HEY DADDY By Mami pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HEY DADDY By Mami pachuau (Completed)

Unread post by Ngaia » May 1st, 2022, 10:05 pm

HEY DADDY CHAPTER - 31

Ziaktu : Mami Pachuau



"Ka thusawi i hre vek a lo in buatsaih ang che tunkar tawp ah thlawhna pawh a thlawk chhuak thei ang" min en miah lo chuan a ti a, a țhutna ah țhu thla in lehkha a bih zui leh hmak.



"Engtin nge...?" A bak ka sawi zawm theilo, sir lam ka hawi a ka bek sam ka zen chho a ka hmer ngawt ngawt ringawt.



"Zawhna engpawh min zawt rawh chhanna chu a ngai vek. Ka rilru ka sawh sawn dawn chuang lo, chuvang chuan ka thusawi âwih la lo han in buatsaih ang che" a ti leh hmuk.



In hnît hraih in ka pa chu ka en a ka biangah lah mittui an luang thla zung zung bawk "min thawn bo mah la min rawn zawng hmu leh tho ang, thil a tih theih tawh zia pawh i hrelo a nih kha in ruahmanna siam kha chu a ni tan ho tê a ni" ka ti ve hmak.



A pen dah pah chuan a rawn hawi chhuak ruai ruai a "chu.... chona țha tak a nih chu...! A duh chuan chêt a la ve thei a ka la ve thei zel alawm kawng dang a hriat chuan keiin kawng dang ka ngaihtuah ve leh zel thei bawk a" a ti leh mai.



Ka nui hak a, mahse za lo tak a ni ringawt.



"Pa.... he thil i tih hian enge hlawkna i neih...? Kei leh bawihtea nun hreawm in min siam sak tih i hria em..? Kei chu thuhran, bawihtea hi i ngaihtuah ve lo ami, pa a mamawh zia i hria a chuta karah a pa lak ațangin thawn bo ila tum ania..." ka ti nghat.



"Hreawm a ka siamna che u ka hrelo, in himna tur zawk a ni. Bawihtea, ni e.... ka tupa hian pa chu a mamawh a hei ai hian ala mamawh zel dawn. Mahse hre rawh, hetiang mihring tual thah ching mihring hnena a khawsak ka phallo, a inzirna tur a pa, a entawn tur a pa nun hi en rawh entawn tlak a ni em ni...?" A rawn ti khur khur.



Ka nui hak a, tlem in ka pan hnai bawk "a nih chuan thil țha zirtir a fuih ngil tu tur a pu hi entawn tlak a ni bik em ni...?" Ka sawi zo chu ka hmingpum in min au țhawt a kei erawh ka nui sak.



"A pu in a pa, a ngainat em em leh a Hmangaih em em lak ațang a la hrang tih hria se a tupa hian engtin nge a ngaih i rin. Ka hrilh ve ang che pa.... Eddie hi a thiam bik ka ti lo, engkimah a dik in nangmah i dik lo fai vek ka ti bik lo. A thil tih hi keipawn țhalo ka tiin bansan se ka duh ve tho mahse a tir ațanga 'pa' ang mai a alo en tawh hian bansan tur emaw kawng dik zawh tura fuih a hnêk in a khawlo zawngin thil iti zawk a nih hi" ka sawi zo chu ka thaw hak a.



Ka pa, thinrim insehru a kut hûm ruh ngawt ngawt chu melh in "thleng tur chu a thleng vek tawh asin, duh lo sa teh eng ang mah la i siam țha thei tawh chuang lo. I thil tihdan hi a fair bik lo asin. Thleng tawh chu thlen tir a lo thleng leh tur dan chu kan tihtur a ni zawk dawn lo ami...?" Pangngai zet hian ka tih zawm leh a.



A tarmit chu dah thla in min rawn en a "a in hmangaih tir che a a bual â vek tawh che a. I pa in i tana thil țha a tih pawh a sual zawngin i hmuh sak ta a ni maw. Mahse hre rawh, awmzia a awm dawn chuang lo" a rawn ti khauh leh fur, sir lam hawi in ka țhen sak a.



"A sual zawngin ka hmuh sak reng reng lo che. Chutin, Eddie-a ka Hmangaih hi a sualna ka hre bawk hek lo. Pa, buaina ah i in barh lut zawk tih i inhria em...?"



"In barh lut lo in chingfel turin ka lut zawk. Ngatinge i ât em em a bawihi. Ngaihtuah rawh, an ram in an zawn rawn a ni a helamah inphen nan a rawn tlâ a misual chu zalen takin a nung a ni thei, mahse man tih hun an la nei dawn chutih hunah chuan i mualpho anga bawihtea chen in mi sel leh dem rawn luai luai in ni anga... chutih hunah chuan ka tupa hi mi'n 'tual thattu fapa' ti a an sawi ka phal reng reng lo" a rawn ti vîn țhawt...!



"Ka pawi sa lo" ka ti ve tuarh.



Kut khur ngawt ngawt chungin min rawn kâwk a "na..na..nang Rodingpui" a ti khur ngawt ngawt.



"Ka pawi sa lo ka pa, chuan bawihtea hi mi'n 'tual thattu fapa' tiin an sawi dawn bawk hek lo. Hei leh chen, i thu angin ka awm a ka hnial ngam lo che a Eddie-a'n i thusawi âwih a ngawi reng a thuâwih taka awm turin min ti zela.. ka dawh a, ka ngawi a ka ngawi zela mahse ka pa... tuna i thil tih dan hi chu a rapthlak mah mah a ni. I fanu leh i tupa hi min venghim in kan tana țha tur i ngaihtuah amaw i tih lai khan maw.... nangmah hlat turin i siam sauh sauh zawk tih hria ang che....!" Mittui tling pam a ti hmak in kawngkhar lam chu ka pan a.



Min auh lawm lawm pawh chu hrelo der hmak in room kawngkhar chu ka hawng a ka chhuak chu ka nu lo ding reng ka hmuh chuan ka ding ngawi ve reng a a ni pawh a mittui a lo tling ve pam mai.



"Nu.... engmah min zawt miah suh... i hriat duh chuan ka pa va zawt ve mai rawh. Kei chu ka tuar thei tawh lo a ni mah mah tawh" ti hmak in ka kalsawn a inchungah chho in room lam ka pan a bawihtea pawh alo la mutui ngang mai.



Lukham chung a ka phone chu la in Eddie chu rang zetin ka call nghal vat a ka mittui lah hi alo tla tei vet ziah lehnghal.



Rei pawh a in ring hma chuan a rawn la vat a "khawiah nge tunah i awm...?" Hello pawh a tih țhat hma hma chuan ka lo tih khalh a.



"Ahh... inah ka awm a, tinge...? I aw te chu ava dik lo ve" a rawn ti nghal zat.



"Ih... ka pa nen kan in hau a in hau tih ah, a thil tih tum dan ka duhzawng a nih loh avangin ka hnial a" ka ti a, a rawn thaw hawk.



"Tinge... bawihte, engmah thleng lo angin lo awm rih rawh ka tih che kha keiman engkim ka rawn tifel vek dawn alawm" min ngaihtuah hmel zet hian a rawn ti a, khumah chuan ka țhu thla a.



"Ka tuar thei tawh lo alawm. Eddie, bawihtea nen hian ka pa in ram pawn a min thawn a tum asin ka kal duh hleinem nangmah hlat ah ka awm duh lo" ka ti țiau, ka rilru rawn no thar leh lutuk chu ka duh lo takzet mahse ka dang thei der silo.



"A tum ta a ni maw... hma ka lak ve vat a ngai a nih chu... bawihi, ka rawn hruai ang che i duh em...?" A rawn ti sup.



"Maw...?" Ka ti hâ a. Ka thin avan phu rang tak.



"Hetah ka Office lamah thil hmuh tir tur che ka nei a ka rawn hruai ang che aw bawihtea nen lo insiam ula" a rawn ti daih a, ka thaw nghal huai huai mai ka lo hruai ang che a tih khan thil dang daih a sawi amaw ka tia.



"Aw... min lo hruai rawh kan lo insiam ang" ka ti a, muangchang lo tura min hrilh in keipawh chuan ka dah vat a ka biang chu tuai thuak thuak in bawihtea chu ka kai tho a.



Chiang vak lo a a rawn men rual chuan "bawihte... tho rawh le Daddy bulah kan kal dawn ania" ka tih rual chuan fiah zet hian a rawn meng nghal kâwk a ka nui hak.



"Maw... Âma Daddy bulah kan kal dawn maw...?" A rawn ti ve hâ a, nui sen sen in uar zet hian ka bu nghat nghat.



"Yess...!" Ti chiam in a rawn tho chhuak hluai a keipawh chu ka nui ve hak hak.



"Yess... Âma nen Daddy bulah kan kal dawn..." ti chiam in khumah chuan a zuang thak thak a kei a pawh chu ka nui leh hawk hawk.



"Âma hmanhmawh ang Daddy chu alo thleng țep tawh ang" a rawn tih ve vat rual chuan ka pawm kâng nghal vat a bathroom lama ka luhpui rual chuan apa a hmuh chak thu a sawi ve sep sep reng bawk.



Insiam peih sa at in inhnuaiah kan chhuk a ka pa pawh a chhuak tawh a ni ngei ang, choka lamah ka hruai lut a choka kan luh rual chuan ama chair bik ah chuan țhu ve nghal tharh in ka phone a ken thlak chu a phawrh nghal vat a.



"Nu.... ka pa a kal tawh ami...?" Rawng bawl a buai mek ka nu chu ka bia a a rawn hawi a "aw a chhuak deuh chiah a nih kha... eeee bawihte, ivan tho har em em ve vawiin chu tlangval chu hma deuh ah thawh tur alawm" tiin bawihtea sam chu a rawn tuai a.



"Api.... Âma nen Daddy bulah kan kal dawn asin" hlim zeta a tih rual chuan ka nu chuan min rawn en vat a.



"Bawihte... " a rawn ti ringawt.



"Nu... ih, a office ami thil min hmuh ringawt dawn alawm a bak engmah a ni dawn lo" ka ti vat, min rawn pan a.



"I pa in a duh loh zia hre reng chungin engatinge i tih luih ziah bawihi, i u sawi ang khan reilote tal pawh i nghak theilo em ni...?" A rawn ti vawng vawng a, a kutah chuan ka vuan vat a.



"Ka pa'n a hre dawn hleinem... nu, engmah ti lova thil țha nghah ringawt pawh hi a țha ber lo asin. Ka pa rawn haw hma in kan rawn thleng leh ngei ngei ang tih ka tiam a che" ka ti a, min ngaihtuah tih hriat zet hian a thaw deuh ham ham a.



"Tih theih ka nei tlem si a... lo thlir tawp bak tih theih ka nei silo, i pa thil tihdan lah engmah ka hriatpui bawk silo. Bawihi, Eddie hi ka iai hauh lo kei chuan duh lohna pawh ka nei hran chuang lo bawk. Bawihtea pa alo ni leh zela i pa hnenah thil sawi ve hlek ta ila buaina ka belh chhah sak dawn si cheu a i nu hian tih theih engmah ka neilo a tin ni" inthiam lo tih hriat ngawih ngawih hian a rawn ti a.



Nui var var in ka kuah a "a pawi lo nu... kei chuan Eddie-a i haw ve lo hi ka lawm daih zawk. Chuan, Bawihtea hian thil ei se kan va kal vat vat anga kan rawn haw leh hma zawk ang" ka tih chuan bawihtea pawh a thil ei duh a zawt vat a keipawh chu bawnghnute thli turin ka phe chhuak nghal vat.



Bawihtea'n a ei zawh chuan pawnah kan lo nghak a reilotê ah a rawn thleng vat. Car ațanga a rawn chhuah rual a amah ka hmu chu ka chhunglam hi a ni nghal rawih rawih maiin ka hria, kan inhmuh lohna a rei hman tawh bawk a ka ngai hman takzet.



"Daddy" tih țûng pah chuan bawihtea chuan tlan meuhin a pan phei a, apa chuan lo pawm kâng nawlh in a kuah nghal vawng vawng a bawihtea lah chuan alo lan khât tawh zia te leh a ngaih tawh zia te fiah lo zet hian a hrilh ve niap niap a.



"Bawihtea bulah khan Daddy hi a awm char char tawh dawn alawm... le, car ah lut rawh aw" tiin Car kawngkhar chu a hawn sak a bawihtea pawh a țhu lut ve hmak. A khar fel ruala a rawn hawi chuan ka lo nuih var var a.



A ni pawh thaw hawk a nui suk in a ban a rawn phar chhuak a pan phei vat in a ângchhunga ka tluk luh rual chuan nghet lutuk a min lo kuah nghal in ka bek ah chuan a rawn fawp vang vang a.



"Ka ngai khawp mai che" a ti thûm sup, keipawh chuan ka kuah nghet ve vat a.



"Kei pawn ka ngai lutuk che" ka ti ve sap, hahdam ta ang mai hian a thaw ham ham a.



"Rei ka in nghah tir che avangin ka tihpalh bawihi, duh angin thil ka chingfel hma theilo a tin ni. Mahse tun ațang chuan ka hlat ah in awm ka phal tawh dawn lo" tiin a awm hrang a ka biangah rawn tuai in ka chal ah chuan a rawn fawp zeuh a.



"Ka ring che lawm" ka ti ve sep.



"A nih chuan lut la, vawiin chu ka hlat ah awm tum suh ang che. Office lamah pawh nise thawktute hmai zah avangin awm hran tum suh ang che" a ti nghal hmak mai.



"Ahh... a zahthlak ve lawm. Lut tawh ang" ti a Car kawngkhar ka hawng daih chu a nuih pui hawk hawk a kei erawh min man beh ka hlauh luat ah rang lutuk in ka lut a bawihtea lah chu apa țhutna lamah alo țhu ve hmiah.



"Hriatpui... hetah lo țhu rawh Daddy motor khalh i ti buai ang" ka sawi zo chiah Eddie chuan kawngkhar a rawn hawng ve chiah a "vawiin chu bawihtea'n motor a khalh dawn a ni maw khawi lai thleng nge min hruai a tum a...?" Zângkhai zet hian a rawn ti a.



"Daddy duhna piangah ni mai" an ti fel ve ât reuh a Eddie-a pawh a nui hawk mai.



"Âma duhna ah i hruai ve dawn lo maw" ka ti chu min rawn en a, apa a en leh a "Âma chu nakinah ni mai" an ti mai chu apa nuih a za ngang mai, tihtauh der ve ka tum ania kei pawh ka nui tawp.



A office lam pan in kan in khalh chhuak a a fapa nen an in be reng a kei erawh chuan an awmdan vel chu hmuhnawm ti zetin ka lo thlir dauh dauh thung.



"Ngawih reng i tum ami...?" A rawn tih tak hmuk ah chuan amah chu ka en a, traffic jam lai ania a lungawi lo ania nge a hnar a tum dat mai.



"Ahhh.... sawi tur ka hre ve hleinem.. bakah in hmuhnawm alawm lo en cheu kha ka duhtawk" ka ti a, a rûm nghat.



"Keiin ka duh ve hleinem, i thil sawi ho te pawh ngaihnawm ka ti țhin ka tih kha" a rawn ti sup a, ka nui hak. Bawihtea chu ka pawm țha a.



"Nichina min lo biak a 'ka lo hruai ang che aw' itih khan, thildang daih amaw ka lo tia" ka tih chuan hriatthiam loh hmel fê hian min rawn en a.



"Eng thil dang daih maw...?" A rawn ti deuh hû mai, huh..! Hepa hi a hrelo der nge ni a a hrelo tak tak zawk. Nge ni a min fiam a tum..?



"Ka sawi zak e a, i hrelo tak tak nge ni a min fiam i tum..?" Kan ti deuh kher a alo bo hmel kher lehnghal.



Hmm... mi tihder a zei bawk a tunah pawh hian a ti der a ni khawp ang.



"Ka man lo che, sawifiah la" a rawn ti leh.



"Aih... a ngailo, i hriat loh chuan hrelo law law mai rawh bakah thil pawimawh pawh a ni lo" ka ti daih a, hmalam ka en daih bawk.



"Ka beng i ti vir laklawh alawm mawle, sawi mai mai teh sawi harsa pawh a ni loh kha" a rawn ti hluk.



"Aaaa ka zak alawm" ka la ti hram.



"Jane" a rawn ti nghut, bawihtea lah chuan "Âma... sawi mai la" lo ti ve sek.



"Heiha... in va han ninawm pafa tak. Englo, khatia i rawn tih khan inruk i sawi amaw ka tia" a tawp lam chu a ri chhuak pawn ka hrelo, ka zak lutuk hi ka biang a sa vek a khûk ral nghal chem chem mai ka duh.



Min chhan mai loh avang chuan a nui a za amaw tiin amah pawh en hlei lo chuan "nuih suh aw... ka rindan mai mai ania bakah a ang bawk sia nuihzatthlak pawh a ni lo ania" ka lo ti leh zung zung.



Mahse ala ngawi tlat.



"Tinge... engmah i sawi dawnlo ami.." ti a ka en chu hmalam alo melh ngur a, a lungawi lo amaw ni tih tur zawk a ni.



"Eddie" tih sap pah chuan ka va khawih a ala phu zuk zui ah...! Min rawn en a "i thin a rim ami...?" Ka ti ringawt.



"Rim lo e.... i thusawi khan ka ngaihtuahna a ti kal thui deuh mai mai mawle" a ti sup a, jam a kan tâng rei tawh lutuk chu a phun khum zui hluk bawk.



"Engti zawngin" ka ti a.



"Kan inkarah nupa nih hmaa thil thleng tur chu a thleng fai vek tawh a bawihtea pawh alo piang reng bawk. Mahse khami hnu kha chuan tisual nawn tawh lo in dan ang thlap a i pa rawn biak ka rilruk a mahse tuna i thusawi khan ngaihtuahna thar min pe tlat" a rawn ti sup a, a thusawi hi ka man chiah lo.



"Sawi chiang la" ka ti a.



"Dan ang thlap a i pa rawn biak a ka nupui a siam che ka tum dan a ni bur tawh a. Mahse tuna thil thleng a ka hlawhtling theilo a nih chuan i ngaihtuahna kha a takah ka chan tir in ka ring. Ka hlat a in awm ka phal lo, chutiang bawk in keipawn kalsan ka duh lo che u" a rawn ti sup a.



A thusawi chuan keipawh min țhawng chhin miah lo, keipawn amah kalsan a amah hlat a awm ai chuan ka thlang zawk ngeiin ka ring.



A office kan thleng a ka u pawh ka rin loh deuhin alo awm vâng tawh mai, zawhna ka zawt lawk dawn tih a hre sa pawh a ni maithei "engmah ka hre bik lo nia aw Eddie pawn min ko ve tho ania" a rawn ti nghal a ka nui ringawt.



Bawihtea chu Felori bulah lo awm tura hrilh in Eddie chuan a Office lamah ka u nen chuan min hruai phei a a Office hi ka vawikhat kalna tur ania a thawk te lah chuan an zah hmel em em lehnghal a tiang ang Office a nei tih hi ka hre miah lo.



"Ka pa thil tum i hre tawh em...?" A office chhunga kan luh hnu chuan ka u chuan a zawt nghal a.



"Hre tawh e... a evidence kawl kha hotu lamah a theh lut hnai tawhin ka ring" a tih chuan ka ka hau mai.... engtin nge a hriat le.



"Engtin..?" ka ti chiah.



"Bawihi..., hriat theihna țha tak ka nei tih ila hrelo a ni, i pa chetdan tur zawng zawng hre lawk sa vek a hma la zel ka nia lawm chuvang ania a thu âwih rawh ka tih che" ti sup in mit min rawn siai suk.



"Chu pawh nise" ka la ti hram, a nui suk a.



"Khawmaw bathroom ka zun a chhuak tawh lutuk" ka u in a rawn tih zat avang chuan bathroom awmna lam a kawhhmuh leh rih a ka u bathroom a a lut fel chiah tih ah chuan.



"Hetah lo kal teh" a ti sup a, ka pan hnaih rual chuan ka kutah kaiin a dawhkan hmaah chuan min kalpui a.



Ka hnungah ka taksa si chêt a rawn ding in dawhkan hmaa drawer chu a pawt hawng a ka en chu khawl hlir hi a ni mai.... "henghi enge...?" Ka ti sap.



A dang chu a pawt hawng leh a khawl hlir a ni nâng in hei chu a dang ve thung, thil tereuh te te invuah khawm hi alo ni a phone panga vel leh thil dang dang a awm țhup bawk.



"Heta țang hian i pa thusawi zawng zawng record vek țhin a ni a, khawiah nge a kal tih te leh a ruahmanna a sawi chhuah te thlengin... chuan hetah hian.." tiin phone awmna lam chu a kâwk a.



"Heta țang hian L.A lamah information an pe zung zung a i pa in a hriat țhin ang zawng zawng a ka thil tih kha an lo hliah khuh zung zung a hming pawh an lo thai reh zung zung țhin bawk" a rawn ti sup, mak ka ti lutuk chu ka âng phuau ringawt a ka kâ chu rawn ti chîp in a nui suk.



"Mak iva ti âwm ve" tiin a nui huk a.



"Sawtah... engtin nge, nilo ava mak... " ka sawi zawm theilo.



"L.A lamah ka nau te leh boss in engkim an buaipui fel vek thei alawm. Bawihi, hetia i pa ka tih a ngai hi hreawm ka ti ve tho mahse hetianga ka chêt loh chuan ka tan kawng a in hawng thei dawn tlat lo a tin ni" a rawn ti leh a.



"A nih.... ka pa hian khawi ațanga a hriat nge... i chungchang. Oh..! Nilo, engkim hi khawi ațanga a hriat nge...?" Ka ti sap.



"Ka assistant ațangin mawle" ka u aw in a rawn tih chuan ka hawi chhuak zawk a dawhkan hmaa țhutthlengah chuan alo țhu reng tawh.



"Keipawn ka hriatna ala rei bik lo, mahse en thlak nan ka la thawh zawm tir zel a a țangkai fû mai amah ațang thil kan hriat zung zung theih phah a" ka u bawk chuan a rawn tih zawm leh a.



"Thil zawng zawng hi ilo hre vek bik tawh ami...?"



"Hre vek bik lo e, keipawh tukin zingah Eddie khan a kimchang min hrilh chauh alawm, ka pa pawh hi a ti mak tak tak a ni engtin nge maw hetiang zawnga hma a lak tak tlat ni" ka u chuan a rawn ti leh a, a thaw zui ham ham.



"Jail tan chungchang vel kha a sawi tel sia" ka ti a.



"Aaaaa kha lam kha chu lungngai suh... he mihringpa hi jail a tâng lullo ang, tâng pawh nise rei a tâng theilo karkhat hnuah a rawn chhuak tho ang. Khalamah kha chuan hlauthawng suh" ngaihsam zet hian a rawn ti a Eddie-a ka en chu ka dar a khabe nghat in min lo nuih suk a.



"Tak tak ami...?" Ka ti hû.



"A sawi ang kha a ni mai, keini chu kan tâng rei tak tak theilo a reilote ah boss in min la chhuak leh thei zel, bawihi... khalam ah chuan i ngaihtuahna seng duh suh" tiin ka nghawngah chuan a rawn fawp zeuh a.



"Chuan enge min kohna chhan tak chu...?" Ka u chuan a rawn ti a.



"Nia... ka pu alo nih tawhna ang leh in pa a nihna angin ka tan thil nuam pawh a ni hauh lo a. Tih loh ka tum ûk a mahse i pa hian ti lo theilo in min siam a nih hi..." a ti hmasa te te a.



"I sawi tum chu sawi vat la" ka lo ti nghat, a nui ri suk a.



"Nia.... i pa hian ka thil tih tawh te ah finfiahna dang zawng turin L.A lamah kal a tum a chutah chuan kan man dawn a kan Headquater-ah boss nena inbe tur leh zawhna zawt turin kan hruai a ngai dawn a, hliam neuh neuh pawh a neih a nghaisakna chhete pawh a tawrh a ngai dawn maithei a chumi chu ka hrilh hre hmasa cheu a dam in a rawn chhuak lo maithei tih pawh" a tih rual chuan Eddie chu ka en nghal dâwrh.



"Maw...?" Ka u pawh chuan a rawn ti țhawt.



"In hriatthiam a ngai, civil mi satliah mai mai in Headquater chhung a hnathawk te an chhui a Headquater hial an thleng ngam a an chhui lut a nih chuan dam in an chhuak mawh khawp mai an chhuak thei a nih pawn an vannei viau anga mahse an nun a chêp in nun zalen an nei tawh dawn lo a chhan pawh en zui reng an nih tawh dawn avangin, an kâ ațang thuruk pakhat lek pawh chhuak se kah hlum an ni ang" a rawn ti leh sup.



"Aih.... chutiang chu a thleng theilo" tih pah chuan ka tawlh sawn a min rawn vawn a tum chu ka tawlh hnung dat.



"Jane min hriatthiam a ngai hei chu ka thuneihna piah lam thil a ni, tih theih ka nei tlem takzet heti lamah chuan. Chutiang thil a thlen loh nan chuan i pa pawh ka dan a ngai a mahse min ngaithla duh silo a ni" a rawn ti zuai ruih.



Ka thaw hak a, ka u ka en a a ni pawh chuan rilru hah tih hriat zet hian min rawn en a.



Tinge ka pa hian... L.A lam thleng thleng a va tih a tum le, ngatinge thil kan hrilhfiah tawh chung pawn Eddie hi ala huat em em a L.A lam thlen ava tum țalh le a nunna in a tuar phah thei hial asin...

☆ Stop it... phawt ang u😅 laklawh deuh hian tawp se next chapter ziah dan a nuam deuh ang 🤣


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:05 pm

HEY DADDY CHAPTER - 32

Ziaktu : Mami Pachuau



"Kawng dang a awm thlawt lo em ni....?" Ka u pawh chuan a rawn ti ve hap, kei erawh chuan ngawi rengin Eddie chu ka melh ngawt ngawt a. Ka pa hi haw viau mah ila chutiang chu a chung a a thlen ka phallo.



Ka pa a ni a, a danglam dawn lo.



"Kawng dang awm se ka ti alawm mahse i pa hian ka thusawi a ngaithla duh tlat lo a ni, fax pawh ka thawn a mahse a hmu em ka hrelo chanchin a rawn nei zui silo a tihdan dang ka hre tawh lo a ni" a rawn ti zuai ve ruih.



Ka u chu chair-ah chuan a țhu thla dawt a keipawh chu ka pangngai theilo, tuman thawm kan chhuah lo a a reh tlawk tlawk hi a ni ber mai.



Ka ngaihtuahna ah thil tam tak a rawn lut a, keimahni ngeiin ka pa hi hrilh ta ila min ngaithla duh ang em...? Mahse, lo ngaithla pawh ni mahse kan thusawi a âwih leh si loh chuan enge awmzia awm ang..?



'Dam in a rawn chhuak lo maithei' ti a a thusawi chu ka bengah a rawn ri nawn a "Jane, a pawi ka ti. Tih theih ka nei tawh silo a tin ni" ti a ka kut a rawn vawn pawh chuan ka vuan let lo a amah pawh ka en hek lo.



Ka pa in a thil tih bansan a tum lo hian ka rilru a ti nâ a, a ti hah a, lo hrilh ta pawh ni ila L.A lamah a kal tho a rinawm si. Ngatinge a a thihna tur a pan dawn a ni tih a in hriat reng si chuan a tih luih țalh. A chungah thil țhalo thleng ta se engtianga nung turin nge min duh tak ang...? Inthiamlo reng reng a nung turin em ni..?



"Ka pa chu ka dang dawn, a theih loh" ka u rawn țawng thut ah chuan ka hawi chhuak a mahse amah ka en chu kawngka lam alo pan fel tawh, zui ve tum a ka che hret chu Eddie drawer pawh chhuah ațanga thil ri țêt țêt leh a sen vêt vêt rawn chhuak avang chuan ka ding dat.



Rang zet hian ka lehhawi a, dawhkana innem khalh chung chuan a beng ah hian eng emaw hi alo vuah lut a a drawer pawh chhuah a thil sen vêt vêt chu hmet zeuhin "eng thil nge ni...?" A ti nghal sup.



A ngawi rên râwn a keipawh chuan ka lo ngaichang ve reng, a chhan ka hriat miah loh in ka thinphu chu a rang dawt dawt bawk.



"A nih chuan lo in buatsaih ula.... thupek in dawn hunah chauh che chhuak ang che u. Him takin a thleng tur a ni a. Ram lei a rah hma chuan a chungah engmah a thleng tur a ni lo" a ti nghet churh.



"Ka hria... keipawn ka rawn zui dawn che u ka tello in lo let phawt ula i kaihruai thei tih ka hria alawm" a tih zawm leh, țawng dangin thil a sawi ta daih a chu erawh ka hre ve thiam tawh lo.



A beng ami a lak thlak ruala ka lam a rawn hawi chuan ka lo en ve reng sia nui suk in dawhkanah chuan a țhu thla a "engthil nge... ka pa chungchang ani em...?" Ka lo ti nghal vat.



Chutah a nui hmel chu a reh hmak a a thaw ta hawk "sawi rawh... engtin mah ka awm lo ang" ka ti ve ringawt.



Ka kutah chuan rawn vuan in a kap karah chuan min pawt lut a, ka darah khabe nghat in a thaw ham ham a kuah let nachang pawh ka hrelo ka ding khawng reng ringawt mai ni.



"Naktuk hian i pa chu kal a tum a, ka ho te helam ațanga zui chho tur an awm dawn a amah hlat lo tawk velah an awm reng dawn, L.A lei chu him takin a rap thleng ngei dawn a mahse khulam in hma an lak zui dan tur ka hre thei tlat lo" a rawn ti zâwi sup.



Ka ngawi reng a, chutah tihian a rawn sawi zawm leh "Jane, tih theih nei ila ka ti ve tho. Mahse boss tih loh a thuneihna sang chelhtu ni ve mah ila he thil ah tak hi chuan thuneihna ka nei ve tlat lo a tin ni. A chungah engpawh a lo thleng a nih chuan a pawi ka ti takzet" a rawn ti leh.



"Tlaiah lo kal la... kan pahnih in hrilh ila a țhulh maithei asin. Heti ringawt hi chuan thil a thleng theilo, nangpawn i boss chu bia la i be thei a ni lawm ni...? Hrilh la, zahngaihna lan tir tal se, aih... chutiang ni lo in a nunna lak sak suh se a theih loh Eddie" a tawp lam chu ka ti chhuak nawk nawk a.



Ka ban bul ve ve a rawn dawm in min awm hran tir deuh a "ka be thei ngei alawm mahse a rilru thlak chu har tak a ni....a tih tawh loh vek vek ah chuan dan theih a ni lo" a rawn ti a.



"A nih chuan i rual in ka lo kal ve ang.. aw, keiman ka lo bia anga khawngaihin Eddie. Heti ringawt hi chuan thil a thleng theilo, khawngaihin, haw viau mah ila ka pa a la ni tlat a ni" ka ti a, ka bek rawn chûl in min pawt kûn a, ka mit leh mit inkarah chuan a rawn fawp vang vang.



"Kan kal ang, bawihtea te nen kan kal ang. A țha tiraw..." a sawi lai mek a pawn lam ațanga bawihtea'n min au ri ka hriat rual chuan ka maimichhing a.



"Chu... in siam țha rawh le, i awmdan a man chak si a i fapa hnenah in sawi thiamna tur i hrelo palh ang e" tiin min fawp vang vang a, keipawh chu thaw hak in ka biang vel chu ka tuai thuak thuak a.



Nui lui sâng in kawngkhar lam chu ka hawi a "hahdam rawh" tih pah in ka kawngah chuan a rawn vuan a, amah chu en in ka thaw hak a ka nui zui sak bawk.



Reilote ah bawihtea pawn kawngkhar a rawn hawng a a hnungah Felori khan a rawn zui a, min hmuh rual chuan "ama... enteh, atei hian maw special force kha rank sang deuh ah min kai sak asin" rawn tlan phei ter ter pah hian a rawn ti ve chûl a.



"A ni maw...?" Ti hliai a, Felori ka en chu mit alo siai zeuh a.



"Hei en la" tih pah a phone ka'n en chu, a rank thlen theih loh kha a lo thlen sak chu niin.



"Tunah chuan ka țhiante ai pawn ka sang daih tawh" tih pah in apa chu a melh leh a "khawimaw ka lo en chhin teh ang, atei chuan apa kai theih loh a kai sak che ni maw" tih pah chuan a pawm kâng nawlh a.



A chair a țhutthlak pui pah chuan games chu an en dun a, keipawh chuan Felori lam chu ka pan phei a.



"A tibuai lo che maw..." ka ti sap.



"Ti buai lo e... a țawng duh sia games kan han khel dun phei chu a hauh ngai zawk ah ka țang a e.. a hahthlak tak tak, i enkawl țha takzet" tiin ka ban bul chu a rawn beng thek thek a.



"A in la puitling ve thei lutuk a tet tê ațanga puitling kara a khawsak rei vang nge maw ni" ka ti a, an pafa lam chu ka thlek zeuh.



"Naupang hi chuan thil an zir thiam chak khawp a. An hmuh leh an hriat hi an zir thiam nghal zel thei a naupang bula awm chuan fimkhur hi a ngai asin, mahse Hriatpuia erawh in enkawl țha takzet" a ti leh a, âwih lo zet hian ka ner nâng.



"I kal ve dawn em...?" Ka ti daih a, nuih hak hak pah hian a țhu thla a, a nuih chhan lah ka hrethiam der lo.



"Khawiah maw...?" A rawn ti hû, ner nâng in ka țhu thla ve a.



"I hrelo der tiraw...?" Ka ti ve ngat, a nui leh hak hak a.



"Kei te chu... min hruai loh an tum pawh a 'a ni hi chu tel mai rawh u, flight ticket dang alo book ru leh tho dawn' an tih ang chi kha ka nia" tiin a nui leh hak a, keipawh ka nui ve sak.



"Ka nau a sawn engkim a hrilh tawh che ka ring a. Tun țum kan chho tur hi tih theih kan nei dawn miah lo a, headquaters aiawhin ngaihdam ka dil hmasa cheu a. I pa hian a tih loh tawp tur a ti a, inhmuhchhuah nan a la tlai hauh lo. Amah hi ka kutah a awm ka hlau khawp mai" a ti dap dap a.



"A tawp lam kha eng nge awmzia...?" Ka ti hâ.



"Nghaisa tur ka ni ang tih ka hlau ka tihna a nih chu. Eddie kutah tla ta se a ni hi chuan a hnial fi thla țhak dawn, a chhan erawh sawi hranpa a ngai hauh lo mahse ka chungah a tla a ni hlauh chuan ka dang thei dawn hauh lo ania, chuvang chuan a tlai hma in i pa chu hmin tum hram rawh u" a rawn ti a, ka kut chu ka hmer kawp vak.



"Tinge nangmah kher....? Midang an awm lo ami...?" Ka ti a.



"Awm e... an tam lutuk mahse in ring tura information ka dawn vanga sawi ka ni a. Ka kutah a tla a nih vaih chuan a thi emaw a dam emaw in lakah in sawifiah theihna dan ka neilo a. A nunna chu a chêt zia in a hril tur a ni chuvang chuan a rang lama dang turin ka duh takzet che u" a rawn ti leh dap dap a.



Ti hian a rawn sawi zawm leh.



"Mi kan khung reng reng hian, hetia movie emaw film a in hmuh ang hi a ni ve lo ania khang nen kha chuan a danglam daih. Kan nawr tut tut dawn lova, nitin chaw a dawn dawn tho rual in a chaw ei tur a tlem tial tial bakah a chaw dawn theih hun chhung hourglass ami kha a zawh chuan tui ril tak ngial pawh pek a ni tawh dawn lo. Zawhna kan zawt ve sek lova tawrh zawh loh khawp a hreawm an tuar chiah tih ah zawh ngai miah lo a chhanna min pe țhin" tiin.



A sawi chhung zawng chuan ka ngawi reng a, amah chu ka lo melh ngawt ngawt. A rapthlak ka ti a, chutiang mihring chu khawvelah an lo awm tak tak a ni maw ka ti rilru hial.



"Heng hi chu Italy lama kan chet dan nen chuan in perh san tak ala ni, Italy lama kan chet dan i hre ve duh tho em...?" A rawn tih chuan lu thing mât mât pah in ka hriat duh tawh loh thu in ka chhang a, a nui ta sak.



"Bawihte, heng hi ka huat vang cheu emaw a ti a hrilh cheu ka ni lo ania thil nih dan tur leh kalhmang mai chauh a ni, ka sawi loh thil tam tak in phum ru ala awm cheu. I pa hi kan drugs siamchhuah, misual tana kan hman țhin hmang a kan chiu a nih vaih chuan mihring pangngai a ang kher tawh lo ang" a rawn ti leh, ka țah a chhuak tawh ngawih ngawih.



"Duhtawk tawh teh" ti nghut ri in a rawn zawm rual in taksa lum tak ka feel nghal zat a.



"Thil thleng tur an hriat kha a ngai ve alawm, an mahni ka ngaihtuah vang zawk ania. Jane.. min huat loh hram ka beisei" a rawn tih zawm zat.



"Aw.. ah, nia.. ah... ka hrelo, ka hlau a ni engmah hi ka hrethiam tawh lo" ka ti nawk nawk, ni e... min huat vanga sawi chu a ni hauh lo ang thil thlen dan tur a sawi a mahse tih theih ka nei tlem viau si.



"Appoinment siam ka ngai dawn a ka kalsan phawt ang che u" tiin a ding chhuak a kei erawh ngawi rengin ka țhu reng a a chhuak lai pawh ka hre reng a mahse ka melh ngai ka melh ngawt ngawt.



"Jane..." ti a ka hmaa a rawn țhingțhit pawh chuan ka melh ngai ka la melh ngawt ngawt a, ka kut ka hmer kawp vek chu a rawn hûm a.



"A hreawm emai Eddie... enge ti sela min tih..? Nangpawh, i pa in khatiang kha a tuar dawn tih hria la mahse engmah ti thei lo ta la engtin nge i awm ve ang...? Kei chu a hreawm ka ti emai" ka ti a, ka mittui a luang zung zung.



Thaw hawk in ka biang a rawn khuap vat a ka mittui luang ngiai ngiai chu rawn tuai faiin "a pawi ka ti takzet, tih theih nei ila ka ti mahse i pa hian ka thusawi a ngaithla duh tlat lo a tin ni" a rawn ti zuai ve ruih a.



"Khawnge bawihtea..?" Ti daih in ka hawikual vat a.



"A muhil a room chhungah ka mut tawh" a tih chuan thaw hak in ka sana bun chu ka bih zeuh a.



"Kai tho ila haw a hun tawh dawn a, ka pa pawh alo haw țep ang" ka ti zung zung.



Ka tho tur chu min pawt țhu a "Jane... heng thil thleng avanga tih theih ka neih loh avang hian min huat phah nan hmang hauh suh aw" a rawn ti sup, amah ka en chu hreawm a lo tih ve hmel takzet.



"Min hua ang tih ka hlau, tih theih ka neih tlem zia hi hria lang ka duh a. Theih se tih theih nei ila chuan engkim ka chingfel ngei ang" a rawn ti ve dap dap a, khur ru deuh dar dar in a biangah chuan ka dawm a.



"Ka hria... ka hria alawm tih theih ka neilo êm a hreawm ka ti êm a ni. Ka pa lah in ka thusawi a ngaithla duh der silo. A hreawm ka ti emai, enge ka tih ang pawh ka hrethiam tawh lo ka hah vek" mittui tla par chung chuan ka ti zat zat a.



Ka tukhum a rawn dawm in a âwm ah chuan min kuah bet a ka mittui a luang ngiai ngiai mai "a pawi ka ti takzet" tih bawk a rawn sawi leh a, ni e.... tih theih kan nei tlem êm a tin ni.



A thihna tur lam a pan dawn tih hre mahse a țhulh duh chuang hek lo, enge amah hi awmzia pawh ka hre tawh lo. Chhui chhuak ta tehreng pawh nise eng a tan nge a tih chuan le... min ti mangang takzet a ni.



Bawihtea kai tho lovin in lam kan pan a mahse motor ah a harh ta tho, mut a kham loh hian a sual vek zela mahse a pa bula a awm chang hian chutiang ang chu a nei ngailo reng reng, thil mak ve tak chu a ni.



Kan thlen chuan ka pa alo la thleng lo hlauh a Eddie-a pawh reilote rawn lut kawi zawk in a chhuak lehnghal a. Bawihtea pawh a pi nen kawmthlang huanah hmarcha vel kan lo e an tia kei erawh khumah ka mu phar duai mai.



Thil ka ngaihtuah ngut ngut lai chuan ka phone a rawn ri a ka en chu ka u alo ni.



Ka chhang vat a "Jane... ka pa hi a hahthlak takzet, engtia tih tur nge ka hrethiam tawh lo ka thusawi a ngaithla duh bawk silo. Kal tum in a in puahchah mek" a rawn ti nghal hlaih hlaih a.



Na zet hian ka thaw vak a ka chal chu ka tuai ringawt.



"I hmu thei ami... engtin nge alo sawi a..?" Ka tih chuan "hmu thei e... mahse ka thusawi a ngaithla duh tlat lo. 'Ka chunga thleng tur hre reng chunga kal ka duh tlat hian chhan a nei a eng ang pawn min dan tum mah ula ka kal tho ang, min hrilh châmchî suh u hrelo ka nilo, ka hne zozai tawh' a ti tlat a" a rawn ti leh hlaih hlaih.



"Engtin nge kan tih ang...?" Ka ti halh a, a ni pawh na zet hian a rawn thaw ve ham ham.



"Ka hrelo, ka hrelo takzet. Enge a tum lah ka hre silo. Jane, a nunna in tuar phah ta se engtianga nung turin nge min duh ang...? Engmah hi ka hrethiam tawh lo takzet" a rawn ti ve halh a, ka țhutna ațang chuan ka tho chhuak a.



Ka hlauthawng ta thut ka pa dinhmun hetiang hi a nih si chuan.



"Ka u.... Nang tal chuan Eddie hi kalsan turin min ti ve suh aw" ka ti a, ka pa dinhmunin a tuar thei a nih chuan tu mai pawh hian kalsan turin min ti thei tlat.



"Chutiang ngaihtuah hun a ni em ni...? Ka pa hi engkim kan hrilhfiah a kallo tura kan dan a ngai, tunah kalsan tur che in ti che ila kalsan ta la thil a danglam phah dawn in i hria em ni...?" A rawn ti leh hlaih hlaih a, ka thaw hak ringawt.



"Ka nu kan hriattir tur a ni lo, a chiang tiraw...? A kal hmaa chinfel dan kan zawn ngei ngei a ngai ania. Keipawn Eddie te ka lo be leh anga nangpawn ka pa lo biak tum rawh" a rawn ti a, zana alo haw loh tur thu sawi zawm in phone a dah zui ta hmak bawk.



Ni e... keipawn dawhthei taka ka pa biak ka ngai a ni, engtiang pawn luhlul se ka nêk luih ve a ngai a dawhthei taka ka tih hram hram a ngai a ni. Sawtiang hmun a kal tir a a nunna hlauhthawnawm a dah ka phallo.



Inhnuaiah ka chhuk thla a choka a ka lut chu dawhkana ka nu phone dah alo ri ve chiah hi alo ni a "bawihi i awm hnaih chuan lo chhang lawk teh" choka bathroom ațang chuan a rawn au lûng lûng a.



Ka va han phu nasa ropui tak..!! Engtik lai khan nge maw an lo chhoh ni.



Thaw hak a ka en chu ka pa alo ni a, rang zet hian ka chhang nghal vat.



"Khawiah nge i nu...?" A rawn ti nghal vat a.



"Bathroom-ah a awm lawk, a pawimawh viau em..?" Ka ti a, ka nu leh bawihtea pawh bathroom ațang an rawn chhuak ve chiah a bawihtea pawn min rawn nuih var var.



"Pawimawh ve tho e, pek a rem chuan va pe lawk teh a" a rawn ti dam teh thluam a. Ka nu min en reng tu chu mitmei zeuhin mit ko sân ak in min rawn pan a, ka bul alo thlen rual chuan "ka pa" ti sap in ka lo pe vat a.



An inbe zui chu ngaihsak lo in bawihtea chu ka pan phei a "api nen hmarcha in lo maw...? I lo hnem ve em...?" Tiin a kut a hruk mawlh mawlh lai chu ka hruk zawm sak a.



"Pakhat chiah ka lo, api in i kut a thak ang a ti a bag lian tawk min khai tir daih" a rawn ti ve reuh a ka nui hak.



"A nih, fanghma te kha an rah tawh em...?" Ka ti leh a, uar zetin a bu nghat nghat.



"Engzah nge i chhiar em...?"



"Aw... Âma, ihmaw.. api khan 'kâwk suh' a ti a, ka kâwk miah lo a mahse miss in min zirtir ang khan ka chhiar a" tih pah chuan a kutțang chum biang tliak meuhin a chhiar diat diat a hmuhnawm ti zet hian ka lo en reng.



"Fourteen a awm" a rawn ti ve vat a, ka nui ta hak hak. Fel ve tawh reuh lutuk mai.



"Nu... enge ka pa chuan alo sawi a..?" Bawihtea chair a țhuttir pah chuan ka ti a chhuar ațang chuan cornflakes la in ka hawng zui mawlh mawlh.



"Ka zin dawn a ka thawmhnaw tur min lo siam rawh a tia, office a dawr dawn aniang drawer a file khung tel tur khan min ti hlawm a" a tih chuan phâwk hra hian ka en a.



"Engtikah..?" Hre sa mah ila ka zawt leh ta tho.



"Naktuk tuk ah a tia, enge maw a hriat ni chutianga chhuak tur si tuna lo insiam te chu ah...! A âwm ang lo lulai lutuk" a ti hlak a, kei erawh ka ngaih a țha lo takzet.



"Nu... ka pa drawer a file vel chu i rem țha ngai em...?" Tiin ka zawt leh a, cornflakes-ah chuan bawnghnute chhung lut in ka chawk kual a bawihtea chu ka pe vat.



"Țha em em lo, khawih hi a phal meuh lo a a hna thil pawimawh a nih ka ring amah hian chahbi a kawl a a hawng mai zela hawn chang ka nei tho nâng in ka khawihpui ngai hran lo" a tih chuan ngaihtuahna thar ka nei thut, chu drawer ah chuan eng emaw hriat tur alo awm maithei asin.



"Nu.... chahbi chu khawilaiah nge i dah.. ka va enchhin" ka ti a, a awmna chu min hrilh ve mai a ka kal tur chu engmah khawih lo turin min hrilh thlap.



An room ah chuan lut in chahbi chu ka la vat a, drawer a sawi ngei mai chu ka hawng a a chhungah chuan file dum, a pawl, a sen, a eng leh a uk hlir alo awm a, file engkim chu a chhah em em vek.



Țhenkhat chu ka keu diat diat a mahse a hnathawhna lam a ni ngei ang, pawisa khawih kualna vel alo awm nual a kalsan in a dang chu ka en kual zela.



A tawp bera file purple amah te tlawng a awm chuan ka mit a la ta tlat.



Ban vat in a kilhna chu ka hmet phelh a a chhungah chuan lehkha chhah zet hi alo awm a phawrh vat in ka keu a mahse han danglam em em a awm lo ka hriat ngai loh a ni tih mai loh chu.



Mahse a tawp lam ka keu zela ka mitmu ti pâwng zawr thei tur ka hmu ta tlat. Ka u leh Eddie-a thlalak dunna hi paper pakhatah alo chuang vâng a, an thlalakna vel chu ka enkual a a hnung chu greenhouse a ang lek lek ka ti mai.



Ka pa hian engvanga ka u leh Eddie-a thlalak hi kawl nge a nih...? Mahse tiang pawh hi lo kawl ta tehreng pawh nise engtik laiin nge thla an lo lak dun ka hre hauh lo keiin Eddie-a ka hriat loh laiin thla an la dun a chu bakah ka u nen hian an in kawm kha ka hre silo.



Thlalak hnung chu ka en a 19.04.2019 tih alo chuang kuau a. 2019 kum hi ka u in L.A lama hna a hmuh thu a sawi a a kal kum ngei kha a ni.



Mahse enge maw awmzia le...? Thlalak nen hian inzawmna eng emaw tak a nei em ni ang...?

♡ Ka ziak zo vek tawh bawk a complete tawh chiang khawp ang. Chuan youtube-ah an chhiar dawn sia tiin an chhiar zawh hma chu lo dah tawh loh kha ka tum deuh a mahse ala chhiar țan in ka hre silo a a tlem tawh tho a ka rawn dah zo law law dawn e, min ring ru...😂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:05 pm

HEY DADDY CHAPTER - 33

Ziaktu : Mami Pachuau



Thlalak chu chiang zet hian ka en leh țhin a a mak hi ka ti tawlh tawlh. Ka u leh Eddie hian engtik laiin nge hetiang hi an lo lak dun le...? Ka u hian a kalna hmun tin kha min hrilh vek zel si a.



Thlalak chu keu in a hnung chu ka en a, ka thaw hak. Hna dilna ania, mahse hnawl a nih thu lehkha alo awm kuau bawk a. Heng zawng zawng hi engtin nge ka pa hian a neih theih..? Ka u a thih khan a bungrua engkim keiman ka hui khawm vek a a room pawh ka tifel a hetiang hi ka hmu hauh si lo.



Ka u khan hna a hmuh thu min hrilh a hnathawk a a kal tur thu min hrilh fo țhin. Mahse tunah hnawl a nihna lehkha ka hmu leh bawk si, a nih chuan hnathawk a ka kal a tih chang khan eng nge alo tih țhin ang..



Engmah hi ka hrethiam ta hauh lo.



Pawilo, zaninah ka pa engkim sawipui ka tum mai ang ti rilru in file chu ka dah fel mawlh mawlh a. Kalh leh thlap in room ațang chuan ka chhuak a choka lam bawk chu ka pan leh.



"Nu... zaninah ka u alo haw dawn lo aw" ka ti lut a, a thil tih lai chu dah in a rawn hawi chhuak a.



"Ngatinge ni...? Engmah min va hrilh si lo ve, hna pawimawh a nei em ni..?" A rawn ti vat a, chair chu pawt chhuak in ka țhu ve nghal a.



"Neih pawh ka hre hran lo, nichina kan inbiak khan zanah ka lo haw dawnlo a ti ringawt a engmah ka lo zawt lem hlei lo a nakinah kan zawt mai dawn nia" ka ti a.



Rawng chu ka bawl pui ta thuai bawk.



Ka pa pawh a rawn haw har lova, mahse a rawn haw chu nidang ai a hmel hmuh a nuam lo a, tunlai a meng rim bawk nen a thû bawk si a biak huphurhawm tak a ni.



Mahse ka nu leh bawihtea a biak danah chuan han rinhlelh tur a awm hauh lo mahse keimah hian ka chîk a ka ngaihbel vang pawh a ni maithei. Kei chu vawikhat tê pawh min melh lo a min be hek lo.



Ka u rawn haw loh tur thu ka nu in a sawi pawn nidanga a chhan zawt țhin khan a zawt ta miah lo a, a chhang hek lo. Mahse bawihtea erawh a chhaih reng a a mizia danglam ta lutuk hian in chhungkhur a awm pawh a ti nuam lo vek hial mai.



"Thawmhnaw i lo siam peih tawh em...?" Tiin chaw a bar zawm a kei erawh chuan ka thai let ka thai let hi a ni ringawt, tih tham ka la bar eih lo.



"Tlem a zawng chu ka siam tawh kha. Ka in daih lo a zanah kan khawih zawm leh dawn nia. A enge maw zanina zin tur pawh ni hleilo tuna insiam i tih ni...?" Tiin ka nu chuan a zawt ta reng a, a ni pawh hi a mawlh ve khawp ang.



Keipawh chuan ka lo en ve reng a nilo, ka nu a chhanna tur chu ka ngaichang hi a ni mah zawk mawle.



"Theihnghilh palh awm thei ania in siam hma kha a fuh ber alawm thawmhnaw hak tur ka nei dawnlo pawh a ni lo a" tiin a chhang lêt khauh a, ka nu lah in.



"A chu pawh nise, naktuka chhuak tur ni lang chuan ala hriatthiam awm deuh a, chutiang nilo tun ațanga lo insiam te chu ah" a ti zui leh niah niah a ka pa erawh chuan a chhang tawh lo.



Amah saw ka en chian poh leh a hmelah sawn thil in thup a tam in ka hria a ka nu leh bawihtea bulah hi chuan a der in hlim hmel a hmuh mai mai niin ka hre bawk.



"Pa... zanah i buai dawn loh chuan ka be duh che ania" ka ti ve nghat a, ka sawi zo chu a rawn haw hnua a vawikhat nan min rawn en ve ta chiah.



"A pawimawh viau a nih loh chuan ka hman lo ania, thil ho te te sawipui che a inhnial pawh ka chak fahran lo" a ti kher, mahse engah mah ka ngai duh lo lui tlat dawn. Zaninah hian a fanu hian ka be ngei ngei dawn a ni tawp mai ni.



"Pawimawh e, i fanu in a be duh che a i buai loh lai a chang a nih chuan a pawimawh viau ang" tiin ka chhang let ve leh nghat a, ka nu in min rawn nghawk zauh nângin mahse engah mah ka ngai duh lo. Zanin hian ka be dawn a ni tawp mai ni.



"A țha lawm, dar 8 velah ka hman thei mai ang" tiin a chaw thleng chu a chawi nawlh a sil turah dah in a kut a sil zawm mawlh mawlh a "apu... kei pawh ka puar tawh" bawihtea chuan tiin a țhutna ațang chuan a chhuk a an putu a kut an in sil sak lai chu ka thlir reng.



"Khatiang khan i pa be lo turin ka hrilh fo che kha" ka pa leh bawihtea an in pawm chhuah hnu chuan ka nu chuan a rawn ti a.



"A ngai alawm, a luhlulna ka nêk lui dawn a nih chuan kei pawh ka luhlul a khatianga ka biak kha a ngai alawm. Taka nu, Mama khan hna a hmu tiraw...?" Ti a zawt in chaw ei țhulh țhak in a lam hawi zawng chuan ka in her a.



"A hmu ni chuan min hrilh ngei alawm thawk tur te khan a kal ve fo a... tinge min zawh tak thut a kei ai i hrechiang zawk lo em ni...?" A rawn ti a.



"Hre chiang vak bik lo kei pawn hna a hmu tih chiah ka hre ve tho a i lo hriat zawk takin ka ti mai mai" ka ti a, ka chaw ei pawh a tui tawh lo. Ka u leh Eddie-a chungchang velah hian eng emaw tak in thup a awm ngeiin ka ring tlat.



Zanah chuan dar 8 hi a ri har ka va han ti tawh tak. Ka pa lah chu zan dang ang lo takin a hnathawhna room-ah a inkhung chawt a ka nu in thingpui a va pek a a thitih ka zawh lah in 'lehkha tam tawk a inchhawp' hi a ti mai zel sia.



Sana lah chu ka en sek tawh. Ka phi sek a ka nu lah in a chhan min lo zawt ve sek.



Dar 8 a rik hun nghakhlel taka ka lo thlir lai chuan ka kuta ka ken lai ngei mai ka phone rawn ri avang chuan ka phu nasa lutuk. Țullo zeta ka nu ka en lah chuan ka awmdan avang chuan ngaih țhat loh hmel zet hian min lo en a.



"Tinge...?" Ka ti ringawt.



"I awmdan khan ka ngaih i ti țhalo, ngatinge khatia i awm teh sek a. I phone te kha chhang rawh" a rawn ti hlak a, nui tawi tak in ka phone chu ka en a Eddie-a alo la ni zui.



Ka la dawn chiah tih ah an la tawp zui leh ta nghal a hahthlak hian ah..!



Ka call back tur chiah a rawn call leh a amah zawkin. Screen-a a rawn lang chiah chu ka chhang rang mah mah, "i buai em ni..?" A rawn ti sup a, a aw chu a chauh hmel.



"Buai lo e, ka la dawn chiah a alo tawp hman a. Enge i tih a...?" Ka ti a.



"Office-ah ka la awm, boss in hna khawih tur min pe a. Ka kalsan dawn sia ka kalsan hmaa zawh hman ka duh bawk sia" a rawn ti a, a sawi zo chu a hâm zui bai bai ri ka hria a ka nui sak.



"A harsa viau em...? Nge a tam, ka lo khawih pui dawn che mi..?" Ka ti hliai a.



"Lo kal la, chutianga harsa pawh a ni lo min lo tihpui rawh mahni chuan phek khat pawh hi a chhah ania" a tih chuan ka nui hak hak a, a rûm nghut.



"Nui ringawt suh, ka fiamthu lo ania ka lo hruai ang che aw" a tih chuan sana ka en vat a dar 8 a ri țep.



"Dar 8 ah ka pa nen thil kan sawi dun lawk dawn a... lo kal chu ka chak tho a mahse a rem loh hmel" ka ti a.



"Engthil nge...? A thil tum lampang em ni...? Nangmah chuan i pa hmu lo la ka duh khawp mai Jane" min ngaihtuah tih hriat zet hian a rawn ti a, ka nui sak a. Sofa chu ngheng ar ar in ka țhu țha a.



"Chutiang lam pawh a ni chiah lo, ka u chungchangah biak ka duh a. Ngaih tih țhat lohna tur a awm lo ania... ka u bungrua kha ka khawm vek a mahse tlaiah khan an nupa room ah ka u thlalak ka hmu a chu chu zawh fiah ka duh a" ka ti a, hrilh ka tum zeta mahse ka tîm leh rih.



"A thlalak i la hmuh ngai loh aniang maw" a rawn ti chat. Min hrechiang hneh sia maw...



"Ummm.... i hria anga ka u thil engkim ka hriat vek bakah hmuh theih ang zawng zawng ka hmu bawk a chu chu hriatchian ka duh mai mai a" ka ti a, ka la hrilh lo anga mahse ka pa ka zawh fiah hnuah ka hrilh chauh ang.



"Umm ka hrethiam e. Bawihtea a mu tawh ami...?" A rawn tih zawm a.



"Aih, kawmchhakah birthday lawmnaah an rawn sawm a a kal a, hruai ka tum a mahse kan țhenawm nula khan a buaipui tur thu a sawi a ka kal ta lo mai" ka ti a, a nui ve huk a.



"Nuam ava ti leh dawn, keiman hruai ka chak kher mai. Ka rawn leng chak takzet a ni" a tih zawm zat.



"I lo leng thei reng alawm, ka pa hmai zah viau mah la a tum tlang dawn tho a awmzia a awm hleinem" ka tih chuan 'yes' a tih ri ka hria ni maiin ka hria ka hre chiang lo.



"A nih chuan ka rawn kal ang, lo la mu su aw" a phur hmel lutuk aw ri rik dan avang chuan ka nui chhuak hak a "lutuk, lo thleng vat rawh" tiin kan inbiakna chu kan ti tawp a dar 8 alo ri ve chiah.



Thaw hak in ka pa hnathawhna lam ka pan a a room chu kik dat dat in lut tura min tih hnu chuan ka lut a, ka nu sawi ang tak tak in lehkha chhah pui pui a lo inchhawp nasa mai.



"I la buai ami...?" Ka ti a, ka aw hriaiin a rawn hawi chhuak a ka lo ding reng a hmuh chuan a tarmit la thla in, "buai lo țep i sawi duh chu sawi la" a rawn ti a.



Thaw hak a ka kut hmer vak in ka pan phei a "englo... tlaiah khan in room drawer saw ka hawng a chuta file ah chuan ka u leh Eddie thlalak ka hmu a, chuan ka u in hna a dil a hnawl a nihna lehkha nen" ka tih chuan a mitmeng a in thlak chak viau.



"Ka u khan hna a hmuh thu min hrilh a, chuan hnathawkin a chhuak ziah tih pawh ka hria 2019 saw a hna dil kum a ni tih chiang takin ka la hre bawk. Mahse nang chuan hnawl a nihna lehkha i kawl a, saw saw enge awmzia....? Ka u khan hna alo hmu lo nge enge awmzia ka hrechiang duh" ka ti a.



Thaw ham ham a hnuailam bih in a kut chu a hûm ruh ngawt ngawt a, "hmu tur ini lo asin" a rawn ti sup.



"Engvangin... engvangin maw ka hmuh a ngaih lohna..? Ka hrethiam theilo, Eddie nen thla an la dun a chu bakah hna a dilna a hnawl a nihna ka hmu leh bawk. Mahse chung chu engvanga ka hmuh thiang ve lo nge a nih..?"



"I hmu theilo ka tih chuan i hmu theilo a ni mai... a bak engmah a awm lo, zawhna min zawt tawh suh" a rawn ti fiak țhawt..! Mahse ka ngaihdan a ni ve tawh lo.



"Engvangin...? Engvangin maw zawhna ka zawh theih loh che a ka u chungchang saw ka hriat ve a rem loh...?" Ka ti ve tuarh.



Min rawn en a, a mitah chuan natna ka hmuh sak thei hial.



"Keipawn ka hmuhna ala rei bik lo, ka chhui chhuah hma chuan engmah hrelo ang in lo awm rawh" a rawn ti zâwi ta sup.



"Hei vang hi em ni L.A kal i tum chhan..?" Ka tih chuan ka țah a rawn chhuak ringawt.



"Ni e... i u thihna ah khan Eddie te ho hi an inrawlh ka ring tlat a chumi chhui tur chuan ka kal dawn. Chutah chuan lo inrawlh ve suh" a rawn ti leh bawl.



"Maw...?"



"Ka sawi ang chu a ni mai" a ti leh ringawt.



"I thi maithei tih i hria em..?" Ka tih chuan a bu nghut nghut a.



"Hria e, mahse chhui turin ka kal dawn tho. I u khan engkim a hrilh țhin che in i hria a mahse i rilru a hah a hlauh avangin a na zawng a hrilh ngailo che. Eddie chungchang ka hriat hnua i u chanchin ka hriat dan leh min hrilh dan ațang hian a thihna ah an inrawlh ka ring nghet tlat a ni" a rawn ti a.



"Chutah chuan Eddie-a i puh a... An headquaters amaw ni va thlen hial te i tum a...? I chungah thihna hial pawh a thleng thei tih hre reng chungin i tih chhunzawm zel dawn amaw...?" Rapthlak ka tih luat ah ka zawt let ngat.



"Aw...! A chhan chu i u kha thihdan pangngai a thi a nih loh vang a ni. Chuan Eddie-a hi ka puh a ni lo a hnathawh engkim ka hriat hnu kha chuan ka makpa atan pawm harsa ka ti ngei alawm mahse i u chungchang leh thlalak ka dawn ațangin rinhlelhna ka nei lian a chuvanga an Headquaters thlenga ka kal tum ka ni" a rawn ti leh țhawt..!



Mittui tling pam in ka sam chu ka tuai chho puat a "ka u chu thih dan pangngai in a thi lo maw...? Engtin, engtin nge a nih theih...? A țhiante nen infiam tura an kal kha a chesualah a țang a a bak enge la awm...? Eddie-a te nen enge inzawmna an neih" ka aw pawh duh angin a ring theilo.



"Ni e, a landanah chuan a ni ngei alawm, khatih laia a hmu tu in an sawi kha kan rin mai loh in enge finfiahna awm leh chuang ang...? Mahse, i u kalpui te kha i hriat țhan zawng an ni em ngaihtuah rawh..!! Khang zingah khan Eddie naute hi an tel asin" a aw chu a ri țuak mai.



"I u khan Eddie hnathawhna ah hian hna a dil a mahse hnawl a ni, hnawl a nih chhan zawng zawng te hriat ka duh a hnawl a nih hnu lawk a thi a ni tih nen lam hre ta la ka chet dan hi min dem thei ini hauh lo Bawihi. Ka hria, ka thihna tur lam ka pan dawn pawh nise a chhan leh vang ka hriat hma loh chuan ka bansan dawn lo" a rawn ti zawm leh.



Ka chhang lo a ka ngawi reng ringawt a, a ni pawh chuti tho.



"I nu phei chu engmah hriattir suh ang che, engkim ka chinfel hma chuan a hre tur a ni lo. Kan chhungkaw chunga Eddie rawn tal lut hi ka lawm khawp mai i u thih dan ka hriat phah dawn a. Nilo se chuan, tui ah chesual a vanduai zawk a țang ah kan la ngai ngei ang. Chuvang chuan, ka thil tih tum ah hian min dang suh ang che" fiah fek fawk hian a rawn ti leh a, chair ah chuan ka țhu thla dawt.



"Chutiang te chu amah Eddie-a zawt mai la, i nunna in a tuar thei tih hre reng chunga L.A lam pan lovin. Lo thi ta la, keini te, bawihtea te, ka nu leh midang te engtin nge kan awm anga... ngaihtuah rawh ka pa, ka u chu kan zingah a awm ve tawh lo a ni thei rorelna dik hmuh pawh a phu ka ti lutuk mahse i nunna in a tuar thei tih hre reng chunga kal luih țalh ai chuan engkim Eddie hi zawt mai rawh" ka ti ngawih ngawih.



"Min hrilh duh i ring em ni...? A thih chhan te amah te lo ni ta se min hrilh duh i ring em ni..? Kei chuan ka ring theilo, chung ai chuan an ho tu ngei va bia ila engkim a chiang zawk ang a bak engmah a awm lo" a rawn ti leh a, a tarmit chu vuahin a țhutnaah chuan a țhu thla a.



"Keiman ka lo bia ang, engkim ka lo hrilh anga a ni pawn nang ai chuan tih theih a ngah zawk ang" ka ti a, ka ding chu ka hmingpum in min rawn ko țhawt...!!



"A țul miah lo, ti hlek suh ang che" a rawn ti khur khur.



"Ka tih lovin i nunna in a tawrh phah theihna lam ka pan tir ang che maw.... a teuh lo mai..!! Eddie-a chungchangah ila buai amaw tiin an man che anga chuta an tih dan tur che chu i hria em...? Hourglass in a daih hun chhung chauh che chaw an pe che anga a bak chu tui ril tak ngial pawh an pe dawn lo che, chutiang hmunah chuan ka kal tir theilo che pa. Nangmah zawk in min dang hlek suh ang che" ti ve fak in room ațang chuan ka chhuak a.



Min au ri pawh ka hre reng a mahse ka hrelo der tlat dawn.



Ka nu mittui tla zung zung a kawngkhar bula alo ding reng ka hmuh pawh chuan ngaihsak lo in kawngkhar lam ka pan a pawnah chuan chhuak in țhutthlengah chuan ka țhu a keipawh ka biangah mittui an luang zung zung mai.



Ka u thihna kha vanduai palh vang alo ni lo amaw, a țhiante nen lui ah kal in a vanduai zawk ah țangin min kalsan ta amaw ka lo ti char char a. Mahse chutiang chu alo ni hauh si lo.



Ka hmai chu hup in ka mittui a dir zung zung a , ka rilru in ka u hnenah ngaihdam ka dil mawlh mawlh bawk.



Chutih lai chuan bawihtea leh Eddie in be thawm ka hriat avang in ka tihdan ngailo takin ka mittui chu ka tuai reh zung zung a ka hawichhuak chu kan in gate-ah an lo in zui lut mek hi alo ni a, a pa in a pawm a an cake ei vel alo sawi siam siam ni tur a ni.



Eddie-a pawh a rawn nui phei hawk hawk a, ka țhutna ațang chuan ka en reng tih reng an hrelo.



Varanda an rawn thlen chuan min rawn hmu a mahse Eddie-a'n min rawn en ve rual chuan a mitmeng chu a danglam nghal vek. Rang lutuk hian min rawn pan phei a.



"I țap maw...?" A rawn ti nghal sup, bawihtea pawh chuan, "amâ tinge i țah a...?" A rawn ti veleh, chhang lo in ka nui sak a.



"Jane... enge thleng min hrilh rawh. I pa in..." sawi zawm lo in a ngawi zui a, mahse sawi zawm lo mahse a rin dan âwm ang deuh chu ka la hre tho.



"Chutiang lam a ni lo, engtin mah min ti lo nakinah ka hrilh vek ang che, inchhungah lut phawt ang u" ka tih chuan a ngaih a țha zân lo tih ka hria. Mahse engah mah ngai duh lo lui tlat in ka luhpui a bawihtea chu a kalna vel ka zawt luam bawk.



Ka nu erawh ka pa nen an la inbia ni ngei ang țhutkhawmna lamah hmuh tur a awm lo.



Bawihtea a mut fel hnu chuan inchung varanda ah kan țhu dun a, inhnuaia kan awm lai khan ka nu pawn a rawn be luam tawh a mahse ka pa erawh a rawn chhuak ve tawh lo hrim hrim.



"Le... min hrilh tawh rawh le" hnunglam ațanga nghet zeta min kuah pah chuan a rawn ti a, ka biangah chuan a rawn fawp zeuh bawk.



"Englo ania, ka u nena in thlalak dunna ka hmu a chuan hna a dil a hnawl a nihna lehkha nen" ka ti a, "i u nena kan lak chu greenhouse hmaah a ni em...?" Nuih deuh suk pah hian a dawn ti a.



"A ang ka tia mahse ka chiang lo" ka ti leh ringawt.



"I u kha alo zin a boss te in a kan awm laiin a rawn lang hlawl a, a greenhouse kan tihfai lai takin. Kei phei chuan ka lo hmu lawk lo a aman min lo hmu a thla kan la a" a rawn tih chuan ka nui sak a.



"A nih, ka u hian i thawhna ah hian hna a dil ve tih i hria em...?" Ti leh in amah chu ka thlek hâ a mahse a țhawng viau a ni ngei ang a mitmeng ah chuan mak tihna hlir a lang chhuak hial mai.



"Hre hauh lo, khami ni boss in a kan awm lai bak kha chu ka hmu leh tawh hauh lo bawk chuan a thih thu kha ka hre ve leh a" a rawn ti a, ka ring nghal thlap. Ka u leh Eddie kha chutianga inkawm țhin emaw in hre hranpa an ni dawn hauh lo a Mami lak ațang in hriat thawi zauh chu a awm lo theilo ang.



"Hna a rawn dil ve a hnawl a ni a, ka pa hian ka u thihna ah hian i inrawlh a ring teh tlat a, khami a thih ni a lui a a kal pui te ah khan tuna i hnuai a thawk te hi an tel ve vang ania" ka tih chuan "Jane" a rawn ti ta ringawt.



"Ka hria lawm keipawn mak ka ti a, mahse itih a nih chu ka ring lo. Ka u thihnaa inrawlh tur pawn in in hre țha lova i pawi a sawi bawk hek lo. A nih, hna a dil tih i hre hrim hrim em...?" Tiin ka zawt leh ta tho a.



"Hre hauh lo, khami ni bak kha i u hi ka hmu leh hauh lo, a chanchin ka hriat leh chu a thih thu kha a ni mai. Min ring turin ka duh che, engmah ka hrelo tak tak" a rawn ti a, ring tura min duh zia a aw ah pawh a hriat theih vek.



"Ummm ka ring che alawm, rinhlelhna che ka neilo. Ka u khan hna a hmu tih min hrilh a hnathawk a a chhuah ziah thu pawh ka hria mahse tunah hnawl a nihna lehkha ka hmu leh a ka pa min hrilh dan hmang in a lui kal pui te lah kha i hnuaia hnathawk te an nih hmel a. Chu tak zawk chu ania L.A lam pan a tum nachhan" ka tih chuan.



"A nih chuan keimah vang a ni lullo maw...?" A rawn ti hram a, ka nui hak.



"Ni hauh lo, ka u thihna chungchanga in boss biak a duh vang ania. Nang chu i hnathawh a chhui vek tawh a makpa atana a pawm theih loh thu che a sawi a mahse tuna L.A lama kal a tum chhan hi chu ka u thihna chungchang lam a ni" ka tih chuan a thaw ham ham a.



"Tuna ka hnuaia thawk i u te nena lui a kal ho chu a thlalak i neih theih chuan min hrilh la ka kutah dah rawh" a tih nghet churh avang chuan hrilhhai zet hian ka en hâ a.



"Engtin...?" Ka tih mek lai chuan ka hmuiah a rawn fawp zauh.



"Engkim ka kutah dah la ka chingfel vek ang tih ka tiam a che. Thuruk inthup a tam rual in hailan tur pawh a tam ngei ang, chung a inrawlh chu kha mihring ka dâwp hunah chiah khan ka hre thei dawn a min hmuh turin ka duh che" a rawn ti leh churh.



"Mahse... ka pa chu hrilh la. L.A lamah a kal dawn tho asin, a nunna..." ka tih leh lai mek chuan ka hmui hnuai pet in duhthawh zet hian min rawn fawp tawn tawn a, ka chhang let ve hma hauh in a in la hrang leh.



Ka van ngei thei tak.



"Kha pawh ka kutah dah rawh, i pa in L.A lam a pan hma ngeiin ka chingfel ang tih ka tiam a che" a rawn ti leh sup a.



Ka buk nghat rual chuan min rawn fawp leh a chutah zet chuan ka chhang let ve nghal vat a min pawm kâng nawlh in tukverh darthlalang ah chuan min nem bet a, in kalbosan tur ang mai a duhthawh chuan kan in keih ta tawn tawn bawk.

♡ Le le le le,.... naktuk zanah a hmawr kan bâwk dawn e..!! ♡


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:05 pm

HEY DADDY LAST CHAPTER - 34

Ziaktu : Mami Pachuau



☆ EDDIE LALRUATSANGA POV ☆

Jane-i thlalak min rawn thawn chu ka melh reng a, chutah ka hmaa mipa pumrua lian ve zet Mizo thlah amaw tih mai tura Mizo hmaifang pawl lek lek hmel chu ka en leh ngur a.



Ka thinrim lutuk chu ka puak keh lo chauh a ni.



"He thil hi ila hria ang chu maw...?" Tiin thlalak chu a hmalamah chuan ka lek kâng a, a rawn bih rual chuan buk nghut pah hian "yes, boss" a rawn ti sup.



"A nih chuan hemi ni a thi pawh hi ila hre ngei anga tiraw...?" Ka tih chuan a bu leh nghut, ka nui ta suk thung. He mihring a ruka a che zia ka enthlak nakin lawk a ho tu la ni tura ka lo hual lawk hi ka rawngbawl tur tak tak nge ni a spy tih reilotê ah ka hre thuai ang.



"Heta kal tur zingah hian engtin nge i tel ve theih...?" Ka ti leh, a chil a lem khawlh chu ka hmu chiang ngang bawk.



"Min sawm ve a..." a sawi zawh hma hauh chuan "engtin...?" Ka lo tih khalh hmuk. A aw a thian leh khurh a.



"Kan inkawm ve țhin alawm, an ram a zin turin min sawm a chuan kan han zin a kan tih ngai loh tak tak min tihpui a lui kal te pawh kha ka vawikhat na ania, mahse vanduai zawk ah țangin a chesual ta a ni. Mahse tinge boss, a rei tawh viau si a tun a taka min zawh a...?" A rawn ti a.



"Ka hre chak mai mai, mahse ka ngaihtuah hian he hna hi i zawm tawh niin a lang a nangpawn i hriat ka ring, min tirh chhuahna hmun a nih loh chuan boss hian zin chhuah a phal lo tih" ka ti zo chu a meng buai deuh zuk a mahse rei erawh a ni lo.



A awmdan hi chîk fahranin ka en tih han hre teh se.



"Boss ka dil alawm" a rawn ti leh hmiah. Chu zet zawng, ka in rin hma in ka nui huk hi a ni ber.



Khabe tuai vutin amah chu ka en a "Evan.. kha chu a âwihawm loh deuh lua in i hre ve lo maw.... boss hian zin chhuah an dil hian a phal mawh viau asin chutih rual chuan a phal âwm ang ka la hre bawk hek lo. Le, zêp kual lovin thudik sawi rawh le" tiin țha tak chuan ka zawt a.



"Boss... thudik a ni ka sawi ni, boss hnenah ka dil tak tak alawm" a rawn ti ve ruai a.



"Chu zawng ala hriat dawn chauh. He mipa, in zui ngei mai hian Headquaters-ah hna a dil a mahse hnawl a ni, hnawl a nih chhan ka hrelo chutin a thih chhan pawh, mahse nang hian eng emaw tal hriat chu i nei ang. Min han hrilh teh, ka hnuaia thawk tak tak tura an dah nge inih a min en thla tura an dah" ding chhuak meuh a tiin dawhkanah chuan ka innem khalh a.



"Boss... chutiang engmah a awm lo ka sawi kha thil nih dan chu ania a bak a awm lo, i hnuaia ka thawh chakna hi a rei tawh a min dah reng bawk a engmah i ngaih ang kha a ni lo" bah hauh lo hian a rawn ti a, a in rintawk hmel hle bawk.



"Mahse ngaih erawh chu ka nei sia lawm le, a tih bo dan lah chu ka thiam der mai silo a. Tun chiah ka zawt leh ang che Evan... chhanna dik min pe lo a nih chuan i tuar tur i hriat ka ring nang baka hrechiang an awm ka ring lo" ka ti leh hmuk.



A thlanfim a bek a luang thla chu ka en reng a "boss" a rawn ti leh ringawt, 'aw' tih nan ka mit ka chhing zeuh a mahse sawi lovin a thaw leh hawlh.



"Ka hria lawm... thil inthup a awm tih chu, Evan i bulah hian niin ka hria ka sawi dawt ka duh loh zia thu. Chuan, dawt min hrilh tu in a dawn țhin hrechiang tur ber kha ini bawk em khah..? Mahse i thu ania, i duh chuan dawt min hrilh tlang thei alawm i thu thu a ni e" tiin ka phar ta duai.



"Țan rawh le, i dawt sawi nge i thudik sawi chu lo ngaithla ila" ka ti leh hmak.



"Boss.. he thil vang hian i hnuaia ka thawhna ațang min ban lo hram rawh. I hnuaia thawh hi ka chakna a rei tawh asin" a palen ang hû in a aw an la khur zui ah.



"Sawi zel phawt la" ngaihsam zet hian ka lo ti mai a.



"Ih..." tih pah chuan chil a han lem leh khawlh phawt a "a rei" ka lo ti hmuk.



"Englo ania, khapa khan hna a dil a mahse boss khan a duh lo a.." a tih lai mek chuan.



"A chhan" ka lo ti hmuk.



"Ka hre bik lo, vawithum lai a rawn dil a mahse boss khan a hnawl zel tho. Mak tak maiin khapa khan kan thuruk alo hre chhuak a chu chu boss rawn vau nan tak a hmang a, a tir chuan boss khan civil mi satliah mai mai a nih avangin a ngai pawimawh lova mahse a huangtau zela hna pe anga lang in khatiang khan min chet tir ta a ni" a tih chuan ka thle zeuh.



"Engtin... Engtin maw a chet tir cheu a...?" Ka aw a chang lam hret a ni e.



"Amah kha kawmngaih turin min ti a kan kawmngaih reng bawk. Nangpawn i hria anga vawikhat chanchinbu a boss greenhouse a lan țum kha. Khami kha khapa thil tih kha ania, chuan kawmngaih hmasa a muangchanga a ram lama haw pui a tihpalh thil ang taka chetsual tir turin min ti ta a" a rawn ti leh a.



Mahse ka duh tak ka la hre ta hauh lo mai.



"Thildang ala awm sawi zel rawh, hmaih engmah awm lovin" ka tih chuan a bu nghut nghut.



"Hna nei anga insawi in Mizoram lam kan pan thei ta a, kan thawh țhin a hriat vek tak avanga inthup chi ni hek lo. Lui kal tak kha chu ama rawt chhuah ngei kha ania khatah khan boss hian ruahmanna a siam ta a, khami ni lui kan kal ni zing khan a taksa ah drugs kan chiu lut a darkar 5 hnua thawk turin chuan damdawiin hna a rawn thawh takah khan chesual angin a lang thei ta a ni" a rawn ti zuai ruih, ka thaw hawk a.



Boss hi a dawhthei mahse a tih loh vek vek ah chuan nêk luih chi a ni lo a bik takin a hming tih hliau na tur kawngah ngat phei chuan. Jane-i u mipa khan a cho chhuak ka ti lo theilo mahse chutin a thih danah tak kha chuan ka lung a awi bik hauh lo bawk.



"Chu zawng chu em ni...?" Ka ti sup a.



"Aw ni e... boss khawngaih takin ka hrilh che tih sawi lo hram rawh a nih loh chuan boss hian pindan thim ah min khung mai ang. He hna ka zawm ațang hian i hnuai a thawh ka chakna a rei tawh a ka thawk thei hi ka lawm takzet bawk. Engtik lai mahin ka phatsan ngai lo che a phatsan che pawh ka duh bawk hek lo. Nang chu, hotu dang ang lo taka unau ang taka min en tu ini a chuvang chuan ka ngaina hle bawk che" a rawn tih zawm ta duah.



"Khalam kha chu duhtawk rawh. Mahse he thil hi a chhuah ngei a ngai dawn a. Nangmah ațanga chhuak ngei a ni tih boss hian a ring dawn tih i hriat bawk ka ring, mawhphurhna i la ngam ang em...?" Tiin ka zawt let a, engtiang chiah a rilru nghet nge a nih ka hre duh.



He mihring hi keiman a ka duhthu ngei a ka train thlap a ni a, tawrhchhel te, huaisen te leh thil dang dang ka zirtir thlap bawk engtiang takin nge a in hman chhuah ka hre duh tlat a ni.



"Nangman mawhphurhna la tura min ti a nih chuan ka la ngei ang. Boss in a hriat chuan tal chhuahna ka nei dawn lo tih ka hria nangma thu thu a ni e" a rawn ti ta khauh mai.



"Evan... keimah ah engmah nghat suh, kei chu awm a awm lo thei reng ka ni. Tumah kan dam reng dawn lo in kianga awm loh hun ka nei dawn chutiang atana rilru siam fel in thiam chu a pawimawh. In rilru kha a pawimawh ber, nghet rawh se, ka train thlap ini a ka dah sang viau bawk che ka train ang thlap a awm kher tur pawn ka ti hek lo che mahse nungchang ah erawh chhawm zel la ka duh i hrethiam tiraw...?" Ka tih chuan a bu nghut nghut a.



"I kal thei tawh ang, Headquaters lama information pek luh tur va buaipui rawh u engmah fel lo a awm tur a ni lo" ka tih leh takah chuan a chhuak ta a. A chhuak fel chu record button chu hmet zeuhin ka la kâng a.



"Engtiang chiahin nge buaina min thlen dawn ka hrelo, thil engkim i siam țha dawn nge ni a i tih buai belh dawn tih lah ka hre hek lo. Duhthusam te a thleng dik thei ngai a nih chuan ka duhdan chu i hria e" tiin ka phun chhuak ta sup.



Ka thil record chu cut ngai awm ang zawng zawng cut nghal vekin Jane-i pa, a nu leh a u amah thlengin ka thawn chhuak ta vek a. An react dan chu engpawh nise he thilah pawh hian ka inrawlh miau loh avangin tih theih erawh ka nei lem lo takzet.



Ka thawn chhuak zo darkar hnih a liam vel ang tih ah chuan ka thawnna phone ațang chuan phone call a rawn kal zung zung, ka en chu Jane-i te chhungkua in min lo in call chhawk chu niin missed call alo in tlar thla dul mai.



Tu call ber nge ka chhan hmasak ang tih ka ngaihtuah lai chuan Jane-i call a rawn lut a ka pick nghal vat.



"Kha kha a tak tak a ni em...?" A rawn ti nghal zat, a țhawng in a mangan a zual dawn tih ka hre reng.



"Ni e... ama sawi ngei alawm chuan a rintlak bawk ka duat, a pawi ka ti takzet. Mahse hriatthiam chin erawh in neih ve a ngai" ka ti let sup a, ka hnathawh ngaihtuahin engkimah boss hi ka dem vek bik thei tlat lo a tin ni.



"Ka u khan eng fakau nge a tihsual...?" A aw ațang chuan a țah a chhuak tih ka hai lo, mahse tun țum erawh hnem ka duh lo takzet mittui nen tuar chhuak se ka duh a, a mittui a pai khawl reng chuan nakinah a rei anga amah bawkin a tuar leh dawn chu chu ka phallo.



"Ka duat, i u kha ka dem bik tihna a ni lo mahse a tih loh tawp tur erawh a ti a, boss hian a hming hliau na tur lam reng reng a nâwk ngam an awm hian a pai dam thei ngailo, Evan-a sawi ang khan boss in a dawh fê hnuah pawh ala ti lui zela a cho chhuak ka ti lo theilo a mahse i u thih dan ah erawh kha chuan ka lung a âwi bik hauh lo thung" ka ti ve leh charh charh.



A taksa ah drugs thun kher lo khan lui a chesual thei tur ang chuan tihdan a tam, kha kher kher ah kha chuan keipawh ka lungawi hauh lo. Mihring thah nana kan drugs hman hi chu a chak bik a mi na zawng lakah kan hmang ngailo.



"A nunrawng hle mai" a rawn ti leh sep.



"Jane... he thil hian thil a siam țha dawn nge buaina a ti belh chhah dawn ka hrelo. Kei pawh, i lakah ka inthiam loh rualin ka hnathawh ngaihtuahin ka boss hi ka dem vek bik thei tlat lova i nu leh pa lakah pawh ka in thlahrung khawp mai" ka ti leh charh charh.



"Ka pa chu a thin a rim a L.A lam chu la pan a tum tho a nih hmel. Eddie ka ngen a che, ka pa hi a kal dawn a nih rau rau chuan min ven sak hram rawh. A rilru dam nan i boss nena an inhmuh theih nan pui la mahse ka pa nunna chuan tuar lul suh se ka u pawh khatiang a nih tawh si chuan dawh turin chakna ka neih tawh ka ring lo" a rawn țap ti tih tawh a, ka rûm nghut.



"Khawngaihin Eddie, ka pa hi a hriat duh chu hriattir ula mahse khawngaih takin a nunna min ven sak rawh ka ngen a che. Chu chauh chu ka dil ang che" a rawn ti ngawih ngawih, chhang lovin phone chu ka hûm ruh ngawt ngawt a.



Tih theih ka neih loh zia hi engtin nge ka hrilhfiah leh tak ang. Boss hnenah chuan keimah avanga L.A lam pan tur a nih loh zia mail in ka thawn fel vek tawh a mahse a tum erawh a ngai tho, a sût leh hauh lo.



Ka Hmangaihin a thil min ngen lâwp lâwp chu tih sak loh ka hreh a mahse ka thawh ang a thawh ve miau loh avangin vawi tam sawi mah ila tih theih ka neih loh zia hi an lakah chuan a fiah dawn hauh lo.



Call chu ka titawp ta ringawt a Felori rawn lut chu ka en reng "a landanah chuan i buai hmel a ang" a rawn ti a.



"A pa chuan ram leilung rah ala tum tho hmel a. Ka hrethiam, an ni tan chuan thudik hai lan vek baka thlakhlelhawm a awm hauh lo ang. Mahse, Felo, a pa nunna ven sak turin min ti a mahse tih theih ka neih loh zia hi engtin nge ka hrilhfiah leh zual ang" tiin ka thaw hawk.



"An tan chuan hriatthiam a har ang tih ka hria, mihring pangngai tak an ni a, an thisen zawm pui thih dan chuan a zen na khawp ang. Mahse boss hnen thleng tawh thil reng reng a serious tawh chuan tih theih kan nei lova ngawi renga thlir liam tawp mai loh chu" ka tih chuan ding chhuak zawk in kawng dawm meuhin ka thaw hawk a.



"A nunna ven sak turin min ti a, ka Hmangaihin țap chunga min dil lawm lawm chu tihsak loh ka hreh asin. Mahse enge tih theih ka neih...?" Ka au țhawt..!!



Ka lam rawn pan in ka darah chuan a rawn dawm a "ka hrethiam, ka hrilh fo che kha bawiha tumna a awm chuan kawng a awm tih. Pindan thim a kan inkhung dun lai pawh a beisei thei tawh miah lo inih lai pawh a ila beisei ruk reng țhin rawn hlawhtling ta hi ngaihtuah ta che" min fuih phur tum tih hriat takin a rawn ti hluai a.



"Kha nen chuan danglam tak ania sin, in ang lo tak a ni. A kawng pawh a dang" ka ti hluk.



"A ni reng asin, thil thar i zir dawn pawh a ni mahna. Thil thar tem pawh a khât alawm a phurawm iti ve lo em ni...?" Tiin ka dawhkanah chuan a rawn țhu thla a, a ni ang lo takin a nui sâng mai bawk.



"I ngaih ang ngawt a thil awlsam chu a ni lo tih i hriat ka ring" ka ti leh hmuk.



"Ka hria, ka hria alawm mahse i thei dawn tih rinna ka nei lian êm a tin ni. Nang chu engti kawng zawng mah in a ti na duh dawn lo che a , a fate ai pawh a a rin i ni miau a kawng i zawng ngei tur ani" tiin ka darah a rawn beng leh thak thak a, ka thaw chhuak hawk.



Beiseina a nei a kei erawh chuan beiseina ka nei ve lo, neih a hnêk in hmalak dan lah chu ka bang bo phian mai bawk. Ka Hmangaihin a thil min dil chu tih hlawhtlin loh ka hlau a chutih rualin ka Hmangaih ber pa a ni bawk.



Engpawh lo thleng dawn se kan tum chhin poh aniang chu mahse beiseina erawh ka nei tam lo hle thung, a hlawhtlin ka ring lo hle bawk.




"Theihnghilh suh u, ram leilung a rah hma chuan hliam pakhat pawh a nei tur a ni lo, a thlawhna chhunga chuang ve tur te pawh engkim ka duhdan thlapin in ti tur a ni, a chiang tawk em...?" Tiin ka hrilh zung zung a, pawimawh tur dang hrilh leh hlawm in an kal darh ta sang sang bawk.



Ramsanga leh midang erawh thlawhna dangah an rawn chuang dawn a kei leh Felori thung chu Jane-i pa chuanna turah kan chuang dawn thung a ni.



Kan chhuah hma in Jane-i chu ka be hmasa leh phawt "engkim a țha vek ang tiraw...?" A rawn ti leh hmasa ber a, kawng dawm meuhin ka thaw ham ham.



"Ka tiam thei lo che ka duat mahse theihtawp erawh ka chhuah ang. Bawihtea nen khan lo in enkawl țha ula engkim a fel thei a nih chuan palai hmel i hmu tawh ang tih ka tiam a che" ka ti zat zat a.



"Chanchin min rawn hrilh ve leh zel rawh aw. Engpawh thleng dawn se țawngțai kha theihnghilh lo la, kei pawn ka lo țawngțaipui reng ang che" a rawn ti ve leh dap dap a.



Kan thlawh chhuah a hun tawh dawn avangin ka Hmangaih thu hrilhin kan inbiakna chu ka ti tawp a. Kei ngei a pawh hi dam in ka chhuak leh kher ang em tih a hriat dawn lova huphurh pawh ka huphurh viau, engkim fel tawh se ka ti hle bawk.



L.A kan thleng fel âwrh chauh tih a Airport-ah chuan Headquaters a awm sa kan mi leh sa ka hmu nual a min hmuh rual chuan kalna tur lam min hrilh zung zung bawk. Jane-i pa pawh lo nghak tura kan hrilh thlap pa nen Headquaters lam pan in an kal chhuak tawh a kei nin a hnungah Car in kan zui ve zel bawk.



Ka sana bun chu ka bih zeuh a chawhnu dar 1 a ni tawh "Nico, engkim a fel tih i chiang amaw...? Buaina ka duh hauh lo ania" ka ti sup, motor khalh pah chuan min rawn en zuk a.



"Engkim i duhdan thlapin ka peih fel tawh e Boss. Mahse Headquaters a luh ațanga darkar 1 hma chu i dai lut ve theilo tih boss in hrilh tur che in min ti a"



"Hrep tak a...!!" Ka ti hluk.



"Khang darkar khat chhung khan a chungah eng emaw a thleng a nih vaih chuan a pawi khawp ang" ka ti kha hrâwih bawk.



"Ka hrethiam e, chuan building tower ațangin fire team leh sniper team an in ring thlap tawh bawk a i thupek chiah an nghak tawh e" a rawn tih chuan ka thaw ham ham a.



"Engkim i peihfel a ka lawm e" ka ti sup bawk.



"I tana ka tih ve theih tawk alawm. Min tihsak ngaihtuah chuan heng hi chu nêp te ala ni, i tan ka awm reng tih hre turin ka duh che boss" a tih chuan ka bu nghut a.



Tuna sniper team te hi khang kum 5 chhunga keiman ka train thlap an ni a, an skill a sang in silai kah, a bikin sniper hi an thiam filawr lak a ka rin em em an ni bawk. Fire team ka tih tel chhan erawh a hming mai chauh a ni a thal kâp thiam vek an ni thung a ni.



Headquaters kan thlen rual chuan min zahna an lo lan tir sap sap a, Headquaters ka thleng tih hian boss beng pawh a thleng tawh ngei ang, hmun tinah Camera leh silai keng leh midang dang an awm a. Chêt ka lak a ring leh a ni khawp ang.



Ka ruahman anga ka hnuaia thawk te pawh chu reilote ah ka hmu thuai a min zahna an lan tir chu ka bûk khum nghut thung. Tunah hian projector lian lutuk ațang min thlir reng tih ka hai hleinem



"Welcome home" rawn titu chu ka melh zawk. "Huh..! Senior" ka ti chhuak hawk a, nui vur vur in min rawn hmer ta chawt. An hnungah chuan Aruattei, Felori leh Ramsanga an lo ding nui vur vur a.



"Pui tur che in ka in peih reng ania, engkim Nico țang ka hre tawh e" ka beng bula a rawn tih sup rual chuan a ban ka vawn chu ka hmerna zual sauh a.



"Ka lawm e" ka ti ta sup bawk.



Tunah chuan darkar khat aia rei a awm tawh, luh ka tum lah in an phal tlat lo a ka hnuaia thawk te chu kan chân mihring ber a rawn chhuah ruala a zui chhuak tu te lo tin nghal turin ka hrilh sa thlap tawh bawk.



Darkar hnih. Hrep tak a...!!! Eng em em nge an la tih a chuan tinge kei hi ka luh theih loh fo. Luh tum a ka in tin tuah lai mek chuan Headquaters kawt a lazer in zam nuai ka hmuh avang chuan ka thaw hawk a. He mihring hi chuan ka chet dan tur hi alo hre thei zel mai zawng a nih hi.



"Senior a rei tawh mah mah in i hre lo maw..." ka ti nghut, ka dawhtheihna hi fiah a tum ziah mai.



"A rawn chhuak țep ang" a ti sam mai a, ngaihsam theihna hi ka duh ve a ni kei zawng.



Chutih lai mek chuan kawngkharpui ațang ngei chuan Jane-i pa chu a rawn chhuak ta ngei a a hnungah rawn zui tura ka rin ho in an rawn zui ta reng bawk.



Midang ho ka mitmei zeuh rual chuan sniper chuan an tin ta far hlawm a mahse Jane-i pa chu ka en chian poh leh hliam engmah a neiin ka hrelo a a hmel chu zâng deuh hawk in ka hre bawk nghe nghe.



Ka bul a rawn thlen rual chuan ka rin loh lutuk in min rawn kuah thlawp a "ka lawm e, Eddie. Ka lawm takzet" tiin ka hnungah a rawn beng zui thek thek a. Ka hamhaih lutuk chu midang ka enkual a an ni pawh a țhawng tih ka hai lo.



"Ka pu" ka'n ti ringawt.



"Ka lawm takzet, nangmah vang liau liau a ni" a ti leh ringawt bawk si. Midang chu an silai dah thla tura hrilhin Headquaters lam chu ka en a. Boss room ațanga nui vur vur a min lo thlir chu ka hmu nghal zat.



Thil thleng hi enge maw awmzia ni hrep le...!!



"Theihtawpa kan chhungkua min lo ven țhin avangin ka lawm e Bawiha, i laka ka chet dan avang khan min ngaidam dawn nia" ti a in la hrang in ka banah chuan a rawn hmer vang vang a.



"Engkim i boss khi i zawt fiah thei tawh ang, a rang lam a let leh ka ngai dawn a. Min ven naah ka lawm takzet e ka lo beisei reng dawn che ania Hriatpuia pa" a rawn ti a, ka la hrethiam chuang lo.



A kal chu ka en reng ringawt a, boss hnuaia thawk tam tak in an zui bawk.



"Enge awmzia...?" Felori lah chuan ala rawn ti hû, kei zawk hian ania hrethiam lo ni.



Rang zetin Headquaters lam ka pan vat a min hmu apiang lah chuan min lo la nuih ang sâng lehnghal amaw ni, enge maw an hriat teh hrep ni.



Boss room chu kik lem hlei lo hian ka nam hawng pawp a, ka luh rual chuan kut beng meuhin min lo lawm leh ta nghal a "sawifiah rawh" ka ti nghal nghut.



Chutah min rawn pan in ka banah chuan min rawn hmer vang vang a "i puitling tawh takzet e. Ka duhdan thlap in engkim i kalpui bawk" a rawn ti sup.



"Khang kha ka zawhna chhanna a ni lo" ka ti nghut a.



"Ka hria alawm, i ho te i enkawl danah ka lung a âwi a tin vawiin atana i chet dan leh i ruahmanna te pawh. Kha putar khan thudik a hre duh bawk a tiraw engkim ka lo hrilh vek a nih kha an chhungkaw tana i pawimawh zia thlengin" a rawn ti dap dap a.



"Ka hrethiam lo" ka lo ti ringawt.



A nui hawk hawk a, "i hria em ka fapa... he group enkawl tur hian ka chak tawk tawh lo, ka kum te pawh alo tam ve a. A hma pawn ka sawi tawh a nang chauh hi he group enkawl tura ka duh thu, chuan vawiina i chet dan hian min ti lawm hle bawk.



I Hmangaih em em Jane Rodingpuii pa khan engtiang chiahin nge an chhungkaw tan i pawimawhzia a hrelo a ka hriattir a nih kha. A fapa thihdan ah erawh kha chuan ngaihdam ka dil rual in a cho chhuah a nih thu pawh ka hrilh hre thlap. A fapa chungchang ai mah chuan i chungchang min zawt hnem a ngah nge thudik ka hrilh mai loh ang. Tun thlengin nangmah vang hian a nih hi an chhungkua an la hlim" tiin ka darah chuan a rawn beng thek thek a.



"Hahdam rawh, i ram ah haw in i Hmangaih chu i taah han siam rawh. Dip dal tu i nei tawh lo ve, a pa ngei pawh khan a pawm thlap thu che a sawi tawh. Mahse, thla 3 chiah chawlh ka pe ang che chumi hnuah chuan helamah rawn let a i fapa chu keimah ngeiin zirtirna pek ka duh a ni" a rawn ti a, ka inrin hma in ka nui hawk.



"Tinge ni..?" A rawn ti teh hluai a.



"Engkim hi a fel hma mah mah a ni" ka ti a.



"I sawi țhin 'Hmangaihna', dik chu alo lang chhuak mai alawm. Mihring chuan kan tana hnawksak ai chuan kan tana nung țhin mihring chu kan ngaina in kan duhsak zawk fo ni lawm ni. Hmangaihna pawh kan pe hnem bawk, a fanu tana i thil tih leh an chhungkaw tana i thil tih khan a hneh êm a Hmangaihna chuan i thil tihsual tawh a hmuh kân tira 'inremna' alo piang ta a nih hi" a rawn ti leh dap dap a.



Awih har ka la ti takzet, tiang hi a thlen ka ring lo inkahna a thlen kha ka ring zawk a ni a chutiang tur chuan kan inbuatsaih reng bawk. Mahse tunah, engmah tih ngai lovin țawngka in an chingfel a 'chhungril pawimawhna alo lang niin ka hria'. Lang lo Hmangaihna chu.



"Tunah chuan i zalen tawh, i Hmangaih nei thei turin i zalen tawh e kei pawn dip dal reng che ka tum tawh lo. Kal la, i hlimna tur chu va pan tawh rawh i phu takzet e" tiin min chibai a ka nui chhuak hawk nghe nghe a ni.



• Thla 3 hnuah •

"Daddy, Miss in ka homework tih kha a dik lo a ti a" ka fapa School rawn bang thusawi avang chuan ka hawi dâwrh mai.



"A engmaw dik lo, a sawi ang chiah chiah in kan tih vek kha" ka ti nghut, a bag min rawn pe a. Jane-i rawn lut pawh a rawn nui lut vur vur.



"En chhin rawh, Miss in zanah lo ti țha leh la naktukah i lo keng leh dawn nia min ti a" tiin a tûm pâk a, ka bulah chuan inkuangkuah at in ala țhu tûm pâk zui lehnghal.



"Kan tidik vek sia" tiin Jane-i chu ka melh a.



"An miss in homework a tih loh zawk hlir in lo chhang alawm le, a rawn phun haw nasa nia School-ah pawh an miss in a be țawng zo mang lo, tiffin pawh a ei zo duh lo a ni âwm e" a tih chuan ka rûm nghut.



"Bawiha" ka tih chuan a rawn hawi vat a "homework tih dik loh avang a tiffin ei duh loh te kha chin tawh loh tur aw. Chuan Miss in zawhna min zawh chuan dik taka chhan zel tur. Mipa ini a, Daddy nen inah a dik vekin kan ti tawh dawn tih mai tur, a chiang em...?" ka ti nghut.



A bu nghat nghat a, "zanah Daddy nen a dik vekin kan ti dawn nia. Tunah chuan api Sangi bulah va kal la sandwich va ei rawh le i duh ber chi a siam ania" ka tih chuan naupang rilru thianghlim tih takah 'yes..!' Ti chiam in choka lam pan in a tlan phei ter ter.



"A zialo țhin hle mai, homework vek amaw ka tihpui ka tia" ti hluk in a lehkhabu chu ka khup a Jane-i erawh alo nui kar kar mai.



"A rawn phun haw nasat zia chu. Daddy chu ka hau dawn a rawn tih loh leh Daddy chu homework dik tak pawh a hrelo a ti leh țhin a" a tih chuan ka rûm nghut a.



"Homework dik tak vek a ti tawh ang" tiin ka nupui thlakhat mi nau pai mek chu ka pan phei a, a țhutna bulah chuan țhuhniamin ka lalfanu tur chu ka fawp zeuh.



"Bawihi, ilo pian chhuah huna țawng i zir na hmasa berah chuan i u ang chiahin 'hey daddy' rawn ti ve hmasa ber ang che. Daddy lalfanu tur ini tih hre reng la lo chhuak vat vat rawh aw" ti sup in ka fawp leh zeuh.



Ka nupui hmelțha zet min lo nuih var var tu chu a chalah fawh sak vang vang in a hmuiah chuan ka fawp leh vang vang a "Ka Hmangaih che ka fate nu" ka ti sup a.


○ THE END ○ Le, a tawp dan hi in duhdan a ni em le...? Chuan, ka dah loh hnem zia ngaihtuah in in mi support na zawng zawng ah ka lawm nawn awn awn e. A khai khawm nan ka lawm e tih ni se. You tube-a an chhiar hunah pawh min lo ngaihthlak sak leh vek dawn nia u aw... Ka lawm vek e......♡♡♡

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)