HEY DADDY By Mami pachuau (Completed)

[Ngaia]

HEY DADDY CHAPTER - 13

Ziaktu : Mami pachuau



"I zia deuh tawh em?" Min en reng chung chuan a rawn ti sup ka bu nghat a "kan lo kal hma khan an hmet leh a a zia ve deuh" ka ti let a, a bu nghut ringawt.



"Englo" ka seatbelt hren a phelh lai chuan ka ti a "sawi la" a ti sup, a phelh zo a rawn hawi chhuah chuan ka mitah chiang deuhin min rawn en leh a ka zâm lutuk hi khawsik sâng lutuk kan neih a kan thaw a sa vak ang mai hian ka thaw a sa vak thei hial.



"I sawi loh chuan engmah ka hre theilo ania" khîk suk pah hian a tih zawm leh, kei pawh ka nui sak ringawt "nimin thil thleng kha..." ka ti chiah, ka sawi zawh hma in ka u in min rawn au hman.



"Ngaithla zo phawt rawh" min pawm a tum chu a banah ka vuan chawt "nakinah i sawi zawk mai dawn nia" ti sup in Car ațang chuan min pawm chhuak a ka ngawi ta kar ringawt wheelchair-ah min nghat vei thlap a ka u chu ka ngei ru ang reng hle lehnghal.



Eddie-a chuan min buaipui chhunzawm dawn amaw tih nâk alaiin amah ang pui pui ding khawng luah te bulah a kal daih a ka en zui reng. Chumi te chu eng eng emaw hi a hrilh a a rawn hawi let leh tawh miah lo bawk.



Ka u ka lam pan a rawn kal chu ka lo en reng a ka hmelah ka lungawi hlawllo tih a hria a ni mahna min rawn nuih phei var var a "ngatinge i tûm leh bar tawh a?" Ka bula rawn țhut thlak pah hian a rawn ti a. Min lo au lo se chuan Eddie-a kha ka hrilh hman tur ania amah vang vek.



"Nangmah vang mawle" ka tih chuan a ner nâng "keimah vang a nih chuan ngaihdam ka dil che a ngai dawn a ni maw... kan awmdun ve theih chhunah i u hi i bulah a awm tam thei si lo a chuvang a ni em?" A tih chuan en pawh ka en peih lo.



"Ngatinge wheelchair-ah min țhuttir kher a na taka damlo pawh ka ni lo a a nuamlo a zahthlak" ka nu te dinna lam en daih pah chuan ka ti daih a ka thinrim tak tak tih hi a hriat kher ka duh lo, a hriat chuan min zawt leh chiam anga sawi dan tur ka hre dawn tawp si lo.



"Rei i ding thei dawn chuang lo a, i kal țha thei bawk lo a chuvang a nih kha rei a ni lo ang ka awm loh hunah pawh lo chhuah phêt tum lo la" a tih chuan ka bu ve mai a Eddie-a ka zawng ru deuh a mahse ka hmu mai tawh lo khang palian pui pui te pawh kha ka hmu tawh lo bawk.



"Kan thlawh chhuah a hun țep tawh a sawi duh dang i nei tih ka la hria ania" tiin wheelchair chu a lam hawi zawngin a pawt her a.



"Engtikah nge kan inhmuh leh ang?" Ka ti sap bawk, ngei ru viau mah ila ka ngai dawn lutuk. Ka unau neihchhun a ni tawh, awmdun hnem lo mah ila ka ngainatna a bo phah chuang lo a a buai țhin êm avang hian amah hi ka ngei lek lek zawk țhin.



"Ka hrelo le, ka chhuk thla a nih chuan ka âwl mai mai thei tawh dawn lo a ka sawi maithei bik lo mate. Pathian zarah kan inhmu leh em em ang" a tih chuan ka bu ve mai.



"Next week-ah ka chhuk thla ve tawh dawn a tah chuan weekend-ah min lo tlawh la kan pahnih in hun kan hmang dun anga" ka tih chuan inngaihtuah mûk hmel zet hian a ngawi deuh vang vang.



"A țha e, kan tum dawn nia i ke pawh enkawl uluk la nangmah hrim hrim pawn harsatna i neih chuan min lo call dawn nia aw" a ti a ka kutah chuan a rawn vuan a "call che pawn engtik lai pawh a buai reng ang vel inia nang chu call pawh i nuamlo a hlawk thlak bawk lo. Balance a hek mai mai" ka tih chuan a nui hak hak kei pawh ka nui ve leh tho.



Min rawn kuah a ka nu te nen eng emaw kan sawi ho mai mai lai chuan palian pui pakhat hi kan bulah hian a rawn ding a "Miss... kan thlawh chhuah a hun tawh dawn a" a rawn ti ta mai, chhunglamah manganna min siam hial thei. Ka hawikual nghal ruaia mahse Eddie-a hmel reng ka hmu lo khawnge a awm ang tih ka lo ngaihtuah mek lai chuan ka u chuan Eddie-a awmna a zawt ta hlauh.



"Bungrua leh thildang enfel turin a kal tawh sawtah alo nghah mai tur thu che a sawi a kan kal dawn mi?" Palian pui pa in a tih chuan ka hnual nghal rawih rawih mai. A hmel ka hmu hman tawh dawn lo maw!? Chuan vanneihthlak taka kan intawng leh a nih loh chuan ka hmu tawh lo bawk ang a! Car chhung a ka hmuh kha a hmel ka hmuh tawpna ber tur maw alo nih reng a!.



"Nu.. pa ka kal dawn, in enkawl țha ula rawn tlawh leh vat cheu ka tum ang" tiin ka u chuan ka nu leh ka pa chu a kuah ve ve a an ni pawh chuan in enkawl țha turin leh fimkhur turin an lo hrilh ve mawlh mawlh bawk a mahse kei erawh ka â hui thei ka mittui a tling pam mai bawk.



"Mate..." a tih pawh chuan ka dâk chhuak lo a rawn țhuhniam a ka țap tih a hmuh rual chuan a nui hak hak "nu enteh u, a țap leh ringawt dawn tawh nia a mittui tla inhmuh khat êm kha rawn en teh u" tiin ka u lah chu ala nui zui hak hak a ka nu leh ka pa pawh.



Ka mittui tlak chhan lah an hre tawp si lo, nichin khan lo chelh bet luiin lo hrilh tlang ni ilang chuan number te kan in pe anga hetiang tawp hian kan awm lo tur ania.



"Țap tawh lo la" tiin ka mit chu a rawn tuai fai a, 'nangmah vang pawh a ni lo' tih hial te ka duh. Amah hi chu ka ngai dawn lutuk ka hria mahse ka chhungte tu pawh an zin tur ka thlah reng reng in ka țap ngailo mahse tunah ka hmuh tawh ngai loh tur pa vangin ka mittui a tla mek chu ania, a hreawm takzet!.



"Tluang deuhin kal rawh!" Ka ti țial ruak a nui hak in min rawn kuah a "i mittui tla pawh ka hmu khat bawk alawm le, ka thlen veleh ka rawn bia ang che aw lo țap hliam hliam lo la" tiin ka chalah a rawn fawp zeuh a ding chhuak in ka nu leh ka pa chu a be leh a kut vai lauh lauh chungin a kal liam lai chu ka thlir ta reng ringawt.



Min duh tih a sawi a mahse a kal dawnah tal pawh a hmel hmuh tur a awm leh si lo mangțha pawh min ti lo bawk. Nimina a zawhna ka chhan loh avangin khatiang khan a awm a ni ngei ang ni e... a awm ang, âwm pawh a âwm lutuk ka hlauhna kha ka inhneh tir thei ngang si lo a.



Heiham, ni e... duh viau mah ila kan inkawp a rem lo ania nge thil a thleng phut a kan induh ve ve thut a amah pawh kha a hamhaih anga khatiang pawh khan a che a ni mahna khu lamah hmeichhe hrang hrang chhelo tam tak an awm a min hre reng hauh lo ang.



Mahse kei hian ka theihnghilh zui thei ang em le? Theihnghilh zui thei ila ka duh takzet ka duh takzet pawh ni lo ka duh ngawih ngawih zawk mahse a landanah hi chuan ka theihnghilh zui thei pawn ka ring miah lo mai.



Ka nu in min nawr chhuak a intih thawven tum in ka pa nena an ti ti chu ka lo zawm ve leh zeuh zeuh țhin a mahse ka thawveng thei tak tak lo. A khât tawk in hnunglam ka hawi leh deuh sek țhin a mahse mipui vei vak tam lutuk bak ka hmu leh chuang lo.



Beiseina thlawn bawk!.



"F-a, bawihtei hi pawm lut la kan kal nghal thei ang aw" ka nu chuan Car awmna kan thlen chuan a ti zung zung a min pawm lut a in lam pan in kan tlan haw nghal bawk, hnaah an chhuak leh ve ve anga keimah in inah ka awm leh tlawng ang a ka hne sa.



Sofa-ah chuan țhu mu in phone ka khawih mai mai a Nghaki nen kan in text deuh char char a ni mah zawk. Call ka hman peih loh avangin Eddie-a chungchang vel kan sawi kan sawi a ka u a ngei thu nen a rawn tlak ve ta duah.



A hnuah a mize thawveng zet a rawn chhuak leh a *lungngai suh, mipa an tam alawm a ni pawh kha i duh thut a i ât ruai lai ani bawk anga khatiang khan i awm pawh a ni maithei engah mah ngai suh i theihnghilh ve mai ang* tih hi awlsam thên in a rawn thawn a.



*Ka beisei* tih ka thawn let ve a zana leng turin ka sawm zui bawk.



Thildang sawiin kan in text mawlh mawlh a number lawng ațangin message ka dawng ta nawlh a *i zia deuh tawh em?* tih alo ni. Nghaki chat ațang chuan ka chhuak a Eddie-a a nih beiseiin a dp chu a rang a rang in ka en a a vir chhung te chuan ka thin a phu rang dup dup bawk a mahse alo lang ta cheng a Dinpuia lek alo ni.



Ka hnual nghak rawih rawih a mahse a message chu chhang in ka zia tawh lutuk thu ka hrilh a a number chu ka save ta thlap bawk. Eddie-a a nih beiseina in ka khat a alo ni leh lo chu a nuamlo ve rawih thei mai. Mahse engah nge kei te min rawn biak ang ni min biak nachhan tur a nei hauh hleinem.



*Zanah ka lo leng ang aw?* tiin rang fe hian a rawn reply a han biak chhiat kher ka tum lo, Higher velah kan inkawm ve nasa a amah pawh hian a hre chiang ang mipa ka hnaih țhat ngam loh nachhan pawh.



*Aw.. lo leng rawh, eitur lo keng rawh aw* tih chu ka thawn let a a seen nghal tih hriat nan a in tick rual in a pawl nghal kalh a hetiang hi chu kan chîn fo dan ania a ni pawh hian a ti ve nasa thei alawm.



*I tan te chuan keng mai zel e. Nghaki pawh khan rawn len a duhin ka hria ka rawn sawm phei ang* tih a rawn thawn leh a *ummm* tiin ka chhang let ta ringawt thung.



Ka u te an thleng țep tawh ang em tih ringawt ka ngaihtuah a ka ngaihtuahna lamah keimah zawk hi ka hah hial thei. Thlawhna chhunga an chuan lai a nih chuan call mah ila awmzia a nei dawn lo a khu lamah thleng thla se min rawn call ve mai ang chu maw.



Mahse ka rilru leh thinlung chuan midang zawk a beisei thung. Ka phone message a rik te chuan rang zet hian ka en thla leh țhin a mahse midang hlir an lo ni leh țhin sia lungawi lo ru zet chungin ka hmet thim hmak zel.



Ka tui a hal avangin ka hawl tura an dah tiang chu ka ban a bai phei auh auh chungin choka lam ka pan a no ka la a, vur dah hmasa in tui ka dah leh a ka in zui nghal khawlh khawlh bawk.



Fridge ka hawng a apple chu la in ka sil fai thuak thuak a sitting room lam ka pan phei leh bawk. Duh aiin kal a har zêk a ka rap ngam bawk si lo a lehlam chauh hman a lehlam a in hawl khalh chu a hreawm ve det.



Ka nu a rawn haw hma a ka lo muhil nge ni a rawn haw lai ka hre leh pek lo "nu ka u te an thleng tawh em?" Ka bulah țhu in behliang a thian mawlh mawlh a zan dar 8 a ri țep tawh bawk alo tlai ve tawh.



"Thleng daih tawh e" a ti a, ka meng phâwk vak! "Min va rawn call si lo ve ka rawn call ang che te kha a ti vel sia dâwt avan sawi peih tak!" Ka ti hliai, min rawn call hun nghak in ka lo awm ve char char a min rawn call leh tawp si lo.



"A rawn call che a phone i la theilo a min rawn hrilh alawm a buai lo ang tunah zu call rawh" a tih chuan a rang a rang in ka phone ka ban a ka nu sawi ang ngeiin ka u missed call pawh alo awm bawk a keimah zawk hian ka lo hrelo leh pek ni tur a ni, hahthlak țhin hian ah!



Ka call a reifê a in ring hnuah a rawn pick a "min lo call a.." ka ti ban chap.



"Call e, ila theilo a ka nu ka hrilh kha kan thleng tawh tih" a ti leh a, ka ngai ve vawng vawng mai.



"Nia.. min lo hrilh a i chau em?" Ka ti leh Eddie-a awmna zawh ka chak zia chu ah!.



"Chau lo e shower ka nei zo chiah a, in video call ang aw" a tih rual chuan video call a rawn lut zui a ka lak rual chuan a sam huh chu alo hru mek a "i buai hmel" ka ti ta ringawt bawk.



"Buai lo e lo en rawh aw ka awmna ka tih danglam tira" tiin camera chu a adjust a a room vel chu kal kual pah in min hmuh tira a hma ai pawn hmuh a nuam zawk tih ka lo hrilh ve bawk "dining room vel en leh lawk rawh" a ti a, ka nu en ve turin ka ti a a rawn tawlh ve sat sat.



Dining room min en tir zawh hnu in țhutkhawmna lam min entir leh a mahse couch lian zet in hûng a lo țhu te ka hmuh rual chuan sofa chu ka țham nghek a Eddie-a pawh a awm ve bawk hmeichhia nen an la țhu dun zui, ala nui suk ta zui lehnghala chu hmeichhia lah chuan ala bawh ang huam huam leh ta nghal.



"In va tam teh nuai ve" ka nu in alo ti thuai a ka u chu a țhu thla ve ngei ni tur a ni a phe deuh ruai a mahse rei a ni lo "nia meeting kan nei dawn a kan chau ve hlawm bawk sia chhuah ai chuan tiin hetah ka ko khawm a" a rawn ti a, Eddie-a bula hmeichhe țhu kha tunge ni ta ang le.



"Ni e.. a țha viau ang i nau nen lo inbe rawh u chawhmeh ka va en ang e" tiin ka nu a tho chhuak zui daih a keimah zawk chu ka țhu țha sauh sauh.



"Enge i an? Ala na viau em?" A ti a, ka ke chu ka melh zeuh "na tawh em em lo a dam ve țep tawh ang in buai hmel si ka dah dawn" ka ti daih a diktak chuan ka awm a nuam chiah lo deuh ka thil hmuh vang kha a ni tih ka chiang hle bawk a.



"Ok... kan țan țep a mut dawnah ka rawn be leh ang che u" a ti a, chhang let lem lo chuan phone chu ka off a ka bulah chuan dah in ka thaw chhuak ham ham. Tunge maw a bula țhu hmeichhia kha niang le? A hmeichhia zawkin khatia zak map lo a a nâwk ngam a nih chuan Eddie-a tan mi mai mai a ni lo tih a hriat reng.



A bialnu a ni thei mai ang em? Mahse a bialnu ni dawn se khatiang khan ka lakah a che bik âwm tawp si lo, Heiham! Engpawh chu nise ka ngaihtuah loh law law a țha ber ang kan inhmu kher tawh lo maithei a chuvang chuan ka ngaihtuah tawh loh a țha ber.



Ka pa te Office lamah an buai nge ni dar 8 velah Dinpuia leh Nghaki nen an rawn lut ruala Lalnghaki pawh dawr ațang a rawn tlang nge ni a status a a thawmhnaw hak ang chiah chiah kha ala ha.



Ka pa in ka nu alo buaipui vat a vawiin lam ka țha em tihte min zawt a ka țhat mah mah thu in ka lo chhang thung. Ka țhiante chu ka bulah an rawn țhu thla a chaw an la ei loh chuan ei ve nghal turin ka ti a ka rin ang ngeiin an la ei lo ve ve.



Chaw ei hmasa lo a an rawn kal erawh keimah min ngaihpawimawh vang ni tho mahse ka lawm rual rual in chaw te ei hmasa in an mahni hian in te han thleng ve hmasa se heta rawn tlang nghal lo in an bei âwm ang lo ve thei hrim hrim.



"Oh! Jane eitur ka lo ken theihnghilh" Dinpuia chuan inthlahrung zet hian a rawn ti a kei erawh chuan ka fiam chak tlat "na... waiwai vel ka ei chak asin ilo ken ka ring a" kan ti vela a hmel chu in thlahrunna hian a khat ka ti mai ka inthiam lo leh lek lek zawk.



"Tunah ka va lei thei tho a ka va kal zawk mai ang" ti a a tho uaih chu ka banah vuanin ka pawt țhu a "a ngailo ka ti mai mai nih kha engmah ka ei chak lo ka ti tak tak ka fiam mai mai che nih kha kal a ngailo" ka ti a, a kal hman tak tak ang tih ka hlauh zia chu.



"Ka va lei hrim hrim ang e" tiin thawh a tum leh ta mai ka vuan bet ta țang țang a Lalnghaki awm lo chu ka lawm lutuk ringawt nilo se chuan thil alo sawi leh vak vak anga a chi dawn hlek lo.



"A ngailo ka ti tak tak lo ania, ka fiam mai mai che nih kha țhu mai mai rawh" ka ti țâng țâng, a rawn țhu thla a inthiamlo zet hian amah chu ka en ta tawp ka inthiam loh zia chu ah! Pui tak a ni pui tak!.



"Engmah i ei chak lo tak tak maw?" A rawn ti leh hram, mi a ngaihtuah hi chu ala sim theilo a nih dawn hi maw...!



"Ei chak lo, ka ti mai mai a mahse kal ilo tum tak tak sia i rilru ti nuam lo miah suh i hria em?" Ka ti ta hlak a, ka țhen zui sak bawk, a ni pawh a nui suk a.



"Kei ai chuan i rilru a nawm loh hmel zawk a nih kha" nui suk chung hian a ti a, a inthlahrung hmel a bo takah chuan ka thaw ham ham "nuam lo ang chu i tho uaih bawk sia kal i tum tak tak bawk sia a nuamlo alawm" ka ti a, a nui ta hawk mai.



"Ila danglam lo tawp a nih hi" a ti a, a nui leh suk "vawihnih i sawina ni tawh ka danglam ve mai mai dawn hleinem" ti a ka țhu țha tur chu min rawn hnaih chilh a ka lo inring lo bawk nen ka awm hrang hman meuh lo.



"Umm... danglam suh nangmah ngai kha ni reng rawh" a rawn ti a a awmdan in min țhawn êm avang chuan han chêt mai nachang pawh ka hrelo, nui ri suk in a awm hrang a a phone a rawn rik chhunzawm avangin a chhan lawk tur thu sawiin a kalsawn zui nghal bawk.



Engvanga khatia rawn awm thut nge maw anih ni! Ka lo in ring lo bawk nen midangin min hmu ang tih a hlauhawm khawp mai.



Ka phone rawn nghawr chu ka ban a number lawng ațang bawkin message ka dawng leh tawh, pahnih alo thleng zui a. 'Jane' tih alo lan avang chuan seen ta mai lo chuan a dp chu ka check a Mizoram ami a ni lo tih a number ațang hian ka hre thei.



Hmeichhia ni âwm tak sam sei ve deuh mai hnungzawnga ding a kawng chin chunglam chiah hi alo hmang a ka en chiang a ka zoom a ka hmuh hnu ang ka ti ang reng hle bawk.



Message chu ka seen a a rawn thawn hmasak zawk chuan ka thin phu a ti rang dup dup mai.



*Kha mihring kha i duh loh thu i sawi a ni lawm ni!?*

Tih hi alo ni.



*Tunge i nih?* tih ka thawn let a.



*Eddie* tih ringawt a rawn thawn leh.



Țullo zet hian ka hawikual nghal ruai a âtthlak ti zeta ka phone ka en leh rual chuan message a rawn thleng a thlalak alo ni a ka download chiah chu a hma ai zawngin hlauhthawnna min siam nasa zawk.



Min enthla tihna mi? Engtin nge Dinpuia'n min awm hnaih lai thlalak tak kha Eddie-a hian alo neih theih!?.


Show post links
Top

[Ngaia]

HEY DADDY CHAPTER - 14

Ziaktu : Mami pachuau



Thin phu rang dup dup chunga message ka type mawlh mawlh lai chuan a message a rawn thleng leh a *hnaih suh ka tih che kha* tih zawng hi alo ni leh, chil ka lem khalh a message pawh ka type zawm theilo.



Ka message type tawh sa zawng zawng chu ka clear leh vek a *Hey... i ngaih ang kha a ni lo* tih ka va thawn ta zawk a a in tick rualin a pawl nghal kalh bawk a a rawn type leh mai ka ring ania mahse a reh vang vang, online a in ti tho bawk si.



Engtin nge thlalak kha alo neih theih dan ka hrelo min enthlatu an awm a nih loh chuan tu emaw in an hmu fuh palh anga an thawn a ni ngei ang. Mahse khatiang kha thil nihdan a ni lo tih hrethiam se ka duh takzet.



Ka hlauh ang ngeiin ka message a rawn reply tawh miah lo a khât tawk in whatsapp-ah ka lut deuh reng a mahse ka message reng reng a rawn chhang duh lo, a rawn chhang leh em em ang tih beiseina nen a dp te chu ka en a ka zoom a ka hriat hnu ang ka ti em em mai bawk si.



A chang leh a thlalak min lo thawn chu ka en leh thûl, a thil min rawn thawn te ka chhiar nawn ka chhiar nawn bawk a, message dang thawn leh tum in ka type vek tawh mahse ka ngam lohna avangin ka clear leh vek țhin.



Thaw hak in ka sam chu ka tuai chho a ka awm hle hle theilo, thil thleng avangin ka țhiante lo leng pawh duh ang in ka kawm theilo an ni chuan an hre ve kher lo ang Nghaki pawh hrilh ka tum lo mahse he pa hian ka message tal rawn reply ni se chuan ka awm a nuam mai tur ania.



Dinpuia leh Nghaki an haw tawh, ka pa in ka room-ah min pawm chho a light min off sak vek rualin ka phone ka ban nghal chat a a rang a rang in whatsapp-ah ka lut a mahse a message pawh alo awm lo reng reng, a chat-ah chuan ka lut a a last seen lah chu a rei tawh ropui.



"Ngatinge min chhan let miah lo a..." lukham a ka lu nghah pah hian ka ti sap, ka call tawp mai dawn mi mahse meeting an neih lai te lo ni ta se, nge ni a message ka thawn țha leh dawn zawk?.



Ka rilru a insual buai nuai nuai a ka call chuan meeting an neih lai a nih ka hlau si, message ka thawn chuan min chhan let leh loh ka hlau bawk si eng ber nge tih tur pawh ka hrethiam tawh lo.



Pawilo call chhin ila a nih nih a ni tawh mai, insawifiah țalh ka duh bawk si a a chhan pawh a thil hmuh ang kha a ni lo tih hrilh ka duh vang chauh a ni chhe takin min ring lo se ka duh.



A number chu ka dial a, a in ring char char. Ala tawh dawnlo amaw ka tih hnuah a rawn pick a mahse hmeichhia zawkin a rawn chhang daih ka off leh țep a mahse ni theiin ka hre ngang lo a "khawnge Eddie-a?" Ka ti ta ringawt.



A ruk chuan ka thin a rim a ka call lo chhang tura amah ka beisei ve ringawt kha â ka inti leh hnuhnawh, a bulah khatiang khawp a nâwk ngamtu an awm reng a ka lo beisei sang mah mah deuh chu ni.



"Intur la in a kal a a ri sia ka lo chhan sak tawp a nih hi" thawveng zet hian ala rawn ti zui a mizo a nih ka ring, Mizo țawng ka hmang ve nghal ringawt bawk sia Mizo in min lo la chhang let leh ta nghal.



Chhan leh ka tum chiah chu "tunge?" Eddie-a aw ri ka hria a ka thinrim țûn thei dah ka tum zet nâng in ka call chhan ka ti puitling tho ang ka ti rilru sauh sauh zawk a.



"Ka hrelo a number i save dan hi en la" hmeichhia zawk chuan a ti a, ava han țul ber lo tak! Hetih lai tak hian ka off daih dawn zawk amaw ni le a nghal khawp mai.



"Hello Jane..." a tawp a tawpah chuan aman min rawn chhang ve ta a, ka thaw leh huai ang bawk si a aw ka hriat khan ka chhunglam hi a fan rawih rawih a 'ka ngai che' tih tawp mai ka duh mahse ka sawi a rem bawk si lo.



"Englo..." ka ti a, sawi zawm theilo chuan ka thaw chhuak leh phawt ka zâm ru ang reng takzet.



"Sawi la" a rawn ti leh a, a bul velah chuan mipa leh hmeichhe țawng thawm a awm nak nak bawk.



"Nichina thlalak kha i neih dan chu ka hrelo a mahse i ngaih ang kha engmah a ni lo ania ka inrin hma in khatiang khan alo awm thut a ka awm hrang hman meuh lo a" ti a ka sawi zo chu ka maimichhing zui a! Ka tlawm ngawih ngawih in ka in hre tlat pek a nih chu....!.



"Ka țhian ania ka hnaih lo thei lo bawk a ka be chhe ngawt theilo bawk chuan ka lo call chhan che hi chu i ngaihdan ang kha a ni lo tih hrilh che ka tum mai chauh a ni" ka ti leh ka sawi chhung zawng chuan ka kekawr chu ka țhâm ngar ngar mai.



"Ka hria lawm" a rawn ti ve sup a, ka meng chhuak a țawng leh ka tum chiah "ka ngaihdan engmah ka rawn sawi lo mahse i sawi ang in ka ngaihdan ka rawn sawi a nih hmel a min hrilh hria la" a sawi tawp lamah chuan a nui deuh reuh a ka hriat.



"Ka sawi kher ngailo in i hre zawk ang chu nangman" ka ti let ve ngat, a nui ri suk pawh ka hria.



"Ka hre hauh lo Jane ka sawi âwm ka hre bawk si lo" a rawn ti leh, a sawi lo maw!? A message rawn thawn khan a tilang chiang viau a nih kha mahse ka sawi kher lovang e!.



"Ka sawi duh ka sawi zo tawh bawk a i ngaihdan lehzel sawi turin hun ka neilo ka dah dawn, a nih phawt le" ka ti zo chiah "la dah suh" rang zet hian a rawn ti leh ka phone chu ka bengah ka dah hnai leh a.



"Enge? Sawi tur engmah ka nei tawh lo ania ka mu duh tawh" ka ti nghat "keiman ka nei alawm" a rawn ti sup a saisir zawng chuan ka mu a phone chu ka delh bet bawk.



"Sawi vat rawh!" Ka ti hlak, mahse kei pawn a ruk chuan ka la be chak reng a mahse ka tilang hauh lo ang kha hmeichhia nena an țhu dun mawlh khan min luah ngut ngut mai a ka rin kha alo dik a nih dawn hi ka ti ta tawp. Khu lamah chuan hmeichhe chhelo an tam a min hre zui hauh lo ang ka tih kha.



"Enge vawiin i an?" Ti a min zawh te chu a tak nge dawt tih pawh ka thliar hrang thiam meuh lo chu a ni "a na tawh em em lo bakah chutianga serious a ni lo a a dam ve mai ang" ka ti țha ve mai a ka lungawi lo ngei alawm mahse dawt erawh ka sawi lul lo ang.



"Damdawi i hnawih leh tawh em?" A rawn ti leh, engemaw a hriat a ka ke pawh chu a ngaihven tak chiam mai le! "Mut hma in min hnawih sak tawh, a serious lo a ngaihtuah a ngailo nang pawn theihnghilh daih rawh" ka tih chuan a rûm ta nghut mai.



"Ka ngaihtuah lo ang maw Jane? Thil serious lutuk a nih kha....!" Sawi zawm lem lo chuan a thaw ta hrâwih! A engemaw mi rawn vin chiam mai le thil serious pawh a ni der si lo "a serious hleinem mawle thildang sawi tur ila nei em ka dah duh tawh ania" ka ti ve nghat! A duh hun hun a min vîn tur pawh a ni lo.



"La dah lo teh!" A rik chhuah dan chu a ngenngawl takzet!. Ka rilru chuan 'i bula hmeichhia kha buaipui zawk ta che' a ti mawlh mawlh.



"Enge sawi duh ila neih a?" Ka ti leh nghat!.



"Kha mihring kha hnaih tawh suh aw, kawm suh ka tilo che mahse hnaih tawh suh! Be tawh lo bawk la" hmmm... hnaih suh min tia kawm suh ka tilo che min ti leh a! Awmzia awm lo!.



"Engvangin?" Tiin ka lo chhang let vat! Dinpuia hnaih lo tura min duh em em chhan hi ka hre duh, a thîk a ni mai lo maw le.



"Hnaih suh ka tih chuan hnaih lo la ni mai" nin hmel fê hian ka zawhna chhang lo chuan a rawn ti nghek!.



"Ve ringawt a che, ka sawi tawh kha ka țhian ania chutiangin ka hnaih lo ngawt theilo a ka be lo ngawt theilo bawk Higher kan kal lai...." ka sawi zawh hma chuan thil a ri bur ka lo phu ve zawk thei.



"Chu tal chu min tihsak thei lo em ni? Mipa pakhat lek hnaih loh a biak loh chu?" A aw rik chhuah dan chu a zâwi a min ngen ngawih ngawih na ka hriat sak thei mahse a awmdan chuan min ti thinrim ve tawh.



"Enteh.... ka țhian ania ka sawi tawh kha ka hnaih lo ngawt theilo. Nang lah chuan hnaih tawh suh, be tawh suh min ti a a chhan ka zawh che lah in min chhang duh bawk si lo! I thîk chu a ni em lo maw?" Ka ti ve ta nghat, a duh duh min hnaih loh tira min biak loh tir theitu pawh a ni hrep lo.



"Ka thîk, ni e... ka thîk ngei alawm! Thîk tak ka ni! Khatiang khawp a i taksa a hnaih leh a nih chuan a ban ruh pawh herh tliah sak ka hreh lo!" Ka hriat sual amaw ka ti hman țep! A aw chu a chang țha in a thusawi ah chuan a ding nghet chiang tih a hriat ngawih ngawih!.



"Ka dah dawn..." ka ti ta tawp, hepa hi ka hlau ru deuh reuh! A thu rawn sawi danah khan tual thah pawh a hreh lo tih a lang reng.



"Aih la dah suh... min hlau ami?" A aia dam zawk chuan a rawn ti leh a, a sawi zawh ruala thaw ri zui ham ham pawh ka hre thei. Ka chhang tawh lo hrim hrim, a țawng leh hun tur chang chuan ka ngawi reng a.



"Min hlau suh aw, kha mihring khan a hnaih che ka duh lo mai chauh a ni. Mahse a hnaih lui zel che a nih chuan ka thusawi ang khan ka awm hreh miah lo ania" a ti ta hrâwk!.



Chhan ka tum a mahse hmeichhe aw ri kha ka hre leh a "mangțha" tih thut pah chuan phone chu off hmak in luhkham hnuaiah chuan ka rawlh lut a ka maimichhing nghal vang vang. Engtin nge khatiang thu kha awlsam deuh a a sawi chhuah theih zawk le! A rapthlak takzet!.



A hma pawh khan vaipa lapaw chini zawrh dawr kan tum țum khan ka u ei a phal loh avanga vaipa sumdawnna tih chhiat sak a hreh loh zia te kha ka ngaihtuah chhuak uar uar a ka țim uar uar thei.



Mahsela ka mihring hnaih tur leh biak tur hi ama thlan tur a ni lo a ka nun a ni a ka duh duh ka hnaih anga ka duh duh ka kawm ang. A ni pawn kha hmeichhia kha a nei alawm le ka sawi buai sak bik pawh ni hlei lo duh leh kha hmeichhe hnaih tur leh biak tur kha thlang se hmeichhe dang a hmuh avanga engah mah min ngai chhunzawm lo tu in min ta chei chu ka duh țhak lo.



Ka chek in a mil lo. Ka lo call kher kher kha ka inchhir leh hnuhnawh.



Zing lam dar 2 velah ka mu ve ta chauh a ka muhil theilo lutuk kha games-ah ka țuan ta vak ringawt a ka zing tho chu ka mit ana vek thei.



Ka tiang hawl tur ban in bathroom lam ka pan a ka inphih fai a ka phone chu ban in inhnuai lama chhuk thlak ka tum a ka nu ka room-ah a rawn lut fel hman chiah bawk.



"Tukin chu ka tlai deuh a ni maw... i ke enge a an?" A tih zawm a parda vel chu a hlip sawn mawlh mawlh a "a zia ve reuh lutuk tukin chu, hna i kal dawnlo mi dar 9 a rik tawh dawn hi" sana lam melh zeuh pah chuan ka ti a.



"I pa in engmah iti thei si lo a awmpui tur che in min ti deuh mawle i mu țha lo mi iva meng bui ve" a tih zawm a darthlalang lam hawi zawng chuan ka in her zeuh a ka meng bui tak tak.



"Umm.. ka mu thei vak lo a, i duh chuan hna chu kal rawh nu tiang nen chuan hei ka kal ve thei alawm inhnuai chhuk thlak hi ka la harsat dawn a ni mai a bak chu ka ngaihtuah awm loh" ka ti a, damlo na tak ang in min en lo se ka duh.



"Aw... kan sawi țha dawn nia i pa pawh vawiin chu kal hma a ngai dawn lo a chaw ei ka peih tawh a i pa in a rawn pawm thla leh mai ang che" a tih chuan bu nghat in khumah chuan ka țhu thla a.



Ka pa rawn chhoh chu nghak in ka țhiante message chu ka chhang kuala nizan a Eddie-a nen kan in biak hnu khan whatsapp-ah ka lut leh tawh lo a Dinpuia message pawh alo awm reng zing dar 7 vela mi nen.



*Morning... ka tho ve chiah* tih ka va thawn let ve thung.



Ka pa a rawn chho a inhnuai lamah min pawm thla a ka nu in chaw ei alo siam mek a chair-ah chuan min nghat in min nawr lut zui nghal bawk.



"Bawihi nizana i țhianpa lo leng kha ka va hmu ve ngai lo ve" ka pa chuan a rawn ti a, kan chu ka thlengah ka suak a.



"In la hmu vak lo maithei midang ang in a rawn leng lut ve em em lo a kan inkawmna chu a rei tawh... saw Pres biakin bulah sawn an awm" ka ti a.



"Pres biakin bulah maw a nih chuan... pu Hluna fapa kha a ni em? A u chu Y.M.A hruaitu kha?" A tih chuan ka bu nghat nghat a, hmuh loh kar in an lo tlangval tawh thu sawiin a upat tawh thu lamah a kai chho a a tui deuh nge ni kan vengah pawh țhalai hriat loh a ngah tawh thu lamah te a kai chho a ka nu pawn alo zawm ve leh zeuh zeuh bawk.



Ka theih ang tawkin chaw eina vel ka tihfel pui a mahse ke khat chiah ka rin avangin rei ka ding theilo puih ve ngei ka duh bawk si. Kan têt lai ațang tawhin leh tun hnu thlengin ala che char char a helamah min awm tir tam se ka chhawk ve thei ni mai tur ania min awm tir duh bawk si lo a mahse ka chhoh chang chuan ka tihpui ve ziah tho.



Hna thawk turin an chhuak ve ve tawh a kei erawh sofa ah muthlu deuh reuh chungin masterchef ka en a ka lo bu leh lâwp țhin ka meng hleithei lo chu a ni ber e.



Ka phone a rik avang chuan tunge a nih pawh en lo in meng mang hlei lo chuan ka pick a phone chu delh bet in ka maimichhing zui leh a "hello!?" Ka ti zâwi sep bawk.



"Ila tho na nge?" Nghaki chuan a rawn ti a "tho tawh e ka mu tlem lutuk a sofa ah ka lo muthlu pek a" ka ti a, intiharh turin min hrilh a mahse ka meng peih thlawt lo.



"Tikhan i sawi duh chu sawi mai rawh" ka ti thâm chhel.



"Eng zawk nge i hriat hmasak duh?" Ala rawn ti ta deuh deuh zui "ka hre nang, i duh duh sawi hmasa rawh. Hmanhmawh la ka mut a chhuak ania" ka ti a, a thusawi tur a pehhel kual rei thei lutuk hian ka mut chhuak a ti reh vek thei takngial dawn.



"Ok.. a nih chuan heihi ka hrilh hmasa ang che. Eddie-a'n min rawn bia a" a sawi zo chu ka meng chiang asin. Ka phone chu la in ka țhu chhuak a ka harh chiang mah mah "engvangin nge alo biak ngawt che?" Ka ti let nghal vat a, a chhan tur âwm ang ka ngaihtuah thiam lo.



"Sawi vat teh Ramnghak" a ngawih reng avang chuan ka ti ta chûl a a chhan ka hre chak ngawih ngawih.



"Ka hrilh lo ang che ka ti tak nâ in ka hrilh tho mai ang che. Dinpuia hnaih lo tur che in a duh che a" a rawn ti a ka thaw hak "a ngai bawk maw..." ka ti a, a buai rei peih ka ti hle bawk.



"Maw...!? Engtin nge a ngai bawk ti a i sawi theih?" A ngaihna hriat loh hmel zet hian a rawn ti a ka mu thla leh "nizanah kan inbia a a sawi tawh alawm. Khapa khan tunge ka hnaih anga tunge ka biak turah thu a neih pawh a ngai lo" ka ti ve hmak. Ramnghaki thlenga a lo biak chu ka beisei lo asin mawle.



"Chuvang a ni maw amah khan a thusawi i âwih duh loh thu a sawi ni, in inbiak pawh ka lo ring em em lo a enteh, kei thleng in min rawn bia a i hnaih a duh tak tak lo anih ka ring nghet bur" Ramnghaki chuan a rawn ti a ka thaw ham ham.



"A thik vang alawm hnaih lo tura min duh nachhan" ka tih chuan a rawn au nghek! A mak thei nia engtin nge maw Eddie-a pawh chuan Ramnghaki number alo neih theih ni.



"Nangpawh a thîk tih i hriat reng chuan hnaih lo ve mai la" ala rawn ti ta deuh deuh, a țan zawk a ni maw..!



"Mahse ka hnaih lo ngawt thei bik hleinem țhian kan nia chutianga hnaih lo a biak loh rik ngawt ka thei bik chuang lo a bakah a nuam hleinem țhian leh țhian inkara chutianga awm te chu nangpawh ni ka nuam iti bik miah lo ang" ka ti ve nghat!. Nangni pawh ni ula in thei bik miah lo ang.



"Mahse keima hnenah meuh a thlen chuan a mangang ve tawk tihna ah ka ngai hmak! Engpawh chu nise nangpawh a thu âwih phawt teh! Bakah in ninawm, in in duh ve ve sia nih ve hle hle mai tur che u in la in khêk dun amaw ni" ngaihsam fê hian a rawn ti leh.



"I mak..." ka ti hlar ringawt.



"Taka pakhat kha ka theihnghilh țep alawm, englo nizanah khan ka chhiar a news-ah Eddie-a hian a hna a bansan dawn thu tih vel a darh a i u nen inkawp ang in an thang țha leh a chuvang vel chuan a bang dawn an tih kha ka chhiar fuh a ka screenshot thlap" a rawn tih chuan pawh nawk ang vel ka ni.



"Ka lo thawn che a ka message i seen thei si lo a, ka lo call hma che in Eddie-a'n min rawn be bawk sia zawh ka tum ûk a mahse nuam ka ti leh chiah lo a" a rawn ti ve a.



"Dawt aniang" ka ti ta ringawt, ka âwih duh lo ngawih ngawih.



"Mahse dawt a nih chu ka ring chiah lo deuh a a darh nasa ve sia bakah ka hmuh tak kha chu TC News-a an post ania an thu post hi a dik thei sia i hriat ve ka rin rin nen" a rawn ti a, ka hlauhthawnna a zual sauh mai.



"Ka rawn be leh ang che ka u ka zawtfiah dawn" mangang zet hian ka ti chhuak a min chhan hma hma in ka off a ka u number chu ka hmet chhuak a ka call a mahse a la theilo, ka call nawn leh ngat a mahse ala la thei chuang lo.



Thaw vak in a tawp nan tiin ka call leh a rei fê a ring hnuah mutchhuah hmel zet hian a rawn la a "u... i buai em?" Ka ti nghal vat.



"Buai lo e... sawi la ka lo muhil a" a ti a, a ham zui bai bai pawh ka hria zawh tur a ni em ka chiang lo thudik lo ni ta se ngaihtuah ngam lo chuan ka thaw vak!.



"News kha ka lo hmu a" ka ti ve thawr.



"Eng news?" A rawn ti a, a landan chuan a hriat hmel loh.



"Ih... Eddie nen inkawp ang in in thang leh tawh tih vel kha... thudik a ni em tih ka hre duh a" ka ti a, min chhan hun nghak chuan ka kut ka hûm a ka hûm thlan vek thei.



"Ummm kan inkawp alawm" a rawn tih rual chuan ka zawi nghal hnawk thei "mahse a bang dawnlo ka remti lo" ala rawn ti ta deuh deuh zui lehnghal phone chu ka beng ațang ka la thla a ka thaw chhuak ham ham.



"Ka u nen maw?" Ka ti chhuak thei țâwk!.


Show post links
Top

[Ngaia]

HEY DADDY CHAPTER - 15

Ziaktu : Mami pachuau



"Mate... ka țawng i hre thei em? I țawng ka hre theilo" a rawn tih pawh chuan ka chhang tawh lo, ka mittui rawn tling khat pam chu ka duh lo takzet a mahse ka dang lêt thei silo ka hrawk ah min hnawh thla a thâwk ka hîp lêt kâwk rual chuan ka mittui a rawn far thla fap bawk.



Ka thaw chhuak a "ngatinge ka țah a..?" Tih țiau pah chuan ka in zâp a mahse awmzia a awm lo ka hrawk ah te min hnawh țûn a ka thin zâwn hi a na vawng vawng a tih reh dan ka hrelo ka țah a rawn chhuak zual ut ut a mahse țah ka duh bawk si lo.



"Țap tawh suh...!" Ka ti leh țiau, mahse awmzia awm lo ka mit zâwn chu ka kut pahnih in ka zâp a ka thaw chhuak a mahse ka mittui chu a rawn tling khawm leh zel.



Ka u nen kher ngatinge? Ka u lo midang a ngaizawng theilo em ni ngatinge ka u kher? A duh ang chhanna ka pek loh avang em ni hetianga a chêt a...! Ka u nena an inngaizawng tih ka hriat chuan ka nat a ring anga amah ka pan a ring ami..? Aih, chutiang mi chu ka nilo ka nilo takzet!.



Ka phone a rawn ri leh a ka u amaw ka ti dawn a mahse Nghaki zawk alo ni ka pick vat a "enge chanchin, i zawt chiang tawh em i u chu?" Hre chak tih hriat zet hian a rawn ti ve vat a.



"Ummm" ka ti ringawt.



"Chuan engtin nge alo chhan che?" A rawn ti leh a, ka thaw chhuak ham ham.



"An lo inkawp tak tak a..!"



"Maw..!? Engtin nge nih theih ava mak ve..!" Mak ti tih hriat zet hian a rawn ti nghek! "Ka hre biklo" ka ti a, ka sawi zawng ringawt pawn ka țah a chhuak zual ut ut mai ka mumang nise ka ti ngawih ngawih.



"Avan mak tak ka âwih lo chiang deuhin i zawt tak tak maw?" A rawn ti leh hram "umm ka zawt alawm a hna ațanga a bân a rem tih loh thu thlengin min hrilh vek" ka ti a, a tu mah mah kan țawng tawh lo. Midang chu a țhawng ang a țhawng takzet ang mahse kei erawh min țhawn dan a dang a chhunglam zawk a na ngut ngut mai.



"Nghak... khami ni a ka chhang lo kha ka inchhir mek mahse ka hlauhna kha ka inhneh tir thei ngang si lo a, lo chhang ila chu tun ang hian kan awm hrep lo tur ania. A nih loh pawn ngaihzawng dang a nei duh a nih chuan midang zawng mai se ngatinge ka u kher, ngatinge ka u nen kher inzawmna an siam le..?" A tawp lam chu ka sawi hleithei lo, ka insût leh hraih țhin a ka mittui tling khat vek avangin ka khawhmuh a phê ruai bawk.



"Hey.... i thiam loh a ni lo ania i dinhmun ațanga thlir chuan a âwm lutuk inchhir a ngailo ka hrethiam. Mahse Jane ka ngaihtuah mai mai a chhan nei te hian an lo inkawp vel ang e" a rawn ti a.



"Ka hria kei pawn âwih loh ka duh eng emaw vang tal in inkawp se ka tia mahse a nih hmel loh. Ka u hian fiamthu a ngaina lo a a bik takin hetiang lamah phei chuan fiamthu a duh ngailo chuan a tih tak tak pawh ka ring a chhan nei a inngaizawng an nih ka ring lo" ka ti ve sap.



"Ni ve tho a hma pawh khan a sawi tawh tak e mahse ka ring chiah lo alawm kei chu..." a rawn ti leh hram. "Duhtawk rih ang engmah ka sawi peih rih lo" ka ti a, zana a rawn len tur thu sawiin a dah zui daih bawk.



Kei pawn Nghaki sawi ang kha nise ka ti lutuk takzet..! Mahse ka u hi ka hrechiang a hetiang lam zawngah chuan fiamthu a duh ngai lo. Mahse ngatinge a ni nen kher ka la ti fo ang a ni lo mipa an tam teh lul nen ngatinge a ni kher a ngaihzawn a inzawmna a siam pui kher le ka ngei takzet.



Tlaiah ka nu leh ka pa an rawn inzui lut a an thu rawn khel pawh ka u leh Eddie-a chungchang tho a ni. An ni pawn mak an ti tih a hriat a ka hre tawh em tih min zawh chuan ka hriat thu ringawt in ka chhang thung.



Ka nu in mak a tih zia a sawi laiin ka pa erawh chuan Nghaki ang tho in chhan nei a thiltih a nih a ring ve tho. Engmah ka sawi ve duh lo a ka beng pawh hian hrelo se ka duh mahse ka u chungchang a nih miau avangin ka beng in a hriat a ngai a duh lo teh mah ila hei ai ka la hre hnem dawn chauh si.



Higher vela class group kan siam leh group ka awmna hlawm hrim hrim a an thu khel chu ka u te chungchang bawk a ni, mak an tih zia thu hlir an sawi a a țhen chu ka clear leh tawp țhin. A chhan ka hriat ringa min rawn zawt tawk lah bang lo mahse tu message mah ka chhang lo a ka seen bawk hek lo.



Zanriah ei khamah ka nu leh ka pa in thil chinchâng zawtin ka u an bia a mahse ka u chhanna erawh a dang chuang lo, hna ațanga a ban dawn loh thu thlengin a sawi ve a naktukah hemi chungchanga reporter ho zawhna a chhan tur thu thlengin a rawn sawi fai ta vek bawk.



Mahse enge thleng hi...!? Ka pa zawhna a chhan dan chuan min ti na vawng vawng a keimah min sawichhan ni mai hian ka hria "ka duh a amah pawn min duh a ka theih chhung chu tu emaw lak ațangin venhim ka tum ang. Ka chhuk thlak hma khan hrilh che u ka tum a mahse a rem tak teh chiam loh avang chuan ka hrilh duh lo cheu a in lo hriat danah erawh pawi ka ti takzet a. Kan induh tawn tih...." ngaithla zui duh lo in ka beng ka hup a ka thaw chhuak vak bawk.



Ka mittui a rawn hnai a mahse ka beng hup chungin ka vanvadâk vang vang a ka bengah an luang thla nghal ngiai ngiai bawk. Ngatinge thil hi a rawn thlen tut tut hlawm mai le.



Min duh thu min hrilh a chuan amah ka duh ve leh ve loh min zawt bawk a mahse tunah khang zawng zawng kha theihnghilh in ka u inzawmna a siampui leh a min tih nat a tum nge ni a khang min hrilh zawng zawng kha dâwt vek alo ni zawk..?



Eng hi nge rin a rin loh tur pawh ka hrethiam lo a khami ni a ka lo chhang lo kha tunah chuan ka inchhir takzet.



Ka phone nghawr dar dar chu ka en a Eddie-a alo ni, muangchangin ka la kâng a ka nu te țhutna lam ka en phei a inleng te nen chanchinthar an lo thlir țhap thung.



Ka chhang ang nge chhang lo ang. Ka rilru a insual buai a chhang ta ila a rawn sawi tur ațang ka na mai mai dawn si chhang lo ta ila nakinah ka inchhir leh dawn bawk si.



Chhang lo in a hming ka save chu ka en ngar ngar a a tawp a reilotêah a call a rawn lut zui lehnghal bawk. Thaw ham ham in ka kut chu ka hûm ruh nghek a a tawp nan ti rilru mawlh mawlh chung chuan a hring chu thai chho in ka bengah ka nghat a.



Ka țawng hma hauh chuan "i thu hriat kha thudik a ni lo" a rawn ti chat..! Ka puan sin chu ka hmer zui chawt a ka awmdan tih pangngai luih hram hram ka tum a mahse a harsa takzet "Jane... i thu hriat kha thu dik..." a sawi zawh hma hma chuan ka thu hriat chu enge a nih ka zawt let a a țawng pawh a tawp chawt..!



"Eng maw?" A rawn ti a.



"Eng ka thu hriat maw diklo?" Ka ti nawn leh ngat, a thaw chhuak hawk chu ka hria a.



"I u nena kan inkawp tih thu thang i hriat kha thudik a ni lo" nghet charh hian a rawn ti a ka thâwk ka chelh ngar ngar "tunah khan ka hre ve chiah kei pawn, i hre tawh tih ka hriat rualin ka rawn be nghal che thudik a ni lo" a rawn ti leh a, a thusawi danah chuan âwih se min duh tih a hriat takzet.



"Thudik a nih loh chuan ngatinge ka u khan inringtawk takin a sawi theih, naktukah reporter ho zawhna a chhang dawn bawk a chuti chung chuan nang in dâwt a ni ila rawn ti a ka âwih i ring ami?" Ka ti a, ka aw a khur ru a min chhan zel dan tur ka ngaithla ngam lo lek lek zawk bawk.



"Âwih turin ka ti lui theilo che mahse thudik a ni lo tih erawh hria la ka duh. I u nen inzawmna kan neilo a kan nei ngai bawk hek lo ang" a rawn ti a, eng hi nge thudik pawh ka hrethiam lo hepa hi rin ka duh mahse ka u in khatianga a ti ngam a nih chuan dâwt mai mai a ang bawk si lo.



"Ngatinge i rawn in sawifiah kher nachhan?" Ka ti a, a thaw chhuak hawk a min chhang mai lo "mawh...? Ngatinge i rawn insawifiah kher nachhan?" Ka ti leh, ring taka chu thu chu zawh ka duh a mahse ka nu te ka lehlam țhutkhawmna lamah an awm avangin ka țawng rin a thiang si lo.



"A chhan chu, thudik lo i hriat avanga i țah ka phallo i thu hriat zawng zawng kha thudik pakhat mah a awm lo. I thu hriat avangin i țap tih ka hria kha kha ka phallo i mittui hru fai tura i kiang hnaih a ka awm theih loh lai chuan i țah ka phallo" a rawn ti hrâwk...! Vîn viau mahse min ngaihtuahna ri ka hre tel thei.



"A nih chuan ka u nen chuan inzawmna in neilo tak tak em?" Ringhlel ru bawk si in ka zawt leh a, a rawn thaw hawk "kan neilo, engtikah mah kan nei ngailo ang i u chuan chhan eng emaw avanga hetiang thil ti hi a ni tih hre tur ini asin" a rawn ti a ka țah nuih hawk thei.



"Aih... Jane, țap suh i kiang a ka awm loh lai chuan i țah ka phallo kuah tur che in ka awmna a hla lutuk" a rawn tih leh lek phei chuan ka hmui hup in ka maimichhing a ka biangah ka mittui a rawn luang thla a heihi chu lawmna vang a ni thung.



"Jane.... i țah ka phallo ka tih kha" a tih zawh rual chuan a thaw chhuak zui hawk a ka mittui luang thla chu ka hru thuak thuak a hei pawh ka tih ngai loh tak a ni "ka hlim lutuk avang alawm" ka tih chuan hahdam hmel fê hian a rawn thaw chhuak ta ham ham.



"Ka chungchang a nih chuan thudik a ni em tih min zawt hmasa țhin tawh rawh" a rawn tih chuan ka bu nghat nghat a mahse awmzia a neilo kher lehnghal "min chhang la" a rawn tih leh chuan ka nui sak.



"Ka hria e" ka ti sap a, ka rilru a dam ta huai mai.



"Hna khawih ka ngai a zanah ka rawn be leh ang che lo țap tawh suh aw" a tih chuan min ngaihtuah hluah hluah na a ri chhuak tel ve.



"A nih thudik a nih loh chuan a hmaa ka duh ve che em tih min zawh kha ka chhanna chu aw, ka chhang tlai che a tihpalh in chhuk thlak ni khan hrilh che ka tum a mahse ka thusawi i ngaithla duh lo a in kal dawn thlengin ka hmu leh tawh lo che a" ka ti a, a thaw zui ham ham ri ka hria mahse chhanna ka dawng lo.



"Ka țawng i hre thei em? I țawng ka hre theilo a" ka ti a, a ngawi leh vung vung.



Țawng ka tum leh chiah "inzawmna ka siam pui theilo ang che Jane, ka theilo..! Kha thil kha lo hrilh lo tawp tur che ka ni asin le..!" Mahni in dem tih hriat theih ngawih ngawih hian a rawn ti nghut.



"Timaw... ? Ngatinge i theih loh? Engvang nge?" Ka ti ruai, hlimna avangin ka biangah mittui luang thla mahse hlauhthawnna in min rawn tuam leh nghal.



"Mawh... ngatinge i theih loh? Min duh thu min hrilh a chuan kei pawn ka duh che a ngatinge inzawmna kan siam theih loh? Tinge?" Ka ti leh ruai.



"I hrethiam lo a ni. Kha thil kha lo hrilh lo tawp tur che ka ni asin le..!" A ti leh hrâwk!.



"Nia ka hrethiam lo engmah hi ka hrethiam lo hriatthiam pawh ka duh in ka ring lo" ka ti zung zung a min chhan let hma hma chuan ka off hmak a a rawn rik zui leh pawh chuan ka la duh tawh lo, ka țhutna sofa ah chuan ka mu tawm ngal a ka melh ngai ka melh ngawt ngawt bawk.



Tlawm ka in ti lutuk takzet..! Amah ka duh ve thu ka hrilh veleh hnawl ka ni a nichinah pawh ka țah a phalloh thu te a rawn sawi a mahse a hnu leh a thil thleng hian min ti zak in tlawm ka in ti ngawih ngawih. Hetiang a min ti leh tur si te chu min duh thu min hrilh lo law law tur ania min ngaihsak ang te khan rawn awm lo law law se ka lawm zawk tur.



"Mambawih.... i nuam lo em ni?" Ka țhutna lamah ka nu a rawn kal a ka lo mu tawm ngal bawk si nen ka damlo amaw a ti leh tawh aniang "nuam e... ka lo mu mai mai a mut in ti tawh ami?" Țhut chhuah deuh pah hian ka ti a, ka bulah a rawn țhu thla a.



"Ti lo e... i reh lutuk a i muhil amaw ka tia i ke in ala tur che em?" Ka puan sin pan tê hlim pah chuan a rawn ti a ka ke na bul vel chu a rawn hmet kual thuak thuak a "tur lo e... a zia ve tawh lutuk en la a vûng pawh a hma ai a reh êm hi" ka ti a, a rawn hmeh hian a dam deuh sawng sawng thei.



"I u chungchang khan a mawlh che a nih chuan hahdam tum rawh... a chingfel vek mai ang i rilru lo ti hah vak lo la" ka chawn vel hmeh pah chuan a rawn ti a ka thaw hak a "engah mah ka ngai lo bakah ama chungchang ania keini'n engmah tih theih kan nei ve hleinem chutiangin min mawlh vak lo mipa a ngaihsak lohna a rei ve tawh êm alawm ka hrethiam" nuih luih pah hian ka ti a ka nu pawh a rawn nui ve a.



"Nia... mipa a ngaihsak lo rei tawh êm a heti lamah hian țan a la ve leh deuh tawh dawn a ni ang naktukah i nî te inah kan len phei a ngaih kha zanah mengrei lutuk lo la" a ti leh a ka bu nghat.



"Ka pa in min pawm chho tawh mai se mut ka duh tawh ka hnungzâng a kham ka mit te a kham țhûm mai nizan ka mu tlem lutuk a" ka ti a, Lalnghaki alo leng leh hman dawnlo tho a mut hma ka duh ka thil hriat te avang khan ka chau a mutthilh daih ka chak ngawih ngawih.



"Kan ko ang e" a ti a, ka pa ko tur chuan a phei nghal bawk. Choka leh sitting room velah hi chuan tiang nen ka kal ve thei mai a mahse inchung pan tur tak hian step ah khian kal a la harsa deuh a chuvang chuan min pawm chho tawp țhin.



"Ka naute chu.... a mut a chhuak tawh a ni maw?" Ka pa chuan a rawn ti lut a "chhuak vak chuang lo mahse mutthilh ka tum dawn nizanah ka mu țhalo lutuk a ka mit a kham țhûm mai" ka ti a, eng eng emaw sawiin ka room lamah min pawm chho a min mangțha in light te pawh min off sak sa thlap bawk.



Tunah chuan ka ke pawn zia lam a pan ve tawh a ka kal ve thei suih suih tawh a mahse chutiangin ka la rap ngam lutuk chuang lo tunkar tawpah ka chhuk thla tawh dawn a chuan vawiin hian țhianho in kan picnic ni pah fâwm in thil kan ti ho dawn a ka nu leh ka pa in phallo viau mahse ka kal lui țalh dawn tho.



Ka u nen pawh kan inbe tawh ngailo ka nu te nen erawh an inbe fo a a mimal chuan ka be peih chuang miah lo thung. Reporter ho zawhna a chhan dan ka hriat lek lek phei chuan ka puak keh lo chauh bawk a mahse Eddie-a thusawi avang mai mai khan ka huatna ka tilang duh lutuk lo.



Eddie-a pawh ka be ngai lo a a ni pawn min rawn be ngailo mahse a message erawh ka chang nitin ziah a online leh online loh ka en sek zel bawk a min rawn biak chhunzawm ve tal ka rin nen min rawn be miah lo a mahse nitin ka nghak ziah tho.



Chawlh a la tih ka hria a mahse khawnge a awm a enge a tih ka ngaihsak zui lem lo, tunah a awmna ka hriat loh ang bawk in a chawlh chhan ka hre chuang lo bawk.



Mahse ngaihsak loh ka tum poh leh a aia nasa in ka thinlungah bu a khuar nghet zawk ni mai te hian ka hre țhin. Zantin amah ka ngaihtuah bang lo a ka awm mai mai lai ten amah ka lo ngaihtuah leh veng veng țhin a a hahthlak țhin khawp mai.



"I hman tawh em?" Dinpuia aw ri ka hriat takah chuan lu thing nghat in bag-ah chuan thil ka khung zawm mawlh mawlh a "hei ka khung zo anga ka hman a ni mai midang an kal tawh ami?" Ka ti lêt a.



"Kal tawh e... mahse sawtah petrol pump-ah min lo nghak ang. Nu Muan i dam maw?" Tiin ka nu chu a be zawm a "dam alawm, inhmuh ava khât ve tiraw? Kha i țhiannu lah chu kal ve a tum țalh sia kan dang thei der si lo a min lo ngaihven sak mai loh chuan a pawlawh sia a in ti palh leh mai ang" ti a ka nu in a chhan let chuan ka lo ner nâng, teh duah zel hian ah..!.



"Nia... a ni hi chu ka awmpui tlat dawn alawm chutiangin tihtur em em a awm chuang lo a midangin an tihsak thei vek ang ngaihtuah suh ka lo awmpui tlat ang" tiin Dinpuia chuan a chhang let a ka nu sandwich siam chu dîm te in bag ka khai mai turah chuan ka dah lut a.



"Nia.. a fimkhur lo ve si a i kutah a pa nen kan dah tawp a eng pawh chu nise nuam deuhin va hmang rawh u mahse fimkhur ula tunlaiah in tihpalhna a tam tawh êm hi" ka nu chuan a rawn tih zawm a thil khung mawlh mawlh pah chuan ka lo bu ve nghat nghat bawk.



Dil a awm dawn tih ka pa ka hrilh miah lo a mahse a hriat ruk tho chu ka ring a, hrilh ngat ila chuan a phallo dawn nasa lutuk hi sawi ngaihna ka hrelo. Tuna ka kal tur ringawt pawh nimin piah ațanga ka dil tawh ania nizanah min phalsak hram a mahse fimkhur turin min hrilh nasa min biak apiangin a sawi tel ziah zel.



"Kal ila ka hman tawh" ka tih chuan ka bag pakhat chu a rawn khai nawlh a sandwich ka dahna chu a rawn khai leh a keiin racksack ka ak thung "nu kan kal dawn" ka ti a, a thiltih lai dah in pawnah min rawn zui chhuak a ka pa ang chiah in fimkhur turin min hrilh leh.



"A nih kan kal ang aw" Dinpuia chuan a ti mawi hnai ve a "aw... kal rawh u sawi leh sawi hnu va fimkhur ula fimkhur tluk a awmlo ania" ka nu bawk chuan a ti leh a Dinpuia Car lam chu kan pan phei nghal bawk.



Car hnung lamah ka bungrua vel chu a dah fel a sandwich awmna erawh hmalamah a dah thung. Tuna kan kalna tur hi Esther-i te ta ania a bialpa pawh a rawn hruai dawn bawk a bialpa a nei tih kan hre miah lo a mahse a rawn kal ve dawn rau rau chuan han zawh buai leh vel kha kan tum lo law law.



"Tuna kan kalna tur hmunah hian vawikhat tal i kal tawh em?" Kan tlanchhuah hnu chuan Dinpuia chu ka zawt a "aw... nimin piah khan amah nen kan va enfel alawm a nawm hmel reuh lutuk. Dil a awm a chumi bulah chuan in an sa bawk a chuan kawtzawl zau deuh a awm bawk a building a awm a a chhakah in a awm leh a chu chu eirawngbawlna a ni ve thung a a view a nalh lutuk kan thleng anga i hre mai ang" a tih chuan ka bu nghat nghat.



"A nuam ang... zanin kan riah dawn chuan thosi an tam âwm sia ka tia thosihlo ka keng țeuh mai i duh ve chuan min rawn dil dawn nia" ka ti a, a nui hawk hawk bawk.



Midangin petrol pump-ah min lo nghak a Car ațanga chhuk lem lo chuan kan inzui chhuak lehnghal a kan hmaah Esther-i te Car a tlan a keini a dawt ah kan hnungah Nghaki te an rawn tlan thung.



Aizawl khaw pawn deuh a nih avangin tlanchhung pawh a rei ang reng phian a hla kan play a Dinpuia nen pawh kan zai phei rât rât bawk.



A hmun kan thleng a glass chu down in Car park na hmun kan pan lai chuan ka lo en kuala tlang lian leh hring dup in a hliah khup a tent te pawh a awm thlap bawk. Tui chu a lan dan a paw tak riai a thlifim a rawn thaw heuh heuh bawk a a nawm dan a dangdai dawn tih ka hrechiang hle bawk.



Car kan park a Dinpuia'n bungrua vel a lak thlak lai chuan kei pawh Car ațangin ka lo chhuk a a hmalam ațanga lak thlak tur țhenkhat chu ka lo la thla ve mawlh mawlh bawk.



"Jane... enge a an a nawm hmel iti em?" Esi chuan ka bula rawn din pah hian a rawn ti a.



"Umm.. a nuam dawn tih ka chiang sa hetiang hmun hi engtin nge in siam theih zawka a mak zawk" ka tih chuan a nui hak hak a "nuam i tih dawn chuan a țha nih chu Ramnghaki te hi an va rawn thleng har ve" a tih zawm zat.



"Aw... an sa lei dawrah khan an theihnghilh a an let leh lawk khawnge i bialpa chu?" Ka tih zawm, ka hawikuala ka la hmu mai lo zui "bungrua a dah lut mek a lo kal rawh kal kual ang i room tur pawh i thlang nghal dawn nia" a ti chuan ka bu nghat.



"Din... kan enkual lawk dawn aw ka bungrua chu nakinah ka lo la mai ang" ka ti a.



"Ok... i room tur i thlan hunah min lo call la ka lo dah thla mai dawn nia i tan kal kual vel a harsa mai mai" a ti a, ka bu leh mai. Thlanglamah kan inkuah thla a dil bula inah chuan riah ka duh dawn chiang tih ka hria thing ațanga sak vek ala ni zui.



Kan en kual hnu chuan "Sawi nawn ngai lo in dil bulah khuan ka lo riak ang" ka tih chuan Esi pawh a nui hak hak "iva thlang rang tak. Pawilo room pahnih a awm a a hlauhawm loh ang i zu enchhin duh em Ramnghaki te an lo thleng a ka han pui lawk ang" a tih zawm a.



Puih ve ka tum a a phal tlat loh avangin dil bula in chu keimah in ka pan thla hnak hnak a duh ang in ka kal chak theilo a ka thleng har ang reng.



Ka thlen chuan room pakhat chu hawng in ka lut zui a a rim chu hîp vang vang in ka thaw chhuak ham ham a dil en theihna tur alo la awm thlap zui bawk a hei chu ka duhthusam ang chiah a ni. Tukverh chu hawng in ka dak chhuak a thli a rawn thaw lut heuh heuh bawk a dil pawh chiang takin ka hmu thei.



Hetiang hmun a ka kal chakna rei tawh zia chu..! Ka dream ni chiah lo mahse dil bula ka kal thei hrim hrim hi ka lawm a chuan tui chen ka chak hle bawk.



"I duhthusam a ni em?" Ti sup ri ah chuan ka phu zui zawk a ka vawn mek tukverh chu ka ngheng rawk rawk thei. Rang zeta ka hawi phei rual chuan Eddie-a nen chuan chiang zet hian kan in melh zui ta reng.



Inkuangkuah chungin khawngkhar nghengin alo ding reng a nih chu..! He mihring hi engtin nge hetah a awm theih? A kal ve tur thu hi ka hrelo hrim hrim.

( An in ngaizawng ve țep tawh aw. An inngaizawng har pawh in lo ti maithei a mahse an dinhmun ve ve ațanga thlir chuan a harsa dawn tih kha lo hriatsak ru aw... harsatna an nei ve ve si a mahse chu chu kan paltlang tir vat dawn ania.☺)


Show post links
Top

[Ngaia]

HEY DADDY CHAPTER - 16

Ziaktu : Mami pachuau



"Hetah i kal ve maw? Tu rual in?" ka ti nghal vat a a rawn kal rual pui tur âwm ang ka hre lo "ka rawn kal rual pui chu a pawimawh ber em ni?" A sawi zawh rual chuan a țhen suk mai, tukverh chu ka ngheng na zual sauh.



"Aw... Esi rual khan ami ilo kal?" Ka ti leh, a buk nghut rual chuan ka thaw hak a a nih chuan Esi'n a bialpa a tih kha hepa lek hi maw alo nih a! Ngatinge ka natna tur ang thu hi ka hriat tak fo mai le.



"Ka awm ve duh lo ka haw dawn" tih pah chuan ka pên sawn zui nghal a kawngkhar bulah chuan a lo la ding reng a a chesawn lo hrim hrim "ka lo kal" ka hmaa a din reng avang chuan amah pawh en lo chuan ka ti a, he mihringpa awmna ah hian ka awm duh reng reng lo.



Mak tak maiin a awmsawn ve mai a chu pawh chuan min țhawng lehzual tho. Mahse ka awmdan ti pangngai lui hram hram in kawngka chu hawn ka tum a mahse alo lock hmanhmawh. Ka chevel min en reng tih hriat zet hian ka awmdan a pangngai hleithei meuh lo.



Thinrim țûn chungin kawngkhar chu ka hawng sawk sawk a chhuah ka tum rual chiah chuan kawngkhar zawk chu rawn nam khar dawt in kawngkhar ah chuan min nek bet zui nghal rawk a thinrim zeta amah ka en chhoh rual chuan ka khabe ah rawn dawm in min rawn fawp zui nghal a nih chu..!



Ka tal nawk rual chuan ka ban bul ah rawn dawm in min fawp uar sauh a chhang let lo turin ka insûm ngar ngar. Ka lu tih chêt leh ka tum leh rual chuan ka tukhumah rawn dawm in a aia dam zawkin min fawp a ka mittui a rawn luang thla ringawt.



He mihring hi ka lo ngai hman takzet a ni tih ka hria, mahse ka bula a awm in ka natna tur chiah min thlen a tunah pawh min tihnat nawn leh tum ni âwm fahran in hetah, helai hmunah hian a rawn kal ve a engtin nge a awm ve reng na hmunah hian thlamuang pawn ka awm theih ang.



Min fawhna a thlah rual chuan rûm nghut in a âwmah min kuah bet a ka chhip ah rawn fawp vang vang in "ka tihpalh" a ti zui sup bawk. Ka maimichhing ngar ngar a kuah let ka duh mahse he mihring lakah hian tlawm nawn ka duh tawh lo.



"Thil thleng zawng zawng avang khan i nâ tih ka hria ka tihpalh" a rawn tih leh rual chuan ka tal nghek! Min kuah nghet zual sauh a tal nawk nawk in a kawr âwm ah chuan ka țham a mahse ka tukhum a nghet lehzuala a rawn dawm rual chuan ka țap chhuak hawk a, rûm hawk in min kuah bet zual sauh.



"Min thlah rawh... min thlah vat rawh! Ngatinge hetah ilo kal ve... ngatinge hetah ilo kal ve a mawh..? Khang zawng zawng kha tawk iti ve tawh em em lo em ni..? Ngatinge ka țhiannu hmang a min tihnat ila tum țalh a..?" Ka ți țiau a, ring taka sawi ka duh mahse ka theilo a âwm ah chuan ka chûm a ka chûm nawn leh țhin.



"Ngatinge hahdam tak hian min awm tir theih loh" ti țiau in ka țap chhuak hawm hawm a ka tukhumah rawn dawm in ka chhip ah chuan a rawn fawp zui vang vang bawk. He mihring nena kan inhriatna hi la reilo mahse heti khawp a nasa hian ka lakah nghawng a nei tawh a ka chhunglamah ka lo khung bet hneh tawh lutuk a ni tih vawiin hian ka hre thar leh zual sauh.



"Ka tihpalh..." a rawn ti leh sup, ka tal dawn a ka tal hleithei tawh lo "aih... tihpalh thu kha sawi tawh suh sawi nachhan tur pakhat mah i neilo ngaihdam min dilna chhan tur pawh i nei hek lo" ka lo ti țiau a, min kuahna phelh in ka biangah a kut pahnih in a rawn dawm a ka mit leh mit inkarah chuan a rawn fawp vang vang.



"Ka nei alawm thil thleng zawng zawng kha ka thiam loh a ni, keimah avangin i nâ a i țap țhin tih pawh ka hria ka ti nâ che a ka thiltih avangin min haw bawk a khang zawng zawng kha ka thiam loh vek engkim kha ka thiam loh vek" a rawn ti zâwi sup.



Mittui tling khat vek chungin amah chu ka en a ka biang chu a rawn tuai leh zeuh țhin "ngaihdam min dil kha bansan la min thlah rawh ka haw dawn i awm ve reng naah hian hun ka hmang peih nek lo e" ka sawi zawh rual chuan a rûm nghut.



"Haw suh... a ngailo" a sawi zawh rual chuan ka nui hak a, ka mittui chu ka khap per sak mai.



"I awm ve na reng reng ah thlamuang pawn ka la awm ngailo, i chanchin ka hriat ve chhunah lah natna tur hlir. Chutiang zawng zawng chu pumpelh ka duh tawh a a kawng awmchhun chu i hlat a awm hi tichuan a chiang em?" ti nghat in a kut chu ka dah thlak sak a inher a ka kal tur chiah chu ka ke ka tihsual avang chuan ka rak țhat a.



Ka tlu dawn amaw ka ti tawh mahse ka kâng zui lâwp..! "Fimkhur rawh, i ke ala dam chian loh kha tlem a tlem ah i tina leh lo chauh alawm" a rawn ti zui sup. Țhutna tura mau an dawh kân ah chuan min nghat a "khawi awmsawn rawh ka kal dawn..." ti a thawh ka tum chu ka darah vuan in min țhuttir leh.



"Enge i hriat a?" Ka ti hlak.



"Țhu mai mai rawh, i ke hi engtin nge a awm tih ka en dawn" a ti dam thlup, heng a thusawi zawnga min ngaihtuahna ri chhuak tel ve te hi a lem lek a ni leh âwm si.



"Engtin mah a awm lo ka țha ka kal dawn awmsawn rawh" ka ti leh hlak, ka darah rawn vuan in ka hmai zawnah a rawn kûnhniam a a kut a ka biang tuai fai a tum rual chuan ka lo hawisawn hmak a a rûm nghut.



"Luhlul chhuahna hun a ni lo ania i tisual leh lo ang tih pawh sawi theih loh" a ti leh, a aw ah chuan min ngaihtuahna a ri chhuak tel ve zela chung te chu hriat loh ka duh mahse a theih si lo.



Ka ke bulah a țhu hniam a ka chapal a phelh a ka jeans hak hmawr a thlep chho bawk, a chevel chu ka lo en ngar ngar a ka ke na lai a khawih chiah chu ka inrin lawk loh lutuk avang chuan a darah ka zu vuan chawt..!.



"I tisual leh țep a nih hi fimkhur tawh rawh" a rawn ti a.



"Nangmah vang a nih kha" ka lo ti hlak a, a nui hawk mai. A nui ri ka hriat lohna pawh a rei ve tawh takzet "keimah vang a nih chiah chu ka van ring lo ve" mawi zeta nuih suk pah hian a ti a ka melh nghal rawm rawm.



"I zawh chuan ka kal dawn" ka sawi zo chu min rawn hnaih chilh a ka biang chu rawn tuai fai in ka mit bul vel pawh a rawn tuai fai a ka lo dawh mawl tawp "keimah avang chuan țap tawh ngai suh aw, chuan i haw a ngailo a țul a nih chuan keimah zawk ka haw mai ang keimah avanga i hlimna tur a chhiat ka remti lo" a ti sup, a mitah chuan ka en ve ngar ngar a.



Ka hmusual em ka hrelo natna te leh khawharna te ka hmu ve ni maiin ka hria.



Țawng ka tum chiah kawngkhar an rawn beng zui dawt dawt a ka hawi dâwrh thei "Jane.. ila awm tiraw?" Esi chuan a rawn ti lauh lauh, mangang zetin Eddie-a chu ka en a a ni erawh chuan min lo en reng.



"Chu i bialnu alo kal... awmsawn rawh kan awmdun tih a hriat chuan a țhalo ang buaina siam ka duh lo" ka ti sap, Esi chuan a rawn beng leh dawt dawt a "chhang phawt la" a ti sup ringawt.



"Jane.." Esi'n a tih leh takah chuan ka thaw hak a, Eddie-a erawh alo nui suk mai "aw ka la awm, ka lo chhuak dawn" ka ti a, ka chal a a chal a rawn nghah rual chuan ka kawngah a rawn vuan a kei erawh chuan a darah vuanin nem hlat ka tum ve ngar ngar a a thil tih hi a țhalo tih a hre thlawt lo amaw ni le.



"E... a nih chuan lo chho rawh thil kan ei dawna kan room awmna tur kan pawh te a ngai dawn a nangpawn i pawh a ngai dawn a" a rawn ti leh lauh lauh a, ka thinphu a rang a ka biang a sa hat hat bawk. Ka chal a chal nghat tu erawh hahdam hmel fê hian a maimichhing tawh bawk si.



"Umm... ka lo kal nghal" ka ti leh a, ka aw te lah chu ala khur ru hram zui a a hriat loh hram ka beisei.



"Ok.. ka lo han chho ang lo chho vat rawh" a tih leh rual chuan a pênsawn thawm ka hria a ka thaw ham ham "awmsawn rawh.. engthil nge maw i tih le?" Ka ti hlak. Ka kawng a vawnna a ti nghet zual sauh a kan in awm hnaih bawk nen ka awmdan a dik hleithei lo.



"Ka sawi kha i hria tiraw? Haw a ngailo chuan keimah avangin i țap tawh tur a ni lo" a sawi zawh rual chuan a rawn meng chhuak a kan in en ta reng "min thlah tawh zawk la.." a zawhna chhang lo chuan ka ti sap.



Ka țhutna ațang chuan tla lek lek in min pawt chhuak a ka lo inring lo bawk nen hlauh luat avangin a nghawngah ka va kuah thawt thawt a a ni erawh a nui suk "engthil nge maw i hriat le? Min thlah teh khi tah min nghak reng tawh a nuam miah lo ania" ka ti hlak, ka nghawngah hmai a phum bawk si ka thaw țha ngam lo.



"Ka thusawi kha i zawm dawn tih sawi phawt la" a rawn ti a, ka thâwk te hi a buai dawn in ka hria "Jane..." a rawn ti leh.



"Aw.. ka zawm dawn chuan awmsawn..." ka sawi zo hman lo, ka kâng nawlh rual chuan ka au țhat a tlak hlau zetin a kawngah chuan ka kherh bet vat a a ni erawh alo nui hawk mai "hmela..! Engemaw i hriat le min dah thla vat teh" ka ti țûng, tlak ka hlau bawk si chu a nghawngah ka kuah țai a.



A lak ațanga awmhran ka duh lai leh ka tum laiin amah ka theihnghilh theih lohna tur ni âwm fahran in ka lakah eng emaw a ti ziah a tuna thil thleng te hi a ni chiah ka dang thei ngai bawk si lo.



"Enteh.. engemaw i hriat le midang an rawn kal ang an rawn kal vaih chuan ka duh miah lo ania..." ka thusawi lai min lo en ngur avang chuan sawi zawm lo in ka ngawi ta daih "nangmah chuan i kal hleithei lo khilai thleng khi ka pawm chho ang che tuman min hmu dawn bawk lo a țha em?" A sawi zawh rual chuan a nui zui suk a.



"Aih... min dah thla rawh keimah in ka kal ve thei reng min dah thla rawh" ka la ti țang țang, ka chalah chuan a rawn tauh dat a ka rûm nghat.



"I duh dan chu ka duhdan a ni ve lo" tiin a pên sawn zui nghal a "i â tawh a nih hi. Esi'n min hmuh a a thinrim a nih vaih chuan engkim sawifiah vek ang che" ka ti ta ringawt. Ka duhdan in kan kal dawnlo tih ka hrechiang a hnial in awmzia a nei tawh lo.



"I â tawh nih hi i â tawh" step-a a kal lai te chuan ka ti leh ringawt.



"Umm.. ka â tawh a nih hi. Hun rei tak hnu a ka thil tih chak erawh ka la khek hram a ngai a nih hmel i duhthlanna tel ve se ka duh" a ti a, a thusawi ka hriatthiam loh avang chuan ka ngawi kar a, rit min ti hmel pawh a pu bawk si lo a hreawm takzet Esi'n min hmuh ka hlau bawk si. Mi inkara tlak zeh ka duhlo takzet asin.



A sawi ang in midang awmkhawmna kan thlen hma in min nghat thla a be tawh lo in ka kalsan nghal a mahse ka kal chak hleithei lo ka ke duh ang in ka rap țha ngam lo a ka hnungah a kal ve reng tih hriat phei chuan kal chak theih loh nen chhunglamah ka hah ru țûn mai.



"E... lo call che ka tum a midang bulah ka inhmelhriat tir ang che" midang awm khawmna ka thlen chuan Esi chuan alo ti nghal a kei ni lo in ka hnunga mi pa a bia tih ka hria. Nghaki bulah chuan ka țhu thla nghal a frooti chu min rawn pe a ka lo ban ve mai bawk.



"Guys... heihi Eddie ania min rawn telpui dawn a nangni chuan in hre vek tawh anga chuan a ni pawn a hre tawh cheu a Jane-i ațang" ti a Esi'n a rawn sawi chuan Nghaki chuan min nghawk zeuh a mahse ka hawilet duh teuh lo mai.



Engah mah ngailo ang maia lang in frooti chu ka in zawm a "Eddie-a alo kal ve nia engtin nge i tih dawn?" Nghaki chuan ka beng bulah a rawn ti sa sa "ka hria lawm, kan rawn in zui chho a tih vak ngaihna pawh ka hre bik lo" ka ti ringawt, min rawn țhuthnaih lehzual a.



"I țha tak tak ang maw? Esi nen an awmdun reng dawn sia i thîk ang em emaw i enliam mai mai thei dawn ami?" A rawn tih chuan ka thaw chhuak ham ham "ka hre bik lo" tiin ka ngaihdan diktak chu ka sawi bawk.



Ni e... ka haw ngei alawm mahse hmeichhe dang nen chu pawh ka țhiannu nen ngat a kan bula an awmdun lai, an inchhaih lai te emaw an inngaihsak lai te leh thil an tihdun lai hmuh chu ka thei reng ang em? Ka enliam reng thei ang em tih chu ka hre ta bik hauh lo mai le.



"Nghak... haw zawk mai ka duh tiang reng reng hi chuan ka duh ang pawn hun ka hman ve theih pawh ka ring lo" ka ti sap "ni tho a mahse i haw dawn chuan midang an lungawi lo anga kan kim loh chuan nuam an ti bik nang nangma rawt chhuah ber a ni bawk si, ngatinge helai hmunah kher a rawn kal ve le" a ni pawn a ti ve ngawih ngawih bawk.



Ka țhu te chu ka țhu nuam theilo a a ruk hian ka țang ngawih ngawih a ni ber midang thusawi pawh zawm ve zeuh zeuh mah ila tam zawk chu ka ngaihsak theilo. A tirah ka phur em em a mahse tunah chuan phurna chhete mah ka nei tawh lo.



Rilțam viau e tilo chuan an eitur chhawp pawh ka ei mumal thei lo a ka nu sandwich siam pakhat ka ei a puar ang mai hian ka awm a dang engmah ei chakna ka nei tawh lo reng reng.



Kan room tur thlan nan number an siam a number kan pawh chuan chumi room chu tiin an sawi zel bawk. An pawt diat diat a kei pawn ka pawt ve a pakhat te te in kan pawh chu kan hawng ta diat diat bawk.



Ka pawh ka en chuan ka nui sak, nichina ka awmna room kha alo ni a midang pawn vanneih min tih zia thu an sawi sap sap bawk.



"Eddie nang enge?" Esi chuan a ti vat a, ngaihsak loh tum eng ang mah ila ka beng ka chhi ru kar tho nia "ehe... number 6 a nih hi Jane-i room bul chiah" Esi'n a tih rual chuan Nghaki nen kan in en dâwrh ka thin a phu rang dup dup a Nghaki pawh a meng phâwk nasa lutuk.



"Room in thleng ang ka duh lo" tiin a banah ka vuan a "kei te chu Chhana te leh Malsawmdawngkimi te ho nen room khatah kan awm ho vek dawn i awm thei dawn mi?" A rawn tih chuan ka thaw hak, mipa tel naah ka awm ve theilo.



"Na... ka van ning tak ngatinge ka vanduaina hi a thuah hnih em em mai le" ka ti hliai a, ka hreh lutuk hi sawi ngaihna pawh ka hrelo ka hrelo takzet. Esi nen an riak dun mai theilo ami te ka ti thûl a tum lui chiang lutuk te ka ti leh thûl a mahse ka ngaihtuahna mai mai a ni bawk si.



"Jane... i bungrua khai thla ila" Dinpuia chuan kan boruak hrelo zetin thawveng zet hian a rawn ti a Nghaki chu ka en a min ngaihtuah ve zia a hriat theih "nia... intifel phawt ila thil kan ei pahin tihtur kan sawi anga kan ti ho dawn nia" Chhana pawh chuan a rawn ti a, haw leh daih te ka chak rum rum mai.



"Jane... eng hi nge i bag khah..?" Dinpuia'n a rawn tih leh takah chuan thawh loh theih tawh loh, peih lo zetin ka tho chhuak a ka inher a ka hnunga țhutna awm ah chuan Esi nen in hma tawn in an lo țhu a a rawn hawi chhuah rual chuan hawisawn vat in Dinpuia awmna lam chu ka pan phei nghal bawk.



A țha e, a awmlo ang mai a ka ngaih theih chuan engkim a țha vek a ni mai. Heiham... mahse a awm tih ka hre kur a engtin nge a awm lo ang maiin ka ngaih theih ang. A.... ka â zo thei tak ngial dawn.



"Thosihlo ka rawn dil ngei che chu a ngai ang number 4 ka thlang a thosi an tam dawn tlat" ka bag ah nawlh pah chuan a ti a, ka nui ta hak "ka keng țeuh alawm kan in sem dawn nia ka awmna ah khuan a tam ang em aw..." tiin racksack vel chu ka lo la ve a.



"A tam vek ang khawiah pawh mahse tlaiah chuan tukverh leh khawngkhar vel hawng lo la tichuan a zia maiin ka ring, kal ila" a tih zawm a, ka bu ta nghat. A kal zet tawh a ding leh a a rawn let leh.



"Enge... theihnghilh i nei mi?" Ka lo ti hâ, ka bulah chuan a rawn ding a "i kal chak thei bawk si lo a ka banah hian lo vuan rawh kal a nuam deuh ang" tiin a ban a rawn dawh a.



"A ngailo ka kal thei alawm i in ah rih êm kha, ka bag i ah pawh tih tawh mah nâk alaiin" ka lo ti hlak.



"Ti vat mai rawh...bag hi chu a rit hran lo nangmah kha i pawimawh zawk rawn vuan vat mai rawh" a ti hluk "i van chhe tak! Ka hnungzâng a na han ti vaih teh i châklo ang" ti hlak in a banah chuan ka vuan a.



"Ka hnungzâng ana ka tih leh nangman min hmeh sak mai dawn alawm mahse tunah chuan kal phawt ang" a ti a, ka awmna tur lam pan chuan kan in zui thla a Nghaki leh Malsawmdawngkimi pawn min rawn zui thla a kan ri thla ta chûl mai.



"Awi Jane... a fresh tawp i awmna tur hi a hahdam bawk a dai bawk a mahse dil bul ania ka awm peihna chi a ni lo" Malsawmdawngkimi chuan room a thil awm vel enkual pah in a ti a, Dinpuia pawn tukverh vel a nghet țha em tih min en sak bawk.



"Jane... i awm thei tak tak ang maw?" Nghaki chuan a rawn ti a, ka thaw hak "thei ang in in ti fel tawh ami min rawn zui thlak ve ngawt" mau an dawh kân a țhut thlak pah chuan ka ti a, nichina thil thleng ka hre chhuak zawk pek hunlo țhin khawp mai a...



"Keini te chu motor dahna bul mai kha ania a zia alawm i ke ala dam chiang si lo a kan tia kan rawn pui dawn che" a tih chuan ka nui ta ver ver, ka țhiante hi ka tan chuan an van hlu tak.



"Din... ka lawm lutuk ania nangpawh han chho tawh rawh tihtur i ngah ve âwm tho si" ka ti a, a sana bun a bih zeuh a "nia... tihtur kan la nei nual sia mamawh i neih chuan min lo call mai rawh aw ka han in ti fel ve ang e" a tih chuan ka bu nghat a, a chhuak chho nghal bawk.



Nghaki'n a lakah rilru pe ve turin min ti a mahse ka duh lo min ngaihsakna ah hi chuan ka lawm lutuk a kei pawn puih a ngaihna lai apiangah chuan ka pui hreh lem lo mahse ka țhian a nih angin a lakah rilru danglam put tum ka duh lo ka țhian ni reng se ka duh zawk a ngaihzawng anga en tur êm chuan ka thisen hian a zuam lo ni maiin ka hria.



"Le... intifel țan ila" Malsawmdawngkimi chuan a ti teh hluai a Nghaki nen chuan kan in en a kan nui ta ringawt bawk. Ka bag ken a ka thun ho kan phawrh chhuah lai chuan a bialpa chungchang ngawt a sawi a.



"Nge in bialpa te rawn hruai ve ta che u Rinawma leh Esi leh midang pawn an rawn hruai a" ka ti a "an awm ve chuan duh ang in hun a hman theih ngai loh a tiraw Nghak... in ven reng a ngai a inngaihsak reng a ngai a duh ang in a nuam tak tak theilo" Malsawmi chuan a rawn ti ham ham.



"Ni chiah, beer in tak ngial pawh an han phallo anga maw jail tang nen danglamna kan awm dawnlo chuvang chuan kan hruai lo an awm loh avangin mipa dang kan awmpui dawn tihna pawh ni lo a kan țhiante kan hriatchian tak tak vek an nia" thlâwp tih hriat zet hian Nghaki chuan alo ti ve bawk a chet hlak in ka lu ka thing nghat ringawt.



Kan chhuak chho ho leh vek a midang pawn an bungrua vel an lo la dah fel hlawm a ni maithei a reh țhiap a. Nichina kan țhutnaah chuan kan țhu a Malsawmi drinks la turin a kal bawk.



"I awmna tur chu i thei chiah ang maw?" Nghaki chuan a rawn ti leh.



"In khat a cheng dun, room hran nei ve ve ang chiah kan ni. Tih ngaihna dang a awm bawk si lo a ka awm ve mai a ngaih hmel, engmah a thleng êm lo ang bialnu a nei tawh alawm" ka ti ve mai a mahse huphurh tak ka ni, ka sawi zawng ringawt pawn ka huphurhna a pung zual sauh maiin ka hria.



"Nia ni tho a mahse heta kan țhut khan a en char char che a i lak ațang mit a la sawn lo hrim hrim. Mahse in theih chuan țha deuhin inbia ula thil sawidun ula in in sawi kaw ve mai ang, Esi sawi dan ka hriat ah kha chuan a chawlh hun a zo țep tawh a kha a tia" a rawn ti leh a.



"A.... sawi tawh lo ang a chungchang ringawt khel pawh thil dik a ni ber lo chu ai chuan thildang sawi zawk ang..." ka tih lai mek chuan kan țhutna piah a in ațang chuan Eddie-a leh Esi an rawn in zui chhuak a thaw hak in ka hawisawn zui nghal daih.



"In in tifel tawh ami?" Esi chuan zângkhai zet hian a rawn ti a Nghaki'n alo chhang let a, Nghaki'n chhang let lo mahse kei chuan chhan let ka tum lo hrim hrim ka tum lo a ni tawp mai.



"Nih chuan Chhana te chiah ni maw kan nghah tawh khawnge Malsawmi" tiin Nghaki bulah chuan a rawn țhu thla a "intur a la lawk a" tiin Nghaki'n a chhang let a ka awmdan chu ni thei ngang in ka hrelo a ka hawichhuak ve ta hram a mahse Eddie-a zawk in min zîm sun hian min lo en reng a rang zet hian ka hawisawn lehnghal vat.



Ka thin a phu rang dup dup a ka kut chu ka hûm kawp a ka hmer ta vak ringawt. Heiham... he hmun hi chhuahsan mai ka duh hetiang reng reng hi chuan thlamuang pawn hun ka hmang ve thei nang. Ka bulah emaw ka mit hmuh a a awm hlek in keimah zawk ka talbuai ziah a ka ning zozai tawh.



Ka phone a rawn ri a ka en chuan ka nu alo ni Eddie-a chu ka mit sir zauh a min lo la en reng tih ka hriat rual chuan a hma zawng aiin ka thinphu pawh a rang leh tawh zawk.



'Heiham... Rodingpui pangngai takin awm tum rawh a hma ang chiah khan awm tum leh rawh hahdam la, zâm a ngai reng reng lo zâmna chhan tur pakhat mah i neilo bawk hahdam rawh' ka in ti rilru mawlh mawlh a mahse awmzia a awmlo asin aw....



"Aw nu.." call ka chhan rual chuan ka ti nghal a, kan thlen tawh leh tawh loh te min rawn zawt luam a fimkhur turin min chah zui leh mawlh mawlh bawk. Kan thlen khan call ka rilruk kha ania mahse thil thleng vel avang khan ka lo hre chang tawh lo reng reng.



Chhana te pawh an rawn chho a țhutna kan siam rem zung zung hnu chuan tihtur hrang hrang kan sawi ho a rei awm thei kan nih loh avangin tam thei ang ber tih ho kan duh vek.



"Chuan zana kan ai tur thing hi lak sa alo la awm amaw ka tia mahse alo awm tawh silo a kan zawn khawm mai a ngai dawn a mahse a harsa lo. Heng lai bul velah hian a tam a keini pawn kan zawng fo a mahse a hu ho a kal lo in hmun thum velah kal darh ila innghahkhawmna hmun a awm a tah chuan kan inhmu khawm leh mai ang a" Esi chuan a rawn ti a, ka hawikual vela ka lut chak bawk a a tih chi phian ang.



"Mahse engtin nge kan in țhen ang kan inkawp kim si lo a" Zaia chuan a rawn ti a midang pawh an lo bu nghat nghat.



"Kan pawt leh mai dawn mi" Malsawmi pawn alo ti ve bawk a, han sawi tur ve reng ka hrelo.



"Ngailo tian ti ang building pathum a awm a tah chuan mi kan awm vek bawk a chung a mi ho chu ti chuan group ah kan ințhen nghal ni mai se a pawina a awm em?" A rawn ti a, kei erawh chu ka ner nasa mai duh lo tak ka ni duh lo tak.



"Chutiang lo chu tihdan zawng ang u..." ka ti a, ka duh loh zia hria se an ti lui bik tawp lo ang.



"A awlsam ber alawm, Ed.. i huphurh em i duh tho em?" Esi lah chuan ala ti ta deuh deuh. Nghaki chuan min rawn kuah vat a, a ni pawn tih dan dang zawn a duh thu a sawi ve tak na in an ngaihsak lem lo, ka țap thei dawn hialin ka hria.



"Huphurh lo e.. a țha lawm" Eddie-a lah chuan ala ti sam êt zui, tunah hian haw daih ka duh takzet. Ngatinge maw a bialpa nen pawh chuan awmdun a duh lo amaw ni le. A....kei chu ka â thei tak ngial dawnin ka hria ka țah te a chhuak.



"A nih chuan kal ang u a tlai zel ania" an ti a, an tho sang sang a kei erawh tho tur ka awm thlawt lo. Ka duh lo lutuk hi sawi ngaihna pawh ka hrelo midang lah chuan engmah an hrethiam ve tawp si lo.



"Jane.. an kal vek tawh ania" Nghaki chuan a rawn ti a, ka thaw ham ham. Ka ti tak tak, ka țah a chhuak tak tak.



"Nghak... ngatinge a ni nen kher a nih ziah mai le ka huphurh lutuk hi ka țah a chhuak zawk tak tak. Midang lah chuan engmah an hrethiam ve bawk si lo" ka ti a, kal loh mai te ka duh rum rum mai.



"An hre lo a hrilh theih an ni bawk si lo a chuvang chuan i pawm mai a ngai alawm mawle. Bakah thil pawh in sawi dun thei zawk ang a a țha daih zawk alawm. Lo kal phawt rawh min lo nghak vek tawh ang" a tih chuan peih lo zet hian ka ding a min rawn kuah a midang kalna lamah chuan kan phei ve nghal bawk.



Innghahna hmun tur an sawi kan thlen chuan group te te ang khan an lo ding vek. Nghaki'n hlim hmel put tum hram hram turin min tia mahse ka thei ngang lo ke nat nen țah vak mai te ka duh.



"Kan ip ken kha a khah chuan a țha ni mai. Nghaki te group hi an tam avangin pahnih in kan țhen leh a kan ngah har lo ang kan kim hma chu kan innghak khawm dawn nia" tiin Chhana'n thil a sawi leh a mahse ka beng lehlam ah hian an chhuak lehnghal zel.



"Kal ila" midang an kal darh sang sang lai chuan Eddie-a chuan a rawn ti a, a lam chu ka hawi a "ngatinge kan pahnih a kan kal kher a ngaih a?" Ka tih chuan alo thle bâk ringawt a ka thaw hak.



"A nih chuan kal ang kan zawng khat ve hman lo palh ang" ka ti a, amah pawh en lem lo chuan kan kalna lam tur chu ka pan phei chhat chhat a ka ke awm dan leh ka hun tawn hi a in mil thlawt lo theih se chak deuh deuh a kal a zawn khawm vat vat a let lehnghal daih ania ka duh ni.



Ka hnungah a rawn kal ve zel tih hriat zetin hnah ro a rah rîk pawh ka hria a mahse chu chuan min ti thlamuang leh lawi si. Thing zar rawn tla thla tawh ro tawh si te chu ka chhar khawm zela ka pawm ve ta țûn bawk.



Vawikhat mah ka hawilet lo a biak pawh ka be hek lo. Thei leh thei lo a kal ka nih avang chuan ka hah tawh hle a lung lian deuh lo awm ah chuan țhu hnawk in ka châwn vel chu ka hmet nawk nawk.



"I ke ana mi?" Tih ri ka hriat rual chuan ka bulah a rawn ding chawpchilh nghal a "na lo ka hah deuh a tui in tur i pai em?" Tiin ka melh chho a nî in a vun uk lutuk lo chu a chhun a a bek ah te leh a nghawngah te pawh thlan an luang chhuak ve nguai nguai a.



A sam a thur deuh siang a a landan a sexy êm avang chuan ka hawisawn vat a ka hrawk ro zetah chuan chil ka lem thla nghal khalh mai bawk.



Tui bottle min rawn pek rual chuan ka lo ban ve mai a ka in zui nghal khawlh khawlh bawk. Ka chhin a amah chu ka pe a "kha nangpawn in ve rawh i tui a hal ang" ka ti a, alo ban ve mai.


Dak vah in amah chu ka en a tui a lem zawnga a hrawk bâwk che thla ralh ralh chu hmuhnawm ti zet hian ka thlir reng a amah ka en reng laia a rawn hawi thlak thut avang chuan hawisawn hman hek lo le kan in en zui ta reng a ka biang a sa hat hat thei.



"Lo țhu ve rih rawh... a tam tawh êm saw chawl rih ang" zah zelah tiin ka tawlh sat sat a thuâwih takin a rawn țhu ve mai bawk.



"Engtikah nge i chhuk leh dawn a?" Ka ti a, a tui ken chuan a sam buk lai chu a ti huh a a ti thur ta vak "naktukah" a rawn ti sup a, amah chu ka en zawk a mahse rei a ni lo.



"I chawlh a zo tawh dawn a ni maw?" Ka ti leh.



"Ka chawlh tak chu nimin khan a zo tawh" a rawn ti leh a mak ti zet hian amah chu ka en hâ a nui suk in tui bottle chuan ka chal ah a rawn tuk zauh a "vawiinni atan liau liau hian chawlh ka dil belh alawm mahse vawiin atan chauh" a ti leh sup a ka țhen ta sak ringawt.



"I dil belh rau rau chuan tam deuh dil tur che lawm" ka ti a, a nui hawk a "kan chawlh rei leh hnathawh kan peih loh zela a hlawk thlak vak loh" a rawn ti a, a sawi dik leh bawk. Chawlh rei chuan engmah tih hi a peihawm tawh thlawt lo.



"Kal tawh ang" ti a thawh kân ka tum chu ka ban rêk ah rawn vuan in min pawt țhu leh "i ke chu a na lo tak tak maw?" A rawn ti a, ka ke chu ka melh thla zeuh a.



"Na ve deuh tho e mahse tih luih a ngai ve țhin alawm a zia mai ang, kal tawh ang kan tlai bik lutuk ang" ti a thawh leh ka tum chu min pawt țhu leh a amah zawk ka ke bulah chuan a țhu hniam thla a mak ti zetin ka en hâ.



Ka jeans hak a khawih rual chuan "engthil nge maw itih le? Kal tawh zawk ang" tiin a banah chuan ka zu vuan a "lo che lo lawk la" ka zawhna pawh chhang lo chuan a ti daih a.



Ka ke na lai chu a rawn khawih zawk a a khupah a kut nghat in min rawn en a "lo awm hahdam rawh, sawlai ami saw ka va la anga kan let dawn nia engmah lo ti ve tawh suh" thutak zet hian a rawn ti a.



"Mahse..." ka ti dêk dêk "engmah lo sawi lo bawk la, tah hian lo țhu tlat ang che ka reilo ang" a ti a, a kal chu pawh beh ka tum a mahse ka ti hman lo. Ka piah lawk a thing awm ho chu a la khawm thuai thuai a a chevel chu ka lo en ta ngawt pek.



Ka in thiam lo, mipa mah nise group khat kan nih avangin ama tih bik tur chauh pawh a ni lo. Thawh chhuah ka tum a "lo țhu mai mai rawh ka tih kha" a rawn ti nghut. Min lo hmu leh hman tawh a ni ngei ngei ang.



"A nuamlo alawm" ka ti hliai "ka sawi ang khan lo awm la ni mai" a ti ringawt a, a tih zawm leh mial mial bawk. A nuam miah lo, midang in thil an tih laia țhu bik lo nih kha.



"Kha kha ni mai lawm" ka bul a rawn thlen chuan a rawn ti a, a bek ah leh a nghawngah chuan thlan a luang a, ka rawmawl ah chu ka phawrh vat.



"Lo țhu rawh hetah hian" tiin keimah zawk chu ka ding chhuak a.



Min rawn en rual chuan "tah hian țhu rawh" tiin ka țhutna chu ka kawk a mit zîm sun hian min en a, a thlan luang nen a lang sexy zual.



"Enge maw i hriat reuh le.." a rawn ti sup.



"Țhu vat la" ka tih chuan a țhu ve mai a amah chu kal hnaih in ka rawmawl ken chuan a bek a thlan luang vel chu ka hruk sak a min en reng tih ka hria mahse ka hrelo der ngar ngar.



"Ka tih ve i phal tawh si lo a hei tal ka tih sak loh che chuan" ti sap in a chal pawh chu ka hruk sak a min en reng tih hre mah ila a mitah chuan ka en duh lo ngar ngar. Ka sawi tawh em ka hrelo a mitmeng hi in duhthusam ang chiah a ni ve tho ang, a sexy lutuk. A thlan chhuak nen phei chuan a ti lang sexy zuala en ngam chi pawh a ni lo.



"Ka mitah min lo en teh" a tih sup rual chuan lu ka thing nghat.



"Jane..." a rawn tih leh a, ka la en duh chuang lo.



"Ka zo e..." ti hliai in rawmawl chu ka thlep țha sawk sawk a hawisawn nghal ka tum chu amah zawk chuan ka nghawngah rawn dawm in amah en tur chuan min kuai kûn a a mita ka en chiah chu ka țek chhawk thei.



Amah pawh chuan min en ve ngar ngar a. Aw Lalpa leh! Tunah hian he pa hi ka fawp chak takzet!.



"Ah... kan tlai zel ania midang in min lo nghah tawh phei chuan" ti nawi nak in ka hawisawn a rawmawl chu ka iptê ah thun sawk sawk in kal ka tum a mahse ka ban rêk ah rawn vuan in min pawt let nawk a.



Amah ka nêk rawk rawk rual chuan ka khabe ah rawn dawm in min kuai dâk a "luhlulnu" ti sup in duhthawh zet hian min rawn fawp zui nghal tâwn tâwn bawk.

Ads click kha in lo theihnghilh hlauh ang e, chhiar zawh rualin click theuh ang u aw, in fel kha


Show post links
Top

[Ngaia]

HEY DADDY CHAPTER - 17

Ziaktu : Mami pachuau



Kan inthlah meuh chuan kan thaw dun halh a, ka awmdan a pangngai lo a chutiang chiah in amah pawh a nih ka ring ve bawk. Ka bek ah dawm ve ve in ka chal ah a rawn fawp vang vang a ka thaw chhuak ham ham mai.



"I rilru a i pai lan chhuah tir țhin turin ka hrilh tawh che kha" a ti sup, ka mitah tak min rawn en a ka biang a sa hat hat mai. A kutzungpuiin ka biang a rawn tuai a a nui suk kei erawh chuan tih ber tur ka hrelo ka lai hle tih zawng ka hria.



"I biang hi a sa teh mai ania" ka biang rawn tuai leh zeuh pah chuan a ti kher a "ka hria ka tih sat pawh a ni lo" ka ti hlak, a nui suk a ka sam rawn uai thla chu ka bengah min zeh sak in ka biang sa hat hat lai kher chu a rawn fawp a ka maimichhing tawp.



"Kal tawh ang, midang min nghak tawh ang ka ring" ka ti a, zâm vangin ka aw te a khur vel hial "um... kan kal ang mahse heta ka rawn kal ve chhan min zawh i tum miah loh a?" Tiin a mit ko a sân ak.



"Aw...ah, nia a ngai kher pawn ka hre hleinem a hriat vek alawm i bialnu i rawn zui tih" ka ti a, ka thusawi avang chuan Esi ka hrechhuak zawk. Hetiang hian a bialpa ka lo awmpui tih hre ngat se zawng min lim er duh in ka ring a hma pawn midang a ti tawh.



"Ah... kal tawh ang" nuih tawi tak pah chuan ka ti leh, a ni erawh chuan min melh run run a ka hawikual leh ringawt zel. Esi ka lo theihnghilh hmui hmân alawm le zialo ve.



"Bialnu ka neih âwm ka hre si lo a i bialnu i rawn zui min ti bawk si a, uh... i țhiante nen min hmehbel i tum êm lovang chu" a sawi lai reng chuan ala nui duh miah lo lehnghal. He pa hi dâwt a sawi peih ve khawp mai a.



"Dawt sawi sawi lo khan kal tawh zawk ang, tu pawn an hre vek alawm" ti hap in kal ka tum a mahse ka ban rêk ah vuan in min pawt lêt leh a, lung chung a a țhu chu a kap kara ding turin min pawt lut deuh nawk bawk.



"Tu pawn an hriat chu ka hre ve duh min hrilh la" a kut pahnih a ka kawng kuah pah in a rawn ti a, a rawn dâk chho kher lehnghal a awmdan tur ka thiam hlawllo "nangpawn i hre ve reng alawm kal ang" ti a nem hlat ka tum ve rual chuan a lu alo thing nghut.



"Tinge hetiang hian i awm a...? Kal zawk ang" ka ti leh ruai.



"Ka hrelo, tu pawn an hriat chu ka hre ve lo min hrilh la kan kal thei a ni mai chumi hma chu kuah beh reng che ka pawi ti lo" tiin a lamah min pawt hnai a tum loh puiin a nghawngah ka kuah ta chawt bawk a, a ni erawh alo nui nghawr dat mai.



"Tiang hian awm lo la... hun kan khawhral zel ania" ka ti leh hliai, ka âwm ah a hmai a phûm a ka thâwk lak a sak vek thei "thil hrelo bik nih ka duh lo ania" a rawn ti zâwi sup. Ava han hahthlak tak.



"Esi nen in inkawp tih kan hre vek alawm amah i rawn zui bawk a chu chu tu pawn an hriat chu ania nang pawn i hre ve ta bawk a kan kal thei tawh em?" Amah en chhuk pah chuan ka ti a, nui nghawr dat in ka âwm ah a khabe nghat in chiang zet hian min rawn en a ka hawisawn rang asin.



"Min lo en la" a ti sup "nge?" En miah lo in ka ti ve hlak, a nui nghawr dat a tlawm zawkah țang in amah chu ka en leh ta nge nge, hmel hmuh nuam zet hian min lo en a hepa bulah hian ka țang rei theilo reng reng.



"Kan inngaizawng lo"



"Maw!?"


Ka chhan rang lutuk avang nge ni a nui suk, zah zelah ka aw ka thian kharh a ka hawikual ta ruai ringawt.



"Kan inngaizawng lo, ka cousin ania mahse kan in cousin dan a hla tawh thung a min pui turin ka ngen mai a nih kha. A rem hriatna a hmang ve bawk a chuan a thusawi chu ilo âwih a?" Tiin a țhen suk.



"Aw.. aman a sawi miau alawm ka âwih mai loh in bakah in in cousin tih a sawi ngai hleinem bakah tunge hetiang thil ah fiamthu ngai?" Tiin amah chu ka en ve kalh a, min en reng chungin a thaw ham ham a.



"Sawi loh tura ka tih avanga sawi lo a nih kha. Kan awmna a in an loh avangin kan inhmu zen zen lo helama ka awm khât avang pawh a ni tho mahse ka nau ang chiah a ka en a ni a helaia ka rawn kal ve theih nan a puihna ka dil a nih kha" a ti sup, ka hawisawn vat a.



A cousin pawh lo ni ta tehreng se helaia alo kal chhan hi ka hrethiam lo. Chutiang chiah chuan hepa hian inzawmna min siam pui theilo a a lakah hian ka tlawm nawn duh tawh lo.



"Kal tawh ang" tiin ka thaw hak a, min kuahna chu phelh tir ka tum a mahse min kuah nghet sauh "ka thusawi hi ngaithla zo phawt teh" a ti nghut.



"Engmah ngaihthlak tur ka nei tawh hleinem kan kal a ngai tawh ania min thlah teh, kan rei bik lutuk chuan midang ngaih a țha lo ang" ka ti a, a kut chu awlsam zetin ka pawt phelh mai a kalsawn ka tum chu ka ban rêk ah rawn vuan leh in min pawt let leh nawk.



"Enge maw i hriat..." ka sawi zawh hma hauh in a kut zungchal ka hmuiah a nghat a phâwk zetin amah chu ka en a "ka thusawi ngaithla zo phawt rawh ka tih kha" a ti sup a, țawng tum a ka lu ka kân chiah "shhh..." a rawn ti zâwi sup.



"Engmah lo sawi lo la ka thusawi lo ngaithla ang che, țawng i tum chuan a ai kan rei zawk mai mai dawn. Thuâwih a hun tihna a nih chu" a tih chuan ka melh reng ringawt.



"Helai hmunah hian nangmah ka hmuh chak che avang leh ngaihdam dil tur che in ka lo kal. I laka ka rilru put hmang i hria a i rilru put hmang ka hre bawk, min hrilh zan khan ka lawm zia i hre lo ang mahse mi na zawng inzawmna ka siampui thei lo a ruat bik te chauh inzawmna ka siampui thei khavang a i laka khatiang thu sawi kha ka ni bawk, khatianga i chunga ka awm chhan kha hemi chauh lo pawh hi chhan dang a awm țeuh.



Ruat zinga mi nilo inzawmna ka siampui a nih chuan kumkhua a ka hlat che a ngai tawh dawn a tihpalh thil thu a kan inhmu leh thut a nih loh chuan dam chhungin ka hmu tawh ngai dawn lo che..." a sawi zawh hma chuan "ngatinge?" Ka ti țiau, ka mittui a hnai kuar mai.



"Engmah lo sawi ve suh ka tih kha... hun ka ngah lo ania. Chutiang thil thlen tir chu ka duh lo a hmu theilo che a awm ka duh lo bawk khavanga inzawmna siam pui theilo che ka ni. A zawng zawng in chikim takin ka sawi a thiang lo mahse reilote min nghak rawh nilo ka rank a sân thleng kum 2 emaw kum 3 tal min nghak turin ka duh che, i thei ang tiraw?" A ti sup.



"Ngatinge? Ngatinge kum 2 emaw kum 3 nghah kan ngaih a... aih, ka theilo ang kan dam thleng lo maithei asin, ka theilo ang. Enge i thawh ka ngaihven lo a tute nge inzawmna i siampui theih ka ngaihven lo a ka zâwt miah lo bawk ang che. Mahse... chumi chhung chuan enge kan chungah thleng ang tu emaw zawk zawk lo thi ta ila" sawi zo lo in ka ngawi daih.



Thaw hawk in ka biang ah ve ve a rawn dawm a ka chalah a rawn fawp vang vang a "hmalam hun ngaihtuah vak suh, Pathianin min hruai anga kan dam thleng em em ang. Chumi chhung chu min nghak thei ang tiraw? I thei ang tih sawi la Jane" a ti leh, mittui tling pam chungin amah chu ka en a.



"Ngatinge? Ngatinge ka nghah bik a ngaih nachhan? Chumi chhung chuan i chungah emaw ka chungah thil lo thleng palh ta se. Aih... ka duh lo, tumah kan hriattir lo mai dawn alawm a ruk in tuman an hre dawn hleinem thuruk ka zêp thei lutuk" ka ti fan a, vanvadak chungin a thaw hawk a min rawn en ve rual chuan a mit a sen ve rûm tih ka hmu bawk.



"Theih se ka duh alawm Jane.. mahse ka theilo, hriatthiam tum la Jane chumi chhung chuan kei lo mipa pawh i tawng anga i Hmangaih pawh i tawng maithei asin" a tih chuan ka lu ka thing nghek nghek.



"Hriatthiam ka duh lo engmah hriatthiam ka duh lo kal tawh zawk ang engmah ka ngaithla duh tawh lo" tiin ka kalsawn a. Mipa dang maw? Mipa dang ka ngaihven thei ang maw? Ka theih ka ring lo ka ring lo takzet.



Muangchangin ka kal a ka mittui rawn luang thla chu hruk buai ka tum lo, ka hnungah a kal ve tih ka hre reng a mahse ka ngaihven lo.



Enge a hnathawh ka hrelo a tute nge inzawmna a siam pui theih ka hre hek lo zawh buai pawh ka tum lo mahse he mipa hi chân ka hlau kum 2 emaw kum 3 maw? Chumi chhung chuan thihna kan chungah lo thleng ta se.. aih, ka ngaihtuah ngam lo.



★ Eddie Lalruatsanga POV ★

Ka hmaa zâwi muang a pên ve chhet chhet chu en in ka thaw leh hawk țhin. Tunah chuan a hma ai zawng a beidawng leh rilru na in ka siam tih ka hria mahse enge tih theih ka neih chuan? Kei mipa in ti ve hian ka hmeichhe duh leh hmangaih pawh ka venghim theilo a mi lak tlak loh mai ka lo ni.



A rukin, ni e... a ruka tih kha a tirah chuan amah anga ka beiseina neih ve tho a ni, chumi ngaihtuah rân chunga chawlh la ka ni a mahse niminah Senior-a ka bia a naktuk ațanga kan awmna leh mobile phone zawng zawng en zui zel a nih leh tawh dawn thu min hrilh a ka beiseina zawng zawng a bo ta vek bawk.



Chuan mission ka nei dawn bawk a chumi avang chuan a rilru a nat belh dawn tih pawh ka hria mahse ka hrilh thei si lo. Ka rank a in up hma chu ka ta ah ka siam thei lo a chumi tur chuan Yellow Tiger-ah ka kai sân a ngai bawk mahse chu erawh ka mission zawng zawng ka zawhfel hnuah chauh a ni thung.



Ka hna lam chu nakinah chiang zawkin information ka pe dawn cheu nia mahse tunah chuan ka thinlung kawl tu nui hmel ka siam sak hi a ngai thung a a duh ang ngei a thil ka kal tir theih ka ring nghet hmiah bawk, Senior-a puihna ka dil mai ang, Senior-a puihna hmang in tun hun thleng hi ka venghim thei alawm ka ti leh thei em em ang.



"Jane.." ka auhna hrelo ang hmak in a kal ngaiin a kal reng, ka kal chak zual sauh a innghahkhawmna hmun kan hnaih tawh avangin ka țawng ring țha ngam lo.



"Jane.. ding teh" tiin a banah chuan ka vuan a a ding ve dat ka lam hawi zawng a ka pawh her ruala a mittui tla ka hmuh rual chuan rûm nghut in ka kuah bet a, ka kamiz hakah vuan bet in chhuak zet hian a țap zui nghal hawm hawm a kuah nghet zual sauh in a chhipah chuan ka fawh sak nghal vang vang.



"Țap lo la, midang awmna kan hnaih tawh ania" ka ti sup "ka thei bik ngawt hleinem amah in alo tla zel alawm" țap chung chuan a rawn ti a, ka nui suk. A kianga ka awm loh lai chuan a țah ka phallo, a mittui hruk hulna chang a hre ngailo a a hru hul tu nih ka duh bawk.



Ka dar lehlamah thing kha ka put miau avangin ka kut pakhat chuan a mittui ka hruk hul sak a, a hnar leh biang a sen têk a a duhawm lutuk takzet.



"A ruk in kan ti ang, a țha em? Mahse i țhiante leh midang hnenah zalen taka min in hmelhriat tir theih hun chu min nghak thei ang tiraw?" A biang tuai zeuh pah chuan ka ti a, uar zetin a bu nghat nghat.



"A țha e, țap tawh lo la midangin i țap tih an hriat chuan zawhna chhan sen loh i dawng dawn ania" ka tih chuan a nui sêih a maimichhing rual chuan a biangah mittui a rawn luang leh, hruk sak zeuhin a hmui fawh nuam zetah chuan ka fawh sak nghal vang vang a hahdam hmel zetin a thaw ta ham ham bawk.



Ka duhthusam ang ngeiin ka ta ani tawh, keini chauhin hre dawn mah ila pawi tihna ka neilo a he hmeichhia hi tih beidawn ka duh tawh lo bawk mahse ka hmalam hun ve thung ah chuan an hrechhuak a nih chuan ka kalsan a ngai hlen dawn thung a kumkhua in ka hmu tawh dawnlo bawk, chu thil chu a thlen loh hram ka beisei.



"Kal ang le, rei min lo ti bik lutuk ang e" ti sup in a hmuiah chuan ka fawh sak leh zeuh "thil sawi ve ka duh a mahse ka sawi hleithei dawn lo" a tih chuan nui suk in a kutah chuan ka vawn sak a.



"Zankhua hun kan nei alawm chutah chuan i duh zat zat i sawi dawn nia ka lo ngaithla ang, mahse tunah chuan kal phawt ang aw" ka tih chuan bu nghat in ka kut chu nghet zetin a rawn hûm lêt ve a thaw hawk in kan kal lehnghal a.



Innghahkhawmna hmunah chuan an lo awm kim vek tawh a keimahni chiah min lo nghak reng tawh. Esi chuan a mit ko sân ak in Jane-i a melh zeuh a ka bûk nghut takah chuan thaw hak in a nui ta var var a.



A thil min tihsak hi ka theihnghilh leh tawh ngailo ang.



Riahna tur hmun lam kan pan leh a, Jane-i pawh pangngai zetin a țhiante bulah a awm leh thei a ka hria alawm thuruk a zêp thei tih chu. A thurûk zep țhenkhat erawh ka hre ve reng tih a hre hauh lo.



Mipa ho in thing kan rem lai chuan ka phone a rawn ri a ka en chuan Senior alo ni, ka chhang lawk tur thu hrilh in Jane-i chu ka melh leh zeuh a thaw hawk in thlang lam pan in ka chhuk zui nghal bawk.



"Aw Senior" call ka lak rual chuan ka ti nghal sup.



"Missed call ka hmu a engthil nge ni ta?" A rawn ti a, sana ka melh zeuh. Tunah chuan Boss bulah a awm lo in ka ring a sawi a hun ber ang.



"Senior i puihna ka mamawh"



"Engthilah nge sawi la?"



"Boss in ka number en zui tura a lak kha min thlak sak turin ka duh che, pakhat zawk kha min ziah sak rawh. Sawifiah ngai lo in i hrethiam maiin ka ring" ka ti sup, he thil hi tunah amah ngeiin a kalpui mek a min tihsak theih ngei ka ring bawk.



"Kha chu a harsa lo ang mahse a hrechhuak a nih chuan i laka thil thleng tur i hria tiraw?" A rawn ti nghut.



"Ka hrechiang alawm mahse ka tih ngei a ngai sia ka tihbuai avang che in hreawm ka ti khawp mai"



"Hreawm ti suh, ka tan a harsa lo. Chu ai chuan i mission turah khan i rilru pe zawk rawh. Zanriah ei pui turin naktuk zanah i rawn thlen hman a ngai, a fanu kha i ngaihzawn a nau a pai a ngai bawk chu a fa chu kan mamawh tur a ni bawk a chuvang chuan heti lamah i insawrbing a ngai Miriami pawh ka lo bia ang" a ti nghut.



Jane-i te awmna lam chu ka en chho a, a nui sâng a ka awmna lam a rawn hawi thlak rual chuan ka lo nuih suk a, a kut a rawn vai zeuh bawk.



Nau a pai a ngai, nau a pai a ngai, chu thu chu ka bengah a ri nawn tluk tluk a ka chhunglamah min vilh ngut ngut bawk.



Jane-i engtin nge a awm ang? Ka fa hmeichhe dangin an pai a ngai miau si..!



"Ka țawng i ngaithla em Eddie?" A rawn tih leh takah chuan ka thaw chhuak hawk "ka hria e rawn nan hman ka tum dawn nia chuan ka lawm e Senior" ka ti sup.



"Nangmah tibuai tu che an awm em ni? Nidanga min biak dan leh tuna min rawn biak dan hi chu a hran hlak ania ka zawn chhuah kher i phût ami?" A tih chuan ka nui suk "ka rawn chhuk hunah ka hrilhfiah dawn che nia tunah chuan ka dah phawt ang zan lamah ka rawn be leh ang che" tiin kan in mangțha a phone chu ka off zui bawk.



Ka hmai hup in ka thaw hawk a rilru siam dan turah ka bo lutuk chu ka sam chu ka tuai chho leh puat țhin. He mission hi a hlawhchham a nih chuan ka rank in up turin hun rei tak ka nghah leh a ngai dawn a mahse thil thleng tur hian buaina a chawk chhuak thei si.



Hrep tak hian, ngatinge maw ka tan hian thiltih ve reng reng a harsat bik em em mai le Miriami sawi kha lo âwih ni ila hetiang hian kan awm hrep lo tur.



Midang awmna lam chu ka pan chho leh a lunch tur puahchah in an lo buai map map a Jane-i ka hmuh mai loh avangin Esi ka zawt a a țhiannu nen inchhung lam a eirawng an bawl thu a sawi chuan pan ka tum ut ut nang in Esi bulah chuan ka țhu thla leh thung.



"In sawifel thei tak tak maw?" Coke min rawn pek pah hian a ti a "sawifel thei e... chuan ka lawm e ka la treat dawn che nia" tiin a sam ah chuan ka tuai sak a a rûm ta nghat.



"A awmdan en kha chuan in sawifel theih loh hmel lutuk a a huat hmel bawk che sia mahse insawifel thei a a țha zawk a nih chu"



"Ka bialnu amaw alo ti tak tak che a" ka tih rual chuan a thil in a phuh chhuak țhawt a a khuh nghal bawrh bawrh avang chuan nui hawk in a hnungah chuan ka chum sak a "avan ti âwm ang lo tak, min thîk vangin bialpa nei ila chu a hre hmasa ber dawn tih a theihnghilh aniang ava hahthlak tak" nuih hak hak pah hian a rawn tih zawm a.



"Kan in cousin tih sawi lo tura min tih vang kha ania ka sawi loh ni mak a ti viau bawk anga. A... engpawh chu nise a țha ve hrim hrim e ila inbual dawn lo ami i thlan nasa âwm si midang chu inbual turin an chhuk tawh asin" a tih chuan ka hawi kual nghal vut.



"Reilote ka țhu anga ka chhuk ang, khulama ka chhuk hunah pawh chanchin rawn report theihnghilh suh ang che a chiang em?" Coke in pah chuan ka ti nghut.



"Chiang e chiang e, i thil min tihsak tur kha theihnghilh lo la ni mai zuk chhuk rawh sa i khawih a ngai dawn ania kan khawih thiam hlawm lo nangmah bawk i țangkai leh dawn a nih chu" tiin ka hnungah a rawn beng dawt a, a chalah kutzungchal a nawr pah in ka nawr hla a a huat zawng ania ka kut a beng thla zui pawp bawk.



Intifai turin ka chhuk a intihfai hma in Aruati chanchin ka hrilh zung zung a Ramsanga nena thil lo tifel turin ka hrilh leh bawk. Senior-a'n number a thlak tawh chuan phone pakhat ațang information ka dawng vek tawh dawn a chung chu apps dang nen an lo thlunzawm vek a ngai dawn a tihdan ka hrilh tawh tho a an thiam êm ang chu maw.



Ka awmna room ațanga ka chhuak chiah chu step-a thei leh thei lo a Jane-i rawn chhuk ka hmuh avang chuan kawngkhar ngheng chunga ding in ka lo en reng a a sawi hre phak lo mah ila a phun bul bul tih ka hre thei, a kawr hak hmalam huh ka hmuh rual chuan ka rûm zui nghut a a bra zawng zawng nen a lang thei vek..!



"Ka la inbual hman lo asin mawle" ti nuah nuah in varanda a rawn rap a a kawr hmalam chul mawlh mawlh pah chuan a rawn pên phei chhet chhet a a rawn hawi chhuah ruala min hmu chu nasa zet hian a phu a a dinna ațang a a tawlhsawn deuh dâwrh rual chuan ka nui suk.



"Min ti hlauh zia kha.. i awm tih ka hre miah lo" a âwm dawm chung meuh in a rawn ti zâwi sep.



"I kawr hma kha tu tih huh nge?" Ka ti nghut, a kawr hma chu a en ve leh zeuh a "Nghaki leh Malsawmi lawm, anțam kan sil laiin tuiin an inphuh kuala min ti huh ve vek a" tiin a chet zui ta hlak.



"Mipa dangin an hmu em? A bikin kha mihring khan" ka ti leh "Maw?" A rawn ti hû a "mipa dangin an hmu em? I bra chawp nen a lan vek kha" ka ti leh nghut, a lang sexy ngei alawm mahse mipa dang hmuh ve atan chuan ka phallo. Ka sawi tawh em ka hrelo a engkim hi a sexy fai vek a sam a țawn sang phei chuan mipa dang hmuh ve atan ka phal lullo.



"Hmu lo, Esi tih loh chu inbual turin an kal vek alawm. Tinge lo hmu ta se a pawi ami?" Chimawm zeta tiin a mit ko a sân ak, rûm nghut in ka pan phei a cho zet hian min lo melh let ve kalh.



"Pawi e... a bikin kha mihring khan a hmu tur a ni lo, i awm mai mai lai pawn an hmuh atan chuan i sexy tawk tawh" ti nghut in a hmaah chuan ding in a kawngah kut ka rawlh lut a bang lamah chuan ka nawr phei zui zel bawk.



"Hmmm... ka hmuh tir vek nghal loh ah, khawi ka va intifai ve lawk ang ka ban chup ania" ti a tal hran a tum rual chuan nawr na zual sauh in ka kut lehlam chuan ka innem khalh a ka chhuk melh rûn rual chuan rawn hawi chhuak ve in a nui sêih a a hmuiah chuan ka fawh sak zeuh.



"Kha mihring kha i hnaih tur a ni lo, a hnaih che a nih a i taksa a khawih a nih chuan ka rawn hnek hreh dawn hauh lo ania chuan a bulah nui bawk suh ang che" thutak zeta ka tih laiin a ni erawh alo nui hak "a theih ngawt bik hleinem ka țhian chauh a ni ka tih tawh kha ngaih țha deuhin awm rawh" tiin a nui zui seih.



"Hman zan anga a hnaih leh ngam che a nih chuan ka awm mai mai tawh hauh lo ang, va intifai rawh ka lo nghak ang che kan chho rual dawn nia. Hetianga ka hmuh reng che chuan ngaihtuahna țhalo ka pu dawn tlat" ti sup in ka fawp leh zeuh a ka thusawi a hrethiam a ni mahna a âwm hup châwih in min nawr sawn a hmanhmawh zeta room chhunga a lut chu en in ka nui zui chhuak ta hawk, duhawm leh lutuk mai.



A room-ah chuan lut ve in tukverh lam chu ka pan a a kalhna a țhat leh țhat loh ka check sak zui nghal a pakhat chu awlsam zeta pawn lam ațanga hawn theih turin alo awm a ka rûm nghut, heihi chu tih palh a ni hauh lo ang le.



Varanda lamah chuan chhuak pheiin a siamna tur hmanrua vel a awm leh awm loh ka en a, hrui pakhat te tlawng ka la hmu zui. Hrui chu la in pawn lam ațanga hawn theih loh turin ka țawn zui tawp a an kar chhia a nih loh chuan an lut mai mai lo ang.



Room chhunga ka luh leh hnu rei vak lo ah chuan a rawn chhuak ve a ka lo awm ve reng tih a hmuh rual chuan rang zet hian bathroom-ah a tlan lut lehnghal "chhuak la... hak tur ka keng lut miah lo ania aw" a rawn ti lang lang, bathroom lam chu ka pan phei a.



"Lo chhuak la ka en lovang che" ka ti sup.



"A... chu pawh nise lo va chhuak hrim hrim rawh ka ti tak tak ania"



"Ok... lo chhuak phawt la chuan ka chhuak ang" ka ti let leh, a thaw hak ri pawh ka hrechiang ta hle bawk. Tukverh lam pan in ka lêt a tukverh lam hawi zawnga ding in a rawn chhuak thawm chu ka ngaithla reng.



"I tukverh hi pawn lam ațanga duh duh huna hawn theih in an siam tih i hria em?" Tukverh lam melh ngur pah chuan ka ti nghut "hrelo, nichinah khan Dinpuia khan a kalhna a țhat leh țhat loh min en sak vek a a țha a tih kha ka ring ve mai" awlsam zet hian a rawn ti a ka thaw chhuak ham ham.



"Chu mihring chuan awlsam taka a luh theih nan a siam a nih chu khapa thusawi zawng zawng kha a them pawh âwih tawh suh ang che" ka ti leh, ka thinrim in thunun tum chuan ka maimichhing vang vang a ka thaw chhuak leh hawk țhin.



"Aw ka hria, mahse lo va chhuak tawh la ka inthlak duh tawh a" a rawn ti a, tukverh lam ah chuan pên khat in ka pên hma leh "tikhan inthlak rawh, ka lo veng ang che ka en lo bawk ang che nangmah mai a i tal hran ka phal tawh lo inthlak rawh" ka ti lêt a, hetianga a che ngam a nih chuan amah mai a tlat fal tir ka phal tawh reng reng lo.



"Mahse... ka thiamlo alawm lo va chhuak la ka reilo ang"



"Inthlak mai mai rawh hun a liam zel ania" luhlul zet hian ka ti leh hmuk "i thu i duh ve si, ilo hawi vaih chuan ka that ang che i hria em? Tiang hi ka thiam ve lo asin mawle" a ti zui nang nang a ka nui ta suk bawk.



"Kekawr bul hak i tum chuan ha suh, kekawr tluan ha rawh a tight ni lo" ka ti leh, kei ngei pawn a kekawr bul ha lai vawikhat vel chiah ka la hmu chu pawh midangin an hmuh ve ka phal chuang lo.



"Nge... i uikawm lutuk ka thawmhnaw ania ka duh duh ka ha ang chu nangpawn i ha ve tho alawm a lum ropui si" tiin min hnial let a, hawi let turin ka inher uaih tawh mabse tukverh lam chu ka hawi lehnghal a "ha tura ka hrilh che chu ha mai rawh" ka ti leh nghut. A chawn ringawt pawh khapa hmuh kha ka phal ve lo.



"I in ti thu si" a ti zui nang nang a, a zo tih a sawi rual chuan hawi let in a thawmhnaw hak chu ka en a kekawr hak nuam zet ha in t-shirt var a ha ve bawk a a landan a duhawm zual vek.



Kan chhoh hma chuan ka fawp leh vang vang phawt a khilai a kan awm hunah chuan mihrang ang hlak a kan awm leh a ngai dawn a ka khawih phak reng ah awm in ka khawih thei lo a chu thil chu hreawm ka tih ber a ni.



Midang awmna kan thlen chhoh hma a ka phone rawn ri chu ka en a Boss alo ni "lo han chho rawh kan chhang lawk ang e" ka tih chuan bu nghat in a kal chho a a liam fel hnu chuan ka pick chauh.



"Ka fapa... in biak ava khat ve le tiraw? I dam țha maw?" Zângkhai zet hian a rawn ti a.



"Ka dam alawm, enge i an? An zai hlawhtling che em?"



"Hlawhtling e hlawhtling e... ka awm loh chhung a group ilo enkawl danah ka fak khawp mai che ka ai i awh theih nan țan i lak zel a ngai ania. Chutih rual chuan i mission kha i lo hre tawh anga a hlawhtling a nih chuan i rank a in up thei ang tih pawh kha i hre tawh bawk ang a. A hautak dawn a i thei ang tih ka ring bawk a ka innghahna ini ka tih tawh kha"



"Ka hria e, theihtawp ka chhuah ang a ka theilo a ni erawh chuan midang i buaipui tir nghal dawn nia" tiin ka chhang let a, ni e ka thei ang em ka hrelo midang in a ka fa an pai ka duh lo a ka hmeichhe Hmangaih lo chu mutpui pawh ka duh hek lo.



"E.... chutin an ti ngailo i thei tur a ni. He mission hian i hma hun a hril dawn ania, he mission hi i hlawhtlin pui a nih chuan i rank a sang anga i hmeichhe thlakhlelh em em pawh dîpna tel miah lo a i ngaihzawn ka phalsak ang che. Tunah in awmdun a ni lawm ni awmdun reng chungin i hnaih thei lo a a hreawm ang tih ka hria mahse he mission hi ti hlawhtling la i duh anga awm ka phalsak ang che" a tih rual chuan ka hawikual nghal vut.



"Min en thla turin mi i rawn tir ami?" Ka ti zui hrâwih..!.



"I hriat kha, kei chuan hmun tinah mit ka nei min zai na avangin ka che theilo mai chauh a ni. Chawlh i dil belh tih ka hria mahse action ka lak sak lo ang che. Mahse ka thusawi hi ngaithla rawh he mission hi i kutah a in nghah ang bawk in i hma hun hril tu a ni dawn. I ti hlawhtling a nih chuan kha i hmeichhe duh em em nen khan dîpna tel miah lo a in in ngaihzawn phalsak ini ang a Black Wolf captain ațang Yellow Tiger captain-ah, enge a an?" A sawi zawh rual chuan ka thaw zui hrâwih..!



"Mahse hei hre tel la, i ti hlawhtling lo a nih chuan i rank ațanga pawh hniam inih mai bakah i hna i chawlhsan anga L.A lamah hna min khawih pui turin i rawn let ang. Politician ho ka beihna lamah hian i thluak kha ka mamawh viau ania" a tih leh rual chuan ka au chhuak hrâwih..!



"Min en thlakna hi ti tawp la reilote chhung chauh zalenna min siam sak la i duhdan ang chuan ka awm ang chu chu ka ngen duh che, ka thusawi ah ka din ngheh țhin zia chu i hriat kha. Ka chanchin zawng zawng i dawn țhinna information apps kha reilote chhung chauh min tih tawp sak la, mission ka khawih chhungin ka chhungkua min venhim sak bawk la chung chu min tih sak la i duh ang in ka awm ang" seh chilh zet hian ka ti hrâwih a, ka rem hriatna ka hman tel ve mai a ngai dawn ta a nih hi.

☆


Show post links
Top

[Ngaia]

HEY DADDY CHAPTER - 18

Ziaktu : Mami pachuau



"I mi ngenna chu pawm sak lo ta che ila engthil nge i tih ang?" Ngeiawm zet hian a rawn ti lêt leh a ka thaw chhuak hawk "mission khawih tura min pek hi khawih lo in ka kalsan ang, i duh chuan ka rank i pawt hniam thei bawk a kha chu i thu a ni e" ka ti ve ta nghut, ka hming in min rawn au hrâwk a kei erawh ka nui suk.



Ka hria lawm hepa hian rank sang ber ka thlen a duh tih chu chung chu hmanrua a ka hman let ve a ngai thung a a nih loh chuan a duhdan in engkim a kaltlangpui mai ang.



"I thiamna a dangdai bik in midang zawng zawng aia thluak țha i nei a, rank sang ber chelh a group zawng zawng enkawl turin nang chiah hi ka duh che, kei aia khauh zawk leh fel zawkin group i enkawl thei tih ka mit ngeiin ka hmu tawh bawk a kha i thluak țha zet hmang a Politician ho i bum thlu lai hmuh ka chak hle bawk, i mi ngenna chu ka pawm ni rawh se mahse i mission kalsan i tum a nih chuan hremna i dawng ang tih i hnar awmna i chian tluk zetin chiang ang che..!" A rawn tih tak ah chuan maimichhing chungin ka thaw chhuak ta ham ham.



"Ka lawm e, ka ngenna che min tih hlawhtlin sak dawn chuan ka theihtawp ka chhuah ang tih ka tiam a che" ka ti let a.



"A țha e, ka ring tawk che a ka rinna che i tih chhiat loh hram ka beisei bawk. Tun ațanga minute 5 hnuah hian darkar 24 chhung chu i chanchin engmah ka hrelo ang a zalen taka hun i hman ka phalsak ang che mahse naktuk zanah dinner ei tura helai hmun i rawn thlen hman erawh chu a ngai thung ang"



"Engtin nge darkar 24 chhung engkim i block tih ka chian ngam ang? Hmun tinah mit ka nei i tih kha" ka ti let leh.



"Nau-a min beih let hian ka thluak i vawrh vir țhin tih i hria ang chu maw... i phone kha en la" a rawn tih chuan ka phone chu la thla in ka en a min block thu notification-ah a rawn lang hlawm a ka phone chu ka bengah ka nghat chho leh.



"Ka lawm e" ka ti ta sup.



"Ok.. darkar 24 chhung chu i duh dana awm turin zalenna i nei a nuam chu han chen ta poh che, naktuk zanah kan inhmu dawn nia" tiin kan inbiakna chu a ti tawp a thaw chhuak ham ham in midang awmna lam chu ka pan chho ta bawk.



Sa an khawih thiam miau loh avangin keiman ka buaipui a ka bulah Jane-i alo awm ve reng bawk "nichin khan tunge i biak a?" Chem min rawn pek pah hian a rawn ti sep.



"Ka boss ania hmeichhe dang a nih ilo ring ami?" Mit ko sân ak a ka tih rual chuan ka ban puam laiah a rawn beng zui pawp "i zak lo, i rawn chhoh khan i mood a dang lutuk a chuvang ania ka zawh che hmeichhe dang tih vel ka ngaihtuah lo hrim hrim" a rawn ti deuh țhat a a tûm zui pâk lehnghal.



"I thikthu a chhe viau em tih ka hre chak viau ania" ka tih leh rual chuan min rawn melh zui rawm rawm "a chhe hle ang i mit sir pawh a hmeichhia ilo melh a hmeichhe dang nena in awm lai te ka hmuh leh chuan ka rêp duh hial tawh ang che" a rawn ti ve tân tân a, ka nui chhuak hawk.



"Hmeichhe dang nena kan awm lai thlalak i sawi chu ka hmu ve chak khawp ania" ka ti leh sup, lei a rawn chhuah zeuh a "thlalak pawh a ni lo khu lama in chhuk thlak a ka u nen kan in video call khan ka hmu che, khatiang khawp a a hnaih ngam che a nih chuan i tan mi mai mai a ni lo tawp ang ka call che pawn alo chhang ania" a rawn ti leh hlak, ka nui chhuak leh hawk.



"Jane.. kha chu" sawi zo ta lem lo chuan ka nui zui suk "a dawt leh ah chuan in hriatthiamna a awm tawh lo ang" a rawn ti zui leh. Aruati kha alo thîk a nih dawn chu, a thîk tih țawngka in sawi lo mahse hriat a nuam dangdai ve hrim hrim.



"Aruati a nih kha ka rank hnuai chiah ah a awm a, nau ang chiah a ka en a nih kha. A ni kha chu thîk duh suh ka âtchilh zia che a hria a pan tur che in min ti zawk fo țhin, a tak ngei a hmuh che pawh a chak viau ania a hmuh hunah che a hau chiam maithei bawk che a" ka tih chuan a ner nâng..



"Insawifiah tur pawn ka tih der loh che kha"



"Tu emaw chuan a thik tih chiang takin sawi lang lo mahse a țawng danah a lang chiang a insawifiah ka ngai tih a tilang chiang alawm. Jane.. a ni kha chu thik duh suh ka la in hmuh tir dawn cheu nia a ni pawn a hmu chak khawp che ania" ka tih tak ah chuan a bu nghat a, sa chu ka chan tê zui a.



"I hna thawh chu ka hrelo a zawh luih che pawh ka tum chuang lo a i duh hunah nangman min hrilh mai la. Mahse engtin nge Aruati i tih chu alo tel theih a Mizo dang an awm em?" A rawn ti a, ka hnathawh hi engtikah emaw chuan ala hre dawn tho tih ka hria mahse a hre dawn a nih chuan midang kâ ațang nilo in ka hnen ațang ngei hria se ka duh a mahse tun tut tut ah chuan ka la hrilh thei lo.



"Ramsanga te nen kan pathum in kan awm. College kan kal ho a chuan he hna hi kan dil a training kan paltlang ho leh vek bawk. I rin ai daih in an hrechiang dun ang che i ngaina viau bawk in ka ring" ka ti sup a, a u hnena ka thawh țan dan te min zawt zui leh bawk.



Higher a kal lai ațang tawh a venhim a ni tih hriattir kher ka tum lo a, Higher a kal lai hian Boss in Politician leh sumdawng ho a luhchilh a pawn lam ațanga nawr kal tu an awm a ngaih avangin in thup nan he hna hi ka thawk a thil tih na reng reng ah a remchan tak zel avangin ka thawk zawm ta zel bawk.



"Ka hriat ve hma daih ațang che in min hre tawh âwm sia mahse engtin? Ka u nen kan inhmu khat bawk sia" ngaihtuah fê pah hian a rawn ti a, a hmuiah chuan fawh sak zeuh in sa tur sil turin ka dah a.



"I hmel ka hmuh hma ațang hauh in i chanchin ka hre hnem tawh a, i hmel ka hmuh hmasak na ber erawh thlalak ah chutah chuan ka ta inih tur thu ka sawi chhuak hial bawk, hetah lo kal teh" tih zawm in ka ding sawn deuh a, ka dinna a a rawn din rual chuan a hnunglam ah ding ve in a zak hnuai ah kut ka rawlh lut a.



"Midang an lo kal ang e" a rawn ti zui sep bawk.



"An rawn lut mai mai lo ang tuilum kha lo on la" ti sup in a darah khabe ka nghat zawm a a tîm deuh dai tih ka hriat rual chuan inthlah dul turin ka hrilh a, ka hun neih darkar 24 chhung chu a kiang a hun hman reng ka duh englai pawh a a taksa tawh pawh ka duh bawk.



"Tui vawt nen hian chawhpawlh ang" a rawn tih rual chuan nui suk in ti turin ka hrilh a tui a off rual chuan rawn hawi zeuh in ka bek ah chuan a rawn fawp ve vang vang a ka nui nghal suk "khatiang khan ka ti chak thei lutuk a" a rawn ti zui sep bawk.



"Kha ai kha chuan ka hmuiah ti zawk la" ka tih chuan "ka ngam i ring a mi?" A ti zui hlak.



"I bialpa hi sa a khawihna lamah a hah viau tawh ania"



"Hmmm... i phakar a nih mai chu a, heihi ti zo phawt la midang an lo kal loh dan a zir a ni mai" a tih rual chuan sa chu dah in amah chu ka kuai her a "ka zo tawh chuan midang an lo kal lo bawk" ka ti sup, alo ner nâng a.



"Fair lo maw... ila zawh tawp loh hi" a rawn ti zui hlak.



"Ti vat la bawihi midang an lo lut a nih chuan an awm laiin ka fawp zawk ang che" ka ti zui nghut, a ni erawh alo nui zui hak a a kawngah chuan vuan in ka pawt hnai zui hrâwk a a hmui bulah chuan ka fawh sak nghal zeuh bawk.



★ Jane Rodingpuii POV ★

"Vat in Bawihi" ka hmui bulah chuan a rawn phun sup a, kan in awm hnaih bawk a a landan sexy lutuk avang chuan ka buai leh vek tawh. Heiham... ka sawi tawh a ka thih phah êm loh ang.



"Rei deuh tih âwih loh" tih pah chuan a biangah chuan ka dawm sak a a ni erawh alo nui suk. Muangchangin a hmui chu ka tawk de de a ka hmui ka tih chêt rual chuan rûm nghut in duhthawh zetin min rawn fawp zui nghal ngawng ngawng a kei pawh ka bang bik chuang lo.



A lei a rawn hawl luh rual chuan ka chhung lam hi a za chuai chuai a, ka kawng a hmerna a ti nghet zual sauh bawk.



Kawngka lam a thawm a awm avang chuan kan inthlah vat a, ka chal ah chal rawn nghat in dam zet hian min rawn fawp leh vang vang ka thaw chhuak halh a "fawh reng mai che ka duh" a rawn ti zâwi sup a ka nui ta sêih ringawt.



"Chu an rawn beng leh ania" ti a awm hran ka tum rual chuan min pawt bet leh a "reilote leh lawk" ti sup in dam zet hian min fawp leh vang vang a kan inthlah rual chuan ka chal ah rawn fawp vang vang in "va hawn sak rawh le" a ti sup, phâwk zet hian ka meng a.



"Va hawn sak rawh... i lo kalh amaw?" Ka ti chiam, a lo nui suk a tumah an lo lut mai mai lo ang a tih chhan kha alo kalh vang lek hi a ni maw.. engtik laiin nge alo kalh hman teh hrep le.



"Va hawn sak rawh i chhuanlam siam tur ngaihtuah phei pah la" tiin a nui zui leh suk a, ka thaw chhuak hak "tunge niang le... hrim hrim in i kalh tih sawi ve tal la ngaihdan nilo lo an pu leh hman hrim hrim ang" ti hlak in ka kal hrang a a ni erawh alo nui mai lehnghal.



Kei ai khan a rawn lut hnu hnung a tah khan alo kalh hman thawt thawt aniang, a awm zalen ve kha ka ti reng a ni kei pawh kha ka bang bik teuh lo. Chuan, i chhuanlam siam tur ngaihtuah phei pah rawh kha min ti lawk sa bawk a tiraw... amah zawk khan alo tum lawk sa vek tih a chiang reng.



Kawngka chu dîm te hian ka hawng a pawnah chuan Nghaki leh Esi an lo ding reng "enge in tih em em a in va rawn hawng har ve" Nghaki chuan a ti zui hlak a Esi erawh alo nui mai thung.



"Ka kut a mawm vek a ka sil hmasa lawk alawm, in thian zo tawh mi" tiin a plate ken pakhat chu ka lak sak a "zo tawh e... her nawm dan tura chan a ni tawh mai" a ti a, an luhna tur chu ka kian nghal a.



"Chaw hmeh tam siam pawh a ngailo tlaiah siam a ngai leh dawn tho a bai kan siam hmin tawh a sa kha a hmin chuan a tawk a ni mai, țawțani chu Malsawmi leh Rinawma bialnu khan an siam mek a drinks a awm bawk a kan tling tla ve thei mai ang" Esi chuan rawn luh pah hian a rawn ti ve a.



"A nih chuan tlaiah sa hi la ring ila chuan, kan tlêm leh thildang siam bawk ila a tawk mai alawm" Nghaki pawh chuan alo ti ve bawk a, kan pawmpui thlap mahse kei erawh chuan noodles a awm chuan ei ka duh zawk, zan lama chaw ei vak hi ka ti ve vak lo ka ei ve pawn tam ka ei ngai chuang lo bawk.



"Computer a awm games khel ang, kan kal hma a chawlh hmang hnuhnung ber te khan games an lo dah belh a chu chu va khel chhin ang" tiin Esi chuan ka banah a rawn vuan a "eng games mah ka khel thiam reng reng lo" ka lo ti vat.



"A pawilo, midang pahnih hi an buai tho a ka zirtir ang che kei pawh u Mama'n min zirtir alawm a harsa lo" tiin min pawt lui țang țang a ka zui phei ve leh ta nge nge.



A khelh dan min han zirtir ta tak tak chu kan khawih ai kan nuih a tam zawk a chang leh a khelh lai min en tir thûl a chang leh min khelh tir ve a ka thiam lo lutuk bawk si a ni alo țang thei sia min chûm leh chiam țhin a kan rak chel chul mai.



"Nangni pahnih kha thil ei a hun tawh ania" kan hnung mai ah chuan Eddie-a aw ka hria a mahse ka la laklawh tlat "lawks in ka zo țep lo va ei ru ka lo zawm vat ang che u" tiin keyboard chu ka hmet mawlh mawlh a misual lam lah hi an țha thei phian zel lehnghal.



"Kei chu ka ril ațam tawh ka lo va ei ang kha i zo țep tawh ania" tiin Esi chuan tihdan min rawn hrilh leh zung zung a ka țang lutuk hi ka mal te thleng hian ana vek tawh.



"Nuam i ti viau a ni maw?" Esi kal hnu chuan ka bula rawn țhut thlak pah hian a rawn ti a.



"Umm.. hetiang ang chi hrim hrim hi ka vawikhatna ania a nuam ka ti nghal phian a mahse ka zawngchhang ang tih erawh a hlauhawm" nuih sêih pah hian ka ti a, ka biangah chuan rawn fawp vang vang in ka hnungah chuan a rawn ding kûn deuh reuh a ka kut chu rawn vawn hnan in "tiang hian ti la, hemi i chet rual hian helam hi che ve zel la a awlsam" tiin min khelh pui a misual pawh min thah pui ta zung zung.



"Ivan thiam em em khawi ațangin nge i zir a?" Tiin ka thlêk hâ a, ka hmuiah chuan a rawn fawp zeuh "duty laiin hunawl hnawh khah nan kan khel fo alawm trick țhenkhat ka hrilh dawn che nia mahse tunah chuan thil ei phawt ang i pum a ngaihtuahawm" tiin kan khelh zawh hma in computer chu a off hmak.



"Hey... a zawh țep tawh kha ka chak lo hrim hrim ang" ka ti hliai, ani erawh alo nui suk a "i pawl te khan an bei anga in chak mai ang tunah chuan Games ai chuan chaw ei a pawimawh zawk" tiin a ding sawn a ner nâng chungin ka ding ve leh ta tho.



Chawhnu lamah chuan basketball an khel a hmeichhe ho erawh chuan puzzle kan lo rem thung a kan thu a inhmu lo thei phian lehnghal.



"Intur i duh em ka rawn lak sak dawn che em?" Hnunglam ațanga nghet zeta min rawn kuah pah in a rawn ti sup a, mu turin kan awmna hmun lam kan pan vek tawh a mahse keini erawh chu varanda lamah kan la țhu khawmuang dawn thung.



"Umm... coke ka duh mahse rei suh aw" ka ti a, a rawn let vat tur thu sawiin a kalsawn zui a a vawt nghal vûk thei. A sawi ang khan zalen taka ka hmelhriat tir theih hun chu ka nghak thei ang, ka thei tur a ni ka thei ngei bawk ang.



Thli thaw chuan ka sam a rawn chhem leng seng seng a ka kawr in a khuh loh chin a ka vun lang ho chu an hit viau in ka ring bawk. Tui chungah chuan dum de an rawn thlawk leh zeuh zeuh țhin a a nawm dan a dangdai phian lehnghal, light rawng zawng zawng te nen a romantic vel vek.



"Hetah hian lo țhu rawh" a tih ri ah chuan ka hawi let a țhutthlengah chuan rizai sin in Eddie-a chu alo țhu a a bula dawhkan te ah chuan chips leh intur alo chhawp bawk. A kap kar chu a beng thak thak a ka pan phei vat a, a kap kar a ka țhut luh rual chuan rizai nen chuan min rawn kuah khawm a ka dar ah khabe nghat in ka nghawng ah chuan a rawn fawp zui zeuh bawk.



"Naktukah eng hun velah nge i chhuah ang?" Ka ti sep, zêp miah loh chuan ka huphurh ngawih ngawih a phone kaltlang in la in be dawn tho mah ila kei lah zirna chhunzawm turin ka chhuk ve leh dawn a kan inhmu thei dawn lo a ka huphurh sa hle.



"Zing dar 6-ah min lam turin helai hmunah motor an lo tir ang a khawchhung lam a tihtur awm ka zawh hunah anih ka ring ka chiang bik chiah lo" a rawn ti sup a, amah chu ka ngheng hnai leh zual sauh.



"Ivan chhuak hma dawn ve" tih zawng ka sawi leh.



"A hma dawn khawp mai, khawchhung in rawn luh hun ka nghah thlen theih hram ka beisei" a rawn ti ve leh a.



"Min lo nghak la duh leh midang ai ka rawn let hma bik ang a ka lo thlah ang che nge i rual emaw in ka rawn let zawk ang a" ka tih chuan a nui nghawr dat a "zingkar thawh peih lo țhin em em hian ka rual a let te i sawi ve ania i thawh theih dawn phawt chuan duhthusam ania" nuih deuh suk pah hian a ti a, na lo te hian ka nghawk zeuh.



"Nge maw ka thawh theih loh ang, ka duh te chuan ka tho hma thei lutuk aw kan dam a naktuk te kan la dam thleng a nih chuan zing alo nih hunah i hre mai ang" ka ti hlak a, nui nghawr dat in ka biangah chuan a rawn fawp leh zeuh a "ni e... kan hre mai ang" a rawn ti ve ta sup a, arsi thlir chungin eng eng emaw sawiin kan ti ti a zing dar 1 kan thleng hram.



Ka biang za mer mer ah chuan ka in let thak a, rimtui ka hîp luh kâwk rual chuan peih lo zet hian ka meng a ka mit a kham lutuk ringawt chuan ka mut ala chhuak hle.



"Tho tawh la, ka kal a hun tawh a" ti sup ri ka hriat rual deuh thaw chuan ka hmuiah a rawn fawp vang vang a ka nui ta sêih "i thusawi ah i ding nghet dawn nge?" Nuih suk pah a a tih leh rual chuan ka ban phar chhuak in a nghawngah chuan ka kuah a, ka bulah a mu ve reng a a thawh lai ka hrelo hrim hrim.



"Ka ding nghet lo mai ang mahse kan lo let hun min lo nghak tak tak rawh aw" ka ti a, nui suk in ka hnarah chuan a rawn fawp zeuh a "lo rin loh tawp tur che ania" a tih ve nghut rual chuan ka ner nâng a a ngeiawm thlawt.



"Mut dawn thleng pawh khan ka la tum mahse ka mit a kham țhum a ka peih leh lo mai ang, mawh... ka sawi chu kan lo let hun min lo nghak tak tak rawh aw" ka ti leh a, ka biangah chu a rawn tuai heuh heuh a.



"Dar 10 hmaa rawn let tum ula chumi a in lo let hman loh chuan ka nghak hman tawh kher lo ang che" a tih chuan ka hnual nghal rawih rawih mai "midang pawn hna an kal dawn a chaw ei lo a dar 8 vela let an tiin ka hria ka rawn let hman ang min lo kalsan miah suh aw" ka ti leh a, min kalsan hman ka hlau takzet ka ngai dawn lutuk hi ka sawi peih lo zawk.



"Umm... lutuk e" a rawn ti leh a.



"Ka ngai dawn che" zah pawh dawn lo in ka ti tawp, veiawm zet hian a nui ri suk a "nang ai nasa in ka ngai dawn che kalsan ka hreh zia che i hrelo ang" a ti sup a, sawi harsa a tih hmel takzet.



"I buai loh chang in min lo be țhin rawh aw i hman hun ka hre ve dawn si lo a chuvang chuan nangmah zawkin i buai loh hunah min lo be țhin rawh aw" ka ti leh, kal lo tura ngen ka chak ngawih ngawih a mahse a theih si loh, chelh beh dan ka zawng ngar ngar rih a ni ber.



"Engtik lai pawn ka ngaih thu che i hre reng ang, ni a kang sâng țep tawh a min lo thlah la" a ti leh sup a, ka in beng kang vat a ka sam chu hui mam sawk sawk in ka mutna ațang chuan ka tho chhuak a chapal chu ka inthawlh a a inthuam dan ka en rual chuan ka nui sêih a chhelo thlawt.



Kamis dum a ha a, cotton jeans dum a ha leh a sneaker pa zet a bun leh bawk a, racksack ak in a ban veilam ah sana changkang zet a bun bawk a a kamis hak kilh chunglam deuh ah chuan glass a dah bawk a perfect a ni tawp.



"Kal ila, i kal thei ang maw mumang nen ila awm hmel si" ti a ka bula a rawn din rual chuan a banah ka lo beng pawp a a nui chhuak nghal hawk a "chimawm viau zel suh aw" ka ti zui hlak bawk.



Engmah sawi lovin in kai rial in kan chho dun a kalkawng te chu a tawi ka ti thar riau lehnghal. Kawngpui ah chuan Car dum pakhat hian alo nghak reng a a zawn kan thlen rual chuan hawn chawp ngailo in chhunglam ațang an rawn hawng riai riai a.



"Ka kal ang aw, lo in enkawl țha la hrisel deuh a hmuh leh che ka duh ania" a ti sup, ka bu nghat a "nangpawh hna te kha zu thawk vak vak lo la chaw țha deuhin ei la hrisel deuh a hmuh che ka duh ve ania. Kal tawh rawh in tlai lutuk ang" tiin Car lam chu ka thlek zeuh a a thaw chhuak hawk.



"Theihtawpin ka venghim ang che, dîpna tel miah lo a ka ta inih theih nan theihtawp ka chhuah bawk ang" a ti sup a, min fawp vang vang in ka chal ah chuan a rawn fawp leh vang vang a maimichhing in a ban rek ah chuan ka lo vuan ringawt bawk. A sawi hrethiam lo mah ila amah hi ka ring tawk a engpawh ti dawn se a ti thei ngei ngei in ka ring bawk.



"Kal tawh rawh a tlai zel ania" ui viau mah ila a chelh beh reng theih loh avang chuan ka ti leh a, a țhu lut lai chu ka en ve reng bawk. Kawngkhar a khar hma chuan ka kut ka vai zeuh a nui suk in a rawn vai let ve mai bawk.



An tlan liam lai chu ka thlir reng a, ka ngai nghal vawng vawng mai, engtikah nge ka hmuh leh ang? Thla engzat hnuah nge ka hmuh leh ang? Dam țha in hrisel taka a awm ngei ka beisei.



'Pathianin a hruai che anga i thiltih naah pawh i hlawhtling ang tih ka ring tlat, kan inhmuh leh hmasak ber hunah hrisel taka ka hmuh theih nan che chaw ei țha la mu tam la, uchuak khawp in hna thawk suh aw' Car thlir pah chuan ka ti rilru sep sep.



"Ka ngai nghal che Eddie" ti chhuak sep in ka biang chu ka tuai nghal zeuh bawk.

☆


Show post links
Top