HEY DADDY By Mami pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HEY DADDY By Mami pachuau (Completed)

Unread post by Ngaia » May 1st, 2022, 10:04 pm

HEY DADDY CHAPTER - 25

Ziaktu : Mami pachuau



"Eng ang hmeichhia nge maw inih le..! Hey! Engvanga nangmah chiah in ngaihtuah nge inih a? Amah pawh in ngaihtuah nachang hrelo mipa a hmeichhe hmangaih a neih ve theih nana engmah tih hreh lo mipa hi engtin nge i thlah tham theih zawk? I mawl takzet" a rawn ti tuarh tuarh a ka puan sin chu ka hmer a.



"Number chu min lo thawn rawh" ka ti leh ta zawk.



"A ngailo, i tana a thiltih pawh i hriatsak duh lo a amah ngeiin engkim a chinfel hun nghak tur che in a ti che a mahse loh theih loh in i siam a. A chanchin ngaihven tur pawn dikna i neilo" a rawn ti hmak.



"Aih... khawngaihin number chu min lo thawn min lo thawn hram rawh" mangang zet hian ka ti a.



Min chhang lawk lo "khawngaihin" ka ti leh, a thaw ta hak a.



"Message kha lo en rawh. Mahse hei bak chu chance ka pe tawh lo ang che a thinlung i tihnat belh a nih chuan engtikah mah ka ngaidam thei ngailo ang che" a ti leh hmak a, kan inbiakna chu a titawp zui nghal hmak bawk.



Message rawn thleng chu rang lutukin ka en nghal a, number chu chhu lut sawk sawk in ka dial ve mai a vawikhat naah chuan a in ring ral țhak. Thaw hak in a vawihnih nan ka try leh a rei fê a in ring hnuah mipa aw ka la hriat ngai loh hian a rawn chhang a.



"Ih... Eddie-a ka lo bia" tiin Mizo țawng in ka be ve tawp.



"Jane-i i ni em?" Mizo țawng hian a rawn ti let a ka thaw ham ham a "aw ni e... englo, Eddie-a ka be lawk thei ang em le a pawimawh lutuk a khawngaihin phone pe lawk la" ka ti a, a reh vang vang avang chuan hlauhthawnna in min rawn luhchilh tup tup ta mai.



"Hello" a reh vang vang avang chuan ka ti leh.



"A kal tawh" a rawn ti ringawt.



"Maw?" Ka ti sap a, a kal tawh a ti nih chu..!



"He thu hi hrilh tur che in min ti a min lo biak hun ka nghak reng a. Mi tu pawn engpawh lo hmu in lo sawi se ama hnen ațanga engmah confirmation form i dawng lo a nih chuan ring suh. Lo in enkawl țha turin a duh che a chuan engkim a tuar chhuak vek ang tih hrilh tur che in min duh a ni" a rawn ti a .



"Maw..? E.. enge chung chu a awmzia? Chiang deuhin min hrilh rawh" ka ti khur nawk.



"Kha bak chu ka sawi theilo min hrethiam dawn nia. A tuar chhuak em em ang a chhel alawm lo in enkawl țha la dam taka a rawn chhuah leh theih nan țawngțai chiah kan tih theih a awm tawh" a rawn ti a, kan inbiakna chu a ti tawp nghal hmak mai.



A kal tawh a tih kha enge awmzia ni ta ang? Kumkhua atan min kalsan tihna em ni? Hlauhthawnna keimah ah a rawn awm a a insawifiahna ka ngaihthlak sak duh miah lo a a thil tawn pawh ngaihtuah sak miah loh in tawp ka duh thu ka hrilh a nih kha.



Rang lutukin nichina min lo be tu number chu ka hmet chhuak a ka call a min rawn chhang vat a "i be thei em? Ti lo turin i hrilh thei em?" Engmah ka sawi ve hma hma chuan a rawn ti nghal a.



"Aih.." ka ti sep, ka țah rawn chhuak ringawt chu ka duh lo takzet.



"Maw..? Aih i tih chu enge awmzia i thusawi a ngaithla duh lo ami?" Mangang leh hlauhthawn hmel zet hian a rawn ti a "chutiang lam a ni lo" ka ti leh ringawt, ka vanvadâk a ka thaw chhuak ham ham.



"Pehhel kual lo in chiang deuhin sawi vat ta reng che mawle" a rawn ti țhat..!



"Amah ka be lo... ih... mipa pakhatin min lo chhang a a kal tawh thu min hrilh a. Enge awmzia khawiah nge a kal?" Ka ti sap, a ngawi reng a "mawh..? A awmzia min hrilh rawh khawiah nge a kal? I sawina hmun pindan thim ah chuan ami? Eng nge chutah chuan a tih dawn?" Mangang zet hian ka ti a.



"Hmeichhe mawl lutuk. A insawifiahna ngaihthlak sak ni lang chuan hetiang thil hi a thleng miah lo tur. Nangmah chauh inngaihtuah lo in a thusawi te ngaihthlak sak in hrethiam la a neih theih nan che a loh theih loh a i tana a thiltih a hrilh che hriatthiam sak in duat taka kuah tur zawk ini asin. Mahse i hma i sial lutuk na avangin nangmah hmangaih em em tu che chu i chân a a ni ang a hmangaih tu che hi i tawng tawh lo ang. A kal tawh... darkar thum inngaihtuah nana hun an pek pawh duh lo in a kawng tur chu a thlang fel tawh engkim hi i thiam loh vek a ni" a rawn ti lâwi rât.



"Ka sawi chu... khawiah nge a kal? Pindan thim i tih chu eng nge awmzia? Kumkhua... kumkhua in alo let tawh dawn lo maw?" Rilru na lutuk chuan ka ti chhuak a.



"A beisei awm loh, pindan thim ah chu pawh a chhungril lai berah chuan khauh zawk a training pek a ni ang a, a tuar chhuak lo a nih chuan amah tak ngei ruang hmuh tur pawh i nei lo ang a tuar chhuak zo a nih pawn i dam chhung chuan i hmuh leh tawh ka ring lo, i ât leh mahni hmasial man i hmu ah in ngai tawp rawh"



"Aih... chutiang chu a awm ngailo chutiang chu a theih loh hrim hrim. Ka be duh... biak dan kawng min zawn sak rawh khawngaih takin" ka ti ta țiau.



"A theih loh, kum eng emaw zat chu khung a ni dawn. Ka unaupa ang hial a ka ngaih nang hian min laksak a a thihna tur kawng i zawh tir a ni. Ngatinge... ngatinge a thihna tur lam pan tur meuh a rilru beidawng a i siam, i tan chuan engthil pawh tih hreh nei ngailo hian i vawikhat thusawi leh i chêt zia in i lan tir khan dam thlak hlelhna a neih tir lo asin. Vawitam, vawitam lo biak che tum in a aia chiang zawka hrilhfiah che a reilote tal nghak leh tura dil che a tum a.



Mahse nang erawh a beidawn lai leh a nat lai pawn a kiangah awm lo in biak theih loh in i awm zela. A mangang leh beidawng lutuk khan enge tih ber tur pawh a hrelo hial asin a taksa a khur a i be duh lo angah ngaiin eng thil fakau nge a tihsual a in zawt hial asin, vawikhat chauh....vawikhat chauh a thusawi ngaihthlak sak ni lang chuan hetiang thil hi a thleng lo tur" ngaithla zui duh lo in phone chu ka la thla a damdawiin khumah chuan ka mu thla nghal daih.



'Dam in a rawn chhuak leh ang em pawh a hriat loh' tih a sawi kha ka bengah a rawn ri nawn a. Ni e... vawikhat chauh pawh a thusawi zawng zawng kha lo ngaihthlak sak ilang hetiang hi a thleng lo tur mahse inchhir in sâwtna a nei tawh si lo.



Manganna in min tuam a min kalsan hlen hlauhna khan ka khat a mahse tunah chuan a hmel pawh ka hmu thei ang em pawh hriat a ni tawh miah lo. Ngatinge vawikhat tal pawh amah kha ring lo a a insawifiahna ka ngaihthlak sak loh..!?



Ka inchhir kumkhua tawh dawn a nih hi..!




"Anu... ka tiffin pai tur a pi in min siamsak vek tawh asin hei en la" tiin ka fapa chuan a tiffin chu hawng in min rawn hmuh ve reuh a "umm.. a tui hmel vek. Le... bag-ah khung la inhnuaiah chhuk rawh le, ate Mami rualin sikul-ah i kal dawn kha" ka tih chuan a tiffin chu a bag-ah a khung vat a.



"Anu... vawiinah zirtirtu in min hrem leh ang em le?" A necktie ka siam țhat sak lai chuan a rawn ti a, a hmaah chuan țhu thla in a ban bul ve ve ah chuan ka dawm a "thu i âwih chuan a hrem tawh dawn lo che. Miss te thu chu âwih tur ania inhlei tawh loh tur a tih chuan fel deuh a țhut mai tur aw, Miss te thusawi uluk taka ngaihthlak tur ania chuan a dawt kha eng nge khah..?" Tiin ka zawt a, a biangah chuan ka dawm sak bawk. A pa chiah chiah a ni mai.



"Țhiante hauh loh tur, zirtirtute thu âwih tur ani chuan... tumah tihbuai loh tur ania tu thil mah an phalna lo chuan lak loh tur" a biang sum lang kalh in a rawn ti a, nui hak in a chalah chuan ka fawh sak vang vang a.



"Umm le, i bag ka lo keng thla anga ate Mami bulah chhuk rawh le step-ah khan hmanhmawh deuhin tlan lo la aw" tiin a mawngah chuan ka beng zeuh a room chu chhuahsanin inhnuai pan in step-ah chuan a tlan thla dawt dawt a, kei pawh chu khumah ka țhu kai ve vat a.



Kum 5 a ni ve tawh, a pa ang chiah chiah a ni a tu pawn hmu dun sela an hai lo ang. Ka chhungte ngei pawn an a neih thu an sawi țhin a mahse ka hrilh duh chuang lo. Ka fapa Hriatpuia erawh a pa nena kan thlalak ka hmuh fo țhin a naupang ala ni a a rilru ala thianghlim a chuvang chuan dawt ka hrilh duh lo.



Mi'n a pa chu vanah a awm tih in an lo hrilh țhin a mahse kei chuan âwih lo turin ka ti thung. Naupang rilru thianghlim tih takah a theihnghilh ve leh mai țhin a mahse tunlai hian a pa chungchang min zawh leh zeuh a ching țhin a chhan ngaihna ka hre mang ngailo.



Khang kum 5 chhung zawng khan Eddie-a chanchin pakhat mah hriat ka neilo a biak ka tum fo țhin mahse ka be thei lo ka beidawng duh lo a ngaihdam dil ka duh a mahse biak pawhna tur engmah ka hre si lo.



Kei pawn dawr te siam in ka theih ang ang in hna ka thawk ve a ka buai deuh chang chuan Hriatpuia hi a pi leh a pu in an lo buaipui mai țhin. An duat em em a tih ka phal loh pawh a pi leh a pu bulah a dil țang țang zela an lo phalsak leh nge nge țhin.



A pa a chhun nge ka hrelo a rualpui te zingah chuan a lian fal in lehkha pawh a thiam a, a sam dup hlap a kir ve chiat a a nuih changin a biangsum a lang kalh țhin. A nuih chang hian a pa a ang leh zuala a nui hmel ka hmuh chuan Eddie-a ka mitthlaah a rawn lang ngei ngei țhin.



Thaw hak in bawihtea bag chu ka khai a inhnuai lamah chuan ka chhuk thla a ka u bulah choka lamah a awm nge ni țhutkhawmna lamah hmuh tur a awm lo.



"Tunlai chu ruang chhar a ni an ti deuh reng mai a a titu lah a hriat theih mang si loh. U. S lamah pawh an buai viau kha" ka pa chuan a rawn ti teh deuh hluai a.



"Nizan chanchin thar ka en lo a eng thil nge an puan a?" Ka ti a.



"Model pakhatin mi a tih mualpho lai video theh darh a nih hnuah thah zui a ni leh a a titu an chhui mek a ni âwm a. Mi thiltithei tak tak an tihsual pho lan a nih hnua thah an tam viau zel hi. Drugs lam pawh a hluar chho khawp mai" a rawn ti leh dauh dauh a a phone chu a hmet êng a drugs a sawi takah chuan eng emaw hriat chhuah deuh zawk ka nei.



"Bawihi, heihi rawn en teh i hriat zawng a ni em?" Ka pa chuan tiin a phone chu min rawn pe a ka ban a, ka en chuan thlalak alo ni a. Mipa ni ngei tur a ni, mask a vuah a sir zawng ațanga an lak avangin tunge a nih ka hre mai lo.



Mahse ka hriat hnu erawh ang ka ti hle thung. A sam chu a tukhumah a țawn a mahse a țawn kim lo a bengah bengbeh beh in a mit bulah chuan tatoo a nei bawk a. A mitmeng chu lang fiah vak lo mahse ka hriat țhan ang ka ti em em thung a mahse tunge a nih erawh ka hre mai thei tlat lo.



"Tunge a?" Tiin phone chu ka pe a.



"Ka hre bik lo le... tunah an zawng mek a ka hriat hnu a ang ka tia in ti ve lo em ni?"



"Ti ve tho mahse tunge ka hre mai theilo. Thu thar hi ngaihsak vak lo teh u rilru hriselna a thlen lo emai mihring kan sual tawh si, inthahna te chu a ho tawh lutuk khang aia nasa pawh a thleng hnem tawh" ka ti a.



"Ni e... a ni ngawt tak e. Khawvel pawh a hmawr tawh a mihring pawh kan sual tawh lutuk a nih hi" ka nu chuan a rawn ti ve leh a, ka u leh bawihtea choka lam ațanga an rawn inkai chhuakin thawm an neih takah chuan kan hawi vek a.



"Khawi a bag kha lo la la ka va thlah vat vat ang e, sikul thlen a chak tawh lutuk a ka duatpuia hian. Le.. a pi leh a pu leh a nu bye bye rawh le" tiin ka u chuan bawihtea chu a hrilh a a bag chu ka pe a.



A pi leh a pu chuan thuâwih turin an lo hrilh ve mawlh mawlh bawk a pawnah chuan kan in zui chhuak a "tlaiah ka lam hman lo maithei a iva lam a ngai dawn ania" ka u chuan kawngkhar hawnsak pah chuan a ti a.



"Umm... vawiin chu hruai duhna ka nei hrim hrim alawm. Nghaki'n a hmu chak bawk a i buai dawn loh chuan kan rawn tlawh kawi ang che" ka ti a, bawihtea chu ka bye bye leh a nui var var in ka u phone a ken chu a rawn lek kâng a ka nui chhuak hak.



"A pawilo tawp ang, chuan zanin party kha in rawn kal ve a ngai ania aw. Min hnial suh ka tih che kha i hmuh khât deuh deuh te pawh an lo kal dawn a" a rawn ti a, ka ner nâng a.



"Ka peih vak lo asin. Zana bawihpuia chhuahpui chuan a hritlan ka hlau alawm ka tello in ti mai ula" ka ti a.



"A theih loh alawm, hmu chak deuh tu che pawh an awm a peih la ni mai. Kan tlai ang kan kalpui ang e" a ti a, biak leh theih loh in a țhutna lam a pan phei nghal a bawihtea țhutna lam tukverh ah chuan ka dâk lut a minecraft alo khel chu niin.



"Tlaiah ka lo hruai ang che aw, thu âwih la" tiin a samah chuan ka tuai zeuh a.



"Umm..." a rawn ti zâwi sep a, an tlan liam lai chu ka en zui ta reng bawk. Kha thil thlen hnu ațang khan thinlung taka ka nuih leh vawikhatna chu ka fapa alo pian hian a ni a hnuah erawh thinlung taka nuih ka nei lo.



Ka fapa ka en apiangin a pa ka hrechhuak a, engtin nge a awm ve ang tih ka ngaihtuah reng zela a chang chuan hun te her let theih se khalai hun chauh kha siam țhat ka duh ka ti țhin. Vawikhat tal a thusawi kha lo ngaihthlak sak ila chuan hetiang thil hi kan tawng lo tur ania.



Khanu sawi ang khan ka ât man ka hmu a nih hi. Mipa ka ngaihsak peih tawh lo a ka thinlung hian nghah ala neih tlat vang a ni mahna chu mipa erawh tunge a nih hriat theih ka chak a ni.



Thaw hak in inchhungah ka lut a chhuak turin ka insiam zung zung a ka zawh chuan dawr lam pan in ka inkhalh chhuak a. Motor khalh pah in Nghaki nen kan in be pah reng bawk.



Dawr ka thlen chuan Hlui chuan dawr alo hawng fel dim diam tawh a pho chhuah ngai alo pho chhuak vek tawh bawk. Hriatpuia hruai ka ngaih țhin avangin dawr nghaktu an awm loh aiah tiin pakhat ka chhawr ve a a fel phian bawk..



An chhungkaw chanchin sawi nuam a ti a. Mahse a unaupa ramdanga a awm avangin kum 5 lai a lo hmu tawh lo chu niin a dam nge a thi tih pawh an hrelo a ka lainat takzet, a chhungkua a ngaihsak zia thu leh Hostel an awm laia a hman changa a tlawh ziah thu a sawi ve sep sep zela a sawi chang apiangin ka ngaithla tui thei phian bawk.



"Iva thleng hma ve" dawr chhunga luh pah chuan ka ti nghal a.



"Nia... ka kal hma mai mai ka lo inhralh tawh a vawithum lai" a ti a, ka nui hak a "ava lawmawm ve enge tih ngai te ala awm em? Min thlen khalh ziah a ilo ti țeuh hman bik țhin a" ka tih chuan a nui hak hak a.



"A ho e... nuam ka tia lawm, Hriatpuia ka hmu chak tawh a ni mai i hruai dawn em vawiin dawrah lehkha ka zirtir leh chak tawh" a ti a, ka bag chu ka khai a.



"Hruai dawn e... mahse vawiin chu hruaina tur ka nei a nidangah i zirtir mai dawn nia aw. Taka, bungrua alo thleng dawn a inremfel deuh ila tiraw alo thlen hunah chuan kan buai leh chiam dawn ania"



"Nia kei pawh ka lo rilruk a. Taka, ka u pawh nizanah alo haw asin alo danglam tawh lutuk a ka hai țep alawm" a tih chuan ka nui sak a "avan lawmawm ve aw... in inhmuh lohna a rei tawh âwm sia a nuam ngawt dawn a nih chu. I nu te pawh an hlim ngawt ang" ka ti ve a.



"Nia... u Ruatsanga chu a fel lutuk mi pawn an ngaina lutuk ringawt" a tih zawm leh a customer an lo kal avangin alo buaipui vat a kei erawh chuan parcel vel chu ka lo dah sawn thung.



Nilengin kan buai dun a Hriatpuia hruai hma chiah in bawr bungrua alo thleng a kan tifel thuak thuak a kan zawh meuh chuan Hriatpuia hruai alo hun der.



Hmanhmawh zetin an School lamah ka inkhalh chhuak a ka thlen chuan dar alo ri fel chiah. A kawtah chuan ka nghak reng a tukverh ațanga rawn dâk in min rawn bye bye a ka kut ka lo vai let ve vat. Naupang dang lakah pawh a danglam fal nalh bik ka fapa hmelțha leh duhawm em em a nih saw.



"Jane" chu aw ri chu..! Rang zet hian hnunglam ka hawi nghal a mahse ka mi hmuh avang erawh chuan ka meng kâwk..!



"Eddie" ka phun sap, a ni pawh chuan min hmu chu mak a tih ve hmel takzet. Hmeichhia a bulah a ding a chunu kutah chuan a kai a chu hmeichhia chuan a ngheng chial mai bawk.

(Ti zawng hi ni mai teh se😁)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:04 pm

HEY DADDY CHAPTER - 26

Ziaktu : Mami pachuau



"Tunge a?" Hmeichhia zawk chuan in rin tawk hmel zet hian a rawn ti a, chunu a țawng takah chuan harh chhuak thut ni âwm fahran hian a en ta nghal vut.



"Ka țhian hlui a nih hi" ka na nghal zawk, chunu chu a nui ta sak a. Kei min rawn en leh ka lo en ve reng a min en dan ațang chuan a mitmeng ka chhiar thiam ta miah lo.



"I dam țha em?" A rawn tih chuan ka lu ka thing nak a ka awmdan tih pangngai luih hram hram ka tum a mahse a har țalh mai.



"Umm... dam țha e, inhmuh ava khât ve tiraw?" Ka ti sap a, a ner sawk ringawt.



"Hi..! Felori ka nia, ka hmu che chu ka lawm e" Eddie-a kut a vawn chu thlah in min rawn pan a nui var var in a kut chu a rawn phar chhuak a a hmelțha lutuk takzet.



A kut chu vuan in ka la let leh vat a "kei pawn ka hmu che chu ka lawm e" ka ti ve sap, a bak sawi tur ka hre bau lo.



"Hetah te eng nge i tih a naupang lam tur i nei em ni?" A rawn ti a, a landanah hi chuan a fel ang ka ring chuan ka ring sual lo in ka hre bawk, Eddie-a tan eng nge a nih hriat ka chak takzet.



"Umm... ka fapa ka lam dawn a" ka ti chiah chu chunu bulah chuan Eddie-a taksa lian zet chu a rawn ding ve nghal a en pawh ka en ngam thlawt lo a ni "eh... pasal i nei tawh law?" A rawn ti hliai a, ka țhen lui sak a.



"Chutiang deuh chu a ni mai, alo chhuah a hun tawh dawn a ka kalsan ang che u" tiin Eddie chu ka melh deuh zawk a mahse rei en ngam lo in ka hawisawn lehnghala a mitmeng kha ka hrethiam lo.



Bawihtea te miss in min rawn auh takah chuan nui lui sângin ka hawi let a bawihtea chu an miss bulah alo ding reng. Aw Lalpa leh! Bawihtea hian Eddie-a a hmu a nih vaih chuan a pa a ni tih a hre nghal dawn.



Rang lutukin ka tlan phei a "ama..." a rawn tih rual chuan pawm kâng nghal vat in ka âwm ah chuan a hmai ka thukru nghal vat "vawiinah alo sual em?" Tiin an miss chu ka bia a, min nuih sang in a sam ah chuan a rawn chûl a.



"Vawiin chu a fel lutuk. Chuan maw, thil a thiam chak reuh tawp a a handwriting hi an nalh reuh khawp a naupang dang lakah chuan a danglam fâl ve nalh asin" a rawn tih chuan ka nui hak a.



"Avan lawmawm ve aw... inah chuan a zir țha peih ngai miah lo asin" ka ti a.



"Ama... ngatinge min kuah beh tlat a" bawihtea chuan a rawn ti a "ui a awm a bawihte tikhan awm tlat rawh aw" ka ti ta tawp. Ui a hlau țhin lutuk a a pa a hmuh loh nan ka ti ta ringawt mai a nih hi.



"Kan kal phawt ang e" ka ti a, hreh zet chungin ka inher a mahse vanneihthlak takin an lo awm tawh lo hlauh mai. Thaw ham ham in bawihtea chu ka dah chhuah tira a thlan alo tla ve phung mai a lum êm a tin ni.



"Ui chu a kal bo tawh ami?" Tiin a hawikual ve reuh a a thlan chu ka hrukfai sak a "umm... ama khan a kalbo tir tawh alawm. Dawrah kal ila chumi zawh ah ate Nghaki leh ate Mami bulah kal ang aw" ka tih chuan a khêk raih a.



"Yes.. ka chak tawh lutuk, ih... ate Mami pawn in ban veleh a nu nen lo kal ru a ti a" a tih chuan a hnarah chuan ka piai sak zeuh a Scooty awmna lamah chuan ka pawm phei zela "umm.. kan kal ang vawiinah ka fapa hi alo fel em le aw..." ka ti a, a kut chuan ka kawr hak kawr kilh chu a khawih niap niap a.



"Ka inhlei miah lo midang chu an inhlei char char. Ihmaw... ama Miss khan Hriatpuia chu a ziak mawi lutuk min ti a" a rawn ti leh reuh a, a biangah chuan ka fawh sak zeuh a. Naupang dang ang lo takin a țawngthei hma a a țawng pawh a fiah ang reng viau bawk.



A pa kha vawikhat hmu se a hre nghal ang tihtur khawp in a thlalak a en ngun a. Eddie-a pawn a hai ka ring miah lo mahse a theih chhung chu inhmu lo char char se ka duh takzet, helamah a awm zel dawn leh dawn loh ka hre si lo a vawiin ang a School-a ka kal loh ni a ka fapa nen an lo inhmu palh hlauh a nih chuan thil a pawi thui dawn takzet a ni.



Dawr lam pan in kan inkhalh chhuak a a hmaah a ding a a chau nge ni a bu leh lâwp țhin a muhil lo turin kawng tluan in kan inhrilh phei char char a ni ringawt.



Dawr kan thlen chuan a meng hleithei tawh lo a ni ber. Ka pawm a ka darah bei in a thaw zui ve sâk sâk a, a rit ve tawh reuh lutuk a rei tak chu ka pawm thei tawh țhin ngailo.



"A muhil hman elaw?" Hlui chuan alo ti nghal thuai a "a nih hi... motor-a a chuan lai ațang tawhin a bu leh lâwp țhin alawm, a mutthilh lai chuan a hruai theih dawn si loh a a harh hunah kan kal mai a ngai ang, eng nge dawr lam chanchin" ka ti nghal vat a bawihtea chu sofa dûp ah chuan ka mut thla a.



"A țha ni mai, a lum sia thosi a awm chuang lo a puan sin tir lo mai rawh thlan a ngah tawh sa si" a tih chuan ka bu ve mai a "taka a birthday a hnai tawh sia a awh țhin deuh nerf gun kha chah sak ka tum deuh a eng nge i ngaihdan?" Ka ti a, a nui hak a.



"Ah... kei te chu ka râwn tlak loh emai i thu thu alawm" a rawn ti a, ka nui ve hak a ka rilru tih thawven ka tum a mahse a theih reng reng loh a tâwt zual tulh tulh zawkin ka hre mai.



Bawihtea alo harh chuan chawhnu dar 2 a ri tawh a a hmai phih sak zung zung in thil ka eitira ka u hnathawhna lamah kan in khalh phei lehnghal a nidanga sawi tur hre mang hlei lo a thu sawi ve neuh neuh țhin kha a țawng ta miah lo a a tho fuh lo deuh nge ni. A mumangah enge a hmuh ka zawt a a hriat loh thu in min la chhang ta zui lehnghal.



Ka u hnathawhna building kawt kan thlen rual chuan a țum thla nghal tharh a a kal țhang tawh bawk a a tlan lut vat a kei pawh chuan motor chu dah fel sawk sawk in ka lut ve nghal vat a ka u Office lam chu ka pan ve nghal vat bawk.



Ka va thlen chuan ka u bulah chair-ah alo țhu fel leh dîm diam tawh a "in va rawn tlai ve" min hmuh rual chuan a rawn ti nghal vat a bawihtea pawh frooti alo pe leh tawh chu niin.



"Nia... School ațanga ka hruai khan motor-ah pawh a muhil lo chauh alawm. Dawr kan thlen in a muhil a a harh veleh kan lo kal a, a tibuai lo che ami i bulah te i țhuttira a inhlei ve tawh si" ka tih chuan a nui mai a.



"Min tibuai pha hleinem tiraw bawihte, a ni te chu a fel alawm. Taka mi hmuh tir tur che ka nei a an lo thleng țep lo nghak law law ru" a ti a tunge an nih zawh buai ka tum lo mi hrang hrang hi min in hmelhriat tir a ka ngainat zawng an ni ngailo.



"Eddie-a alo haw ami?" Ka ti ta nge nge, ka ngaihtuahna a chhuahsan theilo thei se ka duh mahse a awm ngar ngar mai.



"Eh... engtin nge i hriat a in lo inhmu tawh a ni maw... amah chu ania hmuh tir che ka tum a ni pawn a hmu ve chak tawh che a" a tih chuan ka thaw ham ham a.



"Vawiinah bawihtea te School-ah an lo kal ve a hmeichhia nen an nia. Hmuh pawh ka lo in beisei lem lo a ka hmuh lohna a rei tawh sia min țhawng ve det. A hmeichhia nen pawh an inhmeh viau kha" tiin ka nui lui a mahse ka chîp lehnghal riai riai.



"A ni lutuk ang kum 4 chhung chu a training daih alawm, hah..! Hmeichhia nen maw ve ngei a Felori a ni hrim hrim ang" a tih zawm a, a sawi dik leh ngei mai e.



"Ummm chunu chu aniang, eng inzawmna nge a an neih a an inhmeh khawp kha" ka ti ve leh sap a, ka u erawh a nui hak hak.



"Eng inzawmna mah an neilo a hnathawh pui ania helamah an rawn zin dun a nih dawn chu. A fel lutuk fiamthu hi a duh ve țhin a fiam a dawl rualin a fiamthu a sâng bawk, an inkawmngaih bawk a Eddie hi mi zingah an ta chei deuh kher zel amaw hmeichhia hian an thîk nasa thei ania mahse pasal a nei dawn a a pasal tur chu i hria em?" A rawn ti leh a.



"Hre nang" ka lo ti ve leh mai, ngatinge maw hetiang thu te min sawi pui tak chiam mai le.



"Ramsanga mawle, Eddie personal assistant ania. An in kawm ho vek" a rawn tih zawm leh a hming hrang hrang ka va hre ngun ta malh malh ve mawle.



"Chutiang vela a ta chei chuan a mipa chuan a thîk lo ami?" Ka ti leh hram, ka zâwt chîk min tih ka hlau si a mahse ka hriat chak a ni bawk si.



"Thîk nang aw... mahse Eddie hi Felori mipa duhzawng a ni reng reng hleinem a fiamthu a sang ka tih tawh kha Eddie ai pawn a upa a a insual pui chang a tam alawm Eddie hian a hneh ngai reng reng lo" a ti a "a nih chu..." ka ti ta ringawt, an chanchin a hriat hmel takzet a ni.



Ka u Office kawngkhar chu a ri ta dat dat a hriatthiam loh in ka thinphu a rawn rang ve ringawt. Eddie-a te an nih tawh hial ka ring bawihtea'n games alo khelh leh hman tawh avangin ka hruai sawn theilo, a nih nih ni tawh mai rawh se.



Ka u in lut tura a tih takah chuan ka rin ang ngeiin Eddie leh Felori chu an rawn in zui lut a min hmu chu mak ti hmel pawh an pu lem lo ka u in alo sawi lawk tawh vang pawh a ni mahna.



Inhmuh ava khat ve tih pah chuan an inkuah hlawm a kei erawh chuan ka fapa phone khel mek chu ka en reng. Eddie-a ka en zawk a ka fapa chu alo melh ve ngur a chiang taka an pahnih a an en kawp a nih chuan in ang an ti dawn lutuk sa.



"Hey... Miriam-i hi i u lo ni reng in" Felori-i'n a rawn tih takah chuan amah chu en in ka nui tawi tak a "a nih ve hi, pasal neihna chang pawh a hrelo" ka tih chuan a nui hak hak a ka u lah chu a tûm pâk mai.



"Ni e... tiraw ti hian senior tlang mai rawh se. Taka heihi mi i fapa chu? Tunge a hming?" A tih zawm a, bawihtea lamah chuan a phei a "Hriatpuia a nih kha" ka ti ve sap, a ruk hian ka țang țûng mai.



"Hriatpui... eng games nge i khelh a?" Tiin ka fapa chu a be nghal a, mahse ka fapa chuan en pawh a en lo. Thil pakhat lawmawm deuh chu bawihtea hian games a khelh lai chuan a games khelh bak a buaipui ngailo a mi'n an biak pawn en lo in a chhang mai țhin.



"Special force" hawichhuak miah lo in ka fapa chuan a ti ve mai "khawimaw i hmel ka lo enchiang i cute dawn lutuk" a ti leh a ka lungphu a in thûm rawn dup dup mai.



"Aih... ka thi palh ang" bawihtea lah chuan a ti reuh a an nui ta dar dar a kei pawh chu ka nui ve ringawt. Ka u in games a khelh laia biak a harsat țhin zia chu alo sawi zui a kei pawh chuan ka en ve ta reng.



"Kum engzat nge?" Tih ri ah chuan ka hawichhuak lem lo, ka țhutnaah a rawn țhu thla ve tih hriat zetin a hniam deuh suih a "kum 5-na a hmang mek a" pangngai zet hian ka ti let a mahse chhungrilah hian ka khur dar dar mai, amah hmachhawn tur leh a mitah tak en a a zawhna te chhang turin ka thisen hian a zuam lo a ni.



"Ava tlangval ve tawh reuh ve" a rawn ti a "nia a rualpui dang te aiin a lian fal a" ka ti ve sap a.



"Pasal chu i nei tawh tak tak em ni?" A rawn ti leh, ka thin a phu rang dup dup mai "ka sawi ang kha a ni mai" tih ringawt in ka chhang a diktak chuan dawt ni mahse tunah hian a tak ni turin ka duh ve ta takzet ta. Mipa ka ngaihsak zui loh zia hre ngat se chuan a fa a nih a ring nghet hmiah in ka ring.



"Ilo danglam ta hle mai" a rawn ti leh a, ngatinge maw hi hian danglam min tih fo mai le aw...



"Ka danglam vak pawh ka hre hleinem ka ngai reng alawm" tiin amah chu ka en zawk a mahse min lo en ve reng avang chuan ka hawisawn lehnghal vat a a thaw ham ham ri pawh ka hria. Kum kalta a thil thleng chungchang kha sawi ka duh a mahse a rem țeuh in ka hre si lo.



Ka u in a rawn ko hrang ka hlauh a an chhuah veleh chuan hmanhmawh deuhin bawihtea chu ka pawm sawk sawk a "ka lo tibuai lawk che, ka u in min lo zawn chuan hmanhmawh taka kalna tur kan neih thu min lo hrilh sak mai aw" ka ti zung zung, a hming ka lam mai dawn a ka theihnghilh tlat pek.



"Chuti tut tut tur em ni... coffee te pawh kan la in ho ang chu" a tih chuan ka țhen lui sak a "a hmanhmawh thlak ang reng a kan kal zawk mai ang" ti a kan kal chu min au ding leh a engtin nge maw ka hming a hriat teh hrep ni.



"Hriatpuia kha ka lo enchiang lawk" a tih chuan ka hawi dâwrh mai a han hnial chi niin ka hre si lo a mawi lo bawk. A rawn kal hnai a bawihtea chu a enchiang a kei erawh chuan hlauthawng zetin ka lo en reng a a rawn nui ta sak.



"A duhawm lutuk ringawt, mahse an a nei ka ti tunge ka hre maithei lo lehnghal. Tu emaw ka hriat țhan deuh nen chuan an in ang a ni" a rawn ti vang vang a ka thaw ham ham Eddie-a hming a rawn sawi ang tih ka hlauh zia chu.



"Tu emaw nen i hriatpawlh aniang" ka ti ta ringawt.



"Nia aniang... mahse ka ti tak tak ania aw a hmelțha lutuk chuan a duhawm bawk a sam ala kir zui ania" tiin bawihtea lu ah chuan a tuai sak zeuh a pakhat lah chuan alo ngaihsak der si lo.



"Min fak derna ah kan lawm e, kan kal phawt mai ang" ka ti a, inhmu leh vat ang a rawn ti a chu pawh ka chhang buai peih lo law law. In lama haw vat ka duh zawk takzet a ni, thil engkim hi a rawn thleng phut a a kal leh zung zung a tun ațanga darkar reilote ah hian enge ka tawn zel ang le.



Eddie-a hian bawihtea rawn la lawk in ka fa a nih hi ti ta se engtin nge ka tih ang..? Ngaihtuah zawm duh lo chuan ka kal chak sauh a bawihtea lah chuan ka pawm dan vang nge ni amah a kal a ngen tlat a mahse ka phallo.



Nghaki dawrah pawh kawi lo in in lam ka pan pui nghal daih a tiang dinhmun nen chuan khawiah mah kal kawi ka chak tawh lo, in kan thleng a bawihtea chu tlan lut tharh in a pi awmna ah a kal nghal a a pi bula homework zir a duh tlat țhin avangin a pi hman hun hi a chang ve ngat ngat țhin.



A thawmhnaw ka thlak sak zung zung a a lehkhabu te nen a pi bulah a chhuk thla leh nghal vat bawk.



"Bawihte...vawiin khan i pa chu i khawih theih reng ah a awm a mahse ka hmuh tir duh lo che a. I nu hian thil lian tham tak tihsual a nei a i pa en a be ngam tur pawn dikna a neilo mahse nakinah chuan a hriat hun ala awm dawn tho a chumi hma ngei chuan keimah ngeiin ka hmuh tir ang che.



I nu hian a thil tihsual te a siam țha thei tawh si lo a, i pa ngaihdam dil tur pawn a thisen hian a zuam meuh lo. Kei aia țha hmeichhia a phu a nun thar nen bul a rawn țan ngei ka beisei mahse kei erawh ka inchhir kumkhua tawh dawn a nih hi" bawihtea thlalak en pah chuan ka ti a, ka thaw chhuak ham ham.



Kan hun hman dun kha tlem in rei lo viau țhin mahse thinlung takin ka hlim a khatiang ang hlimna kha ka nei leh tawh pawn ka ring lo. Mahse dam taka ka hmu leh thei erawh ka lawm takzet ka thinlung hian amah ala beisei reng a mahse ka tilang ngam lo a lakah hian ka tlawm takzet a ni.



Zanah chuan party naah kal loh ka tum viau a chu ka nu ten kal tura min tih tlat avangin bawihtea nen chuan kan insiam ta nge nge a ka phur lo takzet mahse bawihtea tana a buatsaih a ni pah fâwm bawk si nen kal loh chu hreawm ka ti ve tho si a dam loh der ka chak thar thut mai bawk.



"Ama... ate Mami'n i rei tawh a ti..." bawihtea chuan a rawn ti lang lang "aw... ka hman țep ka lo chhuk dawn e" ka ti lang lang a reilo tura min hrilh leh hram in a kal ta bawk.



Darthlalang hmaah chuan ka in en vang vang a "huaisen takin ka hmachhawn tur a ni. Ka fapa nen an inhmu a nih pawn a nih nih ni tawh rawh se kum tam ka lo zêp tawh a an hriat a hun ve tawh pawh a ni mahna" ka ti sap ka thaw ham ham a ka sam vel chu en leh thuak thuak in inhnuai lamah ka chhuk thla a.



Ka nu te chuan pawn lama min nghah reng thu an lo sawi nghal a keipawh chu ka chhuak ve nghal bawk. Nu ka nih hma pawh khan ka taksa lang tam thei thawmhnaw ka inbel ngailo hrim hrim kekawr bul te kha vawikhat chiah ka ha ni maiin ka hria.



Keimah zawk hi ka awm thiamlo țhin a ka taksa lang tam thawmhnaw ka hak chuan saruak a awm ang hialin ka in ngai țhin. Nghawng lang zau deuh te phei chu ka ngaina lo hrim hrim a tunah pawh hian a mawi tawk vel chauhin a ni ka inchei ni.



"Ama... i van rei tak chhun a ni hman dawn țep a" bawihtea chuan min hmuh rual chuan alo ti ve nghat a ka nui hak hak "rawn luh a tum leh chiah a a phur tawh lutuk a a awm hle hle theilo a nih hi" ka u chuan a rawn ti a, zanin chu F-a'n min thlah dawn a nih hmel.



"Kal loh mai ka duh" tiin ka ngaihdan dik tak chu ka sawi a ka u erawh alo rûm nghat.



"Țhu lut hle hle rawh mi hmelhriat tir tur che pawh ka la nei, ka nau inia an hmu ve chak che a bakah bawihtea puala ka buatsaih deuh ania i kal ve ngei ngei a ngai. Kan tlai țep ania țhu lut rawh" a tih chuan peih lo zetin ka țhu lut a bawihtea erawh a phur raih raih khawp mai.



Min au reng a ka fapa bula ka mood tih fuh loh ka duh loh avangin țha takin ka chhang zel bawk.



A hmun kan thleng a an zik hut hut ka rin nen alo ni miah lo a naupang an awm ve dawn vang pawh a ni mahna le ka hriat bik loh tawp chu.



Kan inzui lut a min hmu apiang chuan min chibai sap sap hlawm a bawihtea pawh an rawn pawm kang leh nawlh țhin. Tiang hmunah hian ka kal ngai zen zen lo a ka awm thiam teh hrep lo mai.



Bawihtea chu Nghaki fate nen infiamna hmun an siam ah chuan an in fiam a kei erawh chuan a sir ațangin ka veng reng thung.



"Inbe lawk ila" ka sir mai a aw ri ka hriat avang chuan ka phu deuh zawk a ka beisei lo takzet "a pawimawh vak loh chuan tah hian sawi mai la bawihtea saw ka kalsan theilo" tiin dik takin ka chhang a en pawh ka en ngam lo.



"A pawimawh alawm, kan rei lo ang Hriatpuia chu midangin an lo thli thlai mai ang" a ti leh a, a sawi zawh rual chuan bawihtea bulah chuan hmeichhe pahnih hi an ding nghal a tunge an nih ka hrelo mahse Eddie-a tih a nih chuan an rin ngam tih ka hria chuan bawihtea hming a lam ri ka hriat rual chuan engtin emaw ka awm raih raih mai.



"Rei lo ang" tiin ka kalsawn zui a kei pawn biak ka duh ve tho a tunah hian engkim sawifel vek ila a țha ni mai.



Corridor-ah kan ding dun a țawng hmasak ka tum lo ve tawp "khawnge i pasal?" A tih chuan ka thâwk te hi a tawp dawn hial a ka hriat chu.



"Ngatan nge i tih?"



"Ka hmu duh" tih zawng a sawi leh.



"Vanduai thlak takin alo kal ve lo, a hna lamah a buai deuh a" tiin dawt ka sawi leh tawp, amah ka en chu alo ner sawk a enge ka hriat ka hrelo.



"Thu pawimawh deuh i sawi dawn a nih loh chuan ka kal duh ania" ka ti a, a thaw hawk a "pasal ila neilo tih ka hria chuan Hriatpuia saw tu fa nge?" A thusawi chuan min țhawng tawp a ni mai.



Khawi ațangin nge pasal ka la neilo tih a hriat ka hrelo, hlauhna in min rawn luhchilh a "i hresual niin a lang, tu fa mah a ni lo ka pasal nena kan fa a nih saw" tiin dawt ka la sawi ve hmak a nui hawk a.



"Pasal nei lo in engtin nge fa i neih theih tih ka ngaihtuah, mihring danah chuan thil tih theih loh hlawm tawp thil a ni ka fa a ni em?" A rawn ti ta chat reng a ka thinphu ri hi a ring tulh tulh maiin ka hria.



"Ka pasal nena kan fa ka tih chu a bak engmah a awm lo" ka la ti fan, ka kut chu ka hûm ruh nghek mai a.



"Chu chu âwih turin min duh em?"



"Aw"


"Vanduaithlak takin ka âwih lo, engvanga ka chunga thinrim nge inih?" A rawn ti hmuk, kan boruak hi a hahthlak ru takzet.



"Engvang mah in ka thinrim lo" ka ti leh ringawt, ti ringawt hi chuan thil a sawipui theih dawnin ka hrelo keimah zawk ka thinrim dawn a ang tlat zel.



"Ka hmeichhe rawn hruai avang kha a nih chuan ka sawifiah thei ka bialnu a ni lo" a tih chuan ka nui hak mai, a chhan ka hrelo chutih rual erawh chuan engvanga ka laka la insawifiah tum țalh nge maw a nih le min hua a min kalsan tur a ni zawk asin.



"Insawifiah a ngailo e, ka kal zawk mai ang bawihtea ka ngaihtuah tawh" ti a kal ka tum chu min au ding leh.



"Min kalsan luih țalh tum lo teh ka tihpalh takzet, ka sawi tawh kha ka bialnu a ni lo zan khat chauh hun ka hman pui"



"Zan khat chauh huh! A sawi pawh i sawi ngam zawk hle mai a ila zak miah lo lehnghal ania....." ka sawi zo hman lo "anu..." ka fapa aw ri ka hriat avang chuan ka tawp leh rih a ka awmdan chu siam rem zung zung in nui sâng in ka hawi let a kawngkhar bulah chuan alo ding reng tawh.



"Lo kal teh le bawihte" tih pah chuan ka lama kal turin ka hui phei a hmanhmawh zet hian a rawn tlan ve a "ah.... ama hei enteh apa thlalak ang chiah chiah kha hetah hian a awm" ka fapa in mak tih hmel zeta hnunglam thlek hâ pah a a tih chuan ka awmdan ka siam rem nghal zat a thup reng a țulna ka hre tawh bik lo.



Ka inthup rei tawh viau bawk e thleng tur chu a thleng zo vek tawh.



"Um... heihi a pa tak tak kha alawm. Le, a pa bulah hian i hming te kha hrilh rawh le" a hnung a chul zeuh pah chuan ka ti a a pa chu a melh chho ve kiau a Eddie-a hmel a mak tihna lang chhuak bak bak a hmuhnawm a awm lo.



"Hey Daddy" ka fapa chuan lai zet hian a ti chhuak a.



"Daddy" tiin Eddie-a chu a phun ve sup.

(Ka kal tir zung zung tawh aw)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:04 pm

HEY DADDY CHAPTER - 27

Ziaktu : Mami pachuau



"Daddy" tiin a fapa in a koh dan chu a phun pui leh sup a, a hmel a mak tihna leh a mitmeng a zawhna rawn lang zut zut nen chuan muang ruih hian min rawn en a kei pawh chuan ka lo en ve reng.



Bawihtea lah chu a lai leh hnuhnawh nge maw ni min rawn nêk țalh țalh a, ka țhu chu ka kawr hakah rawn vuan tai in "amâ..." a rawn ti zâwi sep a, ka en chu a kutțang a kâ ah alo dah lut a ka pawh thlak sak vat.



"Zawhna i ngah ang tih ka hria alawm ka zêp reng theih ka ring chuang lo mahse heti tut tut hian thil a thleng ang tih ka ring bik lo a. Kum tam tak hnuah kan inhmu leh chauh a chuan mahse keimah chauh nilo in nangmah ang em em nen min hmu dun a, amah chauh pawh hian hmu che sela a hai dawn lo che a nangpawn i hai ka ring bik chuang lo" Eddie-a pawh en lem lo chuan ka phun sap.



Bawihtea lai leh hnuhnawh lutuk chu nuih var var in a biangah chuan ka piai sak zeuh a, nui sêih in ka nghawngah a hmai a rawn phûm ta kâk a. Eddie-a chu ka en a a țhawng in a hamhaih bawk aniang ngawi rengin kan nufa chuan min lo melh ngawt ngawt mai.



"Bawihte... Daddy i hmuh veleh a i sawi tur min hrilh țhin kha tunah chuan hei Daddy tak tak alo kal tawh a i sawi thei tawh ania" ka fapa hnung a chûl zeuh pah chuan ka ti a. Eddie-a bawk chu ka melh chho leh.



"Zan tin a mut dawnin i thlalak a en ziah ţhin a, a țawngțainaah Daddy min hmuh tir vat rawh tiin a dil ziah țhin. A mumanga a hmuh chang che chuan a thiam ang tâwk in a pi leh a pu bulah a sawi ve châmchî țhin a. A mutchhuak țawh lutuk țawng niap niap tawh hian a hmuh theih veleh che a i bula a sawi hmasak ber tur a sawi ziah țhin bawk" ka tih chuan sir lam a inher vut pah in van lamah a dâk chho a a thaw chhuak ta hawk hawk.



Chuta a rawn hawi leh a mitmeng chu rei en har ka ti, a vawt raih a thinrimna leh thlakhlelhna hreawm tihna zawng zawng hi a indawt zut zut in ka hmu ni berin ka hria. A meng sen ta rûm a "engvang nge?" Sawi zawm lo chuan a ngawi leh ta daih, hui pap in a thaw chhuak zui hawk a.



"Nakinah i zawhna chhanna chu ka pe dawn che nia" tiin ka fapa chu zâwi muang in ka taksa ațang ka la hrang riai riai a "lo kal teh le bawiha" ti a a pa aw in a rawn tih rual chuan mangan hmel zet hian a mitmeng lian zet chuan min en let ve ta kiau a.



"Amâ..." a rawn tih rual chuan nui var var in ka lo bu nghat.



"Umm.... va kal rawh le, ama hian ka hau tawh dawn hleinem che, va kal rawh ka phal vek tawh" ka tih chuan a kâ ah bawk a kutțang rawlh lut leh in muangchangin a inher ve a. Ka fapa in lai zeta a pan phei chu thaw hawk a lo pawm kân nawlh pah in nghet zetin a kuah zui nghal vawng vawng mai.



Ka ding chhuak vat a, hnunglam hawiin railing chu ka bawh a keipawh ka thaw ve chhuak ve ham ham "Daddy" ka fapa in a ti leh sep țhin ri chuan min nuih tir ta sak. Ka fapa a țawng leh zeuh țhin tih loh chu reilotê chhung khan thawm engmah a chhuak zui miah lo.



"Bawiha, mommy phone a Daddy thlalak awm chu ka hmuh ve i phal em?" Eddie-a țawng ri chuan a hma ang tho in chhunglamah min fan leh raih raih tawh "aw lo kal rawh inchhungah a awm" ka fapa in phur lutuk a a tichhuak chuan min nuih tir ve sak a. A hmuh ngai loh te bulah chuan be châm chî in a thil duhzawng tak nen pawh thlem mahse a kal duh ngailo.



Tunah apa nitin a thlalak a en țhin vawikhat a hmuh naah pawh a hai loh awlsam taka a nêl nghal maithei hi ka dem hran lo. Ka inher a an pahnih a inchhung lama an in pawm lut chu ka en zui reng a hnunglam ațang pawn in ang hliah hliah tak an ni ringawt.



Thaw hak in van lam chu ka hawi chho a, eng nge kan chungah hian thleng leh zel ang. Ka fapa hi min laksak tum in ka hnen ațangin lak hran tum ta se.... nilo, chu chu ka phal ngailo ang engtikah mah ka thlen tir dawn bawk hek lo ka fapa hi a nu tello chuan khawiah mah a awm ka remti lo.



Min laksak tum tu te chu theihtawpin ka bei let zel ang engtikah mah ka fapa hi tuman ka lak ațangin an la hrang dawn lo ka phal ngai bawk hek lo ang.



Rang zetin inchhung lamah ka tlan lut a kan țhutna lam pan in ka kal nghal hlawk hlawk a. Kan țhutna zâwn ka thleng chiah ka thil hmuh avang chuan ka ding zui chawt, Eddie chuan a malchungah pawm in ka fapa ka phone en chunga thil sawi niap niap chu thlakhlelh hmel zetin a lo thlir reng a.



An pahnih chuan an nui leh hek hek țhin "an a nei ka tih kha ka sawi dik.... chuan amah pawh ka hre tawh" ka sir mai a aw ri avang chuan ka phu zawk a, ka en phei chuan Felori kha alo ding reng a. Ka fapa leh Eddie-a nui leh hek hek țhin chu alo thlir ve reng.



"Apa a ni tiraw? Ti sap in min rawn en a, kei erawh chu ka hawi sawn nghal vat.



"Kan nau a saw ka hrechiang alawm, vawiin lama a thil min hrilh ațang khan rin dan ka lo thiam mai lova. Hriatpuia lah sawn an a nei ka ti lutuk a mahse ka hrechhuak zo silo, mahse sawtia han hmuh takah chuan hmeh bel chawp pawh a ngailo reng reng. L.A lama beidawng zeta a rawn kir leh hnua hlimna avanga a nui hmel ka hmuh leh vawikhatna a ni" a rawn tih leh chuan amah chu ka en lehnghal dâwrh mai.



Min nuih sak pah in an pafa țhutna lam chu a en phei veleh a "i hria em ka hrelo, saw mipa thinlung sak lutuk țhin saw nang hian i țawngkam khat lek khan i vuak keh sak vek asin. A rawn thleng te chu mu leh mal pawh a nei lo a beidawng lutuk khan puhmawh tur a zawng kual ruai a kei nen pawh vawi tam kan insual phah. Aruattei leh Ramsanga awm lo phei se chu keimah chauh kha chuan enkawl dan ka thiam hauh lo ang" a ti a, a thusawi lai reng chuan amah chu ka en ngar ngar a khawngaih hmel zetin Eddie-a chu a en bawk.



"Ka duh vang pawh a ni biklo asin" ka ti sap, a rawn thaw ve ham ham a.



"Ka hria, in dâwihzep dun lutuk a in thinlung lah in pawm ngam dun hek lo. Khang kum 4 chhung lek hlim taka in khawsak theihna tur pawh a tichhe tu chu nangmahni bawk. I hria em? Eddie-a sawn amah i hriat ve hma hauh ațangin a Hmangaih tawh che mahse a pawm ngam ngai lo a tan chuan i sang a ti fo țhin. A theih ang tawkin a venghim ve che a darkar reilote chhung lek pawh a i chanchin a hriat theih loh hlek in ka bulah a rawn kal a a information dawn țhinna zawng zawng apps kan block sak leh thul. Chutiang reng reng chuan a khawsa a a rank pawh a up hleithei ngailo" a rawn ti leh.



"Tunah hian amah hi Police in a hming lem hmang a an zawn mek a ni tih i hria em? Drugs, tualthattu" tiin min rawn melh. Kei erawh ka meng nghal kâwk..!



"Ka... e... eng nge i sawi awmzia chu?" Ka ti nawk nawk.



"Pawn lamah aw.... amah saw chuan engtikah mah a hrilh dawn lo che a chuan ka hnen ațang hian hria la ka duh" tiin a bula hmeichhe pâ zet ding chu țawng dangin eng emaw a hrilh zeuh a chunu chu bu nghat in a kalsawn zui ve mai bawk "min lo zui la" a rawn ti leh, ka fapa lam ka hawi a Eddie-a nen bawk an lo la awm.



"Ngaihtuah suh.... buaina engmah a tawk lo ang, veng tu tur an awm alawm. Chuan hlauthawng suh kan nau a fa a ni a tumah hian hliam chhete a neih pawh an phal lo ang an en zui reng ang" ti sap in pawn lam chu a pan a, ka hawikual a nichin a ka hmuh hmeichhe pâ zet zet ho leh mipa hian Eddie-a te chu hlat vak loh in an vil reng a tam tak chuan party chhim satliah emaw an ti maithei.



Thaw hak in Felori kalna lamah chuan ka phei ve ta ringawt a pawn lamah chuan a thim laiah lo ding in meizial alo zu khu hlat hlat mai. Chu pawh chuan min țhawng lutuk ringawt, ka en reng tih a hria nge ni rawn hawiin a nui sak a a meizial chu nawr hlum nawk nawk in a lama kal turin min hui zeuh.



"Mak iva ti âwm ve" nui var var chungin a rawn ti leh a, han chhan mai dan tur ka hre hauh lo "mak ti suh kum 19 ka nih ațang tawh in L.A lamah ka khawsa tawh alawm helam hi chu țul tawp khâwk ah lo chuan ka rawn kal ngailo ka bo ang reng viau bawk a" a rawn ti a, harsa zetin ka nuih lui hram bawk.



"Nichina i thusawi kha" ka ti sap a.



"Aw ni tak e. Eddie-a hian a hnathawh a hrilh vek tawh che tiraw?" A tih chuan ka bu nghat nghat a, khu lama thinrim zeta a thu min hrilh lai kha ka ngaihtuah chhuak nghal zut zut. Tichuan tihian a sawi ta a.



"Pindan thim ah an khung a thinrimna leh mumal lohna nen inchawhpawlh in training khauh zawk a hmachhawn a kum chanve pawh a khawsa lo reng. Boss chuan heti hian ka bulah a sawi a 'hetiang reng reng a a awm a nih chuan ramsa kawlh ah a chhuak lo ang tih a sawi theih loh' tiin. Amah enkawl turin min dah chawt a misual rothap zet nen nitin tân in a khung dun ang reng kan ni.



A nun zia, a zaidamna leh a dawhtheihna zawng zawng a hloh vek a, ramsa ang chiah a ni a khawngaihna a neilo. A kawng daltu apiang chu a thah loh leh an taksa peng pakhat tal a tih khawloh sak țhin. A thinrimna a inthunun tira kei nen pawh kan insual chang a tam viau bawk. Chuvang reng chuan kum chanve pawh a khawsa lo a rawn chhuak chu tawrhhlelhawm tak a ni, a thin an tih rim chuan ramsa kawlh zet ang chiah a ni mai. Hetiang anga rawn awm leh tur pawh hian hun a duh reiin kan bei rei asin a rawn pangngai leh a mahse a mizia tlem a zawng erawh a dang ta hlauh thung. A kaihza vengtu ka ni a tunah chuan Boss tih loh ah chuan a lal ber a ni tawh a chungah eng emaw hlek a thleng a nih chuan kan vaiin kan tuar vek ang" a ti dap dap.



"A hna hi a bansan thei lo em ni? Tual a that kher lo theilo em ni? A nih loh pawn heng zawng zawng hi bansan in nun thar in bul a țan thei thlawt lo em ni? Hna dang a tam âwm nen ngatinge hetiang kher kher hi a thawh kher a?" Ka ti ta thlâwt..! Tual a that a vertherna nen a nun a hman zawm zel chuan setana nen eng nge danglamna an neih chuan.



"Amah pawh hian a duh alawm mahse chhuak tur chuan a tlai tawh lutuk. He hna an zawm dawn hian intiamkamna an nei vek, police pawn man se reilotê ah an chhuak lehnghal zel thei" a rawn ti leh a, hmalam chu hawi in ka thaw chhuak ham ham.



"Dik tak chuan ka hmuh leh pawh ka inring tawh lo, a chanchin ka ngaihven pawn a them pawh hriattur a awm hauh si lo a mahse hei tunah kan inhmu leh hlawl a keimah chauh in min hmu tawh lo bawk. Khami ni khan ka rai leh rai loh min zawt a mahse ka rai loh thu in ka chhang thung a ka rai thu hrilh tur khan huaisenna ka nei tlat lo a nih chu. A hnathawh leh min lo venhim tawh dan zawng zawng a sawi khan min ti â vek a amah kha min hlauh tir hman hial, mahse Mizoram kan thleng chho a hmeichhe pakhatin amah va bia a dang turin min hrilh mahse ka biak meuh chuan a lo tlai tawh lutuk a" ti sap in hmalam chu ka thlir vang vang.



"Kan pahnih inkara thil thleng hi chu ka thiam loh bak a awm ngailo tuna mi pawh kha ka thiam loh chiah ania. Tun thleng hian nangmah tih loh chuan amah nen hian inzawmna kan nei tih an hrelo, bawihtea pa pawh hi tuman an hrelo ka nu emaw ka pa ka țhiante tak ngial pawn" ka ti leh chiah chu.



"Tumah engmah i hrilh lo amaw...? I zêp char char amaw?" A rawn ti nghek, nui sak in ka bu ta nghat nghat a.



Thaw hawk in hnunglam bang hit thler chu ka ngheng a "ka chhungte hian hre ta se an pawm ngam ka rin loh vang a ni, an ngaihdan tak ngial pawh ka la ngam lo. Nau ka pai tih an hriat khan khati khawp khan an rilru ka hliam in an thin ka tirim tawh a naute pa an hriat leh lek phei chuan an ngaihdan tur ka ngaihtuah ngam lo"



"Eddie-a chu i zahpui tihna em ni?" Min demna aw kâ a rawn chhakchhuak ve ta.



"Nilo e.... ka zahpui ngailo engtikah mah ka zahpui ngailo ang. Ka nu leh ka pa hian an pawm theih ka rin loh vang zawk ani a rilru tihnat ka duh lo...." ka sawi zawh hma hma chuan "i kalsan khan a rilru a nâ in a kehchhe daih tawh" alo ti hmanhmawh.



"Kawng awmchhun ni a ka hriat vang a ni. Amah pawn zawhna a ngah ngawt ang mahse engtin nge chhan dan tur ka hrelo. Bawihtea saw min laksak tum ta se... ka phal lo ang heti chen ka lo enkawl ve tawh a a nu lak ațang hian tuman an lak hran ka remti lo" ka ti zui hmiah.



"Lak hran ai chuan kawng dang a hriat zawk ka ring. Ila Hmangaih em?" A rawn ti zui sap.



Ka maimichhing a ka chhang tawh lo mahsela; kei chuan ka hmangaih reng ang mahse a ni nen chuan kan awmdun a rem tawh lo, a ni chuan kei aia hmeichhe fel leh țha a phu zawk. Kei chu heti hian awm reng ila inchhir reng reng in nun hmang ila ka duh zawk. Eddie-a hnawl phet ka tum vang a ni lo ka pa hian mihring thisen hmang a infiam ang chi te leh drugs hmang a sumdawng țhin a haw lutuk takzet.



Inchhunga ka luh leh chuan kan țhutna lam kha ka pan vat a, bawihtea chu Eddie-a âwm a bei kâk chungin alo muhil sâk sâk a Eddie-a pawh chuan a samah chûl in a khât tawk in a chhipah a fawh sak leh vang vang țhin.



"Ka ngaihna che pawh tih lan a rem silo" ti sap in an pahnih lam chu ka pan phei a, amah pawh hi pawh harsa ka ti tawh in a bula awm pawh hi ka inthlahrung zawk takzet. Ka hmu leh hi ka lawm rual rual in engmah tih lan ka duh silo ka ngaih zia pawh ka tih lan a rem tawh hauh si lo.



"A muhil daih elaw?" Tih pah in an bul mai ah chuan ka țhu thla a ka țawng hria in a rawn hawichhuak vut min rawn en zawk a mahse a fapa chu a thlir lehnghal daih.



"Khawi ka lo pawm zawk ang, a tibal mai mai ang che bakah a mutthilh chuan hawpui vat ka duh hritlang a kai hma bik a" ti a ka ban chu ka kut zawk rawn vuan in a hmer deuh vang vang.



"Keiman ka thlah ang che u, chumi hma chuan inbe lawk ang" en pawh min en lo chuan a phun sup.



"A muhil bawk sia tumah awmpui tu tur an awm lo duh leh naktukah ti zawk ang" ka tih chuan alo rûm nghut mai.



"An venghim ang tuman an khawih ka remti dawn lo, pem pakhat pawh a neih ka remti ngailo ang" a rawn ti nghet charh, ka țawng veleh hma hauh in a sira hmeichhe pahnih ding chu a hui zeuh a. An lo thlen veleh țawng danga eng emaw hrilh zeuh in bawihtea chu pakhat hian a rawn ban ta chat.



"Khawih suh" tih pah chuan a banah ka lo vuan vat a, chunu pawh chu a tawp chiang mah mah.



"Jane" Eddie-a pawh chuan a rawn ti ve hluk mai.



"Ka fapa hi khawiah mah in hruai ka phal lo, ka awm chhung chuan khawiah mah in hruai lo ang" ka ti zâwi țhat, ka thusawi chu hrethiam lo tih hriat zetin Eddie-a chu a melh leh zak zak țhin.



"Jane.... khawiah mah an hruai dawn bo dawn lo. Kan inbiak chhungin room-ah an lo awmpui ringawt dawn" Eddie-a chuan a rawn ti sup a.



"Hmelhriat țha lo bulah ka fapa hi a awm ka remti lo, an lo hruai bo daih thei a nih loh pawn a chungah thil țhalo tak an ti thei. Hruai bo ilo tum daih thei bawk chuvang chuan ka bulah lo chuan a awm dawn lo khawi min rawn pe rawh" ti a ban ka tum rual chuan a thawh kân pui ta nawlh mai.



Ka ban rêk ah chuan rawn vuanin min pawt tho ve nawlh a "min lo zui rawh, a him ang tih ka tiam a che" ti sup in țawng ve hman pawh awm lo khawp in min kai chhuak nghal dawr dawr. Bawihtea tih harh hlau lo zet ilang chuan ka theihtawp ka chhuah ve ang mahse a muhil tui lai a rawn harh chuan a suak pâk vek zela thlem a harsa thei lutuk a chuvang zawk chauh chu a ni.



"Tikhan a țha em?" Bawihtea hotel room pakhat a khumah mut fel in rizai a sin thir thân a kei erawh a sirah ka lo ding ngawi reng "kawngka kalh ula pawnah lo awm ang che u" hmeichhe pathum awm ve reng chu English-a be zeuh in chumi te pawh chu an chhuak zui nghal a kei erawh khum bulah chuan ka lo ding ngawi reng.



"Kan inbe thei tawh em?" A tih chuan ngaih țha zân lo in room vel chu ka thlek kual a a thaw hawk ri in a rawn zawm ta zat.



"Hahdam deuh khan awm rawh, engtikah mah bawihtea hian hliam chhete emaw a neih pawh ka phal ngai dawn lo" thutak zet hian a rawn ti a, min rawn pan hnaih rual chuan ka lo tawlh ve dat a a rûm nghal hrâwih..!



"Ka hnaih tak ngial che pawh i duh tawh lo a ni maw...? Chutiang khawp a ka hnaih pawh duh lo turin i chungah engthil nge ka tih?" Vawt raih hian a rawn ti a.



"Chutiang lam a ni lo" ka lo ti leh hnuhnawh ringawt.



"A nih chuan ngatinge hnaih che ka tum apiangin min hlat san zel. Eng nge ka tihsual Jane..? Nang ang in fapa ka nei tih ka zêp ve em ni?" A tawp lam chu a ri zâwi lutuk. Amah ka en chu a mitmeng beiseinaa khat chuan min lo en rûn rûn a.



"Ka haw duh zawk" ti a amah kalpel tum a ka kal chu min pawt lâwp in nghet lutuk in a âwm ah min kuah bet zui nghal chawt...! "Min thlah teh Eddie" ti sap a ka tal nawk nawk chu engah mah ngailo tih hriat fahran hian nghet lehzual in min kuah bet a. Ka kut ka phut zeuh chu hria in rang lutuk in a man bet a ka hnungah a hûm khawm nghal vek.



"Ka ngai che Jane.... a rei tawh lutuk" zâwi lutuk a ka beng bula a rawn phun sup rual chuan ka che chu ka tawp nghal riai riai "ka ngai lutuk che" a rawn ti nawn sup, thaw ham ham in ka bek ah a rawn fawp zui vang vang a.



"Ka ngai lutuk che hi ka â lo chauh asin" zawi tê tak tak in a rawn ni nawn leh, ka maimichhing sawk a ka bek a a rawn fawh leh vang vang rual chuan ka mittui a hnâm chhuak nghal țiam țiam mai.

☆ Aw le, hun rei tak hnuah ka rawn lang ve leh hlawl a chawlh rei nen in beisei a pha kher lo maithei a tuna mi hi chu a ngaihnawm loh chuan lo chhiar liam puat phawt mai teh u😁 zan kar thlakin ka dah anga ka dah chhunah regu theih viau kan tum anga zawh vat kan tum dawn nia aw... enjoy 😊


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:04 pm

HEY DADDY CHAPTER - 28

Ziaktu : Mami pachuau



"Min haw tur zawk ini asin" insût hlap hlap chungin ka ti a, thaw chhuak ham ham a min kuah nghet sauh in ka bek ah chuan a rawn fawp nawn leh vang vang a a kawr hnungah țham zui nghek in a âwm chu ka chal in ka nawr ngawt ngawt.



"Ka huatna che thlen thei tu chu thihna chauh a ni tur a ni. A chhan chu rapthlak khawpin ka Hmangaih tawh che, ka hlat a awm i tum nasat poh leh ka hnaih zual zel ang che i duh emaw duh lo emaw, mi â ang maia min nuih tir thei tu hi thihna chauh lo chuan ka lak ațangin an la hrang ngailo ang" a thusawi nghet mar țha lutuk chuan a âwm chhung ațang chuan min nghawr dur dur.



"Khami ni khan... ka rawn call che a mahse khanu khan pindan thim a i luh tawh thu min lo hrilh a...." sawi zawm lova țah insum zeta ka sawi rual chuan a kawr nghak hnung chu ka hmer ngawt ngawt.



Rûm nghut a ka dar a rawn vuan a min nawr hlat a tum rual chuan lu thing nawk nawk chungin ka kuah nghet zual sauh.



"Bawihi" ti a thaw chhuak ham ham in ka tukhumah chuan a rawn dawm a.



"Reilote chauh min kuah leh lawk rawh" ka lo ti țiau. Țah ka insum luat ah ka hnar chhung te hi ana vek thei hial.



"Reilote.... hrep a..! Engtiang chen pawh ni rawh se zanin hian ka taksa hlat ah i awm tur a ni hlek lo" a rawn ti hrâwih..! Mit chhing sawk in ka biangah mittui an luang zung zung a.



Nghet lutuk a min kuah in ka bek ah rawn fawp in a thaw chhuak leh ham ham țhin. Ka thlahlel ka pha miah lo, a taksa hi ka thlahlel lutuk hetia dîpna tel miah lova ka kuah leh thei pawh hi ka ringhlel rum rum.



"I taksa kuah leh hi ka thlahlel thei lutuk, mahse suangtuah ngam tur...." ka sawi zawh hma hauh a thaw hrawih in ka darah a rawn vuan a tlem a min nawr hla hlek in a kutphah lum vung vung chuan ka biangah a rawn khuap nghal vut a, thlahlel lutuk in ka lo vawn hnan nghal chawt.



"Ka tihpalh, ka tihpalh takzet. Nangmah mai a ka awm tir rei lutuk vang che leh ka rawn let har lutuk avangin ka tihpalh takzet" ka mit leh mit inkara fawh pah chuan a ti sehchilh nawk nawk.



Mittui kar ațanga nui sêih in a kut chu ka biang chuan ka nawr leh țhin " Ngatinge ngaihdam min dil reng bik, ka tihsual ah pawh ngatinge nangman ngaihdam min dil. Ti tur pawh ini lo" ring taka sawi chhuah ka tum a mahse ka aw chu a zuih ral țhak.



"Nangin a ngaihdam min dil hun tur chu ka thih dawnah chauh i hrethiam em...? Ka dam ve chhung chuan ka laka i inthiam loh avanga i ngaihdam dilna ka hre duh lo min kalsan phah nan i hmang palh thei. Ka lak ațang hian engthil mah in an la hrang dawn lo che" a rawn ti hrâwk...!



"Tum lui..." ka sawi zawh hma hauh in ka hmui a rawn khar chilh zui hmiah. Duhthawh lutuk a min fawp tawn tawn in ka kâ chhungah a lei a rawn hâwl lut ruai a, min fawh dan chu ana lek lek thei hial. Thaw chham lek lek a min fawh hnuah in la hrang hlek in ka hmui hnuai a rawn pet leh zauh.



Ka hmui sa vung vung chu dîm tê a nawr leh vang vang in "ka mitah min en rawh" a chet dan dam lutuk nena inmil lo zetin a ti hrâwih, ka bek a dawmna a ngheh țhat danah a thâ a pe na hle tih ka hre thei.



"Bawihi..." a rawn tih leh rual chuan muangchangin ka meng chhuak riai riai a mittui kar ațangin a hmel chu ka hmu phe ruai.



"I tum lui a nih chuan ka in that duh mai ang. I hria em...? I tel ve lohna hmunah rei ka awm peih bik lo, thi lek lek a awm ka duh tawh lo. Ka mitthlaah i hmel a lo lang a, i hmelțha zet leh i nui hmel, i engkim mai an rawn lang zut zut a ka ngai a ka thlakhlelh êm avang che in vawikhat tal hmuh leh theih che beiseina nen hun hman ka duh tawh lo" ka chalah a chal in a rawn nawr ngawt ngawt.



"Ka kiangah awm reng la, chu thil chu a theih dawn loh a nih erawh chuan ka taksa a tur hlauhawm ber chiu luh a thih bak hmabak ka neilo, nangmah nen suangtuahna ka din țhin a i tel ve theih lohna hmun suangtuahna chu hmun khawhar a a chan ka phallo.



Ka vawikhat hmuh naa belhchian ka chak nghal em em leh suangtuahna mawlmang zet min neih tir tu ini a, nang chiah hi suangtuahna ram min dinpui thei tu ini. Hman ațanga tun thlengin an la danglam lova an danglam ngai hek lo ang" a ti nghet churh churh.



Sawi ve tur reng ka hrelo, ka kha hi a chih vek ni berin ka hria. Hmangaihnaa khat mitmeng a min melh tu chu ka en ngawih ngawih tawp ringawt.



Ka chal ah rawn tauh dat in, ka mit hnuai chu a fawp vang vang a.



"Chuvang chuan i inthiam lohna kha paih bo la, ka fapa leh ka Hmangaih kianga hun ka hman min phalsak tawh rawh. I thinlung ah khan min dal tu tur an awm lo a nih chuan kumkhua leh chatuan atana ka luh nawn theih nan min pui la. Natna ka pe ngai hauh lo ang tih hrilh rawh" rul ruih, zawi fiah rat si a rawn tiin min fawp vang vang a.



A kut ka vawn hnan chu hmer ngawt ngawt in tîm dai in ka hmui chu ka ti che ve a, rûm hrâwk a a ai uar a min fawp tawn tawn in a lei chuan ka hmui a rawn nawr kau a, dal tu awm hauh lo in a lalna hmunah ngei chuan rawng a rawn bawl leh ta chiah.



Tikhan eng chhanna nge ka pek a hriatthiam ngei ka ring.



Ka inchhir lehna tur tih ka hriat reng pawh a ka thil tih kha min hmuhsit nan hmang zawk hlauh sela chuan ka thi dawn emaw amah ka la lut leh dawn a nih pawhin ka hah a ti dam tur.



Mahse a tawrh nasat zia hre reng chung si a ka tihchhiat sak vek a thinlung chuan min la ngaidam fan a khi zau lutuk ka siamsak kha engin nge hnawhphui sak ka hrelo. Hmangaihna a nih ngai ngat chuan chu Hmangaihna chhan let chu ka tihtur dik tak a nih ang ngeiin hnawl ngam tur zia zâng ka lo nilo.



Hmangaihna hian nghaktu a țang turin thahrui leh dawhtheihna alo ngah hle a nih hi.



☆ EDDIE LALRUATSANGA POV ☆

"Khati khan min melh tawh lo teh" Jane-i inchhirna mitmeng a min thlir ngawih ngawih tu chu ka tih khum nghut.



Lu thing nghat in a maimichhing a a nui zui sêih bawk, a hmui nalh lutuk saw seh sak ka chak zia lah chu pui tak a ni.



"Engtin nge ka melh che a...? Hmangaihna tam tawk nen ami ka melh che" ti sap in a mitmeng mawi zet chu a rawn meng chhuak riai riai a, ka thaw hawk.



"Chutiang tur chuan ka duh, mahse zaninah ringawt pawh ka duh loh zawk ka hmu zing hman viau. Ka sawi chian viau tawh kha" bawihtea ka pawm sawi țhat nawlh pah chuan ka ti hluk, sawtianga min melh reng a tum a nih chuan a mit tuam sak a pawm kual reng pawh ka hnial fahran hleinem mawle ah.



Theih ngat se chuan bawihtea hi nghah lawk a a rilru awm paih bo vek tur khawpna chet lak rum rum ka duh, mahse he room ah hian kan tawm reng theilo, ka thil duh erawh ka in a ka hruai haw hunah ka ti lo ang tih pawh ka sawi leh theilo.



"Khatiang khawp a thinlung kak zau ka siam sak chung che pawn engtin nge thinrimna mitmeng leh min thah chak hmel ila put loh tih ka lo ngaihtuah mai mai...."


"Rodingpui" a sawi zawh hma hauhin ka ti hrâwk..!



"A chhan chu ka Hmangaih vang che in. A chiang tawk em...?" A nui zui hak nângin a hmelah sawn a rilru a nat zia ka hmu tlang thei hial.



"I fapa kha i ti harh ang e" zângkhai zeta ti leh in a rawn ding chhuak a, kan lam pana a rawn kal chu ka lo melh reng.



"Khawi ka lo pawm ang, a rit si" ti a rawn ban a tumna ban rek ah hmer chawtin ka lamah ka pawt hnai hrâwk a ka kawngah ka kuah zui hmiah, ala phu zawk zui leh ta nghal.



"I hmel leh i mitmeng a lang chhuak kha hmuh nawn leh ka duh tawh dawn hauh lo ania, i ti bo thiam dawn lo a nih chuan keiman a tih bo dan chu ka thiam khawp ang" ti nghutin a hmui hnuai chu ka pet zauh, ui ru zeta thlah in a chhipah chuan ka fawh sak vang vang a.



"A harsa ve alawm" a rawn ti thâm chêl, ka thaw hawk mai.



"Thil țul miah lo i ngaihtuah vang teh hrep a nih kha. I dinhmunah ding ila chu ka ti ve tho ang a ngaihdam min dil in rawn kal ta la ka ngaihdam theih che ka ring lo. Chuvang chuan keiman ka tih reh sak hun che nghak la a bo vek ang tih ka tiam a che" ka ti sup, maimichhing chungin a bu nghat nghat a ka thaw chhuak zui suai suai.



Room ațangin kan in zui chhuak a, ka kianga a kal chu ringhlel zetin ka en leh vung vung țhin "i tlu nge" ti sap in nalh zet hian a nui zui sêih a. Fawh nawk nawk ka chak hial mai, duh ai chuan ka thisen a ti lum hma țhin chu a ni e.



"Awih har ka la ti a nih hi" ka tih chuan "kei pawh" ti sep in a kawng ka vawnna ka kut chu a rawn hmer ve vang vang a.



Beiseina nena kan ram ka rah leh hian hlimna tluan tling min pe dawn tih hre lawk ngat ila chuan a hma daih tawh khan ka thlawk haw vang vang tawh tur ania. Chuan, ka Hmangaih kiangah hun ka hmang daih tawh tur, rilru in sual buai nuaih chunga ka tei kual țhinna leh amah ka dem vekna kha ka Hmangaihna bawk khan a hnawl kiang leh țhin.



Eng ang pawhin huat tum in bei mah ila ka Hmangaihna chuan a hneh zawk fo. A dingmun ngaihtuah a a mittui tla tur ka ngaihtuah khan ka in sehru ngawt ngawt țhin ka thinlung lehlam in amah avanga ka tuarna zawng zawng min hrilh chamchi a lehlam lah in a pawm thiam tho lova ka hmangaih chu ka huat hlen mai phallo in khi chat nasa lutuk karah pawh a do ve țang țang a.



Lo haw hlen in lo kalsan ta ila tun hun hi ka thleng tawp in ka ring lo.



"Eng nge i ngaihtuah..?" Ka hmaa kut tih rik tlak ka hriat rual chuan ka ngaihtuahna ata ka harh zawk, bawihi chuan mitmeng lian kel kawl lian min lo melh reng a "eng nge i ngaihtuah a..?" a rawn tih chuan a țawng zawnga a hmui che niap niap chu insum hman lovin ka pet leh hman tawh.



"Amak ee kan hnungah an din ve reng khi" tiin ka darah a rawn chûm zui țawlh "i ti zahthlak thei lutuk" ka thlah rual chuan a ti hlar. Hnunglam ka hawi a ka nau te chuan min nuih var var in mit min siai khum zauh.



An pu hi ka lawm zia min hriatthiam pui ngeiin ka ring "engah mah an ngai lo" ka ti ve tak nâ in zah avangin a sen țawn țawn mai, chhaih zui ngam pawh a ni tawh lo.



Bawihi chuan a chhungte awmna lamah min hruai phei zel a, chutia kei leh bawihi inzui phei chu mak ti zetin min lo thlir reng. A nu leh a pa phei chuan ka âwm a ka fapa bei nen chuan min thlek tawn chhen a ka dem lul lo e.



Keipawn ka fapa a ni tih ka hmuh hmasak ber khan ka hai hleinem, a chhan pawh âwihawm loh khawpin ka tet lai nen kan in ang miau. Ka tet lai hian ka sam a kir in ka biang hi a puar ve lâk a ka tet lai thlalak nen en kawp ta se danglamna an hmuh ka ring hranpa lo.



"Eddie-a chu, teh hlawl che chuan" pa insiam rem zung zung thiam tih takah bawihi pa chu min be hmasa tu zawk ah a rawn țang a "nia, inhmuh a khat hle mai ti'ru...? Hotunu thusawi hnial ngam a ni ta silo a ka rawn in pal lut ve a nih hi" tiin ka nui zui hawk, a ni pawh a nui ve hawk hawk a.



"Bawihtea chu ava muhil hun lo ve le aw...khawi ka lo la ang e, a ti bal palh ang che a rit tawh si a" bawihi nu in a rawn tih chuan engmah an la hriat loh avanga lo ui țûn dik in ka hre hauh silo. Pawm ka la kham lo tih erawh ka sawi tel hram ang.



Bawihi khan tumah engmah ala hrilh loh thu min hrilh, a âwm erawh ka tih pui viau nangin an hriat hunah eng ang rilru nge an put ang tih erawh ka ngaihruat thiam ta hauh lo.



"Nu.. pa, hunserh hman zawh ah inbe lawk ang u thil sawi pui duh cheu ka nei a" bawihi chuan a ti vat, ka kut a vawn chu a rawn hmer vang vang a. Midang hian an hmuh ve kher a țulna ka hre bawk hek lo.



"Eng chungchangah nge bawihi" a nu in alo ti vat.



Chhan a tum rual chuan naupang lawm tur hla an rawn play avangin a thusawi pawh a hre mumal theilo ni ngei tur a ni "nakinah sawi mai rawh" tiin a rawn au ta lung lung mai, bawihi chuan min rawn en haw a "nui miah suh" a rawn ti nghal ringawt.



"Engvang chuan maw ka nuih ngawt ang" ka lo ti ang he haw, nuihna tur eng chu nge alo hmuh bik ni..



"I hmu ve lo mi ka nu hâ kha, va han buaithlak tak. Eleichi a eina a kai kha ka hmu chiang si, buaithlak ee a kalsawn daih tawh lehnghal" ner nâng chungin a rawn ti nang nang. Ka in rin hma in ka nui chhuak ta hawk hawk, ka nâkah a rawn piai hlawk rual chuan nuih insûm zetin amah chu ka en ta reng.



"Nuih suh ka tih ka tih kha, ninawm... a nui peih ve sia midangin an hmu anga an hrilh ngam âwm tawp silo" a ti leh niah niah. Ka fapa pawm chung khan khawiah nge maw an lo kal hman ni.



"I ke a kham em...? Hunserh an țan țep in ka ring țhu ang hmiang..." ka tih chuan min hnial lo nasa, Felori chu mitmei zeuh in rang lutukin pawn lam an pan nghal a. Function hi engtik lai pawh a buai thei a nih avang in ka en uluk tir hle bawk, chhan dang a awm hran lo ka fapa tana buatsaih a nih angin engkim uluk tak vek in ka duh.



"Ka hlat ah țhu suh" țhut hlat a tum lutuk chu a kawngah kuahin ka taksa hnaih zetin ka pawt phei hrâwk..! A tîm deuh dai chu hahdam turin ka hrilh zui sup bawk. "A nuam lo alawm mi'n min en duh si nupa pawh kan nih loh hi" ti a tawlh sawn a tum leh țalh rual chuan ka kawng ka vawnna chu hmerna zual sauh in a beng chu fawp in ka seh pial nghal ralh.



"Engkim ka hrilh vek nghal loh. Chuvang chuan țhu hle hle rawh an la hre vek dawn tho, ka ngai che a ka thlahlel che ka tih kha" a beng bulah ka phun sup, a rimtui hman chu ka hîp lut vang vang a. Kum engzah nge ral tawh ang ka khawih phak maiah awm in ka duh duh hunah a kutah ka vuan thei a mumang a ang ka la ti rum rum mai.



"Ninawm i zei thei si, ka biang a sa leh vek tawh" ti hlar in ka mal ah a rawn chûm țawlh. Nui huk in ka țhu ngil ruai ruai a a hmelțha lutuk a laih luat avanga sen țan chu ka en reng. Kan țhutna chin a rawn thim deuh ta khup "khawi min en reng suh" tih pah a rawn tawlh sat sat in ka dar a rawn ngheng a ka nui zui suk.



Kan țhutna hi a fal deuh a inkawm khawm na tura an siam ni ngei tur a ni, function an hman mek pawh kan awmna ațang hi chuan va luh phei deuh a ngai ang.



"Zanin chu ka inah riak ang che u. In haw dawn lo, min hnial i tum chuan hrai rui che in ka hruai haw lui ang che" ka tih nghut rual in min rawn en vat "chutiang a theih ngawt loh ka pa ten an hria nga sin bakah chhuanlam tur engmah ka neilo" a rawn ti vat.



"Ka buaipui vek thei, chuvang chuan haw phet tum suh a chiang tiraw...?"



"Amak eee, chutiang ngawt..."



"Chutiang ngawt tih lam a ni lo, i bulah ka mu chak alawm. Hrep a...! I taksa kuah chunga mutthilh ka chak zia i hrethiam pha lo ang" ka lo tih khalh nghut, a thaw ham ham a "amak eee i ngaih ang ngawt hian thil a awlsam țhin lo" a rawn ti ve hlar.



"Engmah sawi a ngai tawh lo, i riak dawn ka tih chuan i riak dawn a ni mai" ka tih khalh hmuk, rawn țawng leh a tum rual chuan rang lutuk a a khel ah man in ka malchungah ka hlang kâng nawlh khêk țhat in min vuan bet a light in a rawn chhun êng che che ah chuan min melh ram ram tih ka hmu thei.



Nui sukin ka lamah ka pawt hnai hrâwk...! "I thinrim hian ei zawh che ka chak țhin tih kha ka sawi tawh em...? Bawihi, i hmui i tih pawrh tarh phei chuan fawh a cho hluah hluah zel" ka sawi zawh ruala chhuk a tum chu vuan nghet zual sauh in ka âwm ah a innem khalh țûng a.



"Eng emaw sawi la"



"Ninawm engmah ka sawipui peih lo che" a ti vei pâng pâng.



"Nih chuan ka tih chak ka ti ve poh aniang chu" ka tih ruala a meng kâwk chu ka nuih pui suk thung.



☆☆☆

"Ramsang enge chanchin ni ta zel...?" Tukverh hmaa coffee no khu hlat hlat keng a ding in phone ka hmang a. Lehlama a thu rawn sawi tur chu ka ngaichang pah reng.



"Kan bumna kha an hrechhuak tawh a. Tunah chuan in tê kha an dap vel mek in ka ring. Kha hacker naupang lutuk khan ka computer a rawn tichhe țep alawm mawle, sala..! Ka hmuh hunah chuan keimah ngeiin ka khawih ang" a rawn tih chhunzawm nghut chu ka nuih pui huk huk.



"Insum teh țhianpa, nangmah in i leng kual leh ruk ruk mai tur ania" ka tih chuan a rawn thaw chhuak hawk a. "Engpawh chu nise, a thluak a țha thawkhat a ni ang ka computer a rawn khawih thlen theih hial ni" a lungawi lo thlu ngang ni tur a ni a rawn ti leh hram, nui suk in coffee chu ka lem zeuh a.



"Ka ring che lawm, naupang tha za rual lek ala nia dawhthei takin lo nghak rawh keimah ngeiin i hmaah i sawisak turin ka rawn dah sak ang che" ka ti sup.



"Chuan eng nge kan next target, a theih chhung chu chelh khawtlai ka la duh tlat. Mi â ang maia min zawn kual lai hmuh leh hriat hi a nuam ru viau mai" nui suk in ka tih zawm a.



"I hming lem hi a darh nasa tawh a, ram pum hlauh leh zawn ini tawh, kha politician i thah tak nupui pa kha police niin police ah pawh rank sang lutuk chelh tawh alo ni khanglanga an rawn bei ngawrh riau chhan pawh a nih ngei ka ring"



"Kha mihring, hmeichhia leh nunau a ran khawi lai ang mai a en tu. Dimna tel miah lova sawisa țhin tu leh nawm chen nana a hman a hnua hralh leh țhin tu thlavang hauh tu apiang chu ka hmelma an ni zel ang. An mang phiar hnuah duh leh ka in lan ve chauh mahna tunah chuan hahdam tak leh thlamuang takin lo nung ve rih rawh se" ka ti nghut.



"A nih chuan eng nge i rilruk ta chu ni a" a rawn ti a.



"Ni nga hnuah Greenhouse location kha ka mail ațangin i thawn dawn nia. Chulai hmunah ngei chuan keimah ngeiin ka lo hmachhawn ang" ka ti sup.



"I nihna angin maw....a teuh lo Eddie...! Engtikah mah i ti tur a ni lo ka theih tawpin ka dang dawn che a ni tawp" a rawn ti khur khur.



"Țhianpa, chinghnia naute ni țhin kha heng mihring ho hian a pui ah min chhuah tak hi. Chinghnia chuan a chhungkua leh a tana ding chiah a venghim țhin, an kawng dal thei tu apiang chu an nghawngah seh in thisen namen lo a chhuah sak fo. Ka ti lai i hmuh tawh ang bawk in he ka hmelma ka beih naah hian min pui tur a ni dawn lawm ni, lungngai suh ka him ang tih ka tiam a che" ka ti sup.



"I hahthlak ve hle mai, he i chawlh lak hi i rilru tih fîm nan hman lo tum la min rawn biak leh hunah chuan i rilru i thlak ngei tih hriat ka duh ang. Chân che ka hlauh vang tih i hriatthiam ka ring" ti nghut in phone a dah zui hmak.



"Ka rilru ka thlak dawn lo tih hrethiam tur ini asin" phone melh reng chung chuan ka ti ta sup.



Kha hacker naupang lutuk khan Aruattei computer rawn tih chingpen sak in data țangkai tur ang zawng zawng alo la chhuak vek a. Ka in puahchah ve loh chuan duh ai hma in jail bang ka zût thei tlat. A hun hmaa chet chhuah erawh ka tum bau lo.



Infiamna hian tawp lam pan lo in bul a țan chauh, chuan game nuam tak a nih ngei ka beisei tlat a ni.



Pawn lama ruah sur chu en in ka coffee ken lai chu ka lem leh zeuh, alo daih vek tawh avang chuan chet hluk in dawhkanah chuan ka hûng a ka inher rual a khum a mu te pahnih ka hmuh rual chuan ka nui ta hawk.



An nufa in rizai tlawh hlim vekin an mu a, bawihi phei chu a mal no nalh lutuk a lang vek thei hial.



Ka khawvel ka engkim a ni a, a tello a hringnun ka hman chhung kha kum sangkhat chuang vel ni maiin ka hria. Khami ni ka beidawng lutuk ka haw kha mu leh mal pawh ka nei hauh lo engmah tih tir theih loh a ka awm avang leh mission ka tih theih loh avanga hremna chu ka dawng chiang mah mah bawk.



Ka mit ka chhin apiangin ka mitthlaah a nui hmel mawi tak alo lang a, mumang hlauhawm takin a tih harh ang maia chiangin ka harh zui kâwk țhin. Ka mit ka chhin ruala a hmel lo lang țhin ka duh loh avang khan ka mit ka chhing lawk ngam lo rapthlak tawp khawk a ka ngaih belh ka hlau a, ka mutthilh chuan ka mumangah hmu in kan pahnih a hmangaihna kawng mâm zet kan zawh dun ka hlau a, chuvang chuan zan engzat nge ka tlaivar ka hrelo a hnuah erawh ka taksa in a tawrh phah ta reng.



Mumanga ka hmuh ka harh ruala ka zawn ruai țhin mahse hmuh tur pawh a awm dawn lo tih ka hriat leh ruala ka mangang au ri chuan midang a tih mangan phah ve hial. A tak ngei pawh a ka feel theih loh suangtuahna chauh a feel chu thihna nen danglamna a awm hauh lo asin.



Rilru mumal pawh pu lo in hremna leh training min pek ang apiang a bak bak in ka ti țhin, ka thin kha a ram sawt in thisen chhuah te kha nuam ka ti hial a nih chu...! Mihring hian beiseina a hloh vek chang hian thisen chhuah hian an tan awmzia a nei lo tih in hre ve em...? Thah tur awm an sawi ang apiang in ngaihtuah nawn hauh lo in ka kâp nghal hmiah zel țhin.



Kum chanve chuang mumal in ka nung lo, sakawlh nen kan danglamna sawi tur an hrelo, min vil tute tihbuai ngam loh khawpin ka khawsa a tawrhhlelhawm tak ka ni. Mahse enge tih theih ka neih chuan... he hmun ațanga ka chhuak a nih pawn vanah chauh lo chuan ka Hmangaih hmel ka hmu tawh dawn hlek lo tih kha ka hrechiang êm a tin ni.



Kum chanve hnuah Felori a rawn lut a boss rawn tirh a ni. Ka thin a ram viau nang in min dawhthei viau a ka insual pui chang lah a tam. Mahse kei mipa ah pawh pâ inti ve tak hian rilru mumal pu hek lo in hmeichhe thluak fing uchuak lutuk mipa tam tak tluk loh chu ka hneh ngai der lo. Min dawh theiin min fiam peih viau a Italy lama alo awm daih avangin ka lo hmelhriat lo a a ni erawh chuan ka chhungte nen lam a lo hre vek.



A hnena ka hringnun ka puan zana insehru ngawt ngawt chunga ka tih tlak duh ngai loh ka mittui tla chu inhnem a hnekin insual ah min cho chhuah pui a ka thin rim a reh hma chu ka duh dan angin min chet tir tawp. Amah hian min khalh ngil ka ti lo theilo.



Ka hringnun a inthlak hlawk a pangngai leh tur pawh hian hun ka duh rei viau ka kawng dal tu apiang chu ka that lo a nih chuan an vannei viau an ti țhin, a nih ngei pawh ka ring ka kut a ram in pawi sak engmah ka neilo chutih hunlai tak chuan ka huat em em hmanga khawsak ching an lo awm leh zela thisen lum lai a ni bawk a ka bum kual hrep hnuah ka kutah a thi fel a.



Chu chu ka hming lem hmang a min zawn mek nachhan a ni, ka sam sei lai niin hnunglamah ka țawn khawm vek a ka bek ah hian tatoo tih reh leh nghal mai theih tur ka chhut tir bawk. Buaina ka siam peih avangin ka hming lem hi a lar ta viau a zawn hmuh tak tak theih si loh mahse buaina awm rengin ram chhung ka siam thung.




Ka chhuah hnuah pawh rei fê ka beih hnuah chauh zalenna dar ka khawng ri thei a Mizoram-a let min phal sakna erawh ala reilo. Bawihi chanchin erawh duh ang in ka ngaihven theilo a khami ni School-a ka hmuh ni kha kum tam tak hnua ka vawikhat hmuh lehna a nih angin ka ngaiin kuah vawng vawng kha ka chak takzet. Beiseina nei tura min fuih tu zarah beiseina nen ka let a.



Keimah ang em em mipa naupang leh ka hmeichhe hmangaih em em hmu in tunah chuan ka kiangah an awm leh tawh a nizan pawh khan ka thlir tlaivar hial țep a ni.



Bawihi ka hmangaihna hi a chak tawk a chu chuan amah ka huatna tur ai mah in ka thlakhlelhna min tih pun sak zawk tlat.



A in leh thak takah chuan lu thing nghut a pan phei vut in a mutna bulah chuan ka țhu thla a sam a hmai zar tu chu hui sawn sak in a muhil lai hmuiah chuan ka fawh sak vang vang. A man chhiat zia hmu fo tu ka ni a nu a ni tawh chung pawn naupang chhia ang chiahin ala khawsa thei.



"Harh tawh la" ti sup in ka hmui hnuailam chu peh sak zeuhin ka hnêk sak dêk dêk a, a harh hleithei der lo "bawihi" nui hawk a tiin ka biang chu ka tuai heuh heuh "harh teh..." tia a hmui zawna ka phun sup chu rawn rûm țiah țiah in chiang lo ruai hian a rawn meng a.



"A tlai tawh viau ania mutduhnu" tiin a kawr chhungah ka kut ka vah luh tir nghal zat "dar engzat nge....?" hâm bai bai a rawn tiin a hnute khawih ka tum chu ka kut a rawn vawn hnan nghal hmiah, ka phun nghal hluk mai.



"Dar 10 a ri dawn" ka ti chiah chu "eng a...!" Tih tuarh pah in a rawn inbeng kâng nghal awk.



"Awi...! Bawihtea School kal ka theihnghilh a tlai tawh si" ti a a phili buai lutuk chu a khelan man hmiah in a mitmu lian zeta min en kalh rual chuan ka malchungah ka hûng fel der tawh "enge awmzia" bangbo lutuk in a rawn ti hû.



"Ka bula i awm lai hi chuan engmah ngaihtuah lo in awm ve teh" ka ti nghut.



"Ka awm dawn alawm mahse bawihtea school kal a tlai tawh...." a sawi zawh hma hauh in a hmui che niap niap chu ka peh sak nghal hmiah. Ka thlah rual chuan a kâ a hup thawk "engvang nge...? Nangtê hi..." ka tih nghut rual chuan min rawn en a.



"Ka ha ka la nawh loh kha mawle" a rawn ti heu mai a, ka nui ta suk. A fapa school kal lo a mangan em em laia ka fawh avanga ha ala nawh loh thu a sawi zawm leh daih thei a engmah hi a hre rei pawn ka hre hrep lo.



"Bawihtea te School chu ka be fel vek tawh, vawiin chu chawl rawh se a pawi lo ang nikhat lek chawlh chu, tam an zir hman ka ring lo" ka ti sup.



"A tlak hniam phah ka hlau mawle, vawikhat chawlh hlek hi chu a pawi ve țhin êm a" ala ti hram...!



"Ok... tunah chuan ka bulah i awm keimah chiah min ngaihtuah rawh a țha em..? Tu dang mah i rilru ah khan dah suh" ka ti nghut, ner nâng in min en reuh a "nizanah ka pa bulah eng nge i sawi...?" A rawn ti ta khauh.



"Eng nge sawi vak se min tih...? A fanu ka ruk dawn thu ka hrilh thlap, nilo, ka dil thlap zawk" ka ti chu lian lutuk hian a rawn meng a nuih insum zetin ka melh ta ngawt ngawt.


☆ Awiha, a laklawh viau naa chu tawp daih phawt rawh se a lehpek ah ziah tur ka hrelo palh ang😅 tak tak in a, zanin chu in beisei a pha kher in ka ring lo. Chawlh rei nen a chhung thu ka lo theihnghilh ve nual bawk si a lo chhiar liam puat phawt ula next-ah chuan a pangngai ka ring tawh aw. Chuan ka chawlh dawn khan ka rawn in report vei thlap a mahse kha kha in hmu vek tawh țhin silo a. Ka lo covid ve leh zeuh bawk nen Hostel ah te kan han lut leh ang nawk nawk a ka rawn sawi hmasak ah khan duh anga hun ka neih tawk loh thu ka sawil lawk hrim hrim a. Type lawk ka tum lah in ka peih der mai silo. Ka thatchhiat vangin min nghak rei hlawm sia zanin lah eng a ni bawk silo mumal lohna nen. Aaaaa,,,, a khaikhawm nan min ngaihdam chawm mai a ngai a ni e. Ngaihdam kan in dil zing bawk si in duh leh min ngaidam lo mai rawh u ah. A buaithlak🤣🤣🤣. ☆


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:04 pm

HEY DADDY CHAPTER - 29

Ziaktu : Mami pachuau



"I ti âwm lo eeee" a ti thlûk ta vak, ka nuih chhuah hlau lutuk chu khabe tuai zeuh in ka țhen suk "amah va bia la, i zawt chiang thei ang" ti a ka chhang let chu a hmui a ti pawrh ta vak, a duhawm zia mai chu ah...!



"A âwihawm loh emai ah..! Ka be tawp lovang hrim hrim in min hrilh țhat ve mai âwm che" ti a ka mal chung ațanga tawlh thlak a tum chu rang lutuk a vuan bet in ka pawt hnai hrâwk...!



Ka taksa hnuailam a feel chian lutuk vang nge ni tawm châwih in min rawn en a ka lo nui suk "enge a an...?" Ka ti chu lai lutuk in ka darah a rawn beng ri thlawrh "i fapa a harh anga sin thawm dim rawh" ti sup in, a sam rawn uai thla chu ka hui sawn sak a, a nghawng sexy lutuk chu ka fawp vang vang.



"Silai i pai reng ni maiin ka hria" a rawn ti heu, nui huk a ka en chu alo sen țawn țawn a, ka nghawngah a kut a suih bet tawh a vun mâm lutuk deh hi a nuam ngawih ngawih.



"Nangma bula ka awm chiah in" ti a ka chhang chu ât hmel lutuk in "maw...?" A rawn ti hû, a che deuh sat bawk nen ka sa nghal huam mai.



A nghawng hnunglamah vuanin ka chal si turin ka pawt hnai a "che sat sat lo la a nih loh chuan ka phelh ruak ang che" ka ti chu a tawp chiang mah mah. Maimichhing chungin ka țhen suk "i hlauhawm thei eee nizanah pawh..." sawi zawm lovin a ngawi hmak.



"Nizanah chuan engmaw.... sawi chiang la" tiin ka meng chhuak ruai ruai a, a mitmeng ka hmu chiah chu ka kawchhung hi a so hluah thei tawh hial "engmah nilo khawi ka va in ti fai ve lawk" ti a tal hran a tum rual chuan a hmui chu khar chilh zui hmiah in duhthawh lutuk in ka fawp zui nghal tawn tawn.



Hnuailam pang in min tur na bawk a ka che dam hleithei lo, min chhan let ve rual chuan rûm hrâwih in ka fawp zui ngawng ngawng a kan lei chu insual tir bat bat in a kut phah mâm leh sei sâng chuan min zut kual ve reng. A hn*te țham tawn tawn a duhthawh taka ka fawh lai chuan ka hmui hnuai rawn seh in ka rûm nghut.



Chimawm lutuk a min melh a in la hrang in ka hmui a seh thi chu a rawn tuai zeuh "thil thar maw...?" Ti sup in ka hmui chu ka liak zeuh, nui sen sen in ka nghawngah min rawn kuah a ka beng a thawk lum ham ham rual a thil sawi avang chuan a mawngah chuan dâwm in ka thawh kân pui nawlh.



"Hetah lo pawh kan ti thei tho... ni lawm ni...? I thil thar chîn hi kan belchiang bawk dawn em ni ang...?" Ti a mit ka siai suk rual chuan nui hak hak chunga tal thlak tum in a che a mahse amah aia rang hretin bathroom chhungah chuan luh pui hmiah in, kawngka ka kalh rual chuan bangah ka nêk bet zui hrâwk a, a nui zui hak hak bawk.



☆ JANE RODINGPUII POV ☆

Eddie-a bathroom ațanga a lu rawn hru chhuak mawlh mawlh chu ka lo en reng, a inhlei luat ah vawi engzah nge bathroom ah kha thil kha a thlen hman pawh ka ngaihtuah ngam lo.



Ka lo inthlak fel vek tawh a hmuh rual chuan a nui nghal suk. Amah pawn ala ringhlel rum rum ang tho hian keipawn ka la ringhlel rum rum a ka âwih phallo zawk takzet.



"Ka thawmhnaw hak tur min lo dah chhuah sak vek a" tiin a kiai nghal suk.



"Aw.... ka lo la chhuak ve tawp, i duh loh chuan i thlak leh thei tho a" tiin ka thle bak, nui suk in a lu a thing nghut a.



"A pawilo, ka duhthusam a ni zawk. Ka bula i awm hunah ngat phei chuan ti ziah turin ka duh dawn che" a kamis inthawlh pah chuan a ti sup "khawi ka lo kilh sak ang che" tiin ka ding chhuak nghal vat a a lam chu ka pan phei nghal bawk.



"Bawiha hi tih harh a ngai tawh" a hma zawna ka din rual chuan ka ti sap, heti hian chhungkua kan van ang tak. Ka mangphan țhin ngei kha a takah ka tawng ta chu ania âwih har ka la ti takzet.



"A ngailo, a duh chen chen mu rawh se" alo ti nghut, nui sak a a kawrkilh ka ban rual chuan ka kawngah a ban rawn rawlh lut in a lamah min pawt hnai nghal vat a "zaninah ka lo kal anga i pa ka rawn bia ang" a ti nghet churh, a hmel chu ka en chho a a thutak vei phian bawk.



Nizanah ka pa bulah engtin nge thil a sawi ka hrelo, a in a min hruai theih danah ka pa a be thiam tih ka chiang mai. Nilo se chuan ka pa hian a phal dawn hlek lo



"Ka lak ațang in awm hrang tawh dawn lo, chumi tur chuan engpawh tih ngai dawn se ka tih theih a nih chuan ka ti vek ang" a ti nghet leh churh, ka en chho a awi...! Lo en chho lo tawp ila ni tur a chhiat loh zia mai chu ah..! A hmui ka seh sak pilh ve hlak lang chiang chuan a ti lang pâ zual ngawih ngawih lehnghal.



"Ka hmelțha viau ami...?" Ka en reng avang chuan a rawn ti sup, nui sak in ka lu ka thing nak a "țha mah mah lutuk tlat chuan i hmui kha i inhmeh lutuk" tiin ka nui var var, a ni pawh nui huk in ka biangah a rawn fawp zauh a.



"I hnu hma hnutchhiahna hi ka duhzawng tak a ni, mahse a hmu tu apiang zawhna ka chhan zo seng kher ang em..?" Ti a min chhan rual chuan "over e a" ti hlar in a âwm ah chuan ka chûm zui țawk a nui hawk hawk in ka hmui bulah chuan a rawn fawp vang vang bawk.



A hna ațang chawlh alak rih thu min hrilh a, mahse tunge maw ni Ramsanga a ti maiin ka hria chumi hnen ațanga call a dawn avang chuan a be leh rih. Felori sawi ang khan a hming lem hmang a zawn a ni tak tak em tih zawh kher ka tum lo, amah pawn nizanah reilotê nghak tur leh engkim a hun taka ka hriat vek tur thu min hrilh thlap a.



Chuvang chuan lo zawh kual vela tihbuai ka tum hran lo, a duh hunah aman min hrilh ve mai ang. Tunah chuan ka bulah a awm a, hlim a thlamuang taka awm tur ka ni lawm ni..? A hnathawh ka hria thisen chhuah nuam a ti tih thlengin, alo tih tawh te ah sawi theih ka nei miah lo mahse ti tawh lo se chu ka duh.



A tan vek a nih rual in thih hnu piah lama a thlarau chan tur ka dawn pui vang zawk a ni. A dinhmun ațanga thlir chuan demna ka nei hauh lo mahse a bansan thei tih ka hria chuan bansan ngei se tih pawh ka duhthusam a ni takzet.



"Bawihte, i mu chaw hma țhak thei dawn" a biangah chuan ka beng thek thek mahse chet pawh zu che eih lo a. Hetiang em em hian a mu rei ngailo zing dangah chuan a pi leh pu ruala thingpui in tum âwm ang hrim a hma in a tho ziah a kei min rawn kai tho ve thung ziah.



Nizanah erawh dar 3 vel pawh khan la harh țha a ni, zan tir khan a mu khanglang bawk nen a dik lo zo vek.



"Bawihte.... harh tawh la thawh a hun tawh ania" ti a a bianga ka fawp chung pawn ala thaw sâk sâk. Ava han hahthlak leh dawn tak.



"Mut tir mai mai rawh, nizanah a menrei êm kha mut a kham lo ang" Eddie-a aw ka hriat rual chuan ka hawichhuak vat, a phone chu a kekawr ipte ah thun lut in bawihtea biangah chuan a rawn fawp zeuh a.



"A tlai tawh êm hi hetiang chen chen a mu ngailo bakah a zahthlak" ka ti hlak.



"Hmmm... enge zahthlakna awm...? Tuman an rawn hmu chuang lo, ni lawm ni..?" A ti chu ka melh nghal vak.



"Enge... khati vaka mi melh le.." tiin a nui huk huk, chhan let ka tum chiah bawihtea a rawn chet sat sat takah chuan ka țhut hnaih a a mit a nuai chat chat chu ka tung tho nawlh a Eddie-a erawh alo chet hluk mai.



"Bawihte, thawh a hun tawh aw. I mu rei lutuk tlangval inih kha a zahthlak" tiin a kawr inhlim vel chu ka siam țha nghal mawlh mawlh a sam lah chu ala delh sual zui amaw ni a chhip lai chu a kawh teu hlawm mai.


"Ama.... ka mumangah daddy ka hmu a" bawihtea'n thawh phan awm miah lo a rawn ti niah niah in, a hawikual chuan a pa in a mutna bula a en reng tih a hmuh takah chuan lai lutuk in min rawn en a ka lo nuih var var.



"Hetah alo awm daih" a tih leh ang lawi a, a pa chuan nui hawk hawk a a zakah dawm in a malchungah a hlang kang nawlh "daddy chu i mumangah engtin nge alo awm le...? Tunah tah ka lo awm leh daih bawk sia" tiin a fapa chal ah chuan a fawp zui vang vang. Rizai thleh pah chuan an pafa chuan ka en zeuh a.



Nizan khan a mengrei bawk a apa a tibuai char char tih tur a ni. A games khelh ngawrh em em special force an khel a apa lah in tiang lam lah hi alo thiam ropui mai si, a chang leh an invawrh kâng a. Games khelh laia apa thlalak a en țhin thu leh keiman ka tih dan vel a sawi chuan a pa lah in engmah sawi lo khan a bekah a fawh sak vawng vawng a a mitmeng a rilru natna rawn lang chhuak kha ka hmuh hmaih hauh lo.



"Ih... park-ah kan lo kal a ama nen kan ice cream tur i lei a mahse ilo kal leh tawh miah lo, hetah ilo awm daih dawn vang a ni chiang mai" bawihtea'n a tih chuan Eddie-a chuan min rawn melh zawk, keipawh chuan hrethiam lo zet hian ka lo en reng a.



"Ama.... Daddy alo kal tawh miah lo a mahse zingah Hriatpuia kai tho turin alo kal leh a Daddy kha a buai aniang tiraw...?" Tiin ka fapa chuan min zawt let khauh, a mumang leh a tak a hriatpawlh deuh reuh bawk nen chhan mai dan tur ka hre hauh lo chu Eddie-a ka en ta ngawt.



"Ummm Daddy kha a buai lutuk a. Le... tunah chuan Daddy nen hian ha nâwt ang aw chuan chaw kan ei dawn nia" tiin a fapa chu a pawm tho nawlh, ka biangah rawn dawm in ka hmuiah a rawn fawp zeuh a "ngaih țhat loh phah nan hmang suh aw.... mumang mai mai a nih kha" ti sup in, a fapa chhaih khêk raih raih chungin bathroom lam a pan pui a.



Kei erawh ka thaw chhuak ham ham, nizana ka thu hriat avanga ngaih țhat loh sa nen ka awm a nuam ta miah lo, ka fapa hian a zana a mumanga a hmuh hi zingah sawi leh dan a thiam tawh ngailo. Mahse tun erawh kha chu a hmu chiang viau a ni ang nge nizan a a pa bula a awm kha mangphan in zingah a hmu leh hlawl nen a hriatpawlh zawk ni ang.



Hui pap in rizai chu ka thlep mawlh mawlh, bathroom lama an in chhaih khêk thawm chu ngaithla in ka thaw hak a "ni e... mumang mai mai a ni ngei ang engmah a thleng lo ang" ti sap in tukverh hawng tur chuan ka phei nghal a.



Mizoram-ah in hmun leiin, hetiang anga in lian leh ropui a sa tih reng ka lo hrelo. Nizana min hruai haw khan a chhungte hmuh ka in beisei teh lul nen ka hmu miah lo a. Cheng tura a tih thu leh an la insawn loh thu min hrilh a ka thaw huai thei, hmuh ka hlau lam nilo in ka inthiam loh vang zawkin ka hmu hreh tak tak.



Sum a ngah tih hriat takin a inchhung a chei dan engkim a lutuk mah mah vek. Pawn lam chu a simple in kawt zawl zau pui awm in thingkung nalh zet zet in a hual khup a fountain lian vak lo bulah sangha a khawi bawk a thingpui in ho na tur siam in leh thil dang dang a dah nual bawk a inhnung lamah erawh enge awm ka la hrelo.



A sum hmuhna chu engpawh nise bansan se ka duh takzet. A țhalo emai, duh leh hnathawh nei lo pawh nise pawi ka tilo kan dam ve țawk țawk chhung chuan kan nghei bik tawp lovang. Tiang a a nun reng chuan bawihtea nen hian min kalsan thut ang tih ka hlau takzet.



"Ama..." bawihtea min au ri ka hriat takah chuan ka lehhawi vat, an pafa chuan lungnih loh hmel lutuk hian min lo en dun a an in ang lulai lutuk chu ka in rin hma in ka nui chhuak hak.



"Kan koh che pawh hre lo lêk in enge ilo ngaihtuah a...?" Eddie-a zawk chuan a rawn ti nghut.



"Engmah a ni lo" tiin ka pan phei a, nichina an hmel awmdan in ang lutuk kha mitthla let in ka nui leh sak. Ka awmdan chu ngaih țhat loh hmel zet hian min thlek leh vung vung "enge" ka ti ta ringawt.



"Nakinah min hrilh ka duh ang" a rawn ti sup a, min hrechiang țhin lutuk hi a buaithlak takzet.



"Daddy ka ril a țam" a fapa in a tih rual chuan pawm kan nawlh pah hian " ummm...kan ei ang inhnuaiah chhuk ang aw" a ti sup a, an induat dawn lutuk hi bawihtea a ngaihtuahawm ta hle mai, a duat sual vek ang tih ka hlau.



Inhnuai lamah kan inzui thla a an pafa inbe thla an țawng zawnga an hmel in ang lutuk chu ka lo nuih leh vur vur țhin "bawiha... ama hi tukin zing chu a tho â aniang a tiraw...? Chokaa kan luh rual chuan Eddie-a a ti ta hluk, a sawi har ka ti reng a ni ngaih țhat loh hmel zet khan min en leh țhin kha ania.



"Tinge ama...?" Bawihtea lah chuan hriatthiam loh hmel zet hian ala rawn ti zui.



"Heiha..... in in an em em zia kha ka nuih in ti za, in lungawi lo hmel te hlei hlei kha" tiin ka nui zui hak hak, Eddie-a pawh a khi ve suk " chu chu a ni maw ilo nuih pui leh suk suk țhin ni, ka fapa a nih ang in apa a ang tur a ni, tiraw... bawiha, Hriatpuia chu Daddy ang chiah chiah a ni dawn" ti a ka fapa a be zawm chu bawihtea lah chu alo bu nghat nghat.



"Zingah ei tur an rawn siam vek tawh a chhuan lum a ni mai" Eddie-a chuan a ti sup, bawihtea chu a bawnghnute thlit a pe a.



"Ehe... engtik laiin nge an lo kal a.." ti haw in gas vela chawhmeh lo insiam sa vek chu ka en a ka nui tawp.



"I mut hlum loh chauh lai khan mawle" a tih chuan ka melh vak "khatin mi melh vak zel lo teh, bawihtea hmuh lai hian duhthawh zetin ka fawp mai tur che nia ka thisen iti lum țhin" a rawn ti hluk, ka ner ta nâng nâng.



Chaw kan ei a kan ei laiin ka pa in min rawn call a. Kan muttui leh muttui loh min zawt thlap. Ka u a rawn thlen tawh thu leh haw ve vat turin min hrilh a. Ka bo zia chu ah..! Kan inbiak zawh a Eddie-a ka zawt chiang chu ka u nen riak tur angin min sawi a ka u in engkim a hriat vek tawh thu min hrilh nih chu...



Mak ka tih zia. Ka u in alo hre vek tawh a mahse alo zep char char chu pawh ka tan vekin, mak ka tih zia chu țawng nachang pawh ka hrelo hial. Ka thup ve viau maw ka tia mahse ka thisen zawmpui ngei ah chuan ka lo thup hneh zo lo ania nge.




In lam pan in kan chhuak tawh ka ngawi reng, bawihtea leh Eddie-a inbia te chu ka ngaithla ve reng a mahse an sawi pakhat mah ka hre lo.



Ka u in a hre tawh a nih chuan engtik ațang nge alo hriat țan tawh ang...? Nilo, ngatinge ka lakah zêp in hrelo anga a awm kher khang hunah khan alo hre reng tawh anga chuan ka awmdan vel avang khan min lo nuih sawh ru ringawt in ka ring. Aih, ka u ania chutiangin min ti theilo.



Aih a nau ka ni a, ka mualpho a hlauh avangin engmah a sawilo mai a ni. Mahse.... engvang nge...? Engvang kherin nge a zêp. Alo hria a ni pawn tlang takin min hrilh thei mai lo em ni... nge ka nu te pawh hian engkim an hre vek tawh zawk anga an sawi duh lo zawk niang.



Car a din châwt rual chuan hmalamah ka bu lâwp a ka harh chhuak zawk. Eddie te awmna lam ka hawi vat, chîk lutuk in mit zîm sun hian min lo en reng, bawihtea erawh ka sirah țhu in a phone khawih lai chiah alo ngaihtuah hlauh.. "enge i ngaihtuah...? Nichin ațang tawh ka biakna che pakhat mah min chhang lo" lungawi lo zet hian a rawn ti nghut.



"Ka ngaihtuahna ka lo kawm nasa deuh a ka tihpalh" ka ti ringawt, ka la mumal lo. Nilo ka lu hi tlem in a hai deuh zawk, jam a nasat lutuk avang in kan lo ding reng hi alo ni.



"Ka hria chuvanga ka biakna che pawh chhang lo ini reng bawk. Mahse enge i ngaihtuah...? Ka bula i awm laia ka biakna che hrelo khawp a i ngaihtuah chu ka hre ve duh" a tawp lam chu a chang lam hret, ka thaw chhuak hak a motor a tawlh sawt loh êm avang chuan chhan phut zetin min en reng.



"Min hrilh dawn em...? Nge keiman ka zawng chhuak dawn" a ti leh.



"Ka u in a hria tih i sawi kha ka lo ngaihtuah a... engtik ațang nge a hriat tawh" ka ti ta nge nge.



"Chu ringawt pawh chu ilo la ngaihtuah amaw...? Jane, i rilru tih hah nan hmang suh ka tih kha... " a tih lai mek chuan "ka zawhna che kha min chhang mai la" ka ti ve nghat. A thaw hrâwih a tlem in kan tlan leh deuh a kan ding leh.



"Nimin tlaiah khan a hre tawh, hmanhmawh lutuk a in chhuak lai kha rawn ûm zui cheu a tum a mahse in lo tlan chhuak hman tawh a, a rawn let leh in bawihtea nen kan in an thu a rawn sawi ta chiah Felori pawn a rawn sawi zui ve leh a kei chuan bawihtea hmel kha ka hmu chian tlat loh avangin ka ring ngam lo" a rawn ti sup, kan tlan chhuak a.



"A nih engtin nge an hriat theih...?" Ka lo ti leh nghat.



"Lo nghak la ka ka sawi zo hleinem" nuih suk pah hian a rawn ti a, kei erawh ka thaw ham ham tawh.



"Nangmah nen in zawmna kan neih tawh leh tawh loh min zawt a. Pasal ila neih loh thu min hrilh avangin ngaihngam takin ka hrilh ngam ve chauh. An la hriat tur tho a ni, mak a ti hran lo i chet dan mak a tih zawk thu min hrilh a" a sawi zo amah ka en chu alo țhen suk.



"Ngatinge mak a tih loh...? Ngatinge... enge a chhan" mak ka tih luat ah ka țawng phelh deuh nawk.



"Chu zawng ka hre bik hauh lo, amah zawt la" a rawn ti sup a, hmalam hawi zawngin ka țhu țha a ka ngaihtuahna bawk ka kawm leh tawh.



In kan thlen pawn rilru ti hah tawh lo turin min ti a mahse awmzia a awm lo. Engtin nge amah te hi a rilru a hah loh theih zawk te ka ti awi..! Chu pawh a ni lo. Engtin nge thawveng taka ala awm theih zawk ni kei ka hriat ațangin hahdam tak pawn ka la awm lo a. Ka pa te a hrilh tawh ang em tih ringawt ah a nih hi ka buai.



Hrelo se ka tihna lam ni lo in keimahni ațang, keimahni kâ ngei ațang hria se ka tih vang zawk a ni. Ka u chuan thil awmzia zawng zawng a hre vek kher dawn lo ka pa te lungawi lohna thlen thei tawk lek chauh a hre maithei chuvang chuan keimahni'n hrilh ka duh engkim.



In kan lut a bawihtea pawh a pi leh pu bulah a tlan phei nghal a "in lo thleng thei maw...?" Ka u chuan a rawn ti vat, ka ngaihbel nge ka hrelo min en dan te hi a dang tlat in ka hria.



"Thleng thei hram a ni e, an harh theilo dun lutuk a" ti a Eddie-a'n a chhan rual chuan ka nghawk nghal sawk, ka u nuih ka ti za nge ni a nui hawk hawk a. Ka țang lutuk hi khîk der suk pawh ka theilo.



Inchhungah kan in zui lut a ka u leh Eddie-a an inbe reng a kei erawh ka ngawi kar. Ka pa te nen an inhmuh pawn an inbe bawrh bawrh a ka pa in a ban tak avanga a hnathawh te a zawt luam a chhanna mumal erawh a pe hauh lo.



"U... inbe lawk ang" a room-a a kal tur chu ka ti nghat, Eddie-a Felori hmu turin a chhuak a, bawihtea pawh ka nu leh ka pa in an lenna ah an hruai ve thung.



"Inbiak iti har ka lo ti tawh a" nui vur vur a rawn tiin ka sir a single sofa-ah chuan a țhu thla a.



"Enge ni sawi la" a bawp khawkherh pah chuan a rawn ti a. A upat tawh nen nen, a hmelțha a a luck tho bawk sia ngatinge pasal ala neih loh tih chu ka rilru ah a rawn awm hnuhnawh. Hahthlak hian, a hun thlawt lo.



"Ih.. englo..." tiin ka ngawi leh.



"Sawi chiang la" a ti nui vur vur, a hmel thawveng lutuk leh ka zawh tur inti hre sa lutuk saw awi...! Ka va han beng chak tak.



"Engmah min zawh zawm i tum lo ami...?" Ka ti ta nge nge.



"Aaaa a ngai pawn ka hre hleinem, ka hriat duh chin ka hre tawh tho a" tiin a thle bâk.



"Nih, min hau dawn lo ami...?"



"Hauh chhan tur che ka nei hleinem.. eee nilo hau dawn che mah ila awmzia awm tawh lo thleng tur zawng zawng a thleng fel vek tawh. Hun kal tawh a ni a in inkawp hi pawi tihna ka neilo Eddie-a pawh a hnathawh ka hria, a dinhmun ka hre vek pawm lohna ka nei hranpa lo. A hun hma in nupa nun in hmang a bawihtea alo piang a 'ngatinge tunah a pa i sawi chauh...?' Ti a dem leh hnuhnawh hran che pawh ka tum lo. Mahse ka hrilh duh cheu chu, puitling takin awm ula ngaihtuahna fîm tak hmang rawh u. Fa in nei tawh, in la naupang a ho mai mai in khawsa su... hma hun êng tak in la nei chuvang chuan rilru nei deuhin awm rawh u" a rawn ti dap dap a, ka mittui a tling pam mai.



"A mittui a ti tling leh ta ringawt e, nu inih tawh kha ho mai mai ah i mittui ti tla tawh suh chak taka i awm a ngai paltlang tur ila ngah lutuk. Nu nih chuan chhel taka i awm a ngai tih hria la" a rawn ti leh, ka biang chu ka tuai zeuh a.



"A nih ka nu leh pa i hrilh dawn em...?" Ka ti sap.



A dar a sân ak a "hrilh chu ka duh alawm, an hriat ala ngai dawn tho. Mahse Eddie-a nen hrilh ula thudik engkim, zêp engmah neilo a in sawi ka beisei. Ka pa mizia chu i hriat kha dawt a tel hlek a nih chuan a pawm lovang. I hrethiam tiraw...?" A ti a, ka bu nghat nghat.



"Lo kal teh, i naupangchhia thei emai" tiin amah zawk chuan min rawn pan leh lawi a min kuah in a darah min bei tir a "i rilru kha ti hahdam rawh. Hlim la, tunah chuan in awmdun tawh hi a hma anga dâwihzep ang in awm tawh lo la. I hmangaih a nih chuan engpawh huam rawh tlanchhe tawh lo la, amah ring la rinngam a nih zia a lan êm hi. A enkawl țha dawn che tih ka hriat avangin ka thla a muang huai bawk. In ring tawn ula fiahna a awm loh chuan engmah rin nghal ngawt loh tur. I hrethiam tiraw...?" A tih chuan țawngkaa chhang lo in ka bu nghat nghat a.





Ni thum a ral leh tawh, thil danglam thleng em em a awm lo. Eddie nen pawh kan in ngai zual sauh amaw tih tur a ni. Bawihtea phei chuan a sawi reng zela a sikul bang a hruai ziah a an in awm leh te te hnuah kan haw chauh zel.



Ka pa rawn biak a tum zan khan ka pa a hman loh avangin hun țha a nghah leh phah a amah a buai ve deuh bawk nen kar tawp lam a êm ta zawk.



Tlai kan chaw ei kham ka pa chhuak rawn haw chu eng thil emaw hi a rawn keng haw a, kan bul a rawn thlen rual chuan a thil ken chu dawhkanah chuan theh thla in thinrim hmai sen vek hian min rawn en a.



"He thil hi enge awmzia...?" A ti chang râwp.



A ngaihna hrelo zeta ka en lai chuan "en la, chhiar la sawifiah rawh" chang bawl a tiin dawhkana a thil dah chu a kâwk a ka u leh ka nu thu rawn sawi tum chu a ti tawp hmak.



"Ti vat ta che" a au țhawt. Ka phu nasa lutuk chu ka thlawk lo chauh a ni ber, dawhkana a thil dah chu ka ban a kut khur chunga hawng in ka bun a thlalak leh pendrive leh letter hi alo awm a.



Lehkha chu chhiar in thlalak chu ka kut in ka thal kual a mahse ka thil hmuh avang chuan rang lutuk a ka kut la let in ka pa chu ka en tawp "pa" ka ti sap. Keipawn thlalak hi ka vawikhat hmuhna a ni min țhawng lutuk chu bakah lehkha a inziak hi bawiha hi Eddie-a fa ngei a ni tih prove-na a ni thlap. Chuan thlalak hi...!



Ka râp lutuk chu ka kut a khur hial.



"Hriatpuia pa a ni tih a inziak kha thudik a ni em... ? Chuan thisen.... tual that in thisen infiam nan a hmang țhin tih kha thudik a ni em..?" Ring lutuk in a ti țhawt, ka phu nasa lutuk chu ka au chhuak țhat a. Tumah kan țawng ngam lo ka pa thinrim thaw ri hrâwih hrâwih bak lo chu thawm dang a awm lo.



"Thudik a ni em...? Rodingpui min chhang rawh...!" A ti hrâwk..! Ka chhang theilo ka mittui a tling pam a ka khur nasa lutuk. Chutih lai chuan kawngka a rawn inhawng a Eddie-a leh bawihtea an rawn pen lut a ka taksa khur nasa lutuk leh ka mittui tling pam a rawn hmuh rual chuan min ngaihtuahnaa khat mitmeng a min melh a rawn kal a tum chu.



"Ding rawh...! I awmna ațang khan pen khat pawn tawlhsawn suh" ka pa chuan a kutzungchal a kâwk in alo ti chang bawl. Bawihtea chuan a pu thinrim la hmu ngai hek lo "apa" tih țiau pahin apa chu a kuah nghet sauh.

♡♡


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:05 pm

HEY DADDY CHAPTER - 30

Ziaktu : Mami Pachuau



"Ihh...pa" ding khur dar dar a ka ti dêk dêk chu ka lam rawn hawi in ka ban bul ah chuan a rawn vuan a, a lamah chuan min pawt phei deuh nawk a chutih rual a Eddie-a rawn pên zeuh chu ding tur bawkin a hrilh leh.



"Țhiana.... enge thil awmzia hi... heti rum rum lo hian a chinfel theih em..?" ka nu chuan a rawn ti a.



"Lo inrawlh ve lo ula a ni ringawt, chuan Rodingpui... ka zawhna che hi a mal te te in dik takin min chhang vek ang che" thinrim mitmeng sen veka min en ngur chung in a rawn ti leh khur khur.



Ka khur a reh theilo ka mittui lah chu ka biangah an luang zung zung bawk a.



"I zawhna zawng zawng chu keiman ka chhan vek che rem ti rawh" sehchilh zeta a rawn țawng ve chu ka ban hmer ngawt ngawt pah in ka pa chuan a en a.



"Chutiang ti tur chuan dik niin i inhria em...?" Ka pa bawk a ni, a aw lah chuh...!



"Ed.... bawihtea kha lo va chhuahpui zawk rawh keimah alawm min biak duh" ka ti khur dar dar. Mitmeng hriatthiam har zet chuan min rawn en a keipawh chuan ka thusawi zawm hram rawh tih mitmengin ka lo melh ve reng.



Ni e... zawm hram se ka duh chuti a nih loh chuan ka pa awmdan ațang hian kut a thlak hreh hauh lo ang tih ka ring ngam sak.



"Miriam... bawihtea hi lo va chhuahpui ta che" ti a bawihtea ka u hnena a hlan rual chuan ka lo maimichhing chawt.



"Ka pu.... i zawhna chhanna i duh a nih chuan kei mah min zawt la keiman chhanna ka pe ang che" inringtawk zet chuan a rawn ti leh a, ka pa erawh a lo nui ro hawk. In bengdaih a tum tih hriat fahran in a thaw zui hawlh a.



"Ka inchhung a khatianga khawsa ngam tur kha ini em...? Ni hauh lo, chuan hre rawh...! He thil hi kan chhungkaw buaina a ni a pawnlam mi inrawlhna tur a awm lo ve, ilo va chhuak thei ang" a ti leh bawl.



"I fanu hi ka hmangaih a chutih rual in ka fapa nu a ni bawk. A buaina chu ka buaina a ni a eng thil pawh hmachhawn se a kiangah ka ding zel ang, eng ber nge in buaina bul ber ka hre hauh lo mahse a mittui luang ka hmu tawh a ka awm lohna hmun a a țah a hlauthawng a a awm ka phal lo" nghet zet hian a ti leh churh churh.



Ka pa erawh za lo tih hriat zet hian a nui zui hawk a ngatinge maw.... hetiang thil hi a rawn thlen phut mai le hrilh kan tum lai mek a ni a kan inring hauh lo asin.



"Eddie.... pawn lamah chhuak zawk ang matei leh ka pa hi inbe zawk rawh se" ka u in Eddie-a a biak pawh chuan amah pawh en pawh en lo in ka pa a en ngar ngar zawk a.



"Ka chungchang a nih phei chuan keimah ngeiin chhanna ka pek che rem ti rawh. I fanu hian engmah a hrelo ang bawk in thiam lohna pakhat mah a neilo engkim keimah ațanga in țan vek a ni" a ti nghet leh churh.



Mangang zeta amah ka en lai chuan ka pa chuan "a țha lawm... i hmangaihna chu engpawh nise he ka thu hriat leh thil dawn hi thudik a nih chuan i hmangaihna khan ka lakah awmzia a nei dawn lo tih hre sa ang che" ka pa aw ri tawp lam bung lutuk avang chuan ka chhunglam a hit thla sung sung thei hial.



"Pa... keimah nen inbe zawk ang aw..., khawngaihin pa" a ngen in ka ngen ngawih ngawih hi a ni ber.



"Min rawn zui rawh. Chuan țhiani, i fanu hi lo awmpui la room-ah sawn rawn luh a tum chuan lo khap ang che" min vawnna a thlah rual a ûm ka tum chu ka nu in min lo vuan bet a.



"Bawihte... i pa tih ang ang chuan awm phawt mai teh" a ti ringawt.



Eddie-a kal ve tur chu ka au a, min ngaihtuahna a khat mitmeng a min en chung chuan min rawn pan a.



"Lo hlauthawng suh aw.... engkim a țha vek ang. I pa thusawi lo zawm la engkim a fel vek ang tih ka tiam a che" a rawn ti zâwi sup.



"Aih... ka lo kal ve ang ka pa mitmeng leh awmdan kha i hmu lo ami kutthlak mai che a hreh hauh lo ang. Ih... kan chungchang pawh nise ka lo kal ve ang nangmah chauh chuan ka pa hmachhawn bik suh" țap țeuh chung chuan ka ti ngawih ngawih.



Nghet lutuk a ka biang a rawn dawm in ka hnar a rawn si a ka bek a dawmna nghet lutuk chu ka vawn hnan a "i tan a nih chuan engpawh ka ti ang bawihi.... hetah lo awm la engmah lo ti suh aw, min ring tiraw...?" ti sup in ka hmuiah chuan a rawn fawp vang vang a.



Ka bûk tak nghat nghat ah chuan a nui ri suk a. Min thlah hnu chuan ka nu bulah ka kalsawn tur min lo veng tura hrilh leh thlap in ka pa te room lam pan chuan a kal ve nghal a ka en zui reng ringawt.



☆ EDDIE LALRUATSANGA POV ☆

"Lo lut rawh" ka kik zawh rual a min lo chhang tu avang chuan thaw hawk in kawngka chu ka hawng a room chhung reh ruih a ka luh fel rual chuan Jane-i pa chuan a hma a țhu turin min lo hrilh nghal zat.



Ka țhutfel rual chuan ka hmaah envelope pahnih hi a rawn theh thla a "engthil nge ni...?" Ka ti nghal sup.



"En ta che.." tih ringawtin min chhang a.



Envelope pakhat la kâng a ka hawng chu thlalak hlir alo awm a chung thlalak ka'n en chu min țhawng hran lo keimah ka ni tih ka inchian vang pawh a ni mahna mahsela mak ka tih zawk tak chu khawi ațanga a neih nge tih hi a ni.



"Nangmah ngei ini tih sawi ngai lovin i inhriat mai ka ring, nge keimah hian ka hrilh kher zawk dawn che.." thlalak pakhat rawn ban pah chuan a rawn ti a ka en chu ka sam zuah lai ami tak, silai nena kha putar hurherh zet bek a ka tin lai tak chu a lo lek kâng vû a.



Ka țhutna nghenchhan nghen dawt pah chuan amah chu ka melh rûn a "enge ti sela min tih...?" Dawhkan kik kauh kauh pah chuan ka chhang let a, amah ka hriat țhin dan ang lo takin a nui suk.



"Nangmah tih i inpawm nghal chu a lawmawm e" tiin a thlalak dang chu a ban leh a "ka nilo pawh ti ila keimah ngei tih a chian miau si chuan awmzia enge awm...? Bakah nangman min hrilh hriat i tum tho a" chang hauh silo hian ka chhang let a.



Ka chungchang leh thildang pawh.... engkim a hriat vek tawh hmel a han inthup buai vel kha ka insawi âwk zawk a hlauhawm tlat. Chutih rual erawh chuan eng thil chiah nge tih a tum ka hrethiam hauh lo.



"Khawi ațanga i hriat nge...?" Thildang a sawi leh hma chuan ka lo ti leh, envelope dang a rawn theh thla leh a.



"Chu chu a pawimawh ber em ni...?"



"Pawimawh e... phuba ka lak theih nan mawle" ka ti nghut.



"Vawikhat tal ka fanu hian thisen leh drugs hmang a ei zawng țhin mihring hi ka ngaina lo in ka haw țhin tih a hrilh tawh che em...?" Tiin zawhna dang bawk min zawt leh.



"Hrilh lo" ka ti ve sup, a bu nghut a.



"A țha a nih chu, envelope pakhat ah khan paper a awm a ka tupa hi i fapa ngei a ni tih a in prove thlap bawk. Chuan pendrive a awm bawk a pendrive chhung a thil awm kha en ve kher i duh nge duh lo" a tih leh rual chuan envelope pakhat chu hawng in lehkha chu ka la chhuak a ka chhiar zawh chuan pendrive chu ka la chhuak leh.



"Mi ka thah lai nge ni a mi ka sawisa lai zawk awm..? Nge ni a an thisen ka dâwt chhuak lai a awm zawk" ti sup in pendrive chu ka vawrh kâng zeuh.



"A awm i hriat duh chuan i en thei alawm. Ka hrilh ang che Eddie, Mami nena in thawhdun lai emaw a tana hna i thawhlai emaw kan tan pawh nise ka en hniam ngailo che a ka hmusit ngai bawk hek lo che. Eng ang chhungkua ațanga lo seilian pawh nila bawihi i Hmangaih a a hlimna i siamsak thei dawn a nih chuan ka pawm vek. Mahse e... i hnathawh hi..." sawi zawm lo chuan a ngawi zui hmak a.



"Khami chungchang kha a nih chuan sawifiahna hun min pe rawh ka pu" a ngawih lai chuh in ka ti a, muang ruih hian min rawn en a nichina a mitmeng leh tuna a mitmeng hi chu a danglam tlat.



Nichin kha chuan min thah mai pawh a hreh lo hial ang mahse tunah erawh natna ni âwm tak hmu tel tlat in ka in hria a mahse chu erawh ka chiang ngam chuang lo.



"Ka sawi tawh kha.... eng ang chhungkua ațanga lo seilian pawh ni mah la ka en hniam ngailo che a, hmelhriat satliah ang mai mai a ka en loh zia che pawh i hria in ka ring. Mahse ka duh loh zawng ah chuan nawr luih chi ka ni lo, bawihi nen pawh lo inzawm mah ula pawi tihna ka neihna tur ka hrelo mahse i thil chîn hi... ka duh loh zawng tak a nih mai bakah thil țha lo tak a ni tih i hriat ka ring..." ngawi deuh zuk in a thaw hulh a.



"Aaaa.... ka tan pawn sawi nuam a ni hauh lo, i lo dawn sawn dan chu enge a nih ka hrelo mahse Eddie, i thil tih avang hian i thlarau chan tur i ngaihtuah ve tawh em..?" A rawn tih zawm leh.



"Ka pu.... ka duh vanga ti ka ni lo tih min hriat sak hmasa turin ka duh che" ka ti sup.



"Ka hria, rin pawh ka ring alawm chuan ka thin a rim bawk.... mahse setana nen danglamna in neih loh zia i hria em.?"



"Chu lam zawng chuan ka lo ngaihtuah ngailo. Mahse ka pu, kei chuan ka chhungte tan ka ti a, kan harsa ka pha lo ka pa lah a hrisel lo em em bawk a kei heti mai ka ni a ka nau hmeichhe pahnih lah an la naupang in mamawh ngah rual an lo ni ve tawh a ka nu hlawh ringawt chuan in buaipui a harsat zia min hriatthiam puiin ka ring lo" ka ti a.



"Sawi zel rawh" alo ti sup.



"Keipawn hna dang awm se chu ka ti alawm mahse kei lehkha thiam silo hian khawiah nge hna ka hmuh teh lul ang..? Hna țha hmuh theihna turin college lei pawh ka rap zawm thei lo a. Heiha, ni e... nangni chuan in hrethiam lo ang" ka ti leh charh charh.



"I harsatna tawh chu ka hriatthiam pui theilo mahna che, mahse Eddie he thil i tih dawn hian i inngaihtuah chhin hauh lo em ni...? Tîmna pakhat mah i nei hauh lo em ni...?" Tuna a mitmeng nena a zawhna min zawh hi chhan harsa ka ti ngang mai.



"Ngaihtuah e.... khawvela ngaihtuahna hmang nasa ber ka ni hial ang tih tur ania sin. Mahse kawng a awm silo a ni, ka chhung leh kua te an țâm ka duh lo a nih chuan a bak a awm silo a tin ni. Chuan ka pu, Jane-i lakah thinrim tawh suh a thiam loh pakhat mah a awm lo a kei hian engkimah ka nawr lui țhin vek zawk a ni" ka tih zawm leh.



"Ka fanu chunga ka awmdan chu ka duhdan tur a ni, midang duhdan ni lo in ka duh loh zawng leh huat zawng hrechiang tu ber a nih ang in hrelo ang hmak in a khawsa zui leh a lungawi loh chu ka tihtur a ni alawm"



"Nilo, a tir in engmah a hre sa reng reng lo, a ni pawn a hriatna ala rei hek lo. Ka pu.... i fanu hi ka Hmangaih ka tih tawh kha, a țah ka phallo ka fapa nena an kianga damchhung hun hman pawh ka duh chu aia duh ka neilo. Ka thil tih hi ka bansan theilo a ni maithei mahse ka pu, an nufa hi ka hlat ah an awm ka rem ti lo chutiang tur chuan theihtawp ka chhuah bawk ang" ti nghut in a mitah chuan ka melh rûn a ka mit ah chuan tumruhna a hmuh ngei ka beisei.



Chuan ka ti ngei bawk ang, engtikah mah an nufa hian ka hlat san tawh dawn lo.



☆ JANE RODINGPUII POV ☆

"Nu... an rei tawh e kei chu ka ngaih a țha thei tawh lo ka va lut tawp mai dawn" ti a ka ding uaih chu Mami'n min lo dang vat.



"Inrawlh lo la a țha zawk. I va inrawlh chuan ka pa i va hnial leh amaw kha ania nga Eddie tan thil i tibuai zawk mai mai. Lo awm mai mai rawh" tiin min pawt țhu leh.



Ka nu pawh chuan "ni e... mambawih, i pa tih thinrim pawi zia hrechiang tur ber inih kha. A sawi ang chuan awm phawt mai teh. Heiha, kei hian a ni engmah hrethiam lo chu min hrilh lah in tum hlawm silo" ka nu bawk chuan a rawn ti ve leh.



"Darkar chanve dawn lai an awm tawh saw.... enge a chhung a thleng pawh kan hriat loh saw ka kal dawn.." ti a ka ding leh chu ka u in min pawt țhu hnawk.



"Amak... Rodingpui ka sawi tawh kha vawi engzah nge sawi nawn a ngaih dawn..? I va kal chuan thil engkim i va tibuai zawk mai mai dawn.... lo ngawi reng la hetah hian ngawi rengin lo țhu rawh kan thusawi zawm la awm hle hle rawh" a rawn ti țhat.



Mahse engah mah ka ngai thei tawh lo, kawngkhar chu ka melh a a reh tlawk tlawk bawk si chu ka mangang tawh.



"Ka pa hi amak e.... hrilh kan tum lai mek a ni asin engtin nge alo hriat theih le" ka sam chu ka țhâm vak, Eddie-a ka ngaihtuah tawh lutuk chu ka mittui a tling vek tawh.



Chutih lai tak chuan kawngka inhawng ri ka hriat avang chuan ka hawi chhuak nghal vat a, Eddie-a rawn pen chhuak ka hmuh rual chuan ding chhuak zawk in rang zet hian ka pan phei nghal a.



A bul ka thlen rual chuan min lo nuih nghal suk.



"Enge in sawi...? Kut a thlak che em...? Nilo, enge a sawi, min kalsan tur che in a ti che em..? Nge bansan tur che in a hrilh zawk che...?" Zawhna ka zawt nghal zung zung.



Nui suk in ka bek sam ah chuan kut a rawn rawlh lut a "i zawhna min zawh kha eng ber nge ka chhan ang..? A tam lutuk a chhan ber tur ka hrelo ania" a sawi zo chu a kiai nghal suk.



"Fiamthu lo teh ka ngaihtuah lutuk che hi ka țap lo chauh asin... ka pa chuan eng ber nge a sawi...? Sawi vat teh Eddie.... min kalsan tur che a a tih che pawn min kalsan miah suh aw... i hria tiraw..? Kei chuan ka kalsan dawn miah lo che ania nangpawn min kalsan bik miah suh aw" ka ti ngawih ngawih, ka mittui chu an la luang thla zui.



Lehlamah chuan a kut rawn zen lut leh in ka hnar chu a rawn si a "sawi suh.... engtikah mah ka kalsan ngailo ang che, i bulah ka awm reng dawn alawm. Bawihi, ka thusawi hi ngun deuhin lo ngaithla rawh" tiin ka hnarah chuan a rawn fawp a kei erawh chu hlauhthawn namen lo in ka hlauthawng.



Ka thin an phu rang dup dup a, a phu chhuak dawn amaw tih tur hial a ni.



"I pa thusawi zawm la, eng pawh sawi se lo hnial miah suh aw... lo ngawi reng la hmel hlim lo emaw thinrim hmel emaw lo hmuh hauh suh. I awm pangngai in lo awm la buaina engmah lo siam suh aw" a ti zung zung a chhan let ka tum chiah chu ka hmuiah a rawn fawp vang vang ringawt.



"Zawhna engmah min zawt let lo la ka sawi ang chuan awm tawp rawh. A chiang tiraw...? Lo țap lo a, bawihtea ka mangțha hnuah ka haw phei dawn a. Ka thlen hunah ka rawn bia ang che, a hunah engkim i hre vek mai ang" a ti leh sup sup.



"Ka ring thei ang che tiraw...? Chuan, min kalsan dawn miah lo tiraw...? Tinge min kalsan daih tur anga ka ngaih tlat che a" ka ti leh pur a, ka bek dawmna chu ti nghet leh zual in a nui ro hawk.



"Bawihi.... amak emai, engtikah mah ka kalsan dawn lo che, chutiang chu a thleng ngai dawn lo theihnghilh suh, ka Hmangaih che. ENGTIKAH MAH KA KALSAN DAWN LO CHE" a tih chuan ka mittui a luang zung zung a a kutzungpui a rawn tuai faiin.



"Țap tawh lo la bawihi, engtikah mah ka kalsan dawn lo che u. I țah reng te chuan engtin nge ka haw san theih ang che... i fapa lak ațanga zawhna chhan sen loh i dawn leh hma in le... bang tawh rawh le" tiin ka mit chu a rawn tuai a a rawn fawp zui vang vang.





Ni thum lai a liam tawh, khami zan bak kha Eddie-a a rawn lang leh tawh lo a phone-ah erawh chuan kan in be reng thung, keipawh awm pangngai in ka awm reng a mahse ka pa erawh chu tun hma a ang tawh lo. Hmel hlim a nei tawh ngailo a ka biak ve hlek chuan a pawi ka sawi nghal zel mai amaw tih tur a ni.



Eddie-a min chah ang chiah in pangngai takin keipawh ka awm a ka pa phei chu biak luih ka tum a nih loh phei chuan en pawh min en ngai lo, kan chhungkaw nun chu a hma nen kha chuan lei leh van ang vel a ni.



Bawihtea awm lo phei se chuan kei phei chuan dawhkan ka kil ve ngam lo maithei. Apa a ngai thei em em a phone ațanga inbiak rik ngawt chu a duh khawp lo mahse Eddie-a chuan a buai thu a sawi zel a.



Kei tak pawn ka ngai a lo kal turin ka ti fo mahse a chhan ka hriat hauh loh in min hnial zel.



Khami ni a ka pa nena an inbiak na ka zawh lah in ngaih țha deuh a awm turin min hrilh ringawt zela ka zawh ngun poh leh thildang a pakaina tur a zawng tam ting a ni mai.



"Uu.... Eddie nen in in be ngai em...?" Ka u hna kal tur chu a room-ah lut in ka zawt a.



"Be ngai hran lo mahse office-ah hian alo kal ve zeuh zeuh zel. Tinge.. in inbe ngailo ami...?" Perfume in kah mawlh mawlh pah chuan a rawn ti let ang he haw a.



"Aih... be ngai tho e mahse alo lang duh tawh lo a" bang nghen pah chuan kawi sawi zet hian ka ding a.



"Khatiang thil a thlen hnuah khan a rawn lan leh ngam i ring a maw ni le. Ka pa nen enge an sawi kan hrelo mahse a thiltih kan hriat vek a chinah a rawn lan ngam ring tawh suh" a rawn ti a, ka thaw vak.



"Ka pa hi a ti mah mah a ni, a fanu hlimna hi chhete pawn a ngai pawimawh miah lo" ka ti hlar, ka u chu a chek tlak tlak a.



"Kawng țhenkhatah chuan i hriatthiam ve a ngai ania, nangpawn bia la pangngai deuhin thil sawi pui tum la hetia ngawi reng a awm lo hian. Mate, ka pa luhlul nêk luih țalh i tum chuan a ai a luhlul i ngai tih hria la Eddie-a chauh ring lo in nangmah pawn engtin emaw tak hma la ve ta che" a rawn tih chuan ka harh zawk.



"Yes..! Ka hre ta, u.. ka lawm e" tiin kawngkhar lam ka pan nghal a min auh zui na pawh chu ka hrelo der hmak.



Rang lutuk a ka pa Office kal hma nan hman tum chuan step ah chuan ka tlan thla zawt zawt a, ka nu in min auh pawh chu ngaihsak zui lo in an nupa pindan lam pan chuan ka pên hlawk hlawk.



Kik pawh kik lem lo chuan ka nam hawng pawp a ka pa chu tukverh ah hnunglam hawi zawng a lo ding in phone alo hmang mawlh mawlh a.



"Pa" ti a pen ka tum chiah chu a thusawi avang chuan ka ding chawt.



"Lo enthla zel rawh. Engtikah mah ka fanu hi a rawn hnaih leh tawh tur a ni lo mi hlauhawm tual thah ching a nih kha. Ka tupa phei chu a kut hmawr pawn a khawih tur a ni lo, chuan a rang lam in a chungchang hi hotu lam hriattir vat ang che,,, ka sawi chu i hrethiam tiraw...?" A tih zawm leh.



"Pa..." ka ti khur dar dar.



Ka aw hriaiin muangchangin a rawn hawi a min hmu pawh chu mak a tih hmel hran lo.



"A pawi khawih na ngei mai video kan neih kha evidence atan a pawimawh dawn a tibo thiang ini lo, court lam in kha thil an hmuh kha chuan a tan tih theih a awm tawh dawn lo" min en reng chung chuan a sawi leh.



"Chuan ticket lo book sa la... an nufa hian thawn bo an ngai buaipui ngai zawng zawng lo buaipui vek rawh" zâmna nei hauh lo chuan a sawi zawm leh a nih chu.



"Pa.... engtin nge i theih zawk..ka.. ih.. i fanu.." sawi zawm theilo chuan ka hmui khur dar dar chu ka hup a ka biang ah mittui an luang thla zung zung bawk.



Ka âwm chhung a nâ a, a tâwt a a sa hut hut a ka thisen luang lai zawng zawng te chu an chawl țhup ni mai hian ka hria.

● Heiha... a laklawh viau nâ in tawp rih phawt rawh se aw.... a tawp vat dawn a a chapter hi a thui tawh dawn hran lo. Kan zo vat vat dawn nia.... a ngaihnawm loh maithei a mahse enjoy han tum phawt mai ula a rau alo awm veleh mai ang😂😚


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)