HEY DADDY By Mami pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

HEY DADDY By Mami pachuau (Completed)

Unread post by Ngaia » May 1st, 2022, 9:59 pm

m5t2vd2w.jpg
m5t2vd2w.jpg (15.46 KiB) Viewed 14060 times
"Min kalsan luih țalh tum lo teh ka tihpalh takzet, ka sawi tawh kha ka bialnu a ni lo zan khat chauh hun ka hman pui"

"Zan khat chauh huh! A sawi pawh i sawi ngam zawk hle mai a ila zak miah lo lehnghal ania....." ka sawi zo hman lo "anu..." ka fapa aw ri ka hriat avang chuan ka tawp leh rih a ka awmdan chu siam rem zung zung in nui sâng in ka hawi let a kawngkhar bulah chuan alo ding reng tawh.

"Lo kal teh le bawihte" tih pah chuan ka lama kal turin ka hui phei a hmanhmawh zet hian a rawn tlan ve a "ah.... ama hei enteh apa thlalak ang chiah chiah kha hetah hian a awm" ka fapa in mak tih hmel zeta hnunglam thlek hâ pah a a tih chuan ka awmdan ka siam rem nghal zat a thup reng a țulna ka hre tawh bik lo.

"Um... heihi apa tak tak kha alawm. Le, apa bulah hian i hming te kha hrilh rawh le" a hnung a chul zeuh pah chuan ka ti a a pa chu a melh chho ve kiau a Eddie-a hmel a mak tihna lang chhuak bak bak a hmuhnawm a awm lo.

"Hey Daddy" ka fapa chuan lai zet hian a ti chhuak a.



HEY DADDY CHAPTER - 1

Ziaktu : Mami Pachuau



★ Jane Rodingpuii POV ★

"Jane... enteh saw saw Eddie-a kha a ni tiraw i u bodyguard kha... chhelo deuh kha, a ni chiang lutuk" Ramnghaki chuan ka beng bulah a rawn ti chûl, a kawhna kut chu ka ben thlak sak a " dawr a nih hi mi kâwk vak vak zel suh" tih pah in a en na lam chu ka en ve a mipa pakhat coat suit nena in thuam thlap min hnungchhawn zawnga ding te tlawng ka hmu.




"Ka hrelo e a hnunglam ațang chuan tumah a hriat theih hleinem bakah ka u bodyguard te hi ka hre ve vak lo ka la hmu lo hlawm a" coke in pah chuan ka ti liam satliah ve mai "i ninawm... i khulam awm ve hi i chhaw hui ringawt mai saw alo hawi chiang deuhin enteh" tih hlak pah chuan ka coke in lai chu min rawn lak sak.




"Ivan ninawm tak e aw... engatan nge maw ka u bodyguard mai mai pawh chu i tih le" a coke ken laksak pah chuan ka ti a, nichina mi pa dinna lam bawk chu ka en phei leh kan lam hawi zawngin alo ding tawh bawk "a ni tiraw? Uiha.. a chhelo e.. a pian te saw a fuh si" a tih zawm zat, ava han hneawm tak!.




"Nih te pawh a ni ang kha.. i eitur kha ei vat rawh a dai zo dawn..." tih pah chuan fork chuan a sa lai chu ka zu chhun a a ka ah chuan hnawh sak in ala rawn khuh kharh kharh zui "tikha chuan kan awm reilo deuh ang, enta che... kan thlen hnua rawn thleng te pawn min chhuahsan vek tawh ei vat vat rawh" ka ti a, a tur in ka tur zawk mawle, fork lak thlak pah chuan min la rawn chhiat khum hram lehnghal.




"Enteh... ihmaw chutianga star vanga sawi pawh ka nilo mi sawi ka hriat vang ania ka sawi, chu pawh kan veng ho" a eitur ei pah chuan a rawn ti leh kei erawh chuan coke ka la in thung "engtin nge an lo sawi a" ka lo ti ve mai.




"A pa kha MC security guard a nih thu an sawi a i u zarah a lar ve sia bakah inngaizawng angin an thang deuh reuh bawk sia mipui ngaihven a hlawh ve alawm" a rawn ti a, a hmuam pawng sia a țawng ka hre țha hleithei lo "duh leh sawi se enge pawi ka buaina tur pawh ni hleilo thil kha ei vat vat la kal teh ang kalna tur kan la ngah si dawr neitunu sawn min melh sa tawh ang chu aw..." ka tih zawm a, a ei zawh meuh chuan kan chhuak ve ta hram bawk.




"Enteh Jane... sawi leh ta țhin ila i u bodyguard pa kha a chhiat loh zia kha... a engkim kha a perfect vel vek a casual dress nen ka hmu chak ngawt mai. Khawvel hi ah! Kan duh ten min duh lo a min duh tute kan duh lo leh a alo ho tiraw?" A tih zawm zat a ka ngaithla liam vel mai mai, naktuk alo thleng a nih loh chuan henu hian a sawi bang thei dawnlo chuvang chuan vawiinni hi zo vat vat se ka ti hle bawk.




"I dawr hi hmundangah chuan i sawn dawn tak tak ami?" A dawr chhunga kan luh rual chuan ka ti a, dawr kawngka a inhawn ruala dar ri awm țhin hi hriat a nuam ka ti hle bawk.




"Um... helai chu a pilril reuh lutuk a hmun ual au deuh hlekah sawn ka duh a mahse a sawnna tur phei chu kan la hmu chuang law, ka pa in min ensak dawn a chu chu ka nghak" a ti a, ka thil khai vel chu ka pe a "ni ve tho... order te pawh i cancel zel a ngaih phah țhin a a buaithlak i inhralh thei ve si" ka ti a, ka thusawi chu a pawm leh hle tawh aniang maw... a bu uar lutuk ringawt.




A chair-ah chuan ka țhu thla a "enteh.. ka sawi leh dawn, i u bodyguard..." a sawi zawh hma hma chuan ka ding chhuak hluai "a hneawm emai Ramnghak.... vawi engzat nge min sawipui i tum, ka hrelo ka tih mawlh mawlh kha vawiin kha ka vawikhat hmuhna a țha em? Ka sawi ve peih lo ka ning a ninawm" ka ti vak a, a inthlahrun hmel êm avang chuan ka awmdan ka ti pangngai leh deuh a.




"Ka tihpalh, ka hre ngai bawk si lo a i sawi peih êm a ka ning lutuk a" ka ti leh ringawt, a rukin ka țhen nasa maw...




"Ka hria... ka rilru ah a awm reng a chuvang mawle ka sawi tawh lo ang. Mahse enteh... i u bodyguard te chu ngatinge..."




"Aaaaa....." inher meuhin ka ti vak, ala nui zui "i hriat loh... a chhunzawmna nih kha" a tih rual a a tlan chhia chu ka ûm phei nghal a kan pahnih in kan rak chel chul mai. Vawiinni a ral hma loh chuan a sawi bâng dawn lo ka beng a kham lawk e a.






"Bawihte... helama awm chu enge a an? Khulam ai chuan a zia deuh em?" Ka pa chuan zanriah kan ei lai chuan a rawn ti a chawhmeh ka suah chu ka nu thlengah ka dah a "umm... a nuam daih zawk a hahdam thlak bawk, ka chawlh chhung hi chuan ka duh duh ka tih in phal ang chu tiraw?" Ka pa thleng a anțam dah pah chuan ka ti leh keuh, an pahnih chuan an in en a an nui ringawt.




"Lutuk e a... mahse hmang nuam lutuk lo la" ka pa chuan a rawn ti a uar zet hian ka bu nghat nghat.




"Enge Nghaktei nen chuan vawiinah in tih a?" Ka nu chuan a rawn ti ve ta hram, min zawt har ka ti reng a ni "a mamawh vel ka leipui a thil te kan ei a a dawr te kan tifai a chung vel chu a ni mai vawiin chu tihtur em em alo nei lo a kan titi vel mai mai naktukah pawh tihtur em em inah a awm loh chuan ka phei leh ang" ka ti a, thildang kan sawi zui daih bawk.




"Taka nu... ka u zanin alo haw dawnlo mi?" Chanchinthar kan en lai chuan ka ti a, sana chu a en a "ka hrelo, an la buai aniang min la rawn be lo a nakinah kan call dawn nia" a ti a. Ka țhu țha ve mai, mahse zawh tur ka neih leh avangin a lam hawi zawng chuan ka țhu leh a.




"Nu..."




"Ummm.."




"Ka u leh a bodyguard pa in sawi zui an hlawh ami? Vawiinah Nghaki khan a sawi a inngaizawng ang ten an thang te kha a tia a ni tak tak ami? Ka u bodyguard te hi ka la hre ve lo reng reng" ka ti a, a kawrlum phiar lai chu dah rih in min rawn en a ka lo en ve kiau.



"I u chungchang reng reng miin an sawidan hi âwih ngawt ngai suh ang che miin i bulah thil an lo sawi a nih pawn âwih lo in i u zawt fiah hmasa phawt țhin ang che i hria maw?" A ti a, ka bu nghat.




"Khi... i u pawh chanchin tharah a lang leh tawh a nih khi... ngaia neih ava har țhin ve" ka pa chuan a rawn ti teh hluai, ka nu nen TV lam kan en nghal a a interview neih lai an rawn ti lang chiah. A bulah vawiina ka mihring hmuh kha a ding ve reng bawk a ka u hmelțha bik lutuk hi ka thîk țhin, tun thleng pawn ka la thik.




Model a nih mai bakah actress a ni bawk a chawlh pawh a nei ve hman ngailo Mizoramah hian a awm khat ve pakhat bawk a, kan chhungkaw bula a hun hman theih ni chu Sunday a ni mai, Sunday ni hi chu in lamah hman ngei ngei a duh țhin a chuvang chuan chawlh a inpe tawp țhin. Hmundangah pawh awm se Saturday zanah a rawn thlawk haw hram zel.




"Tuilum sa ver vawr in ka inbual anga ka mu dawn... ka hnungzâng te ana vek, mangțha u" ti hluai in ka tho chhuak a chapal chu ka inthawlh a.




"Mu lo ang inî te an lo leng dawn a, han inbual la i rawn chhuk leh vat zawk dawn nia an lo thleng țep ang" ka nu chuan a rawn ti a "ummm" ti zâwi sep in ka room lam ka pan chho hna hna bawk. Anî te hian kan chhungkua ah chuan boruak siam tu ber ini min ti țhin, a ni reng bawk aniang ka țawng hnem ber zel ka u inah a awm khat si a zin deuh reng bawk a eng em em nge maw a tih țhin bik ni, niminah ka haw chho a tun thleng in a hmel pawh ka la hmu lo chu nia ngaih man pawh a awmlo henu hi chu.




Kan chhungkua hi panga kan ni a chuan kan unau zingah ka naupang ber bawk, kan upa ber hian nikum hmasa khan min boralsan tawh a tunah chuan ka u hmeichhia nen chiah kan ni tawh, ka nu hian thawmhnaw a zuar țhin a ka pa hi eng Company ah nge mawni a thawk bawk chuan kei hian lehkha ka la zir thung.




Ka dream chu tupuikam ah kal a chutah chuan puan in kaih a zana telescope hmang a arsi en a duhthu te sâm a chu duhthusam chu thleng dik ngei se tih a ni. Mahse ka pa hian tupui hnaih hrim hrim ah te leh dil angah te kal a phal ve lo ka awmna Hostel pool-ah tak ngial pawh ka chên a phal lo, a chhan pawh kan upa ber kha tui ah a tlak hlum vang a ni. A hlauhna tih belh chhah sak ka duh lo a chuvang chuan ka kal ngamlo reng a mahse tun thlengin ka la chak a engtikah emaw chuan ka la kal theih ngei ka beisei bawk.





"Nu... pa, ka kal ka hmanhmawh Ramnghaki dawr bungrua lak pui a ngai a" step-a tlan thlak pah chuan ka ti thla lûng lûng a "la kal lo la, i u a rawn haw dawn asin i hmu duh a ni lawm ni" ka nu thusawi avang chuan ka chhuak tur chu kawngka bulah ka ding leh rih.




"Pawilo mai.... khawiah mah lo chhuah tir tawh lo ula chu chu ni mai ka kal" tih pah in ka tlan chhuak lehnghal a kan veng taxi stand lam chu tlan meuh in ka pan phei bawk. Ka duh chuan Scooty pawn ka kal thei reng a mahse ka khalh thiam lo ta a nih chu, in zir ve reng reng ka ngai a ni.




"Ui.... i rawn thleng fuh lutuk i u in a nghak reng tawh che a" dawr chhung ka luh rual chuan Ramnghaki chuan alo ti nghal thawr "ka u maw?" Ka ti hap a a bu nghat nghat.




"Mahse engtin nge hetah a awm daih daih theih?" Ka tih chuan kut phar meuh in a dar a sân a "office chhungah a awm va lut rawh alo nghak reng tawh che" a tih chuan a Office lam ka pan phei nghal a.




"U..." office chhung ka luh rual chuan ka ti vak a, ka aw hria in rang zetin a rawn hawi a min hmuh rual chuan a țhutna ațanga tho chhuak in min rawn pan a ka hmaah chuan ding in a kut pahnih a rawn phar chhuak a hmanhmawh zetin ka va kuah nghal vat.



"Nimin piah ah ka lo haw a mahse tunah chiah ka hmu che a a fair lo iti ve thlawt lo maw?" A hnunga chum pah chuan ka ti a, a rawn nui hak.




"Ka tihpalh, ka buai lutuk a thildang ka ti hman thlawt lo" a rawn ti a, ka samah chuan a chul a.




"Min ngailo tawp a nih kha" lungawi lo zetin ka ti leh.




"Ka ngai che lawm... ka ngai ber che, i u hi a buai lutuk a a ngaihsak hman lo che a tihpalh aw mahse tunah chuan a hman rih tawh dawn alawm heta i awm chhung chu i duh apiang kan ti dawn nia ka free dawn alawm" a ti a, ka kuahna ațang chuan ka awm hrang a.




"A nih chuan... i hman dawn chuan Scooty khalh ka zir duh, chhuah vel naah a buaithlak lutuk a i nau hian Scooty khalh ka thiam lo" ka tih chuan za zet hian a nui a ner nâwng in ka en chho a.



"A nuihzatthlak thlawt loh aw... kum 20 ka tling ve tawh dawn a mahse Scooty khalh ka la thiamlo chu nia ka kum ngaihtuah in a zahthlak fê zawk" ka ti chiam a, amah chu kalpelin chair-a țhutthlak chu ka tum a mahse ka mi hmuh avang chuan ka phu nghek!.




"Min ti phu nasa lutuk, i awm tih ka hre miah lo" ka âwm dawm pah chuan zâwi zet hian ka ti a mahse chet pawh che lo in a ding khawng reng a a kut a hmalamah a suih a hmalam a melh ngur a nih chu! Thawm chhete tal neih ve âwm.




"Zir mah la i thiam dawn chuang ami ti ve lo law law teh Jane i inti na zawk zawk mai" nuih insûm tih hriat lutuk tak maiin ka u chuan a rawn ti leh chair-ah chuan ka țhu thla dawt a "ka zir te chuan ka thiam ve mai dawn alawm mi pawn pilh phung in an zir a an thiam mai lawm... Nghaki hnen ațanga ka hriat a nih kha" ka tih rual chuan za zet hian a rawn nui leh a kei pawh ka nui ve ringawt.




"Taka... heihi Eddie ania ila hrelo maithei chuan Eddie heihi ka nau a chanchin chu i hriat fo kha thlalak ami kha a nih hi" tiin nichina khawng vek a ding mipa lam ah chuan ka chair chu a pawt her a khawng vek a ding pa lam ka hawi rual chuan ding ngil in a kut chu a sir ve ve ah a dah a chhete hian a rawn kûn a khawng vek ang khan a ding lehnghal a nih chu.....




"Um... Eddie hi chu a țawng tam vak lo a" a rawn ti a, chhang lemlo chuan Eddie-a a tih pa chu chiang zet hian ka en a a jawline lah chu a nalh phian lehnghal mahselang sipai ang mai, a khawng vek mawle a chelo hrim hrim ka en tih pawh a hre reng âwm sia thu lah chu a âwih phian lehnghal a.




"Nghakte... kan hmanhmawh sia kan kal mai ang vawiin chu ka nau hian a pui thei dawnlo che a a pawi tak tak a ni" ka u țawng ri ka hriat takah chuan lu thing nak in chair bawk chu ka her leh a "a pawi hleinem kei pawh dawr ka khar dawn vawiin chu Cake siam ka ngai a khanu te kha ka hrilh theihnghilh pek alawm" Ramnghaki'n a tih rual chuan ka lo ner nâng hmelchhe leh lutuk mai.




"A nih chu... chuan lawk aw thil pek tur che ka nei a Eddie... Car lo va tinung ta che" ka u in rawn hawilet meuh a a tih rual chuan ka hawi let ve leh tawp, Eddie-a chuan a ban veilam chu a pum zawnah nghat in a kun leh zeuh a a kal chhuak nghal daih. Woah! Kha mihring kha robot a ni zawk hial lo maw... khatiang em em mihring an awm ngai pawh ka hrelo e a.




Ka u in Nghaki chu thawmhnaw leh cake order tute list a pe a a hlim lutuk zuang nasa bawk si khan a ke a ulh țep. Thawmhnaw a zuar a chumi pah chuan Cake a siam ve țhin bawk a thil zawrh la chhawng tu a ngah theih êm avangin a Cake an rawn order sa pawh a cancel leh țeuh zel, kei pawn a cake siam chu ka ei ve tawh a siam baka tui ka ei âwm pawh ka la hre chuang lo.




"Inah haw phawt ila chaw te ei ila kan chhuak leh dawn nia engmah ka la eilo" ka u chuan a rawn ti a, Car-in in lam kan pan mek tawh "umm... kei chu ka ei tawh a ka lo nghak mai ang che" ka ti a, min rawn kuah rual chuan a bulah ka va tawlh hnai a a phone a ri ve leh chiah lehnghal.




"Kan chhang lawk ang e ka be reilo ang a pawimawh a" a ti a, bu nghat in ka țhu țha ve leh mai, Car khalh tu pa chu glass ațang chuan ka en a a motor khalh ah chiah a rilru a pe tih a hriat, ngawih reng ai chuan tiin "Eddie-a tiraw?" Ka ti mawi hnai ve a, min chhan ve ka rin nen min chhang miah lo nia mawle.




"Niminah khan dawrah khan enge i tih ve a? Kan awm ve kha min hmu em? Kei chuan ka hmu che" nuih deuh pah hian ka ti leh hram, min la chhang chuang lo nia mawle, woah! He mihring hi robot alo ni tak tak a nih dawn hi. Kei a pawh chu engvanga țawng ngailo biak țawng tum phêt nge maw ka nih le hahthlak lutuk!.




"Zawhna chhan harsa pawh a nih loh nen min chhan ve mai âwm" ti zâwi hlak in țhut țhat ka tum a mahse motor che ta dawt ah chuan ka âwn vak a seat hma chu ka vuan hman hlauh ka u in a chhan a rawn zawt vat a ka lungphu ran hman zia kha.



"Sorry... Car kha a rawn kual thut a ka lo hmu lo a" a tih sup rual chuan amah chu ka en rang tawp! Aw... tunah khan a rawn țawng ve mawle, hram chuan leh! A lawmawm lamah kal mai teh se.




In kawt kan thlen chuan chhuk tum a Car kawngkhar ka vuan chiah chu min rawn hawn khalh daih, hrilhhai zetin ka u ka en phei a an lo hawnsak daih tawh chu niin chhuah alo tum mek! Woah! Hetiang hi ka chunga a thlen tawpna ni teh se hetiang hi ka ngaina ve mai mai lo.




Ka chhuk a ka din țhat rual chuan Car kawngkhar chu Eddie-a chuan a khar leh a, a din ngaiin a ding leh hmak "Eddie... min lo zui lut ula nangni pawn engmah in la ei loh kha... min hnial in tum chuan ka pawm dawnlo tih kha hre reng ula" ka u chuan ka bula rawn din pah hian a ti a "aw le" an ti rual dun lehnghal... mipa pakhat saw khawi ațangin nge alo lan tih chu ngaihtuah tham fê ava ni ve ka â zo dawnin ka hria.




"Jane... khawvel hi alo mak tiraw?" In lam kan pan lai chuan ka u chuan a rawn ti a.




"Mak e mawle.... a mak tak tak a ni, a mak lutuk hi sawi ngaihna pawh ka hrelo a nih hi..." ka ti chiam, ka țawng lai chu mak tih hmel zet hian ding meuh in min lo en reng a "engmah a ni lo lut ang, ka nu bai siam rim ka hria a ril a țam țha leh" ti daih in amah chu ka kal pel a inah chuan ka lut tlang daih bawk. Khatiang a mihring an awm ka la hmu ngailo ka mak tih ala reh theilo nasa hle bawk.




Ka pa pawh hna ala kal lo deuh a chaw la ei chak viau mah ila ka pum ka ngaihtuah deuh avangin ka u te ei ka lo nghak thung. Ka nu eisiam hi chu ka hne theilo, eng ang pawn chaw ei hnem mah ila ei chakna in ka khat leh vat zel tho mahse ka thau thei chuang lo.




Varanda a ka nu țhu chu ka pan phei a "Dawrah i kal dawnlo ami?" A bula țhut thlak pah chuan ka ti zui a "ka hrelo le, ka rilru ala insual a nih hi ka peih leh chawhnu lamah ka va phei ve mai ang Hriati a awm tho a ngaihtuah awm loh ang" a ti a, ka pa kawrlum tur a phiar lai hi chuan a inti buai ngei ngei.




"Nu... tunge Eddie-a lo zawk mipa kha... a rawn lang thut a min ti hrilhhai alawm" inchhung lam thlek zeuh pah chuan ka ti a.




"F-a nih kha kan driver, ni reilote chhung chawlh a la a vawiin khan a rawn zawm a nih kha i pa hi a khup a nat chang hian motor a khalh hleithei țhin lova i u in a rawn tir a țha deuh khan bia la a țawng duh ve reuh zêk ania" a ti a, ka chhang tawh lem lo.




An eina vel kan tihfel sawk sawk hnu chuan kan chhuak a a hnathawh hrang hrang te leh tunlaia a tih ber te ka zawt a țha deuh in min chhang vek bawk. Ka pa hian a chang chuan a hnathawh hi a duhpui lo țhin mimal zalenna a neilo a tih avangin mahse ka u nih chak leh a suangtuahna te a nih avangin a sawisel sak ngai lo a support țha em em bawk.




Ke a kal ka duh tlat avangin Park lam pan chuan ke in kawngsirah kan phei zel a "Jane.... enge Sanga nen khan in chanchin?" a rawn ti teh thut.



"U... khati lam kha chu sawi lo ang ka sawi peih rih lo nakinah kan sawi zawk dawn nia" ka ti a, a lungawi hmel vak loh na in ka ngaihsak duh lo lui a bakah kan hnungah Eddie-a khan min zui ve reng a chuvang chuan ka sawi dawt ngam bik lo.




"Ah saw... lapaw chini lo kal rawh lei ang ka ei chak" ka ti vak a, hmalam a en phei rual chuan a kutah ka kai a lapaw chini an zawrhna lamah chuan ka tlanphei pui a.




"Ka pu pathum min lo pe aw a tam hmel hmel kha" vai pa bul kan thlen rual chuan ka ti nghal a "kha ule" ti a min rawn pek a tum chu a kutah tak chuan an rawn man sak chawt. Ka en vat rual chuan Eddie-a lek kha alo ni min rawn en ve chiah bawk a.




"Hriatchian pawh nilo hi Miriam-i eitir tur a ni lo a tan a țhalo" a rawn ti thûm dut! Țhen meuh in vaipa kut a vawnna chu ka en a a kutah chuan a thisen zâm alang kulh mai, vaipa lah chuan ala hlauh hmel em em mai lehnghal.



"Mahse... hengte hi chu kan naupan lai pawn kan ei fo alawm, i ei ve ngai lo ami? Ei ve rawh a tui alawm" ka sawi tawp lam a amah ka en avang chuan a tawp lam chu a zuih ral vek thei a hmel a rum ûl mai.




"I tilui a nih chuan heng hi ka tihchhiat sak ang" a ti chhum hmuk! A aw han hlauhawm dan chu! "Hey... ka" ka ti chiah.




"A pawilo Eddie, henghi chu kan ei fo alawm a tui lutuk nangpawn ei ve rawh" ka u a rawn țawng hman chiah, tunah khan hlauh avangin ka khur hlum lo chauh he mihring bulah hian rei pawh awm ka duh tawh lo e a min ei zo duh mai dawnin ka hria.




"Mahse Miriam... i tan a țhalo" a aw ala nêm chuang lo mahse keimah min biak dan nen chuan in danglam hleih tak a ni.




"A țhat lohna engmah a awmlo, kan ei fo alawm nangpawn ei ve rawh, ka pu pathum chu min lo pe rawh" ka u chuan zaidam takin a ti leh a, Eddie-a chuan vaipa melh hrâwk pah chuan a kut chu a la thla a ka u in pek a tum chu duh lo tih hriat zet hian ngaihsak zui lo in kan hnunglamah chuan a ding zui leh daih bawk.




"Jane..." ti a ka ban a rawn sâwi takah chuan ka inher a lapaw chini chu min rawn pe a ka lo ban ve mai. Ka sir lam chu ka mitsir a hmel rum ûl chung hian Eddie-a chu alo la ding rûn a nih chu..... Ka en lo rang chiang asin, tunah khan khatiang thil avang mai mai khan kha vaipa sumdawnna kha tihchhiat sak a tum ringawt ania a khawngaihthlak nen nen he mihring hian khawngaihna a nei thlawt lo ania nge robot chu alo ni tak tak a nih dawn hi.




"Hey... enge i ngaihtuah?" ka hmai zâwn a thil rawn thawi fua ka hmuh rual chuan ka harh deuh zawk a mak tih hmel zetin ka u chuan min lo en reng, ka nuih lui a "engmah ngaihtuah lo e pathum i lei bawk sia pakhat kha chu inah hawn mai ang ka nu pawn a duh ang" ka ti a, alo bu ve mai bawk. He mihring ka hnunga a kal tlat avang hian ka awm a nuam thei tawh lo reng reng ka chhunglam hi a hah ru ngawih ngawih mai ni.




"U... sawpa saw bân teh, a hlauhawm ngatinge nilengin min zui kual reng a" dawr kawt a Eddie-a awm melh zeuh pah chuan ka ti ru sa sa, robot ang chiahin a awm leh tawh "i ho țhin emai, min ngaihtuah avanga khatianga awm a nih kha ngaiah neih tum rawh a tihdan ve reng ania. Ka pi heihi kan lo la ang aw" tiin kawr pakhat chu a khai chhuak a ala kalsawn zui daih lehnghal.




Ka u ngaihtuah pawh nise a sumdawnna tihchhiat sak kha pawi a tilo tih a hmelah khan a lang reng, mi'n harsa takin an zuar ve a an theih ang tawk an ti ve a chuta kara a ni khawngaihna neilo engmah hrelo khan a sumdawnna tihchhiat sak pawi tihna a neilo ania ramsa hlauhawm nen danglamna an nei țhailo.




Eng eng emaw kan ti dûn a, kan awmdun apianga kan tih țhin games te kan khel a helama ka chhoh hnua ka hun hman nawm ber pahnihna a ni hial ang. Unau ve si ah chuan kan inhmu khat em em a tam zawk chuan unau kan ni tih pawh an hrelo mahse lehlamah chuan a fuh zawk phian zel.




"Ngaihzawng hi chu neih tur nei rual in ni ve tawh dan che pawh kan tum lo, mahse i neih ang hian tu mihring mah in an neilo tenawm lutuk!" Kan veng kan pan phei lai chuan kawngpui ân mai a in awm ațang chuan pa ber thusawi chu kan hria a thawm dang eng emaw a awm zui leh nak nak bawk.




"Ka pa khan Zorama nen kan inngaihzawn lai khan min hau ve nasa thei asin aw... nang chu ila te lutuk, zanah chhuah ruk kan hrat thei si min man chhuak ziah a min hlap ziah tun thleng hian ka la theihnghilh theilo, min khuahkhirh hi ka ti thei lutuk a mahse tun hnuah hian ka tan țha tur vekin alo ti tih ka hre thar leh țhin. Min hlap apiangin nasa deuh hian ilo țap ziah zel" a tih chuan ka nui hak a.




A kutah chuan ka kai a nghet zet hian alo hûm a "Zorama i tih chu ka hre ve hman em?" Ka ti sap, ka u hi kei ai a upa daih a kum 26 a pel deuh chiah maithei kan upa ber nen khan kum 2 chauh in an in thlau a kei erawh fa an neih theih pawh an rin tawh loh hnuah ka nu a rai leh hlauh a chuan ka lo piang chhuak ve leh chauh.




"Hre hman chiah lo maithei mahse i têt lai kha chuan a awm ve nasa thei lutuk che, alo len hi chuan i zui kual reng zel a ice cream alo ken loh che chuan i dil țang țang zel" a tih chuan ka ner nâng.




"Ka va nasat hmel ve" ka tih chuan a rawn nui hak hak a.




"Nasa lo e... ka țhiante ho ah chuan i ngaina ber ang zan tin hian alo leng țhin a, a hman loh chang a alo len loh chang hian i tûm ve bar zel. Mahse tunah chuan Serchhip lamah an awm daih tawh a hriat pawh min hre tawh lo ang nupui a nei tawh a fa pawh an nei hial tawh in ka ring" a ti a, a nunhlui a hre chhuak a ni mahna ka kut chu nghet zetin a rawn hmer a.




"Naktukah ka hnathawh naah ilo kal ve duh em?" A rawn tih chuan amah chu ka en vat a "tak tak ami? Khawiah? Mahse ka kal ve chuan ka hnawksak âwm" ka ti zui niah niah, ka kut a kaih chu thlah in ka darah min rawn kuah ve thung a.




"Kan kal hunah i hre mai ang i duh em?" Nui sâng hian a rawn ti leh a.




"Duh e... mahse ka țhian ten inhmuh an tih loh chauh in, naktuk hian chhuah ho an ti deuh reuh a zanah ka lo zawt chiang leh ang. In kan thleng țep bawk sia chumi hma chuan khawiah emaw kal leh lawk ang in kan luh chuan a tlai tawh ang reng sia ka nu in chhuah a phal tawh dawnlo" ka ti a, kan in chu hêl in kan veng basketball court hnunglamah chuan kan lut phei a kan têt laia kan infiam țhinna hmun phûl ah chuan kan țhu a thlifim a rawn thaw heuh heuh bawk.




Helam a ka haw chhoh chang hi chuan inah ka awm peih thlawt ngailo, an vaiin nitin min chhuahsan vek zela mahni a awm ka peih loh avangin Nghaki bulah ka awm a nilengin dawr ka nghah pui ve thlap zel tlaiah an haw hma in ka haw leh țhin.




"Miriam, tunah khan call ka dawng a kan kal nghal a ngai a ni" rawn ti sup tu chu ka en rang mah mah "eng thil nge?" Ka u chuan a ti vat a.




"Project chungchang kha ni ngei tur a ni" tiin a chhang let a, hmanhmawh zet hian ka u chu a ding chhuak a "mate... kan rualin phei la inah kan drop dawn che nia chu hna hmanhmawh thlak ka nei leh thut a" ka u chuan hmanhmawh hmel zet hian a rawn ti a.




"Ka la awm rih duh a, a hmanhmawh thlak hmel si va kal vat vat zawk rawh. Zanah ilo haw dawn tiraw?" Ka ti a.




"Haw dawn e... a nih in i thlen hunah min rawn hrilh ngei ngei ang che aw min rawn call emaw min rawn text mai dawn nia chuan haw har lo la Eddie kal ang le" a ti zung zung a, Eddie-a chu ka hmuh a rawn kûn leh zeuh in ka u hmanhmawh zeta kal ta chu a zui a ka en zui ve ta reng.



Ngah nge maw khatia a kûn ziah mai le... Lal pawh ka ni lo a min ti awm thiam lo, a zah tur chu ka u a ni alawm kei ni lo in.




In ka luh chuan choka lama ka nu thawm ka hriat avang chuan ka pan phei nghal a "Khawnge i u?" Min hmuh rual chuan alo ti nghal vat.



"Hna pawimawh deuh ka nei a a tia an kal lehnghal daih a an kalna tur pawh ka hrelo mahse zanah ka lo haw dawn a ti" tih pah chuan chair-ah chuan ka țhu thla a.




"Zana alo haw dawn tho dawn a țha nih chu... i pa inbualna tura tuilum ka chhuan kha a so ami han en lawk teh" a rawn tih chuan ka tho tharh a rice cooker lam chu ka pan phei a.



"A so țep... enteh nu, ka u bula mipa awm ve reng pa Eddie-a a tih kha ka ngaina lo, vawiin pawh khan lapaw chini ei kan tum kha a phallo vela leh ka hmuh ah chibai min buk ang mai hian a kûn leh ringawt țhin a ka awm thiam lo" ka ti a, fridge ngheng ngat pah in ka ding a.




"I â sia, i duh duh hi sawi ve țhin suh kum 20 i tling ve tawh dawn puitlin tum ve tawh teh.." a rawn ti daih.




"Chungte puitlin leh puitlin loh lam a nih loh chu mawle ka ngainat loh thu ka sawi a nih chu" ka ti a, a rawn nui hak hak a kei hi ka â zo thei tak ngial dawn.




"Ila hriatchian tawk loh vang a nih kha... a fel lutuk smiling face a nei vak lo hrim hrim a ti ila kan inhmuh ngun ve tawh nen hian a nui hmel ka hmu khat khawp mai" a ti a, chet hlak in fridge chu ka hawng a tui chu la chhuak in ka in nghal khawlh khawlh. Heng ho bulah hi chuan engmah hi a sawi kuak theih loh sawi loh law law a țha ber ziah.




Ka room-ah ka chho a ka intihfai thuak thuak hnu chuan inhnuai lamah ka chhuk thla leh a ka pa pawh alo thleng ve chiah bawk. Ka u alo haw har deuh dawn avangin zanriah kan eisan a inkhawm turin kan insiam leh vek bawk.




Nghaktei biakin bul mai a an awm avangin ka sawm phei a alo la hman lo chu niin, a insiam chhungin ka lo nghak a "Jane.. engtikah nge i chhuk leh dawn a? Helamah te awm ve reng tawh la kan va ti ve" Nghaktei nu chuan a rawn ti a.




"Nia hei kan la zir zo hleithei lo chu nih hi mahse hei tun kum hi final a ni tawh a ka awm ve char char thei țep tawh e" ka ti a alo bu nghat a.




"Nia... han zir zel phawt la hlawhtling ngei turin i zir anga tiraw?" A rawn ti leh a "nia" ka lo ti ve sep bawk.




"Tunlai i nu te an dam maw? Kan buai thei lutuk a hmuh pawh kan inhmu hman meuh lo chu ni e Sunday hian kan inhmu hman țâwk a ni mai zel a" a rawn ti a, sana ka melh sek tawh, a insiam rei ka ti tawh lutuk ringawt.




"Pathian zarah an dam țha e, an ni pawh tunlai chu an buai ve thei lutuk a inah pawh an awm hman mang ngailo" tiin ka chhang let a, a ni pawn Nghaktei chu insiam rei a ti ngang aniang a room-ah ko turin a va kal ngat a pakhat lah alo chhuak ve leh chiah, henu hi chu biakin hnaih ber si hi a tlai ber ziah zel a hma thei thlawt lo.




"Enteh, vawiin khan i u te kha an rawn lang thut sia Eddie khan a rawn zui bawk sia ka hmai ka chei loh ni a ni khanglang lehnghal bawk sia ka ngei ania aw... tikhan a chhiat loh zia chu i hrethiam tawh mai em?" Biakin lam pan a step a ka chhoh lai chuan a rawn ti ru sa sa, a kutah chuan ka sik vak a min la rawn beng pawp lehnghal.




"Robot ang lutuk mihring kha tu in nge chhelo ti se i tih a, ngaithla teh Nghak.. kha mihring kha ramsa hlauhawm nen danglamna an neilo" ka tih chuan min chhiat khum a.



"I hriatchian loh vang mai mai nih chu. Mahse maw... vawiin khan i hrem, coffee a duh leh duh loh ka zawt a min chhang miah lo mawle i u khan alo chhan sak daih a mak ka ti tawp" mi hriat hlau zet hian a rawn ti leh a, ding meuh in ka thaw chhuak hak a.




"Kei a biakna pawh chhan nachang hrelo robot khan i biakna engtin nge maw a chhan bik ang le, kei pawn ka bia a min chhang hleinem mawle. Star tawh suh ban daih rawh" ka ti a, nghet zet hian min rawn kuah a.




"Min lo star let ve takin ka ti mawle" thawveng zeta a tih rual chuan a hnungzângah ka beng pawp a kan nui dun ta hak hak bawk. Bialpa pawh nei duh mang si lo hian star a ngah em em ringawt a a star tawh vêk vêk te lah chu a âtchilh hlum lo chauh ve leh thung a henu hi chu danglam chi tin reng hian a danglam.




Țawngțai inkhawm zan a nih avangin chutiangin kan inkhawm reilo a inkhawm banah chuan Kohhran ho te chuan min rawn chibai sap sap hlawm a, kan Kohhran hi chutianga han lian em em chu kan nilo mahse kan inpawh hlawm thung.





"Nu... kan kal" ka u nena kan chhuak tur chu ka nu ka au leh hram a, apron phelh mawlh mawlh pah in choka ațang chuan a rawn chhuak a.




"Aw kal rawh u kei pawh ka chhuak țep, bawihte i nau hian a tibuai mai mai lo ang che maw" ka nu in a tih chuan ka lo ner nâng.



"Tibuai lo e... ka hmanhmawh bawk sia kan kal mai ang nizanah khan shoot zawh loh kan nei nual a" tiin a chhang let a ka nu in eng emaw a sawi leh hnu chuan kawt thleng min zui chhuak a Car kan luh dawn thleng in min en zui reng bawk.




"Eddie...pu Rohminga te inah kawi hmasa lawk ang aw, nizanah lehkha rawn lam rawh a tia ka lam peih lo a chumi chu kan lam kawi lawk dawn nia" kan tlan chhuah dawn chuan ka u chuan a ti a, a bu nghut ringawt. A țawng theih loh a chhuak leh dawn e biak țawng a har leh ang chuh!.




Ka u lah an rawn be reng a a biak ve hman loh. Pakhat lah biak țawng hleihtheih loh a ni bawk si, kawngkhar bulah chuan țhu in darthlalang chu ka ngheng a pawn lam chu ka thlir ringawt, a hmun kan thlen hma hma in ka kal hi ka inchhir hman dawn hial in ka hria mahni in ka ner ka ner mai.




Car a din dat rual chuan ka u lam chu ka hawi phei a ka lo chhing sek hman ni tur a ni nizanah ka mu tlem lutuk a.




"Ed... keimah ka kal mai ang, Jane... Car-ah lo awm rawh aw ka reilo ang" a tih chuan ka bu ve mai.




A chhuah hnu chuan a tu mah mah țawng tum lo tih hriat zetin Car chhung chu a reh a a glass ka khawn rik keuh keuh bak thawm dang hriat tur a awm meuh lo. Ka sana bun chu ka melh leh zeuh zeuh țhin, minute 10 êm pawh ala thang lo a mahse rei ka ti tawh ka țawng ve duh bawk nen tunah hian jail tâng nen danglamna kan neilo reng reng.




"A rawn chhuak har tawh lo ang" ka rilru hria ni âwm takin ka hma a țhu mipa chuan a rawn ti sup. Woah! Tunah khan biak miah loh in a rawn țawng ve mawle, a piangthar amaw ni reuh ni.




"Lehkha chauh la turin a kal lo tiraw?" Ka ti a, chhanna ka dawng lo chiang asin. Front glass ațang chuan ka en a hmalam a melh ngur ringawt. Mi chhang leh lo tur si chu rawn țawng loh law law mai tur ania hrilhhai deuh a mi siam a thiam ngawt mai.




Minute 10 dang a ral leh hnu chuan file keng chungin ka u pawh a in luhna ațang chuan a rawn chhuak ve ta hram a Car-a a rawn țhut luh rual chuan kan tlan chhuak lehnghal ti tih.




"Ivan rei em em ve" țhuthnaih pah chuan ka ti a, a thaw ham ham a.




"Nia... eng emaw kan sawidun leh lawk alawm mawle kan thleng har tawh lo ang aw vawiini a ral chuan ka free tawh dawn ka tih kha lo nghak hram hram rawh" a rawn ti a, ka chhang tawh lem lo vawiin chu ka buai dawn a tihna angah ka ngai mai ang.




Building pakhat kawtah hian Car a ding a chhuk tum a ka insiam rem rual chuan a hma ang tho khan ka chhuahna turin kawngkhar min rawn hawnsak leh chhuah pah chuan 'hetiang hian ti tawh lo se ka van ti tak' ka ti rilru a, a zawh pawh hi ka zo thlawt lo.




"Khawngaihin keimah chu khatiang...." ka zawh hma chuan "Jane... kal ang le" ka u chuan a rawn ti leh khanglang. Eddie-a chu en in ka thaw hak a muangchanga inher in ka u dinna lam chu ka pan leh tawp. Nakinah a fâl a biak theih hun a thlen leh hunah ka sawi mai ang.




Building chhung a kan luh rual chuan ka u chu nui sângin an lo be sap sap hlawm a a kalna apiangah chuan ka zui mawl ve tawp a ni ber. Lift-a kan chuan lai te chuan ngawi rengin ka ding a a chang leh thaw hak in lift bang ka ngheng leh tawp zel.




"Jane..." a tawp a tawpah chuan a rawn ti ve ta hram.




"Um..." zawi zet hian ka ti let a.




"Ka inthlak chhung in ka awmna bul lawkah waiting room a awm a tah chuan min lo nghak dawn nia aw ka reilo ang Eddie hian a hruai ang che chumi hnu chuan kan kal rual dawn nia" a rawn ti a, ka zawi a ti belhchhah zawk.




"A țha e.... ka awm ve avang khan a hma a țha deuh a i tih ang tho khan ti leh la ka ngaihtuah awm loh ania" ka ti a, ka biangah a rawn piai zeuh a ka lo maimichhing daih thung.




A inthlak chhungin waiting room-ah chuan ka lo nghak a thlalak hrang hrang in tar leh thil dang dang awm chu ka enkual vela a țhen chu ka hriat hnu te an ni hlawm a mahse tam zawk chu ka hrelo thung.




A rei tawh êm avang chuan phone ka lo khawih san a mahse ka țhiante dang in hna an thawh vek avangin biak tur awm hek lo, mahni in room-ah chuan ka tei ka tei ringawt.




Ngaihtuahna thar ka neih thut avang chuan kawngkhar lam ka pan a kawngkhar chu hawng in ka dâk dêk dêk a tumah an awm lo a ka hriat takah chuan thawm dîm thei ang berin ka chhuak a khawngkhar pawh dîm thei ang berin ka khar a ka khar zawh a ka hawichhuak chiah ka mi hmuh avanga ka phu nasa lutuk chu kawngkhar chu ka nêk nghal rawk rawk.




"Min ti phu lutuk! Ngatinge i rawn lan thut thut zela" ka âwm dawm meuh in ka ti chhuak hlar, kawngkhar chu ka ngheng a a kalhna pawh ka vuan nghal chat.




"Miriam-i chuan veng tur che in min ti a khawiah nge kal chhuah ruk ilo tum?" Nêlawm loh zet hian a ti hmuk! Ner nâng in ka ding țha a.



"Ven rual pawh ka ni tawh hleinem keimah pawn ka inngaihtuah thei" ka ti ve deuh hmak a, kalsawn ka tum chu a kut in min lo dang a thaw hak in kawngkhar chu ka ngheng leh.




"Lut leh rawh" a ti leh hmuk.




"Ka duh lo" ka ti let ve leh hmak a.




"Tharum ka hman i duh loh chuan lut rawh" a aw chu a hma ai a nêlawm loh zawk. Ka tan engmah a ni lo ti a kal luih țalh ka tum chu ka tisual chiang asin.




Kawngkhar chu ri dawt khawp in a rawn beng a ka hmaah tak a rawn ding thim khup a ka ding țha chiang lutuk.




"Keimah chauh a awm chu nuam ka ti hleinem bakah CCTV a awm vek tho alawm Building pawnah ka chhuak dawn pawh ni hleilo, a nih chuan Building chhung hi ka fan kual in phal tal ang tiraw? Chu tal chu ka u pawn a phal sa" a âwm melh ngar ngar pah chuan ka ti a, min hliah thim khup bawk si a hlauh avangin ka khur dar dar thei.




"Building chhung fan kual chu" min chhan mai loh avang chuan ți dâk in ka ti leh. A tawp a tawpah chuan a awm hrang ve ta hram a ka thaw chhuak hawk thei.




"Darkar chanve chiah hun i nei chumi chhung chuan rawn let hman ang che" a ti thûm dut a, a sawi zawh rual chuan ka pît chhuak nghal hi a ni ringawt.




Ka kal thui deuh hnu chuan bang phenah chuan ka bi ru a ka awmna room lam ka en phei chu a kalsawn lai ka hmu a bang ngheng chuan ding in ka âwm ka dawm a ka thaw ham ham, ka lung te hi a țhalo nghal in ka hria awmdan mawi pawh a hre thlawt lo niin a lang.




"Darkar chanve" ti sap in ka hawikual vela mi kal țhup na lam chu ka pan phei ve tawp bawk. A building chhung chu a pawn lam aiin a hahdam ru phian a min țhawng tu awm chhun chu mi'n min en duh lutuk hi ni ber.




Ka thawmhnaw hak ami tiin ka en a mahse a nih chiah pawh ka ring silo, darthlalang a awm remchang bawk si lo. Ka kal kual zela Glass lian zet an hûn ka hmuh rual chuan hmanhmawh zetin ka pan phei nghal a ka hmai velah engmah a kai bawk si lo, ka biang chu ka dawm a a sa hat hat mai.




Kal tum a ka inher rual chuan tlan khawm khup khup ri ka hriat avang chuan ka hawikual deuh a mahse tumah ka hmu lo, a rawn rin tak zel avang chuan ka ding sawn a vawi leh khatah ka hma zawnah chuan mi hrang hrang tlan khawm hi an rawn lang a min rawn hnaih zel avang chuan ka nghen mek kawngkhar chu hawng rawk rawk in ka lut ve tawp an tam aniang an tlan ri chu a hlauhawm tham lutuk.




Thaw ham ham a kawngkhar vawnna khawih ka tum chu kawngkhar chu a rawn ri dawt! Ka phu nasa lutuk chu ka tawlh hnung dâwrh a eng emaw ka nghen dawt rual chuan thil a ri zui rum rum.




Chunglam chu ka en a thir pipe rawn tla tur inbûk mek ka hmuh rual chuan kalsawn ka tum a mahse ka kekawr chu engah emaw alo inbât ni tur a ni ka kal thei lo.




Khur dar dar chung in ka kûn hniam a ka kekawr inbât chu ka phelh a mahse ka din țhat rual chuan a rawn ri zui leh rum rum. Ka inrin hma hauh in ka awm sawn dâwrh a thil a tlak rik rum rum rual chuan ka ban bul ve ve ah chuan ban tha chak zetin min dawm tih ka hre thei.




"I țha em?" Rawn ti sup tu chu muangchangin ka en chho a Eddie-a chuan min lo melh rûn a duh ai ka ban bul chu a hmer nghet mah mah bawk.

★ (: ★



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:59 pm

HEY DADDY CHAPTER - 2

By : Mami pachuau



"I țha em?" A rawn tih leh rual chuan ka bu nghat nghat a, alo lan thut theih dan ka hrelo mahse min chhanhim avang erawh chuan ka lawm hle thung.



Bungraw tla darh nuai chu muangchangin ka en phei a thir te leh thil tam tak alo tla rum mai.



"Ka lawm e" tih sap pah chuan a kut chu ka dahthlak sak a, ala thaw hawk zui "store room-ah 1 ah khan rawn kal rawh u" a ti zui a.



Vawi leh khatah room chu a rawn êng pup a ka mit a vai nghal vek thei, hmeichhe pakhat hi a rawn lut nghal bawk a min hmu dun chu mak a tih hmel hle bawk.



"Ed... engthil nge thleng a?" A rawn ti vat reng a, pakhat pa lah chuan chhan a tum lo nge ni a ngawi reng mai.




"Ed.." hmeichhia in a rawn tih leh rual chuan ka hawichhuak ve ta hram a, ka thinphu rang a reh theilo. Eddie-a lah chuan min en bo dawn amaw tih tur khawp a rapthlak a chiang hian min lo en reng a.



"Englo, chhuar hi ka su palh a heng hi alo tla a chuan amah hian min lo pawt sawn hman a" hmeichhe ding en pah chuan ka ti a, hmeichhia chuan min rawn en a.



"Nang ka zawt lo che" a ti ram hmarh, ka hawisan rang asin aw... a hmuh loh hlan in ka chhiatkhum hram bawk.



"Ed... engthil nge thleng sawi teh" hmeichhia bawk in a tih leh rual chuan ka awm ve na chi zia zâng a ni in ka hre ta lo. Ka thawmhnaw hak vel chu kan beng fai thuak thuak a a paw deuh țhup in ka hria.




"Ka lo va chhuak ang e" ka tih chuan hawi pawh ka hawi chhuak lo, an pahnih din lohna lamah chuan ka inher țhâm țhâm a mahse ka kal tur chiah chu ka kawr hnungah chuan an rawn țhâm pawp, ka tawp chiang lutuk.



"I ke ah khan damdawi hnawih a ngai a nih kha min lo zui rawh" a ti hmuk, ka chhan let ve hma hma chuan hnung zawngin min pawt kal dawr dawr mai "hey... enge maw i tih le?" Ka ti vak, ka kawr a țhâmna khawih fuh tum in ka ban a mahse ka la ban pha lo zui.




"Hey... i mawl ami? Ti hian ti lo teh.. hey, ka kawr kha i pawt rûl dawn" tiin ka au leh vak mahse ka thusawi pawh a bengkhawn duh lo, kawngka a kan chhuak tur chu rang zetin ka invuan tâng a ka kawr ala ri țhawt zui ka meng kâwk a.



"Hey.. kha ka kawr kha a țet dawn... min thlah la pangngai deuhin ka kal ang min thlah teh mizo țawng i hrethiam lo thut ami?" tiin ka au chiam a ala pawt nghet zual sauh zawk amaw ni.



"Khai i duh zawk tihna ami?" Ala rawn ti ta deuh deuh, min pawt lui dawn tlat a ka hriat avang chuan a aia nghetin ka invuan ve țang țang aka kut a thlan vek a ala pît zel zui lehnghal.



"Chu lam ka sawilo, ka kawr ri țhawt kha i hre ve lo ami a chhiat chuan a thlakna ka keng lo chuvang chuan min thlah la pangngai deuhin ka kal ang, min thlah vat teh.. i mawl amaw ni le" ka ti leh chiam a, tun țum ah chuan mizo țawng a hrethiam ve tawh aniang min thlah ve hmiah.



Hmanhmawh lutuk a din țhat ka tum chu ka ke rêk rawn na deuh zawk avang chuan kawngkhar bul chu ka ngheng rawk rawk a ka hmaah chuan min rawn dinchilh nghal hmiah in ka hma vel chu a thim leh khup tawh.



"I țha em?" A ti sup a, ka ke bulah chuan a țhu hniam thla nghal a, ka beisei loh êm a nih avang chuan ka en thla vat a ka jeans tlang khawih a tum tih ka hmuh rual chuan ka ke chu ka dahsawn vat a a nat zui êm avang chuan ka hmui seh in ka maimichhing tawp.



"Ka pawm ang che" ka hmai zâwnah a aw chu a ri chhuak, mit siai chungin ka meng a ka meng tih a hria nge ni hmanhmawh zet hian a ding ngil nghal zawt! Enge maw a hriat reuh le.



"Ka țha lawm ka kal thei ka kawr i pawt chhe maithei lehnghal" ka ti hlak a, kal ka tum chiah chu ka ban rêkah a rawn vuan chawt? Rum zet hian ka en nghal a.



"Ka pawm ang che" a ti leh sup, a țawng tlem ve hrim hrim nge he mihring hian mizo țawng a thiam tlem hrim hrim zawk.



"Ka țha lawm... ka kal thei ka hnungah kal la i thiltih avangin ka kawr a țet nge țet lo en la a lo țeh chuan i taksa lianpui khan min hliah char char..." ka sawi zo hman leh ta lo, ka kâng nawlh a a kal rual chuan ka thlawk nghal ni maiin ka hria.



"Engthil nge i tih? Mi'n min en țhup hi i mawl ami min dah thla rawh a zahthlak" a hrawk bâwk melh pah chuan zâwi zet mahse chang bawk si hian ka ti a min rawn en chhuk a "maimichhing mai rawh" a rawn ti, a hmui a chîp rual chuan a khi deuh suk a nih chu!.



Aw Lalpa leh! He mihring hi a nui ve nia mawle.



"Min ti â zo thei tak ngial dawn..." ti hlak in ka maimichhing ve tawp, ka biang a sa vek thei. Enteh u.. ka hrilh ang che u he mihring bulah hian ka la awm reilo mahse ka â țep tawhin ka hria awm ve ula nangni pawh in ni tho ang.



Kei chu miin ka huatzawng bik tak an sawi a nih loh chuan ka thinrim ve mai mai ngailo, ka dawhthei a mahse ka tih loh vek vek ah chuan ka nasa hle thung. Lungawi lohna tenau deuh te chu ka nei ve țhin a mahse chu pawh ka mi hriatchian lakah chauh, ka țawng ve duh țhin êm avang hian mi pawi ka sawi ka hlau țhin a chuvang chuan ngawih ka chuh leh hram țhin bawk.



Eng emaw dûp zeta ka mawng a in nghah rual pawh chuan ka la meng duh lo, khawnge Eddie-a khan min hruai ka hre hek lo thil a tih rik rak rak pawh ka hre reng a mahse min tih dan avang khan ka runluih ve duh hrim hrim.



"Meng tawh rawh le" a rawn ti sup, ka meng duh lo lui a a awmdan hian min țhawng pakhat bawk. Mahselang ka ke rêk a khawih tih ka hriat rual chuan ka meng vat a ka tih tum hre sa ni âwm tak in "che lo la" ala rawn ti zui.



"Enteh.. keiman ka lo ti ang chuan ka u bulah engmah sawi suh aw" ka ke vawn pah chuan ka ti a a kut khing khat chiah in a vuan nângin ka pawt chhuak theilo.



"A hre vek tawh a helam a lo pan mek ang chuvang chuan ngawi reng la lo che suh ang che" a ti leh sup a, ka pheikhawk chu a la thla a ka jeans kekawr tlang tlem in a thlep chho bawk a a bul vel chu a hmet zeuh zeuh.



"Eddie, engtin nge ka u in a hriat?" Inthlahrung zet hian ka ti a, hliam ka nei tih a hriat phei chuan a mangang leh dawn lutuk ka hre sa.



"Ana deuh maithei" ka zawhna chhang lo chuan a ti daih, a pem laiah damdawi a lut nge ni a thîp êm avang chuan a kutah chuan ka zu vuan ringawt "a rei tawh lo ang" a rawn ti leh a.



"Ivan țawng hnem ve reuh em em" țang ul chung chuan ka ti a, min chhang leh tawh lo. Kan hringnun hi a hahthlak ru ve tawp.p



Kawngkhar a rawn inhawn rual chuan ka u hmel ka hmu hmasa ber, ka ke intuam chu a en a min rawn pan a "Jane... engtin nge i tihnat a?" Ka bula rawn țhut thlak pah hian a rawn ti a, ka lo nuih ringawt.



"Eddie.. veng țha rawh ka tih che kha engthil nge ilo tih a chungah thil țhalo a thlen hi" ka u chuan kan bula mipa ding ngawi reng chu a hau nghal zat. Eddie-a lah chu a kûn ngul a "Sorry Miriam" a ti sup.



Ka u chu ka lam hawi turin ka kuai her vat a.



"Ka thiam loh zawk alawm ama thiam loh hi a ni lo min lo chhan zawk lawm hau suh bakah ka țhat hi a pem ringawt alawm pangngai deuhin ka kal thei" tih pah chuan ka ding chhuak a kan kal kual vela hahdam hmel zet hian a thaw ta ham ham.



"Khawiah mah lo chhuak tawh suh ang che kan zo țep tawh ania i hria maw... ka rawn let har lo ang" a bula ka țhut thlak rual chuan a rawn ti a, ka bu nghat a a tho chhuak a.



"Ed.. min lo zui lawk rawh aw ka be duh che" ka u chuan ti hmak in a chhuak zui nghala Eddie-a chu ka en chho a ka lawm e ka tih ve hma hma in a chhuak daih.



Keimah avangin hauh a tuar dawn chu nisia ka u bulah engtin emaw tak ka tih a ngai a ni.



Ka u in a hna a zawh chuan kan chhuak a Eddie-a biak ka tum char char a mahse en pawh min en miah lo, robot ang mai khan a khawsa leh tawh a ka biak pawn min chhang leh tawh lo ka u hian a hau na viau a ni hrim hrim, zanah hauh let zawk a ngai a nih hi.



"Khawiah nge kan kal ang?" Ka u in a rawn tih deuh thut avang chuan ka phu deuh zawk a thil ka lo ngaihtuah nasa deuh a ni.



"Ka nu dawrah kal ila kan kal lohna a rei tawh chuan kan hman leh ka pa bulah kan kal leh ang a" ka ti a, alo bu ve nghat.



"Ka dawr awmna ka thlak tawh kha a tia Eddie i hria tiraw ka nu dawr awmna?" Ka u in a tih rual chuan Eddie-a chu ka en nghal vat a "aw hria e..." tiin a chhang let a, biak zawm ve leh zat ka tum a mahse biak chakawm loh khawp a a hmui a chîp leh tak tlat avang chuan ka be leh lo.



Ka nu dawrah kan lut a customer alo neih nual avangin a room tê ah kan lo nghak a ala rei reuh zêk lehnghal.



"Engtikah nge i chhuk ang?" Ka nu dawhkana thil awm vel en kual pah chuan ka ti a.



"Karleh lamah anih ka ring, i ruala chhuk ka tum nen ka hman dawn ta ngang lo a nih hi" a rawn ti a, ka nu chair-ah chuan ka țhu thla a.



"Kan awmna in ang tal thei sela țha tur ania mahse a in ang bawk si lo a, tak an a u... Eddie-a nen khan in thang diklo tak tak ami?" Ka hriatchhuah thut avang chuan ka zawt ta nge nge, ka zawhna avang chuan min rawn en vat a Eddie-a Car-a thil la tura a kal avanga zawt ngam chauh ka ni bawk.



"Chung thu te chu khawi ațangin nge i hriat a?" Mak tih hmel zet hian a rawn ti a.



"Nghaktei hnen ațang mawle, amah pawh khan kan veng ho sawi a hre ve tho a news-ah pawh an lo chhuah nge ni ka hre ve lo mahse ka nu in nangmah zawt tur che in min ti a" ka ti a, a lehkha chhiar lai chu dah in min rawn pan a ka bulah chuan ding in dawhkanah chuan a țhu thla a.



"Miin ka chanchin tiang a an sawi i hriat chuan âwih nghal mai lo in keimah min zawt hmasa phawt țhin rawh aw" a rawn ti a, chair chu ka ti tawlh a.



"Ka nu nen in in ang chiah, ka nu pawn khatiang chiah chiah kha a sawi mahse tinge chutiang thu te an sawi a miin an hmuh loh chu an sawi âwm tawp si lo" ka ti a, a thaw ham ham a.



"An hmusual mai mai a nih kha mahse e... damchhung alo daih dawn a nih hi" a ti a, a tho nghal daih bawk. Ka nu alo luh avangin engmah ka zawh chhunzawm tawh lo mahse zanah ka zawt leh tho ang.




"Nu.. pa, helama ka awm lai hian Scooty khalh ka zir duh" zanriah kan ei lai chuan ka ti a, min rawn en phâwk hra mai. Mak thei nia thil mak ka sawi pawh ni țhin lo.



"Meng phâwk vak zel lo ula" ka ti ta nge nge.



"Thu ho mai mai sawi țhin suh" ka pa bawk.



"Thu ho mai mai pawh a nih lo chu.. ka thiam ve chak alawm ka la awm rei deuh dawn tho a a pawina pawh ka hrelo e a" ka ti a, chaw ka ei zawm mial mial.



"Jane..." ka pa chuan a rawn ti ta nghut.



"Enteh pa, i sawi tum ka hria thiam tur chuan pilh phung te a ngai alawm nang pawh Bike i khalh i zir lai khan i ban te a pem ve nual zel tho kha bakah chhuah vel naah a buaithlak țhin" ka ti a, ka la sawi kuak loh hmel lutuk.



"Chhuah nan chuan taxi a awm reng, i chaw kha ei rawh" ka pa bawk chuan a ti leh hmuk, chhan ka tum a "Jane... duhtawk rih rawh" ka u chuan a rawn ti a, chaw ka bar leh ta ringawt.



"A nih ka zir tho anga ka thiam chuan ka birthday ah ka phur kual ang che u" ka tih chuan ka pa chuan a chaw ei a hâk ringawt. Ka nu in a hnungah chum in tui a pe vat a a hmai ala sen vek lehnghal ka nui teuh kher mai.



"Enge maw i sawi le" a rawn ti hluk, a khuh zawm a.



"Aw... ka thiam chuan ka birthday-ah ka phur kual ang che u ka ti ka birthday a thleng țep tawh tho a helamah ka hmang hman dawn tho a" ka ti a, tui an in leh khawlh khawlh phawt a.



"Tu in nge zirtir reng reng che anga i u Zaia a hman reng reng hleinem chuvang chuan zirtir tur che an awm lo a zir loh mai tur" a rawn ti leh hram, a enge maw a phal loh viau chu le.



"Ka u hian a hria alawm min zirtir tur amah pawn min tiam vek tawh a min zirtirtu tur min pe dawn alawm" ka ti ta ringawt, min tiam miah lo mahse hei bak kawng a awm tawh lo. Ka u lah chu a hawi buai nasa.



"Ani em ni Mami?" Ka nu chuan a rawn ti a, ka u chuan ka mal ah min rawn sik vak.



"Aw ni e.. a zirtirtu tur pek ka lo tiam tawh a naktuk hian alo kal ang" a ti ve ta hram, heihi ni amah ka Hmangaihna ngei mai chu.



"A nih i u in a hriat chuan a țha a nih chu, chaw kha ei phawt la i pa Zosanga te inah kan kal dawn nia len pah in a fanu khan zirlai velah zawh tur a nei che a" a rawn ti a, ka țhu țha a.



"Nu.. a ke kha an zai tawh ami?" Ka ti a.



"Zai tawh e, a mu reng mai an harsa ve si a chuvang chuan i awm chhungin i theihna lai apiangah i pui dawn nia" a ti a, ka bu nghat bawk.



Chaw eina vel kan tih fel sawk sawk hnu chuan ka pa nen pa Zosanga te inah chuan kan phei a an chhungkua an lo awm kim deuh țhap a inleng pawh an lo nei ve nual bawk.




"Jane... kawngka chu lo va hawng teh, a rawn thleng tawh aniang" ka u chuan doorbell a rik rual chuan a rawn ti a, a insuk a tleuh lak lawh a ni ngei ang.



"Scooty khalh min zirtirtu tur chu ami?" Ka ti a.



"Umm..." a rawn tih takah chuan kawngkhar lam ka pan phei a a kalhna chu hawng in kawngkhar chu ka hawng a Eddie-a nen chuan kan in hmachhawn ta ran mai.



"Nangman ami min zirtir dawn?" Ka ti a, a bu nghut. He mihring nen hian kan inhrawn leh dawn chu ani sia maw.. a hahthlak leh dawn mang e.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 9:59 pm

HEY DADDY CHAPTER - 3

Ziaktu : Mami pachuau




"Lo lut rawh" tiin ka in her zui a, ka u pawh bathroom ațang alo chhuak fel vel ve chiah "Ed... lo țhu lawk rawh ka hman țep" ka u chuan a rawn ti ve leh a, sofa a mal ah inhûng ah chuan ka țhut san a Nghaktei message min lo thawn chu ka chhang zawm nghal daih.



Ka bula sofa inhûng ah chuan a rawn țhu thla ve a, phone ka melh reng mahse ka mit hian amah a en tel tho. T-shirt var a ha a a kutah jacket amaw ni a dah bawk a cotton jeans dum a ha a sneaker pâ zet bun leh bawk.



Coat suit ai chuan a inhmeh ang reng daih zawk ka tih rilruk nauh nauh lai chuan ka lam a rawn hawi thut a sir lamah ka inher hmak a engmah thleng lo ang in message ka type zawm mawlh mawlh.



Sitting room-ah kan pahnih chiah in kan awm mahse thawm a awm lo.



"Jane... han insiam la chhuak vat ula tlai lamah chuan chhuah kan ngai dawn a" ka u aw ri ka hriat takah chuan phone dah in ka in her a sofa mal in hûng pakhatah chuan alo țhu ve chiah a.



'Ngatinge amah kher' tih melh a melh pah chuan ka tho a, inti eng emaw deuh a amah kal pelh ka tum a a lu zawn ka thleng tawh ka phone ka theihnghilh tih ka hriat avangin ka inher leh thut a mahse ka ke zungte sofa ke ah ka chhuih palh.



A na lutuk chu ka țhutna sofa ka bawh thla ri rawk a "enge khatia i awm a?" Ka u lah chuan a la rawn ti zui mahse ka chhang lo, he mihring hmuh a hetianga ka awmchhan lah hi ka hre chuang hek lo.



"Ka reilo ang" tiin inchung step lam ka pan phei a inchung ka thleng chiah chu chhuatah ka țhu thla a ka ke zungpui sen tût chu ka tuai nghal vawt vawt a a vun tlem ala khawk zui lehnghal amaw ni.



Ka sam ka kawng thleng chu la khawm vek in a chhip ah ka zial tawm a tho chhuak in ka room lam ka pan a "aw le... kha mihring nen pawh khan ni mah ila hnial ngam tur ka nilo chuvang chuan thiam tura zir mai tur" ti hap in ka closet chu ka hawng a hak nuam tur ang ang ka la chhuak bawk.



Puan te chu keng in ka sam ka țawn sang a inhnuai lamah chuan ka chhuk thla a kan lal robot-a pawh kawngkhar bulah alo ding vâng tawh.



"In mamawh tur ang ka pack tawh a vawiin chu reilote bak in zir thei dawn lo a chawhnu lam chhuah kan ngai sia naktukah in chhunzawm mai dawn nia" rawn titu choka lam ațanga lo chhuak chu ka pan phei a tui vel leh eng ilo vel alo thun aniang.



"U... ka sawi hram ang ka insûm theilo, tinge amah kher saw" Eddie-a lam hawi zeuh pah chuan ka ti zâwi sa sa.



"Aw... enge nizanah khatianga min hrilh lawk lo a i sawi thut reng ni amah lo saw tihtur dang zawng hman hek lo i thiam loh ania phun lo khan kal phawt rawh.. amah aia motor khalh thiam hnem leh hrechiang ka la hrelo" tiin bag chu min pe a kawngkhar lam ah a kal daih.



Eddie-a chu eng eng emaw a hrilh aniang pakhat lah KG-I naupang ang maiin alo bu nghut nghut a nuihzat lamah pawh a kal zawk e a.



"Kal ang.. dar 10 a ri dawn" thawveng zeta tiin an mahni chu ka kalpel a pawn ni saah ka lo va ding hmiah, alo la chhuak har phian lehnghal a thingkung hnuai pan ka tum veleh a rawn chhuak chiah ka vawm țawk dawn amaw ni.



"Tinge Car-in kan kal dawn lo ami?" Kan in gate-a kan chhuah hnu chuan hrilhhai ru zet hian ka ti a, muangchang hian a rawn inher a.



"Car khalh nge Scooty khalh zir i tum?" A rawn ti hmuk, ka ding țha a ka chal chu ni sa lakah ka kutin ka hliah a.



"Scooty khalh, ka u in a hrilh lo che mi?" Ka ti ve leh hmak.



"Min lo zui rawh" a ti a, min kalpel a kan Scooty dahna lam a pan a zui loh theih loh le, a awmna lam chu ka pan phei ve hna hna a ka thlen chuan Scooty-ah chahbi alo rawlh lut chiah.



"Chuang rawh" a ti leh hmuk a "mahse..." ka thlûk ta vak.



"Scooty khalh zir turin Car ken enge a țulna, chuang rawh ka dawhthei lem lo ania" nin hmel zet hian a rawn ti leh ta hmuk. A sawi dik bawk si avang chuan Scooty hnungah chuan ka chuang a.



"Tlak i duh loh chuan lo țhu hnai la min vuan rawh" a sawi ang chuan amah ka sawi ang KG-I naupang ang mai chuan thuâwih zetin ka tawlh hnai a a taksa pawh khawih ngamlo chuan a kawr ah chuan ka vuan a a tlan chhuak zui nghal ti tih bawk.



Kan veng field-ah kan lut a tumah an lo awm lo, intê ah chuan bag vel chu ka dah a a ni erawh Scooty bulah ala awm thung.



"Huiham!" Tiin ka thaw vak! Ka biang chu ka tuai vak a.



"Hetiang anga zâmna hi Semester exam kan neih pawn ka nei ngailo mahse tinge ka zâm em em le, ka pilh phung dawn vang pawh a ni mahna" ti leh hap in ka inher a, Eddie-a awmna lam chu ka pan thla hna hna, nî lah chu ala sa em em mai lehnghal.



Nghakdâki khan Scooty khalh zir chuan an pilh phung zel a tia amah pawn a zir lai khan a pilh phung reng bawk a a ni ai pilh tlem tum ilang a țha ang.



"Ka hman e" ka zu ti thla a, Scooty ațanga thawhsawn pah chuan "chuang rawh le" a ti ve mai.



"Umm... lawk aw, ka nghawng hnunglam hi puan in kan tuam lawk a ût palh ang" ka ti a, puan pakhat chuan ka nghawng chu ka tuam a.



"Nangpawh tuam ve rawh" tiin puan chu a lamah ka lek phei a mahse Scooty bulah a ding daih "tuam ve rawh a țha lutuk i vun rawng a in ang lo palh ang" ka ti a, luhlul ala chhuah ve tlat amaw ni, reuh an a.



Luhlul chhuah ve hmak in a hmaah chuan ka va ding a.



"Lo kun hniam rawh" inti thu zet hian ka ti a, mizo țawng a hrethiam lo lehpek tawh "lo kun hniam rawh ka tih chu, heng te hi chu a ho lutuk" ka ti leh hlak a thaw hawk in a rawn kunhniam ve mai.



Puan te chu a nghawngah chuan ka bah sak a a rawn kûn chung pawn ala sân tho avangin ka dingdihlip țawk țawk.



"Nang phei chu kei ai i sam ala tawi a kei ai pawn i mamawh zawk" suih mawlh mawlh pah chuan ka ti a, amah chu ka mitsir zeuh a mahse min en reng tih ka hmuh rual chuan ka hawisawn vat.



"Ka zo... hmanhmawh ang hun i neih loh êm kha" Scooty bula ka ke dah luh ve tawp pah chuan ka ti a, amah pawh a ding sawn ve mai tuna ka awmdan kha a diklo reng reng ka lungphu pawh kha a normal hlawl lo bawk.



Rawn ti normal lo zual zel turin ka inrin hma in ka hnungah ala rawn țhu zui, ka tîm zui châwih mai.



Steering ka vawnna ka kut chu a rawn vawn hnan a ka beng veilam a a thaw lum ham ham ka hriat rual phei chuan ka îp zui châwih! "Hetianga i awm kher hi a ngai ami?" Ka ti sap a, ka kut chu nghet leh zualin a rawn hûm hnan a.



"Thiam i duh a ni lawm ni" ka beng bulah chuan a ti sup "duh tho e mahse hetiang lo zawng hian tihdan a awm lo ami?" Ka ti leh, min chhang leh tawh lo.



"Khur lo la, in ring tawk rawh.. chuan henghi" tiin thildang dang chu min hrilh a mahse ka beng lehlam ah a lut a lehlam ah a chhuak lehnghal zel.



"Min ring em?" A sawi zawh chuan a rawn tih zawm a.



"Helaiah nang leh kei chiah kan awm a nang lo rin tur awm hek lo" ka ti sap, ka mize thawveng a rawn chhuak thei tawh lo reng reng.



A khi suk ri chu ka hria a, min rawn awm hnaih leh zual sauh in inring turin min hrilh a ka thi dawn ni mai hian ka inhria.



Min khalh pui lai te chuan thil min hrilh zela mahse a thil min hrilh zawng zawng boruakah an thlawk darh vek. Ka hlau bawk si, min țhuthnaih bawk si avang hian ka rilru ah pawh a lut theilo ti hi chuan zir leh loh mai te ka duh dawn hial in ka hria.



Darkar 2 meuh kan zir hnu chuan kan chawl ve ta hram a "i thiam har lo ang" biak hmasak miah loh a ama duhthu a a rawn țawng ve avang chuan amah chu ka en reng, tui a lem zawnga a hrâwk bâwk che thla ralh ralh chu a hmuhnawm reuh lutuk.



He mihring hi chuan min țhawng reng mai dawn a nih hi.



Chutia ka lo en reng lai chuan a tui in chawl in min rawn en thut a rang lutuk tak mai chuan ka inher nghal a ka kut pahnih chu suih zawm in ka in sik vak! Ka â thei lutuk mai ka in ti zui hlak.



Ka phone țhutthleng tê a ka dah nghawr dar dar chu ka ban a "lawk aw ka țhianpa ania kan chhang lawk ang a chuan kan haw dawn nia" amah pawh en lo chuan ka ti a.



Kalsawn ka tum a mahse rang zet hian ka phone min rawn laksak daih "hey..." ti vak in ka inher a ka phone chu alo en reng.



Țawng ka tum chiah ka hmuh ah phone chu a rawn lek kang a "thil tih laklawh lai neih chuan phone hman a theih loh" ti hmuk in a hmet thim daih a nih chu!.



"Hey... tinge i hmeh thim a a pawimawh asin" ti vak in ka phone chu ban ka tum a mahse a lu chungah a keng kâng daih.



"Min pe teh, biak ngei ngei ka ngai zirtur a rawn sawi dawn aniang" zuan a lak ngei tum chuan ka ti a mahse ka thusawi a bengkhawn duh lo reng reng.



"Min pe vat teh...." ti a ka zuang leh chu ka beisei loh deuh in a kut lehlam in ka kawngah a rawn vuan a ka inrin hma hauh chuan a lamah hnukhnai a ka hmai zâwnah a rawn kunhniam nghal zat.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:00 pm

HEY DADDY CHAPTER - 4

Ziaktu : Mami pachuau



"Enge maw i tih le?" Tih pah chuan a kut chu ka dahsawn sak a ka phone a ken kân chu ka ban a awlsam deuhin ka la ve mai lehnghal. Amah pawh harh chhuak thut ni âwm fahran hian a awm hrang ve nghal hlawk a.



Țhutthleng vela ka bag awm chu ka la khawm vat vat a Scooty a dahna lam chu hawi let miah lo in ka pan chho nghal nal nal.



Khatiang khan engvanga awm thut nge maw a nih le, a mizia ka hmuh leh hriat tawh te nena ka chhut rauh rauh chuan nula chhaih thiam hmel a pu lo hrim hrim chuan tuna min tihdan vel kha a inhmeh hlawllo bawk.



Engpawh chu nise ka awmdan kha a diklo pakhat, a mak lutuk ka taksa a tawh chiah khan ka thisen zâm thleng hian an rawn par chhuak vek ni mai khan ka hria.



"I rawn chuang dawn nge tlan san i duh zawk?" Tih ri ah chuan ka hawichhuak ve deuh chauh a tlan chhuah a lo inpeih at tawh chu niin.



"Aw..." inmil lo zet hian ka chhang a Scooty lam chu ka pan phei a a hnunga ka țhut rual chuan kan tlan chhuak nghal ti tih.



In kan thlen chuan tumah an awm lo nge ni a reh deuh țhiap a ka u pawh au lemlo chuan inchung lam ka pan chho a ka room a ka luh hma chuan tukverh lam chu ka pan phei leh pawn lam ațanga min hmuh theih loh avangin ka din hnaih ta deuh a.



Scooty ngheng pah a țhu, a kut a phone keng a hmet mual mual pa chu tukverh ngheng meuh in ka en reng a a chhip sam buk lai chu dâk meuh a ka awmna lam rawn en chhoh pah in a tuai chho leh țhin a a eng emaw ti pâ reuh riau lehnghal.



A kekawr ipte a zen a rawmawl var a phawrh chhuak a a chal hru in a darah a dah a phone a hmeh zawm leh mial mial a a khat tawkin a chhip sam chu a hui chho leh țhin.



"I â thut a nih ngei ang" tukverh a ka biang nghah pah chuan ka ti sap.



"Engmaw?" Ka beng bula rawn titu avang chuan ka phu nghek, ka nghawng ka her rual a ka u hmel ka hmuh avang chuan tukverh chu a rang a rang in ka hliah nghal tawp "enge ilo en a iva luangliam âwm ve" ala rawn ti zui.



"Engmah ka en lo khawnge ilo awm daih a?" Ka sawi zawng te chuan ka hlauthawng ti tih hial.



"Room-ah ka lo awm a enge in thil zir chu a an harsa i tih hmel em?" Ti a a kalsawn chu ka hahdam pui huai "ti ve tho ka rin ang alo ni lo a hriat tur a tam si" tukverh lam thlek pah hian ka ti a ka hahdam lehzual lehna turin alo awm tawh lo hlauh.



"Thil reng reng awlsam takin a thiam zung zung theih ngai hleihnem... va intifai rawh kan rualin i chhuak dawn nia Eddie-a pawh intifai turin ka haw tira a rawn thlen hunah kan chhuak dawn nia" a ti a, ka room lam ka pan phei a.



"Ka peih lo, nangmahniin kal mai rawh u ka chau ka rawl dawn ropui si tuilum sa ver vawr in ka inbual dawn" ka ti a, ka room-ah ka lut zui nghal daih bawk.



Ka inbual zawh chuan khumah mu mai mai ang ka ti kha ka lo muhil hman lehpek a zan dar 7 ah ka harh ve chauh lehnghal ka zak hnuai te hi an na țhum thei.



Inhnuaiah ka chhuk thla a chawi ei an lo siam mek "enge kan hmeh dawn?" Ka ti lut a, ka nu alo ner nasa mai, min chhan loh avang chuan ka țhutnaah ka țhu thla a bawnghnute chu thli in ka in hmasa phawt.



Heihi chu ka tihdan ziah, chaw ka ei hma in bawnghnute no chanve ka in ziah têt laia ka chin țhan tawh len hnu pawh a ka sim theih loh kha nia heihi chu.



"Vawiina in thil zir chu enge a an a a harsa i ti em?" Ka pa in a rawn tih chuan ka chaw ei ka hâk ringawt, ka u in ka hnungah a rawn chûm a ka khuh kharh kharh, tui chu ban in ka in a ka hmui vel ka hrûk fai hnu a ka hawichhuah chuan min lo en țhap.



"Enge i hâk rik ngawt a?" Ka nu chuan nuih deuh reuh pah hian a rawn ti a, ka pa ka en a a thutak ang reng fû bawk si.



"Aw... min zawt thut a nih kha..." ka ti ringawt, kei pawn ka pa zawhna avanga ka hâk rikngawt nachhan kha ka hrelo.



"Zawh thut pawn hâkna tur thil pawh ka sawi loh kha bawihte hâk chhante i nei em?" Tih pah chuan a mithmul an ti kâng zeuh ah! Ka pa hi a tlangval lai hian a zei dawn hian ka hre lutuk ah!.



"Kei pawn ka hâk chhan ka hrelo ei mai mai ru, karleh chhung a ka zir chuan ka thiam mai ang ka ring" ka ti a, chaw ka bar san daih. Thildang min zawh belh ka hlau lutuk chu ka mal ka hmer vak vak ringawt a, mahse vanneihtlak takin min zawh belh lo.



Mahse engvangin nge ka hâk rikngawt a thil min zawh belh ka hlauh nachhan?



He zawhna hi engtia chhan tur nge tih kei chaw hâktu ngei i pawh hian ka hrelo.



Zingah chuan ka u nen bazar turin kan chhuak a ka nu erawh chuan dar 5 velah khan chawlhni a sa hmeh tur leiin a lo chhuak daih tawh. Ka pa Office chawlh ni a nih avangin chaw ei hma vak a ngailo a chuvang chuan kan hmanhmawh lem lo.



Ka u in a hmelhriat te a hmuh avangin bazar chhungah kan luh phei pui a kei chu helama ka awm tam loh avangin han hmelhriat em em ka nei ve lo.



Thingpui in ang u an tih tlat avangin thingpui dawrah kan lut a an titi mial mial hlawm a kei erawh ka lo ngawi kar ka phone ka khawih san a Nghaktei nen kan in text char char a ni pawh dawrah a awm tawh.



"Jane... helamah ila awm lo ami?" Ka u țhiannu in a rawn tih chuan ka hawi chhuak a ka phone chu ka hmet thim a.



"Umm... awm lo, chawlh hmang turin ka lo haw zuai a" ka ti a, a bu nghat nghat a.



"I țan chauh nge?" A kuttin lem sei zeta min rawn kawh pah chuan a rawn ti a.



"Aih țan chauh lo e ka u in a sawi tawh kha" ka ti a "e" a ti leh thut, a rui amaw ni reuh le rui dawn ta se zu rim a nam bawk si lo a tun lawk a ka u in a sawi kha a hrelo zawk amaw ni.



Thingpui kan in zawh chuan an hmanhmawh avangin a țhianpa nen chuan an kal hrang nghal a "u.. a rui ami?" Ka ti nghal vat.



"Umm a rui a nih kha zing kar kar ah" a rawn ti a.



"Mahse zu rim a nam bawk si lo a" ka ti leh, ka kutah chuan min rawn kai a min chhang tawh lo damdawi a tih ka ring zawk hial a hmel vel kha a diklo hrim hrim a vûng deuh te khan ka hria.



"Vawiin in zir leh dawn em?" A tih chuan lu ka thing a "inrinni a nih hi, tihtur te pawh alo nei ve anga sin weekend hi chu chen ve tur" ka ti hap a.



"An chhungkua hian inrinni ah hi chuan tihtur an nei ve țhin a, a nau Hostel-a awm a tlawh a ngai bawk a vawiin chu chuvang ania ka zawh che ni" a rawn ti zawk za mah a ama thu thu a awm tur kan ni zawk reng sia.



"An harsa ve ami?" Ka ti a, kan zawt ta sa sa ka hriat chakna a rei tawh.



"Harsa em em love, nau pahnih a nei a lehkha an la zir ve ve a an hautak pha ve tawh a chu chu a ni mai, a pa hi MC ah khian Security guard ania a nu hi zirtirtu a ni bawk a chutiangin an harsa em em lo" a rawn ti a, anțam țha deuh hlek a hmu a an thlang leh rih.



"A nih hna dang a tam sia tinge aman hetiang lam hi a thawh daih a?" Ka ti leh a, dil chhut min ti țep tawh ang.



"Iva dil chhut reuh tak e aw... i star ami?" Ka sawi kha a tih ka ring reng ah!.



"Ka hrechiang chak mai mai mawle mi hian an sawi nasa êm a ka lo hre thawi ve a, an chhungkua an harsa a hetiang lam a ti tihte" ka ti a, pawisa a pe a kan kal lehnghal a.



"Mi sawi hi tawng pawng rin ngawt zel suh ka tih che kha, tu pawn chhungkaw harsatna kan nei thei loh theih lohna avanga zirna zawm thei lova hna thawh ngai te pawh an awm a.. kan veng a mi hausa hlang chhungkaw thawh chhuah ring a engmah thawhna chang hrelo pawr ve em em ho sawi bawk aniang chu i hriat ni, hetiang mi hi thudik lo theh darh tu alawm an nih țhin" a rawn ti teh duah.



"Ka ring vak bik chuang lo a kei pawn mahse an sawi nasa êm a chuvang mawle"



"Loan an puk a a lehkha zirna turin mahse an rul leh hleithei lo a chuvang chuan a rem rem ah thawk in loan chu an rul a a țhianpa in hetiang lam thil hi a kawhhmuh a insual thlengin a training thlap a Company a thawk satliah ho tam tak aia hlawh nei țha in a rawn chhuak ta a nih hi, loh theih lohna ațangin hlawhtlinna ah" a rawn ti a, a sawi tawi viau nângin ka ngaithla tui ang reng phian.



Lei tur kan hriat tawh em em loh avang chuan in lam kan pan a kal pah chuan eng eng emaw kan sawi chho a kan hlim ang reng phian.



Chhunah chuan Nghaktei dawrah ka phei a customer alo nei nual a min hmuh tho avangin amah pawh be lemlo chuan a țhutnaah ka phei a aman pe tura lo intlar ho chu ka lo laksak ta ringawt bawk.



"Lo lut rawh u... in duh duh lo en kual vel rawh u" Bell a rik tleng avang chuan hawi chhuak lemlo chuan ka ti a ka ke tin ah nail polish ka hnawih lak lawh a tin ni.



Chhuatah chuan ka nghat thla a ka enkual vela ding chhuakin ka chhin mawlh mawlh, Nghaktei ka lam pan a a rawn tlan chu ka lo en reng a ka bul a rawn thlen chuan ka ke țang nail polish ka hnawihna lam kher an rawn rap a nih chu!.



"Hey... nail polish ka hnawih zo chiah" ka ti chiam, a na tel bawk si. Amah pawh a awm hrang nghal hlak a ka en thlak chuan alo pherh nuai mai "ila ti pherh vek zui" ka ti hlak.



Țhutthlengah chuan min țhuttir a "a pawimawh rih lo kha chu... tunah hian Eddie-a leh hmeichhe pakhat dawrah hian an awm?" A rawn tih chuan amah chu ka en nghal vat.



"I daw emai" ka ti a, ka malah chuan a rawn beng pawp! Ka melh nghek a.



"Ania lawm, an lo lut chiah lo en rawh ka hmuh ang che" tih pah chuan min kaih thawh ala tum zui, ka lo țang ve țang țang a.



"An ni lo ang i vei lutuk a i hmusual a niang an ni helaia awm ngawt nachhan tur an nei" an mahni ka hmuh leh si avang chuan ka ti ta ringawt, ka enna lam chu a en ve vat a alo sawi dik a nih hi an mahni ngei a ni.



Ka hriat sual loh chuan a hmeichhia saw hmanni a store room a hmeichhia kha a ni chuan Eddie-a sawn a kawngah a kuah a inhnaih chêt a dingin thawmhnaw an en dun bawk.



"Enteh... a kawngah te a vuan vel mawle, hmeichhia saw a van vannei tak" Nghaktei'n zawi te a a tih mawlh mawlh lai chuan chair ah chuan ka țhu thla a an dinna lam chu ka en phei leh zeuh.



Ka awm a nuamlo nghal ruih mai a... ngatinge tâwt ang hian ka awm tlat, a hreawm ru lutuk.




Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:00 pm

HEY DADDY CHAPTER - 5

Ziaktu : Mami pachuau



"Va en pui rawh helam hi chu ka lo buaipui ang" Nghaktei bulah chuan ka ti a, phur zet hian a phei ve mai lehnghal. Kei hi ngatinge maw ka awm hi a nawm loh ruih le ka awmdan hi sawi pawh ka sawi thiam lo e a.



Ka ke tin a ka hnawih nail pherh nuai chu remover in ka ti reh thuak thuak a ka ke hmel a ti țhing vek, midang in an la en kual tho tiin bathroom ah sil turin ka lut a mahse ka ke pawh sil ta lo chuan ka hmai zawk chu ka phih tawp.



Darthlalangah chuan ka in en a ka thaw hak, ka biang chu ka tawk zeuh a.



"Huiham Rodingpui... a hma ang khan awm leh rawh" tiin keimah leh keimah chu ka inbia a zai rât rât chung chuan ka ke chu ka sil a hru thuak thuak in ka chhuak a ka țhutna ngaiah țhu in ka hnawih zawm leh mial mial.



"Hei engzah man nge?" Ka bul hnaih mai a aw ri a rawn chhuah avang chuan ka hawichhuak vat a ka bul deuh mai ah chuan Eddie-a leh kha hmeichhia kha an lo awm reng.



Ka hamhaih hman hial bawk.



"A kawr hnung lamah khan a man zat chu a awm ang" ka ti sep, an en kual vela "kan hmu lo a" a rawn ti leh a, ka nail polish ken chu ka dah vat a khawiah nge maw Nghakdaki pawh chu alo awm ni.



"A awm reng sia" tiin kan enkual ve a, ka che hi a ni hui mai.



"E... hei a tla daih a nih hi" tiin ka țhu thla a an pahnih sneaker bun ka hmuh chuan ka meng deuh kâwk a, a in ang chiah chiah.



Ka thil chhar tur chu chhar vat vat in ka ding chhuak leh a kawr hnungah chuan ka dah a "heihi la rawh i inhmeh ngawt ang a puan hi a țha ber chi ania i ngo a i inhmeh ngawt ang i duh chuan i ha chhin thei bawk a" ka ti a, kawr chu a khai chhuak a.



"Ka lo ha chhin ang" a tih chuan a hak chhin na lam tur chu ka kawhhmuh vat a, țhutna a awm reng a mahse kan taima dun ngat ngat asin a kawngkhar bulah chuan kan lo ding ve reng.



Inbiak hmasak kan tum lo ve ve tih hriat lutuk hian kan ding ngawi dun reng a zêp miah loh chuan ka zâm rilru ve ringawt ka hmaah tak a din vang aniang.



A kut a chêt ruala a kuta tatoo inchhu chu ka hmu hman a niminah khan a awm miah si lo a ka ti rilru nghal neuh neuh a a laiah chuan eng emaw a inziak bawk in ka hria.



En chian tum chuan a hriat loh tur thei ang ber chuan ka nghawng kan ti thle kual vela mahse ka hmu chiang hleithei lo, ka nghawng chu dinglamah kan ti âwn leh deuh a mahse ka la hmu thei chuang lo.



"I rawl ve em?" Ka ti chhuak phawng, ka thusawi avang chuan amah chu ka en chho a min lo en reng chu niin mahse ka mit hian a kut lam a melh tel zel tho.



Zawh pawh ka tum em em miah lo ka rilru in a ngaihtuah hma in ka kâ hian a sawi chhuak.



"Rawl lo e" a ti ve mai, a kut lah chu a chêt har tawh hi ka ti lutuk.



"I rawl viau em ni?" A rawn ti lêt a, kan ding țha deuh a "rawl ve tho e ka zak hnuai te hi a rawl vek" tiin amah chu ka en a, a lo khi suk a ka hawisawn rang hle bawk, huiha ka awmdan hi a diklo leh țan dawn.



"Khawngaihin a hnung hi min lo zihsak ta che" room chhunga hmeichhia a rawn au tak lûng lûng avang chuan a chhungah chuan ka lut vat a darthlalang hmaah chuan alo ding chu niin.



Chuan ka sawi dik tak tak bawk, a thawmhnaw hak chu a inhmeh lutuk.



A zipper chu ka vuan a ka zîp chho a "ka sawi kha i inhmeh tak tak" tiin ka ding sawn a , ka lam hawi zawnga a rawn inher rual chuan a nghawngah chuan eng emaw sen hi ka hmu a mahse a reilo.



Ka lam a rawn hawi takah chuan a nghawng a mi chu chiang takin ka hmu thei ta, love bite a ni a lang chiangin a lian ve reuh hle bawk.



Kei hi, engvanga hetianga awm hi nge maw ka nih le an lo inngaizawng a nih pawn ngaihzawng te inkara thleng tur chu a thleng ve a ni mai a ngah nge maw ka lo buai viau a mak ka lo tih viau ka inrawlh lohna tur tawp a nih hi.



"Hei kan lo la ang aw" a tih chuan ka nui sâng a "aw le, a dang pawh en kual leh la i inhmeh tur deuh deuh a tam asin" ka ti a, darthlalangah chuan a in en vang vang a țha a inti hle aniang chu.



"Umm.. kan lo enchhin ang" a tih chuan bu nghat in ka inher a room chhungah chuan Eddie-a chu a lo awm reng, ka ding dat a.



"Englo, ilo lut ve theilo asin tah chuan" ka ti sap, a kekawr ipte zen in kawngkhar alo ngheng kur lehnghal.



"Lo lut ve mahse a pawilo min lo va chhuahsan zawk lawk ta che" a tih avang chuan kan customer a nih avang chuan hnial ngam lo chuan ka chhuahsan ta zawk a mahse ka chhuah chuan enge an tih tih hriat tum zet hian kawngkhar ațang chuan ka ngaithla nghal a mahse thawm engmah a awm lo.



"Enge i tih a?" Nghakdâki chuan ngaihthlak ve pah hian a rawn ti a, ka kut chu ka hmuiah dah in bengchheng lo turin ka hrilh a ngawi reng chuan a ngaithla ve reng.



Thawm engmah ka hriat tak loh ah chuan ka kalsawn a ka țhutna ngaiah ka țhu leh hmak.



"Tute nge awm a i va ngaithla nasa ve" ka bula rawn țhut thlak pah hian a rawn ti a, a lamah chuan ka inher a "enteh maw... room ah sawn mipa a luh ve theih loh tih a inziak kulh a mahse Eddie-a kha alo lut a chuvang ania khatia ka lo ngaihthlak" ka ti a, ka sawi phei chuan kei ai mak a tih leh hmel daih zawk.



"Ava mak ve... a inziah len teh lul nen a hmu ve lo ami" a rawn ti chiam, țawng zawi turin ka hrilh nghal zat.



"A hmulo aniang, a hmeichhe nghawngah love bite a awm bawk a, hrim hrim in khawnge ilo awm daih a" ka tih phei chuan a meng phâwk nasa zual.



"Coffee in tur ka siam a chuan i ngaithla lai kha ka hmu che a ka lo kal mawle, avan mak ve tunah an lo chhuak har tawh em em mai lehnghal eng emaw an ti a ni hrim hrim" room lam en phei leh pah chuan a ti a.



Thawh a tum chu a țhutna ngaiah chuan ka pawt țhu leh hnawk "a ho emai ngai pawimawh suh khawnge i coffee siam chu" tiin dawhkan vel chu kan melh kual a.



"Sawtah ala awm ka la rawn la chhuak lo va la mai rawh ka va ngaithla leh teh ang an awm rei tawh danah hian eng emaw an ti a ni hrim hrim" a ti leh a, a tho chu dan buai pawh ka tum tawh lo Office lam ka pan phei san a mahse kawngkhar bul a thleng kha an ni an lo chhuak ve leh chiah.



Pakhat lah in dawt a sawi hman hram bawk a, an in daih zâi hlawm ania.



Ka chhuah pawh chuan thawmhnaw an lo la thlang, an inti hausa viau ania nge engzat chiah nge maw lei an tum ni.



"Jane..." ka hawi let rang asin, ka rilru ah zawhna a rawn lut nghal. Engtin nge ka hming a hriat?.



"Aw...enge ni ta?" Ka ti muang ban chap, Nghakdaki ka en a kei ai mak a tih hmel zawk.



"I u in enge a tih a vawiinah a chhuak em?" Thawmhnaw en kual pah hian a rawn ti a, ka coffee ken chu dawhkanah ka dah a "hna a khawih a inah a awm" pangngai deuhin ka chhang ve mai a bu nghat bawk.



Eddie-a awmna ka zawn kual ruk lai chuan dawr pawn lam ațanga dawr lam a rawn pan lai ka hmu a, a rawn lut lai chu ka lo en reng a kha hmeichhe awmna lam kha a pan a chuan a beng bulah a kunhniam a.



Eng emaw a hrilh tih hmeichhe hmel awmdan ațang chuan ka hre thei.



"Enteh... midang awm ve reng laiin enge maw a tih saw le an â tawh a niang" Nghaktei chuan ka beng bulah a rawn ti sa sa, kei pawh chu chu ka ngaihdan chiah a ni.



Kan lam a rawn pan lai chu ka lo en reng a ka hmaah tak chuan a rawn ding a "i u in hruai haw tur che in min ti a min lo zui rawh" a rawn ti sup, ka meng deuh kâwk a.



"Ka u in maw... ka âwih lo nilo se keimah min rawn hrilh ang awi! Inah ka phone ka dah tih ka hre chiah" ka ti vak a, Nghaki phone a rawn ri ve chiah "hei min lo call a nih hi" a ti a, ka u nena an inbe lai chu ka lo nghak ve reng.



"Tihtur a awm a tia lo haw nghal rawh se a ti, haw phawt mai rawh kei pawh ka inkhar țep bazar ka ngai a zanah inkhawm hunah min lo sawm rawh aw" a rawn ti zung zung.



"Mahse..." ka la ti fan, min pawt tho lâwp a "a pawilo, lo haw rawh an tih chuan haw mai tur" a ti a, ka hnungah chuan min sik tel pah zeuh zeuh lehnghal henu mak lutuk hi chu ah!.



"Alo thleng țep ang ilo nghak mai dawn nia" ti sup ri ah chuan ka hawichhuak a keimah min bia amaw ka tia mahse kha hmeichhia lek kha a ni alo biak ni.



"A nih ka kal, zanah ka lo sawm ang che" ka ti a, nidanga ka haw ui viau zel si vawiin chu enge maw a hriat ni min tur et et mai keiin haw kan peih loh nâk alaiin, he mihring nena motor khat a chuan ka peih lo.



Hmeichhia nen an la inbiak avang chuan ka sneaker lehlam khai chungin ka lo va chhuak hmasa engin nge ka haw dawn pawh ka hriat loh avang chuan a kawtah ka ding reng a an inbe rei hi kan ti khawp ah!. Darkar tam tak hnuah a rawn chhuak ve chauh ni mai hian ka hria.



"Helaiah hian motor ka dah" tiin a kalsawn leh daih a ka zui ve leh ta nge nge. Ka luhna turin kawngkhar alo la hawng thlap zui a tun hun hi a remchang ta bawk a hetianga awm tawh lo tur hian ka hrilh theihnghilh tawh lo ang.



Ka luh hnu lawkah chuan a rawn lut ve leh a ka kut ka malchunga dah in ka hmer kawp a hmalam ka lo melh ngat ngat, a tlan chhuah pawh chuan engmah sawi lo chuan hmalam ka en ve reng a ka taksa hi âwihawm loh khawp in an țang lehnghal.



"Engtin nge ilo hruai nu kha a haw dawn keimah avang chuan ke in a haw lo ang tiraw ka u in min hruai turin a ti bawk che sia" ka ti a, hmalam ka la en reng.



"Midang in an rawn hruai mai ang" a ti ve mai a, min kam tu ber ania a sawi takah chuan ka hahdam huai ka rin nen ka hahdam lo rapthlak lutuk. A chang leh thaw huai zel in tukverh lam ka thlêk leh ngawt zel.



"Hahdam la seat kha ngheng rawh" a rawn tih chuan amah ka en vat a "engtin nge ka hah tih i hriat?" Ka ti sap, nui suk in ka lam a rawn hawi a ka rin ai a nui ve duh reuh han inkawm em em ni lo mah ila ka bula a nui ve thei mai hi a mak, nuih dan hrelo a ang ka tih tehlul nen.



"Ka sawi ang chuan awm mai rawh" ka zawhna chhang lo chuan a rawn ti leh daih a seat chu muangchangin ka ngheng thla riai riai a tukverh lam ka en san hmak.Ka rilru a hre thei amaw ni.



In kan thlen thlengin kan inbe leh tawh lo, kawngkhar min hawnsak leh ka hlauh luatah keiman ka lo hawng vat vat a ka lo chhuak hmasa nghal tharh a Gate-ah lut in lam ka lo pan nal nal.



Gate inhawng ri ka hriat leh takah ding meuhin ka hawi let a, a ni pawh a lo lut ve leh "enge i lo tih dawn?" Ka lo ti hû a




"Ka lo luh ve a ngai alawm ka luh i phallo tihna em ni?" Chiang zeta min en chung hian a rawn ti sup a, ka lu ka thing vat a "chu lam ni lo e i let lehnghal dawn amaw ka tih vang zawk ania" ka sawi zawh rual chuan ka țhen zeuh a inher in inchhung lam ka pan lehnghal nal nal bawk.



"Nu... khawnge ka u a awm?" In ka luh chuan ka ti lut nghal thawr a sofa ah țhu in ka pa beng a lo kher sak mek.



"A room-ah a awm in ka va hre ve han chho mai rawh. E... Eddie nang pawh chu ve tehmial che chuan" ka nu chuan a ti zui deuh hluai a hawi let miah lo in inchung lam ka pan chho a ka nu nena an inbia chu ka hre thawi hman fua.



Inchungah bathlarah ka u chu alo awm a Laptop nen alo inchhawp hnûr mai "hla i phuah leh tawh ami?" A bula va țhut thlak pah chuan ka ti a, a Laptop khawih lai chu ka lamah ka pawt phei a.



"Um... ka rilru ah a awm thut alawm le, Eddie-a chu a let lehnghal ami?" A rawn ti a, ka lu ka thing nar nar.



"Inhnuaiah ka nu nen an inbia, ngatinge min koh haw a ka nail polish inhnawih pawh a ro țha hman hleinem ka sneaker khai a ngaih phah" ka ti a, min rawn kuah a.



"Mission vengah kal ka ngaia nutei te inah an fanu khan interview a pek duh thu a sawi a chu chu va ngaihven ka duh țhahnem ka lo ngaih pui bawk si a" a rawn ti a.



"Chuan..."



"Ka pa khan an insawn tawh kha a tia ka la hrelo a min kalpui a ngai dawn tihna a nih chu i inthlak dawn nge tikhan i kal dawn" thawveng zet hian a ti chhuak a, ka hnial ngam dawnlo tih a hriat sa vanga min ko haw a ni reng bawk a a phakar ve thlawt.



"Tian ka kal mai ang, enteh u.. mi kan bulah hmeichhia nen awm ta se nuamlo nghal ruih ta ila chuan a hnuah zâm leh em em ta ila i taksa te țang vek se chutianga kan awm chu eng tihna nge?" Dawhkana bawh pah hian ka ti a, ka thusawi avang chuan a rawn țhu chhuak deuh zawk.



"Mipa bulah tiang chuan i awm ami?" A țawngkamah chuan a phur tih ka hre thei.



"Chu pawh ka sawi chuan loh kha ka zawhna kha chhang vat vat la" ka ti sap.



"Hmeichhe bulah tiang chuan i awm zawk tihna maw?" A rawn ti leh chiam, ner nâng in ka țhu chhuak a "chu lam pawh ka sawi loh chu.. ka zawhna nena in perhsan deuh deuh in thil sawi lo la" ka ti a, ka chhungte hian hetiang hi an ching tawp.



"Chu mihring chu tu pawh nise i duh a nih chu" a tih rual chuan ka meng phâwk hra, ka awmdan chu ka siam rem zung zung a.



"Daw suh thudik sawi rawh" thutak zet hian ka ti a, a lâwmah a tla nge ni a nui ta hak.



"Thudik a nih chu ka sawi ka nau, ka kum ngaihtuah la hrethiam lo rual ka ni tawh lo, kum 30 ral kai tawh tur nula hian khatiang mai mai kha chu a paltlang hnem ve tawk tawh, min hrilh teh tunge?" Tiin min rawn țhuthnaih sauh sauh lehnghal.



"A... chutiang em em chu a ni lo ang, paltlang hnem ve tawk tawh mah la a ni theilo hrim hrim i hresual aniang. Kal ang, ka sawi peih tawh lo" ti hliai in ka tho chhuak a inhnuaiah ka tlan thlak san daih bawk



Ngaihzawng nei thei ka ni tawh lo ka zirlaiah chiah ka rilru ka pe tur a ni, feelings nei thei ka ni tawh lo.



Zanah chuan chaw ei khamah inkhawm turin kan insiam a țawngțai inkhawm zan a nih avangin inkhawm a rei dawnlo a mahse inkhawm banah țhalai committee a awm dawn a tel ve tura min tih tlat avangin ka tel leh ngei chu a ngai dawn bawk.



Nghakdâki pawh ka sawm a alo la hman lo insiam pawh alo la insiam lo zawk mawle. Inkhawm a hun hi chuan eng anga biakin hnaih emaw hnaih lo pawh nise tlai tur chu an tlai tho, chu chu ka ngaihdan.



"Enge vawiina in haw khan thleng?" Biakin lam kan pan lai chuan a rawn ti leh sa sa tawh.



"Enge thleng vak se i tih le, i ngaihtuahna țhalo kha bansan teh" ka ti hlak a, ala ner nâng zui.



"Ngaihtuahna țhalo a ni lo, a endan ațang che khan a duh hmel êm che alawm" a tih chuan ka ding a "i kal thui tulh tulh a i bei âwm ang lo tulh tulh" ka ti chiam, a lamah min pawt phei pawp a ala phun bul bul zui.



"Kan bul velah tumah an awm lo hlauh" ka ti sa sa a, ala chet ang hlak a.



"I u bulah a chanchin kimchang deuhin lo zawt teh min hrilh anga" a sawi zawh rual chuan step-ah ka chhoh san nghal nal nal, ka hmingpum ngat a min rawn au in min rawn ûm chho a.



"Lo zawt teh..." min tlawn leh tak tak dawn e.



"A ninawm.. a ni chanchin lo midang chanchin sawi tur a tam, a ni ringawt kha kan khel a duhtawk ang a ninawm duh leh a chanchin chu nangman amah zawt mai teh" tiin ka chhoh san leh daih bawk.



A chanchin kimchang in ka hrelo, ka u in min hrilh chin chiah kha ka hriat awmchhun a ni. Ka hre ngei alawm mahse mi hnena ka sawi chhuah kher erawh a țulna ka hre lem lo ka buaina tur pawh a ni lo nasa.


★ Monday ★

Zingah chuan midang zawng ai hma in ka tho a Hlima'n zir tur țhenkhat min rawn hrilh avangin sitting room-ah ka en thuak thuak a dar 8 dawn velah ka en zo deuh chiah bawk.



Ka tui inna no keng chungin choka lamah ka phei a chaw ei an lo siam mek "nu... vawiin chu dawrah ka lo pui ang che chu ka hman" tiin bawnghnute ka thli pah a.



"I hman te chuan a pawi hleinem, vawiin chu kan buai dawn a a zia deuh ang chu Hriati awm tho mahse" a ti a, chawhmeh a suah sa chu dawhkanah ka lo va dah phei zel a.



"I mut kawr nen ila awm a nih kha han inthlak la i pa leh i u rawn ko pah ang che i pa chuan kawtah khan vanglaini a chhiar in ka hria" a ti a, ka bawnghnute thlit sa chu ka in zo a pawnah ka pa ka va ko hmasa a inchungah ka chho tlang a.



Ka u room ah ka lut hmasa leh te te, ka luh chuan a phone alo ri ve chiah.



"Jane.. tunge lo en lawk teh" a tih chuan a phone a dahna lam chu ka pan phei a a phone chu ka la kâng a "u... Eddie-a'n alo call che a nih hi" ka ti a, amah pe tura min hrilh avang chuan ka pe phei a a Laptop khawih pah chuan phone a hmang a.



"Jane... vawiin hian khulama ka chhuk thlak ngei ngei a ngai a" ka u in a tih chuan amah chu ka en vat a.



"Ngati tut tut nge naktuk ka birthday a ni tawh asin" ka ti chûl.



"Hna pawimawh ka nei thut a mahse naktukah ka lo haw hman leh dawn alawm chawhnu ah ka chhuak dawn a chawhma chu Office-ah min kalpui lawk rawh aw" a ti zung zung, keimah hi min ti ham haih zawk.



"Mahse..." ka ti a, a phone a rawn rik avangin ka sawi zawm leh thei ta lo.



A office-ah chuan ka kalpui a biak hman lêk loh in a khawsa leh si min hruai loh law law mai tur ania file pakhat min ken tir char char lehnghal.



File keng chung chuan ka kal kual vela mahse ka kalna tura inbia pahnih ka hmuh avang chuan ban phenah ka bi ru ve ringawt. Ka bih dêk dêk a Eddie-a leh mipa pakhat an ni, a reh ve deuh avangin an thusawi pawh ka hre ve thei deuh.



"Miriam-i chu ka kal tir thei lo ang" Eddie-a'n a tih leh rual chuan ka beng ka dawh hnai sauh, engvanga ka u hming pawh chu lam tel nge maw a nih le, pakhat pa chhanna lah chu a țawng zawih êm avang chuan ka la hre theilo zui.



"In duh chuan nangmah niin buaipui rawh u Miriam-i chu ka inrawlh tir lo ang" Eddie-a bawk chuan a ti leh, a enge maw ka u hming pawh chu a sawi chhen le.



Kalsawn thawm ri ka hria a ka thaw chhuak ham ham engvangin nge ka u chungchang khatia a sawi nachhan, engthil emaw tak inthup a awm a ni ngei ang.



"Ilo chhuak thei tawh ang" tih ri ah chuan ka phu nghek! Ka bul mai ah a ni a rik chhuah ni.



Ka bih dêk dêk a Eddie-a chuan min lo en rûn, muangchangin ka chhuak țhêm țhêm a "engtia rei nge i ngaihthlak?" A ti hmuk.



"Maw?" Ka ti deuh hû a, a sawi kha ka hre reng mahse ka hrelo lui.



"Engtia rei nge i ngaihthlak?" A rawn ti nawn leh ta chat reng a.



"Engmah ka ngaithla lo chuan ka hrelo bawk a mahse eng emaw tak chu lo hriat ruk ka nei maithei" ka ti a, kal turin ka inher a "kal turin ka la ti lo che ding rawh" a rawn tih leh tak hmuk avang chuan ka ding ve leh tawp.



"Ka duh leh ka kal anga hei chu ka thu alawm" ka ti ve hmak a, ka kal lui a.



Mahse thui pawh ka kal hma in min pawt let lawp a bang lamah chuan min nawr phei rawk rawk.



"Engthil..." ka ti chiah, ka beisei loh tak mai hian min rawn fawp a nih chu! Ka khawng chho nghal vek thei.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 1st, 2022, 10:00 pm

HEY DADDY CHAPTER - 6

Ziaktu : Mami pachuau




"Engthil nge maw i tih le?" A awm hran rual chuan a âwm a nem pawp in ka ti nghal hlak, ka hmui chu ka tuai nghal nawk nawk a rum zet hian amah chu ka en bawk.




Ka sirah a kut a innem khalh in min lo en chhuk rûn a, ka en chhoh apiangin min lo nuih suk zel lehnghal, ka bulah hian chhan awm lo in a nui hnem tawh in ti ve em?




"I zaklo hle mai engtin nge min fawh ve ngawt theih zawk a?" Ka hmui tuai nawk nawk pah chuan ka ti hlak hlak.



"Kal rawh, i hmel pawh kha ka hmu..." ka sawi zawh hma chuan min rawn fawp leh zeuh, a darah chuan ka chûm zui pawp a ala nui ri suk zui, ka chalah chuan a chal a rawn nghat a bang ah chuan ka lu min nghah tir a.



"I kâ kha hup ang che, thil hriat ilo nei a nih chuan engmah sawi chhuak lo ang che i u tana i tih ve theih tawk a nih chu" a rawn ti sup, a thu in ka va han awih âwm lo tak.



"Ka kâ ania ka thu thu, thil ka hriat ka sawi leh sawi loh pawh ka thu i thu a awm lo" rum zeta en pah hian ka ti hlak. Kalsawn ka tum a mahse a kut lehlam in lehlamah a rawn innem khalh leh.




"I ninawm emai... ka kalna turah pawh awm tawh suh min fawp ve ringawt lehnghal i zaklo lutuk" ka ti vak, a nui suk a a rawn kunhniam deuh a "ka tifuh viau in ka hria" maksak deuh hian min chhang a en pawh ka en peih tawh lo.



"Ka kal duh tawh awmsawn rawh" pangngai thei ang ber chuan ka ti chhuak a, he mihring hi ka hlau tawh a bula awm pawh ka duh tawh lo.



"Ka sawi kha hre reng ang che" a ti leh a, chu pawh ka hrelo der lui. A kal ve mai dawn amaw ka ti a a hma zawng aiin ala rawn kunhniam lehzual "ti tawh suh kal rawh" mangang zet hian ka lo ti thuai.



"Engmaw?" Ka beng bulah chuan a rawn phun sup, ka beng hawi sawk dawn zawk amaw ni le.



"I hre reng, sawi nawn kher pawh a ngailo ka thinrim tak tak hma hian kal rawh ka hlau che i hlauhawm lutuk" ka ti hlak a, bang chu a nghen belh theih tawh lo tih ka hre reng mahse nasa thei ang berin ka nêk zual zel.



"I duhawm lutuk thung" a tih chuan ka melh chho nghek a rawn kunhniam leh zualin ka huat tur em em mai hian min rawn fawp leh vang vang a nih chu! A chawn ah chuan ka pet sak pawp a a awm hrang hlawk.



"I phu tawk chiah hmela! Engtin nge a ngai ang chiah khan ila rawn tih ngam a? Kal rawh" ka au in ka au tawh a ni ber, ka hmui chu nghet zetin ka hup bawk ka țap thei takngial dawn.



Eng țawng emaw ni hi a phuh chhuak a mahse sir lam ka hawisan hmak tawh. Ke pen thawm ah chuan a kalsawn tih ka hre thei hawi pawh hawi let lo chuan washroom hnai ber ka zawng a ka hmuh phei chuan ka lawm ngawih ngawih.



A chhungah chuan lut in tui ka herh haw nghal a ka hmui chu ka tifai nghal sawk sawk a reh thei pawn ka hrelo.



Darthlalangah chuan ka in en a ka au chhuak vak! "Engtin nge khatiang khan râwn pawh min râwn hmasa miah lo in a tih theih zawk? Vawikhat chauh pawh a ni lo, vawihnih lai mawle a tih ni" ka ti tuarh a, bathroom chhungah chuan ka aw pawh a khâwk rum rum thei.



Ka hmai chu ka phih a darthlalangah chuan ka in en leh "a hmaiah khan beng zawk tur ka ni asin mahse engvanga ben na chang hrelo nge maw ka nih le, ka hriatchhuah hun hi a fuh lo takzet" mahni chu kan in hau leh rih.



Huiham! Kha mihring bula ka awm kha chuan ka â thei takngial dawn. Mahse min fawh khan ka taksa kha an danglam nghal vek, engtin emaw khan ka awm a reilo mahse engtin emaw hian ka awm, a hmui in ka hmui a deh chiah khan a nêm thep ni maiin ka hria chuan a dangdai bik bawk.




"Hush...." ti vak in ka biang vel chu ka tuai nawk nawk a "ngaihtuah tawh lo ang thil țullo a nih kha, a thleng tawh a thlen nawn tir tawh lo tur chu chu a tawk mahse a thiltih kha ka ngaih thah mai mai a ring a nih chuan ring sual chhia va rawh se" ka ti a.



Ka sam chu siam țha thuak thuak in ka u file min kawl tir chu ka keng a ka chhuak nghal nal nal bawk.



Ka u bula ka kal pawn kha mihring kha alo awm ve kur a mahse hmu lo ang hmak in ka awm a, he khawvel a awm ve lo ang mai a ngaiin ka ni leh phawng phawng a en loh ka tum ngar ngar bawk a mahse he thil hi chu a harsa ve tih piahlam a ni hawikualna lamah alo awm kur zel bawk si.



"Naktukah chuan ilo chho hman tak tak ang maw ilo chhoh hman loh vaih chuan ka lung a awilo viau ang, kan awm hran hnu a ka birthday kan hman dun hmasak berna tur ania tiin ka lo lawm ve tawh asin" in lam pan a motor a kan chuan lai chuan lungawi lo zet hian ka ti a.



Tukverh lam chu ka melh lui ngar ngar bawk. Ka bulah a rawn țhu phei a.



"Ka sawi tawh kha ka lo chho leh hman dawn tih. Chawhnu lamah kan chhuak dawn a zaninah kan zo fel vek anga naktuk zing karah ka lo chho ang" a ti a, ka kut chu la in a vuan a ka chhang tawh lo.



Kan upa ber mipa khan a dam lai khan ka birthday apiangin helama ka awm ngai loh avangin min hmanpui turin a rawn chhuk ziah a zingkarah ka harh hma in ka room chhung alo chei vek țhin a min ti harh in min wish țhin mi dang erawh chuan phone kaltlangin an rawn ti țhin thung.



"A nih chuan u Mama thlanah kal ila a ni pawn ka birthday ala theihnghilh bik lo ang" ka ti a, ka țah a rawn chhuak ringawt bawk. Ka lu chu min tih thlêk sak in a darah min bei tir a.



"Engtikah mah a theihnghilh lo ang, a ni pawn van ațangin hlim deuhin alo hmanpui dawn che alawm engtikah mah a theihnghilh lo ang" a tih chuan ka maimichhing a "ka beisei" ka ti sap bawk.



An chhuak tur ka thlah ve theih loh avangin ka nu dawrah ka phei a an lo la buai em em mai lehnghal.



"Bawihte... tah sawn parcel bawm lian a awm a chu chu lo va la teh" ka thleng ve chiah a ka nu in ala rawn ti zui.



"Khawi laiah hian maw?" A kal phei tawh chu ka au leh "step bulah khan a awm ka hming alo inziak mai ang" a ti ve lûng lûng a. Step bulah chuan pheiin parcel bawm lian ho chu ka enkual dan dan a langsar deuh mai ah alo awm leh tho si.



"I u te chu an chhuak tawh ami?" Parcel ka pawm phei lai chuan a rawn ti a "an chhuak tawh vel maithei eng em em nge awm a a rit rapthlak lutuk thawmhnaw chu a ni lo phawt a" ka ti țuih țuih a țawng pawh ka țawng țha hleithei nem mawle.



"Tah khan dah mai rawh, dah chawrh lo la dîm te in dah rawh" tiin a dahna tur min la hrilh zat zat zui.



"Awih!" Tiin parcel chu ka nghat thla chawrh!.



"Amak țhin mang e... dah chawrh suh ka tih kha pangpar an rawn thawn a a chhia anga sin khawmaw awmsawn teh ka lo en ang e" min tih teh zêk lehnghal a ka dinna ațang min la nawrsawn daih lehnghal.



Ka dahna bulah chuan ka țhu thla a parcel a hawng mawlh mawlh lai chu ka en ve reng "khawi ațangin nge an lo thawn a?" Thawveng zeta țhut âwn pah hian ka ti a.



"I nî in a pangpar huan ami ka duh ho min rawn thawn a nih hi" a ti a, pangpar vel chu a thlek kual thuak thuak a, a chhe lo ang.... ka tih khum chiam dawn amaw ni.



"Pangpar i ngah tawh tawh nen nen dahna tur pawh a awm tawh lo ang pakhat hi chu ka room tukverh bulah ka lo dah teh ang tukverh bulah hian a purple chiah a awm tawh lo" tiin a purple pakhat chu ka la chhuak a a dang ka lei nen a in ang vak lo heihi chu.



"Khawmaw teh..." tiin ka kenna kut a rawn beng ri kawrh a min la laksak nghal zui "ka enkawl phawt anga pot ah te kan dah anga chuan i tukverh bulah chuan kan dah dawn nia, heng ho hi chu a dang zawng aia uluk a enkawl ka duh a, dang hi lo la chhuak la a rem laiah khan lo dah rawh" ala ti ham ham zui.



"Pangpar a nih tawh hi chuan a very.... very mother India ini lehzual" ti nang nang in parcel chhung a pangpar awm chu ka lak chhuah pui a, an la rem thlap zui lehnghal.



Tlai thleng ka awmpui a haw hma in ka pa Office-ah kal in a haw theih hun kan lo nghak ve reng a, a haw theih veleh kan pathum in kan haw ho bawk.



"Bawihi... i u te chu an thleng chiah a nih chu aw, tinge i phone i call tlang theih loh an ti a hei" ka pa chuan a phone ka lama rawn lek phei pah hian a ti a "ka signal a bo daih alawm. Ala dah lo ami khawi ka lo bia ang" tiin ka pan phei a.



A bul ka thlen chuan engmah sawi lo chuan min la pe ve mai lehnghal "aw u..." phone ka beng a ka nghah rual chuan ka ti nghal thawr a min chhang miah lo.



"U..." ka ti leh, min la chhang chuang lo.



"Tinge... signal an nei țhalo amaw ni le" ti sap a phone laksawn ka tum rual chuan "keimah zawk" ti a mipa aw ri ka hriat avang chuan phone chu ka bengah ka nghat leh.



"Tunge?" Ka ti nghal thuai a.



"Keimah" tih zawng a sawi leh ringawt, a aw ațang chuan Eddie-a a ni tih ka hre mai thei.



"Khawnge ka u... ngatinge a phone ațang ilo call a?" Hlauthawng ru ang reng zet hian ka ti a, ka pa ka zawng a ka hmu mai tawh lo lehnghal "A harh hunah ka lo hrilh dawn nia a chanchin ka rawn report a ni e" tiin a dah zui hmak.



Thaw hak in phone chu ka hûm a kan en thlak nâk chuan 'Bodyguard Eddie-a' alo inti kulh mai, rang zetin ka pa phone chu ka hmet thim a ka u a bia amaw ka tia mahse kha mihring kha alo be reng si.



Ka pa choka lam ațanga thingpui rawn chawi chhuak chu ka pan phei a "pa... ngatinge midang i bia tih min hrilh loh ka u biak in ka lo be ve char char asin" a phone pek pah chuan ka ti nghal hlak a.



Ka zak lutuk hi ka sa chhuak vek thei.



"Ka be duh iti miau sia lawm engmah sawi hman loh khawp in i rawn tlanphei rang bawk si a, engpawh chu nise Pathian zarah an thleng tluang a a lawmawm khawp e" ti teh duah in min kalpel a ka tih ngaihna hrelo chuan ka en zui ringawt.



"I pa hi chuan han fiam vel che hi nuam a ti ve hrim hrim tih i hriat kha, han inthlak rawh eirawngbawl dun teh ang i eisiam pawh i pa nen kan ei khat tawh alawm le" ka bula rawn din pah in ka nu chuan a rawn ti a, hemi te nupa hian ka zahna an ti belhchhah.



"In chimawm nupa țhin hle mai" ban phar hluai hian ka ti a, min nuih ruh ruh pawh chu en duh lo chuan inchung lamah ka chho a. Ka pa chauh pawh a ni lo ka nu pawh tel in min fiam hi nuam an ti ve hrim hrim.



Ka inthlak zawh chuan inhnuai lamah eirawngbawl turin ka chhuk leh a, bawl ve turin min ti tak na in ka bawl ai ka țawng a tam zawk. Eng emaw min sawipui a kan tui chho ta lutuk a kan anțam siam pawh tui alo kang vek țep.



"Bawihi, i țhiante an lo kal a rawn chhuk lawk ta che" ka nu chuan ka room-a a rawn luh rual chuan a rawn ti nghal a tlai lama zir tur pawimawh vel min thawn ka lo en thuak thuak thung.



"Um... ka lo chhuk ang mahse tute nge a Nghakdaki'n alo kal tur thu min hrilh miah si lo a" ka ti a, ka khumah chuan a rawn țhu a.



"Tebawihi te kha an ni tlat a ka hriat ni, rawn chhuk la i hre mai dawn alawm muang lo la țhiante in nghah tir reng te hi a mawi ngailo ania" a ti a, ka chhuk vat tur thu ka hrilh bawk.



Tebawihi te pawh lo ni ta tehreng se an rawn kal tur thu min hrilh lawk miah si lo a, zanina leng tura ka sawm pawn tihtur an neih thu an sawi a nih kha. Tichuan tunge lo leng rin ngaihna ka hre ta hauh lo.



Ka nu chhuk hnu lawk ah ka chhuk thla ve a, ka pa ho in an lo inkawm leh tawh aniang an lo ri leh laih laih tawh. Aw Lalpa leh! Ka pa hetianga infiam pui thei kan țhiante ah chuan hmeichhe pakhat chiah a awm.



"Malsawmdawngkim" an awmna ka thlen phei hma chuan ka ti vak! An reh ta țhap reng a, he mihring hi a châklo dawn chiang alawm "i daw heh zia hi" ka ti lut a, min lo la nuih sâng zui.



"Nang... nang.. nang.. chuan nangpawh, Nghakdak nang pawh maw?" An țhu tlar dual chu kawh pah hian ka ti vak! Min lo la nuih ang sâwng hlawm lehnghal "in la ngai reng a nih hi... ka nu pawh dawt sawi turin in lo hmin leh hman tawh a" ka ti a, an phakar ka ti lutuk sawi ngaihna pawh ka hrelo.



"Aw... engpawh chu nise kan rawn leng tho alawm hetah lo țhu rawh i pa te nen fiamthu kan lo thawh ho a a nuihzatthlak hlawm lutuk" Malsawmdawngkimi chuan thawveng zet hian ala rawn ti ham ham zui.



"In phakar hlawm emai in bula țhut pawh ka peih lo room ah ka chhoh san dawn che u" ti a ka inher chu Nghakdaki bawk chuan min pawt let a a bulah min la pawt țhu zui.



"I titau peih si, kan zingah i naupang bera i titau peih ber bawk titau bur bur lo khan nuih a hun chuan nuih ve mai tur, zahmawh kan sawi lai ala ni zui lehnghal i vannei hlawm tawp" a la rawn ti zui lehnghal a an vai mai chuan rapthlak ti lutuk hian ka melh kual vek.



Zingah chuan ka beng bula phun mur mur ri hi ka hria a mahse nizan ka mut theih loh avangin zing lamah chauh ka muhil a ka meng hleithei lo.



"Reilote chiah kan mu leh lawk ka mit hi a inchar vek" ka ti niah niah a, lehlam hawi zawngin ka inlet leh hmak.



"Tho rawh..." ka beng bulah bawk chuan an rawn ti leh, ka zangthal thak a ka mit chu muangchangin ka meng a ka mit a kham vek.



"Reilote tal chu min muttir ve ula" ti hliai in ka țhu chhuak a mahse ka hmaah tak Cake lian tak mai alo awm kuau tunah chuan ka harh chiang mah mah bawk.



"Happy Birthday ka nau duhtak" ka u in a rawn tih chuan ka țah nuih hawk "ka harh chiang tawh" ka ti a, an nui dar dar. Keima pual bik beiin Birthday hla an sa a Cake-ah chuan 20 alo inti kuau bawk ka u nena kan thlalak alo awm bawk a.



Ka u kha la dam ve se chuan in Cake nen min lo kaitho leh anga Cake te min tât kualin ka duh apiang min tihpui leh bawk ang a thla chi hrang hrang te kan la leh ngei awm si a.



"E... a țap ringawt e, birthday girl an țap ngailo ania" ka pa chuan a rawn ti a, nui hak in ka mittui chu ka hru thuak thuak a.



"Tihpalh, ka u ka ngaihtuah chhuak thut a kan chhem hlum tawh ang e" tiin khum mawng lam ka pan phei a "in vaia chungah ka lawm e chuan ka u nangpawh" ti sap in bati chu ka chhem hlum vek a kut kan beng dar dar bawk.



Gift ka dawn țhenkhat chu ka enkual a nizana ka țhiante lo kal khan gift min lo pe reng a ka nu in alo thuhruk sak vek bawk a ka chhungte nen hian an inthurual hlawm ziah min bum hnehsawh thei khawp mai.



Bawm hrang hrang chu ka enkual lai chuan bawm sang deuh intung chu ka hmu thut, ka la vat a tu min pek nge tih ka en chuan
'Captain Black Wolf' alo inti ringawt, a dang vel chu ka enkuala mahse a dang engmah alo inziak tawh lo.



"Khang ho khan hming lem an hmang a ni ngei ang" tiin khum lamah ka pawm phei a bawm chu ka hawng a, a chhunga awm ka hmuh chuan a rang a rangin ka la chhuak nghal vat.



Rose par sen bulah ka teddy bear awh deuh ang chi ka lei ngam miah loh ang kha alo awm. Tun thlengin a leina tur pawisa pawh ka la khawl țang țang, ka khawl hmang a lei ka tum kha ania mahse hetah hian ka birthday-ah pek in ka awm daih bawk si.



"Woah! Thilmak a ni" ka ti sap, a dang chu ka enkual a rose par sen karah chuan lehkha alo awm a ka la nghal vat ka hawng a.



'Happy Birthday Jane' tih ringawt alo inziak, a dang chu ka enkual leh a mahse a awm tawh lo. Rose chu ka hnîm a ala rimtui em em mai lehnghal.



Tu min pek nge tih hriat tum in inhnuaiah ka tlan thla a mahse tumah an lo awm lo pawnah ka chhuak a Eddie-a te tlawng ka la hmu zui, ka pan phei vat a.



"Ka nu te awmna i hria em?" Ka va ti thawr, a lu a thing mai a.



"Pawnah an lo chhuak lo ami?" Ka tih leh pawn a lu a thing leh tho.



Inchhung lut turin ka inher a mahse a lamah bawk ka inher leh "enge min pek ve dawn? Ka tih awmzia chu, vawiin ka piancham ania țhian ang in enge min pek ve ang nimina i thiltih avanga ngaihdam min dilna ni pah fâwm in" ka ti fiamthu a, a ding țha a.



"Pek i ni daih tawh alawm" a rawn ti sup, ka ner nâng a.



"Fiamthu thawh hun pawh a nih loh hi ka thutak ania" inkuangkuah at chungin ka ti ve hmak.



"Lut rawh" tiin Car kawngkhar chu a hawng ringawt "luhchhan tur ka nei lo" ka ti a, kal mai ka tum.



"Gift ka pek che i duh a nih chuan Car ah hian lut rawh" a rawn ti leh sup, rang zet hian ka inher a "i ti tak tak em?" Ka tih chuan a nui suk.



"Lut la" a rawn ti sup a, Car lam chu muangchangin ka pan phei a ka țhut luh rual chuan kawngkhar a rawn khar zui dawp bawk. Car kal hual in a rawn lut ve a.



"Khawnge kan kal dawn?" Ka lo ti nghal vat.



"Kan thlen hunah i hre mai ang" tiin a la pehhel kual ve hram lehnghal engthil tak min pe ve dawn ni maw ka fiam mai mai bawk sia a tih tak tak ka ring miah lo.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)