HEY DADDY By Mami pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HEY DADDY By Mami pachuau (Completed)

Unread post by Ngaia » May 1st, 2022, 10:03 pm

HEY DADDY CHAPTER - 19

Ziaktu : Mami pachuau



Ka mutna room lam a let lo in Nghaki te awmna lam ka pan chho a tumah an lo la tho lo zui. An vaiin ka kai tho vek a nizana chaw ei hma a haw an sawi zuai kha an lo ti tak tak ania nge tumah phun lo in an tho ve teh mial a ka thawh hma bik zia thu an sawi sap sap hlawm bawk.



"Tinge.. i mu theilo mi ivan tho hma em em?" Ham bai bai pah in Nghaki chuan a rawn ti a, bawnghnute min rawn pe zeuh in ka bulah chuan a rawn țhu thla zui nghal bawk.



"Mu thei e.. Eddie-a chhuak thawm in min ti harh a" ka ti a, hnai lutuk ah chiang fek fawk hian min rawn en a, a hmai chu ka nawr sawn sak nghal vak bawk, thawh hlim hmai la phih loh laia khatiang khawp a chiang a lo in en te chu a..!



"A chhuak tawh maw? Tinge? Nizan vel khan engmah a sawi si lo a Esi ava hrilhhai dawn..." a ti zui nang nang "tihtur pawimawh a nei thut aniang, mipa ho hi an kim lo khawnge an awm hlawm a?" Tiin ka hawikual a, kan luh thuk lutuk chuan ka in puang leh vek palh ang.



"An tlan in ka hria taka enteh, Dinpuia hi i bulah a awm lo i ti ve em? Nizan te khan a hnaih che ka rin nen a hnaih lo hrim hrim che a a en âwm che pawh ka hrelo, mak ka ti rapthlak mawle" hmalam thlir vang vang pah hian a rawn ti a bawnghnute chu ka lem zeuh.



Ni e... khati khawp a helai hmun kan thlen hma a min ngaihsak kha ka awm ve tih pawh hrelo ang hmak in a khawsa leh a ka lo ngaihtuah lem lo a sawi tak ah chuan mak ka ti ve ta riau mai.



"Nia thing kan lakkhawm zawh hnu ațang khan kan la in be leh lo reng reng ka lo ngaihsak vak lem lo a i sawi ta chu mak ka ti ve riau ka ngaihsak loh lutuk vang nge ni a hmel pawh hmu lo ang vel ka ni chutiang vel chu" ka ti let a, a bu nghat nghat.



"In in siam zo tawh ami?" Esi leh Malsawmi chu kan bulah an rawn țhu thla a zing kar kar ah sprite te zu in vela mawle.



"Kei chu intihfai a ni mai hei ka in zo anga ka zu in tifai ang" ka tih lai mek in Nghakdâki'n "Eddie-a a chhuak daih tawh nih chu a hrilh che em?" Alo ti thawt thawt.



"Umm... nizan khan min hrilh alawm a hna a zawm a ngai tawh a chuvang chuan a chhuak hma nih kha" awlsam zet hian a rawn ti a mak ti hmel pawh a pu miah lo, nizan khan Eddie-a kha ka hlat ah a awmlo tih tluk ania an inhrilh lai âwm reng ka hrelo.



"In mu thei em kei chu thosi an tam lutuk a mut har ka ti lutuk" in hiah neuh neuh pah in Malsawmi lah chuan phak zet hian a rawn ti a kan nui ta hak "hal ve rawh kan ti kan tia a awm lo ang te i ti vel thawt thawt a nih kha haw vual sen tût mai rawh" Lalnghaki lah chuan tham lo zet hian a ti let a an inhnial zui lehnghal der.



Hemi te pahnih hi chu an awmdun tawh chuan an inhnial ngei ngei.



Ka sana bun chu ka bih zeuh a ka ding ta hluai "enge?" An lo ti hû hlawm a, dar 7 leh chanve alo ri țep tawh.



"Insiam ila chhuak vat ang u kan tlai dawn lutuk, nangni pawh in hna in tlai anga sin che vat vat ang u" ka ti zung zung a, min biakna pawh ngaihsak tawh lem lo chuan ka room pan in ka kal thla a mipa ho walk zo rawn haw ho pawh hmanhmawh taka che turin ka hrilh thla zung zung a mak min ti hlawm viau ta ve ang.



Ka bag ken ah chuan ka thil ken ho chu ka dah lut sawk sawk a ka hawikual lai mek a mutna a ka phone awm êng va va ka hmuh rual chuan ka ban vat a alo tawp chiah, kan en chu Eddie missed call 6 lai alo awm ka phone kha ka keng chho miah lo tih ka hre chiah.



Ka call back tur chu aman a rawn call leh ta zawk a a rang a rang in ka pick vat a "ivan la theilo ve, i mu nawn leh ami?" Nuih insûm fê hian a rawn ti nghal a, mutnaah chuan ka țhu thla a "mu nawn leh lo ka phone ka lo keng chhuak lo hrim hrim a kan lo haw țep aw kan insiam mek hlawm a" ka ti a, a rawn thaw ri ham ham a.



"A nih chuan in lamah ka lo nghak mai ang che i pa nena thil sawidun tur kan nei a" a rawn ti a.



"Umm... pawilo zawk, dar engzatah nge in chhuah dawn tak?" Ka ti leh.



"Dar 10-ah aniang, min lo hruai turin private helicopter an rawn tir a chawlh la ve midang pathum nen kan chhuk thla ang, rawn let vat rawh" a rawn ti nghut, ka nui sêih a.



"Ka insiam zo a ni mai a midang hman hun a ni tawh mai a nih ka dah ang aw ka han tur vat vat hlawm ang e" ka tih chuan thleng vat tura min ti leh hram in keimah zawk chuan ka off hmasa ta zawk a. Ka lo duhthusam ang chiah a ni, kan inbiak vawikhat naah pangngai deuhin thil kan sawi dun thei a.



Ka bag chu ka nawr chho a midang pawh an lo chhuak khawm sap sap a, Dinpuia chu ka melh zawk a mahse midang bia in alo hawisawn hman a ka hmusual nge ka hrelo a biang leh a hmui ah sawn pem a awm tlat in ka hria.



"Jane...ka car ah lut mai rawh, Dinpuia chu Chhana nen an ni dawn sia" Esi chuan a rawn ti a, bu nghat in kan bungrua vel chu kan thiar lut zung zung a ka luh hma in Dinpuia awmna lam chu ka melh phei leh a alo hawi ve chiah a min hmuh rual chuan nui suk in Car kawngkhar chu a hawng a a lut zui daih bawk.



Ka hmusual lo tak tak, a biang leh a hmui kha an pem tak tak tumah in tibuai kan awm si lo a a mak takzet.



Rilru khingbai ru zetin Car-ah chuan ka țhu lut a seat belt ka hren mawlh mawlh lai chuan ka insûm leh thei ta pek lo "Es.. intibuai kan awm si lo a ngatinge Dinpuia hmui leh biang saw a pem a? A chhan i hria em?" Ka ti a, min chhang lo in a ngawi vang vang.



Amah ka en chuan seat belt alo hreng ve mek a "ka van hrelo ve, intibuai kan awm loh chuan pem ngawt thu a awm hleinem i hmusual aniang.. kal ang aw hma hruai tur kan ni bawk si" tiin min rawn en zeuh a kan tlanchhuak nghal bawk. Zêp nei a ang riau eng emaw tak thil thleng chu a awm chiang alawm.



Ka phone chu ka phawrh chhuak a Eddie-a chu kan chhuah chiah thu ka hrilh a Dinpuia chat-ah chuan ka lut nghal a alo online ve mek bawk *ngatinge i biang leh i hmui kha an pem a?* tih chu ka va thawn a a seen hun ka nghak ta reng.



*Kut tum kan dawng ve hlek a nih hi, ka hnaih loh tur ka lo hnaih pawh a ni mahna engah mah ngai suh ka țha e pem satliah ve mai a nih hi* tiin a rawn chhang let a, message chu ka chhiar nawn ka chhiar nawn mai, a thu rawn sawi hian kawh tum a nei chiang alawm.



*Keimah vang a ni em?* ka va ti leh, a seen nghal a a typing zui nghal bawk.



*Ni teh nang aw... engah mah ngai suh ka tih kha nizanah Chhana nen kan ti ve deuh hlek a nih hi, chuang țha hle hle rawh* tih a rawn thawn leh a ka chhang ta lem lo.



Thup eng emaw tak chu an nei hlawm chiang alawm ka hriat ah intihbuai kan nei ngai em em lo chuan Chhana midang kut thlak ngailo ber hnen ațanga a dawn chu ka ring lo bur, thil eng emaw tak inthup chu a awm chiang a ni.



"Engmah ei lo in kan chhuak sia ei tur lei lawk ang" tiin Car chu a tiding a a hun tawh lo asin mawle "i rawn chhuk ve dawn em?" A tih chuan ka lu ka thing mai a a ni erawh chu a chhuk a midang pawh chuan thil an lei sap sap a kei erawh ka rilru hmanhmawh tawh dan chu.. Eddie-a alo kal hman daih ka hlau.



"Kha... engmah ei lo a awm reng ai chuan heng hi ka lo lei che min pe tawh kher suh aw" tiin appy leh rice cake hi min rawn pe a ka lo la ve mai "Saturday-ah i chhuk tawh dawn sia min zu theihnghilh leh amaw kha ania nga" tiin a tûm hmak a, ka nuih a.



"Nge ka theihnghilh ngawt ang cheu, nangmah ni zawkin min lo be duh ngailo nih kha" ka ti ve nghat a, a tlan chhuak a "aw... keini chu engtik lai pawn kan hman a mahse nang chu i hman ve lo a i lehkha zir lai kan tihbuai che kan hlauh vang che in kan rawn call ngam lo che a i rawn call hun kan nghak a nang lah chu i reh ang vung vung a" a ti leh.



"Keiin in lo call hun ka nghak ve thung a" ka tih chuan kan nui ta hak hak.



Khawchhung kan luh in kan in lamah min drop hmasa a ka bungrua te kan thiar thlak hnu chuan keimah a ka tih theih tawh thu sawiin ka kal luih tir a inchhunga a rawn luh ve chuan Eddie-a khan ka lo awm ang kha a ti sia an inhmu palh ang.



Bawr zetin in lam pan in ka in hnuk phei a kawngkhar ka hawng tur chiah chu chhunglam ațanga an rawn hawn avang chuan ka tawlh hnung dat a mahse a in hawn zau ruala ka mi hmuh avang chuan ka thaw ham ham.



"Min lo call mai tur che nia" ka bag vel en pah chuan a ti sup "a ngai kher hleinem a harsa chuang lo a i awmna a rei tawh em?" Ka ti lêt a, a mit a ti zîm sun a a thawmhnaw hak alo thlak leh tawh a zinga a hak ang kha chu a ni tawh lo.



"Rei lo e, khawi i bag kha lo la rawh. Nidangah ka awm ve tih i hriat reng chuan min call ziah tawh ang che nangmah maiin thil lo ti tawh suh i ke pawh ala dam chian lutuk loh kha" a ti sup a, ka bag chu ka pe a "ka hria e boss, ka nu leh ka pa an awm ve ve ami?" Ka tih chuan a bu nghut.



"Nizanah i nu leh i pa i call miah lo ami?" A ti leh a ka dar ka sân ak a "call nachang pawh ka lo hre lo a nuam ka ti lutuk aniang" țhen zui sak pah chuan ka ti a, kan in a kan awm avanga a mizia hi danglam a ni tih pawh ka hre rîn rân.



"Ching tawh suh aw an ngaihtuah lutuk che tih hre reng la, lut ila" a ti a thuâwih takin ka bu ve mai bawk.



Inchhungah kan inzui lut a ka nu in min rawn hmuh rual chuan ka bag vel chu la vat in ka call loh avangin min hau zawm zat a ka pa lah in alo tui hnih ve khanglang bawk. Eddie-a bulah min lo rel leh hrep tawh aniang chu mawle chuvang aniang hepa pawh hian khatia a sawi nachhan, an va hahthlak dun tak..!.



Ka intihfai hnu chuan insiam sa thlap in ka chhuk a ka pa in "Bawihi, Eddie-a hi va zui la i u thil rawn thawn va la ta che" alo ti a, a ngaihna hrelo zetin amah chu ka en a mit min lo siai suk.



"Enge alo thawn a?" Ka ti a, hepa hian chhuanlam a siam nge ni a alo thawn tak tak tih ka hre der lo.



"Ka va hre mai lo ve i nu nena an in chah ania i chhuah dawn tho chuan lo lam nghal law law rawh" lehkha en mawlh mawlh pah chuan a ti a "umm.. a remchang alawm, i hman chuan kan kal dawn mi?" Ka tih chuan nui suk in alo bu nghut a ka pa hnenah chuan a file ken chu pe in a rawn chhuak a pawn lamah chuan kan in zui chhuak nghal bawk.



"Ka u chuan thil alo thawn tak tak ami?" Garage lam pan pah chuan ka ti hlak "thawn tak tak e, ka fiamthu i ring em ni?" Tiin a nui suk a min en rawn en zeuh a.



"Ring ve tho e ka hre lawk bawk si lo a min ti bang bo hman alawm. Enge chhuanlam atan ka siam ang ka lo tih vel lai tak ania" ka tih chuan a nui chhuak hawk a.



"Tunah chuan tumah an awm tawh lo a ka tih chak ka tih ve thei tawh em?" Tiin ka bulah a rawn ding a ka mit ko ka lo sân ak a, ka hmui bulah chuan rawn kunhniam in a kutzungpui chuan a rawn tuai zeuh a "heihi" a tih sup rual chuan min rawn fawp zui nghal a hnar chi a nih loh rapthlak lutuk avang chuan ka lo fawp let ve nghal tân tân bawk.



Helipad lam pan in kan tlan chhuak a, ka u thil lo thawn a Car hnungah a awm reng tih a sawi phei chuan ka nui ta hak. Chhuanlam atan a țhat dawn avanga lo keng lut lo te alo ni ve khanglang a rem a hre phian mai.



"Saturday-ah enge i tih dawn?" Ka ti a, a kut pakhat in steering a hûm a lehlam in ka kut "Umm...Saturday-ah chuan VIP escort tur ka nei a" tiin a nui suk.



"Tunge? Ka hriat ve a rem em?" Ka tih chuan min rawn melh zeuh a a nui leh suk. Engemaw a hriat ni.



"Rem e.. hmeichhia ania hmelțha leh duhawm zet ania" a tih rual chuan ka ner nâng "chutianga han sawi kher a hming in sawi ve mai la" ka ti hlak, a nui hawk a.



"Order ka dawn ang in Jessica Williams ani dawn a"



"Jessica Williams, model kha maw? Chhelo deuh kha" ka tih chuan a bu nghut "wow! Ka model duh ber a nih kha țha deuhin veng rawh aw.. ka hmu ve chak thei tawp a ka la hmu ve thei êm ang chu" ka ti vang vang. Higher kan kal lai ațangin ka duh tawh a tun thlengin hmuh ka la tum ngat ngat hmuh ka tum nghet bur bawk.



An thlawh chhuahna tur helipad kan thleng a midang pathum chawlh la a tih te pawh an lo thleng tawh a Eddie-a chu chibai an lo buk zeuh a ka kawnga kuah chunga a bula ka kal ve chu mak ti hmel pawh an pu lo chuan Mizo pawh an ang lem lo.



"Jane.. heihi Kimi ania, Kim in thleng thlah haw leh ang che, chuan car hnungah sawn parcel a awm a la chhuak la i Car-ah khan lo dah ta che" Eddie-a'n a tih chuan thuawih zetin a kal a ka en zui reng. Tianga mi a tih theih chuan a hnathawh naah a lal viau in ka ring ve tawp.



"In hre țheuh anga hna kan zawm dawn a discipline in ngaipawimawh thar leh ang a in hna reng reng buaina awm lo a felfai taka zawh thlap tur tih pawh kan in hrilh fo a khu lam kan thlen thlak veleh kimchang taka report pek in theihnghilh tur a ni lo, a chiang em?" Nghet zet hian a ti a an pathum chuan an la chhang rual dial lehnghal.



"Bag vel hi hlang chho ula chhuak mai thei turin in peih sa rawh u" a tih leh rual chuan an kal darh ta sang sang.



"Eiss... che boss rem rem hle mai, thu min pe ve dawn em?" Tiin ka melh chho a alo nui suk "ka kiang ah awm reng rawh, engvang mah in peng hrang suh ang che" a rawn ti ve nghut a hawisawn in ka nui chhuak ta hak a, amah pawh chuan ka bek ah a rawn fawp ve vang vang bawk.



A chhuk thla tur hi lo huphurh viau mah ila kei a lo dan theih ngawt a ni lo a chuvang chuan ka ti lang duh lo law law, chelh beh duh viau mah ila kan awm hran a ngai miau sia engtikah emaw chuan kan la awmdun ve thei mahna.



"In thlen veleh min lo hrilh la" ka tih chuan hnunglam ațang min rawn kuah a ka darah khabe nghat in ka nghawng chu a rawn nul leh thuak țhin "ka ngai nghal che" a tih chuan ka nui dat a, ka dul a a kut a nghah chu nghet zet hian ka vuan zui a.



"Kei pawn ka ngai dawn che mahse tunah chuan i bulah ka la awm reng hi. Zêp loh chuan i chhuk hmasak khan ka chhunglam hi a lo khawhar ve ngawih ngawih a ka haider lui hram hram a mahse a sâwt lo asin aw" ka tih chuan a nui nghawr dat a "i sawi tawh alawm" a tih rual chuan amah chu ka thlek nghal hâ a ka hmuiah chuan alo fawp zeuh.



"Engtikah? Engtikah nge ka lo sawi hman thawt thawt a.?"



"Umm... i ruih viau zan khan i sawi alawm, 'ka chhunglam hi a khawhar ru ngawih ngawih a a țhing tawp!' Tiang chuan" tiin ka sawidan ni âwm tak nen chuan ala rawn sawi ham ham zui "ava zahthlak ve" ka ti niah niah, ka hre tawh lo lutuk chu ka nui ta ringawt.



"I ruih laia i sawi ni mahse ka lawm tho ila nui ang hek hek zui a i rui lai hmuh ka chak rual rual in ka buaipui chak hle bawk che" tiin ka biangah chuan a rawn fawp vang vang a ka nui ta sêih "ka vawikhat in ve na ania ka rui nawi viau aniang ka țhiante pawn sawi nuam an tia mahse an mahni khan ka duh lo chung min in luih tir a mahse ka in kha alo thlum pep pep sia ka in țeuh phah" ka ti leh a, engmah sawi lovin min kuah nghet sauh bawk.



An thlawh chhuah a hun tawh avangin inenkawl țha tura min hrilh in leh min ngaih dawn zia thu sawiin ka chal ah leh ka hmuiah a fawp vang vang a Helicopter-a a lut lai chu ka thlir ta reng bawk. An thlawh chhuah rual chuan ka ban ka vai lauh lauh a min rawn hmu pha kher tawh lo maithei a ka kut chuan love sign ka siam pah zeuh bawk.



Sipai indonaa kal tur a ang takzet, awmdun chak viau mah ila a hna avangin kan awmdun theilo a kan awm hran reng a ngai a ka zui theilo a sipai ang mai a a indonaa kal tur thlah ka ang in ka in hre tlat lehnghal.



"Kan let tawh dawn ami?" Kimi a tih nu in a rawn tih chuan ka bu nghat a, Car a dahna lam chu ka pan phei a a hnungah chuan ka țhu lut a a rawn țhut luh ve rual chuan kan tlan chhuak nghal ti tih.



"Eddie nen in inhriatna a rei tawh em?" Ngawih reng aiah tiin ka zawt a front glass ațang chuan min rawn melh zeuh a.



"Rei ve tawh e ka boss a ni reng țhin alawm tun thlengin, helama a rawn chhoh chang in ka buaipui țhin a mahse a rawn chhoh khât êm avangin a nu leh pa leh a naute ka theihna lai apiangah ka lo enkawl țhin" a tih chuan ka bu nghat nghat a, țhenkhatin an sawi danah hian ka u bodyguard chiah a ni lo tih rin dan ka thiam mai mahse a hnathawh zawh buai ka tum lo ka tih kha aman a duh hunah chuan min hrilh ve mai ang.



"In inhmeh takzet, Boss hian a en ang che in hmeichhe dang tumah ala en ngailo" a tih chuan amah chu ka melh vat a "hmeichhe dang chu engtin nge a melh bik a?" Ka ti ringawt.



"Ah... ka tih awmzia chu nang chiah hi inngaihzawnna thil velah a hmeichhe hnaih awmchhun ila nia amah ngaizawngtu ang leh hmeichhe dang hrim hrim chu a melh ve țâwk a ni mai, a thawhpui hmeichhia te pawh mipa ang vek hian min ngai țhin" a tih chuan ka ner ta nâng a ka âwih loh hmel a ti nge ni.



"I âwih lo maithei a mahse thudik ania hmeichhia a ngaihsak loh dan chu.... fanghmir tereuhte angah hian a dah ni mai hian kan hre țhin a a melh țâwk a ni mai ka tih kha mahse chutichung pawh chuan ala luck em em tho a a hnuaia awm te leh a thawhpui tam tak te chuan kan ngaina em em thung" a rawn ti a, ka nui ta ringawt. Amah la zawt ila a țha ang.



In lamah ka tlang a parcel pawh Kimi khan min dah luh sak vek a ka mut a chhuah êm avangin ka nu pawh en pui lem lo chuan room lamah ka chho a khum ka deh rual in reilotê ah ka muhil zui nghal a ni deuh ber.



"Bawihte... i in pack kim maw i en țha leh tawh em?" Ka room a rawn luh pah in ka nu chuan a rawn ti a "kim chuan ka hria, a kim loh leh pawi tawh lo mai ka mamawh ang ni a ka hriat chu ka khung vek tawh" ka sam țawn mawlh mawlh pah chuan ka lo ti let a.



Vawiin hi ka chhuk hun a ni tawh a kei ai ka nu alo phili buai leh tawh "ka sawi chu i hria em?" A rawn tih chuan amah chu ka en zawk a "ka hria" kan ti ve ringawt a ka ngaithla tawp si lo.



"I hrelo, i hre hlawllo. I thil reng reng midang hman tir tawh lo la nangman fel takin dah thlap thlap tawh ang che thawmhnaw in hak țawm te hi a țhalo ania, i awm hmasak ang a ka thawmhnaw an hawh a min pe leh lo tih ang te kha rawn ti tawh lo ang che" a ti mawlh mawlh a uar zet hian ka bu ta nghat nghat.



"I hman chuan chhuk ila i pa in min nghak reng tawh ania" a ti a, bag pakhat chu la lawk in inhnuai lamah kan chhuk thla a bungrua vel chu motor-ah hlang lut in Airport lam chu kan pan nghal a kan tlai lek lek tawh.



Kan thlen meuh chuan kan intifel nghal zung zung a ka nang hman lo teuh kher lehnghal.



Ni thum chhung lek khan Eddie nen kan inbe mumal lo a a buai a nih ka ring ve tawp bawk. Zingkar hma taka text min rawn thawn ka thawh veleh ah ka chhang let a mahse chumi chu zan lamah daih min chhang let țhin a call pawn kan la in be miah lo bawk.



Ngai viau mah ila biak hmasak ka tum lo a kei pawh lehkha zir tur ka la nih avangin ka awm thiam theih nan ka lo inzir lawk tihna a ni mai ka ti ta hmiah, inbe reng ta ila chu biak reng kha ka tum leh emaw kha ania nga ka awm thiamlo leh mai ang.



A hun takah Kolkata pawh kan thleng a ka țhiannu in min lo nghah dawn thu a sawi avangin ka zawng ru deuh a mahse ka la hmu mai lo zui ka call lah in call a chhang thei bawk si lo.



Airport ațang ka chhuak a mahse kawt a mihring lo awm ka hmuh rual chuan ka khek chhuak țhat ka beisei loh hlawm tawp thil a ni. Eddie chu suit nena inthuam thlap in alo ding reng a nih chu.



Ka mit vai mai mai a nih ring in ka mit te chu ka nuai vel a mahse ka men veleh amah ka hmu leh nghal tho. Engtin nge hetah hian alo awm theih?.



Ka dinna a ka din reng avang chuan nui suk in min rawn pan a, ka beisei loh lutuk thil a nih avang hian chêt sawn nachang pawh ka hrelo "ka VIP escort tur chu alo thleng ta e" ka hmaa a rawn din rual chuan a ti nghal sup bawk.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:03 pm

HEY DADDY CHAPTER - 20

Ziaktu : Mami pachuau



"Hetah engtin nge i awm theih?" Ka ti hliai, mak ka ti lutuk chu ka thup hleithei lo a nih hi maw "i zawhna zawng zawng chhanna chu Car-ah aw, ennawm kan siam hma in kal phawt ila" tiin ka hmai zawnah chuan a rawn kunhniam a ka la en ngar ngar.



"A tak tak ini tiraw?" Ka ti leh, alo awm thut bawk sia âwih har ka la ti tawp. Nui suk in a rawn awm hnai leh a ka la chesawn lo hrim hrim "a tak ka ni e Jane.. i mumang a ni hauh lo ania" a rawn ti a, ka kut chu phar chhuak da da in a biang chu ka khawih a a tak ngei a ni tih ka feel rual chuan ka thaw ham ham.



A biang ka khawihna ka kut chu a rawn la a a hmui zawnah chuan dah in a fawp vang vang "a tak ngei ka ni tih i chian leh zual theih nan mi zawng zawng hmuh ah hian ka fawh kher che i duh em? Ka chak viau ania" a rawn ti sup, țhen sak in ka lu ka thing nak a.



"A mak ka la ti tho, mahse kal zawk ang" nuih seih pah chuan ka ti a ka kutțang karah chuan a kutțang rawn rawlh lut in nghet zet hian a hmer zui nghal a "kal ila" a ti ta sup bawk.



"Mahse lawk, ka țhiannu in min lo nghah tur thu a sawi a mahse ka hmu bawk si lo a" tiin ka ding dat, ka hawikual nghal ruai a mahse ka țhiannu hmel reng reng ka hmu lo.



"A ngaih loh thu hrilh in ka tir haw tawh, in awmnaah alo nghak ang che" a ti a, amah chu ka melh chho a min lo en reng "ivan che rang ve" ka ti ta tawp ringawt.



Amah si chêt in min kal tir a khang ni thum chhung khan ka lo ngai hman takzet a ni tih ka hre thei "VIP escort tur ka nei iti bawk sia" ka ti leh, ka la ni hûi thei mai ah..!.



"Ka VIP chu ini alawm Car-ah lut phawt ila ka hrilhfiah vek dawn che nia" tih pah chuan Car kawngkhar chu min hawn sak a rilru bet lo zân chung chuan ka țhu lut a a hnungah ka bag chu dah in driver seat lamah chuan a rawn țhu lut ve a ka lo en reng.



"Ka la ni hûi mai" ka lo ti leh hram pek a min rawn en pah chuan a rawn nui hawk a, ka lamah rawn âwn hnaiin seat belt chu min rawn hren tira a zawh chuan chiang zeta min rawn en in ka hmuiah chuan a rawn fawp vang vang a min thlah ruala ka hmui hnuai a seh rual chuan ka rak chhuak țhat..!



Nui hawk in min thlah a ka hmui chu ka tuai vat a ka kut ka en chuan thisen alo kai a amah chu ka melh zeuh, nuih insûm zet hian min lo en reng a "tikhan ila ni hûi em?" A rawn ti nih chu..! Ka hmui chu a thîp takzet.



"Ni ta hûi lo, ka hmui hi a thîp hle a chu chu ni mai" ka hmui tuai leh zeuh pah chuan ka ti a, rawn awm hnai leh in ka hmui hnuailam chu a rawn pet a thlah in amah zawk chuan a rawn tuai zeuh a "i sexy zual lutuk" a rawn ti sup.



"Kal tawh ang zawhna chhan sen loh ka zawt dawn che ania" țhut țhat pah chuan ka ti a , nui suk in seat belt chu a hreng ve mawlh mawlh a ka hmui chu a thi duh êm avang chuan ka tuai leh mawlh mawlh țhin.



"Jessica Williams kha ka veng dawn i ti amaw ka tia?" Kan tlan chhuah hnu chuan ka ti a, ka hmui chu ka tuai leh zeuh "Chhuanlam a nih kha i duh tih ka hriat avanga sawi ka ni bawk" a rawn ti sup ka țhen sak a.



"A nih chuan ka chhuk hunah min rawn lam thei dawn tih i hre lawk a min hrilh mai duh lo in chhuanlam ilo siam ve khanglang a ni maw? Mahse engtin nge min rawn lam theih a i buai viau in ka hre sia" ka ti a, ka kut chu a rawn hûm a.



"Information ka dawn tawh ang in niminah helai hmunah hian meeting nei turin kan kal a, chuan a remchan tho avangin Miriami'n nangmah buaipui nghal tur che in min ti a tichuan a fiah em?" A rawn ti a.



"Min hrilh ve mai tur ania, a nih ka u chu alo kal ve em?" Ka ti leh.



"Kal lo, ka hna lamah zawk ania meeting turin ka lo kal. Khang ni thum chhunga mumal a ka be theilo che erawh pawi ka ti takzet" a rawn ti zui a, nui hak in ka lu ka thing a.



"Pawi ti suh, i buai ka ring hrim hrim alawm bakah maw... a pawilo zawk. School naupang kan ni tawh lo a hna leh zirna avangin kan inbe reng theilo a a țha zawk a hunah tiang hian kan inngaihsak leh tho a. Bakah keiman awmdan ka zir pah a ni mai lehkha zir ah rilru ka pe theilo palh anga sin" ka ti a, steering chu a herh kual mawp mawp a.



"Keiin ka thei ve reng dawn hleinem, khang ni thum chhung kha chu ka buai êm vang ania pawi ka ti, a thleng tawh hauh lo ang" a ti ta nghut.



"Hey.. khati khan awm lo teh. Kan in biak reng avang khan kan in duhna a zual sauh zawk tihna pawh a ni lo a. A tir ațangin a hnu leh zel atan awmdan kan lo zir lawk tihna a ni mai a a țha zawk alawm, a huna kan inngaihsak a kan rinawm chuan a tawk a ni mai" ka ti a, amah chu ka en a engmah sawi lo in hmalam a melh ngur a biak pawh a min chhan loh tum hmel a put avang chuan ka ngawi ve ta reng.



Kan awmna block kan thleng a, engmah sawi lo in a țhutna ațang a tho chhuak a kei pawh ka tho ve vat. Car hnunga ka bungrua a dah chu ngawi rengin a la chhuak a Car ngheng chungin ka ding a a chevel chu ka lo en reng.



"I thinrim a ni maw?" Ka ti a, min chhang lo inkuangkuah at in ka ding reng a min la en duh țhak lo lehnghal. Ka thusawi avang khan a lungawi lo a ni hrim hrim.



"Ih.. nichina ka thil sawi avanga i lungawi lo a nih.." ka sawi zawh hma hma chuan "lut ila" en pawh min en lo chuan a rawn ti hmuk. Hmelchhepa chuh!. A tihtauhna turin enge maw ka lo sawi le.



A kal chu tlan meuh in ka zui a a hmaah chuan ka va ding chawt! "Ngatinge hetiang hian i awm a? I lungawi loh chuan sawi la ka thusawi ah khan lungawi lohna tur ka sawi pawn ka hre si lo a. Kan tan a țhat zawk tur thu leh kan lo inzir lawk anga tih ka sawi mai a nih kha, chutiangin lungawi lohna tur ka sawilo ania aw" tiin amah chu ka en reng.



"Chutiang engmah a awm lo lut tawh ang" a aia hriat nuam zawkin a rawn ti a, lu thing nghat in ka kut ka kuangkuah țha leh a amah en reng chung chuan a hmaah chuan ka ding reng a.



"Khatianga i awm chhan i sawi hma chu kan lut lo ang" ka ti ve ngat.



"Jane.." a rawn ti nghut.



"Umm.. enge? I hmaah ka awm reng, chuan ka sawi tawh ang khan khatianga i awm chhan i sawi hma loh chuan kan ding reng ang min tilui miah suh ang che" ka ti ve ngat, amah chu ka melh deuh ram ram a a thaw chhuak hawk.



"A țha e, ni thum chhung kha chu sawi lang lo law law ang a thleng tawh lo ang. Chuan biak loh reng che kha ka thiam dawnlo, engtik lai pawn ka ngaihtuah che tih hria la ka duh reng ka ngaih thu che nen. Chuvang chuan hunâwl ka neih ve lai a nih chuan biak reng che ka duh" a rawn ti ta nghut, chhunglamah chuan ka nui a mahse ka tilang dawn teuh lo mai.



"Mahse chuvang ringawt chuan i thinrim a? A naupangchhia emai. Bakah lehkha ka la zir a ka dinhmun min ngaihtuah pui a ngai ve alawm, lehkha zirah ka tlak chhiat chuan ka pa in min sâwi a ni mai. Ka tla chhe ziah ania aw chuvang ania ka tan chuan inzirna ka tihna chhan min hriatthiam tum ve la" ka ti a, tun țum chu ka ti tak tak tawh. Min hriatthiam tum ve se.



"Lehkha zir tawh lo mai rawh" a rawn tih chuan ka tum loh puiin ka nui ta ringawt, a ni pawh a nui ve a a awmdan hi naupangchhia a ti ve leh hnuhnawh pawh ania nge. Mahse a lawmawm tawp amah a lian ve sia.



"A theih ngawt hleihnem, ka zo țep tawh a ka zalen ve țep tawh min nghah fan fan a ngai ania tun chiah hi a ngai tawh" tiin amah chu ka nuih var var a, a nui ve ta suk.



"Ka nghah rei tawh zia che ngaihtuah chuan a tawp khâwk tawh zawk" a tih chu ka hre reng, ka hriatthiam loh miau avang chuan a awmzia ka zawt duh lem lo, tunah chuan ka bulah a awm a chu chu enjoy ka duh hmasa ber. Min kalsan leh vat dawn sia.



"Lut ang le" a rawn ti sup.



"I titau tawh lo maw?" Ka tih chuan a rûm nghut, ka nui hak a.



"Ka titau hauh lo" a ti ve ringawt a, ka nuih ru tut tut ringawt. A duh lo viau chu a ni phawt a mahse a titau miau sia an hrelo der ngei ah..! Ka duh emai ah..!.



Kan awmna floor kan thlen chuan pangngai zawkin kan in be thei tawh a, a hna chungchang eng eng emaw min hrilh ve a mahse ka hrethiam nei nuai lo.



Kan awmna room a in kalh avang chuan phâwk zet hian ka meng a "a chhuak amaw ni le" tih sap pah chuan chahbi ka ah chu phawrh in ka hawng a, a chhungah kan luh pawh chuan alo felfai thlap bawk si.



"I tir haw ngei maw??" Ti a Eddie-a ka biak lai chuan ka phone a rawn ri a ka en chuan ka țhiannu Sangsangi chu alo ni.



"Khawnge i awm a? Kan lo thleng tawh a mahse ilo awm si lo a?" Ka ti a, ka hawikual deuh zuai bawk.



"Aw.. nia, chanchin hrilh tur che in ka phone tlang thei lawk lo che a. Hetah, kan chhungte Mizo ve tho te inah ka kal a zanin chu ka riak ang aw riak turin min ti a chanchin hrilh vat tur che in ka phone tlang thei silo che, ilo thlen ni a ni bawk sia a hreawm tawp" a rawn ti a, țhutthlengah chuan ka țhu thla a.



"A pawilo, inthiamlo duh suh nuam deuh khan hmang rawh. In inhmu khat dawn si, a nih ka dah ang aw kan intifel ang e. E chuan ngaihdam dil nan min chhuahpui a ngai ang" ka tih zawm a.



"Ok.. pawilo, intifai rawh. Chawhmeh chu lei sa ka dah nuala siam chawp a ngai ang" a rawn ti leh a ka siam tur thu hrilh in kan inbiakna chu kan ti tawp a ka hawichhuah ruala bang ngheng a mipa lo ding kur avang chuan ka phu hram.



"Khawnge i țhiannu chu a kal a?" A rawn ti a, amah chu ka en a min lo en reng.



"Heta a chhungte awm ve te inah a kal a, a riak nghal dawn a min rawn call tlang theih loh avangin chanchin min rawn hrilh vat theilo a" ka ti a.



"A nih chuan nangmah in em ni i riah dawn?" A rawn ti leh.



"A nih mai loh in midang awmpui hek lo" tiin ka chhang let a, a rûm nghut.



"A nih chuan ka rawn riak ve dawn, nangmah chauh a i riah ka phallo min hnial suh ang che" a rawn ti nghut.



"Mahse.." ka ti chiah.



"Min hnial suh ka tih kha, lo intifai la eitur awm ang ang ka lo siam ang" tiin choka lamah ala lut daih zui.



Keimah pawh a riah chang ka nei fo a, chuan Picnic naah khan ka bulah mu tawh tho mahse tuna thil thleng erawh in khatah ania chu pawh tumah ven thawn tur awm loh naah. Aw Lalpa leh! A fiamthu nge a ti tak tak zawk le!?.




Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:03 pm

HEY DADDY CHAPTER - 21

Ziaktu : Mami pachuau



Choka lama a kal chu ka pan phei vat a ka va hmuh chuan thil siam tur alo zawng kual mek "Eddie.. i ti tak tak lo tiraw?" Ka ti leh, min en duh miah lo in a thil tih lai chu a tih zawm a.



"Ka tih tak tak loh tur ka sawi i ring ami? Va intifai rawh a awm ho hi ka lo siam ang nge bazar in tan a buaithlak dawn sia kan order mai dawn mi?" A rawn ti a, hawi pawh a rawn hawi lo reng reng. He mihring hian eng nge maw a hriat ni.



"A ngailo noodles a awm chuan ei ka duh zawk" ka ti a, a thil ken lai chu a thlêk zeuh a ala ner zui "chuan.. heta lo riah ve chu i tum tak tak ami?" Ka ti leh hram, ti tak tak lo se ka ti.



"Tum tak tak e, ka riah i phallo ami?" A kut a innem khalh chungin min rawn en rûn a "chu lam pawh a ni lo, englo.. i tan a buaithlak lo ami?" Ka ti leh ringawt, ka zâm vek!.



"I tan a nih chuan buaithlak engmah a awm lo, ka sawi chiang ka in ti bawk a a ngaithlatu in i hrechiang bawk ang a va intifai tawh la" a ti a, ala nui zui. Thaw hak in ka inher a ka room lam chu ka pan ta nge nge.



Room ka luh chuan kawngkhar kalh nghal sawk sawk in darthlalang lam ka pan a ka in en a ka biang sa vek chu ka khawih a sa tak a ni "Jane.. zâm suh, eng êm a thleng lo ang in mudun kher dawn pawh a ni hleinem chuvang chuan hahdam la thâwk la rawh" tiin mahni leh mahni chu ka inbia a.



"A... ka ning lutuk ngatinge khatiang khan awmzia a neih loh theih em em a" ti vak in towel chu ka la a bathroom lam ka pan nghal nal nal.



Ka inbual hma in ka chhungte ka be hmasa leh te te phawt a chumi hnu chuan ka inbual ta chauh. Ka inbual lai pawn ka ngaihtuahnaah amah tho zu han awm a hahthlak hian khapa khan min ti â vek tawh ka ti lo thei lo.



Ka intihfai zawh ah chuan ka lu tuam chungin ka chhuak a kawr leh kekawr hak nuam zet ka inbel a ka dam sawng sawng thei, choka lam chu ka pan vat a.



Amah tawkah alo phêt buai ve vak aniang, a lo la inchhawp hnawk em em zui engmah lah chu alo la chhum lo nge ni "eng nge i tih a?" Ka ti a, ka aw hriaiin a rawn hawi nghal vat a.



"Ka chhum thiamlo" teh tawp mai zela ka nui chak viau a chu ka insûm hram hram dawn.



"Noodles ila ei ngai miah lo ami?" Ka ti lêt hâ.



"Ei ngai miah lo chu ka ni lo kan ei pawn siam sa hlir, hetiang tak hi chu in lamah pawh ka kawl ngailo ei tam vak ka duh lo a" a rawn ti a, a lamah chuan ka kal a a chhumna tura alo lakchhuah ah chuan tui alo dah ve thlap reuh.



"Ka inbual rei ve tehlul nen ilo chhum hmin daih tawh ka ring ania" tiin noodles pack thum chu ka ban a "sorry, thiam ila chu a hmin vang vang tawh ang" a rawn ti a ka nui ta hak ringawt.



"Ka chhum dan hi lo en rawh, tiang hi ei ve zeuh a țha ngai ania a awlsam a chaw ei hman loh chang pawn, ka chhum hi i ei hunah chuan i zawngchhang chiang ngawt ang ka thiam ve zawng tak ania" tiin Gas chu ka on a noodles la a ka kheh tur chu hnunglam ațanga min rawn kuah avang chuan ka tawp a ka dulah nghet zeta min kuah bet in ka darah khabe a rawn nghat a ka awmdan a danglam leh ringawt tawh nia.



"Tian chhum la ka lo en ang che" ka beng hnuaiah chuan a rawn ti sup.



"Min dîp dawn asin"



"Dip lovang, ka kuah duh che alawm tikhan chhum rawh ka lo en ang che" a ti leh a, ka beng hnuaiah chuan a rawn fawp deuh vang vang a ka îp zui châwih bawk.



"I chhungte i be tawh em? An ngaihtuah leh dawn che ania" a rawn ti a, ka biak tawh thu in ka chhang a a let leh hun tur ka zawt zui nghal bawk.



"Naktuk chawhnu lamah kan let ang, chawhma lam erawh nangmah nena hman dun ka duh a tihtur i lo nei lawk sa a nih chuan cancel nghal vek ang che" a ti nghut roh a.



"Engmah tihtur ka nei hleinem tlem a in en lawk deuh ka lo tum mai mai a nangmah i buai zawk dawn lo ami?" Ka ti a, ka nghawngah chuan a hmai chu a rawn phum vang vang a kei lah in ka thâwk ka lo chelh ve ngar ngar.



"Ka ngai che a i bula awm ka chak a chuvang chuan ilo thlen hma in tihtur awm ang zawng zawng ka ti vek tawh ka dah bang awmchhun chu i bula ka tihtur te an ni mai" a rawn tih chuan ka nui sak a "i let leh hunah chuan i buai leh dawn sia i hman chang chang in min lo bia la" ka aw chu a zâwi ang reng.



Ka dul a min kuahna chu ti nghet sauh in ka tukhumah chuan a rawn fawp deuh vang vang a, ka dar a khabe a rawn nghah leh rual chuan ti hian a sawi a "i tan hun in siam ka tum hram hram ang, nitin ka lo be hman lo che a nih pawn min hrethiam ang tiraw?" Tiin.



"Ummm.. a ngai alawm kei pawh lehkha zir ka ngai ve tho a kan in siam rem chho thiam ve mai ang, kan inhmuh leh hun tur ala hlat hmel sia...." sawi zawm lo chuan ka ngawi a.



"A theih veleh ka lo kal ang. Ka hna khawih tur hi a hahthlak chi ania, ka chungah engpawh a thleng a nih chuan min ngaidam miah suh aw chuan thil pakhat, ka chanchin eng lam hawi zawng pawh i hriat chuan fiah turin min rawn be dawn nia, a chiang tiraw?" Thutak zet hian a rawn ti a, ka bu nghat a.



"Oh! Alo so tawh a nih hi" tih deuh hliau pah chuan a dang chu ka hawng zui leh a, ka kawr chhungah a kut a zen lut a engah mah ka ngai hranlo mahse a kut a sawn chho zela ka hnute a thleng țep tih ah a kut chu ka man beh sak a, a thaw ham ham.



"Ka fawp thei bawk si lo che a hei chiah hi khawih phal la" min ngen ti tih in ka hria. Kei erawh ka thinphu a rang dup dup a ka thâ te an khur velin ka hria "min lo tibuai palh ang" ka ti sap.



"Tibuai lo ang, ka ril a țam ania tih zawm rawh, hahdam la" a rawn ti a, maimichhing chung a thaw ham ham in noodles chu tui so ah ka thlak a. Ka bra chhanah chuan ka hnute chu a rawn hmer leh ngawt ngawt țhin ! A chang leh na deuhin a hmer a a chang leh dîm tê in, min ti zau thau zual vek.



Ka sawi tawh in ka hria, hetiang lamah hian ka junior tawh lo.



"Khawi awmsawn la ka intih buak palh ang, a dahna tur vel hi lo keng rawh" ka tih chuan vawikhat na deuh a rawn țhâm in a awmsawn a kei erawh ka thaw ham ham a, ka awmdan danglam nasa lutuk chu tih reh tum in ka maimichhing deuh vang vang bawk.



Noodles chu suak in a eina tur thleng tê ah chuan ka dah sak a "ei chhin rawh tui i ti viau ang" ka ti a, fork chu a ban ve mai.



A ei a, a țhial lai chu ka lo en reng a meng phâwk deuh hlek a "eng nge a an?" Ka tih chuan a hmui tuai zeuhin min rawn en a a hmel ațang chuan tui a tih loh hmel "a tuilo mi? Avan pawi.. tun țum chu ka chhum fuh vak lo a nih dawn hi" ner nâng in ka ti a.



Tho thut in a sira hnawmbawmah chuan a chhak kher a nih chu! Ka en reng a a rawmawl phawrh chhuak in a hmui a hru zeuh a "ngawi rawh a dang ala awm chuan ka va chhum leh ang i ril a țam âwm si" ti a thawh ka tum chu ka ban rêk ah chuan vuanin min pawt țhu a.



"A ngailo, a tui lutuk" an ti vel khanglang a, ka kut chu ka la pawp "daw lo mai teh aw, i chhah vel kha" ka ti hlak a, a nui suk mai.



"Ka fiam mai mai che nih kha a tui lutuk"



"Ka âwih chuang lo, ti der lo mai rawh"



"Ka tider lo, ei chhin la i hre mai ang" tiin fork chuan a la a ka thleng ah chuan a rawn dah a "ei chhin la a tui zia i hre mai ang" tiin plate chu a rawn chawi kâng a.



"Dawt i sawi chuan ka that ang che" ka ti hlak a, a khabe tuai zeuhin ala nui zui. Melh ram ram in fork chu ka ban a kan ei chiah chu a lo tui rapthlak. Lem khawlh in amah chu ka en rên râwn a.



"Hmela... enge a tui lo ti a i chhah vela a tui reng hi iva daw heh ve" ti chiam in ka ding chhuak a a darah chuan ka chum zui pawp pawp "a tui lo tih pawh ka sawi der loh kha ka chhak ringawt alawm" ala rawn ti ham ham zui, ka thaw hak.



"Sawi lo mah la i chhah khan a tuilo i tih zia a fiah alawm mawle aw. I va dawh heh tak ka ngei lutuk che" ti chiam in a darah chuan ka chum leh pawp pawp a nui hawk a ka kawng a rawn man in min châwi kâng nawlh a kei erawh chuan hau mawlh mawlh chungin ka ke ka lo leng chiam chiam.



Sofa a min bawh thluk tawp rual chuan ka kap karah rawn in zep in ka chungah chuan a rawn bawk a hnai sêt sâwt ah min rawn en a "a tui chuan sawi țha ve mai ta che nge i chhah kher a mahni lo mah a ka lo inthiam loh ve nâk alaiin i ril a țam tawh thu i sawi a" ti leh hlak in a darah chuan ka chûm leh pawp.



"Min ngaidam la khatianga ka tih chak vang kha alawm i thinrim lai ka hmu chak a" ti sup in ka hmui bulah chuan a rawn kun hniam a, tunah chuan ka thinrim tawh miah lo a awmdan avang hian ka buai leh tawh zawk.



"Chuan nichin ațang khan heihi ka fawp chak tawh bawk a" tiin min rawn fawp thawi thuak a a mitah chuan ka en ngar ngar "tho ang, i ril a țam kha" ka ti a, ka thinphu a rang lutuk.



"A țam a mahse chaw lo zawng pawn a țam tho, chuan heihi tih hmasak ka duh zawk" ka hmui tawk che che in a rawn phun a ka mur chuai chuai mai "min tihtir dawn em?" A tih rual chuan a tukhumah chuan dawm in keimah zawkin ka fawp hmasa a nui suk in dawhthawh zetin min chhang let ve nghal bawk.



Min pawm kang nawlh in a malchungah chuan min nghat a min fawp pah reng chung chuan ka kawr chhungah rawn zen lut in ka bra chu a hnawl tawm chho a ka hnute a hûm chawt rual chuan thaw hak in a chalah chuan ka chal ka nghat a ka thaw zui halh halh.



Ka bra chuan ka hnute khuh leh in a kut chu a la chhuak a ka mawng a hrâwm zui tâwk a, ka îp châwih rual a ka kawng a dawm a a lama min pawh phei rual chuan a darah ka hmer tâwk! Thawmhnaw pan tê ka ha a hnuailam a mi kha kan feel chian zia mai chu! Ka thâwk a ti rang zual vek.



Ka âwm ah a hmai a phûm a "Tuna kan tawp loh chuan a thleng tur i hriat kha" a ti a, ka thaw halh halh "kei chuan ka mamawh reng che a mahse i duh loh chung tih luih che chu ka duh lo. I remtih hunah" a ti leh sup, a rawn dâk chhuak a ka lo en reng. Inthunun a tumna lamah a hmai te chu a sen in a thisen zân a rawn pâwng chhuak țawlh țawlh thei mai.



"Ka in thunun thei thlâwt lo a nih kha" a rawn ti leh țuak, amah te chu a sa vek in ka hria "ka bang bik hleinem, chhunzawm rawh" ka ti sap, a mitmeng a rawn danglam a he thuthlûkna hi ka siam sual loh hram ka beisei, tawp tur chuan ka theih pawh ka ring tawh lo e a.



"Jane... i duh loh chung.."



"Aih.. ka duh, chhunzawm ang ka duh alawm chhunzawm ang. College naupang ka ni ve tawh middle school kal lai mai mai ka ni tawh lo" thaw halh halh chungin ka ti a, a ni pawh a thaw ve hawm hawm.



"I inchhir lo ang maw? Lo ti lo tawp tur ka ni asin le" a ti leh hluk, chhang lo in keimah zawkin ka fawp hmasa a tir chuan min chhang miah lo. Mahse a aia uar zawka ka fawh leh takah chuan a aia duhthawh in min chhang let ve a, ka shirt hak lai chu min hlih sak in min thawh kân pui nawlh a ka room awmna zawk min zawt zui chat bawk a.



Ka thuthlukna siam hi ka tihsual loh hram ka beisei.



★ Eddie Lalruatsanga POV ★

Ka bula hmeichhe mu chu en in a sam a hmai zar tu chu ka hui kian sak a, tukverh ațanga ni rawn chhuak chuan a chhun a a biang a sen têk a duhawm tak a ni ringawt. A biang ah chuan fawp vang vang in a hmuiah chuan ka fawh sak leh zeuh.



Nizanah a neih hlut ber min pe tawh a chuvang chuan ka mawhphurhna a ni tawh, engtikah mah ka kalsan ngai bawk lo ang min kalsan pawh ka phal dawn lo. Aw... inneih hma pawn min pek phallo mahse pawi ka ti lo ka kalsan phah dawn chuang hek lo.



Chutih rual erawh chuan a tana mipa hmasa ber ka nih avangin ka lawm hle bawk. Hetiang lamah hian tawn hriat a nei tawh tih a bialpa hmasa nena an awmdan ațangin ka hre tawh a, a vawn him zawh loh kha ka ring țhin ania mahse tun thlengin a lo la venghim a keimah min pek avangin ka lawm takzet bawk.



A lakah insum harsa ka ti a, mahse a hriat ka hlauh avangin ka insûm hram hram țhin. Rapthlak khawpin a sexy, a nghawng phei chu sexy tak a ni a hmui pawh.



Hrep tak a!



Ka mission ka ngaihtuah chhuah thut avang chuan ka thaw zui hawk! Jane-i chu ka en thla a tui takin ala muhil sâk sâk, a lu ah chuan dawm in ka fawh sak vang vang. Nizanah khan vawikhat chauh kan hmang lo vawi tam tak kan hmang a chau ngang aniang a duh chen chen han mu phawt teh se.



"He thil ka tih avang hian min ngaidam suh aw, min ngaidam lo turin ka hrilh lawk tawh che kha. Tih ka duh bik lo takzet asin mahse duhthlan tur ka nei si lo, engtikah emaw chuan ila hrechhuak ngei âwm si a chutih hunah chuan min kalsan phah nan i hmang ngei âwm si" ka phun sup.



Vanvadâk in ka thaw hawk a "pumpelh theih dan awm se ka van ti teh lul em!" Ka beidawng lutuk chuan ka ti leh ta ringawt.



Ka phone rawn ri chu ka en a boss alo ni. Jane-i chu mut țhat tir in thawm dim zetin ka tho chhuak a tukverh lam chu ka pan phei a tun ang zing karah eng thu nge maw a rawn sawi dawn teh hrep ni.



Call chu ka chhang a "nizanah engvanga biak theih loh a i phone dah nge inih? Thil pawi a thleng țep tih i hria em?" A rawn ti nghal hrâwk!.



"Ka tihpalh a ni, ka hnaah ka insawrbing deuh a tuman min lo be lo se ka tih vang a nih kha. Nang pawn hna ka khawih lai a tihbuai ka duh loh zia i hriat kha" ka tih chuan a au hrâwih!. Dawt var a nih kha, nge dawt dum kan ti zawk dawn?.



"Tunah thlawhna in helam rawn pan nghal rawh! Kha mihring kha ram hruaitu thlanna turah a hming a pe lut ve chiah, ka mamawh che rawn kal nghal rawh!" A ti leh hrâwk!.



"Hrep a! A hming a pek loh tur thu kha a sawi chiang viau si a..! A fanu pawh a hna i pe let leh a ni lawm ni" sehchilh zet hian ka ti chhuak hrâwih "ka pe let, mahse a pawm duh lo a min cho in a hming a pe lut lui ngat. Ka mamawh che a rawn thlawk haw nghal turin ka duh che! Drugs kan siam chhuahna țhin pangpar kha a hria a greenhouse awmna thliarkar pawh a hria. Nizanah biak theihin awm la chu he thil hi kan chingfel daih tawh ang mawle" a rawn ti leh hrâwk...!



Jane-i chu ka en zeuh a ala thaw sâk sâk "tlai lamah ka rawn haw zawk thei ang em?" Ka ti sup.



"A theih loh, nizanah biak theihin awm la chu kan chingfel tawh ngei ang. Thil a pawi thui hma in rawn haw rawh, target thlak a ni. Kha hmeichhia ai khan he mihring fanu hi bitum zawk ni rawh se, indawrna kalpui turin ka duh che" a ti nghut.



"A nih chuan fa neih chungchang kha?" Ka zawt zui chat!.



"Kha i mission kha tihchhiat vek ni rawh se. Kha politician fanu kha chu midang tan ka ngaihtuah mai ang. Fa neih tir ai chuan a fanu i thah sak theih chuan thah sak zawk la ka duh! Min nâwk lui ngam bawk a a phu tawk a hmu ang chu le, Headquaters-ah nghah reng ini darkar 12 chhung hun i nei, i awmna ațang thlawhna thlawh chhuah theihna hmun a hla lo, i awmna in ațang khan chhuak la KPR tower chungah thlawhna in alo nghak ang che" tiin phone a off zui hmak! Thaw hawk in ka hmai ka tuai puat a.



A țha e! Fa neih chu bansan a ni, ka kut ațangin mi tam tak an thi tawh ka hnehsawh zawng a ni alawm that kher lo pawn a vau zawngin thil ka kalpui thei ka hnehsawh zawng a ni lehzel, fa neih ai thlawt chuan ka duhthusam a ni e.



"Darkar 12" ti sup in Jane-i awmna lam chu ka pan phei a.



"Ka kalsan a ngaih che avangin ka tihpalh, mahse engkim ka va chingfel ang a ka kiang a awm turin ka hruai thei tawh ang che tuma thu ni tawh lovin, ka thu in" ti sup in a hmuiah chuan ka fawh sak vang vang a ka thawmhnaw chu ha in ka kal hma chuan ka mut țhat tir a.



"Ka lo let hunah ka awmna ah ka hruai tawh ang che Jane, min lo nghak fan fan rawh. Ka hmangaih che" tiin a hmuiah bawk chuan ka fawh sak leh a ui zeta thlah in room ațang chuan ka chhuak a. Kawngka ka hawnsak chuan mi an luh ka hlauh avangin tukverh ah chhuak in ka khar leh thlap a a sân vak loh avangin ka zuang thla a KPR Tower lam chu ka pan nghal bawk.



A chhunga ka luh chuan mipa pakhat hian kalna tur min lo hrilh vat a ka zui ta bawk. Boss hian a duh chuan thil a ti thei mah mah alawm, mi hian do vak lo se an ti fuh zawk ang a bikin Politician ho hian, an tisual châwk ania an thihna tur lam an pan ziah, ka kutah ngei an la thi vek zel bawk.



Thlawhna in min lo nghak a, min zahna an lan tir chu chhang let zeuhin thlawhna chhungah chuan ka lut a kan thlawk chhuak zui nghal bawk.



Ka thlen chuan Boss awmna lam pan nghal lo in Control room lam ka pan ding nghal chawt a, ka luh chuan min zahna an lo lantir țhap bawk. Helai hmun ațang hian ramchhunga accident emaw thil thleng tam zawk CCTV hmang in an en thli thlai thei vek a, Politician ho chetna hnu hma thlengin.



Ramsanga ka pan a, boss in hna alo pe aniang a buai ang reng viau.



"Kolkata lam a kan mi rawih chawl kha a zawm leh tawh em?" Ka ti sup.



"Zawm tawh e, Building i chhuahsan ațang khan Jane-i pawh ka en thli thlai tir tawh e ngaih țha deuh khan awm rawh. Chanchin rawn report zel a ni ang" a tih chuan a darah ka beng thuk a "ka lawm e" ka ti sup.



"I lawm chuan nakinah i kaisan hunah min la tel ve dawn nia, personal turin" a tih chuan ka nui suk "sure.. nangmah lo mamawh dang ka nei lo Aruattei nen nakin lamah inbe lawk ang u" tiin a hnungah ka beng leh thuk a room ațang chuan ka chhuak a Boss awmna floor lam ka pan chho ta chauh.



Kawngkhar pawh kik lem lo in ka hawng tawp a ka lut tlang zui tawp. Mahse in leng alo nei a nih hmel.



"Aw... ka fapa alo thleng e, bawiha ka in leng te hi han chibai ta che Mr. & Mrs Grayson chuan an fanu hmelțha leh fing em em Anna" tiin a inleng te chu min in hmelhriat tir zui a chibai ka buk zeuh.



Aw... he hmeichhia Anna an tih hi maw ka kut a thi tur chu. Ka kutah a thi dawn nge ni a a pa thunun tir turin zirtirna ka pek zawk dawn kan en ang chu!. A duhthlanna ah a in nghat ang.

★★


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:03 pm

HEY DADDY CHAPTER - 22

Ziaktu : Mami pachuau



"Ka hmu cheu chu ka lawm e, hun nuam tak in hman ka beisei" ka ti sup, Boss lam chu ka hawi a "inleng i nei tih ka hrelo a ka lo va chhuak ang e" ka ti a, a lu a thing nghut a.



"Țhu ve rawh, Anna nen pawh hian in in kawm thei tawk vel chiahin ka hria" a rawn ti a, a drama chan a chhunzawm leh dawn e, engtiang in nge a in sawi luh kan en ang chu... a beih pa hi a fing ru ker mai sia a chal thui ang hian a ngaihtuahna pawh a vak thui thiam khawp ania.



Card tla tawh ațanga ala awm leh a den dan tur leh midang la neih ang chhut thiam ang chiah a ni mai. A ngaihtuahna a vah thui rual erawh chuan a duhzawng thilah chuan ruahmanna tello a chêt tawp a ching thung.



Ka chhui hneh alawm, amah hi ka hre hneh viau bawk. A thu chhah chhuah tur hi a ngaih pawimawh hmasak ber a ni țhin, silai in load sa anga awm a ngai. Lehkha a thiam a dam zeta mi tih fek fek a ching bawk.



"College student" ka ti sup, Anna chu a rawn hawi chhuak deuh zawk a "engtin nge i hriat?" A rawn ti heu mai a kei erawh ka nui suk.



"Umm... i pa ațang ka hre hneh viau che bialpa i neih loh lai a ni tih thleng in" ka tih chuan a meng kawk a ka tih vel dan chu a beisei lo zawk pawh a ni mahna le "mak ti vak lo la, ka cousin hian a sawi nasa țhin che alawm i luhna ah a lut ve a" Ka ti leh tawp mai, a nui ta ringawt.



Kei hian helaiah khawi a cousin mah ka nei lo chiang lutuk!.



Ka hna leh dinhmun ațang hi chuan mize tam tak an chhuah a ngai a, rawva tak a chet a ngaih chang a awm bawk. Mize tam tak chhuah hi thil harsa ve deuh mai ania hna a zir in kan in thlak danglam zel mai chu nia, mahse chuta țang erawh chuan țhenkhat mizia tur âwm ang ka hriat theih phah fû țhin.



He a mize phênah hian a nu mizia pakhat mah chhawm tel a nei lo a, a pawnlam landan hi chu a nu a ni thei e. Chhungril erawh a nu va ni suh! A nu chu hla tak a ni a pa fa a nih chian zia lan tir tu ka ti lo theilo. A nu erawh a pasal leh a fate ang lo tak in a rilru a țha in a zia a zâwi raih thung.



"Khawnge i unaupa leh i u?" Tiin ka zawt leh a, mipa mi ve tak ania hneh a harsa lo in ka ring ve tawp mai bawk.



"Picnic turin an chhuak a an lo kal ve lo. Englo... kan chanchin i van hriat hmel em em" a ti leh a ka nui a "ka ngaihven zawngah chuan ka lut thuk viau zel ania" ti sup in mit ka siai suk a. Ding chhuak in ka chhuah tur thu ka hrilh a min chhanna pawh nghak lo chuan ka chhuak zui nghal bawk.



Ka Office lam ka pan a, ka rin ai a harsat ka ring lo. A mitmeng ah khan min huatna âwm ang ka hmu lo bawk a thlem thluk a harsa in ka ring lo, chutih rual erawh chuan a thluak ngaichang reng a chêt lak a ngai ve thung ang.



"Nghaktu che an awm a?" Ka office kawngkhar bula duty chuan alo ti thuai a, ka ding dat a ka Office chhung a lut thei hi mi tlemte chauh an ni, chhang lo in ka lut tlang a mahse couch-a lo țhu ka hmuh rual chuan ka thaw ta hawk mai.



"Heta hmu che pawh ka lo in beisei lo a" tiin ka pan phei a.



"Nia.. thil pawimawh ah ka rawn kal a, i boss ka be duh pah bawk nen. I awm lo a khawi lo chhuahna ah pawh kan buai zeuh zel" a tih chuan a ep chiah ah ka țhu thla a.



"Boss in engkim a hrilhfiah che a i hriatthiam avangin ka lawm takzet. Ka hnathawh i hria a chuta kara min venghim a min hliahkhuh țhin avang pawh in ka lawm takzet bawk" ka ti a.



"Umm... nangmah ini bawk a kan ti zel mai aniang chu. Ka thuruk i hre ve vek tho a in hriatthiam loh chi va ni suh" a ti a, ka nui ta suk.



"Coffee nge thildang i duh?" Ka ti a, a lu a thing mai a.



"Kan pahnih chungchangah game kan khel leh zeuh dawn em ni? Rumour (thuthang) a tam khan a hlimawm ka ti riau ania aw kei chu, awmhmunah comments chhiar pah in kan nui hak hak reng a a hrisel dawn riau" a tih chuan ka nui ve hawk!.



"Khalam kha chu kal kân rih ang, tu emaw âwm chhung ana leh vung vung palh ang" a ngaihna hriat loh hmel tak hian min rawn en a.



"Bialnu i nei a ni maw?" A rawn ti vat reuh.



"Nei e... kha thu a hriat khan a rilru pawh ana ania zawngchhang chi loh tawp a ni" ka tih chuan a nui hak hak a, a sana bun chu a bih zeuh a a ding ta hluai "ka kal a hun tawh a nih hi meeting kan nei dawn a, i boss chu zan lama ka hmuh tur thu lo hrilh mai rawh. Chuan thil pakhat" tih pah chuan a kutzunglai chu a ti ri tlak a, a nau nen danglamna an nei hranpa miah lo.



"Chu i bialnu chu kan inhmuh leh a hunah a chanchin kimchang hriat ka duh dawn ania aw, ka kal min lo thlah duh suh. Personal bodyguard i nih tawh rih loh kha" thawveng zeta tiin a kal chhuak zui a ka en ta reng.



Chu hmeichhia chu midang zawng aia i duat leh i ngaihsak, i hriatchian em em i nau tih a hrilh nghal ka duh rual in a hriat a rem rih bawk si lo.



Kan pahnih chungchanga thuthang kan tih chhuah kha inhliahkhuh nana kan tih a ni a, drugs lam aia mi ngaihven a hlawh dawn avanga ti chhuak kan ni bawk a mahse lehlam lah in alo dawngsawng fuh bawk si lo a kha kha a hahthlak takzet, mahse thildang erawh ka hriat phah a a zia phian.



Thil hre chhuak thut in ka phone chu ka la chhuak a Ramsanga message lo awm chu ka hawng zui a, a țhiannu nen bazar tura an chhuah chiah thu leh ngaihtuahawm a nih loh thu a sawi chuan hahdam zetin ka țhu âwn a.



"Min lo nghak fan fan rawh aw Jane, a rei tawh lo ang tih ka tiam a che. Heng zawng zawng a zawh hunah chuan ka lak ațangin tuman an la hrang tawh lo ang che, thup a ngai tawh lo ang a ka chân nachhan tur che a awm tawh lo ang" ka ti a, ka lu chu ka tuai zui ta nawk nawk bawk.



Tho chhuak in tihfel tur țhenkhat ka tifel zuai zuai a, ka hna ka kalsan rei tawh avangin han buaipui tur ka nei em em lo, ka in hliahkhuhna chauh ni mahse ka zalen zawk ka ti ta tlat bawk.



Boss in a in leng te an chhuak tih min rawn hrilh chuan a Office lam ka pan lehnghal a, engthil pawh tih ngai dawn se ka ti ang nunna lak a ngaih pawn, marawh chu he thil hian Jane-i beng a thlen loh hram ka beisei.



Kik lem lo in ka lut tlang tawp a, a hmaa țhu tura min mit zei zeuh rual chuan ka va țhu nghal a "heta an rawn kal ngawt nachhan kha rindan reng ka thiam lo" ka ti nghal thawr, a țhutna chu ngheng in a thaw ham ham a.



"Koh ngailo in alo kal ve teh mial a mak ka ti tak tak a ni, ka lo beisei lawk lem lo a mahse kan in be thei reuh phian mai a. Eng nge a fanu kha ang i tih? A upa zawk nge tuna mi kha awlsam zawka i rin?" A rawn ti a.



"A upa zawk kha chu hna nei tawh a nihna ang in naupang chhia deuhin a treat theih tawh dawn loh a lang lo lamah alo puitling ru phian maithei bawk a a hriat loh a. A nau zawk kha a mipa mi ve riau tho a min huatna mitmeng ka hmu lem lo bawk a a awlsam zawk ka ring" ka tih chuan a bu nghut nghut a.



"Khalam kha chu i kutah ka dah dawn a, a college bang hruai thlap la weekend-ah i theih ang ang in hun hmanpui la a rilru hneh vat tum ang che. A pa hi a tlin lohna turin tihtur awm ang zawng zawng tih vek tur"



"Ka hria, i sawi ngun tawh viau e. He thil ka zawh hunah hian ka rank min sân sak turin ka duh che" ka ti zui nghal chat.



Min en ang vung vung a "tual i thah pawh a țul maithei tih i hria" a ti ta nghut, ka thaw hawk a.



"Chu pawh ka hria, ka kut ațanga thi an tam tawh kha lamah buai a ngailo. Ka duh leh mamawh i hria nangpawn min hrilh tawh kha target thlak ni mahse i thu sawi erawh i thlak loh hram ka beisei" thinrim ru țeuh chung hian ka ti a, a țhutna ațanga rawn țhu chhuak deuh in a kut chu hmalamah a suih kawp a.



"I chêt dan in min hneh leh hneh loh a ni ang chu. Nizanah in awmdun tih ka hria, action erawh ka la dawn lo i ke in a rahna hmun apiang uluk taka thli thlai țhin a ni tih i hriat chian kha. Ka ngaihtuahna hruai kawi thei thil i tih loh hram ka beisei, he mission i khawih lai pawh hian a ni kha i biak ka remti lo, i rilru leh ngaihtuahna zawng zawng sawrbing la hnehna chang ang che" ti a tho chhuak in ka darah a rawn beng thuk thuk a.



Ngawi rengin hmalam chu ka melh reng a ka kut chu ka hûm ruh ngawt ngawt bawk.



"Chuan" a rawn tih leh chuan amah chu ka en a.



"He mission khawih nan hian thla khat leh tlem hun ka pe ang che" a ti a, amah chu ka melh ngawt ngawt "inthlan naah a tling emaw tling lo emaw a fanu chu i that tho tur a ni. Vawiina alo kal khan ka ngaihtuah mai mai a ka puihna a mamawh a nih ka ring ka puihna tello chuan a tlin zawh loh a in ring ve khanglang a nih dawn kha" ti hrâwih in țawngkam bawlhhlawh zet a phuh chhuak zui bawk a.



Ka kekawr ipte zen chungin muangchangin ka ding chhuak a a lamah chuan pheiin a dawhkan hmaah chuan ka innem khalh a "i puihna hmangin a tling emaw tling lo emaw. A bitum tur chu nang ini tho, drugs leh house leh a kaihhnawih tam tak alo chhuahna keini tih loh a hretu awmchhun a ni a, i puihna hmang a a tling a nih pawn a ngawih liam pui mai ring suh!" Dam lo zet hian ka ti a, a chair chu a rawn ti tawlh a.



"Ngawih liam pui mai lo e, hmanrua atan a hman ber tur alawm chu erawh i chêt dan turah a in nghat. Chet i lak hmasak zel chuan hmanrua a hmang hman lo khawp in a che buai dawn. Mi zawng zawng in min hlau, enge ka tih leh dawn a ka chet lak dan tur ngaihtuah a phe vak an awm mahse kha putar vang mai mai khan ka mangang hman țhelh alawm le" sehchilh zeta a tih rual chuan ka nui hawk.



"I mangang ru hman pawh chu a âwm viau e ka dem lo a che. Mahse i thutiam erawh hre reng la" tiin ka ding mar a ka kal tur chu min au ding leh, dawhkan hmawr lamah chuan savun ip țha chi a siam tle hlar, puar deuh lah pahnih hi a rawn theh phei a.



Ban in a kilhna chu ka hmet phelh a "i mamawh in ka ring, pakhat kha a rawn ken ania pakhat erawh ka buatsaih sak che a ni thung. Nang chiah hi phalna lak ngailo a min hmu thei tu awmchhun ini bawk a i senior te ai pawn ka dah sang che in engkimah an ni ai pawn ka ring tawk che, ka rinna che ti chhe lo a i hlawhtlin ngei ka beisei. A nih loh chuan i hremna dawn tur a nêp lo viau ang" a aw ah chuan nelawmna pakhat mah a ri chhuak ta lo.



"Chutia Senior te ai pawh a min dah san chuan engvanga ka rank up mai lo nge inih tih ka lo ngaihtuah hman chiah chiah. Ka ngaihtuah hman dang leh ah chuan engvanga min ring bik viau si chu i kiang a ding tura min tih mai loh?" Dawhkana innem khalh leh pah chuan ka ti sup a, amah chu ka melh reng bawk.



Ding chhuak in a rawn innem khalh ve leh a "duhthusam a ni alawm, mahse i thiamna ngei a kaisang tura ka duh vang zawk che a ni. Paltlang tur ila ngah a i thei ngeiin ka ring bawk, nakinah chuan ka ai he țhutthlengah hian ila țhu ang a kum 15 chuang zet ka lo enkawl tawh lalram hi nangman ila enkawl ang, ka fate ai pawh in enkawl turin ka duh che. Chuvang chuan ka rinna che ti chhe lo in awlsam takin i mission chu va zo rawh, thla khat leh tlem chauh i nei Eddie" a rawn ti a, kan in melh ta reng.



Sual viau mahse tiang lamah chuan a kal dik fû țhin, kei chauh lo pawh midang a fapa leh fanu thlengin thiamna avanga kaisang vek turin min zirtir. Chumi tur chuan kan thluak min chher hriam sak țhin, a sawi ang khan kei chauh hi awlsam tak a hmu thei tu awmchhun leh zah lo taka be thei tu awmchhun ka ni.



Chutih rual erawh rank sang ber ber kan thlen loh chuan ruat leh thlan bik te chauh kan kawp thei a, mission ah kan hlawhchham a nih chuan pindan thim ber a kalh hnan niin train țhat leh vek kan ni dawn bawk. Kei ngei pawn he mission hi ka ti hlawhtling lo a nih chuan a hmaa ka sawi ang khan tihpalh thil thu a kan inhmu leh thut anih loh chuan Jane-i leh ka chhungte ka hmu tawh ngai dawn lo ka chân vek dawn.



Chung thlen tir ai chuan tual thah mai pawh ka hreh ngailo, politician tam tak mize hrang hrang nei ka hmachhawn a, an fate, an nupui an neih hlu ber laksak in ka kutah an thi fo tawh. Khawvela ka awmchhung a ka hmangaih te ka chân ai chuan tual thah a thih hnua hremhmun a tlak pawh pawi ka ti miah lo.



Mi 10 chiah pindan thim a khung an la awm, an rawn chhuak leh a mahse an chhungte erawh chuan an ruang nilo țah khum in thi tawh anga ngaiin hun an lo hmang ve mek zel thung, ruang bawh a an țah lai ral khat a thlir tir țhin an ni a engkim set fel sa vek ni țhin in sana in a hun tur number a kawh rual in engkim a thleng nghal vek țhin.



Chung thlen tir ai chuan tual pawh ka that mai ang.





Ka in lamah ka let a, ka luh rual chuan couch-ah ka mu thla nghal tawp a, mit chhing in ka kutzungchal in ka mit chu ka tuai a ka lu a na ta ut ut mai ka mut tlem vang pawh a ni maithei.



Ka phone ri chu ka la chhuak a Aruattei a nih avang chuan ka la nghal a "khawnge i awm a?" A rawn ti nghal thawr mai.



Ka țhu chhuak a "inah ka awm tawh, vawiinah Headquater-ah ka lo kal a ilo awm lo. Khawnge i awm a?" Ka ti nghut, Ramsanga nena ka Mizo awmpui an ni a ka ngaihtuah viau zel bawk. Kan pathum chiahin Mizo kan awm rih a a bikin he nau phei hi chu ka nau chei ta hmiah bawk.



"Mission ka nei alawm, ka rawn let chiah a Ramsanga nen kan lo kal ang. Ilo let chu Headquaters lam in an sawi dan che i hre duh em?" A rawn ti a, couch nghenchhan chu ka ngheng a.



"Engtin nge min lo sawi leh tak vak a?"



"Handsome Tiger alo let a kan thla a muang huai mai an ti, ilo let hi an lawm a Boss in a conduct lai chuan an nui hmel hmuh tur a awm ngailo ilo let chuan nang in engkim i conduct vek a zalen an in ti ve alawm. An ngaisang hlawm che a rank sang tak tak nei pawn i awm chuan an thla a muang ve a nih chu" a rawn ti a, chhang lo in ka ngawi reng.



An rawn kal tur thu sawiin amah zawkin a dah ta zawk a, inchung chu en in ka thaw ham ham. Kei ang tho in mahni hmangaih kutah pawh a vuan theilo an ni ve vek a țhenkhat chuan pasal te an neihsan tawh hial bawk. Hringnun a bial khat awm ah kan cheng ho vek a inzawmna nei hlawm lo mah ila theihtawpin ka pui hlawm țhin. Nakinah chuan he thil hi tawp in zalenna kan la sual chhuak ve mahna le.



Ka phone chu la kang in Jane-i number chu ka en a ka ngai takzet, helama ka awm chuan biakna hun ka nei mumal ngai dawn lo a, tunge kan biak tih thleng a en thlak vek țhin a nih avangin fimkhur a ngai țhin viau bawk, a lehkha zir lai a nih loh hram ka beisei.



A number chu ka dial a rei fê a in ring hnuah zâwi sap hian min rawn chhang a a muhil a ni maithei "i mu em ni?" Ka ti a.



"Ummm" a rawn ti leh sep.



"Ka tiharh che a ni maw, a nih chuan mu leh la ka lo be leh zawk ang che" ka ti a.



"Aih... a ngailo la dah lo la, ka muhil thei tawh chuang lo ang. I message kha ka lo hmu a i thleng tawh ami?" A ti a, message ka thawn miah lo mahse Ramsanga'n engkim min lo tihsak a ni ngei ang, saw pa hnenah sawn ba ka ngah tawh takzet.



"Umm.. thleng daih tawh e i chau viau em?" Ka ti let sup a "aih.. chauh nachhan tur a awm hleinem nangmah zawk kha i chau ngawt ang" a rawn ti let reuh va ka nui leh ringawt tawh.



"Ka bia che a ka chauh a reh vek tawh. Chuan Jane... nizana thil thleng kha" ka sawi zawh hma chuan min lo pawt chat vat a.



"Ka inchhir lo" a rawn ti nawn leh.



"Ih... ka inchhir lo mahse ka neih hlu ber ka pe tawh che a min kalsan miah suh aw ka tih awmzia chu...." sawi zo lo chuan a ngawi daih a, thaw hawk in ka țhu chhuak a "ka kalsan lo ang che Jane, i bulah ka awm reng dawn engtikah mah ka kalsan dawn lo che a ka kalsan ngailo bawk che" ka ti nghet churh.



A rawn thaw ve ham ham a "ka lawm e, easy viau ah min lo ngai ang tih ka hlau a" a tih chuan vanvadak in ka thaw hawk "ka harh khan ilo awm silo a chhan awm lovin min kalsan tawp ang a awlsam taka ka inpek mai avang khan easy viau ah min ngai amaw ka ti hman a ka ngaihtuahna a vak thui asin aw.. mahse i message kha ka hmu leh ta sia" a ti a, a ngawi leh vang vang a.



"Chutiangin ngai tawh suh aw easy viau ni lang chuan thil hlu ber min pe miah lo ang, ka lawm e Jane chuan khatiang ngaihtuahna kha pu tawh suh aw" ka ti a, min chhang ta lo.



Nghenchhan chu ka ngheng leh a "ka ngai che a i bula mut leh pawh ka chak tawh" ka ti a, min chhang lo chuan a thaw ham ham a.



"Ka thlakhlelh che a zual sauh a engtik lai pawh a i bula awm reng ka duh, tun bak chu ka rawn be hman lo maithei che thla khat leh tlem a ni maithei, mission ka khawih lai chuan tumah ka biak a thiang lo a ka sawi i hrethiam ang tiraw?" Ka ti sup, a ngawi reng a.



"Jane" ka ti leh, min ka chhang chuang lo.



"Jane.. ka țawng i hre thei em?" Mangang ru zet hian ka ti leh.



"Bo daih tur ang in i țawng a" zâwi te hian a rawn ti a a țap tih ka hre thei, ka hmai chu ka tuai puat a.



"Aih.. Jane chutiang lam a ni lo thla khat leh tlem chauh mission khawih nan hun ka nei a chumi chhung chu min nghak ang tiraw? A reilo ang chumi ai hma pawh chu a ni maithei ka bulah ka hruai ang che" ka ti a, a insût hraih ri ka hriat rual chuan ka kut ka hûm ruh nghek.



"I bula ka awm loh lai chuan țap lo teh, mahni mittui tla pawh hrukna chang hre ngailo kha ka awm loh lai chuan lo țap suh se, lukham in a tuar leh palh ang" ka tih chuan a rawn nui ri hak a.



"Ka tihpalh, mahse min kalsan daih tur i ang ka ti lutuk a ka ngaihtuahnaa rawn lang hmasa ber ania" a tih chuan ka thaw ham ham a chu erawh thil thleng thei a ni tlat.



"Chuan Jane heihi hre reng rawh, ka chungah engthil pawh a thleng a ka chanchin i hrelo a nih chuan tu pawn lo bia che sela an thusawi âwih suh ang che. Keimah ngeiin ka rawn biak hun che i nghak dawn nia ka hmel ang chiah i hmu a nih pawn âwih suh ang che, chumi hunah chuan Ramsanga tih hnen ațanga confirmation form i dawng a nih loh chuan engmah awih suh ang che, a chiang tiraw?" Ka ti nghut.



Ka chungah thil engpawh thleng thei a ni a ka thil tih turah hian inven ngaihna a awm lo hrim hrim, vawikhat ka tisual zeuh a nih chuan inngaihdamna a awm dawnlo bawk.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:03 pm

HEY DADDY CHAPTER - 23

Ziaktu : Mami pachuau



★ Thla 2 hnuah ★

"Tu fa nge? Tu mihring laktlak loh fa nge a nih?" Ka pa aw rawl ring lutuk avang chuan ka phu vak a mahse ka hawi chhuak ngam si lo.



"Ngawi reng lo khan min chhang ta che" a rawn ti leh tuarh a, tîm châwih in ka kut chu ka hmer dun vak a thinrim luat avanga ka pa thaw ri hawm hawm pawh ka hre chiang lutuk.



"Ka fanu hian lehkha nasa takin a zir anga a duhthusam te a ti puitling ve ang a. Pa ngaihtuah ka ngai lovang ka țhiannu nen kan awm dawn alawm eng thil sual mah ka ti lo ang a tih avangin a u in veng tura mi dah a rilruk pawn ka lo hnial sak a, ka ring ngam a mahse eng nge thleng leh ta si hi..! Thla 1 mi nau maw? Chu pawh a pa hriat loh...." a sawi zawm lo a a ngawi leh rên râwn a kei erawh ka mittui a tling khat vek tawh.



"Ka ring ngam che a bawihi, ngaihtuahawm ka ni lo ang itih avanga ngaihngam taka awm ka ni asin. Lehkha nasa takin i zir amaw ka ti a mahse tunah thla 1 mi naute maw? Tunge a pa chu, tunge a pa chu sawi rawh! Nge ni a ka fanu hi mipa hrang hrang lakah alo in zuar kual țhin em ni?"



"Pa!" A sawi zawh rual chuan ka ti ve țhat a, amah ka en chu a mit alo sen vek a a mit bul te chu alo huh ve hliam mai.


"Pa-a" tiin ka nu pawh chuan ka pa chu alo vuan bet ve vat a.



"Țawngkam vîn min hman khum reng reng suh aw! Mipa hrang hrang laka i in zuar kual lo a nih chuan tunge naute pa chu sawi mai ta che" a ti leh ta țhawt..!!!



"Ka.. ka sawi theilo alawm pa.. min ngaidam rawh mahse a pa chu ka sawi theilo. Ka ti tak tak i fanu hi ka inzuar kual ngai miah lo asin" țap țiau chungin ka ti a, ka pa erawh a au zui tuarh.



"A nih chuan naute pa chu sawi mai ta si che" a ti zui leh țhawt!.



Țap țiau chungin ka lu ka thing nar nar a "min ngaidam rawh pa.. mahse ka sawi theilo" ka ti zo chiah, kawngkhar a rawn inhawng țhuai a rang zetin ka hawi phei nghal a ka u chu hmanhmawh zet hian a rawn tlan lut a.



"I țha em?" A rawn ti nghal vat a, ka lo bu nghat nghat a ka pa chu a en a engkim a hre vek tawh tih a lang chiang reng mai.



"Nu.. pa, keiman ka lo bia ang" tiin ka u chuan min pawt tho a ka pa chuan engmah a sawilo, pawnah min chhuahpui a balcony-ah chuan min din puiin min kuah a ka banah chuan a rawn hmer vang vang a.



"Ka tihpalh, mahse naute pa ka sawi thei silo. U.. a ni chuan biak pawh min rawn be ngailo a mahse nupui a nei dawn tih ka hria asin" ka ti țiau, ka kûn a ka biangah chuan mittui a luang thla zung zung a.



"Tunge tih tal chu min hrilh la" a tih chuan ka lu ka thing zui nar nar.



"Sawi loh law law ka duh zawk amah pawn hrelo se ka duh. Ih.. u, ka pa min biak sak la a thin a rim tih ka hria mahse khawngaih takin a hriatthiam theih nan min biak sak la" țap chung chuan ka dil a min kuah bet a.



"In thusawi zawng zawng kha ka hre vek alawm a thinrim rih êm a engmah a sawipui theih ka ring lo, sawi pawh ni ila a ngaihthlak duh pawh ka ring lo. Mahse ka lo tum hrim hrim ang, naute pa chu tu pawh nise i chhungte hi min hrilh rawh" a ti leh a mahse ka kuah nghet sauh.



"Ka theilo alawm chu chu in hriatthiam a ngai asin" ka ti leh țiau, ka hnungah chuan a rawn chûl hauh hauh a "avan buaithlak tak aw..." a ti ve vawng vawng mai.



Khumah min muttir a ka mu tawm nghal a keimah chauh a awm ka duh avangin an chhuak ta vek bawk. Ka rai tih ka inhriatna ala reilo ka zêp reng thei dawnlo tih ka inhriat avangin ka nu leh ka pa ka hrilh a a rang a rang in ka awmna ah an rawn chhuk thla a ka u pawh ka hrilh ve nghal bawk.



Diktak chuan sex hmang mah ila ka rai kha ka ring miah lo mahse tunah ka pum chhungah naute a in siam ve mek chu a ni ta si. Eddie-a hrilh ka tum a ka hrilh chuan a lawm ve ngei ka ring a mahse ka thu hriat in a zir leh si lo.



Min rawn be ngailo a ka text leh call reng reng a chhang ngailo a buai a nih ka ring a amah pawh khan thla 1 leh tlem chauh chhung a biak theih dawn loh thu min hrilh kha ania ka ngaih ka lo ti țha ve ringawt.



Mahse tunah thla 2 chuang a ral tawh a mahse min la rawn be lo. Chuan news ațang milar tak fanu nen an innei dawn tih ka hre leh ka u ngei pawn a rawn sawi a pawm dam har ka ti a engkim mai kha a lem a ang vek ka ti a mahse zing ka thawh apiangin a tak ngei a ni tih ka hre leh zel si.



A fa ka pai tih ka va hrilh chuan an inneihna tur ka tihchhiat sak ka hlau si a chuvang chuan ka hrilh leh ta lo. A hmangaih tak a tawng a nih ka ring , kei kha chu a ngaihzawng mai mai ka ni a a lakah Hmangaihna beisei ngam tur pawh ka ni lo mahse ka Hmangaihin ka in hre tlat si.



Ka bek a mittui luang thla chu duh lo in ka mu zangthal a maimichhing vang vang in ka pum chu ka dawm a "naute... a pa chuan a hmangaih tak a tawng a nupui a nei dawn asin, mahse lungngai miah suh aw a nu hian a theihtawpin a enkawl ang che" ka ti sap.



Ka room kawngkhar in hawng ri ka hria a mahse meng lo in ka maimichhing char char "i harh em?" Ka nu aw a ni, ka meng riai riai a ka mutna bulah chuan a rawn țhu thla a hnungah ka pa a ding bawk a an hmel chu hmuh hreawm tak a ni ringawt.



"Ka tihpalh" an pahnih en pah chuan ka ti sap, ka nu chuan ka kut chu la in a rawn hûm vang vang a "kan hria e.. i sawi hnem tawk tawh e. Mahse bawihi naute pa hi kan hriat ve a ngai a ni engkim min hrilh rawh le" ka nu chuan dam zet hian a rawn ti a ka lu ka thing nar nar a.



"Ka sawi theilo alawm, a ni chuan nupui a nei tawh dawn asin... a fa ka pai tih ka hrilh theilo an inneihna tur ka tihchhiat sak theilo chuvang chuan khawngaih takin min zawt lui lo hram ula" ka ti sap, an pahnih chuan an thaw dun ham ham a.



Diktak chuan kei pawn hreawm ka ti ve tho a thil zawng zawng hrilh vek thei ila ka ti ve asin mahse ka hrilh thei si lo.



"Naute hi ka ti tla miah lo ang țha takin ka pai anga alo pian chhuah hunah pawh țha takin ka enkawl ang. Thil ka tisual ngei alawm in rilru pawh ka ti na tih ka hria in fanu in rin ve em em chu hetiang hian ka awm leh ta si a mahse khawngaih takin nu... pa, min tih tlak tir tum miah suh u aw" ka tih leh chuan ka nu alo maimichhing sawk a ka pa erawh a kawng dawm in a hawi let a, a rawn hawi let leh rual chuan a mit a sen ram tih ka hria.



"Tih tlak kha sawi reng reng suh bawihi, i ti tla dawnlo i tih tlak kan phal dawn lo. Țha takin i pai anga kan enkawl bawk ang, mahse mi sawidan tur che i hria tiraw?" Ka nu chuan a rawn ti a ka bu nghat nghat a ka pa erawh chuan engmah a sawi ve rih lo.



"Mi min sawidan tur chu engpawh ni rawh se pawi ka ti lo, an duh chuan an sawi thei alawm thup tum eng ang mah ila kan thei dawnlo. In mualphona tur ka siamsak cheu avangin ka tihpalh takzet, kei pawn hreawm ka ti ve takzet asin hetiang thil a thlen pawh hi ka ring lo a..." ka insût zui hraih a.



Hreawm ka ti lutuk hi sawi ngaihna reng ka hrelo kei pawn mahse engmah awmzia a awm tawh si lo tih theih engmah ka nei bawk si lo.



"Ei chak i nei em?" Ka bula rawn țhut pah in ka u chuan a rawn ti a, ka lu ka lo thing mai a. Vawiin hian Mizoram-ah kan chho dawn a ka pa in zirna chhunzawm min phalsak tawh loh vang a ni pakhat bawk.



"Nui tawh la i hmel hmuh a hreawm lutuk ania" ka u bawk chuan a rawn ti leh, ka kûn a "a harsa alawm ka pa hmel ka hmuh apiangin hreawm tihna in ka khat a. Engmah sawi lo mahse a rilru ka tihnat sak zia ka hmu thei, min ring ve em em a mahse min rinna chu ka tihchhiat sak ta vek si a nih hi" ka ti sap a, ka mittui a rawn tling leh ringawt tawh.



Min rawn kuah a "ka pa chu a lungawi em em ang kei pawn thil lo sawipui ka tum leh zel dawn alawm. Lo lungngai lo la nangpawn thil sawipui tum la" a ti a, ka thaw hak a.



"Ka tum alawm mahse min chhang duh lo a. I hria em? Ka pa hian min haw tak tak tawh aniang tiraw? Min rinna zawng zawng ka tihchhiat sak vek ta si a a fanu hi min haw tawh a ni hrim hrim ang" beidawng zet hian ka ti leh.



"Chutiang in ngai mah ta che mawle. Kan pa a nih hi chutiang mi a ni lo tih kan hriat chian êm kha. Lungngai lo la naute kha țha taka i enkawl a ngai dawn ania aw i intihchak a ngai ania" a tih chuan ka chhang tawh lo.



Ka haw chhoh hunah țhenawm khawveng te min sawidan tur ka ngaihtuah a engah mah ngaih tum dawnlo mah ila rei ka ti thei dawn tawp si lo. Lehkha a zir reng amaw tia khawlo takin a nung a sâwn pai in a rawn haw a apa pawh hriat loh tiin kan țhenawmnu khan an sawi leh bawk ang a.



Țhenkhat chu ka tuar dam ve thei mai ang mahse rei ka thei ang em ka hrelo. Mahse engkim tuar huam a ka chhoh a ngai dawn a chumi atan chuan in tih chak ka mamawh hle bawk.



Kan kal hma in Eddie-a number chu ka hmet chhuak a ka call a mahse a chhang theilo hrim hrim. Ka message thawn tam tak pawh a rawn chhang let lo a beidawng takin min siam tawh ta tak tak niin ka hria.



"Vawikhat tal min lo call ka emaw ka message tal lo reply la heti ringawt a awm lo hian" a number en vawng vawng pah chuan ka ti a, thaw ham ham in tukverh lam chu ka pan phei a, a number bawk chu ka call leh a mahse a ngai te bawkin a ring ral leh țhak a ala leh thei tawh lo reng reng.



Ka phone a rawn rik chuan rang zet hian ka en nghal a mahse ka u lek alo ni, lungawi lo zetin ka pick a "ummm" ka ti zâwi sep.



"Lo chhuk la kan chhuah a hun tawh ania thlawhna kan nang hman lo ang" a rawn ti a, Sangsangi pawh a bulah a awm tawh aniang a țawng ri pawh ka hre thei vek.



"Aw ka rawn chhuk ang theihnghilh ka nei em tih kan enkual leh phawt ang" ka ti a, reilo tura min hrilh in a dah a thaw hak in room chu ka enkual a engmah theihnghilh ka neih loh hram ka beisei.



Chhuah tum a ka inher chu ka phone bawk a rawn ri leh ka en chu number lawng tawp alo nia a pawimawh takin tiin ka pick a.



"Hello" ka ti sap.



"Kawngka lo hawng la" chu aw ri chu!. Rang zetin kawngkhar lam chu ka hawi vat a.



"Eddie" ka ti sap.



"Umm.. kawngka min lo hawn la" a rawn ti leh, phone chu ka beng ațanga la thla in kawngkhar lam chu ka pan vat a a kalhna chu pawt thla sawk sawk in kawngkhar chu ka hawng a chumi rual chuan Eddie-a chu ka hmu nghal zat.



Nui sukin min en reng a, hetah engtin nge a awm theih? Ka call khati zozai a chhang lo a message pawh... chuan hetah a rawn kal leh bawk si.



A fa ka pai tih a hre zawk em ni? Hrilhtu an awm em ni? Ti ila hrilh tur pawn tuman amah a ni tih an hre bawk si lo ngaihdan ka neilo reng reng lehnghal.



"Hetah engtin nge i awm theih?" Mak ka ti lutuk chuan ka zawt ta tawp a. Nupui i nei dawn a ni lawm ni ka ti rilru nghal bawk.



"Ka ngai tawh che a ka lo kal a nih hi chuan thil hrilh tur che pawh ka nei a" a ti a, a hmel chu ka en a a de sar sar in ka hria. Engvang nge ni ang? A nupui neih tur thu min rawn hrilh a tum tihna em ni...?



"Min luh tir la ka zawi teh mai nia, nizanah ka mumangah ilo la rai zui" a tih leh lek phei chuan ka meng phâwk phar nasa mai. Chiang zet hian min rawn en a chhan ngaihna reng reng ka hrelo.



"I rai tak tak em Jane?" A rawn ti leh sup, ka chil ka lem ringawt a engtin nge ka chhan ang hrilh ta ila kan dinhmun a chhe dun zawk ang em le ka rilru a buai ta tlat, ka hrilh ang nge hrilh lo ang pawh ka hrethiam lo takzet a ni.

;)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:03 pm

HEY DADDY CHAPTER - 24

Ziaktu : Mami pachuau



"I țha em?" Ka ngawih reng vang nge ni ka ban bul ve ve rawn dawm pah hian a rawn ti a a aw ațang chuan min ngaihtuah hmel takzet a ni.



Ka sam ka beng a zeh pah chuan "aw țha e, min țhawng deuh a engmah min hrilh lawk si lo a" nuih luih pah chuan ka ti a, mahse zêp miah loh chuan nuih luih pawh a harsa.



Ka hriatthiam miah loh in ka chalah a rawn fawp ta vang vang mai a "khi lamah i chho dawn ami?" Chiang zet hian min rawn en a ka lo bu nghat a a chhan min zawh hma hma chuan thildang ka lo sawi khalh a a chhan pawh a chhanna tur ka neih dawn loh vang a ni.



"Engtin nge hetah ilo awm thut theih a? Ka message leh call pakhat mah i chhang bawk si lo"



"Kha number kha ka hmang tawh lo Jane ka ti mangang hman viau che a ni maw" ngaih țhat hmel zet hian a rawn ti a amah chu ka en a "engmah hi ka hrethiam tawh lo" ka ti ta hap mai.



Min nawr lut a, kawngkhar a khar pah leh a min tih ang ang chuan ka awm tawp mai ni "i țha miahlo ania aw... dam lohna i nei em ni?" Tiin ka pang chu a rawn dek a a kut chu hûm sak in ka la thla a, khumah chuan min țhutpui a.



"Ngatinge ka message leh call pakhat mah i chhan loh a?" ka ti a, ka țah a chhuak ringawt lehnghal.



"Ka tihpalh ka tih mangan che avangin, kha number kha ka hmang tawh lo a chuan thla khat leh tlem chu ka biak theih dawn loh tih ka sawi kha" a rawn ti a, ka thaw ve hak a.



"Mahse tunah thla hnih chuang a ral tawh alawm" ka ti leh ruai, min rawn kuah nghal vat a ka duh ai min kuah nghet mah mah bawk. Inneih tur chungchang kha sawi sak ka duh miah lo hrelo anga lan ka duh zawk.



Ka hnungah chuan a rawn chul hliau hliau a "ka tihpalh ka rawn biak vat loh che avangin ka duh angin ka awm thei silo a tin ni" a rawn ti a, ka kut chu ka hûm a tîm dai in amah chu ka nawr hla hlek a.



Ka biang a a kut a rawn nghah rual chuan ka lo vawn sak a "tawp ang" ka ti ringawt, a hmel a buai nghal nak a kei pawh hmuh ka nuam vak bikin ka ring lo.



"Eng thil nge thleng? I thu sawi kha a awmzia sawi vat rawh" Hrethiam lo tih hriat lutuk tak mai hian a rawn ti a.



"Ka.. ka hrelo kei pawn eng thil nge thleng hi ka hrethiam tawh lo. Mahse khawngaih takin tawp ang" ti a ka ding chhuak chu ka ban rêk ah rawn vuan in hnunglam ațang nghet zet hian min rawn kuah a ka mittui a tling ringawt.



"I thusawi hi hrelo angin ka awm dawn, chhan awm lo in khatiang thu kha sawi tawh suh. Thla hnih chuang ka nghah tir che avangin ka tihpalh a thleng tawh lo ang engkim ka chingfel tawh Jane... khatiang thu kha sawi tawh suh" a rawn ti nghut. A duh loh zia a aw rawn rik chhuah dan ațang chuan ka hriat sak thei hial mai.



"Mahse awmzia a awm tawh lo, tawp mai ang. Nangpawh i hnaah let la kei pawh khi lamah ka chho dawn ka ngaih..."



"Sawi tawh suh!" Ka sawi zawh hma hma chuan a rawn ti tuarh!.



"Ka ngaihtuah a awm hran reng kan ngai a nangpawh i hna avanga awm hran reng i ngai dawn. Kan awmdun mai mai thei lova chuvang chuan tawp zawk mai ang, ih... i hnathawh ka hrelo zawh che pawh ka tum lo mahse engtik lai pawn dinhmun hlauhawma ding reng ang in i awm a a chang leh min kalsan daih tur ang in i awm leh a tiang chuan ka awm reng theilo ang" tiin dawt ka sawi ta tawp, ni e... a ngai miau a tin ni.



Min kuahna a kut phelh tir ka tum chu a aia nghetin min rawn kuah leh a "khatiang kha a awm tawh lo ang, khatiang kha a awm tawh lo ang tih ka tiam a che Jane. Ka ti hlauthawng țhin che mahse a thleng tawh lo ang" a aw te chu hlauhthawnna in a khat ve a kawng dang awm se ka van ti ve tak em..!!.



"Awmzia a awm tawh lo Eddie" ka ti zo chiah.



"Aih...a awm, a awm alawm Jane. Tawp tih thumal kha khawngaih takin sawi tawh suh" mangang ru zet hian a rawn ti leh a țah insûm zetin ka hawichhuak a ka hmui hnuai chu ka seh a.



"Nupui pawh i nei dawn a ni lawm ni. Chuvang chuan tawp ang eng inzawmna mah siam tawh lo ang chu chu kan pahnih tana țha ber tur a nih chu, kan pahnih inkara thil thleng kha chu tihpalh thil thu ah ngai rawh" ka ti zo chiah min kuahna phelh in a lamah min kuai her a.



"Kha thu kha khawi ațangin nge i hriat?" A rawn ti hmasa ber, dawt nge thudik a ni tih pawh min hrilh hmasa lo in khawi ațanga ka hriat nge tih min zawt hmasa a nih chu..!



Mittui kar ațangin ka nui chhuak hak a mahse a za chuang miah lo "dawt a ni em?" Ka ti let ve ta zawk.



"Khawi ațanga i hriat nge?" A rawn au tuarh a ka phu zawk.



"Dawt nge thudik tih pawh min hrilh hmasa lo in khawi ațangin nge ka hriat min zawt a. Ka hrilh ang che News-ah an chhuah a chu hmeichhia chu a lar in chhungkaw hausa tak ațanga seilian a ni bawk tichuan a chiang tawh em?" Ka ti ve hmak, a thaw hawk a.



"Ka thusawi hi chiang deuhin lo ngaithla rawh" a tih chuan ka lu ka thing nghek mai.



"Ka duh lo, tawp zawk ang engmah sawi belh tawh lo ang awmzia a awm chuang lo" ka ti a, min thing nawk nawk a, ka hmui a na zeta a rawn fawh rual chuan ka maimichhing a min fawp uar takzet mahse ka chhang let lo ka mittui chiah in ka biang a luang thla chungin chhanna a pe.



Ka chhan let duh loh avangin ka chalah chuan a rawn tauh ta dat mai a "dawt a ni lo thudik a nih kha" a rawn tih chuan ka nghilh dup in ka hria reilote tak tak chu engkim mai hi a reh vek maiin ka hria thawm engmah reng ka hrelo.



"Mahse contract hmang chauh in thla thum bak a ni dawn lo, chu thil hrilh tur che a rawn kal chu ka ni. Thil chu ka chingfel vek tawh alawm mahse he thil hi loh theih loh a ka tih leh a ngai chuan vawiinah ngei hian ka hnathawh engkim ka hrilh ang che" a ti a, ka lu ka thing a.



"Ka duh lo hriat ka duh lo" ka ti sap.



"Aih, i hriat a ngai. Pangpar chi khat chîng in chuta țang chuan drugs kan siam chhuak țhin. Ram hrang hrang ah hralh in chumi hmang chuan sum kan la lut țhin bawk, khawvelin misual pawl tih a an hriat lar ah member niin hna chelh lai mek ka nei..." a sawi zawh hma hma chuan ka beng ka hup a.



"Aih... ka ngaithla duh tawh lo sawi chhunzawm tawh suh khawngaih takin" ka ti țiau.



Ka beng hupna ka kut pahnih chu a rawn la thla a mittui luang chungin amah chu ka en a "ka la sawi zo lo Jane...engkim hriat i ngai. Politician tam tak te nen in hmachhawn in kan kawng dal tu apiang kan that țhin. Ka kut ah hian chung ho thisen chu a kai asin ka kut ngei hian ka that vek. Mi na zawng in zawmna ka siampui thei lo a ruat bik te chauh inzawmna ka siam pui thei, mahse nangmah ka neih theih nan chauh che a heng zawng zawng hi ti ka ni" a sawi zo chu ka tawlh hnung dâwrh!.



Min rawn pan a tum chu hlau lutukin ka lo en a a ding ve dat, a sam a tuai chho puat a "Higher i kal lai ațang tawh khan ka veng reng che a i chanchin, i nitin hun hman dan zawng zawng a bo a bang awm lovin ka hre vek țhin hmaih engmah awm lovin. I țah changin i mittui hruk hulna chang i hre ngailo a lukham i mamawh țhin tih pawh keimah chauh hre tu ka ni.



I u thlan i tlawh apianga i mamawh hre tu pawh keimah chauh. I nihna ang takin i lang chhuak duh loh tih te leh mi hmaah chuan chak ang taka lan i tum tlat te pawh a hre tu chu keimah chauh. Kha mihring i mittui ti tla tu leh na taka siam tu che pawh kha i hmaah in lan tawh lo turin ka hrilh a na takin ka sawisa asin. Mahse thil pakhat chiah ka hre thei lo ka tum ngial pawhin ka theilo, i suangtuahna ka chhiar theilo eng nge i duhthusam te pawh. Vawitam hriat tum in ka bei ka hlawhchham vek, khang zawng zawng kha i tan vek a ti ka ni asin i tan vek. Chuvang chuan ka Hmangaih che Jane... ka lak ațang awm hrang suh khawngaihin" a sawi zo chu ka thinphu a rang dup dup a.



A thusawi mal tin te chu ka bengah hian chiang zetin an rawn ri nawn dawt dawt hlawm mai. Higher ka kal lai ațang daih tawh zui ruk ka lo ni tawh a nih chu.



"I duhtawk in min ân khum thei ang, i duh duh ka chungah ti la mahse khawngaih takin min kalsan suh" a țap ve lek lek hialin ka hria. Ka kut te a khur a ka kaihza tha te chu an khur dar dar mai.



Țawng ka tum chiah kawngkhar a rawn inhawng țhuai a "in in be rei tawh. Thlawhna kan nang hman dawn lo ka nu ten Car-ah an nghak tawh che" ka u aw ka hre nghal a, Eddie-a thaw hawk in a zawm a.



"A kal dawn lo" a ti chiah chu ka hawi leh dâwrh mai. Mu leh mal pawh ka nei tawh lo a ni ber.



"Aih... ka kal dawn" ka ti chiah chu a au tuarh mai. A hawisawn lai chu remchangah la in ka tlanchhuak a step-ah te chuan tlan thla dawt dawt in pawnah chuan ka tlanchhuak a, khur dawt dawt chungin Car kawngkhar chu ka hawng a ka țhut luh ruala ka hawichhuak chu Eddie-a rawn tlan chhuak ka hmu nghal zat.



"Pa... tlan chhuak rawh vat in" ka ti chiam a, ka pa lah chuan "i diklo reng reng" tih pah chuan a tlanchhuak zui a hawi pawh ka hawi let duh lo.



"Mate.. i țha em? Ngatinge iva khur nasa ve" ka bula rawn tawlh phei pah chuan ka nu in a rawn ti a, amah chu ka en a "ngatinge i țah a? Na i nei em ni?" A rawn ti ruai, ka lu ka thing a.



"Min lo kuah" ka ti țiau, min rawn kuah rual chuan nghet zetin a hnungah kut ka suih bet nghal a "i chungah eng nge maw thleng le?" Ka pa nen chuan an ti vang vang a.



"Kum tam tak chhung zui ruk ka lo ni tawh a nih chu nu... in fanu hi kum tam tak chhung zui ruk ka lo ni tawh a keimah avang ten tual te a that hial asin" ka ti țiau a, ka mittui luang thla zung zung pawh ka dang buai duh lo.



Ka u thlan kan tlawh țum a ka mamawh ho alo awm ngawt chhan te kha ama lo tih vek ania. Ka ke a nat țum a ka țah a lukham a awm hnaivai loh thu min hrilh tu pawh amah tho a ni leh bawk. Thil engmah zêp lo a ka nihna anga lang chhuak ve tawp țhin tura min hrilh tu pawh amah tho a ni, chu pawh min duh thu min hrilh țum in.



Min hrechiang a ka awmdan zawng zawng te pawh alo hre vek a min tihdan a thiam zel bawk a mak ka ti a mahse a chhanna erawh ka hrechiang ta takzet ta. Min lo zui ru țhin a min lo belchiang vek a min dan chêp dan engkim alo hre vek bawk.



Ngatinge hetiang thil hi ka chungah a thlen bik kher le ngatinge ka chungah kher. Saruak ang maiin ka in ngai tawh ka in ngai tawh takzet.



Thlawhna chhungah pawh ka țhu ngawi reng a țawng ka chak lo takzet. Mutthilh ka tum a mahse ka muhil theilo, nizanah pawh ka mut theih loh avangin ka tlaivar tawh a ka mit a kham takzet a mahse ka mu thei chuang lo.



Thil tam tak ka ngaihtuah a mahse a eng ber nge ka ngaihtuah ka hre leh țhin tawh bawk si lo. A khât tawkin ka biangah mittui a luang thla reng a ka phone te pawh ka switch off hial bawk, mutthilh tum in han maimichhing ve mah ila ka thei chuang lo ka mit te hi a in kam vekin ka hre hial mai.



"Bawihte... kan thleng tawh a pawn lamah i țhian ten an lo nghak che ania" ka nu in min rawn sawi dat dat ah chuan chiang lo ruai in ka meng a ka lu a rawn na nghal ut ut mai.



Ka lu dawm pah in ka țhu mar a "kan va thleng hma ve" ka ti sap, ka lu ka thing nak a mahse engmah reng reng ka hmufiah hleithei lo, ka thing nawn leh a a phê leh ruai mai.



"Kal ila" a ti a, din ka tum a seat-ah chuan ka țhu thla leh dawt a ka lu ka dawm rual chuan khawi ațangin nge ka hrelo eng emaw hi a rawn kiu vung vung mai.



"I țha em bawihte... engtin nge i awm?" Ka nu chuan a rawn ti vat, thaw hak in ka lu chu na zetin ka dawm a ka khawhmuh a phê em em chhan hi engvang nge ni ang.



"Ka lu ana deuh a" ka ti a, ka awmdan mak lutuk hi ka sawi thiam mai lo.



"A nih chuan chhuak ila damdawi i ei vat dawn nia. Khawi le ka lo kuah ang che ding rawh le" a rawn ti a, min pawt tho a ka kawngah rawn kuah in keiin a nghawngah ka kuah thung.



Pawna kan chhuak te chu a êng lutuk a ka meng hleithei der lo "ngatinge?" Ka pa aw te chu ka hre ruai ruai mai.



"Ka lu ana deuh a tia a serious viau aniang paw mai la" ka nu in alo ti vat "a ngailo, mi an tam âwm si a zahthlak" ti a din țhat ka tum chu ka tlu teuh lutuk a min rawn dawm vat.



"I țhalo tawp mai, khawi ka lo pua ang che anga damdawiinah kan kal dawn nia" a tih chuan ka la hnial ve țang țang "ka țha lawm, min kuah ula ka kal thei mai ang" ka ti a, tih luih chi ka nilo tih an hre bawk a min kuah phei leh ta nge nge mahse keimah zawk hi ka dik ta hauh lo mai le.



"Jane..." Nghaki aw ri ka hria a, nui sak a ka hawichhuak tur chu ka khawhmuh hi a thim riai riai a ka insawh dawt bak hriat ka nei zui tawh rih lo.



Eng emaw ri țût țût avang chuan men ka tum a mahse ka tukhum rawn na zawk zawk avang chuan ka chhing leh riai riai a ka lu chu ka dawm a thlawhna chhung ai kha chuan tlem in a zia deuh tawh.



"Naute chu a țha e, mahse a nu hi a taksa a chak lo a eitur țha leh damdawi ei țha rawh se aw. Thil ngaihtuah vak vak lo se tih hlim in tum hram hram dawn nia" ti a an sawi chu ka hria a ka meng chhuak riai riai.



"A harh e" tih ri in a rawn zawm leh a ka sir lam ka en rual chuan ka nu hmel ka hmu a ka kut chu nghet zetin alo hûm a ka nuih var var "i țha tawh em? Na i la nei em?" Min ngaihtuah tih hriat zet hian a rawn ti a.



"Ah... ka lu hi tlem in ala na deuh a" ka ti a.



"Kha chu a reh mai ang damdawi ka pekna che ala rei lo a, na dang i nei em? I tâi te ana em?" Doctor ni ngei tur chuan a rawn ti a "aih ka țha vek. Naute zawk a țhalo ami?" Ka ti nghal vat a, ngainatawm zet hian a nui a.



"A țha lutuk e, na dang nei lo a ilo harh thei chu a lawmawm e i pa nen thil kan va sawidun lawk ang a lo mu hahdam la" a tih chuan maimichhing in ka lu ka ti che zeuh a.



"Na dang i nei tawh lo tak tak maw?" Ka nu bawk chuan a rawn ti leh, ka nui a.



"Ka țha lawm, engtia rei nge ka mut a?" Ka ti a, ka puan sin chu a rawn siam țha a.



"Darkar 6 lai mawle min ti mangang hman alawm. Tun ațang chuan damdawi țha te, eitur țha te i ei vek tawh ang naute hrisel tak alo pian theih nan leh a nu anga hmelțha a nih theih nan" ka pum khawih pah a a rawn tih chuan ka nui hak a.



A kut chu ka vawn hnan sak a "ka pa chuan min haw tawh lo tiraw?" Ka ti sap, ka awm ala nuamlo reng mai.



"Um... eng nge i chunga thleng kan hrelo mahse i nu leh pa te hi nakinah chuan engmah zêp nei lo a min la hrilh vek kan ring, in siam rem nan hun ila mamawh ang tih kan ring alawm hun harsa tak i paltlang ve mek bawk a nawr lui thei che kan ni hleinem" nui var var in a rawn ti a ka thaw ta ham ham.



"Ka lawm e" mittui tling pam chungin ka ti a, ka mit chu min rawn hruk sak vat a "țap lo la nau i pai tawh kha intihchak i ngai ania. Doctor kha i pa țhianpa fapa ania a thiam a a fel bawk a țha takin a enkawl thei ngei che in ka ring" a rawn ti a, ka bu nghat bawk.



Ka țhiante an rawn kal sap sap a min ngaihtuah thu an rawn sawi sap sap hlawm bawk. Ka chhungte hian Nghaki chiah nau ka pai thu an la hrilh a midang chuan an la hrelo, hre rih lo mahse pawi ka ti lo zawhna chhang turin ka la in peih rih lo êm a tin ni.



Ka phone chu ka on a missed call pawh ka dawng nual a number lawng ațangin a tam ber. Data pawh on ta lem lo chuan ka hmet kual vel mai mai a ka on a nih vaih chuan message a in delivered anga a buaithlak mai mai.



Gallery-a ka lut tur chiah chu number lawng ațangin call a rawn lut a ka number save loh a ni bawk sia ka chhang hlau ve tawp a chhan pawh Eddie-a a ni ang tih ka hlau.



Tîm dâi in ka pick a "Jane-i a ni em aw..." hmeichhe aw hian a rawn ti a.



"Aw ni e.. tunge aw?" Ka ti let a.



"Tunge ka nih a pawimawh lo, engtin nge khatiang khan Eddie-a bulah thil i sawi theih zawk a? Nangmah a neih theih nan che khang zawng zawng kha ti a ni asin, a thlahlel che a mahse chuti chung pawh chuan i kiangah a awm ve theilo a tih ve theih chhun chu phone a i nui hmel thlir a phone hmai chûl chauh asin a tih ve theih.



A thlahlel em em zel che a midang lak ațanga a venhim theih nan che khatiang khan a che mai a nih kha. I kianga a awm ve theih nan a rank up a ngai a tual te pawh a that hial țhin asin. Nang hian engmah i hrelo i hrelo takzet i rin aiin a tuar nasa ang" thinrim zet hian a rawn ti zung zung a.



"Engmah sawi ka duh ve lo" ka ti sap, a rawn nui hak a a aw hi hriat tawhna ka nei chiang a ni.



"I â amaw ni le, hetiang khawp a duh tu che leh hmangaihtu che, thlahlel tu che hi engtin nge i thlah thlam theih zawk? A hnathawh pawh i hria em ni? I tana a hnathawh țhin te pawh i hria em ni?" A rawn ti leh țhat!.



"Ka hria, a hnathawh țhin chu amah ngeiin min hrilh a tual a thah țhin thu pawh min hrilh" ka ti ve sap, ka puan sin chu ka hmer nghek a ka biak nu erawh a rawn nui leh hak.



"A hrilh ang che chu.. loh theih loh in i siam miau alawm. Mahse khang a hrilh che erawh hmun thum a țhen a hmun khat chauh ala nih kha kha aia tam hriattur ila nei" a rawn ti leh, a rawn thinrim ve vak nachhan hi ka hrelo takzet tunge a nih ka hre bawk si lo.



"Engmah ka ngaithla chhunzawm duh tawh lo ka dah ang e" ka ti a.



"I dah hma in ka thusawi hi chiang zetin lo ngaithla rawh. Tuna a thiltih tum rawh tihtur suh, va dang rawh nangmah chiahin i dang thei" a rawn ti a.



"Maw?" Ka ti hap.



"Nangmah avangin contract sign a duh lo a pindan thim ah khung a ni dawn, va bia la va dang rawh nang chiah in i dang thei" a rawn ti leh. Ka hawikual ruai a.



"E... e.. eng nge awmzia pindan thim i tih chu eng nge awmzia?" Mangang zetin ka ti nghal a.



"A biakna tur ka rawn thawn ang che va bia la nangman va dang rawh. Dar 3 chiah hun i nei dam in a rawn chhuak leh kher ang em pawh a hriat loh" a rawn tih leh lek phei chuan ka khur ti tih hial mai, eng nge a thusawi awmzia hi ni le? Engmah ka hrethiam lo takzet.



Mahse....



"Ka theilo ang" ka ti chiah chu.



"Maw!?" Ring zet hian a rawn au tuarh mai!


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)