inthiam leh chiah silo a ngawi rengin ka lo nghak leh tawp.




A rawn phei leh chuan ka bula țhu mai lo chuan min pawm kang leh lawp a, tlai a kan țhutna tukverh bulah bawk khan min hruai phei leh in min țhutpui leh a, tukverh a hawng sa bawk ne thli alo thaw lut heuh heuh bawk.




"Min ngai ve dawn lo niin ka hria" a ti nghut chuan nichina ka awmdan țullo lutuk kha ka hre chhuak leh a, ka inthiam loh leh hnuhnawh.




"Ka ngai dawn che, tunah pawh ka ngai tho che" ka lo ti sap a, thawk ala hawk.A awm ngheng chuan min kuah bet zui zat a, min kal bo san hlen tum ang mai chuan ui hmel zet in min kuah vang vang a ang hi ka ti. Ka hnung a chul leh zauh zauh țhin bawk.




"Bawihte!" ka nui sak a, min koh duat a khat viau nangin atih chhun erawh hi chuan ka lai leh hui lawi sia, mahse nuam erawh ka ti."Umm" ka ti sap a, a taksa che awk danah a hriat tih ka hre ve mai. Ka chhip bawk chu a hmui chuan a rawn nawr leh vang vang a, a thaw chhawk leh ham ham țhin.





"Ka dì bawihte!" ti leh a, ka nui che dat ani pawh ani ve tho.




"Ka bulah awm tawh mai la" ati leh tawp a. Ka lo nui ri hak chu "Nui suh aw, tian ka ru tlang mai ang che" ati leh bul bul a, a tih tak tak erawh ka ring hran lo bawk nen ka hnial lem lo.




"Nakkum FEB ah min transfer leh dawn a!" thawk lak hawk apah a rawn tih chuan ka meng kawk a, a awm atang chuan ka in beng kang nghal vat bawk. A mitmeng thutak zet chuan min lo melh ve ran a, dawt a sawi lo tih ka hre nghal thei. Awmzia chu kan khua ah a awm ve tawh dawn lo. Anih chuan engtin nge niang. Chhanna lawmawm eng emaw ber beisei a ka melh chuan "Aizawl atanga langa kal mai theihna turah ania, ka pa hian kan chhungkua kan tam lo bawk nen awm hram em hi a ngaingam lo ani" ati leh tawp a. Sawi tur ka hre lo mahse hrehawm ka ti a, min țham lawk nge ka țah a chhuak.





"Min kalsan dawn!" ka aw lawi zet a ka tih chuan thaw hawk in a awmah min kuah bet leh thlawp a.Duh lo a ka tal chu min chelh hneh viau thung lawi.





"Ka chak bik lo, mahse a eng zawngin thlir ta che thla 4/5 hnu ah college i zawm ve angai tawh anga, khawpuia i awm tho tho angai dawn, rei lo te chauh ani mai...reilo te" tiin ka lungawilo rilru nà bawk si tal vel chu min chelh bet run a, ka samah bawk a hmui a rawn nawr si leh vang vang zel.





"Mahse a rei alawm, hmeichhe dang te pawh i tawng thei" ka ti țiau a,midang tan ka phal loh zia ka hre nawn awn awn.





"Mahse nangmah an ni dawn chuang hleinem!" a rawn ti ve nghut a. Ka mittui erawh a tla fel der tawh.





"Ni dawn lo e, kei aia țha leh fel an tam tawh lutuk min kalsan i duh vang anih kha" tiin ka insut zui hlap hlap a, nghet zet in min kuah bet ngawt ngawt ringawt.





"Ngaihtuahna fim hman tum rawh le....nangmah lo nang ai țha emaw chhia emaw ka duh lo, nangmah an nih chuang siloh chuan Hmingmuanpuia tan engmah an ni lo!" ti charh charh in min kuah hlu hlu a, ka țah a chhuak țing thung.




"Ngaihtuah chiang rawh aw a țha ber zawk ani, i tello a heta awm reng turin min duh em ni? Aizawlah chuan ilo kal ve thuai mai dawn a, a reilo ania in exam chhung nen phei chuan chawlh ah ilo zin bawk anga, kan 2 tan lehkha i zir nasat zia ka hria lawm, ka hmangaih lutum che tih hria la, hlauthawng miah suh aw ka kalsan dawn miah lo che" ti leh in ka hnung a chul tawp a, ka țap lo thei lo, min hmangaih tih ka hria mahse a tello chuan a har dawn em asin.





"Duattu ka nei tawh dawn lo asin" ka ti leh țiau a. A rawn nui nghawr ve ta dat mai.





"Min ring tawp mai rawh" ti sup in a che deuh sat sat a, a kekawr ipte chu zen in țhi a rawn phawrh hlawl. "He țhi hian ka nupui hual ah a siam che nia, i inpeih hun hunah heta zungbun bun hian min rawn pan la khawvel mipa vannei ber ah min siam la keiin khawvela hmeichhia mipa in a hmangaih theihna sang ber ang hmangaihna ka pe ang che" ti leh sup in rem lo zet in țhi chu min rawn awrh tir a, ka hnuk a ulh ti tih.





"Ka fawp dawn che" a tih sup rual in min rawn fawp zui zat a, duhthawh fe in ka lo fawp let ve nghal. "Lawk aw" a inla hrang vut chu hrethiam lo zet in ka melh a, a kut a remote ni awm tak te reuh te a ken chu hmet zauh in music a rawn ri leh a, chumi rual chiah chuan duhthawh si dam viau si in min fawp leh ta. Min fawh lai reng chuan a hla play a hla thh avang chuan ka mittui a tla hial a, he mihring hi ka hmangaih! Ka hmangaih ngawih ngawih alawm......





*Mualzapui ka liam a țul si.
Aw duhlai, zanin chauh hunin min nghak
Amte'n duhlai, chinlem awm loh rengin
Țangah pawmin, min chelh reng rawh



*Khua pawh min varpui mai la duhlai
Țhenna kawl eng ka thlir ngam lo
Zan khua ral mai lo la, ding rih la
Ka dì leh kei ka suihlunglentu
Min dawnpui ve la, ka thlahlel vawng vawng si.




"Lo țap tawh suh aw.... ka dì bawihte, ka duatte hi lo vel miah suh aw" a sawi lai chuan ka țah nuih hial asin.





****************


Tawp tam!!!!



College online class bakah thla leh kan exam ania, chuan class dang kal ve ka duh tel tawh bawk nen hun a chep ta lutuk a, tian tawp leh tawh phawt mai ang u aw...a teh thut te kha inlo tia nge? a teh thut tho in kan lo kir leh mai thei asin...a hriat miah lo....Dam takin aw.....💙💙💙💙💙💙💙 A tawp nan tak tak ani bawk a, comment leh ads click kha in lo ti ve hram dawn nia.....



Mangțha țha vek ule....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)