KDB BY Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KDB BY Apuii Tlau (Completed)

Unread post by Ngaia » May 1st, 2022, 9:45 pm

KDB


Chapter :- 7




"I va kal chak ve, ka um pha dawn lo che lawm* Kan school kawng chho zet a tlan ti tih lek lek, rilru hmanhmawh zet a ka kal lai chuan ka bag hnungah rawn pawt in min pawt ding chawt a, hah hmel deuh hian a kawng dawm in a thaw ve hliam hliam a, ka bag hnung ala chelh run tho.




"Awii, ka van lawm tak" Ka lo ti nghal tawng a. Ka lawmna chhan a hria ni chek ang chu a nui ve tawp .



"Khawnge Hmangaihkimi?" a ti leh a, a neck tie te lah chu a sawi na ngiang mai. A sam pawh a siam hman lo aniang a awm ang angin a thur ve sung mai, mahse a hmelchhe lo hrim a a la hmuh tlak viau tho.



"A pa ù nupui a thi a, an lo zing kal daih alawm" ka ti niah niah a, message min lo thawn ka ring nangin thawh ka hai vangin ka phone ka en hman tawh lo kha nia chutah tlai chung chung in kan sawm kual leh hram a, a thuahhnih tawh ania.




"Muangchangin kal ang line up kan nan (nang) tawk lek chuan a zahthlak zawk" a tih chuan ka lo bu nghat a, a tlai hi min hrem viau lo nangin line up lai taka thlen erawh thil nuam zawk zawk erawh ani lo, Kan sir au ringa awkà a thlum tui leh dap dap dawn emai.




"Nichin kha chu thlawh i tum emaw ka ti hman alawm, rawn man lo che phei ila chu i thlawk ang chu" Tiin a nui zui hawk hawk a, ner nang nangin pawm lo tih hriat zet in ka lo melh let thung.




"Enge i ken kha? Diary i va nei lian ve" ti leh in a nui zui leh a. Hepa hi!



"Diary ani bawk lo! Geo practical bu Sir Remtluanga'n lo keng ru atih kha" mit ko san zeuh zeuh a ka melh chuan a chek hlak a, ding chung a nuih za vak lo tih hriat reng a nui in a tukhum a hiat nauh nauh ringawt. "Diary lian nei ve lo chu an hrem dawn" nui chunga ka lo tih chuan nghal min tih hmel zet a min en hnu ah ka dar ah chelh kawp in min nawr kal dat dat a, "Kan ințawm ani mai" ala ti thèn zui.




School kan thlen chuan class an la țan lo bawk a, an room țheuh atang chuan an rawn hawi duh leh khawp mai, thingtlang ngang ala ni bawk a mipa leh hmeichhe kal dun sawi zui lo a enliam hi chu ala har te pawh ania nge...




"May we coming? Sir" Teacher office kan thlen chuan mipa nge nge ava ti nghal a, kan sir Vaia'n a dawhkan hma a rei zet zawhna min zawh kual nek hnu ah class room pan min phal sak ve chauh.




"Khawnge Hmangaihkimi?" Luch Break ah Atei'n a rawn ti lut nghal a, a hnung berah keimah chauh in ka țhu kar a, min rawn zawm nghal bawk. An tiffin nen an tui bottle nen an rawn kim leh khawp e.




"A pa u nupui a thi a, Chhipphir ah an kal ani awm e" Tih pahin a tiffin ka lo hawnsak nghal a, Alu kàn eng fe alo pai a, Feli nuih a zà ngang mai, an nuih ţiah țiah hnu ah a tiffin ka hawn san ve a,awii Alu kàn eng te kha an nuih vel kha nia, Atei a nui hawk. "Artui kàn ut te chu a, i fav ani tak tiraw" tiin a artui kàn a chung khawng deuh ar chu a nuih nghal awr awr a, a hnuah an pahnih in an han nui dun leh chiam a.




"Ka lo ei ve dawn, Ka tiffin box ka pai kim lo a" Tiin Biakhlua'n min rawn zawm zat a, tupper ware box lian vak lo hi alo ken ve le le. "Enge kha kha? I chaw maw?" Feli'n alo ti thuai a, a chaw nih chuan a tam viau lo ang tih hriat reng.




"Ni mai mai lo, Ka chaw bawm ka keng lo, zikhlum hnah bai emaw ni chumi a dah na zawk chu ania" tiin nui sawngin a hawng a, nuih a zà leh ngang mai. A sawi dan takah a kal tur tlai tawh hmanhmawh bawk siin dawhkana mi a hmuh hmasak ber a ak ve tawp ani awm e, hahthlak hian.




*Engtik nge in lo haw dawn?* In ka thlen hnu ah phone ka khawih in Akimtei ka be leh hmasa ber a, a message alo awm tak tak a an kalna tur vel an țhenawm te khan lo sawi lo se chu ka hre tawp nang, a message en hek lo te chu. An buai ani mai thei a last seen pawh 11 a.m pelh hlek daih ani.




Zanriah ei khamah ka nu commitee turin a chhuak nghal a, chaw eina hmun hnawk vel kan tih fel zawhah ka room lam ka pan a, lehkhazir ve hlek hlek te pawh angai tawh.




*Kan la chiang thei lo, apa hi chuan cham ala duh deuh a* Akimtei message chu ka reply nghal vat a, darkar chanve dawn kan in biak hnu ah kan dah thei hram. Ka lehkha zir dawn a ka tih ziah danin bible chang khat ka chhiar a, kan țawngțai leh hmasa te te bawk a....Mahse a chang chuan Pathian hi ka zah țhin mahni thil tih sual hriat kur pawh a zahna nei miah lo a thil han dil zawt zawt mai te hi sual erawh sim har deub ani ve leh thung bawk si nen a hneh a hneh lak tawp mai loh te chuan....




"Dus" Ka room kawngka rawn kik dat dat in a rawn inhawng zawm zat a, Apuia kawngka biang vuanin a rawn ding nghal run bawk. "Lehkha i zir alaw? Ka pa in thingpui rawn lum lawk teh a tia inleng anei bawk nen" a rawn ti nghal zung zung a, a hmel ah chuan a inthla hrung emawn ni aw tih tur lek lek ani.




"Umm, lum mai ang chu" tiin ka tho zui ve zat a, kan chhuak phei nghal bawk. Sitting room kan luh phei chuan ka ding deuh dat a, kan thawmah an rawn hawi ve zat bawk. Hmingmuanpuia dek duk leh bawk.




"Bawihi thingpui kha han lum lawk mai teh le, inleng te hmeichhe thingpui em han pek loh te chu a dik thei nang" ka pa chuan alo ti nghal vat a. Ngawi rengin choka lamah ka inher vut a, choka luh hma a ka pa in "Isua leh thingpui hi zawng chhuan reng mai tur" a ti zui chu ka hre leh bawk. A hma khan ka pu in min la dampui lai kha chuan a nuih zatthlak zawk thingpui hi inleng pek ngei ngei a tum vek a, an țhut fel hma hma a lo lam sak lah a nei zing, dawhtheihna hi a ngai ve ania thingpui lum expert ni tur chuan




Thingpui ka va pek lai te chuan min melh duh bik tawp nang kei lahin ka lo beisei deuh nge pawh ka hre lo ka lungawi lo deuh reuh ringawt emaw ni, ka hmu peih lo khan ka hre sia keimah pawh hi ka dik tawh lo.




"I pu Doa'n kurtai a rawn dah kha aw rawn chhawp la" ka pa chuan ngaihthlak nuam zet in alo ti leh sup a, nui sak paha bu zeuh in ka kal lehnghal, an ti ti hmangah in rawnghnawih țhat vek a duh ani awm a, a pangngai sa pawh a nalh tehreng nen.



*Rawn țhu ve rawh* Kurtai plate a ka dah chhuahlai a Hmingmuanpuia message chu en in ka ner ru sak a, engvangin nge maw ka țhut ngawt ang ni.



"Aih , sap țawngin No, vai țawngin Nai*
Tia han tih leh vak hi ka mood a fuh lai hian ka hrat thei lutuk a, țawngah thleng hian achang chuan ka lo hman pawlh leh niai zel. Tam takah chuan whatsapo leh fb midang nen text a kan inbiakna hrang hrangah hawrawp hman kim hram hram ka tum țhin a, hma pawh ka sawn ziah lamah pawh Mizo subject ah nen "Pawh" tih mai tur "poh" an han ti tlat țhin te hi smart phone awm hma a piang ho ang mai, keypad ah te kha chuan balance ui vang khan an ti țhin zawk ania tunah lem ui angai tawh lo na chunga la ti țalh ho hi chuan an mahni bak a ti buai lovang,phone chu kan thil khawih hnem pawl tak alo ni bawk nen kan typing mistake tam tak te kan kut in a bel tawh miau avangin kan lehkha ziah thlengin a hunah tak kan hmang dik thei tawh meuh lo țhin.Ho te emaw hi kawng tam taka hma min sial sak tu ani zel thei ania.





Kurtai ka pek hnu ah room lamah ka luhsan leh daih a, mahse ka lehkha zir erawh rilru pek a har salh tawh. Minute 10 pawh ala liam lo tihah ka u in min rawn ko leh a, va ninawm sek tak.




"I țhianpa alo kal" a ti mai a, sitting room lam kan phei chuan ka tum loh lutuk ka hmuh vangin ka ding ve dat mai. Hmingmuanpuia te țhutna ep chiah ah amah te in alo țhu ve ran a, nuam a tih hmel chiah lo. Feli te sawi angin a mum ve kang a a hmel pawh ala țha vur mai, a palian hran lo nangin mipa tè tia sawi tur erawh ani bik lo, khawpui tlangval ani tawh bawk a a vun fai sar te chu a awm hliah hliah e.




"Dus?" a raw hawi chhuak in min hmuh rual rual chuan nui sang hian a rawn ti nghal a, kei erawh a mitmeng dè sawr sawr ka hmuh rual in kan inhmuh tawp ber ni ka mitthla daih thung. Ka ngaihtuahna hrep vang nge ka mit a phè ringawt thei nia, insum tum zet in ka mit ka khap nghal sak sak a ka nui lui nghal bawk. "Lalnunkim!" ka ti let nghal var a, a mitmeng danglam zawk kha ka hmu hman ka awmdan kha aman loh hram ka beisei.




"I lo zin tihna em ni? I va dang reuh tawh" tiin ka pa bul ah ka țhu thla nghal a. A nuam ti vak lo hmel pawh min hmuh takah chuan a reh chawp chilh tih ka hre thiam mai. Engvanga țhat la chhuah nge ka nih ka hre lo, Hmangaihkimi chu ni ngat se???




"Nia, lo phei ve rih ka awm ve rih ang chu" alo ti leh mai a. Ka pa in Hmingmuanpuia nen rawng hman tur velah an inbe mawlh mawlh bawk nen choka lamah ka phei pui ta daih a, zep loh chuan ka pa mitmengah khan Manuna a lawm teh chiam lo tih ka hrethiam mai.




"Nangpawh i dang, i sa pawh a muk ve tawh alawm" Kan țhut rual chuan a ti nghal zat a. Sual lo tih hriat zet a mitmeng nung sang nen min nuih zui var var bawk.



"Heh! nia a hun ve tawh lawm...." ka lo ti ve mai a, thingpui chhuang turin ka tho zawm zat bawk.
Zep lo chuan a bulah hian pangngai takin ka la awm thei meuh lo a, thil thleng tawh hriatrengna hian min ti tim a, dinhmun harsa ah min awm tir ani ber.




"Dus, Aizawlah khan vawikhat chu ka hmu che sin lo koh che ka tum deuh a mahse hun a awm leh si lo a" alo ti ve niah niah a, kei aiin kum 1 in a u ang chiah in class khatin a sang bawk. A lakah hian beisei ka la nei nge thil kal tawh hi engvanga theinghilh a en liam thei miah lo nge ka nih pawh ka in hre lo.




"A pawi hleinem, kei chu ka hmuh ve awm che pawh ka hre lo bakah a zau ve em a ka chhuak tlem ve bawk sia" thingpui pe in a ep chiah ah ka țhu zawm zat a, alo bu ve nghat nghat bawk.
A chanchin te a awmdan te a sawi ve suam suam a, a rei hnu phei chuan ka lo inthlah dul ve thei ta deuh nge pangngai taka kan han inkawm zui ve thei ta mai kha.




"Chuan engtin nge zirna lam?" tia ka zawh chuan "Xii ka zo a ka duhtawk ta mai, Polytechnic ah te lut a eng emaw tak zir turin min duh a chhungte chuan ka ti mai dawn emaw ni ka tia" a ti ve leh mai a. Țawng leh ka tum lai tak in "Duhsak" Chiang zet a rawn ti hmuk tu lam chu rang zet in kan hawi rual dun țhawt a, Hmingmuanpuia kan piah lawkah alo ding reng chu niin. A mitmeng a tak ruih a, min melh dun run run lehnghal.




"Mamawh in nei em ni?" Zawi te a thaw chhuak in thawk ka lak zui leh hlek hnu ah inrin tawk tum zet in ka ti zang vaha ka mitmeng erawh a tim deuh tlat thung. Thilsual ti lai man ang mai chuan min la melh no lo viau dun mai si a.




"Tui bottle min pek hman chuan" a ti thum leh dut a. Kher kher hian, a piah lawkah filter pawh awm ve reng a! Ka țhutphah nawr sawn in ka tho chhuak a, kan thingpuiin na no la nghal in tui deh na ah ka dah leh hmasa te te a, chumi hnu ah fridge va hawngin tui bottle chu phawrh in ka inher nghal zat a, kuangkuah hlun in min lo melh reng avangin tawi te in ka nuih sak a, a nui ve lo chiang asin.




"Kha le" tiin țhat chhuah in awki zang vah in ka la ti lui hram a. A hmui pet sawi zauh in muang changin a rawn ban a, kher kher hian.



"A tlai tawh, mu tawh rawh!" kal mai lo chuan Manuna hriat loh tur chuan a rawn ti hmuk a. Biak hman miah loh in a kal nul nul.Manuna lam ka hawi phei chuan alo nui sang a, hepa hi a zia ala paih tam lo, a ze lehlam a duhawm tluk zet in a pang lehlam a khak zia hmuh hi har deuh tur ania.




"Enge kan sawi lai kha?" ka phei lai chuan alo ti leh var var a, ka biak tha a tho tawh teh chiam lo, Hmingmuanpuia awmdan in min luah hnem em vang nge a thusawi lai pawh ka ngaihsak pui thei tawh meuh lo.




"....I mut a chhuak tawh niang a?" A rawn tih tak thlawt ah chuan ka melh vut a, a mit ko alo kan uk uk a nui chungin ka lu ka lo thing ringawt.
"Tak tak a keipawh ka chhuk dawn ang, dar 9 a hnai tawh" tiin a țhutna nawr tawlh in a ding ve vut a, dan pawh ka dang khaw mawi lo. Kawngka pana kan inzui phei chjan sitting room a Hmingmuanpuia Tv en a amah chiah a lo țhu ngawi ngul ka hmuh chuan ka pen lai ka tawp deuh chawt a, engtia?



Vanranda thleng ka thlah hnu ah, a kal chho ta beuh beuh a, en pawh enliam lo in ka luhsan leh nghal mai.Ngawi rengin sitting room lamah chuan ka va phei a, tv melh run chungin alo la țhu run a, mahse a hmel awmdan ah erawh tv lam a ngaihsak lo tih erawh a hriat hle thung.




"I la haw dawn lo ami?" Ka ti nghal tawng a. A che ik lo. A darah ka zu beng zeuh a, thaw chhuak hawk in min rawn melh nghal run a, a melhna thaw khat hle bawm. Misual ka ni ta emaw tih hial turin ani min tih zam leh theih tawh ni.




"Khawnge ka pa?"



"A mu tawh!" a rawn ti hmuk a. Lawm lohna a nei tih hriat takin min melh rum tak zet, a hma ah tak ka ding zum zut bawk nen awmdan mai tur lah ka hre lo ka awm lai vel vek maiin ka hria.



"Anih ila haw dawn lo ami?" ka ti sep a, mahni in ngei ah pawh ka ți duk chu nia. Hetiang mitmeng hi pu lo se chuan ka pawr ngam viau ang mawle...



"Kum eng zat nge i nih?" A rawn la ti teh daih zui. A hmel lan dan erawh adan phah lem lo.



"Sawm...sawmpariat" ka lo ti bah niai a, zah zel ah tv ka han off ringawt, tv off takah phei chuan a reh in a reh ruih tawh lehnghal on leh chi lah ni leh tawh chiah bawk si loh.




"18, inleng neih i ngam tawh tihna ania" a rawn ti leh nghut a, eng chiah nge maw a sawi tum ni.
"Enge..? Chutiang pawh..." ka tih niah niah lai chuan a ban a rawn vai thuak a, ka ţawnglai ka tawp chawp chilh bawk.




"Mipa dang inleng nei tawh suh ang che"



"Ka thu thu" ka lo ti sep chu a hria ni chek ang min melh lehnghal run run tawh.



"Țawngtam a hun viau lo ania, ka mitmei veng tawh ang che ka duh lohna ah chuan mi țha tak ka ni tluan tling ngai lo ania" Ti hmuk in a ding vut a, a din takah phei chuan a lian rauh sia a dar ka sam nen chhiar tel in ka chen țawk.




"Hmingmuanpuia TA tur i ni tih in hre reng ang che" ti zui leh sup in ka biang a kut in a rawn nul thuak a. Ka sam tuai leh zeuh in kawngka lam a pan nghal daih.Min ti hrilh hai! keimaha phurna awm chu mak tak maiin nuam ka ti tlat pek.





*A rei tawh si, nangmah tal in lo haw mai rawh* Akimteii nen kan intext mek a, kar thar lamah bak an lo haw thei dawn lo tih alo sawi tunah Thursday ani der tawh a, mahse ala rei tho tho.





*Ka peih lo, ka nu in 'chumi chu, chu pawh chu lo ti rawh' tiin min chhawr a tum dawn lutuk a ka peih lo lawk* a rawn ti bur mai sia nawr luih pawh a theih leh tawp nang.




*Cham hlen law law rawh!*



*Pasal um tur ka zawng daih dawn* a rawn ti ve leh kher a, a changin kan inkhei tawn reng a a changin awihawm loh khawp in kan inngai leh si a, a chang lah in kan in tihtauh san leh bur bur a amak țhin asin....




* Saturday ah rawn chho ang che!* Hmingmuanpuia msg ve thung.



*Ka hman lo* ka lai tlat zel he mihring thawn thang ri hriat hian



*Ka lo lam ang che* teh tlat hian awww



*Akimteii awm lo* te chu kan ti ngawt a, chhuanlam tur hre hek lo le.



*Midang in awm alawm* ni ve leh tho mai bawk si.



*I mak eee* ka ti ta thlawt.



*Mak e, a harsa hleinem* a rawn ti leh a, chhan hma hma in ala out hmak zui. Min ti hawi hai! Ka phone chh ka ner khum kual mai mai ta ringawt.




Manuna'n min lo biak a tum leh țan a, khawi atangin nge maw ka no. alo neih ni a khat tawk in min lo be ve reng a, Hmangaihkimi sawi dan takah 'ngaihla tawk tur' ang khan mahse keimah ah engmah a thawk tawh lo aniang a message vanga ka hlim a ka phur ka danglam viau ngai ka hre lo.





*************************


Naktuk ah a tawp ang....tekha han ti duai ila, ka phone hman zanah ka buala kei aiina u a sà, mutdawnah min pe phal chiah. Mikhual tam deuh neih a tui neih tlem hrehawm zia te hi han hre ve tawh che u maw......Lo muttui suk suk phawt mai teh u🥰🥰🥰🥰



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:46 pm

KDB💥


CHAPTER - 8


"Friday nuam ti nu" Feli'n a rawn tih hlak chuan ka lo nui leh tawh tih ka hre mai. Tinge maw hetia ka awm tlat le.




"Nuam deuh asin weekend alo awm leh vang vang dawn ania" ka lo ti let var a. Min ei loh hmel zet in a ner nang nang a "Ni 2 bak ani lo, Hmangaihkimi hi ava reh em em biak a har si, inla khawhar lo vel lutuk" a ti zui leh zat a, Akimtei tello chuan kan reh ve ruih tak tak mai.




"An buai ve bawk aniang khilamah chhungte tia han awm chilh ve reng tu an nei țha lo bawk nen, apa te unau lah in ngaihsak chi an ni bawk sia" tiin a sawi dan chu ka sawi chhawng ve leh niah niah a. Mi che tla lai nuih zatthlak pui pui thlir kual in kan nuih ho ve leh nasa tawh mai.




"A rei tawh eeee" ka ti leh nang nang a, ka bul ah awm se hrilh ve ka chak tawh phone a sawi ringawt chu a fuh ber in ka hre lo, hmaichhana sawipui ka chak tawh.



"Rei lo rei lo, eng emaw sawi duh i nei ami? teh cheng che hian" min rawn ti let leh lar lar a. Sual thiam ve thei ania, mamawh ani tih a inhriat hunah hi chuan a heti deuh tlat zel.



"I hman var var hunah min lo be rawh aw" ka ti leh hram a, an lo koh leh der tawh vang ani pakhat. Zan rei lama min biak tur thu sawiin a dah nghal a, buai ve thei ania.



"Lehkha hi inzir nasa tawh em?" Chaw eikham thingpui ka pa te inkhawmna laiah chuan ka țhut ve rual rual in alo ti nghal sup a. Chanchin thar an ngaithla pah mawlh mawlh bawk.



"Țha ve reng, monday leh friday test hun bik ania nga 1st period ah ngei ngei in, abakah pawh class kan la țha" ka lo ti ve mai a. Han sawi dan vak tur ka hre lo, kan zir țha ani mai ang chu.



"I lehkha ah rilru pe tam ber ang che" tiin thingpui chu a in leh zauh a, U mapuia room lamah a lut bo leh tawh a, Apuia leh ka nu leh pa nen kan țhu tlawng ani mai. Ka pa bawk chuan rawn sawi zawm leh in "Kha Nunkima kha alo haw nge alo zin?" A ti leh sup a.Thil ti sual hawt lo in nuam lo ka ti leh nghal der tawh.




"Alo zin phei ve rih anih kha" zawi te in ka lo ti a.
"Nunkima alo haw maw?" ka nu ve thung ani. Min melh zat a, ka lu ka lo bu ringawt.




"Ka lawm teh chiam lo tih i hriat kha, a khawsak duhdan i hre vek tawh a hnaih tam lo la ka duh" ka pa bawk chuan a ti leh dap dap a, ka nu chuan alo thlawp nghal zat bawk. Chhan vak ngaihna hre lo zet in ka lo bu tawp ringawt a, hetia țawng kà ngeia min hrilh chinah chuan zawm loh chuan mahni inti hrehawm mai kan ni tih kan hre tlang hlawm a ka tan pawh chu chu thu tawp ani tih ka hria. Hnaih ka duh lo mahse amah hian min hlat angem ka hre thiam rih lo.




Lekha ka zir leh țan a, monday test hun anih vangin ka inbuatsaih ve nasa a, sunday vela en nawn turin ka duh thala ka thiam hnu ah note dang tlem ka zir belh leh hlek a, ka mut chuan 10 : 30 pm alo ri ve der tawh. Akimtei pawh ala online lo ala buai aniang.Ka tum loh zawk atangin call a rawn awm a, ka thinphu a rang nghal ringawt bawk.




*Umm* tawi te in ka lak hnuah ka ti zat a, ala ngawi vung vung zui.
*I biak tum ka ni lo mi?* nui chungin ka ti leh a, mitthla ah Pu mapuia rawn lang nghal uai uai bawk nen nuih tel suk a awl khawp mai.




*Lehkha i zir zo tawh em ni?* a rawn ti ta hram a. A aw pa det dut lutuk avang hian ka zak thar nawn leh awn awn zel.



*Zo chiah, tinge min lo biak?* sawi tur haihchham zet in ka ti leh thawr a. Phone a han inbiak ang em em hi chu whatsapp ah bak kan nei ngai meuh lo a, hmaichhan ang em nilo mahse ka zam a ka phur tho bawk sia.




*Tinge ka lo biak che?* alo ti ve teh daih a. A va sual thiam mai mai tak! Ka ngaihtuahna leh suangtuahna neih mek chhan ang hian min bia nise, (khawvel ka ngam ang)🤣




*Enge min lei dawn tak, ahma kan in chawi kha aw*

*Enge i duh?*


*I phal tak tak ang maw?* ka la ti khaw mawi ve leh. Biak a nuam phiana, hman zan anga hmel rum ul a pu miah lo ang tih a țawngdan atangin a hriat theih.


*Sawi phawt rawh le* nui deuh chung hian a rawn ti leh a.


*Ikaw, ka duh chu Ikaw* Nui chungin ka ti a, a hawi hai tur hmel ka mitthla pah bawk.



*Ikaw?* Mak tih hmel zet leh zawhna tih hriat rengin a rawn ti nawn ve sup a.


*Yup, ikaw* nui pahin ka lo ti leh. A thaw ri pawh awm lo tur khawp in rei lo te chhung a reh vang vang a, a zawh a a thumal rawn sawi erawh in ka nui lai a ti tawp chawt thei nia.



*Engmaw??* rang zet in ka lo ti nghal thawr a. A thusawi kha ka hre sual lo chuan ka hria.



*Syempre, ka ti mawle, ka pe ngei ngei ang che* Fiah zet in a rawn ti let leh a, thildang a sawi leh hma in call ka reject hmiah. Ka blanket chuan ka in khuh thak a, mahni te in ka țhen ngang ngang mai, ka zak bawk si mawl inti bawk si chu ka biang leh ka beng mai bakah ka taksa te chu an lum pup pup thei hial ani.



Ka phone a rawn ri leh a, en pawh ka en duh lo ka ngaihtuahna ah chuan ka thusawi ho lutuk leh ngaihtuah tawi lutuk chu ka inhau mawlh mawlh ringawt. Rei fe ka mut hnu ah ka phone rawn ri leh chu ka ban ve leh ngam hram a, caller id ka en chuan Hmingmuanpuia nilo in Akimtei ania thaw huai in ka pick ve nghal.




*I va la har, vawi 2 lai a ring ral tawh* a rawn ti nghal tawng a. Ka awmdan hre ve hek lo a phun zui nang nang mai.



*I zin rei tawh* kan ti hmasa leh ber a, a nuih a za tawh ngang aniang min nuih nasa mahse nuam ati ve tho tih ka hrethiam mai.



*Thil tam tawk sawi duh ka nei" ti a țan in kan awmdan zawng zawng ka hrilh chho a, ka sawi tui lutuk nge hun ngaihtuah lek lo a kan biak chiam kha.



*Chuan i duh ve tawh tihna maw?* a rawn ti ngial a, a phur ve hmel viau nangin ka ngaihbel nge ka tumdan nen a inang chiah lo in ka hria, a rak chiam chiam emaw ka ring kha nia mahse a awmna in a zir lo aniang, a tha tho e.




*Duh aniang, ka hre lo ka sawi chu min hnaih a min ngaihsak anga alan te hian nuam ka ti țan tawh keimahah hian enge dik a dik lo pawh ka hre lo* ka ti deuh niai a. Ka tum anga min phur pui loh vang nge ka awm anuam chiah lo deuh.




*I duh anih kha....ka thawhrimna a thlawn lo, Pu-a chu eng emaw tal nakinah min lei ngei angai ang, ka thawh rim zia hi" tiin a rawn nui zui kar kar a, a awmdan atangin an mutsan tawh anih ka ring thawm adim ve bawk sia nuih a ti za zawk.




*Mahse i tello chuan engmah ka ti duh lo ania, mi zingah min chhaih vak vak reng reng suh ang che ka zak ve ania* tiin ka vau zui khar khar a, rei zet kan inbiak hnu ah țul lo zel in Lalnunkima kan la sawi chhuak zui.



*Hmanni ah alo leng ve ka tih kha, Apa in kawm tam a phal vak lo lehnghal a, anuam lo tawp* ka ti zui leh a, han kawm loh tawp hi chu har deub tur ania biak tam lohah tlak angai ani mai, kei tak pawn chin tawk ka neih angai tih ka hre ru ran tho.



*A hmel chiah a pè țha, hleng hlung hian* a rawn ti zui ve leh a, Manuna a ngo reuh bawk nen hleng hlung tih chu a inhmeh phian bawk sia ka nui zui hak hak ringawt. Henu bulah hi chuan thla amuang ve thei em asin.



*Ka mu mai ang aw, anu a rawn round ţep tawh ang" a rawn ti leh su su a, kan nuih dun leh kur kur hnu ah kan dah ta hram a, Nutei leh Hmangaihkimi in nufa lutuk hi chuan nuih ati za lo thei lo ve bawk em ani.




*Chaw hma lamah naktuk chu in rawn kal dawn nia, i țhiante pawh kha* Hmingmuanpuia msg hnut chhiah ve zawng. A mawi a in wish pawh a awm hran lo heti teh tlawng hi.




"Tlai lamah Tile leh Cement tlem Mausen ah pek angai dawn a i kal ve duh em?" Apuia'n chaw ei laiin a ti leh a, ka chak ve reng mahse vawiin lam kha tum hrang ka lo nei ve bawk nen ka pha ta mai.



"Mapui engtik nge phei i tum?" Ka pa in au Mapuia en in a ti dam thlap a. "Ka hrethiam lo phei hma pawh pawilo kar thar tawp lamah hian ka lo tum ru deuh a" Au mapuia chuan alo ti ve mai a. Ka u te pahnih in ka pa an chhun dun bawk a an dam thlup mai a, kei a hmeichhia ber in an mipa nungchang harh zawng zawng ka la emaw tih mai turin ka harh em em a, kan țhenawm pitar pakhat pawn hman ah "I hmel en a fahmir pawh rap hlum se a țahpui thei ang tih ang khawp a zawiawi hmel reuh si hi, i harh ta lutuk a, fel deuh in awm rawh aw" a tih ngial kha ka nia, hahthlak hian.




"Nang enge i tih ve dawn?" ka nu min en thlek hà in a rawn ti ve a, a chang hi chuan min naute chhaih leh tlat zel a heti tiat pui tawh hi min la nula en thei lo ani ber mahse a te ber nih manah anawmna lai chen alo awm ve zel mai.




"Inhlawhna tur kan nei a kan țhian ho in" ka lo ti var a.



"Ve reuh che hian" Ka pa in nui chungin alo ti a.
"Khawiah maw? Kimi awm bawk silo" Ka nu in alo ti zui ve mawlh mawlh.



"Sir Daniela kha, a in tihfai angai a sunday khan ka țhiante nen min sawm a" ka ti niah niah a, ka nu chuan mak ati deuh nangin midang erawh in an ngaihsak teh chiam lo tih hriat reng in chaw en ei zawm mawlh mawlh.



"A tehdaih chuan in inhria mi?" a ti he haw a, Engtin tin emaw kan inhriat dan vel chu kim chang silo in ka sawi ve nuai kha.



"Matei hian a ngaih melh țhin tlat in ka hria?" Au Mapuia'n a rawn ti chhuak phawng a, rum zet a ka melh lai chuan alo la nui sawng zui.




"I ti ang lo maj mai țhin mite reu reu in an lo hria ange! Apuia ai pawn ala u ania khatin chhaih chhaih pawh angai lo" ka nu chuan alo ti zui zat a, thinrim erawh ani lem lo.




"Ka fiamthu lawm, monu te hi nu i duh ve tawh em?" Te chu a rawn la ti tak deuh deuh a, hriat nei tih hriat tak in a nui zui ruh ruh bawk.




"Chak a chak loh pawh ala awm lo, chutiang nei rual te in ni ve tawh mi?" Ka nu chuan nui chungin alo ti let a "I hmuh te chuan nei la, aman te tur te chu kan nei ve tawh lutuk alawm" tiin ka pa in alo chhaih zawm zat bawk.



"Ah! Keimah ka sawi reng reng lo, Apuia hi lawm.." Au Mapuia'n lawm lo deuh in a rawn ti leh ruai a, nupui neih chu ala hlauh hmel khawp mai.



"I duh duh hi sawi ringawt zel suh!" Apuia'n alo ti hmuk nangin Au Mapuia mitmengah erawh eng emaw a hre ru tih a hriat reng, a mitmei in a chhaih zui reng bawk nen.



"Rohluzual, țawng zuah zuah zel suh ! Chaw te kha ei rawh, nangmah khan nupui neih i chak anih zawk kha" Ka pa chuan rawn tiin a tho zui a, Au Mapuia a tum nasa. "Pa, Apuia i duat bik emai" a ti zui nang nang a, ka nu nen kan lo nuih zui nasa. Apuia ka pa in a duat viau pawh hi thik en in kan en ngai lo kan sawi ve niah niah țhin na in Apuia kan chhungkaw tan a inpek zia kan hria a kan thik rual ani lo miau a.




"A hahthlak viau angem le, kal kawng ah ringawt pawh kei chu ka chau" Kan chhoh lamah ni sa bawk nen Lalruatfeli a phun reng a, khawlum a ti zual. "I mak nangman min ti chau zo dawn keini pawh" Atei'n alo ti ve kha kha a, an ri chho zui barh barh.



"Nangman kik rawh"
"Aih nangman"
"Nangman tirawh" a kawngka zawnah thawm dim zet in kan inhnial mawlh mawlh a, Lalruatfeli angam tur ber lahin a duh leh bik tlat lo, induh hun hi a hria nia.



"Kik rawh, anih loh chuan kan kawm tawh lo abg" Atei'n a ti ve hlak a, a hlau lo ve sia. Kan inhnial zuah zuah lai tak in kawngka a rawn inhawng rawk a, T.shirt leh short chauh ha a lo ding run a, ți zet in kan melh.



"Lo lut ru" ti sup in amah a lut nulh a, luh hreh deuh a Feli ka melh lai takin ka hnung ah a rawn nam zawk a, inchhungah ka pai lut nghal khat khat a, ka la tlu țhelh zui, rum lutuk a Ruatfeli ka va melh let chuan alo nui țha a, țhing lutuk. Choka lam ka melh leh chuan kan thawm vang nge kan lam hawiin ding meuh in min lo m3lh ve run a, nui hmel apu lek lek bawk.




"Lalruatfeli nih kha" kan ti nghal tawng ringawt a, nuih za insum hmel zet in alu alo bu nghut a, choka lamah in her in a kut zui nghal bawk.




"Eng ber nge kan tih dawn sir" Feli zaklo thiam alo che leh ta, a che over ang tih erawh a hlauhawm ven ruk angai.



"Insuk tur tlem a zawng a awm a, in tih fai leh thuak thuak hi ani mai, ka room lam hnawk ala awm nual bawk a" Tiin tih tur a sawi fel zung zung a, a fal a min biak a tum hran lo nge hnathawh tur a neih thu sawiin choka atangin a chhuak nghal daih.




"Awii, khatiang a hot lo e, Dus a zei loh hmel et ut si" Lalruatfeli'n a rawn ti leh zawt zawt nghal. Ka lo mitmei vat a, a țawng zawi lem lo bawk nen a hre hman ang tih te pawh a hlauhawm alawm.




"Awiii, Daw zep zuap suh" Ateii'n lo ti hlak in bathroom lamah a lut zui a, rang zet in kan zui lut ve nghal.



"Khatiang mihring hrilh chawp zel ngai ang chi te chu nuam awm lo e lawm, bakah kei chu ka duhpui leh vak tawh lo che" an ti thla leh ringawt a. Ateii alo chek deuh hlak hlak.



"Ngawi mai mai rawh, tunge Dus-in lo hmu hmasa lo se chuan ka hel ei duh ang ti tu kha" Atei'n a tih hlar takah chuan a ngawi hmak a, amah ber ber chuan thildang a sawi ta daih. Kan che mawlh mawlh a, insuk tur atam hran lo bawk nen kan zo thuai. Ateii'n thawmhnaw pho in a chhuak a, keini pahnih in choka bal lai kan hriat ho kan lo tifai nghal char char a, Atei lo luh leh hnu ah chhuat kan nawt leh. Sitting room lama kan hru fai leh thuak thuak a, kan zawh chuan chhun chawlh alo hun der tawh.




"Ei duh bik emaw in nei em? Engmah kawl ka nei lo zu lam angai dawn a" tiin savun chapal bun in a rawn chhuak a, a sam chu a siam lo tih hriat takin anih ang ang chuan a tuai kual vel mai mai a, a inhmeh phian bawk, alang thar sur mai.




"Duh bik kan ngah lutuk min zawt suh, kan ei thei vek ka hah lutuk" Lalruatfeli'n alo ti zui erh a, Atei nen kan melh vak a, kan thawk zo thu chawl chiah a lo chhuak ani bawk nen a hah lai tak ani ve sia a awm na chen awm mahse Hmingmuanpuia'n a hrethiam lo ang tih a hlauhawm zawk.




"A ti mai mai nih kha, chhang lam kan ngaina lo noodle vel chhum mai mai ila chaw țhing i neih chuan ei tawp ang u" Atei chuan alo ti sawk sawk a, Hmingmuanpuia'n min rawn melh paha a mit ko a sawn san uk chu țul ti lo zet in ka lo ner khum a, a nui zui suk mai.




"A țha nih chu, kan zu lei ang chaw chu a awm lo lo chhum chawp mai rawh u" tiin min rawn melh a, engtin emaw min rawn signal in ka hria, a mitmei ka man lul lo.




"Zu lei dun ang a ti anih kha zek zuk mai, zu kal ru" Feli bawk in rawn ti leh in tui inturin a tho zui a, ka nui tawi tak mai.




"Nizan..." Motor a tlan chhuah rual chiah a atih nghal chuan "Sawi suh!" ka lo ti hlar a, a kiai suk mai. Ka ngaihtuah kir a ka zak thar leh ti tih ka sa pup pup thei hial in ka hria.




"Sawi lovang" tiin a nui zui leh suk a, va han ngeiawm tak.



"Eng noodle nge in duh? Spicy chu angai tawh lo" an ti nghal bur ringawt a.



"I van ui kawm" ka lo ti nang nang thung.



"Ka ui lam ani lo, a thak lutuk pum lam tan thil țha ani lo, bakah dam lo ta la duat i ngai dawn sia ka la thiam ve si lo a" tiin a nui leh suk suk a, lai zet in lei ka lo chhuah chiam a, kan inbiak nasat ve vang ni maw amah ah hian ka tlangnel ta em em ringawt hi.




**,****************



*Note..... Ka mut a chhuak😂🥰🥰🥰

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:46 pm

KDB💥



CHAPTER - 9




"Eng nge kan lak ang?" tiin ka zawt ru sa sa a.Dawr chhung a khat mur mai bawk sia lak vat vat a kal mai loh chuan midang lo kal an awm ve sek nen a chep ani mai ang chu.



"I ei chak apiang la rawh" alo ti awlsam then a, ka hmui hnuai ka ti pawrh tarh, ka ei chak ber lak a phal tawp silo a. Inpawh taka han inbiak vel te chu a nuam letling phian, bakah a bulah hian hahdam taka awm ngam chuan a thlamuanthlak zia ka hre țan hial in ka hria.



"Spicy 1 leh wai wai 3 vel chhum ila, pawi em?" tiin ka melh chho hà a, min rawn melh ve vut lehnghal min melh run run lai in " A hma pawn ka ei kha ka pum a nà bik nang" ka lo ti leh hram a, inngaihtuah ni awm taka a mit ko a hniam khui lai te chuan a hmui leh khabel vela hmul țo zawng zawng te nen a pà tak zet.




"Awle...." a ti ve ta hram a. Phur zet a inher nghal in ka ban nghal zat zat a, Spicy pack khat chiah phal mahse 4x ber kan lak hlauh kha. Pawm khawm țan in a bula ka din leh rual chuan min rawn nuih leh suk a, mitko a rawn san zauh leh a nui hmel te chu țha tak ani tawh.




"I duh tawk maw?"



"Kan kham lutuk ang" ka lo ti sam et a, adang nen kan hlawh nen pawisa a seng hnem viau mai thei ni.



"Țha lawm, lawk aw" tiin dawr nghaktupa lamah chuan va phei in "Artui plate 1 leh Alu Kg 3, frozen ho ah sawn Arsa a awm chuan min lo tih tel sak bawk la, Cola bur lian 2 leh pepsi can 4 min lo pack sak theih chuan spicy 2 leh wai wai 3 lo chhut bawk tel bawk la" tiin a wallet a dap nghal ruk ruk a, nur nanga min rawn melh chuan ka mitko inpawm bawr țan chung chuan ka lo san zauh a.



"Motor ah wallet ka dah ka va la lawk ang" tiin min rawn kal pel in a chhuak vut a, Dawr nghak tupa nupui in a thil sawi ho alo lak khawm sak nghal mawlh mawlh bawk.



"A va lian țha thelh thawlh ve" tiin min rawn melh in a nui zui var var a, ka lo nuih ve sak ringawt. Rei rial lo in a rawn let leh a, bawr zet in kan in khai chhuak.




"I fridge a ruak ka ti reng a" chhoh lama ka tih chuan a nui ve ruh ruh a, a fridge ah khan thei tlem leh chawhmeh țhing plate a inchhawp bak a awm lo reng a.




"Tunlai kan buai deuh mawle" tiin steering a herh kual nghal thuak a, he mipa induh hmel tak leh țawng țhat peih loh hmel zet bulah hian thlamuang takin ka țhu ang tih a hma kha chuan ka ngaihtuah pha ngai meuh lo, mahse tunah erawh a thlwng der tawh chu ni sia.




"Ngaihtuahna hmang nasa lutuk suh nangmah bak hah tur i awm lo" a rawn tih nghut chuan ka melh vut a, a thinrim emaw ka ti hman mahse a hmel erawh alo dam viau lawi sia.




"Ngaihtuah theih loh hi lawm hrehawm zawk"



"Nilo e, ngaihtuahna hi thil thunun har tak te zing ami ani alawm nangpawh i nih mek kha, min ngaihtuah loh tum eng ang pawh nila min ngaihtuah tho tho ang" ti leh sup in a gear a thlak dat a, a motor chuan lah a hahdam mai sia.




"Kan inchhungah chuan naupang ka la nia" sawi tur hre lo zet a ka tih chuan a rawn nui hawk hawk a, ka thusawi nawi zia hria in keipawh ka nui ve leh ta tawp. Naupang chhia deuh a awm hi bansan ka ngai ani ka nu pawn a tih tak kha mahse.....




"Pawn lamah nula ini tihna em ni" tiin min nuih leh a, awiii, chutiang ani kher lo. Thu ho deuh deuh ah kan inhnial chho zui zel a, kar lohah inpawh kan lo thelng der.



"Ka rin aiin in rei" In chhung kan luh rual in Feli'n alo ti leh tawng a. Ka chhiat khum vak, a mitmeng ser sawr ah sawn kan rei vang ni hauh lo in min chhaih zak chak tih lah lang reng zah loh der hun ani ve.




Chawhnu lamah room lam kan ti fai ve thung a, a lian hran lo nangin a khat mawi tawk bungrua a nei ve rem rum a, han rem fel vek phei chuan ani mipakhat chauh tan phei chuan a tawk viau ani.
"Puan chhia kha va la là, darthlalang frame hi hruk thuak thuak angai a" Atei'n a rawn tih chuan ka chhuak ve vat a, choka lamah pheiin ka va dap ve rak rak a, ka let phei lam chu sitting room lama laptop nen file nen lo inchhawp hnawk nuai pa chuan min lo hui zauh a.



"Enge?" tiin ka pan ve vat. Hnathawh a ngai bawk nen keini pawh kan chet chet in kan lo che ve mawlh mawlh kha nia, kan tan pawh a hahdam deuh zawk.A bul ka thlen rual chuan a phone chu ka lamah a rawn lek vut a, ka lo melh haw ringawt.



"Tinge?" ti deuh hà in ka lo ban mawl ve tawp a, a chhia emaw ni? ka siam thiam der silo. Ka hmeh lah chuan a eng ve pup lawi sia.
"Tinge hei hi?" tiin ka melh thla leh a. Sawi ve nghal mai țhin awm, kher kher ren run a hi a.





" I thla la rawh" a ti leh mauh mai. Ka melh vak a, duh duh huna in selfie ringawt chi ang ka ni ve lo e a, hrim hrim in thla han in lak tir ringawt mai chu! A dil te pawn min dil ve zawk mai awm.




"Ka balh em hi, ka duh teuh lo" ka tih chuan a nur nang a, a phone chu ka pe let zui vut bawk. Alo ban ve leh mai a.



"I thlalak ka nei miah lo ania" a rawn ti leh sup a, ka inher tur chu ka ding khawtlai leh rih.



"Tinge?" Hrethiam lo lui zet a ka chhan chuan a lungawi chiah lo tih hriat reng in min melh tur khui a, a thinrim leh tak tak hlau in ka nuih lui zui var var hnu ah "Ka lo thawn ang che" ti pat pat in room lamah ka phei san daih.



Tlaiah kan haw tur min thlah a tum ngial a, kan duh bik bawk silo a lungawi lo nge tum hmuk in min luhsan daih.




*Chuan in ni ta mi?*


*Ka hre lo, min bem bawk silo kan țha awm ve tawp aniang*


*Ka lawmpui che eee, ka lo haw hun chu ka nasa viau ang* tiin emoji nui lai lem a rawn dah tuar a, henu tak hi chu!


*A sual lo ka rin aiin min care reuh bawk sia a nuam ve veng veng* Țhiante bulah hi chuan zahna te hi alo dah țhat theih bik lutuk anih dawn vel hi.



*I inti thei e a* Tiin ui hmelchhe zet mengkur lai sticker a rawn dah tel a.Sticker vek a kan inhnial hrep hnu ah "Manuna'n min lo bia a* a rawn tih chuan ka boruak a dang ve leh deuh.



*Enge sawi? Nilo, ka ngaihven dawn tawh lo* ka ti nghal tawng a. Țhian anga min kawm thei lo tu kianga hun hman ka duh tawh lo a, hrim hrim ah khang thil zawng zawng thlen hnu a hetiang a keimah a intat lut ngam leh ang zawng a a khawsa hi ka duh tehchiam lo.



*A sawi ka lo sawi va hrim hrim ang aw, a duh che niin ka hria, alo haw chhan pawh nangmah ini atia* a rawn ti ta chiah reng a. Rawn haw tur a ka duh ka hre lo, rawn lang lo se ka tan chuan a nuam zawk daih asin le.



*Ngaih thutak sak duh suh, a buaithlak* tih bak chhan ngaihna ka hre lo. Zep loh chuan a hma ang thil kha a thleng leh palh ang tih hlauhna tam tak ka nei a, khatiang thil a thlen leh chuan ka nu leh pa hmel ka hmu ngam tawh nang.




*Nia mahse nakin zelah buaina in neih loh hram ka beisei, fimkhur deuh la* a rawn ti leh thliam a. Thawhțanah lo chhuk an tum thu a sawi hnu lawkah kan inbiakna kan ti tawp zui.




Nalh ka tih em avanga ka status a ka hman ve ngial K.Hminga hla chu ka ngaithla nawn leh a, hepa hi chu a aw ringawt pawh hian zun thuk tak a nei chiang alawm.




*Naktukah kan survey angai dawn a* Hmingmuanpuia'n a rawn ti ve leh. Zanah hian dar 10 hnu lamah bak min rawn be ngai miah lo min tih buai a hlau ani mai thei ani.



*Khawi ah?*


*Leilet enkawl tu te tui lakna vel bakah khawhran ho te nen kan circle huam chhung ho en vek an ngai dawn a* a rawn ti ve leh mai a. A awmdawn lo ani tih ka hriatna chuan min ti hnual ve rawih thei. Kan inhmu tam lo mahse tlang hran em em a awm a inbiakna hla tur ang chuan ka la ngaihtuah loh vang nge ka ni ve nghiai thei hial.




*A rei angem?* tih te mai ka thawn. Sawi tur avang țhin ka hriat ho ka sawi vek lahin min nin emaw ka hlau ve tho sia mi fel ber awm ang zia zangin ka kimki ve riau thei nia.



*A tawi thei ve, rei lo ang kar tawhah chuan kan rawn let hman ang* alo ti ve mai a. Kar tawp! Ka lukhamah hmai phum thawk in au chiam mai te chu ka duh ut ut. Zep loh chuan tih tak zet a zui ka neih ve vawikhatna ania tihsual hlau viau chungin ka inhnukdawk thiam lo a lutuk chin hre lek lo a a zuna ka uai fel der hun a thleng țep tih pawh ka hria, kan mamawh kan thlakhlelh ruk em em dawn tak si ah chuan mihring danglam theihna hi ho tak ani tawh.




*Kan ni nge ni lo?* Ka pa fanu ka nih angin zep loh chuan thil tih hne hne ang ka duh ngai lo, anih chuan ni nih loh chuan nilo tawp ka duhdan ani ber țhin. Zah hun chu a awm ngei alawm mahse zah loh hun pawh a awm tih te, mi pahnih inkar țha tur a thil pawimawh tam tak lehkhabu atangin ka chhiar nasa a, ka seh chu ka seh tih ang mauh maia ngheh ka duh.




*Kan ni nge nilo?* Ka sawidan chiah in a rawn ti ve leh, nghal pawh a hun lo.



*Hmingmuanpui*


*Ummm*


*Kan ni nge nilo?*


*Ka ta chu i ni tawh alawm* ka nui sak a, ka lai ani zawk mah, mahni te pawn alo laih nasat theih hi le....



*Ka ta ini ve dawn lo ami?*


*Min duh lo mahla i ta ka ni tho tho* tia a rawn chhan let hnu lawkah a phone call a rawn kal a, phur leh huphurh rilru deuh si sawi tur ngaihtuah zung zungin zawi muangin ka pick a.



"I bialpa ka ni nge i bialnu zawk" ka lak ruala thum dut nuih zat hmel zet a a rawn tih chuan laih luat ah lei sei zet in kan chhuah chiam ringawt a, a aw hian min ti lai thei tlat zel.




"Kei chu naupang ka la nia" ka tih chuan a rawn nui chhuak leh hawk a, kei pawh ka țhen ve sak.



*Ka mut a chhuak tawh* ka tih hnuah min rawn wish in kan inbiakna kan ti tawp a, mutsan mai pawh a harsa dawn dawn alawm. Tum loh pui a lo nuih a awl in mut lah a chhuak lo tulh tulh emaw tih mai turin ka ngaihtuah nasat poh leh ka țhen reng hi ani ringawt.



*I chhang țha em?* Test zo ka chhuak chu Feli'n alo ti lar lar a, thawveng ve thei sia. Sir Remtluanga'n "Ani hi zawng a pass mark tur a chhang tling tawh a a inhriat chuan thiam țeuh mahse a ziah belh duh tawh ngai lo" a tih kha ani ve hrim hrim a, exam ah em ani lo a a zia lawm! Exam ni phei se chu Apa hran nasat zia a sawi kur dup anga a tawpah sawisa chhun zawm in aman a nuih leh tliah tliah anga tih ang chauh ani.



*Țha mai e* Ka ti sam et a, ka chhang kim vek chuan ka hre ve.Ka pa thusawi "Apuia hetiang ani tawha nangmahnj vang liau liau a achak ber bansan ani tih hria ula amah vang tal pawn in theihna sang ber thleng zir turin ka duh che u" a ti ziah țhin a, Mapuia nen kan țan phah thei viau Apuia hi nun tlawm chi ani ve bawk nen a ni hi awm lo se chuan kan chhungkua leh he kan sumdawnna pawh hian tun hun hi kan thleng kher angem tih ani vek tawh.




"Ser hual ka nei ania" Feli bawk in a ti leh a "Mahse Lalkimi rawn haw hunah anih loh chuan in dawih dun si ka peih lo" min han ti leh erh a. Hmangaihkimi te chi chiah chiah.




"Kan J.E a chuan a duat che ni maw, i hlim thei surh surh emai" Mizo class kan neih laiin a rawn ti leh sur sur a, Atei'n alo nghawk sawk. Hrangchhuana leh Chawngmawii te khawizu laklai vel chhiar lai ani bawk nen Lalruatfeli an nui uar leh mai mai khawp a, kan sir khi suk suk a pawh a ti lai chhe zo vek. Hmangaihkimi a awm loh ka lawm ber țum ani, an che over dun leh nasa mai dawn sia maw....



*FRIDAY-ZIRNA ZAWNG ZAWNG TAWP NI😂)



"Ruah a sur dawnin ka hria thli vek vuk hi " sawi lo pawh nise tupawn an hre vek ang ka rilru a ka tih lai mek in "Sawi lo pawh nila kan hre vek" Hmangaihkimi'n alo ti chiah reng a, kan class ami tlem a pa vak lo Mawimawia'n rum zet in a rawn melh.



"Ka duh duh ka sawi ang" a rawn ti ve hlawi a, Hmangaihkimi'n a hnial zui hlau zet in akut ka hmer sak chiam a. Tuai te hi zawng intih buaipui loh a finthlak ber, mahse tih ve tawh vek vek ah erawh tlawm duh bik miah lo tur ani thung an rilru chhungril a huaisen vek bik lo.



"Khaw thim danah hian ruah a sur dawn chiang" Lalruatfeli'n nui sawngin a rawn ti a, Atei ber pawh a rawn nui chhuak hawk. "Khaw vawh danah pawh hian a sur dawn chiang lutuk" Akimtei'n alo ti ve leh. An va nghal dun mai mai tak.




"Khatianh, kal daih rawh se mi a zut hiam hiam a ka ten ania" A kal vawh vawh hnu ah Feli'n a rawn ti kher a. "A star tlat che in ka hria" tia ka lo chhaih chuan a duh lo nasa mai. Atei lahin keimah ber in kan chhaih takah phei chuan alo tui hnih thei nasa, an intin leh uai uai tawh.



"A changtupa alo la haw lo a tu emaw chu ruah sur karah ava lungleng dawn ve" Class room thim khup a kan țhut lai chuan Hmangaihkimi'n nui chungin a rawn ti a, ngeiawm thei.



"Nihliap keng ho kan lo haw ange" tiin ban dar a rik rual in Mawimawia'n an ti leh lang lang kher a, An run tawk alo tling leh ngang aniang "Khawdur danah tu emaw chu a len parh vek ang le" Hmangaihkimi'n nui hak hak in a rawn ti a, Feli te nen an nui țha mai.



"In chhia, huh hnap in haw rawh u" ti in a nihliap ken par zet nen chuan a chhuak phei den den a, pen dim thiam ang reng sia. Hmangaihkimi te chang ni tawh nang hmeichhe dang ho pawh an nui pat pat hlawm mai.



A khat tawk in venghnai ho an chhungten an rawn hruai a, hruai tu nei ve hek lo kan la țhu kar mai. Engtin tin emaw an kal hlek hlek a, awm kan tlem ta pharh pharh khawp mai, School varanda ah kan țhu țhap a, ka nu te reng reng pawh hi min rawn lam an tum ve miah lo.



"Zai ang u" Feli'n a tih lai mek in motor horn ri ah school kawng lam kan hawi thla thuai a, ka meng phawk nghal hra mai. A motor kawngka rawn hawngin nihliap nen kawrlum fual hà in a rawn pen chhuak a,a sam pawh siam lo tih hriat takin an awm awm in an awm ve tawp mai.




School lam a rawn hawi chhoh chuan ka lo melh reng a, ruah sur karah pawh a nui hmel chu hmuh harsa lo tak ani. Min melh leh tawh eih lo in step ah a rawn chho zui zat a, schook tual a rawn chhuah lai chuan kei chang nilo la awm ve dangte mit la ber tu ani tih ka hre nghal, min rawn pan ding hmiah thung.



"In haw thei em?" A tih chuang rang zet in ka țhiante an lo aw dual a, kei erawh in ka lo melh reng naktukah lo haw tur ang khan a in sawi reng sia, mahse tunah min lo hruai leh bawk sia.




" A vawt viau em?" ti sup in min melh chhuk run a a nel awm teh chiam loh nangin a awmdan pangngai ani tih ka hria a kei chuan mak ka ti hran lo midang erawh in an nel tehchiam lo tih an mitmengah a hriat reng.




*************

(Zawmna)



A kut phah hnungin ka biang a rawn tuai zauh lai chuan thuk ruihin min melh a, midang an la awm ve dih diah bawk nen anuam vak lo.
"Car ah chhuk ang le" ti leh sup in ka kut a rawn kai hmiah a, midangin mak ti hmel taka min melh chu nuam ka ti chiah lo. Ka kut ka pawh let det chuan min thlah duh bik der silo.



"Car ah chhuk ang u" ka țhiante lam hawiin a nihliap rawn ken pakhat pe in a ti leh a. Rang zetin an lo ban ve nghal.Ka țhiante mitmeng a min chhaih laih an tumna chu ka melh duh lo lui ngar ngar a, an hrawk an han thian der vel te chu ngei reuh tak ka ni.




"Tinge i lo kal ringawt a?" School atanga kan chhuk lai chuan dak deuh hà a en pahin ka ti a, nia alo kal ve ringawt miau a. Bakah thingtlang leh khawpui in an lohna chu eng emaw hlek ah kan inhriat chian em vang ni maw thawm a darh nghal huk zel a, tum viau lo tan pawh buaina leh mi harsatna tawh vel hriat a awl phah em em a, zep loh chuan tunah ngei pawh hian an sawi darh ka hlau ru zek zek tawh.



"School naupang bang ka hmu a, zing kan inbiak in nihliap i hmuh loh thu leh i ken dawn loh thu i sawi tak khan ka hria" tiin min pawt deuh salh a, ka nek deuh rawk, kawng en lo lutuk a ka lo kal vang vek tui tling luau ka lo dai țep hi alo nia.



"In awmna rei tawh em?" Motor ti nungin a in turn nghal a, chumi rual chuan a phun nghal hluk bawk. Ka melh phei nghal zawk chuan "Chirh diak mawle" ti leh hluk in a tlan zawm leh nghal a. Front mirror atanga ka țhiante ka melh chuan Hmingmuanpuia chet zia vang nge an lo hawi hra hra hlawm mai.




"Ka zawhna kha?" Kan awmdan hrethiam niawm takin dam zet chuan a rawn ti leh a. Ka lo thaw deuh huai.



"Rei ve tho, mahse a hrehawm hran loh a a vawt deuh tih mai loh chu" Atei'n felfai zet in alo chhang ve ngei a, Lalruatfeli te pahnih erawh an lo meng hrek hrek ringawt.An mizia hi ka hrethiam lo achangin anti deuh hluai a,hun lo lutuk ah an ngawi leh tlat a, an zia hi adang riau.



"Tahkhan kei chu ka lo chhuk ang" Akimtei'n a rawn tih chuan kawngsir deuhah chuan a ding ve dat a. "Bye u, Sir kan lawm e aw,midang ho hi chu thlah thlah an ngai tawh lo" Ti zuiin ruah tla siap siap karah chuan a tlan chhuak a, Feli'n a au zui lang lang a, thawveng zetin an in panna stepah a kal thla hnalh hnalh a, Hmingmuanpuia pawn a nuih zui suk mai.



Atei leh Feli te kan thlah leh hnu ah kan in lamah a kual ve leh ta chauh a, kan la ngawi dun rauh rauh zui. "Lehkha zirah eng rank nge i nih?" a rawn tih sup chuan motor tukverh lama ka dah dauh dauhna ata chu thle let phei hà in ka taksa ka siam rem nghal a, min lo melh ve zuk.




"Engtia rank maw?" tiin ka mit ko ka va san khum ak ak a, ka mit ko san zauh zauh vang nge alo nui suk suk mai. "A thiam pawl nge? A nawlpui or țan lak ngai chi?" steering herh kual mawp mawp pahin a rawn ti leh a.Min en dan hi ka nuih a ti zà deuh tlat zel, a naute lawm deuh ang mai hian niin ka hria.



"Sawi thiam a har, a nawlpui chu ka ni ang mahse ka phur viau erawh chuan chu ai a sang deuh pawh ka ni thei" nui chungin ka lo ti a, min nuih let dan leh a hmel landan ah min awih teh chiam lo tih ka hrethiam mai."Min ring lo ve sia, Top 5 ah ka lan chuan i fanu ka ni ang" tiin ka melh a, zà zet in a rawn nui chhuak hawk hawk.
"Tunah pawh ka fanu, zana ka bialnu, ka bula i awm loh laia ka thinlung kawltu" ka lo chek tlak tlak a, ani erawh a nui suk suk duh chauh.
"In la ril viau suh, midang sawi i copy" ka ti deuh tlat a, alo nui mai mai.




"Tah khan ding rawh" ka'n in thlen hma deuh chuan ka ti a, a ding ve mai bawk.Zawhna mitmeng deuh a min melh chuan ka lo nui sak a, kan inkawp tih tuman anla hre miah lo bawk nen ka nu leh pa hriat pawh ka duh rih lo."Ih, i phal chuan i nihliap tè zawk hi ka lo hawh lawk ang duh leh nakinah ka pe leh mai ang che" ka ti leh niah niah a, a kutțanga steering tlir zauh zauh in min rawn melh deuh run a, tlawn nan ti tih in ka lo nuih.



"Min zahpui em ni?" a rawn ti khauh a,ka nui hmel a tawp chawp chilh nghal. A hmel pawh a hahdam leh tawh chiah lo, zawimuangin a inthlak a tunah chuan țawngmawh hmel deuh kha a pu leh tawh. Rang zet in ka lu ka thing nawk a, a thaw hawk ringawt thung."Anih chuan, eng nga tinge?" Tiin dawt ka sawi leh sawi lo hriat tum niawm takin ka mitah tak min en kal a, nuam lo duh tak ani.




"Ka zahpui lo che, ka tih chhan zawk chu school kal lai ka nia, tiang hi ka nu in ala rem ti vak lo a" Nuam lo ti zet chuan ka ti sap a, min melh ngur ngur ringawt. A hmelah chuan engmah hriatthiam theih loh khawpin a mitmeng a thunun leh tawh a, a thinrim nge rim lo tih tak ngial pawh ka hre ve thei lo.




"An phalna ka lak angai anih chu" rei fe a ngawih hnuah alo ti leh mauh mai. Ka melh phawk hra a, a mitmeng tak ngulah chuan a thusawi ah chuan a chiang tak zet ani tih ka hmu thei. Nilo, hetiang a ti nih chuan ka nu in a rem ti ngai dawn lo, chutiang anih chuan engkim a tawp nghal vek ang.



"Chutiang tih kher angai lo" Ka lo ti hliai a, min melh hrawk. A mitmeng rum zet vang nge ka tim ru chawih a, intih huaisen luih tumin ka insehruh nasa viau."Ka sawi awmzia chu kan pahnih chauh a kan hriat pawh a tawk reng alawm, hretu an tam chuan kan buai miah lohna turah pawh kan la buai fo mai thei asin" melh zauh zauh pahin ka ti leh a, a mitmeng tur zetah chuan ka thusawi a pawm ve lo tih ka hrethiam nghal mai.Mahse ka tum angai miau.




"Kan zep tlat pawn buaina a awm loh phah dawn chuang em ni? A ruk a rala, misual ang maia chet la, mipa dawihzep tak anga min ngaihtheihna tur hi ka ti duh hauh lo " alo ti nghut a. A taksa a țangmar ve țung tawh. " Chutiang in tuman an ngai dawn lo che, tunah chuan ka nu leh pa in rem an lo ti dawn lo a ka zirna zawng zawng ngaihtuahin XII ka zawh hunah tal" tiin ka ngen ti tih a, a mood a off chiang ngang aniang min be leh tawh lo. Nihliah min pe a, chhuak rawh tihna tluk ani tih mi pangngai chuan an hrethiam vek ang. Ka chhuah fel rual chiah in a dawk chhuak nghal zawk a, a speed a san em avangin leh hawi meuh in ka melh zui ngawt ngawt tawp.




Mipa lunglian ve thawkhat , mahni induhtawkna ngah ve tak laka khatiang sawi a min pawmsak nghal chu ka beisei hran miah lo mahse ka rin aiin a serious pui a, kan la inzui tlem vang ni maw thlem a han tih lungawi dan tur lah ka hre hek lo.




Tlaiah pawh ka mood a nuam lo vek a, lehkha pawh ka zir mumal thei lo ka nu eirawng ka bawl pui vel ta mai mai a, bluetooth speaker radio pawt tel thei on in kan tlailam hun kan hmang dun ta ringawt. Mizo RJ te pawh an lo thiam ve tawh takzet ani tih ka hriat phah daih a, mahse ka țangkai pui lem lo.




*A changtupa nei te leh nei ve lo te* group Lalruatfeli'n a rawn siam ngei a, min kap deuh reng a, sual thiam hlawm mai siah.



"Pangchanna tur bialpa ka duh ve" Lalfeli bawkin a rawn ti ve ngial a. Atei a rawn chhang nghal. Feli chu a hmelchhe miah lo mahse ngaihzawng neih thiam lo deuh ang kha ani ve ngei a, a bialpa neih ve te pawh a mipa țhian kawm hmiah hmiah vang ni maw an ințha țhen ve leh hlawl zel.


"Keipawh ka duh ve 'aw ngek aw ngek' ti a ka țah khum theih tur" Hmangaihkimi ve thung.


"Kei chu a nà ka tih lai apiang min chhem dam sak reng thei tur" Feli bawk.


"I tenawm.....Kei chu min ei zo vek chak khawp a ka laka luangliam" Atei, kan zinga țawng mawh ber in a rawn tih chuan a ri meuh in ka nui chhuak. Feli leh Hmangaihkimi an rawn nui uar fal leh khawp a voice meuh in an nui ri an rawn thawn ve ve.



*I ti tau ami?* (em ni?) ka text hmasa leh hram a, ka lehkha zir pawh ka rilru ka pe thei thlawt lo. Ka ngaihtuah leh ngut ngut tawh, min kalsan daih te ka hlau leh hnuhnawh a mahse ka hre tawh lo ka buai nuai mai.



*Lehkha zir rawh* Tih ve a rawn thawn a, zan dangah lem min be hmasa ziah a, tiang te chuan lehkha pawh zir ila eng ka ang dawn lo chiang lutuk, hei tak hi ka nu in mipa laka inhman buai rih lo tur a min duhna chhan ani chiah bawk.



*A vawt alawm, bakah weekend ani dawn a zirtur a tam vak lo* tiin pangngai taka biak luih hram hram ka tum a, a thawk ang nge maw....



*In thuamlum rawh* ka hmui hnuai ka ti pawrh tarh a, a induh thiam lutuk chu ka ngei lek lek zawk. Sawi tur pawh ka hre tawh lo.



*Umm* tih tawp a ka reply na chu a seen reng a, mahse min reply duh miah lo thung. Tui lo zet in lehkha ka chhiar leh a, ka phone a rik hlek in ka ban nghal chung a mahse ka ban chhan ber hnen atangin engmah ka la dawng thei lo, signal a nei lo emawni ka ti rum rum hial a mahse ka sim hman leh kan awmna a thuhmun reng a signal neih loh thu awm lo.




"Bawihte, Lo chhuak lawk teh Manuna alo kal ania" Lungawi lo deuh a ka insawh ka insawh laiin ka nu in ka room kawngka bul atangin min rawn ko lauh lauh a, hun lo lutuk. Tun ang khaw chhe hnuai ah lehnghal.



Phur lo zet a ka va chhuah phei lai chuan ka pa nen in ep chiah in an lo țhu a, ka pa in tv a en daih danah an inbe lem lo tih lah a hriat reng.
"Khawchhe hnuai ah te, enge ni ta?" tiin ka pa nen an țhutna nilo lo awl pakhatah chuan ka țhu thla zat a, min lo nuih suk.



"Lehkha i zir em ni?" Alo ti sup a. Ka lu ka lo bu nghat."Ka lo ti buai che ni maw?" a tih leh chuan nuam lo a tih hmel ve deuh bawk nen țawngkam țha in ka lo chhawm ve leh ta zawk, mahse hepa lakah hi chuan ka tui thei thlawt lo.



"Bawihte, thingpui han chhuang la kan lo in ange" ka pa in a rawn ti ve khauh a, ka pa ber a rawn țawng takah chuan Manuna hmel pawh a thaw huai ni maiin ka hria, ka nu erawh khawiah nge alo kal leh tawh ni hmuh tur a awm zui miah lo.



"Kurtai kha rawn la tel la keipawn ka lo duh ve ang aw" Ka pa thingpui ka va pek lai chuan an bulah ka nu chu alo țhu leh at tho sia. Thingpui in in eng eng emaw ka nu chuan zawt in Manuna a be deuh reng a, ka pa erawh pa ti ti duam chi ani lo bawm nen an thusawi alo ngaithla ve chauh ani.




"Ni e tlangval a pumpa thawh neih loh ringawt chu a țha hleinem, polytechnic te pawh chu ti la țha deuh a i zir phawt te chuan mamawh tawk an awm reng ania" tiin ka nu in a zirna chunhchang a zawhna a chhan sak zawh hnuah alo ti ve leh siam siam a. Nu ti ti thiam ani bawk a, Manuna pawn nuam ati ve surh surh tawh viau in ka hria.




"Khawnge bathroom?" a tih sup chuan ka lo kawh hmuh vat a, a no ruak chu side table a dahin a tho chhuak vat a, keipawh no chu khawm in choka lamah sil turin ka kalpui nghal.
No ka sil lai chuan kawngka an rawn kik dat dat a, ka nu in alo chhawn vat. An țawng ri ka hre thei ruai a an sawi erawh ka hre fum fe lo.




Tunge hriat tum ni pah fawm in choka atang chuan ka thil sil zawh chuan ka va chhuak phei a, sitting room a ka pa țhutna ep ah tak Manuna țhutna ah khan Hmingmuanpuia alo țhu run a, ka thawm hria in min rawn melh vut a kan inmelh chiang ngang mai a mit ko a rawn san uk a mahse min en rei lo ka pa lam a hawi leh nghal vut a, engti tih a rawn kal ve ringawt nge maw anih leh ni?




Ka thutna ngaia ka thut thlak rual chiah chuan ngaihtuah chhuah zawk ka neih avang chuan phawk lutuk in Hmingmuanpuia ka va melh hrawk a, min la melh lo zui, biak falna hun a awm bawk silo a sawi mai ang tih hlau chuan ka țang mar nghal țun mai.




"Duhthusamah chuan net ai chuan railing vel siam zawk la, duh leh installment ang pawn bungrua i mamawh ho chu i la mai dawn nia, net ringawt chu kham a awm deuh bawk nen a him tawk lo ang" ka pa chuan alo ti boh boh a, Hmingmuanpuia pawh alo bu nghut. Eng chungchang nge maw an lo sawi ni!



Hmingmuanpuia țawng leh tur chiah chu Manuna rawn phei a hmuh vang nge a hmui a chip hmak a, chiang kelh kawlh in min rawn melh nghal run a, Manuna lah chu ka bulah tak a rawn la țhu chat zui. A khup chung a Hmingmuanpuia kut awm insehruh tih hriat lutuk a chang țawlh țawlh ka hmu zui zat a, ka thaw pawn ka hre tawh lo. Ka hlauh ber zawk chu a thinbutut chhuak thut in awm lo lutuk a a chet ani ka hlauh ber ni.




"A țha lawm" a rawn ti nghut a, a aw a nghet thawkhat hle bawk. A taksa țang mar ut leh bek pawng țawlh țawlh te chuan ka thinphu an ti rang, ka hlauthawng bawk nen ka awm țha hlei thei meuh lo.





****************


*Mipangngai nih angai* Rawn comment țheuh ula mi pangngai ah min han siam teh u🤣 Sei deuh in duh leh duh loh ani mai....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:46 pm

Chapter - 10



"Ka mamawh tur zat ka lo chhut anga, ka rawn hrilh leh dawn che nia" tiin a tho zui vut a. A lungawi loh zia chu a mitmeng atang ringawt pawn a hriat theih mahse ka din hmun nen tih theih engmah ka nei rih bawk silo.



"I va hmanhmawh ve, thingpui pawh ila in em hleinem" Ka pa chuan alo ti ve thuai a, ka nu in alo thlawp zat bawk.Nuam lo ti zet in ka kun deuh ran a melh pawh ka melh țha ngam rih lo, tlai lama kan boruak nen tuna thik thleng nen kan boruak chu a sang lehzual tak meuh meuh ani.



"Hnathawh tur tlem a zawng ka la nei a, ka kal zawk mai ange" tiin a pen zui ani mai. Ka pa in kawngka bul thleng ava thlah a, a motor tlan chhuak ri zuih ral tial tial rual in a ka thaw halh a, ka pik zual țung mai si, chet han lak mai dan tur lah ka hre silo. Ka boruak a fuh lo lehzual a, Manuna pawh rei leng lo in a haw ve nghal ani mai.



Khum lu nghengin ka meng reng a, ka phone ka melh run run bawk.Biak hmasak ka tih tur aniin ka hria a mahse ka ngam lo, bakah sawi tur ka hre lo, ka ngaihtuah thui tiak tial a alungawi loh pui chu ho tham ka ti riau bawk mahse a lungawi lo miau bawk sia. Dar 11 a rik pawh chuan min rawn biak pawh ala tum chuang lo ka mu meng kara ruah sur buan buan mahse ka ngaihtuahna an la peng thei hlawl lo ani ber.




*Ka tihpalh* tih zawng ka thawn tawp a, chan tur anga ka inngaihtuah hian ka phallo ni ber in ka hria min kalsan daih ka hlau ani ber. Zep loh chuan zantin i mipa suangtuah ruk țhin kha i ta ani thei ta a thil hk te vanga chan tur angin han ngaihtuah teh chumi ai chuan ngaihdam dil ngai anih chuan ka hreh hauh lo mahse ka thu ah erawh ka la ding.




*Engvang chuan?* min reply pawh ka rin miah loh laiin a rawn thleng hlawl lo, ka thu chhuak hlawl bawk. Chhan let dan erawh ka hrethiam mai lo. A lungawi loh erawh ka hlau a, chuvang chiah chuan fimkhur ka ngai tih pawh ka hria, thu ho tham tak vang mai mai ka mipa thlan ber hi thlah ka tum reng reng lo.




*Engkimah, mahse i tana hriat nuam lo leh awm nuam lo tur angin ka khawsa dawn lo ania....Manuna pawh kha alo leng ve mai mai ringawt anih kha, ka sawm pawh ani lo ani nen chuan țhian kan nihna pawh a der dep tawh lutuk* tiin ka reply a, a thinrim leh lungawi loh chhan ber kha sawifiah hmasak phawt ka duh. Inzawmna a ka huat ber chu mi pahnih kara midang tlak zeh hi ani a, chutiang chiah in keima lamah chutiang awm tir ka duh lo a ama lamah awm turin ka duh hek lo.




*I sawm lo mahse i hnial chuang hleinem* Chhan let ngaihna hre lo zet in ka melh ngawt ngawt ringawt. Min hriatthiam pui hlawl lo ani ber!



*Hnial turin min dil chuang hleinem* Ka chhan letna chuan a ti thinrim lehzual anih loh chuan a ti harh sawng sawng tal ang chu!




Rei rial lo in a phone call a rawn lut zui a, ka room hi inhnuai sitting room piah ka pa te room awm lohna lama awm niin ka thawm hre tur an awm lo bawk. Ka pick ve thuai a mahse a reh zui nghal daih.



"Enge?" zawi lam mah chuan keimah zawk chuan ka ti sap a. Chhanna ka dawng har kher bawk.A reh leh vang vang hnu ah a rawn thaw hawk a "Mi à ang maiah min chhuah tih i hria em" a rawn ti bung nghut a. A aw ah chuan ala lawm lo tih lah hriat reng reng mahse tih ngaihna pawh ka hre tawh bik lo.




"Manuna lam anih chuan.." ka tih leh lai mek a "Kha mihring hming kha lam teivet suh" a rawn tih nghut chuan ka tim chawih thei hial. A awki ah khan lawmlo mai nilo thinrimna alang tel thei miau a. Mipa thinrim ka tawng khat a, awmdan mai min ti thiam lo ka țah te lam a chhuak thei hial maiin ka hria.



"Duhsak!" rei fe a reh vang vang hnu ah a rawn tih leh nghut chuan ka inthunun hman lo, ka inhnit hraih a, ka hmui ka hup nghal ka beng atanga phone la sawnin ka lukhamah hmai ka phum tawp a, ka țap ti tih nghal. Ka țah chhan a ho tih ka hria mahse a chhuak lutuk tlat, khatia a vin phar nih ka duh bik lo. Min tihdan ka ngaihtuah nasat poh leh ka inhnit nasa zual a, ka haw tlat tawh.



Ka phone a rawn ri leh a, amah bak anih ka rin loh avangin ka en buai duh rih lo. Tlai atangin țha te te a sawipui ka tum char char a mahse ani chuan min hrawk reng a, min la thinrim khum char char, keimah lam pakhat mah ngaihtuah lo in amah chauh a inngaihtuah ka ti lo thei lo.Upa zawk leh rilru puitling zawk tur, min hrethiam zawk tur a ka ngaih in thu ho te pawh sawipui hleih theih lo ani mai sia, sual ber bur lutuk.




Ka phone vawi 5 chuang lai a rawn rik leh hnu ah chuan ka hmai tuai hul thuam thuak in ka ban ve leh ta hram a, ka aw ka thian zui kharh bawk. Ka pick rual in a thaw hawk ri ka hre zui zat a, ka mittui a tla leh ringawt bawk.



"Tinge i țah?" a rawn ti a, nichin ai khan a aw a dam deuh tawh mahse a aw dam leh min ngaihtuahna ri ka hriat rual in ka pangchang zual nge ka hrawk thip vek khawp in țap chhuak lo turin ka insum hial ani. "Țap tawh suh aw....ka tihpalh anih kha" a rawn ti leh sup a, min thlem ani tawh ber ang chu mahse kei erawh ka zuau tulh tulh thung, ka inhnit zui leh hlap hlap a, pik hmel zet a a thaw hawk hawk ri erawh ka beng bula phone ka la dah miau avangin ka la hre thei, ka hnar aping vek bawk nen ka hrehawm vel vek mai.Chutiang chuan rei fe kan țap leh te te a, min lo nghak nge ani pawh a thawk la ri bak hriat tur a awm rih lo.




"I sual em anih kha" ka aw chu ala tham țuak a, mahse țah erawh ka tum tawh rih lo. Ka hnar lah chu a lehlam lehlam aping lehnghal ka mit a thip țhum a, ka hrawk a hnawk hle bawk.
"Ka tihpalh, țap tawh suh aw" a rawn ti ve sup a. A thawk la huai ri pawh ka la hre reng.
"Nangman min hau anih kha" unau zinga te ber tih takah pangchang ve thei ngang ka ni bawk a, tunah pawh min duat tih ka hriat vang nge ka la ti hram. "Hauh ngaiin i awm alawm" Dam deuh chuan a rawn ti ve leh a, mahse ka lung a dam lo. Hrim hrim in țha te te a sawi lai pawh a min tih hlauhthawn nasat zia kha.




"Ka awm lo, nangman min hauhna phet i zawng anih kha....Manuna pawh ka be lo alo leng ve ringawt anih kha" ka ti leh hram a, min duat leh tawh a ka pangchang thei ve leh tawh tih ka hre ru kar.Tun hun tak hi hrilhfiah vekna hun ani bawk
"Kan inkar ka nu leh pa laka ka zep duh chhante pawh ka sawi vek, kha chu ka sawi nawn duh tawh lo Manuna pawh ka țhian nihna nei ve chauh ani abak engmah a awm lo bawk, i sual lutuk a i ngai kawi mai mai anih kha" ka ti zui niah niah a, ka hnar ping lutuk chu ka hnit ve leh hraih hraih pah reng bawk.




"Amah kha chuan a duh che ani lawm ni?" a rawn ti khauh a. Ka ngawi det! Chhan ka tum zuau nangin sawi tur ka hre lo, nia min duh alawm ka ti dawn ami? Mahse chutianga ka tih chuan khatiang rilru a pu tih hre chunga ka bula ka la awmtir reng avangin min dem ngei dawn! Theih nise amah ai daih hian ka bulah awm lo se ka tihna chu a nasa daih zawk ang, mahse sawi vek chi zia zang ani bawk silo. A thin butut zia ka hria a, eng emaw palh ah a tih chi dawn loh lutuk tlat.




"Min duh lo, țhian chauh kan ni" tiin dawt in ka țang ve țang a, hmaichhanah nise ka ngam dawn der lo.Nuam lo chu ka ti ve tho mahse amah dan theih dan nia ka hriat angin chet ka la hmasa ani ve mai.




"A țha lawm hnaih tam loh kha tum ang che" a rawn ti ve thei ta hram a. Ka lo pawm viau. Mahse keimah chauh chuan ka kiansan seng dawn lo tih erawh ka hria.



"Min duat lo ee" zah loh hmel zetin ka ti leh nang nang a, a nui suk ri ka hre zawm zat. Laih loh hmel leh zam lo hmel taka lang țhinte pawh hi an chhungril zam ruk ve theih zia in hre tawh em, kei ngei pawh ka aw khur lek lek nia.



"Nasa takin ka la duat dawn chauh che" a rawn ti leh sup a, ka nui ta hak. He palian pui hi a duhawm lutuk mah mah ani. "Țah belh viau loh phei chuan..." a rawn tih leh chuan khum lu ngheng chuan ka ner nang nang a.




"Min vin vak vak anih kha" Ka lo ti nur nang a. ka hmui ka pet sawi kual chiam chiam bawk . Min duattu te bula țah hi chu nuam deuh ania in lo hre ve tawh em?




"Bawihi Vak vak ani lo" a rawn tih leh chuan ka tum deuh bar a, min hmu thei lo mahse ka tum tho.Thil sawi uar ve deug te hi alo ngai thei vak lo zel emaw tih tur hian an awm ngei zel a, chhe reuh lutuk.



"Kha....min khak reng nang chu" ka lo ti leh niah niah a, dik tak chuan min dawhthei ve lutuk zawk ka duh ka sawi apianga min tihsak a tum ve ngei ngei zel a, a buai laia ka biak pawn țha deuh a min lo chhawn in a hman huna min rawn be tur a in sawiin min mangțha mai zel a keipawn ka hrethiam ve thei viau chuan ka hria.


******************


"Kekawr bul i hà nange?" Pawr zet a ka tih chuan nui ruh ruh in min rawn melh a, tur fe in ka lo melh let thung. "Mawl chin tawk a awm Hmangaihkim, khaw vawh vawh nen thli thaw vuk vuk hnuai ah engvanga hà lo nge i nih a?" ka ti leh hlar a, henu hi chu ngaihtuah loh theih hi ani lo tlat zel. Thil mak pui pui hi a ti rauh țhin bawk nen a mood dang thut thut țhin te pawh hi
hriatthiam a har thei ania.




"Chiam chiam a, ka hà ve reng hei" tiin a kut lehlama a nihliap vuan țaiin a pawnfen(puanfen) a hlim chho a, awiii kekawr bul chhing fahran, kekawrte ù tih tur ang khawp a tawi alo hà chu niin țul lo lutuk. "Khatiang a țul hlawl lo, inthuam lum ve ta che" School kal kawngah chuan kan in hau chho leh barh barh ani ber mai.




"Ninawm teh sek! Manguri ang mai!" A rawn ti hlar a, zà zet in ka nui chhuak nghal, ani pawh a thusawi ngaihtuah chiangin min rawn nuih pui ve leh ta chiam chiam a, "Hre na sè chuan min lim ang" tiin a nui chho leh awr awr a, ama nu a koh ve dan anih kha tuman khatiang khan an ko ve ngai lo, amah bik hian an ko duat deuh ngei a, anu ei loh tawk alo tling ve thei ania.




"Enteh saw.." tia a kawhna lam chu ka hawi phei vat a, kawngpui sir Pu Muana te huan a theibuhfai kung awm a rah hmin sen duk raih mai chu ka hmu zawm zat bawk. "Ka chil a put" an ti ngial a, min rawn melh zuk a ka hawi kual nghak deuh ruai a khua a chhe bawk nen rawn kal an awm lo in ka hria.Ka buk nghat hnu ah hawi deuh hrek hrek in kan pan phei a, forget me not pharh deuh duai chungah chuan engtin tin emaw bawk in ava ban țang țang a,a tluk loh nan ka lo vuan ve thung. Kan nihliap kut lemlam a ken ngai bawk kan che khawr nasa mai.



"Mi an lo kal" Kawngkawia nihliap khum rawn lang ka hmuh rual chuan ka ti nghal chung a, a rawn che phut chu kan la tlu țhelh zui lei kan rahna diak bawk nen kan school schoe sir chu chirh a kai nuai tawh rang zet a thei leh thei lo a in sasengin school lam panin kan tlan dawr dawr a, school gate bul kan thlen chuan ruah sur vanga khaw vawt te chu awm tawh lo tak ani kan thlan hliam lo chauh.




" Ka lungphu ran zia chu, i hre thei em?" ka ti hliam hliam a. Ka la thaw halh halh bawk. "Hre em em lo chutiang, pum khat chauh ka lo hman break ah kan ei dawn nia" tiin a bag ah a ak țha mawlh mawlh a, class room kan luhrual in dar ari ve nghal.




"Khaw chhiat dan hi a......a....a khawngaihthlak riau" School ban haw kawngah chuan Feli'n a rawn ti ve hliai a, a sawi fuh lawk thei lo leh a sawi awmze nei lo lutuk chu midang ho zawngin awih loh hmel zet in kan han inmelh kual nghal hruk hruk a. Chutah Atei'n "Daw suh, a lunglenthlak an tia lawm" A dara ben sak pawp pahin alo ti a, Hmangaihkimi ti lui tih hriat zet a lo nui uar uar chu a ngei leh pek khawp mai.




"Aww....ka khawngaih ani mai lawm" chhan duh si chhan vak ngaihna hre lo tih hriat zetin a rawn la ti hram a, sawi zawm leh in "U Tèa fapa thar khu nizanah kan en ve a, a hmelțha tawp a ngo reuh sia....a mitmeng te kha a lonely tawp" Hmangaihkimi a rawn nui leh uar uar a, hmui ti pawrh chiam a Atei ka va melh chuan ani pawn angaihna hriat loh hmel zet in min lo melh.




"Engvanga lonely hmang ve ringawt nge i nih?" Atei'n alo ti nghat a.



"I à siah, mi pawn an ti vek, a mitmeng duhawm ngawih ngawih cute lutuk leh khawngaihthla la deuh sawina" Inla hre zetin alo la ti zui. Hmangaihkimi erawh ala nui khur char char, a sawi tum kha alo man nghal aniang a tir atang reng khan a rawn nuih tak kha.



"Awii, i à fe Eki....TUMAN LONELY AN TI LOOOO, PLEASE AN TIA LAWM, LONELY HMANNA AWM ANG LO LUTUK A MEANING PAWH I HRE VE RENG AWM SIA" Atei'n a ti erh a, lei chhuah tat in a sawi tu ber ber chu a nuih aza ta letling a, amah te chuan an nui leh kiah kiah vel a.




**************



"Saw Putara" Akimtei'n a tihna lam chu a sawi rual rual chuan kan hawi nghal vut a, Hotel atangin an lo chhuak mek a, zing chaw ei pui a nei ani ngei mai, engmah a sawi hran miah lo ka bulah chuan.



"Putar pawh ala ni lo, ko ve ziah suh" ka tih lah chuan "I chhan bik" a ti deuh tlat a, ala ti tau ringawt zui kan Hmangaihkimi tak hi chu!
"Tomoto lo adang ila lei dawn em?"
"Manguri zawt rawh"
"Manguri Fanu Hmangaihmengmawi han sawi zawk teh"
"Ka mengmawi kher lo"
"Ka fiamthu nih kha"
"Hmeli" fiamthu han tihsak a ral ah chuan a haw ve leh hle tho sia, buaithlak thei.



"Nula te nen an ei bik ziai ziai ani maw" Hmangaihkimi'n a rawn tih leh chuan ka melh vat a, mahse kei min en lo in kan piah deuh lam a melh chuan chu lam chu ka melh ve vat a, Hotel sir deuhah khan Patling 2 leh nutling 1 nula 1 nen an lo ding khawm laih a, an landanah an hlim hmel hle. Chu ai maha ka mit la tu erawh Nula-in Hmingmuanpuia taksa dek a ading tlat chu ani. A hmelțha bawk nen thik loh theih pawh ani lo.




"Tute nge i hriatpui em?" Akimtei'n a rawn ti khauh a. Nui lui chungin lu ka lo thing. Tuna ka rilru ah tak chuan min flirt mai mai anga inngaihna ka nei a, mahse ngaihtuahna țha lo tak ani tih hriatin ka thluak tihfim tum in ka ngaihtuahna ka pe duh lo lui tlat a, a harsa lam mah ani.




"An kal tawh" Akimtei'n a rawn tih chuan ka hawi chhuak vat a, an lo awm tawh lo tak tak.Ka thaw huai thei.



"In boruak a țha tiraw?" Chik hmel zet a min en in kan haw kawngah chuan a ti a, "Țha viau chuan ka hria" Ka ti ve sap. Nia, inhauh pawh Manuna lo len zan tih loh kha chu kan la nei leh tawh miah lo min ngaihtuah em em a, ka bulah pawh awka vin hman loh a tum nasa ve khawp mai mahse alo chin țhan tawh vang ni maw ti leh khauh hi anei țhin a, min tlawn nasa thei ania.




"Be rawh aw, ka sawi awmzia i hriat kha" tiin an inpengah min chhohsana, mahni te in ngaihtuahna kawm nasa deuh in kan inlam ka pan ve leh hnak hnak.




"Apui!" Kan kawmthlaka lei lai turh turh ka hmuh chuan ka ko risk tawp a mahse Apui lo ni tak takin alo hawi chhuak vut. "Enge i tih a?" Ka lo ti thuai a, ka thil khai bawr nuai te nen chuan insir deuh lamah chuan ka phei ve leh. "Ho te mawl, ka nu in terrace lane hnih lek siam a thlai leh eng ilo chin ve a chak a" alo ti ve mai a, bawngtu thlawh leh suahdur te nen alo inchhawp hnawk ve rem rum mai.



"Au Mapuia tal sawm ve ta che, a hahthlak dawn dawn nen" ka lo ti niah niah a, ka khawngaih leh tlat zel, a thawmhnaw paw zet chu beng thuk thuk in "Angai lo, lehkha a zir anih kha..... a tam hleinem" tiin min rawn nuih leh a, a lai țan lehnghal ani mai.



"Anih, thingpui ka lo pe ang che aw" ka tih chuan nui chungin alo bu leh nghauh nghauh a, inchhunglam pan in ka kal nghal.



"Apuia chauh lei i laih tir a" choka a ka thil lei ho dah pahin ka ti nghal tawng a, ka nu buhthlei mek a rawn hawi phawk hra mai. "Apuia maw?" alo ti let hà a, a buhhum chhar chu a khawlna no te ah chuan a dah lut nghal bawk. "Aww, terrace a lai alawm, thil chin na tur vel i duh ani lawm ni? Au Mapuia pawh hi khawnge?" ka ti leh nghal nang nang a. Ka nu erawh a hawi buai deuh.





"Duh te chu duh e, alo lai nghal der elaw....amak țhin e, Apuia tak hi chu! Dawr pawh a kal lo ani maw?" tiin a tho chhuak a kawngka lam apan nghal bawk. Ka zawhna pawh a chhang der silo.
Au Mapuia room lama ka phei a, dawhkan bula chair a lo țhu in phone alo la khawih mawlh mawlh zui. "Lalmapui" ka ti hlak rual chuan thil ti ru man ang mai phu zuk in min rawn melh nghal zat a, ka lo nuih hak thung.




"À lutuk! Thawm i nei bawk silo ka phu lawm" alo ti ve hlak a. Ka nuih zui char char.




"Apuia zu pui rawh i hman tho te chuan! lehkha i zir emaw atia a phut ngam lo che nih khu" ka tih chuan hrethiam chiah lo melh hian min rawn melh a. "Ka nu in terrace chhe te a duh a, chu chu a laih sak a" ka tih chuan alo tho chhuam ve vut. Nuam ti chiah lo hmel a pu nghal bawk.
"Min lo koh tur alawm, helama kan awm chhungte chu chhawk ve ka duh asin le, ka thawmhnaw kan thlak lawk ange ka rawn chhuak ang" tiin a thawmhnaw dahna lam a pan vut a, keipawh ka chhuak ve nghal.Choka lamah phei leh in no ka la a, juice tui deuh kan kawl ve chu phawrh in ka thlit sak a, pawn lam panin ka chhuak ve lehnghal.




"Nu, amak țhin ka ti thei alawm.....ka awl ve lai, hetiang a ho tham lutuk" Apuia chuan alo ti ve sup sup a, ka nu pawh a chhak deuhah alo ding ran mai.



"I hah țhin em alawm, hah chawlh te hi tum ve rawh midang pawh rawih ve mai tur alawm hetiangah te chuan" Ka nu in alo ti ve bawk. Apuia a ngaihtuah vang tih ka hria, a naupan tet atanga tunthleng deuh thaw in duat leh ngaihsak bik a hlawh khat a, ka sawi awmzia chu upa ber anihna laiah chhungkaw tan a inpumpek tak meuh meuh bawk nen a duat hleih theih țhin bik si loh an pawisa thawh chhuah te lah keini a nauten zirna ah kan hmansak duai duai zel bawk nen ama tan nilo a nun hi kan chhungkaw tan a hlan tawp ani mai.




"Kha aw, in lawk rawh" tiin intur chu ka pe a, a inlai mek in hnathawh thawmhnaw nen Au Mapuia alo chhuam phei ve mek bawk
"I inla chak emai, ka chak zia tihlan ve te pawh ka hmuh ve chak che lawm" tiin a rawn nui phei sawng a. Thirtiang a rawn keng tel ve bawk.



"Lehkha zir i ngai lo mi?" Apuia'n alo ti leh hram a, Ka nu alo chek hlak. "Ngai rih lo, khawi ka chak zia ka lo hmuh ang che" tiin a chhuk ve nghal a, a laih pui nghal mawlh mawlh.



*Chaw hnu lamah Aizawl ka phei lawk angai dawn a* Room ka luh rual in ka phone ka khawih nghal a, Hmingmuanpuia message lo awm ran ka chhiar chuan ka ni nghal nghulh mai. Nichin lawk a ka thil hmuh ka ngaihtuah chhuak nghal a, khanu vang kha em ni a haw duh.




*A rei angem?* Ka ti let ve nghal a. Ka thil hmuh kha sawi chi ani nge nilo pawh ka hre lo.




*Ka la hre lo, vawiin enge i tih dawn?*


*Ka chhungte ka pui ang, khawnge zingah chaw i ei?* ka han ti hram a, sawi ka chak zek zek miau.



*Dawrah mikhual rawn peng zawk an awm a, ka eipui ta mai* alo ti fel leh then mai sia. Sawi leh mai tur pawh ka hre lo.



*Tute maw?* ka la ti hram a. Ka dil chhut a ti ve țhin mai thei mahse angai tlat.


*Ka pa țhianpa te chhung mawle, Aizawlah an phei dawn a an lo peng zawk a* Alo ti țha ve leh viau a. Nula kha a melh tai angem? Khanu vang kha em ni phei ve a duh rum rum? A ni lo ang....mahse



*Nula kha i unau angin i en em?* Min nin hial ka ring tawh mahse ka hriat loh chuan thlamuang taka ka kal tir theih ka ring tlat lo. Lep lerhna hi ka ze huat ngawih ngawih ani tlat a.



*Min hmu em ni?* a rawn ti khauh a, *Aw* ka ti ve hmiah thung. Ka hmu miau a, khanu in tlangnel taka a tawh a a bawh hiam hiam lo chauh te pawh kha ka hmu vek.



*Zoremi anih kha, ka bialnu hlui* ka meng deuh awk thei a zep lo lutuk te chuan ka rinzual phah sauh a beisei anih chuan a ti sual hle ani. Hlauhthawnna in min tuam nghal a, khanu che zia ah lah ala duh tih hmeichhia chuan an man thiam ve vek ang, chuti chung chuan Hmingmuanpuia lahin ala hnaih ve zel tho bawk. Ka lum nghal pup pup thei hial in ka hria.




************
(Zawmna)



A bialnu hlui! Wow!



*I bialnu hlui i um zui dawn der maw?* in seh ruh țeu in chu thu chu ka thawn a. Ka message engtin nge a rawn reply ang tih ngaihtuah chungin bathroom lamah ka lut a ka inbual san hmiah. ka zia hi ka in hrethiam țhin lo ka duh loh tawpah nawr luih theih ka ni ngai lo a, ka ze țha zawk a nem hle si hi pakhat ah erawh min fiam sualna ani ve fo țhin.




Bathroom-ah te chu pik ru țeu in ka inbuala keima tawk ah ka chhungril pawh ka ni leh nghulh thei hial ani.He inzawmna ka neih atang hian ka nun a chhe zawng pawn a țha zawng pawn engkim hi adanglam ta vek maiin ka hria. Ka huatthu chhiat zia lah keimah chauh in ka hria ang ka sawi lana min nin ka hlauh luat ah chhungril ah ka paia chu chuan keimahah natna bak min thlen lo thung.




Ka chhuah leh chuan muangchangin ka inthlak leh hmasa te te a, ka phone ka khawih leh chuan a miss call 5 lai alo awm hman tawh. Call back erawh ka tum miah lo khanu a nun a a tel chuan pathum nih aiin pahnih chauh ni tur a kian pawh ka duh zawk, a chhan maw?? Keimah bak nà tur ber ka awm miau lo he inzawmna ngaihlu tu zawk ka ni miau a.




*Chutiang vang ani lo*
*Ani nen chuan kan tawp tawh, zawm leh tur pawh a awm tawh lo*
*Ngai kawi suh, ka lo haw hunah hmai chhanah ka hrilhfiah ang che* A message chu ka seen nangin ka reply lem lo. Khumah chuan zang thal in ka let thla tawp, ka room chung chu melh ngar tawp. Ngaihtuahna sual in min luah chilh a suangtuahna mak pui pui ka suangtuah a, ka thaw a ti pik zual viau thung.




"Agnes!" ka nu in a rawn tih lang lang chuan ka room atangin zawi zet in ka chhuak phei a, choka lamah alo che leh mawlh mawlh tawh.




"Nuuuu" ti nangin ka va lut phei ve a. Ama tawk ah alo buai ve leh viau tawh, a zo chhang chiah alo thli mek a, tui dehna atang chuan min rawn melh ve vat bawk.



"Thingpui fe leh Bawnghnute a zo a, zu lei lehlawk mai rawh" tiin a pawisa dahna a sawi zui zat a. An buai bawk si peih loh ti na chi ani bawk silo. Tunah tak hi chuan room a awm a mahni chauh a ring zet a eaphone a hla ngaihthlak ka chak ber.




"Lalipop leina ka la tel dawn ania" tiin ka kal sawn zui ani nghal mai. Tote bag zawi zet chu ak in ka kawm tur neih chu keimah leh keimah ka inkawm thla leh melh melh tawh.



"Kia hè?" ka hmui hnuai ka ti pawrh khum tarh a, ka sam a rawn tuai thur nghal. "Chhe siah! A pheng sa sà nen i ti pheng zual" ti hlak in ka duh ka sawi a, nuih vur vur paha ava lak ve mai kha.



"Lolipop ka duh tel!" Ka bag a a rawn dah laia ka lo tih chuan a nui hawk hawk a, keipawh ka nui ve ringawt.



"Nula pui si hetiang lolipop bak hmuam tur ila nei ve nange?" a rawn tih chuan ngei zet hian ka melh rum nghal vak a, ala nui ruh ruh tho.


"Tenawm viau suh" ka tih chuan ala nui dir char char zui. Ka va ngei mai mai tak. "Kei chu ka bialnu te ka chawm țha nia, hetiang lolipop te chu an duh tawh mai mai lo" a rawn tih ruk sur sur lai chuan "Hmela!" ti hlar in a nak ah ka nghawk sawk a. Ani erawh min fiam tih hriat zet hian a nuih a zà zual sauh.



"Abel" Tia pawn lam atanga petrol awm leh awm loh an rawn zawh chuan pe turin a kal nghal zat a. Pawisa ka la pek loh avangin kei erawh ka la ding zui reng.



"Hei hi adangdai tawp min give teh ka duh chi" a rawn lut thawm ka hriat rual chuan ka lo ti nghal tawng a, ka hairclip ken chu la chhuak in ka hàn hmuh nghal zat a. Mahse ka tum loh zawk alo din run avang chuan ka hmui ka chip nghal hmak.
°A incheina ka melh thuak a, a kal tawh dawn aniang a fai veng vung khawp mai.




"Min chhang lo a" alo ti nghal tawp a. A mitmeng dam zet chuan min melh reng bawk. Awmdan tur mai pawh hre lo in ka melh deuh reng ringawt a, a bialnu hlui phei vangin Aizawlah a phei ve dawn tih ringawt chu ka thu lak dan leh ka rindan, a dik ni bawk a ka hriat ani.




"I mamawh viau lo in ka hria" tiin a hnunglam pawn lam chu ka melh zauh a, Abela petrol thun zo chiah ka hmu nghal zat a. Pawisa in pe fel in a rawn lut phei zawm zat bawk."Mate, min nghah pui rawh aw mahni chauh chuan a khawhar thlak ania i hman tho, Aaa ka pu enge i duh?" tiin a petrol kenna bur vel a dah fel nghal zung zung bawk.




"Drinks vawt lam i kawl chuan" alo ti ve sup a. Melh duh tawh lo in Abela rawn phei chu pawisa ka lo pe nghal vat a.



"Fridge ah khan lo en rawh" tiin a kawh hmuh hnu ah ka pawisa min kir tur a ti fel leh pah nghal zung zung bawk. Hmingmuanpuia pen sawn thawm ka hre zui ve zat a, Fridge chu hawngin ava dap ve ruk ruk mai in ka hria.




"Mawh? Rawn chhuk leh rawh aw" Abela'n a rawn ri leh sup a. Ka lo ner nang thung.
"Kan buai ve lawm, huan kan ti fai a" ka lo ti ve ngial a, min en zawk in nui hmel a pu deuh bawk.



"Hna rim deuh a i thawh zawh hun, chawhnu lamah tal rawn chhuk la" Nui chungin an ti leh kher a, ngei zet in ka lo chek khum hlak.
"Hre lo, ka hman mai thei....taka hairclip hi ka duh, min give rawh" ka ti lehnghal zat a. ka keng lang và bawk.




"I fel viau chuan" alo tih chuan ka ak nghal zat a, ani pawh a nui tawp.



"Tlangval!" Hmingmuanpuia aw in ka hnung lawk atanga a rawn tih hmuk chuan ka phu zawk hial.A awm tih ka hre ve leh chiah. Ka melh chhoh zawk chuan a mitmeng dam zet kha alo bo leh vek tawh, a hmui a chip hmuk a biak a chak awm lem loh melh pawh ka melh rei lem lo.
"100/- anih kha" Abela pawh chuan alo ti ve mai a. Ka pawisa nawi kir tur min kir hnu ah a pawisa a rawn pe ve vut a.



" ka kal, ka rawn chhuk leh ang" tia ban vai zeuh in kawngka lam ka pan san ta nghal.
Hmingmuanpuia erawh ka ngaihtuahna aluah leh nghal ut ut tawh.



"Duhsak!" Thui pawh ka kal hma a rawn ti tu vang chuan ka ding leh chawt a, ka hawi let nghal bawk. Ka lam panin a rawn chho ve mek a, ka melh reng laiin ka bul arawn thleng fel der.




"In be lawk ang" a rawn ti sup a. Min melh run run bawk. Ka lu ka lo thin chuan a thaw hawk a, ka zam ti tih der! "A rei dawn lo, lo kal lawk rawh" ti leh sup in ka banah a rawn vuah nghal der a, min kaih ang ang chuan ka zui tawp ringawt.
Kan awmna thlang lawka step ah chuan chho in kawng atanga lang pha silo, kawi laiah min din tirin min si lo chauh in a rawn ding zawm zat a, a rim a tui takzet bawk.




"Pangngai takin kan inbia emaw ka tia" a tih sup chuan a awm atang chuan muangchangin ka melh chho a, min lo melh thla ve run bawk.A mitmengah chuan min zir chian tum angin ka hmu, a tak run a, ngaihthah har tak min ngaihsakna atilang bawk.




"Nichin a dawr nghak kha i hria em?" thawk la halh a ka tih chuan ka sawi tum hrethiam lo zet a min melh vung vung hnu ah a lu a rawn thing zauh a, ka thawk leh hak rual in ka kut chu a kut i a rawn vuan zawm zat a, melh zauh a ka nuih sak lai pawh chuan chiang zet in min lo melh tih ka hria.




"Abela anih kha" ka ti hmasa leh te te a, "Umm!" dawhthei lo zet in alo ti nghut a, ka țhen lui leh sak tho.



"Ih maw...Ka bialpa hlui Au Mapuia țhianpa anih kha" tih sap pah chuan ka nuih seih a, a mit ah tan ka melh ngar bawk. Min melh ngur ngur in a mitmeng a danglam tual tual a, ka kut a hmerna a na tual tual bawk. "Ka kut a nà nia!" ka tih hlak chuan ka rin loh lutuk in a thlah hlawk a chumi rual chiah in ka dar tawn tawnah nghet zet in a rawn dawm a, min hmer nghal ngawt ngawt bawk.



"Sawi leh teh?" A aw a ring lo nangin a khauh hle a, a sehchilh rap bawk. Min melh ngur a a mitmeng te chu an danglam vek maiin ka hria.Ka zam lo ka tih chuan dawt ka sawi hle ang ka zam a khur lo tur a ka in sanmar(sangmar) angai hial.



"Ka...engtin nge i awm?" ka ti hap a, ka aw ka thunun theih loh luat ah a khur. Ka dar a hmerna chu a ti thawl deuh a mahse ala vuan run tho.
"Engmaw?" a ti leh nghut a. A mitmeng pawh la hrim hraih hraih tak ani.




"Engtin nge i awm? Ka bialpa hlui ka hrilh che khan? Thil pangngai takin kan sawi emaw i tia mahse nangmah chauh in i sawi 'i bialnu hlui chu sawi leh la' " thle bak in boruak ngam hmel zet in ka ti leh a, keimah ka dik tih ka inhriatna in huaisenna min pe ka ti mai ka zam em em tawh lo.



Engmah sawi lo in min melh tlawk tlawk a, ka dar a dawmna thla in a ding hla hret bawk.
"I laka zep neih ka duh lohvanga hrilh tlang vek che ka ni" a hmai tuai puak in a ti hawk a. A hmelah chuan engmah hriatthiam tur dang alang lo.



"Zep nei turin ka duh lo che mahse khatiang teh bawih a min hrilh tur i ni lo chuan ka hria!" Ka lo tih leh lai chuan hrethiam lo lek lek hmel pu in min rawn melh leh a. Ka lo then sak thung.



"Engtiang chuan maw?" a rawn ti leh nghut a. A aw hi chu a damlo ve thlawt rih ani.



"I bialnu hlui tih ka hriat hma hauh in hmeichhia nangmah hnaih tak tu che i unau nu ni si lo tiin ka hre hmasa ber a, a dawt ah Aizawl an pan tur nen chuan a hnu leh a i bialnu hlui alo ni ta daih a, a hlui hah! mahse i la pawh tak, chuan Aizawl kal i ngai ta thut bawk a? Naupang bawl rual mai mai ka nih bik loh hi aw" a tawp lam chu ka thinrin leh ti tih a, ka aw ah pawh ka nà tih a hre ve ta hial ang.




"I ngaihtuah nasa lutuk anih kha khatiang engmah a awm tawh lo!" A rawn tih nghut pawh chuan "Ngaihtuah lo thei lo in min siam alawm, hetiang rilru min tuhsaktu hi nangmah bak an awm hleinem" ka lo ti hlar a, Ka awki a sang ve viau. Mi kal tam lohna ah kan kal hlauh zawk a kan chhak leh kawi bula quater 1 ding bak in chh kan thlang lama mi bak a awm lo, thingkung erawh a awm nual.




"Ka ex! ani, chu bak a awm lo mi pakhat ah ka lungngawi!" a rawn tih leh tawp a, hahthlak min tih hmel zet a min melh te chu rilru nà ru zet tilang ngam silo in ka melh tlawk tlawk ringawt



"Tinge Abela chungchang ka sawi khan i thinrim si?!" ka tih chuan a ngawi hmuk a. Țawng tum ang pawn a awm leh tawh chuang miah lo. Amah chu engkimah a dik bik reng a mahse kei chu thil tisual thei reng a veh a min veh reng ni ber maiin ka inhria.




"Kha chhanna kha i neih hunah chauh min rawn be dawn nia!" ti sap in ka bag ah ka siam țha a, kan chhohna step lamah ka chhuk thla nghal bawk.



"Duhsak!" a rawn tih nghut chuan ka ding deuh dat a. Mahse hawi let erawh ka tum rih lo, Zoremi ka thikna leh Hmingmuanpuia ngawi reng hian min ti hah ngawih ngawih tawk viau.Ka pen leh rual chiah in "Bawihte!" a rawn ti leh tawp a, a aw a ngen ngawl ri chu hriat hmaih chi ani hauh lo! Mahse ka kir thei tawh rih lo.Kei aia upa leh thil hrethiam tur zawk ani a, a hrethiam ngei pawhin ka ring.




"I va rei em em ve?" in chhung ka luhrual in ka nu in alo ti nghal tawng a. Choka a zawi zet a ka thil lei ho dinning table a ka dah chhuah chu min lo melh reng a, Au Mapuia leh Apuia pawh an lo țhu ve run.



"Nà i nei em ni? I mit ava sen ve, a nà em ni?" tiin ka ni chuan chik zet a min en in min rawn pan hnai nghal a, ka u te pahnih mit keimah a fu nghal chu ka hre nghal bawk.




"I enge nà, i dik miah lo" ka nu chuan ka bag min laksak in a ti nghal mawlh mawlh a. A mitmenga min ngaihtuahna ri chu hriat nuam lo tak ani miah lo bawk.



"Ka lu na, chuan ka ban leh ka kè hi a zàwi nasa lutuk" ka tum loh lutuk in ka țah aw țiau anih chu!!! Ka chhungril tawt lutuk leh ka taksa bung zàwi nasa bawk si chuan min vaw chau lutuk tawp ani mai. Ka u erawh ka sawi ve mai mai chauh!




"Vaitamin leh Calcium te ei regular rawh ka tih mawlh mawlh kha, ti khan nà i ti theih em nen damdawi te hi i ei țha duh lo lutuk a...."Ka nu in a tih hlak hlak lai te chuan ka mittui a far zawih zawih thei. Rilru no lo a țah tel miah lo a ka natna te hi sawi chhuah ve ka duh țhin mahse a theih chuang miah loh anih hi.




"Nu!" Au Mapuia zawkin alo ti hmuk a.
"Nà chhawkna va la rawh, lo kal phawt rawh mut lum i mamawh ber" Apuia'n dam deuh zawk in alo ti vat a. Au Mapuia Damdawi la tur a a chhuah laiin room lamah ka nu leh Apuia nen kan lo va phei a, ka mittui tla reng chu ka natna vang anilo tih ka hriat tluk zet in nep ka inti viau bawk a mahse kan ințhen ringawt dawnin ka hria! Chu ngaihtuahna chuan min vel ani ber ang Hmingmuanpuia anga mipa duh leh atchilh ka la nei miau lo.




"I hnar aping vek ang țah loh tum la, Mapuia'n damdawi a lak mek kha" Apuia'n alo ti dam thluam a."I chhel em kha Bawihte" ka nu in alo ti bawk. Rei lo te ah Mapuia alo lut a damdawi min ei tir zawhah ka mu thla leh hnawk a, ka bulah an awm ve ta run thung.




"Tunlai khaw awmdan mumal lohvang ani mai thei, ruah a tla ve reng bawk sia....Vawiin pawh thli a tam bawk nen a taksa in an tuar leh hmasa anih dawn hi" Ka nu in alo ti sap sap a. Ka in entir hran lo bawk a, ka nu in damdawi a sawi ang hi min ei tir mai țhin, heng khaw chhe tur lo thlen danw te hian ka taksa a zàwi nasa thei em em a thlasik lai phei chuan tuilum ip tello a mu thei lo ang tawp kha ka ni. Season inthlak apiangin ka damlo ngei ngei ziah bawk hi amak keipawn ka ti ve țhin.




Ka nu te chhuahlai pawh ka hre lo hriat loh karin ka lo muhil ani ngei ang rangva ri rawk rawk ri ah ka harh hlawl a, ka room chhung chu alo thim khup tawh. Parda kar atang chuan pawnlama ruah sur chu ka va hmu thei a, thli a tleh ani ngei ang kawm thlang lama kan ar in rangva ni ngei tur pawh a ri leh rum rum zel.




Ka taksa pawh ana alo zia huai tawh a, vawt erawh ka ti viau. Ka phone ka lukham sir ami la in ka hmet eng a, zan dar 7 : 30 pm alo ri der tawh. Noti bar atangin Hmingmuanpuia message lo awm ka hmu nangin ka chhiar duh lo a, ka phone hmet thim in ka tho chhuak a, ka kawrlum la in ka room ka chhuahsan nghal bawk.




"I lo tho peih tawh elaw?" Ka nu thingpui no chawi a rawn phei in min hmuh rual chuan alo ti vat a. Lu bu nghat a pheiin ka pa sitting room a lo țhu run chuan min rawn melh ve nghal vut bawk.



"Lo kal teh, i zia tawh em ni?" tiin min lo hui a, pan phei thuai in a taksi si thlap khawp in a bulah ke hlang meuh in ka țhu chho nghal a, min lo kuah khawm nghal hlun hlun bawk. "I dam leh var var tawh em?" alo ti leh sup a. "Dam thlap tawh, min lo kuah lum lo a a vawt ka tia" ka tih chuan anui nghawr dat a, a awm a bei hle hle in keipawh ka nui ve sak tho.




"Chaw ei ka siam ang che aw, tlem tal ei rawh" tiin ka nu a tho chhuak nghal a, ka lo bu ve mai.




"Zanin i bulah ka lo mu ang aw" Apuia tui in a choka rawn lutin a tih chuan ka lo bu ve mai a. "A hma pawn i mu tawh, keima hun" Au Mapuia'n a rawn ti lut ve nghal lung lung bawk. An han in chai fiam leh ang nawk nawk a, an intiat dun nasa si tlangval ve uai choka chhuah ah an la tlu dun thial thial chu nia. Ka dam loh chang apiang a ka room a mut hi chu an tihdan țhan ania ngai ah ka nei ve tawh.




*Ka thleng tawh e* tih te mai tlai dar 5 vel bawr a alo thawn a awm a, chumi lo dar 7 rik hma hret in *I ta chauh ka ni* tih alo thawn bawk. Ka chhanna duh erawh ani chiah em pawh ka hre lo, ka lungawi lohna hi ka ngaihtuah thui in a ho ka ti bawk sia mahse min ti hrehawm tho bawk sia. Bakah vawiin a a awmdanah khan ka lung a awi hlawl lo ani ber. Reply lem lo chuan kan group bik *Aw haw hawww!* Ah chuan lutin an lo nawi leh nasa tawh mai.




*Thli ri hian ka duata hming alam in ka hria* Ka Ruatfeli bawk in alo ti țan leh hi alo nia.


*Ruah mal far zat a a tam hmangaihna min pe thei tu ka nghak mek* Atei ve thung.



"Mi ril tak tak karah hian ka duata Hmangaihna a ril ber* Hmangaihkimi, hetiang lam hi ka tuina an han ti ve ngial a, a rei ber ah karkhat bak an ti țha leh peih awm tawp silo.



*Ka nuih hian ka hmai a puar zel* Akimtei bawk, an chhaih zui leh uar uar a, a nui nasa sa ah ațang.



*Ka duatpui*


*Bauh* va chimawm tak!


*Miau miau*


*Enge ni ta?*


*Naktukah lo riak rawh aw*


*Buaina i nei em ni?* henu hi chu! Hmeichhe kà tih takah ka kà thunun leh hman lo in vawiin lama kan boruak zawng zawng ka hrilh leh ta vek a.Keimah chauh a thuthlukna siam tur chuan ka ngaihtuahna a fim thei tlat lo.




*Abela i bialpa hlui angin i sawi maw?*



*Awww, angai alawm mahse ka sawi tum zawk chu ngaihtuah rawh ala hrehthiam duh chuang lo alawm ka awmdan angin a awm ve reng mahse engmah a ti chuang lo...ka tuar lai min thlir ringawt in ka hria* ka ti leh hap a. Ka ngaihtuah thui deuh nge ka inngaihtuah lungpuam leh lo chauh.



*Lungngai suh a duh em che kha a, a sim ťha leh vek mai ang lo nghak tawp rawh....abak sawi vak ngaihna ka hre lo* a rawn ti tawp a. Ka duh khawp lo nasa!



*Min huatpui ve lo mi? Ka duh lutuk alawm mahse tinge min hrilhfiah lo min thlem pawh a tum lo min en liam tawp, ani ve chu Abela chungchang ka sawi ringawt pawn kut min thlak lo chauh* duhthawh zet in ka ti leh a. Haw ve se ka ti nge pawh ka hre lo, a tawngdan khan min ti mal riau alawm.




*Huat pui e, keipawn ka ngei....mahse sawisel in ka duh lohna zawng zawng sawi ta vek ila i tan phei chuan in țhat leh hunah a nuam dawn lo lutuk bawk, bakah Dus i theih tawh ngang loh ah bak i chhungte phei chu hrilh miah suh aw....nangmah hmangaihtu te vek an ni a, a chhe lai zawng zawng an hriat hnu ah chuan inlo țha leh te pawh alo ni mahna mahse haw suh u pawh ti la an duh tawh chuang lo ang, chuvang chuan fimkhur la rilru fim hman tum hram hram rawh aw* Khumah chuan ka muthla leh dawt a, tih tur ber pawh min ti hre tawh lo. Ka pik em em a ani mai.




*Bawihte* tih tawp Akimtei nen kan inbiak zawh in ka dawng leh a, hetiang hian min la ko ngai lo bawk nen ka ni hui mai. A online ve vu a, a message ka seen ani tih a hria ani ngei ang.



*Sawi tur i nei em ni?* Chhan loh tawp aiah ka la ti hram a, min bansan duh tak tak ka hlau ru ani zawk mah mai thei ani.



*I la thinrim reng em ni?*
*Ka țhian ani, inzawmna kan nei tawh lo*
*Ka ngai che nia*
*Lalduhsak* Ka seen reng ka reply miah lo chu a lawm lo leh ringawt tawh aniang, ani let sarih in ka rilru ala dam lo.




******************


Reguuuuuu tawh ang u😬


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:46 pm

KDB



CHAPTER :- 11



*Ka chau deuh ka mu dawn* tih te in ka reply a, ka thil phut a hria a chumi point tak a tarlang duh miah lo chu ka huat tawk erawh ala tling fan. Mahse min bansan emaw min biak loh ka hlau ngawih ngawih ru viau thung si.



*Min ring rawh ka ti dawn lo che mahse ka rinngam tih pawm tum la, chumi tur chuan ani ka thlan che, nangmah chauh ka tih chuan nangmah chauh* a rawn ti ve leh duah a. Nia, min duh tih chu a tilang ve ngei alawm mahse Zoremi laka feelings nei reng chungin min hnaih erawh ka hlau hlur.



*Tinge ila hnaih țalh si?* keimaha thikthu chhe em em chu ka nihna awm lo tak ani.



*Loh theih loh vang chauh ani*
*Thil ngaihtuah vak vak lo a keimah chauh tih loh chu, i bulah ka awm thei rih bawk silo a in hau tawh rihlo ang aw* a rawn ti leh dap dap a. A upa zawk nihna alang ka ti mai, rin ka duh a, thik tak chung pawn alak a beisei ka la neih miau avangin ring tur ka ni.



*Ummm*



*Tawi ve* Boruak tih zangkhai tum zet in a rawn ti ve leh a. In hauh reng ai chuan sawi fel hi a țha mai. Bakah khanu chungchang pawh kha țha deuh in ka la sawipui leh mai ang.



*Khanu nen khan chhuahdun emaw lendun pawh in neih vaih chuan aw...* tiin kan vau leh khar khar a. A nuih a za lehpek ngawt ang. A tè zawk hi ka pawr ve thei sia. Ka rilru la puitling tawk lo hi min nin erawh ka hlau ru ve lo thei lo a, tih chung chung ka ching ve bawk nen insiam rem ve ka ngai viau ang.



*Min la fawp miah lo tih i hria em?* ka lungphu rang ringawt chu kan dawm chut ringawt a,awmzia awm lo nasa. Chhan mai ngaihna hre lo in ka melh reng a, ka hmui ka pet sawi leh nauh nauh zel ringawt.
*Ka lo haw hunah chuan i rim viau ang* Kan hawikual nghal hruk hruk ringawt a, ka room ah keimah tè in ka awm ve reng sia, ka message dawn chu an lo hmu ve ang tih ka hlau em em ringawt anih chu.



*Tenawm suh, ka mut a chhuak...nighty* tiin ka reply a, ka biangte chu an sà nghal em em ringawt a. Huisss



"A va nuam leh dawn ve!" ti vur vur in Au Mapuia a rawn lut hlawl a, a blanket leh a lukham pawm țun chu khumah a rawn theh phei nghal zat bawk. "Tukverh vel i kalh țha maw?" tih leh vut pahin ava check nghal zung zung a, khum lu ngheng a țhu in phone ka khawih mai mai thung.




"Ngaihzawngte hi i nei ve deuh emaw ni?" ti nui nui in khumah a rawn bawk thawk a. Ka lo ner nang chu min nuih leh suk a, ka ngaihzawng neih chu hria se chuan ka nu leh pa in an hre ve leh thuai anga chi dawn loh lutuk.



"I ho set sut, i nula-i i ngai leh tawh anih kha!" ka lo tih hlak chuan zawi zet a khum a la bawk reng pah chuan anui leh suk suk a. A bialnu ve deuh hi ka pa te hriat lohah an coaching class kalna an teacher ania, amah aia kum 6/7 dawn a upa ani ta in ka hria, a tir ka hmuh hma kha chuan tui pui lo rem rem tak ka ni mahse vawikhat chaw eia alo hruai a ka hmuh khan au Mapuia duh lutuk tawh kha awm ka tihpui, an inchen thuak ang tih tur ani a, sam nalh zet aneih bakah a hmelțha viau bawk hmai tung lam ani a, tarmit a vuah ve khar a mahse a phelh khan a hmelțha viau zawk.




"Alo bia che em?" tiin ka melh thla leh a, a nui suk suk duh chauh, a mitthla ah a hmu vel emaw tih tur vel ani




"Min ngai viau ang" a ti tawp a, a țawnglaiin a phone a rawn ri a, peih lo zet a a phun hluk hnu ah a in dap ruk ruk a, a phone a lek kang rual in a caller id ka lo melh ve vat *NULA-I* tih alo lang kulh a, mit ko san ak a min rawn melh hnu ah a thawhpui daih a, be turin room atangin an chhuak daih ngei a. Ka va ngei reuh tak!




Pawnlamah ruah a sur leh nasa tawh a, thli nen a ri leh rawk rawk tawh. Boruak lah chu a vawt vur mai bawk nen mahse a nuam ru phian lawi a.
Ka phone ka on leh a, ala online leh loh avangin ka text a hmu lo a buai ani mai thei





*Naktuk i inkhawm dawn em?* Manuna lo thawn a awm ve khar a, amah a online ve kur bawk han chhan loh tawp kha ka inthlahrung ru ve deuh si bawk nen *Khawm ang dam chuan* ka ti ve mai a, keimaha a huangtau theihna tur a biak țhar erawh ka duh vak lo.




*Keipawh ka inkhawm ang, tunlai i va vang ve?* a rawn ti leh a, biak tam ka peih lo ber mihring. Mahse midang tumah han kawm tur ka nei bawk silo.




*Vang em ni? ka tamna lamah i awm lo aniang* ka ti ve mai a. Fb ah lutin video short clip ho ka en kual ta daih, ka whatsapp noti ka off daih a. Ka rilru buai deuh leh mumal lo deuh a ka awm changa ka tihdan ani ve reng bawk.




"I muhil tawh ang chu tih a" Darkar chanve hnu vela Mapuia rawn lutin a tih leh chuan ka lo nui ringawt a, ava inphih fai ve leh thuak thuak hnu ah alo mu ve leh mai bawk.




"I nuam lo em ni?" a rawn ti leh a, min ngaihtuah hmel viau. "Nuam eee, ka mit a dul ve tawh anih hi.....Be țha thei maw?" ka lo tih chuan a nui suk suk a, alai ve reuh emaw ni. Mahse kan unau chu kan inkarah zep țit țet vel kan nei mang ngai lo keimah ber hi ani rih mai a, ani hi chuan min hrilh ve leh mai zel.




"A fel thei lutuk hi ka ngei lek lek zel tupawh mai hi a bè țha sia, tunah pawh inleng ala nei a rei pawh kan inbe lo, Apuia room ah zial ka han zu lawk a" alo ti ve mai a. Ka pa hian meizuk tih ang reng vel a tih miau loh avangin keini a fate tan chuan inchhunga han zuk lan pat pat chu ngam awm loh tak ani, min khap ngai lo nangin ka pa a zahawm ve hrim hrim vang hian a ruk angai ve zeuh țhin.




"Gap ah pawh hmeichhia zawk hi chu tlem chuan a tuiawm loh ve deuh em?" nui chungin ka zawt fiam a. A nui ve nangin a mitmeng erawh a thutak viau. "A kum kha ka ngaihzawng ani hleinem, hmeichhia anihna leh keimah nen inrem tak ka duhzawng tak zia a nunpui vangin alawm, tehna kawng tam takah min teh dun vek se chuan keimah zawk hian sin phu lo" alo ti ve sup a. A thusawi laia a mitmeng hmutu tan chuan a
tih tak zia an hmu ngei ang. A Nula-i chu duh ve tak ani, ani ang tak hian Hmingmuanpuia hian min duh ve takzet se chuan ka lawm akim mai tur.





"Apuia hian ngaihzawng ala nei ve lo em ni?" ka ti leh a, alo nui chhuak hawk hawk. Kan Apuia ve hi zawng lerh lo hlawm tawp hi ania, Lehkhabu atchilh bawk nen a senior ral țhak ang tih te hi a hlauhawm zawk.




"U Hminga'n kan khaw nurse thar saw tihpui a tum ve kha....eng tak ang ang maw?" tiin a nui zui leh ruh ruh a, tlangval kum 30 kai chho țep tawh ngaihzawng la han neih miah loh mai chu a zahthlak letling te ati ve lo em maw ni.A hmu zo lo pawh nilo, hmelah nise Au Mapuia aiin a țha zawk maha, a mizia dam dap te leh fel em em te nei chung hian a heti hi nia, mi mit mei hmu lo pawh ani lo ka nu tihdan takah "A thisen hian angam hlawl lo anih hi".




Ruah sur buan buan hnuaiah chuan Mapuia pangtilum nghengin ka mu hle hle a, ngaihtuahna tam tak nen ka muhil zui ve leh ta mai. Zingkar ah music play thawmah ka harh leh a, ruah alo hàn tawh nangin a hmi erawh ala awm deuh. Ka room chhung ka hawi kual vut a, Bluetooth speaker a hla lo play in ka dressing table hma ah a sam alo siam hliau hliau a, a hla play alo zawm rut rut bawk.




I'm all out of love
I'm so lost without you
I know you were right
Believing for so long
I'm all out of love
What am I without you?
I can't be too late
To say that I was so wrong


Air supply ho hla ngei mai kha alo zawm.



"Tlangval ang mai, inchei hliau hliau i ngai lo" ka va tih chuan a rawn hawi vut a, a hmui a ti sawi zauh bawk.



"Tlangval chu ka ni lo em ni? Khawnge ka nupui leh ka fate hi" nui țhaw a tiin a hawi kual der vel a, ka lo ner nang nang thung.



"Nula-i ka hrilh dawn ania, a hmuh phak loh a khatia nalh vak angai lo" ka lo ti leh a. Hmingmuanpuia ah ka chan deuh nge ka lungawipui lo țep ringawt.



"Em em a!" ti hmuk in a sam a tuai leh thuak a, ka nu in chaw eia min rawn koh takah chuan tho phang viau e ti bik nang hmai phih lo in ka chhuak ve leh vut. Sunday zing hi chu ka awl ve deuh reuh țhin reng a bakah ruah a sur sia min kai tho lo aniang.



"I zia em? Nà i nei lo tiraw?" Ka nu in alo ti leh var a. Nu te nge nge, "Zia deuh tawh , ti deuh țham hi chu ala awm a mahse ka zia viau chuan ka hria nizan aiin" ka lo ti ve vat a, chaw ei ka siam pui nghal bawk.Chaw ei siam a buai dun char char pahin damdawi ei țha turin min hrilh mawlh mawlh reng, peih leh meuh ange maw.




"Vawiin chu puanbih ve mai rawh!" ka nu in a rawn tih chuan phawk zet in ka melh a. Khawhar in velah chuan bih tawh mahila Biakin a bih kher chu ka la duh teuh lo, nula ve uai tawh si pawh inlo ti mai thei mahse kei chuan ka theih chhung tawi te hi chu Puanbih loh ka la duh fan, nakin lawkah kan lo upa ve zel anga dam chuan ven loh theih loh hun kan thleng ve țep tawh a, nakinah Nula senior pui nih tawh hnu a kawfual hak tum ang tlat te kha a theih ve tawh dawn bawk silo nen a theih lai hi chuan bih loh hram ka duh țhin. "Ni e, vawiin chauh te chu i kè angaihtuah awm emai" ka pa'n lo ti ve mahse ka la duh chuang lo, a bih a hrim hrim pawh thiam loh mahnak alai a.




"Naaa, damdawi ka ei te chuan a dam reng" ka lo ti ve zat a. Ka nu in mitmeng tak zet in min rawn melh kal chuan ka kun lap a, nawrh luih ka tan tihngaihna awm tawh lo.



"Amak țhin, duh leh puanlum pan deuh keng se ani mai lawm" Apuia'n alo ti ve a, ka nu alawm lo hle thung, ka pa in engmah a sawi zui tawh lem lo.



Chaw eina tih fel zawhah room a ka lut chu ka phone khuma ka dah ri lo tawp chiah ka hre hman a, ka pan phei thuai bawk.Ka țhiante inkhawm tur a min sawm tum an nih ka ring viau nangin ka tum loh zawk alo ni daih. Caller id ah chuan *Stonescold* tih alo lang và a. Ka melh reng lai chuan chumi atang bawk chuan call a rawn awm leh.




"Ummm" ka lo ti nghal vut a.
"Huh?" a rawn ti ve dut bawk. Ka chhan dan kha mak ati deuh emaw ni.



"Hello ka ti" ka tih sap chuan a thaw halh a
"Chaw in ei tawh em?" a rawn ti dam ta thluam mai. A mize pawnlam ngeng ang ai hian a chhungril hi a dam em em a, a hun leh hmun a hria ka ti dawn nge zawk ni? Vei zui ngawih ngawih theih hian achang hian a awm leh zel bawk nen.



"Umm, ei kham chiah, ka inkhawm dawn a nang?" ka ti ve mai a, ka thawmhnawdahna hawngin ka hak tur ka dap kual nghal rak rak bawk.



"Khawm peih lo dawn aniang, ka rawl ve deuh a" a rawn ti ve leh dut a, a țawng zawh rual in a lighter talh ri ka hre zawm zat bawk. Rawl rehna eitur an tih ka hriat ang ang ka hrilh ve luam a, lo ti ve tak maw.




"Tik nge ilo haw theih dawn?" ka tih lehlai chuan ka thawmhnaw bawk chu ka duh ber phawrh in a khumah ka theh thla hnak a, ka pheikhawk bawm lam ka pan lehnghal bawk.



"J.E training vawi 2 na tur ania, Dak a leter an rawn thawn avangin tum aiin ka hmu tlai sia ka kal chuk chuk anih kha, ni 3 vel a awh tlangpui a, Thursday vela lo phei hman chu ka tum" alo ti deuh thlap a. Ka rilru tihdam a tum tih ka hria ka thaw ve huai tak tak reng bawk. Khanu vanga phei a ngaihna kha ka la dah țha thei miau lo a.




Kan inbiakna kan tih tawp hnu ah ka țhiante ka be leh a, Biakin a inngahna tur te kan sawifel ani ber, ruah a tla siap siap bawk nen han insawm kual kha a peih awm loh em bawk a.




Inkhawm chhung zawkin ka mut ala chhuak tlat zui ava hrehawm tak! Inkhawm ban chuan ruah a han ve ti tih tawh bawk nen Biakin compound tho thlanglamah chuan Apuia ho in kan ding țhap a, Apuia țhianpa ve ber U Hminga, Hmingsangha-a a awm ve bawk.




"Inkhawm laia thil eiruk reuh reuh te kha a mawi lo ania, tih tawh miah loh tur" Apuia'n nui pahin min zilh ve ngial a, U Hminga nuih a zat hmel viau. A hlauhawm loh em tak a.




"Hminglerh!" kan piaha kan lampana rawn ti lung lung tu chu tunge ka hre mai lo. Kamis var par țial ruai ban bul a hà a, smartpant fit zaih ah inthun thlap in a kawr nghawng ala chilh phui vek zui. Belt lawk ang reng tak hreng leh in, loafer dum a bun a, a sam lah chu a bek a kawng mat a a chhip erawh ala buk viau. "Hmingsangha hàng, 'eih' ta che" kan bul a rawn thlen rual rual chuan rawn ti leh lung lungin a nui sung a, a hmel ala țha phian zui.



"Lerha i inkhawm ve elaw" U Hminga'n alo ti let chu a lawm hmel teh chiam loh, a ner nawng a kan lo melh țhap ringawt.



"Ngawi mai teh, eee tie te a awrh nula bula ilo din vang ani chiang mai i 'eih' ngam loh" min rawn melh thuak in an ti leh zat a. U Hminga erawh in a banbulah a lo hnek sak dawt thung.




"E khai! Eih ngamna chi ani lo anih hi....a zikno rual bulah te inlo din ve ngial a" tiin nui ruh ruh in min enkual a, Apuia pawh alo nui ve suk suk mai.




"Lalthanzel,ngawi mai mai teh!" U Hminga'n melh khui khui in alo ti khur khur a. Pakhata lah chuan a hlauh lo hmel nasa sia.



"Ka tunu ai pawn i hlauhawm loh!" alo ti then te chu Feli te ho lawm tawk alo tling nasa mai.An han ti ti pangngai hnu chuan Lehkha zir ho țhin vek an lo nia Apuia te ho nen, ani pawh chu college thleng bak a kal bik ll ani awm e a insawi hmang ah.




"Heitè hi a lèn(lian) reuh hi" Ateii bula ding paha an tih leh kher chuan Atei zak chu a sen awp awp a, Feli leh Akimtei te an lo nui ru char char. Ateii chuan a dar a pha țawk ani ber nula lianlo chi ani ve miau a, a han fiam dan kher kher lah chu sual thiam reuh tak ani.




'Lut ang u' sunday school kai tur chuan kan inzui lut ve leh țham țham a.




"Khapa kha ka la hmuh ngai pawh ka hre lo!" In a thingpui inlaia ka tih chuan Apuia chuan min lo hrilh ve mai a, khua awm tam lo tih takah alo hriat loh theih khawp mai.Thanzela, A sawi hmangin Hmingmuanpuia țhianpa nupui unaupa kha ani awm e, hmel rum deuh a kha a makpa tihna anih chu.




"Tu maw in sawi?" Mapuia rawn bangin kan thusawi rawn hre deuh hman tih hriat takin choka rawn luh pahin a ti a. "Thanzela Biakin kawng ami khu" ka lo tih chuan a thingpuitur siam ve nghal pahin alo sawi zawm ve zat.




"Kan Minister tu ber nge ka chiang lo chumi fanu nen chuan an inhnim hnai ve viau ani awm e, amah phei chu nula man to pha ve ngat ang tur kha nia mahse tunge ka chiang bik lo" a rawn ti ve nuai a. A hmel kha chu a chhe lo mahse a zia seng sawng kha ka mil lo kawm atan chuan ka duh tho ang tih tur ang chi kha.




Zanah Hmingmuanpuia nen kan inbiak laiin ka thil tawn ho chu ka hrilh ve zat zat a, Thanzela chetzia mawlh chu ka sawi tam ka lawm ru riau tlat a.




"A hmel pawh a țha tawp, amah kha anung ka ti mai....." ka tih laia nin hmel zet a a rawn thawk hak chuan ka tawp chiang asin. "I țha em?" ka ti vat a. Min chhang mai lo, angawih det hnu ah "Phone chauh a kan inbiak theih lai hi chuan kan pahnih chungchang chauh hi ngaihtuah ang, midang ngaihtuah suh!" a rawn ti hmuk a, a thaw chhuak hawk ri ka hre zawm zat bawk.



"Mahse..."


"I duh leh ka lo hawnah i sawi dawn nia! keimah chauh min ngaihtuah te hi tum ve teh!" a rawn ti leh hmuk a ka ngawi dak mai.




**************


(Zawmna)



A thawk la hawk hawk thawm chu ka ngaithla reng a, nuam ka ti bik miah lo. A lungawi loh chhan ho ka tih rualin namnul ringawt erawh a in ngaihpawimawh loh thlak dawn lutuk tih ka hre ve reng a chuvanga sawi tur hre tawh mai lo a ngawi dak ka ni.




"Ka hau lo che nia, țha deuh in ka sawi kha aw" rei fe hnu ah a rawn ti dam leh dap a. Chhan mai ngaihna pawh ka hre lo, ka rilru la naupangchhia zia hria in min hrilhfiah nghal tih ka hria a, chu chuan min ngaihven tih min hriat nawn tir a, ka hlim ru tho mai. Nilo se zawng enga mah hma in a thinrim leh țun anga min dahsan hmak thei hial tlat a.




"Ka hria lawm, thildang sawi daih ang i buai em?" ka ti leh hnu hnawh a. Anui suk ri ka hre nghal. Amaha ka nghet lutuk hi mak ka inti dawn viau a mahse amah pui hian mi hipna hi a ngah em a amah vei lo thei lo hian ti hian min siam zel mai chu anih zawk hi.




"Buai hran love sawi rawh" a rawn ti let sup a. Ka la zam tlat zel țhin achang hi chuan.



"Nangma chungchang ka zawt ang che aw?" naupan chhiat thlak em ka hre lo nangin a chanchin hriat a mumal ka la nei lo bawk nen ka hre ve chak mai mai. Kei erawh helama khawsa zawk ani bawk a min hre chiang viau thung ang.




"Engpawh" a rawn tih tak sup ah chuan ka nui sak a. "In chhungkaw member zat leh eng ang nge innih te ka hre ve chak, J.E i nih dan te sawi ve la" ka tih chuan a nui suk ri ka hre leh a. Ka nui ve sak bawk




"I ning dawn lo em ni?" min ngaichang zet a a rawn tih chuan ka lu ka lo thing vat a, ka thin zawh rual chiah in min hmu thei lo tih ka hre chawp chilh nghal, ka nui ri hak a, a rum dut ri ka hre zawm zat bawk. "Sorry, thui deuh lo a i sawi chuan ka ning lo ang" ka lo ti ve mai a. Ti hian a sawi zawm ta thung.




"Ka chhungkua chu menber 5 kan nia, Ka nu leh pa, ka nau leh ka ni nula kum tam" tiin anui zui suk a, a țawngkam chu lawm zet in ka lo nui hak hak ve bawk. "Matei chu i hmuh tawh kha, MZU ah Master a zir ve mek a, ka pa chu J.Lalhmingliana ka nu chu Zirsangkimi, ka pa pension leh ka hlawh ringin tunah hian Aizawlah kan la khawsa ve mek a....chuan?" min zawt let awki deuh a arawn tih chuan ka aw ka lo thian kharh a.




"I pa eng hna thawk nge?" ka lo ti let hà a, a sawidan hmangah Aizawl a awm nghet an nih hmel sia kan chhungkaw dinhmun pawh a inthlau viau ka ring.




"PWD ah Engineer pension mawle" alo ti ve mai a. Ka thluak bur a ngaihtuahna lo lut nghal chu a dik ngei pawh ka ring. Mizoramah chuan department zawng zawng zingah PWD lamah sum a tam ber a, Engineer meuh phei chu an rethei miah lo ang tih chiang reng bawk. Kan dinhmun thlir chuan kan inthlau takzet tih lah chiang reng, mahse ka pasal tur ani dawn tih pawh awm hleilo ho emai.




"Min zawh ve duh i nei em?" ka ti ve leh a. A neih erawh ka ring chiah lo, thingtlang a awm ho kan ni bawk a min hre hneh viau in ka ring zawk




"Khapa kha alo la leng ngai em?" tu chu ni maw? Chunglam melh in ka ngaihtuah rauh rauh hnu ah Manuna ka hre chhuak zawk ani bak a sawi leh tawp lovang.



"Leng țeuh lo!" ka lo ti hliai a, a rum nghut mai.
"Leng lo e, inleng ka nei ngai lo" nui chungin ka ti leh a, thik tur awm in Manuna lakah ka khawsa ngai lo viau nangin a thik miau sia buaithlak reuh.



"Mipa dang i hnaih loh chhung chu duat ber i ni ang" Naupang chhia zet a min rawn fiam deuh paha a tih chuan let ka chhuah tet a, ka lai lehpek tlat tawh.




Rei fe kan inbe ve ngei, alo haw har dawn sia maw! Kan khua ah pawh inhmu em em lo mahil a awm ve tih ka hriat kha chuan lungte pawh a leng lo deuh a kan inhkat tih hriat miau erawh chuan a leng lo thei bik lo, bakah ruah sur leh khaw thim nen a inrem hrim hrim lunglen hi chu.




"Kal rawh, hnuk vat vat rawh" nui țhaw in a rawn tia, rum zet a melh pahin thei leh thei lo in kan inkawng chhuk ah chuan rawra țin khat bag chu ka hnuk thla dawt dawt a, ka hnunglam atangin min nuih ruh ruh pah ka hre reng. Kan in zawl chinah phei chuan a rih reuh sia ka pawt kal ve țawng țawng ani mak, rawra țin 2 emaw 3 hian anih ka ring a rih dan em em hi.




"Țin khat te chu a rih hran loh nen" kan thil siamna tur bula lo din paha ka nu chuan lo ti in ka lam a rawn pan vat a, min rawn pawhpui ve a, kan pahnih chuan a zang deuh.



"A va rit tak ve, țin engzawh nge?" ka nu chuan thawk la halh hal in ati a. "Țin khat chu a tia lawm, mahse țin khatah ala rit ber ang" ka thlan huh hliam chu hru thuak in ka ti a, tual ala ber ve deuh bawk nen ka berh ve viau lehnghal. Kan inkawng bik hi an siam vek tawh nangin a berh thei lai erawh ala awm tho.




"Țin khat chauh ani lo ang" tiin ka nu chuan kan bag hnuh chu a han keu a. A chek nghal tlak tlak hnu ah "Rohluzual!" a ti fiak țhat a, kan lampana țhela a bag tam zet rawn nawr phei mek Au Mapuia a ding nghal chawt.



"Hetiang infiamna chi ani ngai em ni?" a ti nghal khar khar a, rang zet in ka bag hnuh chu ka keu ve nghal rak rak a, a chhunga thil awm ka hmuh chuan ka chek nghal tlak a, ka thinrim nghal țun thei. Bag ah chuan Cubic lung 3 vel rawra chungah alo la awm anih chu, bag a len vangin ka lo hrethiam leh pek lo ani ngei ang. Ka hah tehreng nen hetiang infiamna chi pawh ani lo.




"Lalro,kerangpa!" ka tih hlar chuan nui chungin Țhela phenah chuan an tlum zal zal a, "I mawl emai, hetiang in tuman an ti ngai lo a inhnuk khawlo ang tih te pawh a hlauhawm asin" ka nu in ka thlavang hauh zet in a rawn ti ve a, infiamna ah pawh chin tawk a awm. Inchhungah lut tau in chhan beisei zet in apa bulah ka vui nasa mai. Chaw ei laiin a hau ta ngei a, kei erawh in biak ka tum rih lo.




**************


"Khawnge Lunglen mi kan hranghlui te kha an awm tak Kan Lalduhsaki hi inzingah a tel ve duh ania" Ruatfeli'n uang zet a a tih chuan ka melh vak a. Hmangaihkimi'n alo zawm leh vat tawh, tunkar chu ka awmdan apiang ah min kap reng ani mai. Ka nuih ve hlek in "Lunglen loh der i tum" min tia, ka țawng loh hlek in "ngaih i nei" an ti leh a, ka thinrim khum lahin "I khawhar awm ngaihna hre lo" an ti leh thul. Hemi te pahnih hi zawng engin nge maw an chawm bik ni.




"Pathiante kha ilo dem ve ringawt ange, Sawrkar vang zawk anih hi" Hmangaihkimi'n alo ti leh a, rum zet a ka melh lah chuan min ngai pawimawh der silo.Ngaihzawng an neih hun chu ka nasa ve viau ang.



"Inthiam loh ka thiam tam tawh emai" ka tih chuan an han "Euuu" rual vel a. Hmelchhe hlawm lutuk.




"Biak tur an neih ve loh vangin tihbuai che an tum mai mai anih hi" Atei'n alo ti ve a, an duh lo ner vel chu nasa leh pek tak an ni.




"I single ve tho kha aw" Feli'n alo ti ve lar lar a. Atei erawh a ner nak. "Ka single ngai lo!" phawk zetin ka melh, hre chhuak thut nge phawk zet a min melh kual pahin a țhen vak a sawisual inti hmel a pu bawk. Feli a rawn thawh phat rual in Atei a tlan sawn nghal a, Hmangaihkimi tlan ve vat chu rang zetin ka um ve nghal.




"Lalmuansang sawi nghak rawh!" School hnungah an lo va in man bet chu niin Atei erawh alo ngawi ngal mai




"I sawi loh chuan ka kawm tawh lo ang che!" Feli'n ati leh hrawk a, "Inthup deuh kawm chu an hrehawm" Akimtei'n alo ti ve zauh a, Atei chu khawngaihthla la zet in a meng hrak hrak mai.



"I sawi dawn...."
"Aw ka sawi dawn ka sawi dawn" Atei'n a rawn tih zet hnu ah kan piah a shed ah kan va țhu țham a,Atei hmelah chuan sawi a hreh tih ka hre reng "A privacy te chu zahsak ve ila" ka lo ti va tak nangin ka thu pawm a an zawh zui loh ka hlau ru hle thung sia hehe....Țhiante ngaihzawng neih tunge hre chak lo bik ang....




"Lo chhan vel suh!" Akimtei'n alo ti hmuk a, abula min pawt ťhu nghal daih bawk.




"Tunge amah chu?" Feli'n a ti leh a.
"Ih maw...ih...ih...." Sawi hreh lutuk tih hriat takin ati niah niah a. Ka lo hre chak hlur thung.



"Ih ih tih hming a awm ngai lo, sawi vat rawh" alo ti hlur mai si. A best in alaka zep alo nei chu a lawm loh hmel viau bawk.



"PRINCIPAL!" A tih hap chuan "Maw?!!" Hmangaihkimi nen kan ti rual țhawt a, Feli a hawi phawk viau bawk.



"Kan principal te chu hmeichhia nih saw" Office lam kawk meuh chuan Akintei'n mak tih hmel zet in a ti leh a. Nia, kan principal chu hmeichhia lawm Atei pawh hmeichhia tho ani sia.



"Saw mi ni lo" tiin Feli melh zauh zauh in a țhu kun lap a. Hmangaihkimi nen engmah hre ve hek lo kan lo hawi hrek hrek ringawt.



"Sir Joshua i ti lo tiraw?" Feli'n chiang zet a Atei melh pahin ati leh a. Atei erawh engmah a sawi tawh lo. Feli a tho nalh a, a kal nal nal. "Fel!" ti in Atei'n a um zui zat a, keini pahnih erawh kan la ding ran mai.




"Sir Sap hming nei kan nei lo tiraw?" Hmangaihkimi'n a rawn ti sa sa a. Lu ka lo bu nghat nghat.




"Khawi sir nge a sawi ang le? Kan khua ah Joshua tih i hriat ho han sawi teh" a ti mauh mai. Hriat ka nei der silo.



Kan boruak a fuh hlei thei lo a, Akimtei nen kan hrilh hai viau nangin Eki te pahnih an ngawi tlat mai si. Atei tak chu ka khawngaih deuh FELI chu a tlawn ani ber a duh zawng a tih kual sak char char a, mahse Lalruatfeli'n a luhlul chhuah in a hnar vek a, a be leh duh tawh miah lo bawk.




"Naktuk ani ţep!" ka tih lar lar chuan a rawn nui suk suk a. Kei chu phur tawh tak ka ni.



"I va tho hma ve" aw hnawk deuh țuau a a rawn tih chuan ka nui leh hak hak a. Zingkar a dawr bungrua lian tham vak lo ho alo thlen avangin ka pa țullo ti chung kan chhungkaw buai a, mahse a hlimawm phian tunah dar 7 pawh ala ri lo a mahse ka inbual fai vek tawh.




"I mut rei vang mai mai" ka tih chuan a nui leh dat a. "Nangpawh i thawh hma vang mai mai" a rawn ti ve zat a. Kan nui dun tawp.




"Tak tak a i hah awm sia ila mu duh em?" ka ti leh ta zawk. Training tih takah nilengin an țhu reng anga kawng a kham mai bakah mawng a kham duh si a chau ve thei viau tak ang.




"No! i rimtui" a rawn tih chuan awih lo zet in ka nui hak hak a. "Ka bula awm te pawh i ang" ka tih chuan " ka awm lo em ni?" a ti leh sup a. A mit ko a ti che leh ngei awm sia a hmel landan tur pawh ka mitthla thiam ruak tawh.




"Chuti engrim nge ka nam?" nui chungin ka ti leh.



"Umm....blue berry" a rawn tih rual a anui tel suk nen chuan ka nui ve hak. Engtik lai pawn chung te chu ka nam reng alawm, alo chhinchhiah ve ngei aniang.



"Yup....i rindik manah tho la inbual la fai deuh khan" ka tih chuan anui leh dat a. "I rim a dik tawh lo ania" nui chung bawka ka tih leh hnu ah ka dahsan daih a. A lungawi lo leh tur hmel mitthla chungin eirawng ka bawl suah suah mai.




"Va nuam awm vur vur ve, Ànțam then chu.." Apuia choka rawn lutin a tih chuan lei ka lo chhuah tet a, ka lo nui leh pek tawh aniang.



"AG" ka hawi vat a. "1st term exam engtik nge in țan dawn?" alo ti ve sup a.Tui chu phawrh in a inzui khalh khalh bawk.



"July or August velah niang" ka lo ti ve mai a. "Top 3 ah i lan chuan present ka pe ang che" a ti hlauh mai. Rang zet in ka lu ka lo bu nghal. Apuia
hi chuan zirna angai pawimawh a keini laka insen pawh a ui lo viau țhin reng a.




Chaw ei laiin Mapuia a țawng leh lur lur a, Naktip ah a kal tawh dawn a, a awm lo chu a khawhar thlak ve viau ang. Ka room a ka luh leh hnu ah ka uniform ka hà zui malh malh a, ka sam erawh ka duh ang thlap a ka țawn tawh avangin siam a ngai tawh lo.



Ka inpeih chuan dar 8 : 25 am chauh alo la ni. Kal hma aiah tiin Hmingmuanpuia ka call ta daih a, ala kal em lovang chu maw. Ala in ring rei em em zui. Ka dah mai dawn emaw ni ka tih hnu ah a rawn la ta hram a, mahse hmeichhia daih in.



"Hello"


"Hello, ahh Pu Daniela phone ani lo em ni? Line a kal sual zawk nge mawni?" ka ti zui nang nang a. Nge a chhungte an ni zawk emaw ni? Ka hlauthawng ru leh deuh, ka tim dai mai.




"Ni e, pawimawh a awm em ni? " a rawn ti ve leh mai a. A aw ah chuan a inring tawk tih lah hriat reng, a nau kha ani mai angem? mahse an aw pawh inang ka ti lo ka hresual zawk nge mawni.



"Ka be duh a, a hman chuan" ka lo ti ve sap a. Ka inthlahrung ru viau."Lo vuan lawk rawh" tih sap pahin pen thawm ka hre zui a, chumi hnu lawkah kawngka kik ri ka hre zawm bawk.




"Papa, i laklawh viau em?" Hmeichhia bawk chuan ati leh a. Ka hawi phawk viau tawh. Tunah khan engtin nge a koh kha, Papa maw? Enge awmzia.




"Enge ni?" Mipa aw in a rawn chhanletna chu ka hre ruai a, a chiang em em lo mahse Hmingmuanpuia aw ngei ani tib keimah hian ka hria. "An lo call che a?" Hmeichhia bawk chuan ati leh a. He hmeichhia hi tunge? Engvanga Papa ti a ko nge anih le? A ko fiam zawk nge? Mahse chutiang ni awmin a lang bawk silo.



" Zorem, nakinah ka call back tur thu lo sawi mai rawh!" Ka phone kenlai ka thlauh lo chauh. Zoremi maw? Khanu a ex ni a a sawi kha! Ka phone ka en leh chuan call chu ka lo reject daih tawh hi alo nia, ka kut a khur thei. Kha hmeichhia khan Papa a tia room an in hman țawm bawk. Chuan enge awmzia ni ber ta?




School ah pawh chuan ka mood a țha hlei thei meuh lo. Atei leh Feli lah an la inbe hlei thei lo a chha ani mai si. A chhan zawh lahin an la sawi duh bawk silo thawk an ti pik zual ngawih ngawih.




"Harsatna i nei em ni?" Akimtei'n tiffin ei laia min rawn melh pahin a ti sap a. Rang zet in ka lu ka lo thing a mit ko min san khum ak paha ka dawhkan lam min signal chuan ka melh leh vat bawk. Ka tiffin pai chu ka lo hawlh darh nuai a, ka chaw la tam danah ka la ei mang lo tih ka hre mai ka thei hlawl lo ani ber




In ka thlen hnu ah hreh leh kimki deuh taka ka phone ka khawih chuan ka thaw hawk mai. Vawiin nileng khan min lo call back lo hrim hrim. Bakah nidangah chuan ka school ban awm velah message emaw alo hnut chhiah ziah a, anuam ve mai mai țhin tun erawh alo dah tawh miah lo.
Ka en chiang leh a, alast seen pawh ka thlen hnu an. Bakah nidang zawng aiin kan bang tlaia a message awm lo chu a dik thei hlawl in ka hre lo.




Taka


Tukin zing lam vang khan min kalsan alo tum chiah anih dawn tam hi! Hmiangmuanpui leh!




*************


Sleeping beauty ni vek lo mahila mu hram hram ang u zing thawh a hrehawm thei si.


Ads click zeuh hi a har miah lo ania awww.......💙💙💙

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:46 pm

KDB



CHAPTER - 12




In ka thlen hnu ah hreh leh kimki deuh taka ka phone ka khawih chuan ka thaw hawk mai. Vawiin nileng khan min lo call back lo hrim hrim. Bakah nidangah chuan ka school ban awm velah message emaw alo hnut chhiah ziah a, anuam ve mai mai țhin tun erawh alo dah tawh miah lo.
Ka en chiang leh a, alast seen pawh ka thlen hnu ani. Bakah nidang zawng aiin kan bang tlaia a message awm lo chu a dik thei hlawl in ka hre lo.


Taka


Tukin zing lam vang khan min kalsan alo tum chiah anih dawn tam hi! Hmingmuanpui leh!




Ka khumah a vang zawngin ka mu thla hnawk a, chunglam melh in ka pil riai riai maiin ka hria, ka mang duk a keimah hi sawifiah thiam phakbak in ka chau thei nia, ngaihtuah tur ka ngah lutuk vang nge ka țap thei lo a, țap ila chuan naktuk lamah chuan ka pangngai mai ka ring mahse ka thei lo, ka lu bur a aw ring tak tak hian keimah a famkim lo leh ka thiam loh awmna lai min hrilh nawn mawlh mawlh mai te hian ka hria, tunge maw ka nih ve chiah le atan khan? In awm hlimna mai mai maw?




"Bawihte!" ti sup ri ka hriat hnu lawkah ka kang ruai ruai chu ka hria a, Apuia rim a nam chak chak bawk. Min mut țhat tir hnu ah a chhuak leh mai a kei erawh min tih ang ang chuan ka la mu khawng reng a, men erawh ka hreh lutuk tlat, he ngaihtuahna leh mit a awm chhung hi chu khapa mawina leh beiseina hi ka thlah dawn miah lo tih ka hrechiang em a.




Kan awmdan kha ala thianghlim em bawk a, naupang bawl takin min bawl mai mai aniang tih te, a hun awl hnawh khahna mai atan min hmang aniang tih te ka thluak a lut tam zawk chu keimah indemna vek ani hial.




"Bawihte, Geee(zee).... tho teh, i nuam lo em ni?" tia ka nu in min rawn sawi harh takah chuan chianh lo ruai in ka harh a, ka room light chu alo eng uar tawh a, pawnlam erawh tukverh atangin a thim tawh tih ka hre mai. "Nà i nei em ni? I form pawh thlak peih lo a i mut" alo ti leh a, ka uniform ka lo la hà tak e. 'Taksa chu nà lo e, ka chhungril erawh a chhe mek'.




"Ka țha lawm, ka lu nuam lo deuh mai mai, chaw in ei tawh em?" Ka ti ve sap a, peih lo zet in ka țhu chhuak ve ta hram bawk. Ka nu erawh in min en chik hle thung.




"Ei dawn a ka lo kai tho che,I khuasik em ni?" tiin ka pang a rawn dek a, ka lo nui lui sak thung. Min ngaihtuah viau a an duh lo ber danin ka awm țhin tih hi hria se hetiang khawp hian min la ngaihsak angem le?




"Sik lo e, lova ei ru ka la ei peih chiah lo" ka ti nang nang a, min melh leh vang vang a, min ngaihtuah tih lah hriat reng. Ka mitmenga ka țha tih hriattir ka tum em avangin ka lo nuih lui ver ver bawk.Mipa pakhat bum vang mai mai in heti hian kan awm vel ania nep ka inti mahse nep lohna chi niin ka hre bawk silo.




"I peih hunah tlem tal rawn ei hram rawh aw...i form te hi thlak la, inphih harh deuh teh le" tiin damdawi ka mamawh leh mamawh loh min zawh zet hnu ah min chhuahsan ve hram a. Ka ngaihtuahna lawilo zet tlansan tum in ka hmabak tih tur ka ti mawlh mawlh a, ka thawmhnaw ka thlak hnu ah ka in tleuh leh zuai a chumi hnu ah lehkha zir leh tum in ka inbuatsaih sauh sauh.




Ka tum bawk a ka thei khawp mai, a tir lam harsa mahse ka inchhiar tui ta zek a, sana en lo a zir char char in zandang zawng aiin ka chhiar nasa, ka ngaihtuahna pen tum hlek pawh chu duh lo in ka ti lui zel a thiam pawh a harsa lo, ka chawlh meuh chuan 11 pm alo pel hlek tawh. Ka ril țam ve deuh avang chuan ka chhungte laka ngur chuai deuh a awm duh lo in ka inti harh lui a, ka chhuak phei zui bawk.




Ka rin loh deuh in sitting room ah an lo țhu țhap a, Apuia Single sofa ah lehkhabu chhiarin duhdah zet in alo țhu a, apiah long chair ah ka nu leh pa inngheng rial a țhu in Tv an lo en a, an ep leh chiah ah au Mapuia long chair ah tho mu duai in phone alo khawih mek thung.



"In va meng rei hlawm" ka tih sap chuan an rawn hawi vek a, min melh chik rawn ni maiin ka hria.




"I ril a țam em ni?" ka nu in alo ti zat a, ka lu ka lo bu nghat, a tho zui a choka lam apan nghal ani mai. "Ti maw? Zan dang ah in mut hma theih theih nen" Ka ti leh a, nui chungin Apuia țhutna sofa banah ka țhu zat bawk.




"Inkhel en chak kan nei mawle.....I lu na chu a zia tawh em ni?" Ka pa in alo ti leh a, min rawn melh vang vang a, a mitmeng chu a dam thlup ani mai.



"Zia tawh e....Lehkha pawh ka zir țeuh thei" nui var var in ka lo ti leh a. Nui suk in "Aniang, Apuia'n alo koh che pawh i hre lo a" alo ti ve mai a, lehkha chhiar ring chi ka lo ni bawk nen ka rilru pek tum lutuk a ka insawrbing nasa lutuk khan ka lo hre lo ani ngei ang.




"I pa Thara te lui kalin kaikuang an rawn pek che kha chaw va ei țeuh rawh" ka pa in a tih rual in ti lui ni miah lo in ka nui nghal sang a, rang zetin choka lam panin ka tlan phei ti tih. Dinning table nilo kitchen island ah chuan ka chaw ei tur chu lo siam in stool sang chu pawt chhuak in ka țhu nghal zat a, chawhmeh dang ka ngai miah lo kaikuang a awm hi chuan. A kaikuang rawn chhawp chu ka lo tem hmanhmawh a, tui tak ani ka duhdan chiah. Chin thirfiante chanve pawh telh lo in kan ro rep ani a, midang chuan an ngaihna lo mai thei mahse kei chuan ka duh takzet.




"Ei țeuh rawh aw" Tiin tui min rawn pe leh a, lawmthu sawi a lo nui var var in ka ei zawm nghal bawk. A chanve vel ka ei tih ah au Mapuia a rawn phei a, a rawn ei nawn ve leh ringawt a zo nghal duak ani mai.



"Ei rawngbawl i thiam dawn silo a, i ngaihtuah awm eee" thleng sil paha ka tih chuan alo chek hluk a. "Artui kan a awm te chuan ka puar tho ang" alo ti then a, mipa tih takah!



"Nula-i a rim deuh dawn ani maw" nui paha ka tih chuan ka zakah a rawn dek chiam a, tui khawih lai ka ni bawk nen min dek rei peih si tui dehna bul vel chu kan ti huh rem rum mai. Mahse inla fel deuh in amah bawk in an hruk hul leh tak hnu hnu kha.




Ka chhungte ka mutsan ta daih a, room a ka luh chuan ka boruak hip adang lehnghal daih tawh. Khumah lawn in ka ngaihtuahna pehhel tum bawk in rei ngial ka țawngţai leh a, ka chham ho zozai pawh kha ka hre leh tawh lo e a.




Mu meng kar pahin chunglam ka melh reng a, thawk ka la leh halh halh țhin. Ka phone chu ka khawih duh rih silo mahse ka chak tho bawk si lai vel ani. A tawp a tawp ah ka ban ve leh ta nge nge.




Whatsapp ah lut nghal in ka țhiante message lo awm tlar dul zingah chuan ka beisei ruk ber pawh ka hmu nghal zat a, seen nghal mai lo tur erawh chuan ka la insum ve nasa. Ka țhiante ho ka reply zat zat hnu ah hreh si hre chak tho siin a message chu ka hawng ve ta hram a. Ka thaw hawk mai.




*Vawiin nileng in kan buai a, ka hman ve chiah*
*KHAWNGE I AWM?* Tlai dar 5 bawr vel ami ani.



*Call i chhang thei lo, i țha tiraw?*
*Lalduhsak!*
*Enge i hriat teh hrep a* dar 8 : 47 pm ami ve thung, a miss called 5 zet alo awm, ka lehkha chhiar lai anih ngei ka ring. Tukin zinglam thil thleng engmah a rawn sawi lo chu ka hrethiam lo, zep ala tum fan emaw ni.Mahse mi chhungkaw pà ka laksak thei lo, nilo ka laksak ngai lo hrim hrim atan chuan infiamna chauh ka ni.




*A tawp tawh, engkim avang khan ka lawm e* tih te ka thawn let a. Ka theih lai hian keiman engkim tih tawp ka duh anih loh chuan nakinah amah zawkin min kalsan a tum anih chuan he ka chapo na leh ka Khiangte luhlul vang hrim hrim hian ka kaltir theih ka ring lo ani.




A last seen dar 10 bawr daih anih tawh avangin ka phone chu flight mode a dah in hla ka ngaithla ta daih a, ka hla ngaihtlak apiang lah chu keimahni nen ka hmeh bel a, a lem mahnise ka hlim hman tak zet asin!




*************



"Tiffin ah enge i pai duh?* Ka nu in alo ti var a, ham bai bai in thingpui no ka la dawm.


"Artui,tomato, bahkhawr purunsen leh hmarcha hang tawk a rawt, hmarchapui kan zawi hnap, vawksa rep leh Tumbu/mautuai bai pawlh, Alu sangha pack te cheng 5 man chi a orange nen a bai pawlh" nui chunga ka lo tih zat zat chuan a ner nang nang a, "Kum khat chhung chuan i pai hman em ang chu maw...kan la ngaihtuah dawn nia" alo ti then lehnghal, phakar ve tlat.




"Vawiin chu Artui pai mai rawh, hmarcha pui kha i pai duh chuan han kang bawk la, chi tle kha telh țeuh lo in" tih pahin choka aťangin ala chhuak then zui. Inti phur lui in radio ka on te te a, artui leh tomato ka kang zet hnu ah, hmarchapui ka kang leh a, a tawk der, bai leh anțam hang kan la nei a, Khanghu kan nen.




"Vei deuh nei i ang" School kawnga kan kal hnek hnek lai chuan a rawn ri hlawl a, ka melh vat a, ka thup ve viau emaw ka tia mahse min lo hrethiam leh tho anih hmel.



"Nia, ka dik chiah lo kinah school thlenah ka hrilh ang che" tiin ka kai a, nipui khawlum nen kan school tlangsang nen hah a awl duh viau mai mahse a tlang thlen erawh chuan a dai leh viau a, a kalkawng erawh a thui deuh ani e.



Kan kal hma bawk a kal an la tam lem lo, School hnung lam sintext kan dah phen ah biru deuh a țhutphah te kan hunah chuan va țhu in kan chungchang chu ka sawi leh ta a, min nin ru viau chu ka ring nangin ani bak hrilh ngam ka nei miau lo.Thurawn ka mamawh a keimah chauh chuan tih sual palh te pawh ka hlau anih mahna le.




"Tukin zingah enge a rawn sawi" a ti khauh a. Ka nui tawi tak.



"Ka phone ka la on lo, ka hre lo...umm a pawm mai chu ka ring a dinhmun kha khatiang anih si chuan bakah khatiang kha kei chuan ka pawm duh lo,lep lerhna ka huat zia i hriat kha" tiin kan hma tlang toh lurh chu ka melh vang vang a, khua a thiang nuam leh ta deuh bawk a boruak anuam tawk hle .




"I hriatna chauh ring a thuthlukna siam hi a dik ber ang maw?" alo ti leh khauh a. Henu hi zawng ka ngaihtuahna ti buai thei zawnga țawngkam chheh hi a thiam riau nilo min ti buai ziah ka ti dawn zawk nge.




"Kha bak bak a chiang, kalsan ka duh mahse ka thei kher angem ka hre lo mahse min puih dawn chuan ka thei ang" ka ti leh sap a. Min melh deuh vang vang hnu ah a bu zauh a, ngawi rengin kan țhu dun ve mial.



"Tik nge bialpa te hi i neih ve dawn?" Ka tih sap chuan alo put put a, a zia nen hian a inrem hlawl lo ka ti mai mahse han nei chiah se chuan a thutak ngawt ang tih erawh a chiang.




Nilengin hlim si hlim silo in kan awm ani ber, Feli ţawng tlem ta lutuk hi Atei thil sawi vang kha ani tih kan hre tlang a, mahse a chhan erawh kan hre lo hriat erawh kan chak ve tho mahse a tu amah mah in an sawi duh bik bawk silo.Atei chuan Feli hnaih a rum viau nangin Feli ala luhlul ve tlat si an ti hlei thei lo a chha ani ber e.




"Cake va lam haw ang u aw, Apa piancham ani ve ani awm e" Akimtei'n a ti leh a. Ban dar in a zawm zat bawk. Kan inkhung fel sap sap a, kan in zui chhuak nghal.




"Kei chu ka lo kal ve lo mai ang" Atei'n inthlahrung lutuk in alo ti sap a, a mitmeng a dul hle bawk. Kan melh vut a ,Feli erawh in a melh duh ik lo.




"Engvang chuan? Lo kal mai mai rawh i țhiante vek kan nih hi" tiin Akimtei'n ava kuah nawk nawk a, a kalpui nghal zat bawk an hnungah zawi te te in Feli nen kan zui ve thung




"A bialpa chu a țha lo viau em ni?" ka ti satliah a, ni e rin tur awm ang ka zawn ngial hian chutiang bak ka ngaihtuah pha lo, pawmlai nei ve tho te hi alo ni hial lo maw. Feli meuh in a tih tauh pui chu a țha teh chiam lo tih hriat reng in.




"Zanah kan sawi dawn nia" alo ti sap a, Step ah kan inzui thla nghal. "Nghak tu i nei ava ang ve" Feli'n ding dat a min melh hà paha a tih chuan ka hawi thla vut a, kan school thlang tual ah chuan Hmingmuanpuia motor alo ding run anih chu! A chhungah amah ka hmu nghal zat a, steering bawh deuh ti tih a țhu in a rawn hawi run a, a mitmeng thip zet chu ka hmuh hmaih miah lo. Ka taksa insangmar nghal țung pawh chu hai der chi ani lo a mitmeng vawt zet vang chuan ka khur lek lek hial ani.




"Ding reng lo khan kal ang"Feli'n a rawn ti leh a. Step chhukah chuan ka dar vuan in min nawr kal a, a tih ang ang chuan ka kal tawp ani ber.



"I be dawn em?" Kawng kan thlen thlak rual in Akimtei'n alo ti sap a, Feli leh Atei'n mak tih hmel deuh in min lo melh bawk. Nuam lo ti zet in a motoe dahna lam ka va melh leh a, a hma ang tho in mitmeng tak ngul in min lo la melh phei run lehnghal.




"Ka hre lo, ka la inpeih lo aniang" thawk la halh in ka ti a, min melh tawn zak zak hnu ah a bu nghat a, ka kut ah nghet zet a rawn dawm in min kalpui ta nghal. A motor lo lama kan kal tur chiah chu horn a rawn pe chiam anih chu. Kan hawi țhap a, school naupang an la awm nual bak ah office lamah teacher te an la awm a, buaina a siam mai ka hlau leh zek zek tawh.




Kal luih leh kan tum tih a hria nge a hma ang chiah chuan horn bawk a rawn pe leh a, kan sing ve leh chawt. Alam kan va hawi lai chuan motor atangin ngeng ngul in alo chhuk mek a a che zia chu a hma ang chiah khan a sual hmel leh ngawih ngawih tawh. Mipa induh tawk leh chapo hmel te pawh a pu lek lek.




"Lo kal a tum in ka hria kan tlan daih mai dawn ami?" Feli'n a rawn tih chuan ka thaw hak a, a tisual lo tu zawk tlan chhiat ka tum miah lo. A mitmeng te avang a zam viau mah ni ila ka dikna a ni tih ka hriat ve kur avangin hetiang laka tlawm ka tum teuh lo.




"Motor ah va lut rawh u!" Kan bul a rawn thlen rual chuan a rawn ti nghut a,a țawng ring lem lo nangin a bung viau thung. A aw ah lah a lungawi bik lo tih alang chiang reng bawk.



"Tah hian sawi rawh, hun kan nei tlem ania" ka lo ti ve halh a. Chiang zet a min rawn melh hrawk chuan ka khur ti tih thei.



"Lalduhsak, a hnuh a ka hnuh luih che i duh loh chuan va lut rawh!" a hma ai chang zawk chuan a rawn ti leh a. Atei'n a kawr banah a rawn pawt det det tawh.




"I ti mah mah a....." Akimtei rawn inrawlh tum chu " midang ka be lo che u" alo ti leh hmuk a. Ka lum pup pup thei, kan school naupang dang la bang lo ho lah chuan min melh rawn țhup tawh bawk si. Zahthlak tak ani tawh mai.



"I thuneihna hmun ani lo ania!" Kha zet a ka lo tih ve chuan a țhen lui suk a, a mitmeng erawh a tak zual sauh thung. Ka țawng leh hma hauh in ka hmui a rawn hup hmiah a, ka kawngah rawn chawi lawp in a motor dahna lam panin a kal nghal vut anih chu!




"Hmela!" Ka țhiante'n an rawn ti rual țhawt a, nunrawn hmel zet a a țhen lui suk te chuan mi rap zawk thei hial. A moror seat ah min nghat dawt a, ka che leh tur chiah chu nghet zet a ka dar rawn vuan in min thing nawk a, au ka tum zuau nangin a mitmeng rum lutuk chuan kut min thlak mai duh dawn a ka hriat avangin ka ngawi leh ta zawk, a hma zawnga ţap thei miah lo kha ka țah an chhuak ringawt a, insum erawh ka insum nasa hle tawh.




*****************



(ZAWMNA)




"I sual lutuk!" ka aw khur lek lek in ka ti țiau a, ka haw ngawih ngawih chumi rual chiah in ka rilru anà a ka țah a chhuak ngawih ngawih. Rapawm zet a a nuih leh suk rual in seat belt min rawn hren tir zat a, a che hrim hrim chu a a nghet charh a, a mitmeng pawh a thim leh vek tawh.




"Ka sawi hma chu țawng lo khan țhu hle hle ang che! Anih loh chuan..." ka hmai zawna ka ngheng chhan seat a kut lehlama in nem khalh rual a a rawn tih chuan ka insehruh chiam a, chumi chu a hria nge țhen suk in ka biang a rawn nul thuak a, kawngka a rawn khar dawt in pik hmel zet a a thaw hawk te chu ka melh ngawt ngawt ringawt.




"Lo chhuk tir nghal rawh!" Akimtei te car bul an rawn thlen rual a an tih nghal hlar chuan a ngaih pawimawh hmel teh chiam loh.



"In duh chuan lut ve ula ti nia! Anih loh chuan engmah rawn sawi suh u!" Ti hmuk in a inher a, car rawn kal hual in a rawn hawng zui zat a, a chr nà thaw khat hle tih car che leh buk țhin chuan a ti chiang hle bawk.



"Hming...."



"Ngawi hmak rawh! zawhna ka zawh hma che chu țawng hauh suh!" A rawn ti țhawt a, ka phu chiam bawk, a bek inseh ruh nasa tih hriat taka pawng țawlh țawlh te chu ka hmuchiang alawm mahse tisual tu zawk hetiang khawp a a thinrim hi ka hrethiam lo,a zak thlawt lo hi ka ti mai.




Car a ti nung zat a, ka țhiante motor hnunga a rawn inhnawh luh ve nawk nawk pawh chu hre awm in a awm țhak lo, an lut fel awrh tih ah a motor a her nawk a, a tlan nghal zat bawk. Ka țhiante leh kei chu kan ngawi reng a, Hmingmuanpuia hlei hlei biak chakawm loh khawp in a tum thiam leh tawh.




"Chhuk rawh u!" a in sirah a motor chu park in a ti lehnghut a, rangzet in ka seat belt ka phelh a, ka chhuk ve leh vat a, ka țhiante pawh an lo chhuk ve sap sap.




"In duh duh kha lo ti rawh u!" In chhung kan luh rual rual in ti leh hmuk in ka kiu ah a rawn vuan chawt a, a bedroom lam panin min kai phei nghal rawk rawk a, duh lo in tal teh mahila min pawt phar hneh lutuk tlat . A khumah min theh thla ti tih a, rum zet a ka melh lai chuan room kawngka ava kalh hmak anih chu!.




Muangchanga min rawn pan pahin tak ruih in min melh ngur ngur a, a mitmengah eng rilru nge a put ka hriat theih miau loh avangin lo hma chhawn dan tur ka bang bo viau. Ka piaha dawhkan bula chair chu hnuk pheiin ka țhutna khum bulah chiah a rawn hung a, ka hma ah tak a rawn țhu zawm zat bawk. Kan awmdan hi ka ngaihtuah thiam dan ber chuan gang ho in misual an mana an dawp dawn a inhman tawna an țhutpui țhin ang kha a ang ber.




"Țawng tawh ta che! Engmaw i duh a?" ti nghut in min melh run run a, a mitmeng ah chuan thinrimna bak ka hmu thiam lo, a thinrim chhan ber nia ka ngaih chu a chungchang ka hre chhuak kha ani ta vel ang chuan kalsan ka duh ta a, chu chu a chapo na hian a tuar thei lo te pawh ani mahna!




"Kan bul țan kha tawp ka duh tawh!" inringtawk awm fe chuan ka ti hap a, ka chhungril erawh a khur der der thei a mitmeng thim khup ah chuan kut min thlak hreh in ka ring miah lo bawk nen ka inveng ru pah ran ani mai. Pik hmel zet a a thawk la hawk hawk te chuan min tihzam zual zia ka hre tawp silo a.Ka inhum ruh rù țeu ani ringawt.




"Anih chu mawle!" ti lui tih hriat ngawih ngawi a nuih suk pah chuan a ti zui a, a aw a ngeiawm rawng kai lutuk leh a hmel a min tham lo tih hriat lutuk chu run viau mahila han tih theih vak ka nei bawk silo ka ngawi a ka nghak tawp ani ber.




"Mahse ka duh ve tlat lo" tiin a țhen lui leh suk a. Ka melh ram ram te chu ngatan man ngai lo tih hriat rengin alo țhen ve sak ringawt.




"Inzawmna chu mi 2 inkar tur ani, mi 1 chauh in a theih loh chutiangin mi 3 tan chuan a chep bawk" ka ti leh hlak a, a nui hmel a reh riai riai a, a lu kun zuk in a rawn dak chhuak leh hmel chu natna leh hrehawmna, thinrimna a inpawh nuk maiin ka hria. A kut a hum ruh ngawt ngawt leh ka nghawng insehruh tih hriat lutuk a mar nghal țang te nen chuan tlanbo san vang vang ka duh mahse tum chiah ila chuan min ei zo vek duh mai dawn bawk si.




"Pathum maw!" ti sup in a nui leh suk a, a thinrim zia chu hai chi pawh ani lo. Ka inrinhma in ka ding thut a, ka pen sawn tur chiah erawh min rawn chelh ding leh hman tho.



"Ka kal duh ania! Min thlah teh" tal nghal chiam in ka ti khur dar dar a, min man nghet sauh rawh tih nen danglamna a awm lo. Ka kut chu nghet zet a chelh kawp in a kut pakhat chuan ka khabe a rawn hmer a, a mitmeng sen vek chu hmuh nuam ani miah lo. Ka kaiza a khur ti tih thei hial bawk.




"Tunge 3 na chu! Lalduhsak, nang hian mipa dang vangin min kalsan lul lovang!" ti hrawk in nà zet leh ti lui tih hriat ngawih ngawih in ka hmui a hmeh kau ah chuan min rawn fawp zui zat a, nawmna pakhat mah a awm lo thinrim hrikthlakna ang chauh ani. Min fawp nghawng nghawng a, a kà chhungah a lei rawn hawl lutin min fawp zui mial mial a. Ka hmui chu a thip hlur tawh, ka mittui tlak lai ka hre lo a mahse ka hmui a thlah rual chiah a ka țap chhuak hawk erawh ka insum thei tawh thlawt lo ani.




"Ka haw lutuk che HMINGMUANPUI" ka ti tuar a, ka kut a chelh na a thlah vut a, a sam chu tuai chho puat in a thaw hawk a, thinrim inthunun zo lo tih hriat lutuk in khum bula nichin lawk a a țhutna kha a tlawh tlu leh bur anih chu!A taksa insang mar țawlh țawlh te chu a nasa sauh emaw tih mai tur ani. Ka kimkì chawih chawih a, zui miah lo tur ka nia sin, ka hlau leh rilru nà bawk si chu țah chhuak teh mahila ka țap ri ngam tawh lo, ka hmui hup in ka ding khur hlak hlak a, ka awmdan chuan a ti thinrim zual emaw tih mai turin a tei vut vut a, thawk ala leh hawk hawk țhin.




"LALDUHSAK, mipa dang i zui anga maw?" Ti nghut in min rawn pan leh a, ka tawlh hnung nghal rawk rawk chu rei lo ah min rawn hnaih chilh leh der tawh. Ka dar pahnih a dawm in ka hmai bulah rawn kun in min melh run anih chu! A ngaihna hre lo lutuk in ka lu ka thung nawk nawk a, "Oh! Come on....Țap mah ta che, ka ti nà dawn lo che" ala nui thei chu a rapawm mah tawh zawk a ze inthlak thut thut chu ka hriat vawikhatna a ni bawk nen ka hlau takzet zet hi ani mai.




"Nang.... nangman, nangman nupui i nei alawm" ka tih țiak chuan a nui nghawr dat a, ka thusawi chu a ngaihnep hmel lutuk tlat. Ka intipaukhauh lui a, a harsa hrep lehnghal. "Ka hre vek tawh, mi inkar ti chhe tu nih ka duh lo!" ka ti leh a ka aw khur lek lek leh lawi rat chu ka hre reng mai. Min melh run run a, a mitmengah chuan min thing nawk dawn nia ka hriat avang in ka maimichhing ta ngawt a, mahse ka rin loh lutuk in ka dar a dawmna a thlah ta hlawk thung.




Zawi muangin ka meng chhuak nghal a, min hnung chhawn zawnga lo dingin a kawng a kut pahnih a dawm in chunglam a dak in a thaw hawk hawk a, a che zia ah inthunun a tum tih hai rual ani lo.




"Khawvela ka huat ber ka la sawi lo anih hmel, Dan, ka duh lutuk che ka mipa hmuh tawh zawng zawngah ila țha fal larh alawm mahse maw mahni nupui te rilru uire san duh thinlung neitu hi kei chuan ka pawm ve thei lo kha thinlung vang khan nangmah i intih chhiat mai bakah in fate rilru i hliam dawn tih hre ta che, taksa hliam chu a dam leh mai thei mahse rilru hliam chu hun a duh rei ania" ka ti leh hap a, țah tum lo viau mahila ka thei thlawt lo ka insut zui hlap hlap reng a. Khawi ami zo zai nge heng mittui te pawh hi ka lo neih ni!




"Tunge nupui ka nei a fate ka nei tih hrilh che?!" a rawn ti leh tawp a. A aw a thunun nge thinrim engphiar anga sawi ani tawh hran lo. Min hnungchhawn zawng a ding anih avang in a hmel awmdan engmah ka hmu thei lo bawk.




"Nimin zingah ka lo biak che khan i nupui Zoremi khan alo la a" ka chawl leh dat a, ka in hum ruh nasa a, ka țah chhuak lutuk leh keimah ka inkhawngaihna nasa lutuk chuan min ti chau zo. "Chuan, i....i inbuala, 'Papa' tia alo auh che kha" ka ti ţiak a, ka mittui rawn luang leh ngiai ngiai chuan ka tuai țawk a, mahse awmzia awm lo adang alo kal belh zel miau a.




"I mawl tak zet ani!" Chu thu a sawi in min den nat zia chu ka awmna, ka dinna ah chuan ka nghing dawt ni maiin ka hria, harsa ti zet in ka thaw chhuak hawk a, ka taksa ka rilru ka engkim hi a nà vel vek ti ila a dik ber ang.
Hmingmuanpuia ka atchilh luat ah engmah hrechiang hmasa lo in ka nunah ka lo seng lut ve ringawt a, mi duhlai ani nge nilo engmah ka lo ngaihtuah hmasa lo ni e ka mawl tak zet ani e.





"I sawi dik!" In pet ruh fan fan a, tiin ka țhen lui sak a.Ka chapo na vang nge tlawm taka he mihringpa hma a țah ka tum tawh lo ka hmai huh hliam chu ka tuai nawk nawk a thawk la leh hawk a țhen lui sak in Kawngka lam ka pan nghal, mahse ka chhungril ka thunnun zawhrual ani bik bawk silo ka inher te chu ka tluk mualpho mai loh nan ka insehruh fan fan ani ber e. Ka duh ber chu helai hmun atang hi mitkhap kar lek ah bo hmak thei ila tih chauh ani.




"Lalduhsak!" a tih leh nghut chuan kawngka handle vuan chuan ka ding leh dat a, ngaichang tih hriat takin ka la che sawn bik lo.




"Ka phalna la lo a min kalsan thei lovang ka tih kha! Chutiang chiah chuan i phalna la lo in nupui ka neih ngam i ring em ni" a rawn ti nghut a.
Ka phalna a mamawh hauh lo nilo ka hriat hma hauh in a nei daih tawh zawk alawm, zawi muanga ka va melh phei chuan ka lam lo hawiin a kekawr ipte zen hlun in min lo melh ve run a. A thinrim tawh lo tih hriat theih khawp in a dam leh vek tawh, a mitmeng erawh ala tak ngal ngal viau.




"Manahimik ka mahal!" Nuih lui saka tiin kawngka ka hawng rawk a,ka sawi awmzia a hrethiam tih a hma vawikhat ka hman a min chhan nghal theih danah khan ka hre tawh chuvanga sawi lui leh kher pawh ka ni. ka pen chhuah dawn ah"mahal din kita!" a tih sup ri ka hriat rual in nà zet in room kawngka chu ka khar nghal bur. A sawi pah khan a nuih ngei ka ring bawk.Tenawm lutuk!




"I țha em?" Ka țhiante chuan min rawn hnaih nghal ruak a, chhang lo in in chhuahsan hmasak chu ťha a ka hriat vangin ka chhuah pui nghal vut thung ,anih loh chuan kha sakawlh kha a rawn in lar leh hman palh ange.




"Engtin nge a tih che?" Thui fe kan kal hnu ah Akimtei'n min pawt ding a chiang zet a min melh pahin a ti sap a, kut min thlak ti ngat ila chu a insualpui duh hial ka ring, hehe.




"Țawngkà in kan sawifel" ka ti sap a, an awih loh hmel viau nangin ka sawi tam peih rih lo bawk nen min zawt zui ta bik lo. Ngawi rengin kan haw ho teh mial a, tunkar chu kan vai hian kan dik zan lo vek ani ber e.




"Źanah lo leng ula" ka ti sap a, Feli leh Ateii te in awmna a hla deuh viau nangin ka sawm lui tho mahni chauh a khawhar ru deuh tawt deuh a awm ai chuan awm ho ka la duh fan. Min hrethiam hlawm ani chek aniang an lu an bu tliar tliar a, Kawnah kan ințhen hrang ta hlawm.




"Tunlai chu i nguai riau mai, school lamah harsatna i nei chu ani em lo maw?" Zanriah ei laiin ka nu in a ti ta chiah a, ka tilang lo viau emaw ka tia mahse alo hrethiam tho anih hmel. Ka nu sawi vang nge mipa ho lah chuan min la melh țhap zui.




"Ahhh, chulam pawh ani chiah lo, ih...Au Mapuia hi ka ngaihtuah ve deuh a bakah ka school hlui te pawh ka ngaithar ve leh deuh a" Ka ti niah niah a, au Mapuia ka chhuanlam kha an awih chiah angem ka hre lo nangin adang han sawi mai tur ka hre tlat lo bakah a nihna ang rawih rawih in sawi ila chu chhungkaw innghir ngho na a chhuak nghal ani mai.




"Ni e, a dik ve reng mai mahse kan awm hi aw kan bula hlim deuh a i awm hi kan duh ber a, hlim lo chung chung a awm tur chuan kan ti lui bik miah lo che nia" ka pa in min ngaihtuah zet in a rawn ti leh a. Mahse an bula hlim lo anga min ngai deuh chu duh lo in ka lu ka lo thing vat a ka insawifel nghal zung zung ani ber.




"Min thlah ve ula,eitur te siam ila" chaw ei khamah Au Mapuia'n a ti sur sur a, ka nu in thingpui a siam a, mapuia'n dawhkan a hru thung, keiin thleng.




"Cham hlen tur pawh ni hleilo, kar leh lawkah ilo haw leh lo ang tih a sawi theih hleinem" ka nuiin nui chungin alo fiam chu a duh lo kher mai, a tum leh tak bur bur kha.




"A mipa ber i tum vuau a" Apuia tui la tur a rawn pheiin a rawn tih chuan a lungawi lo sa bawk nen an han inbuan leh thial thial a, tlangval pumpa ve si an hahthlak ania! mahse kan hlimpui viau zel e.




"Tlai ah chhum tur ka leisak che u kha nakin ah in chhum ve mai mai dawn nia" Tiin thingpui senhang chawiin țhutkhawmna lam a pan a, "Wife of Sangliana khiangte luhlula nge nge a beng a var e!" au Mapuia nuam ti chuan an ti leh zuk zuk a. "Eng maw i sawi a, Rohluzual" Țhutkhawmna lam ațanga ka pa in a rawn tih chuan ala phu zuk zui, Apuia nen kan lo nuih hawk hawk a, ka pa pawh chhang tawh lo chuan a phun zui nuah nuah a, nuam ti chiah lo hian a țhen a țhen ringawt.




"Nute, zanin kan lo riak dawn" Sitting room a kan țhut țhap laiin Hmangaihkimi'n a rawn ti lut lawng lawng a, an hmel a rawn lang zui zat bawk.




"Eh! Chuti tur maw, lo țhu phawt teh u" ka nu in alo ti ve thuai a, rucksack ak țheuh in an rawn in ak puar hlawm khawp mai an tum tak tak emaw ni hlawm ni, kei chuan len chauh kha ka ti reng sia, mahse pawi pawh ka ti vak chuang lo rilru ka hmang tlem anga a zia zawk mai thei hial ani.




"In va rawn lang khat ve, min do ta emaw tih mai tur a" Ka pa in alo ti ve sup a, an han nui ang vawr vawr a, chhe hlawm lutuk.



"Kan lo leng ang kan tih pawn 'kan buai lai ania a theih loh' Duhsaki'n a ti zel alawm, kan thiam loh ani miah lo pate" Feli'n alo ti leh zat zat a. Ka pa nuih a zat hmel ngei mai.



"Chaw kan lo ei ve ang tih pawn 'chaw hlang in duh mi?' ati zel a, chaw hlang kan ei peih bik bawk silo a" Atei'n alo ti ve leh a. Ka nu leh pa an nui ta hawk hawk.



"Chaw hlang em chu inhmeh bik lo ang, tunkar chu awm ve reng ru aw" ka pa in a ti leh a. "In kum te hi sawi lang mai mai suh ang che u, 99% deuh emaw an ti palh ang che u" Au Mapuia'n kan piah ațangin alo ti ve thung kan ner nang nang a, an hnial ngam bik chiah silo ngam ngat se chuan an ti let erh leh tawh ang.




"Naktukah Mapuia ka phei pui angai dawn sia tunkar chu awm ve reng tak tak ru aw" ka nu in ati leh a, phur hmel fahran a an han buk chiam chiam kha.





Zing dar 6 : 30 bawr velah ka nu te an chhuak a, kan țhian li chuan eirawng kan bawl ve ruk ruk hlawm a a nuam reuh phian mai.Friday ani bawk nen school ah pawh kan hun hmandan a nuam tawh bawk bakah sawi hmaih theih lo rilru kal bing thei lo leka min siam an thiam ka ti dawn nge mi inngaizawng ințhen ţah tlaivar tih ang reng kha an ni vang chauh hian ka paltlang thei ani deuh ber mai. Rilru ah erawh ka vei ru ran thung.




"Zana ei tur te zu lei ve ula" tiin ka pa in chaw ei khamah pawisa min pe a, phur zet in kan inzui chhuak. Nizanlama noodle an ngainat ve zia a hmu a a duat thiam dan in a duat ve tih ka hre mai, bakah ka țhiante pawn nuam an tih leh zual phah.




"Wai wai ka tih chu!"

"Țul thlawt lo, Spicy kan lak dawn chuan dynamite 3 nen"

"Dynamite nen chuan a thak leh zual dawn asin!"


"Thak i ngam em kha, a tam zawk thu hi chu awih mai mai rawh rorel lai party kan nih hi"


"Ninawm, Chhip minister hà mawi nu!"


"Opposition luruh chiah ring nu"


Mi dawr kawtah zu han inhnial chiam a! khawlai a reh hlauh zawk a an vannei. "Lalfel, tih tir mai mai teh i ei ngam tho kha" Ka va tih chuan nur nag hian min rawn melh a.



"Zingah mawng a sà duh em alawm" alo ti bal bal a. "Ei tlem deuh mai rawh!" tih lahin a duh bik der mai silo, Hmangaihkimi'n wai wai leh dynamite inbuk tawk chiah in a leisak tak hram kha.




"Thing khi a che nia!" tih thut pahin Hmangaihkimi kan in kawng chhuk thla ah chuan a tlan thla chiam a, rak ruai in bak leng in kan um thla ve nghal. Kan in kawngka bulah chuan handle vuan in alo thaw halh halh a, a bulah va dingin boruak kham lo zet in kan thaw ve huam huam mai.



"Nge in tlan ve ngawt?" alo la ti zui. He mihring zet hi chu!


"Nge khatia thlarau hmu ang hrim a i tlan ni!" Feli'n alo ti ve leh.


"Thing a che ka ti mai alawm" alo la ti zui a hnungzangah ka ben sak tak dawt kha, a tum lian hle thung.



Inchhunga kan pen luh rual in choka lam an pan nghal zat a, a hnung ber ah ka zui. Mahse țhutkhawmna room lam atanga țawng ri ka hriat rual erawh in ka ding nghal chut mai. Muang changin ka va hawi a, ka thaw hawk.



Ka pa piah chiah ah lo țhu in an lo ti ti mawlh mawlh a, Apuia, single sofa a țhu in inkhel alo en ve mek bawk. Rang zet in choka lamah ka tlan phei ti tih a, zak lo ka ti bawk si ka ngei bawk si chu ka insawh tau nghawng nghawng ringawt.
"Mate, thingpui rawn lum rawh u aw" Apuia'n alo la ti zui. Dawhkana thil kan lei vel aman chhut chuan midang an buai nak nak a, kei erawh thingpui sen hang ka lo thli.



"Ate, please in thingpui hi va pe lawk mai, ka lu la hai muai a kan tlanna kha niang" tiin Atei ka bel ta ringawt a, ani pawn țha deuh chuan kawrtai nen tray ah kengin a chhuahpui ve mai. Hmingmuanpuia alo kal tih an la hre ve hlawm lo tih an che zia ah a hriat.



"Hawng ringawt zel suh, dah vawt hmasa ila a tui duh bik" Feli coke bur hawng chu Hmangaihkimi'n alo ti leh thuai a, nuhrawn ang mai a khirh ve ania. "Hawn e hawn loh e, a tui vek" pakhat lahin alo ti then sia, a hunah an inngai pawimawh dun lo tawn thiam ka ti dawn zawk nge maw ni.




"Awii ka khur ania!!!" Atei nuam ti lo zet leh hmanhmawhru zet a a rawn let chu a chhan ka hre mai, mahse a awmdan ah ka hre ve tih a hre lo anih hmel.



"Enge ni? Thlahrang i hmu mi?" Pakhati te lah chuan an lo ti thuai lehnghal.



"Ih...ih.. kha J.E Pa kha alo kal a, sitting room ah thingpui an in, awii nimin a a awmdan kha ka la hlau bawk nen ka va khur ti tih alawm" a ti hliam hliam a. Feli leh Akimtei an phawk lek nasa va en ruk te an han tum ang vut vut a, chi loh thei lutuk.




Choka ah chuan kan tawm khar a, a haw hma a chhuah phei chu kan hreh tlang ani ber. Thingpui no. seng turin ka pa in min lo la au zui a, ka va ngei mai mai tak. Ka țhiante tumah lah chuan min kalsak duh tawh der lo! Nimin avang khan an ți tih lah ka hre reng ka ți ve tho sia ka ning.




Thawk lak chiam hnu ah ka va phei a, kan dawr atanga an mamawh ho ani ngei ang an lo sawi dun malh malh. "Nia, kar leh lam anih chuan hman ang, a dahna tur te rawn ti chiang la" ka pa in alo ti mek a. Hmingmuanpuia ka va en vut lah chuan min lo la melh run zui, ka hawi sawn rang viau.



"A chiang thei vat ang!" alo ti ve sup a.



"Awle, ahh Bawihte helamah rawn awm phei ula hei rawn kawm ve rawh u i u te pahnih hi, kei chu zinglam ah kan tho hma bawk nen ka mut a chhuak der tawh, mu mai ka duh!" ka pa in alo la ti zui a, ka in pet ru fan fan ani mai. Hepa bula awm hi ka duh teuh lo.



"Va mu rawh, hei Apuia awm alawm bakah tleirawl rim te pawh a khat alawm" Zak lo ti zet a ka melh chuan awmze nei zet hian min lo melh ve ralh a, ner khum nangin choka lamah induh hmel zet in ka phei san daih.





***********************



A chiang thei lo, a chiang thei lo🤣 Muttrui ule....

Ads click theihnghilh ve ziah ho kha theihnghilh tawh su😂👇👇👇👇

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)