MAFIA WHO LOVE ME BY Priscilla VL Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MAFIA WHO LOVE ME BY Priscilla VL Ralte (Completed)

Unread post by Ngaia » May 15th, 2022, 2:43 pm

Chapter 1

by Priscilla vl Ralte



"sir meeting tan a hun tawh a" ka beng bula Remo'n alo tih chuan ka tho chhuak vat a, ka coat chu kilh tha in meeting neihna tur room lamah chuan ka kal a. Ka ho te chuan chibai min lo buk sap sap a, ngaihsak lovin ka kalpel hmiah hmiah.


Ka luh veleh ka partner te chu an thutna atangin an lo tho sap sap a, ka thutna tur savun chair ah chuan ka thu thla a, ka bawp ka khawkherh nghal zat "Mr.Rothstein i hriat angin kan sumdawnna hian hma a sawn zel a, club dang hawn leh hi kan tih makmawh niin ka hria a, chutah chuan i remtihna kan mamawh a, kan chet chhuah vat angau a, chuvanga meeting pawh ko chung chung kan ni a, eng nge i ngaihdan ni ve reng reng?" hman atanga kan partner hlun Mr. Thompson chuam ati a.



Ka kiai suk a "thu chauhin min rawn mai ani, nang putar ka dinhmun atanga min paihthlak hi i chak zek zek tih ka hriatloh i ring reng reng em ni? He thil hi a kal sual thei tih ka hriatloh i ring ami? A hma daihin ka lo en vek tawh, helai hmun itih hi maw kan hmelma hlun Italian mafia ho ta ani, ka va inrawlh anih chuan indona a thleng ngei dawn tih chu chiang sa ani, putar i duh anih chuan nangman buaipui mai rawh" ti supin ka tho chhuak a, hawilet maplo in ka chhuak nghal.



"Boss an ni ho khan i pa bulah an thlen anih chuan i buaina chu a namai lo khawp ang" ka hnuaia thawk zinga ka rin ber Remo'n atih chuan "engpawh ka pa chuan ti rawh se, keihi min chan anih chuan a sumdawnna leh he a hlut em em Gang hi a chhe vek dawn tih a hria alawm, chu thil a hlaulo anih chuan a tih dan dan le" ngai pawimawh lo zetin ka ti a, car ah ka lut nghal, Remo pawh lo lut ve nghalin ka club lamah kan kal a.



Bouncer hrawl leh lian tha zet chuan min hmuhin chibai min lo buk vat a, buk khum nghutin club ah chuan kan lut nghal a, music ring tak leh light dim zet chuan ka lu an ti na lek lek ani, nula leh tlangval lo lam suau suau chuan min hmuh chuan kawng min kian nghal a, VIP cabin ah kan lut a, Whiskey ka chah nghal, ka coat ka phelh a ka theh tawp, ka bulah Remo chu alo thu ve vat a, ka hnuaia thawk mah nise ka unaupa ang mai ani a, min zah hun a nei a, a tul chuan ka thu zawmloh chang pawh a nei.



Ka pa nen kan inkar thalo tak hre ve vek tu ani a, ka ring a, ani lah ka tan a rinawm bawk a, a hma tawngah ka dah ngailo, a nu leh a unaunu chawm tur a nei a, ani chuan dam chhan a nei, kei erawh in dam chhan ka neilo, ka pa nen chuan pafa tia sawi tur kan ni pawn ka hrelo, kum khatah vawi sawm pawh kan inhmu tling kherlo ang, kan inhmuh chhun in kan inhnial ngei ngei bawk, inhmuh loh hi kan pahnih tan a tha zawk.



Remo nen chuan eng emaw sawiin kan nui leh hak thin a, hriatloh karin um khat kan in zo der "sawlai nu saw a chhelo hle mai" a melhna lam chu ka melh ve a, nula hleitling ve tak, mipa kara lo insawi nghawng nghawng chuan ka mit ala ta chat "a itawm reuh zek" ka tih chuan a nui hawk a, a kawr sen chuan a vun ngo tak chu ati langsar em em a, mahse duh aiin a chhing deuh mah mah ani, a nui hmel ala tha em em zui!!!


"Remo melh tawh suh ka ta anih saw" ka ti hriam hrak a, alo la nui mai mai "vawikhat chiah ila hmuh saw i duh nghal mai amaw? Titeh Maurice hetiang mi inih loh kha" ka dara lo ben thak pahin Remo chuan ati a, kei erawh chuan ka zawna hmeichhe lam lam chauh chu ka melh ngur a.


"ka ta bil ani ngei ang Maurice Rothstein hian a duh chu a nei ngei ngei thin" ka ti sap a, chunu lam chu ka pan nghal chat, a bula lam mipa thenkhat chuan min hmuh chuan an kalsawn nghal a, chunu lam thle bak bak chu a khel ah ka dawm a, engah mah zu han ngailo a mawle, ka kuai her a, a rui tawh tih a mitmeng atang chuan a hriat mai "ka ta" ka ti sup a "hey,, ita ka ni bawklo kei te chu keimah ta asin ka nih" irhfiak iak ial chungin ati a, ka kiai suk.


A banah ka kai a ka thutna lamah ka pawt phei a "hey ka la lam duh ania tinge min kaih a!" kal pai chawn chawn chungin ati niah niah a, engah mah ka ngai lemlo "Maurice eng nge maw i hriat le?" Remo chuan a thutna atanga lo thawh chhuah pah chuan ati a "ka ta ka la ani mai" ka ti nghet churh a, ka nula hruai lah chu zawi em em in ka thutna ah chuan a thle bak bak a "ka appartment ah ka hruai dawn, garage a ka car khu i duh duh ilo hawn mai dawn nia" ti supin ka coat ka la a, nula chu a banah ka man leh chat a.



Alo tang deuh chu ka pawt lui a, nghetlo zetin a ding a, hmeichhe rui ka buaipui ngailo a, tih ngaihna vak pawh ka hrelo, ka pawm deuh nawlh a, ka kal chhuahpui vat, car kan thleng tep tihah a hmui a hup chawt chawt a, vawileh khatah ka awmah chuan a rawn luak a, ka phu deuh zawk, engtin mah ka ti lemlo, a duh tawk a luak aniang a kutin a hmui a hui thuak a.


Car ah chuan ka mut a, ka kawr chu ka phelh a, ka bula dusbin ah chuan ka paih nghal. Kawr ha lo in ka khalh mai aniang chu, driver seat ah chuan ka thu lut a, front glass atangin seat hnunglam chu ka thlek a, a mut tui hmel khawp mai.




Ka appartment lam panin ka inkhalh a, rei vaklo ah kan thleng a, garage a car ka dah fel hnu chuan seat hnunga ka nula phurh chu ka pawm chhuak a, engin nge min mawlh ka hrelo, henu hian tinge ka rilru a lakpen tlat le? Ka pa in hria se chuan a thinrim leh khawp ang. Vawikhat ka mutpui chuan ka theihnghilh ve mai ang.



Ka appartment tak hi chhawng chunglam ah a awm a, elevator a kan chuan lai pawh chuan a thle leh bak bak thin a, engzat tak nge maw a in ni? Hetiang em em a han ruih mai chu, a lam lai kha chuan heti lutuk hi a nilo a sin mawle!

Ka appartment a ka luhpui hnu chuan ka room lamah ka pawm phei leh a, ka khuma ka mut hnuah a pheikhawk bun sang zet chu ka phelh a, a kawr pawh luak rim a nam ka phelh ngei angai ang le,,,, Come on Maurice hmeichhe saruak hmu ngailo pawh ini hleinem le! Tih ka rilru a a rawn lut chu ka duhlo takzet.


Mafia boss ka ni a, hlauh ka neilo chu ka tilo mahse ka hlauh ai min hlautu an tam zawk, kan pawl hi kan lian em em a, San Marino a mafia pawl lian ber tia sawi theih kan ni, Italian mafia ho hian min er em em a, kan chhiatna chauh an ngaihtuah a, kan chak lohna lai an zawng ngat ngat, mahse kei ka awm a, chu thil chu a thleng ngailo ang.


Kan pawlah pawh hian an mahni tana enthlatu an awm a, hriatchhuah erawh a har deuh, ka dinhmun atanga min paihthlak duh lah an tam, mi duham lutuk ho hi ka kham takzet, ka pa nen kan inkar thalo nen, pawl lamah min paihthlak duh an awm reng nen, buaina in min hual vel reng hi ka kham tawh takzet!


A thawmhnaw chu ka phelh sak a, dustbin ah ka paih nghal, a bra nen ka phelh nghal vek a, panty bak a ha lo, kei mipa ah pawh pa tak hi ka taksa a danglam chak mah mah ani, ka closet ah lutin ka t-shirt dum ka la chhuak a, ka haktir hnu chuan a rang a rangin bathroom ah ka lut nghal. Ka inthiar fihlim vat loh chuan insum zo lo in ka mutpui mai ka hlau.


Hah!!! Maurice Rothstein hian hmeichhe mutpui ka hlau ania,,, mahse a rui miau a, hmeichhe rui mutpui hi ka duh thaklo,rui lo harh sa mutpui tur ka ngah emai


Shower chu ka in phuh tir sar sar a, ka harh deuh kawk in ka hria, zanin chu ka muhil theih ngut angem maw! Ka bulah hmeichhe sexy zet, itawm tak, thawmhnaw mumal pawh ha lo in ka mu dawn ani a, engvanga henu hi hruailut nge ka nih pawh ka in hrethiam tawhlo.


Towel chauh vengin bathroom atang chuan ka chhuak a, khumah chuan hmeichhia kha sam thur hiang in alo thu a, ka silai ka ban hmanlo chiah chiah "tunge inih?" a thutna atang chuan a tho a, ka lam chu alo pan a, ka lo melh ngur ringawt.


A kut chu alo phar chhuak a, ka awm vel chu alo zut a, ka mitah tak a rawn en a, a heh a pet zeuh a, a kut che chu a tawp chuang miahlo, ka insum reng peihlo a lu ah dawmin a hmui no chekah chuan ka fawp a, min chhanglet rang ngei mai.


Duhthawh zetin ka fawp ngawng ngawng a, ka towel ven lai chu ka pawt thla a, khum lamah ka pawm oheia, kan hmui erawh ala insi reng, khumah chuan ka mut a, a chungah ka in nemkhalh nghal. Ka kut ka chet a, a t shirt haklai chu alu lam atangin ka pawt chhuak a, a awm ruak kang leh ka awm a insik rual chuan ka tek deuh zuai in ka hria.



A te that takah chuan ka tawp chawt, henu hi ala thianghlim! Ka awih theilo zawk, a mittui a tling pam a "tinge min hrilh loh?" ka ti sap a, hmeichhe thianghlim ka la mutpui ngailo a, awmdan vak tur pawh ka hre chuanglo "tawp turin min duh em?" ka ti zawi sap a, a buk tak nghatah chuan harsa ti zetin ka tawp a.


A mutna sirah chuan ka mu thla ve nghal a, ka awmah ka kuah bei thlawp a, a mittui chu ka hruk sak a "ana viau em?" a hmui a fawh zeuh pah chuan ka ti a "na rapthlak khatiang reng khan ani angem?" atih chuan "nilo e a dawtleh ah chuan khatiang kha ani tawhlo ang" ka ti a, abu ve nghat nghat mai. Henu hi hriatchian ka duh, tunge a nih a khawi atanga lo kal nge tih thlengin. Ka hmelma te tana thawk ani thei mai angem? Hetianga min hip em em mai hi a mak ngawt mai.



🖤

Chapter 1 chu tikhan ni phawt rawh se,,,, ngaihnawm in tih zawng anih chuan min lo comment in min lo like sak theuh dawn nia.... chuan ads kha min lo click sak bawk dawn nia......


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:43 pm

Chapter 2

by Priscilla vl Ralte




Zinga ka harh chuan ka kawngah nghet zetin min kuah tai a, ka khi sak, zingkara ka nuih ka vawikhat hriatna ani, a kut chu la sawnin ka tho chhuak a, bathroom ah inti fai turin ka lut a, nizan thilthleng ka ngaihtuah a, khati maia ka rilru a hneh thei kha thil mak tak ani, a chanchin hi a chhe ber thlengin ka hre vek tur ani.


Bathroom atanga ka chhuah pawh chuan ala mu tui hle a, khum bula ka phone chu banin room atang chuan ka chhuak a, Remo ka call nghal "nizana nula kha a chanchin hriat vek ka duh, khawi atanga lo kal nge tih thlengin lo hre vek ang che, chuan a thawmhnaw tur rawn thawn bawk ang che " ka tih hnuah phone chu ka dah nghal a. Ka appartment hi a te lo va, sitting room zau tha tak a awm, choka lah duhthusam ani, ka room tiamin room panga a awm a, pakhat hi ka mikhual pawimawh deuh ho nena kan i kawm hona ani a, pahnih dang hi mikhual room niin pakhat hi chu exercise ka lak thin na Gym room ani.


Choka ah lutin coffee ka siam a, coffee no dawm chungin ka room ah bawk ka lut leh a, ka khuma hmeichhe mu chu alo che deuh talh talh a, ka pan hnai vat, ham bui bui chungin a rawn tho tuah tuah a, engmah a ha bawklo nen en rei duhlo in ka hawisawn vat a, ani lah chuan a ngaihsak hmel teh chiam lo.


A rawn uak that that a, a hmui a hup chawt chawt a, bathroom lam chu ka kawhhmuh vat a, ka coffee no chu dahin ka zui lut ve nghal a, toilet bawhin alo luak a, a hnungah ka lo chul vat, a duhtawk a luak ta aniang a zawi ngiai a, toilet flash chu on in ka pawm a, a hmai vel ka phih hnu chuan a harh ta deuh aniang "ka kam ka thuah duh" ati a, bardrobe chu banin ka haktir a, room lamah ka kuah phei a.



Ka vawn na chu phelhin ka mitah chiang kel kawlin min en a "tunge inih?" min ti leh tawh "i pasal mawle" ka ti sam et a, mak tih hmel deuha min enin a kut veilam tang a melh a, zungbun a hmulo chu a thaw huaiin ka hria "i zaklo zungbun pawh ka bunlo, chuan nang hi ka pasal ini ngailo ang, hmelchhe lutuk mai khawnge ka thawmhnaw kha?" tiin khum hnuai vel chu a bih kual a.


"ka paih daih tawh" ka lo tih chuan min melh vat "ka thu lo in engvangin nge ka thawmhnaw ilo paih?" ati hlar a "a rimchhia alawm, nang hian ngaihdam min dil tur zawk i nia sin, nizanah khan min luakkhum a" ka tih chuan a inngaihtuah vung vung a, chumi hnuah min lo melh lehin "ka lam lai min hruai sawn vang anih kha, min hruai turin ka ti reng reng lo che" tiin thiam a in chan hmiah.



"engpawh chu nise i thawmhnaw chu ka nau ten an lo dah dawn, i ril a tam ang eitur chu i siam thiam ang chu tiraw?" ka mitko san ak paha ka tih chuan "nanga eitur kha ka siam lullo ang, chuan nizanah nang hian min mutpui tiraw?" a tih chuan ka bu nghat "engtin nge i theih zawk? i zak chai lo ami? min mutpui turin ka eng nge inih? mi rapthlak pa" ka awm a min chum a, a tap bawk niin ka hria "nang hian min thlem anih kha, keiman bul ka tanlo" a kut man pah chuan ka ti a.



Ala tal aih aih a, a ke a thawh tel bawk nen, kawlh ve hlar hlar tak ani "misual khawro pa hremhmun lamah tawih ral rawh" tiin anchhia min lawh chiam chiam a "ka kut hi thlah rawh" atih leh chuan ring ngam chiahlo in ka thlah a, engtin mah min tilo in a muttui a hru pawk a, engmah sawi tawhlo in room. a chhuahsan hmak.


Ka umzui vat a kawngka alo hawng mek ka hmuh chuan tlanpheiin a kutah ka man a, rum theih tawpa min melh in "min thlah rawh" ati ram hmarh a "aih ka thlah dawnlo che, nang hi ka ta ini tawh a, ka bulah lo chuan i awm hauhlo ang" ka ti nghet charh a, a nui duh lek chauh "i ta ka ni lo, chuan ka nilo bawk ang, nang mihring tenawm lutuk hmeichhe rui remchanga la duh mi bulah chen ai chuan thih pawh ka thlang zawk" ati hmiah hmiah a, a kut ka manna ka kut chu a seh a.



Na ka tihloh zia hi hria se a seh peih tawh kherlo ang "min thlah vat rawh ramhuaipa i bulah hian second khat pawh awm ka duh tawhlo" mitmeng sen rum a min melh chungin ati leh a, thlah mai erawh ka tumlo, ka ta ani tawh a, keiin tul ka tih hma chu min kalsan hauhlo ang.



"hun ka tih hma chu i kal lo ang, ka bulah hian awm la i tan a tha zawk" tih pahin ka pawm nawlh a, room lam ka panpui nghal "ramhuaipa min thlah rawh, i bulah ka awm duhlo ka ti ani lawm ni min dahthla vat rawh" ti chungin a rak chiam chiam a ka ngai pawimawh der lo. Khumah ka nghat deuh chawrh a, thawh lehnghal a tum chu a dar tawn tawnah ka vuan bet a "nang hi hetah ka bulah hian i awm ang, chu chu hre reng rawh, ka thu lo a chhuah emaw fin kherek i chhuah anih chuan hre rawh i chan chu a chhe viau ang, hmeichhia inih vangin ka dim hlek dawnlo che ania" ka ti hrawk a, a ngai pawimawh derlo.



Kawngka lama thawm a awm avang chuan ka hmuiah ka kuttang ka chuktuah a, tawng tuma a ang zuau chu a hmui ka hup a, ka khum bul drawer a ka silai dah chu ka ban a, room kawngka lamah thawm dim zetin ka kal a, ka ngaihsak ta lo tih a hria chu a rawn tlan thut a, room atang chuan a tlan chhuak a "min pui rawh sir hepa hian a bula min awmluih tir a tum a, min pui hram rawh" tia a tawng ri ka hria chu ka silai lek chungin ka chhuak ve nghal vat.



A puihna a dil pa ka hmuh chuan ka thaw deuh hawk a, min rawn melh ve chiah "khatianga i thawm dim vak kha angai em ni?" ka chal dawm pahin ka ti a "ka tihpalh boss" ati chiah chu a bula hmeichhe ding chu a mengphawng hraw mai, Remo nen chuan min melhtawn zak zak a "boss maw? anih chuan hepa hi puitu nilo in nangmah ang chiaha misual maw?" ati hra a, ka lo kiai deuh suk.


"heihi ka sipai rinawm lutuk anih hi, nang hi ka lak atang hian i tlanchhuak thei ngailo ang, i tana tha ber chu ka thusawi zawm ani, Remo i mit chhing rawh" ka ti nghal zat a, ka hmeichhia a bulah bardrobe chauh ha in a ding a, chu thil chu ka thil duhloh ber ni. Ka ta miin min tawmpui hi ka duhlo, a lam chu ka pan a, alo tawlhhnung ve hrut a, a kutah chuan man chatin ka lamah ka pawt phei a.


"khawi thawmhnaw chu" ka tih chuan a mit la chhing reng chungin a thil khai lai chu min pe a, ka lak hnuah room lamah ka phei pui a, a tang deuh na chu ka lakah chuan engmah a nilo thung "min thlah teh min kai kual dawt dawt reng mai, ka ban iti na tawh, ka ke pawh a kham zozai tawh" ati hlar a, khumah chuan nem thu in paper bag chu ka hawng a, t-shirt leh jeans alo awm a, sneaker nen "hei va ha rawh" tiin paper bag chu ka pe a, ka kut atangin a pawtthla pawp a, bathroom lamah a kal tau nghawng nghawng mai.


"bathroom atang kha chuan chhuah tum buailo mai rawh, thih ila duh te anih loh chuan" ka ti a "ngawi hmak rawh" arawn ti hlar a, ka nui deuh sak. A inthlak lai chuhin Remo be turin ka chhuak a "i mit kha meng tawh ta che" a dinna ngaia la ding reng chungin a mit alo la chhing reng ka hmuh chuan nuiu aza ang reng.


"ka lo nghak che a" tih paha mengin a lu a hiat nauh nauh a "chuan boss vawiin ah restaurant pakhat neitu nen inhmuh in ngai a" atih chuan "lo cancel mai rawh vawiin chu tihtur ka nei" ka room lam melh pahin ka ti a"chuan a chanchin hriat i duh ang kha ka nei tawh a"atih lai mekin"ramhuaipa panty leh bra a tel reng reng hleinem" room atang chuan pawr tawkin alo ti chiah a, Remo chu ka melh a alo nui suk mai.


Room ah chuan ka lut a, mitmeng ling hlar in min lo melh a "heti te chun ka thawl hawk a ka awm thiam hleinem, khawnge ka panty leh bra haklai kha?" atih chuan nizan khan ka pawt chhe daih "vawiin ah i duh zat zat i lei dawn nia" a zawhna pawh chhang lemlo chuan ka ti a "pawisa ka nei hleinem ka phone pawh a awmna ka hrelo, ka pa te biak ka ngai asin le" ati zuai ruih a "pawisa lamah chuan lungngai duh suh, i phone pawh chu kan lei nghal dawn nia" ka ti mai a.



"ka duh ami?" min hnial hi a chak ve hrim hrim ka ti mai "i duhloh leh i leilo anga" ka tih chuan "ka duhloh thu ka sawi ami?" ati leh tawh, ka kut chu ka lek deuh uai a, min hlau eihlo "engpawh nise tikhan lo ha phawt teh, vawiin ah i lei dawn nia" tih pahin ka wallet ka dahna lam ka pan a, ka credit carh chu la chhuakin a kutah ka hmeh bel a "i duh duh zat i hmang thei ang" tiin room chu ka chhuahsan a, Remo bulah chuan "restaurant neitu kha ka hmu leh si ang, ramhuai tenau bula awm chi ka nilo, Arnaldo hruai la shopping turin in kalpui dawn nia, a hlatah awm reng reng suh ang cheu, in hmuh phakah a awm reng tur ani, a kalbo emaw in hloh anih chuan ka that ang cheu" ka ti a, a bu nghat.



(𝙕𝘼𝙒𝙈𝙉𝘼)


"Eng nge a chanchin i hmuh chhuah chu" ka tih zawm zat a "a hming chu Clara ania a hming hnuhnung erawh ka chhiar thiamlo, lehkha zir a rawn awm anih hmel, hostelah a awm a, mahse party velah a kal nasa a, hostel ah chuan a chang zeuh zeuh bakin a haw ngailo anih hmel, abak a chanchin hriattur a awm mang lo, he ram mi leh sa ani lemlo aniang, a chhungte chanchin engmah hriattur a awmlo" a ti a, ani berin a hriat siloh chuan hriat vak ngaihna a awmlo tih a chiang.


"I hriat ang ang pawh chu a tha e, hostel ah chuan va kal ula a bungrua vel in va la dawn nia,mahse vawiin ah nilo, a hriat laia lak bawk loh tur" ka tih lai chuan room atangin Clara chu mengrum ul chung hian alo chhuak a, ahming leh a hmel inhmeh lutuk hi aw.... Khawi atanga lo kal nge tih hi ka hriat mak mawh ani, kan hmelma tana thawk lo ni ta se,,, alo ni ngat anih chuan a chunga thleng tur hi ka sawi lawk theilo, ka rilru a hneh em em a, midang ta ni turin ka phallo.



"Remo nen hian shopping turin in lo chhuak dawn nia, hre reng rawh tlan... " ka sawi lai mek chuan "tlanbo kha lo tum buai suh a nihloh chuan hmeichhia i nihna ka theihnghilh ang, ka hre hne hlui tawh ka hmuh phakloh ah kalbo vat mai teh, ka ril te pawh a tam breakfast min pek hi i tum eihlo ami?" a rawn tih takah chuan breakfast kan la ei miahlo tih ka hre chiah, Remo chu ka melh a "ka lo keng tel vek alawm, engmahi siam leh peih dawnlo tih ka hre sa a" alo ti hlauh, min hrechiang bawk a, ani hi chu chawimawina pek tlak ani.



"Lo phawrh la ka va insiam ve ange, kan ramhuai te chi hi lo hrai puar rawh" ka tih chuan ka nui suk a, ka lu ah lukham a rawn thlawk fua, alo chhuahna lam ka en chuan Clara chuan rum mangkheng hian min lo en a, lukham chu la in ka thlek a, alam ka hawi leh a, engmah sawilo in lukham chu ka dah a, ka room ah ka lut nghal.


Ka favourite colour ka coat chu la chhuakin ka inbel nghal a, kan sumdawnna nen a inmil bawk a, coat hak hi ka ning lemlo. Ka chhuah leh hnu chuan choka lamah chuan ka phei ve nghal a, dining table kilin Clara chuan a hmaa eitur chu a hmawm bawrh bawrh a, ei tha hmu ngailo ang mai ani. A zawn chiah ah chuan ka thuthla ve nghal a, min hmulo der hmak, ka hmaa eitur in chhawp pawh chu ka ei mumal lo, ka zawna hmeichhe thu ah ngawt chuan ka mit a fu a.



A taksa enin sawtiang ang eithei tur saw a ni in ka hrelo ani "khatianga tam kha engtin nge i ei theih zawk? I thau phah chuang bawk silo a" ka ti ta nge nge a, min rawn melh zawk a, a hawisawn leh hmak, a awmdan vel hi ka tihtheih loh zawng tak ani. Ka thutna atang chuan ka tho hmak a "ka rawn haw tlai ang" Remo hnena ka tih hnuah appartment ka chhuahsan nghal a.




CLARA ROHLUPUII POV



Kan ramhuaipa mai mai chu ka tho hmak e ati ve khanglang, ka thil ei a tuiloh phah love, ka hmaa eitur chu ka hmawm mawlh mawlh a, ka helhlo hi a mak zawk ngawt ani. Hetiang ang chaw tui lutuk hi ka la ei ngailo, hostel chaw a tui vak lem silo, chaw mumal ka ei lohna pawh a rei ta hle mai, hetianga ka nung hi a chang chuan ka inthiamlo ve thin, ka pa ten min rin vangin heti lai ah min dah a, kei erawh lehkha zir chu hnailo, nilo nilo ka ti kual a, mahse inchhir in sawtna a nei tawhlo.



Tunah chuan hmeichhe thianghlim pawh ka ni tawh silo, nizan khan engtin nge ka awm chiah le? Club atanga min pawmchhuah lai kha chu ka la hria a, a hnu a thilthleng engmah hriatchian ka nei tawhlo, mumang ang ruai ani, ka thutna atang chuan ka tho chhuak a, bra leh panty ka ha bawklo nen ka ni deuh hui in ka hria "madam boss in nangmah veng tur hian min dah a, tlanbo kha chu tumlo law law rawh, boss lak atang hian tumah an la chhuak thei ngailo, aman a hun atih hunah a chhuah zalen mai thin, a duhloh lam zawnga i awm anih chuan hmeichhia inih vangin a dim hleklo ang che" Ramhuaipa chhiahhlawh rinawm chuan alo ti hap a, ka ngaithla liam mai mai ani.



Room ah ka lut a, khuma credit card ka hmuh chuan ka panhnai vat a, he mihring hi a hausa hle anih dawn hi, a phal bawk a a pawisa hi lo hmang hem hem ila nimai lawm, khawnge ka phone pawh hi a awm ni? Ka pa ka ngai takzet! Tunah lah ka be thei tawh silo, a number ka lo thiam lo kha mawl ka inti hnuhnawh.


Ramhuaipa closet chu ka hawng a, pui hem hem tak ani, coat a inkhai teuh a, t-shirt leh kekawr te, kamis leh necktie chi hrang hrang te, sana lah duhthusam, boxer pawh a ngah narawh e, ka la ha chhin ang, engmah ka tana tangkai ka hmuhloh vangin ka khar leh vat a, shopping tur chuan chhuak ilaaaa.....



Room atang ka chhuah chuan mipa sang tha zet leh sa tha lutuk mai hi alo ding a, ramhuaipa chhiahhlawh rinawm ve tho aniang, min rawn hmuh chuan a thil sawi lai chu a tawp chawt a, min thlek vung vung a, eng a hmu chu ni maw!


Remo niin ka hria khapa pawh khan ka lam alo hawi a, a coat haklai chu a phelh sawk sawk a, min lo panhnaiin a coat chu min rawn haktir a ka awmbawr a khuh vek "a lum si hetiang ka ha peihlo" coat phelh leh mai ka tum chu alo vuan bet tlat a "ha reng rawh, a nihloh chuan i awmbawr kha mipa dangin an hmu ang, boss ta ini mipa dang hip tum khan phi cheng suh ang che" ati hriam hraih a, ka hnial ngam eihlo.



"Arnaldo boss hmeichhia anih hi" en pawh en lemlo chuan ati nghet churh a, pakhata pawh chu alo bu ve nghat mai, appartment kan chhuahsan hnu chuan mall lam panin kan tlanchhuak nghal a, Arnaldo ti khan car a khalh a, Remo erawh a bulah a thu thung, car tukverh chu hawngin ka dakchhuak a, Arnaldo chuan front glass atangin min en zeuh zeuh tih ka hre reng, mahse ka melh ve duh eihlo, ka coat hak chuan ka awmbawr chu ka khuh tha sauh sauh a.



Rei fe kan tlan hnuah mall lian leh changkang zet hmaah kan ding a, ka chhuak vat, Remo pawh a rawn chhuak ang nasa, ka tlanbo teuhlo, kan ramhuaipa hausakna hi ka hmanral teuh hma chu ka tlanchhuak mai mai lovang, tum pawh ni ila ka thei chuanglo ang.


Mall ah chuan kan inzui lut a, mi ho chuan min en duh riauin ka hria, ka coat hak chuan ka inkhuh chhen a, mahse chuvang ani lo, ka hnung ah palian zet pahnih in min zui reng vang zawk aniang. Bra leh panty zawrhna ah ka lut a, mipa pahnih lah chuan min zui lut zel lehnghal.


"ka tlanbo lovang hetah hi chuan lo awm velo zawk teh u" ka ti tak na in "boss in i hlata awmlo turin thu min pe alawm, a thu chu kan zawm tur ani" Remo chuan ati deuh hmak, ka chhang buai duhlo law law.

Bra leh panty ka lei teuh a, kan chhuah hnuah t-shirt vel zawrhna ah ka luhpui leh a, pawisa ka ngah bawk a hmang hem hem ila nimai. Ka mamawh lo chen chuan ka lei teuh a, mipa pahnih te chu bawr tawh tak an ni, make-up leh eng ilo ka lei teuh bawk a, night gown lah a nalh hlawm si, thlantur ber ka hre silo ka lei leh teuh a, mipa pahnih te chuan min melh deuh kawk kawk hian ka hria..


"ka ril atam restaurant ah chawl ang" car a kan let leh hnu chuan ka ti a, ka thil lei ho chuan car atih tawt deuh vangin car an hire a "helai hnaiah hian boss a awm a, a awmna ah chuan thil i ei dawn nia" Remo'n atih chuan ka ner sak, ramhuai bulah thil ei ka peihlo a sin le, ka ril atam ka ti laklawh tawh bawk si.




MAURICE ROTHSTEIN POV


"tha taka kan in dawr thei chu ka lawm hle mai Mr, Rothstein" a kut rawn dawh pahin Mr. Brown chuan ati a, a kut chu lo vawn sak vatin "keipawh ka lawm khawp mai, tha taka kan thawhho theih ka beisei" ka lo ti ve sup a, ka phone alo rik avang chuan min hrethiam tura tiin ka phone ka phawrhchhuak a, Remo alo ni ka pick vat "boss shopping kan zo tawh a, madam hi a ril atam a, kan awmna atangin i awmna a inhlat chuanglo a, lunch i eipui hman angem?" atih laklawh lai laiin Clara chuan "kan la zo lo leitur ka la ngah" alo ti lang lang a, ka nui deuh suk.


"awle ka lo nghak dawn nia" ka tih hnuah phone ka dah a, ka nui deuh suk min hmuh chuan Mr. Brown chuan min lo thlek deuh ha a, ka insiam vat "thu lawmawm lam em ni?" nui sanga min en pahin alo ti a, ka chhang lemlo.


Reilo te hnuah an lo thleng a, Clara pawh a rawn tum bur tawhlo deuh e "i duh tawka tam i lei em?" ka bul an lo thlen rual chuan ka lo ti a "leilo ka la lei dawn" ati hmak a, ka zawnah tak a rawn thu "ka bulah lo thu rawh" ka tih chu hrelo ang hmakin a awm leh tawh "Clara helai hmuna ka fawh mualpho che i duhloh chuan ka bulah lo thu vat rawh" zawi si chang tha zet hian ka ti a, ka fawh chu a duhlo ngang aniang tum bur chungin a rawn thu phei a.



"eng nge i ei duh ang?" ka tih chuan "a to to kha" a tawi tektawk hle mai, eitur lo thlen hma chu biak chu sawi loh melh pawh min melh eihlo, eitur lo thlen veleh a nui leh var var lawi a, a nuih hi chuan a hmeltha chiang alawm, ka hmeichhe hmuh tawhah chuan hmeltha ka la ti ber awm e.


Eitur kan eifel hnuah "phone ka la leilo" atih vangin phone lei turin kan kal a, a thil lei hi lah chu eng atan em em nge atih ang ni hetiang em em a lei ni "khatin melh du du suh, ka mamawh ho anih kha" melh pawh min melh chuanglo chuan alo ti a, min lo thlithlai ve tih ka hriat chuan ka nui deuh suk.


Phone lah chu a duh khirh em em mai lehnghal a, dawr panga dawnah kan kal tawh, a tawp a tawpah chuan a duh a hmu ve a, appartment lam panin kan in khalh haw a, a duh tak a nei ta bawk a, a tum bur ta lo. Lift a kan chuan lai chuan min melh deuh vang vang a "i hmel hi chu a tha mawle!" ati zawi sup a, ka kiai deuh suk, engtin mah ka chhang lemlo.

Appartment kan luh ruala ka hmel hmuh avang chuan ka mood a off nghal vek, min lola nuih sawng lehnghal a, engvanga heta lo kal nge maw anih le?



🖤

comment naah a sei lutuk tih tur aw.... tawi viau mahse😂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:43 pm

Chapter 3

by Priscilla vl Ralte




"ka'n va hlim hmel vur vur ve " a thutna atanga rawn thawh chhuah pah chuan ati a, kei erawh in ka melh rum hle thung "hmeichhia vangin i sum i seng bawk a" atih leh chuan "ilo sawi tur pakhat mah a awmlo" ka lo ti hrawk a, a nui duh chauh "hello miss Maurice pa Mathew Rothstein ka nia" tih pahin Clara vawn tur chuan a kut chu a lek chhuak a "vuan suh room ah va phei rawh, kalh nghak bawk ang che, keimah lo chu tumah kawngka hawn suh ang che" Clara melh pah chuan ka ti a, thuawih takin a kal ve mai.



"a chhiat lemloh kha, ka fapa hi zawng ka tluk thei ngai dawnlo che anih hi, khatiang anga tha kha ka la hmu ngai hleinem, khawi atangin nge i hmuh bik a" Clara hnunglam melh chung chuan ati a, ka lo melh rum hle thung "ka hmei ni se a nawm sak dawn nen" atih leh lai chuan "i kut hmawr pawh khan khawih tum buai suh, ka ta anih saw, midang nen thil intawm neih ka duhloh zia i hria" ka ti ram hmarh a, hetianga alo kal fo dawn anih chuan Clara hi amah in a awm ka phallo ang.



"engvangin nge club thar hawn tur chungchang kha i hnawl?" atih takah chuan alo kal chhan chu a chiang ta "ka thu thu ilo buai ve angai lo" ka tih lai chuan Remo leh Arnaldo chu shopping bag bawr taka khai chungin an rawn lut a, ka pa an hmu thut chu an hamhaih ve deuh anih hmel "mi zahna in tlachham ta hle mai" pa chapo tih takah ka pa chuan chibai an buk lo chu alo helh leh viau tawh anih hmel "ka hnuaia thawk an ni, i hnuaia thawk te angin sawngbawl tum hauh suh, Remo khang ho kha dah ula Clara room bulah awm rawh u" ka tih chuan an kal nghal vat.



"kan pawl hi a that zel i duh chuan rawn inrawlh suh, he pawl hi ka thuhnuaiah a awm tawh a, tih tur leh tihloh tur min hrilh thei ini tawhlo" ka ti leh charh a, ka thusawi chu beng khawn ang pawn a awm duh leh tawh thaklo "i nula kha ka inah rawn hruai ang che, a nihloh chuan ka ta a siam ka chak teh ania" a mitmeng tenawm zet vang chuan a mitmu chu kher chhuah mai ka duh.


"ani saw hnaih suh ang che, a nihloh chuan pafa kan nihna hi ka theihnghilh ang" ka ti chang bawl a "kan la hria ang chu" atih hnuah a chhuak a, boruak uap churh vang chuan ka thaw deuh hawk a, ka pa in Clara hi ka tana mi pawimawh tak ani tih a hriat vaih chuan ka hnen atanga lak bo a tum ngei ngei dawn, ka veng zo angem ka hrelo, a duhna ah chuan pawisawilo nunna lak pawh a pawi tilo, Clara hi hmun himah ka dah angai.



Ka hmai tuai puatin room lam ka pan a, kawngkhar bulah chuan Remo te chu an lo ding a "kal tawh rawh u, mamawh in nih hunah koh in ni ang" ka tih chuan chibai min buk zeuhin appartment an chhuahsan ve nghal a, kawngka chu kik in "Clara keimah lo hawng rawh" ka ti a, kawngkhar chu ari rak a, Clara hmel hahdam tak ka hmuh chuan ka lo hahdam ve em em.



"khapa kha i pa maw?" room ka luh rual chuan ati a, ka bu nghat "in inang ka ti reng ani, mahse in van inngeih lo hmel em em" min zawt em em pawh niin ka hrelo mahse "kan inkarah hian indaidanna bang lian leh chhah zet a awm a, chuvang chu ania" ka coat hlih pah chuan ka ti a "i tha em?" tiin min zawt ta daih "ka tha" ka ti ringawt a, a kut tetakte a ka hmai lo khuap in "thudik tak min hrilh rawh i tha miahlo tiraw?" ka mitah tak min enin ati sup a, ka lo bu nghat "nanghi chan che ka hlau ani, mi tha ka nilo mi nunna ka laksak thin a, sawrkar duhloh thil ka ti thin, mahse nang ka tawng che a, min kalsan suh aw" tiin ka ngen tawp, hetiang em em a ka tlawm hi mak ka inti.



Hmeichhia vang lehnghal mahse ka zak lo, tu pawn chakloh na kan nei vek, ani hi ka chak lohna ani, darkar tam la hrelo mah ila ka hriat chhun tlemte pawh hi ka tan chuan a tawk em em tawh "mahse maw ka duh vanga heta awm hi ka nilo tih i hriat kha, duh ka nei a, nu leh pa ka la nei a, an ni nen chuan mel tamtak in kan inhlat a, ka be thei silo, min ngaihtuah tawh ngawt ang, chuvangin min kaltir mai la" atih chuan ka thinrim chuan a kut chu ka paihthla sawk a "ka lak atanga awm bo hi a ngaih pawh ngaihtuah suh, ka tello chuan he ram hi i chhuahsan ngailo ang" ti hrawkin room chu ka chhuahsan a, kawngkhar ka khar ri bur bawk.



Cub board chu ka hawng a Whisky um ka la chhuak a, no pawh la lemlo chuan a bur chuan ka in deuh khawlh khawlh a, hrawk a sa thla ham ham mai, ka duh tawk ka in hnu chuan thutkhawmna ka pan a, sofa ah chuan thu thla hnawkin ka mit ka chhing vang vang a, eng nge ka tih ber ang tih pawh ka hrelo, engmah ka ngaihtuah chhuak thei der lo.



Rei fe chutianga ka awm hnu chuan thaw hawkin ka tho a, ka lu a hai deuh map mai, room lam bawk ka pan a, Clara chu khumah chuan alo thu a, ka lut chu min lo melh reng a, hrelo derin bathroom ah ka lut a, shower ka i phuh tir sar sar a, ka harh deuhin ka hria, ka thawmhnaw chu hlipin shower gel chu ka la a, kawngkhar lama thawm a awm avang chuan ka hawi let a, Clara chuan a hmui pet chungin min lo melh reng chu niin.



"kawngka i kik theilo em ni?" ka ti hmuk a, engtin mah min chhanglo, ngaihtuah zui lo in gel chu ka inhnawih a, a rawn pen hnai tih ka hre reng, mahse ka thiltih lai ka chawl duh eihlo. Ka kawnga a rawn khawih takah chuan a lam chu ka hawi a, min melhdan chu ka duhlo insum theilo in min siam leh mai dawn "inbual dun i duhlo em ni?" a mitmeng atang chuan a thil duh chu ka chiang lutuk, mahse nakina a inchhir ka duhlo.



"i hnunglam hawi la ngawi rengin chhuak rawh" ka ti sup a, a lu a thing nar nar "ka insum theih lai hian ka thu chu awih mai rawh, nakinah thilthleng vanga inhnial kha ka peih dawn miahlo ania" ka ti deuh hrawk, ka la insum theih lai hian chhuak vat sela, atan pawh a tha zawk ang.



"ka chhuak duhlo i ruala inbual ve ka duh" a kut a dahna hmun chu a fuhlo takzet! A duh chu ka pe ngei ang, insum theilo in min siam bawk a, a duhai tam ka pe ang.


A samah chuan na vaklo a kekin ka kuai dak a, a hmui nem thep chu ka hmuiin a bawhthuah nghal, duhthawh zetin ka fawp a, dingdihlip ar ar in ka nghawngah a kut a rawn rawlh a, min chhanglet tha ngang mai, a thawmhnaw chu ka phelhsak a, kan hmui erawh a inthlah lo.


(ka huphurh🤣)


"i cho chhuah ania inchhir suh ang che" ka tih deuh hrawk hnuah ka tihtur chu ka ti nghal, a te leh deuh that a, a reilo a hnua a te dan chu na tih vanga te ani tawhlo.


"kha thil vang khan ka rilru a danglam lo ania, ka tello chuan khawiah mah kal phal ini tawhlo" bang chu nghengin ka mit ka chhing vang vang a "nangmah tih lungawi nan che leh tlawn nan che kha thil kha ti ka ni reng reng lo" atih chuan ka kiai suk "anih chuan engvang nge?" ka mit chu mengin a lam chu ka thlek a "ka hre chiah biklo, ka rilru leh ka taksa duhdan kha ka thunun theilo ani, a chhan chu nangai daih hian ka hre chak zawk" tih pahin ka lam chu alo pan leh a.


Ka lo ding mar deuh at a hmuh chuan "a dang beisei leh ka nilo" tih pahin shower chu a on a, kei ka lo nui suk thung "zanin chu zanriah kan eichhuak dun dawn ami niang" ka tih chuan shower chu a off a "ka peihlo inah ei zawk ang, chhuah vah hi ka ning, vawiin ka kalkual nasa si" tih pahin bathrobe a ban a, a ha zui nghal.


"chuti anih chuan kan order mai dawn nia, awmpui ka nei lemlo a, weekend ah bak alo kal ngailo" towel chu la in ka veng ve nghal a, engtin mah min chhang lemlo, bathroom atanga kan chhuah hnuah a thil lei ho a phawrh kual a "khang ho zawng zawng kha i ha seng ami?" ka tih chuan min rawn melh a "i credit card min pek a awm zawng zawng kha hman zawh vek ka tum mawle" atih chuan ka nui hawk.



"Ramhuai pawh an lo nui ve thei anih hi" ngawiawm lam rawng kai lek lek a atih chuan ka nui tawp hmak "vawikhat pawh ramhuai min han ti leh teh, basement ah ka kalhkhum ang che" ka tih chu hria ang pawn a awm leh tawhlo, ka closet ah kalin t-shirt ka lachhuak a, kekawr dum ka in thawlh leh tawp a, a tawk der.



Clara chu a inchei hlarh hlarh a, ka nuih te pawh a za zawk "boss CIAO" room kawngka kik paha Remo'n alo tih chuan ka tho nghal vat, Clara chuan mak tih hmel deuhin min lo melh "room hi lo chhuahsan suh ang che" ka tih hnuah room chu ka chhuahsan nghal a, CIAO hi kan pawlah chuan thil hlauhthawn awm fe a awmin kan hmang thin, a na zawngin kan hmang ngailo, kan hman erawh chuan indo a hnai em em zel.


"kan club pahnih an lo suasam a, kan naute tamtak an that in a then an man bawk a, chuan a pawimawh ber i pa kha a mantion a a haw lam an lambun a, min vo nan i pa kutzungte tang an rawn thawn bawk" tih pahin a romol a kutzungte tang chu min hmuhtir a "eng nge an phut?" ka ti ram hmarh a, ka in seh ruh tawlh tawlh bawk.


"chu erawh chu nangmah an biak hunah che an sawi chauh tur thu an sawi" atih laiin Arnaldo alo tlan lut a "boss Big boss zungbun duh ber an lo thawn" tih pahin ka pa zungbun to tak leh a ngaihnat em em mai gold lui ang maia kawi ngel ngul zungbun hi bawm te ah a rawn keng a.


Ka phone alo ri ve chiah bawk "hello" ka tih chuan lehlam ami te chu an reh vang vang a, a hnu ah mipa tenawm zeta nui thawm a rawn awm a, putar na tuar thawmin a zui nghal bawk "Rothstein i pa kuttang kha ilo hmu ang chu tiraw? a thisen pawh ala dir chur chur thei nia" tiin a nui leh a, engtin mah ka la chhanglo "a dawt leh ah chuan a beng kan ti tawh dawn em ni?" a tih leh takah chuan "eng nge i duh?" ka ti a "wow fapa fing kan tum ilo man chat a" atih hnuah eng emaw a ri sawt sawt a.



"kan silai tawlhruk in lo lambun leh club min laksak ta kha kan duh leh" ati ta a "pe duhlo ta che ila" a thinrimna ka pa lakah a hri thla dawn tih ka hriat lawk vangin ka fiam kual a, ka rindan chiahin kut in thlak thawm a ri nghal a, ka pa na tuar thawm chu hriat nuam ka ti tlat nia "kan sawi ang chuan ti mai rawh anih loh chuan i pa hi i chan ani mai" atih lai chuan midang chu an lo nui ham ham a"ka fapa an thu ang chuan ti mai rawh, ka tan thih ala remlo" thei leh theilo hian alo ti a.



"thi pawh nise tunge pawi ti?" ka tih leh chuan nui thawm a reh hmak "putar i fapa hian i thih hi a pawi ti reng renglo anih hi, i fapa hi ka van chhuang em!" tiin a nui zui leh a, ka pa chu a rum hawk "khawi hmunah nge?" ka ti ta a, infiam buai hun ani tawhlo "Warehouse no 7 ah, fin kherek kha chhuah tum buai suh, i pa hi eng atan mah iti lo anih pawn i nau te zinga i ngainat em em Domino hi chu i ngaihtuah ang chu" a rawn tih chuan ka inhum ruh nghek.


Domino berkher kan pawla lo tel hlim ani a, an retheih em vanga rawn awm ani, ala naupang a, an chhungkua chawm ngailo phei se chu hetiang hna tawl lutuk hi a thawk duh hauhlo ang, sum a tanpui ka tum lahin a duh ngai silo, ka pa ka ngaihtuah loh pawn ani tal chu ka ngaihtuah angai.


"Remo in pahnih kha appartment ah hian lo awm ru, chhuak reng reng suh u, helai pawh hi an lo bi tum thei, Clara saw in hmuh phak rengah a awm tur ani, chhuahtir reng reng suh ang cheu" room lam chu ka pan nghal a, chutia hmanhmawh zeta ka lut chu mak ti zetin min lo en a, ngaihsak lovin ka silai leh ka mamawh dang ka lakhawm zung zung a "khawiah nge i kal dawn?" ka hnung lam atanga alo tih chuan ka thil tih lai dahin a lam ka hawi a.



"eng thil pawh thleng se helai hmun hi chhuahsan miah suh, ka sawi chu i hria em? mamawh i neih chuan Remo te an awm a, nangmahin awm hrang reng reng suh, ka lo haw leh vat ang" a chal fawh zeuh pahin ka thiltih lai ka chhunzawm a, ka bulah ala ding reng "ka sawi ang khan lo awm ang che" ka tih hnuah room ka chhuahsan a.


"boss ka lo kal ve ang" Remo'n alo tih chuan "Clara hi lo veng zawk rawh u, midang ka hruai ang, ka sawi ang khan in lo ti dawn nia" ka tih hnuah room lam chu ka hawilet leh zawk a, thaw hawkin appartment chu ka chhuahsan a....


(ih...chapter hi maw a tluan ang diak diak in a kal theilo a, link ngaia zawm ngai ang chi kha ani rih a, a chhan pawh class kan kal tawh a, assignment leh eng ilo tih tur alo awm ve reng a, board exam tur ka ni sia, kum tir atanga tan nghak pat angai sia, Active reader te lakah ka inthlahrung lutuk,,mahse min lola hrethiam hram* teh u)



(ZAWMNA)


Ka nau te thenkhat ka koh hnuah kan kal tumna lam kan pan a, engpawh thleng dawn se Domino hi a dam angai, kei erawh thi pawh ni ila a pawi tawhlo, kan thlen chuan pawn lama lo ding ho chuan an silai an phawrh sap sap a, keini pawn kan hum ran "khai khai khatin kan mikhual pawimawh lutuk hi lo welcome tur ani hleinem, in silai kha dahthla ru" warehouse chhung atanga lo chhuah paha titu chu rum mangkhengin ka melh a.



Ani erawh chuan min nuih leh sang tawh "Rothstein kan inhmuh lohna a rei ta hle mai" ka lam lo pan pahin ati a, a nui hmel te hi ka kham, kahdarh vek mai ka duh "Falcone i duh chu ka pe ang che, mahse chumi hmain ka pa leh Domino kha him taka hmuh ka duh" ka tih chuan a kutin minnlo hui zeuh a, ka che eihlo.


"i lut phawt ang, chutiang vel chu nakinah kan sawi dawn nia" atih pawh chuan ka che changlo "chutianga hun khawhral hman ka nilo, ka duh chu i hria" ka tih deuh hmuk takah chuan a inla muk ve tan a "chuti ahnu indo i cho tihna ah ka ngai ang" tih pahin ka hmai zawnah a silai a rawn phawrh chhuak a, ka nau te pawh chuan an silai chuan an tin nghal.



Kei erawh chuan ka silai chuan ka la tin lo "come'on Rothstein game kan tan dawn chauh alawm" a silai dahthlak pahin a nui huah huah a "kan tihtur chu kan tih vat zawk a tha ang, hetiang vang mai mai a ka hun khawhral hi ka duh lemlo" ka ti leh a, min hnungchhawn in warehouse chhunglam chu a pan a, ka zui hma chuan ka nau te chu ka signal zeuh a, ka lut ve nghal.



Ka pa te an hrenna room kan luh chuan an lo awm nual, ka va luh chuan an kut chuan an silai awmna a tin fur mai, ka pa chu chair ah an lo phuar hlawm a, a lu leh a kut vel te chu thisen in a khat, Domino hmel reng reng ka hmulo "khawnge Domino?" ding chawtin ka ti nghal a, an nui ham ham mai.



"chuti maia inrem theihah ilo ngai reng reng em ni? i fing viau emaw kan lo tia, en ang chu ilo nihloh hi" tia thamlo taka min tawngkhum chuan ka silai chu ka phawrh nghal, an ni pawh chuan min tin ve ran a "boss hetah ka awm" chau tih hriat taka aw thawp sata Domino lo tawngna lam chu ka hawi a, room pawh ni chiahlo, inping dang ve tho si, thim mup atangin ani.



Ka silai dahthlak ka tum chiah tihin pawn lamah silai kap thawm a rawn awm a, kan tang nghal hru mai "nang mi tenawm phiangsen pa min bum ngam amaw?" Falcone chuan tiin a silai in min tin leh ta ran a, midang ho pawh chuti tho "chuti maiin in lakah ka tlawm in ring reng reng ami? in inla fing viau sia" an tawngdan ang chiaha ngei awm a ka chhan chuan silai a puak that.



Ka dar veilam a thip zawk bawk, ka pa lamah ka tlan phei a, ka bawhthlu deuh rawp silai mu a leng chuai chuai a, dawhkan in ka in hliah, ka dara min lo dawmtu ka en chuan Remo ani, lo kallo turin ka ti chiang viau a sin, ani hetah a awm anih chuan khawnge Clara? Appartment ah amah in a awm tihna ani thei mai angem?


"i tha em boss?" alo tih chuan "engvangin nge ilo kal? Khawiah nge Clara?" ka ti ram hmarh a, ka dar in min tur deuh ut ut bawk "Appartment ah Arnaldo nen an awm, ngaihtuah suh" tih chauhin min chhang, mahse ka la lungawi chuanglo "a bula awm tur i nia sin" ka tih lai chuan kan lamah silai an lo kap a, ka pa chu buaipui tura hrilh in ka silai ka hmetpuak a, pakhat chu ka kap thal der.



Rei fe kan inkah hnuah "ila hria ang Rothstein phuba ka la la ngei ang" tia Falcone tawng thawm hla tial tial vang chuan ka hawichhuak a, chhuatah chuan thisen leh mihring an let phung a, tumah dam an awm tawhlo anih hmel.


Ka pa chu a rum leh hak thin a, na atih hmel hle, ka khawngaih hauhlo, a phu tawk a hmu ani mai.


" Remo ka pa hi lova hruaichhuak rawh" ka dar chu ka khawih zawk a, chet zawngin a thip leh zawk zawk thin tihloh chu a na lutuk pawn ka hrelo.


Nichin a Domino an dahna lam kha ka pan a, a thim lutuk a engmah pawh ka hmu theilo, mahse mipa na tuar rum leh hak thin ka hriat chuan ka rin pan tawp.


Domino chu ka pal deuh a, a rum hawk mai, a taksa chu ka rin dap a, a eng deuh laiah ka hruai chhuak a, ka nau te ho chuan ruang ho chu an lo dahfel hlawm bawk "boss ka tha ania" thei leh theilo hian ati a "aw... i tha damdawiin ah ka hruai ang che" ka tih chuan zawi deuhin a nui a "ka nu leh ka unaupa kha hrilh dan i thiam ka beisei" atih chuan ka lu ka thing a.


"chutianga ka tih chu a ngailo ang, damdawiin ah kan kal anga dam takin in awm ho leh dawn alawm" a pum a thisen chhuak tur hmeh pin pah chuan ka ti a "ka unaupa khan doctor nih a chak a, khawngaih in chu thil a nih theih nan chuan lo pui rawh aw" a aw chu ka hre chang chang ani.


"beidawng suh a har ang tih ka hria mahse sual let rawh" tia ka fuihna chu a hre tawh pawn ka hrelo, zawi zawiin a mit a chhing a, a hnuk a chat nghal, hetiang hi thleng tur a nilo, a nu bulah engtin nge dam taka ka hrilh theih ang? A fapa upa zawk a chan tih hi, phuba chu lakin a awm ngei ang.




🖤

a tawi lutuk ka inthlahrung zawk, mahse maw ka khua a sik nasa lutuk a, ka mit a thip bawk nen type a har lutuk a, chapter thar chu a zia deuh tawh ang aw....


Chuan min lo comment sak dawn nia... 🖤


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:43 pm

Chapter 4

by Priscilla vl Ralte



"boss" tia min koh ri vang chuan ka hawi chhuak a "engzat nge kan chan?" tiin ka lo zawt a "sawm vel chuan paruk vel an hliam bawk a, an ni lam kha chu kan that deuh vek, a hotu zual pahnih chauh an bang" Remo'n atih chuan ka bu nghat a, Domino chu ka en a, a nu in engtin nge a tawrh theih ang ni? "boss i ban kha kan enkawl vat loh chuan" atih chuan ka lu ka thing vut a.


Domino chu ka pawm a "boss i ban kha" Remo'n alo tih leh chuan ka melh deuh hrawk a, pawn lamah ka chhuahpui a, ka ban chuan min tur ve ut ut mai, mahse keia tawrh te chu nep te ani, anu thinlung keh sawm hi ana daih zawk. Car hnungah ka mut tir a, car a ka luh hma chuan "an awmna chin lo chhui ang cheu, he ram hi an chhuahsan tur a nilo" tia ka hrilh hnuah car ah ka lut a "boss keiman ka lo khalh ange, accident a hlauhawm" car tukverh a lo dah pahin Remo bawk chuan ati a,.


Ka hnial lemlo car atang chuan chhuak leh in car chu ka hel a, a lehlam ah chuan ka thu lut a, kan kalna tur pawh hrilh chawp a ngailo, front glass atang chuan seat hnunga ruang chu ka melh leh zeuh thin a, keimah ah inthiamloh na a rawn awm chawp chilh nghal, che rorum in hlauhawm angin lang viau mah ila mihring ve tho ka ni a, inthiamloh na te chu ka nei ve thin, ka ti lang ngai lemlo thung.



Mahse tun tum erawh a danglam, ngati nge dam chhan nei tha apiang hi an thih mai le? Kei engmah dam chhan nei lo hi hei chen ka dam a, eng nge maw roreltu hian a thil tum ni ang? Car seat chu ngheng in ka mit ka chhing vang vang a, engtin nge dam takin anu chu ka hrilh ang tih ringawt in ka rilru a luah. Engtin nge alo hmachhawn ang tih hriat ani silo.



Rei kan rial lo Domino te in chu kan thleng a, an in tetakte atang chuan eirawng bawlna khu alo chhuak a, anu chuan a fapa hna ban hun alo nghak awm si a, nidanga an in hmachhawn dan nen a va inang dawnlo em!!


Car hnung chu ka hawng a, ka pawm chhuak leh a Remo chuan min tih chhawk tum viau mahse ka duh tlatlo, keimah vanga hetianga awm hi ani a, keimah ngeiin a mawh chu ka phur tur ani. Remo chuan kawngka chu a kik a, nu valai tak hian kawngka chu hlim hmel pu sangin alo hawng a, mahse ka kut a ka pawm a fapa a hmu chiah chu a hlim hmel a tawp riai riai a.


Ramhuai hmu ang maiin a dang nghal sawp sawp a, a mitmengah chuan natna a rawn awm chawpchilh nghal, a mittui chu a far nghal zung zung a "ka fapa engtin nge hetiang a thlen theih? Ka duatte hetiang tur a nilo asin, zingah pawh hlim hmel pu sangin in i chhuahsan a, dam taka ilo haw leh tur thu i sawi kha" tiin a tap nghal hawm hawm a, Remo chuan va kuah vatin inchhung lam a panpui a, keipawh chu ka lut ve vat.


Anu chu thutthlengah alo thu a, a tap hawm hawm a, a mal chungah chuan Domino chu ka nghat a, a biang chu chul kualin a tak anih a rinloh thu a sawi a sawi a, a bulah chuan kan lo ding ngawi reng thung "nu ngati nge a? pawn atangin i tap ri ka.... u.. kha kha ka u ani tiraw? Eng ngati nge khatianga a awm a?" Domino nau school bang chuan alo ti a, a bag chu dah in a rawn tlan phei a.



"Nu tinge ka u hi? tinge thisen in a bual a? a thi ami?" tiin a nu chu a zawt mawlh mawlh a, chhanna a dawn chhun chu mittui chauh ani "u hetiang ngawt chu ani theilo, kan bulah i awm reng dawn itih kha, i mit kha lo meng leh rawh, u... i nau thusawi hi ngaithla rawh U" tiin a tap zui hawm hawm a, anu pawhin a hnem thei biklo, an tam hawm hawm a, an na tuar hmel hi thil hmuh hreawm tak ani.



"hetianga ka u ti tu hi tunge? ani chu min hrilh rawh ka that ve dawn, ka u chunga a thiltih man hi a hmu ve dawn alawm, a awmna min hrilh rawh" ka kawra rawn tham pahin Domino nau chuan alo ti a, Remo chuan lo dan a tum a, ka lu ka lo thin avang chuan a kut chu ala let leh riai riai a.


"a awmna ka la hre biklo,mahse kan chhui mek a kan hmu harlo ang, inbeng dai rawh i u phuba chu keimah ngeiin ka la ang" ka ti nghet churh a, min ring ngam se ka duh ani "nilo keimah ngeiin thah ka duh" a mittui chu a tuai leh deuh pawk a "nilo nang chu naupang ini, hetiang hna bawlhhlawh lutuk hi khawih ve suh, i u khan doctor nih i chak thu a sawi a, ini ngei tur ani, ka pui ang che, i hna tur chu mi nunna chhanhim ani, keini anga la tu nilo in" ka ti a, a lu a thing nar nar.


"ka u ber a awm tawhloh chuan engmah nih ka duh tawhlo" ati sap a, a mittui far chu a hru a "nilo e i u a awmloh vang hian i tum ti ruh zawk ta che, i u a awm tawhlo a, i nu hi i mawhphurhna ani tawh, doctor tha tak ni la i nu hi nuamsa takin i siam dawn nia" a dara vawn pahin ati a "tinge ka u kher? Mi tamtak zingah tinge ani kher hi a thih bik? A thil sual tih awmchhun chu kan chhungkaw chawm nana he hna a thawk hi ani, keimah vang vek ani ka nu ka tum alo sang em a, ka u hi hetiang hian a awm a ngaih phah anih hi, nu ka tihpalh aw keimah vang vek ani" tiin anu chu a kuah a.



"ka pi ruang hi kan lo buaipui ang" tiin ka thu hniam a "Maurice hetiang a ka fapa awm tir tu chungah hian phuba min laksak ngei ngei rawh aw,,, ana ka ti emai ka fapa duatlai min laksak tu hi dam taka a awm ka duh biklo e" la insut hraih hraih chungin Domino nu chuan ati a "tehreng mai ka pi i duh ang chuan ka ti ngei ang tih ka tiam a che, kei hi thih phah hial dawn pawh ni mah ila ka thutiam hi ka bawhchhe lovang" ka ti a, ka aw ah chuan ka ti ngei dawn ani tih a hriat theih ka ring. I'M A MAN IN MY WORD...


Domino chu kan thlah liam a, anu erawh in a la tuar thiam tak tak theilo, keipawh hian ka tuar ve,,,,'Domino i nu leh i nau hi ka thlahthlam ngailo ang, i thihna phuba chu lak ani ngei ang' ka rilru chuan ka ti a, ka appartment lam kan pan lai pawh chuan thil dang ka rilru ah a lut thei mruhlo, khapa Falcone awmna tur ringawt khan ka rilru ati buai ani, ka hmuh hun chu a thih ni ani nghal ang.


Appartment kan thlen chuan zanlai ani tawh, Remo chu ka car ka khalh haw tir a, ka appartment a ka luh chuan Arnaldo chuan min lo pan vat "boss madam khan a nghak char char che a, ilo haw har tur thu ka hrilh chung pawh khan alo la nghak chat char che a, nichin lawk khan room ah a lut, i ban kha" alo ti zung zung a "ka tha i haw thei tawh ang" ka tih hnuah bu nghutin a chhuak zui a.



Ka tum ai ka buai ta lutuk a Clara pawh ka lo theihnghilh hmin thak, thilthleng a tam bawk nen ka chau ve nghulh thei, room ah chuan ka lut a, ka khuma hmeichhe mu chuan min ti hahdam deuh sawng sawng in ka hria, thawm dim zetin bathroom ah ka lut a, ka darin min tur deuh ut ut vang chuan chet chu a harsa ve det.



Towel veng chungin bathroom atang chuan ka chhuak a, Clara chu ala mu tui sek sek khawp mai, ka towel venlai chu phelhin boxer ka inthawlh a, khum lam chu panin puan chu ka keu de de a, ka inthawlh dawn chauh a Clara chu a rawn che deuh talh talh a, ka lo ngaihchan reng lai chuan a mit chu a rawn meng siar siar a, min hmuh chuan thawh phan pawh awmlo in a rawn tho nghal a "tinge i va lo haw har ve!? Eng nge itih a? Ka lo nghak ve char char che a, i tha tiraw?" tiin min zawt zung zung a.



"min ngaihtuah suh ka tha alawm" tih te a chhang in puan chu ka hlim belh a, ka mu nghal "i tha miahlo kha i dar kha engtin nge a awm a? Thisen a chhuak ania, damdawiin ah kal ang" tiin min tur deuh ut ut a "Clara min ngaihtuah suh ka tha, Ramhuai ka nih kha, hetiang te mai mai na tih i ring ami?" ka ti sap a "hm... khatin min tu kher suh aw,,, ramhuai tih te kha chu ka thinrim laia ka sawi anih kha, theihnghilh rawh ka ngaihtuah lehlo che" tiin min hnungchhawn zawngin a mu a, a sir thei ang berah a tawlh phei bawk.



"titau thlem ka thiam lo ania" ka ti sup a "tunge titau?" tiin min zawt let khauh "nangmah" ka ti a, ala che duh eihlo "ka titau lo" a vei lutuk hian "tak tak" tiin a darah ka khabe ka va nghat a, a rawn nghawk sawk "ouch,,, ka dar" ka ti hap a "khawi lai maw? Ana viau em? ka tihpalh khatia tih kha ka tum ani lo ania" tiin ka dar chu a rawn thlek a, a kawngah ka lo kuah chawt.


"tikhan min ngaihsak lo tawh reng reng suh" ka ti sup a, a ngawi reng "thilthleng a awm tiraw?" minute hnih vel ngawi renga kan awm hnu chuan a rawn ti a "aw.. vawiin ah ka nau te tamtak ka chan a, ka ngainat ve ber a tel ve a, an inah kan hruai a, a nu in min lo chhawn dan chu khawvela ka thil tawn tawhah chuan a hreawm ber pawl ani ngei ang" thaw hawk in ka ti a "ka tihpalh lutuk" atih chuan a hmel chu ka en a, inthiamloh na ka hmu ringawt chu mak ka ti.


"tinge ngaihdam min dil?" a bianga chul pah chuan ka ti a "i nau i chan a, han tawrhpui vak dan che ka hrelo a" atu niah niah a, ka nui deuh suk "muhil rawh a tlai tawh" ka ti sup a, thuawih takin a mit a chhing a, keipawh chu ka chau ve deuh bawk nen ka muhil ve thuai a.



(🆉🅰🆆🅼🅽🅰)



Khami ni atang khan kan fimkhur lehzual a, zawmthaw taka awm thei kan ni tawhlo, an awmna lah kan chhuichhuak mai theilo lehnghal a, a khat tawkin Domino te inah ka kal thin a, anu pawn pawm thiam tawh khawp mai, a fapa thihna kha ka thiamloh mah nise thiamloh min chan lova 'nang hi ka fapa upa zawk ini' ati mauh mai a, a lehlam kawng zawnga ngaihtuah chuan thil lawmawm tak ani.


Ka pian tirh atangin nu hmangaihna ka dawnglo a, ka seilenna in a zirlo bawk nen hetiang hmangaihna tih vel mai mai hi engmah a nilo, tih hi hmangaihna chungchang ka hriat awmchhun leh ka dawn awmchhun ani. Hetianga a fapa anga min ngai hi ka tan chuan chawimawina ani, thisen ah inzawm lo mah ila, kan awmdan ah tal nufa kan nih chuan ka duh tawk em em.


Zingah ka tho a, breakfast ka ei a, appartment ka chhuahsan nghal mai thin, tun dinhmunah chuan ka hna bak engmah pawimawh dang a awm theilo phuba lak tur ka nei a, ka tihtum ka tih hlawhtlin hma chu ka bei ang, chu chu Maurice Rothstein intiamna ani.


"Boss i phone a ri" tia min lo biak chuan ka ngaihtuahna atangin ka harh deuh zawk, phone chu ka ban a, min kalsan zui nghal. Screen a hming chu ka en a Clara ani, in khat a cheng siin ani nen pawh hian kan inhmu in kan inbe ngai manglo, zinghma takah ka tho a, alo thawh hun pawh nghaklo in ka chhuak a, zanah tlai takah ka haw a, alo mu leh tawh thin bawk nen,,,, kan in hmu khat pawh a awm khawp mai.


Phone ka chhan rual chuan "Maurice" hla tak atanga tawng tih hriat takin a rawn au lang lang a, thawm a ti deuh sawt sawt bawk nen "Clara khawnge i awm?" ka thutna atanga din hluai pah chuan ka ti a, a hmasa khan hetiang hian ka pa an rukbo khan thawm a ri deuh sawt sawt anih kha, ka chiai na tizual tur tingin min la chhang mai lo lehnghal.


"Clara min chhang rawh khawnge i awm?" a aia ring deuh zawk chuan ka ti a, ka dinna atanga pen sawn in ka office atang chuan ka chhuak vut a, corridor ah chuan ka pen phei pawk pawk a "Maurice ka... awm... appa... " engmah hriat chian theih siloh hian a rawn bah deuh nawk nawk a, ka pen chak zual sauh "khawnge i.. " ka tih laiin phone chu a in cut hmak.


Ka call let leh a a tlang thei tawh derlo, a tlan in ka tlanchhuak a, ka car ah lutin ka inkhalh chhuak nghal a, Remo ka call pah bawk "Clara a biak tlang theihloh a awmna lo chhui rawh hmanhmawhin" ka ti a, ka off zui nghal. Ka speed ka san sauh a, an ni ho kha an lo che leh a, Clara hi an tina anih ngat chuan an damchhunga an inchhir na turin ka che ngei ang. Thih chak ngawih ngawiha siamin that law law tura min dil turin ka siam ang.


Appartment ka thleng tep tih ah Remo hnen atangin call ka dawng a, ka pick vat "khawiah nge?" engmah a rawn sawi hma chuan ka ti nghal tawng a "tunah airport ah a awm mek,,,ka hriatsual loh chuan a chuanna tur flight chu tun atanga minute 10 ah a thlawk chhuak ang" atih rual chuan brake chu ka rap nghal a,,, ari deuh tuar thei.



"Khawiah maw a awm?" ka ti khauh far a, ka kawchhungah hian thinrimna a bing lut mawp mawp nimai hian ka hria "airport ah boss" atih rual chuan ka car chu ka her a, airport lamah chuan ka khalh lehnghal a, ka thinrimna chu car ah ka hri thla a, ka khalh chak ngei mai, ramhuai speed diktak ani....


Ka lo ngaihthah lutuk tihna em ni? Pawlah buaina a awm bawk, ani lehzel hi chuan ka thinrimna tichhuak zawngin chet thawhlo se a tan pawh a tha zawk a sin,,, a tirah pawh ka sawi lawk vek hmeichhia a nihna in a chhanloh tur thu,,, mahse ka thusawi zawmlo in min palzam a,, ka duh em chu ka hrelo mahse ka tan hian hmeichhe mai mai a nilo, tunah erawh chu chu amah ngeiin a thlak danglam vek tawh...



Ka thusawi kha zawm nise a chan a that dawn teh lul nen, ka tana mi rinawm leh ka thuawih te lakah a na zawngin tha rum emaw ka sualna ka kawchhunga ramhuai ka ti chhuak zen zen lo, mahse ka tana mi hnawksak leh ka thusawi zawmlo tu te tan erawh setana tenau ka ni thung.


Ka tlan chak bawk a kar lo ah airport chu ka thleng a, ka car pawh park tha lo chuan ka tlanchhuak nghal a, mahse mipui tamtak kara hmeichhe pakhat zawnhmuh tum chu buhpawl kara hriau zawn ang vel ani, ka thinrimna sosang nen tu hmai mah ka zah duh tawhlo.


Ka silai chu ka lachhuak a, chung lamah chuan ka hmet puak a, an phu zuk hlawm a, an chiai nasa mai, min en deuh thup bawk, chutih lai chu remchangah la in ka mi zawn chu ka melh kual a, sawta saw le,,,,,, mi karah alo dak dek dek a, ka hmu tih a hriat veleh a kalsawn nghal vat "ding nghal rawh" ka ti vin thah a, a chesawn ngam tawh eihlo.



"ka thu zawmlo in kalbo i tum a, ka thusawi zawmlo te ka tihdan in ka ti dawn che, a tirah ka sawi vek hmeichhia i nihna in a chhan dawnlo che" tih pahin a banah ka hmer a, thinrim vanga hmer ka ni bawk a, ana ve ngang aniang a mittui a tling nghal pam thei "k... ka.. kaaa.... Mau... maurice ana ania" mittui tling pam a min en in ati bah deuh nawk a, ka engah mah a thawklo ka tih chuan dawt ka sawi ani,,,ana hmel ka hmuh hian hreawm chu ka ti, mahse ka thusawi a zawm duhloh man hi a hmuh angai,,,, ka pawisawi pawi zia hi a hriat angai.



🖤

a tawi dan hi🤣

naktuk zanah sei deuhin k ron ti ag


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:43 pm

Chapter 5

by Priscilla vl Ralte



Car lamah ka pawtphei a, a tang ngamlo, car ah ka thutluh tir hnuah nghet zetin seat belt ka hren tir a, a ip deuh chawih mahse ka zahngaihna ka lantir anih chuan min hlaulo tulh tulh anga, min namnul anga ka hnen atangin a kalbo vat mai ang, chu chu ka thil duhlo ber ani.

Car a ka luh hnu chuan chak zetin ka tlanchhuak a, a insut leh feih feih thin chuan ka thinrimna ati zual "ka hriatlai in vawikhat pawh han tap leh teh, ka silai a mu awm zawng zawng hi kha i lu bur tereuhte ah khan ka kap lut vek mai ang" ka ti hrawk a, steering chu nghet zeta vuanin ka speed ka san sauh.


"Maurice hetiang mi hi ini lo, min kal tir rawh keini chu awmdun tur kan nilo, min kal tir la i tan leh ka tan pawh a tha zawk" hlauh vanga aw khur deuh bap bap chungin ati a, ka kiai suk "ka kal tir ang che maw? Nang hmeichhia thu ka pe e te min tih ve khanglan a,,, ka thusawi zawmlo in tlanbo i tum a, inthiamloh a hnek in thu min la pe ngam ania, i phu tawk hremna chu ka pe em em ang che" ka tih hnuah car brake chu ka rap a, ka tlan chak bawk a, kan ding chiah chu hmalam ah kan bu lawp thei.


Car atanga chhuakin Clara thutna lamah ka phei a, car khawngkhar ka hawng chu khawngaihthla la zet leh min hlauh hmel takin min lo en a, min hlau hmel ka hmuh hian lawm tur ka ni,,, mahse ka lawmlo, lawm a hnek in ka inthiamlo, mahse chumi vang ngawtin ka chhuah theilo, ka thu pek zawmlo te chu tupawh nise ka chhuah ngailo, chu chu hman atanga ka tihdan ani a, ka thlak thut theilo.


Seat belt chu phelh sawk sawkin ka pawt chhuak a, a kut erawh a hma ang em em in ka hmer na lo, warehouse hnunglam chu ka panpui a, basement a chhulthlak na tur step ah chuan ka kaithla hlawk hlawk a, ka nau te lo awm chuan chutia ka kal thut chu an hamhaih deuh aniang min en deuh ngur ngur a, ka rum tak nghut ah chuan harhchhuak in an ding sang sang a, chibai min buk nghal sap sap.


"lova chhuak rawh u" ka ti nghut a, kun chungin an chhuak a, chair ah chuan Clara chu ka nam thu a, chair banah chuan ka kut pahnih hlam duai in hnai set sawt ah a mit ah tak chuan ka melh ran a, a mit khap zeuh zeuhin min melh ve ran bawk "engvanga min kalsan tum nge inih?" ka ti nghut a, ka melh run vang chuan a chil a lem leh khawlh a.


"min chhang rawh" ka ti vin deuh tuar a, a phu deuh zawk a, a mittui a luang lehnghal, ka hawi sawn chiang teh e,,,, ka hua in ka thin ti rim viau mahse a tap hmel ka hmu thei tlatlo "ih... k.. ka... tih.. palh..khawngaih in.... min kal tir rawh... ka nu te bulah ka haw... duh.... tawh" tah insum taka tiin a hmui a hup a, ka hmaa tah chhuah chu a hlau ngang ania nge...


"ka thusawi kha awih mai la hetiang hian i awm miahlo ang,,, i chunga thuneitu ka ni,ka sawi ang angin tun atang chuan awm tawh ang che a chiang em?" amah pawh la melh chuanglo chuan ka ti a, min chhang lo in a insut leh faih faih a, rum deuh nghutin room chu ka chhuahsan nghal a, pawn a ka nau te lo ding bulah chuan "lut suh ang che u,,, chuan he room hi a chhuahsan tur a nilo, eitur pe lo ula tui pe bawk hek suh u,,, a hun ka tih hma chu he room kawngkhar hi a in hawng tur a nilo" ka ti hriam hraih a, kun chungin an lu an bu nghut nghut mai.



Basement atang chuan chhuakin ka car ah ka lut a, seat hnung chu ngheng in ka mit ka chhing vang vang a, thilthleng hian ka rilru an tibuai ani, lehlamah misual zawnlai nei ka ni a, engtik lai pawh a inring reng a awm angai a, chutih lai karah Clara in buaina min lo siam leh zel bawk nen, ka hah ani, ani tal chu tha taka awm tur ania sin.


Car steering chu ka chum deuh pawp a, ka rum leh nghut a, car chu ti nungin kalna tur pawh hre chuanglo chuan ka in khalh chhuak a, rei fe ka tlan hnuah ka ding a, car atanga ka chhuah chuan ka awmna ka hre mai lo, ka hawikual deuh a, ka piah lawk luikam lam chu ka pan a, lung ah chuan ka thu a, tui tlai ni tla tur sen phut in a chhun en sar sar chu Clara nen ka tehkhin lo theilo.


Ani chu a eng in a mawi em em a, a bula ka awm chuan ka hahdam a, kim riau a inhriatna ka nei, a en na in midang zawng zawng a en khalh a, midang mawina hmuh theihloh khawpin a eng fal a, mahse a enna chuan chuai hun neiin a ral a, thim alo ni a, engthil nge anih tih pawh hriatloh khawpin a rawn thim a. Kar lo ah a rawn eng leh a, midang mawina a rawn en khalh leh a, a thim leh a, ze mumal a neilo, a awmdan pangai rengin a awm thei heklo.



Hetiang reng reng anih dawn chuan ka chelh reng thei angem ka hre ta hauhlo, tunah pawh ka chan hman tep ani a, nakinah chuan ka chan tak tak ni alo thleng ngei ang, chutih hunah chuan ani kha theihnghilh in ka nundan pangai ah khan ka let leh thei angem? Nge ani kha zawngin ka umzui anga, ka hmuh hma beiin ka hmuh hnuah ka kianga awm turin ka hruai leh zawk ang?


Chutiang thil chu a thlen ngailo in tun atangin ka in hmakhuah lawk angai ani, min kalsan ka duhlo a, chan ka duh heklo, a tir a ka rilru leh tuna ka rilru chu inperhsan tawh tak ani, a tir kha chuan vawi hnih khat ka mutpui hnuah ka thlah leh theih mai ka ring a, mahse tunah chuan ka bula awm reng turin ka duh, nupui atan hial neih ka duh. Nie,,, nupui atan neih ka duh chuan ka nei ngei bawk ang,,, Maurice Rothstein hian a duh chu a nei ngei ngei thin. Ka duh chu Clara hi ani, ka nei ngei bawk ang, a nunna, a thlarau, a engkim hi ka ta vek ani tur ani.



Ka inngaihtuah chhungin ni pawn min lo peihlo san tawh, khua chu a thim a, thla leh arsi te chuan ka rilru an hria emaw tih mai turin an langlo, an eng mawi tak leh tunah ka rilru awmdan hi a inhmeh lo an ti ve deuh te pawh ani mahna. Ka car dahna lam chu ka pan a, warehouse lam ka pan a, ka inngaihtuah nasa bawk a, ka rilru pawh ka siam fel diam tawh.


A duh emaw duhlo emaw Clara hi nupui ah ka nei ngei ang, ka ta anih a, ka nupui anih chuan ka hnen a ta a kalbo thei tawh ngailo ang, mahse ka hmelma te lakah erawh ka thup angai thung ang, ka chak lohna an hria anih ngat chuan Clara nunna hi der thawng ah ka dah tihna ani dawn a, chu thil chu ka thlen tir ngailo ang, ka venghim ang.


Warehouse ka thlen chuan basement lam bawk ka pan a, ka nau te chuan chibai min lo buk sap sap a, kal pel in room lam ka pan a "boss i kal hnu khan thawm engmah alo la chhuah lo" an lo tih chuan ka awmdan chu thup in keimah ah effect awmlo ang maiin ka bu nghut ringawt a, mahse a ruk tak chuan Clara ka ngaihtuah engtin nge a awm ang?


"in kal thei tawh ang, mamawh in nih hunah koh in ni ang" ka tih hmuk hnuah room ah chuan ka lut a, Clara chu chair chungah chuan alo la thu reng a, a mit a chhing chial a, ka pan phei vat, a bianga khawih pahin ka ko a, min chhan chu khawilam a mit pawh ala chhing reng "Clara" a ai ring zawk chuan ka ko leh a, min chhawn tur reng reng a awmlo.


Ka hlauthawng tan, ani hi chan ka duhlo, ka pawm lawp a, room atang chuan a tlan in ka tlanchhuah pui a, ka nau te ho ko in min lo zui turin ka ti a, ka car a ka dah fel hnuah Clara chu ka pawm a "pakhat khan car lo khalh rawh a bak kha helai hmunah hian lo awm rawh u" tua thu ka pek zung zung hnuah hospital lam panin kan inkhalh chhuak a, a khat tawkin Clara chu ka ko leh thin a, min la chhang theilo, ka chiai ani ber. Hetiang hian ka awm ka la hrelo, ka chan anih chuan keimah vang ani dawn a, keimah leh keimah hi ka in ngaidam thei ngailo ang.



Hospital kan thlen rual rual chuan ka chhuak a, Clara chu pawm in ka luhpui a, doctor leh nurse ka hmuh hmasak ber chu ka pan chawt a, stretcher ka muttir hnuah ER ah kan luhpui a "ka pu helai chin hi chu ilo lut theilo, tah hian lo nghak rawh" tia nurse min dang tu chu rum tawkin ka melh a, min hlauh hmel kher mai "kal tawh rawh" ka hnung lam atanga tu emaw in alo tih chuan nurse chu a kalsawn nghal a.


Ka hawilet chuan Remo alo ni, engtin nge maw chanchin alo hriat ni? "insum rawh miss Clara chu a tha em em ang" ka dar a lo vawn pahin ati a "keimah vang ani, ka lo ngaihsak loh vang vek ani" ka ti sup a, thutthleng ah chuan ka thu a, ka khup a ka kiu nghatin ka lu chu ka dawm a, ka mit ka chhing vang vang a, Clara nui hmel ringawt ka hmu thung.


Darkar 3 dawn hnuah doctor alo chhuak thei hram e "doctor eng nge chanchin? Clara chu a tha ang tiraw?" tiin ka lo zawt nghal a, tun ang dinhmunah hi chuan inti pachang thei pawh ka nilo "a tha e a taksa in a mamawh ang chaw tha a hmuhloh mai bak ah a zawi em em a, a rilru a damlo bawk ani, a rilru ti hah zawngin awmlo hram rawh u,, a rilru a hah chuan a taksa in a tuar zel dawn ania" atih hnuah min kalsan a.


Ka inngaihtuah a, a rilru hah nachhan pawh keimah vang leh bawk, a lo harh hunah a chhungte bulah chuan ka kaltit mai dawn em ni? Mahse lo let leh duh tawhlo ta se,,,, ka rilru ati buai lutuk, hetiang em em a ka inngaihtuah buai hi ka hre ngailo, heipawh Clara vang leh bawk, henu hi chu tereuhte ni si hian min thlak thawk thawk reng mai anih hi.


"Remo apparment ah ka inthlakna tur va la rawh, Clara bulah hian ka awm dawn" ka tih chuan bu ngutin min kalsan a, cabin lamah Clara an sawn hnuah a bulah chuan ka thu a, a mit a chhing chial reng a, a hmel chu a dang deuh a, a hmui pawh tlem a duk, mahse a hmel thatna a bo chuanglo,ka tum angin ka che leh thei ta silo a, mipa pawh sawi anga chet theihloh chang alo awm anih hi.



(ZAWMNA)


Remo lo thlen leh hnu chuan ka thawmhnaw ka thlak a,hmundangah ka kal theilo,Clara chu ka awmpui chawt a,doctor khan 'darkar hnih hnu velah chuan alo harh mai ang' ati kha ania, ani hian ka nunah hmun pawimawh tak a luah tawh ani.Alo harh hunah a hmaa ka tumdan ang bawk khan nupui ah ka nei anga,ka ta bil ani ang.


Mipa dangin an khawih a an suasam tur ka ngaihtuah ringawt pawn ka thin a rim thei.Ka hmaiah kutin a rin riak riak ka hriat chuan ka man chawt a,ka meng chiah chu Clara nen hnai set sawtah kan inmelh siah mai, a hmel chu a chauh hmel viau "ilo harhna a rei tawh em?" tiin ka thinrimna thup in tha deuhin ka zawt a, tawng kaa min chhanglo in a bu nghut ringawt.


"vawiin thilthleng vang khan min la haw ngawt ang tiraw?Mahse ka inchhir miahlo ania, ka thu i zawmlo a, mahse tun atang chuan ka thu i awih anih chuan engtin mah ka ti tawhlo ang che, mahse ka thusawi i zawmlo leh anih chuan vawiin ai nasa khan ka che tawh ang" tiin tha takin ka hrilh a,ka aw atang chuan palzam mai mai chi ka nilo tih chu a hriatthiam ve mai ka ring.


"i tui a hal em?" tiin thu dangah ka kai daih a "min kalsan rawh" tih pahin a kut ka vawn chu pawhthlak mai a tum a, ka phal i khaw lo "kei hian ka kalsan ngailo ang che,chutiang bawkin nangpawn min kalsan lovang, hospital atanga i chhuah veleh kan innei ang" ka tih chuan a mengphawk ngang mai "nang ramhuai engtikah mah ka nei ngailo ang che, min thlah rawh" tiin a tal ta vak vak mai "khatin awm suh i tan a thalo ania" tia ka sawi chu hria angin a awm duh thaklo.


A hma ai nasa in a tal a "ka nei lovang che ka duhlo" tiin a au chiam chiam a, han khawih vak dawnin damlo ani bawk nen han tih vak ngaihna ka hre silo, nurse leh doctor te lo lut ka hmuh chuan ka thaw hawk, nurse te chuan chelhbeh tumin an bei fat fat a, doctor in syringe ah eng damdawi emaw hi a thun mawlh mawlh bawk a "kha kha eng nge?" ringhlel deuh tak chuan ka zawt a "a taksa tih zawi na tur anih hi, hetianga a awm reng chuan a tan a thalo" tiin nurse te chu vuan bet turin a hrilh zui a.


Doctor in a tana tha atih chu a tha ani mai,tih rilru pu in ka vawn pui a,syringe a damdawi a kah zawh hnu chuan zawi zawiin Clara chu a inthlah dul tan a, ka hriatthiam siloh tawng hian a riat deuh nawk nawk a, a mit a chhing riai riai a "heti ringawt chuan a dik thei dawnlo, treatment a lak mai angai ang, hetianga a awm reng anih chuan ramhuai ang maia chet hun ala nei ang" tia doctor in a sawi chuan ka mak tihna chu a thup theilo ani ber.


"doctor engtin tak nge a awm chiah a? Chiang deuhin min hrilh teh" ka ti a "rilru kim lohna chikhat ania, a damdawi hi a vang ang reng a, kei pawh hian treatment chu ka pe theilo, he natna enkawl tur hi chuan mithiam chungchuang angai" ati a, ka thaw hawk, tinge Clara kher hetianga a awm le? Keimah zawk hi tinge ka nih mai loh? Tinge ka bul hnaia awm te hian eng emaw buaina an neih zel le? Tihsual tamtak ka nei a, keimah zawk hi hrem ngai chu ka ni, ka nunna hi la zawk mai se, ka bulhnai a awm ka tana mi pawimawh tak tak te hian an tuar zel mai chu a ni si a.


Keihi anchhe dawng ka ni, ka bula an awmin tumah an himlo, mahse ka kalsan thei ngawt silo "engtin nge he natna hi alo awm dan?" tiin beidawng tak chuan ka zawt a "rilru hah lutuk vanga awm thei ania, a nihna takah chuan khawharna in a ken ania, an inngaihtuah nasat lutuk hian thluak lampang ah nghawng nasa tak a nei thin a, lunglenna vang pawn a awm thei tho" ati a, keimah ah inthiamloh na a
nasa tulh tulh, a nn khawhar zia ka lo hrelo ani.


A chhungte a ngai em em tih pawh a sawi a, ka hma ka sial vangin ka ngaihthlak sak duhlo a, chu a hnek in ka bula awm turin ka vau zawk ani si a "a enkawl theitu doctor chu i hria ang tiraw?" beisei nei taka ka tih chuan "hria e,,, mahse amah hi a buai thei lutuk a, appointment siam nan pawh hun a duh rei khawp ang" ngaihtuah tih hriat tak hian a ti a "biak theihna tal i neilo em ni?" ka ti leh hap a "a pawi ka ti lutuk ka neilo mahse a hming chu ka hrilh thei ang che Samuel Holds ania, ani ai thiam hi an la awm kherlo ang, hei vang tak hian biak pawh hi a harsa a" atih chuan beisei na thar ka nei leh ta.


A chhan chu a mi sawi hi ka pa thian hnaivai tak ani tlat, peihlo viau mah ila ka pa puihna ka dil angai "Remo tah hian lo awm reng ang che, room hi i chhuahsan tur a nilo, hmelhriatloh i luhtir bawk tur a nilo" tia thu ka chah mawlh mawlh lai chuan "Maurice" Clara chuan alo ti sap a, a harh emaw tia ka va thlek chuan a mit alo la chhing reng "Maurice" tia a kut a rawn phar chhuah takah chuan a kut chu ka va vuan vat a "hetah i bulah ka awm ania" a kut a fawh pah chuan ka ti a, ka sawi chu a hriat hmel loh.


A muhil leh tawh ania nge, rei vaklo ka nghah leh hnu chuan ka kut chu ka la zal zal a, a biangah chuan ka chul leh zeuh a, room chu ka chhuahsan a, ka pa in lam ka pan nghal. Ka pa in hi ka kal lohna a rei tawh a, khami ni an rukbo ni bak kha ka hmu leh tawh miahlo bawk, pafa anga kan awm ka la hre ngailo. Ka pa in hungna gate lian pui a ka tlan luh lai chuan ka zam ve deuh.


Ka kal lohna a rei tawh mai bakah he in hrim hrim hian eng emaw ka sawifiah thiam siloh uapna a keng, ka naupan laia hun hreawm tak ka tawrh thin na hmun anih vang te pawh ani mahna. Step ah chuan ka pen chho a, a in lianpui chu roh san ang maiin a reh, a chhunga cheng te hlim hmel hmuh tur a awm ngailo, bengchheng an siam ngam tlatlo, ka pa duhloh zawnga an awm chuan a nunna a tawp nghal kha ani thin a, he in lian tak hnungah hian pawisawi lo ruang tamtak zalh ani.


Inchhung ka luh chuan maid pakhat hi ka lam panin alo kal a "eng nge mamawh i neih le boss?" tiin zah takin chibai min lo buk a "ka pa hmuh ka duh a" amah en kar chung chuan ka ti a "big boss chu a room ah a awm a, min lo zui rawh" tiin inchung lam a pan a, a kaldan atang reng reng chuan kal sual emaw thil tihsual a hlau hle tih a hriat theih, hetiang em em a ka pa nunrawng chhan hi ka hre chak takzet!!


Ka pa room zawn kan thlen chuan maid chuan kawngka a kik karh karh a, chhangtu reng reng an awmlo "boss big boss chu a muhil aniang, nakinah lo kal leh mai ta che" atih chuan ka lu ka thing a "ka theilo tunah ngei ngei ka hmuh angai, keimah in ka lut mai ang i kal thei tawh ang" tih paha kawngka kik mai ka tum chu min lo dangin "big boss a thinrim mai ang" ati sap a, a mitmeng atang pawh chuan a hlauhthawn zia a hriat theih.


"engtin mah a tilo ang che, kal phawt mai rawh" fiah kel kawl a ka tih chuan hreh zetin a kal a, kawngka chu kik lemlo in ka nam hawng a, ka pa chu a khumah alo mu a, a muhil pawn ka hrelo a mit a che dat dat reng a "ka pa" ka ti sup a, min chhang duh thaklo, pa inti ve tak kha ani miau a "biak che ka duh ania" ka tih takah chuan thaw hawkin a rawn mengchhuak a "tihbuai chi ka nilo tih hrethiam tur chu i nia sin, tunge ilo luh tir che? Chhiahhlawh tlak tlailo lutuk, a nunna a hmangaih lo tawp anih chu" ati zui phiar phiar a, ka lo ngawi reng thung.


"engthil ah nge min biak i duh?" a duh tawkin a ang ta aniang "i thian pakhat min biaksak turin ka duh che" tiin ka point ah tak chuan ka lut a " ka thian min hmangaih miahlo tu te zinga a tu ber nge?" tih pahin a mit hmul a kan ak a "Samuel Holds" ka tih chuan "eng natna nge i neih a? Doctor hial rawn i ngaih tak a" nui huah huah chungin ati a, tun dinhmun ah tak hi chuan mamawh hle lo ila chu a lu bur ah sawn ka silai mu hi ka kap lut daih tawh ang, mahse a dam ala ngai, ka la mamawh miau a, ka insum hram hram angai.


"i be dawn nge dawnlo?" ka ti hmuk a "be duhlo ta ila" a mitmeng a min cho na avang chuan ka kut ka hum ruh sauh sauh a "i be dawn" insum hram hram in ka ti a "a chhan chiang tak a i sawi lo anih chuan ka be hauhlo ang" ati ta hmuk a, ka kut humruh chu ka thlah riai riai a, chhuatah chuan ka thingthi hnawk a "ka pa khawngaihin ka ngen a che, engpawh ka ti mai ang, mahse min biak sak hram rawh, he pawl hi lian tak leh thank duang tak anih i duh chuan keihi min mamawh, mahse kei chu ani kha a awmlo anih chuan engmah ka nilo, kei ber ka tlachhia anih chuan engkim a chhe vek ang, chu thil chu a thlen i duhlo anih chuan be rawh" beidawng zet chuan ka ti a.



Hetiang ang em em a ka tlawm ta hi mak ka inti, ka pa lakah ani lehnghal, mahse ani kha chan ka hlau em ani. Heihi em ni hmangaihna an tih fo chu? Alo ni anih chuan Clara hi ka hmangaih hle ani, Maurice Rothstein mipa induh tawk ve tak, kei ka ni inti pha ve ngat pawh hetiang em em a tlawm hian min siam thei ania, hmangaihna vanga an nunna la ta te hi ka dem ta hauhlo.Kan hmangaih tak te kan bula an awm theihloh chuan eng nge kan dam reng nachhan tur?


Damchhan neilo a nun hi thil hreawm tak chu ani chiang alawm "kha hmeichhia vang kha ani tih min hrilh miah suh" rum zeta min melh pahin ka pa chuan ati a, ka ngawi reng "pathian leh!!! i hmangaih phiangsen ani maw? Hei vang hi alawm hmangaihna a i tlukluh ka hlauh em em,,, ka hlauh ang ngeiin a thleng ta anih hi" tih pahin a lu chu a dawm vang vang a, engtin mah ka chhang lo. Rei ngial chu kan ngawi dun vang vang a, a chang zeuh zeuh a ka pa hui leh pap thin tih loh chu thawm dang a awmlo.


"i hmangaih viau ami?" a rawn ti chhuak a, ka lo bu nghut "a tha e ka bia ang mahse ani kha i kalsan tur ani, hmangaihna tih vel mai mai vanga inti buai hman ini lo, i hna chauh i ngaihtuah tur ani, hmangaihna hi engmah a nilo, keipawh hetiang mai mai hian ka nun tak hi" ati a, ka hawi chhuak a, kei min en lo in tukverh lam chu hawi a, a lung a len hmel kher mai.


Ka pa hi hetianga nunrawng tak a a awm chhan chu hmangaihna a a tlukluh tawh vang ani thei mai angem? Ti em em a hmangaihna a hua hi chhan chu a awm chiang alawm, ka la hrechhuak khawp ang "ka theilo, nupui a neih ka duh" ka ti sap a, ka lam pawh a rawn hawi chuanglo "thi turin i duh tihna em ni?" a rawn ti a, ka thaw hawk "a tha e engtin mah iti zui dawnlo anih chuan ka thlah ang" ka ti ta a, nie ka thlah mai angai, ani chuan min hmangaih ve loh mai bakah hetiang a a awm chhan hi keimah ka nia, a chhungte bulah chuan hlim takin awm mawlh rawh se.


"ka tan engmah a nilo i thlah ala ngai dawn tho tho, i hmangaih takzet anih chuan tunah hian i thlah angai, hmelma ho an lo chet hunah i venghim zo dawn em ni? Engkim ngaihtuah fel vek tur ini tawh asin " alu thing nar nar pahin ati a, ka tho chhuak a "i sawi angin ka ti anga, ka sawi angin ka awm bawk ang, nangpawh mipa i nihna angin i thusawi ah i din ka beisei" ka tih hnuah room ka chhuahsan a.


Hospital lam panin ka inkhalh chhuak lehnghal a, kawng tluanin ka inngaihtuah a, ka pa thusawi kha a dik chiah ka bulah a awm reng anih chuan a nunna atan a pawi lutuk, kan hmelma lamin ka tana mi pawimawh tak ani tih an hriat phei chuan ka tal awh theih nan ani hi min laksak phet an tum dawn, chutiang anih ai chuan a chhungte bulah thlamuang takin awm sela, a tan pawh a tha zawk,ani chu a tha mai ang.

Mahse kei ve hi......


🖤
a ngaihnawm em? comment ah lo sawi diat diat ru aw...

A hmasa mi nen chuan chhiar tham lawih anih hi aw... 😂

ads kha click theuh bawk ang aw... 👇🖤


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 15th, 2022, 2:43 pm

Chapter 6

by Priscilla vl Ralte



Karkhat zet hospital a kan awm leh hnuin Mahattan lamah doctor Samuel hmu turin kan kal dawn a, ka pa khan ka hnena a sawi ang ngeiin alo bia a, awlsam takin appointment pawh kan neih theih phah a, ka pa lak a ka lawm ber tum aniang, Clara nen chuan kan inbe ngai manglo ti ila a dik ber ang, kan inmelh zeuh zeuh ringawt ani mai.


Ka private jet in Mahattan a thlen chuan chawl khawmuang lovin Doctor Samuel Holds clinic lam kan pan nghal a, Clara chu tukverh a a dak vauh vauh reng a "treatment i lak zawh hunah i chhungte bulah chuan i haw thei ang" ka ti a, alo hawi rang khawp mai "i ti tak tak tiraw?" a hmel ah chuan a hlim hle tih a hriat.


"ka bulah i hlim silo a, tih theih dang ka nei hleinem" amah pawh melh chuanglo chuan ka ti a "ih,,, ka chhungte ka ngaih zia chu i hriat kha, i duh chuan ilo kal ve thei reng a" ati sap a, a hmel ka en a, ti tak tak hmel a pu, henu hian eng rilru nge maw a put reuh ni?


Min hua in ka bula awm a duhlo em em in ka hre sia, tunah amah zui turin min ti leh a, hmeichhe rilru tak hi chu!

Ka chhan zui loh avang chuan kan ngawi dun leh vang vang a, clinic kan thleng zui nghal bawk. Appointment nei sa kan nih avangin a room ah chuan kan lut tlang nghal a, kan lut chu min lo nuih sang pahin "Welcome Mathew fapa ini maw?" alo ti a, chair a Clara ka thuttir fel hnu chuan ka thu thla ve vat a.


"ni e kan lo kal chhan chu sawi ngailo in i hre tawh a, engtin nge itih zui zel dawn?" ka ti nghal a, a nui suk, a palian lemlo na in a sa a tha a, a hmel a fai veng a, pa in uluk tak tih a hmel atang pawn a hriat, nuihmel lah chu a pu dang roh lehnghal a, engtin nge ka pa daih daih a kawm theih ni? An mizia a inan loh teh lul nen.


"nula khumah sawn lo va mu rawh" tiin kan sir lama khum lam chu a kawk a, Clara chuan min rawn melh a, ka lu ka lo buk nghat takah chuan a thutna atanga tho in khum lamah a kal phei a "i nupui nge i pa in min hrilh lemlo a" zawi sap a alo tih chuan ka lu ka thing a "nilo e,,,, ka,,," ka ti uk tak nain sawi ngaihna ka hrelo, ka bialnu ti dawn ila ani chiahin ka hre silo, ka nupui hual lah ani bawk silo.


Ka chhanna beisei tih hriat rengin min en kar a, ka ka ka chip ta hmak thung, a hrethiam aniang a nui leh suk a "tikhan lo awm rawh" tih pahin a nui ruh ruh a, nuih tur a awm pawh ka hre silo a, hepa hi a mi pangai chiahlo a maw ni?


Clara a check lai chuan ka phone alo ri ve chiah a, ka va hawi zeuh hnuah ka chhuak a "sawi rawh" Remo anih vangin thil pawimawh anih ka ring "boss Falcone te kha an awmna kan hre tawh, an in sawm khawm a, kan spy in a sawi dan in i awmbo lai, vengtu i neihloh laiim beih che an tum thu an sawi a, boss lo fimkhur rawh keini pawh kan lo thleng thuai ang" alo ti zung zung a.


"keichu ka ngaihtuah awm loh, Clara hi engtin nge ni ang? Treatment a lak zawh hma chu a haw ka phal silo a" ka ti a, tlem chuan ka rilru chu a buai ve deuh "heti hian ti ila, i ngaihdan ani em chu ka hrelo a, mahse miss Clara kha in mansion thuhruk ah khan awm mai sela, nang chu hmundang daihah i awm thung anga, doctor kha chu in hire mai anga, chuti chuan a him ka ring" a tha phian mai, Remo nge nge a duhna ah hi chuan a fing teh e.


"chutiang chuan tih kan tum dawn nia, ka pa veng tur khan mi tu emaw tir bawk la, nang chu hetah lo kal rawh" ka ti a, kan duh ang thal a ro kan rel hnu chuan phone ka dah a. Room ah chuan lut mai lo in bang ngheng in ka inngaihtuah vang vang a.

. Chutih lai chuan hmeichhe pakhat hi alo kal a, a hmel ka hmulo na in a hnunglam atang chuan Clara nen an inang takzet, an danglamna erawh Clara sam a sei zawk a, henu sam hi chu a tawi deuh zawk.


Ka rilru a thil lo lut avang chuan ka nui suk a, chu nula chu ka pawt ding a "min thlah rawh" a rawn ti vin thah a, a rawn hawi let a, a hmel pawh a chhe lemlo, Clara nen an mizia a inan hmel, an thinchhia.


"miss min lo hrethiam la ka be lawk thei che angem?" keimah anglo takin ka polite ve phian, ka hmel a hmuh chuan a hmel chu a inthlak danglam vek, a mitmeng mai mai chu(h) a chalak riau.


"eng nge ni ta Mr?" no hnap mai hian alo ti a, ka nuih te lam lam a za zawk, Clara hi hetianga lerh a nilo hi ka lawm, nilo se chu mi ka thah belh teuh ngei ang.

"helai a thawk hi ini em?" ka tih chuan a lu thing in "ka thian pakhat a awm a, ka tlawh mai mai" min melh dan vel hi hetiang mizia ani hi a tha hlauh e,,,, ka hmanna turah hian hetiang pawisak neilo mi hi nih angai.


"in hlawhna tha deuh ka offer ang che, a hlawh chu a tlem lo ang" ka tih chuan a ngaihtuah lo lam daih ka sawi tih a hmel atang chuan a hriat, mahse insiam tha leh vatin"eng hna?" a rawn ti a, hmeichhe mawl tak chu anilo anih hi.

"mi pakhat lem chang turin ka duh che a, thlathum chhung vel" ka tih chuan mak atih hmel khawp mai "chu chauh chu maw ka tih tur?" a khabe dawm pahin ati a, ka lo bu nghut "engzat nge ka hlawh dawn?" a tih loh kha ka ringlo reng ani.


"ka sawi tawh ang khan a tlem lo ang, a zat diktak erawh ka sawilo ang, i hna i tlin leh tlin loh ah a innghat ang, i hna i tlin viau chuan bonus pawh a awm ang" ka tih chuan a hmelah phurna a rawn langchhuak nghal.


"a tha e engtikah nge hna chu ka tan ang?" atih lai mek in room atang chuan Clara alo chhuak a, doctor in alo zui bawk, hmeichhia nen kan lo ding dun min hmuh chuan a ner deuh a, mahse a insiam tha leh thuai.


"eng nge chanchin?" tiin Doctor chu ka zawt a, Clara ka mitsir zeuh a, ka bula hmeichhe ding chu chik em rm mai hian alo melh a, nuih ati za zawk.


"kar leh atangin treatment lak tan nghal angai ang, chuan... " atih lai mek chu lo pawt chat in, ka bula hmeichhe ding chu ka melh a, koh mai ka han tum a, a hming ka lo hre reng reng lo "aa... miss Clara nen hian sawtah sawn min lo nghak dawn ami niang?" tiin zawt mah ila Clara ka en daih thung.


Clara chuan melh pawh min melh lo in a inher vut a, a kal nghal daih, hmeichhia pawh khan a zui ve thuai a, eng em an va ti lo ang chu.

"doctor Clara treatment lak chhung hi chu hire che ka duh a, i hriat angin civil mi kan nilo a, hmun tinah hmelma kan nei a, min thah chak tak tak lah an tam a, tunah pawh hian min thah tum a min chang reng tu an awm a, helai thleng thleng hian min umzui a, treatment a lak zawh ah clara hi chu ka thawn haw mai dawn a, chumi hma tal chu i thei ang chu tiraw? Kan mansion thuhruk ah ani dawn a, treatment lak chhung tal chu min pui thei ang chu tiraw?" beisei nei zet hian ka ti a.


A inngaihtuah vung vung hnuah "ka thianpa fapa inih vangin i sawi ang chuan ka ti ange, mahse treatment lak chhung chauh ani ang aw, damlo ka nei ve nual si a" atih chuan ka lawm kher mai.

Chutih laia kan sir a thawm lo awm avang chuan kan hawi phei a, ka thil hmuh mai mai chu a thinrim thlak ka ti dawn nge a nuihzat thlak ka ti dawn!!


Clara chuan nichin a hmeichhia kha a samah alo kek a,, pakhat lah chuan khawih let ve a tum tak nain Clara chuan a kuaikun hneh em a a ban pha velo, Clara chu ka tawng hriatthiam loh bawk khan a riat deuh nawk nawk a, a hmel atang chuan a thinrim tih a hriat.


Ka va pan a pawh then ka tum a, Clara lah chuan alo vuan nghet em em mai bawk si, ka pawh vak chuan pakhat sam hi a til mai ang tih a hlauhawm bawk si, hman tangkai ka tum si a, inti palh chi a nilo.


"Clara thlah rawh" mi thinchhia tih takah ka ti leh ta khur khur a, a tha a thlah ik lo, a kutah chuan ka man a, ka phih deuh lawp a, a pai chawn chawn mai "i tha em?" tiin hmeichhia kha a sam a hmai zar tu hui kian sak pah chuan ka ti a, alo tap pur chu niin, a tuar a zuau ve hle mai.


"engtin mah ka tilo, min lo kek ringawt a" insut faih faih chung hian ati a, ka awih chhete lo, Clara hian amah tibuai tu lo chu engtin mah ati hmasa ngailo, kan chengdun rei ve tawh a, chu chu ka hre hneh ve lutuk.



Clara nui hak ri ka hriat chuan a lam ka hawi a, rilru nat hmel zet hian min lo en a, a mittui a tling pam bawk. Keimah ah inthiam lohna a rawn awm chawp chilh nghal a, a biang dawm tuma ka kut ka phar chhuak chu alo vai sawk a, rum tawk a min melh lehin a kal nghal daih.


A hnung lam chu ka thlir zui a, khatianga a rilru na hmel kha ka la hmu ngailo, amah aia hmeichhe dang ka ngaihsak vang kha ani thei mai angem? Mahse ani chuan ka lakah feelings a neilo "Maurice khatia ding reng lo khan va umzui rawh, engtin emaw awm ta se i inchhir na tur a thui mai mai" ka hnunglam atanga doctor in alo tih chuan ka inngaihtuah harh vat a, Clara kal na hnu ah chuan ka kal ve nghal a.


Clinic pawn ka thlen chuan ka hawi kual a, Clara hmel awm ang ka hmu mai lo chuan keimah ah hlauhthawnna a rawn awm nghal, kan hmelma ten min veh reng laia hetianga ka hmuh phak loha a awm hi thil tha tak zawng a nilo chiang alawm.


Kawtthler ah chuan ka kal kual a, a hmel awm ang reng reng hmuh tur a awmlo, ka call thin a, a reject zel mai bawk si, a rei a rei ah chuan a switch off hmak tawh. Zanlai ani tawh khawiah nge maw a kal hman ni? Ka hlauthawng in ka beidawng takzet tawh.


"Clara khawiah nge i awm? Ka bulah lo let leh rawh!!" hmui phunin ka ti sap a, chutih laia ka phone lo ri chu ka phawrh chhuak rang ngei mai Remo alo ni "sawi rawh" ka ti hmuk a "boss miss hi a awmna i hria em?" a rawn tih chuan ka ding ngil zawt, ka bulah a awmlo tih a hria anih chuan alo hmu ani
thei mai angem?


"khawiah nge?" ka ti nghal thawr a "hetah hotel kawtah ka hmu a, khawiah nge i awm? Kan lo kal mek" alo tih chuan ka thaw deuh huai mai, a him leh him loh ka zawh hnuah ka awmna ka hrilh a, kan inbiakna kan ti tawp nghal a.


Chutia Remo bula a awm ber chuan ka thla a muang ta deuh. Hetiang em em a hmangaihna in min thlak danglam hi tunge awih thei ang ni? Mi rorum tak kha hmangaihna tuipui ah ka pil der mai chu ani si a.



After 1 month

Thlakhat zet kan in enkawl hnuah Clara pawh a zia deuh a, hmelma lamin buaina engmah an lo la siamlo a, a tihzia ang reng, tha taka treatment kan la thei hi a lawmawm ber.


Clara nen erawh kan inkar a tha vak lemlo, kan inbe khat si, tawh pawh ka tawk ngailo, khami zana hmeichhia nen khan kan la inbe pawp reng a, tunah lo che thut thut lo mahse an awm mai mai reng dawnlo tih ka chian vangin chuti maiin ka thlah theilo.


"vawiin hi a tawp berna tur ani ang, hemi zawhah hi chuan engmah pangai lo a awm tawhlo ang" Doctor in a tih chuan ka rilru chu a nui ru ver ver, mahse ka hmel ah erawh ka lantir duhlo thung. He doctor hi a fing riau a, a lakah hi chuan Mafia boss ka nih angai.



"boss Falcone leh a pawl ten big boss mansion an bei anih chu" hmanhmawh deuh taka Remo'n alo tih chuan ka thutna atangin ka tho nghal, khuma Clara mi chu ka melh vat a, kan thawm a hrelo anih hmel.

Room atang chuan inzui chhuak in thil awmdan kimchang ka zawt a "tunah khan Arnaldo'n min lo be zo chiah a, awmpui pakhat in alo luhtir ani awm a, guard te an chawlh lai ania, big boss room ah an luh chilh a, tunah an hreng mek, i kal dawn em?" room lam melh zeuh paha atih chuan ka rilru a buai ru angreng.


Hetu tawpa Clara kalsan hi ka duhlo, a lehlam ah ka pa alo awm bawk si nen, ani awmlo se Clara hian treatment ala thei kher dawn silo, thuthluk na siam a har takzet!

Rei fe ka inngaihtuah hnuah kal turin ka rilru ka siam a "hetah awm la Clara hi lo veng rawh, ka kal hnuah an lo bei thut thei cheu a, in ring rengin lo awm ang che u" tia ka chah hnuah helicopter in kan thlawk haw a.


Ka rilru chu Mahattan ah bak a awmlo, kan tum fel hnu chuan ka pa mansion lam kan pan nghal a, a ruk chuan kan lut thei hauhlo ang le!

Ka pa mansion kan thlen chuan pawnah guard thenkhat an lo awm a, an inrin loh lai changin kan bei a, silai hmanglo a kan chingfel thei chu a tha khawp mai.

Mansion chhung luh dawn erawh in a hmanloh theih ta lo, silai kan kap puak thuai thuai a, a chhung kan lut chu ruang alo let pheng phung mai, inchung chhoh na bulah Falcone chuan ka pa lu ah silai alo tin a, alo nui sawng mai bawk.


"Rothstein i pa hi dam tura ila duh anih chuan i silai kha paih rawh" alo ti a, a hmel chu en a nui chungin ka lu ka thing a, a silai chu a load ri zeuh a, ka pa lu ah chuan na deuh zawk hian a tin a "ka thusawi chu zawm mai rawh, a nihloh chuan i hmuh lai ngei in i pa hi ka that ang" ati leh a, chu zawng atih ka phallo.


Ka pa nunna chu keimah ngei in ka la ang, amah vangin Clara'n treatment ala tih mai mai chu chhuanlam ani, ka tan engmah a nilo.


Ka silai chu leiah ka paih thla a "hma taka i pa i chan tur hi pawi ka tihpui khawp mai che, Rothstein i thih ni ah chuan nangmah thlah nawn tur che in ka lo kal ngei dawn nia" tia ka pa a biak lai chuan ka kawr hnung a ka chemte pai chu ka khawih zeuh a.


"Maurice eng thil emaw ti ta che" tia ka pa aw khur dar dar pawh chu ka hrelo der hmak, chemte pahnih ka nei a, mi pariat vel bawr an ni a, ka chemte ka khawh veleh ka silai chhar nan second khat chauh ka mamawh, ka indan na tur phen ka sir lawk ah a awm bawk a, ka tih tur chu rang taka ka tih angai ang.


Falcone rawn hawi leh chiah chu ka chemte la chhuak in a chalah tak ka vawm bur a, silai a puak thuai bawk, ka silai ka chhar lai chuan silai mu a leng suau suau tawh, ka sir a dawhkan ka lamah chuan ka tlan phei a, a theih ang ang ka kap ve nghal a.


Tam an nilo bawk a, thah rem nan hun kan mamawh reilo, ka hawikual a hlauhawm a awm tawhloh hnuah ka pa lamah ka kal phei a, a bulah chuan Falcone chu a chal a chemte bur vu chungin alo mu meng kuau a, ka nui suk.

A dula ka chhir hrep hnuah ka pa bulah ka thu hniam a, a pum atanga thisen lo chhuak chu alo hup bet ve tang tang a, eng emaw hi a sawi a, a zawih em avangin ka kun hniam a "ambulance ko rawh, damdawiin ah min hruai rawh" a sawi zawng pawh chuan a ka atangin thisen a chhuak reng.


Ka hnunga ka nau te ding lam chu hawiin "lo va chhuak rawh u, ka pa hian pasaltha thih a thih a duh" ka ti sap a, an lu an buk zeuh hnuah an chhuak zui a "nang mi tenawm pa,,, i pa hi ka thi tep anih hi phatsantu tenawm,,, kha i hmeichhia kha ka lo khawih chhe lo kha a pawi ngawt mai" thihna ko tlang a a ding chung pawn a rilru tenawm chu ala ngai reng.


Ka nui suk a, a pum silai a an kahna chu ka hmeh sak a, na atu ngang mai a then chawk chawk a, thawm pawh a chhuah thei tawhlo, a leng but but a, keiin chu chu hmuhnawm ti em em in ka lo thlir thung "mangtha le ka pa" ka tih hnuah ka thawh san a, Falcone lu a ka chemte chu la in ka pa pum ah chuan ka vit bur a, mansion chu ka chhuahsan nghal.


🖤

a thui ti ru?? Nizanah storyfb ah ka dah theilo a, mahse whatsapp group a awm ho chuan an chhiar tho,,, group a awmlo chu in vanduai ani mai😂


ADS HI I CLICK VE NGAI EM?? 👇 ads click dan i hriat loh chuan comment lamah lo sawi la, kan inpuih dawn nia aw hmeltha ho


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)