NOVIO INCREÍBLE 15K BY LALMATEI CCK (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NOVIO INCREÍBLE 15K BY LALMATEI CCK (Completed)

Unread post by Ngaia » May 8th, 2022, 11:13 am

Post : 25th.April.2022, Monday



NOVIO INCREÍBLE 15K


CHAPTER - 51


BY Lalmatei Cck




"Carl...naupang ho..." ka thil hriat chhuah avang chuan ding thutin hlauthawng lutukin Carl chu ka melh a. Ani erawhin a fapa muhil chu tih harh hlau zetin alo awi a,keipawh chu bengchheng lo tur chuan min khap nghal vat.


"Enge ni?" A hmui phun chuan tiin ka bulah chuan a rawn ding a.


"Naupang pahnih ka lam theihnghilh" ti leh ringawtin ka phone chu ka hai nghal rawk rawk a. Ka hlauthawng lutuk chuan enge tih ber tur pawh ka hrelo. Lawmi biak hmasak ber a țhat ka ring.


"Chhang ta che...ngatinge i chhan theih loh?" Lawmi'n ka call a lak theih reng reng loh avang chuan ka thinrim hlur tawh. Naupang pahnihte chu engtin tak lo awm ang maw(?)


"Ememte hetah hian lo țhu phawt la, chuan han sawi chiang deuh teh" tiin kan fapa a mutna lam sofa ah chuan min kai phei a. Ka hmaah chuan țhingțhi in ka kut chu min thlamuan tum ni awm tak hian a zut hliau hliau a.



Keipawh chuan hlauthawng leh hreawm tiru zet chuan naupang school bang lam ka tum thu leh Carl alo zin dawn tih ka hriat avanga ka theihnghilh tak thu te chu ka hrilh a.


Anu te lah damdawiin ah an awm daih mai sia. Tuin nge lo lam ta ang ni?


"Umm...a pawilo, an țha em em ang, keiman biak kan tum ve chhin a nge" tiin ka chalah chuan a rawn fawp a, ka phone chu min laksak in a call nghal zat a.



Min hnung chhawn zawnga dingin phone chu a bengah a chuktuah run a. Kei lah chuan beiseina nen ka lo melh ngur mai sia.


"Nangmah vang vek, nge zin i tum rikngawt ni?" Nichin ang tho a chhang tu a neih tak loh ah chuan puhmawh tur zawng chuan ka lo ti a. A mitmeng chu tizim sunin min rawn pan leh a.


"Ememte...an țha ang, chuan keiman ka va lam a nge" a rawn ti a. Ka thaw huai thei, mahse ka rilru a nuam theilo.


"I thlen ve leh min lo bia ang che aw..." ka ti ve sup a. Mahse a phone a kawllo tih ka hre chhuak leh thut a, chumi vang chuan naupangte ava hmu nih chuan hetah lo hruai mai turin ka ti a. Ani pawh chuan alu min buk khum zeuhin ka hmui ah a fawp zeuh a, chumi hnu chuan rang zetin a chhuak ta a.



Engvangin nge Lawmi pawh chuan ka phone call a chhan theih loh ni? Enge a tih a, a buai viau em ni?



Vawiin ni zet zawng ka tan ni hreawm ber ani awm e! Chhun ațang tawhin engmah a dik thei tawh lo. Carl chuan naupang pahnih a rawn hruai lo nih chuan engkim a hma aiin a buaithlak zo vek ang, nutei rilru na nen a fate pahnih a ngaihtuah dawn em mai.



Ka fapa chu ka melh leh zeuh a, apa in a tuam lum deuh nge maw a thlan alo chhuak ve țiam țiam reuh a. A tuamna puan chu phelh thawl deuhin a mut dan chu ka siam țhat sak a.



Mut ve mai chu duh mah ila ka muhil thei dawn chuang lova, chumi vang chuan thingpui in chu ka tum ta a. Choka lamah chuan thawm dim taka che in thil tam tak ka ngaihtuah a.


Heti hian Carl nen pangngai takin kan awm dun tawh dawn ani si a. Ka phur a ka hlim bawk a chhan chu khang ka nunhlui a thil thleng leh ka natna te hneh a Carl ka rilru leh thinlung tak tak a ka ngaihdam vang a ni.



Rilru hah viau e tilo chuan kan hmalam hun tur chu ka suangtuah a, keimahin ka lo khi leh ta vur vur mai. Hetiang hian nun pangngai kan hman leh theih ka ring tawh lo asin. Mahse thil tam tak ka rin loh a lo thleng te a awm a chutiang bawkin lo thleng tura kan duh loh te pawh alo thleng tho a. A chhan chu khawvel ani miau a.



Ka thingpui in a zawh chuan no chu centre table ah chuan dahin Bawihpuia chu ka en leh a, ala mutui ang reng. Carl lah chuan min rawn be har hi ka ti ngawih ngawih a, nge ni a, a phone chu dawr ațangin ala lo zawk?



Chutih lai tak chuan Lawmi chuan min lo call chiah a, hmanhmawh zet chuan pick in naupang chanchin kan zawt nghal ringawt a.


"Enge i sawi awmzia? Nangman i hruai dawn ani lawm ni?" A rawn ti a. A awki ah pawh a mak tih zia a lang, ka rilru ati hah zual sauh thung.


"Nia...ka tum a lawm, mahse ka lo tlai hret a Carl nichin deuh khan hruai turin a kal chiah a..." in thiam loh aw tak chuan ka ti a. Anni pawh nutei vangin an rilru a hah dawn tih ka hria, chuta karah naupang pahnihin an rilru ati hah zual dawn si a, in thiam loh ana duh ngei mai.


"Awi..avan buaithlak, an țha turah ngai ang. Mahse tuna buaithlak ta ber mai chu ka nu hi ni, engmah lah chu a ei duh der bawk silo a..." a rawn ti ve leh a. Chu chu nia, nutei chung changah ringawt pawh an buaiin an rilru a hah a nia!


"In ah ala haw duhlo em ni?" Ka ti a.


"Umm...tunah damdawiin lam panin ka pa alo kal mek, ani pawn hna a thawk thei biklo niang" a rawn ti ve leh a. Pa Thana pawh ka khawngaih ang reng, mahse ani chu mipa ania a tawrh dan pawh a thiam khawp mai.


"Anih chuan naupang chu keiman ka lo buaipui mai ang, tikhan nutei kha buaipui ula, a țhat deuh hunah in ah in haw pui mai dawn nia" ka ti a. Lawmi pawhin min hnial tawh lem lo chuan phone chu kan dah ta a.



Carl pawh chuan min call ve chiah a, rang lutuk chuan ka chhang ve leh nghal a.


"Naupangte chu ka rawn hruai haw aw...an eitur lo siam la.." a rawn ti a. Chuthu chu hriat ava nuam si em, tun atana ka thu hriat lawmawm ber ani awm e.


"Lutuk ka lo siam ang, chuan lo thleng thuai ru aw..." ka ti a. Phone chu kan dah mai dawn emaw ka tih laiin Carl chu a rawn țawng leh a "Chu min lo ngai nghal der tihna em ni?" A rawn ti a. A hmel ka hmu theilo bawk nen a fiamthu nge ati tak tak pawh ka hrelo.


"Ememte..." chhanna beisei zet chuan arawn ti fan ruih a. Kei erawh ka lo zak leh chem chem tawh.


"In ngaihna hman a awm em ni? Ala reilo em mai" ka ti ta daih a. Ka mit chu chhing vang vangin Carl hmelțha zet chu ka ngaihtuah nghal zat a.


"Awm e, kei chuan a rei tawh ka lo ti fu asin" a rawn ti leh a. Mi chhan dan a hre lutuk chu min ti dang lo chauh.


"A reilo, chutia rei itih te chuan lo thleng thuai thuai ula..." tiin ka nui ker ker a.


"Ka lo thlen ruala lawmman țha tak ka dawn dawn chuan..." sawi zo duh lo chuan a rawn ti a. Kei erawh ka bang bo viau thung.


"Engvangin nge lawmman i dawn ang?"


"Tunah hian naupang pahnih ka lo hruai haw mek a..."awmze nei zet chuan a rawn ti ve leh a. Chutah chuan keipawhin ka hre chhuak chiah.


"Chutia lawmman i duh te chuan ilo thlen vat a ngai ang...." ka ti ve ta a.


"Lawmman chu a țhat ngei ring ang..." a rawn ti a. Ka nuih a za ngei mai, hetianga hlim taka in biak te hi a nuam takzet.


"Lawmman chu a țhat leh țhat loh hre tur chuan ilo thlen vat a ngai ang" ka ti ve ngat a. Min fiam min fiam a, keipawhin ka ti ve thei tho. Mahse hmaichhanah chuan ka la zah viau ka ring, anih loh pawn ka lai deuh țut ang.


"Ememte i nghal hle mai maw...lo nghak reng rawh ka lo thlen hun chuan ka chhuah hauhlo ang che..." a tawpa nui tel deuh suk chuan a rawn ti a. Min ti hlim ver ver thei ka ti mai.


"Min chhuah mawlh ang tih hi lawm ka hlauh ni" ka ti leh lek phei chu a nui ring ngei mai, a thaw lak ri pawh a ring țha khawp mai.


"I chimawm bawk a, lawmman chu nangmah zawkin zanin ah i dawng full ang" a rawn ti chiah chu a thusawi awmzia ka hriat lutuk vang chu nge ka thinphu te chu rangin ka ding khawng ta reng a. Sawi tur reng ka hre tawh lo, min ti à zo vek!!


"Ememte ila awm em? Nge ni a tuna ka thil sawi kha ilo ngaihtuah nghal der tawh zawk?" Te chu ala rawn ti a. Ka taksa zawng zawng chu ati mur chhuak vek a, a vawt te chu ka ti thar thut a. Chhan ve dan tur reng ka hrelo.


"Lo thleng thuai mai ru" tiin min chhan leh hma chuan phone chu ka dah ta daih a. Khatianga in fiam te chu(h)!!



Min ti lài zo vek,ka biang te chu sa hat hat in ka lut pahnih chuan ka han dawm a, darthlalang a in en tum chuan ka kal a. Chutia ka han in en chiah chu ka biang chu ka rin ang ngeiin alo tài hlur mai. Carla'n min hmu lo hlauh chu a tih zia ngei mai.



Choka ah chuan phei lehin naupang eitur chu ka siam a, ka hlim vang nge keimah lo ang takin ka zai ve leh ta hlarh hlarh a. Chumi ruala kan nun pangngai ta leh hlim awmzia ka ngaihtuah chuan khawvel a ka lo piang ve chu a nuam takzet.



"Ememte..." Bawihpuia ka pawm fel chiah tih chuan Carl te chu an lo lut a, chutia ka en chiah chu Carl chuan naupang pahnih school bag chu rawn ken sakin an pahnih chuan a rawn kai a.



Chutia ka hmu chiah chu pafa ang hi kan ti mai mai khawp a. Engmah sawi ta lem lo chuan ka en ta reng a. Suangtuahna ramah lah ka lo cheng hmanhmawh sia.



"Bawihte..." phirte unau chuan inti puitling lutuk chuan an rawn ti a. Carl nen chuan in enin kan in nuih ringawt a.



Chutah pawm chu an la in chuh ve ngei mai sia, an han in hnial leh bap bap a. A tawpah Joel chuan a pawm ta a.


"Tikhan lo awm pui la, an eitur ka va siam sak lawk ang" tiin ka thawh san a. Kan hruai har bawk si, an ril te pawh alo țam tawh ang.


"Lawmman..." ka kawngfek a rawn piai zeuh pah chuan a rawn ti a. Ka phu chiang lutuk chu ka au ring kher mai, mahni in vengjn Carl chu a darah ka beng ta ringawt a.


"I mawl a mi? Min ti phu! Chuan tinge naupang ilo kalsan? Bawihpuia kha lo ven pui ta che" ka ti nghal zung zung a. Amah pawh chu ngaihsak tawh lem lo chuan an eitur chu ka suak mawlh mawlh a.


"An țha lutuk, ven an ngailo. Mahse keimah hi ven ka ngai mai thei" a rawn ti leh sup a. Ka beng chu na lo te in a seh zeuh bawk.


"Engvangin nge ven i ngaih?" A thil sawi tum hrethiam lo zet chuan ka ti a. Ka hrethiam lo miau bawk a.


"Zan lam ami tur kha tunah hian ka duh leh thut si a" hnunglam ațang chuan ka dulah a rawn zen lut a, muang changa zut chho in ka hnute chu a zut tel hauh hauh a.


"I à nih chu(h)!! Min thlah teh, ngaihtuahna hmulpa..." tiin ka kawr chhung ațang chuan a kut chu ka pawh chhuah sak nghal a. Ani erawh a nui ring ta khawp mai.


"Ngaihtuahna hmul hi min ti ve ziah a, kei chiah lo mipa hrim hrim chu an ngaihtuahna a hmul vek, min ti bik kher suh" te chu a rawn ti. Ava mawl e aw!! Hepa hian a kum zat a hrelo aniang a(?)


"Chutiang sawi duah a ngailo, hemi hi lo keng la, phei ang" ka ti ta daih a.


Tray ah chuan tlem ang a zawng kengin naupangte bulah chuan ka phei a. Centre table chungah chuan ka dah a, plate hranah țheuh chuan ka dah leh a.


"Joel...Bawihpuia kha apa pe ula, chuan hei lo ei ru..." tiin Carl chu ka mitmei zeuh a. Ani pawn alo lak sak ve mai bawk a.



Chumi hnu chuan ka bulah lo țhu in an ei ve mial mial a. Chumi pah chuan an nu in alo hruai loh chhan te chu min zawt a, an lo nghah char char thu te chu lawm lo lutuk chuan an sawi ve ngei a. Khawngaih reuh viau mah ila an cute ka ti.



Hetiang chiah hian ka fapa chu alo țhang lian awm si a. Chu hun chu lo thleng thuai thuai se ka va ti em.



"Carl...Bawihpuia kha hnute ka lo hnek tir ve ang, a ril te pawh alo țam ve tawh ang" tiin ka ban chu ka phar a. Min rawn pe ta mai lo chuan ka bula lo țhut thlak pah chuan ala pawm vang vang a.


"Min pe la..." keima thu a la duh biklo chuan tiin ka fapa chu ka chhaih zeuh a.


"Anunu bulah kal tur aw..." tiin a fapa chu fawp zeuhin min pe ta a. Hnute a hne chiah chu alo rilțam ve tawh hle a niang, a hne dawk dawk mai. A duham ve reuh takzet!


"Tikhan a pa chiah hrai puar ka ngai ta..." ka kawnga rawn kuahin ka bengbulah bawk chuan a rawn ti leh a.


"I duh chuan va ei ve mai la...hrai hrai i ngailo" ka lo ti awlsam et a. Nge barh kher a phut ni zawk??


"Chutiang in hrai lam ka sawi lo, kan pahnih a tih chi" a rawn ti chiah chu ka khawng leh ta awt mai le! Awi..hepa rilru han hmul zia hi! Naupang pahnih chuan a thusawi chu an hria nge hrelo hriat tum chuan ka va melh a. An thil ei lai chu tui ti takin ka lo la ei mual mual a, ka thaw huai thei.


"I mawl a mi? Nge khatia i rawn tih?" A dar a sih zeuh pah chuan ka ti zawi sup a. Ka lài leh tawh hle bawk.


"Ka thusawi awmzia i hre miau lo a, khatia ka sawifiah mai loh te chuan..." mahni thiam inti zet chuan a rawn ti a. Ka melh rum na ngang mai.



Chu erawh a engah mah a thawklo nih hmel, min nuih sukin ka hmuiah chuan a rawn fawp zeuh a. Mahse engmah ka sawi tawh lem chuang lo.




🌼🌼🌼🌼🌼




"Carl...zanin ah chuan ni rihlo mai rawh se, Bawihpuia thil vel saw lamah a awm vek a, a buaithlak mai mai" a in a min riah tir phet a tum avang chuan ka ti a.


A chhan chu hetah kan thil engmah a awm lo a, Bawihpuia mamawh ho lah a awm heklo. Chumi avang chuan kan haw rih mai a țha zawk.


"Ememte i rilru iti hah hma thei lutuk a, chutiangte chu lak a harsa hleinem, kan va la zawk a nga, kan let leh vat dawn nia" ani erawh chuan awlsam zeta tiin a in ha mual mual a.


"Chutiang ringawt, i ngai awlsam fe..." tiin ka la hnial țal a. Keimah hi heta riak tura ka inrin loh hrim hrim avangin ka chak teh chiam lo zawk a ni.


"Ka ngaih awlsam ang bawkin a tih pawh a awlsam" mi hnial khan te chu a hre mai bawk sia. Tih let ngaihna viau ka hre tawh biklo.


"Ka kal ve peihlo a nia, i duh leh nangmahin kal rawh" tiin khumah chuan ka țhu a, Bawihpuia chu ka buaipui ta daih a.


"A tau leh ta..." naupang chhia ang maia min cheibawl deuh chuan rawn tiin min melh vang vang a. Mahse a hmela ka va en chu thu tak hauhlo in nuihzat hmel zetin min lo melh thung a. Ka en liam vel ta mai mai a.


"Tau lo la..."


"Ka tau lo..."


"Umm, i tauh loh chuan eng eng nge ka va lak dawn?" Pangngai tak chuan a rawn ti a. Mahse min chhaih kawlh ka ti mai,ka luhlul chhuahin ka ngawi reng a, chhan ka tumlo hrim hrim.


"Ememte khatianga sual chhuah hun anilo a nia, sawi la ka va la vat ang" a rawn tih leh pawh chuan chhan zai reng rel ka tum lo. A duh duh chu va la rawh se.


"Ava hahthlak țhin tak em! Tikhan lo awm ang cheu, ka rawn let leh hun chu hremna nuam tak i dawng ngei ang, chuan chin tawk awmlo in ka sawp zal ang che" kiai sukin a rawn ti a. Thinrim lutuk a ka melh rual chuan room ațangin a chhuak daih a.



Mahse keipawh thinrim ta lem lo chuan a thusawi avang chuan zak leh lài tak si chuan ka nui ve suk a. A thinrim ve dan te hi a cute thei mai sia. Mahse a thinrim chang pawh a, min ti let pawng pawng lo te mipa anihna ang a, min dawm thiam lutuk te hi ka hmangaihna ti zualtu a ni.


"Aw..enge?" Ka phone ri ah chuan Carl anih ka ring a nia, Lawmi zawk lek chu lo ni in.


"Ngatinge in ah tumah an awm loh? Khawiah nge i awm a?" A rawn ti a. Henu hi kan in ah alo kal em ni a?


"Ka awm lo,hetah Carl in ah kan awm, chuan engtinnge kan awm lo tih i hriat a?" Ka ti nghal a. Kan boruak a țhat tawh thu ka la hrilh lova, mak pawh a tih viau ka ring.


"Awi...! Enge chutah i tih a? Hei..ka nu in rawn riah a duh deuh a, kan lo kal asin.." a rawn ti a. Chutia ka lo awm bo daih chu a lawm loh hmel kher mai.



"Nutei chu a chhuak duh tawh em ni?" Thil dang zawng ai chuan nutei lo chhuak duh leh kan in a riah a duh chuan min țhawng ka ti mai. A mak pawh ka ti viau.


"Umm, tlaiah khan ka pa in ava lam a, chuan naupang ho te nen kan rawn phei asin" ati a. Chutiang anih te chuan engtinnge nia nga? Carl lahin heta riak turin min ring vek tawh bawk sia.


"Lawm..engtinnge kan tih ang(?) Hetah Carla'n riak turin min ti tlat bawk sia. Tunah khan kan mamawh vel la in alo kal mek" in thlahrung ru zet chuan ka ti sep a. Hetiang din hmuna nutei a din laia lo riah bosan daih chu ka tan pawh a nuam lo.


"Ava buaithlak! A pawilo ka nu chu ka hrilh a nga, a duh loh leh in tello pawn ka lo riah pui mai ang" a rawn ti leh a. Chumi hnu chuan nutei duh dan in hrilh leh tura in chahin kan inbiakna chu kan ti tawp ta a.


Nutei chu ka rilru ati hah ang reng, hetiang em em a han lak nat mai chu a! A vanduai ve hrim hrim bawk a ni.


Darkar chanve pawh a liam hman lo ang tih ah chuan Lawmi bawk chuan min rawn call leh a. Bawihpuia a hmuh chak vang lek chu lo ni in, chutia a rawn tih takah chuan keipawhin haw phei ve mai chu ka rilruk ta a.



Carl pawh chu ka be ta lem lo a, saw ta ava kalna ah Lawmi te chuan lo hrilh mai rawh se, ka ti ringawt. Bawihpuia mutui lai chu tih harh hlau zetin ka pua a, a tirah rawn țap ve nghek nghek mahse ka han awih takah chuan a muhil ve leh mai bawk a.



Inhnuaiah Carl chu lo nghakin ka lo vei kual sek a. A vawt reuh phian leh nghal a,mahse thlasik a tawp țep tawh a,vawt over chu anilo.


"Ilo va thleng har, chuan kal leh nghal mai ila" Carl alo luh rual chuan ka lo ti nghal a. Țawngka a min chhang ta mai lo chuan alu min buk khum zeuhin kan in zui chhuak a.


A awmdan leh chezia ah chuan a lungawi teh chiam lo tih ka hria, a awm ve reng bawk ka tih pui. A in a riak tur khan min duh em bawk a ni.


"Carl engtinnge Lawmi'n a hrilh che a?" Kan ngawih reng avang chuan ka ti a. Min chhan peih hmel pawh a pu lo,mahse biak luih a ngai tlat.


"I nutei'n kan fapa a hmuh chak thu min hrilh" tawi awlsam zet chuan a rawn ti a. Biak leh te chu a huphurh awm ang reng.


"Hei...i lungawilo em ni?" Ka ti ta ringawt a. Hetianga a awm tawh hi chuan keipawh ka buai ve deuh țhin.


"Lungawilo hranlo e,mahse ka lo thlen huna ka hremna pek tur che ka tih ka pe theilo tur che erawh ka lawm vak lo" a rawn ti a. Mahse a hmela thinrimna te a lan loh avang chuan ka thaw huai thei.


"Saw tah pawh i ti thei tho a lawm" kei lahin amah tih lung nih loh ka hlauh lutuk avang chuan ka lo ti nghal pek a.


Carl mak ti taka alo hawi phei rual chuan keipawh zak deuhin ka lo hawisawn nghal a. Khatiang thu kha ka phuh chhuah mai ka ring hauh lo. Mahse ka zah dan chu ka sawi thiam lo, a thil tih tum te kha nghakhlel hi ka ang ka ti ngawih ngawih.


"I chiang chiah maw? Tumahin kan chance chu an tih chhiat ka phal hauh lo ang" tiin a rawn faifuk nghal ta hlarh hlarh a.


Kei erawh zah luat vangin ka țawng ngam tawh lo hrim hrim. Mahse a lungawi loh chhan ka hriat tak vang leh a thinrim tawhlo tih ka hriat vang chuan ka lawm ru ang reng.



Mahse alo lawm loh chhan kha, chance a nei thei dawnlo a, a hriat vang maw? An in a kan riah dawn loh avangin a lawm lo emaw ka lo ti ve em em a. Hepa tak hi chu aw.





🌼🌼🌼🌼🌼





"Bawihtea kha, lo la vat teh ka lo pawm a nge ka ngai tawh em mai" inchhung kan luh rualin nutei chuan alo ti nghal vat a. Ka kut ațang chuan ala hrang rang kher mai.


"Ka hmuh lohna rei tawh zia hi...ka ngai tawh lutuk che lawm..." tiin ka fapa chu a fawp mawlh mawlh ka ti mai.


Chutia pangngai taka nutei ka hmu leh thei chu ka lawm tak zet. Chuan hetianga rang hian a țhat leh ka ring hauh lo.


"Anu keiman ka pawm ve ang" Joel chuan alo ti vat a.


"Umm...nakinah aw, keiman kan pawm phawt anga" tiin nghet zet chuan a pawm a. Chutia kan fapa an in chuh ve nak nak chu Carl nen chuan dingin ka lo en reng a.



"Khawnge pa Thana?" Lawmi bula țhut thlak pah chuan tiin ka bula țhu ve tur chuan Carl chu ka mitmei nghal zeuh a. Ani pawh chu alo țhu ve mai bawk a.


"Ani chu alo riak ve rihlo ang, hnaah a buai deuh a" a phone hmet mual mual chung chuan a rawn ti a. Thil dang pawh ka zawh belh tawh lem lo.



"Kha in khawih nasa lutuk a, a duhlo nih kha keiman kan paw daih a nge" nutei chuan rawn tiin Bawihpuia puakpuan chu min rawn lak sak a, chumi hnu chuan pua in a awi nghal hlarh hlarh a.


"Carl i duh leh inthlak la" a bengbulah chuan ka han ti zeuh a. Min en run run hnuah a lu chu min thin khum a, "Nakinah nangmah nen" a rawn ti ve sup a. A thusawi chu Lawmi'n a hria em tih hriat tum chuan ka en vat a. Ani erawhin a phone alo la bih ngur hlauh.


"Ngati nge maw i țah tak reng le..?" An in awi tlei thei ta ngang lo a niang, nutei chuan a rawn ti phei nak nak a.


"U Olivia i phone kan lo en.." phirte unau chuan an rawn ti a. Engmah sawi buailo in ka lo pe ve mai bawk a.


"Nute...hnute kan hnek tir chhin dawn mi?" Ka lo ti a. Alu chu min buk khum zeuhin min rawn pe a.


Nutei chuan Bawihpuia kalsan hlau deuhin a ding ngur a. Carl lah chu ngawi rengin ala țhu ngur mai sia, va nghawk zeuhin țhu sawn tur chuan ka mitmei a. Mahse chumi chu hrethiam lo tih hriat zetin a mithmul chu min kan khum a.


"Khatah khan țhu phei la, nutei hi a țhu duh a niang" ka ti a. Min ngei hmel kher mai. Min hnial ngam lo leh nutei hmai zah deuh chung chuan a țhu phei ve mai a.


"Bawiha hi a lian duh iti em?" A hnute hne lai chu en ngawt ngawtin a rawn ti a. Keipawhin ka han chhut chian hian a lian ve duh chu ka ti. Leh lamah chuan atu te pawh hian an enkawl țha a, a awm ve reng bawk.



Mahse nutei chuan bawihtea ka lo mutpui ang ati tlat pek a. Ka phallo viau dawn a, mahse a riahpui duhthu chu sawiin min nawr ngar ngar a. Chhanna pawh ka pe mai theilo.


"Carl lo kal rawh, in thlak la i duh chuan" ka ti ta daih a. Alu chu bu zeuhin ka room lamah chuan kan in zui phei a.


"I inbual dawn em?" Ka ti a. A in ah khan inbual tawh mahse in tihfai a duh leh deuh ka rin vangin ka zawt leh mai mai.


"Dawn lo ang, ka in thlak a nga tawk rawh se" tiin a in hlip nghal zat a.


A inthlak reilo ang reng, mut nghal mai a tum chu ka lo pawm thei tlat lo. Bawihpuia tello in ka mu thei dawn em ni? Ani pawh ka tello in a mu thei biklo ang.


"I nutei'n a riahpui tur thu a hrilh mawlh mawlh che kha.." khuma țhu chung chuan a rawn ti a. Ka ner khum nasa mai mai, kei erawh mu thei lawk lo in ka vei thauh thauh.


"Ememte lo kal teh...mu vat teh ang" a hnuah chuan a rawn ti fan leh ruih a. A dawhtheih tawh vak hmel loh.


"Bawihpuia chu ka tello in a mu theilo ang..."


"I tello in a mu theilo ang nge a tello in i mu theilo ang?" Ngeiawm zet chuan a rawn ti a. Ala nui duh miahlo zui a, chhan ngaihna hrelo zet chuan ka melh ngawt ngawt a.


Dik tak chuan keimah zawk hi a mu theilo tur chu ka ni. Ka fapa thla4 pawh la tling manglo chuan min riah bosan daih dawn a nia, ka duh aiin a riak bo hma mah mah. Anu hi ka awm thiam dawn lo tlat.


"Lo kal teh, i tello a mu theilo ka awm hi" engtik laiin nge khum ațangin alo thawh ka hrelo, ka banah chuan kaiin khum lam chu min pan pui a. Ka hnial tawh biklo, ka awm erawh a nuam teh chiam lo.


"Carl...kan fapa te chu a mu thei ang maw..? Nutei te kha ati buai viau a nge?" Ka'n ti leh ringawt a. Keimah hi ka buai vek ni maiin ka hria.


"Ngaihtuah suh, a mu thei em em ang. Chutiang bawkin i nutei te chu ati buai ve khawp ang" nui deuh suk pah chuan a rawn ti a. Kei erawh ka nui ve thei der lo.


"I fapa hi i ngai ve miahlo em ni?" Ka ti thla ringawt a. A awm danah hian ngai hi a ang thlawt lo a lawm.


"Ka fapa chu ka ngai khawp e, mahse chumi aia thil nuam tih tur ka nei a. Hmaih ka tum hauhlo..." a rawn tih chuan hrethiam lo zetin ka melh a.


Mahse a mitmeng nung lutuk ka hmuh rual chuan hrilh nawn hi ka ngai tawh lo hrim hrim. Ka lai leh tawh hle tih ka biang vel sa hat hat ah chuan ka hre thei, amah lah chu ka melh ngam tawh der mai bawk silo.


"Ememte laih hun ani miahlo a nia" ka bengbulah chuan rawn tiin min tih zauthau tum chuan a hmui hmangin a rawn nul thuak thuak a.



A duh dan takin ka taksa te chu an mur chuai chuai a, ka hmul thi te chu an ding sung sung mai. Danglamna mak tak mai ka tawng leh ta.


"Ka fapa nu...min han en teh..." a rawn ti chiah chu laih chu sawi loh ka nui chhuak hak a. Khatianga min koh kha ka ring hauhlo chuan ka nuih a za hle bawk.


"Enge anilo em ni?" Ka nui a hmuh rual chuan a rawn ti a.


"Ni e,mahse ka nuih iti za lawm, i in hmeh lo takzet" ti chung chuan ka nuih khum leh ta vak vak a.


"Nuihna tur ka sawi hauh lo, chuan khatiang mood ah khan i cheng hman lo" tiin hmanhmawh zetin min rawn fawp a.



Ka lo in ring lo bawk nen, chhan let mai nachang ka hre hauh lo. Carl chuan ka taksa te chu zut kual ruaiin uar takin min fawp a. A kut lian leh lum vung vung chu ka hnute ah chuan a nghat chat a.


Min fawhna chu thlah zeuhin a kut zungpui chuan ka hmui hnuai chu a rawn tawk zeuh a. Kei erawh ka thawk lak alo diklo leh viau tawh.



Engmah nghah buai tumlo chuan min fawp leh tan tan a. Hepa hi chuan a uar thei mawle, a kut pawh awm awl tir mai mai a tum hauh lo. Ka hnute chu a țham ta tawn tawn a. A duhthusam a hmu tih hriat reng rengin min fawp reng chung chuan a rawn nui suk a.


Khumah chuan muang changa min mutin ka thuamhnaw hak te chu pakhat te te in min phelh sak a. Engmah reng ka ngaihtuah thei tawh lo, Carl min khawihna chauh lo chu.



Ka hmuiah rawn fawp leh zeuhin ka nghawngah chuan a fawp thla a. A che chu a dim lo khawp mai, hmanhmawh lutukin ati buan buan ka ti mai. Duhthawh bawk si...ka awm dan pawh ka in hre chiang lo.



Ka hnute ah te chuan fawp thla zelin a țham leh tawn tawn a. Amah lah chuan thawk ala ri hrawih hrawih mai sia. Ka kekawr hak lai chu phelhin mamawh tawhlo tih hriat lutukin khum bulah chuan a theh thla a.



Chu veleh a kawr hak ang ang te chu hmanhmawh zeta phelhin ka kawr ang tho chuan khum bulah a paih thla tawp a. Thawk lakna hun pawh min pe lo in a rawn che leh buan buan a.



Duhthawh leh uar taka an chet takah chuan a tak ram chu kan chen dun ta a. Amah a in fit in duhtawk chin a neilo ka ti, a phur sur reng mai a. Hmangaihna chenna lam kawngah hi chuan a ber ani hiallo maw tih tur khawp a zei a ni.



Duhtawk chin neilo mahse keipawh ka lo in ready ve leh nghal zel tho a. Nakin lawk a ka pasal la ni mai tur hi kham ni reng ka neilo ang, chumi a hnekin ka duh belh zel ang.



"Ememte zanin hi kan lawițhat zanah ngai turin ka duh che" ka bengbulah chuan rawn tiin a hma zawng aiin a uar a. Thawm siam loh chu har tak a ni.



Ani lah chuan chutia ka thawm siam hlau insum chu hmuhnawm ti takin min lo en mai sia. A mi khawihna te avangin engmah ka ti theilo, chuti nilo se zawng ka khawih hrep duh ang.


Vawi engzat nge a takram kan thlen pawh ka hrelo, duhtawk chin reng a neilo. A theih chhung chu tih a tum emaw tih mai tur a ni.


"Carl...ka chau..." a tawpah chuan ka ti sep a. Hnunglam ațang a min rawn kuahin ka dar ruak vek chu a hmui lum țha zet chuan a chuktuah zeuh a.


"Ka che na viau em ni?" Nuihza aw zet chuan rawn tiin a hma zawng aiin min kuah nghet a. Kei erawh kan chet zawh chiahna boruak nen a lum ka ti kher mai.


"Duhthusam in i che bawn" ka ti chiah chu za lutukin a rawn nui chhuak a. Keipawh ka nui ve leh mai bawk a. A lam hawi chuan min kuai her nghal a.


"Kha kha chu rei tak chhung chaw nghei tawh chet dan tur a nih kha, mahse i chawm țhat viau chuan khatiang kha chu ani reng biklo ang" te chu ala rawn ti. Hepa han zah loh zia hi chu aw...amah lah hi thiam a in chan tir zung zung a.


"Chawm țha lo ta ila?" A ngei tur tawk lek chuan ka ti ve kher a. Anuih a za zual sawt ka ti mai. A nui mawi zet te hi ka hmuh lohna a rei tawh takzet, hetiang taka a hlim hmel hi ka hmuh lohna alo va rei tawh si em!!


"I chawm țha dawn tih ka chiang, chuan ka nupui pawh ini vat ang" ka hmuia rawn fawh zeuh pah chuan a rawn ti a. Min fiam reng a tunah chuan ka fiam ve hun.


"I nupui ka la nilo a maw? Keichuan i nupui ah ka lo in ngai daih tawh sin..." thu tak zeuh chuan ka ti a. A hmel chu a hamhaih ve deuh ka ti mai. Chik zeta min enin a rawn nui leh suk a.


"Ememte...ka nupui chu ini reng țhin a lawm,mahse khawvel mite hmaah chuan nilo in" thiam tak chuan min rawn chhang a. Ka dang der ka ti mai.


"Hmangaihna ka chenpui tawh leh ka fa hial hring tawh tu hi engtinnge ka nupui a nih loh theih teh lul ang, engtik lai pawhin keichuan ka nupui ah ka ngai tawh che..." rawn ti ril leh ruihin ka hmuiah bawk a rawn fawp leh a.


"Ka tan chuan 'NOVIO INCREÍBLE' ini" a hmui bul chetah chuan ka ti ve sup a. Ka thusawi awmzia chu hrethiam lo zetin min melh ngur a. A mitmeng chuan a awmzia min zawt ka ti mai.


"AMAZING BOYFRIEND" ka ti leh ringawt a. Mahse lawm tih hriat lutukin a rawn nui suk a. Min rawn kuah nghet zual sauhin ka awmah chuan a hmai a rawn phum a.



"Ka tan chuan ka Duhthusam bialpa ini tak tak a lawm, ka pasal hi ini theilo reng reng" ka ti leh a, chutah a hrethiam lehlo nge ka awm ațang chuan a rawn dak chho haw a, a fapa hian a chhun dawn lutuk tlat.


"Ka pasal i ni ve dawn tawh emaw tih laiin rawlkhawlhna emaw buaina kan nei zel a, ka tan hi chuan 'pasal' nilo in 'bialpa' ini reng ringawt mai dawn a nih hi" ka ti ta duah a. Min pawm pui tih hriat zet chuan a lu chu bu nghauhin ka awmah bawk a hmai chu a phum leh a. A thawk lak zawnga rawn lum leh hak chuan min ti danglam ngei mai.





🌼🌼🌼🌼🌼





"Ememte harh teh, i nutei'n a ko che nia" ka dara min rawn sawi deuh nawk nawk pah chuan ka bula mu pa chuan a rawn ti a.


Kei erawh nizana kan chetna vangin ka harh thei der lo mai. Min kohna leh sawi na chu ka hria, mahse ka mit hi ka meng theilo.


"Ememte...." a rawn ti fan leh ruih a. Harh zai reng ka rel theilo, ka mut ngai chuan ka mu reng a.


"I chau viau ani maw...keimah ka va tho a nge" tiin ka bekah chuan a rawn fawp a. Kei erawh ka mutui sawt thung.


"Bawihtea hi a rawn sual thut a, a țap reng mai anu hnute a hneh duh a niang" nutei'n a tih ri ka hriat rual chiah chuan ka harh hawk ka ti mai. Kaih thawh nawn leh ka ngai tawh lo hrim hrim.


"Aw..ava pawi ve, ka lo la a nge. Ati mu theilo cheu em ni a?" Carl chuan polite tak chuan ati a. Nutei erawhin 'mu thei e' tih ringawtin alo chhang thung a.


Chumi hnu chuan eng eng emaw an sawi nge an phun leh sur sur a. Ka mut hmun ațang chuan mit meng chuang miahlo in ka lo ngaithla ve kur a. Chutia ka fapa ka tello a, a mu theilo te chu ka lawm tlat pek a.



Keipawh Carla'n min sawp chau viau lo seng chuan ka mut țhat theih ka ring lo hrim hrim.



"Ememte...i fapa duat alo haw e..." ka mutna lamah chuan lo pheiin ka bulah chuan a rawn mut a. Keipawh ka meng ve thei ta lawm.


"Chau viau mahla, i fapa hian i hnute tui a hne duh tlat" ka mit ka men rual chuan a rawn ti a. Ka nuih ringawt a.


"Keiman ka lo ti vek ang, nang chu lo mu mai mai rawh" rawn ti leh nghal zat in ka puan sin chu a rawn keu a.



Nizan lama kan chetna avangin kawr mumal pawh ka ha lo a. Chumi chu alo țha phian phian. Kan fapa chu ka taksa si cheta rawn dahin ka hnute chu dim zetin a hnek tir a. Carl chet dan chu dik thlapin a dim dawi em em a. Ka tan pawn a nuam lutuk.



A fapa a buaipui zawh chuan min kal hualin khumah bawk chuan a rawn lawn leh a. Min si chata rawn mu in a fapa dallo chiah chiah chuan min rawn kuah bawk a.



Keipawh nichin ang em em kha chuan ka zawi tawh lo. Ka fapa hnute hne uar lutuk chu en in ka nui leh suk suk a.


"Zan lamah a pa in duhthawh takin a fawp a, zing lamah a fapa in uar takin a hne bawk a"


"Engmaw i sawi?" Carla'n a rawn tih chuan ka ngaihtuahna ka lo sawi chhuak tih ka hre chiah, engtinmah chhanglo in ka kawnga a kuahna a kut chu ka vawn sak a.



Min hmangaih em em tu lah chu alo lawm leh em em mai sia.





🌼🌼🌼🌼🌼




Ka mutna bul vel chu ka han dap a,mahse ka fapa mutna chu alo ruak vek mai. In herin Carl mutna lam chu ka han dap leh a, chutah pawh alo ruak tho. Hamhaih zetin ka țhu chhuak a, ka mit erawh a khamin a na țun mai!



Sana ka en chuan chawhma alo pel fel der tawh, chutia a tlai tawh tih ka hriat rual chuan ka ril a rawn țam thar thut a. Hmanhmawh zet chuan tho chhuakin ka in ha nghal mawlh mawlh a, chumi hnu chuan choka lam chu ka pan a.



Tumah an awm lo, nutei te pawh hmuh tur reng an awm lo. Khawiah tak chuan kal ang maw??


Room lamah chuan phei lehin phone chu ka la a, Carl phone tum a ka chhuak leh chiah tih chuan Carl ngei mai chu ka fapa hma lama paw chungin a rawn luh pui a. Ka thaw huai thei tih ka hria, chutia an pafa in paw lai chu ka vawikhat hmuhna anih vang nge an hmuhnawm takzet.


"Ilo harh ve thei ta maw...?" Nui sukin a rawn ti a. Chhanna pawh ka pe theilo, khi ve suk sukin ka lo en reng a.


"Ememte ila harh chianglo em ni? In pa thusawi pawh hre chang reng reng lo a i khik vur vur ni(?)" Ka chala rawn fawp zeuhin a thil khai bawr te nen chuan choka lamah chuan min luh san a.


Nizan ațang khan a in ti 'pasal' mai sia, tuna a țawngkam te kha.


In ngaihtuah harh vatin an pafa awmna lam chu ka pan phei ve nghal a. Alo bazaar ve ni ngei tur a ni, a thil rawn lei ho chu alo la chhuak mial mial a.


"Khawiah nge in kal a?" Tiin pan hnai mailo chuan choka kawngka chu ka ngheng a, an mahni chu hmuhnawm ti zetin ka en ngar ngar a.


"Tui ti taka i mut lai khan kan pafa in kan walk a, chuan breakfast te kan ei a, chuan tuna i hmuh ang hian kan bazaar tawh bawk" mei nei zet chuan a rawn ti kher a. Mahse thinrim ai chuan nuihzat lamah a kal ka ti mai, ka nuih hak a.


"Chutia ka mu rei bik i rilru ana dawn nih te chuan min kaih thawh mai tur che lawm" tih pah chuan an lam chu ka pan phei a. A hmaah tak chuan dingin ka fapa pawh ngaihsak lo chuan Carl chu ka melh chho haw a.


"Nizan lam i chau tih ka hria lawm, chulo ah zanin ah khatiang kha i tawn leh hmel si a..." zak map lo leh a thil tih tur chiang tih hriat reng chuan a rawn ti a. A mitmengte chu ala de ang zawt zawt a.


"I sawi ho.." tiin ka fapa chu ka ngaihsak ta daih a. Ka awm dan velah chuan ka lai leh hle tawh tih a hria nge ala rawn nuih suk suk zui a.


"Khawiah nge nutei te hi? An va tho hma awm ve..?" Bawihpuia lak pah chuan ka ti a, sitting room lam chu ka pan pui ta daih a.


"Ememte sana hi en la, thawh hma na hun chu ani tawh viau lo" kan hnung mai a min rawn zui pah chuan a ti a.



A lo țhut thlak hnu chuan nutei te haw tawh thu leh tlai a lo kal an tum thu chu țha deuhin min hrilh ve mai bawk a. Ka vui viau dawn a, ka ngaihtuah chianin vui thei ka nilo tih ka hre leh si a, engmah sawi ta lem lo chuan ka lu chu ka buk khum ringawt a.


"Ka nute ka hrilh a..." keimah min en lo in a fapa kut tereuhte chu a khalh sak a. A thusawi hi a awmzia ka hrelo thei sia.


"A awmzia ka hriat loh tur hian thil hi sawi ziah suh" kan ti thla ringawt a. Ka ngei ve det, a thusawi duh dan hi.


"Kan chung chang hi..chuan lo chhoh a chak takzet" ka kut chu la in a fawp zeuh a. Min hmangaihna a khat mitmenga min melhna chuan min ti hlim kher mai.


"Lo chho se...keipawn ka hmu chak tawh a lawm..." ka ti țha ve mai a.


"Chuan inneihna kan buatsaih nghal a nga" min melh leh duh tawh țhak lo.


"Chutiangte chu ka la ngaihtuah dawn, enthlak lai mek ila ni" tiin ka fiam ve zeuh a. Ka fiam tih a hria nge min kiai khum suk ringawt a



Vawiin chu kan in awm nileng dawn nih hmel, Carl ka zawh lahin hnaa kal a tum loh thu min hrilh bur mai sia. Keipawhin ka hnial duh biklo, ka fapa nen hian kan ngai em asin.



A chet dan leh a fapa a sawngbawl danah chuan pa țha tak ani dawn tih hi ka chiang takzet. Keipawhin neih chu ka duh, hrehna pakhat mah ka neilo, mahse pawi ta ber mai chu ka U hi ni.


He mipa țha lutuk hi chan ka tum bik reng reng lo, mi zawng zawng tana famkim chu nilo mahse ka tan hi chuan a famkim a sin. Midangin a țhat lohna lai leh chhiatna lai te an sawi a, an khel reng kha kei amah hmangaih tu tan chuan ka hmangaihna ti zual tu an ni si.


Chumi avang chuan kumkhua chatuan atan ka pasal, ka fate pa, ka hmangaih ani reng tawh ang.








Ka tum loh deuhin ka chawl leh ta veng veng sia, a pawi tak tak. Chuan in mi hriatthiamna ka rawn dil tak meuh meuh cheu ni.



Chuan he STORY hi naktukah zanah tih tawp kan tum dawn nia, a tawp la hun lo viau mahse.🙃🙃🙃


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 8th, 2022, 11:14 am

Post : 28th.April.2022, Thursday




NOVIO INCREÍBLE 15K



CHAPTER - 52(LAST CHAPTER)



BY Lalmatei Cck





🌼🌼🌼🌼🌼🌼




"Chuan nangni hi engtinnge in awmzel dawn?" Carl leh naupangte an in fiam lai chuan nutei chuan a rawn ti a.



Kan chung chang vel chu sawi kherlo mah ila a hrethiam vek tawh tih ka hria. Han sawi leh viau ka tum tawh lo.


"Ka hrelo, Bawihpuia pa saw chuan inneih vat kha a duh a,mahse ka U ber a awm leh tawh bawk silo a..." tiin naupang ho rak chel chul ho chu ka en reng a. An hmuhnawm takzet a ni.


"Nia..inneih vat kha chu a țha, nang pawhin i ngaidam thei a ka chhuang lutuk che. Ani pawhin a hmangaih che tih ka hria, chuan in hlim dun ngei pawh ka beisei" nutei chuan ka kut rawn chul hauh hauh pah chuan a rawn ti a.


Tunah tak hian nutei hi ka nu anga ngaihna ka nei tlat a nih chu(h)!! Nutei'n min hmangaih ang bak bak hi chuan tuman min hmangaih tawh biklo ang, a hmangaihna ka dawng thei hi keipawh ka lawm takzet.



"Bawihtea hi a sual tlat, a mu duhlo" Lawmi chuan rawn awih deuh hlarh hlarh pah chuan ati a. Nutei lah chuan a zei loh vangah alo puh leh hmiah tawh.


"Tikhan iti ve ziah, mahni lo maha thiam in tih ve tawh nak lai a.." alo ti pawr ve hlar a. Hemi te pahnih hi chu nufa pawh an anglo, an in hnial reng mai bawk sia.


"Hnute a hne duh tawh te pawh ani mahna" Lawmi chhan deuh reuh chuan ka ti a. Bawihpuia pawh chu hnute ka hnek tir ve mai bawk a.


"Ememte ka va inti fai lawk ange aw..." naupang ho nen an in fiam nasa deuh nge maw ni a thlan a tla nasa mai.


"Apa Zo keipawh i rualin ka inbual ve duh..." pakhatin alo ti leh hmanhmawh tawh.


"Joel...apa Zo tih loh tur ka tih kha, Au Zo tih tur" nutei chuan phirte unau chu alo hau nghal vat a.


Dik tak chuan 'Au Zo' tih hi an thiam thlawt lo a lawm. Leh lamah chuan Carl hmel hi a lang upa ve hret hret a, an pa rual han U kha chu an thiam vak biklo ni mahna. Anu hian a hau nasa thei mai sia.


Carl lah chuan 'In duh dan danin min ko thei ang' alo ti mauh mai sia, a ngaihna hi an awm lo tlang a ni.



Carl pawn ama in lama awm phei a duh thu sawilo mahse a duh tih chu ka hria. Mahse nutei thil tawn mek nen lo awm bosan daih kha ka hreh ve em a ni. Chungte chu hrethiam zetin hetah kan in a awm a rem tih thu chu min hrilh ve mai a.




🌼🌼🌼



"Ememte ka nu in alo vedio call a" Bawihpuia diaper ka lo thlak mawlh mawlh lai chuan a rawn ti a. Ka buai lai ber kher, ava fuhlo ve.


"Awi..ka va buai ve..tikhan keng la min lo ti lang mai rawh" ka ti a. Ka hmaah chuan rawn keng hnaiin Bawihpuia lang thei tur chuan a dah a.


"Ka tupa duat-a chu ava tlangval tawh awm ve a.." a rawn ti nghal ringawt a. Ka lo nui ringawt thung.


"Kha hmuh loh karin alo lian zawt mai lawm, ka pawm leh chak tawh ngei mai" a rawn ti leh ruih a.


A hmaa an hmuh ka lo phallo te kha ka inchhir ta deuh. Carl chungah ka thinrim a, chumi chu a chhungte chungah ka hrithla ani ringawt a. A hreawm ka ti thar leh hnuhnawh rih a.


"Lo chho vat la, chuan i duh tawkin i pawm dawn nia" ka ti a.


"Nia...khatia kan fapa i ngaidam duh leh ta kha kan lawm bawk a rawn chhoh leh vat ka duh, hei i pa Tlana pawh alo chho leh chak khawp mai" Carl rawn kah zeuh pah chuan ati a. Pakhat lah a lawm lo nasa mai.


"Nu..." alo ti fan ruih a, a tum lian leh mai mai.


"Patling, fa pakhat nei tawh i nih kha. Khatin nu ti dual dual suh" anu chuan a lawm lohna te hrethiam lo zet chuan a rawn ti a.


Tuna a biak hi a nu kher kher chu nilo seng chuan phone hi a dah khum hmak ka ring.


"Anih Livia nang pawh i țha tawh hrim hrim em?" Min ngaihtuah hmel zet chuan a rawn ti a. Ka chhang tur chiah chu Carl chuan uar zetin min lo chhan khalh a.


"A țha tawh lutuk, i rin aiin a țha ang chuan a țhat leh țhat loh test kan la ngai a, kan dah phawt. Muttui u" anu in a rawn chhan let leh hma chuan a off hmak a.


"Zohmingsang!!" Khatianga chhan kher(?) Ka thinrim lutuk chuan tur zetin ka melh a, thei chu ni ila ka kek hrep duh ang.


"Enge? Ka sawi diklo em ni?" A thusawi pawi zia hre duhlo der zet chuan a rawn ti a. Tih ngaihna hi a awm thlawt lo.




Mahse zan lamah chuan ka thinrimna te chu a thawi dam chiang kher mai. Hepa te hi chuan mi hipna te hi a ngah sia, a lakah hian a thinrim reng theih loh.







🌼🌼🌼🌼_ONE_YEAR_LATER_🌼🌼🌼🌼







"I ninawm e mai Bawihpui țap tawh lo teh" Ti nghekin ka fapa țap reng mai chu a hnungah ka beng thek thek a. Ka ning tawh em a ni, nichin ațang tawhin a țap reng ringawt a.


"Ememte... " Kawngka bul ațanga rawn ti tu chu ka en nghal vat a, alo haw ka lawm ve tawh teh reng nen a hmel thim hmuk ka hmuh rual chuan ka hnual leh nghal raih mai, a fapa chhan a rawn pe na leh dawn e.



"I mak em mai! Enge i duh? " Ti leh ka fapa chu thinrim lutukin ka vin a. A țap lah chu a uar sauh mai siah.!!


"A mak Ememte khati khan kan fapa chungah kut thawh suh chuan a hriat ah awka vin hmang hek suh" Lawm lo lutuk a tiin min rawn pan a, kei a lo thinrim lak lawh tawh nen chuan ka lo ngei hlur nghal a.


"Enge.. A sual em a lawm, ninawm lutuk! "


"Zothansang ka sawi ngun tawh, ka fapa hriatah hian awka vin hmang suh tiin" Rawn ti leh khui khui in ka kut ațangin ka fapa chu a rawn la nghal nawlh a. Ka fapa tih bik kher ka fa a nilo biklo, a rawn țawng dan chu ka ngei kher mai.


"Hei...Tlangvalte" A pa in awki dam ruiha a tih rual chuan kan fapa kumkhat tling țawk chuan en nghal vatin a men pual puala a pain a chhan tih hriain uar lutukin an rawn țap leh a. Ka ngei lutuk chu khum ațanga tho chhuakin in hnuai lamah ka chhuk thlak san daih a.




Zohmingsanga rawn chet dan kha ka lawm bik reng reng lo.Ka fapa kha ka hmangaih lo a nilo vawiin ni ah hian tlei lai reng reng a neilo tih tur a nia ka thaw a ipik zo tawh a lawm, chuta karah ani lo haw in min rawn vin nghal khur khur a ka van ngei tak.




🌼🌼🌼🌼




"Ememte... " Chhan chu sawi loh a melh pawh ka melh peih lo.



"Bawihpuia hian hnute tui a hnek a hun tawh a nia" Ka thinrimna te engmah hrelo ang hmak a awmin a rawn ti a. Ka thinrim zual sauh.



"I duh leh pe la ti nia" Ka tih khum ve hmak a.



"Zothansang khathil kha engtinnge i sawi theih? Kan fapa a nih hi chuan hnute tui chu i pe dawn nge dawn lo? " Thinrim zeta tiin min melh khai khai a, lawm lo leh rilru na zet chuan melhin ka fapa a pa bula awm a tlei ta em em chu ka en leh a.


"Bawihpui.. " Ti sepin ka fapa chu ka bana, ani pawh chuan min lo ban ve mai bawk a, room lamah luh puiin hnute chu ka pe nghal vat a. A hnute tui alo hal viau tawh ani mahna a hne dawk dawk mai.


"Bawihpui i hnute tui alo hal viau tawh a mi a? " Tiin a sam dum hlapah chuan ka tuai sak a, hnute hne reng chung chuan a rawn nui ve reuh a, ka va han duh uchuak bik tak em!


"Vawiin chu i sual lutuk a Anunu hi min ti hah a lawm.. " Tiin a samah chuan ka chul ka chul a.



"Ememte... " Aw lo chhuahna lamah chuan ka hawi dawn zuai a ka thinrim tih ka hriat leh si vangin ka hawi leh duh ta lo a.




Min tih dan kha ka lawm reng reng lo, alo haw ve dek dek a, a fapa țap a hmuh vangin kei mi rawn vin ringawt a, ka thinrim ve tlat dawn.



"Hei.. I thinrim em ni? " Kan bul cheta rawn țhut pah chuan ati a. En pawh ka la en duhlo, bawihpuia ngawr ngawr chu ka en a.



"Sorry,, tihpalh umm... Ka tum a nilo mahse ka fapa hi vin ka duh loh zia chu i hriat kha" Tiin a chal chuan ka bekah a rawn nawr a, ipik zetin ka lo thaw chhuak hak thung.



"I fapa chauh a nilo a, i ta chiah ang hrim te khan i sawi a Zohmingsang ilo mak kher mai" Ka lu chu ti awnin Carl sik duh loh hmel zet chuan ka ti a.



"Chutiangin ka sawilo ilo dawnsawn dan a dik lo a nih kha.. " Ti leh duh chauhin ka kawngah chuan a rawn hmer salh a, ka nghawngah chuan a hmai chu a rawn phum nghal vang vang a.



"Carl.. Min thlah teh ka ning, ka la thinrim a nia ka la lungawi reng reng lo" Ka lo ti nghek a.


"Ka hmangaihte ka tih palh ka tih tawh kha, in pa hi ka chau teh a nia" Ti supin ka nghawngah chuan a rawn seh zeuh a, a malah chuan beng chawrhin "Min tawk suh keipawh ka chau, vawiin nilengin i fapa en chim loha hi a țap a, chuta karah engmah hrelo lekin a pa in alo haw veleh min rawn vin khur khur a, i hrethiam em? " Thinrim zeta meng kual ralhin ka tih khum nghek a.



"Ka hria lawm chuvang chuan a lawm ngaihdam ka dil che ni" Nui suka tiin ka nghawng chu a rawn liak zeuh a, ka lo thaw deuh hak thung.



"I mak Carl duhtawk teh" A mala hmer vak pah chuan tiin thei leh theilo chuan ka melh a.



"Lungawi tawh la ka tihpalh ka tih kha, umm.. I pasal hian ngaihdam ka dil che a ni" In la khawngaih thlak zet chuan an rawn ti ngei a. Thinrim ka la tum teh lul nen ka in rin hma hauhin ka nui chhuak a lawm le.



"Ummm, tikhan Anunu chu a lungawi tawhin ka hria" Ti a kiai sukin min rawn fawp a, ka chhang let dawn chiah tih chuan ka fapa che ka hriat a vangin ka in la hrang ta zawk a.



Kan fapa chu ka han melh a, a pa in min fawh lai kha mak tih hmel zetin min lo en chu ni in, chutia kan han en leh phei chu a rawn nui ta hawk a, a pa nen in en in kan in nuih ve ta tawp a lawm.



"I fapa hlut em em hian khatia I awm lai kha hmu se I duh em ni? " Ka ti deuh kher a, a hmui chu rawn ti pawrhin " Hei chu kan awm dan leh a hmunin a zir leh zir loh ni rawh se" Rawn ti ta daihin min rawn fawp leh zeuh a.



"Duhtawk la.. Va in tifai tawh rawh.. " Pangngai deuh chuan tiin Bawihpuia pawh hnute chu ka hnek tir leh mai a. Carl erawh chuan kan lak ațanga in lak hran tumlo tih hriat zet chuan min rawn hnaih zual sauh a.



"Duhlo ta ila.. " Tiin a chalin ka bek a rawn nawr a, ala rawn nui lum hak hak zui a.



"Duhlo chi pawh i nilo, i fapa hian i awm dan a en in a thlir reng che nia. I insum theih loh hma hian kal rawh" A awm dan hrethiam zet chuan ka ti a. Ani erawh za lutuk hian a rawn nui chhuak a.



"Chuti chu kan ti lawk mai dawn em ni? "



"Zohmingsang! " A rawn nuih chhuah hak takah chuan min fiam tih ka hria a ka nui ve ta tawp mai lawm, a in fiamna hriat ve chhun lah hi a țhing thei si.



Bawihpuia pawn kumkhat alo tling ve der tawh a, a pi leh pute pawn a lawmna chu an uar țha khawp mai. Heti lamah ropui zeta lawm sakin Dubai lamah a thawhhnihna an buatsaih leh a.



Keichuan țul ka ti teh chiam lo a, mahse an tu hmuh hmasak ber, an tu hming koh kha ani ve a. Ka hnial duh hran lo, keipawhin ka fapa birthday lawmna chu nuam ka ti takzet.



Ka U pawh reilote chawlh la lehin alo haw a, chuan monu pawh kan neih hnaih hmel khawp mai. Mahse amah hian a sawi țha duhlo lutuk a, ala lài ve țut anih hmel.



Carl Zohmingsanga duh dan ngeiin nupa ah chuan kan in siam ta a. Ani in ka U țhian atan a hmang a, keiin Lawmi. Hlimi pawhin min rawn tel pui thei a, kan inneihna pawh duhthusam a ni.



Ka tan chuan hringnun hi a parvul a, a nuam bawk. Eng dang reng ka mamawh lo, ka mi hmangaihte leh ka chhungte tih chauh lo chu.



Mahse kumkhat vel lek la liam mahse thil tam tak a thleng a. Lawmi lah ka cousin dik tak nilo in ka nutei te fa lak alo ni a, ka hriat tirh phei chuan min țhawng takzet!! Kei aiin Lawmi'n a laknat a, a țhawn viau ka ring a nia, teuhlo mai.



Ani te chuan alo hre daih tawh a, kei chiahin ani lo hrelo leh ni. A tuar thiam lutuk chu keipawhin ka fak khawp mai.




🌼🌼🌼🌼🌼




"Ememte ka kawr hak tur lo dah chhuak la..." a fapa nen an in fiam reng emaw tia. Nichin ațang tawhin inbual la in tifai vat rawh ka tia, a hre duhlo vel a. Amah leh amah ka in zawn tir zawk dawn emaw ni le(?)


"I fapa iti mu tawh a mi?" Awki dam vaklo chuan ka lo ti a. Inti thei fahran chuan alu chu min buk khumin a in hlip nghal mawlh mawlh a.



Mit min rawn siai khum zeuhin bathroom lamah chuan a lut a. Ka engah mah ala thawk lo zui. A thuamhnaw bawm lam chu panin kawr hak nuam lam pang chu ka lak chhuah sak a. Khumah chuan dahin ka fapa bulah chuan mu chiah silo in ka awm a.



Carl pawh alo chhuak har hran lo, towel chu vengin hmanhmawh tih hriat zeta la inhru hul kimlo chuan alo chhuak a. A lu hrukna towel chu balbawmah chuan a vawm lut țhuai a.



"Lo la mu suh, thil tih tur kan la nei..." ka mut hlau zet chuan a rawn ti a. Ka hmui chu ka tih sawih khum ringawt a. Khuma a kawr hak tur ka dah chu rawn banin a in thawlh nghal mawlh mawlh a.



"Lo kal rawh le...heti lamah" ka banah chuan rawn chelhin alamah chuan min pawt hnai a. Țan buai pawh ka tum tawh bik chuang lo.


"Law...lawks...Carl thil hrilh tur che ka nei..." min rawn fawh nghal mai takah chuan kan luh thui hma tak taka sawi țha ka tih vang chuan ka lo dang a.


"Kan thil tih tum aia pawimawh a awm ka duh lo viau a nia" ka thusawi tum hriat chak loh hmel zet chuan a rawn ti a.


"Lo nghak rawh, dawhtheihna hi tla chham viau țhin lo teh" ka lo ti ve vat a.


"Anih chuan han sawi vat la..." ati leh hluk a. A thil tih tur ka lo dang chu a duh lo ngei mai.


"Naktukah Lawmi te țhian leh midang an lo leng dawn a..."


"Chuan...?"


"Chuan...(?)" A tih ang chiah chuan ka ti leh a. Ka thusawi a hrethiam lo lutuk chu ka ngei tlat.


"Enge i duh?" A rawn ti leh a. Engmah hi a hrethiam thlawt lo.


"I rem ti em? An lo len chu i phal em?" Ka pasal anihna ang a rawn ve hrim hrim țha ka ti a, chumi lah chu a hrethiam der bawk silo.


"An lo kal chu i duh em?" Zawhna vek chuan min rawn chhang a.


"Duh teh reng mai" ka lo ti vat a. Rawn nui sukin ka hmuiah a rawn fawp lep a.


"I hlimna nih te chuan kan phal mai niang chu...mahse ka duh ka hmuh phawt a ngai. I pasal hi han ti lawm em em mai phawt la..." beisei nei zet chuan a rawn ti a.



Keilah in a duh ka hriat chian lutuk avang chuan amah chu kuah hnai sawtin uar lutuk chuan ka fawp ve nghal a.



Chumi hnua thil thleng leh chu rapthlak tak a ni! A duhthawhin a uar dan chu pui tak a ni! Tu mitmei mah ven ngai ta lo chu thawm lah kan dim lo nasa.!!



Zohmingsanga a duhtawka a han chet tawh hi chuan kan chau thei nia! Che chang tur reng ka awm tawh lo țhin.





🌼🌼🌼🌼🌼





"Kha...!!!" Rawn ti hluai tu vang chuan ka thil tih lai chawlin ka melh vat a,, mahse ka hriat leh hmuh hman zawng chu ka fapa țap ri ring zet a ni.



"Chhuak nghal vek rawh u" Thinrim lutuk a ka pasal ang chu enin Lawmi leh midang ho chu ka en leh a,, an in thlahrun hmel lutuk tlat,, enge thleng lah chu ka hre ve der silo.




Ka fapa uar lutuk a țap leh kan pa thinrim inseh ruh țawlh țawlh chunga bawihpuia a pawm chu a ni ka hmuh, alu chu a tuai sak vut vut a. Ka fapa țap uar lutuk chuan keipawh min run kher mai.!!



"Uzo.... "



"Chhuak rawh u,, ka fapa ngaih ven hmanlo khan ka awm e te in tia,, khatiang tur te chuan awm loh mai tur lawm" Ti nghutin min rawn pan a. A hmelah zawng zawng te nen a thinrim lutuk chu a hlauhawm kher mai!



Lawmi te in thiam loh hmel leh in thlahrun hmel lutuk chu ka khawngaih zawk. Carl pawh khatia vin vak vak tur kha a nilo a,, midang ho chu in thiam lo ru zet chuan room ațangin an chhuak ta a. Carl lo kal phei pawh chuan min melh rum ngang mai! Nge ka chungah a lawm loh ve ngawt s?



"Kha hnute pek tum chhin teh" Tiin a fapa a awma bei chunga țap hluam hluam chu min pek a tum a,, keipawh chuan lo laksak mai chu ka tum a mahse ka fapa chuan min duhlo in a hma aia uarin zu han țap a.



"E.. E.. Tuin nge ka fapa duat hi lak lo tum a keiman ka pawm ang,, tuman an pawm dawn lo" Tiin a kalsawn pui a. Chutia min duhlo chu keipawh ka thnrim lek lek a ni.


Lawmi te bulah chuan chhukin thil thlen dan vel chu ka zawt a. Anni pawhin chiang taka han sawi mai tur an hre bik vak lo.


"Bawihtea kha a in fiam emaw kan tia, mahse alo kal ve leh chhet chhet kha a kal țha theilo nen a tlu dawn a, kha kha centre table tlangah khan a in tauh a. Mahse Uzoa khan a rawn pawm sawn rang lutuk" in thiam lo tih hriat zeta awki zawi chuan a rawn ti a.



Chutia ka fapa țah chhan ka han hria chu keipawh ka na ve zawk thei. A in tauhna a ngem? A khawi lai chiah nge a tauh?


Lawmi te pawh chu ka ngei viau dawn a, ka thinrim khum leh theilo. An mahni thiam loh vek ani biklo,keipawh khan lo ven țhat ve deuh tur a nia.



"Bawihpuia chu enge a an ka han ngaihtuah lawk a nge" tiin in chung lamah bawk chuan ka chho leh a.


"Carl..." balcony ah chuan in pawmin thil vel an lo in hrilh ni ngei tur a ni. A fapa pawh a thlem thiam khawp mai.


"Ka lo en ve chhin a nge" ka ti a. A hmelah chuan ala lawm lo hle ni tih ka hre thei, a fapa chhan hi a pe na ve ang reng sia.


"Nang pawh i fapa ngaihsak tur ini sin" keimah min en hauh lo chuan a rawn ti a. Ka in pawm ve thlap tho, chumi vanga hnial duhlo reng chu ka ni.


"Khatiang ho mai mai kha ka fapa hi hnaih tir tawh suh ang che. A in sawh pawilo hlauh zawk a" a rawn ti leh a. A thinrim em avangin chhan en ah pawh ka dah lo.


"Ka fapa duat, Anunu bulah lo kal rawh aw..." Zohmingsanga thinrim phun reng tuar peihlo chuan room ah ka luh pui ta daih a. Min an khum leh vak vak nga, ninawm!!


"Nang pawh i fapa ngaihtuah hman leklo in engthil nge i tih?" Khuma kan nufa awm chu min rawn din chilhin rilru damlo tih hriat zet chuan a rawn ti leh khui khui a!


Keipawh min ti thinrim ve zo vek, hetia mi ankhum reng ringawt. Tunlai phei chu ka thinchhiat lai ani leh nghal.


"Enge kei mi hauh reng a? Thil tam tak ka ti..." ka tih khum ve ta hrep a. Vawiin phei chu ka thinchhiat hi a zual hrim hrim, hetiang boruak tawn phei chu ka ti theilo, anni aiin ka thinrim zawk ni mai.


"Hauh lam anilo, i fapa pawh veng țha hmanlo a i thil tih ka zawt mai che anih kha" a hma aia awki dam deuh zawk chuan a rawn ti a. Mahse a lawmlo lutuk erawh a zual sawt zawkin ka hria.


"Ninawm, ka zu haw tir vek a nge" ti hmakin Bawihpuia pawh ngaihven duhlo chuan in hnuaiah chuan ka chhuk a.



Ka thil tih tum chu tih a țul loh thu rawn sawiin chhuk lo turin min rawn ti ve ngei a. Ka thinrimna a cho chhuak ve tawh tlat, a duh duhin min vin vak vak a.



Lawmi bulah chuan ka thinrimna te ti langlo in țha deuh chuan haw turin ka ti a. Mahse a in thlahrun hmel na ngang mai. Ka khawngaih ang reng, a țhiante pawh chuti tho.



Dik tak chuan Lawmi pawhin khatianga Carl a thinrim kha ala hmu ngailo a, a hrethiam chiahlo niin ka hria. Kei erawh chuan kha aia nasa a, a thinrim pawh ka hmuin ka tawng fo a, ka engah mah a thawk lem lo.



An haw hnu chuan an chetna vel chu dah felin tih tur țul ang ang chu ka ti nghal zung zung a. Inchung lama awm te lah chu rawn chhuk ta nge tih awm lo, an pahnih pawhin an hlim tawk em em ani mahna.



Keipawhin ka luhlul chhuah in ka han pawh duh biklo a. Tih tur awm ang ang ka tih zawh hnu chuan rawngbawlin ka che char char a. Ka thinrim lungawilo bawk nen awm awl chu ka peih teh chiam lo ni.



Rawng ka bawl zawh dawnah chuan an rawn chhuk thla ve ta lawm. Mahse biak ka tum haub lo, ani pawn min be mahse ka chhang awm hlei lo.



Bawihpuia chu pawmin a chaw eitur ka lo siam sa thlap chu a rawn hmu nge ni, rawn la in choka ațang chuan a chhuah pui leh daih a.



Ka hrilhhai lutuk chu ka tum loh deuhin ka nui hak a. Min bia pawh nise ka chhang lo ang ka ti kha nia, min biak chu sawi loh awm ve lo ang maiin lawm min ngaih le! Mai mai chuan a!


Zohmingsang lo ngai reng rawh ila hre ve khawp ang, ti rilru nauh nauh chung chuan ka in sehruh a.






🌼🌼🌼🌼🌼





Khumah chuan mu thei lawklo in ka in let ka in let a, ka thinrim hlur tawh hle nghal. Ka thinrim lutuk insum theilo chuan tho in kawngka te chu ka va hawng leh pawh țhin!



Tlai ațang tawhin vawikhat pawh kan la inbe lo,kan fapa ve lah chuan anu ka ni tih a theihnghilh ta emaw tih mai turin ngen pawh min ngen lo a.



Ka thinrim rilru na lutuk chu ka țap lo chauh tawh. Hetiang mai maia Zohmingsanga'n min ti hi ka lawm hauhlo,keimah zawk hi asin thinrim tur, ngatinge ani a thinrim rikngawt? Zaklo lutuk!




Zanin hian an bulah ka mu lo khawp ang, hrem deuh hlek chu a ngai a ni. Ka fapa erawh ka hnute tui hne kherlo pawn a mu thei em em ang, ani pawh hi chhia leh țha hriatna nei tawh chu nise ka hrem ve chiang khawp ang.





🌼🌼🌼🌼🌼





Ka fapa țap ri chuan min ti harh chiang kher mai, thawh nghal mai ka han tum a tu emaw hian min man bet ka ti mai, ka che thei hauh lo.



Ka harh chiang chiah tih chuan khumah ka lo mu reng tih chu ka in hria a, chuta karah ka mi huat em em mai chuan ka kawngah min lo la kuah zui!!! Ka thawh hlim ațangin ka thinrim nghal chu ani ringawt.



Engtinnge khumah ka lo mut theih? Nizanah khan sofa lamah ka mu ngei sia, hepa hian min lo sawn leh tih na em ni? Engtik laiin nge ka lo mutthilh? Engmah lah chu ka hre tawh der mai silo.



Ka fapa țap chu buaipuiin Zohmingsanga'n min tawh theih lohna tur lamah chuan ka insawn a. Ka thinrimna te chu reh a hnekin a hma aiin a zual sawt.



Niminin khatiang khan min chet khum velah, tunah lem pasal țha ber ang maiin ka bulah te alo mu a, zaklo lutuk mai. Ka ngei hluah hluah tih hi a hrelo em ni??


"Bawihte, in hnuaiah chhuk ang aw.." tiin ka thawh chhuah pui nghal a. Carl erawh ala mutui ang reng.


"Anunu...tete..." fiah lo deuh chuan alo ti a. Ka nuih te hi a za țhin, ka fapa ngeiin 'Anunu' min han tih hi chuan a nuam dangdai em asin.


"Bawihpui, tete kha bo daih a" ka ti chu mak ati ve ngang a niang, min en haw hnuah ka hnute zawn chu rawn khawihin ka kawr chu rawn keu a tum a, lo dangin thil dang chu ka sawi pui ta daih a.


Bawihpuia awm pah chuan tih tur ang ang chu ka ti leh mawlh mawlh a. Mahse keimah ah hian min kam țun tu hi an awm ka ti mai, ka hah ngawih ngawih bawk.


"Ememte..." tho phang aw tih hriat zeta min rawn au tu chu ka ngaihsak lem lo. Amah chu awmlo ang hmak a ngaiin ka chet ngai chuan ka che char char a.


Nizana ka mutna ațanga min lo sawn avang ringawt pawhin ka ngei, engmah hrelo anga a awm te saw ka ngei zual.





🌼🌼🌼🌼🌼





"Anunu...pe pe..." Thei leh theilo a ka fapa in kan dinning table a rawn ban țawk țawk chu en in ka nur khum nawng a.Ka spicy noodles ei ve zu ngen tlat a.



Tunlai chu ka thinchhiat mai bakah thil thak lam hi ka ei chak reng mai a, ka theih chhung chu ka ei ka ti mai. Kham ni reng lah ka nei theilo.



"Bawihpui..hei chu maw...thak thak anih hi..i ei ngamlo ang" Tia hrilhfiahin chair ah chuan ka hlang chho a.A eitur a ka dah thei ho chu a hmaah chuan ka nawr phei a, ka rin loh lutukin alo hnawl anih chu mawle.


"Anunu...pe..pe..." Ti lehin ka plate zawk chu a rawn melh kiau a, rum zeta melhin ka plate chu ka lamah ka pawt hnai hrut a.


"A theih loh hei chu a thak ka tih kha"


"Aii...pe pe...Anunu...duh.." Ka sawi tum pawh ka sawi zawh hma chuan min lo tih khalh anih chu mawle...kum1 a pel dek dek a, engtinnge hetiang ang thil thak lutuk te a ei theih ang ni?


"A thak ka tih chu..hei hi ei rawh...Sual chhuah lo in ei mai mai teh" Thinrim deuh hlek a tiin balhla chu ka pe a, a kuta ka hmeh bel rual rualin zu peih nghal a.A thin chhiat dan em em hi tunge maw a chhun ni(?) A pa lah chuan nangmah a nih kha a chhun ni min la tih khum zek zui a, ka tet laiin hetiangin ka thinchhe lo.


"Ai...duhlo...pe pe..." Țawng fiah bawk silo, țawng țha thei bawk silo, țawng thei si...luhlul si.A pa hi a chhun fuh ropui si, pa siar pa siar.


"Kha ei malek rawh, a thak han ti na teh, i chaklo viau ang i hria em?" Vau deuh a Tiin tereuhte tak tak chu ka pe a, a tirah a thak lawk lo nge a țhial nuap nuap a, chutah ka lo en vung vung lai chuan rawn men ta purin a rawn țap ta vak mai a nih chuh.!! Ka melh nghal khui khui a...!!


"A tak...Anunu...tak..." Tia min rawn banin uar lutukin a țap a, a lei te chu a rawn chhuah nasa mai.Țawng fiah hleilo a, a sawi te chuan a sin min ti thinrim ni!


"Kha..a thak ka tih mawlh mawlh kha..." Tia pawm thlak ka tum rual chiah chuan a pa room a hna thawk a inkhung char char chu alo chhuak chiah a.A fapa țap ri in a ko zawk emaw ni?


"Enge ni vak vak? Tlangvalte..." Hmanhmawh zeta rawn pheiin a fapa chu a rawn pawm nawlh a.


"Papa...tak..." Tia țap uar zual sauhin apa chu a ban a.A mittui lah chu an sur nasa mai sia maw...!


"Engthil nge i pek a?" Thinrim tih hriat zeta min melh in fridge lam chu a pan nghal daih a.Bawnghnute chu la chhuakin a fapa țap nasa lutuk chu thlem pahin a pe a.Kei a chhanna pelo chu tur zeta min rawn melh lehin "Zothansang i fapa hi enge i pek? I thil ei lai ang kha i pe tih sawi hlek suh" Tiin table a ka thil ei lai chu a melh ngur a.




Ka la lawm loh em avang leh Carl laka ka la thinrim em avang chuan chhan lawk pawh ka tum lo, a fapa a chhan lutuk na lamah min vin reng bawk.


"A ngen anih kha..." a tawpah mahni thiamin ti lutuk a tiin ka lo chhang a, a ngaih dan anih loh hmel kher mai, min rumkhum nghutin " Khatiang thil thak i fapa pek chi ani ngai em ni?" Ti lehin a fapa bianga mittui tla thla zung zung chu a hruk sak a, bawnghnute chu tulh lehin chini chu a ei tel tir a, pakhat lah chuan bang ta nge tih awm lo.


"Aman enge a ngen tlat ni" Ti leh kherin ka țhu thla hnawk a, ka ei chhhun zawm leh mai a.


"Buaithlak lutuk, khatiang fate pek chi pawh va ni suh" keimah min bia pawh ni chiahlo chuan a rawn ti a.


Ka thinrim lutuk chu ka mengling kher mai, mahse chumi te chu ngatan mah ngailo in a fapa chu a buaipui ngar ngar a.. A hma ang bawkin ka tawt leh ta up up mai.


"Zohmingsang nimin ațang tawhin min vin reng suh, ka tlanbo san daih mai ang cheu" ka țhutna ațanga ding chhuak hluaiin ka ti ta hrep a.


"Khatiang thu lawilo mai mai sawi suh, tunlai hi i thinchhe hrim hrim" kei aia thinrim zawk ni awm chuan a rawn ti leh a. Ka tum loh deuhin ka mittui a tling leh kiau tawh.



Carl hmuh hlau lutuk chuan hawisanin, choka ațang chuan chhuakin room lamah chuan ka tlan chho ta daih a. Room chu kalh in ka mittui chu a rawn tla zung zung a, țah erawh ka duh hauh lo.



Tunlai chu in ah a awm ngun a, ka lawm ve em em a. Mahse min vinin min thinrim khum reng a, duh leh a hnaah chuan buai deuhin thawk leh daih rawh se. Hetianga min ti tur te chuan in ah awm loh mai tur lawm, ka rilruna chu ka in ngaihtuah lung puam a, ka rilru no chhuakin ka țap ta nghek a.



Mahse a reilo, thil tam tak ngaihtuahin ka mu ta reng a. Mahse ka pum chu a rawn na ta riai riai mai. A tirah chuan na lutuk lo mahse a han rei deuh a, tawrh theih loh khawpin a na ta.



Chutia khuma ka lo vial ngawt ngawt lai chuan Carl chuan kawngka chu a rawn chum deuh dawt dawt a. Chhang tur pawh ka awm lo, chahbi la turin a kal nih hmel, a thawm chu ka lo ngaithla reng a, haw viau mah ila tunah rih chuan lo lut vat se ka ti takzet.



"Ememte...i țha em?" Kawngka a rawn hawn ruala ka lo awm dan a hmuh chuan hlauhthawn hmel zet chuan a rawn ti a. Engmah ka sawi theilo, ka mittui te chu a rawn hnai leh ta kuar mai.



"I enge na? I țha em?" Ka bula rawn țhut thlak pah chuan a ti a. Ka pum chu ka dawm ngawt ngawt ringawt, chumi chu hrethiam vatin ka dul lam chu a rawn khawih a.


"I pum ana emni? Damdawiin ah kal ang aw" dam deuh a tiin a fapa chu a dah thla a, kei min rawn pawm thawh mai a tum chu thei leh theilo in ka lo dang a.


"Ka duhlo...ka pum ana lutuk ka kal theilo ang..." ka ti a. Carla'n min ngaihtuah tih ka hriat rual te chuan ka no zual ka ti mai. Ka țap lo chauh tawh.


"Anih chuan doctor kan ko ang aw, lo tuar hram hram rawh..." tia tho vutin phone ah chuan mi a be nghal mawlh mawlh a.


"Anunu...na na..." ka pum ka dawnna kut chu rawn kawkin ka fapa in hrethiam ve ni awm tak chuan a rawn ti a. Dam țha chu ni ila ka nuih ngei ang, tunah chuan nui thei pawh ka nilo, ka na em a ni!


"Tlangvalte lo kal rawh le, Anunu kha a damlo a.." tiin ka fapa in min tih buai a hlau deuh nge a rawn la hrang ta daih a.



"Doctor alo thleng țep ang, lo tuar hram hram rawh aw.." ka mittui chu rawn hru in ka chalah chuan a fawp a. Insum hmanlo in ka țap chhuak ta hak a.



Carl chuan tih ngaihna a hre ta lo nge rawn thaw hakin nghet zetin min kuah a. Mahse chumi chuan ka pum na ati zia chuang silo.



"Tuar hram rawh aw...ka hmangaih, ana rei tawhlo ang" tih chiah chu a sawi. Mahse ka țap bang thei chuang lo.





🌼🌼🌼🌼🌼





"I nupui hi a rai a nih hmel, chuan duh aiin thil thak lam a ei hnem a, a pum lamin a tuar deuh anih kha..." a rawn ti chiah chu kan ka hau thei.



Carl chuan min rawn en in ka pum chu a en leh a, chutah doctor chu ringhlel deuh reuh a en in keimah ah bawk a mit chu a tawp leh a.


"Doctor iti tak tak em? Ka nupui hi a rai a maw?" Phur lutuk chuan tiin ka bulah chuan a rawn țhu thla vat a.



Nichin lawkah doctor in eng damdawi emaw min pe a, tlem chuan ka zia deuh. Mahse ka rai tih min hrilhna chuan min țhawng kher mai. Ka rin loh lam daih a ni!!


"Naktukah emaw in checkup turin damdawiin lamah lo kal ula, kan ti chiang dawn nia" doctor in rawn ti lehin kal mai a duh thu chu a sawi a.



Carl chuan min kalsan hlau zet chuan ka kut chu a thlah a, doctor chu a zu thlah ta a. An chhuak chiah tih chuan ka dul chu khawihin ka nui suk a.


"Anunu...pawm.." pakhat lah chuan ka mal chunga rawn țhut pah chuan a rawn ti a. Danna hman pawh awm lo, țha deuh chuan ka lo pawm ve mai a. Ka hlim, ka hlim a ni.



"Tlangvalte khatah țhut loh tur, Anunu khan nanau tur a pai a" room chhung a rawn luh rual chuan hmanhmawh zeta rawn tiin a fapa chu ka mal chung ațang chuan a rawn la hrang nghal vat a.


"Papa..." tih chiah sawiin ka bula lo kal chu a ngen ta tlat a. A pa lahin a phal der bawk silo. Chumi hnu chuan a toys ho chu lak chhuah sakin a khalh tir ta a. Chutia a fapa rilru thil dangah a la peng chiah tih chuan min rawn pan nghal vat a.



"Ka hmangaih, engtinnge i rai tih i hriat loh zawk?" Ka bulah chuan rawn țhu in ka kut chu a rawn chelh leh vat a.


"Ka hrelo, ka rai ka ring lo hrim hrkm" nui sang chuan ka ti a. Carl mitmeng de sawt sawt te, hlimna avang tih hriat lutuka nung sar mai chu hmuhnuam tak a ni.


"Ka duat dawn che tih hi han hre phawt mai la" tiin ka chalah bawk a rawn fawp leh a. Chutia a tih takah chuan nimin lam ațanga ka chunga a sual zia te chu hre chhuakin ka ankhum chak ta tlat a.


"Nimin pawn min vin vak vak a, i sual ropui si.." ka ti ringawt a. Min melh chhuk ngur ngur hnuah min kuah leh a.


"Khate chu a chhan i hriat kha.." ati liam puat ringawt a. Ka ngei thar thut.


"Chhan a awm lo, keima thiam loh pawh a nilo a, min vin a min be duhlo vel a" ka ti leh ta pawng pawng a.


"Aw khate chu i thinrim laia biak che in awmzia a neilo tih ka hriat vang a lawm" dik deuh chuan a rawn ti leh a. Ka ngei tho tho.


"Chupawh nise i sual hrim hrim, min duat lo ropui si..i sual bawk" ka ti a. A lak ațang chuan in lak hran der chu ka tum a, a phallo nasa mai.


"Okay, engkim kha ka thiam loh vek a ni min ngaidam mawlh teh. Chuan tun ațang chuan ka duat tawh viau ang che" ka hmuia rawn fawh zeuh pah chuan a ti a. Keipawh ka nui ve ta suk a.


"Papa..." tih ri lo chhuahna lam chu kan hawi phei vut a. Kan fapa chuan a pa a au pawh a nilo, alo sawi ve mai mai nih hmel.


"I fapa saw chuan a vei ve chiang che lawm le" nui sukin ka ti a. Ani pawh a hlim hmel ngei mai.


"Nimin a ka chunga i sual ai ka eitur min siam thei" ka ti chiah chu a nuih a zat hmel ngei e.



"Teh reng mai ka nupui rai lai eitur siam bak a chak ka nei chuanglo" hlim tih hriat zeta tiin ka dul chu a rawn chul hauh hauh a.


"Mahse tun ațangin thil thak ei kha bansan ang che, țha lo lutuk. Tunlai ilo thinchhiat em em chhan kha ilo rai vang lek anih dawn hi" a rawn ti tel zat a. Keipawhin thil thak ei ka tum tawh bik hauh lo.


"Thinchhia min ti reng reng suh,nangmah vang anih kha" ka ti nghal vat a. Ani pawh hian thinchhia min ti thei bik hauhlo. Amah pawh a sual ve tho.



"A țha lawm, chuan midang kan hrilh kual vat a țha ang" tia tho vutin a phone bawk chu a ban leh a. Chhungte dang pawh an phur viau ka ring.



Keipawh ka hlim takzet, mahse kan chhangchhe dawn riau a hriatna ka nei. A lawmawm lamah ngai zawk teh ang.




🌼🌼🌼🌼🌼



"Hetiang hian min surprise dawn tih hria ila chu ka duat viau tur che" nghet zeta min rawn kuah pah chuan ati a.


"Min duat viau rawh, i sual ropui si" ka lo la ti pek a. Ka bekah chuan rawn fawp zeuhin a nui suk a.


"Ka nute'n Dubai lama lawmna buatsaih an tum nih chu, enge i ngaih dan?" A kut ka kawr chhunga zen lutin ka dul chu a chul hauh hauh a.


"A țha lawm, keipawhin ilo chen tawhna te kha nuam ka ti a lawm" ama lama in leh tum pah chuan ka ti a. Mahse alo phallo nasa mai, ka dul chu a hma ang bawkin a rawn chul a.


"Umm...chuan zanin hian kan lo lawm lawk dawn em ni?" In beng kangin a sir lam ațang chuan min rawn melh chhuk ngur a. A thusawi ah chuan ka bo leh hle tawh.


"Engin nge kan lawm ang?"


Ka zawhna chu țawngka a min chhanglo in awmze nei deuhin min melh ka ti mai, a kut chet pawh chawl datin muang changin ka awm lamah chuan a rawn zut chho a. A mitmeng h*r hmel zet te chu a hmuhnawm ka ti.



"Carl...a chi loh, Bawihpuia a harh ang" ka hnute a hup chiah tih chuan a kut chu ka kawr chhana lo vawn hnanin ka ti sep a.


"I pasal hian thiam loh ka neilo tih i theihnghilh ta em ni?" A rawn ti nghal zat a. Ka mitko chu san khum zeuhin a kut chu phawrh chhuah sak ka tum a. A chak lutuk a ka hneh thlawt lo.


"Naute siam pawh ka thiam a, a tih harh loh dan te chu thiam turah min ngai hmiah rawh" mahni in ring tawk zet chuan a rawn ti a. Ka lo millo leh mai mai,ka hmui chu tih pawrh khumin mut țhat nghal daih ka tum a. Min lo dang chiang kher mai.



"Nang thawm chhuah hlau a, insehruh ngar ngar a i awm lai kha keiin hmuhnawm ti takin ka lo thlir dawn che nia" nuihzat hmel zet chuan a rawn ti a. Ka kut chu ka tin uai hman a, mahse a hmui zei lutuk a min rawn dan avang chuan ka awm leh ta mai mai zawk a.



"Khawvela hmangaihna awm zawng zawng hi mahni hmasial takin nei dawn ta ila chu ka thil neih chu itan ka hlan ngei ang. Chuan nangin kan chhungkaw tan chu hmangaihna chu i par chhuah tir a nga" ril zet leh thawp deuh sap chuan ka bengbulah a rawn ti a.


A thusawi chuan min hneh ka ti mai, hetiang khawp a min hmangaihtu min tawn tir avang hian Pathian hnenah pawh lawm thu sawi mawlh mawlh tur ka ni.


"Ka hmangaih che..." ka ti ta daih a.


"Ka hmangaihna zawng zawng bakah khawvela hmangaihna zawng zawng neitu, nang aiin ka hmangaih che" tiin uluk leh ril zet chuan min rawn fawp leh a.







A TAWP TA (NOVIO INCREÍBLE 15K STORY IS THE END)





Kum 2020 a kan POST țan NOVIO INCREÍBLE 15K chu kum 2022 ah regular lo takin kan lo ti tawp thei ta a. He a tawpna ah hian keimah hi ka lawm ber mai awm e. Rilru hah leh buai lutukin ka awm tawh dawn lo a.



Chhiartu duhtakte u he STORY inlo chhiar ve hram hram țhin avangin lawmthu ka hrilh cheu a,chuan ka STORY la post zel turte pawh min lo chhiar sak leh țheuh turin ka ngen cheu ni e. In za vai chungah ka lawm tak meuh meuh e.😘😘😘😘


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)