MAFIA WHO LOVE ME BY Priscilla VL Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MAFIA WHO LOVE ME BY Priscilla VL Ralte (Completed)

Unread post by Ngaia » May 15th, 2022, 2:44 pm

Chapter 7

by Priscilla vl Ralte



CLARA POV

Ka harh chuan keimah chauhin khumah ka lo mu a, a reh em em mai bawk si, ka indawm kang a, khua lah chu a vawt vur lehnghal a, khum atangin ka chhuk a, kelawng in kawngkhar lam ka pan a, pawn lam atangin a inkalh, he mihring hian ramsa angin min ngai emaw ni?


Kalh khum ngai ka ni tawp silo "hawng ru ka ril atam ania" kawngka chum pahin ka ti lang lang a, kawngka chu a ri rak a, Remo khan alo hawng a "miss eng nge i ei duh ang?" hawihhawm tak hian alo ti a, ka lo chek tlak.

"miss min ti ziah suh, ka hming pawh i hre reng, hming lo lo a min ko ziah mai, ei duh ka ngah khawmaw ka chhuak duh " kawngka a a ding chu nek sawn pahin ka ti a, engtin mah min ti zui lemlo, inhnuai ah ka chhuk a, a reh bawk si, a zau si, khawnge Maurice pawh hi a awm ni?


Choka lamah ka lut tlang a, maid pakhat chiah alo awm, min hmuh chuan "miss mamawh i nei em ni?" a lo ti a, melh pawh min melh tha ngamlo "rawn hawichhuak vah rawh" ka ti a, hetianga misual ber awm ang mai a min zah lutuk hi ka duhdan ani velo "miss mahse nang chu...." atih lai chu pawt chat in "rawn hawichhuak rawh" a aia fiah leh chiang zawkin ka ti leh a.


Tim dai hian alo hawichhuak a "tikhan ka thil duh min zawt rawh" ka ti a, a mit a khap ang zeuh zeuh lehnghal a "miss ma...." atih lai chu pawt chat lehin "Clara min ti rawh" ka lo ti leh nghat a, kan sir a ding ve reng Remo chu a nui leh suk suk zel.


"miss Clara mamawh i nei em ni?" min en ngam chuanglo reng reng "miss tih kha telh kher angai lo" ka tih chuan "aa,,, miss ka tel loh kha chuan ka inthiam theilo,,, khawngaihin miss tih kha min telh tir rawh,,,,, ka tan pawh a nuam zawk" atih chuan ka thaw hak a, ka lu ka thing nar nar a.


"a engpawh chu ni rawh se, eitur awm ang ang kha min lo lak teh ka ril tam lutuk hi ka thi lo chauh " tih pahin dining table ah ka thu a, Remo chu ka kutin ka hui zeuh zeuh a, a kut suih tat in alo kal a, eng emaw ti zawng takin a chhelo phian, a palian si, a hmel a chhe lem silo a, Maurice a tluk lo hret tih mai loh chu,,,,, haha...


"khawnge kan ramhuaipa hi?" zawi sap hian ka ti a "a hna lamah eng emaw tih fel tur a nei a, alo haw leh tep tawh ang" atih chuan ka melh deuh ha a "Mahattan a chhuahsan tihna ami?" engmah min hrilh lova a kal chu ka lawm lemlo "a... aw nia,,, kan inbe zo chiah a,,, alo,,, thleng tep" ati bah deuh nak a, ka mit ti zim sun in ka melh a.


A lu a hiat nauh nauh a, a hawi kual ang zuk zuk a, ka nuih te lam lam ati za,,, tlangval pui palian bawk si hetianga han awm mai chu, dawt sawi thiamlo ropui si "tell me the truth" ka ti nghat a, a aw a thian kharh a.


"englo,,,, a... "ati chiah tihin a phone alo ri a, thaw huai hmel a pu, a lu min buk khum zauhin a phone chhang turin choka a chhuahsan a, ka eitur chu dawhkan ah maid n alo chhawp chiah bawk, ka ril a tam bawk a, ka ei nghal buan buan ani mai, a tui em em mai lehnghal a.


"tunge i hming?" ka thil ei lai thial tuam tuam chungin ka ti a "Gracy" ati sap a, ka bu nghat. Hmanhmawh em em a Remo lo lut chu ka ngaihsak lemlo "miss kan kal angai" ka bana lo man chat pahin ati a, ka lo melh ha a, a thinrim hmel em em mai lehnghal a "eng nge a? Thil ka la ei hi,,,, i ninawm khawmaw ka'n ei zo phawt" tih pahin ka ar bawp khel lai chu seh leh mai ka tum a, a rawn ban a, min kaitho nghal.


"amak e,,,, tiang em em a hmanhmawh angai ami? Ka la ei chak nen" room lama min kaih dawr dawr lai chuan ka ti nang nang a, min ngaihsak eihlo. Room a kan luh hnuah closet a hawng a, kawrlum ala chhuak a, min haktir sawk sawk a, min kaih chhuah a tum lehnghal.


Ka ngaihdan ani tawh lo, ka kut chu ka thing thla a "hetiang em em a hmanhmawh angaih chhan hi eng nge? Chiang taka thil min hrilh loh chuan ka zui tawh dawnlo che" ka kut kuangkuah pahin ka ti a "ava mak ka thusawi hi awih mai rawh, boss bulah thil awmdan kimchang chu i zawt dawn nia,,,tunah chuan ka rualin sawibuai neih lohin min lo zui tawp rawh" ati a, a hmel atang chuan a thinrim a insum zia a hriat.


Ka hlaulo chiang e,,,, engtin mah min ti dawnlo tih ka chiang emai, mahse tun dinhmunah chuan a thu ka awih mai angai.


Mansion kan chhuahsan a, a bulah helipad a awm tih ka lo hre miahlo, helicopter ah kan lut a, kan thlawk chhuak nghal. Helicopter ka chuan vawikhat na ania, nuam ka ti phian lehnghal a, Remo chuan phone a hmang a, ka tawng hriatthiam loh a hmang a, eng tak chu sawi ang maw?


Darkar khat vel aniang tih ah kan thleng a, pawnah mipa coat suit ha hi an lo awm teuh a, ruang seng te pawh an ang, an hmel lah chu a th hlawm em em lehnghal a, mahse hlim hme an pu lo a, an tak run a an tam si, an hlauhawm, hetuang zingah hian ka fa a pian ka duh teuhlo. Keihi.... fa nei tur angin ka in ngaihtuah ringawt nia,,,, zahthlak zawk hian a....



"eng nge hun bik hman an nei ami?" ka bula kal Remo chu ka be ru sar sar a, min chhang lemlo in hmalam a en ngur a, a en na lam ka hawi chuan kan lam pan a Maurice lo pen pawk pawk chu ka hmu a, a hmel a hahdam phian mai, hmuh pawh a nuam "ilo thleng thei maw honey!" min nuih deuh sak chung hian alo ti a, ka lo ner nang thung.


"eng nge hmanhmawh deuha kan lo kal nachhan?" ka thil hriat chak em em mai chu ka zawt a "inchhung lamah kan sawi dawn nia" tih pahin ka kawngah a rawn chelh a, step ah min pen chhoh pui nghal, tinge maw ka zawhna hi min chhan harsa an tih em em le?


Inchhung kan luh chuan putar pui pui coat suit nen a induang zaih hi an lo awm khawm a, an hmel atang leh an awmdan vel atang chuan mi namai an nilo tih a chiang reng, kan va lut chu min lo en deuh thap a, an huhang nat zia mai chu, Maurice chuan hrelo ang hmakin min kalpui a.

Min en duh lutuk te chuan ka thin an ti rim dawn dawn, inchung lamah min chhoh pui leh a, room pakhat zau zetah min luhpui a, khuma min thuttir hnuin ka hmaah tak a khup pakhata thingthi in ka mitah tak min melh a, ka lo melh let ve ran.


"i tha em?" ati sap a, ka bangbo deuh "i thiamloh ani miahlo ania" atih leh lek phei chuan bo tak hi ka ni "eng nge i sawi awmzia?" ka ti sap a, a mit chhingin a thaw hawk a, a rawn men leh chuan a hmel pawh hmuh a nuam deuh "ka pa athi" atih chuan mak ka ti hle.


Kan inhmuh hnuhnun ber kha chuan a tha in a hrisel hmel hle si a "engtianga thi nge?" ka ti a, misual kut tuara thi anih ka ring ber "a maid pakhat in a phatsan a, a mansion ah an bei a, chanchin ka hriat veleh nang pawh hrilh tawh lemlo che in ka haw a, mahse ka thlen chuan a nih tur ang alo ni vek tawh" ati a, ka khawngaih reuh,,,, apa nen khan an inkar tha vaklo mahse pafa an nihna kha a dang ngailo a.


Inngeih lo viau mah ila thisen inzawm nge nge chu kan in haw thei tak tak lo, Maurice phei chu nu neilo ani a, apa hi a thisen zawm awmchhun ti ila ka hriat theih chinah chuan, chhungte dang pawh alo nei thei a, mahse hetianga fahrah a han ni mai tur ka ngaihtuah hian ka khawngaih ani.


Ka kuah a, engmah ka sawi lemlo, mi hnem hi ka thiamlo a, an tawrhna tawrhpui chauh ka thiam, chupawh a tuartu a zirin.


"i kal angai" atih chuan ka kuahna chu ka phelh a, ka melh ha "ka bula i awm hi i tan a himlo, i duh ang ngeiin i chhungte bulah chuan i awm tawh dawn nia" ka sam a zut pahin ati a, ka ngawi reng, sawitur pawh ka hrelo.

Ka lei hi rit ta riau ten ka hria,,, a tho a min kaitho lehnghal a, a tih ang ang chuan ka awm tawp,,, sawitur nei chuan ka in hria mahse ka sawi theilo ani ber e.....



After 3 month

Maurice nen kan inthen na pawh thla thum lai ani tawh, airport thleng min thlah a, 'in enkawl tha rawh' atih bak kha eng dang mah a sawi tawh, Mizoram ka thlen hnuin ka nun a nguai vek, ka chhungte'n ka haw chhan min zawh pawh ka chhang fum fe ngailo.


Zep loh chuan ka ngai,,, zantin khum khatah kan mudun a, nupa ni silo in nupa inkar chauha thleng thin kan ti a, kan inkara thil awm kha hmangaihna chu ka ti thei kherlo ang mahse tisa thil chauh a nilo tih ka kal hnu atang khan ka chiang chiah.


Nitin eng nge a tih ang? Nula dang a hruailut anga kei aia nuamin a siam ngei ang a, min la hre ve reng angem? tih mai mai ngaihtuah in ni ka hmang liam thin, kalsan ka lo duh thawt thawt kha ka inchhir leh hnuhnawh,,,, awmzia a awm tawh silo a, apa kha a thi ta sia,,, a duh duh danin a pawl kha a awmtir thei tawh dawn a, a thu neihna a hman sual mawlh a hlauhawm.


"mami vawiin chu chhuak harh ila, ilo haw hnu atangin in ila chhuahsan mang miahlo ania" tia ka nu in min lo biak chuan ka ngaihtuahna atangin ka harhchhuak a, ka hmai chu ka tuai a, ka sam ka hui zeuh bawk.


"nu ka phur lo em alawm" ka ti sap a, ka mizia danglam ta dawrh te hi ka nu te hian mak an ti tih an awmdan atangin a hriat, hmeichhe harhvang tak ka ni thin a, tunah chuan mi lungleng mai ka ni tawh.


"mami i zu awmna ah khan eng emaw i tawng em ni? Ilo haw hnu atang hian i mizia zawng zawng te a dang vek ania" ka bula lo thut pahin ka nu chuan ati a, ka nu lam hawi zawng chuan ka insiam rem a.


"ih maw nu,,, ka zu awm lai khan maw,,, mipa pakhat ka tawng a, inngaizawng ni miah silo in sex ka hmanpui a, chuan kan chengdun bawk a, a tir kha chuan ka haw lutuk mahse a rei a, a laka ka rilru a dang a, ka duh chuan ka hria, mahse ani kha chuan ka lakah feelings a nei pawn ka hrelo, Mafia ania mahse kha khan a laka ka rilru put hmang a thlak danglam miahlo, mahse khuanu samsuih kan nilo aniang kan inthen angai ta tho anih hi" ka ti sap a, la mittui a tling pam mai.


Ka nu chuan min hauh ka rin tehreng nen rinloh deuhin min kuah a "ka fanu hi hmangaihna luipui ah i zuanglut mek anih hi, ani chu nasa takin i hmangaih anih chu, ka hau dawn miahlo che ania, eng pawh nise inti hlim rawh, i hmangaih chuan a hmangaih ve che anih phawt chuan a rawn zawngchhuak em em ang che" ka hnung a ben thak thak pahin ati a.


Ka nu aw zaidam tak ka hriat chuan ka rilru no a chhuak a, ka insut zui hlawp hlawp a "tap rawh insum suh,,, hmangaihna in a ken tel reng chu natna hi ania, natna a awmloh chuan hmangaihna hi a awm reng theilo,,,, i thawl hawk theihna tur khawp kan tap rawh" ati dap dap a, ka mittui chu a dir zung zung ani ber.



Rei fe ka tah hnuah ka hmai ka phih a, ka nu nen bazar turin kan chhuak a, ka phur lemlo mahse ka nu in intihharh i ngai, min ti tlat si a, boruak tha hip ve te pawh ka ngai hrim hrim.


Mi an tam si inngaihtuah na hman pawh a awmlo, mihing kan lo tam tawh zia hi!!


In kan thlen hnuah ka pa hna bang alo haw ve chiah bawk a, rawng kan bawl ho a, a nuam phian mai, kan nuih ho dar dar laiin door bell alo ri a "buhfai tham khawn an ni maithei" ka nu in alo tih chuan ka pek tur thu sawiin kawngkhar lam ka pan a, kawngka ka hawng chiah ka mihring hmuh avang chuan ka thaw chu a tawp nimai hian ka hria.

"Maurice... " ka ti sap a, min nuih sak a



(ZAWMNA)


MAURICE POV

Clara chuan mak tih hmel takin min en a, a che chang mai lo, keilah chuan ka lawm tlat pek a, ka nui leh suk a, a lu a thing nar nar a, a mit a nuai a, min rawn en leh a, a chezia chu nuihzatthlak tak ani "a tak ka nih hi" a kut chu la kangin ka biang ka dawm tir a, a phu uih lehnghal.


"ka mumang ani" ati sap a "nilo i mumang nilo in a tak tak ani" a kutphah fawh pahin ka ti a, inchhung lam atang chuan tu emaw hian alo ko a, a hawilet a, engtin emaw hian a chhang a ka hrethiam lo.


"eng nge i sawi a?" ka tih chuan "lo lut rawh" tiin ka zawhna pawh min chhang lemlo chuan ka luhna turin kawng min kian a, sawi buai lovin ka lut a.

Ka luh chuan chawhmeh rimtui zet in ka hnar a luah nghal "tah hian lo thu rawh" tih pahin sofa min kawhhmuh a "min lo nghak rawh" ti lehin min kalsan daih.


An inchhung chu ka enkual a, ka in nen tehkhin chuan a in len hleihin a in changkan hleih hle, mahse a fai a, a luahtu nu hi a hmelthat vang te pawh ani mahna. Phun ri ser ser ka hria a, mahse kan tawng ani tlatlo, Clara te hnam tawng hi ka la zir khawp ang ka ti rilru nauh nauh a.


Clara chu alo kal leh a, a hnungah nutling leh patling hian an lo zui a, a nu leh pa te pawh an ni maithei "Maurice hei ka nu leh pa te an nih hi" tiin Clara chuan min in hmelhriat tir a, ka nui sak a, chibai turin ka kut ka lek chhuak a, a pa zawk chuan ka kut chu alo vuan thuai a.


"kan lo lawm a che" nui sang hian ati a "ka lawm e" ka ti sap a, anu zawk chuan min melh deuh khui khui a, min ti zam lek lek a lawm mawle!!

Clara chuan a nghawk zeuh a, a rawn nui chhuak hak a, a ngaihna ka hrelo khawp mai "hello nangmah hi maw ka fanu hma...." atih laklawh laiim Clara chuan alo nghawk zeuh a, a tawp chat, a beng bulah eng emaw hi a hrilh a, anu chu a nui leh sen sen a.


"eng ti tura lo kal nge inih a?" Clara pa chuan thutna min kawhhmuh pahin ati a, Clara leh a nu erawh an chhuak daih, mipa leh mipa hi inbia se min ti te pawh ani mahna.


"Clara hi ka bula hruailet leh ka duh a" ka ti a, a ngawih deuh vung vung hnuah "i hmangaih em?" tiin min zawt a, ka bu nghat a "ka hmangaih lutuk, a bula ka awm chuan ka kim a, ka hlim a, ka hahdam bawk, ani hi chu awmlo se he ka nihna hi ka nei thei hauhlo ang" ka ti nghet charh a, abu ve nghat nghat mai.


"Tunge i hming?" tiin min zawt leh hnuhnawh a "Maurice Rothstein ka ni e" ka ti a "nu leh pa ila nei em?" tia min zawh chuan ka pa ka hrechhuak a, lo that thawt thawt lo ila chu pa ka la nei ka ti thei tur ania,,, haha...


"nei tawhlo, ka nu hi ka hre ngailo hrim hrim a, ka pa erawh chuan thlathum kal ta lawk khan min boral san a" ka ti sap a, a bu leh nghat nghat a "eng hna nge i thawh?" a rawn tih leh chuan ka ang zuau a, mahse ka hmui ka chip leh vat.

Ka hna thawh hi ka sawi anih chuan min duhlo thei, mahse ka zep kumkhua thei dawn silo "Mafia gang hotu ka ni a, ka pa thih hnu atang phei kha chuan ka kuta awm ani tawh, mahse ka pu Clara nunna derthawng in ka dah ngailo ang" ka ti a, min en vang vang a.


Thil tha lo a awm ta emaw ka ti hial, rei ngial min en hnuah a rawn nui chhuak a "i lawmawm reuh hle mai" min ti nia mawle!!! Tuman lawmawm min la ti ngailo, a zahthlak ve det a lawm le!


Kan titi zui luam a, tawng a inanh chiahlo bawk a, kan buai leh nak thin, mahse pafa ang mai kan ni in ka hria, ka pa ang ani ve tlatlo, titi pui a nuam a, nuihmel a pu sang reng a, a fel bawk si, hetianga pa tha Clara'n a nei hi ka lawmpui khawp mai.



CLARA POV

"engtin nge kan tih anga? Thlenna tur a hre dawn silo, kan inah awm ngawt dawn se thenawm khawveng te mitmei ven alo ngai ve bawk nen" rilru buai deuhin ka ti a, ka nu lah chuan a ngai holam nasa mai si.

'i room ah in mu anga ani mai lawm, sex la hmanglo pawh in nilo a, mahse chuvanga sex hman kher tur pawh ani chuanglo a' ati mai bawk si a.

"kan chawhmeh pawh a ei ve thei nang" ka ti nang nang lai chuan "a hmangaih che a a duh tak tak che anih chuan a insiam rem ve mai tur ani" choka a lo luh pahin ka pa chuan ati a, a hnungah Maurice'n alo zui ve bawk.


"khawnge i luggage?" ka ngaihtuah chhuak chiah, engmah a rawn keng miahlo "ka rawn kenglo, tum em em lovin ka rawn kal a" a tukhum hiat nauh nauh chungin ati a, ka nu lah chu alo nui kur kur reng mai bawk si a,hahthlak....


"eng nge i hak anga?" ka tih chuan "ka lei mai ang" ati awlsam et ,,,, thil hi angai awlsam thei si "engpawh nise chaw i ei ang u,,,, hei makpa hual pawh a ril a tam tawh ang" awmze nei deuha min melh pahin ka pa chuan ati a, ka lo melh khai khai thung.


Chaw ei dawhkan kan kil thap a, Maurice chuan a coat a phelh tawh a, a kamis ban a thlep chho bawk a, a palian sia,,,, a inhmeh bik ngawih ngawih.

"i ei thei ang maw?" ka tih chuan min rawn melh a, mawi em em a min nuih in "i tan alawm" ati mai a, amah ber a inhuam ahnu ka tia ka ngaihtuah duh tawh biklo.


A kut a a ei thiam chiahloh vangin spoon in a ei a, a ei ve thei phian chuan ka hria "heihi a tui lutuk" tih pahin maian tui chu a hawp a, ka nuih a za ang reng,,, ka nu te ka melh a, nuihza insum zetin Maurice chu an lo melh a, an hlimpui phian, pakhat lah chuan hrelo ang hmakin chaw a ei a, amah a palian sia,,, a awmdan vel hi a nuihzatthlak.


Mafia boss rorum em em mai, mi pawh thah hreh miahlo in maian tui a hawp kuk kuk mai chu ani sia,,, miin hria se engtin tak awm ang maw!!


"ka la puar ber tum aniang, in chawhmeh hi ka vawikhat ei na ania, mahse a tui hlawm lutuk, ka in a ka ei ai pawn a tui daih zawk" chaw eikham a thleng vel ka seng fel lai chuan alo ti a, ka lo nui hak.

"hetah hian awm hrih i duh em?" ka ti a "i awmna apiangah keichu ka awm zel ang" ati a, hetianga in ngeih hian kan awm ang tih tunge ring ang?

In huatna in bul kan tan a, tunah chuan ka hmangaih ber ani tawh,,,, min kalsan ka phallo a, ka kalsan phal heklo, midang ta anih ka phallo a, ka ta anih theih loh chuan tu ta mah anih bik ka phallo. Ka hma ka sial tih ka hria, mahse hmangaihna chuan a hma a sial an tih kha,.



Zan mut dawnah ka nu in "che na lutuk lo ula,, ,, i khum kha a chim vaih chuan chuti hlauh chu ani dawn ania" nui kur kur paha atih chuan ka kut in ka tin deuh uai a, ka pa pawh alo nui tawp.

Hetianga ka nu leh pa te hlim hmel hmuh hi a nuam ka ti ka favourite colour (tunlai dan takin🤣)


"engtin nge ka awmna i hriat a?" a awma zut pahin ka ti a "khuai ka nia, ka ril a tam a, Pangpar ka rawn zawng a, ka hmangaihna in i hnen min rawn thlen ta anih hi,,,, tunah chuan chu Pangpar zu chu ka duh tawkin ka dawt thei tawh" tih pahin ka hmuiah a rawn fawp a, ka lo chhanglet rang khawp mai.


Kan duhthawh tulh tulh a, paradise kan chuangkai daih!!

Zing hma takah ka harh a,,, Maurice chu alo la mu tui khawp mai,,, nui sakin a hmuiah ka fawp zeuh a, ka thawhsan a.

Nidang ai ka mood a fuh, zing atangin ka nui vur vur reng mai "nizan lam kan che na deuh ani maw!!! mood a fuh riau,,, khawmaw ka tupa chu" tih pahin ka nu chuan ka dul a rawn khawih a, ka phu uih lehnghal.


"nu a mak thei e,,, khatin min fiam reng suh, Maurice hruaiin ka zin san daih mai tur che nia" ka ti kha kha a, engah mah a ngai duh thaklo.


"morning babe" choka a lo luh paha tih pahin Maurice chuan min rawn kiss zeuh a, ka nu ka melh a, hria ang pawn a awm lemlo, Maurice chu ka melh, a sam a thur siang a, a zing tho hmel pawh hi a tha tho,,, engti zawng pawn a tha,, THAUCHUAKA anih hi....


🖤

whatsapp group a awmlo ho in dawng leh tawh😂

comment theuh tur aw hmeltha ho 🖤


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:44 pm

Chapter 8

by Priscilla vl Ralte


"nu vawiin chu i fanu hi ka hawh dawn ania" ka nu melh paha atih chuan ka melh ha,,, ka nu a ko ve ngawt thei chu a mak ka ti, kei ai mahin ka nu chuan mak atih hmel zawk, chhan mai nachang pawh a hrelo.

Maurice a khuh tak kharh kharh ah chuan a mit chhingin a lu a thinh deuh nar nar a "i duh phawt chuan nei rawh, kan ning tawh" fiamthu ti tak deuhin ka nu chuan ati a, ka lo melh ralh.

Ka nu hi a zir sang ve thaw khat a, tawng lamah chuan buaina an neilo khawp mai "Babe ka thuamhnaw tur kan lei loh chuan" min rawn melh pahin ati a, ka lo bu nghat.


Chaw ei laiin ka pa bulah a sawi leh a "nia... va kal tak rawh u,,,, ka thawmhnaw i ha tawk silo a" ka pa chuan ati a, ka pa hna kal chhuah rualin kan chhuak ve nghal a, ka nu kal ve tura ka sawm lahin 'ka thiannu te inah pangpar chi ka la dawn' ati et a.


Maurice chuan coat suit bawk a ha leh a, cap ka khum tir a, mask ka vuah tir bawk, mizo a ni silo a, an en leh dawk dawk palh ang. Mizo ho hi chuan hnamdang tih ang reng hi ka melh ha zel a, a thing ka ti.


Thawmhnaw kan en kual a, amah a palian sia,,, ka hnungah min zui dat dat a, a lawmawm reuh!!

A haktawk a vang hrep lehnghal, dawr pawh kan kal hnem thawkhat tawh, ka ke a kham vek "ka peih tawhlo,,, nge maw i palen em em le!! Ka ril atam thil ei phawt ila kan kal leh dawn nia" ka ti a, a bu ve nghat.


Restaurant fal deuh hlekah ka hruai a, kan luh pawn a puk deuh lai ah ka thutpui "ka mask hi ka phelh thei tawh em?" atih chuan ka nuih sak a, ka lu ka buk nghat takah chuan a la thla thuai a, a coat a phelh nghal, a lo thlan hluam mai.


Ka khawngaih lutuk mizoram chu a lum sia, a awmna thin nen a boruak a inang dawnlo lutuk, ka lo notice har deuh ani "a hreawm viau em? AC kan on tir ange" tih paha thawh mai ka tum chu ka banah min lo vuan a.


"angai lo ka tha leh mai ang, in ram chu thlaler ang chiah anih hi" tih pahin mawi deuhin a nui a, ka nuih let ve tho nain ka awm chu a nuam teh chiam lo.

Waitress in menu min lo pek lai chuan a in hup deuh tat tat a, menu keu pahin a che zia chu ka mitsir ru zeuh zeuh a, waitress lah chuan a thlek ang ha ha lehnghal a.

Ka menu ken lai chu dawhkanah ka nghat chawrh a, a phu uih a, min rawn melh vat Maurice pawh chuan min lo melh rang khawp mai "in neih zinga a tui ber ber kha min lo pe rawh" ka ti hmuk a, ka lungawi teh chiam lo tih chu ka hmel atang pawh chuan a hriatthiam mai ka ring.


"ka pu nang eng nge i duh ve ang le?" tih pahin Maurice lam chu a hawi leh a "ka sawi ang kha lo la mai rawh" seh chilh zet hian ka ti a, ka ngaihdan a pel lam mah ani,,,, Maurice pawn chhan ngaihna a hre teuhlo, a zawhna a hrethiam tlatlo.


Waitress kal hnu chuan min melh in a nui ruh ruh a, kei erawh ka tum lian viau mai "thikthu chhe nu" min tih chuan ka melh nghek a, a nuih a za zual sauh emaw tih mai turin a nui chhuak hawk a, ka hawi nghal hrak hrak.

"min han nuih leh teh ka kalsan hmak ang che" tiin ka vau khar khar a, a hmui a chip rang teh e,,,, mahse a hmela nuihzatna chambang chu ka hmu reng, ka thin a rim leh ringawt tawh.


Kan eitur alo thlen hnu chuan a biak pawh ka be tawhlo, ka ril atam tawh bawk a, ka ei nghal char char, Maurice pawh ka ngaihtuah tawhlo.

Kan ei man pek tum in a kal ve ngei, kan tawng thiam heklo a che buai vek, dawr nghaktu lah chuan a hmel hmuh tumin a thlek ang tawk tawk a "ka pi engzat man nge?" tiin ka va inrawlh ta nge nge a, tha deuha min lo chhangin "heihi i thianpa em ni?" ati a, nui chungin ka lo bu nghat.


"khawilam val nge? Mizo tawng a thiam bawk silo a, a palian sia, a hlauhawm tham a lawm le!" nui huah huah pahin ati a, chhang lemlo in ka lo nui tawi tak!

Dawr atanga kan chhuah hnuah "eng nge i sawi a? Min nuih ami?" tiin min zawt nghal pang "chutiang a nilo kan tawng i thiam silo a, mak ati deuh anih kha" tiin tha deuhin ka chhang a "heta ka awm chhungin in tawng hi ka thiam dawn chiang alawm, ka mother tongue ang chiahin ka thiam ang" ati nghat a, kei ka lo nui kur kur thung.


A thuamhnaw tur pawh kan hmu hram, a size hi a vang em ani!! Mizo mipa sang kan sawi chu ani lakah hi chuan nep te hi an ni ringawt, hnampui nge nge eng kawngah mah hian kan tluk thei tak tak lo chu anih ber hi.


In kan thlen chuan kan indah fel thuai a, choka ah rawng ka bawl nghal, ka nu lah khan 'ka lo la haw hman dawn rihlo, tikhan chance ka pe cheu ani mai' ati et mai bawk sia, ka nu fiamthu duh lutuk hi chu a buaithlak lam mah ani, a zahthlak bawk si.


Ka hnunglam atanga ka kawnga rawn khawih zawk tu an awm vang chuan ka phu zawk, ka hawilet a Maurice chuan nui vur vur chungin min lo melh reng "vawikhat pawh khatiang khan min han ti leh teh i silai ngei khan ka kap ang che" ka ti hlar a, ala nui cheu nia.


A sam atangin tui a far zeuh zeuh a, a rimtui bawk si, a t shirt hak phei chu a han inhmeh uchuak bik dan chu, ama ta tur liau liau a an thui ni awm ani "ka ngai che" ati sup a "i bulah ka awm reng hi" tih pahin ka inher san a, ka chawhmeh chhuan lai ka chawh san daih.

Ka kawngah a rawh kuah leh a, ka dar ah a khabe a rawn nghah chuan ka phu leh tawh, ala za em em zui "a tawk i khabe dahsawn nghal rawh a za lutuk" tih pahin ka tal chiam a, min vuan nghet sauh "Maurice vat a za ania" tih pahin ka lu chu ka thle dawn ka thle sawn a.


Nui hawk hawk chungin min thlah a, ka melh no lo khawp mai!

"vawikhat pawh khatiang khan min han ti leh teh... " ka tih lai mek chu min lo pawt chatin "i kut itih bawlhhlawh ngailo in ka kut bawlhhlawh sa hian ka in kap ang" nui vur vur chung bawkin ati a.


A kut chu banin ka fawp zeuh a "he i kut hi a bawlhhlawh lo ania, ka hriat laiin a bawlhhlawh ti tawh reng reng suh i hria em?" ka ti sap a, min nuih sak in ka biang a nul thuak a.

"min nei rawh!" a rawn ti ta mai! Min ti hamhaih lek lek ani.

"innei ang fa te kan nei anga, chhungkua hi ka awtlo emaw ka tia, mahse a nilo chhungkua hi ka lo awt lutuk, i nu leh pa te nen hlim taka in awm ka hmuh cheu hian kei bak bak a chhungkua a awmho chak hi an awm kherlo ang, chuvangin min nei la, ka awh em em chhungkua chu min pe rawh, ka pa nen khan pafa anga awmlai kan nei ngailo, mahse fa ka nei ngat anih chuan ka pa ang kha chu ka ni hauhlo ang, ka fa chuan khawvela pa tha ber a nei tih ka hriattir ngei ang" ati duah a.


Ka mittui a hnam tiam tiam, hetiang em em hian chhungkua alo awt ang tih rin ngaihna pawh ka nei ngailo, misual leh tenawm tak, chhungkua hi eng nge a nih pawh hrethiam lo leh mamawh ngailo angin ka lo ngai thin, mahse he a landan rorum tak phen ah hian thinlung nem tak, kehchhe ve thei alo nei ani tih hi ka lo hrelo ani.


"chhungkua i duh a maw?" ka mittui chu ka dang thei nganglo, bu nghatin "nang nen ngat phei chuan" ati a, ka mittui a rawn hru zeuh "ka nei ang che, i duh ang tak chhungkua chu kan din ngei dawn nia" ka ti a, mawi em em mai hian min nuih a, min kuah a, min fawp bawk.

Insut ri hraih thawm kan hriatna lam chu kan hawi vat a, ka nu lek chu niin, a mittui alo hru mawlh mawlh a "nu" ka ti sap a, min rawn pan hnaiin min kuah a, chumi hnuah Maurice chu a kuah ve leh a "ka fapa i tuar nasa hle anih hi, keihi maw i nu diktak nilo mah ila nu in a fa hmangaihna a pek ang zat chiah ka pe ngei ang che, ma van lainat tak che em!!" tih pahin a tap zui a.


Ka insum theilo, ka nu chu ka kuah a ka tahpui a, Maurice chu a hawihai ngawtin ka ring.

"kha bawiha heihi ei rawh, a sa tha lai anih kha" Maurice thleng a sangha a ruh then vek tawh pek pahin ka nu chuan ati a, a rukin ka lo nui pat pat thung "Nu'i hei chen kan innei tawh a, sangha ruh in then sak chu sawiloh ka thleng ah hian chawhmeh pawh min la pe ngai miahlo ania, Maurice hi i duat bik tlat a fair lo" ka pa chuan naupangchhia zet hian ati nang nang a.


Maurice chuan a hming an lam tih a hriat veleh "aw ka pa min mamawh na i nei em ni?" alo ti a, ka nui chhuak hak chu min rawn melh thap!!

"engtik nge inneih chu in tum a?" tia ka nu in min zawh chuan ka pa alo hawihai nasa "eh... inneih te in lo tum elaw?" alo ti ha a "vawiin ah Maurice hian a propose a, kan fanu duhtak hian alo 'aw' alawm" ka nu chuan alo ti a "in tawng ka hrethiam lo, ka hriatthiam turin tawng teh u!" Maurice chuan alo ti deuh hluk a, heipawh thinchhe lutuk mai a.


Ka nu leh pa chu an nui hak hak a, pakhat lah chu a tum bur tawh "in inneih tur chungchang vel kan sawi mawle, thinrim lo la" tii ka nu chuan beng daih a tum a, pakhat pawh a tum bur ta lo, inneih chungchang a sawi lang miau a....



(ZAWMNA)

"i hman tawh dawn em?" he tawngkam hi ka va ning malh malh em!!

Zing atangin he thu hi ka bengah a ri ngun ngat ngat khawp mai "hman... hman... hman.... in ninawm lutuk, ka hman hun hunah ka rawn kal mai dawn alawm, zu chhuk rawh ka rawn kal mai ang" ka lo ti hlar a, min nuih suk duh chauh.


Vawiin ah San Marino ah kan haw dawn a, kan chhungkua in, ka la sawilo tak e unau ka neilo a, ka pa fanu neihchhun leh a duat hlum loh chauh ka nia, min duat tih ka hria a, sual chang chu ka nei ve.


Ka nu te lah hian min tur sek lehnghal, ka insiam rei loh nen, hmanhmawh pawh angai lo, hmanhmawh cheng chung thei lutuk mai, kei ai pawn a makpa hual a duat tawh zawk.

Ka chhukthlak lai chuan ka nu chuan a keimah alo per at at a, a rilru a hmanhmawh tawh chuan tiang sawn ati ziah "i muang de du lutuk lo kal vat rawh" muang zet a ka pen thlak lai chuan ka nu chuan alo ti a, ka banah min chelh lawk a, min chhuahpui nghal.


Airport lam kan pan a, ka nu leh pa te chu a hnungah an thu a, an titi siam siam a, an hlim hmel kher mai.

Airport ah Maurice private jet in min lo nghak reng tawh a, Remo lo kallo chu mak ka ti ang reng, mahse engmah phei chu ka sawilo.

Delhi kan thlen hnuah hotel ah kan chawl zawk a, kan thlawk chhuak lehnghal, ka chau lutuk, thlawhna ah pawh ka muhil zing malh malh khawp mai.

Kumkhua in kan thlawk dawn ta emaw ka tih hnuah kan tum ram chu kan thleng ve ta hram e, Maurice chuan ka kutah a chelh deuh reng a, ala thlah miahlo iti zawk teh ang, kan chhuah hnu atang khan ka kut hi a hum reng.


Remo leh a naute thenkhat in min lo hmuak a, min lo nuih sang, a nui hmel ka hmuh vawithumna chiah ani, nui khat ve ram ram tak chu ani.


"madam in lo thleng tluang thei chu a lawmawm hle mai, i awmloh laia boss awmdan kha ka hrilh chak tawh khawp mai che" nui ruh ruh chungin alo ti a, Maurice chu a rum nghut, kei ka lo nui uar sauh a.

"Remo ka nu leh pa te an nih hi, chuan nu, pa, hei Maurice hnuaia thawk Remo anih hi, a fel teh ania, a nui vak ngailo tih mai loh chu" tiin ka inhmel hriattir a, an in chibai a, ka nu chuan a nel lehnghal aniang, a biak leh siam siam tak kha.


Maurice appartment lam kan pan tlang nghal a, ka nu chu a nui hui reng mai, ka pa pawh chuti tho, an hlim hmel hmuh hi ava nuam tak em!!! Chhuan tlakin ka nung lo em zawk a.


Appartment kan thlen hnuah pizza kan order a, kan hlim dar dar khawp mai, Remo leh Arnaldo pawh an tel ve, an ni leh nilo angin an nui ve reng mai. Ka hriatdan kha chuan fahrah an nia, Maurice hian a khawngaih vangin hna a pe a, mafia hi an chhungkaw neihchhun ani.


Mafia member engzat tak hian nge chhungkua awt ve ang le? Maurice pawn tlawm hreh miahlo in a awh thu min hrilh kha ani si a, kan innei anih chuan mafia khawvel nen kan inzawmna ka ti nghet dawn ani a, ka inchhir loh hram ka beisei.


"eng nge ilo ngaihtuah a?" min lo nghawk zeuh paha Maurice'n atih chuan ka phu zuk "engmah nilo e,,, ka hlim lutuk a" nui var var chungin ka ti a, a kiai suk.



MAURICE POV

Ka hlim ani, hetiang hlimna hi Clara chu awmlo se ka hmu in ka nei hauhlo ang, ka ta pumhlum anih na tur chu karkhat bakin a dang tawhlo. Ka appartment zim ka tih deuh vangin ka pa Mansion ah kan in sawn a, maid ka thlak vek a, min phatsan ngam an awm hauhlo ang.


Hna a kalloh mai te ka duh rum rum thin, mahse Clara'n min nawrluih tlat thin vangin tui lo chung chungin ka kal lui hram hram thin, hnaah pawh ka rilru ka pe theilo, in lamah hlir ka rilru a awm a, a ngaihna thlawt hi ka awm tawhlo!!


"Maurice tho teh,,, tu emaw hmuhtir tur che ka nei ania" min sawi dat dat paha Clara au lang lang chu ka mang hriat deuh ruai "amak tho rawh a nih loh chuan ka haw daih ang" atih chuan ka harh deuh tawh, mahse ka la che chang mai lo "a tha e" atih tak hmuk ah chuan ka meng thuai a.


Tum bur hian min lo en a, ka nuih suk chu a duhlo aniang ka banah a rawn chum a, tum bur chunga kal tau nghawng nghawng in room a chhuahsan a, a awmdan naupang chhia lutuk vang chuan ka nui deuh suk suk reng a.

Ka intih fai hnuah inhnuaiah ka chhuk a, thutkhawmna pindan lama Clara nui har har ri ka hriat chuan ka nui suk a, chulam chu ka pan nghal.

Ka va luh chuan tlangval pakhat sa tha tak, hmel fai veng vawng hi alo awm a, a nui sang a, Clara chuan a nel hmel hle bawk, tunge a nih ka hre hauhlo.


Ka aw ka then tak kharh kharh ah chuan an lo hawi thuai a, Clara chuan min lo nuih var var a, mipa ve thung erawh chuan ka kal hun chu a timing lo ti hmel a pu deuhin ka hria.


"Babe hei Doris anih hi, kan huan enkawl tu tur" min nuih sang pahin Clara chuan alo ti a, ka mithmul ka kan ak "chutiang kan rawih lai ka va hrelo ve" a thutna bulah thutthlak pahin a kawngah ka chelh a, ka lamah ka pawt hnai deuh salh a.

Min nuih var var reng tho, hetianga mawi hi chuan mipa dang bula nui turin ka duhlo "keiman ka ruai a lawm, inneih hun a hnai tawh a, tlem a in buatsaih ve angai alawm alo ti sam et, a hmel chu ka en reng a, hlim hmel bak ka hmulo.


"engpawh nise naktuk atangin ilo thawk mai dawn nia, vawiin chu i chawl thei ang" tlangval lam hawi chuan ka ti a, min nuih sang in a lu a bu nghat a, a chhuak zui nghal.

"ka thu lo in engvangin nge ilo tih ve ringawt a?" a chhuah hnu chuan ka ti hmuk a, a thu a alo tih ve ngawt chu ka pawi ti pawh ani lo, siamthat a duh vang ani mai a, mahse ami rawih berkher kha ka ngainat zawng ani lo, Clara a melh dan kha ka duh hauhlo, chuan min melh dan kha, min huat rukna nei melhin min melh.


"hrilh che ka tum thin a ka theihnghilh zel alawm, a pawi viau em ni? Chuti anih chuan nichin khan sawi mai ta che, a hnua min chhuahchhal leh tho si, naktukah pawh rawn kal tawp suh se,,, nangmah huan khu che vek ang che" min ti zek a, a tawng tawp lam phei chu a tah aw tiau tawh.


Inchung lamah a tlan chho nghal hmak a, a nu alo lang nghal "in inhau em ni?" alo tih chuan ka bu nghat a "hrethiam rawh aw,,, a pa hian a duat lutuk a a duat sual zo vek anih hi, Clara enkawl tur hi chuan dawhtheih angai a, a kum ala nau deuh bawk nen, keipawh hian enkawl har tih chang chu ka ngah ve lutuk,mahse a nihna takah chuan a nem a, a rilru a no bawk a, a tihloh tawh hi chu engtiang pawn tihtir tum ila a theih tawh ngailoh, chutiang chu ania, a tih tawh lamah chuan a rilru thlak tir tum pawn a theih leh chuanglo, nakinah ila hre chhawm ve mai ang" ati dap dap a, ngaihnawm ti lutuk in ka lo ngawi kar.


"ka lawm e ka nu, enkawl dan tur ka hre ta e" tiin ka nuih var var a, ka kuah a, ka hnungah a chul hliau hliau a, ka thla a muang takzet, Clara vang bawkin nu leh pa ka nei a, ka thlah ngai hauhlo ang....



🖤

a tawi ka hria, keipawn ka chhiar lai nise tawi ka tiin a ziaktu hi ka dem ve ngawt ang, mahse in hriat angin school kallai ka nia, test neuh* leh h/w alo awm ve reng sia,,, duh anga regu hi a har a.

Min lo hrethiam hram* dawn nia, weekend lamah chuan tlem chuan ka regu theih deuh ka ring...

Tawi viau mahse comment pe hram ang aw... 🖤


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:44 pm

Chapter 9

by Priscilla vl Ralte



"Clara ka tihpalh ka tih ka min be tawh teh!" ka ti sap a, min biak chu sawi loh a melh pawh min melh duh tawh thaklo, hetiang em em hian a lung a lian tih hi ka lo hre ngailo reng reng, tiang kan nih reng te chuan inneih pawh a thulh duh rum rum ania ka rin ni.


"please tu bulah mah hetiang hian ka la awm ngai miahlo ania" ka ti leh a, a puan sinlai chuan a inkhuh hmak, pawh thlak ka tum a, a chelh nghet phian lehnghal a, a thinrim chhan lah a ho si.


Ka thinrim thawk thutin eng tin tin emaw ka tih ka hlauh avangin ka chhuahsan leh thuai a, a lungawi ve mai ang, tih rilru ka pu deuh a, mahse a teuhlo mai,,,, dinner ei tur pawn a nu pawn a kaitho zo thaklo.


A pa pawn chuti tho, a tihloh na lamah chuan tihluih chi ziazang alo nilo anih hi. Room ah ka luh chuan light alo thim vek a, ka on a Clara chu khumah alo awm hauhlo, bathroom ka kik a, thawm engmah ka hrelo na in chhunglam atangin a in kalh a, a awm aniang.

Minute 10 vel ka nghah hnuah kawngkhar chu a ri rak a, tum bur chungin a rawn chhuak a, thil sawi tum a ka ang zuau chu min kal pel hmak a, room atangin a chhuak nghal.


Ka umzui ve vat a, choka lamah a lut chu ka hmu zuai, ka zui lut ve thuai a, fridge hawngin eitur a lachhuak a, ka awm ve tih hrelo ang hmakin zu han awm a.

"kha juice" tih pahin a hma zawnah ka juice ken kai chu ka zuk lek a, la duh miahlo in tui a in thlit hmak, ka thaw chhuak halh a, hetiang reng anih chuan ka thinrimna a chawk chhuak mai dawn.


"hetiang hian awm tawhlo teh ka kham ania!" ka ti ta sap a, a thil eilai thulh in min rawn melh zawk a, rei pawh min en chuanglo in a thil eilai ah bawk chuan a bur leh chat a, ka ngaithei der lo.


A thil eilai chu ka laksak a, ka paih nghal vek a, engmah sawi buai miahlo in a kut a sil a, chhuah mai a tum chu a banah ka chelh a "eng nge?" vin hauhlo in ati a, min melh ran bawk "ka thusawi hi ngaithla rawh" ka ti a, a lu bu nghutin chair ah a thu thla a.


A kut kuangkuah in min melh kal a, sawi mai tur ka haihchham leh lawi a "eng nge i sawi tur chu?" nin hmel takin a rawn ti a "khapa kha a rawn thawk thei ang" ka ti ringawt a, a mengkual rulh duh chauh.


"i lawm vak nange?" ka ti a, a thutna atanga rawn tho chhuakin "ka biak duhloh lai che khan hreawm iti em?" tiin kan thilsawi lai nen inzawm lo deuh thil min zawt a.

"tehreng mai" ka tih chuan a hmui hupin a nui kur kur a, a ngaihna ka hrelo khawp mai "nuihzatthlak a awm ami?" ka ti hu a "i awmdan ka hre chak a, ka ti der anih kha" atih chuan ka tum lian khawp mai.


Ka inthiam lohna zawng zawng a thlawk bo vek, a titau zawk ka ni ta in ka hria, keihi ka titau ve ania, ka naute'n an hria ang tih a hlauhawm zawk alawm le!!!


"hey naute iva tum lian bur bur ve!! Lo kal teh ka lo duat ang che" tih pahin min rawn kuah a, ka hnar thei lehpek lo, ka lo kuahlet ve thuai a, ka awmah a chal a tauh a tauh ringawt.


Doris atih pa kha alo thawk tawh a, Clara a melh dan erawh tun thlengin ka la ngai theilo, midang rawih mai ka duh a, mahse Clara tih lungawi loh ka hlau bawk si, a thinchhe ve hlik hlek si, a ngaina phian lehnghal a, nitin anu nen an chhuak ve ziah a, ka kal ve a phal ngai der silo, hmeichhe ho tak hi chu sum khawhralna an hre si.


An tello hian kan awm thei der chuang silo a, an ni chu sum a awm chuan mipa tello pawn an awm thei lutuk, keini mipa te erawh eng ang pawn sum nei mah ila hmeichhe tello in kan awm thei thaklo.



"naktuk ani tawh ania" ti sap tu chu melhin ka nui suk a, a chalah ka fawp zeuh, ka adam's apple a khal leh niap niap a, a nalh ati em em mai hi a mak zawk, hetiang em em a hmeichhe hrawkbawk lawm hi ka la hre ngailo.


Naktuk hi ka nun a hunpui ber leh ka hlim ber ni tur ani, tuna ka awm a bei hmeichhia hi ka ta bik liau liau, ka nupui ani tawh dawn miau a....


"ka fapa i nalh lutuk ania" Clara pa chuan alo ti sap a, nui chungin ka buk khum zeuh, kan inneihna tur hmun kan pan nghal a, Clara erawh make-up artist ho in an chei a, zing atangin ka la hmu lehlo.


Ka best ah Remo ka hmang a, ani pawh vawiin chu mipa pangai angin ka hmu, mafia lama ka thawhpui tamtak min lawmpui turin an lo kal a, ka hmakhua ngai tak tak tu ho.


Ka hmaa hmeichhe ding chu thilsiam ka hmuh tawh zawng zawngah ala mawi ber ang, a kawr var sar chu a vun nen a inmil hle a, a make-up inhnawih chu a nasa deuh ka ti, a natural beauty a hliah vek a, mahse ka mitah chuan ani tluk an awmlo.


Thu kan chham zawh chuan a hmai hliah tu chu hui kiangin lungchim zetin ka fawp a, mipui an lo au dar dar mai!!

Dinner eina ah chuan kan ri le lu a, a chauh thlak khawp mai, min lawmpui tu an awm ve neuh neuh bawk nen, keichu ka la zia Clara mawlh mai hi, a nin tawh hmel khawp mai, a pheikhawk bun a sang si a, a ke chu a na tawh ngawt ang.


"la tuar hram hram rawh aw,,,, a rei tawhlo ang" a biang nul thuak pahin a beng bulah ka ti a, min rawn en in a nui seih a, ka hmuiah a rawn fawp zeuh.

Ka duhtawk awzawng lo, fawh let ka tum lai tak chuan aw thian kharh ri ka hria a, ka thulh leh ta rih. Aw lo chhuahna lam ka hawi chuan ka inseh ruh nghal teuh ringawt.


A chhan chu khawvelah ka hmeichhe ten ber mai ka hmaah a ding miau a, a kawr hak tawngchham zet chuan a taksa a a pawimawh lai bak a khuh pawn ka hrelo e.

"lawmpuina rawn hlan ve cheu ka tum a" min nuih sang pahin ati a, a hmel te hi thuai sawm vek mai ka duh, engtin nge ka hmaah te alo la inlan ngam zawk ni??

"iva ti lawmawm ve" tiin nelawm takin Clara chuan alo chhawn a, tunge a nih leh eng in zawmna nge kan neih tih chu hre ngat se hetianga mawi hian a nuih lo tawp ang le!!


"Maurice thawhpui fanu ka nia Lancy ka nia" tih pahin Clara vawn tur chuan a kut a rawn phar chhuak a, vawn a tum chiah tih chuan a kut chu ka laksawn sak a, mak tih hmel deuhin min en.


Lancy chuan a kut chu min nuih sak chungin ala let a "lawmpuina min hlan zo tawh anih chuan helai hmun hi i chhuahsan thei ang" ka ti hmuk a, ka aw atang chuan ka warning na ani tih hrethiam turin min hrechiang tawk.

"kan la inhmuh leh thuai ka beisei" tih pahin Clara chu a melh leh a, min rawn melh leh pahin a hmui a pet zeuh a, a kal nghal nal nal.


"eng inzawmna nge in neih a?" Clara chuan alo ti ta reng a "nakinah le,,,party hi tih tawp a hun tawh, i ke kha a kham tawh viau em?" tiin thu dangah ka pakai daih a, a lu a bu nghat a, mahse a hmel atang chuan zawhna ala ngah zia ka hmu thei.


UNKNOWN POV

"A nupui chu a hneltha kher mai, vantirhkoh ang chiah ani, sawtiang saw engtin nge kan zawnga hian a hmuh phiangsen ni!" tiin ka inhum ruh a, Clara hmui no tak te, a nuihmel tha tak te leh a vun mam em em mai ka mitthla a.


Maurice Rothstein kan zawng phiansen'an a suasam vel tur ka mitthla tel chuan ka zu no ken lai chu ka vawm a, a keh darh nghal chuai mai.

"bawiha khati taka thinrim angai em ni?" ka awm a rawn zut paha titu chu ka melh a, a mit atang chuan a chak tawh zia ka hmu thei, a lei a liah zeuh hnuah beisei nei tak hian min melh zui a.


A hmuiah chuan duhthawh zetin ka fawp tawn tawn a, a tukhum ah ka tham deuh chuan ati phur zual sauh, a awmbawr chu ka hrawm nawk nawk a, a rum h*r thiam bawk a, min ti phur zual sauh.


Henu hi Clara nimai se, tih ka ngaihtuah chhuah rual chuan a aia uar in ka che a, Clara mitthla chunga ka che chu a sawt khawp mai, reilo teah ka zo thuai a, ala khamloh hmel khawp mai, a kuttang sin sei zet chuan min rawn ban leh da da a, hetiang anga Clara'n min thlem hun tur mawlh ka nghakhlel.



MAURICE POV

Kan intihfai zawh a khuma kan mut meuh chuan zanlai ani tawh, vawiin lam boruak vangin ka hah hlui thei.Ka nupui chu ka awm ah a lu nghatin a mu a, a nui leh suk suk thin.


"ka pasal " a rawn tih chuan ka kiai suk a, rawn inbeng kangin ka hmuiah a rawn fawp zeuh a, a kawngah dawmin a aia duhthawh leh uar zawk chuan ka fawp a, kan thaw nghal ham ham mai.


Innei thar tih takah hun chu kan am khawp mai, Paradise kan chhuak chho ngun lutuk a, vantirhkoh ho pawn min hmu hne tawh ngawt ang. Mahse zanin na na na chu ning hlui in min hmuh angai, second khat lek pawh chawlh ka tum reng reng lo, he ka nupui duhawm zetin a tlin chhung chu ka inpeih reng.


Dar 10 velah ka harh a, ka nupui chu ala muttui sak sak khawp mai, a chalah fawp zeuhin ka thawhsan a, ka intihfai hnua inhnuaia ka chhuk chuan ka Pizawn choka atanga lo chhuak nen kan in tawk a "nizan lam in che na thawkhat ani maw, kaihthawh in har emai" min nuih sang chung hian ati a, a mitmeng in min chhaih deuh titih in ka hria.


"i fanu khian a tlin rei phian a" ka tukhum hiah nauh nauh pah chuan ka ti a, a nui nasa ngang mai. Chutih laiin Doris pawh alo lut a, kan thusawi kha alo hre hman em lovang chu maw!!!

"inneih a zo tawh a, heta i thawh reng nachhan tur hi a awmlo" ka lo ti hmuk a, a meng kual rulh duh chauh "Clara'n ka la mamawh ang ati anih kha" ka nu in alo tih chuan ka thaw hawk. Engmah sawi tawhlo in inchungah bawk ka chho leh a.


Ka zingkar mood ati chhe vek, kan nupa room ka luh chuan Clara chu alo la muttui ngang mai, vawiin chu hna ka kallo mai ang, ti rilru in a bulah ka inthawlh ve a, min lo kuah sat sat mai, ka mood chhe lutuk pawh a zia deuh e.


Ka harh leh chuan khua alo tlai duai tawh, Clara mutna a ruak huai danah min tawhsan ani ngei ang.

Ka tho ve nghal vat, ka intihfai a ka thawmhnaw ka thlak zawh chuan inhnuaiah ka chhuk a, tumah ka hmulo, pawnah ka chhuak a, ka nu leh pa te chu green house lamah an awm anih hmel, mahse khawnge Clara hi??


Green house lam pan chuan ka pen phei pawk pawk a, ka thlen rual rual in "khawnge Clara?" ka ti nghal thawr a "Doris nen thil tul lei turin an chhuak anih kha" tia ka nu in min lo chhan chuan ka kut ka hum ruh tung mai, ka thisen zam kallai te hian thisen chhuah chakin an zi mur mur nimai hian ka hria.


Thinrim tun in in lam ka pan leh a, ka hriatloh hlan a mipa dang nen an chhuak chu ka ngaihdan ani hauhlo, chupawh ka mihring ngainat loh ber nen lehnghal. Nizan lawkah hlim takin hmangaihna kan chen dun a, tunah kan inti thiamlo nghal ania, kan nupa kar hi tu emaw chuan tih chhiat tumin ruahmanna a siam chiang alawm, ka la hrechhuak khawp ang.


Darkar 2 dawn ka nghah hnu chuan pawn lama Clara nui thawm ka hria a, ka zu no chu ka thli karh karh a, an lo luh hnu pawh chuan ka hawichhuak duhlo "Maurice ngati nge a? Harsatna i nei em ni chhun chhun ah zu i in a?" ka bula lo kal vat pahin Clara chuan ati a.


Chhanglo in ka bula alo ding chu mit tizim sun hian ka melh a, ka hawisawn lehnghal "khawi i rui tawh" tih pahin ka zu no ken lai chu min chhuh sak a, thaw hawk in ka hawichhuak a, a bulah kha zawng phiangsen-a kha alo ding ve reng ka hmuh chuan chawp leh chilhin thinrimna in min rawn tuam nghal tup tup a.


Ka tho lawk a a hmaiah tak ka hnek siah a, a ri chawk a a pai nghal chawn chawn "Maurice engthil nge maw itih le?" tih pahin Clara ka nupui chuan kei min ngaihsak lovin chupa chu a vuan a, rum zetin min melh bawk.


"i rui anih kha room ah han chho la han mu rawh" seh chilh nak hian ati a, ka mit ka khap ban charh a, a thusawi chu zawm tumna chhe te mah ka neilo.


Ka dinna ngaiah chuan dingin an in bawihsawm lai chu ka en reng a, ka awm ve tih pawh hrelo ang hmakin zu han awm a, ka ngaithei derlo.

Clara banah chuan ka pawt lawk a, kan nupa pindan lamah ka chhoh pui a, a tang ve tak nain ka lakah erawh engmah a ni lo.

"vawiin hi eng nge i hriat a? Zu i in a, Doris kut i thlak ringawt bawk a, eng nge buaina i neih?" room kan luh rual chuan a kut ka vawnna paihthlak pahin ati a, a kut chu ban leh ka tum a, tawlhhnung hrat in chhuah leh mai a tum a, ka manbet vat.


"kha zawng phiangsen-a kha hmu tawh suh ang che, a hna atang pawh hian a vang nghal ang, midang ka ruai mai ang" ka rui deuh bawk nen ka insum theihna a pan lehzual.


"eng nge buaina i neih a? Tinge i huat em em? I pawi a sawi em ni? " tia a thlavang a hauh chu ka duhlo bur, khumah ka nam/nem mu chawrh a, rawn thawh leh mai a tum chu a chungah ka bawk nghal.


"tho teh i rit si" tih pahin min nam sawn a tum a, kei erawh ka che eihlo "kha i kut tereuhte khan min sawi che zo lo" nui deuh suk pahin ka ti a, min namsawn ala tum ngar ngar.



🖤
Story hi dah tawhloh mai ka duh, inbox lamah 'mi story ziahsa copy mai mai in rawn dah tawh suh, nangma irawm chhuak a i dah ngamlo anih chuan dah tawhlo mai rawh' min ti tawk an awm a, story hi tu ziah mah ka copy ngailo.

Ka story ziah ho reng reng hi keima irawm chhuak vek ania, story chu ka chhiar nasa mahse tu ziah mah ka copy ngailo, khatianga min ti kha ka rilru ana ve deuh, ka rilru a te pawh in lo ti maithei mahse nihloh na anga inpuh chu tuman an duh bik miahlo ang, nihloh na anga inpuh nat zia pawh in hriat ka ring.

An chhiar peihlo anih chuan sawisel kherlo sela, diktak chuan school kallai ka nia, h/w leh eng ilo tihtur ka ngah lutuk mahse story ziah hi nuam ka tia ka tui a, lo chang tawk in awm ve thin avangin hmanlo chung chungin tlem tlemin ka rawn dah thin a, khati chunga mi story copy anga min chhuah kha chu ka lawm lemlo.

Tumah chhiar turin ka phut luilo cheu a, a duh innin chhiar a, kha kha a tawk, ka sawi duh tak chu MI STORY COPY A ZIAK KA NILO


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:44 pm

Chapter 10

by Priscilla vl Ralte



"ka thusawi hi ngaithla rawh, khu mihring pa khu hetah a thawk tawhlo ang, a hmel hi ka hmu leh anih chuan in pahnih in ka thuai sawm ang cheu" ka ti ram hmarh a, a ngawi dak mai.

"hre reng rawh a hma a ka thusawi i awihlo a ka tihdan che kha ila hria em? Kha aia rapthlak khan ka che ang, ka nupui i nihna in a chhan hauhlo ang che" ka tih chhunzawm leh a, a mita mittui tling ka hmuh chuan ka che hrut a, ka tho nghal.


Inchung melh ran chung chuan a mu a, a mittui tla pawh chu hruk a tum lo "Clara ka..." ka tih lai chuan a rawn tap chhuak hawk a, a hmai hupin a tap khur ngat ngat a, ka phi li buai vek "Clara,, duati,, naute ka tihpalh khatiang khan ka ti tawhlo ang che, ka tihpalh takzet min ngaidam rawh, naute tap suh" ka ti mawlh mawlh a.


A bulah thu thla in ka kuah a, ngaihdam ka dil zui mawlh mawlh, a tap lah chu a bang duh hauhlo lehnghal, ka phi buai vek.

Rei ngial a tah hnuah a tap bang ve ta hram e "ka tihpalh aw,,, khatiang khan ka ti tawhlo ang che, ka thikthu chhe lutuk thin hi ania, ka harh khan ka bulah ilo mu tawh silo a, i awmna ka zawh lahin khapa nen khan inlo chhuak dun daih bawk sia,ka zeplo ang khapa kha ka thik lutuk, a bul hnaia awm tur pawhin ka duhlo che, a melhdan che kha ka hmu vek, mipa ka ni a ka mipat pui rilru chu ka hre lutuk, ani khan a duh che, ani hnenah khan chan che ka duhlo" ka tih chuan min en kar a.


"ka hmu tawhlo ang, ka ban nghal ang" ati chu ka awihlo zawk "mahse i ngaina in a bula awm nuam iti bawk si a, i tawrh ai chuan ka tuar zawk mai ang" ka ti a, nui chungin alu a thing nar nar a "i tawrh ka phal hleinem, mahse kut i thlak erawh kha chu ka lawm vak lemlo" ati a, ka kiai suk.


"zu ban nghal ila" tlawn paha ka tih chuan ka chalah min nem dak awrh a "khatiang khan awm tawh suh i cute lutuk, hmeichhe dang bulah phei chuan awm tawh reng reng suh" min melh khai khai pahin ati a, ka nui suk.


Clara nen kan inkar a tha chho zel a, khami ni bak khan inbak kaih pawh kan nei tawhlo, Doris pawh kan ban fel a, a lungawi loh hmel khawp mai, a ruaitu kan ni a, kan thu thu "tunlai chu ka luak a chhuak reng nu luak chhuak tih rehna min lo pe" choka a lo luh pahin Clara chuan ati nang nang a, ka pan phei vat "tinge min hrilh ngailoh a? Hospital ah kal ang" ka ti nghal a.


Min hnial lemlo "kha heihi in phawt la" tiin a nu chuan sertui a rawn pe a, a in nghal vek "avan tui" ala ti zui, inchungah chho in kan insiam a.


"vawiin tal chu kha thil kha ha lo teh, ka luak iti chhuak" ka favorite colour ka coat hak ka tum chu alo ti hlar a, ka dahlet leh rang teh e!!

Kawrfual a khup khuh vun rawng a ha a, sandal a bun leh tawp a, engti kawng zawng pawhin ka nupui hi chu a tha...

"i chhelo lutuk " tih pahin ka biangah a rawn piai zeuh a, kun hniam in a hmuiah ka fawp zeuh a, min lo nuih sak mai.


In kan chhuahsan hnuah car in damdawiin lam kan pan a, ring zetin zai a play a,a zaipui chiam lehnghal, a rap ang zawt zawt a,a awmzia lah chu ka hre der silo "eng hla ngen ni zawt zawt a?" ka tih chuan "ele rukru" ati awlsam et a,a sawi awmzia ka hrelo hrim hrim.

"e nitak i hre velo tak ang, mizo hla ania" ka hmel hawihai lutuk a hmuh chuan a rawn ti a,ka lo bu nghut ringawt.

Damdawiin kan thlen hnuah kan chhungkaw doctor cabin lam ka panpui nghal a, Clara chuan ka banah nghet zetin a vuan a, nurse kan tawk zeuh zeuh a,min inti tatu tawkin ka banah a chelh nghet zual a,a hawi vah zel,ka nui ru suk suk mai,ka nupui lawmawm lutuk hi chu aw,,,eizawh vek mai ka duh.

"Welcome in inneih lawmpui tur cheu in ka lo kal hmanlo a,min hrethiam mai aniang chu" kan luh rual chuan kan chhungkaw doctor tar ve lam tawh chuan alo ti a, thutna min kawhhmuh ah chuan kan thu nghal thuai a.


"naute lampang em ni?" nui sanga min melh chung hian ati a, ka nur deuh nang "zing luak chhuak ka nei reng a, a hreawm lutuk a, damdawi min chawh teh" nel hmel takin Clara chuan a ti a, Dr Gregor chuan Clara chu a thlek deuh vang vang a "i hmeltha kher mai nula kan Maurice hian a thlang thiam khawp mai, sawtah sawn lo va mu ta che" tiin kan piaha khum a kawhhmuh a.


Clara chu tho vutin a kal nghal a, a zang deuh vah in ka hria "tah hian ilo nghak dawn nia, ka va check ange, i duh chuan ilo kal ve thei tho bawk a" atih chuan ka tho nghal thuai a.


Clara a check lai chuan a bulah a kut vuanin ka lo thu ve run a "engtik nge nupa nun in hman hnuhnun ber?" tia min zawt chu a awm anglo ka ti "nizan khan" tiin Clara chuan alo chhang et mai bawk sia, ala nui vur vur zui.


"zingah i luak a chhuak thin amaw?" atih chuan Clara chu alo bu nghat nghat a "sawlai ah sawn bathroom a awm a, va test rawh le" tiin eng emaw thil tereuhte hi a pe a, Clara chuan nui var var in a la a, ka hmuiah alo fawp zeuh a, a kal reng reng chu a zang vah mai.


"engthil nge i pek kha?" Dr hnenah chuan ka ti sap a, min nuih vur vur pahin a lu a thing nar nar a, min chhang duh miahlo.

Bathroom lama Clara te thawm ka hriat chuan ka tho thuai a, bathroom ka thleng nghal titih, hetiang hian ka tlan chak tih ka lo in hre miahlo.

"Clara i tha em? kawngka hi lo hawng rawh" kawngkhar chum pah chuan ka ti a, kawngka chu a ri rawk a, Clara chu mittui tla phung hian alo chhuak a "eng nge thil awmzia? tinge hetianga i awm a?" a sam hui kian pah chuan ka ti a, min en in a mit a khap zeuh zeuh a.


Min chhang mai lo chu ka thin a rim dawn dawn
"min chhang ta che" ka ti deuh hrawk a, a phu zawk a min melh nghal ram ram "inlak emotional lai lai a, khatia min vin vak a" a muttui hruk pahin min ti let hlar a, min melh duh tawh miahlo in Dr lam hawiin a nui sang a.


"eng nge result?"tiin Dr chuan alo zawt thuai a "a positive" nui var var in Clara chuan ati a, ka bo deuh hu....


(ZAWMNA)


"Ka lawmpui a che " ka dar a lo ben thak thak paha Dr in atih chuan ka melh deuh ha mai "engvang chuan maw?" ka ti hap a,nui chungin Clara chu a melh a "i pasal hi lo hrilhfiah rawh" tih pahin min chhuahsan a "eng nge thil awmzia? Min hrilh vat teh" Clara chu melhin ka ti a,min nuih var var pahin ka kut chu rawn la in a pumah a nghat a.


"hetah hian kan naute a awm" a rawn ti ta mai! Ka phu deuh zawk nghe nghe "eng maw awm a?" awihlo lutuk in ka ti a "naute mawle Maurice nu leh pa kan ni dawn" hlim hmel tak hian ati a, ka hlim lutuk ringawt.

"ka lawm e Clara fa min hrinsak dawn avangin Ka hmangaih che" ka ti sap a,a nui hmel chu a tawp riai riai a, a duhloh thil ka sawi ta anih hmel "aa..i duhloh zawng thil ka sawi anih chuan ka..." ka tih lai chu min lo pawt chatin "han sawi tha leh teh" ati a "i duhloh ..."

"nilo khami hmaa i sawi kha" atih chuan ka in ngaihtuah vung vung a "Ka hmangaih che" nui vur vur chungin ka ti a, a hmui pet zeuhin "keipawn" ati sap a, min rawn kuah nghal, keipawn nghet zetin ka lo kuah a, keihi he khawvel a mipa hlim ber ka ni ngei ang.


In kan haw hnuah a nu te hrilh chuan an te chel chul a, an hlim khawp mai, keipawh ka hlim, ka awh em em thin chhungkua chu ka din ve thuai dawn e.


"khawnge ka pizza tur chu?" in ka luh rual rual chuan ka hmaa a kut rawn dawh pahin alo ti a, ka lei ka chhuah tut, ka theihnghilh chiang lutuk, zingah ka haw hunah pizza lei turin min chah a, amah hmuh ka nghahhlelh lutuk vangin ka lo theihnghilh daih pek a,a sa leh te'ng chu.


Nuih tlawn deuh titih in ka tukhum ka hiat nauh nauh a, a hrethiam aniang a tum lian nasa mai "naktukah chuan ngei ngeiin ka rawn hawn tawh ang che" tih paha ka kal hma chu a tawlhhnung hrat a "tunah ka ei chak a naktuk nghak thei ka ni hleinem, i tan hian ka pawimawh thlawtlo anih hi, min hawnlo tawp rawh, khanu vang khan min theihnghilh zo tawh anih kha" ati tiau a, engmah pawh ka sawi leh hmain inchung lamah a tlan chho nghal daih.


Ka rilru chu a nuam chiah lo, ngati nge maw ka lo theihnghilh kher kher ni!

Mahse tunge a hmeichhe sawi chu ni ta ang? Ka ngaihtuah ngial pawn chutianga a thik tur anga awmpui hmeichhia ka neilo.

Ka zui chho ve nghal thuai a, a rai bawk nen hian a rilru a no a, tahna tur te lah hi a hre thei ropui, tihtauhna tur a hre si, thlem hi a ngai reng mai, a rai hi ka lawm a, mahse keiman ka tuar vek.


"Clara... " room kawngka chu ka hawng dek dek a, khumah puanin alo inkhuh a, a tap anih ka ring "Clara.. ka tihpalh ka theihnghilh avang khan mahse i thik tur in hmeichhe dang ka awmpui miahlo ania" tiin ka in sawithiam zung zung a, ka chhanna dawn erawh pawr taka "kalbo rawh" tih ani.

A luhlul zia ka hria a, a thinrim reh hma chu engmah a sawipui theih dawnloh tih ka hriat vangin room chu ka chhuahsan a, a nu leh pa te lah zin khaw thawng tura ka tih vangin an awmlo lehnghal a, tu hnen atangin nge thurawn ka lak tak ang?


Ka phone lo rik avang chuan ka ngaihtuahna ram ata ka harh zawk a, ka indap rak rak hnuah phone chu ka chhang a "boss thil hmanhmawh thlak deuh a awm a, ilo kal lawk hman angem? Kan buaipui theilo" Remo'n alo tih chuan ka rilru a buai ang reng.


Maid lah a haw tawh si a, amah chauha Clara a awm ka ngaingam silo "buaipui lo mai ru, Clara hi amah chauhin ka awm tir theilo" ka ti a, lehlam ami chu a thaw hawk a "awle" atih hnuah a dah nghal a.


Kan room lamah bawk ka chho leh a, dim zetin kawngka ka hawng a, Clara chu alo la inlu khup a, thawm dim zetin ka pan phei a, a puan chu ka keu dek dek a, tui em em mai hian alo mu a, ka nui sak.


A thawk paha a hnute insep kang ve te, a dul puar ve lam tawh te chu hmuh nuam tak ani!!

A bulah chuan ka inthawlh ve a, a mumang a tha deuh nge a nui leh suk suk thin a, ka lo hlim ve em em!!

Ka lo muhil ve aniang thawm ri rak vangin ka harh a, ka bulah Clara alo mu tawh hauhlo, bathroom lam ka pan lai chuan inhnuai lama thawm a awm avangin ka hawi thuai a.

Ka silai lachhuak in inhnuai lamah chuan thawm dim zetin ka chhukthla a, ka tum ang reng reng ka hmulo, hmeichhe pakhat hi leiah alo thu nuai a, vase a keh nuai bawk a, a bul lawkah Clara chu mittui tla phungin alo ding bawk a.


Ka silai chu ak tha in Clara chu ka pan a, min hmuh chuan mitmeng sen rum hian min lo melh a, min melh rum tha ngang mai.

"eng nge thil awmzia?" tih paha a sam hui kian ka tum chu alo thle sawn a "ka hua che" zawi si fiah ang reng tak hian ati a, melh pawh min melh duh tawh eihlo in min kalpel hmak a, chhuat a hmeichhe thu nuai chu a pet kher bawk, sual ve ngang ngang tak ani.


"eng nge hetah i rawn tih?" a hmel ka hmuh rual rual chuan ka ti nghal a "kha hmeichhe lem kha maw ka lo chan char char a, khatiang hmeichhe rapthlak lutuk.. "
"khatiang khan ka nupui chungchang a chhe zawngin sawi hauh suh" ka ti hmuk a, a sawi zui ngam tawhlo.


"hetah hian tihtur i neilo i kal thei" ka ti leh hmuk a "tihtur chu nei e,,, nang hi ka nei dawn che" a rawn tih chuan ka melh hrawk a "nupui nei lai ka ni, chuan ka nupui tan chauh hian ka rinawm bawk ang, kan nupa kara ilo inrawlh leh anih chuan ka that ang che" a hrawka reh pah chuan ka ti a.

A hrawk a ka rehna ka kut chu a pawt chat chat a, ka thlah hnuah a khuh nghal bawrh bawrh a, a thaw kawk kawk bawk "he in hi chhuahsan nghal rawh" ka ti hrawk a, engmah sawi tawhlo in a chhuak nghal nal nal.



(ka type thei tawh nganglo, lehkha zir tur a heavy lutuk a, a tawi deuh pawn min lo hrethiam leh mai ru,,, lehkha zir chung chuan regu duh pawn a harsa ani e,, kartin test tur alo awm ve zel bawk nen.... a hahthlak min thiam sak thei te hi awm ula chuan thui deuh pawh ka ti ve thei mahna😩)

Engpawh chu nise comment kha han uar sauh* teh u💙


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:45 pm

Chapter 11

by Priscilla vl Ralte



"i ngaih ang kha engmah a awmlo ania" ka ti lut nghal thawr a, min melh rum tha khawp mai "tak ania aw,,, a hma i damloh lai khan i nunna derthawng a a awm kha ka duhlo a, damdawiin ah pawh in inhmuh tawh kha. Ka hmuh tirh khan nangmah emaw ka ti a, khata tang khan ngaihdan tha deuh ka nei a, ka chhawr zui a, i ngaih ang kha kan inkarah a awmlo ania" ka ti zung zung a.


Min melh vang vang hnuah "thudik chauh i sawi em?" ati sap a, ka lu ka bu rang khawp mai "nang lo chu ka nunna hmeichhia an awm anih chuan ka ril a rah ka fanu chauh ani ang" a kawnga chelh pahin ka ti a, a mit chhing vang vang in thawk a la hak a, chutah rawn nui chhuak in "ka ring che" ati sap a, a nui hmel that dan hi....


Clara nu te pawh an lo haw tawh a, Mizoram lamah a pa hna tul vangin an haw a, Clara pawn a ngai khawp mai, a sawi a sawi zel, a pum pawh a puar lian tawh khawp mai, a ni telin a thinchhe tulh tulh lehnghal a, a tih a tam si, a thinrim tak tak tawh chuan zan ka mu lai hi ka mawngah a rawn tlawh leh pawp zel,,, hahthlak thei ania....


"Babe i camera glass kha a to em?" ka hna tul ka khawih lai chuan a kut hnung suih at in a rawn ti a, a pum puar lah chu a inhmeh phian "to ve e,, tinge?" amah chu ka melh chho a, a hmui a seh zeuh a, ka chakna a ti tho dawn alawm le!!!


"min ngaidam rawh ka tihluih a nilo" tih pahin ka camera duatlai a rawn lek chhuak a, a glass alo keh nuai bawk, ka tawng leh hun pawh nghak lovin a tlan zui daih lehnghal!!

Tlan tawhlo tur te hian ka ti ngun a sin mawle aw...

"Clara... " room chhung ka en chhuak vek tawh khawiah nge maw a awm ni? Ka tih rilruk lai mekin ka closet lamah thawm ka hria a, ma pan hnai a, ka hawng chu ka thawmhnaw karah Clara hi alo thu a, a kun tlat lehnghal a, min melh tha ngam miahlo.


" C'mon Clara lo chhuak rawh le" a bana kaih pahin ka ti a, a tang tung a, ka pawt na ngam silo "a pawilo ania,,, inthiamlo suh, khang te chu a dang pawh ka lei leh thei alawm" tia ka thlem ka thlem takah chuan ka pawt chhuak thei hram a.


Khuma ka thut tir hnu pawn min melh tha ngam chuanglo "a pawilo ka tih kha le... min en la" a khabe ah ka dawm a "min ngaidam tak tak em?" la inthiamlo hmel pu chung hian ati a "aw... nang aia hlu ka nunah an awmlo ka tih kha, nang leh kan naute lo piang tur tan hian pasal leh pa tha tak ka ni ngei ang" ka ti nghet charh a, a nui ve ta hram e.


"boss miss Rose khan buaina a rawn siam a, kan sumdawnna a mi pawimawh ho awm laiin ani lehnghal a,kan deal kha an hnawl a" ka phone chu ka hum nghet sauh a, ka in sehruh tung bawk, kan mihurnu chuan engtin nge buaina min siamsak ngam zawk!!


"ka lo kal ang man rawh u" ka ti ram hmarh a, phone chu dahin ka ka insiam nghal a "khawnge i kal dawn?" ka thawmah chuan alo harh aniang "hna pawimawh chin fel lawk tur ka nei a, ka lo let leh vat ang" a chala fawh zeuh pahin ka ti a, ka kutah min chelh tlat "kal suh keimah in ka awm duhlo" ati sap a, ka thaw hawk.


"a pawimawh lutuk ka reilo ang, Arnaldo alo kal mek alawm" ka tih pawh chuan min vuan tlat a, a mitmengah chuan kallo tura min duh zia a lang thei "kalsan che hi ka duh biklo mahse angai tlat si a...." ka tih lai chu min pawt chatin "i hna nge pawimawh keimah leh he ka pum chhunga i fa hi?" ati sap a "Clara duhthlanna harsa tak min siamtir tum lo teh, i hriat kha ka tan in pawimawh lutuk tih hi, mahse ka hna hi ka pianhma daih atanga kan thlah tu te in hlan chhawn ani a, chuti ngawtin ka ngaihthah a thiang lo, min hrethiam rawh" ka ti a, min vawnna ka dahsawn a.


"khanu hmu tur khan i kal dawn tiraw?" a rawn ti nguai raih a, ka ke pen chu ka tawp chawt "a nilo tih min hrilh hram rawh" tah aw tiau hian ati a, a lam chu panin ka kuah a, a rilru ti na tur a nilo, nau pai lai ani a, a rilru a no bawk,. mahse....


"ka lo let leh vat ang" a lu a fawh zeuh pahin ka ti a, engmah a sawi tawhloh avang chuan inthiamlo ru takin ka chhuak a, ka motor khalh laklawh lai chuan ka inngaihtuah a, khati khawp a ka kal phallo chu engvangin nge maw kal luih kher ka tum le!


Arnaldo a kal dawn tho a tiin ka inhnem a, ka kalna tur hmun ka thlen chuan ka car atanga chhuakin ka lut vat a, basement a ka luh chuan chair ah Rose chu an lo phuar a, a meng ling hlar mai.


"lo va chhuak rawh u! " tiin midang lo awm ho chu ka chhuah tir a "nang ramhuaipa i chunga ka thatna leh i tana ka rinawmna hi hetiang hian maw min thungrulh i tum a!" pawr zet hian ati a, a hmaah chuan thuthmun remin mitmeng ling hlar a min en tu chu ka en let ve kal a.


"rinawmna a?" ka nui suk a, ka tan a rinawm loh zia hi ka hre har zawk ngawt alawm "a tirah buaina min thlen anih chuan i chan tur ka sawi lawk vek a, mahse min namnul a, i chan chu a that ring vak suh" ngeiawm lam rawngkai tak hian ka ti a, hlau hmel aiin chawh min ti hmel a pu hlauh chu a mak ka ti.


"ka chan a chauh ang bawkin i chan pawh a tha vak biklo" nui chungin ati a, a khabe ah na zetin ka dawm a "sawifiah rawh" ka ti ram hmarh a, ala nui cheu!!

"kha i nupui inno zet kha amah in inah i dah ani lawm'ni?" nui chung bawkin ati a "tu tana thawk nge inih?" rum taka melh chungin ka ti a "nang ramhuai hian ka pa min thah sak a, tunah chuan i nupui saw i lak atangin kumkhua in a bo tawh ang" seh chilh zet hian ati a, a khabe ka dawmna chu ka thlah a.


"Falcone fanu maw inih?" ka ti sap a "nie keihi Falcone Trevis fanu Rosita Trevis ka nih hi" ati a, ka hamhaih deuh, Falcone khan fa a nei tih ka lo hre reng reng lo "tunah chuan i nupui chu ka unaupa bulah nuam chenin a awm mek ang" min nuihzat hmel tak hian ati a, a samah ka kek a, ala nui duh chauh.


"a chungah engthil emaw in ti anih vaih chuan..." ka saw zawh hmain ka phone alo ri a, ka en chuan Clara ani, Rose sam la kek reng chung chuan call chu ka chhang a "Clara..ka lo haw..." lehlama mipa nui ri ka hriat vang chuan ka ngawi a "tu phiangsen nge inih? Engvanga ka nupui phone hmanga min lo bia nge inih?" ka ti hrawk a "ka unaupa anih ngei dawn kha, i nupui bula mangtha tih thu i sawi theih nan a rawn phone anih kha" ka bula hmeichhia chuan nui chungin alo ti a.


A sam chu ka thlah a, ka silai la chhuak in a lu burah tak ka kap a, tawng leh tur a awm tawhlo chiang khawp mai!!

"tunge inih in sawi rawh?" tiin phone a mi chu ka be leh a "nang hian ka unaunu min thah sak amaw?" ring zetin a rawn ti teng chhuai a, kei ka lo nui ve thung.


"Rothstein i nupui thi lai i hmulo tur hi pawi ka tihpui khawp mai che" aw dam deuh zawk hian a rawn ti a "i kut hmawr pawh khan u tawk anih ngat chuan i hmel pawh hmuh tlak lohin ka siam ang" ka ti ram hmarh a, a rawn nuih huah huah hnuah phone chu a hmet tawp nghal a.


"Remo midang ko khawm rawh, ka mansion ah a rang thei ang berin kan kal angai, silai tha hnem tak keng bawk ang cheu, tunah chhuah nghal tur" ka ti zung zung a, kan tlai mawlh ka hlau ani.


"khalh chak rawh" he thu ringawt pawh hi minute 5 kal ta atang khan ka sawi ngun malh malh e,, tlai chi kan ni tlatlo, ramhuai speed tak meuh meuhin ani kan tlan ni.


Ka mansion kawt kan thlen chuan kan din fel hma hmain ka chhuak a, gate a veng tu an lo dah ho chuan an silaiin min lo tun nghal a, keini training tha tak dawng chuan mit khap kar lekah kan thal nghal der!


Inchhung luh dawnah vengtu an dah leh a,an thahnem ve deuh, ka silai pawh ka hmet puak zing tawh khawp mai, ka che reng reng chu ka hmanhmawh tawp ani mai.


Inchhung kan lut thei hram e, step bulah chuan mipa pakhat hian Clara chu alo kuah a, a bek ah silai in a tin bawk, min hnungchhawn vangin a hmel erawh ka hmulo, an bulah palian tak tak kan in chen vel ang ti tur rorum hmel tak sawm vel an ding bawk.


"Rothstein ilo thleng ta e" tih paha kan lam alo hawi chuan ka mak ti chu ka hmelah a lan loh hram ka beisei "Doris..." ka ti sap a, min nuih sawng lehnghal a.


Amah ai mah chuan a kuah mek ka nupui chuan ka mit ala zawk, na ati dawn lutuk, a thian anga a ngaih a rin em em khan thah tumin a tin mek si a.

"Engkim a tha vek mai ang" tiin ka thlamuan a, a mit a chhing a, a biangah mittui alo luang nghal, a rawn men leh hnu chuan a pum chu a bih zawk a "a tha dawn alawm, lungngai suh" ka tih lai chuan Doris chuan a silai ken chuan a pum zawn chu a tin ta mai a.


Clara chu a tap chhuak hawk a "sh... bengchheng suh, naute in a hlau ang" nui sawng chunga a bek a a hmui nawr chungin Doris chuan ati a, min rawn melh kher bawk.

"i nupui leh naute hi i la duh em?" min rawn melh chunga inti thei hmel fahran in a rawn ti a "engmah tihsual an neilo, chhuah rawh" ka ti a, dak meuhin a nui a, chutih lai chu remchang a lak ka tum ngial a, a theih ngang loh, a sir a palian tak tak te hian mit tla leklo in min en tlat a.


"ka pa i that a, hmangaih te chan nat zia hi i hriat ve angai" ati leh sap a, a silai chu a load ri khap a "ti suh ti tura min tih ang angin ka ti vek ang, an ni kha chu chhuah rawh" ka silai dah pahin ka ti a, a hmui ati sawi duh lek chauh.


"i tlai tawh awmzia a awmlo... " atih lai mekin Clara chuan a banah a seh sak a, a thlah hnuah Clara chu ka lam panin alo tlan phei a, chu veleh ka silai chu ka la lehnghal a, a bula ding ho chu ka kap a, silai puak ri khap leh Clara te thawm ka hriat chuan ka silai chu ka thlauh lo chauh.


Clara chu ka bul alo thlen hmain chhuatah chuan a tlu a, ka pan phei vat, a ka atangin thisen a chhuak a, a pum a dawm atang chuan thisen a rawn chhuak zung zung a "nilo min kalsan theilo, naute pawh,,, nilo nilo... Clara...." tiin ka au chiam a, a rawn che leh zawk thin a.


A mit chu rawn mengin ka mitah tak min en a "ka hmangaih che... naute hi chhan rawh aw...." tih zawng a sawi, a zawi nguai a, ka koh lawm lawm pawn min chhang thei tawhlo,, ani hian min kalsan theilo, ka hmangaih ka nupui hian min kalsan theilo, ka fa nen ngat phei chuan, an tello chuan mi â chauh ka ni, min kalsan ka rem tilo......

IMG_20220508_162621.jpg

(ZAWMNA)

"tikhan ka tawrhna chu i hrethiam tawh ang chu... " ka bula lo din paha Doris'n a tih chuan ka hawi chhuak a, ka chalah tak a silai chuan min tin ran a "ti rawh,,, min kap ta che i pa ang chiaha tenawm ini tih kha in hre kar bawk rawh... I pa kha mi tenawm tak ani, thih kha a phu ve reng ani" rum taka melh chungin ka ti a.


"ngawi hmak rawh ka pa khan inremna siampui che a tum a, mahse nang hian anih kha indo na chawk chhuak chu, khatiangin ka pa sawi reng reng suh" thinrim takin ati a "i ngaihdan dan le" tih pahin a in rinloh lai chu remchangah lain a kut ka man sak a, a silai ken lai chu ka chhuhsak a, a keah ka kherh a, a thal chiang khawp mai.


"tikhan min haw leh zual em?" ka ti sap a, a awmah ka ke ka nghat a, a chal zawnah silai chuan ka tin ran a, hlau hmel a pu ve deuh, ani ai chuan a unauni kha a lo huaisen daih zawk anih hi, a chan a that lai chauhin a huaisen anih hmel.


"hremhmun lamah țawih ral rawh!! " aw teng chhuai khawpin ati a "kha thu kha chu ning hlui in ka hre tawh, nang chauh lo pawh hian an sawi fo ania,, i pa chu i ngai bawk a a hnenah k thawn ang che, min lo biak theihnghilh lo la" ka tih hnuah ka silai chu ka hmet puak a.


Clara chu ka pawm a midang pawh ngaihtuah zui tawhlo in Hospital lam ka panpui nghal a. Ka tlan chak bawk a kan thleng har lo.


ER a ka luh chuan doctor leh nurse te chuan min lo buaipui vat a, a la beisei awm avangin Operation room ah an nawr lut a,ka awm mai mai theilo, ka vei sek a, ka lu ka tuai leh vut thin.

Kallo tura min ngen lawm lawm khan lo ngaihthah lovin a thusawi kha awihin lo kallo ila chu heti hi kan ni kherlo ang. Keihi vanduaina keng tu diktak chu ka ni, ka bula awm te apiang chungah thil thalo a thleng zel mai chu ani si a.


Mahse Clara hi chu chuti mai a kaltir ka tum tawhlo, tunah hian a damchhuak anih hlauh chuan heihi a a chunga thil thalo a thlen hnuhnun ber tum ani ang.


Darkar hnih hnu velah Doctor alo chhuak a, ka pan vat "doctor eng nge chanchin? Ka nupui leh ka fa chu an tha ang tiraw?" beiseina sang tak nen ka ti a "a pawi ka ti khawp mai! naute chu kan chhan theilo, silai mu khan a bawm a tawn tlang a, ilo thlenpui hma khan a nu pum chhungah khan a thi tawh a, anu erawh a tha e, mahse enthlak erawh ala ngai ang" ati dap dap a, naute ka chan chu na ka ti, mahse Clara ber a that chu ka thaw deuh huai.


Cabin a an dah hnu chuan ka thut chilh tawp a, thil dang ka rilru ah a awm theilo ani ber. Ka hna lam ka buaipui lo va, mipa inla vei ve tak thin kha hetianga min siamtu hi hmeichhia ani tih tunge awih thei ang?


Hospital hi ka in ni ta berin ka hria, nurse ho lah hi an lerh si, Clara hian hre ngat se chu a phin darh vek ang.

"Maurice.... " zawi sin sap a tih ri ka hriat chuan ka meng zawk a, Clara chu chauh hmel tak hian alo meng a, a mit a khap ban charh a" Clara... ilo harh! doctor! " ka lamw lutuk chu zuan vak vak mai ka duh.


Doctor in a check-up leh hnu chuan a muhil leh daih lawi a, a lawmawm reilo khawp mai, mahse alo harh tawh a a tha tho e.


Clara pawn hma a sawn ve zel a, naute kan chân tih ka hrilh ni khan a taksa chaklo nen a zo lo a ICU ah karkhat chhung lai a awm a, a rawn chhuah leh hnuah ka awm ah beiin a tap nghek a, kha bak kha naute vangin a tap tawhlo "kan bula awm tura ruat a nilo aniang, kan bula a awm chuan harsatna a nei zel a, Pa angchhung ah thlamuang takin a awm dawn a, ka ngaihtuah lo, mahse ka hmangaih tho" ati a, ka pawmpui khawp mai.


Thla hnih dawn kan awm leh hnuah kan chhuak a, anu te pawh chanchin kan hrilh a, an lo ngaihtuah khawp a "kan lo kal mai dawn em ni? Tihtheih nei vaklo mah ila, i lungngai lutuk pawh kan ti ziaawm maithei a" a nu in ati a, mahse a pa hna vangin an thei leh alo a.

Mahse a ngaihtuah awmloh thu leh keiin tha taka ka enkawl theih thu ka sawi khan an rilru chu a dam deuh huai in ka hria. Ka mansion ah karkhat vel kan awm hnuah rilru ti thawveng turin Mahattan lamah kan kal a, kan inneih hnuah honeymoon pawh kan hmanglo a, honey moon angah pawh a ngaih theih ang chu.


"van atangin min lo thlir ve reng ang tiraw?" van lam hawi paha atih chuan a chalah ka fawp zeuh a "tehreng mai, kan hmangaih zia pawh a hre ngei ang, nau ka duh a tia" tiin ka fiam zui a, min beng deuh thlawrh lehnghal.


Nui hawk hawk chungin ka pawm a, tal chu khawilam ka nghawngah nghet zetin min kuah a, ka hmuiah a fawp zeuh bawk. Chhan let ka tum veleh a tawp leh daih, phakar lutuk mai "hremna i hmu khawp ang" tih pahin room lamah ka pawm lut a, a țe chul a, kei erawh in ka tum tih hlawhtlin ngei ka tum.


Kan duhtawk kan ngah hnu chuan inkuah rialin kan mu a, a banah ka chul hliau hliau a "Ka hmangaih che ka pasal" ka awma a khabe nghah pahin ati a, mawi deuhin min nuih bawk.

"Keipawn ka hmangaih che ka nupui duhtak " ka ti sap a, duhthawh zetin ka fawp zui a.



After 1 year.....

"Maurice Isabela nen khan rawn chhuk nghal ru!" pawr zeta Clara'n atih chuan ka fanu chu ka en a, min lo nuih sen sen a, a biangah piai in ka pawm a, inhnuai lamah ka chhukthlak pui a.

Step tawpah chuan Clara chu meng ling hlar chung hian alo ding a, ka meng khup zal zal in ania ka rin ni "vawi engzat nge i fanu hi silai khalh tir tawhlo tura ka tih che" pawr zet hian ati a, ka lei ka chhuah tut.

"hmet puak palh ta se engtia tih nge i tum a?" hahthlak min tih hmel zet hian ati a "a mu ka lachhuak vek alawm" thiam in chan tak hian ka ti a, ka kut atanga Isabela min laksak pahin "i awm tawh ngailo ang, i fanu hi Mafia nundan anga nun tir tum phet reng suh" alu thing nar nar chungin min kalsan hmak.


Khalh tir tur ka hriat chhun ani ve mai a, barbie tih vel a lawm ve silo. Ka fanu in min chhun ve na tak aniang, a vun ah a nu a chhun a, a hmai tlangah pawh anu tho, a hmui, mitmeng leh a hnarah erawh keimah chiah chiah.


"Clara thinrim tawhlo teh, ka fanu nen hian min dah hrang reng theilo ang, a thisen ah mafia thisen a luang a, barbie tih vel a lawm velo a, silai chauh kha a khalh duh chhun ani miau a, ka pek loh chuan a tap zel a, ka pe mai anih kha" tlai thleng Isabela ka khawih pawh a phal eihlo.


"i chhuanlam a ho lutuk... " atih laiin Isabela chu uar em em mai hian a rawn tap chhuak a, a tah vak ngailoh tehreng nen. Clara chuan hnute pek a tum a, a duhlo hrim hrim, a lu a thle sawn daih zel.


Min rawn ban chuan ka kal thuai a, ka pawm a a tap a bang hmak, hei pawh anu ang chiah a duh neihna turah chuan phakar ve lutuk.

"nangni pafa hi ka zo lo cheu!! " tih paha hui pap in Clara chu a kal daih a "ka fanu phakar lutuk te i nu thlem ang aw!!" a hnar khawih sak zeuh pahin ka ti a, a nui leh sen sen tawh, a nu hi ava han chhun tak!!!



(a tawp tep,,,, tunkar chhung chu ka dah theih hmel loh a, test kan nei tluan zak a, kartawp ah bak a awm theih pawh ka ringlo, ka regu lo lutuk hi nangni aiin hreawm ka ti zawk. Min hrethiam reng mai teh u)

Comment.... comment..... comment



Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:45 pm

CHAPTER 12 (LAST)

by Priscilla vl Ralte


"Daddy! " tia min ko chunga ka lam pan a lo tlan ka fanu chu ka nuih suk a, ka pawm vat, a hnungah anu ka nupui chu pum puar deuh ak dawm pahin min nuih sangin ka lamah alo kal a, Isabela biangah chuan fawp zeuhin Clara kawngah chuan ka chelh a.


"vawiin ka fapa alo dam em?" a pum khawih sak zeuh pahin ka ti a "anu min ti hah hle tih loh chu a tha e" ati sap a "het... ma boy tinge anu ilo tih hah a?" a pum chu na lo te in ka beng a, kan nui ho dar dar a.


Inchhung kan luh hnuah Isabela ka infiam pui a, Clara pawh kan bulah lo thu ve in a nui leh hak thin a, hmuh an nuam takzet!!

Kar leh lamah Mizoram lamah kal kan tum a, Clara nu ten Isabela hmuh leh an chak tawh nen, a nu te kianga a awm chuan Clara pawn nuam ati deuh ang chu.

Nau a neih hunah pawh buaipui dan an thiam deuh ang chu, Isabela a neih khan ka phili buai lutuk kha nurse te pawn min nuih tawp anih kha.


Clara na ti sang vel te kha ka lo ner pui a, a țe apiangin ka lo țe pui ve zel bawk nen, kan ri lelu a, doctor pawn min chhuahtir tawp kha ania.

"Daddy khawvelah keimah chiah hmeichhia min duh tiraw?" a mit lian kel kawl taka min melh kal chungin Isalbela chuan ati a, Clara alo nui deuh hak "mommy lo nui suh, Daddy hian nangai min duh" tiin a nu chu a khap a.


"sawl la" tiin min rawn melh leh a "aa.... duati.. nangmah chauh ka duhlo che a, a chhan chu i nu a awm ve tlat a..." ban deuh charh hian ka ti a, a hmui chu pawrh tha tak ani.


A men pur a ka lak a ta a mit ala la sawn chuang miahlo "duati..." tia ka panhnai chiah chu chhuak em em mai hian a tap a, ka khawih a duh hleklo lehnghal.

Ka thlem ngial pawn awmzia a neilo, Clara tak ngial pawn a thlem lungawi theilo "duati... tap tawh suh le, anu hi nangai ka duh zawklo a mahse nangmah chauh ka duh theilo che alawm" a mittui hruk sak pahin ka ti a.


Ala tum bar tho "le... saw anu pum chhungah sawn i nau tur a awm ania, i tah vak vak chuan a hlau mai ang che" ka tih takah chuan a bu ve nghat nghat a, a biangah ka piai a, min melh rum leh rih a, a nu bulah a kal daih.


"Maurice ka pum ana lutuk" zan reia Clara na tuar rum ri ka hriat chuan ka inperh tho zawk a "a na viau em? Hospital ah kan kal dawn nia" ti sawk sawk in dim thei ang berin ka pawm a, Remo ka ko chul a, alo riah zan ani hlauh a a tihzia khawp mai.


Rei riallo in Hospital lam kan pan a, Clara lah chuan na ati em em mai bawk sia, hreawm ka lo ti ve ngawih ngawih.


"hlauhawm a awmlo e, naute hi a awmdan pangai tur angin alo awmlo a, mahse kan siamrem tawh a, a harh hunah in chhuak thei ang" doctor chuan ati a, ka thaw huai mai.


Kar tharah Mizoram kan thleng chho a, khami zan bak kha Clara pawn in sawiselna a nei tawhlo. Airport ah a chhungten min lo hmuak a, Isabela an hmu chu pawm an inchuh a, Clara pawn a mittui a hru zeuh mai.


Heti khawp hian a chhungte alo ngai chu ani si a, tiang te chu ngaihtuah thleng vek tur ka ni asin mawle...Kum 2 pumhlum dawn a chhungte a hmu tawhlo ania.


In kan thlen chuan khua pawh a tlai duai tawh a, kan intih fai hnuah zanriah kan ei a, ka kal hmasak a ka chawhmeh duh deuh kha an lo siam a, ka eitui khawp mai!

Isabela erawh in a ei tha duh hauhlo, hetiang chaw a la ei ngailoh vang pawh aniang. Clara'n bawnghnute leh sandwich a pe a tikhan zanin chu a tling tla leh mai ang.


Kan ei fel vek hnuah tv enin kan thu khawm a, chanchin thar kan ngaithla e an tia, engmah chu ka hrethiam hleilo a 'ka lawm e' tih leh 'ka hmangaih che' 'nu, pa' tih Clara'n min zirtir bak engmah ka thiamlo.


"nu... " ka ti chhuak a, min rawn melh ha hlawm a, ka zak dawn dawn alawm.


"tunah khan min ko in ka hria" Clara nu chuan ka bula lo thut hnaih pahin ati a, ka lu thaklo pui ka hiat nauh nauh a "min ko tha leh teh..." ati leh kher a, ka ti leh duh ngawt ange maw...

"vat... " ati sek mai si a "nu...." lai deuh tut hian ka ti a, a nui ta hak hak a, ka'n melh rum ringawt pek a.


"khatin min melh suh aw.... min melh tlu dawn i melh a na ropui si" ti chungin ala nui cheu a, Clara pawh a nui ve tawh....


Isabela pawh a rawn nui ve hak hak a, a pu malchung atanga rawn chhukin ka mal chungah a rawn lawn tharh a, a chalah ka lo fawp zeuh a.


"daddy engtikah nge Remover te bulah kan haw leh ang?" ka mita min melh kiau pahin ka fanu te reuh chuan ati a, Clara alo nui hak "duati...Remo hi Remover ti tawh suh ka tih kha" ka ti sap a "hmm... a nalh daih zawk, a nu te khan an phuah diklo a lawm, a diktak zawkin a lawm ka sawi" ati ve niah niah a.


Clara nu te pawh an nui ru pat pat mai,kum thum lek si hi a fing kerkawr lutuk a, tunge maw a chhun ni.


Thla khat dawn Mizoram ah kan awm ta a, a boruak a nuam bawk si a, ka zawngchhang dawn tlat, Clara pum pawh a lian tawh a, Isabela hian a be vak vak zel a, keipawh ka bang chuanglo. Kan pawl pawh Remo kutah ka dah deuh tawp a, engmah buaina ala awm leh tawhlo anih hmel.


"mipa nge hmeichhia anih i rin?" mut hmuna a pum chul paha ka tih chuan a nui sak a "mipa anih ka ring, a awmdan vel hi Isabela ka pai laia ka awmdan nen khan a inang lo, a danglam bik" ati sap a "tha deuha i neih theih chuan keichu ka lawm ani mai,mipa pawh hmeichhia pawh nise ka duh ve ve, ka fa kha an ni miau dawn a, chhungkua min pek vangin ka lawm lutuk ania" ka ti dap dap a.


"ka hmangaih che " a rawn ti daih,mahse ka nui suk a "keipawn" ti sapin a chalah ka fawp a, kan muhil zui a.


Nitin inah kan awm a, engmah phei chu kan ti chuanglo, thenawmte an rawn leng thin a, mahse ka lawm vak lemlo, kan ram tihdan phung nen a in mil miaulo a.

An nula lah hian mitmei min hmuh reng zel lehnghal a, an lo kal chuan in chungah Isabela ka awmpui daih zel, ka thin a thawh thut chuan ka that leh hreh dawn silo a.


"Daddy tomorrow ah Grandpa office ah ka kal ve dawn" phur hmel taka a ke then lauh lauhin Isabela chuan ati a "eng nge i tih ve anga?" ka tih chuan a inngaihtuah vang vang a "thian ka kawm ang" ati reuh a "an tawng pawh i thiam mang silo a" ka ti leh zel a "english in an biak theihloh mi?" tih pahin a pu bulah a tlan phei a.

"Granpa ka thianpa tur kha english in a biak theihloh ami?" ati a "theihloh maithei, ani chu nang angin ram changkang tawka awm ani velo a, a thiam ve miahlo ang, i zirtir anga" alo ti a, ka bulah lo tlan phei leh in "ka zirtir thei dawn Grandpa in ati" ka kut a rawn vawn pahin ati a, ka lo pawm a "mommy dil la" ka tih chuan a tal thla lehnghal a.


Clara chu ava dil ta aniang nui var var chungin a rawn tlanphei leh a, intithei fahranin "mommy pawn a phal, eng nge ka hak ang le?" tih pahin a thawmhnaw bawm a hai nghal rawk rawk a, ka nui ta ringawt.

A lerh ve dawn hle mai!!


Isabela chu a pu bulah chuan a kal ta nge nge a, a phur em em lehnghal, a duh dan berin a inthuam a, a confi ve nasa. A piin 'a pu in a vil reng hman dawn silo a, ka va kal ve ange' atih vangin kan nupa chauhin kan awm a, a nuam vei phian.

Chhunah eitur kan siam dun a, tunlai tak chu a zia hi a zawi riau a, a nau pai vang anih ka ring "hemi i ei zawh ah hian i mu dawn nia" a chauh hmel em vangin ka ti a, min hnial lemlo.


Khumah chuan ka mut a, a bulah chuan thu in a muhil hmel chu ka en reng a, a thlamuan hmel khawp mai.


Ani hi ka nupui, ka fanu nu leh ka fa lo piang mai tur nu ani.

Ka hmeichhe hmangaih ber ani bawk, a tello a nun hi ka hlau ngawih ngawih tawh ani ber e.


Ani hi awmlo se tunah hian thu tur ka awm tawhlo ang, ani hi ka nunna chhanhimtu diktak ani, ka nunna alo lang hi ka lawm tak zet zet.


Chutia ka lo thlir ngawt ngawt lai chuan ka phone alo ri a,ka en chuan Remo ani, buaina a awm ani ngei ang.

"sawi rawh" ka pick up veleh chuan ka ti nghal tawng a "CIAO" alo tih chuan ka tang deuh phat a, mahse Clara hmel ka en chuan min ti hahdam leh huai a.

"boss i awm angai, big boss thihdan chungchangah khan a hmei thenkhat ten an ringhlel che a, sawrkar ah report an thehlut a, tihtheih kan nei tlem hle a, i awm chuan tihdan a awm mai ka ring" a rawn ti a, ka rilru a buai ta map mai.

Ka thlahthlam mai anih chuan ka naute'n an tuar dawn si, ka kal anih chuan ka nupui leh fate hi ka kalsan an ngai dawn a, ka let leh hun tur ka sawi thei tlat bawk silo.Clara ka sawipui anih ngat chuan ka kal kha a phal dawn hauhlo.


Rei fe ka inngaihtuah hnua ka thuthlukna siam chu a dik ngei ka beisei "ka kal ang" tih chu ka thu tawp ani ta.

Ka thawmhnaw chu ka siam sawk sawk a, Clara chu a muttui em a, ka tiharh lo law law mai ang.

Ka thawmhnaw ka siam fel hnuah lehkhathawn ka ziak a, mipa pawh ka pa zo lo ani e. Ka fa lo piang tur hmel hi ka hmuh hman ngei ka beisei, ka tello a na alo tuar tur erawh ka nupui hi ka khawngaih takzet!!


Ka lehkhathawn chu khum bul a dawhkanah chuan ka dah a, Clara chu pan pheiin a kut chu ka chelh leh vang vang a "min lo nghak rawh aw... ka lo let leh vat ang" ti sapin a kutah ka fawp a.

A hmuiah leh a chalah fawp lehin a tawp berah a dul ah chuan ka fawp a, a dul chu ka chul a, 'dam takin lo piang chhuak la, i nu hi ka lo kal leh hma zawng tha takin lo enkawl ang che' ka ti sap a, khum bul dawhkan a kan chhungkaw thlalak intar chu ka la thla a, ka ak tha zui nghal, A tawp nan tak tak tiin Clara chu ka melh leh a "KA HMANGAIH CHE" ka ti sap a, ka chhuah san zui nghal a.




CLARA POV

Ka mu ka harh chuan keimah chauhin ka lo awm a "Maurice..." ka ti lang lang a,min chhang thei silo.Inhnuaiah a awm aniang ti rilru in ka tho a,dawhkana lehkha chu ngaihsak lemlo in ka kalsan a.

Inhnuaiah pawh a awm chuanglo,room tin ka en chhuak vek tawh a,thawm engmah a awm bawk silo.Pawnah ka chhuak a,inhnung lam te nen khawiah mah a awmlo.

Inchhungah lut lehin ka phone ka ban a,ka call zui a,a switch off hmak mai bawk si 'eng nge maw a awmzia le?' ka tih rilruk laiin ka nu te an lo haw a "nu Maurice alo kal em?" Isabela a ngaihtuah vangin a kal aniang.

"Kal nang ....inah a awmlo ami?" alo ti let hu mai bawk si,ka rilru a hah tan,khawiah nge a awm ang?

"Ka phone a a la thei bawk silo a" ka ti ṭiau tawh,min kalsan ka ring phal silo "khawiah emaw a kal aniang,alo haw ve leh mai ang,i rilru ti hah lo la" tiin ka nu chuan ka samah a chul a,ka pa chuan Isabela muhil chu room lamah a pawm chho a.

Alo chhuk leh hnu chuan "dawhkanah khian lehkha ka hmu a,kha hei han chhiar teh" tih pahin lehkha dawhkan a ka hmuh kha alo lek chhuak a.

Ka ban vat a, a chhungah chuan
"Clara...hetianga ka kalsan tur che hi pawi ka ti,mahse tihtheih dang ka neilo,ka pawl hi ka venhim a ngai ve tho a,mahse ka tan nangai hlu an awmlo tih kha hria la.Pawlin buaina kan tawk a,ka naute ho ka thlahthlam ngawt thei silo a,mahse ka tiam a che i tan mai nilo Isabela tan leh ka fa lo piang tur tan khan ka rawn let leh ngei ang,min lo nghak rawh aw....

Naute kha tha deuhin i hrin chhuah ngei ka beisei,a pian laiin ka hmu thei dawn silo,mahse kei min ngaihtuah la ṭang fan fan ang che aw...Fapa ka nei anih chuan Valerio tih ka duh tih i hriat kha.A reilo ang,thil awmdan kimchang chu ka lo let leh hunah ka hrilh vek ang che,eng thil pawh thleng se rawn kal suh ang che,i tan mai nilo naute tan khan a pawi dawn ania.

Ka biak theih dawnloh a,mahse hre reng rawh khawiah pawh awm mah ila nang chauh ka hmangaih ang che...Chuan ka lalfanu pawh kha ka hmangaih lutuk tih ilo hrilh dawn nia,ka fa lola piang tur nen khan...

InShot_20220507_104450195.jpg


'I WROTE YOUR NAME IN THE SKY,
BUT THE WIND BLEW IT AWAY
I WROTE YOUR NAME IN THE SAND,
BUT THE WAVES WASH IT AWAY
I WROTE YOUR NAME IN MY HEART,
AND FOREVER IT WILL STAY'

Ka thinlungah i hming hi kuamkhua in a cham reng ang.
KA HMANGAIH CHE KA NUPUI"

tih hi alo in ziak a,ka mittui ka dang zolo,tawp chin neilo in a tla a,tunah chuan kalsan ka ni,tinge min hmangaih chuan min hruai ve mai loh?

A kianga ka awm chuan engthil mah hlauh ka neilo,mahse min tiam a,alo let leh tur thu...

Nie...ka nghak ang,ka pasal in amah nghak turin min ti a,nupui ka nih angin ka nghak ngei ang....

Ni a liam a thla a liam a,engmah a chanchin ka hrelo, Isabela lahin a awmna min zawt reng a,chhan dan tur ka vai thin teh e....

Ka nu te chu awmlo se a hmaah ṭap chungin thil awmdan ka hrilh vek tawh ang,mahse ka nu ten dawt hrilhin an thlem a,a lungawi leh mai thin.

Mahse thil awmdan diktak hrechiang tu ka ni a,hetiang maia min kalsan hi dem chang ka nei thin.

Zantin ka ṭap a,ka au a,mahse tuman min chhang lo,ka nau neih hun a hnai tawh aa,a tello a awm hrehawm zia ka hre nawn fo mai.

Dam takin nau ka nei a,mipa ani a pa duh ang ngeiin a hmingah Valerio Rothstein kan sa a,a pa a chhun fuh lutuk hi ka ṭah pui fo.

Engkimah a pa chiah chiah vek ani,a hmui,a hnar,a mit,a sam ,engkimah kei erawh min chhunna a nei tlem hle thung.

A fel em em a,Isabela lahin pawm a lo ngen ve reng a,a nau chu a hlimpui kher mai.Lehlamah a pa awmna min zawh loh phah a,thaw erawh chu a veng deuh e.


AFTER 2 YEARS

Kum hnih lai a liam ta,engmah a chanchin hriat tur a awmlo,min be lo va,biak pawh theihna ka nei silo.

Nitin hian alo haw hun nghakin tlaiah gate bulah ka ding thin,mahse a hmel reng reng hmuh tur a awmlo.Beidawng takin ka lut leh thin.

Eng chen nge nghah ila ngaih dawn? I fa te hian an mamawh che,keipawn ka mamawh che,i tello chuan ka kimlo,engmah ka nilo....Lo let tawh rawh Ka ngai che...

Kan inneih thlalak en chung chuan ka ti sap a,ka mittui a rawn dir leh zung zung tawh.

Valerio pawh kum hnih ani tawh,a sawi hmasak ber chu 'pa' tih ani,khami ni baka ka lungchhiat kha a awmlo ang.

Eng nge a tih ang? A dam nge a thi pawh a hriat loh,midang nei a chhungkua din angin ka ngaihtuah ngamlo nilo in ka phallo ani.

Ani chuan min hmangaih,a fate pawh,keini hi a chhungkua kan ni,tuma bulah min kalsan ngailo ang.

Min hmangaih vangin alo let leh ngei ang,chuan hlim takin kan awm ho leh ngei ang.

Hmeichhe hmelchhia ka nilo a, tlangval pangai ve tak te pawn min bem ve fo,mahse keichu pasal fanau nei lai ka ni a, alo let leh emaw let lo emaw a tan chauh khan ka rinawm reng ang...


Ka fanu school kal tur chuan ban min rawn vai lauh lauh a,nui sanga lo vai letin an kal liam chu ka thlir a.
"Mommy khawnge Daddy?" tih zawhna ka fapa in min zawh chu chhan a va har em!!


MAFIA YOU SAID YOU LOVE ME....
WHEN WILL YOU COME BACK TO ME???



THE END



(Mafia who love me chu a tawp kan lo khar ta a,a tir atanga a tawp thleng min lo chhiar sak tute chungah thinlung takin lawmthu ka sawi a.
Ka regu lo em em chung pawh a,min lo chhiar sak a,comment min pek sak ziah tu te chungah thinlung leh tih tak zetin lawmthu ka sawi mawlh mawlh a, ka story ziah leh tur lamah in mi support na ka rawn dil leh ni nghal se.
Chuan a bikin Mahlimi solomos chungah lawmthu ka sawi duh a,ka ziah laiin min support em em a,chuan Azomuani pawh ka thu hman dikloh lai te min hrilh in min correct thin a,an chungah hian ka lawm em em bawk a.
In zavai chungah ka lawm em em ani...Ka hmangaih vek cheu.....)

(chuan chuan chuan ka theihnghilh,,, story hi S2 a awm maithei aw,,, ka la chiang biklo. Alo awm ta anih pawn June thla velah daih aniang, kan exam a hnai tawh a, lehkha zir a rilru pek ve ka duh tawh sia, min nghak tang tang tu te chu in vannei ang🤣)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)